, ,DPAL PHYAG NA RDO RJE LA PHYAG 'TSAL LO, ,RDO RJE RNAM PAR 'JOMS PA'I SBYIN SREG GI CHO GA SGRUB PA PO DAM TSIG DANG LDAN PAS, GNAS KHANG YID DANG MTHUN PAR SBYIN SREG GI LAS BRTZAM PAR BYA'O, ,DE LA ZHI BA'I THAB KHUNG NI ZLUM PO DPANGS SU SOR DRUG PA, KHA KHYER LA SOR BZHI PA RDO RJE RA BA DANG BCAS PA DBUS PADMA 'DAB MA BRGYAD PA DKAR PO, GONG RAS DKAR PO, MU KHYUD SER PO, LOGS RNAMS KYANG DKAR PO, ME TOG GI SIL MA DKAR PO'I GCAL BKRAM MO, ,DE NAS RTZVA KU SHA'I GDAN BYAS LA YANG DO'I TSES GCIG NAS BRTZAMS TE, BDAG NYID GOS DKAR PO DRI MA MED PA GYON LA BYANG DU KHA BLTAS LA ZHI BA'I SEMS BSGOMS TE, PADMA'I DKYIL 'KHOR NANG DU 'DUG LA, RDZAS NI NAS DANG, 'O THUG DANG, ZHO DANG, 'BRAS DANG, SPOS DANG, TIL DANG, S'A LU'I CHAN DANG, ME TOG DKAR PO DANG,
, ,THANG CHU DRI ZHIM PA LA SOGS PA DANG, MAR LA SOGS BA RNAMS BA SOGS LA YAM SHING RLON BA'I DUS NA 'O MA YOD PA BCAD LA BSKAMS TE, THAB KHUNG DU BCER LA YAM SHING DRI ZHIM PO DGON PAR GNAS PA'I BA LANG GI LCI BA SPRANG RTZI DANG MAR GYIS BYUGS LA BCER, ZHI BA'I DGANG GZAR ZLUM PO YID TZAM KHA GDENGS PA 'KHOR LOS MTSAN PA'O, ,DGANG BLUGS GNYIS KA'I YU BA SRID DU CHANG PA LNGA'O, ,ZABS SU SOR GCIG BRKOS TE, MTHE BONG GI SA NA MO LA THUG PA'I PHYED NI MAR LA'O, ,DE BAS CHUNG BA THA MAR BYA'O, ,DE'I RGYU NI ZHI BA DKAR PO SHING DAG DRI ZHIM PA'I SHING LAS BYA'O, ,DE NAS ME LHA DRANG SRONG RID PA SPYAN DRANGS TE BSTIMS LA, DE NYID KYI YE SHES SEMS DPA' BSTIMS LA SREG PA'I SNGAGS NI, AE HYE HI MA H'A BH'U TA DE Bi RA shI DVI DZA BA RA MA, GRi HI TV'A HU TI MA H'A R'AmSMI SAmNNI HI TO BHA B'A, AOm AAGNA YE HA BYA KA BYA B'A H'A N'A YA SV'A H'A, DE LTAR ME LHA SPYAN DRANGS LA DGANG BLUGS GSUM DBUL BAR BYA'O, ,ME LHA SREG RDZAS DBUL BA'I SNGAGS, AOm AAGNA YE HA BYA KA BYA BA H'A NA Y'A DI BYA DI BYA BA HA NA YA SV'A H'A, ME LHA LA G-YAS SU BSKOR ZHING BSANG GTOR BYA'O, ,MAR LA SOGS PA SREG PA'I SNGAGS NI, AOm K'I LI K'I LA YA BADZRA BHI MA RU DRA PRA KI TI MA H'A KRO DHA BI DZA NI KRiNDHA H'Um PHAt, BANDHA BANDHA HA ZHES ZHI BA DANG RGYAS PA DANG MNGON SPYOD GSUM KA LA BYA'O, ,DANG PO RDO RJE RNAM PAR 'JOMS PA LA MCHOD CING DE NAS KHRO BO RNAMS DANG, RGYAL PO BZHI DANG, LHA MO BRGYAD DANG, PHYOGS SKYONG BCU DANG, SGO MA RNAMS RIM PAS MCHOD LA, BYUG SPOS ME TOG DANG, MCHOD PAS MCHOD, DE NAS YON BDAG GI DON DU GTOR MA BTANG, GZHAN DON DU BYED NA GOS DANG KHRUS LA SOGS PA LEGS PAR BYA STE, DGA' STON BYA'O, ,DMIGS PA'I BGEGS LA SREG BLUGS KYIS LEGS PAR MCHOD LA, CHE GE MO'I NAD DANG RLUNG DANG MKHRIS PA DANG BAD KAN DANG LDAN PA DANG, 'DUS PA LAS GYUR PA RNAMS ZHI BAR GYUR CIG SV'A H'A, ZHI BA'I SBYIN SREG GI CHO GA RGYUD KYI ZHI PA'I MTSAN DON RDZOGS SO,,