, ,DPAL RDO RJE RNAM PAR 'JOMS PA LA PHYAG 'TSAL LO, ,GZHAN GYI RIG SNGAGS KYIS BYAS PA'I LAS 'JOMS PAR 'DOD PAS, LHO PHYOGS KYI DUR KHROD DU SONG NAS DUR KHROD KYI GZUGS RNAMS BLANGS LA BDAG NYID KYI GDONG PA DUR KHROD KYI SOL BAS BYUGS LA LAG PA G-YAS PA'I GRU MO MAN CHAD KHRAG GIS BYUGS LA KHA LHO PHYOGS SU BLTAS LA TA LA'I LO MA LA 'KHOR LO RTZIBS BCU DRUG PA GI WANG GIS BRIS LA LTE BAR CHE GE MO YIS BDAG LA SBYOR BA NGAN PA'I LAS BYAS PA RNAMS SHIG CIG CES BRI, MU KHYUD LA TIshthA TIshthA BANDHA BANDHA ZHES 'KHOR BAR BRI, RTZIBS RNAMS LA 'JIG RTEN DANG 'JIG RTEN LAS 'DAS PA'I LAS RNAMS PA SHIG AA PA RA TZI TA SA MA TRA MANTRA MU RDZA YA ZHES PA BRIS LA, BDAG NYID LAS KYI GSHIN RJE'I LUS GANG PA SKRA G-YENGS PA KHA GDANGS SHING SO 'KHRIGS PA MIG NAS ME 'BAR BA DMIGS TE, SNYING PO RGYAS PA LA JI LTAR RIGS PA BZLAS TE, BSGRUB BYA DE'I LCE'I STENG DU LCAGS KYI SDIG PA MGO DGU PA DMIGS LA, DES LCE'I DBANG PO'I NUS PA'I STOBS BCOM PAR DMIGS LA, 'KHOR LO DE RKANG PA'I 'OG TU BCUG LA HA HA ZHES BRJOD PAS GSAL SHING LA BSKYON LA GZHAG GO, ,DE NAS DER GTOR MA BDUN BTANG LA LAS LAS RNAM PAR RGYAL LO, ,NGAG BSHIG PAR BYAS SO, ,RUS PA LA KHRAG GIS GTIG CING BSGRUB BYA'I PHYOGS SU 'PHANGS PAS 'JIG PAR NGES SO, ,LAN BDUN NAM BCU GCIG TU BYA'O, ,MU STEGS CAN GYI RIG SNGAGS 'JIG PA'I SGRUB PA'I NYE BA'I LAS PHYI MA ZHES BYA BA SLOB DPON YE SHES RDO RJES MDZAD PA RDZOGS SO,,