, ,DPAL PHYAG NA RDO RJE LA PHYAG 'TSAL LO, ,'DOD PA'I DON NGES PAR BSGRUB PAR 'DOD PAS SGRUB PA PO DAM TSIG DANG LDAN PAS GNAS KHANG YID DANG MTHUN PAR MAndAL SER PO YID DU 'ONG BA'I STENG DU ME TOG SER PO DRI MA MED PA BKRAM STE, BDAG NYID KYIS SNGON DU CI RIGS PA'I BYA BA'I RIM PA RDZOGS PAR BYAS LA, BUM PA'I NANG DU SU SER PO LAS BYUNG BA'I LHA MO RGYAN SNA TSOGS PAR BRGYAN PAR BLTA'O, ,H'Um LAS BYUNG BA'I KHRO BO GTUM PO MDOG SER PO KLU'I BU RNAMS KYIS BRGYAN PA RNAM PAR BSGOM PAR BYA'O, ,DE LA YE SHES SEMS DPA' SPYAN DRANGS TE MCHOD PA DANG BSTOD PA DANG GSOL BA GDAB PA RNAMS BYA STE, DE NAS BDAG NYID RDO RJE GTUM PO'I NGA RGYAL DANG LDAN PAS BDAG GAM GZHAN BSGRUB BYA'I LUS THAMS CAD RDO RJE RTZE GSUM PAR BYIN GYIS BRLABS TE, PHA ROL GYI LUS LA GNOD PAR RUNG BA GANG YIN PA RNAMS BCING BA DANG BKAR BA DANG, SPA BKONG BA'I LAS NYE BAR BSGRUB PAR BYA STE, YUL 'JOMS PA'I RDO RJE SPYI BOR RNAM PAR BLTA BAR BYA'O, ,DE NAS DE'I RJES LA DNGOS DANG DNGOS MA YIN PA'I TSOGS BSAG PA'I RTEN SPYAN DRANGS TE, TSOGS JI LTAR 'BYOR PA BSAG PAR BYAS LA BDAG NYID KYIS RDO RJE RAB TU ZHI BAR BYED PA'I LTA STANGS KYIS BLTA STE, DBANG DANG RGYAS PA'I GZUGS KYIS LANGS LA H'Um H'Um ZHES RAB TU KHROS PA'I SEMS KYIS SDANG BAR BLTAS LA, HI HI ZHES DGYES PA'I GAD MOS BCU GNYIS SAM DGU'AM BDUN BGAD PAS LAS THAMS CAD 'GRUB PAR 'GYUR BA LA THE TSOM MED DO, ,DE YANG SKAR MA RGYAL LA BAB PA'I TSE KHRO BO GTUM PO'I NGA RGYAL DANG LDAN PAS, AOm MA tA BADZRA BADZRA H'Um H'Um PHAt PHAt SV'A H'A ZHES STONG PHRAG GNYIS BZLAS TE, BDAG NYID KYI LUS LA MI 'JIG CING SRA BA'I GOS GYON LA RDO RJE'I LUS KYI RNAM PAR 'DUG PA LA LAN BDUN NAM BCU GCIG BYAS NA LUS LA YE SHES
, ,KYI CHU RGYUN GYIS BKRUS NA LONGS SPYOD RNAMS KYI DBANG PO BRGYA BYIN DANG MNYAM ZHING TSE NYI ZLA JI LTAR YOD PA BZHIN DU GNAS PA DANG, SA BLA'I 'JIG RTEN GYI KHAMS THAMS CAD LA DBANG BA DANG, LAS DANG 'JOMS PA DANG, BSGRAGS PA DANG NGES PAR SPYOD PAR 'GRUB PA DANG, GNOD SBYIN DANG, SRIN PO DANG, SHA ZA DANG, MKHA' 'GRO MA'I TSOGS DPAG TU MED PA DANG, 'DAB CHAGS RNAMS KYI STOBS KYI RGYAL PO DANG, BTZUN MO'I GZUGS DANG, DPAL LDAN RGYU SKAR GYI CHOGS RNAMS KYI RJE BO DANG, BLTA ZHING BSNYEN BKUR CHEN POR 'GYUR RO, ,DE NAS DE'I LAS RNAMS BSGRUB PA LA BRTZON PA'I SGRUB PA PO RNAMS KYIS NGES PAR SRA BA'I DON BSGRUB PA NI RGYUD KYI TSIG NGES PAR BSGRUB PA'O, ,'DOD PA'I DON DUS LA NGES PAR BSGRUB PA, SLOB DPON YE SHES RDO RJES MDZAD PA RDZOGS SO,,