, ,DPAL RDO RJE RNAM PAR 'JOMS PA LA PHYAG 'TSAL LO, ,SMYO BYED KYI GDON LAS THAR BAR 'DOD PAS, DUS DANG MTSAN NYID SNGAR BZHIN SHES PAR BYAS NAS, DPA' BO GZUGS BZANG ZHING MDZES PA DANG, RAB TU DGA' ZHING BDE BA DANG, GLU DANG RTZED MO DANG GTAM LA DGA' BA LA 'JUG GO, ,ZHUGS PA'I MTSAN MA NI GLU DANG, GAR DANG, NGU ZHING DGOD, SMRA SNYING MI 'DOD LA DU ZHING GNYID MI PHEBS SO, ,ZAS LA DGA' BA NI RLUNG MKHRIS SKYED PA YIN, DRAG TU SMRA DANG MANG DU SMRA BA NI BAD KAN SKYED PA YIN NO, ,DE NYID GSO BA'I MAN NGAG NI SNGON DU GTOR MA SBYIN PAR BYA STE, SPOS DANG, ME TOG GI PHRENG BA DANG, 'BRAS CHAN DRI ZHIM PA DANG, 'BRAS THUG 'BRU CHANG DANG BCAS PA'I GTOR MA LAM GYI BZHI MDOR SBYIN PAR BYA'O, ,DE NAS BA LANG GI KO BA BSREGS PA'I PHYE MA PHUL BZHI, AA RU RA SRANG SUM CU, SGOG SKYA BRGYA, TSA BA GSUM SRANG DRUG CU, DE DAG SHIN TU ZHIB MOR BYAS TE, MAR RNYING PA LO GSUM LON PA PHUL BZHI DANG, BA DMAR MO'I 'O MA PHUL BZHI DANG, SBRANG RTZI PHUL BZHI RNAMS, ME CHUNG BAS BTZOS LA NAD PA KHRUS LA SOGS PA BYAS LA, SNGA MA'I SNGAGS DANG 'DRA BAR BYAS PAS SMYO BYED KYI GDON LAS THAR BAR NGES SO, ,SLOB DPON YE SHES RDO RJES MDZAD PA RDZOGS SO,,