, ,DPAL RDO RJE RNAM PAR 'JOMS PA LA PHYAG 'TSAL LO, ,KLU'I RGYAL PO RNAMS KYIS CHAR 'BEBS PA'I LAS BYED PAR 'DOD PA'I SGRUB PA PO DAM TSIG DANG LDAN PAS DKYIL 'KHOR SNGA MA BZHIN BZHENGS LA, KLU GNAS PA'I SAR SBRA PHUB LA KLU GZUGS DANG GTOR MA RNAMS BSHAMS LA, GTZO BO 'KHOR DANG BCAS PA RNAMS MCHOD LA, SGRUB PA PO BZHI PHYOGS BZHI NAS RGYUD STONG PHRAG RE KLAG ,GCIG GIS KLU RNAMS KYI SNYING PO BZLA ZHING MCHOD, GCIG GIS GTOR MA DANG CHU GTOR GYI LAS BYA'O, ,DE LTAR BYA ZHING 'DOD PA'I DON LA GSOL BA GDAB, GAL TE NYE BAR MA PHEBS NA RDO RJE RNAM 'JOMS KYI NGA RGYAL DU BYAS LA SNYING PO BSDUS PA LA STONG PHRAG GSUM BZLAS TE, KLU SHING SNA TSOGS PA'I ME SPAR TE, DKAR CHOS KYI SBYIN SREG BYA'O,,
, ,DES KYANG MA PHEBS NA BDAG NYID KYI SNYING GNAS KHRO CHUNG GRANGS MED PA SPROS TE DE DAG RE RE LAS SPRUL PA'I KHYUNG GRANGS MED PA SPROS TE, KLU RNAMS KYI MGRIN PA NAS BZUNG BAS KLU DE DAG RAB TU SKRAG PA LAS, RAB TU SKYUGS TE CHAR GYI RGYUN GNYA' SHING TZAM DU 'BAB PAR DMIGS TE DRAG SHUL GYI SBYIN SREG BYAS PAS NGES PAR PHEBS SO, ,KLU'I LAS CHAR DBAB PA BDUD RTZI'I RGYUN ZHES BYA BA, DPAL MAR ME MDZAD BZANG POS MDZAD PA RDZOGS SO,,