, ,DPAL RDO RJE RNAM PAR 'JOMS PA LA PHYAG 'TSAL LO, ,DPAL BSKYED PAR 'DOD PA'I SGRUB PA PO DAM TSIG DANG LDAN PAS, DPA' BO GCIG PA'I DKYIL 'KHOR BZHENGS LA, BUM PA KHA DOG DKAR POR BYAS LA MTSAL LAM SIN DH'U RA'I MTSAN MAS BTAB LA, RDO RJE RNAM 'JOMS RANG YANG KHA DOG DKAR POR BSGOM, GNAS KHANG GI NANG THAMS CAD KYANG DKAR POR BYAS LA, DAR DKAR PO'I YOL BA BYA, DE NAS BUM PA'I NANG DU BAm LAS YE SHES KYI MTSO, ,DE LAS 'OD 'PHROS PAS BAm DKAR PO YONGS SU GYUR PA LAS, PADMA'I SNYING PO DKAR PO DANG SER PO'I TSOGS DPAG TU MED PA 'PHRO BA, DE'I STENG DU NYI MA DANG ZLA BA DE GNYIS KYI BAR DU A'A LI DANG K'A LI G-YAS SKOR DANG G-YON SKOR GYI BAR NAS SNGAGS RNAMS KYI RANG SGRA DE'I 'OD LA H'Um, RDO RJE RNAM 'JOMS DE LA DZA:SA DGUG ,BAm GYIS GZHUG ,H'Um GIS BCING, HO:SA DGYES SHING MNYES PAR BYAS, ,YE SHES SEMS DPA'I THUGS KA'I NYI ZLA'I BAR GYI YI GE'I PHRENG BA GNYIS PO LA DMIGS LA SNGAGS BZLAS SO, ,DE NAS BUM PA 'OD KYIS MER GSAL BA
LA BLO GZHAG PAS SGRA LA GNAS PA'I BSAM GTAN, DE NAS DMIGS PA GSUM RANG DAG PA NI DGRA MTHA' DAG GI BSAM GTAN, DE LTAR RDZOGS PA LA DMIGS NAS SNGAGS RDZOGS PA'I TSE BUD MED BU 'DOD PA STE, ZHAG GCIG GAM ZHAG GSUM SMYUNG BAR GNAS PAR BYAS LA, GOS GSAR PA BYIN LA KHRUS NAS BTON LA SEMS BSKYED PA LA SOGS PA BYAS LA, DKYIL 'KHOR DU BCUG LA DBANG BSKUR LA DE'I RJES LA RGYAS PA'I SBYIN SREG BRGYA RTZA BRGYAD BYAS LA SRUNG SKUD GDAGS SO, ,DE LTAR BYAS NA DPAL NGES PAR BSKYED DO, ,DPAL SKYED PA BKRA SHIS SKYED PA, NYI MA'I 'OD CES BYA BA DPAL KUN GYIS NI BRGYAN PA'I MTHA', SLOB DPON YE SHES RDO RJES MDZAD PA RDZOGS SO,,