, ,DPAL RDO RJE RNAM PAR 'JOMS PA LA PHYAG 'TSAL LO, ,'PHAGS PA RDO RJE RNAM PAR 'JOMS PA'I DPA' BO GCIG PA'I DKYIL 'KHOR DU DBANG BSKUR BAR 'DOD PA'I SGRUB PA PO DAM TSIG DANG LDAN PAS SA'I CHO GA LA SOGS PA SNGON DU SONG BAS, SA STEGS GRU GSUM ME LONG GI NGOS LTAR BYAS LA, THIG GDAB STE DBUS LTE BA MU KHYUD KYIS BSKOR LA LTE BA LJANG GU MU KHYUD DMAR PO SNA TSOGS PADMAS BSKOR, GRU CHAD LJANG GU BAR KHYAMS GNYIS PA DKAR SER SGO DANG SGO KHYUD DU BCAS PA BRIS LA, MTSAN NYID DANG LDAN PA'I BUM PA LA GI WANG GIS MTSAN MA RDO RJE RGYA GRAM PHYOGS GCIG MED PA BTAB LA LAS THAMS CAD PA'I BUM PA LA SKU DKAR GYIS SNA TSOGS RDO RJE BRIS LA BYANG DU BZHAG ,P'U DZA JI LTAR 'BYOR PA DANG BA LIm BSHAM, LAG PA GNYIS RDO RJE BCINGS LA MTHE BONG BSGRENGS LA SRIN LAG SBYAR TE MDZUB MO PHYIS NAS, NAS GANG GIS MA REG PA BYAS LA MTHE'U CHUNG BLANG LA, AOm BADZRA DZVA L'A NA L'A YA H'U% PHAt, CES PA BRGYA RTZA BRGYAD BZLAS PA'I BUM PA'I NANG DU PAm DANG MAm LAS PADMA NYI MA BRTZEGS PA'I STENG DU H'Um LAS RDO RJE RNAM PAR 'JOMS PA SKU MDOG LJANG SER PHYAG GNYIS KYIS GSER GYI BUM PA RDO RJE RGYA GRAM PHYOGS GCIG MED PAS KHA BCAD PA, THUGS KAR 'DZIN PA, SKU LA RIN PO CHE'I RGYAN SNA TSOGS PAS BRGYAN PA, DBU LA RIGS LNGA'I SANGS RGYAS KYIS BRGYAN PA, ZHAL YID TZAM KHRO BA YAN LAG SPRUL RIGS BZHIS BRGYAN PA BSKYED DO, ,DE'I THUGS KA'I H'Um LAS 'OD 'PHROS PAS DON GNYIS BYAS NAS, AOm BADZRA DZNY'A NA H'Um SV'A H'A, H'Um ZHES BRJOD PAS YE SHES SEMS DPA' 'DRA BA ZLA BA'I GDAN LA BSKYED LA DE NYID LA MCHOD PA DANG GTOR MA BYA'O, ,DE'I THUGS KA'I H'Um LA DMIGS TE, BDAG NYID KHRUS BYA BA DANG, GOS BRJE PA LA SOGS PA BYA STE, SNYING PO BRGYA RTZA BRGYAD, BSDUS PA LA STONG PHRAG GCIG ,SHIN TU BSDUS PA LA STONG PHRAG BZLAS TE, SLOB MA LA SRUNG SKUD GDAGS PA DANG, DAM TSIG DANG SDOM PA 'BOGS PA LA SOGS PA BYA STE, DKYIL 'KHOR DU GZHUG ,GZUNGS NYI SHU RTZA GCIG BKLAG TU GZHUG ,DE NAS LHA NGO BSTAN, DBUGS DBYUNG, GZENGS BSTOD, DBANG BSKUR, LAG
, ,TU RDO RJE DANG DRIL BU'I SGRAS DKYIL 'KHOR BSKOR, DBANG RDZOGS PAR BYIN LA GOS BRJE, ZAS KYI RNAL 'BYOR BYA'O, ,DE YANG MCHOD PA DBUL BA DANG, GTOR MA BTANG, DKYIL 'KHOR BSDU, BKRA SHIS GSOL, SLOB MA LA CHOS BSHAD, SLOB MAS BLA MA LA YON DBUL, BDEN PA'I TSIG BRJOD DO, ,DPA' BO GCIG PA'I DKYIL 'KHOR DU DBANG BSKUR BA'I BDUD RTZI BUM PA'I CHO GA DPAL MAR ME MDZAD KYIS MDZAD PA RDZOGS SO,,