, ,RGYA GAR SKAD DU, N'I L'AMBA RA BADZRA DHA RA BADZRA P'A nI RO shA S'A DHA NAm, BOD SKAD DU, PHYAG NA RDO RJE GOS SNGON PO CAN GTUM PO ZHES BYA BA'I SGRUB THABS, 'PHAGS PA 'JAM DPAL LA PHYAG 'TSAL LO, ,G-YON BRKYANG PA YI GDAN LA BZHUGS, ,RDO RJE BSNAMS SHING KLU RNAMS 'DUL, ,RGYAL LDAN KHRO BO'I RGYAL LA 'DUD, ,JI LTAR RTOG PA RGYUD NAS BRI, ,SNYING BRTZE SHES RAB DAD DANG, ,DBANG DANG RJES GNANG SGRUB PA POS, ,GNAS KHANG ME TOG GCAL BKRAM NAS, ,BDE BA'I STAN LA NYER 'DUG STE, ,RJE BTZUN LA SOGS SPYAN DRANGS NAS, ,MCHOD CING BSHAGS PA LA SOGS BYA, ,AOm SH'UN+YA T'A DZNY'A NA BADZRA SVA BH'A BA A'ATMA KONYA\HAm, DE NAS RANG SEMS H'Um DU BSAMS, ,'OD 'PHROS GYUR DANG SA GZHIR BSAMS, ,DE NAS H'Um LAS GZHAL YAS NI, ,RDO RJE SNGON PO LTE BAR BCAS, ,GRU BZHI SGO BZHI ZLA BA'I GDAN, ,H'Um LAS RDO RJE SKU BSKYED DE, ,BRKYANG BSKUM LJANG NAG RDO RJE G-YAS, ,SBRUL DANG STAG LPAGS SDIG PA G-YON, ,KHRO BO'I ZHAL MDOG THUGS KAR H'Um, ,DE LAS KHRO BO BZHI PO 'PHROS, , KHAMS GSUM RGYAL DANG SHIN TU KHROS, ,RDO RJE KHRO BO BDUD RTZI 'KHYIL, ,SGO BZHI DAG TU BSAM PAR BYA, ,SKU MDOG LJANG NAG PHUR BU BSNAMS, ,ZLA BA'I GDAN LA BRKYANG BSKUM BZHUGS, ,YE SHES LA SOGS SPYAN DRANGS BSTIM, ,SKU GSUNG BYIN BRLAB GNAS DRUG BSRUNG, AOm TZAndA MA H'A RO shA nA H'Um PHAt, PRA DZNY'ANTA KRi TA K'I LI K'I L'A YA H'Um PHAt, TZU TU TZU RU TZAndA K'I L'I K'I L'A YA PHAt, TR'A SA YA TR'A SA YA BADZRA K'I LI K'I L'A YA PHAt, NA MA:TZAndA AA MO GHA K'E L'A YA PHAt CES BZLAS PAR BYA'O, ,GTOR MA NI AOm H'Um HR'I:ZHES PAS BYIN GYIS BRLAB BO, ,RTZA BA'I SNGAGS KYIS
, ,DBUL BAR BYA'O, ,DAM PA'I BYIN RLABS PHAN PA CHEN PO THOB, ,'BRAS BU NYE BA NYID DU 'GRUB 'GYUR TE, ,DPAL LDAN BLA MA'I ZHAL GYI BDUD RTZI 'DI, ,BDAG GIS 'THUNGS NAS GZHAN LA PHAN PHYIR BRTZAMS, ,BDAG GIS SGRUB THABS 'DI BYAS PAS, ,BDAG DANG MTHA' YAS SEMS CAN RNAMS, ,BAR CHAD THAMS CAD RAB ZHI STE, ,PHYAG NA RDO RJE 'DRA BAR SHOG ,PHYAG NA RDO RJE GTUM PO'I SGRUB THABS AO dYAN GYI SLOB DPON AA MO PA NA DHA ZHES BYA BAS MDZAD PA RDZOGS SO,, ,,PAndI TA DE PA PURnA M'A TI DANG, LO TZ'A BA CHOS KYI BZANG POS BSGYUR BA'O,,