, ,RGYA GAR SKAD DU, BADZRA BI D'A RA nA KARMA TZA TU: S'A DHA NA KA LA SHA BI DHI:, BOD SKAD DU, RDO RJE RNAM PAR 'JOMS PA'I LAS BZHI SGRUB PA'I BUM PA'I CHO GA ,DPAL RDO RJE RNAM PAR 'JOMS PA LA PHYAG 'TSAL LO, ,GANG ZHIG RANG LHA LEGS BSNYEN PAS, ,BUM PA'I CHO GA ZHI LA SOGS, ,LAS BZHI MNGON PAR BSGRUB 'DOD PAS, ,LAS MTHUN GNAS SU BRTZAM PAR BYA, ,ZHI LA DNGUL DANG RGYAS LA GSER, ,DBANG LA ZANGS TE DRAG PO LCAGS, ,YANG NA KHAM PA'AM SHING YANG RUNG, ,LAS MTHUN KHA DOG CAN DU BYA, ,LAS MTHUN RAS KYIS MGUL PA DKRI, ,DGE BA'I SHING NGAM GDUG PA CAN, ,LAS DANG MTHUN PAS KHA BRGYAN TE, ,SU RU BHA TI TZANDAN DKAR, ,DMAR DANG 'BRU SMAN RIN CHEN LNGA, ,RGYUN 'BAB CHUS BKANG LAS GSUM LA'O, ,DRAG PO AA GAR NAG PO DANG, ,GU GUL RGYUN BRAL CHU YIS DGANG, ,RANG LHA'I BSAM GTAN LDAN PA YIS, ,BUM PAR LAS MTHUN LHA BSKYED DE, ,YE SHES MCHOD PA GNYIS MED BSTIM, ,SLAR YANG MCHOD DE BSTOD MNYES BYA, , SNGAGS BZLAS ZHI LA DKAR BA YIS, ,'OD ZER BSIL BA RNAM PAR SPROS, ,RGYAS LA BTZO MA'I GSER 'OD DANG, ,DBANG LA PADMA R'A GA'I MDOG ,DRAG PO LA 'OD KHA DOG NAG ,DRI NGA GDUNG BA BSKYED PA YIS, ,GANG REG NAD DANG GSON SDIG ZHI, ,TSE DANG STOBS 'PHEL LONGS SPYOD RGYAS, ,
, ,DBANG DU BYED DANG TSAR GCOD PAR, ,BSGOM DANG BZLAS LA SH'ANTIm DANG, ,PUshtIm WA SHAm M'A RA YA, ,SPEL BA GANG 'DOD LAS 'GRUB BYED, ,JI SRID MNGON PAR 'DOD PA YIS, ,BZLAS PA RDZOGS MTHAR LHA 'OD ZHU, ,SNGAGS KYI CHU YIS GANG BKRUS PA, ,DE LA ZHI SOGS 'DOD 'BRAS STER, , DPAL RDO RJE RNAM PAR 'JOMS PA'I LAS BZHI SGRUB PA'I BUM PA'I CHO GA ,PAndI TA CHEN PO DZNY'A NA SHR'IS MDZAD PA RDZOGS SO,, ,,PAndI TA DZNY'A NA SHR'I DANG, LO TZ'A BA RAB ZHIS BSGYUR BA'O,,