294 · GMLW-002047

The Great Sutra entitled 'The Three Fives' (Pañcatraya Nāma Mahāsūtra)

MDO CHEN PO LNGA GSUM PA ZHES BYA BA

נושאי-מדףSubjects:

MDO MANGCollection of Sutras (Sūtra)$$

נושאיםTopics:Comparative PhilosophySuffering

נמצא בfound inCollection of Sutras (Sūtra)$$

מספר טוהוקוTohoku numberToh 294 · Sutra

מהדורהrecensionDerge

כותרת בסנסקריטSanskrit titlePANYTZA TRI YAm N'A MA MA H'A S'U TRA

כניעה לhomage toDKON MCHOG GSUM

הפנדיטה ההודיIndian panditaDZI NA MI TRA

הלוצאווה הטיבטיTibetan lotsawaBANDHE YE SHES SDE LA SOGS PAS

פוליוfolios503b–517a

צורהformmixed

מצב תרגוםtranslationno English of the text

כיסוי המילון לכותרתdictionary coverage of the title100%

ז'אנרgenreRoot Textone of the MDO CHEN PO, the great sutras

מקום החיבורplace of compositionShravastithe Buddha is in Prince Jeta's grove, the park of Anathapindada

אנשים ומקומותpeople and places namedJinamitra · Prajnavarma · Yeshe Dethe colophon names two Indian abbots with the chief editor-translator and others

רמת קושיleveladvanced scholastic

הכותרת אומתה מול הטקסטtitle verified against the textyesSanskrit and Tibetan title lines both match the filename, and the closing repeats it

הקבציםThe files

KL00294_MDO CHEN PO LNGA GSUM PA ZHES BYA BA_The Great Sutra entitled 'The Three Fives' (Pañcatraya Nāma Mahāsūtra).txt/10. MDO MANG_Collection of Sutras (Sūtra)$$/VOL 25 (RA)

הטקסטThe text

טיבטיתTibetanKL00294_MDO CHEN PO LNGA GSUM PA ZHES BYA BA_The Great Sutra entitled 'The Three Fives' (Pañcatraya Nāma Mahāsūtra).txt33,148 תוויםcharacters

503b

RGYA GAR SKAD DU, PANYTZA TRI YAm N'A MA MA H'A S'U TRA, BOD SKAD DU, MDO CHEN PO LNGA GSUM PA ZHES BYA BA, DKON MCHOG GSUM LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG, DGE SLONG DANG BRAM ZE GANG DAG MOS PA'I GZHI RNAM PA DU MA DAG MNGON PAR RJOD PAR BYED PA DE DAG THAMS CAD NI, GNAS LNGA MNGON PAR RJOD PAR BYED DE, LNGA GANG ZHE NA, KHA CIG NI, DE PHAN CHAD BDAG 'DU SHES CAN DU 'GYUR RO, ,ZHES BYA BA DANG, YANG KHA CIG NI, 'DU SHES MED PA DANG, 'DU SHES YOD PA'ANG MA YIN, 'DU SHES MED PA'ANG MA YIN PA DANG, CHAD PA'O, ,ZHES BYA BA DANG, YANG KHA CIG NI, TSE 'DI NYID LA MYA NGAN LAS

504a

, ,'DA'O; ;ZHES MNGON PAR RJOD PA MNGON PAR RJOD PAR BYED DO, ,DGE SBYONG DANG BRAM ZE SHES PA DANG LDAN PA 'DU SHES CAN DU SMRA BA DE DAG KHA CIG NI, BDAG YOD PAR SRING DE, DE PHAN CHAD 'DU SHES CAN DU 'GYUR RO, ,ZHES BYA BA DANG, YANG KHA CIG NI, CHAD PA'O, ,ZHES BYA BA DANG, YANG KHA CIG NI, TSE 'DI NYID LA MYA NGAN LAS 'DA'O, ,ZHES MNGON PAR RJOD PA MNGON PAR RJOD PAR BYED DE, LNGA PO DE DAG YOD NA GSUM DU 'GYUR LA, GSUM YOD NA LNGAR 'GYUR TE, DE NI, LNGA GSUM PA'I CHOS KYI RNAM GRANGS MDOR BSTAN PA YIN NO, ,DGE SLONG DAG ,DE LA DGE SBYONG DANG BRAM ZE GANG DAG 'DU SHES CAN DU SMRA BA DE DAG KHA CIG NI, DE PHAN CHAD BDAG TU 'DU SHES CAN DU 'GYUR RO, ,ZHES MNGON PAR BRJOD PA MNGON PAR RJOD PAR BYED PA'I DGE SBYONG DANG BRAM ZE SHES PA DANG LDAN PA 'DU SHES CAN DU SMRA BA DE DAG KHA CIG NI, BDAG YOD PAR SRID DE, DE PHAN CHAD GZUGS CAN DU 'GYUR RO, ,ZHES BYA BA DANG, GZUGS CAN MA YIN PA DANG, 'DU SHES GCIG PA DANG, 'DU SHES THA DAD PA DANG, 'DU SHES CHUNG BA DANG, 'DU SHES CHEN POR GYUR PA DANG, 'DU SHES TSAD MED PA'O, ,ZHES MNGON PAR RJOD PAR MNGON PAR RJOD PAR BYED DO, ,YANG KHA CIG NI, DE LAS LDOG PA NA RNAM SHES MTHA' YAS SKYE MCHED YIN NO, ,ZHES MNGON

504b

PAR RJOD PA MNGON PAR RJOD PAR BYED DO, ,DE BZHIN GSHEGS PAS DGE SBYONG DANG BRAM ZE GANG DAG 'DU SHES CAN DU SMRA BA DE DAG KHA CIG DE PHAN CHAD BDAG 'DU SHES CAN DU 'GYUR RO; ;ZHES MNGON PAR RJOD PA MNGON PAR RJOD PAR BYED PA'I DGE SBYONG DANG BRAM ZE SHES PA DANG LDAN PA, 'DU SHES CAN DU SMRA BA DE DAG KHA CIG BDAG YOD PAR SRID DE, DE PHAN CHAD GZUGS CAN 'DU SHES CAN DU 'GYUR RO, ,ZHES BYA BA DANG, GZUGS CAN MA YIN PA DANG, 'DU SHES GCIG PA DANG, 'DU SHES THA DAD PA DANG, 'DU SHES CHUNG BA DANG, 'DU SHES CHEN POR GYUR PA DANG, 'DU SHES TSANG MED PA'O, ,ZHES MNGON PAR BRJOD PA MNGON PAR RJOD PAR BYED PA DANG, YANG KHA CIG DE LAS LDOG PA NA RNAM SHES MTHA' YAS SKYE MCHED YIN NO,, ZHES MNGON PAR RJOD PA MNGON PAR RJOD PAR BYED PA DE DAG YANG DAG PA JI LTA BA BZHIN DU RAB TU MKHYEN TO, ,DGE SLONG DAG ,'DU SHES THA DAD PA DANG, MCHOG TU 'DOGS PA THA DAD PA DE DAG GI 'DI LTA STE, RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS NAS CI'ANG MED DO, ,ZHES CI'ANG MED PA'I SKYE MCHED BSGRUBS TE GNAS PA, GNYIS SU MED PA MI G-YO BA DE NI, MCHOG YIN ZHING, DE NI, BLA NA MED PA YIN NO, ,DGE SLONG DAG ,DE NI, RAGS PA, 'DUS BYAS PA, BSAM PA, RTEN CING 'BREL PAR 'BYUNG BA YIN

505a

, ,TE; 'DI LTAR 'DU BYED RNAMS YOD NA 'DU BYED RNAMS KYI 'GOG PA'ANG YOD PAS NA, DE BZHIN GSHEGS PAS DE YOD PAR THUGS SU CHUD NAS DE LAS PHYIR LDOG CING, DE LA ZHI BAR GZIGS, NGES PAR 'BYUNG BAR GZIGS SHING BZHUGS SO, ,DGE SLONG DAG ,DE LA DGE SBYONG DANG BRAM ZE GANG DAG 'DU SHES MED PAR SMRA BA DE DAG KHA CIG DE PHAN CHAD BDAG 'DU SHES MED PAR 'GYUR RO, ,ZHES MNGON PAR BRJOD PA MNGON PAR RJOD PAR DE DAG NI, DGE SBYONG DANG BRAM ZE GANG DAG 'DU SHES CAN DU SMRA BA DE DAG KHA CIG DE PHAN CHAD BDAG 'DU SHES CAN DU 'GYUR RO, ,ZHES MNGON PAR BRJOD PA MNGON PAR RJOD PAR BYED PA DE DAG GIS SMRAS PA LA PHYIR RGOL BAR BYED, SMOD PAR BYED CING DE DAG 'DI SNYAM DU SEMS TE, 'DU SHES NI, NAD DO, ,'DU SHES NI, 'BRAS SO, ,'DU SHES NI, ZUG RNGU'O, ,'DI LTA STE, 'DU SHES MED PA 'DI NI, ZHI BA'O, ,'DI NI, GYA NOM PA'O SNYAM DU SEMS TE, DE BZHIN GSHEGS PAS DGE SBYONG DANG BRAM ZE GANG DAG 'DU SHES MED PAR SMRA BA DE DAG KHA CIG DE PHAN CHAD BDAG 'DU SHES MED PAR 'GYUR RO, ,ZHES MNGON PAR BRJOD PA MNGON PAR RJOD PAR BYED PA DE DAG DGE SBYONG DANG BRAM ZE GANG DAG 'DU SHES CAN DU SMRA BA DE DAG KHA CIG DE PHAN CHAD BDAG 'DU SHES CAN DU 'GYUR RO, ,ZHES

505b

MNGON PAR BRJOD PA MNGON PAR RJOD PAR BYED PA DE DAG GIS SMRAS PA LA PHYIR RGOL BAR BYED, SMOD PAR BYED CING DE DAG 'DI SNYAM DU SEMS TE, 'DU SHES NI, NAD DO, ,'DU SHES NI; 'BRAS SO, ,'DU SHES NI, ZUG RNGU'O, ,'DI LTA STE, 'DU SHES MED PA 'DI NI, ZHI BA'O, ,'DI NI, GYA NOM PA'O SNYAM DU SEMS PA DE DAG KYANG YANG DAG PA JI LTA BA BZHIN RAB TU MKHYEN TO, ,DGE SLONG DAG ,NGA NI, RNAM PAR SHES PA'I 'ONG BA'AM, 'GRO BA'AM, GNAS PA'AM, 'CHI 'PHO BA'AM, SKYE BA'AM, RGYAS SHING 'PHEL LA YANGS PAR 'GYUR BA , GZUGS LAS GZHAN PA DANG, TSOR BA LAS GZHAN PA DANG, 'DU SHES LAS GZHAN PA DANG, 'DU BYED RNAMS LAS GZHAN DU 'DOGS PAR MI BYED DO, ,DGE SLONG DAG ,GANG DAG 'DI SKAD CES BDAG NI, RNAM PAR SHES PA'I 'ONG BA'AM, 'GRO BA'AM, GNAS PA'AM, 'CHI 'PHO BA'AM, SKYE BA'AM, RGYAS SHING 'PHEL LA YANGS PAR 'GYUR BA, GZUGS LAS GZHAN PA DANG, TSOR BA LAS GZHAN PA DANG, 'DU SHES LAS GZHAN PA DANG, 'DU BYED RNAMS LAS GZHAN DU 'DOGS PAR BYED DO, ,ZHES ZER NA, DE NI, TSIG GI DNGOS PO KHO NAR ZAD DE, 'DI LTA STE, YUL MA YIN PA'I PHYIR DRIS NA YANG DAG PAR RAB TU MI SHES SHING LAN LA'ANG RMONGS PAR 'GYUR RO, ,DGE SLONG DAG ,DE'ANG RAGS PA, 'DUS BYAS PA,

506a

, ,BSAM PA, RTEN CING 'BREL PAR 'BYUNG BA YIN TE, 'DI LTAR 'DU BYED RNAMS YOD NA 'DU BYED RNAMS KYI 'GOG PA'ANG YOD PAS NA, DE BZHIN GSHEGS PAS DE YOD PAR THUGS SU CHUD NAS DE LAS PHYIR LOG CING DE LA ZHI BAR GZIGS NGES PAR 'BYUNG BAR GZIGS SHING BZHUGS SO, ,DGE SLONG DAG ,DE LA DGE SBYONG DANG, BRAM ZE GANG DAG 'DU SHES YOD PA'ANG MA YIN, 'DU SHES MED PA'ANG MA YIN PAR SMRA BA DE DAG KHA CIG DE PHAN CHAD BDAG 'DU SHES YOD PA'ANG MA YIN, 'DU SHES MED PA'ANG MA YIN PAR 'GYUR RO, ,ZHES MNGON PAR BRJOD PA MNGON PAR RJOD PAR BYED PA DE DAG NI, DGE SBYONG DANG BRAM ZE GANG DAG 'DU SHES CAN DU SMRA BA DE DAG KHA CIG DE PHAN CHAD BDAG 'DU SHES CAN DU 'GYUR RO, ,ZHES MNGON PAR RJOD PA MNGON PAR RJOD PAR BYED PA DE DAG GIS SMRAS PA LA PHYIR RGOL BAR BYED, DMOD PAR BYED LA, DGE SBYONG DANG BRAM ZE GANG DAG 'DU SHES MED PAR SMRA BA DE DAG KHA CIG PHAN CHAD BDAG 'DU SHES MED PAR 'GYUR RO, ,ZHES MNGON PAR BRJOD PA MNGON PAR RJOD PAR BYED PA DE DAG GIS SMRAS PA LA'ANG PHYIR RGOL BAR BYED, SMOD PAR BYED CING DE DAG 'DI SNYAM DU SEMS TE, 'DU SHES NI, NAD DO, ,'DU SHES NI, 'BRAS SO, ,'DU SHES NI, ZUG RNGU'O, ,'DU SHES MED PA'ANG

506b

KUN TU RMONGS PA'O, ,'DI LTA STE, 'DU SHES MED 'DU SHES MED MIN SKYE MCHED 'DI NI, ZHI BA'O, ,'DI NI, GYA NOM PA'O SNYAM DU SEMS TE, DE BZHIN GSHEGS PAS DGE SBYONG DANG BRAM ZE GANG DAG 'DU SHES YOD PA'ANG MA YIN, 'DU SHES MED PA'ANG MA YIN PAR SMRA BA DE DAG KHA CIG DE PHAN CHAD BDAG 'DU SHES YOD PA'ANG MA YIN, 'DU SHES MED PA'ANG MA YIN PAR 'GYUR RO, ,ZHES MNGON PAR BRJOD PA MNGON PAR RJOD PAR BYED PA DE DAG ,DGE SBYONG DANG BRAM ZE GANG DAG 'DU SHES CAN DU 'GYUR RO, ,SMRA BA DE DAG KHA CIG DE PHAN CHAD BDAG 'DU SHES CAN DU 'GYUR RO, ,ZHES MNGON PAR BRJOD PA MNGON PAR RJOD PAR BYED PA DE DAG GIS SMRAS PA LA PHYIR RGOL BAR BYED, SMOD PAR BYED LA DGE SBYONG DANG BRAM ZE GANG DAG 'DU SHES MED PAR SMRA BA DE DAG KHA CIG DE PHAN CHAD BDAG 'DU SHES MED PAR 'GYUR RO, ,ZHES MNGON PA MNGON PAR BRJOD PAR RJOD PAR BYED PA DE DAG GIS SMRAS PA LA'ANG PHYIR RGOL BAR BYED, SMOD PAR BYED CING DE DAG 'DI SNYAM DU SEMS TE, 'DU SHES NI, NAD DO, ,'DU SHES NI, 'BRAS SO, ,'DU SHES NI, ZUG RNGU'O, ,'DU SHES MED PA'ANG KUN TU RMONGS PA'O, , 'DI LTA STE, 'DU SHES MED 'DU SHES MED MIN SKYE MCHED 'DI NI, ZHI BA'O, ,'DI NI, GYA NOM PA'O SNYAM DU SEMS PA DE DAG KYANG YANG DAG PA JI LTA BA BZHIN DU RAB TU MKHYEN TO, ,

507a

, ,DGE SLONG DAG ,NGA NI, MTHONG BA DANG, THOS PA DANG, BYE BRAG PHYED PA DANG, RNAM PAR SHES PA DANG, TSUL KHRIMS DANG, BRTUL ZHUGS DANG, 'TSO BA DANG, TSANGS PAR SPYOD PA DANG, DKA' THUB DANG, BSNYEN BKUR LHUR LEN PA TZAM GYIS 'DU BYED KYI SKYE MCHED LHAG MA DE RJES SU 'THOB PAR 'GYUR BAR MI SMRA'I, DGE SLONG DAG ,NGA NI, SRID PA'I RTZE MO'I SNYOMS PAR 'JUG PAS SKYE MCHED DE RJES SU 'THOB PAR 'GYUR BAR SMRA'O, ,DGE SLONG DAG ,'DI LTA STE, DE SGRUB PAR SNANG BA DE YANG SKYE MCHED DE'I NYON MONGS PA YIN TE; DE BZHIN GSHEGS PAS 'DI LTA STE, SDUG BSNGAL BA DANG, SGRUB PA DE DAG KYANG YANG DAG PA JI LTA BA BZHIN DU RAB TU MKHYEN TO, ,DGE SLONG DAG ,DE YANG RAGS PA, 'DUS BYAS PA, BSAMS PA; RTEN CING 'BREL PAR 'BYUNG BA YIN TE, 'DI LTAR 'DU BYED RNAMS YOD NA 'DU BYED RNAMS KYI 'GOG PA'ANG YOD PAS NA, DE BZHIN GSHEGS PAS DE YOD PAR THUGS SU CHUD NAS DE LAS PHYIR LOG CING DE LA ZHI BAR GZIGS, NGES PAR 'BYUNG BAR GZIGS SHING BZHUGS SO, ,DGE SLONG DAG ,DE LA DGE SBYONG DANG BRAM ZE GANG DAG CHAD PAR SMRA BA DE DAG KHA CIG DE PHAN CHAD BDAG CHAD PAR 'GYUR RO, ,ZHES MNGON PAR BRJOD PA MNGON PAR RJOD PAR BYED PA DE DAG NI, DGE SBYONG DANG BRAM ZE GANG DAG

507b

'DU SHES CAN DU SMRA BA DE DAG KHA CIG DE PHAN CHAD BDAG 'DU SHES CAN DU 'GYUR RO, ,ZHES MNGON PAR BRJOD PA MNGON PAR RJOD PAR BYED PA DE DAG GIS SMRAS PA LA PHYIR RGOL BAR BYED SMOD PAR BYED CING, DGE SBYONG DANG BRAM ZE GANG DAG 'DU SHES MED PAR SMRA BA DE DAG KHA CIG DE PHAN CHAD BDAG 'DU SHES MED PAR 'GYUR RO, ,ZHES MNGON PAR BRJOD PA MNGON PAR RJOD PAR BYED PA DE DAG GIS SMRAS PA LA YANG PHYIR RGOL BAR BYED, SMOD PAR BYED LA, DGE SBYONG DANG BRAM ZE GANG DAG 'DU SHES YOD PA LA'ANG MA YIN, 'DU SHES MED PA'ANG MA YIN PAR SMRA BA DAG KHA CIG DE PHAN CHAD BDAG 'DU SHES YOD PA'ANG MA YIN, 'DU SHES MED PA'ANG MA YIN PAR 'GYUR RO, ,ZHES MNGON PAR BRJOD PA MNGON PAR RJOD PAR BYED PA DE DAG GIS SMRAS PA LA YANG PHYIR RGOL BAR BYED, SMOD PAR BYED CING, DE DAG 'DI SNYAM DU SEMS TE, DGE SBYONG DANG BRAM ZE SHES PA DANG LDAN PA, PHYIS 'KHOR ZHING LEGS SU SMON PAR SMRA BA 'DI DAG THAMS CAD NI, 'DI LTAR BDAG CAG PHYI MA LA 'DI LTA BU DANG 'DI LTA BUR 'GYUR BAR BYA'O, ,'DI LTAR BDAG CAG PHYI MA LA 'DI LTA BU DANG 'DI LTA BUR 'GYUR BAR BYA'O, ,ZHES LEGS SU SMON PA KHO NA MNGON PAR RJOD PAR BYED DE, 'DI LTA STE, DPER NA, SKYES BU TSONG PA ZHIG TSONG ZONG GIS TSONG BYED PA NA 'DI SNYAM DU SEMS TE, BDAG GIS

508a

, ,TSONG ZOD 'DI LAS 'DI LTA BU DANG 'DI LTA BU DAG BLANGS SHING GZHAN DU 'GRO BAR BYA STE, DER SON NA BDAG LA KHE SPOGS 'DI LTA BU DANG 'DI LTA BU DAG GRUB PAR 'GYUR RO SNYAM DU SEMS SO, ,DE BZHIN DU DGE SBYONG DANG BRAM ZE SHES PA DANG LDAN PA, PHYIS 'KHOR ZHING LEGS SU SMON PAR SMRA BA 'DI DANG THAMS CAD KYANG 'DI LTAR BDAG CAG PHYI MA LA 'DI LTA BU DANG 'DI LTA BUR 'GYUR BAR BYA'O, ,'DI LTAR BDAG CAG PHYI MA LA 'DI LTA BU DANG 'DI LTA BUR 'GYUR BAR BYA'O, ,ZHES LEGS SU SMON PA KHO NA MNGON PAR BRJOD PA MNGON PAR RJOD PAR BYED DE, DE DAG GIS SMRAS PA DE NI, TSONG PA LTA BUR 'GYUR RO SNYAM DU SEMS SO, ,DE DAG 'DI SNYAM DU YANG SEMS TE, JI SRID DU BDAG 'DI GZUGS CAN RAGS PA, 'BYUNG BA CHEN PO BZHI'I RGYU LAS BYUNG ZHING, GSON LA 'DUG STE, 'TSO ZHING SDOD PAR 'GYUR BA DE SRID DU NAD DANG BCAS, 'BRAS DANG BCAS, ZUG RDU DANG BCAS, RIMS DANG BCAS, YONGS SU GDUNG BA DANG BCAS PA YIN GYI, JI TZAM DU BDAG 'DI SHI PHAN CHAD BDAG CHAD CING ZHIG LA MI 'BYUNG BA DE TZAM DU BDAG 'DI YANG DAG BAR SHIN TU LEGS PAR CHAD PA YIN NO, ,JI SRID DU 'DOD PA NA SPYOD PA'I LHA DANG, GZUGS NA SPYOD PA'I LHA DANG, GZUGS MED PA NAM MKHA' MTHA' YAS SKYE MCHED DU NYE BAR 'GRO'O, ,

508b

GZUGS MED PA RNAM SHES MTHA' YAS SKYE MCHED DU NYE BAR 'GRO ,GZUGS MED PA CI'ANG MED PA'I SKYE MCHED DU NYE BAR 'GRO ,GZUGS MED PA 'DU SHES MED 'DU SHES MED MIN SKYE MCHED DU NYE BAR 'GRO ZHING GSON LA 'DUG STE, 'TSO ZHING SDOD PAR 'GYUR BA DE SRID DU NAD DANG BCAS, 'BRAS DANG BCAS, ZUG RDU DANG BCAS, RIMS DANG BCAS, YONGS SU GDUNG BA DANG BCAS PA YIN GYI, JI TZAM DU BDAG 'DI SHI PHAN CAD BDAG CHAD CING ZHIG LA MI 'BYUNG BA DE TZAM DU BDAG 'DI YANG DAG PAR SHIN TU LEGS PAR CHAD PA YIN NO SNYAM DU SEMS TE, DE BZHIN GSHEGS PAS DGE SBYONG DANG BRAM ZE GANG DAG CHAD PAR SMRA BA DE DAG KHA CIG DE PHAN CHAD BDAG CHAD PAR 'GYUR RO, ,ZHES MNGON PAR BRJOD PA MNGON PAR RJOD PAR BYED PA DE DAG DGE SBYONG DANG BRAM ZE GANG DAG 'DU SHES CAN DU SMRA BA DE DAG KHA CIG DE PHAN CHAD BDAG 'DU SHES CAN DU 'GYUR RO, ,ZHES MNGON PAR BRJOD PA MNGON PAR RJOD PAR BYED PA DE DAG GIS SMRAS PA LA PHYIR RGOL BAR BYED, SMOD PAR BYED CING DGE SBYONG DANG BRAM ZE GANG DAG 'DU SHES MED PAR SMRA BA DE DAG KHA CIG DE PHAN CHAD BDAG 'DU SHES MED PAR 'GYUR RO; ;ZHES MNGON PAR BRJOD PA MNGON PAR RJOD PAR BYED PA DE DAG GIS SMRAS PA LA'ANG PHYIR RGOL BAR BYED, SMOD PAR BYED LA DGE SBYONG DANG BRAM ZE GANG DAG 'DU SHES YOD PA'ANG MA YIN,

509a

, ,'DU SHES MED PA'ANG MA YIN PAR SMRA BA DE DAG KHA CIG DE PHAN CHAD BDAG 'DU SHES YOD PA'ANG MA YIN, 'DU SHES MED PA'ANG MA YIN PAR 'GYUR RO, ,ZHES MNGON PAR BRJOD PA MNGON PAR RJOD PAR BYED PA DE DAG GIS SMRAS PA LA'ANG PHYIR RGOL BAR BYED, SMOD PAR BYED CING, DE DAG 'DI SNYAM DU SEMS TE, DGE SBYONG DANG BRAM ZE SHES PA DANG LDAN PA, PHYIS 'KHOR ZHING LEGS SU SMON PA SMRA BA 'DI DAG THAMS CAD NI, 'DI LTAR BDAG CAG PHYI MA LA 'DI LTA BU DANG 'DI LTA BUR 'GYUR BAR BYA'O, ,'DI LTAR BDAG CAG PHYI MA LA 'DI LTA BU DANG 'DI LTA BUR 'GYUR BAR BYA'O, ,ZHES LEGS SU SMON PA KHO NA MNGON PAR BRJOD PA MNGON PAR RJOD PAR BYED DE, 'DI LTA STE, DPER NA, SKYES BU TSONG PA ZHIG TSONG ZONG GIS TSONG BYED PA NA 'DI SNYAM DU SEMS TE, BDAG GIS TSONG ZONG 'DI LAS 'DI LTA BU DAG BLANGS SHING GZHAN DU 'GRO BAR BYA STE, DER SON NA BDAG LA KHE SPOGS 'DI LTA BU DANG 'DI LTA BU DAG 'GRUB PAR 'GYUR RO SNYAM DU SEMS SO, ,DE BZHIN DU DGE SBYONG DANG BRAM ZE SHES PA DANG LDAN PA, PHYIS 'KHOR ZHING LEGS SU SMON PA SMRA BA 'DI DAG THAMS CAD KYANG 'DI LTAR BDAG CAG PHYI MA LA 'DI LTA BU DANG 'DI LTA BUR 'GYUR BAR BYA'O, ,'DI LTAR BDAG CAG PHYI MA LA 'DI LTA BU DANG 'DI LTA BUR 'GYUR PAR BYA'O, ,

509b

ZHES LEGS SU SMON PA KHO NA MNGON PAR BRJOD PA MNGON PAR RJOD PAR BYED DE, DE DAG GIS SMRAS PA, DE NI, TSONG PA LTA BUR 'GYUR RO SNYAM DU SEMS PA DANG, DE DAG 'DI SNYAM DU YANG SEMS TE; JI SRID DU BDAG 'DI GZUGS CAN RAGS PA, 'BYUNG BA CHEN PO BZHI'I RGYU LAS BYUNG ZHING GSON LA 'DUG STE, 'TSO ZHING SDOD PAR 'GYUR BA DE SRID DU NAD DANG BCAS, 'BRAS; DANG BCAS, ZUG RDU DANG BCAS, RIMS DANG BCAS, YONGS SU GDUNG BA DANG BCAS PA YIN GYI, JI TZAM DU BDAG 'DI SHI PHAN CAD BDAG CHAD CING ZHIG LA MI 'BYUNG BA DE TZAM DU BDAG 'DI YANG DAG PAR SHIN TU LEGS PAR CHAD PA YIN NO, ,JI SRID DU 'DOD PA NA SPYOD PA'I LHA DANG, GZUGS NA SPYOD PA'I LHA DANG, GZUGS MED PA NAM MKHA' MTHA' YAS SKYE MCHED DU NYE BAR 'GRO ,GZUGS MED PA RNAM SHES MTHA' YAS SKYE MCHED DU NYE BAR 'GRO, GZUGS MED PA CI'ANG MED PA'I SKYE MCHED DU NYE BAR 'GRO, GZUGS MED PA 'DU SHES MED 'DU SHES MED MIN SKYE MCHED DU NYE BAR 'GRO ZHING GSON LA 'DUG STE, 'TSO ZHING SDOD PAR 'GYUR BA DE SRID DU NAD DANG BCAS, 'BRAS DANG BCAS, ZUG RDU DANG BCAS, RIMS DANG BCAS, YONGS SU GDUNG BA DANG BCAS PA YIN GYI, JI TZAM DU BDAG 'DI SHI PHAN CAD BDAG CHAD CING ZHIG LA MI 'BYUNG BA DE TZAM DU BDAG 'DI YANG DAG PAR SHIN TU

510a

, ,LEGS PAR CHAD PA YIN NO SNYAM DU SEMS PA DE DAG KYANG YANG DAG PA JI LTA BA BZHIN DU RAB TU MKHYEN TO, ,DGE SLONG DAG ,DGE SBYONG DANG BRAM ZE SHES PA DANG LDAN PA, CHAD PAR SMRA BA, SEMS CAN YOD PA LA CHAD PA DANG, 'JIG PA DANG, MED PAR 'DOGS PAR BYED PA DE DAG LA NI, MI SHES PA'I PHUNG PO'I LHAG MA YOD DO, ,JI TZAM DU MI SHES PA'I PHUNG PO'I LHAG MA YOD PA DE TZAM DU 'JIG TSOGS KYIS 'JIG PA YOD PAS 'JIG TSOGS KYIS 'JIGS SHING SKRAG STE, 'JIG TSOGS KHO NA LA YONGS SU SMOD PAR BYED CING YONGS SU SMOD PAR BYED PA DE'I TSE DE DAG 'JIG TSOGS KHO NA LA RJES SU CHAGS PA YIN NO, ,DGE SLONG DAG ,DE YANG RAGS PA, 'DUS BYAS PA, BSAM PA; RTEN CING 'BREL PAR 'BYUNG BA YIN TE, 'DI LTAR 'DU BYED RNAMS YOD NA 'DU BYED RNAMS KYI 'GOG PA'ANG YOD PAS NA DE BZHIN GSHEGS PAS DE YOD PAR THUGS SU CHUD NAS DE LAS PHYIR LDOG CING, DE LA ZHI BAR GZIGS, NGES PAR 'BYUNG BAR GZIGS SHING BZHUGS SO, ,DGE SLONG DAG ,PHYI MA'I MTHAR RTOG PA DAG PHYI MA'I MTHA' DANG LDAN PA'I LTA BA'I RNAM PA DAG MNGON PAR BRJOD PA MNGON PAR RJOD PAR BYED PA NI, DE SNYED YOD DE, DE DAG PHYI MA'I MTHA' DANG LDAN PA'I LTA BA'I RNAM PA RNAMS SHES PAR BYA'O, ,DGE

510b

SLONG DAG ,SNGON GYI MTHAR RTOG PA DAG SNGON GYI MTHA' DANG LDAN PA'I LTA BA'I RNAM PA DAG MNGON PAR BRJOD PA MNGON PAR RJOD PAR BYED PA JI SNYED YOD CE NA, DGE SLONG DAG ,DGE SBYONG DANG BRAM ZE GANG DAG SNGON GYI MTHAR RTOG PA DE DAG KHA CIG BDAG DANG 'JIG RTEN RTAG PA DANG, BDAG DANG 'JIG RTEN MI RTAG PA DANG, RTAG KYANG RTAG LA MI RTAG KYANG MI RTAG PA DANG, RTAG PA'ANG MA YIN MI RTAG PA'ANG MA YIN PA DANG, BDAG DANG SDUG BSNGAL RTAG PA DANG, BDAG DANG SDUG BSNGAL MI RTAG PA DANG, RTAG KYANG RTAG LA MI RTAG KYANG MI RTAG PA DANG, RTAG PA'ANG MA YIN MI RTAG PA'ANG MA YIN PA DANG, BDAG DANG 'JIG RTEN RANG GIS BYAS PA DANG, BDAG DANG 'JIG RTEN GZHAN GYIS BYAS PA DANG, RANG GIS KYANG BYAS LA GZHAN GYIS KYANG BYAS PA DANG, RANG GIS KYANG MA BYAS LA GZHAN GYIS KYANG MA BYAS PAR RGYU MED PA LAS BYUNG BA DANG, BDAG DANG SDUG BSNGAL RANG GIS BYAS PA DANG, BDAG DANG SDUG BSNGAL GZHAN GYIS BYAS PA DANG, RANG GIS KYANG BYAS LA GZHAN GYIS KYANG BYAS PA DANG, RANG GIS KYANG MA BYAS LA GZHAN GYIS KYANG MA BYAS PAR RGYU MED PA LAS BYUNG NGO, ,ZHES DE LTAR LTA ZHING DE SKAD SMRA BA DAG KYANG YOD DO; DE BZHIN GSHEGS PAS DGE SBYONG DANG BRAM ZE GANG DAG SNGON GYI MTHAR RTOG PA DE DAG KHA CIG BDAG DANG 'JIG RTEN RTAG GO ,ZHES DE LTAR LTA ZHING DE SKAD SMRA LA MNGON PAR

511a

, ,BRJOD PA MNGON PAR RJOD PAR BYED PA DE DAG KYANG YANG DAG PA JI LTA BA BZHIN DU RAB TU MKHYEN TE, DGE SBYONG DANG BRAM ZE DE DAG DAD PA MED PA DANG, 'DOD PA MED PA DANG, THOS PA BRGYUD PA MED PA DANG, RNAM PA LA YONGS SU RTOG PA MED PA DANG, MTHONG BAS NGES PAR RTOGS PA'I BZOD PA MED PAR YANG RTOGS NAS SHES PA DE YOD PAR SEMS PA DE NI, GNAS MED DO, ,DGE SBYONG DANG BRAM ZE SHES PA DANG LDAN PA DE DANG DE DAG RTOGS NAS SHES PA MED KYANG BDAG NYID SHES PA SMRA BA, YONGS SU BYANG BA NYID YIN PAR MGO GCIG TU 'JOG PAR BYED PA DE NI, DE DAG GI MI SHES PA KHO NA YIN PAR SNANG STE, DGE SLONG DAG ,DE YANG RAGS PA, 'DUS BYAS PA, BSAM PA, RTEN CING 'BREL PAR 'BYUNG BA YIN TE, 'DI LTAR 'DU BYED RNAMS YOD NA 'DU BYED RNAMS KYI 'GOG PA'ANG YOD PAS NA, DE BZHIN GSHEGS PAS DE YOD PAR THUGS SU CHUD NAS DE LAS PHYIR LDOG CING DE LA ZHI BAR GZIGS, NGES PAR 'BYUNG BAR GZIGS SHING BZHUGS SO, ,DE BZHIN GSHEGS PAS DGE SBYONG DANG BRAM ZE GANG DAG SNGON GYI MTHAR RTOGS PA DE DAG KHA CIG BDAG DANG 'JIG RTEN RTAG PA DANG, BDAG DANG 'JIG RTEN MI RTAG PA DANG, RTAG KYANG RTAG LA MI RTAG KYANG MI RTAG PA DANG, RTAG PA'ANG MA YIN MI

511b

RTAG PA'ANG MA YIN PA DANG, BDAG DANG SDUG BSNGAL RTAG PA DANG, BDAG DANG SDUG BSNGAL MI RTAG PA DANG, RTAG KYANG RTAG LA MI RTAG KYANG MI RTAG PA DANG, RTAG PA'ANG MA YIN MI RTAG PA'ANG MA YIN PA DANG, BDAG DANG 'JIG RTEN RANG GIS BYAS PA DANG, BDAG DANG 'JIG RTEN GZHAN GYIS BYAS PA DANG, RANG GIS KYANG BYAS LA GZHAN GYIS KYANG BYAS PA DANG, RANG GIS KYANG MA BYAS GZHAN GYIS KYANG MA BYAS PAR RGYU MED PA LAS BYUNG BA DANG, BDAG DANG SDUG BSNGAL RANG GIS BYAS PA DANG, BDAG DANG SDUG BSNGAL GZHAN GYIS BYAS PA DANG, RANG GIS KYANG BYAS LA GZHAN GYIS KYANG BYAS PA DANG, RANG GIS KYANG MA BYAS GZHAN GYIS KYANG MA BYAS PAR RGYU MED PA LAS BYUNG NGO, ,ZHES DE LTAR LTA ZHING DE SKAD SMRA LA MNGON PAR BRJOD PA MNGON PAR RJOD PAR BYED PA DE DAG KYANG YANG DAG PA JI LTA BA BZHIN DU RAB TU MKHYEN TE, DGE SBYANG DANG BRAM ZE DE DAG DAD PA MED PA DANG, 'DOD PA MED PA DANG, THOS PA BRGYUD PA MED PA DANG, RNAM PA LA YONGS SU RTOG PA MED PA DANG, MTHONG BA NGES PAR RTOG PA'I BZOD PA MED PAR YANG RTOGS NAS SHES PA DE YOD PAR SEMS PA DE NI, GNAS MED DO, ,DGE SBYONG DANG BRAM ZE SHES PA DANG LDAN PA DE DANG DE DAG RTOGS NAS SHES PA MED KYANG BDAG NYID SHES PA SMRA BA YONGS SU BYANG BA NYID YIN PAR MGO GCIG TU 'JOG PAR BYED PA DE NI, DE DAG GI MI SHES PA KHO NA YIN

512a

, ,BAR SNANG STE, DGE SLONG DAG ,DE YANG RAGS PA, 'DUS BYAS PA, BSAM PA, RTEN CING 'BREL PAR 'BYUNG BA YIN TE, 'DI LTAR 'DU BYED RNAMS YOD NA 'DU BYED RNAMS KYI 'GOG PA'ANG YOD PAS NA, DE BZHIN GSHEGS PAS DE YOD PAR THUGS SU CHUD NAS DE LAS PHYIR LOG CING DE LA ZHI BAR GZIGS, NGES PAR 'BYUNG BAR GZIGS SHING BZHUGS SO, ,DGE SLONG DAG ,SNGON GYI MTHAR RTOG PA DAG SNGON GYI MTHA' DANG LDAN PA'I LTA BA'I RNAM PA DAG MNGON PAR BRJOD PA MNGON PAR RJOD PAR BYED PA NI, DE SNYED YOD DE, DE DAG NI, SNGON GYI MTHA' DANG LDAN PA'I LTA BA'I RNAM PA RNAMS ZHES BYA'O, ,DGE SLONG DAG ,TSE 'DI NYID LA MYA NGAN LAS 'DA' BAR SMRA BA DAG TSE 'DI NYID LA MYA NGAN LAS 'DA'O ZHES MNGON PAR BRJOD PA MNGON PAR RJOD PAR BYED PA JI SNYED YOD CE NA, DGE SLONG DAG ,'DI NA DGE SBYONG NGAM BRAM ZE LA LA SNGON GYI MTHA' DANG LDAN PA'I LTA BA'I RNAM PA DAG RAB TU SPANGS SHING PHYI MA'I MTHA' DANG LDAN PA'I LTA BA'I RNAM PA DAG RAB TU SPANGS NAS TSE 'DI NYID LA 'DOD PA'I KUN TU SBYOR BA DAG RAB TU SPANGS TE, RAB TU DBEN PA'I DGA' BA LUS KYIS MNGON SUM DU BYAS NAS BSGRUBS TE GNAS SHING DE 'DI SNYAM DU SEMS TE, 'DI LTAR BDAG SNGON GYI MTHA' DANG LDAN PA'I LTA BA'I RNAM PA DAG RAB TU SPANGS SHING

512b

PHYI MA'I MTHA' DANG LDAN PA'I LTA BA'I RNAM PA DAG RAB TU SPANGS NAS TSE 'DI NYID LA 'DOD PA'I KUN TU SBYOR BA RAB TU SPANGS TE, RAB TU DBEN PA'I DGA' BA LUS KYI MNGON SUM DU BYAS NAS BSGRUBS TE GNAS PA 'DI LTA STE, RAB TU DBEN PA'I DGA' BA 'DI NI, ZHI BA'O, ,'DI NI, GYA NOM PA'O SNYAM DU SEMS TE, DE BZHIN GSHEGS PAS DGE SBYONG NGAM BRAM ZE GANG SNGON GYI MTHA' DANG LDAN PA'I LTA BA'I RNAM PA DAG RAB TU SPANGS SHING PHYI MA'I MTHA' DANG LDAN PA'I LTA BA'I RNAM PA DAG KYANG RAB TU SPANGS NAS TSE 'DI NYID LA 'DOD PA'I KUN TU SBYOR BA RAB TU SPANGS TE, RAB TU DBEN PA'I DGA' BA LUS KYIS MNGON SUM DU BYAS NAS BSGRUBS TE GNAS SHING DE 'DI SNYAM DU SEMS TE, 'DI LTAR BDAG SNGON GYI MTHA' DANG LDAN PA'I LTA BA'I RNAM PA DAG RAB TU SPANGS SHING, PHYI MA'I MTHA' DANG LDAN PA'I LTA BA'I RNAM PA DAG KYANG RAB TU SPANGS NAS TSE 'DI NYID LA 'DOD PA'I KUN TU SBYOR BA RAB TU SPANGS TE RAB DBEN PA'I DGA' BA LUS KYIS MNGON SUM DU BYAS NAS BSGRUBS TE GNAS PA 'DI LTA STE, RAB TU DBEN PA'I DGA' BA 'DI NI, ZHI BA'O, ,'DI NI, GYA NOM PA'O SNYAM DU SEMS PA DE'ANG YANG DAG PA JI LTA BA BZHIN DU RAB TU MKHYEN TO, DGE SLONG DAG ,RAB TU DBEN PA'I DGA' BA DANG, MI RTAG PA DANG, 'GOG PA'I CHOS CAN YIN TE, RAB TU DBEN PA'I

513a

, ,BDE BA 'GAGS PA LAS YID MI BDE BA 'BYUNG BAR 'GYUR LA YID MI BDE BA 'GAGS PA LAS KYANG RAB TU DBEN PA'I DGA' BA 'BYUNG BAR 'GYUR TE, DGE SLONG DAG ,'DI LTA STE, DPER NA, GANG GI TSE GRIB MA 'BRI BA DE'I TSE NYI MAS KHYAB PAR BYED LA, GANG GI TSE NYI MA 'BRI BA DE'I TSE GRIB MAS KHYAB PAR BYED DO, ,DE BZHIN DU RAB TU DBEN PA'I DGA' BA 'GAGS PA LAS KYANG YID MI BDE BA 'BYUNG BAR 'GYUR LA, YID MI BDE BA 'GAGS PA LAS KYANG RAB TU DBEN PA'I DGA' BA 'BYUNG BAR 'GYUR TE, DGE SLONG DAG, DE YANG RAGS PA, 'DUS BYAS PA, BSAM PA, RTEN CING 'BREL BAR 'BYUNG BA YIN TE, 'DI LTAR 'DU BYED RNAMS YOD NA 'DU BYED RNAMS KYI 'GOG PA'ANG YOD PAS NA, DE BZHIN GSHEGS PAS DE YOD PAR THUGS SU CHUD NAS DE LAS PHYIR LDOG CING DE LA ZHI BAR GZIGS, NGES PAR 'BYUNG BAR GZIGS SHING BZHUGS SO, ,DGE SLONG DAG ,GZHAN YANG 'DI NA DGE SBYONG NGAM BRAM ZE LA LA SNGON GYI MTHA' DANG LDAN PA'I LTA BA'I RNAM PA DAG RAB TU SPANGS SHING, PHYI MA'I MTHA' DANG LDAN PA'I LTA BA'I RNAM PA DAG KYANG RAB TU SPANGS NAS TSE 'DI NYID LA 'DOD PA'I KUN TU SBYOR BA DAG RAB TU SPANGS TE, RAB TU DBEN PA'I DGA' BA LAS YANG DAG PAR 'DAS

513b

SHING, ZANG ZING MED PA'I BDE BA LUS KYIS MNGON SUM DU BYAS NAS BSGRUBS TE GNAS LA DE 'DI SNYAM DU SEMS TE, 'DI LTAR BDAG SNGON GYI MTHA' DANG LDAN PA'I LTA BA'I RNAM PA DAG RAB TU SPANGS SHING, PHYI MA'I MTHA' DANG LDAN PA'I LTA BA'I RNAM PA DAG KYANG RAB TU SPANGS NAS TSE 'DI NYID LA 'DOD PA'I KUN TU SBYOR BA RAB TU SPANGS TE RAB TU DBEN PA'I DGA' BA LAS YANG DAG PAR 'DAS SHING ZANG ZING MED PA'I BDE BA LUS KYIS MNGON SUM DU BYAS NAS BSGRUBS TE GNAS PA 'DI LTA STE, ZANG ZING MED PA'I BDE BA 'DI NI, ZHI BA'O, ,'DI NI, GYA NOM PA'O SNYAM DU SEMS SO, ,DE BZHIN GSHEGS PAS DGE SBYONG NGAM BRAM ZE GANG SNGON GYI MTHA' DANG LDAN PA'I LTA BA'I RNAM PA DAG RAB TU SPANGS SHING PHYI MA'I MTHA' DANG LDAN PA'I LTA BA'I RNAM PA DAG KYANG RAB TU SPANGS NAS TSE 'DI NYID LA 'DOD PA'I KUN TU SBYOR BA RAB TU SPANGS TE RAB TU DBEN PA'I DGA' BA LAS YANG DAG PAR 'DAS SHING, ZANG ZING MED PA'I BDE BA LUS KYIS MNGON SUM DU BYAS NAS BSGRUBS TE GNAS LA DE 'DI SNYAM DU SEMS TE, 'DI LTAR BDAG SNGON GYI MTHA' DANG LDAN PA'I LTA BA'I RNAM PA DAG RAB TU SPANGS SHING, PHYI MA'I MTHA' DANG LDAN PA'I LTA BA'I RNAM PA DAG KYANG RAB TU SPANGS NAS TSE 'DI NYID LA 'DOD PA'I KUN TU SBYOR BA RAB TU SPANGS TE RAB TU DBEN PA'I DGA' BA

514a

, ,LAS YANG DAG PAR 'DAS SHING ZANG ZING MED PA'I BDE BA LUS KYIS MNGON SUM DU BYAS NAS BSGRUBS TE GNAS PA 'DI LTA STE, ZANG ZING MED PA'I BDE BA 'DI NI, ZHI BA'O, ,'DI NI, GYA NOM PA'O SNYAM DU SEMS PA DE YANG YANG DAG PA JI LTA BA BZHIN DU RAB TU MKHYEN TO, ,DGE SLONG DAG ,ZANG ZING MED PA'I BDE BA'ANG MI RTAG PA DANG, 'GOG PA'I CHOS CAN YIN TE, ZANG ZING MED PA'I BDE BA 'GAGS PA LAS SDUG BSNGAL 'BYUNG BAR 'GYUR LA, SDUG BSNGAL 'GAGS PA LAS KYANG ZANG ZING MED PA'I BDE BA 'BYUNG BAR 'GYUR TE, DGE SLONG DAG ,'DI LTA STE, DPER NA, 'OD PA'I CHU NI, LAN 'GA' 'BRI ZHING LAN 'GA' SKYE BAR 'GYUR RO, ,DE BZHIN DU ZANG ZING MED PA'I BDE BA 'GAGS PA LAS KYANG SDUG BSNGAL 'BYUNG BAR 'GYUR LA, SDUG BSNGAL 'GAGS PA LAS KYANG ZANG ZING MED PA'I BDE BA 'BYUNG BAR 'GYUR TE, DGE SLONG DAG ,DE YANG RAGS PA, 'DUS BYAS PA, BSAM PA, RTEN CING 'BREL BAR 'BYUNG BA YIN TE, 'DI LTAR 'DU BYED RNAMS YOD NA 'DU BYED RNAMS KYI 'GOG PA YOD PAS NA, DE BZHIN GSHEGS PAS DE YOD PAR THUGS SU CHUD NAS DE LAS PHYIR LDOG CING DE LA ZHI BAR GZIGS, NGES PAR 'BYUNG BAR GZIGS SHING BZHUGS SO, ,DGE SLONG DAG ,GZHAN

514b

YANG 'DI NA DGE SBYONG NGAM BRAM ZE LA LA SNGON GYI MTHA' DANG LDAN PA'I LTA BA'I RNAM PA DAG RAB TU SPANGS SHING PHYI MA'I MTHA' DANG LDAN PA'I LTA BA'I RNAM PA DAG KYANG RAB TU SPANGS NAS TSE 'DI NYID LA 'DOD PA'I KUN TU SBYOR BA RAB TU SPANGS TE, RAB TU DBEN PA'I DGA' BA LAS YANG DAG PAR 'DAS SHING ZANG ZING MED PA'I BDE BA LAS KYANG YANG DAG PAR 'DAS TE SDUG BSNGAL YANG MA YIN, BDE BA'ANG MA YIN PA'I TSOR BA LUS KYIS MNGON SUM DU BYAS NAS BSGRUBS TE GNAS LA, DE 'DI SNYAM DU SEMS TE, 'DI LTAR BDAG SNGON GYI MTHA' DANG LDAN PA'I LTA BA'I RNAM PA DAG RAB TU SPANGS SHING PHYI MA'I MTHA' DANG LDAN PA'I LTA BA'I RNAM PA DANG KYANG RAB TU SPANGS NAS TSE 'DI NYID LA 'DOD PA'I KUN TU SBYOR BA RAB TU SPANGS TE, RAB TU DBEN PA'I DGA' BA LAS YANG DAG PAR 'DAS SHING ZANG ZING MED PA'I BDE BA LAS KYANG YANG DAG PAR 'DAS TE SDUG BSNGAL YANG MA YIN, BDE BA'ANG MA YIN PA'I TSOR BA LUS KYIS MNGON SUM DU BYAS NAS BSGRUBS TE GNAS PA 'DI LTA STE, SDUG BSNGAL YANG MA YIN, BDE BA'ANG MA YIN PA'I TSOR BA 'DI NI, ZHI BA'O, ,'DI NI, GYA NOM PA'O SNYAM DU SEMS TE, DE BZHIN GSHEGS PAS DGE SBYONG NGAM BRAM ZE GANG SNGON GYI MTHA' DANG LDAN PA'I LTA BA'I RNAM PA DAG RAB TU SPANGS SHING PHYI MA'I MTHA' DANG LDAN PA'I LTA BA'I

515a

, ,RNAM PA DAG KYANG RAB TU SPANGS NAS TSE 'DI NYID LA 'DOD PA'I KUN TU SBYOR BA RAB TU SPANGS TE, RAB TU DBEN PA'I DGA' BA LAS YANG DAG PAR 'DAS SHING ZANG ZING MED PA'I BDE BA LAS KYANG YANG DAG PAR 'DAS TE SDUG BSNGAL BA'ANG MA YIN BDE BA'ANG MA YIN PA'I TSOR BA LUS KYI MNGON SUM DU BYAS NAS BSGRUBS TE GNAS LA; DE 'DI SNYAM DU SEMS TE, 'DI LTAR BDAG SNGON GYI MTHA' DANG LDAN PA'I LTA BA'I RNAM PA DAG RAB TU SPANGS SHING PHYI MA'I MTHA' DANG LDAN PA'I LTA BA'I RNAM PA DAG KYANG RAB TU SPANGS NAS TSE 'DI NYID LA 'DOD PA'I KUN TU SBYOR BA RAB TU SPANGS TE, RAB TU DBEN PA'I DGA' BA LAS YANG DAG PAR 'DAS SHING, ZANG ZING MED PA'I BDE BA LAS KYANG YANG DAG PAR 'DAS TE SDUG BSNGAL YANG MA YIN BDE BA'ANG MA YIN PA'I TSOR BA LUS KYIS MNGON SUM DU BYAS NAS BSGRUBS TE GNAS PA 'DI LTA STE, SDUG BSNGAL YANG MA YIN, BDE BA'ANG MA YIN PA'I TSOR BA 'DI NI, ZHI BA'O, ,'DI NI, GYA NOM PA'O SNYAM DU SEMS PA DE'ANG YANG DAG PA JI LTA BA BZHIN DU RAB TU MKHYEN TO, ,DGE SLONG DAG, SDUG BSNGAL BA'ANG MA YIN BDE BA'ANG MA YIN PA'I TSOR BA'ANG MI RTAG PA DANG, 'GOG PA'I CHOS CAN YIN TE, SDUG BSNGAL YANG MA YIN, BDE BA'ANG MA YIN PA'I TSOR BA

515b

'GAGS PA LAS BDE BA DANG, SDUG BSNGAL 'BYUNG BAR 'GYUR LA, BDE BA DANG SDUG BSNGAL 'GAGS PA LAS KYANG SDUG BSNGAL YANG MA YIN, BDE BA'ANG MA YIN PA'I TSOR BA 'BYUNG BAR 'GYUR TE, DGE SLONG DAG, 'DI LTA STE, DPER NA, 'KHAR BA NAM MKHA' LA 'PHANGS NA, YANG NA NI, YU BAS PHYIR LHUNG NGO, ,YANG NA NI, RTZE MOS SO, ,DGE SLONG DAG ,DE BZHIN DU SDUG BSNGAL YANG MA YIN, BDE BA'ANG MA YIN PA'I TSOR BA 'GAGS PA LAS KYANG BDE BA DANG SDUG BSNGAL 'BYUNG BAR 'GYUR LA, BDE BA DANG SDUG BSNGAL 'GAGS PA LAS KYANG SDUG BSNGAL YANG MA YIN, BDE BA'ANG MA YIN PA'I TSOR BA 'BYUNG BAR 'GYUR TE, DGE SLONG DAG ,DE YANG RAGS PA, 'DUS BYAS PA, BSAM PA, RTEN CING 'BREL BAR 'BYUNG BA YIN TE, 'DI LTAR 'DU BYED RNAMS YOD NA 'DU BYED RNAMS KYI 'GOG PA YANG YOD PAS NA, DE BZHIN GSHEGS PAS DE YOD PAR THUGS SU CHUD NAS DE LAS PHYIR LDOG CING DE LA ZHI BAR GZIGS, NGES PAR 'BYUNG BAR GZIGS SHING BZHUGS SO, ,DGE SLONG DAG ,GZHAN YANG 'DI NA DGE SBYONG NGAM BRAM ZE LA LAS SNGON GYI MTHA' DANG LDAN PA'I LTA BA'I RNAM PA DAG RAB TU SPANGS SHING PHYI MA'I MTHA' DANG LDAN PA'I LTA BA'I RNAM PA DAG KYANG RAB TU SPANGS NAS TSE 'DI NYID LA 'DOD PA'I KUN TU SBYOR BA RAB TU SPANGS TE, RAB TU DBEN PA'I DGA' BA

516a

, ,LAS YANG DAG PAR 'DAS SHING ZANG ZING MED PA'I BDE BA LAS KYANG YANG DAG PAR 'DAS, SDUG BSNGAL YANG MA YIN, BDE BA'ANG MA YIN PA'I TSOR BA LAS KYANG YANG DAG PAR 'DAS NAS 'DI SKAD CES NGA NI, ZHI PA'O, ,NGA NI, MYA NGAN LAS 'DAS PA'O, ,NGA NI, SRED PA MED PA'O, ,NGA NI, NYE BAR LEN PA MED PA STE, NGA LA SNGON BDAG YOD PAR GYUR PA DE NI, DA LTAR NGA LA MED DO, ,ZHES ZER TE, DE BZHIN GSHEGS PAS DGE SBYONG NGAM BRAM ZE GANG SNGON GYI MTHA' DANG LDAN PA'I LTA BA'I RNAM PA DAG RAB TU SPANGS SHING PHYI MA'I MTHA' DANG LDAN PA'I LTA BA'I RNAM PA DAG KYANG RAB TU SPANGS NAS TSE 'DI NYID LA 'DOD PA'I KUN TU SBYOR BA RAB TU SPANGS TE, RAB TU DBEN PA'I DGA' BA LAS YANG DAG PAR 'DAS SHING ZANG ZING MED PA'I BDE BA LAS KYANG YANG DAG PAR 'DAS, SDUG BSNGAL YANG MA YIN, BDE BA'ANG MA YIN PA'I TSOR BA LAS KYANG YANG DAG PAR 'DAS NAS 'DI SKAD CES NGA NI, ZHI BA'O, ,NGA NI, MYA NGAN LAS 'DAS PA'O, ,NGA NI, SRED PA MED PA'O, ,NGA NI, NYE BAR LEN PA MED PA STE, NGA LA SNGON BDAG YOD PAR GYUR BA DE NI, DA LTAR NGA LA MED DO, ,ZHES ZER BA DE YANG YANG DAG PA JI LTA BA BZHIN DU RAB TU MKHYEN TO, ,DE NI, 'DI LTAR RIG PAR BYA STE, TSE DANG LDAN PA DE NI, NYE BAR LEN PA

516b

DANG MTHUN PAR 'GRO BA'I LAM GANG YIN PA LAS KYANG DAG PAR MA 'DAS PAR RIG PAR BYA'O, ,DES NI, 'DI LTAR 'DOD PAR BYA STE, YANG SNGON GYI MTHA' DANG LDAN PA'I LTA BA'I RNAM PA GANG YIN PA DAG NYE BAR LEN PAR 'GYUR BA DANG, PHYI MA'I MTHA' DANG LDAN PA'I LTA BA'I RNAM PA DAG KYANG NYE BAR LEN PAR 'GYUR BA DANG, TSE 'DI NYID LA 'DOD PA'I KUN TU SBYOR BA'ANG NYE BAR LEN PAR 'GYUR BA DANG, RAB TU DBEN PA'I DAG BA'ANG NYE BAR LEN PAR GYUR BA DANG, ZANG ZING MED PA'I BDE BA'ANG NYE BAR LEN PAR 'GYUR BA DANG, SDUG BSNGAL YANG MA YIN BDE BA YANG MA YIN PA'I TSOR BA YANG NYE BAR LEN PAR 'GYUR BAR 'DOD PAR BYA'O, ,YANG DE 'DI SKAD CES NGA NI, ZHI BA'O, ,NGA NI, MYA NGAN LAS 'DAS PA'O, ,NGA NI; SRED PA MED PA'I, ,NGA NI, NYE BAR LEN PA MED PA STE, NGA LA SNGON BDAG YOD PAR GYUR PA DE NI, DA LTAR NGA LA MED DO, ,ZHES ZER BA DE LA NYE BAR LEN PA YOD PA KHO NAR SNANG STE, DGE SLONG DAG, DE YANG RAGS PA, 'DUS BYAS PA, BSAM PA, RTEN CING 'BREL BAR 'BYUNG BA YIN TE, 'DI LTAR 'DU BYED RNAMS YOD NA 'DU BYED RNAMS KYI 'GOG PA'ANG YOD PAS NA DE BZHIN GSHEGS PAS DE YOD PAR THUGS SU CHUD NAS DE LAS PHYIR LOG CING DE LA ZHI BAR GZIGS, NGES PAR 'BYUNG BAR GZIGS SHING BZHUGS TE, DGE SLONG DAG ,TSE

517a

, ,'DI NYID LA MYA NGAN LAS 'DA' BAR SMRA BA DAG TSE 'DI NYID LA MYA NGAN LAS 'DA' BAR MNGON PAR BRJOD PA MNGON PAR RJOD PAR BYED PA NI ,DE SNYED YOD DO, , DGE SLONG DAG ,GZHAN YANG SKYES BU 'DUL BA'I KHA LO SGYUR BA BLA NA MED PA NGAS RANG GI MNGON PAR SHES PAS MNGON PAR RDZOGS PAR SANGS RGYAS TE BSHAD PA GO 'PHANG DAM PA GZHAN YANG YOD DO, ,DGE SLONG DAG ,SKYES BU 'DUL BA'I KHA LO SGYUR BA'I BLA NA MED PA NGAS RANG GI MNGON PAR SHES PAS MNGON PAR RDZOGS PAR SANGS RGYAS TE BSHAD PA GO 'PHANG DAM PA GZHAN DE GANG ZHE NA, DGE SLONG DAG ,'DI LTA STE, ZAG PA RNAMS ZAD PAS ZAG PA MED CING MNGON PAR 'DUS MA BYAS PA'I RNAM PAR GROL BA STE, DAG SLONG DAG ,DE NI, SKYES BU GDUL BYA'I KHA LO SGYUR BA BLA NA MED PA NGAS RANG GI MNGON PAR SHES PAS MNGON PAR SHES PA MNGON PAR RDZOGS PAR SANGS RGYAS TE BSHAD PA GO 'PHANG DAM PA YIN NO, ,BCOM LDAN 'DAS KYIS DE SKAD CES BKA' STZAL NAS DGE SLONG DE DAG YI RANG STE BCOM LDAN 'DAS KYIS GSUNGS PA LA MNGON PAR BSTOD DO; ;BAR SDOM NI, 'DU SHES THA DAD GZUGS CAN DANG, CHAD DANG RTAG PAR LTA BA DANG, ,GRIB DANG CHU DANG 'KHAR BA DANG, ,SKYES BU GDUL BYA THA MA YIN, ,MDO CHEN PO LNGA

517b

GSUM PA ZHES BYA BA RDZOGS SO,, ,,RGYA GAR GYI MKHAN PO DZI NA MI TRA DANG, PRA DZNY'A WARMA DANG, ZHU CHEN GYI LO TZ'A BA BANDHE YE SHES SDE LA SOGS PAS BSGYUR CING ZHUS TE GTAN LA PHAB PA,