, ,DPAL RDO RJE RNAM PAR 'JOMS PA LA PHYAG 'TSAL LO, ,'BYUNG PO THAMS CAD 'GUGS PA'I LAS BYED PAR 'DOD PAS, DUR KHROD DU SONG NAS MAndAL NAG PO BYAS LA, BUM PA NAG PO DAR MTHING NAG GIS MGUL CHINGS BYAS LA, DUG SHING GI LO MAS KHA RGYAN BYAS TE, SRAD BU NAG PO'I GZUNGS THAG BTAGS LA BCOM LDAN 'DAS SKU MDOG NAG POR BSGYUR TE, RIG SNGAGS KYI SNYING PO JI LTAR NUS PA BZLAS LA DE'I RJES LA SARBA KU LAN AA BRTA YA SV'A H'A ZHES STONG PHRAG GCIG BZLAS NAS GZUNGS THAG NAS GZUNG STE BDAG NYID KYI SNYING GA NAS RDO RJE LCAGS KYUS MTSAN PA GRANGS MED PA 'PHROS PAS GANG 'BYUNG PO'I GDON GANG LA DMIGS PA 'GUGS PAR DMIGS TE; BZLAS BRJOD KYI 'PHRO 'DU BYAS PAS 'BYUNG PO DMIGS PA TZAM GYIS KHUGS TE, DE NAS BUM PA'I NANG DU BKUG STE RDO RJE CAN GYI ZHABS KYI 'OG TU MNAN TE KU CO'I SGRA 'DON CING JI LTAR BSGO BA BZHIN DU NYAN PAR DMIGS SO, ,DE NAS MNAN PAR 'DOD NA DUR KHROD DU BUM PA DANG BCAS PA MNAN; BSREG NA TIL GYI BUM PA LA BRGYA RTZA BRGYAD DBUL, SKROD NA BYA NAG MO'I SPU LA SNGAGS BZLAS LA RLUNG LA BSKUR, KUN NAS 'BYUNG PO'I STOBS NYAMS PAR 'DOD NA MCHOD RTEN GYI 'OG TU 'KHOR LO BRGYANGS LA GZHAG GO, ,DE NYID BRLAG PAR 'DOD NA TA LA'I LO MA LA GZUGS DANG MING RA KHRAG GIS BRIS LA GSAL SHING LA BSKYON NO, ,'BYUNG PO 'GUGS PA'I BSGRUB PA RDO RJE LCAGS KYU ZHES BYA BA, SLOB DPON YE SHES RDO RJES MDZAD PA RDZOGS SO,,