, ,DPAL RDO RJE RNAM PAR 'JOMS PA LA PHYAG 'TSAL LO, ,BSGRUB BYA KLU RNAMS KYI BYANG DU GZHUG BAR 'DOD PA'I SGRUB BA PO DAM TSIG DANG LDAN PAS, KLU GDUG PA DANG LDAN BA'I SA GANG NA GNAS PA'I SA NAS, SA DANG RDO DANG SHING DANG CHU LA SOGS PA BLANGS LA STEGS BU KHRU GANG BA CIG BYAS LA, DE LA SNGA MA BZHIN DU KLU BRGYAD KYI DKYIL 'KHOR BRIS LA, MTHA' MA KLU SHING SNA TSOGS BAS BSKOR LA GZHAG GO, ,DE'I BYANG DU DUR KHROD KYI SA LAS GRU GSUM NAG PO BYAS TE, DE'I STENG DU MDZE THOD KYI NANG DU BSGRUB BYA'I GOS DUM BU'AM DRI CHAN DRI CHU RJES SA LA SOGS PA GANG RNYED DANG, BAG ZAN BSRES LA DE'I KHONG DU RA'I KHRAG GIS BSGRUB BYA'I MING DANG RUS NGANG YUL DANG SA KHYIM DANG, PHA TSAN DANG DUR MING BRIS LA DUR KHROD KYI RAS MA LA SNA TSOGS RDO RJE DUG KHRAG GIS BRIS PAS DRIL LA YUGS SA
MO'I SKRA SKUD PHYIN KA LOG GIS RGYA GRAM BSGRIL LA GZHAG GO, ,DE'I NANG DU SPRE'U'I KHRAG DANG MDZE KHRAG DANG RA ROG PO'I KHRAG GTIG GO, ,LCAGS PHYE DANG DUR KHROD KYI RDO PHYE DANG, YUNGS KAR DANG, YUNGS NAG DANG, DUG SNA TSOGS LA KLU BRGYAD KYI SNYING PO 'BUM PHRAG BDUN BZLAS SHING GRUB, SKABS SU KLU RNAMS LA BSTOD CING GTOR MA SBYIN, 'DOD PA'I DON LA GSOL BA GDAB BO, ,KLU'I SNYING PO'I GZHUG LA AA MU KAm M'A RA YA PHAt CES GDAGS SO, ,DE NAS RGYUD RDZOGS PA BRGYA BKLAGS LA, MCHOD PA DANG BSTOD PA BYAS LA KLU'I PHO BRANG DU MNAN BA BYAS NA BSGRUB BYA DE ZLA BA LNGA NAS GDON MI ZA BAR BRLAG PAR NGES SO, ,DE YANG RGYAL RIGS LA GTAD NA MDZE THOD KYIS BYA, RJE'U RIGS LA GLANG DMAR PO'I RVA G-YAS PA, BRAM ZE LA RABS CHAD KYI THOD PA, DMANGS RIGS LA SBAL PA'I LUS POR BYA, GDOL PA LA PHAG NAG PO'I THOD PAR BYA, GLUD DANG CHU GTOR CI MANG DU GTONG NGO, ,BSGRUB BYA KLU RNAMS KYI BYAD DU GZHUG PA'I CHO GA SROG GCOD KYI SPU GRI ZHES BYA BA, DPAL MAR ME MDZAD BZANG POS MDZAD PA RDZOGS SO,,