301 · GMLW-002126

The Sutra of the Revelation (Abhiniṣkramaṇa Sūtra)

MNGON PAR 'BYUNG BA'I MDO

נושאי-מדףSubjects:

MDO MANGCollection of Sutras (Sūtra)$$

נושאיםTopics:the BuddhaRenunciationthe Four TruthsCyclic LifeEnlightenmentHeapsKarmaNirvanaSuffering

נמצא בfound inCollection of Sutras (Sūtra)$$

מספר טוהוקוTohoku numberToh 301 · Sutra

מהדורהrecensionDerge

כותרת בסנסקריטSanskrit titleAA BHI NI shKRA MA nA S'U TRA

כניעה לhomage toDKON MCHOG GSUM

הפנדיטה ההודיIndian panditaA'A TZARYA DHARMA SHR'I BHA DRA

הלוצאווה הטיבטיTibetan lotsawaDGE SLONG RIN CHEN BZANG POS

פוליוfolios1b–193a

צורהformprose

מצב תרגוםtranslationno English of the text

גשה מייקל לימד אותו בGeshe Michael taught it inDiamond Cutter Classics

כיסוי המילון לכותרתdictionary coverage of the title100%

ז'אנרgenreRoot Texta sutra — the word of the Buddha

אנשים ומקומותpeople and places namedDharmashribhadra · Rinchen Zangpothe colophon names the Indian master Dharmashribhadra and the chief editor-translator the monk Rinchen Zangpo

רמת קושיlevelentry

הכותרת אומתה מול הטקסטtitle verified against the textyesSanskrit and Tibetan title lines both match the filename

הקבציםThe files

KL00301_MNGON PAR 'BYUNG BA'I MDO_The Sutra of the Revelation (Abhiniṣkramaṇa Sūtra).txt/10. MDO MANG_Collection of Sutras (Sūtra)$$/VOL 26 (LA)

הטקסטThe text

טיבטיתTibetanKL00301_MNGON PAR 'BYUNG BA'I MDO_The Sutra of the Revelation (Abhiniṣkramaṇa Sūtra).txt461,129 תוויםcharacters

, ,RGYA GAR SKAD DU, AA BHI NI shKRA MA nA S'U TRA, BOD SKAD DU, MNGON PAR 'BYUNG BA'I MDO, DKON MCHOG GSUM LA PHYAG 'TSAL LO, ,GANG ZHIG NYID KYI DBU NI RIN CHEN 'OD LDAN DANG, ,BTZUN MO PADMA KHA BYE MA RNYIS MDANGS LDAN PAS, ,SLONG BA DGA' MDZAD SANGS RGYAS GO 'PHANG BRNYES GYUR CING, ,CHOS RNAMS STON MDZAD ZHI

, ,BA DE LA PHYAG 'TSAL LO, ,GANG ZHIG RNYED PAS NGAN 'GRO'I 'JIGS LAS 'DAS GYUR CING; ;SRID PA'I 'CHING BA THAMS CAD ZAD BYED ZHIR GYUR LA, ,SDUG BSNGAL MTHA' MED 'KHOR BA'I RGYA MTSO LAS BRGAL BA'I, ,ZAM PA GCIG PU BDE GSHEGS CHOS LA PHYAG 'TSAL LO, ,GANG LA YON TAN PHUL BYUNG LA GNAS SBYIN PA'I GNAS, ,MCHOD PA CUNG ZAD BYAS KYANG RGYA CHE NYID 'GYUR BA, ,BDE BAR GSHEGS PAS RAB BSNGAGS GANG ZAG MCHOG BRGYAD KYIS, ,RAB BRGYAN 'PHAGS PA'I DGE 'DUN DE LA PHYAG 'TSAL

LO; ;THUB GSUNG RNAM PAR BRTAGS NA DAD PA MI SKYED PA'AM, ,PHAN PA MI 'BYUNG GANG DE CI YANG YOD MIN LA, ,TSIG BTU BA DANG 'DZIN PA'I NUS DANG RNAM BRAL BA, ,RNAM PAR G-YENGS PHYIR 'BRAS STZOL 'DI BDAG NYUNG ZAD CIG ,JI LTAR PADMA KHA BYE'I DBUS GNAS BUNG BA NI, ,'KHOR ZHING PADMA LA NI CUNG ZAD GSOG PAR BYED, ,DE BZHIN THUB PA'I ZHAL GYI PADMA'I TSAL NANG NAS, , RANG YID RAB TU DGA' BYED CUNG ZAD BSDU BAR BYA, ,THUB PA'I GSUNG NI MA LUS SHIN TU RTOGS DKA' BA, ,DAD LDAN MI LA NYIN RE'ANG RGYAS PAR NYER 'GRO STE, ,RNAM PAR DPYAD NA TSIGS BCAD PHYED MTHA'ANG MI DPOGS NA, ,RIN CHEN MDO BRGYA BSDU BA 'DI NI SMOS CI DGOS, ,PHYOGS SGO RNAMS SU SNYAN DANG GRAGS PA'I SNANG BAS KHYAB, ,RAB GSAL ZHES BYAS YI BDAG POR GYUR PA NA, ,

, ,BSOD NAMS STOBS KYIS DGRA LAS RGYAL BAS RGYAL PHRAN GYIS, ,BTUD PAS NOR BU'I COD PAN 'OD KYIS ZHAL GTZANG BYAS; ;GLANG PO'I DBANG PO RGYAGS 'KHRIG 'DOD CHAGS KYIS CHAGS PA, ,'PHRAL DU BCOS PA'I THABS MED NYON MONGS SKABS GYUR LA, ,GZIGS NAS 'GRO BA'I CHAGS SOGS NYES PA ZHI BZHED PAS, ,THUGS BRTAN THUB DBANG GYUR PAR DES NI SMON LAM BTAB, ,DE NAS BRTZAMS TE SBYIN DANG TSUL KHRIMS BZOD PA DANG, ,BRTZON 'GRUS BSAM GTAN MI G-YO BLO GROS RNON PO RNAMS, ,NYID BDE'I LTOS MED SHIN TU YUN RING YANG DAG SPEL; ;'GRO LA PHAN PHYIR SHIN TU DKA' BA BRGYA PHRAG MDZAD, ,THUGS RJE CHER LDAN DRANG SRONG MCHOG 'DI TSE GZHAN DU, ,NYID KYIS 'GRO PHAN DON MDZAD MI SKYO JI SNYED DE, ,BRJOD PA 'DI NA SH'A RI'I BUS KYANG MI NUS NA'ANG, ,GANG DAG PHYIR NI CUNG ZAD YONGS SU BRJOD PAR BYA, ,STAG MO

SHI BI'I GLANG PO SPRE'U DKA' THUB DBANG, ,TSANGS SOGS SKU TSE BRGYA PHRAG DU MAR DGE MDZAD NAS, ,DON KUN SGRUB BRTZON BDAG NYID CHEN PO TSE GCIG THOGS, ,BYANG CHUB SEMS DPA' DGA' LDAN GNAS SU SKYE BA BZHES, ,DER BZHUGS NAS NI 'GRO BA KUN LA LEGS GZIGS NAS, ,SKYABS MED G-YO ZHING PHONGS PA DU MAS YONGS KHYAB LA, ,THUGS RJE CHEN POS THUGS NI SPRO BA BSKYED GYUR TE, ,GZHAN GYI DON MDZAD THUGS DAM NYID KYI RGYUD DGONGS GYUR, ,DE BAS 'DI NI JI LTAR MI YUL NYER GSHEGS TE, ,SKYE DANG RGA SHI NA BA'I 'JIGS PA GZIGS NAS NI, ,RAB BYUNG BLO GROS NGES MDZAD BYANG CHUB YANG DAG BRNYES, ,DE BZHIN CHOS STON MDZAD PA BSHAD KYI MNYAN PAR GYIS, ,DE NAS DGA' LDAN GYI GNAS NA BZHUGS PA'I BYANG CHUB SEMS DPA' BSKAL PA MANG POR BSOD NAMS DANG, YE SHES KYI TSOGS DPAG TU MED PA RNAM PA DU MAR NYE BAR BSAGS PAS BYANG CHUB KYI TSOGS YONGS SU RDZOGS PAR MDZAD PA, NYON MONGS PA'I CHU BO STOBS DANG LDAN PAS SHIN TU CHOD PA RNAMS LA THUGS RJES YONGS SU BSKUL BA, GZHAN GYI DON MDZAD PA'I PHYIR RTAG TU BRTZON PAR MDZAD PA DE THUGS LA DGONGS PA 'DI LTA BU MNGON SUM DU MDZAD DE, GANG NGAS SKYE BA MANG POR YONGS SU 'KHOR BA NA RANG GI SHA DANG, KHRAG DANG, MGO DANG, MIG DANG, BU DANG, CHUNG MA RNAMS GTONG BA

, ,DANG; SHIN TU GTONG BAS YONGS SU BTANG BA DANG, DKA' BA'I TSUL KHRIMS LA GNAS PA DANG, GZHAN GYIS SBYAR BA'I BSNYEN BKUR MA YIN PA SNA TSOGS PA BZOD PAR BYAS PA DANG, RTAG TU LHOD PA MED PA'I SPRO BA DANG, 'BRAS BU DANG BCAS PA'I TING NGE 'DZIN GYI BDE BA LA MA CHAGS PA DANG, YOD PA DANG, MED PA'I DON LA RNAM PAR DPYOD PA DANG LDAN PAS GZHAN GYI DON LA BRTZON PA'I BLO GROS KYIS SHIN TU MI BZAD PA'I SDUG BSNGAL GYI TSOR BA RNAM PA MANG POS SEMS LA GDUNGS PA'I SDUG PHONGS PA'I SROG CHAGS RNAMS LA MCHOG TU SNYING RJE BSKYED NAS BYAMS PA'I STOBS DANG, ZLA 'OD DANG, SHI BI DANG, GLANG PO DANG, THAMS CAD SGROL DANG, BZOD PAR SMRA BA DANG, SPRE'U'I BDAG PO DANG, MIG BZANG DANG; SMAN CHEN PO LA SOGS PA SKYES PA'I RABS STONG PHRAG SNYED DU SMON LAM BYAS SHING BSAGS PA, AE MA'O, ,KYE MA BDAG GIS 'JIG RTEN LONG BA 'DREN PA MED PA, YONGS SU 'DREN PA MED PA, CHOS MA YIN PA 'DOD CHAGS KYIS DBANG DU 'GRO BA, LOG PA'I CHOS KYIS YONGS SU KHYAB PA, SEMS LA MI BZAD PA'I CHAGS PAS ZIL GYIS NON PA, KHRO BA MANG BA, LTA BA NGAN PA'I TSANG TSING GIS RNAM PAR BRLAG PA, PHRAG DOG DANG, SER SNAS KUN TU BCINGS PA, LEGS PAR SPYOD PA LA 'JUG PA LA RGYAB KYIS PHYOGS SHING NYES

PAR SPYOD PA LA KUN TU GZHOL BAR GYUR PA RNAMS LA BDAG SANGS RGYAS SU GYUR NAS SEMS CAN MA BRGAL BA RNAMS NI BSGRAL BAR BYA'O, ,MA GROL BA RNAMS NI DGROL BAR BYA'O, , DBUGS MA PHYIN PA RNAMS NI DBUGS DBYUNG BAR BYA'O, ,YONGS SU MYA NGAN LAS MA 'DAS PA RNAMS NI YONGS SU MYA NGAN LAS BZLA BAR BYA'O ZHES NGAS YUN RING DU MNGON PAR 'DOD PA YIN NA, DE NI DON DE BYA BA'I DUS LA BAB PA YIN GYI, MA LA, BDAG GIS 'JIG RTEN GYI GNAS SKABS CI ZHIG YIN PA BLTAS NA GDUL BAR NUS SO, ,GDUL BAR NUS SO, ,ZHES DE LTAR RNAM PAR DGONGS NAS 'JIG RTEN 'DI DAG THAMS CAD LA GZIGS PA 'JUG STE, SU NI 'GRIB, SU NI DGE BA'I CHOS RNAMS KYIS 'PHEL, SU NI GNOD PAR GYUR, SU NI NYAM THAG PAR GYUR; SU NI SDUG BSNGAL BAR GYUR, GANG LA NI NGAS MA 'JIGS SHIG ,MA 'JIGS SHIG ,CES MI 'JIGS PA SBYIN PAS DBUGS BCUNG [?] BAR BYA, SU NI NGAN SONG LA GZHOL, SU NI NGAN SONG LA 'BAB, SU NI NGAN SONG LA BAB, SU NI NGAS NGAN SONG LAS BTON TE, MTHO RIS DANG, THAR BA'I 'BRAS BU LA GZHAG PAR BYA, SU NI 'DOD PA'I 'DAM DU BYING BA LA LAG NAS DRANG BAR BYA, SU NI 'PHAGS PA'I NOR DANG BRAL BA RNAMS LA 'PHAGS PA'I NOR GYI DBANG PHYUG GI BDAG PO LA GZHAG PAR BYA, GANG GI DGE BA'I RTZA BA MA BSKYED PA DAG NI BSKYED

, ,PAR BYA, GANG GI DGE BA'I RTZA BA BSKYED PA DAG NI YONGS SU SMIN PAR BYA, GANG GI YONGS SU SMIN PA RNAMS NI RNAM PAR GROL BAR BYA ZHES YE SHES KYI GZIGS PA 'JUG PAR MDZAD PA NA SROG CHAGS BRGYA STONG DPAG TU MED PA LA LA NI DGE BA'I RTZA BA MA BSKYED PA BSKYED PAR 'OS PA DANG, LA LA DGE BA'I RTZA BA MA SMIN PA YONGS SU SMIN PAR NUS PA DANG; LA LA DGE BA'I RTZA BA YONGS SU SMIN PA BDE 'GROR 'GRO BAR GZHOL BA DANG, LA LA 'BRAS BU DANG PO THOB PAR GZHOL BA DANG, LA LA LAN GCIG PHYIR 'ONG BA'I 'BRAS BU DANG, PHYIR MI 'ONG BA DANG, DGRA BCOM PA NYID DANG, RANG BYANG CHUB 'THOB PAR GZHOL BA DANG, LA LA BLA NA MED PA YANG DAG PAR RDZOGS PA'I BYANG CHUB PA'I SKAL BA DANG LDAN PA DANG, LA LA NI SNGON GYI SMON LAM RNAMS NYE BAR BSAGS PAS RKYEN LA RAGS LAS PA GANG ZHIG MA THOS PAS DAM PA'I CHOS LAS YONGS SU NYAMS PAR GYUR PAR GZIGS SO, ,GZIGS NAS KYANG 'DI SNYAM DU DGONGS TE, KYE MA'O, ,BDAG GIS YUN RING PO NAS YANG DAG PAR RTOGS PA RDZOGS PAR GYUR CING NGA'I NGAL BA 'BRAS BU DANG BCAS PAR GYUR TO ZHES DGYES SHING NGAS BYA BA NI BYAS SO, ,NGAS KHUR BSKUR BAR DKA' BA NI MTHAR PHYIN TE, GANG NGA'I YONGS SU DAG PA'I RGYUD DANG LDAN PA'I ZHING DU GYUR CING GDUL BYA'I SKYE BO RNAMS YUN RING POR

MI THOGS PAR PADMA'I TSAL YONGS SU SMIN CING KHA BYE LA MA REG PA'I NYI MA SHAR BAS RGYAS PAR 'GYUR BA LTA BUR GYUR GYI PHYI BSHOL MI BYA'O, ,'DIR GNAS BZHIN DU'ANG DNGOS PO THAMS CAD RDZOGS PAR BYA BAR NUS PA MA YIN PAS NA GZHES PA'I DUS NI MA YIN GYI, MA LA, BDAG MI'I 'JIG RTEN DU SONG LA, DER PHYIN NAS BRTZON 'GRUS KYI GROGS DANG, DE BZHIN GSHEGS PA'I BLA NA MED PA'I YE SHES RTOGS PAR BYAS TE, 'DI RNAMS SKAL BA JI LTA BA BZHIN DU 'DI RNAMS KYI DGE BA'I RTZA BA BSKYED CING YONGS SU SMIN LA RNAM PAR GROL BAR BYA ZHING, SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA'I SDUG BSNGAL GYI RGYA MTSOR LTUNG BA, SKYABS MED PA, YONGS SU SKYOB PA MED PA'I SROG CHAGS RNAMS DAM PA'I CHOS BSTAN PA'I LAG PA BRKYANG BAS GDON PAR BYA'O, ,THOG MA MED PA'I DUS NAS RJES SU 'BREL BA'I 'DOD CHAGS DANG, ZHE SDANG DANG, GTI MUG GI MES KUN TU GDUNGS PA RNAMS LA 'PHAGS PA'I LAM YAN LAG BRGYAD PA'I CHU'I RGYUN BLUGS PAS SDUG BSNGAL MA LUS PA BSAL BAR BYA'O ZHES DE LTA BU'I THUGS LA DGONGS PA NGES PAR BSKYED NAS, DZAMBU'I GLING DU 'JUG PAR MDZAD PA NA RIGS DANG, YUL DANG, DUS DANG, RGYUD DANG, BUD MED DE, GZIGS PA RNAM PA LNGAS GZIGS PAR MDZAD DO, ,BYANG CHUB SEMS DPA' RNAMS RGYU

, ,GANG GIS RIGS LA GZIGS PAR MDZAD CE NA, BYANG CHUB SEMS DPA' DGA' LDAN GYI GNAS NA BZHUGS PA NA 'DI SNYAM DU DGONGS TE, BYANG CHUB SEMS DPA' RNAMS RIGS JI LTA BU ZHIG TU NYING MTSAMS SBYOR BA LEN SNYAM NA, BRAM ZE'I RIGS SAM, RGYAL RIGS SU YIN LA, DE LA RES 'GA' NI BRAM ZE'I RIGS BTZUN PAR BKUR, RES 'GA' NI RGYAL RIGS TE, DA LTA NA NI RGYAL RIGS BTZUN PAR BKUR BAR GZIGS NAS, MA LA, BDAG LA GZHAN DAG BYANG CHUB SEMS DPAS RIGS NGAN PAR NYING MTSAMS SBYOR BA BLANGS SO ZHES GZHI 'DIS KHA ZER BAR MI 'GYUR BAR BDAG GIS RGYAL RIGS SU NYING MTSAMS SBYOR BA BLANG BAR BYA'O SNYAM MO, ,'DI LTAR BYANG CHUB SEMS DPAS THOG MA MED PA'I DUS NAS SMAD PAR MI 'GYUR BA'I LAS BYAS SHING BSAGS PA DANG, SANGS RGYAS BCOM LDAN 'DAS RNAMS NI CHOS BSHAD PA 'BRAS BU MED PA MA YIN PAS RGYU 'DIS NA BYANG CHUB SEMS DPA' RNAMS RIGS LA GZIGS PAR MDZAD DO, ,BYANG CHUB SEMS DPA' RNAMS RGYU GANG GIS YUL LA GZIGS PAR MDZAD CE NA, BYANG CHUB SEMS DPA' DGA' LDAN GYI GNAS NA BZHUGS PA NI 'DI SNYAM DU DGONGS TE, BYANG CHUB SEMS DPA' YUL JI LTA BA ZHIG TU NYING MTSAMS SBYOR BA LEN SNYAM NA, 'BRAS DANG, BU RAM SHING DANG, BA LANG DANG, MA

HE PHUN SUM TSOGS PA, SLONG MO BA BRGYA 'DU BA, MTHA' 'KHOB KYI SKYE BO MED PA, DBUS PA'I SKYE BO GNAS PA, GANG DU SKYE BO GCIG BTUL BAS SKYE BO'I TSOGS CHEN PO 'DUL BAR 'GYUR BA'I YUL GANG YIN PA GZIGS SO, ,DE NAS BYANG CHUB SEMS DPA' 'DI SNYAM DU DGONGS TE, DBUS KYI YUL 'DI NI BU RAM SHING GI PHRENG BA DANG, 'BRAS DANG, BA LANG DANG, MA HE PHUN SUM TSOGS PA, SLONG MO BA BRGYA 'DU BA, MTHA' 'KHOB KYI SKYE BO MED PA, DBUS PA'I SKYE BO GNAS PA, GANG DU SKYE BO GCIG BTUL BAS SKYE BO'I TSOGS CHEN PO BTUL BAR 'GYUR BA YIN GYI, MA LA, BDAG LA GZHAN DAG BYANG CHUB SEMS DPAS YUL MTHA' 'KHOB RNAMS SU NYING MTSAMS SBYOR BA BLANGS SO ZHES GZHI 'DIS KHA ZER BAR MI 'GYUR BAR BDAG GIS YUL DBUS SU NYING MTSAMS SBYOR BA BLANG BAR BYA'O SNYAM MO, ,'DI LTAR BYANG CHUB SEMS DPAS THOG MA MED PA'I DUS NAS SMAD PAR MI 'GYUR BA'I LAS BYAS SHING BSAGS PA DANG, SANGS RGYAS BCOM LDAN 'DAS RNAMS NI CHOS BSHAD PA 'BRAS BU MED PA MA YIN PAS RGYU 'DIS NA BYANG CHUB SEMS DPA' YUL LA GZIGS PAR MDZAD DO, ,BYANG CHUB SEMS DPA' RNAMS RGYU GANG GIS NA DUS LA GZIGS PAR MDZAD CE NA, BYANG CHUB SEMS DPA' DGA' LDAN GYI GNAS NA BZHUGS PA NI 'DI SNYAM DU DGONGS TE, BYANG CHUB SEMS DPA' RNAMS DUS JI LTA BU ZHIG TU DZAMBU'I GLING DU NYING

, ,MTSAMS SBYOR BA LEN SNYAM NA, SKYE DGU'I TSE LO YAR SKYE BA NA BRGYAD KHRI THUB PA YAN CHAD NYING MTSAMS SBYOR BA MI LEN LA, MI RNAMS KYI TSE LO MAR 'GRIB PA NA BRGYA THUB PA MAN CHAD NYING MTSAMS SBYOR BA MI LEN NO, ,BYANG CHUB SEMS DPA' RGYU GANG GIS MI RNAMS KYI TSE LO BRGYAD KHRI THUB PA YAN CHAD NYING MTSAMS SBYOR BA LEN PAR MI MDZAD CE NA, MI RNAMS KYI TSE LO BRGYAD KHRI THUB PA NA YID 'BYUNG BAR DKA' ZHING SKYO BAR BYA BAR DKA' LA BLUN ZHING DBANG PO RTUL BA DANG, BAG MED CING, BDE BA MANG BAS BDEN PA RNAMS KYI SNOD DU MI 'GYUR BA'I PHYIR RO, ,MAR 'GRIB PA LO BRGYA MAN CHAD DU'ANG SNYIGS MA LNGA PO 'DI LTA STE, TSE'I SNYIGS MA DANG, NYON MONGS PA'I SNYIGS MA DANG, SEMS CAN GYI SNYIGS MA DANG, LTA BA'I SNYIGS MA DANG, DUS KYI SNYIGS MA SHAS CHE BA YIN PAS BDAG LA GZHAN DAG BYANG CHUB SEMS DPAS SNYIGS MA LNGA SHAS CHE BA'I DUS SU NYING MTSAMS SBYOR BA BLANGS SO ZHES GZHI 'DIS KHA ZER BAR MI 'GYUR RO SNYAM MO, ,'DI LTAR BYANG CHUB SEMS DPAS THOG MA MED PA'I DUS NAS SMAD PAR MI 'GYUR BA'I LAS BYAS SHING BSAGS PA DANG, SANGS RGYAS BCOM LDAN 'DAS RNAMS NI CHOS BSHAD PA 'BRAS BU MED PA MA YIN PAS RGYU 'DIS NA BYANG CHUB SEMS DPA' RNAMS DUS LA GZIGS

PA YIN NO, ,BYANG CHUB SEMS DPA' RNAMS RGYU GANG GIS RGYUD MA GZIGS PAR MDZAD CE NA, BYANG CHUB SEMS DPA' DGA' LDAN GYI GNAS NA BZHUGS PA NA 'DI SNYAM DU DGONGS TE, BYANG CHUB SEMS DPA' RNAMS RGYUD CI 'DRA BA ZHIG TU NYING MTSAMS SBYOR BA LEN SNYAM NA, RIGS GANG ZHIG BTZUN PAR BKUR ZHING MA MES DANG, PHA MES ZUNG BDUN GYI BAR DU SPYOD PA LA SKYON MED PAR GZIGS NAS, DE 'DI SNYAM DU DGONGS TE SH'AKYA'I RIGS RGYUD 'DI NI BTZUN PAR BKUR BA YIN ZHING MANG POS BKUR BA NAS BZUNG STE SPYOD PA SKYON MED PA YIN GYI, MA LA, BDAG LA GZHAN DAG BYANG CHUB SEMS DPAS RGYUD NGAN PA LAS NYING MTSAMS SBYOR BA BLANGS SO ZHES GZHI 'DIS KHA ZER BAR MI 'GYUR BAR BDAG GIS RGYAL PO ZAS GTZANG MA'I RGYUD DU NYING MTSAMS SBYOR BA BLANG NGO SNYAM MO, ,'DI LTAR BYANG CHUB SEMS DPA' THOG MA MED PA'I DUS NAS SMAD PAR MI 'GYUR BA'I LAS BYAS SHING BSAGS PA DANG, SANGS RGYAS BCOM LDAN 'DAS RNAMS NI CHOS BSHAD PA 'BRAS BU MED PA MA YIN PAS RGYU 'DIS NA BYANG CHUB SEMS DPA' RGYUD LA GZIGS PAR MDZAD DO, ,BYANG CHUB SEMS DPA' RNAMS RGYU GANG GIS BUD MED LA GZIGS PAR MDZAD CE NA, BYANG CHUB SEMS DPA' DGA' LDAN GYI GNAS NA BZHUGS PA NA 'DI SNYAM DU DGONGS TE, BYANG CHUB SEMS DPA' RNAMS BUD MED CI 'DRA BA ZHIG GI RUM DU NYING MTSAMS

, ,SBYOR BA LEN SNYAM NA DE 'DI SNYAM DU DGONGS TE, BUD MED GANG ZHIG GZUGS BZANG MO DANG LDAN PA, RIGS DANG LDAN PA, RIGS 'PHEL BAR 'GYUR BA, KHRO BAG CAN MA YIN PA, PHRA MA CAN MA YIN PA, NGAG RTZUB PA MA YIN PA, DAD PA DANG LDAN PA, RANG BZHIN BZANG BA, BSAM PA DGE BA, RGYUD PHUN SUM TSOGS PA, RIGS MTHO BA, NYE DU'I RIGS DANG LDAN PA, SHES RAB PHUN SUM TSOGS PA, GTONG BA PHUN SUM TSOGS PA, MTSAN NYID MI G-YO BA, RANG BZHIN BRTAN LA RGOD BAG CAN MA YIN PA, KHENGS PA MED PA, BYAMS PA'I SEMS DANG LDAN PA, SDUG CING YID DU 'ONG BA, 'JIG RTEN THAMS CAD LA CHOS DANG LDAN PA, BUD MED THAMS CAD KYI MCHOG TU GYUR PA, SNGON GYI SANGS RGYAS RNAMS LA AE MA'O BDAG SANGS RGYAS KYI YUM DU GYUR CIG CES SMON LAM BTAB PA DANG, BYANG CHUB SEMS DPA' ZLA BA BCU RUM DU 'DZIN NUS PA DANG, RANG GI DON YANG NYAMS PAR MI BYED PA YIN PAR GZIGS SO; ;DE NAS BYANG CHUB SEMS DPA' 'DI SNYAM DU DGONGS TE, SGYU 'PHRUL CHEN MO 'DI NI MA MES DANG, PHA MES ZUNG BDUN GYI BAR DU SPYOD PA LA SKYON MED CING GZUGS DANG LDAN PA DANG, RIGS DANG LDAN PA DANG, TSUL DANG LDAN ZHES BYA BA NAS BUD MED THAMS CAD KYI MCHOG TU GYUR CES BYA BA'I BAR GONG MA BZHIN TE, KHRO BAG CAN MA YIN PA DANG, RIGS 'PHEL

BAR 'GYUR BA DANG, BYANG CHUB SEMS DPA' RUM DU ZLA BA BCUR 'DZIN NUS PA DANG, RANG GI DON YANG MI NYAMS PA YIN LA, 'DI LTAR SGYU 'PHRUL CHEN MOS SNGON SANGS RGYAS RNAMS LA, KYE MA; BDAG SANGS RGYAS KYI YUM DU GYUR CIG CES SMON LAM BTAB PA'ANG YIN PAS BDAG LA GZHAN DAG BYANG CHUB SEMS DPA' MTSAN NGAN PA DANG LDAN PA'I BUD MED KYI RUM DU NYING MTSAMS SBYOR BA BLANGS SO ZHES KHA ZER BAR MI 'GYUR RO SNYAM MO, ,'DI LTAR BYANG CHUB SEMS DPAS SMAD PAR MI 'GYUR BA'I LAS BYAS SHING BSAGS PA DANG, SANGS RGYAS BCOM LDAN 'DAS RNAMS NI CHOS BSHAD PA 'BRAS BU MED PA MA YIN PAS RGYU 'DIS NA BYANG CHUB SEMS DPA' BUD MED RNAMS LA GZIGS PAR MDZAD DO, ,DE NAS BYANG CHUB SEMS DPA' GZIGS PA LNGAS GZIGS NAS DGA' LDAN NA SPYOD PA'I LHA'I RIS RNAMS LA GSUNGS PA, GROGS PO DAG ,SHES PAR GYIS SHIG ,NGA DZAMBU'I GLING DU BABS NAS YUL DBUS SU NYING MTSAMS SBYOR BA LEN GYI, KHYED CAG LAS GANG DAG BDUD RTZI DON DU NYE BAR PHAL CHER YUL DBUS KYI GRONG KHYER CHEN PO DRUG PO, 'DI LTA STE, MNYAN YOD DANG, S'A KE TA DANG, YANGS PA CAN DANG, TZAM PA DANG, RGYAL PO'I KHAB DANG, W'A RA n'A SIR NYING MTSAMS SBYOR BA LONG ZHIG ,DE SKAD CES BKA' STZAL PA DANG, DGA' LDAN OGYI RIS KYI LHA RNAMS KYIS BYANG CHUB SEMS DPA' LA

, ,'DI SKAD CES GSOL TO, ,BYANG CHUB SEMS DPA', MKHYEN PAR MDZOD CIG ,DE LTAR 'JIG RTEN NI SDIG PAS GOS PA, SKYE DGU NI MA RUNGS PA'I BSAM PA CAN, DZAMBU'I GLING NA RTOG GE BA DRUG DANG, RJES SU SGROGS PA DRUG DANG, SNYOMS PAR 'JUG PA DRUG GIS DKRUG PA LAGS SO, ,DE LA RTOG GE BA DRUG GANG ZHE NA, 'DI LTA STE, 'OD SRUNG RDZOGS BYED DANG, KUN TU RGYU GNAG LHAS KYI BU DANG, SMRA 'DON GYI BU MO'I BU YANG DAG RGYAL BA CAN DANG, MI PHAM SKRA'I LAB CAN DANG, K'A TY'A'I BU NOG CAN DANG, GCER BU PA GNYEN GYI BU'O, , RJES SU SGROGS PA DRUG GANG ZHE NA, 'DI LTA STE, BRAM ZE SGYUS RGAL DANG, BRAM ZE RNAS RDEG DANG, BRAM ZE BZANG LDAN DANG, BRAM ZE TSANGS PA'I TSE DANG, BRAM ZE PADMA'I SNYING PO DANG, BRAM ZE DMAR PO'O, ,SNYOMS PAR 'JUG PA DRUG GANG ZHE NA, 'DI LTA STE, RANGS BYED KYI BU LHAG SPYOD DANG, SGYU RTZAL SHES KYI BU RING 'PHUR DANG, KUN TU RGYU RAB BZANG DANG, BRAM ZE'I KHYE'U KUN RGYAL DANG, DRANG SRONG NYON MONGS MED PA DANG, LTENG RGYAS 'OD SRUNG RAL BA CAN NO, ,'DIR NI CHOS MNYAN PA'I SLAD DU BYANG CHUB SEMS DPA' KHYED KYI GDAN DPAG TSAD BCU GNYIS PA BSHAM PA BGYI ZHING BDAG CAG 'DI SNYAM DU BDAG CAG LA DGA' LDAN GYI GNAS NA BYANG CHUB SEMS DPA' BZHUGS PAS CHOS BSHAD DE, CHOS DE BDAG CAG GIS THOS NAS CI NAS

KYANG BDAG CAG YUN RING PO'I DON DANG, SMAN PA DANG, BDE BAR 'GYUR BA DE LTA DER LTAR BSGRUB PAR BGYID PAR SEMS LAGS SO, ,DE SKAD CES GSOL PA DANG, BYANG CHUB SEMS DPA' DGA' LDAN GYI LHA RNAMS LA 'DI SKAD CES GSUNGS SO, ,GROGS PO DAG, DE'I PHYIR ROL MO'I CHA SPYAD THAMS CAD BRDUNGS SHIG, DGA' LDAN GYI RIS KYI LHA RNAMS KYIS ROL MO'I CHA SPYAD THAMS CAD BRDUNGS PA DANG, BYANG CHUB SEMS DPAS KYANG DUNG BUS TE GSUNGS PA, GROGS PO DAG ,'DI LA LHAG PAR SGRA GANG CHE, BCOM LDAN 'DAS, DUNG GI SGRA LAGS SO, ,GROGS PO DAG, JI LTAR DUNG GI SGRAS ROL MO'I CHA SPYAD THAMS CAD ZIL GYIS MNAN TE GNAS PA DE BZHIN DU NGAS KYANG DZAMBU'I GLING DU SONG LA RTOG GE PA DRUG DANG, RJES SU SGROGS PA DRUG DANG, SNYOMS PAR 'JUG PA DRUG ZIL GYIS MNAN NAS BDUD RTZI RTOGS PAR BYA STE, BDUD RTZIS 'GRO BA TSIM PAR BYA'O, ,MI RTAG PA'I DUNG BUD PAR BYA'O, ,STONG PA NYID KYI RNGA BRDUNG BAR BYA'O, ,BDAG MED PA'I SENG GE'I SGRA BSGRAG PAR BYA'O, ,ZHES GSUNGS NAS TSIGS SU BCAD DE YANG GSUNGS PA, SENG GE GCIG GIS GCAN ZAN TSOGS NI DU MA 'JOMS, ,RDO RJE GCIG GIS BRAG GI RTZE MO DU MA 'JIG ,BRGYA BYIN GCIG GIS LHA MA YIN DBANG DU MA 'JOMS, ,NYI MA GCIG GIS MUN PA DU MA RNAM PAR SEL, ,GROGS PO DAG ,KHYED CAG LAS GANG BDUD RTZI DON DU GNYER BA DE YUL

10a

, ,DBUS KYI GRONG KHYER CHEN PO DRUG TU NYING MTSAMS SBYOR BA LONG ZHIG, DE NAS LHA RNAMS KYI DBANG PO BRGYA BYIN 'DI SNYAM DU SEMS TE, BYANG CHUB SEMS DPA' 'DI NI BTZUN MO SGYU 'PHRUL CHEN MO'I LHUMS SU NYING MTSAMS SBYOR BA LEN PAR BZHED KYI, MA LA, DE LA BDAG GIS GZI BRJID BSGRUB PAR BYA, LHUMS KYANG SBYANG BAR BYA'O SNYAM NAS LHA RNAMS KYI DBANG PO BRGYA BYIN GYIS BTZUN MO SGYU 'PHRUL CHEN MO LA GZI BRJID BSGRUBS SHING, LHUMS KYANG GTZANG MAR BYAS SO, ,DE NAS BYANG CHUB SEMS DPA' DGA' LDAN GYI GNAS NA BZHUGS PA RIGS DANG, YUL DANG, DUS DANG, RGYUD DANG, BUD MED LA GZIGS PA STE, GZIGS PA LNGAS GZIGS NAS NAM GYI GUNG LA GLANG PO CHER BSTAN TE DGA' LDAN GYI LHA'I RIS NAS 'PHOS NAS YUM GYI LHUMS SU ZHUGS SO, ,GANG GI TSE BYANG CHUB SEMS DPA' DGA' LDAN GYI LHA'I RIS NAS SHI 'PHOS TE YUM GYI LHUMS SU ZHUGS PA DE'I TSE SA CHEN PO 'DI SHIN TU G-YOS PAR GYUR, 'JIG RTEN 'DI THAMS CAD SNANG BA RGYA CHEN POS GSAL BAR GYUR CING 'JIG RTEN NA 'JIG RTEN GYI BAR GYI MUN PA MUN GNAG SMAG TU GYUR PA, GANG DU NYI MA DANG, ZLA BA 'DI LTAR RDZU 'PHRUL CHE BA, 'DI LTAR MTHU CHE BA DAG GIS KYANG 'OD KYIS SNANG BAR MI NUS PA DE DAG KYANG DE'I TSE SNANG BA CHEN POS GSAL BAR GYUR TO, ,DER SEMS

10b

CAN GANG DAG SKYES PA DE DAG RANG GI LAG PA BRKYANG BA MI MTHONG BA LAS, DE RNAMS SNANG BA DES GCIG GIS GCIG MTHONG NAS, SHES LDAN DAG ,SEMS CAN GZHAN YANG 'DIR SKYES SO, , SHES LDAN DAG, SEMS CAN GZHAN YANG 'DIR SKYES SO ZHES BYA BAR SHES SO, ,JI LTAR SPRIN NI RGYA CHEN LEGS 'DUS PA, ,CHU MANG BSAGS PA RLUNG GIS BSKYOD PA LTAR, ,DE BZHIN BLO LDAN DE NI LHUMS 'JUG PA, ,STON KA'I SPRIN RUM ZLA RGYAS JI BZHIN NO, ,GANG TSE RTZAL LDAN MNYAM MED NYER GSHEGS LA, ,DE TSE 'JIG RTEN SO SO'I GLING BAR NA, ,MUN GYIS KHEBS BSAL PHYOGS KUN SHIN TU NI, ,GSAL SNANG BYUNG GYUR 'DI 'DIR CHOS NYID DO, ,GANG GI TSE BYANG CHUB SEMS DPA' DGA' LDAN GYI LHA'I RIS NAS 'PHOS TE YUM GYI LHUMS SU ZHUGS PAR MDZAD PA DE NYID KYI MTSAN MO BTZUN MO SGYU 'PHRUL CHEN MOS RMI LAM BZHI MTHONG STE, GLANG PO CHE'I PHRU GU DKAR PO ZHIG BDAG GI RUM G-YAS PA DRAL NAS ZHUGS PA DANG, STENG GI NAM MKHA' LA SKYIL MO KRUNG GIS 'CHAG PA DANG, SENG GE'I GDAN LA 'DUG NAS SKYE BO'I TSOGS CHEN PO LA CHOS STON PA DANG, LHA DANG, LHA MA YIN DU BCAS PA'I 'JIG RTEN BDAG LA PHYAG BYED PA'O, ,RGYAL PO ZAS GTZANG MAS BTZUN MO LAS DE THOS PA DANG, MTSAN MKHAN RNAMS LA RMI LAM 'DI JI LTAR STON PA YIN DRIS PA DANG, DE RNAMS KYIS SMRAS PA, LHA, MKHYEN PAR MDZOD CIG ,GANG BTZUN

11a

, ,MOS RMI LAM DU MTHONG BA GLANG PO CHE'I PHRU GU DKAR PO ZHIG BDAG GI RUM G-YAS PA DRAL NAS ZHUGS PA ZHES BYA BA'I 'KHOR LOS BSGYUR BA'I SRAS BLTAM PAR 'GYUR RO, ,STENG GI NAM MKHA' LA 'CHAG GO ZHES BYA BA NI RDZU 'PHRUL CHE BA DANG, MTHU CHE BAR 'GYUR RO, ,SENG GE'I GDAN LA 'DUG STE CHOS STON TO ZHES BYA BA NI DE'ANG SENG GE'I GDAN LA BZHUGS TE 'KHOR BZHI LA CHOS STON PAR 'GYUR RO, ,LHA DANG, LHA MA YIN DU BCAS PA'I 'JIG RTEN BDAG LA PHYAG BYED DO ZHES BYA BA NAS, GAL TE DE RAB TU BYUNG BAR GYUR NA LHA DANG; LHA MA YIN DU BCAS PA'I 'JIG RTEN GYIS MCHOD CING RJED LA MNGON PAR BSTOD PAR 'GYUR RO, ,CHOS NYID KYIS GANG GI TSE BYANG CHUB SEMS DPA' DGA' LDAN GYI LHA'I RIS NAS 'PHOS TE YUM GYI LHUMS NA ZHUGS PA DE'I TSE, LHA RNAMS KYI DBANG PO BRGYA BYIN GYIS DE LA MI'AM, MI MA YIN PA SUS KYANG 'TSE BAR MI 'GYUR BAR LHA'I BU BZHI YUM GYI SRUNG MAR 'JOG PA NI, LAG NA RAL GRI DANG, LAG NA MDUNG DANG, LAG NA MDUNG THUNG DANG, LAG NA MDA' BO CHE'O, ,DE LA 'DI SKAD CES BYA STE, LHA MCHOG BZHI LA BRGYA BYIN GYIS SMRAS PA,, KHYED RNAMS SONG LA LHA MI RNAMS KYI NI, ,SHIN TU MCHOG GYUR YUM DE JI LTAR SU'ANG, ,GNOD MI BYED PAR GUS PAS YONGS SU SRUNGS, ,DE RNAMS SHIN TU 'BAD BYAS DGA'

11b

PA DANG, ,BRGYA BYIN LUNG NI SPYI BOS MNOS NAS SU, ,RNAM KUN MDA' MDUNG RAL GRI LAG NA THOGS, ,BYANG CHUB SEMS DPA'I YUM NI SRUNG BAR BYED, ,G-YUL DU RGYAL GYUR LHA BZHIS SPAS PA DANG, ,DE NI NYIN MTSAN SNA TSOGS RGYAN 'CHANG ZHING, ,LHA MO RANG KHYIM NANG NAS RNAM ROL PA, ,DGA' BA'I TSAL NA SPYOD PA LTA BUR SPYOD, ,DE NAS DUS GZHAN ZHIG NA BTZUN MO SGYU 'PHRUL CHEN MO 'DI LTA BU'I 'DOD PA SKYES TE, KYE MA'O, ,LHA, BTZON THAMS CAD THAR BAR BGYI'O, ,RGYAL PO ZAS GTZANG MAS KYANG BTZUN MO'I TSIG MNYAN NAS BTZON THAMS CAD THAR BAR BYAS SO, ,DE NAS DUS GZHAN ZHIG NA BTZUN MO 'DOD PA SKYES PA, KYE MA'O, ,LHAS GRONG KHYER GYI SHAR PHYOGS KYI DBUS SU DMAN PA DANG, LONG PA DANG, BKREN PA DANG, SDUG PHONGS PA DANG; SLONG MO BA RNAMS LA SBYIN PA BYIN LA BSOD NAMS DAG BYAS PA DANG, LHO DANG, NUB DANG, BYANG DANG, SUM MDO'I DBUS SU DMAN PA DANG, LONG BA DANG, BKREN PA DANG, SDUG PHONGS PA DANG, SLONG MO PA RNAMS LA SBYIN PA BYIN, BSOD NAMS NI BGYI'O, ,DE NAS RGYAL PO ZAS GTZANG GIS BTZUN MO'I TSIG MNYAN NAS GRONG KHYER GYI SHAR PHYOGS SU DMAN PA DANG, LONG BA DANG, BKREN PA DANG, SDUG PHONGS PA DANG, SLONG MO PA RNAMS LA JI LTAR MNGON PAR 'DOD PA DANG, JI LTAR BSLANGS PA BZHIN DU SBYIN PA NI BYIN, BSOD NAMS NI BYAS PA DANG,

12a

, ,DE BZHIN DU LHO DANG, NUB DANG, BYANG DANG, SUM MDO'I DBUS SU DMAN PA DANG, LONG BA DANG, BKREN PA DANG, SDUG PHONGS PA DANG, SLONG MO PA RNAMS GANG MNGON PAR 'DOD PA DANG, JI LTAR BSLANGS PA BZHIN DU SBYIN PA NI BYIN, BSOD NAMS NI BYAS SO, ,GANG GI TSE BYANG CHUB SEMS DPA' SH'AKYA THUB PA DGA' LDAN GYI LHA'I RIS NAS 'PHOS TE YUM GYI LHUMS NA BZHUGS PA NA MDZOD KYI NANG DU RDZAS BZHAG PA BZHIN DU MNGAL GYI DRI MA DANG, SHA MA'I DRI MA DANG, KHRAG GI DRI MA DANG, MI GTZANG BA GANG YANG RUNG BA SNA TSOGS KYIS MA SBAGS SO, ,DPER NA, NOR BU RIN PO CHE KA SHI'I RAS KYIS MI GOS PA DANG, KA SHI'I RAS KYANG NOR BU RIN PO CHES MI GOS PA DE BZHIN DU GANG GIS TSE BYANG CHUB SEMS DPA' YUM GYI LHUMS NA BZHUGS PA NA MDZOD KYI NANG DU RDZAS BZHAG PA BZHIN DU MNGAL GYI DRI MA DANG, SHA MA'I DRI MA DANG, KHRAG GI DRI MA DANG, MI GTZANG BA GANG YANG RUNG BA SNA TSOGS KYIS MA SBAGS SO, ,JI LTAR NOR BU TSON SHEL 'OD GSAL DANG, ,RAB GTZANG KA SHI'I RAS KYANG GOS PA MED, ,DE BZHIN THUB CHEN LHUMS NA BZHUGS PA NA,, MNGAL GYI DRI MA CIS KYANG GOS PA MED, ,GANG GI TSE BYANG CHUB SEMS DPA' DGA' LDAN GYI LHA'I RIS NAS 'PHOS NAS YUM GYI LHUMS NA BZHUGS PA DE'I TSE YUM GYI LHUMS NA

12b

DE THAMS CAD YONGS SU RDZOGS PAS BZHUGS PA MTHONG NGO, ,DPER NA, NOR BU BEE d'URYA ZUR BRGYAD PA BZANG PO, RIGS DANG LDAN PA, DANG BA, GSAL BA, DRI MA MED PA, TSON SKUD SNA LNGA SNGON PO DANG, SER PO DANG, DMAR PO DANG, DKAR PO DANG, LEB RGAN LA BRGYUS LA DE SKYES BU MIG DANG LDAN PAS MTHONG NA 'DI NI SKUD PA'O, ,'DI NI NOR BU'O, ,SKUD PA 'DI LA NOR BU BRGYUS PA YIN NO ZHES SHES PA DE BZHIN DU, GANG GI TSE BYANG CHUB SEMS DPA' SH'AKYA THUB PA DGA' LDAN GYI GNAS NAS 'PHOS TE YUM GYI LHUMS NA BZHUGS PA DE'I TSE, DE'I YUM GYI LHUMS NA RNAM PA THAMS CAD YONGS SU RDZOGS PAR LHUMS KYI NANG NA BZHUGS PA MTHONG NGO, ,JI LTAR DRI MED NOR BU BEE d'URYA, ,'OD GSAL LAG PAR BZHAG PA SNANG BLTAR,, DE BZHIN THUB CHEN YUM GYI LHUMS BZHUGS PA, ,SHES SHING SEMS DPAS YUM NI YANG DAG LTA, ,CHOS NYID KYIS GANG GI TSE BYANG CHUB SEMS DPA' SH'AKYA THUB PA DGA' LDAN NAS 'PHOS NAS YUM GYI LHUMS NA BZHUGS PA DE'I TSE, DE'I YUM 'DI LTA STE, BYANG CHUB SEMS DPA' 'DZIN PAS LUS NGAL BA'AM, LUS DUB PAR 'GYUR BA MED DO, ,LAS KYI RNAM SMIN ZAD PAS MTHO RIS 'PHOS, ,GANG TSE 'DI NI LHUMS ZHUGS BZHUGS PA NA, ,DE'I YUM NGAL BAS 'DZIN PAR MI BYED PAR, ,DE TSE GYUR PA 'DIR DE CHOS NYID DO, ,CHOS NYID KYIS

13a

, ,GANG GI TSE BYANG CHUB SEMS DPA' SH'AKYA THUB PA DGA' LDAN GYI GNAS NA 'PHOS NAS YUM GYI LHUMS NA BZHUGS PA DE'I TSE YUM DA PHAN CHAD JI SRID 'TSO'I BAR DU BRTUL ZHUGS LNGA'I GZHI BLANGS PAR GYUR TE, JI SRID 'TSO'I BAR DU SROG GCOD PA SPANGS TE SROG GCOD PA LAS SLAR LDOG GO ,MA BYIN PAR LEN PA DANG, MI TSANGS PA SPYOD PA DANG; BRDZUN DU SMRA BA DANG, 'BRU'I CHANG DANG, SBYAR BA'I CHANG MYOS PAR 'GYUR BA BAG MED PA'I GNAS SPANGS TE, 'BRU'I CHANG DANG, SBYAR BA'I CHANG MYOS PAR 'GYUR BA BAG MED PA'I GNAS LAS SLAR LDOG PAR BYED DO, ,SROG MI GCOD DANG MA BYIN MI LEN DANG, ,RDZUN MI SMRA DANG CHANG LA MI BRKAM DANG, ,'KHRIG PA'I MI TSANGS SPYOD PA SPONG BA 'DI, ,'DI NI DON GRUB YUM GYI CHOS NYID YIN, ,CHOS NYID KYIS GANG GI TSE BYANG CHUB SEMS DPA' SH'AKYA THUB PA DGA' LDAN GYI GNAS NAS 'PHOS NAS YUM GYI LHUMS NA BZHUGS PA DE'I TSE YUM 'DI LTA STE; SKYES PA RNAMS LA 'DOD PA DANG LDAN PA'I YID GTOD PA MED DO, ,NYON MONGS RNAMS LA CHAGS PAR MI 'GYUR ZHING, ,DE NI 'DOD RGYUS SEMS GDUNGS MI 'GYUR LA, ,DE YUM 'DOD PA'I YON TAN LDAN PA YI, ,SKYES PA RNAMS LA SEMS NI GTONG PA MED, ,DE NAS DUS GZHAN ZHIG NA BTZUN MO SGYU 'PHRUL CHEN MO 'DOD PA SKYES PA, KYE MA, BDAG GIS

13b

RGYA MTSO CHEN PO BZHI'I CHU BTUNG NGO SNYAM NAS DES RGYAL PO ZAS GTZANG LA SMRAS PA DANG, RGYAL PO ZAS GTZANG GIS MTSAN MKHAN RNAMS LA SMRAS PA, CI'I PHYIR BTZUN MO 'DI LTA BU'I 'DOD PA SKYES, MTSAN MKHAN RNAMS KYIS, LHA, BTZUN MO LA SRAS SKYES BU CHEN PO'I MTSAN SUM CU RTZA GNYIS KYI SKU BRGYAN PA ZHIG BLTAM PAR 'GYUR TE, DE RAB TU BYUNG NAS SHES BYA'I RGYA MTSO MTHA' DAG 'THUNG BAR 'GYUR RO ZHES LUNG BSTAN TO, ,RGYAL PO ZAS GTZANG GIS SMRAS PA, GAL TE 'DI LA MTSO CHEN PO'I CHU MA BLUD NA CIR 'GYUR, DE RNAMS KYIS SMRAS PA, SRAS YAN LAG MA TSANG BA ZHIG BTZAS PAR 'GYUR RO, ,RGYAL POS SMRAS PA, NGA'I MING ZAS GTZANG ZHES BYA BA'I BU YAN LAG MA TSANG BAR BYA'AM, DE'I TSE GRONG KHYER SER SKYA'I GZHI NA KUN TU RGYU MIG DMAR ZHES BYA BA MIG 'PHRUL LA BYANG BA ZHIG 'DUG PA DE RGYAL POS BKUG NAS RGYA MTSO CHEN PO LAS CHU MYUR BAR KHUG CIG CES BSGO BA DANG, DES DE NYID NA 'DUG BZHIN DU RGYA MTSO CHEN PO BZHI'I CHU DRANGS TE DE RNAMS LA BTZUN MO 'THUNG DU BCUG PA DANG, DE'I 'DOD PA SKYES PA GANG YIN PA DE DANG BRAL BAR GYUR TO, ,DE NAS DUS GZHAN ZHIG NA BTZUN MO SGYU 'PHRUL CHEN MO TSUL 'DI LTA BU'I 'DOD PA SKYES TE, KYE MA'O, ,BDAG LUS LUM BI N'I'I TSAL DU ZHUGS LA SHING GI RTZAR YAL GA'I MTHAR 'DUG PAR BYA'O SNYAM MO, ,DE NAS

14a

, ,RGYAL PO ZAS GTZANG MAS BTZUN MO SGYU 'PHRUL CHEN MO TSUL DE LTA BU'I 'DOD PA SKYES PAR RIG NAS, RIN PO CHE SNA BZHI LAS BYAS PA'I KHYOGS BSHAMS TE GLANG PO'I TSOGS DANG, RTA'I TSOGS DANG, SHING RTA'I TSOGS DANG, DPUNG BU CHUNG GI TSOGS TE DPUNG GI TSOGS YAN LAG BZHI PA GO BSKON NAS SKYE BO'I TSOGS CHEN POS YONGS SU BSKOR TE; BTZUN MO SGYU 'PHRUL CHEN MO DANG LHAN CIG TU CHAS NAS LUM BI N'I'I TSAL DU PHYIN TO, ,DE NAS BTZUN MO SGYU 'PHRUL CHEN MOS LUM BI N'I'I TSAL MTHONG BA NA SEMS RTZE GCIG PAR GYUR PA DANG, DE KHYOGS LAS BABS TE, SHING MYA NGAN 'TSANG ME TOG YANG DAG PAR RGYAS PA MTHONG BAS DGA' BA DANG, YID BDE BA SKYES TE, DE DER SONG NAS ME TOG DANG, 'DAB MA'I G-YUR GYIS DUD PA'I YAN LAG LA 'JUS TE, BUD MED RGAN PAS BSKOR NAS GNAS SO, ,DE NAS LHA RNAMS KYI DBANG PO BRGYA BYIN 'DI SNYAM DU SEMS TE, BTZUN MO SGYU 'PHRUL CHEN MO SRAS BLTAM PAR NYE BAR GNAS KYI, MA LA, BDAG GIS BYANG CHUB SEMS DPA' DE DANG PO BLTAM PA NA BLANG BAR BYA'O, ,DE NAS YANG BSAMS PA, BTZUN MO SGYU 'PHRUL CHEN MO NI NGO TSA SHES PA DANG LDAN PA YIN PAS BDAG GI MDUN DU BLTAM MI PHOD KYI THABS SHIG BSHAM PAR BYA'O SNYAM NAS LHA'I DBANG PO BRGYA BYIN BUD MED RGAN MO

14b

ZHIG GI CHA BYAD DU SPRUL TE, DES GANG GIS BUD MED RGAN MO DE RNAMS PHYOGS BCUR 'BROS PAR 'GYUR BA DE LTA BU'I RLUNG DANG CHAR DRAG PO ZHIG SPRUL NAS DE RNAMS BROS PA DANG, BDAG NYID MA MA RGAN MO'I CHA BYAD DU MNGON PAR SPRUL NAS BTZUN MO SGYU 'PHRUL CHEN MO'I MDUN DU 'JUG GO ,CHOS NYID KYIS BYANG CHUB SEMS DPA' NI MKHYEN BZHIN DU YUM GYI LHUMS SU 'JUG PA DANG, MKHYEN BZHIN DU GNAS PA DANG, MKHYEN BZHIN DU 'BYUNG BA YIN NO, ,DE NAS BYANG CHUB SEMS DPA' DE 'DI SNYAM DU DGONGS TE, GANG BDAG SKYES BU THA MAL PA BZHIN DU MNGAL GYI SGO NAS 'BYUNG BA NI TSUL DANG MTHUN PA MA YIN GYI, MA LA, BDAG GIS YUM GYI DKU G-YAS PA BRTOL LA 'BYUNG BAR BYA'O ZHES DE NAS BYANG CHUB SEMS DPA' YUM GYI DKU G-YAS PA BRTOL TE BYUNG BA DANG, LHA'I DBANG PO BRGYA BYIN GYIS LAG PA GNYIS KYIS BLANGS PA DANG, BYANG CHUB SEMS DPA' 'DI SNYAM DU DGONGS TE, BRGYA BYIN 'DI BDAG GIS BYANG CHUB SEMS DPA' 'DI BLANGS SO ZHES DREGS PA SKYE BAR 'GYUR BAR MKHYEN NAS NGO BO NYID KYI RDO RJE'I SNYING PO CAN GYI SKUR BYIN GYIS BRLABS TE LHUMS SU NI YUM 'DZIN PAS NYON MONGS PAR MA GYUR CIG SNYAM DU DGONGS NAS YANG BAR MDZAD DE BZHUGS PA YIN NO, ,DE NAS LHA'I DBANG PO BRGYA BYIN GYIS 'DZIN PAR MA NUS PA DANG 'DAR BAR GYUR TO, ,BYANG

15a

, ,CHUB SEMS DPAS BKA' STZAL PA, KO'U SHI KA THONG, THONG, DE SKAD CES BKA' STZAL PA DANG, LHA'I DBANG PO BRGYA BYIN GYIS BYANG CHUB SEMS DPA' SA LA BZHAG GO ,BZHAG PA TZAM GYI MOD LA SUS KYANG MA BZUNG BAR PHYOGS BZHIR GZIGS NAS GOM PA BDUN BDUN POR ZHING TSIG TU YANG GSUNG PA, KOO SHI KA ,PHYOGS 'DI GANG YIN BYANG CHUB SEMS DPA', SHAR PHYOGS LAGS SO, ,BYANG CHUB SEMS DPAS BKA' STZAL PA, KOO SHI KA ,SEMS CAN THAMS CAD KYI SNGON DU 'GRO BAR BYA'O, ,PHYOGS 'DI GANG YIN, LHO PHYOGS LAGS SO, ,'GRO BA THAMS CAD KYI YON GNAS SU GYUR PAR BYA'O, ,PHYOGS 'DI GANG YIN, BYANG PHYOGS LAGS SO, ,SRID PA'I RGYA MTSO LAS BRGAL BAR BYA'O, ,PHYOGS 'DI GANG YIN; NUB PHYOGS LAGS SO, ,NGA'I SKYE BA THA MA NI 'DI YIN PAR 'GYUR RO, ,SKYE 'CHI MTHAR BYED DE NI BLTAMS PA NA, ,SA LA GOM PA BDUN NI BZHUD NAS SU, ,'DI NGA'I SKYE BA THA MAR GYUR YIN ZHES, ,'JIG RTEN GSUM GYI BLA MA GCIG PUS GSUNGS, ,CHOS NYID KYIS BYANG CHUB SEMS DPA' SH'AKYA THUB PA YUM GYI LHUMS NAS BYUNG BA'I DE'I TSE SA CHEN PO 'DI SHIN TU G-YOS PAR GYUR, 'JIG RTEN 'DI THAMS CAD SNANG BA RGYA CHEN POS GSAL BAR GYUR CING, 'JIG RTEN NA 'JIG RTEN GYI BAR GYI MUN PA MUN GNAG SMAG TU GYUR PA GANG DU NYI MA DANG,

15b

SLAR 'DI LTAR RDZU 'PHRUL CHE BA, 'DI LTAR MTHU CHE BA DAG GIS KYANG 'OD KYIS SNANG BAR MI NUS PA DE DAG KYANG DE'I TSE SNANG BA CHEN POS GSAL BAR GYUR TO, ,DER SEMS CAN GANG DAG SKYES PA DE DAG RANG GI LAG PA BRKYANG PA'ANG MI MTHONG BA LAS DE RNAMS SNANG BA DES SEMS CAN GCIG GIS GCIG MTHONG NAS, SHES LDAN DAG ,SEMS CAN GZHAN YANG 'DIR SKYES SO, ,SHES LDAN DAG ,SEMS CAN GZHAN YANG 'DIR SKYES SO ZHES BYA BAR SHES SO, ,GANG CHE RNAM 'DREN BLTAMS PAR GYUR PA NA, ,DE TSE SA NI RIR BCAS SHIN TU G-YOS, ,GANG GIS 'JIG RTEN PAR YANG SKAD CIG GIS, ,SNANG BYED 'OD GSAL DE YANG BYUNG BAR GYUR, ,DE NAS RGYAL PO ZAS GTZANG MAS SA G-YOS PA CHEN PO DANG, SNANG BA RGYA CHEN PO MTHONG BA DANG, BYANG CHUB SEMS DPA' LA BSKOR BA BYAS TE ZHABS GNYIS LA PHYAG BYAS NAS 'DI SKAD CES SMRAS SO, ,'DI LTA BU'I RDZU 'PHRUL CHE BA DANG, MTHU CHE BA'I BU SKYES PA NI BDAG GIS RNYED PA LEGS PAR RNYED DO, ,CHOS NYID KYIS GANG GIS TSE BYANG CHUB SEMS DPA' SH'AKYA THUB PA YUM GYI LHUMS NA BLTAMS PA NA RAL GRI SHUGS NAS PHYUNG BA BZHIN DU MNGAL GYI DRI MA DANG, SHA MA'I DRI MA DANG, KHRAG GI DRI MA DANG, MI GTZANG BA GZHAN DANG GZHAN SNA TSOGS KYIS MA GOS SO, ,JI LTAR 'OD GSAL TSON SHEL BZANG PO DANG, ,KA SHI RAS GTZANG PHAN TSUN GOS MI 'GYUR, ,DE BZHIN THUB DE

16a

, ,LHUMS NAS BYUNG BA NA, ,GSER SBYANGS ME CHEN NANG NAS BTON PA 'DRA, ,CHOS NYID KYIS BYANG CHUB SEMS DPA' SH'AKYA THUB PA YUM GYI LHUMS NAS BLTAMS PA DE'I TSE DE'I YUM MI 'DUG ,MI NYAL TE, 'GRENG BZHIN DU RGYAL RIGS MA DES RGYAL RIGS BLTAM PAR BYED DO, ,DE NI MI 'DUG NYAL BA'ANG MA YIN TE, YAN LAG LNGA LDAN TSUL KHRIMS KYIS BRGYAN PAS, ,DE NI 'GRENG BZHIN SHIN TU DGE BA YI, ,GZHON NU DE 'DIR BRGYA BYIN DAG GIS BLANGS, ,CHOS NYID KYIS GANG GI TSE BYANG CHUB SEMS DPA' SH'AKYA THUB PA YUM GYI LHUMS NAS BLTAMS PA DE'I TSE DE'I DBU'I STENG NAS LHA RNAMS GDUGS DKAR PO NOR BU'I YU BA CAN DAG 'DZIN TO, ,DRI MED ZLA BA'I DKYIL 'KHOR 'OD 'DRA'I GDUGS, ,LHA YI GTZO BOS DBU YI STENG NAS 'DZIN, ,GDUB 'KHROL 'OD ZER GYIS 'BAR LAG PA DANG, ,RNGA YAB BZANG GIS 'DI LA G-YOB PAR BYED, ,CHOS NYID KYIS GANG GI TSE BYANG CHUB SEMS DPA' SH'AKYA THUB PA BLTAMS PA'I MOD LA BAR SNANG LAS CHU BSIL BA GCIG DANG, CHU DRON MO GCIG STE, CHU GNYIS KYI RGYUN SPYI GTZUG GI STENG DU 'BAB CING DES BYANG CHUB SEMS DPA' KHRUS MDZAD DO; ;DRI MED RAB DAG BSIL DANG DE BZHIN DRO'I, ,CHU YIS RKANG GNYIS GTZO BO KHRUS MDZAD DE, ,RIGS RGYUD GANG DU BYANG CHUB SEMS DPA' 'KHRUNGS, ,KLU RNAMS DE LA'ANG MCHOD

16b

PA BYED PAR GYUR, ,CHOS NYID KYIS BYANG CHUB SEMS DPA' BLTAMS PA'I MOD LA BSKRUN PA'I YUM GYI MDUN DU CHU MIG CHEN PO BYUNG NAS 'BABS PAR GYUR TE DE LA DE'I YUM KHRUS CHU'I BYA BA BYED DO, ,RKANG GNYIS GTZO BO GZHON NU BLTAMS PA NA, ,LHA DE RNAMS NI SHIN TU YID DGA' BAS, ,DER NI CHU BZANG PHYUNG BAR GYUR PA LA, ,DE YUM DER NI CHU YIS BYA BA BYED, ,LHA YI ROL MO SHIN TU SGRA SNYAN RNAMS, ,SHIN TU DGA' BA MCHOG TU RDUNG BAR BYED, ,DE RNAMS GOS DANG PHRENG BA 'THOR BYED CING, ,GZHAN NGAG RAB TU 'DUD CING DE BZHIN BSTOD, ,CHOS NYID KYIS BYANG CHUB SEMS DPA' BLTAMS PA'I MOD LA LHAS PAR SNANG LAS LHA'I AUTPAL DANG, PADMA DANG, KU MU DA DANG, PADMA DKAR PO DANG, AA GA RU'I PHYE MA DANG, RGYA SPOS KYI PHYE MA DANG, TZANDAN GYI PHYE MA DANG, TA MA LA'I 'DAB MAS 'THOR RO, ,LHA'I ME TOG MAND'A RA BAS KYANG 'THOR RO, ,LHA'I SIL SNYAN RNAMS KYANG SGRA 'BYIN TO, ,GOS DAG KYANG 'THOR BAR BYED DO, ,MKHAS PAS BTUD PA'I SANGS RGYAS BLTAMS PA NA, ,DRI ZHIM DRI MCHOG CHAR NI PHAB PA DANG, ,DE DANG DES NA RANG SPOBS TSUL MTHUN PA'I, ,RAB DGA'I SEMS KYIS BSTOD PA RJOD PAR BYED, , 'DIS NI BYANG CHUB MCHOG DAG THOB 'GYUR ZHING, ,SDUG BSNGAL ZAD PA'I 'GRO PHAN MDZAD GYUR LA, ,'GRO BA MI SHES RAB RIB MIG LDONGS LA, ,SMAN PA MCHOG 'DI MIG NI RAB STZOL

17a

, ,'GYUR, ,'DI NI RMONGS PAS MIG KHEBS LONG BA YI, ,'GRO BA'I SGRON MA CHEN PO NYID DU 'GYUR, ,LTA NGAN GYIS BRLAGS LOG PA'I LAM ZHUGS LA, ,MA 'TSOL DRANG BA'I LAM NI STON PAR 'GYUR, ,NGAN 'GRO'I LAM NI MA LUS 'GOG 'GYUR ZHING, ,LHA YI GNAS KYI SA NI 'BYED 'GYUR ZHES, ,'OG MIN PAR NA GNAS PA'I LHA RNAMS NI, ,LHA YI GNAS SU YANG YANG SGROG PAR BYED, ,GANG GI TSE BYANG CHUB SEMS DPA' SH'AKYA THUB PA BLTAMS PA DE NYID KYI TSE MNYAN YOD DU RTZIBS KYIS 'PHUR TSANGS BYIN BU BTZAS PA NA TSANGS BYIN 'DI SNYAM DU SEMS TE, BDAG GI BU BTZAS PA NA YUL GSAL BA GSAL BA BZHIN DU SNANG BAS DE BAS NA 'DI'I MING GSAL RGYAL ZHES BYA BAR GDAGS SO ZHES BTAGS SO; ;RGYAL PO'I KHAB KYI GRONG KHYER NA RGYAL PO PADMA CHEN PO BU BTZAS PA NA PADMA CHEN PO 'DI SNYAM DU SEMS TE, BDAG GI BU BTZAS PA NA 'JIG RTEN NYI MA'I GZUGS SHAR BA LTAR SNANG ZHING GZUGS CAN MA'I BU YIN PAS 'DI'I MING GZUGS CAN SNYING PO ZHES BYA BAR GDAGS SO ZHES BTAGS SO, ,KO'U SHAM BI NA RGYAL PO DMAG BRGYA BA BU BTZAS PA NA DMAG BRGYA BA 'DI SNYAM DU SEMS TE, BDAG GI BU BTZAS PA NA 'JIG RTEN NYI MA SHAR BA LTAR SNANG BAR GYUR PAS 'DI'I MING SHAR BA ZHES BYA BAR GDAGS SO ZHES BTAGS SO, ,

17b

GRONG KHYER 'PHAGS RGYAL DU RGYAL PO MU KHYUD MTHA' YAS BU BTZAS PA NA DE 'DI SNYAM DU SEMS TE, BDAG GI BU BTZAS PA NA 'JIG RTEN SGRON MAS SNANG BA LTA BUR GYUR PAS 'DI'I MING RAB SNANG ZHES BYA BAR GDAGS SO ZHES BTAGS TE, DE NI DE LTA MA YIN NO, ,'ON KYANG DE THAMS CAD NI BYANG CHUB SEMS DPA'I MTHU YIN NO, ,GANG GI TSE BYANG CHUB SEMS DPA' SH'AKYA THUB PA BLTAMS PA DE NYID KYI TSE DGA' BO LA SOGS PA SH'AKYA'I GZHON NU LNGA BRGYA BTZAS PA DANG, GRAGS 'DZIN MA LA SOGS PA SH'AKYA'I GZHON NU MA LNGA BRGYA BTZAS PA DANG, 'DUN PA LA SOGS PA RIM GRO BA LNGA BRGYA BTZAS PA DANG, BSNGAGS LDAN LA SOGS PA RTA LNGA BRGYA 'BRANGS SO, ,LHA RNAMS KYIS GTER LNGA'I KHA'ANG NYE BAR BSTAN TO, ,KHAMS KYI RGYAL PHRAN RNAMS DANG; MKHAR GYI RGYAL PO RNAMS KYIS RAB TU BTUD CING THAMS CAD KYIS KYANG DPYA PHUL LO, ,DE NAS RGYAL PO ZAS GTZANG MA 'DI SNYAM DU SEMS TE, BDAG GI BU BTZAS PA NA 'DOD PA THAMS CAD GRUB PAS NA GZHON NU 'DI'I MING DON THAMS CAD GRUB PA ZHES BYA'O ZHES BYANG CHUB SEMS DPA' LA THOG MAR MTSAN BTAGS SO, ,CHOS NYID KYIS BYANG CHUB SEMS DPA' SH'AKYA THUB PA BLTAMS PA'I MOD LA YAB YUM GYIS MTSAN MKHAN DANG, LTAS MKHAN GYI BRAM ZE RNAMS LA NYE BAR STON PA YIN PAS, SHES LDAN DAG ,CI GA GZHON NU GANG DAG

18a

, ,DANG LDAN NA 'GRO BA GNYIS SU 'GYUR GYI GZHAN DU NI MA YIN TE, GAL TE KHYIM PA KHYIM NA GNAS PAR GYUR NA 'KHOR LOS BSGYUR BA'I RGYAL PO MTHA' BZHIR RNAM PAR RGYAL BA, CHOS KYI RGYAL PO CHOS DANG LDAN PA, RIN PO CHE SNA BDUN DANG LDAN PAR 'GYUR TE, DE'I RIN PO CHE SNA BDUN NI 'DI LTA BU DAG 'BYUNG STE, 'DI LTA STE, 'KHOR LO RIN PO CHE DANG; GLANG PO RIN PO CHE DANG, RTA RIN PO CHE DANG, NOR BU RIN PO CHE DANG, BUD MED RIN PO CHE DANG, KHYIM BDAG RIN PO CHE DANG, BDUN PA NI BLON PO RIN PO CHE'O, ,BU DPA' BA, RTUL PHOD PA, YAN LAG MCHOG GI GZUGS DANG LDAN PA, PHA ROL GYI SDE RAB TU 'JOMS PA STONG 'BYUNG BA DE RGYA MTSO LA THUG PA'I SA CHEN PO MA LUS PAR GNOD PAR SDO BA MED CING 'TSE BA MED PA 'DI NYID CHAD PA MED CING MTSON GYIS 'DEBS PA MED PA, CHOS DANG MTHUN PAS LEGS PAR PHAB STE GNAS PAR 'GYUR RO, ,GAL TE SKRA DANG, KHA SPU BREGS NAS GOS NGUR SMRIG BGOS TE, DAD PA YANG DAG PA KHO NAS KHYIM NAS KHYIM MED PAR RAB TU BYUNG NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHES BYA BAR 'JIG RTEN DU SGRA RNAM PAR GRAGS PAR 'GYUR BA, SKYES BU CHEN PO'I MTSAN SUM CU RTZA GNYIS DANG LDAN NAS, LHA, MANG LAGS TE, GZHON NU SKYES BU CHEN PO'I MTSAN SUM

18b

CU RTZA GNYIS DANG LDAN PA NI 'GRO BA GNYIS SU 'GYUR GYI GZHAN DU NI MA YIN TE, ZHES BYA BA NAS YANG DAG PAR RDZOGS PA'I SANGS RGYAS ZHES BYA BAR 'JIG RTEN DU GDAGS PAR 'GYUR ZHES BYA BA'I BAR DU STE, SNGA MA BZHIN DU 'DI NI 'DIR CHOS NYID YIN NO, ,DE LA 'DI SKAD CES BYA STE, RGYAL POS GZHON NU BLTAMS NAS SKYES BU YI, ,MTSAN SHES BRAM ZE LA DRIS DE TSE SMRAS, ,RGYAL BU GAL TE KHYIM NA GNAS GYUR NA, ,NGES PAR 'DI NI MI DBANG DAG TU 'GYUR, ,BRTUL BAR LDAN ZHING RGYAL PO GZHAN RNAMS KYIS, ,SPYI LA DBANG BA'I 'KHOR LOS BSGYUR BAR 'GYUR, ,'DI NI GLING RNAMS KUN TU MNGON RGYAL BA'I, ,CHOS KYI RGYAL SRID DAG NI BYED PAR 'GYUR, ,RIN CHEN GYUR PA 'DI NI RIN CHEN BDUN, ,MI MCHOG BSOD NAMS LAS KYIS 'THOB PAR 'GYUR, ,GANG GI MTHU YIS SA NI MA LUS PA, ,'DI NI LUNG MI GCOG PAR SPYOD PAR 'GYUR, ,GSER LAS LEGS BYAS LTE BA SHIN TU ZLUM, ,RTZIBS STONG LDAN ZHING MYU KHYUD MA NYAMS BZANG, ,DANG POR SA LA RNAM PAR RGYAL 'GYUR GANG, ,'KHOR LO DE 'DIS DANG POR THOB PAR 'GYUR, ,YAN LAG THAMS CAD LEGS SKYES SA LA NI, ,RAB GNAS GANGS CAN RTZE 'DRA'I GLANG PO'I MCHOG ,RGYAL PO LA 'OS MKHA' LA 'GRO BA YI, ,RIN CHEN MCHOG NI GNYIS PA 'DIS 'THOB 'GYUR, ,THO RANGS DUS SU PHYOGS KUN MA LUS

19a

, ,PA'I, ,SA RNAMS BSKOR NAS SLAR NI LDOG GYUR GANG, ,RMA BYA'I MGRIN 'DRA SPU NI YID 'ONG BA'I, ,RIN CHEN RTA NI 'DI YIS THOB PAR 'GYUR, ,RIN CHEN DRI MED BEE d'URYA RANG BZHIN, ,KUN TU DPAG TSAD TZAM DU SNANG BYED PA, ,DRI MED MTSAN MO CI 'DRA NYIN DE BZHIN, ,RIN CHEN MCHOG NI BZHI PA 'THOB PAR 'GYUR, ,GANG ZHIG REG DRI GZUGS DANG MDANGS LDAN PA'I, ,BUD MED DAM PA DREGS LDAN RNAMS KYI MCHOG ,LHA MO BZHIN DU YON TAN KUN LDAN PA, ,BUD MED RIN CHEN DE 'DIR 'THOB PAR 'GYUR, ,GANG YANG 'DI NI RGYAL LA MU TIG DANG, ,GSER SOGS SHIN TU MANG PO 'BUL BA YI, ,NOR LDAN MTSUNGS PAR NOR MANG KHYIM BDAG NI, ,RIN CHEN THOB NAS RNAM PAR SPYOD PAR 'GYUR, ,'GROR DANG KUN TU GNAS DANG RNAM LDOG DANG, ,MA LUS DPUNG LA MKHAS PAR BYED PA YI, ,DPAL LDAN BDUN PA 'BYUNG BAR 'GYUR BA NI, ,MI YI RIN CHEN BLON PO ZHES BYA YIN, ,DPAL ZHING BRTUL PHOD YAN LAG MCHOG GZUGS LDAN, ,BU STONG DAG NI 'DI LA 'BYUNG 'GYUR ZHING, ,GANG GI GZI BRJID SHIN TU STOBS CHE ZHING, ,SA BDAG GZHAN DAG 'DUD PAR BYED PA 'BYUNG, ,GAL TE KHYIM NI NYES MANG GIS DKRUGS PA, ,RAB 'BAR SHING NI BYA YIS SDONG BA LTAR, ,NYE BAR ZHI PHYIR NAGS SU DES SONG NA, ,DE 'DIR RING POR MI THOGS

19b

SANGS RGYAS 'GYUR, ,KHYOD KYI SRAS 'DI DENG NI 'DI 'DRA BA, ,GZHON NU 'GRO BA'I RIN CHEN GCIG BLTAMS PA, ,'GRO BA GNYIS LAS GZHAN DU MI 'GRO BA, ,DE LTAR SNGAGS KYI TSIG LAS MTHONG BA LAGS, ,SHES LDAN DAG ,GANG DAG DANG LDAN PA'I SKYES BU CHEN PO 'GRO BA GNYIS SU 'GYUR GYI GZHAN DU MA YIN ZHES BYA BA NAS SNGA MA BZHIN DU 'JIG RTEN GYI SGRA RNAM PAR GRAGS PAR 'GYUR ZHES BYA BA'I BAR GYI SKYES BU CHEN PO'I MTSAN SUM CU RTZA GNYIS PO NI GANG DAG YIN, ,LHA; GZHON NU'I ZHABS SHIN TU GNAS PA LAGS SO, ,ZHABS GNYIS SHIN TU GNAS PA NYID KYIS SA LA MNYAM PAR 'BAB STE, LHA; 'DI NI GZHON NU'I SKYES BU CHEN PO'I SKYES BU CHEN PO'I MTSAN LAGS SO, ,DE'I ZHABS KYI MTHIL GYI NGOS GNYIS LA 'KHOR LO RTZIBS STONG PA LTE BA DANG MU KHYUD DU BCAS PA RNAM PA THAMS CAD YONGS SU RDZOGS PA MCHIS TE, LHA, 'DI NI GZHON NU'I SKYES BU CHEN PO'I SKYES BU CHEN PO'I MTSAN LAGS SO, ,LHA; GZHON NU'I SOR MO RING BA DANG, ZHABS KYI RTING PA YANGS PA DANG, DE'I PHYAG DANG, ZHABS 'JAM ZHING GZHON SHA CHAGS PA LAGS TE, PHYAG DANG, ZHABS 'JAM ZHING GZHON SHA CHAGS PA NI; DPER NA, SHING BAL GYI 'DA' BA'AM, RAS BAL GYI 'DA' BA BZHIN NO, ,LHA, 'DI NI GZHON NU'I SKYES BU CHEN PO'I SKYES BU CHEN PO'I MTSAN LAGS SO, ,LHA; GZHON NU'I

20a

, ,PHYAG DANG, ZHABS DRA BAR 'BREL BA LAGS TE, DE'I PHYAG DANG, ZHABS DRA BAR 'BREL BA NI, DPER NA, NGANG PA'I RGYAL PO GZHON NU BZHIN NO, ,LHA; 'DI NI GZHON NU'I SKYES BU CHEN PO'I SKYES BU CHEN PO'I MTSAN LAGS SO, ,LHA, GZHON NU'I ZHABS LONG MO'I TSIGS MI MNGON PA DANG, BYIN PA RI DVAGS AE NA YA'I LTA BU DANG, SKU MDUD PA DANG, SKU BZHENGS BZHIN DU MA BTUD PAR PHYAG PUS MO'I LHA NGA GNYIS SLEBS SHING REG PA STE, LHA; 'DI NI GZHON NU'I SKYES BU CHEN PO'I SKYES BU CHEN PO'I MTSAN LAGS SO, ,LHA; GZHON NU NI 'DOMS KYI SPA BA SBUBS SU NUB PA LAGS TE, DE'I 'DOMS KYI SBA BA SBUBS SU NUB PA NI, DPER NA, GLANG PO CHE CANG SHES KYI'AM, RTA CANG SHES BYUNG MA THAG GI BZHIN NO, , LHA; 'DI GZHON NU'I SKYES BU CHEN PO'I SKYES BU CHEN PO'I MTSAN LAGS SO, ,LHA GZHON NU'I SKU CI SRID PAR 'DOM YANG DE SRID LA, 'DOM CI SRID PAR SKU'ANG DE SRID PAS SHING N+YA GRO DHA LTAR CHU ZHENG GAB PA LAGS TE, LHA, 'DI NI GZHON NU'I SKYES BU CHEN PO'I SKYES BU CHEN PO'I MTSAN LAGS SO, ,LHA, GZHON NU'I RO STOD KYIS SPU RE RE NAS SKYE ZHING DE'I SKU LA SPU RE RE NAS SKYE BA'ANG MTHING GA LA G-YAS PHYOGS SU 'KHYIL BAR SKYE LAGS TE, LHA, 'DI NI GZHON NU'I SKYES BU CHEN PO'I SKYES BU CHEN PO'I MTSAN LAGS SO, ,LHA, GZHON NU NI

20b

MDOG GSER 'DRA BA DANG, 'OD 'DOM GANG BA DANG, PAGS PA SRAB CING MDOG GSER GYI 'DRA BA LAGS TE, PAGS PA SRAB PA NYID KYIS RDUL DANG, DRI MAS SKU LA MI GOS PA STE, LHA, 'DI NI GZHON NU'I SKYES BU CHEN PO'I SKYES BU CHEN PO'I MTSAN LAGS SO, ,LHA; GZHON NU'I SKU NI BDUN MTHO BA STE, SKU BDUN MTHO BAR 'KHRUNGS PA NI PHYAG GNYIS DANG, ZHABS GNYIS DANG, DPUNG MGO GNYIS DANG, LTAG PA LAGS TE, LHA; 'DI NI GZHON NU'I SKYES BU CHEN PO'I SKYES BU CHEN PO'I MTSAN LAGS SO, ,LHA; GZHON NU NI THAL GONG RGYAS PA DANG, SKU RO STOD SENG GE'I 'DRA BA DANG; SKU DRANG ZHING KHO LAG CHE BA DANG, DPUNG MGO SHIN TU ZLUM PA DANG, TSEMS BZHI BCU MNGA' BA DANG, TSEMS MNYAM PA DANG, TSEMS THAGS BZANG BA DANG, MCHE BA SHIN TU DKAR BA DANG; 'GRAM PA SENG GE'I 'DRA BA DANG, RO BRO BA'I MCHOG DANG LDAN [?] PA LAGS TE, LHA, 'DI NI GZHON NU'I SKYES BU CHEN PO'I SKYES BU CHEN PO'I MTSAN LAGS SO, ,LHA; GZHON NU NI LJAGS SHIN TU RING ZHING SRAB PA LAGS TE, LJAGS SHIN TU RING BA NYID DANG, SRAB PA NYID KYI PHYIR LJAGS ZHAL NAS PHYUNG BAS SKRA MTSAMS NAS BZUNG STE, ZHAL GYI DKYIL 'KHOR THAMS CAD KYI BAR DU YOG PAR MDZAD PA STE, LHA; 'DI NI GZHON NU'I SKYES BU CHEN PO'I SKYES BU CHEN PO'I MTSAN LAGS SO, ,LHA; GZHON NU NI TSANGS PA'I DBYANGS DANG, KA LA PINGKA'I

21a

, ,SKAD LTAR YID DU 'ONG BA DANG, NGA'I [?] DBYANGS CAN LAGS TE, LHA; 'DI NI GZHON NU'I SKYES BU CHEN PO'I SKYES BU CHEN PO'I MTSAN LAGS SO, ,LHA; GZHON NU'I SPYAN MTHON MTHING LA BA'I RDZI MA LTA BU DANG, GTZUG TOR DANG LDAN PA DANG, SMIN MTSAMS KYI MDZOD SPU DUNG LTAR DKAR ZHING G-YAS SU 'KHYIL BA LAGS TE, LHA; 'DI NI GZHON NU'I SKYES BU CHEN PO'I SKYES BU CHEN PO'I MTSAN LAGS SO, ,LHA; 'DI DAG NI GANG DANG LDAN PA'I 'GRO BA GNYIS SU 'GYUR GYI GZHAN DU NI MA LAGS PA ZHES BYA BA NAS SNGA MA BZHIN DU 'JIG RTEN DU SGRA RNAM PAR GRAGS PAR 'GYUR RO ZHES BYA BA'I BAR GYI SKYES BU CHEN PO'I MTSAN SUM CU RTZA GNYIS LAGS SO, ,BDAG NYID LEGS BSGOMS SKU LA NI, ,SKU YI THA MA 'DZIN MDZAD PA'I, , THUB PA CHEN PO'I MTSAN RNAMS NI, ,DE NI BDAG GIS BRJOD PAR BGYI, ,'DI ZHABS SHIN TU GNAS PA STE, ,SA LA MNYAM PAR 'BAB PA YIN, ,'DI ZHABS PHYAG GI MTHIL LA NI, 'KHOR LO SHIN TU DBYIBS LEGS SKYES, ,'DI ZHABS RTING PA YANGS PA DANG, ,DE NI SOR MO RING ZHING MDZES, ,PHYAG ZHABS DRA BAR 'BREL PA DANG, ,SHING BA LA LTA BUR 'JAM PA DANG; ;'DI'I ZHABS LONG BU'I TSIGS MI MNGON, ,BYIN PA AE NE YA DANG MTSUNGS, ,MI MCHOG SKU YANG MA BTUD PAR, ,PHYAG GIS PUS MO'I LHA NGA SLEBS, ,'DOMS KYI SBA BA

21b

SBUBS SU NUB, ,N+YA GRO DHA LTAR CHU ZHENG GAB, ,RO STOD SPU NI RE RE NAS, ,SKYE ZHING DE SPU G-YAS SU 'KHYIL, ,MDOG NI GSER SBYANGS 'DRA BA DANG, ,KUN NAS 'DOM GANG 'OD DANG LDAN, ,BCOM LDAN DE NI PAGS SRAB CING, ,'DI SKU BDUN NI MTHO BA STE, ,BCOM LDAN THAL GONG RGYAS PA DANG, ,SKU STOD SENG GE 'DRA BA DANG, ,SKU DRANG KHO LAG CHE BA DANG, ,DPUNG MGO SHIN TU ZLUM PA DANG,, BCU PHRAG BZHI YI TSEMS RNAMS NI, ,YONGS SU RDZOGS SHING MA TSANG MED, ,MNYAM DANG THAGS BZANG NYID DU NI, ,DE YI TSEMS NI LEGS PAR GNAS, ,RAB DKAR 'GRAM PA SENG GE 'DRA,, RO BRO MCHOG DANG LDAN PA DANG, ,LJAGS NI SHIN TU SRAB PA DANG, ,BCOM LDAN TSANGS PA'I DBYANGS DANG LDAN, ,RDZI MA BA 'DRA SPYAN MTHON MTHING, ,SMIN MA'I MTSAMS KYI MDZOD SPU NI, ,DUNG LTAR DKAR ZHING G-YAS SU 'KHYIL, ,MTSAN BZANG SUM CU RTZA GNYIS 'DI, ,GANG ZHIG LA NI 'BYUNG 'GYUR BA, ,DE NI 'GRO BA GNYIS 'GYUR GYI, ,GSUM PAR 'GYUR BA MA LAGS SO, ,'DI NI GAL TE KHYIM GNAS NA, ,'KHOR LOS BSGYUR RGYAL NYID 'GYUR TE, ,DRAN LDAN BU NI MANG BA DANG, ,GNOD PA CHUNG ZHING MKHAS PAR 'GYUR, ,GAL TE RAB BYUNG RDZOGS SANGS RGYAS, ,GANG ZAG MNYAM PA MED PAR 'GYUR, ,BSHOS DANG BTUNG DANG NA BZA' DANG, ,GZIMS CHA RNAMS KYANG SNYED 'GYUR LA, ,'DI YI 'KHOR NI MI PHYED CING, ,LUS CAN KUN GYI YID DU 'ONG, ,LHA

22a

, ,RNAMS RJES SU 'BRANG BA DANG, ,MI RNAMS KYANG NI DE BZHIN TE, ,CHOS KYI BDAG PO MCHOG 'GYUR ZHING, ,MI YUL DAG TU'ANG DE BZHIN 'GYUR, ,MNYAM PA MED CING 'DRA BA MED, ,RNAM 'DREN MTSUNGS PA MED PAR 'GYUR, ,LHA; 'DI NI GZHON NU'I SKYES BU CHEN PO'I MTSAN LAGS TE, GANG DANG LDAN NA 'GRO BA GNYIS SU 'GYUR GYI GZHAN NI MA LAGS ZHES BYA BA NI SNGA MA BZHIN NO, ,CHOS NYID KYIS BYANG CHUB SEMS DPA' SH'AKYA THUB PA BLTAMS NAS ZHAG BDUN LON PA DANG, DE BSKRUN PA'I YUM NONGS PAR GYUR TE, NONGS MA THAG TU SUM CU RTZA GSUM GYI LHA'I RIS GYA NOM PAR SKYES SO, ,DE NAS RGYAL PO ZAS GTZANG MAS BYANG CHUB SEMS DPA' MA MA RNAMS LA GTAD NAS, MA MA, KHYED KYIS GZHON NU 'DI DUS DUS SU SKU MNYE BYOS SHIG ,DUS DUS SU KHRUS BYOS SHIG ,DUS DUS SU ZAS BYIN CIG ,DUS DUS SU YANG DAG PA'I BDE BAS BSNYEN BKUR BYOS SHIG ,MA MA, DGA' BA'I LAG PA GNYIS KYIS DE BLANGS NAS DUS DUS SU SKU MNYE BYED, DUS DUS SU KHRUS BYED, DUS DUS SU ZAS BYIN, DUS DUS SU YANG DAG PA'I BDE BAS BSNYEN BKUR BYED DO, ,YANG DE'I TSE DRI SHIN TU YID 'ONG BA'I NGO BO GANG YIN PA DE RNAMS BYUGS SHING RGYAN THAMS CAD KYIS BRGYAN NAS YAB ZAS GTZANG LA PHUL BA DANG, RGYAL PO ZAS GTZANG GIS DE BLANGS TE DGA'

22b

BAS PANG DU BZHAG NAS YANG DANG YANG DU RTOG CING DGA' BA SKYED DO, ,CHOS NYID KYIS BYANG CHUB SEMS DPA' SH'AKYA THUB PA NI GZUGS BZANG BA, MDZES PA, BLTA NA SDUG PA, MI'I KHA DOG LAS YANG DAG PAR 'DAS LA LHA'I KHA DOG MA THOB PA, SKYES PA DANG, BUD MED RNAMS KYIS BLTAS PA NA NGOMS MI SHES SHING DGA' BA 'THOB STE, DPER NA, DZAMBU'I CHU BO'I GSER LA MGAR BA MKHAS PAS RGYUN BRDUNGS PA, LA BA DKAR PO SAR PA'I STENG DU BZHAG NA SHIN TU GSAL ZHING 'BAR LA RNAM PAR 'TSER BA DE BZHIN DU BYANG CHUB SEMS DPA' SH'AKYA THUB PA GZUGS BZANG BA, MDZES PA, BLTA NA SDUG PA, MI'I KHA DOG LAS 'DAS SHING LHA'I KHA DOG NI MA THOB PA YIN NO, ,CHOS NYID KYI BYANG CHUB SEMS DPA' SH'AKYA THUB PA SKYE BO'I TSOGS CHEN PO'I SNYING DU SDUG PA DANG, YID DU 'ONG BAR 'GYUR TE, YANG 'DI SKYE BO'I TSOGS CHEN POS DA PHRAG PA NAS PHRAG PAR SPO BAR BYED PA NI, DPER NA, STON KA'I PADMA SKYE BO'I TSOGS CHEN PO'I SNYING DU SDUG CING YID DU 'ONG BAS SKYE BO'I TSOGS CHEN POS DE LAG PA NAS LAG PAR BRGYUD PAR BYED PA BZHIN TE SNGA MA BZHIN NO, ,CHOS NYID KYIS BYANG CHUB SEMS DPA' BLTAMS PA'I MOD NAS SPYAN MI 'DZUM PAR GZUGS RNAMS LA LTA STE, DE SPYAN MI 'DZUM PA NI, DPER NA, SUM CU RTZA GSUM GYI LHA RNAMS BZHIN NO, ,CHOS NYID KYIS BYANG CHUB SEMS

23a

, ,DPA' BLTAMS PA'I MOD NAS SNGON GYI LAS KYI RNAM PAR SMIN PA LAS SKYES PA'I LHA'I SPYAN DES DE NYIN DANG, MTSAN DU DPAG TSAD GCIG KHO RA KHOR YUG TU GZIGS SO, ,LAS BCAS LAS BYUNG DRI MED SPYAN GYIS NI, ,GZUGS CHEN PO DANG DE BZHIN PHRA RAB RNAMS, ,NYIN DANG MTSAN DU KHOR YUG DPAG TSAD GCIG ,MDUN NA GNAS PA BZHIN DU'ANG GZIGS PAR 'GYUR, ,CHOS NYID KYI BYANG CHUB SEMS DPA' BLTAMS PA'I MOD NAS GSUNG SNYAN CING 'JEBS PA DANG, GSUNG SNYAN PA DANG, GSUNG YID DU 'ONG BA YIN TE, DPER NA, GANGS CAN GYI BYA SKAD SNYAN CING 'JEBS PA DANG, SKAD SNYAN PA DANG, YID DU 'ONG BA DE BZHIN DU BYANG CHUB SEMS DPA' BLTAMS PA'I MOD NAS GSUNG SNYAN CING 'JEBS PA DANG, GSUNG SNYAN PA DANG, GSUNG YID DU 'ONG BA YIN NO, ,RI BO KUN 'DZIN LA DRANG SRONG NYON MONGS MED CES BYA BA MNGON PAR SHES PA LNGA DANG LDAN PA, BYAMS PA'I BDAG NYID CAN SNYING RJE DANG LDAN PA, SKYE DGU LA MNYES GSHIN PA ZHIG GNAS TE, DE LA TSA BO MIS BYIN ZHES BYA BA YOD PA DANG, DE DE'I TSE PHUG TU ZHUGS TE BSAM GTAN BYED PA NA BYANG CHUB SEMS DPA' BLTAMS TE, 'JIG RTEN THAMS CAD SNANG BA RGYA CHEN PO GSAL BAR GYUR PA'I SNANG BA DE MTHONG BA DANG, NYON MONGS MED LA SMRAS PA, MKHAN PO 'DIR

23b

NI NYI MA THAMS CAD DAG ,GCIG CAR BYUNG BAR GYUR TAM CI, ,'DI LTAR RI NI PHUG BCAS PA, ,'DI NI 'OD KYIS GSAL BAR GYUR, ,NYON MONGS MED KYIS DE LA SMRAS PA, NYI MA'I 'OD NI RGYUN DU RNO, ,BU GCIG SNANG BA 'DI DAG NI, ,YAN LAG REG NA 'OD GSAL BAS, ,NGES PAR THUB PA DE YI 'OD, ,BYANG CHUB SEMS DPA' 'OD CAN NI, ,NGES PAR LHUMS NAS BLTAMS GYUR LA, ,BLTAMS NAS SEMS DPA' CHEN PO DE'I, ,'OD ZER GSER DANG 'DRA BA NI, ,DRI MA MED PA 'DI DAG GIS, ,'JIG RTEN GSUM NI SNANG BYAS YIN, ,MIS BYIN GYIS SMRAS PA, MKHAN PO BZHUD, CI RE ZHIG 'KHOR LOS BSGYUR BA'I RGYAL POR 'GYUR RAM, 'ON TE BLA NA MED PA'I YE SHES RTOGS PAR 'GYUR BA RANG NYID KYIS BLTA BAR MDZOD CIG ,DRANG SRONG NYON MONGS MED KYIS SMRAS PA, DE LTAR NA NI RGYAL PO ZAS GTZANG MA'I KHYIM NYI 'OG GI RGYAL PO DANG, MKHAR GYI RGYAL PO DANG, TSONG BA DANG, TSONG DPON DANG, DED DPON RNAMS DANG, BRAM ZE DANG, KHYIM BDAG BRGYA STONG DPAG TU MED PAS KUN TU KHYAB NAS 'DUG GI, GANG GI TSE DE DBEN PAR GYUR PA DE'I TSE RGYAL PO ZAS GTZANG MA'I GAN DU 'GRO BAR BYA'O, ,DE NAS RGYAL PO ZAS GTZANG MA 'DI SNYAM DU, KYE MA'O, ,DRANG SRONG NYON MONGS MED RKANG GIS SER SKYA'I GZHIR 'ONGS NA CI MA RUNG SNYAM DU SEMS SO, ,DE NAS DRANG SRONG NYON MONGS MED STENG GI NAM MKHA' LA MNGON PAR

24a

, ,'PHAGS NAS RGYAL PO ZAS GTZANG MA'I PHO BRANG SGOR PHYIN PA DANG, JI TZAM NA SGO SRUNG GIS RGYAL PO ZAS GTZANG MA LA, LHA, DGYES PA BSKYED DU GSOL, DRANG SRONG NYON MONGS MED 'DIR MCHIS SO ZHES RIG PAR BYAS PA DANG, RGYAL PO ZAS GTZANG MAS THOS TE DGA' BA DANG, MGU BA DANG, RAB TU DGA' BA DANG, MCHOG TU RANGS PA BYUNG NAS MCHOG TU GUS PAS MCHOD DE 'DI SKAD CES SMRAS SO, ,DRANG SRONG CHEN PO, LEGS PAR 'ONGS SO, ,DGOS PA CI ZHIG LA 'ONGS, NYON MONGS MED KYIS SMRAS PA, RGYAL PO CHEN PO BDAG NI 'DIR, ,KHYED SRAS BLTA BA'I PHYIR MCHIS TE, ,'JIG RTEN GTZO BO RNAM 'DREN PA, ,THUB PA DE NI MTHONG BAR 'TSAL, ,RGYAL POS SMRAS PA, GAL TE DE LTA NA NI GZHON NU GNYID LOG GI SANG KYI BAR DU RE ZHIG SDOD CIG ,NYON MONGS MED KYIS SMRAS PA, RIGS DANG LDAN PA'I RTA RNAMS NI, ,MTSAN MO'I BZHI CHA NYAL BA LTAR, ,DGOS PA DON GNYER RNAMS KYI GNYID, ,MIG LA YUN RING MI GNAS SO, ,DE NAS GZHON NU SH'AKYA THUB PA MA MA'I PAR NA 'DUG PA DRANG SRONG NYON MONGS MED LA BYIN PA DANG, DRANG SRONG NYON MONGS MED KYIS LAG PA GNYIS KYIS BLANGS NAS YUD TZAM BRTAGS TE SMRAS PA, LHA, GZHON NU 'DI MTSAN MKHAN RNAMS KYIS JI SKAD LUNG BSTAN, RGYAL PO ZAS GTZANG MAS SMRAS PA, RIN

24b

PO CHE SNA BDUN DANG LDAN PA'I 'KHOR LOS BSGYUR BA'I RGYAL POR 'GYUR RO ZHES ZER RO, ,DE NAS DRANG SRONG NYON MONGS MED KYIS BYANG CHUB SEMS DPA' MTHONG NAS TSIGS SU BCAD DE SMRAS PA, SA BDAG RTOG PA PO RNAMS BLO 'KHRUL TE, ,RTZOD PA'I DUS NA 'KHOR LOS BSGYUR MI 'BYUNG, ,BSOD NAMS MCHOG GIS CHOS KYI MDZOD 'DI NI, ,NYES LAS RNAM PAR RGYAL NAS SANGS RGYAS 'GYUR, ,MTSAN MI GSAL DANG LDAN NA MI DBANG PO, ,GLING BZHI RNAMS KYI BDAG PO DBANG PHYUG 'GYUR, ,THUB DBANG MTSAN NI SHIN TU GSAL BAS NA, ,MI MCHOG SANGS RGYAS CHOS KYI 'KHOR LOS BSGYUR, ,DE NAS DRANG SRONG NYON MONGS MED KYIS BDAG NYID KYI TSE'I MTHA'I NGES PA DANG, BYANG CHUB SEMS DPA'I MNGON PAR BYANG CHUB PA BRTAG PA LA ZHUGS PA DANG, BYANG CHUB SEMS DPA' LO NYI SHU RTZA DGU BZHES NAS, KHAB NAS BYUNG NAS LO DRUG TU DKA' BA SPYOD PAR 'GYUR TE DE NAS BDUD RTZI RTOGS PAR 'GYUR BAR MTHONG NGO, ,BDAG NI BAR SKABS DER 'CHI BA'I DUS BYED PAR MTHONG NAS DE MIG MCHI MAS GANG STE 'DUG PA RGYAL PO ZAS GTZANG GIS MTHONG NAS DNGANGS NAS TSIGS SU BCAD DE SMRAS PA, SKYES BU BUD MED RNAMS KYIS MTHONG BA NA, ,NGOMS PAR MI 'GYUR DGA' BA THOB 'GYUR BA, ,LUS BZANG DGE BYED DA NI 'DIR MTHONG NAS, ,DRANG SRONG CHEN PO CI SLAD DU BZHIN GYUR, ,GANG LAS BDAG GI GZHON NU

25a

, ,'JIGS PA'AM, ,TSE ZAD 'GYUR BA NYE BAR MI GNAS GRANG, ,DE NI MYUR DU LEGS PAR BDAG LA SMOS, ,KHYOD KYI MCHI MAS BDAG NI 'DAR BAR GYUR, ,DRANG SRONG NYON MONGS MED KYIS KYANG TSIGS SU BCAD DE SMRAS PA, GAL TE 'DI YI STENG DU NAM MKHA' LAS, ,RDO RJE SER DRAG 'PHANGS PA BAB GYUR KYANG, ,THUB PA CHEN PO'I SKU LA BA SPU NI, , NYAG MA GCIG KYANG G-YOS PAR MI NUS SO, ,ME CHEN RLUNG GI SHUGS KYIS BDAS PA DANG, ,MTSON CHA RNON PO SHIN TU MI BZAD DANG, ,DRAG PO'I DUG DANG SBRUL GYI DUG NON YANG, , GZHON NU LA BAB SKAD CIG 'JIGS MI 'GYUR, ,THUGS RJE NYID LA GNAS GYUR GANG LAGS PA, ,'JIGS PAS NYEN PA RNAMS LA MI 'JIGS STZOL, ,DE NI 'JIG RTEN KUN GYI 'JIGS 'JOMS NA, ,MI DBANG 'DI LA 'JIGS PA GA LA 'BYUNG, ,'JIG RTEN NA NI BDAG NYID CHE RNAMS KYI, ,GTZOR GYUR BDAG NYID CHEN PO GANG ZHIG LA, ,TSANGS BCAS LHA YANG RTAG TU SRUNG BYED PA, ,MI DBANG DE LA 'JIGS PA GA LA 'BYUNG, ,MI DBANG BDAG GI RGUD PA MTHONG NAS NI, ,GANG PHYIR ZHI BA MI 'THOB PAR DU MOD, ,CHOS KYI MCHOG MDZOD 'DI DANG PHRAD NAS NI, ,DON MA THOB PAR BDAG NI 'CHI BAR 'GYUR, ,GANG DAG SMRA BA DAM PA MTSUNGS MED PA, ,'DI YI CHOS THOS 'GYUR ZHING THOS NAS KYANG, ,RAB TU ZHI BA'I PHA ROL

25b

'GRO DE DAG ,SKYED CING BSOD NAMS LDAN LA RIMS NAD BRAL, ,DE NAS DRANG SRONG NYON MONGS MED BYANG CHUB SEMS DPA' LA REG PA'I MTHUS DE'I RDZU 'PHRUL NYAMS SO, ,NYAMS PA DANG NYON MONGS MED KYIS SMRAS PA, RKANG KHO NAS GRONG KHYER NAS PHYIR 'BYUNG BAR BYA'O, ,DE NAS RGYAL PO ZAS GTZANG MAS THOS PA DANG, GRONG KHYER THAMS CAD RDO BA DANG, GSEG MA DANG, GYO MO RNAMS BSAL NAS SPOS DANG, PHYE MAS KHYAB PAR BYED DU BCUG GO ,DE NAS DRANG SRONG NYON MONGS MED 'BYOR PA CHEN POS GRONG KHYER NAS BYUNG STE, RIM GYIS RI BO KUN 'DZIN DU PHYIN PA DANG, MI SBYIN LA SMRAS PA, NGAS GZHON NU MTHONG STE, BLA NA MED PA'I YE SHES RTOGS PAR 'GYUR NA NGAS NI DE SLOB PAR MI 'GYUR TE, NGA NI BAR SKABS SU DUS BYED PAR 'GYUR GYI KHYOD NI DE'I THAD DU RAB TU BYUNG LA, NGA RGYAL DANG, DREGS PA NGES PAR BCOM PAR GYUR PA DANG, TSANGS PAR SPYOD PA LA SPYAD PAR BYA STE, RIGS KYIS DREGS PAR MI BYA, RUS KYIS DREGS PAR MI BYA, RIGS RGYUD KYIS DREGS PAR MI BYA STE, KHYOD KYIS KYANG YUN RING PO MI THOGS PAR BDUD RTZI 'THOB PAR 'GYUR GYI ZHES SMRAS NAS YANG TSIGS SU BCAD DE SMRAS PA, DE BZHIN GSHEGS PA TSOL 'DOD NA, ,SHAR PHYOGS SU NI KHYOD 'DUG DANG, ,RDZOGS PA'I SANGS RGYAS GRAGS LDAN PA, ,RNYED PAR DKA' BA MTHONG BAR 'GYUR, ,DE NAS DUS GZHAN ZHIG NA RGYAL PO

26a

, ,ZAS GTZANG MAS GZHON NU MA MA'I PANG NA 'DUG PA LA YANG DANG, YANG DU LTA ZHING NGA'I BU CI 'DRA BA DE LTA BU NI SA'I STENG NA SU LA'ANG MED DO SNYAM DU SEMS SHING SHIN TU DGA' BAR GYUR TO, ,DE NAS BYANG CHUB SEMS DPA' 'KHRUNGS NAS RING POR MA LON PAR MA MA'I PANG DU BZHUGS NAS, GSER GYI GZHONG BAR 'BRAS DANG, SHAR BSRES PA'I CHAN GSOL BA NA DE MA MAS BKAG KYANG MA THUB PAR MANG POR GSOL NAS DBROG PAR BRTZAMS PA DANG, DBROG MA NUS NAS DES RGYAL PO ZAS GTZANG LA SBRAN PA DANG, RGYAL PO BTZUN MO DANG LHAN CIG GIS DBROG PAR BRTZAMS PA DANG DES KYANG MA NUS SO, ,DE NAS RGYAL PO BLON PO RNAMS DANG SER SKYA NA GNAS PA'I SKYE BO'I TSOGS RNAMS LA BSGO NA DE RNAMS KYIS KYANG DBROG PAR MA NUS SO, ,DE NAS GLANG PO CHE LNGA BRGYA LA BTAGS PA DANG, BYANG CHUB SEMS DPAS BSAMS PA, 'DI RNAMS KYIS BDAG GI STOBS NYAMS NA MI RUNG GI ,MA LA BDAG GIS MDZUB MO BKUG PAS GSER GYI GZHONG PA NAS BZUNG NGO SNYAM NAS DES MDZUB MO BKUG PAS GSER GYI GZHONG PA BZUNG NAS DRANGS PA DANG, GLANG PO CHE LNGA BRGYA PO DE DAG KHA PHYIR BSGYUR TE DRANGS NAS DE DAG GIS KYANG GSER GYI GZHONG PA DBROG PAR MA NUS SO, ,RGYAL PO ZAS GTZANG GIS BSAMS PA, JI LTAR BYANG CHUB SEMS DPA'I LAG PA

26b

G-YON PAS GLANG PO CHE LNGA BRGYA DRANGS PA DANG SBYAR NA GDON MI ZA BAR LAG PA GNYIS KYIS NI GLANG PO CHE STONG THUB KYI, DE BAS NA GZHON NU'I MING GLANG PO CHE STONG GI STOBS CAN ZHES GDAGS SO ZHES BTAGS SO, ,GRONG KHYER SER SKYA'I GZHI NA GNOD SBYIN SH'AKYA 'PHEL ZHES BYA BA ZHIG GNYUG MAR GNAS SO, ,SH'AKYA RNAMS KYIS KUN TU SPYOD PA NI SH'AKYA SU'ANG RUNG BA LA KHYE'U 'AM BU MO BTZAS PA GANG YIN PA DE GNOD SBYIN SH'AKYA 'PHEL GYI RKANG PA LA PHYAG 'TSAL DU GZHUG PA'I PHYIR 'KHRID PA YIN PAS RGYAL POS BLON PO RNAMS LA BSGO BA, SHES LDAN DAG, DENGS LA GZHON NU GNOD SBYIN SH'AKYA 'PHEL GYI RKANG PA LA PHYAG 'TSAL DU CHUG CIG ,DE NAS BYANG CHUB SEMS DPA' GLANG PO CHE LA BSKYON TE DPUNG GI TSOGS DPAG TU MED PAS YONGS SU BSKOR TE GRONG KHYER SER SKYA'I GZHIR 'JUG PAR BRTZAMS PA DANG, GRONG KHYER SER SKYA'I GZHI SGRA BCU GNYIS DANG BRAL BAR GYUR CING BYANG CHUB SEMS DPA' DE NANG DU ZHUGS PA NA THUB PA BZHIN DU GNAS PAR GYUR TO, ,DE NAS RGYAL PO ZAS GTZANG MAS BSAMS PA, GRONG KHYER 'DI 'DI LTA STE, GLANG PO CHE'I SGRA DANG, RTA'I SGRA DANG, SHING RTA'I SGRA DANG, DPUNG BU CHUNG GI SGRA DANG, DUNG GI SGRA DANG, RNGA BO CHE'I SGRA DANG, BE DE'I SGRA DANG, RVA DUNG GI SGRA DANG, GAR GYI SGRA DANG, GLU'I SGRA DANG, ROL MO'I SGRA DANG, SBYIN PA NI BYIN, BSOD NAMS NI GYIS, BSNYEN GNAS LA NI

27a

, ,NYE BAR GNAS, TSUL KHRIMS YANG DAG PAR BLANGS TE MNOS SHIG CES BYA BA'I SGRA STE SGRA BCU GNYIS DANG BRAL ZHING GZHON NU DE NANG DU ZHUGS PA NI THUB PA BZHIN DU ZHI BAR GNAS PAS GZHON NU'I MING SH'AKYA THUB PA ZHES GDAGS SO ZHES BYANG CHUB SEMS DPA'I MING SH'AKYA THUB PA ZHES BYA BAR BTAGS SO, ,DE NAS BYANG CHUB SEMS DPA' GNOD SBYIN SH'AKYA 'PHEL GYI GAN DU KHYER BA DANG, GNOD SBYIN SH'AKYA 'PHEL GYIS BYANG CHUB SEMS DPA' GNAS DANG NYE BAR PHYIN PA MTHONG NGO, ,MTHONG NAS KYANG PHYIR BYUNG NAS LUS THAMS CAD KYIS BYANG CHUB SEMS DPA'I RKANG PA GNYIS LA GTUGS TE PHYAG BYAS SO, ,DE MTHONG BA DANG, RGYAL PO ZAS GTZANG MAS SMRAS PA, LHAS KYANG RKANG PA GNYIS LA GTUGS PAS 'DI NI LHA'I YANG LHA YIN PAS GZHON NU'I MING LHA'I YANG LHA ZHES BYA'O ZHES BYANG CHUB SEMS DPA'I MING LHA'I YANG LHA ZHES BYA BAR BTAGS SO, ,DE NAS DE'I TSE RGYAL PO ZAS GTZANG GIS DGOS PA'I CHED LA 'DUG NAS DON ZAB MO'I TSIG DANG, YI GE DAG SHES RAB KYIS SO SOR 'BYED PAR BYED DO, ,DE NAS BYANG CHUB SEMS DPA' SH'AKYA THUB PA 'KHOR LNGA BRGYA DANG, YI GE'I SLOB DPON SRIN BU GO CHA LA YI GE SLOB PAR BTANG NAS YI GE'I SLOB DPON SRIN BU GO CHAS BYANG CHUB SEMS DPA' LA YI GER BRIS NAS PHOG PA DANG, BYANG CHUB SEMS DPAS

27b

SMRAS PA, 'DI NI NGAS SHES SO, ,DE NAS DES YI GE GNYIS DANG, GSUM NAS DE BZHIN DU LNGA BRGYA'I BAR BRIS NAS PHOG PA DANG, BYANG CHUB SEMS DPAS SMRAS PA, 'DI DAG THAMS CAD KYANG NGAS SHES KYI GZHAN DAG SMROS SHIG ,SRIN BU GO CHAS SMRAS PA, 'JIG RTEN NA NI YI GE 'DI TZAM SPYOD KYI GZHAN NI BDAG GIS MA 'TSAL TO, ,DE NAS BYANG CHUB SEMS DPA' NYID KYIS YI GE BRIS TE SRIN BU GO CHA LA BYIN NAS GSUNGS PA, YI GE 'DI MING CI YIN SMROS SHIG ,DES SMRAS PA, MA 'TSAL TO, ,BYANG CHUB SEMS DPAS GSUNGS PA, 'JIG RTEN DU GNYIS SHIG BYUNG NAS MNGON PAR 'GYUR TE, BYANG CHUB SEMS DPA' DANG, 'KHOR LOS BSGYUR BA'O, ,NAM MKHA'I NGOS LA GNAS PA'I TSANGS PAS SMRAS PA, SRIN BU GO CHA, BYANG CHUB SEMS DPAS JI SKAD GSUNGS PA DE DE BZHIN TE, YI GE 'DI NI 'JIG RTEN DU GNYIS SHIG BYUNG NA MNGON PAR 'GYUR TE BYANG CHUB SEMS DPA' 'AM, 'KHOR LOS BSGYUR BA'I RGYAL PO'O, , BYANG CHUB SEMS DPAS YI GE DE TSANGS PA'I DBYANGS KYIS BKLAGS LA, NAM MKHA'I NGOS LA GNAS PA'I TSANGS PAS DBANG BYAS PAS TSANGS PA'I YI GE ZHES BYA BAR GYUR TO, ,DE NAS BYANG CHUB SEMS DPA' YI GE'I MTHAR PHYIN PA DANG 'KHOR LNGA BRGYA DANG BCAS PAR BZANG LEN DANG, LHAR BCAS ZHES BYA BA 'PHONG GI SLOB DPON GYI GAN DU 'PHONG GI GNAS SU

28a

, ,GTAD DO, ,DE NAS BYANG CHUB SEMS DPA' GNAS LNGA PO RGYANG NAS PHOG PA DANG, SGRA GRAG PAR PHOG PA DANG, GNAD DU PHOG PA DANG, MI 'CHOR BAR PHOG PA DANG; TSABS CHE BA LA BYANG BAR GYUR TO, ,DE NAS BZANG LEN DANG, LHAR BCAS 'DI SNYAM DU SEMS TE BYANG CHUB SEMS DPA' 'DI NI SNYING RJE CAN YIN PAS BSLAB PAR BYA BA THAMS CAD BSLAB KYI, LHA SBYIN 'DI NI GDUG PA YIN PAS 'JIG RTEN THAMS CAD DU GNOD PAR 'GYUR NA MI RUNG GI 'DI LA GNAD DU BSNUN PAR BSLAB PAR MI BYA'O SNYAM MO, ,DE NAS DUS GZHAN ZHIG NA LHA SBYIN GYIS NGANG PA LCAGS MDAS BSNUN PA DANG, BYANG CHUB SEMS DPA' STENG GI KHANG BZANG GI GZHI LA BZHUGS PA DE'I PANG BAR DE LHUNG NGO, ,DE NAS BYANG CHUB SEMS DPAS BZUNG NAS MDA' PHYUNG STE SMAN GYIS BYUGS PAS SOS SO, ,LHA SBYIN GYIS SMRAS PA, BYANG CHUB SEMS DPA' NGANG PA 'DI NI NGAS YONGS SU BZUNG BA YIN GYI BSKUR CIG, BYANG CHUB SEMS DPAS SMRAS PA, NGAS CHES SNGAR YONGS SU BZUNG STE, GANG GI TSE BLA NA MED PA YANG DAG PAR RDZOGS PA'I BYANG CHUB TU SEMS BSKYED PA DE KHO NA'I TSE YONGS SU BZUNG NGO, ,DER BYANG CHUB SEMS DPA' LA LHA SBYIN GNOD SEMS DANG, BZOD PA MA YIN PA DANG, PHEBS PA MA YIN PA BYUNG BAR GYUR TO, ,DE NAS LHA SBYIN LA SOGS PA

28b

SH'AKYA'I GZHON NU LNGA BRGYA BYUNG BA DANG, LHA SBYIN GYIS RAS KYIS BCINGS NAS SH'AKYA'I GZHON NU LNGA BRGYA BSGYEL TO, ,CI TZAM NA BYANG CHUB SEMS DPA' PHYOGS DER BZHUD PA DANG, LHA SBYIN GYIS SMRAS PA, BYANG CHUB SEMS DPA' CI LA SDOD, BYANG CHUB SEMS DPAS KYANG RAS BCINGS TE SH'AKYA'I GZHON NU LNGA BRGYA BSGYEL TO, ,DE NAS LHA SBYIN RAS KYIS BCINGS PA DANG BYANG CHUB SEMS DPAS KYANG BZUNG STE RKANG BA GYEN DU BSTAN NAS GAN RGYAL DU BSGYEL BA DANG, DER YANG BYANG CHUB SEMS DPA' LA LHA SBYIN GNOD SEMS DANG, MI BZOD PA DANG, BAG MI PHEBS PA'I SEMS GNYIS PA BSKYED PAR GYUR TO, ,DE NAS SH'AKYA GZHON NU LNGA BRGYA MDA' GZHU THOGS TE PHYI ROL TU BYUNG NAS TA LA LA TSABS BYED PA LA ZHUGS PA DANG, LA LAS NI TA LA GCIG PHIGS SO, ,LA LAS NI GNYIS SO, ,LHA SBYIN GYIS NI GSUM MO, ,BYANG CHUB SEMS DPAS LCAGS MDA' 'PHANGS PA DANG, SHING TA LA BDUN PHIGS PA LAS JI SRID RLUNG GIS BSKYOD DE THAMS CAD 'GYEL BA'I BAR DU RGYA CHER SBYAR RO, ,DE NAS GTZANG MA'I LHA RNAMS KYIS 'BAB CHU RO HI TA KA'I 'GRAM NA SHING DGE BA'I SNYING PO ZHES BYA BA NYI MA GCIG CING KHRU BRGYAR SKYE BA MTSAN MO NI SEN MOS KYANG GCAD DU RUNG LA NYIN PAR NI MTSON GYIS KYANG GCAD PAR MI NUS BA ZHIG YOD PA DANG, GNAS GTZANG MA PA'I LHA RNAMS KYIS GANG GIS SHING DGE BA'I

29a

, ,SNYING PO RTZA BA STENG DU BTON NAS RO HI TA KA'I NANG DU BCUG PA DE LTA BU'I RLUNG DANG CHAR DRAG CIG SPRUL TO, ,DE RGYAL PO ZAS GTZANG MA DANG, LEGS PAR RAB SANG KYIS THOS NAS SHING 'DIR GRONG KHYER BRLAG PAR MA GYUR TAM SNYAM NAS SROG CHAGS BRGYA STONG DPAG TU MED PA DANG, SHING DGE BA'I SNYING PO GANG NA BA DER SONG STE PHYIN PA DANG, 'KHOR BRGYA STONG DPAG TU MED PAS DRANGS SU ZIN KYANG CI TZAM DU BSKYOD PAR YANG MA NUS SO, ,'CHAR KAS SMRAS PA, LHA; BYANG CHUB SEMS DPA' SBRON CIG ,RGYAL POS SMRAS PA, KHO BOS GZHON NU LA BKA' STZOL BAR MI NUS SO, ,'CHAR KAS SMRAS PA, KHYED RNAMS KYIS CA CO'I SGRA GSANG MTHON PO SGROGS SHIG ,CI NAS KYANG NGAS BYANG CHUB SEMS DPA' GSHEGS PAR BYA'O, ,DE NAS SKYE BO'I TSOGS DE RNAMS KYIS SGRA GSANG MTHON PO DANG CHEN POS CA CO'I SGRA BSGRAGS SO, ,'CHAR KA BYANG CHUB SEMS DPA'I THAD DU SONG BA DANG; BYANG CHUB SEMS DPAS SMRAS PA, 'CHAR KA ,CA CO'I SGRA 'DI CI ZHIG YIN, 'CHAR KAS RNAM PA DE DAG RGYA CHER GSOL TO, ,DE NAS BYANG CHUB SEMS DPAS GSUNGS PA; GAL TE DE LTAR NA 'BYIN DU 'DONG, DE NAS 'CHAR KA DANG, BYANG CHUB SEMS DPA' CHAS PA DANG, CI TZAM NA KHUNG NAS SPRUL GDUG PA ZHIG BYUNG NGO, ,'CHAR KAS BYANG CHUB

29b

SEMS DPA' ZIN PAR GYUR DU 'ONG NGO ZHES RAL GRI RNON POS RKED PA BCAD PA DANG, SBRUL GYI DUG GI DBUGS KYIS 'CHAR KA LA PHOG STE DE NAG POR GYUR NAS DE'I MING YANG 'CHAR KA NAG PO ZHES BYA BAR GYUR TO, ,DE NAS BYANG CHUB SEMS DPA' SHING DGE BA'I SNYING PO GANG NA BA DER BZHUD DE PHYIN PA DANG, LHA SBYIN LA GSUNGS PA, KHYOD KYI STOBS CI TZAM PA BLTA YIS BSKYOD CIG ,LHA SBYIN GYIS 'BAD DE CUNG ZAD CIG BSKUL TO, ,DGA' BOS NI CUNG ZAD DRANGS SO, ,JI TZAM NA BYANG CHUB SEMS DPA' STOBS KYI NYAMS SAD PAR MDZAD CING SHING DGE BA'I SNYING PO PHYAG GIS BLANGS TE 'BAB CHU RO HI TA KA'I 'GRAM NAS 'PHANGS TE BYANG CHUB SEMS DPAS GSUNGS PA, SHES LDAN DAG ,SHING DGE BA'I SNYING PO 'DI NI BSIL BA'I RANG BZHIN YIN PAS MKHRIS PA'I NAD DANG, SHU BA DANG, PHOL MIG BYUNG BA LA PHYUGS NA ZHI BAR 'GYUR GYI DUM BUR BYOS LA KHYER TE RANG RANG GI KHYIM DU ZHOG CIG ,YANG YANGS PA CAN DU GLANG PO CHE RIN PO CHE ZHIG SKYES PA DANG, DE NAS YANGS PA CAN GYI LI TZA B'I RNAMS KYIS GLANG PO CHE MTSAN DANG LDAN PA ZHIG RNYED NAS DE RNAMS KYIS BSAMS PA, RGYAL PO ZAS GTZANG GI SRAS MTSAN MKHAN RNAMS KYIS 'KHOR LOS BSGYUR BA'I RGYAL POR 'GYUR RO ZHES LUNG BSTAN PA DE'I MTHUS GLANG PO CHE RIN PO CHE 'DI BYUNG GI ,DONG LA DE KHO NA LA DBUL

30a

, ,LO SNYAM MO, ,DE RNAMS KYIS GLANG PO CHE DE RGYAN THAMS CAD KYIS BRGYAN NAS KHRID DE DONG BA LAS RIM GYIS SER SKYA'I GZHIR RGYAL PO'I PHO BRANG GI SGOR GLANG PO CHE'I DAM PA BZHAG NAS SDOD PA DANG, MA STES TE GDUG PA'I LAS CAN LHA SBYIN PHYIR BYUNG BA DES GLANG PO CHE'I DAM PA DE DE LTAR RGYAN GYIS BRGYAN PAR MTHONG NAS DE DES PHRAG DOG CHEN PO SKYES TE; DE PHRAG DOG DANG MI BZOD PA SKYES PAS DRIS PA, GLANG PO CHE'I DAM PA 'DI SU'I YIN, DE RNAMS KYIS SMRAS PA, GZHON NU SH'AKYA THUB PA MTSAN MKHAN RNAMS KYIS 'KHOR LOS BSGYUR BA'I RGYAL POR LUNG BSTAN PA DE LA YANGS PA CAN GYI TSOGS RNAMS KYIS GLANG PO RIN PO CHE 'DI SKYES SU PHUL LO, ,LHA SBYIN LHAG PAR MI BZOD PA SKYES NAS SMRAS PA, RE ZHIG DE 'KHOR LOS BSGYUR BAR MA GYUR PAR JE KHYED CAG GLANG PO RIN PO CHE 'BUL LAM ZHES SMRAS NAS THAL LCAG GIS GLANG PO CHE BSAD DO, ,JI TZAM NA PHYOGS DER DGA' BO 'ONGS PA DES DE MTHONG NAS DRIS PA, SHES LDAN DAG ,GLANG PO CHE BZANG PO 'DI SUS BSAD, DE RNAMS KYIS SMRAS PA, LHA SBYIN GYIS SO, ,DES BSAMS PA, GDON MI ZA BAR 'DI LA LHA SBYIN GYI MTHU SAD KYI, MA LA, BDAG GIS KYANG 'DI LA MTHU SAD PAR BYA'O SNYAM NAS MJUG MA NAS BZUNG STE GOMS PA BDUN DU BOR RO, ,JI TZAM NA BYANG CHUB SEMS DPA' SH'AKYA

30b

THUB PA PHYIR BYUNG BA DES DE GZIGS NAS DRIS PA, GLANG PO CHE 'DI GANG NAS 'ONGS, DE RNAMS KYIS JI LTAR GYUR PA SMRAS SO, ,SUS BSAD, LHA SBYIN GYIS SO, ,MGRON RNAMS LA MGRON GYI MCHOD PA BYA BA YIN NA MA LEGS PA ZHIG BYAS SO, ,PHYOGS GANG DU BSAD, PHA GIR RO, ,'DIR SUS DRUD, DGA' BOS SO, ,DES DGONGS PA, 'DIR GDON MI ZA BAR DE GNYIS KYIS 'DI LA MTHU SAD KYI, MA LA, NGAS KYANG 'DI LA MTHU SAD PAR BYA'O SNYAM DU DGONGS NAS MJUG MA NAS BZUNG STE RA BA'I KHAR 'PHANGS PA LAS RA BA RIM PA BDUN DANG, 'OBS RIM PA BDUN LAS 'DAS TE BOR RO, ,DE LHUNG BAS GSHONG BTOD PA GLANG PO CHE'I BSHONG, GLANG PO CHE'I GSHONG ZHES BYA BAR GYUR TO, ,'DIR SMRAS PA, LHA SBYIN GYIS NI GLANG CHEN DBANG PO BSAD, , DGA' BOS DE NI GOM PA BDUN DU DRUD, ,BYANG CHUB SEMS DPAS PHYAG GIS BAR SNANG LA, ,RDO BA BZHIN DU PHYI ROL RGYANG RING 'PHANGS, ,MTSAN MKHAN RNAMS KYIS LUNG BSTAN PA, GAL TE GZHON NU LO BCU GNYIS KYI BAR DU RAB TU MA BYUNG NA 'KHOR LOS BSGYUR BA'I RGYAL POR 'GYUR RO, ,DE NAS RGYAL PO ZAS GTZANG MA 'DI SNYAM DU SEMS TE, MA LA, BDAG GIS 'DI LA 'DOD PA'I YON TAN LNGA PHAL PO CHE BYIN NA DE LTAR NA NI DE RNAMS LA DGA' BAS RAB TU 'BYUNG BAR MI 'GYUR RO SNYAM NAS RGYAL PO ZAS GTZANG GIS BYANG CHUB SEMS DPA'I MDUN DU GOS

31a

, ,DANG; RGYAN GYI PHUNG PO BZHAG NAS SMRAS PA, DENG KHYED KYIS SH'AKYA'I BU MO RNAMS LA RGYAN DANG, GOS RNAMS BYIN CIG ,DE NAS RGYAL PO ZAS GTZANG GIS SER SKYA'I GRONG KHYER DU DENG GZHON NU GOS DANG, RGYAN RNAMS STER BAR 'GYUR GYI, SH'AKYA'I BU MO THAMS CAD SHOG CIG CES DRIL SGROG TU BCUG GO ,DE NAS SH'AKYA'I GZHON NU MA LNGA BRGYA 'ONGS PA DANG, THAMS CAD LA BYANG CHUB SEMS DPAS GOS DANG, RGYAN RNAMS BYIN NO, ,DE NAS SH'AKYA DBYIG PA CAN LA GRAGS 'DZIN MA ZHES BYA BA'I BU MO YOD PA DAG ,DES DE LA SMRAS PA, KHYED LA YANG GZHON NU GOS DANG, RGYAN RNAMS STER BAR 'GYUR GYI SONG, DE NAS GRAGS 'DZIN MA, CI, BDAG LA BYANG CHUB SEMS DPA' LAS GZHAN SU ZHIG KHYOR 'GYUR SNYAM DU BSAMS NAS BYANG CHUB SEMS DPA'I THAD DU SONG BA DANG, CI TZAM NA GOS DANG, RGYAN THAMS CAD BYIN ZIN NAS CI'ANG MA LUS PA DANG, DES BYANG CHUB SEMS DPA'I MGUL NA SHIN TU MDZES SHING RIN CHE BA'I MU TIG PHRENG GCIG LUS PA MTHONG NAS DE DE LA DGA' BAS BAG 'KHUM PA MED PAR RANG NYID KYIS BKROL TE RANG GI MGUL DU BTAGS NAS BYANG CHUB SEMS DPA'I THAD NAS SONG NGO, ,DE NAS RGYAL PO ZAS GTZANG 'DI SNYAM DU SEMS TE BU MO 'DI PHEBS SHING BRTAN PA LAS NA 'DIS GZHON NU'I THUGS DANG BSTUN PAR NUS KYI 'DI BLANG BAR BYA'O

31b

SNYAM DU BSAMS NAS, GRAGS 'DZIN MA BUD MED KYI 'KHOR NYI KHRI DANG BYANG CHUB SEMS DPA'I BTZUN MOR BLANGS SO, ,RGYAL PO ZAS GTZANG MAS BYANG CHUB SEMS DPA' LA SMRAS PA, SONG LAS KYI MTHA' CI TZAM PA LA LTOS SHIG ,DE NAS BYANG CHUB SEMS DPA' RGYAL PO ZAS GTZANG MAS BSGO BA GSAN TE SHING RTA BZANG PO LA ZHUGS NAS PHYI ROL TU GSHEGS TE, YAB RGYAL PO ZAS GTZANG MA'I LAS KYI MTHA' GZIGS SHING BYANG CHUB SEMS DPA' LAS KYI MTHA' LA ZHUGS PA RNAMS KYI GAN DU BYON PA DANG, BSHOL LNGA BRGYA DANG, ZHING RMED CING ZHING PA'I MI DE RNAMS KYIS KYANG GSHOL GNON CING 'DREN PAS STOBS NYE BAR NYAMS PA MGO LUS RDUL GYIS YOG PA DANG, RLUNG DANG, THAN PAS LUS LA GDUNGS PAS LUS RTZUB CING MDOG NGAN PA, RKANG PA DANG, LAG PA GAS PA DANG, DENGS SHING DRI MA CAN GYI GOS GYON PA, RKANG PA DRI MA CAN, LTOGS PA DANG, SKOM PAS MDOG NGAN ZHING, LKOG MA DANG, MKHUR BA DANG, MIG GI LOGS SKAMS BA DANG, GLANG DE RNAMS KYANG RMON PA LCAGS GZER RNON PO CAN GYIS LUS BRAL BAS RGYAB DANG, MJUG NGO'I PHYOGS KHRAG GIS YOG PA, LTOGS PA DANG, SKOM PAS DBUGS BRTZEGS SHING SNYING GA'I PHYOGS NAS DBUGS BRTZEGS PA RING DU 'DREN LA, GNYA' SHING GIS MNAN PA'I RMA LAS RNAG KHRAG 'DZAG PA LA SBRANG BU DANG, 'BU'I TSOGS KYIS ZA BA, THONG LCAGS

32a

, ,KYIS RKANG PA LA RMA BYUNG ZHING, KHA DANG, SNA NAS KHA CHU DANG, SNA CHU 'DZAG PA LA SBRANG MA DANG, SHA SBRANG DANG, SBRANG BU MCHU RING GIS YOG PA RNAMS GZIGS SO, , GZIGS NAS KYANG THOG MA MED PA'I DUS NAS BSOD NAMS BSKYED CING BSAGS PA'I THUGS RJES KUN NAS BSKYOD PA'I THUGS KYIS ZHING PA RNAMS LA 'DI SKAD CES GSUNGS SO, , SHES LDAN DAG ,KHYED SU'I YIN, DE RNAMS KYIS GSOL PA, BYANG CHUB SEMS DPA'I LAGS SO, ,DES GSUNGS PA, SHES LDAN DAG, KHYED DENG PHAN CHAD BRAN DU MI BYA, MNGAG GZHUG PAR MI BYA, RANG DBANG CAN GAR DGA' BAR 'GRO BAR BYAS, BDE BA LA REG PAR GNAS SHIG ,RMON PA RNAMS KYANG BKROL NAS GSUNGS PA, KHYED CAG KYANG DENG PHAN CHAD RTZVA MCHOG MA NYAMS PA ZA ZHING CHU MA RDUL MA BRNYOGS SHING DANG BA DAG LA 'THUNGS SHIG ,KHYED LA PHYOGS BZHI NAS KYANG RLUNG BSIL BA LDANG BAR GYUR CIG ,DE NAS BYANG CHUB SEMS DPA' YID BYUNG BA DE NYID KYIS YAB SH'AKYA ZAS GTZANG GI ZHING SLAS KYI MTHA' LA GZIGS NAS SNUM ZHING SNGO LA 'DAB MA MTHUG CING GRIB MA BZANG PO DANG LDAN PA'I DZAMBU'I SHING GI GRIB MA GANG NA BA DER GSHEGS TE BYON NAS SHING DZAMBU'I GRIB MA LA BZHUGS TE, 'DOD PA LAS DPEN PA, SDIG PA MI DGE BA'I CHOS RNAMS LAS DBEN PA, RTOG PA DANG BCAS

32b

DPYOD PA DANG BCAS SHING DBEN PA LAS SKYES PA'I DGA' BA DANG, BDE BA ZAG PA MED PA DANG 'DRA BA'I BSAM GTAN DANG PO LA SNYOMS PAR ZHUGS SO, ,SKYE BO'I TSOGS CHEN PO 'ANG BYANG CHUB SEMS DPA' SPANGS TE MI 'GRO BAR SHING GZHAN RNAMS KYI DRUNG NA SDOD DO, ,RGYAL PO ZAS GTZANG GIS BSAMS PA, BYANG CHUB SEMS DPA' RING ZHIG THOGS TE 'DI LTAR DRO'I DUS LAS YOL GYI BLTAR 'GRO'O ZHES DE SHING RTAR ZHUGS NAS ZHING PA'I GRONG DU SONG STE PHAN TSUN DU BYANG CHUB SEMS DPA' TSOL ZHING SHING DZAMBU'I DRUNG DU PHYIN TO, ,DE'I TSE NYI MA'I GUNG YOL NAS SHING GZHAN RNAMS KYI GRIB MA SHAR PHYOGS SU GZHOL, SHAR PHYOGS SU 'BAB, SHAR PHYOGS SU BAB PAR GYUR TO, ,BYANG CHUB SEMS DPA'I MTHUS SHING DZAMBU'I GRIB MA NI BYANG CHUB SEMS DPA'I SKU MI GTONG NGO, ,RGYAL PO ZAS GTZANG GIS NYI MA'I GUNG YOL NAS SHING GZHAN RNAMS KYI GRIB MA NI SHAR PHYOGS SU GZHOL, SHAR PHYOGS SU 'BAB, SHAR PHYOGS SU BAB PAR GYUR NA, SHING DZAMBU'I GRIB MA NI BYANG CHUB SEMS DPA'I SKU MI GTONG BA MTHONG NGO, ,MTHONG NAS KYANG DE 'DI SNYAM DU SEMS TE, GZHON NU NI RDZU 'PHRUL CHE ZHING MTHU CHE BA YIN TE, 'DI LTAR DU NYI MA'I GUNG YOL NAS SHING GZHAN RNAMS KYI GRIB MA NI SHAR PHYOGS SU GZHOL, SHAR PHYOGS SU 'BAB, SHAR PHYOGS SU BAB PAR GYUR NA, SHING DZAMBU'I GRIB MA NI

33a

, ,BYANG CHUB SEMS DPA'I SKU MI GTONG BA NGO MTSAR CHE'O SNYAM MO, ,DE NAS DGA' BA'I BSTI STANG BYAS TE BYANG CHUB SEMS DPA'I ZHABS GNYIS LA GTUGS NAS TSIGS SU BCAD DE SMRAS PA, JI LTAR BLTAMS TSE SA NI G-YOS PA LTAR, ,DZAMBU'I GRIB MA KHYOD SKU MI GTONG BA, ,BLO CHEN KHYOD KYI YA MTSAN GNYIS 'DI STE, ,KUN GZIGS KHYOD KYI ZHABS LA PHYAG 'TSAL LO, ,DE NAS BYANG CHUB SEMS DPA' TING NGE 'DZIN DE LAS BZHENGS NAS SHING RTAR ZHUGS PA DANG, JI TZAM NA GTER SKYONG BA SKRA DANG, KHA SPU DANG, SEN MO RING BA GTER THOGS TE BYANG CHUB SEMS DPA' GANG NA BA DER SONG STE PHYIN NAS BYANG CHUB SEMS DPA' LA 'DI SKAD CES GSOL TO, ,LHA, GTER 'DI RNAMS BZHES SHIG, BYANG CHUB SEMS DPAS GSUNGS PA, 'DI GANG GI, LHA, SKYES BU GANG ZHIG DUS LAS 'DAS PA DE RNAMS KYI LAGS SO, ,BYANG CHUB SEMS DPAS GSUNGS PA, 'DI RNAMS KYIS CHOG GI; RE ZHIG DE RNAMS KYI BLUN PO YONGS SU GZUNG BA BYAS NAS CI ZHIG BYAS, KHYED NGA LA DGOS PA MED KYIS SONG ZHIG, TSIGS SU BCAD PAS KYANG GSUNGS PA, GANG GIS NGA LA 'CHI BA'I GTAM SMRAS PA, ,DE DAG KYANG SHI GTAM DU GYUR PA YIN, ,BDAG KYANG SHI NAS RING POR MI THOGS PAR, ,GZHAN DAG GI YANG GTAM DU 'GYUR BAR 'ONG, ,DE RNAMS KYIS

33b

YANG SGRA PHYUNG BA, GZHON NU, GAL TE MI BZHES NA BDAG CAG RGYA MTSO CHEN POR 'JUG GO ,BYANG CHUB SEMS DPAS CI BDE BAR ZHUGS SHIG CES GSUNGS PA DANG, DE RNAMS RGYA MTSO CHEN PO'I NANG DU ZHUGS SO, ,DE NAS GNAS GTZANG MA'I RIS KYI LHA RNAMS 'DI SNYAM DU SEMS TE, BYANG CHUB SEMS DPA' RNAMS NI RGYU'I STOBS CAN YIN MOD KYI 'ON KYANG RKYEN BSGRUB PAR BYA DGOS TE, 'DI LTAR RGYU'I STOBS CHEN PO'ANG RKYEN GYI STOBS LA LTOS SO, ,SNYAM NAS BYANG CHUB SEMS DPA' DUR KHROD KYI NANG NAS GSHEGS PA NA, LHA RNAMS KYIS MI RO RNAM PAR SNGOS PA DANG, RNAM PAR RNAGS PA DANG, RNAM PAR 'BUS GZHIGS PA DANG, RNAM PAR BAM PA DANG, RNAM PAR ZOS PA ZHIG BSTAN PA DANG, BYANG CHUB SEMS DPAS GZIGS NAS SKYO BA 'KHRUNGS SO, ,DE NAS RGYAL PO ZAS GTZANG MAS BYANG CHUB SEMS DPA' LAM GZHAN NAS GRONG KHYER SER SKYA'I GZHIR 'JUG PAR BYAS SO, ,DE NAS GRONG KHYER SER SKYA'I GZHI'I BUD MED KYI TSOGS SKAR KHUNG DANG, SKAR KHUNG DRA BA CAN DANG, BA GAM DAG NA BYANG CHUB SEMS DPA' LA LTA ZHING 'DUG PA DANG, SH'AKYA DUS LEGS KYI BU MO SA 'TSO MA ZHES BYA BA STENG GI KHANG BZANG GZHI LA 'DUG PA BYANG CHUB SEMS DPA' LA RTOG PA NA RKANG PA'I MTHE BOS SA LA BRKOS TE KHRAG BYUNG YANG MTSOR RO, ,BYANG CHUB SEMS DPA' YANG SA 'TSO MA LA GZIGS PA NA PHYAG

34a

, ,G-YAS KYIS MDA' PHYE MAR BRLAGS SO, ,KHA LO PAS LCAGS MDA' PHUL BA DANG DE YANG PHYE MAR BRLAGS SO, ,DE NAS RGYAL PO ZAS GTZANG MA 'DI SNYAM DU SEMS TE, 'DIS NI GZHON NU'I THUGS DANG BSTUN PAR NUS SO SNYAM MO, ,DE NAS KHA LO BSGYUR BAS SHING RTA DRANGS PA DANG, SH'AKYA DRIL BU SGRA'I BU MO'I RI DVAGS SKYES ZHES BYA BAS BYANG CHUB SEMS DPA' SHING RTAR ZHUGS TE BYON PA MTHONG BA DANG, YANG STENG GI KHANG BZANG GI GZHI LA 'DUG NAS TSIGS SU BCAD DE SMRAS PA, KYE MA 'DI YI YUM BDE ZHING, , YAB KYANG SHIN TU BDE BA YIN, ,KYE MA GANG GI KHYIM THAB GYUR, ,BUD MED DE YANG MYA NGAN 'DAS, ,SKYES MCHOG BSAM GTAN PA DE YIS, ,MYA NGAN 'DAS PA'I SGRA GSAN NAS, ,MYA NGAN 'DAS PA ZHI NYID DU, ,MKHYEN NAS DE LA THUGS DGYES GYUR, ,DE NAS BYANG CHUB SEMS DPAS MYA NGAN LAS 'DAS PA'I SGRA GSAN PAS RI DVAGS SKYES LA DGYES TE MGUL NAS MU TIG PHRENG CIG PHOG STE, 'PHANGS NAS SHING RTA DE LA BSAM GTAN LA SNYOMS PAR ZHUGS PAR MDZAD DO, ,PHRENG BA DE'ANG DE'I MGUL DU 'KHRIS PAR GYUR TO, ,DE NAS RGYAL PO ZAS GTZANG MA 'DI SNYAM DU SEMS TE, 'DIS NI BYANG CHUB SEMS DPA'I THUGS DANG BSTUN PAR NUS SO SNYAM NAS SA 'TSO MA BUD MED NYI KHRIS SKOR BA DANG, RI DVAGS SKYES KYANG

34b

BUD MED NYI KHRIS SKOR BA BYANG CHUB SEMS DPA'I BTZUN MOR BLANGS SO, ,DE LTAR NA GRAGS 'DZIN MA DANG, SA 'TSO MA DANG, RI DVAGS SKYES LA SOGS PA BTZUN MO STONG PHRAG DRUG CU BYUNG BAR GYUR TO, ,MTSAN MKHAN RNAMS KYIS GAL TE BYANG CHUB SEMS DPA' LO BDUN GYI BAR DU RAB TU MA BYUNG NA 'KHOR LOS BSGYUR BA'I RGYAL POR 'GYUR RO ZHES LUNG BSTAN TO, ,DE NAS RGYAL PO ZAS GTZANG MA 'DI SNYAM DU SEMS TE, MA LA, BDAG GIS BYANG CHUB SEMS DPA' LA 'DOD PA'I YON TAN LNGA LAS PHAL PO CHE ZHIG SBYIN PAR BYA'O SNYAM NAS PHAL PO CHE BYIN NO, ,MTSAN MKHAN GYIS GAL TE BYANG CHUB SEMS DPA' ZLA BA BDUN GYI BAR DU RAB TU MA BYUNG NA GDON MI ZA BAR 'KHOR LOS BSGYUR BA'I RGYAL POR 'GYUR RO ZHES LUNG BSTAN TO; ;DE NAS RGYAL PO ZAS GTZANG MAS BYANG CHUB SEMS DPA' LA 'DOD PA'I YON TAN LNGA SHIN TU 'ANG MANG DU BYIN TE, 'DI LTAR YANG 'DI LA MNGON PAR DGA' BAS RAB TU 'BYUNG BAR MI 'GYUR RO SNYAM MO, ,CHOS NYID KYIS BYANG CHUB SEMS DPA' SKYED MOS TSAL GYI GZHIR GSHEGS BZHED PAR GYUR PA DE'I TSE KHA LO SGYUR BA LA, KYE; KHA LO SGYUR BA, RE ZHIG BZHON PA BZANG PO MYUR BAR SHOMS SHIG DANG, DER ZHUGS NAS SKYED MOS TSAL GYI GZHIR 'GRO'O ZHES GSUNG PAR 'GYUR BAS, DE NAS BYANG CHUB SEMS DPAS KHA

35a

, ,LO SGYUR BA LA BSGO BA, KYE, KHA LO SGYUR BA, RE ZHIG BZHON PA BZANG PO MYUR DU SHOMS SHIG DANG, DER ZHUGS NAS SKYED MOS TSAL GYI GZHIR 'GRO'O, ,LHA, BKA' BZHIN 'TSAL ZHES KHA LO SGYUR BAS BYANG CHUB SEMS DPA' SH'AKYA THUB PA'I LTAR MNYAN NAS BZHON PA BZANG PO MYUR DU BSHAMS TE BYANG CHUB SEMS DPA' SH'AKYA THUB PA GA NA BA DER SONG NAS PHYIN PA DANG, BYANG CHUB SEMS DPA' SH'AKYA THUB PA LA 'DI SKAD CES SMRAS SO, ,LHA, BCIBS PA BZANG PO BSHAMS LAGS KYI, LHA, DA DE'I DUS LA BAB PAR DGONGS SU GSOL, DE NAS BYANG CHUB SEMS DPA' SH'AKYA THUB PA BZHON PA BZANG POR ZHUGS NAS SKYED MOS TSAL GYI GZHIR BYUNG BA DANG, BYANG CHUB SEMS DPA' SH'AKYA THUB PAS MI RGAS 'KHOGS GTUGS PA, SGUR PO PHYAM DGU PO LTAR KYAR KYOR CAN MDUN NAS 'KHAR BA LA BRTEN CING LUS 'DAR ZHING 'GRO BA DE'I SKRA SE BA, JI LTAR YANG MI GZHAN DAG DANG MI 'DRA BA ZHIG GZIGS SO, ,GZIGS NAS KYANG KHA LO SGYUR BA LA GSUNGS PA, KHA LO SGYUR BA, MI RGAS 'KHOGS GTUGS PA, SGUR PO PHYAM DGU PO LTAR KYAR KYOR CAN MDUN NAS 'KHAR BA LA BRTEN CING LUS 'DAR ZHING 'GRO BA DE'I SKRA SE BA, JI LTAR YANG MI GZHAN DAG DANG MI 'DRA BA 'DI CI YIN, LHA, MI 'DI NI RGAS PA ZHES BGYI'O, ,KHA LO SGYUR

35b

BA; RGAS PA ZHES BYA BA 'DI CI YIN, LHA, MI 'DI RING POR MI THOGS PA KHO NAR 'GUM PAR 'GYUR BAS DE RGAS PA ZHES BGYI'O, ,KHA LO SGYUR BA, NGA'ANG RGA BA'I CHOS DANG, RGA BA'I CHOS NYID LAS MA 'DAS SAM, LHA'ANG RGA BA'I CHOS DANG, RGA BA'I CHOS NYID LAS MA 'DAS SO, ,KHA LO SGYUR BA, DE'I PHYIR SHING RTA PHYIR SGYUR CIG, PHO BRANG NYID DU 'DONG NGO, ,'DI LTAR NGA PHO BRANG DU PHYIN NAS NGA RGA BA LAS MA 'DAS SO ZHES GRAGS PA'I DON DE NYID BSAM PAR BYA'O, ,KHA LO SGYUR BAS SHING RTA PHYIR BSGYUR NAS PHO BRANG NYID DU CHAS TE DER BYANG CHUB SEMS DPA' SH'AKYA THUB PA PHO BRANG GI NANG DU BYON NAS DE'ANG RGAS PA LAS MA 'DAS PA LTA ZHIG CES MI DGYES SHING THUGS NGAN DGONGS SO, ,'DIR SMRAS PA, DAR YOL RGAS SHING SGUR LA MGO SKYA BA, ,LAG NA 'KHAR BA THOGS PA'I MI GZIGS NAS, ,'DI BDAG RGAS LAS MA 'DAS ZHES GRAG CES, ,DE NAS MI DGYES THUGS NGAN DGONGS PAR MDZAD, ,DE NAS RGYAL PO ZAS GTZANG GIS KHA LO SGYUR BA LA SMRAS PA, KHA LO SGYUR BA, CI GZHON NU YID DGA' BA DANG, MGU BAS SKYED MOS TSAL GYI GZHIR BYUNG NGAM, SKYED MOS TSAL LA MNGON PAR DGA' BA'AM, LHA, MA LAGS SO, , DE CI'I SLAD DU ZHE NA, LHA, GZHON NU SKYED MOS TSAL GYI GZHIR GSHAGS PA NI, MI RGAS 'KHOGS GTUGS PA SGUR PO PHYAM DGU PO LTAR KYAR KYOR CAN MDUN NAS 'KHAR BA LA BRTEN

36a

, ,CING LUS 'DAR ZHING MCHI LA, DES SKRA SE BA JI LTAR YANG MI GZHAN DAG DANG MI 'DRA BA ZHIG GZIGS SO, ,GZIGS NAS KYANG BDAG LA 'DI SKAD CES BKA' STZAL TO, ,KHA LO SGYUR BA, MI RGAS 'KHOGS GTUGS PA SGUR PO PHYAM DGU PO LTAR KYAR KYOR CAN MDUN NAS 'KHAR BA LA BRTEN CING LUS 'DAR ZHING 'GRO LA, DE'I SKRA SE BA, JI LTAR YANG MI GZHAN DAG DANG MI 'DRA BA 'DI CI YIN, DE LA BDAG GIS 'DI SKAD CES GSOL TO, ,LHA, 'DI NI RGAS PA ZHES BGYI'O, ,DES 'DI SKAD CES GSUNGS TE, KHA LO SGYUR BA, RGAS PA ZHES BYA BA 'DI CI YIN, DE LA BDAG GIS 'DI SKAD CES GSOL TO, ,LHA, MI 'DI RING PO MI THOGS PA KHO NAR 'GUM PAR 'GYUR BAS, LHA, DE NI RGAS PA ZHES BGYI'O, NGES 'DI SKAD CES GSUNGS TE, KHA LO SGYUR BA, NGA YANG RGA BA'I CHOS DANG, RGA BA'I CHOS NYID LAS MA 'DAS SAM, DE LA BDAG GIS 'DI SKAD CES GSOL TO, ,LHA'ANG RGA BA'I CHOS DANG, RGA BA'I CHOS NYID LAS MA 'DAS SO, ,DES 'DI SKAD CES GSUNGS TE, KHA LO SGYUR BA, DE'I PHYIR SHING RTA PHYIR SGYUR CIG ,PHO BRANG NYID DU 'DONG NGO, ,'DI LTAR PHO BRANG DU PHYIN NAS NGA RGA BA LAS MA 'DAS SO ZHES GRAGS PA'I DON DE NYID BSAM PAR BYA'O, ,LHA, GZHON NU DE PHO BRANG GI NANG DU GSHEGS TE, DE NAS RGA BA LAS MA 'DAS PA LTA

36b

ZHIG CES MI DGYES SHING THUGS NGAN DGONGS SO, ,DE NAS RGYAL PO ZAS GTZANG MA 'DI SNYAM DU SEMS TE, MTSAN MKHAN DANG LTAS MKHAN GYI BRAM ZE DE RNAMS KYI TSIG YANG DAG PAR BDEN PAR MI 'GYUR GRANG, GZHON NU SKRA DANG KHA SPU BREGS TE GOS DUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG BAR 'GYUR DU 'ONG GI, MA LA, BDAG GIS GZHON NU LA 'DOD PA'I YON TAN LNGA LAS PHAL PO CHE ZHIG BYIN LA CI NAS KYANG 'DI LA DGA' ZHING RAB TU 'BYUNG BAR MI 'GYUR BAR BYA'O SNYAM MO, ,DE NAS RGYAL PO ZAS GTZANG GIS BYANG CHUB SEMS DPA' SH'AKYA THUB PA LA 'DOD PA'I YON TAN LNGA LAS PHAL PO CHE BYIN TE CI NAS KYANG 'DI LA DGA' ZHING RAB TU 'BYUNG BAR MI 'GYUR BAR BYAS SO, ,'DIR SMRAS PA, KHA LO SGYUR BA'I TSIG DE THOS PA DANG, ,GZHON NU LA NI YAB DE DOGS BZHIN DU, ,DE TSE SLAR DGA' NAGS SU MI 'GRO'I PHYIR, ,'DOD PA'I YON TAN LNGAR BCAS MANG DU BYIN, ,DE NAS CHOS NYID KYIS BYANG CHUB SEMS DPA' SKYED MOS TSAL GYI GZHIR GSHEGS PAR BZHED PA GYUR PA DE'I TSE KHA LO SGYUR BA LA, KYE, KHA LO SGYUR BA, RE ZHIG BZHON PA BZANG PO MYUR DU SHOMS SHIG DANG, DE LA NGA GZHON NAS SKYED MOS TSAL GYI GZHIR 'GRO'O ZHES GSUNGS PAR 'GYUR BAS, DE NAS BYANG CHUB SEMS DPAS KHA LO SGYUR BA LA GSUNGS PA, KYE, KHA LO SGYUR BA,

37a

, ,RE ZHIG BZHON PA BZANG PO MYUR DU SHOMS SHIG ,DE LA NGA BZHON NAS SKYED MOS TSAL GYI GZHIR GSHEGS SO, ,LHA, BKA' BZHIN 'TSAL LO ZHES KHA LO SGYUR BAS BYANG CHUB SEMS DPA' SH'AKYA THUB PA'I LTAR MNYAN NAS BZHON PA BZANG PO BSHAMS TE, BYANG CHUB SEMS DPA' SH'AKYA THUB PA GANG NA BDER SONG STE PHYIN NAS BYANG CHUB SEMS DPA' SH'AKYA THUB PA LA 'DI SKAD CES GSOL TO, ,LHA, BCIBS PA BZANG PO BSHAMS LAGS NA, LHA, ,DE'I DUS LA BAB PAR DGONGS SU GSOL, DE NAS BYANG CHUB SEMS DPA' SH'AKYA THUB PA BZHON PA BZANG POR ZHUGS NAS SKYED MOS TSAL GYI GZHIR BYUNG BA DANG, BYANG CHUB SEMS DPA' SH'AKYA THUB PAS MI SKYA BO RBAB RBAB PO RID PA NYAM CHUNG BA DBANG PO NYAMS PA, SKYE BO MANG PO'I MIG GIS LTA MI PHOD PA ZHIG GZIGS SO, ,GZIGS NAS KYANG KHA LO SGYUR BA LA GSUNGS PA, KHA LO SGYUR BA, MI SKYA BO RBAB RBAB PO RID PA NYAM CHUNG BA DBANG PO NYAMS PA, SKYE BO MANG PO'I MIG GIS LTA MI PHOD PA 'DI CI YIN, LHA, 'DI NI BRO NAD KYIS THEBS PA ZHES BGYI'O, ,KHA LO SGYUR BA, NAD KYIS THEBS PA ZHES BYA BA 'DI CI YIN, LHA, MI 'DI GANG GIS 'GUM PAR 'GYUR BA'I GNAS DE MCHIS TE, LHA, 'DI NI BROS THEBS BA ZHES BGYI'O, ,KHA LO SGYUR BA, NGA'ANG NAD KYI CHOS

37b

DANG; NAD KYI CHOS NYID LAS MA 'DAS SAM, LHA'ANG SNYUN GYI CHOS DANG, SNYUN GYI CHOS NYID LAS MA 'DAS SO, KHA LO SGYUR BA, DE'I PHYIR SHING RTA PHYIR SGYUR CIG ,PHO BRANG NYID DU 'DONG NGO, 'DI LTAR PHO BRANG DU PHYIN NAS NGA NAD LAS MA 'DAS PA ZHES BYA BA'I DON DE NYID BSAM PAR BYA'O, ,KHA LO SGYUR BAS SHING RTA PHYIR BSGYUR NAS PHO BRANG NYID DU CHAS TE, DER BYANG CHUB SEMS DPA' SH'AKYA THUB PA PHO BRANG GI NANG DU GSHEGS NAS BDAG KYANG NAD LAS MA 'DAS PA LTA ZHIG CES MI DGYES SHING THUGS NGAN DGONGS SO, ,'DIR SMRAS PA, MI NI LUS RID SKYA BO RBAB RBAB PO; ;RANG DBANG MED PA'I NAD THEBS 'DIR GZIGS NAS, ,NAD LAS BDAG MA 'DAS PA LTA ZHIG CES, ,DE NAS MI DGYES THUGS NGAN DGONGS PAR MDZAD, ,DE NAS RGYAL PO ZAS GTZANG GIS KHA LO SGYUR BA LA SMRAS PA, KHA LO SGYUR BA, CI GZHON NU YID DGA' BA DANG, MTHU BAS SKYED MOS TSAL GYI GZHIR BYUNG NGAM SKYED MOS TSAL LA MNGON PAR DGA' BAR GYUR TAM, LHA; MA LAGS SO, ,DE CI'I SLAD DU ZHE NA, LHA; GZHON NU SKYED MOS TSAL GYI GZHIR BYUNG BA NA, MI SKYA BO RBAB RBAB PO RING PA NYAM CHUNG BA DBANG PO NYAMS PA, SKYE BO MANG PO'I MIG GIS LTA MI PHOD PA ZHIG GZIGS SO, ,GZIGS NAS KYANG BDAG LA BKA' STZAL PA, KHA LO SGYUR BA, MI SKYA BO RBAB RBAB PA RID PA NYAM CHUNG BA DBANG PO NYAMS PA, SKYE BO

38a

, ,MANG PO'I MIG GIS LTA MI PHOD PA 'DI CI YIN, DE LA BDAG GIS 'DI SKAD CES GSOL TO, ,LHA, 'DI NI BRO NAD KYIS THEBS PA ZHES BGYI'O, ,DES 'DI SKAD CES GSUNGS TE, KHA LO SGYUR BA, NAD KYIS THEBS PA ZHES BYA BA 'DI CI YIN, DE LA BDAG GIS 'DI SKAD CES GSOL TO, ,MI 'DI GANG GNOD PA 'DIS 'GUM PA'I GNAS MCHIS TE; LHA; DE NI BROS THEBS PA ZHES BGYI'O, ,DES 'DI SKAD CES GSUNGS TE, KHA LO SGYUR BA, NGA YANG NAD KYI CHOS DANG, NAD KYI CHOS NYID LAS MA 'DAS SAM, DE LA BDAG GIS 'DI SKAD CES GSOL TO, ,LHA YANG SNYUN GYI CHOS DANG, SNYUN GYI CHOS NYID LAS MA 'DAS SO, ,DES 'DI SKAD CES GSUNGS TE, KHA LO SGYUR BA, DE'I PHYIR SHING RTA PHYIR BSGYUR CIG; PHO BRANG NYID DU 'DONG NGO, ,'DI LTAR NGA PHO BRANG NYID DU PHYIN NAS NGA NAD LAS MA 'DAS ZHES GRAGS PA'I DON DE NYID BSAM PAR BYA'O, ,GZHON NU DE PHO BRANG GI NANG DU GSHEGS NAS NGA'ANG NAD LAS MA 'DAS PA LTA ZHIG CES MI DGYES SHING THUGS NGAN DGONGS SO, ,DE NAS RGYAL PO ZAS GTZANG MA 'DI SNYAM DU SEMS TE, MTSAN MKHAN DANG, LTAS MKHAN GYI BRAM ZE DE RNAMS KYI TSIG YANG DAG PAR BDEN PAR MI 'GYUR GRANG ZHES BYA BA LA SOGS PA SNGA MA BZHIN NO, ,'DIR SMRAS PA, DE TSE DGA' NAS BDAG NGOR MI

38b

GZHUG PHYIR, ,GZUGS DANG SGRA DANG DRI DANG RO RNAMS DANG, ,REG BYA YID DU 'ONG BA GTZO RNAMS KYI, ,'DOD PA'I YON TAN LNGA PO YANG BYIN NO, ,CHOS NYID KYIS BYANG CHUB SEMS DPA' SH'AKYA THUB PA SKYED MOS TSAL GYIS GZHIR GSHEGS PAR BZHED PAR GYUR PA DE'I TSE, KHA LO SGYUR BA LA BKA' STZAL PA LA SOGS PA SNGA MA BZHIN TE, BYANG CHUB SEMS DPA' SH'AKYA THUB PAS RAS KHA DOG SNA TSOGS LAS BYAS PA'I BLA BRE BRES PA DANG, KHYOGS KHYER BA DANG, MDUN NAS ME SGRON THOGS PA DANG, SKYE BO'I TSOGS CHEN PO MDUN NAS 'GRO BA DANG, BUD MED SKRA BSHIG PA RNAMS DU ZHING RJES BZHIN DU 'BRANG BA ZHIG GZIGS SO, ,GZIGS NAS KYANG KHA LO SGYUR BA LA GSUNGS PA, KHA LO SGYUR BA, RAS KHA DOG SNA TSOGS LAS BYAS PA'I BLA BRE BRES PA DANG, KHYOGS KHYER BA DANG, MDUN NAS ME SGRON THOGS PA DANG, SKYE BO'I TSOGS CHEN PO MDUN NAS 'GRO BA DANG, BUD MED SKRA BSHIG PA RNAMS DU ZHING RJES BZHIN DU 'BRANG BA 'DI CI YIN, LHA, 'DI NI GUM PA ZHES BGYI'O, ,KHA LO SGYUR BA, SHI BA ZHES BYA BA 'DI CI YIN, LHA, MI 'DIS SLAN CHAD SDUG PA'I PHA MA MI MTHONG ZHING, BU PHO DANG, BU MO DANG, BRAN MO DANG, LAS BGYID PA DANG, ZHO SHAS 'TSO BA'I MI RNAMS KYANG MA LAGS LA DE DAG GIS KYANG SLAN CHAD 'DI MI MTHONG BAS, LHA, 'DI NI GUM PA ZHES BGYI'O, ,KHA

39a

, ,LO SGYUR BA, NGA'ANG 'CHI BA'I CHOS DANG, 'CHI BA'I CHOS NYID LAS MA 'DAS SAM, LHA'ANG 'CHI BA'I CHOS DANG, 'CHI BA'I CHOS NYID LAS MA 'DAS SO, ,KHA LO SGYUR PA, DE'I PHYIR SHING RTA PHYIR SGYUR CIG ,PHO BRANG NYID DU 'DONG NGO, ,'DI LTAR NGA PHO BRANG DU PHYIN NAS NGA 'CHI BA LAS MA 'DAS ZHES GRAG PA'I DON DE NYID BSAM PAR BYA'O, ,KHA LO SGYUR BAS SHING RTA PHYIR BSGYUR NAS PHO BRANG NYID DU CHAS TE DER BYANG CHUB SEMS DPA' SH'AKYA THUB PA PHO BRANG GI NANG DU GSHEGS NAS BDAG KYANG 'CHI BA LAS MA 'DAS PA LTA ZHIG CES MI DGYES SHING THUGS NGAN DGONGS SO, ,'DIR SMRAS PA, TSE ZAD PA YIS 'DU SHES BRAL GYUR CING, ,SEMS MED MI YI RO ZHIG GZIGS NAS NI, ,'CHI LAS BDAG MA 'DAS PA LTA ZHIG CES, ,DE NAS MI DGYES THUGS NGAN DGONGS PAR MDZAD, ,DE NAS RGYAL PO ZAS GTZANG GIS KHA LO SGYUR BA LA SMRAS PA ZHES BYA BA LA SOGS PA NI SNGA MA BZHIN NO, ,'DIR SMRAS PA, GRONG KHYER DAM PA LA DPAL LDAN YID 'ONG DER, ,LHA YI LHAR GYUR SGRON MA DANG MTSUNGS PA, ,'DOD PA'I YON TAN LNGA POS KUN DGYES PA, ,MIG STONG DGA' BA'I TSAL NA GNAS PA BZHIN, ,DE NAS GNAS GTZANG MA'I RIS KYI LHA RNAMS 'DI SNYAM DU SEMS TE, BYANG CHUB SEMS DPA' NI RGYU'I STOBS CAN YIN MOD KYI 'ON KYANG RKYEN BSGRUB PAR

39b

BYA DGOS TE, 'DI LTAR RGYU'I STOBS CHEN PO'ANG RKYEN GYI STOBS LA LTOS SO SNYAM NAS, DE RNAMS KYIS MI SKRA BREGS SHING GOS NGUR SMRIG GYON PA, LAG PA NA LHUNG BZED THOGS PA ZHIG BYIM NAS KHYIM DANG, KHANG PA NAS KHANG PAR RGYU ZHING 'GRO BA ZHIG SPRUL TO, ,CHOS NYID KYIS BYANG CHUB SEMS DPA' SKYED MOS TSAL GYIS GZHIR GSHEGS PAR BZHED PAR GYUR PA ZHES BYA BA LA SOGS PA NI SNGA MA BZHIN NO, ,SKYED MOS TSAL GYI GZHIR BYUNG BA DANG, BYANG CHUB SEMS DPA' SH'AKYA THUB PAS MI SKRA BREGS SHING GOS NGUR SMRIG GYON PA LAG PA NA LHUNG BZED THOGS PA ZHIG KHYIM NAS KHYIM DANG, KHANG PA NAS KHANG PAR RGYU ZHING 'GRO BA ZHIG GZIGS SO, ,GZIGS NAS KYANG KHA LO SGYUR BA LA GSUNGS PA, KHA LO SGYUR BA, MI SKRA BREGS SHING LAG PA NA LHUNG BZED THOGS NAS KHYIM NAS KHYIM DANG, KHANG PA NAS KHANG PAR RGYU ZHING 'GRO BA 'DI'I GOS KYANG KHA DOG MI MTSUNGS TE, JI LTAR YANG MI GZHAN DAG GI DANG MI 'DRA BA CI YIN, LHA, DE NI RAB TU BYUNG BA ZHES BGYI'O, ,KHA LO SGYUR BA, RAB TU BYUNG BA ZHES BYA BA 'DI CI YIN, LHA, RAB TU BYUNG BA DE NI DUL BA LEGS PA DANG, YANG DAG PAR SDOM PA LEGS PA DANG, DON SPYOD PA LEGS PA DANG, CHOS SPYOD PA LEGS PA DANG, DGE BA SPYOD PA LEGS PA DANG, DGE LEGS SPYOD PA LEGS PAR RIG NAS SKRA DANG, KHA SPU BREGS TE, GOS NGUR SMRIG BGOS NAS DAD

40a

, ,PA YANG DAG PA KHO NAS KHYIM NAS KHYIM MED PAR RAB TU BYUNG BA STE, LHA; 'DI NI RAB TU BYUNG BA ZHES BGYI'O, ,KHA LO SGYUR BA, DE'I PHYIR SHING RTA 'DI RAB TU BYUNG BA GANG NA BDE LOGS SU SGYUR CIG, LHA; BKA' BZHIN 'TSAL ZHES KHA LO SGYUR BAS BYANG CHUB SEMS DPA' SH'AKYA THUB PA'I LTAR MNYAN NAS SHING RTA DE RAB TU BYUNG BA GANG NGA BA DER BSGYUR TO, ,DE NAS BYANG CHUB SEMS DPA' SH'AKYA THUB PAS RAB TU BYUNG BA DE LA 'DI SKAD CES BKA' STZAL TO, ,KYE; MI KHYOD CI'I PHYIR SKRA BREGS SHING LAG PA NA LHUNG BZED THOGS NAS KHYIM NAS KHYIM DANG, KHANG PA NAS KHANG PAR RGYU ZHING 'GRO LA KHYOD KYI GOS KYANG KHA DOG MI MTSUNGS TE, JI LTAR YANG MI GZHAN DAG GI DANG MI 'DRA BA YIN, DES 'DI SKAD CES SMRAS SO, ,GZHON NU, BDAG NI RAB TU BYUNG BA ZHES BGYI'O, ,KYE; MI KHYOD JI LTAR NA RAB TU BYUNG BA ZHES BYA, GZHON NU, BDAG GIS DUL BA LEGS PA DANG, YANG DAG PAR SDOM PA LEGS PA DANG, DON SPYOD PA LEGS PA DANG, CHOS SPYOD PA LEGS PA DANG, DGE BA SPYOD PA LEGS PA DANG, DGE LEGS SPYOD PA LEGS PAR RIG NAS SKRA DANG, KHA SPU BREGS TE, GOS NGUR SMRIG BGOS NAS DAD PA YANG DAG PAR KHO NAS KHYIM NAS KHYIM MED PAR RAB TU BYUNG STE, DE LTAR NA BDAG RAB TU BYUNG BA ZHES BYA'O, ,KYE; MI KHYOD KYIS DUL

40b

BA LEGS PA DANG, YANG DAG PAR SDOM PA LEGS PA DANG, DON SPYOD PA LEGS PA DANG, CHOS SPYOD PA LEGS PA DANG, DGE BA SPYOD PA LEGS PA DANG, DGE LEGS SPYOD PA LEGS PAR RIG NAS SKRA DANG, KHA SPU BREGS TE, GOS NGUR SMRIG BGOS NAS DAD PA YANG DAG PA KHO NAS KHYIM NAS KHYI MA MED PAR RAB TU BYUNG BA LEGS SO, ,DE NAS BYANG CHUB SEMS DPA' SH'AKYA THUB PAS KHA LO SGYUR BA LA GSUNGS PA, KHA LO SGYUR BA, DE'I PHYIR SHING RTA PHYIR SGYUR CIG, PHO BRANG NYID DU 'DONG NGO, ,'DI LTAR NGA PHO BRANG NYID DU PHYIN NAS DON 'DI KHO NA BSAM PAR BYA'O; ;KHA LO SGYUR BAS SHING RTA PHYIR BSGYUR NAS PHO BRANG NYID DU CHAS TE, DER PHO BRANG DU GSHEGS PA DANG, BYANG CHUB SEMS DPA' SH'AKYA THUB PA KYE MA'O BDAG NI SKRA DANG, KHA SPU BREGS TE GOS NGUR SMRIG BGOS NAS DAD PA YANG DAG PAR KHO NAS KHYIM NAS KHYIM MED PAR RAB TU BYUNG BAR BYA'O SNYAM PA'I DON DE NYID DGONGS SO, ,DE NAS RGYAL PO ZAS GTZANG GIS KHA LO SGYUR BA LA SMRAS PA LA SOGS PA NI SNGA MA BZHIN NO, ,DE NAS SKYE DGU'I BDAG MO CHEN MOS RMI LAM RMIS BA, DBANG PO'I RTOG LHUNG BA DANG, SH'AKYA RNAMS PHYAG DAR GYIS KHENGS PA DANG, SA LDOG PA DANG, DPAL KHYIM NAS BYUNG BA DANG, PHYI ROL NA SKAD CIG CING DU ZHING DGOD PA LA BDAG NYID LTA BA DANG, NYI MA GANG NAS SHAR BA DE NYID NAS NUB PA'O, ,BYANG CHUB

41a

, ,SEMS DPAS DE GSAN PA DANG, DGONGS PA, NGA NI SH'AKYA RNAMS KYI DBANG PO'I TOG GI GNAS YIN PA DANG, NGA GRONG KHYER NAS 'BYUNG MA DPAL BYUNG BAR 'GYUR RO, , RGYAL PO ZAS GTZANG MAS KYANG RMI LAM RMIS PA, DPAL GYI MAL KHRI CHAG PA DANG, PHA'I RGYUD CHAD PA'O, ,BYANG CHUB SEMS DPAS DE GSAN PA DANG, DE DE BZHIN TE, DA NI GRAGS 'DZIN MA'I DPAL GYI GNAS SU GYUR PA DANG, ZAS GTZANG MA'I PHA'I RIGS RGYUD KYI GNAS SU GYUR PAS NGA RAB TU BYUNG NA SH'AKYA RNAMS KYI RIGS RGYUD CHAD PAR 'GYUR RO, ,MTSAN MA MKHAN RNAMS KYIS RGYAL PO ZAS GTZANG MA'I MDUN DU GAL TE GZHON NU ZHAG BDUN GYI BAR DU RAB TU MA BYUNG NA 'KHOR LOS BSGYUR BA'I RGYAL POR 'GYUR RO ZHES LUNG BSTAN TO, ,'DI SKAD CES KYANG SMRAS SO, ,GAL TE DE YI BZANG PO GZIGS BZHED NA, ,DE SLAD DGUNG BDUN BAR DU SRUNGS SHIG DANG, ,MI DBANG GDUGS NI BDAL BAR GYUR PA LTA'I, ,RIN CHEN SNA BDUN 'BYUNG BAR THE TSOM MED, ,KHYOD SRAS RIN CHEN BDUN PO YIS, ,DBANG PHYUG GI NI RGYAL POR 'GYUR, ,RGYA MTSO LA NI THUG PA'I SA, ,CHAD PA MED PAS SKYONG BAR 'GYUR, ,'ON TE SA NI SPANGS NAS SU, ,BSNYENGS MED NAGS SU BZHUD NA NI, ,THAMS CAD MKHYEN PA THOB GYUR NAS, ,'GRO BA SGROL BA MDZAD PAR 'GYUR, ,ZHES THOS SO, ,THOS NAS KYANG ZAS GTZANG DANG,

41b

ZAS DKAR DANG, BRE BO ZAS DANG, BDUD RTZI ZAS BZHI LHAN CIG GCIG TU TSOGS NAS GROS BYA BAR BRTZAMS PA, SHES LDAN DAG ,MTSAN MKHAN DANG, BLTAS MKHAN GYI BRAM ZE RNAMS KYIS BYANG CHUB SEMS DPA' SH'AKYA THUB PA LA GAL TE ZHAG BDUN GYI BAR DU RAB TU MA BYUNG NA 'KHOR LOS BSGYUR BA'I RGYAL POR 'GYUR RO ZHES LUNG BSTAN GYI, DE LTA BAS NA BDAG CAG GIS BYANG CHUB SEMS DPA' ZHAG BDUN GYI BAR DU BSGRIMS TE BSRUNG BAR BYA ZHING GRONG KHYER YANG LEGS PAR BSRUNG BAR BYA'O, ,DE NAS DE RNAMS KYIS SER SKYA'I GZHI'I GRONG KHYER RAB RIM PA BDUN DANG, 'OBS RIM PA BDUN GYIS BSKOR NAS GRONG KHYER GYI SGO 'PHAR LCAGS LAS BYAS SHING SGO 'PHAR RNAMS LA DRIL BU SHIN TU SKRAGS GSAL BA BTAGS TE, SGO PHYE NA DE'I SGRAS DPAG TSAD GCIG KHOR YUG TU GRAG PAR 'GYUR RO, ,BYANG CHUB SEMS DPA' KHANG BZANG GI GZHI NA BUD MED YID 'PHROG PA, GZUGS BZANG BA RNAMS DANG, GAR DANG, GLU DANG, ROL MO RNAMS KYI SPYOD PAS BSNYEN BKUR BYED DU BCUG GO ,SKAS SHIN TU CHE BA SPOR RUNG BA MI LNGA BRGYAS BTEG PA BYAS SO, ,CHIBS BSNGAGS LDAN GYIS PHYOGS NI ZANGS MA'I GLEGS BUS G-YOGS SHING GSER GYI SIL DKROL GYI DRA BA BTAGS PAS BSKOR TO, ,BYANG CHUB SEMS DPA' NI STENG GI KHANG BZANG GI GZHI BSKYES PA MED PAR ZHUGS NAS, PI WANG DANG, GLING BU DANG, 'KHAR RNGA DANG,

42a

, ,SGRA SNYAN LA SOGS PA ROL MO'I CHA BYAD DAG NYE BAR LEN CING 'BYOR PA CHEN POS BZHUGS SO, ,MTSAN MO NI RGYAL PO ZAS GTZANG YANG DPUNG GI TSOGS YAN LAG BZHI DANG, SHAR SGO'I PHYI ROL NA 'DUG GO, LHO PHYOGS NA NI BRE BO ZAS SO, ,NUB PHYOGS NA NI ZAS DKAR RO, BYANG PHYOGS NA NI BDUD RTZI ZAS SO, ,GRONG KHYER GYI DBUS KYI 'DRAM PO BYED PA NI SH'AKYA MING CHEN DPUNG GI TSOGS YAN LAG BZHI DANG LDAN PA'O, ,DE SHAR SGOR SONG NAS SMRAS PA, SU ZHIG MEL TSE BYED, SU ZHIG MEL TSE BYED, RGYAL PO ZAS GTZANG GIS SMRAS PA, KHO BO MEL TSE BYED DO, ,LHA; MEL TSE MDZOD CIG, MEL TSE MDZOD DANG, KHYOD LA LEGS PAR 'GYUR ZHES SMRAS TE TSIGS SU BCAD DE SMRAS PA, 'JIG RTEN GNYID LOG RO DANG MTSUNGS, ,GNYID LOG BDUD KYI DBANG DU SONG, ,'DI NI MI NYAL RTAG TU MKHAS, ,DE BAS MA NYAL MEL TSE BYOS, ,LHO SGOR SONG NAS SMRAS PA, SU ZHIG MAL TSE BYED, ,SU ZHIG MEL TSE BYED, BRE BO ZAS KYIS SMRAS PA, KHO BO MEL TSE BYED DO, ,LHA; MEL TSE MDZOD CIG, MEL TSE MDZOD DANG, KHYOD LA LEGS PAR 'GYUR RO ZHES SMRAS NAS TSIGS SU BCAD DE SMRAS PA, 'JIG RTEN GNYID LOG RO DANG MTSUNGS, ,GNYID LOG BDUD KYI DBANG DU SONG, ,GNYID LOG 'CHI BDAG DBANG DU SONG, ,DE BAS MA

42b

NYAL MEL TSE BYOS, ,NUB SGOR SONG NAS SMRAS PA, SU ZHIG MEL TSE BYED, SU ZHIG MEL TSE BYED, ZAS DKAR GYIS SMRAS PA, KHO BO MEL TSE BYED DO, ,LHA; MEL TSE MDZOD CIG, MEL TSE MDZOD DANG, KHYOD LA LEGS PAR 'GYUR RO ZHES SMRAS NAS TSIGS SU BCAD DE SMRAS PA, GNYID LOG PA NI RTAG TU MYOS, ,MYOS 'GYUR BRE BOS 'THUNGS BA NYAL, ,DGON PA NAGS SU NYAL BA 'DRAS, ,DE BAS MNYAL MEL TSE BYOS, ,BYANG SGOR SONG NAS SMRAS PA, SU ZHIG MEL TSE BYED, ,SU ZHIG MEL TSE BYED, BDUD RTZI ZAS KYIS SMRAS PA, KHO BO MEL TSE BYED DO, , LHA; MEL TSE MDZOD CIG ,MEL TSE MDZOD DANG, KHYOD LA LEGS PAR 'GYUR RO ZHES SMRAS NAS TSIGS SU BCAD DE SMRAS PA, RI NYAL RI SUL NYAL BA BZHIN, ,RGYA MTSO'I CHUR NI NYAL BA DANG, ,LJON SHING RTZE LA NYAL BA BZHIN, ,DE BAS MNYAL MEL TSE BYOS, ,DBUS KYI BZHI MDO DANG, SUM MDO DAG TU SONG NAS SMRAS PA, SU ZHIG MEL TSE BYED, SU ZHIG MEL TSE BYED; SRUNG MA RNAMS KYIS SMRAS PA, BDAG CAG MEL TSE BGYID DO, ,MEL TSE BYOS SHIG ,MEL TSE BYAS DANG, LEGS PAR 'GYUR RO, ZHES SMRAS NAS TSIGS SU BCAD DE SMRAS PA, CHOS SPYOD CHOS MA YIN MA SPYOD, ,BDEN PAR SPROS SHIG RDZUN MA SMRA, ,MUN PA CHEN POR 'JUG PAR 'GYUR, ,DE BAS MA NYAL MEL TSE BYOS, ,DE NAS NAM NANGS NAS SH'AKYA MING

43a

, ,CHEN GYIS RGYAL PO ZAS GTZANG LA SMRAS PA, LHA; DGUNG SANGS LAGS TE, DGUNG BDUN LA DGUNG GCIG NI THAL, DGUNG DRUG NI LUS SO, ,RGYAL PO ZAS GTZANG GIS SMRAS PA, LAGS KYI ZHAG DRUG 'DAS NAS GZHON NU 'KHOR LOS BSGYUR BAR GYUR NA BDAG CAG NAM MKHA'I NGOS LA RGYU ZHING GLING BZHIR PHYI BZHIN 'DONG NGO, ,DENG SHIN TU DGUNG GCIG LUS SO ZHES BYA BA'I BAR DU'O, ,DE NAS LHA'I DBANG PO BRGYA BYIN 'DI SNYAM DU SEMS TE, MI DBANG SH'AKYA'I SRAS PO THUB PA 'DI, ,BDAG NYID CHEN PO PHA ROL PHYIN DRUG RDZOGS,, THUGS RNAMS DGYES PAR MDZAD PA DKA' THUB TSAL, ,'PHAGS PA DGYES PA'I NAGS SU GSHEGS PAR BZHED, ,DE NAS BYANG CHUB SEMS DPA' 'DI SNYAM DU DGONGS TE, BDAG LA GZHAN DAG GZHON NU SH'AKYA THUB PA NI SKYES PA MA YIN TE, GANG GI PHYIR GRAGS 'DZIN MA DANG, SA 'TSO MA DANG, RI DVAGS SKYES DANG, BUD MED DRUG KHRI SPANGS NAS RAB TU 'BYUNG NGO ZHES GZHI DE LAS KHA ZER BAR 'GYUR DU 'ONG GI, MA LA, BDAG GIS GRAGS 'DZIN MA DANG LHAN CIG DGA' MGUR SPYAD PAR BYA'O SNYAM NAS DES GRAGS 'DZIN MA DANG LHAN CIG DGA' MGUR SPYAD PA DANG GRAGS 'DZIN MA SEMS CAN DANG LDAN PAR GYUR NAS, DE 'DI SNYAM DU SEMS TE, NAM NANGS NAS BYANG CHUB SEMS DPA'I SNYAN DU GSOL LO SNYAM

43b

MO; ;DE NAS BYANG CHUB SEMS DPA' DE'I TSE RTEN CING 'BREL PAR 'BYUNG BA DANG LDAN PAS TSIGS SU BCAD DE GSUNGS PA, BUD MED DANG BDAG KHYIM NYAL BA'I, ,THA MA DENG GI 'DI YIN TE, , PHYIN CHAD KHYIM DU BUD MED DANG, ,NGA NI LHAN CIG MI GNAS SO, ,DE NAS BUD MED DE RNAMS GAR DANG, GLU DANG, ROL MOS NGAL ZHING LCI LA DUB NAS KHA NAS KHA CHU 'DZAG CING SKRA ZHIG LA GOS DANG, LAG PA DAG LHUG PAR BTANG NAS, BLA BA'I TSIG BYUNG RGYAL DU RDOL ZHING GNYID LOG GO ,BYANG CHUB SEMS DPAS BUD MED DE DAG THAMS CAD KHA NAS KHA CHU 'DZAG CING SKRA ZHIG LA GOS DANG, LAG PA DAG LHUG PAR BTANG NAS, BLA BA'I TSIG BYUNG RGYAL DU RDOL ZHING GNYID LOG PA GZIGS SO, ,GZIGS NAS KYANG BTZUN MO'I 'KHOR LA DUR KHROD KYI 'DU SHES SKYES SO, , DE NAS BYANG CHUB SEMS DPA'I SKYO BA 'KHRUNGS PA DANG TSIGS SU BCAD DE GSUNGS PA, RLUNG GI SHUGS KYIS PADMA'I TSAL LTAR SA GZHI 'DIR, ,LAG PA DAG DANG RKANG PA BRKYANG NAS 'GYEL 'GYUR TE, ,SKRA RNAMS ZHIG CING MDOMS DANG RKUB KYI PHYOGS SNANG BA, SH'AKYA'I SRAS KYIS GZIGS NAS RANG BZHIN SKYO BAR 'GYUR, ,TSUL DANG 'DRA BA'I BUD MED NA CHUNG TSOGS 'DI DAG ,DUR KHROD 'JIGS SU RUNG BA'I RANG BZHIN 'DRAR MTHONG NAS, ,SEMS CAN BYIS PA'I SPYOD YUL LA NI DENG DGA' NA, ,SEMS DANG BLO GROS DRAN DANG BRAL BA YIN

44a

, ,NAM CI, ,'DOD PA THA CHAD 'DAM DANG MDA' MDUNG DUG ME 'DRA, ,RMI LAM LTA BU YIN TE TSVA CHU'I RO DANG MTSUNGS, ,'DOD PA PHUNG BYED RTZOD DANG SDIG PA'I RGYUR GYUR PA, , MTHA' NGAN SPRUL GYI KHA 'DRA BDAG GIS SPANG BAR BYA, ,DE NAS BYANG CHUB SEMS DPA' GZIMS MAL CHEN PO LA GZIMS PA NA, MTSAN MO DE NYID LA RMI LAM LNGA RMIS PA, SA CHEN PO NYID GZIMS MAL DU BYAS SHING RI RAB RI'I RGYAL PO DBU RTEN DU BCUG, PHYAG G-YON PA SHAR PHYOGS KYI RGYA MTSO CHEN POR 'JUG, PHYAG G-YAS PA NUB PHYOGS KYI RGYA MTSO CHEN POR 'JUG, ZHABS GNYIS RGYA MTSO CHEN POR 'JUG PA DANG, 'GRENG PA ZHES BYA BA'I RTZA'I RIGS LTE BA NAS BYUNG NAS NAM MKHA'I BAR DU 'PHAGS TE 'DUG PA DANG, BYA KUN NAS DKAR LA MGO NAG PA RNAMS KYIS ZHABS GNYIS LA GTUGS NAS PUS MO'I LHA NGA LA THUG PA'I BAR DU LTA BA DANG, BYA SNA TSOGS PHYOGS BZHI NAS 'ONGS NAS MDUN DU KHA DOG GCIG TU 'DUG PA DANG, MI GTZANG BA'I RO'I STENG NAS BDAG NYID MI GTZANG BAS MA GOS PAR 'CHAG PA'O, ,DE LTA BU RMIS NAS KYANG THUGS DGYES TE DGONGS PA, NGA'I RMI LAM 'DI 'DRA BA RMIS PAS RING PO MI THOGS PA KHO NAR BLA NA MED PA'I YE SHES THOB PAR 'GYUR RO SNYAM MO, ,GRAGS 'DZIN MAS KYANG RMI LAM DU MTHONG BA, BDAG GIS SO KUN LHAGS PA DANG, DUNG GI DPUNG PA

44b

CHAG PA DANG, ZLA BAS LA LHUNG BA DANG, SKAR MA RNAMS NI DU BA'O, ,GRAGS 'DZIN MAS KYANG RMI LAM RMIS PA DE BYANG CHUB SEMS DPA' LA GSOL BA DANG, BYANG CHUB SEMS DPAS GSUNGS PA; KHYOD KYI SO NI KHA NANG GNAS, ,ZLA BA 'DI NI MKHAR GNAS KYIS, ,YID KYI GDUNG BA BSAL NAS NI, ,DOGS MED BDE BAR GNYID LOG CIG, DE NAS GRAGS 'DZIN MA 'DI SNYAM DU SEMS TE; RMI LAM 'JIGS PA RMIS PA NA, ,BDAG YID DOGS DANG BCAS PAR 'GYUR, ,DENG GI MTSAN MO SDUG PA DANG, ,'DRA LA DAG TU MI 'GYUR GRANG, ,DE NAS LHA'I DBANG PO BRGYA BYIN 'DI SNYAM DU SEMS TE, BYANG CHUB SEMS DPA' RNAMS NI JI LTAR RGYU'I STOBS CAN YIN MOD KYI 'ON KYANG RKYEN GYIS BSGRUB PAR BYA DGOS TE, 'DI LTAR RGYU'I STOBS CHEN PO'ANG RKYEN GYI STOBS LA LTOS SO SNYAM NAS, BYANG CHUB SEMS DPA' GANG NA BA DER SONG STE PHYIN PA DANG, KHANG BZANG GI GZHI LA 'DUG STE, BYANG CHUB SEMS DPA' LA 'DI SKAD CES GSOL TO, ,NAGS KYI SPRE'U NI SPYOD YUL RGYU 'DRA ZHING, ,YAN PAR 'DUG PA'I RTE'U DANG 'DRA BA'I THUGS, ,GAL TE 'DOD PA'I YON TAN LAS BZLOG NA, ,DE LAS SHIN TU GSAL BA'I SNANG BA GZIGS, ,BLO GROS BZANG PO BZHENGS SHIG BZHENGS, ,SA NI SPANGS TE BZHUD MDZOD LA, ,THAMS CAD MKHYEN NYID BRNYES NAS NI, ,'GRO BA DAG NI BSGRAL BAR MDZOD, ,BYANG CHUB SEMS DPAS GSUNGS PA NI, ,KOO

45a

, ,SHI KA MA MTHONG NGAM, ,NGA NI RI DVAGS BDAG PO RGYAS BSKOR LTAR, ,MI NI MTHU LDAN GZHU MTSON RAL GRI THOGS, ,RTA GLANG SHING RTA DPUNG TSOGS MANG PO YIS,, GRONG KHYER SER SKYA KUN NAS YONGS SU BSKOR, ,ZAS GTZANG LA SOGS SH'AKYA'I TSOGS 'DI DAG ,GLANG CHEN RTA ZHON LEGS PAR GO BGOS LUS, ,MI SDUG SNA TSOGS LAG NA MTSON THOGS TE, ,KHYAMS DANG RTA BABS KHANG BZANG GZHI NANG GNAS, ,PHO BRANG DANG NI KHYIM SGO DANG, ,DE BZHIN GRONG KHYER SGO DAG KYANG, ,BCAD NAS GTAN PA DAM BCUG STE, ,DE BZHIN KUN NAS BSRUNGS PAR GYUR, ,RU DUNG PA tA HA SGRA RNGA SGRA YIS, ,KHYAMS DANG RTA BABS KHANG BZANG NANG GNAS SHING, ,GLANG CHEN RTA DMAG 'BAD PA'I SKYE BO'I TSOGS, ,RGYUN DU NGA MI GTANG PHYIR SRUNG BAR BYED, ,BRGYA BYIN GYIS GSOL PA, NGES PA MAR ME MDZAD KYI LUNG BSTAN DANG, ,SDUG BSNGAL GYIS GDUNGS 'JIG RTEN 'DI DANG YAB, ,KHYOD KYI SNGON GYI DAM BCAS DGONGS MDZOD LA, ,KHAB DAG SPANGS TE NGES PAR 'BYUNG BAR MDZOD, ,JI LTAR KHYOD NI BGEGS MED PAR, ,DENG NYID NAGS SU GSHEGS 'GYUR BA, ,BDAG CAG TSANGS SOGS BCAS PA YI, ,LHA RNAMS KYIS NI DE BZHIN BGYI, ,BYANG CHUB SEMS DPAS LEGS SO ZHES GSUNGS NAS THUGS DGYES PAR GYUR TO, ,DE NAS LHA RNAMS KYI DBANG PO BRGYA BYIN GYIS

45b

GNYID KYIS MYOS PAR BYAS NAS GNOD SBYIN GYI SDE DPON CHEN PO LNGAS RTZEN LA BSGO BA, GROGS PO, BYANG CHUB SEMS DPA' STENG GI KHANG BZANG NAS BABS KYI SKAS LONG ZHIG ,DES SKABS BLANGS PA LA BYANG CHUB SEMS DPA' BABS PA DANG, DE NAS BRGYA BYIN GYIS BRNGA BYAS MA THAG TU ZHABS 'BRING BA 'DUN PA GANG NA PA DER GSHEGS NA JI TZAM NA 'DUN PA GNYID STUG POS NON PAR GZIGS NAS NI BYANG CHUB SEMS DPAS BSGRIMS TE BSLANGS NAS TSIGS SU BCAD PA'I DBYANGS KYIS GSUNGS PA, 'DUN PA LONGS KYI KHYIM NAS MYUR BAR NI, ,NGA YI RTA PO RIN CHEN BSNGAGS LDAN LONG, ,SNGON GYI RGYAL BAS LONGS SPYOD DKA' THUB TSAL, ,THUB RNAMS DGYES PA MDZAD PAR NGA GSHEGS SO, ,'DUN PA GNYID LOG PA'I MIG PHYE NAS SMRAS PA, LHA KHYOD SKYED MOS TSAL GYI DUS MA BAB, ,DOS PA KHYOD DANG 'GA' YANG 'KHON MA MCHIS, ,KHYOD LA DGRA BO SU YANG MA MCHIS NA, ,DGUNG PHYED KHYOD LA BCIBS PA CI ZHIG BGYI, ,BYANG CHUB SEMS DPAS BKA' STZAL PA, 'DUN PA KHYOD KYIS LAN 'GA' YANG, ,NGA YI TSIG NI MA BCAG NA, ,NGA YI DENG DUS THA MA LA, ,NGA YI TSIG 'DI MA GCAG CIG ,'DUN PAS GSOL PA, GZHON NU, MTSAN MO 'DI NI 'JIGS PA DANG, 'JIGS SU RUNG PA MCHIS PAS BDAG BCIBS PA MI LEN NO, ,BYANG CHUB SEMS DPAS DGONGS PA, LAN DANG, YANG LAN GYIS GDON MI ZA BAR SKYE BO

46a

, ,SAD PAR 'GYUR GYI, BDAG NYID SONG LA RTA'I RGYAL PO BSNGAGS LDAN STA GON BYA'O SNYAM NAS, DE NAS NYID KYI PHO BRANG GI SGO PHYE NAS RTA'I RGYAL POR BSNGAGS LDAN BZUNG BAR BRTZAMS PA NA MJING KYOG BYED LA PHAR BROS TSUR BROS SHING 'DUG TU MI BTUB BO, ,DE NAS BYANG CHUB SEMS DPA'I PHYAG BSOD NAMS BRGYA PHRAG DU MAS BSKYED PA 'KHOR LO DANG, BKRA SHIS DANG, G-YUNG DRUNG 'KHYIL BA MNGA' BA, SKRAG PA RNAMS DBUGS 'BYIN PAR MDZAD PAS MGO LA BYUGS NAS GSUNGS PA, BSNGAGS LDAN THA MA YI NI KHUR LONG STE, , DKA' THUB NAGS SU MA THOGS NGA SKYOL CIG, BYANG CHUB THOB NAS MYUR DU 'GRO BA KUN, ,BSAM GTAN RNAM THAR CHAR GYIS TSIM PAR BYA, ,CHOS NYID KYIS DUD 'GRO'ANG GDAMS NA PHYI LANG MI BYED PAS RTA'I RGYAL PO BSNGAGS LDAN MI G-YO BAR 'DUG GO ,DE NAS BYANG CHUB SEMS DPA' THUGS DGYES PA SKYES TE, RTA'I RGYAL PO BSNGAGS LDAN BSTAD DO, ,JI TZAM NA SH'AKYA MING CHEN 'DRAM PO BYED PA SKYE BO NYUL ZHING PHYOGS DER PHYIN PA DANG, BYANG CHUB SEMS DPA' GSHEGS PAR CHAS PA MTHONG NGO, ,DE NAS SKAD 'DZER CING MIG MCHI MAS GANG BAS SMRAS PA, GZHON NU 'DI CI MDZAD, MING CHEN, 'GRO'O, ,GZHON NU, 'DI NI RIGS PA MA LAGS SO, ,BYANG CHUB SEMS DPAS GSUNGS PA, MING CHEN, 'DI NYID RIGS PA YIN TE,

46b

GANG GI PHYIR NGAS BSKAL PA GRANGS MED PA GSUM DU DKA' BA BRGYA STONG DU MAS SEMS CAN RNAMS KYI DON DU BYANG CHUB YANG DAG PAR BSGRUBS PA DES NA DANG CI KHYIM NA 'DUG PHOD DAM; 'DI NI NGES TE DKA' THUB KYI TSAL DU 'GRO'O, ,GANG ZHIG 'BAR BA'I KHYIM CHEN LAS, ,MKHAS RNAMS MYUR DU 'BYUNG BA LA, ,LEGS MIN SMRA BAR MI 'OS KYI, ,DE NI BSNGAGS PAR 'OS NYID YIN, ,DE BZHIN RGA NAD 'CHI BA YIS, ,RAB 'BAR SRID PA'I GZEB LAS NI, ,'BYUNG BAR 'DOD GYUR GANG YIN LA, ,'DIR NI MI RIGS CI ZHIG MTHONG, ,DE LTAR GSUNG DRAG POS SPYOS PA DANG, MING CHEN GDONG LAS MCHI MA CHAR BZHIN DU 'BAB CING CHONG 'DEBS PA LA ZHUGS TE, KYE HUD, DENG DU RGYAL PO ZAS GTZANG DANG, ,SH'AKYA DAG NI THAMS CAD KYIS, ,YANG DANG YANG DU BSAMS PA YI, ,RE BA 'BRAS BU MED PAR GYUR, DENG DU RGYAL PO ZAS GTZANG NI, ,SRAS KYI MYA NGAN GYIS GDUNGS PA, ,LAG BSGRENG BZHIN DU SDUG BSNGAL ZHING,, MI BZANG SGRA NI 'BYIN PAR 'GYUR, ,SA MTSO GRAGS 'DZIN RI DVAGS SKYES, ,DE BZHIN BTZUN MO'I 'KHOR RGYAS PA'ANG, ,DON GRUB DANG NI BRAL BA YIS, ,SHIN TU SDUG BSNGAL MYONG BAR 'GYUR, ,ZHES SMRAS NAS, DE DNGANGS PAS GRAGS 'DZIN MA BSLANG STE SMRAS PA, DON GRUB 'DI NI SHES GYUR GYI, ,KHYIM THAB SDUG BSNGAL GYIS GDUNGS NAS, ,SDUG BSNGAL

47a

, ,NYAMS THAG DU MA 'ONG, ,KHYIM THAB SDUG PA DE ZLOG CIG ,KHYED KYI KHYIM THAB GSHEGS GYUR 'DI NI MTHONG DKA' STE, ,KHYOD KYIS 'DI LTOS KHYIM THAB MTHONG BA'I THA MA YIN, ,KYI HUD PHONGS PA BDAG GIS MTSAN MO KHUS BTAB KYANG, ,SUS KYANG LAN MA STER BAS BDAG GIS MA NYES SO, ,DES NI DE LTAR KHUS BTAB KYANG, ,'DI LTAR LHA RNAMS BYIN BRLABS KYIS, ,DGON PAR 'O DOD BOS PA BZHIN, ,'GA' YANG SAD PAR MA GYUR TO, ,DE NAS BYANG CHUB SEMS DPA' 'DI SNYAM DU DGONGS TE, GANG BDAG GIS YAB LA MA BLTAS PAR 'GRO BA NI NGA'I TSUL DANG MTHUN PA MA YIN NO, ,SNYAM NAS RGYAL PO ZAS GTZANG MA GANG NA BA DER GSHEGS TE BYON PA DANG, RGYAL PO ZAS GTZANG MA GNYID KYIS NON PAR GYUR TO, ,DE NAS 'DI SNYAM DU DGONGS TE JI LTAR NGA 'JIG RTEN THAMS CAD KYI PHAR GYUR CING 'JIG RTEN GYI BLA MA DANG, 'JIG RTEN GYI THU BO YIN MOD KYI, DE LTAR NA'ANG PHA DANG; MA NI SKYES BU'I SLOB DPON DU GYUR PA DANG, LHAR GYUR PA DANG, TSANGS PAR GYUR PA YIN ZHING SHIN TU PHAN PA BYED PA YIN NO SNYAM DU DGONGS NAS YANG PHYI ZHABS GNYIS LA BTUD DE BSKOR BA LAN GSUM MDZAD NAS 'DI SKAD CES GSUNGS SO, ,BDAG KYANG YID LA BRTZER LDAN ZHING, ,BDAG KYANG NYE DU RNAMS LA DGA', ,'ON KYANG 'KHOR BA RANG

47b

BZHIN NGAN, ,'DI MTHONG NAS NI MCHI BA LAGS, ,GAL TE RGA NAD 'CHI BA DANG, ,SDUG PA'I GNYEN BRAL LAS BYUNG BA'I, ,GNOD BYED SDUG BSNGAL MA MCHIS NA, ,KHYOD NI SPONG BAR SU ZHIG BYED; ;GANG PHYIR MI 'DOD BZHIN DU NI, ,RAB CHE GNYEN GYI DKYIL 'KHOR DANG, ,MDZA' BSHES CHUNG MA DBANG PHYUG RNAMS, ,YUN MI RING BAR 'KHOR BAR 'GYUR, ,DE BAS MA CHAGS YID KYIS NI, ,'KHOR BA LAS NI RNAM GROL PHYIR, ,BRTZER LDAN NYE DU SPANGS NAS NI, ,SKYE BO MED NAGS BSTEN PA LAGS, ,LUS CAN 'DU BA NGES PAR NI, ,MTHAR NI 'BRAL 'GYUR NYID LAGS PAS, ,BDAG NI RJES SU DGONGS NAS NI, ,RMONGS PAS THUGS NGAN MA MDZAD CIG, CES GSUNGS NAS CHAS SO, ,DE NAS MING CHEN GYIS RGYAL PO ZAS GTZANG MA BSLANG STE SMRAS PA, DON GRUB 'DI NI BZHUD LAGS KYI, ,SA BDAG DE NI ZLOG PAR MDZOD, ,SRAS KYI MYA NGAN GYIS THEBS NAS, ,SDUG BSNGAL GYIS GDUNGS BSHUMS 'GYUR MCHI, ,MA STES TE DE'ANG GNYID MA SAD DO, ,DE NAS LHA'I DBANG PO BRGYA BYIN GYIS LHA'I BU MYU GU DANG, MANG KU RA DANG, 'OD ZER CAN DANG, LO MA GYON PA STE BZHI LA SMRAS PA, GROGS PO DAG ,KHYED RNAMS KYIS BYANG CHUB SEMS DPA' GDEG PAR NUS SAM, DE RNAMS KYIS SMRAS PA, SHIN TU'ANG NUS LAGS SO, ,KHYED RNAMS LA STOBS CI TZAM YOD, MYU GUS SMRAS PA, BDAG

48a

, ,GIS NI SA LA RI JI SNYED YOD PA PHRAG PA GCIG TU THOGS TE NYAM NGA BA CHUNG NGUS 'GRO NUS PA DE TZAM GYI STOBS YOD DO, ,MANG KU RAS SMRAS PA, BDAG GIS KYANG SA LA CHU JI SNYED YOD PA DE THAMS CAD PHRAG PA GCIG TU THOGS NAS 'GRO NUS SO, ,'OD ZER CAN GYIS SMRAS PA, BDAG GIS KYANG SA LA RDUL JI SNYED YOD PA DE THAMS CAD PHRAG PAR THOGS TE NYAM NGA BA CHUNG DUS 'GRO NUS SO, ,LO MA GYON PAS SMRAS PA, BDAG GIS KYANG SA LA RTZVA DANG, SHING DANG, YAL GA DANG, LO MA JI SNYED PA DE THAMS CAD PHRAG PA GCIG TU THOGS TE NYAM NGA BA CHUNG NGUS 'GRO NUS SO, ,BRGYA BYIN GYIS SMRAS PA, GROGS PO DAG, STOBS 'DI DANG LDAN NA BYANG CHUB SEMS DPA' GDEG PAR NUS KYI, DE NAS MYU GU DANG, MANG KU RA DANG, 'OD ZER CAN DANG, LO MA GYON PA STE BZHIS CHIBS RIN PO CHE BSNGAGS LDAN KHYER TE, BYANG CHUB SEMS DPA' GANG NA BA DER SONG STE PHYIN NAS SMRAS PA, BYANG CHUB SEMS DPA' CI LA BZHUGS, DE NAS BYANG CHUB SEMS DPA' 'DI SNYAM DU DGONGS TE 'DI RNAMS NI BDAG CAG GIS BYANG CHUB SEMS DPA' BTEG STE, BAR SNANG LA KHYER RO ZHES DREGS PA SKYE BAR 'GYUR RO SNYAM NAS BYANG CHUB SEMS DPA' RDO RJE'I SKUR BYIN GYIS BRLABS PA DANG, DE RNAMS KYIS BSGUL BAR YANG MA NUS NAS NGO

48b

MTSAR SKYES TE GSOL PA, GZHON NU, BDAG CAG GIS NI BYANG CHUB SEMS DPA' RNAMS LA STOBS 'DI 'DRA BA MNGA' BAR MA 'TSAL TO, ,DE NAS BYANG CHUB SEMS DPA' 'CHI BAS RIN PO CHE BSNGAGS LDAN LA BCIBS TE 'DI LTAR BYANG CHUB SEMS DPA' RNAMS KYI BYANG CHUB SEMS DPA'I MTHU DANG, LHA RNAMS KYI LHA'I MTHUS CHIBS RIN PO CHE BSNGAGS LDAN DANG, 'DUN PA STENG GI NAM MKHA' LA 'PHAGS SO, ,DE NAS BRGYA BYIN DANG, TSANGS PA LA SOGS PA LHA RNAMS KYANG LHA BRGYA STONG PHRAG DU MAS YONGS SU BSKOR NAS BYANG CHUB SEMS DPA' GANG NA BA DER SONG STE PHYIN PA DANG, BYANG CHUB SEMS DPA' BSKOR CING DONG STE, G-YAS PHYOGS NAS GZUGS NA SPYOD PA'I LHA RNAMS KYANG SPYOD LAM ZHI BA DANG, G-YON PHYOGS NAS 'DOD PA NA SPYOD PA RNAMS KYIS RGYAL MTSAN DANG, BDAN BSGRENGS NAS LHA'I ROL MO'I KHYAD PAR SNA TSOGS DANG, MDUN NAS BRGYA BYIN DANG, TSANGS PA LA SOGS PA RANG RANG GI SPYOD LAM GYIS DONG NGO, ,NAM MKHA'I NGOS LA GNAS PA'I LHA BRGYA STONG DU MAS NI BYANG CHUB SEMS DPA'I STENG NAS LHA'I ME TOG AUTPA LA DANG, PADMA DANG, KU MU DA DANG, PADMA DKAR PO RNAMS KYIS GTOR RO, ,AA GA RU'I PHYE MA DANG, TZANDAN GYI PHYE MA DANG, TAM LA'I 'DAB MA'I PHYE MA DANG, LHA'I ME TOG MAND'A RA BAS KYANG GTOR TO, ,LHA'I ROL MO'I CHA SPYAD SNA TSOGS KYANG BRDUNGS SO, ,GOS RNAMS KYANG GTOR

49a

, ,RO; ;'DIR SMRAS PA, MKHA' LA LHA RNAMS GZHA'I SGRA CHEN 'BYIN BYED LA, ,DGA' BA'I YID KYIS GOS KYI G-YAB MO 'DEBS BYED CING, ,KHA CIG BYANG CHUB SEMS DPA' LA NI BSTOD BYED DE, ,NAM MKHA' LA NI ROL MO BRGYA PHRAG SGYUR BAR BYED, ,KHA CIG DAG NI SGO RNAMS 'BYED BYED CING, ,ME TOG MAND'A RA BAS 'THOR BAR BYED, ,KHA CIG DAG NI BCIBS PA'I RKANG 'DZIN CING, ,BDE BAR GSHEGS LA RTOG CING RJES BZHIN 'BRANG, ,KHA CIG DAG KYANG G-YAS NAS RJES BZHIN 'BRANG, ,G-YON NAS 'GRO BA DAG KYANG RJES BZHIN 'BRANG, ,BRGYA BYIN DE BZHIN TSANGS PAR BCAS PA DANG, ,LUS NGAN BDAG NYID SHUL NI MTSON PAR BYED, ,ZLA BA NYA BA RGYU SKAR TSOGS KYIS LTAR, ,BDAG NYID CHEN PO LHA TSOGS MDUN BDAR NAS, ,DKA' THUB NAGS NI THUB RNAMS DGYES BYED PA, ,'PHAGS PA DGYES PA'I NAGS SU THUGS DGYES GSHEGS, ,DE NAS BYANG CHUB SEMS DPAS BSNGAGS LDAN LA DBUGS DBYUNG BA'I PHYIR GSUNGS PA, MA SKYO MA SKYO STOBS NI GZUNG BAR BGYIS, ,'GRO DON NGAL BA GCIG NI DE RING LONG, ,MI RING BYANG CHUB THOB NAS 'GRO BA RNAMS, ,BSAM GTAN RNAM THAR GYIS TSIM BYED POR BYA, ,BYANG CHUB SEMS DPA' DPAG TSAD BCU GNYIS SU ZHUGS NAS NANG BAR GRONG KHYER DPE MED DU BYON TO, ,DE NAS LHA RNAMS KYANG BYANG CHUB SEMS DPA'

49b

BYUNG NAS 'DI SLAR YANG RANG GI GRONG KHYER DU 'JUG PAR MI 'GYUR RAM SNYAM PA LA SKU THAMS CAD KYI G-YAS PHYOGS SU GLANG PO CHE'I LTA STANGS KYIS GZIGS NAS, SANGS RGYAS RNAMS KYIS BSTAN PA YI; ;LAM GYI MCHOG NI MA THOB PAR, ,GRONG KHYER SER SKYA'I GZHIR NI SLAR, ,NGA NI 'JUG PAR MI BYA'O, ,ZHES GSUNGS SO, ,DE NAS BYANG CHUB SEMS DPA'I ZHABS LA BSKOR BA LAN GSUM BYAS NAS RANG GI GNAS SU SONG NGO, ,BYANG CHUB SEMS DPAS CHIBS LAS BABS TE RGYAN BKROL NAS 'DUN PA LA BKA' STZAL PA, 'DUN PA, RGYAN DANG, RTA KHYER LA SLAR SONG ZHIG, 'DIR SMRAS PA, KHA LO SGYUR KHYOD NGA YI RTA 'DI DANG, ,RGYAN 'DI RNAMS KYANG GNYEN PA DAG LA BYIN, ,NGA NI 'DOD PA RGYA CHEN SPANGS NAS SU, ,DA LTAR 'DI NYID DU NI RAB 'BYUNG BYA, ,'DOD PA 'DI NI SPU GRI'I SO 'DRA ZHING, ,ME 'OBS 'BAR DANG MTSUNGS SHING MTHA' NGAN PA, ,'JIG RTEN PHAN PHYIR SNYING RJES NGA SPANGS TE, ,DGON PAR SONG NAS KHYIM DU PHYIR MI LDOG ,DE NAS MDUN PA GDONG PA MCHI MCHAR BZHIN 'BAB PAS BYANG CHUB SEMS DPA' LA GSOL PA, SENG GE STAG GIS GTAMS PA DANG, ,PHYUGS RDZIS GTAMS PA'I NAGS TSAL DU, ,'BA' ZHIG SKU GNYEN DANG BRAL BAS, ,'PHAGS PA JI LTAR SPYOD PAR 'GYUR, ,BYANG CHUB SEMS DPAS GSUNGS PA, SKYE DGU 'DI NI SKYE NA GCIG PU SKYE, ,DE BZHIN 'CHI NA'ANG GCIG PU 'CHI BAR 'GYUR, ,'DI NI GCIG

50a

, ,PUS SDUG BSNGAL MYONG 'GYUR GYI, ,'KHOR BA LA NI GROGS YOD MA YIN NO, ,'DUN PAS GSOL PA, KYI HUD GZHON NUS SDUG BSNGAL MA GZIGS TE, ,ZHABS 'JAM GLANG CHEN RTA LA CHIBS GOMS PA, ,SA GZHI RTZVA DANG RDO BAS GTAMS RTZUB PAR, ,JI LTAR ZHABS KYIS GSHEGS SHING NAGS SU RGYU, ,BYANG CHUB SEMS DPAS GSUNGS PA, 'CHI BDAG 'JIGS PA DE NI LAN 'GA' YANG, ,SKYED LA MED MIN BDE BAR GOMS LA MIN, ,MGON BCAS LA MIN RIGS BTZUN LA MA YIN, ,DPA' DANG BTZUN MIN SKYE BO DGA' LA MIN; ;RGA BAS 'CHI BDAG 'JIGS PA DAG ,BSKYED NAS 'ONG BAR 'GYUR ZHES GRAG ,DON MA BYAS SHING MA BRTZAMS PAR, ,'CHI BAR YANG NI 'GRO BAR 'GYUR, ,'DUN PAS GSOL PA, RGYAL PO BGRES PO NI SRAS KYI MYA NGAN GYIS 'GRONGS PAR 'GYUR RO, ,'ON KYANG BYANG CHUB SEMS DPA' BYANG CHUB KYI TSOGS BSAGS PA'I PHYIR 'DUN PA'I TSIG THUGS LA MA BAB BO, ,DE NAS BYANG CHUB SEMS DPAS AUTPA LA SNGON PO 'DRA BA'I RAL GRI SHUBS NAS BYUNG NAS GTZUG PHUD BREGS TE, STENG GI NAM MKHA' LA BOR BA DANG, LHA RNAMS KYI DBANG PO BRGYA BYIN GYIS BLANGS NAS BKUR STI CHEN PO BYAS TE SUM CU RTZA GSUM GYI LHA RNAMS KYI NANG DU KHYER NAS GTZUG PHUD KYI MCHOD PA CHEN PO BTZUGS SO, ,DE NAS LHA'I DBANG PO

50b

BRGYA BYIN 'DI SNYAM DU SEMS TE GZHON NU NI RGYAL RIGS KYI MNGON PA'I NGA RGYAL GYIS 'DI BZLOG PAR MI NUS SO SNYAM NAS DGA' BAR GYUR TO, ,DE NAS BYANG CHUB SEMS DPAS 'DUN PA LA GSUNGS PA; KHYOD KYIS BSNGAGS LDAN PHO BRANG GI NANG DU MA BKRI ZHIG ,DE SKAD CES GSUNGS PA DANG, 'DUN PA SKAD 'DZER CING MIG MCHI MAS GANG NAS RTA'I RGYAL PO BSNGAGS LDAN KHRID DE YANG DANG, YANG DU BYANG CHUB SEMS DPA' LA LTA ZHING SONG STE, SER SKYA'I GZHIR PHYIN PA DANG DER CA CO SKYES TE JI TZAM NA RGYAL PO ZAS GTZANG MA LA SMRAS PA, LHA, GZHON NU BYON GYI DGYES PA BSKYED DU GSOL, GRONG KHYER SER SKYA'I GZHIR YANG SGRA GSANG CHEN PO BSGRAGS SO, ,RTA'I RGYAL PO BSNGAGS LDAN PHO BRANG GI NANG DU ZHUGS PA DANG, BTZUN MO'I TSOGS THAMS CAD KYIS BSNGAGS LDAN GYI MGUL DU 'JUS TE NGU BAR BRTZAMS SO, ,BSNGAGS LDAN YANG DBUGS KHONG DU SONG STE DE NYID DU DUS BYAS SO, ,SHI NAS DE SGRA GCAN GYI BRAM ZE LAS DRUG LA BRTZON PA ZHIG GI RIGS SU NYING MTSAMS SBYOR BA BLANGS SO, ,DE NAS BYANG CHUB SEMS DPA' RIM GYIS DRANG SRONG NGAN SPONG GI BSTI GNAS SU GSHEGS PA DANG, DE'I TSE DRANG SRONG NGAN SPONG GI BU LAG PA 'GRAM PA LA GTAD NAS SEMS KHONG DU CHUD CING 'DUG PA DE LTA BU DE BYANG CHUB SEMS DPAS GZIGS NAS GSUNGS PA, DRANG SRONG CHEN PO, CI'I PHYIR LAG PA 'GRAM PA LA GTAD NAS SEMS KHONG DU CHUD CING 'DUG,

51a

, ,DES GSOL PA, BDAG GI BSTI GNAS 'DI NA SHING TA LA RNAMS GSER GYI LO MA DANG, ME TOG DANG, 'BRAS BU CHAGS PA LAS DE RNAMS SNGA MKHO BZHIN DU MA GYUR TO, ,BYANG CHUB SEMS DPAS GSUNGS PA, DRANG SRONG CHEN PO, GANG GI MTHUS BSTI GNAS 'DI NA SHING TA LA RNAMS GSER GYI LO MA DANG, ME TOG DANG, 'BRAS BUR LDAN PA DE RGA BA DANG; NA BA DANG, 'CHI BA YANG DAG PAR MTHONG NAS YID BYUNG STE DKA' THUB KYI NAGS SU GNAS PAS SO, ,GAL TE DES RGA BA DANG, NA BA DANG, 'CHI BA YANG DAG PAR MTHONG NAS YID BYUNG STE DKA' THUB KYI NAGS SU GNAS PAR MA GYUR NA SKYED MOS TSAL 'DI DE'I YIN PA ZHIG ,DE SKAD CES GSUNGS PA DANG, DRANG SRONG NGAN SPONG GI BUS BYANG CHUB SEMS DPA' LA BRTAG PAR BRTZAMS SO, ,DE NAS GZUGS BZANG ZHING ZHI BA'I CHA BYAD DU MTHONG NAS YUN RING DU BRTAGS TE NGO MTSAR SKYES NAS GSOL PA, KYE, RAB TU BYUNG BA DE KHYOD KHO NA MA LAGS GRANG; BYANG CHUB SEMS DPAS GSUNGS PA, DRANG SRONG CHEN PO, DE LTAR NGES SO, ,DE NAS NGAN SPONG GI BU YA MTSAN SKYES PA'I MIG BGRAD DE BLTAS NAS BYANG CHUB SEMS DPA' THOG MAR GDAN LA SPYAN DRANGS TE, ME TOG DANG, 'BRAS BU BSTABS SO, ,GRONG KHYER DPE MED NA KHYIM BDAG PHYUG PA DANG, NOR MANG LA LONGS SPYOD CHE BA ZHES BYA BA NAS DE LA KHYE'U BCU

51b

BTZAS SO ZHES BYA BA'I BAR DU STE, DE DAG THAMS CAD KYANG RAB TU BYUNG NAS RANG SANGS RGYAS KYI BYANG CHUB MNGON SUM DU BYAS SO, ,JI TZAM NA BDAG NYID CHEN PO DE RNAMS LA MA RGAN MOS SHA NA'I GOS DAG CIG BYIN PA DANG, DE RNAMS KYIS SMRAS PA, YUM; MKHYEN PAR MDZOD CIG ,RGYAL PO ZAS GTZANG GI SRAS GZHON NU DON THAMS CAD GRUB PA ZHES BYA BA RGA BA DANG, NA BA DANG, SHI BA MTHONG NAS KUN TU SKYO BA'I YID KYIS NAGS SU SONG NAS DE BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR TE, DE BAS NA BDAG CAG RNAMS SANGS RGYAS KYI ZHING DU GNAS PAR MI NUS PAS NA BDAG CAG YONGS SU MYA NGAN LAS 'DA'O, ,SHA NA'I GOS 'DI ZAS GTZANG MA'I SRAS LA KHYOD KYIS PHUL CIG ,BDAG NYID CHEN PO DE NI BLA NA MED PA'I YE SHES THUGS SU CHUD PAR 'GYUR LA KHYED KYIS KYANG 'BRAS BU CHEN PO 'THOB PAR 'GYUR RO ZHES SMRAS NAS 'BAR BA DANG, GSAL BA DANG, CHAR 'BEBS PA DANG, GLOG 'BYIN PA'I CHO 'PHRUL DAG BYAS NAS PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS SO, ,RGAN MO DES KYANG 'CHI KAR GOS DE DAG BU MO LA GTAD NAS JI LTAR GYUR PA RNAMS SMRAS SO, ,DE'I BU MO YANG NAD KYIS THEBS TE 'CHI BAR SHES NAS DES KYANG SHING DRUNG ZHIG TU BZHAG NAS SHING DE LA GNAS PA'I LHA GANG YIN PA DE LA KHYOD KYIS

52a

, ,'DI DAG RGYAL PO ZAS GTZANG GIS SRAS LA PHUL CIG CES GSOL BA BTAB BO, ,LHA RNAMS KYI DBANG PO BRGYA BYIN GYIS SHES PA MTHONG BA NI 'OG TU 'JUG PA YIN PAS DAS DE DAG SHES NAS BLANGS TE, DE NAS RNGON PA RGAS KHOGS PA LTA BU ZHIG TU BDAG NYID MNGON PAR SPRUL NAS DE DAG BGOS TE, LAG PA LA MDA' GZHU THOGS NAS BYANG CHUB SEMS DPA' GSHEGS PA'I LAM KAR BSDAD PA DANG, BYANG CHUB SEMS DPA' YANG RIM GYIS LAM DER BYON NAS RNGON PA LAG NA MDA' GZHU THOGS SHING GOS DUR SMRIG GYON PA ZHIG GZIGS SO; ;GZIGS NAS KYANG MI DE LA GSUNGS PA, KYE NANG RJE, SHA NA'I GOS 'O NI DAG NI RAB TU BYUNG BA LA 'TSAM PA YIN GYI, KA SHI KA'I RAS PHRAN 'DI DAG KHYER LA 'O NI DAG NGA LA BYIN CIG; DES GSOL PA, GZHON NU, BDAG LA GZHAN DAG KHYOD KYIS RGYAL BU GZHON NU BKRONGS NAS KA SHI KA'I RAS PHRAN GYI GOS 'DI DAG BLANGS SO ZHES GZHI DES, G-YAR 'CHI BAR 'GYUR LAGS PAS BDAG 'DI DAG MI 'BUL LO, ,BYANG CHUB SEMS DPAS GSUNGS PA, KYE NANG RJE, NGA NI MTHU JI LTA BU DANG LDAN PA 'JIG RTEN THAMS CAD KYIS SHES TE, SU ZHIG GIS NGA BKRONGS PAR NUS, KHYOD KYIS NGA BKRONGS PAR SU ZHIG YID CHES KYI BAG TSA BA MED PAR BYIN CIG ,DE NAS LHA RNAMS KYI DBANG PO BRGYA BYIN GYIS BYANG CHUB SEMS

52b

DPA'I ZHABS GNYIS LA GTUGS NAS SHA NA'I GOS DAG PHUL TE KA SHI KA'I RAS PHRAN RNAMS BLANGS SO, ,BYANG CHUB SEMS DPA'I SKU DANG, SHA NA'I GOS DAG 'TSAM PAR MA GYUR PA DANG, DE 'DI SNYAM DU DGONGS TE, KYE MA'O, ,SHA NA'I GOS RNAMS BDAG GI SKU DANG 'TSAM PAR GYUR CIG SNYAM NAS TSIG SMRAS MA THAG TU SHA NA'I GOS DE DAG 'DI LTAR BYANG CHUB SEMS DPA' RNAMS KYI BYANG CHUB SEMS DPA'I MTHU DANG, LHA RNAMS KYI LHA'I MTHUS BYANG CHUB SEMS DPA'I SKU DANG 'TSAM PAR GYUR TO, ,DE NAS BYANG CHUB SEMS DPA' 'DI SNYAM DU DGONGS TE, DA NI BDAG RAB TU BYUNG ZIN GYIS 'GRO BA RNAMS RJES SU GZUNG BAR BYA'O SNYAM MO, ,DE NAS BYANG CHUB SEMS DPA' MTHAR GYIS RGYU ZHING GSHEGS PA DANG RGYAL PO'I KHAB TU BYON TO, , BYANG CHUB SEMS DPA' BZO'I GNAS DANG, LAS KYI GNAS DE DANG, DE RNAMS LA MKHAS PA YIN PAS DES SHING KA RA WA'I RA'I LO MA LAS LHUNG BZED BYAS NAS SPYOD LAM ZHI BAS RGYAL PO'I KHAB TU BSOD SNYOMS KYI PHYIR ZHUGS SO, ,DE'I TSE RGYAL PO GZUGS CAN SNYING PO STENG GI KHANG BZANG GI GZHI NA 'DUG PA DES 'GRO BA DANG, LDOG PA DANG, LTA BA DANG, RNAM PAR LTA BA DANG, BSKUM PA DANG, BRKYANG BA DANG, CHOS GOS SNAM SBYAR DANG, LHUNG BZED THOGS PA MDZES PAS BSOD SNYOMS SPYOD PA MTHONG NGO, ,MTHONG NAS KYANG 'DI SNYAM DU SEMS TE, RGYAL PO'I

53a

, ,KHAB NA RAB TU BYUNG BA JI SNYED CIG GNAS PA LA RAB TU BYUNG BA 'DI'I SPYOD LAM DE LTA BU NI 'GA' YANG MED DO SNYAM MO, ,'DIR SMRAS PA, JI LTAR MIG CAN 'GRO BA LTAR; ;RAB TU BYUNG BA BSGRAGS PAR BYAS, ,'DIS NI BRTAG PAR MDZAD NAS SU, ,RAB TU BYUNG BA YANG DAG BZHED, ,KHYIM GNAS 'DI NI SDUG BSNGAL TE, ,'DI NI RDUL GYI GNAS YIN ZHING, ,RAB TU BYUNG BA BAR SNANG LTAR, ,MKHYEN NAS DE TSE RAB TU BYUNG, ,RAB TU BYUNG NAS SKU YIS NI, ,SDIG PA'I LAS NI SPANGS PA DANG, ,GSUNG GI SDIG PA SPANGS NAS NI; ;'TSO BA KUN NAS DAG PAR MDZAD, ,DE NAS MA GA DHA YI NI, ,GRONG MCHOG RGYAL PO'I KHAB GSHEGS NAS, ,MGON PO SHES BZHIN DRAN LDAN PA, ,BSOD SNYOMS PHYIR NI GSHEGS PA DER, ,BZO SBYANGS MA GA DHA YI BA DAG ,KHANG BZANG 'DI NA 'DUG PAS MTHONG, ,MTHONG NAS SEMS DANG DE NAS NI, ,BLON PO RNAMS LA 'DI SKAD SMRAS, ,MTSAN MCHOG GIS NI RGYAS GYUR CING, ,KHO LAG PHUN SUM TSOGS PA DANG, ,GNYA' SHING GANG DU LTA BA YI, ,'DI LA SHE LDAN DAG LTOS SHIG ,SPYAN MI 'DEG LA YID GZHUNGS SHING, ,DMAN PA'I RIGS LAS MA 'KHRUNGS 'DI, ,GANG DU GNAS PAR GSHEGS 'GYUR BA, ,RGYAL POS PHO NYA RJES BZHIN BTANG, ,DE NAS PHO NYA LA BSGO BA, ,DGE SLONG

53b

DE NI GAR 'GRO ZHING, ,GANG DU GNAS NI BTAB PA YI, ,RJES BZHIN DU NI 'BRANG BAR BGYI, ,DE NI BSOD SNYOMS GSHEGS PA NA, ,SGO DRUG LEGS PAR BSDAMS NAS NI, ,SHES BZHIN DRAN DANG LDAN PA YIS, ,LHUNG BZED MYUR DE GANG BAR MDZAD, ,BSOD SNYOMS SPYAD PA BYAS NAS KYANG, ,THUB PA GRONG KHYER PHYIR BYUNG NAS, ,SKYA BSENG LA NI MNGON GSHEGS TE, ,DE LA GNAS NI BTAB PAR 'GYUR, ,GNAS BTAB PA NI SHES NAS KYANG, ,PHO NYA GCIG GIS BSDAD BYAS NAS, ,GZHAN NI MYUR DU SLAR LOG STE, ,RGYAL PO LA NI TSIG SMRAS PA, ,RGYAL PO CHEN PO DGE SLONG DE, ,SENG GE'AM STAG GI PHRU GU DAG, RIS SUL DAG NA GNAS PA LTAR, ,SKYA BSENG GI NI STENG NA GNAS, ,PHO NYA RNAMS KYI TSIG THOS NAS, ,SA BDAG SHING RTAR ZHUGS NAS NI, ,DE NI BLON POS YONGS BSKOR NAS, ,MYUR BA KHO NAR DONG BAR GYUR, ,BZHON PAS BGROD PA'I SAR ZHON TE, ,DE NI BZHON PA LA BABS NAS, ,RKANG GIS NYE BAR SONG NAS NI, , DE NAS DE BZHIN GSHEGS PA MTHONG, ,RGYAL PO 'DUG NAS DGYES PA DANG, ,MGU BAR 'GYUR BA'I GTAM GSOL NAS, ,DE NI MA KHENGS MI BRLANG BAR, ,DON 'DI DAG NI RAB SMRAS SO, , DGE SLONG LANG TSO DANG PO LA, ,BAB PAR YANG DAG GNAS GYUR CING, ,'DI 'DRA GZI BRJID LDAN PA LA, ,BSOD SNYOMS SPYOD PAR MDZES MA LAGS, ,KHANG PA NYAMS DGA' DAG DANG NI, ,

54a

, ,BUD MED RGYAN GYIS BRGYAN PA DANG, ,LONGS SPYOD MCHOG NI KHYOD GSOL NA, ,NYID KYI GDUNG NI ZHU YI GSUNGS, ,RGYAL PO GANGS RI NYE BA NA, ,YUL GYI LJONGS NI NOR DAG DANG, ,'BRU DAG GIS NI GANG GYUR PA, ,KO SA LA ZHES GRAGS PA YOD, ,BUR MA SHING PA NYI MA'I RUS, ,SH'AKYA DAG NI DE NA GNAS, ,RGYAL PO NGA NI RGYAL RIGS TE, ,NGA NI 'DOD PA'I DON MI GNYER, ,SA 'DI RI DANG BCAS SHING RGYA MTSOR BCAS, ,RIN CHEN KUN DANG LDAN PA 'BYOR GYUR KYANG, ,MI NI NAM YANG NGOMS PAR MI 'GYUR TE, ,SO GA TSA DUS SHING GI ME BZHIN NO, ,'DOD PA RNAMS NI SHA KHO NA 'BREL CES GSUNGS, ,MI DBANG RGAL BAR DKA' ZHING 'DAM RDZA BA 'DRA, ,SDUG BSNGAL DANG NI MYA NGAN 'JIGS PA YI, ,RTZVA BA'I GTZO STE BLO NGAN RNAMS KYIS BSTEN, ,RGYAL PO NGAS NI BYUNG MA THAG TU YANG, ,'DOD PA RNAMS LA MI DGA'I BLO BSKYED NA, ,'JIGS BYED CHOS KYI DGRA BOR GYUR PA DAG ,BOR BA DE KO SLAR YANG CI LTAR BLANG, ,RTZED MO SNA TSOGS YANGS PAR GYUR PA YI, ,LHUN PO GANGS CAN RLUNG GIS BSKYOD SRID KYI, ,NGA YI BLO NI THAR PA LA RTEN PA, ,'DOD PA'I SHUGS KYIS BSKYOD PAR MI NUS SO, ,'JIG RTEN 'DI NI 'DOD PAR BYING GYUR NAS, ,'KHOR BA'I 'KHOR LOS YONGS SU 'KHYAM PA LA, ,MI DBANG NGA SKYABS YIN TE GZHAN MED PAS, ,'JIGS PA CHE

54b

LAS DE NI THAR BAR BYA, ,'DOD PA RNAMS KYI NYES DMIGS MKHYEN, ,MYA NGAN 'DAS PA ZHI BA GZIGS, ,SPANG PHYIR GANG DU NGA YI YID, ,DGA' BA DAG TU 'GRO BAR BYA, ,RGYAL PO GZUGS CAN SNYING POS GSOL BA, KYE RAB TU BYUNG BA BRTUL ZHUGS 'DIS CI ZHIG DON DU GNYER, ,DES GSUNGS PA, BLA NA MED PA YANG DAG PAR RDZOGS PA'I BYANG CHUB BO, ,RGYAL POS GSOL PA; KYE RAB TU BYUNG BA GANG GI TSE KHYOD BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PAR GYUR PA DE'I TSE BDAG LA'ANG DGONGS SHIG, BYANG CHUB SEMS DPAS GSUNGS PA, DE BZHIN DU BSAM PAR BYA'O ZHES GSUNGS NAS RGYAL PO'I KHAB NAS BYUNG STE BYA RGOD KYI PHUNG PO'I RI DANG HA CANG YANG MI RING BAR DRANG SRONG RNAMS KYI BSTI GNAS DER GSHEGS SO, ,DE NAS SPYOD PA DANG GNAS PAS BSAM GTAN LA BRTZON PAR GNAS TE, DE RNAMS GANG GI TSE RKANG PA GCIG GIS NYIN THUN GCIG 'GRENG BA DE'I TSE BYANG CHUB SEMS DPA' THUN GNYIS SU BZHUGS SO, ,GAL TE DE RNAMS GDUNG BA LNGA'I SBYOR BAS NYIN THUN GCIG 'DUG PA DE'I TSE, BYANG CHUB SEMS DPAS KYANG SBYOR BA DES THUN GNYIS SU BZHUGS SO; ;DE NAS DE RNAMS YA MTSAN SKYES NAS DGE SBYONG 'DI NI CHEN PO ZHIG GO ,ZHES SMRAS PA, DGE SBYONG CHEN PO, DGE SBYONG CHEN PO ZHES BYA BAR GYUR TO, ,BYANG CHUB SEMS DPAS

55a

, ,DE RNAMS LA SMRAS PA, SHES LDAN DAG ,KHYED BZHUGS PA 'DIS CI ZHIG DON DU GNYER, DE NA KHA CIG GIS GSOL PA, BRGYA BYIN NYID DO, ,KHA CIG GIS GSOL PA, BDAG CAG NI TSANGS PA NYID DO, ,KHA CIG GIS GSOL PA, BDAG CAG NI BDUD NYID DO, ,BYANG CHUB SEMS DPAS DGONGS PA, DRANG SRONG 'DI DAG NI SLAR YANG LTUNG BA LAM LOG PAR ZHUGS PA'O, ,LAM 'DI NI SHES PAR NUS PA MA YIN, MTHONG BAR NUS PA MA YIN, BLA NA MED PA YANG DAG PAR RDZOGS PA'I BYANG CHUB PAR NUS PA MA YIN NO, ,DE NAS BYANG CHUB SEMS DPAS LAM DE NYID NUS PA MED PAR MKHYEN NAS, SGYU RTZAL SHES KYI BU RING 'PHUR GANG NA BA DER GSHEGS TE BYON PA DANG, SGYU RTZAL SHES KYI BU RING 'PHUR LA 'DI SKAD CES GSUNGS SO, ,RING 'PHUR, GAL TE KHYOD LA MI BDE BA MED NA KHYOD KYI DRUNG DU KHO BO TSANGS PAR SPYOD PA SPYAD DO, ,DES SMRAS PA, TSE DANG LDAN PA GOO TA MA, BDAG LA MI BDE BA MED KYI CI BDE BA KHO NAR BZHUGS SHIG ,BYANG CHUB SEMS DPAS GSUNGS PA, RING 'PHUR KHYOD KYIS CHOS JI SNYED CIG RANG GI MNGON PAR SHES PAS RTOGS PAR GYUR ,DES GSOL PA; TSE DANG LDAN PA GO'U TA MA, CI'ANG MED PA'I SKYE MCHED KYI BAR DU'O, ,DE NAS BYANG CHUB SEMS DPA' 'DI SNYAM DU DGONGS TE, SGYU RTZAL SHES KYI BU RING 'PHUR DAD PA DE LA NI NGA YANG

55b

DAD LA, SGYU RTZAL SHES KYI BU RING 'PHUR LA BRTZON 'GRUS DANG, DRAN PA DANG, TING NGE 'DZIN DANG, SHES RAB YOD PA LTAR BDAG LA'ANG BRTZON 'GRUS DANG, DRAN PA DANG, TING NGE 'DZIN DANG; SHES RAB YOD PAS SGYU RTZAL SHES KYI BU RING 'PHUR GYIS CI'ANG MED PA'I SKYE MCHED KYI BAR GYI CHOS DE SNYED MNGON SUM DU BYAS TE, CI'I PHYIR BDAG GIS KYANG CHOS 'DI DAG MNGON SUM DU MI BYA SNYAM NAS, DE NAS BYANG CHUB SEMS DPAS CHOS DE RNAMS KHO NA MA THOB PA THOB PAR BYA BA'I PHYIR DANG, MA RTOGS PA RTOGS PAR BYA BA'I PHYIR DANG, MNGON SUM DU MA BYAS PA MNGON SUM DU BYA BA'I PHYIR DANG, GCIG PU DBEN PA BAG YOD PA RTUN PA DANG LDAN PA, BDAG NYID GTOD PAR GNAS TE, GCIG PU BDEN PA BAG YOD PA RTUN PA DANG LDAN PA, BDAG NYID GTOD PAR GNAS PA NA RING PO MI THOGS PA KHO NAR CHOS DE DAG MNGON SUM DU MDZAD PAR GYUR TO, ,CHOS DE MNGON SUM DU MDZAD NAS YANG SGYU RTZAL SHES KYI BU RING 'PHUR GANG NA BA DER GSHEGS TE BYON NAS SGYU RTZAL SHES KYI BU RING 'PHUR LA 'DI SKAD CES GSUNGS SO, ,RING 'PHUR KHYOD KYIS CI YANG MED PA'I SKYE MCHED KYI BAR GYI CHOS 'DI DAG RANG GI MNGON PAR SHES PAS MNGON SUM DU BYAS SAM, DES 'DI SKAD CES SMRAS SO, ,TSE DANG LDAN PA GOO TA MA, MAD DE, BDAG GIS CI YANG MED PA'I SKYE MCHED KYI BAR GYI CHOS DE DAG

56a

, ,MNGON SUM DU BYAS SO, ,BYANG CHUB SEMS DPAS GSUNGS PA, TSE DANG LDAN PA RING 'PHUR, BDAG GIS KYANG CI YANG MED PA'I SKYE MCHED KYI BAR GYI CHOS DE DAG RANG GI MNGON PAR SHES PAS MNGON SUM DU BYAS SO, ,TSE DANG LDAN PA GOO TA MA, DE LTAR NA KHYOD KYI JI TZAM PA BDAG GI'ANG DE TZAM LA, BDAG GI JI TZAM PA KHYOD KYI YANG DE TZAM PAS DON 'DI LA'O SKOL MTSUNGS SHING MNYAM STE 'DRA BAR THOS KYI TSUR SPYON, 'O SKOL GNYIS KAS 'KHOR 'DI YONGS SU DRANG PAR BGYI'O, ,DE NAS SGYU RTZAL SHES KYI BU RING 'PHUR BYANG CHUB SEMS DPA'I THOG MA'I SLOB DPON NYID KYIS BYANG CHUB SEMS DPA' LA RJED PA'I DAM PAS RJED CING MCHOD PA'I DAM PAS MCHOD DO, ,DE'I RTOGS PA DAG LA'ANG DGA' BA DANG, MGU BAR GYUR TO; ;DE NAS BYANG CHUB SEMS DPA' 'DI SNYAM DU DGONGS TE, LAM 'DI NI SHES PAR NUS PA MA YIN, MTHONG PAR NUS PA MA YIN, BLA NA MED PA YANG DAG PAR RDZOGS PAR BYANG CHUB PAR NUS PA MA YIN NO SNYAM MO, ,DE NAS BYANG CHUB SEMS DPAS LAM DE NUS PA MED PAR RIG NAS, RANG BYED KYI BU LHAG SPYOD GANG NA BA DER GSHEGS TE BYON NAS RANGS BYED KYI BU LHAG SPYOD LA 'DI SKAD CES GSUNGS SO, ,LHAG SPYOD, GAL TE KHYOD LA MI BDE BA MED NA KHYOD KYI DRUNG DU TSANGS PAR SPYOD PA SPYAD DO, ,DES GSOL PA, TSE DANG LDAN PA GOO

56b

TA MA; BDAG LA MI BDE BA MED KYI KHYOD CI BDE BA KHO NAR BZHUGS SHIG ,KHYOD KYIS CHOS JI SNYED CIG MNGON SUM DU BYAS, TSE DANG LDAN PA GOO TA MA, 'DU SHES MED 'DU SHES MED MIN SKYE MCHED KYI BAR DU'O, ,DE NAS BYANG CHUB SEMS DPA' 'DI SNYAM DU DGONGS TE, RANGS BYED KYI BU LHAG SPYOD DAD PA LA NI BDAG KYANG DAD LA, RANGS BYED KYI BU LHAG SPYOD BRTZON 'GRUS DANG, DRAN PA DANG, TING NGE 'DZIN DANG, SHES RAB YOD PA LTA BU'I BRTZON 'GRUS DANG, DRAN PA DANG, TING NGE 'DZIN DANG, SHES RAB NI BDAG LA YOD NA RANGS BYED KYI BU LHAG SPYOD KYIS 'DU SHES MED 'DU SHES MED MIN SKYE MCHED KYI BAR GYI CHOS 'DI SNYED CIG MNGON SUM DU BYAS NAS BDAG GIS KYANG CHOS 'DI DAG CI'I PHYIR MNGON SUM DU MI BYA SNYAM MO, ,DE NAS BYANG CHUB SEMS DPAS CHOS DE RNAMS KHO NA MA THOB PA THOB PAR BYA BA'I PHYIR DANG, MA RTOGS PA RTOGS PAR BYA BA'I PHYIR DANG, MNGON SUM DU MA BYAS PA MNGON SUM DU BYA BA'I PHYIR GCIG PU DBEN PA, BAG YOD PA RTUN PA DANG LDAN PA, BDAG NYID GTOD PAR GNAS TE, GCIG PU DBEN PAR BAG YOD PAR BDAG NYID GTOD PAR GNAS PA NA RING PO MA THOGS PA KHO NAR CHOS DE MNGON SUM DU MDZAD PAR GYUR TO, ,CHOS DE MNGON SUM DU MDZAD NAS RANGS BYED KYI BU LHAG SPYOD GANG NA BA DER GSHEGS TE BYON PA DANG, TRANGS BYED KYI BU LHAG SPYOD LA 'DI SKAD CES GSUNGS

57a

, ,SO; ;LHAG SPYOD, KHYOD KYIS 'DU SHES MED 'DU SHES MED MIN SKYE MCHED KYI BAR DU CHOS 'DI DAG RANG GIS MNGON SUM DU BYAS SAM, TSE DANG LDAN PA GOO TA MA, MAD LAGS TE, BDAG GIS 'DU SHES MED 'DU SHES MED MIN SKYE MCHED KYI BAR GYI CHOS 'DI DAG MNGON SUM DU BGYIS SO, ,BYANG CHUB SEMS DPAS GSUNGS PA, TSE DANG LDAN PA LHAG SPYOD, BDAG GIS KYANG 'DU SHES MED 'DU SHES MED MIN SKYE MCHED KYI BAR GYI CHOS 'DI DAG RANG GI MNGON SUM DU BYAS SO, ,TSE DANG LDAN PA GOO TA MA, DE LTAR NA KHYOD KYI JI TZAM PA BDAG GI'ANG DE TZAM LA, BDAG GI CI TZAM PA KHYOD KYI YANG DE TZAM PAS DON 'DI LA 'O SKOL MTSUNGS SHING MNYAM STE 'DRA BAR THOS KYI TSUR SPYON, 'O SKOL GNYIS KAS TSOGS 'DI YONGS SU DRANG BAR BGYI'O, ,DE NAS RANGS BYED KYI BU LHAG SPYOD BYANG CHUB SEMS DPA'I THOG MA'I SLOB DPON GYIS BYANG CHUB SEMS DPA' LA RJED PA DAM PAS RJED CING MCHOD PA'I DAM PAS MCHOD DO, ,DE'I SHES PA RNAMS LA YANG DGA' BA DANG, MGU BAR GYUR TO, ,DE NAS BYANG CHUB SEMS DPAS 'DI SNYAM DU DGONGS TE, LAM 'DI NI SHES PAR NUS PA MA YIN, MTHONG PAR NUS PA MA YIN, BLA NA MED PA YANG DAG PAR RDZOGS PAR BYANG CHUB PAR NUS PA MA YIN NO SNYAM MO, ,DE NAS BYANG CHUB SEMS

57b

DPAS LAM DE YANG NUS PA MED PAR RIG NAS GSHEGS SO, ,DE NAS RGYU RTZAL SHES KYI BU RING 'PHUR GYI 'KHOR GSUM DANG, RANGS BYED KYI BU LHAG SPYOD KYI 'KHOR GNYIS TE DRANG SRONG LNGA BYANG CHUB SEMS DPA'I RJES SU 'BRANGS SO, ,DE NAS BYANG CHUB SEMS DPA' LNGA PO DANG LHAN CIG GANGG'A'I LHO PHYOGS NA LTENG RGYAS 'OD SRUNG GI SDE'I GRONG RDAL GA NA BA DER RGYU ZHING GSHEGS TE BYON NAS DE PHAN TSUN 'CHAG PA NA PHYOGS DGA' DGA' LTAR 'DUG PA, NAGS TSANG TSING MDZES PA, CHU KLUNG NEE RANYDZA N'A BSIL BAR 'BAB PA, GSE GU CAN 'JUG NGOGS BDE ZHING MTHA' RGYA CHE LA GSING MA SNGON PO DANG, SHING SNA TSOGS KYIS BRGYAN PA DGA' DGA' LTAR 'DUG PA ZHIG GZIGS SO, ,GZIGS NAS KYANG 'DI SNYAM DU DGONGS TE, KYE MA'O; ;SA PHYOGS 'DI NI DGA' DGA' LTAR 'DUG PA NAGS TSANG TSING MDZES PA, CHU KLUNG NEE RANYDZA N'A BSIL BAR 'BAB PA, GSE GU CAN 'JUG DOGS BDE ZHING MTHA' RGYA CHE LA GSING MA SNGON PO DANG, SHING SNA TSOGS KYIS BRGYAN PA DGA' DGA' LTAR 'DUG PA ZHIG STE, KYE MA SPONG BA DON DU GNYER BA'I RIGS KYI BUS NAGS KHROD 'DIR BRTEN NA SPONG BA BYA BAR NUS SO; ;BDAG SPONG BA DON DU GNYER BA YIN PAS, MA LA BDAG GIS KYANG NAGS KHROD 'DIR RTEN LA SPANG BAR BYA'O SNYAM MO, ,DE NAS BYANG CHUB SEMS DPA' NAGS KHROD DU ZHUGS TE SHING

58a

, ,GI DRUNG DU BZHUGS NAS, TSEMS LA TSEMS GTAD, LJAGS RKAN LA BCAR NAS, THUGS KYIS THUGS MNGON DU BZUNG, MNGON DU BSNGAMS, SHIN TU MNGON DU BSNGAMS SO, ,DE THUGS KYIS THUGS MNGON DU BZUNG, MNGON DU BSNGAMS, SHIN TU MNGON DU BSDAMS PAS, BA SPU'I KHUNG BU THAMS CAD NAS RDUL BYUNG BAR GYUR TE, DPER NA, MI STOBS DANG LDAN PAS MI STOBS SHIN TU CHUNG BA ZHIG PHYI NAG LOG TU BCINGS, MNGON DU BSNGAMS, SHIN TU MNGON DU BSNGAMS NA DE'I BA SPU'I KHUNG BU THAMS CAD NAS RDUL BYUNG BA DE BZHIN DU DE'I TSE BYANG CHUB SEMS DPA' TSEMS LA TSEMS GTAD, LJAGS RKAN LA BCAR TE, THUGS KYIS THUGS MNGON DU BZUNG, MNGON DU BSNGAMS, SHIN TU MNGON DU BSNGAMS PA LA SOGS PA NI SNGA MA BZHIN NO, ,DE NAS BYANG CHUB SEMS DPA' 'DI SNYAM DU DGONGS TE, MA LA BDAG GIS RNAM PAR BAM PA'I BSAM GTAN DAG LA SNYOMS PAR 'JUG PAR BYA'O SNYAM MO, ,DES RNAM PAR BAM PA'I BSAM GTAN DAG LA SNYOMS PAR 'JUG PAR BRTZAMS TE, DES RNAM PAR BAM PA'I BSAM GTAN DAG LA SNYOMS PAR ZHUGS PA NA, ZHAL DANG, SHANGS NAS DBUGS RDUB PA DANG, 'BYUNG BA BGAGS SO, ,DE'I ZHAL DANG, SHANGS NAS DBUGS RDUB PA DANG, 'BYUNG BA 'GAGS PA

58b

DANG; RLUNG THAMS CAD SPYI BO'I NANG DU SONG NAS DE'I DBU LA DBU'I TSER BA SHIN TU MI BZAD PA SKYES SO, ,DPER NA, MI STOBS DANG LDAN PAS MI STOBS SHIN TU CHUNG PA'I SPYI BOR LCAGS KYI PHUR PA RNON PO BTAB NA, DE'I MGO LA MGO'I TSOR BA SHIN TU MI BZAD PA SKYE BA DE BZHIN DU, BYANG CHUB SEMS DPA' RNAM PAR BAM PA'I BSAM GTAN DAG LA SNYOMS PAR ZHUGS PA NA; DBU LA DBU'I TSOR BA SHIN TU MI BZAD PA SKYES KYANG DE ZHUM PA MA YIN GYI BRTZON 'GRUS BRTZAMS PA YIN, SKU MA SBYANGS PA MA YIN GYI SBYANGS PA YIN, RMUGS PA MA YIN GYI DRAN PA NYE BAR BZHAG PA YIN TE, SEMS RTZE GCIG TU MNYAM PAR BZHAG PA YIN NO, ,BYANG CHUB SEMS DPA' SDUG BSNGAL DRAG PO MI BZAD PA RTZUB PA BA TSA BA YID DU MI 'ONG BA'I TSOR BA DE LTA BU NYAMS SU MYONG BA'ANG 'DI LTAR SKU BSGOMS PA YIN PA'I PHYIR THUGS YONGS SU GTUGS TE MI GNAS SO, ,DE 'DI SNYAM DU DGONGS TE, MA LA BDAG GIS LHAG PAR RNAM PAR BAM PA'I BSAM GTAN DAG LA SNYOMS PAR 'JUG PAR BYA'O SNYAM MO, ,DES LHAG PAR RNAM PAR BAM PA'I BSAM GTAN DAG LA SNYOMS PAR 'JUG PAR BRTZAMS TE, DE RNAM BAR BAM PA'I BSAM GTAN DAG LA SNYOMS PAR ZHUGS PA NA, ZHAL DANG, SHANGS NAS DBUGS RDUB PA DANG, 'BYUNG BA BGAGS SO, ,DE'I ZHAL DANG, SHANGS NAS DBUGS RDUB PA

59a

, ,DANG; 'BYUNG BA 'GAGS PAS RLUNG THAMS CAD SNYAN GNYIS KYI BU GA NAS RGYUS PAR GYUR TO, ,DPER NA, MGAR BAS SBUD PA BUS NA RLUNG THAMS CAD KYI RGYUN GRA GNYIS KYI BU GA NAS RGYU BA DE BZHIN DU BYANG CHUB SEMS DPA' RNAM PAR BAM PA'I BSAM GTAN DAG LA SNYOMS PAR ZHUGS PA NA, RLUNG THAMS CAD KYI RGYUN SNYAN GNYIS KYI BU GA NAS RGYUS PAR GYUR KYANG DE ZHUM PA MA YIN GYI, BRTZON 'GRUS BRTZAMS PA YIN ZHES BYA BA LA SOGS PA NI SNGA MA BZHIN NO, ,DE NAS BYANG CHUB SEMS DPA' DE 'DI SNYAM DU DGONGS TE; MA LA BDAG GIS LHAG PAR YANG RNAM PAR BAM PA'I BSAM GTAN DAG LA SNYOMS PAR 'JUG PAR BYA'O SNYAM MO, ,DES LHAG PAR RNAM PAR BAM PA'I BSAM GTAN DAG LA SNYOMS PAR 'JUG PAR BRTZAMS TE, DE RNAM PAR BAM PA'I BSAM GTAN DAG LA SNYOMS PAR ZHUGS PA NA, ZHAL DANG SHANGS NAS DBUGS RDUB PA DANG 'BYUNG BA BGAGS SO; ;DE'I ZHAL DANG SHANGS NAS DBUGS RDUB PA DANG 'BYUNG BA BGAGS PAS PHYAL GYI NANG THAMS CAD RGYAS PAR GYUR, SHIN TU RGYAS PAR GYUR TE, DPER NA, MGAR BA MKHAS PA'I SPUD PA BUS NA GANG BAR GYUR, SHIN TU GANG BAR GYUR PA DE BZHIN DU DE'I TSE BYANG CHUB SEMS DPA' RNAM PAR BAM PA'I BSAM GTAN DAG LA SNYOMS PAR ZHUGS PA

59b

NA PHYAL GYI NANG THAMS CAD RGYAS PAR GYUR, SHIN TU RGYAS PAR GYUR KYANG DE ZHUM PA MA YIN GYI, BRTZON 'GRUS BRTZAMS PA YIN ZHES BYA BA LA SOGS PA NI SNGA MA BZHIN NO, ,DE NAS BYANG CHUB SEMS DPA' DE 'DI SNYAM DU DGONGS TE, MA LA BDAG GIS RNAM PAR BAM PA'I BSAM GTAN DAG LA SNYOMS PAR 'JUG PAR BYA'O SNYAM MO, ,DES LHAG PAR RNAM PAR BAM PA'I BSAM GTAN DAG LA SNYOMS PAR 'JUG PAR BRTZAMS TE, DE RNAM PAR BAM PA'I BSAM GTAN DAG LA SNYOMS PAR ZHUGS PA NA, ZHAL DANG, SHANGS NAS DBUGS RDUB PA DANG, 'BYUNG BA BGAGS SO, ,DE'I ZHAL DANG, SHANGS NAS DBUGS RDUB PA DANG, 'BYUNG BA BGAGS PA DANG, DE'I TSE DBU LA DBU'I TSOR BA SHIN TU MI BZAD PA SKYES SO, ,DPER NA, MI STOBS DANG LDAN PAS MI STOBS SHIN TU CHUNG BA'I MGO PHRENG BAS YANG NAS YANG DU BCINGS NA, DE'I MGO LA MGO'I TSOR BA SHIN TU MI BZAD PA SKYE BA DE BZHIN DU DE'I TSE BYANG CHUB SEMS DPA' RNAM PAR BAM PA'I BSAM GTAN DAG LA SNYOMS PAR ZHUGS PA NA, DBU LA DBU'I TSOR BA SHIN TU MI BZAD PA SKYES KYANG DE ZHUM PA MA YIN GYI BRTZON 'GRUS BRTZAMS PA YIN ZHES BYA BA LA SOGS PA NI SNGA MA BZHIN NO, ,DE NAS BYANG CHUB SEMS DPA' 'DI SNYAM DU DGONGS TE, MA LA BDAG GIS RNAM PAR BAM PA'I BSAM GTAN DAG LA SNYOMS PAR

60a

, ,'JUG PAR BYA'O SNYAM MO, ,DE LHAG PAR RNAM PAR BAM PA'I BSAM GTAN DAG LA SNYOMS PAR 'JUG PAR BRTZAMS TE, DES RNAM PAR BAM PA'I BSAM GTAN DAG LA SNYOMS PAR ZHUGS PA NA ZHAL DANG, SHANGS NAS DBUGS RDUB PA DANG, 'BYUNG BA BGAGS SO, ,DE'I ZHAL DANG, SHANGS NAS DBUGS RDUB PA DANG, 'BYUNG BA BGAGS PA DANG; DE'I TSE KHONG DU KHONG GI TSOR BA MI BZAD PA SKYES SO, ,DPER NA, BA LANG GI BSHAN PA MKHAS PA'AM, BA LANG GI BSHAN PA'I SLOB MA MKHAS PAS BA LANG BSAD PA'I GRI RNON POS BA LANG GI LTO DRAL NA DE'I KHONG GI TSOR BA SHIN TU MI ZAD PA SKYE BA DE BZHIN DU DE'I TSE BYANG CHUB SEMS DPA' RNAM PAR BAM PA'I BSAM GTAN DAG LA SNYOMS PAR ZHUGS PA NA KHONG DU KHONG GI TSOR BA SHIN TU MI BZAD PA SKYES KYANG DE ZHUM PA MA YIN GYI, BRTZON 'GRUS BRTZAMS PA YIN ZHES BYA BA LA SOGS PA NI SNGA MA BZHIN NO, , DE NAS BYANG CHUB SEMS DPA' DE 'DI SNYAM DU DGONGS TE, MA LA BDAG GIS RNAM PAR BSAM PA'I BSAM GTAN DAG LA SNYOMS PAR 'JUG PAR BYA'O SNYAM MO, ,DE LHAG PAR RNAM PAR BAM PA'I BSAM GTAN DAG LA SNYOMS PAR 'JUG PAR BRTZAMS TE, DES RNAM PAR BSAM PA'I BSAM GTAN DAG LA SNYOMS PAR ZHUGS PA NA ZHAL DANG,

60b

SHANGS NAS DBUGS RDUB PA DANG, 'BYUNG BA BA GAGS SO, ,DE'I ZHAL DANG, SHANGS NAS DBUGS RDUB PA DANG, 'BYUNG BA BGAGS PA DE'I TSE SKU LA SKU'I GDUNG BA SHIN TU MI BZAD PA SKYES SO; ;DPER NA, MI SHIN TU STOBS DANG LDAN PA GNYIS KYIS MI STOBS SHIN TU CHUNG BA ZHIG PHYIN LOG DU BZUNG STE ME DONG GI NANG DU DPYANGS NA, DE'I LUS LA LUS KYI GDUNG BA SHIN TU MI BZAD PA SKYE BA DE BZHIN DU DE'I TSE BYANG CHUB SEMS DPA' RNAM PAR BAM PA'I BSAM GTAN DAG LA SNYOMS PAR ZHUGS PA NA SKU LA SKU'I GDUNG BA SHIN TU MI BZAD PA SKYES KYANG DE ZHUM PA MA YIN GYI, BRTZON 'GRUS BRTZAMS PA YIN ZHES BYA BA LA SOGS PA NI SNGA MA BZHIN NO, ,DE NAS BYANG CHUB SEMS DPA' DE 'DI SNYAM DU DGONGS TE, MA LA BDAG GIS THAMS CAD KYI THAMS CAD DU ZAS MI BZA' BA BSGRUB PAR BYA'O SNYAM MO, ,DE NAS LHA RAB TU MANG PO'I SEMS KYIS BYANG CHUB SEMS DPA'I THUGS SHES NAS BYANG CHUB SEMS DPA' GANG NA BDER DONG STE PHYIN NAS BYANG CHUB SEMS DPA' LA 'DI SKAD CES SMRAS SO, ,GROGS PO, GAL TE KHYOD MI'I KHA ZAS KYIS 'DZEM PAR MDZAD, NGO TSA BAR MDZAD, SMON PAR MDZAD NA, BDAG CAG GIS KHYOD KYI BA SPU'I KHUNG BU THAMS CAD NAS LHA'I MDANGS BSGRUB PAR BGYI'I KHYOD KYIS BDAG GIR MDZOD CIG ,DE NAS BYANG CHUB SEMS DPA' 'DI SNYAM DU DGONGS TE,

61a

, ,GAL TE BDAG GIS MI'I KHA ZAS MI BZA' BAR DAM BCAS LA BDAG GI BA SPU'I KHUNG BU THAMS CAD DU LHA RNAMS KYIS LHA'I MDANGS BSGRUBS NAS DA BDAG GIR BYED PA NI BDAG GI RDZUN YIN LA, BDAG GI RDZUN GANG YIN PA DE NI BDAG GI LOG PA YIN NO, ,BDAG GI LOG PA GANG YIN PA DE'I RKYEN GYIS NA 'DI NA SEMS CAN KHA CIG LUS ZHIG STE SHI NAS NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYES PAR 'GYUR GYI, MAL BDAG GIS LHA RNAMS KYI TSIG NI THAMS CAD KYI THAMS CAD DU SPANGS LA, KHA ZAS NYUNG BA DANG, CUNG ZAD CHANG CHUNG BZA' BA'AM, YANG NA MON SRAN SDE'U YI KHU BA'AM, 'ON TE RGYA SRAN GYI KHU BA'AM, YANG NA HA RE NU KA'I 'BRAS BU'I KHU BA BTUNG NGO SNYAM MO, ,DE NAS BYANG CHUB SEMS DPAS DE'I TSE LHA RNAMS KYI TSIG THAMS CAD KYI THAMS CAD DU SPANGS NAS ZHAL ZAS NYUNG BA DANG, CHUNG BA DANG, CUNG ZAD DANG, CHANG CHUNG GSOL BA'AM, YANG NA MON SRAN SDE'U YI KHU BA'AM, 'ON TE RGYA SRAN GYI KHU BA'AM, YANG NA HA RE NU KA'I 'BRAS BU'I KHU BA GSOL LO, ,DE NAS BYANG CHUB SEMS DPA' ZHAL ZAS NYUNG BA DANG, CHUNG BA DANG, CUNG ZAD DANG, CHANG CHUNG GSOL BA NA, YAN LAG DANG, NYING LAG THAMS CAD KUN TU ZHUM STE, SKAM ZHING

61b

SKU DBAL CHUNG BAR GYUR TO, ,DPER NA, LDUM BU AI SI TA'I SDONG BU DANG, KA LI KA'I SDONG BU 'JUM, KUN TU 'JUM PAS SHA CHUNG ZHING BSKAMS PAR GYUR PA DE BZHIN DU DE'I TSE BYANG CHUB SEMS DPA' ZHAL ZAS NYUNG BA DANG, CHUNG BA DANG, CUNG ZAD DANG, CHANG CHUNG GSOL BA NA, YAN LAG DANG, NYING LAG THAMS CAD ZHUM, KUN TU ZHUM STE, SKEM ZHING SKU DBAL CHUNG BAR GYUR TO, ,DE NAS BYANG CHUB SEMS DPA' DE'I TSE ZHAL ZAS NYUNG BA DANG, CHUNG BA DANG, CUNG ZAD DAG CHANG CHUNG GSOL BA NA, DBU LA DBU'I PAGS PA RNYINGS, KUN TU RNYINGS TE, 'KHUMS SHING 'BAR 'BUR DU GYUR TO, ,DPER NA, KU BA RTZA BA NAS BCAD NA RNYIS, KUN TU RNYIS PAS 'KHUMS LA 'BAR 'BUR DU GYUR PA DE BZHIN DU DE'I TSE BYANG CHUB SEMS DPA' ZHAL ZAS NYUNG BA DANG; CHUNG BA DANG, CUNG ZAD DANG, CHANG CHUNG GSOL BA NA, DBU LA DBU'I PAGS PA RNYIS, KUN TU RNYES TE, 'KHUMS SHING 'BAR 'BUR DU GYUR KYANG DE ZHUM PA MA YIN TE, BRTZON 'GRUS BRTZAMS PA YIN ZHES BYA BA LA SOGS PA NI SNGA MA BZHIN NO, ,DE NAS BYANG CHUB SEMS DPA' DE 'DI SNYAM DU DGONGS TE, ZHAL ZAS NYUNG BA DANG, CHUNG BA DANG, CUNG ZAD DANG, CHANG CHUNG GSOL BA NA, SPYAN GNYIS KYI SPYAN GYI 'BRAS BU PHUG TU SONG ZHING SHIN TU PHUG TU SONG STE ZAB PA SHIN TU ZAB PAR RING DU SONG BAS PHYUNG BA LTA BUR SNANG NGO, ,DPER NA, KHRON

62a

, ,PA ZAB MO'I CHUR SKAR MA'I GZUGS BRNYAN PHUG TU SONG ZHING SHIN TU PHUG TU SONG STE, ZAB PA SHIN TU ZAB PAR RING DU SONG BAR GTAM DU BYA BA DE BZHIN DU DE'I TSE BYANG CHUB SEMS DPA' ZHAL ZAS NYUNG BA DANG, CHUNG BA DANG, CUNG ZAD DANG, CHANG CHUNG GSOL BA NA, SPYAN GNYIS KYI SPYAN GYI 'BRAS BU PHUG TU SONG, SHIN TU PHUG TU SONG STE, ZAB PA SHIN TU ZAB PAR RING DU SONG BAS PHYUNG BA LTA BUR SNANG YANG DE ZHUM PA MA YIN GYI, BRTZON 'GRUS BRTZAMS PA YIN ZHES BYA BA LA SOGS PA NI SNGA MA BZHIN NO, ,DE NAS BYANG CHUB SEMS DPA' ZHAL ZAS NYUNG BA DANG, CHUNG BA DANG, CUNG ZAD DANG, CHANG CHUNG GSOL BA NA, DE'I TSE RTZIB MA'I BAR MTHO DMAN CAN DU GYUR TE, DPER NA, RTZVA KHANG LO GNYIS SAM, GSUM LON PA'I PHYAM DGU PO MTHO DMAN DU GYUR PA DE BZHIN DU DE'I TSE BYANG CHUB SEMS DPA' ZHAL ZAS NYUNG BA DANG, CHUNG BA DANG, CUNG ZAD DANG, CHANG CHUNG GSOL BA NA, RTZIB MA'I BAR MTHO DMAN CAN DU GYUR KYANG DE ZHUM PA MA YIN GYI, BRTZON 'GRUS BRTZAMS PA YIN ZHES BYA BA LA SOGS PA RNAMS NI SNGA MA BZHIN NO, ,DE NAS BYANG CHUB SEMS DPA' ZHAL ZAS NYUNG BA DANG, CHUNG BA DANG; CUNG ZAD DANG, CHANG CHUNG GSOL BA NA, SGAL PA'I TSIGS 'DI LTA STE, SKRA'I LAN BU LTA BUR GYUR TO, ,MJUG DO NI, 'DI LTA STE, RNGA MO'I RKANG PA LTA BUR

62b

GYUR TO, ,DE LAN 'GA' LDANG BAR 'DOD NA KHA SBUB TU 'GYEL LA, LAN 'GA' 'DUG PAR 'DOD NA GAN RKYAL DU 'GYEL LO, ,DE RO STOD LA BRTEN NAS RO SMAD 'JOG PAR BYED, RO SMAD LA BRTEN NAS RO STOD 'JOG PAR BYED DO, ,DE PHYAG GNYIS KYIS SKU LA BYUGS TE, DE'I PHYAG GNYIS KYIS SKU LA BYUGS, YONGS SU BYUGS PA DE'I TSE BA SPU RNAMS DRUNG RUL BAS SA LA LHAGS PAR GYUR TO, ,DE NAS BYANG CHUB SEMS DPA' DE 'DI SNYAM DU DGONGS TE, MA LA, BDAG GIS TIL 'BRU GCIG GIS ZAS BZA' BAR BYA'O ZHES TE DES TIL 'BRU GCIG GI ZAS GSOL TO, ,DE TIL 'BRU GCIG GI ZAS GSOL BA NA YAN LAG DANG, NYING LAG THAMS CAD ZHUM KUN DU ZHUM STE SKEM ZHING SKU DBAL CHUNG BAR GYUR TO, ,TIL 'BRU GCIG GIS JI LTA BAR 'BRAS BU GCIG DANG, SRAN GO LA 'BRU GCIG DANG, RGYA SRAN 'BRU GCIG DANG, MON SRAN GRE'U 'BRU GCIG DANG, MON SRAN SDE'U 'BRU GCIG DANG, RTZA'I GDING BA LA MNAL BAR MDZAD DO, ,RGYAL PO ZAS GTZANG GIS DKA' BA LA SPYOD PA'I GNAS SKABS DE THOS NAS NYI MA RE RE ZHING RTOG PA NYIS BRGYA LNGA BCU GTONG BAR BYED DO, ,RGYAL PO LEGS PAR RAB SAD KYIS

63a

, ,KYANG NYIS BRGYA LNGA BCU'O, ,DE DAG NYI MA RE RE ZHING DE GNYIS LA MYUR BA MYUR BAR GTAM SKYEL BAR BYED DO, ,BYANG CHUB SEMS DPA' NI 'DI 'DRA BA'I DKA' BA SPYOD DE, ,TIL 'BRU GCIG DANG, 'BRAS 'BRU GCIG DANG, SRAN GOL 'BRU GCIG DANG, RGYA SRAN 'BRU GCIG DANG, MON SREN GRE'U 'BRU GCIG DANG, MON SRAN SDE'U 'BRU GCIG GI ZAS GSOL ZHING RTZVA'I GDING BA LA MNAL TO ZHES SMRA'O, ,DE RGYAL PO ZAS GTZANG GIS THOS NAS BU'I MYA NGAN GYIS NON PAS LHAG PAR DANG KAN ZHING MIG MCHIMS PA RNAMS TE GDUNGS NAS BTZUN MO'I 'KHOR DANG BCAS PAR RTZVA'I GDING BA LA NYAL BAR BYED DO, ,GRAGS 'DZIN MAS KYANG DE THOS PA DANG, KHYIM THAB KYI MYA NGAN GYIS MNON TO, ,TIL 'BRU GCIG ZA BA DANG; DE'I RUM MI BDE BA DE NYID DU ZHU BAR GYUR TO, ,DE NAS BYANG CHUB SEMS DPA' 'DI SNYAM DU DGONGS TE, LAM 'DI'ANG SHES PAR NUS PA MA YIN, MTHONG BAR NUS PA MA YIN, BLA NA MED PA YANG DAG PAR RDZOGS PAR BYANG CHUB PAR NUS PA MA YIN NO SNYAM MO, ,DE NAS BYANG CHUB SEMS DPA' DE 'DI SNYAM DU DGONGS TE, MA LA BDAG GIS KHA ZAS SHIN TU NGAN PA BZA' BAR BYA'O SNYAM STE DES KHA ZAS SHIN TU NGAN PA GSOL BAR MDZAD DO, ,DE LA ZAS PHAL PA NI 'DI YIN TE, BE'U BYUNG NAS RING PO MA LON PA'I 'O MA 'THUNG BA GANG YIN PA DE

63b

RNAMS KYI GCIN DANG, LCI BA YIN NO, ,DE JI SRID DE'I SKU LAS MDANGS DE YAL BAR MA GYUR PA DE SRID DU ZAS GNYIS PA MI GSOL TO, ,YAL NAS KHA ZAS PHYI MA GSOL BAR MDZAD DO, ,DUR KHROD CHEN POR GSHEGS NAS KYANG MI RO DBU RTEN DU BCUG, ZHABS LA ZHABS BZHAG STE, SNANG BA'I 'DU SHES DANG, DRAN PA DANG, SHES BZHIN DANG LDAN PA'I 'DU SHES YID LA MDZAD PAS GLO G-YAS BAS MNAL BAR MDZAD DO, ,DE'I TSE GRONG KHYER GYI GZHON NU RNAMS DANG, GRONG KHYER GYI GZHON NU MA RNAMS LHAGS NAS SHING BUS DE'I SNYAN GNYIS KYI BU GAR 'DZUGS PAR BYED, RNA BA GNYIS KA NAS 'DREN PAR BYED CING 'DI SKAD CES, KYE PHYAG DAR KHROD KYI SHA ZA BA LA LTOS, KYE PHYAG DAR KHROD KYI SHA ZA BA LA LTOS ZHES SMRA BAR YANG BYED DO, ,DE'I TSE PHYAG DAR DANG, BONG RDOG DANG, GSEG MAS KYANG 'THOR BAR BYED DO, ,'ON KYANG BYANG CHUB SEMS DPA' NI GRONG KHYER GYI GZHON NU RNAMS SAM, GRONG KHYER GYI GZHON NU MA DE RNAMS LA NGAN SEMS SKYED PA'AM, SDIG PA'I TSIG DBYUNG BAR MI DGONGS SO, ,BYANG CHUB SEMS DPA' DKA' THUB CHEN PO LA DKA' BA SPYOD PAS NA, DGE SBYONG CHEN PO, DGE SBYONG CHEN PO ZHES MTSAN DU GYUR TE, DE LTAR LA DRUG GI BAR DU DKA' THUB SPYAD PAR MDZAD DO, ,DE NAS LHA GSUM ZHIG BYANG CHUB SEMS DPA' GANG NA BA DER LHAGS TE, DE NAS LHA GCIG GIS 'DI SKAD CES SMRAS SO, DGE SBYONG GOO TA

64a

, ,MA NI NAG PO ZHIG GO ,GNYIS PAS 'DI SKAD CES SMRAS SO, ,'DI NI NAG PO MA YIN GYI, 'ON KYANG SNGO BSANGS ZHIG GO ,GSUM PAS 'DI SKAD CES SMRAS SO, ,'DI NI NAG PO'ANG MA YIN, ,SNGO BSANGS KYANG MA YIN GYI DMAR SMUG ZHIG GO ,BYANG CHUB SEMS DPA'I SKU MDOG BZANG POR SNANG BA NI THAMS CAD KYI THAMS CAD DU NUB PAR GYUR TO, ,DE NAS DE'I TSE BYANG CHUB SEMS DPA' LA SNGON MA GSAN PA'I DPE GSUM ZHIG GNAS PA 'DI LTA STE, SHING RLON PA CHU CAN ZHIG CHU NAS PHYUNG STE, NYE BAR SKAM LA BZHAG PA DANG, DE NAS MI ME DON DU GNYER BA, ME TSOL BA ZHIG 'DIR 'ONGS NAS DES DE LA GTZUB STAN BYAS TE, GTZUB SHING BZHAG NAS GTZUBS NA 'DI LTAR SHING DE RLON PA CHU CAN YIN PA'I PHYIR ME 'BYUNG BA DANG, 'BAR DU MI BTUB PA DE BZHIN DU DGE SBYONG NGAM, BRAM ZE KHA CIG 'DOD PA RNAMS LA LUS DANG, SEMS KYIS THAG SRID BAR MI GNAS KYI DE RNAMS KYI 'DOD PA LA 'DUN PA DANG, 'DOD PA LA CHAGS PA DANG, 'DOD PA LA DGA' BA DANG, 'DOD PA LA ZHEN PA DANG, 'DOD PA LA 'CHUMS PA DANG, 'DOD PA LA LHAG PAR ZHEN PA GANG YIN PA DE NI DE RNAMS KYI SEMS YONGS SU GTUGS TE, GNAS PA MA YIN PAS LUS DANG, SEMS KYI THAG SRING BAR MI GNAS PA RNAMS KYI NI DE DANG 'DRA'O, ,DE RNAMS BDAG NYID

64b

GNOD PA'I SDUG BSNGAL MI BZAD PA RTZUB PA TSA BA YID DU MI 'ONG BA'I TSOR BA DE LTA BU NYAMS SU MYONG MOD KYI 'ON KYANG DE RNAMS KYIS SHES PAR NUS PA MA YIN, MTHONG BAR NUS PA MA YIN, BLA NA MED PA YANG DAG PAR RDZOGS PAR BYANG CHUB PAR NUS PA MA YIN TE, DE LA 'DI NI DE'I TSE BYANG CHUB SEMS DPA' LA SNGON MA GSAN PA'I DPE SNANG BA DANG PO YIN NO, ,DPER NA, SHING RLON PA CHU CAN ZHIG CHU NAS PHYUNG STE NYE BAR SKAM LA BZHAG PA DANG, DE NAS MI ME DON DU GNYER BA ME TSOL BA ZHIG 'ONGS NAS DE LA DES GTZUB STAN BYAS TE GTZUB SHING GZHAG NAS GTZUBS NAS 'DI LTAR SHING DE RLON PA CHU CAN YIN PA'I PHYIR ME 'BYUNG BA DANG, 'BAR DU MI BTUB PA DE BZHIN DU DGE SBYONG NGAM, BRAM ZE KHA CIG 'DOD PA RNAMS LA LUS KYIS SPONG BAR GNAS KYI SEMS KYIS MA YIN PA DE RNAMS KYIS 'DOD PA LA 'DUN PA DANG, 'DOD PA LA CHAGS PA DANG, 'DOD PA LA DGA' BA DANG, 'DOD PA LA ZHEN PA DANG, 'DOD PA LA 'CHUMS PA DANG, 'DOD PA LA LHAG PAR ZHEN PA GANG YIN PA DE RNAMS KYI SEMS YONGS SU GTUGS TE GNAS PA YIN NO, ,DE RNAMS BDAG NYID LA GNOD PA'I SDUG BSNGAL MI BZAD PA RTZUB PA TSA BA YID DU MI 'ONG BA'I TSOR BA DE LTA BU NYAMS SU MYONG MOD KYI, 'ON KYANG DE RNAMS SHES PAR NUS PA MA YIN, MTHONG BAR NUS PA MA YIN, ,BLA NA MED PA YANG DAG PAR RDZOGS PAR BYANG CHUB

65a

, ,PAR NUS PA MA YIN TE, DE LA 'DI NI DE'I TSE BYANG CHUB SEMS DPA' LA SNGON MA GSAN PA'I DPE SNANG BA GNYIS PA YIN NO, ,'DI LTA STE, SHING SKAM KHONG STONG CHU MED PA ZHIG CHU DANG, THAG RING POR SKAM LA BZHAG PA DANG, DE NAS MI ME DON DU GNYER BA ME TSOL BA ZHIG 'ONGS NAS DE DE GTZUB STAN BYAS TE, GTZUB SHING BZHAG NAS GTZUBS NA YANG 'DI LTAR SHING DE SKAM ZHING KHONG STONG YIN PA'I PHYIR ME 'BYUNG BA DANG, 'BAR DU BTUB PA DE BZHIN DU DGE SBYONG NGAM, BRAM ZE KHA CIG 'DOD PA RNAMS LA LUS DANG, SEMS KYIS THAG SRING BAR GNAS PA DE RNAMS KYI 'DOD PA RNAMS LA 'DOD PA LA 'DUN PA DANG, 'DOD PA LA CHAGS PA DANG, 'DOD PA LA DGA' BA DANG, 'DOD PA LA ZHEN PA DANG, 'DOD PA LA 'CHUMS PA DANG, 'DOD PA LA LHAG PAR ZHEN PA GANG YIN PA DE NI DE RNAMS KYI SEMS YONGS SU GTUGS TE DE MI GNAS PA YIN NO, ,DE RNAMS BDAG NYID LA GNOD PA'I SDUG BSNGAL MI BZAD PA RTZUB PA TSA BA YID DU MI 'ONG BA'I TSOR BA DE LTA BU NYAMS MYONG MOD KYI 'ON KYANG DE RNAMS KYIS SHES PAR NUS, MTHONG BAR NUS, BLA NA MED PA YANG DAG PAR RDZOGS PAR BYANG CHUB PAR NUS TE, DE LA 'DI NI DE'I TSE BYANG CHUB SEMS DPA' LA SNGON MA GSAN PA'I DPE SNANG BA GSUM PA YIN NO, ,DE NAS BYANG CHUB SEMS DPA' 'DI SNYAM

65b

DU DGONGS TE, GANG SU DAG SDUG BSNGAL SPONG BAR BRTZON PAR GNAS PA DE THAMS CAD NI 'DI TZAM DU ZAD DE, DE LAS LHAG PA'ANG MED, DE'I GONG NA LAM 'DI'ANG SHES PAR NUS PA MA YIN, MTHONG BAR NUS PA MA YIN, BLA NA MED PA YANG DAG PAR RDZOGS PAR BYANG CHUB PAR NUS PA MA YIN NO, ,DE NAS BYANG CHUB SEMS DPA' 'DI SNYAM DU DGONGS TE SHES PAR NUS PA DANG, MTHONG BAR NUS PA DANG, BLA NA MED PA YANG DAG PAR RDZOGS PAR BYANG CHUB PAR NUS PA'I LAM DE GANG YIN SNYAM NA, DE 'DI SNYAM DU DGONGS TE, BDAG YAB SH'AKYA ZAS GTZANG GI KHYIM NA GNAS PA'I TSE ZHING LAS KYI MTHA'I DRUNG DU SONG NAS SHING DZAMBU'I GRIB MA LA 'DUG STE 'DOD PA LAS DBEN PA, SDIG PA MI DGE BA'I CHOS LAS DBEN PA, RTOG PA DANG BCAS, DPYOD PA DANG BCAS SHING DBEN PA LA SKYES PA'I DGA' BA DANG, BDE BA BSAM GTAN DANG PO LA NYE BAR BSGRUB STE GNAS PA DE MNGON PAR DRAN TE, DE NI LAM YIN, DE NI BSGRUB PA YIN, SHES PAR NUS PA YIN; MTHONG BAR NUS PA YIN, BLA NA MED PA YANG DAG PAR RDZOGS PAR BYANG CHUB PAR NUS PA YIN NA, DE LA BDAG GIS BSKYED DU YANG 'DI LTAR RID CING NYAMS CHUNG LA ZHAN PAS SLA BA MA YIN TE, MA LA BDAG GIS CI BDER DBUGS RDUB PA DANG, CI BDER DBUGS DBYUNG BA DANG, CI BDER 'BRAS CHAN DANG, ZAN DRON GYI KHA ZAS RAGS PA BZA' ZHING LUS

66a

, ,MAR SAR DANG, TIL MAR GYIS BYUGS LA CHU 'JAM POS LUS BKRU BAR BYA'O SNYAM STE, DE CI BDER DBUGS RDUB PA DANG, CI BDER DBUGS 'BYUNG BA DANG, CI BDER 'BRAS CHAN DANG, ZAN DRON GYI ZHAL ZAS RAGS PA GSOL ZHING SKU TIL MAR DANG, MAR SAR GYIS BYUGS NAS CHU 'JAM POS SKU 'KHRU BAR MDZAD DO, ,DE NAS RIM GRO PA DE RNAMS 'DI SNYAM DU SEMS TE, SHES LDAN DAG ,DGE SBYONG GOO TA MA 'DI NI SDOM PA LHOD PA, BYA BA MANG BA, MANG POS 'TSO BA, SPONG BA NYAMS PAR GYUR PA YIN TE, 'DI DA LTAR 'BRAS CHAN DANG, ZAN DRON GYI KHA ZAS MANG DU ZA LA LUS ZHUN MAR DANG, TIL MAR GYI BYUGS NAS CHU 'JAM POS LUS KHRUS BYED DE, 'DIS DA NI CUNG ZAD KYANG THOB PAR MI NUS SO SNYAM DU BSAMS NAS BYANG CHUB SEMS DPA' BOR TE DONG BA LAS, RIM GYIS W'A RA n'A SIR PHYIN NAS DRANG SRONG SMRA BA RI DVAGS KYI NAGS NA GNAS SO, ,DE NAS BYANG CHUB SEMS DPA'I RIM GYIS LUS KYI STOBS DANG, MTHU DANG, BRTZON 'GRUS YANG DAG PAR BSKYED NAS RIM GYIS SDE CAN GYI GRONG KHYER DU GSHEGS SO, ,DE NI GRONG KHYER SDE CAN ZHES BYA BA NA NEE RANYDZA N'A'I CHU BO'I 'GRAM NA BZHUGS PA DANG, BRAM ZE LHA ZHES BYA BA BYANG CHUB SEMS DPA'I SNGON GYI GROGS BSHES SU GYUR PA DE SDE CAN GYI GRONG KHYER NA GNAS PA DANG,

66b

DES BYANG CHUB SEMS DPA' DKA' BA SPYOD PA MDZAD PA MTHONG NAS, GRONG PA'I BU MO DGA' MO DANG, DGA' STOBS MA GNYIS LA SMRAS PA, KHYED GNYIS KYIS RGYAL PO ZAS GTZANG MA'I SRAS MTSAN MKHAN GYIS GAL TE RAB TU BYUNG BAR MA GYUR NA 'KHOR LOS BSGYUR BA'I RGYAL POR 'GYUR RO ZHES LUNG BSTAN PA DE THOS SAM, DE GNYIS KYIS SMRAS PA, BDAG CAG RNAMS KYIS KYANG GAL TE DE 'KHOR LOS BSGYUR BA'I RGYAL POR GYUR NA BDAG CAG DE'I BTZUN MOR GYUR CIG CES SMON LAM BTAB LAGS SO, ,BRAM ZE LHAS SMRAS PA, BDAG NYID CHEN PO DE NI DKA' THUB KYIS LUS GDUNGS PAS SPONG BA LAS BZHENGS NA KHYED GNYIS KYIS DE LA THOG MA KHO NAR BSOD SNYOMS PHUL CIG DANG, DE KHYED CAG GNYIS KYI YUN RING PO'I PHAN PA DANG BDE BA'I DON DU 'GYUR RO, ,DE NAS BU MO DGA' MO DANG, DGA' STOBS MAS THOS PA DANG, BA STONG PA ZHES SO, ,BZHOS NAS KYANG BA LNGA BRGYA LA BLUD DO, ,BA LNGA BRGYA BZHOS NAS NYIS BRGYA LNGA BCU LA BLUD DO, ,NYIS BRGYA LNGA BCU BZHOS NAS KYANG BRGYA LA BLUD DO, ,BRGYA BZHOS NAS LNGA BCU LA BLUD DO, ,LNGA BCU BZHOS NAS NYI SHU LA BLUD DO, , NYI SHU BZHOS TE MA SPAR NAS SHEL LAS BYAS PA'I SNOD KYI NANG DU BLUGS NAS 'O THUG BSKOL BAR BRTZAMS PA NA, BRAM ZE RNAMS KYIS BSAMS PA, 'DIR NGES PAR BAG MA LEN

67a

, ,TAM; BAG MA GTONG BAR 'GYUR RO, ,SNYAM NAS BRAM ZE MANG PO 'DUS PAR GYUR PA DANG, 'O THUG STONG DU BSGRES PA BSKOL BA NA BUM PA BZANG PO DANG, DPAL BE'U DANG, G-YUNG DRUNG 'KHYIL BA'I MTSAN MA DAG BYUNG BA SNANG BA DANG, KUN TU RGYU NYE 'GRO ZHES BYA BAS MTHONG NAS BSAMS PA, 'O MA'I THUG PA 'DI SUS 'THUNGS PA DES NI BLA NA MED PA'I YE SHES 'THOB PAR 'GYUR GYI, MA LA BDAG GIS BSLANG NGO SNYAM MO, ,DE NAS BRGYA BYIN 'DI SNYAM DU SEMS TE, BYANG CHUB SEMS DPA' DE NI DKA' THUB KYIS SKU LUS NYAM CHUNG ZHING SKU LA SBREBS PA DANG, SKYEMS PAS NYEN PA YIN LA BYANG CHUB SEMS DPA' 'O THUG GSOL NA BLA NA MED PA'I YE SHES THUGS SU CHUD PAR 'GYUR NA; BRAM ZE 'DI DAG NI RANG BZHIN GYIS BRKAM PA DAG 'DIR 'DUS PAR GYUR PAS GAL TE BYANG CHUB SEMS DPA' LA GNOD PA BYED PAR 'GYUR RO SNYAM NAS, RI SPOS KYI NGAD LDANG NAS LHA'I SMAN BLANGS TE, DE SHIN TU GZUGS BZANG BA'I BRAM ZE ZHIG TU MNGON PAR SPRUL NAS 'O THUG DE SKOL BA'I STENG DU 'DUG STE, LHA'I DBANG PO BRGYA BYIN GYIS DER SMAN MTHU BA SKYED PA ZHES BYA BA BLUGS SO, ,DE NAS DGA' MO DANG, DGA' STOBS MAS 'O THUG SBRANG RTZI LTAR MNGAR BA STONG DU BSGRES PA BSKOL NAS LHA'I DBANG PO BRGYA BYIN LA 'DI

67b

SKAD CES SMRAS SO, ,KHYOD NYID RGYAL PO ZAS GTZANG MA'I SRAS DE YIN NAM, BRGYA BYIN GYIS SMRAS PA, DE NI NGA'I MKHAN PO YIN TE, NGA NI DE'I SLOB MA YIN NO, ,DE NAS LHA'I DBANG PO BRGYA BYIN GYIS 'O THUG SBRANG RTZI LTAR MNGAR BA STONG DU BSGRES PA BLANGS SO, ,BLANGS NAS KYANG DGA' MO DANG, DGA' STOBS MA GNYIS LA SMRAS PA, SBYIN PA 'DIS KHYED GNYIS CI ZHIG DON DU GNYER, GANG GI DON DU YON BSNGO BAR BYA, DE GNYIS KYIS SMRAS PA, GSOL BA PHUL BA'I BSOD NAMS CI MCHIS PAS, ,GRAGS DANG LDAN PA DON RNAMS KUN GRUB PA, ,MI YI MCHOG GYUR BLO MCHOG LDAN PA DE'I, ,DON KUN MYUR DU SHIN TU GRUB GYUR CIG, DE NAS BYANG CHUB SEMS DPA' CHU KLUNG NEE RANYDZA N'A RA ZHUGS NAS SKU KHRUS MDZAD DE, RGAL BAR BZHED PA DANG, SKU NYAM CHUNG BA NYID KYIS RGAL BAR MA SPYOD PA NA LHA RNAMS KYIS AA RDZU NA'I YAL GA BTUD PA DANG, DE LA 'JUS NAS BYANG CHUB SEMS DPA' RGAL BAR MDZAD DE CHOS GOS MNABS NAS CHU KLUNG NEE RANYDZA N'A'I 'GRAM NA BZHUGS SO, ,DE NAS LHA'I DBANG PO BRGYA BYIN GYIS BYANG CHUB SEMS DPA' BDE BAR BZHUGS PAR RIG NAS 'O THUG SBRANG RTZI LTAR MNGAR BA STONG DU BSGRES BA YOL GOR BLUGS TE, BYANG CHUB SEMS DPA' LA BSTABS SO, ,BYANG CHUB SEMS DPAS KYANG GSOL NAS YON BSNGO BAR MDZAD DO, ,DE NAS BYANG CHUB SEMS DPA' CHU KLUNG NEE RANYDZA

68a

, ,NA'I 'GRAM NA PHAN TSUN DU BZHUGS PA'I SA BTZAL BA DANG, CI TZAM NA RI BRAG CHEN PO ME TOG DANG, 'BRAS BU SNA TSOGS DANG LDAN PA ZHIG GZIGS NAS DE DE LA 'DZEGS TE PHYOGS DBEN ZHING GSAL BA'I PHYOGS SU SKYIL MO KRUNG BCAS TE BZHUGS SO, ,BZHUGS MA THAG TU RI DE NYID DU RNYIL TO, ,DE NAS BYANG CHUB SEMS DPA' 'DI SNYAM DU DGONGS TE; 'DIR RGYU CI ZHIG YOD NA RI RNYIL BAR GYUR, CI NGA 'OD BA LA LHA RNAMS MNGON PAR MI DGA'AM, 'ON TE BGEGS 'GA' ZHIG 'BYUNG BAR 'GYUR SNYAM MO, ,LHA RNAMS KYIS BYANG CHUB SEMS DPA'I THUGS SHES NAS GSOL PA, BYANG CHUB SEMS DPA' SA THAMS CAD KYIS GZUNG BAR RNGO MI THOG PA NI GNYIS TE, DGE BA'I RTZE BA CHAD PA GANG LAGS PA DANG, DGE BA'I RTZA BA SBYANGS PA GANG LAGS PA STE, KHYOD NI DGE BA'I RTZA BA SBYANGS PA LAGS SO, ,'DI NI BYANG CHUB SEMS DPA' RNAMS KYI GNAS MA LAGS TE, 'ON KYANG MDUN DU BZHUD CIG DANG; DE NA RDO RJE'I GDAN MCHIS TE, DER NI 'DAS PA DANG, MA BYON PA DANG, DA LTAR BYUNG BA'I BYANG CHUB SEMS DPA' THAMS CAD BZHUGS NAS BLA NA MED PA'I YE SHES THOB PAR GYUR CING THOB PAR 'GYUR RO, ,DE NAS BYANG CHUB SEMS DPA' LTAS LAM BSTAN PA BZHIN GSHEGS PA NA DE'I ZHABS BZHAG SAR PADMA DAG BYUNG BAR GYUR TO, ,RGYA MTSO CHEN PO BZHI

68b

LAS KYANG CHU BAB NAS PADMA'I RDZING DAG BYUNG BAR GYUR TO, ,GOM PA BOR NAS MNAN PA NAS CHEN PO 'DI 'KHAR BA'I SNOD BZHIN DU SGRA 'BYIN PAR BRTZAMS SO, ,BYA TZA SHA DANG, RI DVAGS DAG GIS KYANG BYANG CHUB SEMS DPA' LA SKOR BA BYED DO, ,RLUNG GTONG BA'I LHA'I BU RNAMS KYIS KYANG DAL BU DAL BUS RLUNG GTONG BAR BYED DO, ,CHAR PA 'BEBS PA'I LHA'I BU RNAMS KYIS KYANG CHAR PA CUNG ZAD 'BABS PAR BYED DO, ,DE NAS BYANG CHUB SEMS DPA' 'DI SNYAM DU DGONGS TE, NGA LA 'DI 'DRA BA'I MTSAN MA BZANG PO BYUNG BAR GYUR PAS DENG NYID BDAG GIS BLA NA MED PA'I YE SHES THOB PAR 'GYUR RO SNYAM MO, ,CHU KLUNG NEE RANYDZA N'A'I 'GRAM NA KLU'I RGYAL PO DUS CAN ZHES BYA BA LONG BA ZHIG GNAS TE, DER DE'I LAS KYI RNAM PAR SMIN PA LAS SKYES PA'I GNAS ZHIG BYUNG BAR GYUR TE, SANGS RGYAS BYUNG BA NA MIG THOB PAR 'GYUR LA, YONGS SU MYA NGAN LAS 'DAS PA NA SLAR LONG PAR 'GYUR RO, ,DE SA'I SGRA GRAGS PAS GNAS NAS BYUNG BA DANG, RGYANG RING PO KHO NA NAS BYANG CHUB SEMS DPA' SKU SKYES BU'I MTSAN SUM CU RTZA GNYIS KYIS KUN NAS BRGYAN LA, DPE BYAD BZANG PO BRGYAD CUS SPRAS PA, 'OD 'DOM GANG GIS BRGYAN PA, NYI MA STONG BAS LHAG PA'I 'OD ZER DANG, RIN PO CHE'I RI BO 'GRO BA LTAR KUN NAS MDZES PA MTHONG NGO, ,MTHONG MA THAG TU BYANG CHUB SEMS DPA' LA TSIGS SU BCAD

69a

, ,PA'I DBYANGS KYIS BSTOD PAR BRTZAMS PA, DGA' BA'I DBYANGS KYIS KUN GANG BA'I, ,SA YI SGRA NI THOS NAS KYANG, ,KLU YI GNAS NAS BYUNG NAS SU, ,PHYOGS KUN TU YANG LTA BAR BYED, ,BRANG GIS 'GRO BA'I GTZO BO STE, ,KLU YI RGYAL PO MTHU CHEN GYIS, ,NEE RANYDZA N'A'I NGOGS SU NI, ,'JIG RTEN 'DREN PA GSHEGS PA MTHONG, ,SANGS RGYAS 'BYUNG BA'I MTHU YIS NI, ,KLU YIS MIG NI THOB GYUR TE, ,SEMS NI DGA' ZHING YID MGU NAS, ,DES NI 'DI SKAD CES GSOL TO, ,BDAG GIS SNGON NI MTHONG BA YIN, ,SANGS RGYAS MTHU CHEN DE RNAMS DANG, ,THUB PA KHYOD NI MTHONG GYUR NA, ,DE DANG THA DAD DBYER MA MCHIS, ,THUB PA JI LTAR THOG MAR NI, ,G-YAS PA'I ZHABS NI 'DEGS PA LAGS, ,KHYOD NI SANGS RGYAS DENG GYUR NAS, ,'JIG RTEN GYI NI YON GNAS 'GYUR, ,JI LTAR CHOS GOS MNABS PA DANG, ,NEE RANYDZA N'A'I CHU BSIL LA, ,JI LTA BUR NI 'JUG PA LAS, ,DE RING KHYOD NI SANGS RGYAS 'GYUR, ,JI LTAR RAB BRTAN 'GROS SU GSHEGS PA DANG, ,BA LANG KHYU MCHOG 'GYING BA LTAR GSHEGS PAS, ,SKYES BU KHYU MCHOG CHOS 'DZIN RNAMS KYI MCHOG ,DENG 'DIR KHYOD NI SANGS RGYAS MCHOG 'GYUR RO, ,JI LTAR MKHA' LA TZA SHA BRGYA PHRAG GIS, ,KHYOD SKU RGYA CHEN RGYA CHEN MDZAD DE LA, ,LDING ZHING SKOR BAR BGYID PAR GYUR PA LAS, ,MI

69b

MCHOG DENG NI SANGS RGYAS MCHOG 'GYUR RO, ,JI LTAR DRI ZHIM RLUNG NI LDANG BA DANG, ,RI DVAGS BYA YI TSOGS KYANG MI SKRAG LA, ,LJON SHING RLUNG GIS G-YOS PAR MA GYUR PAS, ,MI MCHOG DENG NI SANGS RGYAS MCHOG 'GYUR RO, ,JI LTAR BTZUN PA KHYOD KYI ZHAL GYI 'OD, ,DRI MED GSER 'OD 'BAR BA 'DRA BA DE, ,RNAM PAR MDZES SHING KHA DOG LDAN PAS NA, ,MI MCHOG DENG NI SANGS RGYAS MCHOG 'GYUR RO, ,DE NAS BYANG CHUB SEMS DPA' KLU'I RGYAL PO DUS CAN GYIS YANG DAG PAR BSTOD NAS RDO RJE'I GDAN LOGS SU GSHEGS SO, ,DE NAS BYANG CHUB SEMS DPA' 'DI SNYAM DU DGONGS TE RTZVA'I GDING BA LA 'DUG PAR BYA'O SNYAM PA DANG, DE LA RTZVA'I DGOS PA BYUNG BAR LHA'I DBANG PO BRGYA BYIN GYIS SEMS KYIS BYANG CHUB SEMS DPA'I DGONGS PA SHES NAS RI SBOS KYI NGAD LDANG LAS SHING BAL GYI 'DAB MA LTAR REG NA BDE BA'I RTZVA KHUR CIG BLANGS NAS RTZVA 'TSONG BKRA SHIS KYI CHA BYAD DU BDAG NYID MNGON PAR SPRUL TE BYANG CHUB SEMS DPA'I SPYAN SNGA NA SDOD DO, ,BYANG CHUB SEMS DPAS GSUNGS PA, BZHIN BZANG, RTZVA 'O NI DAG NGA LA PHUL CIG ,LHA RNAMS KYI DBANG PO BRGYA BYIN GYIS BYANG CHUB SEMS DPA'I ZHABS GNYIS LA GTUGS NAS GUS PA DANG BCAS PAS PHUL LO, ,BYANG CHUB SEMS DPA' RTZVA 'TSONG BKRA SHIS LAS RTZVA BZHES TE LHA DANG, MI RNAMS KYI YID SDUD PAR BYED PA'I SPYOD

70a

, ,LAM GYIS 'GRO BA RNAMS DAD PAR MDZAD CING LHA RNAMS KYIS BSTAN PA'I LAM NAS BYANG CHUB KYI SNYING PO GANG NA BA DER GSHEGS TE STONG GSUM GYI STONG CHEN PO'I 'JIG RTEN GYI KHAMS KYI 'KHOR LO'I LTE BA LTA BU'I RDO RJE'I GDAN LA BRTAN ZHING NGES PAS NYID KYIS RTZVA RNAMS MA 'KHRUGS PA DANG, STUG SRAB MED PAR BKRAM NAS THUGS BSKYED CING TSIG TU YANG GSUNG PA, JI SRID SDUG BSNGAL KUN GYI MTHA'I, ,ZAG ZAD YANG DAG MA THOB PA, ,DE SRID SROG NI MTHAR GYUR KYANG, ,SKYIL KRUNG 'DI NI GZHIG MI BYA, ,ZHES GSUNGS NAS BYANG CHUB SEMS DPA' RDO RJE'I GDAN LA 'DZEGS TE BRANG GIS 'GRO'I RGYAL PO GNYID LOG PA'I LUS BSKYIL BA LTA BU'I SKYIL MO KRUNG BCAS NAS SKU DRANGS POR BA SRANG, DRAN PA MNGON DU BZHAG NAS BZHUGS SO, ,BZHUGS PA'I MOD KHO NA LA BDUD SDIG CAN GYI GNAS G-YOS PAR GYUR TO, ,DE NAS BDUD SDIG CAN 'DI SNYAM DU SEMS TE, CI'I PHYIR NGA'I GNAS G-YOS SNYAM PA DANG, CI TZAM NA BYANG CHUB SEMS DPA' RDO RJE'I GDAN LA BZHUGS PA MTHONG NGO, ,DE NAS BDUD SDIG CAN 'DI SNYAM DU SEMS TE, SH'AKYA ZAS GTZANG GI BU RDO RJE'I GDAN LA 'DUG GI JI TZAM BDAG GI YUL LAS MA 'DAS KYI BAR DU DE LA BGEGS BYA'O SNYAM DU BSAMS NAS PHRIN YIG SKYEL PA SKRA GYEN DU 'GRENG LA SHA NA'I SMAD G-YOG

70b

BKOS PA ZHIG GI KHA DOG TU MNGON PAR SPRUL NAS BYANG CHUB SEMS DPA' GANG NA BA DER SONG STE PHYIN NAS RTABS PAR SMRAS PA, GRONG KHYER SER SKYA'I GZHI NI LHA SBYIN GYIS MNAN, PHO BRANG NI BCOM, SH'AKYA RNAMS NI KHA BTAG NA, KHYOD CI'I PHYIR GNAS BTAB STE 'DUG, DE NAS BYANG CHUB SEMS DPA' LA SDIG PA MI DGE BA'I RNAM PAR RTOG PA GSUM SKYES PA, 'DI LTA STE, 'DOD PA'I RNAM PAR RTOG PA DANG, GNOD SEMS KYI RNAM PAR RTOG PA DANG, RNAM PAR 'TSE BA'I RNAM PAR RTOG PA'O, ,DE LA 'DOD PA'I RNAM PAR RTOG PA NI, GRAGS 'DZIN MA DANG, RI DVAGS SKYES DANG, SA 'TSO MA LA'O, ,GNOD SEMS RNAM PAR RTOG PA NI, LHA SBYIN LA'O, ,RNAM PAR 'TSE BA'I RNAM PAR RTOG PA NI, DE'I RJES SU 'TSO BA'I SH'AKYA RNAMS LA'O, ,DE NAS BYANG CHUB SEMS DPA' 'DI SNYAM DU DGONGS TE, CI'I PHYIR BDAG LA SDIG PA MI DGE BA'I RNAM PAR RTOG PA GSUM SKYES SNYAM NA, JI TZAM NA BDUD SDIG CAN, 'DI LTA STE, DKRUG PA'I LAS KYI PHYIR NYE BAR 'ONGS PA GZIGS SO, ,DE NAS BYANG CHUB SEMS DPA' DGE BA'I RNAM PAR RTOG PA GSUM SKYES TE, 'DI LTA STE, NGES PAR 'BYUNG BA'I RNAM PAR RTOG PA DANG, GNOD SEMS MED PA'I RNAM PAR RTOG PA DANG, RNAM PAR MI 'TSE BA'I RNAM PAR RTOG PA'O, ,YANG BDUD KYIS SMRAS PA, KHYOD CI'I PHYIR BYANG CHUB KYI SNYING PO LA 'DUG, BYANG CHUB SEMS DPAS BKA' STZAL

71a

, ,PA; BLA NA MED PA'I YE SHES THOB PAR BYA BA'I PHYIR RO, ,BDUD KYIS SMRAS PA, KHYOD KYIS BLA NA MED PA'I YE SHES GA LA THOB, BYANG CHUB SEMS DPAS BKA' STZAL PA; SDIG CAN KHYOD KYIS RE ZHIG MCHOD SBYIN GCIG BYAS PAS KYANG 'DOD PA'I KHAMS KYI DBANG PHYUG PHUN SUM TSOGS PAR GYUR NA NGES BSKAL PA GRANGS MED PA GSUM DU MCHOD SBYIN BYE BA KHRAG KHRIG BRGYA STONG DU MA BYAS SHING SEMS CAN RNAMS KYI PHYIR MGO DANG, LAG PA DANG, RKANG PA DANG, MIG DANG, SHA DANG, KHRAG DANG, BU DANG, CHUNG MA DANG, DBYIG DANG, GSER LA SOGS PA YONGS SU BTANG NAS BLA NA MED PA'I YE SHES THOB PAR 'GYUR BA LTA SMOS KYANG CI DGOS TE, NGAS BLA NA MED PA'I YE SHES THOB PAR MI 'GYUR BA DE SRID RE SKAN, DE SKAD CES BKA' STZAL PA DANG, BDUD KYIS SMRAS PA, RE ZHIG JI LTAR BDAG GIS MCHOD SBYIN GCIG GIS 'DOD PA'I KHAMS KYI DBANG PHYUG THOB PAR GYUR PA'I BDAG GI DBANG NI KHYOD YIN NA, JI LTAR KHYOD KYIS BLA NA MED PA'I YE SHES THOB PAR BYA BA'I PHYIR BSKAL PA GRANGS MED PA GSUM DU MCHOD SBYIN BYE BA KHRAG KHRIG BRGYA STONG PHRAG DU MA BYAS SHING SEMS CAN RNAMS KYI PHYIR MGO DANG, LAG PA DANG, RKANG PA DANG, MIG DANG, SHA DANG, KHRAG DANG, BU DANG, CHUNG MA DANG, DBYIG DANG, GSER LA SOGS PA YONGS SU BTANG BAR

71b

KHYOD LA DPANG SU YOD, DE NAS BYANG CHUB SEMS DPA' BCOM LDAN 'DAS KYI PHYAG 'KHOR LO DANG, BKRA SHIS DANG, G-YUNG DRUNG 'KHYIL PA DANG, DRA BAS 'BREL BA DANG, BSOD NAMS BRGYA PHRAG DU MAS BSKYED PA, SKRAG PA RNAMS LA DBUGS 'BYIN PAR MDZAD PAS SA LA REG PAR MDZAD NAS, NGAS BSKAL PA GRANGS MED PA GSUM DU MCHOD SBYIN BYE BA KHRAG KHRIG BRGYA STONG PHRAG DU MA BYAS SHING SEMS CAN RNAMS KYI PHYIR MGO DANG, LAG PA DANG, RKANG PA DANG, MIG DANG, SHA DANG, KHRAG DANG, BU DANG, CHUNG MA DANG, DBYIG DANG, GSER LA SOGS PA YONGS SU BTANG BA'I NGA'I DBANG NI SA 'DI YIN NO, ,DE NAS SA'I LHAS SA BRTOL NAS THAL MO SBYAR TE SKAD PHYUNG BA, SDIG CAN, BCOM LDAN 'DAS KYIS JI SKAD BKA' STZAL PA DE BZHIN YIN NO ZHES DE SKAD CES SMRAS PA DANG, BDUD SDIG CAN CANG MI SMRA BAR GYUR TE ZHUM ZHUM POR GYUR, BAG 'KHUMS PAR GYUR, SPYI BO SMAD NAS SPOBS PA MED LA SEMS KHONG DU CHUD CING 'DUG PAR GYUR TO, ,DE NAS BDUD SDIG CAN 'DI SNYAM DU SEMS TE, BDAG GIS ZAS GTZANG GI BU LA DE LTAR BYAS KYANG GLAGS MA RNYED KYI, MAL 'DI LA BDAG GIS YANG BGEGS SHIG BYA'O SNYAM NAS, DPUNG MCHOG DANG LDAN PA BYE BA PHRAG SUM CU RTZA DRUG PO GLANG PO CHE DANG, RTA DANG, RNGA MO DANG, RA DANG, RI DVAGS DANG, MA HE DANG, PHAG DANG, KHYI DANG, 'UG

72a

, ,PA DANG, NE'U LE DANG, SPRE'U DANG, WA LA SOGS PA 'DRA BA, RAL GRI DANG, MDA' BO CHE DANG, MTSON RTZE GCIG PA DANG, 'KHOR LO DANG, MDUNG THUNG DANG, GZHU DANG, ZHAGS PA DANG, DGRA STA DANG, LCAGS KYI DBYUG PA LA SOGS TE MTSON CHA RNAMS 'PHYAR BA 'JIGS SU RUNG BA RNAMS DANG LHAN CIG BYANG CHUB SEMS DPA' KUN NAS YONGS SU BSKOR NAS GNAS SHING BDUD SDIG CAN RANG NYID GZHU RNA DRUNG DU BKANG NAS 'DUG GO ,DE NAS BYANG CHUB SEMS DPA' GZUGS RNAM PA DU MA CAN, MTSON CHA RNAM PA SNA TSOGS MANG PO DANG CHAS PA DE RNAMS GZIGS NAS DGONGS PA RE ZHIG SKYES PA, PHAL PA ZHIG DANG LHAN CIG 'THAB PAR RTZOM NA'ANG, DE'I GNYEN PO'I PHYOGS LA SBYOR BAR BYED NA 'DOD PA'I KHAMS KYI DBANG PHYUG 'DI LA LTA SMOS KYANG CI DGOS KYI, MA LA BDAG GIS GNYEN PO'I PHYOGS LA SBYAR BAR BYA'O SNYAM DU DGONGS NAS DE ZHI BAR 'GYUR BA'I THABS LA DGONGS PAR BRTZAMS SO, ,BDUD KYANG 'BYUNG PO BYE BA PHRAG SUM CU RTZA DRUG DANG LHAN CIG TU BYANG CHUB SEMS DPA'I STENG NAS 'KHOR LO DANG, MDUNG THUNG DANG, MDA' PO CHE DANG, MTSON RTZE GCIG PA DANG, MDA' LA SOGS TE MTSON CHA RNAMS DBAB PAR BRTZAMS SO, ,DE NAS BYANG CHUB SEMS DPA' SHEL LAS BYAS PA'I GZHAL YAS KHANG

72b

MNGON PAR SPRUL PA DANG, MTSON CHA THAMS CAD GZHAL YAS KHANG DE'I STENG DU 'BAB PA DANG, GZHAL YAS KHANG GI SGRAS BDUD KYI SDE THAMS CAD SKRAG NAS KUN TU 'BYER BAR GYUR TO, ,DE NAS BYANG CHUB SEMS DPA' NAM GYI THUN DANG PO LA RTAG TU BYA BA DANG, 'GRUS SKYONG DANG LDAN ZHING BYANG CHUB KYI PHYOGS DANG MTHUN PA'I CHOS RNAMS LA BSGOM PA'I RNAL 'BYOR GYI RJES SU BRTZON PAS BZHUGS SO, ,DE NAM GYI THUN DANG PO LA RDZU 'PHRUL GYI YUL SHES PA MNGON DU BYA BA'I MNGON PAR SHES PA LA DGONGS PA MNGON DU BZHAG PA NA DE RDZU 'PHRUL GYI YUL RNAM PA DU MA NYAMS SU MYONG BAR MDZAD DE, GCIG TU GYUR CING MANG POR GYUR LA, MANG POR GYUR CING GCIG TU 'GYUR BA DANG, SNANG BAR GYUR CING MI SNANG BAR GYUR PA YE SHES GZIGS PAS NYAMS SU MYONG BAR MDZAD DO, ,SKUS RTZIG PA DANG, RI DANG, RA BA LA'ANG THAD KAR GSHEGS PAR MDZAD DE, DPER NA, NAM MKHA' LA BYA BA BZHIN NO, ,SA LA'ANG STENG DU 'BYUNG BA DANG, BYI'U ZUL MDZAD DE, DPER NA, CHU LA BYA BA BZHIN NO, ,CHU'I RGYUN LA'ANG MI NYAMS PAR GSHEGS TE, DPER NA, SA LA BYA BA BZHIN NO, ,NAM MKHA' LA SKYIL MO KRUNG GIS GSHEGS PAR MDZAD DE, DPER NA, 'DAB CHAGS BYA BZHIN NO, ,NYI MA DANG, ZLA BA 'DI GNYIS 'DI LTAR RDZU 'PHRUL CHE BA, 'DI LTAR GZI BRJID CHE BA LA'ANG

73a

, ,PHYAG GIS NOM ZHING NYUG PAR MDZAD DE, TSANGS PA'I 'JIG RTEN GYI BAR DU SKUS DBANG SGYUR BAR MDZAD DO, ,DE NAS BDUD SDIG CAN 'DI SNYAM DU SEMS TE, BSAM GTAN GYI TSER MA NI SGRA YIN PAS, MA LA BDAG GIS RGYAD RING PO KHO NAR 'DUG LA SGRA DBYUNG BAR BYA'O SNYAM NAS DES 'BYUNG PO BYE BA PHRAG SUM CU RTZA DRUG DANG, 'JIGS PA CHEN PO 'JIGS SU RUNG BA'I SGRA PHYUNG NGO, ,BYANG CHUB SEMS DPAS KYANG DE BSGRIB PA'I PHYIR DPAG TSAD BCU GNYIS KYI BAR DU SHING KA DAM PA'I TSAL SPRUL PAS DES NA SGRA DE RDUGS PAS MI GRAG GO ,DE NAS BYANG CHUB SEMS DPA' 'DI SNYAM DU DGONGS TE, MA LA BDAG GIS LHA'I RNA BA SHES PA MNGON SUM DU BYA BA'I MNGON PAR SHES PA LA SEMS MNGON DU BZHAG NAS DES NA LHA DANG MI RNAMS KYI SGRA GANG DANG, GANG DAG THOS PAR 'DOD PA DE DAG MNYAN PAR BYA'O SNYAM DU DGONGS NAS, LHA'I RNA BA SHES PAR MNGON SUM DU BYA BA'I MNGON PAR SHES PA LA DGONGS PA BZHAG PA NA DE'I LHA'I SNYAN RNAM PAR DAG PA MI LAS 'DAS PAS SGRA GNYIS PO MI RNAMS KYI DANG, MI MA YIN PA RNAMS KYI DANG, GANG DAG RING BA DANG, GANG DAG NYE BA'ANG GSAN TO, ,DE NAS BYANG CHUB SEMS DPA' 'DI SNYAM DU DGONGS TE, BDUD KYI 'KHOR 'BYUNG PO BYE BA PHRAG SUM CU RTZA DRUG LAS BDAG LA SU DAG NI GNOD PAR SEMS, SU DAG

73b

NI MA YIN ZHES DE DAG JI LTAR SHES PAR BYA SNYAM PA DANG, DE NAS BYANG CHUB SEMS DPA' DE 'DI SNYAM DU DGONGS TE, SEMS KYI RNAM GRANGS SHES PA MNGON SUM DU BYA BA'I MNGON PAR SHES PA YIN NO SNYAM NAS DE NAM GYI GUNG THUN LA SEMS KYI RNAM GRANGS SHES PA MNGON SUM DU BYA BA'I MNGON PAR SHES PA LA DGONGS PA MNGON DU BZHAG PA NA DE'I THUGS KYIS SEMS CAN GZHAN DANG, GANG ZAG GZHAN DAG GI RNAM PAR RTOG PA DANG, RNAM PAR DPYOD PA'I YID JI LTA BA BZHIN DU RAB TU MKHYEN TE, 'DOD CHAGS DANG BCAS PA'I SEMS LA 'DOD CHAGS DANG BCAS PA'I SEMS SO ZHES JI LTA BA BZHIN DU RAB TU MKHYEN TO, ,'DOD CHAGS DANG BRAL BA'I SEMS LA 'DOD CHAGS DANG BRAL BA'I SEMS SO ZHES JI LTA BA BZHIN DU RAB TU MKHYEN TO, ,ZHE SDANG DANG BCAS PA DANG, ZHE SDANG DANG BRAL BA DANG, GTI MUG DANG BCAS PA DANG, GTI MUG DANG BRAL BA DANG, BSDUS PA DANG, RNAM PAR G-YENGS PA DANG, ZHUM PA DANG, RAB TU 'DZIN PA DANG, RGOD PA DANG, MI RGOD PA DANG, NYE BAR MA ZHI BA DANG, NYE BAR ZHI BA DANG, MNYAM PAR MA BZHAG PA DANG, MNYAM PAR BZHAG PA DANG, MA BSGOMS PA DANG, BSGOMS PA DANG, SEMS RNAM PAR MA GROL BA DANG, RNAM PAR GROL BA ZHES JI LTA BA BZHIN DU RAB TU MKHYEN TO, ,SHIN TU RNAM PAR GROL BA'I SEMS LA SHIN TU RNAM PAR GROL BA'I SEMS ZHES YANG DAG PA JI

74a

, ,LTA BA BZHIN DU RAB TU MKHYEN TO, ,DE NAS BYANG CHUB SEMS DPA' 'DI SNYAM DU DGONGS TE, BDUD KYI MNGAG GZHUG PA 'DI RNAMS LAS SU DAG TSE RABS GZHAN NA MAR 'BREL BA'AM, PHAR 'BREL BA'AM, SU DAG GSHED MA'AM, PHYIR RGOL BA'AM, DGRAR GYUR PA DE DAG JI LTAR SHES PAR BYA SNYAM MO, ,DE NAS BYANG CHUB SEMS DPA' 'DI SNYAM DU DGONGS TE, SNGON GYI GNAS RJES SU DRAN PA SHES PA MNGON SUM DU BYAS PA'I MNGON PAR SHES PAS YIN NO SNYAM NAS DE NAM GYI GUNG THUN LA SNGON GYI GNAS RJES SU DRAN PA'I SHES PA MNGON SUM DU BYA BA'I MNGON PAR SHES PA LA DGONGS PA MNGON DU BZHAG PA NA DES SNGON GYI GNAS RNAM PA DU MA RJES SU DGONGS TE, 'DI LTA STE, SKYE BA GCIG DANG, GNYIS DANG; GSUM DANG, BZHI DANG, LNGA DANG, DRUG DANG, BDUN DANG, BRGYAD DANG, DGU DANG, BCU DANG, NYI SHU DANG, SUM CU DANG, BZHI BCU DANG, LNGA BCU DANG, SKYE BA BRGYA DANG, SKYE BA STONG DANG, SKYE BA BRGYA STONG DANG, SKYE BA BRGYA PHRAG DU MA DANG, SKYE BA STONG PHRAG DU MA DANG, SKYE BA BRGYA STONG PHRAG DU MA DANG, 'JIG PA'I BSKAL PA DANG, 'CHAGS PA'I BSKAL PA DANG, 'JIG PA DANG, CHAGS PA'I BSKAL PA DANG, 'JIGS PA'I BSKAL PA DU AM DANG, 'CHAGS PA'I BSKAL PA DU MA DANG, 'JIG PA DANG, 'CHAGS PA'I BSKAL PA DU MA RJES

74b

SU DGONGS TE, BDAG SNGON SEMS CAN 'DI DAG GI NANG NA GNAS PA NA MING NI 'DI ZHES BYA, RIGS NI 'DI ZHES BYA, RUS NI 'DI ZHES BYA, ZAS NI 'DI LTA BU ZHIG ZA ZA, BDE BA DANG, SDUG BSNGAL NI 'DI LTA BU ZHIG NYAMS SU MYONG, TSE NI 'DI SRID CIG LON, YUN NI 'DI SRID CIG 'DUG 'DUG, TSE 'DI SRID CIG LON TE GNAS DE NAS BDAG SHI 'PHOS TE CHE GE MO ZHIG DU SKYES SO, ,DE NAS KYANG SHI 'PHOS NAS CHE GE MO ZHIG TU SKYES SO, ,DE NAS KYANG SHI 'PHOS NAS 'DIR SKYES SO ZHES RNAM PAR DANG BCAS PA, YUL PHYOGS DANG BCAS PAR SNGON GYI GNAS RNAM PA DU MA RJES SU DGONGS SO, ,DE NAS BYANG CHUB SEMS DPA' 'DI SNYAM DU DGONGS TE, BDUD KYI MNGAG GZHUG 'DI RNAMS LAS SU DAG NI NGAN SONG DU 'GRO, SU DAG NI NGAN SONG DU MI 'GRO BA DE DAG JI LTAR SHES PAR BYA SNYAM MO, ,DE NAS BYANG CHUB SEMS DPA' 'DI SNYAM DU DGONGS TE, 'CHI 'PHO DANG, SKYE BA SHES PA MNGON SUM DU BYA BA'I MNGON PAR SHES PAS YIN NO SNYAM STE, DE NAM GYI THUN THA MAL 'CHI 'PHO DANG, SKYE BA SHES PA MNGON SUM DU BYA BA'I MNGON PAR SHES PA LA DGONGS PA MNGON DU BZHAG PA NA DE'I LHA'I SPYAN RNAM PAR DAG PA MI RNAMS KYI LAS 'DAS PAS GZIGS NA SEMS CAN RNAMS KYI 'CHI 'PHO DANG, SKYE BA DANG, KHA DOG BZANG PO DANG, KHA DOG NGAN PA DANG, DMAN PA DANG, GYA NOM PA DANG, BDE 'GRO DANG, NGA

75a

, ,'GROR 'GRO BA'I SEMS CAN RNAMS LA JI LTA BA BZHIN GYI RJES SU 'GRO BA, JI LTA BA BZHIN DU RAB TU MKHYEN TE, SHES LDAN DAG ,SEMS CAN 'DI ZHES BYA BA 'DI DAG NI LUS KYI NYES PAR SPYOD PA DANG LDAN, NGAG GI DANG, YID KYI NYES PAR SPYOD PA DANG, LDAN TE, 'PHAGS PA RNAMS LA SKUR PA 'DEBS PA LOG PAR LTA BA STE, LOG PAR LTA BA'I CHOS DANG LAS YANG DAG PAR BLANGS PA'I RGYUS RGYU DE RNAMS DANG, RKYEN DES LUS ZHIG NAS SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BAR 'GYUR RO, ,SHES LDAN DAG, SEMS CAN 'DI DAG NI LUS KYI LEGS PAR SPYOD PA DANG LDAN PA, NGAG GI DANG, YID KYI LEGS PAR SPYOD PA DANG LDAN TE, 'PHAGS PA RNAMS LA SKUR PA MI 'DEBS SHING YANG DAG PAR LTA BA STE, YANG DAG PAR LTA BA'I CHOS DANG LAS YANG DAG PAR BLANGS PA'I RGYUS RGYU DE DANG, RKYEN DES LUS ZHIG NAS SHI BA'I 'OG TU BDE 'GRO MTHO RIS KYI 'JIG RTEN DU LHA DANG MI RNAMS SU SKYE PAR 'GYUR RO ZHES RAB TU MKHYEN TO, ,DE NAS BYANG CHUB SEMS DPA' BYANG CHUB KYI SHING DRUNG NA BZHUGS TE RTAG TU BYA BA DANG, 'GRUS SKYONG DANG LDAN ZHING BYANG CHUB KYI PHYOGS DANG MTHUN PA'I CHOS RNAMS LA SGOM PA'I RNAL 'BYOR GYI RJES SU MTHUN PAS BZHUGS TE, DE NAM GYI THUN THA MA LA ZAG PA ZAD PA'I SHES

75b

PA MNGON SUM DU BYA BA'I SHES PA LA DGONGS PA MNGON DU BZHAG PA NA, DES 'DI NI SDUG BSNGAL 'PHAGS PA'I BDEN PA'O ZHES JI LTA BA BZHIN DU RAB TU MKHYEN TO, ,'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PA'O, ,'DI NI SDUG BSNGAL 'GOG PAR 'GRO BA 'PHAGS PA'I BDEN PA'O ZHES JI LTA BA BZHIN DU RAB TU MKHYEN TO, ,DE DE LTAR SHES SHING DE LTAR MTHONG NA 'DOD PA'I ZAG PA LAS SEMS RNAM PAR GROL BAR 'GYUR ZHING, SRID PA'I ZAG PA DANG, MA RIG PA'I ZAG PA LAS SEMS RNAM PAR GROL BAR 'GYUR RO, ,RNAM PAR GROL NA BDAG GIS SKYE BA NI ZAD DO, ,TSANGS PAR SPYOD PA LA BSTEN TO, ,BYA BA BYAS SO, ,'DI LAS SRID PA GZHAN MI SHES SO ZHES DE NYID DU YANG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO ZHES THUGS SU CHUD PAR GYUR CING DE LTAR BCOM LDAN 'DAS NAM GYI THUN THA MA LA BDUD 'BYUNG PO BYE BA PHRAG SUM CU RTZA DRUG DANG BCAS PA LAS BYAMS PA'I MTSON GYIS MNGON PAR RGYAL TE BLA NA MED PA'I YE SHES BRNYES SO, ,DE NAS BDUD SDIG CAN GYI LAG PA NAS GZHU SHOR BA DANG, RGYAL MTSAN RTZE MO THUR DU LTA BA DANG, GNAS G-YOS PAR GYUR TO, ,DE NAS BDUD SDIG CAN 'BYUNG PO'I 'KHOR BYE BA PHRAG GSUM CU RTZA DRUG DANG BCAS PAR SDUG BSNGAL ZHING YID MI BDE LA YID LA BCAGS TE DE NYID DU MI SNANG

76a

, ,BAR GYUR NAS RANG GI GNAS SU SONG STE, SDUG BSNGAL ZHING YID MI BDE LA PHAM PAR GYUR PAS SEMS PA LA ZHUGS TE MDAS SA LA 'DRE ZHING GNAS PAR GYUR TO; ;DE NAS BDUD KYI BU MO SRED MA DANG, DGA' BYED MA DANG, DGA' SPYOD MA ZHES BYA BA BDUD GANG NA BA DER SONG STE PHYIN NAS BDUD SDIG CAN LA 'DI SKAD CES SMRAS SO, ,YAB KHYOD CI PHYIR THUGS MI DGYES, ,CI YI PHYIR NA 'DI LTAR BZHUGS, ,GANG GIS KHYOD LA GNOD BYED PA'I, ,SKYES BU GANG LA RJES SU SEMS, ,GSUNGS SHIG DE NI 'DOD CHAGS KYI, ,ZHAGS PAS NAGS NAS GLANG PO BZHIN, ,BCINGS NAS BDAG CAG 'TSAL TE MCHI, ,DE NI KHYOD KYI DBANG DU GYUR, ,BDUD KYIS SMRAS PA, SKYES BU 'DOD CHAGS RAB BRAL TE, ,CHAGS PAS LEGS PAR DGUG MI NUS, ,BDUD KYI YUL 'DAS DE YI PHYIR, ,NGA NI SHIN TU MYA NGAN BYED, ,DE NAS SRED MA DANG, DGA' BYED MA DANG, DGA' SPYOD MA STE, BDUD KYI BU MO GSUM PO SPRIN LAS BYUNG BA'I GLOG BZHIN DU GZI BRJID RAB TU 'BAR ZHING RANG GI GNAS NAS BCOM LDAN 'DAS GANG NA BA DER LOGS SU SONG STE PHYIN PA DANG, BCOM LDAN 'DAS KYI ZHABS LA MGO BOS PHYAG BYAS NAS PHYOGS GCIG TU 'DUG GO, PHYOGS GCIG TU 'DUG NAS KYANG BCOM LDAN 'DAS LA BDUD SDIG CAN GYI BU MO GSUM GYIS 'DI SKAD

76b

CES GSOL TO, ,KYE DGE SBYONG KHYOD KYI ZHABS LA BSNYEN BKUR BGYID CING BDE BAR GSHEGS PA KHYOD KYI RI MA GRO BGYID DO, ,BCOM LDAN 'DAS CI NAS KYANG SRED PA YANG DAG PAR ZAD CING RNAM PAR GROL LA THUGS YANG DAG PAR SHIN TU RNAM PAR GROL BA BLA NA MED PA BRNYES PAS DE LA DGONGS PAR MA MDZAD DO, ,LAN GNYIS LAN GSUM DU'ANG BCOM LDAN 'DAS LA BDUD KYI BU MO GSUM GYIS 'DI SKAD CES GSOL TO, ,KYE DGE SBYONG KHYOD KYI ZHABS LA BSNYEN BKUR BGYID CING BDE BAR GSHEGS PA KHYOD KYI RIM GRO BGYID DO, ,BCOM LDAN 'DAS KYIS LAN GNYIS LAN GSUM DU'ANG CI NAS KYANG SRED PA YANG DAG PAR ZAD CING RNAM PAR GROL LA THUGS YANG DAG PAR SHIN TU RNAM PAR GROL BA BLA NA MED PA BRNYES PAS DE LA DGONGS PAR MA MDZAD DO, ,DE NAS BDUD KYI BU MO GSUM PHYOGS GCIG TU SONG STE PHAN TSUN SMRA ZHING KUN TU BGROS PA, SHES LDAN SPUN ZLA DAG, SKYES PA RNAMS KYIS BUD MED LA SRED PA NI THA DAD PA YIN PAS, MA LA BDAG CAG GIS GZHON NU MA MDOG MDANGS BRGYA PHRAG DANG, GOS DANG, KHA DOG BRGYA PHRAG DANG BCAS PAR MNGON PAR SPRUL ZHING BU BTZAS MA MYONG BA DANG, LAN GCIG BTZAS PA DANG, LAN GNYIS DANG, GSUM DANG, LAN BZHI BTZAS PAR MNGON PAR SPRUL ZHING BUD MED PAR MA'I TSUL BRGYA PHRAG TU BDAG NYID MNGON PAR SPRUL LA

77a

, ,DGE SBYONG GOO TA MA GANG NA BA DER NYE BAR 'GRO BAR BYA'O, ,PHYIN NAS KYANG DGE SPYONG GOO TA MA LA 'DI SKAD CES DGE SBYONG KHYOD KYI ZHABS LA BSNYEN BKUR BYED CING BDE BAR GSHEGS PA KHYOD LA RIM GRO PA BGYID DO, ,ZHES SMRA BAR BYA'O, ,DE NAS BDUD KYI BU MO GSUM PO GZHON NU'I MDOG BRGYA STONG DU MAR BDAG NYID MNGON PAR SPRUL CING GOS KHA DOG BRGYA PHRAG DANG BCAS PA NAS JI SRID DU BUD MED PAR MA'I TSUL BRGYA PHRAG TU BDAG NYID MNGON PAR SPRUL NAS BCOM LDAN 'DAS GA LA BA DER SONG STE PHYIN PA DANG, BCOM LDAN 'DAS KYI ZHABS LA MGO BOS PHYAG BYAS NAS PHYOGS GCIG TU 'DUG GO, PHYOGS GCIG TU 'DUG NAS BCOM LDAN 'DAS LA 'DI SKAD CES GSOL TO, ,KYE DGE SBYONG KHYOD KYI ZHABS LA BSNYEN BKUR BGYID CING BDE BAR GSHEGS PA KHYOD KYI RIM GRO BA BGYID DO, ,BCOM LDAN 'DAS CI NAS KYANG SRED PA YANG DAG PAR ZAD CING RNAM PAR GROL LA THUGS YANG DAG PAR SHIN TU RNAM PAR GROL BA BLA NA MED PA BRNYES PAS DE LA DGONGS PAR MA MDZAD DO, ,LAN GNYIS LAN GSUM DU BCOM LDAN 'DAS LA BDUD KYI BU MO GSUM GYIS DE SKAD GSOL KYANG, LAN GNYIS LAN GSUM DU BCOM LDAN 'DAS KYIS DE LA DGONGS PAR MA MDZAD DO, ,DE NAS BDUD KYI BU MO GSUM PHYOGS GCIG TU

77b

SONG NAS PHAN TSUN 'DI SKAD CES SMRA STE, SPUN ZLA DAG, 'DOD CHAGS DANG MA BRAL BA'I SKYES BU DAG 'DI LTA BU'I THABS MANG POS NYE BAR BSTEN CING GNAS NA DE'I SEMS G-YENGS PAR 'GYUR BA'AM, SNYING 'GAS PAR 'GYUR BA'AM, KHA NAS KHRAG DRON PO SKYUG PAR 'GYUR BA'I GNAS DE NI YOD NA DGE SBYONG GO'U TA MA 'DI NI 'U BU CAG LA, SEMS GTOD PAR MI BYED KYI, SKYES PA RNAMS KYIS BUD MED LA SRED PA NI THA DAD PA YIN GYI, MA LA BDAG CAG BUD MED RGAN MO'I TSUL BRGYA PHRAG TU MNGON PAR SPRUL LA DGE SBYONG GOO TA MA'I GAN DU 'GRO NA DE LTA NA NI DGE SBYONG GOO TA MA BDAG CAG RNAMS LA 'DUN PA SKYED PA'ANG SRID PAR 'GYUR GYI ZHES SMRAS TE BDUD KYI BU MO GSUM PO BUD MED RGAN MO'I TSUL BRGYA PHRAG TU BDAG NYID MNGON PAR SPRUL NAS BCOM LDAN 'DAS GANG NA BA DER SONG STE, SNGA MA BZHIN DU BSNYEN BKUR BGYID PA'I BAR DU GSOL PA DANG, BCOM LDAN 'DAS CI NAS KYANG SRED PA YANG DAG PAR ZAD CING RNAM PAR GROL LA THUGS YANG DAG PAR SHIN TU RNAM PAR GROL BA BLA NA MED PA BRNYES PAS DE LA DGONGS PAR MA MDZAD DO, ,DE NAS BCOM LDAN 'DAS 'DI SNYAM DU DGONGS TE, 'DI DAG NI RANG NYID KYIS RGAN MO'I DNGOS POR BYAS PA YIN GYI, MA LA NGAS KYANG 'DI RNAMS NYID KUN TU SKYO BA BSKYED PA'I PHYIR RGAN PA 'DI NYID DU BYIN GYIS BRLAB PAR BYA'O SNYAM NAS BCOM LDAN

78a

, ,'DAS KYIS BDUD KYIS BU MO RGAN MOR BYIN GYIS BRLABS SO, ,DE NAS BDUD KYI BU MO GSUM PO RGAN PA DE MI SNANG BAR BYA BAR 'DOD KYANG MI SNANG BAR BYA BAR MI NUS SO, ,DE NAS BDUD KYI BU MO GSUM PO BSAM PA YONGS SU MA RDZOGS SHING GZUGS KYIS NGO TSA BA BZHIN DU RGAS SHING 'KHOGS LA GTUGS PA, SGUR PO PHYAM DGU PO LTAR KYANG KYOR CAN MDUN NAS 'KHAR BA LA RTEN CING LUS 'DAR BZHIN DU BDUD SDIG CAN GANG NA BA DER SONG STE PHYIN NAS BDUD SDIG CAN LA 'DI SKAD CES SMRAS SO, ,SKYES BU 'DOD CHAGS RAB BRAL TE, ,CHAGS PAS LEGS PAR DGUG MI NUS, ,BDUD KYI YUL 'DAS DE YI PHYIR, ,NGA NI SHIN TU MYA NGAN BYED, ,CES BDAG CAG RNAMS LA GSUNG BA NI YAB MED DO, ,GANG ZHIG GZHAN SEMS RMONGS BYED PA, ,BDAG CAG GIS NI MA BYAS PA'I, ,RNAM PA DE NI YOD MIN NA, ,DE LTA NA YANG DBANG MA GYUR, ,THA MAR GZUGS NI 'DI 'DRA BA, ,BYAS NAS DE GAN NYER SONG NA, ,JI LTAR RGAN PA NYID GNAS PA, ,DE LTAR DE YIS BYIN GYIS BRLABS, ,DE BAS YAB KYIS BDAG CAG RNAMS, ,RGAS PA 'DI NI MI SNANG MDZOD, ,BDUD KYIS SMRAS PA, KHYED RNAMS GZUGS KYIS DREGS NAS NI, ,SPRIN GYI TSOGS LAS GLOG BZHIN DU, ,GZI BRJID RAB TU 'BAR BA DANG, ,SPRO BA'I NGA RGYAL GNAS PAS SONG, ,DPA' CHEN DE GAN PHYIN PA

78b

DANG; ;RLUNG GIS SHING BAL BZHIN DU BRLAG, GANG ZHIG CHAGS KUN MTHAR 'BYIN PA'I, ,SANGS RGYAS LA 'DIR GNOD BYED PA, ,RI BO SEN MOS RKO BA DANG, ,SO YIS LCAGS NI 'CHA' BA DANG; ;PADMA GZHON NU'I SDONG BU YIS, ,RI BO GZHIG PAR 'DOD PA YIN, ,GANG ZHIG CHAGS KUN MTHAR 'BYIN PA'I, ,SANGS RGYAS LA 'DIR GNOD BYAR 'DOD, ,RGYA MTSO BRKOS PAR GYUR NAS NI, ,ZAB PA'I GTING TSOL 'DOD PA YIN, ,GANG ZHIG CHAGS KUN MTHAR 'BYIN PA'I, ,SANGS RGYAS LA 'DIR GNOD BYAR 'DOD, ,RLUNG NI ZHAGS PAS 'CHING BA DANG, ,ZLA BA MKHA' LAS DBAB PA DANG, ,RGYA MTSO LAG PAS 'CHU BA DANG, ,GANGS CAN LA NI RGAL BA DANG, ,SNANG ZHING SREG BCAS 'BAR BA YI, ,ME LA 'KHYUD PAR 'DOD PA YIN, ,GANG ZHIG DKA' BA BYED 'DOD PA, ,DE NI 'DI LTAR 'GYUR BA YIN, ,JI SRID THUB PA DE NYID LA, ,SKYABS SU 'GRO BAR GYIS SHIG DANG, ,DE NYID RGAS PA'I GZUGS 'DI NI, ,DON GZHAN DU BYED PAR 'GYUR, ,DE NI THUGS RJE CHER LDAN PAS, ,NGES PAR KHYED KYI SAL BAR 'GYUR, ,'JIG RTEN LHA DANG BCAS PA DANG, BDUD DANG BCAS PA DANG, TSANGS PA DANG BCAS PA DANG, DGE SBYONG DANG, BRAM ZER BCAS PA'I SKYED GU RNAMS DANG, LHA DANG, MI DANG, LHA MA YIN DU BCAS PA'I 'JIG RTEN NA KHYED RNAMS KYI RGA BA'I DNGOS PO MI SNANG BAR BYED PA DE NI BCOM LDAN 'DAS DE BZHIN GSHEGS

79a

, ,PA DGRA BCOM PA YANG DAG PAR RDZOGS PA'I SANGS RGYAS DE NYID LAS GZHAN DAG GANG YANG MA MTHONG STE, KHYED RNAMS SONG LA BCOM LDAN 'DAS DE NYID MNYES PAR GYIS SHIG ,DE NAS BDUD KYI BU MO GSUM BCOM LDAN 'DAS GA LA BA DER LOGS SU SONG STE PHYIN NAS BCOM LDAN 'DAS KYI ZHABS LA MGO BOS PHYAG BYAS TE PHYOGS GCIG TU 'DUG GO ,PHYOGS GCIG TU 'DUG NAS BDUD KYI BU MO GSUM GYIS BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, BDAG CAG GIS BYIS PA JI LTA BA DANG, RMONGS PA JI LTA BA DANG, MI GSAL BA JI LTA BA DANG, THABS MI MKHAS PA JI LTA BAR JI TZAM DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MNYES PAR BGYI BA MNYES PAR MA BGYIS PA NI NONGS LAGS KYI, BCOM LDAN 'DAS, NONGS PA GZUNG DU GSOL, BDE BAR GSHEGS PA, BZOD PAR MDZAD DU GSOL; BCOM LDAN 'DAS, BDAG CAG GI RGAS PA'I DNGOS PO MI SNANG BAR MDZAD DU GSOL, BDE BAR GSHEGS PA, BDAG CAG GI RGAS PA'I DNGOS PO MI SNANG BAR MDZAD DU GSOL, DE NAS BCOM LDAN 'DAS KYIS DE RNAMS RGAS PA'I DNGOS PO MI SNANG BAR MDZAD DO, ,DE NAS BDUD KYI BU MO GSUM PO RANG GI GZUGS NYID RNYED NAS BCOM

79b

LDAN 'DAS KYI ZHABS LA MGO POS PHYAG BYAS TE, BCOM LDAN 'DAS LA DAD PAR GYUR PA DANG, DE NYID DU MI SNANG BAR GYUR TO, ,DE NAS RGYAL PO ZAS GTZANG LA RANG GI SKYES BU RNAMS KYIS; LHA, DGYES PA BSKYED DU GSOL, GZHON NUS BLA NA MED PA'I YE SHES BRNYES SO, ,DE THOS PA DANG NYI MA DE NYID LA GRAGS 'DZIN MA LA'ANG KHYE'U ZHIG BTZAS SO, ,BDUD RTZI ZAS LA'ANG KHYE'U ZHIG BTZAS SO, ,DE NYID KYI NYIN MO ZLA BA'ANG SGRA GCAN GYIS ZIN TO, ,DE NAS RGYAL PO ZAS GTZANG GIS PHUN SUM TSOGS PA DE MTHONG NAS DGA' BA DANG, MGU BA DANG, RAB TU DGA' BA DANG, RANGS PA RGYA CHEN PO DANG, YID BDE BA SKYES PAR GYUR TO, ,DE NAS GRONG KHYER SER SKYA'I GZHI RDO BA DANG, GSEG MA DANG, GYO MO RNAMS BSAL NAS TZANDAN GYI CHUS CHAG CHAG BTAB, SHIN TU DRI ZHIM PA'I POG POR NYE BAR BSHAMS, DAR GYI CHUN 'PHYANG MANG POR DPYANGS, RGYAL MTSAN DANG, BA DAN NI BSGRENG, ME TOG SNA TSOGS KYIS DGA' DGA' LTAR BKRAM NAS GRONG KHYER GYI SGO BZHI DANG, SUM MDO RNAMS SU'ANG SBYIN GTONG GI KHANG PA BRTZIGS SO, ,DE NAS GRONG KHYER GYI SHAR SGOR DGE SBYONG DANG ,BRAM ZE DANG, SPYOD PA PA DANG; KUN TU RGYU DANG, NGAN PA DANG, MGON MED PA DANG, BKREN PA DANG, PHONGS PA DANG, SLONG MO PA RNAMS LA'ANG SBYIN PA DAG GTONG NGO, ,LHO DANG, NUB DANG, BYANG DANG, DBUS KYI

80a

, ,SUM MDO RNAMS SU'ANG SBYIN PA DAG GTONG, BSOD NAMS DAG BYED DO, ,GRAGS 'DZIN MA'I BU'I MING 'DOGS PAR BYED DE, BTZUN MO'I 'KHOR GYI SKYE POS SMRAS PA, 'DI BTZAS PA NA ZLA BA SGRA GCAN GYIS ZIN PAS DE BAS NA KHYE'U'I MING SGRA GCAN ZIN ZHES GDAGS SO ZHES BTAGS SO, ,BDUD RTZI ZAS KYI YANG DE BZHIN DU SBYIN PA DAG BTANG, BSOD NAMS DAG BYAS NAS KHYE'U'I MING CIR GDAGS ZHES BU'I MING 'DOGS PAR BYED DO, ,NYE DU DAG GIS SMRAS PA, GANG GI TSE 'DI BTZAS PA NA GRONG KHYER THAMS CAD DGA' BAR GYUR PAS DE'I PHYIR KHYE'U'I MING KUN DGA' BOR GDAGS SO ZHES BTAGS SO, ,RGYAL PO ZAS GTZANG GIS SMRAS PA, GRAGS 'DZIN MA'I BU GANG YIN PA 'DI NI SH'AKYA THUB PA'I BU MA YIN NO ZHES SMRAS PA GRAGS 'DZIN MAS THOS NAS YI CHAD PAR GYUR TO, ,DE NAS DES BYANG CHUB SEMS DPA'I PHANG TSAD KYI PHA PONG LA BSKYON NAS ROL PA'I RDZING 'GRAM DU 'DUG STE BDEN PA GSOL BA BTAB PA, GAL TE 'DI BYANG CHUB SEMS DPA' LAS SKYES PA YIN NA DE BZHIN DU RDZING 'DIR PHA PONG DANG LHAN CIG 'PHYO BAR GYUR CIG, JI STE MA YIN NA BYING BAR GYUR CIG CES SMRAS NAS CHUR POR BA DANG, DE SHING BAL GYI 'DAB MA BZHIN DU PHA BONG DANG LHAN CIG 'PHYO BAR GYUR TO, ,RGYAL PO ZAS GTZANG GIS YA MTSAN DU

80b

GYUR PA DE THOS NAS SKYE BO'I TSOGS CHEN POS YONGS SU BSKOR TE, BYANG CHUB SEMS DPA' ROL PA'I RDZING 'GRAM DU DONG NA, JI TZAM NA SGRA GCAN 'DZIN BZANG PO BYANG CHUB SEMS DPA'I PHANG TSAD KYI RI BONG LA ZHON NAS SHING BAL GYI 'DA' BA BZHIN DU CHU NA 'PHYO BA MTHONG NGO, ,MTHONG NAS KYANG DGA' BA DANG, MGU BA DANG, RAB TU DGA' BA DANG, RANGS PA RGYA CHEN PO DANG, YID BDE BA SKYES TE, DE MA THAG TU RDZING DER ZHUGS NAS GZHON NU SGRA GCAN ZIN BZANG PO PANG DU BLANGS NAS LANGS SO, ,GANG GI TSE BCOM LDAN 'DAS KYIS BDUD KYI 'KHOR 'BYUNG PO BYE BA PHRAG SUM CU RTZA DRUG BYAMS PA'I MTSON GYIS MNGON PAR BTUL NAS BLA NA MED PA'I YE SHES BRNYES PA DE'I TSES CHEN PO 'DI SHIN TU G-YOS PAR GYUR TO, ,'JIG RTEN 'DI THAMS CAD KYANG SNANG BA RGYA CHEN POS GSAL BAR GYUR TE, 'DI LTAR 'JIG RTEN DANG, 'JIG RTEN GYI BAR GYI MUN PA MUN NAG SMAG TU GYUR PA NYI MA DANG, ZLA BA 'DI GNYIS 'DI LTAR RDZU 'PHRUL CHE ZHING 'DI LTAR MTHU CHE BA'I SNANG BAS SNANG BA NYAMS SU MA MYONG BA GANG YIN PA DE DAG KYANG DE'I TSE SNANG BA RGYA CHEN POS GSAL BAR GYUR NAS, DER SEMS CAN GANG DAG SKYES PA DE RNAMS KYIS SNANG BA DES SEMS CAN GCIG GIS GCIG MTHONG NAS, ZHES LDAN DAG, SEMS CAN GZHAN DAG KYANG 'DIR SKYES PA LTA ZHIG, SHES LDAN DAG, SEMS CAN GZHAN DAG KYANG 'DIR SKYES PA LTA ZHIG CES NGO SHES PAR GYUR

81a

, ,TO; ;SANGS RGYAS BCOM LDAN 'DAS ME'I KHAMS LA SNYOMS PAR ZHUGS NAS SKYIL MO KRUNG GCIG GIS ZHAG BDUN 'DA' BAR MDZAD DO, ,DE NAS TSANGS RRIS KYI LHA GNYIS SHIG TSANGS PA'I 'JIG RTEN NA 'DUG PA 'DI SNYAM DU SEMS TE, SANGS RGYAS BCOM LDAN 'DAS LTENG RGYAS NA CHU KLUNG NEE RANYDZA N'A'I 'GRAM BYANG CHUB KYI SHING DRUNG NA BZHUGS TE, MNGON PAR RDZOGS PAR SANGS RGYAS NAS RING PO MA LON PAR ME'I KHAMS LA SNYOMS PAR ZHUGS TE SKYIL MO KRUNG GCIG GIS ZHAG BDUN 'DA' BAR MDZAD NA DE LA SUS KYANG BSOD SNYOMS MA PHUL GYI, MA LA BDAG CAG DER SONG LA TSIGS SU BCAD PA RE RES MNGON PAR BSTOD DO, ,DE NAS TSANGS RIS KYI LHA DE GNYIS KYIS, 'DI LTA STE, SKYES BU STOBS DANG LDAN PA'I DPUNG PA BSKUM STE BRKYANG BA'AM, BRKYANGS STE BSKUM PA TZAM GYIS TSANGS RIS KYI LHA GNYIS KYIS TSANGS RIS KYI 'JIG RTEN NAS MI SNANG BAR GYUR TE; BCOM LDAN 'DAS KYI SPYAN SNGAR PHYIN NAS PHYOGS GCIG TU 'DUG STE, TSANGS RIS KYI LHA GNYIS LAS GCIG GIS TSIGS SU BCAD DE GSOL PA, DED DPON G-YUL LAS RNAM PAR RGYAL BA PHE, ,SDIG PA MI MNGA' BZHENGS SHIG 'JIG RTEN GZIGS, ,RIN CHEN CHOS NI 'TSAL BAR 'GYUR MCHIS KYI, ,BDE GSHEGS CHOS KYI MCHOG NI BSHAD DU

81b

GSOL, ,GCIG SHOS KYIS KYANG TSIGS SU BCAD DE GSOL, ,NGA RGYAL BCOM ZHING G-YUL LAS RNAM RGYAL BA, ,SDIG PA MI MNGA' BZHENGS SHIG 'JIG RTEN GZIGS, ,BCO LNGA LON PA'I DGUNG ZLA NYA BA LTAR, ,KHYOD KYI THUGS NI SHIN TU RNAM DAG LAGS, ,ZHES GSOL NAS TSANGS RIS KYI LHA GNYIS DE NYID DU MI SNANG BAR GYUR TO, ,DE NAS BCOM LDAN 'DAS TING NGE 'DZIN DE LAS BZHENGS NAS DE'I TSE TSIGS SU BCAD DE BKA' STZAL PA, 'JIG RTEN 'DOD PA'I BDE GANG DANG, ,LHA YUL BYUNG BA DE GANG YIN PA, ,SRED PA ZAD PA'I BDE DE LA, ,BCU DRUG CHAR YANG MI PHOD DO; ;KHUR KHYER BA NI SDUG BSNGAL TE, ,KHUR BOR BA NI BDE BA YIN, ,KHUR NI LCI BA RNAM BOR NAS, ,GZHAN DAG BLANG BAR MI BYA'O, ,SRED PA THAMS CAD RNAM SPANGS SHING, ,'DUS BYAS THAMS CAD ZAD NAS NI, ,DNGOS PO THAMS CAD YONGS SHES NA, ,SLAR YANG SRID PAR MI 'ONG NGO, ,SANGS RGYAS BCOM LDAN 'DAS RNAMS PAR GROL BA'I DGA' BA DANG, BDE BA SKU NYAMS SU BSTAR BA LAS SKYIL MO KRUNG GCIG GIS ZHAG BDUN 'DAS PAR MDZAD PA NA DE LA SUS KYANG BSOD SNYOMS MA PHUL LO, ,DE'I TSE TSONG PA GA GON DANG, BZANG PO GNYIS SHING RTA LNGA BRGYA TZAM DANG LHAN CIG DONG BA NA LAM DE NYID DU ZHUGS PAR GYUR TO, ,DE NAS TSONG PA GA GON DANG, BZANG PO'I SNGON GYI GROGS PO DANG, BLON PO DANG, NYE DU DANG, MDZA' BSHES SU GYUR

82a

, ,PA'I LHA ZHIG YOD PA 'DI SNYAM DU SEMS TE, SANGS RGYAS BCOM LDAN 'DAS LTENG RGYAS NA CHU KLUNG NEE RANYDZA N'A'I 'GRAM BYANG CHUB KYI SHING DRUNG DU BZHUGS TE MNGON PAR RDZOGS PAR SANGS RGYAS NAS RING PO MA LON PAR RNAM PAR GROL BA'I DGA' BA DANG, BDE BA SKU NYAMS SU BSTAR NAS SKYIL MO KRUNG GCIG GIS ZHAG BDUN 'DAS PAR MDZAD PA NA DE LA SUS KYANG BSOD SNYOMS MA PHUL GYI DE LA TSONG PA GA GON DANG, BZANG PO GNYIS KYIS DER THOG MAR BSOD SNYOMS 'BUL DU BCUG NA, DE NI TSONG PA GA GON DANG, BZANG PO DE GNYIS KYI YUN RING PO'I DON DANG, PHAN PA DANG, BDE BAR 'GYUR GYI, MA LA BDAG RANG GIS, 'DI LTA STE, BCOM LDAN 'DAS LA BSOD SNYOMS 'BUL DU GZHUG PA'I PHYIR BRTZON PAR BYA'O SNYAM NAS, DE NA LHA DES SHING RTA DANG, TSONG PA THAMS CAD SNANG BA RGYA CHEN POS GSAL BAR BYAS NAS TSONG PA GA GON DANG, BZANG PO LA 'DI SKAD CES SMRAS SO, ,TSONG PA, TSONG PA DAG, SANGS RGYAS BCOM LDAN 'DAS 'DI LTENG RGYAS NA CHU KLUNG NEE RANYDZA N'A'I 'GRAM BYANG CHUB KYI SHING DRUNG NA BZHUGS TE MNGON PAR RDZOGS PAR SANGS RGYAS NAS RING PO MA LON PAR RNAM PAR GROL BA'I DGA' BA DANG, BDE BA SKU SNYAMS SU BSTAR BA NA SKYIL MO KRUNG GCIG GIS ZHAG BDUN 'DAS PAR MDZAD DE, DE LA SUS KYANG BSOD SNYOMS MA PHUL GYI, DE

82b

LA KHYED KYIS DER THOG MAR BSOD SNYOMS PHUL NA DE NI KHYED KYI YUN RING PO'I DON DANG, PHAN PA DANG, BDE BAR 'GYUR RO ZHES SMRAS NAS LHA DE DE NYID DU MI SNANG BAR GYUR TO, ,DE NAS TSONG PA GA GON DANG, BZANG PO GNYIS 'DI SNYAM DU SEMS TE, SANGS RGYAS NI MCHOG MA YIN PA MA YIN LA, CHOS BSHAD PA'ANG MCHOG MA YIN PA MA YIN TE, GANG GI PHYIR 'DI LTAR LHAS KYANG 'DI LTA STE, BCOM LDAN 'DAS DE LA BSOD SNYOMS DBUL BA'I PHYIR BRTZON PAR BYED DO SNYAM NAS NANG PAR SNGAR LANGS TE SBRANG RTZI DANG, 'DA' GU MANG DU KHYER NAS BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO ,PHYOGS GCIG TU 'DUG NAS TSONG PA GA GON DANG, BZANG POS BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS KYI CHED DU 'DIR BDAG CAG GIS SBRANG RTZI DANG, 'DA' GU MANG DU 'TSAL TE MCHIS KYI BCOM LDAN 'DAS THUGS BRTZE BA NYE BAR BZUNG STE 'DI BZHES SU GSOL LO, ,DE NAS BCOM LDAN 'DAS 'DI SNYAM DU DGONGS TE, GAL TE BDAG GIS PHYAG GIS BSOD SNYOMS BZHES NA, DPER NA; MU STEGS CAN BZHIN DU 'GYUR BAS DE NI BDAG GI CHA MA YIN GYI, MA LA, BDAG GIS SNGON GYI YANG DAG PAR RDZOGS PA'I SANGS RGYAS RNAMS KYIS SROG CHAGS RNAMS LA PHAN

83a

, ,PA'I PHYIR BSOD SNYOMS GANG DU BZHES PA BSAM PAR BYA'O SNYAM PA NA, BCOM LDAN 'DAS LA LHA RNAM KYIS GSOL PA, BTZUN PA, SNGON GYI YANG DAG PAR RDZOGS PA'I SANGS RGYAS RNAMS KYIS SROG CHAGS RNAMS LA SMAN PAR BGYI BA'I SLAD DU LHUNG BZED DU BSOD SNYOMS BZHES LAGS SO, ,BCOM LDAN 'DAS KYIS KYANG DGONGS SHING YE SHES GZIGS PA BSKYED NA, SNGON GYI SANGS RGYAS BCOM LDAN 'DAS RNAMS KYIS SROG CHAGS RNAMS LA PHAN PA'I PHYIR BSOD SNYOMS LHUNG BZED DU BZHES PAR GYUR NAS, DE NA BCOM LDAN 'DAS LA LHUNG BZED KYI DGONGS PA BYUNG NGO, ,DE NAS RGYAL PO CHEN PO BZHIS BCOM LDAN 'DAS LA LHUNG BZED KYI DGONGS PA 'BYUNG BAR RIG NAS RI BRAG CAN ZHIG LA RDO BA LAS BYAS PA'I LHUNG BZED MI MA YIN PAS BYAS SHING MI MA YIN PAS ZIN PAR BYAS LA GSAL BA GTZANG BA DRI MI ZHIM PA MED PA BZHI KHYER TE BCOM LDAN 'DAS GANG NA BA DER SONG STE PHYIN PA DANG BCOM LDAN 'DAS KYI ZHABS GNYIS LA MGO BOS PHYAG BYAS NAS PHYOGS GCIG TU 'DUG GO ,PHYOGS GCIG TU 'DUG NAS RGYAL PO CHEN PO BZHIS BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS LA LHUNG BZED KYI MKHO BA BYUNG BAR BDAG CAG GIS 'TSAL NAS RI BRAG CAN ZHIG LA RDO

83b

LAS RDO'I LHUNG BZED MI MA LAGS PAS BGYIS PA GSAL BA GTZANG BA DRI NGA BA MA MCHIS PA BZHI 'DIR 'TSAL TE MCHIS NA, BCOM LDAN 'DAS, THUGS BRTZE BA NYE BAR BZUNG STE BZHES SU GSOL, DE NAS BCOM LDAN 'DAS 'DI SNYAM DU DGONGS TE, GAL TE BDAG GIS RGYAL PO CHEN PO GCIG LAS LHUNG BZED GCIG BZHES NA GSUM GYI SEMS MI DGA' BAR 'GYUR RO, , GAL TE GNYIS LAS NA NI GNYIS KYI SEMS MI DGA' BAR 'GYUR RO, ,GAL TE GSUM LAS NA NI GCIG GI SEMS MI DGA' BAR 'GYUR GYI, MA LA, BDAG GIS RGYAL PO CHEN PO BZHI LAS LHUNG BZED BZHI BZHES LA LHUNG BZED GCIG TU BYIN GYIS BRLAB PAR BYA'O SNYAM NAS, DE NAS BCOM LDAN 'DAS KYIS RGYAL PO CHEN PO BZHI LAS LHUNG BZED BZHI BZHES TE, LHUNG BZED GCIG TU BYIN GYIS BRLABS SO, ,DE NAS BCOM LDAN 'DAS KYIS TSONG PA GA GON DANG, BZANG PO LAS SROG CHAGS RNAMS LA PHAN PA'I PHYIR BSOD SNYOMS BZHES SO, ,DE NAS BCOM LDAN 'DAS KYIS TSONG PA GA GON DANG, BZANG PO LA 'DI SKAD CES BKA' STZAL TO, ,TSONG PA DAG ,KHYED TSUR SANGS RGYAS LA SKYABS SU DENG ZHIG, CHOS LA SKYABS SU DENG ZHIG, ,MA 'ONGS PA'I DUS NA 'BYUNG BAR 'GYUR BA'I DGE 'DUN ZHES BYA BA GANG YIN PA DE LA YANG SKYABS SU DENG ZHIG ,BTZUN PA, BDAG CAG SANGS RGYAS LA SKYABS SU MCHI'O, ,CHOS LA SKYABS SU MCHI'O,,

84a

, ,MA 'ONGS PA'I DUS NA 'BYUNG BAR 'GYUR BA'I DGE 'DUN GANG LAGS PA DE LA'ANG SKYABS SU MCHI'O, ,DE NAS BCOM LDAN 'DAS KYIS TSONG PA GA GON DANG, BZANG PO'I SBYIN PA DE LA RJES SU YI RANG BA MDZAD DE, GANG GI DON DU SBYIN PA BTANG, ,DE YI DON DU 'GYUR BA STE, ,BDE BA'I DON DU SBYIN BTANG NA, ,DE NI BDE BAR 'GYUR BA YIN, ,BSOD NAMS RNAM SMIN BDE BA DANG, ,BSAM PA YANG NI 'GRUB PAR 'GYUR, ,MYUR DU ZHI BA DAM PA YI, ,MYA NGAN 'DAS PA RTOGS PAR 'GYUR, ,PHA ROL LAS BYUNG GNOD PA NI, ,LHA DANG BDUD KYI RIS DAG GIS; ;BSOD NAMS KHO NA BYED PA NA, ,BAR CHAD BYA BAR MI NUS SO, ,GAL TE 'PHAGS PA'I SHES RAB PHYIR, ,GTONG LDAN DE NI 'BAD BYED NA, ,SDUG BSNGAL THA MAR BYED PA DAG, RNAM PAR MTHONG ZHES REG PAR 'GYUR, ,DE NAS TSONG PA GA GON DANG, BZANG PO BCOM LDAN 'DAS KYIS BKA' STZAL PA LA MNGON PAR DGA' STE RJES SU YI RANG NAS BCOM LDAN 'DAS KYIS ZHABS GNYIS LA MGO BOS PHYAG BYAS TE BCOM LDAN 'DAS KYI SPYAN SNGA NAS DONG NGO, ,DE NAS BCOM LDAN 'DAS KYIS TSONG PA GA GON DANG, BZANG PO LAS BSOD SNYOMS BZHES NAS CHU KLUNG NEE RANYDZA N'A GANG NA BA DER GSHEGS TE BYON NAS CHU KLUNG NEE RANYDZA NA'I 'GRAM DU BZHUGS TE ZHAL ZAS KYI BYA BA MDZAD DO, ,DE NA SBRANG RTZI'ANG RLUNG SLONG LA 'DE GU'ANG RLUNG

84b

SLONG BA DES NA BCOM LDAN 'DAS RLUNG NAD KYI SNYUN GYIS THEBS SO, ,DE NAS BDUD SDIG CAN GYIS BCOM LDAN 'DAS RLUNG NAD KYI SNYUN GYIS THEBS PAR RIG NAS, BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS LA 'DI SKAD CES GSOL TO, ,BCOM LDAN 'DAS, YONGS SU MYA NGAN 'DA' BA'I DUS LA BAB LAGS SO, ,BDE BAR GSHEGS PA, YONGS SU MYA NGAN LAS 'DA' BA'I DUS LA BAB LAGS SO, ,DE NAS BCOM LDAN 'DAS 'DI SNYAM DU DGONGS TE, 'DI LTA STE, DKRUG PA'I LAS KYI PHYIR BDUD SDIG CAN 'DI NYE BAR 'ONGS SO SNYAM DU DGONGS NAS BDUD SDIG CAN LA 'DI SKAD CES BKA' STZAL TO, ,SDIG CAN, JI SRID PA'I NYAN THOS MKHAS PA, GSAL BA YID GZHUNGS BA, PHA ROL GYI RTZOD PA BYUNG ZHING BYUNG BA RNAMS CHOS PA BZHIN GYIS TSAR GCOD NUS PA, RANG GI SMRA BA GSAL BAR BYED NUS PA, DGE SLONG DANG, DGE SLONG MA DANG, DGE BSNYEN DANG, DGE BSNYEN MA RNAMS BYUNG BAR MA GYUR PA DANG, NGA'I TSANGS PAR SPYOD PA RGYA CHEN PO SKYE BO MANG PO DANG, LHA DANG, MI'I BAR LA RGYA CHER YANG DAG PAR LEGS PAR RAB TU MA BSTAN GYI BAR DU NGA YONGS SU MYA NGAN LAS MI 'DA'O, ,DE NAS BDUD SDIG CAN 'DI SNYAM DU SEMS TE, KYE MA'O DGE SBYONG GO'U TA MA NI YONGS SU MYA NGAN LAS MI 'DA'O SNYAM DU BSAMS NAS SDUG BSNGAL ZHING YID MI BDE LA 'GYOD PAS DE NYID DU MI

85a

, ,SNANG BAR GYUR TO, ,DE NAS LHA RNAMS KYI DBANG PO BRGYA BYIN GYIS BCOM LDAN 'DAS RLUNG NAD KYI SNYUN GYIS THEBS PAR RIG NAS SHING DZAMBU ZHES BYA BAS DZAMBU'I GLING DU GDAGS PA GANG YIN PA DE DANG HA CANG YANG MI RING BA ZHIG NA AA RU RA CHEN PO'I TSAL YOD DE, DE NAS KHA DOG DANG, DRI DANG, RO DANG LDAN PA'I AA RU RA BLANGS NAS BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO ,PHYOGS GCIG TU 'DUG NAS LHA RNAMS KYI DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, BSER MA'I SNYUN NAD KYI SNYUN GYIS THEBS PAR BDAG GIS 'TSAL NAS SHING DZAMBU ZHES BYA BAS DZAMBU'I GLING DU GDAGS PA GANG LAGS PA DE DANG HA CANG MI RING BA NA AA RU RA CHEN PO'I TSAL MCHIS TE, DE NAS BDAG GIS KHA DOG DANG, DRI DANG, RO DANG LDAN PA'I AA RU RA 'DIR 'TSAL TE MCHIS KYI DE BCOM LDAN 'DAS GSOL CIG ,BCOM LDAN 'DAS KYIS DE GSOL PA DANG, BSER MA DANG MTHUN PAR 'GYUR ZHING BSER MA'I SNYUN NYE BAR ZHI BAR 'GYUR RO, ,BCOM LDAN 'DAS KYIS DE GSOL PA DANG, RLUNG DANG MTHUN PAR GYUR NAS RLUNG NAD KYI SNYUN NYE BAR ZHI BAR GYUR TO, ,DE NA BCOM LDAN 'DAS SHIN TU

85b

BZOD CING LHAG PAR 'TSO BAR GYUR TO, ,DE NA BCOM LDAN 'DAS JI TZAM DGYES KYI BAR DU BYANG CHUB KYI SHING DRUNG DU BZHUGS NAS KLU'I RGYAL PO BTANG BZUNG GI GNAS GANG NA BA DER GSHEGS TE BYON NAS SHING GI DRUNG DU BRTEN TE SKYIL MO KRUNG BCAS NAS, SKU DRANG POR BSRANG STE, DRAN PA MNGON DU PHYOGS PAR BZHAG NAS BZHUGS SO, ,DE'I TSE KLU'I RGYAL PO BTANG BZUNG GI GNAS SU ZHAG BDUN DU DUS MA YIN PA'I SPRIN CHAGS PAR GYUR TO, ,DE NAS KLU'I RGYAL PO BTANG BZUNG GIS ZHAG BDUN DU DUS MA YIN PA'I SPRIN CHAGS PAR RIG NAS GNAS NAS MNGON PAR 'PHAGS TE, BCOM LDAN 'DAS ZHAG BDUN PO 'DI LA BSER BAR 'GYUR DU 'ONG, TSA BA DANG, SBRANG MA DANG, SHA SBRANG DANG, RLUNG DANG, NYI MA DANG, SDIG SPRUL GYI REG PAS SKU LA GNOD PAR 'GYUR DU 'ONG ZHES LUS KYIS BCOM LDAN 'DAS KYI SKU LA LAN BDUN DU DKRIS TE STENG DU MGO'I GDENGS KA CHEN PO BYAS NAS 'DUG GO ,DE NAS KLU'I RGYAL PO BTANG BZUNG GIS ZHAG BDUN GYI DUS MA YIN PA'I SPRIN CHAGS PA MED PAR RIG NAS BCOM LDAN 'DAS KYI SKU LAS LUS PHRAL TE, DPUNG RGYAN DANG, RNA RGYAN DANG, PHRENG BA DANG, RGYAN SNA TSOGS DANG, BYUG PAS BYUGS NAS BCOM LDAN 'DAS GA NA BA DER LOGS SU THAL MO SBYAR BA BTUNG DE, BCOM LDAN 'DAS LA 'DI SKAD CES GSOL TO, ,BCOM LDAN

86a

, ,'DAS, DGUNG BDUN PO 'DI LA BSER BAR MA GYUR TAM, TSA BA DANG, SBRANG MA DANG, SHA SBRANG DANG, BSER MA DANG, GDUGS DANG, SDIG SBRUL GYI GNOD PAS SKU LA REG PAR MA GYUR TAM, DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, BDEN PA'I DGA' BAR BDE BA YIN, ,CHOS THOS PA LA LTA BA DANG, ,SROG CHAGS RNAMS LA SDOM PA YIS, ,'JIG RTEN 'TSE BA MED PA BDE, ,'JIG RTEN 'DOD CHAGS BRAL BA DANG, ,'DOD PA RNAMS LA RGAL BA DE, ,NGA'O NGA RGYAL THUL PA GANG, ,DE NYID BDE BA'I DAM PA YIN, ,DE NAS BCOM LDAN 'DAS JI TZAM BZHED KYI BAR DU KLU'I RGYAL PO BTANG BZUNG GI GNAS NA BZHUGS NAS, BYANG CHUB KYI SNYING PO GA LA BA DER GSHEGS TE BYON PA DANG, RTZVA'I GDINGS BA BSHAMS PA NYID LA SKYIL MO KRUNG BCAS, SKU DRANG POR BSRANG NAS, DRAN PA MNGON DU PHYOGS PAR BZHAG NAS BZHUGS TE, SKYIL MO KRUNG GCIG GIS ZHAG BDUN 'DAS PAR MDZAD CING RTEN CING 'BREL PAR 'BYUNG BA YAN LAG BCU GNYIS PO LUGS DANG MTHUN PA DANG, LUGS DANG MI MTHUN PA 'DI NYID LA GZIGS PAR MDZAD DE, 'DI LTA STE, 'DI YOD PAS 'DI YOD, 'DI SKYES PAS 'DI SKYE BA, 'DI LTA STE, MA RIG PA'I RKYEN GYIS 'DU BYED, 'DU BYED KYI RKYEN GYIS RNAM

86b

RNAM PAR SHES PA, RNAM PAR SHES PA'I RKYEN GYIS MING DANG, GZUGS, MING DANG, GZUGS KYI RKYEN GYIS SKYE MCHED DRUG ,SKYE MCHED DRUG GI RKYEN GYIS REG PA, REG PA'I RKYEN GYIS TSOR BA, TSOR BA'I RKYEN GYIS SRED PA, SRED PA'I RKYEN GYIS LEN PA, LEN PA'I RKYEN GYIS SRID PA, SRID PA'I RKYEN GYIS SKYE BA, SKYE BA'I RKYEN GYIS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'BYUNG BAR 'GYUR TE DE LTAR SDUG BSNGAL GYI PHUNG PO CHEN PO 'BA' ZHIG PO 'DI 'BYUNG BAR 'GYUR RO, ,'DI LTA STE, 'DI MED NA 'DI MED LA, 'DI 'GAGS PAS 'DI 'GAG PAR 'GYUR TE, 'DI LTA STE, MA RIG PA 'GAGS PAS 'DU BYED 'GAG ,'DU BYED 'GAGS PAS RNAMS PAR SHES PA 'GAG ,RNAM PAR SHES PA 'GAGS PAS MING DANG, GZUGS 'GAG ,MING DANG, GZUGS 'GAGS PAS SKYE MCHED DRUG 'GAG , SKYE MCHED DRUG 'GAGS PAS REG PA 'GAGS, ,REG PA 'GAGS PAS TSOR BA 'GAG ,TSOR BA 'GAGS PAS SRED PA 'GAG ,SRED PA 'GAGS PAS LEN PA 'GAG ,LEN PA 'GAGS PAS SRID PA 'GAG ,SRID PA 'GAGS PAS SKYE BA 'GAG ,SKYE BA 'GAGS PAS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'GAG PAR 'GYUR TE, DE LTAR SDUG BSNGAL GYI PHUNG PO CHEN PO 'BA' ZHIG PO 'DI 'GAG

87a

, ,PAR 'GYUR RO, ,DE NAS BCOM LDAN 'DAS KYIS ZHAG BDUN PO DE NYID 'DAS PAR MDZAD NAS TING NGE 'DZIN DE LAS BZHENGS TE, DE'I TSE TSIGS SU BCAD DE BKA' STZAL PA, GANG TSE CHOS 'DI DAG NI SKYED BYED PA'I, ,BRTZON 'GRUS LDAN PA'I BSAM GTAN TSANGS PA YIN, ,GANG TSE CHOS RNAMS RGYU DANG BCAS SHES PA, ,DE NAS DE YI SOM NYI THAMS CAD 'BRAL, ,GANG TSE CHOS 'DI DAG NI SKYED BYED PA'I, ,BRTZON 'GRUS LDAN PA'I BSAM GTAN TSANGS PA YIN, ,GANG TSE SDUG BSNGAL RGYU DANG BCAS SHES PA, ,DE NAS DE YI SOM NYI THAMS CAD 'BRAL, ,GANG TSE CHOS 'DI DAG NI SKYED BYED PA'I, ,BRTZON 'GRUS LDAN PA'I BSAM GTAN TSANGS PA YIN, ,GANG TSE TSER BZAD PA THOB GYUR PA, ,DE NAS DE YI SOM NYI THAMS CAD 'BRAL, ,GANG TSE CHOS 'DI DAG NI SKYED BYED PA'I, ,BRTZON 'GRUS LDAN PA'I BSAM GTAN TSANGS PA YIN, ,GANG TSE SKYEN RNAMS ZAD PA THOB NAS NI, ,DE NAS DE YI SOM NYI THAMS CAD 'BRAL, ,GANG TSE CHOS 'DI DAG NI SKYED BYED PA'I, ,BRTZON 'GRUS LDAN PA'I BSAM GTAN TSANGS PA YIN, ,GANG TSE ZAG PA ZAD PA THOB GYUR NAS, , DE NAS DE YI SOM NYI THAMS CAD 'BRAL, ,GANG TSE CHOS 'DI DAG NI SKYED BYED PA'I, ,BRTZON 'GRUS LDAN PA'I BSAM GTAN TSANGS PA YIN, ,'JIG RTEN KUN TU SNANG BAR 'DUG PA

87b

NI; ;JI LTAR BAR SNANG NYI MA SHAR BA BZHIN, ,GANG TSE CHOS DE DAG NI SKYED BYED PA'I, ,BRTZON 'GRUS LDAN PA'I BSAM GTAN TSANGS PA YIN, ,BDUD KYI SDE RNAMS RNAM PAR BCOM GNAS TE, , SANGS RGYAS KUN TU SBYOR LAS RNAM PAR GROL, ,DE NAS BCOM LDAN 'DAS 'DI SNYAM DU DGONGS TE, BDAG GIS CHOS ZAB MO ZAB PAR SNANG BA, MTHONG BAR DKA' ZHING KHONG DU CHUD PAR DKA' BA, RTOG GE PA RNAMS KYI RTOG GE'I SPYOD YUL MA YIN PA, ZHI BA MO, MDZANGS PA'I MKHAS PA DANG, RIG PAS RNAM PAR SHES PA BYA BA RTOGS TE, DE BDAG GI GZHAN LA SMRAS KYANG GZHAN GYIS DE MI SHES PAS DES BDAG DUB PAR 'GYUR, NGAL BAR 'GYUR, SEMS LA SPRO BA MED PA KHO NAR 'GYUR BAR ZAD PAS, MA LA, BDAG GCIG PU DGON PA'I NAGS STUG POR MTHONG BA'I CHOS LA BDE BAR GNAS PA'I RNAL 'BYOR LA RJES SU BRTZON PAR GNAS PAR BYA'O SNYAM STE, DE NA BCOM LDAN 'DAS THUGS LAS CHUNG DUS BZHUGS PA LA THUGS GZHOL BAR MDZAD CING CHOS 'CHAD PA LA MA YIN NO, ,DE NAS TSANGS PA MI MJED KYI BDAG PO 'DI SNYAM DU SEMS TE, KYE MA'O 'JIG RTEN 'DI MA RUNG NGO, ,KYE MA'I 'JIG RTEN 'DI MA RUNG STE, GANG GI PHYIR DE LTAR BRGYA LAM NA, LAN 'GA' DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'JIG RTEN DU BYUNG BA NI, DPER NA, AU

88a

, ,DUM WA RA'I ME TOG BZHIN DU BCOM LDAN 'DAS DE DA LTAR THUGS LAS CHUNG DUS BZHUGS PA LA THUGS GZHOL BAR MDZAD CING CHOS 'CHAD PA LAM YAN PAS, MA LA, BDAG DER SONG LA GSOL BA GDAB BO SNYAM MO, ,DE NAS TSANGS PA MI MJED KYI BDAG POS, DPER NA, SKYES BU STOBS DANG LDAN PA'I DPUNG PA BSKUMS NAS BRKYANG PA'AM, BRKYANGS NAS BSKUM PA TZAM GYIS TSANGS PA MI MJED KYI BDAG PO TSANGS PA'I 'JIG RTEN NAS MI SNANG BAR BYAS TE, BCOM LDAN 'DAS KYI SPYAN SNGAR 'DUG GO, DE NAS TSANGS PA MI MJED KYI BDAG POS DE'I TSE TSIGS SU BCAD DE GSOL PA, MA GA DHAR NI SNGON CHAD CHOS BYUNG BA, ,DAG PA MA LAGS DRI MAR BCAS PAR RTOGS, ,BDUD RTZI CHOS KYI SGO NI PHYE MDZOD LA, ,DRI MA MED PAS RTOGS PA BSHAD PAR MDZOD, ,DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, TSANGS PA NGAS NI TSEGS CHEN GYIS; ;SKYON RNAMS BCOM NAS RTOGS GYUR PA, ,SRID DANG CHAGS PAS DKRIS RNAMS KYIS, ,CHOS 'DI LEGS PAR RTOGS MI 'GYUR, ,RGYUN LAS BZLOG PHYOGS 'GRO BA'I LAM; ;ZAB CING SHIN TU MTHONG DKA' BA, ,MUN PA'I PHUNG POS BSGRIBS PA YI, ,'DOD CHAGS ZHEN PAS MTHONG MI 'GYUR, ,BTZUN PA, 'JIG RTEN DU SKYES SHING 'JIG RTEN DU

88b

RGAS PA'I SEMS CAN RNAMS LA DBANG PO RNON PO DANG, DBANG PO 'BRING PO DANG, DBANG PO RTUL PO DANG, DRANG SLA BA DANG, GDUL SLA BA DANG, NYON MONGS PA CHUNG BA DANG, RDUL CHUNG BA'I RIGS MCHIS TE DE DAG GIS DAM PA'I CHOS MA THOS NA NYAMS PAR 'GYUR LAGS SO, ,BTZUN PA, DPER NA, AUTPA LA'AM, PADMA 'AM, KU MU DA'AM, PADMA DKAR PO DAG CHAB NAS SKYES SHING CHAB NAS CHEN POR GYUR TE, CHAB NAS 'PHAGS TE KHA CIG NI CHAB DANG MNYAM, KHA CIG NI CHAB KYI NANG DU NUB CING MCHIS PA DE BZHIN DU, BTZUN PA, 'JIG RTEN DU SKYES SHING 'JIG RTEN DU RGAS PA'I SEMS CAN RNAMS LA'ANG DBANG PO RNON PO DANG, DBANG PO 'BRING PO DANG, DBANG PO RTUL PO DANG, DRANG SLA BA DANG, GDUL SLA BA DANG, NYON MONGS PA CHUNG BA DANG, RDUL CHUNG BA'I RIGS MCHIS TE, DE DAG GIS DAM PA'I CHOS MA THOS NA YONGS SU NYAMS PAR 'GYUR BAS CHOS RIN PO CHE 'TSAL BAR 'GYUR BA MCHIS KYI, BCOM LDAN 'DAS, CHOS BSHAD DU GSOL, BDE BAR GSHEGS PA, CHOS BSHAD DU GSOL, DE NAS BCOM LDAN 'DAS 'DI SNYAM DU DGONGS TE, MA LA, NGA NYID KYIS SANGS RGYAS KYI SPYAN GYIS 'JIG RTEN LA BLTA BAR BYA'O SNYAM NAS; DE NAS BCOM LDAN 'DAS NYID KYI SANGS RGYAS KYI SPYAN GYIS 'JIG RTEN LA GZIGS TE, BCOM LDAN 'DAS NYID KYI SANGS RGYAS KYI SPYAN GYIS 'JIG RTEN LA GZIGS PA DANG,

89a

, ,'JIG RTEN DU SKYES SHING 'JIG RTEN DU RGAS PA'I SEMS CAN RNAMS LA DBANG PO RNON PO DANG, DBANG PO 'BRING PO DANG, DBANG PO RTUL PO DANG, DRANG SLA BA DANG, GDUL SLA BA DANG, NYON MONGS PA CHUNG BA DANG, RDUL CHUNG BA'I RANG BZHIN YOD DO, ,DE DAG DAM PA'I CHOS MA THOS NA YONGS SU NYAMS PAR 'GYUR BAR GZIGS SO, ,GZIGS NAS KYANG SEMS CAN RNAMS LA THUGS RJE CHEN PO GZHOL BAR 'GYUR TO, ,DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, BDUD RTZI SGO MO DAG NI DBYE BAR BYA, , NYAN PA MU 'DOD SO MA NYI SOL CIG DANG, ,TSANGS PA MI RNAMS LA NI GYA NOM CHOS, ,KLAN KA MI BTZAL MDO TZAM BSHAD PAR BYA, ,DE NAS TSANGS PA MI MJED KYI BDAG PO 'DI SNYAM DU SEMS TE, KYE BCOM LDAN 'DAS KYIS CHOS BSHAD PAR 'GYUR RO, ,AE MA BDE BAR GSHEGS PAS CHOS BSTAN PAR 'GYUR RO SNYAM DU RIG NAS, DGA' BA DANG, MGU BA DANG; MCHOG TU DGA' BA DANG, DGA' BA RGYA CHEN PO DANG, YID BDE BA SKYES NAS BCOM LDAN 'DAS KYI ZHABS GNYIS LA MGO BOS PHYAG BYAS TE, BCOM LDAN 'DAS LA LAN GSUM BSKOR BA BYAS NAS DE NYID DU MI SNANG BAR GYUR TO, ,DE NAS BCOM LDAN 'DAS 'DI SNYAM DU DGONGS TE NGAS SU LA THOG MAR CHOS BSHAD PAR BYA SNYAM MO, ,DE NAS BCOM LDAN

89b

'DAS 'DI SNYAM DU DGONGS TE, MA LA, NGAS SGYU RTZAL SHES KYI BU RING 'PHUR DE LA THOG MAR CHOS BSHAD PAR BYA STE, DE NI NGA'I THOG MA'I SLOB DPON KHO NA YIN BZHIN DU RJED PA'I DAM PAS RJED CING MCHOD PA'I DAM PAS MCHOD LA RTOGS PA DAM PA DAG LA'ANG YI RANGS SHING DAD PAR GYUR PA YIN NO SNYAM MO, ,BCOM LDAN 'DAS LA LHA RNAMS KYIS GSOL PA, BTZUN PA, SGYU RTZAL SHES KYI BU GUM NAS DGUNG BDUN LAGS SO, ,BCOM LDAN 'DAS KYIS KYANG DGONGS PA LA ZHUGS TA YE SHES GZIGS PA BSKYED NA SGYU RTZAL SHES KYI BU RING 'PHUR SHI NAS ZHAG BDUN LON NO, ,DE NAS BCOM LDAN 'DAS 'DI SNYAM DU DGONGS TE, AE MA'O SGYU RTZAL SHES KYI BU RING 'PHUR SHI BA DE NI TE BOR MA STES SO, ,AE MA'O SGYU RTZAL SHES KYI BU RING 'PHUR SHI BA DE NI SHIN TU TE BOR MA STES TE, CHOS 'DUL BA'I 'DI MA THOS SO, ,GAL TE 'DAS CHOS 'DUL BA 'DI THOS NA SHES PAR 'GYUR BA ZHIG SNYAM MO, ,DE NAS BCOM LDAN 'DAS 'DI SNYAM DU DGONGS TE, MA LA ,NGAS THOG MAR SU ZHIG LA CHOS BSHAD SNYAM MO, ,DE NAS BCOM LDAN 'DAS 'DI SNYAM DU DGONGS TE, MA LA, NGAS RANGS BYED KYI BU LHAG SPYOD DE LA THOG MAR CHOS BSHAD PAR BYA STE, DE NI NGA'I THOG MA'I SLOB DPON KHO NA YIN BZHIN DU RJED PA'I DAM PAS RJED CING MCHOD PA'I DAM PAS MCHOD LA RTOGS PA DAM PA DAG LA'ANG YI RANGS SHING DAD PAR GYUR TO SNYAM MO, ,BCOM LDAN 'DAS LA LHA RNAMS KYIS GSOL PA,

90a

, ,BTZUN PA, RANGS BYED KYI BU LHAG SPYOD MDANG SUM SROD LA GUM LAGS SO, ,BCOM LDAN 'DAS KYIS DGONGS PA LA ZHUGS TE YE SHES GZIGS PA BSKYED NA RANGS BYED KYI BU LHAG SPYOD SROD LA SHI BAR GYUR TO, ,DE NAS BCOM LDAN 'DAS 'DI SNYAM DU DGONGS TE, AE MA'O RANGS BYED KYI BU LHAG SPYOD SHI BA DE NI TE BOR MA STES SO; ;AE MA'O RANGS BYED KYI BU LHAG SPYOD SHI BA DE NI SHIN TU TRE BOR MA STES TE, CHOS 'DUL BA 'DI MA THOS SO, ,GAL TE DES CHOS 'DUL BA 'DI THOS NA SHES PAR 'GYUR BA ZHIG SNYAM MO, ,DE NAS BCOM LDAN 'DAS 'DI SNYAM DU DGONGS TE, MA LA, NGAS THOG MAR SU ZHIG LA CHOS BSHAD SNYAM MO, ,DE NAS 'DI SNYAM DU DGONGS TE, MA LA, NGAS LNGA SDE'I DGE SLONG DE RNAMS LA THOG MAR CHOS BSHAD PAR BYA STE, DE DAG GIS NGA SNGON SDUG BSNGAL SPONG BA'I RNAL 'BYOR GYI RJES SU BRTZON PAR GNAS PA DANG, BLA MA DANG, GUS PA DANG, SDUG PA DANG BCAS PAS GNAS PA YIN NO SNYAM MO, ,DE NAS BCOM LDAN 'DAS 'DI SNYAM DU DGONGS TE, LNGA SDE'I DGE SLONG RNAMS DA LTA GANG NA 'DUG SNYAM NAS BCOM LDAN 'DAS KYI LHA'I SPYAN RNAM PAR DAG PA MI RNAMS KYI LAS 'DAS PAS LNGA SDE'I DGE SLONG RNAMS W'A RA n'A SI NA DRANG SRONG SMRA BA RI DVAGS KYI GNAS NA 'KHOD PA GZIGS SO, ,GZIGS

90b

NAS KYANG JI TZAM BZHED KYI BAR DU BYANG CHUB KYI SHING DRUNG DU BZHUGS NAS W'A RA n'A SI'I KA SHI'I GRONG RDAL GANG NA BA DER RGYU ZHING GSHEGS SO, ,DE'I TSE KUN TU 'TSO NYER 'GRO LAM DE NYID DU LAM DU ZHUGS PAR GYUR TE, KUN TU 'TSO NYER 'GROS BCOM LDAN 'DAS LAM NAS GSHEGS PA MTHONG NGO, ,MTHONG NAS KYANG 'DI SKAD CES GSOL TO, ,DGE SBYONG GOO TA MA, KHYOD KYI DBANG PO RNAMS NI DANG, BZHIN GYI MDOG NI YONGS SU DAG ,PAGS PA'I MDOG NI BSAL NA, TSE DANG LDAN PA GOO TAM, KHYOD KYI STON PA NI GANG, KHYOD SU LAS BRTEN TE RAB TU BYUNG, KHYOD SU'I CHOS LA DGA', BCOM LDAN 'DAS KYIS DE'I TSE TSIGS SU BCAD DE BKA' STZAL PA, NGA DANG 'DRA BA YOD MIN PAS, ,NGA LA SLOB DPON 'GA' MED DE, ,'JIG RTEN SANGS RGYAS NGA GCIG PU, ,YANG DAG BYANG CHUB DAM PA THOB, ,THAMS CAD ZIL MNAN 'JIG RTEN KUN MKHYEN LA, ,'DI NI CHOS KUN GYIS NI NGA MA GOS, ,THAMS CAD SPANGS SHING SRED BRAL RNAM GROL TE, ,RANG GIS MNGON PAR SHES NAS SU LA RTEN, ,DE BZHIN GSHEGS PA LHA MI'I STON PA PO, ,THAMS CAD MKHYEN PA'I STOBS NI KUN LDAN PAS, ,NYID KYIS BYANG CHUB RTOGS NAS RAB GSUNGS PA, ,MI NYAMS MTSUNGS PA MED NA SU LA RTEN, ,NGA NI 'JIG RTEN DGRA BCOM STE, ,'JIG RTEN BLA MED NGA YIN PAS, ,LHA DANG BCAS PA'I 'JIG RTEN NA, ,NGA NI RGYAL

91a

, ,BA BDUD ZIL GNON, ,TSE DANG LDAN PA GOO TA MA, RGYAL BA ZHES GSUNG NGAM, GANG GIS ZAG PA ZAD THOB PA, ,RGYAL BA NGA 'DRAR SHES PAR BYA, ,SDIG PA'I CHOS NI NGAS BCOM PAS, ,DE BAS NYER 'GRO NGA RGYAL BA'O, ,TSE DANG LDAN PA GOO TAM, GANG DU BZHUD, W'A RA n'A SIR GSHEGS NAS NI, ,NGAS NI CHOS KYI RNGA BRDUNG ZHING, , 'JIG RTEN MA BSKOR GANG YIN PA, ,CHOS KYI 'KHOR LO RAB TU BSKOR, ,'JIG RTEN CHAGS PA LAS BRGAL BA'I, ,KUN MKHYEN SANGS RGYAS ZHI GYUR PA, ,'JIG RTEN BSGRAL BA MA BYAS PAR, ,SKYES BU DAM PA GRAGS MI SRID, ,TSE DANG LDAN PA GOO TA MA RGYAL BA LEGS SO ZHES GSOL NAS, KUN TU 'TSO NYER 'GRO LAM NAS SONG NGO, ,DE NAS BCOM LDAN 'DAS YUL KA SHI'I LJONGS RGYU ZHING GSHEGS PA NA W'A RA n'A SIR BYON TO, ,DE'I TSE LNGA SDE'I DGE SLONG RNAMS W'A RA n'A SI NA DRANG SRONG SMRA BA RI DVAGS KYI NAGS NA 'KHOD DO, ,LNGA SDE'I DGE SLONG RNAMS KYIS BCOM LDAN 'DAS RGYANG RING PO KHO NAS MTHONG NGO, ,MTHONG NAS KYANG PHAN TSUN NAS CHED DU BSAMS TE LEGS PAR 'DUG NAS KHRIMS SU BCAS PA, SHES LDAN DAG , DGE SBYONG GOO TAM, MI BRTAN PA, BYA BA MANG BA, MANG POS 'TSO BA, SPONG BA NYAMS PA DENG 'BRAS CHAN DANG, ZAN DRON GYI KHA ZAS LA MANG DU ZA ZHING LUS MAR SAR DANG, TIL MAR GYIS BYUGS

91b

NAS CHU 'JAM POS LUS KHRUS BYED CING 'ONG GI ,DE BDAG CAG GI DRUNG DU 'ONGS PA DANG DE LA SMRA BAR MI BYA, PHYAG MI BYA, LDANG BAR MI BYA, LANGS TE STAN BSTAB PAR MI BYA'O, ,GZHAN DU NA STAN NAR MA KHO NAR BTING BA LA TSIG 'DI SKAD CES TSE DANG LDAN PA GOO TA MA STAN YOD KYI JI STE 'DOD NA 'DUG CING CES BRJOD PAR BYA'O ZHES BCAS SO, ,BCOM LDAN 'DAS JI LTA JI LTAR LNGA SDE'I DGE SLONG RNAMS LA GZIGS PA'I PHYIR NYE BAR GSHEGS PA DE LTA DE LTAR LNGA SDE'I DGE SLONG RNAMS BCOM LDAN 'DAS GZI BRJID DANG, DPAL DANG, BKUR STIM BZOD NAS STAN LAS LANGS TE KHA CIG NI BCOM LDAN 'DAS KYI CHED DU GDAN SHOM MO, ,KHA CIG NI ZHABS BKRU BA'I CHU DANG, ZHABS KYI RTEN DAG MTHA' GCIG TU 'JOG PAR BYED DO, ,KHA CIG NI BSU STE, NA BZA' CHOS GOS DAG BLANGS NAS, 'DI SKAD CES, SHES LDAN GOO TAM, TSUR SPYON, SHES LDAN GOO TAM, BYON PA LEGS SO, ,SHES LDAN GOO TAM, GDAN BSHAMS PA NYID LA BZHUGS SHIG CES ZER RO; ;DE NAS BCOM LDAN 'DAS 'DI SNYAM DU DGONGS TE, KYE MA SKYES BU BLUN PO 'DI RNAMS KYIS KHRIMS BCAS NAS RANG GIS BSHIG GO SNYAM DU MKHYEN NAS GDAN BSHAMS PA NYID LA BZHUGS SO, ,DE NAS LNGA SDE'I DGE SLONG RNAMS LHAG PAR YANG BCOM LDAN 'DAS KYI MTSAN NAS BRJOD, GDUNG NAS RJOD, TSE DANG LDAN PAS RJOD PAS KUN TU RJOD PAR BYED DO, ,DE NAS

92a

, ,BCOM LDAN 'DAS KYIS LNGA SDE'I DGE SLONG RNAMS LA BKA' STZAL PA, DGE SLONG DAG ,KHYED LHAG PAR YANG DE BZHIN GSHEGS PA'I MTSAN NAS RJOD PA DANG, GDUNG NAS RJOD PA DANG, TSE DANG LDAN PAS RJOD PAS KUN TU MA RJOD CIG ,KHYED LA YUN RING POR GNOD PA DANG, PHAN PA MA YIN PA DANG, SDUG BSNGAL BAR 'GYUR RO, ,DE CI'I PHYIR ZHE NA; DGE SLONG DAG ,GANG LA LA LHAG PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI MTSAN NAS RJOD PA DANG, GDUNG NAS RJOD PA DANG, TSE DANG LDAN PAS RJOD PA'I KUN TU RJOD PA DE NI SKYES BU BLUN PO DE LA YUN RING POR GNOD PA DANG, PHAN PA MA YIN PA DANG, SDUG BSNGAL BAR 'GYUR RO, ,DE DAG GIS 'DI SKAD CES GSOL TO; ;TSE DANG LDAN PA GOO TAM, KHYOD KYI RE ZHIG SNGON GYI TSUL DANG, SPYOD PA DANG, DKA' BAR SPYAD PA DES MI'I CHOS BLA MA 'PHAGS PA'I KHYAD PAR THOB PAR NUS SAM; SHES PA'AM, MTHONG BA DANG, REG PAR GNAS PA CUNG ZAD KYANG MA THOB NA DA LTAR KHYOD MI RTAN ZHING BYA BA MANG LA MANG POS 'TSO ZHING SPONG BA NYAMS PAS DA KHYOD 'BRAS CHAN DANG, ZAN DRON GYI KHA ZAS LA MANG DU ZA ZHING LUS MAR SAR DANG, TIL MAR GYIS BYUGS NAS CHU 'JAM POS LUS KHRUS BYED PA LTA SMOS KYANG CI DGOS, DGE SLONG KHYED KYIS DE BZHIN GSHEGS PA'I ZHAL MDOG

92b

DANG DBANG PO RNAMS GSAL BA SNGON LAS THA DAD DU BYA BA GZHAN LTA MTHONG NGAM, DE RNAMS KYIS 'DI SKAD CES GSOL TO, ,TSE DANG LDAN PA GOO TAM, DE DE BZHIN NO, ,DE NAS BCOM LDAN 'DAS KYIS LNGA SDE'I DGE SLONG RNAMS LA BKA' STZAL PA, DGE SLONG DAG ,RAB TU BYUNG NAS NI MTHA' 'DI GNYIS LA BSTEN PAR MI BYA, BSNYEN PAR MI BYA, BSNYEN BKUR MI BYA STE, GNYIS GANG ZHE NA, 'DOD PA RNAMS LA 'DOD PA'I SA BON NAMS KYI RJES SU BRTZON PA, DMAN PA NGAN PA, THA CHAD MA RABS GANG YIN PA DANG, BDAG NYID DUB PA LA RJES SU BRTZON PA, SDUG BSNGAL BA 'PHAGS PA'I MA YIN PA GNOD PA DANG LDAN PA GANG YIN PA PA'O, ,KHYED KYIS MTHA' 'DI GNYIS LA MI RTEN PAR DBU MA'I LAM MIG BYED PA, YE SHES BYED PA, NYE BAR ZHI BAR 'GYUR BA, MNGON PAR SHES PA DANG, RDZOGS PAR BYANG CHUB PA DANG, MYA NGAN LAS 'DAS PAR 'GYUR BA YOD DE, DBU MA'I LAM GANG ZHE NA, 'PHAGS PA'I LAM YAN LAG BRGYAD PA 'DI LTA STE, YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN YIN NO, ,BCOM LDAN 'DAS KYIS LNGA SDE'I DGE SLONG RNAMS LA SHES PAR BYA BA 'DIS SHES PAR MDZAD SPYOD PAS BCOM LDAN 'DAS LNGA SDE'I DGE

93a

, ,SLONG RNAMS LAS GNYIS LA SNGA DRO GDAMS NGAG 'BOGS PA NA, GSUM GRONG KHYER DU BSOD SNYOMS LA 'JUG STE, GSUM GYIS BSGRUBS PA GANG YIN PA DES DRUG CAR 'TSO BAR BYED DO, ,BCOM LDAN 'DAS LNGA SDE'I RNAMS KYIS DGE SLONG GSUM LA PHYI DRO GDAMS NGAG 'BOGS PA NA, GNYIS GRONG KHYER DU BSOD SNYOMS LA 'JUG STE, GNYIS KYIS BSGRUBS PA GANG YIN PA DES LNGA SDE 'TSO BAR BYED DE, DE BZHIN GSHEGS PA NI SNGA DRO'I DUS KHO NAR GSOL BA YIN NO, ,DE NAS BCOM LDAN 'DAS KYIS LNGA SDE'I DGE SLONG RNAMS LA BKA' STZAL PA, DGE SLONG DAG ,NGA SNGON MA THOS PA'I CHOS RNAMS LA 'DI NI SDUG BSNGAL 'PHAGS PA'I BDEN PA'O ZHES TSUL BZHIN DU YID LA BYED PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO, ,DGE SLONG DAG ,NGA SNGON MA THOS PA'I CHOS RNAMS LA 'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PA'O, ,'DI NI SDUG BSNGAL 'GOG PAR 'GRO BA'I LAM MO ZHES TSUL BZHIN YID LA BYED PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO; ;DGE SLONG DAG ,NGA SNGON MA THOS PA'I CHOS RNAMS LA SDUG BSNGAL 'PHAGS PA'I BDEN PA DENGS MNGON PAR SHES PAS YONGS SU SHES PAR BYA'O ZHES TSUL BZHIN YID LA BYED

93b

PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO, ,DGE SLONG DAG ,NGA SNGON MA THOS PA'I CHOS RNAMS LA SDUG BSNGAL KUN 'BYUNG BA'I 'PHAGS PA'I BDEN PA DES NGAS MNGON PAR SHES PAS SPANG BAR BYA'O ZHES TSUL BZHIN YID LA BYED PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO, ,DGE SLONG DAG ,NGA SNGON MA THOS PA'I CHOS RNAMS LA SDUG BSNGAL 'GOG PA 'PHAGS PA'I BDEN PA DE NGAS MNGON PAR SHES PAS MNGON SUM DU BYA'O ZHES TSUL BZHIN YID LA BYED PA NA MIG SKYES SO, ,SHES PA DANG; RIG PA DANG, BLO DANG, RTOG PA SKYES SO, ,DGE SLONG DAG, ,NGA SNGON MA THOS PA'I CHOS RNAMS LA SDUG BSNGAL 'GOG PAR 'GRO BA'I LAM 'PHAGS PA'I BDEN PA DE NGAS MNGON PAR SHES PAS BSGOM PAR BYA'O ZHES TSUL BZHIN YID LA BYED PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO, ,DGE SLONG DAG ,NGA SNGON MA THOS PA'I CHOS RNAMS LA SDUG BSNGAL 'PHAGS PA'I BDEN PA DE NGAS MNGON PAR SHES PAS YONGS SU SHES SO ZHES TSUL BZHIN YID LA BYED PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO, ,DGE SLONG DAG ,NGA SNGON MA THOS PA'I CHOS RNAMS LA SDUG BSNGAL KUN 'BYUNG BA 'PHAGS PA'I BDEN PA DE NGAS MNGON PAR SHES PAS SPANGS SO ZHES TSUL BZHIN YID LA BYED

94a

, ,PA NA MIG SKYES SO, ,SHES PA DANG, RIG PA DANG, BLO DANG, RTOGS BSKYES SO, ,DGE SLONG DAG ,NGA SNGON MA THOS PA'I CHOS RNAMS LA SDUG BSNGAL 'GOG PA 'PHAGS PA'I BDEN PA DE NGAS MNGON PAR SHES PAS MNGON SUM DU BYAS SO ZHES TSUL BZHIN DU YID LA BYED PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO, ,DGE SLONG DAG ,NGA SNGON MA THOS PA'I CHOS RNAMS LA SDUG BSNGAL 'GOG PAR 'GRO BA'I LAM 'PHAGS PA'I BDEN PA DES NGAS MNGON PAR SHES PAS BSGOMS SO ZHES TSUL BZHIN YID LA BYED PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO, ,DGE SLONG DAG ,NGA JI SRID DU 'PHAGS PA'I BDEN PA BZHI PO 'DI RNAMS DE LTAR LAN GSUM BZLAS TE RNAM PA BCU GNYIS SU BSKOR BA'I MIG MA SKYES, SHES PA MA YIN, RIG PA MA YIN, BLO MA YIN, RTOGS PA MA SKYES PA DE SRID DU LHA DANG BCAS PA'I 'JIG RTEN BDUD DANG, TSANGS PA DANG BCAS, DGE SBYONG DANG, BRAM ZER BCAS PA'I SKYE DGU DANG, LHA DANG, MIR BCAS PA 'DI LAS GROL BA DANG, NGES PAR 'BYUNG BA DANG MI LDAN PA DANG, RAB TU GROL BA DANG, PHYIN CI LOG DANG BRAL BA'I SEMS KYIS MANG DU GNAS PAR MA GYUR CIG ,DGE SLONG DAG ,NGAS BLA NA MED PA YANG DAG PAR RDZOGS PA'I BYANG CHUB MNGON

94b

PAR RDZOGS PAR SANGS RGYAS SO ZHES BYA BAR MA SHES SO, ,DGE SLONG DAG ,NGAS GANG NAS 'PHAGS PA'I BDEN PA BZHI PO 'DI RNAMS LA DE LTAR LAN GSUM DU BZLAS TE RNAM PA BCU GNYIS SU BSKOR BA'I MIG SKYES SHING SHES PA DANG, RIG PA DANG, BLO DANG, RTOGS PA SKYES PA DE NAS NGA LHA DANG BCAS PA'I 'JIG RTEN BDUD DANG, TSANGS PA DANG BCAS, DGE SBYONG DANG, BRAM ZER BCAS PA'I SKYES DGU DANG, LHA DANG, MIR BCAS PA 'DI LAS GROL BA DANG, NGES PAR BYUNG BA DANG LDAN PA DANG, RAB TU GROL BA DANG, PHYIN CI LOG DANG BRAL BA'I SEMS KYIS MANG DU GNAS PAR GYUR CIG ,DGE SLONG DAG ,NGAS DE NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO ZHES BYA BAR SHES SO, ,CHOS KYI RNAM GRANGS DE BKA' STZAL PA NA, TSE DANG LDAN PA KOOndI N+YA DANG, LHA BRGYAD KHRI CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS BCOM LDAN 'DAS KYIS TSE DANG LDAN PA KOOndI N+YA LA BKA' STZAL PA, KOOndI N+YA KHYOD KYIS CHOS KUN SHES SAM, BCOM LDAN 'DAS, KUN 'TSAL LAGS SO, ,KOOndI N+YA KHYOD KYIS CHOS KUN SHES SAM, KUN SHES SAM , BDE BAR GSHEGS PA, KUN 'TSAL LAGS SO, ,KUN 'TSAL LAGS SO, ,TSE DANG LDAN PA KOOndI N+YAS CHOS KUN SHES PAS DE'I PHYIR TSE DANG LDAN PA KUN SHES KOOndI N+YA ZHES BLA DVAGS SU

95a

, ,BTAGS SO, ,TSE DANG LDAN PA KOOndI N+YAS CHOS KUN SHES SO ZHES SA BLA'I GNOD SBYIN RNAMS SGRA SGROGS PAR BYED DE, GROGS PO DAG ,BCOM LDAN 'DAS KYIS W'A RA n'A SIR DRANG SRONG SMRA BA RI DVAGS KYI NAGS SU LAN GSUM DU BZLAS TE RNAM PA BCU GNYIS SU CHOS KYI 'KHOR LO CHOS DANG LDAN PA DGE SBYONG DANG, BRAM ZE'AM, LHA'AM, BDUD DAM, TSANGS PA'AM, SUS KYANG 'JIG RTEN DU CHOS DANG MTHUN PAR MA BSKOR BA SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG, MI RNAMS KYI DON DANG, PHAN PA DANG, BDE BA'I PHYIR BSKOR BAS LHA'I RIGS MNGON PAR 'PHEL ZHING LHA MA YIN GYI RIS YONGS SU NYAMS SO ZHES DBYANGS BSGRAGS SO, ,SA BLA'I GNOD SBYIN RNAMS KYI SGRA THOS NAS NAM MKHA' LA RGYU BA'I GNOD SBYIN DANG, RGYAL CHEN BZHI'I RIS DANG, SUM CU RTZA GSUM PA'I LHA DANG, 'THAB BRAL DANG, DGA' LDAN DANG, 'PHRUL DGA' DANG; GZHAN 'PHRUL DBANG BYED KYI LHA RNAMS NAS SKAD CIG DE DANG, THANG CIG DE DANG, YUD TZAM DE DANG, SKAD CIG DANG, THANG GCIG DANG, YUD TZAM DE LA TSANGS PA'I 'JIG RTEN GYI BAR DU SGRA GRAGS SO, ,TSANGS RIS KYI LHA RNAMS KYIS KYANG SGRA SGROGS PAR BYED DE, GROGS PO DAG ,BCOM LDAN 'DAS KYIS W'A RA n'A SIR DRANG SRONG SMRA BA'I RI DVAGS KYI NAGS SU

95b

LAN GSUM DU BZLAS TE RNAM PA BCU GNYIS KYI 'KHOR LO CHOS DANG LDAN PA DGE SBYONG NGAM, BRAM ZE'AM, LHA'AM, BDUD DAM, TSANGS PA'AM, SUS KYANG 'JIG RTEN DU CHOS DANG, MTHUN PAR 'GA' TZAM YANG MA BSKOR BA, SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG, MI RNAMS KYI DON DANG, PHAN PA DANG, BDE BA'I PHYIR BSKOR BAS LHA'I RIS MNGON PAR 'PHEL ZHING LHA MA YIN GYI RIS YONGS SU NYAMS SO ZHES DBYANGS BSGRAGS SO, ,BCOM LDAN 'DAS KYIS W'A RA n'A SIR DRANG SRONG SMRA BA RI DVAGS KYI NAGS SU LAN GSUM DU BZLAS TE RNAM PA BCU GNYIS SU CHOS KYI 'KHOR LO CHOS DANG LDAN PA BSKOR BAS DE'I PHYIR CHOS KYI RNAM GRANGS 'DI LA CHOS KYI 'KHOR LO BSKOR BA ZHES TSIGS BLA DVAGS SU BTAGS SO, ,DE NAS BCOM LDAN 'DAS KYIS LAN GNYIS SU YANG LNGA SDE'I DGE SLONG RNAMS LA BKA' STZAL PA, DGE SLONG DAG ,'PHAGS PA'I BDEN PA BZHI NI 'DI DAG YIN TE, BZHI GANG ZHE NA; SDUG BSNGAL 'PHAGS PA'I BDEN PA DANG, SDUG BSNGAL KUN 'BYUNG BA DANG, SDUG BSNGAL 'GOG PA DANG, SDUG BSNGAL 'GOG PAR 'GRO BA'I LAM 'PHAGS PA'I BDEN PA'O, , SDUG BSNGAL 'PHAGS PA'I BDEN PA GANG ZHE NA, SKYE BA SDUG BSNGAL DANG, RGA BA SDUG BSNGAL BA DANG, NA BA SDUG BSNGAL BA DANG, 'CHI BA SDUG BSNGAL BA DANG, SDUG PA DANG BRAL BA SDUG BSNGAL

96a

, ,BA DANG, MI SDUG PA DANG PHRAD PA SDUG BSNGAL BA DANG, GANG 'DOD PA BTZAL TE MA RNYED PA DE'ANG SDUG BSNGAL BA DANG, MDOR NA NYE BAR LEN PA'I PHUNG PO LNGA SDUG BSNGAL BA STE, DE YONGS SU SHES PAR BYA BA'I PHYIR 'PHAGS PA'I LAM YAN LAG BRGYAD PA BSGOM PAR BYA'O, ,SDUG BSNGAL KUN 'BYUNG BA 'PHAGS PA'I BDEN PA GANG ZHE NA; YANG SRID PA'I SRED PA DGA' BA'I 'DOD CHAGS DANG LDAN PA DE DANG DE LA MNGON PAR 'DOD PA STE, DE SPANG BA'I PHYIR 'PHAGS PA'I LAM YAN LAG BRGYAD PA BSGOM PAR BYA'O; ;SDUG BSNGAL 'GOG PA 'PHAGS PA'I BA DEN PA GANG ZHE NA, YANG SRID PA'I SRED PA DGA' BA'I 'DOD CHAGS DANG LDAN PA DE DANG, DE LA MNGON PAR DGA' BA GANG YIN PA DE NYID MA LUS PAR SPANGS PA DANG, BOR BA DANG, BSAL BA DANG, ZAD PA DANG, 'DOD CHAGS DANG BRAL BA DANG, 'GAGS PA DANG, NYE BAR ZHI BA DANG, NUB PA STE DE MNGON SUM DU BYA BA'I PHYIR 'PHAGS PA'I LAM YAN LAG BRGYAD PA BSGOM PAR BYA'O, ,SDUG BSNGAL 'GOG PAR 'GRO BA'I LAM 'PHAGS PA'I BDEN PA GANG ZHE NA, 'PHAGS PA'I LAM YAN LAG BRGYAD PA STE, 'DI LTA STE, YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG

96b

PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN TE DE YANG BSGOM PAR BYA'O, ,CHOS KYI RNAM GRANGS 'DI BSHAD PA NA TSE DANG LDAN PA KUN SHES KOOndI N+YA LEN PA MED PAR ZAG PA LAS SEMS RNAM PAR GROL LO, ,LNGA SDE'I DGE SLONG LHAG MA RNAMS LA NI CHOS RNAMS LA CHOS KYI MIG RDUL MED CING DRI MA DANG BRAL BA SKYES SO; ;DE'I TSE 'JIG RTEN NA DGRA BCOM PA GCIG DANG, GNYIS PA NI BCOM LDAN 'DAS SO, ,DE NAS BCOM LDAN 'DAS KYIS YANG DGE SLONG LNGA SDE'I LHAG MA RNAMS LA BKA' STZAL PA, DGE SLONG DAG ;GZUGS NI BDAG MA YIN NO, ,DGE SLONG DAG ,GAL TE GZUGS BDAG YIN NA GZUGS LA GNOD PA DANG, SDUG BSNGAL BAR MI 'GYUR ZHING, GZUGS LA BDAG GI GZUGS 'DI LTA BUR GYUR CIG ,'DI LTA BUR MA GYUR CIG SNYAM NA YANG 'THOB PAR 'GYUR RO, ,DGE SLONG DAG ,GANG GI PHYIR GZUGS BDAG MA YIN PA DE'I PHYIR GZUGS LA GNOD PA DANG, SDUG BSNGAL BAR 'GYUR ZHING GZUGS LA BDAG GI GZUGS 'DI LTA BU 'GYUR CIG ,'DI LTA BUR MA GYUR CIG SNYAM PA YANG 'THOB PAR MI 'GYUR RO, ,DGE SLONG DAG ,TSOR BA DANG, 'DU SHES DANG, 'DU BYED DANG, RNAM PAR SHES PA NI BDAG MA YIN NO, ,DGE SLONG DAG ,GAL TE RNAM PAR SHES PA BDAG YIN NA RNAM PAR SHES PA LA GNOD PA DANG, SDUG BSNGAL BAR MI 'GYUR ZHING

97a

, ,RNAM PAR SHES PA LA BDAG GI RNAM PAR SHES PA 'DI LTA BUR GYUR CIG ,'DI LTA BUR MA GYUR CIG SNYAM NA YANG 'THOB PAR 'GYUR RO, ,DGE SLONG DAG ,GANG GI PHYIR RNAM PAR SHES PA BDAG MA YIN PA DE'I PHYIR RNAM PAR SHES PA LA GNOD PA DANG, SDUG BSNGAL BAR 'GYUR ZHING RNAM PAR SHES PA LA BDAG GI RNAM PAR SHES PA 'DI LTA BUR GYUR CIG ,'DI LTA BUR MA GYUR CIG SNYAM NA YANG 'THOB PAR MI 'GYUR RO, ,DGE SLONG DAG ,JI SNYAM DU SEMS, GZUGS RTAG GAM, MI RTAG ,BTZUN PA, MI RTAG LAGS SO, ,MI RTAG PA GANG YIN PA DE SDUG BSNGAL YIN NAM, SDUG BSNGAL MA YIN, BTZUN PA, SDUG BSNGAL BA LAGS SO, ,MI RTAG PA SDUG BSNGAL BA RNAM PAR 'GYUR BA'I CHOS CAN GANG YIN PA DE LA CIG 'PHAGS PA NYAN THOS THOS PA DANG LDAN PA DE LA 'DI NI BDAG GO ,BDAG NI 'DI YIN NO, ,'DI NI BDAG GI BDAG GO ZHES BDAG TU KHAS LEN TAM, BTZUN PA, MA LAGS SO, ,DGE SLONG DAG ;JI SNYAM DU SEMS, TSOR BA DANG, 'DU SHES DANG, 'DU BYED DANG, RNAM PAR SHES PA RTAG GAM MI RTAG ,BTZUN PA, MI RTAG LAGS SO, ,MI RTAG PA GANG YIN PA DE SDUG BSNGAL YIN NAM, SDUG BSNGAL MA YIN, BTZUN PA, SDUG BSNGAL LAGS SO, ,MI RTAG PA SDUG BSNGAL BA RNAM PAR 'GYUR BA'I CHOS CAN GANG YIN PA DE LA GCIG 'PHAGS PA

97b

NYAN THOS THOS PA DANG LDAN PA 'DI NI BDAG GO ,BDAG NI 'DI YIN NO, ,'DI NI BDAG GI BDAG GO ZHES BDAG TU KHAS LEN TAM, BTZUN PA, MA LAGS SO, ,DGE SLONG DAG ,DE LTA BAS NA GZUGS GANG YIN PA DE CI YANG RUNG BA 'DAS PA'AM, MA 'ONGS PA'AM, DA LTAR BYUNG BA'AM, NANG GI'AM; PHYI'I'AM, RAGS PA'AM, PHRA BA'AM, NGAN PA'AM, GYA NOM PA'AM, GANG DAG THAG RING BA'AM, GANG DAG THAG NYE BA DE DAG THAMS CAD NI BDAG MA YIN, BDAG NI DE MA YIN, DE NI BDAG GI BDAG MA YIN NO ZHES JI LTA BA BZHIN DU YANG DAG BA'I SHES RAB KYIS BLTA BAR BYA'O, ,DGE SLONG DAG ,DE LTA BAS NA TSOR BA DANG, 'DU SHES DANG, 'DU BYED DANG, RNAM PAR SHES PA JI SNYED PA GANG CI'ANG RUNG BA 'DAS PA'AM, MA 'ONGS PA'AM, DA LTAR BYUNG BA'AM, NANG GI'AM, PHYI'I'AM, RAGS PA'AM, PHRA BA'AM, NGAN PA'AM, GYA NOM PA'AM, GANG DAG THAG RING BA'AM, GANG DAG THAG NYE BA DE DAG THAMS CAD NI BDAG MA YIN, BDAG NI DE MA YIN, DE NI BDAG GI BDAG MA YIN NO ZHES JI LTA BA DE BZHIN DU YANG DAG PA'I SHES RAB KYIS BLTA BAR BYA'O, ,DGE SLONG DAG ,'DI LTAR 'PHAGS PA NYAN THOS THOS PA DANG LDAN PA NI NYE BAR LEN PA'I PHUNG PO LNGA PO 'DI BDAG MA YIN, BDAG GI MA YIN PAR LTA STE, DE DE LTAR LTA BA NA, 'JIG RTEN CI'ANG LEN PA MED

98a

, ,DO; ;LEN PA MED PA NA YONGS SU GDUNG BA MED DO, ,YONGS SU GDUNG BA MED NA BDAG NYID YONGS SU MYA NGAN LAS 'DAS PA STE BDAG GI SKYE BA ZAD DO, , TSANGS PAR SPYOD PA LA BSTEN TO, ,BYA BA BYAS SO, ,SRID PA 'DI LAS GZHAN MI SHES SO ZHES BYA BAR 'GYUR RO, ,CHOS KYI RNAM GRANGS 'DI BSHAD PA NA LNGA SDE'I DGE SLONG LHAG MA RNAMS KYIS LEN PA MED PAR ZAG PA LAS SEMS RNAM PAR GROL LO, ,DE'I TSE DGRA BCOM PA LNGA DANG, DRUG PA NI BCOM LDAN 'DAS SO, ,DE NAS BCOM LDAN 'DAS W'A RA n'A SI'I 'BAB CHU GNOD PA CAN GYI 'GRAM NA BZHUGS SO, ,DE'I TSE W'A RA n'A SI NA RIGS KYI GTZO BO ZHES BYA BA'I BU GRAGS PA ZHES BYA BA ZHIG GNAS TE, DE NYI MA RE RE ZHING BUD MED KYIS BYAS PA'I ROL MOS RTZE BAR BYED, DGA' MGUR SPYOD PAR BYED PAS LUS SNYOMS, LUS DUB, LUS RGUD PAS MYUR DU GNYID LOG PAR GYUR TO, ,BUD MED DE RNAMS KYANG LUS SNYOMS, LUS DUB , LUS RGUD PAS GNYID LOG PAR GYUR TO, ,RIGS KYI GTZO BO'I BU GRAGS PA MTSAN MO GNYID SAD PA NA BUD MED DE DAG THAMS CAD BRDOL ZHING SGRON MOR BYUNG LA SKRA ZHIG ,LAG PA BRKYANG STE BYUNG RGYAL DU BLA BA MTHONG NGO, ,MTHONG NAS KYANG DE DAG GI CHUNG MA LA DUR KHROD KYI 'DU SHES SKYES PAR GYUR TO, ,DE NAS RIGS KYI GTZO BO'I BU GRAGS PA MAL CHEN PO LA BABS TE, RIN

98b

PO CHE'I LHA MA BRGYA STONG RI BA ZUNG GCIG GYON NAS NYAL KHANG GI SGO GA NA BA DER SONG STE PHYIN NAS, GROGS PO, BDAG NI GTZES SO, ,GROGS PO, BDAG NI NYAMS SO ZHES SKAD NGAN PHYUNG BA DANG, DE'I SGO MI MA YIN PA RNAMS KYIS PHYE NAS SKAD KYANG MI GRAG PAR BYAS SO, ,DE NAS RIGS KYI GTZO BO'I BU GRAGS PA KHYIM GANG NA BA DER SONG STE PHYIN NAS, GROGS PO, BDAG NI GTZES SO, GROGS PO, BDAG NI NYAMS SO ZHES SKAD NGAN PA BYUNG BA DANG, DE'I SGO MI MA YIN PA RNAMS KYIS PHYE NAS SKAD KYANG MI GRAG PAR BYAS SO, ,DE NAS RIGS KYI GTZO BO'I BU GRAGS PA GRONG KHYER GYI SGO GANG NA BA DER SONG STE PHYIN NAS, GROGS PO, BDAG NI GTZES SO, ,GROGS PO, BDAG NI NYAMS SO ZHES SKAD NGAN PA PHYUNG BA DANG, DE'I SGO MI MA YIN PA RNAMS KYIS PHYE NAS SKAD KYANG MI GRAG PAR BYAS SO, ,DE NAS RIGS KYI GTZO BO'I BU GRAGS PA 'BAB CHU GNOD PA CAN DE GANG NA BA DER SONG BA NA, DE'I TSE BCOM LDAN 'DAS 'BAB CHU GNOD PA CAN GYI 'GRAM NA GTZUG LAG KHANG GI PHYI ROL BLA GAB MED PA NA RIGS KYI GTZO BO'I BU GRAGS PA 'ONG BA LA YANG DANG, YANG DU BZHENGS SHING 'CHAG PAS 'CHAG GO ,RIGS KYI GTZO BO'I BU GRAGS PAS BCOM LDAN 'DAS 'BAB CHU GNOD PA CAN GYI 'GRAM NA 'CHAG PA RGYANG RING PO !NAS MTHONG NGO, ,MTHONG NAS KYANG, DGE SBYONG, BDAG NI GTZES SO, ,DGE SBYONG, BDAG NI NYAMS SO ZHES SKAD NGAN PHYUNG

99a

, ,NGO; ;DE NAS BCOM LDAN 'DAS KYIS RIGS KYI GTZO BO'I BU GRAGS PA LA 'DI SKAD CES BKA' STZAL TO, ,GZHON NU, TSUR SHOG ,GNAS 'DI NI KHYOD LA 'TSE BA MED PA YIN; 'DI NI NYAMS PA MED PA YIN NO, ,DE NAS RIGS KYI GTZO BO'I BU GRAGS PA RIN PO CHE'I LHAM BRGYA STONG RI BZUNG GCIG PO 'BAB CHU GNOD PA CAN GYI 'GRAM DU PHUD NAS 'BAB CHU GNOD PA CAN BRGAL TE BCOM LDAN 'DAS GANG NA BA DER SONG STE PHYIN NAS, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO ,DE NAS BCOM LDAN 'DAS KYIS RIGS KYI GTZO BO'I BU GRAGS PA KHRID DE NYID KYI GTZUG LAG KHANG GANG NA BA DER GSHEGS NAS BYON PA DANG, GDAN BSHAMS PA NYID LA BZHUGS SO, ,BZHUGS NAS BCOM LDAN 'DAS KYIS RIGS KYI GTZO BO'I BU GRAGS PA LA CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD DO, ,SANGS RGYAS BCOM LDAN 'DAS RNAMS KYI THOG MA'I DUS SU CHOS KYI GTAM GLENG BA GANG YIN PA 'DI LTA STE, SBYIN PA'I GTAM DANG, TSUL KHRIMS KYI GTAM DANG, MTHO RIS KYI GTAM DANG, 'DOD PA RNAMS LA MNOG CHUNG ZHING NYES DMIGS DANG, KUN NAS NYON MONGS PA DANG, RNAM PAR BYANG BA DANG, NGES PAR BYUNG BA DANG, RAB

99b

TU DBEN PA'I RJES SU BSGRAGS PA DANG, RNAM PAR BYANG BA'I PHYOGS KYI CHOS RNAMS RGYA CHER BSHAD DO, ,GANG GI TSE DE BCOM LDAN 'DAS KYIS DGA' BA'I SEMS DANG, DGE BA'I SEMS DANG, MGU BA'I SEMS DANG, SGRIB PA DANG BRAL BA'I SEMS DANG, SKAL BA DANG LDAN PA DANG, YANG DAG PHUL GYI CHOS BSHAD NA SHES PAR NUS PAR GZIGS PA DE'I TSE SANGS RGYAS BCOM LDAN 'DAS RNAMS KYIS YANG DAG PHUL GYI CHOS BSHAD PA GANG YIN PA, 'DI LTA STE, 'PHAGS PA'I BDEN PA BZHI PO SDUG BSNGAL BA DANG, KUN 'BYUNG BA DANG, 'GOG PA DANG, LAM STE RGYA CHER BSHAD DO, ,DBER NA, GOS GTZANG MA NAG NOG MED PA TSON RTZI 'OS PA'I NANG DU BCUG NA TSON RTZI LEGS PAR 'JEN DU BTUBS PA DE BZHIN DU RIGS KYI GTZO BO'I BU GRAGS PA STAN DE NYID LA 'DUG BZHIN DU 'PHAGS PA'I BDEN PA BZHI PO, 'DI LTA STE, SDUG BSNGAL BA DANG, KUN 'BYUNG BA DANG, 'GOG PA DANG, LAM RTOGS SO, ,DE NAS RIGS KYI GTZO BO'I BU GRAGS PA CHOS MTHONG BA DANG, CHOS THOB PA DANG, CHOS RIG PA DANG, CHOS KYI GTING SLEBS PA DANG, SOM NYI LAS RGAL BA DANG, THE TSOM LAS RGAL BA DANG, GZHAN GYI DRING MI 'JOG PA DANG, GZHAN GYIS MI BKRI BA DANG, STON PAS BSTAN PA'I CHOS RNAMS LA MI 'JIGS PA THOB NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GANG NA

100a

, ,BA DER LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG NI 'PHAGS SO, ,MNGON PAR 'PHAGS SO, , BDAG BCOM LDAN 'DAS DANG, CHOS DANG, DGE 'DUN LA SKYABS SU MCHIS LAGS KYI, BDAG DGE BSNYEN DU GZUNG DU GSOL, DENG SLAN CHAD JI SRID 'TSO'I BAR DU SROG DANG YANG BSDOS TE SKYABS SU MCHI BAR MNGON PAR DAD LAGS SO, ,BRAN MO ZHIG DE NYID KYI MTSAN MO GNYID LOG PA LAS SAD NA, GZHON NU GRAGS PA MAL CHEN PO NA MI SNANG BAR MTHONG NGO, , MTHONG NAS KYANG KHYIM BDAG RIGS KYI GTZO BO GANG NA BA DER SONG STE PHYIN NAS KHYIM BDAG RIGS KYI GTZO BO LA 'DI SKAD CES GSOL TO, ,JO BO, MKHYEN PAR MDZOD CIG ,GZHON NU GRAGS PA NI RANG GI MAL CHEN PO NA MI GDA' LAGS SO, ,DE NAS KHYIM BDAG RIGS KYI GTZO BO 'DI SNYAM DU SEMS TE, GZHON NU NOR GYI PHYIR CHOM RKUN NAM, G-YON CAN RNAMS KYIS PHYI ROL TU KHRID PAR MA GYUR GRANG SNYAM DU SEMS SHING PHYOGS BZHIR PHO NYA RTA PA DAG BKYE NAS RANG NYID MI LAG NA SGRON MA THOGS PA RNAMS DANG LHAN CIG TU 'BAB CHU GNOD PA CAN GANG NA BA DE LOGS SU SONG BA DANG, KHYIM BDAG RIGS KYI GTZO BOS 'BAB CHU GNOD PA CAN GYI 'GRAM NA RIN PO CHE'I LHAM BRGYA STONG RI BZUNG GCIG PHUD PA MTHONG NGO, ,MTHONG

100b

NAS KYANG DE 'DI SNYAM DU SEMS TE, GZHON NU NI NOR GYI PHYIR CHOM RKUN NAM, G-YON CAN RNAMS KYIS PHYI ROL TU KHRID KYI, 'DI LTAR 'BAB CHU GNOD PA CAN GYI 'GRAM NA RIN PO CHE'I LHAM BRGYA STONG RI BA ZUNG GCIG PHUD PA LAS NA GZHON NU 'BAB CHU GNOD PA CAN GYI NGOGS 'DI NYID LAS BRGAL BAR MA GYUR GRANG, 'DI LTAR 'BAB CHU GNOD PA CAN GYI 'GRAM NA RIN PO CHE'I LHAM BRGYA STONG RI BZUNG GCIG BOR RO SNYAM DU BSAMS NAS 'BAB CHU GNOD PA CAN GYI NGOGS DE NYID LAS BRGAL TE BCOM LDAN 'DAS GANG NA BA DER SONG NGO, ,BCOM LDAN 'DAS KYIS KHYIM BDAG RIGS KYI GTZO BO RGYANG RING PO NAS GZIGS SO, ,GZIGS NAS KYANG 'DI SNYAM DU DGONGS TE CI NAS KYANG NGAS RDZU 'PHRUL MNGON PAR 'DU BYA BA JI LTA BU MNGON PAR 'DU BYAS PAS KHYIM BDAG RIGS KYI GTZO BOS GZHON NU GRAGS PA STAN 'DI NYID LA 'DUG BZHIN DU MI MTHONG BA DE LTA BU ZHIG BYA'O SNYAM NAS, DE NAS BCOM LDAN 'DAS KYIS RDZU 'PHRUL MNGON PAR 'DU BYA BA JI LTA BU MNGON PAR 'DU MDZAD PAS KHYIM BDAG RIGS KYI GTZO BOS GZHON NU GRAGS PA STAN DE NYID LA 'DUG BZHIN DU MI MTHONG BA DE LTA BU MDZAD DO, ,DE NAS KHYIM BDAG RIGS KYI GTZO BO BCOM LDAN 'DAS GANG NA BA DER SONG STE PHYIN NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, CIG GZHON NU GRAGS PA GZIGS SAM, KHYIM BDAG DE'I PHYIR 'DUG CIG DANG, STAN 'DI KHO NA LA

101a

, ,GZHON NU GRAGS PA MTHONG BAR 'GYUR BA'I GNAS GANG YIN PA DE YOD DO, ,DE NAS KHYIM BDAG RIGS KYI GTZO BO 'DI SNYAM DU SEMS TE, GDON MI ZA BAR BCOM LDAN 'DAS KYIS GZHON NU GRAGS PA GZIGS PAR GYUR TE 'DI LTAR BCOM LDAN 'DAS 'DI SKAD CES KHYIM BDAG DE'I PHYIR 'DUG CIG DANG, STAN 'DI KHO NA LA GZHON NU GRAGS PA 'DUG PA MTHONG BAR 'GYUR BA'I GNAS GANG YIN PA DE YOD DO ZHES BKA' STZAL TO SNYAM DU RIG NAS DGA' BA DANG, MGU BA DANG, MCHOG TU DGA' BA DANG, DGA' BA RGYA CHEN PO DANG, YID BDE BA SKYES NAS BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO ,PHYOGS GCIG TU 'DUG PA DANG, KHYIM BDAG RIGS KYI GTZO BO LA BCOM LDAN 'DAS KYIS CHOS DANG LDAN PA'I GTAM GYIS YANG DAG PAR BSTAN PA LA SOGS PA NI SNGA MA BZHIN NO, ,CHOS KYI RNAM GRANGS 'DI BSHAD PA NA KHYIM BDAG RIGS KYI GTZO BO CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,TSE DANG LDAN PA GRAGS PA YANG RGYAN THAMS CAD KYIS BRGYAN BZHIN DU LAN PA MED PAR ZAG PA RNAMS LAS SEMS RNAM PAR GROL BAR GYUR TO, ,DE NAS BCOM LDAN 'DAS KYIS RDZU 'PHRUL MNGON PAR 'DU MDZAD PA DE SLAR BRTUL NAS DE'I TSE TSIGS SU

101b

BCAD PAS BKA' STZAL PA, RGYAN GYIS BRGYAN BZHIN DU NI CHOS SPYAD DE, ,DUL ZHING YANG DAG SDOM PA TSANGS SPYOD LA, ,'BYUNG PO KUN LA CHAD PA SPANGS PA NI, ,DE NI BRAM ZE DGE SBYONG DGE SLONG YIN, ,DE'I TSE 'JIG RTEN NA DGRA BCOM PA DRUG DANG, BDUN PA NI BCOM LDAN 'DAS SO, ,KHYIM BDAG RIGS KYI GTZO BOS GZHON NU GRAGS PA BSTAN DE NYID LA 'DUG PA MTHONG NGO,, MTHONG NAS KYANG GZHON NU GRAGS PA LA 'DI SKAD CES SMRAS SO, ,GZHON NU TSUR SHOG ,KHYOD KYI MA LUS NGAL ZHING LUS DUB PAS SMRE SNGAGS 'DON GYI KHYIM DU 'DONG, DE NAS BCOM LDAN 'DAS KYIS KHYIM BDAG RIGS KYI GTZO BO LA 'DI SKAD CES BKA' STZAL TO, ,KHYIM BDAG JI SNYAM DU SEMS, GANG GIS MI SLOB PA'I SHES PA DANG, MI SLOB PA'I LTA BAS 'PHAGS PA'I BDEN BA BZHI PO; 'DI LTA STE, SDUG BSNGAL DANG, KUN 'BYUNG DANG, 'GOG PA DANG, LAM MNGON PAR RTOGS PA DE JI GA KHYIM PA KHYIM NA GNAS PA'AM, GSOG 'JOG GI LONGS SPYOD KYIS 'DOD PA LA LONGS SPYOD PAR 'GYUR RAM, BTZUN PA, MA LAGS SO, ,KHYIM BDAG ,JI LTAR KHYOD KYIS SLOB PA'I SHES PA DANG, SLOB PA'I LTA BAS 'PHAGS PA'I BDEN PA BZHI PO, 'DI LTA STE, SDUG BSNGAL DANG, KUN 'BYUNG DANG, 'GOG PA DANG, LAM MNGON PAR RTOGS PA DE BZHIN DU GZHON NU GRAGS PAS MI SLOB PA'I YE SHES DANG, MI SLOB PA'I LTA BAS 'PHAGS PA'I BDEN

102a

, ,PA BZHI PO, 'DI LTA STE, SDUG BSNGAL DANG, KUN 'BYUNG DANG, 'GOG PA DANG, LAM MNGON PAR RTOGS SO, ,BTZUN PA, GZHON NU GRAGS PAS GANG GIS NA MI SLOB PA'I SHES PA DANG, MI SLOB PA'I LTA BAS 'PHAGS PA'I BDEN PA BZHI PO, 'DI LTA STE, SDUG BSNGAL DANG, KUN 'BYUNG DANG, 'GOG PA DANG, LAM MNGON PAR RTOGS PA NI RNYED PA LEGS PAR RNYED LAGS SO, ,BCOM LDAN 'DAS, SLAD BZHIN DU 'BRANG BA'I DGE SBYONG GRAGS PA DANG, THUGS BRTZE BA NYE BAR BZUNG STE RIGS KYI GTZO BO GANG NA BDER GSHEGS NA LEGS SO, ,BCOM LDAN 'DAS KYIS KHYIM BDAG RIGS KYI GTZO BO LA CANG MI GSUNGS PAS GNANG NGO, ,DE NAS KHYIM BDAG RIGS KYI GTZO BOS BCOM LDAN 'DAS CANG MI GSUNG BAS GNANG BAR RIG NAS BCOM LDAN 'DAS KYI ZHABS GNYIS LA MGO BOS PHYAG BYAS TE, BCOM LDAN 'DAS KYI SPYAN SNGA NAS SONG NGO, ,DE NAS BCOM LDAN 'DAS DE NYID GYI MTSAN 'DAS NAS SNGA DRO NA BZA' SHAM THABS MAN PAS, LDANG BZED DANG, CHOS GOS BSNAMS TE PHYI BZHIN 'BRANG BA'I DGE SBYONG TSE DANG LDAN PA GRAGS PA DANG, KHYIM BDAG RIGS KYI GTZO BO'I KHYIM GANG NA BA DER GSHEGS SO, ,DE'I TSE TSE DANG LDAN PA GRAGS PA'I MA DANG, CHUNG MA GNYIS BCOM LDAN 'DAS LA YANG DANG, YANG DU BSU BA'I PHYIR BAR SGO NA SDOD DO, ,

102b

TSE DANG LDAN PA GRAGS PA'I MA DANG, CHUD MA GNYIS KYIS BCOM LDAN 'DAS RGYANG RING PO NAS MTHONG NGO, ,MTHONG NAS KYANG BCOM LDAN 'DAS KYI PHYIR GDAN BSHAMS NAS 'DI SKAD CES GSOL TO, ,BCOM LDAN 'DAS, TSUR SPYON, BCOM LDAN 'DAS, BYON PA LEGS SO, ,BCOM LDAN 'DAS, GDAN BSHAMS PA NYID LA BZHUGS SU GSOL ZHES GSOL NAS BCOM LDAN 'DAS GDAN BSHAMS PA NYID LA BZHUGS SO, ,DE NAS TSE DANG LDAN PA GRAGS PA'I MA DANG, CHUNG MA GNYIS KYIS BCOM LDAN 'DAS KYI ZHABS GNYIS LA MGO BOS PHYAG BYAS NAS PHYOGS GCIG TU 'KHOD DO, ,PHYOGS GCIG TU 'KHOD NAS, BCOM LDAN 'DAS KYIS TSE DANG LDAN PA GRAGS PA'I MA DANG, CHUNG MA GNYIS LA CHOS DANG LDAN PA'I GTAM GYIS YANG DAG PAR BSTAN YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD DE, SANGS RGYAS BCOM LDAN 'DAS RNAMS KYI THOG MA'I DUS SU CHOS KYI GTAM GLENG BA GANG YIN PA, 'DI LTA STE, SBYIN PA'I GTAM DANG, TSUL KHRIMS KYI GTAM DANG, MTHO RIS KYI GTAM DANG, 'DOD PA RNAMS LA MNOG CHUNG ZHING NYES DMIGS DANG, KUN NAS NYON MONGS PA DANG, RNAM PAR BYANG BA DANG, NGES PAR 'BYUNG BA DANG, RAB TU DBEN PA'I RJES SU BSNGAGS PA DANG, RNAM PAR BYANG BA'I PHYOGS KYI CHOS RNAMS RGYA CHER BSHAD DO, ,GANG GI

103a

, ,TSE DE GNYIS BCOM LDAN 'DAS KYIS DGA' BA'I SEMS DANG, MGU BA'I SEMS DANG, SGRIB PA DANG BRAL BA'I SEMS DANG, SKAL BA DANG LDAN PA DANG, YANG DAG PHUL GYI CHOS BSHAD NA SHES PAR NUS PAR GZIGS PA DE'I TSE SANGS RGYAS BCOM LDAN 'DAS RNAMS KYI YANG DAG PHUL GYI CHOS BSHAD PA GANG YIN PA, 'DI LTA STE, 'PHAGS PA'I BDEN PA BZHI PO SDUG BSNGAL BA DANG, KUN 'BYUNG DANG, 'GOG PA DANG, LAM RGYA CHER BSHAD DO, ,DPER NA, GOS GTZANG MA NAG NOG MED PA TSON RTZI 'OS PA'I NANG DU BCUG NA TSON RTZI LEGS PAR 'JEN DU BTUB PA DE BZHIN DU TSE DANG LDAN PA GRAGS PA'I MA DANG, CHUNG MA GNYIS KYIS STAN DE NYID LA 'KHOD BZHIN DU 'PHAGS PA'I BDEN PA BZHI PO, 'DI LTA STE, SDUG BSNGAL DANG, KUN 'BYUNG DANG, 'GOG PA DANG, LAM MNGON PAR RTOGS SO, ,DE NAS TSE DANG LDAN PA GRAGS PA'I MA DANG, CHUNG MA GNYIS KYIS CHOS MTHONG BA DANG, CHOS THOB PA DANG, CHOS RIG PA DANG, CHOS KYI GTING SLEBS PA DANG, SOM NYI LAS RGAL BA DANG, THE TSOM LAS RGAL BA DANG, GZHAN GYI DRING MI 'JOG PA DANG, GZHAN GYIS MI BKRI BA DANG, STON PAS BSTAN PA'I CHOS RNAMS LA MI 'JIGS PA THOB NAS STAN LAS LANGS TE, BCOM LDAN 'DAS GANG NA BA DER LOGS SU THAL MO SBYAR BA BTUD NAS BCOM LDAN 'DAS LA 'DI SKAD

103b

CES GSOL TO, ,BTZUN PA, BDAG CAG NI 'PHAGS SO, ,BDAG CAG NI MNGON PAR 'PHAGS LAGS TE, BCOM LDAN 'DAS DANG, CHOS DANG, DGE SLONG GI DGE 'DUN LA SKYABS SU MCHI LAGS KYI DGE BSNYEN DU GZUNG DU GSOL, DENG SLAN CHAD JI SRID 'TSO'I BAR DU SROG DANG YANG BSNGOS TE SKYABS SU MCHI BAR MNGON PAR DAD LAGS SO, ,BTZUN PA, DE'I SLAD DU 'DIR ZHAL ZAS KYI MDZAD PA MDZAD DU GSOL, BCOM LDAN 'DAS KYIS TSE DANG LDAN PA GRAGS PA'I MA DANG, CHUNG MA GNYIS LA CANG MI GSUNG BAS GNANG NGO, ,DE NAS TSE DANG LDAN PA GRAGS PA'I MA DANG, CHUNG MA GNYIS KYIS BCOM LDAN 'DAS CANG MI GSUNG BAS GNANG BAR RIG NAS BCOM LDAN 'DAS GDAN LA BDE BAR BZHUGS PA DANG, GTZANG ZHING BSOD PA'I BZA' BA DANG, BCA' BA DAG RANG GI LAG NAS STOBS SHING TSIM PAR BYED DE, RNAM GRANGS DU MAR GTZANG ZHING BSOD PA'I BZA' BA DANG, BCA' BA DAG RANG GI LAG NAS BSTABS SHING TSIM PAR BYAS NAS, BCOM LDAN 'DAS KYIS GSOL ZIN CING PHYAG BCABS TE LHUNG BZED GYU BAR RIG NAS STAN CHES DMA' BA ZHIG BLANGS TE, BCOM LDAN 'DAS KYI SPYAN SNGAR CHOS NYAN PA'I PHYIR 'KHOD DO, ,DE NAS BCOM LDAN 'DAS KYIS TSE DANG LDAN PA GRAGS PA'I MA DANG, CHUNG MA GNYIS LA CHOS DANG LDAN PA'I GTAM GYIS YANG DAG PAR STON, YANG DAG PAR 'DZIN DU

104a

, ,'JUG PAR MDZAD, YANG DAG PAR GZENGS BSTOD PAR MDZAD, YANG DAG PAR RAB TU DGA' BAR MDZAD DE, RNAM GRANGS DU MAR CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS GDAN LAS BZHENGS TE GSHEGS SO; ;W'A RA n'A SI NA KHYIM BDAG RIGS KYI GTZO BO'I BU GNYIS PA DANG, GSUM PA DANG, BZHI BA DANG, LNGA PA GANG PO DANG, DRI MED DANG, BA LANG BDAG DANG, LAG BZANG STE, RIGS KYI GTZO BO'I BU DAG GIS RIGS KYI GTZO BO'I BU GRAGS BA SKRA DANG, KHA SBU BREGS TE GOS DUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG NGO ZHES THOS SO; ;THOS NAS KYANG DE DAG 'DI SNYAM DU SEMS TE, KYE MA'O SANGS RGYAS NI MCHOG MA YIN PA MA YIN ZHING CHOS BSTAN PA'ANG MCHOG MA YIN PA MA YIN TE, GANG GI PHYIR DA LTAR GYI RIGS KYI GTZO PO'I BU GRAGS PA RE ZHIG SHIN TU GZHON PA, SHIN TU BDE BA 'DOD PA'ANG SKRA DANG, KHA SBU BREGS TE GOS DUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG GI ,MA LA, BDAG CAG GIS KYANG SKRA DANG, KHA SBU BREGS TE GOS DUR SMRIG BGOS NAS, DAD PA YANG DAG PA KHO NAS KHYIM NAS KHYIM MED PAR RAB TU BYUNG BAR BYA'O SNYAM MO, ,

104b

DE NAS RIGS KYI GTZO BO'I BU GNYIS PA DANG, GSUM PA DANG, BZHI PA DANG, LNGA PA GANG PO DANG, DRI MED DANG, BA LANG BDAG DANG, LAG BZANG STE, RIGS KYI GTZO BO'I BU RNAMS W'A RA n'A SI NAS BYUNG NAS BCOM LDAN 'DAS GANG NA BA DER DONG STE LHAGS NAS, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'KHOD DO, ,PHYOGS GCIG TU 'KHOD NAS RIGS KYI GTZO BO'I BU GNYIS PA DANG, GSUM PA DANG, BZHI PA DANG, LNGA PA GANG PO DANG, DRI MA MED DANG, BA LANG BDAG DANG, LAG BZANG STE, RIGS KYI GTZO BO'I BU RNAMS KYIS BCOM LDAN 'DAS LA 'DI SKAD CES GSOL TO, ,BTZUN PA, LEGS PAR GSUNGS PA'I CHOS 'DUL BA LA BDAG CAG RAB TU 'BYUNG BA DANG, BSNYEN PAR RDZOGS PAR DGE SLONG GI DNGOS PO GNANG NA, BDAG CAG BCOM LDAN 'DAS KYI SPYAN SNGAR TSANGS PAR SPYOD PA SPYAD PAR BGYI'O, ,TSE DANG LDAN PA DE DAG GIS LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS PAR DGE SLONG GI DNGOS PO THOB STE, DE LTAR RAB TU BYUNG NAS TSE DANG LDAN PA DE DAG GCIG BU DBEN PA BAG YOD PA, RTUN PA DANG LDAN PA BDAG NYID GTOD PAR GNAS SO, ,GCIG PU DBEN PA BAG YOD PA, RTUN PA DANG LDAN PA BDAG NYID GDOD PAR GNAS PA NA GANG GI PHYIR RIGS KYI BU DE DAG SKRA DANG, KHA SBU BREGS TE GOS DUR

105a

, ,SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG BAR BYED PA, TSANGS PAR SPYOD PA'I MTHA' BLA NA MED PA TSE 'DI NYID LA RANG GI MNGON PAR SHES PAS MNGON SUM DU BYAS TE BSGRUBS NAS BDAG CAG GI SKYE BA ZAD DO, ,TSANGS PAR SPYOD PA BSTEN TO, ,BYA BA BYAS SO, ,SRID PA 'DI LAS GZHAN MI SHES SO ZHES GO BAR BYED CING TSE DANG LDAN PA DE DAG SEMS SHIN TU RNAM PAR GROL BA KUN SHES PA DANG LDAN PA'I DGRA BCOM PAR GYUR TO, ,DE'I TSE 'JIG RTEN NA DGRA BCOM PA BCU DANG, BCU GCIG PA NI BCOM LDAN 'DAS SO, ,W'A RA n'A SI NA GRONG MI GTZO BO GTZO BO RNAMS KYI KHYE'U LNGA BCUS RIGS KYI GTZO BO'I BU DANG BO DANG, GNYIS PA DANG, GSUM PA DANG, BZHI PA DANG, LNGA PA STE GRAGS PA DANG, GANG PO DANG, DRI MED DANG, BA LANG BDAG DANG, LAG BZANG STE RIGS KYI GTZO BO'I BU RNAMS SKRA DANG, KHA SBU BREGS TE GOS DUR SMRIG BGOS NAS DAD PA YANG DAG PAR KHO NAS KHYIM NAS KHYIM MED PAR RAB TU BYUNG NGO ZHES THOS SO, ,THOS NAS KYANG DE DAG 'DI SNYAM DU SEMS TE, KYE MA SANGS RGYAS NI MCHOG MA YIN PA MA YIN ZHING, CHOS BSTAN PA'ANG MCHOG MA YIN PA MA YIN TE, GANG GI PHYIR DA LTAR RIGS KYI GTZO BO'I BU DANG PO DANG, GNYIS PA DANG, GSUM PA DANG, BZHI PA DANG, LNGA PA STE GRAGS PA DANG, GANG PO DANG, DRI MED DANG, BA LANG BDAG

105b

DANG; LAG BZANG STE RIGS KYI GTZO BO'I BU RNAMS NI RE ZHIG SHIN TU GZHON PA, SHIN TU BDE BA 'DOD PA'ANG SKRA DANG, KHA SBU BREGS TE GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG GI ,MA LA, BDAG CAG KYANG SKRA DANG, KHA SPU BREGS NAS GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU 'BYUNG NGO SNYAM MO, ,DE NAS GRONG KHYER GYI GTZO BO RNAMS KYI KHYE'U LNGA BCU PO DAG W'A RA n'A SI NAS BYUNG NAS BCOM LDAN 'DAS GANG NA BA DER SONG STE LHAGS PA DANG, BCOM LDAN 'DAS KYI ZHABS LA MGO BOS PHYAG BYAS TE, PHYOGS GCIG TU 'KHOD DO, ,PHYOGS GCIG TU 'KHOD NAS GRONG MI'I GTZO BO'I KHYE'U LNGA BCU PO DAG GIS BCOM LDAN 'DAS LA 'DI SKAD CES GSOL TO, ,BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS PA DGE SLONG GI DNGOS PO GNANG NA BDAG CAG BCOM LDAN 'DAS KYI SPYAN SNGAR TSANGS PAR SPYOD PA SPYAD PAR BGYI'O, ,TSE DANG LDAN PA DE DAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS PA DGE SLONG GI DNGOS PO THOB STE, DE LTAR RAB TU BYUNG NAS TSE DANG LDAN PA DE DAG GCIG PU DBEN PA BAG YOD PA RTUN PA DANG LDAN PA, BDAG NYID GTOD PAR GNAS SO, ,GCIG PU DBEN PA BAG YOD PA RTUN PA DANG LDAN PA, BDAG NYID GTOD PAR GNAS PA NA GANG

106a

, ,GI PHYIR RIGS KYI BU DE DAG SNGA MA BZHIN DU JI SRID SEMS SHIN TU RNAM PAR GROL BA KUN SHES PA DANG LDAN PA'I DGRA BCOM PAR GYUR TO, ,DE'I TSE 'JIG RTEN NA DGRA BCOM PA DRUG CU DANG, DRUG CU GCIG PA NI BCOM LDAN 'DAS SO, ,DE NAS BCOM LDAN 'DAS W'A RA n'A SI'I DRANG SRONG SMRA BA RI DVAGS KYI NAGS NA BZHUGS SO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG ,NGA NI LHA DANG, MI'I 'CHING BA GANG YIN PA THAMS CAD LAS GROL BA YIN NO, ,DGE SLONG DAG ,KHYED KYANG LHA DANG, MI RNAMS KYI 'CHING BA GANG YIN PA THAMS CAD LAS GROL BA YIN GYI, DGE SLONG DAG ,SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG, MI RNAMS LA PHAN PA DANG, BDE BA'I CHED DU RGYU ZHING DENG LA KHYED GNYIS SHIG NI GCIG TU MA 'GRO ZHIG ,NGA YANG LTENG RGYAS KYI GRONG KHYER SDE CAN GANG NA BA DER RGYU ZHING GSHEGS SO, , DE NAS BDUD SDIG CAN 'DI SNYAM DU SEMS TE, DGE SBYONG GOO TA MA 'DI W'A RA n'A SI'I DRANG SRONG SMRA BA'I RI DVAGS KYI NAGS SU 'DUG NAS DE NYAN THOS RNAMS LA 'DI SKAD CES CHOS STON TE, DGE SLONG DAG ,NGA NI LHA DANG, MI'I 'CHING BA GANG YIN PA THAMS CAD GROL BA YIN NO, ,DGE SLONG DAG ,KHYED KYANG LHA DANG, MI'I 'CHING BA GANG YIN PA THAMS CAD LAS GROL BA

106b

YIN GYI, DGE SLONG DAG ,SKYE BO MANG PO LA PHAN PA DANG ZHES BYA BA NAS RGYU ZHING DENG ZHIG CES BYA BA'I BAR DU STE, NGA YANG LTENG RGYAS KYI GRONG KHYER SDE CAN GANG NA BA DER RGYU ZHING 'GRO'O ZHES ZER GYI; MA LA BDAG GIS DE LA, 'DI LTA STE, DKRUG PA'I LAS SHIG BYA BA'I PHYIR NYE BAR 'GRO'O SNYAM MO, ,DE NAS BDUD SDIG CAN BRAM ZE'I KHYE'U'I CHA BYAD DU BDAG NYID MNGON PAR SBRUL TE; BCOM LDAN 'DAS GANG NA BA DER DONG STE PHYIN NAS BCOM LDAN 'DAS KYI SPYAN SNGAR 'DUG STE TSIGS SU BCAD PAS GSOL PA, MA GROL GROL BAR 'DU SHES NA, ,JI LTAR BDAG NYID GROL BAR SEMS, ,BDAG NYID DGE SBYONG MA BKROL BAS, ,'CHING BA CHEN POS BCINGS PA YIN, ,DE NAS BCOM LDAN 'DAS 'DI SNYAM DU DGONGS TE, AE MA'O 'DI NI BDUD SDIG CAN YIN TE, 'DI LTA STE, DKRUG PA'I LAS KYI PHYIR NYE BAR 'ONGS SO SNYAM DU THUGS SU CHUD NAS TSIGS SU BCAD DE BKA' STZAL PA, NGA NI LHA DANG MI RNAMS KYI, ,'CHING BA GANG YIN KUN LAS GROL, ,BAR CHAD BYED PA KHYOD BCOM PAR, ,SDIG CAN DE LTAR SHES PAR GYIS, ,DE NAS BDUD SDIG CAN 'DI SNYAM DU SEMS TE, DGE SBYONG GOO TA MA'I SEMS KYIS BDAG SHES SO SNYAM DU RIG NAS SDUG BSNGAL ZHING YID MI BDE LA YID LA GCAGS NAS DE NYID DU MI SNANG BAR GYUR TO, ,DE NAS BCOM LDAN 'DAS KYIS LAN GNYIS SU'ANG DGE

107a

, ,SLONG RNAMS LA BKA' STZAL PA, DGE SLONG DAG ,NGA NI LHA DANG, MI RNAMS KYI 'CHING BA GANG YIN PA THAMS CAD LAS GROL BA YIN NO, ,DGE SLONG DAG ,KHYED KYANG LHA DANG, MI RNAMS KYI 'CHING BA GANG YIN PA THAMS CAD LAS GROL BA YIN GYI, DGE SLONG DAG ,SKYE BO MANG PO LA PHAN PA DANG ZHES BYA BA NAS, RGYU ZHING DENG ZHIG CES BYA BA'I BAR GONG MA BZHIN DU'O, ,NGA YANG LTENG RGYAS KYI GRONG KHYER SDE CAN GANG NA BA DER GSHEGS SO, ,BTZUN PA, BKA' BZHIN 'TSAL LO ZHES DGE SLONG RNAMS KYIS BCOM LDAN 'DAS LAS NYID MNYAN NAS LJONGS RGYU ZHING DONG NGO, ,DE NAS BCOM LDAN 'DAS KYIS W'A RA n'A SIR JI TZAM BZHED KYI BAR DU BZHUGS NAS LTENG RGYAS KYI GRONG KHYER SDE CAN GANG NA BA DER RGYU ZHING GSHEGS TE; RIM GYIS RGYU ZHING GSHEGS PA DANG GRONG KHYER SDE CAN DU BYON TO, ,DE NAS BCOM LDAN 'DAS RAS BAL CAN GYI NAGS TSANG TSING GANG NA BA DER GSHEGS TE BYON NAS SHING ZHIG GI DRUNG DU BRTEN TE NYIN BAR GYI GNAS PAS BZHUGS SO, ,DE'I TSE DRUG CU SDE BZANG PO'I TSOGS GRONG KHYER SDE CAN GYI PHYI ROL TU NYI MA RE RE ZHING BUD MED KYIS BYAS PA'I ROL MOS RTZE BAR BYED, DGA' BAR BYED, DGA' MGUR SPYOD PAR BYED PA NA DE RNAMS LAS BUD MED CIG DAM BCAS PA DRAL TE BROS SO, ,DE NAS DRUG CU SDE BZANG PO'I TSOGS BUD MED DE TSOL ZHING RAS

107b

BAL GYI NAGS TSANG TSING GANG NA BA DER DONG BA DANG, DRUG CU SDE BZANG PO'I TSOGS KYIS BCOM LDAN 'DAS MDZES PA, DAD PAR 'OS PA, DBANG PO ZHI BA, THUGS ZHI BA, THUGS MCHOG TU DUL BA; ZHI BA DANG, DUL BA DANG LDAN PA, GSER GYI MCHOD SDONG LTA BUR DPAL GYIS 'BAR ZHING SHING ZHIG DRUNG NA BRTEN TE BZHUGS PA MTHONG NGO, ,MTHONG NAS KYANG BCOM LDAN 'DAS GANG NA BA DER DONG STE LHAGS NAS BCOM LDAN 'DAS LA 'DI SKAD GSOL TO, ,BCOM LDAN 'DAS, JI GA BUD MED GCIG GZIGS SAM, GZHON NU DAG ,BUD MED DE KHYED CAG GI CIR 'ONG, BTZUN PA, 'DI NA BDAG CAG DRUG CU SDE BZANG PO'I TSOGS GRONG KHYER SDE CAN GYI SLAD ROL TU BUD MED KYIS BGYIS PA'I ROL MOS RTZE BAR BGYIS, DGA' BAR BGYID, DGA' MGUR SPYOD PAR BGYID DE, DE RNAMS DANG BDAG CAG RTZE BAR BGYID, DGA' BAR BGYID, DGA' MGUR SPYOD PAR BGYID PA NA, BUD MED GCIG DAM BCAS PA DRAL TE BROS NAS BDAG CAG TSOL LAGS SO, ,GZHON NU DAG ,JI SNYAM DU SEMS, BUD MED TSOL BA GANG YIN PA DANG, BDAG NYID TSOL BA GANG 'DAM, BTZUN PA, BDAG CAG LA BUD MED KYIS CI BGYIS, BDAG CAG NI BDAG NYID TSOL BA GANG LAGS PA DE 'DAM LAGS SO, ,GZHON NU DAG ,DE'I PHYIR 'DUG CIG DANG KHYED LA CHOS BSHAD DO, ,DE NAS DRUG CU SDE BZANG PO'I TSOGS KYIS BCOM LDAN 'DAS

108a

, ,KYI ZHABS GNYIS LA MGO BOS PHYAG BYAS TE PHYOGS GCIG TU 'KHOD DO, ,PHYOGS GCIG TU 'KHOD NAS BCOM LDAN 'DAS KYIS DRUG CU SDE BZANG PO'I TSOGS LA CHOS DANG LDAN PA'I GTAM GYIS YANG DAG PAR BSTAN PA LA SOGS PA SNGA MA BZHIN NO, ,DE NAS DRUG CU SDE BZANG PO'I TSOGS KYIS STAN DE NYID LA 'KHOD BZHIN DU 'PHAGS PA'I BDEN PA BZHI PO; 'DI LTA STE, SDUG BSNGAL BA DANG, KUN 'BYUNG BA DANG, 'GOG PA DANG, LAM MNGON PAR RTOGS SO, ,DE NAS DRUG CU SDE BZANG PO'I TSOGS KYIS CHOS MTHONG BA DANG, CHOS THOB PA DANG, CHOS RIG PA DANG, CHOS KYI GTING SLEBS PA DANG, SOM NYI LAS BRGAL BA DANG, THE TSOM LAS BRGAL BA DANG, GZHAN GYI DRING MI 'JOG PA DANG, GZHAN GYIS MI BKRI BA DANG, STON PAS BSTAN PA'I CHOS RNAMS LA MI 'JIGS PA THOB NAS STAN LAS LANGS TE BLA GOS PHRAG PA GCIG TU GZAR TE BCOM LDAN 'DAS GANG NA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BTZUN PA, BDAG CAG 'PHAGS SO, ,MNGON PAR 'PHAGS SO, ,BDAG CAG BCOM LDAN 'DAS DANG, CHOS DANG, DGE SLONG GI DGE 'DUN LA SKYABS SU MCHI LAGS KYI, BDAG CAG DGE BSNYEN DU GZUNG DU GSOL, DENG SLAN CHAD JI SRID 'TSO'I BAR DU SROG DANG YANG BSDOS TE SKYABS

108b

SU MCHI BAR MNGON PAR DAD LAGS SO, ,DE NAS DRUG CU SDE BZANG PO'I TSOGS BCOM LDAN 'DAS KYIS BKA' STZAL PA LA MNGON PAR DGA' STE RJES SU YI RANG NAS BCOM LDAN 'DAS KYI ZHABS GNYIS LA MGO BOS PHYAG BYAS TE, BCOM LDAN 'DAS KYI SPYAN SNGA NAS DONG NGO, ,DE NAS BCOM LDAN 'DAS DE'I NUB MO 'DAS NAS SNGA DRO NA BZA' SHAM THABS MNABS, LHUNG BZED DANG CHOS GOS BSNAMS TE GRONG KHYER SDE CAN DU BSOD SNYOMS LA ZHUGS SO, ,DE NAS BCOM LDAN 'DAS GRONG KHYER SDE CAN DU BSOD SNYOMS LA ZHUGS PA NA 'DI SNYAM DU DGONGS TE, MA LA NGAS GRONG KHYER SDE CAN DER THOG MAR SU ZHIG LA CHOS BSHAD SNYAM PA LAS, DE NAS BCOM LDAN 'DAS 'DI SNYAM DU DGONGS TE, NGAS GRONG PA'I BU MO DGA' MO DANG, DGA' STOBS MA LA THOG MAR CHOS BSHAD PAR BYA STE, DE DAG GIS BA SNGON SDUG BSNGAL SPONG BA'I RNAL 'BYOR LA RJES SU BRTZON PAS GNAS PA NA 'DIR MAR GSAR DANG 'O THUG SBRANG RTZI LTAR MNGAR BAS BSNYEN BKUR BYAS SO SNYAM MO, ,DE NAS BCOM LDAN 'DAS GRONG BA'I BU MO DGA' MO DANG, DGA' STOBS MA'I KHYIM GANG NA BA DER GSHEGS SO, ,GRONG BA'I BU MO DGA' MO DANG, DGA' STOBS MAS BCOM LDAN 'DAS RGYANG RING PO NAS MTHONG NGO, ,MTHONG NAS KYANG BCOM LDAN 'DAS KYI CHED DU GDAN BSHAMS NAS 'DI SKAD CES KYANG GSOL TO, ,BCOM LDAN 'DAS, TSUR SPYON, BCOM LDAN

109a

, ,'DAS; BYON PA LEGS SO, ,BCOM LDAN 'DAS, GDAN BSHAMS PA NYID LA BZHUGS SU GSOL, ZHES GSOL NAS, BCOM LDAN 'DAS GDAN BSHAMS PA DE NYID LA BZHUGS SO, ,DE NAS GRONG BA'I BU MO DGA' MO DANG, DGA' STOBS MAS BCOM LDAN 'DAS KYI ZHABS GNYIS LA MGO BOS PHYAG BYAS TE, PHYOGS GCIG TU 'DUG GO ,PHYOGS GCIG TU 'DUG NAS BCOM LDAN 'DAS KYIS GRONG PA'I BU MO DGA' MO DANG, DGA' STOBS MA LA CHOS DANG LDAN PA'I GTAM GYIS YANG DAG PAR BSTAN CES BYA BA NAS, MNGON PAR DAD NAS SKYABS SU SONG NGO ZHES BYA BA'I BAR DU GONG MA BZHIN NO, ,DE NAS GRONG PA'I BU MO DGA' MO DANG, DGA' STOBS MAS BCOM LDAN 'DAS LA 'DI SKAD CES GSOL TO, ,BTZUN PA, DE'I SLAD DU 'DIR ZHAL ZAS KYI MDZAD PA MDZAD DU GSOL, BCOM LDAN 'DAS KYIS GRONG PA'I BU MO DGA' MO DANG, DGA' STOBS MA LA CANG MI GSUNG BAS GNANG NGO, ,DE NAS GRONG PA'I BU MO DGA' MO DANG, DGA' STOBS MAS BCOM LDAN 'DAS CANG MI GSUNG BAS GNANG BAR RIG CING BCOM LDAN 'DAS BDE BAR BZHUGS PAR RIG NAS GTZANG ZHING BSOD PA'I BZA' BA DANG, BCA' BDAG RANG GI LAG NAS STOBS SHING TSIM PAR BYED DE, RNAM GRANGS DU MAR GTZANG ZHING BSOD PA'I BZA' BA DANG, BCA' BA DAG RANG GI

109b

LAG NAS BSTABS SHING TSIM PAR BYAS SO, ,BCOM LDAN 'DAS KYIS GSOL ZIN TE PHYAG BCABS SHING LHUNG BZED GYUR BAR RIG NAS STAN CHES DMA' BA ZHIG BLANGS TE, BCOM LDAN 'DAS KYI SPYAN SNGAR CHOS MNYAN PA'I PHYIR 'KHOD DO, ,DE NAS BCOM LDAN 'DAS KYIS GRONG PA'I BU MO DGA' MO DANG, DGA' STOBS MA LA CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS GDAN LAS BZHENGS TE GSHEGS SO, ,DE NAS BCOM LDAN 'DAS GRONG KHYER SDE CAN NAS GSHEGS PA NA 'DI SNYAM DU DGONGS TE, NGAS YUL MA GA DHA 'DIR NGANG TSUL BZANG POR BKUR BA'I DGE SBYONG NGAM, BRAM ZE GANG ZHIG DBANG DU BYAS NA DE DBANG DU GYUR PAS TSEGS CHUNG DUS SKYE BO'I TSOGS CHEN PO DBANG DU 'GYUR BA SU ZHIG YOD SNYAM MO, ,DE'I TSE LTENG RGYAS 'OD SRUNG RAL BA CAN BTZAS NAS LO BRGYA NYI SHU LON PA RGAS PA 'KHOGS GTUGS PA ZHIG YOD PA DE MA GA DHA'I MI RNAMS KYIS BKUR STIR BYA BA DANG, BLA MAR BYA BA DANG, RJED PAR BYA BA DANG, MCHOD PAR BYA BAS DGRA BCOM PAR BKUR CING 'KHOR LNGA BRGYA DANG NEE RANYDZA N'I'I CHU KLUNG GI 'GRAM GYI BSTI GNAS NA DKA' THUB SPYOD DO, ,DE NAS BCOM LDAN 'DAS 'DI SNYAM DU DGONGS TE, LTENG RGYAS 'OD SRUNG RAL PA CAN BTZAS NAS LO BRGYA NYI SHU LON PA RGAS 'KHOGS GTUGS

110a

, ,PA 'DI MA GA DHA'I MI RNAMS KYIS ZHES BYA BA NAS DKA' THUB SPYOD DO ZHES BYA BA'I BAR GONG MA BZHIN DU STE, MA LA NGAS LTENG RGYAS 'OD SRUNG RAL PA CAN DBANG DU BYA STE; 'DI DBANG DU GYUR NA TSEGS CHUNG DUS SKYE BO'I TSOGS CHEN PO DBANG DU 'GYUR RO SNYAM MO, ,DE NAS BCOM LDAN 'DAS LTENG RGYAS 'OD SRUNG RAL PA CAN GYI BSTI GNAS GA NA BA DER GSHEGS SO, ,LTENG RGYAS 'OD SRUNG RAL PA CAN GYIS BCOM LDAN 'DAS RGYANG RING PO NAS MTHONG NGO, ,MTHONG NAS KYANG BCOM LDAN 'DAS KYI CHED DU GDAN BSHAMS NAS 'DI SKAD CES KYANG GSOL TO, ,DGE SBYONG CHEN PO, TSUR SPYON, DGE SBYONG CHEN PO, BYON PA LEGS SO, ,DGE SBYONG CHEN PO, YUN RING PO ZHIG LAGS NA GANG NAS 'KHOR 'DIR BYON, DGE SBYONG CHEN PO; GDAN BSHAMS PA NYID LA BZHUGS SHIG CES GSOL TO, ,BCOM LDAN 'DAS KYIS GDAN BSHAMS PA NYID LA BZHUGS SO, ,DE NAS LTENG RGYAS 'OD SRUNG RAL PA CAN DANG, BCOM LDAN 'DAS LHAN CIG MNGON DU YANG DAG PAR DGA' BAR 'GYUR BA DANG, MGU BAR 'GYUR BA'I GTAM RNAM PA SNA TSOGS MDZAD NAS PHYOGS GCIG TU 'DUG GO ,PHYOGS GCIG TU 'DUG PA DANG, BCOM LDAN 'DAS KYIS LTENG RGYAS 'OD SRUNG RAL PA CAN LA 'DI SKAD CES BKA' STZAL TO, ,'OD SRUNG, GAL TE KHYOD LA MI BDE BA MED NA KHYOD KYI ME KHANG DU NGA ZHAG GCIG

110b

CIG 'DUG GO ,DGE SBYONG CHEN PO, BDAG LA MI BDE BA MA MCHIS NA, 'ON KYANG DE NA KLU GDUG PA ZHIG GNAS TE DES KHYOD LA MTHO BA TZAMS PAR GYUR DU MCHI'O, ,'OD SRUNG, KHYOD KYIS RE ZHIG GNANG BAR GYIS SHIG DANG MTHO BTZAMS PAR MI 'GYUR RO, ,DGE SBYONG CHEN PO, GAL TE KHYOD LA MTHO MI 'TSAM NA, DGE SBYONG CHEN PO, CI BDE KHO NAR BZHUGS SHIG ,DE NAS BCOM LDAN 'DAS LTENG RGYAS 'OD SRUNG RAL PA CAN GYI ME KHANG GANG NA BA DER GSHEGS TE BYON NAS ME KHANG GI PHYI ROL TU ZHABS BSIL NAS ME KHANG GI NANG DU ZHUGS TE, NYID KYIS RTZVA'I GDING BA BSHAMS NAS SKU DRANG POR BSRANG STE SKYIL MO KRUNG BCAS NAS DRAN PA MNGON DU PHYOGS PAR BZHAG STE BZHUGS SO, ,KLU GDUG PAS BCOM LDAN 'DAS RGYANG RING PO NAS MTHONG NGO, ,MTHONG NAS KYANG KHROS PA'I MTHUS DUD PA BYUNG NGO, ,BCOM LDAN 'DAS KYIS KYANG RDZU 'PHRUL GYI MTHUS DUD PA PHYUNG NGO, ,KLU GDUG PAS KHRO BA'I MTHUS 'BAR BAR BYAS SO, ,BCOM LDAN 'DAS KYIS KYANG ME'I KHAMS LA SNYOMS PAR BZHUGS SO, ,DE NAS KLU GDUG PA KHROS PA'I MTHU DANG, BCOM LDAN 'DAS KYI RDZU 'PHRUL GYI MTHUS ME KHANG THAMS CAD 'BAR, RAB TU 'BAR, KUN TU RAB TU 'BAR TE; ME LCE GCIG TU GYUR PAS SREG PAR BYED DO, ,LTENG RGYAS 'OD SRUNG RAL PA CAN MTSAN MO RGYU SKAR LA LTA BA NA ME KHANG THAMS GCAD 'BAR, RAB TU 'BAR, KUN TU RAB TU 'BAR TE, ME LCE GCIG

111a

, ,TU GYUR NAS SREG PA MTHONG NGO, ,MTHONG NAS KYANG 'DI SNYAM DU SEMS TE, DGE SBYONG CHEN PO GOO TA MA 'DI LTAR MDZES PAR KLU GDUG PAS THAL BAR BYAS PAR MA GYUR GRANG, KYE HUD NYON MONGS, BDAG GI TSIG MNYAN TO SNYAM MO, ,DE NAS BCOM LDAN 'DAS 'DI SNYAM DU DGONGS TE, NGA LTENG RGYAS 'OD SRUNG RAL PA CAN 'KHOR DANG BCAS PAS PHYAS SPYAD KYI, MA LA NGAS RDZU 'PHRUL JI LTA BU MNGON PAR 'DU BYA BA LA SEMS MNYAM PAR BZHAG NA MES KLU GDUG PA'I ME ZIL GYIS MNAN LA, DES KYANG DE'I LUS LA GNOD PAR MI BYED CING DE DUL BAR BYAS NAS LHUNG BZED KYI NANG DU BCUG STE, LTENG RGYAS 'OD SRUNG RAL PA CAN DE LA SBYIN PA DE LTA BU ZHIG BYA'O SNYAM MO, ,DE NAS BCOM LDAN 'DAS KYIS RDZU 'PHRUL JI LTA BU MNGON PAR 'DU MDZAD PA LA THUGS MNYAM PAR BZHAG NA MES KLU GDUG PA'I ME ZIL GYIS MNAN LA, DES KYANG DE'I LUS LA GNOD PA MI BYED PA DE LTA BU MNGON PAR 'DU MDZAD DE, DE DUL BAR MKHYEN NAS LHUNG BZED DU BCUG STE, LTENG RGYAS 'OD SRUNG GANG NA BA DER BSNAMS TE GSHEGS SO, ,LTENG RGYAS 'OD SRUNG RAL BA CAN GYIS BCOM LDAN 'DAS RGYANG RING PO NAS MTHONG NGO, ,MTHONG NAS KYANG BCOM LDAN 'DAS LA 'DI SKAD CES GSOL TO, ,DGE SBYONG CHEN PO, GSON PA LTA ZHIG ,'OD SRUNG, GSON NO, ,DGE SBYONG CHEN PO, KHYOD KYI LHUNG

111b

BZED NA BSNAMS TE BYON PA CI, 'OD SRUNG, KLU GDUG PA GANG GI MTHUS KHYOD KYI ME KHANG DU MIR GYUR BA RDZU 'PHRUL DANG MI LDAN PA GNAS SU MI STER BA DE, NGAS BTUL NAS LHUNG BZED DU BCUG NAS KHYER TE 'ONGS SO, ,DE NAS LTENG RGYAS 'OD SRUNG RAL PA CAN 'DI SNYAM DU SEMS TE, 'DI LTAR DGE SBYONG CHEN PO RDZU 'PHRUL CHE ZHING MTHU CHE BA YIN TE YA MTSAN CHE MOD KYI BDAG CAG KYANG DGRA BCOM PA YIN NO SNYAM MO, ,DE NAS BCOM LDAN 'DAS LTENG RGYAS 'OD SRUNG RAL BA CAN GYI BSTI GNAS KYI NAGS TSANG TSING NA BZHUGS SO, ,DE'I TSE LTENG RGYAS 'OD SRUNG RAL PA CAN GYI BSTI GNAS NA BRAM ZE'I KHYE'U LNGA BRGYA TZAM ME LA YONGS SU SPYOD PAR RE RE'I ME THAB GSUM GSUM STE, ME THAB STONG LNGA BRGYA YOD DE, ,DE NAS BRAM ZE'I KHYE'U DE RNAMS ME LA YONGS SU SPYOD PAR 'DOD NA ME SPAR BAR MA NUS SO, ,DE NAS BRAM ZE'I KHYE'U DE RNAMS LTENG RGYAS 'OD SRUNG RAL PA CAN GANG NA BA DER SONG STI PHYIN NAS, LTENG RGYAS 'OD SRUNG RAL PA CAN LA 'DI SKAD CES SMRAS SO, , MKHAN PO MKHYEN PAR MDZOD CIG ,'DIR BDAG CAG ZHUGS LA YONGS SU SPYOD PAR 'TSAL NA ZHUGS TE SPAR BAR RNGO MA THOGS LAGS SO, ,DE NAS LTENG RGYAS 'OD SRUNG RAL PA CAN 'DI SNYAM DU SEMS TE, DGE SBYONG CHEN PO BDAG GI NYE 'KHOR NA GNAS NA DE'I MTHU ZHIG MA BYUNG GRANG SNYAM MO, ,DE NAS LTENG RGYAS 'OD SRUNG RAL PA CAN BCOM LDAN 'DAS GANG NA BA DER SONG STE

112a

, ,PHYIN NAS, BCOM LDAN 'DAS LA 'DI SKAD CES GSOL TO, ,DGE SBYONG CHEN PO MKHYEN PAR MDZOD CIG ,'DIR BDAG GI BRAM ZE'I KHYE'U LNGA BRGYA TZAM ME LA YONGS SU SPYOD PAR 'TSAL NA, ME DE SPAR BAR RNGO MA THOGS NAS BDAG 'DI SNYAM DU SEMS TE, BDAG GI NYE 'KHOR NA DGE SBYONG CHEN PO BZHUGS NA DE'I MTHU ZHIG MA BYUNG GRANG SNYAM BGYID DO, ,'OD SRUNG, ME SPAR BAR 'DOD DAM, DGE SBYONG CHEN PO, SPAR DU GSOL, DE NAS 'DI LTAR SANGS RGYAS RNAMS KYI SANGS RGYAS KYI MTHU DANG, LHA RNAMS KYI LHA'I MTHUS ME DE RANG NYID 'BAR BAR GYUR TO, ,DE NAS LTENG RGYAS 'OD SRUNG RAL PA CAN 'DI SNYAM DU SEMS TE, 'DI LTAR DGE SBYONG CHEN PO RDZU 'PHRUL CHE ZHING MTHU CHE BA YIN TE YA MTSAN CHE MOD KYI BDAG KYANG DGRA BCOM PA YIN NO SNYAM MO, ,DE NAS BRAM ZE'I KHYE'U DE RNAMS ME LA YONGS SU SPYAD NAS ME GSAD PAR 'DOD NA GSAD PAR MA NUS SO, ,DE NAS BRAM ZE'I KHYE'U DE RNAMS LTENG RGYAS 'OD SRUNG RAL PA CAN GANG NA BA DER DONG STE LHAGS NAS LTENG RGYAS 'OD SRUNG RAL PA CAN LA 'DI SKAD CES SMRAS SO, ,MKHAN PO MKHYEN PAR MDZOD CIG ,'DIR BDAG CAG ZHUGS LA YONGS SU SPYAD PA NAS ZHUGS DGUM PAR 'TSAL NA DGUM PA'I RNGO MA THOGS LAGS SO, ,DE NAS LTENG RGYAS 'OD SRUNG RAL PA CAN 'DI SNYAM DU SEMS TE, DGE SLONG CHEN

112b

PO BDAG GI NYE 'KHRO NA GNAS NA DE'I MTHU ZHIG MA BYUNG GRANG SNYAM MO, ,DE NAS LTENG RGYAS 'OD SRUNG RAL PA CAN BCOM LDAN 'DAS GANG NA BA DER DONG STE PHYIN NAS BCOM LDAN 'DAS LA 'DI SKAD CES GSOL TO, ,DGE SBYONG CHEN PO, MKHYEN PAR MDZAD DU GSOL, 'DIR BDAG GI BRAM ZE'I KHYE'U RNAMS ZHUGS LA YONGS SU SPYAD NAS ZHUGS DGUM PAR 'TSAL NA DGUM PA'I RNGO MA THOGS NAS BDAG 'DI SNYAM DU SEMS TE, BDAG GI NYE 'KHOR NA DGE SBYONG CHEN PO BZHUGS NA DE'I MTHU ZHIG MA BYUNG GRANG SNYAM BGYID DO, ,'OD SRUNG, ME DE BSAD DAM, DGE SBYONG CHEN PO, DGUM DU GSOL, DE NAS 'DI LTAR SANGS RGYAS RNAMS KYI SANGS RGYAS KYI MTHU DANG, LHA RNAMS KYI LHA'I MTHUS ME DE RANG NYID SHI'O, ,DE NAS LTENG RGYAS 'OD SRUNG RAL PA CAN 'DI SNYAM DU SEMS TE, 'DI LTAR DGE SBYONG CHEN PO NI RDZU 'PHRUL CHE ZHING MTHU CHE BA YIN TE YA MTSAN CHE MOD KYI BDAG KYANG DGRA BCOM PA YIN NO SNYAM MO, ,DE NAS YANG DUS GZHAN ZHIG NA LTENG RGYAS 'OD SRUNG RAL PA CAN RANG NYID ME LA YONGS SU SPYOD PAR 'DOD NA SPAR BAR MA NUS SO ZHES BYA BA NAS, BDAG KYANG DGRA BCOM PA YIN NO ZHES BYA BA'I BAR DU GONG MA BZHIN NO, ,DE BZHIN DU YONGS SU SPYAD NAS GSAD PAR 'DOD NA ZHES BYA BA NAS, BDAG KYANG DGRA BCOM PA YIN NO ZHES BYA BA'I BAR DU GONG MA BZHIN NO, ,DE NAS DUS GZHAN ZHIG

113a

, ,NA LTENG RGYAS 'OD SRUNG RAL PA CAN GYI ME KHANG THAMS CAD 'BAR, RAB TU 'BAR, KUN TU RAB TU 'BAR TE ME LCE GCIG TU GYUR NAS SREG PAR BYED PA DE LA LTENG RGYAS 'OD SRUNG RAL PA CAN 'KHOR DANG BCAS PA DANG, GZHAN YANG SKYE BO'I TSOGS CHEN PO RNAMS KYIS BSGRIBS KYANG GDAB PAR MA NUS SO, ,DE NAS LTENG RGYAS 'OD SRUNG RAL PA CAN 'DI SNYAM DU SEMS TE, BDAG GI NYE 'KHOR NA DGE SBYONG CHEN PO GNAS NA DE'I MTHU ZHIG BYUNG BAR MA GYUR GRANG SNYAM MO, ,DE NAS LTENG RGYAS 'OD SRUNG RAL PA CAN BCOM LDAN 'DAS GANG NA BA DER SONG STE PHYIN NAS BCOM LDAN 'DAS LA 'DI SKAD CES GSOL TO, ,DGE SBYONG CHEN PO, MKHYEN PAR MDZAD DU GSOL, DGE SBYONG CHEN PO, 'DIR BDAG GI ME KHANG THAMS CAD 'BAR, RAB TU 'BAR, KUN TU RAB TU 'BAR TE, ME LCE GCIG TU GYUR NAS SREG PAR BGYID PA DE LA BDAG 'KHOR DANG BCAS PA DANG, GZHAN YANG, SKYE BO'I TSOGS CHEN POS BSGRIBS NA ZHUGS DGUM PA'I RNGO MA THOGS NAS BDAG 'DI SNYAM DU SEMS TE, BDAG GI NYE 'KHOR NA DGE SBYONG CHEN PO BZHUGS NA DE'I MTHU ZHIG BYUNG BAR MA GYUR GRANG SNYAM BGYID DO, ,'OD SRUNG, ME DE ZHI BAR BYA'AM, DGE SBYONG CHEN PO, ZHI BAR MDZAD DU GSOL, DE NAS 'DI LTAR SANGS RGYAS RNAMS KYI SANGS RGYAS KYI MTHU DANG, LHA RNAMS KYI LHA'I MTHUS

113b

ME KHANG DE RANG NYID ZHI BAR GYUR TO, ,DE NAS LTENG RGYAS 'OD SRUNG RAL PA CAN 'DI SNYAM DU SEMS TE, 'DI LTAR DGE SBYONG CHEN PO RDZU 'PHRUL CHE ZHING MTHU CHE BA YIN TE YA MTSAN CHE MOD KYI BDAG KYANG DGRA BCOM PA YIN NO SNYAM MO, ,DE NAS BCOM LDAN 'DAS LTENG RGYAS 'OD SRUNG RAL PA CAN GYI BSTI GNAS KYI NAGS TSANG TSING NA BZHUGS SO, ,DE NAS RGYAL PO CHEN PO BZHI PO DAG KHA DOG 'PHAGS BSAM TSAN MO LA BAB PA NA BCOM LDAN 'DAS GANG NA BA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG BYAS TE DE RNAMS, DPER NA, ME'I PHUNG PO 'BAR, RAB TU 'BAR KUN TU RAB TU 'BAR TE, ME LCE GCIG TU GYUR NAS SREG PAR BYED PA BZHI MTHONG NGO, ,MTHONG NAS KYANG 'DI SNYAM DU SEMS TE, DGE SBYONG CHEN PO 'ANG ME LA YONGS SU SPYOD DE, 'DI LTAR DE'I SPYAN SNGA NA ME'I PHUNG PO 'BAR, RAB TU 'BAR, KUN TU RAB TU 'BAR TE ME LCE GCIG TU GYUR NAS SREG PAR BYED PA BZHI YOD DO SNYAM MO, ,DE NAS LTENG RGYAS 'OD SRUNG RAL PA CAN NANG BAR SNGAR LANGS TE BCOM LDAN 'DAS GANG NA BA DER SONG STE PHYIN NAS BCOM LDAN 'DAS LA 'DI SKAD CES GSOL TO, ,DGE SBYONG CHEN PO, MKHYEN PAR MDZAD DU GSOL, 'DIR BDAG MDANG SUM RGYU SKAR RNAMS LA LTA BA NA DGE SBYONG CHEN PO'I SPYAN SNGA NA ZHUGS KYI PHUNG PO 'BAR, RAB TU 'BAR, KUN TU RAB TU 'BAR TE ME LCE GCIG TU GYUR TE SREG PAR BYED PA BZHI MTHONG NGO, ,MTHONG

114a

, ,NAS KYANG 'DI SNYAM DU SEMS TE, DGE SBYONG CHEN PO 'ANG ME LA YONGS SU SPYOD DO, ,'DI LTAR DE'I SPYAN SNGA NA ME'I PHUNG PO 'BAR, RAB TU 'BAR, KUN TU RAB TU 'BAR TE, ME LCE GCIG TU GYUR NAS SREG PAR BGYID PA BZHI MCHIS SO SNYAM MO, ,'OD SRUNG, CI NGA ME LA YONGS SU SPYOD DAM, NGA ME LA YONGS SU MI SPYOD DE, MKHAS PA KUN NAS NYON MONGS LAS, ,SEMS NI YONGS SU ZLOG BYED KYI, ,ME'AM YANG NA CHU DAG LA, ,YONGS BSTEN YON TAN CI ZHIG YOD, ,DE LTA MOD KYI 'DIR MDANG SUM RGYAL PO CHEN PO BZHI PO DAG KHA DOG 'PHAGS PAS MTSAN MO LA BAB PA NA NGA GANG NA BA DER 'ONGS TE LHAG NAS NGA'I ZHABS GNYIS LA MGO BOS PHYAG BYAS TE DE RNAMS, DPER NA, ME'I PHUNG PO 'BAR, RAB TU 'BAR, KUN TU RAB TU 'BAR TE, ME LCE GCIG TU GYUR NAS SREG PAR BYED PA BZHI PO LTA BU'I LUS KYIS PHYOGS GCIG TU 'DUG PA YIN NO, ,DE NAS LTENG RGYAS 'OD SRUNG RAL PA CAN 'DI SNYAM DU SEMS TE, 'DI LTAR DGE SBYONG CHEN PO RDZU 'PHRUL CHE ZHING MTHU CHE BA YIN TE YA MTSAN CHE MOD KYI BDAG KYANG DGRA BCOM PA YIN NO SNYAM MO, ,DE NAS LHA RNAMS KYI DBANG PO BRGYA BYIN KHA DOG 'PHAGS PAS MTSAN MO LA BAB PA NA BCOM LDAN 'DAS GANG NA BA DER SONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG BYAS TE, DE DPER NA,

114b

ME'I PHUNG PO 'BAR, RAB TU 'BAR, KUN TU RAB TU 'BAR TE, ME LCE GCIG TU GYUR PA BZHI PO DE DAG PAS CHES LHAG CING CHES 'PHAG PA CHES BZANG BA LTA BU'I LUS KYIS PHYOG GCIG TU 'DUG GO ,LTENG RGYAS 'OD SRUNG RAL PA CAN DE NYID KYI MTSAN MO RGYU SKAR RNAMS LA LTA BA NA, BCOM LDAN 'DAS KYI SPYAN SNGA NA ME'I PHUNG PO 'BAR ZHES BYA BA NAS, DGE SBYONG CHEN PO RDZU 'PHRUL CHE ZHING MTHU CHE BA YIN TE YA MTSAN CHE MOD KYI BDAG KYANG DGRA BCOM PA YIN NO SNYAM MO ZHES BYA BA'I BAR DU GONG MA BZHIN NO, ,DE NAS MI MJED KYI BDAG PO TSANGS PA KHA DOG 'PHAGS BAS MTSAN MO LA BAB PA NA BCOM LDAN 'DAS GANG NA BA DER SONG STE PHYIN NAS, BCOM LDAN 'DAS KYI ZHABS LA MGO BOS PHYAG BYAS TE, DE DPER NA, ME'I PHUNG PO BZHI PO DE DAG NYID SNGA MA BZHIN DU SREG PA ZHES BYA BA NAS, ME'I PHUNG PO CHEN PO LNGA PO DE ME LCE GCIG TU GYUR NAS SREG PAR BYED DO, ,ZHES BYA BA'I BAR DE DAG PAS KYANG CHES LHAG CING CHES 'PHAGS LA CHES BZANG BA LTA BU'I LUS KYIS PHYOGS GCIG TU 'DUG GO ,LTENG RGYAS 'OD SRUNG RAL PA CAN DE NYID KYI MTSAN MO RGYU SKAR RNAMS LA LTA BA NA BCOM LDAN 'DAS KYI SPYAN SNGA NA ME'I PHUNG PO CHEN PO 'BAR ZHES BYA BA NAS, DGE SBYONG CHEN PO RDZU 'PHRUL CHE ZHING MTHU CHE BA YIN TE, YA MTSAN CHE MOD KYI BDAG KYANG DGRA BCOM PA YIN NO ZHES BYA BA'I BAR DU GONG MA BZHIN NO, ,DE'I TSE LTENG RGYAS

115a

, ,'OD SRUNG RAL PA CAN GYI 'DUG GNAS NA MCHOD SBYIN ZHAG BDUN PA BYED PA LA BAB PO, ,DE NAS LTENG RGYAS 'OD SRUNG RAL PA CAN 'DI SNYAM DU SEMS TE, GAL TE MA GA DHA'I MI RNAMS KYIS DGE SBYONG CHEN PO 'DI LTAR RDZU 'PHRUL CHE ZHING MTHU CHE BA YIN PAR SHES NA DE NYID LA BYA BA BYED PAR SEMS KYI, BDAG LA NI DE LTA MA YIN PA'I GNAS YOD KYI, KYE MA; DGE SBYONG CHEN PO ZHAG BDUN ZHIG 'DI NAS GZHAN DU SONG YANG CI MA RUNG SNYAM MO, ,DE NAS BCOM LDAN 'DAS KYI THUGS KYIS LTENG RGYAS 'OD SRUNG RAL PA CAN GYI SEMS MKHYEN NAS ZHAG BDUN GZHAN DU BZHUD DO, ,DE'I TSE ZHAG BDUN DU LTENG RGYAS 'OD SRUNG RAL PA CAN LA RNYED PA DANG, BKUR STI CHEN PO BYUNG NAS BZA' BA DANG, BCA' BAR RAB TU MANG PO DANG LDAN, SKYE BO'I TSOGS CHEN PO'ANG DBANG DU GYUR TO, ,DE NAS LTENG RGYAS 'OD SRUNG RAL PA CAN GYI 'DUG GNAS NA MCHOD SBYIN ZHAG BDUN DU BYAS ZIN PA DANG 'DI SNYAM DU SEMS TE, ZHAG BDUN PO 'DI LA BDAG LA RNYED PA DANG, BKUR STI CHEN PO BYUNG NAS BZA' BA DANG, BCA' BA RAB TU MANG PO DANG LDAN, SKYE BO'I TSOGS CHEN PO'ANG DBANG DU GYUR GYI, KYE MA DA NI DGE SBYONG CHEN PO 'ONGS KYANG CI MA RUNG, BDAG GIS DE'ANG DE LA BSOD SNYOMS SPYOD DU GZHUG GO SNYAM MO, ,DE NAS BCOM LDAN 'DAS KYI THUGS KYIS LTENG RGYAS 'OD SRUNG RAL PA CAN GYI SEMS MKHYEN NAS

115b

LTENG RGYAS 'OD SRUNG RAL PA CAN GANG NA BA DER GSHEGS SO, ,LTENG RGYAS 'OD SRUNG RAL PA CAN GYIS BCOM LDAN 'DAS RGYANG RING PO NAS MTHONG NGO, ,MTHONG NAS KYANG BCOM LDAN 'DAS LA 'DI SKAD CES GSOL TO, ,DGE SBYONG CHEN PO, BYON TAM, 'OD SRUNG, 'ONGS SO, ,DGE SBYONG CHEN PO, KHYOD CI'I SLAD DU ZHAG BDUN 'DI NAS BZHUD LAGS, 'OD SRUNG KHYOD KYI 'DUG GNAS NA MCHOD SBYIN ZHAG BDUN DU BYED PA LA BAB NAS 'DI SNYAM DU GAL TE MA GA DHA'I MI RNAMS KYIS DGE SBYONG CHEN PO NI 'DI LTAR RDZU 'PHRUL CHE ZHING 'DI LTAR MTHU CHE BA YIN NO BAR SHES NA DE KHO NA LA BYA BA BYED PAR SEMS KYI BDAG LA NI DE LTAR MA YIN PA'I GNAS 'DI YOD PAR 'GYUR GYIS KYE MA DGE SBYONG CHEN PO ZHAG BDUN ZHIG 'DI NAS GZHAN DU SONG YANG CI MA RUNG SNYAM SEMS PA MA YIN NAM, NGA'I THUGS KYIS KHYOD KYI SEMS SHES NAS ZHAG BDUN 'DI NAS GZHAN DU SONG NGO, ,'O NA CI'I SLAD DU 'DIR BYON LAGS, 'OD SRUNG KHYOD KYI MCHOD SBYIN ZHAG BDUN DU BYAS ZIN NAS 'DI SNYAM DU BDAG LA ZHAG BDUN DU RNYED PA DANG, BKUR STI CHEN PO BYUNG ZHING BZA' BA DANG, BCA' BA RAB TU MANG PO DANG YANG LDAN, SKYE BO'I TSOGS CHEN PO'ANG DBANG DU GYUR GYI, KYE MA DGE SBYONG CHEN PO 'ONGS KYANG CI MA RUNG, BDAG GIS DE YANG DE LA YONGS SU LONGS SPYOD DU GZHUG GO SNYAM DU SEMS PA MA YIN NAM, DGE

116a

, ,SBYONG CHEN PO, DE LTA LAGS SO, ,NGA'I THUGS KYIS KHYOD KYI SEMS SHES NAS NGA 'ONGS PA YIN NO, ,DGE SBYONG CHEN PO, CI BDE BA KHO NAR LONGS SPYAD DU GSOL, DE NAS LTENG RGYAS 'OD SRUNG RAL PA CAN 'DI SNYAM DU SEMS TE, 'DI LTAR DGE SBYONG CHEN PO RDZU 'PHRUL CHE ZHING MTHU CHE BA YIN TE, YA MTSAN CHE MOD KYI BDAG KYANG DGRA BCOM PA YIN NO SNYAM MO, ,DE NAS LTENG RGYAS 'OD SRUNG RAL PA CAN GYIS BCOM LDAN 'DAS LA 'DI SKAD CES GSOL TO, ,DGE SBYONG CHEN PO, DE'I SLAD DU BDAG GI NYE 'KHOR DU BZHUGS SHIG DANG, BDAG GIS KHYOD LA CHOS DANG MTHUN PA'I 'TSO BA SBYAR RO, ,BCOM LDAN 'DAS KYIS LTENG RGYAS 'OD SRUNG RAL PA CAN LA CANG MI GSUNG BAS GNANG NGO, ,DE NAS LTENG RGYAS 'OD SRUNG RAL PA CAN GYIS BCOM LDAN 'DAS KYI CHED DU RANG KHO NAS G-YOS BYAS NAS BCOM LDAN 'DAS GANG NA BA DER SONG STE PHYIN NAS BCOM LDAN 'DAS LA 'DI SKAD CES GSOL TO, ,DGE SBYONG CHEN PO, GDUGS TSOD LAGS SHING MCHIS NA, DGE SBYONG CHEN PO, DA DE'I DUS LA BAB PAR DGONGS SU GSOL, 'OD SRUNG, DE'I PHYIR SONG ZHIG NGA'ANG 'ONG NGO, ,DE NAS BCOM LDAN 'DAS KYIS LTENG RGYAS 'OD SRUNG RAL PA CAN SONG NAS RING PO MA LON PAR MKHYEN NAS JI LTAR THUGS MNYAM PAR BZHAG NA SHING DZAMBU ZHES BYA BA GANG

116b

GIS DZAMBU'I GLING DU GDAGS PA DE LAS KHA DOG DANG, DRI DANG, RO DANG LDAN PA'I DZAMBU'I SNYE MA RNAMS KYIS LHUNG BZED BKANG NAS BSNAMS TE, LTENG RGYAS 'OD SRUNG RAL PA CAN GYI BSTI GNAS GANG NA BA DER GSHEGS PA DE LTA BU'I TING NGE 'DZIN LA SNYOMS PAR ZHUGS TE BYON NAS GDAN BSHAMS PA NYID LA BZHUGS SO, ,DE NAS DE'I 'OG TU LTENG RGYAS 'OD SRUNG RAL PA CAN 'ONGS NAS LTENG RGYAS 'OD SRUNG RAL PA CAN GYIS BCOM LDAN 'DAS BSTI GNAS KYI GDAN BSHAMS PA NYID LA BZHUGS PA MTHONG NGO, ,MTHONG NAS KYANG 'DI SKAD CES GSOL TO, ,DGE SBYONG CHEN PO, BYON TAM , 'OD SRUNG, 'ONGS SO, ,DGE SBYONG CHEN PO, KHYOD KYI LHUNG BZED NA CI MCHIS, 'DIR NGAS 'OD SRUNG KHYOD SONG NA SRING PO MA LON PAR MKHYEN NAS, JI LTAR THUGS MNYAM PAR BZHAG NA SHING DZAMBU ZHES BYA BA GANG GIS DZAMBU GLING DU GDAGS PA DE LAS KHA DOG DANG, DRI DANG, RO DANG LDAN PA'I DZAMBU'I SNYE MA RNAMS KYIS LHUNG BZED BKANG NAS 'DIR PHYIN PA DE LTA BU'I TING NGE 'DZIN LA SNYOMS PAR ZHUGS KYI, GAL TE 'DOD NA LONGS SPYOD CIG ,DGE SBYONG CHEN PO, CI BDE BA KHO NAR 'TSAL LAGS SO, ,DE NAS LTENG RGYAS 'OD SRUNG RAL PA CAN 'DI SNYAM DU SEMS TE, 'DI LTAR DGE SBYONG CHEN PO, RDZU 'PHRUL CHE ZHING MTHU CHE BA YIN TE, YA MTSAN CHE MOD KYI BDAG KYANG DGRA BCOM PA YIN NO SNYAM MO, ,SHING DZAMBU ZHES BYA BA GANG GIS DZAMBU'I GLING DU GDAGS PA DE DANG, HA

117a

, ,CANG MI RING BA ZHIG NA AA RU RA'I NAGS DANG, BIL PA'I NAGS DANG, KA BID THA'I NAGS DANG, SKYU RU RA'I NAGS KYANG DE BZHIN NO, ,BYANG GI SGRA MI SNYAN GYI GLING DU GSHEGS NAS MA RMOS MA BTAB PA'I 'BRAS S'A LUS LHUNG BZED BKANG STE BSNAMS NAS LTENG RGYAS 'OD SRUNG RAL PA CAN GYI BSTI GNAS GANG NA BA DER GSHEGS TE BYON NAS GDAN BSHAMS PA NYID LA BZHUGS SO, ,DE NAS DE'I 'OG TU LTENG RGYAS 'OD SRUNG RAL PA CAN 'ONGS NAS LTENG RGYAS 'OD SRUNG RAL PA CAN GYIS BCOM LDAN 'DAS BSTI GNAS KYI GDAN BSHAMS PA NYID LA BZHUGS PA MTHONG NGO, ,MTHONG NAS KYANG 'DI SKAD CES GSOL TO, ,DGE SBYONG CHEN PO, BYON TAM, 'OD SRUNG, 'ONGS SO, ,DGE SBYONG CHEN PO, KHYOD KYI LHUNG BZED NA CI MCHIS, 'DIR NGAS 'OD SRUNG KHYOD SONG NAS RING PO MA LON PAR MKHYEN NAS JI LTAR THUGS MNYAM PAR BZHAG NA BYANG GI SGRA MI SNYAN GYI GLING DU GSHEGS NAS MA RMOS MA BTAB PA'I 'BRAS S'A LU'I 'BRAS LHUNG BZED BKANG NAS 'DIR PHYIN PA DE LTA BU'I TING NGE 'DZIN LA SNYOMS PAR ZHUGS KYI GAL TE 'DOD NA LONGS SPYOD CIG ,DGE SBYONG CHEN PO, CI BDE BA KHO NAR 'TSAL LAGS SO, ,DE NAS LTENG RGYAS 'OD SRUNG RAL PA CAN 'DI SNYAM DU SEMS TE, 'DI LTAR DGE SBYONG CHEN PO RDZU 'PHRUL CHE ZHING MTHU CHE BA YIN TE YA MTSAN CHE MOD KYI BDAG

117b

KYANG DGRA BCOM PA YIN NO SNYAM MO, ,DE NAS BCOM LDAN 'DAS KYIS LTENG RGYAS 'OD SRUNG RAL PA CAN LAS BSOD SNYOMS BZHES NAS PHYOGS GZHAN ZHIG TU BZHUGS NAS ZHAL ZAS KYI BYA BA MDZAD DO, ,DE NAS BCOM LDAN 'DAS LA CHUS CHU'I DGOS PA ZHIG BYUNG NGO, ,DE NAS LHA'I DBANG PO BRGYA BYIN GYIS BCOM LDAN 'DAS LA CHUS CHU'I DGOS PA BYUNG BAR SHES NAS BCOM LDAN 'DAS GANG NA BA DER SONG STE PHYIN NAS, BCOM LDAN 'DAS KYI SPYAN SNGAR LAG PAS SA LA BSNUN PA DANG, DE NAS BKOD MA CHEN PO ZHIG BYUNG STE CHU BAB PA DE LA BCOM LDAN 'DAS KYIS CHUS CHU'I BYA BA MDZAD DO, ,LTENG RGYAS 'OD SRUNG RAL PA CAN BSTI GNAS NA 'CHAG PA NA BKOD MA CHEN PO BYUNG STE CHU BAB PA MTHONG NGO, ,MTHONG NAS 'DI SNYAM DU SEMS TE, CHU 'DI SNGON NI MED NA CHU 'DI DA LTAR GANG NAS BYUNG SNYAM MO, ,DE NAS LTENG RGYAS 'OD SRUNG RAL PA CAN BCOM LDAN 'DAS GANG NA BA DER SONG STE PHYIN NAS BCOM LDAN 'DAS LA 'DI SKAD CES GSOL TO, , DGE SBYONG CHEN PO, MKHYEN PAR MDZAD DU GSOL, BDAG 'DIR BSTI GNAS NA 'CHAG PA NA BKOD MA CHEN PO'I CHAB CIG MTHONG NGO, ,MTHONG NAS KYANG BDAG 'DI SNYAM DU SEMS TE, CHU 'DI SNGON MA MCHIS NA DA LTAR CHU 'DI GANG NAS BAB SNYAM BGYID DO, ,'OD SRUNG, 'DIR KHYOD LAS BSOD SNYOMS BZHES NAS PHYOGS 'DIR BZHUGS TE ZHAL ZAS KYI BYA BA MDZAD PA NA NGA

118a

, ,CHUS CHU'I DGOS PA ZHIG BYUNG NGO, ,DE NAS LHA RNAMS KYI DBANG PO BRGYA BYIN GYIS NGA LA CHUS CHU'I DGOS PA BYUNG BAR SHES NAS NGA GANG NA BA DER 'ONGS TE PHYIN NAS NGA'I MDUN DU LAG PAS SA LA BSNUN PA LAS DE NAS BKOD MA CHEN PO ZHIG BYUNG BA DE LA NGAS CHUS CHU'I BYA BA MDZAD DO, ,'OD SRUNG, RDZING 'DI NA LAG PAS BRKOS PA ZHES BYA'O, ,DE NAS LTENG RGYAS 'OD SRUNG RAL PA CAN 'DI SNYAM DU SEMS TE, 'DI LTAR DGE SBYONG CHEN PO RDZU 'PHRUL CHE ZHING MTHU CHE BA YIN TE, YA MTSAN CHE MOD KYI BDAG KYANG DGRA BCOM PA YIN NO SNYAM MO, ,DE NAS BCOM LDAN 'DAS PHYEM RED DU YANG DAG 'JOG LAS BZHENGS NAS RDZING LAG PAS BRKOS PA GANG NA BA DER GSHEGS TE BYON NAS RDZING LAG PAS BRKOS PA'I 'GRAM GYI MTHA' GCIG TU NA BZA' CHOS GOS RNAMS BZHAG STE RDZING LAG PAS BRKOS PAR ZHUGS NAS SKU KHRUS MDZAD NAS, RDZING LAG PAS BRKOS PA NAS BYUNG BAR BZHED PA NA SHING AARDZU NA GANG NA BA DE LOGS SU PHYAG BRKYANG NGO, ,DE NAS AARDZU NA'I YAL GA CHEN PO DUD PAR GYUR TE, DE LA BCOM LDAN 'DAS KYIS GZUNG NAS RDZING LAG PAS BRKOS PA NAS BYUNG NGO, ,LTENG RGYAS 'OD SRUNG RAL PA CAN BSTI GNAS NA 'CHAG PA NA RDZING LAG PAS BRKOS PA'I 'GRAM NA AARDZU NA'I YAL GA CHEN PO DUD PA ZHIG MTHONG NGO, ,

118b

MTHONG NAS KYANG 'DI SNYAM DU SEMS TE, AARDZU NA'I YAL GA 'DI SNGON NI DUD PAR MA GYUR NA, AARDZU NA'I YAL GA CHEN PO 'DI DA SU ZHIG GIS BTUD SNYAM MO, ,DE NAS LTENG RGYAS 'OD SRUNG RAL PA CAN BCOM LDAN 'DAS GANG NA BA DER SONG STE PHYIN NAS BCOM LDAN 'DAS LA 'DI SKAD CES GSOL TO, ,DGE SBYONG CHEN PO, MKHYEN PAR MDZAD DU GSOL, BDAG 'DIR BSTI GNAS NA 'CHAG PA NA RDZING LAG PAS BRKOS PA'I 'GRAM NA AARDZU NA'I YAL GA CHEN PO DUD PAR MTHONG NGO, ,MTHONG NAS KYANG BDAG 'DI SNYAM DU SEMS, AARDZU NA'I YAL GA CHEN PO 'DI SNGON NI DUD PAR MA GYAR NA DA SU ZHIG GIS BTUD SNYAM BGYID DO, ,'OD SRUNG, 'DIR PHYE MA RED NANG DU YANG DAG 'JOG LAS BZHENGS NAS, RDZING LAG PAS BRKOS PA'I 'GRAM GANG NA BA DER GSHEGS TE BYON NAS RDZING LAG PAS BRKOS PA'I 'GRAM GYI MTHA' GCIG TU NA BZA' CHOS GOS RNAMS BZHAG STE RDZING LAG PAS BRKOS PAR ZHUGS TE LUS KHRUS BYAS NAS RDZING LAG PAS BRKOS PA NAS BYUNG BAR 'DOD PAS SHING AARDZU NA 'DI DAG GANG NA BA DE LOGS SU LAG PA BRKYANG BA DANG, DE NAS AARDZU NA'I YAL GA CHEN PO 'DI DUD PAR GYUR TE, DE LA NGAS 'JUS NAS RDZING LAG PAS BRKOS PA NAS BYUNG NGO, ,'OD SRUNG, 'DI NI AARDZU NA LAG PAS BZUNG BA ZHES BYA'O, ,DE NAS LTENG RGYAS 'OD SRUNG RAL PA CAN 'DI SNYAM DU SEMS TE, 'DI LTAR DGE SBYONG CHEN PO RDZU

119a

, ,'PHRUL CHE ZHING MTHU CHE BA YIN TE, YA MTSAN CHE MOD KYI BDAG KYANG DGRA BCOM PA YIN NO SNYAM MO, ,DE'I TSE BCOM LDAN 'DAS KYI PHYAG DAR KHROD PA'I SHA NA'I RAS DAG BRNYES NAS, DE NAS BCOM LDAN 'DAS 'DI SNYAM DU DGONGS TE, NGA'I PHYAG DAR KHROD PA'I SHA NA'I RAS GANG DU BKRU SNYAM MO, ,DE NAS LHA RNAMS KYI DBANG PO BRGYA BYIN GYI SEMS KYIS BCOM LDAN 'DAS KYI DGONGS PA SHES NAS RI BRAG GCIG LAS RDO LEB CHE LA RING BA ZHIG BLANGS NAS BCOM LDAN 'DAS GANG NA BA DER SONG STE PHYIN NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, PHYAG DAR KHROD PA'I SHA NA'I RAS DAG 'DI LA BKRU BAR GSOL, DE LA BCOM LDAN 'DAS KYIS PHYAG DAR KHROD PA'I SHA NA'I RAS RNAMS BKRUS SO, ,DE NAS BCOM LDAN 'DAS 'DI SNYAM DU DGONGS TE, DE'I PHYAG DAR KHROD PA'I SHA NA'I RAS RNAMS GANG DU DGRAM SNYAM PA DANG, DE NAS LHA RNAMS KYI DBANG PO BRGYA BYIN GYI SEMS KYIS BCOM LDAN 'DAS KYI DGONGS PA SHES NAS BRAG GCIG LAS RDO LEB CHE LA RING BA ZHIG KHYER NAS, BCOM LDAN 'DAS GANG NA BA DER SONG STE PHYIN NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, 'DI LA PHYAG DAR KHROD PA'I SHA NA'I RAS RNAMS DGRAM DU GSOL, DE LA BCOM LDAN 'DAS KYIS

119b

PHYAG DAR KHROD PA'I SHA NA'I RAS DAG BKRAM MO, ,LTENG RGYAS 'OD SRUNG RAL PA CAN BSTI GNAS NA 'CHAG PA NA RDO LEB CHE LA RING BA DAG MTHONG NGO, ,MTHONG NAS KYANG 'DI SNYAM DU SEMS TE, RDO LEB CHE LA RING BA 'DI DAG SNGON NI MED NA RDO LEB CHE LA RING BA 'DI DAG SU ZHIG GIS KHYER TE 'ONGS SNYAM MO, ,DE NAS LTENG RGYAS 'OD SRUNG RAL PA CAN BCOM LDAN 'DAS GANG NA BA DER SONG STE PHYIN NAS BCOM LDAN 'DAS LA 'DI SKAD CES GSOL TO, ,DGE SBYONG CHEN PO, MKHYEN PAR MDZAD DU GSOL, 'DIR BDAG BSTI GNAS NA 'CHAG PA NA RDO LEB CHE LA RING BDAG GCIG MTHONG NGO, ,MTHONG NAS KYANG BDAG 'DI SNYAM DU SEMS TE, RDO LEB CHE LA RING BA 'DI DAG SNGON NI YE MA MCHIS NA, RDO LEB CHE LA RING BA 'DI DAG DA SU ZHIG GIS 'TSAL TE MCHIS SNYAM BGYID DO, ,'OD SRUNG, 'DIR NGAS PHYAG DAR KHROD PA'I SHA NA'I RAS DAG BRNYES SO, ,DE NAS NGA 'DI SNYAM DU DGONGS TE, PHYAG DAR KHROD PA'I SHA NA'I RAS DAG GANG DU BKRU SNYAM PA DANG, DE NAS LHA RNAMS KYI DBANG PO BRGYA BYIN GYI SEMS KYIS NGA'I DGONGS PA SHES NAS, BRAG GCIG LAS RDO LEB CHE LA RING BA ZHIG BLANGS TE NGA GANG NA BA DER 'ONGS TE PHYIN NAS NGA LA 'DI SKAD CES GSOL TO, ,BCOM LDAN 'DAS, 'DI LA PHYAG DAR KHROD PA'I SHA NA'I RAS RNAMS BKRU BAR GSOL, NGAS DE LA PHYAG DAR KHROD PA'I SHA NA'I RAS RNAMS BKRUS SO, ,NGA 'DI SNYAM

120a

, ,DU DGONGS TE, NGAS PHYAG DAR KHROD PA'I SHA NA'I RAS RNAMS GANG DU DGRAM SNYAM PA DANG, DE NAS LHA RNAMS KYI DBANG PO BRGYA BYIN GYI SEMS KYIS NGA'I DGONGS PA SHES NAS BRAG GCIG LAS RDO LEB CHE LA RING BA ZHIG BLANGS TE NGA GANG NA DER 'ONGS TE PHYIN NAS NGA LA 'DI SKAD CES GSOL TO, ,BCOM LDAN 'DAS 'DI LA PHYAG DAR KHROD PA'I SHA NA'I RAS DGRAM DU GSOL, NGAS DE LA PHYAG DAR KHROD PA'I SHA NA'I RAS RNAMS BKRAM MO, ,'OD SRUNG, RDO LEB CHE ZHING RING BA 'DI DAG NI GNOD SBYIN GYIS BLANGS PA ZHES BYA'O; ;DE NAS LTENG RGYAS 'OD SRUNG RAL PA CAN 'DI SNYAM DU SEMS TE, 'DI LTAR DGE SBYONG CHEN PO RDZU 'PHRUL CHE ZHING MTHU CHE BA YIN TE YA MTSAN CHE MOD KYI BDAG KYANG DGRA BCOM PA YIN NO SNYAM MO, ,DE NAS BCOM LDAN 'DAS LTENG RGYAS 'OD SRUNG RAL PA CAN GYI BSTI GNAS KYI NAGS TSANG TSING NA BZHUGS SO, ,DE'I TSE NEE RANYDZA NA'I CHU CHER BRUB NAS BAB BO, , DE NAS BCOM LDAN 'DAS CHU KLUNG MI GANG BAS LHAG PAS KHEBS PA'I LTENG NA RDUL GYIS YOG PA BLA GA BA MED PA LA 'CHAG PAS 'CHAG PAR MDZAD DO, ,DE NAS LTENG RGYAS 'OD SRUNG RAL PA CAN 'DI SNYAM DU SEMS TE, DGE SBYONG CHEN PO DE LTAR MDZES PA CHU CHEN PO BRUB PAS KHYER BAR MA GYUR GRANG, MA LA, BDAG GIS DGE SBYONG CHEN PO BTZAL SNYAM DU BSAMS

120b

NAS; SHING GCIG PA'I GRU'I NANG DU ZHUGS TE, BCOM LDAN 'DAS BTZAL BA NA LTENG RGYAS 'OD SRUNG RAL PA CAN GYIS BCOM LDAN 'DAS CHU KLUNG MI GANG BAS LHAG PAR KHEBS PA'I STENG NAS RDUL GYIS YOG PA BLA GAB MED PA NA 'CHAG PAS 'CHAG PA MTHONG NGO, ,MTHONG NAS KYANG BCOM LDAN 'DAS LA 'DI SKAD CES GSOL TO, ,DGE SBYONG CHEN PO, GSON NAM, 'OD SRUNG GSON NO, ,DGE SBYONG CHEN PO, ZHUGS SHING GCIG PA'I GRUR 'JUG GAM, 'OD SRUNG, 'JUG GO ,DE NAS BCOM LDAN 'DAS 'DI SNYAM DU DGONGS TE, MA LA, NGAS JI LTAR THUGS MNYAM PAR GZHAG NA SHING GCIG PA'I GRU JI LTAR CHU LA 'JUG PA DE LTA BU'I RDZU 'PHRUL MNGON PAR 'DU BYA BA 'DU BYA'O SNYAM NAS, DE NAS BCOM LDAN 'DAS KYIS JI LTAR THUGS MNYAM PAR BZHAG NAS SHING GCIG PA'I GRU JI LTA BAR CHU LA 'JUG PAR DE LTA BU'I RDZU 'PHRUL MNGON PAR 'DU MDZAD DO, ,DE NAS LTENG RGYAS 'OD SRUNG RAL PA CAN 'DI SNYAM DU SEMS TE, 'DI LTAR DGE SBYONG CHEN PO RDZU 'PHRUL CHE ZHING MTHU CHE BA YIN TE YA MTSAN CHE MOD KYI BDAG KYANG DGRA BCOM PA YIN NO SNYAM MO, ,DE NAS BCOM LDAN 'DAS KYI THUGS KYIS LTENG RGYAS 'OD SRUNG RAL PA CAN GYI SEMS MKHYEN NAS LTENG RGYAS 'OD SRUNG RAL PA CAN LA 'DI SKAD CES BKA' STZAL TO, ,'OD SRUNG RAL PA CAN, KHYOD NI DGRA BCOM PA MA YIN, DGRA BCOM PA'I 'BRAS BU MNGON

121a

, ,SUM DU BYA BA'I PHYIR ZHUGS PA MA YIN TE, DGRA BCOM PA'I LAM GANG YIN PA DE'ANG MI SHES SO, ,DE NAS LTENG RGYAS 'OD SRUNG RAL BA CAN 'DI SNYAM DU SEMS TE, DGE SBYONG CHEN PO GOO TA MA'I THUGS KYIS BDAG GI SEMS MKHYEN TO SNYAM DU RIG NAS BCOM LDAN 'DAS LA 'DI SKAD CES GSOL TO, ,DGE SBYONG CHEN PO, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PA RDZOGS PA DGE SLONG GI DNGOS PO 'THOB PA LTA NA DGE SBYONG CHEN PO'I SPYAN SNGAR BDAG TSANGS PAR SPYOD PA SPYAD PAR BGYI'O,, 'OD SRUNG KHYOD KYI 'KHOR LA LTAS SAM, DGE SBYONG CHEN PO, MA LTAS LAGS SO, ,'OD SRUNG, DE'I PHYIR RE ZHIG 'KHOR LA LTOS SHIG ,'DIR KHYOD LTA BU'I MI GRAGS PA DANG LDAN PA SHES NYEN CAN RNAMS KYIS NI 'KHOR LA LTA BA LEGS PA YIN NO, ,DE NAS LTENG RGYAS 'OD SRUNG RAL PA CAN RANG GI BSTI GNAS GANG NA BA DER SONG STE PHYIN NAS BRAM ZE'I KHYE'U RNAMS LA SMRAS PA, BRAM ZE'I KHYE'U DAG ,SHES PAR GYIS SHIG ,BRAM ZE'I KHYE'U DAG ,KHO BO NI DGE SBYONG CHEN PO'I SPYAN SNGAR TSANGS PA SPYOD PA SPYAD NA, SHES LDAN DAG ,CI BYED, MKHAN PO, BDAG CAG GIS CUNG ZAD CI 'TSAL BA DE THAMS CAD NI MKHAN PO LA BRTEN NAS LAGS PAS, GAL TE MKHAN PO DGE SBYONG CHEN PO'I SPYAN SNGAR TSANGS PAR SPYOD PA SPYAD NA BDAG CAG

121b

KYANG MKHAN PO RAB TU 'BYUNG BA'I RJES SU RAB TU 'BYUNG NGO, ,BRAM ZE'I KHYE'U DANG, ,KHYED KYIS DE'I PHYIR G-YANG GZHI DAG SHING SHUN DANG, 'KHAR BA DANG, RIL BA SPYI BLUGS DANG, BLUGS GZAR 'DI DAG CHU KLUNG NEE RANYDZA N'A'I 'GRAM DU 'OR CIG ,MKHAN PO, BKA' BZHIN 'TSAL ZHES BRAM ZE'I KHYE'U DE RNAMS KYIS G-YANG GZHI DANG, SHING SHUN DANG, 'KHAR BA DANG, RIL BA SPYI BLUGS DANG, BLUGS GZAR RNAMS CHU KLUNG NEE RANYDZA N'A'I 'GRAM DU BOR NAS LTENG RGYAS 'OD SRUNG RAL PA CAN GANG NA BA DER SONG STE PHYIN NAS LTENG RGYAS 'OD SRUNG RAL PA CAN LA 'DI SKAD CES SMRAS SO, , MKHAN PO, 'DI LTAR BDAG CAG GIS BDAG CAG GI BGYI BA GANG LAGS PA DE BGYIS LAGS SO, ,DE NAS LTENG RGYAS 'OD SRUNG RAL PA CAN 'KHOR LNGA BRGYA DAN BCOM LDAN 'DAS GANG NA BA DER SONG STE PHYIN NAS BCOM LDAN 'DAS LA 'DI SKAD CES GSOL TO, ,DGE SBYONG CHEN PO, BDAG GIS 'KHOR LA BLTAS LAGS TE BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS PA DGE SLONG GI DNGOS PO 'THOB PA LTA NA BDAG DGE SBYONG CHEN PO'I SPYAN SNGAR TSANGS PAR SPYOD PA SPYAD PAR BGYI'O, ,'OD SRUNG, TSUR SHOG , TSANGS PAR SPYAD PA SPYOD CIG ,DE NYID KYIS TSE DANG LDAN PA DE DAG RAB TU BYUNG BA DANG, DES BSNYEN PAR RDZOGS PA DANG, DES DGE SLONG GI DNGOS POR GYUR TO, ,DE'I TSE LTENG RGYAS 'OD SRUNG

122a

, ,RAL PA CAN GYI SPUN CHU KLUNG 'OD SRUNG DANG, GA Y'A 'OD SRUNG GNYIS 'KHOR NYIS BRGYA LNGA BCU GNYIS BRGYA LNGA BCU DANG, CHU KLUNG NEE RANYDZA N'A'I MJUG GI 'GRAM GYI BSTI GNAS NA DKA' THUB SPYOD DO, ,CHU KLUNG 'OD SRUNG DANG, GA Y'A 'OD SRUNG SPUN GYIS G-YANG GZHI DANG, SHING SHUN DANG, 'KHAR BA DANG, RIL PA SPYI BLUGS DANG , BLUGS GZAR DE DAG CHU KLUNG NEE RANYDZA NAS KHYER BA MTHONG NGO, ,MTHONG NAS KYANG DE DAG 'DI SNYAM DU SEMS TE, BDAG CAG GI TSANGS PA MTSUNGS PAR SPYOD PA RNAMS RGYAL PO'AM, CHOM RKUN NAM, ME'AM, CHUS NYES DMIGS 'GA' ZHIG BYUNG BAR MA GYUR GRANG, MA LA, BDAG GIS TSANGS PA MTSUNGS PAR SPYOD PA RNAMS BTZAL LO SNYAM MO, ,DE NAS CHU KLUNG 'OD SRUNG DANG, GA Y'A 'OD SRUNG SPUN DAG LTENG RGYAS 'OD SRUNG RAL PA CAN TSOL ZHING LTENG RGYAS 'OD SRUNG RAL PA CAN GYI BSTI GNAS GANG NA BA DER DONG BA DANG DE'I TSE TSE DANG LDAN PA LTENG RGYAS 'OD SRUNG RAL PA CAN SKRA BYI SNAM SBYAR BGOS NAS 'KHOR LNGA BRGYA DANG, BCOM LDAN 'DAS KYI SPYAN SNGA NA CHOS MNYAN PA'I PHYIR 'KHOD DO, ,CHU KLUNG 'OD SRUNG DANG, GA Y'A 'OD SRUNG GIS LTENG RGYAS 'OD SRUNG RAL PA CAN SKRA BYI SNAM SBYAR BGOS NAS BCOM LDAN 'DAS KYI SPYAN SNGA NA CHOS MNYAN PA'I PHYIR 'DUG PA MTHONG NGO, ,MTHONG NAS KYANG TSE

122b

DANG LDAN PA LTENG RGYAS 'OD SRUNG RAL PA CAN LA 'DI SKAD CES SMRAS SO, ,'OD SRUNG, 'DI MCHOG YIN LA, DE MCHOG MA YIN NAM, 'OD SRUNG DAG ,'DI NI MCHOG YIN TE, DE NI MA YIN NO, , DE NAS CHU KLUNG 'OD SRUNG DANG, GA Y'A 'OD SRUNG SPUN DAG 'DI SNYAM DU SEMS TE, SANGS RGYAS BCOM LDAN 'DAS NI MCHOG MA YIN PA MA YIN ZHING CHOS BSHAD PA'ANG MCHOG MA YIN PA MA YIN TE, GANG GI PHYIR DA LTAR LTENG RGYAS 'OD SRUNG RAL PA CAN BTZAS NAS LO BRGYA NYI SHU LHAG LON PA RGAS 'KHOGS GTUGS PA MA GA DHA'I MI RNAMS KYIS BKUR STIR BYAS, BLA MAR BYAS, BRJED PAR BYAS; MCHOD PAR BYAS SHING DGRA BCOM PAR BKUR BA DE YANG LAN GNYIS KYI BAR DU DGE SBYONG CHEN PO'I SPYAN SNGAR RAB TU BYUNG BAR KHAS BLANGS KYI, MA LA BDAG CAG KYANG DGE SBYONG CHEN PO'I SPYAN SNGAR TSANGS PAR SPYOD PA SPYAD PAR BYA'O SNYAM DU BSAMS NAS BCOM LDAN 'DAS LA 'DI SKAD CES GSOL TO, ,DGE SBYONG CHEN PO, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS PA DGE SLONG GI DNGOS PO 'THOB PA LTA NA, BDAG CAG DGE SBYONG CHEN PO'I SPYAN SNGAR TSANGS PAR SPYOD PA SPYAD PAR BGYI'O, , KHYOD KYIS 'KHOR LA BLTAS SAM, DGE SBYONG CHEN PO, MA BLTAS LAGS SO, ,'OD SRUNG DAG ,DE'I PHYIR RE ZHIG 'KHOR LA LTOS SHIG ,'DI LTAR KHYOD LTA BU'I MI GRAGS PA DANG LDAN PA,

123a

, ,SHES NYEN CAN DAG GIS NI 'KHOR LA BLTA BA LEGS PA YIN NO, ,DE NAS CHU KLUNG 'OD SRUNG DANG, GA Y'A 'OD SRUNG SPUN RANG GI BSTI GNAS GANG NA BA DER DONG STE PHYIN NAS BRAM ZE'I KHYE'U RNAMS LA 'DI SKAD CES SMRAS SO, ,BRAM ZE'I KHYE'U DAG, SHES PAR GYIS SHIG ,KHO BO CAG NI DGE SBYONG CHEN PO'I SPYAN SNGAR TSANGS PAR SPYAD PA SPYOD NA, SHES LDAN DAG CI BYED, MKHAN PO DAG ,BDAG CAG CUNG ZAD CI 'TSAL BA DE THAMS CAD NI MKHAN PO DAG LA BRTEN NAS LAGS PAS, GAL TE MKHAN PO DAG DGE SBYONG CHEN PO'I SPYAN SNGAR TSANGS PAR SPYOD PA SPYOD NA, BDAG CAG KYANG MKHAN PO DAG RAB TU BYUNG BA'I RJES SU RAB TU 'BYUNG NGO, ,BRAM ZE'I KHYE'U DAG ,DE'I DUS DA YIN PAR SHES PAR GYIS SHIG ,DE NAS CHU KLUNG 'OD SRUNG DANG, GA Y'A 'OD SRUNG SPUN 'KHOR NYIS BRGYA LNGA BCU NYIS BRGYA LNGA BCU DANG, BCOM LDAN 'DAS GANG NA BA DER DONG STE LHAGS NAS BCOM LDAN 'DAS LA 'DI SKAD CES GSOL TO, ,DGE SBYONG CHEN PO, BDAG CAG GIS 'KHOR LA BLTAS LAGS TE, DGE SBYONG CHEN PO, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS PA DGE SLONG GI DNGOS PO 'THOB PA LTA NA BDAG KYANG DGE SBYONG CHEN PO'I SPYAN SNGAR TSANGS PAR SPYOD PA SPYAD PAR BGYI'O, ,'OD SRUNG DAG ,TSUR SHOG,

123b

TSANGS PAR SPYAD PA SPYOD CIG ,DE NYID KYIS TSE DANG LDAN PA DE RNAMS RAB TU BYUNG BA DANG, DES BSNYEN PAR RDZOGS PA DANG, DES DGE SLONG GI DNGOS POR GYUR TO, ,DE NAS BCOM LDAN 'DAS KYIS RAL PA CAN STONG PO DE RAB TU BYUNG, BSNYEN PAR RDZOGS PAR MDZAD NAS LTENG RGYAS SU JI TZAM BZHED KYI BAR DU BZHUGS NAS, GA Y'A GANG NA BA DER RGYU ZHING GSHEGS TE RIM GYIS RGYU ZHING GSHEGS PA NA GA Y'AR BYON NAS, GA Y'A'I MGO'I MCHOD RTEN LA SNGON GYI RAL PA CAN THAMS CAD RAB TU BYUNG BA'I DGE SLONG STONG DANG THABS GCIG TU BZHUGS SO, ,DE NAS BCOM LDAN 'DAS KYIS DGE SLONG STONG PO DE LA CHO 'PHRUL RNAM PA GSUM GYIS 'DOMS PAR MDZAD DE, RDZU 'PHRUL GYI CHO 'PHRUL DANG, KUN RJOD PA'I CHO 'PHRUL DANG, RJES SU BSTAN PA'I CHO 'PHRUL LO, ,DE LA BCOM LDAN 'DAS KYI RDZU 'PHRUL GYI CHO 'PHRUL NI 'DI YIN TE, DE NAS BCOM LDAN 'DAS KYIS JI LTAR THUGS MNYAM PAR BZHAG PA NYID KYI GDAN GYI NANG DU MI SNANG BAR GYUR CING SHAR PHYOGS GYI STENG GI BAR SNANG LA MNGON PAR 'PHAGS NAS, SPYOD LAM RNAM PA BZHI MDZAD DE, 'DI LTA STE, 'CHAG PA DANG, BZHENGS PA DANG, BZHUGS PA DANG, MNAL BAR MDZAD DO, ,ME'I TING NGE 'DZIN LA SNYOMS PAR ZHUGS PAR MDZAD DE, ME'I TING NGE 'DZIN LA SNYOMS PAR ZHUGS PA NA, SANGS RGYAS BCOM LDAN 'DAS KYI SKU LAS 'OD ZER

124a

, ,RNAM PA SNA TSOGS DAG 'BYIN PAR MDZAD DO, ,'DI LTA STE, SNGON PO DANG, SER PO DANG, DMAR PO DANG, DKAR PO DANG, LEB RGAN DANG, SHEL GYI KHA DOG GO ,CHO 'PHRUL ZUNG DU STON PAR MDZAD DE, SKU'I SMAD NAS ME 'BAR BAR MDZAD LA, SKU'I STOD LAS CHU GRANG MO'I RGYUN 'BEBS PAR MDZAD DO, ,SKU'I STOD NAS ME 'BAR BAR MDZAD LA, SKU'I SMAD NAS CHU GRANG MO'I RGYUN 'BEBS PAR MDZAD PA DE LTA BU'I TING NGE 'DZIN LA SNYOMS PAR ZHUGS SO, ,SHAR PHYOGS LA JI LTA BA BZHIN DU LHO DANG, NUB DANG; BYANG PHYOGS SU'ANG DE BZHIN NO, ,PHYOGS BZHIR RDZU 'PHRUL GYI CHO 'PHRUL RNAM PA BZHI BSTAN NAS RDZU 'PHRUL MNGON PAR 'DU MDZAD PA RNAMS BSDUS TE, DGE SLONG GI DGE 'DUN GYI GUNG LA GDAN BSHAMS PA NYID LA BZHUGS TE, DE LA 'DI NI BCOM LDAN 'DAS KYI RDZU 'PHRUL GYI CHO 'PHRUL YIN NO, ,DE LA BCOM LDAN 'DAS KYI KUN RJOD PA'I CHO 'PHRUL NI 'DI YIN TE, DGE SLONG DAG ,KHYOD KYI SEMS NI 'DI LTA BU'O, ,KHYOD KYI YID NI 'DI LTA BU'O, ,RNAM PAR SHES PA NI 'DI LTA BU'O, ,'DI NI RTOG CIG ,'DI NI MA RTOG CIG ,'DI NI YID LA BYOS SHIG ,'DI NI YID LA MA BYED CIG ,'DI NI SPONGS SHIG ,'DI NI MA SPANGS SHIG, 'DI NI LUS KYIS MNGON SUM DU BYAS LA RDZOGS PAR GYIS TE MNOS SHIG ,'DI NI BCOM LDAN

124b

'DAS KYI KUN RJOD PA'I CHO 'PHRUL YIN NO, ,DE LA BCOM LDAN 'DAS KYI RJES SU BSTAN PA'I CHO 'PHRUL NI 'DI YIN TE, DGE SLONG DAG ,'DI THAMS CAD NI KUN TU 'BAR BA YIN NO, ,DGE SLONG DAG ;THAMS CAD KUN TU 'BAR BA DE CI YIN ZHE NA, DGE SLONG DAG ,MIG DANG, GZUGS DANG, MIG GI RNAM PAR SHES PA DANG, MIG GI 'DUS TE REG PA KUN TU 'BAR BA YIN ZHING, MIG GI 'DUS TE REG PA'I RKYEN GYIS NANG GI TSOR BA BDE BA'AM, SDUG BSNGAL BA'AM, BDE BA'ANG MA YIN SDUG BSNGAL BA'ANG MA YIN PA 'BYUNG BA GANG YIN PA DE'ANG KUN TU 'BAR BA YIN NO, ,DGE SLONG DAG ,RNA BA DANG, SNA DANG, LCE DANG, LUS DANG, YID DANG, CHOS DANG, YID KYI RNAM PAR SHES PA DANG, YID KYI 'DUS TE REG PA NI KUN TU 'BAR BA YIN ZHING, , YID KYI 'DUS TE REG PA'I RKYEN GYIS NANG GI TSOR BA'AM, SDUG BSNGAL BA'AM, BDE BA'ANG MA YIN, SDUG BSNGAL BA'ANG MA YIN PA 'BYUNG BA GANG YIN PA DE'ANG KUN TU 'BAR BA YIN NO; ;GANG GIS KUN TU 'BAR BA 'DOD CHAGS KYI ME DANG, ZHE SDANG GI ME DANG, GTI MUG GI MES KUN TU 'BAR BA, SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRA SNGAGS 'DREN PA DANG, SDUG BSNGAL BA DANG, YID MI BDE BA DANG, 'KHRUG PA STE, SDUG BSNGAL GYIS KUN TU 'BAR BA'O ZHES SMRA'O, ,DE LA 'DI NI BCOM LDAN 'DAS KYIS RJES SU

125a

, ,BSTAN PA'I CHO 'PHRUL YIN NO, ,CHOS KYI RNAM GRANGS 'DI BSHAD PA NA, SNGON THAMS CAD RAL PA CAN DU GYUR PA'I DGE SLONG DE DAG LEN PA MED PAR ZAG PA RNAMS LAS SEMS RNAM PAR GROL LO, ,DE NAS BCOM LDAN 'DAS GA Y'A'I MGO'I MCHOD RTEN LA SNGON THAMS CAD RAL PA CAN GYUR PA'I DGE SLONG STONG PO THAMS CAD KYANG DGRA BCOM PA, ZAG PA ZAD PA, BYA BA BYAS PA, BYED PA BYAS PA, KHUR BOR BA, RANG GI DON RJES SU THOB PA, SRID PA KUN TU SBYOR BA YONGS SU ZAD PA, YANG DAG PA'I SHES PAS SEMS SHIN TU RNAM PAR GROL BA SHA STAG DANG THABS GCIG TU BZHUGS SO, ,RGYAL PO GZUGS CAN SNYING PO'I ZHO SHAS 'TSO BA'I MI RNAMS LJONGS RGYU BA NA, SH'AKYA RNAMS KYI GZHON NU GANGS RI'I NGOS CHU BO SKAL LDAN SHING RTA'I 'GRAM, DRANG SRONG SER SKYA'I BSTI GNAS DANG HA CANG MI RING BA ZHIG TU BYUNG BA DE BRAM ZE MTSAN MKHAN DANG, LTAS MKHAN RNAMS KYIS GAL TE KHYIM PAR GYUR TE KHYIM NA GNAS NA NI 'KHOR LOS BSGYUR BA'I RGYAL PO CHOS DANG LDAN PA'I CHOS KYI RGYAL PO MTHA' BZHIR RNAM PAR RGYAL BA, RIN PO CHE SNA BDUN DANG LDAN PAR 'GYUR TE, DE'I RIN PO CHE SNA BDUN NI 'DI LTA BU DAG YIN PAR 'GYUR RO, ,'DI LTA STE, 'KHOR LO RIN PO CHE DANG, GLANG PO RIN PO CHE DANG, RTA RIN PO CHE DANG, NOR BU RIN PO CHE DANG, BUD MED RIN PO CHE DANG,

125b

KHYIM BDAG RIN PO CHE DANG, BDUN PA BLON PO RIN PO CHEN YIN NO, ,DE LA BU STONG YANG TSANG BAR 'BYUNG BAR 'GYUR TE, DPA' BA, RTUL PHOD PA, YAN LAG MCHOG GI GZUGS DANG LDAN PA, PHA ROL GYI SDE RAB TU 'JOMS PA DE RGYA MTSO LA THUG PA'I SA CHEN PO MA LUS PAR GNOD PAR BDO BA MED CING 'TSE BA MED PA 'DI NYID CHAD PA MED CING MTSON GYIS BDA' BA MED LA, CHOS DANG MTHUN ZHING SNYOMS PAS LEGS PAR PHAB STE GNAS PAR 'GYUR RO, ,GAL TE SKRA DANG, KHA SPU BREGS TE GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG BAR GYUR NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'JIG RTEN DU SGRA RNAM PAR GRAGS PAR 'GYUR BA LUNG BSTAN TO ZHES THOS SO, ,THOS NAS KYANG MA GA DHA'I RGYAL PO BZO SBYANGS GZUGS CAN SNYING PO GANG NA BA DER SONG STE PHYIN NAS MA GA DHA'I RGYAL PO BZO SBYANGS GZUGS CAN SNYING PO LA 'DI SKAD CES SMRAS SO, ,LHA; MKHYEN PAR MDZAD DU GSOL, BDAG CAG 'DIR LHA'I YUL NA RGYU BA NA SH'AKYA RNAMS KYI GZHON NU GANGS RI'I NGOS ZHES BYA BA NAS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'JIG RTEN DU SGRA RNAM PAR GRAGS PAR 'GYUR BAR LUNG BSTAN PA ZHIG THOS SO ZHES BYA BA'I BAR GONG MA BZHIN DU'O, ,LHA; DE KHUM ZHIG ,LHA CHES GTZO BO BAS

126a

, ,CHES GTZO BOR 'GYUR DU MCHI'O, ,GRONG BA DAG ,SH'AKYA RNAMS KYI GZHON NU GANGS RI'I NGOS ZHES BYA BA NAS, GRAGS PAR 'GYUR RO ZHES BYA BA'I BAR GONG MA BZHIN TE, LHA; DE KHUM ZHIG ,LHA CHES GTZO BO BAS CHES GTZO BOR 'GYUR DU MCHI'O ZHES KHYED CAG DE SKAD MA SMRA ZHIG ,DE CI'I PHYIR ZHE NA, GRONG PA DAG ,SH'AKYA RNAMS KYI GZHON NU ZHES BYA BA NAS BYUNG BA ZHES BYA BA'I BAR GONG MA BZHIN DU TE, GAL TE 'KHOR LOS BSGYUR BA'I RGYAL POR GYUR NA DE'I G-YOG BYA'O, ,GAL TE SKRA DANG, KHA SPU BREGS TE GOS NGUR SMRIG BGOS NAS DAD PA YANG DAG PAR KHO NAS KHYIM NAS KHYIM MED PAR RAB TU BYUNG BAR GYUR TE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'JIG RTEN DU SGRA RNAM PAR GRAGS PAR GYUR NA DE'I NYAN THOS SU KHAS BLANGS BAR BYA'O, ,DE NAS MA GA DHA'I RGYAL PO BZO SBYANGS GZUGS CAN SNYING PO STENG GI KHANG BZANG GI GZHI LA 'DUG NAS SMON PA'I GZHI LNGA LA SMON PAR BYED DE, KYE MA'O, ,BDAG GI YUL DU 'JIG RTEN GYI STON PA, DE BZHIN GSHEGS PA, DGRA BCOM PA, YANG DAG PAR RDZOGS PA'I SANGS RGYAS, RIG PA DANG, ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG, MI RNAMS KYI STON PA, BCOM LDAN 'DAS BYUNG BA DANG, DE

126b

LA'ANG BLTA BA'I PHYIR BDAG NYE BAR 'GRO BA DANG, NYE BAR SONG BA NA DES KYANG BDAG LA CHOS BSHAD PA DANG, BDAG GIS KYANG CHOS BSHAD PA DE SHES PA DANG, BDAG GIS CHOS SHES NAS BSLAB PA BCAS SHING BSLAB PA DE YANG BDAG GIS BLANGS TE GNAS KYANG CI MA RUNG SNYAM MO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG ,MA GA DHA'I RGYAL PO BZO SBYANGS GZUGS CAN SNYING PO DE STENG GI KHANG BZANG GI GZHI LA 'DUG NAS, SMON PA'I GZHI LNGA SMON PA BYED DE, KYE MA'O, BDAG GI YUL DU 'JIG RTEN GYI STON PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NAS ZHES BYA BA'I BAR GONG MA BZHIN NO, ,MA GA DHA'I RGYAL PO BZO SBYANGS GZUGS CAN SNYING PO'I ZHO SHAS 'TSO BA DAG CIG LJONGS RGYU BA NA, SH'AKYA RNAMS KYI GZHON NU GANGS RI'I NGOS CHU BO SKAL LDAN SHING RTA'I 'GRAM, DRANG SRONG SER SKYA'I BSTI GNAS DANG HA CANG YANG MI RING BA ZHIG TU BYUNG BA GANG YIN PA DE BRAM ZE MTSAN MKHAN DANG, LTAS MKHAN ZHES BYA BA NAS 'JIG RTEN DU SGRA RNAM PAR GRAGS PAR 'GYUR RO ZHES LUNG BSTAN PA ZHES BYA BA'I BAR GONG MA BZHIN DU'O, ,DE SKRA DANG, KHA SPU [?] BREGS TE GOS DUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG BA DE BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS

127a

, ,RGYAS PAS DE GA Y'A NA, GA Y'A'I MGO'I MCHOD RTEN LA SNGON THAMS CAD RAL PA CAN DU GYUR PA'I DGE SLONG STONG THAMS CAD KYANG DGRA BCOM PA, ZAG PA ZAD PA; BYA BA BYAS PA, BYED PA BYAS PA, KHUR BOR BA, BDAG GI DON RJES SU THOB PA, SRID PAR KUN TU SBYOR BA YONGS SU ZAD PA, YANG DAG PA'I SHES PAS SEMS SHIN TU RNAM PAR GROL BA SHA STAG DANG THABS GCIG TU BZHUGS SO ZHES THOS SO, ,THOS NAS KYANG MA GA DHA'I RGYAL PO BZO SBYANGS GZUGS CAN SNYING PO GANG NA BA DER DONG STE LHAGS NAS, MA GA DHA'I RGYAL PO BZO SBYANGS GZUGS CAN SNYING PO LA 'DI SKAD CES SMRAS SO, ,LHA; MKHYEN PAR MDZAD DU GSOL, BDAG CAG 'DI NA LHA'I YUL NA RGYU BA NA, SH'AKYA RNAMS KYI GZHON NU GANG LAGS PA DE ZHES BYA BA NAS, 'JIG RTEN DU SGRA RNAM PAR GRAGS PAR 'GYUR RO ZHES BYA BA'I BAR GONG MA BZHIN DU STE, DE SKRA DANG, KHA SPU BREGS TE GOS DUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG BA DE LBA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS, DE GA Y'A NA GA YA'I MCHOD RTEN LA SNGON THAMS CAD RAL PA CAN DU GYUR PA'I DGE SLONG THAMS CAD KYANG DGRA BCOM PA, ZAG PA ZAD PA ZHES BYA BA NAS, YANG DAG PA'I SHES PAS SEMS SHIN TU RNAM PAR GROL BA SHA STAG DANG THABS

127b

GCIG TU BZHUGS SO ZHES BYA BA'I BAR DU STE, LHA; DE DAG LA BKUR STI MDZOD CIG DANG, DE LTA NA LHA GTZO BO BAS CHES GTZO BOR 'GYUR RO, ,DE NAS MA GA DHA'I RGYAL PO BZO SBYANGS GZUGS CAN SNYING POS MI ZHIG LA BSGO BA, KVA'E NANG RJE, TSUR, KHYOD BCOM LDAN 'DAS GANG NA BA DER SONG LA SONG NAS, KHO BO'I TSIG 'DI DAG GIS BCOM LDAN 'DAS KYI ZHABS GNYIS LA MGO BOS PHYAG BYOS LA GNOD PA CHUNG NGAM, NYAM NGA BA CHUNG NGAM, 'TSO'AM, BSKYOD PA YANG DAM, STOBS DANG, BDE BA DANG, SKU NYAMS DANG LDAN NAM, REG PAR SPYOD DAM ZHES ZHUS LA 'DI SKAD CES KYANG GSOL CIG ,BCOM LDAN 'DAS DGE SLONG GI DGE 'DUN DANG THABS GCIG LA JI SRID 'TSO'I BAR DU NA BZA' CHOS GOS DANG, BSOD SNYOMS DANG, GZIMS CHA DANG, SNYUN DPYAD KYI RKYEN SMAN DANG, YO BYAD RNAMS KYIS BSNYEN BKUR BGYID NA, BCOM LDAN 'DAS RGYAL PO'I KHAB TU GSHEGS SU GSOL ZHES GSOL CIG ,LHA; BKA' BZHIN 'TSAL ZHES MI DES MA GA DHA'I RGYAL PO BZO SBYANGS GZUGS CAN SNYING PO LAS MNYAN NAS BCOM LDAN 'DAS GANG NA BA DER SONG STE PHYIN NAS, BCOM LDAN 'DAS KYI ZHABS GNYIS LA MGO BOS PHYAG BTZAL TE PHYOGS GCIG TU 'DUG NAS, BCOM LDAN 'DAS LA MI DES 'DI SKAD CES GSOL TO, ,BTZUN PA BCOM LDAN 'DAS KYIS ZHABS GNYIS LA MA GA DHA'I RGYAL PO BZO SBYANGS GZUGS CAN SNYING PO MGO BOS

128a

, ,PHYAG 'TSAL NAS, GNOD PA CHUNG NGAM, NYAM NGA BA CHUNG NGAM ZHES BYA BA NAS, REG PAR SPYOD DAM ZHES BYA BA'I BAR DU GONG MA BZHIN DU STE SNYUN GSOL LAGS SO,, KYE; MI KHYOD DANG, MA GA DHA'I RGYAL PO BZO SBYANGS GZUGS CAN SNYING PO BDE BAR GYUR CIG ,BTZUN PA, MA GA DHA'I RGYAL PO BZO SBYANGS GZUGS CAN SNYING PO'I MCHID NAS, 'DI SKAD CES BDAG ,BCOM LDAN 'DAS DGE SLONG GI DGE 'DUN DANG THABS GCIG LA JI SRID 'TSO'I BAR DU NA BZA' DANG, CHOS GOS DANG, BSOD SNYOMS DANG, GZIMS CHA DANG, SNYUN DPYAD KYI RKYEN SMAN DANG, YO BYAD RNAMS KYIS BSNYEN BKUR BGYID NA, BCOM LDAN 'DAS RGYAL PO'I KHAB TU GSHEGS SU GSOL ZHES MCHI LAGS SO, ,BCOM LDAN 'DAS KYIS DE LA CANG MI GSUNGS PAS GNANG NGO, ,DE NAS MI DES BCOM LDAN 'DAS CANG MI GSUNGS PAS GNANG BAR RIG NAS, BCOM LDAN 'DAS KYI ZHABS LA MGO BOS PHYAG BYAS TE, BCOM LDAN 'DAS KYI SPYAN SNGA NAS SONG NGO, ,DE NAS BCOM LDAN 'DAS SNGON THAMS CAD RAL PA CAN DU GYUR PA'I DGE SLONG GI DGE 'DUN CHEN PO THAMS CAD KYANG DGRA BCOM PA ZAG PA ZAD PA ZHES BYA BA NAS, YANG DAG PA'I SHES PAS SEMS SHIN TU RNAM PAR GROL BA ZHES BYA BA'I BAR SHA STAG DANG THABS GCIG TU MA GA DHA'I LJONGS RGYU ZHING GSHEGS PA NA, YUL MA

128b

GA DHA [?] PA RNAMS KYI MCHOD RTEN LEGS PAR RAB GNAS LTANG BRANG GI TSAL YOD PA GA NA BA DER GSHEGS SO, ,DE NAS BCOM LDAN 'DAS LEGS PAR RAB GNAS SU BYON NAS, MA GA DHA PA RNAMS KYI MCHOD RTEN LEGS PAR RAB GNAS LTANG BRANG GI TSAL YOD PA NA BZHUGS SO, ,MA GA DHA'I RGYAL PO BZO SBYANGS GZUGS CAN SNYING POS BCOM LDAN 'DAS SNGON THAMS CAD RAL PA CAN DU GYUR BA'I DGE SLONG GI DGE 'DUN CHEN PO STONG GI DGE SLONG GI DGE 'DUN CHEN PO ZHES BYA BA NAS, SEMS SHIN TU RNAM PAR GROL BA ZHES BYA BA'I BAR DU STE, MA GA DHA'I LJONGS RGYU ZHING GSHEGS PA NA; MA GA DHA PA RNAMS KYI MCHOD RTEN LEGS PAR RAB GNAS LTANG BRANG GI TSAL YOD PA GANG NA BA DER GSHEGS TE, MA GA DHA PA RNAMS KYI MCHOD RTEN LEGS PAR RAB GNAS LTANG BRANG GI TSAL YOD PA NA BZHUGS SO ZHES THOS SO, ,THOS NAS KYANG SHING RTA BZANG PO'I NANG DU ZHUGS TE, RGYAL PO'I MTHU CHEN PO DANG, RGYAL PO'I 'BYOR PA CHEN POS RTA DANG, SHING RTA BRGYA STONG SNYED DANG LHAN CIG 'KHOR BRGYA PHRAG DU MA DANG RGYAL PO'I KHAB NAS BYUNG NAS BCOM LDAN 'DAS LA BLTA BA DANG, BSNYEN BKUR BYA BA'I PHYIR BCOM LDAN 'DAS KYI SPYAN SNGAR SONG BA NA, DE'I SHING RTA'I 'KHOR LO SA'I NANG DU BYING BAR GYUR TO, ,DES BSAMS PA, BDAG GIS LAS SKYON CAN CUNG ZAD CIG BYAS PAR MA GYUR GRANG SNYAM MO, ,LHA RNAMS KYIS DE LA SMRAS PA, RGYAL PO CHEN PO,

129a

, ,KHYOD KYIS LAS SKYON CAN MA BYAS MOD KYI KHYOD DANG LHAN CIG LAS MTSUNGS PAR SPYOD PA GANG YIN PA DE DAG BTZON RA NA 'DUG GI DE DAG THON CIG ,RGYAL POS SMRAS PA, GAL TE DE LTA NA GDON NO ZHES RGYAL POS BTZON RNAMS 'DON DU BCUG GO ,YANG RGYAL PO PHYIR BYUNG BAR BRTZAMS PA NA DE'I DBU RGYAN SGO LA THUG GO ,DE NAS YANG BSAMS PA, BDAG GIS NI GDON MI ZA BAR LAS SKYON CAN ZHIG BYAS TE DES NA BDAG LA LTAS NGAN PA GZHAN SGO LA DBU RGYAN THUG PA 'DI BYUNG NGO SNYAM MO, ,LHA DE RNAMS KYIS YANG SMRAS PA, RGYAL PO CHEN PO KHYOD KYIS LAS SKYON CAN MA BYAS MOD KYI KHYOD DANG LHAN CIG LAS MTSUNGS PAR SPYAD PA GANG YIN PA DE DAG KHA CIG NI 'DUS KYANG KHA CIG NI YUL LJONGS GZHAN GA GE MO ZHES BYA BA DAG NA LAS KYI MTHA' BYED CING 'DUG PA DE DAG SBRON CIG ,RGYAL POS YUL DE NA GNAS PA'I SKYE BO'I TSOGS THAMS CAD KYANG BKUG GO ,DE NAS RGYAL PO GZUGS CAN SNYING PO SHING RTA KHRI NYIS STONG DANG, ZHABS 'BRING PA RTA PA'I TSOGS KHRI BRGYAD STONG DANG, MA GA DHA'I BRAM ZE DANG, KHYIM BDAG BRGYA STONG PHRAG DU MA DANG LHAN CIG RGYAL PO'I KHAB NAS BYUNG STE, BCOM LDAN 'DAS LA BLTA BA DANG, BSNYEN BKUR BYA BA'I PHYIR BCOM LDAN 'DAS KYI SPYAN SNGAR SONG NGO, ,DE JI TZAM BZHON PA'I SA'I BAR DU BZHON PAS SONG STE, BZHON PA LAS BABS NAS RKANG PA KHO NAS

129b

KUN DGA' RA BAR ZHUGS SO, ,MA GA DHA'I RGYAL PO BZO SBYANGS GZUGS CAN SNYING POS THAG JI TZAM NAS BCOM LDAN 'DAS MTHONG BA'I BAR DE NAS RGYAL PO'I MTSAN MA LNGA PO ZE'U KHA DANG, GDUGS DANG; RAL GRI DANG, NOR BU'I RNGA YAB DANG, LHAM KHRA BO RNAMS PHUD DO, ,DE NAS MA GA DHA'I RGYAL PO BZO SBYANGS GZUGS CAN SNYING POS RGYAL PO'I MTSAN MA LNGA BZHAG NAS BCOM LDAN 'DAS GA NA BA DER SONG STE PHYIN PA DANG, BLA GOS PHRAG PA GCIG TU GZAR NAS BCOM LDAN 'DAS GANG NA BA DE LOGS SU THAL MO SBYAR BA BTUD DE DE RANG GI MING NAS PHYUNG STE LAN GSUM DU GSOL PA, BTZUN PA, BDAG NI MA GA DHA'I RGYAL PO BZO SBYANGS GZUGS CAN SNYING PO LAGS SO, ,BTZUN PA, BDAG NI MA GA DHA'I RGYAL PO BZO SBYANGS GZUGS CAN SNYING PO LAGS SO, ,RGYAL PO, LAGS SO, ,RGYAL PO; DE DE BZHIN NO, ,DE DE BZHIN TE, RGYAL PO CHEN PO, KHYOD MA GA DHA'I RGYAL PO BZO SBYANGS GZUGS CAN SNYING PO YIN NO, ,RGYAL PO CHEN PO, KHYOD MA GA DHA'I RGYAL PO BZO SBYANGS GZUGS CAN SNYING PO YIN NO, ,RGYAL PO YIN NO, ,RGYAL PO CHEN PO, KHYOD RANG GI STAN JI LTA BA LA 'DUG CIG ,DE NAS MA GA DHA'I RGYAL PO BZO SBYANGS GZUGS CAN SNYING POS BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO ,MA GA DHA'I BRAM ZE DANG, KHYIM BDAG KHA CIG NI BCOM LDAN 'DAS KYI ZHABS GNYIS LA MGO BOS PHYAG BYAS TE, PHYOGS GCIG TU 'KHOD

130a

, ,DO; ;KHA CIG NI BCOM LDAN 'DAS DANG LHAN CIG MNGON DU YANG DAG PAR DGA' BA DANG, YANG DAG PAR MGU BAR 'GYUR BA'I GTAM RNAM PA SNA TSOGS BYAS TE PHYOGS GCIG TU 'KHOD DO, ,KHA CIG NI BCOM LDAN 'DAS GANG NA BA DE LOGS SU THAL MO SBYAR BA BTUD DE 'KHOD DO, ,KHA CIG GIS NI BCOM LDAN 'DAS RGYANG RING PO NAS MTHONG NAS CANG MI SMRA BAR PHYOGS GCIG TU 'KHOD DO, ,DE'I TSE TSE DANG LDAN PA LTENG RGYAS 'OD SRUNG 'KHOR DANG BCAS TE DE NYID DU 'DUS SHING 'DUG PAR GYUR TO, ,DE NAS MA GA DHA'I BRAM ZE DANG, KHYIM BDAG RNAMS 'DI SNYAM DU SEMS TE, CI, DGE SBYONG CHEN PO, LTENG RGYAS 'OD SRUNG RAL BA CAN GYI TSANGS PAR SPYOD PA LA SPYAD DAM, 'ON TE LTENG RGYAS 'OD SRUNG RAL PA CAN DGE SBYONG CHEN PO'I TSANGS PAR SPYAD PA LA SPYOD SNYAM MO, ,DE NAS BCOM LDAN 'DAS KYI THUG KYIS MA GA DHA'I BRAM ZE DANG, KHYIM BDAG RNAMS KYI SEMS MKHYEN NAS TSE DANG LDAN PA LTENG RGYAS 'OD SRUNG RAL PA CAN LA TSIGS SU BCAD PA'I DBYANGS KYIS DRI BA RMAS PA, LTENG RGYAS GNAS PA KHYOD 'DIR CI MTHONG NA, ,ME SPANGS NAS NI BRTUL SHUGS 'DI DAG SPYOD, ,KHYOD KYIS JI LTAR ME YI MCHOD SPANGS PA, ,DON DE 'OD SRUNG NGA LA SMRA BAR GYIS, ,LTENG RGYAS 'OD SRUNG GIS GSOL PA, 'DI NA KHA CIG ZAS SKOM DE BZHIN NO, ,'DOD

130b

PA DAG DANG BUD MED KHO NA SMRA, ,DE DAG PHUNG PO'I DRI MAR RAB MTHONG STE, ,DES BDAG MCHOD SBYIN MI DGA' BSREG BLUGS MIN, ,KHYOD NI 'DOD DANG BZA' DANG BTUNG BA DANG, ,DE BZHIN RO LA YID NI MI DGA' NA, ,LHA MI 'JIG RTEN LA CI KHYOD KYI YID, ,DGA' BA YIN NAM 'OD SRUNG DRI YI SMROS, ,PHUNG PO MA MCHIS ZHI BA CI MA MCHIS, ,'DOD SRED MA CHAGS GZHAN DU 'GYUR MA MCHIS, ,GZHAN GYIS MI BKRI'I GO 'PHANG MCHOG MTHONG STE, ,DES BDAG MCHOD SBYIN MI DGA' BSREG BLUGS MIN, ,GO 'PHANG MI NYAMS MCHOG NI MA MTHONG BAS, ,MCHOD SBYIN BRTUL ZHUGS DANG NI ZHUGS DAG GIS, ,GROL SNYAM BDAG GI YID NI RMONGS GYUR TE, ,DMUS LONG GYUR NAS SKYE SHI'I RJES BZHIN MTHONG, ,SKYOB PA GTZO BO MCHOG GIS LEGS BSHAD PA, ,GO 'PHANG 'DUS MA BYAS TE GZOD MTHONG NA, ,THUB PA GOO TAM RNAM PAR 'DREN KHYOD NI, ,SKYE BO'I PHAL CHEN DON BRTZON BDEN LA ZHUGS, ,BCOM LDAN 'DAS KYIS BKA' STZAL PA, KHYOD KYIS RTOGS PA LEGS RTOGS TE, ,KHYOD KYIS NYES PAR BSAMS MA YIN, ,RAB TU PHYE BA'I CHOS RNAMS LAS, ,GTZO BO GANG YIN DE BLANGS SO, ,'OD SRUNG, 'KHOR SKYO BA SKYED CIG ,DE NAS TSE DANG LDAN PA LTENG RGYAS 'OD SRUNG BCOM LDAN 'DAS KYIS SKABS PHYE NAS JI LTAR SEMS MNYAM PAR BZHAG NA RANG GI STAN GYI NANG DU MI SNANG BAR GYUR TO, ,SHAR PHYOGS KYI LTENG GI BAR SNANG

131a

, ,LA MNGON PAR 'PHAGS NAS SPYOD LAM RNAM PA BZHI BYED DE, SNGA MA BZHIN DU PHYOGS BZHIR RDZU 'PHRUL GYI CHO 'PHRUL RNAM PA BZHI BSTAN NAS RDZU 'PHRUL MNGON PAR 'DU BYA BA DAG BSDUS TE BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE BCOM LDAN 'DAS GANG NA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS NI BDAG GI STON PA LAGS SO, ,BDAG NI BCOM LDAN 'DAS KYI NYAN THOS LAGS SO, ,BCOM LDAN 'DAS NI BDAG GI STON PA LAGS SO, ,BDAG NI BCOM LDAN 'DAS KYI NYAN THOS LAGS SO, ,'OD SRUNG, DE DE BZHIN NO, ,DE DE BZHIN TE, 'OD SRUNG, NGA NI KHYOD KYI STON PA YIN NO, ,KHYOD NI NGA'I NYAN THOS YIN NO; ;'OD SRUNG, NGA NI KHYOD KYI STON PA YIN NO, ,KHYOD NI NGA'I NYAN THOS YIN NO, ,'OD SRUNG, KHYOD RANG GI STAN JI LTA BA LA 'DUG CIG ,DE NAS TSE DANG LDAN PA LTENG RGYAS 'OD SRUNG GIS BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO ,DE NAS MA GA DHA'I BRAM ZE DANG, KHYIM BDAG RNAMS 'DI SNYAM DU SEMS TE, DGE SBYONG CHEN PO NI LTENG RGYAS 'OD SRUNG RAL BA CAN GYI TSANGS PAR SPYOD PA LA MI SPYOD KYI LTENG RGYAS 'OD SRUNG RAL PA CAN NYID NI DGE SBYONG CHEN PO'I TSANGS PAR SPYOD PA LA SPYOD DO SNYAM MO, ,DE NAS BCOM

131b

LDAN 'DAS KYIS MA GA DHA'I RGYAL PO BZO SBYANGS GZUGS CAN SNYING PO LA BKA' STZAL PA, RGYAL PO CHEN PO, GZUGS LA SKYE BA'ANG YOD, 'JIG PA'ANG YOD, DE'I SKYE BA DANG, 'JIG PA'ANG RIG PAR BYA'O, ,RGYAL PO CHEN PO, TSOR BA DANG, 'DU SHES DANG, 'DU BYED DANG, RNAM PAR SHES PA LA SKYE BA'ANG YOD, 'JIG PA'ANG YOD, DE'I SKYE BA DANG, 'JIG PA'ANG RIG PAR BYA'O,, RGYAL PO CHEN PO, YANG RIGS KYI BUS GZUGS KYI SKYE BA DANG, 'JIG PA'I CHOS NYID RIG NAS GZUGS DE YONGS SU SHES SO, ,RGYAL PO CHEN PO, RIGS KYI BUS TSOR BA DANG, 'DU SHES DANG , 'DU BYED DANG, RNAM PAR SHES PA'I SKYE BA DANG, 'JIG PA'I CHOS NYID RIG NAS RNAM PAR SHES PA YONGS SU SHES SO, ,RGYAL PO CHEN PO, RIGS KYI BUS GZUGS YONGS SU SHES NA GZUGS LA BDAG GAM, BDAG GIR KHAS MI LEN, MI 'DZIN, LHAG PAR MI GNAS, MNGON PAR ZHEN PAR MI BYED DO, ,RGYAL PO CHEN PO, RIGS KYI BUS TSOR BA DANG, 'DU SHES DANG, 'DU BYED DANG, RNAM PAR SHES PA YONGS SU SHES NA BDAG GAM, BDAG GIR KHAS MI LEN, MI 'DZIN, LHAG PAR MI GNAS, MNGON PAR ZHEN PAR MI BYED DO, ,RGYAL PO CHEN PO, RIGS KYI BUS GZUGS LA BDAG GAM, BDAG GIR KHAS MI LEN, MI 'DZIN, LHAG PAR MI GNAS, MNGON PAR ZHEN PAR MI BYED NA TSAD MED CING GRANGS MED PA'I MYA NGAN LAS 'DAS PA YIN

132a

, ,NO ZHES SMRA'O, ,RGYAL PO CHEN PO, RIGS KYIS BUS TSOR BA DANG, 'DU SHES DANG, 'DU BYED DANG, RNAM PAR SHES PA LA BDAG GAM, BDAG GIR KHAS MI LEN, MI 'DZIN, LHAG PAR MI GNAS, MNGON PAR ZHEN PAR MI BYED NA TSAD MED CING GRANGS MED PA'I MYA NGAN LAS 'DAS PA YIN NO ZHES SMRA'O, ,DE NAS MA GA DHA'I BRAM ZE DANG, KHYIM BDAG RNAMS 'DI SNYAM DU SEMS TE, GAL TE GZUGS BDAG MA YIN, TSOR BA DANG, 'DU SHES DANG, 'DU BYED DANG, RNAM PAR SHES PA BDAG MA YIN NA, 'O NA, BDAG GAM, SEMS CAN NAM, SROG GAM, SKYE BA PO'AM, GSO BA PO'AM, GANG ZAG GAM, SHED LAS SKYES SAM, SHED BU'AM, BYED PA PO'AM, BYED DU 'JUG PA PO'AM, SHES PA PO'AM, KUN NAS SHES PA PO'AM, SLONG BA PO'AM, KUN NAS SLONG BA PO'AM, SMRA BA PO'AM, KUN NAS SMRA BA PO'AM, TSOR BA PO'AM, KUN NAS TSOR BA PO GANG YIN PA NAM YANG MA BYUNG, 'BYUNG BAR MI 'GYUR ZHING DA LTAR YANG YOD PA GANG GIS DE DANG, DER BDE BA DANG, SDIG PA'I LAS BYAS PA RNAMS KYI RNAM PAR SMIN PA SO SOR NYAMS SU MYONG ZHING GANG GIS PHUNG PO 'DI BOR TE PHUNG PO GZHAN DANG NYING MTSAMS SBYOR BA DE SU ZHIG YIN PAR 'GYUR SNYAM MO, ,DE NAS BCOM LDAN 'DAS KYI THUGS KYIS MA GA DHA'I BRAM ZE DANG, KHYIM BDAG RNAMS KYI SEMS

132b

MKHYEN NAS DGE SLONG RNAMS LA BKA' STZAL PA, DGE SLONG DAG ,BDAG BDAG CES BYA BA NI BYIS PA SO SO'I SKYE BO THOS PA DANG MI LDAN PAS BTAGS PA'I RJES SU LTUNG BA YIN TE, 'DI LA BDAG CE'AM, BDAG GI MED KYI, DGE SLONG DAG ,SKYE BA NA SDUG BSNGAL 'DI SKYE ZHING 'GAG PA NA'ANG SDUG BSNGAL 'DI 'GAG GO ,SKYE BA NA 'DU BYED RNAMS SKYE ZHING 'GAG PA NA'ANG 'DU BYED RNAMS 'GAG PAR 'GYUR TE, RGYU DANG, RKYEN DE LA BRTEN NAS SEMS CAN RNAMS KYI 'DU BYED KYI RGYUD 'JUG GO ,DGE SLONG DAG ,DE BZHIN GSHEGS PAS 'DU BYED KYI NYING MTSAMS SBYOR BA THUGS SU CHUD NAS SEMS CAN RNAMS KYI 'CHI 'PHO DANG, SKYE BA 'DOGS PAR MDZAD DE, DGE SLONG DAG ,NGAS LHA'I SPYAN RNAM PAR DAG PA'I MI LAS 'DAS PA'I SEMS CAN RNAMS KYI 'CHI 'PHO ZHES BYA BA NAS, BDE 'GRO MTHO RIS KYI 'JIG RTEN DU LHA RNAMS SU SKYE BAR 'GYUR RO ZHES BYA BAR MKHYEN TO ZHES BYA BA'I BAR DU GONG MA BZHIN NO, ,DGE SLONG DAG ,NGAS DE LTAR MKHYEN CING DE LTAR GZIGS PAS NGA 'DI SKAD CES BDAG GAM, SEMS CAN NAM, ZHES BYA BA NAS TSOR BA PO ZHES BYA BA'I BAR GONG MA BZHIN DU STE, GANG NAM YANG MA BYUNG, 'BYUNG BAR MI 'GYUR ZHING DA LTAR YANG YOD PA MA YIN PAS GANG GIS DE DANG, DER SDIG PA'I LAS BYAS PA RNAMS KYI RNAM PAR SMIN PA SO SOR NYAMS SU MYONG ZHING GANG GIS PHUNG PO 'DI BOR TE PHUNG PO GZHAN

133a

, ,DANG, NYING MTSAMS SBYOR BA DE CHOS SU BRDAR BTAGS PA MA GTOGS PA 'DI YIN NO ZHES MI GSUNGS SO, ,DE LA CHOS KYI BRDAR BTAGS PA NI 'DI YIN TE, 'DI LTA STE, 'DI YOD PAS 'DI YOD, 'DI SKYES PAS 'DI SKYE BA STE, 'DI LTA STE, MA RIG PA'I RKYEN GYIS 'DU BYED, 'DU BYED KYI RKYEN GYIS RNAM PAR SHES PA, RNAM PAR SHES PA'I RKYEN GYIS MING DANG, GZUGS, MING DANG, GZUGS KYI RKYEN GYIS SKYE MCHED DRUG ,SKYE MCHED DRUG GI RKYEN GYIS REG PA, REG PA'I RKYEN GYIS TSOR BA, TSOR BA'I RKYEN GYIS SRED PA, SRED PA'I RKYEN GYIS LEN PA, LEN PA'I RKYEN GYIS SRID PA, SRID PA'I RKYEN GYIS SKYE BA, SKYE BA'I RKYEN GYIS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL DANG, YID MI BDE BA DANG, 'KHRUG PA RNAMS 'BYUNG STE, DE LTAR SDUG BSNGAL GYI PHUNG PO CHEN PO 'BA' ZHIG PO 'DI 'BYUNG BAR 'GYUR RO, ,'DI LTA STE, 'DI MED PAS 'DI MED LA 'DI 'GAGS PAS 'DI 'GAG PAR 'GYUR TE, 'DI LTA STE, MA RIG PA 'GAGS PAS 'DU BYED 'GAG ,'DU BYED 'GAGS PAS RNAM PAR SHES PA 'GAG ,RNAM PAR SHES PA 'GAGS PAS MING DANG, GZUGS 'GAG ,MING DANG, GZUGS 'GAGS PAS SKYE MCHED DRUG 'GAG ,SKYE MCHED DRUG 'GAGS PAS REG PA 'GAG ,REG PA 'GAGS PAS TSOR BA 'GAGS ,

133b

TSOR BA 'GAGS PAS SRED PA 'GAG ,SRED PA 'GAGS PAS LEN PA 'GAG ,LEN PA 'GAGS PAS SRID PA 'GAG ,SRID PA 'GAGS PAS SKYE BA 'GAG ,SKYE BA 'GAGS PAS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL PA DANG, YID MI BDE BA DANG, 'KHRUGS PA RNAMS 'GAGS TE, DE LTAR NA SDUG BSNGAL GYI PHUNG PO CHEN PO 'BA' ZHIG PO 'DI 'GAG PAR 'GYUR RO, ,DGE SLONG DAG ,'DU BYED RNAMS NI SDUG BSNGAL LO, ,MYA NGAN LAS 'DAS PA NI ZHI BA'O, ,RGYU KUN 'BYUNG BAS SDUG BSNGAL KUN 'BYUNG ZHING RGYU 'GAGS PAS SDUG BSNGAL 'GAG STE, RGYUN BCAD PAS MI 'BYUNG ZHING NYING MTSAMS SBYOR BA MED PAS 'GAGS PA 'DI NYID NI SDUG BSNGAL GYI MTHA' YIN NO, ,DGE SLONG DAG ,DE LA YONGS SU MYA NGAN LAS 'DAS PA GANG ZHE NA, GZHAN MED KYI SDUG BSNGAL 'GAG PA GANG YIN PA DE NI NYE BAR ZHI BA, DE NI BSIL BAR GYUR PA, DE NI NUB PA STE, DGE SLONG DAG ,ZHI BA'I GNAS NI 'DI YIN TE; 'DI LTA STE, PHUNG PO THAMS CAD SPANGS PA, SRED PA ZAD PA, 'DOD CHAGS DANG BRAL BA 'GAGS PA MYA NGAN LAS 'DAS PA YIN NO, ,DE NAS BCOM LDAN 'DAS KYIS YANG MA GA DHA'I RGYAL PO BZO SBYANGS GZUGS CAN SNYING PO LA LAN GNYIS SU BKA' STZAL PA, RGYAL PO CHEN PO, JI SNYAM DU SEMS, GZUGS RTAG GAM, MI RTAG ,BTZUN PA, 'DI MI RTAG LAGS

134a

, ,SO; ;MI RTAG PA GANG YIN PA DE SDUG BSNGAL YIN NAM, SDUG BSNGAL MA YIN, BTZUN PA, 'DI NI SDUG BSNGAL LAGS SO, ,MI RTAG PA SDUG BSNGAL BA 'GYUR BA'I CHOS CAN GANG YIN PA DE LA CIG 'PHAGS PA'I NYAN THOS THOS PA DANG LDAN PA DE DAG 'DI NI BDAG YIN NO, ,BDAG NI 'DI YIN NO, ,'DI NI BDAG GI BDAG GO ZHES BDAG TU KHAS LEN PAR BYED DAM, BTZUN PA, MA LAGS SO, ,RGYAL PO CHEN PO, JI SNYAM DU SEMS, TSOR BA DANG, 'DU SHES DANG, 'DU BYED DANG, RNAM PAR SHES PA RTAG GAM, MI RTAG BTZUN PA, 'DI NI MI RTAGS LAGS SO, ,MI RTAG PA GANG YIN PA DE SDUG BSNGAL YIN NAM, SDUG BSNGAL BA MA YIN, BTZUN PA, 'DI NI SDUG BSNGAL LAGS SO, ,MI RTAG PA SDUG BSNGAL BAR 'GYUR BA'I CHOS CAN GANG YIN PA DE LA CIG 'PHAGS PA'I NYAN THOS THOS PA DANG LDAN PA 'DI NI BDAG YIN NO, ,BDAG NI 'DI YIN NO, ,'DI NI BDAG GI BDAG GO ZHES BDAG TU KHAS LEN PAR BYED DAM, BTZUN PA, MA LAGS SO, ,RGYAL PO CHEN PO, DE LTA BAS NA KHYOD KYI GZUGS GANG CI'ANG RUNG, 'DAS PA DANG, MA 'ONGS PA'AM, DA LTAR BYUNG BA'AM, NANG GI'AM, PHYI'I 'AM, NGAN PA'AM, GYA NOM PA'AM, GANG DAG THAG RING BA'AM, GANG DAG THAG NYE BA'ANG RUNG STE, DE THAMS CAD LA 'DI NI BDAG MA YIN NO, ,BDAG NI 'DI MA YIN

134b

NO; ;'DI NI BDAG GI BDAG MA YIN NO ZHES DE BZHIN DU YANG DAG PA'I SHES RAB KYIS JI LTA BA BZHIN DU BLTA BAR BYA'O, ,RGYAL PO CHEN PO, DE LTA BAS NA KHYOD KYIS TSOR BA DANG, 'DU SHES DANG; 'DU BYED GANG CI'ANG RUNG BA DANG, RNAM PAR SHES PA GANG CI'ANG RUNG BA 'DAS PA'AM, MA 'ONGS PA'AM, DA LTAR BYUNG BA'AM, NANG GI'AM, PHYI'I'AM, RAGS PA'AM, PHRA BA'AM, NGAN PA'AM, GYA NOM PA'AM, GANG DAG THAG RING BA'AM, GANG DAG THAG NYE BA'ANG RUNG STE, DE DAG THAMS CAD LA 'DI NI BDAG MA YIN NO, ,BDAG NI 'DI MA YIN NO, ,'DI NI BDAG GI BDAG MA YIN NO ZHES DE BZHIN DU YANG DAG PA'I SHES RAB KYIS JI LTA BA BZHIN DU BLTA BAR BYA'O, ,RGYAL PO CHEN PO, 'PHAGS PA NYAN THOS THOS PA DANG LDAN PA DE LTAR MTHONG BA NI GZUGS LA'ANG YID 'BYUNG BAR 'GYUR RO, ,TSOR BA DANG, 'DU SHES DANG, 'DU BYED DANG, RNAM PAR SHES PA LA'ANG YID 'BYUNG BAR 'GYUR RO, ,YID BYUNG NA 'DOD CHAGS DANG 'BRAL LO, ,'DOD CHAGS DANG BRAL BA NA RNAM PAR GROL BAR 'GYUR RO, ,RNAM PAR GROL NA BDAG GI SKYE BA ZAD DO, ,TSANGS PAR SPYOD PA BSTEN TO, ,BYA BA BYAS SO, ,SRID PA 'DI LAS GZHAN MI SHES SO ZHES RNAM PAR GROL BA'I YE SHES MTHONG BAR 'GYUR RO, ,CHOS KYI RNAM GRANGS 'DI BSHAD PA NA MA GA DHA'I RGYAL PO BZO SBYANGS GZUGS CAN SNYING PO DANG, LHA

135a

, ,BRGYAD KHRI DANG, MA GA DHA'I BRAM ZE DANG, KHYIM BDAG 'BUM PHRAG DU MA CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, , DE NAS MA GA DHA'I RGYAL PO BZO SBYANGS GZUGS CAN SNYING POS CHOS MTHONG BA DANG, CHOS THOS PA DANG, CHOS RIG PA DANG, CHOS KYI GTING SLEBS PA DANG, SOM NYI LAS BRGAL BA DANG, THE TSOM LAS BRGAL BA DANG, GZHAN GYI DRING MI 'JOG PA DANG, GZHAN GYIS MI BKRI BA DANG, STON PAS BSTAN PA'I CHOS RNAMS LA MI 'JIGS PA THOB NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GANG NAB DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BTZUN PA , BDAG NI 'PHAGS SO, ,MNGON PAR 'PHAGS SO, ,BDAG BTZUN PA BCOM LDAN 'DAS DANG, CHOS DANG, DGE SLONG GI DGE 'DUN LA SKYABS SU MCHI LAGS KYI DGE BSNYEN DU GZUNG DU GSOL, DENG SLAN CHAD JI SRID 'TSO'I BAR DU SROG DANG YANG BSNGOS TE SKYABS SU MCHI BAR MNGON PAR DAD LAGS SO, ,BCOM LDAN 'DAS, BDAG BCOM LDAN 'DAS DANG, DGE SLONG GI DGE 'DUN DU BCAS PA LA JI SRID 'TSO'I BAR DU NA BZA' CHOS GOS DANG, BSOD SNYOMS DANG, GZIMS CHA DANG, BSNYUN DPYAD KYI RKYEN SMAN GYI YO BYAD RNAMS KYIS BSNYEN

135b

BKUR BGYID LAGS NA, BCOM LDAN 'DAS, RGYAL PO'I KHAB TU GSHEGS SU GSOL, BCOM LDAN 'DAS, RGYAL PO'I KHAB KYI MA GA DHA'I RGYAL PO BZO SBYANGS GZUGS CAN SNYING PO LA CANG MI GSUNG BAS GNANG NGO, ,DE NAS MA GA DHA'I RGYAL PO BZO SBYANGS GZUGS CAN SNYING POS BCOM LDAN 'DAS CANG MI GSUNG BAS GNANG BAR RIG NAS BCOM LDAN 'DAS KYI ZHABS GNYIS LA MGO BOS PHYAG BYAS TE BCOM LDAN 'DAS KYI SPYAN SNGA NAS SONG NGO, ,DE NAS BCOM LDAN 'DAS MA GA DHA NAS LJONGS RGYU ZHING GSHEGS PA DANG RGYAL PO'I KHAB TU BYON NAS RGYAL PO'I KHAB BYA KA LAN DA KA GNAS PA NA BZHUGS SO, ,DE'I TSE RGYAL PO'I KHAB NA MU STEGS YANG DAG RGYAL BA CAN ZHES BYA BA SKYES NAS RING PO MA LON PAR DE RNAMS KYI STON PA DUS BYAS PAR GYUR PA DANG; DE RNAMS KYI NANG NA NYE RGYAL DANG, PANG NAS SKYES ZHES BYA BA GNYIS TSOGS YONGS SU BSDUS PA DANG, TSOGS KYI 'DREN PAR GYUR BA GANG YIN PA DE YONGS SU 'DREN PA NA DE GNYIS KYIS 'DI LTAR YU BU CAG LAS GCIG GIS 'DUD RTZI SNGAR RNYED KYANG DE GCIG LA GCIG SMRA BAR BYA'O ZHES DAM BCA' BA BYAS SO, ,DE NAS TSE DANG LDAN PA RTA THUL SNGA DRO SHAM THABS BGOS , LHUNG BZED DANG, CHOS GOS THOGS TE 'GRO BA DANG, LDOG PA DANG, CUNG ZAD LTA BA DANG, RNAM PAR LTA BA DANG, BSKUM PA DANG, BRKYANG BA DANG, SNAM SBYAR DANG, CHOS GOS DANG, LHUNG

136a

, ,BZED THOGS PA MDZES PAS RGYAL PO'I KHAB TU BSOD SNYOMS LA ZHUGS SO, ,DE'I TSE NA KUN TU RGYU NYE RGYAL RGYAL PO'I KHAB TU BYA BA ZHIG GI PHYIR SPYOD YUL DU ZHUGS PAS TSE DANG LDAN PA RTA THUL 'GRO BA DANG, LDOG PA DANG, CUNG ZAD LTA BA DANG, RNAM PAR LTA BA DANG, BSKUM PA DANG, BRKYANG BA DANG, SNAM SBYAR DANG, CHOS GOS DANG, LHUNG BZED THOGS PA MDZES PAS RGYAL PO'I KHAB NA BSOD SNYOMS LA RGYU BA THAG RING PO KHO NAS MTHONG NGO, ,MTHONG NAS KYANG 'DI SNYAM DU SEMS TE, RGYAL PO'I KHAB 'DIR RAB TU BYUNG PA JI SNYED LHAGS SHING GNAS PA DAG LAS, 'DI LTA STE, RAB TU BYUNG BA 'DI'I SPYOD LAM 'DI LTA BU NI BDAG GIS SNGON CHAD 'GA' YANG MA MTHONG GI MA LA BDAG DE'I GAN DU SONG STE, DGE SLONG KHYED KYI STON PA NI GANG YIN, GANG GI PHYIR NI RAB TU BYUNG, SU'I CHOS LA NI DGA' ZHES DRI'O SNYAM DU RIG NAS LAM PO CHE RUB BA ZHIG NA 'GRO BA DANG, LDOG PAS SHAS CHER SDOD CING 'DUG GO ,DE NAS TSE DANG LDAN PA RTA THUL KUN TU RGYU NYE RGYAL GA LA BA DER SONG NGO, ,DE NAS KUN TU RGYU NYE RGYAL GYIS TSE DANG LDAN PA RTA THUL LA 'DI SKAD CES SMRAS SO, ,DGE SLONG, KHYOD KYI STON PA NI GANG YIN, GANG GI PHYIR NI RAB TU BYUNG, SU'I CHOS LA NI DGA', TSE DANG LDAN PA SH'AKYA'I SRAS KYI DGE SBYONG GOO TA MA SH'AKYA'I RIS LAS SKRA DANG, KHA SPU BREGS NAS GOS DUR SMRIG DAG BGOS TE DAD PA YANG

136b

DAG PA KHO NAS KHYIM NAS KHYIM MED PAR RAB TU BYUNG BA ZHIG YOD DO, ,DE BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS KHO BO'I STON PA NI BCOM LDAN 'DAS DE YIN NO, ,KHO BO DE'I PHYIR RAB TU BYUNG NGO, ,KHO BO DE'I CHOS LA DGA'O, ,DGE SLONG, DE'I PHYIR CHOS STON CIG ,TSE DANG LDAN PA, KHO BO NI NA GZHON PA DANG, RAB TU BYUNG BA GSAR PAS DE'I PHYIR KHO BOS BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE'I BSTAN PA RGYA CHER YANG DAG PAR RAB TU BSTAN PAR SLA BA MA YIN TE, 'ON KYANG 'DI LTAR DE'I DON BSTAN PAR BYA'O, ,DGE SLONG, KHO BO LA NI DON DGOS KYI TSIG NI SHIN TU MANG POS KYANG CI BYA STE, KHYOD KYIS DON MANG YANG RUNG NYUNG YANG RUNG STON CIG ,DE NAS TSE DANG LDAN PA RTA THUL GYIS DE'I TSE TSIGS SU BCAD PAS SMRAS PA, CHOS RNAMS GANG DAG RGYU LAS BYUNG BA DANG, ,DE YI RGYU DANG DE 'GOG GANG YIN PA'ANG, ,DE BZHIN GSHEGS PA NYID KYIS BKA' STZAL TE, ,DE SKAD GSUNG BA'I TSUL CAN DGE SBYONG CHE, ,CHOS KYI RNAM GRANGS 'DI BSHAD PA NA, KUN TU RGYU NYE RGYAL CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS KUN TU RGYU NYE RGYAL CHOS MTHONG BA DANG, CHOS THOB PA DANG, CHOS RIG PA DANG, CHOS KYI GTING SLEBS PA DANG, SOM NYI LAS BRGAL BA DANG, THE TSOM LAS

137a

, ,BRGAL BA DANG, GZHAN GYI DRING MI 'JOG PA DANG, GZHAN GYIS MI BKRI BA DANG, STON PAS BSTAN PA'I CHOS RNAMS LA MI 'JIGS PA THOB NAS RO STOD BSRANG NAS LAG PA G-YAS PA BRKYANG STE, TSE DANG LDAN PA RTA THUL GA LA BA DE LOGS SU THAL MO SBYAR BA BTUD DE, DE'I TSE TSIGS SU BCAD PA SMRAS PA, SKYOB PA RNAMS KYI CHOS 'DI YIN, ,BSKAL PA BYE BA KHRAG KHRIG TU, ,SNGON CHAD MA MTHONG MA THOS PA, ,'CHI MED MYA NGAN MED PA YI, ,GO 'PHANG 'DI LA RJES SU RTOGS, ,TSE DANG LDAN PA, BCOM LDAN 'DAS DE DA LTA GA LA BZHUGS , TSE DANG LDAN PA, RGYAL PO'I KHAB NA 'OD MA'I TSAL KA LAN DA KA'I GNAS 'DI NYID NA'O, ,DE NAS KUN TU RGYU NYE RGYAL TSE DANG LDAN PA RTA THUL GYIS SMRAS PA LA MNGON PAR BSTOD PA DANG RJES SU YI RANG BA BYAS TE, TSE DANG LDAN PA RTA THUL GYI RKANG PA GNYIS LA MGO BOS PHYAG 'TSAL NAS, TSE DANG LDAN PA RTA THUL LA LAN GSUM BSKOR BA BYAS TE SONG NAS KUN RGYU PANG NAS SKYES GA LA BA DER SONG NGO, ,KUN TU RGYU PANG NAS SKYES KYIS KUN TU RGYU NYE RGYAL THAG RING PO KHO NAS MTHONG NGO, ,MTHONG NAS KYANG KUN TU RGYU NYE RGYAL LA 'DI SKAD CES SMRAS SO, ,TSE DANG LDAN PA, KHYOD KYI DBANG PO RNAMS NI RNAM PAR DVANGS, BZHIN GYI MDOG NI YONGS SU DAG ,PAGS PA'I MDOG NI YONGS SU DKAR NA KHYOD KYIS BDUD RTZI RNYED DAM, TSE DANG LDAN PA, RNYED DO, ,TSE

137b

DANG LDAN PA, DE'I PHYIR CHOS STON CIG ,DE NAS KUN TU RGYU NYE RGYAL GYIS DE'I TSE TSIGS SU BCAD PA SMRAS PA, CHOS RNAMS GANG DAG RGYU LAS BYUNG BA DANG, ,DE YI RGYU DANG DE 'GOG GANG YIN PA, , DE BZHIN GSHEGS PA NYID KYIS BKA' STZAL TE, ,DE SKAD GSUNG PA'I TSUL CAN DGE SBYONG CHE, ,TSE DANG LDAN PA, DA DUNG YANG LAN GCIG BRJOD CIG ,TSE DANG LDAN PA, BRJOD PAR BYA'O, , CHOS RNAMS GANG DAG RGYU LAS BYUNG BA DANG, ,ZHES PA LA SOGS PA SNGA MA BZHIN NO, ,CHOS KYI RNAM GRANGS 'DI BSHAD PA NA KUN TU RGYU PANG NAS SKYES CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS KUN TU RGYU PANG NAS SKYES CHOS MTHONG BA DANG, CHOS THOB PA DANG, CHOS RIG PA DANG, CHOS KYI GTING SLEBS PA DANG, SOM NYI LAS BRGAL BA DANG; THE TSOM LAS BRGAL BA DANG, GZHAN GYI DRING MI 'JOG PA DANG, GZHAN GYIS MI BKRI BA DANG, STON PAS BSTAN PA'I CHOS RNAMS LA MI 'JIGS PA THOB NAS, RO STOD BSRANG NAS LAG PA G-YAS BRKYANG STE, KUN TU RGYU NYE RGYAL GA LA BA DE LOGS SU THAL MO SBYAR BA BTUD DE, DE'I TSE TSIGS SU BCAD PA SMRAS PA, SKYOB PA RNAMS KYI CHOS 'DI YIN, ,BSKAL PA BYE BA KHRAG KHRIG TU, ,SNGON CHAD MA MTHONG MA THOS PA, ,'CHI MED MYA NGAN MED PA YI, ,GO 'PHANG 'DI LA RJES SU RTOGS, ,TSE DANG LDAN PA, BCOM LDAN 'DAS DE DA LTA GA LA BZHUGS, ,TSE DANG LDAN PA,

138a

, ,RGYAL PO'I KHAB 'OD MA'I TSAL KA LAN DA KA'I GNAS 'DI NYID NA'O, ,TSE DANG LDAN PA, TSUR SHOG ,BCOM LDAN 'DAS DE'I SPYAN SNGAR TSANGS PAR SPYOD PA SPYAD PAR BYA'O, ,TSE DANG LDAN PA, DE'I PHYIR RJE 'KHOR LA BLTA BAR BYA STE, BDAG CAG LTA BU MI GRAGS PA DANG LDAN PA, SHES PAR GYUR PA DAG GIS 'KHOR LA BLTA BA NI LEGS PA YIN NO, ,DE NAS KUN TU RGYU NYE RGYAL DANG, PANG NAS SKYES GNYIS KYIS BRAM ZE'I KHYE'U RNAMS LA SMRAS PA, BRAM ZE'I KHYE'U RNAMS, SHES PAR GYIS SHIG ,KHO BO CAG GNYIS NI BCOM LDAN 'DAS KYI SPYAN SNGAR TSANGS PAR SPYAD PA SPYOD PAR BYED NA KHYED CAG JI LTAR BYED, MKHAN PO GNYIS BDAG CAG CUNG ZAD CI 'TSAL BA GANG LAGS PA DE DAG THAMS CAD MKHAN PO GNYIS LAS BRTEN NAS 'TSAL BA LAGS NA, GAL TE MKHAN PO GNYIS BCOM LDAN 'DAS KYI SPYAN SNGAR TSANGS PA SPYAD PA SPYOD NA, BDAG CAG KYANG MKHAN PO GNYIS RAB TU BYUNG BA'I RJES SU RAB TU 'BYUNG BAR BGYI'O, ,BRAM ZE'I KHYE'U RNAMS, DA DE'I DUS LA BAB PAR SHES PAR GYIS SHIG ,DE NAS KUN TU RGYU NYE RGYAL DANG, PANG NAS SKYES GNYIS 'KHOR NYIS BRGYA LNGA BCU LNGA BCU DANG, BCOM LDAN 'DAS GA LA BA DER DONG NGO, ,DE'I TSE NA BCOM LDAN 'DAS DGE SLONG GI 'KHOR BRGYA PHRAG DU MA'I GUNG LA CHOS STON

138b

CING BZHUGS SO, ,BCOM LDAN 'DAS KYIS KUN TU RGYU NYE RGYAL DANG, PANG NAS SKYES GNYIS THAG RING PO KHO NAS GZIGS SO, ,GZIGS NAS KYANG DGE SLONG RNAMS LA BKA' STZAL PA, DGE SLONG DAG ,KHYOD KYIS GROGS PO'I TSOGS YONGS SU SDUD PA, TSOGS YONGS SU 'DREN PA, TSOGS KYI MDUN NAS 'ONG BA, 'DI LTA STE, NYE RGYAL DANG, PANG NAS SKYES GNYIS MTHONG NGAM; BTZUN PA, MTHONG NGO, ,'DI GNYIS NI NYAN THOS ZUNG DANG, ZUNG GI MCHOG DANG, ZUNG BZANG POR GYUR TE, GCIG NI RDZU 'PHRUL DANG LDAN PA RNAMS KYI MCHOG TU 'GYUR LA, GCIG SHOS NI SHES RAB DANG LDAN PA RNAMS KYI MCHOG TU 'GYUR RO, ,DE NAS DGE SLONG ZHIG GIS DE'I TSE TSIGS SU BCAD PA SMRAS PA, STON PA DGONGS YUL MTHA' YAS PA, ,SKYES BU'I DBANG PO MKHYEN MTHAR BYON, ,BCOM LDAN SRID PA MTHAR MDZAD PAS, ,GROGS PO NYE RGYAL PANG NAS SKYES, ,'OD MA'I TSAL DU MA PHYIN PAR, ,DE LTAR MCHI BA GZIGS GYUR NAS, , TSOGS MCHOG DBUS SU DE GNYIS NI, ,'DI GNYIS NGA YI NYAN THOS KYI, ,ZUNG MCHOG 'GYUR ZHES DES BSTAN TE, ,GCIG NI RDZU 'PHRUL LDAN PA'I MCHOG ,GCIG SHOS SHES RAB LDAN PA YI, ,MCHOG TU 'GYUR BAR LUNG BSTAN MDZAD, ,DE NAS KUN TU RGYU NYE RGYAL DANG, PANG NAS SKYES GNYIS BCOM LDAN 'DAS GA LA DER DONG STE PHYIN NAS BCOM LDAN 'DAS KYI

139a

, ,ZHABS GNYIS LA MGO BOS PHYAG BTZAL TE, BCOM LDAN 'DAS LA 'DI SKAD CES GSOL TO, ,BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS PA DGE SLONG GI DNGOS POR GNANG NA BDAG CAG BCOM LDAN 'DAS KYI SPYAN SNGAR TSANGS PAR SPYOD PA SPYAD PAR BGYI'O, , BCOM LDAN 'DAS KYIS DE GNYIS LA DGE SLONG TSUR SHOG CES BYA BAS RAB TU BYUNG ZHING, DGE SLONG DAG ,TSUR SHOG ,TSANGS PAR SPYAD PA SPYOD CIG CES BKA' STZAL PA DANG, DE DAG BCOM LDAN 'DAS KYI BKA'I MJUG KHO NAR SKRA BYI BA DANG, SNAM SBYAR GYON PAR GYUR TE, LAG NA LHUNG BZED THOGS PA SKRA DANG, KHA SPU ZHAG BDUN SKYES PA TZAM DANG, DGE SLONG BSNYEN PAR RDZOGS NAS LO BRGYA LON PA'I SPYOD LAM LTA BUR GNAS PAR GYUR TO, ,YANG SMRAS PA, DE BZHIN GSHEGS PAS TSUR SHOG BKA' STZAL PAS, ,SKRA BYI SNAM SBYAR GYON PA'I LUS LDAN ZHING, ,MOD LA DBANG PO RAB ZHIR GNAS GYUR TE, ,SANGS RGYAS DGONGS PAS LUS GZUGS BKAB PAR GYUR, ,DE NAS DGE SLONG RAB TU MANG PO DAG SNGA DRO SHAM THABS BGOS, LHUNG BZED DANG, CHOS GOS THOGS TE, RGYAL PO'I KHAB TU BSOD SNYOMS LA ZHUGS PA DANG, DE NAS RGYAL PO'I KHAB KYI MI GANG DAG YANG DAG RGYAL BA CAN GYI MU STEGS

139b

CAN GYI GNAS RAB TU BYUNG ZHING BSNYEN PAR RDZOGS NAS RING PO MA LON PAS YID MA RANGS SHING MNGON PAR MI DGA' BA DE DAG GIS DGE SLONG DE DANG, DE DAG MTHONG NAS CO 'DRI ZHING TSIGS SU BCAD PA SMRAS PA, SANGS RGYAS MA GA DHA DAG GI ,GRONG MCHOG RGYAL PO'I KHAB GSHEGS PAS, ,YANG DAG RGYAL BA'I KUN KHRID NA, ,PHYIN CHAD CI ZHIG BKRI BAR BYA, ,DE DGE SLONG RNAMS SPA GONG ZHING MI DGA' BA DANG, MI 'JIGS PA MED PAR GYUR TO, ,DE NAS DGE SLONG RAB TU MANG PO DAG RGYAL PO'I KHAB TU BSOD SNYOMS RGYUS NAS ZAS KYI BYA BA BYAS TE, PHYI DRO BSOD SNYOMS MI LEN PAS LHUNG BZED DANG, CHOS GOS MKHOS SU PHAB NAS, RKANG PA GNYIS BKRUS TE, SDUG BSNGAL ZHING YID MI BDE BAS BCOM LDAN 'DAS GAL BA DER DONG STE PHYIN NAS BCOM LDAN 'DAS KYI ZHABS GNYIS LA MGO POS PHYAG BTZAL TE PHYOGS GCIG TU 'KHOD DO, ,PHYOGS GCIG TU 'KHOD NAS BCOM LDAN 'DAS LA DGE SLONG RAB TU MANG PO DAG GIS 'DI SKAD CES GSOL TO, ,BTZUN PA, 'DI NA BDAG CAG DGE SLONG RAB TU MANG PO SNGA DRO SHAM THABS 'TSAL, LHUNG BZED DANG, CHOS GOS DAG THOGS TE, RGYAL PO'I KHAB TU BSOD SNYOMS LA ZHUGS PA DANG, DE NAS RGYAL PO'I KHAB KYI MI GANG DAG YANG DAG RGYAL BA CAN GYI MU STEGS CAN GYI GNAS NAS RAB TU PHYUNG ZHING BSNYEN PAR RDZOGS NAS RING PO MA LAGS

140a

, ,PAS; YID MA RANGS SHING MNGON PAR MI DGA' BA DE DAG GIS DGE SLONG DE DANG, DE DAG MTHONG NAS CO 'DRI ZHING TSIGS SU BCAD PA SMRAS PA, SANGS RGYAS MA GA DHA DAG GI ,GRONG MCHOG RGYAL PO'I KHAB GSHEGS PAS, ,YANG DAG RGYAL BA'I KUN KHRID NA, ,PHYIN CHAD CI ZHIG BKRI BAR BYA, ,ZHES MCHI NAS DES BDAG CAG RNAMS SPA GONG ZHING MI DGA' BA DANG, MI 'JIGS PA MA MCHIS PAR GYUR TO, ,BCOM LDAN 'DAS KYIS BKA' STZAL PA, DGE SLONG DAG ,RGYAL PO'I KHAB KYI MI DE SKAD ZER BA RNAMS LA 'DI SKAD CES, 'DI LA DPA' CHEN BDE GSHEGS DAG ,DAM PA'I CHOS KYIS KHRID MDZAD DE, ,DE DAG CHOS KYIS KHRID MDZAD LA, ,MKHAS PA SU ZHIG MI BZOD BYED, ,CES BRJOD NA RGYAL PO'I KHAB KYI MI DE SKAD ZER BA RNAMS KYI RLOM PA TZAM MAM, ,SPOBS PA TZAM GANG YIN PA DE THAMS CAD KYI THAMS CAD DU MED PAR 'GYUR RO, ,DE NAS DGE SLONG RAB TU MANG PO DAG SNGA DRO SHAM THABS BGOS, LHUNG BZED DANG, CHOS GOS THOGS TE, RGYAL PO'I KHAB TU BSOD SNYOMS LA ZHUGS PA DANG, DE NAS RGYAL PO'I KHAB KYI MI GANG DAG YANG DAG RGYAL BA CAN GYI MU STEGS CAN GYI GNAS NAS RAB TU BYUNG ZHING BSNYEN PAR RDZOGS NAS RING PO MA LON PAS YID MA RANGS SHING MNGON PAR MI DGA' BA DE DAG GIS DGE SLONG DE DANG

140b

DE DAG MTHONG NAS CO 'DRI ZHING TSIGS SU BCAD PA SMRAS PA, SANGS RGYAS MA GA DH'A DAG GI ,GRONG MCHOG RGYAL PO'I KHAB GSHEGS PAS, ,YANG DAG RGYAL BA'I KUN KHRID NA, ,PHYIN CHAD CI ZHIG BKRI BAR BYA, ,DE NAS DGE SLONG ZHIG GIS DE'I TSE TSIGS SU BCAD PA SMRAS PA, 'DI NA DPA' CHEN BDE GSHEGS DAG ,DAM PA'I CHOS KYIS KHRID MDZAD DE, ,DE DAG CHOS KYIS KHRID MDZAD LA, ,MKHAS PA SU ZHIG BZOD MI BYED, ,DE SKAD CES SMRAS PA DANG, RGYAL PO'I KHAB KYI MI DE SKAD CES ZER BA RNAMS KYI RLOM PA TZAM MAM, SPOBS PA TZAM GANG YIN PA DE THAMS CAD KYI THAMS CAD DU MED PAR GYUR TO, ,DE NAS SANGS RGYAS BCOM LDAN 'DAS RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,KO SA LA'I RGYAL PO GSAL RGYAL GYIS RGYAL PO ZAS GTZANG LA SPRING YIG BSKUR BA, LHA; DGYES PA BSKYED DU GSOL, KHYOD KYI SRAS KYIS BDUD RTZI THOB NAS BDUD RTZIS 'GRO BA TSIM PAR BYED DO, ,ZHES SPRING BA RGYAL PO ZAS GTZANG GIS THOS NAS PHO NYA GTANG BA LAS DE DE NYID DU RAB TU BYUNG STE, PHO NYA GANG DANG, GANG GTANG BA DE DANG, DE NYID DU LEGS PAR GSUNGS PA'I CHOS 'DUL BA NYID LA RAB TU BYUNG BAR GYUR TO, ,RGYAL PO ZAS GTZANG LAG PA 'GRAM PA LA GTAD NAS PHO NYA GANG DANG, GANG GTANG BA DE DANG, DE DAG DE NYID DU LEGS PAR GSUNGS

141a

, ,PA'I CHOS 'DUL BA NYID LA RAB TU BYUNG NGO SNYAM NAS SEMS KHONG DU CHUD CING 'DUG PA 'CHAR KAS MTHONG NAS SMRAS PA, LHA; KHYOD CI'I SLAD DU PHYAG LA ZHAL GTAD NAS THUGS MI DGYES SHING BZHUGS, DES SMRAS PA, 'CHAR KA ,GANG GI TSE, GZHON NU DON THAMS CAD GRUB PA DKA' BA SPYOD PA DE'I TSE KHO BOS SBRING YIG SKYEL BA'I MI BTANG BA LAS DE DAG KHO BO'I GAN DU 'ONGS NAS GZHON NU DON THAMS CAD GRUB PA BZHUGS PA 'DI DANG, 'DIS BZHUGS SO ZHES SMRA'O, ,DA NI KHO BOS SPRING YIG SKYEL BA'I MI BTANG NA 'GA' YANG PHRIN YIG KHYER TE MI 'ONG NA JI LTAR SEMS KHONG DU CHUD PAR MI 'GYUR, 'CHAR KAS SMRAS PA, LHA; BDAG MCHIS TE BKA' MCHID 'TSAL LA SLAR MCHI'O, ,RGYAL PO ZAS GTZANG GIS SMRAS PA, 'CHAR KA ,GANG DANG, GANG SONG BA DE DANG, DE'I BSTAN PA PHUN SUM TSOGS PA MTHONG NAS DE NYID DU 'DUG PAS KHYOD KYANG SONG NA DE NYID DU 'DUG PAR 'GYUR BA'I GNAS GANG YIN PA DE YOD DO, ,'CHAR KAS SMRAS PA, LHA; SLAR MCHIS LAGS SO, ,DE NAS RGYAL PO ZAS GTZANG RANG NYID KYIS SPRING YIG BRIS PA; LHUMS SU ZHUGS PA BZUNG NAS SU, ,KHYOD NI BDAG GIS CHER BSKRUN TE, ,NYON MONGS ME RAB 'BAR BZHIN DU, ,RGYAL BA LJON SHING LA BSTEN NA, ,DE NYID KHYOD KYI SLOB MA

141b

YI; ;YAL GA LCUG MA 'PHEL 'GYUR BAS, ,GZHAN NI BDE BAS DGA' BAR 'GYUR, ,BDAG NI SDUG BSNGAL SKAL BAR LDAN, ,GZHAN YANG GANG GIS KHYOD NI LJON SHING [?] LCUG PHRAN MTSUNGS TZAM NA, ,BDAG GI BU NI 'DI YIN SNYAM NAS CHUNG NAS BSKRUN BSKRUN TE, ,BU GCIG YUL MIS 'BRAS BU YONGS SU SPYAD PA THOB GYUR NA, ,DE LA YON TAN 'BRAS BU MI STER KHYOD LA SNYING RJE MED, ,GANG TSE THOG MA BLTAMS PA NA, ,NYID DON BSGRUBS NAS GNYEN RNAMS NI, ,SHIN TU CHE DANG PHAN GDAGS ZHES, ,KHYOD KYIS DAM BCAS MDZAD PAS NA, ,KHYOD KYIS ZHI GNAS DE BRNYES NA, ,BDAG DANG GNYEN GYI TSOGS RNAMS LA, ,THUGS BRTZES RJES SU GZUNG MDZOD DE, ,GSHEGS PAR DGONGS PA MDZAD DU GSOL, ,ZHES SPRING PA'I YI GE 'CHAR KAS KHYER NAS CHAS TE RIM GYIS MNYAN YOD DU PHYIN PA DANG, LAM GYIS DUB PA NGAL BSOS NAS BCOM LDAN 'DAS GANG NA BA DER SONG STE PHYIN NAS BCOM LDAN 'DAS RGYAL PO ZAS GTZANG GIS GSOL BA'I YI GE LAGS SO ZHES BCOM LDAN 'DAS LA YI GE PHUL BA DANG, BCOM LDAN 'DAS NYID KYIS BZHES NAS BKLAGS SO, ,BKLAGS NAS YI GE MTHA' GCIG TU BZHAG PA DANG, 'CHAR KAS GSOL PA, BCOM LDAN 'DAS, CI LAGS, SER SKYA'I GZHIR MI BZHUD DAM, BCOM LDAN 'DAS KYIS BKA' STZAL PA, 'CHAR KA ,'DONG NGO, ,

142a

, ,'CHAR KA SNGON BCOM LDAN 'DAS DANG LHAG PAR 'DRIS PA YIN PAS DE SNGON GYI 'DRIS PA KHO NAS GSOL PA, BCOM LDAN 'DAS, GAL TE MI BZHUD DANG BDAG GI MTHUS BKRI BAR BGYI LAGS SO, ,DE NAS BCOM LDAN 'DAS KYIS BYUNG BA 'DI LA TSIGS SU BCAD DE BKA' STZAL PA, GANG ZHIG YUL GYI RGYAL MOR MA CHAGS SHING, , SRED 'GAS BKRI BA YOD PA MA YIN PA'I, ,SANGS RGYAS SPYOD YUL MTHA' YAS MNGA' BA DE, ,GZHI MED NA NI GANG GI GZHI YIS BKRI, GANG ZHIG YUL GYI RGYAL MOR MA CHAGS SHING, ,SRED 'GAS BKRI BA YOD PA MA YIN PA'I, ,SANGS RGYAS MTHA' YAS PA YI RTZAL MNGA' DE, ,GZHI MED NA NI GANG GI GZHI YIS BKRI, ,GANG ZHIG BCOM NAS BRTZEGS PA MED GYUR CING, ,'JIG RTEN MA BCOM CUNG ZAD YOD MIN PA, ,SANGS RGYAS SPYOD YUL MTHA' YAS MNGA' BA DE, ,GZHI MED NA NI GANG GI GZHI YIS BKRI, ,LAN LA SPOBS PA MED NAS GSOL PA, BCOM LDAN 'DAS, MCHI STE, RGYAL PO ZAS GTZANG MA LA RIG PAR BGYI'O, ,'CHAR KA ,SANGS RGYAS KYI PHO NYA NI 'DI LTA BU MA YIN NO, ,'CHAR KAS GSOL PA, BCOM LDAN 'DAS, CI 'DRA BA ZHIG LAGS, RAB TU BYUNG BA YIN GYI, KHYOD KYANG RAB TU BYUNG ZHIG ,BCOM LDAN 'DAS, BDAG GIS RGYAL PO ZAS GTZANG LA SLAR

142b

MCHI BAR DAM BCAS LAGS SO, ,BCOM LDAN 'DAS KYIS BKA' STZAL PA, 'CHAR KA ,RAB TU BYUNG LA JI LTAR DAM BCAS PA BZHIN DU GYIS SHIG ,'DI LTAR BCOM LDAN 'DAS SNGON BYANG CHUB SEMS DPAR GYUR PA NA YAB DANG, YUM DANG, MKHAN PO DANG, SLOB DPON DANG, BLA MA DANG, BLA MA'I GNAS LTA BU RNAMS KYIS CHOS DANG MTHUN PA'I TSIG LAN 'GA' YANG SLAR MA BZLOG PAS, 'CHAR KAS GSOL PA, BCOM LDAN 'DAS, GAL TE DE LTAR NA RAB TU 'BYUNG LAGS SO, ,DE NAS BCOM LDAN 'DAS KYIS TSE DANG LDAN PA SH'A RI'I BU LA BKA' STZAL PA, SH'A RI'I BU, 'CHAR KA 'DI NI YUN RING PO'I DON DANG, PHAN PA DANG, BDE BA'I PHYIR RAB TU PHYUNG ZHIG ,BTZUN PA, BKA' BZHIN 'TSAL ZHES TSE DANG LDAN PA SH'A RI'I BUS BCOM LDAN 'DAS LA MNYAN NAS 'CHAR KA RAB TU BYUNG STE, BSNYEN PAR RDZOGS PAR BYAS NAS KUN TU SPYOD PA'I CHOS DAG DE LA RGYAS PAR SMRAS NAS, 'CHAR KA, 'DI NI KHYOD KYI BYA BA YIN TE, DENG PHAN CHAD BUD MED DANG LHAN CIG KHANG PA GCIG TU NYAL BAR MI BYA'O ZHES BYA BA DAG GO ,BTZUN PA, BKA' BZHIN 'TSAL ZHES 'CHAR KAS TSE DANG LDAN PA SH'A RI'I BU'I RKANG PA GNYIS LA MGO BOS PHYAG BYAS TE SONG NAS BCOM LDAN 'DAS GANG NA BA DER SONG STE PHYIN PA DANG BCOM LDAN 'DAS KYI ZHABS GNYIS LA MGO BOS

143a

, ,PHYAG BYAS TE, BCOM LDAN 'DAS LA 'DI SKAD CES GSOL TO, ,BCOM LDAN 'DAS, SER SKYA'I GZHIR MCHI LAGS SO, ,BCOM LDAN 'DAS KYIS BKA' STZAL PA, 'CHAR KA ,SONG LA KHYOD MOD KHO NAR RGYAL PO'I KHAB TU MA 'JUG PAR SGOR SDOD LA SH'AKYA'I DGE SLONG 'ONGS SO ZHES BRJOD PAR BYA'O, ,GAL TE NANG DU SPYOD CIG ZER NA 'JUG PAR BYA'O, ,ZHUGS NAS GAL TE SH'AKYA'I DGE SLONG GZHAN YANG YOD DAM ZHES ZER NA, YOD DO ZHES BRJOD PAR BYA'O, ,GAL TE GZHON NU DON THAMS CAD GRUB PA'ANG 'DI 'DRA ZHING CHA BYAD 'DI 'DRA 'AM ZHES 'DRI NA, 'DI 'DRA ZHING CHA BYAD 'DI 'DRA'O ZHES BRJOD PAR BYA'O, ,KHYOD KYIS RGYAL PO'I KHAB TU'ANG GNAS PAR MI BYA'O; ;GAL TE GZHON NU DON THAMS CAD GRUB PA'ANG RGYAL PO'I KHAB TU GNAS PAR MI BYED DAM ZHES 'DRI NA, ,MI BZHUGS SO ZHES BRJOD PAR BYA'O, ,GAL TE GANG DU GNAS PAR BYED CES 'DRI NA, DGON PA'AM, GTZUG LAG KHANG DU 'O ZHES BRJOD PAR BYA'O, ,GAL TE GTZUG LAG KHANG CI 'DRA ZHES 'DRI NA, RGYAL BU RGYAL BYED KYI TSAL GYI RNAM PA BRIS TE BSTAN PAR BYA'O, ,GAL TE GZHON NU DON THAMS CAD GRUB PA BYON NAM ZHES 'DRI NA, BYON NO ZHES BRJOD PAR BYA'O, ,JI SRID CIG NA BYON ZHES 'DRI NA, ZHAG BDUN

143b

LON NA'O ZHES BRJOD PAR BYA'O, ,DES GSOL PA, BCOM LDAN 'DAS, MCHI LAGS SO, ,BCOM LDAN 'DAS KYIS BKA' STZAL PA, SONG ZHIG ,SA BDAG RNAMS NI TSIG GIS TE, , LHA RNAMS BSAMS PAS 'GRUB 'GYUR ZHING, ,DE BZHIN BSAM GTAN PA RNAMS KYI, ,SEMS BSKYED PAS NI THAMS CAD 'GRUB, ,BCOM LDAN 'DAS KYIS TSE DANG LDAN PA 'CHAR KA DE JI LTAR SKAD CIG DE NYID LA GRONG KHYER SER SKYA'I GZHIR SONG BA DE LTAR BYIN GYIS BRLABS PA DANG, TSE DANG LDAN PA 'CHAR KA BCOM LDAN 'DAS LA DAD PA DRAG PO SKYES PA DE RGYAL PO'I KHAB KYI SGOR BSDAD NAS SMRAS PA, SHES LDAN DAG ,RGYAL PO LA SH'AKYA'I DGE SLONG MCHIS SO ZHES GSOL CIG ,DE RNAMS KYIS SMRAS PA, CI SH'AKYA'I DGE SLONG, GZHAN DAG KYANG YOD DAM, SHES LDAN DAG ,YOD DO, ,DE RNAMS KYIS RGYAL PO LA SMRAS PA, SH'AKYA'I DGE SLONG MCHIS SO, ,RGYAL POS SMRAS PA, NANG DU THONG ZHIG ,DE NANG DU ZHUGS PA RGYAL PO ZAS GTZANG GIS MTHONG NAS SMRAS PA, 'CHAR KA ,RAB TU BYUNG NGAM, LHA; RAB TU BYUNG NGO, ,KHYOD SLAR 'ONG NGO ZHES SMRAS PA MA YIN NAM, 'DI CI YIN, 'CHAR KAS SMRAS PA; LHA; BCOM LDAN 'DAS KYIS SANGS RGYAS KYI PHO NYA NI 'DI LTA BU MA YIN NO ZHES BKA' STZAL NAS CHOS 'DUL BA LEGS PAR GSUNGS PA'I PHYIR BDAG RAB TU BYUNG MOD KYI

144a

, ,BDAG RANG GI DAD PAS KYANG RAB TU BYUNG NGO, ,RGYAL POS YAN LAG THAMS CAD KYI 'KHYUD NAS STAN BSHAMS PA NYID LA 'DUG TU BCUG STE, DE'I DON DU CHUR BTZAGS PA DANG, 'BRAS BU BTAGS PA GTZANG SBRA BYAS TE ZAR BCUG GO ,TSE DANG LDAN PA 'CHAR KA ,MCHOG TU NYE BAR ZHI BA DANG, DUL BAR GNAS PA DANG LDAN ZHING JI SKAD RJES SU BSTAN PA'I CHO GAS YONGS SU LONGS SPYOD DO, ,RGYAL POS DE LA BRTAGS NAS NGO MTSAR SKYES TE SMRAS PA, 'CHAR KA ,CI, GZHON NU DON THAMS CAD GRUB PA'ANG 'DI 'DRA BAR NYE BAR ZHI BA YIN NAM, 'CHAR KAS SMRAS PA, LHA; BDAG GI DUL BA DANG, NYE BAR ZHI BA NI CUNG ZAD TZAM LAGS SO, ,DPER JI LTA BU RI RAB DANG, YUNGS 'BRU BZHIN NO, , RGYA MTSO DANG, RMIG RJES BZHIN NO, ,NYI MA DANG, SRIN BU ME KHYER BZHIN NO, ,NAM MKHA' DANG, PADMA'I RTZA BA'I BU GA BZHIN NO, ,RGYAL PO ZAS GTZANG GIS SMRAS PA, 'CHAR KA ,GZHON NU DON THAMS CAD GRUB PA'ANG 'DI 'DRA ZHING CHA BYAD 'DI 'DRA'AM, LHA; 'DI 'DRA ZHING CHA BYAD KYANG 'DI 'DRA'O, ,RGYAL PO ZAS GTZANG BA RGYAL NAS SA LA 'GYEL BA DANG, CHU MANG DU BTAB NAS DBUGS SLAR PHYUNG STE SMRAS PA, 'CHAR KA, GZHON NU DON THAMS CAD GRUB PA BYON NAM, 'CHAR KAS SMRAS PA, LHA; BYON NO, ,DUS JI TZAM NA DGUNG BDUN LON

144b

NA'O; ;RGYAL PO ZAS GTZANG GIS BLON PO RNAMS LA BSGO BA, SHES LDAN DAG ,GZHON NU DON THAMS CAD GRUB PA BYON PAR 'GYUR GYI, RGYAL PO'I KHAB DANG, PHO BRANG BYI DOR BYOS SHIG 'CHAR KAS SMRAS PA, BCOM LDAN 'DAS NI PHO BRANG DU BZHUGS PAR MI MDZAD DO, ,RGYAL POS SMRAS PA, GANG DU BZHUGS, 'CHAR KAS SMRAS PA, DGON PA'AM, GTZUG LAG KHANG DU'O, ,RGYAL PO ZAS GTZANG GIS SMRAS PA, 'CHAR KA ,GTZUG LAG KHANG CI 'DRA BA YIN, TSE DANG LDAN PA 'CHAR KAS RGYAL BU RGYAL BYED KYI TSAL GYI RNAM PA RI MOR BRIS TE BSTAN TO; ;DE NAS RGYAL POS BLON PO RNAMS LA SMRAS PA, SHES LDAN DAG ,N+YA GRO DHA'I KUN DGA' RA BAR RGYAL BU RGYAL BYED KYI TSAL GYI RNAM PA GTZUG LAG KHANG CHEN PO BCU DRUG DANG, KHANG PHRAN DRUG CU BRTZIG TU CHUG CIG ,LHA; BKA' BZHIN 'TSAL ZHES BLON PO RNAMS KYIS RGYAL PO ZAS GTZANG LAS MNYAN NAS N+YA GRO DHA'I KUN DGA' RA BAR RGYAL BU RGYAL BYED KYI TSAL GYI RNAM PA GTZUG LAG KHANG CHEN PO BCU DRUG DANG, KHANG PHRAN DRUG CU BRTZIG TU BCUG GO ,DE NAS BCOM LDAN 'DAS KYIS TSE DANG LDAN PA MOONGGAL GYI BU CHEN PO LA 'DI SKAD CES BKA' STZAL TE, MOONGGAL GYI BU, SONG LA DGE SLONG RNAMS LA BCOM LDAN 'DAS SER SKYA'I GZHIR GSHEGS TE YAB SRAS GDAN 'DZOM NA, KHYOD CAG LAS SU ZHIG LTA BAR SPRO BA

145a

, ,DE CHOS GOS DAG LONG ZHIG CES BSGO ZHIG ,BTZUN PA, BKA' BZHIN 'TSAL ZHES TSE DANG LDAN PA MONGGAL GYI BU CHEN POS BCOM LDAN 'DAS LAS MNYAN NAS DGE SLONG RNAMS LA SMRAS PA, TSE DANG LDAN PA DAG ,BCOM LDAN 'DAS SER SKYA'I GZHIR GSHEGS TE, YAB SRAS GDAN 'DZOM NA, KHYED CAG LAS SU LTA BAR SPRO BA DE CHOS GOS DAG LONG ZHIG CES BKA' STZAL TO, ,DE NAS BCOM LDAN 'DAS DUL BA 'KHOR DUL BA, ZHI BA 'KHOR ZHI BA, GROL BA 'KHOR GROL BA, DBUGS PHYIN PA, 'KHOR DBUGS PHYIN PA RNAM PAR DUL BA 'KHOR RNAM PAR DUL BA, DGRA BCOM PA 'KHOR DGRA BCOM PA, 'DOD CHAGS DANG BRAL BA 'KHOR 'DOD CHAGS DANG BRAL BA, MDZES PA 'KHOR MDZES PA, KHYU MCHOG BA LANG GI TSOGS KYIS BSKOR BA LTA BU, GLANG PO CHE GLANG PO'I PHRU GU'I TSOGS KYIS BSKOR BA LTA BU, SENG GE MCHE BA CAN GYI TSOGS KYIS BSKOR BA LTA BU, NGANG PA'I RGYAL PO NGANG PA'I TSOGS KYIS BSKOR BA LTA BU, NAM MKHA' LDING BYA'I TSOGS KYIS BSKOR BA LTA BU, BRAM ZE SLOB MA'I TSOGS KYIS BSKOR BA LTA BU, SMAN PA MKHAS PA NAD PA'I TSOGS KYIS BSKOR BA LTA BU, DPA' BO RU PA'I TSOGS KYIS BSKOR BA LTA BU, LAM MKHAN 'GRON PO'I TSOGS KYIS BSKOR BA LTA BU, DED DPON TSONG PA'I TSOGS KYIS BSKO RA BA LTA

145b

BU; KHAMS KYI RGYAL PO BLON PO'I TSOGS KYIS BSKOR BA LTA BU, 'KHOR LOS BSGYUR BA'I RGYAL PO BU STONG GIS BSKOR BA LTA BU, ZLA BA RGYU SKAR GYI TSOGS KYIS BSKOR BA LTA BU, NYI MA 'OD ZER STONG GIS BSKOR BA LTA BU, YUL 'KHOR SKYONG DRI ZA'I TSOGS KYIS BSKOR BA LTA BU, 'PHAGS SKYES PO GRUL BUM GYI TSOGS KYIS BSKOR BA LTA BU, MIG MI BZANG KLU'I TSOGS KYIS BSKOR BA LTA BU; RNAM THOS KYI BU GNOD SBYIN GYI TSOGS KYIS BSKOR BA LTA BU, THAGS BZANG RIS LHA MA YIN GYI TSOGS KYIS BSKOR BA LTA BU, BRGYA BYIN SUM CU RTZA GSUM PA'I TSOGS KYIS BSKOR BA LTA BU, TSANGS PA TSANGS RIS KYI TSOGS KYIS BSKOR BA LTA BU, RGYA MTSO G-YO BA MED PA LTA BU, SPRIN CHU DANG BCAS PA LTA BU, GLANG PO DAM PA DREGS PA DANG BRAL BA LTAR DBANG PO RNAMS SHIN TU DUL BAS SPYOD LAM GYI TSUL MA 'KHRUGS PA SKU SKYES BU CHEN PO'I MTSAN SUM CU RTZA GNYIS KYIS KUN NAS BRGYAN PA, DPE BYAD BZANG PO BRGYAD CUS RNAM PAR MDZES PAR BYAS PA, 'OD 'DOM GANG GIS BRGYAN PA'I SKU NYI MA'I 'OD ZER STONG PAS LHAG PA'I 'OD CAN, RIN PO CHE'I RI BO 'GRO BA LTAR KUN NAS MDZES PA, STOBS BCU DANG, MI 'JIGS PA BZHI DANG, MA 'DRES PA DRAN PA NYE BAR GZHAG PA GSUM DANG, THUGS RJE CHEN PO DANG LDAN PA, DGE SLONG GI DGE 'DUN CHEN PO DANG THABS GCIG TU

146a

, ,'BAB CHU RO HI TA KAR BYON TO, ,RGYAL PO ZAS GTZANG GIS GZHON NU DON THAMS CAD GRUB PA 'BAB CHU RO HI TA KAR BYON TO ZHES THOS SO, ,THOS NAS KYANG RGYAL PO ZAS GTZANG GIS GRONG KHYER SER SKYA'I GZHI RDO BA DANG, GYO MO DANG, GSEG MA RNAMS BSAL NAS TZANDAN GYI CHUS CHAG CHAG BTAB, DRI SHIN TU ZHIM PO'I POG POR NYE BAR BSHAMS, DAR GYI CHUN 'CHANG MANG PO DBYANGS TE, GANG YANG 'BAB CHU RO HI TA KA NAS GANG YANG N+YA GRO DHA'I KUN DGA' RA BA DE'I BAR GYI LAM SHIN TU MDZES PAR BYAS TE, SA PHYOGS YANGS SHING RGYA CHE BAR GDAN RNAM PAR BKRA BA DAG GSHOM DU BCUG GO ,DE NAS 'BAB CHU RO HI TA KA LA DGE SLONG KHA CIG NI LAG PA 'KHRU BAR BYED DO, ,KHA CI GI NI SO SHING 'DOR BAR BYED DO, ,KHA CIG NI KHRUS BYED DO, ,SER SKYA'I GZHI NA GNAS PA'I SH'AKYA RNAMS KYIS GZHON NU DON THAMS CAD GRUB PA GSHEGS SO ZHES THOS SO, ,THOS NAS KYANG KHA CIG NI SNGON GYI DGE BA'I RTZA BAS BSKUL, KHA CIG NI YA MTSAN SKYES NAS THAMS CAD N+YA GRO DHA'I KUN DGA' RA BA NAS BYUNG STE, CI YAB SRAS KYI ZHABS LA PHYAG BYED DAM, 'ON TE SRAS YAB KYI ZHABS LA PHYAG BYED PA LTA'O SNYAM MO, ,DE NAS BCOM LDAN 'DAS 'DI SNYAM DU DGONGS TE, GAL TE NGA ZHABS KYIS

146b

SER SKYA'I GZHIR GSHEGS NA SH'AKYA'I NGA RGYAL CAN RNAMS KYE MA'O GZHON NU DON THAMS CAD GRUB PAS DKA' THUB KYI NAGS SU GSHEGS NAS LTOG PO ZHIG GRUB PA LTA ZHIG STE, DES LHA BRGYA STONG PHRAG DUMS ZHABS 'BRING BYAS NAS STENG GI NAM MKHA' LAS GSHEGS TE DES DE SRID DU DKA' BA BRGYA STONG SPYAD PAS BDUD RTZI THOB NAS NGA ZHABS KYIS GSHEGS PA LTA ZHES MA DAD PA SKYES PAR 'GYUR RO SNYAM NAS, DE NAS BCOM LDAN 'DAS KYIS THUGS MNYAM PAR BZHAG NA, SHAR PHYOGS KYI STENG GI BAR SNANG LA MNGON PAR 'PHAGS NAS SPYOD LAM RNAM PA BZHI MDZAD DE, 'DI LTA STE, 'CHAG PA DANG, BZHENGS PA DANG, BZHUGS PA DANG, MNAL BAR MDZAD DO, ,ME'I TING NGE 'DZIN LA'ANG SNYOMS PAR 'JUG PAR MDZAD DE, ME'I TING NGE 'DZIN LA SNYOMS PAR ZHUGS PA NA SANGS RGYAS BCOM LDAN 'DAS KYI SKU LAS 'OD ZER RNAM PA SNA TSOGS DAG 'BYIN PAR MDZAD DE, 'DI LTA STE, SNGON PO DANG, SER PO DANG, DMAR PO DANG, DKAR PO DANG, LEB RGAN DANG, SHEL GYI KHA DOG DAG GO ,CHO 'PHRUL ZUNG DU'ANG STON PAR MDZAD DE, SKU'I SMAD NAS ME 'BAR BAR MDZAD LA, SKU'I STOD NAS CHU GRANG MO'I RGYUN 'BEBS PAR MDZAD DE SKU'I STOD NAS ME 'BAR BAR MDZAD LA SKU'I SMAD NAS CHU GRANG MO'I RGYUN 'BEBS PA MDZAD PA DE LTA BU'I TING NGE 'DZIN LA SNYOMS PAR ZHUGS SO, ,

147a

, ,SHAR PHYOGS LA JI LTA BAR LHO DANG, NUB DANG, BYANG PHYOGS SU'ANG DE BZHIN NO, ,PHYOGS BZHIR RDZU 'PHRUL GYI CHO 'PHRUL RNAM PA BZHI BSTAN NAS, RDZU 'PHRUL GYI MNGON PAR 'DU MDZAD PA DE BSDUS TE TA LA BDUN GYI SRID TZAM NA BZHUGS SO, ,DGE SLONG RNAMS NI TA LA DRUG GI SRID TZAM NA'O, ,BCOM LDAN 'DAS DRUG GI SRID TZAM NA NI DGE SLONG RNAMS LNGA'I SRID TZAM NA'O, ,BCOM LDAN 'DAS LNGA'I SRID TZAM NA NI DGE SLONG RNAMS BZHI'I SRID TZAM NA'O, ,BCOM LDAN 'DAS BZHI'I SRID TZAM NA NI DGE SLONG RNAMS GSUM GYI SRID TZAM NA'O, ,BCOM LDAN 'DAS GSUM GYI SRID TZAM NA NI DGE SLONG RNAMS GNYIS KYI SRID TZAM NA'O, ,BCOM LDAN 'DAS GNYIS KYI SRID TZAM NA NI DGE SLONG RNAMS TA LA GCIG GI SRID TZAM NA'O, ,BCOM LDAN 'DAS MI BDUN GYI SRID TZAM NA BZHUGS NA NI DGE SLONG RNAMS MI DRUG GI SRID TZAM NA'O, ,BCOM LDAN 'DAS DRUG GI SRID TZAM NA NI DGE SLONG RNAMS LNGA'I SRID TZAM NA'O, ,BCOM LDAN 'DAS LNGA'I SRID TZAM NA NI DGE SLONG RNAMS BZHI'I SRID TZAM NA'O, ,BCOM LDAN 'DAS BZHI'I SRID TZAM NA NI DGE SLONG RNAMS GSUM GYI SRID TZAM NA'O, ,BCOM LDAN 'DAS GSUM GYI SRID TZAM NA NI DGE SLONG RNAMS GNYIS KYI SRID TZAM NA'O, ,BCOM LDAN 'DAS GNYIS KYI SRID TZAM NA NI DGE SLONG RNAMS MI GANG

147b

LHAG TZAM NA'O, ,BCOM LDAN 'DAS MI GANG LHAG TZAM NA NI DGE SLONG RNAMS SA LA'O, ,RGYAL PO ZAS GTZANG GIS CHO 'PHRUL DE LTA BU DE DANG, DGE SLONG MANG PO MTHONG NAS DE LA BCOM LDAN 'DAS GANG YIN PA MA SHES TE MONGS PAR GYUR TO, ,DE NAS TSE DANG LDAN PA 'CHAR KA LA SMRAS PA, 'CHAR KA ,'DI NA NGUR SMRIG GYON PA'I RAB TU BYUNG BA MANG PO ZHIG YOD NA DE LA GZHON NU GANG YIN, TSE DANG LDAN PA 'CHAR KAS BCOM LDAN 'DAS BSTAN NAS SMRAS PA, 'DI NI BCOM LDAN 'DAS LAGS SO, ,SRID PA'I MTHAR BYED SEMS KYI DBANG PHYUG 'DREN PA LAGS,, 'DI NI NYON MONGS SEL MDZAD NYIN BYED DON NI KUN TU STON MDZAD LAGS, ,'DI NI DGONGS PA BZHIN BRNYES STOBS BCU MNGA' BAS KUN GYI PHA ROL GSHEGS PA LAGS, ,DRI MED BTZAL BA CHOS KYI DBANG PHYUG KHYOD KYI SRAS LAGS MI DBANG DE GZIGS SHIG ,DE NAS RGYAL PO ZAS GTZANG GIS LUS BTUD NAS ZHABS LA PHYAG BYAS TE TSIGS SU BCAD PAS GSOL PA, BLO GROS YANGS PA KHYOD LA 'DI DANG NI, ,KUN SPYAN ZHABS LA LAN GSUM PHYAG BGYIS TE, ,BLTAMS PA'I TSE NAS NI G-YOS PA DANG, ,DZAMBU'I GRIB MAS SKU LAS MA 'DAS PA'O, ,DE NAS SH'AKYA DANG, SH'AKYA MO RNAMS KYIS RGYAL PO ZAS GTZANG BCOM LDAN 'DAS KYI ZHABS LA GTUGS PA MTHONG NAS, DE LTAR YAB SRAS KYI ZHABS LA PHYAG BYED PA CI'I THA [?]

148a

, ,TSIG CES MA DAD PA BSKYED DO, ,RGYAL PO ZAS GTZANG GIS SH'AKYA DANG, SH'AKYA MO RNAMS LA GO BAR BYA BA'I PHYIR 'DI SKAD CES SMRAS SO, ,SHES LDAN DAG , DA GDOD KHO BOS GZHON NU DON THAMS CAD GRUB PA'I ZHABS LA PHYAG BYAS PA MA YIN TE, GANG GI TSE NA GZHON NU DON THAMS CAD GRUB PA BLTAMS PA NA SA CHEN PO G-YOS PAR GYUR CING 'JIG RTEN 'DI THAMS CAD SNANG BA RGYA CHEN POS GSAL BAR GYUR TE, 'JIG RTEN NA 'JIG RTEN GYI BAR GYI MUN PA MUN NAG SMAG TU GYUR PA NYI MA DANG, ZLA BA 'DI GNYIS 'DI LTAR RDZU 'PHRUL CHE BA, 'DI LTAR MTHU CHE BA'I 'OD KYI SNANG BA NYAMS SU MA MYONG BA GANG YIN PA DE'ANG DE'I TSE SNANG BA CHEN POS GSAL BAR GYUR NAS SEMS CAN GANG DAG SKYES PA DE DAG SNANG BA DES SEMS CAN DAG GCIG GIS GCIG MTHONG NAS, SHES LDAN DAG ,SEMS CAN GZHAN DAG KYANG 'DIR SKYES PA LTA, SHES LDAN DAG ,SEMS CAN GZHAN DAG KYANG 'DIR SKYES PA LTA ZHES NGO SHES PAR GYUR PA DE'I TSE'ANG KHO BOS BYANG CHUB SEMS DPA'I ZHABS LA MGO BOS PHYAG BYAS SO, ,GANG GI TSE GZHON NU DON THAMS CAD GRUB PA ZHING LAS KYI MTHA' LA BZHUGS PA NA SHING DZAMBU'I GRIB MA LA BZHUGS NAS 'DOD PA RNAMS LAS DBEN PA, SDIG PA MI DGE BA'I CHOS RNAMS LAS DBEN PA, RTOG PA

148b

DANG BCAS DPYOD PA DANG BCAS PA, DBEN PA LAS SKYES PA'I DGA' BA DANG, BDE BA ZAG PA MED PA DANG MTSUNGS PA'I BSAM GTAN DANG PO BSGRUBS TE BZHUGS PA NA, SHING GZHAN RNAMS KYI GRIB MA NI SHAR PHYOGS SU GZHOL, SHAR PHYOGS SU 'BAB, SHAR PHYOGS SU BAB KYANG SHING DZAMBU'I 'GRIB MA NI BYANG CHUB SEMS DPA'I SKU LAS MA 'DAS PAR GYUR PA DE'I TSE YANG NGO MTSAR RMAD DU BYUNG BA'I CHOS DES KHO BO'I YID BSDUS PAS, BCOM LDAN 'DAS KYI ZHABS LA YANG PHYAG BYAS TE, 'DI DANG BCOM LDAN 'DAS KYI ZHABS LA LAN GSUM PHYAG BYAS SO, ,DE BAS NA 'DI SKAD CES, BLO GROS YANGS PA KHYOD LA 'DI DANG NI, ,KUN SPYAN ZHABS LA LAN GSUM PHYAG BGYIS TE, ,BLTAMS PA'I TSE NA SA 'DI G-YOS PA DANG, ,DZAMBU'I GRIB MA SKU LAS MA 'DAS PA'O, ,ZHES SMRAS SO, ,DE NAS BCOM LDAN 'DAS KYIS RDZU 'PHRUL MNGON PAR 'DU MDZAD PA DE BRTUL NAS 'KHOR BRGYA PHRAG DU MA ZIL GYIS MNAN NAS DGE SLONG GI DGE 'DUN GYI GUNG LA GDAN BSHAMS PA NYID LA BZHUGS SO, ,DE NAS RGYAL PO ZAS GTZANG SKAD 'DZER CING MIG MCHI MAS GANG BAS BCOM LDAN 'DAS LA TSIGS SU BCAD PA'I DBYANGS KYIS ZHU BA ZHUS PA, GZHAL MED KHANG GI GNAS RNAMS LAS, ,YAB KYI KHAB NA BZHUGS PA LAS, ,DGON PA 'JIGS DANG BCAS

149a

, ,RNAMS SU, ,JI LTA BUR NI 'BA' ZHIG BZHUGS, ,BCOM LDAN 'DAS KYIS BKA' STZAL PA, MI YI BDAG PO GANG DU NI, ,KHYIM GYI 'CHING BA LAS GROL BA, , 'PHAGS PA YI NI GNAS PA BCUS, ,THUB PA RNAMS NI GNAS PAR MDZAD, ,RGYAL POS GSOL PA, BA SO GSER GYI RTZA BA CAN, ,SHIN TU BDE BA GTING BA YIS, ,KHRI LA MNAL BAR MDZAD PA LAS, ,GDING BA LA NI JI LTAR MNAL, ,BCOM LDAN 'DAS KYIS BKA' STZAL PA, RGYAL PO RNAM GROL GNAS MAL NI, ,DGA' BA BYANG CHUB YAN LAG GI, ME TOG BKRAM PAR CHAGS MED CING, ,YONGS SU GDUNG BA RNAM SPANGS MNAL, ,RGYAL POS GSOL PA, DPA' BO NYID KYI PHO BRANG NA, ,GLANG PO SHING RTA RTAS BZHUD PA, ,TSER MAR BCAS PA'I SA GZHI LA, ,ZHABS KYIS JI LTAR GSHEGS PAR MDZAD, ,BCOM LDAN 'DAS KYIS BKA' STZAL PA, NGA YI SHING RTA RDZU 'PHRUL RKANG, ,YANG DAG RTZOL BA'I GZHOL BA YIS, ,SA KUN RNAM PAR RGYUN YANG, ,NYON MONGS TSER MAS GNOD PA MED, ,RGYAL PO ZAS GTZANG GIS GSOL PA, DPA' BO SNGON NI KA SHI KA'I, ,NA BZA' MNABS NAS MDZES PA LAS, ,NGUR SMRIG RTZUB PO'I GOS MNABS PA, ,JI LTAR KHYOD KYIS SKU YIS BZOD, ,BCOM LDAN 'DAS KYIS BKA' STZAL PA, RGYAL PO NGA'I GOS NGO TSA SHES, ,NGA YI BGO BA SNAM SBYAR TE, ,DE

149b

BGOS THUB PA ZHI BA RNAMS, ,NAGS KHROD NA NI MDZES PAR 'GYUR, ,RGYAL PO ZAS GTZANG GIS GSOL PA, 'DI LTAR KHYOD SNGON GSER GYI GZHONG BA NAS, ,DU MA'I RO LDAN 'BRAS CHAN GSOL BA LAS, ,'DI LTAR GTZO BO DA LTA'I BSOD SNYOMS NI, ,PHAL PA GSOL PA JI LTAR MGUL DU MCHI, ,BCOM LDAN 'DAS KYIS BKA' STZAL PA, ZAS KYI SRED PA THAMS CAD SPANGS NAS NI, ,NGES PAR BYUNG DANG MNYAM PAR BZHAG LDAN PA'I, ,NGA YI CHOS KYI RO MCHOG GSOL MOD KYI, ,'JIG RTEN LA SNYING BRTZE BA'I PHYIR SPYOD DO, ,RGYAL PO ZAS GTZANG GIS GSOL PA, MGUR DU BDE BA MANG BGYID PA'I, ,RGUN SKYEMS KHA RA'I CHAB GSOL NA, ,RNYOG PA CAN LA DRI NGA BA'I, ,CHAB NI JI LTA ZHIG TU GSOL, ,BCOM LDAN 'DAS KYIS BKA' STZAL PA, MI YI BDAG PO GANG 'THUNGS NA, ,BDAG LA 'THUNG BA THAMS CAD NI, ,DUG DANG 'DRA BAR SNANG GYUR PA, ,CHAB KYI RO MCHOG NGA 'THUNG NGO, ,RGYAL PO ZAS GTZANG GIS GSOL PA, 'DI LTAR KHYOD SNGON BSIL KHANG GZHAL MED KHANG, ,KHANG BZANG STENG NA JI LTA'I DUS BZHIN BZHUGS, ,DA LTAR GCIG PU NAGS KHROD KHYOD BZHUGS PA, ,BLO BZANG JI LTAR BSNYENGS PA MED PAR BZHUGS, ,BCOM LDAN 'DAS KYIS BKA' STZAL PA, ,GOO TAM 'JIGS PA'I RTZA BA GANG YIN PA, ,DRI MA BAG CHAGS BCAS PAR YANG SPANGS PAS, ,DA

150a

, ,NI MYA NGAN 'JIGS PA MED GNAS TE, ,NGA LA 'DI NA 'JIGS PA CUNG ZAD MED, ,RGYAL PO ZAS GTZANG GIS GSOL PA, ,KHYOD SNGON KHRUS KHANG SHIN TU YID 'ONG BAR, ,KHRUS MCHOG KHYAD PAR 'PHAGS PAS RTAG BSIL NA, ,GCIG PU KHYOD NI NAGS KHROD GNAS LDAN PAR, ,THUB DBANG DA LTAR SU YI KHRUS MDZAD 'GYUR, ,BCOM LDAN 'DAS KYIS BKA' STZAL PA, GOO TA MA CHOS KYI MTSO PHRAN DRI MED PA, ,TSUL KHRIMS 'JUG NGOGS DAM PAS BSNGAGS PA STE, ,DE LA REG PA'I YON TAN MI BKRU NA, ,LUS MI GSHER BAR PHA ROL RAB TU BRGAL, ,RGYAL PO ZAS GTZANG GIS GSOL, ,DPA' BO NYID KYI KHAB NA NI, ,GSER DNGUL BUM PAS KHRUS MDZAD NA, ,RNYOG PA CAN LA DRI NGA BA, , CHAB KYIS JI LTAR KHRUS MDZAD LAGS, ,BCOM LDAN 'DAS KYIS BKA' STZAL PA, GOO TAM DAD PA'I 'BAB CHU RNYOG PA MED, ,BSOD NAMS 'JUG NGOGS DAM PAS BSNGAGS PA STE; ;DE LA RIG PA'I YON TAN MA BKRUS NA, ,LUS MI GSHER BAR PHA ROL RAB TU BRGAL, ,RGYAL PO ZAS GTZANG GIS GSOL PA, DPA' BO KHYOD SNGON SER SKYA YIS, ,TZANDAN GYIS NI SKU BKRUS SHING, ,KA SHI'I MCHOG GNAS MDZES PA LAS, ,DE DANG BRAL NAS MDZES MA LAGS, ,BCOM LDAN 'DAS KYIS BKA' STZAL PA, TSUL KHRIMS NGA YI RGYAN

150b

YIN TE, ,TSUL KHRIMS NYID NI BYUG PA YIN, ,GSER DANG NOR BU RNA CHA DAG ,RMONGS SKYES NGA LA CI ZHIG BYA, ,RGYAL PO ZAS GTZANG GIS GSOL PA, GANG GIS KHYOD NI KHYAD DU GSOD, , GANG LAS 'JIGS SU RUNG BA SKYE, ,YID 'BYUNG BA YANG GANG LAS SKYES, ,ZHUS PA DE DAG BDAG LA GSUNGS, ,BCOM LDAN 'DAS KYIS BKA' STZAL PA, GANG GIS NGA NI KHYOD GSOD DANG; ;GANG ZHIG LAS NI 'JIGS PA DANG, ,GANG LAS YID 'BYUNG SKYES PA DAG ,NYON CIG KHYOD LA BSHAD PAR BYA, ,RGA DANG NA DANG 'CHI BA STE, ,GAL TE 'DI GSUM YOD MIN NA; ;NGA YANG SHIN TU YID 'ONG BA'I, ,YUL RNAMS LA NI DGA' BAR 'GYUR, ,RGYAL PO ZAS GTZANG GIS GSOL PA, SH'AKYA RNAMS KYI RIGS DGA' BA, ,LEGS PAR 'KHRUNGS PA'I DPA' BO LEGS, ,KHYOD NI 'JIG RTEN CHOS BRGYAD KYIS, ,JI LTA BUR YANG MA GOS SO, ,DE NAS RAB DGA' DANG BA RGYAS BYAS NAS, ,DRANG SRONG DGE 'DUN BSKOR BA BYAS NAS CI; ;THUB PA'I ZHABS LA MGO BOS PHYAG BYAS TE, ,BDE BAR GSHEGS LA KUN NAS RTOG CING 'DUG ,DE NAS RGYAL PO ZAS GTZANG 'DI SNYAM DU SEMS TE, GANG BDAG GI BUS YON TAN GYI TSOGS 'DI LTA BU THOB PA NI BDAG GI RNYED PA LEGS PAR RNYED DO SNYAM MO, ,DE NAS BCOM LDAN 'DAS KYIS N+YA GRO DHA'I KUN DGA' RA BAR 'KHOR DE'I BSAM PA DANG ,

151a

, ,BAG LA NYAL BA DANG, KHAMS DANG, RANG BZHIN MKHYEN NAS DE DANG MTHUN PA'I CHOS BSHAD PAR MDZAD DE, DE THOS PAS ZAS DKAR LA SOGS PA SH'AKYA BDUN KHRI BDUN STONG GIS RGYUN DU ZHUGS PA'I 'BRAS BU MNGON SUM DU BYAS TE RGYAL PO ZAS GTZANG NI MA GTOGS SO, ,LHA BYIN NGA RGYAL LAS NGA RGYAL CAN SDIG PA 'DOD PA DES BDEN PA MTHONG BAR MA BYAS PAS KHRO BAS KUN NAS BKRIS PA DANG BCAS PAS SMRAS PA, GAL TE BDAG GIS 'DI 'DRA BA'I SGYU MAS DBANG DU BYED PA SHES NA, BDAG GIS KYANG 'JIG RTEN THAMS CAD DBANG DU BYA BA ZHIG ,DE LA SH'AKYA RNAMS KYIS GSHE BA'I TSIG GIS SMRAS PA, LHAS BYIN, BCOM LDAN 'DAS NI RDZU 'PHRUL CHE BA YIN GYI DE SKAD MA SMRA ZHIG CES BZLOG NAS CANG MI SMRA BAR 'DUG GO ,TSANGS PAS BSKOR BA'I SKYED MOS TSAL DU 'DI LTA BU'I CHOS BSHAD PA MDZAD DE, DE THOS PAS RGYAL PO ZAS GTZANG MA GTOGS PAR BRE BO ZAS LA SOGS PA SH'AKYA DRUG KHRI DRUG STONG GIS RGYUN DU ZHUGS PA'I 'BRAS BU MNGON SUM DU BYAS PA NA'ANG LHAS BYIN DE KHO NA BZHIN DU ZER RO, ,RO HI TA KA'I SKYED MOS TSAL DU 'DI LTA BU'I CHOS BSHAD PA MDZAD DE, DE THOS PAS RGYAL PO ZAS GTZANG MA GTOGS PAR BDUD RTZI ZAS LA SOGS PA SH'AKYA BDUN KHRI LNGA STONG GIS RGYUN

151b

DU ZHUGS PA'I 'BRAS BU MNGON SUM DU BYAS PA NA'ANG LHAS BYIN DE KHO NA BZHIN DU ZER RO, ,'KHOR LHAG MA RNAMS LAS KHA CIG GIS NI NYAN THOS KYI BYANG CHUB TU SEMS BSKYED DO, ,KHA CIG GIS NI RANG SANGS RGYAS KYI BYANG CHUB TU, KHA CIG GIS NI BLA NA MED PA YANG DAG PAR RDZOGS PA'I BYANG CHUB TU, KHA CIG GIS NI RGYUN DU ZHUGS PA'I 'BRAS BU MNGON SUM DU BYAS, KHA CIG GIS NI LAN GCIG PHYIR 'ONG BA'I 'BRAS BU, KHA CIG GIS NI PHYIR MI 'ONG BA'I 'BRAS BU, KHA CIG GIS NI RAB TU BYUNG NAS NYON MONGS PA THAMS CAD SPANGS TE DGRA BCOM PAR 'GYUR, ,KHA CIG GIS NI SANGS RGYAS LA SKYABS SU SONG, KHA CIG GIS NI CHOS LA, KHA CIG GIS NI DGE 'DUN LA STE, 'KHOR DE DAG PHAL CHER YANG SANGS RGYAS LA GZHOL, CHOS LA 'BAB, DGE 'DUN LA BAB PAR BKOD DO, ,DE NAS RGYAL PO ZAS GTZANG 'DI SNYAM DU SEMS TE, SNGON NI BCOM LDAN 'DAS LHA DANG, LHA MA YIN GYI 'GRO BAR BCAS PAS MCHOD PA DANG; RJED PA DANG, MNGON DU SMRA BAR GYUR NA, DA LTA NI MIS MCHOD KYI, LHAS NI MA YIN NO SNYAM MO, ,DE NAS SH'AKYA GZHON NU ZHIG GIS TSIGS SU BCAD DE GSOL PA, DRANG SRONG CHEN PO SMRA MCHOG DAM CHOS KYI, ,CHAR PAS 'GRO BA 'DI NI TSIM MDZAD DE, ,MI BZAD LAM DU LHUNG BA'I 'JIG RTEN 'DI, ,DRANGS TE THAR BA'I LAM LA SPYOD PAR MDZOD, ,DE NAS BCOM LDAN

152a

, ,'DAS 'DI SNYAM DU DGONGS TE, RGYAL PO ZAS GTZANG NI 'DI SNYAM DU BDAG GI BU 'BA' ZHIG ,'DI LTAR RDZU 'PHRUL CHE ZHING 'DI LTAR MTHU CHE BA YIN NO SNYAM STE LHAG PAR DGA' BA LAS GYUR GYI MDOR NA DE'I DREGS PA SPONG DU GZHUG GO ,RGYU GNYIS KYIS BDEN PA RNAMS MTHONG BAR MI 'GYUR TE, HA CANG ZHUM PA DANG, SHIN TU DGA' BA'O, , DE LA ZHUM PA'I SEMS DANG, SHIN TU DGA' BA YOD KYIS, MA LA NGAS DE'I ZHUM PA DANG, SHIN TU DGA' BA GNYIS SPONG DU GZHUG GO SNYAM NAS, DE NAS BCOM LDAN 'DAS KYIS TSE DANG LDAN PA MOONGGAL GYI BU CHEN PO LA BKA' STZAL PA, MOONGGAL GYI BU, RGYAL PO ZAS GTZANG MA LA SGOMS SHIG ,BTZUN PA, BKA' BZHIN 'TSAL ZHES TSE DANG LDAN PA MOONGGAL GYI BU CHEN POS BCOM LDAN 'DAS LAS MNYAN NAS RGYAL PO ZAS GTZANG GANG NA BA DER SONG BA DANG, RGYAL PO ZAS GTZANG GIS TSE DANG LDAN PA MOONGGAL GYI BU CHEN PO RGYANG RING PO NAS 'ONG BA MTHONG NGO, ,MTHONG NAS KYANG TSE DANG LDAN PA MOONGGAL GYI BU CHEN PO LA 'DI SKAD CES SMRAS SO, ,BTZUN PA MOONGGAL GYI BU CHEN PO, ,TSUR SPYO NA, MOONGGAL GYI BU CHEN PO KHYOD BYON PA LEGS SO, ,BTZUN PA MOONGGAL GYI BU CHEN PO, GDAN BSHAMS PA NYID LA BZHUGS SHIG ,TSE DANG LDAN PA MOONGGAL GYI BU CHEN POS GDAN BSHAMS PA NYID LA 'DUG

152b

GO ;DE NAS TSE DANG LDAN PA MOONGGAL GYI BU CHEN POS SEMS JI LTAR MNYAM PAR BZHAG NA, RANG GI STAN LAS MI SNANG BAR GYUR TE SHAR PHYOGS KYI STENG GI BAR SNANG LA MNGON PAR 'PHAGS NAS SPYOD LAM RNAM PAR BZHI BYED DE, 'DI LTA STE, 'CHAG PA DANG, 'GRENG BA DANG, 'DUG PA DANG, NYAL BAR BYED DO, ,ME'I TING NGE 'DZIN LA'ANG SNYOMS PAR 'JUG PAR BYED DO, ,ME'I TING NGE 'DZIN LA SNYOMS PAR ZHUGS PA NA, TSE DANG LDAN PA MOONGGAL GYI BU CHEN PO'I LUS LAS 'OD ZER RNAM PA SNA TSOGS DAG 'BYIN PAR BYED DE, 'DI LTA STE, SNGON PO DANG, SER PO DANG, DMAR PO DANG, DKAR PO DANG, LEB RGAN DANG, SHEL GYI KHA DOG DAG GO ,CHO 'PHRUL ZUNG DU'ANG STON PAR BYED DO, ,LUS KYI SMAD NAS ME 'BAR BAR BYED LA LUS KYI STOD NAS CHU GRANG MO'I RGYUN 'BEBS PAR BYED DO, ,LUS KYI STOD NAS ME 'BAR BAR BYED LA LUS KYI SMAD NAS CHU GRANG MO'I RGYUN 'BEBS PAR BYED PA DE LTA BU'I TING NGE 'DZIN LA SNYOMS PAR ZHUGS SO, ,SHAR PHYOGS LA JI LTA BA BZHIN DU LHO DANG, NUB DANG, BYANG PHYOGS SU'ANG DE BZHIN NO, ,PHYOGS BZHIR RDZU 'PHRUL GYI CHO 'PHRUL RNAM PA BZHI BSTAN NAS RDZU 'PHRUL MNGON PAR 'DU BYA BA BSDUS TE STAN BSHAMS PA NYID LA 'DUG GO ,DE NAS RGYAL PO ZAS GTZANG GIS TSE DANG LDAN PA MOONGGAL GYI BU CHEN PO LA 'DI SKAD CES

153a

[MISSING PAGE]

153b

[MISSING PAGE]

154a

, ,PA'O; ;NUB KYI PHYOGS NA NI MIG MI BZANG RIN PO CHE SNA BDUN GYIS BRGYAN PA'O, ,BYANG PHYOGS NA NI LUS NGAN PO RGYAN THAMS CAD KYIS BRGYAN PA'O, , DE NAS LHA RNAMS KYI DBANG PO BRGYA BYIN GYIS N+YA GRO DHA'I KUN DGA' RA BA CHE THANG DU BRGYAN DU BCUG STE, BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS LA DON DE RGYAS PAR GSOL TO, ,DE NAS BRGYA BYIN DANG, TSANGS PA LA SOGS PA LHA BRGYA STONG PHRAG DU MAS YONGS SU BSKOR NAS KHANG PA BRTZEGS PAR ZHUGS TE LHA'I 'KHOR PHAL PO CHE'I GUNG LA RIN PO CHE SNA TSOGS KYIS BRGYAN PA'I SENG GE'I KHRI LA BZHUGS SO, ,DE NAS TSE DANG LDAN PA MOONGGAL GYI BU CHEN PO RGYAL PO ZAS GTZANG KHRID DE BCOM LDAN 'DAS GANG NA BA DER SONG STE PHYIN NAS, TSE DANG LDAN PA MOONGGAL GYI BU CHEN PO NANG DU ZHUGS PA DANG, RGYAL PO ZAS GTZANG LA RGYAL PO CHEN PO YUL 'KHOR SKYONG GIS, RGYAL PO CHEN PO, NANG DU MA 'GRO BAR SDOD CIG CES BZLOG GO ,CI'I PHYIR, BCOM LDAN 'DAS LHA'I 'KHOR DAG PA LA CHOS 'CHAD DE DER MIR GYUR PA 'JUG TU MI DBANG NGO, ,BZHIN BZANG KHYOD SU ZHIG ,RGYAL PO CHEN PO, BDAG NI YUL 'KHOR SKYONG NGO, ,DE NAS RGYAL PO ZAS GTZANG LHO SGOR SONG BA DANG, RGYAL PO CHEN PO 'PHAGS

154b

SKYES POS MTHONG NAS SMRAS PA, RGYAL PO CHEN PO, NANG DU MA 'JUG PAR SDOD CIG ,RGYAL PO ZAS GTZANG GI MTHONG NAS SMRAS PA, BZHIN BZANG KHYOD SU ZHIG ,'PHAGS SKYES POS SMRAS PA, RGYAL PO CHEN PO, BDAG NI 'PHAGS SKYES PO'O, ,CI'I PHYIR, BCOM LDAN 'DAS LHA'I 'KHOR DAG PA LA CHOS 'CHAD DE, DER MIR GYUR PA 'JUG TU MI DBANG NGO, ,DE NAS RGYAL PO ZAS GTZANG NUB SGOR SONG BA DANG, RGYAL PO CHEN PO MIG MI BZANG GIS MTHONG NAS SMRAS PA, RGYAL PO CHEN PO NANG DU MA 'JUG PAR SDOD CIG ,RGYAL PO ZAS GTZANG GIS MTHONG NAS SMRAS PA, BZHIN BZANG KHYOD SU ZHIG ,MIG MI BZANG GIS SMRAS PA, RGYAL PO CHEN PO, BDAG NI MIG MI BZANG NGO, ,CI'I PHYIR; BCOM LDAN 'DAS LHA'I 'KHOR DAG PA LA CHOS 'CHAD DE, DER MIR GYUR PA 'JUG TU MI DBANG NGO, ,DE NAS RGYAL PO ZAS GTZANG BYANG SGOR SONG BA DANG, RGYAL PO CHEN PO RNAM THOS KYI BUS MTHONG NAS SMRAS PA, RGYAL PO CHEN PO, NANG DU MA 'JUG PAR SDOD CIG ,RGYAL PO ZAS GTZANG GIS SMRAS PA, BZHIN BZANG KHYOD SU ZHIG ,RNAM THOS KYIS BUS SMRAS PA, RGYAL PO CHEN PO, BDAG NI RNAM THOS KYI BU'O, ,CI'I PHYIR, BCOM LDAN 'DAS LHA'I 'KHOR DAG PA LA CHOS 'CHAD DE, DER MIR GYUR PA 'JUG

155a

, ,TU MI DBANG NGO, ,DE NAS RGYAL PO ZAS GTZANG KYE MA'O BCOM LDAN 'DAS LHA'I 'KHOR DAG PA LA CHOS 'CHAD PA DE BDAG GIS BLTA'O SNYAM PA'I 'DOD PA SKYES SO, ,DE NAS RGYAL PO ZAS GTZANG GIS ZHUM PA'I RGYUD GANG YIN PA DE DANG BRAL BAR GYUR TO, ,DE NAS BCOM LDAN 'DAS KYIS DGONGS PA RGYAL PO ZAS GTZANG GIS GAL TE NGA MA MTHONG NA KHRAG DRON PO SKYUGS NAS 'CHI BAR 'GYUR BA'I GNAS SKABS GANG YIN PA DE YOD KYI, DE LA THABS SHIG BSHAM PAR BYA'O SNYAM NAS BCOM LDAN 'DAS KYIS RIN PO CHE SNA BZHI'I KHANG PA BRTZEGS PA GANG YIN PA DE SHEL LAS BYAS PAR SPRUL PA DANG, DE NAS RGYAL PO ZAS GTZANG GIS SANGS RGYAS KYI SKU SGRIB PA MED PAR MTHONG NGO,, MTHONG NAS KYANG DGA' BA DANG, MGU BA SKYES NAS BCOM LDAN 'DAS KYI ZHABS GNYIS LA MGO BOS PHYAG BTZAL TE PHYOGS GCIG TU 'DUG GO ,DE NAS BCOM LDAN 'DAS KYIS RGYAL PO ZAS GTZANG GI BSAM PA DANG, BAG LA NYAL BA DANG, KHAMS DANG, RANG BZHIN MKHYEN NAS 'PHAGS PA'I BDEN PA BZHI SO SOR RTOGS PAR 'GYUR BA DE LTA BU'I CHOS BSHAD PA MDZAD DE, DE THOS PAS RGYAL PO ZAS GTZANG GIS 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU ZHUGS

155b

PA'I 'BRAS BU MNGON SUM DU BYAS TE, DE BDEN PA MTHONG NAS LAN GSUM DU CHED DU BRJOD PA CHED DU BRJOD PA, BTZUN PA, BDAG LA PHAS MA BGYIS, MAS MA LAGS, RGYAL BAS MA LAGS, LHA RNAMS KYIS MA LAGS, SNGON GYI 'DAS PA RNAMS KYIS MA LAGS, DGE SBYONG DANG, BRAM ZE RNAMS KYIS MA LAGS, SDUG PA DANG, RANG GI SKYE BO DANG, GNYEN GYI TSOGS KYIS MA LAGS PA GANG LAGS PA DE NI BCOM LDAN 'DAS KYIS BDAG LA MDZAD DE, KHRAG DANG, MCHI MA'I RGYA MTSO NI BSKAMS, RUS PA'I RI BO LAS NI BSGRAL, NGAN SONG GI SGO RNAMS NI BKUM , MTHO RIS DANG, THAR PA'I SGO RNAMS NI PHYE, BDAG LHA DANG, MI RNAMS SU NI BZHAG GO ,YANG GSOL PA, PHA LA LAN DU PHAN GDAGS PA, ,DAM PA'I BUS NI BGYI BA GANG, ,KHYOD KYIS BDAG LA MDZAD LAGS TE, ,SEMS NI GROL BAR GZHOL BAR BGYIS, ,KHYOD KYIS BDAG NI NGAN 'GRO LAS, ,DRANGS TE MTHO RIS THAR PA LAS, ,BSGRIM MI 'TSAL BAR BZHAG LAGS TE, ,KHYOD KYIS DGA' BA MDZAD PA LEGS, ,MGON PO BYAMS PA KHYED KYIS NI, ,BDAG GI TSONG PA RNYED LDAN LTAR, ,MTHO RIS RNYED PA SRID PA YI, ,LONGS SPYOD DAG NI RNYED PAR MDZAD, ,DE NAS RGYAL PO ZAS GTZANG STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GANG NA BA DER LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL

156a

, ,TO; ;BCOM LDAN 'DAS DGE SLONG GI DGE 'DUN DANG THABS GCIG TU SANG BDAG GI SDUM PAR GDUGS TSOD SBYOR ZHING MCHIS NA GNAD BAR MDZAD DU GSOL, BCOM LDAN 'DAS KYIS RGYAL PO ZAS GTZANG LA CANG MI GSUNG BAS GNANG NGO, ,DE NAS RGYAL PO ZAS GTZANG BCOM LDAN 'DAS CANG MI GSUNG BAS GNANG BAR RIG NAS BCOM LDAN 'DAS KYI ZHABS GNYIS LA MGO BOS PHYAG BYAS TE, BCOM LDAN 'DAS KYI SPYAN SNGA NAS CHAS TE ZAS DKAR GANG NA BA DER SONG STE PHYIN NAS ZAS DKAR LA 'DI SKAD CES SMRAS SO; ;GZHON NU, RGYAL SRID THOB KYI, RGYAL SRID KHYER CIG ,CI'I SLAD DU, NGAS BCOM LDAN 'DAS KYI SPYAN SNGAR BDEN PA MTHONG BAS SO, ,GANG GI GDUGS LA LAGS, DE RING KHO NA'O, ,BDAG GIS KYANG BCOM LDAN 'DAS GANG GI NYI MA LA N+YA GRO DHA'I KUN DGA' RA BAR CHOS BSHAD PA DE'I NYI MA LA SH'AKYA BDUN KHRI BDUN STONG DANG LHAN CIG BDEN BA MTHONG LAGS SO, ,DE BZHIN DU BRE BO ZAS LA RGYAL SRID KHYER CIG CES SMRAS PA DANG, DES SMRAS PA, BDAG GIS KYANG BCOM LDAN 'DAS KYIS GANG GI TSE TSANGS PAS BSKOR BA'I SKYED MOS TSAL DU CHOS BSHAD PA DE'I TSE SH'AKYA BDUN KHRI DRUG STONG DANG BDEN PA MTHONG LAGS SO, ,DE BZHIN DU BDUD RTZI ZAS LA RGYAL SRID KHYER CIG CES SMRAS

156b

PA DANG, DES SMRAS PA, BDAG GIS KYANG GANG GI TSE BCOM LDAN 'DAS NYID KYIS RO HI TA KA'I SKYED MOS TSAL DU CHOS BSHAD PA DE'I TSE SH'AKYA BDUN KHRI LNGA STONG DANG LHAN CIG BDEN PA MTHONG LAGS SO, ,GAL TE DE LTAR GYUR NAD SU ZHIG RGYAL SRID LA GZHAG ,DE RNAMS KYIS SMRAS PA, SH'AKYA'I RGYAL PO BZANG LDAN GYIS BGYI'O, ZHES DE RNAMS 'DUS NAS SH'AKYA'I RGYAL PO BZANG LDAN RGYAL SRID KYI DBANG PHYUG LA DBANG BSKUR RO, ,DE NAS RGYAL PO ZAS GTZANG GIS DE NYID KYI MTSAN MO NAS GTZANG ZHING BSOD PA'I BZA' BA DANG, BCA' BA DAG STA GON BYAS NAS NANG PAR SNGAR LANGS TE, GDAN BSHAMS SHING NOR BU CHU SNOD BZHAG NAS BCOM LDAN 'DAS LA SPYAN 'DREN GYIS DUS TSOD GSOL PA, BTZUN PA, BCOM LDAN 'DAS, GDUGS TSOD LAGS NA, DA DE'I DUS LA BAB PAR DGONGS SU GSOL, BCOM LDAN 'DAS, SNGA DRO NA BZA' DANG, SHAM THABS MNABS, LHUNG BZED DANG CHOS GOS BSNAMS TE DGE SLONG GI TSOGS KYIS YONGS SU BSKOR CING DGE SLONG GI DGE 'DUN GYIS MDUN DU BDAR NAS, RGYAL PO ZAS GTZANG GI BKANG SA GANG NA BA DER GSHEGS TE BYON NAS DGE SLONG GI DGE 'DUN GYI GUNG LA GDAN BSHAMS PA NYID LA BZHUGS SO, ,DE NAS RGYAL PO ZAS GTZANG GIS SANGS RGYAS LA SOGS PA DGE SLONG GI DGE 'DUN BDE BAR BZHUGS PAR RIG NAS GTZANG ZHING BSOD PA'I

157a

, ,BZA' BA DANG, BCA' BAS RANG GI LAG NAS STOBS SHING TSIM PAR BYED DE, RNAM GRANGS DU MAR GTZANG ZHING BSOD PA'I BZA' BA DANG, BCA' BAS RANG GI LAG NAS BSTABS SHING TSIM PAR BYAS TE, BCOM LDAN 'DAS KYIS GSOL ZIN NAS PHYAG BCABS TE LHUNG BZED GYU BAR RIG NAS GSER GYI BYA MA BUM BLANGS TE, BCOM LDAN 'DAS LA N+YA GRO DHA'I KUN DGA' RA BA PHUL LO, ,BCOM LDAN 'DAS KYIS YAN LAG LNGA DANG LDAN PA'I GSUNG DBYANGS KYIS YON BSNGO BAR MDZAD PA, SBYIN PA'I BSOD NAMS GANG YIN 'DIS, , SH'AKYA RNAMS KYIS BSAMS PA YI, ,YID LA RE BA RDZOGS NAS NI, ,RTAG PA'I GNAS NI THOB PAR SHOG ,DE NAS BCOM LDAN 'DAS SER SKYA'I GZHI SHING N+YA GRO DHA'I KUN DGAR RA BA NA BZHUGS SO, ,DE BZHIN DU BSAM GTAN PA RNAMS KYIS KYANG MDO SDE LA BCOM LDAN 'DAS SER SKYA'I GZHI SHING N+YA GRO DHA'I KUN DGA' RA BA NA BZHUGS SO ZHES GDAGS PA BYAS SO, ,BCOM LDAN 'DAS SER SKYA'I GZHI DE NYID NA BZHUGS NAS NYI MA GCIG NI RGYAL PO'I PHO BRANG DU GDUGS TSOD GSOL, NYI MA GCIG NI BTZUN MO'I NANG DU GSOL LO, , RGYAL PO ZAS GTZANG GIS RAL PA CAN LAS RAB TU BYUNG BA'I DGE SLONG RNAMS SPYOD LAM ZHI ZHING SEMS DANG BA YIN NA, DKA' THUB DRAG PO'I BRTUL SHUGS KYI KHYAD PAR DAG GIS

157b

LUS GDUNGS PAS LUS MI MDZES PAR MTHONG NGO, ,MTHONG NAS KYANG 'DI SNYAM DU SEMS TE, 'DI LTAR RAL PA CAN 'DI DAG SPYOD LAM ZHI ZHING SEMS DANG BA YIN MOD KYI, LUS MDZES PA MA YIN NA 'KHOR CI 'DRA BA ZHIG GIS BCOM LDAN 'DAS MDZES PAR 'GYUR SNYAM PA LAS, DES BSAMS PA, SH'AKYA'I 'KHOR GYIS YIN NO SNYAM NAS, DE NAS SH'AKYA THAMS CAD BSOGS TE SMRAS PA, SHES LDAN DAG ,GAL TE GZHON NU DON THAMS CAD GRUB PA RAB TU BYUNG BAR MA GYUR NA JI LTAR 'GYUR, 'KHOR LOS BSGYUR BA'I RGYAL POR 'GYUR RO, ,KHYED CAG CI ZHIG BYED PAR 'GYUR, G-YOG BGYID PAR 'GYUR RO, ,DA LTAR GZHON NU DON THAMS CAD GRUB PA BLA NA MED PA CHOS KYI RGYAL POR 'GYUR NA, KHYED CAG CI'I PHYIR G-YOG MI BYED, LHA; CI RAB TU 'BYUNG NGAM, RAB TU BYUNG ZHIG ,CI THAMS CAD DAM, KHYIM RE NAS RE RE'O, ,BKA' BZHIN 'TSAL, RGYAL PO ZAS GTZANG GIS GRONG KHYER SER SKYA'I GZHIR DRIL SGROGS SU BCUG PA, RGYAL PO'I ZHAL NAS NGA'I YUL NA GNAS PA'I SH'AKYA RNAMS KYIS KHYIM RE NAS RE RE RAB TU BYUNG ZHIG CES DE SKAD BKA' STZAL TO, ,BRE BO ZAS LA BU GNYIS YOD PA MA 'GAGS PA DANG, MING CHEN NO, , MI'I CHEN NI ZHING BLAS KYI MTHA' LA LHAG PAR BRTZON NO, ,MA 'GAGS PA NI STENG GI KHANG BZANG GI GZHI LA 'DUG NAS SKYES PA MED PA'I ROL MOS RTZE BAR BYED, DGA' BAR BYED, DGA' MGUR

158a

, ,SPYOD PAR BYED DO, ,MING CHEN LA MAS SMRAS PA, BU; RGYAL POS DRIL SGROGS SU BCUG PA SH'AKYA RNAMS LAS KHYIM RE NAS RE RE RAB TU PHYUNG ZHIG CES BSGO YI, KHYOD RAB TU BYUNG ZHIG ,DES SMRAS PA, BDAG NI RAB TU MI 'BYUNG GI ,KHYOD KYI BU SDUG PA DANG, BDE BA DANG LDAN PAR GNAS PA GANG YIN PA DE RAB TU PHYUNG ZHIG ,BU; BSOD NAMS KYI DBANG THANG CHEN PO CAN GYIS SEMS CAN DE LA KHYOD 'GRAN MTSO LA CIG ,YUM KHYOD GANG LA DGYES PA DE BSOD NAMS KYI DBANG THANG CHEN PO CAN LAGS MOD, DE RING LA CUNG ZAD KYANG MA BSKUR DANG, CI BSOD NAMS KYI DBANG THANG CHEN PO LAGS SAM, MA LAGS MNGON PAR 'GYUR RO, ,BU; DE BZHIN DU BYAS TE YID CHES PAR BYA'O, ,DES GZEB STONG PA RDZE'U YIS BKANG NAS KHA RAS DKAR POS BKRIS TE RGYA SKEGS LA RGYAS BTZAB NAS, BU MO MNGAG GZHUG MA'I LAG TU BSKUR NAS BSGO BA, GAL TE DE NA CI YOD CES 'DRI BA DANG, CI YANG MA MCHIS SO ZHES SMROS SHIG ;DES DE KHYER NAS SONG BA DANG, LHA RNAMS KYI DBANG PO BRGYA BYIN GYI SHES PA MTHONG BA NI 'OG TU 'JUG PA YIN PAS, DES BSAMS PA, RANG SANGS RGYAS KUN SHES LA BSOD SNYOMS PHUL BA GANG YIN PA DE DENG CI'I PHYIR ZAS KYIS PHONGS PAR BYA, DE'I ZAN SBYAR BAR BYA'O ZHES DES RDZE'U DE RNAMS SRAN TSOD DANG, TSOD MA SNA TSOGS RO DANG LDAN PA'I

158b

ZAS KYIS BKANG NGO, ,JI TZAM NA MNGAG GZHUG MAS DER KHYER NAS MA 'GAGS PA'I DRUNG DU PHYIN PA DANG, DES SMRAS PA, BU MO, 'O NA NI CI YOD, DES SMRAS PA, GZHON NU, CI YANG MA MCHIS SO, ,MA 'GAGS PAS BSAMS PA, BDAG LA MA BYAMS NA 'DI STONG PAR CI STE BSKUR, GDON MI ZA BAR 'DI CI'ANG MA YIN PA ZHES BYA BA'I ZAS SHIG BSKUR GYI, RE ZHIG BLTA'O ZHES JI TZAM NA KHA PHYE BA DANG, SKYED MOS TSAL DE THAMS CAD ZAS KYI DRI ZHIM POS GANG BAR GYUR TE, DE BSNAMS NAS MA 'GAGS PA MCHOG TU YA MTSAN SKYES SO, ,DE MA LA GUS PA YIN PAS DES MA LA ZAS KYI PHUD BSKUR NAS SPRING BA, YUM GDUGS RE RE ZHING ZAS CI YANG MA YIN ZHES BGYI BA 'DI LTA BU BSKUR BA'I RIGS SO, ,DES KYANG MTHONG NAS MCHOG TU YA MTSAN SKYES TE, DES MING CHEN LA BSTAN NAS, BU; MTHONG NGAM, YUM; MTHONG LAGS SO, ,KHYOD LA KHO MOS SNGAR BSOD NAMS KYI DBANG THANG CHEN MO'I SEMS CAN MI'I SKAL BA BZANG PO DANG LDAN PA LA KHYOD 'GRAN MTSOL CIG CES MA SMRAS SAM, DES SMRAS PA, YUM DE BSOD NAMS KYI DBANG THANG CHEN PO DANG LDAN YANG RUNG, MI LDAN YANG RUNG, BDAG NI RAB TU MI 'BYUNG NGO ZHES JI LTAR MING CHEN GNAS SKABS THAMS CAD TU RAB TU 'BYUNG BAR KHAS LEN DU MA BTUB BO, ,DE NAS DES MA 'GAGS PA LA SMRAS PA, BU; RGYAL POS DRIL

159a

, ,SGROGS SU BCUG PA SH'AKYA RNAMS LA KHYIM RE NAS RE RE RAB TU BYUNG ZHIG CES BSGO NA, KHYOD CI RAB TU BYUNG NGAM, 'ON TE KHYIM PAR 'DUG ,DES SMRAS PA, YUM, RAB TU BYUNG BA LA PHAN YON CI MCHIS, NYES DMIGS CI MCHIS, KHYIM PAR MCHIS PA LA PHAN YON CI MCHIS, NYES DMIGS CI MCHIS, BU, RAB TU BYUNG BAS LEGS PAR BSGRUBS NA, MYA NGAN LAS 'DAS PA THOB PAR 'GYUR RO, ,LEGS PAR MA BSGRUBS NA LHA DANG, MI 'THOB PAR 'GYUR RO, ,KHYIM PAR 'DUG STE LEGS PAR BSKYANGS NA LHA DANG, MI 'THOB BO, ,MA BSKYANGS NA SEMS CAN DMYAL BA DANG, DUD 'GRO DANG, YI DVAGS 'THOB BO, ,YUM, RAB TU BYUNG BA'I NYES DMIGS GANG LAGS PA DE NI KHYI MAN GNAS PA'I PHAN YON LAGS PAS DE BAS NA KHYIM NA GNAS PA MI 'TSAL GYI GNANG BAR MDZOD CIG DANG, RAB TU 'BYUNG NGO, ,DES SMRAS PA, BU, LEGS KYI DE BZHIN DU GYIS SHIG ,MA 'GAGS PA'I NE'U ZLA SH'AKYA'I RGYAL PO BZANG LDAN YIN PAS DE DE'I DRUNG DU SONG NGO, ,DE'I TSE SH'AKYA'I RGYAL PO BZANG LDAN PI WANG LEN TE, PI WANG LEN PA NA RGYUD CHAD NAS SGRA GZHAN DU GYUR TO, ,MA 'GAGS PA PI WANG LA BYANG BA YIN PAS DES SGRA CI 'DRA BAR GYUR PA'I RTAGS BZUNG NAS DE SGOR BSNGAD DE, SGO SRUNGS KYI MI LA SMRAS PA, KYE NANG RJE, SONG LA

159b

RGYAL PO BZANG LDAN LA MA 'GAGS PA LHA'I ZHAL MTHONG BAR 'TSAL NAS SGO NA SDOD CING MCHIS SO ZHES GSOL CIG ,SGO SRUNG SONG NAS SH'AKYA'I RGYAL PO BZANG LDAN LA SMRAS PA, LHA; MA 'GAGS PA LHA'I ZHAL MTHONG BAR 'TSAL NAS CHAB SGO NA SDOD CING MCHIS SO, ,DES SMRAS PA, SHES LDAN MA 'GAGS PA LA SU 'GOG ,SHES LDAN MA 'GAGS PA NANG DU THONG ZHIG ,DE NANG DU ZHUGS PA DANG, RGYAL POS 'KHYUD NAS 'DUG TU BCUG STE SMRAS PA, KHYOD 'ONGS NAS CI SRID LON, DES SMRAS PA, GANG GI TSE KHYOD PI WANG LEN PA NA RGYUD CHAD NAS SGRA GZHAN DU GYUR PA NAS SO, ,DE MCHOG TU YA MTSAN SKYES NAS, DES SMRAS PA, KHYOD PI WANG LEN PA LA BYANG BA YIN NO, ,SH'AKYA'I RGYAL PO BZANG LDAN GYIS SMRAS PA, GZHON NU, DON CI ZHIG LA 'ONGS, MA 'GAGS PAS SMRAS PA, LHA; RGYAL PO ZAS GTZANG GIS DRIL SGROGS SU BCUG PA, SH'AKYA RNAMS LAS KHYIM RE NAS RE RE RAB TU BYUNG ZHIG PAR BSGO BAS DE KHYOD KYIS MKHYEN PAR MDZOD CIG ,RAB TU 'BYUNG NGO, ,RGYAL POS SMRAS PA, GAL TE DE LTA NA KHO BO'ANG RAB TU 'BYUNG STE GROS BYA BA YOD KYI KHYOD DE RING 'DI NYID TU GNAS THOB CIG ,DE DE NYID DU GNAS BTAB BO, ,MAL CHA BAS RIMS BAG GI DRI MA CAN GYI GOS KYIS BTING ZHING ME TOG GI SIL MAS BKRAM PA'I MAL DU MA 'GAGS PA NYAL BA DANG, DE'I 'OG NA ME TOG GI RTZA BA

160a

, ,YOD PA'I REG PA DE'I NYAMS SU MYONG NAS SMRAS PA, CI; 'DI 'OG TU RDO PHRE'U YOD DAM, DE RNAMS KYIS BRTAG PA BRTZAMS PAR ME TOG GI RTZA BA ZHIG MTHONG NAS DE RNAMS MCHOG TU NGO MTSAR SKYES SO, ,MA 'GAGS PA MTSAN MO MI BDE ZHING NYAL NAS NAM LANGS SO, ,RGYAL POS SMRAS PA, MA 'GAGS PA, CI GA BDE BAR GNYID LOG GAM, DES SMRAS PA, LHA; BDE BAR GNYID MA LOG GO ,RGYAL POS SMRAS PA, CI'I PHYIR, MA 'GAGS PAS SMRAS PA, LHA; RIMS BAG GI DRI CAN GYI GOS BTING BAR ME TOG SIL MA BKRAM PA'I ME TOG GI RTZA BAS LUS SNAD LAGS SO, ,RGYAL POS MAL 'CHA' BA BKUG NAS KHYOD KYIS RIMS BAG GI DRI CAN GYI GOS BTING STE CI BYA, MAL 'CHA' BAS SMRAS PA, LHA; BDAG LA DKOR BAS GTAD PA LAGS SO, ,RGYAL POS DKOR BA BKUG NAS SMRAS PA, KHYOD KYIS RIMS BAG GI DRI CAN GYI GOS PHOG STE CI BYA, DES SMRAS PA, LHA; BDAG LA THA GA PAS GTAD PA LAGS SO, ,RGYAL POS THA GA PA BKUG NAS SMRAS PA, KHYOD KYIS CI'I PHYIR RIMS BAG GI DRI CAN GYI GOS 'BUL, THA GA PAS SMRAS PA, LHA; SNAM BU 'THAG PA'I 'PHRO CUNG ZHIG LUS PA NA, BDAG RIMS KYIS THEBS BZHIN BGYIS PA LAGS SO, ,RGYAL POS SMRAS PA, GZHON NU KHYOD KYIS JI LTAR SHES, DES SMRAS PA, TSA BA'I REG

160b

PA NYAMS SU MYONG BAS RIMS BAG GI DRI LAGS SO, ,RGYAL PO MCHOG TU YA MTSAN SKYES TE SMRAS PA, SHES LDAN MA 'GAGS PA NI SH'AKYA'I SKAL BA BZANG PO DANG LDAN PA YIN NO, ,DE NAS SH'AKYA'I RGYAL PO BZANG LDAN GYIS SMRAS PA, GZHON NU GAL TE KHO BO RAB TU BYUNG NA, LHAS BYIN SH'AKYA RNAMS KYI RGYAL POR GYUR TE, SH'AKYA RNAMS LA GNOD PA BYED PAR 'GYUR GYI, MA LA BDAG CAG THAMS CAD 'DUS LA LHAS BYIN SPRO BA BSKYED PAR BYA'O ZHES SH'AKYA'I RGYAL PO BZANG LDAN GYIS DE BKUG STE, DE NAS THAMS CAD 'DUS NAS SMRAS PA, LHAS BYIN KHO BO CAG THAMS CAD RAB TU 'BYUNG NA, KHYOD CI BYED, LHAS BYIN GYIS BSAMS PA, GAL TE RAB TU MI 'BYUNG NGO ZHES SMRAS PA DANG, SH'AKYA'I RGYAL PO BZANG LDAN RAB TU BYUNG BAR MI 'GYUR GYI DE LA THABS SHIG BSHAM PAR BYA STE BSLU'O, ,GZHAN YANG, BCOM LDAN 'DAS KYIS GANG GI NYI MA LA N+YA GRO DHA'I KUN DGA' RA BAR SGYU MA'I CHO 'PHRUL BSTAN PA DE'I TSE BDAG BLO SKYES PA, JI LTAR 'DI'I SGYU MAS SKYE BO'I TSOGS CHEN PO DBANG DU BYED PA DE BZHIN DU BDAG GIS KYANG DBANG DU BYA'O ZHES BSAMS SO SNYAM NAS SMRAS PA, KHYED CAG RAB TU 'BYUNG NA BDAG CI STE 'DUG ,SH'AKYA'I RGYAL PO BZANG LDAN GYIS BSAMS PA, 'DI NI BRDZUN DU SMRA BA YIN GYI DAM 'CHAR BCUG LA 'GRO BA MANG POS SO SOR RIG PAR BYA'O SNYAM MO, ,DE

161a

, ,NAS RGYAL POS TSIG DE GLEGS BU LA BRIS NAS GRONG KHYER SER SKYA'I GZHIR DRIL SGROGS SU BCUG PA, GRONG KHYER SER SKYA'I GZHIN GNAS PA'I SHES LDAN DAG NYON CIG ,BZANG LDAN DANG, NAM GRU DANG, MA 'GAGS PA DANG, LHAS BYIN LA SOGS TE SH'AKYA LNGA BA RGYA RAB TU 'BYUNG BAR 'GYUR GYI THOS PAR GYIS LA RAB TU DGA' BA SKYED CIG CES BSGO'O, ,LHAS BYIN GYIS DE THOS NAS SDUG BSNGAL CHEN PO DANG, YID MI BDE BA SKYED NAS, GAL TE BDAG GIS SH'AKYA'I RGYAL PO BZANG LDAN NGES PAR RAB TU 'BYUNG BAR SHES PAR GYUR PA DANG, BDAG KHAS LEN PAR MI 'GYUR BA ZHIG ,DA NI GAL TE RAB TU MA BYUNG NA BRDZUN DU SMRA BA YIN NO ZHES RGYAL SRID KYANG THOB PAR MI 'GYUR BAS THAMS CAD KYI THAMS CAD DU DUS 'DIR ZAD DAM, CI RAB TU BYUNG LA BDAG RAB TU BYUNG BZHIN DU RGYAL SRID BYA'O SNYAM MO, ,DE NAS RGYAL PO ZAS GTZANG 'DI SNYAM DU SEMS TE; SH'AKYA RNAMS KYI THA MA'I 'BYOR PA LA BLTA'O SNYAM NAS, DES GRONG KHYER DE GSEG MA DANG, GYO MO BSAL, TZANDAN GYI CHUS CHAG CHAG BTAB, GDUGS DANG, RGYAL MTSAN BSGRENG, DAR GYI CHUN 'PHYANG MANG PO DBYANGS, SHIN TU DRI ZHIM PO'I PHOG PHOR NYE BAR BZHAG ME TOG SNA TSOGS KYI SIL MAS DGA' DGA' LTAR BYED DU BCUG GO ,DE

161b

NAS SH'AKYA BRGYA STONG DU MAS YONGS SU BSKOR NAS GRONG KHYER GYI SGO NAS SENG GE'I KHRI LA 'DUG GO ,SH'AKYA MO DANG, SH'AKYA GZHON NU NGO MTSAR SKYES PA RNAMS KYANG SKAR KHUNG KHOL MA CAN DANG, , SKAR KHUNG DANG, STEGS BU DAG LA 'DUG GO ,SH'AKYA RNAMS KYI 'BYOR PA LA LTA BAR 'DOD PA'I SKYES PA'I TSOGS YUL SNA TSOGS NAS LHAGS PA DAG KYANG LAM PO CHE DANG, TSONG 'DUS DANG; BZHI MDO DANG, SUM MDO RNAMS SU 'DUG GO ,SH'AKYA LAS SU DAG GIS NI MNYES PAR 'GYUR, SU DAG GIS NI THUGS BYUNG BAR 'GYUR BAR BRTAG PA'I BRAM ZE MTSAN MKHAN DANG; LTAS MKHAN DAG BKUG GO ,SH'AKYA RNAMS DO SHAL DANG, GDU BU DANG, DPUNG RGYAN DANG, RGYAN GYIS BRGYAN PA RNAMS KYI PHA DANG, MA DAG LA BLTAS NAS, SO SO'I SHING RTAR ZHUGS TE PHYIR 'BYUNG BAR BRTZAMS PA NA, SH'AKYA'I RGYAL PO BZANG LDAN SNA LA BYUNG BA MTSAN MKHAN RNAMS KYIS MTHONG NAS DE DAG GIS SMRAS PA, RE ZHIG 'DIS NI MNYES PAR BYED PAR 'GYUR RO, ,DE BZHIN DU NAM GRU DANG, MA 'GAGS PA LA SOGS PA PHYIR PHYUNG BA NA, DE RNAMS KYANG MTSAN MKHAN RNAMS KYIS LUNG BSTAN TO, ,DE NAS LHAS BYIN PHYIR BYUNG STE; DE PHYIR BYUNG BA NA BYA KHRAS GTZUG GI NOR BU PHROG PA MTSAN MKHAN RNAMS KYIS MTHONG NAS DE RNAMS KYIS SMRAS PA, 'DI'I RTAGS DANG SBYAR NA GDON MI ZA BAR STON PA LA

162a

, ,'KHUS NAS DMYAL BAR GZHOL BAR 'GYUR RO, ,KO KA LI KA DANG, KHAN DRA DRAB BYA DANG, KA TA MO RA KA DANG, RGYAL DANG, RGYA MTSOS SBYIN RNAMS PHYIR BYUNG BA NA, BONG BU'I SKAD GRAGS NAS DE DAG KYANG MTSAN MKHAN RNAMS KYIS LUNG BSTAN PA, 'DI DAG GIS KYANG NYAN THOS CHEN PO RNAMS LA TSIG NGAN PA SMRAS NAS DMYAL BAR GZHOL BAR 'GYUR RO, ,NYE DGA' GLANG PO CHE LA ZHON NAS PHAN TSUN DU LTA BAR BYED PA NA MU TIG GI DO SHAL LHUNG BA DANG, DE GLANG PO CHE LAS BABS TE BLANGS SO, ,DE'ANG DE RNAMS KYIS LUNG BSTAN PA, 'DI HA CANG 'DOD CHEN CHES PAS SEMS CAN DMYAL BA RNAMS SU SKYE BAR 'GYUR RO, ,DE NAS BZANG LDAN DANG, NAM GRU DANG, MA 'GAGS PA, LHAS SBYIN LA SOGS PA SH'AKYA LNGA BRGYA PO DE RNAMS SKYED MOS TSAL DU DUS STON LA 'GRO BA BZHIN DU BZANG POS 'GRAN CING BCOM LDAN 'DAS GANG NA BA DER DONG NGO, ,BCOM LDAN 'DAS KYIS DGONGS PA, GAL TE NGAS SH'AKYA RNAMS LA DGE SLONG TSUR SHOG CES BYA BAS RAB TU BYUNG NA KHA CIG GIS NI MNYES PAR BYED PAR 'GYUR, KHA CIG GIS NI MNYES PAR BYED PAR MI 'GYUR TE, MNYES PAR BYED PAR MI 'GYUR BA GANG DAG YIN PA DE DAG GZHAN DU SEMS LA, DGE SLONG TSUR SHOG CES BYA BA NI THAMS CAD SRID PA THA MA PA YIN PAS, MA

162b

LA; NGAS THAMS CAD DGE SLONG RNAMS KYIS GSOL BA DANG, BZHI'I LAS KYIS RAB TU BYUNG BA DANG, BSNYEN PAR RDZOGS SU GZHUG GO SNYAM DU DGONGS NAS, DGE SLONG RNAMS LA BKA' STZAL PA; DGE SLONG DAG ,SER SKYA'I GZHI'I SH'AKYA RNAMS GSOL BA DANG, BZHI'I LAS KYIS RAB TU BYUNG BA DANG, BSNYEN PAR RDZOGS PAR GYIS SHIG ,BTZUN PA, BKA' BZHIN 'TSAL ZHES DGE SLONG DE RNAMS KYIS BCOM LDAN 'DAS LAS MNYAN TO, ,RGYAL PO ZAS GTZANG GIS SH'AKYA RNAMS KYI 'DREG MKHAN NYE BAR 'KHOR ZHES BYA BA, DE RNAMS RAB TU 'BYIN PA NA SKRA 'DREG PAR BTANG NAS SH'AKYA'I RGYAL PO BZANG LDAN GYI SKRA 'DREG PA NA, DE NGOM ZUNG GNAG CIR MCHI MA 'DZAG CING SKAD 'DZER CING DBUGS BRTZEGS PAS SKRA 'DREG PAR BYED DO, ,SH'AKYA'I RGYAL PO BZANG LDAN GYIS SMRAS PA, NYE BAR 'KHOR, CI'I PHYIR DU, DE SNYING RJE RJE SKAD DU GCOM CHUNG NGUR DAL BUS TSIG RE RE NAS SMRAS PA, LHA; BDAG DZAMBU'I GLING GI SKYES BU GTZO BO RNAMS LA BSNYEN BKUR BGYID BGYID PHA MI PHAL PA RNAMS LA'ANG BSNYEN BKUR BGYID PAR 'GYUR BA LTA ZHIG ,KHYED KYIS SPANGS TE GSON PA BAS NA GUM MI BSNGO'O, ,SH'AKYA'I RGYAL PO BZANG LDAN GYIS SMRAS PA, NYE BAR 'KHOR KHYOD KYIS RJE BO LA SNYING NYE BA'I MNYES PAR BYA BA BSTAN ZIN TE CHOG GI ,MYA NGAN MA BYED CIG ,NGAS JI LTAR MI PHAL CHE BA RNAMS LA

163a

, ,BSNYEN BKUR BYED PAR MI 'GYUR BA DE LTAR BYA'O ZHES SMRAS NAS, DES PHYOGS GCIG TU RAS GCIG BTING NAS SH'AKYA'I GZHON NU RNAMS LA SMRAS PA , SHES LDAN GZHON NU DAG NYON CIG ,'DREG MKHAN NYE BAR 'KHOR 'DIS BDAG CAG LA BKUR STI BYAS LA BDAG CAG KYANG SLAR KHYIM DU MI GNAS KYI, RGYAN RNAMS DE'I 'TSO BA'I RKYEN DU RAS KYI STENG DU ZHOG CIG ,DE RNAMS KYI SE MO DO DANG, DO SHAL DANG, MGUL RGYAN DANG, GDU BU DANG, DPUNG RGYAN DANG, RNA RGYAN LA SOGS PA RIN PO CHE SNA TSOGS KYIS BRGYAN PA'I RGYAN KHYAD PAR CAN RNAMS KYIS RAS KYI STENG DU PHUNG PO CHEN POR SPUNGS SO, ,NYE BAR 'KHOR GYIS DE RNAMS MTHAR GYIS SKRA BREGS TE DE RNAMS KHRUS LA DONG BA DANG, DES BSAMS PA; RE ZHIG GZHON NU 'DI DAG RIGS DANG, 'BYOR PA DANG, LANG TSO LA BAB CING CHUNG MA DANG LDAN LA, MDZOD DANG, BANG MDZOD KYIS RGYAS PA'ANG SPANGS NAS RAB TU BYUNG NA BDAG RGYAN 'DI TZAM LA CHAGS PA NI TSUL MA YIN PAS SDUG BSNGAL BAR 'GYUR RO, ,GAL TE BDAG RIGS NGAN DU MA SKYES NA BDAG KYANG LEGS PAR GSUNGS PA'I CHOS 'DUL BA LA RAB TU 'BYUNG ZHING CHU BO LAS BRGAL BA DANG, SBYOR BA LAS YANG DAG PAR 'DA' BAR BYA BA'I PHYIR BTZAL BA DANG, 'BAD PA LA BRTZON PAR BYA BA ZHIG SNYAM MO, ,'DI NI CHOS NYID YIN TE,

163b

JI LTAR SANGS RGYAS BCOM LDAN 'DAS RNAMS NYIN LAN GSUM MTSAN LAN GSUM SANGS RGYAS KYI SPYAN GYIS 'JIG RTEN LA GZIGS PA DE BZHIN DU NYAN THOS CHEN PO RNAMS KYANG BYAD PAS; TSE DANG LDAN PA SH'A RADVA TI'I BUS 'DREG MKHAN NYE BAR 'KHOR LHAG PAR SKYO BA SKYES PA MTHONG NGO, ,MTHONG NAS KYANG 'DREG MKHAN NYE BA 'KHOR GANG NA PA DER SONG STE PHYIN NAS 'DREG MKHAN NYE BAR 'KHOR LA 'DI SKAD CES SMRAS SO, ,NYE BAR 'KHOR, KHYOD CI'I PHYIR SHIN TU MI DGA' BAS LAG PA 'GRAM PA LA GTAD NAS SEMS KHONG DU CHUD CING 'DUG ,NYE BAR 'KHOR GYIS SMRAS PA, BTZUN PA SH'A RADVA TI'I BU, GANG GI PHYIR DA LTAR GZHON NU 'DI DAG RIGS DANG, 'BYOR PA DANG, LANG TSOL BAB CING CHUNG MA DANG LDAN LA BANG MDZOD DANG, BAR MDZOD KYIS RGYAS PA'ANG SPANGS NAS RAB TU 'BYUNG NA, BDAG RGYAN 'DI TZAM LA CHAGS PA NI TSUL MA YIN PAS SDUG BSNGAL BAR 'GYUR RO, ,GAL TE BDAG RIGS NGAN DU MA SKYES NA BDAG KYANG LEGS PAR GSUNGS PA'I CHOS 'DUL BA LA RAB TU 'BYUNG ZHING CHU BO LAS BRGAL BA DANG, SBYOR BA LAS YANG DAG PAR 'DA' BAR BYA BA'I PHYIR BTZAL BA DANG, 'BAD PA LA BRTZON PAR BGYI BA ZHIG NA BDAG CI'I PHYIR SEMS KHONG DU CHUD PAR MI 'GYUR, TSE DANG LDAN PA SH'A RADVA TI'I BUS SMRAS PA, BZHIN BZANG, THUB PA'I DBANG PO'I GSUNG RAB

164a

, ,'DI LA NI RIGS SNYING POR BYED PA MA YIN, RUS SNYING POR BYED PA MA YIN, RGYUD SNYING POR BYED PA MA YIN, THOS PA SNYING POR BYED PA MA YIN TE, 'DI LTAR THUB PA'I DBANG PO'I GSUNG RAB 'DI LA NI SGRUB PA SNYING POR BYED PA YIN NO, ,DE BZHIN GSHEGS RNAMS RIGS DANG NI, RGYUD DANG RUS LA RTOG MI MDZAD, ,'DAS NAS YUN RING LON PA YI, , LAS RNAMS LA NI RTOG PAR MDZAD, ,GAL TE LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS PA DGE SLONG GI DNGOS PO RDZOGS PAR 'DOD NA TSUR BCOM LDAN 'DAS KYI SPYAN SNGAR 'DOD DANG, BCOM LDAN 'DAS KYIS RAB TU 'BYIN PAR 'GYUR RO, ,DES KHAS BLANGS SO, ,DE NAS TSE DANG LDAN PA SH'A RADVA TI'I BUS 'DREG MKHAN NYE PAR 'KHOR KHRID DE BCOM LDAN 'DAS GANG NA BA DER DONG NAS PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE, BCOM LDAN 'DAS LA 'DI SKAD CES GSOL TO, ,BTZUN PA, NYE BAR 'KHOR 'DI LEGS PAR GSUNGS PA'I CHOS 'DUL BA LA RAB TU 'BYUNG BA DANG, BSNYEN PAR RDZOGS PA DGE SLONG GI DNGOS PO 'TSAL LAGS NA THUGS BRTZE BAR NYE BAR BZUNG STE, BCOM LDAN 'DAS KYIS 'DI RAB TU DBYUNG BA DANG, BSNYEN PAR RDZOGS PAR MDZAD DU GSOL, BCOM LDAN 'DAS KYIS DE LA BKA' STZAL PA, DGE SLONG TSUR SHOG ,TSANGS

164b

PAR SPYOD PA SPYOD CIG CES BCOM LDAN 'DAS KYIS BKA' STZAL PA'I MOD KHO NAR SKRA BYI BA DANG, SNAM SBYAR GYON PA DANG, LAG PA LHUNG BZED DANG, BYA MA BUM GYIS 'BREL BA DANG, SKRA DANG, KHA SPU SKYES NAS ZHAG BDUN LON PA TZAM DANG, DGE SLONG BSNYEN PAR RDZOGS NAS LO BRGYA LON PA'I SPYOD LAM LTA BUR GNAS PAR GYUR TO, ,SMRAS PA, DE BZHIN GSHEGS PAS TSUR SHOG BKA' STZAL PAS; SKRA BYI SNAM SBYAR GYON PA'I LUS LDAN ZHING, ,MOD LA DBANG PO RAB ZHIR GNAS GYUR TE, ,SANGS RGYAS DGONGS PAS LUS GZUGS BKAB PAR GYUR, ,SH'AKYA RAB TU BYUNG BA RNAMS NI RGAN RIMS JI LTA BA BZHIN DU 'DUD PA BYED PAS, SH'AKYA'I RGYAL PO BZANG LDAN 'DUD PAR BYED PA NA NYE BAR 'KHOR GYI RKANG PA YIN PAR SHES SO, ,DE NAS DES GDONG BTEG STE GSOL PA, BCOM LDAN 'DAS, 'DI NI NYE BAR 'KHOR LAGS NA, CI, BDAG GIS 'DI'I RKANG PA GNYIS LA'ANG GDUD PAR BGYI'AM, BCOM LDAN 'DAS KYIS BKA' STZAL PA, BU; NGA RGYAL SPANGS PA'I PHYIR RAB TU BYUNG BA YIN TE, 'DI RGAN GYI, NGA RGYAL GYI DREGS PA CHOG LA THUD CIG ,DES DE'I RKANG PA LA GTUGS PA NAS CHEN PO LAN DRUG TU G-YOS PAR GYUR TE, SA CHEN PO 'DI G-YOS RAB TU G-YOS, KUN TU RAB TU G-YOS, LDEG RAB TU LDEG ,KUN TU RAB TU LDEG STE, SHAR PHYOGS MTHON NUB PHYOGS DMA', NUB PHYOGS MTHON SHAR PHYOGS DMA', LHO PHYOGS MTHO

165a

, ,BYANG PHYOGS DMA', BYANG PHYOGS MTHO NA LHO PHYOGS DMA', DBUS MTHO NA MTHA' DMA', MTHA' MTHO NA DBUS DMA' BAR GYUR TE, DE LTAR THAMS CAD KYIS RIM BZHIN DU GTUGS SO, ,LHAS BYIN GYIS MA BTUD PA DANG, BCOM LDAN 'DAS KYIS BKA' STZAL PA, BU, NGA RGYAL SPANG BA'I PHYIR RAB TU BYUNG BA YIN GYIS THUD CIG , DES GSOL PA, BDAG GIS DE'I RKANG PA LA MA GTUGS NA KHYOD LA GNOD PA CI MCHIS ZHES TE 'DUD DU MA BTUB STE, DER THOG MAR BCOM LDAN 'DAS KYI BKA' LHAS BYIN GYIS BCAG GO ,SANGS RGYAS BCOM LDAN 'DAS YUL SER SKYA'I GZHI N+YA GRO DHA'I KUN DGA' RA BA NA BZHUGS SO, ,DE NAS SER SKYA'I GZHI NA GNAS PA'I SH'AKYA RAB TU MANG PO 'DUN KHANG DU TSOGS SHING 'DUS NAS BAR SKABS KYI GTAM 'DI LTA BU DAG GLENG BAR BYED DE, SHES LDAN DAG ,SH'AKYA RNAMS NI GANG LAS SKYES, THOG MA NI GANG YIN, RGYU NI CI ZHIG YIN, SH'AKYA RNAMS KYI SNGON GYI RIGS RGYUD NI GANG YIN, GAL TE BDAG CAG GI DRUNG DU 'GA' ZHIG 'ONGS NAS 'DI SKAD 'DRI STE, SHES LDAN DAG ,SH'AKYA RNAMS NI GANG LAS SKYES, THOG MA NI GANG YIN, RGYU NI CI ZHIG YIN, SH'AKYA RNAMS KYI SNGON GYI RIGS RGYUD NI GANG YIN ZHES DE SKAD DU 'DRI NA, BDAG CAG GIS NI SH'AKYA RNAMS GANG LAS SKYES

165b

PA DANG, THOG MA GANG YIN PA DANG, RGYU NI CI ZHIG YIN PA DANG, SH'AKYA RNAMS KYI SNGON GYI RIGS RGYUD NI GANG YIN PA'ANG MI SHES NA JI SKAD DU LUNG BSTAN, TSUR BDAG CAG BCOM LDAN 'DAS GANG NA BA DER DONG LA LHAGS PA DANG, BCOM LDAN 'DAS LA DON DE NYID ZHUS NAS BCOM LDAN 'DAS KYIS BDAG CAG LA JI SKAD DU LUNG BSTAN PA DE BZHIN DU GZUNG BAR BYA'O, , DE NAS SER SKYA'I GZHI NA GNAS PA'I SH'AKYA RAB TU MANG PO BCOM LDAN 'DAS GANG NA BA DER DONG STE LHAGS NAS, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO ,PHYOGS GCIG TU 'DUG NAS SER SKYA'I GZHI'I SH'AKYA RNAMS KYIS 'DI SKAD CES GSOL TO, ,BTZUN PA, 'DIR BDAG SER SKYA'I GZHI'I SH'AKYA RAB TU MANG PO 'DUN KHANG DU TSOGS SHING 'DUS NAS BAR SKABS KYI BKA' MCHID 'DI LTA BU DAG GLENG STE, SH'AKYA RNAMS NI GANG LAS SKYES, THOG MA NI GANG YIN, RGYU NI CI ZHIG YIN, SH'AKYA RNAMS KYI SNGON GYI RIGS RGYUD NI GANG YIN, GAL TE BDAG CAG GI DRUNG DU 'GA' ZHIG 'ONGS NAS 'DI SKAD 'DRI STE, SHES LDAN DAG ,SH'AKYA RNAMS NI GANG LAS SKYES, THOG MA NI GANG YIN, RGYU NI CI ZHIG YIN, SH'AKYA RNAMS KYI SNGON GYI RIGS RGYUD NI GANG YIN ZHES DE SKAD DU 'DRI NA, BDAG CAG GIS SH'AKYA RNAMS NI GANG LAS SKYES, THOG MA NI GANG YIN, RGYU NI CI ZHIG YIN,

166a

, ,SH'AKYA RNAMS KYI SNGON GYI RIGS RGYUD GANG YIN PA'ANG MI SHES NA JI SKAD DU LUNG BSTAN, TSUR BDAG CAG BCOM LDAN 'DAS GANG NA BA DER DONG LA LHAG PA DANG, BCOM LDAN 'DAS LA DON 'DI NYID ZHUS TE, BCOM LDAN 'DAS KYIS BDAG CAG LA JI SKAD DU LUNG BSTAN PA DE BZHIN DU GZUNG BAR BGYI'O SNYAM NAS DE'I SLAD DU BCOM LDAN 'DAS LA BDAG CAG DON 'DI NYID ZHU LAGS NA, BCOM LDAN 'DAS, SH'AKYA RNAMS NI GANG LAS SKYES LAGS, THOG MA NI GANG LAGS, RGYU NI CI ZHIG LAGS, SH'AKYA RNAMS KYI SNGON GYI RIGS RGYUD NI GANG LAGS, DE NAS BCOM LDAN 'DAS 'DI SNYAM DU DGONGS TE, GAL TE NGAS SH'AKYA RNAMS KYI SNGON GYI RIGS RGYUD LAS BRTZAMS NAS CHOS KYI GTAM GLENGS NA, MU STEGS CAN DANG, KUN TU RGYU GZHAN DAG 'DI SKAD CES DGE SLONG GOO TA MA NI CI 'DOD PA DE LUNG STON PAS BDAG NYID BSTOD PAR BYED DO, ,ZHES SMRA BA GANG YIN PA'I GNAS 'DI YOD PAS NGA'I NYAN THOS LAS SH'AKYA RNAMS KYI SNGON GYI RIGS RGYUD LAS BRTZAMS NAS CHOS KYI GTAM GLENGS PAR NUS PA SU YOD SNYAM MO, ,DE'I TSE TSE DANG LDAN PA MOONGGAL GYI BU CHEN PO 'KHOR DE NYID DU 'DUS SHING 'DUG PAR GYUR TO, ,DE NAS BCOM LDAN 'DAS KYIS TSE DANG LDAN PA MOONGGAL GYI BU CHEN PO LA BKA' STZAL PA, MOONGGAL

166b

GYI BU; NGA RO RGYAB BSNYUNG BAS RE ZHIG DE BSAL GYI, KHYOD KYIS SH'AKYA RNAMS KYI SNGON GYI RIGS RGYUD LAS BRTZAMS NAS DGE SLONG RNAMS LA CHOS KYI GTAM BYA BAR SPOBS PAR GYIS SHIG TSE DANG LDAN PA MOONGGAL GYI BU CHEN POS BCOM LDAN 'DAS LA CANG MI SMRA BAS KHAS BLANGS SO, ,DE NAS BCOM LDAN 'DAS KYIS TSE DANG LDAN PA MOONGGAL GYI BU CHEN POS CANG MI SMRA BAS KHAS BLANGS PAR THUGS SU CHUD NAS SNAM SBYAR BTAB STE SNGAS SU BCUG NAS, GLO G-YAS PA PHAB STE, ZHABS KYI STENG DU ZHABS BZHAG NAS SNANG BA'I 'DU SHES DANG, DRAN PA DANG, SHES BZHIN DANG LDAN PA'I 'DU SHES KHO NA YID LA MDZAD PAS MNAL TO, ,DE NAS TSE DANG LDAN PA MOONGGAL GYI BU CHEN PO 'DI SNYAM DU SEMS TE, MA LA, BDAG GIS SEMS JI LTAR MNYAM PAR BZHAG NA SH'AKYA RNAMS GANG LAS SKYES PA DANG, THOG MA GANG YIN PA DANG, RGYU NI CI YIN PA DANG, SH'AKYA RNAMS KYI SNGON GYI RIGS RGYUD GANG YIN PA MTHONG BAR 'GYUR BA DE LTA BU'I TING NGE 'DZIN LA SNYOMS PAR ZHUGS PAR 'JUG PAR BYA'O SNYAM NAS, TSE DANG LDAN PA MOONGGAL GYI BU CHEN POS SEMS JI LTAR MNYAM PAR BZHAG NA, SH'AKYA RNAMS KYI SNGON GYI RIGS RGYUD MTHONG BAR 'GYUR BA DE LTA BU'I TING NGE 'DZIN LA SNYOMS PAR ZHUGS PA DANG, TSE DANG LDAN PA MOONGGAL GYI BU CHEN POS SH'AKYA RNAMS KYI SNGON GYI RIGS RGYUD SH'AKYA RNAMS GANG LAS SKYES PA DANG, THOG

167a

, ,SMRAS SO, ,BTZUN PA MOONGGAL GYI BU CHEN PO, BCOM LDAN 'DAS KYI NYAN THOS 'DI LTAR RDZU 'PHRUL CHE BA 'DI LTAR MTHU CHE BA GZHAN YANG MCHIS LAGS SAM; RGYAL PO CHEN PO, MCHIS SO ZHES TSIGS SU BCAD DE SMRAS PA, MTHU CHE BA DAG GSUM RIG DANG, ,SEMS KYI RNAM GRANGS SHES PA DANG, ,ZAG ZAD DGRA BCOM GANG YIN PA; ;THUB PA'I NYAN THOS MANG DU MCHIS, ,DE NAS RGYAL PO ZAS GTZANG 'DI SNYAM DU SEMS TE, BDAG GI BU 'BA' ZHIG 'DI LTAR RDZU 'PHRUL CHE ZHING MTHU CHE BAR MA ZAD DE, 'DI LTAR RDZU 'PHRUL CHE ZHING MTHU CHE BA'I RAB TU BYUNG BA GZHAN YANG YOD DO SNYAM NAS DE SHIN TU DGA' BA GANG YIN PA DE DANG BRAL BAR GYUR TO, ,SKABS DER BCOM LDAN 'DAS KYIS 'JIG RTEN PA'I THUGS BSKYED PA MDZAD DE, KYE MA BRGYA BYIN DANG, TSANGS PA LA SOGS PA LHA RNAMS 'ONGS NA, LHA'I 'KHOR DAG PA LA CHOS BSHAD DO SNYAM PA DANG, CHOS NYID KYIS GANG GI TSE SANGS RGYAS BCOM LDAN 'DAS RNAMS KYIS 'JIG RTEN PA'I THUGS BSKYED PA MDZAD PA DE'I TSE, SROG CHAGS GROG SBUR RNAMS KYI SEMS KYIS KYANG BCOM LDAN 'DAS KYI DGONGS PA SHES PAR 'GYUR NA, BRGYA BYIN DANG, TSANGS PA LA SOGS PA LHA RNAMS KYIS LTA SMOS KYANG CI DGOS, GANG GI TSE 'JIG RTEN LAS 'DAS PA'I THUGS BSKYED

167b

PA DE'I TSE NYAN THOS CHEN PO RNAMS KYI SEMS KYIS KYANG BCOM LDAN 'DAS KYI DGONGS PA MI SHES NA BRGYA BYIN DANG, TSANGS PA LA SOGS TE LHA RNAMS KYIS LTA CI SMOS, SROG CHAGS GROG SBUR RNAMS KYIS LTA GA LA SHES, DE NAS LHA RNAMS KYI DBANG PO BRGYA BYIN 'DI SNYAM DU SEMS TE, BCOM LDAN 'DAS CI'I PHYIR 'JIG RTEN PA'I THUGS BSKYED PA MDZAD SNYAM PA LAS DE 'DI SNYAM DU SEMS TE, LHA'I 'KHOR DAG PA RNAMS LA CHOS 'CHAD PAR BZHED DO SNYAM NAS DES LHA'I BU BZO THAMS CAD PA LA BSGO BA, BZO THAMS CAD PA, BCOM LDAN 'DAS LHA'I 'KHOR DAG PA LA CHOS 'CHAD PAR BZHED KYI, N+YA GRO DHA'I KUN DGA' RA BAR RIN PO CHE SNA BZHI'I KHANG PA BRTZEGS MA GDAN SNA TSOGS BSHAMS PA ZHIG SPRUL CIG ,KOO SHI KA, KHYOD KYI GSUNG MCHOG TU BZANG PO ZHES LHA'I BU BZO THAMS CAD PAS LHA'I DBANG PO BRGYA BYIN LAS MNYAN TE N+YA GRO DHA'I KUN DGA' RA BAR RIN PO CHE SNA BZHI'I KHANG PA BRTZEGS MA GDAN SNA TSOGS BSHAMS PA ZHIG SPRUL TO, ,DE LA RGYAL PO CHEN PO BZHI SGO BZHIN 'KHOD PA NI YUL 'KHOR SKYONG DANG, 'PHAGS SKYES PO DANG, MIG MI BZANG DANG, LUS NGAN PO STE, SHAR SGO NA NI YUL 'KHOR SKYONG DPUNG RGYAN DANG, RNA CHA GDUB KOR DANG, PHRENG BA DANG RGYAN SNA TSOGS KYIS BRGYAN PA'O, ,LHO PHYOGS NA NI 'PHAGS SKYES PO, NGA'I [?] RGYAN THAMS CAD KYIS BRGYAN

168a

, ,BA'I GRANGS SU 'GRO'O, ,DE NAS SEMS CAN BRKAM CHAGS KYI RANG BZHIN CAN ZHIG GIS MDZUB MO'I RTZE MOS SA'I BCUD MYONG BAR BYED DE, JI LTA JI LTAR MYANGS PA DE LTA DE LTAR SRED DO, ,JI LTA JI LTAR SRED PA DE LTA DE LTAR KHAM GYI ZAS RIM GYIS ZA'O, ,SEMS CAN GZHAN DAG GIS KYANG SEMS CAN DE MDZUB MO'I RTZE MOS SA'I BCUD MYONG BAR BYED DE, JI LTA JI LTAR MYANGS PA DE LTA DE LTAR SRED LA, JI LTA JI LTAR SRED PA DE LTA DE LTAR KHAM GYI ZAS RIM GYIS ZA BA MTHONG NGO, ,MTHONG NAS KYANG DE RNAMS KYIS KYANG MDZUB MO'I RTZE MOS SA'I BCUD MYANG PAR RTZOM STE, JI LTA JI LTAR MYANGS PA DE LTA DE LTAR SRED DO, ,JI LTA JI LTAR SRED PA DE LTA DE LTAR KHAM GYI ZAS RIM GYIS ZA'O, ,GANG GI TSE SEMS CAN DA RNAMS KYIS SA'I BCUD LA KHAM GYI ZAS RIM GYIS ZOS PA DE'I TSE, DE RNAMS KYI LUS LA MKHRANG BA DANG, LCI BA ZHUGS PAR GYUR TO, ,DE RNAMS KYI KHA DOG BZANG PO'I GSAL BA GANG YIN PA DE'ANG NUB PAR GYUR PAS 'JIG RTEN DU MUN PA BYUNG BAR GYUR TO, ,GOO TA MA DAG ,CHOS NYID KYIS 'JIG RTEN DU MUN PA BYUNG BA NA NYI MA DANG, ZLA BA GNYIS 'JIG RTEN DU 'BYUNG BAR 'GYUR RO, ,RGYU SKAR DANG, SKAD CIG DANG, THANG CIG DANG, YUD TZAM DANG, MTSAN MO DANG, NYIN MO DANG, ZLA BA DANG, ZLA BA PHYED DANG, DUS TSIGS DANG, LO 'JIG

168b

RTEN DU 'BYUNG BAR 'GYUR RO, ,DE RNAMS DE ZA ZHING ZAS SU ZA BA LA TSE RING ZHING YUN RING DU GNAS SO, ,DE RNAMS LAS ZAS LA CHES NYUNG ZAD DU ZA BA GANG YIN PA DE NI KHA DOG DANG LDAN PAR 'GYUR RO, ,KHA ZAS LA CHES MANG DU ZA BA GANG YIN PA DE NI KHA DOG NGAN PAR 'GYUR TE, KHA ZAS KYI TSAD GNYIS LA BRTEN NAS KHA DOG GI RNAM PA GNYIS MNGON TE, KHA DOG RNAMS PA GNYIS YOD PAS, KYE, SEMS CAN KHO BO NI KHA DOG DANG LDAN NO, ,KHYOD NI KHA DOG NGAN PA YIN NO ZHES SEMS CAN GYIS SEMS CAN LA KHYAD DU GSOD DO, KHA DOG GI MNGON PA'I NGA RGYAL CAN DE RNAMS SDIG PA MI DGE BA'I CHOS DE DAG NYID BLANGS PA'I RGYUS SA'I BCUD DE NUB PAR GYUR TO, ,GOO TA MA DAG ,SA'I BCUD DE NUB PA NA SEMS CAN DE RNAMS TSOGS SHING 'DUS NAS 'DI SKAD CES, KYI HUD BRO BA, KYI HUD BRO BA ZHES SMRA ZHING SMRE SNGAGS 'DON LA MYA NGAN DANG SDUG BSNGAL BAR GYUR TO, ,DPER NA, DA LTAR MI RNAMS KYIS ZAS ZHIM PO CUNG ZAD CIG ZOS NAS SNGON GYI YI GE DANG, TSIG DANG, TSIG 'BRU DE NYID RJES SU DRAN NAS 'DI SKAD CES, KYI HUD BRO BA, KYI HUD BRO BA ZHES SMRA BA DE BZHIN DU SEMS CAN DE RNAMS SA'I BCUD DE NUB PA NA TSOGS SHING 'DUS NAS 'DI SKAD CES, KYI HUD BRO BA, KYI HUD BRO BA ZHES SMRA ZHING SMRE SNGAGS 'DON LA MYA NGAN DANG, SDUG BSNGAL BAR GYUR KYANG SMRAS PA 'DI'I DON NI 'DI YIN, SMRAS PA,

169a

, ,'DI'I DON NI 'DI YIN NO ZHES DE'I DON NI MI SHES SO, ,GOO TA MA DAG ,SEMS CAN DE RNAMS KYI SA'I BCUD DE NUB PA NA, SA'I ZHAG KHA DOG PHUN SUM TSOGS PA, RO PHUN SUM TSOGS PA BYUNG BAR 'GYUR TE, KHA DOG NI 'DI LTA BU YIN TE, DPER NA, DONG KA'I ME TOG LTA BU'O, ,RO NI 'DI LTA BU YIN TE, DPER NA, SBRANG MA'I SBRANG RTZI BTZIR BA LTA BU'O, ,DE RNAMS DE ZA ZHING DE ZAS SU ZA BA LA TSE RING ZHING YUN RING DU GNAS SO, ,DE RNAMS LAS KHA ZAS LA CHES NYUNG DU ZA BA GANG YIN PA DE NI KHA DOG DANG LDAN PAR GYUR TO, ,KHA ZAS LA CHES MANG DU ZA BA GANG YIN PA DE NI KHA DOG NGAN PAR GYUR TO, ,ZAS KYI TSAD GNYIS LA BRTEN NAS KHA DOG RNAM PA GNYIS MNGON TE, KHA DOG RNAM PA GNYIS YOD PAS, KYE; SEMS CAN KHO BO NI KHA DOG DANG LDAN LA KHYOD NI KHA DOG NGAN PA YIN NO ZHES SEMS CAN GYIS SEMS CAN LA KHYAD DU GSOD PAR BYED DO, ,KHA DOG GI MNGON PA'I NGA RGYAL CAN DE RNAMS SDIG PA MI DGE BA'I CHOS DE DAG NYID BLANGS PA'I RGYAS PA'I ZHAG NUB PAR GYUR TO, ,GOO TA MA DAG ,SA'I ZHAG DE NUB PAR GYUR PA NA SEMS CAN DE RNAMS TSOGS SHING 'DUS NAS 'DI SKAD CES, KYI HUD BRO BA, KYI HUD BRO BA ZHES SMRA ZHING SMRE SNGAGS 'DON LA MYA NGAN GYIS SDUG BSNGAL BAR BYED DO, ,DPER NA, DA LTAR MI RNAMS SDUG BSNGAL DANG, YID MI BDE BA 'BA' ZHIG GIS REG PA NA SNGON GYI YI GE DANG, TSIG DANG, TSIG 'BRU DE

169b

NYID RJES SU DRAN NAS 'DI SKAD CES AE MA'O KYI HUD, AE MA 'O KYI HUD CES SMRA BA DE BZHIN DU SEMS CAN DE RNAMS SA ZHAG DE NUB PA NA TSOGS SHING 'DUS NAS 'DI SKAD CES KYI HUD BRO BA, KYI HUD BRO BA ZHES SMRA ZHING SMRE SNGAGS 'DON LA MYA NGAN DANG, SDUG BSNGAL BAR 'GYUR KYANG SMRAS PA 'DI'I DON NI 'DI YIN ,SMRAS PA 'DI'I DON NI 'DI YIN NO ZHES BYA BAR MI SHES SO, ,GOO TA MA DAG ,SEMS CAN DE RNAMS KYIS ZHAG DE NUB PA NA, MYU GU'I TSAL KHA DOG PHUN SUM TSOGS PA, DRI PHUN SUM TSOGS PA, RO PHUN SUM TSOGS PA 'BYUNG BAR 'GYUR ZHING KHA DOG NI 'DI LTA BU YIN TE, DPER NA, SHING KA DAM PA KA'I ME TOG LTA BU'O,, RO NI 'DI LTA BU YIN TE, DPER NA, SBRANG MA'I SBRANG RTZI BTZIR BA LTA BU'O, ,DE RNAMS DE ZA ZHING DE ZAS SU ZA BA LA TSE RING ZHING YUN RING DU GNAS SO, ,DE RNAMS LAS KHA ZAS LA CHES NYUNG BAR ZA BA GANG YIN PA DE NI KHA DOG DANG LDAN PAR GYUR TO, ,KHA ZAS LA CHES MANG DU ZA BA GANG YIN PA DE NI KHA DOG NGAN PAR GYUR TO, ,ZAS KYI TSAD GNYIS LA BRTEN NAS KHA DOG RNAM PA GNYIS MNGON NO, ,KHA DOG RNAM PA GNYIS YOD PAS, KYE, SEMS CAN KHO BO NI KHA DOG DANG LDAN LA KHYOD NI KHA DOG NGAN PA YIN NO ZHES SEMS CAN GYIS SEMS CAN LA KHYAD DU GSOD PAR BYED DO, ,KHA DOG GI MNGON PA'I NGA RGYAL CAN DE RNAMS SDIG PA MI DGE BA'I CHOS DE DAG NYID BLANGS PA'I RGYUS MYU GU'I TSAL DE NUB PAR GYUR TO, ,GOO TA MA DAG ,MYU GU'I TSAL DE NUB PAR GYUR PA NA SEMS CAN DE RNAMS

170a

, ,TSOGS SHING 'DUS NAS 'DI SKAD CES, MDUN NAS PHAR SONG, MDUN NAS PHAR SONG ZHES SMRA ZHING SMRE SNGAGS 'DON LA MYA NGAN DANG, SDUG BSNGAL BAR GYUR TO, , DPER NA, DA LTAR MI RNAMS 'GA' ZHIG LA DRAG PO'I TSAR GCAD PAS TSAR GCOD PAR 'DOD PA NA SNGON GYI YI GE DANG, TSIG DANG, TSIG 'BRU DE DAG NYID RJES SU ZLOS SHING 'DI SKAD DU, MDUN NAS PHAR SONG, MDUN NAS PHAR SONG ZHES SMRA BA DE BZHIN DU SEMS CAN DE RNAMS MYU GU'I TSAL NUB PA DANG, TSOGS SHING 'DUS NAS 'DI SKAD CES MDUN NAS PHAR SONG, MDUN NAS PHAR SONG ZHES SMRA ZHING SMRE SNGAGS 'DON LA MYA NGAN DANG, SDUG BSNGAL BAR GYUR KYANG, SMRAS PA 'DI'I DON NI 'DI YIN, SMRAS PA 'DI'I DON NI 'DI YIN NO ZHES BYA BAR DE'I DON NI MI SHES SO, ,GOO TA MA DAG , SEMS CAN DE RNAMS KYI MYU GU'I TSAL NUB NAS, MA RMOS MA BTAB PA'I 'BRAS S'A LU'I 'BRAS BU TSON BZHI PA, PHUB MA MED PA, SPUN PA MED PA, SHUN PA MED PA, DAG PA, GTZANG MA SKYE STE; DE NUB BRNGAS NA NANG SKYE ZHING SMIN PAR 'GYUR, NANG BRNGAS NA NUB SKYE ZHING SMIN PAR 'GYUR BAS, BRNGAS SHING BRNGAS KYANG SLAR SKYE BAS BRNGAS PAR YANG MI MNGON NO, ,DE RNAMS DE ZA ZHING ZAS SU ZA BA LA TSE RING ZHING YUN RING DU GNAS SO, ,GANG NAS SEMS CAN DE RNAMS KYI MA RMOS MA BTAB PA'I 'BRAS S'A LU'I 'BRAS BU LA KHAM GYIS ZAS SU RIM GYIS ZOS PA DE NAS

170b

DE RNAMS KYI DBANG PO THA DAD 'BYUNG BAR GYUR TE, KHA CIG LA NI SKYES PA'I DBANG PO'O, ,KHA CIG LA NI BUD MED KYI DBANG PO'O, ,DE NA BUD MED KYI DBANG PO CAN GANG YIN PA RNAMS DANG, SKYES PA'I DBANG PO CAN GANG YIN PA RNAMS GCIG LA GCIG MIG GIS MIG TSUGS SU BLTA'O, ,JI LTA JI LTAR GCIG LA GCIG MIS MIG TSUGS SU LTA BA DE LTA DE LTAR KUN TU CHAGS SO, ,JI LTA JI LTAR KUN TU CHAGS BA DE LTA DE LTAR ZHEN NO, ,JI LTA JI LTAR ZHEN PA DE LTA DE LTAR LOG PAR ZHUGS SO, ,SEMS CAN GZHAN DAG GIS KYANG SEMS CAN GYIS SEMS CAN LA LOG PAR ZHUGS PA MTHONG NGO, ,MTHONG NAS KYANG SA DANG, BONG BA DANG, GSEG MA DANG, GYO MOS GTOR NAS 'DI SKAD CES, SEMS CAN NGAN PA THA CHAD RNAMS NI BYA BA MA YIN PA BYED DO, ,SEMS CAN NGAN PA THA CHAD RNAMS NI BYA BA MA YIN PA BYED PA YIN GYI, KVA'E, SEMS CAN KHYOD KYIS DA JI LTAR SEMS CAN SUN DBYUNG ZHES SMRA'O, ,DPER NA, DA LTAR GYI MI RNAMS BAG MA BLANGS PA NA PHYE MA DANG, DRI DANG, PHRENG BA DANG, GOS DANG, 'BRAS YOS KYIS GTOR NAS, 'DI SKAD CES, BAG MA BDE BAR GYUR CIG CES ZER BA DE BZHIN DU SEMS CAN RNAMS KYIS SEMS CAN LA LOG PAR ZHUGS PA MTHONG BA NAS SA GTOR CING BONG BA DANG, GSEG MA DANG, GYO MO RNAMS KYIS KYANG GTOR NAS KYANG, 'DI SKAD CES, SEMS CAN NGAN PA THA CHAD RNAMS NI BYA BA

171a

, ,MA YIN PA BYED DO, ,SEMS CAN NGAN PA THA CHAD RNAMS NI BYA BA MA YIN PA BYED KYI, KVA'E, SEMS CAN KHYOD KYIS DA JI LTAR SEMS CAN SUN DBYUNG ZHES BYA BA SMRA BA'I DUS GANG YIN PA DE YOD DO, ,GOO TA MA DAG ,DE LTAR SNGON CHOS MA YIN PAR 'DOD PA GANG YIN PA DANG, SNGON GYI 'DUL BA MA YIN PAR 'DOD PA GANG YIN PA DE NI DA LTAR CHOS SU 'DOD DO, ,'DUL BAR 'DOD DO, ,SNGON SMAD PAR BYA BAR 'DOD PA GANG YIN PA DE NI DA LTAR BSNGAGS PAR BYA BAR 'DOD DO, ,DE RNAMS KYIS DE ZHAG GCIG CIG SPANGS PA NAS ZHAG GNYIS DANG, GSUM DANG, BDUN DU'ANG SPANGS SO, ,GANG NA SEMS CAN DE RNAMS SDIG PA CAN DAM PA MA YIN PA'I CHOS DE LA LHAG PAR SDIG PA CAN GYI BRTUL ZHUGS SPYOD PA DE RNAMS KHANG PA BRTZIG PA LA BRTZON PAR BYED DO, ,'DIR BDAG CAG BYA BA MA YIN PA SPYAD DO, ,'DIR BDAG CAG BYA BA MA YIN PA SPYAD DO ZHES ZER BAS KHYIM KHYIM ZHES BYA BAR GRAGS TE; GOO TA MA DAG ,'DI NI 'JIG RTEN DU KHANG PA'I LAS KYI MTHA' RNAMS BYUNG BA'I RTZOM PA DANG PO YIN NO, ,DE'ANG CHOS KYIS YIN GYI, CHOS MA YIN PAS MA YIN TE, DE LA RGYAL BA'I DBANG PO'I CHOS LA 'DI NI GTZO BO YIN NO, ,DE RNAMS NUB BZA' BA DON DU GNYER BA'ANG DGONGS KA ,NANG BZA' BA DON DU GNYER BA'ANG NANG PAR S'A LU'I CHED DU 'DONG BAR

171b

BYED DO, ,DE NAS SEMS CAN SNYOMS LAS KYI RANG BZHIN CAN ZHIG GIS NANG PAR GYI S'A LU NUB BLANGS SO, ,DE NAS SEMS CAN GZHAN ZHIG GIS SEMS CAN DE LA 'DI SKAD CES SMRAS SO, , KYE; SEMS CAN KHYOD TSUR S'A LU'I PHYIR 'DONG NGO, ,DE NAS SEMS CAN DES SEMS CAN DE LA 'DI SKAD CES SMRAS SO, ,KYE; SEMS CAN KHYOD RANG GI S'A LU LA SOMS SHIG ,KHO BOS NI NANG PAR GYI S'A LU NUB BLANGS SO, ,DE NAS SEMS CAN DE 'DI SNYAM DU SEMS TE, KYE MA DE NI LEGS SO, ,KYE MA DE NI SHIN TU LEGS KYI, MA LA, BDAG GIS ZHAG GNYIS KYI DANG, ZHAG GSUM GYI DANG, ZHAG BDUN GYI BAR GYI S'A LU BLANG NGO SNYAM NAS, DES ZHAG PA GNYIS KYI DANG, ZHAG GSUM GYI DANG, ZHAG BDUN GYI BAR GYI S'A LU BLANGS SO, ,DE NAS SEMS CAN ZHIG GIS SEMS CAN DE LA, 'DI SKAD CES SMRAS SO, ,KYE; SEMS CAN KHYOD TSUR S'A LU'I PHYIR 'DONG NGO, ,DE NAS SEMS CAN DES SEMS CAN DE LA 'DI SKAD CES SMRAS SO, ,KYE; SEMS CAN KHYOD RANG GI S'A LU LA SOMS SHIG ;KHO BOS NI ZHAG GNYIS KYI DANG, GSUM GYI DANG, ZHAG BDUN GYI BAR GYI S'A LU BLANGS ZIN NO, ,DE NAS SEMS CAN DE 'DI SNYAM DU SEMS TE, KYE MA DE NI LEGS SO, ,KYE MA DE NI SHIN TU LEGS KYI, MA LA, BDAG GIS ZLA BA PHYED DANG, ZLA BA GCIG GI S'A LU BLANG NGO SNYAM NAS, DES ZLA BA PHYED DANG, ZLA BA GCIG GI S'A LU BLANGS SO, ,GANG NAS SEMS CAN DE RNAMS KYIS

172a

, ,MA RMOS MA BTAB PA'I 'BRAS S'A LU'I 'BRU GSOG 'JOG GI YONGS SU LONGS SPYAD PAS ZOS PA DE NAS S'A LU DE'I 'BRAS BU PHUB MA DANG, SPUN PA DANG, SHUN PAS YOG PAR GYUR TO, ,BRNGAS SHING BRNGAS NA'ANG PHYIR MI SKYE BAS BRNGAS PAR YANG MNGON LA, S'A LU'ANG SPUBS SAM, YAL GA'I SBUBS LA YOD PAR GYUR TO, ,DE NAS SEMS CAN DE RNAMS TSOGS SHING 'DUS NAS, SHES LDAN DAG ,BDAG CAG SNGON YID LAS BYUNG BA'I GZUGS PHUN SUM TSOGS PA, DBANG PO MNYAMS SHING MA TSANG BA MED PA, YAN LAG DANG, NYING LAG THAMS CAD DANG LDAN PA, KHA DOG BZANG POS GNAS PA, RANG GI 'OD DANG LDAN PA, NAM MKHA' LA 'GRO ZHING DGA' BA ZA ZING DGA' BA'I ZAS KYIS TSE RING ZHING YUN RING DU GNAS LA, BDAG CAG LA SA'I BCUD KHA DOG PHUN SUM TSOGS PA, DRI PHUN SUM TSOGS PA, RO PHUN SUM TSOGS PA BYUNG BAR GYUR TE, BDAG CAG SA'I BCUD LA KHAM GYI ZAS KYI RIM GYIS ZOS TE, GANG GI TSE BDAG CAG GIS SA'I BCUD LA KHAM GYI RIM GYIS ZOS PA DE'I TSE BDAG CAG GIS LUS LA RTZUB PA NYID DANG, LCI BA NYID DU ZHUGS PAR GYUR TE, KHA DOG BZANG PO'I GSAL BA GANG YIN PA DE NI NUB PAR GYUR PAS 'JIG RTEN DU MUN PA BYUNG BAR GYUR TO, ,BDAG CAG DE ZA ZHING ZAS SU ZA BA LA TSE RING ZHING YUN RING DU GNAS PAR GYUR

172b

TO; ;BDAG CAG LAS KHA ZAS LA CHES NYUNG DU ZA BA GANG YIN PA DE NI KHA DOG BZANG POR GYUR, KHA ZAS CHES MANG DU ZA BA GANG YIN PA DE NI KHA DOG NGAN PAR GYUR TE, KHA ZAS KYI TSAD GNYIS LA BRTEN NAS KHA DOG GI RNAM PA GNYIS MNGON TE, KHA DOG RNAM PA GNYIS YOD PAS, KVA'E, SEMS CAN KHO BO NI KHA DOG DANG LDAN LA, KHYOD NI KHA DOG NGAN PA YIN NO ZHES SEMS CAN GYIS SEMS CAN LA KHYAD DU GSOD PAR BYED DO, ,BDAG CAG KHA DOG GI MNGON PA'I NGA RGYAL CAN RNAMS SDIG PA MI DGE BA'I CHOS DE DAG NYID BLANGS PA'I RGYUS SA'I BCUD DE NUB PAR GYUR TO, , SA'I BCUD DE NUB PA NAS ZHAG KHA DOG PHUN SUM TSOGS PA, DRI PHUN SUM TSOGS PA, RO PHUN SUM TSOGS PA BYUNG BAR GYUR TE, BDAG CAG DE ZA ZHING DE ZAS SU ZA BA LA TSE RING ZHING YUN RING GNAS SO, ,BDAG CAG LAS KHA ZAS CHES NYUNG DU ZA BA GANG YIN PA DE NI KHA DOG DANG LDAN PAR GYUR, KHA ZAS CHES MANG DU ZA BA GANG YIN PA DE NI KHA DOG NGAN PAR GYUR TE, ZAS KYI TSAD GNYIS LA BRTEN NAS KHA DOG GI RNAM PA GNYIS MNGON NO, ,KHA DOG RNAM PA GNYIS YOD PAS, KVA'E, SEMS CAN KHO BO NI KHA DOG DANG LDAN LA, KHYOD NI KHA DOG NGAN PA YIN NO ZHES SEMS CAN GYIS SEMS CAN LA KHYAD DU GSOD PAR BYED DO, ,BDAG CAG KHA DOG GI MNGON PA'I NGA RGYAL CAN RNAMS SDIG PA MI DGE BA'I CHOS DE DAG NYID BLANGS PA'I RGYUS SA ZHAG DE NUB PAR GYUR TO ,SA ZHAG

173a

, ,DE NUB PA NA MYU GU'I TSAL KHA DOG PHUN SUM TSOGS PA, DRI PHUN SUM TSOGS PA, RO PHUN SUM TSOGS PA BYUNG BAR GYUR TE, BDAG CAG DE ZA ZHING DE ZAS SU ZA BA LA TSE RING ZHING YUN RING DU GNAS SO, ,BDAG CAG RNAMS LAS KHA ZAS CHES NYUNG DU ZA BA GANG YIN PA DE NI KHA DOG DANG LDAN PAR GYUR, KHA ZAS CHES MANG DU ZA BA GANG YIN PA DE NI KHA DOG NGAN PAR GYUR TE, KHA DOG GI RNAM PA GNYIS MNGON NO, ,KHA DOG RNAM PA GNYIS YOD PAS, KVA'E, SEMS CAN KHO BO NI KHA DOG DANG LDAN LA, KHYOD NI KHA DOG NGAN PA YIN NO ZHES SEMS CAN GYIS SEMS CAN LA KHYAD DU GSOD PAR BYED DO, ,BDAG CAG KHA DOG GI MNGON PA'I NGA RGYAL CAN RNAMS SDIG PA MI DGE BA'I CHOS DE DAG NYID BLANGS PA'I RGYUS MYU GU'I TSAL DE NUB PAR GYUR TO, ,MYU GU'I TSAL DE NUB PA NAS MA RMOS MA BTAB PA'I 'BRAS S'A LU'I 'BRU TSON BZHI PA, PHUB MA MED PA, SPUN PA MED PA, SHUN PA MED PA, DAG PA, GTZANG MA SKYE STE, DE NUB BRNGAS NA NANG SKYE ZHING SMIN PAR 'GYUR, NANG BRNGAS NA NUB SKYE ZHING SMIN PAR 'GYUR BAS BRNGAS SHING BRNGAS KYANG SLAR YANG SKYE BAS BRNGAS PAR YANG MI MNGON TE, BDAG CAG DE ZA ZHING ZAS SU ZA BA LA TSE RING ZHING YUN RING DU GNAS SO, ,GANG NAS BDAG CAG GIS MA RMOS MA BTAB PA'I 'BRAS S'A LU'I 'BRU GOGS 'JOG GI YONGS SU LONGS SPYAD

173b

PAS ZOS PA DE NAS S'A LU DE'I 'BRAS BU PHUB MA DANG, SPUN PA DANG, SHUN PAS YOG PAR GYUR TO, ,BRNGAS SHING BRNGAS NA'ANG SLAR MI SKYE BAS BRNGAS PAR MNGON LA, S'A LU'ANG SPUBS SAM YAL GA'I SBUBS LA YOD PAR GYUR PAS, MA LA, BDAG CAG TSOGS SHING 'DUS LA ZHING GZHAL TE MTSAMS BCAD LA, 'DI NI KHYOD KYI'O, ,'DI NI NGA'I 'O ZHES MU THUG BRE BAR BYA'O ZHES DE RNAMS TSOGS SHING 'DUS NAS ZHING BGOS TE MTSAMS SU MU THUG BRES SO, ,GOO TA MA DAG ,'DI NI 'JIG RTEN DU MU THUG BRE BA'I LAS KYI MTHA' RNAMS BYUNG BA'I RTZOM PA DANG PO YIN NO, ,DE'ANG CHOS KYIS YIN GYI, CHOS MA YIN PAS MA YIN PAS DE LA RGYAL BA'I DBANG PO'I CHOS LA 'DI NI CHOS KYI MCHOG YIN NO, ,DE NAS SEMS CAN ZHIG GIS RANG GI S'A LU YOD BZHIN DU GZHAN GYI S'A LU MA BYIN PAR BLANGS SO, ,SEMS CAN GZHAN DAG GIS SEMS CAN DES RANG GI S'A LU YOD BZHIN DU GZHAN GYI S'A LU MA BYIN PAR BLANGS PA MTHONG NGO, ,MTHONG NAS SEMS CAN DE LA 'DI SKAD CES SMRAS SO, ,KVA'E, SEMS CAN KHYOD RANG GI S'A LU YOD BZHIN DU GZHAN GYI S'A LU MA BYIN PAR CI'I PHYIR BLANG ZHES DE PHAR DRANGS, TSUR DRANGS NAS CI TZAM NA 'KHOR GYI NANG DU KHRID DE, SHES LDAN DAG ,SEMS CAN 'DI RANG GI S'A LU YOD BZHIN DU LAN GSUM GYI BAR DU GZHAN GYI S'A LU MA BYIN PAR LEN TO ZHES SBYOS SO, ,DE NAS SEMS CAN

174a

, ,DE RNAMS KYIS SEMS CAN DE LA 'DI SKAD CES SMRAS SO, ,KVA'E, SEMS CAN KHYED RANG GI S'A LU YOD BZHIN DU GZHAN GYI S'A LU MA BYIN PAR CI'I PHYIR BLANG, KVA'E, SEMS CAN KHYOD SONG LA PHYIN CHAD DE LTAR MA BYED CIG ,DE NAS SEMS CAN DES SEMS CAN DE RNAMS LA 'DI SKAD CES SMRAS SO, ,SHES LDAN DAG ,SEMS CAN 'DIS BDAG S'A LU'I PHYIR PHAR DRANGS, TSUR DRANGS NAS JI TZAM NA 'KHOR GYI NANG DU YANG PHYUNG NAS SPYOS SO, ,DE NAS SEMS CAN DE RNAMS KYIS SEMS CAN DE LA 'DI SMRAS SO, ,KVA'E, SEMS CAN KHYOD KYIS SEMS CAN LA S'A LU'I PHYIR PHAR DRANGS, TSUR DRANGS NAS JI TZAM NA 'KHOR GYI NANG DU YANG PHYUNG NAS CI'I PHYIR SPYOS, KVA'E, SEMS CAN KHYOD SONG LA PHYIN CHAD DE LTAR MA BYED CIG ;DE NAS SEMS CAN DE RNAMS 'DI SNYAM DU SEMS TE, SHES LDAN DAG ,S'A LU'I PHYIR PHAR 'DREN TSUR 'DREN CING CI TZAM NA 'KHOR GYI NANG DU SPYO BA'ANG SNANG BAS, MA LA; BDAG CAG TSOGS SHING 'DUS LA BDAG CAG GI NANG NA SEMS CAN LHAG PAR GZUGS BZANG BA, LHAG PAR BLTA NA SDUG PA, LHAG PAR MDZES PA, LHAG PAR BSOD NAMS CHE BAR GRAGS PA GANG YIN PA DE NI BDAG CAG GI ZHING RNAMS KYI BDAG POR BSKOS DANG, DES BDAG CAG CHAD PAS GCAD PAR BYA BA RNAMS NI CHAD PAS

174b

GCOD PAR 'GYUR, PHAN GDAGS PAR BYA BA RNAMS LA NI PHAN 'DOGS PAR 'GYUR TE, BDAG CAG GI ZHING DAG LAS 'KHRUNGS PA GANG YIN PA DE LAS DE LA CHOS BZHIN DU THOG SHAS SBYIN PAR BYA'O SNYAM NAS, DE RNAMS TSOGS SHING 'DUS TE, DE RNAMS KYI NANG NAS LHAG PAR GZUGS BZANG BA, LHAG PAR BLTA NA SDUG PA, LHAG PAR MDZES PA, LHAG PAR BSOD NAMS CHE BAR GRAGS PA GANG YIN PA DE ZHING RNAMS KYI BDAG POR BSKOS TE, 'DI SKAD CES, KYE, SEMS CAN KHYOD TSUR SHOG ,KHO BO CAG LAS CHAD PAS GCAD PAR BYA BA RNAMS LA NI CHAD PAS CHOD CIG , PHAN GDAGS PAR BYA BA RNAMS LA NI PHAN THOGS SHIG ,KHO BO CAG GI ZHING DAG LAS KHRUNGS PA GANG YIN PA DE LAS KHYOD LA KHO BO CAG GIS CHOS BZHIN DU THOG SHAS SBYIN NO, ,DE DE RNAMS LA CHAD PAS GCAD PAR BYA BA LA NI CHAD PAS GCOD, PHAN GDAGS PAR BYA BA RNAMS LA NI PHAN 'DOGS PAR BYED CING DE LA DE RNAMS KYI ZHING DAG LAS 'KHRUNGS PA GANG YIN PA DE LAS CHOS BZHIN DU THOG SHES DBUL TE, SKYE BO'I TSOGS CHEN POS BKUR SHING SKYE BO'I TSOGS CHEN POS BKUR BAS, MANG POS BKUR BA, MANG POS BKUR BA ZHES GRAGS SO, ,ZHING DE RNAMS KYI BDAG POR GYUR PA NA NYAMS PA LAS SKYOB PAR BYED PAS, RGYAL RIGS, RGYAL RIGS ZHES BYA BAR GRAGS SO, ,CHOS KYIS SKYE DGU MGU BAR BYED CING TSUL KHRIMS NYAMS SU BLANGS TE GNAS, SHES RAB NYAMS SU

175a

, ,BLANGS TE GNAS PAS, RGYAL PO, RGYAL PO ZHES BYA BAR GRAGS SO, ,GOO TA MA DAG ,RGYAL PO MANG POS BKUR GYI TSE MI RNAMS KYI MING SEMS CAN, SEMS CAN ZHES BYA BAR GYUR TO, ,GOO TA MA DAG ,RGYAL PO MANG POS BKUR BA'I BU 'OD MDZES ZHES BYA STE, GOO TA MA DAG ,RGYAL PO 'OD MDZES KYI TSE MI RNAMS KYI MING TSUR SHOG ,TSUR SHOG CES BYA BAR GYUR TO, ,'OD MDZES KYI BU DGE BA ZHES BYA STE, GOO TA MA DAG ,RGYAL PO DGE BA'I TSE MI RNAMS KYI MING SMRE BA CAN, SME BA CAN ZHES BYA BAR GYUR TO, ,GOO TA MA DAG ,DGE BA'I BU DGE MCHOG CES BYA STE, GOO TA MA DAG ,RGYAL PO DAG MCHOG GI TSE MI RNAMS KYI MING SPRIN MGRIN, SPRIN MGRIN ZHES BYA BAR GYUR TO, ,DGE MCHOG GI BU GSO SBYONG 'PHAGS ZHES BYA STE, GOO TA MA DAG ,RGYAL PO GSO SBYONG 'PHAGS KYI TSE MI RNAMS KYI MING TA LA'I RKANG, TA LA'I RKANG ZHES BYA BAR GYUR TO, ,RGYAL PO GSO SBYONG 'PHAGS KYI SPYI BOR SHA RMEN ZHIG SKYES PA 'JAM ZHING SHIN TU MNYEN TE, DPER NA, SHING BAL GYI 'DA' BA'AM, RAS BAL GYI 'DA' BA BZHIN DU CUNG ZAD KYANG GNOD PA MI SKYED DO, ,DE SMIN NAS BRTOL BA DANG, KHYE'U GZUGS BZANG BA; BLTA NA SDUG PA, MDZES PA, SKYES BU CHEN PO'I MTSAN SUM CU RTZA GNYIS KYIS KUN NAS BRGYAN PA ZHIG BYUNG STE, SPYI BO LAS SKYES PAS, SPYI BO SKYES ZHES BYA BAR GYUR TO, ,GZHON

175b

NU BYUNG MA THAG TU RGYAL PO GSO SBYONG 'PHAGS KYI BTZUN MO DRUG KHRI'I NANG DU DKRI BA DANG, DE THAMS CAD KYI NU MA LA 'O MA ZAG NAS RE RES NGA LAS NU, NGA LAS NU ZHES SMRAS PAS, NGA LAS NU, NGA LAS NU ZHES BYA BAR GRAGS SO, ,GOO TA MA DAG ,RGYAL PO NGA LAS NU GANG GI TSE RGYAL SRID BYED PA DE'I TSE MI RNAMS SEMS PAR BYED, 'JAL BAR BYED, NYE BAR RTOG PAR BYED DE, DE RNAMS BSAMS, GZHAL, NYE BAR BRTAGS NAS BZO'I GNAS DANG, LAS KYI GNAS THA DAD PA DAG BYED DU 'JUG PAS DES NA, DE RNAMS YID LA SKYES, YID LAS SKYES ZHES BYA BAR GRAGS SO, ,GOO TA MA DAG , RGYAL PO DRUG PO 'DI DAG NI TSE TSAD MED CING TSE DPAG TU MED PA YIN NO, ,GOO TA MA DAG ,RGYAL PO NGA LAS NU'I BRAL G-YAS PAR SHA RMEN ZHIG SKYES PA 'JAM ZHING SHIN TU MNYEN TE, DPER NA, SHING BAL GYI 'DA' BA'AM, RAS BAL GYI 'DA' BA BZHIN DU CUNG ZAD KYANG GNOD PA MI SKYED DO, ,DE SMIN NAS BRTOL BA DANG, KHYE'U GZUGS BZANG ZHING, BLTA NA SDUG PA, MDZES PA, SKYES BU CHEN PO'I MTSAN SUM CU RTZA GNYIS KYIS KUN NAS BRGYAN PA ZHIG BYUNG STE, BRLA G-YAS PA LAS SKYES PAS MING MDZES PA, MDZES PA ZHES BYA BAR GYUR TO, ,GZHON NU DE RDZU 'PHRUL CHE ZHING MTHU CHE BA YIN PAS DA DUNG YANG GLING BZHI LA RGYAL SRID KYI DBANG PHYUG LA DBANG BYED DU 'JUG GO ,GOO TA MA DAG ,RGYAL PO MDZES PA'I BRLA G-YON PAR SHA RMEN ZHIG SKYES PA 'JAM ZHING SHIN TU

176a

, ,MNYEN TE, DPER NA, SHING BAL GYI 'DA' BA'AM, RAS BAL GYI 'DA' BA BZHIN DU CUNG ZAD KYANG GNOD PA MI SKYED DO, ,DE SMIN NAS BRTOL BA DANG, KHYE'U GZUGS BZANG BA, BLTA NA SDUG PA, MDZES PA, SKYES BU CHEN PO'I MTSAN SUM CU RTZA GNYIS KYIS KUN NAS BRGYAN PA ZHIG BYUNG STE, BRLA G-YON PA LAS SKYES PAS MING NYE MDZES, NYE MDZES ZHES BYA BAR GYUR TO, ,GZHON NU DE RDZU 'PHRUL CHE ZHING MTHU CHE BA YIN PAS DA DUNG YANG GLING GSUM LA RGYAL SRID KYI DBANG PHYUG LA DBANG BYED DU 'JUG GO ,GOO TA MA DAG ,RGYAL PO NYI MDZES KYI RKANG PA G-YAS PAR SHA RMEN ZHIG SKYES PA 'JAM ZHING SHIN TU MNYEN TE, DPER NA, SHING BAL GYI 'DA' BA'AM, RAS BAL GYI 'DA' BA BZHIN DU CUNG ZAD KYANG GNOD PA MI SKYED DO, , DE SMIN NAS BRTOL BA DANG, KHYE'U GZUGS BZANG BA, BLTA NA SDUG PA, MDZES PA, SKYES BU CHEN PO'I MTSAN SUM CU RTZA GNYIS KYIS KUN NAS BRGYAN PA ZHIG BYUNG STE, RKANG PA G-YAS PA LAS SKYES PAS MING MDZES LDAN, MDZES LDAN ZHES BYA BAR GYUR TO, ,GZHON NU DE RDZU 'PHRUL CHE ZHING MTHU CHE BA YIN PAS DA DUNG DU'ANG GLING GNYIS LA NGA RGYAL SRID KYI DBANG PHYUG LA DBANG BYED DU 'JUG GO ,GOO TA MA DAG ,RGYAL PO MDZES LDAN GYI RKANG PA G-YON PAR SHA RMEN ZHIG SKYES PA 'JAM ZHING SHIN TU MNYEN TE, DPER NA, SHING BAL GYI 'DA' BA'AM, RAS

176b

BAL GYI 'DA' BA BZHIN DU CUNG ZAD KYANG GNOD PA MI SKYED DO, ,DE SMIN NAS BRTOL BA DANG, KHYE'U GZUGS BZANG BA, BLTA NA SDUG PA, MDZES PA, SKYES BU CHEN PO'I MTSAN SUM CU RTZA GNYIS KYIS KUN NAS BRGYAN PA ZHIG BYUNG STE, RKANG PA G-YON PA LAS SKYES PAS MING NYE MDZES LDAN, NYE MDZES LDAN ZHES BYA BAR GYUR TO, ,GZHON NU DE RDZU 'PHRUL CHE ZHING MTHU CHE BA YIN PAS DA DUNG DU'ANG GLING GCIG LA RGYAL SRID KYI DBANG PHYUG LA DBANG BYED DU 'JUG GO, GOO TA MA DAG ,DE LTAR NA RGYAL PO MANG POS BKUR GYIS BU 'OD MDZES SO, ,'OD MDZES KYI BU DGE BA'O, ,DGE BA'I BU DGE MCHOG ,DGE MCHOG GI BU GSO SBYONG 'PHAGS SO, ,GSO SBYONG 'PHAGS KYI BU NGA LAS NU'O, ,NGA LAS NU'I MDZES PA'O, ,MDZES PA'I NYI MDZES PA'O, ,NYI MDZES KYI MDZES LDAN DANG, NYE MDZES LDAN DANG, BZANG PO DANG, LEGS BZANG DANG, BTANG BA DANG, BTANG BZUNG DANG, YAN LAG DANG, YAN LAG SHING RTA DANG, NGAN SPONG DANG, SKAL LDAN SHING RTA DANG, RGYA MTSO DANG, RGYA MTSO'I BU DANG, RGYA MTSO CHEN PO DANG, SHA KU NI DANG, SHA KU NI CHEN PO DANG, KU SHA DANG, NYE BA'I KU SHA DANG, KU SHA CHEN PO DANG, LEGS MTHONG DANG, LEGS MTHONG CHEN PO DANG, RAB THOB DANG, RAB THOB CHEN PO DANG, RAB TU SGRA BSGRAGS DANG, RAB TU SGRA BSGRAGS CHEN PO DANG, 'OD BYED DANG, RTUL PHOD PA DANG, LHUN PO LDAN DANG, LHUN PO YOD DANG,

177a

, ,'OD ZER DANG, 'OD ZER LDAN DANG, 'OD ZER YOD DANG, KUN NAS 'OD ZER RO, ,GOO TA MA DAG ,KUN NAS 'OD ZER GYI BU DANG, TSA BO DANG, YANG TSA DANG, SUM TSA'I RGYUD RGYAL PO BRGYA THAM PA YUL GRU 'DZIN DU BYUNG STE, DE RNAMS KYI THA MA NI RGYAL PO DGRA 'DUL ZHES BYA BA BYUNG STE, DGRA 'DUL BAR BYED PAS DGRA 'DUL, DGRA 'DUL ZHES BYA BAR GYUR TO, ,GOO TA MA DAG ,RGYAL PO DGRA 'DUL GYI BU DANG, TSA BO DANG, YANG TSA DANG, SUM TSA'I RGYUD RGYAL PO LNGA KHRI BZHI STONG YUL DMAG GIS MI TSUGS PAR BYUNG NGO, ,DE RNAMS KYI THA MA NI RGYAL PO MA RGYAL BA LAS RGYAL BA ZHES BYA BA BYUNG STE, MA RGYAL BA LAS RGYAL BAR BYED PAS NA, MA RGYAL BA LAS RGYAL BA, MA RGYAL BA LAS RGYAL BA ZHES BYA BAR GRAGS SO, ,GOO TA MA DAG ,RGYAL PO MA RGYAL BA LAS RGYAL BA'I BU DANG, TSA BO DANG, YANG TSA DANG, SUM TSA'I RGYUD RGYAL PO SUM KHRI DRUG STONG YUL W'A RA n'A SIR BYUNG STE, DE RNAMS KYI THA MA NI RGYAL PO BZOD DKA' ZHES BYA BA BYUNG NGO; ;GOO TA MA DAG ,RGYAL PO BZOD DKA'I BU DANG, TSA BO DANG, YANG TSA DANG, SUM TSA'I RGYUD RGYAL PO BRGYAD KHRI BZHI STONG KIM BI LA'I GRONG KHYER DU BYUNG STE, DE RNAMS KYI THA MA NI RGYAL PO TSANGS PAS BYIN CES BYA BA BYUNG NGO, ,GOO TA MA DAG ,RGYAL PO TSANGS BYIN GYI BU DANG, TSA BO DANG, YANG TSA DANG, SUM TSA'I RGYUD RGYAL PO SUM KHRI NYIS STONG GLANG PO CHE'I GRONG KHYER DU BYUNG STE, DE

177b

RNAMS KYI THA MA NI RGYAL PO GLANG POS BYIN CES BYA BA BYUNG NGO, ,GOO TA MA DAG ,RGYAL PO GLANG POS BYIN GYI BU DANG, TSA BO DANG, YANG TSA DANG, SUM TSA'I RGYUD RGYAL PO LNGA STONG YUL RDO 'JOG TU BYUNG STE; DE RNAMS KYI THA MA NI RGYAL PO BAL BU CAN ZHES BYA BA BYUNG NGO, ,GOO TA MA DAG ,RGYAL PO BAL BU CAN GYI BU DANG, TSA BO DANG, YANG TSA DANG, SUM TSA'I RGYUD RGYAL PO SUM KHRI NYIS STONG GRONG KHYER BRANG GIS NYAL DU BYUNG STE, DE RNAMS KYI THA MA NI RGYAL PO TSAN PO CHE 'DUL ZHES BYA BA BYUNG NGO, ,GOO TA MA DAG ,RGYAL PO TSAN PO CHE 'DUL GYI BU DANG, TSA BO DANG, YANG TSA DANG, SUM TSA'I RGYUD RGYAL PO SUM KHRI NYIS STONG GRONG KHYER MA RGYAL BA LAS RGYAL BAR BYUNG STE, DE RNAMS KYI THA MA NI RGYAL PO RGYAL BYIN CES BYA BA BYUNG NGO, ,GOO TA MA DAG ,RGYAL PO RGYAL BYIN GYI BU DANG, TSA BO DANG, YANG TSA DANG, SUM TSA'I RGYUD RGYAL PO SUM KHRI NYIS STONG GRONG KHYER KAN+YA KUB DZAR BYUNG STE, DE RNAMS KYI THA MA NI RGYAL PO RGYAL SDE ZHES BYA BA BYUNG NGO, ,GOO TA MA DAG ,RGYAL PO RGYAL SDE'I BU DANG, TSA PO DANG, YANG TSA DANG, SUM TSA'I RGYUD RGYAL PO KHRI BRGYAD STONG GRONG KHYER TZAM PAR BYUNG STE, DE RNAMS KYI THA MA NI RGYAL PO KLU'I LHA ZHES BYA BA BYUNG NGO, ,GOO TA MA DAG ,RGYAL PO KLU'I LHA'I BU DANG, TSA BO DANG, YANG TSA DANG, SUM TSA'I RGYUD RGYAL PO NYI KHRI LNGA STONG GRONG KHYER TA LA'I PHRENG DU BYUNG STE, DE RNAMS KYI THA MA NI RGYAL PO MI'I LHA ZHES BYA BA BYUNG NGO, ,GOO TA MA DAG ,RGYAL PO MI'I LHA'I

178a

, ,BU DANG, TSA BO DANG, YANG TSA DANG, SUM TSA'I RGYUD RGYAL PO KHRI NYIS STONG GRONG KHYER TA MA LAR BYUNG STE, DE RNAMS KYI THA MA NI RGYAL PO RGYA MTSO'I LHA ZHES BYA BA BYUNG NGO, , GOO TA MA DAG ,RGYAL PO RGYA MTSO'I LHA'I BU DANG, TSA BO DANG, YANG TSA DANG, SUM TSA'I RGYUD RGYAL PO KHRI BRGYAD STONG GRONG KHYER BA SO'I GRONG DU BYUNG STE, DE RNAMS KYI THA MA NI RGYAL PO BLO GROS BZANG PO ZHES BYA BA BYUNG NGO, ,GOO TA MA DAG ,RGYAL PO BLO GROS BZANG PO'I BU DANG, TSA BO DANG, YANG TSA DANG, SUM TSA'I RGYUD RGYAL PO NYI KHRI LNGA STONG GRONG KHYER RGYAL PO'I KHAB TU BYUNG STE, DE RNAMS KYI THA MA NI RGYAL PO MUN SEL ZHES BYA BA BYUNG NGO, ,GOO TA MA DAG ,RGYAL PO MUN SEL GYI BU DANG, TSA BO DANG, YANG TSA DANG, SUM TSA'I RGYUD RGYAL PO BRGYA THAM PA YANG GRONG KHYER W'A RA n'A SIR BYUNG STE; DE RNAMS KYI THA MA NI RGYAL PO DBANG PHYUG CHEN PO'I SDE ZHES BYA BA BYUNG NGO, ,GOO TA MA DAG ,RGYAL PO DBANG PHYUG CHEN PO'I SDE'I BU DANG, TSA BO DANG, YANG TSA DANG, SUM TSA'I RGYUD RGYAL PO BRGYAD KHRI BZHI STONG GRONG KHYER RTZVA CAN DU BYUNG STE, DE RNAMS KYI THA MA NI RGYAL PO RGYA MTSO'I SDE ZHES BYA BA BYUNG NGO, ,GOO TA MA DAG ,RGYAL PO RGYA MTSO'I SDE'I BU DANG, TSA BO DANG, YANG TSA DANG, SUM TSA'I RGYUD RGYAL PO STONG YANG GRONG KHYER GRU 'DZIN DU BYUNG STE, DE RNAMS KYI THA MA NI RGYAL PO DKA' THUB SPYOD CES BYA BA BYUNG NGO, ,GOO TA MA DAG ,RGYAL PO DKA' THUB SPYOD KYI BU DANG, TSA BO DANG, YANG

178b

TSA DANG, SUM TSA'I RGYUD RGYAL PO BRGYAD KHRI BZHI STONG YANG GRONG KHYER RTZVA CAN DU BYUNG STE, DE RNAMS KYI THA MA NI RGYAL PO SA'I GDONG ZHES BYA BA BYUNG NGO, ,GOO TA MA DAG ,RGYAL PO SA'I GDONG GI BU DANG, TSA BO DANG, YANG TSA DANG, SUM TSA'I RGYUD RGYAL PO 'BUM YANG GRONG KHYER W'A RA n'A SIR BYUNG STE, DE RNAMS KYI THA MA NI RGYAL PO SA'I BDAG PO ZHES BYA BA BYUNG NGO, ,GOO TA MA DAG ,RGYAL PO SA'I BDAG PO'I BU DANG, TSA BO DANG, YANG TSA DANG, SUM TSA'I RGYUD RGYAL PO 'BUM YANG GRONG KHYER DMAG GIS MI TSUGS PAR BYUNG STE, DE RNAMS KYI THA MA NI RGYAL POS 'DZIN ZHES BYA BA BYUNG NGO, ,GOO TA MA DAG ,RGYAL PO SA 'DZIN GYI BU DANG, TSA BO DANG, YANG TSA DANG, SUM TSA'I RGYUD RGYAL PO BRGYAD KHRI BZHI STONG GRONG KHYER MI THI LAR BYUNG STE, DE RNAMS KYI THA MA NI RGYAL PO LHA CHEN PO ZHES BYA BA BYUNG NGO, ,GOO TA MA DAG ,RGYAL PO LHA CHEN PO'I BU DANG, TSA BO DANG, YANG TSE DANG, SUM TSA'I RGYUD RGYAL PO BRGYAD KHRI BZHI STONG YANG GRONG KHYER MI THI LAR DRANG SRONG GI TSANGS PAR SPYOD PA LA SPYAD DE, DE RNAMS KYI THA MA NI RGYAL PO MU KHYUD CES BYA BA BYUNG NGO, ,MU KHYUD LAS 'BYING BA DANG, SRA BA'I MU KHYUD DANG, RKO BA DANG, NYE BAR RKO BA DANG, RKO BA YOD DANG, KUN NAS RKO DANG, GYA NOM SNANG DANG, THOS PA'I SDE DANG, CHOS KYI SDE DANG, RTOGS PA DANG, RTOGS PA CHEN PO DANG, RTOGS PA'I SDE DANG, MYA NGAN MED DANG, MYA NGAN BRAL DANG, BRTAN PA'I SDE DANG, RGA BAS

179a

, ,SBYAR DANG, GLEN BSAD DANG, SKYA RENGS DANG, PHYOGS KYI BDAG PO DANG, RDUL CAN DANG, BDE BYED DANG, KUN DGA' DANG, ME LONG GDONG DANG, SKYED PA DANG, KUN NAS SKYED PA DANG; SKYE BO'I KHYU MCHOG DANG, BZA' BTUNG CAN DANG, BZA' BTUNG MANG PO CAN DANG, MI THUB PA DANG, GZHAN GYIS MI THUB PA DANG, GNAS PA DANG, SHIN TU GNAS PA DANG, STOBS CHEN DANG, STOBS CHEN ZHON DANG, LEGS PA'I BLO GROS DANG, BRTAN BZHON DANG, GZHU BCU PA DANG, GZHU BRGYA PA DANG, GZHU DGU BCU DANG, GZHU RGYAL DANG, GZHU BKRA DANG, GZHUS DANG, SHING RTA BCU PA DANG, SHING RTA BRGYA PA DANG, SHING RTA DGU BCU PA DANG, SHING RTA KHRA BO DANG, SHING RTA RGYAL DANG, SHING RTA SRA BA'O, ,GOO TA MA DAG ,RGYAL PO SHING RTA SRA BA'I BU DANG, TSA BO DANG, YANG TSA DANG, SUM TSA'I RGYUD RGYAL PO BDUN KHRI BDUN STONG GRONG KHYER KUN TU SNANG BAR BYUNG STE, DE RNAMS KYI THA MA NI RGYAL PO KRI KRI ZHES BYA BA BYUNG NGO, ,DE'I TSE STON PA DE BZHIN GSHEGS PA, DGRA BCOM PA, YANG DAG PAR RDZOGS PA'I SANGS RGYAS, RIG PA DANG, ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG, MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I SPYAN SNGAR BCOM LDAN 'DAS BYANG

179b

CHUB SEMS DPA' MA 'ONGS PA NA BYANG CHUB PAR BYA BA'I PHYIR SMON LAM BTAB NAS TSANGS PAR SPYOD PA SPYAD DE, DGA' LDAN GYI LHA'I RIS SU SKYES SO, ,GOO TA MA DAG ,RGYAL PO KRI KRI'I BU LEGS SKYES SO, ,GOO TA MA DAG ,RGYAL PO LEGS SKYES KYI BU DANG, TSA BO DANG, YANG TSA DANG, SUM TSA'I RGYUD RGYAL PO BRGYA THAM PA'ANG GRONG KHYER GRU 'DZIN DU BYUNG STE, DE RNAMS KYI THA MA NI RGYAL PO RNA BCAN ZHES BYA BA BYUNG NGO, ,GOO TA MA DAG ,RGYAL PO RNA BA CAN LA BU GNYIS TE, GOO TA MA DANG, BHA RA DVA DZA'O, ,DE GNYIS LAS GOO TA MA NI MNGON PAR 'BYUNG BAR DGA'O, ,BHA RA DVA DZA NI RGYAL SRID LA MNGON PAR DGA'O, ,DE PHA CHOS DANG, CHOS MA YIN PAS RGYAL SRID BYED PA MTHONG NAS DES BSAMS PA, BDAG YAB 'DAS NAS RGYAL POR GYUR TE, BDAG GIS KYANG CHOS DANG, CHOS MA YIN PAS RGYAL SRID BYAS NAS SEMS CAN DMYAL BAR GZHOL BAR 'GYUR BAS 'DIR CI'I DUS LA BAB CE NA, KHYIM NAS KHYIM MED PAR RAB TU 'BYUNG BAR BYA'O SNYAM DU BSAMS NAS; RGYAL PO RNA BA CAN GANG NA BA DER SONG STE PHYIN PA DANG RKANG PA GNYIS LA GTUGS TE GSOL BA BTAB PA, YAB; MKHYEN PAR MDZOD CIG ,BDAG NI DAD PAS KHYIM NAS KHYIM MA MCHIS BAR RAB TU 'BYUNG NGO, ,DES SMRAS PA, BU GANG GI PHYIR MCHOD SBYIN MCHOD PAR BYED PA DANG, SBYIN SREG SREG PAR BYED PA DANG, DKA' THUB DKA' THUB SPYOD PA DE DAG NI 'DI'I

180a

, ,CHED YIN TE, NGA 'DAS NA RGYAL SRID LAG MTHIL DU 'ONGS TE RGYAL PO BYED PAR 'GYUR NA CI'I PHYIR RAB TU 'BYUNG, DES SMRAS PA, YAB; BDAG GIS CHOS DANG, MA YIN PAS RGYAL SRID BGYID RDO MI THOGS SO, ,DE LTA BAS NA MKHYEN PAR MDZOD CIG ,RAB TU 'BYUNG NGO, ,DE NAS RGYAL POS GAL GYIS 'CHU BAR SHES NAS GNANG NGO, ,DE'I TSE BSTI GNAS ZHIG NA DRANG SRONG MDOG GANG CES BYA BA GNAS SO, ,DE NAS GZHON NU GOO TA MA RGYAL POS GNANG NAS, DGA' ZHING MGU LA DGA' BA RGYA CHEN PO DANG, YID BDE BA SKYES NAS, DRANG SRONG MDOG GNAG GANG NA BA DER SONG STE PHYIN PA DANG, SPYOD LAM DUL BAS RKANG PA GNYIS LA PHYAG BYAS NAS SMRAS PA, DRANG SRONG CHEN PO, BDAG RAB TU 'BYUNG BAR 'DOD KYI BDAG RAB TU PHYUNG ZHIG ,DES DE RAB TU BYUNG NGO, ,DRANG SRONG MDOG GNAG NI 'BRAS BU DANG, RTZA BA DANG, CHU 'THUNG BAS DE'ANG DRANG SRONG GOO TA MA, DRANG SRONG GOO TA MA ZHES BYA BAR GYUR TO, ,JI TZAM NA DUS GZHAN ZHIG NA RGYAL PO RNA BA CAN SHI NAS GZHON NU BHA RA DVA DZA PA'I RGYAL SRID KYI DBANG PHYUG LA DBANG BYED DU BCUG GO ,JI TZAM NA DUS GZHAN ZHIG NA DRANG SRONG GOO TA MAS MKHAN PO LA SMRAS PA, MKHAN PO, DGON PA'I GNAS NA ZAS KYIS 'TSO BAR RDO MI THOGS KYI GRONG 'DAB TU GNAS PAR BGYI'O, ,DES SMRAS PA, BU, RUNG GIS GRONG NGAM, DGON PA NA GNAS PA'I

180b

DRANG SRONG GIS NI MDOR NA DBANG PO BSRUNG BA YIN GYI, KHYOD SONG LA GRU 'DZIN GYI NYE 'KHOR DU LO MA'I SPYIL BU BYOS LA 'DUG CIG ,MKHAN PO, BKA' BZHIN 'TSAL ZHES SMRAS NAS, DRANG SRONG GOO TA MA GRU 'DZIN GYI NYE 'KHOR DU LO MA'I SPYIL BU BYAS TE GNAS SO, ,DE'I TSE GRONG KHYER GRU 'DZIN NA SMAD 'TSONG MA BZANG MO ZHES BYA BA DANG, SKYES BU G-YON CAN PADMA'I RTZA LAG CES BYA BA GNAS TE; DES DE LA DGA' MGUR SPYAD PA'I PHYIR GOS DANG, RGYAN DAG BSKUR RO, ,DES GOS DANG, RGYAN DAG THOGS NAS CHAS PA LAS, YANG MI GZHAN ZHIG K'ARsh'A PA nA LNGA BRGYA THOGS PA ZHIG 'ONGS NAS; BZANG MO DGA' MGUR SPYAD KYI TSUR SHOG ,DES BSAMS PA, GAL TE BDAG SONG NA K'ARsh'A PA nA LNGA BRGYA'ANG MI 'THOB LA KHYIM DU 'ONGS PA SPANGS TE GZHAN DU 'GRO BA 'DI NI LEGS PA MA YIN NO SNYAM NAS DES BU MO MNGAG GZHUG MA LA SMRAS PA, SONG LA PADMA'I RTZA LAG LA JO MO'I MCHID NAS RE ZHIG BDAG SKABS MA MCHIS TE SLAD KYIS MCHI'O ZHES SMROS SHIG ,DES DE'I GAN DU SONG NAS SMRAS SO, ,MI DE'ANG BYA BA MANG PO ZHIG YIN PAS DE DE DANG, DGA' MGUR SPYAD NAS THUN DANG PO NYID LA SONG NGO, ,DES BSAMS PA, NAM TSOD RING DU YOD PAS DE'I SEMS KYANG [?] BSRUNG BAR NUS SO SNYAM NAS, DES YANG BU MO DE LA BSGO BA, PADMA'I RTZA LAG GI GAN DU SONG LA JO MO'I MCHID NAS STA GON BGYIS LAGS NA SKYED MOS TSAL GANG DU MCHIS ZHES SMROS

181a

, ,SHIG ;DES DE'I GAN DU SONG NAS SMRAS PA DANG, DES SMRAS PA, KHYOD KYIS SKAD CIG LA SKABS MED, SKAD CIG LA SKABS YOD CE'AM, BU MO DE DE DANG, RIGS MI 'PHROD PA ZHIG PAS, DES SMRAS PA, RJE'I SRAS, SKABS MCHIS PA NI MA LAGS MOD KYI, DE KHYOD KYI GOS DANG, RGYAN DAG GIS SKYES PA GZHAN DANG LHAN CIG DGA' MGUR SPYAD DO, , DE'I 'DOD CHAGS KYI KUN NAS DKRIS PA GANG YIN PA DE DANG BRAL BAR GYUR CING GNOD SEMS KYI KUN NAS DKRIS PA SKYES TE, DE MI BZOD PA SKYES NAS SMRAS PA, BU MO SONG LA, BZANG MO, PADMA'I RTZA LAG NA RE, SKYED MOS TSAL GA GE MO ZHIG TU SHOG CIG CES BYOS SHIG ,DES SONG NAS BZANG MO LA SMRAS NAS, DE NAS DE SKYED MOS TSAL DU SONG BA DANG, SKYES BU G-YON CAN PADMA'I RTZA LAG GIS SMRAS PA, KHYOD KHO BO'I GOS DANG, RGYAN GYIS SKYES PA GZHAN DANG LHAN CIG DGA' MGUR SPYOD PA RIGS SAM, DES SMRAS PA, RJE'I SRAS, DE NI BDAG GIS NONGS TE 'ON KYANG BUD MED NI RTAG TU SKYON CAN LAGS PAS BZOD PAR MDZOD CIG ,DE NAS DE MI BZOD PA SKYES NAS RAL GRI SHUGS NAS PHYUNG STE BSAD DO, ,DE NAS BU MO MNGAG GZHUG MAS JO MO BSAD DO, ,JO MO BSAD DO ZHES KU CO'I SGRA CHEN PO BTON PA SKYE BO'I TSOGS CHEN PO KUN GYIS THOS NAS BRGYUGS PA DANG, DE JI TZAM NA BSTI GNAS DE NYID NA

181b

DRANG SRONG GOO TA MA GNAS SO, ,DE NAS SKYES BU G-YON CAN PADMA'I RTZA LAG DE SKRAG NAS RAL GRI KHRAG CAN DRANG SRONG GOO TA MA'I MDUN DU BOR NAS SKYE BO'I TSOGS DE NYID KYI NANG DU ZHUGS SO, , SKYE BO'I TSOGS CHEN PO DES RAL GRI KHRAG CAN MTHONG NAS SMRAS PA, RAB TU BYUNG BA 'DIS BZANG MO BSAD DO ZHES DE NAS DRANG SRONG GOO TA MA DE BSKOR TE, MI BZOD PA SKYES NAS SMRAS PA, KVA'I RAB TU BYUNG BA DRANG SRONG GI RGYAL MTSAN THOGS NAS 'DI 'DRA BA'I LAS BYED DAM, DES SMRAS PA, CI BYAS, DE RNAMS KYIS SMRAS PA, BZANG MO DANG KHYOD LHAN CIG DGA' MGUR SPYAD NAS DE BSAD DO, ,DES SMRAS PA, KHO BO'I SDIG PA ZHI BAS LAS DE MI BYED DO ZHES DE ZHI BAS SMRAS KYANG SKYE BO'I TSOGS DES LAG PA PHYIN KA LOG TU DAM DU BCINGS NAS RGYAL PO LA PHUL TE, LHA; RAB TU BYUNG BA 'DIS BZANG MO DANG LHAN CIG DGA' MGUR SPYAD NAS DE BKUM LAGS SO, ,RGYAL PO RNAMS NI MI RTOG PA YIN PAS, DES SMRAS PA, GAL TE DE LTAR GYUR NA RAB TU BYUNG BA 'DI NGAS SPANGS KYIS GSAL SHING LA GSHON CIG ,DE RAB TU BYUNG BA DE ME TOG KA RA B'I RA'I PHRENG BA MGUL DU BTAGS SHING SKYES PA GOS SNGON PO GYON PA LAG NA MTSON THOGS PA RNAMS KYIS YONGS SU BSKOR NAS LAM PO CHE DANG, TSONG 'DUS DANG, BZHI MDO DANG, SUM MDO RNAMS SU BSGRAGS PA'I SGOR BSGRAGS TE, GRONG KHYER GYI LHO PHYOGS KYI SGOR PHYUNG NAS GSON

182a

, ,PO NYID DU GSAL SHING LA GSHON NO, ,DE'I MKHAN PO MDOG GANG DE DUS DUS SU DE'I BSTI GNAS SU 'GRO BA YIN PAS JI TZAM DUS GZHAN ZHIG NA SONG BA LAS MA MTHONG NAS DES PHAN TSUN DU BTZAL BAR BRTZAMS PA DANG, JI TZAM NA DE GSAL SHING LA GSHON PA MTHONG NAS DE SKAD MI GSAL ZHING MIG MCHIMS GANG LA SNYING RJE BA'I TSIG GIS DAL BU DAL BUS SMRAS PA, KYI HUD BU, 'DI CI ZHIG ,DES KYANG SKAD MI GSAL ZHING YID CHAD LA GNAD DU BAB PA'I GNOD PA'I TSOR BA SKYES SHING GDUNGS PAS SMRAS PA, MKHAN PO; GZHAN CI LAGS, LAS LAGS MOD, DES SMRAS PA, BU; RMA PHYUNG BA'AM, GNOD PA ZHIG MA BYAS GRANG, MKHAN PO, BDAG GIS LUS KYIS RMA BYUNG GI SEMS KYIS NI MA YIN NO, ,BU; JI LTAR SHES, MKHAN PO, BDEN PA GSOL GYI GSON CIG ,BDEN PA DANG, BDEN PA'I TSIG GANG GIS BDAG GI LUS KYIS RMA PHYUNG GI SEMS KYI SAM YIN NA, BDEN PA DANG, BDEN PA'I TSIG DES MKHAN PO'I PAGS PA'I MDOG NAG PO GANG YIN PA 'DI GSER GYI KHA DOG TU GYUR CIG ,BDAG NYID CHEN PO DE LHAG PA'I BSAM PA GOMS PA YIN PAS TSIG SMRAS MA THAG TU DRANG SRONG MDOG NAG GI PAGS PA NAG PO MI SNANG ZHING GSER GYI KHA DOG TU GYUR TO, ,KUN TU DRANG SRONG MDOG NAG GSER GYI KHA DOG TU GYUR

182b

TO ZHES SGRA GRAGS PAS DE'I MING GSER MDOG CES BYA BAR GYUR TO, ,DE NGO MTSAR MCHOG TU GYUR TO, ,DE NAS DRANG SRONG GOO TA MAS SMRAS PA, MKHAN PO, BDAG 'DI NAS SHI 'PHOS NAS 'GRO BA NI GANG, SKYE BA NI GANG, TSE PHYI MA NI GANG ZHIG LAGS, DES SMRAS PA, BU; BRAM ZE RNAMS KHYE'U MED PA LA 'GRO BA MED DO ZHES ZER NA, KHYOD KYIS BU 'GA' BSKYED PA LTA YOD DAM MKHAN PO, YAB KYIS RGYAL SRID KYI SLAD DU SPRO BA BSKYED PA NA BDAG GZHON NU NYID DU RAB TU BYUNG BAS BUD MED KYI RGYUS KYANG MA 'TSAL NA, BDAG GI BU SKYE BA LTA GA LA MCHIS, BU; GAL TE DE LTA NA SNGON YUL LA SPYAD PA RJES SU DRAN PAR GYIS SHIG ,MKHAN PO, TSOR BA DRAG POS NYEN NAS DA NI BDAG GI GNAD RNAMS CHAD CING TSIGS RNAMS BYE STE, 'GUM PA GCIG TU DRAN PAR BAS NA JI LTAR SNGON GYI YUL LA SPYAD PA RJES SU DRAN PAR 'GYUR, DE'I MKHAN PO MNGON PAR SHES PA THOB PA YIN PAS DE RDZU 'PHRUL GYIS RDZI CHAR CHEN PO SPRUL NAS CHAR PA'I THIGS PAS DE'I LUS LA PHOG PA DANG, DE NAS CHAR BA DANG, RLUNG GRANG MO REG PAS SDUG BSNGAL RNAM PAR MNAN NAS, DES SNGON GYI YUL LA SPYAD PA RJES SU DRAN PAR BYA BAR BRTZAMS SO, ,GANG GI TSE DES 'KHRIG PA'I 'DOD CHAGS RJES SU DRAN PAR BYAS PA LAS KHU BA'I THIGS PA GNYIS KHRAG DANG LHAN CIG LHUNG NGO, ,BSAM GYIS MI KHYAB PA'I GNAS NI BZHI STE, BDAG SEMS PA DANG,

183a

, ,'JIG RTEN SEMS PA DANG, SEMS CAN RNAMS KYI LAS KYI RNAM PAR SMIN PA SEMS PA DANG, SANGS RGYAS RNAMS KYI SANGS RGYAS KYI YUL SEMS PA'O, ,KHU BA'I THIGS PA DE GNYIS SGO NGA GNYIS SU GYUR NAS NYI MA SHAR BA'I DUS KYI TSE NYI MA'I 'OD ZER GYIS SMIN NAS RDO LA BA DANG, KHYE'U GNYIS SHIG BYUNG NAS DE DANG HA CANG YANG MI RING BA'I BU RAM SHING GI TSAL GSEB DER DE GNYIS ZHUGS SO, ,DE NAS NYI MA'I 'OD ZER SHIN TU TSA BA BYUNG STE, NYI MA'I 'OD ZER GYIS DRANG SRONG GOO TA MA GDUNGS NAS SHI'O, ,DE NAS DRANG SRONG GSER MDOG 'ONGS NAS SHI BA MTHONG NAS DES GSAL SHING GI NYE 'KHOR DU BLTAS NA, SGO NGA RDOL BA'I KHOG PA GNYIS SHIG 'DUG NAS, DE PHAN TSUN RJES GCOD CING BU RAM SHING GI TSAL GSEB TU ZHUGS PA LAS, JI TZAM NA KHYE'U GNYIS SHIG MTHONG NGO, ,DES 'DI GNYIS SU'I BU YIN ZHES BSAMS PA LAS ZHUGS PA DANG, DRANG SRONG GOO TA MA'I BU YIN PAR GYUR NAS, DE NAS DE LHAG PAR SDUG PA SKYES TE, DES DE GNYIS BSTI GNAS SU KHRID NAS BSNUN GSOS TE, DE DE GNYIS KYI MING BTAGS PA NYI MA SHAR BA'I TSE NYI MA'I 'OD ZER GYIS SMIN PAR BYAS PA LAS 'DI GNYIS SKYES PAR GYUR PAS DE BAS NYI MA'I RIGS YIN PAS DES NA NYI MA'I RIGS, NYI MA'I RIGS ZHES BYA BAR GYUR TO, ,DRANG SRONG GOO TA MA'I

183b

BU YIN PAS MING GNYIS PA LA NI, GOO TA MA, GOO TA MA ZHES BYA BAR GYUR TO, ,RANG GI YAN LAG LAS SKYES PAS MING GSUM PA YAN LAG SKYES, ,YAN LAG SKYES ZHES BYA BAR GYUR TO, ,BU RAM SHING GI TSAL GSEB NAS RNYED PAS MING BZHI PA BU RAM SHING PA, BU RAM SHING PA ZHES BYA BAR GYUR TO, ,JI TZAM NA DUS GZHAN ZHIG NA RGYAL PO BHA RA DVA DZA BU MED PAR SHI NAS, BLON PO RNAMS 'DUS NAS GROS BYA BAR BRTZAMS PA, SHES LDAN DAG ,SU ZHIG RGYAL POR DBANG BSKUR BAR BYA, GZHAN DAG GIS SMRAS PA, DE'I GCEN PO GOO TA MA DRANG SRONG RNAMS KYI NANG DU RAB TU BYUNG STE RGYAL SRID 'DI NI DE'I RIGS RGYUD DU 'ONGS PA YIN PAS DE DBANG BSKUR RO, ,DE NAS DE RNAMS KYIS GROS BYAS NAS DRANG SRONG GSER MDOG GI DRUNG DU SONG STE PHYIN PA DANG, RKANG PA GNYIS LA GTUGS NAS SMRAS PA, DRANG SRONG CHEN PO, GOO TA MA GANG DU MCHIS, DES SMRAS PA, KHYED CAG KHO NAS BSAD DO, ,DE RNAMS KYIS SMRAS PA, DRANG SRONG CHEN PO, BDAG CAG GIS DE MTHONG BAR YANG MI DRAN NA JI LTAR BSAD, KHO BOS KHYED CAG DRAN PAR BYA'O, ,MA NONGS SO, ,DES DE RNAMS DRAN PAR BYAS PA DANG, SMRAS PA, DRANG SRONG CHEN PO, GAL TE DE LTA NA SDIG PA SPYOD PA DE MING TZAM SMOS PA'ANG BSGRAGS PA MA YIN GYI ZHOG CIG ,DES SDIG PA'I LAS CI DANG, CI BYAS, 'DI DANG, 'DI'O, ,SKYON MED PA GNOD PA MI BYED PA DES SDIG PA'I LAS MA BYAS PAR KHYED CAG GIS

184a

, ,BSAD DO, ,DE LTAR CI MNGON, DES JI LTAR GYUR PA RGYAS PAR SMRAS PA DANG, DE RNAMS YID MI BDE BA SKYES NAS SMRAS PA, DRANG SRONG CHEN PO, GAL TE DE LTA NA DES MA LEGS KYI, BDAG CAG GIS SDIG PA'I LAS BGYIS SO ZHES DE RNAMS DE SKAD DU SMRA BAR BYED PA NA, KHYE'U DE GNYIS KYANG DRANG SRONG GI DRUNG DU 'ONGS SO, ,BLON PO RNAMS KYIS SMRAS PA; DRANG SRONG CHEN PO, KHYE'U 'DI GNYIS SU'I LAGS, DES SMRAS PA, DE KHO NA'I BU'O, ,DE RNAMS KYIS SMRAS PA, 'DI GNYIS JI LTAR SKYES, 'DI GNYIS KYI MING CI LAGS, DES BYUNG BA DANG BCAS PAR RGYAS PAR SMRAS PA, BLON PO RNAMS KYIS DE THOS TE MCHOG TU NGO MTSAR SKYES NAS, DE RNAMS KYIS DRANG SRONG DE LA GSOL BA BTAB NAS DE GNYIS LAS GZHON NU PHU BO SHOS RGYAL SRID KYI DBANG BSKUR BAS DBANG BSKUR BA LAS DE'ANG BU MED PAR SHI'O, ,DE NAS GCIG SHOS NU BO DBANG BSKUR NAS DE'I MING RGYAL PO BU RAM SHING PA ZHES BYA BAR GYUR TO; ;GOO TA MA DAG ,RGYAL PO BU RAM SHING PA'I BU DANG, TSA BO DANG, YANG TSA DANG, SUM TSA'I RGYUD RGYAL PO BU RAM SHING PA BRGYA'ANG GRONG KHYER GRU 'DZIN DU BYUNG STE, DE RNAMS KYI THA MA NI RGYAL PO BU RAM SHING PA 'PHAGS SKYES PO ZHES BYA BA BYUNG NGO, ,GOO TA MA DAG ,RGYAL PO BU RAM SHING PA 'PHAGS SKYES PO LA BU BZHI STE, SKAR MDA' GTONG DANG, LAG RNA DANG, GLANG PO

184b

CHE 'DUL DANG, RKANG GDUB CAN NO, ,DUS GZHAN ZHIG NA DE'I BTZUN MO DAM PA SHI NAS DE LAGS PA 'GRAM PA LA GTAD DE SEMS KHONG DU CHUD CING 'DUG GO ,BLON PO RNAMS KYIS SMRAS PA, LHA; CI'I SLAD DU PHYAG LA ZHAL GTAD NAS THUGS MI DGYES SHING BZHUGS, DES SMRAS PA, NGA'I BTZUN MO DAM PA SHI NA CI'I PHYIR SEMS KHONG DU CHUD CING MI 'DUG ,LHA; GAL TE DE LTA NA NYI 'OG GI RGYAL PO RNAMS LA BU MO MCHIS NA CI'I SLAD DU LHA'I BTZUN MO DAM PA MI BTZAL, RGYAL POS SMRAS PA, GZHON NU 'DI DAG NI RGYAL SRID MNGON PAR 'DOD PAS PHYIR RGOL BA 'DI DAG YOD NA NGA LA SU ZHIG BU MO STER BAR 'GYUR, LHA; DGONGS SHIG DANG, BDAG CAG GIS BTZAL LO, ,JI TZAM NA RGYAL PO GZHAN ZHIG GI BU MO GZUGS BZANG BA, BLTA NA SDUG PA, MDZES PA, BTZUN MO DAM PAR 'TSAM PA YOD PA DE MI RNAMS KYIS BRTAGS TE, RGYAL PO DE'I DRUNG DU DONG NAS, DE RNAMS KYIS GCIG NAS GCIG TU BRGYUD DE RGYAL PO DE LA RIG PAR BYAS PA DANG, RGYAL POS BSGO BA, KHUG CIG ,DE NAS DE RNAMS RGYAL PO'I SPYAN SNGAR DONG NAS RKANG PA GNYIS LA GTUGS TE THOG MAR GTAM BYAS NAS 'DUG GO ,GTAM GYI SKABS RNYED CING RGYAL PO'I ZHAL MTHONG NAS SMRAS PA, LHA; BKRA SHIS PAR GYUR CIG ,BKRA SHIS PAR GYUR CIG ,RGYAL POS SMRAS PA, SHES LDAN DAG ,KHYED CI GSOL, RGYAL PO BU RAM

185a

, ,SHING PA 'PHAGS SKYES PO'I BTZUN MO DAM PA GUM NAS DE'I CHED TU SRAS MO BSLANG NGE, ,RGYAL POS SMRAS PA, 'THAB RIR BAB PA'I MCHOG YIN PAS RUNG NA 'O NA KYANG DAM ZHIG BCA' STE, GAL TE NGA'I BU MO LA KHYE'U ZHIG YOD PAR GYUR NA DE GAL TE RGYAL SRID KYI DBANG PHYUG LA GZHAG PA LTA NA SBYIN NO, ,LHA; BKA' BZHIN 'TSAL, MCHIS LA LHA LA SNYAN DU GDAS PAR GSOL LO ZHES DE RNAMS DONG NAS, RGYAL PO BU RAM SHING PA 'PHAGS SKYES PO LA JI LTAR GYUR PA SMRAS PA, RGYAL POS SMRAS PA, SHES LDAN DAG ,GZHON NU CHES PHU BOR GYUR PA RGYAL SRID LA MNGON PAR DGA' BA RNAMS SPANGS TE, NU BO RGYAL SRID LA 'JOG PA DE NI 'OS PA MA YIN NO, ,LHA; DON 'DI LA NGES PA MA MCHIS TE, RE ZHIG BTZUN MO BLANGS LA LHA DE DANG LHAN CIG RTZED MO DANG, DGYES PA DANG, DGYES DGUR SPYOD PA MDZOD CIG ,DE LA KHYE'U BTZA' BAR 'GYUR RAM, 'ON TE BU MOR 'GYUR RAM, SPYI MA MCHIS PAR 'GYUR BA SUS 'TSAL, RGYAL POS SMRAS PA, SHES LDAN DAG ,GAL TE DE LTA NA DENG LA LONGS SHIG ,DE RNAMS DONG NAS BSU STE, JI TZAM NA RGYAL PO'I DPAL GYI 'BYOR PA CHEN POS BLANGS NAS DE'ANG RGYAL POS MNGON PAR 'DOD PAR GYUR TE, DE DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,DE RTZE BAR BYED, DGA' BAR BYED,

185b

DGA' MGUR SPYOD PAR BYED PA LAS DUS GZHAN ZHIG NA BTZUN MO SEMS CAN DANG LDAN PAR GYUR TO, ,DE ZLA BA BRGYAD DAM, DGU 'DAS PA DANG, KHYE'U GZUGS BZANG BA, BLTA NA SDUG PA; MDZES PA ZHIG BTZAS SO, ,BTZAS NAS DE'I BTZAS STON RGYA CHER BYAS TE KHYE'U 'DI'I MING CIR GDAGS ZHES MING 'DOGS PAR BYED DO, ,BLON PO RNAMS KYIS SMRAS PA, LHA; 'DI LTAR MA SKYES PA NYID NAS RGYAL SRID LA MNGON PAR DGA' BAS DE'I SLAD DU KHYE'U'I MING RGYAL SRID DGA' ZHES BGYI'O, ,KHYE'U RGYAL SRID DGA' MA MA BRGYAD LA RJES SU GTAD DE ZHES BYA BA NAS RDZING NA GNAS PA'I PADMA BZHIN DU MYUR DU SKYED DRAG PAR BYED DO ZHES BYA BA'I BAR GONG MA BZHIN DU'O, ,DE RGYAL TSAB KYI RGYAL SRID LA MA BZHAG PA DE'I ZHANG PO RGYAL POS THOS NAS, DES DE LA PHO NYA BTANG STE, TSIG RTZUB PO DANG CHAS PA'I SBRING YIG BSKUR BA, KHYED KYIS SNGON KHAS BLANGS SHING DAM BCAS PA BZHIN GAL TE BYED NA DE LTA NA LEGS, GAL TE DE LTAR MA BYAS NA KHYOD KYI MTHU DANG, BRTZON 'GRUS KYI PHA ROL GNON PA GANG YIN PA DES SDOD CIG ,KHO BO'I NIR 'ONGS NAS YUL 'KHOR PHUR MAR BRLAG GO ,RGYAL PO DE MTHU CHEN PO DANG LDAN PA DES THOS NAS SKRAG STE, BLON PO RNAMS BSOGS NAS SMRAS PA, SHES LDAN DAG ,NGA LA RGYAL PO DES 'DI SKAD CES SPRING NA DE LA JI LTAR BSGRUB PAR BYA, DE RNAMS KYIS SMRAS PA, LHA; RGYAL SRID

186a

, ,DGA' RGYAL TSAB TU DBANG BSKUR LAGS MOD, DES SMRAS PA, SHES LDAN DAG ,GZHON NU CHES PHU BOR GYUR PA RGYAL SRID LA MNGON PAR DGA' BA RNAMS SPANGS TE; NU BO RGYAL SRID KYI DBANG BSKUR BA 'DI NI 'OS PA MA YIN NO, ,DE RNAMS KYIS SMRAS PA, LHA; RGYAL PO DE NI STOBS DANG, BZHON PA RGYA CHE BAS GAL TE 'DIR MCHIS NA GDON MI 'TSAL BAR YUL PHUR MAR RLOG PA GANG LAGS PA'I GNAS DE MCHIS PAS RGYAL SRID DGA' RGYAL TSAB KYI DBANG PHYUG LA DBANG BGYID PAR DBANG BSKUR LA, GZHON NU DE RNAMS NI SBYUG TU GSOL, RGYAL POS SMRAS PA, SHES LDAN DAG ,SKYON MED CING GNOD PA MA BYAS PA'I GZHON NU RNAMS JI LTAR SPYUG ,LHA; BDAG CAG NI BLON PO LAGS TE, LHA LA SMAN PAR BGYI BA LHUR LEN PA LAGS PAS SKYON MA MCHIS PA DANG, NONGS PA MA MCHIS PA'ANG SPYUGS LA SKYON MCHIS PA DANG, NONGS PA BGYIS PA NI BZHAG GO ,RGYAL POS BTANG SNYOMS SU BZHAG NAS CANG MI SMRA BAR 'DUG GO ,BLON PO RNAMS TSOGS NAS PHAN TSUN DU GROS BYA BAR BRTZAMS PA, SHES LDAN DAG ,THABS SHIG BSHAM PAR BYA STE, DES NA RGYAL PO GZHON NU RNAMS LA THUGS BYUNG BAR 'GYUR BA ZHIG BYA'O ZHES DE NAS DE RNAMS KYIS SKYED MOS TSAL BYI DOR BYAS PA, RI MO SNA TSOGS BRIS PAR SHIN TU DRI ZHIM PA'I POG PHOR NYE BAR BZHAG ,

186b

DAR GYI CHUN 'PHYANG MANG PO BTAGS, ME TOG SNA TSOGS KYIS DGA' DGA' LTAR BYAS PA ZHIG BYED TU BCUG GO ,DE NAS DE RNAMS KYIS BLON PO RNAMS KYIS SKYED MOS TSAL DE'I BYI DOR BYED PA RGYANG RING PO NAS MTHONG NAS GZHON NU RGOD BAG CAN DE RNAMS SKYED MOS TSAL GYI PHYOGS SU DONG NGO, ,BLON PO RNAMS SKYED MOS TSAL GYI BYI DOR BYAS NAS SGOR BYUNG BA DANG, GZHON NU RNAMS KYIS DRIS PA, 'DI SU'I SKYED MOS TSAL, DE RNAMS KYIS SMRAS PA, LHA'I LAGS SO, ,DE RNAMS SLAR LOG PAR BRTZAMS PA DANG, BLON PO RNAMS KYIS SMRAS PA, GZHON NU RNAMS NANG DU ZHUGS SHIG ,CI'I PHYIR SLAR LDOG ,DE RNAMS KYIS SMRAS PA, LHA'I SKYED MOS TSAL YIN NA 'DIR 'JUG TU GA LA RUNG, BLON PO RNAMS KYIS SMRAS PA, LHA'AM, GZHON NU RNAMS ROL PA 'DI LA 'GAL BA CI MCHIS, DE RNAMS NANG DU ZHUGS TE RTZE BAR BRTZAMS SO, ,BLON PO RNAMS KYIS RGYAL PO LA SMRAS PA, LHA; SKYED MOS TSAL LEGS PAR BYI DOR BGYIS LAGS KYI; LHA; GZIGS PA'I DUS LA BAB LAGS SO, ,RGYAL PO CHAS PA DANG, SKYED MOS TSAL NA KU CO'I SGRA THOS SO, ,THOS NAS KYANG BLON PO RNAMS LA SMRAS PA, SHES LDAN DAG ,SKYED MOS TSAL NA KU CO'I SGRA GRAG NA 'DI NI SU ZHIG 'DUG ,BLON PO RNAMS KYIS SMRAS PA, LHA, GZHON NU RNAMS SO, ,GAL TE DE LTA NA NGAS GZHON NU RNAMS SPANGS SO, ,BLON PO RNAMS KYIS

187a

, ,RKANG PA GNYIS LA GTUGS TE SMRAS PA, LHA; BZOD PAR MDZAD CING GZHON NU RNAMS SPANG PAR GSOL, RGYAL POS SMRAS PA, DE BZHIN DU BYA'O ZHES GZHON NU DE RNAMS SPYUG PAR CHAD PA DANG, RGYAL PO'I RKANG PA GNYIS LA GTUGS NAS SMRAS PA, LHA; GAL TE DE LTA NA BDAG CAG 'KHOR GYI SKYE BO DANG LHAN CIG MCHI NA DE CI NAS KYANG MI DGAG PA DE LTAR BKA' STZAL PA'I RIGS SO, ,RGYAL POS BSGO NAS, DE RNAMS CHAS PA NA, DE RNAMS LA DGA' BA'I PHO BRANG 'KHOR GYI MI SKYE BO'I TSOGS CHEN PO DANG DE RNAMS LHAN CIG CHAS TE ZHAG BDUN DU GRONG KHYER GRU 'DZIN GYI SGO PHYE NAS SKYE BO'I TSOGS RGYUS SO, ,BLON PO RNAMS KYIS RGYAL PO LA SMRAS PA, LHA; GAL TE GRONG KHYER GYI SGO MA BKU MA NA RING PO MI THOGS PAR GRU 'DZIN STOBS PAR 'GYUR RO, ,GAL TE DE LTA NA SGO CHOD CIG ,DE NAS GZHON NU DE RNAMS RANG GI SRING MO KHRID NAS MTHAR GYIS RI BO GANGS RI DANG NYE BA CHU BO SKAL LDAN SHING RTA'I 'GRAM NA, DRANG SRONG SER SKYA'I BSTI GNAS DANG HA CANG YANG MI RING BA ZHIG TU PHYIN NAS, DE RNAMS KYI SA DER LO MA'I SPYIL BU DAG BYAS TE, GNAS BTAB NAS RI DVAGS BSAD CING BSAD NAS 'TSO BA BYED CING DUS GSUM DU DRANG SRONG SER SKYA'I BSTI GNAS SU 'DONG BAR BYED DO, ,LANG TSO DANG, DAR LA BAB PA'I DREGS PAS ZIN PAS 'DOD CHAGS KYIS SHIN

187b

TU NYEN TE, SHA DRI NGAN PA SKYA BO BSENG BSENG POR GYUR TO, ,JI TZAM DUS GZHAN ZHIG NA DRANG SRONG SER SKYAS DE LTA BU MTHONG NAS DRIS PA, KHYED CAG CI'I PHYIR SKYA BO BSENG BSENG POR GYUR, DE RNAMS KYIS SMRAS PA, DRANG SRONG CHEN PO, BDAG CAG 'DOD PA'I 'DOD CHAGS KYIS SHIN TU NYEN PAS SO, ,DES SMRAS PA, RANG RANG GI SRING MO SPONGS LA MAS DBYEN GYI SRING MO RNAMS DANG LHAN CIG 'DUG CIG ,DRANG SRONG CHEN PO, BDAG CAG GIS DE LTA BU BGYIR RUNG RAM, SHES LDAN DAG ,RGYAL RIGS RGYAL SRID STOR BA RNAMS KYIS RUNG NGO, ,DE NAS DE RNAMS DRANG SRONG GI TSIG NI TSAD MA YIN NO SNYAM NAS 'DOD PA'I 'DOD CHAGS KYIS NYEN PAS DGA' BA DANG, MGU BA SKYES TE, MAS DBYEN GYI SRING MO RNAMS DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,DE RNAMS DANG DE DAG DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED PA NA BU PHO DANG, BU MO DAG BTZAS TE DE RNAMS CHEN POR GYUR PA DANG, BSAM GTAN GYI TSER MA NI SGRA YIN PAS DRANG SRONG SER SKYA SEMS RTZE GCIG PA NYID DU MA BTUB NAS, SHES LDAN DAG ,MTHONG ZIN GYI KHO BO GZHAN DU 'GRO'O, ,DRANG SRONG CHEN PO, CI'I PHYIR, BSAM GTAN GYI TSER MA NI SGRA YIN PAS SEMS RTZE GCIG PA NYID DU MA BTUB BAS SO, ,DRANG SRONG CHEN PO, KHYOD 'DI NYID NA BZHUGS SHIG ,BDAG CAG GZHAN DU MCHI NA, 'ON KYANG SA'I

188a

, ,PHYOGS SHIG BDAG CAG LA PHOG CIG ,SHES LDAN DAG ,RUNG NGO, ,DRANG SRONG BDAG NYID CHEN PO DE RNAMS NI 'DOD PA BZHIN YID LA RE BA GRUB PA YIN PAS DES GSER GYI BYA MA BU MA BLANGS TE, CHU'I RGYUN GYIS GRONG KHYER GYI RNAM PA DAG BRIS NAS DE RNAMS KYIS GRONG KHYER BRTZIGS SO, ,DRANG SRONG SER SKYAS DE RNAMS KYI PHYIR GZHI YONGS SU BTANG BAS SER SKYA'I GZHI, SER SKYA'I GZHI ZHES BYA BAR GYUR TO, ,DE RNAMS DER 'PHEL BAR GYUR BAS SKYE BO'I TSOGS CHEN POR GYUR TE, DOGS PAS 'PHEL CHE BAR MA GYUR TO, ,LHA RNAMS KYI SEMS KYIS DE RNAMS KYI SEMS SHES NAS PHYOGS GZHAN ZHIG BSTAN PA DANG, DE RNAMS DER DONG STE GRONG KHYER GCIG SHOS BRTZIGS NAS LHAS BSTAN, LHAS BSTAN CES BYA BAR GYUR TO, ,DE NAS DE RNAMS TSOGS SHING 'DUS NAS PHAN TSUN GROS BYA BAR BRTZAMS PA, SHES LDAN DAG ,GANG GI PHYIR BDAG CAG SPYUGS PA NI RIGS MNYAM PA LAS CHUNG MA MA BLANGS PA DE LAS GYUR GYI DE BAS NA BDAG CAG LAS SUS KYANG RIGS MNYAM PA LAS CHUNG MA BLANG BAR MI BYA STE, GCIG KHO NAS CHOG SHES PAR BYA'O, ,DE RNAMS RIGS MNYAM PA GCIG KHO NA LAS CHUNG MA YIN GYI CHUN MA NI MI LEN TO, ,DE NAS DUS GZHAN ZHIG NA RGYAL PO 'PHAGS SKYES PO BU SDUG PA RNAMS RJES SU DRAN NAS BLON PO RNAMS LA SMRAS PA, KYE

188b

GRONG PA DAG ,GZHON NU DE RNAMS DA LTAR GANG NA 'DUG ,DE RNAMS KYIS SMRAS PA, LHAS NONGS PA 'GA' ZHIG LA SPYUGS PA LAS DE RNAMS RANG RANG GI SRING MO KHRID DE 'DI NAS MCHIS PA NA GANGS RI DANG NYE BA CHU BO SKAL LDAN SHING RTA'I 'GRAM DRANG SRONG SER SKYA'I BSTI GNAS DANG HA CANG MI RING BA ZHIG TU GNAS BTAB STE, RANG RANG GI SRING MO SPANGS TE, MAS DBYEN GYI SRING MO RNAMS DANG LHAN CIG RTZE BAR BGYID, DGA' BAR BGYID, DGA' MGUR SPYOD PAR BGYID DO, ,DE RNAMS RTZE BAR BGYID, DGA' BAR BGYID, DGA' MGUR SPYOD PAR BGYID PA NA BU PHO DANG, BU MO DAG BTZAS SO, ,GRONG PA DAG ,GZHON NU RNAMS KYIS DE LTAR BYED PHOD DAM, LHA; RNGO THOGS LAGS SO, ,DE NAS RGYAL PO BU RAM SHING PA 'PHAGS SKYES POS RO STOD BSRANG NAS LAG PA G-YAS PA BRKYANG STE, CHED DU BRJOD PAS CHED DU BRJOD PA, KYE MA GZHON NU RNAMS NI PHOD PA YIN NO, ,KYE MA GZHON NU RNAMS NI SHIN TU PHOD PA YIN NO ZHES SEMS CAN DBANG CHEN POS TSIG TU PHYUNG STE, KYE MA GZHON NU RNAMS NI PHOD PA YIN NO, ,KYE MA GZHON NU RNAMS NI SHIN TU PHOD PA YIN NO ZHES BYA BAS DE RNAMS SH'AKYA, SH'AKYA ZHES BYA BAR GYUR TO, ,DE RNAMS DUS GZHAN ZHIG NA RGYAL PO BU RAM SHING PA 'PHAGS SKYES PO SHI NAS RGYAL SRID DGA' RGYAL SRID LA DBANG BSKUR RO, ,DE'ANG BU MED PAR SHI NAS SKAR MDA' GDONG RGYAL SRID KYI DBANG PHYUG LA DBANG

189a

, ,BYED DU BCUG GO ,DE'ANG BU MED PAR SHI NAS LAG NA RGYAL POR GYUR TO, ,DE'ANG BU MED PAR SHI NAS GLANG PO CHE 'DUL RGYAL POR 'GYUR TO, ,DE'ANG BU MED PAR SHI NAS RKANG GDUB CAN RGYAL POR GYUR TO, ,DE'I BU GNAS 'JOG GO ,GOO TA MA DAG ,GNAS 'JOG GI BU SA KHYIM MO, ,GOO TA MA DAG ,RGYAL PO SA KHYIM GYI BU DANG, TSA BO DANG, YANG TSA DANG, SUM TSA'I RGYUD RGYAL PO LNGA KHRI LNGA STONG GRONG KHYER SER SKYA'I GZHIR BYUNG STE, DE RNAMS KYI THA MA NI SHING RTA BCU PA DANG, SHING RTA BRGYA PA DANG, SHING RTA DGU BCU DANG, SHING RTA KHRA BO DANG, SHING RTA RGYAL DANG, BRTAN PA'I SHING RTA DANG, GZHU BCU PA DANG, GZHU BRGYA PA DANG, GZHU DGU BCU DANG, GZHU RGYAL DANG, GZHU BKRA DANG, GZHU BRTAN NO, ,GOO TA MA DAG ,GZHU BRTAN LA BU GNYIS TE, SENG GE'I 'GRAM DANG, SENG GE'I SGRA'O, ,GOO TA MA DAG ,DZAMBU'I GLING GI GZHU THOGS JI SNYED YOD PA DE RNAMS KYI NANG NA SENG GE'I 'GRAM MCHOG TU GRAGS SO, ,GOO TA MA DAG ,SENG GE'I 'GRAM LA BU BZHI STE, ZAS GTZANG DANG, ZAS DKAR DANG, BRE BO ZAS DANG, BDUD RTZI'I ZAS SO, ,BU MO GTZANG MA DANG, DKAR MO DANG, BRE MO MA DANG, BDUD RTZI MA'O, ,ZAS GTZANG LA BU GNYIS TE, BCOM LDAN 'DAS DANG, TSE DANG LDAN PA DGA' BO'O, ,ZAS DKAR LA BU GNYIS TE, TSE DANG LDAN PA RGYAL DANG, SH'AKYA'I

189b

RGYAL PO BZANG LDAN NO, ,BRE BO ZAS LA BU GNYIS TE, MING CHEN DANG, TSE DANG LDAN PA MA 'GAGS PA'O, ,BDUD RTZI ZAS KYI BU GNYIS TE, TSE DANG LDAN PA KUN DGA' BO DANG, LHAS BYIN NO, , GTZANG MA'I BU NI LEGS PAR RAB SAD DO, ,DKAR MO'I BU NI PHRENG BA CAN NO, ,BRE BO MA'I BU NI BZANG LAN NO, ,BDUD RTZI MA'I BU NI DGE 'PHEL LO, ,BCOM LDAN 'DAS KYI SRAS NI SGRA GCAN 'DZIN YIN TE, GOO TA MA DAG ,MANG POS BKUR GYI RGYUD TSE DANG LDAN PA SGRA GCAN 'DZIN DU RDZOGS, SRID PA'I BRENG RGYUD CHAD, 'KHOR BA ZAD DE DA NI YANG SRID PA MED DO, ,DE NAS BCOM LDAN 'DAS KYIS TSE DANG LDAN PA MOONGGAL GYI BU CHEN PO'I GTAM RDZOGS PAR MKHYEN NAS BZHENGS TE BZHUGS SO, ,BZHUGS NAS TSE DANG LDAN PA MOONGGAL GYI BU CHEN PO LA BKA' STZAL PA, MOONGGAL GYI BU, LEGS SO, ,LEGS SO, ,MOONGGAL GYI BU, KHYOD KYIS DGE SLONG RNAMS KYI MDUN DU SH'AKYA RNAMS KYI SNGON GYI RIGS RGYUD LAS BRTZAMS NAS CHOS KYI GTAM SMRAS PA'ANG KHYOD LEGS SO, ,MOONGGAL GYI BU, YANG KHYOD KYIS SH'AKYA RNAMS KYI SNGON GYI RIGS RGYUD LAS BRTZAMS TE CHOS KYI GTAM RTAG TU SMROS SHIG DANG, DES NI DE RNAMS LA YUN RING PO'I DON DANG, PHAN PA DANG, BDE BAR GYUR TO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG ,KHYED KYIS SH'AKYA RNAMS KYI SNGON GYI RIGS RGYUD LAS BRTZAMS PA'I

190a

, ,CHOS KYI GTAM CHONGS SHIG ,ZUNGS SHIG ,LHOGS SHIG ,DE CI'I PHYIR ZHE NA, DGE SLONG DAG ,SH'AKYA RNAMS KYI SNGON GYI RIGS RGYUD LA BRTZAMS PA'I CHOS KYI GTAM NI DON DANG LDAN, CHOS DANG LDAN PA NAS, TSANGS PAR SPYOD PA'I BAR DANG LDAN PA YIN TE, DGE SLONG DAG ,RIGS KYI BU DAD PAS RAB TU BYUNG BAS SH'AKYA RNAMS KYI SNGON GYI RIGS RGYUD LAS BRTZAMS PA'I CHOS KYI GTAM GZUNG ZHING BKLAG PA'I RIGS SO, ,DE NAS SER SKYA'I GZHI'I SH'AKYA RNAMS BCOM LDAN 'DAS KYIS GSUNGS PA LA MNGON PAR DGA' STE, RJES SU YI RANG NAS BCOM LDAN 'DAS KYI ZHABS GNYIS LA MGO BOS PHYAG BYAS TE, BCOM LDAN 'DAS KYI SPYAN SNGA NAS DONG NGO, ,DE'I TSE GRONG KHYER SER SKYA'I GZHI NA RGYAL PO SENG GE 'GRAM ZHES BYA BA RGYAL SRID BYED DU 'JUG STE, 'BYOR PA DANG, RGYAS PA DANG, BDE BA DANG, LO LEGS PA, SKYE BO DANG, MI MANG POS GANG BA, 'THAB PA DANG, 'THAB MO DANG, RTZOD PA DANG; 'GYED PA DANG, CHOM RKUN MED CING NAD RAB TU ZHI BAR GYUR PA, 'BRAS DANG, BU RAM SHING GI PHRENG BA DANG, BA LANG DANG, MA HE PHUN SUM TSOGS PA NA BU GCIG PA LA SDUG PA BZHIN DU RGYAL SRID SKYONG BAR BYED DO, ,GRONG KHYER LHAS BSTAN DU RGYAL PO LEGS PAR RAB SAD CES BYA BA RGYAL SRID BYED DU 'JUG STE, 'BYOR PA DANG, RGYAS PA DANG, BDE BA DANG, LO

190b

LEGS PA DANG, SKYE BO DANG, MI MANG POS GANG BA, 'THAB PA DANG, 'THAB MO DANG, RTZOD PA DANG, 'GYED PA DANG, CHOM RKUN MED CING NAD RAB TU ZHI BAR BYA BAR GYUR PA, 'BRAS DANG, BU RAM SHING GI PHRENG BA DANG, BA LANG DANG, MA HE PHUN SUM TSOGS PA NA, BU GCIG PA LAG PA BZHIN DU RGYAL SRID SKYONG BAR BYED DO, ,RGYAL PO LEGS PAR RAB SAD KYI BTZUN MO DAM PA GZUGS BZANG BA; BLTA NA SDUG PA, MDZES PA, YUL GYI BZANG MO LUM BI N'I ZHES BYA BA YOD DO, ,LHAS BSTAN NA KHYIM BDAG PHYUG CING NOR MANG LA LONGS SPYOD CHE BA YONGS SU BZUNG BA YANGS SHING RGYA CHE BA RNAM THOS KYI BU'I NOR DANG LDAN PA, RNAM THOS KYI BU LA NOR GYIS 'GRAN PA ZHIG GNAS PA DE'I KUN DGA' RA BA ME TOG PHUN SUM TSOGS PA DANG, 'BRAS BU PHUN SUM TSOGS PA DANG, CHU PHUN SUM TSOGS PA DANG, BYA SNA TSOGS SKAD 'BYIN PAS DE'I KUN DGA' RA BA DGA' DGA' LTAR 'DUG PA DER RGYAL PO DUS DUS SU BTZUN MO'I 'KHOR DANG LHAN CIG LHAGS NAS, DE NA DGA' BA'I RTZED MO NYAMS SU MYONG BAR BYED DO, ,LUM BI N'I SA DE MTHONG NAS 'DOD PA SKYES TE, DES SMRAS PA, LHA; KUN DGA' RA BA 'DI BDAG LA STZAL DU GSOL, RGYAL POS SMRAS PA; DA KUN DGA' RA BA 'DI KHYIM BDAG GI YIN NA JI LTAR SBYIN, GAL TE KHYOD LA KUN DGA' RA BA DGOS NA KHYOD KYI PHYIR DE BAS LHAG PAR BZANG BA GZHAN ZHIG BYA'O, ,DE NAS RGYAL BO

191a

, ,LEGS PAR RAB SAD KYIS LUM BI N'I'I CHED DU DE BAS KHYAD PAR DU 'PHAGS PA'I KUN DGA' RA BA ZHIG BYED DU BCUG NAS, DE'I MING LUM BI N'I'I TSAL ZHES BYA BAR GYUR TO, ,RGYAL PO SENG GE 'GRAM LA YUN RING PO NAS KYE MA'O BDAG GI RGYUD LA 'KHOR LOS SGYUR BAR SKYE BAR GYUR KYANG CI MA RUNG SNYAM PA'I BSAM PA 'DI YOD DO, ,RGYAL PO LEGS PAR RAB SAD LA YANG YUN RING PO NAS, KYE MA'O, BDAG NI SENG GE 'GRAM DANG LHAN CIG GNYEN DU GYUR KYANG CI MA RUNG SNYAM PA'I BSAM PA 'DI YOD DO, ,JI TZAM DU DUS GZHAN ZHIG NA DE'I BTZUN MO DANG LHAN CIG RTZE BAR BYED, DGA' BAR BYED, DGA' MGUR SPYOD PA LAS DUS GZHAN ZHIG NA BTZUN MO SEMS CAN DANG LDAN PAR GYUR NAS, DE ZLA BA BRGYAD DAM, DGU 'DAS PA NA BU MO GZUGS BZANG BA, BLTA NA SDUG PA, MDZES PA, YAN LAG DANG, NYID LAG THAMS CAD DANG LDAN PA ZHIG BTZAS SO, ,BTZAS PA DE'I GZUGS BZANG POS RGYAL PO LEGS PAR RAB SAD BTZUN MO'I 'KHOR DANG BCAS PA DANG LHAS BSTAN NA GNAS PA'I SKYE BO'I TSOGS RNAMS MCHOG TU NGO MTSAR SKYES TE, THE TSOM DU GYUR NAS CI 'DI BU MO YIN NAM; 'ON TE LAS SNA TSOGS PAS SPRUL PA'I SGYU 'PHRUL YIN SNYAM MO, ,DE'I BTZAS PA'I BTZAS STON NYI MA BDUN GSUM NYI SHU GCIG TU RGYA CHER BYAS NAS BU MO 'DI'I MING

191b

CIR GDAGS ZHES MING 'DOGS PAR BYED DO, ,BLON PO RNAMS KYIS SMRAS PA, LHAS BSTAN NA GNAS PA'I SKYE BO'I TSOGS LAM PO CHE DANG, TSONG 'DUS DANG, SUM MDO DANG, BZHI MDO RNAMS SU GLENG BA KHA CIG GI MCHID NAS NI 'DI BU MO KHO NA LEGS TE, SNGON GYI LAS KYI RNAM PAR SMIN PAS GZUGS BZANG ZHING KHA DOG PHUN SUM TSOGS PAR GYUR TO ZHES MCHI'O, ,GZHAN DAG GI MCHID NAS NI 'DI BU MO MA LAGS KYI 'O NA CI ZHE NA, LAS SNA TSOGS PAS SPRUL PA'I SGYU 'PHRUL LAGS SO ZHES MCHI LAGS PAS, DE BAS NA BU MO'I MING SGYU 'PHRUL ZHES BGYI BAR GDAGS SO ZHES BTAGS SO, ,BU MO SGYU 'PHRUL MA MA BRGYAD LA RJES SU GTAD DE ZHES BYA BA DES CHEN MOR GYUR TO ZHES BYA BA'I BAR GONG MA BZHIN DU'O, ,DE LA MTSAN MKHAN RNAMS KYIS LUNG BSTAN PA, MTSAN PHUN SUM TSOGS PA DU MA DANG LDAN PA ZHIG BTZA' BAR 'GYUR ZHING STOBS KYIS 'KHOR LOS BSGYUR BAR 'GYUR RO ZHES BSTAN TO, ,YANG DE RTZE BAR BYED, DGA' BAR BYED, DGA' MGUR SPYOD PAR BYED PA LAS BU MO GZUGS BZANG BA, BLTA NA SDUG PA, MDZES PA, KHA DOG BZANG PO RGYAS PA MCHOG DANG LDAN PA ZHIG BTZAS SO, ,DE BTZAS PA NA GRONG KHYER DE DAG THAMS CAD SNANG BA RGYA CHEN POS SNANG BAR BYAS TE, SGYU 'PHRUL LA JI LTA BA BZHIN DU DE'I GZUGS BZANG PA RNAM PA THAMS CAD DU DPYAD PAR MI NUS SO, ,DE'I BTZAS PA'I

192a

, ,BTZAS STON YANG RGYA CHER BYAS NAS, BU MO 'DI'I MING CIR GDAGS ZHES MING 'DOGS PAR BYED DO, ,BLON PO RNAMS KYIS SMRAS PA, SGYU 'PHRUL BAS 'DI LHAG PAR GZUGS BZANG BAS, SGYU 'PHRUL CHEN MO ZHES BGYI BAR GDAGS SO ZHES BTAGS SO, ,DE'ANG SKYED BSRINGS NAS CHEN MOR GYUR PA DANG, DE LA MTSAN MKHAN RNAMS KYIS LUNG BSTAN PA, SKYES BU CHEN PO'I MTSAN SUM CU RTZA GNYIS DANG LDAN PA ZHIG BTZA' BAR 'GYUR TE, DE NI 'KHOR LOS SGYUR BA'I RGYAL POR 'GYUR RO ZHES LUNG BSTAN TO, ,RGYAL PO LEGS PAR RAB SAD KYIS RGYAL PO SENG GE 'GRAM LA PHO NYA BTANG STE, BDAG LA BU MO GNYIS SHIG BTZAS PA NI SGYU 'PHRUL DANG, SGYU 'PHRUL CHEN MO LAGS TE, DE LA GCIG LA NI MTSAN THAMS CAD PHUN SUM TSOGS PA'I BU ZHIG BTZA' BAR 'GYUR TE, DE NI STOBS KYIS 'KHOR LOS SGYUR BA'I RGYAL POR 'GYUR RO ZHES LUNG BSTAN TO, ,GCIG SHOS LA NI SKYES BU CHEN PO'I MTSAN SUM CU RTZA GNYIS KYIS BRGYAN PA'I BU ZHIG BTZA' BAR 'GYUR ZHING, DE NI 'KHOR LOS SGYUR BA'I RGYAL POR 'GYUR RO ZHES LUNG BSTAN GYI, 'DI GNYIS LAS GANG BZHED PA GZHON NU ZAS GTZANG GI CHUNG MAR SNOMS SHIG ,SENG GE 'GRAM GYIS SLAR SBRING PA, GNYIS KA'ANG GZHON NU LA DGOS MOD KYI, 'ON KYANG CHUNG MA 'DRA BA GNYIS GCIG LA

192b

GZHAG PAR MI BYA BAS, GANG LA SKYES BU CHEN POS MTSAN SUM CU RTZA GNYIS KYIS BRGYAN PA'I BU BTZA' BAR 'GYUR ZHING, DE'ANG 'KHOR LOS BSGYUR BA'I RGYAL POR 'GYUR RO ZHES LUNG BSTAN PA DE RE ZHIG 'DOD DO, ,GCIG SHOS KYANG TSOGS LA BTAB PAR BYA'O, ,DES DE 'KHOR LNGA BRGYA DANG BKRI'O, ,DE'I TSE SH'AKYA RNAMS KYI PHYIR RGOL BA SKYA BSENG ZHES BYA BA'I RI KHROD PA ZHIG YOD NAS SH'AKYA RNAMS 'DUS TE, RGYAL PO SENG GE 'GRAM GYI DRUNG DU SONG NAS, LHA; SKYA BSENG RI KHROD PA BDAG CAG LA GNOD PA BGYID KYI GROGS MDZAD DU GSOL, DES SMRAS PA, SHES LDAN DAG ;KHO BO RGAS PAS DE RNAMS DANG LHAN CIG G-YUL SPRAD PAR MI NUS SO, ,LHA; GZHON NU ZAS GTZANG GTANG DU GSOL, DAM ZHIG BCA' STE, GAL TE GZHON NU JI LTA BU 'DOD PA'I DAM PA GCIG BSLANGS PA'I DAM PA DE SBYIN PA BLTA NA GTANG NGO, ,DE RNAMS KYIS SMRAS PA, LHA; BKA' BZHIN 'TSAL, SUL BAR BGYI'O, ,RGYAL POS DPUNG GI TSOGS YAN LAG BZHI PA GZHON NU ZAS GTZANG LA BSNGO NAS DES RI KHROD PA DE RNAMS BCOM, RAB TU BCOM STE RMEG BTANG NGO, ,DE NAS SH'AKYA RNAMS MGU NAS RGYAL PO SENG GE 'GRAM GYI DRUNG DU DONG STE, LHA, GZHON NUS RI KHROD PA RNAMS BCOM RAB TU BCOM STE RMEG BTANG LAGS PAS BDAG CAG GLO BA DGA' NA, GZHON NU MCHOG CI BZHED GSUNGS SHIG ,DBUL LO, ,SHES LDAN DAG ,SH'AKYA RNAMS

193a

, ,KYI KHRIMS SU BCAS PA SUS KYANG MNYAM PA LAS CHUN MA GZHAG PAR MI BYA'O ZHES BCAS SO, ,LHA; CI KHRIMS 'DRAL LAM, DES SMRAS PA, LHAG PAR SHIN TU BSDAM GYI DRAL BAR MI BYA NA, 'ON KYANG GZHON NU'I DAM PA GCIG SLONG BA NI MNYAM PA LAS CHUN MA BLANG BA YIN NO, ,LHA RUNG GI DE BZHIN DU MDZOD CIG ,DE NAS SENG GE 'GRAM GYIS LEGS PAR RAB SAD LA PHO NYA BTANG NAS, KHO BOS TSOGS BRTAGS ZIN GYIS BU MO GCIG SHOS KYANG BKRI ZHIG ,DES DE'ANG 'KHOR LNGA BRGYA DANG BKRI STE, GZHON NU ZAS GTZANG GIS GNYIS KA BLANGS SO, ,JI TZAM DUS GZHAN ZHIG NA RGYAL PO SENG GE 'GRAM SHI NAS, SER SKYA'I GZHI NA RGYAL PO ZAS GTZANG RGYAL SRID BYED DU BCUG STE, 'BYOR PA DANG, RGYAS PA DANG; BDE BA DANG, LO LEGS PA DANG, SKYE BO DANG, MI MANG BOS GANG BA, 'THAB PA DANG, 'THAB MO DANG, RTZOD PA DANG, 'GYED PA DANG, CHOM RKUN MED CING, NAD RAB TU ZHI BAR GYUR PA, 'BRAS DANG, BUR MA SHING GI PHRENG BA DANG, BA LANG DANG, MA HE PHUN SUM TSOGS PA NA, BU GCIG PA LA SDUG PA BZHIN DU RGYAL SRID SKYONG BAR BYED DO, ,DE DUS GZHAN ZHIG NA BTZUN MO SGYU 'PHRUL CHEN PO DANG LHAN CIG STENG GI KHANG BZANG GI GZHI SKYES PA MED PAR DONG NAS, ROL MOS RTZE BAR BYED, DGA' BAR BYED, DGA' MGUR SPYOD PAR BYED DO, ,

193b

'DI NI CHOS NYID YIN TE, BYANG CHUB SEMS DPA' DGA' LDAN GYI GNAS NA BZHUG PAR NA 'JIG RTEN LA GZIGS PA LNGAS GZIGS PAR MDZAD DO, ,RIGS LA GZIGS PA DANG, YUL LA GZIGS PA DANG, DUS LA GZIGS PA DANG, RGYUD LA GZIGS PA DANG, BUD MED LA GZIGS PA STE, RGYA CHER MDO SNGA MA DANG SBYAR RO, ,MNGON PAR 'BYUNG BA'I MDO RDZOGS SO,, ,, RGYA GAR GYI MKHAN PO A'A TZARYA DHARMA SHR'I BHA DRA DANG, ZHUS CHEN GYI LO TZTSA BA DGE SLONG RIN CHEN BZANG POS BSGYUR CING ZHUS TE GTAN LA PHAB PA'O,,