`, ,RNAM PAR 'JOMS PA YE SHES SKU, ,RAB TU BTUD NAS MDOR BSDUS BSHAD, ,DBEN GNAS 'DUG LA MAndAL BCA', ,KHRUS BYAS GOS BGOS MCHOD PA BSHAM, ,SBYAN DRANGS LA SOGS SNGON 'GRO BAS, ,TSAD MED BZHI PO BSGOM PAR BYA, ,DE NAS STONG PA NYID BSGOMS TE, ,RANG SEMS ZLA BAR H'Um BSAM BYA, ,H'Um LAS 'OD ZER 'PHROS PA YIS, ,RDO RJE RAB DRA BA DANG, ,'GRO BA'I DON MDZAD TSUR 'DUS TE, ,H'Um LAS RDO RJE RTZE LNGAR GYUR, GNAG CING 'BAR BA'I ME 'OD BCAS, ,DE LAS 'OD ZER 'PHROS PA YIS, ,SNGAR BZHIN SEMS CAN DON BYAS TE, ,SLAR YANG RDO RJE NYID LA 'DUS, ,RDO RJE YONGS GYUR SKU RU GSAL, ,SKU MDOG MTHING NAG SPYAN GSUM PA, ,NYI MA'I DKYIL 'KHOR RNAM PAR GNON, ,PHYAG GNYIS THABS DANG SHES RAB BRDA, ,ZHABS GNYIS STAG GI PAGS PA BSNAMS, ,KLU LNGAS LUS BRGYAN ME DPUNG 'BAR, ,DE LTAR RNAM PAR BSGOMS NAS KYANG, ,YE SHES KHRO BO SPYAN DRANGS TE, ,MCHOD NAS RANG LA GZHUG PAR BYA, ,NAM MKHAR SANGS RGYAS SPYAN DRANGS TE, ,SPRUL PA'I LHA MOS DBANG BSKUR RO,,
SPYI BOR SNA TSOGS RDO RJE BSAM, ,SPYAN DRANGS LHA RNAMS GSHEGS PAR GYUR, ,DE NAS RNAL 'BYOR BDAG NYID KYIS, ,SPYI BO LA SOGS GNAS GSUM DU, ,ZLA BA'I STENG DU YI GE GSUM, ,YONGS GYUR MTSAN MA GSUM DU GNAS, ,DE LAS BZLAS PA BYAS PA NI, ,PHYOGS BCU'I SANGS RGYAS SPYAN DRANGS LA, ,SNGAGS DANG 'OD ZER BCAS PA LAS, ,PHYAG NA RDO RJE'I SKU RU GSAL, ,THAMS CAD 'DUS PA'I DBUS DAG NA, ,BDAG NYID KHRO BO CHEN POR GNAS, ,KUN GYI THUGS KAR NYI STENG DU, ,RNAM PAR 'JOMS PA'I YI GE DGOD, ,PHAR SPROS DON NI RDZOGS PA DANG, ,TSUR 'DUS SGRUB PA NUS PAR LDAN, ,SNGAGS KYI 'BRUG SGRA LTA BU STE, ,SKYO NA GTOR MA GTANG BAR BYA, ,MCHOD PA BYAS TE YE SHES GSHEGS, ,DAM TSIG NGA RGYAL KUN SPYOD BYA, ,'DIS NI SGRUB PA MDOR BSDUS TE, ,BSOD NAMS MCHOG NI GANG THOB PA, ,BDAG DANG SEMS CAN THAMS CAD KYIS, ,RNAM PAR 'JOMS PA THOB PAR SHOG ,'PHAGS PA RDO RJE RNAM PAR 'JOMS PA'I SGRUB THABS MDOR BSDUS PA SLOB DPON TZANDRA GO MIS MDZAD RDZOGS SO,,