, ,RGYA GAR SKAD DU, ,SH'ANTIm HO MA BIDHI:, BOD SKAD DU, ZHI BA'I SBYIN SREG GI CHO GA, DPAL RDO RJE RNAM PAR 'JOMS PA LA PHYAG 'TSAL LO, ,ZUG RNGU'I NYES PA DANG BRAL BA, ,MI SHES MTSAN MA SPANGS PA DANG, ,MA RUNGS GDON BGEGS MI GNAS PAR, ,DKAR ZHING GTZANG LA SNUM PA'I SAR, ,KHRU GANG KUN NAS ZLUM PA'I DBYIBS, ,KHRU PHYED THUR DU BRUS PA'I KHUNG, ,KHA KHYER GYIS MDZES ZHI BA YI, ,MTSAN MA DKAR PO'I RDZAS KYIS BYUG ,DKAR ZHING DRI ZHIM 'O MA CAN, ,REG NA ZUG RNGU DANG BRAL BA, ,ZLA MDOG ME TOG 'BYUNG BA'I SHING, ,KHUNG DANG RJES MTHUN DBYIBS SU BRTZIGS, ,MCHOD PA BSREGS PA'I YO BYAD RNAMS, ,LAS DANG RJES MTHUN NYER BSAGS TE, ,ME SPAR ME DBUS RAm LAS LHA, ,MDOG DKAR BGRANG PHRENG DBYU GU DANG, ,MI 'JIGS SPYI BLUGS 'DZIN PA BSKYED,, YI SHES ME BKUG GNYIS MED BSTIM, ,MCHOD DANG BSTOD DANG BSREGS PA'I MTHAR, ,SLAR YANG MCHOD BSTOD MNYES PA YI, ,ME LHA 'BAR BA'I ME DBUS SU, ,RANG LHAG LHAR BSKYED YE SHES BSTIM, ,DER YANG MCHOD DANG BSTOD PA DANG, ,BSREG PA'I RDZAS KYIS MNYES PA DANG, ,MCHOD BSTOD 'DOD DON GSOL BA GDAB, ,YI GE BRGYA PAS YONGS BSKANG NAS, ,GSHEGS BSDU SLAR YANG ME LHA YI, ,MCHOD BSREG RDZAS KYIS TSIM BYAS LA, ,'DOD DON LAS KYI GSOL GDAB STE, ,GSHEGS GSOL NYE BAR BSDU BAR BYA, ,ZHI BA'I SBYIN SREG GI CHO GA RDZOGS SO,, ,,