, ,DPAL RDO RJE RNAM PAR 'JOMS PA LA PHYAG 'TSAL RLO, ,KLU CHEN PO BRGYAD KYI DKYIL 'KHOR DU DBANG BSKUR BAR 'DOD PA'I SGRUB
, ,PA PO DAM TSIG DANG LDAN PAS GNAS KHANG YID DANG MTHUN PAR ME TOG SNGON PO LA SOGS PA SA 'PHAGS PA RNAMS MNGON PAR MCHOD NAS SA'I CHO GA LA SOGS PA RNAMS SNGON DU SONG NAS, SA STEGS GRU GSUM LEGS PAR BYAS LA CHO GA BZHIN DU THIG LEGS PAR BTAB LA, DE NAS CHON BTANG STE, PADMA 'DAB MA BRGYAD PA DKAR PO LTE BA SNGON PO, MU KHYUD SNA TSOGS PADMA'I PHRENG BA KHYAMS DMAR PO SGO BZHI RIGS DANG 'DRA BA, PHYI'I MU KHYUD SBRUL 'BAR BA RAB TU 'KHYIL PAS 'KHOR BAR BRIS LA, BUM PA BRGYAD GTZO BO'I BUM PA DANG DGU LA SO SO'I MTSAN MA BRIS LA, RGYAN SNA TSOGS PAS BRGYAN PA GZHAG GO, ,DE NAS MCHOD PA'I YO BYAD CI 'BYOR PA DANG, KLU GTOR LA SOGS PA YANG BSHAM MO, ,DE LTAR BSHAMS LA TSOGS SOGS PA'I RTEN NAM MKHA' LA SBRUL LA TSOGS BSAG ,DE NAS SO SO'I MTSAN MA DANG LDAN PAS BUM PA'I NANG DU GTZO BO SNGA MA DANG 'DRA BAR BSKYED, 'KHOR GYI KLU RNAMS NI LAG PA RNAMS SBRUL MGO GDENGS PA LTAR BYAS LA, AOm PHU:SV'A H'A ZHES BRJOD PAS MTHA' YAS MDOG SER PO ZHAL GCIG PHYAG GNYIS PA SMAD SPRUL DU 'KHYIL BA DBU LA RIN PO CHE DANG SBRUL MGO BDUN GYI GDENGS KA YOD PA, RIN PO CHE'I RGYAN THAMS CAD KYIS BRGYAN PA, G-YAS ZHAGS PA G-YON PADMA BSNAMS PA BSKYED DO, ,DE DAG KYANG GDAN PADMA'I SDONG PO'I STENG NA NYI MA DANG ZLA BA'I STENG DU BSKYED DO, ,PHYAG RGYA SNGA MA DANG 'DRA BA LA LHO PHYOGS SU AOm BA SV'A H'A ZHES BRJOD PAS 'JOG PO MDOG DKAR PO G-YAS ZHAGS PA G-YON PADMA THOGS PA SNGA MA DANG 'DRA BA BSKYED DO, ,NUB TU AOm BHR'Um SV'A H'A ZHES BRJOD PAS KA RKO tA DMAR PO PHYAG MTSAN SNGA MA DANG 'DRA BA BSKYED DO, ,BYANG DU AOm PHA SV'A H'A ZHES BRJOD PAS AU LI KA MDOG DMAR SKYA SNGA MA DANG 'DRA BA BSKYED DO, ,SHAR LHOR AOm PHI SV'A H'A ZHES BRJOD PAS NOR RGYAS MDOG SER SKYA SNGA MA BZHIN DU BSKYED DO, ,LHO NUB TU AOm PHE SV'A H'A ZHES BRJOD PAS DUNG SKYONG SNGO SKYA BSKYED DO, ,NUB BYANG DU AOm PHAm SV'A H'A ZHES BRJOD PAS PADMA SNGO SKYA BSKYED DO, ,BYANG SHAR DU AOm PHEE SV'A H'A ZHES BRJOD PAS BA SUN MDOG DMAR SNGO SNGA MA BZHIN
BSKYED DO, ,DE DAG KYANG SA BON PHU LAS YANG DAG PAR 'BYUNG BA RAB TU MDZES PAR BSKYED DO, ,DE NAS DE DAG LA MCHOD PA LNGA LNGA DBUL LO, ,DE NAS SO SO'I YE SHES SEMS DPA' DZA:H'Um BAm HO:SA DGUG GZHUG BYAS LA BUM CHU KLU'I NGO BOR ZHU BAS CHU BDUD RTZIR DMIGS LA SO SO'I YUM GYI MGUL NAS 'KHYUD PA'I THUGS KA'I YI GE PHU:ZHES 'OD LDAN PA LA DMIGS LA SNYING PO RGYAS BSDUS GANG MOS PA LA BRGYA PHRAG GCIG ,KLU'I SNYING PO RE RE LA KHRI PHRAG BZLAS SO, ,DE NAS MCHOD PA DANG BSTOD PA RE BYA'O, ,DE NAS SLOB MA SMYUNG BAR GNAS PAR BYAS LA'O MAS GDONG BKRUS LA LAG TU KLU SHING 'BRAS BU DANG BCAS PA THOGS LA DKYIL 'KHOR DU BCUG LA DAM TSIG DANG SDOM PA DPOG ,DE NAS BUM CHU BDUD RTZI'I NGO BO DANG LDAN PAS DBANG BSKUR RO, ,DE NAS GTOR MA BTANG, MAndAL BSDU, BKRA SHIS GSOL LO, ,KLU BRGYAD KYI DKYIL 'KHOR DU DBANG BSKUR BA DUG LAS RGYAL BA ZHES BYA BA SLOB DPON MAR ME MDZAD KYIS MDZAD PA RDZOGS SO,,