, ,RDO RJE RNAM PAR 'JOMS PA'I LAS SNA TSOGS SGRUB PA'I CHO GA BZHUGS, *, ,DPAL RDO RJE RNAM PAR 'JOMS PA LA PHYAG 'TSAL LO, ,DKAR ZHING SROG CHAGS NYUNG BA DANG, ,ZUG RNGU MED CING SNUM PA'I SA, ,ZHI BA'I THAB KHUNG SHING BRTZIGS TE, ,
, ,ME DBUS RANG LHAG LHA BSKYED LA, ,YE SHES GZHUG MCHOD BSTOD BYAS TE, ,SNGAGS MTHAR P'A PAm SH'ANTIm SBYAR, ,TIL DANG ME TOG DKAR BSREGS LA, ,'BAD BCAS THUN BZHI'I SBYOR BA YI, ,CHU BOR 'JUG DANG GOS DKAR GYON, ,'KHRU DANG SKYUGS DANG KHRAG 'DZAG SOGS, ,RMIS LTAS MTSAN MA MTHONG BA YI, ,SDIG PA THAMS CAD BYANG BAR BYED, ,BUM PA DKAR PO MTSAN NYID BZANG, ,DKAR PO'I RAS KYIS MGUL BA DKRIS, ,DGE BA'I SHING GIS KHA RGYAN PAR, ,RGYUN 'BAB CHU DANG DKAR PO'I DRIS, ,BKANG BAR RANG GI LHA BSKYED LA, , YE SHES GZHUG DANG MCHOD BSTOD BYA, ,SNGAGS MTHAR SDUG BSNGAL SH'ANTIm SBYAR, ,DKAR 'OD SPRO DANG BSDU BA'I MTHAR, ,LHA GZHUG BDUD RTZI CHUS BKRUS PAS, ,SDUG BSNGAL THAMS CAD MED PAR BYED, ,SER BA'I SA LAS BYAS PA'I THAB, ,ME TOG 'BRAS BU BZANG 'BYUNG ZHING, ,ME DBUS LHA BSKYED YE SHES BCUG ,MCHOD DANG BSTOD PAS MNYES BYAS LA, ,SNGAGS MTHAR PUshtIm KU RU SBYAR, ,'BRAS BU BZANG DANG ME TOG SER, ,MNGAR BA'I RDZAS RNAMS BSREGS PA YIS, ,DPAL NI RNAM PAR 'PHEL BAR BYED, ,RIN CHEN BUM PA DRI ZHIM CHU, ,GTZANG MA'I RAS KYIS MGUL PA DKRIS, ,BZANG PO'I SHING GIS KHA BRGYAN PA, ,LHA BSKYED YE SHES GNYIS MED LA, ,MCHOD DANG BSTOD PAS MNYES BYAS TE, ,AINDRA BI SHO DHA NA YA, ,SNGAGS MTHAR SBYAR BA BZLAS PA'I CHUS, ,LEGS BKRUS DBANG PO RNAM PAR SBYOR, ,RGYAS PA'I THAB TU DRI BZANG SHING, ,ME DBUS RANG LHAG LHA BSKYED DE, ,YE SHES GNYIS MED MCHOD DANG BSTOD, ,SNGAGS MTHAR A'A YU DH'A RA SBYAR, ,D'UR BA ME TOG SER BSREGS PAS, ,TSE ZAD PA DANG TSE NYAMS SKYOB, ,SNGAR BSTAN THAB TU BZANG PO'I SHING, ,ME DBUS LHA BSKYED YE SHES BSTIMS, ,MCHOD DANG BSTOD PAS LEGS MNYES BYAS, , SNGAGS MTHAR RGYAS PA'I SPEL TSIG DANG, ,'BRU SER ME TOG SER BSREGS PAS, ,PHUN SUM TSOGS PA 'PHEL BAR BYED, ,BUM BZANG GTZANG MA'I CHUS BKANG STE, ,'BRU SMAN RIN CHEN SNYING PO DRI, ,MA NYAMS RAS KYIS MGUL DKRIS SHING, ,BZANG PO'I SHING GIS KHA BRGYAN PAR, ,LHA
BSKYED YE SHES GZHUG MCHOD BSTOD, ,SHO DHA YA BI SHO DHA YA, MTHAR SBYAR SNGAGS BZLAS LEGS BKRUS PAS, ,LHA RNAMS MDUN GYI NYE BAR GNAS, ,DMAR BA'I SA LA DBANG BYED THAB, ,ME TOG DMAR 'BYUNG ZHING BRTZIGS PA'I, ,ME DBUS LHA BSKYED YE SHES BCUG ,MCHOD BSTOD WA SHAm M'A NA YA, ,SNGAGS KYI MTHAR SBYAR ME TOG DMAR, ,BSREGS PAS MDZA' SDUG DBANG DU BYED, ,TSE RA'I TSIL BU GU GUL DANG, ,YUNGS KAR CE SPYAD GLAD PAR SBYAR, ,BRGYA RTZA BRGYAD DU MNGON BSNGAGS PA, ,DUR KHROD GSOL BA'I ME LA BSREGS, ,BDUGS PAS BRAN BZA' SOGS LUS BDUGS, ,GDON GYIS GTZES LAS THAR BAR BYED, ,PADMA'I RTZA BA TZANDAN DMAR, ,MNGON PAR BSNGAGS PA'I ME SBAR TE, ,RIG SNGAGS BRGYA RTZA BRGYAD BZLAS PA'I, ,D'UR BAS RANG GI MIG BSKUS NA, ,PHAN TSUN MI MTHUN GNAS PA YANG, ,BLTAS PA TZAM GYIS MDZA' BOR 'GYUR, ,RGYAS PA'I THAB TU SHING BRTZIGS NAS, ,ME DBUS LHA BSKYED YE SHES BSTIM, ,MCHOD DANG BSTOD PAS LEGS MNYES BYA, ,PUshtIm KU RU MTHAR SBYAR BA'I, ,SNGAGS BCAS 'BRU RNAMS BSREGS PA YIS, ,NOR 'PHEL NOR 'GRIB 'JOMS PAR BYED, ,BZANG PO'I DUM PAR GTZANG MA'I CHU, ,'BRU SMAN RIN CHEN DRI BZANG LDAN, ,MNGON PAR BSNGAGS PAS LEGS BKRUS PAS, ,MYA NGAN DAL DANG GNOD PA 'JOMS, ,BLA GOS MTHA' LA BRGYA RTZA BRGYAD, ,MNGON BSNGAGS MDUD PA BDUN POR NAS, ,LAM DU ZHUGS NA MI BZAD PA'I, ,'JIGS DANG NYAM NGA LAS SGROL BYED, ,THO RANGS LHA YI BSAM GTAN LDAN, , SNGAGS KYIS MNGON PAR BSNGAGS PA YI, ,CHU DANG THAL BA YUNGS KAR GYIS, ,PHYOGS MTSAMS BCINGS PAS PHONGS PA 'JOMS, ,RIG SNGAGS KYIS BSNGAGS RDZA NA'I, ,BDUGS PAS GZA' LAS THAR BA DANG, ,GU GUL BDUG PAS LUS BDUGS PAS, ,RGYU SKAR GNOD PA 'JOMS PAR BYED, ,KHA DOG LNGA YI SKUD PA LA, ,RIG SNGAGS STONG PHRAG BDUN BZLAS NAS, ,GANG GI MGUL LAM DPUNG PA LAS, ,BCINGS PAS BYANG STEMS LAS GROL BYED, ,MI BZAD GDON GYIS NYEN PA LA, ,SNGAGS KYI CHU YIS LUS BKRUS NAS, ,GU GUL YUNGS NAG YI DAGS SKRA, ,KHVA YI
, ,GSHOG PA RMA BYA'I SHA, ,CE SBYANG RTUG PA SNGAGS BCAS PA'I, ,BDUGS PAS NGES PAR THAR BAR BYED, ,RMI LAM SDIG PA'I MTSAN MA MTHONG, ,GTZANG MA'I GOS GYON DRIS BDUGS TE, ,SHAR DU MNGON PAR PHYOGS PA YIS, ,RIG SNGAGS BRGYA RTZA BRGYAD BZLAS PA'I, ,CHU YIS KHRUS BYAS DGE BA DANG, ,SDIG MED DPAL DANG LDAN PAR BYED, ,DPAL RDO RJE RNAM PAR 'JOMS PA'I LAS SNA TSOGS SGRUB PA'I CHO GA RDZOGS SO,, ,,PAndI TA CHEN PO DZNY'A NA SHR'I DANG, LO TZ'A BA RAB ZHIS BSGYUR BA'O, ,