, ,DPAL PHYAG NA RDO RJE LA PHYAG 'TSAL LO, ,GDON STONG PHRAG BRGYAD CU DANG NAD RNAMS LAS RNAM PAR RGYAL PAR 'DOD PA'I SGRUB PA PO DAM TSIG DANG LDAN PAS GNAS KHANG YID DANG MTHUN PAR MAndAL GYI STENG DU BUM PA MTSAN NYID DANG LDAN PA'I NANG DU, BUM RKYEN RNAMS RDZOGS PAR BYAS NAS, DE NAS BDAG NYID KYI TSOGS RDZOGS PAR BYA BA SNGAR DANG 'DRA BAR BYAS LA, DE NAS H'Um LAS BYUNG BA'I KHRO BO PADMA MTHAR BYED SKU MDOG DMAR SKYA ZHAL BZHI PHYAG BRGYAD PA, LCAGS KYU DANG THO BA DANG, RNGE'U CHUNG DANG, CHU SRIN DANG, MA HE DANG, RTZE LNGA PA DANG, MDA' GZHU 'GENGS PA SNA TSOGS PA'I RGYAN GYIS BRGYAN PA, H'Um DANG PHAt RGYUN DU SGROGS PA'I GZUGS SU BYAS TE YE SHES KYI 'KHOR LO RAB TU BSKUL LA, DON GNYIS BYAS LA DE NAS BDAG DON DU 'DOD PA'I DON LEGS PA GANG YIN PA BSGRUBS TE MA RUNGS PAR BYAS PA'O, ,DE NAS BUM PA'I NANG DU BSTIMS TE LEGS PAR NGES PA'I 'DOD DON BYAS TE, NYID KYI SNYING GA'I YE SHES KYI RDO RJE NAS TZAM LA DMIGS LA, YAR NGO'I TSES BRGYAD LA GOS DMAR PO DRI MA MED PA GYON TE, AA 'BRAS KYI PHYE MA LA BSNGAGS TE BUM PA LA BSTIM PAR BYA'O, ,AOm AA PRA TI HA TA BADZRA H'Um H'Um PHAt PHAt SV'A H'A ZHES STONG PHRAG GNYIS BZLAS TE, DE NAS 'OD DU ZHU LA YE SHES KYI BDUD RTZIR DMIGS LA LEN BDUN NAM NYI SHU RTZA GCIG GAM BRGYA RTZA BRGYAD DU KHRUS CHU NAS BTON NA GANG LA LAS LA SBYAR BA DE NYID GDON DANG NAD LAS THAR BAR 'GYUR RO, ,DE DAG GIS NI RGYUD DU THAMS CAD DU MA 'PHAM PA ZHES BYA BA'I TSIG GIS SGRUB PA LAS BZHIR GTAN LA PHAB PA'O, ,RANG RTAGS RDO RJE'I SGRUB PA'I THABS BDUN PA LAS KYI BYE BRAG BCU SLOB DPON YE SHES RDO RJES MDZAD PA RDZOGS SO,,