, ,DPAL RDO RJE RNAM PAR 'JOMS PA LA PHYAG 'TSAL LO, ,RGYAL PO CHEN PO BZHI'I DKYIL 'KHOR DU DBANG BSKUR BAR 'DOD PA'I SGRUB PA PO DAM TSIG DANG LDAN PAS, GNAS KHANG YID DANG MTHUN PAR SA'I CHO GA RNAMS RDZOGS PAR BYAS LA, RGYAL PO CHEN PO BZHI'I DKYIL 'KHOR BZHENGS LA, SA STEGS GRU GSUM MNYAM ZHING CHAGS KYIS 'THAS PAR BYA ZHING, DE NAS THIG LE'U TZE DGUR BTAB LA LE'U TZE LNGA PA GRU BZHI SGO BZHI PA, DBUS KYI LE'U TZE DKAR PO SHAR LJANG LHO NAG PO, NUB DMAR PO BYANG SER PO DE'I BAR GYI RTZIG PA SNGON PO LA GSER GYI DONG RTZE BRTZEGS PA, GRVA RNAMS SU BUM PA DMAR PO DPAG BSAM GYI SHING DANG, NOR BU'I NANG NA CHU 'BAB PA BRI, GRU'I DUM BU LJANG GUR BYA, SGO RIM DANG 'DRA BA BRIS LA BUM PA LNGA LA SOGS PA SKU MDOG MTHUN PA'I TSON GYIS BSGYUR LA,
, ,SO SO'I PHYAG MTSAN BTAB LA SO SO'I GNAS SU BZHAG LA SKUD PA SNGON DMAR GYIS SPREL LA, PHYOGS MTSAMS SU ME LONG GI PHRENG BA DANG, DAR SNA DANG, DRIL BU G-YER KHA'I DRA BAS BRES SO, ,STENG NAS RAS DKAR PO'I GDUGS KYIS BKAB LA, RGYAN SNA TSOGS PAS BRGYAN PAR BYA'O, ,SHOG BU LA RGYAL PO CHEN PO BZHI'I GZUGS BRIS LA MDA' LA BTAGS LA GNAS SU GZUGS SO, ,DE NAS BGEGS BSKRAD PA LA SOGS PA BYAS LA DBUS KYI BUM PA LA DPAL RDO RJE RNAM 'JOMS SKU MDOG DKAR POR GYUR TE BUM PA'I PHYAG RGYAS SPYAN DRANGS TE SNGAGS BRGYA RTZA BRGYAD BRJOD LA P'U DZA LA SOGS RDZOGS PAR DBUL, DE NAS SHAR PHYOGS KYI BUM PAR R'A DZA YUL 'KHOR SRUNG SPYAN DRANGS TE, LAG PA G-YON PA PI WANG LEN PA LTAR BYAS LA AOm dHRi SV'A H'A ZHES PA BRGYA BRJOD PAS BUM PA'I NANG DU ZLA BA'I DKYIL 'KHOR GYI STENG DU SENG GE'I GDAN GYI STENG DU, YUL 'KHOR SRUNG LJANG GU RIN PO CHE'I RGYAN RNAMS KYIS BRGYAN PA, DAR GYI LHAB LHUB PA DANG BSE'I RMOG ZHU GSOL BA, PHYAG G-YAS PAS PI WANG 'DZIN PA G-YON GYIS LEN PA BSKYED DO, ,LHO'I BUM PAR 'PHAGS SKYES PO SPYAN DRANGS TE, BSKYED PA NI LAG PA G-YAS PA'I MDZUB MO DANG GUNG MO SBYAR TE BSGRENGS LA; AOm B'I SV'A H'A ZHES BRGYA BRJOD PAS, 'PHAGS SKYES PO SKU MDOG NAG PO DAR GYI LHAB LHUB DANG RIN PO CHE DANG BSE'I RMOG ZHU GSOL BA, PHYAG NA RAL GRI BSNAMS PA SNGA MA BZHIN DU BSKYED DO, ,NUB KYI BUM PAR SPYAN MI BZANG SPYAN DRANGS TE BSKYED PA NI G-YON PA'I MDZUB MO ZHAGS PA LTAR BYA STE; AOm KshA SV'A H'A ZHES PA BRGYA BRJOD PAS SPYAN MI BZANG SKU MDOG DMAR PO DAR LA SOGS PAS BRGYAN PA, SPRUL MGO BDUN YIS BSKOR BA SPYAN DMAR LA 'BUR BA, PHYAG NA CHU SRIN DANG ZHAGS PA BSNAMS PA BSKYED DO, ,BYANG GI BUM PA LA RNAM THOS SRAS SPYAN DRANGS TE BSKYED PA NI, LAG PA GNYIS KYIS MTHE BONG GZE MO'I RNA BA LTAR BYAS LA, AOm BEE SV'A H'A ZHES BRJOD PAS RNAM SRAS MDOG SER PO GSER BTZO MA 'DRA BA DAR LA SOGS PAS BRGYAN PA PHYAG NA NE'U LE'I RKYAL PA GSER GYI DONG RTZES BKANG BA BSKYED DO, ,DE NAS SGRUB PA PO BDAG NYID KYIS KHRUS BYAS LA, GOS GSAR
PA GYON TE, BZLAS PA BYA BA NI LHA DE DAG GI SNYING GA'I DKYIL 'KHOR GYI SNGAGS KYI RANG SKRA LA SOGS PA DMIGS TE, AOm TZA RA NI TZA RA, AOm HA RA HA RA, AOm SA RA SA RA SV'A H'A, AOm M'A RA YA SV'A H'A, AOm BI D'A RA YA SV'A H'A ZHES BUM PA RAL GRI PHRAG RE SO SO'I LAS KYI SNGAGS BZLAS SHING DE NYID MCHOD PA LA SOGS PA BYA STE, DBANG BSKUR BA LTAR DBANG BSKUR RO, ,GTOR MA GTONG BA LA SOGS PA SPYIR 'DRA'O, ,RGYAL PO CHEN PO BZHI'I DKYIL 'KHOR DU DBANG BSKUR BA DPAL MAR ME MDZAD KYIS MDZAD PA RDZOGS SO,,