, ,DPAL RDO RJE RNAM PAR 'JOMS PA LA PHYAG 'TSAL LO, ,SKRAG PA'I LAS THOG BSGRUB STE BSGRUB BYA'I LUS MA RUNGS PAR 'DOD NA, SGRUB PA PO DAM TSIG DANG LDAN PAS GNAS KHANG YID DANG MTHUN PAR KHRUS DANG GTZANG SBRA DANG, GOS SNGON PO GYON PA LA SOGS PA BYA STE, SA'I CHO GA LA SOGS PA SNGON DU SONG BAS GZA' 'KHRUG PAR BYED PA'I DKYIL 'KHOR BZHENGS,
DBUS AE'I DBYIBS KHA DOG NAG PO 'KHOR LO RTZIBS BRGYAD PA SER PO MU KHYUD GLOG GI 'ONG DANG 'DRA BA'I DKYIL 'KHOR BZHENGS LA, PHYOGS MTSAMS SU GDUG BYED KYI LCAGS PHUR RE RE LA DAR MTHING NAG GI 'PHUR LCE GDAGS, SKUD PAS SPREL LO, ,DBUS SU LCAGS SNA LNGA LAS BYAS PA'I PHUR BU GRU GSUM GYI NANG DU, BSGRUB BYA'I RJES KYI SA DANG KHANG SA ZHING SA DUR SA LA ZLA GAM BRGYAD PA'I DBYIBS DUG KHRAG GIS SBRUS PA BYAS LA RIN PO CHE SNA TSOGS PA'I PHYE MA DANG 'BRUG RUS KYI PHYE MA'I THUN GYIS BRABS LA PHAG KHRA BO'I THOD PAR BRUBS LA SKUD PA SNGON DMAR GYIS BCING NGO, ,DE NAS BDAG NYID RNAM PAR 'JOMS PA'I NGA RGYAL DANG LDAN PAS BSNYEN PA CI RIGS PAR BYAS LA, GZA' RNAMS LA GTOR MA BYIN TE, SGRUB PA'I SNGAGS 'DI LAN 'BUM PHRAG BDUN BZLAS SO, ,AOm TRIG TRIG SER SER KRAm KRAm KRUm KRUm BHYO BHYO ZHES BZLAS LA GZA' CHEN PO BRGYAD KYI GZUGS DANG, MING SHOG BU LA BRIS PA DANG, DE NYID KYI DKYIL 'KHOR DANG BCAS PA BSGRUB BYA'I KHANG PA'I 'GRAM DU PHAG THOD DANG BCAS PA BCUG NA DE NYID NAS MA PHYUNG GI BAR LA, DER THOG RGYUN MI 'CHAD PAR 'BAB BAR 'GYUR RO, ,DUS NI KHYAB 'JUG KHYIM NAS THON PA'I TSE LAS LA SPYAR RO; ,THE TSOM MED PAR 'GRUB PA LAS BSGRUB BYA THOG GIS BSAD PA'I CHO GA DRAG SHUL ZHES BYA BA, DPAL MAR ME MDZAD BZANG POS MDZAD PA RDZOGS SO,,