, ,DPAL RDO RJE RNAM PAR 'JOMS PA LA PHYAG 'TSAL LO, ,DBANG PO NYAMS PA GSO BAR BYED PA'I LAS KYI BYE BRAG NI, DANG PO MIG GI NAD LAS GROL BAR 'DOD PA'I SGRUB PA PO DAM TSIG DANG LDAN PAS, KHRUS KYI CHO GNAS JI LTAR 'BYUNG BA'I KHRUS BYAS TE, GOS GSAR PA GYON PA DANG SMYUNG BAR GNAS PA LA SOGS PA BYAS NAS KHRUS LAN BRGYA RTZA BRGYAD BYAS TE, DE NAS BDAG NYID LHA'I RNAL 'BYOR DU BYAS LA, BDAG NYID KYI SNYING GA'I SA BON LAS GZUNGS KYI LHA DPAG TU MED PA SGROS TE, 'PHAGS PA MCHOD LA SEMS CAN GYI DON BYA PA LA SOGS PA SANGS RGYAS KYI MDZAD PA MA LUS PAR BYAS NAS BDAG GI MIG LA THIM PAS, SANGS RGYAS KYI SPYAN DRI MA MED PA THOB CING YONGS SU DAG PAR MKHYEN PA THAMS CAD YONGS SU RDZOGS PAR DMIGS SHING, AUTPAL SNGON PO DANG SKYER KHAndA LA SNYING PO RGYAS BSDUS KYI SNGAGS CI RIGS PAR BZLAS SHING BYUG GO, ,TSAG PA LA NI SPANGS MA LA BZLAS SHING BYUG GO, ,RAB RIB CAN RNAMS LA NI AA RU RA'I KHU BA LA BSNGAGS TE BYUG GO, ,LING THOG CAN RNAMS LA MTSAL DANG CONG ZHI'I KHU BA LA BSNGAGS LA BYUG GO, ,SHA MDZER DANG ZUG CHE BA RNAMS LA KA RA DANG MI'I 'O MA LA BZLAS LA BYUG GO, ,DE LTAR BYAS PAS GDON DANG NAD GANG YIN PA YANG ZHI BAR NGES SO, ,MIG GI DBANG PO NYAMS PA GSO BA'I CHO GA GSAL BA'I SNANG BA ZHES BYA BA, SLOB DPON YE SHES RDO RJES
, ,MDZAD PA RDZOGS SO,,