, ,DPAL RDO RJE 'DZIN PA LA PHYAG 'TSAL LO, ,RGYAS PA'I SBYIN SREG BYED PAR 'DOD PA'I SGRUB PA PO DAM TSIG DANG LDAN PAS ME TOG LA
SOGS PA DRI ZHIM POS BYUGS LA, YANG NA GNAS KHANG GI NANG RNAMS SU SA SER PO'I LDE GU'AM PA'I LCI BA GUR GUM GYI CHUS LEGS PAR SBYAR LA RTAG TU BYUG PAR BYA'O, ,DA NAS RGYAS PA'I THAB KHUNG GRU BZHI PA, NGOS RE LA KHRU RE YOD PA KHA KHYER MTHO GANG GI TSAD YOD PA, YAR GYI DPANGS SU MTHE BONG GI SEN MO LA THUG GI TSAD LA 'JIM PA'I 'BUR DU RDO RJES KHYAB PAR DGOD DO, ,DE'I DBUS SU PADMA MDZUB GANG PA SER PO 'BUR DU DOD PAR BYA'O, ,DE NYID KYI DPANGS SU SOR BZHI PA BRTZIGS TE BYUG SPOS SER PO LA SOGS PAS BYUG PAR BYA'O, ,DE LTAR RGYAS PA LA NI RDZAS NI MNGAR GSUM DANG, SBRANG RTZI DANG MAR DANG ZHO SBYAR BA DANG, TIL NAG PO DANG, 'BRAS S'A LU SKAM PO DANG, ZHO SBYAR BA LA SOGS PA GZUNG STE, BDAG NYID BKRA SHIS PA'I SKYIL MO KRUNG GIS KHA SHAR PHYOGS SU BLTAS TE 'DUG PAR BYA'O, ,YAM SHING KU SHA DANG KHAM BU LA SOGS PA'I 'BRAS BU DANG, MNGAR DANG LDAN PA'I SHING LAS BYA STE, YAM SHING GI TSAD NI SBOM PHRA CHAG GANG BA SRID DU KHRU GANG PA ZHO DANG MAR SBYAR BAS BYUGS PA'O, ,DE YANG NYA'I SNGA DRO NAS PHYI MA STONG GI BAR DU NYIN RE LA LAN GSUM BYA'O, ,RGYAL RIGS SAM RI LA ME SHOR BA LAS ME BLANGS TE, ME LHA SPYAN DRANGS PA LA SOGS PA SNGA GONG GIS BYA, SREG RDZAS DBUL BAR BYA'O, ,SREG RDZAS DBUL BA LA SOGS PA'I DGANG BLUGS NI GRU BZHI PA PHYI'I DBYIBS GZHU'I DBYIBS LTA BU LA RIN PO CHES MTSAN PAR DBUL BA'O, ,DE LTAR BYAS NA TSE DANG LONGS SPYOD 'KHOR DANG SDE LA SOGS PA RGYAS PAR 'GYUR RO, ,RGYUD KYI RGYAS PA ZHES BYA BA'I TSIG LEGS PAR SGRUB PA, RDO RJE RNAM 'JOMS KYI RGYAS PAR BYED PA'I SBYIN SREG GI CHO GA RDZOGS SO,,