, ,DPAL RDO RJE 'DZIN PA LA PHYAG 'TSAL LO, ,MNGON SPYOD KYI SPYIN SREG GI SGO NAS TSAR GCAD PA'I LAS BSGRUB PAR 'DOD PA'I SGRUB PA PO DAM TSIG DANG LDAN PAS, MAR GYI NGO'I BRGYAD PA LA THOB KHUNG KHRU GANG PA GRU GSUM PA DPANGS SU KHRU PHYED PA KHA RAN SOR BZHI RDO RJE GDENGS PA, 'JIM PA LA RDO RJE GDENGS PA 'BUR DU BTOD PA NANG DUR KHROD KYI SOL BA LA SOGS PA NAG POS BYA, NANG DU ME RI DANG, DBUS DANG GRU RNAMS SU ME'I SA BON BRI BAR BYA'O, ,SA GZHI RNAMS KYANG
, ,NAG PO ME TOG NAG PO'I GCAL DGRA MA, DUG SHING LA SOGS PA'I YAM SHING LA RO RAS KYIS DKRIS, TIL MAR GYIS BYUGS LA SRID DU KHRU GANG BA, SBOM PA NI CHANG PA GSUM PA BYA'O, ,YANG TSER MA CAN GYI SHING MTHA' DAG LA DGANG GZAR GYI TSAD NI SNGAR DANG 'DRA BA LA DBYIBS GRU GSUM PA RDO RJES MTSAN PA, BLUGS GZAR 'DRA'I, SREG RDZAS NI DUG DANG, TIL NAG PO DANG, YUNGS NAG DANG, ZIR DANG, 'BRU MAR SNA TSOGS PAS SREG GO, ,DGRA'AM GANG SDANG BAR SEMS PA'I MING GRO GAL YE DANG PHAt KYI BAR DU BCUG LA BRI BAR BYA'O; ,DE NAS BDAG NYID GOS NAG PO GON TE, KHA LHO PHYOGS SU BLTAS LA ME LHA SPYAN DRANG BA DANG, SREG RDZAS DBUL BA LA SOGS PA SNGA MA BZHIN BYAS LA BYAMS PA DANG SNYING RJE'I SEMS SPANGS LA, DRAG SHUL DANG LDAN PA'I SEMS SU BLTAS TE, GSAD PA DANG, BSKRAD PA DANG, BCING BA DANG, ,BKAR BA LA SOGS PA'I LAS CI RIGS PAR BYA'O, ,ME NI BRAM ZE'I KHYIM NAS BLANGS LA RLUNG YAB KYIS ME SPAR LA BYA'O, ,SREG RDZAS DBUL BA'I SNGAGS KYI THA MA LA DGRA LA BYED NA AA MU KA M'A RA YA H'Um PHAt CES PA DANG BGEGS LA BYED NA AU TZA TA YA PHAt CES PAS BYA'O, ,DE LTAR NYI MA RE LA LAN NYER GCIG TU BYAS PA'I BRGYA RTZA BRGYAD DU BYAS NA TSAR GCAD PA'I LAS NGES PAR 'GRUB BO,,