,,RGYA GAR SKAD DU, A'ARYA SADDHARMA SMRi TYU PA STH'A NA, BOD SKAD DU, 'PHAGS PA DAM PA'I CHOS DRAN PA NYE BAR GZHAG PA, BAM PO DANG PO, SANGS RGYAS DANG, BYANG CHUB SEMS DPA' DANG, RANG SANGS RGYAS DANG, 'PHAGS PA NYAN THOS THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB NA LA TI'I GRONG GI BRAM ZE'I GRONG NA BZHUGS SO, ,DE'I TSE NA TSE DANG LDAN PA SH'A RADVA TI'I BU DGE SLONG RAB TU MANG PO DAG DANG LHAN CIG TU SNGA DRO'I DUS KYI TSE RGYAL PO'I KHAB TU BSOD SNYOMS KYI PHYIR DONG NGO, ,DE'I TSE DGE SLONG RAB TU MANG PO DAG BSOD SNYOMS KYI PHYIR RGYU BA NA GZHAN MU STEGS CAN SPYOD PA PA KUN TU RGYU BA DAG
GA LA BA DER DONG STE, GZHAN MU STEGS CAN SPYOD PA PA KUN TU RGYU BA DAG DANG LHAN CIG TU YANG DAG PAR DGA' BAR 'GYUR BA DANG, YANG DAG PAR MGU BAR 'GYUR BA'I CHOS KYI GTAM BYAS NAS GZHAN MU STEGS CAN SPYOD PA PA KUN TU RGYU BA DAG GIS DRIS PA, KYE SH'AKYA PA DAG ,KHYED CAG GI DGE SBYONG GOO TA MA LUS KYI CHAD PA MI DGE BA MI 'DOD PA MI SDUG PA YID DU MI 'ONG BA STON CING, GZHAN DAG GI LA'ANG RJES SU YID RANG BAR MI BYED PA BDEN NAM, NGED CAG KYANG LUS KYI CHAD PA MI 'DOD PA MI SDUG PA YID DU MI 'ONG BA STON CING, GZHAN DAG GI LA'ANG RJES SU YI RANG BAR MI BYED DO, ,KYE KHYED CAG GI DGE SBYONG GOO TA MA NGAG GI CHAD PA MI 'DOD PA MI SDUG PA YID DU MI 'ONG BA STON CING, GZHAN DAG GI LA'ANG RJES SU YI RANG BAR MI BYED, NGED CAG KYANG NGAG GI CHAD PA MI 'DOD PA MI SDUG PA YID DU MI 'ONG BA STON CING, GZHAN DAG GI LA'ANG RJES SU YI RANG BAR MI BYED DO, ,KHYED CAG GI DGE SBYONG GOO TA MA YID KYI CHAD PA MI 'DOD PA YID DU MI 'ONG BA STON CING, GZHAN DAG GI LA'ANG RJES SU YI RANG BAR MI BYED, NGED KYANG YID KYI CHAD PA MI 'DOD PA MI SDUG PA YID DU MI 'ONG BA STON CING, GZHAN DAG GI LA'ANG RJES SU YI RANG BAR MI BYED NA, KHYED KYI DGE SBYONG GOO TA MA'I CHOS 'DUL BA DANG, NGED KYI THA DAD DU BYA BA CI YOD, BSAM PA NI CI YOD, KHYAD PAR NI CI YOD, GANG GIS NA DGE SBYONG GOO TA MA'I CHOS 'DUL BA NI NGED KYI LAS KHYAD PAR DU
, ,'PHAGS, DGE SBYONG GOO TA MA DE NI THAMS CAD MKHYEN PA YIN NO ZHES BDAG NYID SGROGS, GZHAN MU STEGS CAN SPYOD PA PA KUN TU RGYU BA DAG GIS DE SKAD DRIS PA DANG, DGE SLONG GSAR DU RAB TU BYUNG BA DAG TSE DANG LDAN PA SHA RADVA TI'I BU DANG BRAL BAS RJES SU YI RANG BAR YANG MI BYED, LAN YANG MA BTAB BO, ,DE NAS DGE SLONG RAB TU MANG PO TSE DANG LDAN PA SHA RADVA TI'I BU DANG BRAL BA DAG BSOD SNYOMS KYI BYA BA BYAS NAS NA LA TI'I GRONG GA LA BA DER DONG STE PHYIN NAS, DGE SLONG RAB TU MANG PO DAG ZAS KYI BYA BA BYAS NAS 'KHOD DO, ,DE NAS TSE DANG LDAN PA SHA RADVA TI'I BU PHYI ZHIG NA BSOD SNYOMS BLANGS TE NA LA TI'I GRONG GA LA BA DER SONG NGO, ,DE NAS DGE SLONG RAB TU MANG PO TSE DANG LDAN PA SHA RADVA TI'I BU GA LA BA DER DONG STE PHYIN NAS DGE SLONG RAB TU MANG PO DAG GIS TSE DANG LDAN PA SHA RADVA TI'I BU LA BSNYAD DO, ,DE NAS TSE DANG LDAN PA SHA RADVA TI'I BUS DGE SLONG RAB TU MANG PO DAG LA 'DI SKAD CES SMRAS SO, ,GAL TE BDAG TSE DANG LDAN PA KHYED DANG LHAN CIG RGYAL PO'I KHAB KYI LAM SRANG DANG, BZHI MDO DANG, SUM MDO GCIG TU RIM GYIS DONG BA LAS, GZHAN MU STEGS CAN SPYOD PA PA KUN TU RGYU BA RNAMS DANG PHRAD PAR GYUR NA NI, DES NA BDAG GIS GZHAN MU STEGS CAN SPYOD PA PA KUN TU RGYU BA DE DAG CHOS DANG MTHUN PAS TSAR BCAD ZIN PA ZHIG NA, KYE MA BDAG KYANG LAM SRANG DANG, BZHI MDO DANG,
SUM MDO GZHAN NAS BSOD SNYOMS LA RGYU RGYU NAS 'DIR PHYIN TE GANG TSE DANG LDAN PA DAG GZHAN MU STEGS CAN SPYOD PA PA KUN TU RGYU BA RNAMS DANG LHAN CIG GTAM BYAS PA'I DRI BA'I TSUL DE NI BDAG GIS TSOR YANG MA TSOR RO, ,TSE DANG LDAN PA DAG ,BCOM LDAN 'DAS KUN TU SPYAN MNGA' BA, THAMS CAD MNGON SUM PA, LAS DANG, 'BRAS BU RNAM PAR SMIN PA MKHYEN PA DE HA CANG MI RING BA ZHIG NA MU STEGS KYI LTA BA CAN THAMS CAD ZIL GYIS MNAN NAS NYAN THOS DANG, DGE BSNYEN DANG, LHA DANG, MI RNAMS LA LAS DANG, 'BRAS BU RNAM PAR SMIN PA'I CHOS STON GYI, KHYED DE LA ZHUS SHIG DANG, DE'ANG LAS DANG, RNAM PAR SMIN PA THAMS CAD STON PAR MDZAD DE, GANG LHA DANG BCAS PA, BDUD DANG BCAS PA, TSANGS PA DANG BCAS PA, DGE SBYONG DANG, BRAM ZER BCAS PA'I SKYE DGU DAG GI MA MTHONG BA DE KHYED LA STON PAR MDZAD CING, GANG BDAG CAG GI MNGON SUM DU MA GYUR PA DE'ANG KHYOD LA BCOM LDAN 'DAS SHIN TU MNGON SUM DU GYUR PA, LAS DANG, 'BRAS BU RNAM PAR SMIN PA MKHYEN PAR MDZAD DO, ,DE NAS DGE SLONG RAB TU MANG PO DAG BCOM LDAN 'DAS GA LA BA DER DONG NGO, ,DE NAS DGE SLONG DE DAG GI BCOM LDAN 'DAS NYIN MO'I GNAS PAS BZHUGS PAS, RI RAB LTAR RANG GI 'OD KYI DRA BAS MNGON PAR 'BAR BA, NYIN MO'I NYI MA LTAR SNANG BAS RAB TU GSAL BA, MTSAN MO'I ZLA BA LTAR ZHI BAS RAB TU SIM PAR MDZAD PA, MTSO LTAR SHIN
, ,TU GSAL BA, RGYA MTSO LTAR ZAB PA, RI RAB LTAR MI G-YO BA, SENG GE LTAR DPA' BA, PHA MA LTAR 'BYUNG PO THAMS CAD KYI SKYABS SU GYUR PA THUGS RJE CHEN POS BRLAN PA'I THUGS SEMS CAN THAMS CAD KYI GNYEN GCIG PAR GYUR PA, BYAMS PA DANG, SNYING RJE DANG, DGA' BA DANG, BTANG SNYOMS KYI RTEN DU GYUR PA, BYANG CHUB KYI PHYOGS KYI CHOS CHEN PO SUM CU RTZA BDUN GYIS SKU BRGYAN PA, RAB TU DANG BAS LUS CAN THAMS CAD KYI MIG MGU BAR MDZAD PA, ZLA BA DANG, NYI MA'I 'OD ZIL GYIS GNON PA, SH'A KYA'I RGYAL PO'I SRAS KUN TU SPYAN MNGA' BA, SPYAN DRI MA GSUM DANG BRAL BA, BDEN PA GNYIS GSUNG BA, SDUG BSNGAL GNYIS MKHYEN PA, BSGOM PA GNYIS BSGOMS SHING MNGON SUM DU MDZAD PA; LAM GYI 'BRAS BU MNGON DU MDZAD PA, 'GOG PA'I DE NYID MKHYEN PA, KHAMS GSUM MNGON SUM DU MDZAD PA'I SPYAN MNGA' BA, KHAMS GSUM GZHAN YANG DAG PAR STON PA; KHAMS BCO BRGYAD KYI DE NYID MKHYEN PA, MOS PA YID LA BYED PA'I DE NYID MKHYEN PA, YON TAN GYI KLUNG RANG GI YON TAN BCO BRGYAD DAG DANG LDAN PA, SRID PA'I 'CHING BA LAS RNAM PAR GROL BA, STOBS BCU DANG LDAN PA, BSNYENGS PA MI MNGA' BA BZHIS MI BSNYENGS PA, THUGS RJE CHEN PO DANG LDAN PA, DRAN PA NYE BAR GZHAG PA GSUM DANG RTAG TU LDAN PA
DE MTHONG NGO, ,DE NAS DGE SLONG RAB TU MANG PO DAG CHOS GOS PHRAG PA GCIG LA GZAR NAS PUS MO G-YAS PA'I LHA NGA SA LA BTZUGS TE, BCOM LDAN 'DAS KYI ZHABS LA MGO BOS PHYAG BTZAL NAS DUL BAS MGO BTUD DE PHYOGS GCIG TU 'KHOD DO, ,DE NAS DGE SLONG RAB TU MANG PO DAG GIS DGE SLONG GCIG CIG BSGO BA DANG, BCOM LDAN 'DAS GA LA BA DER SHIN TU NYE BAR PHYIN NAS, YANG DE BZHIN DU BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS LA 'DI SKAD CES GSOL TO, ,BCOM LDAN 'DAS, 'DIR BDAG SNGA DRO'I DUS SU LHUNG BZED DANG, CHOS GOS 'TSAL NAS RGYAL PO'I KHAB TU BSOD SNYOMS LA MCHI MCHI NA ZHES BYA BA SNGA MA BZHIN TE, GZHAN MU STEGS CAN SPYOD PA PA KUN TU RGYU BA RNAMS DANG LHAN CIG LUS KYI CHAD PA DANG, NGAG GI CHAD PA DANG, YID KYI CHAD PA SNGON DU 'GRO BA'I GTAM 'DRI BA'I BAR SNGA MA BZHIN TE, DE DAG BCOM LDAN 'DAS LA GSOL TO, ,DE NAS BCOM LDAN 'DAS KYIS DE'I TSE DGE SLONG DE DAG DANG, NA LA TI'I GRONG GI BRAM ZE LA SOGS PA LA 'DI SKAD CES BKA' STZAL TO, ,DGE SLONG DAG ,KHYED CAG LA CHOS BSHAD PAR BYA BA, 'DI LTA STE, DAM PA'I CHOS DRAN PA NYE BAR GZHAG PA ZHES BYA BA'I CHOS KYI RNAM GRANGS THOG MAR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO, MA 'DRES PA, YONGS SU RDZOGS PA, YONGS SU DAG PA, YONGS SU BYANG BA, TSANGS
, ,PAR SPYOD PA, YANG DAG PAR RAB TU BSTAN PA BYA YI, DE LEGS PAR RAB TU NYON LA YID LA ZUNGS SHIG DANG BSHAD PAR BYA'O, ,BCOM LDAN 'DAS, DE LTAR 'CHAL LO ZHES GSOL TO, DGE SLONG DE DAG BCOM LDAN 'DAS LA NYAN PA DANG BCOM LDAN 'DAS KYIS DE DAG LA 'DI SKAD CES BKA' STZAL TO, ,DGE SLONG DAG ,DAM PA'I CHOS DRAN PA NYE BAR GZHAG PA ZHES BYA BA'I CHOS KYI RNAM GRANGS DE GANG YIN ZHE NA, 'DI LTA STE, CHOS LA'ANG CHOS NYID DU, CHOS MA YIN PA LA'ANG CHOS MA YIN PA NYID DU MTHONG BA'I DRAN PA RTAG TU NYE BAR GNAS PAR 'GYUR ZHING 'DI LA THE TSOM YANG MI SKYE, CHOS NYAN PA LA MNGON PAR DGA' BAR YANG 'GYUR, RGAN RABS LA'ANG RIM GRO BYED DO, ,DE NI LUS KYI LAS DANG, NGAG GI LAS DANG, YID KYI LAS GSUM GYI LAS KYI 'BRAS BU DANG, 'CHI BA DANG, SKYE BA'I RNAM PAR SMIN PA SHES PAR 'GYUR TE, LTA BA MA LOG PA YIN ZHING GZHAN GYIS KHA MI PHYIN PAR 'GYUR RO; ;DGE SLONG DAG ,DE LA LUS KYI CHAD PA RNAM PA GSUM STE, SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA'O, ,DE LA SROG GCOD PA JI LTA BU YIN ZHE NA; SEMS CAN PHA ROL LA SEMS CAN DU 'DU SHES SHING BSAMS BZHIN DU SROG CHAGS BSAD DE SROG DANG BRAL BAR BYAS PA YIN NO, ,DE'ANG RNAM PA GSUM STE, CHEN PO DANG,
'BRING DANG, THA MA'O, ,DE LA CHEN PO NI DGRA BCOM PA LA SOGS PA BSAD PA STE MNAR MED PAR 'GRO'O, ,'BRING NI LAM LA GNAS PA BSAD PA'O, ,THA MA NI DUD 'GRO DANG, TSUL KHRIMS 'CHAL PA SPYAD PA BSAD PA'O, ,YANG RNAM PA GSUM STE, 'DAS PA DANG, MA 'ONGS PA DANG, DA LTAR BYUNG BA'I'O, ,YANG RNAM PA GSUM STE, 'DOD CHAGS KYIS BYAS PA DANG, ZHE SDANG GIS BYAS PA DANG, GTI MUG GIS BYAS PA'O, ,DE LA 'DOD CHAGS KYIS BYAS PA NI RI DVAGS LA SOGS PA LA'O, ,ZHE SDANG GIS BYAS PA NI SPRUL DANG, NE'U LE LA SOGS PA LA'O, ,GTI MUG GIS BYAS PA NI MCHOD SBYIN LA SOGS PA LA'O, ,YANG RNAM PA GSUM STE, RANG GIS BYAS PA DANG, GZHAN GYIS BCOL BA DANG, GNYI GAS BYAS PA'O, ,RGYU LNGAS SROG GCOD PA BYAS KYANG KHA NA MA THO BAS GOS PAR MI 'GYUR TE, 'DI LTA STE, LAM DU 'GRO BAR ZHUGS PA MI SHES PAS SROG CHAGS PHRA MO DANG, GROG SBUR LA SOGS PA SROG DANG BRAL BAR BYED PA DANG, GZHAN LA MTSON CHA GZAS PA LAS BSAMS PA DANG MI LDAN PAR GZHAN LA PHOG STE DE SROG DANG BRAL BA DANG, NAD PA LA SMAN PA PHAN PAR 'DOD PAS NYES PAR MTHONG STE, SMAN BYIN PA LAS DE SHI BA DANG, DE BZHIN DU MAS BU 'DUL BAR BYA BA'I PHYIR BRDEG PA LAS DE SROG DANG BRAL BA DANG, ME 'BAR BA'I NANG DU SROG CHAGS MI 'DOD BZHIN DU LHUNG BA STE RGYU RNAM PA DE LNGAS SROG BCAD PAR GYUR KYANG
, ,GOS PAR MI 'GYUR RO, ,YANG SROG GCOD PA RNAM PA GSUM STE, GZHAN LA BSGO BA DANG, BDAG NYID BYED PA DANG, GNYI GAS BYED PA'O, ,GZHAN YANG, MA BYIN PAR LEN PAR RDZOGS PA JI LTA BU YIN ZHE NA, RNAL 'BYOR SPYOD PA CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE PHA ROL GYIS YONGS SU BZUNG BA LA BDAG GIR BYA BA'I BSAM PAS RKU BAR BYED PA 'DI NI MA BYIN PAR LEN PA RDZOGS PA YIN NO, ,'BRAS BU CHUNG BA JI LTA BU YIN ZHE NA, 'DI LTA STE, RGYAL PO'I CHAD PAS NYEN PA DANG, BLA MA'I DON DANG, PHA MA NAD PA DANG, RANG SANGS RGYAS DANG, DGRA BCOM PA DANG, PHYIR MI 'ONG BA DANG, RGYUN DU ZHUGS PA LA SOGS PA DANG, NAD PA DANG, LTOGS PA DE DAG GI DON DU MA BYIN PAR BLANGS PA 'DI NI 'BRAS BU CHUNG BA YIN NO, ,MA BYIN PAR LEN PA'I SDOM PA MA BLANGS PAS MA BYIN PAR LEN PA 'DI NI RNAM PAR SMIN PA CHUNG BA YIN NO, ,GZHAN YANG, 'BRAS BU CHUNG BAR 'GYUR BA NI MA BYIN PAR LEN PA BYAS NAS SEMS KYIS 'CHAGS PAR BYED, 'GYOD LA PHYIR ZHING MI BYED, PHA ROL YANG MA BYIN PAR LEN PA LAS PHYIR ZLOG PAR BYED, SDOM PA'I LUNG YANG 'BOGS PAR BYED, LAM LA'ANG 'JOG PAR BYED, MA BYIN PAR LEN PA SPONG BA DAG LA 'JOG PAR BYED CING LAS KYI NYER
BSDOGS DANG, LAS KYI MJUG MI BYED PA'O, ,MA BYIN PAR LEN PA'I LAS KYI NYER BSDOGS JI LTA BU YIN ZHE NA, 'DI LA MA BYIN PAR LEN PA POS PHA ROL LA G-YO SGYU BYED CING GSANG THABS SU SMRA BA DANG, 'JAL LUGS LA G-YO BYED PA DANG, MI RIGS PA'I LAS LHAG MAR SPYOD PA RNAM PA 'DI DAG NI LAS KYI NYER BSDOGS PA YIN NO, ,LAS JI LTA BU YIN ZHE NA, GANG GI TSE PHA ROL GYIS YONGS SU BZUNG BA'I RDZAS KYI RNAM PA MA BYIN PAR LEN PA 'DI NI LAS YIN NO, ,LAS KYI MJUG JI LTA BU YIN ZHE NA, 'DI LA BYAS NAS RJES SU YI RANG BAR BYED CING GOMS PAR BYED LA MANG DU BYAS TE RJES SU YI RANG BA KUN TU 'CHAB PAR BYED, TSUL KHRIMS DANG LDAN PA GZHAN MA BYIN PAR LEN PA LA RAB TU 'JOG PAR BYED PA 'DI NI LAS KYI MJUG YIN NO, , RNAM PA 'DI GSUM GYIS MA BYIN PAR LEN PA'I LAS KYI NYER BSDOGS DANG, MJUG DANG BRAL BA MA BYIN PA LEN PA'I CHAD PA'I 'BRAS BU CHUNG BAR 'GYUR TE, MYONG BAR 'GYUR BAR NGES PA MA YIN NO, ,GZHAN YANG, 'DOD PAS LOG PAR G-YEM PA JI LTA BU YIN ZHE NA, RNAL 'BYOR SPYOD PA CHOS LA CHOS KYI RJES SU LTA BAS MTHONG STE 'DI LA 'DOD PAS LOG PAR G-YEM PA KUN TU SPYOD PA NA RANG GI CHUNG MA'AM, GZHAN GYI CHUNG MA DAG GI SKYE GNAS MA YIN PAR 'JUG PAR BYED, GZHAN BYED PA LA'ANG RJES SU YI RANG BAR BYED, MI BYED PA'ANG THABS KYIS BYED DU
, ,'JUG PA 'DI NI 'DOD PAS LOG PAR G-YEM PA ZHES BYA'O, ,'DOD PAS LOG PAR G-YEM PA'I 'BRAS BU CHUNG BAR 'GYUR BA JI LTA BU YIN ZHE NA, 'DI LA BYAS NAS 'GYOD CING 'CHAGS TE, RJES SU YI RANG BAR MI BYED, GZHAN 'DOD PAS LOG PAR G-YEM PA'ANG PHYIR ZLOG PAR BYED, LAM LA 'JOG PAR BYED, LAS KYI NYER BSDOGS DANG, LAS KYI MJUG DANG BRAL BA'I SEMS YIN ZHING TSUL KHRIMS DANG LDAN PA YIN TE, 'DI NI 'DOD PAS LOG PAR G-YEM PA'I 'BRAS BU CHUNG BAR 'GYUR ZHING MYONG BAR 'GYUR BAR MA NGES PA YIN NO, ,LUS KYI CHAD PA RNAM PA GSUM PO DE DAG NI 'BRAS BU CHUNG BA DANG 'BRAS BU ZHAN PAR 'GYUR RO, ,DE DAG NI NGA'I NYAN THOS SAM, NGA LAS THOS NAS LAS DANG, 'BRAS BU RNAM PAR SMIN PA SHES SHING GZHAN GYIS KHA DRANG DU MI RUNG BA, GZHAN LA RAG MA LUS PAR MA GTOGS PA, GZHAN MU STEGS CAN SPYOD PA PA KUN TU RGYU BA RNAMS SAM, LHA DANG BCAS PA'I 'JIG RTEN NAM, BDUD DANG BCAS PA'AM, TSANGS PA DANG BCAS PA'AM, DGE SBYONG DANG BRAM ZER BCAS PA'I SKYE DGU'AM, LHA DANG, MI DANG, LHA MA YIN DU BCAS PAS RTOGS PA'I YUL MA YIN NO, ,GZHAN YANG, NGAG GI CHAD PA LCI BA JI LTA BU YIN ZHE NA, RNAL 'BYOR SPYOD PA CHOS DANG, LAS DANG, RNAM PAR SMIN PA SHES PA YIN TE, NGAG GI CHAD PA RNAM PA BZHI LA, 'DI LTA STE,
RDZUN DANG, PHRA MA DANG, TSIG RTZUB PO DANG, TSIG KYAL PA DANG BZHI'O, ,DE LA RDZUN GANG ZHE NA, BDAG NYID LA BDAG NYID SLU ZHING GZHAN YANG SLU BA YIN TE, SMRAS PA'I TSE RGYAL PO'AM, BLON PO [?] , MNGON SUM DU GZHAN DAG LA GNOD PA DAM, 'PHROG PAR BYED PA LOG PAS BSKYED PA'I RDZUN GYI SKYON RAB TU 'JUG PA 'DI NI BRDZUN DU SMRA BA NGAG GI CHAD PA RDZOGS PA YIN TE, SEMS CAN DMYAL DMYONG BAR 'GYUR BA YIN NO, ,GZHAN YANG, NGAG GI CHAD PA PHRA MA ZHES BYA BA NI DON GCIG LA MTHUN PAR ZHUGS PA RNAMS LA DBYEN BYA BA'I BSAM PAS TSIG RJOD PAR BYED PA 'DI NI PHRA MA'I NGAG GI CHAD PA YIN NO, ,PHRA MA'I 'BRAS BU CHUNG BA JI LTA BU YIN ZHE NA, BDAG GTI MUG GIS NGAN PA BYAS SO ZHES 'CHAGS PAR BYED, GZHAN PHRA MA LA MNGON PAR DGA' BA ZLOG PAR BYED, LAM LA YANG DAG PAR 'JOG PAR BYED, YANG LAS KYI NYER BSDOGS DANG, LAS KYI MJUG MI BYED PA YIN NO, ,LAS KYI NYER BSNGOGS JI NA, ,PHRA MA'I LAS KYI LAM DANG YANG DAG PAR RAB TU BA NYON MONGS PA RGYAGS PA LA MNGON PAR ZHUGS PA'I TSIG GZHAN DU BRTAGS NAS GZHAN LA SMRA BA 'DI NI LAS KYI NYER BSNGOGS YIN NA, ,PHRA MA'I LAS KYI LAM DANG YANG DAG PAR RAB TU LDAN PA JI LTA BU YIN ZHE NA, 'DI LA SDANG BA'I SEMS KYIS YANG DANG, YANG DU GZHAN 'BYED LA RJES SU YI RANG BZHING KUN DGA' BAR BYED PA 'DI NI PHRA MA'I LAS KYI LAM DANG YANG DAG PAR LDAN
, ,PA YIN NO, ,LAS KYI MJUG DANG BCAS PA JI LTA BU YIN ZHE NA, 'DI LA PHRA MA BYAS NAS RJES SU YI RANG BAR BYED, PHYIR ZHING BYED BYED PA LA RJES SU YI RANG BAR BYED; YID KYIS KUN TU RTOG PAR BYED, DE NYID LA MNGON PAR DGA' BAR BYED, NGANG TSUL GZHAN DU MI BYED PA YIN, SDANG BA'I SEMS YIN, GZHAN DAG GIS BTZAL CING YID CHES PA'I GNAS SU MI 'GYUR BA YIN, SMOD PA YIN, NGO TSA BAR MI BYED CING KHREL MED LA BDAG NYID LA SMOD PAR MI BYED PA 'DI NI PHRA MA'I CHAD PA YIN NO, ,GZHAN YANG, TSIG RTZUB PO'I CHAD PA JI LTA BU YIN ZHE NA, RNAL 'BYOR SPYOD PA CHOS DANG, LAS DANG, KUN 'BYUNG BA MTHONG BA DES THOS PA LAS BYUNG BA'I SHES PAS MTHONG STE, 'DI NI TSIG RTZUB POS BDAG GDUNG BAR BYED CING YID DU MI 'ONG BA RNA BAR THOS LA GLAGS SKYED PAR BYED, DE GZHAN LA GNAS TE MKHYUD PA DANG, 'CHAGS PA DANG, DGOD PA DANG, KHRO BA'I BSAM PAS RNAM PAR SMIN PA DU MA RNAM PA DU MA'O, ,DE LA TSIG RTZUB PO CHEN POS NI SEMS CAN DMYAL BA'I TSOR BA MYONG BAR 'GYUR, TSIG RTZUB PO 'CHAGS PA NI MYONG BAR 'GYUR BAR MA NGES PA YIN TE 'DI DAG NI NGAG GI CHAD PA GSUM PA YIN NO, ,LAS KYI NYER BSDOGS DANG, LAS KYI MJUG DANG, YANG DAG PAR LDAN PA ZHES BYA BA NI SNGA MA BZHIN NO, ,GZHAN YANG, NGAG GI CHAD PA BZHI PA JI LTA BU YIN
ZHE NA; RNAL 'BYOR SPYOD PA LAS DANG CHOS DANG, RNAM PAR SMIN PA'I RNAM PA DU MA SHES PA YIN TE, TSIG KHYAL PA ZHES BYA BA SNGA PHYI 'BREL PA MED PA'I TSIG KYAL PA SNGA MA DANG PHYI MAR MI SBYOR BA YIN TE, MYONG BAR 'GYUR BAR MA NGES SHING KHA NA MA THO BA MI MANG BA YIN PA 'DI NI NGAG GI CHAD PA BZHI PA YIN NO, ,GZHAN YANG, YID KYI CHAD PA JI LTA BU YIN, RNAM PA NI DU ZHIG YOD CE NA, RNAL 'BYOR SPYOD PA LAS DANG, CHOS DANG, RNAM PAR SMIN PA LA RJES SU LTA BA DES THOS PA LAS BYUNG BA'I SHES PAS YID KYI CHAD PA RNAM PA GSUM MTHONG STE, 'DI LTA STE, BRNAB SEMS NI GZHAN GYI 'BYOR PA MTHONG NAS SHIN TU RTOG PAR BYED, SEMS KYIS 'DOD PAR BYED, RDZAS 'DI NI BDAG GIR BYA'O SNYAM STE, BRNAB SEMS 'DI NI YID KYI CHAD PA DANG PO YIN NO, ,GZHAN YANG, YID KYI CHAD PAR 'GYUR BA NI PHA ROL GYI PHUN SUM TSOGS PA MTHONG NAS YID RAB TU SDANG BA GNOD SEMS TE, YID KYI CHAD PA GNYIS PA YIN NO, ,GZHAN YANG, YID KYI CHAD PA GSUM PA NI LOG PAR LTA BAS PHYIN CI LOG TU MTHONG BA LOG PAR LTA BA'I CHAD PA'O, ,DE'ANG RNAM PA GNYIS TE, YOD PA 'JIG PA DANG, LOG PAR SHES PA'O, ,DE LA YOD PA 'JIG PA NI, 'DI LTAR SBYIN PA MED, SBYIN SREG MED, MCHOD SBYIN MED, LEGS PAR BYAS PA DANG, NYES PAR BYAS PA DAG GI LAS KYI 'BRAS BU RNAM PAR SMIN PA MED DO ZHES BYA BA RGYA CHER SBYOR RO, ,LOG PAR
, ,SHES PA ZHES BYA BA NI, BDE BA DANG, SDUG BSNGAL GANG YIN PA DE NI LHAS BYAS KYI, LAS KYI 'BRAS BUS NI MA BYAS SO ZHES ZER BA STE, 'DI NI LOG PAR LTA BA RNAM PA GNYIS PA YIN NO, ,GZHAN YANG, JI LTAR NA LUS DANG, NGAG DANG, YID RNAM PA GSUM GYI CHAD PA RNAM PA BCU KUN TU BSTEN CING BSGOMS TE MANG DU BYAS NA TSE 'DI NYID LA LAS KYI 'BRAS BU MYONG BAR 'GYUR BAR NGES PA DANG, SHI NAS GZHAN DU SKYES NA DE'I RGYU CAN GYI LAS KYI 'BRAS BU GANG YIN PA DANG, RGYU MTHUN PA'I 'BRAS BU JI LTA BU YIN PA DANG, YANG 'JIG RTEN 'DIR SKYES NA'ANG DE DAG CI 'DRA BAR 'GYUR ZHE NA, RNAL 'BYOR SPYOD PA LAS DANG, CHOS DANG, RNAM PAR SMIN PA LA RJES SU LTA BA DES THOS PA LAS BYUNG BA'I SHES PA'AM LHA'I MIG GIS MTHONG STE, LUS KYI SROG GCOD PA DANG PO'O, ,SROG GCOD PA KUN TU BSTEN CING BSGOMS TE MANG DU BYAS PAS SEMS CAN DMYAL BA DANG, DUD 'GRO DANG, YI DVAGS KYI YUL RNAMS SU SKYE BAR BYED DO, ,GAL TE MI DAG DANG SKAL BA MNYAM PAR MI'I NANG DU SKYES NA DE TSE THUNG BA YIN NO, ,GAL TE RNGON PA LTA BU LA CHAGS PAS SROG GCOD PA BYAS NA, SROG GCOD PA BYAS DE NYAMS PAR 'GYUR TE, DE RI DVAGS DANG, PHAG DANG, SREG PA DANG, KHYIM BYA DANG, GONG MA SREG DANG, NYA LA SOGS PAR GYUR PA NA, RGYA'AM, MCHIL PAS GSOD DO, ,'KHOR BA NA LAS DE LTA BU'I RGYUS 'BREL PA
GAL TE'ANG MI RNAMS DANG SKAL BA MNYAM PAR MI'I NANG DU SKYES NA DE TSE THUNG BAR 'GYUR ZHING, MKHAS PA RNAMS KYI YUL DU SKYE BAR MI 'GYUR LA MTSON MANG POS 'KHRUG PA'I YUL DU MYUR BA NYID DU GSOD DO, ,SROG GCOD PA CHUNG DU DANG, 'BRING DANG, CHEN PO'I TSIGS SU BCAD PA, KHA CIG MNGAL DANG DE BZHIN GZHAN, ,BTZAS PA'I KHYIM DANG GZHAN DAG NI, ,GOG PA TZAM DANG DE BZHIN DU, , GZHAN DAG YONGS SU RGYUG NA 'CHI, ,DE LTAR SROG GCOD PA NI DA LTAR GYI TSE LA RNAM PAR SMIN PAS DBANG DU BYAS PA'I LAS YIN NO, ,GZHAN YANG, MA BYIN PAR LEN PA KUN TU BSTEN CING BSGOMS TE MANG DU BYAS PA'I RNAM PAR SMIN PA RNAM PA GSUM PO, 'DI LTA STE, SEMS CAN DMYAL BA MYONG BA DANG, TSE 'DI DANG RGYU MTHUN PA'I 'BRAS BU JI LTA BU YIN ZHE NA, RNAL 'BYOR SPYOD PA LAS DANG, CHOS DANG, RNAM PAR SMIN PA LA RJES SU LTA BA DES THOS PA LAS BYUNG BA'I SHES PAS MTHONG STE, DE LA MA BYIN PAR LEN PA KUN TU BSTEN CING BSGOMS TE MANG DU BYAS PAS SEMS CAN DMYAL BA DANG, DUD 'GRO DANG; YI DVAGS RNAMS KYI YUL DU SKYE BAR 'GYUR RO, ,GAL TE MI RNAMS DANG SKAL BA MNYAM PAR MI'I NANG DU SKYES NA'ANG DBUL BAR 'GYUR TE, LONGS SPYOD BSGRUBS PA GANG DAG YOD PA DE DAG RGYAL PO'I CHAD PA DANG, CHU DANG, ME DANG, MTSON DANG, CHOM RKUN GYI 'JIGS PA DAG GIS BSAGS BSAGS PA DAG LA CHUD ZA BAR 'GYUR, NAM YANG BDE BAR MI 'GYUR TE, 'DI NI MA BYIN
, ,PAR LEN PA'I CHAD PA'I 'BRAS BU RNAM PA GSUM PA YIN NO, ,GZHAN YANG, NANG GI 'DOD PAS LOG PAR G-YEM PA KUN TU BSTAN CING BSGOMS TE MANG DU BYAS PA'I 'BRAS BU RNAM PA GSUM PA JI LTA BU YIN ZHE NA, RNAL 'BYOR SPYOD PA LAS DANG, CHOS DANG, RNAM PAR SMIN PA LA RJES SU LTA BA DES THOS PA LAS BYUNG BA'I SHES PA'AM, LHA'I MIG GIS MTHONG STE, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PAS SEMS CAN DMYAL BA DANG, DUD 'GRO DANG, YI DVAGS RNAMS KYI YUL DU SKYE'O, ,GAL TE MIR SKYES NA'ANG RGYU MTHUN PA'I 'BRAS BU DE'I CHUNG MA GUS PA MED PAR 'GYUR, MTSAN GNYIS PAR 'GYUR, 'JIG RTEN PAS BRNYES PAR 'GYUR RO, ,'DI NI LUS KYI CHAD PA RNAM PA GSUM PA'I RNAM PAR SMIN PA'I 'BRAS BU RNAM PA GSUM YIN TE, GZHAN MU STEGS CAN SPYOD PA PA KUN TU RGYU BA RNAMS KYI LUS KYI CHAD PA MI 'DOD PA NAS RGYAS PAR LAS KYI RNAM PAR SMIN PA'I BAR NI DE LTA BU MA YIN NO; ;DE CI'I PHYIR ZHE NA, GTI MUG DANG 'GROGS PA BSGOMS PA'I SEMS DANG LDAN PA GZHAN GYIS NI NGA'I LAS DANG, CHOS DANG, RNAM PAR SMIN PA'I GANG YIN PA 'DI MI MTHONG GI, 'DI LTAR NGA'I NYAN THOS DANG, NGA'I RNAL 'BYOR SPYOD PA DAG GIS RJES SU MTHONG NGO, ,GZHAN YANG, TSIG DANG, NGAG GI CHAD PA JI LTA BU YIN, RNAM PA NI DU YOD CE NA, RNAL 'BYOR SPYOD PA CHOS LA CHOS KYI RJES SU LTA BA DES
THOS PA LAS BYUNG BA'I SHES PAS NGAG GI CHAD PAR MA PA BZHI MTHONG STE, 'DI LTA STE, RDZUN DANG, PHRA MA DANG, TSIG RTZUB PO DANG, TSIG KHYAL PA'O, ,DE LA RDZUN KUN TU BSTEN CING BSGOMS TE MANG DU BYAS PAS SEMS CAN DMYAL BA DANG, DUD 'GRO DANG, YI DVAGS KYI SKYE GNAS RNAMS SU SKYE'O, ,GAL TE MI RNAMS DANG SKAL BA MNYAM PAR MI'I NANG DU SKYES NA'ANG SEMS CAN THAMS CAD KYIS TSIG BZUNG BAR MI 'GYUR TE, RGYAL PO'I PHO BRANG 'KHOR DANG, KHYIM BDAG GI 'KHOR DANG, RGYAL RIGS KYI 'KHOR DANG, RANG GI BU DANG, CHUNG MAS KYANG TSIG BZUNG BAR MI 'GYUR, DE'I KHA NAS DRI MA NAM PA 'BYUNG SO DANG, KHA DANG, MDOG DANG, PAGS PA MI SDUG PAR 'GYUR, 'JIG RTEN PA KUN GYIS KYANG LOG PA'I MNGON PAR SPYOD PAS MNGON PAR SBYOR BAR 'GYUR, RTAG TU 'JIGS PAR YANG 'GYUR, DE'I MDZA' BSHES DANG, GNYEN DANG, SKYE BO SNYING DU SDUG PA DAG BSTEN PAR MI 'GYUR, BYED PA BRTZAMS PA THAMS CAD 'BRAS BU MED PAR 'GYUR, DON MED PA THAMS CAD SPYOD PAR 'GYUR TE, 'DI NI RDZUN GYI LAS KYI 'BRAS BU MI 'DOD PA, MI SDUG PA, YID DU MI 'ONG BA YIN NO, ,GZHAN YANG, NGAG GI CHAD PA GNYIS PA KUN TU BSTEN CING BSGOMS TE MANG DU BYAS PA'I 'BRAS BU JI LTA BU YIN ZHE NA; RNAL 'BYOR SPYOD PA CHOS LA CHOS KYI RJES SU LTA BA DES THOS PA LAS BYUNG BA'I SHES PA'AM, LHA'I MIG GIS MTHONG STE, PHRA MA KUN TU BSTEN CING BSGOMS TE MANG DU BYAS PAS SEMS CAN
, ,DMYAL BA DANG, DUD 'GRO DANG, YI DVAGS RNAMS KYI YUL DU SKYE'O, ,GAL TE MI RNAMS NI BSKAL PA MNYAM PAR MI'I NANG DU SKYES NA'ANG DE LKUGS PAR 'GYUR, 'ON PAR 'GYUR, DE'I KHA NAS DRI MA NAM PA 'BYUNG, DE'I TSIG LA SU'ANG YID MI CHES SHING DE SKYE BO KUN GYI BZHAD GAD PAR 'GYUR, GDONG GI MDOG MI SDUG PAR 'GYUR, GNAS GCIG LA MNGON PAR DGA' BAR MI 'GYUR, SEMS G-YO BAR 'GYUR, SEMS 'THAS PAR 'GYUR TE 'DI NI PHRA MA'I CHAD PA YIN NO, ,TSIG RTZUB PO KUN TU BSTEN CING BSGOMS TE MANG DU BYAS PA'I CHAD PA JI LTA BU YIN ZHE NA, DES THOS PA LAS BYUNG BA'I SHES PA'AM, LHA'I MIG GIS MTHONG STE, TSIG RTZUB PO KUN TU BSTEN CING BSGOMS TE MANG DU BYAS PAS SEMS CAN DMYAL BA DANG, DUD 'GRO DANG, YI DVAGS RNAMS KYI YUL DU SKYE'O, ,GAL TE MI RNAMS DANG SKAL BA MNYAM PAR MI'I NANG DU SKYES NA'ANG SU LAS KYANG DBUGS PHYIN PA MI 'THOB, SKYE BO KUN GYIS KYANG RTAG TU MNGON PAR GTZE BAR 'GYUR TE, SUS KYANG DBUGS 'BYIN PAR 'GYUR, BU DANG, CHUNG MA LAS DGA' BA'I TSIG GCIG TZAM YANG MI 'THOB, RI DVAGS LTAR RTAG TU SKYE BO KUN GYIS 'JIGS PAR 'GYUR, DGE BA'I BSHES GNYEN DANG SPYOD PAR MI 'GYUR, SDIG PA'I GROGS POR 'GYUR TE, RNAM PA GSUM PO 'DI NI TSIG RTZUB PO'I 'BRAS BU YIN NO, ,GZHAN YANG,
TSIG KYAL PA KUN TU BSTEN CING BSGOMS TE MANG DU BYAS PA'I CHAD PA JI LTA BU YIN ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA BA DE THOS PA LAS BYUNG BA'I SHES PA'AM, LHA'I MIG GIS MTHONG STE, TSIG KYAL BA KUN TU BSTEN CING BSGOMS TE MANG DU BYAS PAS SEMS CAN DMYAL BA DANG, DUD 'GRO DANG, YI DVAGS RNAMS KYI YUL DU 'GRO'O, ,GAL TE MI RNAMS DANG SKAL BA MNYAM PAR MI'I NANG DU SKYES NA'ANG SKYE BO KUN MI DGA' ZHING YANG BAR 'GYUR, RGYAL PO'I PHO BRANG DANG, MDZA' BSHES DANG, GNYEN DAG GI KHYIM DU'ANG SMYON THABS MKHAN LTA BUR 'GYUR TE, DE NI TSIG KYAL PA'I CHAD PA YIN NO, ,GZHAN YANG, YID KYI MI DGE BA RNAM PA GSUM PO KUN TU BSTEN CING BSGOMS TE MANG DU BYAS PA'I CHAD PA JI LTA BU YIN ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA BA DES THOS PA LAS BYUNG BA'I SHES PA'AM, LHA'I MIG GIS MTHONG STE, BRNAB SEMS KUN TU BSTEN CING BSGOMS TE MANG DU BYAS PAS SEMS CAN DMYAL BA DANG, DUD 'GRO DANG YI DVAGS RNAMS KYI YUL DU SKYE'O, ,GAL TE MI RNAMS DANG SKAL BA MNYAM PAR MI'I NANG DU SKYES NA DE'I RDZAS BSAGS BSAGS PA DAG RGYAL PO DANG, CHU DANG, ME'I GNOD PAS 'PHROGS PAR 'GYUR, RTAG TU DBUL PAR YANG 'GYUR RO, ,GZHAN YANG, GNOD SEMS KUN TU BSTEN CING BSGOMS TE MANG DU BYAS PAS YID KYI CHAD PA JI LTA BU YIN ZHE NA, RNAL 'BYOR SPYOD PA NANG GI CHOS
, ,LA CHOS KYI RJES SU LTA ZHI'A GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, GNOD SEMS KUN TU BSTEN CING BSGOMS TE MANG DU BYAS PAS SEMS CAN DMYAL BA DANG, DUD 'GRO'I SKYE GNAS DANG, YI DVAGS RNAMS KYI YUL DU SKYE'O, ,GAL TE MI RNAMS DANG SKAL BA MNYAM PAR MI'I NANG DU SKYES NA'ANG RI GRAGS PA'ANG KLA KLO RTAG TU MTSON GYIS 'KHRUG CING RTAG TU 'JIGS PA RNAMS SU SKYE BAR 'GYUR, RTAG TU G-YANGS RNAMS SU LHUNG BAR 'GYUR, DE'I SEMS NAM YANG BDE BAR GNAS PAR MI 'GYUR ZHING, GNOD PA DAG GIS RTAG TU GNOD PAR 'GYUR RO, ,GZHAN YANG LOG PAR LTA BA KUN TU BSTEN CING BSGOMS TE MANG DU BYAS PA'I YID KYI CHAD PA JI LTA BU YIN ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, LOG PAR LTA BA KUN TU BSTEN CING BSGOMS TE MANG DU BYAS PAS SEMS CAN DMYAL BA MNAR MED PA LA SOGS PAR SDUG BSNGAL GYI TSOR BA THAMS CAD MYONG BAR SKYE, DUD 'GRO'I SKYE GNAS SU TSA BYE BA BRGYA PHRAG DU MAR 'PHO ZHING SKYE, DE BZHIN DU YI DVAGS KYI YUL DU'ANG SKYE'O, ,GAL TE BRGYA LA MI RNAMS DANG SKAL BA MNYAM PAR MI'I NANG DU SKYES NA'ANG DE JI SKAD BSHAD PA'I MI DGE BA'I LAS KYI LAM GYI SKYON STONG DU BSGYUR BA THAMS CAD DE LA 'BYUNG NGO, ,GZHAN YANG, RNAM
PA GZHAN GANG GI NA MI DGE BA BCU'I CHOS DAG SHIN TU PHRA BA RJES SU SEMS NA'ANG 'KHOR BA NA SEMS CAN DMYAL BA DANG, YI DVAGS DANG, DUD 'GRO RNAMS SU 'KHYAM PA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, SROG GCOD PA JI LTAR KUN TU BSTEN, JI LTAR BSGOMS, JI LTAR MANG DU BYED CE NA; 'DI LA SROG GCOD PA GROGS PO NGAN PA'AM, SLOB MA'AM, DE'I GROGS LA KUN TU BSTEN PAR BYED, DE DANG LHAN CIG KUN TU DGA' BAR BYED, RTZE BAR BYED, YONGS SU SPYOD PAR BYED; KUN TU GNAS PAR BYED, DE LA'ANG YID CHES PA'I GNAS SU BYED, THAMS CAD YON TAN DU LTA BAR BYED, DE'I TSUL GYIS RJES SU 'JUG PAR BYED, MI DGE BA'I BSHES GNYEN NAM, SLOB MA DES MI SROG GCOD PA'I TSUL CAN DE SROG GCOD PA'I RGYU BYED PA GTAM SNA TSOGS LAM MA YIN PAR GYUR PA DANG, SROG GCOD PA LA RAB TU 'JOG PAR BYED DE, DE BZHIN DU MCHOD SBYIN GYI GTAM MAM, DE BZHIN DU RI DVAGS KYI GTAM MAM, DE BZHIN DU RO LA CHAGS PA RAB TU NYES PA'I GTAM MAM, DE BZHIN DU DGRA BCO MI MDZA' BA DANG 'BREL PA LA LAN LDON PA'I GTAM MAM, DE BZHIN DU DE'I RDZAS LA CHAGS PA'I GTAM MAM, DE BZHIN DU NYON MONGS PA LA RAB TU SPRO BA RDZAS LA CHAGS PA DANG, GRAGS PA'I LAS KYI GTAM RNAMS LA RAB TU 'JOG PAR BYED, DE'ANG DE LA YID
, ,CHES PA'I GNAS SU RJES SU 'JUG PA NA, SROG GCOD PA KUN TU BSTEN PAR BYED DO, ,DE LTAR SROG GCOD PA BSTEN PA NI, SEMS CAN DMYAL BAR 'GRO ,YI DVAGS KYI 'JIG RTEN DU 'GRO ,DUD 'GRO'I 'JIG RTEN DU 'GRO STE, MI 'DOD PA, MI SDUG PA, YID DU MI 'ONG BA SKYE BO MKHAS PA KUN GYIS SMAD PAR 'GYUR RO, ,MIR SKYES NA'ANG TSE THUNG BA'I RGYUR 'GYUR RO, ,DE LTAR NA BSHES GNYEN NGAN PA'I SA BON CAN GYI SROG GCOD PA DE NI SROG GCOD PA KUN TU BSTEN PAR BYED DO, ,MI NGAN PA GOMS PAR BYED PA JI LTA BU YIN PA DANG, MI NGAN PA SROG GCOD PA BSTEN PA ZHES BYA BA SNGA MA BZHIN SBYAR TE, SROG GCOD PA BYAS NAS YID KYIS DGA' BAR BYED, MGU BAR BYED, YID KYIS KUN TU RTOG PAR BYED, YON TAN DU LTA BA'I BLO CAN DU BYED; SROG GCOD PA NYID LA KUN TU RTOG PAR BYED, RNAM PA MANG POS GZHAN GYI SROG 'PHROG PAR BYED, DE LA SKYON DU MI 'GRANG, DE LA SMOD PAR MI BYED, DE LA DGA' BA DANG BRAL BAR MI BYED, PHYIR ZHING DE'I NGANG TSUL DU BYED, SROG MI GCOD PA'I TSUL CAN GZHAN DAG KYANG SROG GCOD PA DE LA RAB TU 'JOG PAR BYED, GTAM RGYUD DANG BCAS PA SNA TSOGS DAG GIS SNGA MA BZHIN DU SBYAR TE, DE LTAR SROG GCOD PA GOMS PAR BYED DO, ,MANG DU BYED PA JI LTA BU YIN ZHE NA, 'DI NA GANG SROG GCOD PA BYAS NAS GOMS PAR BYED PA SNGA MA BZHIN DU SBYAR TE, 'DI
LA SROG GCOD PA BYED PA NA, DE LA GOMS PA DANG, SDIG PA'I GROGS PO DANG PHRAD PAS RGYA 'DRE BAR BYED, DE LA DUG MDA' BYED, KHYI GSOG PAR BYED, SROG GCOD PA'I BYA SDUD PAR BYED GTUM PO DANG BSTEN PAR BYED, 'THAB MO LA DGA' STE, YA LAD DANG, MTSON CHA DANG, RAL GRI DANG, MDA' BO CHE DANG, STE'U KA DANG, 'KHOR LO DANG, GO MTSON LA SOGS PA'I NGANG TSUL CAN YIN, SROG GCOD PAR BYED PA'I RGYU GZHAN GANG YIN PA DE THAMS CAD KYANG YONGS SU 'DZIN PAR BYED DO, ,MI DE LTA BU DE NI SROG GCOD PA MANG DU BYED PA YIN NO, ,RGYU DE DANG, GZHI DE DANG, RKYEN DES SEMS CAN DMYAL BA DANG, DUD 'GRO DANG, YI DVAGS RNAMS KYI YUL DU SKYE STE, GNOD PA MI BZAD PAS MNGON PAR GNOD DO, ,SROG GCOD PA THA MA DANG, 'BRING DANG, CHEN POS RNAM PAR SMIN PA THA MA DANG, 'BRING DANG, CHEN PO NYE BAR SPYOD PAR 'GYUR RO, ,LAS BYAS LA BSAGS PAS NI LAS KYI RNAM PAR SMIN PA MYONG BAR MI 'GYUR BA MED DE, DE LTAR NA BDAG NYID KYIS BYAS PA'I LAS NI BDAG NYID KYIS NYE BAR SPYOD PAR 'GYUR RO, ,DE LTA BAS NA GAL TE 'KHOR BA LA YID BYUNG NA SDIG PA SPANG NAS DGE BA KUN TU SPYAD PAR BYA STE, 'DI NI SROG GCOD PA KUN TU BSTEN CING MANG DU BYED PA YIN NO, ,JI LTAR NA MA BYIN PAR LEN PA KUN TU BSTEN CING SGOM STE MANG DU BYED PA YIN, KUN TU BSTEN CING BSGOMS TE MANG DU BYAS PAS, SEMS CAN DMYAL BA JI LTAR MYONG BAR 'GYUR ZHE NA, 'DI
, ,LA TSUL KHRIMS 'CHAL PA'I MI NGO BO NYID KYIS MA BYIN PAR LEN PA'I NGANG TSUL CAN YIN TE, GROGS PO NGAN PA'AM, SLOB MA DANG 'BREL PAS MA BYIN PAR LEN PA THA MA DANG, 'BRING DANG, CHEN PO KUN TU SPYOD DO, ,DE LA THA MA NI RGYAL PO'I CHAD PAS SKRAG NAS GZHAN GYI LEN PA YIN TE SNGA MA BZHIN NO, ,'BRING NI DNGOS PO CHUNG DU YIN TE, ZHING BZANG PO LA BRKUS PA MA YIN PA 'DI NI MA BYIN PAR LEN PA 'BRING YIN NO, ,SANGS RGYAS DANG, CHOS DANG, DGE 'DUN DAG LAS NI CHUNG DU ZHIG BLANGS NA'ANG CHEN POR 'GYUR TE, SANGS RGYAS DANG, CHOS DANG; DGE 'DUN GYI MA BYIN BAR BLANGS PA DE DAG LAS KYANG RIS SU MTHUN PAR SLAR PHUL NA, SANGS RGYAS DANG, CHOS KYI NI DAG PAR 'GYUR LA, DGE 'DUN GYI BRKUS PA NI TSOR BA MA MYONG BAR DAG PAR 'GYUR BA MED DE, ZHING LCI BA'I PHYIR GAL TE ZHAL DU 'DU BA'I SGO ZHIG NA NI DE SEMS CAN DMYAL BA CHEN POR LHUNG LA, GAL TE ZHAL DU 'DU BA'I SGO MA YIN NA NI DE'I NANG GI BAR MNAR MED 'KHOR MUN NAG CHEN PO LA SOGS PAR SKYE BAR 'GYUR RO, ,GAL TE MA BYIN PAR LEN PA CHUNG DU ZHIG BLANGS NAS KYANG KUN TU BSTEN CING SEMS LA DGA' BAR BYED DE, GOMS PAR BYED LA MANG DU BYED NA, MA BYIN PAR LEN PA CHUNG DU DES KYANG SEMS CAN DMYAL BA DANG, DUD 'GRO DANG, YI DVAGS KYI NANG DU SKYE BAR 'GYUR RO, ,GAL TE 'CHAGS PAR BYED CING
RJES SU YA RANG BAR MI BYED LA 'GYOD NA DE MYONG BAR 'GYUR BAR MA NGES PA YIN NO, ,GAL TE MA BYIN PAR LEN PA'I NGANG TSUL CAN ZHIG DE THABS DU MAR MA BYIN PAR LEN PA KUN TU SPYOD NA, 'DI NI MA BYIN PAR LEN PA KUN TU BSTEN PA YIN NO, ,GOMS PAR BYED PA JI LTA BU YIN ZHE NA, 'DI LA MA BYIN PAR LEN PA'I RDZAS THOB NAS MGU BAR 'GYUR ZHING CHOM RKUN LA MNGON PAR DGA' BAR BYED DO, ,DE RDZAS DE THOB NAS BZA' BA DANG, BGO BA BYAS SHING DGA' BAR 'GYUR TE, YON TAN DU BZUNG NAS GZHAN DAG KYANG MA BYIN PAR LEN PA LA RAB TU 'JOG PAR BYED, YANG DAG PAR 'JUG PAR BYED, YANG DAG PAR 'DZIN DU BCUG CING BYED DU 'JUG PA DE LTA BU NI MA BYIN PAR LEN PA GOMS PAR BYAD PA YIN NO, ,MA BYIN PAR LEN PA MANG DU BYED PA JI LTA BU YIN ZHE NA, 'DI LA MA BYIN PAR LEN PA BYAS NAS, MAL CHA DANG, BZA' BA DANG, BCA' BA DANG, GOS DANG, RGYAN DANG, BTUNG BA DANG, SMAD 'TSONG BA DANG, RGYAN PO MANG PO DAG LA MNGON PAR DGA' BAR BYED DO; ;DE SEMS KYIS MNGON PAR DGA' BAR BYED DE, BDE BA THAMS CAD KYI NANG NA, 'DI LTA STE, MA BYIN PAR LEN PA ZHES BYA BA 'DI NI LEGS PAR BYAS PA YIN NO, ,RGYU DES BDAG MAL CHA DANG, BZA' BA DANG, BCA' BA DANG, GOS DANG, RGYAN DANG, BTUNG BA DANG, SMAD 'TSONG BA DANG, RGYAN PO MANG PO DAG GIS MCHOG TU BDE BA MYONG NGO, ,MA BYIN PAR LEN PA DE BDAG GIS KUN TU SPYAD PAR
, ,BYA STE; DE BDAG LA BDE BA RAB TU MANG PO DAG TU 'GYUR RO SNYAM NA SNGA MA BZHIN DU SBYAR TE, 'DI NI MA BYIN PAR LEN PA MANG DU BYED PA YIN TE, DE NI SEMS CAN DMYAL BA RNAMS SU MYONG BAR 'GYUR BAR NGES PA YIN NO, ,'DOD PAS LOG PAR G-YEM PA KUN TU BSTEN CING BSGOMS TE, MANG DU BYED PA JI LTA BU YIN ZHE NA, 'DI LA TSUL BZHIN MA YIN PA YID LA BYED PAS ZIL GYIS NON PA NI 'DOD CHAGS DANG BCAS PA'I RIS MTHUN PA GZHAN, 'DI LTA STE, BYE'U MCHIL PA DANG, NGUR PA DANG, GONG MA SREG DANG, NE TZO DANG, RMA BYA DANG, SREG PA DANG, NYA DANG, SROG CHAGS DUD KA DAG NI LHA MA YIN GYI RIS DAG NAS SHI 'PHOS NAS 'DIR SKYES PA YIN TE, 'DOD CHAGS SHA SA CHE BA'I GROGS PO NGAN PA DANG LHAN CIG YAN LAG MA YIN PAR SPYOD PA YIN NO, ,DE TSUL BZHIN MA YIN PA NYIS GYUR GYIS MNGON PAR ZHEN LA DE 'DOD CHAGS TSIM PA MED PA DANG BCAS PA'I SEMS KYIS TSUL BZHIN MA YIN PA KUN TU SPYOD DE, GANG DRI ZA DER NYE BAR 'GYUR ZHING GANG GIS DER SKYE BAR 'GYUR BA TSUL BZHIN MA YIN PA DE NI SKYE GNAS KYI ZHING LA SKYON YOD PA'I PHYIR DER SKYE BAR MI 'GYUR RO, ,RGYU DES NA TSUL BZHIN MA YIN PA DANG BCAS PA'I 'DOD PAS LOG PAR SPYOD PA ZHI NGAN PA YIN NO, ,MI DE REG BYA'I 'DOD CHAGS SHAS CHE BAS DE DANG, DE NYID LA MNGON PAR DGA' STE, DE NI 'DI LTAR 'DOD
PAS LOG PAR G-YEM PA 'DI YANG DANG, YANG DU BSTEN CING REG BYA NGAN PA LA MNGON PAR DGA' BA YIN TE, 'DI LTAR 'DI NI 'DOD PAS LOG PAR G-YEM PA KUN TU BSTEN PA YIN NO, ,'DOD PAS LOG PAR G-YEM PA GOMS PAR BYED PA JI LTA BU YIN ZHE NA, 'DI LAS 'DOD PAS LOG PAR G-YEM PA YANG DANG, YANG DU BSTEN CING YID KYIS YANG DAG PAR RTOG PAR BYED, DE'I YID LA MNGON PAR DGA' BA GZHAN SPANGS TE, DE 'DOD PAS LOG PAR G-YEM PA 'DI NYID GOMS PAR BYAS NAS, YANG YUL BDE BA DE GOMS PAR BYED PA YIN NO, ,MANG DU BYED PA JI LTA BU YIN ZHE NA, 'DI LA TSUL BZHIN MA YIN PA YID LA BYED PAS BRLAN PA'I BYIS PA SO SO'I SKYE BO NI, 'DI LTAR 'DOD PAS LOG PAR G-YEM PA NI MCHOG TU BZANG BA YIN LA 'DOD PAS LOG PAR MI G-YEM PA NI MA YIN ZHES YON TAN MCHOG DANG 'DRA BAR YANG DAG PAR 'DZIN PAR BYED DO, ,DE GZHAN SHIN TU MANG PO DAG KYANG 'DOD PAS LOG PAR G-YEM PA LA MNGON PAR 'JUG CING BYED DU 'JUG STE, 'DI NI 'DOD PAS LOG PAR G-YEM PA MANG DU BYED PA YIN NO, ,LUS KYI RNAM PA GSUM PO 'DI DAG NI BYIS PA SO SO'I SKYE BO RNAMS KYI MI DGE BA YIN NO, ,NGAG GI NI RNAM PA BZHI STE, RDZUN DANG, TSIG RDZUB PO DANG, PHRA MA DANG, TSIG KYAL PA BA'O; ;DE LA BRDZUN GANG ZHE NA, 'DI LTA STE, BDAG NYID LA BDAG NYID SLU ZHING GZHAN YANG SLU BAR BYED PA YIN TE, RDZUN DU SMRA BA 'DI NI BDAG DANG, GZHAN SLU BAR BYED PA YIN NO, ,DE'ANG RGYU LNGA DANG LDAN
, ,PA YIN TE, 'DI LTA STE, 'DOD CHAGS DANG, ZHE SDANG DANG, 'JIGS PA DANG, RNYED PA DANG, CHOS LOG PA'I 'DUL BA YONGS SU SDUD PA'O, ,RDZUN DU SMRA BA JI LTA BU GANG ZHE NA; 'DI LA RGYAL PO'I PHO BRANG 'KHOR NA 'DUG KYANG RUNG, KHYIM BDAG GI 'KHOR GYI NANG NA 'DUG KYANG RUNG, NYE DU'I NANG NA 'DUG KYANG RUNG STE, MDZA' BA SHES DANG, MDZA' BA SHES MA YIN PA DAG SMRA BA NA, MDZA' BA SHES KYI PHYIR NI 'DOD CHAGS KYIS RDZUN SMRA LA, MDZA' BA SHES MA YIN PA'I PHYIR NI ZHE SDANG GIS KYANG RDZUN SMRA'O, ,RNYED PA'I PHYIR YANG RDZUN SMRA STE, NOR LA CHAGS PA DE RDZUN SMRA'O, ,CHOS LOG PA'I TSIG YONGS SU SDUD PAS KYANG RDZUN SMRA STE, 'DI LA BRAM ZE RNAMS YON TAN GYI PHYIR DANG, NOR 'PHROG PA'I PHYIR DANG, RANG GI SROG LA GNOD PA DANG, BAG MA LEN PA DAG GI PHYIR RDZUN SMRAS KYANG MI GOS SO ZHES ZER RO, ,DE NI CHOS LOG PA'I TSIG YONGS SU SDUD PA'I RDZUN SMRA BA YIN TE, MI GTI MUG PA LOG PAR LTA BA'I TSIG YONGS SU SDUD PA 'DI NI SEMS CAN DMYAL BA MI BZAD PAR 'GYUR RO, ,SEMS CAN DMYAL BA 'GRUB PAR 'GYUR BA'I SA BON DANG NI, 'DI LTA STE, RDZUN SMRA BA YIN PAS RANG GI SROG GI PHYIR RAM, GZHAN GYI SROG GI PHYIR RDZUN CUNG ZAD KYANG SMRA BAR MI BYA BA 'DI NI MCHOG YIN NO, ,'JIGS PAS KYANG RDZUN SMRA STE, GANG BDAG GIS RDZUN 'DI MA SMRAS NA DE BDAG GI SROG LA DMAN PA DON MED PA CHEN PO 'THOB PAR 'GYUR RO SNYAM NAS DE GANG LAS
'JIGS PAR 'GYUR BA DE'I DON DU RDZUN SMRA BA YIN TE, RGYU LNGA PO 'DI DAG GIS BYIS PA DAG RDZUN SMRA BA SMRA STE, GTI MUG NI THAMS CAD LA GNAS PA YIN NO, ,'DIR TSIGS SU BCAD PA, 'JIG RTEN PHA ROL KHYAD GSOD CING, ,CHOS GCIG LAS NI 'DA' BYED PA, ,BRDZUN DU SMRA BA'I LUS CAN GYIS, ,SDIG PA MI BYA CI YANG MED, ,MI YI LUS SU SKYES MA THAG ,KHA NAS STA RE LTA BU YI, ,TSIG 'BYUNG NGAN PAR BRJOD SMRA BA, ,DE YIS BDAG NYID GCOD PAR BYED, ,BDEN PAR SMRA ZHING 'KHRUG MI BYA, ,BSLANGS NA CHUNG YANG SBYIN PAR BYA, ,GNAS 'DI GSUM DANG LDAN PA NI, ,LHA RNAMS DAG GI DRUNG DU 'GRO, ,DE LTA BAS NA RGYU THAMS CAD DANG, RKYEN THAMS CAD KYIS BRDZUN DU SMRA BAR MI BYA ZHING GZHAN RDZUN SMRA BA NA RJES SU YI RANG BAR MI BYA, RDZUN SMRA BA DANG LHAN CIG 'BEL BA'I GTAM ZER DU MI 'GRO ,MI GNAS, 'DUG PAR MI BYA'O, ,GZHAN DU NA 'DI'ANG RDZUN SMRA BA MNGON DU ZER BA YIN NO ZHES SKYE BO GZHAN DAG GIS BSAMS PAR 'GYUR TE, DE LTAR NA LAS DRI MA CAN LA MNGON PAR DGA' BA'I MI RNAMS DANG 'GROGS PAS LAS DRI MA CAN DU GZHAN DAG SEMS SO, ,DE LTA BAS NA SDIG PA'I GROGS PO DANG 'GROGS PAR MI BYA STE, 'DI LTA STE, SDIG PA'I GROGS PO DANG 'GROGS PA NI 'KHOR BA'I 'CHING BA SEMS CAN DMYAL BA DANG, YI DVAGS DANG, BDUD 'GRO RNAMS KYI GNAS YIN LA, DGE BA'I BSHES GNYEN DANG 'GROGS PA 'DI NI THAR PA MCHOG YIN TE, 'DI DAG NI BRDZUN DU SMRA BA MDOR
, ,BSHAD PA YIN NO, ,GZHAN YANG PHRA MA JI LTA BU YIN, RNAM PA DU YOD CE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING, GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE PHRA MA ZHES BYA BA NI MTHUN ZHING 'BYOR BA DAG LA DBYE BA'I BSAM PAS TSIG BRJOD PA NI PHRA MA YIN NO, ,DE RNAM PA GNYIS TE, PHA ROL DANG SBYOR BA DANG; MI SBYOR BA'O, ,DE LA KHYOD KYIS MI GNYIS DANG DBYE BA'I SBYOR BA GYIS SHIG CES DGRA'AM, DGRA CHUNG DU GZHAN DAG GIS SBYOR BA BYED PA DANG, BDAG NYID KYIS 'BYED PAR 'DOD PA'O, , GZHAN YANG, TSIG RTZUB PO JI LTA BU YIN, RNAM PA DU YOD CE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, TSIG RTZUB PO ZHES BYA BA NI BDAG DANG, GZHAN LA GNOD PA BYED PA, KHRO BO'I RGYU MTHUN PAR GYUR PA, YID DU MI 'ONG BA, MI SBUG PA, MI DGA' BA'I TSIG BRJOD PA NYAN PA DANG, MI MTHUN PA, 'DOD CHAGS DANG, ZHE SDANG DANG, GTI MUG DANG BCAS PA, BYIS PA SO SO'I SKYE BO THAMS CAD DANG LHAN CIG SPYOD PA'I TSIG SMRA BA 'DI NI TSIG RTZUB PO ZHES BYA STE, RNAM PA DUM , DMIGS PA DU MA, RGYU DU MA, SEMS KYI KUN NAS LDANG BA DU MA, RNAM PAR SMIN PA DU MA, BDE 'GROR 'GRO BA RNAM PAR 'JIG PA DU MA, SKYE BO THAMS CAD MI DGA' BAR BYED PA, 'JIG RTEN LDANG
BA'I RGYUR GYUR PA, MTHUN PAR GYUR PA RNAM PAR 'JIG PAR BYED PA, YID MI CHES PA'I GNAS SU GYUR PA, YID GCUGS PA MA YIN PA, LCE DUG LTA BUR GYUR PA'I TSIG RTZUB PO DAG GI DRI MA NI TSANGS PA MTSUNGS PAR SPYOD PAS RNAM PAR SPANGS PA YIN NO, ,'DIR TSIGS SU BCAD PA, BRTAN PAS TSIG RTZUB SPANG BYA ZHING, ,RTAG TU YANG DAG TSIG SMOS SHIG ,TSIG SNYAN MNGON PAR DGA' BA'I MI,, MYA NGAN 'DAS LA NYE BAR GNAS, ,TSIG NI RTAG TU SMRA BYA ZHING, ,DRI MA YOD PA RNAM PAR SPANG, ,TSIG GI DRI MAS ZIL NON PA, ,MI GANG DE NI DMYAL BAR 'GRO ,TSIG GI DRI MAS ZIL NON PA, ,GANG YIN DE LA BDE BA MED, ,SENG GE SBRUL NI 'PHAGS MIN LTAR, ,DE DAG LA NI MTHO RIS MED, ,GANG DAG TSIG RTZUB MI SMRA ZHING, ,GANG DAG G-YO NI RNAM SPANGS PA, ,DE DAG THAMS CAD DGA' BSKYED CING, ,BDE BA DAG DANG DBUGS 'BYIN CING, ,SKYE BO DE NI 'JIG RTEN 'DI, ,DGA' ZHING PHA ROL MTHO RIS 'GRO, ,DE 'DRA BA YI MI DAG NI, ,MKHAS PA DE LA PHYAG BYAR 'OS, ,BDEN TSIG RTAG TU ZHI BA DANG, ,G-YO SGYU MED CING DRANG PO'I SEMS, ,GZHAN LA GNOD PA'I BYED DANG BRAL, ,DE NI CHOS KYI RGYAL MTSAN DGA', ,LAG PA BRDABS PA'I SGA LTA BUR, ,MI NI CHUNG BAR GYUR PA YIN, ,GANG DAG DE THOB CHOS MI SHES, ,MI NI RMONGS PA DAG GIS BSLUS, ,GANG DAG BDAG SDUG MI 'GYUR DANG, ,GANG DAG BDE BA MI 'DOD PA, ,DE NI SDIG GI LAS BYED CING, ,SRID PA'I RGYU YIS RNAM PAR BSLUS, ,GANG
, ,DU LAS KYI RJES 'GRO BA, ,NOR DANG BU DANG CHUNG MA DANG, ,MDZA' BSHES NYE DU GNYEN 'DAB DANG, ,DER NI 'GRO BAR MI NUS SO, ,LEGS PAR BYAS DANG NYES PAR BYAS; ;DE DAG 'GRO BA'I RJES SU 'GRO, ,MKHA' LA BYA DAG GNAS PA YIN, ,DE GRIB LHAN CIG 'GRO BA BZHIN, ,JI LTAR LAM RGYAGS NYUNG BA DAG ,LAM ZHUGS SDUG BSNGAL 'GRO BA LTAR, ,DE BZHIN LAS BZANG MA BYAS PA'I, ,SEMS CAN DAG NI NGAN 'GROR 'GOR, ,JI LTAR LAM RGYAGS MANG BDOG PA, ,LAM ZHUGS BDE BAR 'GRO BA LTAR, ,DE BZHIN LAS BZANG BYAS PA YI, ,SEMS CAN DAG NI BDE 'GROR 'GRO, ,YUN RING YUL GZHAN GNAS PA YI, ,MI DAG BDE BAR 'ONGS PA DANG, ,GNYEN DANG SDUG PA MDZA' BSHES DAG ,'DIR 'ONGS MNGON PAR DGA' BA LTAR, ,DE BZHIN BSOD NAMS BYAS PA'I MI, ,'JIG RTEN 'DI NAS PHAR 'GRO BA, ,BSOD NAMS NYID KYIS MNGON DGA' STE, ,GNYEN SDUG DAG NI 'ONGS PA BZHIN, ,DE LTA BAS NA TSE PHYI MA'I, ,BSOD NAMS DAG NI BYA ZHING BSAGS, ,BSOD NAMS 'JIG RTEN PHA ROL TU, ,SROG CHAGS RNAMS NI DRAN GNAS YIN, ,SPYOD PA MTHUN PAR GANG SPYOD PA'I, ,BSOD NAMS DAG LA LHA BSTOD CING, ,DE DAG 'DIR NI MNGON DGA' LA, ,PHA ROL MTHO RIS DGA' BAR 'GYUR, ,GNAS 'DI GZHAN GYIS MTHONG BA YI, ,MKHAS PA DAG GIS TSUL KHRIMS BSRUNGS, ,'PHAGS PA MTHONG PA PHUN SUM TSOGS, ,
'JIG RTEN 'DI NI ZHI BA BSTEN, ,GZHAN YANG, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DE MI DGE BA'I LAS KYI LAM GYI TSIG BZHI PA'I TSIG KYAL PA LA RTOG PAR BYED, DE LA TSIG KYAL PA RNAM PA DU YOD CE NA, TSIG 'BYUNG BA SNGA PHYI 'BREL PA MED PA'I TSIG KYAL PA DANG, SEMS 'JUG PA YANG BAS SNGA PHYI 'BREL PA MED PA'I TSIG BRJOD PA'I TSIG KYAL PA'O, ,RGYAGS PA DANG, BCAS PA DANG, RGYAGS PA MED PA'I DUS KYIS BSLANG BA'ANG BYED PA'I RGYU'I NGO BO SKYED PA DE TSE 'DI LA YID GCUGS PA'I GNAS SU MI 'GYUR ZHING TSE 'DI'I LAS KYI LAM SKYED PA 'JIG RTEN PA KUN GYIS SMAD PA'I GNAS KYI RGYU, DON MED PAR SMRA BA NI TSIG KYAL PA STE, TSIG GI DRI MA BZHI PA 'DI NI MI DGE BA'I LAS KYI LAM BSKYED PA DANG, SKYE BAR BYED PA SMRA BAR MI BYA ZHING RJES SU YI RANG BAR MI BYA BA LA GZHAN GYI TSIG KYAL PA SMRA BA DE LA GNAS PAR MI BYA'O, ,YID KYI MI DGE BA'I LAS KYI LAM NI BRNAB SEMS DANG, GNOD SEMS DANG, LOG PAR LTA BA'O, ,DE LA BRNAB SEMS NI GZHAN GYIS YONGS SU BZUNG BA'I NOR RDZAS DANG, NOR RDZAS KYI RNAM PA LA NGAG DANG, YID KYIS SHIN TU RTOG PAR BYED DE, 'DI NI BDAG GIR BYA'O SNYAM PA YANG DAG PA MA YIN PA'I TSUL BZHIN YID LA BYED CING, DE GZHAN GYI PHUN SUM TSOGS PA LA 'PHRAL LA SEMS LDANG STE, DON LA 'CHUMS PA RGYU MED PA YIN NO, ,DE NI BRNAB SEMS YID KYI MI DGE BA'I LAS KYI LAM YIN TE, MI
, ,'DOD PA, MI SDUG PA, YID DU MI 'ONG BA'I RNAM PAR SMIN PA, YID MA ZHI BA, MA SBYANGS PA'I BYIS PA SKYE BO BRNAB SEMS KYIS RAB TU BSLUS PA DE GZHAN GYI PHUN SUM TSOGS PA LA 'PHRAL LA YID KYIS SHIN TU RTOG PAR BYED, RO MYONG BAR BYED, YANG DANG, YANG DU BYED, YONGS SU SGYUR BAR BYED, RTAG TU 'DOD PAR BYED, RTAG TU DGA' BAR BYED CING GZHAN GYI NOR RDZAS PHUN SUM TSOGS PA MTHONG NA SDUG BSNGAL BA YIN NO, ,'DI NI BRNAB SEMS ZHES BYA STE, YID KYI MI DGE BA'I LAS KYI LAM GYI DRI MA CHEN PO YIN NO, ,GZHAN YANG SEMS LAS BYUNG BA GNOD SEMS MI DGE BA'I LAS KYI LAM LA SOGS PA JI LTA BU YIN ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES, THOS PA LAS BYUNG BA'I SHES PA'AM, LHA'I MIG GIS MTHONG STE, GZHAN DAG GIS SGYU MA YIN PA YID KYI NYES PA'I GNOD SEMS DANG, GZHAN DAG GI PHUN SUM TSOGS PA'AM, PHUN SUM TSOGS PA MA YIN PA MTHONG NAS; SGYU MA YIN PA JI LTAR 'DOD PA BZHIN BYAS PA YID KYI NYES PA MI BZAD PA CHEN PO SKYE BAR 'GYUR TE, GNOD SEMS DE NI SEMS CAN DMYAL BA MYONG BAR 'GYUR, DGE BA'I CHOS KYI LO TOG TU GYUR PA RNAMS KYI SER BA, YANG DAG PA'I SHES RAB KYI MIG GI MI MTHUN PAR GYUR PA MUN NAG SNYING LA GNAS PA'I ME DE TSUL KHRIMS THAMS CAD SREG PAR BYED PA, MDOG NGAN PA'I
RGYU; CHOS KYI STEGS GCOD PAR BYED PA, 'JIG RTEN 'DI DANG, 'JIG RTEN PHA ROL GYI DGRA NANG DU ZHUGS PA, SEMS RTZE GCIG PA NYAD 'JIG PAR BYED PA, BYAMS PA DANG MI MTHUN ZHING, 'PHAGS PA'I BDEN PA BZHI PO SDUG BSNGAL DANG, KUN 'BYUNG DANG, LAM DANG, 'GOG PA RNAMS 'JIG PAR BYED PA YIN NO, ,GNOD SEMS ZHES BYA BA SEMS CAN DMYAL BA'I PHO NYA MCHOG YIN TE, DE SKYES BU DAM PA DANG, 'PHAGS PA NYAN THOS DANG, THOS PA DON DU GNYER BA RNAMS KYIS SPONG BAR 'GYUR RO, ,GZHAN YANG, LOG PAR LTA BA DAM PA'I CHOS KYI MI MTHUN PAR GYUR PA DE LTA BA NGAN PA THAMS CAD KYI MUN GNAG SNYING LA YANG DAG PAR SKYE BAR 'GYUR BA JI LTA BU YIN ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, THOG MA MED PA'I DUS NAS ZHUGS SHING SKYES PA, SEMS CAN DMYAL BA DANG, YI DVAGS DANG, DUD 'GRO'I 'GRO BA'I RGYU BSKYED PA, MUN PA MUN NAG TU GYUR PA, LTA BA NGAN PA LA MNGON PAR DGA' BA, YANG DAG PA'I LAM GYI MI MTHUN PAR GYUR PA, MTSON DANG, ME DANG, DUG DANG, G-YANGS LTA BU, SKYE BO THAMS CAD RNAM PAR 'JIG PAR BYED PA, PHYIN CI LOG TU LTA ZHING LOG PAR LTA BA YIN NO, ,DE'ANG RNAM PA GNYIS TE, RKYEN YOD PA DANG, LAS DANG, 'BRAS BU LA SKUR BA 'DEBS PA'O, ,DE LA RKYEN YOD PA NI BDE BA DANG, SDUG BSNGAL GANG YIN PA DE DAG
, ,NI DE DAG NYID KYIS BYAS KYI, LAS DANG, 'BRAS BUS BYAS PA NI MA YIN NO ZHES ZER RO, ,LAS DANG 'BRAS BU LA SKUR BA 'DEBS PA NI, SBYIN PA MED DO ZHES BYA BA LA SOGS PA STE, DE LTAR DE DAG LOG PAR LTA BA MI DGE BA BCU'I LAS KYI LAM 'DI DAG THAMS CAD DON THAMS CAD MED PAR BYED PA'I RTZA BA YIN NO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO GNYIS PA, GZHAN YANG, MI DGE BA BCU'I LAS KYI LAM 'DI DAG BZLOG NAS, ZAG PA DANG BCAS PA DANG, ZAG PA MED PA DAG GI LAS BYED PAR 'GYUR BA JI LTA BU YIN ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, 'DI NI RE ZHIG 'KHOR BA'I 'CHING BA, CHOS ZAD PAR BYED PA, 'DI LTA STE, 'CHING BA'I RGYU MI DGE BA'O, ,THAR PA'I RGYU'I DNGOS PO NI DGE BA YIN TE, DE LA SROG GCOD PA SPANGS PAS 'KHOR BAR GTOGS PA'I SEMS CAN RNAMS LA MI 'JIGS PA SBYIN PAR 'GYUR TE, DE'I TSE 'DI NYID LA BSNGAGS PAR 'GYUR, DE BZHIN GYI MDOG DANG, DBANG PO RNAMS GSAL BAR 'GYUR, TSE RING POR 'GYUR BA'I LAS BYED PAR 'GYUR, GANG SRIN PO DANG, SHA ZA DANG, GRUL BUM GYI RIGS DANG, GZHAN YANG SEMS CAN 'TSE BAR BYED PA DE DAG KYANG NYIN MTSAN DU SRUNG BAR BYED, PHYI BZHIN DU LHA DAG
KYANG MNGON PAR SRUNG BAR BYED LA, LUS DANG BRAL NAS KYANG BDE 'GRO MTHO RIS LHA'I 'JIG RTEN DU SKYE BAR 'GYUR TE, GAL TE RNAM PAR SMIN PA'I 'BRAS BU MYONG BAR 'DOD NA'ANG, JI LTAR BRTZON 'GRUS BRTZAMS PA BZHIN MYONG BAR 'GYUR RO, ,GAL TE BYANG CHUB KYI LAM THA MA DANG, 'BRING DANG, CHEN PO RNAMS KYI SO SO YANG DAG PAR MYONG BAR 'DOD NA, DE RNAM PA GSUM PO 'DIR 'GYUR TE, GAL TE NYAN THOS KYI BYANG CHUB TU YONGS SU BSNGO NA, DE DGRA BCOM PAR GYUR NAS, YONGS SU MYA NGAN LAS 'DA'O, ,GAL TE BYANG CHUB 'BRING DU YONGS SU BSNGO NA, DE RANG SANGS RGYAS SU 'GYUR RO, ,GAL TE BLA NA MED PA YANG DAG PAR RDZOGS PA'I BYANG CHUB TU YONGS SU BSNGO NA, DE YANG DAG PAR RDZOGS PA'I SANGS RGYAS SU 'GYUR TE, RIG PA DANG, ZHABS SU LDAN PA, BDE BAR GSHEGS PA, 'JIG RTEN MKHYEN PA; SKYES BU 'DUL BA'I KHA LO SGYUR BA, BLA NA MED PA, LHA DANG, MI RNAMS KYI STON PA, SANGS RGYAS BCOM LDAN 'DAS SU 'GYUR RO, ,CHOS THAMS CAD KYI RTZA BA NI SROG YIN TE, GANG SROG DE MNGON PAR SRUNG BA DES NI BDE BA THAMS CAD SBYIN PAR 'GYUR LA, SBYIN PA RNAMS KYI NANG NA MCHOG NI 'DI YIN TE, 'DI LTA STE, SEMS LAS BYUNG BA SO SOR BSGOMS PA SROG BYIN PA'O, ,TSUL KHRIMS KYI NANG NA MTHO RIS SU SKYE BA'I MCHOG NI 'DI YIN TE, 'DI LTA STE, SROG BYIN PA'I TSUL KHRIMS SO, ,GAL TE YUL GYI BDE BA KUN NAS NYON MONGS PA SRED PA'I RGYUR GYUR PAR YONGS SU BSNGO NA, DE
, ,TSANGS PA'AM, BDUD DAM, BRGYA BYIN DU 'GYUR, GAL TE MI'I BDAG NYID CHEN POR YONGS SU BSNGO NA, DE 'KHOR LOS BSGYUR BA'I RGYAL PO RIN PO CHE SNA BDUN DANG LDAN PA, GLING BZHI LA SPYOD PAR 'GYUR, GAL TE LHA MA YIN GYI BDAG NYID CHEN POR YONGS SU BSNGO NA, DE LHA MA YIN GYI RGYAL SRID BYED PAR 'GYUR, GAL TE GNOD SBYIN GYI BDAG NYID CHEN POR YONGS SU BSNGO NA, DE GNOD SBYIN GYI RGYAL SRID BYED PAR 'GYUR RO, ,SNYING RJE CHEN PO 'DI NI DAM PA'I CHOS KYI SA BON DU GYUR PA, 'KHOR BA'I SKYABS SU GYUR PA, 'KHOR BA'I MUN GNAG TU ZHUGS PA RNAMS KYI SGRON MAR GYUR PA YIN TE, 'DI LTA STE, SROG GCOD PA SPONG BA ZHES BYA'O, ,SROG GCOD PA SPANGS PA BYAMS PA BSGOMS PAR 'GYUR ZHING, SNYING RJE'I RGYUD LA GNAS PA YIN TE, BSAMS NAS SROG GCOD PA SPANGS NA GTZANG ZHING DGA' BAR 'GYUR, GANG GI TSE PHA ROL YANG DAG PAR BSRUNG BAR MA NUS PA DE'I TSE BTANG SNYOMS SU 'GYUR ZHING, DE TSANGS PA'I GNAS BZHI LA GNAS PA'I RGYUD DU 'GYUR, SROG GCOD PA SPANGS PA'I DGE BA'I RTZA BA'I SNYING PO NI BSAM GYIS MI KHYAB STE, RNAM PA GANG DANG, GANG GIS JI LTA JI LTAR YONGS SU BSNGO BA DE LTA DE LTAR YONGS SU 'GRUB BO, , DPER NA, GSER MGAR MKHAS PA DE NI GSER BZANG PO BLANGS NAS, JI LTA JI LTAR 'DOD PA DE LTA DE LTAR GSER DE LA BYED DE, DE LAS RGYAN TAM, DE LAS BUM PA'AM, DE LAS MI'I GZUGS
SAM; DE LAS SANGS RGYAS KYIS GZUGS BYED DO, ,DE BZHIN DU SROG GCOD PA YANG DAG PAR BSRUNGS TE, MA NYAMS SHING MA RAL LA, MA ZHIG NA JI LTA JI LTAR YONGS SU BSNGO BA DE LTA DE LTAR YONGS SU 'GRUB BO, ,DE LTA BAS NA SROG GCOD PA SPANGS PA'I SEMS CAN GANG YIN PA DE NI MYA NGAN LAS 'DAS PA DANG, NYE BAR GNAS SHING, DE DGE BA'I BSHES GNYEN DANG YANG DAG PAR SPYOD, SEMS CAN DE BDAG DANG, GZHAN LA PHAN PA'I SKAL PA DANG LDAN ZHING, DE SEMS CAN DMYAL BA DANG, DUD 'GRO DANG, YI DVAGS RNAMS KYI 'GRO BA LA BSOD NAMS KYI ZHING DU GYUR PA YIN, DES 'KHOR BA NA CHOS DANG LDAN PA'I CHOS KYI RJES SU 'JUG PA, CHOS DANG LDAN PA'I KUN RTOG PA RNAMS 'GRUB PAR 'GYUR ZHING, GRUB PA'ANG BRTAN PAR 'GYUR LA, RGYAL PO DANG, CHOM RKUN DANG, CHU DANG, MES 'JIGS PA DANG, THUN MONG MA YIN PAR 'GYUR TE, BDAG NYID NYE BAR SPYOD PAR 'GYUR RO, ,CHOS DANG LDAN PA'I 'GRAN ZLA GZHAN DAG GIS MI NON PAR MTHONG STE, DE LTA BAS NA SROG GCOD PA SPANG BAR BYA'O, ,DE NAS GZHAN YANG, MA BYIN PAR LEN PA SPANGS PAS LEGS PAR BYAS PA, MTHONG BA JI LTA BU YIN ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'ANG, LHA'I MIG GIS MTHONG STE, MA BYIN PAR LEN PA SPANGS PA YIN, GZHAN GYIS YONGS SU BZUNG BA'I CHAGS PA CHEN PO'I DRA BA LAS GROL BAR GYUR, TSE 'DI NYID LA
, ,DE DBUGS 'BYUNG BAR 'GYUR, RGYAL PO'AM, BLON PO'I YID BRTAN PAR 'GYUR, RGYAL PO'I 'KHOR DANG, KHYIM BDAG GI 'KHOR DANG, RGYAL RIGS KYI 'KHOR DANG; DGE SBYONG GI 'KHOR DANG, BRAM ZE'I 'KHOR DU YID BRTAN PA DANG, DGA' BA DANG, SDUG PA DANG, YID DU 'ONG ZHING TSIG YONGS SU GZUNG BAR 'OS PAR 'GYUR, DE'I LONGS SPYOD GANG YIN PA DE DAG RTAG CING GZHAN LA GNOD PA MED PAR 'GYUR LA, RGYAL PO DANG, CHU DANG, CHOM RKUN DANG, ME'I 'JIGS PA MED PAR 'GYUR, MA BSAMS PAR DE DAG 'PHRAL LA 'BYUNG BAR 'GYUR LA, BYUNG NAS KYANG ZHING DANG, TSUL KHRIMS DANG LDAN PA DANG, LAM BZANG PO LA ZHUGS PA DANG, 'JIG RTEN PA RNAMS LA YANG DAG PAR NYE BAR SBYOR BAR 'GYUR, LUS DANG BRAL NAS KYANG BDE 'GRO MTHO RIS KYI LHA'I 'JIG RTEN RNAMS SU SKYE BAR 'GYUR RO, ,GAL TE NGES PAR 'BYUNG BA'I LAM GYIS YONGS SU BSNGO NA, NGES PAR 'BYUNG BAR 'GYUR LA SNGA MA BZHIN DU TSANGS PA'AM , BDUD DAM, BRGYA BYIN NAM, 'KHOR LOS BSGYUR BA'I RGYAL PO GLING BZHI LA DBANG BA, RIN PO CHE SNA BDUN DANG LDAN PAR 'GYUR TE, 'DI LTAR TSUL KHRIMS LA MNGON PAR DGA' BA DE BYANG CHUB RNAMS 'THOB PAR 'GYUR RO, ,DE NAS GZHAN YANG, 'DOD PAS LOG PAR G-YEM PA SPANGS PA'I 'BRAS BU JI LTA BU YIN ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING
GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, 'DOD PAS LOG PAR G-YEM PA SPANGS PA NI DGE BA'I LAS KYI LAM BZANG PO SPYOD CING, TSE 'DI NYID LA DE SPANGS PAR 'GYUR, YID CHES PA'I GNAS SU'ANG 'GYUR, BUD MED KYI NANG NA 'DUG KYANG DOGS PA MED PAR 'GYUR, DE RGYAL PO'AM, BLON PO'I YID BRTAN PAR 'GYUR, DE'I CHUNG MA NAM YANG GZHAN GYIS 'PHROG PAR MI 'GYUR ZHING RTAG TU DE'I RIM GRO BYED PAR BRTZON PAR 'GYUR LA BSAM PA DANG MTHUN PAR YANG 'GYUR, NYAM THAG PAR GYUR PA NA'ANG KHYAD DU GSOD PAR MI 'GYUR ZHING TSUL DANG MI MTHUN PAR MI 'GYUR LA GCIG LA GCIG GNOD PA BYED PA LA MNGON PAR DGA' BAR MI 'GYUR, DE'I CHUNG MA DE LA BRNYAS PA BYED PAR MI 'GYUR ZHING 'JIG RTEN THAMS CAD LA MA DANG SRID MO LTA BUR KUN TU SPYOD PAR 'GYUR LA DE'I CHUNG MA 'JIG RTEN LA KHRO BA MED PAR 'GYUR TE, SNGA MA BZHIN DU LUS DANG BRAL NAS BDE 'GRO MTHO RIS KYI LHA'I 'JIG RTEN DU SKYE BAR 'GYUR RO, ,GANG GI TSE LHA DAG LAS 'CHI BAR 'GYUR BA DE'I TSE, LHA'I BU GZHAN ZHIG DER SKYE BAR 'GYUR RO, ,GANG GIS 'DOD PAS LOG PAR G-YEM PA BYAS PAR GYUR NA DE'I TSE MA 'PHOS PAR LHA GZHAN ZHIG LHA'I BU MO DE DAG GI NANG DU SKYE BAR 'GYUR LA DE'ANG DE DANG MNGON SUM DU 'GYUR TE, DE DANG LHA GZHAN DAG DANG LHAN CIG TU RGOD PAR BYED, 'DZUM PAR BYED, DGA' MGUR SPYOD PAR BYED DO, ,DE 'CHI BA NA,
, ,DE'I CHUNG MAS MTHONG NAS GZHAN DU 'GRO BAR BYED DE, PHRAG DOG GI ZHAGS PAS YONGS SU BZUNG BA DAG SEMS CAN DMYAL BA RNAMS SU SKYE BAR 'GYUR RO, , 'DOD PAS LOG PAR G-YEM PA SPYOD PA KUN TU BSTEN CING BSGOMS TE MANG DU BYAS PA 'DI NI BAR CHAD CHEN PO YIN NO, ,DE LTA BAS NA 'DOD PAS LOG PAR G-YEM PA SPONG BA GANG YIN PA DE NI DGE BA'I LAS KYI LAM CHEN PO YANG DAG PAR 'DZIN CING MYA NGAN LAS 'DAS PA'I SKAL BA DANG LDAN PAR 'GYUR RO, ,DE NAS GZHAN YANG DGE BA'I PHYOGS THAMS CAD DANG MI MTHUN PAR GYUR PA'I RDZUN SPANGS PAS DGE BA'I PHYOGS CHEN PO YANG DAG PAR 'DZIN PA TSE 'DI LA 'BRAS BU RNAM PAR SMIN PA JI LTA BU YIN ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, RDZUN SMRA BA SPANGS PA DE NI SKYE BO KUN GYI MIG DANG RNA BA'I LKOG TU GYUR KYANG YID CHES PA'I GNAS CHEN POR 'GYUR ZHING NOR RDZAS MED NA'ANG SKYE BO KUN DANG RGYAL POS JI LTAR 'DOD PA BZHIN MCHOD PAR 'GYUR TE, JI LTAR NAM MKHA' LA GZA' DANG, RGYU SKAR GYI DBUS NA ZLA BA RAB TU GSAL BA DE LTAR 'JIG RTEN THAMS CAD KYI NANG NA BDEN PAR SMRA BA DE RAB TU GSAL LO, ,RIN PO CHE THAMS CAD KYI NANG NA BDEN PA RIN PO CHE MCHOG TU BZANG NGO, ,'KHOR BA THAMS CAD
LAS SGROL BA'I NANG NA BDEN PAR SGROL BA KHYAD PAR DU 'PHAGS SO, ,NGAN 'GRO THAMS CAD LAS PHYIR ZLOG PA'I NANG NA BDEN PAS PHYIR ZLOG GO ,SGRON MA THAMS CAD KYI NANG NA BDEN PA SGRON MA YIN NO; ;LAM STON PA THAMS CAD KYI NANG NA BDEN PA LAM STON PA YIN NO, ,'DU BYED KYI RDZAS 'BYUNG BA THAMS CAD KYI NANG NA BDEN PA'I RDZAS GZHAN GYI NAD 'PHROG PA YIN NO, ,RTZAL THAMS CAD KYI NANG NA BDEN PA RTZAL YIN NO, ,SKYOB PA THAMS CAD KYI NANG NA BDEN PA SKYOB PA YIN NO, ,MDZA' BSHES THAMS CAD KYI NANG NA BDEN PA MDZA' BSHES KHYAD PAR DU 'PHAGS PA YIN NO, ,GANG BDEN PA'I NOR KUN TU 'DZIN PA DE NI NAM YANG 'KHOR BA'I NGAN 'GRO LOG PAR LTUNG BA DBUL BAR MI 'GYUR ZHING, LHA RNAMS DANG NYE BAR 'GYUR LA, GANG DANG, GANG DU SKYE BA DE DANG, DER SKYE BA'I RIGS CHE ZHING, GZUGS BZANG POR 'GYUR TE; SKYE BO THAMS CAD LA SDUG PA DANG, DGA' BA DANG, YID DU 'ONG BA DANG, TSIG YID CHES PAR 'GYUR, DE GNOD SBYIN DANG, SHA ZA DAG GIS MI MTHONG LA GTZE BAR MI NUS SHING, YUL GZHAN DU PHYIN NA'ANG MAL CHA DANG, NA BA'I GSOS SMAN GYI RKYEN MANG PO PHUN SUM TSOGS PAR 'GYUR, DES 'DOD PA GANG DAG YID LA BSAMS PA DE DAG KYANG DE LAS 'GRUB PAR 'GYUR TE, DE MI'I; BDE BA MCHOG MYONG NAS GAL TE 'CHI BA'I DUS BYED PA NA, DE LUS DANG BRAL NAS BDE 'GRO MTHO RIS LHA RNAMS KYI 'JIG RTEN DU TSE RING BA DANG, SHIN TU RDZU 'PHRUL CHE BA DANG, SHIN TU GNAS
, ,MTHO BAR SKYE BAR 'GYUR RO, ,SNGA MA BZHIN DU GAL TE RNAM PAR BYANG BA ZAG PA MED PA'I LAM GYIS YONGS SU BSNGO BAR BYED NA, MYA NGAN LAS 'DAS PA'I MTHAR 'GYUR RO, ,DE NAS GZHAN YANG, DGE BA'I LAS KYI LAM LA SPYOD PA, PHRA MA SPANGS PAS TSE 'DI DANG, PHA ROL GYI LAS KYI 'BRAS BU RNAM PAR SMIN PAR JI LTAR 'GYUR ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES, THOS PA LAS BYUNG BA'I SHES PA'AM, LHA'I MIG GIS MTHONG STE, PHRA MA SPANGS PAS TSE 'DI LA LAS KYI 'BRAS BU RNAM PAR SMIN PA MYONG BAR 'GYUR BA NI MDZA' BSHES DANG, GNYEN 'DAB DANG, RTZA LAG DANG, CHUNG MA DANG, BRAN PHO DANG, BRAN MO DANG, LAS BYED PA DANG, ZHO SHAS 'TSO BA BRTAN PAR 'GYUR, GZHAN GYI KHA DRANG DU MI RUNG ZHING BSHES PA DANG, RGYAL PO'I PHO BRANG 'KHOR DANG, SPUN MI MTHUN PA DAG GIS DBYE BAR MI NUS SO, ,GAL TE NOR DANG BRAL BAR 'GYUR TE, NOR DANG BRAL BAR GYUR NA'ANG MI GTONG ZHING MU GE DANG, 'BROG DGON PA DANG, RI DANG, G-YANG SA DANG, GNAS SKABS MI MTHUN PAR CHUD NA'ANG MI GTONG STE, NAM YANG 'BRAL BAR MI 'GYUR LA GANG DAG DE'I SKYON SMRAN DE DAG DE LA THABS KUN GYI NYAN PAR MI BYED DO, ,DE RGYAL PO'I PHO BRANG 'KHOR DU BRTAN PAR 'GYUR ZHING CHU DANG, MTSON CHA DANG, MI 'DZA' BA'I 'JIGS PA MED PAR 'GYUR TE, DRI MA CHEN PO PHRA MA SPANGS
PA'I YON TAN NI DE DAG YIN NO, ,LUS DANG BRAL NAS SHI BA'I 'OG TU'ANG BDE 'GRO MTHO RIS LHA'I 'JIG RTEN DU SKYE BAR 'GYUR TE, DE DER YANG LHA'I RIS MTHUN PA'I LHA MO'I TSOGS MANG PO RTAG TU RJES SU CHAGS PA RNAMS KYIS YONGS SU BSKOR CING ME TOG PHRENG DANG, PHYE MA DANG, BYUG PA DANG, RGYAN THOGS PA RNAMS KYIS RTAG TU DGA' BA'I MCHOG BYED PAR 'GYUR RO, ,SNGA MA BZHIN DU GAL TE PHRA MA SPANGS PA RNAM PAR BYANG BA ZAG PA MED PAR YONGS SU BSNGO NA, DE ZAG PA MED PA'I BSAM GTAN GYI LAM YONGS SU MYA NGAN LAS 'DAS PA THOB PAR 'GYUR RO, ,DE NAS GZHAN YANG, MI DGE BA'I LAS KYI LAM 'JIG RTEN THAMS CAD SKYO BAR BYED PA'I TSIG RTZUB BO SPANGS PA'I 'BRAS BU RNAM PAR SMIN PA JI LTAR 'THOB PAR 'GYUR ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM LHA'I MIG GIS MTHONG STE, TSIG RTZUB BO SPANGS PA DE NI DGE BA MTHONG BAR 'GYUR, DRANG PO'I RANG BZHIN DANG, DBUGS DBYUNG BA'I GNAS DANG; 'JIG RTEN KUN GYIS RTOGS PA DANG, TSIG 'JAM ZHING DES LA SNYAN PA DANG, GZHAN LA RNAM PAR 'TSE BAR MI BYED CING, SKYE BO THAMS CAD KYI DBUGS 'BYUNG BA BYED PAR 'GYUR, DE RGYANG RING PO NAS MTHONG NAS SKYE BO KUN NYE BAR 'GRO BAR BYED, MDZA' BSHES KYANG MANG BAR 'GYUR, NOR RDZAS MED NA'ANG SKYE BO KUN DE'I BRAN DANG 'DRA BAR 'GYUR RO, ,GAL TE DE LAS GZHAN ZHIG GIS NYON
, ,MONGS PA BYUNG NA'ANG DE DAG GIS DE NAM YANG GTONG BAR MI BYED CING, DE'I DON THAMS CAD NYON MONGS PA MED PAR NYE BAR SGRUB LA DE LA MI MDZA' BA DANG, RGYAL PO DANG, CHU DANG, ME DANG, MTSON GYIS 'JIGS PA MED PAR 'GYUR RO, ,LUS DANG BRAL NAS KYANG BDE 'GRO MTHO RIS KYI LHA RNAMS KYI 'JIG RTEN DU SKYE BAR 'GYUR TE, DER SKYES NAS KYANG TSIG GI RGYU 'JAM PA DANG, PHAN PA DANG, SNYAN PA DANG LDAN PAR 'GYUR ZHING RDZU 'PHRUL CHE BA DANG, MTHU CHE BAR 'GYUR RO, ,SNGA MA BZHIN DU GAL TE NGES PAR 'BYUNG BA'I BSAM GTAN BDE BA'I GNAS ZAG PA MED PAR YONGS SU BSNGO NA DE BYANG CHUB GSUM 'THOB PAR 'GYUR RO, ,DE NAS GZHAN YANG, MI DGE BA'I LAS KYI LAM TSIG KYAL PA SPANGS PAS TSE 'DI LA JI LTAR 'THOB PAR 'BYUNG BA DANG; PHYI MA LA GANG DU SKYE BAR 'GYUR ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, TSIG KYAL PA SPANGS PA NI 'JIG RTEN NA RIGS BTZUN PAR 'GYUR ZHING DE BKUR BAR YANG 'GYUR, TSIG SNGA PHYI 'BREL BAR 'GYUR ZHING TSIG LA SKYE BO THAMS CAD MNGON PAR DGA' BAR 'GYUR, DE LA SKYON GYIS SU'ANG RNAM PAR 'TSE BAR MI BYED LA TSIG SHIN TU 'BREL CING 'JIG RTEN NA BTZUN PAR 'GYUR TE, DAL BA DANG, SNYAN PA DANG, KHONG DU CHUD PA DANG, CHOS DANG LDAN PA DANG, 'JAM
PA DANG, ZAB MO'I RGYU'I TSUL DAG CHOS NYID DANG MI 'GAL BA'I GTAM SMRA BA 'JIG RTEN NA BLA MA DANG 'DRA BAR LTA ZHING NOR RDZAS BRTAN PAR YANG 'GYUR, LOG PAR SPANGS PA'ANG SKYE BO PHA ROL DAG GIS YON TAN DU 'DZIN PAR 'GYUR ZHING, DE'I YON TAN DES SKYE BO DAG GZUNG BAR 'GYUR RO, ,LUS DANG BRAL NAS KYANG BDE 'GRO MTHO RIS LHA RNAMS KYI 'JIG RTEN DU SKYE BAR 'GYUR TE, DER SKYES NAS KYANG LHA'I BU THAMS CAD SEMS PAR 'GYUR ZHING, RDZU 'PHRUL CHE BA DANG, LHA'I BDE BA DBE [?] MED PA LA SPYOD PAR 'GYUR RO, ,SNGA MA BZHIN DU GAL TE RNAM PAR BYANG BA ZAG PA MED PA'I BSAM GTAN GYI BDE BAR YONGS SU BSNGO NA, DE BYANG CHUB GSUM 'THOB PAR 'GYUR RO, ,DE LTAR LUS KYI RNAM PA GSUM DANG, NGAG GI RNAM PA BZHI MI DGE BA YONGS SU SPANGS NA MTHAR MYA NGAN LAS 'DAS PAR 'GYUR RO, ,DE NI DGE BA'I LAS KYI RGYU YIN LA 'JIG RTEN NA'ANG BSNGAGS PAR 'GYUR ZHING LHA RNAMS KYI NANG DU'ANG SKYE BAR 'GYUR RO, ,DE LUS DANG, NGAG GI LAS YANG DAG PAR GYUR PA'I LAS KYI 'BRAS BU RNAM PAR SMIN PA'I RGYU NI RNAL 'BYOR SPYOD PA NANG GI CHOS LA CHOS KYI RJES SU LTA BA NANG GI YANG DAG PAR GYUR PA RJES SU MTHONG NGO, ,DE NAS GZHAN YANG, YID KYI LAS JI LTAR DGE BAR 'GYUR ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, YID KYI MI DGE BA DE RNAM P
, ,GSUM PO DE DAG ZLOG PAS DGE BA'I 'BRAS BU TSE 'DI LA BDE BA GNAS PA MYONG BAR 'GYUR ZHING LUS DANG BRAL NAS KYANG BDE 'GRO MTHO RIS LHA RNAMS KYI 'JIG RTEN DU SKYE BAR 'GYUR, GAL TE 'KHOR BA LA YID BYUNG NA DE RGYU DES PHUNG PO LHAG MA MED PA'I MYA NGAN LAS 'DAS PA'I DBYINGS SU 'JUG PA 'GYUR RO, ,YID KYI LAS NI RNAM PA GSUM STE, BRNAB SEMS DANG, GNOD SEMS DANG, LOG PAR LTA BA'O, ,DE NAS GZHAN YANG, BRNAB SEMS SPANGS PAS DGE BA'I LAS KYI 'BRAS BU RNAM PAR SMIN PA JI LTA BU ZHIG 'BYUNG ZHE NA; RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, BRNAB SEMS SPANGS PA NI RGYAL PO'AM , RGYAL PO'I BLON PO'I NOR RDZAS KYI RNAM PA MANG PO THAMS CAD GANG LA'ANG YID KYIS DBROG PA'I DON DU SEMS PAR MI BYED PA YIN NO, ,DE'I NOR RDZAS GZHIG TU TSOR NA'ANG GZHAN GYIS RNYED CING DE LA SKYE BO DE DANG, GTZO BOR GYUR PA ZHIG NA'ANG SLAR SBYIN PAR BYED DE, NOR DANG RTAG TU LDAN ZHING GZHAN DAG GIS MI THUB PAR 'GYUR RO, ,LUS DANG BRAL NAS KYANG BDE 'GRO MTHO RIS LHA RNAMS KYI 'JIG RTEN DU SKYE BAR 'GYUR LA DER SKYES NAS KYANG LHA DANG, LHA MA YIN DU G-YUL 'GYED PA'I TSE LHA MA YIN GANG GIS KYANG YONGS SU THUB PAR MI 'GYUR ZHING RDEG PAR MI 'GYUR LA, RNAM PAR
THE 'TSAM PAR MI 'GYUR RO, ,DE DAG LAS RNAM PAR PHYE BAR MI 'GYUR TE, LHA'I BU THAMS CAD LA 'DOD PA DANG, SDUG PA DANG, YID DU 'ONG BAR 'GYUR ZHING, SGRA DANG, REG BYA DANG, RO DANG, GZUGS DANG; DRI SDUG PA DPE MED PA NYE BAR SPYOD PAR 'GYUR RO, ,SNGA MA BZHIN DU GAL TE NGES PAR 'BYUNG BA ZAG PA MED PA'I BSAM GTAN GYI 'BRAS BU'I LAM DU YONGS SU BSNGO NA, DE BYANG CHUB GSUM 'THOB PAR 'GYUR RO, ,DE NAS GZHAN YANG, GNOD SEMS MI DGE BA'I LAS KYI LAM SPANGS PAS DGE BA'I LAS KYI 'BRAS BU JI LTAR 'THOB PAR 'GYUR ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, GNOD SEMS SPANGS PAS TSE 'DI NYID LA 'BYOR PA DANG, BDE BAR GNAS PAR 'GYUR LA, SKYE BO THAMS CAD DGA' BA DANG, YID DU 'ONG BAR 'GYUR, PHA ROL GYIS 'JIGS SHING NYAM NGA BA MI BZAD PA CHEN PO DANG, RNAM PAR GTZE BAR MI NUS SHING, RGYAL PO'I 'KHOR GYI 'JIGS PA DANG, CHOM RKUN DANG, G-YANG SA'I 'JIGS PA DANG, ME'I 'JIGS PA DANG, GNOD PA'I 'JIGS PA DANG, G-YO'I 'JIGS PA DANG, CHU'I 'JIGS PA DANG, 'JIGS PA DU MNYAM NGA BA DAG DANG BRAL ZHING 'JIGS PA DANG NYAM NGA BA DAG LAS KUN TU THAR TE, SKYE BO THAMS CAD KYI SDUG PA DANG, MCHOG TU DGA' BAR 'GYUR, SDIG PA'I SKYE BO DANG, DGE BA'I SKYE BO LA BU DANG, SPUN DANG 'DRA BAR SDUG PAR
, ,'GYUR RO, ,LUS DANG BRAL NAS KYANG BDE 'GRO MTHO RIS LHA RNAMS KYI 'JIG RTEN DU SKYE BAR 'GYUR TE, DER YANG RDZU 'PHRUL CHE BA DANG, MTHU CHE BAR 'GYUR, GZUGS DANG, SGRA DANG, REG BYA 'DOD PA THAMS CAD 'BYOR BA LA GNAS PAR 'GYUR ZHING DGA' BA'I TSAL DANG, YONGS SU 'DU BA DANG, RNAM PAR MDZES PA DANG, SHING RTA SNA TSOGS KYI TSAL CHEN PO RNAMS SU LHA'I BU MO'I TSOGS KYIS YONGS SU BSKOR BAR 'GYUR, DE'I LUS DANG, NGAG DANG, YID LA LHA GANG GIS KYANG RNAM PAR GTZE BAR MI NUS SHING, DE LA LHA 'BUM SNYED DAG GIS DGA' BA BSKYED PAR 'GYUR LA, LHA'I RGYAL PO BRGYA BYIN GYI 'DOD PA DANG SDUG PA DANG, DGA' BA DANG, YID DU 'ONG BAR 'GYUR, LHA DANG, LHA MA YIN GYI G-YUL 'GYED PA'I NYON MONGS PA DAG KYANG MED CING 'KHRUG PA DAG DANG 'BRAL BAR 'GYUR RO, ,GAL TE NGES PAR 'BYUNG BA 'JIG RTEN LAS 'DAS PA'I LAM NYON MONGS PA MED PAR YONGS SU BSNGO NA DE LHA'I 'JIG RTEN DE NAS SHI NAS 'KHOR LOS BSGYUR BA'I RGYAL PO'I GLING BZHI LA DBANG BA RIN PO CHE SNA BDUN LA NYE BAR SPYOD PA RNAM PA DU MAR 'GYUR TE, 'DI LTA STE, BUD MED RIN PO CHE NI DE'I BUD MED KYI LUS LAS TZAN DAN DANG SPOS 'BYUNG ZHING KHA NAS AUTPA LA'I DRI 'BYUNG, BYA KA LINGKA LTAR REG NA BDE BAR 'GYUR TE, BYA KA LINGKA ZHES BYA BA NI RGYA MTSO'I GLING LA GNAS PA'I BYA YIN NO, ,DE
LTAR 'DI'I MA THUS GANG LA REG PA NYID KYI LUS KYI NYON MONGS PA MED PAR 'GYUR ZHING, GLING DE NA GNAS PA'I SKYE BO BKRES PA DANG, SKOM PA DANG MYA NGAN DANG BRAL BAR 'GYUR, BUD MED DE LTA BU DE 'KHOD LOS BSGYUR BA'I RGYAL POS MTHONG NAS GRANG BA'I DUS SU NI DRO BAR BYED CING DRO BA'I DUS SU NI BSIL PAR BYED DE, DE LA MI GZHAN GANG GIS KYANG REG PAR BYA BAR MI NUS SO, ,DE GNOD SEMS SPANGS PA'I MTHUS DGE BA'I LAS KYI RJES SU ZHUGS PA DGE BA THAMS CAD YANG DAG PAR RTOG PA'I MI DE DAG THAMS CAD KYIS MA DANG, SRING MO LTAR MTHONG NGO, ,DE'ANG RGYAL PO'I YID DU 'ONG ZHING DE LA GUS PAR BYED PA DE'I SNYING DU SDUG PA DANG, RTAG TU BDE BA'I RJES SU 'JUG PAR 'GYUR RO, ,BUD MED KYI SKYON RNAM PA LNGA SPANGS PA YIN TE, 'DI LTA STE, SKYES PA GZHAN LA SEMS PA DANG, SER SNA DANG, MI RIGS PAR CHAGS PA DANG, MI RIGS PA'I GNAS LA RJES SU DGA' BA DANG, KHYIM THAB KYI SROG GCOD PAR 'DZIN PA'O, ,BUD MED RIN PO CHE'I YON TAN LNGA DANG LDAN PAR 'GYUR TE, 'DI LTA STE, BSAM PA DANG MTHUN PAR 'GYUR BA DANG, BU MANG PO BTZA' BAR 'GYUR BA DANG, RIGS MTHUN PAR 'GYUR BA DANG, SRID MTHO BAR 'GYUR BA DANG, KHYIM THAB BUD MED GZHAN LA SEMS NA PHRAG DOG MI BYED PA'O, ,GZHAN YANG BUD MED CHEN MO'I YON TAN GSUM DANG LDAN PAR 'GYUR TE, 'DI LTA STE, TSIG CAL COL MED PAR 'GYUR BA DANG, LOG PAR LTA BA MED PAR 'GYUR BA DANG, KHYIM THA BA
, ,MED KYANG SGRA DANG, DRI DANG, RO DANG, REG BYA DAG GIS DBANG DU MI 'GYUR BA'O, ,DE RGYU DES LUS DANG BRAL NAS BDE 'GRO MTHO RIS KYI LHA RNAMS KYI 'JIG RTEN DU SKYE BAR 'GYUR TE, DE LTAR 'KHOR LOS BSGYUR BA'I RGYAL PO BUD MED RIN PO CHE LA NYE BAR SPYOD PAR 'GYUR RO, ,DE NAS GZHAN YANG, GNOD SEMS KYI DRI MA CHEN PO SPANGS PAS DGE BA'I LAS KYI RNAM PAR SMIN PAS 'KHOR LOS BSGYUR BA'I RGYAL POR JI LTA 'GYUR ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, GZHAN GYI MI DGE BA'I LAS KYI RGYU MTHUN PA GNOD SEMS CHEN PO SPANGS PAS, RIN PO CHE GNYIS PA NOR BU RIN PO CHE LA NYE BAR SPYOD PAR 'GYUR TE, DE'I YON TAN BRGYAD DANG LDAN PA YIN NO, ,'DI LTA STE, MTSAN MO RAB TU GSAL BA YIN TE, JI LTAR STON KA'I ZLA BA NYA BA NI, STON KA 'OD GSAL BAR 'GYUR BA DE LTAR NOR BU'ANG MTSAN MO'I MUN PA MUN NAG DAG LA DPAG TSAD BRGYAR 'OD BYUNG ZHING NYIN PAR TSA BAS GDUNGS PA RNAMS LA NI 'OD BSIL BA 'BYUNG STE, TSA BA SEL BAR BYED PA 'DI NI NOR BU DE'I YON TAN GCIG YIN NO, ,GZHAN YANG, YON TAN GNYIS PA NI GANG GIS TSE LAM DU ZHUGS PA LA CHU DANG BRAL BA DE'I TSE, SKOM PAS GDUNGS PA RNAMS LA CHU CHEN PO YAN LAG BRGYAD DANG, LDAN PA RAB TU 'BYUNG BAR 'GYUR LA DES SKOM PA DE DAG THAMS CAD
SEL BAR 'GYUR TE, 'DI NI NOR BU DE'I YON TAN GNYIS PA YIN NO, ,GZHAN YANG, NOR BU DE'I YON TAN GSUM PA NI GANG 'KHOR LOS BSGYUR BA'I RGYAL POS BSAMS PA NOR BU DE LAS 'BYUNG STE, 'DI NI NOR BU DE'I YON TAN GSUM PA YIN NO, ,GZHAN YANG, NOR BU DE'I YON TAN BZHI PA NI YAN LAG BRGYAD PAR 'GYUR TE, DE'I CHA RA RES 'OD KYI KHA DOG SNA TSOGS GTONG STE, SNGON PO DANG, SER PO DANG, DKAR PO DANG, DMAR PO DANG, BTZOD KA'I KHA DOG LTA BU'O, ,GZHAN YANG, NOR BU DE'I YON TAN LNGA PA NI NOR BU DE GANG NA 'DUG PA DPAG TSAD BRGYAR NYE BA DAG GI NAD MED PAR 'GYUR, RTAG TU YID MNYAM PAR GZHAG PA DANG, DE'I 'DOD PA THAMS CAD LAS JI LTA BA BZHIN DU 'BRAS BU MED PAR MI 'GYUR RO, ,GZHAN YANG, NOR BU DE'I YON TAN DRUG PA NI KLUNG NA PAS CHAR MI BZAD PA MNGON PAR DBAB PAR MI NUS SO, ,GZHAN YANG, NOR BU DE'I YON TAN BDUN PA NI MYA NGAM DANG, G-YANG SA DANG, DGON PA DANG, SHING LJON PA DANG, YUL DANG BRAL BA RNAMS SHING LJON PA DANG, MTSE'U DANG, TSAL DANG, PADMA DANG, NAGS TSAL DANG, NE'U GSING PHUN SUM TSOGS PAR 'GYUR RO, ,GZHAN YANG, NOR BU DE'I YON TAN BRGYAD PA NI MI GANG YANG DUS MA PAR 'CHI BAR MI 'GYUR ZHING, DUD 'GRO'I 'GRO BAR MI 'GYUR TE, DUD 'GRO'I 'GRO BA DAG GIS KYANG GNOD PAR MI 'GYUR RO, ,MI MTHUN PAS YANG MI MTHUN PA LA GNOD PAR MI 'GYUR TE, 'DI LTA
, ,STE; NE'U LE DANG, SBRUL LTA BU STE YON TAN CHEN PO BRGYAD PO DE DAG DANG LDAN NO, ,'KHOR LOS BSGYUR BA'I RGYAL PO DE'I GNOD SEMS SPANGS PA DGE BA'I LAS KYI RNAM PAR SMIN PAR 'GYUR BA DE NI DE'I BU'ANG STONG THAM PAR 'BYUNG STE, DPA' ZHING RTUL PHOD LA YAN LAG MCHOG GI GZUGS DANG LDAN PA, PHA ROL GYI SDE MNGON PAR 'JOMS PA, BSAM PA'I RJES SU 'JUG PA, CHOS DANG LDAN ZHING CHOS KYI RJES SU 'JUG PA, RIGS MTHUN PA, 'KHOR GYI SKYE BO THAMS CAD DGA' ZHING RANG BZHIN GYIS RJES SU CHAGS PA DAG YIN NO, ,DE NAS GZHAN YANG, GNOD SEMS SPANGS PAS GSUM PA 'JIG RTEN DU 'KHOR LO RIN PO CHE JI LTAR 'BYUNG ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM LHA'I MIG GIS BRTAGS NA 'KHOR LO RIN PO CHE YON TAN LNGA DANG LDAN PAR MTHONG STE, 'DI LTA STE, DZAMBU'I CHU BO'I GSER LAS BYAS PA DANG, TSAD DPAG TSAD LNGA BRGYA YOD PA, RTZIBS STONG YOD CING, 'JIG RTEN NA NYI MA GNYIS PA LTA BU RNAM PAR MDZES TE, 'DI NI DE'I YON TAN DANG PO YIN NO, ,GZHAN YANG, 'KHOR LO RIN PO CHE'I YON TAN GNYIS PA NI NAM MKHA' LA DPAG TSAD 'BUM DU NYI MA GCIG GIS THOGS PA MED PAR 'GRO'O, ,GZHAN YANG, 'KHOR LO RIN PO CHE DE'I YON TAN GSUM PA NI, 'DI LTA STE, 'KHOR LOS BSGYUR BA'I RGYAL
PO NUB GYI BA LANG SPYOD DANG, SHAR GYI LUS 'PHAGS PO DANG, BYANG GI SGRA MI SNYAN DANG, RGYAL CHEN BZHI'I LHA'I GNAS GANG DU 'GRO BAR 'DOD PA DE DANG, DER NAM MKHA' LA 'KHOR LO RTZIBS STONG YOD PAS 'GRO ZHING, DE'I MTHUS DE'I DPUNG GI TSOGS YAN LAG BZHI PA GLANG PO DANG, RTA DANG, SHING RTA DANG, RKANG THANG PA DANG LHAN CIG TU NAM MKHA' LA 'GRO'O, ,GZHAN YANG, 'KHOR LO RIN PO CHE DE'I YON TAN BZHI PA NI 'KHOR LOS BSGYUR BA'I RGYAL PO GANG MI THOS PA DE 'KHOR LO RIN PO CHE DES GROGS BYAS TE THOS PAR BYED DO, ,GZHAN YANG, 'KHOR LO RIN PO CHE DE'I YON TAN LNGA PA NI SNGO BA GANG YANG MED DE, CHOS DANG LDAN PA'I CHOS KYI RJES SU 'JUG PA'I RGYAL PO LA RGYAL PO'AM, BLON PO'I CHOS KYI GROGS POS MTHONG MA THAG TU DE DAG THAMS CAD 'BUL TE, DE LTAR 'KHOR LO RIN PO CHE YON TAN LNGA DANG LDAN NO, ,RIN PO CHE CHEN PO GSUM PA BSHAD ZIN TO, ,DE NAS GZHAN YANG, GNOD SEMS SPANGS PA'I DGE BA'I LAS KYI MTHA' SPYAD PA DAG 'KHOR LOS BSGYUR BA'I RGYAL PO'I BZHI PA GLANG PO CHE JI LTAR 'JIG RTEN DU 'BYUNG BAR 'GYUR ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM LHA'I MIG GIS MTHONG STE, 'DI LA 'KHOR LOS BSGYUR BA'I RGYAL PO CHOS DANG LDAN ZHING CHOS KYI RJES SU 'JUG PA'I GLANG POR 'GYUR BA NI CANG SHES PA, MCHOG TU BKA' MNYAN PA, PHA ROL GYI SDE LAS RGYAL
, ,BAR BYED PA, YAN LAG BDUN LEGS PAR GNAS PA YIN TE, 'DI LTA STE, RKANG LAG BZHI DANG, MJUG MA MA ZEGS PA DANG, RIG PA MDOMS KYI GNAS NA 'DUG PA DANG, SNA LEGS PAR GNAS PA STE, DE DAG LA SOGS PA DE'I YAN LAG BDUN DAG SA'I STENG NA LEGS PAR RAB TU GNAS PA YIN STOBS CHE BA YIN TE, RANG BZHIN GYIS GLANG PO CHE STONG GI STOBS YANG DAG PAR 'DZIN PAR BYED, RKAN 'JAM PA DANG LDAN ZHING MDOG DKAR BA KHA BA DANG, DNGUL GYI MDOG LTA BU YIN TE, 'DI LTA STE, BRGYA BYIN GYI GLANG PO CHE LTA BU YIN LA; GLANG PO CHE GZHAN DAG DE'I DRI TSOR NAS MDUN DU 'DUG PAR MI BYED DO, ,GNAS GSUM DU G-YUL 'GYED PAR 'GYUR TE, 'DI LTA STE, CHU DANG, SKAMS DANG, BAR SNANG LA'O, ,SHUGS PHUN SUM TSOGS PA DANG LDAN PA YIN TE, NYIN GCIG GIS DZAMBU'I GLING LAN GSUM SKOR BAR BYED DO, ,SKUD PAS KYANG DKRIR RUNG BAR 'GYUR LA GANG GI TSE 'KHOR LOS BSGYUR BA'I RGYAL PO GLANG PO CANG SHES LA ZHON PA DE'I TSE SEMS DANG MTHUN PAR 'GYUR TE, 'KHOR LOS BSGYUR BA'I RGYAL PO GANG DU SEMS 'JUG PAR 'GYUR BA DER GLANG PO CANG SHES PA DE MA BSKUL KYANG 'JUG GO ;DAL GYIS 'GRO ZHING 'GYING BAS SPYI BOR BSKYOD PA, GNOD PA MED CING 'KHRUG PA MED LA, SDUG PA DANG, MDZES PAR 'GRO BA YIN, BYIS PA'I NANG DU SONG NA'ANG BYIS PA RNAMS LA 'JIGS
BAR MI BYED, LAM SRANG DANG, BZHI MDO DANG, BA GAM GYI NANG DU SONG STE, PHAN TSUN 'GRO BA NA BUD MED KYIS KYANG REG PAR BZOD PA YIN, G-YUL 'GYED PA'I DUS SU DRAG LA, GNAS PA'I DUS SU NI SKUD PAS DKRIR RUNG BA YIN TE, RGYAL PO'I GLANG PO CHE'I YON TAN NI DE DAG YIN NO, ,'KHOR LOS BSGYUR BA'I RGYAL POS DGE BA BCU'I LAS KYI LAM RE RE SPYAD PAS KYANG 'KHOR LOS BSGYUR BA'I SA BON 'DI DAG 'GRUB NA DGE BA BCU'I LAS KYI LAM MTHA' DAG GI RJES SU ZHUGS PA LTA SMOS KYANG CI DGOS, DE LTAR RNAL 'BYOR SPYOD PA DE LHA'I MIG GIS 'KHOR LOS BSGYUR BA'I BZHI PA GLANG PO RIN PO CHE MTHONG NGO, ,DE NAS GZHAN YANG, 'KHOR LOS BSGYUR BA'I RGYAL PO'I RTA RIN PO CHE'I YON TAN NI DU ZHIG DANG LDAN PAR 'GYUR ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM LHA'I MIG GIS MTHONG STE, RTA RIN PO CHE NGANG PA DANG, ME TOG KU MU DA LTAR DKAR BA YIN, KUN NAS LHA'I NOR BU'I GTZUG LA SOGS PA MTSAN BZANG POS BRGYAN PA YIN, BONG STONG DANG, MDOG DANG, DBYIBS PHUN SUM TSOGS PA YIN, BSGO NA NYIN GCIG GIS DZAMBU'I GLING LAN GSUM DU SKOR BAR BYED LA, DE'I LUS DAG LA SHIN TU NAD MED PA YIN TE, 'DI NI 'KHOR LOS BSGYUR BA'I RGYAL PO'I RIN PO CHE LNGA PA YIN NO, ,DE NAS GZHAN YANG, 'KHOR LOS BSGYUR BA'I RGYAL PO'I BLON PO RIN PO CHE JI LTA BU YIN ZHE NA, RNAL 'BYOR SPYOD
, ,PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, BLON PO RIN PO CHE'I YON TAN NI 'DI DAG YIN TE; 'DI LTA STE, GANG RGYAL PO'I BYA BA'I RNAM PA YID LA SEMS PA DE NYID MA BSGOS KYANG DE'I YID KYIS SHES NAS, RGYAL PO LA YONGS SU 'BUL BAR BYED DE, SHIN TU RDZOGS PA DANG, DE BSAGS PA DANG, MA CHAGS PA DANG, CHOS MA YIN PA RNAM PAR SPANGS PA DANG, SHIN TU RIGS PA BRTZAMS PA DANG, YUL DANG, DUS DANG LDAN PA DANG, NYON MONGS MED PA DANG, GZHAN LA GNOD PA MED PA DANG, SKYE BO LA RNAM PAR MI 'TSE BA DANG, YANG DAG PA'I THA SNYAD DANG LDAN PA'I RANG BZHIN LA SKYO BA MED DO, ,RGYAL PO'I BYA BA'I RNAM PA'AM, CHOS KYI DON GYI BYA BA 'DOD PA DANG LDAN ZHING MA 'ONGS PA'I BYA BA DANG LDAN PA THAMS CAD YONGS SU 'BUL BAR BYED DO, 'DI NI 'KHOR LOS BSGYUR BA'I RGYAL PO'I BLON PO RIN PO CHE YIN TE, LHAG PA'I GNOD SEMS SPANGS PA'I DGE BA BCU'I LAS KYI LAM SPYOD PA DAG NI 'JIG RTEN THAMS CAD LA PHA MA LTAR PHAN PAR 'DOD PAR GNAS PA YIN NO, ,DE NAS GZHAN YANG, JI LTAR NA BDUN PA KHYIM BDAG RIN PO CHE 'BYUNG BAR 'GYUR, KHYIM BDAG RIN PO CHE DE'I YON TAN NI DU ZHIG YOD CE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG
STE; RGYAL BA'I BKA' NYAN PA KHYIM BDAG RIN PO CHE'I YON TAN NI 'DI DAG YIN TE, 'DI LTA STE, RDO RJE DANG, RIN PO CHE MTHON GA DANG, MRGAD DANG, SPUG LA SOGS PA RIN PO CHE RNAMS KYIS DAM GROGS DANG; G-YANG SA DANG, RI KHROD DANG, MI MTHUN PA GZHAN DAG TU MA BSKOS KYANG SHIN TU 'GENGS LA RIN PO CHE RNAMS KYANG ZAD PA MED PAR 'GYUR NA, GSER DANG, DNGUL LTA ZHIG SMOS KYANG CI DGOS, KHYIM BDAG RIN PO CHE 'DI'I 'BYOR PA NI SHIN TU GNAS PA YIN TE, G-YO MED PA DANG, SGYU MED PA DANG, GZHAN LA MI GNOD PA DANG, SKYE BO THAMS CAD DGA' BA NI KHYIM BDAG RIN PO CHE YIN NO, ,DE LTAR RGYAL PO RIN PO CHE SNA BDUN DANG LDAN PA NI MI'I GNAS BZHI RNAMS LA SGO BAR BYED CING KLU DANG, LHA'I RIS GNYIS DANG, RGYAL CHEN BZHI DANG, SUM CU RTZA GSUM GYI LHA RNAMS KYI DBANG PO'I STAN PHYED 'PHROG PA YIN TE, DE LTAR 'KHOR LOS BSGYUR BA'I RGYAL PO RIN PO CHE SNA BDUN DANG LDAN PA YIN NO, ,DE'I NYE BA'I RIN PO CHE SNA BDUN NI RIN PO CHE DE DAG LAS CUNG ZAD DMAN PA YIN TE, 'DI LTA STE, RAL GRI NYE BA'I RIN PO CHE DANG, PAGS PA NYE BA'I RIN PO CHE DANG, MAL CHA NYE BA'I RIN PO CHE DANG, TSAL NYE BA'I RIN PO CHE DANG, KHYIM NYE BA'I RIN PO CHE DANG, GOS NYE BA'I RIN PO CHE DANG, LHAM NYE BA'I RIN PO CHE'O, ,DE LA 'KHOR LOS BSGYUR BA'I RGYAL PO'I RAL GRI NYE BA'I RIN PO CHE'I YON TAN NI, 'DI LTA STE, YUL 'KHOR GANG DAG RGYAL PO'I YID DANG, TSIG LAS 'GAL BA BYED 'DOD PA DE
, ,RAL GRI NYE BA'I RIN PO CHE 'GRO STE, DES BTAB PA MED CING RAL GRI RIN PO CHES SU LA'ANG BTAB PA MED KYIS KYANG YUL 'KHOR KUN GYIS MTHONG NAS 'DUD PAR BYED DO, , NYE BA'I RIN PO CHE DE'I YON TAN NI 'DI YIN TE, BZANG BA MI ZAD PA, CHAD PA MED CING MTSON GYIS BDA' BA MED KYANG YUL 'KHOR DE DAG THAMS CAD 'DUD PAR BYED DE, 'DI NI RAL GRI NYE BA'I RIN PO CHE'I YON TAN YIN NO, ,PAGS PA NYE BA'I RIN PO CHE'I YON TAN JI LTA BU YIN ZHE NA, PAGS PA RIN PO CHE NI RGYA MTSO NAS 'BYUNG STE, DE BYUNG BAR GYUR PA DANG, TSONG BA DAG GIS RGYAL PO LA 'BUL BAR BYED DO, ,DE'I YON TAN NI 'DI DAG YIN NO, ,DE RGYA MTSO'I KLU'I PAGS PA YIN TE, ZHENG DU DPAG TSAD LNGA LA CHUR DPAG TSAD BCU STE, DE CHAR GYIS MI RLAN, RLUNG GIS MI BSKYOD, MES MI TSIG ,GRANG NA DRO BAR BYED CING, DRO NA BDE BA BSIL BAR BYED LA, 'KHOR LOS BSGYUR BA'I RGYAL PO 'KHOR DANG BCAS PA GANG DU 'GRO BA DER BLON PO RIN PO CHES DE KHYER BAR BYED DE, JI LTAR SO SO NAS BYED PA LTAR DE RGYAL PO'I 'KHOR GYI KHYIM GYI BYA BA THAMS CAD BYED DO, ,BUD MED MI SDUG PA DAG MI MTHONG ZHING DKAR BA DE DANG LDAN PAR 'GYUR LA ZLA BA DANG, NYI MA'I 'OD SNANG BA DE DANG YANG LDAN PAR 'GYUR RO, ,GSUM PA RGYAL PO'I MAL CHA RIN PO CHE NI YANG ZHING 'JAM LA MTHO DMA' CAN YIN TE, DE'I RGYU MTSAN NI BTEG NA 'PHAR BA DANG, MNAN NA
NAM BYED PA YIN NO, ,GAL TE BSAM GTAN SEMS NA DE'I BSAM GTAN RNAM PAR GROL ZHING BLO GROS GSAL BAR BYED, GAL TE 'DOD CHAGS KYIS ZIL GYIS NON PA YIN NA DE MAL CHA'I STENG DU 'DUG NA, DE'I TSE 'DOD CHAGS DANG BRAL ZHING CHAGS PA MED PAR BYED DO, ,ZHE SDANG DANG, GTI MUG DAG LA'ANG DE BZHIN TE, MAL CHA NYE BA'I RIN PO CHE NI BSAM GTAN GYI GNAS DANG 'DRA'O, , RGYAL PO MAL CHA RIN PO CHE'I NANG NA 'DUG PA BUD MED KYIS MTHONG LA DE'I TSE MCHOG TU DGA' BA SKYES KYANG YID LA SHIN TU 'DOD CHAGS PAR MI 'GYUR TE, GSUM PA 'DI NI MAL CHA NYE BA'I RIN PO CHE'I YON TAN YIN NO, ,BZHI PA TSAL NYE BA'I RIN PO CHE YON TAN DU YOD CE NA, 'DI LTA STE, GAL TE RGYAL PO TSAL DU BSAM GTAN LA DGA' BAR 'GYUR TE, DE DER NYE BAR 'GRO NA TSAL DE'I MTHU DANG, RGYAL PO'I DGE BA'I LAS KYIS GANG LHA'I 'JIG RTEN GYI TSAL GYI DGA' BA'I RNAM PA ME TOG DANG, 'BRAS BU DANG, BYA DANG, PADMA DANG; LTENG KA DANG, 'BAB PA'I CHU NGOGS BDE BA DANG, LHA'I BU MO DAG ROL MO BYED CING, DGOD LA MDZES PA RTZE BA DE DAG THAMS CAD LHA'I RIS DE NAS TSAL DER NYE BAR 'ONG STE, RGYAL PO DE'ANG LHA BZHIN DU LHA'I 'DOD PA'I YON TAN LNGA DAG DANG LDAN PAR 'GYUR, TSAL NYE BA'I RIN PO CHE DER BUD MED DANG LHAN CIG SHIN TU DGA' ZHING DGA' MGUR SPYOD PAR BYED DE, DGE BA'I LAS KYI RNAL 'BYOR SPYOD PA DE BZHI
, ,PA TSAL NYE BA'I RIN PO CHE MTHONG NAS GNAS SO, ,'KHOR LOS BSGYUR BA'I RGYAL PO'I KHYIM NYE BA'I RIN PO CHE JI LTA BU YIN, YON TAN NI DU ZHIG DANG LDAN ZHE NA; 'DI LTA STE, GANG 'KHOR LOS BSGYUR BA'I RGYAL PO'I KHYIM NYE BA'I RIN PO CHE'I NANG DU NYAL BAR GYUR NA, MTSAN MO NYAL BA DE'I TSE ZLA BA LTA BAR 'DOD NA 'ONG ZHING GZA' DANG, RGYU SKAR DANG; SKAR MDA' DAG KYANG DE'I KHYIM DER NYE BAR 'ONG BAR 'GYUR, DE'I NOR BU'ANG MTHONG NA DGA' BAR 'GYUR, LHA MO DAG KYANG LHA'I ROL MO BYED PAR 'GYUR, GANG MYA NGAN MANG PO DANG BRAL BA'I MI DE BDE BAR GNYID LOG PAR 'GYUR, GNYID LOG PA NA RMI LAM DGE BA MCHOG TU DGA' BA DAG MTHONG BAR 'GYUR, GRANG BA'I DUS SU NI RLUNG DRO BA LDANG ZHING, DRO BA'I DUS SU RLUNG BSIL BA REG NA BDE ZHING 'JAM PA LDANG NGO, ,MTSAN MO THUN GSUM LAS THUN GNYIS LA NYAL ZHING THUN GSUM PA LAS GNYID DANG BRAL NAS LANGS TE, BDE BA'I CHOS LA GNAS PAR 'GYUR TE, 'DI NI 'KHOR LOS BSGYUR BA'I RGYAL PO'I KHYIM NYE BAR RIN PO CHE YIN NO, ,GOS RIN PO CHE RNAM PA DU YOD, YON TAN NI DU ZHIG DANG LDAN ZHE NA, 'DI LTA STE, THAGS BZANG ZHING MCHOG TU 'JAM LA DRI MAS MA GOS PA YIN TE, GYON NAS GRANG BA DANG, DRO BA DANG, BKRES PA DANG, SKOM PA DANG, NYAM CHUNG BA DANG, NGAL BA DANG, DUB PA'I GNOD PA MED LA, ME DANG
MTSON DAG GIS BSREG PA DANG, GCAD PAR MI NUS SO, ,DE NAS GZHAN YANG, 'KHOR LOS BSGYUR BA'I RGYAL PO'I LHA MA NYE BAR RIN PO CHE JI LTA BU YIN ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS BRTAGS NA LHAM NYE BA'I RIN PO CHE 'KHOR LOS BSGYUR BA'I RKANG PA LA GYON NA JI LTAR SKAM SA LA RKANG PA MI 'BYING BA DE BZHIN DU CHU LA'ANG MI 'BYING BAR 'GYUR RO, ,GAL TE DAL GYIS SNGON DU 'GRO BAR 'DOD NA DPAG TSAD BRGYAR YANG 'GRO BAR 'GYUR ZHING LUS LA NGAL BA MED DE, 'DI DAG NI 'KHOR LOS BSGYUR BA'I RGYAL PO RIN PO CHE SNA BDUN DANG, NYE BA'I RIN PO CHE SNA BDUN DAG LA SPYOD PA YIN TE, MI'I GNAS BZHI DANG, LHA'I RIGS GNYIS LA NYE BAR SPYOD PA YIN NO, ,DE'I BU DPA' ZHING RTUL PHOD LA PHA ROL GYI SDE RAB TU 'JOMS PA STONG THAM PA YOD DE, DE DAG 'KHOR LOS BSGYUR BA'I RGYAL PO LA PHYAG BYED DO, ,GNOD SEMS MI DGE BA'I LAS SPANGS PA NI DGE BA BCU'I LAS KYI LAM GYI RGYU MTHUN PA BDE BA DE DAG MYONG BAR 'GYUR RO, ,DE NAS GZHAN YANG, 'KHOR BA THAMS CAD KYI SA BON DU GYUR PA, THOG MA MED PA'I DUS NAS MUN PA MUN NAG TU GYUR PA, YANG DAG PAR SBYOR BA THAMS CAD KYI BAG LA NYAL DU GYUR PA LOG PAR LTA BA SPANGS PA JI LTA BU YIN, YANG DAG PA'I LTA BAS 'KHOR BA LAS GROL BA JI LTA BU YIN ZHE NA, RNAL 'BYOR SPYOD PA NANG GI
, ,CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, RNAL 'BYOR SPYOD PA DES CHOS LA CHOS KYI RJES SU MTHONG BA NI 'DI LA LOG PAR LTA BA SPANGS SHING, DE'I YANG DAG PA'I LTA BAS DON MED PA THAMS CAD SPANGS LA, YANG DAG PA'I SBYOR BA'I BAG LA NYAL 'DOR BAR 'GYUR, DE MYA NGAN LAS 'DAS PA NYE BAR 'GYUR ZHING 'KHOR BA DANG, RING BAR 'GYUR, 'DI LA LOG PAR LTA BA RNAM PA LNGA MTHONG NAS DBANG PO LNGA BSGRUBS PAR 'GYUR BA NI SKYES BU DAM PA DAM PA'I CHOS LA MNGON PAR DGA' BA DE THOG MA NAS 'DI LTAR SANGS RGYAS KYI YON TAN DE DAG RNAR THOS NAS DE'I TSE 'DI LTAR 'KHOR BA'I SDUG BSNGAL RNAM PA SNA TSOGS LA DMIGS SHING 'GRO BA LNGA RNAMS LA 'JIGS PA CHEN PO LNGA DMIGS TE, LHA RNAMS LA BAG MED PAS 'CHI BA'I SDUG BSNGAL DANG, MI RNAMS LA 'DOD PA'I SDUG BSNGAL DANG, SEMS CAN DMYAL BA RNAMS LA GNOD PA'I SDUG BSNGAL DANG; YI DVAGS RNAMS LA BKRES PA DANG, SKOM PA'I SDUG BSNGAL DANG, DUD 'GRO RNAMS LA GCIG LA GCIG ZA BA'I SDUG BSNGAL TE, DE LTAR RNAM PA LNGA PO DE DAG RNAM PA DU MA YOD CING SDUG BSNGAL GYI YAN LAG DBYE BA DAG DPAG TU MED PAR DMIGS SO, ,DE'I TSE 'DI LTAR THOG MA NYID DU 'KHOR BA THAMS CAD LAS NGES PAR BYUNG BAR GYUR CING SNANG BAR GYUR LA DAM PA'I CHOS NGES
PAR 'BYED PA'I CHA LAM RAB TU 'BYUNG BAR SEMS BSKYED DE, DE'I SEMS BSKYED PA GCIG LAS DGE BA'I CHOS KYI RGYUN NYID SKYE'O, ,GANG GIS DE'I SEMS BSKYED PA DE DANG YANG DAG PAR LDAN PA LA BAR SNANG LA SPYOD PA'I GNOD SBYIN RAB TU MGU ZHING KUN TU DGA' LA RAB TU DGA' STE, SEMS RANGS PAR GYUR NAS YID LA RIGS KYI BU 'DI MING NI 'DI ZHES BYA, RIGS NI 'DI ZHES BYA STE, DE THOG MA MED PA'I DUS NAS 'DOD CHAGS ZHE SDANG GTI MUG RNAMS SPONG BAR 'DOD LA, BDUD KYI YUL GYI DNGOS PO MI 'DOD PAR ZHUGS PA, KUN NAS NYON MONGS PA'I YUL DAG GIS DGA' PA'I 'DOD CHAGS KYI MOD LAS SKYES PA'I SRED PA DAG LA KUN TU MI DGA' BA YIN NO SNYAM MO, ,GZHAN YANG, LOG PAR LTA BA DANG BRAL BA'I RIGS KYI BU DE NI DE LTAR RTAG TU RAB TU 'BYUNG BA'I SEMS KUN TU BSTEN PAR BYED CING GOMS PAR BYED LA MANG DU BYED, DGE BA'I BSHES GNYEN LA BSNYEN BKUR BYED, DAM PA'I CHOS NYAN PA LA DGA' BAR 'GYUR, SANGS RGYAS KYI CHOS LA PHYIR ZHING SEMS GSAL LA PHYAG 'TSAL BAR BYED, LUS DANG, NGAG GI LAS KYI MTHA' ZHI ZHING SHIN TU GSAL BA YIN TE, DE LTAR DE'I LUS DANG, NGAG DANG, YID ZHI BAS NYIN MO MNYAM PAR BZHAG PAR BAR SNANG LA SPYOD PA'I GNOD SBYIN GYIS RIG NAS KUN TU DGA' BAR 'GYUR TE, RIGS KYI BU 'DI DGE BA'I BSHES GNYEN LA SEMS RAB TU DANG ZHING KHYIM GYI GNAS GZEB LTA BUR GYUR PA LA
, ,SEMS KUN TU MI CHAGS, DES BDUD KYI YUL RNAMS LA THOG MA MED PA'I DUS NAS ZHUGS PA'I 'DOD CHAGS ZHE SDANG GTI MUG DAG GIS 'DOD PA'I LHA DANG LHAN CIG TU 'DU SHES DAG LA CHAGS PA MED CING BDUD DANG LHAN CIG G-YUL 'GYED PAR 'DOD LA, NYON MONGS PA SPONG BAR 'DOD PA DE BAR SNANG LA SPYOD PA'I GNOD SBYIN GYIS RIG NAS KUN TU DGA' BAR 'GYUR RO, ,GZHAN YANG, RIGS KYI BU DE DE LTAR 'KHOR BA'I SDUG BSNGAL LA DMIGS NAS CHES SHIN TU RAB TU 'BYUNG BA'I SEMS SKYED PAR BYED DE, DE SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG DANG, SBYAR BA'I CHANG DANG, BRDZUN DU SMRA BA SPANGS NAS SDOM PA LEN PAR 'GYUR RO, ,DE GANG GI TSE DGE BSNYEN GYI SDOM PA RDZOGS PAR SPYOD PAR 'GYUR BAG DE'I TSE, BAR SNANG LA SPYOD PA'I GNOD SBYIN KUN TU DGA' STE, RIGS KYI BU CHE GE MO ZHIG MING 'DI ZHES BYA, RUS NI 'DI ZHES BYA BA GRONG KHYER CHE GE MO ZHIG DANG, GRONG RDAL GA GE MO ZHIG DANG, YUL GA GE MO ZHIG TU SKRA DANG, KHA SPU BREGS TE CHOS GOS NGUR SMRIG BGOS NAS YANG DAG PA'I DAD PAS KHYIM NAS KHYIM MED PAR RAB TU BYUNG STE, BDUD KYI PHYOGS NI DAMS PAR BYED CING, DAM PA'I CHOS KYI PHYOGS NI MTHO BAR BYED, BDUD KYI 'CHING BA NI RNAM PAR GCOD PAR BYED CING NYON MONGS PA CHEN PO 'DOD CHAGS ZHE SDANG GTI MUG LAS GROL BAR BYED DO ZHES MNGON PAR SGROGS SO, ,LOG
PAR LTA BA NI KUN TU SBYOR BA'I BAG LA NYAL THAMS CAD KYI GZHI YIN LA, YANG DAG PAR LTA BA NI MTHA' MYA NGAN LAS 'DAS PA'I GZHI YIN TE, RNAL 'BYOR SPYOD PA BAS CHOS DE RJES SU MTHONG NGO, ,DE'I TSE 'DI LTAR THOG MA NYID DU YANG DAG PA'I LTA BA LA MNGON PAR BSTOD PAR BYED DE, MI RGOD MI SMOD SKYON DU MI 'GRANG LA PHA ROL DAG LA BSTOD PAR BYED CING RAB TU 'JOG PAR BYED DO; ;LOG PAR LTA BA LA SMOD DE, BSTOD PAR MI BYED LA SMOD PAR BYED DO, ,YANG DAG PAR LTA BAS NI LOG PAR LTA BA LAS DANG, CHOS DANG, RNAM PAR SMIN PA YANG DAG PAR MNGON PAR STON PAR BYED CING 'JOG PAR MI BYED DO, ,'CHING BA RNAMS KYI RTZA BA NI LOG PAR LTA BA YIN TE, BYIS PA SO SO'I SKYE BO RNAMS KYI 'CHING BA YIN ZHING 'BYUNG PO RNAMS DANG, SEMS CAN DMYAL BA DANG, DUD 'GRO DANG, YI DVAGS KYI YUL DU GNAS PA'I MTHA' YIN NO, ,RIGS KYI BUS DE SPANGS NA DGE BA DU MA DE DAG THOB PAR 'GYUR RO, ,GZHAN YANG, RIGS KYI BU DE 'DI LTAR KHYIM GYI GNAS NI SDUG BSNGAL BA NYAM NGA BA 'CHING BAR GYUR PA DU MA YIN TE, RANG DBANG MED PAR RIG NAS KHYIM NAS 'BYUNG ZHING RAB TU 'BYUNG BAR 'DOD LA BDUD DANG LHAN CIG G-YUL 'GYED PAR 'DOD PA'I SKYES BU DAM PA DES BLA DANG, BAR SNANG LA SPYOD PA'I LHA DAG GIS RIG NAS KUN TU DGA' STE, RGYAL PO CHEN PO BZHI RNAMS LA KUN TU DGA' BA'I YID KYIS RIGS KYI
, ,KYI BU 'DI ZHES BYA BA GRONG CHE GE MO ZHIG DANG, GRONG RDAL MANG GE MO ZHIG DANG, YUL GA GE MO ZHIG TU SKRA DANG, KHA SPU BREGS TE, GOS NGUR SMRIG BGOS NAS YANG DAG PA'I DAD PA NYID KYIS KHYIM NAS KHYIM MED PAR RAB TU BYUNG NGO, ,DE KHYIM NAS BYUNG BAS BDUD KYI PHYOGS NI DAMS PAR BYED CING DAM PA'I CHOS KYI PHYOGS NI MNGON PAR MTHO BAR BYED DO ZHES MNGON PAR BSNYAD DO, ,DE NAS RGYAL PO CHEN PO BZHI PO DE DAG GIS SA BLA DANG, BAR SNANG LA SPYOD PA'I LHA DAG DANG, GNOD SBYIN DE DAG LAS DE SKAD THOS NAS YID DGA' LA BAR SNANG LA SPYOD PA'I GNOD SBYIN DAG RAB TU DGA' BAR 'GYUR RO, ,DE LTAR DZAMBU'I GLING GI MI DAM PA'I CHOS DGE BA'I GTAM GYIS SPRO BA SKYES NAS, RIGS KYI BU DE JI LTAR RIGS PAR 'PHAGS PA DGE SBYONG GI MKHAN PO LA BSNYEN BKUR BYED DO, ,BSNYEN BKUR BYAS NAS KYANG SKRA DANG, KHA SPU BREGS SHING GOS NGUR SMRIG BGOS TE SO SOR THAR PA'I SDOM PA LEN TO, ,SDOM PA BLANGS PAS SA BLA DANG, BAR SNANG LA SPYOD PA'I GNOD SBYIN RNAMS LHAG PAR KUN TU DGA' STE, RGYAL PO CHEN PO BZHI LA DZAMBU GLING NA RIGS KYI BU CHE GE MO ZHIG CES BYA BA GRONG MANG GE MO ZHIG DANG, YUL GA GE MO ZHIG TU LOG PAR LTA BA SPANGS NAS YANG DAG PAR LTA BA'I LAS DANG, CHOS YANG DAG PAR BLANGS PA, BU DANG, CHUNG MA LA SRED PA DUG LTA BU, DON MED CING NYAM NGA BA THAMS CAD SPANGS
NAS; SKRA DANG, KHA SPU BREGS GOS NGUR SMRIG BGOS SHING SO SOR THAR PA BLANGS TE, BDUD DANG, LHAN CIG G-YUL 'GYED PAR 'DOD PA, DGA' BA'I 'DOD CHAGS KYI MOD LAS KSYES PA SPONG BAR 'DOD PA YIN NO ZHES MNGON PAR BSNYAD DO, ,DE NAS DE'I TSE RGYAL PO CHEN PO BZHI KUN TU DGA' NAS RGYAL CHEN BZHI'I RIS KYI LHA RNAMS LA DZAMBU'I GLING DU RIGS CHE GE MO ZHIG LAS GRONG MANG GE MO ZHIG DANG, YUL GA GE MO ZHIG DU RIGS KYI BU CHE GE MO ZHIG LOG PAR LTA BA SPANGS NAS YANG DAG PAR LTA BAS SKRA DANG, KHA SPU BREGS, GOS NGUR SMRIG BGOS NAS DAD PA NYID KYIS KHYIM NAS KHYIM MED PAR RAB TU BYUNG STE, DGE SLONG GA GE MO ZHIG GI DRUNG DU GNAS SO ZHES MNGON PAR SGROGS SO, ,DE LHA RNAMS KYIS THOS NAS BDUD KYI PHYOGS DAMS PAR 'GYUR ZHING DAM PA'I CHOS KYI PHYOGS NI 'PHEL BAR 'GYUR RO ZHES YID DGA' BAR 'GYUR RO, ,DE NAS RGYAL PO CHEN PO BZHI LAS RGYAL CHEN BZHI'I LHA RNAMS KYIS THOS NAS SHIN TU YID DGA' BAR 'GYUR RO, ,GZHAN YANG, RIGS KYI BU DE 'DI LTAR KHA NA MA THO BA RDUL TZAM LA'ANG 'JIGS PAR LTA LA BZOD CING DUL TE, SEMS YANG DAG PAR SDOM PA, 'DU 'DZI LA MI DGA' ZHING NYE BAR KHRO BA MED PA, RIGS NAS RIGS SU NYE BAR BSTEN CING SDIG PA'I GROGS PO DANG 'GROGS PAR MI BYED LA YUL GYI RNAM PAR RTOG PA LA LTA BAR MI BYED, BZA' BA ZHIM PO MANG DU MI 'DOD CING TSOGS NGAN PA DANG SPYOD PAR MI BYED, YUL GYI SPYOD PA LA MNGON PAR DGA' BAR MI BYED CING
, ,NAM DU'ANG MDZA' BSHES SU LTA BU'I NGANG TSUL CAN DU MI BYED, YUL LA SPYOD PA'I TSUL KHRIMS SU MI BYED CING DRAN PA NYE BAR GZHAG PA LA RTAG TU BRTZON PAR 'GYUR, ZHI BA'I ZAS KYIS GNAS SHING BDUD KYI 'CHING BA GCOD PA LA RTAG TU BRTZON PAR 'GYUR, YANG DAG PAR LTA BA LA RTAG TU BRTZON ZHING SKYES BU DAM PA 'JIG RTEN THAMS CAD LA PHAN PAR 'DOD PA YIN NO, ,'DIR TSIGS SU BCAD PA, 'BYUNG PO RNAMS LA GANG MI 'TSE, ,RTAG TU BYAMS SEMS BZOD LDAN PA, ,'BYUNG BO KUN GYI PHA LTA BUR, ,DE LA 'JIG RTEN RJES SU LTA, ,MA BYIN LEN PA SPANGS PA NI, ,RTAG TU SHES LDAN DBANG PO THUL, ,LUS KYI LAS MTHA' DGE BA DANG, ,SRID PA DAG LAS DE BRGAL LO, ,RI MOR BRIS PA'I BUD MED LA, ,MIG GIS LTA BAR MI BYED DE, ,'JIG RTEN 'DOD PA DAM BCOM PA; ;DE LTA BU NI GROL ZHES BYA, ,DPA' LA BONG BA GSER DU 'DRA, ,MYA NGAN BRAL ZHING MNYAM PAR GZHAG ,NYON MONGS 'DOD CHAGS MA 'DRES PA, ,DE NI MTHA' YAS SGO THOB BO, ,GANG LA DON DANG DON MIN MNYAM, ,DE BZHIN RNYED DANG MA RNYED DANG, ,BDE DANG SDUG BSNGAL SEMS MNYAM PA, ,DE NI DGE SLONG ZHES BYA'O, ,MDZA' BSHES MI BSHES GNYIS KA SPANGS, ,SEMS NI MNYAM ZHING DBANG PO THUL; ;GANG DAG YUL GYIS NYON MI MONGS, ,DE 'DRA BRAM ZER SHES PAR BYA, ,YUL NI GANG DAG DUG 'DRA LA, ,SDANG BA DPA' BO NYON MONGS BRAL, ,RDZOGS SANGS RGYAS KYIS BSHAD PA YI,
DE YI MYA NGAN 'DAS MI RING, ,SKYE DANG 'JIG PA'I DE NYID SHES, ,YANG DAG LTA LA CHAGS PA MED, ,GANGS RI LTA BUR BLO MI G-YO, ,DE NI 'KHOR BA LAS GROL LO, ,TZANDAN DANG NI RAL GRIR MNYAM, , ZAS NI ZHIM DANG MI ZHIM MNYAM, ,ZAB DAR SNAM BU MNYAM PA NI, ,SRID PAS GNOD PAR MI 'GYUR RO, ,RNYED DANG BKUR STI MI DGA' ZHING, ,RTZVA STAN TZAM GYIS CHOG SHES LA, ,RNYED DANG BKUR STI ME LTA BUR, ,GANG GIS MTHONG BA DE MTHONG NGO, ,GANG DAG YUL GYI DBANG MI 'GYUR, ,SRED PA'I CHU BOR MI 'JUG LA, ,RANG GI LAS 'BRAS DE NYID SHES, D,E NI DGE SLONG SANGS RGYAS GSUNGS, GANG DAG 'DAS PA'I DUS MI 'DOD, ,MA 'ONGS PA LA BLO MI DGA', ,RNAL 'BYOR PA NI DA LTAR LA, ,MI DGA' DE YI BLO GROS MED, ,GANG GI BLO GROS PHYIR LOG PA, ,CHOS LA RTAG TU GNAS PAR 'GYUR; ;DKAR PO CHOS LA MNYAM GZHAG PA, ,DE NI 'KHOR BAR MI 'JUG GO ,GANG GIS SEMS LA RNYOG MI BYED, ,RIG PA MED LTA BU YIN NO, ,GANG LA YUL NI BRAN LTA BU, ,DE LA SDUG BSNGAL MED PA MIN; ;GANG GIS DBANG PO DBANG BYED CING, ,DBANG PO'I DBANG DU MI 'GRO LA, ,GANG DAG GZUGS SOGS MI 'PHROGS SHING, ,NYON MONGS MED PA THUB DANG 'DRA, ,GANG GIS BSAMS PA DGE BA DAG, [?] NA MTHONG NA DGA' BA DANG, ,SEMS NI RAB TU DGA' BYED PA, ,MI DE ZLA 'DRA THUB PA YIN, ,GANG DAG DGON PAR MNGON DGA' BA, ,KHANG BZANG MCHOG LA CHAGS PA MED, ,THANG GI SHING
, ,LA MNGON DGA' ZHING, ,ZAS SLONG DGE SLONG ZHES BYA 'OD, ,DPA' BO ZHI DUL BLO BZANG BA, ,BDE DANG SDUG BSNGAL DE NYID RIG ,DE NI BLA MED GNAS 'GRO ZHING, ,GANG DU SONG BAR NYON MI MONGS, ,SNYING BRTZE LDAN ZHING BLO GROS DRANG, ,RTAG TU BSAM GTAN PHA ROL 'GRO ,PHAL PA RNAMS DANG MNYAM MI 'GRO ,RNAL 'BYOR DE NI BDEN TSIG LDAN, ,LOG PAR LTA BA'I CHOS DE DAG ,SPANGS PAS DE DAG 'THOB PAR 'GYUR, ,GZHAN YANG, LOG PAR LTA BA SPANGS PAS YANG DAG PAR LTA BA SNGON DU 'GRO BA'I YID RNAM PAR RTOG PA SPANGS PA'I RIM GYIS ZAG PA MED PA'I BSAM GTAN LA MNGON PAR DGA' BA LAS BLA DANG, BAR SNANG LA SPYOD PA'I LHA DANG, GNOD SBYIN DANG, RGYAL PO CHEN PO BZHI RNAMS JI LTAR DGA' BAR 'GYUR ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS MTHONG STE, RGYAL PO CHEN PO BZHI PO DE DAG GIS RGYAL PO CHEN PO BZHI'I LHA DE DAG DANG, LHA RNAMS KYI DBANG PO BRGYA BYIN LA SGROGS PAR BYED PA NI, LHA; 'DI LTAR DZAMBU'I GLING NA RIGS CHE GE MO ZHIG LAS, GRONG GA GE MO ZHIG DANG, GRONG RDAL GA GE MO ZHIG TU RIGS KYI BU MING 'DI ZHES BYA BA SKRA DANG, KHA SPU BREGS TE, GOS DUR SMRIG BGOS NAS DAD PAS KHYIM NAS KHYIM MED PAR RAB TU BYUNG STE, DE TSUL KHRIMS DANG, YANG DAG PAR SDOM PA SPYOD PA, SPOBS PA RIGS PA DANG, GROL BA, DRAN
PA NYE BAR GZHAG PA, KHA NA MA THO BA RDZUL TZAM LA'ANG 'JIGS PAR LTA BA, BDUD KYI PHYOGS DMOS PAR BYED CING DAM PA'I CHOS KYI PHYOGS NI MNGON PAR MTHO BAR BYED DE, DE BDAG CAG GIS LHA RNAMS LA GSOL PA LAGS SO, ,DE THOS NAS LHA RNAMS KYI DBANG PO'I BRGYA BYIN SHIN TU YID DGA' BA DANG, BRGYA BYIN GYI MDUN NA 'DON DE DANG, SUM CU RTZA GSUM GYI LHA RNAMS KUN TU DGA' BAR 'GYUR RO, , DGE BA BCU'I LAS KYI LAM LE'UR BCAD PA'O,, ,,'PHAGS PA DAM PA'I CHOS DRAN PA NYE BAR GZHAG PA, BAM PO GSUM PA, DE NAS GZHAN YANG, ZAG PA RIM GYIS SPANGS PA'I DGE SLONG DAG DANG PO MI DGE BA'I CHOS SPONG ZHING DGE BA'I CHOS JI LTAR SGOM PAR BYED CIG GU SNYAM NAS, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS BRTAGS NA DGE SLONG DE THOG MA NYID DU YUL DANG, DBANG PO 'DI DAG PHAN TSUN RGYU RKYEN DU GYUR PA BDAG GIS SKYE BO KUN THOG MA MED PA'I DUS NAS 'KHOR BAR ZHUGS SHING YONGS SU 'KHYAM PA DE DAG NYID KYI SKYE BA'I RGYUR GYUR PA YUL GYI RGYA MTSO LA RNAM PAR RTOG PAR BYED DE, NANG DANG, YUL DE DAG GIS SKYE BO 'DI DAG 'KHYAM MO SNYAM MO, ,DE RE ZHIG THOG MA NYID DU DE LTAR DBEN PA LA MNGON PAR DGA' GOMS PAR BYED DE, DGON PO DANG, TSAL GYI NANG DANG, KUN DGA' RA BA DANG, SOG MA'I KHROD DANG, SHING DRUNG DANG, DUR KHROD DBEN PA RNAMS SU
, ,SEMS SPRE'U LTA BU GDUL BA'I PHYIR GOMS PAR BYED DE, DBEN PA LA MNGON PAR DGA' BA'I SEMS SHIN TU DANG BAR BYED DO, ,DE GRONG DAG TU RGOD RGOD, SGEG SGEG; RTZE RTZE BA DAG LA MNGON PAR MI DGA' ZHING PHA ROL GYI BUD MED DE LA LTA BAR MI BYED LA, 'DU 'DZI LA MNGON PAR DGA' BAR MI BYED DO, ,TSANGS PAR SPYOD PA LA TSOGS GNYIS 'DRA STE, 'DU 'DZI DANG, SMAD 'TSONG NGO, ,DE TSOGS GNYIS SPANGS NAS DANG POR DE'I YID RTZE GCIG LA DGA' ZHING RAB TU DANG BAR BYED DO, ,DE THOG MA NYID DU JI LTAR NA SEMS 'DI BSDU BA DANG, GZUNG BAR NUS SNYAM DU YANG DAG PAR RNAM PAR RTOG PAR BYED DO, ,DE THOG MA NYID DU 'DI LTAR YID KYI DPYOD PA BCO BRGYAD DAG GIS DGE BA DANG, MI DGE BA DANG, LUNG DU MA BSTAN PA LA YID 'JUG PAR BYED DO SNYAM MO, ,BCO BRGYAD GANG ZHE NA, 'DI LTA STE, MIG GIS GZUGS MNGON NAS YID BDE BA'I GZUGS MNGON NAS YID BDE BA'I GNAS SU 'GYUR BA NI KUN NAS NYON MONGS PA MI DGE BA'I RNAM PAR SMIN PAR 'GYUR BA SO SOR MYONG BAR BYED CING YANG DAG PAR RAB TU RTOG PAR BYED DO, ,YID MI BDE BA'I GNAS SU 'GYUR BA NI 'DOD CHAGS DANG BRAL BA YIN TE, DE'I DGE BA'I CHOS RNAM PAR SMIN PA YIN NO, ,BTANG SNYOMS KYI GNAS SU 'GYUR BA NI LUNG DU MA BSTAN PA'I RNAM PAR SMIN PAR 'GYUR BA YIN NO, ,DE
LTANG RNA BAS SGRA THOS NAS YID BDE BA'I GNAS SU 'GYUR BA NI KUN NAS NYON MONGS PA MI DGE BA'I RNAM PAR SMIN PA YIN NO, ,YID MI DGE BA'I GNAS SU 'GYUR BA NI RNAM PAR BYANG BA LA DMIGS PA DGE BA'I RNAM PAR SMIN PA YIN NO, ,BTANG SNYOMS KYI GNAS SU 'GYUR BA NI LUNG DU MA BSTAN PA'I RNAM PAR SMIN PA YIN NO, ,DE BZHIN DU SNAS DRI BSNAMS NAS YID BDE BA'I GNAS SU 'GYUR BA NI KUN NAS NYON MONGS PA MI DGE BA'I RNAM PAR SMIN PA YIN NO, ,YID MI BDE BA'I GNAS SU 'GYUR BA NI RNAM PAR BYANG BA DGE BA'I RNAM PAR SMIN PA YIN NO, ,BTANG SNYOMS KYI GNAS SU 'GYUR BA NI LUNG DU MA BSTAN PA'I RNAM PAR SMIN PA YIN NO, ,DE BZHIN DU LCES RO MYONG NAS YID BDE BA'I GNAS SU 'GYUR BA NI KUN NAS NYON MONGS PA MI DGE BA'I RNAM PAR SMIN PA YIN NO; ;YID MI BDE BA'I GNAS SU 'GYUR BA NI RNAM PAR BYANG BA DGE BA'I RNAM PAR SMIN PA YIN NO, ,BTANG SNYOMS KYI GNAS SU 'GYUR BA NI LUNG DU MA BSTAN PA'I RNAM PAR SMIN PA YIN NO, , DE BZHIN DU LUS KYIS REG BYA BA LA REG NAS YID BDE BA'I GNAS SU 'GYUR BA NI KUN NAS NYON MONGS PA MI DGE BA'I RNAM PAR SMIN PA YIN NO, ,YID MI BDE PA'I GNAS SU 'GYUR BA NI RNAM PAR BYANG BA DGE BA'I RNAM PAR SMIN PA YIN NO, ,BTANG SNYOMS KYI GNAS SU 'GYUR BA NI LUNG DU MA BSTAN PA'I RNAM PAR SMIN PA YIN NO, ,DE BZHIN DU YID KYIS CHOS SHES NAS, YID BDE
, ,BA'I GNAS SU 'GYUR BA NI KUN NAS NYON MONGS PA MI DGE BA'I RNAM PAR SMIN PA YIN NO, ,YID MI BDE BA'I GNAS SU 'GYUR BA NI RNAM PAR BYANG BA DGE BA'I RNAM PAR SMIN PA YIN NO, ,BTANG SNYOMS KYI GNAS SU 'GYUR BA NI LUNG DU MA BSTAN PA'I RNAM PAR SMIN PA YIN NO, ,DE LTAR YID KYI DPYOD PA BCO BRGYAD KYI RNAM PAR SMIN PA DAG GIS 'KHOR BA NA 'CHI BA DANG, SKYE BAR 'GYUR RO SNYAM MO, ,GANG GI TSE DGE SLONG DE YID KYI DPYOD PA BCO BRGYAD DAG MTHONG BA DE'I TSE BAR SNANG LA SPYOD PA'I GNOD SBYIN KUN TU DGA' NAS SA BLA'I GNOD SBYIN RNAMS LA MNGON PAR BSNYAD DO, ,BAR SNANG BA LA SPYOD PA DANG, SA BLA'I GNOD SBYIN YID RAB TU DGA' BAS RGYAL PO CHEN PO BZHI LA MNGON PAR BSNYAD DO, ,RGYAL PO CHEN PO BZHI PO DE DAG GIS RGYAL CHEN BZHI'I LHA RNAMS LA GANG DZAMBU'I GLING DU GRONG CHE GE MO ZHIG DANG, GRONG RDAL MANG GE MO ZHIG DANG, YUL GA GE MO ZHIG TU RIGS CHE GE MO ZHIG GI RIGS KYI BU SKRA DANG, KHA SPU BREGS TE, GOS DUR SMRIG BGOS NAS DAD PAS KHYIM NAS KHYIM MED PAR RAB TU BYUNG STE, DE YID KYI DPYOD PA BCO BRGYAD DAG LA RAB TU RTOG PAR BYED CING MNGON SUM DU BYED LA DBEN PA LA MNGON PAR DGA' STE, MTHA' GCIG LA SPYOD PA YIN NO ZHES MNGON PAR BSNYAD DO, ,RGYAL PO CHEN PO BZHI DAG LAS RGYAL CHEN BZHI'I LHA DAG GIS DE THOS NAS BDUD KYI PHYOGS NI DAMS PAR 'GYUR
LA; DAM PA'I CHOS KYI PHYOGS NI MNGON PAR MTHO BAR 'GYUR RO SNYAM MO, ,KUN TU DGA' BAR 'GYUR RO, ,RGYAL CHEN BZHI'I LHA DE DAG GIS LHA'I DBANG PO BRGYA BYIN LA, LHA; GANG DZAMBU'I GLING NA RIGS CHE GE MO ZHIG LAS ZHES BYA BA NAS, RIGS KYI BU CHE GE MO ZHIG SKRA DANG, KHA SPU BREGS GOS DUR SMRIG BGOS NAS DAD PAS KHYIM NAS KHYIM MED PAR RAB TU BYUNG STE, DE DBEN PA NAS DUR KHROD KYI BAR LA DGA' BA YID KYI DPYOD PA BCO BRGYAD LA RAB TU RTAG PAR BYED CING MNGON SUM DU BYAS NAS NYE BAR BSGRUBS TE GNAS SO ZHES MNGON PAR BSNYAD DO, ,RGYAL CHEN BZHI'I LHA DE DAG LAS LHA'I DBANG PO KOO SHI KAS DE THOS NAS YID MCHOG TU DGA' BAR 'GYUR BA MTHONG NGO, ,DE NAS GZHAN YANG, DGE SLONG DE YID KYI DPYOD PA BCO BRGYAD RAB TU MTHONG BA 'DOD PA LAS GZHAN PA'I SA JI LTA BU YID LA BYED CIG GU SNYAM NAS, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS BRTAGS NA, 'PHAGS PA'I BYIN GYI RLABS BZHI MTHONG STE, 'DI LTA STE, SHES RAB KYI BYIN GYI RLABS DANG, BDEN PA'I BYIN GYI RLABS DANG, GTONG BA'I BYIN GYI RLABS DANG, NYE BAR ZHI BA'I BYIN GYI RLABS SO, ,DGE SLONG GIS SHES RAB KYI BYIN GYI RLABS JI LTAR MTHONG ZHE NA, 'DI LA DGE SLONG NI DGE SLONG BDAG NYID KYI LUS JI LTAR GNAS PA DE CHOS NYID KYIS MTHONG STE, LUS 'DI
, ,LA SA'I KHAMS DANG, CHU'I KHAMS DANG, ME'I KHAMS DANG, RLUNG GI KHAMS DANG, NAM MKHA'I KHAMS DANG, RNAM PAR SHES PA'I KHAMS DE DAG RAB TU SHES SHING RNAM PAR 'BYED LA SO SOR RTOG GO ,DE LA SA'I KHAMS GANG ZHE NA, SA'I KHAMS RNAM PA GNYIS TE, NANG NA YOD PA DANG, PHYI ROL NA YOD PA'O, ,DE LA NANG NA YOD PA GANG ZHE NA, LUS 'DI LA GANG CUNG ZAD NANG DANG, SO SO'I NANG DU BZUNG BA DANG, ZIN PA'O, ,DE LA BZUNG BA NI PAGS PA DANG, SHA LA SOGS PAS BSDUS PA'O, ,ZIN PA NI SKRA DANG, SPU DANG, SEN MO DANG, SOS BSDUS PA'O, ,SRA BA DANG, MKHRANG BA'I RNAM PA NI BZUNG BA DANG, ZIN PA STE, DE'ANG GANG ZHE NA, 'DI LTA STE, SKRA DANG, SPU DANG, SEN MO DANG, SO DANG, RDUL DANG, RANG GI SHA DANG, RUS PA DANG, RTZA DANG, RGYUS PA DANG, SNYING DANG, MCHIN PA DANG, GLO BA DANG, MKHAL MA DANG, MTSER PA DANG, MCHIL MA DANG, PHO BA DANG, LONG GA DANG, RGYU MA DANG, GNYE MA DANG, LTO DANG, LTO BA DANG, KLAD PA DANG, KLAD RGYAS RNAMS SO, ,GANG GZHAN YANG, LUS 'DI LA NANG DANG, SO SO'I NANG DU SRA BA DANG, MKHRANG BA'I RNAM PA BZUNG BA DANG, ZIN PA 'DI NI NANG GI SA'I KHAMS ZHES BYA'O, ,DE LA PHYI ROL GYI SA'I KHAMS GANG ZHE NA, PHYI ROL LA GANG CUNG ZAD SRA BA DANG, MKHRANG BA'I RNAM PA MA BZUNG BA, MA ZIN PA 'DI NI PHYI ROL GYI SA'I KHAMS ZHES BYA'O, ,DE LA
GANG SA'I KHAMS DE GCIG TU BSDUS PA'I KHAMS 'DI NI KHAMS TZAM STE, TSOR BAS GNAS SU MA BYAS SHING 'DOD RGYAL GYIS MA BYAS PA'I SA'I KHAMS RTAG PAR MA YIN, BDE BAR MA YIN; GTZANG BAR MA YIN PAR MTHONG ZHING, DE DAG TU MI LTA BA'I SHES RAB KYI BYIN GYIS RLABS LA LHAG PAR MOS PA'I DGE SLONG DE NI 'DI DAG THAMS CAD BDAG GI MA YIN, DE DAG BDAG MA YIN; DE DAG BDAG DANG, BDAG GI MA YIN NO SNYAM MO, ,'DI DAG YANG DAG PA'I SHES RAB KYIS YANG DAG PA JI LTA BA BZHIN MTHONG NAS, SA'I KHAMS LA SEMS 'DI 'DOD CHAGS DANG BRAL BAR 'GYUR TE, DE LTAR DGE SLONG SHES RAB KYI BYIN GYI RLABS LA LHAG PAR MOS PAR 'GYUR RO, ,DE LA CHU'I KHAMS GANG ZHE NA, CHU'I KHAMS KYANG RNAM PA GNYIS TE, NANG NA YOD PA DANG, PHYI ROL NA YOD PA'O, ,DE LA NANG NA YOD PA NI LUS 'DI LA GANG CUNG ZAD CHU DANG, CHU'I RNAM PA 'BYUNG BA'I MTSAN NYID YIN TE, CHU'I KHAMS NI LUS LA GSHER BA'I BDAG NYID DU YOD PA RDUL DANG; MCHIL MA DANG, SNABS DANG, KLAD PA'I SPRIN DANG, KHRAG DANG, ZHAG DANG, CHU SER DANG, TSIL DANG, RKANG DANG, MKHRIS PA DANG, GCING DANG, KLAD RGYAS RNAMS SO, ,GANG GZHAN KHANG LUS 'DI LA NANG SO SO'I NANG DU CHU DANG, CHU'I RNAM PA BZUNG BA DANG, ZIN PA GANG CUNG ZAD YOD PA 'DI NI NANG GI CHU'I KHAMS ZHES BYA'O, ,PHYI ROL GYI GANG ZHE NA, GANG CUNG ZAD KYI PHYI ROL GYI CHU
, ,DANG; CHU'I RNAM PAR GSHER BA DANG, GSHER BA'I RNAM PA STE, MA BZUNG MA ZIN PA 'DI NI PHYI ROL GYI CHU'I KHAMS ZHES BYA'O, ,DE LA GANG NANG GI CHU'I KHAMS DANG; GANG PHYI ROL GYI CHU'I KHAMS DE DAG GCIG TU BSDUS PA'I KHAMS 'DI NI KHAMS TZAM STE, 'DI DAG THAMS CAD BDAG GI MA YIN, DE DAG BDAG MA YIN, DE DAG BDAG DANG, BDAG GI MA YIN PA CHU'I KHAMS YANG DAG PAR MTHONG NAS CHU'I KHAMS LA SEMS 'DOD CHAGS DANG BRAL BAR 'GYUR TE, DE LTAR DGE SLONG SHES RAB KYI BYIN GYI RLABS LA 'JUG PA YIN NO, ,DE LA ME'I KHAMS GANG ZHE NA, ME'I KHAMS KYANG RNAM PA GNYIS TE, NANG NA YOD PA DANG, PHYI ROL NA YOD PA'O, ,DE LA NANG GI ME'I KHAMS NI LUS 'DI LA GANG LA CUNG ZAD NANG DANG, SO SO'I NANG GI ME DANG, ME'I RNAM PA BZUNG BA DANG, ZIN PA'O, ,DE DAG GANG ZHE NA, 'DI LTA STE, GANG GIS GDUNG BAR BYED PA DANG, GANG GIS YONGS SU SREG PAR BYED PA DANG, GANG GIS 'BAR BAR BYED PA DANG, GANG GIS ZOS PA DANG, 'THUNG BA DANG, 'CHOS PA DANG, MYANGS PA RNAMS LEGS PAR BDE BAR 'JUG PAR 'GYUR BA DANG, GANG GZHAN YANG, LUS 'DI LA NANG GI DANG, SO SO'I NANG GI ME DANG, ME'I RNAM PA BZUNG BA DANG, ZIN PA 'DI NI NANG GI ME'I KHAMS ZHES BYA'O, ,DE LA PHYI ROL GYI ME'I KHAMS GANG ZHE NA, PHYI ROL
GYI GANG CUNG ZAD ME DANG, ME'I RNAM PA DANG, DRO BA DANG, DRE BA'I RNAM PA STE, MI BZUNG MA ZIN PA 'DI NI PHYI ROL GYI ME'I KHAMS ZHES BYA'O, ,DE LA GANG NANG GI ME'I KHAMS DANG, GANG PHYI ROL GYI ME'I KHAMS DE DAG GCIG TU BSDUS PA'I KHAMS 'DI NI KHAMS TZAM STE, DE DAG THAMS CAD BDAG GI MA YIN, DE DAG BDAG MA YIN, DE DAG BDAG DANG, BDAG GI MA YIN, 'DI LTAR DE DAG YANG DAG PA'I SHES RAB KYIS YANG DAG PA JI LTA BA BZHIN MTHONG NAS ME'I KHAMS LA SEMS 'DOD CHAGS DANG BRAL BAR 'GYUR RO, ,DE BYED PA BOS GNAS SU MA BYAS KYANG ME'I KHAMS RAB TU 'JUG GO ,DE LA RLUNG GI KHAMS GANG ZHE NA, RLUNG GI KHAMS RNAM PA GNYIS TE, NANG NA YOD PA DANG, PHYI ROL NA YOD PA'O, ,DE LA NANG GI GANG ZHE NA, LUS 'DI LA GANG CUNG ZAD NANG DANG; SO SO'I NANG GI RLUNG DANG, RLUNG GI RNAM PA YANG BA DANG, YANG ZHING G-YO BA BZUNG BA DANG, ZIN PA STE, DE DAG KYANG GANG ZHE NA, STENG DU 'GRO BA'I RLUNG DANG, 'OG TU 'GRO BA'I RLUNG DANG, NGOS SU 'GRO BA'I RLUNG DANG, LTOR 'GRO BA'I RLUNG DANG, DE BZHIN DU RAL GRI DANG, KHAB DANG, MTSON CHA LTA BU'I RLUNG DANG, RLUNG SKRAN DANG, SRIN BU DANG LHAN CIG RGYU BA'I RLUNG BRGYAD CU DAG YOD DO; ;RLUNG BRGYAD CU DAG YAN LAG DANG, NYING LAG DAG GI RJES SU 'JUG GO ,GANG LUS 'DI LA GZHAN YANG NANG DANG, SO SO'I NANG GI RLUNG DANG, RLUNG GI RNAM PA YANG ZHING G-YO BA BZUNG BA DANG,
, ,ZIN PA 'DI NI NANG GI RLUNG GI KHAMS ZHES BYA'O, ,DE LA PHYI ROL GYI RLUNG GI KHAMS GANG ZHE NA, PHYI ROL GYI GANG CUNG ZAD RLUNG DANG, RLUNG GI RNAM PA YANG ZHING G-YO BA MA BZUNG MA ZIN PA 'DI NI PHYI ROL GYI RLUNG GI KHAMS ZHES BYA'O, ,DE LA NANG GI RLUNG GI KHAMS DANG, GANG PHYI ROL GYI DE DAG THAMS CAD MNGON PAR BSDUS PA'I KHAMS 'DI NI KHAMS TZAM STE; DE DAG BDAG GI MA YIN, DE DAG BDAG MA YIN, DE DAG BDAG DANG, BDAG GI MA YIN LA, BYED PA POS GNAS SU MA BYAS SHING TSOR BA POS GNAS SU MA BYAS TE, DE LTAR 'DI DAG YANG DAG PA'I SHES RAB KYI SA YANG DAG PA JI LTA BA BZHIN MTHONG NAS RLUNG GI KHAMS DE LA SEMS 'DOD CHAGS DANG BRAL BAR BYED DE, 'DI NI SHES RAB KYI BYIN GYI RLABS MNGON SUM DU BYED PA'I DGE SLONG YIN NO, ,DE LA NAM MKHA'I KHAMS GANG ZHE NA, NAM MKHA'I KHAMS KYANG RNAM PA GNYIS TE, NANG NA YOD PA DANG, PHYI ROL NA YOD PA'O, ,DE LA NANG GI LUS 'DI LA GANG CUNG ZAD NANG DANG, SO SO'I NANG GI NAM MKHA' DANG, NAM MKHA'I RNAM PA BZUNG BA DANG, ZIN PA MI GSAL ZHING GZUGS KYI RNAM PAS KHYAB PAR BYA BA DANG, ZOS PA DANG, 'THUNGS PA DANG; 'CHOS PA DANG, MYANGS PA RNAMS NANG DU 'JUG PAR SKABS 'BYED PA DANG, MID PA'I SBUBS DANG, MIG PHUGS DANG, SNA'I BU GA DANG, LCE'I BU GA DANG, ZAS NANG DU 'GRO BA LCES
SKABS 'BYED PAR BYED PA 'DI NI NANG GI NAM MKHA'I KHAMS ZHES BYA'O, ,DE LA PHYI ROL GYI NAM MKHA'I KHAMS GANG ZHE NA, GANG CUNG ZAD MA BZUNG BA MA ZIN PA MI GSAL ZHING KHYAB PAR BYED PA MA YIN PA STE, 'DI LTA STE, SHING LO'I BAR GYI GSEB DANG, RI PHUG GI BU GA DANG, RI PHUG GI BU GA'I GSEB DANG, CHU BO'I GSEB DANG, GANG PHYI ROL GYI BU GA YOD PA 'DI NI PHYI ROL GYI NAM MKHA'I KHAMS ZHES BYA'O, ,DE LA GANG NANG GI GZUGS KYI RNAM PA'I NAM MKHA'I KHAMS DANG, GANG PHYI ROL GYI DE DAG GCIG TU BSDUS PA'I KHAMS 'DI NI KHAMS TZAM STE, DE DAG THAMS CAD BDAG GI MA YIN, DE DAG BDAG MA YIN, DE DAG BDAG DANG BDAG GI MA YIN TE, 'DI LTAR DE DAG YANG DAG PA'I SHES RAB KYIS YANG DAG PA JI LTA BA BZHIN MTHONG NAS NAM MKHA'I KHAMS LA SEMS 'DOD CHAGS DANG BRAL ZHING DE DAG MTHONG NAS 'JUG PAR MI 'GYUR RO, ,DE DAG THAMS CAD BDAG GI MA YIN, DE DAG BDAG MA YIN, DE DAG BDAG DANG, BDAG GI MA YIN TE, BYED PA POS GNAS SU MA BYAS SHING, TSOR BA POS GNAS SU MA BYAS PA'I NAM MKHA'I KHAMS LA SEMS 'DOD CHAGS DANG BRAL BAR 'GYUR RO, ,DE LA YID KYI KHAMS GANG ZHE NA, SKYE MCHED BCU GNYIS DANG YANG DAG PAR LDAN PA NI YID KYI KHAMS TE, MIG GI RNAM PAR SHES PAS DON MTHONG BA YID KYI RNAM PAR SHES PAS RJES SU MYONG STE, DE BZHIN DU RNA BA DANG, SNA DANG, LCE DANG, LUS
, ,DANG; YID KYI RNAM PAR SHES PA DAG NI YID KYI RNAM PAR SHES PA'I KHAMS RAB TU 'BYUNG BA'I RTZA BA YIN NO, ,'DIR TSIGS SU BCAD PA, YID NI SNGON DU 'GRO BA'I CHOS; ;YID MGYOGS YID NI 'GRO BA YIN, ,YID NI SHIN TU GSAL BA YIS, ,SMRA BA DANG NI 'BYED PAR 'GYUR, ,SDIG PA'I MTSAN NYID GSAL BA YIS, ,'CHI DANG SKYE BA RNAMS SHES SHING, LAS 'BRAS DE NYID SHES PA NI, ,'TSA BA MED PA'I GNAS 'THOB BO, ,GANG DAG DBANG PO KUN 'DZIN PA, ,'BYUNG PO KUN LA PHAN PAR DGA', ,DBANG PO BDE ZHING ZHI LA DUL, ,DE LTA BU NI DGE SLONG YIN, ,JI LTAR DBANG PO DUL LA GNAS, ,'DOD CHAGS DGRA NI ZLOG PAR BYED, ,DPA' BO SHES RAB BYED LDAN GANG, ,DE NI ZHI BA'I GNAS 'THOB BO, ,DGON PAR GNAS LA DGA' BYED CING, ,MNYAM GZHAGS LA GNAS PA NI, ,MKHA' SPRIN RLUNG GIS GTOR BA LTAR, ,SDIG PA'I CHOS RNAMS 'JIG PAR BYED, ,LUS NGAG LAS KYI MTHA' DGE ZHING, ,SPYOD PA DGE LA YANG DAG DGA', ,DE NYID LTA ZHING BYA BA MKHAS, ,BDUD KYIS SGRUB PA 'JIG PAR BYED, ,'DOD CHAGS LA SOGS MI GNOD CING, ,DGE BA'I SEMS LA BRKAM CHAGS MED, ,BYAMS DANG SNYING RJE MANG BA NI, ,DGE SLONG NGES PAR 'BYUNG LA GNAS, ,GANG DAG YUL GYIS 'CHID BA'I RGYU, ,GZUGS LA SOGS PA MI 'DOD PA, ,DE NI ZHI BA MCHOG 'GRO ZHING, ,GANG DU SONG BAR NYON MI
MONGS, ,DE NAS GZHAN YANG CI, DGE SLONG 'DI DANG PO YID KYI DPYOD PA BCO BRGYAD KYI DANG PO'I SA LAS SA GZHAN GNYIS PA LA 'DUG PA NI KHAMS DRUG GI DE NYID SHES PA'I SA LA CI DA LTAR CHOS RJES SU DRAN PA'I SA LA 'JUG GAM SNYAM NAS RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS BRTAGS NA, SA GZHAN GSUM PA LA 'JUG GO ,DGE SLONG DE NYID MTHONG BA DE'I SA GZHAN GANG ZHE NA, SEMS PHAN TSUN DU 'GYUR BA NI SA GZHAN YIN TE, DE BDE BA SKYES PA RNAM PAR SHES SHING SDUG BSNGAL SKYES PA RNAM PAR SHES, YID BDE BA RNAM PAR SHES SHING YID MI BDE BA RNAM PAR SHES, BTANG SNYOMS RNAM PAR SHES SHING BDE BA CUNG ZAD RNAM PAR SHES TE, BDE BA MYONG BAR 'GYUR BA'I REG PA LA BRTEN NAS BDE BA'I TSOR BA SKYE'O, ,DE BDE BA'I TSOR BA 'DI MYONG BA NA BDE BA'I TSOR BA MYONG NGO ZHES YANG DAG PA JI LTA BA BZHIN RAB TU SHES SO, ,DE NAS DE BDE BA MYONG BA'I REG PA GANG 'GAGS NA DE BDE BA MYONG BA'I REG PA LA BRTEN NAS TSOR BA SKYES PA MYONG BA NA BDAG GI BDE BA'I TSOR BA NUB BO ZHES TSOR BA NUB PA SO SOR MNGON PAR SHES SO, ,DE DAG BDE BA'I TSOR BA SO SOR NYE BAR ZHI ZHING SDUG BSNGAL GYI TSOR PA SKYE STE, BRTEN NAS 'BYUNG BA'I SDUG BSNGAL GYI TSOR BA SO SOR MNGON PAR SHES SO, ,BDAG GI BDE BA'I TSOR BA SKYES TE, DE DAG SOR MNGON PAR SHES SO, ,JI LTAR BDE BA MYONG BAR 'GYUR BA'I
, ,REG PA BSHAD PA DE LTAR SDUG BSNGAL MYONG BAR 'GYUR BA'ANG RGYA CHER YANG DAG PAR BRJOD PAR BYA'O, ,YID BDE BA RNAM PAR SHES PA JI LTA BU YIN ZHE NA, YID BDE BA'I GZHIR 'GYUR BA'I REG PA LA BRTEN NAS YID BDE BA SKYES PA'O, ,YID MI BDE BA SO SOR MNGON PAR SHES PA JI LTA BU YIN ZHE NA, YID MI BDE BA'I GZHIR 'GYUR BA'I REG PA LA BRTEN NAS YID MI BDE BA SKYES PA'O, ,DE NAS 'DI LTAR DE'I YID BDE BA'I GZHIR 'GYUR BA'I TSOR BA JI LTA BA BZHIN RJES SU RTOG STE, YID BDE BA'I GZHIR 'GYUR BA 'GOG PA MTHONG NAS YID BDE BA LAS 'DOD CHAGS DANG BRAL BAR 'GYUR RO, ,GANG BDAG GI YID BDE BA'I TSOR BA SNGON SKYES PA DE ZAD CING ZHI LA RNAM PAR BRAL BA DE LAS DE'I 'DOD CHAGS DANG BRAL BA SKYE STE, YANG DAG PA JI LTA BA BZHIN SO SOR MYONG BAR BYED DO, ,DE BZHIN DU YID MI BDE BA LA'ANG BRJOD PAR BYA ZHING, BTANG SNYOMS LA'ANG DE BZHIN DU BRJOD PAR BYA'O; ;DE'I SA GZHAN GSUM PA 'DI LA 'JUG PA LA SA BLA'I GNOD SBYIN SHIN TU DGA' NAS BAR SNANG LA SPYOD PA'I GNOD SBYIN RNAMS LA MNGON PAR BSNYAD DO, ,DE DAG GIS KYANG RGYAL PO CHEN PO BZHI LA MNGON PAR BSNYAD DE, DE DAG GIS KYANG RGYAL CHEN BZHI'I LHA RNAMS LA MNGON PAR BSNYAD DO, ,DE DAG GIS KYANG LHA RNAMS KYI DBANG PO BRGYA BYIN KOO SHI KA LA GANG
DZAMBU'I GLING NA RIGS KYI BU DE SKRA DANG, KHA SPU BREGS TE, DAD PAS KHYIM NAS KHYIM MED PAR RAB TU BYUNG BA, YUL CHE GE MO ZHIG DANG, GRONG KHYER MANG GE MO ZHIG TU RIGS CHE GE MO ZHIG LAS RIGS KYI BU MING CHE GE MO ZHIG CES BYA BA SKRA DANG, KHA SPU BREGS TE DAD PAS KHYIM NAS KHYIM MED PAR RAB TU BYUNG ZHING DE SA GZHAN GSUM PA LA ZHUGS TE, BDUD DANG, LHAN CIG G-YUL 'GYED PAR 'DOD PAS BDUD KYI PHYOGS NI DAMS PAR BYED LA DAM PA'I CHOS KYI PHYOGS NI MNGON PAR MTHO BAR BYED DO ZHES MNGON PAR BSNYAD DO, ,LHA RNAMS KYI DBANG PO BRGYA BYIN KOO SHI KAS DE THOS NAS MCHOG TU DGA' ZHING GLANG PO CHE SA SRUNG GI BU LA ZHON TE RDZU 'PHRUL CHE BA'I LHA'I TSOGS LA SOGS PAS BSKOR NAS 'THAB BRAL GYI LHA RNAMS LA DZAMBU'I GLING NA RIGS KYI BU ZHES BYA GNAS RGYA CHER SBYAR TE SA GZHAN GSUM PA LA ZHUGS PA'I BAR DANG, BDUD DANG LHAN CIG G-YUL 'GYED PAR 'DOD PA, BDUD KYI PHYOGS DMA' BAR BYED CING DAM PA'I CHOS KYI PHYOGS MNGON PAR MTHO BAR BYED DO ZHES BSNYAD DO, ,LHA'I DBANG PO BRGYA BYIN LAS DE THOS NAS 'THAB BRAL GYI LHA RNAMS SHIN TU YID DGA' BAR 'GYUR RO, ,DE NAS GZHAN YANG, DGE SLONG DE SA GZHAN GSUM PA LAS SA GZHAN BZHI PA LA JI LTAR 'JUG CIG GU SNYAM NAS, RNAL 'BYOR SPYOD PA NANG GI CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG
, ,GIS BRTAGS NA, DES GZHAN BZHI PA LA 'JUG PA NI REG PA'I RKYEN GYIS BDE BA MYONG BAR 'GYUR BA BDE BA'I RGYU DANG, BDE BA'I GZHI DANG, BDE BA'I RKYEN GYIS BDAG GIS TSOR BA SKYES SO, ,DE 'GAGS SNYING RNAM PAR ZHI LA NANG DU NUB PA DE MA THAG TU SDUG BSNGAL GYI REG PA DANG, SDUG BSNGAL GYI GZHI DANG, SDUG BSNGAL KUN 'BYUNG BA DANG, SDUG BSNGAL NYID KYIS BDAG GI SDUG BSNGAL GYI TSOR BA SKYES SO, ,DE BZHIN DU BTANG SNYOMS KYI RKYEN DANG, REG PA'I RKYEN GYIS TSOR BA SO SOR MNGON PAR SHES SO, ,SKAD CIG SKAD CIG LA BDAG GI REG PA'I TSOR BA'I GROGS DANG, REG PA 'BYUNG BA SKYE STE, DE BDE BA'I TSOR BA LA MI DGA' ZHING CHAGS PAR MI BYED LA TSOR BA DE LA MNGON PAR MI DGA' ZHING MANG DU MI BYED DE RO MYANG BAR MI BYED DO, ,DE BZHIN DU SDUG BSNGAL GYI TSOR BAS KYANG GNOD PAR MI BYED CING RNAM PAR 'TSE BAR MI BYED LA RNYOG PA CAN DU MI BYED DO, ,DE BTANG SNYOMS LA GNAS TE DRAN PA DANG, SHES BZHIN DANG LDAN PA YIN NA NI TSOR BA GSUM PO 'DI DAG GIS GAL TE NA GTAN DU SEMS 'DOD CHAGS DANG BRAL BAR 'GYUR, YANG NA BTANG SNYOMS KHYAD PAR CAN GZHAN DU 'GYUR TE; YONGS SU DAG PA DANG, RNAM PAR BYANG BAR 'GYUR RO, ,DE 'DI SNYAM DU SEMS TE, KYE AE MA, BDAG GIS NAM MKHA' MTHA' YAS SKYE MCHED KYI BTANG SNYOMS 'DI LTAR YONGS SU DAG PA, 'DI
LTAR RNAM PAR BYANG BA 'DI RDZOGS PAR BYA ZHING BDAG GI SEMS DANG MTHUN PAR BYA STE, BDAG GI BTANG SNYOMS KYI MTHAR GTUGS PA DANG 'BRAL PA MNGON SUM DU BYAS LA, DE LA MCHOG TU LHAG PAR GNAS PAR BYA, BDAG NAM MKHA' MTHA' YAS SKYE MCHED KYI BTANG SNYOMS KYIS BSDUS PA DE RDZOGS PAR BYAS TE GNAS SO, ,BDAG GIS 'DI LTAR YONGS SU DAG CING 'DI LTAR RNAM PAR BYANG BA RNAM SHES MTHA' YAS SKYE MCHED DANG, NAM MKHA' MTHA' YAS SKYE MCHED DANG, CI YANG MED PA'I SKYE MCHED DANG, 'DU SHES MED 'DU SHES MED MIN SKYE MCHED KYI BTANG SNYOMS 'DI RDZOGS PAR BYAS TE GNAS PAR BYA'O SNYAM MO, ,DE 'DU SHES MED 'DU SHES MED MIN SKYE MCHED RDZOGS PAR BYAS TE GNAS PA DE DANG, BDAG GI SEMS MTHUN PAR BYED LA BTANG SNYOMS DE LA GNAS SHING 'DUG STE, DE LA LHAG PAR CHAGS PA DANG, DE NYE BAR LEN PA BDAG GI 'DU SHES MED 'DU SHES MED MIN SKYE MCHED KYI BTANG SNYOMS RDZOGS PAR BYAS TE GNAS PAR BYA'O SNYAM MO, ,'DI LTA STE, DBAR NA, GSER MGAR RAM, GSER MGAR GYI SLOB MA MKHAS PA DE SO MAL DU GSER 'JUG PAR BYED DO, ,BCUG NAS PHRA SKAM GYIS BZUNG ZHING YAM SHING GIS 'BUD, KUN TU 'BUD DO, , LAS LEGS PAR BYAS PA'I GSER DE DGE ZHING BKRA SHIS LA KHA DOG BZANG BA, LAS BYED PA, THAMS CAD BSTOD PA, KHA DOG BZANG BAR BSNGAGS PA, YUL THAMS CAD DU RJES SU
, ,MTHUN PAR 'JUG PA DE DRI MA DANG BRAL ZHING SKYON LHAG MA'ANG MED LA DUL ZHING BKRA SHIS TE, RIN PO CHE'I 'OD KYANG ZIL DU RLAG PAR BYED DO, ,DE GSER MGAR RAM; GSER MGAR GYI SLOB MA MKHAS PA GZHAN ZHIG GIS GSER LEGS PAR SBYANG BA BYAS PAR RIG NAS CI 'DOD PAR BYED DE, GAL TE BGO BAR BYA BA DAG LA DRIL BU'I RGYAN BYED, GAL TE SHIN TU BLTA NA SDUG PA DAG BYED, GAL TE DPUNG RGYAN DU BYED, GAL TE SNYING GAR MDZES PA'I RGYAN BYED, GAL TE GLEGS BAM LA MDZES PAR BYED, GAL TE MGO RGYAN DU BYED, GAL TE SOR GDUB TU BYED, GAL TE GSER GYI PHRENG BAR BYED, GAL TE RGYAN COD PAN DU BYED, GANG DANG, GANG DU KHYER BA DE DANG, DER LAS DANG LDAN PAR 'GYUR RO, ,DE BZHIN DU DGE SLONG SHIN TU TSUL KHRIMS DANG LDAN PA SHES RAB CAN NI BDAG GIS 'DI LTAR YONGS SU DAG CING 'DI LTAR RNAM PAR BYANG BA GAL TE NAM MKHA' MTHA' YAS SKYE MCHED KYI BTANG SNYOMS DE RDZOGS PAR BYAS LA BDAG DE DANG MTHUN PAR DE LA GNAS TE, DE DANG 'BREL BA DANG, DE LA LHAG PAR GNAS PA DANG, DE NYE BAR LEN CING DE NAM MKHA' MTHA' YAS SKYE MCHED KYI BTANG SNYOMS RDZOGS PAR BYAS TE GNAS, RNAM SHES MTHA' YAS SKYE MCHED DANG, CI YANG MED PA'I SKYE MCHED DANG, 'DU SHES MED 'DU SHES MED MIN SKYE MCHED RDZOGS PAR BYAS TE GNAS SO, ,DE 'DI SNYAM DU SEMS
TE GANG BDAG GI BTANG SNYOMS 'DI NI MI RTAG PA, MI BRTAN PA, THER ZUG MA YIN PA YONGS SU 'GYUR BA'I CHOS CAN YIN PAR DE GZUGS MED PA'I SKYE MCHED BZHI PO DE NYID LA DMIGS NAS BDAG GI BTANG SNYOMS MI RTAG CING MI RTAG PAR DMIGS, MI BRTAN ZHING MI BRTAN PAR DMIGS TE 'DUS BYAS SU RIG PAR BYA'O SNYAM MO, ,NAM MKHA'I MTHA' YAS SKYE MCHED MI RTAG CING, RNAM SHES MTHA' YAS SKYE MCHED DMIGS SU MED PA DANG, CI'ANG MED PA'I SKYE MCHED DMIGS SU MED PA DANG, 'DU SHES MED 'DU SHES MED MIN SKYE MCHED KYI BTANG SNYOMS 'DI NI G-YO BA DANG BRAL BA YIN, 'DI NI ZHI BA YIN, 'DI NI NYE BAR PHAN PA YIN NO SNYAM MO, ,DE LUS KUN TU TSOR BA SKYE ZHING MYONG BA NA SO SOR MNGON BAR SHES SHING SKYES PA RNAMS KYANG SO SOR MNGON PAR SHES SO, ,'GAGS PA SO SOR MNGON PAR SHES SHING 'GAG PA'ANG SO SOR MNGON PAR SHES SO, ,MIG GI REG PA LAS BYUNG BA SO SOR MNGON PAR SHES TE, DE BZHIN DU RNA BA'I REG PA LAS BYUNG BA SO SOR MNGON PAR SHES, SNA'I REG PA LAS BYUNG BA SO SOR MNGON PAR SHES, DE BZHIN DU LCE DANG, LUS DANG, YID KYI REG PA LAS BYUNG BA'I TSOR BA SO SOR MNGON PAR SHES SO, ,DGE SLONG TSOR BA MNGON SUM DU BYAS PA DE TSOR BA DE DAG NYID SHIN TU RGYAS PAR RTOG STE, DE MIG GI REG PA LAS BYUNG BA'I TSOR BA SKYE BA NA SKYES PA LA GNAS SHING MYONG BAR BYED LA 'GAGS SHING 'GAG PA NA
, ,BDAG GI TSOR BA 'GAGS SO ZHES SO SOR MNGON PAR SHES SO, ,GZHAN YANG, RNA BA'I REG PA LAS BYUNG BA'I TSOR BA SO SOR MNGON PAR SHES TE, GANG BDAG GI MIG GI REG PA LAS BYUNG BA'I TSOR BA DE 'GAGS SHING NUB LA MED PAR 'GYUR TE YANG MI 'BYUNG NGO, ,DE DAG 'GAGS NAS GZHAN YANG RNA BA'I REG PA LAS BYUNG BA'I TSOR BA SKYES PA BDE BA 'DI BDE BA LA DMIGS PAS SDUG BSNGAL MA YIN, BDE BA DANG, SDUG BSNGAL LA DMIGS PAS BDE BA MA YIN ZHING SDUG BSNGAL MA YIN NO SNYAM MO, ,DE RNA BA'I REG PA LAS BYUNG BA'I TSOR BA JI LTA BA BZHIN RJES SU MTHONG ZHING RNAM PAR SHES NAS, RNA BA DANG 'BREL BA'I TSOR BA DAG LA KUN TU CHAGS PA MED LA DE TSOR BA MYONG BA NA 'DOD CHAGS DANG BRAL TE, RNAM PAR GROL BAR 'GYUR RO, ,RNA BA'I REG PA LAS BYUNG BA'I TSOR BA DE 'GAGS NA SNA'I DMIGS PA'I TSOR BA SKYE STE, DE SNAS KUN NAS BSLANG BA SNAS KUN NAS SO SOR MYONG BAR BYED DE, BDAG SNA'I REG PA LAS BYUNG BA'I TSOR BA SKYES PA BDE BA LA DMIGS PA NI BDE BA'O, ,SDUG BSNGAL LA DMIGS PA NI SDUG BSNGAL LO, ,SDUG BSNGAL YANG MA YIN BDE BA'ANG MA YIN PA LA DMIGS PA NI SDUG BSNGAL YANG MA YIN BDE BA'ANG MA YIN NO SNYAM MO, ,DE SNA'I DMIGS PA'I TSOR BA YANG DAG PA JI LTA BA BZHIN SO SOR MYONG BAR
BYED DE, NUB PA'ANG SO SOR MYONG BAR BYED DO, ,DE 'GAGS NA SNA'I DMIGS PA'I TSOR BA BDE BA DANG, SDUG BSNGAL DANG, SDUG BSNGAL YANG MA YIN BDE BA'ANG MA YIN PA SKYE STE, DE SO SOR MYONG BAR BYED DO, ,BDAG GI SNA'I DMIGS PA'I TSOR BA SKYE STE, JI LTAR LHAG PAR CHAGS PA SKYES PA DE LTAR BDAG GI 'GOG PA 'DI DAG KYANG SKYE STE, DE 'GAGS NA LCE'I DMIGS PA'I TSOR BA RNAM PA GSUM SKYE BA NAS YID KYI DMIGS PA'I TSOR BA RNAM PA GSUM SNGA MA BZHIN NO, ,DE SA GZHAN BZHI PA LA TSOR BA YANG DAG PAR RGYA CHE BA LA 'JUG STE, DE'I BRTZON 'GRUS BRTZAMS PA SPRO BA CHEN PO BDUD KYI 'CHING BA GCOD PAR 'DOD PA LA SA BLA'I GNOD SBYIN SHIN TU DGA' NAS BAR SNANG GI GNOD SBYIN RNAMS LA MNGON PAR BSNYAD DO, ,DE DAG GIS KYANG RGYAL PO CHEN PO BZHI LA MNGON PAR BSNYAD DO, ,DE DAG GIS KYANG RGYAL CHEN BZHI'I LHA RNAMS LA MNGON PAR BSNYAD DO, ,DE DAG GIS KYANG LHA RNAMS KYI DBANG PO BRGYA BYIN LA MNGON PAR BSNYAD DO, ,BRGYA BYIN GYIS KYANG 'THAB BRAL GYI LHA RNAMS LA MNGON PAR BSNYAD DO, ,GANG DZAMBU'I GLING NA RIGS KYI BU YUL CHE GE MO ZHIG DANG ,GRONG MANG GE MO ZHIG DANG, RIGS GA GE MO ZHIG LAS RIGS KYI BU CHE GE MO ZHES BYA BA SKRA DANG, KHA SPU BREGS TE, GOS NGUR SMRIG BOGS NAS DAD PAS KHYIM NAS KHYIM MED PAR RAB TU BYUNG STE, DE 'BAD PA DANG, BRTZON PA'I RIM GYIS SA GZHAN BZHI PA'I TSOR BA YANG DAG PAR RGYA
, ,CHE BA LA ZHUGS PA BDUD KYI PHYOGS NI DMA' BAR BYED CING YANG DAG PA DAM PA'I CHOS KYI PHYOGS NI MNGON PAR MTHO BAR BYED PA DE BDAG GI LHA RNAMS LA BSNYAD DO SNYAM MO; ;BRGYA BYIN GLANG PO'I CHE SA SRUNG GI BU LA ZHON PA DE 'THAB BRAL GYI LHA DAG GIS MTHONG NAS DGA' STE BRGYA BYIN LA SMRAS PA, BRGYA BYIN, GANG DZAMBU'I GLING GI MI CHOS DANG LDAN ZHING CHOS KYI RJES SU 'JUG PA DE, BRGYA BYIN, KHYOD KYI DAM PA'I CHOS DANG MTHUN PAR GYUR PA NYID YIN NO, ,GZHAN YANG, DGE SLONG DE BDUD KYI 'CHING BA SPONG ZHING RAB TU SPONG BA'I TSOR BA LA JI LTAR RTOG CE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS BRTAGS NA, DGE SLONG DE YANG DAG PA'I TSOR BA NYID LA 'DI LTAR RNAM PAR RTOG PAR BYED DE, DE MIG GI RNAM PAR SHES PA'I DMIGS PA MI DGE BA SKYES PA DE LANGS PA NA DGE BA LA DMIGS PA GNYIS PAS 'GAGS SO, ,DGE BA SKYES PA DE'ANG LUNG DU MA BSTAN PA LA DMIGS PAS 'GAGS SHING LUNG DU BSTAN PA'ANG 'GAGS LA LUNG DU MA BSTAN PA SKYES SO, ,DE BZHIN DU RNA BA'I REG PA LAS BYUNG BA'I TSOR BA DANG, SNA'I RE GA PA LAS BYUNG BA'I TSOR PA DANG, LCE'I REG PA LAS BYUNG BA'I TSOR BA DANG, LUS DANG, YID KYI REG PA LAS BYUNG BA'I TSOR BA SO SOR MYONG BAR BYED DO, ,SO SOR MYONG BAR BYED PA NA DGE BA'I CHOS RNAMS YONGS SU
RDZOGS PAR 'GYUR ZHING DE'I NYON MONGS PA BSRABS PAR 'GYUR RO, ,DE DE LTAR SGOM PA NA TSOR BA PHRA MO DE DAG SO SOR SHES SO, ,DE CHOS KYI TSOR BA DANG, LHAN CIG 'GAG PA MTHANG STE, JI LTAR NA MAR ME'I 'OD NYI MA'I 'OD KYIS 'GAG PA DE BZHIN DU TSOR BA GNYIS KA 'GAG GO ,GZHAN YANG, DGE BA DANG MI DGE BA'I TSOR BA RGYAS PA SO SOR MYONG BAR BYED DE, DPER NA, MAR ME'I 'OD LA MAR ME'I 'OD GNYIS PAS GSAL BAR BYED PA BZHIN NO, ,GZHAN YANG, TSOR BA RAB TU RNAM PAR 'BYED PAR BYED DE, TSOR BA GANG ZHIG DANG, TSOR BA GZHAN GANG ZHIG GI TSOR BA DANG LHAN CIG GTAN DU MI MTHUN PAR 'GYUR RAM SNYAM PA LAS DGE BA'I TSOR BA DANG, MI DGE BA'I TSOR BA LHAN CIG GTAN DU MI MTHUN PAR MTHONG STE, DPER NA, MAR ME'I 'OD DANG, SKAR MA'I 'OD LHAN CIG MI MTHUN PA BZHIN NO, ,GZHAN YANG, DGE SLONG DE RAB TU RNAM PAR 'BYED PAR BYED DE, TSOR BA GANG ZHIG LA TSOR BA GANG ZHIG GIS GTAN DU SEL BAR BYED CE NA, DE ZAG PA MED PA LA DMIGS PA'I TSOR BAS ZAG PA DANG BCAS PA LA DMIGS PA'I TSOR BA LA GTAN SEL BA NYID DU MTHONG STE, DPER NA, ME'I 'OD KYIS KHA BA ZHU BA BZHIN NO, ,TSOR BA GANG ZHIG LA TSOR BA GANG ZHIG GIS GNOD ZHIG GU SNYAM NAS YANG 'DI RGYAS PAR BYED DE, GANG GI TSE MI BDE BA'I TSOR BA LA BDE BA'I TSOR BAS ZIL GYIS GNON PAR MTHONG NGO, ,DE'ANG RGYAS PAR BYED DE, DPER NA, NYI MAS NYIN MO'I ZLA BA
, ,BA'I 'OD ZIL GYIS GNON PAR 'GYUR ZHING ZLA BA'I 'OD DE'ANG MTSAN MO RGYAS PAR 'GYUR BA BZHIN NO, ,DE NAS GZHAN YANG, DGE SLONG DE TSOR BA RAB TU RNAM PAR 'BYED PAR BYED DE, GANG TSOR BA MANG PO DANG LDAN PA DAG TSOR BA GCIG GI DRAN PA RTZE GCIG PA'I TSOR BA DANG LHAN CIG MI MTHUN PA ZIL GYIS GNON PAR 'GYUR RAM SNYAM NA, DE 'JIG RTEN PA BYED PA'I TSOR BA MANG PO DAG 'JIG RTEN LAS 'DAS PA ZAG PA MED PA'I TSOR BAS ZIL GYIS GNON PAR MTHONG STE, DPER NA, MTSAN MO RGYU SKAR DANG, GZA' DANG, SKAR MA MANG PO'I 'OD DAG ZLA BA'I 'OD GCIG GIS GNON PA BZHIN NO, ,GZHAN YANG, DGE SLONG DE TSOR BA RJES SU MTHONG BA'I TSOR BA CHES PHRA BA LA RTOG PAR BYED DE, MIG DANG, RNA BA DANG, SNA DANG; LCE DANG, LUS KYIS KUN NAS BSLANG BA ZAG PA DANG BCAS PA'I TSOR BA MANG BA NI GANG YIN, DGE BA NI JI LTAR RTZOM ZHIG GU SNYAM NA DE 'JIG RTEN PA'I ZAG PA DANG BCAS PA'I TSOR BA MANG BA'ANG ZAG PA MED PA SNANG BAS THUB PAR 'GYUR TE, DPER NA, MTSAN MO RGYU SKAR DANG, GZA' DANG, SKAR MA RNAMS KYI 'OD ZLA BA'I SNANG BA GNAS PAS THUB PA BZHIN NO, , DE NAS GZHAN YANG, DGE SLONG DE TSOR BA DE LA RTAG STE BDAG GI TSOR BA GZHAN YUN JI SRID GCIG TU GNAS SNYAM MO, ,DE SKAD CIG LA BDAG GI TSOR BA GZHAN SKYE ZHING 'JIG PAR GNAS
PAR MTHONG STE, DPER NA, GLOG BZHIN NO, ,GZHAN YANG, DGE SLONG DE 'DI LTAR RAB TU RNAM PAR RTOG PA STE, CI MIG GI TSOR BA SNA'I TSOR BA'I RKYEN DU 'GYUR RAM SNYAM MO, ,DE BLO GCIG BZHIN DU DBANG PO THA DAD PA'I DMIGS PA'I TSOR BA DBANG PO DE DAG THAMS CAD KYIS MTHONG STE, DPER NA, BA LANG GCIG CIG RTA DANG, RNGA MO DANG, BONG BU DANG, MA HE'I RIGS THA DAD PA RNAMS KYI RKYEN DU MI 'GYUR BA DE BZHIN DU THOG MA MED PA NAS BRTZON PA'I DBANG PO LNGAS KUN NAS BSLANG BA'I YUL GYI BYE BRAG THA DAD PA'I DBANG PO RNAMS KYI DMIGS PA NI GCIG TU MI 'GYUR TE, DPER NA, BLANG DANG; RTA DANG, RNGA MO DANG, BONG BU DANG, MA HE DANG, PHAG BZHIN NO, ,DE LTAR TSOR BA RJES SU MTHONG BA'I DGE SLONG DE DAG NI SHES PA CHES ZHIB PA SKYE BAR 'GYUR TE, DE SHES PA DE LA KUN TU BSTEN CING SKOM STE MANG DU BYED DO, ,DE KUN TU BSTEN PA NA TSOR BA RJES SU MTHONG ZHING ZAD PA DANG, 'JIG PA RJES SU MTHONG NAS 'DI SNYAM DU SEMS TE, BDAG GI MIG DANG, RNA BA DANG, SNA DANG, LCE DANG; LUS DANG, YID KYIS KUN NAS BSLANG BA'I TSOR BA GANG NAS 'ONG ZHING GANG DU SONG, 'GAG PA NA GANG DU GSOG PAR 'GYUR SNYAM MO, ,DGE SLONG TSOR BA ZAD PA DANG, 'JIG PA RJES SU MTHONG BA DE RAB TU SEMS PA NA, LAM GYI RNAM PA LA 'DI SNYAM DU SEMS TE, MIG GI TSOR BA GANG NAS KYANG SKYE BA MED CING 'ONG BA MED LA, 'GAG PA NA'ANG GANG DU'ANG GSOG PAR MI 'GYUR TE
, ,GANG NAS KYANG SKYE BA MED CING 'ONG BA MED LA, 'GAG PA NA'ANG GANG DU'ANG GSOG PAR MI 'GYUR TE, MIG GI TSOR BA MA BYUNG BA LAS 'BYUNG ZHING, BYUNG NAS KYANG SO SOR 'BRAL BAR 'GYUR RO, ,MIG GI 'BYUNG KHUNG LAS TSOR BA 'BYUNG STE, DPER NA, RGYA MTSO'I GZHI LAS CHU 'BYUNG BA BZHIN NO, ,'GAG PA NA'ANG GANG DU'ANG MI GSOG STE, DPER NA, CHU BO GZHOL BAR 'GRO BA RGYA MTSOR 'DU BA BZHIN TE, MIG GI TSOR PA MA BYUNG BA LAS 'BYUNG ZHING BYUNG NAS KYANG SO SOR 'JIG PAR 'GYUR RO SNYAM MO, ,MIG DANG, RNA BA DANG, SNA DANG, LCE DANG; LUS DANG, YID KYI TSOR BA DAG NI RTEN CING 'BREL BAR 'BYUNG BA YIN TE, DPER NA, RDZA MKHAN NAM, RDZA MKHAN GYI SLOB MA MKHAS PA ZHIG 'KHOR LO LA'ANG BRTEN, 'JIM PA LA'ANG BRTEN; RTZOL BA LA'ANG BRTEN, CHU LA'ANG BRTEN NAS RGYU 'JIM PA LA BRTEN PA'I BUM PA 'BYUNG BAR 'GYUR TE, BUM PA DE 'BYUNG KHUNG GNANG NAS KYANG MA 'ONGS SHING 'JIG PA NA'ANG GANG DU'ANG GSOG PAR MI 'GYUR MOD KYI, RGYU RKYEN LAS BUM PA 'BYUNG BA DE BZHIN DU, MIG LA'ANG BRTEN, GZUGS LA'ANG BRTEN, RNA BA LA'ANG BRTEN, SNA LA'ANG BRTEN, NAM MKHA' LA'ANG BRTEN, YID LA BYED PA LA'ANG BRTEN NAS, MIG GI TSOR BA BDE BA'AM, SDUG BSNGAL LAM, SDUG BSNGAL YANG MA YIN BDE BA'ANG MA YIN PA SKYE'O, ,DPER NA, BUM PA GAL TE
RGYU RKYEN BZANG PO LAS BYUNG NA BUM PA DE LEGS PAR 'GYUR ZHING GAL TE NGAN NA DE'I TSE BUM PA MA LEGS PAR 'GYUR BA DE BZHIN DU GAL TE DMIGS PA'I RGYU DANG, RKYEN BZANG NA DE'I TSE MIG LA SOGS PA TSOR BA BZANG PO SKYE BAR 'GYUR TE, CHOS DANG LDAN PA'I DGE BA'I RIM GYIS MYA NGAN LAS 'DAS PAR 'GRO BAR 'GYUR RO, ,GAL TE RGYU DANG, RKYEN MI BZANG DE'I TSE MIG LA SOGS PA'I TSOR BA NGAN PA SKYE BAR 'GYUR TE, 'DOD CHAGS ZHE SDANG GTI MUG LA DMIGS PA 'KHOR BA NA SEMS CAN DMYAL BA DANG, YI DVAGS DANG, DUD 'GROR 'GRO BAR 'GYUR RO, ,LAS DANG, 'BRAS BUR 'BREL BA THAMS CAD LA MKHAS PAR SEMS PA'I DGE SLONG NI TSOR BA RJES SU TSOR BA NA TSOR BA DU MA LA GNAS PAR MTHONG STE, BYED PA POS GNAS SU MA BYAS SHING RGYU MED PA LAS KYANG MA BYUNG LA 'DOD RGYAL GYIS KYANG MA BYAS, THER ZUG TU GNAS PA MA YIN, RTAG PA MA YIN, BRTAN PA MA YIN, THER ZUG MA YIN, YONGS SU 'GYUR BA'I CHOS CAN YIN ZHING, DE'I TSOR BA'I PHUNG PO DE MTHONG NAS YANG 'BYUNG BA'I SRED PA DGA' BA'I 'DOD CHAGS KYI MOD LA SKYES PA'I DRI MA CAN YONGS SU NYAMS PAR BYED DE, 'KHOR BA THAMS CAD MI RTAG PAR RJES SU MTHONG BA'I DGE SLONG NI LAM KUN TU STEN PAR BYED CING GOMS PAR BYED LA MANG DU BYED DO, ,DE DE LTAR SGOM PA NA KUN TU SBYOR BA DAG SPONG BAR BYED CING BAG LA NYAL 'DOR BAR BYED DE, KUN TU SBYOR
, ,BA DAG GANG ZHE NA, RJES SU CHAGS PA'I KUN TU SBYOR BA DANG, KHONG KHRO BA'I KUN TU SBYOR BA DANG, NGA RGYAL GYI KUN TU SBYOR BA DANG, MA RIG PA'I KUN TU SBYOR BA DANG LTA BA'I KUN TU SBYOR BA DANG, MCHOG TU 'DZIN PA'I KUN TU SBYOR BA DANG, THE TSOM GYI KUN TU SBYOR BA DANG, PHRAG DOG GI KUN TU SBYOR BA DANG, SER SNA'I KUN TU SBYOR BA STE, KUN TU SBYOR BA DE DAG SPONG BAR BYED DO, ,PAG LA NYAL GANG ZHE NA, 'DI LTA STE, 'DOD PA 'DOD CHAGS KYI BAG LA NYAL DANG, SRID PA'I 'DOD CHAGS KYI BAG LA NYAL DANG, LTA BA'I BAG LA NYAL DANG , KHONG KHRO BA'I BAG LA NYAL DANG, MA RIG PA'I BAG LA NYAL DANG, NGA RGYAL GYI BAG LA NYAL DANG, THE TSOM GYI BAG LA NYAL TE, 'DI DAG NI GTZO BO JI LTA BA BZHIN DU SRID PA GSUM DU YONGS SU 'JUG PAR BYED PA, SA GSUM DU YONGS SU RGYU BAR BYED PA, NYES PA GSUM LA YONGS SU 'JUG PAR BYED PA, DUS GSUM GYI RJES SU 'GRO BA, BAR MA GSUM GYI TSOR BA GSUM RJES SU BSGOMS PA, SKYE BA GSUM DU 'PHO BAR BYED PA STE, 'KHOR BA'I RGYUR GYUR PA YIN NO, ,DE NAS GZHAN YANG, JI LTAR DGE SLONG DE RGYU DANG, RKYEN DU BCAS PA 'DI DAG KHONG DU CHUD PAR 'GYUR, MIG GI RKYEN NI GANG, RGYU NI GANG LAS SKYES, GZHI GANG LA LTA BAR BYED CIG GU SNYAM NAS RNAL 'BYOR SPYOD PA NANG GI CHOS LA CHOS KYI RJE SU LTA ZHING GNAS PA DES THOS PA LAS
BYUNG BA'I SHES PA'AM, LHA'I MIG GIS BRTAGS NA MIG GI RGYU NI LAS LAS BYUNG ZHING LAS KYIS SKYE BA MNGON PAR BSGRUBS TE, DPER NA, SHING PA tA'I SA BON CHUNG NGU LAS SHING LJON PA SKYES LA SHING LJON PA'I RGYA RKYEN LAS YANG SHING PA tA'I SA BON PHRA MO 'BYUNG BAR 'GYUR RO, ,DE BZHIN DU MI SHES PA LAS LAS MNGON PAR 'GYUR PAR 'GYUR LA, LAS LAS KYANG SKYE BA MNGON PAR 'GRUB PAR 'GYUR TE, SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, BSDUG BSNGAL BA DANG, 'KHRUG PA RNAMS YOD CING 'BYUNG BAR 'GYUR TE, DE LTAR LAS KYI RGYU SRED PA'I ZHAGS PA DES BCINGS PA'I BYIS PA SO SO'I SKYE BO NI 'KHOR LO LTA BU'I RGYA MTSOR YONGS SU 'KHYAM MO, ,TSOR BA DE DAG THAMS CAD KYI RGYU DANG, RKYEN 'DI DAG LA 'DU SHES KYI LAS SU BYA BA MED DE, LAS MED NA SRED PA 'BYUNG BAR MI 'GYUR LA, DE MED NA TSOR BA MED PAR 'GYUR RO, ,RGYU RKYEN NI, DPER NA, SNYING PO LA'ANG BRTEN, KONG BU LA'ANG BRTAN, MAR LA'ANG BRTEN, ME LA'ANG BRTEN NAS MAR ME'I 'OD SKAD CIG LA MNGON PAR 'GRUB PAR 'GYUR RO, ,DE BZHIN DU DGE SLONG DE TSOR BA'I RGYU DANG, RKYEN MTHONG BA, LAS KYI RGYU TSOL ZHING LA KYI RJES SU 'BRANG BA, LAS KYI MTHUS TSOR BA THAMS CAD SKYE BAR 'GYUR RO, ,DE LA LUS NI KONG BU LTA BU YIN, DBANG PO DAG NI MAR LTA BU YIN, 'DOD CHAGS ZHE SDANG GTI MUG NI ME LTA BU YIN TE, SHES
, ,PA SKAD CIG MA NI MAR ME'I 'OD 'BAR BA LTA BU YIN NO, ,RNAL 'BYOR PA GANG GIS SRID PA GSUM DU 'GRO BA'I TSOR BA DE NYID TSOL ZHING MTHONG BA NI SHES PA YIN TE, DPER NA, GSER MGAR GSER BLANGS NAS LAS DANG, LAS SU BYAS PA'I GSER LAS BYAS PA'I RGYAN GYI RNAM PA LEGS PAR MNGON PAR 'GRUB PAR BYED DO, ,DE BZHIN DU RNAL 'BYOR SPYOD PA GSER MGAR LTA BU DE DMIGS PA GSER LTA BU LA DMIGS TE, GAL TE DMIGS PA BZANG NA DE LAS BZANG PO MNGON PAR 'GRUB PAR 'GYUR ZHING, MYA NGAN LAS 'DAS PAR 'GRO'O, ,GAL TE DMIGS PA NGAN NA DE NGAN PA 'GRUB PAR 'GYUR RO, ,'DIR TSIGS SU BCAD PA, RGYU RKYEN DE NYID SHES PA NI, DON ZHIB NGES PAR BYAS PA YIN, ,THAR PA'I RGYUN LA MNGON DGA' NA, ,SRED PAS KHYER BAR MI 'GYUR RO, ,LUS CAN THAMS CAD LAS DAG GI ,RJES 'BRANG LAS KYI SKYE GNAS DANG, ,LAS KYI 'BRAS BUR SBREL NAS SU, ,SRID PA NYAM NGAR KUN TU 'KHYAM, ,GANG ZHIG MI DGE MI LEN CING, ,RTAG TU DGE BA'I LAS DGA' BA, ,ZLA 'OD DRI MA MED PA LTAR, ,RNAL 'BYOR 'GRO BA DE 'DRAR 'GYUR, ,ME YIS SHING SKAM BSREGS PA LTAR, ,SDIG PA'I CHOS RNAMS RAB BSREGS PA; ;SDIG LAS GROL ZHING NYON MONGS RGYAL, ,SA GSUM DAG TU RNAM PAR MDZES, ,GANG ZHIG YID NI THAR 'DOD CING, ,NAM YANG 'KHOR BAR MI DGA' BA, ,DE NI 'KHOR BAR MI 'CHING STE, ,
MKHA' LA BYA NI 'GRO BA BZHIN, ,GANG ZHIG TSOR 'BYUNG DE NYID SHES, ,TSOR BA'I 'BRAS BU RAG PA NI, DE NYID GROL BAR SHES PAR BYA, ,DE NYID RIG PA SRID GSUM DU, ,BDE SDUG GIS NI DE MA GNOD, , ZHIM DANG NGA BAS GOS PA MED, ,GANG DAG SRID PA 'BAR PA LTAR, ,RNAL 'BYOR DE NI BSAM PA LDAN, ,BLO GROS RTAG TU MI RMONGS SHING, ,RTAG TU CHOS KYI PHA ROL 'GRO, ,DGE SLONG SDOM LA MNGON DGA' BA, , DE LTA BU NI DGE SLONG YIN, ,GNYEN LTA BA LA DGA' MED CING, ,MKHAS PA DAG LA LTA 'DOD LA, ,KHYIM GYI SKYON LAS NGES 'BYUNG BA, ,DE LTA BU NI DGE SLONG YIN, ,DBANG PO THAMS CAD RAB ZHI ZHING, ,YUL RNAMS LA NI CHAGS MED LA, ,GNYA' SHING GANG TZAM LTA BA DAG ,DE LTA BU NI DGE SLONG YIN, ,KHRO MED KHYIM LA SPYOD MED CING, ,TSONG ZONG NYO 'TSANG MI BYED LA, ,SRANG DANG BZHI MDOR MI DGA' BA, ,DE LTA BU NI DGE SLONG YIN, ,GLU DANG GAR LA MI LTA ZHING, ,NYES RTZOM RNAMS LA CHAGS MED LA, ,GANG DAG DUR KHROD DGA' BYED PA, ,DE LTA BU NI DGE SLONG YIN, ,NYI MA GCIG LA BSOD SNYOMS MCHOG, BLANGS NAS SANG GIR MI SEMS LA, ,LTO 'DRANGS TZAM GYIS CHOG BYED PA, ,DE LTA BU NI DGE SLONG YIN, ,GANG DAG GOS MCHOG RNAM SPONG ZHING, ,PHYAG DAR KHROD KYIS CHOG 'DZIN LA, ,GANG DAG RIGS [?] ZAS ZA BAR, ,DE LTA BU NI DGE SLONG YIN, ,GANG DAG LAS NI MI RTZOM ZHING, ,LAS RNAMS KUN LA BSAM MED LA, ,SPRO MED 'DUD PA MED PA YIN, ,DE LTA BU NI DGE SLONG YIN, ,'DOD PA'I KHRO
, ,LAS RNAM GROL ZHING, ,GTI MUG 'DAM NI RNAM SPANGS LA, ,SDIG PA'I CHOS KYIS MA GOS PA, ,DE LTA BU NI DGE SLONG YIN, ,KUN SBYOR BA KUN LAS 'DAS, , BAG LA NYAL BA THAMS CAD SPANGS, ,BSAM PA KUN LAS RNAM GROL BA, ,DE LTA BU NI DGE SLONG YIN, ,'PHAGS LAM YAN LAG BRGYAD PA YIS, ,MYA NGAN 'DAS PA'I GRONG KHYER GNAS, , GANG DAG NYON MONGS KUN BCOM PA, ,DE LTA BU NI DGE SLONG YIN, ,DBANG PO DUL ZHING BLO GROS BRTAN, ,'DOD PA'I 'DAM NI RNAM PAR SPANGS, ,RTZE GCIG YID NI LEGS GNAS PA, ,DE LTA BU NI DGE SLONG YIN, ,GANG DAG SA YI RIM SHES LA, ,SE YI DE NYID STON BYED CING, ,GANG DAG PHAN TSUN SA SHES PA, ,DE LTA BU NI DGE SLONG YIN, ,ZAG BCAS ZAG PA MED PA'I CHOS, ,RGYU DANG RKYEN DU 'BYUNG BA DAG ,RNAM PA BZHIN DU KUN SHES PA, ,DE LTA BU NI DGE SLONG YIN, ,TSANGS PAR SPYOD PA DRANG ZHING ZHI, ,RMUGS DANG GNYID NI RNAM SPANGS LA, ,NANG PAR LDANG ZHING MKHAS GTZANG BA, ,DE LTA BU NI DGE SLONG YIN, ,GANG ZHIG ZHI GNAS LHAG MTHONG LA, ,DGA' ZHING BSAM GTAN BZHI LA DAG [?] ,DKON PA KUN DGAR DGA' BA DAG ,DE LTA BU NI DGE SLONG YIN; ;NAM MKHA' LA NI BYA GNAS PA, ,DE GRI BA RTAG TU RJES 'GRO LTAR, ,GANG BLO DAM PA'I CHOS LA GNAS, ,DE LTA BU NI DGE SLONG YIN, ,GANG ZHIG NYON MONGS NYE NYON MONGS, ,BCOM ZHING
BLO GROS GTZANG, ,DBUGS DBYUNG RDUB PA'I RNAM PA SHES, ,DE LTA BU NI DGE SLONG YIN, ,GANG ZHIG RIG PA'I CHO GA SHES, ,RNAL 'BYOR RIG CING DE NYID STON, ,LAM DANG LAM MIN RIM SHES PA, ,DE LTA BU NI DGE SLONG YIN, ,GANG ZHIG DGA' LA MI CHAGS SHING, ,'JIGS PA DAG LA 'JIGS MED LA, ,DPA' BO DGA' DANG 'JIGS MNYAM PA, ,DE LTA BU NI DGE SLONG YIN, ,RGA DANG 'CHI BA'I DE NYID SHES, ,LHA DANG LHA MIN PHYAG BYAS PA, ,SEMS KYI RNAM PA PHAN TSUN SHES, ,DE LTA BU NI DGE SLONG YIN, ,GANG ZHIG SNAM SBYAR LHUNG BZED KYIS, ,CHOG 'DZIN GSOG 'JOG MI BYED LA, ,'DOD PA CHUNG ZHING TSANGS PAR SPYOD, ,DE LTA BU NI DGE SLONG YIN, ,DRI MED STAN GCIG ZAS ZA ZHING, ,ZHIM PA'I RO LA MI CHAGS LA, ,RNYED DANG BKUR STI SPANGS PA DAG ,DE LTA BU NI DGE SLONG YIN, ,BTANG SNYOMS SNYING RJE DAG LA DGA', ,'CHAB DANG SKYON NI RNAM SPANGS SHING, ,NYES PA'I RDZAS KUN NGES BSREGS PA, ,DE LTA BU NI DGE SLONG YIN, ,DGE SLONG DE NANG GI CHOS LA CHOS KYI RJES SU LTA ZHING TSOR BA DE DAG JI LTA BA BZHIN DU RJES SU RTOG STE, DE SHES PA SHIN TU ZHIB MOS MIG GI 'DUS TE REG PA LAS BYUNG BA'I TSOR BA'I DMIGS PA RJES SU RGYU BA MED PAR MTHONG NGO, ,DMIGS PA GNYIS PAS LHAN CIG 'GAG CING 'JIG PA MTHONG STE, MIG GI 'DUS TE REG PA LAS BYUNG BA'I TSOR BA'I DMIGS PA 'DAS NAS BDAG SGRA LA DMIGS PA DANG BCAS PA'I TSOR BA SDUG PA'AM, ME SDUG PA SKYE STE,
, ,BDAG GI SEMS DE DANG LDAN CIG GYUR PA MED DO SNYAM NAS, DES SEMS KYI DMIGS PA DES BSTAN PAR BYAS NAS 'DZIN PAR BYED DO, ,RNA BA'I TSOR BA SGRA LA DMIGS PA DANG BCAS PA DE 'GAGS NAS SNA'I TSOR BA DRI LA DMIGS PA SKYE STE, DE SNA'I TSOR BA LA'ANG RTOG PAR BYED CING SHIN TU RTOG PAR BYED DE, BDAG GI SNA'I TSOR BA DRI DANG BCAS PA DGE BA'AM, MI DGE BA'AM, LUNG DU BSTAN PA'AM, LUNG DU MA BSTAN PA SKYE STE, BDAG GI SNA'I TSOR BA DE'I SEMS GYUR PA GAL TE DES SEMS GYUR PA MTHONG NA DES YANG DMIGS PA DE NYID LA GOM PAR BYED CING SPYOD LA 'BAD CING BRTZON TE LAS SU RUNG BAR BYED LA DGE BA'I CHOS ZAG PA MED PAS SEMS GOMS PAR BYED DO, ,GAL TE MI G-YON LCE'I DMIGS PA DGE BA'AM, MI DGE BA'AM, LUNG DU BSTAN PA'AM, LUNG DU MA BSTAN PA LA DMIGS PAR BYED DE, DE DMIGS PA DE MNGON SUM DU BYAS NAS BDE PA DANG, SDUG BSNGAL DANG, SDUG BSNGAL YANG MA YIN PA'I TSOR BA LA LTA BAR BYED CING CI 'DIS BDAG GI SEMS GYUR TAM SNYAM MO, ,GAL TE RO LA DMIGS PA'I TSOR BA SKYES PAS SEMS GYUR PA MTHONG NA DES YANG SEMS DMIGS PA'I KA BA LA MOS PA'I THAG PAS BCINGS NAS JI LTAR SEMS 'DI LCE'I TSOR BA DANG BCAS SHING SRED PA DANG BCAS PAS MI 'PHROGS PAR BYA SNYAM NAS SPYOD CING 'BAD
LA NAN TAN DU BYED DO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO BZHI PA, DE NAS GZHAN YANG, DGE SLONG DE LUS KYI REG BYA DANG BCAS PA'I REG BYA'I TSOR PA DMIGS PA'I KA BA LA BCINGS NAS DGE BA DANG, MI DGE BA DANG, LUNG DU MA BSTAN PA LA RTOG PAR BYED DE, GAL TE DE REG BYA'I TSOR BA DES SEMS GYUR PAR MTHONG NA'ANG JI LTAR DMIGS PA'I KA BA LA BCINGS NAS LAS SU RUNG BAR BYED CING GYUR PA MED PA DE LTAR BYED DO, ,YANG DGE SLONG DE YID LA 'ONGS PA'I YID DANG, SHIN TU 'BREL BA'I CHOS KYIS TSOR BA DGE BA DANG, MI DGE PA DANG, LUNG DU BSTAN PA DANG, LUNG DU MA BSTAN PA LA LTA BAR BYED DE, GAL TE TSOR BA DE DAG GIS YID GYUR NA DE DMIGS PA'I KA BA DE LA MOS PA'I THAG PAS BCINGS NAS LAS SU RUNG BAR BYED DE GYUR PA MED PA DE LTAR BYED DO, ,YUL DRUG LUS LA YOD PA'I TSOR BA LA LTA BA'I DGE SLONG YANG DAG PA'I TSOR BA 'BYUNG BA DANG, ZAD PA DE NYID MTHONG BA NI GNAS LNGA PA LA 'JUG STE, DE MIG GI 'DUS TE REG PA LAS BYUNG BA'I TSOR BA SHES PA'I SGRON MAS TSOR BA MYONG BAR BYED PA'I TSOR BA 'DI DAG GANG ZHIG YIN ZHES RNAM PAR RTOG PAR BYED DO, ,DE YID KYI RNAM PAR SHES PA'I TSOR BA 'DI NI RTEN CING 'BREL BAR 'BYUNG BA YIN TE, YID DANG SHIN TU 'BREL PAR MTHONG LA, BYIS PA SO SO'I SKYE BO THAMS CAD NI YID KYI RNAM PAR RTOG PAS 'PHROGS SHING SHIN TU RTOG
, ,PA'I MES BSREGS TE, 'DI LA TSOR BA PO DANG, BYED PA PO NI GANG YANG MED KYI, RGYU RKYEN DANG 'BREL BA'I 'DU BYED KYI PHUNG PO 'DI NYID SKYE, 'DU BYED KYI PHUNG PO 'DI NYID 'GAG GO SNYAM MO, ,DE MIG GI 'DUS TE REG PA LAS BYUNG BA'I TSOR BA JI LTA BA BZHIN RJES SU MTHONG ZHING RJES SU 'JUG PA DES SEMS MI 'PHROGS SHING RNAM PAR MI G-YO LA SKYON DU 'GYUR BAR MI BYED DE, DRI MA CAN DU MI BYED DO, ,YANG DGE SLONG DE RNA BA'I TSOR BA LA RTOG PAR BYED DE, TSOR BA RJES SU MYONG ZHING REG PA'I TSOR BA 'DI GANG YIN SNYAM MO, ,DE RNA BA'I TSOR BA 'DI YID KYI RNAM PAR SHES PA DANG SHIN TU 'BREL BAR MTHONG STE, YID DANG SHIN TU 'BREL BA DE LA GNAS PAR ZAD KYI, 'DI LA BYED PA PO DANG, TSOR BA PO MED CING RNA BA'I TSOR BA RTEN CING 'BREL BAR 'BYUNG BA LA BYED PA PO DANG, TSOR BA PO MED DE, 'DU BYED KYI PHUNG PO STONG PA 'DI RGYU RKYEN GYI DBANG GIS SKYE ZHING 'GAG GO SNYAM MO, ,YANG DGE SLONG DE SNA'I TSOR BA LA RTOG PAR BYED DE, TSOR BA 'DI MYONG ZHING RIG PA GANG ZHIG YIN SNYAM MO, ,DE TSOR BA YID KYI RNAM PAR SHES PA DANG SHIN TU 'BREL BAR MTHONG STE, DE LA DMIGS PA DE LA GNAS PA DE RGYU DANG, RKYEN LAS BYUNG ZHING RJES SU MYONG BA'I MTSAN NYID YIN GYI 'DU BYED KYI PHUNG PO STONG PA 'DI BYED PA POS GNAS SU MA BYAS SHING TSOR BA POS GNAS SU MA BYAS PA RGYUN CHAGS PAR 'JUG PA
YIN NO SNYAM STE, DE SNA'I TSOR BA RTOGS NAS BYED PA PO DANG, TSOR BA PO MED CING DON GYI BAR DU GCOD PAR GYUR PA NI MED DO SNYAM MO, ,YANG DGE SLONG DE LCE'I TSOR BA LA RNAM PAR RTOG STE, LCE'I TSOR BA 'DI MYONG ZHING RIG PA GANG YIN SNYAM MO, ,DE LCE'I TSOR BA 'DI YID KYI RNAM PAR SHES PA DANG SHIN TU 'BREL BAR MTHONG STE, DE LA GNAS PA DE DANG 'BREL BA DE LA DMIGS PA DE'I RGYU LAS BYUNG ZHING, DE LA BSTEN PA YIN GYI, 'DI LA BYED PA PO DANG, TSOR BA PO DANG, DON GYI BAR DU GCOD PAR GYUR PA MED DE, 'DU BYED KYI PHUNG PO STONG PA 'DI'I RGYU DANG, RKYEN GYI DBANG GIS SKYE'O SNYAM MO, ,YANG DGE SLONG DE LUS KYI REG BYA'I TSOR BA LA RTOG PAR BYED DE, LUS KYI TSOR BA MYONG ZHING RIG PA 'DI GANG YIN SNYAM MO, ,DE LUS KYI TSOR BA 'DI YID KYI RNAM PAR SHES PA DANG SHIN TU 'BREL BAR MTHONG STE, 'DI LA BYED PA PO DANG, TSOR BA PO DON GYI BAR DU GCOD PAR 'GYUR BA NI MED DE, DE 'DU BYED KYI PHUNG PO STONG PA 'DI RGYU DANG, RKYEN GYI DBANG GI 'JUG GO SNYAM MO; ;YANG DGE SLONG DE YID KYI TSOR BA LA RNAM PAR RTOG PAR BYED DE, YID KYI TSOR BA MYONG ZHING RIG PA 'DI GANG YIN SNYAM MO, ,DE YID DANG, CHOS LA BSTEN NAS YID KYI RNAM PAR SHES PA SKYE BAR MTHONG STE, GSUM 'DUS PA'I REG PA REG PA DANG LHAN CIG BYUNG BA'I TSOR BA, DPER NA, RDZAS DRI ZHIM PA DU MA BSDUS PA LAS SPOS BZANG PO 'BYUNG NGO, ,SPOS DE'I RGYU MI 'BYUNG BA GCIG KYANG
, ,MED PA DE BZHIN DU RGYU DANG, RKYEN 'DUS PA LAS TSOR BA THAMS CAD 'BYUNG GI ,BYED PA POS GNAS SU MA BYAS SHING TSOR BA POS GNAS SU MA BYAS PA YIN NO, , DPER NA, LO MA LA'ANG BRTEN, ZE BA LA'ANG BRTEN, SDONG BU LA'ANG BRTEN, ZE 'BRU LA'ANG BRTEN NAS PADMA ZHES BYA BA'I ME TOG 'BYUNG STE, PADMA DE'I RGYU GCIG KYANG MED DO, ,DE BZHIN DU DMIGS PA LA'ANG BRTEN, NAM MKHA' LA'ANG BRTEN, YID LA BYED PA LA'ANG BRTEN, SNANG BA LA'ANG BRTEN NAS MIG GI 'DUS TE REG PA LAS BYUNG BA'I TSOR BA 'BYUNG STE; MIG LAS SKYES PA, MIG LA BRTEN PA'I TSOR BA DE RIGS GCIG PA MA YIN, RDZAS GCIG PA MA YIN, 'BYUNG BA GCIG MA YIN ZHING THER ZUG TU GNAS PA MA YIN LA SPRUL PA LTA BU YIN NO SNYAM MO, ,DE JI LTA JI LTAR DE NYID TSOL BA'I DGE SLONG DE NI DE LTA DE LTAR DE'I CHOS DKAR PO 'BYUNG BAR 'GYUR TE, DPER NA, BU RAM SHING SNOD KYI NANG DU BCUG NAS MES BSKOL BA DES DE DANG PO ZHU ZHING DRI MAR 'GYUR BA NI BU RAM DRI MA CAN ZHES BYA'O, ,LAN GNYIS SU BSKOL BA DANG, DKAR BAR 'GYUR ZHING BU RAM DU SHES SO, ,LAN GSUM PA LA SHIN TU DKAR BAR 'GYUR TE, DE JI LTA JI LTAR BU RAM SHING BSKOL BA DE LTA DE LTAR SHIN TU DRI MA DANG BRAL BAR 'GYUR BA DE BZHIN DU DGE SLONG DMIGS PA'I SNOD DU YE SHES ME LTA BUS SEMS KYI RGYUN
BU RAM SHING LTA BU YONGS SU SKOL BAR BYED DO, ,DE'I DBU BA LTA BU BSAM GTAN DANG PO THOB PAR 'GYUR ZHING, DE'I DKAR BA LTA BU BSAM GTAN GNYIS PA THOB PAR 'GYUR TE, DE BZHIN DU JI LTA JI LTAR DGE SLONG GI SEMS KYI RGYUN YE SHES KYI MES SKOL BAR BYED PA DE LTA DE LTAR ZAG PA MED PA'I CHOS SHIN TU DKAR ZHING SHIN TU DRI MA MED LA SHIN TU SKYON MED PAR 'GYUR TE, LAS PHYIR PHYOGS PA DRI MA DANG BRAL ZHING DKAR LA DAG PA SKYE BAR 'GYUR RO, ,GZHAN YANG, DGE SLONG DE TSOR BA DE DAG LA SHIN TU RNAM PA PHRA BA GZHAN GYIS RTOG PAR BYED DE, SEMS CAN CHE GE MO ZHIG GI TSOR BA MIG GI 'DUS TE REG PA LAS BYUNG BA PHRA BA'AM, RAGS PA DRI MA CAN GTI MUG DANG LDAN PA SKYES PA DE, TSOR BA RAGS PA CHE GE MO ZHIG GIS BSAL CING SPANGS TE LHAG MA DANG BCAS PAR BYAS SO, ,RNA BA'I TSOR BA DANG, SNA'I TSOR BA DANG, LCE'I TSOR BA DANG, LUS KYI TSOR BA'ANG DE BZHIN NO, ,DGE SLONG DE DE LTAR BRTZON ZHING SPRO LA BDUD KYI SDE 'JOMS PA NA, SA BLA'I GNOD SBYIN DANG; BAR SNANG LA SPYOD PA'I GNOD SBYIN DE DAG GIS KYANG RGYAL PO CHEN PO BZHI LA MNGON PAR BSNYAD DO, ,SA BLA'I GNOD SBYIN DANG, BAR SNANG LA SPYOD PA'I GNOD SBYIN DE DAG DANG, RGYAL PO CHEN PO BZHI PO DE DAG GIS KYANG RGYAL CHEN BZHI'I LHA RNAMS LA MNGON PAR BSNYAD DO, ,SA BLA'I GNOD SBYIN DE DAG DANG, BAR SNANG LA SPYOD PA'I GNOD SBYIN DE DAG DANG, RGYAL PO CHEN PO BZHI
, ,PO DE DAG DANG, RGYAL CHEN BZHI'I LHA DE DAG GIS KYANG LHA'I DBANG PO BRGYA BYIN LA MNGON PAR BSNYAD DO, ,LHA'I DBANG PO BRGYA BYIN YANG GLANG PO CHE SA SRUNG GI BU LA ZHEN NAS YID DGA' BAS 'THAB BRAL GYI LHA RNAMS LA MNGON PAR BSNYAD DE, SNGA MA BZHIN NO, ,'THAB BRAL GYI LHA DE DAG KYANG BRGYA BYIN LA DGA' NAS RIN PO CHE SNA TSOGS THOGS SHING LUS LHA'I PHRENG BA DANG, SPOS RNAM PA SNA TSOGS KYIS BRGYAN PA, SGRA DANG, REG BYA DANG, GZUGS DANG, DRI YID DU 'ONG ZHING BDE BA DPE MED PA, RAB TU DGA' BA'I SHUGS KYIS DGA' LDAN GYI LHA'I RIS NA RIN PO CHE SNA BDUN LAS BYAS PA'I KHANG PA DANG, GZHAL MED KHANG DANG, GRONG KHYER RNAM PA SNA TSOGS KYIS BRGYAN CING DPAG TSAD STONG PHRAG BZHI BCU YOD PA, YID KYIS BRTAGS PA ZHES BYA BA DER BYANG CHUB SEMS DPA'I KHANG BZANG DPAG TSAD KHRI YOD PA, ZAG PA MED PAR 'GRO BA ZHES BYA BA DE NA BCOM LDAN 'DAS BYAMS PA BYANG CHUB SEMS DPA' LNGA BRGYA DANG THABS GCIG TU BZHUGS PA DE LA 'THAB BRAL GYI LHA DAG YID RAB TU DGA' BAS GOS PHYOGS GCIG TU BGOS TE PUS MO SA LA BTZUGS, MGO BTUD THAL MO SBYAR NAS GSOL BA, LHA; 'DI LTAR DZAMBU'I GLING NA LAS KYI SA LA GNAS PA, GRONG CHE GE MO ZHIG DANG, GRONG RDAL MANG GE MO ZHIG DANG, YUL GA GE MO ZHIG TU RIGS CHE GE MO ZHIG LAS RIGS KYI BU CHE GE MO ZHIG SKRA DANG,
SPU BREGS TE, GOS NGUR SMRIG BGOS NAS DAD PAS KHYIM NAS KHYIM MED PAR RAB TU BYUNG STE, DE SPYOD PA LA NAN TAN BGYID CING BLA MA LA BSNYEN BKUR BGYID PA, ZAG PA MED PA'I CHOS KYI DE NYID TSOL ZHING TSOR BA'I DE NYID MTHONG BA ZHES BGYI BA SA GZHAN BZHI PA LA ZHUGS NAS BDUD KYI PHYOGS 'JOMS PAR BGYID CING DAM PA'I CHOS KYI ZAM PA BRTAN PAR BGYID CING CHOS DKAR PO RAB TU STON PAR BGYID CING BDUD KYI PHYOGS SMOD PAR BGYID LA LHA'I PHYOGS 'PHEL BAR BGYID PA DE BDAG CAG GIS LHA RNAMS LA MNGON PAR GSOL LO, ,'THAB BRAL GYI LHA RNAMS LA BYAMS PAS LHA'I PHYOGS 'PHEL BAR 'GYUR BA DE THOS NAS, KYE LHA DAG ,'DI LTAR GANG BDUD KYI PHYOGS DMA' BAR BYED CING, DAM PA'I CHOS KYI PHYOGS MNGON PAR MTHO BAR BYED LA, NYON MONGS PA RNAMS LAS RAB TU GROL BAR BYED PA'I BDUD KYI SDE RNAM PAR 'JIG PAR BYED PA LA BDAG RAB TU DGA'O ZHES GTAM DU BYED DO, ,GZHAN YANG, DGE SLONG DES TSOR BA'I TSOGS DRUG MDOR BSDUS PA JI LTA BA BZHIN MTHONG NAS TSOR BA'I PHUNG PO'I SA'I CHOS SA GZHAN LNGA PA LA JI LTAR 'DUG CE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PAS BRTAGS NA, YANG DGE SLONG DE TSOR BA'I DE NYID MTHONG ZHING TSOR BA'I TSOGS DRUG GI LAS KYI MTHAR BYAS LA, 'DU SHES KYI PHUNG PO YANG DAG PAR RAB TU RNAM PAR 'BYED CING MTSAN MAR BYED DO, ,SA GZHAN 'DU
, ,SHES DANG BCAS PA GANG YIN SNYAM NA, BDAG CHOS DKAR PO DBEN PA LA SPYOD CING PHAN PA DANG, MI PHAN PA LAS DBEN PAR SPYOD PA'I 'DU SHES KYIS 'DU SHES SU BYED CING DE YANG DAG PAR SEMS PAR BYED LA DE CHOS DKAR PO MTSAN MAR BYED PA NI 'DI LTAR THOG MA NYID DU CHOS RNAMS RAB TU RNAM PAR 'BYED DE, DMIGS PA BSTAN DU YOD CING THOGS PA DANG BCAS PA DANG, BSTAN DU MED CING THOGS PA'I 'DU SHES JI LTAR SKYE BAR 'GYUR BA GANG YIN ZHIG GU SNYAM NAS DE SHIN TU DBEN PAS 'DU SHES DE LA RTOG PAR BYED CING DE 'DU SHES DES GZUGS RNAM PA BCU GCIG LA MTSAN MAR DMIGS TE, 'DI LTA STE, RING BA DANG, THUNG BA DANG, GRU BZHI DANG, ZLUM PO DANG, ZUR GSUM DANG, SNGON PO DANG, SER PO DANG, DMAR PO DANG, DKAR PO DANG, BTZOD KA'O,, DE LA 'DU SHES KYI MTSAN MAS RING POR BYED PA NI, KYE MA, BYIS BA BLO ZHAN PA RNAMS KYIS THOG MA DANG, THA MA MED PA'I SKYE BA DANG, 'CHI BA DANG, LAS DANG, 'BRAS BU DANG, 'CHI 'PHO DANG, 'BYUNG BA DANG, SDUG PA DANG, BRAL BA DANG, GRANG BA DANG, TSA BA DANG, BKRES PA DANG, SKOM PA DANG, DUB PA DANG, NA BA DANG, GZHAN GYIS BSGO BA DANG, BRNYAS PA DANG, BRAN GYI NGO BO DANG, GCIG LA GCIG ZA BA DANG, GSOG PAR BYED CING DON MED PAR GYUR PA DPAG TU MED PA 'DI KUN NI BZOD PAR DKA' BA YIN TE, LUS DANG, NGAG DANG, YID KYIS KUN NAS
BSLANG BA'I NYES PAR BYAS PA'I LAS KYI BYE BRAG BYE BA KHRAG KHRIG BRGYA STONG PHRAG DPAG TU MED PA DAG GIS BYIS PA SO SO'I SKYE BO DAG YANG DANG, YANG DU KHYAB PAR BYAS SHING RNAM PAR GTZES PA'I 'KHOR BA 'DI NI RING NGO SNYAM MO, ,DE LA MIR GYUR PA RNAMS LA 'DOD PAS NYON MONGS SHING GCIG LA GCIG 'DRID PA DANG, GZHAL BLUGS DANG, SHAGS DANG, TSONG BA DANG, RGYAL PO'I PHO BRANG DU BSTEN PA DANG, MTSO DANG, NGAM GROG DANG, YUL GZHAN DU 'GRO BA DANG, 'THAB MO DANG, ZHING RMED PA DANG, PHYUGS SKYONG BA DANG, KLA KLOR SKYE BA DANG, LOG PAR LTA BA DANG, DBANG PO MTSANG BA DANG, DAM PA'I CHOS DANG BRAL BA DANG, SANGS RGYAS 'BYUNG BA DANG BRAL BA DANG, RKYEN MA TSANG BA DANG, MI KHOM PA DANG, CHANG 'THUNG BA DANG, MA BYIN PAR LEN PA DANG, BRDZUN DU SMRA BA DANG, 'DOD PAS LOG PAR G-YEM PA DANG, BRNAB SEMS DANG, GNOD SEMS DANG, PHRA MA DANG, TSIG RTZUB PO DANG, TSIG KYAL PA LA YID RNAM PAR ZHEN PA'I 'KHOR BA 'DI NI RING NGO SNYAM DU 'DU SHES KYI MTSAN MA LA DMIGS PAR BYED DO, ,LHA RNAMS KYI 'KHOR BA'ANG RING BAR 'DU SHES KYI MTSAN MA LA DMIGS PAR BYED DE, YUL SDUG PA DANG, SGRA DANG, RO DANG, GZUGS DANG, DRI LA RAB TU CHAGS SHING, 'DOD CHAGS DANG, ZHE SDANG DANG, GTI MUG DANG, BAG MED PA DANG, BUD MED KYI NYON MONGS PA DANG, DGA' BA'I TSAL DANG, YONGS 'DU DANG, RNAM PAR MDZES PA DANG,
, ,SHING RTA SNA TSOGS DANG, TSAL DANG, NAGS TSAL DANG, LTENG KA DANG, DAL GYIS 'BAB PA DANG, KUN TU RTZE BA DANG, ME TOG DANG, SPOS DANG, BDUD RTZI'I RO DANG, RNAM PA SNA TSOGS SU RTZE BA DANG, KHA ZAS DANG, GNAS KHANG LA RAB TU CHAGS PA DANG, TZANDAN DANG, LHA'I ME TOG PHRENG DANG, PHYE MA DANG, BYUG PA DANG, ME TOG MAN D'A RA BA DANG, LHA'I ROL MO DANG, LHA'I GLU DBYANGS LA SEMS RAB TU CHAGS SHING, DAM PA'I CHOS LA KHA PHYIR PHYOGS PA'I LHA RNAMS KYI 'KHOR BA NI RING NGO SNYAM MO, ,YI DVAGS RNAMS KYI 'KHOR BA'ANG RING BAR 'DU SHES KYI MTSAN MA LA DMIGS PAR BYED DE, NYES PAR BYAS PA'I LAS KYIS 'GRO BA BKRES PA DANG, SKOM PA DANG, DUB PA DANG, NYAM CHUNG BA DANG, ME'I CHAR RAB TU 'BAB PA DANG, MID PA KHAB TZAM LA LTO RI TZAM PA DANG, LTO SGAL BA LA ZHAR BA DANG, PHRAG DOG DANG, SER SNA SKYES SHING GCIG LA GCIG MTSON GYIS 'DEBS PA DANG, MUN NAG TU 'JUG CING G-YANG SAR RAB TU LTUNG BA DANG, CHU BO DANG, LTENG KA DANG, 'BAB CHU'I DNGO DANG, MTSOR RGYUG PA DANG, GSHIN RJE'I MIS RAL GRI DANG, DBYUG PA DANG, GZHOR DANG, MDUNG GIS BTAB CING SDUG BSNGAL BA, SKYUGS PA DANG, NGAR SNABS KYI KHA ZAS LO 'BUM PHRAG DU MAR ZA BA, SDUG BSNGAL RNAM PA SNA TSOGS KYI MCHI MA RAB TU 'BYUNG ZHING BZOD PAR DKA' BA, YUL NGAN
BYUNG ZHING GDONG DANG, LUS SKRAS KHEBS PA, LUS LA SRIN BU 'BUM ZHUGS PA, LUS NAD THAMS CAD 'BYUNG BA'I GZHIR GYUR CING THEGS PA, 'KHOR BAR YUN RING DU ZHUGS PA, LCAGS KYI BYA ROG MCHU 'BAR BA DAG GIS MIG PHYUNG BA, LUS SHING BSREGS PA 'DRA ZHING PHA ROL GYIS GNON PA, GCIG LA GCIG ZA BA, DGON PA DPAG TSAD BYE BA BRGYA PHRAG SUM CU RTZA DRUG TU ZHUGS PA, MGON MED CING ZAS DANG, SKOM GYI MES LUS BSREGS PA, MUN NAG TU ZHUGS PA'I YI DVAGS DAG NI DAM PA'I CHOS MNYAN PA LA KHA PHYIR PHYOGS PA YIN TE, LOG PAR LTA BAS BSDUS PA RNAMS KYI 'KHOR BA NI RING NGO SNYAM DU 'DU SHES KYI MTSAN MA LA DMIGS PAR BYED DO, ,GCIG LA GCIG ZA ZHING KHONG DU CHUD PAR BYA BA DANG, KHONG DU CHUD PAR BYA BA MA YIN PA SHES PA LA KHA PHYIR PHYOGS PA RNAMS NI CHU DANG, CHU LA SPYOD PA RNAMS RTAG TU SKOM PAS GDUNGS SHING SNYING YONGS SU SKAMS PA DANG, GZUNG BAS 'JIGS PA CHU SRIN BYIS PA GSOD DANG; CHAGS BRKAM DANG, SRAM DANG, RUS SPAL DANG, NYA DANG, NYA MID DANG, NYA MID MID DANG, CHU SRIN KUM BHI RA DANG, CHU SRIN NA KRA DANG, CHU SRIN MA KA RA DANG, CHU SRIN NYA PHYIS DANG CHU SRIN DUNG LA SOGS PA CHEN PO DANG, CHUNG DU RTAG TU GCIG LA GCIG ZA BA DANG, DE LAS GZHAN PA RGYAS BSHOR ZHING BZUNG BAS 'JIGS PA RNAMS DANG, DE BZHIN DU SKAM SA LA RGYU BA RI
, ,DVAGS DANG, MA HE DANG, PHAG RGOD DANG, GLANG PO DANG, KHYU MCHOG DANG, RTA DANG, BONG BU DANG, BA LANG DANG, RI DVAGS RU RU DANG, DRED MO DANG, BSE LA SOGS PA SDUG BSNGAL SNA TSOGS KYIS 'CHING ZHING MTSON GYIS GSOD PA DANG, NAD DANG, RGA BA DANG, 'CHI BAS GCIG LA GCIG GNOD PA BRGYA PHRAG STONG GIS NYEN PA RNAMS DANG, DE BZHIN DU NAM MKHA' LA RGYU BA BYA ROG DANG, 'UG PA DANG, NGANG PA DANG, RMA BYA DANG, KHYIM BYA DANG, BYA KOM shtI KA DANG, PHUG RON DANG, BYA DAm TYU HA DANG, BYA TZA SHA DANG, BYA 'DAB BRGYA DANG, BYA TSA YA BA LIN DANG, BYA SHANG SHANG TE'U DANG, BYA SAN TA BA LA SOGS PA, GZHAN YANG, BYA'I RIGS DAG GSOD PA DANG, 'CHING BA DANG, BKRES PA DANG, SKOM PA DANG, GCIG LA GCIG ZA BA DANG, GRANG BA DANG, TSA BAS GNOD PA RNAMS DANG, GNAS GSUM LA GNAS PA SKAMS DANG, CHU DANG, BAR SNANG LA RGYU BA'I DUD 'GROR GYUR PA RNAMS LA MI BZAD CING SO SO'I 'JIGS PA RNAMS KYI 'KHOR BA NI RING BAR 'DU SHES KYI MTSAN MA LA DMIGS PAR BYED DO, ,DE BZHIN DU YANG SOS DANG, THIG NAG DANG, BSDUS GZHOM DANG, NGU 'BOD DANG, NGU 'BOD CHEN PO DANG, TSA BA DANG, RAB TU TSA BA DANG, MNAR MED PA RNAMS KYI MI BZAD PA, BSAM PA SHIN TU NGAN PA RNAMS KYI SO SO'I 'JIGS PA BRGYA STONG DU MA YONG
PA; ME DANG, MTSON DANG, G-YANG SA DANG, BRKYAL BA'I CHU BO DMAR PO'I NANG DU LUS RAB TU 'JUG PA, LO MA'I RAL GRI'I NANG DU 'JUG CING 'DAB MAS SO SOR NYAMS SU MYONG BA, BA TSVA'I CHU'I NANG DU 'JUG CING SA RAB TU 'BAR BA LA 'GRO BA, SREG PAR BYED PA'I PADMA MI BZAD PA, GNOD PAR BYED PA, BZOD PAR DKA' BA RNAM PA DU MAR MTSUNGS PA MED PA'I SEMS CAN DMYAL BA RNAMS KYI 'KHOR BA NI RING BAR 'DU SHES KYI MTSAN MA LA DMIGS PAR BYED DO, ,DGE SLONG DE 'DU SHES KYI PHUNG PO RAB TU RNAM PAR DPYOD PA LA BSTAN DU YOD CING THOGS PA DANG BCAS PA YUN RING PO'I GZUGS 'PHAGS PA'I BDEN PA BZHI LA LAS DANG, 'BRAS BU'I RGYU'I GZHI DMIGS PA SEMS CAN RNAM PA SNA TSOGS DPAG TSAD BRGYA PHRAG STONG GI 'GRO BAR SONG BA RNAMS LA LTA BAR BYED CING, MTSAN MAR BYED LA, RNAM PAR 'BYED PAR BYED PA, GZHI LA DMIGS PA'I 'DU SHES RAB TU GSAL BAS MTHONG STE, 'KHOR BA LA YID 'BYUNG BAR BYED DO, ,GZHAN YANG, JI LTAR NA DGE SLONG DE THUNG NGU RNAM PAR 'BYED CING, MNGON SUM DU BYED CE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS BRTAGS NA, DGE SLONG DE BDUD KYI SDE RNAM PAR 'JIG PAR BYED DE, JI LTAR THUNG BA RNAM PAR 'BYED CE NA, 'KHOR BA THUNG BA'I BRTUL ZHUGS DANG, SDOM PA DANG, SBYIN PA DANG,
, ,TSUL KHRIMS DANG, CHO GA SHES PA DANG, BLA MA LA GUS PA DANG, YID DRANG BA DANG, YANG DAG PA'I LTA BA DANG, PHA MA LA GUS PA DANG, SANGS RGYAS LA CHOS NYAN CING LTA BA BSNYEN BKUR BYED PA DANG, G-YO BYED PA DANG, GZHAL BLUGS DANG, 'DRID PA DANG, DGE BA'I BSHES GNYEN GYI SPYOD PA MA YIN PA SPONG BA DANG, PHYUG PA DANG, YID DRANG BA DANG, SNYING BRTZE BA DANG, LUS DANG, NGAG DANG, YID LAS SU RUNG BA DANG LDAN ZHING MI'I SNYING DANG LDAN PA RNAMS KYI 'KHOR BA NI THUNG BAR 'DU SHES KYI MTSAN MA LA DMIGS PAR BYED DO, ,DE BZHIN DU GANG DAG BAG MED PA LA ZHUGS PA RNAMS KYI DGA' BA'I TSAL DANG, RNAM PAR MDZES PA DANG, SHING RTA SNA TSOGS DANG, YONGS 'DU DANG, NAGS TSAL DANG, LTENG KA DANG, PADMA SNA TSOGS DANG, RGYAN DANG, DO SHAL DANG; BRO GAR DANG, KHRON PA DANG, SHIN TU MDZES PA'I DPAG BSAM GYI SHING DANG, 'BAB CHU DANG, CHU MIG TSAG TSIG DANG, TSAL DANG, BDUD RTZI DANG, ZAS DANG, GNAS KYI KHYAD PAR DAG SPANGS NAS GANG DAG TSUL KHRIMS KYI RNAM PA'I BSAM GTAN DANG, KLOG PA LA GNAS SHING LEGS PAR LTA LA KHA TON DU 'DON PA DANG, SBYIN PA DANG, DUL BA DANG, YANG DAG PAR SDOM PA DANG, TSANGS PAR SPYOD PA DANG, DBANG PO GRUB PA DANG, SMRA BA'I TSIG NYUNG BA DANG, CHOS 'DOD PA DANG, ZHI BA'I ZAS LA GNAS PA DANG, LHA GANG YIN PA DE DAG GI 'KHOR
BA NI THUNG NGO, ,JI SKAD BSHAD PA BZHIN DU SDUG BSNGAL GYI RNAM PA BKRES PA DANG, SKOM PA DANG, KHA SKAMS PA DANG, TSAL SHING BSREGS PA BZHIN DU DMAN ZHING ZHUM LA SKRA DANG, GDONG SHING BSREGS PA LTA BU'I LUS CAN GANG YIN PA DE DAG SDUG BSNGAL DU MI BGRANG BAR GANG DAG SKAD CIG TZAM ZHIG KYANG SANGS RGYAS DANG, CHOS DANG, DGE 'DUN LA DBANG PO RAB TU DANG BAS DAD PA CHUNG DU ZHIG BYAS PA DE DAG GI 'KHOR BA NI THUNG BAR 'DU SHES KYI MTSAN MA LA DMIGS PAR BYED DO, ,GCIG LA GCIG ZA ZHING RDEG PA DANG, GRANG BA DANG, TSA BA DANG, YUL NGAN DANG, 'JIGS PAS 'JIGS PA DE DAG GAL TE NUS NA SKAD CIG TZAM DU RNAM PAR GNOD PA MI BGRANG BAR SKAD CIG TZAM ZHIG KYANG SANGS RGYAS DANG, CHOS DANG, DGE 'DUN LA SEMS DANG BAR BYAS PA'I DUD 'GRO DE DAG GI 'KHOR BA NI THUNG BAR 'DU SHES KYI MTSAN MA LA DMIGS PAR BYED DO, ,YANG SO SA DANG, THIG NAG DANG, BSDUS GZHOM DANG, NGU 'BOD DANG, NGU 'BOD CHEN PO DANG; TSA BA DANG, RAB TU TSA BA DANG, MNAR MED PA LA SOGS PA'I SEMS CAN DMYAL BA RNAMS SU SKYES PA GANG DAG SDUG BSNGAL SHIN TU GNOD PA RNAM PA SNA TSOGS DE DAG SDUG BSNGAL DU MI BGRANG BAR GANG DAG SKAD CIG TZAM DU TSUL KHRIMS LA SEMS DAD PAR BYED PA'I SEMS CAN DMYAL BA DE DAG GI 'KHOR BA NI THUNG BAR 'DU SHES KYI MTSAN MA LA DMIGS PAR BYED DE,
, ,DE DE LTAR 'KHOR BA THUNG BAR SEMS SO, ,'KHRO BA GRU BZHI PO JI LTA BU ZHIG SNYAM NA, DE BYANG GI SGRA MI SNYAN GYI MI RNAMS NI BDAG GI BA MED CING BDAG TU NGA RGYAL MED LA NGES PAR GONG DU 'GRO BA DE RNAMS KYI 'KHRO BA NI GRU BZHI PO YIN PAR 'DU SHES KYI MTSAN MA LA DMIGS PAR BYED DO, ,SEMS CAN DMYAL BA DANG, YI DVAGS DANG, DUD 'GRO MI SHES PAR YONGS SU 'GYUR ZHING SEMS BZANG PO MA YIN PA'I RJES SU 'JUG PA'I 'KHOR BA NI ZLUM PO YIN PAR 'DU SHES KYI MTSAN MA LA DMIGS SO, ,DGE BA DANG, MI DGE BA DANG, LUNG DU MA BSTAN PA'I LAS 'DREN MA DANG NI SEMS CAN DMYAL BA DANG, LHA DANG, 'DREN MA MI RNAMS KYI NANG DU SKYE BAR 'GYUR TE, DE LA MI DGE BA'I LAS KYIS NI SEMS CAN DMYAL BA RNAMS SU'O, ,DGE BA'I LAS KYIS NI LHA RNAMS SU'O, ,'DREN MA SA NI MI RNAMS SU SKYE STE, LAS GSUM NYE BAR 'GRO'O, ,GANG DAG GNAS GSUM GYI SKYE BAR SKYES PA DE RNAMS KYI 'KHOR BA NI ZUR GSUM PO YIN PAR 'DU SHES KYI MTSAN MA LA DMIGS PAR BYED DO, ,RGYAL CHEN BZHI PA DANG, 'THAB BRAL GYI LHA DANG, GZHAN 'PHRUL DBANG BYED KYI LAS LTA BUR SKYES PA'I LHA DAG LAS SHI NAS LHA RNAMS KYI NANG DU SKYE BAR 'GYUR, GANG DAG MI LAS SHI NAS MI RNAMS KYI NANG DU SKYE BAR 'GYUR BA MI KHOM PA MED PA'I
SA DE DAG GI 'KHOR BA NI ZLUM PO YIN PAR 'DU SHES KYI MTSAN MA LA DMIGS PAR BYED DO, ,LAS DMAR POS YONGS SU BZUNG BA DAG NI DUD 'GRO YIN TE, DE DAG KYANG GCIG LA GCIG ZA ZHING DMAR PO LA DGA' BA'I 'DU SHES KYI MTSAN MA LA DMIGS PAR BYED DO, ,LAS KHA DOG DKAR POS YONGS SU BZUNG BA NI LHA DANG, MI YIN TE, GTZANG ZHING DGE BA'I LAS KYI LAM RIN PO CHE LAS BYUNG BA'I RIM GYIS LHA DANG, MIR SKYE BA 'DZIN TE, LHA 'CHI BA NA DE LA LHA DAG BDE 'GRO MI'I 'JIG RTEN DU BZHUD CIG CES SMRA'O, ,DE BZHIN DU MI 'CHI BA NA GNYEN DANG, MDZA' BSHES DANG, CHUNG MA DAG MIG MCHI MAS GANG ZHING NGOM ZUNG GANG PA DAG BDAG CAG THONG LA BDE 'GRO MI'I 'JIG RTEN DGYES PAR BZHUD CIG CES SMRA'O, ,DE 'DI SNYAM DU SEMS TA; MI DE NYID THOB KYANG GANG DGE BA DANG, SBYIN PA DANG, TSUL KHRIMS DANG, SHES RAB LA BRTZON 'GRUS MED PA DE NI SEMS CAN DMYAL BA DANG, YI DVAGS DANG, DUD 'GRO'I DGON PAR GTZES SHING YONGS SU 'KHYAM STE, SO SO'I SKYE BO NI LAS KYI LAM GYIS BSLUS SHING CHUD GZAN PA YIN NO SNYAM MO, ,DGE SLONG DE TSOR BA'I DE NYID MTHONG BA, 'DU SHES KYI PHUNG PO LA TSUL BZHIN YID LA BYED PA LA DMIGS PA'I DE NYID MTHONG BA NI 'DI LTAR DE NYID TSOL BAR BYED DE, MIG DANG, GZUGS LA BRTEN NAS MIG GI RNAM PAR SHES PA SKYE'O, ,GSUM 'DUS PA
, ,LAS REG PA BRJOD PA'I 'DU SHES RNAM PAR 'BYED DE, GZUGS MTHONG NA BZANG BA DANG, MI BZANG BA DANG, NYE BA DANG, BSKAL PA DANG, RING BA DANG, THUNG BA DANG, GRU BZHI DANG, ZLUM PO DANG, DKAR PO DANG, ZUR GSUM DANG, GZUGS KYI DBYIBS 'DU SHES KYIS YANG DAG PAR RNAM PAR 'BYED CING MTSAN MAR BYED LA GZHI LA LTA BAR BYED DO, ,PHUNG PO DANG, KHAMS DANG, SKYE MCHED KYI GZHI 'DU SHES SU BYED CING RNAM PAR 'BYED, DGE BA DANG, MI DGE BA'I LAS KYI RNAM PAR SMIN PA SHIN TU 'BYED CING MNGON SUM DU BYED DO, ,RGYU DANG LDAN PA LA DMIGS SHING, RGYU MA YIN PA DANG LDAN PA SHES NAS RNAM PAR SPONG BAR BYED, PHAN PA DANG, MI PHAN PA'I MTSAN NYID MI 'DRA BA 'DAS PA LA 'DU SHES SU BYED DE, JI LTAR 'DIS BDAG GI BYAS PA NYES PA BYAS PA'I 'DU SHES KYIS 'DU SHES PAR BYED DE, SNGA MA BZHIN NO, ,GAL TE 'DU SHES MED NA DRAN PA 'ANG MED DE, DRAN PA DE DANG, 'DU SHES SU 'BREL BA NI DE'I DMIGS PA YIN ZHING DE'I RKYEN YIN TE, DPER NA, 'OD DE'I RKYEN DE'I GZHI DE'I RGYU MAR ME YIN PA DE BZHIN DU DRAN PA NI 'DU SHES KYI RGYU 'DU SHES RAB TU BYUNG BA 'DU SHES KYI BDAG PO YIN NO SNYAM MO, ,DGE SLONG DES GZHAN LNGA PA 'DU SHES REG PA ZHES BYA BA LA 'JUG STE, DE YANG DAG PA'I TSOR BA BDE BA LA 'DU SHES SU BYED
KYANG DE LA DGA' BA MED LA SEMS CAN DMYAL BA RNAMS KYI LAS BYAS PA SDUG BSNGAL DE'ANG 'JIGS PA MED PAR DE MTSUNGS PAR RTOG STE, GSER BZANG PO BZHIN NO, ,DGE SLONG 'DU SHES CAN DE 'DU SHES KYI RNAM PA GZHAN GYIS RTOG PAR BYED DE, DE 'DU SHES LAS RNAM PAR GROL ZHING RTOG PAR BYED PA GZHAN MA YIN PA BDAG GI 'DU SHES KYI RKYEN NI GANG YIN, RGYU NI GANG YIN, GZHI NI GANG YIN SNYAM MO, ,DE 'DU SHES 'DI NI RTEN CING 'BREL BAR 'BYUNG BA YIN TE, RKYEN TSOGS PA DES 'DI SKYE ZHING DE 'GOG PA LAS 'GAG PAR 'GYUR TE, DPER NA, ZLA BA LA'ANG BRTEN, CHU SHEL LA'ANG BRTEN NAS, NOR BU CHU SHEL LAS CHU DANG BA 'BYUNG BA DE BZHIN DU RGYU DANG, RKYEN LA BRTEN NAS 'DU SHES 'BYUNG BAR 'GYUR TE, 'DU SHES 'DI NI RGYU MED PA LAS 'BYUNG BA MA YIN ZHING; BYED PA PO DANG, TSOR BA POS MA BYAS, 'DOD RGYAL BAS MA BYUNG BAR 'DI SKYE'O SNYAM MO, ,DGE SLONG DE 'DU SHES KYI PHUNG PO'I DE NYID TSOL BA YIN TE ,DE 'DU SHES KYI DE NYID MTHONG ZHING DE SKYE BA DANG, 'JIG PA'I DE NYID SHES PA RIM PA SHIN TU PHRA MOS TSOL BA YIN NO, ,CHU BO'I RGYUN 'BAB PA LTAR 'DU SHES LA ZHUGS PA RGYU DANG, RKYEN GYI DBANG GIS DGE BA 'BYUNG BA RGYU DANG, RKYEN GYI DBANG GIS MI DGE BAR 'GYUR BA RGYAS SO, ,DE DANG SEMS SBRE'U LTA BU NYAMS PAS LUNG DU MA BSTAN PA 'GYUR BA LUNG DU MA BSTAN PA SKYES SO, ,DE BDE BA'I 'DU SHES PA LA BDE BAR MI LTA
, ,STE; ZAG PA MED PA'I BDE BA LA BDE BAR 'DU SHES SHING BDE BA LA'ANG BDE BA MA YIN PAR 'DU SHES TE, BDE BA DE DAG NI CHUNG NGUR 'DU SHES SO, ,JI LTAR NA; BDE BA'I PHUNG PO DANG, KHAMS DANG, SKYE MCHED KYI PHUNG PO SKYE BA DANG, 'GOG PAR LTA ZHING TSOR BA DAG LA'ANG MNGON PAR CHAGS PA MED CE NA, TSOR BA NUB PA DES 'DU SHES MNGON PAR DGA' BA MED CING 'DU SHES NUB PA DES 'DU BYED RNAMS 'BYUNG BAR 'DOD PA MED DE, GNAS PA MED CING 'JIG PA MED LA GZHAN DU 'GYUR BA MED PA'I RNAM PAR SHES PA 'BYUNG BA LA MNGON PAR 'DOD PA MED DO, ,GNAS PA MED CING 'JIG PA MED LA, GZHAN LA 'GYUR BA MED PA'I NGO BO 'DI NI DGE SLONG PHUNG PO'I DE NYID SHES PA YIN TE, BDUD KYI YUL LA MI GNAS SHING, 'DOD CHAGS ZHE SDANG GTI MUG RNAMS KYIS GNOD PA MED PA YIN, DE RTAG PA DANG, BDE BA DANG, GTZANG BA DANG, BDAG TU LTA BA MA YIN, 'KHOR BA NA SGRA DANG, REG PA DANG, GZUGS DANG, DRI SDUG PA DRA BA'I ZHAGS PA LTA BU DAG GIS 'CHING BAR MI 'GYUR ZHING DRAN PA NYAMS PAR MI 'GYUR TE, DE DRAN PA NYE BAR GNAS PA RNAM PAR SHES SHING ZAG PA ZAD PAR BYA BA NUS LA MYA NGAN LAS 'DAS PA LA MNGON DU PHYOGS PAR 'GYUR RO, ,'DIR TSIGS SU BCAD PA, DGE SLONG BRTZON 'GRUS ZHAN PA DANG, ,
LO BYED CING LTA BA LA, ,GANG ZHIG RTAG TU SPRO DGA' MED, ,DE LTA BU NI DGE SLONG YIN, ,MAL CHA STAN LA LONGS MI SPYOD, ,DGE SLONG YIN ZHES SANGS RGYAS GSUNGS, ,GANG ZHIG LE LO MNGON DGA' BA; ;DE NI DGE BA'I 'OS MIN NO, ,NYON MONGS RNAMS KYI GZHI GCIG NI, ,LE LO YIN TE GANG LA YOD, ,GANG LA LE LO GCIG YOD PA, ,DE LA CHOS NI MED PA YIN, ,BGO BA TZAM GYIS CHOG 'DZIN PA; ;DE NI DGE SLONG YIN ZHES BRJOD, ,GANG GI BLO GROS BRJOD MED CING, ,BSAM GTAN MED LA ZAG ZAD MED, ,CHA BYAD TZAM GYIS CHOG 'DZIN PA, ,DE LTA BU NI DGE SLONG MIN, ,GTZUG LAG KHANG DANG KUN DGAR BRTZON, ,CHOS KYI SPYOD YUL DGA' MED CING, ,BUD MED CHANG LA CHAGS PA'I BLO, ,DE LTA BU NI DGE SLONG MIN, ,GANG ZHIG BDUD KYI 'CHING GCOD DANG, ,SDIG PA'I LAS DAG GCOD BYED LA, ,DGE 'DUN SPYOD YUL MI SPYOD PA, ,DE NI DGE SLONG SANGS RGYAS GSUNGS, ,SBRUL GDUG DANG NI TA MRA DAG ,SMIN PA ZA BA NYIS NA RUNG, ,TSUL KHRIMS 'CHAL PA DGE 'DUN GYI; ;BZA' BTUNG SPYOD PA MI RUNG NGO, ,GANG ZHIG NYON MONGS BSDUS PA NI, ,DE NI BSOD SNYOMS 'OS MIN ZHING, ,DE NI BSOD SNYOMS RIGS MIN TE, ,DE NI DMYAL BA'I 'OS YIN NO, ,SBRUL GDUG KHUNG NA 'DUG LTA BU'I, ,NYON MONGS GANG GIS BCOM ZHING SPANGS, ,DGE SLONG DE NI BSOD SNYOMS SPYOD, ,DE NI BUD MED LTA BA MED, ,GAL TE BDAG NYID GTAR BZHAG CING, ,SDIG PA RNAMS LA
, ,CHAGS PA NI, ,DGE 'DUN RIN CHEN SUN BYED PA, ,DE NI DGE SLONG JI LTAR SHES, ,GANG ZHIG RNYED DANG BKUR STI DANG, ,GANG ZHIG YUL SDUG SEMS BYED LA, ,BUD MED LTA ZHING DE 'DOD PA, ,DGE MIN KHYIM MIN G-YON CAN YIN, ,JI LTAR ME'I YIS TSAL BSREGS BZHIN, ,GANG GIS NYON MONGS TSA BSREGS PA, ,BRAM ZE DE YIN DE DGE ZHING, ,SDIG PA'I ZAS LA MI CHAGS SO, ,RTAG PAR GRONG DU 'GRO SPRO ZHING, ,G-YON CAN RTAG TU KHRUS BYED PA, ,RMONGS PA BDAG DANG GZHAN SLU STE, ,DAM CHOS LAM LA RMONGS PA YIN, ,YID NI ZHI ZHING DGON PA RU, ,RTAG TU BSAM GTAN PHA ROL 'GRO, ,BRAM ZE DE YIN DE DGE ZHING, ,DGE BA'I LAM GYI SPYOD YUL YIN, ,DGON PA DAG TU DGA' BYED PA, ,DER NI 'DOD CHAGS BRAL BA DGA', ,'DOD PA TSOL BA'I YID DAG NI, ,DER NI DGA' BAR MI 'GYUR RO, ,GANG ZHIG 'BREL BA'I GTAM DGA' ZHING, ,YUL GYI SRED PAS MNGON DGA' BA, ,GANG NA 'CHI BA MED PA YI, ,ZHI BA'I GRONG DU MI 'GRO'O, , RGYAL PO BSTEN CING ZAS DANG SKOM, ,SHIN TU ZHIM 'DOD RTAG KHRO BA, ,MING GI DGE SLONG G-YO THABS KYIS, ,GANG DAG RGYAL PO'I SGOR 'DUG CING, ,KHYIM PA DAG DANG NYE RTZOM BCAS, ,DE NAS DE DAG SUN 'BYIN CING, ,SBYIN BDAG BDEN SEMS SLU BAR BYED, ,JI LTAR GLANG CHEN TSAL GNAS BZHIN, ,GANG DAG BU SMAD YONGS SPANGS NA, ,ZHI BA'I TSAL NA GNAS PA NI, ,DE DAG SRED
SPANGS BSAM PA MNYAM, ,DGE SLONG DE NYES PA DE DAG SPANGS NAS DE NYID MTHONG BA DE LAS GZHAN PA GZUGS LA SOGS PA PHUNG PO'I DE NYID MTHONG BA, THAR PA LA 'BAD CING SPYOD DE BLA MA LA YONGS SU 'DRI, LAM DANG, LAM MA YIN PA'I DE NYID SHES SHING 'PHAGS PA'I LAM YAN LAG BRGYAD PA'I THAR PA'I GRONG KHYER DE TSOL BA NI LAM BRTZON PA'I NGANG TSUL CAN MNYAM PAR LTA ZHING DRI MA MED PA'I SEMS DANG, ZHI BA'I SEMS KYIS LAM DE KUN TU BSTEN CING SGOM STE MANG DU BYED DO, ,DE ZAG PA MED PA'I LAS KYI LAM GYI DGE BA DANG YANG DAG PAR LDAN PA DES BDUD KYI PHYOGS NI DAMS PAR BYED CING DAM PA'I CHOS KYI PHYOGS NI 'PHEL BAR BYED DO ZHES SA BLA'I GNOD SBYIN DAG GIS SHES NAS BAR SNANG LA SPYOD PA'I GNOD SBYIN DGE LA MNGON PAR BSNYAD DO, , DE DAG GIS KYANG RGYAL PO CHEN PO BZHI LA MNGON PAR BSNYAD DO, ,DE DAG GIS KYANG RGYAL CHEN BZHI PA NAS SNGA MA BZHIN DU SBYAR TE, 'THAB BRAL DANG, DGA' LDAN GYI LHA DAG GIS DGA' LDAN GYI GNAS NA BYAMS PA BZHUGS PA'I BAR LA MNGON PAR BSNYAD DO, ,DE NAS BYANG CHUB SEMS DPA' GCIG CIG MCHOG TU DGA' CHES NAS GZHAN 'PHRUL DBANG BYED KYI LHA RNAMS LA MNGON PAR BSNYED DE, DZAMBU'I GLING DU RIGS KYI BU CHE GE MO ZHIG SKRA DANG, KHA SPU BREGS TE, GOS DUR SMRIG BGOS NAS SNGA MA BZHIN DU SBYAR TE, DE NAS GZHAN 'PHRUL DBANG BYED KYI LHA RNAMS YID MCHOG
, ,TU DGA' BA'I BAR DU SNGA MA BZHIN DU SBYAR RO, ,DE NAS GZHAN YANG, DGE SLONG DE SA GZHAN LNGA PA LA JI LTAR 'JUG CIG GU SNYAM NAS RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS BRTAGS NA, SKYE MCHED GZUGS CAN BCU LA RTOG PAR BYED DO; ;BCU GANG ZHE NA, 'DI LTA STE, MIG GI SKYE MCHED DANG, GZUGS KYI SKYE MCHED DANG, RNA BA'I SKYE MCHED DANG, SGRA'I SKYE MCHED DANG, SNA'I SKYE MCHED DANG, DRI'I SKYE MCHED DANG; LCE'I SKYE MCHED DANG, RO'I SKYE MCHED DANG, LUS KYI SKYE MCHED DANG, REG BYA'I SKYE MCHED DE, SKYE MCHED GZUGS CAN BCU PO DE DAG LA RTOG PAR BYED DO, ,BDAG GI MIG GI SKYE MCHED LA'ANG BRTEN, GZUGS KYI SKYE MCHED LA'ANG BRTEN NAS 'DU SHES SU JI LTAR 'GYUR ZHE NA, MIG LA'ANG BRTEN, GZUGS LA'ANG BRTEN NAS, MIG GI RNAM PAR SHES PA SKYE BAR MTHONG STE, GSUM 'DUS PA LAS REG PA, REG PA DANG LHAN CIG SKYES PA TSOR BA DANG, 'DU SHES DANG, SEMS PA 'BYUNG NGO, ,DE LA TSOR BA GANG YIN PA DE NI MYONG BA'O, ,SEMS PA GANG YIN PA DE NI SEMS PAR BYED PA'O, ,DE LA 'DU SHES GANG YIN PA DE NI SHES PA YIN TE, 'DI LTAR GZUGS 'DI NI RING PO, GZUGS 'DI
NI THUNG NGU, GZUGS 'DI NI SDUG PA, GZUGS 'DI NI MI SDUG PA, GZUGS 'DI NI BSTAN DU YOD PA, GZUGS 'DI THOGS PA DANG BCAS PA, GZUGS 'DI NI BSTAN DU MED PA, GZUGS 'DI NI THOGS PA MED PA ZHES RNAM PAR RIG BYED MA YIN PA'I BAR RNAM PA BCU GCIG PO 'DI NI 'DU SHES KYI GZUGS SU RNAM PAR DBYE STE, DE LTAR GSUM 'DUS PA LAS REG PA SKYE'O, , DE REG PA DANG LHAN CIG SKYES PA'I TSOR BA DANG, 'DU SHES DANG, SEMS PA 'BYUNG STE, DE LA MIG GI 'DUS TE REG PA LAS BYUNG BA'I TSOR BA DANG, 'DU SHES DANG, SEMS PA MYONG BA'I DON NI TSOR BA'I DON NO, ,'DU SHES KYI DON NI TSOR BA'I TSE YANG DAG PAR SHES PA YIN TE, CHOS 'DI DAG LA YID 'JUG PA SKYE BA'I MTSAN NYID MI 'DRA ZHING NGO BO NYID MI 'DRA BA YIN TE, DPER NA, SA CHEN PO BCU'I CHOS LTA BU'O, ,SEMS PA'I MTSAN NYID MI 'DRA BA'ANG DE BZHIN DE, RNAM PA RTOG PAS YID LA BYED PA DANG, DPYOD PA DANG, DRAN PA DANG; TSOR BA DANG, 'DU SHES DANG, SEMS PA DANG, REG PA DANG, BRTZON 'GRUS DANG, TING NGE 'DZIN DE DAG NI DMIGS PA GCIG LA MTSAN NYID MI 'DRA BA YIN NO, ,DE BZHIN DU TSOR BA'I MTSAN NYID KYANG MI 'DRA ZHING DE BZHIN DU 'DU SHES KYI MTSAN NYID KYANG MI 'DRA BA YIN TE, DPER NA, NYI MA'I GZHI GCIG YIN KYANG 'OD KYI NGO BO THA DAD PA DE BZHIN DU TSOR BA'I
, ,NGO BO NYID KYANG GZHAN YIN LA, SEMS PA'I NGO BO NYID KYANG GZHAN YIN NO, ,DE MIG GI 'DUS TE REG PA LAS BYUNG BA'I TSOR BA DANG, 'DU SHES DANG, SEMS PA'I DE KHO NA NYID SHES NAS, MIG 'DI NI GSOG TU MTHONG, GSOB TU MTHONG, SNYING PO MED PAR MTHONG NGO, ,YANG DAG PAR MTHONG BA'I DGE SLONG DE NI LAM GYI DE KHO NA NYID SHES NAS LOG PAR LTA BA SPANGS TE, DE YANG DAG PA'I LTA BA SNGON DU BTANG BAS DE MIG DANG LHAN CIG SKYES PA'I 'DU SHES KYI GTI MUG RNYOG PA CAN GYI NGO BO NYID DU GYUR PA SPONG NGO, ,SHA'I GONG BU'I DE KHO NA NYID MTHONG STE, TSIL DANG, RNAG DANG, KHRAG DANG, MCHI MA'I GNAS YIN PAR RIG NAS, 'DOD CHAGS SPONG ZHING MI RTAG PAR RIG NAS RTAG PAR MI LTA BA YIN LA, RUS PA'I BU GA'I NANG NA SHA'I GONG BU YOD PAR RIG NAS 'DOD CHAGS DANG BRAL BAR 'GYUR, RGYUS PAS SBREL BAR RIG CING MIG GI SKYE MCHED 'DI NI GCIG LA GCIG 'BREL BAR RTOGS TE, 'DI LA SNYING PO MED CING BDAG MED PAR RIG LA, MDOR NA MIG 'DI NI SDUG BSNGAL DU GYUR PA YIN NO ZHES RNAM PAR SHES SHING MTHONG NAS MIG GI SKYE MCHED KYI 'DOD CHAGS DANG BRAL BAR 'GYUR RO; ;DE MIG GI SKYE MCHED YANG DAG PA JI LTA BA BZHIN RTOGS SHING GZUGS LA RNAM PAR DPYOD PAR BYED DE, GAL TE YANG DAG PA MA YIN PA'I GZUGS 'DI SDUG PA DANG, MI SDUG PA
DANG; LUNG DU MA BSTAN PA YONGS SU RTOG STE, CI 'DI LA SNYING PO YOD DAM, CI GTZANG NGAM, CI RTAG GAM, CI BDE BA YOD DAM SNYAM MO, ,DE GZUGS LA LTA ZHING SHES TE, RTOG PAS GZUGS SU MI DMIGS TE, 'DI LA SNYING PO MED DO, ,GZUGS SDUG PA DANG, MI SDUG PA 'DI NI KUN TU RTOG PA TZAM STE, 'DI LA SDUG PA DANG, MI SDUG PA'I NGO BO NI MED LA SDUG PA DANG, KHONG KHRO BA KHO NAR KUN TU RTOG PAS BZUNG BA'I 'JIG RTEN 'DI NI SDUG PA DANG, SDANG BAR SEMS SO SNYAM MO, ,DE MIG GI SKYE MCHED MTHONG NAS, RNA BA'I SKYE MCHED LA LTA BAR BYED DE, DE SGRA LA SO SOR RTOG GO , SGRA SKYES PA DBANG PO'I YUL LA 'JUG STE, DES RNA BA LA'ANG BRTEN, SGRA LA'ANG BRTEN, DE SKYED PA'I YID LA BYED PA LA'ANG BRTEN NAS RNA BA'I RNAM PAR SHES PA SKYE STE, GSUM 'DUS PA LAS REG PA, REG PA DANG LHAN CIG SKYES PA'I TSOR BA DANG, 'DU SHES DANG, SEMS PA 'BYUNG NGO, ,DE LA REG PA DANG LHAN CIG SKYES PA GANG GIS MYONG BAR BYED, DE LA REG PA DANG LHAN CIG BYUNG BA'I 'DU SHES GANG GIS KUN TU SHES PAR BYED, REG PA DANG LHAN CIG BYUNG BA'I SEMS PA GANG GIS SEMS PAR BYED SNYAM NA, 'DU SHES NI, 'DI LTA STE, 'DI NI RING NGO SNYAM PA'I MTSAN NYID DO; ;SGRA 'BYUNG BA'I RKYEN 'DI LAS SKYES PA'I SGRA MI GSAL BA DANG, CHUNG BA DANG, CHEN POR SNYAN PA DANG, MI SNYAN PA 'DI 'BYUNG STE, DE SGRA BYUNG BA DE LA SO SOR RIG PAR BYED CING YANG DAG PAR
, ,SEMS PAR BYED LA 'DU SHES KYIS RNAM PAR 'BYED PAR BYED, YID KYIS RNAM PAR SHES PAS RNAM PAR SHES PAR BYED CING TSOR BAS SHES PAR BYED LA, SOM NYIS RNAM PAR DPYOD PAR BYED DO, ,DE RNA BA'I SKYE MCHED LA MNGON PAR ZHEN PA NA RTOG PAR BYED, RTOG PA NA RNAM PAR DPYOD PAR BYED, RNAM BAR DPYOD PA NA SO SO YANG DAG PAR RIG PAR BYED DE, 'DI LA SGRA NGO BO NYID KYIS SNYAN PA'AM, MI SNYAN PA NI MED DO, ,SGRA SNYAN PA'AM, MI SNYAN PA 'DI NI KUN TU RTOG PA TZAM KHO NA STE, SGRA 'DI NI NGO BO NYID KYIS RTAG PA'AM, BDE BA'AM, SNYING PO'AM, BDAG DANG BCAS PA NI MED LA, SGRA SNYAN PA'AM, MI SNYAN PA 'DI NI 'DOD CHAGS ZHE SDANG GTI MUG KHO NA'O SNYAM MO, ,DE SGRA'I SKYE MCHED LA MNGON PAR KUN TU RTOG PA NA, SGRA THOS PA NA RMONGS PA MED CING CHAGS PA MED LA SNYING PO MED PAR RTOGS SO, ,DE RNA BA DANG, SGRA'I SKYE MCHED LA MNGON PAR RTOG PA NA, RNA BA'I RNAM PAR SHES PA LA CHAGS PA MED CING 'DOD CHAGS DANG BRAL BA 'THOB STE, RNA BA'I RNAM PAR SHES PA NI BDAG MA YIN ZHING, RNA BA'I RNAM PAR SHES PA NI BDAG GI MA YIN NO SNYAM MO, ,REG PA DANG, TSOR BA DANG, SEMS PA'ANG DE BZHIN NO, ,YANG DGE SLONG DE SNA DANG, DRI'I SKYE MCHED LA LTA STE, SNA LA'ANG BRTEN, DRI LA'ANG BRTEN, DE SKYED PA YID LA BYED PA LA'ANG BRTEN NAS SNA'I RNAM PAR SHES PA SKYE STE, NYE
BA'AM, RING BA'AM, YID DU 'ONG BA'AM, YID DU MI 'ONG BA'AM, DRI ZHIM PA'AM, DRI MI ZHIM PA'AM, RLUNG GIS KHYER TE 'ONGS PA'AM, KHYER TE MI 'ONGS BA'I DRI SO SOR SNOM MO, ,DE LA SNA'I SKYE MCHED LA PHYI ROL GYI DRI DE SBYOR BAR BYED DE, DE LA GSUM 'DUS PA LAS REG PA, REG PA DANG LHAN CIG SKYES PA'I TSOR BA DANG, 'DU SHES DANG, SEMS PA 'BYUNG NGO, ,DE LA MYONG BA'I MTSAN NYID NI TSOR BA'O, ,SHES PA'I MTSAN NYID NI 'DU SHES SO, ,DE RNA BA DANG, SGRA'I SKYE MCHED THOS NAS NANG GI REG PA'I MTSAN NYID NI REG PA, SHES PA'I MTSAN NYID NI 'DU SHES, DE SEMS PA'I MTSAN NYID 'DU SHES SEMS PAR BYED PA YIN TE, CHOS 'DI DAG NI SKAD CIG MA GCIG LA DMIGS PA YIN LA, BYA BA NI THA DAD PAR RTZOM PA YIN TE, DPER NA, JI LTAR NGO BO MED MI 'DRA BA SA CHEN PO'I CHOS BCU PA LTA BU'O, ,DE BZHIN DU CHOS 'DI DAG THAMS CAD KYI MTSAN NYID THA DAD CING SKAD CIG MA GCIG LA GZHAN BYA BA GCIG RTZOM PA YIN NO SNYAM STE, SNGA MA BZHIN [?], ,DGE SLONG DE SNA DANG, DRI'I SKYE MCHED KYI DE KHO NA NYID SHES PAR DE NYID 'DI LTAR TSOL TE, CI 'DI LA SKYE MCHED 'DI RTAG PA DANG, BRTAN PA DANG, THER ZUG PA MED CING YONGS SU 'GYUR BA YIN SNA DANG, DRI'I SKYE MCHED MI RTAG PA DANG, SDUG BSNGAL BA DANG, STONG PA DANG, BDAG MED PAR SHES LA, DE DAG THAMS CAD LA BDAG MED CING BDAG GI MED DO ZHES RIG NAS SNA DANG, PHRI'I
, ,SKYE MCHED 'DI NI KUN TU RTOG PA KHO NA TZAM YIN LA, DES SO SO'I SKYE BO THAMS CAD BCINGS PA YIN TE, BLO ZHAN PA DAG NI RNAM PA LA SO SOR RTOG GO SNYAM MO, ,YANG DGE SLONG DE LCE'I SKYE MCHED TSOL BAR BYED DE, LCE LA'ANG BRTEN, RO LA'ANG BRTEN, DE SKYED PA YID LA BYED PA LA'ANG BRTEN NAS, LCE'I RNAM PAR SHES PA SKYE STE, GSUM 'DUS PA LAS REG PA, REG PA DANG LHAN CIG SKYES PA'I TSOR BA DANG, 'DU SHES DANG, SEMS PA 'BYUNG NGO, ,DE LA MYONG BA'I MTSAN NYID NI TSOR BA, SHES PA'I MTSAN NYID NI 'DU SHES, REG PA'I MTSAN NYID NI REG PA, SEMS PA'I MTSAN NYID NI SEMS PAR BYED PA YIN TE, CHOS 'DI DAG NI 'DU SHES KYI MTSAN MA LA DMIGS PA YIN ZHING RANG GI MTSAN NYID DANG, SPYI'I MTSAN NYID DU GYUR PA, BYA BA THA DAD PA RTZOM ZHING THAMS CAD KYANG DON GCIG RAB TU BSGRUB PA YIN TE, DPER NA, SHING LA'ANG BRTEN, BSKAM PA LA'ANG BRTEN, THE'U LA'ANG BRTEN, THAB LA'ANG BRTEN, MGAR BA LA'ANG BRTEN NAS LAG PA'I RGYAN SOR GDUB GCIG BYED DE, CHOS DE DAG THAMS CAD KYI MTSAN NYID MI 'DRA BA DE BZHIN DU LCE'I SKYE MCHED KYI CHOS 'DI'ANG, LCE'I SKYE MCHED DANG, RO'I SKYE MCHED BSKYED DO, ,YANG DGE SLONG DE LCE'I SKYE MCHED KYI DE KHO NA NYID MTHONG BA 'DI LTAR RAB TU RTOG PAR BYED DE, LCE'I SKYE MCHED LA RTAG PA'AM, BDE BA'AM, GTZANG
BA'AM, BDAG DANG, BCAS PA CUNG ZAD YOD PA RNAM PA THAMS CAD DU RNAM PAR BSAMS NA GANG MTSAN NYID DE LTA BU DANG LDAN PA'I CHOS CHUNG NGU TZAM YANG MI DMIGS TE, DE LCE DANG, RO'I SKYE MCHED KYI 'DOD CHAGS DANG BRAL LO, ,DE SEMS CAN RGYA MTSO DE DAG THAMS CAD GANG DU ZHUGS SHING CHAGS PA, MI DANG, LHA DANG, SEMS CAN DMYAL BA DANG, DUD 'GRO DANG, YI DVAGS 'GRO BA LNGA PO DAG GCIG LA GCIG GNOD CING ZHUGS TE 'CHING NGO, ,DE LCE DANG, RO'I SKYE MCHED LAS RNAM PAR GROL ZHING 'DOD CHAGS DANG BRAL TE, LCE'I SKYE MCHED DAG LA BDAG MED CING LCE DANG, RO'I SKYE MCHED DAG LA BDAG GI MED DE, BDAG RTAG PA'AM, BRTAN PA'AM, THER ZUG PA MED CING YONGS SU 'GYUR BA'I CHOS CAN YIN TE, LCE DANG, RO'I SKYE MCHED NI MED PA YIN NO SNYAM STE; DE DE LAS KYANG 'DOD CHAGS DANG BRAL LO, ,GZHAN YANG, DGE SLONG DE LUS DANG, REG BYA'I SKYE MCHED LA LTA BAR BYED DE, DE LUS LA'ANG BRTEN, REG BYA LA'ANG BRTEN NAS, LUS KYI RNAM PAR SHES PA SKYE BAR MTHONG STE, GSUM 'DUS PA LAS REG PA, REG PA DANG LHAN CIG SKYES PA'I TSOR BA DANG, 'DU SHES DANG, SEMS PA 'BYUNG STE, CHOS 'DI DAG NI SNGA MA BZHIN DU SHES PAR BYA'O, ,JI LTAR MIG GI DBANG PO'I SKYE MCHED RNAMS BSHAD PA DE BZHIN DU, LUS KYI REG PA'ANG KHONG DU CHUD PAR BYA'O,, ,,'PHAGS PA DAM PA'I CHOS DRAN PA NYE
, ,BAR GZHAG PA, BAM PO LNGA PA, DE NAS GZHAN YANG, JI LTAR NA DGE SLONG DE SKYE MCHED GZUGS CAN BCU BRTAGS NAS CHOS KYI SKYE MCHED KYI DE KHO NA NYID RTOG CING CHOS KYI SKYE MCHED LA LTA BAR BYED CE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS BRTAGS NA, CHOS GANG CHOS KYI SKYE MCHED DU BSDUS PA NI SO SOR BRTAGS PAS 'GOG PA DANG, SO SOR BRTAGS PA MA YIN PAS 'GOG PA DANG, NAM MKHA'O, ,DE LA CHOS GANG CUNG ZAD MED PA'I CHOS DE BSDUS PA NI NAM MKHA' YIN NO, ,SO SOR BRTAGS PAS 'GOG PA ZHES BYA BA NI MYA NGAN LAS 'DAS PA LA SO SOR RTOG PA'I SHES RAB YIN TE, DE RNAM PA DU MA MNGON SUM DU BYAS NAS GNAS SO SOR RTOG PAS NYON MONGS PA SEL ZHING ZAD PAR BYED LA 'JIG PAR BYED, ZAG PA MED PA THAMS CAD LA PHYOGS PAR BYED CING MNGON DU BYED PA YIN NO, ,SO SOR BRTAGS PA MA YIN PAS 'GOG PA NI SO SOR BRTAGS PA MA YIN PA ZHES BYA BA GANG MI SHES SHING SHES PA MED LA, SO SOR RIG PA MED, SHES PA MA YIN ZHING SHIN TU KHONG DU CHUD PA MED LA, RAB TU RTOG PA MED, GZHAN GYI RNAM PAR SHES PA BRGYA PHRAG STONG SKYES PA DAG KYANG 'JIG PAR BYED CING, MIG DANG, RNA BA DANG, SNA
DANG; LCE DANG, LUS DANG, YID KYI RNAM PAR SHES PA DE LA BDAG 'JIG PAR BYED LA, YANG 'BYUNG BAR MI BYED PA GSUM PA 'DI NI SO SOR BRTAGS PA MA YIN PAS 'GOG PA STE, NAM MKHA' DANG, CHOS GSUM PO 'DI DAG NI SKYE BA MED LA RTAG PA DE DAG DUS KYIS MA BSKYED CING SKYE BAR MI 'GYUR LA MI SKYE'O, ,DE NAS GZHAN YANG, JI LTAR NA DGE SLONG DE CHOS KYI SKYE MCHED GZUGS DANG, GZUGS MA YIN PA RNAM PA GNYIS RNAM PAR 'BYED CE NA, DE LA GZUGS CAN BCU NI SKYE MCHED GZUGS CAN YIN NO, ,DE LA JI LTAR NA BSTAN DU MED CING THOGS PA MED PA'I MIG GI RNAM PAR SHES PAS BSTAN DU YOD CING THOGS PA DANG BCAS PA'I GZUGS JI LTAR NA DMIGS PAR 'GYUR, DE BZHIN DU JI LTAR NA RNA BA'I RNAM PAR SHES PA BSTAN DU MED CING THOGS PA MED PAS SGRA 'DZIN PAR 'GYUR, DE BZHIN DU JI LTAR NA SNA'I RNAM PAR SHES PA BSTAN DU MED CING THOGS PA MED PAS DRI 'DZIN PAR 'GYUR, DE BZHIN DU LCE'I RNAM PAR SHES PA BSTAN DU MED CING THOGS PA MED PAS RO RNAM PAR SHES PAR 'GYUR, DE BZHIN DU LUS KYI RNAM PAR SHES PA BSTAN DU MED CING THOGS PA MED PA'I PHYI ROL GYI SKYE MCHED LNGA DANG, GZHAN NANG GI SKYE MCHED LNGA PO 'DI DAG JI LTAR NA BSTAN DU MED CING THOGS PA MED PA DAG GIS BSTAN DU YOD CING THOGS PA DANG BCAS PA'I SKYE MCHED DAG JI LTAR DMIGS
, ,PAR 'GYUR ZHE NA, DGE SLONG DE JI TZAM DU DMIGS PA'I RNAM PAR 'GYUR BA DE TZAM DU RNAM PAR MTHONG ZHING DE RNAM PAR SHES PA SKYE STE, RGYA DANG, RGYA'I 'BUR BZHIN NO, ,DE LA RGYU DE'I MI 'DRA BA MKHA RANG BA DANG, RGYA'I 'JAM PA DANG, RNYI BA DANG, MKHRANG BA DANG, MI MKHRANG BA DE LAS RGYA'I 'BUR 'BYUNG NGO, ,DE BZHIN DU BSTAN DU MED CING THOGS PA MED PA'I RNAM PAR SHES PA BSTAN DU YOD CING THOGS PA DANG BCAS PA LA DMIGS PA 'DZIN TO, ,GSUM PA RGYA'I 'BUR 'BYUNG BA BZHIN DU MI 'DRA BA DE DAG THAMS CAD LAS MI 'DRA BA 'BYUNG STE, DE LTAR MI 'DRA BA LAS MI 'DRA BA 'BYUNG BA NI MTHA' DANG PO YIN NO, ,MTHA' GNYIS PA NI 'DRA BA DAG LAS 'DRA BA 'BYUNG BA YIN TE, DPER NA, THAGS DKAR PO DAG LAS GOS KYI SNAM BU DKAR POR SHES PA LTA BU'O, ,MTHA' GSUM PA NI MI MTHUN PA DAG LAS MI MTHUN PA 'BYUNG BA YIN TE, DPER NA , GTZUB SHING LAS ME 'BYUNG ZHING ME DANG, SHING MI MTHUN PAR MTHONG BA LTA BU'O, ,MTHA' BZHI PA NI SLA BA LAS BSKA BA 'BYUNG BA YIN TE, DPER NA, 'O MA SLA BA LAS ZHO BSKA BA 'BYUNG BA NI JI LTAR 'O MA SLA BA LAS ZHO BSKA BA 'BYUNG BA DE BZHIN DU DNGOS PO MI 'DRA BA MIG GI RNAM PAR SHES PA LA SOGS PA RGYU RKYEN GYI BYE BRAG GIS MIG GI RNAM PAR
SHES PA LA SOGS PA SKYE'O, ,'DIR TSIGS SU BCAD PA, CHOS RTOGS PA LA MNGON DGA' ZHING, ,BSAM GTAN KUN DGAR GNAS LDAN LA, ,DE YI MTSAN NYID SHES PA NI, ,MYA NGAN 'DAS PA MCHOG 'THOB PO, ,BYAMS LA RTAG PAR KUN TU DGA', ,CHOS KYI SPYOD YUL BRTZON BYED CING, ,LUS KYI MTSAN NYID DE SHES PA, ,DE NYID KHO NA DGE SLONG YI, ,GANG GI BLO GROS TSUL BZHIN SEMS, ,'DOD DANG KHRO BAS MI NYAMS PA, ,DGE SLONG DE YIN SHES PAR BYA, ,DE LAS BZLOG NA GZHAN DU 'GYUR, ,'BYUNG PO KUN LA BRTZE ZHING ZHI, ,CHAGS PA THAMS CAD RNAM SPANGS LA, ,'CHING BA KUN LAS NGES GROL BA, ,DE NYID RIG PA DGE SLONG YIN, ,GANG GI RNAM SHES LAS RUNG BZHIN, ,GANG DAG YUL GYIS MI NYAMS PA, ,GSER LA DRI MA MED PA BZHIN, ,DAG PA DGE SLONG ZHES BYA'O, ,GANG GI YID LA DGA' BA DANG, ,MI DGA' BA YIS GOS MED CING, ,SKYON RNAMS THAMS CAD RNAM SPANGS PA, ,DE NI DGE BA'I GTER DU BLTA, , TSUL KHRIMS NYE BAR KHRO MED CING, ,CHOS SPYOD PA DAG DBANG PO THUL, ,SEMS CAN MI DMAN BLO GROS LDAN, ,DE LTA BU NI DGE SLONG YIN, ,GANG DAG BSTAN BCOS BSTAN BCOS DON, , RTAG TU RNAM SHES BLO GROS DGA', ,BZA' BTUNG DAG LA DGA' MED PA, ,ZHI BA'I YID DE DGE SLONG YIN, ,GANG DAG TSAL DGON GTZUG LAG KHANG, ,DUR KHROD DANG NI RTZVA BTING LA, ,
, ,YID NI DGA' BAR BYED PA DAG ,DE LTA BU NI DGE SLONG YIN, ,SKYON RNAMS DE NYID LAS SHES SHING, ,'BRAS BU'I BYE BRAG RIG PA DANG, ,RGYU DANG RKYEN GYI DE NYID SHES, ,SDIG DANG BRAL BA DGE SLONG YIN, ,SDIG PA'I DGON PA BCOM BYAS SHING, ,SKYON BCOM DBANG PO THUL BA DANG, ,YANG SRID DAM PA SHES PA NI, ,ZHI BA'I YID DE DGE SLONG YIN, ,BSNGAGS PAS SNYING LA DGA' MED LA, ,SMAD PAS ZHUM PA MED PA NI, ,RGYA MTSO LTA BUR ZAB PA STE, ,RNAM RIG DGE SLONG ZHES BYA 'O, ,BLO GROS BRTAN PA BDAG MI BSTOD,, SNYAN PAR SMRA ZHING DUS SU SMRA, ,BRKAM MED GRAGS PA MKHAS PA DAG ,DGE SLONG DE NI ZHI ZHES BYA, ,'DOD PA'I KHAMS SU 'GRO BA'I RGYU, ,DE BZHIN GZUGS KYI KHAMS DANG NI,, GZUGS MED KHAMS KYI DE NYID SHES, ,BSTAN RIG DGE SLONG ZHES BYA'O, ,'JIG RTEN GTAM LA CHAGS MED CING, ,GANG GI YUL DAG DUG LTA BU, ,CHAGS PA'I SKYON DAG RTAG 'JOMS PA; ;DGE SLONG DE NI SANGS RGYAS BSTAN, ,GANG GI BLO GROS 'DOD RNAMS LA, ,'DAM LTA BUR NI RTAG TU LTA, ,BRTAN PA BLO GROS NGES GROL ZHING, ,DE NI 'KHOR BA'I 'CHING LAS GROL, , GANG RIG LE LO THAG BSRINGS PA, ,BSAM GTAN KHA TON LAS RUNG ZHING, ,SEMS CAN RNAMS LA PHAN BYED PA, ,DGON GNAS DGE SLONG ZHES BYA'O, ,GANG GI BLO GROS DRIS LAN LDON, ,
SPOBS DANG LDAN ZHING DBANG PO THUL, ,DE NI CHOS KYI GTAM SHES TE, ,GANG DAG BZLOG NA RTZVA DANG 'DRA, ,GANG GI BLO GROS LUS DUB PAS, ,RNAM PA KUN TU SKYO MED CING, ,DON DU BYA BA KUN SHES PA, ,DE NI DGE 'DUN GSOG PA BYED, ,TSOD ZONG PHYIR MIN 'ONGS PHYIR MIN, ,GRAGS PA'I DON DU GA LA ZHIG ,GANG BLO DGE 'DUN DON SEMS PA, ,DE NI 'KHOR BA'I 'CHING LAS GROL,, GANG GI BRTUL ZHUGS MTHO RIS DANG, ,RNYED DANG GRAGS PA'I DON DU MIN, ,THAMS CAD MYA NGAN 'DAS DON BYED, ,DGE SLONG DE NI ZHI ZHES BYA, ,SDIG PA DAG NI RTAG TU SPANGS, ,LEGS PAR BYED LA RTAG DGA' ZHING, ,SDIG PA'I BSHES DANG MI 'DRE BA, ,SANGS RGYAS BSTAN LA DGE SLONG YIN, ,SEMS NI BYAMS PAR BSGOMS BYAS SHING, ,MKHAS PA DRANG PO'I SEMS LDAN LA, , BSLAB PA'I GZHI LA NYAMS MED PA, ,MYA NGAN 'DAS PA YONG MI RING, ,'KHOR BA'I SKYE DANG RGA BA YI, ,'JIGS LAS KHA NI PHYIR PHYOGS SHING, ,BSAM GTAN LDAN LA BAG YOD PA, ,MYA NGAN 'DAS PA YONG MI RING, ,ME RTAG STONG PA BDAG MED DANG, ,BYA BA'I RNAM PA SHES PA DANG, ,BSAM GTAN 'PHEL BA'I RNAM SHES PA, ,MYA NGAN 'DAS PA YONG MI RUNG, ,DE NAS GZHAN YANG DGE SLONG DE SA GZHAN LNGA PA LAS SA GZHAN DRUG PA LA JI LTAR 'JUG CE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES
, ,PA'AM, LHA'I MIG GIS BRTAGS NA, ,DGE SLONG DE MU BZHI PA LA LHAG PAR MOS PA YIN NO, ,JI LTAR NA CHOS 'DI DAG GI RGYU 'DRA BA DAG LAS 'DRA BA 'BYUNG BA DANG; MI 'DRA BA DAG LAS MI 'DRA BA DANG, 'DRA BA MA YIN PA DAG LAS 'DRA BA MA YIN PA DANG, PHYED 'DRA BA DAG LAS PHYED 'DRA BA 'BYUNG, JI LTAR NA RGYU 'DRA BA DAG LAS 'DRA BA 'BYUNG ZHE NA, DPER NA, 'BRU DANG, 'BRU'I RGYUR GYUR PA DAG LAS 'BRU NYID SKYE BA DE BZHIN DU, NANG GI DGE BA'I LAS 'DRA BA DAG LAS 'DRA BA'I 'BRAS BU NYID LHA DANG, MI RNAMS LA DMIGS PA NI MU DANG PO YIN NO, ,RGYU MI 'DRA BA DAG LAS MI 'DRA BA 'BYUNG BA NI, DPER NA, 'O MA LAS ZHO SKYUR BA 'BYUNG BA DE BZHIN DU NANG GI'ANG 'JIG RTEN 'DIR KUN NAS NYON MONGS PA SGRA DANG, REG PA DANG, RO DANG, GZUGS DANG, DRI 'DOD PA SDUG PA DAG BYAS PAS, ZHO SKYUR BA 'BYUNG BA DE BZHIN DU MI 'DOD CING MI SDUG PA YID DU MI 'ONG BA'I 'BRAS BU RNAM PAR SMIN PA SEMS CAN DMYAL BA DANG, YI DVAGS DANG, DUD 'GRO RNAMS LA DMIGS PA NI MU GNYIS PA YIN NO, ,RGYU MI 'DRA BA DAG LAS MI 'DRA BA 'BYUNG PA NI; DPER NA, TSON SNGON PO DANG, BAB LAR SBYAR NA KHA DOG MI 'DRA BA 'BA' ZHIG TU 'GYUR BA DE BZHIN DU NANG GI CHOS LA'ANG LAS DANG, 'BRAS BU RNAM PAR SMIN PA'I LAS DANG,
'BRAS BU MI 'DRA BA 'BYUNG BA STE, LAS DANG, 'BRAS BU MI 'DRA BA NI, DPER NA, LOG PAR LTA BA MCHOD SBYIN PA DAG MTHO RIS 'DOD PA'I PHYIR PHYUGS DAG GSOD DE, DE DAG SEMS CAN DMYAL BAR 'GRO BA NI MU GSUM PA YIN NO, ,RGYU PHYED 'DRA BA DAG LAS PHYED 'DRA BA 'BYUNG BA NI, THAGS PHRA MO DKAR PO NYID LAS SNAM BU DKAR PO STUG PO NYID DU BYED DE, PHRA MO DANG, STUG PO GNYIS MI 'DRA BA NYID DU YOD PA DE BZHIN DU RGYU PHYED 'DRA BA DAG LAS PHYED 'DRA BA 'BYUNG BA NI MI DGE BA'I LAS BSAGS PA PHRA MOR GYUR PA DAG GIS SEMS CAN DMYAL BA CHEN PO DAG BYED PA NI MU BZHI PA YIN NO, ,DGE SLONG DE LAS DANG, 'BRAS BU 'ONG BA DANG, 'GRO BA'I BYED PA'I RJES SU BSAMS PA MTHONG NAS, LAS DANG, 'BRAS BU 'KHOR LO BZHIN DU SRID PAR 'GRO BA'I MU BZHI PA SEMS PAR BYED DE, RIS DANG LDAN PA'I MI LA GNOD PAR BYED PA'I LAS THOB PA MED PA YIN PA DE NI MU DANG PO YIN NO, ,MI LA GNOD PA BYED PA'I LAS THOB PA GANG YIN PA NI MU GNYIS PA YIN NO, , GNOD PAR BYED PA'I LAS THOB PA DANG, MA THOB PA GANG YIN PA NI MU GSUM PA YIN NO, ,GNOD PAR BYED PA'I LAS THOB PA'ANG MA YIN MA THOB PA'ANG MA YIN PA GANG YIN PA NI MU BZHI PA YIN NO; ;RIS DANG LDAN PAR GNOD PAR BYED PA'I LAS THOB PA MED PA GANG YIN PA DE NI YOD DE, DPER NA, 'JIG RTEN PAR GYUR PA DAG RGYU SNGAR MA THOB PAR MI DAG LA GNOD PAR BYED PA LTA BU'O, ,
, ,'JIG RTEN LAS 'DAS PA MIG GI RNAM PAR SHES PA LAS KYI RGYA MTSO THOB PA MED PA'I MI LA 'DOD PA DANG, MYA NGAN LA SOGS PAS GNOD PAR BYED PA NI MU DANG PO YIN NO, , MI LA GNAD PAR BYED PA'I LAS THOB PA GANG YIN PA NI, DPER NA, 'JIG RTEN PA DAG ME'AM, RAL GRI DANG PHRAD NA SREG GO ZHE'AM, GCOD DO ZHES ZER BA LTA BU'O, ,'JIG RTEN LAS 'DAS PA NI MI DGE BA'I LAS THOB NA SEMS CAN DMYAL BA DANG, DUD 'GRO DANG, YI DVAGS RNAMS SU GNOD PA BYED PA NI MU GNYIS PA YIN NO, ,GNOD PAR BYED PA'I LAS THOB PA DANG, MA THOB PA GANG YIN PA NI; DPER NA, 'JIG RTEN PA DAG RIG SNGAGS DANG, DUG GI MTHU THOB PA DANG, MA THOB PA SBYIN PAR BYED PA LTA BU'O, ,'JIG RTEN LAS 'DAS PA NI 'CHI BA'I YUL GYI DUS SU SEMS CAN DMYAL BA RNAMS KYI MTSAN MA'I GZUGS BRNYAN THOB PA NI MU GSUM PA YIN NO, ,GNOD PAR BYED PA'I LAS THOB PA'ANG MA YIN MA THOB PA'ANG MA YIN PA GANG YIN PA NI, DPER NA, 'JIG RTEN PA DAG SMAN GYI SA BON BTAB PA SKYE BAR 'GYUR BA THOB PA'ANG MA YIN MA THOB PA'ANG MA YIN PA LTA BU'O, ,'JIG RTEN LAS 'DAS PA NI, DPER NA, DGE SLONG DGRA BCOM PA LA NGES PAR MYONG BAR 'GYUR BA'I LAS RI RAB TZAM YOD KYANG DGRA BCOM PA MYA NGAN LAS 'DAS TE, DGRA BCOM PA LA YOD PA'I LAS DE DAG THOB PA MED CING GNOD PAR YANG MI 'GYUR LA GROL BA NI MU BZHI PA YIN NO, ,
TSE 'DI LA MYONG BAR 'GYUR LA SKYES NAS MYONG BAR 'GYUR BA MA YIN PA'I LAS NI MU DANG PO YIN NO, ,SKYES NAS MYONG BAR 'GYUR LA, TSE 'DI LA MYONG BAR 'GYUR BA MA YIN PA NI MU GNYIS PA YIN NO,, SKYES NAS MYONG BAR 'GYUR BA DANG, TSE 'DI LA'ANG MYONG BAR 'GYUR BA NI MU GSUM PA YIN NO, ,TSE 'DI LA'ANG MYONG BAR 'GYUR BA MA YIN PA DANG, SKYES NAS KYANG MYONG BAR 'GYUR BA MA YIN PA NI MU BZHI PA YIN NO, ,TSE 'DI LA MYONG BAR GYUR LA, SKYES NAS MYONG BAR 'GYUR BA MA YIN PA'I LAS GAR YIN ZHE NA, DPER NA, 'JIG RTEN PA DAG RGYAL PO LA GNOD PA BYAS NA CHAD PAS GCOD PA NI TSE 'DI LA MYONG BAR 'GYUR BA YIN LA, SKYES NAS MYONG BAR 'GYUR BA MA YIN PA LTA BU'O, ,'JIG RTEN LAS 'DAS PA NI SBYIN PAS DES BSNGAGS PAR 'GYUR BA TSE 'DI LA MYONG BA YOD PA DE DANG 'JIG RTEN PHA ROL TU LHAN CIG MI 'GRO BA NI MU DANG PO YIN NO, ,SKYES NAS MYONG BAR 'GYUR LA, TSE 'DI LA MYONG BAR 'GYUR BA MA YIN PA NI, DPER NA, 'JIG RTEN PA DAG ME DONG DU ZHUGS PAS MTHO RIS THOB PAR 'GYUR RO ZHES ZER BA LTA BU'O, ,'JIG RTEN LAS 'DAS PA NI TSE 'DI LA DGE BA'AM, MI DGE BA BYAS PAS GZHAN DU RGYU DANG, 'BRAS BU MNGON SUM DU MTHONG BA THOB PA NI MU GNYIS BA YIN NO, ,TSE 'DI LA MYONG BAR 'GYUR ZHING SKYES NAS KYANG MYONG BAR 'GYUR BA NI MU GSUM PA YIN TE, DPER NA, 'JIG RTEN PA DAG TSE 'DI LA MYONG BAR 'GYUR BA DANG, SKYES NAS MYONG BAR 'GYUR BA LTA
, ,BU'O; ;'JIG RTEN LAS 'DAS PA NI MU GSUM PA BZHIN NO, ,TSE 'DI LA MYONG BAR 'GYUR BA MA YIN ZHING SKYES NAS KYANG MYONG BAR 'GYUR BA MA YIN PA NI, DPER NA, 'JIG RTEN PA DAG MI SMRA BA'I BRTUL ZHUGS LTA BU YIN TE, MI SMRA BA'I BRTUL ZHUGS DANG, SBYIN PA DANG, TSUL KHRIMS DAG NI TSE 'DI LA MYONG BAR 'GYUR BA YIN NO, ,'JIG RTEN LAS 'DAS PA NI LUNG DU MA BSTAN PA'I SEMS KYI LAS YIN TE, LUNG DU MA BSTAN PA'I LAS DES TSE 'DI LA MYONG BAR 'GYUR BA'I 'BRAS BU RNAM PAR SMIN PA'ANG MI DMIGS SHING SKYES NAS KYANG MYONG BAR 'GYUR BA MA YIN PA NI MU BZHI PA YIN NO, ,DE LTAR DGE SLONG DE PHYOGS GCIG TU 'DUG NAS SEMS CAN DMYAL BA DANG, LHA DANG, MI RNAMS KYI LAS DANG, 'BRAS BU DANG, RNAM PAR SMIN PA'I DRA BA MANG PO YAN LAG DU MA MTHONG NAS YANG DAG PA'I CHOS LA CHOS KYI RJES SU LTA ZHING GNAS SO, ,DE NAS GZHAN YANG DGE SLONG DE LAS KYI 'BRAS BU RNAM PAR SMIN PA SHES PA JI LTA BU YIN ZHE NA, RNAL 'BYOR SPYOD PA CHOS LA CHOS KYI RJES SU LTA ZHING GNAS PA DE, LAS DANG, LAS KYI 'BRAS BU DGE BA DANG, MI DGE BA SHES PA YIN TE, 'DI LTAR SEMS CAN 'DI DAG LUS KYIS NYES PAR SPYOD PA DANG, NGAG GIS NYES PAR SPYOD PA DANG, YID KYIS NYES PAR SPYOD PA DANG LDAN PA NI 'PHAGS PA RNAMS LA SKUR BA 'DEBS SHING LOG PAR LTA BA YANG DAG PAR BLANGS PA YIN
TE; DE RGYU DE DANG, RKYEN DE DAG GIS NGAN 'GRO LOG PAR LTUNG BA SEMS CAN DMYAL BA'AM, DUD 'GRO'I SKYE GNAS SAM, YI DVAGS RNAMS KYI YUL DU SKYE'O, ,GZHAN YANG, SEMS CAN 'DOD DAG LUS KYIS LEGS PAR SPYAD PA DANG LDAN PA DANG, NGAG GIS LEGS PAR SPYAD PA DANG, YID KYIS LEGS PAR SPYAD PA DANG LDAN PA NI 'PHAGS PA RNAMS LA SKUR BA 'DEBS PA MA YIN TE, DE DAG RGYU DE DANG, RKYEN DE DAG GIS LUS DANG BRAL NAS BDE 'GRO LHA RNAMS KYI NANG DU SKYE'O, ,RANG GI LAS DANG, CHOS DANG, RNAM PAR SMIN PAR YANG DAG PA JI LTA BA BZHIN MTHONG BA'I DGE SLONG DE NI GZHAN DAG LAS THOS PA LA RNAM PAR RTOG CING, BDUD KYI DBANG DU SONG BA'I SEMS CAN DAG DANG SPYOD PA MTSUNGS PAR MI SPYOD LA MYA NGAN LAS 'DAS PA'I MTHAR GTUGS PA'I SPYOD PA LA YID 'BYUNG BA DANG, DGE BA DANG, 'KHOR BA'I MTHAR GTUGS PA DANG LDAN PA DANG, 'KHOR BA 'DI LAS JI LTAR BDAG NYID KYIS BDAG DANG, SBYIN BDAG DANG, SBYIN PA PO DAG SGROL BA LTAR GZHAN DAG LA'ANG PHAN GDAGS PA BYED PAR GYUR PAS SPYOD DO, ,CHOS DANG, LAS DANG, RNAM PAR SMIN PA SHES PA'I DGE SLONG DE SEMS CAN DMYAL BA DANG, YI DVAGS DANG, DUD 'GRO DANG, LHA DANG, MI RNAMS KYI LAS DANG, CHOS DANG, RNAM PAR SMIN PA LA RTOG CING DPYOD PAR BYED DE, DPER NA, NOR BU SHIN TU DANG ZHING
, ,GSAL BA, NOR BU BEE d'URYA'I BU GA'I NANG DU SKUD PA BCUG PA SER PO'AM, BTZOD KA'AM, DKAR PO JI LTAR SNANG BA DE BZHIN DU, LAS KYI NOR BU'I NANG DU RNAM PAR SMIN PA'I SKUD PA YOD PA DE DGE SLONG THOS PA LAS BYUNG BA'I SHES PA'AM, LHA'I MIG RNAM PAR DAG PA DES MTHONG NGO, ,YANG DGE SLONG DE THOS PA LAS BYUNG BA'I SHES PAS NOR BU LTA BU'I LAS DANG, CHOS DANG, RNAM PAR SMIN PA MTHONG STE, DPER NA, NOR BU DKAR ZHING SHIN TU DKAR BA GANG ZHIG KUN NAS GSAL ZHING RMA MED LA, DANG ZHING DBUG BZOD PA, LAS SU BYAR RUNG ZHING KUN TU SGOR GYUR LA SKYE BO THAMS CAD KYIS BSNGAGS PA, NOR DANG LDAN ZHING RGYAL PO LA 'OS PA, YON TAN RNAM PA DE DAG DANG LDAN PA'I NOR BU DE RGYAL PO'AM, RGYAL PO'I BUS DE'I YON TAN SHES SHING DE'I RIN SHES PAR GYUR NAS, RGYAN DU BYA BA NAS GDAGS PA'I BAR DU BYAS PA DE BZHIN DU DGE SLONG DE PHYOGS DKAR PO DGE BA BCU'I LAS KYI LAM GYI NOR BU 'DI KUN NAS DKAR ZHING SHIN TU GSAL LA SDIG PA MED PA, KHA NA MA THO BA MED CING DANG LA DBUG BZOD PA, CHOS KYI PHYOGS DANG, GNYEN PO SKYED PA, DRI BA DANG, LAN LDON PA LA CHOS KYI THUR MAS 'BIGS PAR BZOD CING LAS SU RUNG BA SBYIN PA DANG, TSUL KHRIMS DANG, SHES PA DAG JI LTA JI LTAR YONGS SU BSNGO
BAR BYED PA DE LTA DE LTAR DGE BA BCU'I LAS KYI LAM GYI NOR BU 'DI LAS SU RUNG BA NYID DU DE 'KHOR LOS BSGYUR BA'I RGYAL SRID DAM, DE BDUD KYI RGYAL SRID DAM, DE TSANGS PA'I RGYAL SRID DAM; DE ZAG PA MED PA'I BSAM GTAN GYI TING NGE 'DZIN SGOM PA'I RGYAL SRID 'GRUB PAR BYED DE, DE DE LTAR DAM PA'I CHOS KYI NOR BU 'DI LAS SU RUNG ZHING KUN TU SGOR GYUR PA YIN NO, ,KUN TU SGO NI LHA DANG, MI'I SGOR GYUR PA YIN TE, DE LTAR DAM PA'I CHOS KYI KUN TU SGOR GYUR PA NI 'KHOR BA'I GRONG KHYER LAS 'BYUNG ZHING MYA NGAN LAS 'DAS PA'I SGO'I RJES SU 'JUG PA YIN , SKYE BO THAMS CAD KYIS BSNGAGS PA ZHES BYA BA NI YANG DAG PA'I LTA BA DANG LDAN PA SLOB PA RNAMS KYIS BSNGAGS PA'O, ,RGYAL PO LA 'OS PA ZHES BYA BA NI DAM PA'I CHOS KYI LAM BSGRUB PA SHES PA'I SEMS KYI DBANG PHYUG TU RUNG BA'O, ,DER ZHUGS PA ZHES BYA BA NI NOR BU BEE d'URYA DANG, DAM PA'I CHOS KYI NOR BU YON TAN THAMS CAD PHUN SUM TSOGS PA DE DANG, CHOS MTHUN PAR DMIGS PA'O, ,YANG DGE SLONG DE LAS DANG, CHOS DANG, RNAM PAR SMIN PA NOR BU BZHIN DU MTHONG STE, DPER NA, NOR BU GZHAN ZHIG RMA YOD CING THAMS CAD DU BZANG BA MA YIN LA; KUN GYI SGO MA YIN, DKAR BA MA YIN ZHING DBUG TU MI BZOD LA LAS SU BYAR MI RUNG, SKYE BO KUN GYIS BSNGAGS PA MA YIN ZHING, RGYAL PO'AM, RGYAL PO'I BU LA RUNG BA MA YIN PA DE BZHIN
, ,DU GZHAN MU STEGS CAN CHOS KYI GZUGS BRNYAN GYI CHOS KYI NOR BU RMA YOD PA DE'I RMA GCIG PO NI 'JIG TSOGS LA LTA BA DANG, TSUL KHRIMS DANG, BRTUL ZHUGS MCHOG TU 'DZIN PA DANG, THE TSOM YOD PA YIN NO, ,KUN GYI SGO MA YIN PA NI SEMS CAN DMYAL BA DANG, YI DVAGS DANG, DUD 'GRO'I SGO YIN NO, ,NOR DANG MI LDAN PA NI ZAG PA MED PA'I BKRA SHIS DANG MI LDAN PA'O, ,DBUG PAR MI BZOD PA NI LEGS PAR DRI BA DANG LDAN GLAN PA'I CHOS KYI GTAM 'BUGS PA'I MTHUR MAR MI RUNG BA'O, ,RGYAL PO'AM, RGYAL PO'I BU LA 'OS PA MA YIN PA NI SEMS CAN THAMS CAD KYI DBANG PHYUG DAM PA'I CHOS KYI LAM DU ZHUGS PA SKYES BU GANG ZAG BRGYAD RNAMS SU MI RUNG BA STE, RNAM PA DE LTA BU'I CHOS KYI GZUGS BRNYAN CHOS MA YIN PA MGUL DU THOGS SO, ,DE DAG NOR BU DE'I GZUGS BRNYAN GYI NOR BU THOGS NAS SEMS CAN DMYAL BA DANG, YI DVAGS DANG, DUD 'GRO RNAMS KYI 'KHOR BA THOG MA MED PA'I DUS NAS ZHUGS TE YONGS SU 'KHYAM MO, ,DE LTA BAS NA DGE SLONG NOR BU DE LTA BU'I NOR BUR 'GYUR TE, DPER NA, BYIS PA SO SO'I SKYE BO NI BEE d'URYA DANG 'DRA BA'I NOR BU MCHING BU MTHONG NAS BEE d'URYA YIN NO SNYAM DU SEMS PA BZHIN NO, ,DGE SLONG DE CHOS DANG, CHOS MA YIN PA'I BRTAG PA'I DE KHO NA SHES PAS GZHAN BDUN PA LA 'JUG STE, DE LA ZHUGS PA'I BRTUL
ZHUGS BLA MA'I GNOD SBYIN DAG GI MTHONG NAS BAR SNANG LA SPYOD PA'I GNOD SBYIN DAG LA MNGON PAR BSNYAD DO, ,DE DAG GIS KYANG RGYAL PO CHEN PO BZHI LA'O, ,DE DAG GIS KYANG RGYAL CHEN BZHI'I LHA RNAMS LA'O, ,DE DAG GIS KYANG SUM CU RTZA GSUM PA RNAMS LA'O, ,DE DAG GIS KYANG BRGYA BYIN LA'O, ,BRGYA BYIN GYIS NI 'THAB BRAL BA RNAMS LA'O, ,'THAB BRAL BA DAG GIS NI DGA' LDAN PA RNAMS LA'O, ,DGA' LDAN PA DAG GIS KYANG BYAMS PA LA'O, ,BYAMS PAS KYANG 'PHRUL DGA' BA RNAMS LA'O, ,'PHRUL DGA' BA RNAMS KYIS KYANG GZHAN 'PHRUL DBANG BYED PA RNAMS LA DZAMBU GLING DU RIGS KYI BU CHE GE MO ZHIG CES BYA BA SNGA MA BZHIN DU SBYAR RO, ,DE NAS GZHAN YANG, DGE SLONG DE LAS DANG, CHOS DANG, RNAM PAR SMIN PA RNAM PAR RIG BYED MA YIN PA'I 'DU SHES KYI GZUGS BCU GCIG RJES SU JI LTAR MTHONG ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA GANG GI TSE CHOS THAMS CAD KYI BYED PA DANG LDAN PA GANG SDOM PA NYID BLANGS TE, DE PHAN CHAD GNYIS LOG GAM, MYOS SAM, RAB TU MYOS KYANG DGE BA'I CHOS KYI RGYUN NYID RAB TU 'JUG STE, DPER NA, CHU PO'I RGYUN PAR CHAD MED PA RTAG TU 'BAB PA DE BZHIN DU SKYES BU DE GNYID LOG GAM, MYOS SAM, RAB TU MYOS PA'I 'JUG PA'ANG DE BZHIN NO, ,DE LTAR RNAM PAR RIG BYED MA YIN PA'I
, ,GZUGS BSTAN DU MED PA THOGS PA MED PAR 'DOD DO, ,GZUGS DE JI LTA BU YIN ZHE NA, LAS KYI NGO BO YOD PA NYID YIN TE, DE LTA BAS NA GZUGS DE'ANG GZUGS RNAM PA BCU GCIG PO DE DAG YIN LA, DGE BA'I CHOS THAMS CAD KYI RTEN DU GYUR PA YIN NO, ,DGE SLONG DES SEMS CAN 'DI DAG GI GZUGS THA DAD PA, GNAS SKABS THA DAD PA; MING DANG, 'GRO BA THA DAD PA, GNAS KYI RNAM PA THA DAD PA JI LTAR MTHONG ZHE NA, 'DI LTAR DE SEMS CAN DE DAG GI SEMS THA DAD PA, GNAS KYI RNAM PA DANG, MOS PA THA DAD PA DANG, LAS KYI RNAM PA THA DAD PA MTHONG BA DE'I PHYIR GZUGS THA DAD PA DANG, GNAS SKABS THA DAD PA DANG, MING DANG, 'GRO BA THA DAD PA DANG, GNAS KYI RNAM PA THA DAD PA DE DAG NI, DPER NA, RI MO MKHAN NAM, RI MO MKHAN GYI SLOB MA MKHAS PA ZHIG SA YID DU 'ONG ZHING 'JAM LA MKHRANG BA ZHIG MTHONG NAS 'DUG STE, TSON SNA TSOGS DAG GIS RI MO'I RNAM PA SNA TSOGS GZUGS LEGS SHING LEGS PA'I RNAM PA SNA TSOGS SEMS KYI DBANG GIS 'DRI BA DE BZHIN DU SEMS RI MO MKHAN NAM, RI MO MKHAN GYI SLOB MA LTA BU 'DI LHAG PAR MOS PAS KHAMS GSUM GYI SA SHIN TU 'JAM ZHING MKHRANG BA DAG LA LAS KYI 'BRAS BU RNAM PAR SMIN PA DAG GI 'KHOR BA'I SAR GNAS SKABS THA DAD PA DANG, MING DANG, 'GRO BA THA DAD PA DANG, RNAM PA THA DAD PA DANG, SEMS
CAN GYI GNAS KYI RNAM PA THA DAD PA DANG, SEMS RI MO MKHAN LTA BU DES MNGON PAR 'GRUB PAR BYED DO, ,YANG JI LTAR TSON DKAR POS NI GZUGS DKAR POR 'DRI BAR BYED LA, DMAR POS NI DMAR POR 'DRI BAR BYED, SER BOS NI SER POR 'DRI BAR BYED, TSON PHUG RON KHA LTA BUS NI PHUG RON KHA LTA BU 'DRI BAR BYED, NAG POS NI NAG POR 'DRI BAR BYED PA DE BZHIN DU SEMS RI MO MKHAN LTA BU 'DI SEMS KYI DMIGS PA DKAR PO NYE BAR BZUNG NAS ZAG PA DANG BCAS PA 'DOD CHAGS LA SOGS PA'I DRI MA DAG GIS NYON MONGS PA MED PA'I CHOS DKAR PO LHA DANG, MI RNAMS KYI GZUGS DKAR PO MNGON PAR 'GRUB PAR BYED DO, ,RI MO MKHAN GYIS TSON DMAR PO BLANGS NAS, LHA DANG, MI RNAMS KYI GZUGS DMAR PO MNGON PAR 'GRUB PAR BYED DE, DMAR PO ZHES BYA BA NI SGRA DANG, RO DANG, REG PA DANG, GZUGS DANG, DRI SDUG PA DAG GIS RI MO'I GZHI LA TSUL BZHIN DU BYAS PA'O, ,YANG SEMS RI MO MKHAN LTA BU DES TSON SER PO BLANGS NAS DUD 'GRO MNGON PAR 'GRUB PAR BYED DE, DE DAG KYANG SER PO'I DBANG GIS GCIG LA GCIG KHRAG 'THUNG BAR BYED CING SHA ZA BAR BYED LA, GCIG LA GCIG TSON SER PO LTA BUR GYUR PA'I 'DOD CHAGS ZHE SDANG GTI MUG GIS GSOD DO, ,YANG SEMS RI MO MKHAN LTA BU DES TSON PHUG RON KHA LTA BU LA DMIGS PA MTHONG NAS TSON PHUG RON KHA LTA BU'I LAS DRI MA CAN YI
, ,DVAGS KYI 'GRO BA BYED DE, DE DAG KYANG LUS TSAL SHING BSREGS PA LTA BU YIN LA, SEMS RI MO MKHAN LTA BU SER SNA LA DMIGS SHING, GTI MUG RAB RIB KYI SGRIB PA'I DBANG GIS BKRES SHING SKOM, SDUG BSNGAL RNAM PA SNA TSOGS YONGS SU NYAMS PAS ZIL GYIS NON PA YIN NO, ,YANG SEMS RI MO MKHAN LTA BU DES TSON RTZI NAG PO LTA BU'I LAS KYI NGO BO BLANGS NAS SEMS CAN DMYAL BA'I GZUGS NAG PO 'DIR BA LTA BUR DE DAG KYANG LAS NAG POS LCAGS NAG PO'I RA BA 'BAR BAS BSKOR BA DER SKYES TE, LUS NAG PO LA NAD DANG, GNOD PA DANG, BKRES SHING SKOM PA RNAM PA SNA TSOGS KYI GZHIR GYUR CING, RANG GIS NYES PAR BYAS PA GZHAN YANG MTSUNGS PA MED PA'I GNOD PA'I SDUG BSNGAL GYIS NYAM THAG PA YIN NO, ,YANG DGE SLONG RNAL 'BYOR SPYOD PA DE TSON RTZI LNGA'I RI MO'I GZHI LTA BU'I 'KHOR BA KHAMS GSUM DU 'GRO BA LNGAR KUN TU GNAS SHING SA GSUM PO 'DOD PA'I KHAMS KYI SA DANG, GZUGS KYI KHAMS DANG, GZUGS MED PA'I KHAMS LA KUN TU GNAS TE, DE LA SEMS RI MO MKHAN LTA BU DE 'DOD PA BSTEN CING 'DOD PA'I KHAMS LA DMIGS PAS GZUGS RNAM PA NYI SHU RNAM PA SNA TSOGS 'DRI'O, ,'DOD PA'I KHAMS DANG BRAL BA DAG NI GZUGS KYI KHAMS LA DMIGS SHING GNAS PA DE LA BRTEN
PA'I SA'I GNAS SKABS BCU DRUG PO DAG NI BSAM GTAN BZHI'I BAR GYIS GZUGS KYI KHAMS MNGON PAR 'DRI'O, ,GZUGS KYI KHAMS LA DMIGS PA DANG BRAL BA DAG NI SNYOMS PAR 'JUG PA BZHI'I SRED PA LA MNYAM PAR DMIGS PA'I SEMS RI MO MKHAN LTA BUS GZUGS MED PA'I KHAMS MNGON PAR 'DRI STE, KHAMS GSUM GYI GZHI 'DI NI RGYA CHE BA YIN NO, ,YANG DGE SLONG DES SEMS CAN GZHAN GYI SEMS RI MO MKHAN LTA BU RNAM PA GZHAN GYIS MTHONG STE, DE LA SEMS NI RI MO MKHAN LTA BU YIN NO, ,LUS NI RI MO'I TSON RTZI'I SNOD LTA BU YIN NO, ,'DOD CHAGS ZHE SDANG GTI MUG DAG NI LAS BRTAN PAR BYAS PA LTA BU YIN NO, ,DMIGS PA NI KHRI LTA BU YIN NO, ,DBANG PO NI PIR LTA BU YIN NO, ,PHYI ROL GYI YUL SGRA DANG, REG PA DANG, RO DANG, GZUGS DANG, DRI SNA TSOGS DAG NI TSON RTZI SNA TSOGS LTA BU YIN NO, ,'KHOR BA NI RTZIG PA LTA BU YIN NO, ,SHES PA NI SNANG BA LTA BU YIN NO, ,BRTZON 'GRUS RTZOM PA NI LAG PA LTA BU YIN NO, ,LAS KYI 'BRAS BU RNAM PAR SMIN PAS BYAS PA'I GZUGS MANG PO DAG NI RI MO'I GZUGS CHA BYAD DANG, DBYIBS DANG, MDOG DANG, 'BYOR PAR GYUR PA MANG PO DAG LTA BU YIN NO, ,YANG DGE SLONG BSAM GTAN LA ZHUGS PA DE, SEMS RI MO MKHAN LTA BU DE NYID RNAM PA GZHAN GYIS MTHONG STE, DPER NA, GANG RI MO MKHAN DE MGUN TSON RTZI'I RNAM PA LEGS PAR SBYANG BA BYAS PA GSAL BAR 'GYUR
, ,ZHING PIR GYIS YANG DAG YANG DU LEGS PAR 'DRI NA DE'I TSE, GZUGS LEGS PAR 'DIR BA DE BZHIN DU GANG SEMS RI MO MKHAN LTA BU 'DI MGU NA BSAM GTAN GYI BYA BA LA TSON RTZI LTA BU'I BSAM GTAN GYI RNAM PA YONGS SU SBYANG BA BYAS PA TSON RTZI LTA BUR GSAL BAR 'GYUR ZHING PIR GYIS YANG DANG, YANG DU LEGS PAR 'DRI BA LTA BU'I DMIGS PA LUNG PHOG PA YONGS SU SBYANG BA BYAS PAS, 'OG DANG, STENG DU MNYAM PAR 'JOG PA DANG, LDANG BA LA SKYO BA MED NA, SEMS RI MO MKHAN LTA BU DE BSAM GTAN GYI SAR GZUGS LEGS PAR 'DRI'O, ,GAL TE MI DGA' NA SEMS RI MO MKHAN LTA BU DE, SEMS CAN DMYAL BA DANG, YI DVAGS DANG, DUD 'GRO'I SA NGAN PA DER 'GRO BA'I RIS DANG, GNOD PA DANG, LCAGS KYI GTUN SHING PIR LTA BUS MI DGE BA'I TSON RTZI BLANGS NAS SNOD LTA BUR GYUR PA'I SEMS CAN DMYAL BA DANG, DUD 'GRO DANG, YI DVAGS KYI GZUGS DE DUD 'GRO'I 'GRO BA'I GZUGS MA LEGS PA 'DRI STE, RGYA CHER SNGA MA BZHIN DU SBYAR RO, ,YANG DGE SLONG DE SEMS SPRE'U LTA BUR MTHONG STE, JI LTAR SPRE'U NI 'PHYAR BA YIN TE, SHING DANG, LCUG MA DANG, ME TOG DANG, 'BRAS BU DANG, RI BRAGS KYI BUG DANG, SMAN LJONGS THA DAD PA THOGS PA MED PAR 'GRO BA DE BZHIN DU, SEMS SPRE'U LTAR 'PHYAR BA 'DI'ANG TSAL THA
DAD PA LTA BU'I SEMS CAN DMYAL BA DANG, YI DVAGS DANG, DUD 'GRO DAG GI 'GRO BA LNGAR 'GRO STE, SEMS CAN NI SHING LTA BU'O, ,SRED PA'I LCUG MA NI LCUG MA'I RNAM PA DU MA LTA BU YIN RTOG PA NI ME TOG GI YAL GA LTA BU YIN NO, ,SGRA DANG, RO DANG, GZUGS DANG, DRI DANG, RI SUL DANG, BU GA DANG, SPYOD PA SDUG PA DANG, MI SDUG PA'I KHAMS GSUM NI 'BRAS BU LTA BU YIN NO, ,LUS NI PHUG LTA BU YIN NO, ,SEMS SPRE'U LTA BU SEMS CAN DMYAL BA DANG, YI DVAGS DANG, DUD 'GRO DANG, LHA DANG, MI RNAMS KYI GNAS RNAMS SU THOGS PA MED PAR 'GRO STE, SEMS SPRE'U LTA BU DE 'KHOR BA'I SAR 'KHYAM MO, ,YANG DGE SLONG BSAM GTAN LA ZHUGS PA DE SEMS GAR MKHAN LTA BUR MTHONG STE, ,JI LTAR GAR MKHAN DAG CHA BYAD DANG, TSON RTZI DANG, SA DANG, GOS DANG, SIL SNYAN SNA TSOGS DAG THOGS NAS, GAR MKHAN GAR BYED PA DE BZHIN DU, SEMS GAR MKHAN LTA BU 'DI'ANG SA DANG, 'GRO BA'I RIS KYIS SNA TSOGS SU LAS KYIS SPRUL PA'I CHA BYAD SNA TSOGS THOGS SHING RGYU DANG, RKYEN RNAM PA SNA TSOGS 'DZIN PA NI CHA BYAD SNA TSOGS THOGS PA LTA BU YIN NO, ,BYED PA DAG NI SIL SNYAN RNAM PA SNA TSOGS LTA BU YIN NO, , 'KHOR BA GAR MKHAN LTA BU NI RANG GI YUL GAR MKHAN LTA BU YIN TE, GAR NYID KYIS SEMS GAR MKHAN LTA BU 'KHOR BA THOG MA MED CING YUN RING BA RNAM PA SNA TSOGS DU MAR GAR BYED
, ,DO; ;YANG DGE SLONG DE SEMS NYA LTA BU CHU BO'I NYA LTA BUR MTHONG STE, JI LTAR NYA NI RI'I CHU BO 'GYUR ZHING DBA' RLABS 'KHRUGS PA GTING ZAB LA RGYUN DRAG STE, BZOD PAR DKA' ZHING 'BAB PA'I RGYUN GYIS SHING LJON PA MANG PO RTZA NAS 'BYIN PAR NUS LA 'GYUR BA'I SHUGS DRAG PO BZLOG PAR DKA' BA'I LAS MI BZAD PAR 'BYUNG ZHING 'JUG PA DE BZHIN DU, SEMS NYA LTA BU 'DI'ANG SRID PA GSUM GYI DPA' RLABS 'KHRUGS PA NI 'GYUR ZHING DBA' RLABS 'KHRUGS PA LTA BU YIN LA, MNAR MED PAS MCHOG TU ZAB PA NI 'DOD PA'I KHAMS KYI CHU BO RAB MED LTAR GTING ZAB PA YIN, BYIS PA SO SO'I SKYE BO THAMS CAD KYI DGE BA DANG, MI DGE BA'I LAS KYI RGYUN BZOD PAR DKA' BA'I 'GRO BA DAG TU PHA ROL TU 'GRO BA NI RGYUN DRAG PO BZOD PAR DKA' BA LTA BU YIN LA, 'GRO BA LNGA'I CHU BOR RGYU BA'I RGYUN DRAG POS BSKAL PA DU MA TZAM DU 'DREN PAR 'GYUR BA MI BZAD PA NI 'BAB PA'I RGYUD 'GYUR BA'I SHUGS DRAG PA LTA BU YIN, MI RTAG PA NYID KYIS 'GYUR BA'I SHUGS BZLOG PAR DKA' BA NI BZLOG PAR DKA' BA LTA BU YIN TE, SRID PA CHU BO LTA BUR SEMS NYA LTA BU 'BYUNG ZHING 'JUG STE, LHA DANG, MI DAG TU NI 'BYUNG LA SEMS CAN DMYAL BA DANG, YI DVAGS DANG, DUD 'GRO RNAMS SU NI SRED PA CHU BO LTAR SEMS NYA LTA BU 'DUG
GO, ,DE NAS GZHAN YANG, JI LTAR NA DGE SLONG RNAL 'BYOR LA GNAS PA DE LAS DANG, CHOS DANG, RNAM PAR SMIN PA SHES SHING SEMS CAN THAMS CAD SEMS LA RAG LAS PA MTHONG LA , SEMS KYI RNAM PA SEMS KYI DBANG DU GYUR CING SEMS KYIS BSLUS PA MTHONG STE, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES THOS PA LAS BYUNG BA'I SHES PA'AM, LHA'I MIG GIS SEMS CAN THAMS CAD SEMS KYI LAS LA RAG LAS SHING SEMS KYI LAS KYI RNAM PA LA SEMS RAG LAS PA MTHONG STE, KYE MA, 'KHOR BA THOG MA DANG, THA MA MED PA NAS 'GRO BA DU MA RAB TU RGYU BA'I SEMS CAN 'DI DAG JI LTAR 'GYUR SNYAM MO, ,DE THOS PA LAS BYUNG BA'I SHES PA'AM, LHA'I MIG GIS SEMS CAN GYI SEMS KUN NAS NYON MONGS PAS 'CHING ZHING RNAM PAR BYANG BAS 'GROL BAR MTHONG NGO, DE LA SEMS KYI RNAM PA MANG STE, DMIGS PA'I BYE BRAG DANG, NGO BO NYID KYI BYE BRAG DANG, 'GRO BA'I RIS KYI BYE BRAG GIS 'GRO BA RNAMS KYI RNAM PA LNGA'O, ,RTEN BZANG PO'I BYE BRAG GIS DAL 'BYOR DANG LDAN PA DANG, KUN TU SBYOR BA'I 'DU BYED DANG, YANG DAG PAR LDAN PA'I SEMS BAG LA NYAL BA DANG LDAN PA DANG, NAM MKHA'I LA SOGS PA GSUM DANG RTAG TU MI LDAN PA STE, RNAM PA LNGA YIN NO, ,DE'ANG DBANG PO'I BYE BRAG GIS NI DPAG TU MED LA, SRED PA'I GNAS SNA TSOGS KYI BYE BRAG
, ,GIS MDOR NA KUN NAS NYON MONGS PA 'DI'I PHYOGS 'DI NI SEMS LAS BYUNG BA LNGAR 'GYUR RO, ,JI LTAR NA RNAM PAR BYA BA'I SOGS SU 'GYUR ZHE NA, NYON MONGS PA'I RTZA BA GSUM DAG GI GNYEN PO GSUM MA YIN NO, ,'DAS PA DANG, MA 'ONGS PA'I YANG DAG PAR RDZOGS PA'I SANGS RGYAS THAMS CAD KYI GSUNG RAB YANG DAG PA'I LAM STON PA NI, 'DI LTA STE, 'DOD CHAGS LA NI MI SDUG PA'O, ,ZHE SDANG LA NI BYAMS PA'O, ,GTI MUG LA NI RTEN CING 'BREL BAR 'BYUNG BA'O, ,DE LUS LA 'DOD CHAGS SKYE BA NA , DE LUS DE LA DMIGS NAS GNAS SHING RNAM PAR 'BYED DE, RKANG PA DANG, SOR MO DANG, MGO DANG, YAN LAG DANG, NYING LAG RAGS PA'I BAR LA RNAM PAR 'BYED PA NI BDAG GANG YIN, BDAG GI CI YIN ZHES DE RANG GI YAN LAG GI PHYOGS LA RKANG PA DANG, SEN MO LUS THA DAD PAR LTA STE, GANG LA BDAG TU NGA RGYAL 'JUG PA 'DI NI SEN MO DANG, LUS MA YIN ZHING, RKANG PA'I SOR MO LUS SAM, BDAG MA YIN TE, GANG LA BDAG TU NGA RGYAL 'JUG PA 'DI NI, RKANG PA'I MTHIL LUS MA YIN ZHING LONG BU BDAG GAM, LUS MA YIN, RKANG PA'I RTING PA BDAG GAM, LUS MA YIN ZHING BSDUS PA BDAG GAM LUS MA YIN, STA ZUR DANG, DPYI BDAG GAM, LUS MA YIN, GZHANG BDAG GAM, LUS MA YIN, SGAL
PA'I RUS PAR GYUR PA BZHI BCU RTZA LNGA BDAG GAM, LUS MA YIN, LTAG PA BDAG GAM, LUS MA YIN, BZHIN GYI RUS PAR GYUR PA BDAG GAM, LUS MA YIN TE, DGE SLONG DES RNAM PAR PHYE NA DON GZHAN DU GYUR PA'I LUS MA MTHONG ZHING SO SO LA'ANG LUS MA MTHONG LA, RNAM PAR PHYE NA'ANG LUS MA MTHONG NGO, ,MIG DANG, RNA BA DANG, SNA DANG, LCE DANG, LUS DANG, YID LA'ANG LUS SAM, BDAG MI MTHONG ZHING BDAG NYID MED DO, ,DE LTAR LUS RDUL PHRA MO SO SOR RNAM PAR 'BYED DE, DE BDAG GI LUS YUNGS KAR TZAM DANG, PHYI MA LTA BUR MTHONG NGO, ,DE 'BYUNG BA CHEN PO RNAMS RNAM PAR 'BYED DE, BDAG NI GANG ZHIG ,CI SA'I KHAMS BDAG YIN NAM, CHU'I KHAMS BDAG YIN NAM, ME'I KHAMS BDAG YIN NAM, RLUNG GI KHAMS BDAG YIN NAM SNYAM MO, ,DE DON DAM PAR NA BDAG GI KHAMS MA MTHONG ZHING BDAG GI KHAMS MTHONG BA MED PA NA DON GZHAN DU GYUR PA MA MTHONG STE, DPER NA, SHING LJON PA DU MA 'DUS PA LA TSAL DU MTHONG LA SHING LJON PA RE RE LA TSAL MED DO, ,DON DAM PAR NA TSAL ZHES BYA BA SHING LJON PA MA GTOGS PAR TSAL MED LA YANG DAG PAR NA SHING LJON PA'ANG SHUN PA DANG, RTZA BA DANG, YAL GA DAG [?], LO MA DANG, LCUG MA MA GTOGS PAR DON GZHAN DU GYUR PA MED DE, KUN RDZOB TU NI TSAL YOD DO, ,DE LTAR LUS 'DI'ANG LAG PA LA SOGS PA 'DUS PA TZAM 'DI LA KUN RDZOB TU 'DI NI
, ,LUS YIN NO ZHES 'DU SHES 'JUG GO SNYAM NAS DE LUS DE'I CHOS KYI DE KHO NA NYID SHES NAS LUS LA 'DOD CHAGS DANG BRAL ZHING LUS KYI YAN LAG DANG, NYING LAG DAG LA 'DOD CHAGS DANG BRAL BAR 'GYUR RO, ,DE 'DOD CHAGS DANG BRAL NA DGA' PA'I 'DOD CHAGS KYI MOD LAS SKYES PA'ANG 'BYUNG BA'I SRED PAS GNOD PA MED DE, DE LTAR 'DOD CHAGS KYI GNYEN PO LA RAB TU BRTZON NO, ,JI LTAR NA ZHE SDANG GI GNYEN PO LA RAB TU BRTZON ZHE NA, DE BYAMS PA LA GNAS PAR 'GYUR TE, KYE MA, SEMS CAN 'DI DAG NI NYAM NGA BAR ZHUGS PA YIN TE, 'DI LTA STE, 'GRO BA LNGA RNAMS SU SKYE BA DANG, 'CHI BA DANG, 'CHI 'PHO DANG, 'BYUNG BA DAG 'JIGS PA LNGAR ZHUGS SHING SHI BA'I LUS RUS PA LTA BU DE DAG LA MA LTA BUR SNYING RJE SKYE'O, ,RMA LA BA TSVAS BYUGS PA LTA BU'I SEMS CAN SDUG BSNGAL BA 'DI DAG LA JI LTAR KHRO BA SKYED DE SEMS CAN DE DAG NI RANG BZHIN GYIS SDUG BSNGAL BA YIN NO SNYAM STE, DE NYON MONGS PA'I RNAM PA CHEN PO GNYIS PA LA GNAS SO, ,YANG DGE SLONG DE JI LTAR NA NYON MONGS PA CHEN PO GSUM PA SO SOR 'JIG PA LA RAB TU BRTZON ZHE NA, GTI MUG GIS BSGRIBS PA'I SEMS CAN NI LUS KYIS NYES PAR SPYAD PA SPYOD PA DANG, NGAG GIS NYES PAR SPYAD PA SPYOD PA DANG, YID KYIS NYES PAR SPYAD PA SPYOD PA YIN TE, LUS DANG BRAL
NAS DAM 'GRO LOG PAR LTUNG BA SEMS CAN DMYAL BA RNAMS SU SKYE'O, ,GANG GI TSE YANG DAG PA'I LTA BA SNGON DU SONG BAS GTI MUG DANG BRAL BAR 'GYUR BA DE'I TSE LUS KYIS LEGS PAR SPYAD PA DANG, NGAG GIS LEGS PAR SPYAD PA DANG, YID KYIS LEGS PAR SPYAD PA SPYOD PA DE CHOS DANG, CHOS MA YIN PA'I DE KHO NA NYID SHES PAR 'GYUR RO, ,GANG GI TSE CHOS DANG, CHOS MA YIN PA DE DAG GI DE KHO NA NYID SHES SHING, RNAM PAR SHES PAR 'GYUR BA DE'I TSE NYON MONGS PA CHEN PO GSUM PA'I NGO BO NYID MED PAR 'GYUR RO, ,DGE SLONG DE NYON MONGS PA GSUM PO DE DAG GZHIG PA'I GNYEN PO GSUM NI NYON MONGS PA DANG, NYE BA'I NYON MONGS PA THAMS CAD KYI KUN TU SBYOR BA DANG, BAG LA NYAL SO SOR GNAS PA 'JIG PAR 'GYUR BA YIN TE, DPER NA, SHING LJON PA'I RTZA BA BCAD NA SHUN PA DANG, RTZA BA DANG, 'DAB MA DANG, LO MA DANG, SDONG PO DANG, YAL GA DANG, ME TOG DANG, 'BRAS BU LA SOGS PA DE DAG THAMS CAD RUL PA'AM, RNYIS PAR 'GYUR BA DE BZHIN DU GSUM PO DE DAG BCOM NA, NYON MONGS PA THAMS CAD BCOM PAR 'GYUR RO SNYAM MO, ,DE NAS GZHAN YANG, JI LTAR NA DGE SLONG DE SA GZHAN BDUN PA LAS SA GZHAN BRGYAD PA LA 'JUG CE NA, RNAL 'BYOR SPYOD PA DE NANG GI CHOS LA CHOS KYI RJES SU LTA ZHING GNAS PA DE THOS PA LAS BYUNG BA'I SHES PA'AM, LHA'I MIG GIS MTHONG STE, JI LTAR NA DGE
, ,SLONG THOG MA NYID DU 'DI LTAR MIG GIS YANG DAG PA JI LTA BU BZHIN MTHONG ZHING JI LTAR NA MIG GIS RNAM PAR SHES PAR BYA BA'I GZUGS RNAMS LA BYIS PA SO SO'I SKYE BO KUN TU CHAGS SHING RNAM PAR CHAGS LA SHIN TU RMONGS SHIG GU SNYAM NA, DE LA KUN TU CHAGS PA'I GNAS SU 'GYUR BA NI MDZA' BSHES MTHONG BA'AM, GZUGS SAM, BUD MED DAM, DE LAS GZHAN PA MTHONG NA KUN TU CHAGS PAR 'GYUR RO, ,ZHE SDANG GI GNAS SU 'GYUR BA NI 'GRAN ZLAR GYUR PA'AM, 'GRAN ZLA'I GNAS SU 'GYUR BA DAG LA ZHE SDANG BAR 'GYUR RO; ;'DOD CHAGS DANG, ZHE SDANG GIS BSGRIBS PA'I MIG DAG NI YANG DAG PA JI LTA BA BZHIN MI MTHONG STE, GTI MUG GIS BSGRIBS PA'I BYIS PA SO SO'I SKYE BO'I SEMS NI KUN TU RTOG PA TZAM GYI MIG GI RNAM PAR SHES PAR BYA BA LA KUN TU CHAGS SHING RNAM PAR CHAGS LA SHIN TU RMONGS SO, ,SRED PAS BSLUS PA'I MI NI RANG GI 'DOD PA'I RNAM PAR RTOG PAS BDAG NYID LA BDAG NYID KUN TU CHAGS PAR BYED DE, DPER NA, KHYI NI SHA MED PA'I RUS PA BLANGS TE KHAR BCUG GO ,DE 'GRAM SO'I BAR DU RUS PA BCUG PA'I KHA CHU 'DZAG PAS GSHER BA LA ZA LA, DE LA CHAGS PA'I KHYI'ANG RANG GI KHA'I SO'I BAR NAS KHRAG 'ONG STE, DE RUS PA DE'I RO YIN PAR SEMS KYI, RO 'DI NI BDAG NYID
KYI KHRAG LA BDAG NYID MYONG BAR BYED DO SNYAM DU MI SEMS SHING RO LA CHAGS PA'I KHYI DE LCE'ANG ZA'O, ,RO LA CHAGS PA'I BSGRIBS PA RUS PA YIN PAR SEMS PA DE NI KUN TU RTOG PA TZAM KHO NA YIN TE, DE BZHIN DU BYIS PA SO SO'I SKYE BO'I MIG GI RNAM PAR SHES PAR BYA BA'I GZUGS MIG TU SDUG PA'I GZUGS DAG LA KUN TU CHAGS PAR 'GYUR RO, ,DE KHA CHU LTA BU'I RNAM PAR RTOG PAR BLO GROS BSGRIBS PA YIN LA, RNAM PAR DPYOD PA NI RUS PA LTA BU YIN, MIG NI KHAR BA CUG PA LTA BU YIN TE, DE LTA DE LTAR ZA'O, ,DE'I SRED PA NI GANG GIS KHRAG 'DZAG PA LTA BU YIN TE, 'DI NI BDAG GI GZUGS YIN NO SNYAM DU SEMS PA 'DI NI, SRED PA KHRAG GI RO LA CHAGS PA LTA BU YIN TE, DE RO DE LA CHAGS SO, ,DE LA KHYI JI LTA BA BZHIN DU BYIS PA SO SO'I SKYE BO'ANG DE DANG 'DRA, RUS PA JI LTA BA BZHIN DU MIG GI RNAM PAR SHES PAR BYA BA'I GZUGS KYANG DE DANG 'DRA, 'GRAM SOS ZA BAR BYED PA DE JI LTA BA BZHIN DU RNAM PAR RTOG PA'ANG DE DANG 'DRA, SO JI LTA BA BZHIN DU YUL YANG DE DANG 'DRA STE, DE LTA BAS NA MIG GI RNAM PAR SHES PAR BYA BA'I GZUGS RUS GONG LTA BU DAG GIS BYIS PA SO SO'I SKYE BO THAMS CAD RNAM PAR SLU BAR BYED DO SNYAM MO, ,YANG DGE SLONG DE SEMS PAR BYED DE, JI LTAR NA 'KHOR BAR YID BYUNG BA'I DGE SLONG DAG SRED PA'I 'JIGS PAS
, ,'JIGS SHING, 'DOD PA THAMS CAD RAB TU SPONG ZHIG GU SNYAM MO, ,JI LTAR GLANG PO CHE LO DRUG LON PA GLANG PO CHE'I CHO GA SHES PA'I MES BSKOR CING LUS CHEN PO DE SHING THAGS KYIS BSKOR TE, BCING BA LNGA YIS BCINGS NAS BU RAM SHING DANG, LA DU DANG, BU RAM CHANG DANG, BZA' BA DANG, BTUNG BA'I RO MANG PO SBYAR CING, SIL SNYAN DANG, GLU DANG, SGRA DBYANGS DAG GIS DE RNAM PAR 'DUL BAR BYED DE, GANG GIS DE TSAL GYI BDE BA BRJED PAR BYA BA BRJED NAS, DER GLANG PO CHE THA MAL BA DAG DANG LHAN CIG GNAS PAR BYED CING DE GZHAN GYIS BKRIR RUNG BAR BYED DO, ,DE NAS GLANG PO CHE CHO GA SHES PA DES DE LTAR YONGS SU SPYOD PA NA RANG GI TSAL GYI BDE BA 'DOD PA'I GNAS RI DANG, SMAN LJONGS DANG, TSAL DANG, ME TOG DANG, 'BRAS BU DANG, BYA'I SGRA DANG, CHU'I RGYUN DANG, SA PHYOGS DGA' BA RJES SU BSAMS SHING BCINGS PA THAMS CAD KYANG BDE BA DE DAG RJES SU DRAN NAS, BCINGS PA THAMS CAD BCAD DE, GLANG PO CHE'I CHO GA SHES PA'I MI LA'ANG 'DZEM PA MED PAR BYAS, SHING THAGS BTZUGS PA'ANG BCOM, BU RAM SHING GI DUM BU DANG, LA DU DANG, BU RAM CHANG DANG, BTUNG BA'I RO DAG NI 'THUNGS PA GLU DBYANGS DAG GIS GZHAG PAR MA NUS SHING DE'I YID RNAM PAR GDUL BA DANG, DE'I TSAL GYI BDE BA BRJED PAR BYA BAR MA NUS, GLANG PO CHE
THA MAL PA DANG LHAN CIG 'DRA BAR 'GRO BAR MI 'DOD CING YANG TSAL DE DAG DRAN PA DE BZHIN DU RNAL 'BYOR SPYOD PA'I DGE SLONG DE THOG MA MED PA'I DUS NAS ZHUGS PA, 'CHING BA LNGA DAG GIS BCINGS TE, LNGA GANG ZHE NA, 'DI LTA STE, SGRA DANG, REG PA DANG, RO DANG, GZUGS DANG, DRI SDUG PA DAG YIN NO, ,GLANG PO CHE CHO GA SHES PA'I MIS BSKOR BLTA BU GANG ZHE NA, 'DI LTA STE, MIG DANG, RNA BA DANG, SNA DANG, LCE DANG, LUS DANG, YID KYI RNAM PAR SHES PA KUN NAS NYON MONGS PA RNAMS YIN, RANG GI BLO GROS KHYIM GYI, GZEB LTA BUS BSKOR BA NI, 'DI LTA STE, BU DANG, CHUNG MA DANG, KUN DGA' RA BA DANG, BRAN MO DANG, BRAN PHO DANG, LONGS SPYOD DANG, KHYIM GYIS BSKOR BA YIN, BU RAM SHING DANG, LA DU DANG, BU RAM CHOD DANG, BTUNG BA'I RO ZHES BYA BA KUN TU RTOG PA'I LA DU 'DOD CHAGS KYI SKOM ZHES BYA BA DE'I TSIG BLA DVAGS SO, SRED PA LA RNAM PAR CHAGS PAR NI GLU DBYANGS LTA BU YIN NO, ,DGA' BA'I 'DOD CHAGS NI BCINGS PA LTA BU YIN, GLANG PO CHE THA MAL PA DANG 'DRA BAR ZHES BYA BA NI MI THA MAL PA LOG PAR LTA BA GLANG PO CHE ZHES BYA BA DE'I TSIG BLA DVAGS YIN NO, ,LHAN CIG GNAS ZHES BYA BA NI DE DAG DANG LHAN CIG 'JIG TSOGS LA LTA ZHING TSUL KHRIMS DANG, BRTUL ZHUGS MCHOG TU 'DZIN
, ,PA DANG; YANG DAG PAR 'BREL PA MI THA MAL PA'I KHAR SBRANG RTZI LTA BU LOG PAR LTA BA'I GTAM DAG GIS RAB TU DGA' BA'O, ,GZHAN GYIS BKRIR RUNG BA ZHES BYA BA NI 'DOD CHAGS ZHE SDANG GTI MUG GI DBANG DU GYUR PA ZHES BYA BA'I TSIG BLA DVAGS SO, ,GLANG PO CHE'I CHOG SHES PA ZHES BYA BA NI RNAL 'BYOR SPYOD PA ZHES BYA BA DE'I TSIG BLA DVAGS YIN NO, ,YONGS SU SPYOD PA NA ZHES BYA BA NI GTI MUG NYON MONGS PA THAMS CAD DANG 'GROGS PA ZHES BYA BA DE'I TSIG BLA DVAGS SO, ,NGES PAR 'BYUNG BA'I RI DRAN ZHING RI'I SMAN LJANGS ZHES BYA BA NI BSAM GTAN DANG, SNYOMS PAR 'JUG PA ZHES BYA BA DE'I TSIG BLA DVAGS SO, ,ME TOG DANG, 'BRAS BU ZHES BYA BA NI YANG DAG PA'I LAM LA SEMS BSKYED PA'I 'BRAS BUR GYUR BA MYA NGAN LAS 'DAS PA'O, ,BYA'I SGRA ZHES BYA BA NI CHOS KYI GTAM GYI SGRA ZHES BYA BA DE'I TSIG BLA DVAGS SO, ,CHA BO'I RGYUN DGA' BA ZHES BYA BA NI SHES RAB KYI CHU BO ZHES BYA BA DE'I TSIG BLA DVAGS SO, , RGYUN CES BYA BA NI SEMS RTZE GCIG CES BYA BA DE'I TSIG BLA DVAGS SO, ,SA PHYOGS ZHES BYA BA NI TSANGS PA'I GNAS ZHES BYA BA DE'I TSIG BLA DVAGS TE, 'DI LTA STE, BYAMS PA DANG, SNYING RJE DANG DGA' BA DANG, BTANG SNYOMS SO, ,RJES SU BSAMS NAS ZHES BYA BA NI BSAM GTAN GYI BDE BA RJES SU BSAMS MA YIN TE, RNAL 'BYOR SPYOD PA DE GLANG PO CHE'I TSOGS LTA BA'I RJES SU 'GRO'O,,
DE LTA BAS NA GLANG PO CHE LTA BUR RNAL 'BYOR SPYOD PAS BYA YI, KHYI LTA BUR NI MI BYA'O, ,DE NAS GZHAN YANG JI LTAR NA DGE SLONG DES GZHAN BRGYAD PA LAS SA GZHAN DGU PA LA 'JUG CE NA, RNAL 'BYOR SPYOD PA NANG GI CHOS LA CHOS KYI RJES SU LTA CHING GNAS PA DES THOS PA LAS BYUNG BA'I SHES PA'AM, LHA'I MIG GIS BRTAGS NA, KHAMS GSUM PA 'DI DAG THAMS CAD NI MI RTAG PA DANG, SDUG BSNGAL BA DANG, STONG PA DANG, BDAG MED PA DANG, MI GTZANG BA'I SNOD DU GYUR PA 'DOD PA THAMS CAD KYANG MTHONG STE, DPER NA, NAGS TSAL GYI KHROD NA RIGS CHEN PO'I NGAM GROG LA SHING 'BROG SKYE BA SKYON DU MA DANG LDAN PA YIN TE, DE LA 'BRAS BU CHUNG DU YOD PA BLANG BAR DGA' ZHING NYES PA MANG POR 'GYUR BA DANG, NGAM GROG TU LTUNG BA'I NYES PAS SROG LA THE TSOM ZA BAR BYED PA DANG, KHONG STONG GI NYES PAS G-YANG SA'I PHYOGS SU LTUNG BA DANG, SHING MTHON PO LA 'DZEG PA DAG GI SROG CHAD PAR BYED PA'O, ,GAL TE MI BYIS PA SO SO'I SKYE BO RMONGS SHING MUN PAR GYUR PA DAG RO LA CHAGS PA DE 'BRAS BU DE DAG MTHONG NAS, NGAM GROG DANG, G-YANG SA DANG, SHING KHONG STONG MTHON PO LTUNG BA'I SAR 'GRO STE 'CHI BAR 'GYUR BA MI SEMS SO, ,BYIS PA SO SO'I SKYE BO BLO ZHAN PA RO CHUNG DU MYONG BAS PHYOGS PA DE DAG SHING DE LA 'DZEGS SO, ,DE SHING DE LAS 'BRAS BU DAG MA THOB PAR DE'I SROG NI G-YANG SAR GTONG NGO, ,GAL TE RANG BZHIN GYIS THABS GZHAN DANG LDAN PA'AM, DGE BA'I LAS BYED PA KHA CIG NI DE 'DOD
, ,CHAGS KYI RO CHES CHUNG BAS BYIS PA'I BLO'I NYES DMIGS CHES MANG BA BCINGS PAR MTHONG BA DE BZHIN DU, DGE SLONG DES NAGS TSAL GYI KHROD LTA BUR 'GRO BA LNGA'I RIM PA MTHONG NGO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO DRUG PA, NGAM GROG CHEN PO ZHES BYA BA NI NYES PA THAMS CAD NGAM GROG LTA BU YIN NO; ;SHING 'BRA GO ZHES BYA BA NI 'DOD PA'I SHING ZHES BYA BA DE'I TSIG BLA DVAGS SO, ,SKYON BRGYA PHRAG DU MA ZHES BYA BA NI NYON MONGS PA BRGYA PHRAG STONG DU MA STE, DE DAG TSOR BA SDUG BSNGAL ZHES BYA BA'I TSIG BLA DVAGS SO, ,SHING LA YOD PA'I 'BRAS BU ZHES BYA BA NI SGRA DANG, REG PA DANG, RO DANG, GZUGS DANG, DRI SDUG PA 'DOD PA DE DAG LA RNAM PAR CHAGS PA'I BLO ZHES BYA BA DE'I TSIG BLA DVAGS SO, ,BLANG BAR DKA' ZHES BYA BA NI 'DOD PA'I 'BRAS BU BLANG BAR DKA' BA YIN TE, DPER NA, RGYA MTSOR 'JUG PA DANG, MTSON GYIS 'KHRUG PA DANG, RGYAL PO LA BSTEN PA DANG, CHOM RKUN DANG, TSONG PA LA SOGS PA'I NYON MONGS PAS THOB PA BZHIN NO, ,'DOD PA'I 'BRAS BU LTA BU NYES PA MANG PO ZHES BYA BA NI 'DOD CHAGS ZHE SDANG GTI MUG CES BYA BA DE'I TSIG BLA DVAGS SO, ,NGAM GROG DANG, G-YANG SA ZHES BYA BA NI SEMS CAN DMYAL BA DANG, DUD 'GRO DANG, YI DVAGS KYI G-YANG SA ZHES BYA BA DE'I TSIG BLA DVAGS SO, ,
SROG LA THE TSOM ZA BAR 'GYUR ZHES BYA BA NI CHOS KYI SROG CES BYA BA DE'I TSIG BLA DVAGS SO, ,SHING KHONG STONG GI NYES PA ZHES BYA BA NI STONG PA DANG, GSOG DANG, GSEB DANG, SNYING PO MED PA ZHES BYA BA DE'I TSIG BLA DVAGS SO, ,RMONGS PA'I NI 'GRO'O ZHES BYA BA NI BYIS PAR LOG PAR LTA BA ZHES BYA BA DE'I TSIG BLA DVAGS YIN TE, DE LTA BAS NA SKYON MANG PO DU MA 'BRAS BU MED PA'I 'DOD BUM ZHOG CHUNG BA MTHONG NAS DGE SLONG DE 'DOD PA THAMS CAD LA KUN TU RTOG PAR MI BYED DO, ,YANG DGE SLONG DE 'DOD PA ME 'BAR BA LTA BUR MTHONG STE, JI LTAR MAR ME MTHONG NA DGA' LA RAG NA MCHOG TU TSA BA LA, PHYE MA LEB RMONGS PA MAR ME KHA DOG SDUG PAR MTHONG NAS MAR ME DE'I NANG DU SONG BA DANG, DE 'CHI BAR 'GYUR BA DE BZHIN DU 'DOD CHAGS ZHE SDANG GTI MUG GIS BSGRIBS PA'I BYIS PA SO SO'I SKYE BO PHYE MA LEB LTA BU DAG NI 'DOD PA THAMS CAD LA KUN TU DGA' BAR LTA'O, ,MAR ME LTA BU ZHES BYA BA NI GAL TE MAR ME DER LUS SONG BA'I PHYE MA LEB BZHIN DU SEMS CAN DMYAL BA DANG, DUD 'GRO DANG, YI DVAGS RNAMS SU SREG PAR 'GYUR TE, DE LTA BAS NA 'DOD PA DAG GIS CHOG GO SNYAM NAS, DGE SLONG DE 'DOD PA DAG LAS 'DOD CHAGS DANG BRAL BAR 'GYUR RO, ,DE NAS GZHAN YANG, DGE SLONG DE SEMS CAN DAG 'CHING BA GANG GIS BCINGS SHING 'KHOR BAR KUN TU 'KHOR SNYAM NAS, RNAL 'BYOR SPYOD PA NANG GI CHOS LA CHOS KYI
, ,RJES SU LTA ZHING GNAS PA DE THOS PA LAS BYUNG BA'I SHES PA'AM, LHA'I MIG GIS BRTAGS NA, 'JIG RTEN 'DI NI 'CHING BA GNYIS KYIS BCINGS TE, ZAS KYI 'TSOL BA DANG, REG PA'I 'CHING BA'O, ,DE LA ZAS KYI 'CHING BA NI RNAM PA BZHI STE, KHAM GYI ZAS GANG ZHE NA, 'DI LTA STE, MI'I GNAS BZHI DANG, 'DOD PA NA SPYOD PA'I LHA'I RIS DRUG DANG , SEMS CAN DMYAL BA CHEN PO BRGYAD DANG, DUD 'GRO DANG, YI DVAGS KYI PHYOGS GCIG GO ,YID LA BYED PA'I ZAS YOD PA DE DAG MTHONG STE, 'DI LTA STE, GZUGS NA SPYOD PA'I LHA'I BSAM GTAN GYI ZAS SO, ,REG PA'I ZAS NI BYA DANG, MIG GIS LTA BA DAG GI'O, ,DE'I RNAM PA GZHAN NI 'DOD PA'I KHAMS KYI BYIS PA SO SO'I SKYE BO MI DANG, YI DVAGS DANG, DUD 'GRO DANG, SEMS CAN DMYAL BA 'DI DAG THAMS CAD NI 'KHRIG PA'I REG PA LA RAB TU CHAGS PA YIN TE, GANG 'DOD PA LA BSTEN PA DE NI 'DOD PA'I KHAMS SU 'BYUNG NGO, , MNYAM PAR DMIGS PA'I ZAS NI GZUGS MED PA'I SNYOMS PAR 'JUG PA YIN TE, DE LTA BAS NA 'JIG RTEN 'DI NI GNYIS KYIS BCINGS TE, KUN TU SBYOR BA DANG, BAG LA NYAL BA THAMS CAD KYI 'CHING BA DAG LAS DE 'DOD CHAGS DANG BRAL BA MA YIN NO, ,DE MIG GI RNAM PAR RIG PAR BYA BA'I GZUGS RNAMS LA, RNAM PA GZHAN GYIS MIG GIS YANG DAG
PA JI LTA BA BZHIN MTHONG STE, MIG GI 'DUS TE REG PA LAS BYUNG BA GANG YIN PA DE LAS BDE BAR 'GYUR BA DANG, DMIGS PA BDE BA LA RNAM PAR SMIN PA MI BDE BA'I LAS BYUNG BA DE'ANG YANG DAG PA JI LTA BA BZHIN DU MTHONG NGO, ,DE BZHIN DU MIG GI RNAM PAR RIG PAR BYA BA YID MI BDE BAR 'GYUR BA'I GNAS GANG YIN PA DE MIG GI 'DUS TE REG PA LAS BYUNG BA'I SDUG BSNGAL RNAM PAR SMIN PA BDE BA LAS BYUNG BA DE'ANG YANG DAG PA JI LTA BA BZHIN RAB TU SHES SO, ,MIG GI RNAM PAR RIG PAR BYA BA DE GANG YIN ZHE NA, GZUGS LA DMIGS PA BDE BA NI RNAM PAR SMIN PA MI BDE BA YIN TE, 'DI LA NANG GI CHOS LA CHOS KYI RJES SU LTA BA'I MIG GIS TSUL BZHIN MA YIN PA YID LA BYED PA DMIGS PA'I GZUGS MTHONG STE, DA LTAR BYUNG BA'I RNAM PAR SMIN PA BDE BA LA BDE'O ZHES RAB TU SHES SHING, RTOG PAR BYED LA RO MYONG BAR BYED DO, ,YONGS SU 'GYUR BAS RNAM PAR SMIN PA SDUG BSNGAL BA NI SEMS CAN DMYAL BA DANG; YI DVAGS DANG, DUD 'GROR YANG DAG PAR 'GRUB PAR 'GYUR RO, ,GANG DAG DA LTAR BYUNG BA RNAM PAR SMIN PA BDE BA MA YIN PA MA YIN LA YONGS SU 'GYUR BAS RNAM PAR SMIN PA BDE BA'I LAS DE GANG YIN ZHE NA, 'DI LA MIG GI RNAM PAR RIG PAR BYA BA'I GZUGS RNAMS MTHONG NAS MIG GI 'DUS TE REG PA LAS BYUNG BA'I TSUL BZHIN YID LA BYED PA LA MNGON DU
, ,PHYOGS PA'I SEMS DE LA CHAGS PA MED CING YID 'JUG PA MED PA DE NI DA LTAR BYUNG BA LA RNAM PAR SMIN PA SDUG BSNGAL BA YIN LA, YONGS SU 'GYUR BAS LHA DANG, MI'I BDE BAR SKYE ZHING MYA NGAN LAS 'DAS PA'I MTHAR PHYIN PAR 'GYUR RO, ,DE BZHIN DU RNA BA DANG, SNA DANG, LCE DANG, LUS DANG, YID KYI RNAM PAR SHES PA'I CHOS RNAM PAR SHES PA'I CHOS RNAMS LA'ANG SBYAR RO, ,DE NAS GZHAN YANG, JI LTAR NA DGE SLONG DE MIG GIS RIG PAR BYA BA'I GZUGS RNAMS LA BTANG SNYOMS SU GNAS SHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA'I DGE SLONG GI MIG GIS 'DI LA GZUGS MTHONG NAS, MA CHAGS SHING RNAM PAR MA CHAGS LA RNYOG PA CAN DU MA YIN, SMOD PA MED CING DGA' BAR MI BYED LA YID LA MI BYED, TSUL BZHIN MA YIN PA YID LA BYED PAS BSGRIBS PA MA YIN ZHING BTANG SNYOMS PA YIN TE, DE NI BTANG SNYOMS SU 'GYUR BA'I GNAS LA SDUG BSNGAL DANG, BDE BAR 'GYUR BA'I GNAS MI DMIGS SO, ,YANG DGE SLONG DE SA DRUG PA'I RAB TU DBYE BA'I NGO BOS GZHAN BCU PA LA 'JUG STE, 'DI LTA STE, MI LCOGS PA MED PA DANG, BSAM GTAN DANG PO'I SA KHYAD PAR CAN DANG, BSAM GTAN BZHI PA STE, SA DRUG PA'I RAB TU DBYE BA LA 'JUG GO ,DE SKYES NAS 'GOG PAR 'GYUR BA'I LAM 'PHAGS PA'I
LAM YAN LAG BRGYAD PA'I SGO RTOGS SHING KHONG DU CHUD PA'I CHOS SKYE BA DANG, 'JIG PA MTHONG ZHING YANG DAG PAR THOB NAS RAB TU 'BAD DO, ,DE DE LTAR RAB TU 'BAD PA NA SA BLA'I GNOD SBYIN DAG GIS BDUD KYI 'CHING BA PHAL CHER SPA GONG BAR MTHONG NAS DGA' STE, BAR SNANG LA SPYOD PA'I GNOD SBYIN DAG LA MNGON PAR BSNYAD DO, ,DE DAG GIS KYANG RGYAL PO CHEN PO BZHI LA MNGON PAR BSNYAD DO, ,DE DAG GIS KYANG RGYAL CHEN BZHI'I LHA RNAMS LA MNGON PAR BSNYAD DO, ,RGYAL CHEN BZHI'I RIS KYI LHA RNAMS KYIS KYANG SUM CU RTZA GSUM PA RNAMS LA'O, ,SUM CU RTZA GSUM PA RNAMS KYIS KYANG 'THAB BRAL BA RNAMS LA'O, ,'THAB BRAL BA RNAMS KYIS KYANG DGA' LDAN PA RNAMS LA'O, ,DGA' LDAN PA RNAMS KYIS KYANG 'PHRUL DGA' BA RNAMS LA'O, ,'PHRUL DGA' BA RNAMS KYIS KYANG GZHAN 'PHRUL DBANG BYED PA RNAMS LA'O, ,GZHAN 'PHRUL DBANG BYED PA RNAMS KYIS KYANG TSANGS RIS PA RNAMS LA MNGON PAR BSNYAD DE, DE LTAR DZAMBU'I GLING DU RIGS KYI BU CHE GE MO ZHIG CES BYA BA RGYA CHER SNGA MA BZHIN DU SBYAR BA NAS SA GZHAN BRGYAD PA LA 'JUG PA DAG SA DRUG PA'I NANG DU LHAG PAR ZHUGS PA DE TSANGS RIS KYI LHA DAG GIS THOS NAS MCHOG TU DGA' BA BSAM GTAN LA BDE BAR GNAS PAR BTANG STE, KUN TU DGA' BAR GYUR PA'I BAR DE THOS NAS SHIN TU DGA' BAR 'GYUR RO, ,
, ,'DIR TSIGS SU BCAD PA, DGE DANG MI DGE DAG GI LAS, ,BDAG GIS BYAS PA'I LAS KUN GYI, ,'BRAS BU NGES PAR SPYOD 'GYUR TE, ,LUS CAN DAG DANG 'BREL BA YIN, ,NYON MONGS PA NI DANG POR DNGAR, ,RNAM PAR SMIN PA TSA BA YI, ,DE DAG DON MED BYED PAS NA, ,DUG DANG 'DRA BA SPANG BAR BYA, ,NYON MONGS DBANG DU MI 'GRO ZHING, , YE SHES DBANG DU 'GRO BYA STE, ,YE SHES LDAN PAR TSE 'DI DANG, ,PHA ROL DAG TU BDE BA 'THOB, ,JI LTAR RTZVA LA MES BSREGS BZHIN, ,SHES PAS RTAG TU NYON MONGS GZHOM, , TSANGS PA DKON MCHOG GSUM STON PA, ,YE SHES ME LCE MCHOG YIN NO, ,GANG DAG YE SHES SPYOD YUL DGA', ,DE DAG ZHI BA'I LAM LA GNAS, ,GANG DAG NYON MONGS SPRUL BSREGS PA, ,DE DAG THAMS CAD ZHIG PAR GYUR, ,DPA' BO GANG DAG PHAN TSUN SHES, ,MKHAS PA DE NYID MTHONG BA NI, ,DE DAG GNAS NI DAM PAR 'GRO, SKYE DANG 'CHI BA SPANGS PA YIN, ,GANG DAG 'KHOR LA MNGON DGA' ZHING, ,MGU BA NYON MONGS DGRA DAG GIS, ,RTAG TU BCINGS PAS BCINGS PA STE, ,DE DAG SRED PA NYAM NGAR 'KHYAM, ,GANG DAG NGES 'BYUNG BLO YOD CING, ,GANG DAG RTAG TU ZHI SPYOD PA, ,DE NI LHA YI RIS DAG GI, TSANGS PA'I 'JIG RTEN 'BYUNG BAR 'GYUR, ,'DOD LA SOGS LA GANG SDANG BA, ,SANGS RGYAS
LA SOGS RTAG TU MCHOD, ,SHING SKAM ME YIS BSREGS PA LTAR, ,DE NI 'KHOR BA 'JIG PAR BYED, ,GANG DAG SEMS KYI DBANG MI 'GRO, ,RTAG TU DE RJES SEMS 'GRO BA, ,MUN LA NYI MA SHAR BA LTAR, ,DE NI NYON MONGS NGES PAR 'JOMS, ,SEMS NI DGRA NANG DGRA CHEN TE, ,DE LAS GZHAN PA'I DGRA MED DO, ,RI NI DUS SU BSREGS PA LTAR, ,SEMS CAN RTAG TU SEMS KYIS BSREGS, ,BYIS PA [?] BLUN PO SEMS DBANG SONG, ,DBANG PO MA THU LA GANG YIN PA, ,DE YI SDUG BSNGAL ZHI MED CING, ,DE YI MYA NGAN 'DAS PA RING, ,SDUG BSNGAL SDUG BSNGAL RNAM SMIN DANG, ,SDUG BSNGAL RGYU NI RNAM SHES PA, ,KUN NAS NYON MONGS 'DUS PA YI, ,'CHING BA THAMS CAD 'JIG PAR BYED, ,SNANG BA'I NANG NA SHES PA MCHOG, ,MUN PA'I NANG NA GTI MUG STE, ,DE LTAR GANG ZHIG SNANG LA DGA', ,DE NI MKHAS PA ZHES BYA'O, ,DON RNAMS MCHOG KUN MED BYED PA, ,DPA' BOS GTI MUG RNAM PAR SPONGS, ,GANG ZHIG GTI MUG DBANG SONG BA, ,DE LA ZHI BA MED PA YIN, ,GAL TE CHE BAR DAG 'DOD NA, ,ME YIS REG PAR GYUR KYANG RUNG, ,SPRUL DANG LHAN CIG 'DUG KYANG SLA'I, ,NYON MONGS LHAN CIG SBYOR MI BYA, ,BDUD RTZI'I NANG NA SHES PA MCHOG, CHE BA'I NANG NA GTER MCHOG YIN, ,GNYEN GYI NANG NA GNYEN MCHOG STE, ,NOR GYI NANG NA NOR MCHOG GO, DE LTA BAS NA YE SHES MES,,
, ,RTAG TU NYON MONGS RI BSREG GO, NYON MONGS RI DAG BSREGS PA NI, ,BDE BA'I GZHI LA GNAS PA YIN, ,MI GANG BLO NI ZHAN PA DAG, CHOS MA YIN PA NYON MONGS GZEB, ,'KHOR BA DAG LAS MA BRGAL BA, ,MUN PA MUN NAG NANG DU 'JUG ,GANG DAG CHOS LA BLO RTAG PA, ,DE DAG DAM PA RTAG TU MCHOD, ,DE DAG TSE RABS 'BRAS BUR LDAN, ,DE DAG BLO YIS GCE BA MED, ,DE LTAR DGE SLONG DE CHOS DANG, ,CHOS MA YIN PA DE DAG GI RNAM PA YANG DAG PA SHES PAR GYUR NAS GNAS TE, ,DE LTAR DE SHIN TU DRI MA MED PA'I SEMS KYIS TSE 'BUM PHRAG DU MA'I 'KHOR BA'I RI'I RTZE MO 'JIG PAR BYED CING SPONG BAR BYED LA 'JOMS PAR BYED DE, YANG 'BYUNG BAR MI BYED, DE'I NYON MONGS PA'I NGAG 'JOMS PAR BYED CING, DE'I MYA NGAN LAS 'DAS PA'I MTHAR BYED DO, ,DE NAS GZHAN YANG, DGE SLONG DE LAS KYI CHOS KYI RNAM PAR SMIN PA GZHAN RJES SU SEMS PAR BYED DE, JI LTAR NA NYES PAR BYAS PA'I SEMS KYI RGYU'I RGYUN RNAM PA DU MA CHU BO'I RGYUN LTAR 'BAB PA'I SEMS CAN RNAMS KYIS NYES PAR BYAS PA'I LAS KYI 'BRAS BU'I SA MNGON DU GYUR PA SEMS CAN DMYAL BA'I TSOR BA MI BZAD PA TSAB RTZUB PA DAG MYONG BAR 'GYUR SNYAM NAS NANG GI CHOS KYI RJES SU LTA BA DE LEGS PAR BYAS PA DANG, NYES PAR BYAS PA'I DE KHO NA NYID DPYOD PA'I BLOS RTOG PAR BYED DE, KYE
MA, SROG CHAGS 'DI DAG NI SEMS KYIS BSLUS SHING SRED PAS BSLUS NAS YANG SOS DANG, THIG NAG DANG, BSDUS GZHOM DANG, NGU 'BOD DANG, NGU 'BOD CHEN PO DANG, TSA BA DANG, RAB TU TSA BA DANG, MNAR MED PA'I GNOD PA'I NYEN 'KHOR GYI SEMS CAN DMYAL BAR JI LTAR SKYE BAR 'GYUR, 'DI LTAR LAS MNGON SUM DU GYUR PA SEMS CAN DMYAL BA'I 'KHOR NI GANG ZHIG, SEMS CAN DMYAL BAR LAS GANG GIS SROG CHAGS RNAMS SEMS CAN DMYAL BA'I 'KHOR DU 'GRO SNYAM NAS, DGE SLONG DES THOS PA LAS BYUNG BA'I SHES PA'AM, LHA'I MIG GIS BRTAGS NA SEMS CAN DMYAL BA CHEN PO YANG SOS NA YOD PA'I 'KHOR GYI MING NI, 'DI LTA STE, MI GTZANG BA'I 'DAM DANG, LCAGS KYIS BSGYUR BA DANG, SNOD DU BTZO BA DANG, GNOD PA RNAM PAR MA ZHI BA DANG, MUN PA DANG, KUN TU MI DGA' BA DANG, TSOR BA BDO BA DANG, NAD THAMS CAD PA DANG, MTSON 'BAB PA DANG, GNOD PA DRAG PA DANG, NE'U LE NAG PO LTA BU DANG, GZHAN DU 'GYUR BA DANG, SDUG BSNGAL GYIS GNOD PA DANG, PADMA'I PHRENG BA DANG, MTSE'U DANG, GNOD PA MTHO BA STE, YANG SOS KYI 'KHOR BCU DRUG YIN NO, ,DE LA LAS GANG GIS SEMS CAN DMYAL BA YANG SOS KYI 'KHOR DU SKYE BAR 'GYUR SNYAM NAS, DGE SLONG DES THOS PA LAS BYUNG BA'I SHES PA'AM, LHA'I MIG GIS BRTAGS NA SROG GCOD PA KUN TU BSNYEN CING BSGOMS
, ,TE MANG DU BYAS PA'I LAS DANG, LAS KYI NYER BSDOGS DANG, LAS KYI MJUG DANG LDAN PAS SEMS CAN DMYAL BA YANG SOS SU SKYE BAR 'GYUR TE, 'DI LTAR SROG GCOD PA CHEN PO DANG, 'BRING DANG, THA MAS GNOD PA CHEN PO DANG, 'BRING DANG, THA MAR 'GYUR RO, ,DE LA SEMS CAN DMYAL BA CHEN PO NI MI TSUL KHRIMS DANG LDAN PA'AM, SDOM PA BLANGS PA'AM, TSUL KHRIMS KYI PHYOGS SPYOD PA'I SEMS CAN GZHAN SEMS CAN DU'ANG SHES LA BSAMS BZHIN DU SROG BCAD DE LAS KYI MJUG KYANG GSOG CING 'CHAGS PAR MI BYED LA SEMS 'GYOD PAR MI BYED, GZHAN DAG LA'ANG RUNG BAR RJOD CING PHYIR ZHING BYED, GZHAN DAG KYANG SROG GCOD PA DE LA GCOD DU 'JUG CING RAB TU SPRO BAR BYED, DGA' BAR BYED CING RAB TU GNAS PAR BYED LA SLOB PAR BYED, GZHAN DAG GIS BYAS PA LA RJES SU YI RANG BAR BYED PA'I MI GTI MUG CAN YANG DANG, YANG DU BYED PA'O, ,DE SEMS CAN DMYAL BA'I GNAS DER SKYE BAR 'GYUR TE, MI RNAMS KYI LO LNGA BCU GANG YIN PA DE NI RGYAL CHEN BZHI'I NYIN ZHAG GCIG GO ,BGRANG BA'I TSUL JI LTA BU'I NYIN ZHAG SUM CU LA ZLA BA GCIG GO, ZLA BA BCU GNYIS LA LO GCIG STE, RGYAL CHEN BZHI PA DAG NI LO LNGA BRGYAR 'TSOL DE NI SEMS CAN DMYAL BA CHEN PO YANG SOS KYI NYIN ZHAG GCIG YIN NO, ,SDIG PA THA MA DANG, 'BRING DANG, CHEN POS
TSE THUNG DU DANG, 'BRING DANG, RING POR 'GYUR TE, DUS MA YIN PAR 'CHI BA NI YOD DO, ,GAL TE SDIG PA'I SA 'OD MI ZAD PA BYAS NA DE 'KHOR GCIG GAM, GNYIS SAM, GSUM MAM, BZHI'AM, LNGA'AM, DRUG NAS DE BZHIN DU 'KHOR BCU DRUG GI BAR DAG TU SMIN PAR 'GYUR BA NAS SDIG PA'I LAS BCOM ZHING BSAL LA ZAD PAR MA BYAS KYI BAR DU 'BYUNG NGO, ,SEMS CAN DMYAL BA GZHAN DAG GI LO LNGA BRGYA NI LHA'I BGRANG BA'I TSUL DANG MTHUN TE MI'I NI MA YIN NO, ,DE NAS GZHAN YANG, JI LTAR NA DGE SLONG DE SEMS CAN DMYAL BA'I 'KHOR DAG GI LAS MNGON SUM DU GYUR PA YIN ZHE NA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA DES SEMS RI MO MKHAN LTA BUS RI MO LTA BU'I RANG GI LAS KYI 'BRAS BU'I SA'I CHA SEMS KYI BSAM PA'I GNAS KYI RNAM PAR GNOD PA BYE BA KHRAG KHRIG 'BUM PHRAG DAG GI 'JIGS PA GZHAN DANG MTSUNGS PA MED PA'I SEMS CAN DMYAL BA YANG SOS KYI 'KHOR DAG RAB TU 'BYED PAR BYED DO, ,LAS GANG GIS 'KHOR MI GTZANG BA'I 'DAM DU SKYE BAR 'GYUR SNYAM NAS DE THOS PA LAS BYUNG BA'I SHES PA'AM, LHA'I MIG GIS BRTAGS NA MI GTZANG BA'I 'DAM DU SKYE BAR 'GYUR BA NI, MI DGE BA'I LAS KYI SA BON DU GYUR PA SROG GCOD PA YIN TE, GAL TE 'DOD CHAGS KYIS BYED NA BYA YIS BYA LA'AM, MIG DUD KA LTA BUS MIG DUD KA LTA BU LA'AM, DUD KA LTA BUS DUNG KA LTA BU LA'AM, RGYA'AM, GDOS KYIS RI
, ,DVAGS DANG, RI DVAGS DAG GSOD PAR BYED LA, 'CHAGS PAR MI BYED CING, LAS KYI NYER BSDOGS DANG, LAS KYI MJUG GSOG PA SNGA MA BZHIN DU SBYAR TE DE DE BSKYE BAR 'GYUR RO, ,DE'I GNOD PA'I PHYOGS GCIG TU 'GYUR BA NI, 'DI LTA STE, MI GTZANG BA'I 'DAM GYI 'KHOR DU MI GTZAD PA RAB TU 'BAR BA RO TSA BA ZANGS BZHUS PA LTA BU DANG LDAN ZHING SRIN BU MCHU RDO RJE LTA BU DANG LDAN PA DAG GIS KUN TU GANG STE, DE GAL TE MI GTZANG BA DE DAG ZA NA, DE'I SRIN BU DE DAG GIS LUS DE'I NANG DU SONG STE SNGAR MCHU ZA'O, ,PHYIS LCE ZA STE, DE'I 'OG TU RKAN ZA, RKAN GYI 'OG TU AOL GONG, AOL GONG GI 'OG TU SNYING, SNYING GI 'OG TU MCHIN PA, MCHIN PA'I 'OG TU MCHER PA, MTSER BA'I 'OG TU B'AR SHMA, B'AR SHA'I 'OG TU B'A KSHA LI KA, B'AKSHA LI KA'I 'OG TU MNYE MA, GNYE MA'I 'OG TU RGYU MA, RGYU MA'I 'OG TU LONG KA'I NANG DU SONG NAS GNAD THAMS CAD DANG, SO SO'I GNAD RGYUS PA DANG, SHA DANG, GLO BA DAG STE, MI GTZANG PA'I LUS LAS SRIN BU 'BYUNG BA DE DAG GIS PA'O, ,DE SEMS CAN DMYAL BA'I TSOR BA TSAB, RTZUB PA, MI BZAD PA, MI'I BGRANG BA'I TSUL GYIS LO DU MA LO 'BUM PHRAG DU MAR TSOR BA MYOR BAR 'GYUR TE, JI TZAM DU SDIG PA BYA'I SROG GCOD PA NI BYAS GSOD, SROG CHAGS DUD KA LTA BU NI DUD KA LTA BUS GSOD, RGYA DANG, GDOS KYIS RI DVAGS GSOD PA RDON PA SPYOD PA'I
NGANG TSUL CAN NI DE DAG GIS GSOD CING, DE DAG GIS DBANG DU BYAS NAS ZA STE, DE'I LAS KYI 'BRAS BU RNAM PAR SMIN PAS JI LTAR DE DAG GIS DE ZOS PA DE LTAR SRIN BU DE DAG GIS DE'I NANG DU SONG NAS ZA'O, ,RANG GI LAS DGE BA DANG, MI DGE BA'I 'BRAS BU 'DRA BA NI GANG GI TSE DE'I SDIG PA'I LAS BCOM ZHING SPANGS PAR GYUR NA, DE DE'I TSE MI GTZANG BA'I 'DAM GYI 'KHOR GYI SEMS CAN DMYAL BA LAS THAR BAR 'GYUR ZHING, SEMS RI MO MKHAN LTA BU DE'ANG RI MO BRIS PA LTA BU 'JIG PAR 'GYUR RO, ,DE DE LAS THAR NAS GAL TE LAN GRANGS GZHAN LA MYONG BAR 'GYUR BA'I LAS SU MI 'GYUR NA DE DUD 'GRO BYAR SKYE BAR 'GYUR TE, DE BYA DER GYUR NAS DE BZHIN DU BYA DES GSOD DO, ,RI DVAGS SU GYUR NA'ANG DES SNGON JI LTAR RGYA'AM, ,GDONGS DAG GIS BYA'AM, RI DVAGS DAG BSAD PA'I LAS KYI 'BRAS BU DES SEMS CAN DMYAL BAR SMIN PA'I RGYU MTHUN PA'I 'BRAS BUS DUD 'GROR SKYE'O, ,GAL TE LAN GRANGS GZHAN LA MYONG BAR 'GYUR BA'I LAS KYIS LHA'AM, MIR SKYES NA LAS DE DANG RGYU MTHUN PAR DE TSE THUNG BAR 'GYUR RO, ,DE NAS GZHAN YANG, DGE SLONG DE SEMS CAN DMYAL BA YANG SOS KYI 'KHOR GNYIS PA LCAGS KYIS BSGYUR BA ZHES BYA BA LA RTOG PAR BYED DE, SROG GCOD PA'I LAS GANG GIS DER SKYE BAR 'GYUR SNYAM NAS, DE THOS PA LAS BYUNG BA'I SHES PA'AM, LHA'I MIG GIS BRTAGS NA, GAL TE RNYED PA
, ,DANG, BTZONG PA DANG, BLANG BA'I RGYU'I SEMS CAN DAG SROG GCOD PAR BYED DE, MTSON GYIS GZHAN BSAD CING SROG DANG PHRAL NA, DE RGYU DE DANG, RKYEN DE DANG, GZHI DE 'CHAGS PAR MI BYED CING RAB TU SPRO BAR BYED PA'I LAS DANG, LAS KYI NYER BSDOGS BYAS PA NI SNGA MA BZHIN DU SBYAR TE, LUS DANG BRAL NAS NGAN 'GRO LEGS PAR LTUNG BA SEMS CAN DMYAL BA LCAGS KYIS BSGYUR BAR SKYE BAR 'GYUR RO, ,DE NA LCAGS KYI RAB RAB TU 'BAR BA 'PHANG DU DPAG TSAD BCU YOD PA SEMS CAN DMYAL BA'I MES RAB TU 'BAR TE, DE'I DRUNG NA MI DAG GI ME NI SPRIN DANG MTSUNGS SO, MTSON RAB TU 'BAR BA'I SHUGS KYIS KYANG DE DAG GI LUS LA RAB TU 'BAB STE, GANG GIS LUS DE DAG YUNGS KAR TZAM DU GCOD CING 'JIG ,SREG CING GSHEG GO, THAMS CAD DU MTSON GYI CHAR RAB TU 'BAB STE, DPER NA, DZAMBU GLING DU DUS SU CHAR GYI RGYUN 'BAB PA LTAR PHYOGS BCUR MTSON GYI CHAR GYIS MNGON PAR KHEBS TE, GANG GIS SEMS CAN DMYAL BA DE DAG GSHEGS KYANG 'CHI BAR NI MI 'GYUR RO, ,DE'I SDIG PA'I LAS KYI 'BRAS BU RNAM PAR SMIN PAS YAN LAG RNAMS BCAD CING GTUBS PA DANG, RAB TU DU'O, ,LCAGS KYIS BSGYUR BA'I SEMS CAN DMYAL BA DE NA RAL GRI LO MA LTA BU'I TSAL YOD DE, STENG DANG, 'OG GI SO RNO BA, BA TSVA LTA BU'I TSAL DE RGYANG RING PO NAS TSAL NAG
PO'I PHUNG PO LTA BU MTHONG NAS, DE DAG BKRES PA DANG, SKOM PAS GDUNGS PA KUN TU RGYUG CING CHO NGES 'DBES PA NA DE GANG DU ZHUGS PAR GYUR PA DE DAG KUN NAS MTSON GYI CHAR GYIS RNAM PAR GSHEG PAR BYED DO, ,DER LAS KYI RGYU NI PHYUGS DE DAG LA ZAS KYIS BRID NAS BSLUS PA DE'I LAS DE DANG, 'BRAS BU DE NI 'DI LTAR SEMS RI MO MKHAN LTA BUS SEMS CAN DMYAL BA'I RI MO'I GZHI LA SEMS CAN DMYAL PA PA'I MI DGE BA'I LAS MNGON PAR 'DRI BA DE LTA DE LTAR SEMS CAN DMYAL BAR 'GRUB PA'I LAS SO SOR MYONG BAR 'GYUR RO, ,DER SEMS CAN DMYAL BA DE DAG JI TZAM DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU, LO 'BUM PHRAG DU MAR GSHEGS PAR BYED DE, GANG SEMS RI MO MKHAN LTA BU DES MNGON PAR 'DRI BA NI SNGA MA BZHIN NO, ,DE NAS GZHAN YANG, DGE SLONG DE YANG SOS KYI 'KHOR GSUM PA SNOD DU GTZO BA ZHES BYA BA DE'I LAS KYI 'BRAS BU RNAM PAR SMIN PA LA RTOG PAR BYED DE, LAS GANG ZHIG GIS DER SKYES PAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA SEMS CAN RNGA MO'AM, PHAG GAM, M'A TA LA KA'AM, RI BONG DU GYUR PA'AM, M'A RO LA KA 'AM, DRI SHYA BHU TE GSON PA DAG BZA' BA'I DON DU SPU DBYI BAR BYA BA'I PHYIR DER 'JUG CING RAB TU BSKOL TE, 'JOG PAR BYED PA DE DAG LUS DANG BRAL TE, SHI NAS NGAN 'GRO LOG
, ,PAR LTUNG BAR SA BON DANG MTSUNGS PA'I 'BRAS BU SNOD DU BTZO BAR 'GYUR RO, ,DE RAB TU BTZO BA LCAGS KYI SNOD KYI NANG DU RAB TU BCUG NAS SRAN MA MUD KA BZHIN DU 'TSED DE, LO 'BUM PHRAG DU MAR SEMS CAN DMYAL BA PA'I ME MI BZAD PAS 'TSED DO, ,SEMS RI MO MKHAN LTA BU'I GZHI BCOM ZHING SPANGS TE ZAD PAR BYAS NA DE DE LAS YONGS SU THAR BAR 'GYUR TE, SEMS CAN DMYAL BA MYONG BAR 'GYUR BA DANG, LAN GRANGS GZHAN LA MYONG BAR 'GYUR BA DANG, SKYES NAS MYONG BAR 'GYUR BA'I 'BRAS BU NI SNGA MA BZHIN DU SBYAR TE, GANG LHA DANG, MI'I BAR DAG TU SKYE BAR 'GYUR LA DE TSE THUNG BAR 'GYUR RO, ,DE 'KHOR SNOD DU BTZO BA MTHONG NAS YANG DAG PA JI LTA BA BZHIN NANG GI CHOS LA CHOS KYI RJES SU LTA ZHING GNAS PA'I DGE SLONG DE JI LTAR NA SEMS CAN DMYAL BA'I 'KHOR LA LTA ZHE NA, DE THOS PA LAS BYUNG BA'I SHES PA'AM, LHA'I MIG GIS BRTAGS NA, 'DI LTAR DGE SLONG DE NI MCHOG TU DPA' BA, BDUD KYI SDE MNGON PAR 'JOMS SHING 'KHOR BA'I RGYA MTSO LAS SGROL BA, TSUL KHRIMS KYI CHUS 'DOD CHAGS KYI ME GSOD PAR BYED PA, BYAMS PA'I CHU'I BUM PAS ZHE SDANG GI ME GSOD PAR BYED PA, RTEN CING 'BREL PAR 'BYUNG BA'I SGRON MAS GTI MUG GI RAB RIB RAB TU SEL BAR BYED DE, ZAB MO KHONG DU CHUD PA'I DGE SLONG NI
'KHOR BA'I RGYA MTSO LAS BRGAL BA YIN NO, ,DE NAS GZHAN YANG, DGE SLONG DE YANG SOS KYI 'KHOR BZHI PA GNOD PA RNAM PAR MA ZHI BA ZHES BYA BA LA RTOG PAR BYED DE, DE RGYU DANG, 'BRAS BU RNAM PAR SMIN PA NI SA BON DANG, 'BRAS BUR MA TSUNGS TE, GANG GIS MIR GYUR PA'I YANG SOS GZHAN GNOD PA RNAM PAR DU MA BYAS PAR 'GYUR TE, 'DI LTA STE, SHING GI BAR DU BCIR BA'I TSOR BA DANG, LUM BKA'I TSOR BA DANG, DUD PA'I TSOR BA DANG, LAM GYI TSOR BA DANG, DBANG PO'I LAM 'DREN PA'I TSOR BA DANG, SA'I TSOR BA DANG, RAB TU LTUNG BA'I TSOR BA DANG, KHAB KYI TSOR BA DANG, THAG PAS 'DREN PA'I TSOR BA DANG, GLANG PO CHE'I STENG NAS LTUNG BA'I TSOR BA DANG, BYE MAS 'THOR BA'I TSOR BA DANG, GTUN SHING GI TSOR BA DANG, LCAGS GZHUS PA'I TSOR BA DANG, KLAD PA NA BA'I TSOR BA DANG, BUS PA DANG, KHYE'U PANG PAR BCIR BA LTA BU'I TSOR BA DANG, GRANG BA DANG, DRO BA'I TSOR BA DANG, CHU'I TSOR BA DANG, KHAR GONGS SAM, CHU BLUGS PA'I TSOR BA DANG, SHING LA DBYANGS PA'I TSOR BA DANG, NGAM GROG DANG, G-YANG SAR RNAM PAR 'JIGS PA'I TSOR BA DANG, DGRA'I DBANG DU GYUR PA'I TSOR BA DANG, SPA BA GCOD PA'I TSOR BA DANG, SOR MO LA RAB TU GNOD PA'I TSOR BA DANG, SPU 'THOG PA'I TSOR BA DANG, MGO 'KHOR LOS BSKOR BA'I TSOR BA DANG, ZHVA NYE DANG, RO NYE DANG, ZANGS BSKOL BAR 'JUG PA'I TSOR BA DANG, SNAR LCAGS
, ,RNON PO 'JUG PA'I TSOR BA DANG, SBA BA'I GNAS SU SPRUL 'JUG PA'I TSOR BA DANG, BONG BAS 'PHEN PA'I TSOR BA DANG, SREG PA'I TSOR BA DANG, LUS LA ME'I PHRENG BA'I TSOR BA DANG, SKRA 'BAL BA'I TSOR BA DANG, SROG CHAGS MAR KO TA KA 'JUG PA'I TSOR BA DANG, PHAGS PA BTUB PA'I TSOR BA DANG, TZ'A LB'I NA KA'I TSOR BA DANG, 'DUS PA'I TSOR BA DANG, LUS GTUB PA'I TSOR BA DANG, RDZA MA DANG, BUM PAR BTZOS PA'I TSOR BA DANG, SO PHAG GI TSOR BA DANG, LUS PHYED DU BA TSVA BLUGS PA'I TSOR BA DANG, PHYAG DAR GYI PHYE MA'I TSOR BA DANG, RAB TU BSREGS PA'I TSOR BA DANG, RKANG PA'I MTHE BO MTSON GYIS BCAD CING RAB TU BSREG PA'I TSOR BA DANG, PHYI PHYI LING GI TSOR BA DANG, RGYA MTSO SUM CU'I DBU BA'I TSOR BA DANG, LAG PA DANG, RKANG PA'I TSOR BA DANG, RING DU 'GRO BA'I TSOR BA DANG, 'GRAM SO'I TSOR BA DANG, SNUM GYI TSOR BA DANG, GSER RDUNG BA'I TSOR BA DANG, TSA BAS CHER SKRANGS PA'I TSOR BA DANG, BSLANG BA DANG, DBAB PA'I TSOR BA STE, TSOR BA DE DAG GIS GANG SDUG BSNGAL GYI TSOGS RNAM PA SNA TSOGS DU MA KUN TU SPYOD PA DE DAG NI LUS DANG BRAL NAS NGAN 'GRO LOG PAR LTUNG BA SEMS CAN DMYAL BA'I GNOD PA RNAM PAR MA ZHI BA DE NI DER RGYU DANG MTSUNGS PA'I 'BRAS BU MYONG BAR 'GYUR TE, SEMS CAN DMYAL BA DE'I RNAM PAR
SMIN PA DPE MED PA BYE BA STONG PHRAG BCUR BSGYUR BA, SNGAR JI SKAD BSHAD PA'I GNOD PA DE DAG THAMS CAD RANG GI LAS KYI 'BRAS BU MNGON SUM DU GYUR PA'I SEMS CAN DMYAL BA'I SA DER DE DAG MYONG BAR 'GYUR RO, ,GANG SEMS RI MO MKHAN LTA BUS SREG PA'I PIR DANG, MI DGE BA KUN TU RTOG PA SNA TSOGS KYI TSON RTZI SNOD KYI GZHI LTA BU'I SNYING LA KUN TU 'DRI STE, BU DANG, CHUNG MA'I MTSAN MA DAM POS DE RJES SU MYONG BAR 'GYUR RO, ,RANG GIS LEGS PAR BYAS PA'I LAS NI PHA MAS BYAS PA MA YIN TE, JI TZAM DU SDIG PA'I LAS BCOM ZHING SPANGS LA ZAD PAR MA BYAS PA DE SRID DU 'CHI BAR MI 'GYUR RO, ,DE NAS SHI NAS GAL TE LAN GRANGS GZHAN LA MYONG BAR 'GYUR BA'I LAS GANG GI DUD 'GRO DANG, YI DVAGS DAG TU MA SKYES LA GAL TE MI RNAMS DANG SKAL BA MNYAM PAR GYUR NA, RGYU MTHUN PA'I 'BRAS BUS DE RTAG TU BCING BA DANG, GTZE BA DANG, GNOD PA DANG, RGYAL PO'I PHO BRANG 'KHOR NAS 'TSE BA DANG, MI BDE BAR 'GYUR, SKYE BO KUN GYIS KYANG MNGON PAR GTZE STE, RTAG TU SDUG BSNGAL MI BZAD PAR 'GYUR, GNYEN 'DAB DANG, MDZA' BSHES DANG, CHUNG MA DANG, BU DAG DANG YANG ZHE 'GRAS PAR 'GYUR RO, ,DE NAS GZHAN YANG, DGE SLONG DE SEMS CAN DMYAL BA YANG SOS KYI 'KHOR LNGA PA MUN PA ZHES BYA BA LA RTOG PAR BYED DE, SEMS CAN DAG LAS KYI 'BRAS BU RNAM PAR SMIN PA GANG GIS SKYE
, ,BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, SEMS CAN GANG DAG LOG PAR LTA BA LAS DANG, 'BRAS BU PHYIN CI LOG TU STON PA MCHOD SBYIN DAG LA PHYUGS BSUBS NAS GSOD PAR BYED PA DANG, RUS SBAL DAG SO PHAG GIS MNGON PAR G-YOGS SHING MUN PAR 'JUG PAR BYED PA DE DAG LUS DANG BRAL NAS NGAN 'GRO LOG PAR LTUNG BA SEMS CAN DMYAL BA MUN PAR SKYE BAR 'GYUR RO, ,DER SKYES NAS KYANG MUN PA 'BYUNG BA'I MES SREG PAR BYED, RDO RJE LTA BU'I RI SHUGS DRAG PO DAG 'ONGS SHING LAS KYI RLUNG GIS BDAS NAS DE GNYIS KYIS DBUS SU BCUG LA BYE MA SNYIM PA NAS GTOR BA BZHIN DU THAL BAR RLOG STE, JI LTAR SKRA'I RTZE MO BSDUS PA PHAN TSUN SKYABS MED PA DE LTAR RTAG TU GNOD PA BYED CING SPU GRI LTA BU'I RLUNG RAB TU 'BAR BA LANGS PA GANG GIS 'DI YAN LAG DANG, NYING LAG GZHIG PAR BYED DO, ,SKOM PA DANG, BKRES PAS LUS RAB TU 'BAR BA DE DAG NI DE NA DUD MO 'BYIN TE, JI LTAR DE DAG GIS RUS SBAL ME'I NANG DU BSREGS SHING, SO PHAG DAG GIS MNAN PA DE LTAR LO 'BUM PHRAG DU MAR 'KHRUL 'KHOR LA KHAB KYI BU GA TZAM GYI SNANG BA MED PA BZHIN DU SNANG BA MED PAR BYED LA RANG GI LUS LAS BYUNG BA'I SPU RAB TU 'BAR BA DAG GIS KUN TU SREG PAR BYED DO, ,SEMS SGRE'U LTA
BUS BAG LA NYAL RI LTA BU LA RNAM PAR RGYU ZHING RGYU, RI'I NGOS LTAR BRTAN PAS RGYAS PA RI'I RTZE MO LTA BU LA GNAS PA LTA BA NGAN PA'I RI KHROD LTA BU LA RNAM PAR RGYU ZHING NGA RGYAL LAS BYUNG BA SHING LJON PA THIBS PO LTA BUR SPYOD PA, KHRO BA BRAG GSEB LTA BU LA GNAS PA, PHRAG DOG YON TAN BSAGS PA LTA BU'I 'BRAS BU DANG, SRED PA CHU BO'I DBANG DU SONG BA LTA BUS GANG MI DGE BA'I RLABS BYAS PA DE DAG JI TZAM DU RNAM PAR BCOM ZHING SPANGS LA ZAD PAR MA BYAS PA DE SRID DU 'CHI BA'I DUS MI BYED DO, ,DE SEMS CAN DMYAL BA'I 'KHOR MUN PA DE LAS THAR NAS GAL TE YI DVAGS DANG, DUD 'GROR MA SKYES LA MI DAG DANG SKAL PA MNYAM PAR MI RNAMS KYI NANG DU SKYES NA, DE RGYU MTHUN PA'I 'BRAS BUS RTAG TU BCING BAS BCINGS PAR 'GYUR ZHING TSE THUNG BAR 'GYUR RO, ,DE NAS GZHAN YANG, DGE SLONG DE SEMS CAN DMYAL BA YANG SOS KYI 'KHOR DRUG PA KUN TU MI DGA' BA ZHES BYA BA LA RTOG PAR BYED DE, LAS GANG GIS SEMS CAN DMYAL BA KUN TU MI DGA' BAR SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA SEMS CAN LA MNGON PAR 'KHU BA'I BSAM PA YOD PA NI RTAG TU SROG GCOD PA LA MNGON PAR BRTZON PA YIN TE, DE DUNG DANG, RNGA BA tA HA DANG, BUNG BU'I SKAD KYIS NAGS KHROD NA RNAM PAR RGYU BA'I SEMS CAN RI DVAGS DANG, BYA DANG, SENGGE DANG, DRENG DANG, GUNG DANG, SPRE'U LA SOGS PA
, ,BAG TSA BA MED PAR RGYU BA DAG SGRA DE DAG GIS KUN TU SKRAG PAR BYED CING RGYAL PO'AM, BLON PO PHAL PO CHER YID KYIS BSAM PA YOD PA'I RJES SU RNGON PA GSAD PA'I BSAM PA YOD PA 'GRO BA DE NI LUS DANG ,BRAL NAS NGAN 'GRO LOG PAR LTUNG BA SEMS CAN DMYAL BA KUN TU MI DGA' BAR SKYE BAR 'GYUR RO, ,RGYU DANG MTHUN PAR 'BRAS BU 'BYUNG STE, JI LTAR SEMS CAN DE DAG GIS KUN TU MI DGA' BA BYAS PA DE LTAR SEMS CAN DE DAG SEMS CAN DMYAL BA'I ME'I NANG DU BCUG NAS, BYA ROG DANG, 'UG PA DANG, BYA RGOD DANG, KHYI DANG, SRIN PO DANG, WA RNAMS KYI MCHU RNO LA SGRA MCHOG TU 'JIGS PA RNAMS KYIS RNA BA DRUNG NAS BCAD CING ZA LA, MCHOG TU 'JIGS PA MI 'DOD CING MI SDUG LA YID DU MI 'ONG BA SKYE BO THAMS CAD SKRAG PAR BYED PA'I SGRA DES KUN TU MI DGA' BA PHAL CHER YID LA GCAGS PAR 'GYUR ZHING SROG CHAGS MAR KO TA KA'I MCHU RDO RJE LTA BUS YANG DANG, YANG DU RUS PA'I GSEB DANG, NANG DU ZHUGS PA DAG GIS RNA BA LA ZA'O, ,SEMS NYA LTA BU DE SRED PA CHU BO LTA BU LA RNAM PAR RGYU ZHING KHRO BA DPA' RLABS LTA BUR 'KHRUG PAS 'KHOR BA RI BO'I GSEB LTA BU LA GNAS SHING 'DOD CHAGS ZHE SDANG GTI MUG GI PHYOGS KYIS 'DOD PA'I RO CHUNG BA MCHIL BA LTA BU'I 'CHING BA DANG, LTA BA NGAN PA CHU LTAR
ZAB PA LA RNAM PAR RGYU BA SKYE BA DANG, 'CHI BA'I 'GRO BA'I LUS 'DI SGRA DANG, REG PA DANG, RO DANG, GZUGS DANG, DRI LA RTAG TU SRED PA GANG MI DGE BA'I LAS DES DGOD CING BYAS LA DE'I DUD MO 'BYIN PA NI MA MYONG GI BAR DU 'CHI BA'I DUS MI BYED DO, ,'DIR TSIGS SU BCAD PA, RANG GI SRED PA GRONG GNAS PA, ,SEMS NI NYA 'DRA RMONGS PA YIS, ,LAS BYED TSE NA DGAR 'DZIN LA; ;MYONG BA'I TSE NA NGU BAR BYED, ,GANG TSE MI DGE DE YI LAS, ,LHAG MA MED PAR BCOM ZHING SPANGS, ,MED GYUR DE NI DE NAS SU, ,SHI NAS YI DVAGS DUD 'GROR SKYE, ,LAN GRANGS GZHAN LA MYONG BA'I LAS, ,GANG GIS GAL TE DER MI SKYE, ,GAL TE DER NI MI RNAMS DANG, ,SKAL MNYAM MI RU SKYE BAR 'GYUR, ,DE NI RTAG TU DMAN PA YIS, ,ZIL GYIS NON CING NAM YANG NI, ,DE SEMS DGA' BA SKYE MI 'GYUR, ,GANG DANG GANG NI BYED PA DAG, DON MED DGA' BA MED BYED DANG, ,BU DANG CHUNG MA NOR DANG 'BRU, ,GSOD DANG 'CHING BAR BYED PA DANG, ,DE NI MI DGE LAS KYIS SU, , DGA' MED RGYU MTHUN 'BRAS BU YI, ,KUN TU MI DGA' RTAG TU THOS, ,YANG DGE SLONG DE SEMS CAN DMYAL BA YANG SOS KYI 'KHOR BDUN PA TSOR BA BDO BA LA RTOG PAR BYED DE, SEMS CAN DA DAG PAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA SEMS CAN BAG LA NYAL BDO BA DANG, ZHE 'GRAS PA BDO BA DANG, SEMS ZAB PA
, ,BDO BA'I SEMS CAN NI SROG GCOD PA MANG PO BAG MED PA LA 'JUG STE, DE DAG LUS DANG BRAL NAS NGAN 'GRO LOG PAR LTUNG BA SEMS CAN DMYAL BA'I TSOR BA BDO BAR SKYE BAR 'GYUR RO, ,DER TSVA BA DANG, MTSON DANG, ME DANG, NGAM GROG DANG, G-YANG SA DANG, PHUR BU DANG, ME 'BAR BA'I PHRENG BA'I RGYAN BYAS PA'I TSOR BA LA RTAG TU RGYUN MI 'CHAD PAR NYIN GCIG BZHIN DU 'JUG PAR 'GYUR RO, ,DE NAS GZHAN YANG, DGE SLONG DE LAS KYI 'BRAS BU'I DE KHO NA NYID SHES PA MYA NGAN LAS 'DAS PA'I GRONG KHYER TSOL BA NA 'KHOR BA'I SDUG BSNGAL GYI DE KHO NA NYID SHES PA SEMS CAN DMYAL BA CHEN PO THIG NAG GI 'KHOR LA RTOG PAR BYED DE, JI LTAR THIG NAG GI 'KHOR GZHAN GANG ZHIG YOD SNYAM NAS DES THOS PA LAS BYUNG BA'I SHES PAS BRTAGS NA SEMS CAN DMYAL BAR SREG PA MI BZAD PA'I TSOR BA RTAG TU 'DUS PA ZHES BYA BA'I SEMS CAN DMYAL BA MTHONG STE , SEMS CAN DAG LAS GANG GIS SEMS CAN DMYAL BA DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA GANG LTA BA NGAN PA'I BSTAN BCOS KYI GTAN TSIGS DANG, DPE DAG GIS TSUL KHRIMS SPANGS PA'I MI NGAM GROG GAM, G-YANG SAR RAB TU LTUNG BA YANG DAG PA MA YIN PA THAMS CAD KYI DBANG DU SONG BA DE LUS DANG BRAL NAS
NGAN 'GRO LOG PAR LTUNG BA SEMS CAN DMYAL BA TSOR BA 'DUS PAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, MI DE THAG PA RAB TU 'BAR BAS BCINGS NAS DPAG TSAD DU MAR GYEN DU BTEG BTEG STE, NGAM GROG DAG TU 'DOR BAR BYED, SKYES NAS SPU GRI DANG, MTSON GYIS PHYOGS RNAMS SU'ANG DE DAG 'DOR BAR BYED, YAN LAG DANG, NYING LAG THAMS CAD NAS SGRA 'BYIN PA NA RANG GI SEMS KYIS BSLUS SHING 'KHOR BA'I 'KHOR LOR ZHUGS NAS 'KHYAM PA, GTI MUG GIS MUN PAS LOG PAR BYAS SHING TSAL KUN NAS BSREGS PA LTA BU'I LUS DAG LA KHYI MCHE BA RAB TU RNO BA RNAMS KYIS KUN TU ZA BAR BYED KYANG GANG DE NA 'DUG PA DE DAG LA SKYOB PA'AM, DPUNG GNYEN NAM, BDE BAR BYED PA'AM, DBUGS 'BYIN PAR BYED PA GANG YANG MED DO, ,GSHIN RJE'I 'JIG RTEN PA'I GSHIN RJE'I MI DE DAG GIS CI RIGS PAR TSIGS SU BCAD DE SMRAS PA, LOG PAR LTA BA'I GTI MUG GIS, ,GTI MUG ZHAGS BSGRIMS SKYE BA KHYOD; ;SEMS CAN DMYAL BA'I GNOD PA DAG, SHIN TU MI BZAD 'DUS PA THOB, ,MI YI SKYES BU THA MA DAG, LOG PAR LTA BAS DGE KUN BSREGS, DE YIS SEMS CAN DMYAL DANG 'BREL; ;GNOD PA MI BZAD KHYER TE 'ONGS, ,GANG DAG LOG PA'I DBANG SONG BA, ,SEMS KYIS YONGS SU BSLUS PA YI, ,SKYES BU BLO ZHAN DE DAG NI, SEMS CAN DMYAL BAR KUN TU 'GRO,
, ,DGRA GZHAN SHIN TU SPANG BAR SLA'I, ,SEMS KYI DGRA NI SDANG BAR DKA', ,DE YIS BCINGS PA'I MI DAG NI, ,GSHIN RJE'I GNAS SU KHRID PAR BYED, ,YUL RNAMS LA NI RTAG RGYUG CING, ,DAM PA'I CHOS LA MI RGYUG LA, ,DAM CHOS LAM LA RMONGS PA NI, ,SEMS CAN DMYAL BA CHEN POR KHRID, ,GDUL BA'I NANG NA SEMS GDUL DKA', ,ME YI NANG NA ME MCHOG STE; ;GDUL DKA' MYUR DU 'GRO BA NI, ,DMYAL BA'I NANG NA DMYAL BA YIN, ,GANG DAG SEMS KYI DBANG SONG BA, ,MI DE SEMS CAN DMYAL BAR 'GRO, ,GANG DAG MI BZAD DE ZLOG PA, , DE DAG SDUG BSNGAL RJES MI 'GRO, 'DOD CHAGS MI BZOD ME GCIG YIN, ,GTI MUG MUN PA ZHES BYA'O, ,ZHE SDANG MI BZAD DGRA YIN TE, ,'GRO BA DGRA GSUM DBANG DU SONG, ,SNGON GYI SEMS KYI RJES SU ZHUGS PA, ,KHYOD KYIS MI DGE GANG BYAS PA'I, ,RMONGS PA DE YI 'BRAS BU SPYOD, ,KHYOD KYIS LEGS PA DAG MA BYAS, ,RANG GI SEMS KYIS YONGS BSLUS PA, , GZHAN GYI NOR DAG PHROGS PA DANG, ,GZHAN GYI BUD MED BSTEN PA YI, ,SKYE BO DAG NI RTAG TU BCINGS, ,DE YI LAS KYI RNAM SMIN GYIS, ,KHYOD NI DE RING DBANG DU GYUR, ,MI YI THA MA RANG GIS SU, ,LAS NGAN BYAS PAS NGUR CI YOD, ,MI GANG GIS NI NYES BYAS PA, ,PHYI NAS BLO LA 'GYOD PAR 'GYUR, ,TSVA SGOR SA BON BTAB PA LTAR, ,DE LA DE YI 'BRAS BU MED, ,'DOD
BA MNGAR BA CHUNG LDAN PA, ,RNAM PAR SMIN PA TSA BA YIN, ,RMONGS PA GANG ZHIG DE STEN PA, ,DE NI MUN PA MUN NAG 'GRO, ,BU DANG CHUNG MA BDE BYA'I PHYIR, ,RMONGS PAS NGAN PA GANG BYAS PAS, ,SEMS CAN DMYAL BAR GCIG PU SREG, RANG GI LAS KYI 'BRAS BUS BSLUS, ,GANG ZHIG BU SMAD DBANG SONG BA, ,MI NI NGAN PAR BYAS PA STE, ,DE NI DMYAL BA 'DIR 'GRO STE, ,KHYOD KYIS DE YI RJES SU MYONG, , BU DANG CHUNG MA'I DON MI 'DOD, ,MDZA' BSHES DON LTA GA LA YOD, ,'CHI BA'I DUS NI BYUNG BA NA, ,NYE BAR GNAS SHING BSRUNG BA MED, ,GANG DAG KUN NAS NYON MONGS SEMS, ,GANG DAG SRED PAS YONGS BSLUS PA, ,DE DAG DE LTAR GROGS SU 'GYUR, ,CI PHYIR KHYED NI BSREG MI BYA, ,SNGON NI YUL GYI DBANG BYAS SHING, ,SRED PA DAG GIS YONGS SU BSLUS, ,BDAG NYID NGAN PA BDAG NYID KYIS, ,BYAS PAS BDAG NYID CI NGUR YOD, ,DE LTAR SEMS CAN DMYAL BA TSOR BA 'DUS PA LA GSHIN RJE'I MI DAG GIS SEMS CAN DMYAL BA DE DAG LAS RJES SU BSTAN PA NA, ,JI TZAM DU DE'I SDIG PA'I LAS BYAS SHING [?] BSAGS PA BCOM ZHING SPANGS LA ZAD PAR MA BYAS PA DE SRID DU GNOD PA DRAG CING MI BZAD PA DU MA DAG LO 'BUM PHRAG DU MAR MYONG BAR 'GYUR RO, ,DE PHYIS DE LAS GROL ZHING THAG [?] NAS GAL TE MI DAG DANG SKAL PA MNYAM PAR LAN GRANGS GZHAN LA MYONG BAR 'GYUR BA'I LAS KYI PHROGS PA MED NA, DE RGYU MTHUN PA'I 'BRAS BUS 'GRO LDING BA
, ,DANG, BAR PA RI'I YUL DANG, RGYA MTSO'I DBUS KYI YUL DANG, SINDU'I YUL DANG, ZHAR BA'I GLING GI YUL DANG, GANG NA BRAN MCHOG TU SDUG BSNGAL BAR 'GYUR BA DER SKYE BAR 'GYUR ZHING DBUL BA'I BRAN DU 'GYUR, ,SGO SRUNG DANG, YAN LAG DANG, NYING LAG THAMS CAD NYAMS SHING MA TSANG BA DANG, LUS SKOM PA DANG, BKRES PAS YONGS SU GDUNGS SHING GRANG BA DANG, TSA BA'I GZHIR GYUR BA DANG, SHIN TU SDUG BSNGAL ZHING GZHAN GYIS RTAG TU GTZE BA DANG, BYIS PA DAG GIS DBYUG PA DANG, BONG BA DAG GIS BRDEG CING SKYE BO KUN GYIS BRNYAS PAR 'GYUR, BU DANG, CHUNG MAS KYANG RNAM PAR SPANGS PAR 'GYUR ZHING MNGAL NAS SKYES TSUN CHAD MCHOG TU SDUG BSNGAL BAR 'GYUR, LAS KYI RNAM PAR SMIN PA'I 'BRAS BU NI RGYU DANG MTSUNGS PA DANG, RKYEN DANG MTSUNGS PA YIN TE, JI LTAR SNGAR BYAS PA DE PHYIS DE BZHIN DU SPYOD PAR 'GYUR RO, ,DE NAS DGE SLONG DE NYES PAR BYAS PA MYONG BAR 'GYUR BA'I LAS DE MTHONG NAS SEMS CAN DMYAL BA MUN PA LA DMIGS PA DANG, 'KHOR BA LA PHAL CHER SHIN TU YID BYUNG BAR 'GYUR RO, ,YANG RNAL 'BYOR SPYOD PA'I DGE SLONG DE RTOG PAR BYED DE, 'DI LTAR LAS KYI 'BRAS BU'I DE KHO NA NYID MTHONG BA LA RTAG TU BRTZON ZHING 'GRO BA SHIN TU BSDAMS PA LA RAB TU SPYOD PA, 'KHOR BA THAMS CAD LA
YID BYUNG BA, BDUD KYI 'CHING BA MCHOG TU DAM PA GCOD PA, BDUD KYI YUL GYI DNGOS PO MI 'DOD CING NYON MONGS PA 'DOD CHAGS DAG GI DNGOS PO DANG LHAN CIG 'DUG PAR MI 'DOD PA, DGA' BA'I 'DOD CHAGS KYI MOD LAS BYUNG BA'I SRED PA LA MNGON PAR MI DGA' BA'I DGE SLONG YON TAN GYI RNAM PA DE LTA BU DAG DANG LDAN PA DE SA BLA'I GNOD SBYIN DAG GIS MTHONG NAS BAR SNANG LA SPYOD PA DAG LA MNGON PAR BSNYAD DO, ,DE LTAR SNGA MA BZHIN DU SBYAR TE, TSANGS RIS DAG GIS THOS PA'I BAR RGYA CHER SNGA MA BZHIN DU SBYAR RO, ,DE NAS GZHAN YANG, DGE SLONG DE SEMS CAN DMYAL BA THIG NAG GI 'KHOR LA LTA BAR BYED DE, SEMS CAN DMYAL BA THIG NAG GI 'KHOR GZHAN YANG GANG ZHIG YONG SNYAM MO, ,DE SEMS CAN DMYAL BA RAB TU MI BZANG PA ZHES BYA BA MTHONG STE, DES SEMS CAN DAG LAS GANG GIS DER SKYE BAR 'GYUR SNYAM NA KHYIM PA GANG GIS 'OS PA MA YIN PA'I GNAS MA LA DANG, NA BA'I GSOS SMAN GYI RKYEN GYI YO BYAD MANG PO DAG LA SPYAD PA 'CHAB PA DANG, GZHAN LA SNYAD BTAGS TE PHYUGS GSOD PA'AM, LHA LA SNYAD BTAGS PA'AM, BRAM ZE 'DOD PA'I SDIG PAS DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA RAB TU MI BZAD PAR SKYE BAR 'GYUR BA MTHONG NGO, ,DER GNOD PA 'DI DAG 'BYUNG BAR 'GYUR TE, 'DI LTA STE, BYA ROG DANG, BYA RGOD DANG, PHAG
, ,RGOD GTUM PO DAG GIS MIG 'BYIN CING, PHAG DANG 'KHRUGS PA'I SGRA DANG, GTUN SHING DANG, ME RAB TU 'BAR BA DANG, DMYAL BA'I SRUNG MA DRAG PA RAB TU MI BZAD PA YOD DO, ,SEMS CAN DMYAL BA RAB TU MI BZAD PAR SKYE BA'I GNOD PA 'BYUNG BA NI, 'DI LTA STE, MIG 'BYIN PA DANG, LCE GCOD PA DANG, YAN LAG DANG, NYING LAG THAMS CAD GCOD PA DANG, LCAGS KYI SNOD RAB TU 'BAR BA DAG NAS ZANGS KYI KHU BA LDUD PA DANG, LUS THAMS CAD LA PHUR BU 'DZUGS PA DANG, RKANG PA GCOD PA DANG, BYA ROG GIS ZA BA DANG, NAD THAMS CAD KYIS GNOD PA BYED PAR 'GYUR TE, JI TZAM DU DE'I SDIG PA'I LAS BCOM ZHING SPANGS LA ZAD PAR MA GYUR BA DE SRID DU SEMS CAN DMYAL BA MI BZAD PAR LO 'BUM PHRAG DU MAR DU BA NA MGON MED CING GROGS MED LA, GSHIN RJE'I MI DAG GIS GSOD PAR 'GYUR RO, ,DE SEMS CAN DMYAL BA DE NAS THAR BAR 'GYUR TE THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS GANG GIS DUD 'GRO DANG, YI DVAGS DAG TU MA SKYES LA MI DAG DANG SKAL BA MNYAM PAR MIR SKYES NA, DE LAG RDUM MAM, 'O [?] BAR 'GYUR ZHING YUN RING DU GNAS PAR MI 'GYUR, SHI NAS KYANG SROG CHAGS LAS KYI LU GU RGYUD KYIS SBREL BA DAG YANG NGAN SONG DE DAG KUN TU 'GRO BAR 'GYUR LA LEGS PAR
BYAS PAS NI LEGS PA DANG, NYES PAR BYAS PAS NI NYES PA 'THOB PAR 'GYUR TE, 'KHOR BA NA SKYE ZHING 'BYUNG BA'I 'BRAS BU NI RGYU MTHUN PA'I 'BRAS BU DANG 'BREL BA YIN NO, ,DE NAS GZHAN YANG DGE SLONG DA SEMS CAN DMYAL BA THIG NAG GI 'KHOR LA LTA BAR BYED DE, LAS GANG GIS SEMS CAN DMYAL BA BYA RGOD KYIS 'JIGS PAR SKYE BAR 'GYUR SNYAM NAS BRTAGS NA, MI GANG GI DON DU MI BYA BA'I PHYIR MI BSAD DAM, BCINGS SAM, BKRES PA'AM, SKOM PAR BYAS NA, DE LUS DANG BRAL NAS, NGAN 'GRO LOG PAR LTUNG BA SEMS CAN DMYAL BA BYA RGOD KYIS 'JIGS PAR SKYE BAR 'GYUR BAR MTHONG NGO, ,DER GNOD PA 'DI DAG 'BYUNG BAR 'GYUR TE, 'DI LTA STE, SEMS CAN DMYAL BA PA'I SA GZHI LCAGS LAS BYAS PA DPAG TSAD BRGYA STONG PHRAG BCU YOD PA MES RAB TU BSREGS SHING LCAGS LAS BYAS PA'I 'BRAS BU ZUR GSUM PA KHA DOG CHU LTA BU RAB TU 'BAR BA RNAMS KYIS KUN TU GANG BA DE NA SEMS CAN DMYAL BA PA DAG GSHIN RJE'I CHAD PAS GCOD PAR BYED PA RAB TU MANG PO DAG GIS KUN TU GSOD PAR BYED PA NA RAL GRI DANG, MDA' BO CHE YOD PA'I LUS KYI SHUGS DRAG PO DAG GIS GSOD CING NYIN MTSAN DU GNOD PA BYED DO, ,MTSON RNAMS KYIS GSOD PA NA, GANG GI TSE MGON MED PA 'BROS PAR 'DOD PA DE'I TSE, GSHIN RJE'I MI DE DAG GIS RAL GRI DANG, MDA' BO CHE DANG, MDA' RAB TU 'BAR BA
, ,DAG GIS KUN TU GSOD PAR BYED CING THANG LA'ANG BKRES PA DANG, SKOM PA YOD PA'I 'TSO BA DANG 'BREL LA CHU MED CING MGON MED, DBUGS 'BYIN PA MED CING SKYABS MED LA, PHA ROL GYI GNOD PAS BKOL PA NA, KUN TU SDUG BSNGAL THAMS CAD DANG LDAN PAR 'GYUR RO, ,'DIR TSIGS SU BCAD PA, GROGS MANG DAG DANG LHAN CIG TU, ,NYES PAR BYAS PA'I LAS BYED PA, ,DE YI LAS KYI 'BRAS BU NI, ,GCIG PU SRID PAR SPYOD, ,JI LTAR MI DAG 'JIG RTEN DU, ,BDAG NYID NGAN BYAS RGYUG PA LTAR, ,DE LTAR ME DANG MTSON DAG DANG, ,DUG DANG DGRA DAG GNAS PA MIN, ,LAS DANG 'BRAL BA MA YIN GYI, ,RANG GI GNYEN 'DAB KUN DANG 'BRAL, ,'JIG RTEN PHA ROL DGE BA DANG, ,MI DGE 'GRO ZHING RJES SU 'GRO, ,GANG NA ME TOG YOD PA YI, ,DER NI DRI DAG RJES SU 'GRO, DE LTAR DGE DANG MI DGE BA'I, ,LAS NI 'GRO ZHING RJES SU 'GRO, ,JI LTAR PHYOGS CHAR DRI 'GRO ZHING, ,NAGS TSAL DAG TU 'DUS PA YIS, ,BYA DAG NANG PAR GYES PA LTAR, ,SROG CHAGS 'DUS PA'ANG DE DANG 'DRA, ,DPAL CHE BA DANG CHUD GSAN CING, ,'JIG RTEN GYI NI NYES BYAS PA, ,GTI MUG GIS NI YONGS SU BSLUS, ,MI DGE'I LAS DAG CI MI BYED, ,GANG DAG ZHI BA MCHOG MI 'GRO, ,GANG DAG LHA YI GNAS MI 'GRO, ,DE YI RGYU LA MCHOG RMONGS PA, ,MUN PA'I NANG NA DE MUN
GNAG ,DE LTAR DMYAL BAR BTZO BA NA, ,DE NI BYE BA DU MA RU, ,RANG GIS NYES PAR BYAS PA YIS, ,SEMS CAN DMYAL BAR YONGS SU 'KHYAM, ,JI SRID DE YI MI DGE BA, ,NGAN BYAS BCOM ZHING SPANGS PA DANG, ,ZAD PAR MA GYUR DE SRID DU, ,'CHI BA'I DUS NI BYED MI 'GYUR, ,GANG TSE DE YI LAS KYIS DER, ,THAMS CAD DU NI BYANG GYUR NA, ,DMYAL BA BYA RGOD 'JIGS DE LAS, ,DE NI GROL BAR 'GYUR BA YIN, ,GAL TE DE LAS DE GROL ZHING, ,YI DVAGS DUD 'GROR MA SKYES LA, ,MI RNAMS DANG NI SKAL MNYAM PAR, ,GAL TE MI RU SKYES GYUR NA, ,DE NI RNGA MO SPYOD 'GYUR SHING, ,KHAL GLANG DAG LA SPYOD PAR 'GYUR, ,RGOD MA DAG LA SPYOD 'GYUR ZHING, ,GLANG PO KHA SGYUR RTA RDZI'AM, ,BSHOR BA DAG GI RGYA THOGS PA, ,DBUL ZHING TSE NI THUNG BAR 'GYUR, ,NGAN PAR BYAS PA'I LAS DAG DANG, ,SKYON DU BGRANG BA'I LAS RNAMS NI, ,RGYU DANG 'BRAS BU MTHUN PAS NA, ,'BRAS BU DE DANG MTHUN PAR 'GYUR,, ,,'PHAGS PA DAM PA'I CHOS DRAN PA NYE BAR GZHAG PA, BAM PO BDUN PA, DE NAS GZHAN YANG, DGE SLONG DE SEMS CAN DMYAL BA CHEN PO THIG NAG GI 'KHOR LA RTOG PAR BYED DE, SEMS CAN DMYAL BA DE'I 'KHOR LA GZHAN DANG, GZHAN NAS KUN TU LTA BAR MI BYED DO, ,SEMS CAN DMYAL BA CHEN PO THIG NAG GI 'KHOR BCU DRUG PO 'DI'ANG JI LTAR SEMS CAN DMYAL BA CHEN PO YANG SOS KYI 'KHOR BZHIN NO, ,YANG
, ,DGE SLONG DE SEMS CAN DMYAL BA'I 'KHOR GNYIS PA DAG LA BRTAGS NA LAS KYI CHOS KYI RNAM PAR SMIN PA SHES SHING, ,NYES PAR BYAS PA'I LAS KYI 'BRAS BU RNAM PAR SMRIN PA'I SNYING PO THAMS CAD RIG STE, BYAS LA BSAGS PA DANG, BSAGS LA MI BYED PA DANG, BYAS LA MA BSAGS PA'O, ,DE LA BYAS LA BSAGS PA NI MYONG BAR 'GYUR BAR NGES PA YIN, BSAGS LA MI BYED PA NI MYONG BAR 'GYUR BAR NGES PA MA YIN, BYAS LA MA BSAGS PA 'DI'ANG MYONG BAR 'GYUR BAR NGES PA MA YIN NO, ,DGE SLONG DES SEMS CAN DMYAL BA GZHAN LA BRTAGS NA, DES THOS PA LAS BYUNG BA'I SHES PAS MTHONG STE, LAS KYI THAG PAS RGYUD PHAN TSUN SBREL BA'I 'KHOR DAG GI LAS KYI 'BRAS BU RNAM PAR SMIN PA RNAM PA GSUM GYI DE KHO NA NYID SHES PA NI DE'ANG LAS RNAM PA DU MA SNA TSOGS DU MA DAG DANG, SEMS PHAL CHER DMIGS PA'I DBANG DU GYUR PA SEMS KYI DBANG DU GYUR PA'I SEMS CAN DAG MTHONG NAS SKYO BAR GYUR TO, ,DGE SLONG DES SEMS CAN DMYAL BA GZHAN LA BRTAGS NA DES THOS PA LAS BYUNG BA'I SHES PAS SEMS CAN DMYAL BA CHEN PO GSUM PA BSDUS GZHOM ZHES BYA BA MTHONG NGO, ,DER LAS BSAGS PA GANG GIS SEMS CAN DAG NYES PAR BYAS PA'I LAS KYIS SMIN PAR 'GYUR SNYAM NAS DES THOS PA LAS BYUNG
BA'I SHES PAS BRTAGS NA MI DGE BA'I LAS RNAM PA GSUM PO BYAS LA BSAGS PA SO SOR MYONG BAR 'GYUR BA'I 'BRAS BUS SEMS CAN DAG SEMS CAN DMYAL BA'I BSDUS GZHOM DU SKYE BAR 'GYUR RO, ,'DI LTA STE, SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA MI DGE BA GSUM PO 'DI DAG GI LAS KYIS SROG CHAGS DAG SEMS CAN DMYAL BA BSDUS GZHOM DU SKYE BAR 'GYUR RO, ,DER SDIG PA CHEN POS NI SEMS CAN DMYAL BA'I GZHIR SKYE BAR 'GYUR, 'BRING DANG, CHUNG DU DAG GIS NI 'KHOR DU'O, ,DE DAG GI CHEN PO DANG, 'BRENG DANG, CHUNG DU RNAMS KYIS NI GNOD PA'ANG CHEN PO DANG, 'BRING DANG, CHUNG DUR 'GYUR RO, ,DE DAG GI SEMS KYI DBANG DU SONG BA'I LAS KYIS KYANG TSE RING PO DANG, 'BRING DANG, THUNG DUR 'GYUR, DE DAG GI SEMS KYI DMIGS PA CHEN PO DANG, 'BRING GI DBANG GIS KYANG GNOD PA CHEN PO DANG, 'BRING DU 'GYUR RO, ,LAS RNAM PA GSUM DU RNAM PAR BZHAG STE, LUS DANG, NGAG DANG, YID KYI'O,, DUS GSUM DU RNAM PAR BZHAG STE, DA LTAR BYUNG BA DANG, 'DAS PA DANG, MA 'ONGS PA'O, ,YANG RNAM PA GSUM STE, 'DOD PA'I KHAMS SU SKYED PA DANG, GZUGS KYI KHAMS SU SKYED PA DANG, GZUGS MED PA'I KHAMS SU SKYED PA'O, ,YANG RNAM PA GSUM STE, 'BRING DANG, CHEN PO DANG, THA MA'O, ,YANG RNAM PA GSUM STE, TSE 'DI LA MYONG BAR 'GYUR BA DANG, SKYES NAS MYONG BAR 'GYUR
, ,BA DANG, LAN GRANGS GZHAN LA MYONG BAR 'GYUR BA'O, ,YANG RNAM PA GSUM STE, DGE BA DANG, MI DGE BA DANG, LUNG DU MA BSTAN PA'O, ,YANG RNAM PA GSUM STE, TSE DANG 'BREL BA DANG, SRID PA BAR MA DANG 'BREL PA DANG, TSE GZHAN DANG 'BREL PA'O, ,YANG RNAM PA GSUM STE, MI DANG, MI MA YIN PAR 'BREL PA RAB TU 'BYUNG BA DAG YIN TE, MI DANG; MI MA YIN PAR 'BREL PA NI, 'DI LTA STE, MIR GYUR PA LAS SEMS CAN DMYAL BAR LAS KYIS 'PHANGS PA'O, ,BYED PA'I KHYAD PAR ZHES BYA BA NI, GANG CI TZAM DU BYED PA RTZOM PA DE'I BYED PA'I RNAM PA DE TZAM DU LAS KYI RNAM PA NYID SKYE BAR 'GYUR TE, DGE SLONG DAG, JI LTAR MOS PA'I RDZU 'PHRUL THOB PA BZHIN NO, ,YANG RNAM PA GSUM STE, BYED PA BYAS PA DANG, MI BYED PA BYAS PA DANG, 'BREL PAR BYAS PA'O, ,DE LA BYED PA BYAS PA NI, JI LTAR SNGAR DGE SBYONG DU GYUR PA PHYIS DE'I RJES SU MTHUN PAR DGRA BCOM PA'I BAR DU BYAS PA'O, ,MI BYED PA BYAS PA NI, GANG DAG DGE SBYONG DU GYUR NAS LEGS PAR BYA BA MI BYED PA'O, ,'BREL PA BYAS PA NI, JI LTAR TSE 'DI LAS SHI NAS TSE RABS GZHAN DU SKYE BAR 'GYUR BA'O, ,YANG RNAM PA GSUM STE, BSAM GTAN DANG 'BREL PA DANG, BSAM GTAN DANG 'BREL PA MA YIN PA DANG, RNAM PAR SMIN PA DANG 'BREL PA MA YIN PA'O, ,DE LA BSAM GTAN DANG 'BREL PA ZHES BYA
PA NI, JI LTAR BSAM GTAN DANG PO'I SA NAS BSAM GTAN GNYIS PA'I SAR 'BREL PA YIN TE, BSAM GTAN GSUM PA'AM, BZHI PAR MA YIN NO, ,BSAM GTAN DANG 'BREL PA MA YIN PA NI, SBYIN PA DANG, TSUL KHRIMS LA SOGS PA'O, ,RNAM PAR SMIN PA DANG 'BREL PA MA YIN ZHES BYA BA NI, JI LTAR DGRA BCOM PA ZAG PA ZAD PA'I RNAM PAR SMIN PA MYONG BAR 'GYUR BAR NGES PA; TSE DANG 'BREL PA MED PA YIN TE, DE LTAR 'JIG RTEN LAS KYI DRA BA DANG 'BREL PA RGYA MTSO LTA BU 'DI KUN PHAN TSUN RAG LAS SHING SKYE BA'I RIM PA'I LAS KYI RNAM PAR SMIN PAR 'GYUR TE, 'DI LA BYED PA PO'AM, TSOR BA PO'AM, 'DOD RGYAL GYI LAS NI GANG YANG MED DO SNYAM MO, ,DGE SLONG DE DE LTAR SEMS PA NA BDUD KYI SDE RNAM PAR 'JIGS PAR BYED CING DGE BA'I CHOS SGRUB PAR BYED DO, ,SEMS CAN DMYAL BA BSDUS GZHOM GYI LAS KYI RNAM PAR SMIN PA CHEN PO'ANG RJES SU MTHONG STE, JI LTAR NA SEMS CAN DMYAL BA BSDUS GZHOM GYI GZHIR SKYE BAR 'GYUR SNYAM NA DES SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA DANG, LAS KYI NYER BSNGOGS PA DANG, LAS KYI MJUG DANG, LAS MNGON PAR BSTEN CING BSGOMS TE MANG DU BYAS PAS SEMS CAN DMYAL BA BSDUS GZHOM GYI 'KHOR DU SKYE BAR 'GYUR BA MTHONG NGO, ,DENG SEMS CAN DMYAL BA
, ,GZHI'I GNOD PA 'DI DAG 'BYUNG STE, 'DI LTA STE, SHING LJON PA'I KHROD DU BYA RGOD MCHU RAB TU 'BAR BA DAG GIS BZUNG NAS RGYU MA BRUS TE ZA BAR BYED DO, ,CHU BO PHUR BUS GANG BA ZHES BYA BA NA, PHUR BU RING PO RAB TU 'BAR BA DER BCUG NAS GSHIN RJE'I MIS YANG RAL GRI RAB TU 'BAR BA MANG PO DAG GIS GSOD PAR BYED DO, ,DE DER 'DUG PA NA TSOR BA DRAG CING RTZUB PA GZHAN DANG MTSUNGS PA MED PA DPE ZLA MED PA DAG MYONG BAR 'GYUR RO, ,'DI LTA STE, PHUR BU RAB TU 'BAR BA'I TSOR BA NI PHUR BU RAB TU 'BAR BA DAG GIS 'BIGS PAR BYED CING, SEMS CAN DMYAL BA DE DAG GSHIN RJE'I MI DE DAG GIS BZUNG NAS DE BZHIN DU SKYOD DE SEMS CAN DMYAL BA DE DAG PHAN TSUN DU BSKYOD PAS RNAM PAR 'KHRUGS SHING DU BAR BYED DO, ,DE NAS ZANGS DMAR PO BSKOL CING BZHUS PA RAB TU 'BAR BAS LUS SHING SKAM LTA BUR BYED DE, RMONGS PAR BYED CING SREG PAR BYED DO, ,PHUR BUS GANG BA'I CHU BO DER BSKOL BA NA, SEMS CAN DMYAL BA DE DAG KHA CIG NI LUS RTZVA LTAR RAB TU SREG GO ,KHA CIG NI RDO LCI BA LTA BUR NUB BO, KHA CIG NI LUS NYA LCIBS LTAR CHU 'GRAM DU BYUNG NGO, ,KHA CIG NI LUS NYA LTA BU LA BYA RGOD KYI MCHU RAB TU 'BAR BA DES ZA'O, ,KHA CIG NI LUS MAR SAR GYI GONG BU LTAR ZHU'O, ,KHA CIG NI LCAGS RAB TU 'BAR BA LTA BU'I RDO BAS
LUS KYI KHOG PA BYE MA SNYIM PA NAS GTOR BA BZHIN DUM BU BRGYA 'AM, STONG DU RLOG GO ,KHA CIG NI BA TSVAS SREG PA NA ZANGS SAM, LCAGS DAG NANG DU BCUG PA BZHIN DU ZHU'O, ,KHA CIG NI PHRA SKAM RAB TU 'BAR BA DAG GIS BZUNG NAS YANG MTSON SPU GRI LTA BUS KUN TU GSOD DO, ,KHA CIG NI LUS THAGS LTAR CHER BRGYANGS NAS GSOD DO, ,KHA CIG NI KHAS BUB TU BZHAG NAS GSOD DO, , KHA CIG NI BUM PA'I NANG DU 'JUG PAR BYED DO, ,KHA CIG NI BUM PA DE'I NANG DU BCUG NAS DER MON SRAN GRE'U BTZO BA BZHIN DU STENG DU 'BYUNG ZHING 'OG TU 'JUG GO, KHA CIG NI STENG DU BYUNG NAS DU'O, ,KHA CIG NI GCIG LA GCIG 'JUS NAS DU'O, ,MGON MED PA KHA CIG NI BYA RGOD DANG, KHVA DANG, WA DANG, KHYI RAB TU 'BAR BA DAG GIS SA GZHI RAB TU 'BAR BA NA GNAS PA DAG BZUNG NAS ZA STE, NYIN GCIG BZHIN DU TSOR BA RNAM PA SNA TSOGS MYONG NGO, ,DE LTAR RANG GI SEMS KYIS BSLUS PA DE LTA BU DE DAG NI 'DOD PAS LOG PAR G-YEM PA KUN TU SPYOD CING SROG GCOD PA DANG, MA BYIN PAR LEN PAS KUN NAS BSLANG BA LA DMIGS PA DE DAG NI TSOR BA'I RNAM PA 'BUM PHRAG DU MA MYONG BAR 'GYUR RO, ,YANG SEMS CAN DMYAL BA KUN NAS MGON TSOL BA, SKYABS TSOL BA DE DAG BDAG CAG NYON MONGS PA 'DI LAS SKYOB PA SU ZHIG YOD SNYAM NAS KUN TU RGYUG CING DU BA NA, GSHIN RJE'I MI DE DAG GIS GTUN SHING RAB TU 'BAR BA DAG GIS
, ,BSNUN CING CHU BO DANG, SHING LJON PA DANG, BRAG RAB TU 'BAR BA'I GSEB DANG, SMAN LJONGS DANG, PHU CHU'I GSEB DANG, RI GSEB DAG TU SHIN TU BCUG NAS GNOD PA RNAM PA SNA TSOGS DAG BYED DE, 'DI LTA STE, SHING LJON PA SHIN TU MTHO BA'I KHAR KHRID NAS YANG DE NAS SA GZHI PHUR BU BTZUGS PA'I STENG DU RAB TU 'BAR BAR BYED CING DE DER YAN LAG BYE BRAG TU NYAMS PA BRGYA'AM, STONG DU 'GYUR RO, ,YANG SEMS CAN DMYAL BA DE DAG GSHIN RJE'I MI DAG GIS BZUNG NAS, LO MA RAL GRI'I NAGS TSAL LTA BUR BCUG STE, 'DAB MA SPU GRI LTA BU RAB TU 'BAR BAS BTZAR TO, ,RANG GI LAS KYIS SHING LJON PA DE LA BUD MED NYAMS DGA' BA CHA BYAD ME TOG GI PHRENG BA DANG, PHYE MA DANG, BYUG PAS LUS RNAM PAR KLUBS PA, RGYAN GYI CHA BYAD MCHOG TU BZANG BAS MNGON PAR BRGYAN PA, SHIN TU GZHON ZHING SEN MO GTZANG LA SGEG BAG CAN DU CHOS PA, BYIS PA SO SO'I SKYE BO BO THAMS CAD KYI YID 'PHROG PAR BYED CING DGA' BA SNA TSOGS DANG LDAN PA, RIN PO CHE RNAM PA SNA TSOGS KYI RGYAN BKOD PA THOGS PA MTHONG NGO, ,MTHONG NAS SEMS CAN DMYAL BA DE SHING DRUNG DU SONG STE, 'DI SNYAM DU SEMS SO, ,'DI NI GANG MIR GYUR CING MI BYED PA NA BDAG GI YIN NO SNYAM NAS RANG GI LAS KYIS BSGRIBS PA DE SHING DE LA 'DZEG PAR BYED DO, ,DE
SHING DE LA 'DZEG PA NA LO MA RAL GRI LTA BU DE DAG GIS SHA GCOD PAR BYED DO, ,SHA BCAD NAS RGYUS PA GCOD DO, ,RGYUS PA BCAD NAS RUS PA GCOD DO, ,RUS PA BCAD NAS RKANG 'BYIN PAR BYED DO, ,DE RAL GRIS KUN TU GSHEGS PA NA, BUD MED DE LA MCHOG TU CHAGS PA'I BLOS SHING DE LA 'DZEG PAR BYED DO, ,DE LAS GNOD PA 'DI DAG MYONG BZHIN DU SEMS KYIS BSLUS PA DE SHING DE LA 'DZEG PAR BYED DO, ,SHING DE'I THOR TO LA 'DZEGS PA DANG BUD MED DE SA'I STENG NA GNAS SHING SKYES BU LA LTA BA MTHONG NGO, ,SKYES BU LA KUN TU CHAGS PA'I MIG GIS RNAM PAR LTA BAR BYED CING SKYES BU DE LA TSIG SNYAN PAS 'BOD LA SNGAR 'DZUM ZHING SNYAN PAR SMRA STE, 'DI LTAR BDAG NI KHYOD KYI SLAD DU 'DIR MCHIS NA CI'I SLAD DU BDAG LA TSIG MI GSUNG ZHING BDAG GI LUS DANG MJAL BAR MI MDZAD, DE NAS SEMS CAN DMYAL BA DES LAS KYI SPRUL PA BYAS PA DE MTHONG NAS YANG KUN TU 'DOD CHAGS KYI SEMS KYIS SHING LO MA RAL GRI LTA BU DE LAS 'BAB PAR BYED DO, ,DE 'BAB PA NA LO MA SPU GRI RAB TU 'BAR BA LTA BU DE DAG LA KHA GYEN DU LTA STE, DE DAG GIS KYANG SEMS CAN DMYAL BA DE DAG SNGAR SHA BTOGS SO, ,PHYI NAS RGYUS PA GCOD DO, ,DE NAS RUS PA, RUS PA'I 'OG TU GNAD THAMS CAD GCOD DO, ,DE NAS RKANG BRUS TE SHIN TU GNOD PAR BYAS SO, ,DE NAS SEMS CAN DMYAL BA SNYING LA 'DOD PA'I SRED PAS YONGS
, ,SU GDUNGS PA DE DAG GIS BCAD CING GSHEG LA GNAD DANG, GNAD GCOD BZHIN DU BUD MED DE LA LTA'O, ,'DI LTAR DE LA LTA BA NA BYA RGOD KYI MCHU RAB TU 'BAR BAS MIG 'BYIN CING SPU GRI RNON PO LTA BUS DE'I RNA BA'ANG GCOD, DU BA NA 'DAB MA RAB TU 'BAR BA DAG GIS LCE GCOD CING DE'I SNA'ANG GCOD DE, DE'I YAN LAG DANG, NYING LAG THAMS CAD GCOD DO, ,'DOD CHAGS KYI SRED PAS YID PHROGS PA'ANG SA LA 'BAB PAR BYED PA DANG YANG BUD MED DE SHING KHAR 'DZEG GO, 'DZEGS PA DANG, DE MTHONG NAS YANG DE SHING GI THOR TO DE LA 'DZEG PAR BYED PA SNGA MA BZHIN DU SBYAR TE, DE LTAR LAS KYI DBANG GIS 'PHANGS PAR RANG GI SEMS KYIS YONGS SU BSLUS PA'I SEMS CAN DMYAL BA DE LO 'BUM PHRAG DU MA LO BYE BA 'BUM PHRAG DU MAR SEMS CAN DMYAL BAR YONGS SU 'KHYAM MO, ,DE LTAR SEMS CAN DMYAL BA DE DON GANG GI PHYIR YONGS SU GDUNGS SHING DE LTAR 'DOD PAS LOG PAR G-YEM PA'I RGYUS BSREGS KYANG DE DAG 'DOD CHAGS DANG BRAL BAR MI BYED DO, ,DE LTAR SEMS 'DI NI THOG MA MED PA'I DUS NAS SEMS CAN DMYAL BA DANG, DUD 'GRO DANG, YI DVAGS SU SONG BA YIN TE, DE LTA BAS NA SEMS CAN DMYAL BA DAG TU 'GRO BA'I SEMS CAN GYI SEMS 'DI DAG YID BRTAN PAR MI BYA'O, ,YANG SEMS CAN DMYAL BA BSDUS GZHOM DE NA RI BYA RGOD
DANG NYE BA ZHES BYA BA YOD DE, DE LA SEMS CAN DMYAL BA SKOM PA DANG, BKRES PAS GDUNGS PA DE DAG GIS BRGYUGS PA DANG, DE'I TSE RI BYA RGOD DANG NYE BA LA BYA RGOD LCAGS KYI MCHU RAB TU 'BAR BA LUS CHE ZHING LTO CHE BA DAG GNAS TE, DE DAG GI LTO'I NANG NA ME MA DAG YOD DO, ,GANG GI TSE SEMS CAN DMYAL BA DAG MGON MED CING SKYABS MED PA NA RI DE LA 'DZEG PAR 'GYUR RO, ,DE NAS MGON MED PA DU 'BOD PA DAG LA BYA RGOD DE DAG GIS KLAD PA BTOGS SHING KLAD RGYAS BRUS LA MIG KYANG 'BYIN PAR BYED DO, ,GANG GI TSE DE'I KLAD PA DANG, KLAD RGYAS DAG 'THUNGS NAS MGO'ANG 'DOR BAR BYED DO, ,KLAD RGYAS DANG, MIG PHYUNG BA DE DAG SEMS CAN DMYAL BA'I MUN PA THIBS PO'I NANG DU BRGYUGS PA DANG, DE LAS GZHAN PA LAS KYIS BYAS PA'I BYA RGOD LUS CHE ZHING KHO LAG CHE BA LTO'I NANG NA ME MDAG YOD PA'I BYA RGOD 'ONGS TE, DES SEMS CAN DMYAL BA DE DAG BZUNG NAS ZA'O, ,DE LTAR LTO'I NANG DU SONG BA DE DAG LO 'BUM PHRAG DU MAR BSREGS KYANG DE SROG GCOD PA KUN TU BSTEN CING BSGOMS TE MANG DU BYAS PA'I MTHUS 'CHI BA'I DUS MI BYED DO, ,'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA'I MTHUS NI LO MA RAL GRI LTA BU'I NAGS SU BUD MED MTHONG BA YIN NO, ,MA BYIN PAR LEN PA KUN TU BSTEN CING BSGOMS TE MANG DU BYAS PA'I MTHUS
, ,NI SEMS CAN DMYAL BA'I PHYOGS GZHAN DU 'GRO'O, ,DE NA YUL CHU BO MTHA' YAS PHA ROL ZHES BYA BA ZANGS BSKOL CING BZHUS PAS RAB TU GANG BA'I CHU BO DE'I PHA ROL NA SEMS CAN DMYAL BA DAG GI BZA' BA DANG, BCA' BA DANG, GNAS MAL MANG ZHING BZANG BA DANG, GRIB MA DANG, NAGS TSAL SHIN TU GSAL BA DAG MTHONG ZHING CHU BO RAB TU 'BAB PA DANG, LTENG KA'I PHYOGS BSIL BA DAG MTHONG STE, DES DE DAG MTHONG NAS SNGA MA BZHIN DU SBYAR TE BRGYUGS PA DANG, GCIG LA GCIG DU ZHING 'KHRUGS SO, ,GROGS PO DAG, TSUR SHOG, TSUR SHOG, BZA' BA DANG, BCA' BA DANG, GNAS MAL BDE BA DAG RNYED PA SNGA MA BZHIN SBYAR TE, DE NAS SEMS CAN DMYAL BA DE DAG GIS SGRA THOS NAS SEMS CAN DMYAL BA GZHAN MGON 'DOD PA, SKYABS 'DOD PA, DPUNG GNYEN 'DOD PA DAG KUN TU RGYUG GO, DE NAS SEMS CAN DMYAL BA DE DAG 'DUS NAS, KYE MA, BDAG CAG GI BDE BA DANG, MGON SKYABS DE PHYOGS GANG NAS THOB BAR 'GYUR ZHES SMRA'O, ,DE NAS SEMS CAN DMYAL BA DE DAG GIS SEMS CAN DMYAL BA GZHAN DAG MTHONG NAS SMRAS PA, KYE, GROGS PO DAG CHU BO MTHA' YAS PHA ROL ZHES BYA BA'I PHA ROL NA, BZA' BA DANG, BCA' BA DANG, GNAS MAL DANG, TSAL DANG, NAGS TSAL MANG PO DAG LA LTOS SHIG CES BYA BA SNGA MA BZHIN
DU SBYAR TE, DE NAS SEMS CAN DMYAL BA DE DAG THAMS CAD LA CHU BO MTHA' YAS RAB MED DES PHAN TSUN GNOD PA RO NYE RAB TU BSKOL BA BZHU BA'I DBU PAS KHEBS PA DAG TU DE DAG THAMS CAD DER LTUNG NGO, ,LTUNG NAS KHA CIG NI MAR SAR GYI GONG BU LTAR ZHU'O, ,KHA CIG NI KHA'I MCHU RAB TU 'BAR BA DAG GIS ZA'O, ,KHA CIG NI NYA'I KHA RAB TU 'BAR BAS MID DE LUS KYI YAN LAG DANG, NYING LAG ZHU BA DE DAG THAMS CAD CHU BO DE'I NANG DU DE DAG THAMS CAD ZHU BAR GYUR TO, ,DE DAG GI LAS JI LTAR RIGS PA RJES SU BSTAN PA TSIGS SU BCAD DE SMRAS PA, KHYOD NI SEMS KYIS BSLUS NAS SU, ,BU SMAD GANG GI DON BYED PA, ,SDIG LAS BYUNG BA'I ZHAGS PA YIS, ,SEMS CAN DMYAL BA'I GNAS SU KHRID, ,BLO NGAN ZHAN PA KHYED RNAMS KYIS, ,GANG GI DON DU SDIG BYAS PA'I, ,BU DANG CHUNG MA GROGS PO DANG, ,GNYEN 'DAB RTZA LAG GANG DU SONG, ,MI YI SAR NI KHYOD KYIS SU, ,BDAG LA NGES PAR SDUG MA BYAS, ,MI YI THA MA BU YI DON, ,DES NA SDIG PA KHYOD KYIS BYAS, ,GANG GIS SNGAN CHAD SDIG BYAS PA, ,PHYIS NI GNOD PAR MI 'GYUR MIN, ,BU DANG CHUNG MAS BSLUS PA DE, ,SEMS CAN DMYAL BA DRAG POR 'GRO, ,CHUNG MA GNYEN GYIS CI BYED CING, ,BU DES CI ZHIG BYED PAR 'GYUR, ,LAS KYIS LAM RGYAGS YOD PA NI, ,GCIG PU SEMS CAN DMYAL BAR SREG, BDE BA 'BYUNG BA MA SMAD PA, ,DGE BA'I LAS NI MA BYAS PAS, ,BYIS PA GTI MUG
, ,GIS BSLUS PA, ,PHYI NAS DON BYED CI MI GDUNG, ,GANG ZHIG GTI MUG GIS BSLUS PA, ,'DOD CHAGS ZHE SDANG RJES SU 'GRO, ,BU DANG CHUNG MA BDE BYA'I PHYIR, ,DE DAG KUN GYI 'OG TU 'GRO, ,SROG CHAGS LAS KYI SKYE GNAS DANG, ,RANG GI LAS KYI 'BRAS BU SPYOD, ,LEGS BYAS LHA YI 'JIG RTEN DU, ,NYES PAR BYAS PAS DE BZHIN DMA', ,DE LTAR GSHIN RJE'I MI DE DAG GIS SEMS CAN DMYAL BA BSDUS GZHOM PA DE DAG LA RJES SU BSTAN PA, GANG KHYED CAG GIS BYAS PA'I LAS 'DI DAG SU ZHIG SPYOD PAR 'GYUR TE DGE BA'AM, MI DGE BA RANG GIS BYAS PA SPYOD PAR 'GYUR ZHING MA BYAS PA NI 'ONG BAR MI 'GYUR LA BYAS PA NI CHUD ZA BAR MI 'GYUR RO, ,DE LTAR SEMS CAN DMYAL BA DE DAG JI SRID DU SDIG PA'I LAS BCOM ZHING SPANGS LA ZAD PAR MA GYUR PA DE SRID DU, SEMS CAN DMYAL BA BSDUS GZHOM DU LO 'BUM PHRAG DU MAR BTZO BAR 'GYUR RO, ,DE LTAR SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA DAG GI 'BRAS BU 'THOB PAR 'GYUR RO, ,JI LTAR KHYED CAG GIS DE DAG NYID THOB PA 'DI LTAR SEMS CAN DMYAL BA DE DAG LAS THAR NAS, GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR
SKYES NA DE TSE THUNG ZHING DBUL LA CHUNG MA NGAN PA DANG, DE GZHAN GYI CHUNG MA LA RAB TU CHAGS PAR GYUR PA'AM, DE CHUNG MA MED PAR 'GYUR LA BRNYAS SHING GZHAN GYIS BKOL BAR 'GYUR TE, DE LTAR LAS DE DANG RGYU MTHUN PA'I 'BRAS BU'I LAS KYI MTHUS BSLUS PA'I MI SEMS CAN DMYAL BAR 'GRO BA LA 'DI DAG THAMS CAD 'BYUNG BAR 'GYUR RO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO BSDUS GZHOM GYI 'KHOR LA BRTAGS NA, DES TSOR BA TSAD MED PA DANG, 'BRAS BU AA LA BUD LTA BUR GCOD PA DANG, GNAD DANG, GNAD GCOD PA DANG, BSDUS PA DANG, 'JIGS PAR LTA BA DANG, NYAM NGA BA MANG BA DANG, GNOD PA MI BZOD PA DANG, AA TZA ZER BA DANG, KYI HUD ZER BA DANG, RGYOBS SHIG PA DANG, MCHI MA'I RGYUN ME LTA BU MI 'CHAD PA DANG, DBANG PO THAMS CAD 'GAGS PA DANG, TSOR BA MTHA' MED PA DANG, PADMA LTAR GAS PA DANG, PADMA CHEN PO LTAR GAS PA DANG, ME THAB DANG, LCAGS KYI ME'I RAB MTHONG STE, 'DI DAG NI SEMS CAN DMYAL BA CHEN PO BSDUS GZHOM GYI 'KHOR BCU DRUG YIN NO, ,DE LAS GANG GIS DER SKYE BAR 'GYUR SNYAM NAS DGE SLONG DE SEMS PAR BYED DE, GANG MI DGE BA BYAS PA RNAM PA GSUM DU 'GYUR BA MTHONG STE, 'DI LTA STE, SROG GCOD PA DANG, MA BYIN PAR LEN PA NI SNGA MA BZHIN NO, ,'DOD PAS LOG PAR G-YEM PA KUN TU
, ,BSTEN CING BSGOM TE MANG DU BYAS PA DE NI DE'I MYONG BAR 'GYUR BAR NGES PA YIN TE, SEMS CAN DMYAL BA'I LAS KYIS TSOR BA TSAD MED PAR SKYE BAR 'GYUR RO, ,GANG BUD MED 'OS PA MA YIN PA LA TSUL BZHIN MA YIN PA'I 'DOD PAS LOG PAR BSTEN PA DE NI SEMS CAN DMYAL BA TSOR BA TSAD MED PAR SKYE BAR 'GYUR TE, DER GNOD PA 'DI DAG 'BYUNG BAR 'GYUR RO, ,'DI LTA STE, GSAL SHING GI RAB TU 'BAR BAS RO SMAD DU 'BIGS PAR BYED DE, RO SMAD DU BCUG PA'I GSAL SHING DE'ANG GAL TE RGYAB 'BIGS PAR BYED, GAL TE LTOR, GAL TE DBUS SU, GAL TE RKED PA'I PHYOGS SU, GAL TE PHRAG PAR, GAL TE DPUNG MGOR, GAL TE MID PAR, GAL TE KHAR, GAL TE KLAD RGYAS 'BIGS, GAL TE RNA BAR 'BIGS TE, DE LTAR SEMS CAN DMYAL BA DE'I GSAL SHING DE NI YAN LAG DANG, NYING LAG THAMS CAD 'BIGS PAR BYED, GNOD PA CHEN POR BYED, SREG PAR BYED, YAN LAG THAMS CAD 'TSED PAR BYED DE, DE GNOD PA DE DAG MYONG BAR BYAS NAS TSOR BA MI ZAD PA'ANG RJES SU MYONG BAR BYED DO, ,'DI LTA STE, LCAGS KYI PHRA SKAM RAB TU 'BAR BAS RLIG PA 'BYIN PAR BYED CING BYA RGOD KYIS KYANG BZUNG NAS ZA STE, JI TZAM DU BYAS LA BSAGS PA'I LAS BCOM ZHING SPANGS LA ZAD BAR MA GYUR PA DE SRID DU DU SKAD 'DON TO, ,GANG GI TSE DE'I LAS ZAD PAR GYUR PA
DE'I TSE SEMS CAN DMYAL BA DE LAS THAR PAR 'GYUR RO, ,THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL BA MNYAM PAR MIR SKYES NA, DE'I MI DGE BA'I LAS KYI RGYU MTHUN PA'I 'BRAS BU DES MA NING DU 'GYUR RO, ,DE NAS GZHAN YANG, DGE SLONG DES SEMS CAN DMYAL BA CHEN PO BSDUS GZHOM GYI 'KHOR LA BRTAGS NA DES SEMS CAN DMYAL BA 'BRAS BU AA LA BUD LTA BUR GCOD PA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NA DES SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PAS DE SEMS CAN DMYAL BA 'BRAS BU AA LA BUD LTA BUR GCOD PAR SKYE BA MTHONG NGO, ,DER 'DOD PAS LOG PAR G-YEM PA RNAM PA DU ZHIG BYAS PA YIN SNYAM NA GANG BUD MED 'OS PA MA YIN PA'I KHAR BCUG NA DE LUS ZHIG NAS NGAN 'GRO LOG PAR LHUNG BA SEMS CAN DMYAL BAR SKYE STE, DE LA GNOD PA 'DI DAG 'BYUNG BAR 'GYUR RO, ,'DI LTA STE, GSHIN RJE'I MIS DE'I KHAR PHUR BU BCUG NAS BRDUNG BAS RDUNG BAR BYED DE, DE PHUR BU BRDUNGS PA DES GAL TE LTAG PAR PHUG NAS 'BYUNG BAR BYED PA BSGUL BA DANG, RNA BAR 'BYUNG NGO, ,LCAGS KYI SNOD KYI NANG DU ZANGS RAB TU BSKOL BAS KHAR BLUGS SO, ,DES DE'I MCHU BSREGS NAS LCE SREG GO, LCE BSREGS NAS RKAN
, ,SREG STE, DE LTAR MID PA BSREGS PA NAS LTO'I BAR DU BSREGS TE RO SMAD DU 'BYUNG NGO, ,'DI DAG NI 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA'I LAS KYI 'BRAS BU RNAM PAR SMIN PA YIN NO, ,SEMS CAN DMYAL BA DE TSOR BA'I RNAM PA DE DAG MYONG BA NI JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO BYE BA 'BUM PHRAG DU MAR SREG CING 'TSED DO, ,DE DE LAS THAR PAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS MA PHROGS TE; YI DVAGS DANG, DUD 'GRO DAG TU MA SKYES LA, MI RNAMS DANG SKAL PA MNYAM PAR MIR SKYES NAS, LAS DE DANG RGYU MTHUN PA'I 'BRAS BUS DE'I KHA NAS DRI RUL BA LTA BU 'BYUNG STE, SROG CHAGS GANG GIS TSOR BA KUN YID 'BYUNG BAR 'GYUR RO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO BSDUS GZHOM GYI 'KHOR LA BRTAGS NA, DES SEMS CAN DMYAL BA GNAD DANG, GNAD GCOD PA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NA, GANG GIS SROG GCOD PA DANG, MA BYIN PAR LEN PA KUN TU BSTEN CING BSGOMS TE MANG DU BYAS PA DES DE SEMS CAN DMYAL BA CHEN PO GNAD DANG, GNAD GCOD PA SKYE BAR MTHONG NGO, ,GANG
'DOD PAS LOG PAR G-YE MA PA LA MNGON PAR DGA' BAR BYAS PA'I RNAM PA NI 'DI DAG YIN TE, 'DI LTA STE, BUD MED GZHAN 'DOD CHAGS MI 'DOD PA DE'I MNGAL MA YIN PAR MTHUS BCUG NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA GNAD GCOD PAR SKYE BAR 'GYUR RO, ,DE LA SROG GCOD PA DANG, MA BYIN PAR LEN PA DAG GI TSOR BA GANG YIN PA NI SNGA MA BZHIN DU SBYAR RO, ,'DOD PAS LOG PAR G-YEM PA'I BYE BRAG NI, 'DI LTA STE, DZA RA DZA RA NYIS GYUR DU BYAS PA BSREGS PA RAB TU 'BAR BA DAG GIS KHA 'GENGS TE, JI SRID DU DE'I SDIG PA'I LAS BCOM ZHING SPANGS LA ZAD PAR MA 'GYUR PA DE SRID DU MGON MED PA LO 'BUM PHRAG DU MAR DU 'BOD DO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, MI RNAMS DANG SKAL BA MNYAM PAR MIR SKYES NA LAS DE DANG RGYU MTHUN PA'I 'BRAS BUS DE'I CHUNG MA GZHAN DAG LA RAB TU CHAGS BAR 'GYUR PA BZLOG PAR MI NUS TE, BYAS LA BSAGS PA'I LAS KYI RNAM PAR SMIN PA NI TSOR BA MA MYONG GI BAR DU CHUD ZA BAR MI 'GYUR RO, ,DE NAS GZHAN YANG, DGE SLONG DES SEMS CAN DMYAL BA BSDUS GZHOM GYI 'KHOR LA BRTAGS NA DES SEMS CAN DMYAL BA 'JIGS PAR LTA BA ZHES BYA BA MTHONG NGO, ,DER SROG CHAGS
, ,DAG LAS KYI RNAM PAR SMIN PA GANG GIS SKYE BAR 'GYUR SNYAM NA DES SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA BSGOMS TE MANG DU BYAS PA, BYAS LA BSAGS PA DE NI SEMS CAN DMYAL BA 'JIGS PAR LTA BAR SKYE BAR 'GYUR BA MTHONG NGO, ,DE LA JI LTAR NA SROG GCOD PA DANG, MA BYIN PAR LEN PAS 'GYUR SNYAM NA SNGA MA BZHIN DU SBYAR RO, ,'DOD PAS LOG PAR G-YEM PA NI GANG GIS BYIS PA GZHAN DU BZHIN DU MTHUS LBA BA'I GNAS SU BCUG PA NI DE LUS DANG BRAL NAS NGAN 'GRO LOG PAR LHUNG BA SEMS CAN DMYAL BAR 'JIGS PAR LTA BAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, SEMS CAN DMYAL BA DER SNGON MIR GYUR PA NA DE'I BU GANG YIN PA MTHONG STE, LAS KYIS BYAS PA DE LA 'DI LTAR DE NI MIR GYUR PA NA MIR GYUR PA BDAG GI YIN NO SNYAM DU SRED PA'I YON TAN 'BYUNG NGO, ,DE NAS BU DE LA GSHIN RJE'I MI RNAMS KYIS PHUR BU DAG 'DEBS SHING DE LTAR LBA BA'I GNAS SU PHUR BU DAG BTAB PA MTHONG NGO, ,DE MTHONG NAS BU DE LA 'DI LTAR GNOD PA 'BYUNG GNOD PA 'BYUNG BA DE'I RNAM PA YOD PA DE SRID DU YID LA SDUG BSNGAL SKYE ZHING, GANG LA SDUG BSNGAL GNOD PA'I ME 'BYUNG BA DE'I SDUG BSNGAL GYI CHA BCU DRUG YID LA SDUG BSNGAL GYIS GNOD PA SKYE BAR 'GYUR TE, YID
KYI SDUG BSNGAL KHYAD PAR CHE'O, ,LUS KYI SDUG BSNGAL YANG SDUG BSNGAL 'DI DAG 'BYUNG STE, DE LA GNOD PA 'BYUNG BAR 'GYUR BA NI, 'DI LTA STE, GSHIN RJE'I MI DAG GIS KHA SPUB DU BZHAG NAS, LCAGS RAB TU 'BAR BA'I SNOD KYI NANG DU ZANGS RAB TU 'BAR BAS NGE'I LBA BA'I GNAS SU LDUG GO, DE LA DE BLUGS PA DANG, LBA BA'I GNAS NAS LONG KA SREG GO, LONG KA BSREGS NAS RGYU MA SREG GO; DE'ANG BSREGS NAS SNYING SREG GO, SNYING YANG BSREGS NAS MTSER PA SREG GO, MTSER PA'ANG BSREGS NAS GLO BA SREGS GO, GLO BA BSREGS NAS AOL KONG SREG GO, AOL KONG BSREGS NAS MID PA SREG STE, MCHIL MA'ANG BSREGS NAS LCE'I DRUNG DU SREG GO ,LCE'I DRUNG DU'ANG BSREGS NAS LCE SREG GO, LCE BSREGS NAS RKAN SREG GO, RKAN BSREGS NAS KLAD PA SREG GO, KLAD PA BSREGS NAS KLAD RGYAS SREG STE, 'BAR BA DE 'OG TU BYUNG NAS 'GRO'O, ,DE LTAR 'DOD PAS LOG PAR G-YEM PA 'DI NI LO 'BUM PHRAG DU MAR LAS KYIS BYAS PA'I BU DAG MTHONG STE, DE LUS DANG, YID LA SDUG BSNGAL GYIS GNOD PA NI JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR SREG STE, 'CHI BA'I DUS MI BYED DO; ;DE PHYIS DE LAS THAR PAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA DE MI RNAMS DANG SKAL PA
, ,MNYAM PAR MIR SKYES NA LAS DE DANG RGYU MTHUN PA'I 'BRAS BUS DES KHU CHU NYAMS PAR 'GYUR ZHING DE BU MED PAR 'GYUR LA DE MA NING ZHES BYA STE SKYE BO KUN GYIS SMAD PAR 'GYUR RO, ,DE NAS GZHAN YANG, DGE SLONG DE SEMS CAN DMYAL BA CHEN PO BSDUS GZHOM GYI 'KHOR LA RTOG PAR BYED DE, 'KHOR GZHAN GANG ZHIG YOD SNYAM MO, ,DE THOS PA LAS BYUNG BA'I SHES PAS SEMS CAN DMYAL BA GZHAN 'KHUMS PA ZHES BYA BA 'KHUMS PA'I RANG BZHIN CAN YOD PAR MTHONG NGO, ,DER SEMS CAN DAG LAS GANG GIS SKYE BAR 'GYUR ZHE NA; GANG GIS DE PHYUGS RMIG ZLUM GCIG GI MNGAL DU BUD MED GZHAN ZHIG YIN PAR BSAMS TE, DE LA SPYOD SNYAM PAS BCUG NA DE LUS DANG BRAL NAS NGAN 'GRO LOG PAR LHUNG BA SEMS CAN DMYAL BA 'KHUMS PAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, BA DE DAG GAM, RTA RGOD MA DE DAG LA BDAG GI SNYING GIS GANG SDON CHAGS PA'I LUS YIN PAR BSAM PA'I BA'AM, RTA RGOD MA LAS KYIS BYAS PA SEMS CAN DMYAL BAR MTHONG NGO, ,DE 'DOD CHAGS KYIS ZIL GYIS NON PA'I SEMS KYIS BA'AM, RTA RGOD MA DE LA BSNYEGS SO, ,DE DAG GI KHONG PA'I NANG NA LCAGS KYI ME MDAG RAB TU 'BAR BA DAG GIS GANG STE, GAL TE DE DANG PHRAD NA DE TSUL BZHIN MA YIN PA'I LAS BYAS
PA'I SGO DES KHONG PA'I NANG ME MDAG GIS GANG BA DER 'JUG PAR 'GYUR TE, DE DE'I KHONG BA MUN PA DER LO 'BUM PHRAG DU MAR SREG CING 'TSED DE DU BAR YANG MI NUS SO, ,DE JI SRID DU RNAM PA DU MAR BCOM ZHING SPANGS LA ZAD PAR MA GYUR PA DE SRID DU 'TSED DO, ,DE PHYIS DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS DUD 'GRO DANG, YI DVAGS DAG TU MA SKYES LA GAL TE MI RNAMS DANG SKAL PA MNYAM PAR MIR SKYES NA GANG DU RANG GI CHUNG MA MA YIN PA GZHAN DAG LA BYAS LA BSAGS PA, 'DOD PAS LOG PAR G-YEM PA RGYU MTHUN PA'I 'BRAS BUS DE YUL DE LTA BUR SKYE BAR 'GYUR RO, ,DE NAS GZHAN YANG, DGE SLONG DES GANG SEMS CAN DMYAL BA CHEN PO DE'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA NYAM PAS MANG BA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NA DE DAG GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS LA MANG DU BYAS PAS 'GYUR BA MTHONG STE, SROG GCOD PA DANG, MA BYIN PAR LEN PA NI SNGA MA BZHIN NO,, 'DOD PAS LOG PAR G-YEM PA NI SKYES PA GANG ZHIG SKYES PA LA 'JUG PAR BYED NA, DE LUS DANG BRAL NAS NGAN 'GRO LOG PAR LTUNG BA'I SEMS CAN DMYAL BA NYAM NGA BA MANG BAR SKYE
, ,BAR 'GYUR RO, ,BYAS LA BSAGS PA'I LAS KYI MTHUS DER GNOD PA 'DI DAG 'BYUNG BAR 'GYUR TE, 'DI LTA STE, SKYES PA DE NYID SEMS CAN DMYAL BA DER MTHONG STE; SKRA RAB TU 'BAR ZHING LUS THAMS CAD RAB TU 'BAR LA LUS RDO RJE LTAR SRA BA DES 'DZIN PA NI JI LTAR BYE MA CHANG BA NAS GTOR BA DE LTAR YAN LAG DANG, NYING LAG THAMS CAD LA GNOD PA BYED DO, ,DE MI DGE BA'I LAS KYIS SHI NAS YANG 'TSO BAR 'GYUR TE, DE SKYES PA RAB TU 'BAR BA DES 'JIGS SHING ZHUM PAR BYED DO, ,DES NGAM GROG DE DAG MTHONG STE, DE'I NANG DU LHUNG NGO; ;DE NAM MKHA' LA GNAS PA DANG, JI LTAR DE YUNGS 'BRU TZAM DU'ANG MI SNANG BA DE LTAR KHVA MCHU RAB TU 'BAR BA DAG 'ONGS NAS DUM BUR GCOD DO, ,DE'ANG BYUNG BAR GYUR NAS SA LA LHUNG BA DANG, DER WA KHA RAB TU 'BAR BA DAG 'ONGS NAS ZA BAR BYED DO, ,GAL TE DE'I RUS PA DAG ZAD PAR BTOGS NA'ANG SKYE BAR 'GYUR TE, DE BYUNG BA DANG, GSHIN RJE'I MI DAG GIS LCAGS KYI RDZA MA RAB TU 'BAR BA DAG GI NANG DU 'TSED DO, ,DE LTAR JI SRID DU MI DGE BA'I LAS BYAS SHING BSAGS PA BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR 'TSED CING ZA LA PHYE MAR RLOG GO, DE PHYIS SEMS CAN DMYAL BA NYAM NGA BA MANG BA DE LAS THAR BAR 'GYUR TE, THAR NAS KYANG DE GAL TE LAN GRANGS GZHAN LA MYONG BAR 'GYUR
BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA DE 'DOD PAS LOG PAR G-YEM PA'I RGYU MTHUN PA'I 'BRAS BUS DE'I CHUNG MA DU MA CHUD ZA ZHING CHUNG MA GCIG KYANG MI 'GRUB LA KUN MI GZHAN GYI DRUNG DU 'GRO BAR 'GYUR RO, ,DE NAS GZHAN YANG, DGE SLONG DES SEMS CAN DMYAL BA CHEN PO BSDUS GZHOM GYI 'KHOR LA RTOG PAR BYED DE SEMS CAN DMYAL BA CHEN PO BSDUS GZHOM GYI 'KHOR GZHAN GANG ZHIG YIN SNYAM MO, ,DE THOS PA LAS BYUNG BA'I SHES PAS SEMS CAN DMYAL BA GNOD PA MI BZAD PA ZHES BYA BA MTHONG NGO,, DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PAS 'GYUR LA DE LA SROG GCOD PA DANG, MA BYIN PAR LEN PA NI SNGA MA BZHIN NO, ,'DOD PAS LOG PAR G-YEM PA NI SDE'I TSOGS GZHAN GYI BUD MED THOB NAS SKYES PA MANG PO DAG LA BYIN ZHING BDAG NYID KYANG MNGAL LAM, MNGAL MA YIN PAR 'JUG NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA GNOD PA MI BZAD PAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, GSHIN RJE'I MI RNAMS KYIS RKANG PA GYEN DU SHING KHAR BTAGS SHING DE GYEN DU BTAGS PA LA MES SREG
, ,STE; GANG GIS DE'I KHA LA SOGS PA LUS THAMS CAD SREG CING DE'I TSE DE'I MIG SHIN TU SDUG GU BYUNG ZHING SKYES PA DAG MES SREG GO, DE LTAR NA SEMS CAN DMYAL BA DE'I TSOR BA DRAG PA TSA BA RTZUB PA BZOD PAR DKA' BA YIN NO, ,DE TSOR BA DES NYAM THAG PA NAS 'BOD CING DU SKAD 'BYIN LA NGU ZHING KHRO'O, ,SEMS CAN DMYAL BA DE SKAD 'BYIN PA DE'I KHAR ME BCUG STE, KHA'I NANG DU ME BCUG PAS GLO BA DANG, MCHER PA DANG, PHO BA DANG, LONG KA DANG, 'DOMS DANG, GZHANG BSREGS PA NAS RKANG BA'I BAR DU BSREGS SO, ,DE SREG BA NA'ANG NYAM THAG PA'I TSOR BA MYONG BAR 'GYUR BA'I KHVA DE DAG 'ONGS NAS DE'I LUS LA ZA BAR BYED DO, ,DE TSOR BA GNYIS KYIS ZHEN NAS SREG CING NGU STE, DE LTAR SREG PA NA JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU DE 'DI LTAR LO 'BUM PHRAG DU MAR SEMS CAN DMYAL BA DE'I TSOR BA DRAG CING TSAL MI BZAD PA GZHAN DANG MTSUNGS PA MED PA LO 'BUM PHRAG DU MAR MYONG BAR 'GYUR RO, ,DE SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA LAS DE'I MTHUS DE'I CHUNG MA MCHOG TU DGA' ZHING MCHOG TU BLTA NA SDUG PA'ANG SDE'I
TSOGS GZHAN DAG GIS PHROGS PA DANG, DE'O DOD 'BOD CING DU LA MYA NGAN BYED DO, ,'DOD PAS LOG PAR G-YEM PA'I RGYU MTHUN PA'I 'BRAS BUS CHUNG MA DE'I PHYIR 'JIG RTEN 'DI DANG, PHA ROL TU'ANG 'O DOD 'BOD CING DU BAR BYED LA YONGS SU GDUNG BAR BYED DO, ,DE NAS GZHAN YANG, DGE SLONG DES SEMS CAN DMYAL BA CHEN PO BSDUS GZHOM GYI 'KHOR LA RTOG PAR BYED DE, LAS GANG GIS SEMS CAN DMYAL BA AA TZA ZER BAR SKYE BAR 'GYUR SNYAM NAS DE THOS PA LAS BYUNG BA'I SHES PAS BRTAGS NA, SNGON TSUL BZHIN MA YIN PA YID LA BYED PAS BUD MED GZHAN MA RNYED NAS LUG MA MO'AM, BOD MO LA 'JUG PAR BYED CING MCHOD RTEN NAM, MCHOD RTEN GYI PHYOGS SAM, SANGS RGYAS LA GUS PA TZAM YANG BYED PA MED PA NI DE LUS DANG BRAL NAS NGAN 'GRO LOG PAR LHUNG BA SEMS CAN DMYAL BA AA TZA ZER BAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, LCAGS KYI GROG SBUR TSOR BA CHEN PO BSKYED PA DAG GIS YAN LAG DANG, NYING LAG THAMS CAD LA ZA BAR BYED DO, ,SEMS CAN DMYAL BA DE DAG GI LTO'ANG MES GANG PAR 'GYUR TE, RANG GI LAS KYI RNAM PAR SMIN PA DRAG CING MI BZAD PAS LO 'BUM PHRAG DU NUM PHYI NANG SREG CING ZA'O, ,SRIN BU AA TZA ZER ZHES BYA BAR YANG SKYE BAR 'GYUR TE, GANG SEMS CAN DMYAL BA'I MI DE DAG GI SHA LA ZA'O, ,SHA ZOS NAS KHRAG 'THUNG NGO, ,KHRAG 'THUNGS
, ,NAS RGYUS PA GCOD DO, ,RGYUS PA BCAD NAS RUS PA 'CHA', RKANG 'JIB CING RGYU MA DANG, GNYE MA DAG LA ZA BAR BYED DO, ,DE SREG CING 'TSED LA ZA BA NA, 'O DOD 'BOD CING DU LA CHO NGES 'DEBS SHING SNYING RJE RJE SKAD DU SMRE SNGAGS 'DON TO, ,JI SRID DU RNAM PAR SMIN PA'I 'BRAS BU NYE BAR MA SPYAD KYI BAR DU DE'I NYES PAR SPYAD PA'I SDIG PA'I LAS DRAG CING MI 'DOD LA MI SDUG CING YID DU MI 'ONG BAR 'GYUR TE, JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU DE LO 'BUM PHRAG DU MAR SREG CING 'TSOD LA ZA BAR BYED DO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA, MI DE'I LAS KYI RGYU MTHUN PA'I 'BRAS BU'I RGYUS DE LA 'GRAN ZLA MANG ZHING, RGYAL PO'I PHO BRANG 'KHOR DU DE'I 'GRUB PA MED PAR 'GYUR, DBUL ZHING NOR RDZAS THAMS CAD NYAMS PAR 'GYUR LA TSE THUNG BAR 'GYUR RO, ,DE NAS GZHAN YANG, DGE SLONG DE SEMS CAN DMYAL BA CHEN PO BSDUS GZHOM GYI 'KHOR LA RTOG PAR BYED DE, LAS KYI RNAM PAR SMIN PA BYAS LA BSAGS PA LAS KYI NYER BSDOGS DANG, LAS KYI MJUG GANG GIS SEMS CAN DMYAL BA KYI HUD ZER BAR
SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA NI, DE LUS DANG BRAL NAS NGAN 'GRO LOG PAR LHUNG BA SEMS CAN DMYAL BA KYI HUD ZER BAR SKYE BAR 'GYUR RO, ,DER LAS KYI RNAM PAR SMIN PA GANG GIS SKYE BAR 'GYUR SNYAM NA, DE LA SROG GCOD PA DANG, MA BYIN PAR LEN PA NI SNGA MA BZHIN NO, ,'DOD PAS LOG PAR G-YEM PA NI GANG KLA KLO DAG TU SKYE BAR 'GYUR TE, DE SKYE BA'I RIS MTHUN PA'I SKYON GYIS DE GAL TE GANG SRING MO'AM, GZHAN 'OS PA MA YIN PA DE LTA BU DAG LA SPYOD PAR BYED NA DE LUS DANG BRAL NAS NGAN 'GRO LOG PAR LHUNG BA SEMS CAN DMYAL BA KYI HUD ZER BAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, SEMS CAN DMYAL BA DER SEMS CAN DMYAL BA PA DAG SREG CING 'TSED LA GSHIN RJE'I MI RNAMS KYIS GSED PA NI, GANG GIS DPAG TSAD LNGAR GANG BA'I SGRA DE LTA BU 'BYIN TO, ,SRID PA BAR MA LA GNAS PA'I SEMS CAN DMYAL BA DER GZHI DE LAS SNYING RJE ZHING 'JIGS PAR THOS PA LAS KYI DBANG GIS MI MTHUN PA LOG PAR THOS TE, DE'I NGU BA GLU DBYANGS SNYAN PA'I SGRA LTA BU DANG, PHEG RDEB PAR THOS SO, ,DE DE LTAR LTA BA NA BDAG KYANG 'GRO'O SNYAM DU SEMS SO, ,SEMS BSKYED MA THAG TU SRID PA NYE BAR
, ,LEN PA'I RKYEN LAS BYUNG BAS DER SKYE BAR 'GYUR RO, ,GANG DANG GANG DU SRID PA BAR MA PA'I NYE BAR LEN PAR BYED PA DE DANG DER SKYE BAR 'GYUR TE, NYE BAR LEN PA DE BYAS PAS DER SKYES SO, ,LHAN CIG SKYES MA THAG TU SEMS CAN DMYAL BA'I SDUG BSNGAL 'BYUNG BAR 'GYUR TE, SGRA DE DAG SEMS CAN DMYAL BA PA DAG GI NGO BO NYID DU THOS TE, TSOR BA MI BZAD CING DRAG LA TSA BA GZHAN DANG MCHUNGS PA MED CING DPE ZLA MED PA DAG MYONG BA NA SGRA DE NYIS 'GYUR GYIS SNYING LA 'BIGS PAR BYED DO, ,GNOD PA 'DI DAG KYANG 'BYUNG BAR 'GYUR TE, 'DI LTA STE, LCAGS KYI RI RAB TU 'BAR BA KHVA SPUNGS PA ZHES BYA BA YOD DE, DE DPAG TSAD STONG LNGA BRGYAR 'BAR LA RING KHYAD GNAM LA THUG PA ZHIG YOD DO, ,DE LA LCAGS KYI SHING LJON PA DANG, LCAGS KYI KHVA RAB TU 'BAR BA DAG GIS GANG STE, RI DE THAMS CAD KYANG RAB TU 'BAR BA ME LCE GCIG TU GYUR CING KUN NAS DE'I LAS KYIS BYAS PA'I MES RGYUN MI 'CHAD PAR RAB TU 'BAR BA NA, NYES PAR BYAS PA'I LAS KYIS RI DE PADMA'I TSAL GYIS KHEBS PAR MTHONG ZHING PADMA'I 'DAB MA DE DAG 'OD 'PHRO BAR MTHONG NAS DE DAG GCIG LA GCIG POS TE, GROGS PO DAG, TSUR SHOG, TSUR SHOG, RI TSAL GRIB MA BSIL BA CAN DU 'DONG, TSAL SDUG PA DAG NYE BAR BSTEN PAR BYA'O ZHES SMRA'O, ,DE NAS SEMS CAN
DMYAL BA PA DE DAG LA GSHIN RJE'I MI RNAMS KYIS RDO'I CHAR DAG GIS RDEG PA NA, SKYOB PA 'DOD PA, SKYABS 'DOD PA, MGON 'DOD PA DAG RIG LA BA DER DE DAG RGYUG GO, JI LTAR RI DE LA DE LTAR 'DZEGS PA DANG RI DE'ANG 'BAR BA'I PHRENG BAS 'KHRUGS SHING KUN NAS RAB TU 'BAR LA KHVA RAB TU 'BAR BA MCHU SHIN TU RNO BA RNAMS KYIS SEMS CAN DMYAL BA SHIN TU GANG BA DE DAG MTHONG NAS RGYUG CING SEMS CAN DMYAL BA DE DAG LA ZA BAR BYED DE, KHA CIG NI KLAD PA DANG, KLAD RGYAS LA 'THOG ,KHA CIG NI MIG LA, KHA CIG NI SNA LA, KHA CIG NI 'GRAM PA'I PAGS PA LA, KHA CIG NI RKED PA'I NGOS LA, KHA CIG NI LCE LA, KHA CIG NI MGRIN PA LA, KHA CIG NI MGRIN PA'I PAGS PA LA, KHA CIG NI MID PA LA, KHA CIG NI SNYING LA, KHA CIG NI GLO BA LA, KHA CIG NI MTSER PA LA, KHA CIG NI RGYU MA LA, KHA CIG NI GNYE MA SPOM PO LA, KHA CIG NI LTO BA'I PAGS PA LA, KHA CIG NI RNA BA'I RUS PA LA, KHA CIG NI BRAL LA, KHA CIG NI BRLA'I SPUBS LA, KHA CIG NI RKANG PA'I RTING PA LA, KHA CIG NI RTING PA'I PAGS PA LA, KHA CIG NI RKANG MTHIL LA, KHA CIG NI GZHAN GLA, KHA CIG NI RKANG PA'I SOR MO LA 'THOG GO ,YANG RNAM KHAR PHYE NAS ZA BAR BYED DE, KHA CIG NI MDUN GYI NGOS LA, KHA CIG NI GLO LA, KHA CIG NI GLO'I PAGS PA LA, KHA CIG NI LAG PA'I RGYAB KYI RUS PA LA, KHA CIG NI YAN LAG DANG, NYING
, ,LAG THAMS CAD DANG, RKANG YOD PA'I SEMS CAN DMYAL BA DE DAG SO SO SO SOR PHYE NAS KHVA DE RNAMS KYIS ZA BAR BYED DO, ,YANG LAS KYI DBANG GIS SKYE BAR 'GYUR TE; SKYES NAS KYANG GSHIN RJE'I MIS 'JIGS SHING KHVAS 'JIGS LA SKYOB PAR 'DOD PA, SKYABS 'DOD PA DAG RI KHVA SPUNGS PA GA LA DER RGYUG GO ,DE DAG GANG GI TSE LAS KYIS BYAS PA'I MES 'BAR BA'I PHRENG BA'I RI SPUNGS PA DE LA 'DZEG PA NA, 'BAR BA'I PHRENG BAS LUS YONGS SU DKRIS PA DE DAG RI DE LA LO 'BUM PHRAG DU MAR SREG PAR 'GYUR RO, ,JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS SHING JI SRID DU DE'I SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN NAS BSLANG BA LA KUN TU BSTEN CING BSGOMS TE MANG DU BYAS PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR DE'I LAS DRAG CING TSA BA BYAS LA BSAGS PA'I MTHUS GANG DAG KHVA SPUNGS PA'I RI DE'I RTZE MO LA'ANG GANG GIS BYUNG BA DAG 'DZEG PAR BYED DE, DE DAG LA 'BAR BA DE DAG GIS DPAG TSAD STONG LNGA BRGYAR GYEN DU BTEG BTEG STE, PHYE MA LEB BZHIN DU SREG PAR BYED KYANG GCIG CAR 'CHI BA'I DUS NI MI BYED DO, ,GANG GI TSE DE BCOM ZHING SPANGS LA ZAD PAR BYAS PA DE'I TSE, SEMS CAN DMYAL BA DE LAS THAR
BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA, DE'I LAS BYAS LA BSAGS PA'I RGYU MTHUN PA'I 'BRAS BUS DE'I YAN LAG DANG, NYING LAG THAMS CAD LAS DRI RUL PA 'BYUNG ZHING MDZE'AM, DE LA SHA BKRA 'BYUNG BAR 'GYUR, 'GRAN ZLA MANG ZHING PHAL CHE LA DBUL BA DANG, YUL NGAN PAR SKYE BAR 'GYUR RO, ,DE NAS GZHAN YANG, DGE SLONG DES SEMS CAN DMYAL BA CHEN PO BSDUS GZHOM GYI 'KHOR LA BRTAGS NA, DES THOS PA LAS BYUNG BA'I SHES PAS 'KHOR GZHAN MCHI MA'I RGYUN ME LTA BU ZHES BYA BA YOD PAR MTHONG NGO, ,DER SEMS CAN LAS KYI RNAM PAR SMIN PA GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PAS 'GYUR TE, DE LA SROG GCOD PA DANG, MA BYIN PAR LEN PA NI SNGA MA BZHIN NO, ,'DOD PAS LOG PAR G-YEM PA NI DGE SLONG MA TSUL KHRIMS RAL CING SPYOD PA NGAN PA LA SNGAR GZHAN GANG ZHIG GIS LHAN CIG MI TSANGS PAR SPYAD PA BYAS LA, PHYIS GZHAN ZHIG DE DANG LHAN CIG BYED NA, DE LUS DANG BRAL NAS NGAN 'GRO LOG PAR LHUNG BA SEMS CAN DMYAL BA MCHI MA'I RGYUN ME LTA BUR SKYE BAR 'GYUR RO, ,
, ,DER GNOD PA 'DI DAG 'BYUNG BAR 'GYUR TE, 'DI LTA STE, TSA BA RTZUB PA MI 'DOD PA'I LAS KYI RNAM PA DE LTA BU BYAS PAR 'GYUR TE, GANG GIS KUN NAS RAB TU 'BAR BA'I MES SREG PA NA, MCHI MA GANG 'BYUNG BA DE DAG ME'I MCHI MAR 'BYUNG STE, DE DAG GIS LUS DE DAG SREG CING SEMS CAN DMYAL BA DE DAG LA GNOD PA'I RNAM PA DE LTA BUS NYEN PAR 'GYUR RO; ;DE'ANG GNOD PA GZHAN DAG MYONG BAR 'GYUR TE, MIG GI NANG DU SENG LDENG GI MDAG MAS KUN TU 'GENGS SHING GSHIN RJE'I MI RNAMS KYIS RUS PA BRDUNGS SO SOR 'BYED LA SMYIG MA LTA BUR 'BUD CING SEMS CAN DMYAL BA SO SO 'JIGS PA LA, LCAGS KYI PHUR BU DANG, GTUN SHING DANG, MDA' BO CHE RNAMS KYIS SEMS CAN DMYAL BA DE DAG GIS LUS GCOD CING 'BIGS LA DUM BUR RLOG GO, PHRA SKAM RAB TU 'BAR BAS GZHAN GDANGS PA'I NANG DU ZHA NYE BSKOL BAS KUN TU BKANG STE, DE'I NANG ZHA NYE BSKOL BAS RAB TU SREG LA, PHYI ROL ME SHIN TU 'BAR BAS RAB TU SREG GO, DE GNYIS KAS SREG PA NA TSOR BA SHIN TU TSA ZHING MI BZAD PA RNAM PA DU MA MYONG BAR 'GYUR RO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO BRGYAD PA, 'DIR TSIGS SU BCAD PA, DMYAL BA'I SDIG PA'I LAS KYIS SU, ,ZHA NYE DAG GIS NANG BLUGS SHING, ,ME 'BAR BA YIS PHYI ROL DU, ,SREG PA
SHIN TU SDUG BSNGAL YIN, ,GANG DAG SDUG BSNGAL LAS 'BRAS SKYES, ,TSA BA 'BYUNG BA SKYE BA NI, ,KHAMS GSUM DAG TU DE YI DPE, ,BYA BAR SLA BA MA YIN NO, ,RNAM GSUM 'BRAS BU GSUM SKYES PA, ,KHAMS GSUM DAG TU SKYE BA NI, ,SEMS GSUM LAS BSLANG NYES GSUM SKYES, ,GNAS GSUM DAG TU SMIN PAR 'GYUR, ,RGYU DANG RKYEN NI TSOGS PA YIS, ,KUN BSLANG SO SO DE NYID DANG, DE YI LAS KYI RNAM SMIN NI, KHAMS GSUM DAG NA SNANG BA YIN, ,JI LTA JI LTAR SEMS 'BYUNG BA, ,DE LTA DE LTAR YONGS 'GYUR TE, ,DGE BA YIS NI DGE BYED CING, ,SDIG PA YIS NI SDIG PA BYED, ,LAS NA SEMS DANG 'BREL BA STE, ,SRID PA LAS DANG 'BREL PA YIN, ,SEMS DANG LAS KYI KUN BSLANG BA, ,'DI NI 'KHOR BAR YONGS SU BSGRAGS, ,SRED PA GANG GIS BSLUS PA YIS, ,SDANG BA'I SEMS DANG LDAN PA'I LAS, ,'DIR NI MI DAG DE BYED DE, ,DE NI SEMS CAN DMYAL BAR 'TSED, ,GZHAN GYIS BYAS PA'I SDIG PA NI, ,GZHAN LA YONGS SU SMIN MI 'GYUR, ,SROG CHAGS KUN GYIS BDAG NYID KYI, ,LAS KYI 'BRAS BU DAG LA SPYOD, ,KHYOD CAG RANG GI SEMS KYIS SU, ,'DI DAG RTHAMS CAD BSLUS PA YIN, ,ME YIS YONGS SU GDUNGS PA YIS, ,DU SKAD DON MED CI ZHIG 'BYIN, ,DE LTAR SEMS CAN DMYAL BA DE DAG LA GSHIN RJE'I MI DE DAG GIS RANG GI LAS DAG RANG NYID KYIS MA MYONG BAR GROL BA ME
, ,DO ZHES RJES SU BSTAN TE, DE LTAR LAS DANG, 'BRAS BUR 'BREL BA NI DE THAMS CAD SRID PA BAR MAR DMIGS SO, ,DE LTAR RJES SU STON PA NA JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR MA BYAS PA DE SRID DU SEMS CAN DMYAL BA DE DAG LA GSHIN RJE'I MI DE RNAMS KYIS LO 'BUM PHRAG DU MAR SREG CING 'TSED DO, PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA, LAS BYAS LA BSAGS PA'I RGYU MTHUN PA'I 'BRAS BU'I MTHUS SKRAN CAN DU 'GYUR ZHING SKOM PA'AM, BYAD NGAN PA'AM, SKOM PA'AM, LUS TSAL SHING BSREGS PA LTA BUR 'GYUR RO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO BSDUS GZHOM GYI 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA DBANG PO THAMS CAD KUN TU 'GAGS PA ZHES BYA BA JI LTAR 'DUG PAR MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS
TE MANG DU BYAS PAR GYUR PA DE DAG SEMS CAN DMYAL BAR SKYE BAR 'GYUR RO, ,DE LA SROG GCOD PA DANG, MA BYIN PAR LEN PA'I RNAM PAR SMIN PA NI SNGAR BSHAD PA BZHIN NO, ,'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA RNAM PA DUR 'GYUR SNYAM NA, SHIN TU 'DOD CANGS BDO BA GANG GIS BUD MED KYI SKYE GNAS MA YIN PA KHA'AM, RKUB TU LAN GCIG 'DOD PAS LOG PAR G-YEM PA KUN TU BSTEN NA, DE LUS DANG BRAL NAS NGAN 'GRO LOG PAR LHUNG BA SEMS CAN DMYAL BA DBANG PO THAMS CAD KUN TU 'GAGS PA ZHES BYA BAR SKYE BAR 'GYUR RO; ;DER GNOD PA 'DI DAG 'BYUNG BAR 'GYUR TE, 'DI LTA STE, KHAR ME'I KHAMS KYIS GANG BAR BKANG ZHING LCAGS KYI SNOD KYI NANG DU ZANGS DMAR PO BZHUS PA BLUGS NAS BRDZANG BAS BRDZANGS LA; 'OG NAS KYANG SROG CHAGS MA KO TA KA'I MCHU RAB TU 'BAR BAS ZA'O, ,ME 'BAR BA'I PHRENG BA BCU GCIG GIS BSKOR BA'I DBUS SU GDUNGS SHING SREG STE, YANG SOS SHING YANG SREG GO ,GROG SPUR RAB TU 'BAR BA DAG GIS NI MIG ZLA ZHA NYES NI RNA BA GANG, RAL GRIS NI SNA BCAD, SPU GRIS NI LCE BCAD, SPU GRI'I CHAR GYIS NI LUS GSHEGS TE DBANG PO THAMS CAD SDUG BSNGAL CHEN PO MYONG BA NI SEMS CAN DMYAL BA PA'I RNAM PAR SMIN PA'I BDE BA MED CING, SDUG BSNGAL 'BYUNG BA MI BZAD LA TSA BA GZHAN DANG MTSUNGS PA MED CING DPE ZLA
, ,MED PA DE'I PHYOGS 'GA' ZHIG BRJOD NA, 'DI LTA STE, JI LTAR NYI MA'I 'OD LAS MAR ME'I 'OD DE BAS CHUNG BA DE LTAR SEMS CAN DMYAL BA PA'I SDUG BSNGAL RJES SU DPAG PAR BYA ZHING LHA RNAMS KYI BDE BA DPE ZLA MED PA BZHIN DU SEMS CAN DMYAL BA PA RNAMS KYI SEMS CAN DMYAL BA'I SDUG BSNGAL YANG DPE ZLA MED DO, ,DE CI'I PHYIR ZHE NA, LHA'I 'JIG RTEN DANG, SEMS CAN DMYAL BA'I BDE BA DANG, SDUG BSNGAL NI GZHAN DANG MTSUNGS PA MED DE, 'DI NI PHYOGS 'GA' ZHIG BRJOD PA YIN NO, ,JI SRID DU DE'I SDIG PA'I LAS BYAS SHING BSAGS PA BYANG ZHING ZHI LA SPANGS SHING ZAD PAR MA BYAS PA DE SRID DU DER TSOR BA MI BZAD CING TSA LA DRAG PA DAG MI YONG BAR 'GYUR RO, ,DE SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA DE'I LAS BYAS SHING BSAGS PA'I RGYU MTHUN PA'I 'BRAS BU'I MTHUS, DE'I CHUNG MA SDOM PA MED PAR 'GYUR LA, CHUNG MA DES KYANG DE LTAR CHOM RKUN PA DAG GNYER NAS GSOD PAR BYED, DE BZHIN DU RGYAL PO'I PHO BRANG 'KHOR DU G-YO THABS SBYAR NAS GSOD PAR BYED, DE BZHIN DU DUG GIS GSOD PAR BYED CING DE GNYID LOG PA DANG, MTSON GYIS GSOD PAR
BYED DE, BYAS SHING BSAGS PA'I LAS KYI RNAM PAR SMIN PA MA MYONG BAR THAR PA MED DO, ,DE NAS GZHAN YANG, DGE SLONG DES SEMS CAN DMYAL BA CHEN PO BSDUS GZHOM GYI 'KHOR LA RTOG PAR BYED DE, DES THOS PA LAS BYUNG BA'I SHES PAS SEMS CAN DMYAL BA TSOR BA MTHA' MED CES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA SROG GCOD PA DANG, MA BYIN PAR LEN PA'I 'BRAS BU NI JI SKAD BSHAD PA BZHIN NO, ,GANG SHIN TU 'DOD CHAGS KYI SEMS KYIS BUD MED 'OS MA YIN PA RJES SU DRAN NAS LAG PAS 'DOD PAS LOG PAR G-YEM PA BYAS NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA TSOR BA MTHA' MED PAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, BYAS SHING BSAGS PA'I LAS KYIS TSOR BA SHAS CHE BAR 'GYUR BA NI, 'DI LTA STE, ME'I TSOR BA DANG, MTSON GYI TSOR BA DANG, BA TSVA'I TSOR BA DANG, NAD KYI TSOR BA STE; TSOR BA DE DAG GTING DPAG DKA' ZHING MTHA' DPAG DKA' LA MTHA' YAS PA YIN TE, JI SKAD BSHAD PA'I TSOR BA DE DAG NI DPE BYA BAR SLA BA MA YIN NO, ,DE LTAR SEMS CAN DMYAL BA DAG DER RANG GI SEMS KYIS YONGS SU BSLUS PA YIN TE, JI SRID DU DE'I NYES PAR BYAS PA'I LAS BCOM ZHING SPANGS LA ZAD PAR MA BYAS PA'I BAR DU LO 'BUM PHRAG DU MAR SREG
, ,CING 'TSED DO, ,DE SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG BSKAL PA MNYAM PAR MIR SKYES NA, DE DBUL POR 'GYUR ZHING RI BRAGS DANG, DGON PA DANG, 'JIGS PA DANG, RI BRAGS PA DAG GI G-YOG BRAN DU 'GYUR, NAD RNAMS KYIS RTAG TU NA BAR 'GYUR RO, ,DE NAS GZHAN YANG, DGE SLONG DES SEMS CAN DMYAL BA CHEN PO BSDUS GZHOM GYI 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA CHEN PO PADMA LTAR GAS BA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NA, DE GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA BYAS LA BSAGS PAS DER SEMS CAN DMYAL BA PADMA LTAR GAS PAR SKYE BAR MTHONG NGO, ,DE LA SROG GCOD PA DANG, MA BYIN PAR LEN PA NI SNGA MA BZHIN NO, ,'DOD PAS LOG PAR G-YEM PA NI DGE SBYONG DU DAM BCAS PA GANG ZHIG SNGON GYI 'DOD PA DAG LA SEMS GTONG ZHING RO MYANG BAR BYED LA YID LA BYED, TSUL BZHIN MA YIN PA YID LA BYED PA'I RO MYANG BAR BYAS PAS MTSAN MO NYAL BA NA DE'I RMI LAM DU BUD MED DE NYID DANG LHAN CIG 'KHRIG PAR BYED CING, SAD NAS KYANG MI
TSANGS PAR SPYOD PA RMI LAM DU RMIS PA DE NYID KYI RO MYONG BAR BYED CING YANG YID LA BYED, RJES SU YI RANG ZING GZHAN DAG LA'ANG YON TAN 'DZIN LA DE DANG LHAN CIG GOMS PAR BYED, MANG DU BYED CING DE DANG, DE NYID LA DGA' BAR BYED NA, LUS DE DANG BRAL NAS NGAN 'GRO LOG PAR LTUNG BA SEMS CAN DMYAL BA PADMA LTAR GAS PAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, JI LTAR PADMA'I MDOG NYID DU GYUR PA DE LTAR DE'I SNANG BA KUN TU DMAR PO NYID DU GYUR TE, DER SEMS CAN DMYAL BA DE DAG BUM PA DAG GI NANG DU 'TSED CING LCAGS KYI BRE BO'I NANG DU LCAGS KYI GTUN SHING RNAMS KYIS 'TSOG GO, DE DAG LAS THAR NAS MTSO CHEN PO'I NANG NA PADMA SNGON PO SKYES PA DE RGYANG RING PO NAS MTHONG NAS DE NAS SEMS CAN DMYAL BA PA SKYABS 'DOD PA, MGON 'DOD PA, BKRES PA DANG, SKOM PAS YONGS SU GDUNGS PA'I LUS CAN DAG GNOD PA DE DAG LAS THAR NAS BDAG CAG GIS BDE BA THOB PAR BYA'O ZHES DER DONG NGO, ,DE NAS BRGYA'AM, STONG YOD PA DE DAG PADMA GA LA BA DER DONG NGO, ,DER DONG BA DANG LAM DU PHUR BU BTZUGS PA DAG GIS RKANG PA LA ZUG GO, RKANG PA NYAMS PA DE KHAS BUB TU LHUNG NGO,, KHAS BUB TU LHUNG BA DE DAG LA PHUR BU RNAMS KYIS ZUG GO, GAL TE PHYIS GAN DU 'GYEL NA DE DAG GI RGYAB LA PHUR BU DE RNAMS KYIS ZUG CING 'BIGS PAR BYED DO, ,GAL TE GLOS
, ,'GYEL NA PHUR BU DE RNAMS KYIS DE DAG GI GLO'ANG 'BIGS PAR BYED DO, ,GAL TE 'DUG NA DE'I 'OG NAS 'DZUG GO, DE DAG SREG CING 'TSED PA NA GCIG LA GCIG SKAD 'BYIN TE, SKOM PA DANG, BKRES PAS SHIN TU GDUNGS PA'I LUS CAN DAG GCIG LA GCIG SKAD 'BYIN CING DU'O, ,MYA NGAN BYED CING SMRE SNGAGS 'DON PA'I YID DU GYUR PA DE DAG THAMS CAD PADMA DE LA LTA ZHING 'KHOD PA NI RGYAB NAS GSHIN RJE'I MI RNAMS KYIS RAL GRI DANG, DGRA STA DANG, MDA' BO CHE DANG, MDUNG THUNG RNAMS KYIS 'DEBS TE, DE LTAR SEMS CAN DMYAL BA PA MGON 'DOD PA, SKYABS 'DOD PA, BSIL PA 'DOD PA DAG THABS 'GA' ZHIG GIS PADMA DE'I DRUNG DU BYIN TE, DE LA 'DZEGS PA DANG, PADMA DE'ANG SENG LDENG GI ME'I MDAG MA LTA BUS GANG ZHING, RDO RJE LTAR SRA BA'I LO MA RNAMS LA DE DAG 'DZEG STE, DE'ANG KHA ZHUM PAR 'GYUR RO, ,DE LTAR LAS KYI MTHA' NYES PAR SPYAD PA DANG, NYES PAR BYAS PA'I LAS KYIS JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR MA BYAS PA DE SRID DU LAS KYI DBANG GIS DE DAG SEMS CAN DMYAL BA PADMA LTAR GAS PA DER LO BRGYA PHRAG DU MA'AM, LO STONG PHRAG DU MA'AM, LO BYE BA PHRAG DU MAR BSKOL CING 'TSED KYANG DE DAG DUS LAS 'DA' BAR NI MI BYED DO, ,PHYI NAS THAR BAR 'GYUR TE,
THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL BA MNYAM PAR MIR SKYES NA DE'I LAS BYAS SHING BSAGS PA DAG GIS MTHUS DE MIG YON DU 'GYUR, TSUL KHRIMS 'CHAL CING DBUL LA TSE THUNG BAR 'GYUR RO, ,DE NAS GZHAN YANG, DGE SLONG DES SEMS CAN DMYAL BA CHEN PO BSDUS GZHOM GYI 'KHOR LO BRTAGS NA, DES SEMS CAN DMYAL BA PADMA CHEN PO LTAR GAS PA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NA DE DAG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE, MANG DU BYAS PAS DE SEMS CAN DMYAL BA PA PADMA CHEN PO LTAR GAS PAR SKYE BAR 'GYUR BA MTHONG NGO, ,DE LA SROG GCOD PA DANG, MA BYIN PAR LEN PA NI SNGA MA BZHIN NO, ,'DOD PAS LOG PAR G-YEM PA NI DGE SBYONG DGE SBYONG DU DAM BCAS PA GANG ZHIG TSUL KHRIMS RAL LA LUD BONG LTAR SPYOD PA, MYA NGAN LAS 'DAS PAR 'GRO BA LA SMOD PA NI 'DI LTAR TSANGS PAR SPYAD PA SPYOD DE, 'DIS BDAG LHA'AM, LHA GZHAN ZHIG TU 'GYUR BAR BYA STE, BDAG LHA'I 'JIG RTEN DER LHA MOS YONGS SU BSKOR BAR GYUR CIG SNYAM STE, DE LTAR TSANGS PAR SPYAD PA DE TSANGS PAR SPYOD PA LOG PAR YONGS SU BSNGO'O, ,DE SRED PA LA SPYOD PA YIN TE,
, ,DE 'KHOR BA'I RGYUR SPYOD CING SRED PA'I RGYUR SPYOD LA DE SDIG PA SPYOD PA YIN, DE NA BA DANG, RGA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, KHRUG PA LA SOGS PA DAG LAS YONGS SU THAR BAR MI 'GYUR RO, ,SHI STE LUS DANG BRAL NAS KYANG NGAN 'GRO LOG PAR LHUNG BA SEMS CAN DMYAL BA PADMA CHEN PO LTAR GAS PAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, BA TSVA'I CHU BO'I RLABS ZHES BYA BA GANG DU BA TSVAS GANG BAR MA GYUR BA NI, DE NA KHAB GYI BU GA TZAM YANG MED PA, ZHENG DU DPAG TSAD LNGA YOD LA, CHUR DPAG TSAD BRGYA YOD PAR 'JUG GO, SEMS CAN DMYAL BA'I CHU BO DER DE DAG ZHUGS PA DANG, TSOR BA SHIN TU TSA BA, SHIN TU RTZUB PA, SHIN TU BZOD PAR DKA' BA DAG MYONG STE, DE'I RUS PA GANG YIN PA DE DAG NI RDOR GYUR, SKRA GANG YIN PA DE DAG NI NYA LCI BAS SU GYUR, SHA GANG YIN PA DE DAG NI 'DAM DU GYUR, RO NYE BSKOL BA GANG YIN PA DE DAG NI CHUR GYUR, SEMS CAN DMYAL BA GANG YIN PA DE DAG NI NYAR GYUR TE, CHU BO DES KHAS BUB TU DED CING BSKOL TO, ,'GRAM DAG TU CHAGS NA KHVA MCHU RAB TU 'BAR BA RNAMS KYIS ZA'O, ,GAL TE MGON 'DOD PA, ,SKYABS 'DOD PA DAG CHU BO DE LAS THAR NAS 'BROS PA NA GSHIN RJE'I MI RNAMS KYIS
LCAGS KYI MDUNG RAB TU 'BAR BA DAG GIS BTAB NAS CHU BO'I RLABS DE NYID KYI NANG DU 'JUG PAR BYED DO, ,DE LTAR DE DAG STENG DU BYUNG BA NA, RKANG PA 'TSED PAR BYED LA, BRLA'I SBUBS DANG, RGYAB KYI SHA DAG 'TSED PAR BYED, MGUL BA'I SHA'ANG CHAD PAR 'GYUR, RUS PA'ANG BSKOL BAR 'GYUR, MGO'I SHA CHAD CING MGO'I THOD PA'ANG CHAD PAR 'GYUR TE, DE LTAR SEMS CAN DMYAL BA PA DE DAG JI LTA JI LTAR CHU BO DER 'JUG CING JI LTA JI LTAR ZHUGS PA DE DAG DE LTA DE LTAR LO 'BUM PHRAG DU MAR SREG CING SKOL LA 'TSED DO, ,YANG SEMS CAN DMYAL BA DE DAG NYON MONGS PA'I CHU BO DE LAS THAR NAS MTSO DANG, ME TOG DANG, PADMA SNGON PO YOD PAR MTHONG STE, MGON 'DOD PA, SKYABS 'DOD PA, BDE BA 'DOD PA DAG DE'I DRUNG DU 'GRO BAR 'DOD DE DE'I DRUNG DU DONG NGO, ,PADMA'I TSAL DE DAG KYANG LCAGS KYI PADMA YIN TE, DE DAG GI REG PA NI SPU GRI LTA BU YIN LA SEMS CAN DMYAL BA PA GANG DAG GIS LUS DE LA REG PA DE DAG NI GSHEGS PAR BYED CING GCOD PAR BYED LA ZA BAR BYED CING RDUNG BAR BYED DO, ,DE LTAR GSHIN RJE'I MI RNAMS KYIS MNGON PAR GTZES PA DAG PADMA'I TSAL DE DAG LA 'DZEG PAR BYED DE, PADMA DE DAG GI NANG ME MDAG GIS RAB TU GANG BA YIN LA, STENG GI LO MA LCAGS LAS BYAS PA DAG GIS 'CHUMS PAR BYED DE, DE'I NANG DU LAN DU MAR SEMS CAN DMYAL BA
, ,PA LAS BYAS PA DE DAG SKYE BAR 'GYUR TE, ME MDAG DES LAN 'BUM PHRAG DU MAR SREG GO ,KHVA DAG GIS SEMS CAN DMYAL BA BA DE DAG GI MIG ZA BAR BYED CING LCE GCOD PAR BYED, RNA BA 'BIGS PAR BYED, LUS RNAM PAR ZAD PAR BYED DO, ,DE LTAR RANG GI LAS KYI 'BRAS BU LA SPYOD PA'I SEMS CAN DMYAL BA PA DE DAG JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU SEMS CAN DMYAL BA CHEN PO PADMA CHEN PO LTAR GAS PA DER 'TSED PAR BYED DO, ,DE NAS SEMS CAN DMYAL BA DE LAS THAR PAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, MI RNAMS DANG SKAL BA MNYAM PAR MIR SKYES NA, LAS DE DANG RGYU MTHUN PA'I 'BRAS BUS DMU RDZING CAN DU 'GYUR ZHING, RTAG TU BKRES PA DANG, SKOM PAS GDUNGS LA, KHRO BAR YANG 'GYUR BA MTHONG NGO, ,DE NAS GZHAN YANG, DGE SLONG DE SEMS CAN DMYAL BA CHEN PO BSDUD GZHOM GYI 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA ME THAB CES BYA BA MTHONG NGO, , DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA NI SNGA MA BZHIN NO, ,'DOD PAS LOG PAR
G-YEM PA NI DGE SBYONG DGE SBYONG DU DAM BCAS PA DES SNGON GYI KHYIM NA GNAS PA'I BUD MED DAG DANG LHAN CIG TU RGOD CING RTZES PA DAG DE'I TSE DE TSUL BZHIN MA YIN PA YID LA BYED PAS DRAN ZHING YANG DANG, YANG DU DRAN PA NYID DU BYED, DE LA CHAGS SHING YONGS SU RTOG PAR BYED, DE 'DOD CHAGS DE NYID LA YANG DANG, YANG DU SEMS PAR BYED CING DGE BA'I CHOS LA SEMS PAR MI BYED LA CHOS DANG MTHUN PA'I CHOS MI SGRUB, SDUG BSNGAL BA DANG, KUN 'BYUNG BA DANG, 'GOG PA'I CHOS RJES SU SEMS PAR MI BYED CING RJES SU MI SLOB LA RJES SU MI SGRUB, DER LAS SU RUNG BAR MI BYED CING SANGS RGYAS DANG, CHOS DANG, DGE 'DUN RJES SU DRAN PAR MI BYED, 'CHI BA RJES SU DRAN PAR MI BYED CING, 'KHOR BA LA YID 'BYUNG BAR MI BYED LA, KHA NA MA THO BA RDUL TZAM LA'ANG 'JIGS PAR MI LTA, GNAS MAL DANG, NA BA'I GSOS SMAN GYI RKYEN MANG PO 'CHANG BAR BYED CING GNAS MAL DANG, NA BA'I GSOD SMAN GYI RKYEN MANG PO 'OS PA MA YIN PA'I GNAS MAL DANG, NA BA'I GSOS SMAN GYI RKYEN RAB TU MANG PO DE DAG DES 'CHANG BAR BYED DE, RNAM PAR DE LTA BU BYAS PA NI DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA ME THAB TU SKYE BAR 'GYUR RO, ,ME THAB KYI SEMS CAN DMYAL BA DE 'BAR, RAB TU 'BAR, KUN TU RAB TU 'BAR ZHING, ME LCE GCIG TU GYUR PAR SREG STE, DER GANG 'BAR, RAB TU
, ,'BAR, KUN TU RAB TU 'BAR ZHING ME LCE GCIG TU MA GYUR PA NI SKRA'I RTZE MO TZAM YANG MED DO, ,DER SEMS CAN DMYAL BA PA DE DAG SHING LJON PA LTA BUR RAB TU 'BAR TE, DE 'BAR, RAB TU 'BAR, KUN TU RAB TU 'BAR ZHING ME LCE GCIG TU GYUR PA DER SKAD 'BYIN TO, ,DE LTAR SKAD 'BYIN PA NA KHAR MES BKANG NGO, ,DE TSOR BAS NYAM THAG PA DANG YANG DE SKAD 'BYIN TO, ,DE'I RNA BAR ME 'BAR BA 'JUG STE, BCUG NAS SKAD 'BYIN CING DU LA SMRE SNGAGS 'DON TO, ,DE'I RNA BAR YANG ME 'BAR BA 'JUG CING DE'I LUS KYANG KUN NAS RAB TU 'BAR BAR 'GYUR TE, DE'ANG SHIN TU 'KHRUGS SHING SKAD 'BYIN LA SMRE SNGAGS 'DON TO, ,GAL TE TSUL KHRIMS DANG MI LDAN PAR GYUR PA ZHIG PHA ROL GYI BSOD SNYOMS ZAS LA DE LCE LCAGS RAB TU 'BAR BA'I GLEGS MAS SREG GO, GAL TE TSUL KHRIMS CAN TSUL BZHIN MA YIN PA YID LA BYED PAS BUD MED DAG MTHONG NA DE'I MIG SREG PAR 'GYUR RO, ,GANG SHIN TU CHAGS PA'I SEMS KYIS BUD MED GZHAN DAG RGOD CING GLU DBYANGS LEN LA SGRA 'BYIN PA DAG THOS NA DE'I RNA BA RO NYE RAB TU BSKOL BAS 'GENGS PAR 'GYUR RO, ,TSUL KHRIMS 'CHAL BA 'OS PAR 'GYUR BA MA YIN PA GANG GIS DGE 'DUN RNAMS KYI BDUG SPOS YONGS SU BZUNG BAS SNA BCAD CING SREG PAR 'GYUR TE, DE LTAR TSUL KHRIMS 'CHAL PA DE'I DBANG
PO LNGA CHAR LA SBYAR TE, SEMS CAN DMYAL BAR LAS DANG MTSUNGS PA'I CHAD PA DRAG PO RAB TU 'BYUNG NGO, ,LAS KYI MTHA' NYES PAR SPYAD PA BYAS PA DE NI JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU SEMS CAN DMYAL BA KUN NAS ME LCE 'BAR BA'I PHRENG BAS 'KHRUGS PA'I SEMS CAN DMYAL BA ME THAB DER SREG CING 'TSED DO, ,DE DE LAS THAR NAS GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, MI RNAMS DANG SKAL PA MNYAM PAR MI SKYES NA DE SDIG PA'I LAS DE DANG RGYU MTHUN PA'I 'BRAS BUS DE BYAD LAG NGAN CING LONG BA DANG, ZHA ZHING DBUL BAR 'GYUR LA DAR LA BAB PA NYID KYI TSE 'CHI BAR 'GYUR RO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO BSDUS GZHOM GYI 'KHOR LA BRTAGS NA DES THOS PA LAS BYUNG BA'I SHES PAS 'KHOR GZHAN LCAGS KYI PHYE MA ME MDAG GI RA BA ZHES BYA BA YOD PA MTHONG NGO, , DER SEMS CAN DAG LAS KYI RNAM PAR SMIN PA GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA GANG GIS SROG GCOD PA DANG, MA BYIN PAR LEN PA NI SNGA MA BZHIN NO, ,DGE SBYONG DGE SBYONG DU DAM BCAS PA GANG GIS MI'I GAR DANG, GLU DBYANGS DANG, RGYAN DAG GI SGRA THOS NAS TSUL BZHIN MA YIN PA YID LA BYED PA G-YENGS PA'I BLOS DGOD
, ,PA DANG, SGEG PA DANG, RTZES PA DE THOS NAS KHU BA BYUNG LA BYUNG NAS KYANG RO MYANG BAR BYED CING GSOG NA, DE LUS DANG BRAL NAS NGAN 'GRO LOG PAR LHUNG BA SEMS CAN DMYAL BA LCAGS KYI ME MDAG TU SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, SEMS CAN DMYAL BA PA DE'I LCAGS KYI RA BA GRU BZHI PAS BSKOR BA 'KHOR DPAG TSAD LNGA BRGYA YOD PA DE'I NANG DU SEMS CAN DMYAL BA PA RANG GI LAS KYIS SREG CING DER ME'I CHAR DANG, LCAGS KYI CHAR RGYUN MI 'CHAD PAR 'BAB BO, ,DER SEMS CAN DMYAL BA PA DAG LCAGS KYI CHAR PAS YAN LAG DANG, NYING LAG THAMS CAD PHYE MAR RLOG LA, ME MDAG GI CHAR PAS GDUNGS SHING SREG GO, DER CHAR PA GNYIS KYIS NYAM THAG PA DAG GNOD PA DE DAG MYONG BAR 'GYUR TE, JI LTAR SEMS CAN DMYAL BA PA'I MYONG BA DE DAG GI GNOD PA GANG YIN PA DE NI DPE BYA BAR SLA BA MA YIN NO, ,JI SRID DU DE'I SDIG PA'I LAS BCOM ZHING SPANGS LA ZAD BAR MA BYAS PA DE SRID DU DUS LAS 'DA' BAR MI BYED DE, RTZUB CING MI BZAD PA, CHA BA 'JIG RTEN THAMS CAD 'JIGS PAR BYED CING MI 'DOD LA MI SDUG CING YID DU MI 'ONG BA'I LAS BYAS PA'I TSOR BA DE LTA BU MYONG BAR 'GYUR RO, ,DE PHYIS DE LAS YONGS SU THAR BAR 'GYUR TE, GAL TE LAN GRANGS GZHAN LA MYONG BAR 'GYUR BA'I LAS
KYIS YI DVAGS DANG, DUD 'GRO DAG TU MA SKYES LA, DE MI RNAMS DANG SKAL PA MNYAM PAR MIR SKYES NA LAS DE DANG RGYU MTHUN PA'I 'BRAS BUS DE RTAG TU CHU BO CHEN PO'I MNYAN PAR 'GYUR, RTAG TU 'JIGS PA DANG, NAD BU CAN DU 'GYUR, GLANG PO CHE'I SOS 'TSE ZHING DE RTAG TU 'CHI BAS NYEN PAR 'GYUR RO, ,DE NAS GZHAN YANG, DGE SLONG DES SEMS CAN DMYAL BA CHEN PO BSDUS GZHOM GYI 'KHOR LA BRTAGS NA, DE 'KHOR GZHAN ZHIG PA BCU BDUN PA MA MTHONG LA, SEMS CAN DMYAL BA CHEN PO BSDUS GZHOM GYI 'KHOR GYI NYEN KOR BCU DRUG PA LAS KYI CHOS KYI RNAM PAR SMIN PA YOD PA MTHONG NGO, ,DE SEMS CAN RNAMS KYI LAS DANG 'BREL PA LAS KYI 'BRAS BU RNAM PAR SMIN PA RNAM PA SNA TSOGS DAG MTHONG NAS 'KHOR BA LA YID BYUNG NGO, ,YANG DGE SLONG DE JI LTAR SEMS CAN DMYAL BA CHEN PO GSUM GYI 'KHOR GYI LAS KYI 'BRAS BU'I DE KHO NA NYID RIG CING DE LAS KYI 'BRAS BU RNAM PAR SMIN PA DAG 'DZIN PAR BYED LA, DE LTA ZHING DMIGS PAR BYED DE, SRID PA DAG LA YID BYUNG BA THOB CING BDUD KYI YUL GYI DNGOS PO LA MI 'DOD PA RNAL 'BYOR PA NANG GI CHOS LA CHOS KYI RJES SU LTA ZHING GNAS SO, ,DE LTAR BRTZON PA'I DGE SLONG DES BLA'I GNOD SBYIN DAG GIS MTHONG NAS, BAR SNANG LA SBYOD PA'I GNOD SBYIN RNAMS LA BSNYAD DO, ,DE DAG GIS KYANG RGYAL PO CHEN PO BZHI LA BSNYAD PA NAS, DE LTAR SNGA MA BZHIN
, ,DU SBYAR TE, TSAD MED 'OD KYI BAR GYI LHA RNAMS LA BSNYAD DO, ,SNGA MA BZHIN DU SBYAR TE, DZAMBU'I GLING DU RIGS KYI BU GRONG KHYER CHE GE MO ZHIG CES BYA BA NAS SKRA DANG, KHA SPU BREGS, GOS DUR SMRIG BGOS TE, DAD PAS KHYIM NAS KHYIM MED PAR RAB TU BYUNG NAS, DES GZHAN DGU PA'I BAR LA ZHUGS PA DE TSAD MED 'OD KYI LHA DAG GIS THOS NAS DGA' BAR GYUR TO, ,KYE LHA DAG, BDUD KYI PHYOGS NI DMA' BAR 'GYUR ZHING DAM PA'I CHOS KYI PHYOGS NI MTHO BAR 'GYUR BA NI BDAG CAG DGA'O ZHE'O, ,DE NAS GZHAN YANG, DGE SLONG DES SEMS CAN DMYAL BA GSUM MTHONG NAS SEMS CAN DMYAL BA BZHI PA DU 'BOD CES BYA BA LA RTOG PAR BYED DO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA BZHI KUN TU BSTEN CING BSGOMS TE MANG DU BYAS PA DAG GI LAS DANG, NYER BSDOGS DANG, MJUG BYAS SHING BSAGS PA DAG GIS LUS DANG BRAL NAS NGAN 'GRO SEMS CAN DMYAL BA CHEN PO DU 'BOD DU SKYE BAR 'GYUR BA MTHONG NGO, ,DE LA SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA'I 'BRAS BU RNAM PAR SMIN PA NI SNGAR BSHAD PA
BZHIN NO, ,CHANG DANG, SBYAR BA'I CHANG KUN TU BSTEN CING BSGOMS TE MANG DU BYAS PA NI SEMS CAN DMYAL BA DU 'BOD DU SKYE BAR 'GYUR RO, ,GANG GIS KHYIM GYI GNAS NAS BYUNG STE SDOM PA BLANGS, BSAM GTAN GYI BDE BAS SEMS SBYANGS SHING ZHI BA'I DGE SLONG GI DGE 'DUN DAG GI 'KHOR DU CHANG BRIMS TE RA RO BAR BYAS NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BAR RAB TU GDUNG BA CHEN POS BYAS PA'I TSOR BA MYONG BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, PHRA SKAM GYIS KHA GDANGS PA'I NANG DU ZANGS DMAR PO BSKOL BA RAB TU 'BAR BA LDUGS SO, ,DE 'THUNG BA NA DE'I TSE SNGAR MCHU SREG GO, MCHU BSREGS NAS RKAN SREG GO, RKAN BSREGS NAS LCE SREG GO, LCE BSREGS NAS MID PA SREG GO, DE BZHIN DU AOL GONG, DE BZHIN DU GNYE MA DANG, RGYU MA, DE BZHIN DU PHO BA DANG, LONG KA BSREGS NAS RO SMAD DU 'BYUNG BAR 'GYUR LA, DE LTAR CHANG 'THUNG BA DE NI MI DGE BA MYONG BAR 'GYUR TE, DE 'O DOD 'BOD CING DU 'KHRUG CING SMRE SNGAGS 'DON TO, ,DE SHIN TU 'KHRUG PA NA GSHIN RJE'I MI DAG GIS RJES SU BSTAN PA TSIGS SU BCAD DE SMRAS PA, SDIG PA DAG NI BYED PA NA; ;'BRAS BU TSA BA SHES BAR GYIS, ,RMONGS PA GANG ZHIG BDAG MI SHES, ,PHYI NAS DE NI YONGS GDUNG 'GYUR, ,JI LTAR BLO GROS NGAN PA DAG, SDIG PA DAG GIS LAS BYAS PA, ,MA
, ,DU DE LTAR LA GOR SPYOD, ,SMRE SNGAGS DON MED CI ZHIG 'DON, ,SDIG PA'I LAS KYI 'BRAS BU NI, ,MI NI KUN GYIS THOB PAR 'GYUR, ,GAL TE BDAG NYID BDE 'DOD NA, DE LTAR SDIG PA BSTEN MI BYA, ,DMYAL BA DRAG PO CHEN PO BA, ,DE DAG LAS KYANG SDIG PA'I SEMS, ,THAR KYANG GTI MUG DBANG SONG BA, ,YANG DANG YANG DU SDIG PA BYED, ,'DI YIS DMYAL BAR MI 'GRO ZHES, ,SDIG PA LA NI YID MA RTON, ,ME CHUNG BAS NI RI DANG TSAL, ,LJON PAR BCAS PA SREG PA BZHIN, ,RMONGS PA SDIG PA BYED 'DOD PA, ,GNOD PA 'BYUNG LA 'DOD MI BYED, ,SDIG PA'I RJES SU 'BRAS BU 'JUG ,RGYU DANG RKYEN LAS BYUNG BA MTHONG, ,CHOS NI CI PHYIR BSTEN MI BYA, ,SDIG PA'ANG CI PHYIR RNAM MI SPONG, ,SDIG PA SPANGS PA'I MI DAG NI, ,SEMS CAN DMYAL BA NYID MI MTHONG, ,BDAG GI SDIG LAS 'BRAS BU DAG, RMONGS PA GANG DAG MI SHES PAS, ,DE YIS NYES PA 'DI THOB STE, ,BLO NGAN KHYOD NI DE DAG SPYOD, ,SDIG PAS SEMS CAN DMYAL BAR 'GRO, ,SDIG PAS YONGS SU SREG 'GYUR TE, ,SDIG PAS MYA NGAN 'DAS MI 'THOB, ,SDIG PA LTA BU DGRA GZHAN MED, ,SDIG PAS SNGON NI BSLUS PA DAG ,SDIG PAS YONGS SU SREG 'GYUR TE, ,SDIG PA DAG NI MI BYED PA, ,DE YI MDUN DU 'GRO MI 'GYUR, ,LAM 'DI ZHI BA GTZO BO STE, ,GANG DAG SRED DBANG MI GNAS PA'O, ,SRED PA SPANGS PA'I MI
DAG NI, ,MYA NGAN 'DAS DANG NYE BAR GNAS, ,SDIG PA DAG NI BYED LDAN ZHING, ,DGE BA RNAMS KYANG MI BYED PA, ,SDIG PAS SREG 'GYUR DE LTA BAS, ,SDIG PA YID LA MA BYED CIG ,SDIG PA SPYOD PA'I MI DAG NI, ,NAM YANG BDE BA MI THOB BO, ,DE LTAR GAL TE BDAG NYID KYIS, ,BDE 'DOD CHOS LA RTAG TU BSTEN, ,GANG DAG SDIG PA BSTEN BYED PA, ,SDUG BSNGAL DE LAS SDUG BSNGAL MED, ,DE LTA BAS NA SDIG MI BSTEN, ,GAL TE SDUG BSNGAL DAG GIS SKYO, ,LEGS PAS LEGS PA'I DON BYA'O, ,LEGS LA SDIG PA'I BYA BA DKA', ,SDIG LA SDIG PA'I BYA BA SLA, ,'PHAGS LA SDIG PA'I BYA BA DKA', ,DE LTAR GSHIN RJE'I MI DE RNAMS KYIS SEMS CAN DMYAL BA PA DE DAG LA YANG DANG, YANG DU BSHAD, YANG DANG, YANG DU BSGO ZHING GNOD PA RNAM PA SNA TSOGS PA DAG BYED DE, 'DI LTA STE, RI RAB TU 'BAR LA KUN TU 'BAR ZHING MKHREGS PA GNYIS SHUGS KYIS RGYUG STE, PHAN TSUN 'DUS PA DE GNYIS KYI BAR DU SEMS CAN DMYAL BA PA DE DAG 'JUG STE, 'DI LTA STE, RI DE GNYIS KYIS 'THAG PA NI JI LTAR MNGON PA MED PAR DE LTAR SHIN TU 'THAG GO, YANG 'BYUNG BAR 'GYUR TE, BYUNG NAS KYANG YANG RI DE GNYIS KYI DBUS SU BCUG NAS 'THAG GO, DE'I SDIG PA'I LAS ZAD PAR MA GYUR GYI BAR DU LO 'BUM PHRAG DU MA'I BAR DU BYUNG ZHING 'THAG GO, DE SEMS CAN DMYAL BA'I PHYOGS DE NAS THAR NAS
, ,SKYABS 'DOD PA, MGON 'DOD PA, DPUNG GNYEN 'DOD PA DAG GZHAN DU RGYUG PA DANG, DE DAG GSHIN RJE'I MI GZHAN RNAMS DANG PHRAD NAS LCAGS KYI RDZA MA'I NANG DU KHA BUB TU BCUG GO, JI SRID DU DE'I SDIG PA'I LAS BCOM ZHING SPANGS LA ZAD PAR MA GYUR PA DE SRID DU DE DAG DER, KHA SBUB TU LO 'BUM SNYED DU SREG PAR 'GYUR RO, ,SKYABS 'DOD PA , MGON 'DOD PA, BDE BA 'DOD PA DE DAG RDZA MAR BTZO BA DE DAG LAS THAR NAS GAR BAB BAB TU 'BROS SO, ,JI SRID DU DE'I SDIG PA'I LAS BCOM ZHING SPANGS PAR MA GYUR PA DE SRID DU LO 'BUM PHRAG DU MAR DE DAG GI MDUN DU LCAGS KYI KHVA RAB TU 'BAR BA DE DAG GIS BZUNG NAS DE DAG GIS YAN LAG DANG, YAN LAG, GNAD DANG, GNAD, TSIGS DANG, TSIGS SU BRGYA'AM, STONG DU ZA'O, ,SKYABS 'DOD PA, MGON 'DOD PA, DPUNG GNYEN 'DOD PA DE DAG DE LAS THAR NAS KYANG GAR BAB BAB TU 'PHROS SO, ,BKRES PA DANG, SKOM PAS GDUNGS BA DA DAG MTSO'I CHU RAB TU DANG BA ZHIG RGYANG RING PO NAS MTHONG STE, DE DAG DER BRGYUGS PA DANG, DE DAG KYANG RO NYE RAB TU BSKOL BAS GANG BA YIN TE, DER KHRUS BYA BA'I PHYIR 'JUG GO, GANG GI TSE ZHUGS BAR GYUR BA DANG, SA PHYOGS DENG DE DAG LAS KYIS BYAS PA'I CHU SRIN RNAMS KYIS BZUNG NAS KHAS BUB TU DRANGS TE, JI SRID DU DE'I SDIG PA'I LAS BCOM ZHING
SPANGS LA ZAD PAR MA BYAS PA DE SRID DU LO 'BUM PHRAG DU MANG DE DAG RO NYE DE'I NANG DU SKOL LO, ,PHYIS LAS KYIS BYAS PA'I CHU SRIN DE DAG LAS THAR BAR 'GYUR TE, THAR NAS KYANG TSOR BAS NYEN PA SKYABS 'DOD PA, MGON 'DOD PA, DPUNG GNYEN 'DOD PA DAG GAR BAB BAB TU 'BROS SO, ,GAL TE MDUN NA 'KHOD PA'I GSHIN RJE'I MI RNAMS KYIS MTHONG NA DE DAG DER 'DZIN TE, BZUNG NAS KYANG MDUNG RTZE RAB TU 'BAR BA DAG GIS 'BIGS PAR BYED DO, ,DE DAG LA MDUNG RTZE DE DAG BAR 'GA' RGYAB TU PHYUNG NAS 'BYUNG, BAR 'GA' GLOR PHUG NAS 'BYUNG, BAR 'GA' MGRIN PAR PHUG NAS 'BYUNG STE, SEMS CAN DMYAL BA PA TSOR BAS NYEN PA DE DAG GI SGRA DE SEMS CAN DMYAL BA PA GZHAN DAG GIS PHYOGS DE NAS GLU DBYANGS KYI SGRAR THOS SO, ,DE'ANG DU BA'I SGRA YIN NA LAS KYI DBANG GIS SNYAN PAR THOS TE, SKYABS 'DOD PA, MGON 'DOD PA, DPUNG GNYEN 'DOD PA DE DAG GNAS DER 'GRO'O, ,JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR DE DAG GSHIN RJE'I MI DE DAG GIS BZUNG NAS MDA' BO CHE DANG, MDUNG RAB TU 'BAR BA DAG GIS 'BIGS PAR BYED DO, ,DE DAG DE LAS THAR BAR 'GYUR TE, THAR NAS KYANG SKYABS 'DOD PA, MGON 'DOD PA DAG GAR BAB BAB TU 'BROS SO, ,DE DAG GIS RGYANG MI RING BA NA GRONG DANG, KHYIM PHUN SUM
, ,TSOGS PA DANG, CHU BO DANG, LTENG KA PHUN SUM TSOGS PA MTHONG STE, DE YI PHYOGS SU DE DAG RGYUG CING DE DAG GRONG DE'I NANG DU 'JUG GO, GRONG DE THAMS CAD KYANG RAB TU BSKOL BA 'BAR BA YIN LA, NANG NA'ANG SROG CHAGS MAR KO TA KA KHA RDO RJE LTA BU LA MCHE BA RNO BA RNAMS KYIS SHIN TU GANG BA YIN TE, DE DAG GANG GI TSE GRONG DE'I NANG DU ZHUGS PAR GYUR PA DANG, KHYIM DE'I SGO GCOD PAR GYUR TE, DE DAG DER SROG CHAG SMAR KO TA KA KHA MCHE BA RNOL RAB TU 'BAR BA RNAMS KYIS JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR ZA BAR BYED DO, ,GNOD PA RGYA MTSO LTA BUR GYUR PA DE LAS THAR NAS, GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, MI RNAMS DANG SKAL BA MNYAM PAR MIR SKYES NA, CHANG BTUNG BA LDUD PA GANG YIN PA DE'I NYES PAR BYAS PA'I LAS KYI RGYU MTHUN PA DES, DE SEMS 'KHRUL BAR 'GYUR ZHING DBUL BA DANG, LAM PO CHE DANG, BZHI MDO'I TSONG PA DANG, BYIS PA THAMS CAD KYI BZHAD GAD PAR GYUR CING BZHIN GYI MDOG NGAN PA DANG, SO 'BA' ZHIG SNANG BA DANG, RKANG BA SHIN TU RDOL BA DANG, LUS RTAG TU BKRES PA DANG, SKOM PAS GDUNGS PA DANG, BU DANG, CHUNG MA DANG, PHA DANG, MA DANG, GNYEN BSHES RNAMS KYIS BTANG BAR 'GYUR RO, ,
GANG CHANG DE SDOM PA BLANGS BA DAG GIS 'THUNGS NA DE DAG SEMS CAN DMYAL BA CHEN PO DU 'BOD DU RNAM PAR SMIN PA MYONG BAR 'GYUR BAR RIG PAR BYA'O, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO NGU 'BOD KYI 'KHOR LA BRTAGS NA DES 'KHOR SGRA CHEN PO ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA KUN TU BSTEN CING BSGOMS TE MANG DU BYAS PAR 'GYUR RO, ,DE LA SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA NI SNGA MA BZHIN NO, ,CHANG 'THUNG BA NI GANG GIS GSO SBYONG BA RNAMS LA CHANG BLUD NA DES NI LUS DANG BRAL NAS NGAN 'GRO LOG PAR LHUNG BA SEMS CAN DMYAL BA SGRA CHEN POR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, RO NYE RAB TU BZHUS PAS THOG MA NYID DU KHANG LDUGS SO, ,JI LTAR DE DAG GIS GSO SBYONG BA RNAMS LA BLUD PA DE LTAR LCAGS KYI PHOR PA RAB TU 'BAR BA'I NANG NAS LDUD PA NA, JI LTAR SEMS CAN DMYAL BA GZHAN DAG NA MED PA SNYING RJE BA'I SGRA DE LTA BU 'BYUNG BAR 'GYUR RO, ,DE LTAR SNYING RJE BA'I SGRA KUN TU 'BYIN PA NA GANG SGRA 'BYUNG BA DES NAM MKHA' DE THAMS CAD SHIN TU GANG BAR 'GYUR RO, ,
, ,LAS KYI DBANG GIS SEMS CAN DMYAL BA PA DE RNAMS DE LTAR KHRO BA NA KHRO BA DE GSHIN RJE'I MI RNAMS KYIS THOS NAS KYANG NYIS GYUR GYIS KHRO BAR BYED DO, ,DE LTAR CHANG BTUNG BA'I 'THUNG BA DE MA LEGS PA THAMS CAD BYED PA YIN TE, SEMS MNYAM PAR BZHAG PAS DGE BA'I TSOGS 'DZIN PAR GYUR PA'I SEMS DE CHANG GIS RNAM PAR 'KHRUG PAR BYED DO; ;RNAM PAR 'KHRUGS PA'I SEMS DES NI BYA BA DANG, BYA BA MA YIN PA SO SO'I NGO MI SHES SO, ,DES NA MI DGE BA'I TSOGS THAMS CAD SLONG BAR 'GYUR RO, ,GANG CHANG BTUNG BA LDUD PA NI DE'I RGYU MI DGE BAR 'GYUR TE, RGYU JI LTAR BYAS PA DE LTAR 'BRAS BU NYES PA DANG BCAS PAR 'GYUR LA DE GNOD PA DES SHIN TU RNO BA DANG, SHIN TU YUN RING BAR GNOD PA DU MAR 'BYUNG NGO, ,JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU, SEMS CAN DE DAG SEMS CAN DMYAL BA SGRA CHEN PO DER GNOD PA CHEN PO'I SGRA 'BYIN PA DU MA DAG 'BYUNG BAR 'GYUR TE, DES NA SEMS CAN DMYAL BA DE SGRA CHEN PO ZHES BYA'O, ,DE DAG PHYIS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, DE MI RNAMS DANG SKAL PA MNYAM PAR GAL TE MIR SKYES NA, RGYU DANG MTHUN PA'I 'BRAS BUS DE YID MI GZHUNGS PAR 'GYUR
ZHING DE DUS THUNG NGUS BYANG BRJED PAR 'GYUR, DE YI YID GZHUNGS PA CHUNG BAS LONGS SPYOD MED PAR 'GYUR ZHING SKYE BO'ANG DGA' BAR MI 'GYUR, DE'I NOR DE DAG MED PAR 'GYUR ZHING NAD CHUNG NGUS KYANG 'CHI BAR 'GYUR RO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO NGU 'BOD KYI 'KHOR LA BRTAGS NA, DES KYE MA SEMS CAN DMYAL BA NGU 'BOD KYI 'KHOR BCU DRUG MTHONG STE, 'DI LTA STE, SGRA CHEN PO DANG, THAMS CAD SGRA 'BYIN DANG, SKRA ME 'BAR DANG, ME'I PHYE MA SRIN BU DANG, LCAGS KYI ME 'BAR BA'I GTUN SHING DANG, RDO ME 'BAR BA CHAR LTAR 'BAB PA DANG, GSOD MED DANG, LCAGS TSAL DGON PA DANG, RAB RIB KUN BSAGS DANG, GSHIN RJE'I MTSAMS KYI DGON PA DANG, SHING SHAL MA LA'I TSAL CHEN DANG, CHU SHING BSREGS PA DUD PA'I TSAL DANG, ME MDAG DUD PA'I TSAL DANG, GLOG GI NA BUN TSAL DANG, KUN TU RTOG BYED DE, DE DAG NI SEMS CAN DMYAL BA CHEN PO DU 'BOD KYI 'KHOR BCU DRUG YIN NO, ,DER LAS KYI RNAM PAR SMIN PA GANG GIS SKYE BAR 'GYUR SNYAM NAS DGE SLONG DES BRTAGS NA, DER SEMS CAN DMYAL BA SGRA CHEN PO'I 'KHOR MTHONG NAS 'KHOR GNYIS PA THAMS CAD SGRA 'BYIN LA RTOG PAR BYED DO, ,DES BRTAGS NA SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA NI SNGA MA BZHIN
, ,NO; ;CHANG 'THUNG BA NI GANG GIS KUN TU BSTEN CING BSGOMS TE MANG DU BYAS PA DANG, DANG PO SDOM PA BLANGS MA THAG LA CHANG BLUD NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA THAMS CAD SGRA 'BYIN DU SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, JI LTA JI LTAR SEMS CAN DMYAL BA PA RNAMS LCAGS KYI GTUN SHING GIS RDEG PA NAS DE LTA DE LTAR SGRA CHEN PO 'BYIN TE, DES SEMS CAN DMYAL BA'I 'KHOR DE DAG THAMS CAD GANG BAR 'GYUR RO, ,GAL TE KHOR YUG DANG, KHOR YUG CHEN PO'I RI DAG DANG, CHU BO'I 'KHOR DAG MED NA, SGRA DES DZAMBU'I GLING LA SOGS PA MI'I GNAS BZHI PO DER THAMS CAD DU 'BYUNG BAR 'GYUR RO, ,DE'I NGUD MO'I SGRA 'BYIN PA DES JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU SNYING RJE ZHING DE SRID DU RO MED PA YIN TE, DE DAG RANG GI LAS DANG MTHUN PAR SEMS CAN DMYAL BA PA DE DAG GIS DE SRID DU NGU BA'I SGRA 'BYIN TO, ,DE DAG PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, MI RNAMS DANG SKAL PA MNYAM PAR MIR SKYES NA CHU DKON PA'I YUL DANG, 'BROG TU SKYE BAR 'GYUR TE, SROG GCOD PA DANG, MA BYIN PAR LEN PA DANG,
'DOD PAS LOG PAR G-YEM PA'I 'BRAS BU NI SNGA MA BZHIN NO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES, SEMS CAN DMYAL BA NGU 'BOD KYI 'KHOR LA BRTAGS NA, DES THOS PA LAS BYUNG BA'I SHES PAS 'KHOR SKRA ME 'BAR BA ZHES BYA BA MTHONG STE, DER SEMS CAN DMYAL BA PA DAG LAS KYI RNAM PAR SMIN PA GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA NI SNGA MA BZHIN NO, ,DGE BSNYEN BSLAB PA'I GZHI LNGA YOD PA LA CHANG 'THUNG BA YON TAN YIN PAR BSLAB PA'I GZHI 'DZIN DU BCUG NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SKRA MA 'BAR BAR SKYE BAR 'GYUR RO, ,DER ME'I CHAR RAB TU 'BAR BA GANG YIN PA DES SEMS CAN DMYAL BA BA DAG GIS SKRA LA SOGS PA NAS RKANG PA'I BAR DAG TU SREG CING 'TSED LA RAB TU 'BAR RO; ;SEMS CAN DMYAL BA PA DE DAG GI RKANG PA DAG LA NI KHYI DANG, KLAD PA LA NI BYA RGOD MCHU RAB TU 'BAR BA DANG, DBUS SU NI WA DAG GIS ZA STE, DE LTAR RANG GI MI DGE BA'I LAS BYAS PAS SREG CING ZA'O, ,NYON MONGS PA DE DAG NGU BZHIN DU GSHIN RJE'I MI RNAMS LA 'DI SKAD CES SMRAS SO, ,BDAG CAG SNYING RJE'I GNAS SU GYUR, ,KHYOD LA SNYING RJE MED DAM CI, ,
, ,KHYED LA ZHI BA MED DAM CI, ,BDAG LA KHYED CAG SNYING MI RJE, ,DE DAG GIS DE SKAD SMRAS PA DANG, GSHIN RJE'I MI DAG GIS SLAR SMRAS PA, JI LTAR KHYED CAG GTI MUG GIS, ,BSGRIBS PA'I SDIG LAS MANG PO BYAS, ,MI ZAD PA YIS KHYED CAG BDAS, ,DE NI NGED KYI RGYU MA YIN, ,RMONGS PAS TSUL KHRIMS MA BSRUNGS SHING, ,SDIG PA MANG PO BSAGS PA BYAS,, SDIG PA MANG PO BSAGS PA YI, ,'BRAS BU DE NI NYE BAR GNAS, ,DE LA BDAG CAG RGYU MED DE, ,'DI NI KHYED CAG NYID KYI RGYU, ,GANG DAG SDIG PA'I LAS BYED PA, ,DE NI LAS DE'I RGYU YIN NO,, SRED PA'I ZHAGS PAS BSLUS PA YI, ,KHYED KYIS SDIG PA GANG BYAS PA, ,DE NI KHYED LA DRAG TU 'TSED, ,NGED LA CI ZHIG SMRA BAR BYED, ,SDIG PA RGYU MED MA YIN TE, ,SDIG MA BYAS LA RNAM MI SMIN, ,GANG GIS SDIG PA GANG BYAS PA, DE LA DE NI YONGS SU SMIN, ,CHANG NI DUG GI MCHOG YIN TE, ,CHANG 'THUNG BA LA BSTEN MI BYA, ,CHANG 'THUNG BA LA BSTEN PA NI, ,DGE BA'I CHOS RNAMS NYAMS PAR 'GYUR, ,GANG GIS RTAG TU CHANG BSTEN PA, ,DE YI BLO NI MI BRTAN ZHING, ,BLO YO BA LA CHOS MED DE, ,DE LTA BAS NA CHANG SPONGS SHIG, NYAMS BYED NANG NA NYAMS MCHOG NI, ,CHANG ZHES MKHAS PA RNAMS KYIS BSHAD, ,MI LAS NYAMS PAS NYAMS BYED PA, ,DE LTA BAS NA CHANG MI BSTEN, ,CHANG 'THUNG BA LA STEN BYED PA, ,MI SDUG SDIG PA'I
CHOS YIN TE, ,DE LTA BAS NA DUG LTA BU'I, ,CHANG 'THUNG BA NI RNAM PAR SPONGS, ,CHANG 'THUNG BA LA GNAS PA'I SKYON, ,NOR ZAD NGAN PAR RJOD BYED CING, ,LE LO SHIN TU SKYED BYED PAS, ,DE LTA BAS NA DE SPONGS SHIG, CHANG GIS 'DOD CHAGS SKYED BYED CING, ,DE BZHIN KHRO DANG GTI MUG DAG, YANG DANG YANG DU SKYED BYED PAS, ,DE LTA BAS NA CHANG SPONGS SHIG, DE LTAR JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU RANG GI LAS KYI 'BRAS BU LA SPYOD PA'I SEMS CAN DMYAL BA PA DAG SEMS CAN DMYAL BA SKRA ME 'BAR BAR 'TSED DO; ;DE DAG SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, MI RNAMS DANG SKAL PA MNYAM PAR MIR SKYES NA, DE DANG RGYU MTHUN PA'I 'BRAS BUS GANG DU RNAM PA THAMS CAD DU CHANG MED PA'I YUL DE LTA BUR SKYE BAR 'GYUR ZHING GZUGS DANG, RO MNGON PAR SHES PAR MI 'GYUR RO, ,DE NAS GZHAN YANG, DGE SLONG LAS KYI RNAM PAR SMIN PA SHES PA DES SEMS CAN DMYAL BA NGU 'BOD KYI 'KHOR LA RTOG PAR BYED DE, SEMS CAN DMYAL BA CHEN PO NGU 'BOD KYI 'KHOR GZHAN GANG ZHIG YOD SNYAM MO, ,DES THOS PA LAS BYUNG BA'I SHES PAS SEMS CAN DMYAL PA ME'I PHYE MA SRIN BU ZHES BYA BA MTHONG NGO, ,DER
, ,SEMS CAN DAG LAS KYI RNAM PAR SMIN PA GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA NI SNGA MA BZHIN NO, ,CHANG 'TSONG BA NI CHU MANG BAR BYED LA RIN THANG GZHAN YIN NA GZHAN DU 'TSONG STE, DE LA SKYEN KHA NA MA THO BA RDZUN DANG, MA BYIN PAR LEN PA DANG, CHANG 'THUNG BA DE DAG BYUNG NGO, ,DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA ME'I PHYE MA SRIN BUR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, NAD BZHI BRGYA RTZA BZHI 'BYUNG STE, RLUNG LAS GYUR PA BRGYA RTZA GCIG DANG, MKHRIS PA LAS GYUR PA BRGYA RTZA GCIG DANG, BAD KAN LAS GYUR PA BRGYA RTZA GCIG DANG, 'DUS PA LAS GYUR PA BRGYA RTZA GCIG STE, SEMS CAN DMYAL BA PA DAG DANG MTHUN PAR 'BYUNG NGO, ,GANG NAD GCIG GIS NYI MA GCIG TU DZAMBU'I GLING DANG, BYANG GI SGRA MI SNYAN DANG, NUB KYI BA LANG SPYOD DANG, SHAR GYI LUS 'PHAGS KYI MI DE DAG KUN MA LUS PAR 'CHI BAR BYED PA'I NAD KYI RNAM PA DE LTA BU DAG SEMS CAN DMYAL BA BA DE DAG LA 'BYUNG BAR 'GYUR RO, ,GNOD PA GZHAN DAG YANG DANG, YANG DU 'BYUNG STE, 'DI LTA STE, SEMS CAN DMYAL BA PA RANG GI LUS DE DAG LA
SRIN BU DAG 'BYUNG BAR 'GYUR TE, GANG PAGS PA DANG, KHRAG DANG, SHA DANG, TSIL DANG, RUS PA DANG, RKANG DAG LA PHUG CING PHUG CING 'THUNG NGO, ,DE LTAR MGON MED PA, GSHIN RJE'I MIS 'JIGS SHING DU SKAD 'BYIN PA NA ME'I GNOD PA RNAM PA DU MA 'BYUNG STE, JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU ME DES SREG CING 'TSED LA RAB TU 'BAR BAR BYED DO, ,DE DAG SEMS CAN DMYAL BA DE LAS THAR BAR 'GYUR TE, GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, MI RNAMS DANG SKAL PA MNYAM PAR MIR SKYES NA, DE CHANG GI NYO TSONG GI RGYU MTHUN PA'I 'BRAS BUS SDUG BSNGAL BA DANG DBUL BAR 'GYUR RO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA NGU 'BOD KYI 'KHOR LA BRTAGS NA SEMS CAN DMYAL BA LCAGS KYI ME 'BAR BA'I GTUN SHING ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING ,GOMS TE MANG DU BYAS PA NI SEMS CAN DMYAL BA LCAGS KYI ME 'BAR BA'I GTUN SHING DU SKYE BAR 'GYUR TE, SNGA MA BZHIN NO, ,SENG GE DANG, STAG DANG, GZIG DANG, RI SKEGS
, ,DANG, SHANG SHANG TE'U DAG CHANG GIS BRID DE NYAMS PAR BYAS LA BZUNG NAS BSAD PA GANG YIN PA DE NI DER SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, LCAGS KYI GTUN SHING RAB TU 'BAR BA DAG 'BYUNG NGO, ,LAS KYIS BYAS PA'I GTUN SHING DE RNAMS KYIS YAN LAG DANG, NYING LAG THAMS CAD PHYE MAR RLOG CING GSOD DE, JI LTAR BYE MA'I TSAD TZAM DU DE LTAR YAN LAG DANG, NYING LAG THAMS CAD PHYE MAR RLOG GO, TSOR BA DES NYAM THAG PA DAG 'O DOD 'BOD, NGU SKAD 'BYIN, SMRE SNGAGS 'DON CING PHAN TSUN DU RGYUG STE, BRGYUGS PA DANG, GTUN SHING RAB TU 'BAR BA RNAMS KYIS KUN TU 'TSOG GO, JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR MA BYAS PA DE SRID DU TSOR BAS NYEN PA'I SEMS CAN DE DAG GSHIN RJE'I MI RNAMS KYIS BZUNG NAS SPU GRI DAG GIS YAN LAG DANG, NYING LAG THAMS CAD 'JOG CING GSHEGS LA 'DRAL LO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL BA MNYAM PAR MIR SKYES NA, LAS DE DANG RGYU MTHUN PAS DREG CAN DU 'GYUR, LAS DE DANG RGYU MTHUN PAS DBUL BAR
'GYUR ZHING SMAN PA DANG, SMAN SBYOR BA DANG BRAL BA'I YUL NGAN PA DANG, RTZVA DANG, MYA NGAM DANG, MES TSIG PAS 'JIG PA MANG BA'I YUL NGAN PA DAG TU SKYE BAR 'GYUR RO,, ,, 'PHAGS PA DAM PA'I CHOS DRAN PA NYE BAR GZHAG PA, BAM PO DGU PA, DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO NGU 'BOD KYI 'KHOR LA BRTAGS NA, DES THOS PA LAS BYUNG BA'I SHES PAS 'KHOR RDO ME 'BAR BA CHAR LTAR 'BAB PA ZHES BYA BAR MTHONG NGO, ,DER SEMS CAN DMYAL BA DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA NI SEMS CAN DMYAL BA RDO ME 'BAR BA CHAR LTAR 'BAB PAR SKYE BAR 'GYUR RO, ,CHANG NI G-YUL 'GYED PA'I DON DU JI LTAR GLANG PO CHE CHEN POS G-YUL DU MI MANG PO GSOD PAR 'GYUR TE, DE LAS BDAG CAG RGYAL BAR 'GYUR BAR BYA'O SNYAM NAS GLANG PO CHE DAG LA CHANG BLUD DE, MI BSAD NA DE DAG LAS DE'I RNAM PAR SMIN PAS SEMS CAN DMYAL BA RDO ME 'BAR BA CHAR LTAR 'BAB BAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, SEMS CAN DMYAL BA DER LAS LAS SKYES PA ME RAB TU 'BAR BA'I GLANG PO CHE SROG THAMS CAD
, ,'PHROG PAR BYED PA 'BYUNG STE, DES MI DE BZUNG NAS YAN LAG DANG, NYING LAG THAMS CAD PHUG CING PHYE MAR RLOG PAR BYED, 'PHEN PAR BYED CING RNAM PAR 'TSE BAR BYED, RNAM PAR 'KHRUG PAR BYED CING YAN LAG DANG, NYING LAG SOS SOR 'BYED PAR BYED DO, ,DE NAS DE LAS THAR BAR 'GYUR TE, PHYI NAS DE GSHIN RJE'I MI RNAMS KYIS GZUNG NGO, ,BZUNG NAS ZANGS DMAR PO RAB TU BSKOL BA'I NANG DU BCUG STE, JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS KYI BAR DU DE LO 'BUM PHRAG DU MAR SREG CING 'TSED LA GSOD PAR BYED DO, ,DE SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BUS DES GLANG PO CHE BSAD PAR BSHAMS KYANG GLANG PO CHE DES GSOD PAR 'GYUR, DBUL ZHING BYANG BZHIN NGAN LA, RKANG PA DANG LAG PA BONG BU'I RKANG PA LTAR 'GYUR ZHING LUS RTAG TU RTZUB PAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO NGU 'BOD KYI 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA CHEN PO 'CHI
MED CES BYA BA MTHONG NGO, ,DER MI DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA NI SNGA MA BZHIN NO, ,CHANG NI BUD MED GZHAN 'OS PA MA YIN PA LA BLUD DE BLUD NAS KYANG MYOS PAS 'KHRUL PAR BYAS LA, DE DANG LHAN CIG TU MI TSANGS PAR SPYAD NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA 'CHI MED DU SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, KHYI RAB TU 'BAR BA DAG GIS RLIG PA 'BYIN PAR BYED DO, ,PHYUNG ZHING BTON KYANG YANG SHIN TU 'JAM ZHING SDUG PA SKYE BAR 'GYUR RO, ,YANG 'BYIN PAR BYED DE, GNOD PA DON GYIS BYED PAS NGU SKAD 'BYIN PAR BYED DO, ,DE LTAR DE DAG DE LAS THAR NAS GAR BAB BAB TU 'BROS SO, ,DE DAG BROS PA'I MDUN NA NGAM GROG CHEN PO DE LA BYA ROG DANG, BYA RGOD DANG, 'UG PA DANG, BYA DHA MI KA LCAGS KYI MCHU DANG, SEN MO RAB TU 'BAR BA RNAMS KYIS GANG PA MTHONG NGO, ,NGAM GROG DE LAS SEMS CAN DMYAL BA 'KHAMS TE BZHIN GYUR PA, MGON 'DOD PA, SKYABS 'DOD PA DE NGAG RAB TU LTUNG NGO, ,DE NAS BYA ROG DANG, BYA RGOD DANG, 'UG PA MCHU DANG, SEN MO RAB TU 'BAR BA RNAMS KYIS YAN LAG DANG, NYING LAG SO SOR PHYE STE ZA'O, ,JI SRID DU DE'I SDIG PA'I LAS
, ,BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR YANG SKYE BAR 'GYUR RO, ,DE DAG SEMS CAN DMYAL BA DE LAS THAR PAR 'GYUR TE, THAR NAS KYANG LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA SNGA MA BZHIN DU SBYAR TE, LAS DE'I RGYU DANG MTHUN PA'I 'BRAS BUS RGYAL POS BZUNG ZHING LUS MDOG NGAN PA DANG, BZHIN MDOG NGAN PAR GYUR CING DE NYID DU 'CHI BA'I DUS BYED PAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NI, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA SNGA MA BZHIN DU DES MTHONG NGO, ,CHANG NI DUG DANG SBYAR NAS DGRA GSAD PAR BYA BA'I PHYIR BLUD NA DE LUS DANG BRAL NAS NGAN 'GRO LOG PAR LHUNG BA 'KHOR LCAGS TSAL DGON PAR SKYE BAR 'GYUR RO, ,'DI LTA STE, LCAGS KYI 'KHOR LO 'KHOR BA RAB TU 'BAR BA DER SEMS CAN DMYAL BA PA DE DAG LCAGS KYI THAG PAS BCINGS NAS LCAGS KYI 'KHOR LO SKOR BAR BYED DO, ,SKOR BA NA DGRA GSHIN RJE'I MI RNAMS KYIS YAN LAG DANG, NYING LAG THAMS CAD LA MTSON CHA DAG
GIS 'DEBS PAR BYED DE, JI LTAR YUNGS 'BRU TZAM DU SEMS CAN DMYAL BA PA DE DAG GI LUS KYI SHA DE DAG LA LHAG MA MA LUS PAR BYED KYANG DE'I LAS NYES PAR BYAS PA'I RNAM PAR SMIN PAS DUS LA 'DA' BAR NI MI BYED DO, ,GAL TE DE DAG LAS ZAD NAS 'KHOR LO 'KHOR BA DE LAS THAR NAS GAR BAB BAB TU 'BROS PA DANG, DE DAG LAS KYIS BYAS PA'I LCAGS KYI SPRUL RNAMS KYIS BZUNG BAR 'GYUR TE, JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR ZA'O, ,DE PHYIS SEMS CAN DMYAL BA DE DAG LAS THAR PAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MI SKYES NA, LAS DE DANG RGYU MTHUN PA'I 'BRAS BUS SPRUL 'DZIN PA'AM, MGO'I NOR BU 'BYIN PAR 'GYUR YANG LAS DE DANG RGYU MTHUN PA'I 'BRAS BUS SPRUL RNAMS KYIS SROG DANG 'BRAL BAR 'GYUR BA MTHONG NGO, ,DE NAS GZHAN YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LO 'KHOR LA BRTAGS NA DES 'KHOR RAB RIB KUN BSAGS ZHES BYA BA MTHONG NGO DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING
, ,BSGOMS TE MANG DU BYAS PA SNGA MA BZHIN NO, ,SEMS CAN SO SO 'TSO BAR BYA BA'I PHYIR CHANG 'THUNG BA'I ZONG NGAM, RIN BYIN NA DE GUS DANG BRAL NAS NGAN 'GRO LOG PAR LTUNG BA SEMS CAN DMYAL BA RAB RIB KUN BSAGS SU SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, SEMS CAN DMYAL BA DE THAMS CAD MUN PA YIN TE, DER GNOD PA MYONG BA NI GSHIN RJE'I MI DAG KYANG MI MNGON LA 'DI DAG SUS BYAS ZHES GNOD PA'ANG MI MNGON TE, MUN GANG LAS BYUNG BA'I ME'I NANG DU 'JUG GO, ME DE'I 'OD KYANG SHIN TU MI GSAL BA YIN TE, BAR SKABS SKRA'I RTZE MO TZAM YANG MED PA'I ME DE'I NANG DU DE DAG SREG CING 'TSED LA GDUNGS SO, ,DU ZHING SKAD 'BYIN PA NA JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR MA BYAS PA DE SRID DU SOG LE DAG GIS KYANG MGO LA SOGS PA NAS RKANG PA'I BAR DU PHYED MAR GSHEG GO, PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BUS RTAG TU SKOM PA DANG, BKRES PAS GDUNGS PAR 'GYUR ZHING DER NOR RDZAS DANG 'BRAL BAR 'GYUR LA GANG NA BZA'
BTUNG NYUNG BA'I GLING DE DAG TU SKYE BAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA; DES THOS PA LAS BYUNG BA'I SHES PAS SEMS CAN DMYAL BA GSHIN RJE'I MTSAMS KYI DGON PA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA NI SNGA MA BZHIN NO, ,GANG GIS NAD MI BZAD PAS THEBS PA DANG, BU BTZAS PA DAG LA CHANG 'THUNG BA'I ZONG DANG, RIN GYI DON DU GOS KYI RGYU'AM, ZAS KYI RGYU BYIN NA, DE'I LUS DANG BRAL NAS NGAN 'GRO LOG PAR LTUNG BA SEMS CAN DMYAL BA GSHIN RJE'I MTSAMS KYI DGON PAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, RKANG PA DANG, SEN MO LA SOGS PA GSHIN RJE'I MI'I KHA 'BAR, RAB TU 'BAR BA DAG GIS ZA BAR BYED DO, ,ZOS NAS KYANG GNOD PA 'BYUNG BAR 'GYUR TE, 'DI LTA STE, JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU MDUNG THUNG GI RTZE MO RAB TU 'BAR BA DAG GIS LO 'BUM PHRAG DU MAR 'TSED CING SREG LA LA GSHEGS CING GSOD DO, ,DE SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS
, ,GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BUS DE YUL NGAN PA DANG, GNAS NGAN PA DANG, RI BRAGS NGAN PA DAG TU PHAG 'TSO BA DANG, LONG PAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA DES THOS PA LAS BYUNG BA'I SHES PAS SEMS CAN DMYAL BA SHING SHAL MA LI'I TSAL ZHES BYA BA YOD PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA NI SNGA MA BZHIN NO, ,CHANG 'THUNG BA NI MCHOG TU MANG POS CHANG SHIN TU RA RO BAR 'GYUR BA'I RDZAS DE DAG SBYOR BAR BYED DE, DE'I CHANG JI LTAR KHA CIG NI DAR BA LTA BU DANG, KHA CIG NI CHU LTA BU DANG, KHA CIG NI ZHOG CHU LTA BU DE LTAR BCOS NAS 'BROG DGON PAR ZHUGS PA'I DED DPON DAG LA BLUD DE, DE'ANG RA RO ZHING SHIN TU RA RO BAR 'GYUR, DE KUN GYIS SHIN TU RA RO BAR BYAS TE RA RO BA DE DAG DES BSAD NAS NOR GANG DANG, GANG YOD PA DE DANG, DE DAG PHROGS NA DES BSLUS PA YIN PAS DE 'JIG RTEN NA CHOM RKUN PA ZHES BYA'O, ,DE'I LAS KYIS BSKYOD PAS
DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SHING SHAL LA LI CHEN PO'I NAGS SU SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, ME RAB TU 'BAR BA'I RDO'I CHAR GYI TSOGS KYIS LUS DAG KUN TU SREG CING 'BIGS LA GCOD PAR BYED DE SA'I BAR DU SREG PAR BYED DO, ,CHU BO RAB TU BSKOL BA'I ME MDAG ME DMAR PO TSA BAS ZHUGS PA'I CHU RTAG TU 'JIGS PA ZHES BYA BA YOD DE, JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU ZANGS DANG RO NYER BSRES PA RAB TU BSKOL BA'I CHU BO DER LO 'BUM PHRAG DU MAR SREG CING 'TSED LA, GSHIN RJE'I MI RNAMS KYIS KYANG RAL GRI DANG, MDA' BO CHE RAB TU 'BAR BA DAG GIS KUN TU 'DEBS PAR BYED DO, ,DE PHYIS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL BA MNYAM PAR MIR SKYES NA, LAS DE DANG RGYU MTHUN PA'I 'BRAS BUS MIG GI MDOG GANG CING RTAG TU KHROL PHRAG DOG MANG POR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA, DES THOS PA LAS BYUNG BA'I SHES PAS SHING SHAL MA LI CHEN PO'I TSAL YOD PA MTHONG NGO, ,DER SEMS CAN DAG LAS GANG GIS
, ,SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA NI DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BAR SKYE BAR 'GYUR TE, SNGA MA BZHIN NO, ,CHANG GI DBANG DU BYAS NAS SINGS PO LTAR BCOS TE, 'BROG DGON PA'I SKYE BO MANG PO DAG LA BLUD NA DE LUS DANG BRAL NAS NGAN 'GRO LOG BAR LTUNG BA SEMS CAN DMYAL BA SHING SHAL MA LI CHEN POR SKYE BAR 'GYUR RO, ,DE CHANG BLUD PA'I 'BRAS BUS DER GNOD PA'I 'DI DAG 'BYUNG BAR 'GYUR TE, 'DI LTA STE, LAS KYIS BYAS PA'I SHING SHAL MA LI'I PHUNG DU DPAG TSAD GCIG TZAM YOD PA 'BYUNG STE, 'DAB MA SPU GRI LTA BU YIN LA, YAL GA ME 'BAR BA LTA BU YIN, DUD PA BDUG CING RLUNG DUG LTA BU 'BYUNG STE, DE LTAR CHANG GI LAS KYIS BYAS PA DE 'BYUNG NGO, ,GANG DPAG TSAD GCIG TSUN CHAD DU RLUNG DUG LTA BUS GNOD PAR BYED KYANG SROG DANG 'BRAL BAR NI MI 'GYUR RO, ,JI LTA JI LTAR SHING SHAL MA LI CHEN PO'I NAGS DPAG TSAD SUM STONG YOD PAR CHUD NA, DE LTA DE LTAR MA DAG MA DANG, DU BAR BSRES PA DUG LTA BU'I SHUGS KYIS SDUG BSNGAL 'BUM SNYED MYONG YANG DUS LAS 'DA' BAR NI MI 'GYUR RO, ,GANG GI TSE SHING SHAL MA LI CHEN PO'I TSAL DU SEMS CAN DMYAL BA PA
GSHIN RJE'I MI RNAMS KYIS 'JIGS PAR BYAS BA CHUD PAR GYUR PA DE'I TSE SHING RNAMS LAS KUN NAS SPU GRI LTA BU'I CHAR RAB TU 'BAB STE, GANG LAG NA RAL GRI DANG, MDA' PO CHE MANG PO THOGS PA 'KHRUGS PA DAG GIS YAN LAG DANG, NYING LAG THAMS CAD DANG, RGYUS PA DANG, GNAD DANG, KA RA NA DA RA DANG, RUS PA DANG, RKANG THAMS CAD YANG DANG, YANG DU RNAM PAR GSHEGS CING 'DRAL LA DUM BUR BYED DO; ;GSHIN RJE'I MIS 'JIGS SHING SKRAG PA DE DAG LCAGS KYI SHING SHAL MA LI CHEN PO'I NAGS KHROD NA KHA CIG NI GRIB MA'I NANG NA ZHUM ZHUM PAR 'DUG, KHA CIG NI SHING KHAR 'DZEG ,KHA CIG GSHIN RJE'I MI DE DAG DANG PHRAD NAS RAL GRI DAG GIS 'DEBS SHING GSHEG GO, DE CHANG 'THUNG BA'I 'BRAS BUS GANG DAG GI GRIB MA'I NANG NA ZHUM ZHUM POR 'KHOD PA DE DAG GI MIG KYANG BYA RGOD KYIS 'BYIN CING KHU BA'ANG 'THUNG NGO, ,CHANG 'THUNG BA DE'I 'BRAS BUS SHING DE LA 'DZEG PA DE DAG KYANG SHING DE DAG LAS YAN LAG LHUNG BAS DE DAG DUM BU BRGYA'AM, YANG NA STONG PHYE MAR RLOG GO ,GANG DAG TSAL DE'I THOR TOL 'DZEGS PA DE DAG BA TSVA'I CHU BO BZHUGS PAR 'JUG STE, JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU, LO 'BUM PHRAG DU MAR RGYUS PA DANG, RUS PA DANG, LUS NYID KYIS GNOD PA MYONG BAR 'GYUR TE, 'DI NI DE'I PHYOGS 'GA' ZHIG BSTAN PA YIN NO, ,DE DE LAS THAR BAR 'GYUR TE, THAR NAS KYANG
, ,GAL TE LAN GRANGS GZHAN LA MYONG BAR 'GYUR BA'I LAS KYIS DE YI DVAGS DANG, DUD 'GRO DAG TU MA SKYES LA MI RNAMS KYI SKAL PA DANG MNYAM PAR MIR SKYES NA, LAS DE DANG RGYU MTHUN PA'I 'BRAS BUS DE YID RNAM PAR G-YENGS SHING NAD DRAG PO'AM, GAL TE SNYING NAD DAM, GAL TE NGAL RKYEN PA MANG BA'AM, GAL TE RKANG BAM GYIS 'DEBS PAR 'GYUR ZHING GAL TE LONG BAS NYAM THAG PAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA CHU SHING BSREGS PA'I DUD PA'I TSAL ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA NI SNGA MA BZHIN NO, ,CHANG 'THUNG BA NI BUD MED YON TAN CAN DAG LA THABS GZHAN GYI SPYOD PAS BRID DE BLUD NAS RA RO BAR BYAS TE SEMS 'KHRUL PAR GYUR NA, 'DI LTA STE, SEMS CAN DMYAL BA DE NI LAS DE'I RNAM PAR SMIN PAS KUN NAS DPAG TSAD LNGA YOD PA DE'I NANG DUD PAS 'KHRIGS SHING RGYA MTSO'I KLONG GI ME'I MUN GNAG GIS
GTIBS PA ZHABS SU KUN NAS RGYANG GRAGS GSUM DU SA BRKOS PA DER ME MDAG KHROL BU RAB TU 'BAR BAS SHIN TU GANG BA'I SA'I BU GA DER SEMS CAN DMYAL BA PA DE DAG NYIN GCIG BZHIN DU 'JUG STE, DU SKAD 'BYIN PAR YANG MI NUS SHING DE BZHIN DU 'DZAG SGO THAMS CAD KYANG MES GANG BAR 'GYUR RO, ,DE LAS THAR NAS CHU SHING GI DUD PA DES DE LTAR YANG DANG, YANG DU 'DZAG SGO THAMS CAD GANG BAR 'GYUR LA 'DI LTAR ME DE LA BDE BAR SEMS TE, DU BA DE'I MTHU NI DE LTAR SHIN TU RNO BA NYID YIN NO, ,DE LAS KYANG THAR NAS JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU BYA DU BA'I MDOG GI PHRENG BA ZHES BYA BA'I MCHU SHIN TU RNO BA DE DAG GIS RUS PA PHUG NAS RKANG DAG LA ZA BAR BYED DO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BUS GLO DANG, MJUG DE DAG LA GDON GYI NAD KYIS THEBS SHING DBUL BA DANG, TSE THUNG BAR 'GYUR BAR MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA ME MA DAG
, ,DUD PA'I TSAL ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PAS NI SNGA MA BZHIN NO, ,CHANG 'THUNG BA NI DGRA GSAD PA'I PHYIR DANG, CHOM RKUN DANG, RGYAL POS BKRABS PA GSAD PA'I PHYIR BLUD NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA ME MA DAG DUD PA'I TSAL DU SKYE BAR 'GYUR RO, DER GNOD PA 'DI DAG 'BYUNG BAR 'GYUR TE, 'DI LTA STE, DER LAS KYIS BYAS PA'I ME MDAG SPU GRI LTA BU'I RLUNG LDANG LA, RLUNG DES SEMS CAN DMYAL BA PA DE DAG PHAN TSUN GYI SHUGS KYIS THUG CING SHIN TU THUG GO, DE DAG GI LUS PHAN TSUN THUG PA NA JI LTAR BYE MA CHANG PA NAS GTOR BA BZHIN DU DE LTAR LUS DE DAG PHYE MAR RLOG GO, YANG LAS KYI DBANG GIS SKYE BAR 'GYUR TE, JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR GNOD PA THAMS CAD MYONG BAR 'GYUR TE, 'DI LTA STE, SPU GRIS GSHEG CING ME'I TSOR BA DANG, NAD KYI TSOR BA DANG, MTSON CHA'I TSOR BA DANG, BA TSVA'I TSOR BA STE, TSOR BA MCHOG TU TSA BA, MCHOG TU 'JIGS PA DE DAG JI SRID DU DE'I SDIG PA'I LAS BCOM ZHING SPANGS LA
ZAD PAR MA BYAS PA DE SRID DU LO 'BUM PHRAG DU MAR MYONG BAR 'GYUR RO, ,PHYIS SEMS CAN DMYAL BA DE LAS THAR BAR 'GYUR TE, THAR NAS KYANG LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, GAL TE MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BUS GZHANG 'BRUM RIM GSUM PAS THEBS PAR 'GYUR ZHING, RTAG TU GRANG BA'I RIMS KYIS THEBS PAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA GLOG GI NA BUN TSAL ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA NI SNGA MA BZHIN NO, ,CHANG 'THUNG BA NI PHYI ROL LA BLO MNGON PAR ZHEN PA'I NGANG TSUL CAN DAG SLU BA'I BSAM PAS BLUD NA LUS DANG BRAL NAS NGAN 'GRO LOG PAR LTUNG BA SEMS CAN DMYAL BA GLOG GI NA BUN TSAL DU SKYE BAR 'GYUR RO, ,DE DAG LA GNOD PA 'DI DAG 'BYUNG BAR 'GYUR TE, 'DI LTA STE, SEMS CAN DMYAL BA DE KHRU NYIS BRGYAR SEMS CAN DMYAL BA PA'I MES RAB
, ,TU GANG BA DER SEMS CAN DMYAL BA PA DAG GSHIN RJE'I MI RNAMS KYIS BZUNG NAS 'JUG STE, RKANG PA NAS MGO LA SOGS PA'I BAR BTEG CING BZHUS SO, ,LAS KYI RLUNG GIS YANG SKYE BAR 'GYUR LA ME DE NI LO MA SDUD PA LTA BU YIN TE, JI TZAM DU PHYOGS BCUR THAG PAS DKRIS PA BZHIN DU SEMS CAN DMYAL BA DE DAG DKRIS NAS JI LTAR THAL BA'ANG MI MNGON PA DE LTAR SREG PAR BYED DO, ,YANG 'BYUNG BAR 'GYUR TE, JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU DE LTAR LO 'BUM PHRAG DU MAR SREG GO, DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU SKYES LA MI RNAMS DANG SKAL PA MNYAM PAR MIR SKYES NA, DE CHANG 'THUNG BA'I RGYU MTHUN PA'I 'BRAS BUS YUL YAB NA DANG, BA LHI KA DER SKYES SHING BKOL BAS NYAMS PAR 'GYUR TE, SHUGS DRAG PAS BKOL BAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA DU 'BOD KYI 'KHOR LA BRTAGS NA DES 'KHOR KUN TU RTOG BYED CES BYA BA MTHONG NGO, ,DER SEMS CAN DAG LAS KUN TU BSTEN CING BSGOMS TE MANG DU BYAS PA GANG GIS SKYE BAR
'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA NI SNGA MA BZHIN NO, ,CHANG 'THUNG BA NI JI LTAR 'DI DAG CHANG GIS YID G-YENGS NA LAM DU 'JUG PA LA NGAL BAR MI 'GYUR RO SNYAM NAS LAM DU 'JUG PA'I CHED DANG, RNGON PA DAG RI DVAGS GSAD PA LA 'GRO BA MGYOGS PAR 'GYUR RO SNYAM NAS BLUD NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA KUN TU RTOG BYED DU SKYE BAR 'GYUR RO, ,DE DAG LA GNOD PA 'DI DAG 'BYUNG BAR 'GYUR TE, 'DI LTA STE, 'DOD PA GANG DANG, GANG NYID DU KUN TU SEMS PA DE DANG, DE NYID GSHIN RJE'I MI DAG GIS BRGYA'AM, YANG NA STONG NGAM, BYE BA BRGYA'AM, YANG NA STONG DU BYED DE, SEMS CAN DMYAL BA'I 'KHOR GZHAN DU GNOD PA GANG DANG, GANG 'BYUNG BA DE THAMS CAD KYI BZHIR GYUR DU DER 'BYUNG STE SNGA MA BZHIN NO, ,SEMS CAN DMYAL BA PA RNAMS LA GSHIN RJE'I MI DAG GIS RJES SU BSTAN PA'I TSIGS SU BCAD DE SMRAS PA, DE YI LAS NI RNAM GSUM GYIS, ,GNAS SKABS DGUR NI 'TSED BYED CING, ,RNAM PAR SMIN PA BZHI BCU THAM, ,DRAG PO RAB TU G-YOS PAR 'GYUR, ,DON MED GZHI NI CANG YIN TE, ,SEMS CAN DMYAL BA'I BZHAD GAD PA, ,DBANG PO THAMS CAD RNAMS NYAMS SHING, ,DON MED PA YI RGYUR GYUR TO, ,TSIG LA SHIN TU DGA' BA DANG, ,CHAGS
, ,PA DANG NI 'JIGS PA DANG, ,NGAG GI SKYON DANG RLOM PA DANG, ,TSIG RTZUB GZHI NI DE YIN NO, ,CHANG GIS KUN TU G-YENGS PA'I YID, ,BYA DANG MI BYA MI SHES PA, ,MI DE PHYUGS DANG MTSUNGS PA YIN, ,DE LTA BAS NA CHANG SPONGS SHIG, CHANG GIS G-YENGS PA'I MI DAG NI, ,GSON YANG SHI BA DAG DANG MTSUNGS, ,GANG ZHIG RTAG TU GSON 'DOD PAS, RTAG PAR CHANG NI RNAM PAR SPONGS, ,CHANG NI NYES PA KUN GYI GZHI, ,RTAG PAR DON KUN MED PAR BYED, ,NGAN SONG GSUM GYI THEM SKAS TE, ,MUN NAG GNAS NI CHEN PO YIN, ,CHANG GIS SEMS CAN DMYAL BAR 'GRO, ,DE BZHIN YI DVAGS 'JIG RTEN DANG, ,CHANG GI SKYON GYIS BSLUS PA YI, ,MI DAG DUD 'GRO RNAMS SU 'GRO, ,DUG GI NANG DU DUG NI CHANG, ,DE BZHIN DMYAL BA'I NANG NA DMYAL, ,NAD KYI NANG NA NAD MCHOG NI, ,CHANG ZHES MKHAS PA RNAMS KYIS BSHAD, ,BLO DANG DBANG PO NYAMS BYED CING, ,RIN CHEN CHOS NI ZAD BYED LA, , TSANGS PAR SPYOD PA 'JIG BYED PA, ,MI BZAD CHANG NI SKYES GNAS GCIG ,RGYAL PO DANG NI BSTAN BCOS MKHAS, ,CHANG GIS YANG BAR BYED 'GYUR NA, ,THA MAL MI DAG CHANG 'THUNG BA; ;BSLUS PAR 'GYUR BA CI ZHIG SMOS, ,CHANG LA BSTAN PA'I MI DAG NI, ,CHOS RNAMS KUN GYI STA RE YIN, ,NGO TSA MED PAR BYED PA'I MCHOG, YANG BA DAG TU NYE BAR BSTAN, ,CHANG
GIS PHROGS PAR GYUR BA'I SEMS, ,BYA BA DANG NI MI BYA BA, ,MI SHES RNAM PAR MI SHES SHING, ,THAMS CAD MI YIS MI SHES SO, ,GANG ZHIG CHANG LA STEN BYED PA, ,SKYE BO RES 'GA' DGA' BYED CING, ,RES 'GA' YONGS SU GDUNG BYED LA, ,RES 'GA' SDIG PA BYED PA YIN, ,BLO NI SHIN TU RMONGS SKYED CING, ,'JIG RTEN GNYIS NI RNAM 'JIG BYED, ,THAR PA'I CHOS LA ME LTA BUR, ,SREG BYED KHO NA CHANG YIN NO, ,MI GANG DAG NI CHANG SPONG BA, ,CHOS KYI NGANG TSUL MNYAM PAR BZHAG, GANG NA 'CHI BA MED PA YI, ,GNAS MCHOG DAG TU DE 'GRO'O, ,CHANG 'THUNG BA YIS BSLUS PA DAG DE NI BYED PA DMAN PA YIN, ,MI BZAD SEMS CAN DMYAL BAR LHUNG, ,DON MED CI ZHIG YONGS SU GDUNGS, ,'THUNG BA'I TSE NA CHANG ZHIM STE, ,RNAM SMIN TSE NA MCHOG TU CHE, ,KIM PA KA NANG KIM PA KA, CHANG ZHES MKHAS PA RNAMS KYIS BSHAD, ,BDAG LA 'DI YIS MI GNOD CES, ,BLO LDAN CHANG LA YID MA RTON, ,MYONG NA BSIL YANG RNAM SMIN TSA, ,CHANG NI DMYAL BAR 'GRO BAR BYED, ,SDIG PA'I CHOS RNAMS BYED PA LA, ,SEMS G-YENG BA DAG DGA' BAR BYED, ,PHYI NAS RNAM SMIN TSA BA RU, ,BLO NGAN YONGS SU GDUNG BAR 'GYUR, ,'DOD PA RNAMS LA BLO MI GTANG, 'DOD PA MCHOG TU SLU BA YIN, ,'KHOR BA'I 'CHING BA DRAG PO STE, ,SEMS CAN DMYAL BA KUN GYI RGYU, ,GANG ZHIG 'DOD PA RNAMS LA DGA', ,DE YI SDUG BSNGAL MTHA' MED DO, ,'DOD
, ,PA'I SPRUL GYIS ZIN PA LA, ,BDE BA NAM YANG GA LA YOD, ,KHYED CAG 'DOD PA MI BZAD CING, ,DRAG PO SEMS CAN DMYAL BAR 'ONGS, ,GNOD PA SHIN TU MI BZAD LA; ;DON MED CI ZHIG YONGS SU GDUNG, ,GANG TSE 'DOD PAS BSLUS PA YI, ,KHYED CAG GIS NI SDIG BYAS PA, ,DE TSE CI PHYIR KHRO MI BYED, ,DE RING CI ZHIG YONGS SU GDUNG, ,BYAS LA BSAGS PA BRTEN PA YI, ,LUS NGAG GI NI 'BRAS BU SNANG, ,SDIG PA'I TSOR BA MI BZAD PAS, ,DE LTA BAS NA SDIG MI BYA, ,SDIG PA SDIG PA'I RNAM SMIN DE, ,RTAG TU SDIG PA RNAMS SU SMIN, ,SDIG MI BYED LA SDIG MED DO, ,DE LTA BAS NA SDIG PA SPONGS, ,SDIG PA YONGS SU SPANGS PA LA, ,SDIG PA'I 'JIGS PA MED PA YIN, ,SDIG PA RANG GIS BYAS PA GNOD, , GZHAN GYIS SPYOD PAR MI 'GYUR RO, ,DE LTAR GSHIN RJE'I MI DE DAG SEMS CAN DMYAL BA PA DE RNAMS LA RJES SU STON PA RJES SU BSTAN NAS JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU GNOD PA RNAM PA SNA TSOGS DAG BYED DU 'JUG GO, PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA LAS DE DANG RGYU MTHUN
PA'I 'BRAS BUS DE MCHOG TU KHRO BAS KHRO BAR 'GYUR ZHING BKA' BLO MI BDE BAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA RTOG PAR BYED KYI, SEMS CAN DMYAL BA CHEN PO'I 'KHOR GYI NYEN KER LA KUN TU MI RTOG STE, LAS KYI 'BRAS BU RNAM PAR SMIN PA YANG MI MTHONG NGO, ,DE 'DI SNYAM DU SEMS TE, KYE AE MA SEMS CAN DMYAL BA'I 'KHOR BCU DRUG PO 'DI DAG JI LTAR YANG SOS DANG, THIG NAG DANG, BSDUS GZHOM BZHIN TE, BYE BRAG TU NA SEMS CAN DMYAL BA DER GNOD PA GZHAN GANG DANG, GANG DAG YOD PA SEMS CAN DMYAL BA DE LA TSOR BA DE DAG THAMS CAD BCUR 'GYUR DU 'GYUR TE, LAS BYAS PA'I RGYU GANG BRTAN PA SROG GCOD PA DANG, MA BYIN PAR LEN PA DANG, 'DOD PAR LOG PAR G-YEM PA DANG, SDOM PA BLANGS PAS CHANG LDUD PA'AM, 'THUNG BA'I LAS NGAN PA BZHI 'GYUR BYAS PAS DER SKYE BAR 'GYUR TE, LAS DE'I 'BRAS BU RNAM PAR SMIN PA BZHI 'GYUR GYIS TSE SHIN TU RING POR DE DAG LA TSOR BA SHIN TU DRAG PA 'BYUNG NGO, ,DGE SLONG DES BZHI 'GYUR MTHONG NAS LAS KYI 'BRAS BU RNAM PAR SMIN PA JI LTA BA BZHIN DU RJES SU BSAMS PA DANG, 'KHOR BA LA YID 'BYUNG BA'ANG BCU 'GYUR DU YID 'BYUNG NGO, ,YANG DGE SLONG DE SEMS CAN DMYAL BA JI LTA BA BZHIN MTHONG NAS 'KHOR BA LA SHIN TU 'JIGS
, ,SHING SKRAG STE, SA GZHAN BCU PA LA ZHUGS PA, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS SO, ,DE'ANG SA BLA'I GNOD SBYIN DAG GIS SHES NAS, BAR SNANG LA SPYOD PA'I GNOD SBYIN DAG LA MNGON PAR BSNYAD DO, ,SNGA MA BZHIN DU SBYAR TE, TSANGS RIS DANG, TSANGS PA 'DUN NA 'DON DANG, TSANGS PA CHEN PO'I BAR GYIS THOS NAS BDUD KYI PHYOGS NI DMA' BAR 'GYUR ZHING DAM PA'I CHOS KYI PHYOGS NI MNGON PAR MTHO BAR 'GYUR RO ZHES TSANGS PA CHEN PO'I RIS KYI LHA DAG DGA' STE, RGYA CHER SNGA MA BZHIN DU SBYAR RO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA GZHAN LA BRTAGS NA, DE THOS PA LAS BYUNG BA'I SHES PAS SEMS CAN DMYAL BA DU 'BOD CHEN PO ZHES BYA BA YOD PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA KUN TU BSTEN CING BSGOMS TE MANG DU BYAS PA RDZOGS PA DE NI SEMS CAN DMYAL BA DU 'BOD CHEN POR SKYE BAR 'GYUR TE, DE LA SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG
'THUNG BA NI SNGA MA BZHIN NO, ,MCHOG TU BYA BAR DKA' BA SKYE BO MKHAS PA KUN GYIS RAB TU SMAD PA, NGAN SONG KUN GYI SGOR GYUR PA RNAM PA DU ZHIG GIS BRDZUN DU SMRA BA RDZOGS PAR 'GYUR SNYAM NAS, 'DI LTA STE, RGYAL PO'AM, BLON PO'AM, 'KHOR GYI NANG DU 'DUG KYANG RUNG STE, GNYIS SHIG CHOS KYI SRANG LA ZHON NAS RTZOD PA'I TSE DBANG PO 'DI NI TSAD MA YIN TE, GANG 'DIS SMRAS PA DE BDAG CAG GI TSAD MA YIN NO ZHES SMRAS PA LAS DE'ANG DRAN BZHIN DU DON GZHAN DU SMRA'AM, GAL TE NOR GYI PHYIR RAM, GAL TE PHYOGS BZUNG NGAM, GAL TE 'DOD CHAGS KYIS BDAG LA BDAG NYID SLU BA NI SNGA MA BZHIN TE, 'DI LTAR RDZUN 'DI LAS KHA NA MA THO BAR 'GYUR BA CUNG ZAD KYANG MED DE, BDAG GIS RDZUN DE BYA'O SNYAM NAS, DE LTAR DE GRUB PA NA NYES PA DON MED PA BYAS PA DE LAS DE GNYIS KYI NANG NAS GCIG LA CHAD PAS GCOD DE, GAL TE BSAD DU DOGS PA'AM, GAL TE GSOD PA'AM, GAL TE KHYIM 'PHROG STE, JI LTAR NYES PA'I TSUL DANG MTHUN PAR BRDZUN DU SMRAS NA, DE'I RGYUS SDIG PA'I MI DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA NGU 'BOD CHEN POR SKYE BAR 'GYUR RO, ,DER SHIN TU TSE RING BAR 'GYUR TE, GANG 'PHRUL DGA'I LHA RNAMS KYI TSE NI LHA'I LO BRGYAD STONG NGO, ,GANG MI'I BGRANG BA'I TSUL GYIS NI, MI LO BRGYAD BRGYA LA NYIN ZHAG GCIG STE, DE 'PHRUL
, ,DGA' BA RNAMS KYI NYIN ZHAG GCIG YIN NO, ,DE NYIN ZHAG SUM CU LA ZLA BA GCIG GO ,ZLA BA BCU GNYIS LA LO GCIG STE, LHA DE RNAMS KYI TSE NI LHA'I LO BRGYAD STONG YIN LA DE NI SEMS CAN DMYAL BA DU 'BOD CHEN PO'I NYIN ZHAG GCIG YIN TE, DER RDZUN SMRA BA SDIG CAN RNAMS GNAS SO, ,BDAG DANG, GZHAN LA SLU BA NI DGE BA'I RTZA BA THAMS CAD MA RUNG BAR BYED CING MUN PA CHEN POR GYUR PA, SKYE BO CHEN PO'I YID CHES PAR MI BYED LA, SKYE BO MKHAS PA KUN DANG LO STONG DU MI MTHUN PA, NYAN THOS DANG, RANG SANGS RGYAS DANG, YANG DAG PAR RDZOGS PA'I SANGS RGYAS KYIS SMAD PA, 'JIG RTEN PA DANG, 'JIG RTEN LAS 'DAS PA'I LAM GYIS SKYON DU BGRANG BA, DGE BA'I RTZA BA'I STEGS THAMS CAD LA STA RE LTA BUR GYUR PA, RTAG TU GNOD PAS YONGS SU 'GYUR BA, RO MYAGS PA SNYING PO MED PA LAS DUG LTA BUR LANGS PA, 'KHOR BA'I 'GRO BA NGAN PA'I RGYUR GYUR CING NYAL NYIL DU GYUR PA, KHA NAS DRI MNAM BSKYED PA, RTAG TU SDUG BSNGAL GYI DRA BA'I RGYUR GYUR PA, MI 'DOD CING MI SDUG LA YID DU MI 'ONG BA SEMS CAN DMYAL BA 'JIGS PA CHEN PO'I PHO NYA 'CHI BA'I TSE RNAM PAR SDANGS PA CHEN POR BYED PA, GSHIN RJE'I MI'I YUL DU PHYIN PA RNAMS KYI MI MDZA' BA CHEN POR GYUR PA, YI DVAGS DANG, DUD 'GRO'I 'GRO BA DAG LAS G-YANG SA LTA BUR GYUR PA, NYES PAR
BYAS PA'I LAS KYI MTHA'I RGYUR GYUR PA, DBUL PO'I RGYUR GYUR PA, SEMS CAN DMYAL BA 'JIGS PA CHEN PO BYED PA, DUD 'GRO DAG GCIG LA GCIG ZA BA'I RKYEN DU GYUR PA, THOG MA MED PA'I DUS NAS ZHUGS PA, 'KHOR BA'I SA BON DU GYUR PA, RDZUN SMRA BA'I 'BRAS BUS DER SKYE BAR 'GYUR RO, ,SEMS CAN DMYAL BA CHEN PO DE'I 'KHOR NI, 'DI LTA STE, SGRA 'BYIN CING SHIN TU SGRA 'BYIN DANG, TSOR BA DPAG TU MED DANG, TSOR BA RTZUB CING TSA LA BZOD PAR DKA' DANG, GNOD PA DPE MED PA DANG, THAMS CAD MUN PA DANG, 'JIG RTEN PAR GYI DU BA DANG, PHYE MA LEB LTAR RAB TU LTUNG BA DANG, SROG 'CHI BA DANG BCAS PA DANG, GZHAN DU 'GYUR BA DANG, BSAM PA DGA' MED DANG, PHAN TSUN GNOD PA 'JUG PA DANG, NAGS TSAL MES MCHED PA'I RGYUD LTA BU DANG, TSOR BA RING BA DANG, TSOR BA MTHA' YAS DANG, KHVA'I MCHU RDO RJE LTA BU DANG, KHRAG DANG, RKANG ZA BA DANG, ME LCE BCU GCIG STE, DE DAG NI SEMS CAN DMYAL BA DU 'BOD CHEN PO'I 'KHOR BCU DRUG YIN NO; ;SEMS CAN DMYAL BA DU 'BOD CHEN PO DER SEMS CAN DAG LAS BYAS SHING BSAGS PA GANG GIS SKYE BAR 'GYUR SNYAM NA LAS KYI NYER BSDOGS DANG, LAS KYI LAM DANG, LAS KYI MJUG KUN TU BSTEN CING BSGOMS TE MANG DU BYAS PAS SO SOR 'JIGS PA CHEN PO SEMS CAN DMYAL BA DU 'BOD CHEN POR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE,
, ,'DI LTA STE, LCE PADMA'I 'DAB MA LTAR SHIN TU 'JAM PA DE KHA NAS DRANGS TE, RGYANG GRAGS GSUM DU BRGYANGS PA GSHIN RJE'I MI 'JIGS 'JIGS LTAR 'DUG PAS DE BZUNG NAS GSHIN RJE'I MI RNAMS KYIS LCAGS KYI THONG GSHOL RAB TU 'BAR BA DAG GIS 'BUGS SHING RMED LA YONGS SU 'DRAL LO, ,ZANGS DMAR PO RAB TU 'BAR BAS CHAG CHAG 'DEBS SHING LCE LAS BYUNG BA'I SRIN BU KHA RAB TU 'BAR BA DAG SKYE STE, GANG LCE DAG LA ZA'ANG RDZUN SMRA BA DE LCE DE DAG PHYIR KHA'I NANG DU GZHUG PAR MI NUS SO, ,DE'I KHA'I NANG GI SO GANG YIN PA DE DAG LA SO SRIN AU LU KA LA ZHES BYA BA BYUNG STE, DE DAG GIS 'BYIN PAR BYED CING DE'I RKANG YANG LAS KYIS BYAS PA'I RLUNG GIS PHYE MA'I PHYE MA LTAR PHYE MAR RLOG GO, DE'I MID PA'ANG SPU GRI LTA BU'I RLUNG GIS 'JOG PAR BYED LA, DE'I SNYING YANG SRIN BU'I MCHU RAB TU 'BAR BA DAG GIS ZA BAR BYED DO, ,RDZUN SMRA BA'I LUS CAN NI SEMS CAN DMYAL BA NGU 'BOD CHEN PO'I GZHIR SKYES NAS SREG STE, LAS BYAS PAS KUN NAS BSLANG BA'I LUS LAS BYUNG BA'I SRIN BU RNAMS KYIS LUS RAB TU 'BAR BA'I RGYU MA DAG LA ZA'O, ,DE'I NANG NA 'DUG PA'I SRIN BU RNAMS DANG, NAD RNAMS KYIS TSOR BA MI BZAD CING TSA LA DRAG PA RNAMS MYONG NGO, ,PHYI ROL TU'ANG SDUG BSNGAL RNAM PA GNYIS KYIS GNOD DE, 'DI LTA STE, ME LAS BYUNG BA'I SEMS
CAN DMYAL BA PA DAG LA GSHIN RJE'I MI RNAMS KYIS TSOR BA'I RGYU RNAM PA SNA TSOGS DAG GIS 'JIGS PA BSKYED DO, ,PHUR BU DAG GIS KYANG YAN LAG DANG, NYING LAG THAMS CAD DANG, LUS KYI RTZA DANG, RGYUS PA DANG, RUS PA'I GSEB THAMS CAD 'BUGS PAR BYED DO, ,GZHAN YANG, TSOR BA RNAMS KYIS MNGON PAR GTZES PAR 'GYUR TE, 'DI LTA STE, STE'U YIS YAN LAG NAS RUS PA LA SOGS PA'I BAR THAMS CAD 'JOG GO, RDZUN SMRA BA SMRAS PA DE NI MCHOG TU DON MA YIN PA BYED CING CHOS KYI STEGS KUN LAS BRGAL BA YIN TE, RDZUN SMRA BA NI DON DAM PA THAMS CAD KYI SGOR GYUR PA; DGE BA'I LO TOG THAMS CAD LA SER BA LTA BUR GYUR PA, NGAN 'GRO THAMS CAD KYI SGOR GYUR BA, BYA BA MA YIN PA THAMS CAD KYI GZHIR GYUR PA, SEMS CAN THAMS CAD KYI YID CHES PAR 'GYUR BA MA YIN PA, 'PHAGS PA'I SKYE BO KUN GYIS MI GTZANG BA DANG 'DRA BAR SMAD PAR GYUR PA, RDZOGS PA'I SANGS RGYAS DANG, NYAN THOS DANG, RANG SANGS RGYAS DANG, DGRA BCOM PA DAG GIS DUG BZHIN DU RNAM PAR SPANGS PA, 'JIG RTEN PA DANG, 'JIG RTEN LAS 'DAS PA'I LAM GYI MUN PAR GYUR CING SU'ANG 'DOD PA MED PA, GCIG TU SEMS CAN DMYAL BA MNGON DU GYUR CING GZHAN DANG MTSUNGS PA MED PA, MUN NAG TU GYUR PA YIN TE, RNAM PA DE DAG TU GYUR PA DON MED PA 'BYUNG BA YIN NO, ,GANG DAG SMRA ZHING GANG DAG SMRAS BA NI SEMS CAN DMYAL
, ,BA DU 'BOD CHEN POR RGYU DE DANG MTSUNGS PAR 'BRAS BU 'BYUNG STE, DE'I RKANG PA MES MAR SAR BZHIN DU 'JU ZHING DE'I BAR YANG SOG LE RAB TU 'BAR BAS GSHEG GO ,DE LUS DANG YID THAMS CAD DU SDUG BSNGAL ZHING DON MED PA RGYU MTHUN PA'I 'KHOR DE'I MES SEMS CAN DMYAL BA CHEN PO DAG 'TSED PA NA, NAD THAMS CAD KYIS SEMS CAN DMYAL BA MTSUNGS PAR KUN TU DU SKAD 'BYIN TO, ,NAD MI BZAD PA DE DAG GI MING GZUNG BAR SLA BA'ANG MA YIN TE, DE NI JI LTAR BSTAN PA BZHIN DU JI SRID DU SDIG PA'I LAS BYAS SHING BSAGS PA BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MA BRGYA STONG BYE BA BYE BA KHRAG KHRIG TU SEMS CAN DMYAL BA PA'I SDUG BSNGAL MYONG BAR 'GYUR RO, , DE PHYIS SEMS CAN DMYAL BA LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL BA MNYAM PAR MIR SKYES NA, DE LTAR SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, BRDZUN DU SMRA BA DAG GI RGYU MTHUN PA'I 'BRAS BUS DE DBUL ZHING TSE THUNG LA SEMS G-YENGS PA MA NING SKYE BO KUN GYIS SMAD CING YID BRTAN PA'I GNAS SU MI 'GYUR RO, ,'DIR TSIGS SU BCAD
PA; LUS CAN BRDZUN DU SMRA BA YIN, ,CHOS GCIG LAS NI 'GAL BYAS PA, ,'JIG RTEN PHA ROL RNAM BRGAL BA'I, ,SDIG PA DON MED GANG MED MIN, ,KUN LA YID CHES MI BYED PA, ,RDZUN GYI TSIG NI MA SMRA ZHIG ,'KHOR BAR GANG GIS GNOD PA NI, ,BDE 'GRO NYID NI MTHONG MI 'GYUR, ,RDZUN TSIG RAB TU 'JUG PA NI, ,'JIG RTEN GNYIS LA GNOD BYED CING, ,KUN GYI RNAM PAR LDANG BYED LA; ;CHOS RNAMS KUN GYI DGON PA YIN, ,GANG GIS BDAG NYID GCOD BYED PA, ,NYES SMRA GANG DAG SMRAS PA NI, ,MI DAG SKYES MA THAG TU NI, ,KHA NAS STA RE LTA BU 'BYUNG, ,GANG DAG RDZUN TSIG SMRA BA NI, ,DE NI DON MED KUN GYIS BRTAGS, ,NGAN SONG KUN GYIS RGYUD YIN ZHING, ,DE NI MUN NAG SKYE GNAS GCIG ,BDEN PAS DMAN PA'I MI DAG NI, ,MKHAS PA KUN GYIS RNAM PAR SPANGS, ,'JIG RTEN 'DIR NI RTZVA LTAR 'GYUR, ,PHA ROL NGAN SONG RNAMS SU 'TSED, ,DPA' BO SHIN TU RDZUN MI SMRA, ,NYON MONGS RDZUN TSIG SMRA BA DAG ,KHA NAS RUL PA'I DRI 'BYUNG LA,, PHYI NAS LUS KYIS GDUNGS PAR 'GYUR, ,BDEN PA RIN CHEN RNAM SPANGS PA, ,DE LA CHOS NI MED PA YIN, ,CHOS NI RNAM PAR SPANGS PA LA, ,SDUG BSNGAL MTHA' MED GNAS PA YIN, ,CHOS RNAMS KUN GYI SGRON YIN ZHING, ,MKHAS RNAMS RIN CHEN LTA BUR DGA', ,MTHO RIS LAM GYI DAM PA NI, ,BDEN PA YIN ZHES RIMS BRAL GSUNG, ,BDEN PA YIS NI MTHO RIS DANG, ,
, ,BDEN PAR SMRA BA THAR PAR 'GRO, ,BDEN PAS DMAN PA'I MI DAG NI, ,KHYI DANG 'DRA BAR RAB TU BSGRAGS, ,GANG LA BDEN PA MED PA NI, ,THA SHAL NANG NA DE THA SHAL, , BDEN PA CHOS KYI THEM SKAS TE, ,SNANG BA'I 'BYUNG KHUNGS CHEN PO YIN, ,THAR PA'I CHOS KYI LAM YIN ZHING, ,NOR GYI NANG NA NOR MCHOG LA, ,SKYABS KYI NANG NA SKYABS MCHOG NI, ,BDEN PA YIN ZHES MKHAS PAS BSHAD, ,SNANG BA'I NANG NA SNANG BA MCHOG ,MIG GI NANG NA'ANG MIG DANG LDAN, ,NOR RDZAS MED LA NOR RDZAS TE, ,RGYAN GYI NANG NA'ANG RGYAN BZANG YIN, ,BDEN PA MI ZAD GTER YIN TE, ,RGYAL PO KUN GYIS DBROG MI NUS, ,MI DAG GANG GIS SMRA BA NI, ,'GRO BA MCHOG TU 'GRO BA YIN, ,JI LTAR BDEN PAS SKYES BU DAG, BRGYAN PAS MDZES TE LHA 'DRA'O, ,SNA TSOGS RGYAN GYIS SKYES BU DAG ,BRGYAN PA DE LTAR MDZES PA MIN, ,JI LTAR 'JIG RTEN PHA ROL TU, ,PHA MED MA MED DON MED CING, ,BSHES MED GNYEN MED SKYABS MED PAS, ,DE LTAR RTAG TU BDEN PA SMROS, ,MI YI NANG NA MI MCHOG LA, ,DUG GI NANG NA DUG MCHOG STE, ,NGAN 'GRO RNAMS KYI THEM SKAS NI, ,RDZUN PA YIN ZHES YONGS SU BSGRAGS, ,REG NA DUG DANG ME 'DRA BA, ,RDZUN PA RNAM PAR SPANGS PAR GYIS, ,RDZUN GYIS BSREGS PA'I MI DAG NI, ,BSREGS PA YIN ZHES MNGON PAR BRJOD, ,DE LTAR MNGON PAR 'BAD KUN GYIS, ,MI
DAG RDZUN NI MA SMRA ZHIG ,'JIGS LA SOGS PA NYON MONGS KUN, ,RDZUN LAS BYUNG ZHES YONGS SU BRJOD, ,DE LTAR DGE SLONG DE RDZUN GYI LAS KYI 'BRAS BU'I DE KHO NA LKOG TU GYUR PA MTHONG BA, BDEN PA'I YON TAN GYI DE KHO NA MTHONG BA, DGE BA DANG, MI DGE BA'I DE KHO NA MTHONG BA, SEMS CAN DMYAL BA CHEN PO DU 'BOD CHEN PO'I 'KHOR LA RTOG PAR BYED DE, DES SEMS CAN DMYAL BA SGRA 'BYIN SHIN TU SGRA 'BYIN ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA NI SNGA MA BZHIN NO, ,RDZUN SMRA BA NI RTZOD PA'I TSE RANG GI GNYEN 'DAB KYI PHYIR RAM, PHYOGS GZUNG BA'I PHYIR RAM, PHYOGS SU GYUR PAS SMRAS LA, DE SMRAS NAS KYANG 'CHAGS PAR MI BYED, SKYON DU MI 'DZIN LA KUN TU BSTEN CING BSGOMS TE MANG DU BYAS NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SGRA 'BYIN SHIN TU SGRA 'BYIN DU SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, DE'I LCE GANG GIS RDZUN SMRAS PA DE LA CHAD PAS GCOD PAR BYED DE, GSHIN RJE'I MI RNAMS KYIS SPU GRIS MID PA DRAL NAS DER 'BYIN TE, PHYUNG NAS PA TSVA'I CHU RAB TU TSA BAS CHAG CHAG 'DEBS SO, ,NANG NA YOD PA'I LCE LA RUL BA'I DRI RAB TU
, ,'BYUNG ZHING SROG CHAGS MAR KO TA KA'I KHA RAB TU 'BAR BAS KYANG LCE DE LA ZA'O, ,LUS KYI TSOR BA'ANG GANG SEMS CAN DMYAL BA YANG SOS LA SOGS PA'I BSHAD PA DE THAMS CAD KYI MTHA' DAG SNGA MA BZHIN DU JI SRID DU DE'I RDZUN GYI LAS DE BCOM ZHING SPANGS LA ZAD PAR MA BYAS PA DE SRID DU SEMS CAN DMYAL BA DE LA 'BYUNG BAR 'GYUR RO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL BA MNYAM PAR MIR SKYES NA DE SMYON PAR 'GYUR ZHING DBUL BAR 'GYUR, SEMS RNAM PAR G-YENGS PA DANG, TSE THUNG BA DANG, DBANG PO MA TSANG BA DANG, SKYE BO KUN GYIS SMAD PA DANG, DON THAMS CAD MED PA'I SKAL BA CAN DU 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA DU 'BOD CHEN PO'I 'KHOR LA BRTAGS NA, DES THOS PA LAS BYUNG BA'I SHES PAS JI LTAR SEMS CAN DMYAL BA DU 'BOD CHEN PO'I 'KHOR TSOR BA DPAG TU MED PA ZHES BYA BA YOD PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, 'DI LTAR GANG GIS SROG GCOD PA DANG, MA BYIN
PAR LEN PA DANG, 'DOD PAS LOG PAR G-YEM PA DANG, CHANG 'THUNG BA BYAS PA NI SNGA MA BZHIN NO, ,RDZUN SMRA BA NI 'DOD CHAGS KYI RGYU'AM, ZHE SDANG GI RGYU MI BZAD PAS SMRAS SHING, GZHAN LA'ANG 'DI LTAR 'DI NI BDAG CAG GI MDZA' BA MCHOG TU SDUG PA BDAG CAG LA BYAMS PA YIN TE, PHYOGS GZUNG BAR BYA YI BDEN PAR MA SMRA ZHIG CES BSGO STE, DE GZENGS BSTOD CING RAB TU BKOD DE BTZUD NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA TSOR BA DPAG TU MED PAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, GANG SEMS CAN DMYAL BA YANG SOS LA SOGS PA'I BSHAD PA DE MTHA' DAG SEMS CAN DMYAL BA DU 'BOD CHEN POR 'BYUNG STE, GANG LAS KYI RGYU LCI BA'I PHYIR GNOD PA'ANG LCI BA NYID DU 'GYUR RO, ,GNOD PA LCI BA NYID KYIS LAS KYI 'BRAS BU RNAM PAR SMIN PA YANG DAG PAR STON TO, ,DE LTAR 'DI NI DUS MTHA' MED PA NAS 'JIGS PA DANG RAB TU LDAN PA'I LAS DANG, NYON MONGS PA DANG BCAS PA ZO CHUN GYI RGYUN LTAR 'KHOR BA'I 'KHOR LOR RAB TU 'JUG GO , SDIG PA GZHAN THAMS CAD KYI GNOD PA GZHAN DU 'JUG PA NA BRDZUN DU SMRA BA NI CHES SDIG PO CHE YIN NO ZHES BRJOD DO; ;BRDZUN DU SMRA BA RDZOGS PA NI DGE BA'I RTZA BA RTON PA GCOD PAR BYED DE, RGYU JI LTA JI LTA BA BZHIN DU 'BRAS BU'ANG DE LTA DE LTAR 'GYUR TE, RGYU 'DIS SEMS CAN DMYAL BA TSOR BA
, ,DPAG TU MED PAR TSOR BA 'BYUNG BA GANG YIN PA DE DAG BRJOD PA MI NUS SO, ,DER GNOD PA NI SEMS CAN DMYAL BA PA GZHAN THAMS CAD DANG YANG MTSUNGS PA MED DE; SEMS CAN DMYAL BA PA SDIG PO CHE'I TSOR BA 'BYUNG BA NI, 'DI LTA STE, SRIN BUS BSLAD PA'I TSOR BA DANG, SRIN BU'I TSOR BA DANG, SKOM PA DANG, BKRES PA'I TSOR BA DANG, RE THAG CHAD PA'I TSOR BA DANG, SO SO'I MUN NAG GI SDUG BSNGAL MTHA' YAS PA'I TSOR BA DANG, PHAN TSUN PHOG PA'I TSOR BA DANG, SGRA DANG, REG PA DANG, RO DANG, GZUGS DANG, DRI MI 'DOD PA'I TSOR BA DANG, TSE RABS DRAN PA'I DGRA BGEGS KYI MTSON CHAS RAB TU GCOD PA'I TSOR BA DANG, BA TSVA'I CHU BO LAS SHIN TU SGROL BA'I TSOR BA DANG, PHUR BU RNAMS KYIS 'DEBS PA'I TSOR BA DANG, RMOG THAG MES BSREGS PA'I TSOR BA DANG, RTZVA DAR BA LTAR GCOD CING RDO RJES REG PA'I TSOR BA DANG, KUN NAS ME DANG, TSAL BSREGS PA'I ME 'BAR BA'I PHRENG BA'I TSOR BA STE, DE LA SOGS PA SEMS CAN DMYAL BA DANG MTHUN PA'I TSOR BA JI SRID DU RDZUN SMRA BA NYES PAR SPYAD PA BCOM ZHING SPANGS LA ZAD PAR MA BYAS PA DE SRID DU G-YANG SA CHEN PO LTA BU'I RDZUN GYI 'BRAS BU SEMS CAN DMYAL BAR TSOR BA DPAG TU MED PA 'BYUNG NGO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN
GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA, DE RDZUN SMRA BA'I RGYU MTHUN PA'I 'BRAS BUS DE RTAG TU NAD KYIS MNGON PAR 'DEBS SHING SKER BGEGS PA DANG, KHA NAD LA SOGS PA 'BYUNG LA, DBUL BAR 'GYUR, SBYIN PA PO'AM, SBYIN BDAG LA SMAN SLONG BA NA DE YID MI CHES PAR 'GYUR TE, 'DI YANG DAG LOG PA SMRA'O SNYAM NAS MI THOB STE, DE NI NAD MI BZAD PAS THEBS NAS 'CHI BA'I DUS BYED PAR MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA DU 'BOD CHEN PO'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA TSOR BA RTZUB CING TSAL BZOD PAR DKA' BA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, RGYAL PO'AM, BLON POS BDAG RANG GI DON DU RGYAL SRID KYI PHYIR RAM, NOR RDZAS KYI PHYIR RAM, SROG GI PHYIR MNGON SUM DU YID CHES PAR SMRAS LA, SHIN TU MNGON PAR GNOD PA BYAS NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA TSOR BA RTZUB CING TSAL BZOD PAR DKA' BAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, RANG GI LUS
, ,LAS LAS KYIS BYAS PA'I SRIN BU DAG SKYE STE, LUS THAMS CAD LA ZHUGS SHING GNAD THAMS CAD LA ZHUGS LA, CHU RGYUS THAMS CAD GCOD CING RNAM PAR GCOD DE; ;SEMS CAN DMYAL BA GRUB PA DAG, SHA THAMS CAD ZA ZHING, GLO BA ZA LA MI BZAD PAR YONGS SU 'GYUR BA DAG, SEMS CAN DMYAL BA DER TSOR BA ME LTAR SHIN TU DRAG PA DAG TSOR BA CHEN PO 'PHEL BA DANG, DUG GI TSOR BA ME LTA BU DANG, TSOR BA SHIN TU DRAG PA JI SKAD BSHAD PA DAG NI TSOR BA RTZUB CING TSA LA BZOD PAR DKA' BA YIN TE, SEMS CAN DMYAL BA SDIG PAS 'TSO BA DE'I MI BZAD PA GANG YIN PA DAG BRJOD PAR MI NUS SO, ,SEMS CAN DMYAL BA PA DE JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU 'TSED DO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA GAL TE MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BUS DE MA'I MNGAL DU ZHUGS NAS DE'I NYES PAR BYAS PA'I LAS DES JI SRID DU DE'I NYES PAR BYAS PA'I LAS KYI MTHA' SPYAD PA BTZAL BAR 'GYUR BA DE SRID DU MA'ANG RTAG TU NAD BU CAN DU 'GYUR, GANG GI TSE MA'I MNGAL DE NAS BYUNG NAS, DE PHAN CHAD DE'ANG
BYIS PA NAS RTAG TU NAD BU CAN DU 'GYUR TE, SMAN PA THAMS CAD KYIS NAD GSO BAR MI NUS PA MTHONG NGO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO BCU PA, DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA DES SEMS CAN DMYAL BA GNOD PA DPE MED PA ZHES BYA BA MTHONG NGO, ,DER SEMS CAN DAG LAS BYAS SHING BSAGS PA GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, BRDZUN DU SMRA BA KUN TU BSTEN CING BSGOMS TE MANG DU BYAS PAS 'GYUR RO, ,'DI LTA STE, BU RAM SHING DANG, SA BSDU BA'I DON DU ZHING GI RNANG RGAL LA SOGS PA RDZUN DANG, G-YO THABS KYIS 'PHROG CING RTZOD LA GZHAN LA'ANG RDZUN GYIS SLU NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA GNOD PA DPE MED PAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, GANG SEMS CAN DMYAL BA YANG SOS LA SOGS PA DE DAG THAMS CAD KYI SNGA MA BZHIN DU 'BYUNG NGO, ,GANG SEMS CAN DMYAL BA PA RNAMS KYI'ANG GNOD PA 'BYUNG BA NI, 'DI LTA STE, LCAGS MGAR SBUD PA DBUGS KYIS BKANG BA GNYIS KYIS LCAGS RDUNG ZHING
, ,GLEBS PA DE BZHIN DU GSHIN RJE'I MI RNAMS KYIS SEMS CAN DMYAL BA PA DE SEMS CAN DMYAL BA DER SPUD PA GNYIS KYIS 'BUD CING 'JU'O, ,LAS KYIS BSGRUBS PA'I TSA BA THAMS CAD KYIS 'BUD CING 'JU'O, ,BRDUNG ZHING GLEBS PA NI LCAGS BZHIN KUN TU RDUNG NGO, ,YANG SKYE BAR 'GYUR TE DE NAS PHYUNG NAS RDZA MA'I NANG DU BCUG STE, JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE JI SRID DU MON SRAN GRE'U BZHIN DU BSKOL TO, ,DE SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA GAL TE MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BUS DE RTAG TU SKOM PAS GDUNGS SHING KHRO LA SKYE BO THAMS CAD YID CHES PAR MI 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA, DES SEMS CAN DMYAL BA THAMS CAD MUN PA ZHES BYA BA MTHONG NGO, ,DER SEMS CAN DAG LAS KUN TU BSTEN CING BSGOMS TE MANG DU BYAS PA GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG,
CHANG 'THUNG BA KUN TU BSTEN CING BSGOMS TE MANG DU BYAS PAR 'GYUR RO, ,RDZUN SMRA BA'ANG GZHAN GYI BUD MED LA NYAL NAS DE RGYAL PO'I PHO BRANG 'KHOR DU 'DI LTAR BDAG GIS BUD MED 'DI LA MA NYAL ZHES SMRA LA, BUD MED KYI KHYIM THAB MI DE LA'ANG GNOD PA BYED PAR MNGON PAR SGRUB NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA THAMS CAD MUN PAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, SPYI BOR PHUG NAS DE LCE 'BYIN TE PHYUNG NAS KYANG RAL GRI DAG GIS GCOD DO, ,BCAD CING BCAD CING YANG SKYE BAR 'GYUR RO, ,YANG MTSON CHA HU LU KA RAB TU 'BAR BA DAG GIS JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR GCOD DO; ;DE SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, MI RNAMS DANG SKAL PA MNYAM PAR MIR SKYES NA, DE LAS DE DANG RGYU MTHUN PA'I 'BRAS BUS DE DMUS LONG DANG, 'ON PAR 'GYUR ZHING DE SKYES MA THAG TU KHA ZAS LAM PO CHE DANG, BZHI MDOR SDUG PHONGS PAS 'TSO BAR 'GYUR, KHYIM GYI SGO DU MAR KHA ZAS SLONG MOS 'TSO ZHING TSE THUNG LA BU DANG, CHUNG MAS KYANG SPANGS PAR 'GYUR BA MTHONG NGO, ,DE NAS YANG DGE SLONG LAS KYI
, ,'BRAS BU RNAM PAR SMIN PA SHES PA DRES SEMS CAN DMYAL BA CHEN PO DU 'BOD KYI 'KHOR SEMS CAN DMYAL BA MUN PA DANG, DUD PA ZHES BYA BA LA BRTAGS TE, DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA KUN TU BSTEN CING BSGOMS TE MANG DU BYAS PAR 'GYUR RO, ,RDZUN SMRA BA'ANG TSONG PA KHE SPOGS KYIS 'TSO BA'I PHYIR, RDZAS 'DI NI TSONG PA'I NANG KHRIMS KYIS BDAG DBANG STE, 'DI GZHAN MI DBANG ZHES NGES RDZUN SMRA ZHING G-YO THABS KYIS RDZAS 'PHROG NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA'I 'JIG RTEN MUN PA DANG, DUD PA ZHES BYA BAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR RO, ,'DI LTA STE, SNGA MA BZHIN DU GANG SEMS CAN DMYAL BA YANG SOS LA SOGS PA LA 'BYUNG BA LTAR YAN LAG DANG, NYING LAG SHIN TU 'JAM PA THAMS CAD BCAD CING BTUBS PA DANG, YANG RAB TU DU'O, ,DE'I SDIG PA'I LAS KYI RGYU MTHUN PA RNAM PAR SMIN PA TSA BA RNAM PAR SMIN PA CHEN POS SHIN TU 'JAM PA DE DAG KYANG BCAD NAS SKYE'O, ,SEMS CAN DMYAL BA PA DE CHO NGES 'DEBS PA NA, ZLA BA DRUG
LUS PA'I RUS PA GANG YIN PA DE DAG KYANG RANG GI LUS LAS BYUNG BA'I SRIN BU RDO RJE MCHU CAN LA KHA RAB TU 'BAR ZHING KHA DOG SNA TSOGS CAN DAG GIS ZA LA GNOD PA SNA TSOGS DANG, GNOD PA'I TSOR BA BYED DE, DE LUS JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO BRGYA STONG PHRAG DU MAR RO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL BA MNYAM PAR MIR SKYES NA, LAS DE DANG RGYU MTHUN PA'I 'BRAS BUS DE'I LUS LAS DRING BA 'BYUNG, DE'I MGO'AM ,GOS LA'ANG DROD GSHER LAS SKYES PA'I SRIN BU SKYE BAR 'GYUR ZHING DBUL BAR 'GYUR RO, ,MCHU DANG, BZHIN KHAB LTAR PHRA LA TSE THUNG BAR YANG 'GYUR, TSIG YID MI CHES SHING SKYE BO THAMS CAD MI DGA' LA SDUG PHONGS PAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS TE, DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS SEMS CAN DMYAL BA PHYE MA LE BA LTAR 'JUG PA DANG 'DRA BA ZHES BYA BA LA BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG
, ,'THUNG BA KUN TU BSTEN CING BSGOMS TE MANG DU BYAS PAS 'GYUR RO, ,RDZUN SMRA BA'ANG DGE 'DUN GYI RDZAS KYI RNAM PA NYO BA DANG, BTZONG PA ZAS SAM, GOS CUNG ZAD CIG BLANGS LA, DGE 'DUN GZHAN LA RIN THANG CHEN POR 'DEBS SHING CHAGS PA DANG LDAN PA DAG DGE 'DUN DE DAG LA SLU BAR YANG BYED DE, 'DI LTAR BDAG GIS NYOS PA 'DI DE BZHIN DU KHYOD LA SBYIN NO ZHES KYANG SMRA ZHING SKYES BU RMONGS PA DE TSONG PA'I BDE LA CHAGS NAS RDZUN SMRA'O, ,DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA PHYE MA LEB LTAR 'JUG PA DANG 'DRA BA ZHES BYA BAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, KHYIS LTO PHUG NAS RGYU MA DAG ZA'O, ,GSHIN RJE'I MI RNAMS KYIS STE'U RAB TU 'BAR BA DAG GIS RGYAB KYI SHA BA ZHOGS NAS SRANG GCIG GAM ,SRANG PHYED DU SRANG GIS BCAL NAS KHYI DAG LA SBYIN PAR BYED CING RKANG DBYUNG BA'I PHYIR STE'U RNON PO DAG GIS RUS PA'ANG GZHOG PAR BYED DO, ,SKAM PA RAB TU 'BAR BAS MGUL PA'I PHYOGS PHUG NAS LCE 'BYIN TO, ,YAN LAG DANG, NYID LAG THAMS CAD LA PHUR BU RAB TU 'BAR BA DAG BTZUGS NAS SHA DAG BCAD CING RGYUS PA 'BYIN TE, DE NYES PAR BYAS PA'I LAS KYIS MTHA' SPYAD PA RANG GIS BYAS PA'I LAS SPYOD CING RDZUN SMRA PA DE RNAM PAR 'TSED DO,,
SEMS CAN DMYAL BA PA DAG GSHIN RJE'I MI RNAMS LAS THAR NAS ME RTAG TU 'BAR PAS GANG BA'I SEMS CAN DMYAL BA DER JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR PHYE MA LEB BZHIN DU SKYE ZHING SKYE ZHING SREG GO, DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BUS DE DBUL ZHING DMAN LA BKREN PA DANG, GZHAN GYIS BKOL BA'I RIGS SU SKYE BAR 'GYUR, DE BYIS PA NAS KUN NAS SHIN TU BSRUNGS KYANG MES TSIG PAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA, DES SEMS CAN DMYAL BA SHI MA THAG TU 'TSO BA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA KUN TU BSTEN CING BSGOMS TE MANG DU BYAS NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SHI MA
, ,THAG TU 'TSO BAR SKYE BAR MTHONG NGO, ,DER SEMS CAN DMYAL BA YANG SOS LA SOGS PA RNAMS KYI TSOR BA GANG YIN PA DE DAG THAMS CAD SNGA MA BZHIN DU 'BYUNG BA'I STENG DU KHYAD PAR DU NA THO BA DAG GIS KUN TU BTAGS PA NA, PHOG MA THAG TU 'CHI BAR 'GYUR ZHING, BTEG PA DANG, YANG 'TSO BAR 'GYUR LA, PHOG PA DANG, YANG 'CHI BAR 'GYUR TE; DE LTAR SEMS CAN DMYAL BA PA DAG LO 'BUM PHRAG DU MAR SKYE ZHING 'CHI'O, ,DE NYES PAR SPYAD PA'I LAS KYI MTHA' SPYAD PA DE LAS THAR NAS, ME TOG AUTPA LA'I TSAL MTHONG STE; SKYABS 'DOD PA DE DER BRGYUGS PA DANG, ME TOG AUTPA LA DAG ME SNGON POS SHIN TU GANG BAR GYUR TO, ,RDZUN SMRA BA DE'I 'BRAS BU DE GANG YIN SNYAM NA 'JIGS SAR 'GRO BA'I TSONG PA GSAD PA'I PHYIR, CHOM RKUN PA GANG ZHIG DGE SLONG GI TSUL DU ZHUGS NAS 'JIGS SA NA CHOM RKUN MED DO ZHES SMRAS PA DANG, DE DAG NANG DER DONG STE PHYIN PA DANG; RKYEN DES BCOM PA'I LAS DE'I 'BRAS BUS ME TOG AUTPAL GANG YIN PA DE DAG 'DAB MA SNGON POS GANG BAR ZHUGS PA YIN TE RKANG PA MED CING PHYIR 'BYUNG BAR MI NUS SO, ,DE'I LAS KYI TSUL DE LTA BU'I MTHUS DE LAG PA DANG, RKANG PA DANG, MIG DANG BRAL ZHING JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE
SRID DU LO 'BUM PHRAG DU MAR ME TOG AUTPA LA MDAG MES GANG BA DER SREG CING 'TSED LA GSOD CING YANG 'TSO BAR BYED DO, ,DE SEMS CAN DMYAL BA DE LAS THAR PAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, MI RNAMS DANG SKAL PA MNYAM PAR MIR SKYES NA LAS DE DANG RGYU MTHUN PAS DE RTOG PA PO DANG, G-YO THABS SMRA BAR 'GYUR, DE'I NOR RDZAS BSAGS PA RGYAL POS 'PHROG GCING DE'ANG BCINGS PA'I TSE 'CHI BA'I DUS BYED PAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA CHEN PO DU 'BOD KYI SEMS CAN DMYAL BA GZHAN DU 'GYUR BA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD BAS LOG PAR G-YEM PA DANG, CHANG 'THUNG BA KUN TU BSTEN CING BSGOMS TE MANG DU BYAS PAS 'GYUR RO, ,RDZUN SMRA BA'ANG DE DBYE BA'AM, GSOD PA'AM, PHA ROL LAS RGYAL BAR BYA BA'I PHYIR G-YO SGYU SMRA BA YIN NA, 'DI LTA STE, BDAG NI RTAG TU BDEN PAR SMRA BA YIN TE, BDAG BDEN PA SMRA'O ZHES 'JIG RTEN KUN DAD PA
, ,BSKYED NAS, DE DE'I RDZUN SNA TSOGS SMRAS PA GANG GIS YUL 'KHOR 'JOMS PAR BYED, SKYES BU DAM PA GSOD PAR BYED, DGRA GZHAN GYI NOR RDZAS 'PHROG PAR BYED DO,, SNGON BDEN PA SMRA'O ZHES 'JIG RTEN YID CHES PA THOB PAR BYAS SHING DAD PA BSKYED DE, DE NAS RDZUN SMRA BA NI DE CHA LUGS BZANG POR BSGYUR CING RKUN MA RDZUN SMRA BA YIN TE, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA GZHAN DU 'GYUR BAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, RGYANG RING PO NAS DE'I MA DANG, PHA DANG, BRAN DANG, BSTEN GROGS DANG, SDUG PA'I MI DE DAG MTHONG NGO, ,SEMS CAN DMYAL BA DES MTHONG BA DANG, DE DAG GI KHA NAS TSIG SNYAN PA DAG THOS PA DANG, DE DAG GI DRUNG DU MGON 'DOD PA; SKYABS 'DOD PA, DPUNG GNYEN 'DOD PA, DPUNG GNYEN TSOL BAS RGYUG GO ,DE JI LTA JI LTAR DE DAG GI DRUNG DU RGYUG PA DE LTA DE LTAR MA DAG ME MTSO LTA BU'I NANG DU NUB STE, JI LTAR RDO CHUR BOR BA BZHIN DU NUB PO, ,DE NAS 'BYUNG LA YAN LAG DANG, NYING LAG THAMS CAD SHIN TU BSREGS TE, TSOR BAS NYAM THAG NAS DU SKAD 'DON PA NA, DE'I PHA DANG, MA DANG, BU DANG, BSTEN GROGS DAG MTHONG BA DANG YANG RGYUG GO ,DE NAS YANG LAS KYIS BYAS PA'I GSHIN RJE'I MI SOG LE THOGS PA DAG LAM NAS BYUNG STE, DE GSHIN RJE'I MI DE DAG GIS BZUNG NGO, ,
BZUNG NAS SHING BZHIN DU DBUS GSHOG GO ,DE RES 'GA' DE LAS THAR NA PAGS PA DANG, RUS PA TZAM LUS PA YAN LAG DANG, NYID LAG THAMS CAD PHUG CING DRAL BA'I LUS RMA MTSAN CAN DAG GAR THAR THAR DU 'BROS SO, ,DE BROS NA'ANG GSHIN RJE'I MI GZHAN DAG GIS BZUNG NGO, ,BZUNG NAS LAS LAS BYUNG BA'I ZO CHUN RGYUD MA'I NANG RDOS BKANG BA DER DE BCUG GO, DE NAS ZO CHUN RGYUD MO RAB TU 'BAR BA 'KHOR LO LTAR BSKOR TE, DER RDZUN SMRA BA DE PHYE BZHIN DU 'THAG CING PHYE MAR RLOG GO ,DE ZO CHUN RGYUD MO DE LAS BYUNG STE, THAR NAS YANG MA DANG, PHA DANG, STEN GROGS DANG, SNYING DU SDUG PA MTHONG STE, MGON 'DOD PA, SKYABS 'DOD PA, DPUNG GNYEN 'DOD PA DES, DE DAG GI DRUNG DU BRGYUGS RJES SU BRGYUGS PA DANG, LAS KYIS BYAS PA'I LAM DU PHUR BU DANG, LAS KYI STAG BYUNG STE, DE NGES BZUNG NGO, ,BZUNG NAS KHAR BCUG STE, DE 'GRAM SO'I BAR DU BCUG NAS PHUR BU RNO ZHING RAB TU 'BAR BA RNAMS KYIS GZER NAS 'DREN TO, ,DE SEMS PA DANG LDAN NAS RGYUG PA DANG, DE'I RKANG PA'ANG GCOD CING 'THUB, BYIN PA'ANG GCOD CING 'THUB LA SREG GO, DE'I YAN LAG DANG, NYING LAG THAMS CAD PHUG CING DRAL LA LUS BSREGS SHING LUS NYAMS LA RNAM PAR NYAMS PA DANG, RTZA DANG, RGYUS PA DANG, RUS PA DANG, LUS KYI LHAG MA LUS PA DAG SHIN TU RGYUG STE, DE LTAR RDZUN SMRA BA
, ,KUN TU BSTEN CING BSGOMS TE MANG DU BYAS PA'I 'BRAS BUS RGYU DANG MTHUN PA'I 'BRAS BU GRUB BO, ,'DI LTAR DE BDEN PAR SMRA BAR BSGRUBS LA, DE NAS RDZUN SMRA ZHING G-YO THABS SMRA LA SHUR LUNG SMRA BA DAG DE LTAR DE MA DANG, PHA DANG, STEN GROGS DANG, SNYING DU SDUG PA MTHONG NGO, ,RDZUN SMRA BA DE 'DI LTAR TSOR BA RTZUB PA, TSA BA, TSOR BA RNO BA , MTHA' YAS PA DAG JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR SREG GO, 'TSED DO, ,GCOD DO, ,GSOD DO, ,DE SEMS CAN DMYAL BA DE DAG LAS THAR PAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PAR DE DBUL ZHING NAD BU CAN DANG, DMAN PA DANG, DBANG PO MA TSANG BAR 'GYUR, SKYE BO THAMS CAD LA YID MI CHES SHING ZHE 'GRAS PA DANG MI MTHUN PAR 'GYUR, DE'I BSAM PA THAMS CAD MI 'GRUB CING LOG PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA KUN DGA' LA RE BA MED PA ZHES BYA BA MTHONG NGO, ,DER SEMS CAN
DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA KUN TU BSTEN CING BSGOMS TE MANG DU BYAS PA NI SNGA MA BZHIN NO, ,RDZUN SMRA BA NI RNAM PA 'DI DAG SMRA BA YIN TE, SDUG BSNGAL BA DANG, NAD BU CAN DANG, LTOGS PA DANG, DMAN PA DANG, MGON MED PA DANG, BKRES PA DAG LA NOR RDZAS SBYIN PAR KHAS BLANGS PA LAS MA BYIN PA YIN TE, 'BRAS S'A LU'I BZA' BA DANG, BTUNG BA DANG, GOS DANG, MAL CHA DANG, KHYIM SBYIN PAR KHAS BLANGS PA LAS MA BYIN PA DE NI RGYU DES RE BA MED PAR 'GYUR TE, DE LUS DANG BRAL BA'I 'OG TU NGAN 'GRO LOG PAR LTUNG BA SEMS CAN DMYAL BA KUN DGA' LA RE BA MED PA ZHES BYA BAR SKYE BAR 'GYUR RO, ,DER GNOD PA'I RNAM PA 'DI DAG 'BYUNG BAR 'GYUR TE; 'DI LTA STE, GANG GIS BZA' BA SBYIN PAR KHAS BLANGS PA LAS MA BYIN PA DE NI SEMS CAN DMYAL BAR BZA' BA DANG, BCA' BA ZHIM PO DANG, RGYAN SNA TSOGS KYIS KLUBS PA DAG MTHONG NGO, ,SEMS CAN DMYAL BA PA LTOGS PAS NYEN PA DE DAG RGYANG RING PO NA BZA' BA NYAMS DGA' ZHING SMON PA'I BZA' BA DE DAG MTHONG STE, BZA' BA DE DAG GI PHYOGS SU RGYUG PA DANG, LAM PHUR BU DANG, SBAS GANG ZHING LAM DU SOG LE RAB TU 'BAR BAS GSHEG PA NA PHYOGS DER RGYUG PA NI
, ,SNGA MA BZHIN DU SBYAR RO, ,NAM ZAS DE THOB PA DANG, DE DAG LCAGS KYI THU LUM RAB TU 'BAR BA LTA BUR GYUR CING DRI NGA LA MDOG MI SDUG PA LAS KYIS BYAS PA TSUL LOG PAR MTHONG STE, DE NYE BAR BLTAS PA DANG MIG GI 'BRAS BU LTUNG NGO, ,GANG GI TSE BSNAMS PA DANG, DRI DES SNA TSIG NAS BYID DO, ,REG PAS YAN LAG DANG, NYING LAG THAMS CAD RAB TU TSIG STE, DE'I LUS SRIN BU ME KHYER LTA BUR BYED DO, ,RO BRO BA LCAGS KYI THU LUM BSREGS PA LTA BUS LCE SREG GO, DE BSREGS NAS YANG MID PA DANG, SNYING DANG, MCHIN PA DANG, GNYE MA DANG, RGYU MA DANG, PHO BA DANG, LONG KA NAS RO SMAD KYI BAR DU BSREGS NAS 'BYUNG NGO, ,YANG GANG GIS MAL CHA DANG, KHYIM SBYIN PAR KHAS BLANGS PA LAS RDZUN SMRAS PA DE GRANG PA DANG, TSA BAS GDUNGS SHING RE BA MED PAR BYAS SO, ,SEMS CAN DMYAL BA DE GZHI ZANGS KYI GLEGS MA RAB TU BZHUS PAR BZHAG STE, DES YAN LAG DANG, NYING LAG THAMS CAD RNAM PAR 'JU ZHING BSREG GO, DES KHYIM SBYIN PAR BYAS PA LAS MA BYIN PA DE'ANG 'BYUNG BAR 'GYUR TE, KHYIM GYI RDZUN SMRA BA DE LCAGS KYI KHYIM DGA' BA DANG, NYE BAR DGA' BA TSAD DPAG TSAD LNGA BCU PAR LCAGS KHU RAB TU BSKOL BA'I NANG DU 'JUG GO, DE DER 'OG NAS STENG DU, STENG NAS 'OG TU BSKOL BA NA, STENG NAS STENG DU 'BYUNG ZHING, 'OG NAS 'OG TU 'BYUNG BAR
BSKOL BA DANG, RAB TU CHOS TE YAN LAG DANG, NYING LAG THAMS CAD RNAM PAR ZHIGS SHING SHA DANG, RGYUS PA DANG, PAGS PA DANG, RUS PA DANG, TSIGS LHAG MA LUS PA THAMS CAD KYANG RNAM PAR ZHIGS NAS RAB TU BSKOL BAS GANG BA'I RDZAM MUN PA MUN NAG DE GNYIS KYI NANG DU 'BYUNG STE, GDUNGS SHING RNAM PAR KHRO LA SMRE SNGAGS 'DEN TO, ,GANG RDZA MA GONG MA DER BTZOS PA DANG, DE'I 'OG TU LCAGS KYI RDZA MA 'OG MA DER RAB TU 'TSED DE, 'DI LTAR 'OG TU 'BYUNG ZHING DE DAG GI SHUGS KYIS GCIG LA GCIG PHOG STE, LUS DUM BU BRGYA'AM, GAL TE STONG DU GYES SO, ,DE NAS YANG 'BYUNG STE, SEMS CAN DMYAL BA PA GZHAN DAG LA PHOG STE, JI SRID DU RDZUN SMRA BA DE'I LAS BCOM ZHING SPANGS LA ZAD PAR MA BYAS BA DE SRID DU LAS KYI ZHAGS PAS BCINGS PA DAG YANG LAN 'BUM SNYED DU RNAM PAR ZHIGS SO, ,DE DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, MI RNAMS DANG SKAL BA MNYAM PAR MIR SKYES NA LAS DE DANG RGYU MTHUN PA'I 'BRAS BUS DE BRAN GYI RIGS SAM, DE DANG MTHUN PAR DE NYID DU SKYE BAR 'GYUR TE, GANG KHAS BLANGS PA LAS BRDZUN DU SMRAS PA DE NI DE DANG MTHUN PAR LAS GZHAN DANG, GZHAN DU 'GYUR RO, ,DE LA 'KHOR BA THOG MA MED PA NAS GNOD PA GANG ZHUGS PA
, ,THOG MA MED PA NAS DGE BA DANG, MI DGE BA'I LAS KYIS BYAS PA'I RGYUD KYI 'KHOR BA'I MTHA' KUN TU ZHUGS PA LAS KYI RGYUD KYIS DGA' BA'I 'DOD CHAGS KYI MOD LA SRED PA GANG BYUNG BA'I GNOD PA DES GZHAN DAG GI BRAN DU 'GYUR TE, BZA' BA DANG, BTUNG BA DANG, MAL STAN DANG, NAD KYI RKYEN GSOS SMAN MED CING, JO BO DES RTAG TU SPYO BAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES, SEMS CAN DMYAL BA CHEN PO DU 'BOD KYI 'KHOR LA BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA NI DES SNGA MA BZHIN DU MTHONG NGO, ,RDZUN SMRA PA NI BZO BO TSOGS SHING 'DUS PA'I NANG DU SONG NAS RGYAGS PA BDO BA'AM, ZHE SDANG NGAM, PHAN TSUN MI MTHUN PAS GANG DU TSOGS SHING 'DU PA'I KHRIMS BCAS TE CHAD PAS BCAD PAR BYA BA LAS, DE NYES PA MED PA BZHIN DU BDAG DANG, GZHAN BSLUS NAS CHAD PAS GCOD PAR BYED CING DE'ANG GOMS PAR BYED, LAN MANG DU BYED LA LAS KYI MJUG BSAGS PA DE NI LUS DANG BRAL NAS NGAN 'GRO LOG PAR LTUNG BA SEMS CAN DMYAL BA PHAN TSUN GNOD PA 'JUG PAR SKYE BAR 'GYUR TE, GANG GI TSE TSOGS SHING 'DUS PA DE DAG GI NANG DU SONG NAS GNOD PA BYAS
PA'I RGYU DE DANG, RKYEN DES LUS DANG BRAL NAS NGAN 'GRO LOG PAR LTUNG BA SEMS CAN DMYAL BA PHAN TSUN GNOD PA 'JUG PAR SKYE BAR 'GYUR RO, ,DER GNOD PA 'DI DAG 'GYUR TE, GANG YANG SOS DANG, THIG NAG DANG, BSDUS GZHOM DANG, DU 'BOD LA SOGS PAR BSHAD PA SNGA MA BZHIN DU 'BYUNG BA'I STENG DU BYE BRAG TU 'BYUNG BA NI, 'DI LTA STE, LAS BYAS PA'I SEMS CAN DMYAL BA DER SENG GE MCHE BA RAB TU 'BAR BA 'BYUNG STE, DE SEMS CAN DMYAL BA PA RDZUN SMRA BA DE LA SNGON SMRAS PA'I TSOR BA DANG LDAN PAS YANG NAS YANG DU ZA'O, ,DE 'GRAM PA PHYE BA DANG 'TSO BAR 'GYUR LA, BTZUMS PA DANG YANG LUS THAMS CAD ZA STE, DE SOS PA DANG ZA'O, ,DE SOS PA DANG ZA BAR 'GYUR TE, DE'I LAS KYIS BYAS PA'I SENG GE'I SO GTAMS PA'I BAR DU CHUD PA DANG, DE'I KHA MDAG ME RAB TU 'BAR BAS GANG STE, DE SOS NI ZA LA MES NI GCIG CAR BSREG GO, DE LTAR RDZUN ZER BA DE SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR GNOD PA DPE MED PA RJES SU MYONG BAR 'GYUR RO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BUS DE SPRUL LAM, SENG GE'AM, STAG
, ,GAM, DOM GYIS GSOD PAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA, DES THOS PA LAS BYUNG BA'I SHES PAS GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN ZER BA MTHONG STE, DE SKYES PA'I RIGS GCIG PA'I SPUN GYI NOR GYI PHYIR RAM, PHA DANG, MES PO GCIG PA'I SPUN DE GNYIS NOR GYI PHYIR RTZOD PA NA, DE SPUN GNYIS PA'AM, BU PO'AM, DE DANG RIGS GCIG PA'I CHED DU G-YO THABS KYI BLO DANG, BRGYAD PA'I BLOS RDZUN MNGON DU ZER ZHING SHES PAR BYAS, RIG PAR BYAS LA LAS DANG, LAS KYI MJUG DANG, NYER BSDOGS DANG LDAN PAR GYUR NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA PHAN TSUN GNOD PA 'JUG PAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, GANG YANG SOS LA SOGS PA'I SNGA MA BZHIN DU 'BYUNG BA'I STENG DU KHYAD PAR DU 'BYUNG BA NI LAS BYAS PAS SHAN PAR 'GYUR TE, GANG RANG GI GNYEN 'OD KHA DE LA BSLUS SHING RDZUN BYAS PAS SHA DE BCAD CING BCAD CING BDAG GI KHA DER 'JUG STE SEMS CAN DMYAL BA PA LA DE ZAR 'JUG GO, SEMS CAN DMYAL BA PA NYES
PAR BYAS PA'I LAS DES RANG GI SHA DE'ANG LCAGS LTAR RAB TU 'BAR ZHING RO BRO BA MED PA YIN NO, ,DE LA GNOD PA GNYIS 'BYUNG STE, SHAN PA BYAS PAS LUS LA TSOR BA 'BYUNG BA DANG, BKRES SHING SKOM PA BYAS PA GNYIS TE, DER SHA BCAD PA DANG, DE LTAR BYUNG BA'I SRIN BU DAG SKYES TE, GANG RUS PA GZHAN DAG DANG, RKANG TSUN CHAD LA'ANG ZA'O, ,DE LTAR NYES PAR BYAS PA'I LAS KYI MTHA' SPYAD PA DE SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR SEMS CAN DMYAL BA PHAN TSUN GNOD PA 'JUG PAR SKYE BAR 'GYUR RO, ,DE SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, MI RNAMS DANG SKAL PA MNYAM PAR MIR SKYES NA LAS DE DANG RGYU MTHUN PA'I 'BRAS BUS DE NAM YANG PHA DANG, MES PO'I NOR 'THOB PAR MI 'GYUR RO, ,YID CHES PA'I GNAS SU MI 'GYUR ZHING DBUL POR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA NAGS TSAL ME MCHED PA'I RGYUD LTA BU ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS
, ,NA; GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, 'BRU'I CHANG DANG, SBYAR BA'I CHANG MYOS PAR 'GYUR BA BLUD PAS 'GYUR RO; ;RDZUN SMRA BAR 'GYUR BA NI GYAD TSOGS SHING 'DU BA'I NANG DU SONG STE, NYES PA BYAS NAS CHAD PAS 'JIGS PA'I PHYIR BDAG GIS NYES PA MA BYAS ZHES SMRA NA, DE LUS DANG BRAL BA'I 'OG TU NGAN 'GRO LOG PAR LTUNG BA SEMS CAN DMYAL BA NAGS TSAL MES MCHED PA'I RGYUD LTA BUR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, SEMS CAN DMYAL BA YANG SOS LA SOGS PA'I GNOD PA BSDUS PA GANG YIN PA DE DAG THAMS CAD SEMS CAN DMYAL BA 'DIR 'BYUNG BAR 'GYUR RO, ,KHYAD PAR DU 'BYUNG BA NI LCAGS KYI GLEGS MA RAB TU 'BAR BAS 'KHRIGS TE, DE KUN NAS KHRAG DANG, SHA 'DAM LTA BUR GYUR CING SHING LJON PA KENG SHU KA LTAR MTSON 'BAB STE, DE'I TSE DE'I LUS DE LA LCAGS KYI GLEGS MA DE 'BYAR BAR 'GYUR RO, ,GANG GI TSE DU SKAD 'DON NA DE'I SHA DANG, TSIL DANG, KHRAG LCAGS KYI GLEGS MA DE LA 'KHRIS PA GSHIN RJE'I MI DAG GI SHUGS KYIS DE'I LUS LAS 'CHU BAR BYED DO, ,DE SEMS CAN DMYAL BA DE LAS THAR PA DANG, MGON 'DOD PA, SKYABS 'DOD PA, KUN NAS GTZES PA GSHIN RJE'I MI RNAMS KYIS 'JIGS SHING SKRAG PA, LUS SHIG SHIG POR GYUR PA
DES BA TSVA'I CHU BO GNOD SKYES ZHES BYA BA MTHONG STE, DER RAB TU 'JUG GO ,DE LTAR GSHIN RJE'I MI RNAMS KYIS 'JIGS PA'I ZIL GYIS GNON PA DE DAG ZHUGS MA THAG TU YAN LAG DANG, NYING LAG THAMS CAD DANG, LUS CHU RGYUS MANG POS BRGYUS SHING SBREL BA DANG, PAGS PA DANG, RUS PA KUN RNAM PAR NYAMS SHING LUS KYI SHA SNYIL BA'I LUS DE MAR SAR GYI GONG BU BZHIN RAB TU 'JU'ANG DE'I NYES PAR BYAS PA'I LAS KYI MTHUS DE 'CHI BAR MI 'GYUR RO, ,JI LTAR 'OD MA'I LO MAS KHENGS PA, BAR MED PA'I NAGS TSAL MES MCHED PA'I RGYUD KUN NAS RTAG TU 'BAR BAR BYAS PAS GANG LA MES MA MCHED PA'AM, GANG DU SEMS CAN MI SREG PA'AM, MI 'TSED PA MED PA DE LTAR SEMS CAN DMYAL BA NAGS TSAL MES MCHED PA'I RGYUD LTA BU LA KHAB KYI BU GA TZAM GYI PHYOGS KYANG MI DMIGS TE, GANG DU SEMS CAN DMYAL BA MGON 'DOD PA, SKYABS 'DOD PA DAG MI SREG PA'AM, MI 'CHAD PA'AM, NGU SKAD MI 'DON PA'AM, MI RGYUG PA MED DO, ,DE DAG JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU SDUG BSNGAL DE DAG LAS RE ZHIG THAR BAR MI 'GYUR RO, ,DE PHYIS SEMS CAN DMYAL BA DE LAS THAR BAR 'GYUR TE; THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL BA MNYAM PAR MIR SKYES NA, LAS DE DANG
, ,RGYU MTHUN PA'I 'BRAS BUS DE'I KHA NAS TSIG 'KHUMS PA 'BYUNG STE, SMRA MI NUS SHING 'PHRAL SKAD KYANG SMRA BAR MI NUS NA, LEGS PAR SBYAR TE SMRA BA LTA ZHIG NUS PAR LTA GA LA 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA TSOR BA RING BA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, MI DGE BA SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA BYAS SHING BSAGS PAR 'GYUR RO, ,RDZUN SMRA BA'ANG RNAM PA 'DI DAG SMRAS PAR 'GYUR TE, SNGAR DRAN BZHIN DU CUNG ZAD KHAS BLANGS PA NI, DGE 'DUN LA DNGOS PO CUNG ZAD KHAS BLANGS PA'AM, DE BZHIN DU SANGS RGYAS DANG, CHOS LA GSAL BAR KHAS BLANGS LA DES PHYIS MI BZOD PA BYUNG NAS BDAG GIS KHAS BLANGS PA MED DO ZHES SMRA LA DGE 'DUN LA'ANG DE'I KHAS BLANGS PA GANG YIN PA DES GNOD PAR GYUR NA, DE'I BRDZUN DU SMRA BA DE BYAS SHING BSAGS LA 'DUS BYAS PA'I 'BRAS BUS SEMS CAN DMYAL BA TSOR BA RING BA ZHES BYA BA DER SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, SEMS
CAN DMYAL BA YANG SOS LA SOGS PAR BSHAD PA GANG YIN PA DE DAG THAMS CAD SNGA MA BZHIN DU 'BYUNG BA'I STENG DU KHYAD PAR 'BYUNG BA NI 'DI YIN TE, 'DI LTA STE, GSHIN RJE'I MI RNAMS KYIS KHAB KYI RTZE MO RAB TU RING BA RNO ZHING PHRA LA RAB TU 'BAR BDAG GIS 'BIGS PAR BYED DE, DE TSOR BAS NYAM THAG CING DU SKAD 'BYIN TO, ,DE DU SKAD 'BYIN PA NI, 'DI LTA STE, DONG PA'I NANG MDAS BKANG BA DE LTAR DE'I KHA DANG, LCE LA KHAB DE DAG NYID KYIS RTAG TU 'GENGS TE DE TSOR BAS NYAM THAG PAR GYUR KYANG DU SKAD 'DON PA'AM, SMRE SNGAGS 'DON PAR MI NUS SO, ,RANG GI SEMS LA RDZUN SMRA BAS BSLANG ZHING BDAG GZHAN SLU BAR BYED PA RTAG TU TSOR BA GZHAN DANG MI 'DRA BA'I TSOR BA MYONG BAR 'GYUR RO, ,SEMS CAN DMYAL BA'I 'GRO BA LAS THAR NAS KYANG YAN LAG DANG, , NYING LAG THAMS CAD BA SPU'I KHUNG BU 'DRA ZHING LUS THAMS CAD NYAMS PA DAG DER GAR BAB BAB TU TSOR BA RING BAS NYAM THAG PAR LTUNG NGO, ,DE JI LTA JI LTAR LTUNG BA DE LTA DE LTAR KHAB SHIN TU RNO BAS DE'I LUS LA 'DZUGS PAR BYED DE, DE KHAB DE DAG GIS YANG DANG, YANG DU NYAM THAG PAR BYED CING TSOS SHIN TU SGRA 'BYIN PAR BYED LA KHA BKAB PAS ZIL GYIS NON PA NI 'KHUN ZHING NANG DU 'KHUN PAR BYED DO, ,GAL TE KHAB DE DAG RES 'GA' KHA NAS BYUNG NA DE DU SKAD 'BYIN PAR NUS LA, GZHAN DU NA KHA BKAG PAS ZIL GYIS NON PA DAG 'KHUN PAR BYED
, ,DO; ;LCAGS KYIS GZHI RAB TU 'BAR BA DAG LA GRED CING 'GRE LDOG, RAB TU 'BYING ZHING RAB TU 'JUG LA G-YO BAR BYED DE, GSHIN RJE'I MIS NYAM THAG PA STA RE DANG, MDUNG THUNG DANG, MDA' BO CHE DANG, GTUN SHING DANG, MTSON CHAS LUS THAMS CAD SHIG SHIG POR BYAS SO, ,DE LTAR RDZUN SMRAS PA DE JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG BYE BA DU MAR TSOR BA DE DAG MYONG BAR 'GYUR RO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, MI RNAMS DANG SKAL PA MNYAM PAR MIR SKYES NA LAS DE DANG RGYU MTHUN PA'I 'BRAS BUS DE DBUL ZHING TSIG YID MI CHES PAR 'GYUR, GANG DANG, GANG LA DON BCOL BA'I DE DANG, DE KHAS LEN PA TZAM DU'ANG MI BTUB CING DE SHIN TU DBUL BAR BYAS PAS YID RE BA MED PAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA, DES THOS PA LAS BYUNG BA'I SHES PAS, SEMS CAN DMYAL BA TSOR BA MTHA' YAS ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN
PA DANG, 'DOD PAS LOG PAR G-YEM PA DANG, CHANG 'THUNG BAS 'GYUR RO, ,RDZUN SMRA BAR 'GYUR BA NI 'DI LTAR TSONG PA RGYA MTSOR ZHUGS PA DAG GIS MNYAN PA GDOS PA 'DZIN PA LA CHOM RKUN PA RNAM KYIS SNYING BRKAM BCUG GAM, NOR RDZAS KYIS DBYEN BYAS PA YIN TE, CHOM RKUN PA DE DAG NYID KYIS SAM, TSONG PA DE DAG GI NANG NAS KHA CIG GIS DBYEN BYAS PAS TSONG PA DE DAG LA GDOS 'DZIN PAS, 'DI LTAR KHYED CAG RIN PO CHE'I GLING DU BKRI'O ZHES SMRAS LA DE DAG LA DE LTAR DAM BCAS NAS RDZUN BYAS TE, THANG GI GLING LA KHRID PA LAS DER GAL TE BA DAN SNGON PO MTHONG BZHIN DU CHOM RKUN PA 'ONG NGO ZHES TSONG PA DE DAG LA MA SBRAN TE, DE DAG KYANG GDOS PA 'DZIN PA BDEN PA SMRA BA DE BDAG CAG LA SLU BA MI BYED DO ZHES YID BRTAN CING 'DUG 'DUG PA LAS GDOS PA 'DZIN PA DES CHOM RKUN PA DAG TSONG PA DE DAG GI NOR MED PAR BYED DU 'JUG CING BDAG KYANG NOR RDZAS DE 'PHROG PAR BYED NA, RDZUN SMRAS PA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA TSOR BA MTHA' YAS PAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, SEMS CAN DMYAL BA YANG SOS LA SOGS PAR SNGAR BSHAD PA BZHIN DE DAG THAMS CAD DER 'BYUNG BA'I STENG DU KHYAD PAR DU 'BYUNG BA NI SEMS CAN DMYAL BA PA DER SKYES PA DE DAG GI MIG PHRA SKAM 'DREN PA RAB TU 'BAR BA DAG GIS 'DREN TO, ,MIG 'DREN
, ,PA DAG GIS DRANGS PA DANG, DE NAS YANG SHIN TU GZHON SHA CAN SDUG PAR SKYES TE, GNOD PA CHES MANG BA DAG GIS DE 'BYIN PAR BYED DO, ,DE DAG GI RNA BA'ANG RO NYE RAB TU BSKOL BAS BKANG LA GSHIN RJE'I MI RNAMS KYIS YAN LAG DANG, NYING LAG THAMS CAD SPU GRI DAG GIS 'JOG PAR BYED DO, ,SRIN BU T'A LA LA LVA LA KA ZHES BYA BAS DE'I GNYE MA DANG, RGYU MA'I NANG DU ZHUGS NAS RAB TU ZA'O, ,PHYI ROL TU NI MUN PA KUN NAS SHIN TU GNAG PA DER 'JUG LA PHYI NANG DE DAG THAMS CAD DU'ANG LAS KYIS BYAS PA'I CHU SRIN RAB TU 'BAR BA DAG 'BYUNG STE, DE DAG GIS ZA BAR BYED, KHA DANG, SEN MO DANG, SO RDO RJE LTAR RNO ZHING 'BAR BA DAG GIS YAN LAG DANG, NYING LAG THAMS CAD 'BYED PAR BYED, PHYE MAR RLOG PAR BYED DE, BYE MA CHANG PA NAS GTOR BA BZHIN BYED DO, ,DE SO'I BAR DE NAS THAR NAS CHU SRIN RAB TU 'BAR BA DE DAG GI LTO'I NANG DU 'JUG PAR BYED DO, ,DE LTAR DE DAG CHU SRIN GYI LTO DER LO 'BUM PHRAG DU MAR LO BYE BA PHRAG DU MAR CHU SRIN DE DAG GI LTO RAB TU 'BAR BAR DBUGS MED PA'AM, DBUGS CHUNG BAR SREG CING 'TSED DE, ,RDZUN SMRAS PA DAG TSOR BA DAG PA TSA BA RTZUB PA MYONG ZHING LAS KYI RGYU RDZUN SMRA BA RANG GI LCES KUN NAS BSLANG BAS SREG LA PHYIS SEMS CAN DMYAL BA PA'I MES KUN TU SREG GO, 'DI LTAR CHU SRIN DE DAG GIS YAN LAG DANG, NYING LAG THAMS CAD DKRIS NAS LUS PHYE MAR BYAS PA KHA NAS
'BYIN TE, DE NAS YANG PHYI ROL DU ME MDAG SNGON POS SREG GO, BSREG PA NA GSHIN RJE'I MI RNAMS KYIS TSIGS SU BCAD DE BSTAN PA, SEMS CAN DMYAL BA'I RGYUR GYUR PA, ,RDZUN DU SMRA BA STON PA YIN, ,SNGON CHAD RGYU NI BSTEN BYAS PA, ,DON MED SMRE SNGAGS YONGS SU 'DON, ,ME YI NANG NA ME MCHOG STE, RGYA MTSO DAG KYANG SREG BYED NA, ,GANG DAG RDZUN SMRA SHING DANG RDO, ,RANG BZHIN 'DRA BA SMOS CI DGOS, ,MI GANG BDEN PA SPANGS NAS SU, ,BRDZUN DU SMRA BA SGRUB BYED PA, ,DE NI RIN CHEN SPANGS NAS SU, ,SDIG PA'I BDAG NYID RDO 'DRA SGRUB, ,BDAG LA SDUG PAR MI BYED GANG, ,DE NI SEMS CAN DMYAL LA DGA', ,RDZUN GYIS RANG LUS ME 'BYUNG STE, ,BLO DANG MI LDAN DE BSTEN TO, ,BDEN TSIG LEGS PAR RNYED YIN TE, ,LUS CAN KUN GYI RGYAN YIN NO, ,BDEN PA SPANGS NAS RDZUN SMRA BA, ,BLO MED CI PHYIR CHAGS PAR BYED, ,BDEN PA YON TAN BDAG NYID MCHOG, RDZUN SMRA DRAN PA SKYON YIN TE, ,RMONGS PA YON TAN BTANG NAS SU, ,CI PHYIR SKYON LA YONGS SU RGYUG, SEMS CAN DMYAL BAR RTAG 'GRO BA, , SKYON GYI 'BRAS BU NYES PA YIN, ,KHYED CAG YON TAN DE DANG 'GRAS, ,MI BZAD DMYAL BAR KUN TU GNAS, ,SDUG BSNGAL KUN GYI SA BON NI, ,BRDZUN DU SMRA BAR RAB TU GRAGS, ,DE BZHIN BDE BA BDEN YIN TE, DE BAS SU ZHIG BRDZUN DU SMRA, ,BDEN PAR SMRA BA'I MI DAG NI, ,LUS CAN KUN GYI DGA' BA YIN, ,RDZUN SMRA MI DANG 'GRAS PA STE, ,DE BAS SU ZHIG BRDZUN DU SMRA, ,BDEN PAR SMRA BA'I MI
, ,DAG NI, ,LHA LTAR RTAG TU DGA' BA YIN, ,DMYAL BAR DE LTAR RMONGS PA DANG, DE BZHIN SEMS KYIS BRDZUN DU SMRA, ,LEGS PA'I LAM NI MA BYAS LA, ,SDIG PA DU MA BYAS PAS NA, ,SDUG BSNGAL MTHA' YAS SKYES PA DAG, CI ZHIG SDIG PAS YONGS SU GDUNG, ,DGE BA'I 'BRAS BU LEGS PA YIN, ,SDIG PAS NYON MONGS 'TSED PAR BYED, ,BLO LDAN MI YIS SDIG BYAS KYANG, ,DGE BA RJES SU STEN PAR BYED, ,DGE BA'I NANG NA BDEN PA MCHOG, ,SKYON GYI NANG NA DE BZHIN RDZUN, ,SKYON SPANGS YON TAN TSOL BYED PA, ,MI YI NANG NA MI MCHOG YIN, ,BDE 'BYUNG BDE BA'I 'BRAS BU NI, ,BDEN PAS YONGS SU 'GRUB PAR 'GYUR, ,BDEN PAS BDE BA 'THOB 'GYUR TE, ,BDEN PAS MYA NGAN 'DAS PAR 'GRO, ,SDUG BSNGAL 'BYUNG BA 'BRAS BU TSA, ,SDUG BSNGAL MOD LA 'TSED PAR 'GYUR, ,SDUG BSNGAL KUN MTHA' RDZUN YIN NA, ,MI YIS CI PHYIR SPANG MI BYA, ,BDEN PA DON GYIS 'THOB MIN TE, ,NYON MONGS PAS KYANG 'THOB MED NA, ,CI PHYIR BDEN PA YONGS SPANGS NAS, ,RDZUN SMRA BA LA DGA' BAR BYED, ,YUL GZHAN DAG NAS BDEN MI 'ONGS, ,DE NI GZHAN DU BTZAL BA MED, ,CHU LA STEGS BTAGS STEGS MIN TE, ,BDEN PA STEGS KUN MCHOG YIN NO, ,SGRON MA'I NANG NA SGRON MA MCHOG ,BDEN PA YIN ZHES SANGS RGYAS GSUNG, ,SMAN GYI NANG NA SMAN MCHOG STE, ,DE YIS RTAG TU SDUG BSNGAL SEL, ,NGED KYIS
SDIG PA BZUNG BA MED, ,KHYED CAG RMONGS PA'I SEMS KYIS SU, ,NGAN PA KHYED KYIS BYAS PAS NA, ,KHYED CAG YONGS SU GDUNGS PA YIN, ,SEMS CAN DMYAL BAR SKYES PA NI, ,SDIG PA BYANG BAS RNAM PAR 'GROL, KUN TU DU SKAD 'DON PA'I MI, ,NAM YANG THAR BAR GA LA 'GYUR, ,RANG GI LAS KYIS RNAM BSLUS PA, ,RMONGS PA KHYED CAG CI ZHIG DU, ,BYIS PA RANG GI SEMS KYIS BSLUS, ,BLO MED KHYED CAG DU SKAD 'DON,, DE LTAR SEMS CAN DMYAL BA'I SRUNG MA DE DAG GIS, ,SEMS CAN DMYAL BA BA DE DAG LA SO SOR RJES SU BSTAN NAS JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRED DU GNOD PA MI BZAD PA'I RNAM PA BRGYA PHRAG DU MA JI LTAR SNGAR BSHAD PA BZHIN DU 'BYUNG NGO, ,DE PHYIS SEMS CAN DMYAL BA DE LAS THAR PAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BU DE RTAG TU GZHAN DU ZHUGS NAS SLU BAR BYED CING NOR RDZAS THAMS CAD KYANG 'PHROG PAR BYED, DE'I BYA BA GZHAN GANG YIN PA DAG KYANG TSOGS CHEN POR 'GYUR ZHING DE'I TSIG KYANG 'JIG RTEN PA YID CHES PAR MI 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES, SEMS CAN DMYAL BA CHEN PO DU 'BOD KYI 'KHOR LA BRTAGS NA, DES THOS PA LAS BYUNG BA'I
, ,SHES PAS SEMS CAN DMYAL BA KHVA MCHU RDO RJE LTA BU ZHAS BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN DU SMRA BA KUN TU BSTEN CING BSGOMS LA MANG DU BYAS PAS 'GYUR TE, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA KHVA MCHU RDO RJE LTA BU'I NANG DU SKYE BAR 'GYUR RO, ,DER GANG SEMS CAN DMYAL BA YANG SOS LA SOGS PA GNOD PA DE DAG THAMS CAD 'BYUNG BAR 'GYUR RO, ,RDZUN NI GANG ZHIG DGE 'DUN GYI 'KHOR GYI NANG DU SONG NAS NAD KYI RKYEN GYIS GSOS SMAN SBYAR BAR KHAS BLANGS PA LAS MA BYIN NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA KHVA MCHU RDO RJE LTA BU'I NANG DU SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DAS PA'I DUS SU LAS BYAS PA DE DAG KHVA MCHU RDO RJE LTA BUS SHA BCAD CING BCAD CING ZA'O, ,GANG GI TSE SHA BCAD PAR GYUR PA'I SKAD CIG DE NYID DANG, GNAS DE NYID DU'ANG CHES SHIN TU GZHON SHA CAN PADMA LTAR 'JAM PA SKYE BAR 'GYUR TE, DE CI NAS KYANG TSOR BA CHES DRAG PAR BYA BA'I PHYIR DE NYID PHYUNG ZHING BTOGS PA DANG, DE NAS YANG CHES SHIN TU GZHON SHA CAN SAR PA GZHAN DAG SKYE BAR 'GYUR RO, ,DE LTAR
SEMS CAN DMYAL BA PA DE DAG LO 'BUM PHRAG DU MAR KHVA'I MCHU RDO RJE LTA BUS ZA BAR BYED DO, ,DE NAS THAR BA DANG, BYE MA'I NANG NAS LCAGS RAB TU 'BAR BA 'BYUNG LA DE BYE MA DE DAG LA RKANG PAS 'GRO STE, DE JI LTAR THAL BA'ANG MI MNGON PA DE LTAR DES SREG PAR BYED DO, ,DE NAS LANGS PA DANG YANG THAMS CAD 'BYUNG BAR 'GYUR TE, GANG GIS RDZUN DE SMRAS SHING SDIG PA'I RJES SU SMRAS PA RDZUN SMRA BAS BRDZUN ZER BA SMRAS PA DE YANG 'BYUNG ZHING 'BYUNG ZHING BDAG NYID KYI LCE'ANG BDAG NYID ZA'O, ,'DIR TSIGS SU BCAD PA, BDUD RTZI DANG NI DUG NYID DAG, MI RNAMS KYI NI LCE LA GNAS, ,BDEN PA SMRA BA BDUD RTZI YIN, ,RDZUN GYI TSIG NI DUG DANG 'DRA, ,GANG ZHIG BDUD RTZI MNGON 'DOD PA, ,DE NI RTAG TU BDEN LA GNAS, ,GANG ZHIG DUG LA MNGON DGA' BA, ,DE NI RDZUN GYI TSIG LA DGA', ,DUG GIS GNOD PAR NGES MED KYI, ,RDZUN DU SMRA BAS NGES PAR 'GYUR, ,GANG ZHIG RDZUN NI MNGON SMRA BA, ,SKYES BU DE NI 'CHI BAR 'GYUR, ,RDZUN GYIS BDAG LA MI PHAN NA, ,GZHAN LA PHAN PAR GA LA 'GYUR, ,BDAG DANG GZHAN GANG SDUG BSNGAL BA, ,DE NI MI YIS CI PHYIR BSTEN, ,DE LTAR RDZUN LA BSTEN PA NI, ,SDIG PAR 'GRUB 'GYUR TE, ,MTSON DANG ME DANG NGAM GROG LAS, ,MI YI SDUG BSNGAL DE 'DRA MED, ,LUS GCIG 'PHROG PA MTHONG BA NI; ;'CHI BA DUG LAS 'BYUNG 'GYUR TE, ,TSE RABS SNGA PHYI STONG DAG TU, ,RDZUN GYI TSIG GIS CHUD GZON TO, ,BTZUN PA'I RIGS LA MTHOR BYED CING, ,DMA' BA'I RIGS LA RGYAN DU BYED, ,THAR PA'I
, ,LAM DAG STON BYED PA, ,BDEN PA YIN ZHES MNGON PAR BRTAGS, ,SEMS CAN RNAMS KYI RANG GI LAS, ,SRED PAS KHYER BAR GYUR PA NA, ,GZINGS 'DRA BDEN SMRA MCHOG YIN ZHES, ,BDE BAR GSHEGS PAS BKA' STZAL TO, ,'JIG RTEN THOG MA THA MA MED, ,SRID PA'I ZHAGS PA'I DBANG DU SONG, ,'DI LTAR SKYABS GZHAN BDEN PA LAS, ,MED CES CHOS LA MKHAS PAS RIG ,GCER BU MTSON GYIS GCOD PA LTAR, ,BDEN PAS RTAG TU NYON MONGS GCOD, ,MTSON GYIS BTAB PAS NGU BAR 'GYUR, ,BDEN PAS NAM YANG NGU BA MED, ,'JIG RTEN GNYIS LA PHAN BYED PA; ;BDEN PA MI ZAD GTER ZHES BYA, ,CHOS SO COG GI KHRIMS YIN ZHING, ,NOR GYI GZHI YI MCHOG YIN NO, ,BDUN PA'I YON TAN RAB BSGRUBS PA, ,BDE 'BYUNG 'BRAS BU CHEN PO YIN, ,BLO LDAN NGAN G-YO RNAMS SPONGS SHIG, DE NYID MTHONG BAS SPANGS PA YIN, ,BDEN PA SPANGS PA'I MI DAG KHVA MCHU RDO RJE LTA BUS JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR 'TSED DO, ,DE PHYIS SEMS CAN DMYAL BA DE LAS THAR PAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BU TSA BA SEMS CAN DMYAL
BAR 'GRO BA BDEN PA DE DANG MI MTHUN PAR GYUR PA RDZUN SMRAS PAS, DE RTAG TU 'THAB PA DANG, RTZOD PA MANG ZHING RTAG TU GZHAN RGYAL BAR 'GYUR LA, TSIG GIS 'JIG RTEN PAS YID MI CHES PAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA KHRAG DANG, RKANG ZA BA ZHES BYA BA MTHONG NGO, ,SEMS CAN DMYAL BA KHRAG DANG, RKANG ZA BA DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHE PAS BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA BYAS SHING BSAGS PAS 'GYUR TE, 'DI LTA STE, RGYAL PO 'AM, BLON PO'AM, RJE DPON DU GYUR PAS DPYA THANG LAS LHAG PAR PHAB LA 'DI LTAR NGAS LHAG PAR PHAB PA MED DO ZHES SMRA ZHING DPYA 'BEBS NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA KHRAG DANG, ZHAG ZA BAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, GANG SEMS CAN DMYAL BA YANG SOS DANG, THIG NAG LA SOGS PAR 'BYUNG BA RNAMS 'BYUNG BA'I STENG DU KHYAD PAR DU 'BYUNG BA NI, 'DI LTA STE, SHING RAB TU 'BAR BA LO MA SPU GRI LTA BU YOD PAR RDZUN SMRA BA DE GSHIN RJE'I MI RNAMS KYIS LCAGS KYI THAG PA RAB TU 'BAR BDAG GIS BCINGS NAS KHA SPUB TU DBYANGS SO, ,KHA SPU BA TU DBYANGS PA DE'I RKANG PA DAG LA MCHU DANG, SEN MO RDO RJE
, ,LTAR RNO BA DAG GIS ZA STE, KHA SPUB TU DBYANGS PA DE DAG KHRAG 'BYUNG BA GANG YIN PA DE LA ZA BA DES GNAS PAR BYED DO, ,TSOR BA THAMS CAD KYI NANG NAS KHA ZAS KYI TSOR BA MI BZAD PAR BSHAD DE, DE RANG GI KHRAG LA 'THUNG NGO, ,DE TSOR BA GNYIS DAG GIS YONGS SU GNOD DE ME'I TSOR BA DANG, BKRES PA DANG, SKOM PA'I TSOR BA'O, , 'DIR TSIGS SU BCAD PA, JI LTAR BKRES SHING SKOM PA NI, ,LAS KYIS SHIN TU G-YENGS PAS GDUNGS, ,DE LTAR SREG PAS SREG MIN ZHING, ,RLUNG DRAG PO YIS KHYER MI BYED; ;DE LTAR LO BRGYA STONG PHRAG DU MAR DE RANG GI KHRAG DANG, RKANG DAG LA ZA STE, 'DI LTAR RO SMAD ME MCHOG TU TSA BAS BSREGS SO, ,DE JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU, SEMS CAN DMYAL BA DER SREG GO ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYES LA, MI RNAM DANG SKAL PA MNYAM PA MIR SKYES NA, LAS DE DANG RGYU MTHUN PA'I 'BRAS BUS DE DBUL BAR 'GYUR ZHIG GANG YID MI CHES PA DANG, RTAG TU DE'I SNA NAS KHRAG 'DZAG CING SO SHING 'CHA' BA NA KHRAG 'BYUNG BAR 'GYUR BA MTHONG NGO, ,DE NAS GZHAN YANG, DGE
SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA ME LCE BCU GCIG PA ZHES BYA BA MTHONG NGO, ,DER SEMS CAN DMYAL BA DAG LAS GANG GI SKYE BAR 'GYUR SNYAM NAS DE THOS PA LAS BYUNG BA'I SHES PAS BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BAS 'GYUR RO, ,RDZUN SMRA BA NI GNYIS SHIG RTZOD PA NA RGYAL PO'AM, BLON PO'AM, GZHAN YID CHES PA'I GNAS SU BYA BAS NOR BLANGS SAM, MDZA' BSHES SAM, 'DOD CHAGS SAM, ZHE SDANG GIS PHYOGS BZUNG STE, ZHAL CE DE YON POR BCAD NA LUS DANG BRAL NAS NGAN 'GRO LOG PAR LTUNG BA SEMS CAN DMYAL BA ME LCE BCU GCIG PA DER SKYE BAR 'GYUR RO, ,PHYOGS BZUNG STE, BRDZUN SMRA BA DE LA GANG SEMS CAN DMYAL BA YANG SOS LA SOGS PA'I TSOR BA GNOD PA 'DI DAG THAMS CAD BCU 'GYUR DU 'BYUNG BA'I STENG DU KHYAD PAR DU 'BYUNG BA NI, 'DI LTA STE, RANG GI LUS LAS PHYOGS BCUR ME LCE'I PHUNG PO BCU GCIG 'BYUNG BAR 'GYUR RO, ,RDZUN SMRA BA'I LCE'I KHA LAS BKRES PA DANG, SKOM PA 'BYUNG BAR 'GYUR TE, ZHAL CE YON POR GCOD PA NI SKAD CIG SKAD CIG LA SKYE ZHING SREG GO ,SREG PA NA TSOR BA'I RNAM PA DE
, ,LTA BU MYONG BAR 'GYUR TE, GANG ME LCE'I PHUNG PO DE DAG NI BCU DRUG GI CHAR YANG MI PHOD DO, ,LAS KYIS BYAS PA'I TSOR BA DE DAG JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU 'DI LTAR DE SEMS CAN DMYAL BA ME LCE BCU GCIG PAR LO 'BUM PHRAG DU MAR SREG GO ,'TSED DO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS YI DVAGS DANG, DUD 'GRO DAG TU MA SKYE LA, MI RNAMS DANG SKAL PA MNYAM PAR MIR SKYES NA DE ZHAL CHE YON POR BCAD PA'I RGYU MTHUN PA'I 'BRAS BUS DE RTAG TU BKRES PA DANG, SKOM PAS GDUNGS SHING YAN LAG THAMS CAD RNAM PAR SREG PA DANG, DBUL ZHING TSE THUNG BA DANG, NGAG YID MI CHES PA DANG, SHIN TU GLEN PA DANG, GZUGS MI SDUG PA DANG, RKANG LAG NYAMS PA DANG, DRI MA CAN DANG, GNAS NGAN PA SUM MDO DANG, BZHI MDO'I KHYIM DU 'JUG CING TSE GCIG GI BAR DU SHIN TU SDUG BSNGAL BAR 'GYUR RO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO DU 'BOD KYI 'KHOR LA BRTAGS NA, DES SEMS CAN DMYAL BA CHEN PO DE'I 'KHOR BCU BDUN PA NI GCIG KYANG MA MTHONG NGO,, ,,'PHAGS PA DAM PA'I CHOS DRAN PA NYE BAR GZHAG
PA; BAM PO BCU GCIG PA, DE NAS GZHAN YANG, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA'I DGE SLONG DE 'DI LTAR ZHI BA, RGA BA MED CING 'CHI BA MED PA, ZAG PA MED PA, MYA NGAN LAS 'DAS PA'I LAM LA 'JUG PA DE'I BRTZON PAS BLA'I GNOD SBYIN DAG GIS MTHONG NAS BAR SNANG LA SPYOD PA'I LHA RNAMS LA BSNYAD PA NAS, RGYA CHER SBYAR TE, 'OD CHUNG GI LHA RNAMS KYI BAR LA BSNYAD DE, 'DI LTAR DZAMBU GLING DU RIGS KYI BU CHE GE MO ZHIG CES BYA BA NAS RGYA CHER SBYAR TE, SA GZHAN BCU PA'I BAR LA ZHUGS PA BDUD KYI YUL GYI GZHI LA MI 'DOD CING, DGA' BA'I 'DOD CHAGS KYI MOD LAS BYUNG BA'I SRED PA'I DNGOS PO DANG LHAN CIG GNAS PA DANG, KUN NAS NYON MONGS PA'I YUL GYI DNGOS PO RNAMS DANG LHAN CIG MI GNAS PA DE 'OD CHUNG GI LHA RNAMS KYIS THOS NAS BDUD KYI PHYOGS DMA' BAR 'GYUR ZHING, DAM PA'I CHOS KYI PHYOGS MNGON PAR MTHO BAR 'GYUR RO ZHES YID DGA' BAR 'GYUR RO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA 'KHOR BA'I 'CHING BA GCOD PA LA BRTZON PA DE 'DI SNYAM DU SEMS TE, KYE MA SEMS CAN 'DI DAG NI SDUG BSNGAL BA YIN TE SRED PAS BSLUS PA, GTI MUG GI KUN TU SBYOR BAS BCINGS PA, SEMS BAG LA NYAL RNAMS DANG YANG DAG PAR LDAN PA, DUS GSUM DU 'TSED KYANG 'KHOR BA GCAD PA'I PHYIR
, ,'BAD PAR MI BYED PA'I SEMS CAN 'DI DAG LA SNYING MED DAM CI, 'ON TE SNYING LA MI SHES PA ZHIG YOD DAM, 'ON TE SHES PA YOD KYANG YID 'BYUNG BAR MI BYID DAM, SEMS CAN 'DI DAG GI RNAM PAR SHES PA DE GANG ZHIG YIN, GAL TE SEMS CAN 'DI LTAR MTHO RIS SU YUN RING DU GNAS KYANG YID 'BYUNG BAR BYA BA YIN NA, 'DI LTAR SEMS SRA ZHING MKHRANG BA DE LTA CI SMOS, GANG GNOD PA'I RNAM PA DU MA KUN GYIS SDUG BSNGAL SDES SU MYONG YANG SKYE BAR MI BYED DO, ,YUN RING PO NAS BAG LA NYAL RJES SU 'BRANG BA'I SEMS LA MI MTHUN PA LNGA YOD DE, 'DI LTA STE, RGA BA DANG, NA BA DANG, 'CHI BA DANG, MI SDUG PA DANG PHRAD PA DANG, SDUG PA DANG, BRAL BA'O, ,GZHAN YANG, NYES DMIGS KYI GNOD PA BCU 'BYUNG STE, BKRES PA DANG, SKOM PA'I NYES DMIGS DANG, SDUG PA DANG BRAL BA'I NYES DMIGS DANG, YUL NAS YUL DU 'GRO BA'I NYES DMIGS DANG, 'CHI BA DANG, SKYE BA'I NYES DMIGS DANG, GZHAN GYIS BRNYAS PA'I NYES DMIGS DANG, GZHAN GYIS BCOM PA'I NYES DMIGS DANG, GRANG BA DANG, TSA BA'I NYES DMIGS DANG, ZLAS DBYE BA'I NYES DMIGS DANG, 'BYOR BA RGUD PA'I NYES DMIGS DANG, 'DOD PA'I NYES DMIGS TE, DE LTAR MDOR NA NYES DMIGS BCU DAG GIS SEMS MNGON PAR GNOD PAR BYAS KYANG, KYE MI DGA' BAR MI BYED PA'I SEMS
CAN 'DI DAG NI, AE MA THOG MA MED PA'I DUS NAS SEMS DGRA LTA BU G-YOS PA DANG, RNA BA DANG, SNYING MED CING RDO DANG, RDO RJE LTA BU'I SEMS YUL RNAM PA MANG POS DAM PA'I CHOS LA NAM YANG DGA' BAR MI BYED PA, YUL GZUGS DANG, SGRA DANG, REG PA DANG, RO DANG, DRI DUG DANG, MTSON DANG, ME LTA BU'I SRED PAS RTAG TU CHOG MI SHES PAS DUG LTA BU'I YUL LNGA DANG, CHOM RKUN LTA BU'I SKYE MCHED DRUG DANG, BYANG CHUB KYI YAN LAG BDUN MI SHES PA DANG, 'PHAGS PA'I LAM YAN LAG BRGYAD PAR 'GRO BAR MI SPRO PA DANG, SEMS CAN GYI GNAS DGU MI SHES PA DANG, DGE BA BCU'I LAS KYI LAM MI SHES PA DANG, SA BCU GCIG GI RNAM PAR DPYOD PA LA BLUN PA DANG, SKYE MCHED BCU GNYIS KYI SKYE BA DANG, GNAS PA LA RAB TU RNAM PAR SPYOD PA MKHAS PA DANG, MI MKHAS PA LA RNAM PAR SPYOD PA, SA GONG MA BCU GSUM GYI SPYOD PA LA BLUN PA, SEMS KYI DMIGS PA BCU BZHI DANG 'GROGS PA, GNOD PA BCO LNGA MI BZOD PA, GNOD PA SDIG PA'I MUN PA BCU DRUG GIS GNAS PA, BYIS PA'I SHIN TU RNAM PAR DPYOD PA BCU BDUN DANG, TSOR BA RAB TU 'BYUNG BA'I BUG BCO BRGYAD DANG, 'GRO BA RNAM PAR RGYU BA'I SRANG BCU DGU DANG, DGRA GNAS PA NYI SHUS SEMS DE RNAM PA NYI SHUR BSLUS PAR RIG NAS DE SEMS CAN LA SNYING RJE BAR SEMS SO, ,DGE SLONG DE LAS KYI CHOS KYI RNAM PAR SMIN PA LA RAB TU RNAM PAR DPYOD PAR
, ,BYED DE, 'DI LTAR DE BDUD KYI 'CHING BA GCOD PA DAG LA RTAG TU BRTZON PAR BYED CING DE NAS YANG BLO SKYED PAR BYED DE, SEMS CAN DMYAL BA DU 'BOD LAS GZHAN PA SEMS CAN DMYAL BA CHES SDIG PA CHE BA YOD PA DE'I THOS PA LAS BYUNG BA'I SHES PAS SEMS CAN DMYAL BA CHEN PO GZHAN TSA BA ZHES BYA BA NYE PAR BYAS PA'I LAS RAB TU BDO BAS KUN NAS BSLANG BA, SEMS CAN DMYAL BA CHEN PO NGU 'BOD LAS GNOD PA BCU 'GYUR GYIS LHAG PA ZHIG YOD PA MTHONG NGO, ,'KHOR BCU DRUG LA, 'DI LTA STE, RAB TU SREG PA CHEN PO DANG, PADMA DKAR PO LTA BU DANG, SBRUL 'KHYIL PA LTA BU DANG, ZANGS BZHUS PAR NYA 'KHYUG PA LTA BU DANG, LCAGS KYI BUM PA DANG, CHU BO DMAR PO 'BAB PA DANG, RKANG DANG, RUS PA LA SRIN BU MANG BA DANG, SKYE BO THAMS CAD SREG PA DANG, SAR 'BYIN MTHA' YAS DANG, PADMA CHEN PO LTA BU DANG, MTHA' DRAG DANG, RUS PA RDO RJE LTA BU 'BYUNG ZHING 'DU BA DANG, LCAGS NAG PO'I SKUD PAS 'DRAL ZHING GCOD PA TSA BA DANG, SRIN BU NA KRA DANG, 'KHOR LO DANG, ME 'JIGS 'JIGS LTAR SKYES PA DANG, NAGS TSAL GYI ME MUN PA LTAR 'KHRIGS PA DANG, BUNG BA RDO RJE LTA BUS GNOD PA'I GO CHA ZHES BYA STE, 'DI DAG NI SEMS CAN DMYAL BA CHEN PO TSA BA'I 'KHOR BCU DRUG YIN TE, DER TSE NI BGRANG DU MI LANG NGO, ,DER SEMS CAN DAG LAS GANG GIS
SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG PA DANG; RDZUN SMRA BA DANG, LOG PAR LTA BA KUN TU BA STEN CING BSGOMS TE MANG DU BYAS PAS 'GYUR LA, LAS KYI NYER BSDOG PA DANG, LAS KUN GYI MJUG KUN TU BSTEN CING BSGOMS TE MANG DU BYAS PAS 'GYUR RO, ,DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA CHEN POR TSA BAR SKYE BAR 'GYUR RO, ,DE LA SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG PA DANG, RDZUN SMRA BA RNAMS KYI 'BRAS BU RNAM PAR SMIN PA NI BSHAD ZIN TO, ,LOG PAR LTA BA NI GANG GIS KUN TU BSTEN CING BSGOMS LA PHA ROL LA'ANG BSTAN PA YIN TE, 'DI LTA STE, SBYIN PA MED DO, ,MCHOD SBYIN MED DO, ,LEGS PAR BYAS PA DANG, NYES PAR BYAS PA RNAMS KYI LAS KYI 'BRAS BU RNAM PAR SMIN PA MED DO, ,'JIG RTEN 'DI MED DO, ,'JIG RTEN PHA ROL MED DO, ,MA MED DO, ,PHA MED DO, ,ZHES DE SKAD CHAD PAR SMRA BA NI LAS YOD PA 'JIG PA YIN TE, GZHAN DAG LA YANG STON CING YANG DAG PAR RAB TU 'JOG PAR BYED LA YANG DAG PAR RAB TU DGA' BAR BYED PA LOG PAR LTA BA BSKYED NAS, PHA ROL DAG LA LAS KYI LAM GYI RGYU MED PAR STON PA NI CHOM RKUN PA TSUL BZANG POR 'CHOS PA
, ,YIN TE, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA CHEN PO TSA BAR SKYE BAR 'GYUR RO, ,DE LA LAS KYI LAM DANG, LAS KYI 'BRAS BU YOD BZHIN DU RNAM PAR SLU BA YIN TE, DE 'CHI BA'I DUS BAS NAS SRID PA BAR MA'I BAR DU SKYE BA NA, LTAS NGAN PA'I MTSAN MA 'BYUNG BAR 'GYUR BA NI, 'DI LTA STE, 'JIGS PA MCHOG TU MI BZAD PA MUN PAR NGES PAR GYUR PA DANG, SO SO NAS 'JIGS PAR BYED PA SENG GE DANG, STAG DANG, DRED DANG, GUNG DANG, SBRUL MANG PO PHUG DANG, MUN PA MED PA NA 'DUG PA DANG, DES GZHAN YANG RI CHE ZHING MTHO BA DE'I MGO'I STENG DU MYUR BAR 'ONG BA MTHONG BA DANG, STAG DANG, SENG GE DE DAG KYANG SO SO NAS 'JIGS PAR BYED CING SGRA 'BYIN PA THOS PA DANG; GZHAN DAG KYANG GZUGS MCHOG TU DMAN ZHING SNYING RJE RJE LTAR 'DUG PA MTHONG BA DANG, DE DAG LA NAG PO LTA BU MTHONG ZHING ME RAB TU 'BAR BA DE'I STENG NA 'DUG PA MTHONG BA DANG; WA BRGYAL BA'I SGRA DRAG PO THOS PA DANG, GSHIN RJE'I MI GZUGS MI SDUG PAR BSGYUR BA DAG MTHONG BA DANG DE SKRAG GO ,LOG PAR SMRA BA, RGYU NGAN PA SMRA BA, PHYOGS NGAN PA SMRA BA; LTA BA NGAN PA SMRA BA, LAS KYI 'BRAS BU RNAM PAR SLU BA SMRA BA, NGAM GROGS DANG, G-YANG SA'I RGYU SMRA BA, BDAG NYID LA BDAG SLU BAR BYED CING SDIG PA CHEN PO BYED PA DE'I LAS RTAG
TU BSTEN CING BSGOMS TE MANG DU BYAS LA BSAGS PA'I 'BRAS BU NI 'CHI KHAR MTHONG BAR 'GYUR TE, DE 'JIGS SHING DBANG PO BLONG BLONG POR 'GYUR BA DANG, BSHANG BA 'BYUNG BAR 'GYUR PA'AM, DE BZHIN DU GCI BA 'BYUNG BAR 'GYUR BA'AM, DE BZHIN DU SKAD 'BYIN PA'AM, DE BZHIN DU KHA GDONG BAR BYED PA'AM, DE BZHIN DU MAL GYI MTHA' LA NOM PAR BYED DO, ,RI DE BDAG GI STENG DU 'ONG BA MTHONG NAS LAG PAS GZUNG BAR 'DOD PA DE LA MI DAG NA RE, 'DI LTAR 'DI NI NAM MKHA' LA REG PAR 'DOD DO ZHES SMRA STE, 'DI LTAR RI 'ONG BA DE YANG DANG, YANG DU MTHONG BA DANG; BDAG NYID KYI LUS THAMS CAD KYIS REG PAR BYED DO, ,'DI LTAR DE NYES PAR BYAS PA'I LAS SPYAD CING LAS KYI 'BRAS BU BSLUS PA NI DE LTAR SEMS CAN DMYAL BA YANG DAG PAR MYONG BAR 'GYUR PA'I LTAS MANG PO 'BYUNG BAR 'GYUR TE, 'DI LTA STE, DPER NA, MI ZHIG MI GTZANG BA'I PHUNG PO DA DUNG GI BAR DU MA MTHONG GIS KYANG DRI NGA BA'I DRI MNAM PA DE BZHIN DU SEMS CAN DMYAL BA DA DUNG GI BAR DU MA MTHONG GIS KYANG SEMS CAN DMYAL BA CHEN PO'I MTSAN MA MCHOG TU 'JIGS SHING DRAG PA DAG 'BYUNG BAR 'GYUR RO, ,NGAN PAR LTA ZHING SMRA BA THAMS CAD SKRAG PAR BYED DE; SKYE PO BYIS PAS BSGRUBS PA NYES PAR BYAS PA'I ZONG, SEMS CAN DMYAL BAR BRIN PA'I RIN, DER GNAS PA'I RNAM PAR SMIN PAS DE'I RLUNG PI PA LA KA DANG, SU CA KA SHIN TU DRAG PA
, ,DAG GIS YAN LAG DANG, NYID LAG RNAM PAR SKUL BAR BYED, RNAM PAR RDUNG BAR BYED, RNAM PAR GSHEG PAR BYED DO, ,DE'I LUS BDO BA NA, DE'I SEMS SRID PA THA MA LA TSOR [?] BA GNYIS KYIS GDUNGS PA YIN TE, DE SRID PA THA MA PA LA SEMS KYI DMIGS PA LEGS PAR SPYAD PA'I 'DU SHES SU BYED DO, ,DE LTA BAS NA MI'I 'JIG RTEN NAS RANG GIS BYAS SHING [?] BSLUS PA SRID PA BAR MA LA SEMS CAN DMYAL BAR MYONG BAR 'GYUR BA'I LTAS DAG 'BYUNG BAR 'GYUR BA NI, 'DI LTA STE, SNYING GI LAM LA SGRA DANG, REG PA DANG, RO DANG, GZUGS DANG, DRI MI 'DOD PA DAG 'BYUNG BAR 'GYUR TE, SEMS CAN DMYAL BA PA DAG GI GZUGS MI SDUG PA'I SGRA SKAD THOS PA DANG, RLUNG REG PA SPU GRI LTA BUS REG PAR BYED PA DANG, RO TSA BA'I RO MYONG BAR BYED PA DANG, GZUGS 'JIGS PAR STON PA RAB TU GDUNG BA LTA BUR BYAS PA DAG KYANG MTHONG BAR 'GYUR, DRI NGA BA'I RDZAS BSAGS PA'I DRI DAG MNAM PAR 'GYUR RO, ,DE LTAR YUL THAMS CAD KYIS SKRAG PA SEMS CAN DMYAL BA SHIN TU LOG PAR LTA BAS MTHONG BAR 'GYUR TE, JI LTAR DES CHOS LOG PAR BSTAN PA DE LTAR SEMS CAN DMYAL BA DES MTHONG BAR 'GYUR RO, ,DE 'DI SNYAM DU SEMS TE, KYE MA, YUL GRONG KHYER GYI TSUL DANG MTHUN PA 'DIR DGA', DER BDAG JI LTAR 'JUG PAR BYA SNYAM STE, DE LA 'DOD PAR BYED DO, ,DE SRID PA'I YAN
LAG MYONG BAR 'GYUR BA RIG NAS DER SKYE BAR 'GYUR TE, NYE BAR LEN PA'I RKYEN GYIS SRID PA 'BYUNG BA DER SEMS BSKYED MA THAG TU SKYE BAR 'GYUR RO, ,DER SKYES MA THAG TU GANG SEMS CAN DMYAL BA YANG SOS LA SOGS PA'I SDUG BSNGAL DE DAG THAMS CAD BCU 'GYUR DU 'GYUR NGO, ,NAD BZHI BRGYA RTZA BZHI'ANG 'BYUNG STE, DRAG PA SEMS CAN DMYAL BA DANG MTSUNGS PA, GCIG GI DPER GCIG RUNG BA, DON THAMS CAD MED PAR BYED CING 'JIGS PAR BYED PA NYES PAR BYAS PA'I LAS KYI 'BRAS BUR GYUR PA DAG YIN NO, ,ME'I RNAM PA 'DI LTA BU 'BYUNG BAR 'GYUR TE, GANG TIL 'BRU TZAM GYIS RI DANG, NAGS TSAL DANG, TSONG RDAL DANG, GLING DANG BCAS PA DAG SREG NA SEMS CAN DMYAL BA PA'I LUS DAG LTA SMOS KYANG CI DGOS TE, DES MAR SAR GYI GONG BU BZHIN DU SREG GO ,DE NAS YANG 'BYUNG BAR 'GYUR TE, NYIN DANG, MTSAN MOR MI MNGON ZHING MUN PAR ZHUGS PA NA LO 'BUM PHRAG DU MAR GNOD PA'I RGYA MTSOR BYING BA THAMS CAD MUN PA MUN GANG TU GYUR PA, LOG PAR LTA BA BYAS SHING BSAGS LA BSTEN PA DAG GI 'BRAS BUS DE 'DI LTAR LO DPAG TU MED CING BGRANG GIS MI LANG BAR DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU SDUG BSNGAL DANG, TSA BA DPE MED PAS 'TSED DO, ,SREG GO ,DE SEMS CAN DMYAL BA'I YUN RING PO DE LAS 'DAS NAS GAL TE SEMS CAN DMYAL BA DE LAS THAR BAR 'GYUR TE, THAR NAS
, ,KYANG TSE RABS LNGA BRGYAR YI DVAGS SER SNA CAN ZHES BYA BA DER SKYE BAR 'GYUR RO, ,DE NAS THAR NAS KYANG TSE RABS LNGA BRGYAR DUD 'GRO THAMS CAD KYIS SDUG BSNGAL BA GANG YIN PA DER SKYE BAR 'GYUR RO, ,GAL TE BRGYA LA GNYA' SHING GI BU GAR RUS SBAL 'JUG PA LTA BUR LAN GRANGS GZHAN LA MYONG BAR 'GYUR BA'I LAS KYIS MI RNAMS DANG SKAL BA MNYAM PAR MIR SKYES NA, LOG PAR LTA BA DE DANG RGYU MTHUN PA'I 'BRAS BUS DE KLA KLO'I RIGS SU SKYE BAR 'GYUR ZHING DBUL BA DANG, NAD DANG, LONG BA DANG, LAG RDUM DANG, NAD BU CAN DU 'GYUR, TSE THUNG BA DANG, TSIG YID MI CHES PAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA RAB TU SREG PA CHEN PO ZHES BYA BA YOD PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BA LAS DANG, 'BRAS BU MI MTHUN PAR STON PA KUN TU BSTEN CING BSGOMS TE MANG DU BYAS PAS 'GYUR RO, ,'DI LTA STE, SROG GCOD
PA BYAS NA SROG GCOD PA PO TSE PHYI MA LA LHA RNAMS SU SKYE'O ZHES ZER BA DE NI 'DI LTAR LAS DANG, 'BRAS BU MI MTHUN PAR STON PA YIN NO, ,DE CI'I PHYIR ZHE NA, SROG CHAGS RNAMS KYI SNYING LA CHES SDUG BSNGAL BA MED PA MA YIN LA, 'DI LTAR LHA RNAMS SU SKYES PA DAG LA CHES BDE BA MED PA MA YIN TE, SDUG BSNGAL GYI RGYU SROG GCOD PA DANG YANG DAG PAR LDAN PA NI BDE BA'I RGYUR MI 'GYUR, SDUG BSNGAL YANG BDE BA'I LAS KYI 'BRAS BUR MI 'GYUR TE, LOG PAR LTA BA RNAM PA DE DAG STON PAR BYED PA DE NI LAS DE DANG 'BRAS BU MI MTHUN PAR STON PA YIN NO; ;DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA RAB TU SREG PA CHEN POR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, GANG SEMS CAN DMYAL BA YANG SOS LA SOGS PAR JI LTAR BSTAN PA'I SDUG BSNGAL DE DAG THAMS CAD BCU 'GYUR DU 'BYUNG NGO, ,RANG GI LUS LAS KYANG KUN NAS MI 'BYUNG STE, RNAM PA DE LTA BUR RAB TU SREG PA NI, GANG LAS BYAS PA'I SEMS CAN DMYAL BA PA'I ME'I PHYI ROL NA GNAS PA BCU DRUG GI CHAR YANG MI PHOD DO, ,ME DE'I MDOG KHA BA 'DRA LA RNAM PA DE LTA BUS DE RAB TU SREG PAR BYED DE, DE'I PHYI NANG THAMS CAD RAB TU TSIG GO ,YID LA GCAGS PA LAS BYUNG BA'I ME GZHAN GSUM PA 'BYUNG BAR 'GYUR TE, DES KYANG SEMS CAN
, ,DMYAL BA PA DE SREG GO ,LOG PAR LTA BA DE PHYIS 'DI LTAR LOG PAR LTA BA'I 'BRAS BU NI TSA'O, ,RNAM PAR SMIN PA'I 'BRAS BU NI TSA'O, ,RO MYANG BA NI TSA'O ZHES MNGON PAR SHES PAR 'GYUR RO, ,DE ME GSUM GYIS MNGON PAR SREG PA NI SKAD CIG TZAM YANG BDE BA MI 'THOB STE, SEMS CAN DMYAL BA TSA BA'I 'KHOR RAB TU SREG PA CHEN POR 'DI LTAR NYES PAR BYAS PA'I LAS KYI MTHA' DPYAD PA DE, DER LO GRANGS MED PAR YUN RING MO ZHIG TU 'TSED DE, DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU DE SREG GO ,'CHED DO, ,RNAM PAR 'JIG PAR BYED DO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS TSE RABS SUM BRGYAR YI DVAGS RNAMS SU SKYE BAR 'GYUR RO, ,CHE RABS NYIS BRGYAR DUD 'GRO RNAMS SU SKYE BAR 'GYUR RO, ,DE DE LAS THAR NAS GAL TE BRGYA LA MI RNAMS DANG SKAL PA MNYAM PAR MIR SKYES NA DA PHA MA LA RIM GRO BYA BA BTANG ZHING SGRA SKAD 'BYIN PAR 'GYUR, MI GTZANG BA ZHING YUL NAS YUL GZHAN DU RGYU BA DANG, DAM PA'I CHOS DANG BRAL BA DANG, SKYE BO KUN GYIS SMAD PA DANG, BZA' BA DANG, GNAS PA'I KHYI'I SPYOD LAM DANG MTSUNGS PA DANG, RKANG LAG LA THOR PA 'BYUNG BA DANG, PHA ROL GYI BSOD SNYOMS KYI ZAS GSOB GSOG TU MYUR PA ZOS NAS MI'I TSE 'DI NYID LA 'CHI
BAR 'GYUR TE, DE LTAR LOG PAR LTA BA NI THOG MA DANG, BAR MA DANG, THA MAR MI 'DOD PA 'BYUNG BA DGE SLONG DES MTHONG NGO, ,YANG DAG PA'I LTA BA NI BLO'I SNGON DU 'GRO ZHING DE KHO NA NYID MTHONG LA YANG DAG PA'I LAM LA RAB TU GNAS PA MYA NGAN LAS 'DAS PAR 'GRO BA NA SNGON DU 'DREN PA YIN PAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO TSA BA'I 'KHOR LA BRTAGS NA DES THOS PA LAS BYUNG BA'I SHES PAS 'KHOR PADMA DKAR PO LTA BU ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YOM PA DANG, CHANG 'THUNG BA DANG, RDZUN SMRA BA KUN TU BSTEN CING BSGOMS TE MANG DU BYAS PAS 'GYUR RO, ,LOG PAR LTA BA'ANG RNAM PA 'DI DAG KUN TU BSTEN CING BSGOMS TE MANG DU BYAS PAS 'GYUR BA NI, 'DI LTA STE, ZAS MI ZABS MTHO RIS THOB PAR 'GYUR RO SNYAM NAS DE GZHAN YANG 'DZIN DU 'JUG CING RJES SU DGA' BAR BYED DU 'JUG LA RAB TU 'JOG PAR BYED PA, RGYU NGAN PA DANG, LTA BA NGAN PA GZHAN GYIS SEMS BCINGS PA DAG BSTAN BCOS NGAN PA BYED CING GZHAN YANG 'DZIN DU 'JUG GO ,'DZIN DU BCUG STE ZAS MI ZA BA LA BKOD NAS SROG DANG BRAL BAR BYED DO, ,DE LUS DANG BRAL NAS NGAN 'GRO LOG PAR LTUNG BA SEMS
, ,CAN DMYAL PA PADMA DKAR PO LTA BUR SKYE BAR 'GYUR RO, ,DE DER SKYES NAS GANG SEMS CAN DMYAL BA YANG SOS LA SOGS PA'I SDUG BSNGAL DE DAG THAMS CAD NYIS 'GYUR DU 'BYUNG BA'I STENG DU GNOD PA KHYAD PAR DU 'BYUNG BA NI, 'DI LTA STE, YAN LAG DANG, NYING LAG THAMS CAD RTAG TU 'BAR BA'I PHRENG BAR 'GYUR RO, LUS DE LA RGYU LAS DANG MTHUN PA'I RNO BA DPE MED PA'I RGYU DES ME RAB TU 'BAR BA YUNGS KAR GYI TSAD CAM YANG MA KHYAB PA MED DE, DES RTAG TU RAB TU 'BAR RO, ,JI LTAR MI GTZANG BA THAMS CAD KYI NANG NA LOG PAR LTA BA KUN MI GTZANG BA DE BZHIN DU ME THAMS CAD KYI NANG NA ME 'DI KUN TSA'O, ,ME'I GNOD PA DPE MED PA DES SEMS CAN DMYAL BA BDE DAG LA RGYU DANG MTHUN PA'I 'BRAS BU 'BYUNG STE, DES YUN RING DU SREG GO ,DE GAL TE LAS KYI DBANG GIS ME TOG PADMA DKAR PO'I TSAL NA BYA'I TSOGS DU MAS KUN TU BSTEN PA, CHU 'BAB PA PHUN SUM TSOGS PA MTHONG BA DANG, SEMS CAN DMYAL BA PA GZHAN DAG LA SMRAS PA, KYE 'DI LTAR RGYUGS RGYUGS, PADMA DKAR PO'I TSAL DER BDAG CAG CHU BSIL BA BTUNG BAR BYA'O, ,TSAL GRIB BDE BA DAG BSTEN PAR BYA'O ZHES DE DAG GIS DE SPRO BA BSKYED NAS; DE DAG NYID DANG LHAN CIG TU PADMA DKAR PO'I TSAL DER RGYUG GO ,BRGYUGS PA DANG, KHA CIG MDAG ME'I CHU BO GANG BA DAG TU BYING NGO, BYING NAS YAN LAG DANG, NYING LAG THAMS CAD DANG
PAR ZHIGS SO, ,RNAM PAR ZHIGS NAS YANG 'BYUNG BAR 'GYUR TE, BYUNG NAS DE LTAR PADMA DKAR PO'I TSAL LA SRED PAS DE NYID DU RGYUG GO ,BRGYUGS PA DANG, SPA'I LCUG MA RAB TU 'BAR BA DAG 'BYUNG BAR 'GYUR TE, DE DAG GIS YAN LAG DANG, NYING LAG THAMS CAD DKRI DKRIS NA NYAMS, RNAM PAR NYAMS PAR BYAS TE, RUS PA DANG, RKANG TZAM ZHIG YOD PAR BYAS SO, ,DE NAS YANG SKYE BAR 'GYUR TE, SKYES NAS KYANG DE BZHIN DU PADMA DKAR PO'I TSAL DU RGYUG PA DANG, DE'I SHA LA LAS KYIS BYAS PA'I SRIN BU DAG BYUNG STE, DE LA ZA'O, ,DE LA DE DAG THAMS CAD KYIS SNGA MA BZHIN DU RE ZHIG MIG LA 'PHYANG 'PHYANG NAS MIG ZA'O, ,SRED PAS NYAM THAG PA LONG BAR GYUR PA DE DER RGYUG GO ,BRGYUGS PA NA SRIN BU GZHAN DAG 'BYUNG BAR 'GYUR TE, DE DAG GI LUS MUN PAR BSGRIBS PA DU SKAD 'DON PA DE LA RTAG TU ZA'O, ,DE NAS YANG MIG NAS 'BYUNG STE, DE LA'ANG ZA STE, DE LTAR LO 'BUM PHRAG DU MA'I BAR DU ZA ZA NAS SKYE BAR 'GYUR RO, ,YONGS SU RGYUG PA NA'ANG GAL TE YANG PADMA DKAR PO'I TSAL DE DAG DANG PHRAD NA, DE 'I BSAM PA DANG, LUS THAMS CAD RAB TU SIM PA DANG, BDAG GI BSAM PA BZHIN DU PADMA DKAR PO'I CHAL DE DANG PHRAD DO SNYAM DU SEMS SKYE'O,, DE DER ZHUGS PA DANG, PADMA DKAR PO DE DAG 'PHANG DU DPAG TSAD LNGA'O, ,RGYAR DPAG TSAD GNYIS KYI TSAD DE, ME 'BAR BA'I PADMA DKAR PO DE LA LAS KYIS BSLUS PA DAG 'JEG GO ,LHAG
, ,MA GZHAN DAG NI 'DZEG CING 'KHOD LA SEMS CAN DMYAL BA PA DE DAG GI LUS 'BAR BA'I PHRENG BA'I YAN LAG DANG LDAN PAR 'GYUR TE, 'DZEG BZHIN DU DE DAG RE BA MED CING SHIN TU SDUG BSNGAL LA BKRES PA DANG, SKOM PAS NYEN PA DE DAG ME MDAG PADMA DKAR PO LTA BUS SREG GO ,'TSED DO, ,'CHI ZHING SKYE'O, ,LUS KYI YAN LAG DANG, NYING LAG THAMS CAD BSREGS PA SHING MING SHU KA LTA BU'I LUS DAG JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU YUN RING POR GNOD PA MYONG BAR 'GYUR RO,, DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG TSE RABS BZHI BRGYAR YI DVAGS BKRES SHING SKOM PAR 'GYUR RO, ,DE LAS THAR NAS KYANG TSE RABS SUM BRGYAR DUD 'GRO RNAMS SU SKYE BAR 'GYUR RO, ,GAL TE GNYA' SHING GI BU GAR RUS SBAL 'JUG PA LTA BUR LAN GRANGS GZHAN LA MYONG BAR 'GYUR BA'I LAS KYIS MI RNAMS DANG SKAL PA MNYAM PAR MIR SKYES NA, DES LOG PAR LTA BA SPYAD CING NYES PAR BYAS PA'I LAS DE DANG RGYU MTHUN PA'I 'BRAS BUS DE MTSON GYIS 'KHRUG CING MU GE DANG, TSOM RKUN RAB TU MANG BA'I YUL RNAMS SU SKYE BAR 'GYUR, DER SKYES NAS KYANG DBUL ZHING NAD BU CAN DANG, GZHAN GYIS BSKOL CING SDUG PHONGS PAR GYUR LA DBANG PO MA TSANG BAR 'GYUR BA MTHONG NGO, ,DE NAS YANG DGE SLONG
LAS KYI 'BRAS BU RNAM PAR SMIN PA SHES PA DES SEMS CAN, DMYAL BA CHEN PO TSA BA'I 'KHOR LA BRTAGS NA DES THOS PA LAS BYUNG BA'I SHES PAS SEMS CAN DMYAL BA SPRUL 'KHYIL BA LTA BU ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA KUN TU BSTEN CING BSGOMS TE MANG DU BYAS PAS 'GYUR RO, ,LOG PAR LTA BA'ANG KUN TU BSTEN CING BSGOMS TE MANG DU BYAS PAS 'GYUR BA NI 'DI LTAR TZOG TZOG POR BSGYINGS PAR 'DUG LA SKOM 'THUNG ZHING LAG PA LA LDAG NA MYA NGAN LAS 'DAS PA 'THOB STE, 'DOD CHAGS ZHE SDANG GTI MUG SPANGS PAS MA YIN ZHING DBANG PO ZHI BAS MA YIN NO ZHES SMRA NA DE LUS DANG BRAL NAS NGAN 'GRO LOG PAR LTUNG BA'I SEMS CAN DMYAL BA SPRUL 'KHYIL BA LTA BUR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, SEMS CAN DMYAL BA DE SPRUL GDUG PA GDENGS KA CAN RAB TU 'BAR BAS KUN TU GANG BA DE NA SPRUL DPAG TSAD TZAM YOD CING SPRUL GDUG PA DPAG TSAD TZAM YOD PAS KYANG SHIN TU GANG BA YIN LA KHA CIG NI LTA BA'I DUG ,KHA CIG NA REG PA'I DUG ,KHA CIG NI MCHE BA'I DUG STE, DE DAG GIS SEMS CAN DMYAL BA DE GANG NGO, ,DER SEMS CAN DMYAL BA KHA CIG GI NANG DU SPRUL DE DAG 'BYUNG BAR 'GYUR TE GANG DAG
, ,NANG DU SKYES PA LA DE'I TSE, SPRUL DE DAG GI LUS REG PAS CHANG PA'I PHYE BZHIN 'THAG GO ,GANG DAG KHA'I NANG DU SKYES PA NI MCHE BA DANG 'DRES PA'I DUG RAB TU 'BAR BA DE DAG GIS SKYE ZHING SKYE ZHING YANG 'CHI'O, ,SHI NAS YANG 'TSO STE, DE DAG ME GSUM GYIS SREG GO ,'DI LTA STE, DUG GI ME DANG, SEMS CAN DMYAL BA PA'I ME DANG, BKRES PA DANG, SKOM PA'I MES DE DAG RANG GI LAS DANG MTHUN PAR ME GSUM GYI DBUS SU BCUG NAS TSOR BA TSA BA RTZUB PA DAG MYONG BAR 'GYUR RO, ,GZHAN YANG, NAD LAS BYUNG BA'I TSOR BA BRJOD PAR YANG MI NUS PA'I NAD BZHI LAS BYUNG BA'I MES DE SREG GO ,DE LTAR NYES PAR BYAS PA'I LAS KYI MTHA' SPYAD PA DAG JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU YUN RING POR ME'I NANG DU BCUG NAS SREG GO ,'THAG GO ,SKEMS SO, ,RNAM PAR ZHIGS PAR BYED DO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG TSE RABS BRGYA LNGA BCUR YI DVAGS KHAB MGRIN DU SKYE BAR 'GYUR, TSE RABS NYIS BRGYAR ME DANG, CHU MED PA'I GNAS RI SUL DPAG TSAD BCU GNYIS PAR BKRES PA DANG, SKOM PA THAMS CAD KYIS YONGS SU GDUNGS PA'I DUD 'GRO SENG GE DANG, STAG DANG, DRED DANG, GUNG DU SKYE BAR 'GYUR RO, ,GAL TE GNYA' SHING GI BU GAR RUS SPAL 'JUG PA LTA BUR MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BUS
DE 'BROG DGON PA'I MIR 'GYUR TE, GANG DAG GIS NAM YANG KHA ZAS MTHONG BAR MI 'GYUR NA BZA' BA LTA SMOS KYANG CI DGOS TE, GZHAN DU NA DER RNGAD DANG, RTZVA DANG, TSAL GYI 'BRAS BUS SROG 'TSO BAR 'GYUR BA MTHONG NGO, ,DE NAS GZHAN YANG DGE SLONG LAS KYI 'BRAS BU RNAM PAR SMIN PA SHES PA DES, SEMS CAN DMYAL BA CHEN PO TSA BA'I 'KHOR LA BRTAGS NA, DES SEMS CAN DMYAL BA ZANGS BZHUS PAR NYA 'KHYUG PA LTA BU ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHAD 'THUNG BA DANG, RDZUN SMRA BAS 'GYUR RO, ,LOG PAR LTA BA'ANG 'DI LTAR KUN TU BSTEN CING BSGOMS LA MANG DU BYAS PAS 'GYUR TE, 'DIR 'GRO BA 'DI DAG THAMS CAD DBANG PHYUG GIS SPRUL TE LAS KYIS MA BYAS SO ZHES SMRA NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA ZANGS BZHUS PAR NYA 'KHYUG PA LTA BUR SKYE BAR 'GYUR RO, ,SEMS CAN DE'ANG ZANGS BZHUS PA RAB TU 'BAR BAS RGYA MTSO LTAR GANG BA'I SEMS CAN DMYAL BAR SKYE BAR 'GYUR TE, DER YANG LAS KYIS BYAS PA'I LCAGS KYI NYA RAB TU 'BAR BA DAG RNAM PAR RGYU ZHING ZANGS BSKOL BA DE'I DBUS SU SHING LO MA SPU GRI DANG, MDUNG THUNG LTA BU DAG 'BYUNG STE, DER SEMS CAN DMYAL
, ,BA PA DE DAG SKYES NAS 'CHI ZHING SKYE STE, YAN LAG DANG, NYING LAG THAMS CAD ZHIGS SO, ,ZHUGS PA NA NUB CING 'BYUNG STE TSOR BAS NYEN PA DAG PHAN TSUN RGYUG CING DU SKAD 'DON TE, ,GCIG LA GCIG LAG PAR SMRAS PAS DE DAG DE LTAR DU SKAD 'DON PA NA LAS KYIS BYAS PA'I NYA DE DAG SEMS CAN DMYAL BA DE DAG GI DRUNG DU KHA GDANGS SHING RGYUG GO ,DE NAS NYA DE DAG GIS SEMS CAN DMYAL BA PA DAG KHA CHU'I ZHAGS PAS BZUNG STE ZA ZHING, DE'I TSE SO'I BAR DU PHYE MA RA BRLAGS SO, ,DE DAG GI LUS PHYED NYA RNAMS KYIS ZOS SHING, PHYED ZANGS BSKOL BAR 'TSED DO, ,DE DAG TSOR BA DRAG PAS NYEN LA, TSA BA RTZUB PA'I TSOR BA GNYIS MYONG BAR 'GYUR TE, DE NYA DE RNAMS KYIS PHYED ZA BA DANG, PHYED ZANGS BSKOL BAR 'TSED DO,, YUN RING MO ZHIG 'DAS NAS NYA'I KHA DE NAS THAR BA DANG, ZANGS BSKOL BA'I BUM PA'I NANG DU 'JUG GO ,ZHUGS PA DANG, SRIN BU AA BA M'A SI KA ZHES BYA BA RDO RJE LTA BUR MCHE BA RNO BA DUG DPAG TU MED PA DE DAG GIS BZUNG NGO, ,BZUNG BA RNAMS ZANGS BSKOL BA'I BUM PA MUN PAR GYUR PA DER PHYE MAR RLOG GO ,PHYE MAR BRLAGS NAS PHYE MA'I DUM BU TZAM DU ZA'O, , GANG TSOR BAS NYEN PA DU SKAD 'DON PA DAG ZANGS BSKOL PAS KHA 'GENGS SHING DU SKAD 'DON TE, DE DAG GIS 'DZAG SGO ZANGS BSKOL BA DES 'GENGS SHING 'GOG LA 'TSED CING
RNAM PAR ZHIGS PAR BYED DO, ,ZANGS BSKOL BA DE LAS YUN RING MO ZHIG 'DAS NAS YANG RKYAL LO, ,RKYAL NAS KYANG LAS KYIS BYAS PA'I RLUNG SPU GRI LTA BU RNAMS KYIS JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LOG PAR SMRA BA LAS DANG, 'BRAS BU LA SLU BAR ZHUGS PA DAG PHYE MAR RLOG GO ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG TSE RABS SUM BRGYAR YI DVAGS KHA ZAS MED PA RNAMS KYI NANG DU SKYE BAR 'GYUR RO, ,YI DVAGS KYI YUL DE LAS THAR NAS KYANG TSE RABS SUM BRGYAR DUD 'GRO GLANG PO CHE DANG, DOM DANG; GROG SPUR LA SOGS PA SHIN TU SDUG BSNGAL BA RTAG TU BKRES PA DANG, SKOM PA DANG, GRANG BA DANG, TSA BA DANG, RLUNG DANG, GDUNG BA RNAMS SU SKYE BAR 'GYUR RO, ,DUD 'GRO DE LAS THAR NAS KYANG GNYA' SHING GI BU GAR RUS SBAL 'JUG PA LTA BUR GAL TE LAN GRANGS GZHAN LA MYONG BAR 'GYUR BA'I LAS KYIS MI RNAMS DANG SKAL PA MNYAM PAR MIR SKYES NA LAS DE DANG RGYU MTHUN PA'I 'BRAS BUS DE KHYIS 'TSO BA'AM, SHING THUN NAM, NYA PAR SKYE BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA LCAGS KYI BUM PA ZHES BYA BAR MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM
, ,NAS DES BRTAGS NA, GANG GIS SROG GCOD PA DANG, MA BYIN PA LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA KUN TU BSTEN CING, BSGOMS TE MANG DU BYAS PAS 'GYUR RO, ,LOG PAR LTA BA NI 'DI LTAR MTHO RIS SU MI 'DI DBANG DU 'GYUR RO ZHES MCHOD SBYIN DAG LA MI DAG GSOD PAR BYED PA DANG, 'JIG RTEN PHA ROL TU DBANG DU BYA BA'I PHYIR RUS SBAL DAG GSOD PAR BYED CING GZHAN DAG KYANG RAB TU 'JOG PAR BYED PA NAS SKYE BA'I BAR DU BYED PA YIN TE, LAM BZANG PO SUN PAR BYED CING LAM NGAN PA LA 'JOG PAR BYED PA'I LAS KYI RNAM PA 'DI DAG NI LOG PAR LTA BA YIN NO, ,DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA LCAGS KYI BUM PAR SKYE BAR 'GYUR TE, DER SEMS CAN DMYAL BA YANG SOS LA SOGS PA'I GNOD PA 'DI DAG THAMS CAD BCU 'GYUR DU 'BYUNG NGO, ,BUM PA DPAG TSAD BCU PA DRUG 'BYUNG STE, DE DAG GI MING NI 'DI DAG YIN TE, 'DI LTA STE, ZHUGS MA THAG TU SDUG BSNGAL BA DANG, SKYABS MED PA DANG, RTAG TU MES BSKOL BA DANG, CHU SOG LE LTA BU DANG, SPU GRI'I PHRENG BA DANG, CHU BSKOL BA'I NANG DU SPRUL ZHUGS PA'O; ;DER GANG DAG SDUG BSNGAL MTSUNGS PAR 'TSED PA DE DAG LA RNAM PA DE LTA BU'I SDUG BSNGAL 'BYUNG STE, GANG DU SEMS CAN DMYAL BA PA DE DAG 'TSED PA NA TSOR BA'I SDUG BSNGAL
YANG MTHA' DAG 'BYUNG BAR 'GYUR RO, ,GANG SKYABS MED PA, 'TSED PA DE DAG LA LUS KYI SKYABS KYANG MED CING YID DANG CHOS KYI SKYABS KYANG MED DE, GANG NGAN 'GRO'I SKYABS CAN DE DAG THAMS CAD DE NA SKYABS MED DO, ,GANG RTAG TU MES BSKOL BA YUN RING POR 'TSED PA DE DAG NI MES BSKOL PA'I ZANGS BZHUS PA LAS BYUNG BAS JI LTAR THAL BA'ANG MI MNGON PA DE LTAR LUS RNAM PAR ZHIGS PAR BYED DO, ,DE NAS YANG LUS DE SKYE BAR 'GYUR TE, CHU SOG LE LTA BU DER 'JUG PAR BYED DO, ,ZANGS BSKOL BA'I CHU DE SOG LE LTA BU YIN TE, DE DAG THAMS CAD ME 'BAR BA MTSED PA DER BCUG PA DANG, 'OG NAS STENG DU 'BYUNG ZHING ZANGS BSKOL BA'I CHU SOG LE LTA BUR GNAD DANG GNAD DAG LA GNOD PAR BYED, GSHIG PAR BYED DO, ,DE NAS YANG DE LAS STENG NAS 'OG TU 'BYUNG STE, SOG LE DE DAG NYID KYIS GSHEG CING 'BRAL LO, ,MON SRAN GRE'U LTA BU'I RIGS DE DAG LUS STENG DANG, 'OG DANG, SA'I NGOS LA YUN RING DU 'JOMS SO ,GSHIG GO ,SREG GO ,SPU GRI'I PHRENG BA'I NANG DU 'JUG PA DE DAG LA GNOD PA 'BYUNG STE, 'DI LTA STE, BUM PA DE SPU GRI RNAMS KYIS GANG BA YIN TE, DER SEMS CAN DMYAL BA PA DAG SPU GRI DUG GIS GOS PA DE DAG GIS YAN LAG DANG NYID LAG GSHEG PAR BYED DO, ,CHU BSKOL BA'I NANG DU SPRUL ZHUGS PA DE DAG LA GNOD PA 'BYUNG BA NI, 'DI LTA STE, CHU BSKOL BA DPAG TSAD PHYED DU BSKOL BA SHIN TU TSA BA 'BYUNG STE,
, ,DER DBU BA'I NANG NA SBRUL GNAS PA MCHE BA MCHOG TU RNO BA DAG REG PA DANG, MTHONG BAS ME BZHIN DU SREG GO ,REG PAS SPU GRI BZHIN DU GCOD DO, ,SEMS CAN DMYAL BA PA DE DAG SPRUL DE DAG GIS GCOD PAR BYED DO, ,REG PAS RUS PA TZAM LUS PAR BYED CING MTHONG BAS SKOL BAR BYED LA DBU BA BZHIN DU ZHU BAR BYED DO, ,CHU BSKOL BAS SKOL PAR BYED DE; ;SEMS CAN DMYAL BA PA DE DAG SDUG BSNGAL SHIN TU TSA ZHING RTZUB PA DAG MYONG BAR 'GYUR RO, ,GAL TE GSHIN RJE'I MI DAG GZHAN DU DONG BAR 'GYUR NA DE'I TSE BUM PA DE DAG GIS KHA 'OG MA'I BU GA MED PAR 'GYUR TE, DES SEMS CAN DMYAL BA PA DAG 'BROS PAR BYED MI NUS SO, ,DE NAS GSHIN RJE'I MI DE DAG 'DI SNYAM DU SEMS TE, 'DI LTAR SEMS CAN DMYAL BA PA BU GA MED PA'I BUM PA'I NANG 'DIR ZHUGS PA DAG RDO RJE LTA BU'I SKYANG NUL GYIS BU GA MED PAR BYAS, GNOD PA RNAM PA SNA TSOGS KYIS SEMS CAN DMYAL BA PA DAG 'BROS MI NUS PAR BYA'O SNYAM DU SEMS SO, ,DE NAS GSHIN RJE'I MI DE DAG 'DI SNYAM DU SEMS TE, LAS KYIS BYAS PA'I BUM PA 'DI DAG THAMS CAD KYI KHA 'OG MA BDAG CAG GIS NGES PAR YANG ME 'BAR BA'I PHRENG BA MCHED PAS NYIS 'GYUR DU RAB TU 'BAR BAR BYA'O SNYAM NAS, DE NAS SEMS CAN DMYAL BA PA DE DAG LA GNOD PA DE DAG GIS GNOD PAR BYED DO, ,DE NAS GSHIN
RJE'I MI DE DAG KHROS NAS YANG BUM PA DE DAG LCAGS KYI SHING DE DAG GIS NYIS 'GYUR DU RAB TU SREG PAR BYED DO, ,DE NAS SEMS CAN DMYAL BA PA DE DAG GYEN DU 'GRO BA NA ZANGS DMAR PO BSKOL BAS PHAN TSUN GNOD PAR BYED DE, SDUG BSNGAL GYI GNOD PA SNA TSOGS KYI NYAM THAG PA DAG JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU KHA CIG NI RNAM PAR ZHIGS SO, ,KHA CIG NI SBRUL GDUG PA ME LTAR TSA BAS SKOL CING SREG PAR BYED DO, ,DE DAG BUM PA'I GNOD PA DE LAS THAR BAR 'GYUR TE, THAR NAS KYANG TSE RABS SUM BRGYAR YI DVAGS DRI ZA RNAMS KYI NANG DU SKYE BAR 'GYUR RO, ,GAL TE MI RNAMS DANG SKAL PA MNYAM PAR MIR SKYES NA LAS DE DANG RGYU MTHUN PA'I 'BRAS BUS DE BSTAN BCOS NGAN PA'I GTAN TSIGS KYIS RMONGS PA BLO GROS NGAN PAS DON GYI PHYIR RAM, MTHO RIS KYI PHYIR SHA DAG LA GSOG PAR BYED DO, ,SRED PA'I BAG LA NYAL GYIS 'BREL BAS DE DAG YANG SDUG BSNGAL DE NYID DON DU GNYER BAR BYED PA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA CHU BO DMAR PO 'BAB PA ZHES BYA BA MTHONG NGO, ,DER SEMS CAN LOG PAR LTA BA'I LAS BYAS PA GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS
, ,BRTAGS NA, TSUL KHRIMS 'CHAL BA GANG GIS TSUL KHRIMS 'CHAL BA MANG DU BYAS NAS PHYIS DE 'DI SNYAM DU SEMS TE, BDAG DKA' THUB DKA' BA BYAS PA DANG; BDAG GI NYES PAR BYAS PA DANG, NYES PAR MA BYAS PA DE DAG THAMS CAD 'BYANG BAR 'GYUR RO SNYAM NAS DE TSAL DU SONG STE, SHING LA RKANG PA BTAGS NAS MGO MTHUR DU DBYANGS TE, MTSON CHAS SNA 'AM, DPRAL BA GCOD DE, DE LAS GANG KHRAG BYUNG BA DE DAG MER BSREG BLUGS BYED DO, ,SRED PAS MTHO RIS 'DOD PA LAM NGAN PAR ZHUGS PA BYE MA DAG LAS TIL MAR 'BYUNG BAR 'DOD PA DE KHRAG ZAD NAS 'CHI STE, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA CHU BO DMAR PO 'BAB PAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, GANG SEMS CAN DMYAL BA YANG SOS LA SOGS PA'I SDUG BSNGAL BSDUS PA DE DAG THAMS CAD LNGA 'GYUR DU 'BYUNG BA'I STENG DU KHYAD PAR 'BYUNG BA NI, 'DI LTAR GSHIN RJE'I MI DAG THO BA DANG, RAL GRI DANG, MDA' BO CHE DANG, RDO RNAMS KYIS JI LTAR KHRAG DANG, KLUD RGYAS 'BYUNG ZHING 'BAB PA DE LTAR PHYE MAR RLOG STE, JI LTAR CHU BO DES DENG PA DE LTAR SEMS CAN DMYAL BA PA SGRA DANG, RUS PAS MU KHEBS PA GZHAN DAG KYANG CHU BO DES DED DO, ,ZANGS BSKOL BA'I CHU BO RAB TU MI BZAD CING MCHOG TU 'JIGS PA ZHES BYA
BA GNYIS PA 'BAB STE, CHU BO DE'I NANG NA SROG CHAGS KYI RIGS LANG KU DI KA ZHES BYA BA REG NA ME LTAR TSA BA ZHIG YOD PA DES SEMS CAN DMYAL BA PA DE DAG RAB TU BSREGS SHING BSREGS SHING ZA'O, ,DE LTAR CHU BO DMAR PO 'BAB PA'I SEMS CAN DMYAL BA PA DAG GI LO BGRANG GIS MI LANG STE, JI SRID DU DE'I LOG PAR LTA BA SDIG PA'I LAS BCOM ZHING SPANGS LA ZAD PAR MA BYAS PA DE SRID DU CHU BO DMAR PO 'BAB PA'I SEMS CAN DMYAL BAR YUN RING DU GNOD PA DAG MYONG BAR 'GYUR RO, ,DE PHYIS SEMS DMYAL BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PAS TSE RABS LNGA BRGYAR YI DVAGS BDUG SPOS ZA BA RNAMS KYI NANG DU SKYE BAR 'GYUR RO, ,DE LAS THAR NAS TSE RABS BZHI BRGYAR DUD 'GRO RGYA MTSO'I BYAR SKYE STE, DE CHU BO'I SGOR GNAS PA'AM, GAL TE MGO DMAR POR 'GYUR RO, ,DE GAL TE MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BUS DE DBUL ZHING NAD BU CAN DU 'GYUR BA MTHONG NGO; ;DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA RKANG DANG, RUS PA LA SRIN BU MANG BA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS
, ,BRTAGS NA, LUS SAM, NGAG GAM, YID KYI CHAD PA MI DGE BA MANG DU BYAS NAS, DE PHYIS THOS PA NGAN PAS RMONGS PA, TSANGS PA'I 'JIG RTEN LA SRID PA, LAM NGAN PA LA RAB TU GNAS PA, TSUL KHRIMS RNAM PAR SPANGS PA, TSUL KHRIMS 'CHAL BA'I RANG BZHIN DANG LDAN PA, G-YO CAN PHA ROL LA GNOD PA DAG TSUL KHRIMS SPANGS NAS LCI BA'I ME THAB BYED DE, SDUG BSNGAL BA CHE 'DI LA MI'I MES SREG GO ,DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA RKANG DANG, RUS PA LA SRIN BU MANG BAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, LCAGS LAS BYAS PA'I BRDUNG BAS DE'I MGO MAN CHAD KYI BAR DAG RDUNG BAR BYED DO, ,DU SKAD 'DON PA NA JI LTAR SBRANG RTZI'I TSIGS MA BZHIN DU BYED DE, YAN LAG DANG, NYING LAG THAMS CAD MNGON PAR DMIGS SU MED PAR BYED KYANG LOG PAR LTA BA'I LAS DE DANG RGYU MTHUN PA'I 'BRAS BUS 'CHI BA'I DUS NI MI BYED DO, ,SEMS CAN DMYAL BA PA DE DAG GI LUS BSAGS PAR GYUR PA DAG JI LTAR RKANG DANG, RUS PA CHEN PO'I TSOGS KYI RI 'PHANG DU DPAG TSAD LNGA YOD CING RGYAR DPAG TSAD GSUM YOD PA DE LTAR BSAGS PAR GYUR TE, DE DAG LA SRIN BU DROD GSHER LAS SKYES PA SEMS CAN GYI GRANGS SU BGRANG BA ZHIG 'BYUNG BAR 'GYUR RO, ,GANG DAG
LAS CI ZHIG BYAS PAS 'GYUR SNYAM NA, SKYES PA'AM, BUD MED GANG DAG GIS RANG GI LUS SAM, GZHAN GYI LUS LAS BYUNG BA'I SHIG GAM, SROG CHAGS MA KO TA KA 'AM, RKANG LA ZA BA 'AM; GZHAN YANG, RNAM PA DE LTA BU BSAD PAR GYUR NA, DE DAG KYANG LUS DANG BRAL NAS NGAN 'GRO LOG PAR LTUNG BA SEMS CAN DMYAL BA'I SRIN BU ZHES BYA BA DER SKYE BAR 'GYUR RO, ,DE DAG GI 'DU SHES 'BYUNG BA NI, 'DI LTA STE, LAS DE DANG RGYU MTHUN PA'I 'BRAS BUS LUS 'BYUNG ZHES BYA BA'I RI DE LA DE DAG SKYE BAR 'GYUR TE, DE DAG KYANG SEMS CAN DMYAL BA RKANG DANG, RUS PA LA SRIN BU MANG BA'I GSHIN RJE'I MI GZHAN DAG 'ONGS NAS LAS KYIS BYAS PA'I MES RAB TU SREG PAR BYED DO, ,LUS 'BYUNG BA ZHES BYA BA'I SRIN BU YOD PA DER SEMS CAN DMYAL BA PA LCI BA'I ME THAB KYIS BSLUS PA DE DAG DE MA THAG TU MES SREG GO ,DE'I RI DE SREG PA NA 'PHANG DU MES DPAG TSAD BCU TZAM DU 'BAR BAR BYED DE, SEMS CAN DMYAL BA PA DE DAG RANG GI LUS LAS BYUNG BA'I ME DANG SRIN BU DE DAG GIS LHAN CIG SREG PAR BYED DO, ,LUS LAS 'BYUNG BA'I SRIN BU BONG CHUNG BA DAG 'BYUNG BAR 'GYUR TE, DE LAS SDUG BSNGAL CHES MANG BA 'BYUNG BA NI SEMS CAN DMYAL PA DAG BSDUS NAS DE DAG MNGON PA MED PAR BYED DE, PHAN TSUN ME 'BAR BA'I PHRENG BAS LUS YONGS SU GDUNGS PA DAG YUN JI SRID DU DE'I SDIG PA'I LAS BCOM ZHING SPANGS LA ZAD PAR
, ,MA BYAS PA DE SRID DU LO BGRANG GIS MI LANG BAR SREG GO ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS TSE RABS LNGA BRGYAR RI GSEB TU YI DVAGS KHAB MGRIN DU SKYE BAR 'GYUR RO, ,TSE RABS LNGA BRGYAR RGYA MTSO'I SO'I 'OG GI CHU GRANG MO BA TSVA'I CHU'I NANG GI NYAR SKYE BAR 'GYUR RO, ,DE DAG DE LAS THAR NAS GAL TE BRGYA LA GNYA' SHING GI BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA DE TSAL NA SPYOD CING TSAL GYI NANG NA GNAS PA'AM, NAGS KHROD NA 'TSO BA'AM, DBUL ZHING DE TSAL GYI MES SREG PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA SKYE BO THAMS CAD SREG PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA SNGA MA BZHIN KUN TU BSTEN CING BSGOMS TE MANG DU BYAS PAS 'GYUR RO, ,LOG PAR LTA BA'ANG THOS PA NGAN PAS RMONGS PA LUS KYI CHAD PA DANG, NGAG DANG, YID KYI CHAD PAS RNAM PAR RMONGS PA,
RTAG TU CHAD PA RNAM PA GSUM GYIS NYAM THAG PA, LOG PAR LTA BA'ANG MTSUNGS PAR SPYOD PA DAG TSAL LAM, RI'AM, MTSAMS KYI BAR RAM, CHU'AM, LCUG MA'I TSAL DAG LA MES SREG PAR BYED PA DAG 'DI LTAR ME TSIM PAR BYAS PAS LHA DAG DGA' BAR 'GYUR TE, DE DAG DGA' BA DANG, LHA YUL DU KHRID PAR BYED DE, BDAG LHA'I 'JIG RTEN DE THOB PA DANG, ME TSIM PAR BYAS PAS BDAG DER LHA'I DGA' BA THOB PAR 'GYUR RO SNYAM STE, RMONGS PA THOS PA NGAN PAS BSLUS PA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SKYE BO THAMS CAD SREG PA ZHES BYA BA DER SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, GANG SEMS CAN DMYAL BA YANG SOS LA SOGS PA'I GNOD PA DE DAG THAMS CAD LNGA 'GYUR DU 'BYUNG BA'I STENG DU KHYAD PAR DU 'BYUNG BA NI, 'DI LTAR DER SKYES PA GANG DAG LAS KYIS SPRUL PA'I BU DANG, BU MO DANG, CHUNG MA DANG, DGA' BA'I BSTEN GROGS DANG, PHA MA DANG, DE LAS GZHAN PA DGA' BA DANG 'BREL PA DE DAG DER 'TSED PA NA, BU DANG, CHUNG MA DANG, BSTEN GROGS DANG, PHA MA'I TSOGS DE DAG THAMS CAD MTHONG NGO, ,DE DAG KYANG DE LTAR SEMS CAN DMYAL BAR 'TSED PA MTHONG STE, 'TSED PA DE MTHONG BA DANG, YID KYI SDUG BSNGAL MI BZAD PA TSA BA RTZUB PA DAG MYONG BAR BYED DO, ,DGA' BA'I TSOGS DE DAG THAMS CAD MTHONG NAS MYA NGAN GYI ME'I RNAM PA 'DI
, ,LTA BU 'BYUNG BAR 'GYUR TE, GANG SEMS CAN DMYAL BA PA'I ME DE DAG SRED PA'I ME'I BCU DRUG GI CHAR YANG MI PHOD DO, ,SEMS CAN DMYAL BA PA'I ME THAMS CAD KYI NANG NA SRED PA'I ME THAMS CAD CHES SHIN TU TSA'O, ,ME RNAMS KYI NANG NA'ANG 'DI NI ME YIN NO, ,ZHAGS PA RNAMS KYI NANG NA 'DI ZHAGS PA MCHOG YIN NO, ,'CHING BA RNAMS KYI NANG NA 'CHING BA DAM PA YIN TE, 'CHING BA DES SO SO'I SKYE BO BYIS PA THAMS CAD BCINGS SO, ,GANG LOG PA'I LAS KYIS BYAS PA'I DGA' BA'I TSOGS SEMS CAN DMYAL BA PA DAG MTHONG NAS KYANG SRED PAS DE BZHIN SREG STE, GANG ME DE DAG LAS BYUNG BA'I SEMS CAN DMYAL BA PA KHA BA LTA BUR GYUR PA DE'ANG DE'I BU DANG CHUNG MA'I TSOGS DANG, PHA MA'I TSOGS DU SKAD 'DON TE, 'DI LTAR BDAG CAG LA YONGS SU BSKYAB PA GYIS SNYING RJE RJE SKAD DU DU SKAD 'DON KYANG DE DAG YONGS SU BSKYAB PAR GA LA NUS TE, GANG SEMS CAN DMYAL BA PA DBANG MED PA MES SREG CING 'TSED DO, ,DE LTAR JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU DE YUN RING PO LO BGRANG GIS MI LANG BAR LUS DANG, YID KYIS MES SREG GO ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS DE LO SUM BRGYAR YI DVAGS GTOR MA ZA BAR SKYE BAR
'GYUR, TSE RABS LNGA BRGYAR DUNG MA LTA BU'I NANG DER DE'I BUS PA PHO MO NYA PA DAG GIS GSOD PAR BYED DO, ,GAL TE GNYA' SHING GI BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA, DE DBUL ZHING TSE THUNG BA DANG, DBANG PO MA TSANG BA DANG, BU DANG, CHUNG MA DANG BRAL ZHING GANG DAG TU BRAN G-YOG TU 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA SAR 'BYING MTHA' YAS ZHES BYA BA DE LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA KUN TU BSTEN CING BSGOMS TE MANG DU BYAS PAS 'GYUR TE, MDOR NA LUS KYI CHAD PA'AM, NGAG GI CHAD PA'I LAS KYI NYER BSDOGS DANG, LAS KYI MJUG KUN TU BSTEN CING BSGOMS TE MANG DU BYAS PAS 'GYUR RO, ,DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA DER 'BYING MTHA' YAS SU SKYE BAR 'GYUR RO, ,DER GANG SEMS CAN DMYAL BA YANG SOS LA SOGS PA'I SDUG BSNGAL BSDUS PA DE DAG THAMS CAD LNGA 'GYUR DU 'BYUNG NGO, ,LOG PAR LTA BAR GYUR PA NI THOS PA NGAN PA GANG GIS
, ,SRIN BU PHRE'U DANG, GROG SBUR DANG, SBRUL DANG, SBRUL SHIN TU GDUG PA DANG, RI DVAGS DANG, BYA RNAMS ME'I NANG DU BCUG NA ME DE DAG NI DGA' BAR 'GYUR RO, , DGA' NAS KYANG 'JIG RTEN MTHA' YAS PA SBYIN PAR BYED DE, MER BSREGS PA DE DAG GIS KYANG DRAG PO'I 'JIG RTEN MI BZAD PAR BYED DO, ,GANG MER BCUG PA DE DAG DE'I CHOS CHEN PO THOB PAR 'GYUR RO ZHES BSGRAGS SHING, DE LTAR 'DZIN DU 'JUG PA NI CHOS LOG PAS RNAM PAR BSLUS PA LOG PAR LTA BA YIN TE, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SAR 'BYING MTHA' YAS SU SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, MDAG MA'I RI RGYAR DPAG TSAD LNGA YOD PA KUN NAS SEMS CAN DMYAL BA PA'I MES RAB TU 'BAR BA DE LA SEMS CAN DMYAL BA PA DE DAG GSHIN RJE'I MI RNAMS KYIS GTEG CING 'DOR BAR BYED DE, RKANG PA DANG, RKED PA DANG, 'DOMS DANG, RGYAB DANG, DPUNG PA DANG, MGRIN PA DANG, LAG PA DANG, MIG DANG, RNA BA DANG, MGO DANG, KLAD PA'I BAR BSREGS NAS DE NAS KYANG 'BYUNG BAR 'GYUR TE, SREG PA NA JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU, DUS DU MA YUN RING PO LO BGRANG GIS MI LANG BAR SREG GO ,DE PHYIS SEMS CAN DMYAL BA DE LAS THAR BAR 'GYUR
TE; THAR NAS KYANG LOG PAR LTA BA MI BZAD PAS LAS DE DANG RGYU MTHUN PAR TSE RABS LNGA BRGYAR YI DVAGS MI GTZANG BA ZA BA LUS THAMS CAD RAB TU 'BAR BA MTSAN MO RGYU BA NA SKYE BO KUN GYIS MTHONG BA DANG, LAS NGAN PA BYAS PA DBANG DU GYUR PAR SKYE BAR 'GYUR RO, ,YI DVAGS KYI RIS DE LAS THAR NAS KYANG DUD 'GRO LUS THAMS CAD LA SRIN BU ME LCE RAB TU 'BAR BA 'BYUNG ZHING NYIN MTSAN DU SKYE BO KUN GYI MNGON SUM DU 'GYUR BA DANG, KHONG PA'I NANG DU ME ZHUGS PAS SREG CING NYI MA'I 'OD ZER DAG GI 'OD ZER ZIL GYIS NON PAR 'GYUR BA MTHONG NGO,, ,, 'PHAGS PA DAM PA'I CHOS DRAN PA NYE BAR GZHAG PA, BAM PO BCU GNYIS PA, DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO TSA BA'I 'KHOR LA BRTAGS NA, DES SEMS CAN DMYAL BA PADMA CHEN PO LTA BU ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA KUN TU BSTEN CING BSGOMS LA, MANG DU BYAS PAS 'GYUR TE, MDOR BSDU NA, LUS KYI CHAD PA DANG, DAG GI CHAD PA'I LAS KYI NYER BSDOGS DANG, LAS KYI MJUG DANG LDAN PA DE NI LUS DANG BRAL NAS NGAN 'GRO LOG PAR LTUNG BA
, ,SEMS CAN DMYAL BA PADMA CHEN PO LTA BUR SKYE PAR 'GYUR RO, ,LOG PAR LTA BA'ANG RNAM PA 'DI DAG BYAS PAS 'GYUR TE, 'DI LTAR MIS GSANG GI MCHOD SBYIN BYAS PAS 'JIG RTEN NYAMS PA MED PA THOB PAR 'GYUR RO ZHES ZER BA DE NI LUS DANG BRAL NAS NGAN 'GRO LOG PAR LTUNG BA SEMS CAN DMYAL BA PADMA CHEN PO LTA BUR SKYE BAR 'GYUR RO; ;DER GNOD PA 'DI DAG 'BYUNG BAR 'GYUR TE, 'DI LTA STE, SEMS CAN DMYAL BA DE'I BYAD GZUGS PADMA LTA BU YIN TE, GANG DE DAG GI ZE BA'I BAR RDO RJE LTA BU'I TSER MAS GANG BA DER SEMS CAN DMYAL BA DPAG TSAD LNGA BRGYA TZAM PA DE TSER MA'I BAR DE DAG TU SKYE BAR 'GYUR RO, ,SKYES MA THAG TU DE DAG GI LUS THAMS CAD TSER MA RNAMS KYIS SHIN TU PHUG STE; GANG MA PHUG PA GCIG MED PA NI DER KHAB KYI BU GA TZAM GYI PHYOGS KYANG MED DE, GANG SEMS CAN DMYAL BA PA'I MES RMA MA GANG BA MED DO, ,DE LTAR JI SRID DU DE'I SRID PA'I LAS BCOM ZHING SPANGS LA ZAD PAR MA BYAS PA DE SRING DU YUN RING POR 'TSED DO, ,SREG GO ,DE PHYIS SEMS CAN DMYAL BA DE DAG LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS TSE RABS NYIS BRGYAR YI DVAGS LJAN LJIN ZA BAR 'GYUR, DE DE LAS SHI NAS KYANG TSE RABS LNGA BRGYAR RMA BYA DUG ZA BA'I RIGS SU SKYE BAR 'GYUR RO,,
GAL TE DE NAS SHI NAS GNYA' SHING GI BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA, DE RTAG TU DBUL ZHING RTAG TU PHAN TSUN RAG LAS PA MANG BA DANG, GAL TE LTAD MO BAS 'TSO BA'I GAR MKHAN NAM, GANG RNAM PA DE LAS GZHAN PA'I LTAD MO PAS 'TSO BAR 'GYUR TE, JI SRID 'TSO'I BAR DU BKREN PA RAB TU 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA MTHA' DRAG CES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA KUN TU BSTEN CING BSGOMS TE MANG DU BYAS PA NI SNGA MA BZHIN NO, ,LOG PAR LTA BA KUN TU BSTEN CING BSGOMS TE MANG DU BYAS PAS 'GYUR BA NI 'DI LTAR CHUR ZHUGS PAS NYES PAR BYAS PA THAMS CAD 'BYANG BAR 'GYUR ZHING KHYAB 'JUG GI 'JIG RTEN DU SKYE BAR 'GYUR LA GNAS DE NAM YANG MI G-YO STE, G-YO BA MED PA DER SKYE BAR 'GYUR RO ZHES DE PHA ROL DAG KYANG DE NYID LA 'JOG PAR BYED CING YANG DAG PAR DGA' BAR BYED PA, CHUR ZHUGS PAS SROG DANG BRAL BAR BYED NA, DE CHUR ZHUGS PAS 'CHI BA'I DUS
, ,BYAS NAS SEMS CAN DMYAL BA MTHA' DRAG TU SKYE BAR 'GYUR RO, ,LUS KYI CHAD PA DANG, NGAG GI CHAD PA DANG, YID KYI CHAD PAS NYAMS PA DER SKYES PA DAG LA GANG SEMS CAN DMYAL BA YANG SOS LA SOGS PA'I SDUG BSNGAL DE DAG THAMS CAD SNGA MA BZHIN DU 'BYUNG BA'I STENG DU KHYAD PAR DU 'BYUNG BA NI, SEMS CAN DMYAL BA DE KUN NAS RDO ZUR SHIN TU RNO BA RNAMS KYIS KHEBS PA KUN NAS RI RANG RONG SHIN TU RNO BA 'PHANG DU DPAG TSAD BCU YOD PAS BSGRIBS PA DE LA BYA'ANG 'GRO BAR MI NUS NA, SEMS CAN DMYAL BA PA DAG RI DE LA RGAL BAR LTA GA LA NUS TE, KUN NAS 'BAR, RAB TU 'BAR, KUN TU RAB TU 'BAR TE, RI DE DAG KUN NAS ME LCE GCIG TU GYUR PA DANG, SEMS CAN DMYAL BA PA DE LAS GCIG GIS SEMS CAN DMYAL BA PA MTHA' DAG LA, KYE GROGS PO DAG, RI'I RTZE MOR SEMS CAN DMYAL BA 'DI DAG LAS RGAL BA DANG, BDE BA THOB BO ZHES SMRA STE, DE LTAR LAS NGAN PAS BSKUL BA'I SEMS CAN DMYAL BA PA DE SEMS CAN DMYAL BA PA DE DAG LA SMRA'O, ,SMRAS MA THAG TU SEMS CAN DMYAL BA PA LAS NGAN PAS BSKUL BA DE DAG RI THAG THUG ZAR ZUR SHIN TU MI BDE ZHING KUN NAS RAB TU 'BAR BA GA LA BA DER DE DAG RGYUG KYANG DE DAG 'DZEG PAR MI NUS TE, DE DAG KHA CIG NI DE NYID DU MES 'TSIG GO ,'JIGS SKRAG PA KHA CIG
NI DE NYID DU RDO RAD ROD LA 'JU BZHIN DU SREG GO ,SKRAG CING DNGANGS PA'I SEMS CAN DMYAL BA MGON 'DOD PA, SKYABS 'DOD PA, DPUNG GNYEN 'DOD PA DE KHA CIG NI GSHIN RJE'I MI RNAMS KYI LAG PA NAS RAL GRI DANG, THO BAS YANG NAS YANG DU BTAGS TE, DE LTAR SEMS CAN DMYAL BA PA LUS KYI CHAD PA DANG, NGAG GI CHAD PA DANG, YID KYI CHAD PAS NYEN PA DAG JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU SHIN TU YUN RING POR 'TSED DO, ,BSREG GO ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS LO SUM BRGYAR YI DVAGS KHRAG ZA BA'I RIS DANG MTHUN PAR SKYE BAR 'GYUR, DE LAS THAR NAS KYANG LO SUM BRGYAR DUD 'GRO SBRUL CHEN PO'I RIGS SU SKYE BAR 'GYUR RO, ,GAL TE MI RNAMS DANG SKAL PA MNYAM PAR MIR SKYES NA DE DBUL ZHING NAD BU CAN DANG, YUL NGAN PAR SKYE ZHING DBANG PO MA TSANG BA DANG, RTAG TU 'JIGS PA MANG BA'I YUL DAG TU SKYE BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES, SEMS CAN DMYAL BA CHEN PO TSA BA'I 'KHOR LA BRTAGS NA, DES THOS PA LAS BYUNG PA'I SHES PAS SEMS CAN DMYAL BA RUS PA RDO RJE LTA BU 'BYUNG ZHING 'DU BA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA
, ,DANG; MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA KUN TU BSTEN CING BSGOMS TE MANG DU BYAS PAS 'GYUR RO; ;LOG PAR LTA BA'ANG KUN TU BSTEN CING BSGOMS LA MANG DU BYAS PAS 'GYUR TE, 'DI LTAR DNGOS PO DAG NI 'DOD RGYAL LAS 'BYUNG ZHING 'DOD RGYAL LAS 'GAG STE, 'DI LTAR TSER MA RNO BA DANG, RMA BYA DAG GI BKRA BA DANG, 'DI LTAR SMIG RGYU DANG, DRI ZA'I GRONG KHYER DAG GI RGYU RKYEN NI MED KYI 'DOD RGYAL LAS 'BYUNG ZHING 'GAG STE, DNGOS PO THAMS CAD NI DE LTA BU YIN NO ZHES DE DE LTAR GZHAN DAG KYANG 'DOD RGYAL DU LTA BAR GYUR PA DER RAB TU 'JOG PAR BYED CING, YANG DAG PAR STON PAR BYED LA, LUS KYI CHAD PA DANG, DAG GI CHAD PA DANG, YID KYI CHAD PAS NYAMS PAR BYED PA DE NI LUS DANG BRAL NAS NGAN 'GRO LOG PAR LTUNG BA SEMS CAN DMYAL BA RUS PA RDO RJE LTA BU 'BYUNG ZHING 'DU BAR SKYE BAR 'GYUR RO, ,DER SEMS CAN DMYAL BA YANG SOS LA SOGS PA'I SDUG BSNGAL BSDUS PA DE DAG THAMS CAD 'BYUNG BA'I STENG DU KHYAD PAR DU 'BYUNG BA NI 'DI LTAR GSHIN RJE'I MI RNAMS KYIS GANG GI TSE SEMS CAN DMYAL BA PA DE DAG MTSON CHA HU LU RNON PO DAG GIS DE'I SHA MED PAR BYAS LA GANG DGRA GZHAN BYUNG BAS RUS PA DE DAG BLANGS TE, DGRA DES RUS PA PHAN TSUN BTAGS
SO; ;RUS PA DE DAG KYANG DE DAG GI LAS NYES PAR BYAS PA DES RDO RJE LTA BUR GYUR TE, KHA CIG GI MGO PHUG ,KHA CIG GI RKED PA PHUG, KHA CIG GI YAN LAG DANG, NYING LAG THAMS CAD THAL BAR RLOG, KHA CIG GI KHRAG TZAM LUS PAR BYED, KHA CIG GI YAN LAG GCIG 'JIG PAR BYED, KHA CIG LA PHAN TSUN SBRON PAR BYED, RUS PA DANG, RUS PAS SAM, RDO RAB TU 'BAR BA DAG GIS SEMS CAN DMYAL BA PA DE DAG GCIG LA GCIG RDEG CING GSOD DE, SEMS CAN DMYAL BA PA LAS KYIS BSKUL BA DE DAG 'DI LTAR JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU YUN SHIN TU RING PO, LO BGRANG GIS MI LANG BAR SEMS CAN DMYAL BA DE DAG GCIG LA GCIG GSOD DO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS YI DVAGS RANG GI KLAD RGYAS ZA BA'I NANG DU SKYE BAR 'GYUR, DE NAS SHI NAS KYANG TSE RABS SUM BRGYAR DUD 'GRO'I 'JIG RTEN RTZANGS PA DANG, SKYIN 'KHOR DANG, SROG CHAGS BHI LA KAR SKYE BAR 'GYUR RO, ,DE NAS SHI NAS KYANG GAL TE BRGYA LA GNYA' SHING GI BU GAR RUS SBAL 'JUG PA LTA BUR MI RNAMS DANG SKAL BA MNYAM PAR MIR SKYES NA DE TSAL DE GNAS PA DANG, 'GRO LDING BA'I YUL DANG, AANDHA KA'I YUL GYI DBUS DAG TU DBUL BA DANG, NAD BU CAN DANG, GZHAN GYIS BKOL BAR 'GYUR
, ,BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES, SEMS CAN DMYAL BA CHEN PO TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA SKUD PA NAG PO SA 'DRAL ZHING GCOD PA TSA BA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DE THOS PA LAS BYUNG BA'I SHES PAS BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA KUN TU BSTEN CING BSGOMS TE MANG DU BYAS PAS 'GYUR RO, ,LOG PAR LTA BAS NI MTSAN MA DANG, MTSAN MA LAS BYUNG BA BYAS PA STON PAR BYED, SGOM PAR BYED, MANG DU BYED NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA LCAGS NAG PO'I SKUD PAS 'DRAL ZHING GCOD PA TSA BAR SKYE BAR 'GYUR, ,DER GANG SEMS CAN DMYAL BA YANG SOS LA SOGS PA'I GNOD PA BSDUS PA DA DAG THAMS CAD LNGA 'GYUR DU 'BYUNG BA'I STENG DU KHYAD PAR DU 'BYUNG BA NI RANG GIS BYAS PA NYES PAR BYAS PA'I LAS LAS BYUNG BA'I SKUD PA NAG POS GCAL NAS GSHIN RJE'I MI RNAMS KYIS MTSON CHA'I SO RNO ZHING RAB TU 'BAR BA DAG GIS RKANG PA LA SOGS PA NAS MGO'I PAR DU GCOD DO, ,DE LTAR DE DAG GCOD PA NA, SNYING
RJE ZHING RNAM PAR KHRO LA SKAD 'BYIN CING NGU'O, ,MTSON CHAS GSHEGS CING LCAGS NAG PO'I SKUD PAS 'DI LTAR YUNGS DKAR TZAM DU'ANG MI MNGON PAR CHES PHRA BAR GCOD DO, ,DE LTAR SEMS CAN DMYAL BA PA DE DAG JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU YUN SHIN TU RING POR GNOD PA MYONG BAR 'GYUR RO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS TSE RABS LNGA BRGYAR YI DVAGS GTOR MA ZA BA RNAMS KYI NANG DU SKYE BAR 'GYUR, TSE RABS LNGA BRGYAR DUD 'GRO CHU'I SRIN BU DANG, SDIG PA DANG, GROG SBUR GYI SKYE GNAS DAG TU SKYE BAR 'GYUR, GAL TE MI RNAMS DANG SKAL PA MNYAM PAR MIR SKYE NA, DE DE DAG GI RGYU MTHUN PAS DE TSE RABS SU BKRES PA DANG, SKOM PAS GDUNGS PAR 'GYUR ZHING, GANG RGYAL PO GZHAN GYIS GNOD PA BYAS PAR 'GYUR PA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA SRIN BU NA KRA DANG, 'KHOR LO DANG, ME 'JIGS 'JIGS LTAR SKYES PA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, GANG GIS
, ,SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA KUN TU BSTEN CING BSGOMS TE MANG DU BYAS PAS 'GYUR RO, ,LOG PAR LTA BA'ANG BSAMS SHING BSGOMS LA MANG DU BYAS PAS 'GYUR TE, 'DI LTAR 'JIG RTEN 'DI RTAG GO ,'JIG RTEN 'DI THER ZUG GO ,CHOS THAMS CAD RTAG GO ,CHOS RNAMS NI RTAG STE, PHYIN CI MA LOG PA'O ZHES DE LTAR DE PHYIN CI LOG TU LTA BA NI LOG PAR LTA BA YIN TE, PHA ROL DAG KYANG LOG PAR LTA BA DE NYID LA YANG DAG PAR 'JOGS PAR BYED, YANG DAG PAR 'JIN DU 'JUG PAR BYED, YANG NAS YANG DU STON CING 'KHOR LA SMRA BA DANG, RGYU NGAN PA DANG, LTA BA'I MTHA' 'KHOR 'DZIN DU 'JUG CING CHOS MA YIN PA CHOS KYI TSUL DU STON PA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SRIN BU NA KRA DANG, 'KHOR LO DANG, MI 'JIGS 'JIGS LTAR SKYE BAR 'GYUR RO, , DER SKYES NAS GANG SEMS CAN DMYAL BA YANG SOS LA SOGS PA'I GNOD PA BSDUS PA DE DAG THAMS CAD 'BYUNG BA'I STENG DU KHYAD PAR DU 'BYUNG BA NI 'DI LTAR LCAGS KYI KA BA 'BYUNG BAR 'GYUR TE, DE'I KLAD PAR BRGYA BA NAS RKUB TU 'BYUNG NGO, ,DE NAS BYUNG NAS KYANG SA'I NANG DU LHAN CIG NUB BO, ,GSAL SHING GI SA PHUG NAS SRIN BU NA KRA ZHES BYA BAS PAGS PA DANG [?]
SHA DANG, TSIL THAMS CAD ZA LA, DE'I YAN LAG DANG, NYID LAG DAG ZA ZHING 'THUNG STE, KHRAG 'BYIN PAR BYED PA DANG, LUS SGUL BAR BYED PA DANG, SHA GCOD PAR BYED PA DANG, MIG 'BYIN PAR BYED PA DANG, GZHUNGS PA DANG, RGYUS PA 'BYIN CING RTZE YANG GCOD PA DANG, 'DZAG SGO SREG PA DANG, SPU 'THOG PA DANG, PAGS PA 'DRAL BA DANG, RGYUS PA MANG PO'I NANG DU 'JUG BA DANG, SNYING BRAL NAS 'THUNG BA DANG, GLO BA DANG, RGYAB DANG, GNAD DANG, GNAD DAG LA ZA BAR BYED DO, ,DE'I MID PA DANG, LCE DAG PHRA SKAM RAB TU 'BAR BAS DRANGS NAS KHYI ZAR 'JUG GO ;RGYU NGAN PA DANG, LTA BA NGAN PA'I MTHAR CHUD PA NGAN PAR SMRAS PA GANG DE DE'I NYES PAS DE DAG THAMS CAD SDUG BSNGAL GYI BRA BAR CHUD PA YIN TE, SEMS CAN DMYAL BA BA LOG PAR LTA BA; G-YO SGYU'I LTA BA, G-YO SGYUS 'GYED PA DE DAG LOG PAR SMRA PA CHEN PO YIN TE, GANG DE DAG DER RAB TU GTZUD CING LUS KYI CHAD PA DANG, NGAG GI CHAD PA DANG, YID KYI CHAD PAS NYAMS PA DE DAG THAMS CAD JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRING DU YUN SHIN TU RING ZHING LO BGRANG GIS MI LANG BAR SEMS CAN DMYAL BAR SREG GO ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS TSE RABS SUM BRGYAR YI DVAGS MI RO ZA BAR SKYE BAR 'GYUR RO, ,DE
, ,LAS THAR NAS KYANG GAL TE GNYA' SHING GI BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BUS GANG RGYAL PO GZHAN GYIS NYES PA BYAS PA DE DE'I LUS LA 'BAB PA DANG, DE DBUL ZHING NAD BU CAN DANG, GZHAN GYIS BKOL BAR 'GYUR ZHING MI'I SHA LA ZA BA DANG, LUS SNANG BA'I 'DU SHES MI 'THOB PAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO TSA BA'I 'KHOR LA BRTAGS NA; DES THOS PA LAS BYUNG PA'I SHES PAS SEMS CAN DMYAL BA NAGS TSAL GYI ME MUN LTAR 'KHRIGS PA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA KUN TU BSTEN CING BSGOMS LA MANG DU BYAS PAS 'GYUR TE, LAS KYI NYER BSNGOGS DANG, LAS KYI MJUG DANG LDAN PAS 'GYUR RO, ,DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA NAGS TSAL GYI ME MUN LTAR 'KHRIGS PA ZHES BYA BAR SKYE BAR 'GYUR RO, ,LOG PAR LTA BA KUN TU BSTEN CING BSGOMS TE MANG DU BYAS PAS 'GYUR [?]
PA NI 'DI LTAR KHA CIG NI MI RTAG GO ,KHA CIG NI RTAG GO ,DE LA MI RTAG PA NI LUS YIN NO, ,RTAG PA NI SA LA SOGS PA 'BYUNG BA RNAMS YIN TE, DE MTHAR 'DZIN PA LTA BA GNYIS KYI RGYU NGAN PA; LTA BA NGAN PA'I MTHA' GZHAN DAG 'DZIN DU 'JUG CING YANG DAG PAR DGA' BAR BYED DU 'JUG LA YANG DAG PAR RAB TU 'JOG 'KHOR LA CHOS MA YIN PA'I TSUL GYIS CHOS STON CING RAB TU 'JOG PAR BYED PA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA NAGS TSAL GYI ME MUN LTAR 'KHRIGS PAR SKYE BAR 'GYUR RO, ,DER GANG SEMS CAN DMYAL BA YANG SOS LA SOGS PA'I GNOD PA DE DAG THAMS CAD LNGA 'GYUR DU 'BYUNG BA'I STENG DU KHYAD PAR DU 'BYUNG BA NI 'DI LTAR GANG GI TSE GSHIN RJE'I MI'I GNOD PA DAG LAS GAL TE THAR NAS KYANG PHYIS DE'I LAS KYIS BYAS PA'I MUN PA MUN NAG GI TSOGS KYI RLUNG LDANG STE, DES SEMS CAN DMYAL BA PA DE DAG DMIGS PA MED PA NAM MKHA' LA JI LTAR DE'I LUS KYANG MI MNGON PA DE LTAR SKOR RO, ,YONGS SU BSKOR BA DANG RLUNG GZHAN SPU GRI LTA BUR LDANG STE, DES LUS DE CHANG PA NAS BYE MA 'THOR BA LTAR PHYOGS BCUR 'THOR RO, ,DE NAS YANG SKYE BAR 'GYUR TE, YANG 'THOR RO, ,DE LTAR JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU YUN SHIN TU RING BA LO BGRANG GIS MI LANG BAR SDUG BSNGAL DRAG CING TSAL RTZUB BA DAG MYONG BAR 'GYUR
, ,RO; ;DE PHYIS DE LAS THAR PAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS TSE RABS BZHI BRGYAR YI DVAGS SKYUGS PA ZA BA RNAMS KYI NANG DU SKYE BAR 'GYUR RO, ,DE LAS THAR NAS KYANG GANG DUD 'GRO LHAG MA ZA BA BKRES PA DANG, SKOM PAS YONGS SU GDUNGS PA'I LUS SU 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA BUD PA RDO RJE LTA BUS GNOD PA'I GO CHA ZHES BYA BA JI LTAR 'DUG PA DE MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA; GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA KUN TU BSTEN CING BSGOMS TE MANG DU BYAS PAS 'GYUR RO, ,LOG PAR LTA BA NI 'DI LTAR 'KHOR BA 'DI NI THOG MA YOD CING RGYU YOD PA'O, ,GANG 'DI DAG THAMS CAD KYI RGYU RTAG PA DANG, MI RTAG PA GNYIS TE, DES BSKYED DO ZHES RDZUN DE RGYU NGAN PA DANG, LTA BA NGAN PA'I MTHAS BSLAD PA DE CHOS MA YIN PA CHOS KYI TSUL DU STON CING PHA ROL RAB TU 'JOG PAR BYED, YANG DAG PA'I LAM LAS BSKOL BAR BYED CING CHOS LAS PHYIR
ZLOG PAR BYED LA, LOG PAR LTA BA YANG DAG PAR 'DZIN DU 'JUG PAR BYED KYANG DE DE LTAR MA YIN TE, RGYUR GYUR PA RTAG PA GANG YANG MED DO, ,RTAG PA NI DUS DANG BRAL BA, 'GYUR BA MED PA; DE SKYED PA MA YIN PA, NAM MKHA' LTA BU YIN NA DE'ANG GZHAN DU RTOG STE, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA BUNG BA RDO RJE LTA BUS GNOD PA'I GE CHAR SKYE BAR 'GYUR RO, ,DE LUS KYI CHAD PA DANG, NGAG GI CHAD PA DANG, YID KYI CHAD PAS NYEN PAS NYAMS PA, SKYES BU NGAN PA, LOG PAR LTA BA, YANG DAG PAR SMRA BA PHYIR 'GOG PA; YANG DAG PAR MA YIN PA SMRA BA LA RAB TU 'JOG PA, RMONGS PAS LAM NGAN PAR ZHUGS PA, SHES RAB KYI NGA RGYAL CAN RANG GIS YONGS SU BRTAGS PA SMRA BA NI GNOD PA DAG DANG PHRAD DE, GANG SEMS CAN DMYAL PA YANG SOS LA SOGS PA'I GNOD PA BSDUS PA DAG LNGA 'GYUR DU 'BYUNG BA'I STENG DU KHYAD PAR DU BYUNG BA, 'DI LTA STE, GSHIN RJE'I MI PHRA SKAM PHRA MO THOGS PAS SHA BA SBU TZAM DU BTOGS BTOGS NAS DE NYID ZAR 'JUG GO ,BUNG BA'I MCHU RDO RJE CAN LTA BU DAG 'BYUNG BAR 'GYUR LA, GANG DE'I LUS LA LAN TSVA LTAR DRAG PAR BYED DE, DE LA KHRAG DRON PO 'BYUNG NGO,, DE GSHIN RJE'I MI RNAMS KYIS DE NYID ZAR 'JUG STE, ZAS DES DE'I SROG 'TSO BAR BYAS SO, ,NYES BAR BYAS PA'I LAS KYIS BSLUS PA DE'ANG BKRES PA DANG, SKOM PAS LUS DANG,
, ,SNYING BCU 'GYUR DU GDUNGS SO, ,DE NAS YANG LAS DE DANG RGYU MTHUN PAR RANG GI SHA DANG, KHRAG DE NYID 'BYUNG BAR BYED DE, RANG GI LAS KYIS 'CHI BA'I DUS MI BYED DO; ,DE NAS YANG RANG GI SHA DANG, KHRAG DE NYID 'BYUNG BAR BYED DE, JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LAS KYIS BSLUS PA DE YUN SHIN TU RING PO LO BGRANG GIS MI LANG BAR GNOD PA MYONG BAR 'GYUR RO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS TSE RABS BZHI BRGYAR YI DVAGS LHAG MA ZA BAR SKYE BAR 'GYUR RO, ,TSE RABS LNGA BRGYAR DUD 'GRO TZI LIN DA DANG, BA LANG GI NAGS TSAL LA SOGS PAR BKRES PA DANG, SKOM PAS GDUNGS PA'I LUS SU SKYE BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO TSA BA'I 'KHOR LA BRTAGS NA; DES BCU BDUN PA NI GCIG KYANG MA MTHONG LA, 'DI LTAR SEMS CAN DMYAL BA CHEN PO TSA BA'I 'KHOR 'DI'I MTHA' NI 'DI YIN, GNAS PA NI 'DI YIN, LOG PAR LTA BA PA NGAN PAR BYAS PA'I LAS BYAS PA RNAMS KYI GNAS NI 'DI YIN NO SNYAM STE, DES SEMS CAN DMYAL BA CHEN PO BCU DRUG PA LA BRTAGS NAS YANG DAG PA JI LTA BA BZHIN NANG GI CHOS LA
CHOS KYI RJES SU LTA ZHING GNAS PA'I RNAL 'BYOR SPYOD PA DE RAB TU DGA' BA DANG, SA BLA BA'I GNOD SBYIN DAG GIS DE MTHONG NAS, KYE AE MA, DGE SLONG 'DI NI BRTZON PA MNYAMS PA SA GZHAN BCU GCIG PA LA ZHUGS SHING 'KHOR BA'I DUS RNAM PAR GCOD PAR BYED PA DE'ANG SHES NAS DGA' STE, BAR SNANG LA SPYOD PA'I GNOD SBYIN DAG LA SNGA MA BZHIN MNGON PAR BSNYAD NAS, 'OD CHUNG GI LHA'I BAR DAG LA 'DI LTAR RIGS KYI BU CHE GE MO ZHIG CES BYA BA SNGA MA BZHIN DU SBYAR TE, SA GZHAN BCU GCIG PA LA ZHUGS PA, BDUD KYI GZHI DANG LHAN CIG GNAS PAR MI 'DOD PA, NYON MONGS PA 'DOD CHAGS RNAMS DANG LHAN CIG RTZE BAR MI 'DOD PA, YUL LA GNAS PA'I 'GRO BA SDUG BSNGAL GYI GZHI MTHA' YAS PA MI 'DOD PA'I BAR DAG BSNYAD DO, ,DE NAS YANG DGE SLONG DES SEMS CAN DMYAL BA YANG SOS DANG, THIG NAG DANG, BSDUS GZHOM DANG, NGU 'BOD DANG, NGU 'BOD CHEN PO DANG, TSA BA'I 'KHOR LA BRTAGS NAS SEMS CAN DMYAL BA GZHAN LA'ANG BRTAGS NA, DES THOS PA LAS BYUNG BA'I SHES PAS SEMS CAN DMYAL BA RAB TU TSA BA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN
, ,SMRA BA DANG, LOG PAR LTA BA KUN TU BSTEN CING BSGOMS TE MANG DU BYAS PAS 'GYUR RO, ,DGE SLONG MA GZHON NU SDOM PA LA GNAS PA, TSUL KHRIMS MA NYAMS PA, BRKAM PA MED PAR SPYOD PA, 'DOD PA MED PA'I BRTUL ZHUGS NYAMS PAR BYAS SHING DE BZHIN GSHEGS PA'I BSTAN PA LAS 'KHRUL PAR BYAS LA DE SANGS RGYAS LA MI DAD PAR BYAS TE, 'DI LTAR SANGS RGYAS NI THAMS CAD MKHYEN PA MA YIN NA DE'I DGE SLONG MA'I DGE 'DUN RNAM PA 'DI LTA BUS CI ZHIG TU 'GYUR, DE DAG THAMS CAD NI RDZUN YIN TE, BSTAN PA DE NI NGAN PA YIN ZHING DE NI DMAN PA YIN TE, DE LA BYIN PAS CHOS SU MI 'GYUR ZHING DE LA BYIN PAS MYA NGAN LAS 'DAS PA'ANG 'THOB PAR MI 'GYUR TE, DGE 'DUN 'DI NI DMANGS YIN NO ZHES DGE SLONG MA GZHON NU'I BRTUL ZHUGS LAS BSKYOD CING CHOS MA YIN PA MED DO ZHES DE DE LTAR SEMS SU BCUG NAS DGE SLONG MA GZHON NU DE BRTUL ZHUGS LAS SKYOD PAR BYED, CHOS MA YIN PA MED DO ZHES TSUL KHRIMS 'KHRUL PA DANG LTA BA 'KHRUL PAR BYED NA, DE LUS KYI CHAD PA DANG, NGAG GI CHAD PA DANG, YID KYI CHAD PAS LUS DANG BRAL NAS NGAN 'GRO LOG PAR LTUNG BA SEMS CAN DMYAL BA RAB TU TSA BAR SKYE BAR 'GYUR TE, LUS KYI BONG TSOD DPAG TSAD TZAM LA MAR SAR 'JU BA LTA BUR LUS SHIN TU GZHON SHA
CAN DU 'GYUR, DE BZHIN DU MIG DANG, SGRA DANG, REG PA DANG, RO DANG, GZUGS DANG, DRI SHIN TU CHUNG BAS SROG CHAD PAR BYED DE, JI LTA JI LTAR SDIG PA'I SHAS CHER BYAS PA DE LTA DE LTAR LUS DANG, YID CHES SHIN TU GZHON SHA CAN DU 'GYUR RO, ,DE'I LAS NGAN PA BYAS PA DANG, MI DGE BA'I LAS KYI MTHUS 'DI LTAR TSE 'DI LA SDUG BSNGAL SHIN TU DRAG PA DAG MYONG BAR 'GYUR TE, 'CHI BA'I DUS KYI TSE NGES PAR MYONG BAR 'GYUR BA NI, JI LTAR SEMS CAN DMYAL BA YANG SOS SU SKYES PA DE LTAR 'CHI BA'I DUS KYI TSE MYONG BAR 'GYUR RO, ,NYI MA GSUM LON NAS 'CHI BA'I BAR DU DE'I KYI [?] LKUGS PAR 'GYUR ZHING 'JIGS PA'I 'DU SHES SU 'GYUR, 'DU BYED RNAMS NYAM CHUNG BAR 'GYUR, RNAM PAR SHES PA SHIN TU SKRAG PAR 'GYUR TE, TSUL DE LTA BUR 'BYUNG BA CHEN PO BZHI RNAMS KYIS DKRUGS NAS SHIN TU SDUG BSNGAL BAR 'GYUR RO, ,SA'I KHAMS SRA BA'I NGO BO 'KHRUGS PAS LUS DANG, RTZA DANG, RGYUS PA DANG, MID PA THAMS CAD SHIN TU 'GOG PAR BYED, 'BUGS PAR BYED, RAB TU 'BUGS PAR BYED, RNAM PAR MTHO 'TSAMS PAR BYED, MAR SAR GYI GONG BU BZHIN DU GNOD PAR BYED, SHIN TU 'THAG PAR BYED CING 'THAS PAR BYED DO, ,CHU'I KHAMS 'KHRUGS PAS KYANG LUS DANG, RTZA THAMS CAD DANG, RGYUS PA BRGYA DAG GIS 'CHING BAR BYED, CHES MKHRANG BAR BYED, CHU SER DU BYED, LHOD LHOD POR BYED, DRI SKYED [?]
, ,PAR BYED, SRIN BU GSOD PAR BYED, 'DZAG SGO THAMS CAD 'GAG PAR BYED, SGRA NGAR NGAR PO 'BYIN PAR BYED, MID PA DANG, LCE'I 'DZAG SGOR GYUR PA'I TSOR BA GNOD PAR BYED, YAN LAG DANG, NYING LAG THAMS CAD LAS RDUL 'BYUNG BAR BYED DO, ,ME'I KHAMS 'KHRUGS PAS KYANG LUS DANG, RTZA DANG, RGYUS PA THAMS CAD SREG PAR BYED, 'TSED PAR BYED, SDUG BSNGAL GYIS NYAM THAG PAR BYED, PAGS PA ZANGS KYI MDOG LTA BU BYED, NANG DU SREG PA SKYED PAR BYED, PHYI ROL TU RNAM PAR SREG PA SKYED PAR BYED , SRED PA'I STOBS RAB TU SKYED PAR BYED, KHA SKAM PAR BYED, SNYING SREG PAR BYED DO, ,RLUNG GI KHAMS 'KHRUGS PAS KYANG YANG BA'I NGO BO G-YO BA LAS NAM MKHA' LA BTEGS NAS 'DOR BA BZHIN BYED, RTZUB PA'I DNGOS POS YAN LAG DANG, NYING LAG THAMS CAD DANG, KHAMS THAMS CAD SHIN TU RTZUB PAR BYED DO, ,YAN LAG DANG, NYING LAG THAMS CAD DANG, GNAD THAMS CAD KYI BAR BAR DU RLUNG BIB PA LA KA DANG, SPU TZA KA KHAB LTA BUR GYUR PA RGYU STE, RLUNG BIB PA LA KA KHAB LTA BU RAB TU 'BAR BA DAG GIS BA SPU'I KHUNG BU LA SOGS PA NAS KHA CHU DANG; PAGS PA DANG, SHA DANG, TSIL DANG, RUS PA DANG, RKANG PA DANG, KHU CHU'I BAR DAG LA 'JOG PAR BYED DE, STE'U BZHIN DU GCOD PAR BYED, 'JOG PAR BYED, DBANG PO'I
LAM THAMS CAD 'GOG PAR BYED, BSHANG BA DANG, GCI BA'I GNAS 'GOG PAR BYED, SROG CHAGS KYI DBUGS YANG DAG PAR 'GOG PAR BYED, MID PAR MID PA'I SGO'I LAM LOG PAR BYED; LTA BAS 'DU SHES PHYIN CI LOG TU BYED, RNA BAS SGRA MI SNYAN PA THOS, DE'I SNAR CHU 'BYUNG ZHING DE'I SEN MO DAG SNGON POR BYED, SNA YON POR BYED CING RLIG PA 'DOMS SU 'PHYANG PAR BYED, RKUB KHA NA BA DANG, PHO MTSAN NA BA DANG, REG PA MDAG ME DANG MTSUNGS PAS SDUG BSNGAL BAR BYED, PAGS PAR GTOGS PA DANG, PAGS PA DAG SKRANGS PAR BYED, DE'I SKRA DANG, SPU DAG SHIG SHIG POR BYED DE, NYES PAR BYAS PA MI MTHUN PAR SPYAD PA DAG 'CHI BA'I DUS SU SDUG BSNGAL MI BZAD PA 'BYUNG BA'I PHYOGS TZAM ZHIG BSHAD PA YIN TE, DE LTAR NYIN ZHAG GSUM DU 'BYUNG BA CHEN PO BZHI 'KHRUGS PA RNAMS KYIS RNAM PAR 'TSE'O, ,GANG GI TSE DUS THA MA 'BAB PAR 'GYUR BA NA, SEMS CAN DMYAL BA PA DE'I 'JIG RTEN PHA ROL GYI MTSAN MA 'DI DAG 'BYUNG BAR 'GYUR TE, 'DI LTA STE, DE'I GNAS THAMS CAD PHYAR BA NGAN PA RAB TU 'BAR BAS KHEBS PAR SNANG ZHING RMI LAM GYI GZUGS LTA BU DAG MTHONG NGO, , GNAS MED PA'I SENG GE DANG, STAG GI GZUGS 'JIGS 'JIGS LTAR 'DUG PA'I RNAM PA DE LTA BU DANG, GZHAN YANG, SHIN TU 'JIGS 'JIGS LTAR 'DUG PA MI SDUG PA DANG [?]
, ,MTHONG NGO, ,RNA BAS SGRA 'UR 'UR PO 'JIGS SHING MI DGA' BA'I TSIG DAG THOS SO, ,DE'I PAGS PA MTSON NYID KYIS GCOD DO, ,SRID PA THA MA PAR BAB PA NA RLUNG DE DE'I STANG DU 'BYUNG BAR 'GYUR TE, SEN MO DAG BTANG NAS RKANG PA DAG GTONG, RKANG PA DAG BTANG NAS BYIN PA GTONG, BYIN PA BTANG NAS BRLA GTONG, BRLA BTANG NAS 'DOMS GTONG, 'DOMS BTANG NAS LTO GTONG, LTO BTANG NAS SNYING GTONG, SNYING BTANG NAS SGRA NGAR DAR BOR BYED DE, MCHIL MA DAG SKAMS PAR BYED LA MIG YA GCIG DMAR POR BYED DO, ,GSHIN RJE'I MI LAG NA RAL GRI DANG, THO BA THOGS PA NAM MKHA' LA 'GRO BA DAG MTHONG BA DANG, DE'I MDZA' BSHES DANG, NYE DU DAG NA RE, NAM MKHA' LA REG PAR 'DOD DO ZHES SMRA'O, ,DE DBUGS CHEN POS NYAM THAG CING LUS DANG BRAL, DBUGS CHAD NAS MAR ME DAN PA SNYING PO DRI MA CAN BSREGS PA LTAR 'JIG RTEN 'DI NAS SRID PA BAR MAR SKYE STE, RGYU DANG MTSUNGS PAR 'BRAS BU DAG 'BYUNG NGO, NYES PAR BYAS PA'I LAS KYI MTHA' SPYOD PA DE SRID PA BAR MA PA'I SDUG BSNGAL RNAMS KYIS MNGON PAR NYAMS PAR 'GYUR RO, ,DES BDAG NYID JI LTAR MI LO BRGYAD KHRI BZHI STONG THUB PA'I BYIS PA LO BRGYAD LON PA'I TSAD DE LTA BUR MTHONG STE, SKYE BO DAG NI THAMS
CAD NAS THAMS CAD DU MI SNANG NGO, ,'BYUNG BA CHEN PO PHRA BA DANG, RAGS PA DAG 'BYUNG STE, PHRA MO BLTAR MED CING THOGS PA MED PA DE LTA BU BYUNG BAS GANG RI RAB PHUG NAS 'GRO YANG BDAG NYID DANG RI RAB LA 'DI GNOD PA MED NA, RI GZHAN DAG LA LTA SMOS KYANG CI DGOS, DE LTAR DE DAG NYID LCAGS NAG PO LTA BU'I KHA DOG DANG MUN PA MUN NAG GI RDZOD GI NANG DU ZHUGS PAR MTHONG STE, DE BDAG NYID KYI LAS BYAS PA, DES SPU THAMS CAD 'BAR BAR MTHONG NGO, ,BDAG NYID GSHIN RJE'I MI RNAMS KYIS LCAGS KYI THAG PA NAG POS PHYIN CI LOG TU DAM PAR RAB TU BCINGS PAR MTHONG STE, RKANG PA DAG KYANG SHIN TU DRAG CING DUG GIS REG PA LTAR MKHRANG BA, GZUGS SHIN TU 'JIGS 'JIGS LTAR 'DUG CING THAGS THOGS MED PAR 'GRO BA GZHAN YOD PAS THAMS CAD KYI NANG NA BCING BA DAM POS BDAG NYID BCINGS PAR MTHONG STE, JI LTAR SKRA'I RTZE MO'I PHYOGS TZAM YANG BCINGS PA DAM PO DES DE LTAR MA BCINGS PA MED DO, ,SGRA DANG, REG PA DANG, RO DANG, GZUGS DANG, DRI MI 'DOD PA DAG 'BYUNG BAR 'GYUR TE, 'DI LTA STE, MIG GIS GZUGS MIG DANG MI MTHUN PA, KHA DOG MI SDUG PA, 'JIGS 'JIGS LTAR 'DUG CING RAB TU 'BAR BA MANG PO DAG MTHONG NGO, ,RNA BAS KYANG GANG TSIG DE LA DGA' BAR MI 'GYUR PA, MI SNYAN PA, MI 'DOD PA ,
, ,YID DU MI 'ONG BA DAG THOS SO, ,'DI LTA STE, NYES PAR BYAS PA'I LAS KYI MTHA' SPYAD PA LUS KYI CHAD PA DANG, NGAG GI CHAD PA DANG, YID KYI CHAD PA MI PHAN PA BYED PA DAG 'DIS 'THOB STE, MIS LEGS PAR BYAS PA'I RIN PO CHE'I GLING GIS BSLUS SHING MI DGE BA BCU'I LAS KYI LAM MI GTZANG BA BSAM BZHIN DU SPYOD PA, PHYIN CI LOG GIS RIN PO CHE'I GLING NYAMS PA, MTSON DANG, ME DANG, DUG DANG, G-YANG SA LTA BU'I 'DOD PAS BSLUS PA, GZHAN GYI BUD MED KYI TSIG GIS RNAM PAR BSLUS SHING DE LA 'DOD PA DES MI DGE BA RNAM PA GSUM BYAS SO, ,BLO NGAN PAS RANG GI LAS NYES PAR SPYAD PA DE DE LTAR SEMS CAN DMYAL BA RAB TU TSA BAR SDUG BSNGAL SNA TSOGS KYI NYAM THAG PA DAG JI LTAR BU DANG, CHUNG MA MTHONG BAS BSLUS PA NYES PAR SPYAD PA'I CHAD PA RNAM PA 'DI LTA BU YANG MI 'BYUNG BAR BYA PA'I PHYIR BDAG CAG GIS RNAM PA BRGYA STONG PHRAG DU MAR GNOD PA BYA'O SNYAM NAS GSHIN RJE'I MI RNAMS KYIS SRID PA BAR MA PA DAG LA, RJES SU BSTAN PA'I TSIGS SU BCAD PA SMRAS PA; GNYEN BSHES TSUL NI DGRA YIN TE, ,MI PHAN PHAN PA'I TSUL GYIS KHYOD, ,BCOM NAS MI YI 'JIG RTEN NAS, ,DE RING MUN NAG CHEN POR 'GRO ,JI LTAR LAS NI RNAM
GSUM BYAS, ,NYES GSUM BYAS PA DGRA GZHAN MED, ,LAS RNAM GSUM GYIS KHRID DE 'ONGS, ,GSHIN RJE'I GNAS SU KHRID PAR BYED, ,LAS BDAG GCIG CIG BYED PA NI, ,'BRAS BU GCIG CIG MYONG BAR 'GYUR, ,SKYE BO SKYE BO'I GROGS MED PAR, ,RDZONG NI GCIG CIG BRGAL BAR 'GYUR, ,SKYE BO GANG ZHIG SKYE BO 'DOD, ,NYES PAR BYAS PA MANG DU BYED, ,SKYE BOS SKYE BO SKYOB MI NUS, ,SKYE BO RANG GIS BYAS LA SPYOD, ,SKYE BO BU YI 'DU SHES KYIS, ,RMONGS PA CI YI PHYIR NA BSLUS, ,RMONGS PAS BSLUS PA KHYOD KYIS SU, ,SBYIN LA SOGS PA'I BLO MA BSKYED,, 'JIG RTEN 'DI DANG PHA ROL GYI, ,'JIG RTEN DE BZHIN 'BRANG BA'I DGRA ,DGRA YI NANG NA DGRA DANG PO, ,NGAN SONG THAMS CAD RNAM STON PA, ,DUG DANG ME DANG MTSON LTA BU, ,RANG GIS BYAS PA NGAN BYAS YIN, ,KHYOD KYIS LAS NI BYAS PA DAG ,KHYOD NYID RJES SU SPYOD PA YIN, ,GZHAN GYIS BYAS PA'I LAS DE NI, ,PHA ROL DAG LA 'PHO BA MED, ,MI YIS NYES PAR SPYOD BYAS PA, ,'JIG RTEN 'DI DANG PHA ROL DANG, ,THOG MA BAR DANG THA MA RU, ,BDE 'BYUNG BDE BA'I RO MI MYONG, ,DE NYID 'DOD PAR MI BYED PA'I, ,SEMS NI RNAM PAR DKRUGS PA BYAS, , BYIS PA'I SEMS DANG YID 'PHROGS PA, ,MI DGE'I CHOS NI RNAM PAR 'PHEL, ,YID KYIS BSLUS PA'I SEMS CAN NI, ,YID KYIS RAB TU RNAM PAR CHAGS, ,MUN PA NAS NI MUN PA
, ,RU; ;SEMS CAN DMYAL BAR SDIG CAN 'GRO ,'KHOR BAR MUN PAS BSGRIBS PA DAG ,SANGS RGYAS BSTAN PA RNYED PAR DKA', ,GANG DAG CHOS NI MI 'DOD PA, ,SDUG BSNGAL SHIN TU SDUG BSNGAL 'GRO ,GANG ZHIG RTAG TU SEMS MA ZHI, ,YUL RNAMS KYIS NI NGES PAR 'JOMS, ,GNAS 'DI DAG TU DE 'GRO STE, ,'DI LTAR KHYOD NYID RJES SU LTOS, ,DE LTAR NYES PAR BYAS PA'I LAS KYI MTHA' SPYAD PA, RANG GI LUS DANG, NGAG DANG, SEMS KYIS BSLUS SHING NYES PAR BYAS PA NI GSHIN RJE'I MI DE DAG GIS RJES SU BSTAN NAS SEMS CAN DMYAL BA CHEN PO RAB TU TSA BAR SONG STE, SNAS NI LJAN LJIN DANG, RUL BA DANG, MI GTZANG BA'I TSOGS KYI DRI SHIN TU MI ZHIM PA DAG MNOM MO; ;LCES NI ZANGS RAB TU TSA ZHING MKHRANG LA RO BRO BA MED PA DANG, DRI DANG, RO DANG, GZUGS YID DU MI 'ONG BA DAG MYONG NGO, ,SEMS CAN DMYAL BA PA'I LUS KYIS KYANG RLUNG SPU GRI DANG, ME LTA BU DANG BCAS PAS REG GO ,YUL 'JIGS PA LNGAS MI 'JIGS PA'I YID KYANG SEMS CAN DMYAL BA CHEN PO SNGAR BSTAN PAS SHIN TU RNAM PAR SLONG BAR BYED DO; ;MID PA'ANG GSHIN RJE'I MIS RAB TU DAM POR BCINGS SHING LAS KYI RLUNG LANGS PA'I SEMS CAN DAG GIS DBANG MED PAR KHRID DO, ,GSHIN RJE'I MI BZHIN BSGYUR CING
LAG PA DANG, RKANG PA DANG, LTO DANG, SEN MO SO SO NA 'JIGS PA, 'BRUG GI 'UR SGRA 'JIGS SHING LAG NA MTSON CHA THOGS PA SPRIN NAG PO LTA BU DANG, MIG 'BAR ZHING RAB TU 'BAR LA MCHE BA 'KHOR LO LTAR RNO BA, GSUS PA RAB TU CHE ZHING LAG PA THUNG BA, SEN MO MKHRANG ZHING RNO LA ROD PA, LUS THAMS CAD RTZA SPOM POS KHYAB PAR SPREL BA'I RNAM PA DE LTA BU DAG GIS NYES PAR BYAS PA'I LAS KYI MTHA' DPYAD PA DE DE LTAR DPAG TSAD BYE BA SUM CU RTZA DRUG DANG, 'OG TU DPAG TSAD BYE BA BCU DANG, SA DANG, RGYA MTSO DANG, GLING DANG, TSONG 'DUS DANG LDAN PA DPAG TSAD STONG PHRAG DRUG CU RTZA BRGYAD DU KHRID DE, RGYA MTSOR GTOGS PAR DE 'DUG GO ,RNAM PA 'DI LTA BU'I LAS KYI RLUNG GIS 'PHAGS PA NI GANG DU YID KYIS KYANG DPE BYA BAR SLA BA MA YIN NO, ,NYI MA DANG, ZLA BA DANG, RLUNG 'GRO BA MED DE, RLUNG RNAMS KYI NANG NA NI LAS KYI RLUNG MCHOG YIN TE, GZHAN RLUNG MA YIN PA DE LTA BUR NYES PAR BYAS PA'I LAS KYI MTHA' DPYAD PA DE KHRID DE, GSHIN RJES SNGA MA BZHIN RJES SU BSTAN TO, ,NYES PAR BYAS PA'I LAS KYI ZHAGS PAS BCINGS PA GSHIN RJE'I GNAS DE NAS BYUNG NAS, SEMS CAN DU BGRANG BA LUS DANG LDAN PA'I LAS MI GTZANG BA RNAMS KYIS BCINGS PA SEMS CAN DMYAL BA RAB TU TSA BA DER KHRID DO, ,SEMS CAN DMYAL BA DE RGYANG RING PO NA KUN TU RAB TU 'BAR BA MUN
, ,PA MUN NAG DANG, RGYANG RING PO NA ME 'BAR BA, RANG GI BONG TSOD DPAG TSAD LNGA STONG YOD PA, SKYE 'GRIB MED PA, CHES NYUNG BA DANG, CHES MANG BA MTHONG NGO; ;DPAG TSAD SUM STONG NA SEMS CAN DMYAL BA PA RNAMS KYI SGRA 'BYIN PA THOS TE, ,SO SO NI SNYING RJE RJE SKAD DANG, 'JIGS SHING DMAN LA GDANGS MI SNYAN PA DGA' BA MED CING SDUG BSNGAL TSA BA RTZUB PA BZOD PAR DKA' ZHING RO BRO BA MED PA RNAM PA DU MA DAG LO 'BUM PHRAG BYE BA DU MAR LO BGRANG GIS MI LANG BAR RGYUN DU SGRA 'BYIN PA THOS SO, ,SEMS CAN DMYAL BA PA DE SEMS CAN DMYAL BA PA RAB TU TSA BAR SGRA 'BYIN PA DES THOS NAS YID BCU 'GYUR DU 'JIGS SHING SKRAG GO ,SEMS CAN DMYAL BA CHEN PO RAB TU TSA BA GA LA BA DE'I PHYOGS SU YANG GSHIN RJE'I MI RNAMS KYIS KHRID NAS TSIGS SU BCAD PA 'DI DAG SMRAS SO, ,'DI NI SEMS CAN DMYAL BA'I SGRA, ,THOS NAS BLO NGAN KHYOD 'JIGS SAM, , GANG DU KHYOD NI ME YIS SU, ,SHING LTAR BSREGS NA JI LTAR BYA, ,ME YIS BSREGS PA BSREG PA MIN, ,NGAN PAR BYAS PAS KHYOD BSREGS SO, ,ME NI ZHI BAR 'GYUR SRID KYI, , NAM YANG NGAN BYAS ME MI ZHI, ,ME YIS 'JIG RTEN MTHAR MI KHYER, ,ME YI PHYI BZHIN ME MI 'BRANG, ,NGAN BYAS SDIG PA'I ME 'DI YIS, ,KHYOD DANG BCAS PAR MYUR BAR SREG ,NGAN [?]
BYAS ME YIS GANG BSREGS PA, ,MI DE DAG NI DMYAL BAR SREG ,NGAN BYAS ME NI GANG SPONG BA, ,DE DAG DMYAL BA'I 'JIGS PA MED, ,GANG DAG BDAG TU GCES 'DOD DANG, ,GAL TE DMYAL BAR RNAM 'JIGS NA, ,SDIG PA DAG NI RNAM PAR SPANGS, ,DE LAS SDUG BSNGAL 'BYUNG MI 'GYUR, ,SDIG PA SHIN TU RNAM SPANGS PA, ,SEMS NI RTAG TU GTZANG BA DANG, , LUS DANG DAG GI TSOGS ZHI BA, ,MYA NGAN 'DAS PA YONG MI RING, ,SEMS CAN RTAG TU SDIG SEMS PA, ,RTAG TU GTI MUG DBANG DU SONG, ,SEMS CAN DMYAL BA DRAG PO THOB, ,CI PHYIR RAB TU MCHI MA 'BYIN, ,NGAN BYAS THOG MA BAR THA MAR, ,SDUG BSNGAL SDUG BSNGAL RNAM SMIN DANG, ,DE BZHIN SDUG BSNGAL 'GRO BA DANG, ,LEGS PA YONGS SU SMIN MI 'GYUR, , 'JIG RTEN PHA ROL KHYOD KYIS SDIG ,SDIG PA GANG DAG NGAN BYAS MANG, ,DE YI 'BRAS BU RNAM SMIN NI, ,DE RING MI BZAD NYE BAR SPYOD, ,MI YIS NGAN BYED BYAS PA NI, ,MI BZAD SHIN TU MI BZAD 'GRO ,MI YIS LEGS BYED BYAS PA NI, ,BDE LAS SHIN TU BDE BAR 'GRO ,SDIG PA'I 'BRAS BU MI BZAD PA, ,BDE BA 'THOB PAR 'GYUR BA MED, ,BDE BA DAG GI 'BRAS BU YANG, ,MI BZAD LOG PAR SMIN MI 'GYUR, ,'KHOR BA THOG MA MED PA NAS, LEGS BYAS 'BRAS BU BDE BA DANG, ,NGAN PAR BYAS PA'I LAS DAG NI, ,DE BZHIN SDUG BSNGAL 'BRAS
, ,BU DRAN, ,RGYU RKYEN 'DRA BAR 'BYUNG 'GYUR GYI, ,LOG PAR RTOG PAR MI BYED DE, ,JI LTAR SNGON GYI RGYU BYAS PA, ,DE LTAR 'BRAS BU THOB PAR 'GYUR, ,DE LTAR SRID PA BAR MA DER LAS KYIS BYAS PA'I GSHIN RJE'I MI RNAMS KYIS RJES SU BSTAN NAS DE SEMS CAN DMYAL BA DER KHRID DO, ,THOS NA'ANG SPU ZING ZHES BYED CING SHIN TU 'JIGS PA MTHONG NA LTA SMOS KYANG CI DGOS PA SRID PA BAR MA DES MTHONG NAS GZUGS LA SOGS PA'I PHUNG PO DE DAG JI LTAR SEMS CAN DMYAL BAS BYAS PA DRO BA 'DOD PA DE LTAR GRANGS BAR BYAS PA'I SDUG BSNGAL MI BZAD PAS SDUG BSNGAL LO, ,DE NYE BAR LEN PA NYID LAS SRID PA 'BYUNG LA DE LTAR SRID PA'I YAN LAG LA GNAS PA DE LAS SKYE BA 'BYUNG STE; DE'I MI DGE BA'I LAS GANG YIN PA SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BAS DGE SLONG MA ZHES SDANG MED PA, TSUL KHRIMS DANG LDAN PA, 'DOD PA MED PA, 'OS PA MA YIN PA LA RUNG BAR BZUNG STE, SUN PHYUNG NA DE'I MI DGE BA'I LAS BYAS SHING BSAGS PA'I RNAM PAR SMIN PA LCI BA'I SHUGS GANG YIN PA DES ME'I PHUNG PO 'BAR BA RGYAR DPAG TSAD LNGA BRGYA YOD CING 'PHANG DU DPAG TSAD NYIS BRGYA YOD PA DER LAS NGAN
PA BYAS PAS 'PHANGS TE, JI LTAR RI MTHON PO LA LCAGS KYI MDA' 'PHANGS PA THAGS THOGS MED PAR 'GRO BA SHUGS KYIS 'PHEN PA DE LTAR SEMS CAN DMYAL BA BA DE ME THAB DER 'DOR RO, ,'DOR BA NA LAS KYIS BYAS PA'I PHUR BU RNAMS 'BYUNG BAR 'GYUR TE, GANG BYUNG BA TZAM GYIS KYANG LUS YONGS SU MI GTONG NGO, ,DE LTAR DE'I MGO THUR DU DBYANGS SHING RKANG PA GYEN DU BSGRENG STE 'DOR BA NA, DANG PO KHO NAR MES MIG DANG, MGO'I PAGS PA SREG GO ,DE NAS MGO'I THOD PA, DE NAS 'GRAM PA'I RUS PA, DE NAS SO, SO'I 'OG SO DRUNG, SO DRUNG GI 'OG TU MGRIN PA'I RUS PA, MGRIN PA'I RUS PA'I 'OG TU RGYAB KYI RUS PA DANG, BRANG RUS, BRANG RUS KYI 'OG TU MGRIN PA DANG, MID PA, DE'I 'OG TU MCHIN PA, MCHIN PA'I 'OG TU MCHER PA, MCHER PA'I 'OG TU RGYU MA, RGYU MA'I 'OG TU GNYE MA, GNYE MA'I 'OG TU 'DOMS, 'DOMS KYI 'OG TU PHO MTSAN, PHO MTSAN GYI 'OG TU BRLA, BRLA'I 'OG TU PUS MO'I LHA NGA; PUS MO'I LHA NGA'I 'OG TU PUS MO GNYIS KA ,PUS MO GNYIS KA'I 'OG TU SOR MO STE, DE LTAR DANG PO LAS BYED PA NGAN PA BYAS PA DE SEMS CAN DMYAL BA BA'I ME'I DONG DU 'DOR BA SREG CING 'TSO'ANG SDUG BSNGAL RGYUN MI 'CHAD PAR 'BYUNG STE, JI LTA JI LTAR NGAN PA BYAS PA'I LAS YANG DANG, YANG DU BYAS PA DE LTA DE LTAR SEMS CAN DMYAL BA BA'I SDUG BSNGAL
, ,YANG DANG, YANG DU 'BYUNG LA DE SHUGS KYIS 'BAR BA'I PHRENG BA'I THAB TU 'DOR ZHING SA GZHI RDO RJE LTA BU LA PHYER BTAGS PA DANG, SKYES NAS DE NAS YANG JI LTAR PHO LONG DANG POR SA LA BRDAB NAS, BRTUD DE BRTABS PA DE LTA DE LTAR DE'I RO STOD SNGA LA RO SMAD PHYIR 'DOR BA DU SKAD 'DON PA NA DE NAS YANG 'OR RO, ,'BAR BA'I PHRENG BAS PHANGS PA'I LUS DE DE NAS YANG SREG PA NA, SNGA MA BZHIN DU ME LCE'I NANG DU 'JUG GO ,DE LTAR DE LO 'BUM PHRAG DU MAR SEMS CAN DMYAL BA'I ME THAB DER SREG GO ;BSREGS NAS DE NAS YANG DUS ZAD KYI BAR DU 'BYUNG NGO, ,DE NAS ME THAB DE LAS SEMS CAN DU BGRANG BA MA YIN PA GSHIN RJE'I MI PHRA SKAM RAB TU 'BAR BA THOGS PAS MI DE BZUNG NAS 'DREN TO, ,PHRA SKAM RAB TU 'BAR BA'I RNAM PA DE LTA BU DE BAS GANG ME THAB CHES GRANG STE, PHRA SKAM NYIS GYUR GYIS TSA BA GANG YIN PA DE'I RGYU NI GANG, RKYEN NI GANG YIN SNYAM NAS DE LA RGYU NI 'DI YIN TE, GANG SROG GCOD PAS ME THAB TU SREG LA, SROG GCOD PA DANG, MA BYIN PAR LEN PA NGAN PA BYAS PA DAG PHRA SKAM GYIS NYIS GYUR DU RAB TU SREG STE, RGYU NI DE YIN, RKYEN NI DE YIN, GZHI NI DE YIN NO, ,PHRA SKAM GYIS NYIS GYUR DU RAB TU SREG PA GANG YIN PA'I PHRA SKAM DES DRANGS NAS SEMS CAN DU BGRANG BA MA
YIN PA GSHIN RJE'I MI DE RNAMS KYIS LCAGS KYIS GZHI RAB TU 'BAR BA'I STENG DU 'JOG GO ,PHUR BU RAB TU 'BAR BA'I PHUR BU DES DE'I RGYAB DANG, 'DOMS SNGA MA BZHIN PHUG NAS DE'I STENG DU BZHAG LA RAL GRI SHIN TU RNON PO RAB TU 'BAR BAS RLIG PA DANG, PHO MTSAN LHAN CIG GCOD DE SDUG BSNGAL SUM GYUR DU MYONG NGO, ,DE'I RGYU NI GANG YIN, RKYEN NI GANG YIN , GZHI NI GANG YIN SNYAM NA, DE LA RGYU NI 'DI YIN, RKYEN NI 'DI YIN, GZHI NI 'DI YIN TE, 'DI LTA STE, SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM BRGYU DANG RKYEN DANG GZHIR GYUR TE, RGYU DES SDUG BSNGAL SUM GYUR DU MYONG NGO, ,'DI LTA STE, LCAGS MGAR GYIS NA LCAGS MGAR RAM, LCAGS MGAR GYI SLOB MAS SPUD PA BLANGS TE DBUGS KYIS BKANG NAS JI LTA JI LTAR DBUGS KYIS 'BUD PA DE LTA DE LTAR NYES PAR BYED PA'I LAS KYI MTHA' BYAS PA DE BZHIN DU SREG GO ,NYES PAR BYAS PA'I MGAR PA NI LAS DANG MJUG CES BYA BA'I TSIG BLA DVAGS SO, ,MGAR BA'I SLOB MA NYES PAR BYAS PA'I LAS ZHES BYA BA NI LAS KYI NYER BSDOGS ZHES BYA BA'I TSIGS BLA DVAGS SO, ,RLUNG ZHES BYA BA NI LAS KYI RLUNG ZHES BYA BA'I TSIG BLA DVAGS SO, ,SPUD PA ZHES BYA BA NI LTA BA NGAN PA ZHES BYA BA'I TSIG BLA DVAGS SO, ,MDAG ME RAB TU 'BAR BA ZHES BYA BA NI SEMS CAN DMYAL BA PA ZHES BYA BA'I TSIG BLA
, ,DVAGS SO, ,JI LTA JI LTAR SBUD PA 'BUD PA DE LTA DE LTA SREG CES BYA BA NI SEMS CAN DMYAL BA BA DAG KYANG JI LTA JI LTAR SHIN TU MI DGE BA'I LAS BYAS BA DE LTA DE LTAR SDUG BSNGAL SHIN TU MI BZAD PA MYONG BAR 'GYUR TE, DE NI RGYU YIN, DE NI RKYEN YIN NO, ,RAL GRI'I GNOD PA GANG GIS DE SHIN TU MI BZAD PA SUM GYUR DU 'BYUNG BAR 'GYUR TE, SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA KUN TU BSTEN CING BSGOMS TE MANG DU BYAS PA RNAMS KYI 'BRAS BU DE YIN PAR RIG PAR BYA'O, ,SEMS CAN DMYAL BA PA DE 'JIGS PAS MIG BLONG BA RNAM PAR SGRA 'BYIN CING 'PHAGS PA MA YIN PA'I LAS KYIS 'TSED PA NA, DRIS PA, KYE GROGS PO DAG ,KHYED CAG LA CI ZHIG GNOD, SDUG BSNGAL DE DAG GIS MNGON PAR NYAM THAG PA DES GSHIN RJE'I MI RNAMS LA 'DI LTAR SDUG BSNGAL TSA BA DAG GIS NYAM THAG PA'I SDUG BSNGAL 'DI DAG NI SDUG BSNGAL BA MED KYI 'DI LTAR BDAG CAG NI SKOM PAS GDUNGS SO ZHES SMRAS PA DANG, DE GSHIN RJE'I MI DE DAG GIS THOS NAS 'JIGS PA'I RLABS ZHES BYA BA ZANGS DANG; ZHE NYE BSREGS PA RAB TU BSKOL BA'I RLABS KYIS 'GRAM GNYIS KA GNOD PA, CHU BO'I RLABS KYI SGRA MTHONG ZHING THOS NA, 'JIGS SHING DNGANG BA DE NAS LCAGS KYI SNOD
KYI NANG DU ZANGS ZHA NYER BSREGS TE BSKOL BA DER BLUGS NAS KHYER TE 'ONGS NAS, 'DI LTAR KYE GROGS PO DAG ,'THUNG ZHES SMRAS SO, ,DE SKOM PAS GDUNGS PA'I BSAM PAS BTUNG BA YIN NO SNYAM NAS, DE LAG PA GNYIS KAS BLANGS NAS LAS KYIS BSGRIBS PA SKOM PAS GDUNGS PA 'THUNG BA DANG, DE'I MCHU SREG CING LCE SREG PA NAS MGUL BA DANG, MID PA'I BAR NAS RO SMAD KYI BAR DU 'BYUNG STE, DE SDUG BSNGAL BZHI 'GYUR DU MYONG NGO, ,BZHI 'GYUR DU BREGS PA DE'I LAS KYI 'BRAS BU GANG YIN SNYAM NA, GANG GIS SROG GCOD PA DANG, MA BYIN PAR LEN PA DANG, , 'DOD PAS LOG PAR G-YEM PA DANG, CHANG 'THUNG BA NI SDOM PA BLANGS PAS 'THUNGS SHING KHYIM GYI GNAS NA BYUNG BA SDOM PA BLANGS PA'I DGE SLONG MA DAG LA BLUD PA DE'I 'BRAS BU NI 'DI YIN TE, 'DI LTAR SEMS CAN DMYAL BA PA DE ZANGS DMAR PO RAB TU BSKOL BA DE LA 'THUNG BA'I BSAM PAS LEN PA DE YIN NO, ,DE BZHIN DU DGE SLONG TSUL KHRIMS DANG LDAN PAS BTUNG BA RUNG BA YIN NO SNYAM NAS CHANG DE'ANG DUG HA LA HA LA LTA BU YIN TE, DGE SLONG BLO ZHAN PA DES SBYIN PA PO DANG, SBYIN BDAG DAG GIS LA DPO BAR MA NUS SHING DGE 'DUN LA 'JIGS NAS 'THUNGS PA DE'I 'BRAS BU NI 'DI YIN TE, SEMS CAN DMYAL BA BA'I ZANGS PA ZHUS PA DES DAG LA DPO BAR MI NUS TE, LAS DE'I 'BRAS BU NI DE YIN NO,, ,,'PHAGS
, ,PA DAM PA'I CHOS DRAN PA NYE BAR GZHAG PA, BAM PO BCU GSUM PA, DE NAS YANG GSHIN RJE'I MI DE DAG GIS SEMS CAN DMYAL BA BA DE DAG LA DRIS PA; 'DI LTAR KYE GROGS PO DAG ,KHYED LA CI ZHIG GNOD, SEMS CAN DMYAL BA BA DE DAG GIS SMRAS PA, BKRES PAS RAB KHO NAR GNOD DE SDUG BSNGAL 'DI 'ANG BDAG GI GNOD PA DE DAG THAMS CAD ZIL GYIS NON TE, BKRES PA'I SDUG BSNGAL KYIS GNAS SO, ,DE NAS GSHIN RJE'I MI DAG CHU BO'I RLABS 'JIGS PA NAS LCAGS KYI THU LUM LNGA 'GYUR DU RAB TU 'BAR BA BLANGS TE, 'ONGS PA DANG, DE NAS SEMS CAN DMYAL BA PA LAS KYIS RNAM PAR RMONGS PA'I BLO GROS CAN DE DAG LCAGS KYI THU LUM DE DAG BZA' BA YIN NO SNYAM NAS BLANGS TE ZA BA DANG, SNGA MA BZHIN DU DE'I MCHU SREG PA NAS RO SMAD KYI BAR DU BYUNG GIS KYANG 'CHI BAR MI BYED DO, ,DE'I LAS NGAN PA BYAS PA'I DBANG GIS LCE DE'ANG SLAR 'BYUNG BAR 'GYUR LA PADMA'I 'DAB MA LTAR SHIN TU 'JAM ZHING DE'I LUS KYANG 'BYUNG BAR 'GYUR TE, DE'I LAS KYI 'BRAS BU NI DE YIN NO, ,DE NAS YANG DGE SLONG DES THOS PA LAS BYUNG BA'I SHES PAS DE BZHIN GSHEGS PA'I SGRON MA LTA BUR GYUR PA LA GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG,
RDZUN SMRA BA DE'I 'BRAS BU NI 'DI YIN TE, GANG TSUL KHRIMS 'CHAL PA LUD PONG LTAR SPYOD PA TSUL KHRIMS DANG LDAN NO SNYAM NAS YUL 'KHOR GYI BSOD SNYOMS LA YONGS SU SPYOD PA DE'I 'BRAS BU NI DE YIN PAR SHES SO, ,DE NAS YANG SEMS CAN DMYAL BA BA DE GSHIN RJE'I MI DE DAG GIS MTHONG NAS DE DAG GI LCE BSREGS SHING LAS KYIS RNAM PAR RMONGS PA'I BLO GROS CAN DE DAG GI LCE DE KHA DE NAS 'BYIN PAR BYED DE, DE'ANG BRDZUN DU SMRA BA'I RGYU DES PADMA'I 'DAB MA LTAR SHIN TU 'JAM PA RGYAR DPAG TSAD PHYED KHEBS SO, ,DE NAS GSHIN RJE'I MI DE DAG GIS LCE DE BZUNG NAS LAS KYIS BSGRUBS PA'I RMON PA BRGYA PHRAG DU MA RNAMS KYIS NYES PAR BYAS LOG PAR SMRA BA DU ZHING SKAD 'BYIN BZHIN DU SHIN TU RMED DO, ,DE LTAR LO 'BUM PHRAG DU MA LO BYE BA BRGYA PHRAG BGRANG GIS MI LANG BA'I BAR DU MYONG BAR 'GYUR TE, LAS BYAS SHING BSAGS PA DE DAG GI 'BRAS BU RNAM PAR SMIN PA DAG MA MYONG BAR SEMS CAN DMYAL BA LAS THAR BA MED DO, DE NAS GSHIN RJE'I MI DE DAG GIS SEMS CAN DMYAL BA PA DE DAG LA TSIGS SU BCAD PA 'DI DAG RJES SU BSTAN TO, ,JI LTAR KHYOD LA SROG GCES PA, ,GZHAN LA'ANG DE LTAR RAB TU GCES, ,SDIG PA DAG GI RJES 'BRANG BA, KHYOD KYIS CI PHYIR SROG GCOD BYAS, ,MI YIS SROG DANG BSNGOS BYAS NAS, ,NOR NI GANG ZHIG
, ,YANG DAG BSGRUBS, ,GZHAN GYI NOR LA 'DOD PAS SU, ,DE NI KHYOD KYIS CI PHYIR 'PHROG ,KUN GYI NANG NA SDUG PA STE, ,SROG PAS PHANGS PA'I CHUNG MA DE; ;KHYOD KYIS 'DOD CHAGS CHAGS PA YI, ,STOBS KYIS CI YI PHYIR NA DBROG ,SKYE BO RNAM PAR RMONGS PA'I BLO, ,CHOS LA MCHOG TU SUN 'BYIN PA, ,SDIG PA'I CHANG NI 'THUNG BA DAG , KHYOD KYIS CI PHYIR YONGS MA SPANGS, ,DUG LTA BU YI LCE LAS BYUNG, ,GANG KUN YID CHES MI BYED PA, ,RDZUN DU SMRA BA'I SDIG BDAG ,KHYOD KYIS CI PHYIR YONGS MA SPANGS, ,DE LTAR SDIG PA RNAM LNGA YIS, ,GANG PHYIR RJES SU CHAGS LDAN KHYOD, ,DE PHYIR MA DU LEGS PAR ZO, ,SMRE SNGAGS DON MED CI ZHIG 'DON, ,DUG LTA BU YI SDIG PA'I CHOS, ,GANG PHYIR YONGS SU MA SPANGS PAR, ,DE PHYIR 'BAR BA'I PHRENG BA YIS, ,DMYAL BA 'KHRUGS PA CHEN PO 'THOB, ,DE LTAR SEMS CAN DMYAL BA PA DE DAG LA GSHIN RJE'I MI DE RNAMS KYIS RJES SU BSTAN PA BSTAN NAS, RANG GIS BYAS PA'I LAS RGYA'I 'BUR LTA BUR GYUR PA'I GNOD PA DRAG PA SNA TSOGS DANG, RNAM PA DU MA DAG GIS RDEG CING GSOD DE, JI LTAR MI DGE BA'I RNAM PA BUM KUN TU SPYOD PA DE LTAR SDUG BSNGAL RNAM PA DU MA'ANG SO SOR MYONG BAR 'GYUR LA, RGYU DANG MTSUNGS PAR 'BRAS BU 'BYUNG ZHING SA BON DANG MTSUNGS PAR
'BRAS BU 'BYUNG NGO, ,'DI LTAR SEMS CAN DMYAL BA CHEN PO RAB TU TSA BA DER MI DGE BA'I LAS BYED PAS SHIN TU GANG BA'I 'BRAS BU MI DGE BAS KYANG SHIN TU GANG BA DE LTA BU LA SPYOD DE , DE LTAR LO 'BUM PHRAG DU MAR SDIG PA'I LAS DGRA LTA BUR GYUR CING MI PHAN PAR 'DOD PA DES SEMS CAN DMYAL BA DE 'TSED DE, ,DE GAL TE DE LAS THAR NAS MGON 'DOD PA, SKYABS 'DOD PA, ,DPUNG GNYEN 'DOD PA RGYUG PA DANG, DES RGYANG RING PO NAS KHYI'I TSOGS CHEN PO DAG KHA GDANGS SHING SPRO BA CHE LA SHIN TU MGYOGS PA SO RDO RJE LTAR RNO ZHING SHIN TU 'JIGS PA'I SGRA 'BYIN PA'I KHYI DE KHYI RNAMS KYIS BSKOR NAS RGYUG CING 'ONG BA MTHONG NGO, ,MTHONG NAS SEMS CAN DMYAL BA PA DE 'BROS PAR BRTZAMS PA DANG, DE NAS KHYI DE DAG THAMS CAD KYIS BRGYUGS NAS DE BZUNG NGO, ,BZUNG NAS KYANG MA LUS PAR ZA STE, RGYUS PA'I TSOGS NAS RGYUS PA'I TSOGS DANG, GNAD KYI BAR NAS GNAD KYI BAR DANG, RUS PA'I TSIGS NAS RUS PA'I TSIGS TE, JI LTAR DE YUNGS 'BRU TZAM YANG MA LUS PA DE LTAR YAN LAG DANG, NYING LAG THAMS CAD ZA'O, ,DE NAS YANG 'BYUNG BAR 'GYUR TE, DE LTAR DE YUN RING DU KHYI DE RNAMS KYIS ZA'O, , DE'I LAS KYI 'BRAS BU DE GANG ZHIG YIN SNYAM NA, GANG DES SHA STON BYA BA'I PHYIR SEMS CAN BSAD CING SROG BCAD PA'I 'BRAS BU NI DE YIN NO, ,MA BYIN PAR LEN PA'I 'BRAS BU 'BYUNG
, ,BA'ANG 'DI LTAR SEMS CAN DMYAL BA PA DES LAS KYIS BYAS PAR GYUR BA'I NOR RDZAS DAG MTHONG BA DANG, DE DAG KYANG LAS LAS BYUNG BA'I RMONGS PA YIN TE; 'DI LTAR 'DI DAG NI BDAG GI YIN NA PHA ROL DAG GIS PHROGS PA LTA SNYAM DU KHONG DU CHUD NAS DE DER RGYUG PA DANG, DE GSHIN RJE'I MI GZHAN RNAMS KYIS BZUNG NGO, ,BZUNG NAS KYANG MTSON RNAM PAR GCOD PAS GNAD NAS GNAD SHIN TU GCOD CING SREG GO ,DE SEMS CAN DMYAL BA PA GZHAN DAG GI DRUNG DU RGYUG LA, SEMS CAN DMYAL BA PA MTHONG NAS DE DAG KYANG GSHIN RJE'I MI DE RNAMS KYIS BZUNG STE, RAL GRI DANG, MDUNG THUNG DANG, MDA' BO CHE DANG, RDO RAB TU 'BAR BA RNAMS KYIS RNAM PAR GSHEG PAR BYED DO, , DE DAG KYANG MA BYIN PAR LEN PA DE'I 'BRAS BUS JI SRID DU MA BYIN PAR LEN PA'I 'BRAS BU BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR GSHEGS PAR BYED DO, ,DE PHYIS DE LAS THAR BAR 'GYUR TE, 'DOD PAS LOG PAR G-YEM PAS BUD MED PA TSVA'I CHU BOS KHYER ZHING SHIN TU RTZUB RTZUB PA SKAD SMRA LA RLABS KYIS BDAS PA NA, BAR 'GA' NI STENG DU 'BYUNG, BAR 'GA' NI 'OG TU 'JUG CING SEMS CAN DMYAL BA BDE LA 'DI LTAR BDAG LA MGON MED PA DE BA TSVA'I CHU BO'I NYON MONGS PA 'DI LAS BDAG
YONGS SU SKYOBS SHIG CES SMRA BA MTHONG NGO, ,DE NAS SEMS CAN DMYAL BA PA DES BUD MED DE'I SGRA DE THOS NAS LAS KYIS RMONGS PAS BA TSVA'I CHU BO DER 'JUG GO ,DER ZHUGS MTHAG NYID DU DE'I LUS BA TSVA'I CHU BO'I SHUGS KYIS JI LTAR RUS PA YUNGS 'BRU TZAM YANG MA LUS PA DE LTAR KHYER RO, ,DE NAS YANG 'BYUNG BAR 'GYUR TE, YANG BUD MED DE NYID RGYANG RING PO NAS BA TSVA'I CHU BO DE NYID KYIS KHYER BA NA BDAG LA MGON MED NA BDAG YONGS SU SKYOBS SHIG CES SGRA 'BYIN PA MTHONG NGO, ,DE NAS YANG BUD MED DE LA DMIGS PA DE'I DRUNG NYID DU RGYUG GO ,DE NAS BUD MED DE DE LA 'JUG STE, DE'I SEN MO LCAGS LAS BYAS PA'I MTSON RNON PO RAB TU 'BAR BA LTA BU DAG GIS MI DE LA 'JUS PA DANG, JI LTAR DE'I LUS YUNGS 'BRU TZAM YANG MA LUS PAR DE LTAR RNAM PAR 'THUB BO, ,LUS KUN TU KHRAG GIS CHAG CHAG LTAR BTAB CING LUS RGYUS PA'I DRA BA LUS PA 'DOD CHAGS DAG GI ZIL GYIS NON PA'ANG BUD MED DE NYID KYI PHYIR RGYUG STE, DE BA TSVA'I CHU BO DE'I NANG DU JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU DED DO, ,DE PHYIS SEMS CAN DMYAL BA DE LAS THAR BAR 'GYUR LA, THAR NAS DRE NAS YANG 'BYUNG BAR 'GYUR TE, BKRES PAS YONGS SU GDUNGS PA'I LUS DE GAR BAB BAB TU YONGS SU RGYUG GO ,DE PHYIS CHU BSIL BA 'DOD
, ,PA'I PHYIR CHU BO'I DONG RAB TU DANG BA DER RGYUG GO ,DE GANG GI TSE PHYIN PA DANG, CHU BO'I DONG DE'ANG ZHA NYE RAB TU BSKOL BA 'JIGS 'JIGS LTAR 'JUG PA CHEN PO YIN ZHING THAMS CAD DU DUG RAB TU DRAG PA DANG, SBRUL RNAMS KYIS KHEBS TE SKOM PAS GDUNGS PA DE DUG DANG, SBRUL DE RNAMS DANG LHAN CIG 'DRES PA'I ZHA NYE DE LA 'THUNG NGO; ;DE DAG KYANG LAS LAS BYUNG BA YIN TE, SBRUL PHRA MOR GYUR PA'I MGO MI DE LA RAB TU 'JUG GO ,GANG GI TSE SEMS CAN DMYAL BA PA'I LTO DER ZHUGS PAR GYUR PA DE'I TSE, LUS CHEN POR 'GYUR TE, DE LUS DE'I NANG NA RGYU MA DANG, GNYE MA LA SOGS PA THAMS CAD 'CHA'O, ,'JIB BO, ,ZA'O, ,CHANG 'THUNG BA'I SDOM PA DE LAS 'DA' BA LAS KYIS RMONGS PA DE LO 'BUM PHRAG DU MAR DE LA 'THUNG ZHING ZHA NYE DANG SBRUL DU 'DRES PA DES KYANG SREG GO ,GSOD DO, ,SHI ZHING SHI NAS KYANG 'BYUNG BAR 'GYUR LA, DE'I CHANG GI SDOM PA LAS 'DAS PA'I NYES PAS LCE'ANG SBRUL DE RNAMS KYIS ZA BAR BYED DE, DE NI BRDZUN DU SMRA BA'I 'BRAS BU YIN NO, ,DE LTAR JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR SDUG BSNGAL MYONG BAR 'GYUR RO, ,YANG DE NAS THAR NAS GAR BAB BAB TU 'BROS SO, ,BYAMS PAR MI LTA BA'I 'BRAS BU NI
'DI LTAR SEMS CAN DMYAL BA PA DE'I LAS LAS BYUNG BA'I SEMS CAN GYIS SMRAS PA, 'DI LTAR KHYOD 'DIR RGYU MED PAR CI STE 'TSED, GNAS 'DI LAS GZHAN DAG KYANG YOD LA DE NGAS KHYOD LA BSTAN PAR BYA STE, DER KHYOD BDE BAR 'THOB PAR 'GYUR RO, ,DE NAS MI DES SEMS CAN DMYAL BA PA DE KHRID DE, 'KHOR RNAMS KYI NANG DU 'JUG PAR BYED DO, ,DE YANG MI DES SEMS CAN DMYAL BA PA DE DAG LA GANG GNOD PA THA DAD PA DE DAG MYONG BAR BYED DE, 'DI LTA STE, PHYOGS THAMS CAD RAB TU SREG PA GANG DU GNOD PA MANG PO DAG GI PHYOGS THAMS CAD RAB TU 'BAR ZHING SREG GO ,LUS CHEN PO SHIN TU SGRA 'BYIN PA 'JIGS 'JIGS LTAR 'DUG PA GANG DU DE'I LUS DPAG TSAD BCU YOD CING SHIN TU GZHON PA 'TSED DO, ,ME SPYI GTZUG LTA BU GANG DU ME LCE LAS BYUNG BA'I SREG PA GZHAN THAMS CAD DANG MTSUNGS PAS 'TSED DO, ,ME MDAG BYE MA LTA BU'I CHAR RTAG TU 'BAB PA'I SGO GANG DU CHAR RAB TU 'BAB PA LTAR BYE MA'I CHAR RAB TU 'BAR BA 'BAB PA'I NANG NA 'DUG PA 'TSED DO, ,ME MDAG GANG DU BUS PA'I LUS LTA BU 'JUG PA, SEMS CAN DMYAL BA PA'I MDAG MES 'TSED DO; ;SEMS CAN DMYAL BA AA LA LA ZER BAR PHAN TSUN GYI YAN LAG NYING LAG THAMS CAD PHAN TSUN GCAD PA'I SDUG BSNGAL MYONG NGO, ,SHAR GYUR PA THAMS CAD SDUG
, ,BSNGAL BAS 'TSED DO, ,DER GANG GZHAN YANG SO SOR 'JIGS SHING BAG TSA BA, KHYI DANG, SENG GE DANG, PHAG RGOD DANG, KHVA DANG, BYA RGOD DANG, SBRUL DAG GIS DE RNAM PA THAMS CAD DU SDUG BSNGAL BAR BYED DO, ,CHU BO RAB MED RAB TU CHA BAR YANG 'TSED DO, ,SREG GO ,BA TSVA DANG, ZANGS DMAR PO DANG, ZHA NYE RAB TU SKOL BA'I CHU BO GANG DU BRGYA'AM, YANG NA STONG DU RAB TU DED CING DE DAG TU'ANG 'TSED DO, ,RTAG TU MUN PA MUN NAG LAS BYUNG BA'I ME'I GNOD PA RNAM PA SNA TSOGS DAG GIS KYANG 'TSED DO, SEMS CAN DMYAL BA GNOD PA PHRENG PAR YANG 'TSED DO, ,MGO GANG LA 'KHOR LO RAB TU 'BAR BA 'KHOR ZHING YAN LAG DANG, NYID LAG THAMS CAD KYANG SOG LE DAG GIS RNAM PAR GSHEG PAR BYED DO, ,DE LAS THANG NAS SRAD BU'I RGYUD 'DRE BA DUD PA LTAR 'KHRIGS PA DER YANG GNOD PAR BYED DE, GANG DU KUN NAS THIG SKUD RAB TU 'BAR BA DAG GIS BRGYA'AM, YANG NA SPONG DU BTAB BTAB NAS GSHIN RJE'I MI DAG GIS SEMS CAN DMYAL BA PA DE DAG MTSON CHA HU LU RAB TU 'BAR BA RNAMS KYIS GCOD PAR BYED DO, DE LAS RNAM PAR THAR NAS SEMS CAN DMYAL BA SKRA SHAD 'JINGS PA DANG, BYA KHVA YOD PAR GNOD PA BYED DE, GANG DU LUS TSAL SHING BSREGS PA LTA BU'I RANG GI LUS LAS
BYUNG BA'I MES SREG GO ,GCIG LA GCIG KYANG SEMS CAN DMYAL BA PA'I LO 'BUM PHRAG DU MAR MTSON CHA CHAR LTAR 'BAB PAS GCIG LA GCIG 'JOG GO ,DE LAS THAR NAS KYANG SEMS CAN DMYAL BA SNYING RJE RJE SKAD SGRA 'BYIN PAR 'TSED DE, GANG DU GNOD PA'I RNAM PA 'DI LTA BUS NYAM THAG CING SGRA 'BYIN PAR GYUR PA NI GANG SEMS CAN DMYAL BA GZHAN THAMS CAD NA'ANG RNAM PA DE LTA BU MED DO, ,DE LAS THAR NAS KYANG SEMS CAN DMYAL BA SNYING RJE CHEN PO SKYE BAR 'GYUR TE, DER CHOS NGAN PA GANG DAG CHOS SU STON CING LTA BA NGAN PA RAB TU STON PA DE DER BU SDUG PA'I GZUGS DE DAG SREG CING BSKUL BA NA DE YONGS SU SMRE SNGAGS 'DON TE, 'DI LTAR PHA DANG, SPUN DANG, BU DANG, MDZA' BA MGON MED NA, BDAG LA YONGS SU SKYOBS SHIG CES DE'I LAG PA GNYI GA STOD NAS SHIN TU SNYING RJE RJE SKAD 'BYIN PA MTHONG NGO, ,DE MTHONG NAS MYA NGAN GYI ME SREG PA'I BUD SHING GIS SBAR BA RNAM PA DE LTA BU 'BYUNG STE, GANG KHYAD PAR NI SEMS CAN DMYAL BA PA'I ME DE KHA BA DANG MTSUNGS SO, ,DE SHIN TU TSA BA RNAM PA DE LTA BU GNYIS KYIS SREG CING SHIN TU TSA BA'I SGRA SKAD 'BYIN PA NA GSHIN RJE'I MIS RJES SU BSTAN PA'I TSIGS SU BCAD PA SMRAS PA, SRED PA'I ME 'DI'I DRUNG NA NI, ,'BAR BA DAG NI GRANG ZHES BYA, ,DMYAL BAR DMYAL BA PA YI ME, ,KHAMS GSUM DAG
, ,NI SREG PA'I ME, ,SEMS CAN DMYAL BAR GANG 'BYUNG BA, ,ME 'DI CHUNG BAR GYUR PA YIN, ,SRED PA'I RGYU LAS BYUNG BA YI, ,ME 'BAR BA NI MANG POR MCHED, ,SEMS CAN DMYAL BA SDIG SPYAD PA, ,LAS ZAD NAS NI RNAM PAR GROL, ,SRED PA'I DBANG DU SONG BA'I ME, KHAMS GSUM DAG TU SREG PAR BYED, ,'KHOR BA THOG MA MED DUS NAS, ,SRED PA'I ME YI RJES 'BRANG BA, ,SEMS CAN DMYAL BA SRED PA'I ME, ,CI PHYIR DMYAL BA'I ME MI 'BYUNG, ,SEMS CAN DMYAL BA PA YI ME, ,LUS NI SHIN TU SREG PAR BYED, ,SRED PA'I ME YIS MI RNAMS KYI, ,LUS YID SHIN TU SREG PAR BYED, ,DE LTA BAS NA SRED RGYU LAS, ,BYUNG BA'I ME NI KHYAD PAR TSA, ,DMYAL BA PA YI KHA BA 'DRA, , SRED PA'I ME NI KHYAB PAR DRAN, ,SRED 'BRANG RGYU NI GSUM LAS 'BYUNG, ,LAS GSUM DAG NI YONGS SU BSTAN, ,DUS GSUM 'BYUNG BAR SHES PAR BYED, ,DE LTAR SRED ME GZHAN DU MIN, ,'DOD CHAGS MES NI MTHO RIS SREG ,ZHE SDANG MES NI DUD 'GRO DRAN, ,GTI MUG MES NI DMYAL BA SREG ,SRED PA'I MES NI KUN TU GNAS, ,DE LTAR SRED PA'I ME YIS SU, ,GNAS GSUM THAMS CAD RAB 'BAR BAR, ,MTHONG NAS CHOS NI MA SPYAD PA, ,DE RING CI ZHIG YONGS SU GDUNGS, ,DE LTAR SEMS CAN DMYAL BA SNYING RJE CHEN
POR SEMS CAN DMYAL BA PA GSHIN RJE'I MI DE RNAMS KYIS RJES SU BSTAN NAS SDUG BSNGAL DANG, GNOD PA SNA TSOGS DAG BYED DO, ,DE DE LAS THAR NAS KYANG SEMS CAN DMYAL BA TSA BA PA'I SAR 'TSED DO, ,DER YANG SEMS CAN DMYAL BA PA DAG GI LUS KUN NAS BSREGS NAS, LUS SHING KING SHU KA LTAR BYAS SO, ,DE LAS THAR NAS KYANG SEMS CAN DMYAL BA SHING SKAM LTAR 'JIGS PAR 'TSED DE, DE LTAR LOG PAR LTA BAS ZIN PA'I DGE SLONG MA SUN 'BYIN PA DE 'KHOR BCU DRUG TU 'TSED DO, ,DE DER JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU DUS DPAG TU MED PAR SREG GO ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG DGE SLONG MA SUN PHYUNG BA'I LAS DE'I RGYU DANG MTHUN PA'I 'BRAS BUS TSE RABS STONG PHRAG DU MAR YI DVAGS DANG, DUD 'GRO DAG TU 'TSED PAR 'GYUR TE, BKRES PA DANG, SKOM PAS GCIG LA GCIG ZA BA DANG, LUS BRGYA PHRAG STONG DU DUD 'GRO DAG GIS ZA BAR 'GYUR, LOG PAR LTA BA DGE SLONG MA SUN PHYUNG BA DE 'ON KYANG GAL TE DE GNYA' SHING GI BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA, DE TSE RABS LNGA STONG DU MIR GYUR PA ZA MAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA
, ,DES SEMS CAN DMYAL BA RAB TU TSVA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA PHYOGS THAMS CAD RAB TU SREG PA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG; 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BA NI SNGA MA BZHIN NO, ,DGE BSNYEN MA BSLAB PA'I GZHI LNGA YOD PA SUN PHYUNG NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA PHYOGS THAMS CAD RAB TU SREG PAR SKYE BAR 'GYUR RO, ,DER GNOD PA 'DI DAG 'BYUNG BAR 'GYUR TE, 'DI LTA STE, SEMS CAN DMYAL BA DE JI LTAR KHAB KYI BU GA TZAM YANG MED PA DE LTAR KUN NAS RTAG TU NAM MKHA' LA'ANG RAB TU 'BAR BAR 'GYUR BA DER SNGAR DE'I LAG PA ME'I NANG DU 'JUG STE, DU SKAD 'BYIN PA NA ME TSA ZHING RTZUB PA SHIN TU DAG PA'I STOBS KYIS JI LTAR DE'I THAL BA'ANG MI MNGON PA DE LTAR SREG GO ,DE NAS YANG 'BYUNG BAR 'GYUR TE; LO 'BUM PHRAG DU MAR SREG GO ,DE LAS THAR NAS MGON 'DOD PA, SKYABS 'DOD PA, DE GAR BAB BAB TU 'BROS PA DANG, GSHIN RJE'I MI RNAMS KYIS BZUNG NGO, ,
BZUNG NAS KYANG LCAGS KYI THAG PA KUN NAS RAB TU 'BAR BA DAG GIS RKANG MTHIL GYI BAR NAS MGO'I BAR DE DAG 'CHING STE, DE'I KHRAG DE DAG THAMS CAD DE'I MGO LA BSDUS SO, , DE PHYIS SEMS CAN DMYAL BA PA DE DAG LA GZUGS PA'I PHUR PA BLANGS TE MGOR BTZUGS NAS SHUGS KYIS BTAB STE, 'DI LTAR PHUR PA DE MGUL BAR PHYUNG NGO, ,PHYUNG NAS KYANG SHUGS KYIS PHYUNG BA DANG, DE'I KHRAG DE JI LTAR SEMS CAN DMYAL BA PA'I MGO LAS ZANGS BSKOL BA'I KHRAG 'BYUNG BA DE DANG CUNG ZAD KYANG KHYAD PAR MED PA DE LTAR TSA BA 'BYUNG NGO, ,DE RANG GI LUS LAS BYUNG BA'I KHRAG DES LO 'BUM PHRAG DU MAR 'KHRU'O, ,SREG GO ,'CHI'O, ,DE'I LAS KYI MTHUS 'BYUNG BAR 'GYUR TE, JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU SDIG PA'I LAS DES SREG GO ,'TSED DO, ,DE PHYIS SEMS CAN DMYAL BA PA DE LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS LO 'BUM PHRAG DU MAR YI DVAGS DANG, DUD 'GRO DAG TU SKYE BAR 'GYUR TE, DER YI DVAGS BKRES PA DANG, SKOM PA'I SDUG BSNGAL DAG MYONG BAR 'GYUR RO, ,DUD 'GRO RNAMS SU GCIG LA GCIG LUS BRGYA PHRAG DU MA DAG ZA ZHING PHA ROL DAG GIS RNAM PAR 'JIG PAR 'GYUR RO, ,DE SDUG BSNGAL DE DAG MYONG NAS GAL
, ,TE GNYA' SHING GI BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA DE DBUL ZHING NAD BU CAN DANG, PHA ROL GYIS GNOD PA DANG, SEMS G-YENGS PA DANG, TSE THUNG BAR 'GYUR ZHING TSE RABS BZHI BRGYAR ZA MAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO RAB TU TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA LUS CHEN PO SHIN TU SGRA 'BYIN 'JIGS 'JIGS LTAR 'DUG PA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BA NI SNGA MA BZHIN NO, ,GANG GIS TZE LU MA RAB TU SUN 'BYIN PAR BYED NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA LUS CHEN PO SHIN TU SGRA 'BYIN 'JIGS 'JIGS LTAR 'JUG PAR SKYE BAR 'GYUR RO, ,DER GANG SEMS CAN DMYAL BA YANG SOS LA SOGS PA'I GNOD PA 'BYUNG BA BSDUS PA DE DAG THAMS CAD SEMS CAN DMYAL BA LUS CHEN PO SHIN TU SGRA 'BYIN 'JIGS 'JIGS
LTAR 'DUG PA 'BYUNG BA'I STENG DU KHYAD PAR DU 'BYUNG BA NI, 'DI LTAR GANG GI LUS DPAG TSAD TZAM LA MAR SAR LTAR SHIN TU SNYI BA'I LUS DE DE DAG GIS BZUNG NAS SPU 'BYIN PA'I PHRA SKAM GYIS JI LTAR YUNGS KAR GYI 'BRU TZAM DU DE LTAR SEN MO LA SOGS PA NAS RKANG PA'I BAR DAG GCOD PAR BYED DE, SDUG BSNGAL GYIS NYAM THAG PA DE JI LTAR SGRA SEMS CAN DMYAL BA BA GZHAN DAG THOS NAS KYANG SNYING ZAGS SHING RDOL BA DE LTAR SGRA SKAD 'BYIN TO, ,THOG MA MED PA'I DUS NAS DE'I LAS KYI 'BRAS BUS BSLUS SHING SEMS KYI DGRAS YONGS SU BSLUS PA'I SEMS CAN DMYAL BA BSHIN TU SDUG BSNGAL BAS NYAM THAG PA DE DAG NYID MTHONG NAS 'DI LTAR GSHIN RJE'I MI RNAMS KYIS RJES SU BSTAN PA'I TSIGS SU BCAD PA SMRAS PA, 'DOD PA YANG DAG STON PA'I TSIG ,SNYAN CING YID 'ONG SNA TSOGS DAG ,SMRAS PA SDIG PA CHEN PO YIN, ,DE YI 'BRAS BU 'DIR 'ONGS SO, ,'DOD PAR GYUR PA'I TSIG SMRA BAS, ,SPU GRI RNON POR BDAR BA YI, ,SO YIS BDAG RANG BDAG NYID KYI, ,LCE NI YANG DAG BCAD KYANG SLA, ,SEMS CAN 'DOD CHAGS KYIS BSLUS SHING, ,ZHE SDANG GIS NI YONGS GDUNGS LA, ,GTI MUG DBANG DU SONG BA DAG ,TSIG MI SNYAN PAR SMRA BAR BYED, ,'DOD CHAGS CHUNG BAS ZIN PA GANG, ,NYES PAR BYED PA MANG DU BYED, ,RMONGS PA GTI
, ,MUG DBANG SONG STE, ,SDUG BSNGAL LAS NI SDUG BSNGAL 'THOB, ,'DOD PA'I DGA' BA YUD TZAM STE, ,DE NI BDEN MED BRTAG PA'ANG MIN; ;'GYUR BA SHIN TU MI BZAD DE, ,DE LTAS DE NI YONGS SU SPONGS, ,'DOD CHAGS ZIL GYIS NON PA'I MI, ,SEMS CAN DMYAL BA'I GNAS SU GNAS, ,GANG DAG 'DOD CHAGS DBANG MI 'GRO ,DE DAG DMYAL BA'I 'JIGS PA MED, ,DE NI SDIG PA'I LAS BYAS PAS, ,NGAN SONG NGES PAR MYONG BA YIN, ,SLONG ZHING DMAN PA SNYING RJE'I SKAD, ,CI ZHIG DE RING YONGS SU GDUNG, ,SEMS CAN DMYAL BA SDIG BYED PA, ,LAS ZAD NAS NI THAR 'GYUR GYI, ,RNAM PAR SGRA 'BYIN MANG 'GYUR PA, ,THAR PA DAG TU GA LA 'GYUR, ,MI 'DOD NGAN 'GROR 'GRO BA'I LAS, ,BYAS PAS 'DOD CHAGS DBANG DU GNAS, ,RMONGS PA GANG ZHIG SMRA SNGAGS 'DON, ,DE NI DON MED YONGS SU 'DON, ,GANG ZHIG MA 'ONGS 'BRAS BU SHES, ,DE LTAR BYUNG BA'I DGE LA DGA', ,DE NI DMYAL BAR SKAD MI 'BYIN, ,KHYOD NI JI LTAR RJES SU GDUNG, ,DE LTAR YANG DE LA STON PA DANG, ,LAS BYED PA NGAN PA BYAS PA DE GSHIN RJE'I MI DE RNAMS KYIS RJES SU BSTAN NAS KYANG JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU GNOD PA RNAM PA THA DAD PA SNA
TSOGS DU MA DAG GIS GNOD PAR BYED DO, ,DE SEMS CAN DMYAL BA DE LAS THAR NAS LAS DE DANG RGYU MTHUN PA'I 'BRAS BUS TSE RABS STONG PHRAG DU MAR DUD 'GROR SKYE BAR 'GYUR GAL TE BRGYA LA GNYA' SHING GI BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA TSE THUNG ZHING DBUL BA DANG, SEMS G-YENGS PA DANG, NGAG SKYE BO KUN GYI YID MI CHES PAR 'GYUR ZHING TSE RABS BZHI STONG DU ZA MAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO RAB TU TSA BA'I 'KHOR LA BRTAGS NA DES THOS PA LAS BYUNG BA'I SHES PAS SEMS CAN DMYAL BA ME SPYI GTZUG LTA BU ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG; RDZUN SMRA BA DANG, LOG PAR LTA BA KUN TU BSTEN CING BSGOMS TE MANG DU BYAS BAS 'GYUR RO, ,GANG GIS ZHE SDANG BA MED CING SPYOD PA DANG LDAN PA'I BU MO'I SKYE GNAS MA YIN PA'I SGO SUN PHYUNG NA, DE LUS DANG BRAL NAS NGAN 'GRO LOG PAR LTUNG PA SEMS CAN DMYAL BA'I ME SPYI GTZUG LTA BUR SKYE BAR 'GYUR RO, ,DER GANG SEMS CAN DMYAL BA CHE
, ,PO YANG SOS LA SOGS PA'I SDUG BSNGAL DE DAG THAMS CAD BCU 'GYUR DU 'BYUNG BA'I STENG DU KHYAD PAR DU 'GYUR BA NI SEMS CAN DMYAL BA ME SPYI GTZUG LTA BU DE SPYI GTZUG 'DRA LA SROG CHAGS SPYI GTZUG CES BYA BA BYAD GZUGS GZHU RGYUD LTAR RING ZHING SHIN TU DRAG PA YOD LA MTHONG NA'ANG SHIN TU DRAG PA GNAS SO, ,DE NAS SEMS CAN DMYAL BA PA DE GSHIN RJE'I MI RNAMS KYIS BZUNG NAS LCAGS KYIS GZHI RAB TU 'BAR BAR PHUR BU'I NANG DU LUS THAMS CAD DANG, LAG PA DANG, RKANG PA THAMS CAD NUB PAR BCUG CING ME SHIN TU TSA BAS SREG PA NA DU SKAD 'BYIN CING CHO NGES 'DEBS SO, ,DE NAS GSHIN RJE'I MI DE RNAMS KYIS SROG CHAGS ME SPYI GTZUG LTA BU ZHES BYA BA DE DAG BLANGS NAS SEMS CAN DMYAL PA PA DE RNAMS KYI RKUB TU 'JUG PAR BYED DO, ,DE DAG GI LUS GZHU RGYUD LTA BU YIN ZHING DUG RNON PO SHIN TU MKHRANG LA TSA BA YOD PA'I LUS CAN DE 'JUG PAR BYED DO, ,DE RAB TU 'JUG PA NA REG PA ME LTA BUR TSA STE, SEMS CAN DMYAL BA PA DE DAG THOG MA NYID DU DE'I RKUB SREG PAR BYED DO, ,BSREGS NAS ZA'O; ;DE THOS NAS NANG DU 'JUG STE LONG KA SREG GO ,BSREGS NAS KYANG ZA'O, ,LONG KA ZOS NAS LHAG MA MED PAR BYAS TE, GYEN DU BYUNG NAS PHO BA SREG CING ZA'O, ,MCHER
PA SREG NAS ZA'O, ,DE YANG ZOS NAS RGYU MA DANG, PHO BA'I GNAS GA LA BA DER 'GRO'O, ,SONG NAS PHO BA'I GNAS DANG, GZHAN RGYU MA DANG, GNYE MA DAG 'CHA' ZHING ZA'O, ,THAMS CAD LHAG MA MED PAR BSREGS SHING ZOS PA DANG SEMS CAN DMYAL BA PA DE'I RUS PA SENG SENG POR BYAS KYANG SROG DANG NI MI 'BRAL LO, ,DE PHYIS MID PA GA LA BA DER SONG NAS DE SNYING LA 'CHA' ZHING YONGS SU SREG PAR BYED DO, ,DE SREG CING KUN NAS ZA BA NA DU SKAD 'BYIN CING CHO NGES 'DEBS LA YONGS SU SMRE SNGAGS 'DON TO, ,DE'I NANG NA ME SPYI GTZUG LTA BU 'BAR ZHING PHYI ROL TU SEMS CAN DMYAL BA PA'I ME STE ME DE GNYIS KYIS SREG CING ZA'O, ,DE NAS ME SPYI GTZUG LTA BU DES DE'I MID PA'I NANG ZOS NAS KHA GA LA BA DER SONG STE, ,DE DANG POR LCE DRUNG 'CHA' ZHING ZA'O, ,DE ZOS NAS RNA BA'I PHYOGS SU SONG STE, DE YANG ZA'O, ,KLAD PA DANG, KLAD RGYAS GA LA BA DER SONG STE, DES KLAD PA DANG, KLAD RGYAS DE DAG ZOS SHING THOD PA DANG, MGOR GTOGS PA ZOS NAS THOD PA DANG, MGOR GTOGS PA PHUG STE 'GRO'ANG DE'I LAS KYI MTHUS SEMS CAN DMYAL BA PA DE 'CHI BAR NI MI BYED DO, ,DE'I LUS KUN NAS BU GA YOD DE, BU GA DE DAG TU ZHUGS NAS SEMS CAN DMYAL BA PA DE MES SREG PAR BYAD CING RAB TU 'BAR BAR BYED DO, ,NYES PAR BYAS PA'I LAS KYI MTHA' SPYAD PA DE'I LUS KYI NANG DANG, PHYI ROL KUN NAS
, ,RAB TU 'BAR BA YIN TE, DE LTAR LO 'BUM PHRAG DU MAR ZA ZHING ZA'O, ,DE NAS YANG 'TSO BAR 'GYUR LA DE NAS YANG 'CHI BAR 'GYUR RO, ,DE NAS YANG 'TSO STE, DE LTAR MI 'DI DE'I NYES PAR BYAS PA BYAS SHING BSAGS PA'I MTHUS GNOD PA DAG MYONG BAR 'GYUR RO, ,DE DE LAS THAR NAS GAR BAB BAB TU 'BROS PA DANG, DES SBRUL CHEN PO'I TSOGS 'ONG BA MTHONG NGO, ,DES DE MTHONG NAS, SHIN TU SKRAG CING YI MUG STE, GAR BAB BAB TU 'BROS SO, ,DE NAS LAS KYIS BYAS PA'I RLUNG GIS SHUGS LTA BU'I SPRUL DE DAG MI DE LA 'DZIN TO, ,BZUNG NAS MCHE BA CHEN PO RNO ZHING DUG CHEN PO DRAG POS KUN NAS BSKOR NAS SEMS CAN DMYAL BA PA DE LAN BRGYA'AM, YANG NA LAN STONG DU SREG PAR BYED DO, ,SDUG BSNGAL GYIS KUN NAS NYAM THAG PA DE BKRES PA DANG, SKOM PA'I ME DANG, SBRUL GYI DUG GI ME DANG, SEMS CAN DMYAL BA PA'I ME STE, ME GSUM GYIS SREG GO ,DE LTAR DE SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MA LO BGRANG GIS MI LANG BAR SREG GO ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS TSE RABS STONG PHRAG DU MAR YI DVAGS DANG, DUD 'GRO DAG TU SKYE BAR 'GYUR TE, YI DVAGS RNAMS SU SHIN TU BKRES PA DANG, SKOM PAS GDUNGS
PAR 'GYUR, YI DVAGS DANG, DUD 'GRO DAG TU DUD 'GROR 'GYUR BA THAMS CAD DU'ANG TSE RABS TSE RABS SU 'BYUNG ZHING ZA BAR 'GYUR RO, ,DE DE LAS THAR NAS KYANG GAL TE GNYA' SHING GI BU GAR RUS SPAL 'JUG PA LTA BUR MI RNAMS DANG SKAL PA MNYAM PAR MIR SKYES NA DE TSE RABS LNGA BRGYAR MA NING DU 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO RAB TU TSA BA'I 'KHOR LA BRTAGS NA, DES THOS PA LAS BYUNG BA'I SHES PAS, SEMS CAN DMYAL BA PA MDAG ME BYE MA LTA BU'I CHAR RTAG TU 'BAB PA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LTOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BA KUN TU BSTEN CING BSGOMS TE MANG DU BYAS PAS 'GYUR RO, ,GANG GIS TZI LU MA SUN 'BYIN PAR BYED CING SUN BYUNG NAS KYANG RJES SU DGA' BAR BYED LA DE NYID LA SHIN TU CHAGS PAR BYED NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA MDAG ME BYE MA LTA BU'I CHAR RTAG TU 'BAB PAR SKYE BAR 'GYUR RO, ,DER GANG SEMS CAN DMYAL BA YANG SOS LA SOGS PA'I GNOD PA BSDUS PA DE DAG THAMS CAD DMYAL BA 'DIR 'BYUNG BA'I STENG DU GNOD PA KHYAD PAR DU
, ,'BYUNG BA DAG NI, 'DI LTA STE, SEMS CAN DMYAL BA PA DE'I 'KHOR NI DPAG TSAD LNGA BRGYA YOD LA, DE THAMS CAD RAB TU 'BAR BA, BYE MA RDO RJE'I ME MDAG LTA BU DAG GIS DER DPE BYA BAR YANG MI NUS PA GANG STE, 'DI LTAR 'TSED PA PO'ANG NUB PAR 'GYUR NA SEMS CAN DMYAL BA PA LAS LCI BA LTA SMOS KYANG CI DGOS TE, DE JI LTAR CHU 'BAB PA'I SHUGS KYIS DED PA DE LTAR DER 'JUG GO ,DE NAS YANG LAS KYIS NUB PAR 'BYUNG BAR 'GYUR TE, DE BYE MA RDO RJE'I GZEGS MA LTA BUR ZUR GSUM YOD CING SO RNO BA DE DAG GIS JI LTAR DE'I RUS PA LHAG MA'ANG MED PA DE LTAR 'THAG GO ,DE NAS YANG 'TSO BAR 'GYUR LA, DE NAS YANG 'THAG STE 'CHI ZHING SKYE'O, ,DE KUN NAS DGA' BA MED CING BYE MA RAB TU 'BAR BA'I NANG DU NUB STE, SREG CING 'TSED PA DANG SKAD 'BYIN CING YONGS SMRE SNGAGS 'DON TE, DE LAS KYIS BSGRIBS PA SDUG BSNGAL DE LAS BDAG NYID THAR BAR MI NUS SO, ,DE YUN RING MO ZHIG 'DAS LA GAL TE LAS ZAD NAS SEMS CAN DMYAL BA DE LAS THAR BAR 'GYUR TE, DE LAS DE DANG RGYU MTHUN PA'I 'BRAS BUS DE TSE RABS STONG PHRAG DU MAR YI DVAGS DANG, DUD 'GRO DAG TU BKRES PA DANG, SKOM PAS GDUNGS PAR 'GYUR, DUD 'GRO GCIG LA GCIG ZA BAR SROG LAN STONG 'CHAD PAR 'GYUR, DE LAS THAR NAS KYANG GAL TE GNYA' SHING GI BU
GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA DE TSE RABS LNGA BRGYAR DBUL ZHING NAD BU CAN DANG, SMYO BA DANG, NGAG YID MI CHES PA DANG, GZHAN GYIS BKOL BA DANG, ZA MAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO RAB TU TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA NANG NA ME MDAG YOD PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BA KUN TU BSTEN CING BSGOMS TE MANG DU BYAS PA NI SNGA MA BZHIN DU 'GYUR RO, ,GANG GIS DGE BSNYEN MA BSLAB PA'I GZHI LNGA YOD PA STOBS KYIS MNAN NAS MI TSANGS PAR SPYAD PAS BSLAB PA DRAL CING 'DI SNYAM DU SRUNG MA MO BSLAB PA'I GZHI LAS 'DAS PA CHOS MA YIN PA GANG YANG MED DO SNYAM DU BLO SKYE ZHING, LAS KYI 'BRAS BU LA YID MI CHES NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA NANG NA ME MDAG YOD BAR SKYE BAR 'GYUR RO, ,DER GANG SEMS CAN DMYAL BA YANG SOS LA SOGS PA'I GNOD PA BSDUS PA DE DAG THAMS CAD SEMS
, ,CAN DMYAL BA 'DIR 'BYUNG BA'I STENG DU KHYAD PAR DU 'BYUNG BA NI 'DI LTAR SEMS CAN DMYAL BA PA DE KUN NAS ME MDAG GI RI LNGA LA, 'DI LTA STE, KUN SREG DANG; GTING ZAB DANG, MUN NAG THIBS DANG, ME MDAG TSA BA LTA BU DANG, LAS MNGON SUM PA RNAMS KYI YONGS SU BSKOR BA DER SEMS CAN DMYAL BA DE KUN NAS DPAG TSAD STONG YOD LA, RI DE DAG KYANG KUN NAS RI KHOR YUG DANG, KHOR YUG CHEN PO DAG DANG HA CANG MI RING BA NA YOD DE, DER SEMS CAN DMYAL BA PA DES RI DE DAG ME TOG AUTPA LAS GANG BA LTA BU DANG, SHING LJON PA DANG, NAGS TSAL DANG, LTENG KA PHUN SUM TSOGS PA LTA BUR MTHONG STE, DE DAG BDE BA MYONG BAR BYA BA'I PHYIR DE GANG GI TSE BRGYUGS PA DANG, DE'I TSE LAS KYI RLUNG ME LTA BU LANGS PAS BDAS SO, ,ME MDAG DE DAG KYANG RLUNG DES BUS SO, ,BUS PA DES SEMS CAN DMYAL BA PA DE KUN NAS YONGS SU BKRES SO, ,LUS THAMS BSREGS PA DE'ANG RI DE DAG GI GZUGS SNGON POR MTHONG STE, TSA BAS GDUNGS PA MA GON 'DOD PA, SKYABS 'DOD PA, DPUNG GNYEN 'DOD PA DE'ANG RGYUG GO ,DE GANG GI TSE RI DE'I DRUNG DU PHYIN PA DANG, DE 'DI LTAR KUN NAS BYI BRUN LA LCAGS KYI MDA' 'PHEN PA 'PHANGS PA TZAM GYIS 'GRO BA MI MNGON PA DE LTAR SEMS CAN DMYAL BA PA DE ME MDAG GI
NANG DU 'GRO BA'I 'GROS KYANG GAR SONG GTOL MED PAR MI MNGON NO, ,DE DER SONG MA THAG TU 'DI LTAR SREG CING 'TSED LA SKOL BA NA MUN PA MUN NAG GI NANG DU SONG NAS DBANG PO THAMS CAD 'GAGS SHING SDUG BSNGAL THAMS CAD KYI GZHIR GYUR TE, NYES PA BYAS PA'I 'BRAS BU THAMS CAD MNGON SUM DU BYUNG LA, DES GANG MI DGE BA BYAS SHING BSAGS PA DE DAG DE'I LAS KYI SHUGS KYIS 'ONGS PA'I 'BRAS BU LA NYE BAR SPYOD DO, ,DE LTAR DE ME MDAG GI MUN PA'I NANG NA DPUNG GNYEN MED CING GROGS MED PA SDUG BSNGAL MI BZAD PAS NYAM THAG PAR GYUR PA, YUN RING DU RANG GIS BYAS PA'I LAS KYI 'BRAS BU LA SPYOD PAR ZHUGS PA YUN RING DU 'TSED DO, ,DE GAL TE YANG LAS KYI RLUNG DE DAG NYID KYIS ME MDAG DE DAG GI NANG NAS 'BYIN PAR BYED DE, LUS THAMS CAD BSKOL CING SDUG BSNGAL THAMS CAD KYIS NYAM THAG PA DE RKANG PA GAR BAB BAB TU 'DOR RO, ,DE NAS YANG 'BYUNG BAR 'GYUR TE, GSHIN RJE'I MI RNAMS KYIS BZUNG NGO, ,GZUNG NAS KYANG DE'I RKUB SOG LE RAB TU 'BAR BAS GCOD DO, ,BCANG CING GTUBS NAS YANG SHIN TU GZHON SHA CAN DU SKYE BAR 'GYUR TE, DE LTAR LO 'BUM PHRAG DU MAR DE SOG LE'I SDUG BSNGAL MYONG ZHING DE 'DI SKAD DU RNAM PAR SGRA 'BYIN PAR BYED DO, ,BDAG GIS LAS DAG BYAS PA YI, ,'BRAS BU DE DGE BDAG NYID YIN, ,'DOD CHAGS
, ,DGRA YID GDUNGS PA NI, ,PHYIS NAS SEMS CAN DMYAL BAR 'ONGS, ,'DOD CHAGS GDUNGS PA'I LAS CAN GYI, ,BAG MED SA NA MI GTZANG BA'I, ,ZHAGS PA DE YIS BCINGS PA YIS, ,BDAG NI GNAS 'DI DAG TU 'ONGS, ,SNGON CHAD DAG NI 'DOD CHAGS KYI, ,'BRAS BU TSA SNYAM MI BYED DE, ,MI SHES PA YIS BDAG BSLUS PAS, ,'DIR NI BDAG GIS BYAS LA SPYOD, ,BRTZE MED SHIN TU DRAG PA YI, ,SDIG PA DAG GI DBANG DU SONG, ,SDUG BSNGAL RGYA MTSO MTHA' YAS DAG ,'DI LAS BDAG NI JI LTAR THAR, ,SDUG BSNGAL DAG LAS SDUG BSNGAL LAS, ,'DI YIS BDAG NI YONGS SU 'TSED, ,BDAG NI SEMS CAN DMYAL BAR ZAD, ,BDE BA 'THOB PA MA MTHONG NGO, ,DE LTAR SEMS CAN DMYAL BA PA DE NANG NA ME MDAG YOD PA'I SEMS CAN DMYAL BAR SHIN TU SDUG BSNGAL BAS NYAM THAG CING DU SKAD 'DON TE, SEMS CAN DMYAL BA PA DE JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU SDUG BSNGAL MYONG BAR 'GYUR RO, ,DE PHYIS SEMS CAN DMYAL PA DE LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS TSE RABS BRGYA PHRAG DU MAR YI DVAGS DANG, DUD 'GRO DAG TU SKYE BAR 'GYUR TE, YI DVAGS RNAMS SU BKRES PA DANG, SKOM PAS GDUNGS BA'I LUS CAN DAG GCIG LA GCIG LTA BA
KHO NAR ZAD DO, ,DUD 'GRO RNAMS SU GCIG LA GCIG ZA BA LUS LAN BRGYAR 'CHI BAR 'GYUR RO, ,DE DE LAS THAR NAS GAL TE GNYA' SHING GI BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA DE'I LAS KYI MTHUS RTAG TU RIMS KYIS 'DEGS SHING DBUL BA DANG, NAD BU CAN DANG, YAN LAG MA TSANG BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO RAB TU TSA BA'I 'KHOR LA BRTAGS NA, DES THOS PA LAS BYUNG BA'I SHES PAS, SEMS CAN DMYAL BA AA LA LA ZER ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BA KUN TU BSTEN CING BSGOMS TE MANG DU BYAS PAS 'GYUR RO, ,DES 'DI LTAR BSLAB PA'I GZHI GCIG GAM; GNYIS SAM, GSUM MAM, BZHI'AM, LNGA LAS GZHAN PA BLANGS PA DANG, BU SRING DAM, BU SRING DANG 'DRA BA'AM, GROGS KYI CHUNG MA 'OS PA MA YIN PA DAG LA DES 'DI LTAR BRDA BYAS NAS SLU BAR BYED NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA AA LA LA ZER BAR SKYE BAR 'GYUR RO, ,DER SKYES NAS KYANG GANG SEMS CAN DMYAL BA
, ,YANG SOS LA SOGS PA'I GNOD PA BSDUS PA DE DAG THAMS CAD 'BYUNG BA'I STENG DU KHYAD PAR DU 'BYUNG BA NI, 'DI LTAR RLUNG SHIN TU DRAG CING SHIN TU RTZUB LA SHIN TU MI ZAD PA SHUGS KYIS MGYOGS PA DANG LDAN PA LDANG LA, GANG GIS SEMS CAN DMYAL BA DE DAG GI LUS SO SOR KHYER BAR BYED DE, JI LTAR RLUNG CHEN PO SHIN TU MI BZAD CING RTZUB PAS RAS BAL GYI SPU'AM, SBU'I SNOD GLONGS NA SPU RNAMS KYI GDAGS PA'ANG MI MNGON PAR KHYER RO, ,GANG GIS KHYER BA'I RAS BAL DE DAG GI SPU RNAMS RLUNG DES PHYOGS BCUR BDAS SHING KHYER BA PHAN TSUN THUG PA DE LTAR SEMS CAN DMYAL BA DE DAG GI LUS SEMS CAN DMYAL BA'I RLUNG SPU GRI LTA BU DES 'DI LTAR BYE MA'I TSAD TZAM DU'ANG MI MNGON PAR KHYER RO, ,GANG GIS LUS DE DAG SPU TZAM DANG NYUNG DU NYUR DUR BYED DE, YAN LAG DANG, NYING LAG THAMS CAD GDAGS PAR YANG MNGON PAR MI BYED DO, ,LAS NGAN PA BYAS PAS YANG LUS DE DAG 'BYUNG BAR 'GYUR TE, DE LTAR JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU'ANG 'DOD CHAGS KYI DBANG GIS SNGA MA BZHIN DU KHYER RO, ,YUN RING MO ZHIG 'DAS NAS GAL TE BRGYA LA DE'I RLUNG GI GNOD PA LAS THAR NA DE LA BYI BA MCHE BA RDO RJE LTA BU YOD PA 'BYUNG LA GANG DE'I RKU BA YUNGS 'BRU TZAM DU
RLOG STE, BRLAGS NAS DU SKAD 'DON BZHIN DU ZA BAR BYED DO, ,DE ZOS NAS RGYU MA DAG ZA'O, ,LONG KA THAMS CAD KYANG ZA'O, ,LONG KA DE DAG ZOS NAS RGYAB TU 'BYUNG LA DE'I RGAL TSIGS ZA STE, DE LTAR DE'I LAS KYI MTHUS SEMS CAN DMYAL BA DE LO 'BUM PHRAG DU MAR SDUG BSNGAL MYONG BAR 'GYUR RO, ,DE GAL TE DE LAS THAR BAR 'GYUR TE, DE'I YUN RING MO ZHIG 'DAS NAS GAL TE NYON MONGS PA DE LAS THAR NAS DE GAR BAB BAB TU 'BROS SO, ,DE NAS RANG GI LUS LAS BYUNG BA'I SROG CHAGS MAR KO TA KA RNAMS KYIS GANG ZHING DE'I RKUB KYANG DE NAS 'CHA' ZHING ZA'O, ,DE JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU SROG CHAGS MAR KO TA KA DE RNAMS KYI SDUG BSNGAL MI BZAD PAS DU BAR BYED DE, 'O DOD 'BOD, SGRA SKAD 'BYIN, SMRE SNGAGS 'DON TO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS TSE RABS STONG PHRAG DU MAR YI DVAGS RANG GI SHA LA ZA BAR SKYE BAR 'GYUR TE, JI LTAR DE'I TSE DES BDAG NYID KYI BUD MED MA YIN PA LA MI TSANGS PAR SPYOD PAS RANG GI SHA LA ZA STE, DES BDAG NYID 'TSO BAR BYED DO, ,GAL TE BRGYA LA YI DVAGS KYI 'JIG RTEN DE LAS THAR NAS KYANG DE PHAG GI SKYE GNAS SU SKYE BAR 'GYUR TE, JI LTAR DES RANG GI MA DAG LA CHOS MA YIN PA BYAS
, ,PAS GANG DU SKYES PAR RANG GI MAS ZA BAR BYED DO, ,DE GAL TE DE LAS THAR NAS GNYA' SHING GI BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA, DE RTAG TU SKYES PA'I NAD KYIS 'DEBS SHING DE NAD DRAG PO MI BZAD PAS GNOD PA BYED LA DE'I PHO MTSAN GCOD PAR BYED DO, ,GAL TE BRGYA LA DE'I CHUNG MA ZHIG YOD PAR GYUR NA'ANG JI LTAR PHA ROL GYI BUD MED 'OS PA MA YIN PAR PHROGS PA LTAR, DE'ANG RUNG BA MA YIN PA'I MI DAG GIS DE 'PHROG PAR BYED DE, MI'I DON 'DI THAMS CAD MED PAR BYED PA NI, 'DI LTA STE, 'JIG RTEN DANG, 'JIG RTEN LAS 'DAS PA'I CHOS RNAMS DANG 'GAL BA 'OS PA MA YIN PA'I DRUNG DU 'GRO BA'O, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO RAB TU TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA CHEN PO RAB TU TSA BA'I 'KHOR SEMS CAN DMYAL BA SHAR GYUR PA THAMS CAD SDUG BSNGAL BA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAR LOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BA KUN TU BSTEN CING BSGOMS TE
MANG DU BYAS PAS 'GYUR RO, ,BUD MED SDOM PA BLANGS PA GANG GIS 'OS PA MA YIN PA'I DGE SLONG DBANG DU BYAS TE, CHANG BLUD NAS DE 'KHRUL PAR BYAS SHING YID LA GCAGS PA BSKYED NA; DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SHAR GYUR PA THAMS CAD SDUG BSNGAL BAR SKYE BAR 'GYUR RO, ,DER GANG SEMS CAN DMYAL BA YANG SOS LA SOGS PA'I SDUG BSNGAL DANG, GNOD PA BSDUS PA DE DAG THAMS CAD 'BYUNG BAR 'GYUR TE, GANG GIS RTAG TU TSUL KHRIMS DANG LDAN PA 'OS PA MA YIN PA LA 'OS PA NYID DU GOMS PAR BYED NA, DE RTAG TU MI DGE BAR ZHUGS PA DES LAM NGAN PA DE NYID RJES SU BSTAN PAR BYED DO, ,LAS KYI GZHI NGAN PA BYAS PA'I NGANG TSUL CAN MI DGE BA'I LAS KYI MTHA' DPYAD PA DES MI DGE BA'I LAM DE RJES SU BSTEN CING GOMS PAR BYED DO, ,SEMS CAN DMYAL BA DE SDUG BSNGAL CHES DRAG PA DANG, SDUG BSNGAL CHES MI BZAD PA DANG, SDUG BSNGAL CHES RTZUB CING TSA BA DAG SHIN TU SO SOR MYONG BAR 'GYUR TE, DER GANG SEMS CAN DMYAL BA YANG SOS LA SOGS PA'I SDUG BSNGAL BSDUS PA DE DAG THAMS CAD 'BYUNG BA'I STENG DU KHYAD PAR DU 'BYUNG BA NI, 'DI LTA STE, RKANG PA'I MTHE BO LA SOGS PA NAS MGO'I BAR DU MTSON CHA HU LU RAB TU 'BAR BA DAG GIS SHA MA GTOGS PAR BAGS PA GCOD PAR BYED DE, DE LTAR DE'I YAN LAG DANG,
, ,NYID LAG THAMS CAD DANG, PAGS PA DAG GCOD PAR BYED PA'I SDUG BSNGAL SHIN TU MI BZAD DO, ,DE'I PAGS PA DE DAG KYANG SA'I NANG DU BCUG NAS SREG PAR BYED DE, DE'I LUS PAGS PA MED PA'I LUS DE DAG LA GSHIN RJE'I MI DE RNAMS KYIS LCAGS KYI SNOD KYI NANG DUB TSVA RAB TU BSKOL PA KHYER NAS LDUGS PAR BYED DE, DES DE SREG PAR BYED; SKOL BAR BYED DO, ,SDUG BSNGAL GYIS NYAMS THAG CING SDUG BSNGAL TSA BA RTZUB PAS, NYAM THAG PA DE NGU SKAD 'BYIN CING CHO NGES 'DEBS LA YONGS SU SMRE SNGAGS 'DON TO, ,DE LTAR LO 'BUM PHRAG DU MAR SDUG BSNGAL MYONG BAR 'GYUR ZHING LO BGRANG GIS MI LANG BA'I BAR DU MYONG BAR 'GYUR TE, JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR MA BYAS PA DE SRID DU SDUG BSNGAL TSA BA SHIN TU MI BZAD PAS GDUNGS SO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG GAL TE YI DVAGS DANG, DUD 'GRO DAG TU MA SKYES LA GNYA' SHING GI BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BUS DE DBUL ZHING NAD BU CAN DANG, LUS DAG LA NAD SHIN TU MI BZAD PAS THEBS PAR 'GYUR, DE RGYA MTSO'I NANG GI BAR DAG TU GANG RIS MTHUN PAR 'GYUR BA MI MA TSANG BA, 'DI LTA STE,
RKANG PA GCIG PA DANG, SNA GCIG PA DANG, LAG PA GCIG PA DANG, LUS CHUNG BA DANG, TSE THUNG BA RNAMS TE, 'DI LTA STE, DER SKYES PA NYI MA GCIG CIG THUB PAR 'GYUR BA MTHONG NGO,, ,, 'PHAGS PA DAM PA'I CHOS DRAN PA NYE BAR GZHAG PA, BAM PO BCU BZHI PA, DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO RAB TU TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA CHU BO RAB MED RAB TU TSA BA ZHES BYA BA YOD PA MTHONG NGO, ,DES SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BA KUN TU BSTEN CING BSGOMS TE MANG DU BYAS PAS 'GYUR RO, ,STEGS BU'I DBUS SU ME BUS NAS LAG PAS BZUNG STE BSKOR NAS SNA BLAN PA GROGS KYI CHUNG MA NYAMS PA MED PA LA SUN 'BYIN PAR BYED CING SUN PHYUNG NAS KYANG MNGON PAR DGA' BAR BYED, YANG DAG PAR DGA' BAR BYED LA, DGA' BAR BYED PA, MI DGE BA DE NYID LA KUN TU SPYOD NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA CHU BO RAB MED RAB TU TSA BAR SKYE BAR 'GYUR RO, ,DER SKYES NAS GANG SEMS CAN DMYAL BA YANG SOS LA SOGS
, ,PA'I 'KHOR GYI GNOD PA BSDUS PA DE DAG THAMS CAD 'BYUNG BA'I STENG DU GNOD PA KHYAD PAR DU 'BYUNG BA NI MUN NAG THIBS POS NAM MKHA' GANG BA NAS LAS KYIS BYAS PA'I DBYUG PA DANG, RAL GRI SHIN TU RNO BA DAG RAB TU 'BAR BA DER SEMS CAN DMYAL BA PA DE'I LUS NANG DU NUB BO, ,NANG DU NUB NAS SREG PAR BYED CING YAN LAG DANG, NYID LAG THAMS CAD SHIN TU 'BUGS PAR BYED, GSHEG PAR BYED, 'TSED PAR BYED, YAN LAG DANG, NYING LAG THAMS CAD PHAN TSUN 'BRAL BAR BYED DO, ,DE'I PHYI ROL ME'I SDUG BSNGAL GYIS KYANG SREG PAR BYED CING NANG DU DBYUG PA DANG, RAL GRIS GSHEG PA'I SDUG BSNGAL BA NA, SDUG BSNGAL SHIN TU MI BZAD CING TSA LA RTZUB PA GZHAN DANG MTSUNGS PA MED PA'I SDUG BSNGAL MYONG NGO, ,SDUG BSNGAL DES BSGRIBS PA DE GAR BAB BAB TU 'BROS PA DANG, DES NGAM GROG CHEN PO NA CHU BO RAB MED RAB TU TSA BA ZHES BYA BAR LAS LAS BYUNG BA'I SPRUL GDUG PA RNAMS KYIS RAB TU GANG BAR MTHONG NGO, ,DER SDUG BSNGAL GYIS GDUNGS PA DES 'KHRUL PAR MTHONG STE, MI MTHO 'TSAM PAR BYED PA DE RNAMS KYIS DE RAB TU SO SOR PHYE NAS SPRUL GDUG PA RNAMS KYIS ZA BAR BYED DE, SBRUL GDUG PA'I MCHE BA RNON PO RNAMS KYIS KUN NAS SHIN TU SDUG BSNGAL GYIS NYAM THAG PA DE, DER JI SRID DU DE SDIG
PA'I LAS BCOM ZHING SPANGS LA ZAD PAR MA BYAS PA DE SRID DU DU SKAD 'BYIN CING CHO NGES 'DEBS LA YONGS SU SMRE SNGAGS 'DON TO, ,DE PHYIS DE LAS YUN RING MO ZHIG 'DAS SHING LO BGRANG GIS MI LANG BA NA THAR BAR 'GYUR TE, THAR NAS KYANG GAL TE YI DVAGS DANG, DUD 'GRO DAG TU MA SKYES LA GNYA' SHING GI BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BUS DE DBUL ZHING NAD BU CAN DANG, YONGS SU SMRE SNGAGS 'DON PA DANG, GZHAN GYIS BKOL BA DANG, DBANG PO MA TSANG BAR 'GYUR, MI BYAD GZUGS RTA RGOD MA 'DRA ZHING TSANG TSING GANGS RI LTA BU'I NANG DU SKYE LA, DER KHA ZAS 'BRAS BU'I RTZA BA 'BA' ZHIG GIS 'TSO BAR BYED DE, DE GZHAN LAS SKYES PA'I KHA ZAS NAM YANG MNGON PAR SHES PAR MI 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO RAB TU TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA RTAG TU MUN PA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BA KUN TU BSTEN CING BSGOMS TE MANG DU BYAS
, ,PAS 'GYUR RO, ,PHYI ROL BA'I 'DOD CHAGS DANG BRAL BA DE PHYIS 'DOD CHAGS MNGON PAR SPANGS TE 'DOD CHAGS ZHE SDANG GTI MUG DANG BRAL BA DE BUD MED DAG GIS BSLUS NAS YANG 'DOD PA RNAMS LA 'JUG PAR BYED NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA RTAG TU MUN PA ZHES BYA BAR SKYES BAR 'GYUR RO; ;DER SKYES NAS KYANG GANG SEMS CAN DMYAL BA YANG SOS LA SOGS PA'I GNOD PA DRAG PA BSDUS PA DE DAG THAMS CAD 'BYUNG BA'I STENG DU KHYAD PAR DU 'BYUNG BA NI 'DI LTAR SRIN BU SA RKO ZHES BYA BA DAG GIS DE JI LTAR DBU BA LA 'BIGS PA DE LTAR MCHU RDO RJE LTAR RNO BA DE DAG SEMS CAN DMYAL BA PA DE'I NYES PAR BYAS PA'I LAS DES 'BYUNG BAR 'GYUR LA GANG DAG PAS CHES MI BDE BA BYED PA YIN TE, CHES SDUG BSNGAL BA YIN NO, ,SA RKO DE RNAMS KYIS RUS PA DAG PHUG PA NAS RKANG GI BAR DU ZA STE, JI LTAR SEMS CAN DMYAL BA PA'I SDUG BSNGAL BSDUS PA DE DAG THAMS CAD DE LTAR BRGYA'I CHA DANG, STONG GI CHA DANG, BRGYA PHRAG STONG GI CHAR YANG MI PHOD DE, DE LTAR BDAG NYID DE DAG LAS THAR BAR BYED MI NUS SO, , DE GANG DANG, GANG DU 'BROS PA DE DANG, DE NYID DU SRIN BU DAG GIS MI GTONG BAR BYED DE, DE LTAR DE LO 'BUM PHRAG DU MAR SREG GO, 'TSED DO, ,SEMS CAN DMYAL BA PA'I SDUG BSNGAL
CHES SHIN TU SDUG BSNGAL BA DAG GIS NYAM THAG PA SEMS CAN DMYAL BA DER YUN RING DU SREG CING 'TSED KYANG DE'I LAS BYAS SHING BSAGS PA SEMS CAN DMYAL BAR GRUB PA'I MTHUS 'CHI BA'I DUS NI MI BYED DO, ,DE JI SRID DU DE'I SDIG PA'I LAS BYAS ZHING BSAGS PA BCOM ZHING SPANGS LA ZAD PAR MA BYAS PA DE SRID DU 'TSED DO, ,DE GAL TE YI DVAGS DANG, DUD 'GRO DAG TU MA SKYES LA GNYA' SHING GI BU GAR RUS SBAL 'JUG PA LTA BUR MI RNAMS DANG BSKAL PA MNYAM PAR MIR SKYES NA, LAS DE DANG RGYU MTHUN PA'I 'BRAS BUS DE MDOG NGAN CING RKANG LAG RDOL BA DANG, TSONG PA MO'I BRAN PHO DANG, BRAN MO BUM PA THOGS PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO RAB TU TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA GNOD PA'I RGYUD CES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BA KUN TU STE [?] DE CING BSGOMS TE MANG DU BYAS PAS 'GYUR RO, ,TSUL KHRIMS DANG LDAN PA CHOS KYI LAM LAS NYAMS PA MED PA'I DGE SLONG BAG TSA BA MED PA'I SAR SONG BA LAS, BUD MED SNGAR [?]
, ,MA ZHIG NA RE, BDAG LA CI DGA' BA MDZOD CIG ,GAL TE DGE SLONG KHYOD BDAG DANG LHAN CIG MJAL BAR MI MDZAD NA DE BDAG GIS DGE SLONG 'DI BDAG LA 'DOD PAR BYED PA LAS DE KHO MOS MI 'DOD DO ZHES SMRA BAR BYA'O, ,DES NA KHYOD LA CHAD PA CHEN POS GCOD PAR 'GYUR TE, GAL TE RGYAL PO'I 'KHOR NAS SAM, GAL TE BDAG GI KHYIM THAB KYIS GCOD PAR BYED DO, ,GAL TE MDZAD NA DE BDAG GIS KHYOD LA BZA' BA DANG BCA' BA MANG PO DBUL BAR BYA STE, DE LTAR 'O SKOL SHIN TU DGYES PAR 'GYUR ZHING GZHAN GYIS KYANG MI TSOR BAR 'GYUR RO, ,'JIG RTEN PA DAG LA'ANG DGE SLONG 'DI NI SHIN TU TSUL KHRIMS DANG LDAN PA YIN TE, 'DI LA MAL CHA DANG, NA BA'I RKYEN GSOS SMAN GYI YO BYAD MANG PO DAG PHUL CIG CES SMRA BAR BGYI STE, SBYIN PA PO DANG, SBYIN BDAG TU 'GYUR RO ZHES DE LTAR 'JIGS PAS BSDIGS NAS BRING DE DGE SLONG YANG DAG PA'I LAM LAS NYAMS PAR BYED NA, BUD MED DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA GNOD PA'I RGYUD CES BYA BA DER SKYE BAR 'GYUR RO, ,DER GANG SEMS CAN DMYAL BA CHEN PO YANG SOS LA SOGS PA'I GNOD PA BSDUS PA DE DAG THAMS CAD 'BYUNG BA'I STENG DU GNOD PA KHYAD PAR DU 'BYUNG BA DAG NI 'DI LTAR GSHIN RJE'I MI DAG GIS BUD
MED DE BZUNG STE BTZIR BTZIR NAS BAGS PA 'THOG PAR BYED DO, ,PAGS PA DE DAG BTOGS NAS KYANG YANG G-YOG PAR 'BYUNG ZHING YANG SHIN TU GZHON NUR SKYE STE, KHA DOG SHIN TU MI SDUG PAR SKYE'O, ,DE GSHIN RJE'I MI RNAMS KYIS DAM POR BZUNG NAS LCAGS KYI SO MANG RAB TU 'BAR BA BLANGS TE DE'I LUS THAMS CAD 'TSED PAR BYED, RNAM PAR GSHEG PAR BYED; YONGS SU 'BRAL BAR BYED DO, ,SDUG BSNGAL GYIS NYAM THAG PA'I BUD MED DE NYES PAR BYAS PA'I LAS KYIS BSLUS PA YUN RING DU NGU SKAD 'DON CING CHO NGES 'DEBS LA YONGS SU SMRE SNGAGS 'DON TO, ,DE LTAR GNOD PA MYONG BAS GAR BAB BAB TU 'BROS PA DANG, DE NAS LAS KYIS SPRUL PA'I DGE SLONG 'ONG BA MTHONG STE, SEMS 'DOD PAS BSGRIBS PA SEMS KYIS YONGS SU BSLUS PA DE DE'I DRUNG NYID DU RGYUG LA, DE LTAR 'DOD PA DGRA LTA BU LAS RGYAL BAR BYA BAR DKA' BA GANG DE'I GNAS SU RGYUG PAR BYED LA DE DE DANG PHRAD PA DANG YONGS SU 'JU BAR BYED DO, , DE'ANG ME THAB TU GYUR NAS KUN NAS RAB TU 'BAR BA DER DE RAB TU 'JUG PAR BYED DO, ,DE MI DES LO 'BUM PHRAG DU MAR SEMS CAN DMYAL BA GNOD PA'I RGYUD DU JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR MA BYAS PA DE SRID DU SDUG BSNGAL DRAG CING RTZUB LA SHIN TU MI BZAD PA MYONG BAR 'GYUR RO, ,DE PHYIS SEMS CAN DMYAL BA DE LAS THAR BAR
, ,'GYUR TE, THAR NAS KYANG LAS DE DANG RGYU MTHUN PA'I 'BRAS BUS TSE RABS LNGA BRGYAR DUD 'GRO DAG TU SKYE BAR 'GYUR RO, ,GAL TE GNYA' SHING GI PHU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA DE'ANG BUD MED DU 'GYUR TE, GRONG KHYER DANG, GRONG KHYER THAMS CAD KYI LDAN LJIN 'PHYAG PA DANG, GRONG KHYER PA THAMS CAD KYIS SMAD PA DANG, DBUL ZHING MDOG NGAN LA RKANG LAG RDOL BA DANG, BYAD BZHIN MTHONG NA 'JIGS SU RUNG BA DANG, PHA MA DANG, GNYEN 'DAB KYIS SPANGS PAR 'GYUR, RTAG TU CHU PHYE BKRA TZAM GYI 'TSO ZHING DRI MA CAN DANG, BGO BA NGAN PA DANG, LUS KYI PHYOGS GCIG NYAMS PA DANG, LUS SHIN TU CHAD PA DANG, 'GRO BA NA BYIS PA RNAMS KYIS RDO DANG, BONG BA DAG GIS MNGON PAR 'TSOG STE, SDUG BSNGAL BAS 'TSO BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO RAB TU TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA SRAD BU'I RGYUD 'BAB PAS DKRUGS PA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG,
RDZUN SMRA BA DANG, LOG PAR LTA BA KUN TU BSTEN CING BSGOMS TE KUN TU BYAS PAR 'GYUR RO, ,RGYAL PO SNYEMS PAS SAM, RGYAL SRID GZHAN GYI YUL 'KHOR 'PHROG PA'I TSE DGE SLONG MA NYON MONGS PA MED PA MTHUS SUN PHYUNG NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SRAD BU'I RGYUD DKRUGS PAR SKYE BAR 'GYUR RO, ,DER SKYES NAS KYANG GANG SEMS CAN DMYAL BA YANG SOS LA SOGS PA'I GNOD PA BSDUS PA DE DAG THAMS CAD 'BYUNG BA'I STENG DU KHYAD PAR DU 'BYUNG BA NI JI LTAR SEMS CAN DMYAL BA DE THAMS CAD 'DI LTAR DRA BA RDO RJE LTAR SRA BA'I NANG DU BCUG NAS DER YAN LAG DANG, NYING LAG GI PHYOGS GANG DANG, GANG REG PA DE DANG, DER SPU GRI LTA BUS KUN NAS GCOD PAR BYED DO, ,DER YANG JI LTAR SBRANG BU DAG SPU LA RAB TU 'PHYANG BA DE LTAR SRAD BU RDO RJE LTA BU'I DRA BA LA 'PHYANG NGO, ,DE NYID DU SKYE ZHING SKYE ZHING 'CHI STE, GSHIN RJE'I MI RNAMS KYIS YAN LAG DANG, NYING LAG THAMS CAD MDA' RAB TU 'BAR BA DAG GIS SDOG PAR BYED DO, ,DE DRA PA RDO RJE LTAR SRA BA'I NANG DU BCUG CING MDA' DAG GIS KYANG SDOG PA NA SDUG BSNGAL SHIN TU TSA BA DRAG CING MI BZAD PA DAG MYONG BAR 'GYUR TE, DE NGU SKAD 'DON CING CHO NGES 'DEBS LA EYONGS SU SDE [?] SNGAGS 'DON TO, ,SDUG BSNGAL MTHA' YAS PA DAG GIS NYAM THAG CING KUN NAS DBYER MED LA BCING BA KUN GYIS BCINGS PA NA, DE GAL TE LAS KYI RKYEN GYIS THAR NA SHIN TU SDUG
, ,BSNGAL BA YIN TE, GAR BAB BAB TU 'BROS SO, ,DE ME MDAG GI RLUNG DAG GI NANG DU 'JUG STE, RAB TU ZHU ZHING SREG LA YONGS SU SMRE SNGAGS 'DON CING DU SKAD 'BYIN PA NA, GNYIS SU MED LA GROGS MED PA DES RGYANG RING PO NA SGO CHEN PO KUN NAS GSAL BA ZHIG MTHONG NAS DER RGYUG CING DER RAB TU 'JUG PAR BYED DO, ,DE'ANG SBRUL CHEN PO SHUGS RAB TU DRAG CING GDUG PA ZHIG YIN TE DES MID DO, ,SEMS CAN DMYAL BA PA DE LUS KYI NANG DE BSREG PA NA SKAD 'BYIN PAR YANG MI NUS SO, ,SBRUL DE'ANG LAS LAS BYUNG BA YIN TE, JI LTA JI LTAR BDAG NYID YONGS SU DKRI BAR BYED PA DE LTA DE LTAR SEMS CAN DMYAL BA PA'I LUS NANG DU ZHUGS PA DE DAG THAMS CAD SGRA SKAD 'BYIN PAR MI NUS SHING LUS RTZA DANG, RGYUS PA DANG BRAL BA DE DAG THAMS CAD BYE MA LTAR ZHIB MOR BYED DE, DE LTAR LO 'BUM PHRAG DU MA LO BYE BA GRANGS MED PAR DE SBRUL GYI LTO DER 'TSED DO, ,'THUB BO, ,DE GAL TE YANG SBRUL DES SKYUGS PA DANG, LUS SHIN TU MA TSANG BA, LUS RTZA DANG, RGYUS PA THAMS CAD SHIG SHIG BOR GYUR PA'I LUS GAR BAB BAB TU 'BROS PA DANG, DES GSHIN RJE'I MI RNAMS 'ONG BA MTHONG STE, DE DAG GIS BZUNG NAS DE MTSON RNON PO RNAMS KYIS YAN LAG DANG, NYING LAG THAMS CAD CHU SRIN BYIS PA GSOD LTAR RNAM PAR ZHIGS PAR BYED DO, ,
DE LTAR JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MA LO BGRANG GIS MI LANG BAR YUN RING DU SDUG BSNGAL MYONG BAR BYED DE, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS TSE RABS LNGA BRGYAR YI DVAGS DANG, DUD 'GRO DAG TU SKYE BAR 'GYUR RO, ,GAL TE GNYA' SHING GI BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA, DE DBUL ZHING NAD BU CAN DANG, GZUGS MI SDUG PAR 'GYUR, RTAG TU SGRA MI SNYAN PA DAG GIS GNOD PAR 'GYUR LA LUS THAMS CAD DUG GIS YOG CING NYAM THAG PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO RAB TU TSA BA'I 'KHOR LA BRTAGS NA, DES SEMS CAN DMYAL BA SKRA SHAD 'DZINGS PA DANG, BYA KHVA YOD PA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BA KUN TU BSTEN CING BSGOMS TE MANG DU BYAS PAS 'GYUR RO, ,SRING MO CHANG GIS RA RO BAR GYUR PA LA MI RIGS PAR BYAS NA DE LUS DANG BRAL NAS NGAN 'GRO LOG PAR LTUNG BA
, ,SEMS CAN DMYAL BA SKRA SHAD 'DZINGS PA DANG, BYA KHVA YOD PAR SKYE BAR 'GYUR RO, ,DER GANG SEMS CAN DMYAL BA CHEN PO YANG SOS LA SOGS PA'I SDUG BSNGAL BSDUS PA DE DAG THAMS CAD 'BYUNG BA'I STENG DU KHYAD PAR DU 'BYUNG BA NI, 'DI LTA STE, ZANGS KYI ZHIG DAG GI NANG DU 'JUG PAR BYED DO, ,ZHUGS NAS KYANG DER 'JU BAR BYED DO, ,DE NAS YANG 'TSO BAR 'GYUR RO, ,DE NAS YANG 'JU BAR BYED DE, ZHI GA DE DAG GI NANG DU BCUG NAS 'TSO'ANG 'TSOL 'CHI'ANG 'CHI STE, 'CHI BA DANG, 'TSO BAR BYED DO, ,DE 'DI LTAR GSHIN RJE'I MI RNAMS KYIS SBUD PA GNYIS KYIS 'BUD DE JI LTAR DE'I SOL BA DANG, DE'I ZHI GA DAG DANG, SEMS CAN DMYAL BA PA DE'I LUS KYANG MI MNGON PAR 'BUD DO, ,DE LTAR DE LO 'BUM PHRAG DU MAR ZHI GA DAG GI NANG DU BCUG NAS JI LTAR MES GSER 'JU BA LTAR 'TSED DO, ,DE LTAR DE SEMS CAN DMYAL BA DER NYES PAR BYAS PA'I LAS KYI MTHA' DPYAD PAS 'TSED DO, ,DE GAL TE LAS ZAD PAS ZHI GA DE DAG GI ZHABS KYI NANG DU LHUNG STE, GSHIN RJE'I MI RNAMS KYIS BZUNG NAS BRDUNG BA RNAMS KYIS JI LTAR LCAGS MGAR SA DAG LA LCAGS GONG BUR BYAS TE, LCAGS MGAR GYIS KUN TU RDUNG BA DE LTAR KUN TU RDUNG NGO, ,DE LTAR KUN TU RDUNG BA NA BRDUNGS PA DANG SROG CHAD LA, DE NAS YANG BRDUNG BA BTEG PA DANG YANG 'TSO
STE; DE LTAR SEMS CAN DMYAL BA PA DE YUN RING DU LO BGRANG GIS MI LANG BAR 'TSED DO, ,DE BRGYA LA DE LAS THAR NAS GSHIN RJE'I MI RNAMS KYIS RNGA PO CHE'I NANG DU 'JUG PAR BYED DO, , BCUG NAS KYANG LAS KYIS BYAS PA'I RNGA BO CHE'I SGRA GANG GIS DE'I SNYING ZHIG PAR BYED PA RNAM PA DE LTA BU 'BYUNG BAR 'GYUR TE, SNYING RNAM PAR ZHIGS PA DE'ANG 'TSO BAR 'GYUR LA DE NAS YANG 'CHI BAR 'GYUR TE, DE LTAR DE JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR BYAS PA DE SRID DU 'TSO ZHING 'CHI'O, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS TSE RABS DRUG BRGYAR DUD 'GRO DAG TU SKYE BAR 'GYUR RO, ,GAL TE BRGYA LA MI RNAMS DANG SKAL PA MNYAM PAR MIR SKYES NA DE RTAG TU SNYING SKRAG PAR 'GYUR, RI DVAGS KYI SEMS LTAR RNAM PAR 'KHRUL CING RGYAL PO'I 'KHOR NAS RTAG TU 'TSE BAR 'GYUR, GZHAN GYIS SGRA 'BYIN PAR BYED CING BCING BAS KYANG CHE ZAD PAR BYED DE, NAM YANG SEMS BDE BAR MI 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO RAB TU TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA SNYING RJE RJE SKAD SGRA 'BYIN PA ZHES BYA BA MTHONG NGO, ,DER SEMS CAN DAG LAS
, ,GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BA KUN TU BSTEN CING BSGOMS TE MANG DU BYAS PAR 'GYUR RO, ,MCHOD SBYIN GYI LAM LOG PAR LTA BA LOG PAR MTHONG BA'I LAM GYIS SRING MO GZHON NU SUN 'BYIN PAR BYED PA NI JI LTAR BRAM ZE'I SMRANG LAS BUD MED GZHON NU 'DOD CHAGS LANGS PA GANG BAG MAR MA BLANGS NA DES MI'I SROG GCOD PA DANG 'DRA BA 'THOB PAR 'GYUR RO ZHES DE LTAR SMRANG NGAN PAS BSLUS PAS 'OS PA MA YIN PA LA BYED PA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SNYING RJE RJE SKAD SGRA 'BYIN PAR SKYE BAR 'GYUR RO, ,DER GANG SEMS CAN DMYAL BA YANG SOS LA SOGS PA'I GNOD PA BSDUS PA DE DAG THAMS CAD 'BYUNG BA'I STENG DU KHYAD PAR DU 'BYUNG BA NI 'DI LTAR GSHIN RJE'I MI RNAMS KYIS LAG PA DAG GIS MDE'U STE'U KA RAB TU 'BAR BA 'PHEN PA DE LTAR SEMS CAN DMYAL BA PA 'PHEN TE, JI LTAR BU SA LA'I 'DAB MA TZAM DU LUS GANG NYAMS PA DANG, RNAM PAR NYAMS PA MA YIN PA LA LHAG MA MED PAR BYED DE, DE LTAR YAN LAG DANG, NYING LAG THAMS CAD NYAMS, RNAM PAR NYAMS SHING RAB TU 'BAR BA KUN NAS SDUG BSNGAL MI BZAD PAS NYAM THAG PA
MGON MED CING GROGS MED LA, GNYIS SU MED PA YUN RING DU LO BGRANG GIS MI LANG BAR SDUG BSNGAL TSA BA RTZUB PA MYONG BAR 'GYUR RO, ,GAL TE YANG LAS ZAD PA'I RKYEN GYI DBANG GIS MDE'U STE'U KA DANG, RAL GRI NYAM NGA BA DE LAS THAR NA LCAGS KYIS GZHI'I STENG NA ME MDAG RAB TU 'BAR BA'I PHUNG POR 'BYING BZHIN DU 'BROS SO, ,SDUG BSNGAL GYI GDUNG BA MANG POS NYAM THAG CING DU SKAD 'BYIN PA'I TSE, THAG NYE BA NA NAGS TSAL CHEN PO'I SPRIN NAG PO LTA BU YOD DE, KUN NAS BYA SKAD SNYAN PAS YONGS SU BSKOR CING DE'I THAG NYE BA ZHIG NA MTSO CHEN PO CHU RAB TU DANG BA ZHIG YOD PA MTHONG NAS DE 'DI SNYAM DU SEMS TO, ,KYE AE MA, NAG PO 'DI NI NAGS TSAL YIN LA MTSO SNGON PO DANG YANG LDAN PA ZHIG STE, BDAG NI 'DIR BDE BA THOB PAR 'GYUR RO SNYAM NAS MGON 'DOD PA, SKYABS 'DOD PA, DPUNG GNYEN 'DOD PA DE NAGS TSAL DE'I DRUNG DU SA GZHI ME MDAG RAB TU 'BAR BA'I PHUNG POR 'BYING BZHIN DU RGYUG GO ,DE GANG GI TSE THAG NYE BA NA NAGS TSAL YOD PA DE DANG, BYA DAG GIS KYANG BSKOR BA MTHONG BA DANG, SHIN TU BDE BA 'DOD PA DPUNG GNYEN 'DOD PA DE'ANG NAGS DE DAG NYID KYI DRUNG DU RAB TU RGYUG GO ,DE GAL TE TSEGS CHEN POS NAGS DE'I DRUNG DU PHYIN PA DANG, SNGAR GZHAN DU MTHONG LA, DE GZHAN ZHIG TU MTHONG STE, SBRUL SHIN TU GDUG CING RAB TU 'JIGS
, ,PA MGO STONG YOD PA, MIG RAB TU 'BAR BA, BYAD BZHIN 'JIGS 'JIGS LTAR 'DUG PA ZHIG DANG, BYA GANG YIN PA DE DAG KYANG LUS RAB TU 'BAR LA DE DAG THAMS CAD SEMS CAN DMYAL BA PA'I SGRA SKAD RAB TU 'BYIN PAR MTHONG LA SBRUL DES MOD BZHIN DU BZUNG NAS ZA BAR BYED DE, SDUG BSNGAL SNA TSOGS KYIS NYAM THAG PA CHO NGES 'DEBS PA NA DE'ANG SBRUL DE'I KHA RAB TU 'BAR BAS BZUNG NAS KHA'I BAR DU BCUG STE ZA BAR BYED DO, ,DE LAS KYIS BYAS PA'I SBRUL DE NYID KYIS ZA BA NI YUN RING PO LO BGRANG GIS MI LANG PAR ZA BAR BYED DO, ,DE GAL TE LAS ZAD NAS SBRUL DE'I KHA DE NAS THAR NAS SKOM PAS GDUNGS PAS MTSO DE'I DRUNG DU RGYUG GO ,MTSO DE'ANG DUD PA NAG POS BSGRIBS SHING NANG SEMS CAN DMYAL BA PA'I MES GANG STE DE MTSO DER NUB BO, ,MTSO DE ZABS SU DPAG TSAD TZAM STE, DER NUB CING DER SDUG BSNGAL MI BZAD PA MYONG NGO, ,JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU RANG GI LAS DANG MTHUN PA GZHAN DANG MI 'DRA BA'I SDUG BSNGAL MYONG BAR 'GYUR RO, ,DE PHYIS SEMS CAN DMYAL BA DE LAS THAR PAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS TSE RABS BDUN BRGYAR YI DVAGS DANG, DUD 'GRO NGAG TU SKYE BAR 'GYUR RO, ,DE GNYA' SHING GI
BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA, DE DBUL ZHING NAD BU CAN DANG, GZHAN GYIS BKOL BA DANG, LAM GYI BZHI MDO DANG, LAM PO CHER SPYAD PA DANG, MI'U THUNG DU 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO RAB TU TSA BA'I 'KHOR LA BRTAGS NA; DES THOS PA LAS BYUNG BA'I SHES PAS SEMS CAN DMYAL BA SNYING RJE CHEN PO ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BA KUN TU BSTEN CING BSGOMS TE MANG DU BYAS PAS 'GYUR, RO; ;GANG GIS SLOB TU BCUG LA SLOB PA'I TSIG DE YANG DAG PA'I LAM RAB TU STON PA YIN NA, DE 'DOD CHAGS BDO BAS MKHAN PO DE'I CHUNG MA NYES PA MED PA SUN 'BYIN PAR BYED CING 'JIG RTEN PA DAG LA'ANG 'DI LTAR 'DI NI MKHAN MO MA DANG 'DRA STE, BDAG NI BU DANG MTSUNGS SO ZHES KYANG BRJOD LA YID GCUGS PAR 'DOD NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SNYING RJE CHEN POR SKYE BAR 'GYUR RO, ,DER GANG SEMS CAN DMYAL BA YANG SOS LA SOGS PA'I GNOD PA BSDUS PA DE DAG THAMS CAD 'BYUNG BA'I STENG DU KHYAD
, ,PAR DU 'BYUNG BA NI 'DI LTAR GONG DANG, 'OG NA SO MI MTHUN PA'I KHA GCOD PA MTSON 'DZUGS PA LTA BUS YANG DANG, YANG DU GCOD PAR BYED DO, ,DE GCOD PA NA NANG DU GTOGS PA'I SHA DANG, RGYUS PA DANG, PAGS PA DANG, CHU SER DANG, RUS PA DANG, RKANG GI BAR THAMS CAD MTSON DAG GIS GCOD PAR BYED DE, DE LTAR SNYING RJE RJE SKAD DU DU ZHING YONGS SU SMRE SNGAGS 'DON TO, ,JI LTAR SEMS CAN DMYAL BA PA GZHAN DAG KYANG DUS PA'I SGRA DES DE LTAR SDUG BSNGAL MI BZAD PAS NYAM THAG STE , SHIN TU SNYING RJE RJE SKAD NYAM THAG PA NA SDUG BSNGAL DE DAG THAMS CAD MYONG NGO, ,GCOD PA NA SROG CHAD PAR MI 'GYUR TE, DE LTAR DES JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MA KUN TU BCAD CING BCAD CING YANG 'BYUNG BAR 'GYUR RO, ,DE PHYIS SEMS CAN DMYAL BA DE LAS THAR BAR 'GYUR TE; THAR NAS KYANG LAS DE DANG RGYU MTHUN PA'I 'BRAS BUS TSE RABS DRUG STONG DU SEMS CAN DMYAL BA DANG, YI DVAGS DANG, DUD 'GRO DAG TU SKYE BAR 'GYUR RO, ,DE LAS THAR NAS KYANG GAL TE GNYA' SHING GI BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA, DE GAL TE MNGAL DU'AM, GAL TE BTZAS NAS SAM, GAL
TE GAN KYAL DU GZHAG PA NA'AM, GAL TE GOG TZAM NA'AM, GAL TE RGYUG NUS TZAM NA 'CHI BAR 'GYUR ZHING GANG DANG, GANG DU SKYES PAR DBANG PO THAMS CAD MA TSANG BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA RAB TU TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA SNYING RJE MED PA'I SA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BA KUN TU BSTEN CING BSGOMS TE MANG DU BYAS PAS 'GYUR RO, ,MNA' MA LA MI RIGS PAR BYAS NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SNYING RJE MED PA'I SAR SKYE BAR 'GYUR RO, ,DER SKYES NAS GANG SEMS CAN DMYAL BA YANG SOS LA SOGS PA'I GNOD PA BSDUS PA DE DAG THAMS CAD 'BYUNG BA'I STENG DU KHYAD PAR DU 'BYUNG BA NI 'DI LTAR DE DAG SA'I STENG DU PHUNG PO BRTZEGS MAR BYAS TE, GSHIN RJE'I MI RNAMS KYI ZANGS KYIS GZHI RAB TU BSREGS PAR BRGYA'AM, YANG NA STONG GCIG GI STENG DU GCIG PHUNG POR BYAS PA NI JI LTAR SKRA'I RTZE MO LA SKABS MED PA DE LTAR GCIG GI STENG
, ,DU GCIG BSDUS NAS SREG GO ,DE LTAR DE DAG GCIG GI STENG DU GCIG BCER BAS GNOD PA NA JI LTAR DE DAG GCIG GI STENG DU GCIG SHIN TU THAGS DAM PAR BCER BA'I BAR MI MNGON PA DE LTAR BSDU BAR BYAS NAS GSHIN RJE'I MI RNAMS THO BA THOGS TE KUN TU 'TSOG GO ,DE LTAR JI SRID DU SDIG PA'I LAS BCOM ZHING SPANGS LA ZAD PAR MA BYAS PA DE SRID DU LO 'BUM PHRAG DU MAR SDUG BSNGAL MI BZAD PA TSA BA RTZUB PA MYONG BAR 'GYUR RO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS TSE RABS DGU BRGYAR YI DVAGS DANG, DUD 'GRO DAG TU SKYE BAR 'GYUR RO, ,DE LAS THAR NAS GNYA' SHING GI BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA, DE DBUL ZHING NAD BU CAN DANG, 'GRAN ZLA GZHAN GYIS BSAD PAR 'GYUR, YUL NGAN PAR CHU 'GRAM GYI MI KLA KLOR SKYE BAR 'GYUR TE, DER YANG THAMS CAD KYI THA MAR 'GYUR ZHING TSE THUNG BAR 'GYUR BA MTHONG NGO, ,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA RAB TU TSA BA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA SHING SKAM BSDUS PA LTA BU ZHES BYA BA MTHONG NGO, ,DER
SEMS CAN DAG LAS GANG GIS SKYE BAR 'GYUR SNYAM NAS DES BRTAGS NA, GANG GIS SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, CHANG 'THUNG BA DANG, RDZUN SMRA BA DANG, LOG PAR LTA BA KUN TU BSTEN CING BSGOMS TE MANG DU BYAS PAS 'GYUR RO, ,MI 'JIGS PA SBYIN PA BYIN PA'I CHUNG MA NYES PA MED PAR 'PHROG PA NI DE GSOD PA'I SAR KHRID CING BSAD DU DOGS PA NI GANG GIS SROG PHYUNG STE, MI DE BTANG BA LAS DES KYANG DRIN MED PAR BYAS NAS DE'I CHUNG MA 'PHROG PAR BYED NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SHING SKAM BSDUS PA LTA BUR SKYE BAR 'GYUR RO, ,DER SKYES NAS GANG SEMS CAN DMYAL BA YANG SOS LA SOGS PA'I GNOD PA BSDUS PA DE DAG THAMS CAD 'BYUNG BA'I STENG DU KHYAD PAR DU 'BYUNG BA NI 'DI LTAR SEMS CAN DMYAL BA DE CHU BO SGRA CHEN ZHES BYA BA DE'I NANG DU 'JUG PAR BYED DO, ,DES SEMS CAN DMYAL BA PA BRGYA STONG DU MA DAG KYANG 'JUG PAR BYED DO, ,SEMS CAN DMYAL BA PA DE DAG GI NANG DU 'JUG PAR BYED DO, ,DE DE LTAR DE DAG GI NANG DU ZHUGS SHING SHUGS DRAG POS BDAS PA RNAMS KYI 'OG TU BCUG NAS DE JI LTAR SKRA'I RTZE MO TZAM YANG MI OMNGON PA DE LTAR DE DAG GIS STENG NAS STENG DU 'DUS NAS GNOD PAR BYED DE, DE'I STENG NA SEMS CAN DMYAL BA PA RNAMS
, ,'KHOD DO, ,'OG TU NI ZHA NYE RAB TU BSKOL BAS 'TSED CING SREG LA GSOD DO, ,CHOS [?] NGES 'DEBS SHING RTAG TU SDUG BSNGAL BAS NYAM THAG STE, DE LTAR SDUG BSNGAL BAS NYAM THAG PA PHYIR ZHING LAS KYIS BYAS PA'I CHU SRIN DAG NYE BAR 'ONG STE, GANG DAG GIS SEMS CAN DMYAL BA PA DE YAN LAG DANG, NYING LAG THAMS CAD ZA ZHING 'BYUNG NGO, ,DE SHING SKAM LTAR BSDUS PA'I SDUG BSNGAL MYONG BA NA JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU YUN RING POR LAS KYIS BYAS PA'I TSOR BA SHIN TU MI BZAD PA'I SDUG BSNGAL MYONG BAR 'GYUR RO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PA'I 'BRAS BUS TSE RABS LNGA BRGYAR YI DVAGS DANG, DUD 'GRO DAG TU SKYE BAR 'GYUR RO, ,DE DE LAS THAR NAS KYANG GAL TE MI RNAMS DANG SKAL PA MNYAM PAR MIR SKYES NA, DE BUD MED KUN GYI YID CHAGS PAR MI 'GYUR TE, DE JI LTAR BU'I DE BA DANG, PHA'I NGO BO DANG, MING PO'I NGO BO LTA BU DANG, TSE RABS LNGA BRGYAR PHO MTSAN DANG BRAL BAR 'GYUR BA MTHONG NGO, , DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO RAB TU TSA BA'I 'KHOR LA BRTAGS NA, DES 'KHOR BCU DRUG PA DAG LAS BCU
BDUN PA MA MTHONG STE, SEMS CAN DMYAL BA CHEN PO RAB TU CHE BA NI 'KHOR BCU DRUG DAG GIS YONGS SU BSKOR TO, ,SEMS CAN DMYAL BA CHEN PO RAB TU TSA BA'I MI BZAD PA CHEN PO NI DE DAG YIN, MJUG NI DE DAG YIN, MTHA' NI DE DAG YIN TE, DE RANG GIS BYAS PA'I LAS KYI 'BRAS BU'I SA LA SPYOD PA'I MI DAG 'TSED CING SREG STE, 'DI LTAR GZHAN GYIS BYAS PA 'THOB PA MA YIN PA LAS DANG MTHUN PAR GNOD PA MYONG NGO, DE RANG GIS BYAS PA CHUD ZA BAR MI 'GYUR LA GZHAN GYIS BYAS PA DANG PHRAD PA MED DE, BYAS PA CHUD ZA BAR MI 'GYUR ZHING RANG GIS BYAS PA DANG MTHUN PAR 'BRAS BU DAG 'BYUNG BAR 'GYUR RO, ,RANG GIS BYAS PA'I SKYE GNAS LAS SKYES PA'I SEMS CAN DAG NI RANG GI LAS LA SPYOD PA YIN TE, 'DI LTAR DGE BA'AM, SDIG PA'I LAS SU 'GYUR BA DE'I LAS KYI BGO SKAL LA SPYOD PA YIN NO, ,DE LTAR DGE SLONG DE SEMS CAN DMYAL BA RNAMS LA SEMS CAN DMYAL BAR GTOGS PA'I LAS RJES SU SEMS PA SRID PA MNGON PAR GRUB PA LA CUNG ZAD KYANG BDE BA MED DE, RTAG PA MED LA THER ZUG PA MED CING BDAG DANG BCAS PA MA YIN PAR MTHONG STE, 'KHOR BA THAMS CAD MI RTAG PA DANG, SDUG BSNGAL BA DANG, STONG PA DANG, BDAG MED PAR MTHONG NGO, ,DE DE LTAR MTHONG BA NA, 'DOD PA THAMS CAD DANG, 'DOD PA KUN TU SBYOR BA DANG, 'DOD PA SO SOR
, ,'BRANG BA DANG, 'DOD PA LA RNAM PAR RTOG PA DANG, 'DOD PA'I GZHI DAG LA RAB TU 'DOD CHAGS DANG BRAL BAR 'GYUR RO, ,DE PHYIR ZHING YANG 'DOD PA'I NYES DMIGS DAG LA CHES SHIN TU 'JIGS PAR YANG 'GYUR TE, DE LTAR LUS DANG, NGAG DANG, YID KYI G-YO BA SHIN TU BSDAMS PA DE LA BDUD DANG, BDUD KYI 'KHOR GYIS RAB TU MI TSUGS SO, ,DE LTA DE LTAR GOMS PAR BYED PA DE 'KHOR BA'I TSE RABS MANG PO'I RGYUD ZHIGS PAR 'GYUR, BSRABS PAR 'GYUR, SPANGS PAR 'GYUR, LHOD LHOD POR 'GYUR RO,, DE NAS YANG RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA'I DGE SLONG 'DI NI, KYE MA SPRO BA MA BRI BA YIN TE, SA GZHAN BCU GCIG PA LA ZHUGS PA YIN NO SNYAM MO; ;DE LTAR SPRO BA MA BRI BA DE LA SA BLA'I GNOD SBYIN DAG DGA' NAS BAR SNANG LA SPYOD PA'I GNOD SBYIN DAG LA MNGON PAR BSNYAD DO, ,DE DAG GIS KYANG RGYAL CHEN BZHI PA DAG LA MNGON PAR BSNYAD PA NAS SNGA MA BZHIN DU SBYAR TE, TSANGS RIS KYI LHA'I BAR DAG LA 'DI LTAR DZAMBU'I GLING DU RIGS CHE GE MO ZHIG LAS RIGS KYI BU ZHIG GRONG CHE GE MO ZHIG DANG, GRONG RDAL MANG GE MO ZHIG DANG, MING GA GE MO ZHIG CES BYA BA SKRA DANG KHA SPU BREGS NAS GOS NGUR SMRIG BGOS TE, DAD PAS KHYIM NAS KHYIM MED PAR RAB TU BYUNG BA DE BDUD
KYI YUL GYI DNGOS PO MI 'DOD CING 'DOD CHAGS KYI DGA' BA'I MOD LAS SKYES PA'I SRED PA'I DNGOS PO DANG LHAN CIG GNAS PAR MI 'DOD, NYON MONGS PA SPRUL LTA BU DANG LHAN CIG DGA' BAR MI BYED LA, GZHAN GYI NYON MONGS PA DAG MTHONG NAS 'KHOR BA THAMS CAD LAS YID BYUNG NGO ZHES MNGON PAR BSNYAD DO, ,DE THOS NAS TSANGS CHEN GYI RIS KYI LHA RNAMS BDUD KYI PHYOGS NI DMA' BAR GYUR TE, ,DAM PA'I CHOS KYI PHYOGS NI MNGON PAR MTHO'O ZHES DGA' BA SKYES SO, ,DE LTAR SA GZHAN BCU GCIG PA LA ZHUGS PA, RNAL 'BYOR SPYOD PA'I LHA'I MTHONG BA DANG YANG DAG PA'I LAM MTHONG BA, LAS KYI CHOS KYI RNAM PAR SMIN PA SHES PA, LUS KYI CHAD PA DANG, NGAG GI CHAD PA DANG, YID KYI CHAD PA'I DE KHO NA NYID MTHONG BA DE 'DI SNYAM DU SEMS TE; 'DI LTAR LUS GYI CHAD PA DANG, NGAG GI CHAD PA DANG, YID KYI CHAD PA SHIN TU ZHIB MOR RAB TU RNAM PAR 'BYED PA NA, DGE SLONG DAG LHA DANG BCAS PA'I 'JIG RTEN DANG, BDUD DANG BCAS PA DANG, TSANGS PA DANG BCAS PA DANG, DGE SBYONG DANG, BRAM ZE DANG, SKYE DGUR BCAS PA DANG, LHA DANG MIR BCAS PA DAG GIS DE LTAR RAB TU RNAM PAR 'BYED PA MI SHES NA, GZHAN MU STEGS CAN KUN TU RGYU BA PA DAG GIS SHES PA LTA SMOS KYANG CI DGOS TE, GNAS MED CING SKABS MED LA, NGA'I SLOB MA DANG, GANG NGA LAS THOS PA NI MA GTOGS SO SNYAM MO, ,DE LTAR
, ,CHAD PA GSUM SHIN TU PHRA BA RAB TU RNAM PAR 'BYED PA DE NI DE LTAR SHIN TU PHRA BA YIN NO, ,DGE SLONG DAG ,GZHAN MU STEGS CAN KUN TU RGYU BA DAG GIS DRIS NA LAN DE LTAR GDAB PAR BYA'O, ,GZHAN MU STEGS CAN KUN TU RGYU BA DAG NI DRIS PA'I LAN LA SHIN TU RMONGS PAR 'GYUR TE, DE CI'I PHYIR ZHE NA, DGE SLONG DAG, 'DI LTAR 'KHOR BAR GTOGS PA'I SEMS CAN THAMS CAD KYI YUL MA YIN PA'I PHYIR RO, ,DE DAG GI LUS KYI CHAD PA DANG, NGAG GI CHAD PA DANG, YID KYI CHAD PA RNAM PA GSUM PO DE NI RIGS PA YIN TE, NYES PA DANG BCAS PA, DRI MA DANG BCAS PA, KHYAD DU GSOD PA DANG BCAS PA LA SEMS PA YIN, SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA RNAM PAR GCOD PA MA YIN, 'PHAGS PA RNAMS KYI CHOS MNGON SUM DU BYED PA'ANG MA YIN, MYA NGAN LAS 'DAS PA'I MTHAR THUG PA MA YIN, GTAN ZAD PAR BYED PA MA YIN, ZHI BA MA YIN, BDE BA MA YIN, LHA'I 'JIG RTEN DU SKYE BAR BYED PA'ANG MA YIN TE, DE DAG LUS KYI CHAD PA DANG, NGAG GI CHAD PA DANG, YID KYI CHAD PA RNAM PA GSUM PO LA SEMS PAR BYED DO, ,DGE SLONG DAG, GZHAN MU STEGS CAN KUN TU RGYU BA DAG NI RANG GI LUS KYIS MGU NAS NGA RGYAL 'BA' ZHIG BYED PAR
ZAD DE, SKYON DANG, YON TAN DPYOD PAR MI BYED DO, ,DE LTAR LUS KYI CHAD PA DANG, NGAG GI CHAD PA DANG, YID KYI CHAD PA RNAM PA GSUM PO DE DAG NI MI BZAD PA CHEN PO YIN TE, DE DAG DANG, NGA'I DANG, CUNG ZAD KYANG 'DRA BA MED PA NI, DPER NA, MYA NGAN LAS 'DAS PA DANG, 'KHOR BA GNYIS CUNG ZAD KYANG MI 'DRA BA BZHIN TE, DE LTAR DE DAG GI CHAD PA RNAM PA GSUM DANG, NGA'I DANG 'DRA BA MED DO, ,DGE SLONG DAG ,DE DE LTAR LAN GDAB PAR BYA STE, PHAS KYI RGOL BA DAG GI NI STONG PA YIN LA, NGA'I LAM NI BDE BA YIN NO, ,MYA NGAN LAS 'DAS PA NI ZHI BA'O, ,'DUS BYAS THAMS CAD NI G-YO BA'O, ,'KHOR BA THAMS CAD NA BDE BA MED DE, GANG RTAG PA DANG, BRTAN PA DANG, THER ZUG DANG, MI 'GYUR BA'I CHOS CAN DE DAG LA DE LTAR BSAM PAR BYA'O, ,DGE SLONG DAG ,DE LTAR LUS KYI CHAD PA DANG, NGAG GI CHAD PA DANG, YID KYI CHAD PA RNAM PA GSUM GYI DE KHO NA NYID MTHONG BA'I DGE SLONG DE NI CHE BA YIN NO, ,RNAL 'BYOR SPYOD PA'I DGE SLONG THAR PA'I GRONG KHYER GYI DE KHO NA NYID MTHONG BA DE'ANG RTOG PAR BYED DE, DGE SLONG DE JI LTAR NA SA GZHAN BCU GNYIS PA LA ZHUGS ZHIG GU SNYAM NAS RNAL 'BYOR SPYOD PA DES BRTAGS NA, DGE SLONG 'DI NI BRTZON PA MA BRI BA YIN LA DA DUNG DU LAS NGAN PA BYAS PA RNAMS KYI RGYU DANG, 'BRAS BU'I DE KHO NA NYID LA RTOG PAR BYED DE, SEMS CAN DMYAL BA CHEN PO BDUD KYI 'KHOR DMYAL BA
, ,MNAR MED PA ZHES BYA BA STONG 'GYUR DU 'BYUNG BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS BSAM BZHIN DU MA BSAD PA DANG, PHA BSAD PA DANG, BSKAL PA'I LHAG MAR GNAS PAR 'GYUR BA NI GANG BSKAL PA'I THA MAR NYES PAR BYAS PA'I LAS BYAS PA MNAR MED PAR 'GRUB PAR 'GYUR BA DE BSKAL PA'I LHAG MA DER SMIN TO, GNOD PA GANG 'GAGS PA'I DUS NI YANG 'BYUNG BAR 'GYUR BA MED DE, DE LTA BAS NA BYAS PAS BSKAL PA'I LHAG MAR SMIN TE, LAS KHYAD PAR CAN BYAS PAS GNOD PA DRAG PA RTZUB PA TSA BA KHYAD PAR CAN 'BYUNG BAR 'GYUR RO, ,GANG MNAR MED PA'I LAS GCIG BYAS PAS NI SEMS LA GNOD PAR MI 'GYUR TE, 'JAM ZHING BSAM PA 'JAM PAR 'GYUR LA, 'DI LTAR MNAR MED PA 'DI'I LAS GCIG CIG BYAS NA GAL TE YANG SEMS RTZUB CING SEMS KYI BSAM PA RTZUB NA, DE'I SDUG BSNGAL DRAG PA DANG, RTZUB PAR 'GYUR TE, DE'I GNOD PA RNAM PA DE LTA BUR NI MI 'GYUR RO, ,LAS KYI 'BRAS BU RNAM PAR SMIN PA THAMS CAD NI SEMS LA RAG LAS TE SEMS KYI DBANG DU SONG ZHING SEMS KYI KUN TU SBYOR BA YIN NO, ,SEMS KYI KUN TU SBYOR BAS 'CHING BA'I SEMS CAN DAG NI BCINGS PA YIN LA, SEMS RNAM PAR BYANG BAS NI
GROL BAR 'GYUR RO, ,RIM PA JI LTA BA BZHIN DU MNAR MED PA RNAMS KYI GNOD PA'I RIM PA'ANG DE LTAR 'BYUNG STE, DE'I SDUG BSNGAL BA'ANG LUS SBOM ZHING GZHON SHA CAN DU 'BYUNG NGO, , DE LA MTSAMS MED PA LNGA'I LAS KYI SA NI LUS DPAG TSAD LNGAR 'GRUB BO, ,LAS BZHIS NI BZHI'O, ,LAS GSUM GYIS NI GSUM MO, ,LAS GNYIS KYIS NI GNYIS SO, ,LAS GCIG GIS NI LUS DPAG TSAD GCIG 'GRUB PAR 'GYUR RO, ,DE NAS YANG DGE SLONG DES SEMS CAN DMYAL BA CHEN PO MNAR MED PA'I 'KHOR LA BRTAGS TE, SEMS CAN DMYAL BA CHEN PO'I 'KHOR 'DI NI SPU ZING ZHES BYED PA YIN NO, ,DE THOS PA LAS BYUNG BA'I SHES PAS SEMS CAN DMYAL BA'I 'KHOR BCU DRUG PA JI LTAR 'DUG PA BZHIN MTHONG STE, GANG DAG GIS SEMS CAN DMYAL BA CHEN PO DE YONGS SU BSKOR BA NI, 'DI LTA STE, BYA ROG KHA ZHES BYA BA DANG, SA KUN GYI 'OG DANG, TSOR BA MTHA' MED RING DANG, WA LTAR SGRA 'BYIN PA DANG, LCAGS DANG, LCE SBYANG ZA DANG, BYA ROG LTO DANG, LUS ZHUM DANG, SGRA 'JIGS STON DANG, ME TOG KHA MA BYE BA LTA BU DANG, RI BRTZIGS 'BAB DANG, CHU SGRA DANG, 'GRAM DNGAR DANG, SDUG BSNGAL KUN DKRIS DANG, DRI 'DOD DANG, LCAGS SNAM DANG, 'GRO BA MED 'JIG STE, 'DI DAG NI SEMS CAN DMYAL BA CHEN PO MNAR MED PA'I 'KHOR BCU DRUG YIN NO, ,DE NAS YANG DGE
, ,SLONG DES 'CHI BA'I DUS LA SOGS PA NAS SRID PA BAR MAR SKYE BA'I BAR LA RTOG STE, JI LTAR NA SEMS CAN DMYAL BA PA MNAR MED PAR 'GRO BA SDUG BSNGAL LAS SDUG BSNGAL NYID DU 'BYUNG BAR 'GYUR SNYAM NAS DES BRTAGS NA, 'DOD CHAGS DANG, ZHE SDANG DANG, GTI MUG GIS ZIL GYIS NON PA'I SROG CHAGS NGAN PA BYED PA BYAS PA DAG NI MNAR MED PAR 'GRO'O SNYAM MO, ,DE LA MNAR MED PAR NI KHA CIG 'DI LTAR DE LHA'I 'JIG RTEN 'DOD PA'I PHYIR MER 'JUG PAR BYED, GANG DAG RI NGOS G-YANG SA LAS 'DOR BAR BYED, GANG DAG CHUR 'JUG PAR BYED, GANG DAG ZAS MI SBYIN PAS GSOD PAR BYED DE, LAM NGAN PAS RNAM PAR RMONGS PA, THOS PA NGAN PAS RNAM PAR BSLUS SHING GTI MUG PA DAG MA GSOD PAR BYED DO, ,KHA CIG MTHO RIS 'DOD PAS 'DI LTAR ZAS MI SBYIN PAS SAM, RI LA G-YANG DU GTONG BAS SAM, MER 'JUG PAS SAM , CHUR 'JUG PAS MA BSAD NA MTHO RIS 'THOB BO SNYAM NAS DE MTHO RIS LA SRED PAS SROG DANG BRAL BAR BYED DO, ,KHA CIG NI ZHE SDANG BA SEMS MI BRTAN PA'I NGO BO NYID KYI RKYEN GYIS TE; DE LTAR NYES PA GSUM GYIS ZIL GYIS NON PA'I SROG CHAGS DAG GIS SROG GCOD PAR BYED PA NI MNAR MED PAR 'GRO'O, ,DE LA MNAR MED PA NI KHA CIG ZHING CHEN POR
GYUR PA DE MA SHES NAS KHRAG 'BYIN PAR BYED PA DANG, DE BZHIN DU DGE 'DUN DBYEN BYED PA DANG, DGRA BCOM PA'ANG SROG DANG BRAL BAR BYED PA NI PHYIR ZHING ZHE SDANG GIS ZIL GYIS NON PA YIN TE, DE LTAR DON THAMS CAD MED CING RAB TU GCOD PA BYED PA DE DAG NI SEMS CAN DMYAL BA CHEN PO MNAR MED PAR SKYE BAR 'GYUR RO, ,DE DAG 'CHI BA'I DUS KYI TSE KHA CIG RANG GI LUS NYID LA MNAR MED PA'I ME GNAS SHING 'BYUNG BAR 'GYUR, KHA CIG 'CHI BA'I DUS BYAS MA THAG TU SRID PA BAR MAR 'BYUNG BAR 'GYUR LA, DE'I 'OG TU MNAR MED PAR SKYE BAR 'GYUR RO, ,GANG GI TSE MNAR MED PA'I LAS BYAS PA DE'I TSE DE PHAN CHAD RAB TU 'BYUNG BA MYONG BAR 'GYUR BA'I LAS KYI BSKAL PA NGES PAR BSREGS PAR 'GYUR, DE'I SDOM PA SO SOR SKYE BAR MI 'GYUR, DGE BA'I LAS KYI MTHA' SPYAD PA BSREGS PA MYONG BAR 'GYUR BAR MA NGES PA DANG, LAN GRANGS GZHAN LA MYONG BAR 'GYUR BA DANG, SKYES NAS MYONG BAR 'GYUR BA DE NGES PAR SEMS CAN DMYAL BAR 'BYUNG BAR 'GYUR, DE TSE THUNG BAR YANG 'GYUR, GANG GIS LO BRGYA THUB PAR 'GYUR BA DE LO NYI SHU ZHIG THUB PAR 'GYUR, GANG YID KYIS RTOG CING SEMS PAR BYED PA DE DAG THAMS CAD KYANG JI LTAR TSVA SGO LA SA BON BTAB PA BZHIN 'BRAS BU MED PAR 'GYUR, DE PHAN CHAD LHA GANG PHYI BZHIN DU 'BRANG BA DES DE YONGS SU SPONG BAR BYED, DE'I
, ,LAS KYI MTHA' 'BRAS BU MED PAR 'GYUR, DE'I DBANG PO YUL RNAMS LA ZHAN PAR 'GYUR, RTAG TU RMI LAM NGAN PA DAG KYANG MTHONG BAR 'GYUR, DON MED PA KUN LA'ANG SBYOR BAR 'GYUR, GAL TE DE'I BU DANG, CHUNG MA DANG, BRAN DANG, BRAN MO DAG YOD NA DE THAMS CAD KYIS YONGS SU SPONG BAR 'GYUR, RTAG TU BKRES PA DANG, SKOM PAS PHONGS PAR 'GYUR, GAL TE ZAS ZHIM PO ZHIG SBYAR NA DE'ANG JI LTA BA BZHIN DU MI 'GYUR, SKAD KYANG 'GAG 'GAG POR 'GYUR, RTAG TU BZHIN GYI MDOG NGAN CING RTZUB PA DANG; RTAG TU SEMS 'KHRUL PA DANG, RANG GI NYE DU DANG, GNYEN 'DAB KYI TSOGS THAMS CAD KYIS KYANG YONGS SU BRNYAS PA DANG, DE'I SEMS LA GLO BUR DU SKRAG PA 'BYUNG BAR 'GYUR, 'JIG RTEN 'DI DAG THAMS CAD DUD PAS 'KHRIGS PAR MTHONG BAR 'GYUR, DE'I KHAMS SNGON LTAR NAM YANG MNYAM PAR MI 'GYUR, RGYANG RING PO NA GZUGS MI SDUG PA MED BZHIN DU MTHONG BAR 'GYUR, RLUNG CHUNG NGUS DED PAR 'GYUR, RTAG TU BDAG NYID TSA BAS GDUNGS PAR 'GYUR, RTAG TU MKHRIS PA'I NAD KYIS NYAM THAG PAR 'GYUR, DE'I KHA RTAG TU KHA BA DANG, LAN TSVA BLO BAR 'GYUR, MAL GYI GZHI THAMS CAD 'JAM PA YIN YANG RTZUB PAR 'GYUR, GLING BU DANG, 'KHAR RNGA DANG, RDZA RNGA DANG, PI WANG GI SGRA DAG KYANG 'JIGS SHING BAG
TSA BAR THOS PAR 'GYUR NA SGRA GZHAN DAG LTA SMOS KYANG CI DGOS, DE'I SNA'ANG RTAG TU NYAMS PAR 'GYUR TE, DES RDZAS DRI ZHIM PO DAG KYANG MI TSOR RO, ,DE'I LUS THAMS CAD LAS KYANG DRI NGA PA 'BYUNG BAR 'GYUR, DE'I SKRA DANG, SPU THAMS CAD 'BYI ZHING DE'I SO DAG MDOG NGAN PAR 'GYUR, RKANG PA DANG, LAG PA RAB TU RDOL BAR 'GYUR, BDE BA THAMS CAD LAS YONGS SU NYAMS PAR 'GYUR, RMI LAM NA LHA DAG GIS RTAG TU GTZE BAR 'GYUR, DE RTAG TU SNYING NAD KYIS 'DABS PAR 'GYUR, DE'I SNYING GAS PAR 'GYUR, LUS RNAMS KYANG SDUG PAR MI 'GYUR, GAL TE BRGYA LA ME TOG DAG BTAGS NA, DE DAG MYUR DU RNYIS PAR 'GYUR, DE'I GOS DAG KYANG MYUR DU ZAD PAR 'GYUR TE, LUS DANG, GOS DAG BKRUS KYANG DRI MA CAN DU 'GYUR, GLO BUR DU LAM GOL BAR 'GRO NA 'GYEL BAR 'GYUR TE, DE'I LUS 'GYEL BAS NYAMS SHING DE'I LUS LA RMA MANG PO 'BYUNG BAR 'GYUR LA YUN RING POS 'TSO BAR 'GYUR, GNYID LOG NA MGUL BSKAMS SHING SAD NAS KYANG CHU 'THUNG BA NYID DU 'GYUR, SBYIN BYED MA'I BUS GNOD PAR GYUR PA NA GRONG DANG, GRONG KHYER DAG STONG PA NYID DU MTHONG BAR 'GYUR, GZA' DANG, SKAR MA DANG, RGYU SKAR DAG GI GZUGS LOG PAR MTHONG BAR 'GYUR, RLUNG CHUNG NGU LANGS PA KUN DANG PHRAD NA'ANG MTSON GYIS BTAB PA LTA BUR DRAG PAR 'GYUR, ME CHUNG NGU DAG GIS REG NA'ANG SREG PAR 'GYUR,
, ,NYI MA'ANG NYIS GYUR GYIS TSA BAR 'GYUR, ZLA BA'ANG DRO BAR 'GYUR TE, ZLA BA SHIN TU DRO BA MYONG BAR 'GYUR, CHU BSIL BA THAMS CAD KYANG DRO BAR 'GYUR, TSAL DANG, NAGS TSAL BDE BA DAG LA 'JIGS 'JIGS LTAR 'DUG PAR MTHONG BAR 'GYUR, BYA'I SKAD SNYAN PA DAG WA SKAD 'JIGS PA LTA BUR THOS PAR 'GYUR, 'JIG RTEN THAMS CAD DUR KHROD LTA BUR RIG CING RTAG TU DGA' BA MED PAR 'GYUR, DE CHANG GIS MCHOG TU DGA' BAR SKYE BAR MI 'GYUR, NGO TSA MED CING TSUL MED PAR 'GYUR TE, SRANG DANG, BZHI MDO DAG TU SKYE BO'I MNGON SUM DU BSHANG GCI BYED PAR 'GYUR,, ,,'PHAGS PA DAM PA'I CHOS DRAN PA NYE BAR BZHAG PA, BAM PO BCO LNGA PA, LHA THAMS CAD KYIS KYANG YONGS SU SPANGS PAR 'GYUR, DON THAMS CAD MED PA'I SKAL BA CAN DU 'GYUR, MDOG TSAL SHING BSREGS PA LTA BUR 'GYUR, SKYE BO DANG, YUL MI KUN DANG ZHE 'GRAS PAR 'GYUR TE, DE DAG NI MNAR MED PA DE'I MTSAN MA TSE 'DI LA SNGAR 'BYUNG BA YIN NO, ,DE'I 'OG TU DE 'CHI BA'I MTSAN MA 'BYUNG BA NI NYIN PAR ZLA BA MTHONG ZHING MTSAN MO NYI MA MTHONG BAR 'GYUR, RANG GI GRIB MA MI MTHONG BAR 'GYUR, GLO BUR DU SGRA MI SNYAN PA THOS PAR 'GYUR, DE'I SNA YON POR 'GYUR, DE'I SKRA DANG, KHA SPU 'DZINGS PAR 'GYUR, THOG MAR RIMS KYIS 'DEBS SHING 'CHI BA'I
BAR DU NAD KYIS 'DEBS TE, DE KUN NAS ME MDAG RAB TU 'BAR BA LTA BU'I RIMS KYIS SHIN TU GDUNGS SHING NAD BZHI BRGYA RTZA BZHI LTA BU MA YIN PA DAG GIS NYAM THAG PA, KUN NAS ME MDAG GI KLUNG DAG TU 'TSED PA NA SRIN BU'I RIGS BRGYAD CU DAG LUS DANG, RTZA DANG, RGYUS PA DANG, PAGS PA DANG, RUS PA DANG, SHA DANG, TSIL DAG TU ZHUGS NAS GNOD PAR BYED DO, ,'DI LTA STE; SRIN BU'I RIGS BRGYAD CU DAG LA RLUNG BRGYAD CU DAG GIS GNOD PAR BYED DO, ,SRIN BU SPU CAN LA RLUNG SPU SUN 'BYIN GYIS GNOD PAR BYED DO, ,SRIN BU KHA GANG LA RLUNG DAG GI RJES SU MTHUN PAS GNOD PAR BYED DO, ,SRIN BU SBRE MED LA RLUNG MI LAM 'KHRUL STON GYIS GNOD PAR BYED DO, ,SRIN BU RA BA PHYE BYED LA RLUNG BZOD MED KYIS GNOD PAR BYED DO, ,SRIN BU RNAM PAR RMONGS BYED LA RLUNG LCES BRJED PA MI BZOD KYIS GNOD PAR BYED DO, ,SRIN BU MED MDOG BYED LA RLUNG RO BRO KHRID BYED KYIS GNOD PAR BYED DO, ,SRIN BU 'GRED BYED LA RLUNG MCHIN PA 'JIG BYED KYIS GNOD PAR BYED DO, ,SRIN BU 'OG 'GRO LA RLUNG BSHANG BA STENG 'GROS GNOD PAR BYED DO, ,SRIN BU AUD TID GA LA RLUNG GZHAN RGYUS GNOD PAR BYED DO, ,SRIN BU KUN RTOG MTHONG LA RLUNG DRAN PA NYAMS BYED KYIS GNOD PAR BYED DO, ,SRIN BU DRI NGA LA RLUNG PAGS PA 'JIG BYED KYIS GNOD PAR BYED DO, ,SRIN BU RUS PA LEGS SKYES LA RLUNG RO BRO BA 'JIG BYED KYIS GNOD
, ,PAR BYED DO, ,SRIN BU KHA DMAR LA RLUNG SHA 'JIG BYED KYIS GNOD PAR BYED DO, ,SRIN BU BRTZON BCAS LA RLUNG RGYAGS PA 'JIG BYED KYIS GNOD PAR BYED DO,, SRIN BU GNAD RGYU ZA LA RLUNG RUS PA 'JIG BYED KYIS GNOD PAR BYED DO, ,SRIN BU MTSON CHA KHA LA RLUNG RUS KHU 'JIG BYED KYIS GNOD PAR BYED DO, ,SRIN BU SPU GRI KHA LA RLUNG GNYER MAR SONG GIS GNOD PAR BYED DO, ,SRIN BU SPU MED LA RLUNG MGO SKYA BYED KYIS GNOD PAR BYED DO, ,SRIN BU KHAB GDONG LA RLUNG RDUL 'JIG GIS GNOD PAR BYED DO, ,SRIN BU SPI SPI DZA LA RLUNG GCI BA SHIN TU 'JUG BYED KYIS GNOD PAR BYED DO, ,SRIN BU RKANG MED LA RLUNG ZAS LDAN GYIS GNOD PAR BYED DO, ,SRIN BU BSHANG BA G-YENG BYED LA RLUNG SO 'GAS BYED KYIS GNOD PAR BYED DO, ,SRIN BU GSUM BYED LA RLUNG RTZE'I CHU LA SOGS KYIS GNOD PAR BYED DO, ,SRIN BU RGYU MA 'JIG BYED LA RLUNG 'OG TU 'GROS GNOD PAR BYED DO, ,SRIN BU DBOS BYED LA RLUNG GYEN DU 'GROS GNOD PAR BYED DO, ,SRIN BU MDOG BZANG LA RLUNG NGOS LDANG GIS GNOD PAR BYED DO, ,SRIN BU GZHANG RKANG LA RLUNG MID PAR 'GROS GNOD PAR BYED DO, ,SRIN PU LPAGS BYED LA RLUNG SEMS SUN 'BYIN GYIS GNOD PAR BYED DO, ,SRIN BU TSIL GNON LA RLUNG 'KHRUG BYED KYIS GNOD PAR BYED DO, ,SRIN BU BSAGS BYUNG LA RLUNG MIG 'DZUMS
'BYED BYED KYIS GNOD PAR BYED DO, ,SRIN BU DRI MI ZHIM LA RLUNG PHAN TSUN PHRAD PA LNGAS GNOD PAR BYED DO, ,SRIN BU SA HA TZU RA BA LA RLUNG SNYING PO 'JIG BYED KYIS GNOD PAR BYED DO, ,SRIN BU GNOD BYED LA RLUNG SNYING PO 'CHAGS BYED KYIS GNOD PAR BYED DO, ,SRIN BU SNYING PO ME TOG SKYED LA RLUNG 'ONG BA DANG, 'GRO BA DANG, GNAS PA DANG, RGYUG PAR BYED PAS GNOD PAR BYED DO; ;SRIN BU KU HA KA CHEN PO DANG, PHAG 'TSONG DANG, NAG PO DANG, ZA CHEN DANG, SRIN BU RKANG DRO DAG LA RLUNG MIG DANG, RNA BA DANG, SNA DANG, LCE 'JIG GIS GNOD PAR BYED DO, , SRIN BU RUS PA 'JIG BYED LA RLUNG MKHRIS PA 'JIG BYED KYIS GNOD PAR BYED DO, ,SRIN BU RKANG GANG LA RLUNG BAD KAN 'JIG BYED KYIS GNOD PAR BYED DO, ,SRIN BU TSIGS GCOD LA RLUNG GZHUNGS PA 'JIG BYED KYIS GNOD PAR BYED DO, ,SRIN BU KLAD PAR RGYU LA RLUNG SEN MO GNAS KYIS GNOD PAR BYED DO, ,SRIN BU KLAD RGYAS ZA LA RLUNG RKANG PA NGOS GNAS KYIS GNOD PAR BYED DO, ,SRIN BU THOD PAR RGYU LA RLUNG SEMS MED BYED KYIS GNOD PAR BYED DO, ,SRIN BU SKRA ZA LA RLUNG 'BYED BYED KYIS GNOD PAR BYED DO, ,SRIN BU RNA RGYU LA RLUNG 'GRO BA NYAMS BYED KYIS GNOD PAR BYED DO, ,SRIN BU SNABS 'KHRIL RLUNG LONG BU 'JIG GIS GNOD PAR BYED DO, ,SRIN BU TSIL NAD RGYU LA RLUNG 'BYIN PA 'JIG BYED KYIS GNOD PAR BYED DO, ,SRIN BU KHA CHU 'DEBS
, ,LA RLUNG TSIGS 'BYED KYIS GNOD PAR BYED DO, ,SRIN BU SO DRUNG ZA LA RLUNG 'BYIN PA 'JIG PA TSOR MED BYED KYIS GNOD PAR BYED DO, ,SRIN BU KHA CHU ZA LA RLUNG SPRO BA 'JIG BYED KYIS GNOD PAR BYED DO, ,SRIN BU BAD KAN RLAN BYED LA RLUNG SNA 'PHUL RENGS BYED KYIS GNOD PAR BYED DO, ,SRIN BU RAB TU SKYUG BYED LA RLUNG RO BRO BA BCU KHYER BA NANG DU RGYU ZHING DU SHYA GA TA LDOG BYED KYIS GNOD PAR BYED DO, ,SRIN BU SBRANG RTZI MYOS LA RLUNG TSIGS 'KHRUGS BYED KYIS GNOD PAR BYED DO, ,SRIN BU RO DRUG SRED LA RLUNG SPU DANG, SEN MO DANG, BSHANG BA 'JIG BYED KYIS GNOD PAR BYED DO, ,SRIN BU BAR BUR LA RLUNG KHA CHU 'KHRUL BYED KYIS GNOD PAR BYED DO, ,SRIN BU RO YID 'BYUNG LA RLUNG SHIG SHIG BYED KYIS GNOD PAR BYED DO, ,SRIN BU RMI LAM SRID LA RLUNG 'DOMS RENGS KYIS GNOD PAR BYED DO, ,SRIN BU SPU ZA LA RLUNG BSHANG BA SKAMS BYED KYIS GNOD PAR BYED DO, ,SRIN BU SO SU RA LA RLUNG RTZIB LOGS 'CHING BYED KYIS GNOD PAR BYED DO, ,SRIN BU SKYE BA'I MA LA RLUNG KHVA BU GA DRUG GIS GNOD PAR BYED DO, ,SRIN BU AU MA PA RA LA RLUNG YAN LAG DANG, NYING LAG 'THUNG BYED KYIS GNOD PAR BYED DO, ,SRIN BU RA BA ZAG LA RLUNG ME 'JIG BYED KYIS GNOD PAR BYED DO, ,SRIN BU SPU GLING LA RLUNG YAN LAG DANG, NYING LAG KUN BYED KYIS GNOD PAR BYED
DO; ;SRIN BU SPU ZAN LA RLUNG BRTAN 'GEMS KYIS GNOD PAR BYED DO, ,SRIN BU SI MI SI MA LA RLUNG YAN LAG KUN KHYAB KYIS GNOD PAR BYED DO, ,SRIN BU AU MA BU GA LA RLUNG SREG BYED KYIS GNOD PAR BYED DO, ,SRIN BU RMAS BSLANG LA RLUNG 'JIG BYED KYIS GNOD PAR BYED DO, ,SRIN BU BTZUN TZU SKRA LA RLUNG STENG 'OG GIS GNOD PAR BYED DO, ,SRIN BU RGYUS PA GCOD LA RLUNG MI'I SROG GANG LA SONG BA 'CHI BYED KYIS GNOD PAR BYED DO, ,SRIN BU RTZA GCOD LA RLUNG MIG 'BYED KYIS GNOD PAR BYED DO, JI LTAR SROG CHAGS THAMS CAD 'CHI BA'I DUS SU SRIN BU DAG LA RLUNG DAG GIS SO SO NGES PAR GNOD PA BYED PA DE LTAR MNAR MED PA'I MA YIN TE, DE'I LAS NGAN PA BYAS PAS 'OG DANG, STENG DU MI MTHUN PA'I LAS KYIS BYAS PA'I RLUNG RAB TU DRAG PA DAG SO SOR LDANG STE, DE LTAR RLUNG BRGYAD CU DAG GIS SRIN BU BRGYAD CU DAG LA GNOD PAR BYED DO, ,RLUNG DAG GIS JI LTA JI LTAR SRIN BU DAG LA GNOD PAR BYED PA BZLOG PA DE LTA BU MI BYED DO, ,DANG POR RLUNG BIB PA LA KA DRI ZHIM PA DANG GIS DE'I LUS THAMS CAD JI LTAR BU RAM SHING DBANG SHING GIS BTZIR BA DE LTAR SKAMS PAR BYED DO, ,KHRAG THAMS CAD SKAMS PAR BYED, GNAD THAMS CAD DU GNOD PAR BYED, RGYUS PA THAMS CAD GCOD PAR BYED, SDUG BSNGAL GYIS RKANG THAMS CAD RAB TU 'JU BAR BYED DO, ,NYES PAR BYAS PA, LAS KYI MTHAR SPYAD PA 'CHI BA'I DUS KYI TSE MNAR
, ,MED PA DE'I KHAR SRIN BU GSAL BAR 'BYUNG BAR 'GYUR RO, ,SEMS CAN DMYAL BA PA DE'I KHYIM NI, 'DI LTA STE, KO BA NAG POS G-YOGS SHING PHYOGS GCIG TU RAB TU 'BAR BA DANG, YANG KO BA NAG PO DE'I PHYOGS GCIG NAS ME 'BYUNG STE, KHANG PA'I NANG THAMS CAD RAB TU 'BAR BAR MTHONG NGO, ,DES KHYIM RAB TU 'BAR PAR MTHONG NAS BZHIN MOG MOG POR 'GYUR TE, DU ZHING SKAD 'BYIN LA LAG PA G-YOB PAR BYED, MIG 'GUL BAR BYED, KHA NAS KHA CHU 'DZAG PAR 'GYUR, SO DAG GIS SO DAG LA 'DEBS PAR BYED, MCHUS MCHU LA REG PAR BYED DO, ,SNANG BA GNYIS PA MTHONG BA NI MUN PA MUN NAG THIBS POR GYUR CING RI BRAG CHEN PO LA SO SOR 'JIGS PA CHEN PO SENG GE DANG, STAG DANG, DRED DANG, GUNG DANG, SBRUL 'JIGS PAS GANG BA STENG DU 'ONG BA MTHONG NAS BSHANG BA 'BYIN TO, ,DE'I STENG DU RI DE 'ONG BA'I 'JIGS PAS LAG PA RKYONG BAR BYED PA DANG, DE NYE DU DAG GIS MTHONG NAS NAM MKHA' LA REG BAR 'DOD DO ZHES SMRA'O, ,DE'I 'OG TU DE BZHIN DU RI BRAG DANG, NAGS TSAL DANG, RI 'OR DANG, LCUG TSAL MANG PO 'BAR BA'I PHRENG BA STENG DU 'ONG BAR MTHONG STE; SHIN TU 'KHRUL PA DU SKAD 'BYIN CING SGRA NGAR NGAR PO 'THON LA BSHANG BA 'BYIN TO, ,MIG 'GYUR BAR BYED CING 'JIGS BZHIN MOG MOG POR MCHI MA 'BYIN PAR BYED, SPU TSER
MA LTAR 'GRENG, DE'I RLIG PA'ANG GYEN DU 'GRENG LA KHU CHU GTONG BAR BYED DO, ,DE'I 'OG TU'ANG DE 'BYUNG BA CHEN PO BZHI DAG KUN TU 'KHRUG PA 'GYUR TE, 'DI LTA STE, SA'I KHAMS CHU'I KHAMS DANG, ME'I KHAMS DANG, RLUNG GI KHAMS SO, ,DE LA SA'I KHAMS 'KHRUGS PAS YAN LAG DANG, NYING LAG THAMS CAD SRA BA'I NGO BOS RDUNG PAR BYED DE, DPER NA, RDO GNYIS DAG GI DBUS SU DBU BA'I GONG BU BZHIN GNOD PAR BYED PA DANG, DPER NA, BYE MA CHANG PA NAS GTOR BA BZHIN LUS KYI DBYIBS THAMS CAD DANG, YAN LAG DANG, NYID LAG THAMS CAD KUN NAS GNOD PAR BYED, RNAM PAR ZHIGS PAR BYED, RNAM PAR GCOD PAR BYED DE, DE'I SA'I KHAMS 'KHRUGS PAS DE SDUG BSNGAL SHIN TU TSA BA MYONG BAR 'GYUR RO, ,DE'I 'OG TU DE'I LAS NYES PAR BYAS PAS CHU'I KHAMS KYANG RAB TU 'KHRUGS PAR 'GYUR RO, ,DE 'KHRUGS PAS DE NGU SKAD 'BYIN CING SGRA NGAR NGAR PO 'DON TO, ,DE'I RGYUS PA DANG SHAR BCAS PA [?] CING LHOD LHOD POR 'GYUR TE, CHU'I RGYUN MANG DU 'BYUNG BAR 'GYUR, DE'I RNA BA DANG, MIG NAS KYANG CHU'I RGYUN MANG PO BYUNG BA NUB PAR 'GYUR RO, ,DE'I 'OG TU ME'I KHAMS KYANG 'KHRUG PAR 'GYUR TE, DE ME MDAG GI TSOGS MANG PO'I NANG DU BCUG NAS SREG GO ,DE'I SDUG BSNGAL NI YAN LAG DANG, NYING LAG THAMS CAD SDUG BSNGAL DRAG CING TSA LA RTZUB CING GDUNG BA SKYE BAR
, ,'GYUR TE, 'JIGS PAS NYAM THAG PA DE NGU SKAD 'BYIN, 'O DOD 'BOD, GLO G-YAS G-YON 'GYUR BAR BYED, LAG PA G-YOB PAR BYED DE, MGO SKAD CIG KYANG 'JOG MI PHOD DO, ,DE'I 'OG TU RLUNG GI KHAMS KYANG 'KHRUGS PAR 'GYUR TE, DE'I RLUNG GI KHAMS SRA BA RTZUB PA, MANG BA, YANG BA, GRANG BAS YAN LAG DANG, NYING LAG THAMS CAD MKHRANG BA NYID KYIS RDUNG BAR BYED, MANG BA NYID KYIS GLEB PAR BYED, YANG BA NYID KYIS NAM MKHA' LA 'DEG PA LTAR BYED CING G-YANG SA CHEN POR 'DOR BA LTAR BYED, GRANG BA NYID KYIS RGYUS PA DAG SKUM PAR BYED DO, ,DE 'CHI BA'I DUS KYI TSE SBRUL RAB TU GDUG PA LTA BUR 'BYUNG BA CHEN PO BZHI DAG RAB TU 'KHRUGS PA'I SDUG BSNGAL GYI RNAM PA DE LTA BU 'BYUNG BAR 'GYUR TE, GANG DPE BYA BA'ANG SLA BA MA YIN NO, ,DE'I LUS THAMS CAD DBU BA'I GONG BU BZHIN DU MYUR DU 'GYES PAR 'GYUR, RNAM PAR 'JIG PAR 'GYUR, SREG PAR 'GYUR, 'TSED PAR 'GYUR TE, KUN NAS SDUG BSNGAL GYI TSOR BA MI ZAD PAS NYAM THAG PA MAL GYI MTHA' MA NAM MKHA' LA NYUG STE, DE'I SRID PA THA MA PA'I SEMS NYE BAR 'GYUR RO, ,DE RI BRAG CHE ZHING MTHO BA'I KHAR BTEG BTEG NAS 'DOR BAR BYED DE, BOR NAS DE RTEN MED PA NAM MKHA' LA KUN TU 'KHYAM ZHING YONGS SU 'KHYAM MO, ,DE NAS
RGYA'I 'BUR LTA BUR DE SRID PA THA MA'I SEMS DANG LDAN PAR 'GYUR TE, DES GSHIN RJE'I MI BYAD BZHIN DANG, RKANG LAG MI SDUG PAR BSGYUR BA, KHA GDOD GLANG PO CHE DANG, RTA DANG, BONG BU DANG; PHAG DANG, GUNG DANG, SENG GE DANG, STAG DANG, GZIG DANG, NE'U LE DANG, WA DANG, SKYUGS PA ZA BA LAG NA MTSON CHA SNA TSOGS THOGS PA DAG GIS SEMS CAN DMYAL BA BA DE LA BSDIGS PA NA, DE GCIG PUS MTHONG GI GZHAN GANG GIS KYANG DE MI MTHONG NGO, ,DE 'JIGS PA MI BZAD PAS MIG 'GYUR ZHING MAR ME'I SNUM ZAD NAS 'CHI BA BZHIN DU 'CHI BAR 'GYUR TE; SRID PA BAR MAR DE'I GZUGS BLTAR SNANG LA THOGS PA MED PA BYAS PA BYIS PA LO BRGYAD LON PA LTA BUR SKYE BAR 'GYUR RO, ,'CHI BA'I DUS BYAS MA THAG TU GSHIN RJE'I MI RNAMS KYIS 'DZIN PA BYED DE, BZUNG NAS KYANG LCAGS KYI THAG PA RAB TU 'BAR BAS MGUL NAS 'CHING ZHING LAG PA GNYIS KA PHYIN CI LOG TU BCINGS SO, ,DES PHYOGS DANG, PHYOGS MTSAMS DANG, SA GZHI DANG, NAM MKHA' DAG RTAG TU 'BAR, RAB TU 'BAR BA, KUN TU RAB TU 'BAR BAR MTHONG NGO, ,ME'I NANG DE DAG NA GSHIN RJE'I MI BYAD BZHIN MI SDUG PAR BSGYUR BA DU MA DAG KYANG MTHONG STE, ME'I NANG DE DAG TU 'DOR BAR BYED DO, ,'DOR ZHING SEMS CAN DMYAL BA PA DE DAG LA BSDIGS PA NA, LAG NA MTSON CHA SNA TSOGS PA DE DAG MTHONG NAS THAG PA'I BCING
, ,BAS BCINGS TE GSHIN RJE'I MI MCHOG TU 'JIGS SHING SKRAG PAR BYED PA DE DAG GIS SPYO ZHING LHO PHYOGS DAG TU KHRID PA NA, 'DI LTAR SNYING RJE RJE SKAD YONGS SU SMRE SNGAGS 'DON TO, ,DED DPON MI MKHAS 'KHRUL PA LTAR, ,G-YON PA'I SA NAS BDAG NYAMS SO, ,BYAD BZHIN BSGYUR BAS YONGS BSKOR CING, ,DBANG MED 'JIGS PA DAG TU KHRID, ,RTAG TU BAR SNANG PHYOGS DAG DANG, ,PHYOGS MTSAMS NYID DANG SA RNAMS DAG ,THAMS CAD BAR CHAD MED PAR NI, ,'BAR BA'I PHRENG BA DAG GIS 'KHRUGS, ,SDUG BSNGAL DBANG MED GANG DU KHRID, ,BDAG GIS GNAS NI MI SHES SO, ,'BROG DGON DAG TU BDAS PA NA, ,KUN NAS GROGS NI BYED PA MED, ,SDUG BSNGAL 'DI LAS RNAM GROL BAR, ,MGON SKYABS BYED PA GANG YANG MED, ,NUS PA MED CING DBANG MED LA, ,SDUG BSNGAL ME YIS YONGS GDUNGS SO, ,BCINGS BAS LAG PA BCINGS NAS SU, ,DBANG MED BDAG NI GANG DU KHRID, ,DON RNAMS DANG NI MDZA' BA SHES DANG, ,BU DAG DANG NI CHUNG MA LA, ,KYI HUD BDAG DRIN CHUD ZOS TE, ,SDUG BSNGAL 'DI LAS SKYOB MI BYED, ,DGA' BA MED CING NYAMS GYUR LA, ,SEMS NI SDUG BSNGAL DAG GIS NYAMS, ,'CHI BA'I ZHAGS PAS GZUNG BA YI, ,SKYABS NI NYE BAR MI MNGON NO, ,BDAG LA KHROS LTAR TSIG SMRA BA, ,KUN NAS SPYO
BA BRGYAD PAR BYED, ,'DI GANG YIN ZHIG KUN NAS SU, ,'CHING BA 'DI NI GANG ZHIG YIN, ,BDAG GIS GANG DANG GANG MTHONG BA, ,YUL DANG DE BZHIN DGON PA STE, ,DE DANG DE DAG KUN GYI NANG,, THAMS CAD ME YIS YONGS SU BSKOR, ,PHYOGS RNAMS KUN NA DGA' MED DE, ,'KHRUG PA DAG GIS YONGS SU BSKOR, ,SKYABS SU 'GYUR BA YONG MED CING, ,BDAG LA KUN NAS GROGS MED DO; ;MUN GANG MI BZAD NANG DU 'JUG ,ME MDAG PHUNG POR BCAS PAS BSGRIBS, ,NAM MKHA' RGYU SKAR GZA' DAG DANG, ,SKAR MA DAG KYANG MI MTHONG STE, ,'DI DAG THAMS CAD LOG PA YIN, ,MUN GANG DAG GIS YONGS SU BSKOR, ,DBANG PO LNGA NI THAMS CAD DAG ,KUN NAS PHYIN CI LOG TU GYUR, ,BDAG GI LUS NI THAMS CAD DAG ,SOG LES YONGS SU GSHEG PAR BYED, ,SKYABS SU 'GYUR PA YONG MED DE, ,BDAG GI GNAS NI GAR 'GYUR ZHIG ,SDUG BSNGAL TSOGS NI 'PHEL 'GYUR TE, ,BDAG NI KUN NAS YONGS SU BSKOR, ,LUS DANG SEMS LAS SKYES PA YI, ,SDUG BSNGAL YANG DANG YANG DU 'PHEL, ,SDUG BSNGAL GYIS NI NON PA NA, ,DE LA KUN NAS GROGS MED DO, ,RANG GI LAS KYI 'BRAS BUS DKRUGS, ,LAS KYIS BSKYED PA'I GSHIN RJE DAG, ,'KHOR DAG SHIN TU 'KHRUGS NAS SU, ,BLTAS TE DE NAS TSIG SMRAS PA, ,SNGON CHAD BYA BA GANG BYED PA, ,DE NI PHYI NAS YONGS SU SEMS, ,GTI MUG GIS NI YONGS
, ,BSLUS PA, ,PHYI NAS CI ZHIG YONGS SU GDUNG, ,GNOD LAS GNOD PA GANG CHE BA, ,SDIG PA LAS NI SDIG PA CHE, ,KHYOD KYIS NGAN BYAS GANG BYAS PA, ,SDUG BSNGAL LAS NI SDUG BSNGAL CHE, ,BSKAL PA'AM BSKAL PA'I LHAG MA RU, ,KHYOD NI ME YIS SREG PAR BYED, ,NGAN BYAS MANG PO CI BYAS PA, ,GTI MUG YONGS SU BSAM PAR GYIS, ,LAS KYI ZHAGS PAS BCINGS PA LA, ,LHA DANG LHA MIN DRI ZA DANG, ,SHA ZA LTO 'PHYE SRIN PO DAG ,KHYOD LA YONGS SU SKYOB MI BYED, ,LAS KYI ZHAGS PAS GANG BCINGS PA, ,MI DE SEMS CAN DMYAL BAR BCINGS, RGYU DANG RKYEN GYIS 'GRO BA YI, ,THAMS CAD DBANG MED KHRID PAR BYED, ,LAS BYAS NGES PAR 'GRO BA NI, ,MA NI GSOD PAR BYED PA STE, ,SDIG PA 'DI NI SHIN TU SDIG ,SDIG LAS SDIG PA CHEN PO YIN, ,GANG GIS KHYOD NI SNGON BSKYED PA, ,PHA YI KHU CHU LAS BSKYED NA, ,DE LA KHYOD KYIS GNOD BYAS SHING, ,DBANG MED MTSON GYIS SROG BCAD BYAS, ,GANG ZHIG KHAMS GSUM KHYAD PAR 'PHAGS, ,NYES PA THAMS CAD RNAM SPANGS SHING, ,'CHING BA KUN LAS NGES GROL BA, ,DE LA KHYOD KYIS SDIG PA BYAS, ,CHOS RNAMS KUN GYI GTER YIN ZHING, ,THAR PA'I SGO NI RNAM 'BYED PA, ,KHYOD KYIS DGE 'DUN DBYEN BYAS SDIG ,DE YI 'BRAS BU 'DIR 'ONGS SO, ,SBYOR BA THAMS CAD LAS 'DAS SHING, ,BAG LA NYAL BA KUN SPANGS PA, ,
RMONGS PAS DGRA BCOM GNOD BSKYED PA'I, ,DE YI 'BRAS SU NYE BAR SPYOD, ,CHOS RNAMS KUN LA ME LTA BU, ,BDEN PA RIN CHEN RNAM 'JIG PA, ,RTAG TU KHYOD KYIS RDZUN SMRAS PA'I, ,DE YI GNOD PA SPYAD PAR GYIS, ,PHAN TSUN DBYEN NI BYA BA'I PHYIR, ,BSAM BZHIN DU NI YANG DANG YANG, ,PHRA MA DE NI MNGON SMRAS PA, ,DE YI 'BRAS BU 'DIR 'ONGS SO, ,GANG GI RGYUD LA GDUNG BYED MCHOG ,MTSAN DANG ME DANG DUG LTA BU'I, ,KHYOD KYIS RTAG TU TSIG RTZUB SMRAS, ,DE YI 'BRAS BU NYE BAR SPYOD, ,SNGA PHYI 'BREL PA MED PA'I TSIG ,DON MED RIGS PA MED PA DANG, ,'BREL MED MANG DU SMRAS PA YI, ,DE YI 'BRAS BU 'DIR THOB BO, ,SROG NI RTAG TU LHUR LEN PA, ,SROG CHAGS DBANG MED 'JIGS BYAS SHING, ,KHYOD KYIS MANG DU RNAM PAR GTZES, ,DE YI 'BRAS BU MANG PO THOB, ,CHAGS PAS NON PA'I YID KYIS SU, ,KHYOD KYIS GZHAN GYI NOR RDZAS PHROGS, ,GANG DAG 'DOD PA'I DBANG SONG BA, ,DE YI DUS NI 'DIR 'ONGS SO, ,RNAM RTOG BUD SHING BYUNG GYUR PA, ,ME NI GNYIS PA 'DRA BA YIN, ,'DOD PA DAG LA LOG PAR SPYAD, ,DON MED CI ZHIG YONGS SU GDUNG, ,GZHAN GYI NOR LA CHAGS SEMS PA, ,RANG NYID KYI NI BSAM PAS BSAMS, ,DE LA BYA BAR NUS PA MED, ,DE YI 'BRAS BU DE RING SPYOD, ,GANG LA GNOD SEMS MANG YOD PA, ,DE YIS GNOD SEMS YONGS SU BSAMS, ,DMYAL DANG NYE STE DE LTA BAS, ,
, ,NGED CAG GIS NI YONGS SU 'DREN, ,LOG PAR STON PA MI ZAD DE, ,LAS GNYIS RNAM PAR 'JIG BYED PA, ,KHYOD KYIS LOG PAR LTA BA LA, ,GZHAN GYI YID DAG MNGON PAR BCUG ,LUS DANG NGAG DANG YID RNAMS KYIS, ,SDIG PA'I CHOS NI 'DI DAG STE, ,GTI MUG RJES SU ZHUGS KHYOD KYIS, ,BYAS SHING GZHAN DAG RAB TU SBYAR, ,BYAS PAS NGES PAR 'GRO BA YI, ,DMYAL BA DRAG PO 'DI THOB STE, ,NGED CAG GIS NI YONGS BSKOR BA, ,GTI MUG CI ZHIG YONGS SU GDUNG, ,RGYA MTSO'I KHYAD PAR GANG YIN PA, ,GANG GI KHYAD PAR CHU THIGS TZAM, ,GANG DAG MI BZOD THOB PA YI, ,SDUG BSNGAL 'DI NI DE TZAM MO, ,MI NI GANG ZHIG SDIG BYED PA, ,DE BDAG NGES PAR PHANGS MI BYED, ,BDAG GI YID LA SDIG PA BYAS, , SDIG PAS SEMS CAN DMYAL BAR 'TSED, ,SDIG PAS SDIG PA'I RJES SU 'GRO, ,DE BZHIN DGE BAS DGE BAR MTHONG, ,SDIG BYED DGE LA SDANG BA NI, ,SEMS CAN DMYAL BAR SKYE BAR 'GYUR, ,MI DGE'I BLO YIS DGE BA DAG ,BTANG NAS CI PHYIR SDIG PAR 'GRO, ,RMONGS PAS RIN CHEN POR NAS SU, ,CI PHYIR RDO YI RJES SU RGYUG ,SANGS RGYAS RIN CHEN LA SOGS PA, , SNA TSOGS CHOS KYIS MTSUNGS PAR GANG, ,MI YI CHOS NI THOB PA DAG ,CI PHYIR MANG DU SPYAD MI BYA, ,SDIG PA YONGS SU SPANGS PA YIN, ,SEMS NI RTAG TU DGE BA DAG ,MYA NGAN 'DAS PA
LAG NA YOD, ,RTOG PA RNAMS KYIS MI MTHONG NGO, ,THOG MA DBUS DANG MTHA' DGE BA, ,BDE BA'I CHOS NI RTAG TU 'BYUNG, ,THOG MA DBUS DANG MTHAR MI DGE ,SDIG PA'I LAS KYI 'BRAS BU YIN, , DE LTAR RTAG TU SDIG SPANGS SHING, ,RTAG TU DGE LA DMIGS PAR GYIS, ,SDIG PA YONGS SU SPANGS PA NI, ,RTAG TU BDE LA GNAS PA YIN, ,'KHOR BA THOG MA MED PA NAS, ,YANG DANG YANG DU SDIG PAS GDUNGS, ,BYIS PA GTI MUG DBANG SONG BA, ,CI YI PHYIR NA SKYO MI BYA, ,SDIG PA YIS NI SNGON BSREGS SHING, ,PHYI NAS ME YIS SREG PAR BYED, ,SDIG PA'I RGYU LAS BYUNG BA'I DMYAL, ,SDIG PA RNAMS SU YONGS SU 'TSED, ,SDIG PA DON MED SMRA BA NI, ,SEMS NI YANG BAS SMRA BAR BYED, ,TSA BA GANG GIS YONGS SREG PA, ,CI YI PHYIR NA SDIG PAR BYED, ,KHYOD NI SGO DAG DU MAR GYUR, ,DE LTA BAS NA SDUG BSNGAL 'GYUR, ,DE LTAR DE NI BSDIGS PA NA, ,GSHIN RJE'I PHO NYA DU MA YIS, ,LAS KYIS ZHAGS PA'I DBANG SONG LA, ,MI BZAD DMYAL BAR 'KHRID PAR BYED, ,DE YI YAN LAG DANG, NYING LAG THAMS CAD SHING KHONG STONG GI NANG NA ME 'BAR BA LTA BUS BSREGS SHING THAG NYE BA NA SEMS CAN DMYAL BA CHEN PO'I SGO GANG DPE BYA BAR YANG MI NUS PA MTHONG NGO, ,'DIR TSIGS SU BCAD PA; GRU BZHI PA LA SGO BZHI YOD, ,DPAG MED SBRUL GYIS RNAM PAR PHYE, ,SEMS CAN DMYAL BA DU MA DAG ,DBANG MED DER NI 'TSED PAR BYED, ,DE LTAR DE SEMS CAN DMYAL BA PA RNAMS KYI SGRA
, ,CHEN PO SHIN TU MI BZAD PA RTZUB PA TSA BA MI SNYAN PA THA DAD PA 'JIGS SU RUNG ZHING GZHAN DANG MTSUNGS PA MED PA THOS NAS MI MTHUN PA DAG DPAG TSAD NYI KHRI LNGA STONG NAS DE MNGON PAR THOS SO, ,THOS NAS GANG SEMS CAN DMYAL BA GZHAN DU SKYES PA'I SEMS CAN DE DAG KYANG SEMS CAN DMYAL BA'I SDUG BSNGAL DE THAMS CAD BRJED NAS SEMS 'KHRUGS PAR GYUR CING DE LAS GZHAN PA SEMS CAN DMYAL BA PA THAMS CAD KYANG BYAS PA'I SDUG BSNGAL BRJED NAS 'CHI BA'I DUS BYED NA, GANG GIS SNGON GYI SGRA DE DAG RNAMS KYANG MA THOS PA LTA SMOS KYANG CI DGOS, SEMS CAN DMYAL BA PA'I SNANG BA BYAS PA'I SRID PA BAR MA LA SDUG BSNGAL SNA TSOGS KYIS NYAN PA DE'I SEMS RNAM PAR RMONGS TE, YANG PHYIR ZHING SGRA DES BCU 'GYUR DU RNAM PAR RMONGS SO, ,DE'I SDUG BSNGAL GYI RNAM PA MTHA' DANG, MU MED PA LUS DANG, YID LA SDUG BSNGAL GYIS NYAM THAG PA'I SEMS DE PHYIR ZHING RMI LAM GYI GZUGS BRNYAN LTA BUR RNAM PAR 'KHRUG PAR 'GYUR RO, ,DE MNAR MED PA DANG, NYE BAR GNAS PA DE'I TSE, LAS KYIS BSKYED PA LAS KYIS BYAS PA'I RLUNG GRANG BA LDANG STE, KHYAD PAR GRANG SA'I 'OG NA CHU YOD CING SA'I 'OG GI BAR NA CHU GNAS PA BAR GYI BSKAL PA'I NYI MA THAMS CAD KYIS KYANG SNGON MA REG PA DE LTA BU BAS KYANG DE GRANG STE, GANG MI'I CHAB RUM SHIN TU
GANG BA DANG 'DRA'O, ,CHU DE DAG PAS SHIN TU GRANG BA LAS KYIS BYAS PA'I SPU GRI LTA BU'I RLUNG DE RI DPAG TSAD BCU PA'ANG SKYES NUS PAR LDANG STE, PHAL CHER RLUNG DE'I NANG DU BCUG NAS, SRID PA BAR MA'I GANG BA RNAM PA DE LTA BUS GZUGS LA SOGS PA'I PHUNG PO BDAS SO, ,'DI LTAR DE DANG MTHUN PA'I NYI MA BDUN SHAR BA'I TSA BA STONG PAS LHAG PAR TSA BA'I ME MNGON PAR 'BAR RO, ,SRID PA'I YAN LAG NI 'DI YIN TE, 'DI LTA STE, NYE BAR LEN PA'I RKYEN GYIS SRID PAR 'BYUNG NGO, ,DE 'DOD PA BSKYED MA THAG NYID DU SRID PA BAR MA'I PHUNG PO 'GAG PAR 'GYUR LA SRID PA GZHAN DU SKYE BA'I TSOR BA'I PHUNG PO DAG 'BYUNG BAR 'GYUR TE, DPER NA, SUM CU RTZA GSUM PA'I LHA RNAMS KYI MIG LNGA DANG, BZHI DANG, GSUM 'BYUNG BA DE BZHIN DU LAS KYI DBANG GIS MI 'DRA BA'I LUS DPAG TSAD GCIG PA MNGON PAR 'GRUB PAR 'GYUR RO, ,DE MGO THUR DU BSTAN CING RKANG PA GYEN DU BSGRENG STE, LTUNG BA NA MNAR MED PA'I ME LCE RAB TU 'BAR BA'I SHUGS KYIS BRDABS SHING RAB TU NYAMS PA LO NYIS STONG 'GRO'O, ,DE LTAR SPYI'U TSUGS SU DE MNAR MED PA'I SAR SONG STE, DE'I 'OG NA DE LAS GZHAN PA, 'DI LTA STE, MNAR MED PA MED DO, ,'DOD PA'I KHAMS 'DI'I MTHA' NI MNAR MED PA YIN LA GZUGS KYI KHAMS KYI MTHA' NI GYEN DU DRANGS TE 'OG MIN GYI LHA'I BAR YIN TE, KHAMS GNYIS SO, ,DE LTAR DE LTUNG BA NA SKYE BA'I SRID PA THOB NAS DE MA THAG PA'I RKYEN GYIS RTAG TU GNOD CING SDUG BSNGAL SHUGS RAB TU
, ,'BYUNG STE, DE'I DRUNG NA RAB TU TSA BAR SKYES PA'I SEMS CAN DMYAL BA PA DAG GZHAN 'PHRUL DBANG BYED KYI LHA DANG 'DRA BAR MNGON NO, ,DE 'BAR BA 'KHRUGS SHING MI BZAD PA'I SEMS CAN DMYAL BA'I NANG DU SKYES SO, ,SKYES MA THAG TU SEMS CAN DMYAL BA PA'I MES YUD TZAM ZHIG GDUNGS TE, DE'I TSE LUS YONGS SU BSREGS SHING TSA BAR 'GYUR RO, ,DE'I GNAS DE YONGS SU TSOL BAR BYED DE; GAL TE RI'I RGYAL PO RI RAB LA 'KHYUD CING, DE LTAR DE STONG PHRAG DRUG CUR YONGS SU BSKOR LA, DE CHU BO DANG, SHING LJON PA DANG, LTENG KA DANG, NAGS TSAL DU BCAS PA BSKOR BA TZAM GYIS SEMS CAN DMYAL BA PA'I ME DU MAS SREG PAR BYED DE, DE SEMS CAN DMYAL BA PA GZHAN YUN RING DU SKYES PA DAG NI MA GTOGS SO, ,DE LTAR SRED PA 'DI CUNG ZAD 'DRA BA BSTAN PA NI 'DI LTAR ME SHIN TU TSA BAS DOG LE YONGS SU BSREGS PA'I NANG DU SNUM GYI THIGS PA GCIG BSREGS PA DE BZHIN DU LAS KYI RGYU GCIG GIS MNAR MED PAR SKYES PA'I LUS LA 'BYUNG PO'I TSOGS GNAS DANG BCAS PA DANG, RI DANG, LHA DANG, LHA MA YIN DANG, RI CHEN PO DANG, SMAN LJONGS DANG, GLING DANG, TSAL DU BCAS SHING RGYA MTSO DANG BCAS PA SREG GO ,GANG GIS LAS GNYIS BYAS NA DES RGYA MTSO GNYIS SNGA MA BZHIN SREG GO ,GANG GIS GSUM BYAS NA RGYA MTSO GSUM SREG GO ,DE LTAR BZHIS RGYA MTSO BZHI STE, LUS LA DOG LE BSREGS PA BZHIN LHUNG MA THAG TU SREG GO ,RI KHOR YUG DANG, KHOR YUG CHEN PO DANG, RGYA MTSOR GTOGS PA DAG NI
KLU DANG, LHA MA YIN DANG, DUD 'GROR SKYES PA'I TSOGS DANG BCAS PA DANG, MI'I GNAS BZHI DANG, 'DOD PA NA SPYOD PA'I LHA DRUG DAG GI SKYABS YIN NO, ,DE CI'I PHYIR ZHE NA, MNAR MED PA'I SEMS CAN DMYAL BA PA DAG GI LUS DRI NGA BA DES DE DAG THAMS CAD MA RUNG BAR 'GYUR TE, DE LTAR SEMS CAN DMYAL BA PA DAG DRI NGA BA'I LUS LAS DRI 'BYUNG NGO, ,RI MTHON PO DAG GIS DRI DE YONG MI TSOR TE, SEMS CAN DMYAL BA PA DE LAS BYAS SHING BSKYED PA DANG, MA BSKYED PA DANG, RNAM PAR PHYE BA'I DRI NGA BA DE DRI GZHAN GYIS DPE BYA BAR MI NUS SO, ,DE'I TSE SEMS CAN DMYAL BA PA RNAMS KYI BYA'I RIGS DAG 'BYUNG BAR 'GYUR TE, MCHU RAB TU 'BAR BA MKHRAD ZHING RNO LA SHUGS SER BA MYUR DU 'BAB PA LTA BU'I SHUGS KYIS SEMS CAN DMYAL BA PA DE DAG THAMS CAD KYI LUS DANG, PAGS PA DANG, SHA DANG; TSIL DANG, RUS PA DANG, RKANG RNAMS RAB TU 'DREN TE, 'DI LTA STE, ME LAS ME 'BYUNG BA DE BZHIN DU 'BYUNG ZHING DER GNAS DER 'GRO, DE LA ZA'O, ,SEMS CAN DMYAL BA PA RNAMS KYI SHA ZOS, RUS PA PHUG ,SHA DRANGS NAS KHRAG LA 'THUNG NGO, ,DE DAG KYANG ZOL NAS RKANG DAG LA ZA'O, ,DE NAS NGU ZHING CHO NGES 'DEBS LA YONGS SU SMRE SNGAGS 'DON CING RMONGS PA NA BYA'I RIGS GZHAN DAG 'BYUNG BAR 'GYUR TE; 'DI LTA STE, BYA ME LCE SPYOD PA ZHES BYA BAS GANG ME LCE'I NANG DU ZHUGS NAS SREG STE, MTHONG MA THAG TU SEMS CAN DMYAL BA PA RNAMS KYIS KLAD PA PHUG NAS KHRAG 'THUNG NGO, ,BYA KLAD PA'I BAR NA RGYU ZHES BYA BAS
, ,KLAD PA PHUG NAS MCHU RAB TU 'BAR BAS KLAD RGYAS 'THUNG NGO, ,BYA ZAS SU LCE ZA ZHES BYA BAS LCE KHA GNYIS SU DRANGS NAS RAB TU ZA BAR BYED DO, ,DE'ANG ZOS SHING YANG PADMA'I 'DAB MA LTAR SHIN TU 'JAM PA SKYE'O, ,BYA SO 'BYIN ZHES BYA BAS MCHU GNYI GA PHRA SKAD LTAR 'DZIN CING RAB TU 'BAR BAS SO THAMS CAD 'BYIN PAR BYED DO, ,BYA MID PA LA SOGS PA 'DREN PA ZHES BYA BAS MID PA'I SHA DAG ZHIB MOR 'BRUB CING ZA BAR BYED DO, ,BYA GLO BA ZA BA ZHES BYA BAS GANG GLO BA DAG ZA BAR BYED DO, ,BYA SNYING ZA BA ZHES BYA BAS GANG SNYING DAG GSHEG NAS ZA BAR BYED DO, , BYA PHO BA ZA BA ZHES BYA BAS PHE BA GSHEG NAS DER ZHUGS TE RO BRO BA ZA BAR BYED DO, ,BYA MCHIN PA 'JIG BYED CES BYA BAS GANG MCHIN PA DAG ZA BAR BYED DO, ,BYA BU GAR ZA BA ZHES BYA BAS GANG SEMS CAN DAG GI BU GA ZA BAR BYED DO, ,BYA SGAL TSIGS ZA ZHES BYA BAS GANG SGAL TSIGS DAG PHUG NAS GZHUNGS PA DAG ZOS TE PHYIR 'BYUNG NGO, ,BYA GNAD GSANG ZHES BYA BAS GANG GNAD KYI BAR THAMS CAD PHUG CING GNAD DAG PHYE STE, BAR DU ZHUGS NAS DU BZHIN DU RKANG GI BCUD 'THUNG NGO, ,BYA KHAB LTAR 'BIGS ZHES BYA BAS GANG MCHU KHAB LTA BUS KHRAG 'THUNG NGO, ,DE BZHIN DU BYA 'GRAM RUS KYI BAR DU ZHUGS SHING RUS PA GZHAN DAG PHUG NAS RUS PA'I BAR NA GNAS ZHES BYA BAS PHYI ROL NA'ANG ZA BAR BYED DO, ,BYA PAGS PA RNAM DRUG ZA ZHES BYA BAS GANG PAGS PA RNAM PA DRUG ZA BAR BYED
DO; ;BYA SEN MO 'BYIN ZHES BYA BAS GANG SEN MO THAMS CAD 'BYIN TO, ,BYA TSIL ZA ZHES BYA BAS GANG PAGS PA DAG PHUG NAS TSIL ZA BAR BYED DO, ,BYA RGYUS PA 'BYIN ZHES BYA BAS GANG RGYUS PA THAMS CAD PHYUNG NAS ZA'O, ,BYA SKRA SHAD 'DZINGS ZHES BYA BAS SKRA DRUNG NAS 'BYIN PAR BYED DO, ,DE LTAR DE MNAR MED PA'I PHYOGS DPAG TSAD SUM STONG NA BYA 'JIGS 'JIGS LTAR 'DUG PA ZHES BYA BA DES SEMS CAN DMYAL BA PA DE LAS GZHAN PA RNAMS KYIS DE MA THAG TU LO 'BUM PHRAG DU MAR ZA BAR BYED CING YANG SLAR 'BYUNG BAR BYED DO, ,DE GAL TE YANG MNAR MED PA NA BYA 'JIGS 'JIGS LTAR 'DUG PA'I PHYOGS DE DAG LAS THAR NA SDUG BSNGAL GYI DRA BA THAMS CAD KYIS YONGS SU DKRIS PA NGAM GROG DANG, G-YANG SA ZHES BYA BA'I PHYOGS GNYIS YOD DE, DER MGON 'DOD PA, SKYABS 'DOD PA ,SKYOB BAR 'DOD PA 'GRO BA NA, KUN NAS ME LCE'I PHUNG PO BCU GCIG GIS KHEBS SHING GROGS MED LA LAS KYI ZHAGS PA'I BCING BAS BCINGS NAS PHYI NANG KUN TU DGRAS GANG BA'I DGON PAR ZHUGS SO, ,SEMS CAN DMYAL BA'I TSOGS THAMS CAD PAS CHES SHIN TU NYON MONGS PAR ZHUGS LA NGAM GROG DANG, G-YANG SA ZHES BYA BA'I PHYOGS SU RGYUG STE, DER LHUNG NAS RKANG PA RAB TU SREG GO ,BTEG PA DANG, SHIN TU 'JAM ZHING GZHON SHA CAN DU 'GYUR TE, SDUG BSNGAL TSA ZHING MI BZAD PA'I SDUG BSNGAL GYIS MNGON PAR GDUNGS SO, ,DE LTAR DE 'JIGS SHING BZHIN MDOG MOG MOG POR GYUR BA'I RKANG LAG DANG,
, ,YAN LAG THAMS CAD RAB TU ZHUM PA NA NGAM GROG DANG, G-YANG SA ZHES BYA BA'I YUL DE 'BYUNG BAR 'GYUR TE, NGAM GROG DANG, G-YANG SA DPAG TSAD SUM STONG YOD PA'I YUL DER DE LTUNG BAR 'GYUR RO, ,YANG LAS KYIS BYAS PA'I RLUNG GIS 'DEG CING DE 'DOR BA NA, BYA KANG KA DANG, KHVA DANG, BYA RGOD DANG, 'UG PA RNAMS KYIS ZA BAR BYED DO, ,DE NAS YANG RLUNG SPU GRI DANG, ME LTA BUS GYEN DU 'DEG CING 'DOR BA NA, DE DAG NYID KYIS ZA BAR BYED DE, DE LTAR DE 'DEG CING 'DOR BA LO 'BUM PHRAG DU MAR BYED DO, ,DE LA GAL TE YANG DE LAS THAR NA 'KHOR LO LTAR YONGS SU BSKOR BA MTSAN MA'I BAR ZHES BYA BA'I PHYOGS SU RGYUG GO ,PHYOGS DER YANG 'KHOR LO'I RTZIBS STONG YOD LA LTE BA RDO RJE LAS BYAS PA SHIN TU 'BAR ZHING MYUR BAR 'KHOR BA 'BYUNG STE, DE DANG LHAN CIG 'GRO BA NYID KYIS 'KHOR LO DE LUS LA BAB NAS 'KHOR RO, ,MGO'I 'KHOR LO GCIG GIS KLAD PA 'THAG PAR BYED, DE NAS KLAD RGYAS RAB TU 'BAR BA DAG 'BYUNG BA NAS MIG GI BAR DU 'BYUNG BAR BYED DO, ,PHRAG PA GNYIS KA LA 'KHOR LO GNYIS 'KHOR TE DES RUS PA DANG, RKANG DAG PHYE MAR RLOG GO ,LAG PA GNYIS LA'ANG 'BYUNG STE, DES GTZUB SHING BZHIN DU LAG PA GNYIS KA LA ME 'BYUNG LA; DE ME NYIS GYUR GYIS SREG GO ,DE BZHIN DU DE'I BRANG LA 'KHOR LO RAB TU 'BAR BA YONGS SU 'KHOR TE, DES DE'I RUS PA THAMS CAD BCOM BCOM NAS 'THAG STE, BYE MA'I PHYE MA BZHIN DU
BYED DO; ;DE'I RGYAB LA'ANG LCAGS KYI ME MDAG GIS REG CING 'KHOR LO RTZIBS STONG PA 'KHOR TE, DES BRANG GI PHYOGS DANG, RGYAB KYI RUS PAR GTOGS PA LA SOGS PA THAMS CAD 'JOMS SO, ,DE NAS DE'I 'DOMS SU LCAGS KYI MTSON BRANG KOL LI KA 'BYUNG STE, DES 'DOMS THAMS CAD GTZUB SHING BZHIN DU GTZUBS NAS 'DREN PAR BYED CING DE'I LONG GA THAMS CAD 'BIGS PAR BYED DO; ;PHUG NAS KYANG RGYU MA DAG LA'ANG 'BIGS PAR BYED DO, ,PUS MO'I LHA NGA LA'ANG 'KHOR LO 'BYUNG STE, DES PUS MO'I LHA NGA DE 'BIGS PAR BYED DO, ,DE BZHIN DU LONG BU LA'ANG 'BYUNG STE, DES DE'I RUS PA DAG PHUG NAS RKANG DAG ZA BAR BYED DO, ,DE'I RKANG MTHIL LA'ANG PHUR BU RNAMS KYIS 'BIGS PAR BYED DE, DES KYANG GDUNG BA CHER BYAS SHING SDUG BSNGAL SKYED PAR BYED DO, ,DE LTAR LAS KYI MTHA' NYES PAR BYAS PA SPYOD PA MNAR MED PA'I SDUG BSNGAL RANG GI LAS KYIS BYAS PA THUN MONG MA YIN PA, MI BZAD PA, TSA BA RTZUB PA'I GNOD PA DAG LO 'BUM PHRAG DU MAR 'BYUNG BAR 'GYUR RO; ;DE GAL TE YANG DE LAS THAR NA GNOD PA MYONG BZHIN DU 'BROS PAR BYED DO, ,MGON 'DOD PA, SKYABS 'DOD PA, DPUNG GNYEN 'DOD PA DE BROS PA NA RI CHEN PO ZHIG YOD PAR MTHONG NAS DE LA RGYUG GO ,RI DE'ANG SRIN BU MA KO TA KA YAN LAG DANG, NYING LAG RAB TU 'BAR BA RNAMS KYIS GANG LA, DE LTAR DE SRIN BU MA KO TA KA REG NA RTAG TU ME LTAR TSA BA RNAMS KYI NANG DU SKYA BAR 'GYUR TE, DE RNAM
, ,KYIS DE KUN NAS YONGS SU BSKOR NAS RDUL PHRAN TZAM DU ZA BAR BYED DO, ,CHO NGES 'DEBS PA NA SRIN BU MA KO TA KA KHA'I NANG DU'ANG ZHUGS NAS MID PAR SONG STE, PHO BA DANG, LONG GA'I NANG DU ZHUGS NAS ZA BAR BYED CING DE SDUG BSNGAL MI BZAD PA TSA BRTZUB PA DAG MYONG NGO, ,GANG SNGON SHIN TU NYES PAR SPYAD PA BYAS PA DANG, GANG MNAR MED PA BYAS PA DANG, MI DGE BA BCU'I LAS KYI LAM DANG LDAN PA DE NI RGYU DE DANG MTHUN PA'I 'BRAS BU NYE BAR SPYOD PAR 'GYUR TE, DE LTAR DE SRIN BU MA KO TA KA'I RI DER LO 'BUM PHRAG DU MAR SDUG BSNGAL MYONG BAR 'GYUR RO, ,GAL TE'ANG DE LAS THAR NA SHA ZA BA SENG GE DANG, STAG DANG, DRED DANG, GUNG DANG, DOM GYIS GANG BA'I TSAL DU RGYUG PA DANG, DE RNAMS KYIS BZUNG NGO, ,BZUNG NAS KYANG YAN LAG RAB TU ZA BAR BYED DE, LA LA NI KLAD PA BRTOL NAS KLAD RGYAS ZA BAR BYED DE, LA LA NI BRLA'I NGOS LA, LA LA NI RGYU MA LA, LA LA NI GNYE MA LA, LA LA NI LENG KA LA, LA LA NI PHO BA LA, LA LA NI BYIN PA'I SPU GU LA, LA LA NI PUS MO LA, ,LA LA NI RKANG PA LA, LA LA NI RKANG PA MTHIL LA ZA STE, DE LTAR DE BZA' BZA' NAS YANG SHIN TU GZHON SHA CAN DU 'BYUNG BAR 'GYUR RO, ,SHIN TU GZHON SHA CAN DE LA YANG DANG, YANG DU LHAG PAR SDUG BSNGAL MYONG BAR 'GYUR LA YANG ZOS NA YANG DE'I SHA RDZOGS PAR SKYE BAR 'GYUR TE, DES SROG GCOD PA BYAS SHING BSAGS PA'I 'BRAS BU NI DE YIN NO, ,DE LTAR DE RANG GIS BYAS PA GZHAN DANG MI 'DRA BA'I SDIG PA'I
LAS DE LO 'BUM PHRAG DU MAR MYONG BAR 'GYUR RO, ,DE NAS YANG DGE SLONG DE MA BYIN PAR YANG LEN PA KUN TU BSTEN CING BSGOMS TE MANG DU BYAS PA'I 'BRAS BU SO SO YANG DAG PAR MYONG BA LA RTOG PAR BYED DE, DES THOS PA LAS BYUNG BA'I SHES PAS BRTAGS NA, 'DI LTAR DE NYES PAR BYAS PA'I LAS KYI MTHA' LA SPYOD PA MGAL ME'I 'KHOR LO DANG, DRI ZA'I GRONG KHYER DANG, RI DVAGS SKOM PA LTA BU DAG LA DON GYI RNAM PA CHEN PO DBYIG DANG, NOR BU DANG, GOS DANG, NER DANG, 'BRU'I TSOGS SU LTA'O, ,DE LTAR DE CHAGS PAS ZIL GYIS NON LA, LAS KYI RMONGS PA DAG 'DI SNYAM DU SEMS TE, 'DI DAG NI BDAG GI YIN NO SNYAM MO, ,DE LTAR RMONGS PA SDIG PA BYED PA DE ME MDAG RAB TU 'BAR BA'I CHU BO DAG LAS BRGAL NAS RDZAS KYI RNAM PA DE DAG GI DRUNG DU RGYUG PA DANG, LAS KYIS BYAS PA'I GSHIN RJE'I MI RNAMS KYIS BZUNG STE, DE MTSON CHA'I DRA BA'I NANG DU BCUG NAS YAN LAG DANG, NYING LAG THAMS CAD GSHEG CING GCOD LA SREG STE RUS PA'I LHAG MA MA LUS PAR BYED KYANG, DE THOG MA MED PA'I DUS NAS ZHUGS PA DE GNAS SKABS DE DAG TU'ANG 'DOD PA DE SPONG BAR MI BYED DO ,'DIR TSIGS SU BCAD PA, BUD SHING LTA BU'I RTOGS BYUNG BAS, ,NGA RGYAL PHRAG DOG ME LTAR 'BAR, ,SHING GI MES NI MI SREG GI ,'JIG RTEN 'DOD PA'I MES SREG GO ,'DOD PA'I DUG GIS ZIN PA GANG, ,DE DAG LA NI BDE BA MED, ,'DOD PA BSNYEN CING BSTEN
, ,BYAS NA; ;PHYIR YANG DE BZHIN RAB TU 'PHEL, ,JI LTA JI LTAR 'DOD GYUR NA, ,'DOD PA DU MA 'PHEL BAR 'GYUR, ,ME LAS 'BROS PAR NUS SRID KYI, ,'DOD PA'I ME LAS MI NUS SO, ,'DOD PAS YONGS SU BSLUS PA YIS, ,'JIG RTEN 'KHOR LO BZHIN DU 'KHYAM, ,THOG MA MED PA'I 'JIG RTEN LA, ,'DOD PA LTA BU'I DGRA MED DO, ,'DOD PAS YONGS SU BSLUS PA DAG ,RGYA MTSO'I CHU NANG 'JUG PAR BYED, ,MTSON CHA THIBS PO 'BAB PA YI, ,G-YUL DU YANG DAG RAB TU 'JUG ,'DOD PA'I RGYU YIS SA BDAG RNAMS, ,PHAN TSUN DAG TU 'JIG PAR BYED, ,NOR LA SRED PAS MA BU YANG, ,'THAB MO'I G-YUL NI 'GYED PAR BYED, ,SRED PA'I DUG LAS RNAM GROL BA, ,'DOD PA'I ME MA DAG RNAM PAR SPANGS, ,BONG BA GSER LTAR MNYAM PA DE, ,MYA NGAN LAS 'DAS PA'I MTHAR 'GRO'O, ,NOR GYI NANG NA TSUL KHRIMS MCHOG ,NYI MA 'OD DANG LDAN PA BZHIN, ,NOR DANG BRAL NAS 'GRO 'GYUR GYI, ,TSUL KHRIMS 'DI NI MDUN NA GNAS, ,TSUL KHRIMS KYIS NI SUM CU GSUM, ,DE BZHIN BSAM GTAN SPYOD YUL 'GRO, ,'JIG RTEN 'DI DANG PHA ROL TU, ,TSUL KHRIMS GZI DANG MTSUNGS PA MED, , MNAR MED PAR NI SKYES PA DAG ,NOR LA 'DOD PAS BSREGS PA YIN, ,'DOD PA'I ME NI GANG 'BYUNG BA, ,YUL DER ME NI 'BYUNG MI 'GYUR, ,MKHAS PA'I YE SHES CHU YIS SU, ,
BSGRIMS TE 'DOD PA'I ME MDAG SOD, ,'DOD PA MED PAR MA BYAS NA, ,MYA NGAN 'DAS PA THAG RING NGO, ,DE LTAR SEMS CAN DMYAL BA PA DE 'DOD PA'I ME DES SREG PA NA'ANG MNAR MED PA'I ME GNYIS PA MTSON 'BAB PA DANG BCAS PAS SUM 'GYUR DU SREG GO ,DER YANG MGAL ME BSKOR BA DANG, DRI ZA'I GRONG KHYER DANG, RI DVAGS SKOM PA LTA BU'I NOR DAG LA 'PHROG PAR BYED PA DANG, LOG PAR BSGYUR BA'I RMI LAM GYI ME LTA BU SEMS CAN DMYAL BA PA GSHIN RJE'I MI DE DAG GIS MA BYIN PAR BLANGS PA'I SEMS CAN DMYAL BA PA DE LO 'BUM PHRAG DU MAR SDUG BSNGAL MYONG BAR BYED DO, ,DE NAS YANG DGE SLONG DE 'DOD PAS LOG PAR G-YEM PA'I MNAR MED PA DE'I 'BRAS BU LA RTOG PAR BYED DE, DES BRTAGS NA, 'DI LTAR SDIG PA BYED PA DE MTSON CHA NYAM NGA BA DE LAS THAR NA, JI LTAR YANG LAS KYIS 'KHRUL PA ME MDAG GI CHU BO LAS BRGAL NAS LOG PAR RNAM PAR LTA BA ZHES BYA BA'I PHYOGS GZHAN DU ZHUGS SO, ,DES LAS KYIS BYAS PA'I BUD MED DAG GANG SNGON GYI DRAN PA NYAMS PA DES MTHONG NGO, ,DE DAG MTHONG NAS DE THOG MA MED PA'I DUS NAS GOMS PA'I 'DOD CHAGS KYI ME 'BYUNG STE, DE DER RGYUG PAR BYED DO, ,GANG NA; BUD MED 'KHOR BA DE DAG LAS KYIS BYAS PA, LCAGS KYI BUD MED DAG YIN TE, DE DAG GIS DE BZUNG NGO, ,BZUNG NAS KYANG LCE LA SOGS PA LA ZA STE, JI LTAR DE'I LUS DE LA
, ,YUNGS 'BRU TZAM GYI LHAG MA YANG MA LUS PAR DE LTAR ZA'O, ,DE NAS YANG 'BYUNG BAR 'GYUR TE, YANG ZA'O, ,DE SDUG BSNGAL TSA BA RTZUB PAR MYONG BZHIN DU 'DOD CHAGS KYI ME DE DAG LAS LDOG PAR MI BYED KYI, GANG NA BUD MED DE DAG GNAS PA DER YANG DANG, YANG SHIN TU RGYUG PAR BYED DO, ,DE JI LTAR 'DOD CHAGS KYI MES GNOD PA DE LTAR SDUG BSNGAL GNOD PAR MI RTZI'O, ,DE NAS BUD MED DE DAG YANG LUS RDO RJE DANG, LCAGS RAB TU 'BAR BA'I LUS KYI MI DE BZUNG NAS 'BAR BA'I PHRENG BA 'KHRUGS PA'I LUS KUN GYIS SEMS CAN DMYAL BA DE BYE MA CHANG PA NAS GTOR BA BZHIN DU GTOR TO, ,LUS THAMS CAD PHYE MAR BYAS PA DE SLAR YANG 'BYUNG BAR 'GYUR TE, DE NAS SHIN TU RGYUG KYANG DE'I 'DOD CHAGS ZHI BAR MI 'GYUR RO, ,DE'I GNAS DE LTA BU MTHONG NAS DGE SLONG DES BSAMS TE, THOS PA LAS BYUNG BA'I SHES PAS 'DI LTAR TSIGS SU BCAD DE SMRAS PA, BUD MED NGAN SONG GZHI YIN ZHING, ,KUN NAS NOR NI ZAD PAR BYED, ,MI GANG BUD MED TSIG NYAN PA, ,DE LA BDE BA GA LA YOD, ,DON MED CHOS LA DGA' BA NI, ,BUD MED G-YO DANG PHRAG DOG MANG, ,'JIG RTEN GNYIS NI RNAM 'JIG PA, ,SKYES PA RNAMS KYI MDUN NA GNAS, ,DE TSIG SHIN TU MI BRTAN TE, ,RTAG TU 'DOD CHAGS SKYED LA MKHAS, ,DE YI SNYING NI
GZHAN SEMS LA, ,GZHAN GYI TSUL GYIS SMRA BAR BYED, ,DANG POR MNYEN ZHING SRUN BYED LA, ,PHYI NAS SEMS NI RDO RJE 'DRA, ,SEMS NI YANG LA PHAN PA MED, ,BKUR STI DAG NI DRAN MI BYED; ;LEGS PA BRGYA NI CHUD GZON LA, ,MA LEGS GCIG PU DRAN PAR BYED, ,SDIG PA'I SA GZHI BUD MED YIN, ,SNYING NI GLOG GI NGO BO BZHIN, ,SKYES PA CHAGS PA'I SEMS YOD PA; ;'JIG PA'I RGYU NI BUD MED BYED, ,'JIG RTEN 'DI DANG PHA ROL TU, ,'JIG BYED NANG NA BUD MED 'JIG ,GAL TE BDE BA'I MCHOG 'DOD NA, ,DE LTAR BUD MED RNAM PAR SPONGS,, BUD MED RTAG TU SPANGS PA NI, ,'JIG RTEN 'DI DANG PHA ROL BDE, ,GANG ZHIG DBUL BA SPONG 'DOD CING, ,GANG ZHIG BDAG NI 'BYOR 'DOD DANG, ,GANG ZHIG MYA NGAN 'DAS 'GRO 'DOD, , MI DES BUD MED SPANG BAR BYOS, ,DE LTAR PHYIN CI LOG TU MTHONG BA SNYING RNAM PAR RMONGS PA DE LO 'BUM PHRAG DU MAR SREG GO ,GSHEG GO ,GSOD DO, ,DE NAS YANG SLAR 'BYUNG BAR 'GYUR TE, DE GAL TE DE LAS THAR NAS DE NAS YANG ME MDAG GI CHU BO'I NANG DU BYING ZHING 'TSED PA NA BKRES PA DANG, SKOM PAS GDUNGS TE, GAR BAB TU 'BROS SO, ,DE NAS YANG DGE SLONG DE MNAR MED PA'I MI DGE BA BYED PAS GANG BRDZUN DU SMRA BA DE KUN TU BSTEN CING BSGOMS TE MANG DU BYAS PA'I 'BRAS BU LA BRTAGS NA DES THOS PA LAS BYUNG BA'I SHES PAS
, ,MTHONG STE, 'DI LTAR SEMS CAN DMYAL BA LUS BKRES PA DANG, SKOM PAS 'KHRUGS SHING GDUNGS PA DE GSHIN RJE'I MI STOBS PO CHE RNAMS KYIS GZUNG NGO; ;BZUNG NAS KYANG, KYE GROGS PO DAG ,KHYED LA CI GNOD CES 'DRI'O, ,LAS KYI DBANG GIS BSKUL BA DE DAG BDAG CAG BKRES SO ZHES SMRA'O, ,DE NAS DE DAG GSHIN RJE'I MI DE RNAMS KYIS GZUNG NGO, ,BZUNG NAS KYANG DE'I KHA GSHEG PAR BYED DE, DE NAS LCE 'BYIN PAR BYED DO, ,LCE DE'ANG LAS KYI DBANG GIS DPAG TSAD LNGA BRGYA TZAM DU 'GYUR RO, ,BRDZUN DU SMRA BA DE'I 'BRAS BUS DE PHYUNG MA THAG TU, DE GSHIN RJE'I MI RNAMS KYIS BZUNG NAS LCAGS KYI SA GZHI RAB TU 'BAR BA LA LDAG TU 'JUG CING LAS KYIS BYAS PA'I THONG GSHOL RTZE MO RAB TU 'BAR BA DANG BCAS PA'I RMON GLANG STOBS DANG LDAN PA STONG BYUNG STE, LCE DE'I STENG DU SONG NAS RMED PAR BYED DO, ,DE LAS RNAG DANG, KHRAG DANG, SRIN BU 'DZAG PA CHU BO LTAR 'BAB BO, ,RNAG DANG, SRIN BUR 'DRES PA'I LCE DE'ANG JI LTAR LHA RNAMS KYI MIG BZHIN DU GZHON SHA CAN DU 'GYUR TE, DE'I LCE'I PHYOGS LA RMOS PA DE DAG SLAR YANG THA MAL BAR 'GYUR RO, ,DE NAS YANG LO 'BUM PHRAG DU MA'AM, LO BYE BAR RMED DE, LCE DE LA SDUG BSNGAL MI BZAD PAR 'BYUNG NGO ,TSA ZHING RTZUB LA RAB
TU RTZUB PA, DRAG PAS KYANG SHIN TU DRAG PA, SDUG BSNGAL MI BZAD PA DAG GIS NYAM THAG PA DE KUN CO 'DON, CHO NGES 'DEBS, DU SKAD 'BYIN KYANG DE'I SDUG BSNGAL DE SUS KYANG SEL BAR MI BYED DO, ,GANG BDAG GIS BYAS PA DE DAG NI PHA MAS MA BYAS, LHAS MA BYAS, MI GZHAN GYIS MA BYAS, 'DOD RGYAL LAS MA BYUNG, GZHAN LAS MA 'ONGS, BYAS PA CHUD MI ZA STE, RANG GIS BYAS PA'I LAS KYI 'BRAS BU YOD DO, ,DE NAS DE DAG DU SKAD 'BYIN BZHIN DU 'DI LTAR GSHIN RJE'I MI RNAMS KYIS RJES SU BSTAN PA TSIGS SU BCAD DE SMRAS PA, RTZUB SHING DRAG LA BDE MED PA, ,BRDZUN DU SMRA BA RNAM PAR SPONGS, ,BRDZUN DU SMRA BA'I MI RNAMS NI, ,SEMS DAG LA YANG RNAMS PAR 'JIG ,DE NI YID CHES GNAS MA YIN, ,MKHAS PA KUN GYIS RNAM PAR SPANGS, ,BDAG NYID LA NI BSLUS BYAS NAS, ,PHA ROL LA NI RDZUN SMRA BA, ,SKYES BU DPA' SEMS CAN DAG GIS, ,DGRA BZHIN DU NI RNAM PAR SMAD, ,GANG TSE BDAG DANG GZHAN 'JIG PA, ,DANG POR MI MTHUN KHA NAS SMRA, ,MI YIS RNAM PAR MA SPANGS NA, ,LHA RNAMS KYIS KYANG GTONG BAR BYED, ,YID LA RDZUN GYIS TSIG SEMS NA, ,DMA' ZHING 'OG MAR 'GRO BAR 'GYUR, ,MI GANG LOG PAS MNGON PAR NYAMS PA, ,DE DAG BDE BA'I GNAS MED DO, ,'JIG RTEN 'JIG RTEN 'DAS LAM LA, ,BRDZUN DU SMRA BA RNAMS PAR SMAD, ,'BYED PAS
, ,'BYED PA'I RNAM SMIN TE, ,BRDZUN DU SMRA BA RNAMS PAR SPONGS, ,DE LTAR DE LA GNAS PA'I MI, ,DMYAL BA YIN PAR NYE BAR BRTAG ,MI MCHOG BDEN PA SMRA BA NI; ;'JIG RTEN KUN GYIS MCHOD PAR 'GYUR, ,BRDZUN DU SMRA BA RNAM PAR SPONGS, ,'ON KYANG BDEN PA'I MCHOG TU 'GYUR, ,'TSE MED BDEN TSIG SMRA BA NI, ,'BYUNG PO KUN LA BRTZE ZHING MNYEN, ,BDE BA MTHO RIS SKAS YIN ZHING, ,CHOS RNAMS 'BYUNG KHUNGS CHEN PO YIN, ,MI GANG GSHIN RJE'I 'JIG RTEN DANG, ,DE BZHIN DMYAL BAR 'GRO BA YI, ,DE RGYU BA RDZUN DU SMRA BA STE; ;MI MKHAS PA DAG SMRA BAR BYED, ,DUG DANG ZHAGS PA GDOS 'DRA ZHING, ,DE NI MTSON DUG ME DANG 'DRA, ,BRDZUN DU SMRA BAR MI BYA STE, ,DE YI 'BRAS BU SDUG BSNGAL MANG, ,DE LTAR LAS 'BRAS ZHE 'GRAS PA, ,DE NI RNAM STON 'CHI BAR BYED, ,ZHI BA'I TSIG NI SMRA BAR GYIS, ,SMAD PAR BYA BA RNAM PAR SPONGS, ,DE LTAR SEMS CAN DMYAL BA PA DE SDUG BSNGAL MI BZAD PA MYONG BA NA DE LO 'BUM PHRAG DU MAR DE'I LCE 'BYIN PAR BYED DO, ,DE GAL TE YANG SEMS CAN DMYAL BA PA DE'I KHA'I NANG DU LDUD PAR BYED DE, 'JIGS SHING SKRAG LA BYAD BZHIN MOG MOG PO DE ME MDAG GI CHU BO'I NANG DU SREG BZHIN DU GAR BAB BAB TU 'BROS SO, ,DE LTAR SDUG BSNGAL GYIS NYEN CING MGON MED, SKYABS MED, DPUNG GNYEN MED PA DE LA'ANG GSHIN RJE'I
MI RNAMS 'BYUNG BAR 'GYUR TE, GSHIN RJE'I MI LAG NA THO BA DANG, RAL GRI THOGS PA DE RNAMS KYIS MI DE DU SKAD 'DON CING YANG DANG, YANG DU MNAR MED PA'I MES SREG PA NA KLAD PA LA SOGS PA NAS RKANG PA'I BAR DU PHYE MAR BYED DO, ,DE NAS DGE SLONG DE PHA MA KUN TU BSTEN CING BSGOMS TE MANG DU BYAS PA'I RNAM PAR SMIN PA LA RTOG PAR BYED DE, DES THOS PA LAS BYUNG BA'I SHES PAS BRTAGS NA, 'DI LTAR PHRA MA'I LAS KYI 'BRAS BUS BSKUL BA'I SEMS CAN DMYAL BA PA DE SHIN TU MI BZAD PA'I SA GZHAN LA 'JUG PAR BYED DE, DE GSHIN RJE'I MI DRAG SHUL CHEN PO STON PA GZHAN RNAMS KYIS BZUNG NGO, ,BZUNG NAS SEMS CAN DMYAL BA PA DE LA, GSHIN RJE'I MI RNAMS KYIS SMRAS PA, GROGS PO DAG ,KHYED LA CI GNOD, DE DAG GIS SMRAS PA; BDAG CAG LA BKRES PA GNOD DO, ,DE NAS GSHIN RJE'I MI DE RNAMS KYIS DE'I KHA BRGYANGS NAS LAG PAS LCE 'BYIN PAR BYED DO, ,DE'ANG DPAG TSAD SUM BRGYAR 'GYUR TE; DE LTAR PHYIR ZHING RGYA CHER 'GYUR RO, ,GSHIN RJE'I MI RNAMS RAL GRO SO RAB TU 'BAR BA DAG BLANGS TE LCE DE LA GCOD PAR BYED DO, ,KHYI DANG, WA RNAMS KYIS KYANG PHYOGS GZHAN GA LA ZA BAR BYED DE, DE LTAR SDUG BSNGAL MCHOG TU TSA BA MYONG BA DAG SO SOR MYONG NGO, ,DE LCE DANG BRAL BA'I TSIG MI GSAL BAS DU SKAD 'BYIN CING CHO NGES 'DEBS TE, DE LTAR DE DU
, ,SKAD 'BYIN PA NA 'DI LTAR GSHIN RJE'I MI RNAMS KYIS RJES SU BSTAN PA TSIGS SU BCAD DE SMRAS PA,, ,,'PHAGS PA DAM PA'I CHOS DRAN PA NYE BAR GZHAG PA, BAM PO BCU DRUG PA, DBYEN GYI BSAM PA MANG PO YIS, ,KHYOD KYIS MANG DU GANG SMRAS PA, ,CHOS RNAMS KYIS NI SDIG PAR 'GYUR, ,DE YI 'BRAS BU 'DIR 'ONGS SO, ,MI MTHUN PA LA GANG DGA' BA, ,DE NI RTAG TU MDZA' BSHES DANG, ,GNYEN 'DAB RTZA LAG 'BYED PA YIN, ,DAM PAS PHRA MA RNAM PAR SMAD, ,SRID PA NYAM NGAR GAR SKYES PA, ,RTAG TU DMAN PAR SKYE BAR 'GYUR, ,PHRA MA LA NI GANG SBYOR BA, ,PHYIR ZHING GTI MUG DBANG DU 'GRO, ,PHRA BA LA NI GANG 'JUG PA, ,SDIG PA STEN PAR BYED PA STE, ,SDIG PA'I LAS KYIS DMYAL BA RU, ,YANG DANG YANG DU 'TSED PAR BYED, ,PHRA MA'I KHA NI GNYIS SU MTHONG, ,PHYI MA'I SHA LA SHIN TU ZA, ,YID GTZUGS DAM PA MED PAR BYED, ,GSANG BA'I TSIG NI SUN 'BYIN TO, ,GANG DAG PHRA MA SPANGS PA NI, ,DE LA RTAG TU GRUB PA GNAS, ,MDZA' BSHES GNYEN 'DAB BRTZA LAG DANG, ,DE NI NAM YANG 'BRAL MI 'GYUR, ,PHRA MA SPANGS PA ZHI BA NI, ,LEGS SHING SDIG DANG BRAL BA YIN, ,DE NI RTAG TU SA BDAG GI ,GSANG BA 'DZIN PAR BYED PA YIN, ,CHOS NI MA SPYAD GANG YANG MED, ,PHRA MA DAG KYANG MA SPANGS PA, ,PHRA
MA'I 'BRAS BU MYONG BAR GYIS, ,DE RING CI ZHIG YONGS SU SMRE, ,DE LTAR RJES SU BSTAN CING LCE'I SDUG BSNGAL MYONG BA NA DE LO 'BUM PHRAG DU MAR SDUG BSNGAL GYI NANG DU SONG STE BYING NGO, , DE SDUG BSNGAL TSA BA RTZUB PA MYONG BA NA GAL TE YANG DE'I LCE 'JAM POR 'GYUR TE GSHIN RJE'I MI DE DAG KYANG MI SNANG BAR 'GYUR RO, ,DE DAG DE LAS THAR NAS SEMS CAN DMYAL BA PA SHIN TU MI BZAD CING DRAG PA LAS KYI SHING GI MTHU DANG, RNAM PAR SMIN PA'I RLUNG DMAR LANGS PA'I MES SREG PA NA GAR BAB BAB TU 'BROS SO, ,DE NAS GSHIN RJE'I MI GZHAN DAG GIS SEMS CAN DMYAL BA DE GZUNG NGO, ,BZUNG NAS KYANG SMRAS PA, GROGS PO DAG ,KHYED LA CI ZHIG GNOD, LAS KYI 'BRAS BUS BSKUL BA DE DAG GIS SMRAS PA, LCE'I SDUG BSNGAL GNOD DO, ,DE NAS LCE DE BRGYANGS NAS GZUNG NGO, ,BZUNG NAS MTSON CHA SO BA DAR BA RNAMS KYIS GTUB GTUB NAS YANG DE NYID ZA BAR GZHUG PA'I PHYIR KHA'I NANG DU 'JUG STE; BKRES PA DANG, SKOM PAS GDUNGS SHING KHA GDONG NYAMS PA DE RANG GI KHRAG DANG, KHA CHU 'DZAG PA DANG, RANG GI LCE DE NYID LA ZA'O, ,LCE GTUB GTUB PA DE LAS KYI DBANG GIS YANG SKYE BAR 'GYUR TE, DE NAS YANG SDUG BSNGAL GYIS NYAM THAG PA DAG SA LA 'PHYE ZHING 'GRE LDOG LA YONGS SU DU SKAD 'BYIN TO, ,DE LTAR SDUG BSNGAL GYIS NYAM THAG PA DE'I MIG
, ,GI 'BRAS BU NI 'GYUR, SDUG BSNGAL GYIS NYAM THAG CING DMAN LA GROGS MED PA GCIG PU RANG GIS BYAS PA LA NYE BAR SPYOD DO, ,'DI LTAR GSHIN RJE'I MI RNAMS KYIS RJES SU BSTAN PA TSIGS SU BCAD DE SMRAS PA, TSIG RTZUB ZHES BYA GANG MTHONG BA, ,MDA' LTAR RNO BA KHYOD KYI TSIG ,GZHU LTA BU YI LCE LAS 'PHANGS, ,DE YI 'BRAS BU 'DIR 'ONGS SO, ,GANG LA TSIG RTZUB 'BYUNG BA NA, ,DUG LTA BU YI LCE LAS 'BYUNG, ,'JIG RTEN LA NI SHA ZA 'DRA, ,DE DAG YONGS SU SPANG BAR GYIS, ,JI LTAR YID 'BYUNG 'GYUR BA NI, ,NYAM NGAR TSIG RTZUB SMRA BA STE, ,ME MTSON DUG NI 'BYUNG BA LA, ,MI DGE DE LTAR YID MI 'BYUNG; ,GTZUB SHING LTA BU'I LCE LAS BYUNG, ,SHING LTA BU YI SNYING GIS SPEL, ,'JIG RTEN TSIG RTZUB ME LTAR 'BAR, ,SHING SKAM LTA BUR SREG PAR BYED, ,GANG DAG SNYAN PAR SMRA LA DGA', ,'JIG RTEN KUN GYIS PHYAG BYED DO, ,'JIG RTEN KUN LA MA DANG 'DRA, ,DE NI PHA DANG 'DRA BAR DGA', ,DANG POR SNYAN PAR SMRA BA DGE ,BDE 'JAM BDE BA 'BYUNG BA YIN, ,SDIG PA MI ZAD SEL BA DANG, ,MI SDUG SA KUN SBYONG BA YIN, ,TSIG SNYAN MTHO RIS SKAS YIN TE, ,TSIG SNYAN DGE BA'I GTER YIN NO, ,TSIG SNYAN 'JIG RTEN GNYEN YIN TE, ,TSIG SNYAN LEGS PA MNGON PAR 'GRUB, ,KHYOD KYIS
TSIG RTZUB DE SMRAS PAS, ,SEMS CAN DMYAL BA DRAG POR 'ONGS, ,LCE DE DAG LA'ANG GNOD PAR BYED, ,DE RING CI ZHIG YONGS SU SMRE, ,DE LTAR RJES SU BSTAN PA NA BRDZUN DU SMRAS PA DE KUN TU BSTEN CING BSGOMS TE MANG DU BYAS LA RJES SU YI RANG ZHING MA BSHAGS PA DANG, LO 'BUM PHRAG DU MAR LHAN CIG GNAS SO, ,DE GAL TE YANG DE LAS THAR NA GAR BAB BAB TU 'BROS PA DANG, DE NAS MDUN NAS GSHIN RJE'I MI RNAMS KYIS BZUNG STE, DE SDUG BSNGAL MI BZAD LA DRAG PAS YONGS SU GDUNGS SHING TSOR BAR BYED PA MTHONG NGO, ,DE NAS YANG DGE SLONG DE TSIG KYAL BA KUN TU BSTEN CING BSGOMS TE, MANG DU BYAS PA'I SDIG PA MI DGE BA'I LAS KYI 'BRAS BU'I RNAM PAR SMIN PA LA RTOG PAR BYED DE, DES THOS PA LAS BYUNG BA'I SHES PAS BRTAGS NA, SEMS CAN DMYAL BA PA 'DI DAG RANG GI LAS KYI 'BRAS BU LA SPYOD PA SDUG BSNGAL GYIS NYAM THAG CING SHIN TU MI BDE BDE DAG GSHIN RJE'I MI RNAMS LAS THAR NAS KYANG GAR BAB BAB TU 'BROS SO, ,DE NAS GSHIN RJE'I MI GZHAN DAG GIS BZUNG NAS SMRAS PA, KYE GROGS PO DAG ,KHYED LA CI GNOD, DE DAG GIS SMRAS PA, BDAG CAG LA BKRES MANG [?] DANG, SKOM PA GNOD DO ZHES SMRAS NAS, TSIGS SU BCAD DE SMRAS PA, THA MAR GYUR PA STONG PHRAG DAG ,RANG GI LUS LAS GTZUB SHING 'BYUNG, ,BKRES DANG SKOM LAS BYUNG BA'I
, ,MES, ,BDAG LA MI BZAD SREG PAR BYED, ,KHA BA ME LTAR KHYAD PAR CHE, ,DE NI RI RAB YUNGS 'BRU BZHIN, ,SEMS CAN DMYAL BAR SREG PA NI, ,BKRES PA'I KHYAD PAR DE 'DRA'O, ,SEMS CAN DMYAL BA'I ME BYUNG BA, ,DE NI GZHAN DU GNOD PAR BYED, ,BKRES DANG SKOM LAS BYUNG BA'I ME, ,LHA DAG LA YANG YOD PA MIN, ,GNOD PA MI BZAD GANG YIN PA; ;DE DAG DMYAL BAR BDAG LA BYUNG, ,BKRES PA'I ME YIS GNOD PA LTAR, ,DE DAG DE LTAR MI GNOD DO, ,DE'I TSIG DE THOS NAS GSHIN RJE'I PHO NYA DAG PHRA SKAM RAB TU 'BAR BA DAG BLANGS NAS, KHA GDANGS PA'I NANG DU SNOD RAB TU 'BAR BAR ZANGS SHIN TU BZHUS PA KHYER NAS BLUGS TE, TSIG KYAL PA SMRAS PA'I 'BRAS BU DES JI LTAR KHA BA CHAL CHOL ME'I NANG DU 'JU BA DE BZHIN DU DE'I LCE'ANG DE LTAR SREG GO ,DE SREG PA MI 'DRA BA GNYIS KYIS SREG PA NA NGU SKAD 'BYIN, ,CHO NGES 'DEBS, KU CO 'DON CING MIG SHIN TU 'GYUR BAR BYED DE, ZANGS DMAR PO RAB TU 'BAR BA DES DE'I LCE SREG PAR BYED DO, ,LCE BSREGS NAS MID PA SREG GO ,MID PA BSREGS NAS SNYING SREG GO ,SNYING BSREGS NAS RGYU MA SREG GO ,DE DAG KYANG SREGS NAS LONG KA SREG GO, LONG KA'ANG BSREGS NAS THUR DU BYUNG NGO, ,DE LTAR DE SREG PA NA 'DI LTAR GSHIN RJE'I MI RNAMS KYIS RJES SU BSTAN PA TSIGS SU BCAD DES SMRAS PA, SNGA PHYI 'BREL PA MED PA'I TSIG,
DON MED THOG TU MI PHEBS TE, 'BREL MED KHYOD KYIS GANG SMRAS PA, ,DE YE 'BRAS BU 'DI 'DRA'O, ,GANG DAG RTAG TU BDEN MI SMRA, ,TSIG DON BZANG PO MA YIN ZHING, ,LCE DE MKHAS PAS MI MTHONG STE,, SHA YI GONG BU TZAM DU ZAD, ,GANG DAG RTAG TU BDEN SMRA BA, ,YON TAN BRTAN ZHING RTAG TU LEGS, ,DE NI MTHO RIS SKAS YIN TE, ,DE LA LCE ZHES MI BRJOD DO, ,DE NAS GSHIN RJE'I MI DE DAG GIS SEMS CAN DMYAL BA PA DE LA RJES SU BSTAN NAS ZANGS DMAR PO RAB TU BSKOL BA DE DAG SEMS CAN DMYAL BA PA'I KHAR LDUGS TE, LO 'BUM PHRAG DU MAR 'BREL PA MED PAR SMRA BA DE'I RNAM PAR SMIN PA SNYING RJE RJE LTAR MYONG NGO, ,DE NAS GAL TE SEMS CAN DMYAL BA PA DE GSHIN RJE'I MI DE DAG GIS BTANG NAS GAR BAB BAB TU 'BROS SO, ,ME MDAG GI CHU BO'I NANG DAG TU BYING STE, RAB TU 'JU BA NA RKANG PA DANG, BYIN PA DANG, RKED PA DAG ME MDAG GI CHU BO DE DAG GI NANG DU MAR SAR GYI GONG BU LTA BUR RAB TU 'JU BAR BYED DO, ,DE NAS YANG 'BYUNG BAR 'GYUR TE, DE LTAR MGON 'DOD PA, SKYABS 'DOD PA, DPUNG GNYEN 'DOD PA DE GAR BAB BAB TU 'BROS SO, ,DE NAS LAS KYIS BYAS PA'I NOR RDZAS MANG PO GSOB GSOG SNYING PO MED PA GZHAN GYIS G-YONG BA [?] PA DAG LAS KYIS BSKUL BA RMONGS PA DE 'DI NI BDAG GI YIN NO SNYAM MO, ,DE NAS SEMS CAN DMYAL BA PA DE NOR RDZAS GA LA YOD PA DE NYID DU RGYUG GO ,DE BRNAB
, ,SEMS MI DGE BA KUN BSTEN CING BSGOMS TE MANG DU BYAS PA'I 'BRAS BU 'DI NI GANG SEMS CAN DMYAL BA PA DES DE LTAR LOG PAR MTHONG BA YIN NO; ;DE LTAR BRNAB SEMS MANG POR MTHONG BA DE'I LAG TU MTSON CHA 'BYUNG BAR 'GYUR TE, DES BRGYUGS PA DANG, SEMS CAN DMYAL BA PA GZHAN DAG GIS LAG TU'ANG MTSON CHA 'BYUNG BAR 'GYUR TE, DE DANG DE DAG LHAN CIG MTSON GYIS 'GYED DO, ,SEMS CAN DMYAL BA PA DE DANG, DE DAG MTSON RNON PO RNAMS KYIS 'JOG PAR BYED DO, ,BZHOG PA DE DAG KYANG RUS GONG GI LHAG MA DE TZAM ZHIG LUS PAR BYED DO, ,DE NAS YANG SLAR SKYE BAR 'GYUR TE, YANG DE BZHIN DU BZHOG PAR BYED CING DE DAG YANG SKYE BAR 'GYUR RO, ,DE NAS LO 'BUM PHRAG DU MA 'DAS PA DANG, LAS KYI BYAS PA'I GSHIN RJE'I MI RNAMS 'ONGS NAS DE DAG GIS MTSON CHA RNON PO BLANGS TE, SEMS CAN DMYAL BA PA DE RNAMS DANG, SEMS CAN DMYAL BA PA GZHAN DE RNAMS LA JI LTAR YUNGS 'BRU BAS KYANG PHRA BA DE LTAR LUS KYI SHA LA 'JOG STE, DE LTAR RUS GONG GI LHAG MA TZAM ZHIG LUS PAR BYED DO, ,DE NGU SKAD 'BYIN, CHO NGES 'DEBS, NGU ZHING SMRE SNGAGS 'DON PA BZHOG BZHOG NAS YANG SKYE BAR 'GYUR TE, JI LTAR CHU SRIN BYIS PA GSOD BZHOG BZHOG NAS CHU'I NANG DU BCUG
PA DANG, DE NAS YANG SLAR SKYE BAR 'GYUR BA DE BZHIN DU SEMS CAN DMYAL BA PA DE DAG LA YANG SLAR SKYE BAR 'GYUR RO, ,DE LTAR SDUG BSNGAL GYIS NYAM THAG CING NGU SKAD 'BYIN PA DE DAG LA 'DI LTAR GSHIN RJE'I MI RNAMS KYIS RJES SU BSTAN PA TSIGS SU BCAD DE SMRAS PA, BRNAB SEMS KYIS NI NYAMS PA'I MI, ,BRNAB SEMS KYIS NI YONGS SU BSLUS, , GZHAN NOR BDAG GIR BYA SNYAM PA, ,DE LTAR DE NI BSLUS PA YIN, ,BRNAB SEMS SDIG PA YID BYED PA, ,MDZANGS PA RNAMS KYIS MA BSTEN TO, ,MAR ME 'BAR BA'I ME BZHIN DU; ;BDAG GIS BYAS PAS SREG PAR BYED, ,BRNAB SEMS SDIG PA YID BYED PA, ,GNOD PA DAG NI NYE BAR BYED, ,TSA BAR SMIN CING DUG 'BYUNG BA, ,GANG YIN DE NI RTAG TU SPONGS,, GZHAN GYI PHUN SUM TSOGS MTHONG NAS, ,BDAG GIR BYA SNYAM BSAMS PA NI, ,BRNAB SEMS DE YIS BSLANG BA YI, ,DUG GI 'BRAS BU 'DIR 'ONGS SO, ,DE LTAR DE GSHIN RJE'I MI RNAMS KYIS SPYO SPYO BRGYAD BRGYAD NAS LO 'BUM PHRAG MANG POR GNOD PA NYID KYIS GNOD PAR BYED DE, DE'I SDIG PA'I LAS KYIS 'BYANG BAR MI 'GYUR RO, ,DE NAS YUN RING MO ZHIG 'DAS NAS SEMS CAN DMYAL BA PA DE ME MDAG GI CHU BO'I NANG DU BYING ZHING 'BROS PA NA, GAR BAB BAB TU 'BROS PA DANG, LCAGS KYIS GZHI RAB TU 'BAR BA'I
, ,STENG DU BAB NAS DE NAS YANG DANG, YANG DU 'GRE LDOG STE, LANGS NAS KUN TU RGYUG PA NA, GCIG PU GNYIS SU MED CING GROGS MED PA LAS KYI DBANG GIS GYUR PA'I SEMS CAN DMYAL BA PA LAS KYIS DGRA'I NANG DU SONG NGO, ,GAL TE YANG GSHIN RJE'I MI DE DAG LAS THAR NAS GAR BAB BAB TU 'BROS SO, ,DE NAS GNOD SEMS KUN TU BSTEN CING BSGOMS TE MANG DU BYAS PA DE'I 'BRAS BU NYE BAR GNAS PA NI MGON 'DOD PA, SKYABS 'DOD PA, DPUNG GNYEN 'DOD PA DE SKYABS DANG, DPUNG GNYEN 'DOD CING LAS KYIS BYAS PA'I SENGGE DANG, STAG DANG, SBRUL SHIN TU KHROS PA DAG MDUN DU 'DUG PA DANG, DE DE DAG LA 'JIGS NAS GAR BAB TU 'BROS KYANG DE MI DGE BA'I LAS KYIS 'BROS PAR GA LA NUS TE, DE DAG GIS BZUNG NGO, ,BZUNG NAS KYANG SHIN TU 'KHRUGS PA RNAMS KYIS DANG POR RE ZHIG KLAD PA LA ZA'O, ,DE'I KLAD PA LA ZA BA NA NGU SKAD 'BYIN CING SMRE SNGAGS 'DON LA 'GRE LDOG PAR BYED DO, ,DE'I RTZIB LOGS LA'ANG MCHE BA DUG LTAR RNO BA KUN GYIS BRAD BRAD NAS ZA ZHING STAG DAG GIS KYANG RGYAB TU ZOS, RKANG PA NI MES BSREGS SHING GSHIN RJE'I MI RNAMS KYIS KYANG RGYANG RING PO LA SOGS PAR 'PHANGS SO, ,DE LTAR SNYING RJE CHEN PO'I SHUGS THOB PA DE LA 'DI LTAR GSHIN RJE'I MI RNAMS KYIS RJES SU BSTAN PA
TSIGS SU BCAD DE SMRAS PA, MI YI SKYES BU THA MA LA, ,GNOD SEMS ME 'DRA YOD PA NI, ,SREG PA DAG LAS SREG PA THOB, ,DON MED CI ZHIG YONGS SU SMRE, ,SEMS CAN DMYAL BAR SKYE BA YI; ;RGYU NI MI ZAD GNOD SEMS YIN, ,THEG PA GANG GIS BCINGS PA YI, ,MI NI YONGS SU KHRID PAR BYED, ,GNOD SEMS DAG GIS RMONGS PA'I MI, ,RTAG TU DE LA YID 'JUG PA, , ZHI BAR SHIN TU MI 'GYUR TE, ,BU GA'I NANG NA SBRUL 'DUG BZHIN, ,MI GANG GNOD SEMS MI BZAD CING, ,SHIN TU DRAG PA'I NGO BO NI, ,NYI MA LA NI MUN PA BZHIN, ,DE DAG LA NI BDE BA MED; ;GNOD SEMS SNYING LA YOD PA NI, ,KUN GYIS BSRUNG BAR MI NUS TE, ,BSHES GROGS GNYEN GYI MIS MA YIN, ,CHOS DANG DON GYI TSOGS KYIS MIN, ,GNOD SEMS 'DI NI MUN PA YI; ;TSOGS DANG 'DRA ZHES BRJOD PA YIN, ,GNOD SEMS SKYED PAR BYED PA NI, ,GNOD SEMS ZHES NI YONGS SU SGROGS, ,GNOD SEMS MED PA JI LTAR 'GYUR, ,GNOD SEMS MED PA MCHOG TU DGE ,GNOD SEMS YOD PA PHA ROL TU, ,MI ZAD 'CHI BAR DE DAG 'GRO ,GNOD SEMS KYIS NI DRANGS PA DAG ,SEMS CAN DMYAL BA DRAG POR 'ONGS, ,LAS ZAD NAS NI THAR 'GYUR ZHING, ,DMYAL BAR 'GRE LDOG MI BYED DO, ,DE LTAR BSTAN CING RJES SU BSTAN NAS GSHIN RJE'I MI RNAMS DANG, SENGGE DANG, STAG GNOD SEMS MANG DU YOD PA RNAMS KYIS
, ,MTHUN PAR RDEG CING ZA BAR BYED DE, SA BON LAS 'BRAS BU 'BYUNG BA BZHIN DU DE'I GNOD SEMS DANG MTHUN PAR LAS KYI RNAM PAR SMIN PA 'BYUNG STE, DE LTAR SEMS CAN DMYAL BA PA DE LAS DE'I 'BRAS BUS 'TSED CING ZA'O, ,DE GAL TE YANG DE LAS THAR NA MGON 'DOD PA, SKYABS 'DOD PA, GAR BAB BAB TU 'BROS SO, ,SDIG PA CHEN POS BSKUL BA LOG PAR LTA BA MTSAMS MED PA LNGA'I LAM NI 'DI YIN TE, MNAR MED PAR SKYES NAS DE NAS NGES PAR MYONG BAR 'GYUR BA'I MTSAMS MED PA GZHAN DAG YOD PA DER SKYE LA, SKYES MA THAG TU LAS SO SOR MYONG BAR 'GYUR RO, ,SEMS CAN DMYAL BA PA DE MU STEGS KUN TU RGYU DANG, RDZOGS BYED DANG, LHAS BYIN DANG, KO KA LI KA GANG DU 'TSED PA'I GNAS DER SEMS CAN DMYAL BA PA CHEN PO 'DI'ANG 'GRO BAR 'GYUR TE, GANG NA SDUG BSNGAL NGES PAR MYONG BAR 'GYUR BA MI ZAD PA TSA BA DRAG PA PAS KYANG SHIN TU DRAG PA DE DAG RJES SU MYONG NGO, ,DE'I SDUG BSNGAL SEMS CAN THAMS CAD KYIS DPE BYA BAR SLA BA MA YIN TE, MNAR MED PA'I SDUG BSNGAL DE MYONG BAR 'GYUR RO; ;SDIG PA BYED PA DE MUN PA'I TSOGS SU GYUR PA DANG, SEMS CAN THAMS CAD SPU ZING ZHES BYED PA MNAR MED PA CHEN PO GA LA BA DER DE'I 'TSED DO, ,SREG GO ,GSHEG GO,
MTSON CHAR LTAR 'BAB PAS BZHOG GO ,DE NAS YANG 'BYUNG BAR 'GYUR TE, YANG 'JOG GO ,GSHEG GO ,SREG GO ,MNGA' BO CHE DANG, RDO RJE DANG, SER BA DANG, RDO CHAR LTAR 'BAB PAS GSOD DO, ,DE LTAR MTSAMS MED PA LNGA BYED PA DE DAG SREG PA NA, ME'I PHUNG PO CHEN PO BCU GCIG BYUNG STE, DE DAG SHIN TU SDUG BSNGAL BAR BYED DO, ,DER PHYOGS BCU'I ME 'BAR BA BCU DANG, ME'I PHUNG PO BCU GCIG 'BYUNG STE, BKRES PA DANG, SKOM PA BYAS NAS KHAR 'BYUNG NGO, ,DE'I LUS KYI STENG 'OG DANG, RTZIB LOGS SU 'BAR BA'I PHRENG BA MCHED PAS JI LTAR DE'I LUS KYI GSEB PHRA MO'ANG MI MNGON PA DE LTAR SREG GO ,ME DE'ANG JI LTAR SKRA DE DAG GI RTZE MO'I BAR YANG MI MNGON PA DE LTAR PHAN TSUN SHIN TU NYON MONGS PAR 'TSED PAS MNAR MED DO, ,BDE BA'I BAR SKABS KYI DUS CUNG ZAD KYANG MED PAS MNAR MED DO, ,DBANG PO THAMS CAD YUL KUN LA 'TSED CING YID DANG 'GAL BAS MNAR MED DE, 'JIG RTEN DE NAS SHI NAS SEMS CAN DMYAL BA CHEN PO MNAR MED PA MA GTOGS PAR DE LAS GZHAN DU MI SKYE STE, MNAR BA'I GZHI MED CING GNOD PA'I GRANGS KYI BAR MED PA'I PHYIR MNAR MED DO, ,'DOD PA'I KHAMS SU GTOGS PA'I SEMS CAN THAMS CAD KYI 'OG TU GYUR PA NI MNAR MED PA DE DAG YIN TE, GZHAN DAG MNAR MED PA YIN PAS MNAR MED
, ,DO; ;SEMS CAN DMYAL BA CHEN PO DE'I MGO LA JI LTAR STENG NAS GNOD PAS KUN NAS NYON MONGS PA LTAR DE'I MGO LA'ANG DE'I BAR SKABS KYI GZHI MED PAS MNAR MED DO, ,SA GZHI ZANGS DMAR PO RAB TU BSKOL BA DANG, KHRAG DANG, SHA DANG, RUS PAR 'DRES SHING 'KHRUGS PA DAG LA BAR MED PA DE BZHIN DU MNAR MED PA'ANG PAGS PA DANG, SHA DANG, TSIL DANG, RUS PA DANG, RKANG DU GTOGS PA THAMS CAD RAB TU 'BAR TE, DE LTAR KUN NAS RAB TU 'BAR BA DAG LA MNGON PA YANG MED CING MNAR BA'I GZHI CUNG ZAD KYANG MED PA'I PHYIR MNAR MED DO, ,RI LAS CHU 'BAB PA'I SHUGS LTAR NYIN GCIG BZHIN DU GNOD PA DPE MED PA 'PHEL ZHING 'BYUNG STE, DE LTAR GNOD PA RNAMS MNAR BA'I GZHI CUNG ZAD KYANG MED PAS MNAR MED DO, ,SRID PA BAR MA 'GAG PA DANG DUS MNYAM DU LAN GRANGS GZHAN LA MYONG BAR 'GYUR BA'I LAS KYIS DER SKYES NAS MNAR BA'I GZHI'I BAR SHIN TU CHUNG BA'ANG MED PA'I PHYIR MNAR MED DO, ,DE LTAR GNOD PA BRJOD PAR MI NUS KYANG CUNG ZAD CIG DPER BYA NA, RGYA MTSO'I CHU'I THIGS PA BGRANG BAR SLA BA MA YIN PA DE BZHIN DU MNAR MED PA RNAMS KYI LAS NYES PAR BYAS PA LNGA'I GNOD PA BGRANG BA'AM, BRJOD PAR SLA BA MA YIN NO, ,'DI LTA STE, JI LTAR MNAR
MED PA'I LAS LCI BA'I MTHUS DE'I TSE SDUG BSNGAL GYI GNAS GZHAN CI'ANG MED DE, SDUG BSNGAL DE'ANG DE LTA BU YIN NO, ,GANG GIS MNAR MED PA'I LAS GCIG BYAS NA ,DE'I SDUG BSNGAL CHUNG BAR 'GYUR RO, ,GANG GIS LAS GNYIS BYAS NA DE'I TSED PAS LUS CHE BAR 'GYUR TE, SDUG BSNGAL YANG DE LTAR RGYU DANG, RGYU YIS 'BRAS BU LCI BAR 'GYUR RO, ,BDE BA DANG, SDUG BSNGAL GYI RGYU NI DPE MED PAR 'GYUR TE, 'DOD PA RNAMS KYI NI BDE BA YIN, MI 'DOD PA RNAMS KYI NI SDUG BSNGAL BA YIN TE, GNAS 'DI GNYIS NI STENG DANG, 'OG DANG, MTHA' DAG TU DPE BYA BAR MI NUS SO, ,DE CI'I PHYIR ZHE NA, LEGS PAR BYAS PA DANG, NYES PAR BYAS PA'I MTHA' DAG NI RGYU MTHUN PAR 'BRAS BU 'BYUNG STE, SEMS CAN DMYAL BA PA RNAMS KYANG DE DANG 'DRA BAR DPE BYA BAR MI NUS SO, ,DE LTAR DE BSKAL PA'AM, BSKAL PA LAS LHAG PAR BSREGS NAS LAS DE ZAD NA THAR PAR 'GYUR TE, RGYU RKYEN ZAD NA 'BRAS BU'ANG ZAD PAR 'GYUR RO, ,JI LTAR ME SHI NA TSA BA MED PAR 'GYUR BA DANG, SA BON ZAD NA 'BRAS BU'ANG ZAD PAR 'GYUR BA DE BZHIN DU GANG GI TSE MNAR MED PA'I MI DGE BA'I LAS DE BCOM ZHING SPANGS LA ZAD PAR GYUR PA DE'I TSE SEMS CAN DMYAL BA DE LAS THAR PAR 'GYUR RO, ,THAR NAS KYANG RGYU MTHUN PA'I 'BRAS BU RI GSEB KHAB
, ,RTZE LTA BU'I NANG DU YI DVAGS RNAMS SU SKYE BAR 'GYUR RO, ,DER SKYES NAS BKRES PA DANG, SKOM PAS GDUNGS SHING LUS TSAL SHING BSREGS PA LTA BUR 'GYUR RO; ;DE LAS THAR NAS KYANG DUD 'GRO'AM, CHU SRIN BYIS PA GSOD PA DAG TU SKYE BAR 'GYUR RO, ,DE BZHIN DU LJAN LJIN GYI TSOGS PHYIS MI GTZANG BA 'JIG PAR BYED PA'I SRIN BUR 'GYUR RO, ,TSE RABS NYIS STONG DU YI DVAGS BKRES SHING SKOM PA DAG GIS GDUNGS PAR 'GYUR ZHING BSREG PAR 'GYUR, TSE RABS NYIS STONG DU DUD 'GRO RNAMS SU SKYE STE, YANG LAS KYI DBANG GIS RGYU DANG MTHUN PA'I 'BRAS BUS DUD 'GRO'I RIS SDUG BSNGAL BA RNAM PA SNA TSOGS KUN DANG, ZA BA DANG, GSAD PA'I BSAM PA THA DAD PA RNAMS KYI NANG DU SKYE BAR 'GYUR RO, ,DE GCIG LA GCIG ZA BA'I SDUG BSNGAL DE LAS THAR NAS GAL TE LAN GRANGS GZHAN LA MYONG BAR 'GYUR BA'I LAS KYIS MI'I NANG DU SKYES NA LAS DE DANG RGYU MTHUN PAR TSE RABS LNGA BRGYAR MNGAL DU 'CHI BAR 'GYUR RO, ,TSE RABS LNGA BRGYAR BYUNG MA THAG TU 'CHI BAR 'GYUR, TSE RABS LNGA BRGYAR GOG THAL THUL TZAM NA 'CHI BAR 'GYUR RO, ,GAL TE YANG PHYIS RGYU DANG MTHUN PA'I 'BRAS BU MA LUS PAR 'BYUNG STE, DE LUS MTHA' YAS PA NAS ZHUGS PA, LAS KYI DRA BA DANG MTHUN PA'I 'BRAS BU CHUNG DU DANG, 'BRING DANG, CHEN
PO DMIGS PAR 'GYUR RO, ,'DIR DGE SLONG GIS TSIGS SU BCAD DE SMRAS PA, 'KHOR BA THEG PA MED PA NAS, ,LAS KYI DRA BAS BSGRIBS PA'I MI, ,RANG GI LAS KYI RGYU 'BRAS LAS BYUNG BA SKYE ZHING 'CHI BA YIN, ,LHA LAS DMYAL BAR SKYE 'GYUR ZHING, ,DMYAL LAS DE BZHIN LHA YUL DU, ,MI RNAMS YI DVAGS YUL DU'AM, ,SEMS CAN DMYAL BAR RAB TU 'GRO,, GZHAN DANG GZHAN DU 'BYUNG ZHING SKYE, ,GZHAN DANG GZHAN DU 'BYUNG ZHING BDE, ,SRED PA'I LAS KYIS BYUNG BA'I TSE, ,DBANG PHYUG LA SOGS DE MA BYAS, ,'KHOR BAR SROG CHAGS RNAMS KYIS NI, ,RTAG TU LAS NI GRANGS MED BYAS, ,DE BZHIN GSHEGS PA MA GTOGS PAS, ,MKHAS PAS NAM YANG MI SHES SO, ,LAS DE'I RNAM PA BDAG GIS SHES, , RGYU DANG RKYEN NI RTAG TU RIG ,STOBS DE BDAG DANG LDAN PAS NA, ,SROG CHAGS KUN LA SO SOR PHAN, ,DGE SLONG DAG, DE LTAR DGE SLONG DES MNAR MED PA'I SDUG BSNGAL DAG SO SOR MTHONG BA NA 'KHOR BA THAMS CAD LA YID 'BYUNG ZHING BYAMS PA MCHOG GI BDAG NYID DANG, SNYING RJE YONGS SU BSGOS PA'I SEMS NYE BAR BZHAG PAS SA GZHAN BCU GCIG PA LA ZHUGS SO, ,DE SA GZHAN DE LA ZHUGS PA DANG, SA BLA BA DAG DGA' NAS BAR SNANG LA SPYOD PA'I GNOD SBYIN RNAMS LA MNGON PAR BSNYAD DO, ,DE DAG GIS KYANG RGYAL PO
, ,CHEN PO BZHI LA BSNYAD DO, ,DE DAG GIS KYANG RGYAL CHEN BZHI'I LHA RNAMS LA BSNYAD DE, DE LTAR SNGA MA BZHIN DU SBYAR NAS, TSANGS PA CHEN PO'I LHA RNAMS KYI BAR DAG GCIG LA GCIG SGROGS TE, 'DI LTAR LHO DZAMBU'I GLING NA YUL CHE GE MO ZHIG NA RIGS KYI BU MANG GE MO ZHIG SKRA DANG, KHA SPU BREGS GOS DUR SMRIG BGOS NAS DAD PAS KHYIM NAS KHYIM MED PAR RAB TU BYUNG STE, DE BDUD DANG LHAN CIG G-YUL 'GYED PAR 'DOD LA DE YUL GYI DNGOS PO LA MI 'DOD DE, KUN NAS NYON MONGS PA'I SHUL RNAMS LA DGA' BAR MI BYED DO; ;DES BCU GCIG PA LA ZHUGS PA DE THOS NAS, LHA TSANGS PA CHEN PO, BDUD KYI PHYOGS NI DAMS SO, ,DAM PA'I CHOS KYI PHYOGS NI MTHO'O, ,DGE BA'I PHYOGS NI 'PHEL TO, ,CHOS LA CHOS KYI RJES SU 'JUG PA NI KUN NAS BYUNG NGO ZHES YID RAB TU DGA'O, ,DGE SLONG DAG ,DE NAS YANG RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA MNAR MED PA JI LTA BU BZHIN MTHONG NAS, DE'I 'KHOR JI LTAR 'DUG SNYAM NAS RTOG PAR BYED DE, KYE MA SEMS CAN DMYAL BA CHEN PO'I 'KHOR JI SNYED CIG YOD SNYAM DU YONGS SU RTOG PAR BYED DO; ;DES THOS PA LAS BYUNG BA'I SHES PA'AM, LHA'I MIG GIS 'DI LTAR MNAR MED PA DGE SLONG GI YID BYUNG BA DE MTHONG NAS DE'I 'KHOR GZHAN LA RTOG PAR BYED DO, ,DE NAS YANG
DGE SLONG LAS KYI 'BRAS BU RNAM PAR SMIN PA SHES PA DES, SEMS CAN DMYAL BA CHEN PO MNAR MED PA'I 'KHOR LA RTOG PAR BYED DE, KYE MA, SEMS CAN DMYAL BA CHEN PO'I 'KHOR JI SNYED CIG YOD SNYAM MO, ,DES THOS PA LAS BYUNG BA'I SHES PAS JI LTAR SEMS CAN DMYAL BA CHEN PO GZHAN DAG GIS 'KHOR BCU DRUG PA YOD PA DE BZHIN DU MNAR MED PA'ANG 'KHOR BA BCU DRUG GI BAR DU YOD PAR MTHONG STE, 'DI LTA STE, BYA ROG KHA DANG, THAMS CAD SA 'OG DANG, SDUG BSNGAL MTHA' YAS MANG DANG, WA SKAD 'BYIN DANG, LCAGS KYI LCE SBYANG GI ZAS DANG, LTO GANG DANG, LUS ZHUM DANG, RMI LAM 'JIGS BYED STON DANG, LUS ZHUM MI BZAD 'PHYANG DANG, RI BRTZEGS CHAR LTAR 'BAB DANG, BYA 'DZAM PA SKAD 'BYIN DANG, SKAR PHRENG DANG, SDUG BSNGAL KUN GYIS NYEN DANG, GOS DRI DANG, LCAGS GLEBS DANG, 'GRO BA MES SREG STE, 'DI DAG NI SEMS CAN DMYAL BA CHEN PO'I 'KHOR BCU DRUG YIN NO, ,DE LA MI DGE BA BCU'I LAS KYI LAM DANG, SEMS CAN DMYAL BA CHEN POR 'GRO BA LNGA DAG GIS MNAR MED PA 'GRUB PA MTHONG STE, NANG DU LNGA DAG BYAS PAS MNAR MED PA DER SKYE BAR 'GYUR RO, ,DE DANG MTHUN PA'I LAS CHUNG DU BYAS PAS NI DE'I 'KHOR DU SKYE BAR 'GYUR TE, JI LTAR BYAS SHING BSAGS PA LAS KYI NYER BSDOGS DANG, LAS KYI MJUG
, ,BYAS PA BSTEN CING BSGOMS TE MANG DU BYAS PA BZHIN DU SEMS CAN DMYAL BA'I 'KHOR GZHAN DU SKYE BAR 'GYUR RO, ,DE LA MANG DU MNAR MED PA LNGA 'BYUNG STE, 'DI LTA STE, BSAM BZHIN DU MAL NGAN SEMS KYIS KHRAG 'BYIN PAR BYED CING 'BYIN PA DE LA DGA' BAR BYED, GOMS PAR BYED, MANG DU BYED, PHA ROL DAG LA STON PAR BYED, DE NYID LA RAB TU 'JOG PAR BYED CING DE NYID LAS BYED DU 'JUG NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA BYA ROG KHA ZHES BYA BAR SKYE BAR 'GYUR RO, ,DER SKYES NAS MNAR MED PA MA GTOGS PAR GANG YANG SOS LA SOGS PA BDUN GYI GNOD PA THAMS CAD BRGYA 'GYUR DU 'BYUNG NGO, ,KHYAD PAR DU 'BYUNG BA JI LTAR BYA ROG GI KHA LTAR GDANGS NAS GSHIN RJE'I MI NAG PO ZHES BYA BAS BA TSVA'I CHU BO DE DAG LEN PAR BYED DO, ,BA TSVA'I CHU BO DE DAG NI SHUGS DRAG PA YIN TE, BA TSVA'I CHU BO DE LA DE'I KHA BZED DU 'JUG GO ,BA TSVA'I CHU BO DES MCHU DANG, RKAN DANG, SO DANG, MID PA DANG, RNA BA DANG, SNYING DANG, MCHIN PA DANG, RGYU MA DANG, PHO BA DANG, LONG KA DANG, GLO BA DAG BSREGS NAS THUR DU BYUNG NGO, ,DE TSA BA'I CHU BO'I NANG DU SONG STE, KHONG BA'I NANG DU SONG ZHING BU GA'I NANG DU SONG BA DES GSOG TU
GYUR CING PHYI ROL 'BA' ZHIG LUS TE LAS KYI CHAD PAS BZUNG ZHING SDUG BSNGAL TSA BA RTZUB PA DAG MYONG BA NA, DUS YUN RING PO LO BGRANG GIS MI LANG BAR 'TSED PAR BYED DE, DE JI SRID DU DE'I SDIG PA'I LAS BCOM ZHING SPANGS LA ZAD PAR MA GYUR PA DE SRID DU 'TSED DO, ,DE DE LAS THAR NA LAS DE DANG RGYU MTHUN PAR TSE RABS STONG DU YI DVAGS LTO GUG TU SKYE BAR 'GYUR, TSE RABS STONG DU DUD 'GRO GLANG PO CHE DANG, SRIM RA DANG, DHU NA DHU DANG, MA RA DANG, SRE MO DANG, SPRUL DANG, 'GA' LA DANG, GO TA KA DANG, SA RKO DANG, SBRANG BU DANG, PHYE BA DANG, BAL GLANG GI RIGS RNAMS SU SKYE BAR 'GYUR RO, ,GAL TE YANG DE LAS THAR NAS MI RNAMS DANG SKAL BA MNYAM PAR MIR SKYES NA, DE RNGON PA'I RIGS SU SKYE BAR 'GYUR TE, TSE RABS NYIS BRGYAR MNGAL DU GNAS PA NYID NA'AM, GOG THAL THUL NA'AM, KHA SPU SKYES TZAM NA 'CHI BAR 'GYUR TE, BAG CHAGS DES DE PHYIS ZHING SDIG PA BYED PA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO MNAR MED PA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA THAMS CAD SA 'OG CES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA
, ,LAS BYUNG BA'I SHES PAS BRTAGS NA, GANG GIS BSAMS PA BZHIN DU DGE SLONG MA DGRA BCOM PA ZAG PA ZAD PA LA SPYAD PA KUN TU BSTEN CING BSGOMS TE MANG DU BYAS NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA THAMS CAD SA 'OG TU SKYE BAR 'GYUR RO, ,DER SKYES NAS KYANG DE LA GANG SEMS CAN DMYAL BA YANG SOS LA SOGS PA BDUN GYIS GNOD PA BSDUS PA DE DAG THAMS CAD BRGYA 'GYUR DU 'BYUNG BAR 'GYUR RO, ,KHYAD PAR DU 'BYUNG BA NI 'DI LTAR LCAGS KYIS GZHI DE BRKOS NAS GSHIN RJE'I MI RNAMS KYIS MGO THUR DU BSTAN TE SA BRKOS PAR DE'I MGO GANG YIN PA THUR DU BSTAN CING RKANG LAG GANG YIN PA DE DAG GYON DU STON PAR BYED DO, ,DE SDUG BSNGAL GYIS NYAM THAG NAS DU SKAD 'DON MI NUS, CHO NGES 'DEBS MI NUS, KU CO 'BYIN MI NUS SO, ,DE'I LUS THUR DU BSTAN PA GANG YIN PA DE DAG THAMS CAD GSHIN RJE'I MI RNAMS KYIS STE'U THOGS TE RUS PA LHAG MA MA LUS PA'I BAR DU BZHOG PAR BYED DO, ,RUS PA DE DAG LA'ANG BA TSVA'I CHUS CHAG CHAG 'DEBS TE DE DAG LA CHAG CHAG BTAB NAS KYANG 'GRE LDOG GO ,DE'I BA TSVA'I CHAG CHAG BTAB PA DE DAG LAS DE PHYUNG NA SROG GI LHAG MA CUNG ZAD CIG LUS PA
ZANGS DMAR PO RAB TU BSKOL BA 'KHRIGS PAS 'DAS SHING LCAGS KYI SNOD RAB TU SREG PAR BYED DO, ,DE DER MON SRAN GRE'U DANG, RGYA SRAN 'TSED PA LTAR STENG 'OG TU 'BYUNG BA NA LCAGS KYI BUM PA KUN BLTAR MI SNANG BAR KUN NAS RLANGS PAS 'KHRIGS TE, JI SRID DU DE'I SDIG PA'I LAS BCOM ZHING SPANGS LA DAD PAR MA BYAS PA DE SRID DU LO 'BUM PHRAG DU MAR RDUNG ZHING 'TSED DO, ,DE PHYIS SEMS CAN DMYAL BA DE LAS THAR NAS BSKAL PA'AM, BSKAL PA'I LHAG MAR BSREG PA'I GNOD PA BSAM GYIS MI KHYAB PA CUNG ZAD CIG 'BYUNG BAR 'GYUR RO, ,DE DE LAS THAR NAS TSE RABS STONG DU YI DVAGS KHA BAS MED PA'I NANG DU SKYE BAR 'GYUR TE, DE'I LUS BKRES PA DANG, SKOM PAS GDUNGS SHING KUN NAS THAMS CAD DU MAR ME'I SNYING PO 'BAR BA LTAR RAB TU 'BAR RO, ,DE DE LTAR THAR NA LAS DE DANG RGYU MTHUN PAR TSE RABS STONG DU DUD 'GRO MYA NGAN GYI BYA BKRES PA DANG, SKOM PAS GDUNGS PA, 'DI LTA STE, BYE'U MCHIL PA DANG, WA DANG, ZIN PA DANG, 'BA' SA KA DANG, SKYIN KOR DANG, TUNG KA DANG, RI DVAGS M'A TRI KA DANG, BA RA PO TA DANG, KHYI DANG, MCHE BA GTZIGS LA SOGS PA'I DUD 'GRO RNAMS SU SKYE BAR 'GYUR RO, ,DE LAS KYANG THAR NAS GAL TE MI RNAMS DANG SKAL BA MNYAM PAR MIR SKYES NA DE MI RTA GDONG CAN GYI YUL
, ,DU SKYE BAR 'GYUR, TSE RABS NYIS BRGYAR YANG MNGAL DU 'CHI BAR 'GYUR, GAL TE'ANG BYANG NAS 'TSO NA DE DBUL ZHING NAD KYIS NYON MONGS PAR 'GYUR; DE BZHIN DU TSE RABS LNGA BRGYAR ZA MA DANG, MA NING DU 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO MNAR MED PA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA SDUG BSNGAL MTHA' YAS MANG ZHES BYA BA JI LTAR GNAS PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, SHIN TU CHAGS PA'I SNYING GIS YUL LA SEMS 'JUG PA'AM, SDIG PA'I GROGS PO DANG PHRAD PAS SAM, RA RO BA'I NYES BAS MA LA 'KHRIG PA BYAS SHING SAD NAS KYANG SHIN TU CHAGS PA'I 'DOD CHAGS DANG LDAN PAS 'KHRIG PA BYAS LA SDIG PA'I GROGS PO'I TSIG GIS DE NAS CHAGS PAS YANG DE NYID LA 'KHRIG PAR BYED, KUN TU BSTEN CING SGOM LA MANG DU BYED, GZHAN DAG KYANG DE NYID LA RAB TU 'JOG PAR BYED NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SDUG BSNGAL MTHA' YAS MANG DU SKYE BAR 'GYUR RO, ,DER
SKYES NAS KYANG GANG SEMS CAN DMYAL BA YANG SO SO LA SOGS PA'I GNOD PA DE DAG THAMS CAD BRGYA 'GYUR DU 'BYUNG NGO, ,KHYAD PAR DU 'BYUNG BA NI 'DI LTAR DE'I RKUB TU PHUR BU RAB TU 'BAR BA RNAMS DANG, TSER MA GANG YIN PA DAG 'JUG PAR BYED DO, ,SNAR YANG THOB DAG BLANGS NAS PHUR BU RNAMS 'DEBS PAR BYED, RNA GUNG DU'ANG THOB DAG GIS PHUR BU RNAMS 'DEBS PAR BYED, KHAR YANG THO BA BLANGS NAS PHUR BU SO RNO ZHING 'BAR, RAB TU 'BAR BA RNAMS KYIS RAB TU 'GENGS PAR BYED, DE'I 'OG TU KHA'I SDUG BSNGAL RAB TU 'BAR BA DANG, 'OG TU GYUR PA'I SDUG BSNGAL DAG GIS SDUG BSNGAL BAR BYED, SREG PAR BYED, GSHEGS PAR BYED, RDEG PAR BYED, RNGO BAR BYED DO, ,NANG GI MNAR MED PA'I KUN NAS RNAM PA THAMS CAD DU SDUG BSNGAL GYIS NYEN TE JI LTAR DE DPE BYA BAR SLA BA MA YIN PA DE LTAR JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU SDUG BSNGAL MYONG BAR 'GYUR RO, ,DE PHYIS SEMS CAN DMYAL BA BSKAL PA'AM, BSKAL PA LAS LHAG PAR BSREGS PA DE LAS THAR NA SDIG PA'I LAS DE DANG RGYU MTHUN PA'I 'BRAS BUS TSE RABS BZHI STONG DU YI DVAGS KHA THUR DU BLTAS PA MA DAG ME ZA BA'I NANG DU LUS BKRES PA DANG, SKOM PAS GDUNGS PA'I LUS SU SKYE BAR 'GYUR RO, ,MYA NGAM CHU DANG,
, ,GRIB MA MED PA SMYIG MA'I TSAL GYI DUD 'GRO DAG TU'ANG SKYE BAR 'GYUR, SROG CHAGS RI LA GNAS PA GRIB MA 'JIGS BYED DANG, MUN PA CAN DANG, ZIN PA GNAS PA DE DAG GI DUD 'GRO KHA GDONG NYAMS SHING SHI LA THUG PA'I RNAM PA DE LTA BUR SKYE BAR 'GYUR RO, ,GANG 'OD MA'I TSAL DU RLUNG GI DUD PAS ME 'BYUNG STE, ME DES TSE RABS BZHI STONG DU SREG CING 'TSED DO, ,DE LAS KYANG THAR NAS GAL TE MI RNAMS DANG SKAL PA MNYAM PAR MIR SKYES NA, DE'I CHUNG MA BSRUNGS PAR MI 'GYUR, GZHAN GYI CHUNG MA DANG LHAN CIG TU 'DUG PAR 'GYUR, DE RGYAL PO'AM, BLON POS DE'I RLIG LA 'BYIN PAR BYED, KHYIM THAMS CAD YONGS SU SPANGS PAR 'GYUR, LAM PO CHE'AM, BZHI MDO'AM, GRONG KHYER RAM, GZHAN GYI SGOR RAG LUS PAR 'GYUR, RTAG TU SKOM ZHING BKRES LA LUS CHUNG BAR 'GYUR, DE YANG DANG YANG BDUN BA CHEN POS THEBS PAR 'GYUR TE, DE SRANG NGAM, BZHI MDO'AM, DUR KHROD DU SDUG BSNGAL MI BZOD PAS NYAM THAG NAS 'CHI BAR 'GYUR BA MTHONG NGO, ,DE NAS DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO MNAR MED PA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA WA SKAD 'BYIN ZHES BYA BA MTHONG NGO,
DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, GANG THAMS CAD MKHYEN PA'AM, RANG SANGS RGYAS SAM, DGRA BCOM PA'AM, CHOS DANG 'DUL BA LA NGAN DU BRJOD CING, CHOS MA YIN PA LA CHOS LTA BUR BRJOD LA GZHAN DAG KYANG CHOS MA YIN PA LA RAB TU 'JOG PAR BYED, SHIN TU DGA' BAR BYED, RAB TU DGA' BAR BYED LA, DE CHOS MA YIN PA DE NYID LA YANG DANG, YANG DU CHOS LTA BUR STON PAR BYED CING 'PHAGS PA RNAMS LA RTAG TU MI SNYAN PAR BRJOD NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA WA SKAD 'BYIN PAR SKYE BAR 'GYUR RO, ,DER SKYES NAS KYANG SEMS CAN DMYAL BA YANG SOS LA SOGS PA BDUN GYI GNOD PA BSDUS PA DE DAG THAMS CAD RANG GI LAS KYI 'BRAS BU DANG MTHUN PAR 'BYUNG NGO, ,KHYAD PAR DU 'BYUNG BA NI 'DI LTAR SEMS CAN DMYAL BA DE'I LAS KYIS BYAS PA'I WA KHA RAB TU 'BAR BA RNAMS KYIS SHIN TU GANG LA DER SKYES MA THAG TU WA MCHE BA RAB TU 'BAR BA RNAMS RGYUG STE, 'PHAGS PA LA SKUR PA 'DEBS PA DE LA 'DZIN PAR BYED DO, , SDIG PA BYED PA DE'I MGO'ANG GZHAN, LCE'ANG GZHAN, KLAD PA'ANG GZHAN, BRANG ZHOL YANG GZHAN, SNYING YANG GZHAN, MCHER PA'ANG GZHAN, RGYU MA'ANG GZHAN, ,GNYE MA'ANG
, ,GZHAN, LTA BA'ANG GZHAN, STA ZUR YANG GZHAN, BRLA'I RUS SBUBS KYANG GZHAN, BYIN PA'I SBUBS KYANG GZHAN, PUS MO'I LHA NGA'ANG GZHAN, LAG PA DANG, RKANG PA'ANG GZHAN, SOR MO'ANG GZHAN, RKANG PA'I SOR MO'ANG GZHAN DU KHYER TE, DE LTAR YAN LAG DANG, NYING LAG ZHIGS PA THAMS CAD SO SOR KHYER RO, ,DE NAS YANG DE'I SDIG PA'I LAS KYIS BYAS SHING BSAGS PA SO SO YANG DAG PA MYONG BA'I 'BRAS BU SKYE BAR 'GYUR TE, DE LTAR DE YUN RING DU 'BRAS BU DE MYONG BAR 'GYUR RO, ,DE GAL TE YANG THAR NAS GAR BAB BAB TU 'BROS PA DANG, GSHIN RJE'I MI GZHAN DAG GIS BZUNG NAS DE'I KHA DE GDANGS TE LCE BZUNG NAS MTSON HU LU DAG GIS DUM BUR DUM BUR GCOD DO; ;BCAD NAS KYANG YANG SKYE BAR 'GYUR TE, DE'I DAG MI GTZANG BA 'BYIN PA GANG GIS 'PHAGS PA LA SKUR BA BTAB PA DANG, PHA ROL DAG LA CHOS MA YIN PA LA CHOS LTA BUR BSTAN PA NI DE LTAR DE YUN RING DU SDUG BSNGAL GYI TSOR BA TSA BA DAG MYONG BAR 'GYUR RO, ,DE GAL TE'ANG DE LAS THAR NAS MGON 'DOD PA, SKYABS 'DOD PA, DPUNG GNYEN 'DOD PA GAR BAB BAB TU 'BROS PA DANG, DE'I LAS KYIS BYAS PA GSHIN RJE'I MI DAG 'BYUNG BAR 'GYUR TE, DE DAG GIS YANG BZUNG NGO, ,BZUNG NAS KYANG PHYIN CI
LOG TU SMRA BA DANG, G-YO THABS SMRA BA, SDIG PA SMRA BA, CHOS NGAN PA'I CHOS KYIS SEMS CAN DAG LAM BZANG PO LAS SKYOD PAR BYED CING SMRA BA DE DE RNAMS KYIS BZUNG STE KHA GDANGS NAS DE'I LCE PHYUNG NGO, ,DE YANG 'JAM ZHING ZANGS KYI MDOG LTAR DMAR BA RGYANG GRAGS TZAM DU SKYES TE, DE'ANG LCAGS KYI SA GZHI RAB TU 'BAR BA LA LDAG TU 'JUG GO ,LDAG TU BCUG NAS THONG GSHOL GYI SO RNO ZHING 'BAR LA RAB TU 'BAR BA BRGYA DANG, RMON GLANG RMIG PA 'DOR BA RNO ZHING RAB TU 'BAR BA THONG MKHAN DANG LDAN PA RNAMS KYIS DON MA YIN PA BYED PA 'JIG RTEN PHA ROL TU 'GRO BA'I DBANG DU GYUR CING DON MA YIN PA'I SKYE GNAS LCER MING BTAGS PA DE LA RMED PAR BYED DE, DE LTAR YUN RING DU 'TSED CING SREG GO ,DE'I LCE GNOD PA DANG PHRAD PA DE NGU BAR BYED, 'KHUN PAR BYED, KU CO 'DON PAR BYED, NGU SKAD 'BYIN PAR BYED NA, MIG YONGS SU 'GYUR BAR BYED DO, ,DE LTAR DE NGU SKAD 'BYIN PA NA 'DI LTAR GSHIN RJE'I MI RNAMS KYIS RJES SU BSTAN PA TSIGS SU BCAD DE SMRAS PA, SDIG CHAGS YID LA BSAMS NAS SU, ,'PHAGS LA SMOD GANG DMYAL BAR NI, ,BYE BA LNGA BCU RTZA DRUG DANG, ,DE BZHIN BYE BA PHRAG DAG GNAS, ,CHOS MA YIN PA CHOS TSUL DANG, ,SDIG BYED LAGS PA'I TSUL DU NI, ,KHYOD KYIS SNGON NI GANG SMRAS PA, ,ME DE KHYOD LA SKRAG PAR BYED,
, ,JI LTAR SEMS CAN KHYAD PAR CAN, ,CHOS 'DOD DAG LAS KHYOD KYIS SU, ,NGES PAR NGAN 'GROR 'GRO BA YIN, ,BDE MED SDIG PA RAB TU SMRAS, ,GANG ZHIG RTAG TU RDZUN SMRA ZHING, ,CHOS MA YIN SMRA CHOS LDAN MIN, ,DE YUL KUN GYI RKUN MA YIN, ,RKUN MA THA MAL RKUN MA MIN, ,CHOS SMRA BA YI MI DAG GANG, ,CHOS NYID LA NI SPYOD PA STE, ,GANG DU 'GRO BA GNOD MED PA'I, ,RTAG PA'I GNAS SU DE 'GRO'O, ,'KHRUG MED MI ZAD NOR YIN TE, ,SKYE BO KUN GYI JO BOR CHE, ,BDEN PA MTHO RIS SKAS YIN TE, , DE NYID MYA NGAN 'DAS PA'I SGO, ,DE LTAR BDEN PA MCHOG BRTAGS PA, ,RTAG TU CHOS SHES DRAN PA NI, ,MYA NGAN DGA' BA MED GNAS SU, ,MI MCHOG 'DI NI 'GRO BAR 'GYUR, , KHYOD KYIS CHOS NI RNAM SPANGS PA, ,MKHAS PA RNAMS KYIS SMAD PA YIN, ,KHYOD KYIS MI BZAD GANG BSGRAGS PA, ,DE 'DIR KHYOD LA RNAM PAR 'TSED, ,DE LTAR 'PHAGS PA LA SKUR BA 'DEBS PA'I MI DE GSHIN RJE'I MI DE RNAMS KYIS RJES SU BSTAN NAS GNOD PA SNGA MA DAG PAS MANG BAR GNOD PAR BYED DE, GANG DE'I MING YANG SHES PAR SLA BA MA YIN NO, ,'PHAGS PA LA NGAN DU BRJOD PA DE NYID KYI GNOD PA MI BZAD PA GANG YIN PA RGYU DANG MTHUN PAR 'BRAS BU 'BYUNG BA NI DE BZHIN GSHEGS PA GSUNG
STE, DE LTAR JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU 'TSED DO, ,DE SEMS CAN DMYAL BA DE LAS THAR NA, LAS DE DANG RGYU MTHUN PAR TSE RABS 'BUM DU YI DVAGS BZLUMS PA'I NANG DU SKYE BAR 'GYUR LA GANG DAG GI LUS SHA'I GONG BU LTAR BZLUMS PAR 'GYUR TE, MTHONG BA MED, THOS PA MED, MNOM PA MED, SMRA BA MED DO, ,DE DE LAS THAR NAS KYANG TSE RABS SUM STONG DU LJAN LJIN GYI SRIN BUR 'GYUR, DE LAS KYANG THAR NAS GAL TE MI RNAMS DANG SKAL BA MNYAM PAR MIR SKYES NA, DE TSE RA BAS LNGA BRGYAR DBUL ZHING TSIG KUN GYIS YID MI CHES PA DANG, BRJED NGAS PA DANG, LKUGS PA DANG, 'ON PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES, SEMS CAN DMYAL BA CHEN PO MNAR MED PA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA LCAGS KYI LCE SPYANG GI ZAS ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS SHIN TU 'BRUGS PA'I SEMS DANG, SEMS RTZUB MOS BSAM BSAM STE, DGA' NAS DGE 'DUN GYI GTZUG LAG KHANG LA ME SPAR LA DER YANG SANGS RGYAS KYI SKU GZUGS BSREGS SHING
, ,DGE 'DUN GYI GNAS NA MAL STAN DANG, GOS DANG, NOR DANG, 'BRU'I 'BYOR BA MANG PO DAG ME'I NYES PAS TSIG LA, TSIG PA DE LA'ANG RJES SU DGA' BAR BYED CING 'GYOD PAR MI BYED, GZHAN DAG KYANG DE NYID LA 'JOG PAR BYED, SHIN TU DGA' BAR BYED, YANG DAG PAR RAB TU DGA' BAR BYED LA LAS DANG, LAS KYI NYER BSDOGS DANG, LAS KYI MJUG DANG LDAN PAR BYED NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA LCAGS KYI LCE SPYANG GI ZAS ZHES BYA BAR SKYE BAR 'GYUR RO; ;DER SKYES NAS KYANG GANG SEMS CAN DMYAL BA YANG SOS LA SOGS PA'I SDUG BSNGAL BSDUS PA GANG YIN PA DE DAG THAMS CAD 'BYUNG STE, THAMS CAD STONG 'GYUR DU 'BYUNG NGO, ,KHYAD PAR DU 'BYUNG BA NI JI LTAR LAS LCI BAS GNOD PA YANG LCI BAR 'GYUR TE, GANG GNOD PA NI RGYU DANG MTHUN PAR 'BRAS BU 'BYUNG ZHING SA BON DANG MTHUN PAR 'BRAS BU 'BYUNG NGO, ,'DI LTAR DER SKYES PA'I LAS KYI RKYEN GYIS LUS THAMS CAD KUN NAS RAB TU 'BAR BAR 'GYUR, LUS DE LAS MGO BCU GCIG BYUNG BA DPAG TSAD BCU BCU YOD DE, SEMS CAN DMYAL BA THAMS CAD PAS SHIN TU DRAG CING MI BZAD PA 'BYUNG NGO, ,DE'I DBUS NA 'DUG PA MI RI LTA BUR KUN NAS RNAM PA THAMS
CAD RAB TU 'BAR, KUN TU RAB TU 'BAR TE, BKRES PA DANG, SKOM PAS GDUNGS PA'I LUS DAG 'TSED DO, ,SREG GO ,GSOD DO, ,KUN NAS LAG PA GYEN DU BSGRENG STE, DE'I LAG PA DE'ANG DPAG TSAD LNGA BRGYA TZAM DU 'BAR BA'I PHRENG BAS 'KHRUGS SHING DE'I RTZVA'I RI LTAR SREG GO ,DE KUN NAS SREG PA NA NGU SKAD 'BYIN, 'O DOD 'BOD, KU CO 'DON CING YONGS SU SMRE SNGAGS 'DON TO,, DE NGU SKAD 'DON PA NA ME LCE DES DE'I KHA THAMS CAD 'GRENGS PAR BYED DO, D,E'I KHA PHYE BA DANG, PHYI ROL DU KUN NAS RAB TU 'BAR ZHING RTAG TU ME LCE GCIG TU GYUR PA YANG DANG YANG DU 'PHEL BA'I MES SREG PA NA YUN RING DU 'TSED DO, ,DE GAL TE'ANG DE LAS THAR NAS GAR BAB BAB TU 'BROS SO, ,MGON 'DOD PA, SKYABS 'DOD PA, DPUNG GNYEN 'DOD PA, BDE BA 'DOD PA DE 'BROS PA DANG, LEGS PAR BYAS PA DANG, NYES PAR BYAS PA'I LAS KYIS 'BREL PA SEMS CAN DMYAL BA DE LAS GZHAN DU 'BYUNG STE, MTSAN MO RI LA CHAR 'BAB PA'I CHU LTAR GNOD PA 'PHEL LO, ,DE'I LCAGS KYI RDO RGYANG GRAGS TZAM RAB TU 'BAB STE, DE DAG GIS DE'I KLAD PA LA SOGS PA NAS RKANG PA'I BAR JI LTAR BCA' SGA BTAGS PA LTA BUR DE LTAR PHYE MAR BYED DE, DE'I LUS MNGON PA MED PAR BYED DO, ,DE LTAR DE LCAGS LAS BYAS PA'I RDO MI ZAD PA CHAR LTAR 'BAB PAS BTAGS PA NA DE NAS YANG SLAR 'TSO
, ,BAR 'GYUR TE, LCE SPYANG GI MCHE BA RAB TU 'BAB PA DAG GIS DE'I LUS BCA' SGA LTAR SRAB MOR BYAS SHING ZA'O, ,DE NAS YANG BYUNG ZHING SKYES NAS LCE SPYANG MI BZAD PA DAG GIS ZA STE, DE LTAR YANG YUN RING DU 'TSED CING SREG GO ,SLAR YANG SKYE BAR 'GYUR TE, DE LTAR DE LAS DE MYONG BAR 'GYUR, SO SO YANG DAG PAR TSOR BAR 'GYUR, DE SDUG BSNGAL TSA BA RTZUB PA GNOD PA DAG MYONG BAR 'GYUR TE, RANG GIS BYAS SHING GZHAN GYIS MA BYAS PA, MA BYAS PA DANG PHRAD PA MA YIN, BYUNG BA RNAMS KYIS BYAS PA CHUD ZA BA MA YIN ,RGYU MED PA MA YIN, 'DOD RGYAL LAS BYUNG BA MA YIN RGYU DANG, RKYEN MI MTHUN PA LAS BYUNG BA MA YIN, BYED PA POS BYIN GYIS MA BRLABS, TSOR BA POS BYIN GYIS MA BRLABS TE, JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU RANG GI RGYU RKYEN GYIS BYAS PA MYONG BAR 'GYUR RO, ,DE SEMS CAN DMYAL BA DE LAS THAR NA LAS DE DANG RGYU MTHUN PAR TSE RABS STONG DU YI DVAGS MCHOG TU MI BZAD PAR SMIN TE, LUS KUN NAS RAB TU 'BAR ZHING DU SKAD 'BYIN, KU CO 'DON PA NA SKYE BO KUN GYI GNAS GRONG DU MTSAN MO NGU ZHING NYIN PAR YANG NYI MA'I 'OD MDAG ME CHAR LTAR BABS PAS JI SRID DU DE'I SDIG PA'I LAS KYI ME 'BYUNG BA BCOM ZHING
SPANGS LA ZANG PAR MA BYAS PA DE SRID DU SREG PAR BYED DO, ,DE LAS KYANG THAR NAS DGON PA'I DUD 'GRO RKANG PA BRGYA PAR 'GYUR TE, RTAG TU BKRES PA DANG, SKOM PAS GDUNGS LA KHA GNYIS KYIS BDAG NYID NYON MONGS PAR 'DREN CING DE'I LUS THAMS CAD SRIN BU MA KO TA KA RNAMS KYIS ZA BAR BYED DO, ,DE GAL TE'ANG DUD 'GRO'I SKYE GNAS DE LAS THAR LA GAL TE MI RNAMS DANG SKAL BA MNYAM PAR SO SOR MYONG BAR 'GYUR BA'I LAS KYIS MIR SKYES NA, DE SPRIN NAG PO 'DRA BAR 'GYUR ZHING NYAMS PAR GYUR PA YONGS SU SPANGS PA DBUL BA YUN RING DU RNGA MONG GIS NYON MONGS SHING GZHAN LA RAG LAS PA MANG ZHING LUS BKRES PA DANG, SKOM PAS GDUNGS LA DE'I SROG GI 'TSO BA'ANG GZHAN LA RAG LAS PAR 'GYUR TE, DE LTAR TSE RABS STONG DU YI DVAGS RNAMS DANG, TSE RABS STONG DU DUD 'GRO RNAMS DANG, GNAS SKABS DE DAG GI MIR 'GYUR BA MTHONG NGO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO BCU BDUN PA, DE NAS YANG DGE SLONG LAS KYI 'BRAS BU RNAM PAR SMIN PA SHES PA DES, SEMS CAN DMYAL BA CHEN PO MNAR MED PA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA LTO GNAG CES BYA BA MTHONG NGO, ,DER SEMS CAN DAG LAS GANG GIS SKYE BAR
, ,'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS SANGS RGYAS KYI DKOR NOR MA BYIN PAR BLANGS TE, DE LA'ANG SPYOD LA SPYAD NAS KYANG DAG PAR MI BYED, LAS DE'I 'BRAS BU LA YID MI CHES TE, DE NAS YANG SPYOD PAR BYED, GZHAN DAG KYANG DE NYID LA RAB TU 'JOG PAR BYED, SANGS RGYAS KYIR GTOGS PA SANGS RGYAS KYI DKOR NOR YON LA YANG BAR SEMS NA, DE LUS BRAL NAS NGAN 'GRO LOG PAR LTUNG BA SEMS CAN DMYAL BA LTO GNAG TU SKYE BAR 'GYUR RO, ,DER SKYES NAS KYANG SEMS CAN DMYAL BA YANG SOS LA SOGS PA BDUN GYI GNOD PA DE DAG THAMS CAD BRGYA 'GYUR DU 'BYUNG NGO, ,KHYAD PAR DU 'BYUNG BA NI 'DI LTAR LUS BKRES PA DANG, SKOM PAS GDUNGS TE, RANG GI SHA NYID LA ZA'O, ,DE NAS YANG SLAR SKYE BAR 'GYUR TE, DE LTAR LO BRGYA STONG BYE BA PHRAG DU MAR ZA ZHING SLAR SKYE BAR 'GYUR RO, ,SDUG BSNGAL NYIS 'GYUR GYIS GDUNGS PA DE'I SDUG BSNGAL GYI LAS BYAS PA DE BRGYA 'GYUR DU 'GYUR TE, BKRES PA DANG, SKOM PA'I SDUG BSNGAL GYIS KYANG SDUG BSNGAL LO, ,RANG GI LUS LAS BYUNG BA'I SDUG BSNGAL GYIS SDUG BSNGAL TE, DE LTAR DE RANG GI SHA DAG LA ZA BAR BYED CING GAR BAB BAB TU 'BROS PA DANG, DE SPRUL PO CHE LTO GNAG LA MDOG SPRIN LTAR 'DUG PA DANG PHRAD DE, ,
DES DE'I SEN MO LA SOGS PA DANG, RUS PA LA SOGS PA MTHAR CHAGS KYIS ZA'O, ,DE NAS SOS PA DANG YANG ZA STE, DE LTAR GANG ZHIG THAMS CAD KYI MCHOG TU GYUR PA SANGS RGYAS KYI MA RUNG BAR BYAS PA'I LAS DES YUN RING DU SDUG BSNGAL MYONG BAR 'GYUR RO, ,DE GAL TE DE LAS THAR NAS PHYOGS SENG LDENG GI MDAG MA RAB TU 'BAR BA'I GONG BU BSAGS PA NA DPAG TSAD TZAM GYI NANG DU 'JUG STE, DE MDAG MA DE'I NANG DU SONG NAS LO BRGYA STONG BYE BA PHRAG DU MAR SREG CING 'TSED DO, ,DE NAS YANG SLAR SKYE BAR 'GYUR TE, DA LTAR DES MTHONG NAS GAL TE THAR NA MGON 'DOD PA, SKYABS 'DOD PA, DPUNG GNYEN 'DOD PA'I DRUNG DU GSHIN RJE'I MI DAG 'ONGS NAS PHRA SKAM RAB TU 'BAR BA DE DAG GIS BZUNG NGO, ,DES BZUNG NAS LCAGS KYI BUM PA 'BAR BA'I NANG DU BCUG STE, DE DER MON SRAN DANG, SRAN CHUNG BZHIN DU SREG CING 'TSED LA YONGS SU SKOL TE, STENG 'OG TU 'BYUNG BA'I SDUG BSNGAL SHIN TU 'JIGS SHING TSA BA MYONG BA NI DE'I DPE BYA BAR YANG SLA BA MA YIN NO, ,SEMS CAN DMYAL BA PA DE'I SDUG BSNGAL NI KHAMS GSUM THAMS CAD KYI RGYU 'BRAS MTHUN PAS KYANG BRGYA DANG STONG GI CHAR YANG MI PHOD DE, DE LTAR DE GNOD PA BRGYA STONG YOD PA SDUG BSNGAL GYI RGYA MTSO SHUGS DANG LDAN PA SHIN TU TSA BAR BDAS PA NA, RANG GI LAS KYI 'BRAS BU MNGON SUM
, ,DU GYUR TE, JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU 'TSED PAR BYED DO, ,DE PHYIS SEMS CAN DMYAL BA LTO GNAG DE LAS THAR BAR 'GYUR TE, THAR NAS KYANG LAS DE DANG RGYU MTHUN PAR TSE RABS NYIS BRGYAR YI DVAGS KHA ZAS MI GTZANG BA ZA BA RNAMS SU SKYE BAR 'GYUR, DE GAL TE DE LAS THAR NAS KYANG TSE RABS BDUN BRGYAR DUD 'GRO SKYUGS PA ZA BAR SKYE BAR 'GYUR, DE LAS THAR NAS KYANG GAL TE GNYA' SHING GI BU GAR RUS SBAL 'JUG PA LTA BUR MI RNAMS DANG SKAL BA MNYAM PAR MI SKYES NA DE'ANG BA LANG RDZIR GYUR NAS MI GTZANG BA ZA BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO MNAR MED PA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA LUS ZHUM ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS CHOS KYI DKOR NOR LA SPYAD CING BYAS PA BSAGS LA, LAS DANG, LAS KYI NYER BSDOGS DANG, LAS KYI MJUG DANG YANG BCAS PAR GYUR, GZHAN DAG KYANG DE LA GZENGS BSTONG PAR BYED NA, DE LUS DANG BRAL NAS NGAN 'GRO LOG PAR LTUNG BA
SEMS CAN DMYAL BA LUS ZHUM DU SKYE BAR 'GYUR RO, ,DER SKYES NAS KYANG GANG SEMS CAN DMYAL BA YANG SOS LA SOGS PA'I GNOD PA DE DAG THAMS CAD BRGYA 'GYUR DU 'BYUNG STE, GANG DE DAG GI MING YANG SHES PAR SLA BA MA YIN NO, ,KHYAD PAR DU 'BYUNG BA NI 'DI LTAR LCAGS KYI LJON SHING RAB TU 'BAR ZHING RAB TU MCHED PA GNYIS 'BYUNG STE, DE DAG KYANG LAS KYI RLUNG GI SHUGS DRAG POS PHAN TSUN 'DRUD PAR BYED DO, ,DE GNYIS KYI DBUS SU SEMS CAN DMYAL BA PA'I LUS DE G-YAS G-YON DU SHUGS DRAG PO KUN GYIS GNOD PAR BYED, RNAM PAR ZHUM PAR BYED, TA LA'I 'DAB MA LTAR BYED DO, ,DE NAS YANG SLAR 'BYUNG STE YANG RNAM PAR ZHUM PAR BYED DO, ,DE TSAL CHEN PO'I SHING LJON PA SHIN TU MI BZAD PA GNYIS KYI BAR DU BCUG NAS PHAN TSUN BSGUL BA DANG, LUS LAS BYUNG BA'I SDUG BSNGAL MYONG BAR 'GYUR LA, GAL TE MA BSGUL NA RNAM PAR ZHUM PAR BYAS BA LTUNG BAR 'GYUR RO, ,DE DE LAS LHUNG BA DANG, LCAGS KYI BYA RDO RJE'I MCHU CAN DAG SHING DE DAG GI YAL GA LA GNAS TE, DE DAG GIS SEMS CAN DMYAL BA PA DE'I MGO DANG, KLAD PA BTOG BTOG NAS 'BIGS PAR BYED DO, ,PHUG NAS MIG DAG LA ZA BAR BYED DO, ,SNYING RJE RJE SKAD DU SKAD 'BYIN CING SMRE SNGAGS 'DON PA DE DE'I MIG ZOS NAS MGO DANG, KLAD PA 'BIGS SO, ,DE PHUG NAS KLAD RGYAS KYANG THOS NAS SNYING GSHEG PAR BYED DO, ,DE'ANG GSHEG
, ,NAS NANG DU SONG STE KHRAG 'THUNG NGO, ,'THUNGS NAS RGYU MA LA ZA'O, ,DE DAG KYANG ZOS NAS MCHER PA LA ZA'O, ,MCHER PA ZOS NAS LONG KA LA ZA'O, ,DE DAG KYANG ZOS NAS 'DOMS LA ZA'O, ,BRLA'I SBUBS LA'ANG ZA'O, ,PUS MO'I LHA NGA LA'ANG ZA'O, ,RKANG PA DAG GIS SOR MO LA'ANG ZA LA DE LTAR DE SDUG BSNGAL DRAG PO DE DAG YUN RING PO LO BGRANG GIS MI LANG BAR MYONG BAR 'GYUR TE, GANG GI MING LO BRGYAR YANG SHES PA SLA BA MA YIN NO, ,PHYOGS GCIG CIG SHES PAR BYA NA, JI LTAR RGYA MTSO'I CHU KHYOR GANG BLANGS PA DE'I PHYOGS TZAM DU BRJOD PA DE BZHIN DU 'DI'ANG PHYOGS GCIG TZAM ZHIG BRJOD DE, DE LTAR DE JI SNYAM DU DE'I SDIG PA'I LAS BYAS SHING BSAGS PA SO SOR MYONG BAR 'GYUR BA BCOM ZHING SPANGS LA ZAD PAR MA BYAS PA DE SRID DU SDUG BSNGAL DE DAG MYONG BAR 'GYUR RO, ,DE SEMS CAN DMYAL BA DE LAS THAR PAR 'GYUR TE , THAR NAS KYANG LAS DE DANG RGYU MTHUN PAR TSE RABS STONG DU YI DVAGS MCHIL MA ZA BA RNAMS SU SKYE BAR 'GYUR RO, ,DE GAL TE SROG GIS 'TSO BA TZAM DU 'GYUR ZHING LUS SHIN TU BKRES PA DANG, SKOM PAS GDUNGS PA YI DVAGS KYI 'JIG RTEN DE LAS SHI NAS KYANG BA TSVA'I CHU'I NANG DU DUD 'GRO NYAR SKYE BAR 'GYUR, RTAG TU RGYA MTSO'I CHU'I GSAB
KYI NANG NA SPYOD PA'I CHU SRIN NA KRA'AM, MA KA RA'AM, RUS SBAL DU 'GYUR, TSE RABS STONG DU KUN TU RTAG TU BKRES PA DANG, SKOM PAS GDUNGS SHING BA TSVA'I CHU LA YONGS SU SPYOD PAR 'GYUR, DE LAS THAR NAS GAL TE SO SOR MYONG BAR 'GYUR BA'I LAS KYIS MI RNAMS DANG SKAL PA MNYAM PAR MIR SKYES NA, DE DE'I TSE YUL GNYIS KYI BAR DU SKYE BAR 'GYUR TE, GANG DU SA BDAG GNYIS KYI MTSAMS PHAN TSUN 'THAB MO 'GYED PA'I YUL DU SKYE BAR 'GYUR RO, ,DER DE'I NOR RDZAS BSAGS BSAGS PA DE DAG GZHAN GYIS 'BROG PAR BYED CING RGYAL PO'I CHAD PAS KYANG DE BZUNG NGO, ,BZUNG NAS KYANG BTZON RAR 'JUG PAR 'GYUR, LUS BKRES PA DANG, SKOM PAS GDUNGS PAR 'GYUR, SROG TZAM GYIS 'TSO BA GZHAN LA RAB LAS SHING SHIN TU SDUG BSNGAL BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAMS PAR SMIN PA SHES PA DES SEMS CAN DMYAL BA CHEN PO MNAR MED PA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA'I RMI LAM 'JIGS BYED STONG CES BYA BAR MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS LO NYES BYUNG BA'I TSE DGE 'DUN GYI 'DU BA'I SGO LA DGE SLONG BZAS 'DOD
, ,PA DAG NYE BAR LHAGS PA'I ZAS DANG, SKOM ZOS SHING NYE BAR SPYAD LA MI SDIG PA BYED PAS DE'ANG PHROGS TE KHA ZAS DE DAG KYANG BCAD, KHA ZAS BCAD PAS DE DAG GI LUS LA GNOD CING DGE BA'I CHOS YID LA BYED MI NUS PAR 'GYUR, BSAM GTAN LA DGA' BA MED PAR 'GYUR, SEMS MI SBYONG PAR 'GYUR, MI SDIG PA BYED PA DE'ANG DGE 'DUN GYI 'DU BA'I SGO DE PHROGS NAS 'CHAGS PAR MI BYED CING 'GYOD PAR MI BYED LA DE NAS SLAR YANG 'DU BA'I SGO DE NYID LA MI DGE BA'I LAS MNGON PAR BYED PAR DGA' ZHING GZHAN DAG KYANG DE NYID LA BYED DU 'JUG ,RJES SU DGA' BAR BYED CING DE'I LAS DANG, LAS KYI NYER BSDOGS DANG, LAS KYI MJUG BYAS NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA RMI LAM 'JIGS BYED STON DU SKYE BAR 'GYUR RO, ,DER SKYES NAS KYANG GANG SEMS CAN DMYAL BA YANG SOS LA SOGS PA'I GNOD PA BSDUS PA DE DAG THAMS CAD 'BYUNG NGO, ,KHYAD PAR DU 'BYUNG BA NI BYAS PA BRGYA 'GYUR DU 'BYUNG STE, GANG DE LTAR SEMS CAN THAMS CAD KYI GNOD PA DE DAG DE LTAR MI ZAD PA, DE LTAR RTZUB PA, DE LTAR BZOD PAR DKA' BA, DE LTAR SDUG BSNGAL MTHA' MED PA RANG GIS BYAS PA'I LAS BYUNG ZHING BSLANG BA DE'I MING YANG SHES PAR SLA BA
MA YIN TE, DE'I PHYOGS TZAM ZHIG BRJOD NA, 'DI LTA STE, RGYA MTSO LAS CHU SKYOR GANG BLANGS PA DE BZHIN DU DE BRJOD DO, ,JI LTAR MI DAG GI RMI LAM DU 'JIGS PA DAG MTHONG BA DE BZHIN DU SEMS CAN DMYAL BA RMI LAM 'JIGS BYED STON DER YANG, GSHIN RJE'I MI LAG NA THO BA SNA TSOGS THOGS PA DE DAG 'BYUNG STE, SDIG PA BYED PA'I MI DE BZUNG NAS LCAGS KYI SA GZHI'I STENG DU 'JOG PAR BYED DO, ,LCAGS KYI LUNG PA'I NANG DU'ANG DE'I LUS BCUG NAS GTUN SHING GIS PHYE MAR RLOG STE RUS PA DE 'DI LTAR SBRANG RTZI'I TSIGS MA'I GONG BU LTAR BYED DO, ,DE NAS YANG SLAR SKYE BAR 'GYUR TE, YANG THO BA RNAMS KYIS PHYE MAR RLOG STE, DE'I SDIG PA'I LAS BYAS SHING BSAGS PA SO SO YANG DAG PA MYONG BAR 'GYUR BA'I MTHUS 'BRAS BU DE NYE BAR SPYOD DO, ,LUNG PA GNOD PA DE LAS THAR NA GAL TE'ANG RANG GI LAS KYIS MTSON CHA'I NAGS TSAL GYI NANG DU KHRID NAS 'GRO STE, MTSON CHA'I NAGS TSAL DER PHYIN NAS LUS LA MTSON 'BAB PAS GNOD PA MANG DU BYED, GSHEG PAR BYED, 'JOMS PAR BYED, PHYE MAR BRLOG PAR BYED, DE'I LUS KYI PAGS PA THAMS CAD HRAL HROL DU BYAS NAS RGYUG PAR BYED DO, ,MGON 'DOD PA, SKYABS 'DOD PA, DPUNG GNYEN 'DOD PA DE RGYUG PA DE DANG, DER MTSON CHA CHEN PO CHAR LTAR 'BAB PAS GSHEGS PAR BYED
, ,'JOMS PAR BYED DO, ,RTZA DANG, RGYUS PA THAMS CAD SHAD SHAD POR BYAS TE, LUS GANG LA PAGS PA BYA SGRO TZAM YANG MA LUS PAR BYAS NAS LUS KYI RUS PA'I DRA BA TZAM ZHIG 'JOG GO ,RGYUS PA SPREL PA'I GNAS DE DAG TU'ANG MTSON CHAR LTAR 'BAB PAS GCOD CING GSHEG PAR BYED DE, DE GCOD PA NA SNYING RJE SKAD DU KU CO 'DON CING YONGS SU SMRE SNGAGS 'DON LA THAMS CAD DU 'BROS SO, ,RANG GI LUS DANG, YID KYIS KUN NAS BSLANG BA'I MI DGE BA'I LAS KYIS BSLUS PA DE BDAG NYID THAMS CAD DU LAS DES SHIN TU 'CHED PAR BYED DO, ,RNAM PAR SMIN PA MA MYONG BAR DE DAG 'GAG PAR MI 'GYUR ZHING MI DGE BA'I LAS DE MA MYONG BAR THAR PA MED DE, GANG GI TSE SO SOR MYONG NA DE SEMS CAN DMYAL BA DE LAS THAR BAR 'GYUR RO, ,THAR NAS KYANG LAS DE DANG RGYU MTHUN PAR TSE RABS STONG DU YI DVAGS MCHIL MA ZA BA RNAMS KYI NANG DU SKYE BAR 'GYUR RO, ,DE LAS THAR NAS KYANG TSE RABS LNGA BRGYAR 'OD MA'I TSAL DU SRIN BUR SKYE BAR 'GYUR TE, GANG DANG, GANG DU SKYES PAR RDO 'BABS PAS 'DAM BU SRAB MOR BRDUNGS PA LTAR LUS SHIN TU SRA BA MOR RDUB BA'I GNOD PA MYONG BAR BYED DO, ,DE LAS THAR NAS KYANG GAL TE MI RNAMS DANG SKAL BA MNYAM PAR MIR SKYES NA, DE DBUL
ZHING NAD BU CAN DANG, GZHAN GYIS MNGAG PA DANG, YUL BYE MA CAN DANG, MYA NGAM DANG, G-YANG SA DANG, CHU MED PA DANG, RTZVA MED PA DANG, NAGS TSAL MED PA DANG, NE'U GSING MED PA DANG, LTENG KA MED PA'I 'KHOR RTAG TU GNOD PAR SKYE BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO MNAR MED PA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA PA LUS ZHU MI ZAD 'PHYANG ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, SBYIN PA PO'AM, SBYIN BDAG GANG GANG GIS 'DI LTAR RDZAS 'DIS NAD PA DE DAG NYID KYI DON DU 'GYUR BAR BYA'O SNYAM NAS GUS PA DANG, DAD PA DANG, DANG BA DANG, YID GSAL BAS NAD PA KHYIM GYI NANG NAS BYUNG BA DE'I NAD ZHI BAR BYA BA'I PHYIR RDZAS BYIN PA SDIG PA CAN LUG BONG LTAR SPYOD PA, KHONG GSOG TU 'DUG PA, GOS NGUR SMRIG BGOS PA DES NAD PA'I GSOS SMAN GYI RKYEN GYI YO BYAD DU BYAS PA LA 'PHROG PAR BYED DO, ,PHROGS NAS KYANG RANG NYID ZA'O, ,ZOS NAS KYANG 'CHAGS PAR MI BYED, 'GYOD PAR MI BYED, SBYONG BAR MI BYED CING DE NAS YANG BYED LA GZHAN DAG KYANG DAD PAR
, ,BYED, RAB TU 'JUG PAR BYED, RJES SU DGA' BAR BYED CING YANG DANG, YANG DU SEMS KYIS RO MYANG BAR BYED NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA LUS ZHUM MI ZAD 'PHYANG DU SKYE BAR 'GYUR RO, ,DER SKYES NAS KYANG GANG SEMS CAN DMYAL BA YANG SOS LA SOGS PA'I GNOD PA BSDUS PA DE DAG THAMS CAD 'BYUNG NGO, ,KHYAD PAR DU 'BYUNG BA NI 'DI LTAR SEMS CAN DMYAL BA DE NA LCAGS KYI SHING LJON PA YAL GAR RAB TU RGYAS SHING RAB TU 'BAR BA DPAG TSAD TZAM YOD DE, RAB TU MCHED CING 'BAR BA'I RNAM PA DE LTA BU DE KHONG BA'I NANG DU 'TSED DO, ,GANG GIS SEMS CAN DMYAL BA DE LA RDO REG NA RDO RJE LTAR SRA ZHING RAB TU 'BAR BAS YAL GA RGYAS SHING RAB TU 'BAR BAS YANG BRGYA 'GYUR DU RAB TU SREG STE SHING GI ME DE'I RNAM PA NI DE LTA BU YIN NO, ,SHING DE'I RTZA BA'I 'OG TU SEMS CAN DMYAL BA PA DE SKYE BAR 'GYUR TE, NAD BZHI BRGYA RTZA BZHIS GNOD PAR BYAS SHING 'PHEL BAR BYED PA NA, GCIG PU ZLA MED CING GROGS MED PAR SDUG BSNGAL MYONG NGO, ,GANG DE'I MGO DE THUR DU BSTAN CING RKANG PA GYEN DU BSGRENG PA'I SHING DE'I ME'I MTHU DE NI ME GZHAN GANG YIN PA DE DAG CHU BSIL BA DANG 'DRA STE, DE'I RTZA BAR DE DE LTAR GNOD PAR BYED DE, JI LTAR SKRA'I RTZE MO'I BAR TZAM
YANG MED PA DE LTAR GNOD PAR BYED DO, ,DE NAD DE DAG GIS NYON MONGS SHING ME BRGYA 'GYUR GYIS SREG LA SHING GI 'OG TU SONG BAS KYANG SHIN TU GNOD PA NA YUN RING PO LO BGRANG GIS MI LANG BAR GNOD PA MYONG NGO, ,DE LTAR GNOD PA MYONG BA NA'ANG GSHIN RJE'I MI LAG NA MTSON CHA THOGS PA DAG MTSON CHA BLANGS NAS, GNAD DANG, GNAD DAG GCOD PAR BYED CING PAGS PA 'DRAL BAR BYED DO, ,DE GNOD PA LNGA YIS GNOD PAR BYED DE, NAD DANG, SHING GI ME DANG, MTSON CHA DANG, BKRES PA DANG, SKOM PAS YUN RING PO LO BGRANG GIS MI LANG BAR SDUG BSNGAL MYONG NGO,, SPU ZING ZHES BYED PA BRGYA PHRAG KHRI DANG LDAN PA DE MNGON PAR BRJOD PA DES JI SRID DU DE'I SDIG PA'I LAS BCOM ZHING SPANGS LA ZAD PAR MA BYAS PA DE SRID DU SDUG BSNGAL TSA BA MI BDE BA RTZUB PA DAG MYONG BAR 'GYUR RO, ,GANG GIS TSE LAS DE ZAD NA SEMS CAN DMYAL BA DE LAS THAR PAR 'GYUR LA THAR NAS KYANG DE LAS DE DANG RGYU MTHUN PAR YI DVAGS ME MDAG DANG, DUD PA ZA BA RNAMS KYI NANG DU SKYE PAR 'GYUR TE, LUS BKRES PA DANG SKOM PAS GDUNGS SHING BSREGS PA LTA BUR 'GYUR, YI DVAGS KYI 'JIG RTEN DE LAS THAR NAS KYANG TSE RABS LNGA BRGYAR DUD 'GRO ME MDAG CHAR LTAR 'BAB PA DANG, BYE MA CHAR LTAR 'BAB PAS SREG CING 'TSED DO, ,DUD 'GRO'I 'JIG RTEN DE LAS THAR NAS KYANG GAL TE MI RNAMS DANG SKAL PA MNYAM PAR
, ,MIR SKYES NA 'DU BA'I GZHIR GNAS SHING RDOL ZA STE, SKYES NAS SHIN TU SDUG BSNGAL LA NAM YANG LTO 'BRANGS BAR MI 'GYUR, LCE'I RTZE MOS KYANG ZAS ZHIM PO MYONG BAR MI 'GYUR TE, THOS PA TZAM 'BA' ZHIG TU ZAD DO, ,GZHAN GYIS BKOL ZHING DBUL BA DANG, NAD BU CAN DANG, SMAD PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO MNAR MED PA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA RI BA RTZEGS CHAR LTAR 'BAB PA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS RANG SANGS RGYAS BKRES PA'I ZAS PHROGS NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA RI BRTZEGS CHAR LTAR 'BAB PA ZHES BYA BAR SKYE BAR 'GYUR RO, ,DER SKYES NAS KYANG SEMS CAN DMYAL BA YANG SOS LA SOGS PA'I GNOD PA BSDUS PA DE DAG THAMS CAD BRGYA 'GYUR DU 'BYUNG NGO, ,KHYAD PAR DU 'BYUNG BA NI 'DI LTAR THO BA DANG, MDUD THUNG DANG, RDZA MA DANG, LUNG PA'I SDUG BSNGAL DANG, MTSON CHA 'BAB PA'I SDUG BSNGAL SNA TSOGS MYONG BAR BYAS SHING RI BA BRTZEGS CHAR LTAR 'BAB PA DE'I STENG DU DU BAB BO, ,DE'I
STENG DU RI BRTZEGS PA DPAG TSAD TZAM YOD PA BAB PA GANG GIS DE BYE MA CHAD PA NAS GTOR BA BZHIN PHYE MAR RLOG GO ,PHYE MAR BRLAGS PA DANG YANG SLAR SKYE BAR 'GYUR RO, ,DE NAS YANG PHYE MAR RLOG PAR BYED DO, ,ME'I PHUNG PO BCU GCIG GI DBUS SU BCUG NAS THE THAB KYI NANG DU LUS MA LUS PAR BSREGS SO, ,DE'I MIG SKYES PA'ANG PHYUNG NAS GTUBS SHING BCAD DE GTOR RO, ,DE'I LCE'ANG GSHIN RJE'I MI RNAMS KYIS BCAD DO, ,BCAD NAS KYANG SLAR SKYE'O, ,DE'I SNA'ANG BCAD CING ZHA NYE RAB TU SKOL BAS 'GENGS SO, ,DE'I RNA BA'ANG ZANGS DMAR PO BZHUS PAS 'GENGS SO, ,BA TSVA RAB TU SKOL BAS LCAGS KYI SNOD RAB TU BSREGS PA BKAD STE KHYER NAS DE LA CHAG CHAG 'DEBS SHING YANG SPU GRI RNAMS KYIS SHIN TU 'JOG PAR BYED DO; ;NAD BZHI BRGYA RTZA BZHI RNAMS KYIS RTAG TU GNOD PAR BYED DO, ,DE KUN NAS SDUG BSNGAL GYIS NYAM THAG CING THAMS CAD RAB TU 'BAR BA ME LCE GCIG TU GYUR BA NA SEMS CAN DMYAL BA PA'I SDUG BSNGAL TSA BAS RTZUB PA DAG JI SRID DU DE'I SDIG PA'I LAS BYAS SHING BSAGS PA SO SO MYONG BAR 'GYUR BA BCOM ZHING SPANGS LA ZAD PAR MA BYAS PA DE SRID DU YUN RING PO LO BGRANG GIS MI PANG BAR MYONG BAR 'GYUR RO, ,DE PHYIS SEMS CAN DMYAL BA DE LAS THAR PAR 'GYUR TE, THAR NAS KYANG LAS DE DANG RGYU MTHUN PAR TSE RABS LNGA BRGYAR YI DVAGS GROG SPUR YAN LAG
, ,RNO BA 'BAB PAS NYAM THAG CING TZAN DA NI KA ZA BA'I NANG DU SKYE BAR 'GYUR RO, ,DE GAL TE DE LAS THAR NAS KYANG TSE RABS BDUN BRGYAR TZI RI KA DGON PA NA GNAS PA MA RUNGS PA SGRA 'BYIN PA'I NANG DU RI DVAGS RU RUR SKYE BAR 'GYUR TE, LUS RTAG TU BKRES PA DANG, SKOM PAS GDUNGS PAR 'GYUR TE, GAL TE DE LAS THAR NAS KYANG GAL TE MI RNAMS DANG SKAL PA MNYAM PAR MIR SKYES NA, DE RTAG TU KHUR 'KHUR ZHING GZHAN GYIS BKOL BAR 'GYUR, GNOD PA SNA TSOGS KYIS LUS SHIG SHIG POR GYUR CING MTSAN MO DANG, NYIN PAR BDE BAR GNAS PAR MI 'GYUR, RKANG PA DANG, LAG PA DAG RDOL CING GDONG RTAG TU RTZUB PAR 'GYUR, LUS KYI MDOG NGAN PA DRI MA CAN LA RTAG TU GOS DANG BRAL BAR 'GYUR, LAS DE DANG RGYU MTHUN PAR MIR GYUR NA'ANG TSE RABS LNGA BRGYAR MI YI DVAGS KYI GZUGS LTA BUR 'GYUR, MTSAN MO DANG, NYIN PAR LUS DANG, YID BDE BAR GNAS PAR MI 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAMS PAR SMIN PA SHES PA DES SEMS CAN DMYAL BA CHEN PO MNAR MED PA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA BYA 'DZAMS PA SGRA 'BYIN CES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES
THOS PA LAS BYUNG BA'I SHES PAS BRTAGS NA, GANG GIS YUL DGON DUNG NA CHU NYUNG DU ZHIG YOD PA DANG SROG CHAGS RNAMS SU 'BREL TE, DE LA SROG LTOS, DE LA RAG LAS SHING, 'DREN PA SROG 'TSO BA DE DAG DANG 'BREL BA'I CHU DE MI NGAN PA SDANG BA'I SEMS KYIS BCAD DO, ,DE'I CHU BCAD PAS YUL DE THAMS CAD MA RUNG BAR BYAS PA NAS YI DVAGS DANG, BYA'I BAR THAMS CAD KYANG SHI LA GRONG DANG, GRONG KHYER GYI DGE SBYONG DANG, BRAM ZE KUN LA GNOD PAR BYAS, SKOM GYIS GDUNGS PAR BYAS SHING DE'I CHU BCAD PAS YUL MA RUNG BAR BYAS PA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA BYA 'DZAM PA SGRA 'BYIN DU SKYE BAR 'GYUR RO, ,DER SKYES NAS KYANG GANG SEMS CAN DMYAL BA YANG SOS LA SOGS PA'I GNOD PA BSDUS PA DE DAG THAMS CAD 'BYUNG NGO, ,KHYAD PAR DU 'BYUNG BA NI 'DI LTAR DGON PA DPAG TSAD BDUN BRGYA YOD PA DANG, LCAGS KYI SHING LJON PA DANG, RI BRAG RAB TU 'BAR ZHING SHIN TU MI BZAD PA DE LA SEMS CAN DMYAL BA DES PHYIN CI LOG TU CHU DANG, SHING LJON PA DANG, NAGS TSAL DANG, STENG KA PHUN SUM TSOGS PAR MTHONG NGO; ;DE'ANG BKRES PA DANG, SKOM PA DPE MED CING SHIN TU MI BZAD PA'I ME DES BSREGS NAS DU SKAD 'BYIN YONGS SU SMRE SNGAGS 'DON BZHIN DU BDAG GIS BTUNG NGO SNYAM NAS LTENG KA
, ,DE'I DRUNG DU RGYUG PA DANG, DE'ANG BA TSVA RAB TU BSKOL BAS GANG NGO, ,DE NAS YANG GSHIN RJE'I MI LAG NA MTSON THOGS PA BRGYA BYUNG STE, DE DAG GIS DE BZUNG NGO; ;BZUNG NAS KYANG MTSON CHA RNAMS KYIS GSHEG CING 'DRAL LO, ,DE SDUG BSNGAL GNYIS KYIS SDUG BSNGAL BA YIN TE, MTSON CHA DANG, BKRES SKOM GYI SDUG BSNGAL LO, ,DE LTAR YUN RING DU MTSON CHA DANG, DGON PA'I SDUG BSNGAL MYONG NGO, ,DE GAL TE DE NAS THAR NAS KYANG BKRES PA DANG, SKOM PAS NYEN PA GAR BAB TU 'BROS PA DANG, DES CHU BSIL BA DAG CIG MTHONG NAS DER SONG NGO, ,DER SONG BA DANG CHU DE DAG KYANG BYA 'DZAM PA SKAD 'BYIN CES BYA BA GLANG PO CHE TZAM LA MCHU RNO BA ZHIG YIN TE DES BZUNG, BZUNG NAS KYANG GNAM DU 'PHANGS SO; ;'PHANGS PA NA 'KHRUL CING DRAN PA DANG BRAL BAS SLAR LOG PA DANG, SA GZHI RAB TU 'BAR LA SRA ZHING REG PAR MI BZOD PA'I STENG DU RDO BZHIN DU LHUNG STE, DE DER DUM BU BRGYAR GYES SO, ,DE NAS YANG SLAR 'DUS TE SOS PHA DANG, BYA DAG GIS BZUNG NAS DE SNGON BZHIN DU SDUG BSNGAL BAR BYED DO, ,NAD THAMS CAD KYIS KYANG THEBS NAS DE LTAR SNGON BZHIN DU LO BYE BA 'BUM PHRAG DU MAR BYAS PA'I SDUG BSNGAL GYI RNAM PA DE DAG MYONG NGO, ,DE GAL TE DE LAS THAR NAS KYANG YANG GSHIN RJE'I MI RNAMS KYIS BZUNG NGO, ,BZUNG NAS KYANG
ZANGS DMAR PO RAB TU BSKOL BA CHU BO'I KLONG LTA BUR BCUG GO ,DE BCUG NAS DBU BA'I GONG BU BZHIN DU RAB TU BZHUS SO, ,DE NAS YANG SLAR 'BYUNG STE, NYES PAR BYAS PA'I LAS KYI MTHA' DPYAD PA DE DE LTAR YUN RING DU LO BGRANG GIS MI LANG BAR 'TSED DO, ,DE GAL TE DE LAS THAR NAS KYANG LUS BKRES PA DANG, SKOM PAS GDUNGS PA YUL MA RUNG BAR BYED PA DE RANG GI LAS KYIS BYAS PA MYONG BZHIN DU GAR BAB BAB TU 'BROS PA DANG, LAM DU PHUR BU RTZE MO SHIN TU BRDAR CING RNO BA BYUNG STE, DES DE'I RKANG MTHIL LA SOGS PA BRTOL BA NAS PUS MO'I LHA NGA'I BAR DU BRTOL TO, ,RKANG PA BRTOL BA DE LUS NI RAB TU 'BAR, SDUG BSNGAL GYIS NYAM NI THAG ,SNYING RJE RJE SKAD DU KU CO NI 'BYIN, YONGS SU SMRE SNGAGS NI 'DON, DU ZHING RANG GI KHRAG GI NANG DU LHUNG ZHING BYING NGO, ,DE NAS YANG LUS KYI YAN LAG THAMS CAD BSREGS PA LAS LANGS NAS DE LTAR SEMS BLONG BLONG POR GYUR PA DE 'GRO BA DANG, KHYI SO RAB TU 'BAR BA DAG 'ONGS NAS DE DAG GIS BZUNG STE, DE'I YAN LAG DANG, NYING LAG THAMS CAD DANG, PAGS PA DANG, KHRAG DANG, SHA DANG, TSIL DANG, RKANG YAN CHAD LA ZA'O, ,DE LTAR YUL MA RUNG BAR BYED PA DE JI SRID DU DE'I SDIG PA'I LAS BYAS SHING BSAGS PA SO SOR MYONG BAR 'GYUR BA MA ZAD CING MA SPANGS PA DE SRID DU RANG GI GNOD PA YUN RING DU MYONG BAR 'GYUR RO, ,DE PHYIS LAS DE
, ,DANG MTHUN PAR TSE RABS LNGA BRGYAR DUD 'GRO 'PHYE BO RNAMS KYI NANG DU SKYE BAR 'GYUR TE, GAR SKYES PAR SER BAS SAM, SPRUL DAG GIS GSOD PA'AM, RLUNG DAG GIS GSOD PAR 'GYUR, DE DE LAS THAR NAS KYANG GAL TE MI RNAMS DANG SKAL PA MNYAM PAR MIR SKYES NA DE RI KHROD PA'I RIGS SU SKYE ZHING SKYE BO KUN GYIS SMAD PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO MNAR MED PA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA SKAR PHRENG ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA; GANG NYON MONGS PA THAMS CAD ZAD PAR BYED, 'DOD PA 'GOG PA LAS LANGS PA'I DGE SLONG DANG POR SHIN TU BKRES PA DE'I KHA ZAS PHROGS TE, PHROGS NAS KYANG MGU ZHING YID RAB TU DGA' LA YANG DANG YANG DU RO MYONG BAR BYED, LEGS PAR SEMS, DE NYID LA GZHAN DAG KYANG GZENGS BSTOD PAR BYED LA, LAS DANG, LAS KYI NYER BSDOGS DANG, LAS KYI MJUG DANG YANG DAG PAR LDAN PAR BYAS SHING BSAGS PA'I LAS MI BZAD PA RNAM PA DE LTA BU BYED NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SKAR
PHRENG DU SKYE BAR 'GYUR RO, ,DER SKYES NAS KYANG GANG SEMS CAN DMYAL BA YANG SOS LA SOGS PA'I GNOD PA BSDUS PA DE DAG THAMS CAD BRGYA 'GYUR DU 'BYUNG NGO, ,KHYAD PAR DU 'BYUNG BA NI 'DI LTAR SEMS CAN DMYAL BA DE'I GNAS GRVA GNYIS PA YOD DE, KUN NAS RDZA MAS YONGS SU BSKOR TO, ,GRVA GCIG NA RDZA MA RAB TU 'BAR BA SKAR MA BKRAM PA LTA BUR LO BYE BA KHRAG KHRIG SUM CU RTZA DGU DANG, THER 'BUM DGU STONG DANG, BYE BA DUNG PHYUR PHRAG DRUG CU DANG, SKYANG 'PHYIS BYE BA SUM CU SA DZ'A LI NI DANG, KO DA t'U DI KO DA t'U DANG, KE SA RA STONG PHRAG NYI SHU STE, GRANGS KYI TSAD DE SNYED KYI BAR DU 'TSED CING BSREG STE, NYA LTAR 'GRE LDOG GO ,ZANGS DMAR PO BSKOL BA RAB TU 'BAR BA RDZA MAR BLUGS PAR NYIN GCIG BZHIN DU TSA BAR BYAS SHING SDUG BSNGAL DRAG PA RTZUB PA MI ZAD PA 'PHEL TE NGU SKAD 'DON CING CHO NGES 'DEBS SO, ,DE LTAR DE NYES PAR BYAS PA'I LAS SMAD PAR BYA BA RANG GI SEMS LAS BYUNG BAS YUN RING DU SNGA MA BZHIN DU 'TSED DO, ,DE GAL TE PHYOGS GCIG LAS THAR NAS KYANG RLUNG SEMS DANG PHRAG PAR 'JUG CES BYA BA SPU GRI LTA BUS GNAD THAMS CAD DANG, GNAD SO SO DAG BCAD NAS DES SEMS CAN DMYAL BA PA DE'I STENG DU PHYUNG STE, SEMS CAN DMYAL BA PA'I GRVA GNYIS PA DER BCUG GO ,SEMS CAN DMYAL BA RLUNG GIS BDAS NAS GRVA GNYIS SU BCUG PA'I LUS KYI KHAMS
, ,SU GTOGS PA THAMS CAD BYE MA SNYED DU GTUBS SHING BCAD DE LUS LA RTZA RGYUS TZAM LUS PAR BYED DO, ,DE LTAR DE BCAD PA'I LHAG MA DE GSHIN RJE'I MI RNAMS KYIS BZUNG NGO, ,BZUNG NAS RDZA MA SKAR MA'I PHRENG BA LTA BUR RLUNG GIS BDAS TE BCUG GO, DE YANG DANG, YANG DU DER BCUG PA NA RKANG BA GYEN DU BSGRENG ZHING MGO THUR DU BSTAN PA DANG THOG MA NYID DU MGO LHUNG NGO, ,DE'I 'OG TU ZANGS DMAR PO RAB TU BSKOL BAS MIG LTUNG BAR BYED DO, ,DE'I 'OG TU DE'I KHA'I PAGS PA LTUNG BAR BYED DO, ,DE'I MID PAR ZANGS DMAR PO BZHUS PAS GANG STE, DE'I MID PA THAMS CAD KHYAB PAR SREG PA NA DU SKAD 'BYIN PA'AM, 'BROS PAR MI NUS SO, ,DE LTAR DE'I LUS KYI SDUG BSNGAL GYIS NYAM THAG PA YANG DANG YANG DU GSHIN RJE'I MI DE DAG GIS THO BA BLANGS NAS MGO SLAR BYUNG BA DAG LA RDEG PAR BYED DO, ,KLAD PA NYAMS PA DES DE'I LUS THAMS CAD KHYAB STE MGO DANG, LUS DANG, KHOG PA YUN RING DU 'GRE LDOG PA LTAR 'GRE STE, DE LTAR DE SEMS CAN DMYAL BA SKAR PHRENG GI GRVA GNYIS PAR JI SRID DU DE'I SDIG PA'I LAS BYAS SHING BSAGS LA BCOM ZHING SPANGS LA ZAD PAR MA BYAS PA DE SRID DU 'TSED DO, ,DE'I LAS BYAS SHING BSAGS PA ZAD NAS DE DE LAS THAR BAR 'GYUR TE, THAR NAS KYANG LAS DE DANG RGYU MTHUN
PAR TSE RABS STONG DU YI DVAGS ZAS LA RE BAR SKYE BAR 'GYUR TE, DE LTAR TSE RABS BDUN BRGYAR TSEGS CHEN POS LO BRGYAR BSGRUBS NA ZAS LAN GCIG CIG RNYED PAR SKYE BAR 'GYUR, TSE RABS LNGA BRGYAR RI 'OR NA GNAS PA'I RI DVAGS RNAMS KYI NANG DU SKYE BAR 'GYUR TE, RTAG TU 'KHRUL PAS 'JIGS SHING SKYE BO KUN GYIS 'JIGS PA DANG, RI 'OR GYI GSEB MI MED PAR YANG RTAG TU 'KHRUL CING LUS SKEM LA MDOG NGAN PAR 'GYUR RO, ,DE PHYIS LAS KYI LHAG MA DES LINGS PA DAG 'ONG BA'I GNOD PAS SROG DANG BRAL BAR 'GYUR RO, ,DE DE NAS SHI NAS KYANG GAL TE SO SOR MYONG BAR 'GYUR BA'I LAS KYIS MI RNAMS DANG SKAL BA MNYAM PAR MIR SKYES NA, DE RTAG TU TSONG PA'I LAM STON PAR BYED PAR 'GYUR, RTAG TU LUS BKRES SHING SKOM LA DUB PA DANG, YI CHAD PA DANG, GZHAN LA RAG LAS PA MANG BA DANG, SROG TZAM GYIS 'TSO STE, DE LTAR MI'I GZUGS BRNYAN DU GYUR PA, RTAG TU SDUG BSNGAL GYIS SDUG BSNGAL BAR GYUR PA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO MNAR MED PA'I 'KHOR LA BRTAGS NA, DES THOS PA LAS BYUNG BA'I SHES BAS SEMS CAN DMYAL BA SDUG BSNGAL KUN GYIS NYEN ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES
, ,PAS BRTAGS NA, GANG GIS THAMS CAD MKHYEN PA'I GSUNG RAB GLEGS BAM LA BRIS PA SDANG BA'I SEMS DANG, LOG PAR LTA BA DANG, LOG PAR 'KHU BA'I SEMS KYIS 'DI LTAR SANGS RGYAS LA SROG CHAGS DAG CHOS DE NYAN PA DAD PA MED PAR BYA BA'I PHYIR CHOS KYI GZHI BSHIG STE BTANG NGO SNYAM NAS BOR NA DE LOG PAR LTA BA BYAS SHING BSAGS PA'I LAS KYIS SEMS RNYOG PAR BYAS SHING GZHAN DAG KYANG DE LA RAB TU 'JOG PAR BYED, YANG DAG PAR DGA' BAR BYED LA DE NAS YANG CHOS KYI GLEGS BAM DU GTOG PA SDANG BA'I SEMS KYIS 'DOR BAR BYED DE, LAS DANG, LAS KYI NYER BSDOGS DANG, LAS KYI MJUG LA PHYI PHYIR ZHING DE NYID LA DGA' BAR BYED NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA SDUG BSNGAL BA KUN GYIS NYEN PAR SKYE BAR 'GYUR RO, ,DER SKYES NAS KYANG GANG SEMS CAN DMYAL BA YANG SO SO LA SOGS PA BDUN GYIS GNOD PA BSDUS PA DE DAG THAMS CAD 'BYUNG NGO, ,KHYAD PAR DU 'BYUNG BA NI 'DI LTAR DMYAL BA PA'I MIG LA ZANGS DMAR PO RAB TU BZHUS TE CHAG CHAG BTAB PAS RAB TU ZHU BA DANG, DE BZHIN DU BYE MA RAB TU 'BAR BA REG NA, RDO RJE LTAR SRA BA RNAMS KYIS MIG DE LA BTAB NAS LAG PAS BZUNG STE MI ZAD PAS MNYED DO, ,DE LTAR MIG LA MNYED PA GANG YIN
PA DE BYE MA REG PAS RAB TU ZHU'O, ,DE NAS YANG SLAR SKYE BAR 'GYUR TE, YANG MNYED DO, ,SOG LE RAB TU 'BAR BA YANG BLANGS NAS LAG PA GNYIS BCAD DO, ,DE NAS YANG SLAR 'BYUNG BAR 'GYUR TE, PHYED RDZA MA RAB TU 'BAR BA'I NANG DU LHUNG STE 'TSED DO, ,DE'I PHYED KYANG MTSON GYIS BZHOG PAR BYED CING GCOD PAR BYED DO, ,DE'I MIG GNYIS KYIS DAM PA'I CHOS MTHONG NAS BOR BA DE'I RNAM PAR SMIN PA NI DE YIN NO, ,GANG LAG PAS BOR BA DE'I RNAM PAR SMIN PA NI DE'I LAG PA BCAD PA YIN NO, ,GANG GIS NYES PAR SPYAD PA DE BSAGS PA NI RDZA MA'I NANG DU BCUG PA STE, 'TSED PA NA BYA'I MCHU RNO LA RAB TU 'BAR BAS GZAS TE PHUG NAS ZA ZHING STENG GI KHU BA LA 'THUNG BAR BYED DO, ,DE'I 'OG TU SONG BA'I PAGS PA LHAG MA RDZA MA'I NANG DU MA BCUG PA PHYED PO DE NI GSHIN RJE'I MI RNAMS KYIS STE'U YIS BZHOG GO ,PHYED BZHOGS NAS SHIN TU SRAB MOR BYED DO, ,DE NAS BA TSVA'I CHUS KYANG CHAG CHAG 'DEBS SO, ,KHAB RTZE MO RNO ZHING RAB TU 'BAR BA 'BIGS PAR BYED PAS SKABS YOD YOD DU LUS LA 'BIGS PAR BYED DO, ,DE'I MGO'ANG 'KHOR LOS YONGS SU 'KHOR RO, ,DE LAS THAR PA DANG KUN NAS RAB TU BZHUGS PA'I RGYUN MI 'CHAD PA'I 'BAB PA DE LA 'THUNG BAR BYED DO, ,DE LTAR DE GNOD PA MYONG BA NA DER LAS MI ZAD PA BYAS SHING BSAGS PA JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR MA
, ,BYAS PA DE SRID DU MYONG BAR 'GYUR RO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PAR TSE RABS LNGA BRGYAR YI DVAGS DUD PA ZA BA RNAMS KYI NANG DU SKYE BAR 'GYUR TE, DE'I SNYING NGAN SONG GIS BSGRIBS LA LUS LA GNOD PAR 'GYUR RO, ,GAL TE DE LAS THAR NAS KYANG TSE RABS BDUN BRGYAR DUD 'GRO MTSAN MO RGYU BA 'UG PA THUR DU LTA BAR SKYE BAR 'GYUR, DE LAS THAR NAS KYANG SO SOR MYONG BAR 'GYUR BA'I LAS KYIS GAL TE MI RNAMS DANG SKAL PA MNYAM PAR MIR SKYES NA, TSE RABS BDUN BRGYAR GANGS KHROD DU GNAS SHING ZAS SU KO DRA ZA LA DBUL BA DANG, KLA KLOR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO MNAR MED PA'I 'KHOR LA BRTAGS NA, DES THOS PA LAS BYUNG BA'I SHES PAS SEMS CAN DMYAL BA GOS DRI ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, LOG PAR LTA BA GANG GIS CHED DU BSAMS, CHED CHER BYAS, DGA' BAR BYAS, SHES PAR BYAS SHING MNGON PAR ZHEN PA'I BLOS 'DI LTAR YO BYAD 'DI DAG BSREGS PAS DGE SLONG DE DAG MA RUNG BAR BYA'O SNYAM NAS DGE 'DUN GYI ZHING NGAM, BU RAM SHING NGAM,
LDUM RA'AM, KUN DGA'I RA BA'AM, DE LAS GZHAN PA DGE 'DUN GYI 'TSO BA'I YO BYAD RNAMS MES BSREGS LA DE LAS DANG, LAS KYI MJUG PA DANG LDAN NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA GOS DRIR SKYE BAR 'GYUR RO, ,DER SKYES NAS KYANG GANG SEMS CAN DMYAL BA YANG SOS LA SOGS PA BDUN GYI GNOD PA BSDUS PA DE DAG THAMS CAD BRGYA 'GYUR DU 'BYUNG NGO, ,KHYAD PAR DU 'BYUNG BA NI 'DI LTAR SEMS CAN DMYAL BA DE KUN NAS DRA BA RAB TU 'BAR BAS 'KHOR TE KUN NAS DRA BA KHAB KYI BU GA TZAM GYIS KHEBS PA DER SKYES SO, ,SEMS CAN DMYAL BA DE GSHIN RJE'I MI RNAMS KYIS MDA' RAB TU 'BAR ZHING RNO LA SHUGS DRAG PAS GLO GNYIS KAR BRGYAB PA NA DRA BA DE'I NANG NAS 'GROS PA DANG, DE DRA BA'I MIG NAS 'BROS PAR MI NUS SHING DE 'DRA BA DER SHIN TU THOGS TE, DE'I DRA BA RNO BA'I MTHUS BDAG NYID 'BYIN PAR MI NUS SO, ,DRA BA DES LAG PA'ANG GCOD PAR BYED, RTZIB LOGS KYANG BZHOG PAR BYED, YAN LAG DANG, NYING LAG THAMS CAD KYANG RUS PA LA THUG GI BAR DU BZHOG PAR BYED DO, ,DRA BA DES BZHOG PA NA YANG YANG DU GSHIN RJE'I MI DE RNAMS KYIS MDE'U'I RTZE MO SHIN TU BDAR BAS LAN BRGYA'AM, YANG NA STONG DU GSOD DO, ,LAS KYI DRA BAS BSGRIBS PA DE MDA'I SDUG BSNGAL GYIS YUN RING DU NYON MONGS TE, SEMS CAN DMYAL BA DER JI SRID DU
, ,DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR MA BYAS PA DE SRID DU SDUG BSNGAL MI ZAD PA RTZUB PA GZHAN DANG MI 'DRA BA DAG MYONG BAR 'GYUR RO, ,DE PHYIS SEMS CAN DMYAL BA DE LAS THAR BAR 'GYUR TE, THAR NAS KYANG DE DANG RGYU MTHUN PAR TSE RABS BDUN BRGYAR YI DVAGS KHYIM GYI NANG NA BU 'BYIN PA'I SKAD NGAN 'DON PA RNAMS KYI NANG DU SKYE BAR 'GYUR, DE LAS THAR NAS KYANG TSE RABS LNGA BRGYAR DUD 'GRO'I SKYE GNAS KHYIM BYA DANG, RMA BYA DANG, BA LANG DAG GI LCI BA'I NANG DU SKYE BAR 'GYUR, DE LAS THAR NAS KYANG DE MI RNAMS DANG SKAL BA MNYAM PAR MIR SKYES NA, DE LAS DE DANG RGYU MTHUN PAR GTUM PO'I BU BTZA' BA'I KHYIM DU SKYE BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO MNAR MED PA'I 'KHOR LO BRTAGS NA, DES THOS PA LAS BYUNG BA'I SHES PAS SEMS CAN DMYAL BA LCAGS GLEBS ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, MI BRTAN PA DANG, MI BRTAN PA'I SEMS KYI BLO NGAN PA BSLU BA'I BSAM PA GANG GIS 'DI LTAR DBYAR ZAS MED PA'I TSE, DGE SLONG DAG LA NAD KYI GSOS SMAN GYI RKYEN DANG, ZAS DAG
SBYAR GYI, DGE SLONG DAG ,SEMS LAS CHUNG DUR GYIS SHIG ,TSEGS CHUNG DUS GNAS PAR GYIS SHIG ,YID KYI LAS CHUNG BAR GYIS SHIG CES SMRAS NAS, DGE SLONG DAG SPYAN DRANGS LA, DGE SLONG DE DAG KYANG DE'I DAD PA BSKYED PA DES ZAS MED PA'I TSE'ANG DE'I DAD PA BSKYED PA DES YON BDAG GZHAN DU MA BTZAL TO, ,DE NAS YANG MI NGAN PA DES DGE SLONG DE DAG GI RE BA MED PAR BYAS PA DANG, ZAS MED PA DE'I TSE LA LA NI 'CHI BA'I DUS BYED, LA LA NI DGE BA'I CHOS BSKYED PAR MI NUS, LA LA NI SHIN TU SDUG BSNGAL BAR GYUR, LA LA NI YUL GZHAN DU 'GRO BAR BYED DE, DE LTAR GANG DGE SLONG DE DAG LA RDZUN BYAS PA DE SEMS CAN DMYAL BA LCAGS GLEBS SU SKYE BAR 'GYUR RO, ,DER SKYES NAS KYANG SEMS CAN DMYAL BA YANG SOS LA SOGS PA'I GNOD PA BSDUS PA DE DAG THAMS CAD 'BYUNG BAR 'GYUR RO, ,KHYAD PAR DU 'BYUNG BA NI 'DI LTAR SEMS CAN DMYAL BA PA DE ME'I PHUNG PO BCU GCIG GIS YONGS SU BSKOR CING BKRES PA DANG, SKOM PAS YONGS SU GDUNGS LA, GSHIN RJE'I MI RNAMS KYIS YANG DANG, YANG DU ZANGS DMAR PO BSKOL BA DANG, LCAGS KYI THU LUM RAB TU 'BAR BAS SEMS CAN DMYAL BA LUS RNAM PAR ZHUM PA DE PADMA CHEN PO KHA BTZUMS PA DANG, PHYE BA LTAR SREG GO ,'TSED DO, ,SKEMS SO, ,GSOD DO, ,DE NAS YANG SLAR SKYE BAR 'GYUR TE, GNOD PA KHYAD PAR DU 'BYUNG BA NI JI LTAR LAS BYAS PA BZHIN D
, ,DE'I LCAGS GLEBS PA CHU ZHENG DPAG TSAD LNGA YOD PA KUN NAS RAB TU 'BAR LA KUN NAS ME LCE GCIG TU GYUR PA KHYER TE DES SLU BAR BYED PA DE YONGS SU BKRES SHING DU MAR BSKOR TO, ,LUS KUN NAS RAB TU 'BAR BA KU CO 'DON PA NAS SO SOR NYAMS SHING THAMS CAD NAS BDE BA KHAB KYI BU GA TZAM YANG MED DO, ,ME DANG, LCAGS GLEBS PA DES RTAG TU KHYAB STE, DE LTAR DE SDUG BSNGAL DRAG PA RTZUB PA SHIN TU MI ZAD PA DAG MYONG NGO, ,BKRES PA DANG, SKOM PAR GYUR CING LCAGS GLEBS PA DANG, ME 'BYUNG BAS DE LTAR DE JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR MA BYAS PA DE SRID DU GNOD PA DE DAG MYONG BAR 'GYUR RO, ,DE DE LAS THAR NA LAS DE DAG DANG RGYU MTHUN PAR TSE RABS BDUN STONG DU YI DVAGS KLAD RGYAS ZA BA RNAMS KYI NANG DU SKYE BAR 'GYUR RO, ,DE LAS THAR NAS KYANG TSE RABS BDUN STONG DU DUD 'GRO KHA ZAS MED PA'AM, ME ZA BA RNAMS KYI NANG DU SKYE BAR 'GYUR RO; ;DE LAS THAR NAS KYANG GAL TE SO SOR MYONG BAR 'GYUR BA'I LAS KYIS MI RNAMS DANG SKAL BA MNYAM PAR MIR SKYES NA, DE RTAG TU RGYAL POS BTZON RAR BCUG CING TSE RABS LNGA BRGYAR BKRES PA DANG, SKOM PA DAG GIS 'CHI BA'I DUS BYED PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO
MNAR MED PA'I 'KHOR LA BRTAGS NA DES THOS PA LAS BYUNG BA'I SHES PAS SEMS CAN DMYAL BA 'GRO BA MES SREG CES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS 'DI LTAR 'PHAGS PA DANG, 'PHAGS PA'I GANG ZAG MI GNAS PAR BYA'O SNYAM NAS SANGS RGYAS KYI GTZUG LAG KHANG 'JIG PAR BYED DAM, DE SANGS RGYAS KYI GSUNG RAB YI GER BRIS PA 'BYID DAM, KLAN KA BTZAL BA'I PHYIR MKHAS PA DAG LA MI MKHAS PA'I BDAG NYID CAN GYIS SANGS RGYAS KYI GSUNG RAB NYAN PAR BYED DE, THOS NAS KYANG CHOS 'DUL BA DE LA 'JUG PAR MI BYED CING YONGS SU MI SNYAN PAR BRJOD LA, BRJOD NAS KYANG KUN TU BSTEN CING BSGOMS LA MANG DU BYED NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA 'GRO BA MES SREG TU SKYE BAR 'GYUR RO, ,DER SKYES NAS KYANG SEMS CAN DMYAL BA YANG SOS LA SOGS PA'I GNOD PA BSDUS PA DE DAG THAMS CAD BRGYA 'GYUR DU 'BYUNG NGO, ,KHYAD PAR DU 'BYUNG BA NI 'DI LTAR SEMS CAN DMYAL BA DE LA KHYAD PAR THAMS CAD STONG 'GYUR DU 'BYUNG STE, SPRUL RNAMS KYIS 'KHRIS SHING KUN NAS DRA BAR GANG BA DER SEMS CAN DMYAL BA DER 'GRO BAR BYED DO, ,'GRO BA NA GSHIN RJE'I MI LAG NA THO BA THOGS PA DE DAG THAMS CAD KYIS SREG PAR BYED DE, DUG
, ,GI ME TSAN PO CHES KYANG SREG PAR BYED DO, ,DE DUG DANG, SEMS CAN DMYAL BA'I ME GNYIS KYI NANG DU SREG PA NA SNYING RJE RJE SKAD DU SKAD 'BYIN, SMRE SNGAGS 'DON, CHO NGES 'DEBS SO, ,DE DE LTAR CHO NGES 'DEBS PA DANG, 'DI LTAR GSHIN RJE'I MI RNAMS KYIS RJES SU BSTAN PA TSIGS SU BCAD DE SMRAS PA, GLEN PA DAM PA'I CHOS YUL LA; ;RMONGS PA'I SHUGS KYIS THAMS CAD DU, ,SRED PA'I DUG GIS MYOS PA DAG ,DON MED CI ZHIG YONGS SU SMRE, ,SDIG BYED DGA' BAR MTHONG BA NI, ,BZLOG NA MTHONG BA MED PA YIN,, SDIG PA BYED TSE BDE BA NI, ,BZLOG NA ME DANG 'DRA BA YIN, ,SDIG PA BYED PA'I MI DAG NI, ,'JIG RTEN KUN GYIS RNAM PAR SMAD, ,DGE BA BYED PA RTAG TU BSTOD, ,DE BAS SDIG PA RNAM PAR SPONGS, ,MI 'DOD MI PHAN SDANG BA YI, ,RNAM PAR SMIN PA SDUG BSNGAL TSA, ,SDIG PA SDIG PA'I RNAM SMIN TE, ,DE LTAR BLO LDAN DE SPONGS SHIG ,SDIG LA RTAG TU SDIG PA YOD, ,SDIG PA MED LA SDIG MED DO, ,BYED LA LTOS LA SDIG YOD DE, ,BYED PA RNAMS KYI RJES SU 'JUG ,SDIG PA SEMS LA RAG LAS SHING, ,'BRAS BU SEMS LA RAG LAS TE, ,SEMS NI RKYEN LAS SKYES PAR MTHONG, ,RGYU DANG RKYEN LAS SHIN TU 'BYUNG, ,SEMS CAN SEMS KYIS BSLUS NAS SU, ,SDIG PA'I DBANG GIS 'ONGS PA DANG, ,GNOD PA'I MCHOG STE STOBS PO CHE, ,SEMS
CAN DMYAL BA DRAG POR 'GRO ,SEMS DBANG GYUR PA MI 'GRO STE, ,RTAG TU CHOS DBANG 'GYUR MI 'GRO, ,CHOS SPYOD PA NI RTAG TU BDE, ,SDIG SPYOD PA NI MI BDE'O, ,CHOS MA YIN PAS LEGS MED CING, ,LOG PAR 'TSED PAR MI BYED DE, ,RGYU DANG 'DRA BAR DE MTHONG ZHING, ,'BRAS BU SNA TSOGS 'GRUB PAR 'GYUR, ,RGYU DANG 'BRAS BU MTHUN PAR 'BYUNG, ,NAM YANG LOG PAR 'BYUNG MED DE, , 'DUS BYAS KYI NI CHOS 'DI DAG ,RGYU DANG 'BRAS BUR SHIN TU 'BYUNG, ,RGYU MED 'BRAS BU YOD MA MTHONG, ,SEMS CAN DMYAL BAR RNAM PAR PHYE, ,RGYU SBYOR LAS NI 'BRAS BUR SBYOR, ,SEMS CAN DMYAL BAR RNAM PAR 'TSED, ,BYAS SHING BSAGS PA DRAG PA DANG, ,NGES PAR NGAN 'GROR 'GRO BA YI, ,LAS DANG 'BRAS BUR 'BREL PA NI, ,SEMS CAN DMYAL BAR RNAM PAR 'TSED, ,SO SOR BSHAGS PA'I RNAM PA YIS, ,LAS GANG RNAM PAR BZLOG BYA BA, ,DE MI 'DOD PA LAM DE NYID, ,RNAM PAR MTHONG BAS 'BRAS BU MTHONG, ,'OD GANG SGRON LA RAG LAS TE, ,DE BZHIN 'BRAS BU LAS LA THOGS, ,GZHAN DANG GZHAN LAS 'BRAS 'BYUNG STE, ,'DUS BYAS THAMS CAD DE 'DRA'O, ,GZHAN DANG GZHAN LAS DE MTHONG STE, ,GZHAN DANG GZHAN DU DBANG SBYOR RO, ,MTHUN PAR RJES SU 'BREL BA NI, ,DE NYID MTHONG BA DAG GIS MTHONG, ,RGYUD LA RGYU 'BRAS MED MIN TE, ,DBANG PHYUG LA SOGS GNAS PA MED, ,'DUS BYAS CHOS KUN 'BYUNG BA NI, ,DE NYID MTHONG BA
, ,DAG GIS BSTAN, ,'KHOR BA THOG MA MED PA NAS, ,RGYU DANG RKYEN LAS BYUNG BA STE, ,LAS RNAMS DANG NI MTHUN PAR MTHONG, ,LOG PAR BRTAG PAR MI BYA'O, ,GANG 'DOD LAS KYI DBANG SONG BA, ,SROG CHAGS LAS KYI RGYU LAS SKYES, ,LAS 'BRAS DE NYID SHES PA DE, ,DAG PA YIN ZHES MNGON PAR RTOGS, ,GTI MUG ZHAGS PA'I DBANG SONG BA, ,KHYOD KYIS SDIG DE RTAG TU BYAS, ,SDIG DANG BCAS PA'I LAS BYAS PAS, ,BYIS PA DON MED CI ZHIG GDUNG, ,SDIG LA SDIG PA RTAG TU GNAS, ,DE BZHIN CHOS LA CHOS GNAS TE, ,DE NYID LAS NI STON BYED PA, ,BRTAN PA DAG GIS GNYIG SPONG, ,SANGS RGYAS BSTAN LA RMONGS PA DANG, ,LAM DANG LAM MIN RMONGS PA GANG, ,DE DAG LA NI ZHI MED DE, ,MUN PA LA NI NYI MA BZHIN, ,RTAG TU CHOS DANG CHOS MIN DANG, ,RGYU DANG RKYEN LA RMONGS PA DANG, ,GNOD MCHOG SHIN TU MI ZAD PA, ,SEMS CAN DMYAL BA DRAG PO THOB, ,GTAN TSIGS LDAN PA'I TSIGS RNAMS KYIS, ,DE LA BSGO NAS GSHIN RJE'I MI, ,MDUNG THUNG GTUN SHING THOGS NAS SU, ,DE NAS KHRO ZHING RNGAM PAR 'GYUR, ,DE NAS YANG MTSON CHA RNAM PA DU MA DAG THOGS NAS JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR MA GYUR PA DE SRID DU LO 'BUM PHRAG DU MA'I DUS NAS BSKYED PA RANG GI LAS KYIS BYAS PA LA SPYOD PA'I SEMS CAN DMYAL BA DE DAG LA GSOD DO, ,DE PHYIS
SEMS CAN DMYAL BA DE LAS THAR BAR 'GYUR TE, THAR NAS KYANG LAS DE'I MTHUS TSE RABS BDUN BRGYAR YI DVAGS GTOR KHUNG NAS 'BAB PA 'THUNG BA RNAMS KYI NANG DU SKYE BAR 'GYUR, DE DE LAS THAR NAS KYANG LAS DE DANG RGYU MTHUN PAR TSE RABS LNGA BRGYAR DUD 'GRO SI MI SI MI RNAMS KYI NANG DU SKYE BAR 'GYUR TE, DE LAS THAR NAS KYANG MI RNAMS KYI NANG DU BYA ROG LTAR DMAN PAR SKYE BAR 'GYUR TE, DER RTAG TU KHA ZAS SNYING PO MED PA ZA ZHING SKOM YANG RNYOG PA CAN 'THUNG BAR 'GYUR LA SKOM DE'ANG LAN 'GA' ZHIG 'THUNG BAR 'GYUR BA MTHONG NGO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO BCO BRGYAD PA, DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA CHEN PO MNAR MED PA'I 'KHOR LA BRTAGS NA, DES 'OG DANG, THAD KAR PHRA BA'AM, RAGS PA'AM, RJES SU ZHUGS PA'I 'KHOR GANG BCU BDUN PA GCIG KYANG MI MTHONG NGO, ,DE DE LTAR SEMS PA NA LAM MTHONG BA'I DGE SLONG DE 'DI SNYAM DU SEMS TE, KYE AE MA, BDAG GIS SEMS CAN DMYAL BA BRGYAD PO DAG GI 'KHOR BCU DRUG RNAMS KYI MTHA' MTHONG STE, NYES PAR BYAS PA'I LAS KYIS 'DI DE TZAM ZHIG PA LTA SNYAM MO, ,BYIS PA SO SO'I SKYE BO THAMS CAD KYIS BYAS SHING BSAGS PA GNOD PA'I SA DANG, LAS NGAN PA BYAS SHING MNGON DU GYUR PA'I SEMS CAN DMYAL BA CHEN PO BRGYAD KYI 'KHOR LAS
, ,SKYES PA'AM, DE BZHIN DU CHES SHIN TU LCI BA'I RNAM PA MNAR MED PA GANG DU SEMS CAN DMYAL BA CHEN PO MNAR MED PA MA GTOGS PAR SROG CHAGS DAG SREG PA'I SEMS CAN DMYAL BA CHEN PO GZHAN DGU PA MA MTHONG NGO, ,GANG DU 'DI'I PHYOGS GCIG LAS STONG GI CHA GCIG CIG BSTAN TE, RGYU GANG NGAS BSHAD PA'AM, MNYAM PA'AM, DPE BYA BAR YANG SLA BA MA YIN NO, ,DE LTAR SEMS CAN DMYAL BA PA'I SDUG BSNGAL BZOD PAR DKA' BA DE LTAR GZHAN DANG MTSUNGS PA MED PA SDUG BSNGAL DPE MED PA DE RGYU GANG DANG, MNYAM PA GANG DANG, GANG DE NYID KHONG DU CHUD CING SHES PAR BYAS NA GANG KHRAG TU SKYUGS NAS 'CHI BAR 'GYUR TE, DE LTAR SEMS CAN DMYAL BA DE'I GNOD PA SDUG BSNGAL BAS CHES SDUG BSNGAL BA MI 'DOD PA, MI SDUG PA, YID DU MI 'ONG BA YIN NO, ,DE NAS DGE SLONG DES SEMS CAN DMYAL BA DE MTHONG NAS 'KHOR BA'I SDUG BSNGAL THAMS CAD LA YID BYUNG STE, 'DUS BYAS THAMS CAD LA MI RTAG PA DANG, SDUG BSNGAL BA DANG, STONG PA DANG, BDAG MED PAR MTHONG NGO, ,DE'I 'OG TU 'PHAGS PA'I BDEN PA 'DI LA RNAM PAR DPYAD PAS 'KHOR BA LA SEMS SHIN TU 'DOD CHAGS DANG BRAL BAR BYED, YID BYUNG BAR BYED, MI DGA' BAR BYED CING 'KHOR BA LA SMOD PAR BYED DO, ,RNAM PA DE DAG GIS 'KHOR BA MI ZAD PA SHIN TU 'JIGS PAR MTHONG NAS,
DE 'DI SNYAM DU SEMS TE, KYE AE MA, SEMS CAN 'DI DAG NI LHA'I LTA BA DANG SHIN TU BRAL ZHING MIG DANG BRAL BA YIN TE, YANG DANG, YANG DU SEMS CAN DMYAL BA SHIN TU MI BZAD PA, SHIN TU TSA BA, SHIN TU 'JIGS PAR SKYES KYANG SKYO BAR MI BYED DE, BYIS PA SO SO'I SKYE BO 'DI DAG 'KHOR BA THOG MA MED PA NAS SRED PA'I ZHAGS PAS BCINGS PA YIN SNYAM MO, ,DE NAS YANG RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA 'DI LTAR DGE SLONG RGYUN MI 'CHAD PAR SPRO BA DE MI ZAD PA BAS KYANG SHIN TU MI ZAD PA SEMS CAN DMYAL BA YANG SOS LA SOGS PA MNAR MED PA'I BAR GYI LAS KYI 'BRAS BU RNAM PAR SMIN PA THAMS CAD KYIS SA GZHAN BCU GSUM PA LA ZHUGS TE, BDUD KYI YUL LA MI DGA' ZHING BDUD KYI DBANG DU MI 'GRO, BDUD KYI 'CHING BA THAMS CAD RNAM PAR GCOD CING BDUD KYI YUL LA GNAS PAR MI BYED DE, RTAG TU BRTZON PA'I DGE SLONG DES BAG LA NYAL GYI SPYOD PA MA LUS PAR BCAD NAS MYA NGAN LAS 'DAS PA'I GRONG KHYER DU 'JUG PAR BYED DO, ,DE'I SPRO BA SA BLA BA'I GNOD SBYIN DAG GIS MTHONG NAS BAR SNANG LA SPYOD PA'I GNOD SBYIN RNAMS LA BSNYAD DE, 'DI LTAR GANG RIGS CHE GE MO ZHIG LAS RIGS KYI BU DE GRONG MANG GE MO ZHIG DANG, GRONG RDAL GA GE MO ZHIG DANG, YUL GA GE MO ZHIG NAS SKRA DANG, KHA SPU BREGS, GOS NGUR SMRIG BGOS NAS DAD PAS KHYIM NAS KHYIM
, ,MED PAR RAB TU BYUNG STE, RTZOL ZHING 'BAD PA NA YANG DAG PA'I LAM GZHAN DANG MI 'DRA BA'I LTA BA THUN MONG MA YIN PA 'JIG RTEN LAS 'DAS PA LAS KYI CHOS KYI RNAM PAR SMIN PA SHES PA DES, SA GZHAN BCU GCIG PA BZHUGS TE, SEMS CAN DMYAL BAR ZHUGS PA RNAMS KYI THOG MA DANG, THA MA'I SDUG BSNGAL SHES SO, ,DE LTAR SA BLA'I GNOD SBYIN DAG GIS BAR SNANG LA SPYOD PA'I GNOD SBYIN DAG LA BSNYAD DO, ,DE DAG GIS KYANG DE LTAR SNGA MA BZHIN DU RGYAL PO CHEN PO BZHI LA BSNYAD DO, ,DE DAG GIS KYANG SUM CU RTZA GSUM PA RNAMS LA, DE DAG GIS KYANG 'THAB BRAL RNAMS LA, 'THAB BRAL BA RNAMS KYIS KYANG DGA' LDAN PA RNAMS LA, DGA' LDAN PA RNAMS KYIS KYANG 'PHRUL DGA' RNAMS LA, 'PHRUL DGA' RNAMS KYIS KYANG GZHAN 'PHRUL DBANG BYED PA RNAMS LA BSNYAD DO, ,DE LTAR RIM GYIS SNGA MA BZHIN DU 'OD CHUNG GI LHA RNAMS KYI BAR LA BSNYAD DE, 'DI LTAR LHA KHYED CAG SEMS SHIN TU MNYAM PAR BZHAG PAS NYON CIG ,'DI LTAR DZAMBU'I GLING NA RIGS CHE GE MO ZHIG LAS RIGS KYI BU MANG GE MO ZHIG YUL GO MO ZHIG NAS SKRA DANG, KHA SPU BREGS, GOS NGUR SMRIG BA GOS NAS DAD PAS KHYIM NAS KHYIM MED PAR RAB TU BYUNG STE, DE RTZOL ZHING 'BAD LA SGRIM PA NA SPRO BA MI 'DRI ZHING BDUD KYI DNGOS PO MI 'DOD LA DGA' BA'I 'DOD CHAGS KYI
MOD LAS BYUNG BA'I SRED PA DANG LHAN CIG SHIN TU CHAGS PAR MI BYED, KUN NAS NYON MONGS SHING MI SDUG PA GZUGS DANG, SGRA DANG, DRI DANG, RO DANG, REG BYA RNAMS KYIS SHIN TU CHAGS PAR MI BYED DE, DE SA GZHAN BCU GSUM PA LA ZHUGS SO, ,SEMS CAN DMYAL BA BRGYAD PO KUN GYI LAS KYI CHOS KYI RNAM PAR SMIN PA SHES PA'I DGE SLONG GIS 'KHOR BA MA RIG PA'I MUN PA'I SDUG BSNGAL THAMS CAD SHES NAS JI LTA BA BZHIN DU YID BYUNG STE, BDUD KYI PHYOGS KYI DNGOS PO NI DMAS SO, ,DAM PA'I CHOS KYI PHYOGS NI MNGON PAR MTHO'O ZHES DE THOS NAS 'OD CHUNG GI LHA RNAMS MCHOG TU DGA' ZHING 'KHOD DO, ,'DI LTAR BDUD KYI PHYOGS NI DMAS SO, ,DAM PA'I CHOS KYI PHYOGS NI MNGON PAR MTHO'O SNYAM MO, ,DE LTAR LHA RNAMS DGA' BA'I YID KYIS DAM PA'I CHOS NYAN PAR 'GYUR NA GANG DAD PA DANG, DAD PA'I RJES SU 'BRANG ZHING DE KHO NA NYID MTHONG BA'I SKYES BU DAM PA DE DAG LAS DE DANG RGYU MTHUN PAR DAM PA'I CHOS 'PHEL ZHING RGYAS PA YID DGA' BAR 'GYUR BA LTA SMOS KYANG CI DGOS, DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA'I GNOD PA RGYA MTSO'I CHU LTA BU KUN TU SRED PA, KLONG LTA BUR G-YO BA SEMS CAN DMYAL BA CHEN PO YANG SOS LA SOGS PA NAS MNAR MED PA'I BAR RGYA CHE BA'I NANG SA'I 'OG 'JIGS PAR RDZOGS BYED DANG, KUN TU RGYU DANG, KO KA LI KA DANG, LHAS
, ,BYIN DAG NYA DANG, CHU SRIN CHEN PO LTAR ZIN CING SEMS CAN DMYAL BA PA'I LHAG MA NYA MID DANG, NYA MID CHEN PO DANG, CHU SRIN NA KRA DANG, CHU SRIN KUM BHI RA DANG, CHU SRIN BYIS PA GSOD DANG, RUS SBAL DANG, SRAM 'KHRUGS PA LTA BU DAG 'DOD CHAGS ZHE SDANG GTI MUG RLUNG GI SHUGS DANG, KLONG 'KHYIL BA LTA BUS SEMS G-YO BA'I RLABS KLONG LTA BUR 'KHYIL BA DE'I DUS KYI MTHA'I SHUGS DBU BA LTA BUS SEMS CAN DMYAL BA PA GNOD PA RAB TU MANG BA MCHI MA LTAR GANG BAR DU ZHING SMRE SNGAGS 'DON LA CHO NGES 'DEBS, HA HA'I SGRA SKAD KYI SHUGS DANG, SEMS KYI SHUGS RLABS LTAR MANG BA NYES PAR BYAS PA'I LAS KLU'I SHUGS LTA BUS SDUG BSNGAL CHAR LTAR 'BEBS SHING MNAR MED PA ZAB MOR BSKAL PA'I MTHA'I ME 'BAR BA'I SHUGS KYIS KHOR YUG DANG, CHU BCOS PA LTA BU'I SEMS CAN DMYAL BA CHEN PO'I SDUG BSNGAL RGYA MTSO LTA BUR MTHA' MED LA MI ZAD PA MTHONG NAS DGE SLONG DE YID BYUNG STE, 'DI LTAR TSIGS SU BCAD DE SMRAS PA, SRED PAS YONGS SU BSLUS BYAS SHING, ,RMONGS PA RMONGS PA'I SEMS CAN DAG ,SKYES SHING 'CHI BA NYAM NGA BA, ,'OG TU 'JIG RTEN 'GRO BAR 'GYUR, ,MI YUL LAS NI DMYAL BAR 'GYUR, ,DMYAL BA LAS NI LHA YUL DU, ,MI NYID LAS NI DUD 'GROR 'GRO, ,DE NAS YI DVAGS
'GRO BAR 'GYUR, ,SEMS CAN 'DOD CHAGS DBANG SONG BA, ,RANG GI LAS KYIS 'GRO BA 'KHRUL, ,GTI MUG ZHAGS PAS BCINGS PA DAG ,SRID PA'I MTSOR NI RNAM PAR 'KHYAMS, , 'KHOR BAR MI NI SDUG BSNGAL 'DI, ,RNAM PA SNA TSOGS GOMS BYAS TE, ,DER NI RGYU DE GOMS PAS NA, ,JI LTAR MCHOG TU SKYE MI 'GYUR, ,LHA DAG BAG MED PA YIS NYAMS, ,MI DAG YONGS SU TSOL BAS NYAMS, ,YI DVAGS BKRES DANG SKOM PAS NYAMS, ,DUD 'GRO GCIG LA GCIG ZA'O, ,SEMS CAN DMYAL BA DMYAL BA'I MES, ,YI DVAGS RMONGS PAS RTAG TU NYAMS, ,'KHOR BA KHAB KYI RTZE TZAM YANG, ,BDE BA NYID NI CUNG ZAD MED, ,RMONGS PA'I SEMS KYIS SKYE BO DAG ,SDUG BSNGAL LAS NI BDE LA CHAGS, ,SDUG BSNGAL 'DI LAS THAR BA GANG, ,GANG DAG LAM NI STON PA MED, ,GANG DAG RTAG TU CHOS MI BSGRUB, ,GANG DAG RTAG TU BDEN MI BSGRUB, ,BSAM GTAN RTAG TU MI BSGRUB GANG, ,DE DAG SDUG BSNGAL BRAL MI 'GYUR, ,'JIG RTEN 'DI DANG PHA ROL TU, ,RTAG TU MA 'DRA PHA 'DRA ZHING, ,GNYEN DANG 'DRA ZHING SGRON 'DRA BA, ,SANGS RGYAS KYIS NI CHOS BSTAN TO, ,RTAG TU NYES GSUM DBANG SONG BA, ,PHUNG PO GSUM NAS SEMS CAN DAG ,RTAG TU KHAMS GSUM DAG TU 'JUG ,DE NI SDUG BSNGAL GSUM DANG LDAN, ,LAS GSUM DBANG SONG 'KHRUL PA DAG ,DE NI NGAN SONG GSUM NA RGYU, ,
, ,SRID GSUM CHAGS PA'I 'GRO BA DAG ,RIM PA GSUM DU RNAM PAR RGYU, ,GANG ZHIG DKON MCHOG MCHOG GSUM DANG, ,GANG ZHIG BYANG CHUB GSUM DBANG SONG, ,GANG ZHIG LTA BA GSUM SPANGS PA, ,DE DAG LA NI SDUG BSNGAL MED, ,DUS SKABS GSUM LA RTAG GNAS SHING, ,DGA' BA GSUM GYI DE NYID MTHONG, ,GSUM GYI CHA YIS LTO 'GRANGS PA, ,DE NI MYA NGAN BRAL BAR 'GYUR, ,PHUNG PO GSUM LA SEMS MNYAM ZHING, ,LAS GSUM RNAM PAR DPYOD PA GANG, ,DE NI 'KHOR BAR MYA NGAN GYI, ,RNAM PA BRAL ZHING RIMS MED 'GYUR, ,LAM DANG LAM MIN RNAM PA SHES, ,DNGOS DANG DNGOS MED RNAM SEMS PA, ,BYAMS PA'I SEMS NI BSGOMS PA GANG, ,DE NI 'GRO BA MCHOG TU 'GRO, ,KUN NAS RAB TU RNAM GSAL ZHING, ,DBA' BO RNYOG PA MED PA YI, ,YID NI SDIG DANG MA 'DRES PA, ,MI DE RNAM PAR RAB TU GROL, ,GANG ZHIG YANG DAG LAM ZHUGS SHING, ,DRAN DANG LDAN PA STOBS CHE LA, ,SRID PA DAG LA 'DOD BRAL BA, ,DE NI NGES PAR GOL BAR 'GYUR, ,SRID PA 'DOD CING DGA' BA LA, ,MI GANG MNGON PAR MI DGA' BA, ,DE LA SRID LAS SKYES PA YI, ,SDUG BSNGAL SHIN TU CHUNG BA'ANG MED, ,MA BZAD LAS NI MI BZAD 'BYUNG, ,MI BZAD PA YIS YONGS BSGYUR BA, ,'DOD PA DUG DANG ME LTA BU, ,RAB TU BSGRIMS TE SPANG BAR GYIS, ,'DOD PA YONGS SU
SPANG BYAS SHING, ,RTAG TU THAR LA DGA' BA NI, ,NYI MA SHAR BAS MUN MED LTAR, ,MI DGE'I CHOS RNAMS 'JIG PAR 'GYUR, ,DE LTAR RTAG TU DGE BSTEN ZHING, ,MI DGE BA NYID SPANG BAR GYIS, , MDOR NA NGES PAR BSTAN PA NI, ,DGE DANG MI DGE YONGS SU RTOGS, ,DE LTAR DGE SLONG DE 'JIG RTEN 'DI DANG, 'JIG RTEN PHA ROL DE LA PHAN PAR 'DOD PA'I BLOS SEMS CAN DMYAL BA'I SDUG BSNGAL MNGON PAR BRTAGS NAS, SEMS CAN RNAMS LA SNYING BRTZE BA RJES SU 'JUG PAR BYED DE, BYAMS PA BSGOMS PA'I SEMS KYIS DE SEMS CAN DMYAL BA 'JIGS SHING NYAM NGA BA THAMS CAD LA MNGON PAR BRTAGS SHING LAS KYI 'BRAS BU RNAM PAR SMIN PA YANG SHES NAS MCHOG TU YID BYUNG BA'I SEMS KYIS RTOG PAR BYED DE, AE MA, SEMS CAN 'DI DAG JI LTAR SRID PA'I DGON PAR 'JIGS SHING SDUG BSNGAL SNA TSOGS KYI NANG DU BYING ZHIG GU SNYAM NAS DE SNYING RJE'I BLO 'DI LTAR NYE BAR 'JOG PAR BYED DE, 'DI LTAR MI DAG DE MA THAG TU NGAN SONG DU 'GRO BA NI LAS NGAN PA BYAS PA RANG GI SER SNAS BSLUS SHING, LONGS SPYOD NGAN PA 'DOD LA, RNYED PA NGAN PAS ZIL GYIS NON PA RNAMS SBYIN PA DAG MA BYIN PAR GYUR TE, DE DAG GIS DGE SBYONG DANG, BRAM ZE DANG, PHONGS PA DANG, LONG BA DANG, BKREN PA SLONG MO PA RNAMS LA SER SNA'I DRI MAS SPAGS PA'I SEMS KYIS SBYIN PA DAG MA BYIN
, ,ZHING BSOD NAMS DAG MA BYAS LA 'JIG RTEN 'DI DANG, PHA ROL TU TSUL KHRIMS MTSO LTA BUR GYUR PA MA BSRUNGS, BU DANG, CHUNG MA DANG, BRAN PHO DANG, BRAN MO DAG LA'ANG SBYIN PA MA BYIN LA SER SNAS 'JIG RTEN PHA ROL LA BSLUS PA DE YI DVAGS RNAMS KYI NANG DU SKYE BAR 'GYUR TE, YI DVAGS KYI RGYUD DU SKYES PA'ANG PHAL CHER YI DVAGS MOR SKYE BAR 'GYUR RO, ,MI 'THAB MO DANG, PHRAG DOG GI DRI MA GANG GIS NANG GI SEMS NYAMS PAR BYAS PA 'DIS NA YI DVAGS MO RNAMS KYI NANG DU SKYE BAR 'GYUR RO SNYAM MO, ,DE NAS YANG LAS KYI 'BRAS BU RNAM PAR SMIN PA SHES PA DES YI DVAGS KYI YUL LA RTOG PAR BYED DO, YI DVAGS KYI YUL 'DI GANG ZHIG SNYAM MO, ,DES THOS PA LAS BYUNG BA'I SHES PAS BRTAGS NA YI DVAGS NI MDOR BSDU NA RNAM PA GNYIS TE, 'JIG RTEN NA RGYU BA DANG, YI DVAGS KYI YUL NA GNAS PA'O, ,DE LA 'JIG RTEN NA RGYU BA NI MTSAN MO DAG GAL TE MI RNAMS KYIS MTHONG BAR 'GYUR RO; ;YI DVAGS KYI YUL NA GNAS PA NI GANG DU SA'I 'OG DPAG TSAD LNGA BRGYA NA GNAS TE, YI DVAGS KYI YUL GYI RKYEN MA GTOGS PAR DZAMBU'I GLING GI MTHA' NAS DPAG TSAD SUM STONG [?] YOD DO, ,DE DAG DZAMBU'I GLING DANG THAG NYE BA DANG, RING BA NI NGES PA MED DO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'GRO BA LA
RTOG PAR BYED DE, YI DVAGS KYI YUL CI TZAM YOD SNYAM NAS DES THOS PA LAS BYUNG BA'I SHES PAS BRTAGS NA, YI DVAGS RNAM PA MANG STE MDOR BSDU NA RNAM PA SUM CU RTZA DRUG YOD DO,, DE DAG THAMS CAD PHRAG DOG DANG, SER SNA'I RGYUS DER SKYE BAR 'GYUR LA BSAM PA SNA TSOGS BSKYED PA DANG, SDUG BSNGAL BA DANG, BSAM PA DANG, BZA' BA SNA TSOGS PA DANG, G-YO BA SNA TSOGS DANG, GNAS SNA TSOGS DANG, LUS BKRES PA DANG, SKOM PAS GDUNGS PA YIN NO, ,DE DAG THAMS CAD MDOR BSDU NA RNAM PA SUM CU RTZA DRUG YOD DE, 'DI LTA STE, YI DVAGS LTO GUG DANG, YI DVAGS KHA KHAB LTAR PHRA BA DANG, YI DVAGS BSHANG BA ZA BA DANG, YI DVAGS KUN STON DANG, YI DVAGS DRI ZA BA DANG, YI DVAGS CHOS KYI SBYIN PA ZA BA DANG, YI DVAGS SBYIN PA ZA DANG, YI DVAGS CHU 'THUNG BA DANG, BSAM PAS 'TSO BA DANG, MCHIL MA ZA BA DANG, PHRENG BA ZA BA DANG, KHRAG ZA BA DANG, SHA ZA BA DANG, BDUG PA ZA BA DANG, DRAG SHUL SPYOD PA DANG, GLAGS LTA BA DANG, SA'I 'OG NA GNAS PA DANG, YI DVAGS MTHU BO CHE DANG, MTSAN MO LUS RAB TU 'BAR BA DANG, MI RNAMS LA GLAGS LTA BA DANG, 'DOD PA'I GZUGS CAN DANG, GLING GI BAR NA GNAS PA DANG, GSHIN RJE'I DBYUG PA DANG, BYIS PA LA ZA BA DANG, TSANGS PA'I SRIN PO DANG, 'BRU DRUS PA'I SHUN PA ZA BA DANG, MI GTZANG BA ZA BA DANG, LAM PO CHE NA GNAS PA
, ,DANG, MANG DU ZA BA DANG, ME MDAG ZA BA DANG, DUG ZA BA DANG, DGON PA NA GNAS PA DANG, DUR KHROD NA GNAS PA DANG, SHING LA GNAS PA DANG, LAM GYI BZHI MDO NA GNAS PA DANG, BDUD KYI SDE DE LTAR MDOR BSDU NA YI DVAGS KYI RIGS SUM CU RTZA DRUG YOD DO, ,RGYA CHER NI SEMS KYI BSAM PA'I LAS KYI CHA'I BYE BRAG DANG, BSAM PA SNA TSOGS KYI BYE BRAG GIS DPAG TU MED DO, ,DE DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS SHIN TU BKRES PA DANG, SKOM PAS GDUNGS PA'I LUS CAN RNAMS PHAL CHER PHRAG DOG DANG, SER SNAS NYAMS PA DAG YIN ZHING RGYA CHER NI LUS DANG, NGAG DANG, YID KYI LAS GSUM GYIS SKYE LA, BYE BRAG TU DBYE NA MI DGE BA'I LAS KYI LAM RNAM PA BCU DANG YANG DAG PAR LDAN PAS YI DVAGS RNAMS KYI NANG DU SKYE BAR 'GYUR RO, ,DE MDOR BSDU NA MI DGE BA'I LAS KYI LAM RNAM PA BCU'I MI DGE BA'I RGYU GANG YIN PA LA SROG CHAGS KYI SDUG BSNGAL THAMS CAD DE LA RAG LAS, DE LA SPYOD, DE LAS SKYES ZHING 'BYUNG, DE'I PHYI BZHIN 'BRANG, DE DANG 'BREL, RGYU DE LAS BYUNG BA YIN TE, NGAN SONG GIS KUN TU 'KHOR YANG 'KHOR BA LA YID 'BYUNG BAR MI BYED DO, ,SEMS SBRE'U LTA BU THOG MA MED PA'I DUS NAS 'KHOR BAR ZHUGS SHING SDUG BSNGAL GZING GZING BA'I BAG
NA GNAS PA LA GOMS PA, YAN LAG DANG, NYING LAG GI DRA BA SNA TSOGS CAN GYI NANG NA SDOM ZHING 'KHOR BA'I RI LA MYUR DU GNAS PA, SEMS GZING GZING BA'I BAG CHAGS KYI RTOG PA'ANG GCIG TU SHES PAR SLA BA MA YIN LA, DE LTAR 'GRO BA MYUR DU 'GRO BA 'DI SEMS SPRE'U LTA BU YIN TE, DE LTA BAS NA SEMS 'DI RE ZHIG THOG MA NYID DU SHIN TU DUL BAR BYA'O, ,DE LTAR MA BYAS NA NGAN SONG GIS MI BZAD PA RNAMS SU SEMS CAN DAG SHIN TU SDUG BSNGAL BAR 'GYUR ZHING DE LTAR MA BYAS NA 'KHOR BAR SEMS KYI DGRAS ZIN TE, BDE BA 'THOB PAR MI 'GYUR BA MTHONG NGO, ,DE LTAR DGE SLONG DE SO SOR RAB TU RNAM PAR 'BYED PA NA YANG DANG, YANG DU 'KHOR BA 'DI LA YID BYUNG ZHING MI DGA' LA, 'KHOR BAR GTOGS PA'I SDUG BSNGAL THAMS CAD LA RNAM PAR SMOD PAR BYED DO, ,DGE SLONG DE DE LTAR SEMS PAR BYED CING YI DVAGS RNAM PA DU MA DAG LA SEMS PA NI 'DI LTAR RAB TU RNAM PAR 'BYED PA NI LAS DANG, LAS KYI RNAM PAR SMIN PA'I BYED RGYU GANG YIN PA'I CHA GCIG CIG RAB TU RNAM PAR 'BYED DE, SKYE BA RGYU MED PA MA YIN ZHING BDE BA DANG, SDUG BSNGAL DANG, MTHUN PA DANG, MI MTHUN PA DANG, SKYE BA NGAN PA DANG, BZANG BA DANG, RIGS BZANG PA DANG, RIGS NGAN PAR SKYE BA NI SROG CHAGS THAMS CAD KYI TSE 'CHI BA DANG, SKYE BA 'DOD RGYAL GYIS CUNG ZAD KYANG BYAS PA MED DO SNYAM MO, ,LAS KYI CHOS
, ,KYI RNAM PAR SMIN PA SHES PA'I DGE SLONG DES YI DVAGS RNAMS KYI LAS KYI CHOS RNAM PAR DBYE BA DAG RNAM PAR 'BYED DE, DES THOS PA LAS BYUNG BA'I SHES PAS BRTAGS NA YI DVAGS LTO GUG CES BYA BA RANG GI LUS NYIS 'GYUR GYIS CHE ZHING KHA DANG, LAG PA DANG, RKANG PA NYAMS PA THAMS CAD DU LTO GUG PA YIN TE, BU GA'I GSEB DAG TU ME MDAG GIS RAB TU BKANG, LUS BKRES PA DANG, SKOM PAS GDUNGS, LUS TSAL SHING BSREGS PA LTA BU 'GRO BA'I DUS MTHA' MED PA NAS BCINGS PA DAG DGA' BA MED CING GROGS MED LA MGON MED PA YIN NO, ,DE DAG LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GLA MI NOR 'DOD PA GANG GIS 'DI LTAR BDAG GIS GLA DAG KHYIM DU BSAG GO SNYAM NAS SROG GCOD PA BYED CING PHYUGS LA 'TSE'AM, DE SNYING RJE MED PA CHAGS PA'I DBANG GIS SROG GCOD PA BYED LA, SGOM ZHING STEN TE MANG DU BYED NA DE LUS DANG BRAL NAS NGAN 'GRO LOG PAR LTUNG BA SA'I 'OG DPAG TSAD LNGA BRGYA NA YI DVAGS LTO GUG GI RIGS RNAMS SU SKYE BAR 'GYUR RO, ,DE SA'I PHYOGS MUN PA'I NANG DER SKYES PA DANG, STENG GI PHYOGS NAS RI RNAMS KYIS BTZIR CING 'OG GI PHYOGS NAS RI GNYIS PAS BTEG STE, DE RI GNYIS KYI BAR DU RANG GI NGO BO'I LUS KYI TSAD
DPAG TSAD TZAM LA LEB LEB POR BYAS SHING BKRES PA DANG, SKOM PAS SHIN TU GDUNGS SO, ,TSE'I TSAD KYI MTHA' NI TSE RABS LNGA BRGYA YIN TE, MI'I LO BCU LA YI DVAGS KYI BGRANG BA'I TSUL GYIS NYIN ZHAG GCIG STE BAR DU 'CHI BA'I DUS BYED PA NI YOD DO, ,MI DGE BA'I LAS GZHAN GNYIS PA BYAS PA NI, 'DI LTA STE, SKYES PA'AM, BUD MED LA NOR RDZAS BCOL BA BCABS NAS 'DI LTAR BDAG LA BDAG MED DO ZHES SMRA NA LAS DE'I RNAM PAR SMIN PAS DER SKYE BAR 'GYUR LA ZANG ZING GI SBYIN PA'ANG MA BYIN, CHOS KYI SBYIN PA'ANG MA BYIN, MI 'JIGS PA'I SBYIN PA'ANG MA BYIN TE, SBYIN PA GSUM PO DE DAG DANG BRAL LA SER SNA DANG, PHRAG DOG GIS SEMS RTAG TU ZIL GYIS NON PA NI DER SKYE BAR 'GYUR RO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS RNAMS LA BRTAGS NAS DES THOS PA LAS BYUNG BA'I SHES PAS YI DVAGS KHA KHAB LTAR PHRA BA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, NOR RDZAS KYI PHYIR MI RNAMS GSOD PA'I GSHED MA GANG PHA ROL LA PHRAG DOG DANG, SER SNA YANG DAG PAR BLANGS SHING RTAG TU MNGON PAR BRTZON LA BKREN PA BKREN PA'I RANG BZHIN CAN, 'DI LTA STE, ZANG ZING GI SBYIN PA DANG, CHOS KYI SBYIN PA DANG, MI 'JIGS PA SBYIN PA STE,
, ,SBYIN PA RNAMS SPANGS PA NI DE LUS DANG BRAL NAS NGAN 'GRO LOG PAR LTUNG BA YI DVAGS KHA KHAB LTAR PHRA BA RNAMS KYI NANG DU SKYE BAR 'GYUR RO, ,RANG GI LAS KYI 'BRAS BUS BSLUS PA DER SKYES PA DE DAG GI KHA'I SGO KHAB LTAR PHRA ZHING LTO RI TZAM DU CHE BAR 'GYUR LA, RTAG TU BKRES PA DANG, SKOM PA'I NYON MONGS PAS GDUNGS PAR 'GYUR, LUS KYI MES KYANG BKRES PA DANG, SKOM PAS DKRUGS LA PHYI ROL DU'ANG TSAL SHING GI ME MCHED PAS DKRUGS PAR 'GYUR, GRANG BA DANG, TSA BA DANG, SHA SBRANG DANG, SBRANG BU DANG, SROG CHAGS MAR KO TA KAS ZA BA DANG, RIMS LA SOGS PAS DE LTAR SKYES PA DANG, BUD MED DER SKYES PA'I LUS DANG, YID LAS BYUNG BA'I SDUG BSNGAL SNA TSOGS KYIS MI'I LO BCU LA YI DVAGS KYI BGRANG BA'I TSUL GYIS NYIN ZHAG GCIG PA'I TSE RABS LNGA BRGYAR MNGON PAR GDUNGS TE TSE BAR CHAD DU 'GYUR BA NI YOD DO, ,DER SKYE BAR 'GYUR BA'I LAS GNYIS PAS KYANG YANG DER SKYE BAR 'GYUR TE, 'DI LTAR DGE SBYONG DANG, BRAM ZE DAG BDAG CAG GI DER ZAN SBYIN NO ZHES BYAS LA, BZA' BA DANG, BCA' BA DAG KYANG YOD BZHIN DU BUD MED SER SNAS MNGON PAR ZIN PA DE KHYIM THAB LA BSLU BA'I BSAM PAS 'DI LTAR CI'ANG MED NA, DGE SBYONG DANG, BRAM ZE DAG LA SBYIN DU GA LA YOD CES SMRAS NA, DE YANG LUS DANG BRAL NAS NGAN 'GRO LOG PAR
LTUNG BA YI DVAGS KHA KHAB LTAR PHRA BA RNAMS KYI NANG DU SKYE BAR 'GYUR RO, ,SER SNA DE KUN TU BSTEN CING BSGOMS TE MANG DU BYAS PAS BUD MED PHAL CHER YI DVAGS RNAMS KYI NANG DU RDZUS TE SKYE BAR 'GYUR BA DE LTAR MI'I NANG DU SKYE BAR MI 'GYUR TE, 'DOD PA LA PHRAG DOG DANG, SER SNAS NYAMS PA'I RGYU GANG GIS YI DVAGS MOR 'GYUR BA DE LTAR MI'I NANG DU SKYE BAR MI 'GYUR RO, ,BUD MED NI SEMS CHUNG ZHING SEMS YANG BA YIN LA DE LTAR RGYU DE DANG, RKYEN DES YI DVAGS MO RNAMS KYI NANG DU SKYE BAR 'GYUR TE, DE JI SRID DU SER SNA DANG, PHRAG DOG BYAS PA'I SDIG PA DE BCOM ZHING SPANGS LA ZAD PAR MA BYAS PA DE SRING DU DER SKYE BAR 'GYUR RO, ,DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG LAS DE DANG RGYU MTHUN PAR GAL TE LAN GRANGS GZHAN LA MYONG BAR 'GYUR BA'I LAS KYIS DUD 'GRO RNAMS KYI NANG DU SKYE BAR 'GYUR RO, ,BYA KHUG RTA RNAMS KYI NANG DU SKYES NAS DE RTAG TU BKRES PA DANG, SKOM PAS GDUNGS PAR 'GYUR, DE LAS THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS MIR 'GRUB PA'I LAS KYIS MI RNAMS DANG SKAL BA MNYAM PAR MIR SKYES NA, SKYES PA'AM, BUD MED DE RTAG TU BKRES PA DANG, SGOM PAS GDUNGS PAR 'GYUR, RTAG TU SDUG BSNGAL ZHING ZAS GZHAN DU TSOL LA LAM PO CHE DANG, BZHI MDOR 'TSO BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM
, ,PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS SKYUGS PA ZA BA ZHES BYA BA JI LTAR 'DUG PA MTHONG NGO, ,DER SKYES PA'AM, BUD MED DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, BUD MED GANG BZA' BA DANG, BCA' BA DANG, RO MYANG BAS KHYIM THAB LA MNGON PAR GNOD PAR BYED CING BDAG NYID NI DE DAG LA ZA BAR BYED LA PHRAG DOG DANG, SER SNAS KYANG RTAG TU ZIL GYIS NON, BU DANG, BU MO GZHAN DANG MI 'DRA BAR MI DGA' BA MA YIN LA, DGA' BA DANG, SLU BA MA YIN TE, MI SLU BA LA MNGON PAR GNOD PA BYAS NA DE'ANG LUS DANG BRAL NAS NGAN 'GRO LOG PAR LTUNG BA YI DVAGS SKYUGS PA ZA BA RNAMS KYI NANG DU SKYE BAR 'GYUR RO, ,DER SKYES NAS KYANG DE RTAG TU DE'I LUS KYI BDAG NYID DPAG TSAD PHYED TZAM YOD PA BKRES PA DANG, SKOM PAS GDUNGS TE DGON PA CHEN POR GCIG PU CHU BTZAL BA'I PHYIR RGYUG CING THAMS CAD DU CHO NGES 'DEBS, SMRE SNGAGS 'DON PA NA DE CHOS SBYIN PA DANG, ZANG ZING SBYIN PA DANG, MI 'JIGS PA SBYIN PAR MA BYAS TE, SBYIN PA GSUM DANG BRAL BA DAG DER SKYE BAR 'GYUR RO, ,TSE'I MTHA' NI SNGA MA BZHIN TE, DE JI SRID DU SER SNA BYAS PA'I SDIG PA DE BCOM ZHING SPANGS LA ZAD PAR MA BYAS PA DE SRID DU BKRES PA DANG, SKOM
PAS GDUNGS PAR 'GYUR RO, ,DE PHYIS SDIG PA DE LAS THAR BAR 'GYUR TE, THAR NAS KYANG LAS DE DANG RGYU MTHUN PAR GAL TE DUD 'GRO RNAMS KYI NANG DU SKYES NA DE SKYUGS PA ZA BAR 'GYUR TE, JI LTAR YI DVAGS RNAMS KYI NANG DU SKYUGS PA ZA BAS SROG CUNG ZAD KYANG 'TSO BAR GYUR PA DE LTAR DUD 'GRO RNAMS SU'ANG 'GYUR RO, ,DE LAS THAR NAS KYANG GAL TE MI RNAMS DANG SKAL BA MNYAM PAR MIR SKYES NA DE MCHOD STON GYI TSE DGE SBYONG DANG, BRAM ZE BKAD PA RNAMS KYI GRAL DU SLONG MOS DE'I SROG 'TSO BA THUB PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS BSHAD PA ZA BA ZHES BYA BA MTHONG NGO, ,DER SKYES BA'AM BUD MED DAG LAS GANG GIS SKYE BAR 'GYUR ZHIG GU SNYAM NAS DE THOS PA LAS BYUNG BA'I SHES PAS BRTAGS NA, GANG GIS SER SNA KUN TU BSTEN CING BSGOMS TE MANG DU BYAS PAR GYUR, SNGA MA BZHIN DU SBYIN PA DANG BRAL LA DGE SBYONG DANG, BRAM ZE DAG LA'ANG KHA ZAS LHAG MAR BYAS PA BYIN TE, DE DAG KYANG GTZANG MA ZHIG YIN NO SNYAM NAS ZOS NA SKYES PA'AM, BUD MED DE LUS DANG BRAL NAS YI DVAGS BSHANG BA ZA BA RNAMS KYI NANG DU SKYE BAR 'GYUR RO, ,DE'I LAS KYI MTHUS DE'I TSE'ANG SNGA MA BZHIN LA DE'I LUS BKRES PA DANG, SKOM PAS GDUNGS TE, GAL TE DE RNYED NA'ANG
, ,RTAG TU MI RNYED LA DE'ANG CHUNG STE, LTO TSIM PAR MI 'GYUR RO, ,GAL TE'ANG YI DVAGS RNAMS KYI NANG DU BSHANG BA RNYED NA SRIN BU ZHUGS SHING ZOS LA BU GAR BYAS PA NGAN NGON ZHIG RNYED DE, RGYANG RING ZHING TSEGS CHEN POS RNYED PA DE'ANG CHOG PAR MI RNYED DO, ,DE LTAR DE'I TSE'I MTHA' SDUG BSNGAL BA 'THOB STE, DE JI SRID DU DE'I SDIG PA'I LAS YI DVAGS KYI 'JIG RTEN 'GRUB PA SER SNA BYAS PA BCOM ZHING SPANGS LA ZAD PAR MA BYAS PA DE SRID DU BKRES PA DANG, SKOM PA DE BYAS PA'I SDUG BSNGAL MYONG BAR 'GYUR, DE PHYIS YI DVAGS KYI 'JIG RTEN BSHANG BA ZA BA DE LAS THAR BAR 'GYUR TE, THAR NAS KYANG LAS DE DANG RGYU MTHUN PAR JI LTAR LAS NYE BAR 'GRO BAS 'KHOR BA NA YONGS SU 'KHYAM MO, ,DE GAL TE YANG MI RNAMS KYI NANG DU GNYA' SHING GI BU GAR RUS SBAL 'JUG PA LTA BUR MI RNAMS DANG SKAL BA MNYAM PAR MIR SKYES NA, DE DBUL ZHING NAD BU CAN LA BZA' BA NYUNG BA DANG, SROG GI 'TSO BA RTAG TU GZHAN LA RAG LAS SHING TSEGS CHEN POS 'TSO BA 'THOB LA DE NA DU MA MED PA'I SNOD DU 'GYUR, SEMS SHES PA DANG, MI SHES PA PHAL PA YIN ZHING LUS RMA MTSAN DANG DRI MA CAN MI SDUG PA SKYE BO KUN GYIS SMAD PAR 'GYUR, DE'I KHA NAS KYANG DRI MNAM PO 'BYUNG ZHING GLO BUR DU SO NAG POR 'GYUR BA MTHONG NGO, ,DE NAS YANG DGE SLONG LAS
KYI 'BRAS BU RNAM PAR SMIN PA SHES PA DES SER SNA'I GNAS SU GYUR PA'I YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS SER SNA THAMS CAD KYI GNAS SU GYUR PA YI DVAGS KHA ZAS MED PA ZHES BYA BA MTHONG NGO, ,DER LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, SKYES PA'AM, BUD MED SER SNAS ZIL GYIS NON CING PHRAG DOG GI ZIL GYIS NON PA DANG, G-YO THABS SAM, SLU BAR BYED PA STOBS DANG LDAN PA GANG GIS SEMS CAN DAG BCING BAS BCINGS TE, KHA ZAS MA BYIN PAS SROG DANG PHRAL LA, SROG DANG PHRAL NAS KYANG SNYING NAS 'CHAGS PAR MI BYED LA 'GYOD PAR MI BYED, YANG LAS DE NYID BYAS NAS RJES SU DGA' BAR BYED CING GZHAN DAG KYANG DE NYID LA RAB TU 'JOG PAR BYED, LAS DANG, LAS KYI NYER BSDOGS DANG, LAS KYI MJUG DAG BYAS NAS YANG DE NYID BYED NA, DE LUS DANG BRAL NAS NGAN 'GRO LOG PAR LTUNG BA YI DVAGS KHA ZAS MED PA RNAMS KYI NANG DU SKYE BAR 'GYUR RO, ,SKYES PA'AM, BUD MED DE DER SKYES NAS, KHA ZAS MED PAR BYAS NAS BKRES PA DANG, SKOM PAR BYAS PA ME DES SREG PA NA YANG DANG YANG DU RI LAS CHU 'BAB PA'I SHUGS LTAR BKRAS PA DANG, SKOM PA'I SDUG BSNGAL MANG DU 'PHEL LO, ,DE'I KHA ZAS MED PAR BYAS PA'I MTHU DES JI LTAR THAL BA'ANG MI MNGON PA DE LTAR
, ,DE'I NANG DANG, YAN LAG DANG, NYING LAG THAMS CAD SREG GO ,DE NAS YANG YAN LAG DANG, NYING LAG DE DAG SLAR 'BYUNG BAR 'GYUR TE, YANG SREG PAR BYED DO, ,DE BKRES PA DANG, SKOM PAS GDUNGS PA DANG, LUS BSREGS PA STE, SDUG BSNGAL GNYIS KYIS SREG PA NA RANG GI LAS KYI 'BRAS BU NYES PAR BYAS PAS BSLUS PA DE SDUG BSNGAL GYIS NYAM THAG NAS SHIN TU NGU SKAD 'BYIN, CHO NGES 'DEBS, SMRE SNGAGS 'DON CING PHYOGS DANG, PHYOGS MTSAMS SU RGYUG STE, DE NI DE'I NANG DU 'BYUNG BA'I SDUG BSNGAL YIN NO, ,PHYI ROL TU 'BYUNG BA'ANG LAS KYIS BYAS PA'I MES YAN LAG DANG, NYING LAG THAMS CAD SREG PAR BYED DO, ,ME NANG DU SONG BSLAR BYUNG NAS PHYI ROL GYI LUS KYANG SREG PAR BYED DE, DPER NA, SHING KHONG STONG GI NANG DU ME ZHUGS PA SHING GI NANG BSREGS NAS PHYI ROL SREG PA DE BZHIN DU ME DES YI DVAGS DE'I NANG DU BSREGS NAS PHYI ROL YANG SREG PAR BYED DO; ;DE NANG DANG, PHYI ROL THAMS CAD TSAL SHING BSREGS PA LTA BUR RAB TU BSREGS TE ME LCE GCIG TU GYUR PAS NGU SKAD 'BYIN CING CHO NGES 'DEBS SO, ,DE DES CHO NGES 'DEBS PA NA KHAR ME 'BYUNG STE, DE YANG DANG, YANG DU DE'I LUS THAMS CAD 'BAR BA NYIS 'GYUR GYIS CHES RAB TU 'BAR BAR BYED DO, ,GANG DANG, GANG DU 'GRO BA'I LAM DE DANG, DER RTZVA DAR BHA RAB TU 'BAR BA KHAB
LTA BU 'BYUNG BAR 'GYUR LA GANG DE'I RKANG PA GNYIS BOR BA MA RUNG BAR BYED DE, RKANG PA MA RUNG BA DE NGU SKAD 'BYIN, CHO NGES 'DEBS, YONGS SU SMRE SNGAGS 'DON TO, ,DE YONGS SU SMRE SNGAGS 'DON PA NA DE'I LCE MAR SAR GYI GONG BU LTAR ZHU BAR BYED DE, DE NAS YANG NYES PAR BYAS PA'I LAS DES SLAR 'BYUNG BAR 'GYUR RO, ,DE GANG DANG, GANG DU RGYUG PA DE DANG, DER DE'I NYES PAR BYAS PA'I LAS DES CHU DANG, LTENG KA DANG, 'BAB CHU'I DNGO DANG, MTSO DANG, CHU 'DZAG PA DANG, CHU BO DANG, KHRON PA THAMS CAD DANG BRAL BAR 'GYUR, TSAL DANG, NAGS TSAL DANG, KHYIM DANG, NE'U GSING GI SA GZHI DANG BRAL BAR 'GYUR, TSAL DANG, NAGS TSAL DAG KYANG LOG PAR MTHONG STE, RI DANG, LJON SHING DANG, RI SUL GYI SA PHYOGS THAMS CAD KYANG RAB TU 'BAR BAR MTHONG NGO, ,KUN NAS YI DVAGS KYI CHANG PA LAG NA RAL GRI DANG, GTUN SHING KHYER BA RNAMS KYIS GTZE BAR BYED CING SPYO BAR BYED PAS MCHOG TU SDUG BSNGAL TE, RANG GI PHRAG DOG DANG, SER SNAS BSLUS SHING SEMS KYI DGRA DANG LHAN CIG LDAN PAS TSE'ANG SNGA MA BZHIN NO, ,DE LTAR DE NYES PA BYAS PA'I LAS BYAS PAS JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR MA BYAS PA DE SRID DU YI DVAGS KHA ZAS MED PA'I SDUG BSNGAL MYONG BAR 'GYUR, DE PHYIS YI DVAGS KYI YUL DE LAS THAR BAR 'GYUR TE, THAR NAS KYANG LAS DE DANG RGYU MTHUN PAR RANG GIS
, ,LAS BYAS PA'I LAS SPYAD PA JI LTAR LAS NYE BAR 'GRO BAS 'KHOR BAR YONGS SU 'KHYAM MO, ,DE GAL TE MI RNAMS KYI NANG DU GNYA' SHING GI BU GAR RUS SBAL 'JUG PA LTA BUR MI RNAMS DANG SKAL BA MNYAM PAR MIR SKYES NA, DE MNGAL NA GNAS PA NA MA DE ZAS 'DOD PA MED PAR 'GYUR, GANG GIS MA DE'I LUS DANG, BZHIN KHA DOG MCHOG TU MI SDUG PAR 'GYUR, DE GAL TE MNGAL DE NYID DU GNAS PA NA LAS RAB TU MTHU CHE BA DANG, SROG BCAD PA RAB TU MTHU CHE BA DES 'CHI BA'I DUS BYED PAR 'GYUR, GAL TE YANG BRGYA LA BTZA' BAR GYUR NA DE LTAR NGAN PA BYAS PA 'DUS BYAS DE'I MA RTAG TU DRI NGA ZHING MDOG MI SDUG LA MDANGS MED PAR 'GYUR, DE SROG GI 'TSO BA DUS THUNG ZHING TSEGS CHEN POS THOB PAR 'GYUR, YUL GYI BDAG PO RGYA POS KYANG DE LTAR BTZON RAR BCUG NAS BKRES PA DANG, SKOM PA DAG GIS 'CHI BA'I DUS BYED PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS DRI ZA BA ZHES BYA BA JI LTAR 'DUG PA MTHONG NGO, ,DER LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS BZA' BA DANG, BTUNG BA MANG PO SHIN TU BSDUS NAS BDAG 'BA' ZHIG ZA LA, BU DANG
CHUNG MA DAG LA YANG DAG PAR 'GED PAR MI BYED, DE DAG RO BRO BA 'DOD NA DRI TZAM ZHIG LA SNOM DU 'JUG ,DE BU DANG, CHUNG MA DE'I MDUN DU RANG 'BA' ZHIG ZA BAR BYED LA, PHRAG DOG DANG, SER SNAS ZIN PAS YANG DAG PAR 'GED PAR MI BYED DE, DE LTAR BU DANG, CHUNG MA RIS MTHUN PA LHAN CIG 'KHOD PA LA BRNYAS PAR BYED CING GZHAN DAG KYANG DE NYID LA RAB TU 'JOG PAR BYED PA LA RJES SU DGA' ZHING, DE NAS YANG BDAG GCIG PU ZA BAR BYED LA DE BYAS NAS KYANG SKYON DU MI 'GYUR ZHING NGO TSA BAR MI BYED NA, DE LUS DANG BRAL NAS NGAN 'GRO LOG PAR LTUNG BA YI DVAGS DRI ZA BA RNAMS KYI NANG DU SKYE BAR 'GYUR RO, ,DER SKYES NAS LUS RTAG TU BKRES PA DANG, SKOM PAS GDUNGS SHING GAR BAB TU RGYUG STE NGU SKAD 'BYIN, CHO NGES 'DEBS, SMRE SNGAGS 'DON TO, ,DE GAL TE YANG LHA KHANG NGAM, MCHOD RTEN NAM, KHYIM GZHAN DU YON BDAG DAD PAS BDUG SPOS DRI ZHIM PO DAG BDUG PA DANG DE DES DGA' BAR 'GYUR, DE BZHIN DU DRI GZHAN GYIS KYANG DGA' BAR 'GYUR, DE LTAR 'DI NI YI DVAGS DRI ZA BA'I PHYOGS GCIG YIN NO, ,DRI ZA BA'I PHYOGS GZHAN YANG 'DI LTAR MI DAG LA NAD BYUNG BA NA NAD PA GANG YIN PA DE DAG GI PHYIR LHA KHANG NGAM, KUN DGA' RAB DAG TU BDUG SPOS GANG BDUGS PA'I DRI DES DE TSIM PAR 'GYUR TE, DES SROG 'TSO BA 'THOB CING DE'I PHYI BZHIN 'BRANG, GZHI DES LUS KYI SROG 'TSO BA 'THOB
, ,STE; DE LTAR DE'I LAS KYI MTHUS YI DVAGS DE DRI ZA BAR 'GYUR ZHING SROG GI TSEGS CHEN POS ZA BA DE 'THOB PAR 'GYUR, DER SKYES NAS KYANG JI SRID DU SDIG PA'I LAS DE BCOM ZHING SPANGS LA ZAD PAR MA BYAS PA DE SRID DU BKRES PA DANG, SKOM PA'I SDUG BSNGAL MYONG BAR 'GYUR, DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG LAS DE DANG RGYU MTHUN PAR LAS KYI 'BRAS BU LA SPYOD PA 'KHOR BA NA YONGS SU 'KHYAM MO, ,GAL TE MIS BYAS PA'I MYONG BAR 'GYUR BA'I LAS KYIS BRGYA LA MI RNAMS KYI NANG DU GNYA' SHING GI BU GAR RUS SBAL 'JUG PA LTA BUR MIR SKYES NA, DE DBUL ZHING NAD BU CAN LA LUS THAMS CAD LAS DRI DE 'BYUNG BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS CHOS KYI SBYIN PA ZA BA ZHES BYA BA DER 'JUG PA THOB PA DES SROG 'TSO BA 'THOB PAR 'GYUR BA JI LTAR 'DUG PA MTHONG NGO, ,DER LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA GANG RANG BZHIN GYI SER SNA DANG, PHRAG DOG GIS ZIL GYIS NAN PA YIN LA, SROG GSO BA KHO NA'I THABS SAM, RGYU DES DAD PA MED CING DAD PA MED LA PHA
ROL PHAN GDAGS PA'I BSAM PA MED PA'I RGYUS SKYON DU BGRANG BA'I CHOS STON PAR BYED CING DE TSUL KHRIMS DANG LDAN PA MA YIN TE, 'DI LTA STE, SROG GCOD PA'I CHOS KYI GTAN DANG, G-YUL DU 'CHI BA'I CHOS DANG, NOR RDZAS NAN GYIS 'PHROG PA'I CHOS DANG, KHYU MCHOG BAG YANGS SU GTANG BA'I CHOS TE, DES SKYON DU BGRANG BA'I CHOS KYI RNAM GRANGS DE DAG PHA ROL DAG LA BSTAN NAS DE LAS RNYED PA GANG YIN PA DE SBYIN PAR MI BYED CING GSOG PA 'BA' ZHIG BYED NA, PHRAG DOG GI ZIL GYIS NON PA MI NGAN PA DE LUS DANG BRAL NAS NGAN 'GRO LOG PAR LTUNG BA YI DVAGS CHOS KYI SBYIN PA ZA BA RNAMS KYI NANG DU SKYE BAR 'GYUR TE, DE'I TSE NI SNGA MA BZHIN NO, ,DE RI'I YUL NAS RI'I YUL DU YONGS SU RGYUG CING LUS BKRES PA DANG, SKOM PAS GDUNGS LA THAMS CAD DU NGU SKAD 'BYIN PA, SHING SKAM 'DRA ZHING SKRA RING LA NGOM ZUM GNAG PA LUS THAMS CAD SPU ZING POS KHEBS SHING RTZVA DANG, RGYUS PA'I DRA BAS DKRIS LA PAGS PA DANG, RUS PA TZAM LUS LA, LUS RING ZHING SEN MO MI SDUG PA, RANG GI NYES PAR BYAS PAS YONGS SU BSLUS PA, MIG GI KHUNG RING ZHING BSKUMS LA GDONG MCHI MAS YOG PA, LUS SPRIN NAG PO 'DRA ZHING MI SDUG PAS MNGON PAR KHEBS PA, YAN LAG DANG, NYING LAG THAMS CAD DANG, SPU RNAMS KYI NANG DU SBRANG BU DANG, SHA SBRANG DANG
, ,SROG CHAGS MAR KO TA KA RNAMS ZHUGS NAS ZA BA NA THAMS CAD DU YONGS SU RGYUG GO ,GAL TE BRGYA LA DGE 'DUN GYI GTZUG LAG KHANG GI NANG DU SONG NAS YONGS SU RGYUG PA NA, DE GAL TE DGE 'DUN GYI'AM, DGE 'DUN GYI GTZUG LA KHANG DU TSES GCIG LA GNOD SBYIN LA BYIN PA'I RNYED PA 'THOB CING DGE 'DUN GYI GNAS BRTAN NAM, GZHAN GYIS CHOS KYI SBYIN PA BYIN PAS MNGON PAR MGU BAR 'GYUR LA DE DES SHIN TU TSIM PAR 'GYUR, DES SROG 'TSE BA 'THOB PAR 'GYUR, DES 'TSO BA RNYED PAR 'GYUR TE; JI SRID DU SDIG PA'I LAS DE BCOM ZHING SPANGS LA ZAD PAR MA BYAS PA DE SRID DU YI DVAGS KYI SDUG BSNGAL MYONG BAR 'GYUR, DE DE LAS THAR NAS LAS DE DANG RGYU MTHUN PAR RANG GI LAS LA SPYOD PA SNA TSOGS DANG, RNAM PA SNA TSOGS BYAS PA 'KHOR BA NA TSE SNA TSOGS MYONG BAR 'GYUR, DE GAL TE BRGYA LA GNYA' SHING GI BU GAR RUS SBAL 'JUG PA LTA BUR MI RNAMS DANG SKAL BA MNYAM PAR MIR SKYES NA, DE GZUGS BRAM ZE LTA BU YIN ZHING LHA RTEN GYI DRUNG DU PHYUGS GSOD PA BYED DAM, ZA BAR BYED, SROG 'TSO BA GZHAN LA RTAG TU RAG LAS SHING DES SROG 'TSO BA THOB PAR 'GYUR, DE NAS YANG DE NYES PAR BYAS PA RJES SU 'BREL BAS SEMS CAN DMYAL BAR 'GRO BAR 'GYUR BA MTHONG NGO, ,DE NAS
YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI 'JIG RTEN NA YI DVAGS CHU 'THUNG BA ZHES BYA BA JI LTAR 'DUG PA MTHONG NGO, ,DE DAG LAS GANG GIS SKYE BAR 'GYUR SNYAM NAS DES THOS PA LAS 'BYUNG BA'I SHES PAS BRTAGS NA, 'DI LTAR MI RIGS PAR CHAGS PA'I ZIL GYIS NON PA'I SEMS CAN CHANG 'TSONG BA GANG GIS KHYIM NA CHANG YOD PA DANG, SBYAR BA'I CHANG DANG, BU RAM GYI CHANG 'TSONG BAR BYED PA SER SNA DANG, PHRAG DOG GIS MNGON PAR NYAMS PA DE CHANG DE DAG CHUS BSLAD DE CHANG BTUNG BA PHA ROL PO DE DAG LA 'DRID PAR BYED, RNAM PAR 'TSE BAR BYED CING DES SBYIN PA DAG MA BYIN, BSOD NAMS DAG MI BYED, TSUL KHRIMS MNGON PAR MI SRUNG, CHOS MI NYAN, CHOS MI SPYOD, GZHAN DAG KYANG MI RIGS PAR CHAGS PA DE LA 'JOG CING RJES SU DGA' BAR BYED LA, LAS DANG, LAS KYI NYER BSDOGS DANG, LAS KYI MJUG DANG BCAS PAS BYED NA, DE NYES PAR BYAS PA DE LUS DANG BRAL NAS NGAN 'GRO LOG PAR LTUNG BA YI DVAGS CHU 'THUNG BA RNAMS KYI NANG DU SKYE BAR 'GYUR RO, ,LUS RTAG TU BKRES PA DANG, SKOM PAS GDUNGS PA DE YUL CHU MED PA'I RI BRAGS DANG, 'BROG DANG, DGON PA CHEN PO RNAMS SU YONGS SU 'KHYAM MO, ,MDOG BUNG BA
, ,DANG, SOL BA 'DRA ZHING YAN LAG DANG, NYING LAG THAMS CAD SRA LA RTZU BA STE SHIN TU RDOL BA DANG, DE'I LUS 'BAR BAS 'KHRIGS SHING KHA GDONG SKRA RING PO RNAMS KYI MUN PAR KHEBS TE RTAG TU BKRES PA DANG, SKOM PA LAS BYUNG BA'I MES GDUNGS PA NA, GAL TE RES 'GA' BRGYA LA CHU DANG NYE BAR GYUR PA DE'I TSE CHU RGAL BA GANG 'BOG PA, RKANG PA'I CHU'I GZER MA 'BYUNG BA DANG, CHOS SPYOD PA GANG DAG CHU 'GRAM DU LAG PA DAG GIS CHU 'THOR ZHING GANG SKOM PA DE DAG LA SBYIN NO ZHES SMRA BA DE DAG GIS DE SROG 'TSO BA 'THOB PAR 'GYUR RO, ,GAL TE MA BYIN PAR 'DOD NAS DE CHU 'GRAM DU 'DUG STE BTUNG BA 'THUNG BA DANG, CHU'I RGYUN DE SRUNG BA'I YI DVAGS RNAMS KYIS MNGON PAR 'TSE BAR BYED CING LUS KYANG KUN NAS GZE GZE BTOG BTOG PA LTA BUR BYED DO, ,SDUG BSNGAL GYIS NYAM THAG PA DE DE NAS YANG NGU SKAD 'BYIN, SMRE SNGAGS 'DON CING YONGS SU RGYUG GO ;NYES PAR BYAS PA'I LAS KYIS BSLUS PA DE SRID DU DE'I SDIG PA'I LAS BYAS SHING BSAGS PA DE BCOM ZHING SPANGS LA ZAD PAR MA BYAS PA DE SRID DU DER SDUG BSNGAL DE MYONG BAR 'GYUR RO, ,DE PHYIS YI DVAGS KYI 'JIG RTEN DE NAS THAR BAR 'GYUR TE, THAR NAS KYANG LAS DE DANG RGYU MTHUN PAR RANG GI LAS RLUNG LTA BUR 'KHYAM PA NA 'KHOR BA NA YONGS SU
'KHYAM MO, ,DE GAL TE BRGYA LA MI RNAMS KYI NANG DU GNYA' SHING GI BU GAR RUS SBAL 'JUG PA LTA BUR MI RNAMS DANG SKAL BA MNYAM PAR MIR SKYES NA DE CHU DANG, LTENG KA DANG, NAGS TSAL DANG BRAL BA RI BRAGS DANG, 'BROG DANG, GRONG NGAN PAR SKYE BAR 'GYUR, RTAG TU KHRON PA'I CHU LA 'THUNG BAR 'GYUR, MKHRIS PA'I NAD KYIS 'DEBS BAR 'GYUR, NYIN MTSAN DU SKOM MED PAS GNOD PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI 'JIG RTEN NA YI DVAGS KUN STON CES BYA BA MTHONG NGO, ,DE DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, MI NGAN PA PHRAG DOG DANG, SER SNAS ZIL GYIS NON CING MI RIGS PAR CHAGS PA LA BRKAM PA LA BRKAM PA GANG GIS MKHAS PA DBUL PO'I 'TSO BA TSEGS CHEN POS BSGRUB PA DAG LA RIN THANG STENG DU MA BAB PA'I RIN MI 'DRA BA ZANG ZING ZHIG BYIN LA DE RTAG TU DE LA DGA' ZHING SLU BAR BYED DE, GZHAN DAG KYANG LAS NGAN PAR BYED PA DE NYID LA 'GOD PAR BYED CING 'JOG PAR BYED LA SBYIN PA DAG NI MI GTONG NGO, ,BSOD NAMS KYANG MI BYED, TSUL KHRIMS LA MI GNAS, DAD PAS NYE BAR 'GRO BAR MI BYED, CHOS DANG MTHUN PA'I CHOS MI SPYOD, DRANG PO DANG, DUL
, ,BAR MI BYED, DGE BA'I BSHES GNYEN GYI NGANG TSUL CAN DU MI BYED CING YANG DANG YANG PHRAG DOG DANG, SER SNAS ZIL GYIS NON PAR GYUR NA, DE LUS DAN BRAL NAS NGAN 'GRO LOG PAR LTUNG PA'I YI DVAGS KUN STON RNAMS KYI NANG DU SKYE BAR 'GYUR TE, DE LA 'JIG RTEN PA DE DAG PHA ZHES BRJOD DO, ,DE RTAG TU LUS BKRES PA DANG, SKOM PAS GDUNGS SHING LUS TSAL SHING BSREGS PA 'DRA LA DGA' BA MED PAS NYAMS PAR 'GYUR, MCHI MAS GDONG YOG CING RKANG PA DANG, LAG PA SHIN TU RDOL LA, SKRAS KHA GDONG MUN PA LTAR KHEBS PA; LTO'I MDOG SPRIN NAG PO 'DRA ZHING DU SKAD 'BYIN, SMRE SNGAGS 'DON PA NA 'DI LTAR SMRE SNGAGS YONGS SU 'DON TE, MA BYIN PAS LTA GA LA 'THOB, ,MA BTAB 'BRAS BU GA LA 'BYUNG, ,SGRON MA MED NA 'OD MED LTAR, ,MA BYIN BDE BA GA LA YOD, ,JI LTAR LUS CAN LONG BA YI, ,MIG GIS LTA BAR NUS MED LTAR, ,SBYIN DANG BRAL BA DE 'DRA STE, ,YI DVAGS BDE BA MI RNYED DO, ,YI DVAGS 'JIG RTEN YI DVAGS GANG, ,DE BZHIN NOR MED 'JIGS GSUM DU, ,SHIN TU MI DGA' 'KHYAM BYED PA, ,DE NI SER SNA'I 'BRAS BU YIN, ,RANG GI LAS 'BRAS ZA BA YI, ,SROG CHAGS LAS LA LONGS SPYOD PA, ,MA BYIN CI YANG MI 'THOB STE, ,BYAS PA CHUD NI ZA BA MED, ,YI DVAGS 'JIG RTEN GNAS PA DAG ,NGAN BYAS RNAMS KYIS BDAG
CAG BSREGS, ,BKRES DANG SKOM LAS BYUNG BA YI, ,ME YIS 'DIR NI YONGS SU SPYAD, ,BDAG CAG RNAMS NI SKOM PA LAS, ,NAM BRAL BDE BA 'BYUNG BAR 'GYUR, ,YONGS SU GDUNG LAS BDAG CAG RNAMS, ,NAM NA YONGS SU THAR BAR 'GYUR, ,LAM DANG LAM MIN MI SHES SHING, ,LAS KYI 'BRAS BU DAG MI SHES, ,BKRES DANG SKOM LAS BYUNG BA'I ME, ,TSA BA 'BYUNG BA MA SHES SO, ,BZHIN NI SKRA YIS MUN LTAR KHEBS, ,RE BA MED CING SROG RNAMS BTANG, ,PAGS PA RGYUS PA'I DRA BAS SBREL, ,BDAG 'TSO KYI HUD SDUG BSNGAL LO, ,DGON PAR CHUD PA'I LUS CAN RNAMS, ,THAMS CAD DU YANG SDUG BSNGAL TE, ,'DIR NI SKYOB PA GANG YANG MED, ,BDAG CAG SDUG BSNGAL ZHUGS PAR GYUR, ,DE LTAR YI DVAGS KUN STON PAR BYED PA DE DE DAG NGU SKAD 'BYIN, SMRE SNGAGS 'DON CING THAMS CAD YONGS SU 'KHYAM MO, ,DE DAG GAL TE YANG YONGS SU RGYUG PA NA DGE SLONG DES MTHONG NAS SEMS PAR BYED DE, KYE AE MA, KHYAD PAR DU 'DOD PA'I KHAMS KYI 'KHOR BA RAB TU 'BAR RO SNYAM MO, ,DE LTAR YONGS SU RGYUG PA DE DAG LA GAL TE DAD PA CAN ZHIG GIS KYANG BYIN LA DE LA DE RIGS DER SKYES PA ZHIG KYANG YIN NA DE 'BYUNG BAR 'GYUR TE, DE DE LAS SROG GI 'TSO BA 'THOB PAR 'GYUR ZHING SKYOB PA DE YIN LA, SKYABS DE YIN TE DE LA RTEN TO, ,DE LTAR DE SRID DU SDIG PA'I LAS DE BCOM ZHING
, ,SPANGS LA ZAD PAR MA BYAS PA DE SRID DU 'TSO BAR 'GYUR RO, ,DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG LAS DE DANG RGYU MTHUN PAR RANG GI LAS KYI 'BRAS BU LA SPYOD PA RANG GI LAS RLUNG LTA BUS DED PAR BYED DO, ,DE DAG GAL TE YANG MI RNAMS KYI NANG DU GNYA' SHING GI BU GAR RUS SBAL 'JUG PA LTA BUR MI RNAMS DANG SKAL BA MNYAM PAR MIR SKYES NA DE RDZA RNGA RDUNG BA'AM, DRIL SGRA SGROGS PA'AM, GTZUG LAG KHANG GI SRUNG MAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA RNAM PAR BRTAGS NA, DES THOS PA LAS BYUNG BA'I SHES PAS YI DVAGS KYI 'JIG RTEN NA YI DVAGS MCHIL MA ZA BA ZHES BYA BA JI LTAR 'DUG PA MTHONG NGO, ,DE DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, 'DI LTAR MI NGAN PA SKYES PA'AM, BUD MED PHRAG DOG DANG, SER SNAS ZIL GYIS NON PA DGE 'DUN NAM, GZHAN MKHAS PA'I RNAM PA DE LTA BU DAG GI KHA ZAS LHAG MAR BYAS LA DE 'DI LTAR LHAG MAR MA BYAS SO ZHES NAS, DE DAG KYANG YID CHES PA'I DBANG GIS KHA ZAS MI 'DRA BA DE ZA BAR BYED DO, ,MI NGAN PA DE YANG DANG YANG DU DE LTAR DE NYID LA DGA' BAR BYED CING GZHAN DAG KYANG DE NYID LA
RAB TU 'JOG PAR BYED LA, SBYIN PA DAG GTONG BAR MI BYED, TSUL KHRIMS LA MI GNAS, MKHAS PA LA MI BSTEN, CHOS DANG MTHUN PAR MI SPYOD, YANG DANG YANG DU KHA ZAS LHAG MAR BYED PA'I LAS DE NYID LA MNGON PAR DGA' BAR BYED NA, DE LUS DANG BRAL NAS NGAN 'GRO LOG PAR LTUNG BA YI DVAGS MCHIL MA ZA BA RNAMS KYI NANG DU SKYE BAR 'GYUR RO, ,DER SKYES NAS LUS BSKRES PA DANG, SKOM PAS GDUNGS PA'I MCHIL MA BOR BA LJAN LJIN NAM, RTZIG PA LA REG PA'AM, SA LA BOR BA DE KHAM GYIS ZA BAR BYED DE, DES SROG 'TSO BA 'THOB PAR 'GYUR ZHING DE'I PHYI BZHIN 'BRANG LA SKYABS DE YIN ZAS DE YIN TE, JI SRID DU SDIG PA'I LAS DE BCOM ZHING SPANGS LA ZAD PAR MA BYAS PA DE SRID DU DER 'BYUNG BAR 'GYUR RO, ,DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG LAS DE DANG RGYU MTHUN PAR RANG GI LAS KYI 'BRAS BU LA SPYOD PA 'KHOR BA NA YONGS SU 'KHYAM MO, ,DE GAL TE BRGYA LA MI RNAMS DANG SKAL BA MNYAM PAR MIR SKYES NA, DE DBUL ZHING NAD BU CAN LA SNA RUL BAR 'GYUR, RTAG TU DGE 'DUN GYI NANG NA LJAN LJIN 'PHYAG PAR 'GYUR, LAS KYI 'TSO BA DANG, LHAG MA ZA BAR 'GYUR BA MTHONG NGO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO BCU DGU PA, DE NAS YANG DGE SLONG LAS KYI 'BRAS BU
, ,RNAM PAR SMIN PAR SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI 'JIG RTEN NA NYE BAR BYAS PA SPYOD PA, BKRES SKOM CHUNG ZHING LUS GOS MED PA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, DES GNOD SEMS KYI PHYIR NI MA YIN GYI, GTZANG BA 'DOD PA'I PHYIR SANGS RGYAS LA PHRENG BA PHUL BA BRKU BA DANG, DE BZHIN DU BLA MA DAG GI PHRENG BA'ANG RKU BAR BYED NA; DE LUS DANG BRAL NAS NGAN 'GRO LOG PAR LTUNG BA YI DVAGS PHRENG BA ZA BA RNAMS KYI NANG DU SKYE BAR 'GYUR TE, DE MCHOD RTEN NAM, GNOD SBYIN GYI GNAS SU SKYE BAR 'GYUR ZHING DE MTHU CHE BA DANG, DBANG CHE BAR YANG 'GYUR RO, ,DE LEGS PAR BYAS PA DANG, NYES PAR BYAS PA'I RMI LAM DAG STON PAR NUS SO, ,GAL TE MI GANG LA RANG BZHIN GYI MI DGE BA ZHIG BYUNG LA YI DVAGS DE LA KHA ZER NA, DE GZHI DES MI DE LA 'TSO BAR BYED PA DANG, 'JIG RTEN PA DE DAG GNOD SBYIN 'DI NI RDZU 'PHRUL CHE BA MTHU CHE BA ZHIG GO ZHES BRJOD DO, ,DE PHRENG BA MANG PO THOB STE, DE DES SHIN TU TSIM PAR 'GYUR ZHING LUS BKRES PA DANG, SKOM PAS GDUNGS PAR YANG MI 'GYUR, 'JIG RTEN GYIS KYANG MNGON PAR BSTOD PAR
'GYUR TE, DE DES RTAG TU DGA' BAR 'GYUR RO, ,DER YI DVAGS PHRENG BA ZA BA DE SRID DU SDIG PA'I LAS SDIG PA CHUNG BA DE BCOM ZHING SPANGS LA ZAD PAR MA BYAS PA DE SRID DU 'TSO BAR 'GYUR RO, ,DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG LAS DE DANG RGYU MTHUN PAR BYAS PA NYE BAR 'GRO BA JI LTA BA BZHIN DE LA SPYOD CING 'KHOR BA NA YONGS SU 'KHYAM MO, ,DE GAL TE BRGYA LA MI RNAMS DANG SKAL BA MNYAM PAR MIR SKYES NA DE PHRENG BA MKHAN DU 'GYUR TE, MU DANG, MTHA' DANG, MJUG DES DE'I 'TSO BA NYE BAR 'GRUB PA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI 'JIG RTEN NA YI DVAGS KHRAG ZA BA ZHES BYA BA KHRAG GIS SROG 'TSO BAR BYED PA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, MI GANG LA LA DE'I LUS BRTEN PAR BYA BA'I PHYIR SHA'I KHRAG 'THUNG LA DE LA DGA' ZHING GTUM PA DANG, PHRAG DOG DANG, SER SNAS MNGON PAR NYAMS PA, BU DANG, CHUNG MA LA SLU BAR BYED CING SROG GCOD PAR BYED NA, KHRAG LA 'CHUMS PA'I NGANG TSUL CAN TE, DE LUS DANG BRAL NAS NGAN 'GRO LOG PAR LTUNG BA
, ,YI DVAGS KHRAG ZA BA RNAMS KYI NANG DU SKYE BAR 'GYUR RO, ,DER SKYES NAS KYANG DE LAS NYID KYIS BSKYED PA'I YUL DU SKYE BAR 'GYUR LA DE LA MI DAG 'DI NI GNOD SBYIN ZHIG YIN NO ZHES BRJOD DE, DE LA MCHOD PA'ANG BYED DO, ,DE LA KUN NAS BSKOR NAS KHRAG GI GTOR MAS KYANG MCHOD PAR BYED DE, DE PHYIR ZHING KHRAG 'THUNG BAS MYOS NAS MI DAG LA GNOD PA BYED DO, ,DE LA MI DAG YANG DANG, YANG GNOD SBYIN 'DI NI RDZU 'PHRUL CHE ZHING MTHU CHE BA ZHIG YIN NO ZHES BRJOD DE, DE LTAR DE GCIG NAS GCIG TU RJOD PAR BYED DO, ,TSE'ANG SNGA MA BZHIN TE, DE LTAR DE JI SRID DU SDIG PA'I LAS DE BCOM ZHING SPANGS LA ZAD PAR MA BYAS PA DE SRID DU DE LTAR YI DVAGS RDZU 'PHRUL CHE BA DE NYID BYED DO, ,DE DE LAS THAR NA LAS DE DANG RGYU MTHUN PAR RANG GI LAS LA SPYOD PA LAS NYE BAR 'GRO BA JI LTA BA BZHIN DU 'KHOR BA NA YONGS SU 'KHYAM MO, ,DE GAL TE BRGYA LA MI RNAMS DANG SKAL BA MNYAM PAR MIR SKYES PA'AM, BUD MED DU SKYES NA MI DE MKHA' 'GRO MA'AM, MKHA' 'GROR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI 'JIG RTEN NA YI DVAGS SHA ZA BA ZHES BYA BA JI LTAR
'DUG PA MTHONG NGO, ,DE LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, SER SNA LA CHAGS PA'I ZIL GYIS NON PA GANG GIS BA LANG NGAM, RTA'AM, [?] YI DVAGS SAM, PHAG GAM, LUG SHI BA'I SHA RIN THANG NGAM, SRANG LA G-YO BYAS NAS RIN CHEN POR BTZONGS NA, DE LUS DANG BRAL NAS NGAN 'GRO LOG PAR LTUNG BA YI DVAGS SHA ZA BA RNAMS KYI NANG DU SKYE BAR 'GYUR RO, ,DE BZHI MDO DANG, SUM MDO DANG, TSONG 'DUS DANG, LAM GYI BZHI MDO DANG, SRANG DANG, GRONG KHYER DANG, GTZUG LAG KHANG GI GNAS RNAMS KYI GNOD SBYIN DU SKYE BAR 'GYUR TE, NGO BO NYID GTUM LA GYUR PA SHES SO, ,YI DVAGS RDZU 'PHRUL CHE BA MI DGE BA'I LAS SHIN TU MI ZAD PA'ANG MA YIN LA, DE SBYIN PA TSER MA LTA BU'ANG BYIN TE, RGYU DES RDZU 'PHRUL CHE BA NYID DU 'GYUR RO, ,DE LA MI PHAL PA DAG MA HE DANG, RI DVAGS DANG, SBRUL DANG, LUG LA SOGS PA DAG SROG BCAD NAS SHAS SHIN TU TSIM PAR BYED DO, ,DE LTAR DE NYES PAR BYAS PA'I NGO BO NYID KYIS JI SRID DU MI DGE BA'I LAS PHRAG DOG BYAS PA DE BCOM ZHING SPANGS LA ZAD PAR MA BYAS PA DE SRID DU DER 'BYUNG BAR 'GYUR RO, ,DE PHYIS YI DVAGS KYI 'JIG RTEN DE [?] LAS THAR BAR 'GYUR TE, THAR NAS KYANG LAS DE DANG RGYU MTHUN PAR LAS NYE BAR 'GRO BA DANG, LAS SO SOR 'BRANG BA JI LTA BA BZHIN DU 'KHOR BA NA YONGS
, ,SU 'KHYAM MO, ,GAL TE BRGYA LA LAS LEGS PAR BYAS PA DES GNYA' SHING GI BU GAR RUS SBAL 'JUG PA LTA BUR MI RNAMS DANG SKAL BA MNYAM PAR MIR SKYES NA, SHA ZA BSHAN PA PHAL PA'AM, DUM BUR BYED PA'I MIR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS BDUG PA ZA BA ZHES BYA BA DE THOB PAS DES SROG 'TSO BA 'THOB PA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, 'DI LTAR LHUS CHER SER SNAS ZIL GYIS NON CING LAS KYI 'BRAS BU MNGON PAR MI SHES PA; SANGS RGYAS ZHES BYA BA 'DI ZHING MA YIN NO SNYAM NAS ZHING DU MNGON PAR MA SHES PA GANG GIS BDUG SPOS BZANG PO BZHAG LA BDUG SPOS NGAN PA KHYER TE, SEMS DANG BA MED CING DAD PA MED PAR GYUR PA, LAS KYI 'BRAS BU YANG DAG PAR MYONG BAR 'DOD PA, GZHAN GYI NGOR 'DI LTAR BDUG SPOS PHUL BAS BDAG GI LAS KYI 'BRAS BUR 'GYUR SNYAM NA; DE LUS DANG BRAL NAS NGAN 'GRO LOG PAR LTUNG BA YI DVAGS RDZU 'PHRUL CHE BA ME TOG PHRENG BA DANG, PHYE MA DANG, BYUG PA DANG, SPOS DANG, ROL MO'I SGRA LA RAB TU DGA' ZHING BDUG
PA ZA BA'I GNOD SBYIN DU 'GYUR TE, GNOD SBYIN GYI GNAS SUM MDO DANG, BZHI MDO'AM, LAM PO CHE'AM, SRANG NGAM, GTZUG LAG KHANG NGAM, KUN DGA' RA BA'AM, SKYED MOS TSAL LAM, KHYIM MAM, MKHAR RAM, PU SHU DAG TU AA GA RU NAG PO'I BDUG SPOS KYIS MYOS PAR 'GYUR ZHING SKYE BO KUN GYIS PHYAG BYAS PAR 'GYUR BA NI SEMS DANG, RDZAS KYI YON TAN GYIS MA YIN GYI ZHING BZANG PO'I YON TAN YIN TE, SANGS RGYAS DANG, CHOS DANG, DGE 'DUN LA CHUNG NGU ZHIG PHUL NA'ANG 'BRAS BU CHEN POR 'GYUR RO, ,DPER NA, GANG GI TSE SHING N+YA GRO DHA'I SA BON CHUNG NGU ZHING GSHIN PA LA BTAB PA DE'I TSE SHING LJON PA YAL GA BZANG ZHING LO MA'I TSOGS CHEN POR 'GYUR RO, ,DE BZHIN DU DE ZHING BZANG PO SANGS RGYAS DANG, CHOS DANG, DGE 'DUN LA PHUL BA'I 'BRAS BU'ANG ZHING GI YON TAN DANG, MTHUS CHEN POR 'GYUR RO, ,DE LTAR YI DVAGS RDZU 'PHRUL CHE BA DE BDE BA NYAMS SU MYONG STE LAS ZAD PAS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG LAS DE DANG RGYU MTHUN PAR NYE BAR 'GRO BA JI LTA BA BZHIN DU 'KHOR BA NA YONGS SU 'KHYAM MO, ,DE GAL TE MI'I NANG DU GNYA' SHING GI BU GAR RUS SBAL 'JUG PA LTA BUR MI RNAMS DANG SKAL BA MNYAM PAR MIR SKYES NA, DE RTAG TU DE DBUL BA'I RIGS SU SKYE ZHING RTAG TU ME TOG PHRENG BA DANG, PHYE MA DANG, BYUG PAS LUS BYUGS TE LUS
, ,SHIN TU DRI ZHIM PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA , DES THOS PA LAS BYUNG BA'I SHES PAS YI DVAGS DRAG SHUL SPYOD PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, MI NGAN PA SER SNAS ZIL GYIS GNON CING DGE SBYONG GI TSUL 'DZIN PA TSUL KHRIMS 'CHAL BA GANG GIS DGE SBYONG GZHAN LA THA SNYAD BTAGS NAS 'DI LTAR DGE SBYONG ZHIG SHIN TU NAD MI BZAD PAS THEBS TE, DE SBYIN BDAG KHYOD KYIS NA BA'I GSOS SMAN GYI RKYEN GYI YO BYAD DAG BYIN CIG CES SMRAS NAS, DE BLANGS TE BDAG NYID ZA BAR BYED DE, ZLA DES NGAN G-YO BYED PAR GYUR NAS TSUL SNA TSOGS BZUNG STE YUL NAS YUL DU RGYUG CING SBYIN BDAG RNAMS LA SLU BAR BYED NA, DE LUS DANG BRAL NAS NGAN 'GRO LOG PAR LTUNG BA YI DVAGS DRAG SHUL SPYOD PA RNAMS KYI NANG DU SKYE BAR 'GYUR RO, ,DER SKYES NAS KHA ZAS LJAN LJIN MI GTZANG BA ZA BAR 'GYUR, RTAG TU LUS BKRES PA DANG, SKOM PAS GDUNGS PAR 'GYUR, MI GANG MI GTZANG BA DE LA BRNYES PAR BYED CING DE LTAR NGA RGYAL MED PAR BYED, GLAGS MTHONG BA NYID KYIS GZHAN DAG GI RMI LAM DU
'JIGS PA STON PAR BYED CING DUR KHROD RNAMS SU DGA' BAR BYED, LUS DANG SPU THAMS CAD RAB TU 'BAR LA YUL 'JIG PA'I TSE RAB TU DGA' BAR 'GYUR, DRAG SHUL DU SPYOD PA'I RIG SNGAGS DAG GIS GZHAN DAG DRANGS NAS RNAM PAR 'TSE BAR BYED, YUD TZAM ZHIG GIS DPAG TSAD BRGYA PHRAG STONG NAS KYANG DRANGS TE 'ONG BAR BYED DO, ,DE LTAR DRAG SHUL SPYOD PA'I YI DVAGS DE GNOD SBYIN GYI MING THOB STE, DE LA SKYE BO PHAL PA DAG GNOD SBYIN 'DI NI RDZU 'PHRUL CHE ZHING GNOD SBYIN MTHU CHE BA YIN NO SNYAM NAS MCHOD PA BYED DO, ,DE LTAR DE SKYE BO RNAM PA SNA TSOGS LA GNOD PA BYED CING RNAM PAR 'TSE BA NA JI SRID DU TSE MA ZAD PA DE SRID DU 'TSO BAR 'GYUR RO, ,DE PHYIS DE LAS 'CHI BAR 'GYUR TE, SHI NAS KYANG LAS DE DANG RGYU MTHUN PAR RANG GI LAS LA SPYOD PA 'KHOR BA NA YONGS SU 'KHYAM MO, ,DE GAL TE BRGYA LA MI RNAMS DANG SKAL BA MNYAM PAR MIR SKYES NA DE 'BYUNG PO MI BZAD PA GNOD SBYIN MO SKYONG BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI 'JIG RTEN NA YI DVAGS GLAGS LTA BA ZHES BYA BA RANG GI NGO BO NYID KYIS KYANG GLAGS LTA BA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS
, ,BYUNG BA'I SHES PAS BRTAGS NA, 'DI LTAR PHRAG DOG DANG, SER SNAS ZIL GYIS NON PAS GZHAN GYI NOR RDZAS LA G-YO THABS DANG, NGAN G-YO DANG, SLU BA DANG; 'KHU BA BYAS SHING GRONG DANG, GRONG KHYER DANG, TSONG 'DUS PA LA BRID DE GLAGS RNYED PA DANG, PHA ROL 'JIG PAR BYED CING SBYIN PA DAG MI GTONG, BSOD NAMS KYANG MI BYED, MKHAS PA LA LHUR MI LTA, RTAG TU SER SNAS ZIL GYIS NON CING GZHAN LA 'KHU BA'I BSAM PAS GZHAN GYI PHUN SUM TSOGS PA MTHONG NAS YID GZHAN DU SEMS, BSHES GROGS DANG, GNYEN 'DAB DANG, RTZA LAG DANG MI MTHUN ZHING YUL LA ZHE 'GRAS PA SKYE BO THAMS CAD KYI MNGON SUM DU GYUR PA DE LUS DANG BRAL NAS NGAN 'GRO DANG, LOG PAR LTUNG BA YI DVAGS GLAGS LTA BA RNAMS KYI NANG DU SKYE BAR 'GYUR RO, ,LUS DANG, SPU RTAG TU RAB TU 'BAR ZHING LUS BKRES PA DANG, SKOM PAS GDUNGS LA, LUS SHING LJON PA KING SHU KA 'DRA BA DU SKAD 'BYIN, SMRE SNGAGS 'DON CING SA PHYOGS GANG NA CHU YOD CIG GU ,GZHAN GANG NA BDAG GIS BZA' BA'I KHA ZAS KYI RNAM PA CUNG ZAD YOD CIG GU SNYAM NAS RGYUG PAR BYED DO, ,DE RES 'GA' GAL TE MI BLO ZHAN PA ZHIG DANG PHRAD LA, MI DE MCHOD RTEN SKOR BAR MI BYED PA DANG, DE'I PHYI BZHIN DU 'BRANG BA'I LHA DES GTONG BAR 'GYUR LA,
DE'I TSE MI DE'I PHYI BZHIN 'BRANG BA'I LHA DANG BRAL BAR 'GYUR TE, YI DVAGS GLAGS LTA BA DES GLAGS RNYED NAS RNAM PAR 'TSE BAR BYED CING DE BZUR NAS DE'I TSE SROG 'TSO BAR BYED DO; ;DE BZHIN DU MI GZHAN GANG DAG BUD MED DANG PHRAD PA BTZOG GIS NYES PA'AM, KHA ZAS DANG BTUNG BA ZOS PA'I LHAG MA MI GTZANG BA'I NYES PA MA BKRUS NA LHA'ANG RNAM PAR 'TSE BAR BYED LA, YI DVAGS DE DE NYID KYIS SROG 'TSO BA 'THOB PAR 'GYUR ZHING DE'I MGON DE YIN LA, SKYABS DE YIN TE, JI SRID DU SDIG PA'I LAS DE BCOM ZHING SPANGS LA ZAD PAR MA BYAS PA DE SRID DU 'TSO BAR 'GYUR RO, ,DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG LAS DE DANG RGYU MTHUN PAR LAS LA SPYOD PAR 'KHOR BA NA YONGS SU 'KHYAM MO, ,DE GAL TE MI RNAMS DANG SKAL BA MNYAM PAR MIR SKYES NA, DE RTAG TU RGYAL PO DANG, CHU DANG, CHOM RKUN DANG, ME DANG, DGON PA DAG GIS MA RUNG BAR BYED CING RTAG TU DBUL PA DANG, NAD BU CAN DANG, DMAN PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA; DES THOS PA LAS BYUNG BA'I SHES PAS YI DVAGS KYI 'JIG RTEN NA YI DVAGS SA'I 'OG NA GNAS PA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR
, ,SNYAM NAS DES THOS PA LAS BYUNG BA'I SHES PAS BRTAGS NA, MI BLO GROS NGAN PA SER SNAS ZIL GYIS NON PA'I GZHI GANG GI BTZON RA BYA BA'I PHYIR SA BRKOS PA MUN NAG GI NANG DU SEMS CAN BCINGS PA GANG DAG PHAN TSUN BLTA BAR YANG MI MTHONG STE, DE DAG DU SKAD 'BYIN CING KU CO 'DON, SO SO MGON MED LA SHIN TU SDUG BSNGAL BA DAG MI NGAN PA GANG GIS BTZON RAR 'JUG PAR BYED NA, DE LUS DANG BRAL NAS NGAN 'GRO LOG PAR LTUNG BA YI DVAGS SA'I 'OG NA GNAS PA SA GZHI MUN PA MUN GNAG GI NANG DU 'BYUNG BAR 'GYUR TE, DE LUS KYI TSAD DPAG TSAD GSUM YOD LA KUN NAS SBRUL GDUG PAS DKRIS SHING DE RLUNG GRANG LA MI MTHUN PA RNAMS KYIS SHIN TU GNOD PAR BYED, LUS SPU CAN BKRES PA DANG, SKOM PAS MCHOG TU GDUNGS PAS DU LA LUS SKRA RING POS KHEBS PA, YANG DANG, YANG DU SDUG BSNGAL RNAM PA SNA TSOGS, RNAM PA DU MA RNAMS KYIS MNGON PAR GDUNGS SHING DGON PA MI ZAD PAR ZHUGS, SDUG BSNGAL DRAG CING MI BZAD PA MYONG BZHIN DU YONGS SU RGYUG LA, GCIG PU ZLA MED CING GROGS MED PA, RLUNG SPU GRI LTA BUS BDAS PA NA JI SRID DU NYES PAR BYAS PA'I LAS BCOM ZHING SPANGS LA ZAD PAR MA BYAS PA DE SRID DU DE MYONG BAR 'GYUR RO, ,DE PHYIS DE LAS
LAS THAR BAR 'GYUR TE, THAR NAS KYANG LAS DE DANG RGYU MTHUN PAR LAS NYE BAR 'GRO BA JI LTA BA BZHIN DU 'KHOR BA NA YONGS SU 'KHYAM MO, ,DE GAL TE MI RNAMS KYI NANG DU GNYA' SHING GI BU GAR RUS SBAL 'JUG PA LTA BUR MI RNAMS DANG SKAL BA MNYAM PAR MIR SKYES NA, DE RI GSEB DANG, RGYA MTSO'I RI DANG, NYI MA DANG, ZLA BA MED PA'I YUL RNAMS SU LONG BAR 'GYUR ZHING SROG 'TSO BA GZHAN LA RAG LAS PA DANG, DBUL POR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI 'JIG RTEN NA YI DVAGS RDZU 'PHRUL CHE BA ZHES BYA BA RANG BZHIN GYIS RDZU 'PHRUL CHE ZHING MTHU CHE BA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, SEMS CAN SER SNAS NYAMS PA GANG G-YO THABS DANG; SGYUS SAM, MTHUS GZHAN GYI NOR PHROGS TE, GZHAN DAG LA BYIN PA DANG, SEMS DANG LDAN PA MA YIN ZHING, ZHING BZANG PO MA YIN PA LA SBYIN PA TSER MA LTA BU DANG MTSUNGS PA'I SBYIN PA 'GRAN PA DANG, DBANG MED PA DANG, SBA BA DANG, SPOGS DANG, NGO CHEN DANG, STEN STEN PA DANG, SLAR RE BA LA SOGS PA'I SBYIN PA TSER MA LTA BU DANG MTSUNGS
, ,PA DAG BYIN NA, DE LUS DANG BRAL NAS NGAN 'GRO LOG PAR LTUNG BA YI DVAGS MTHU BO CHER 'GYUR RO, ,DE DER SKYES NAS YI DVAGS LUS BKRES PA DANG, SKOM PAS GDUNGS PA RNAMS KYIS YONGS SU BSKOR BA, 'BROG DGON PA'AM, RI ZAD ZED KYI GSEB BAM, RGYA MTSO'I MTHA'I GLING DAG TU MI DVAGS RDZU 'PHRUL CHEN POR 'GYUR TE, BDAG GCIG PU MCHOG TU BDE BAR 'GYUR RO, ,GZHAN LUS TSAL SHING BSREGS PA LTA BU DANG, LUS BKRES PA DANG, SKOM PAS GDUNGS SHING LUS GDUNGS PA BKREN PA'I MIG GIS LTA PA RNAMS KYIS MNGON PAR BSKOR BA BDAG GCIG PU MCHOG TU BDE BAR 'GYUR TE, SBYIN PA NGAN PA DE'I 'BRAS BUS BDAG GCIG PU NYE BAR SPYOD DO, , SHIN TU SDUG BSNGAL PAS 'KHRIGS SHING YONGS SU BSKOR BA GANG GI TSE LAS DE ZAD PAR GYUR PA DE'I TSE DE DE LAS THAR BAR 'GYUR TE, THAR NAS KYANG LAS DE DANG RGYU MTHUN PAR RANG GI LAS KYI 'BRAS BU LA SPYOD PA 'KHOR BA NA 'GRO BA SNA TSOGS SU SKYE BAR 'GYUR RO, ,DE GAL TE MI RNAMS KYI NANG DU GNYA' SHING GI BU GAR RUS SBAL 'JUG PA LTA BUR MI RNAMS DANG SKAL PA MNYAM PAR MIR SKYES NA, DE LO NYES BYUNG BA'I YUL DAG TU RGYAL PO'AM RGYAL PHRAN DU 'GYUR BA MTHONG NGO, ,DE NAS YANG DGE SLONG LAS KYI 'BRAS BU
RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI 'JIG RTEN NA, YI DVAGS MTSAN MO LUS RAB TU 'BAR BA ZHES BYA BA NGO BO NYID KYIS KYANG MTSAN MO RAB TU 'BAR TE DU BZHIN DU GRONG GI 'DAB DANG, GRONG KHYER GYI 'DAB DANG, TSONG 'DUS KYI 'DAB DANG, RI'I GNAS RNAMS SU RGYUG PA; SHING LJON PA RAB TU 'BAR BA 'DRA ZHING LUS BKRES PA DANG, SKOM PA GDUNGS PA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, 'DI LTAR PHRAG DOG GIS ZIL GYIS NON PA GANG PHA ROL LA GNOD PAR BYED PA, G-YO THABS DANG, SGYU BYED PA, YUL MA RUNG PAR BYED PA, LJONGS 'JIG PAR BYED PA, MI GSOD PA, GNYEN 'DAB DANG, BSHES GROGS DANG, RTZA LAG 'JIG PAR BYED PA, DE DAG BSHIG NAS KYANG RGYAL PO'AM, BLON PO LA 'BUL BAR BYED DE, DE LAS YANG THABS THOB NAS DE NAS YANG SDIG PA BYED PA'I MI YUL DE DAG NYID SNGA MA BZHIN DU 'JIG PAR BYED LA SBYIN PA DANG, TSUL KHRIMS DANG, THOS PA DANG BRAL BA MKHAS PA LA SDANG BAR BYED CING GNOD PAR BYED PA DE DE LUS DANG BRAL NAS NGAN 'GRO LOG PAR LTUNG BA YI DVAGS MTSAN MO LUS RAB TU 'BAR BA RNAMS KYI NANG DU SKYE BAR 'GYUR
, ,RO; ;DES JI LTAR DE DAG MTSAN MO BTZON RAR BCUG STE, LUS LA GNOD PA BYAS PA DE BZHIN DU LAS DE DANG RGYU MTHUN PAR LAS MI ZAD PA DES DE'I LUS KYANG MTSAN MO RAB TU 'BAR BAR 'GYUR RO, ,JI LTAR DES BTZON RAR BCUG NAS DU ZHING DU SKAD 'BYIN LA CHO NGES 'DEBS PA DE BZHIN DU YI DVAGS DE'I LUS MTSAN MO RAB TU 'BAR BAR 'GYUR TE, DE LTAR DE JI SRID DU SDIG PA'I LAS DE BCOM ZHING SPANGS LA ZAD PAR MA BYAS PA DE SRID DU LAS DE MYONG BAR 'GYUR RO, ,DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG LAS DE DANG RGYU MTHUN PAR LAS NYE BAR 'GRO BA JI LTA BA BZHIN DU 'KHOR BA NA YONGS SU 'KHYAM MO, ,DE GAL TE MI RNAMS KYI NANG DU GNYA' SHING GI BU GAR RUS SBAL 'JUG PA LTA BUR MI RNAMS DANG SKAL BA MNYAM PAR MIR SKYES NA, DE RTAG TU GZHAN GYIS GNOD PA BYAS PAR 'GYUR, NOR RDZAS BSAGS BSAGS PA'ANG RTAG TU RGYAL PO'I 'KHOR NAS KYANG 'PHROG PAR BYED, SHING LJON PA'I KHA NAS RTAG TU LTUNG BAR 'GYUR TE, DE LHUNG NAS LUS SNAD PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS
KYI 'JIG RTEN NA, YI DVAGS MI RNAMS KYI BUS PA LA GLAGS LTA BA ZHES BYA BA BUS PA GANG BTZAS MA THAG TU 'PHROG PAR BYED PA JI LTAR 'DUG PA MTHONG NGO, ,DE LAS KYI 'BRAS BU GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG GIS SNGON GZHAN DU SKYES PA NA DE'I BUS PA BSAD PA DANG, SKYES PA'AM, BUD MED DE SEMS CAN DE LA ZHE SDANG SKYES NAS 'DI LTAR BDAG GNOD SBYIN DU GYUR TE, DE DAG GIS BUS PA GSAD PAR BYA'O SNYAM DU SEMS NA, DE LUS DANG BRAL NAS NGAN 'GRO LOG PAR LTUNG BA YI DVAGS GZHAN LA GLAGS LTA BA RNAMS KYI SKYE BAR 'GYUR RO, ,DE KHRO BA DE LA MNGON PAR ZHUGS PA'I BLOS RTAG TU DE YID LA BYED PAR 'GYUR TE, GAL TE BUD MED DE BU BTZA' BAR GYUR NA DE'I BUS PA DE DE LAS BDAG GIS GLAGS RNYED NAS DBROG PAR BYA'O SNYAM DU SEMS SO, ,YI DVAGS DE MGYOGS PAR SKYES TE JI LTAR DPAG TSAD BRGYA PHRAG STONG DAG NA KHRAG GI DRI TSOR NA YANG DER YUD TZAM GYIS PHYIN PAR 'GRO STE, DE GANG GI TSE BUD MED DE BTZA' BAR 'GYUR BA DE'I TSE YI DVAGS GLAGS LTA BA 'KHON DU 'DZIN CING DGRA'I GLAGS LTA BA DE CHUNG DUR GYUR NAS GNAS SO, ,GANG GI TSE THAMS CAD DU TSOL TE GLAGS TSOL, DMIGS PA TSOL, GSAB GSEB TSOL, GZHI TSOL, RGYU TSOL, NYES PA TSOL, SPYOD PA THA DAD PA TSOL, BKRA SHIS MA
, ,YIN PA TSOL, SKAR KHUNG GI BU GA TSOL, SGO'I BU GA TSOL, GZHIR 'JUG PA TSOL, CHU MI GTZANG BA TSOL, GSANG SNGAGS LA GLAGS TSOL, RIG SNGAGS LA GLAGS TSOL, BKRA SHIS LA GLAGS TSOL, GRIB MA LA GLAGS TSOL, DNGOS PO LA GLAGS TSOL, ME MDAG GI BU GA TSOL, SA'I BU GA TSOL, MTSON CHA'I BU GA TSOL, KHANG PA'I PU SHU DANG, NGAM GROG DANG, G-YANG SA'I BU GA TSOL TE, DE LTAR YI DVAGS SNYING LA 'KHON DU 'DZIN PA CHEN PO YOD PA DE GLAGS RNAM PA SNA TSOGS DAG TSOL LO, ,DE GAL TE JI SKAD BSTAN PA'I GLAGS DAG RNYED NA DE BTZA' BA'I KHYIM NA GNAS PA NYID 'PHROG PAR BYED DO, ,GAL TE MA RNYED NA GLAGS RNAM PA SNA TSOGS TSOL BA DE LO BCU 'DAS KYI BAR DU'ANG 'PHROG PAR BYED DO, ,DE LTAR SNYING LA 'KHON DU 'DZIN PA MI DGE BA DANG 'BREL BA MI DGE BA NYID KUN TU SPYOD BZHIN DU LUS BKRES PA DANG, SKOM PAS GDUNGS PA DES GAL TE NUS NA DES BUS PA DE PHROGS NAS GSOD PAR BYED DO, ,JI STE LAS KYI DBANG NGAM, SRUNG BA'I DBANG GI MA NUS NA SNYING LA 'KHON DU 'DZIN PA DE 'CHI BA'I DUS BYED DE, DE LTAR SHI NAS LAS NYE BAR 'GRO BA JI LTA BA BZHIN DU LAS KYI DBANG GIS 'KHOR BA NA YONGS SU 'KHYAM MO, ,DE GAL TE'ANG BRGYA LA MI RNAMS KYI NANG DU GNYA' SHING GI BU GAR RUS
SBAL 'JUG PA LTA BUR MI RNAMS DANG SKAL BA MNYAM PAR MIR SKYES NA, SNGON 'BREL BA'I DGRA DE DANG RGYU MTHUN PAR DE SNGAR BSHAD PA'I SNYING LA 'KHON DU 'DZIN PA DES RGYU MED BZHIN DU THABS RNAM PA SNA TSOGS KYIS RAB TU GSOD PA'I DGRA 'BYUNG BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI 'JIG RTEN NA YI DVAGS 'DOD PA'I GZUGS CAN ZHES BYA BA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, BUD MED DAM, MA NING GANG BUD MED KYI CHA BYAD DU ZHUGS SHING, DE BUD MED SMAD 'TSONG MA'I CHA BYAD SNA TSOGS SU ZHUGS NAS PHA ROL DAG 'DOD CHAGS SKYED PAR BYED CING DE NAS YANG 'DOD PA DE NYID LA G-YENGS NAS 'JUG PAR BYED LA, BCUG NAS KYANG PHRAG DOG DANG, SER SNAS ZIL GYIS NON PAS PHA ROL LAS GLA NOR RDZAS BDAG LEN PAR BYED DO, ,BLANGS NAS KYANG RES 'GA' ZHING NGAN PA DANG, SNOD NGAN PA DANG, YUL NGAN PA LA SBYIN PA'I DNGOS PO NGAN PA TSER MA LTA BU DANG LDAN PA CUNG ZAD TZAM SBYIN PAR BYED DE, RGYU DES DE 'CHI BA'I DUS BYAS PA NA YI DVAGS 'DOD PA'I GZUGS CAN RNAMS KYI NANG DU SKYE BAR 'GYUR RO, ,DER SKYES
, ,NAS KYANG YI DVAGS KYI GZUGS TSUL SNA TSOGS 'DZIN TE, TSUL BZANG BA'AM, TSUN NGAN PA'AM, GZUGS BZANG BA'AM, GZUGS NGAN PA'AM, SDUG PA'AM, SKYES PA'I GZUGS SAM, BUD MED KYI GZUGS SAM, DUD 'GRO'I GZUGS DAG BYED PAR NUS SO, ,DE TSUL SNA TSOGS DAG BZUNG NAS YUL NAS YUL DAG TU 'GRO BAR NUS SO, ,DE RGYU DANG BCAS RKYEN DANG BCAS PAR GYUR NA KHA ZAS BZA' BAR NUS SO, ,RGYU'I GZUGS DE SHIN TU CHUNG BAR BYAS NAS KHYIM DU 'JUG PAR BYED DE, ZHUGS NAS KHA ZAS DE LA ZA BAR BYED DO, ,KHYIM NA GNAS PA DE GZHAN LAS BDAG CAG GI KHA ZAS YI DVAGS KYIS ZOS SO ZHES SMRA'O, ,RES 'GA' YANG LHA'AM, MI'I TSUL DU GNAS NAS DUS KYI DGA' STON DAG GI KHA ZAS LA ZA BAR BYED DO, ,RES 'GA' YANG BYAR SPRUL NAS DUR 'THOR BA'I KHA ZAS DAG LA ZA BAR BYED DO, ,RES 'GA' YANG MI SNANG BAR BYAS NAS 'PHROG PAR BYED DE, DE JI LTAR 'DOD PA DE BZHIN DU GZUGS RNAM PA SNA TSOGS SU BYED DO, ,DE LA 'JIG RTEN DAG GNOD SBYIN JI LTAR 'DOD PA'I GZUGS CAN ZHIG YIN NO ZHES BRJOD DO, ,DE RES 'GA' YANG BUD MED DU SPRUL NAS GRONG MI'I CHOS KYIS SKYES PA 'DREN PAR BYED DO, ,DE LTAR DE TSUL SNA TSOGS BZUNG NAS 'JIG RTEN SLU BAR BYED DE, DE JI SRID
DU YI DVAGS DANG LDAN PA'I SDIG PA'I LAS DE BCOM ZHING SPANGS LA ZAD PAR MA BYAS PA DE SRID DU DE LTAR 'JIG RTEN BSLUS NAS YI DVAGS KYI 'JIG RTEN DU SKYE BAR 'GYUR RO, ,DE PHYIS YI DVAGS KYI 'JIG RTEN DE LAS THAR BAR GYUR TE, THAR NAS KYANG LAS DE DANG RGYU MTHUN PAR RANG GIS BYAS PA'I LAS LA SPYOD PA LA SPYOD PA LA 'KHOR BA NA YONGS SU 'KHYAM MO, ,DE GAL TE'ANG BRGYA LA MI RNAMS KYI NANG DU GNYA' SHING GI BU GAR RUS SBAL 'JUG PA LTA BUR MI RNAMS DANG SKAL BA MNYAM PAR MIR SKYES NA, DE BRO GAR MA KHAN TSUL SNA TSOGS 'DZIN PAR 'GYUR ZHING DE BZHIN DU SPYOD PA'I TSUL GZHAN SNA TSOGS 'DZIN PAR 'GYUR TE, DE TSUL SNA TSOGS 'DZIN PA'I LAS DES 'TSO BA DE BZHIN DU BDAG NYID 'TSO BAR BYED DE, BDAG GI CHUNG MA GZHAN DAG LA BYIN NAS TSOGS CHEN POS 'TSO BAR GRUB PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS RGYA MTSO'I GLING GI BAR NA GNAS PA ZHES BYA BA JI LTAR 'DUG PA MTHONG NGO, ,DE DAG LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, DGON PAR ZHUGS PA GANG 'JIGS SHING BZHIN MOG MOG POR GYUR, NAD KYIS NYAM THAG STE,
, ,MGON MED CING SHES PA MED PA CAN DE LA SEMS CAN GZHAN PHRAG DOG DANG, SER SNAS NYAMS SHING MI RIGS PAR CHAGS LA BRKAM PA GANG GIS ZONG NGAN PAS NOR RDZAS BZANG PO LA RIN 'DRA BAR 'DEBS SHING SLU BAR BYED NA, MI SER SNAS NYAMS PA DE 'CHI BA'I DUS BYAS NAS RGYA MTSO DANG NYE BA'I DGON PA MANG PO DANG; SHING LJON PA DANG, LTENG KA DANG, CHU BO DANG, TSAL DANG, NAGS TSAL MED PA'I YUL DAG TU GRANG BA'I TSE NI BRGYA 'GYUR DU GRANG LA, TSA BA'I TSE NA BRGYA 'GYUR DU TSA STE, LUS BKRES PA DANG, SKOM PAS GDUNGS PA'AM, ZIL PA'I THIG PAS SROG 'TSO BA'I YI DVAGS SU 'GYUR RO, ,RGYA MTSO'I CHU'ANG BTUNG BAR MI THOB LA, DE DAG GI LAS NGAN PAR BYAS PA DES RGYA MTSO'ANG THAMS CAD DU BSKAMS PAR 'GYUR TE, RI DANG, NAGS TSAL DANG RGYA MTSOR BCAS PA DE'ANG RAB TU 'BAR BAS MTHONG NGO, ,DE RE BA MED CING THAMS CAD NAS GNOD PA, LUS BKRES PA DANG SKOM PAS GDUNGS PA NGU ZHING SMRE SNGAGS 'DON BZHIN DU GNAS NAS GNAS DAG TU RGYUG LA, NGU SKAD 'BYIN, SMRE SNGAGS 'DON, CHO NGES 'DEBS KYANG DE LA GRAGS [?] SU GYUR PA SU'ANG MED DE, DE LA SKYOB PA MED, DPUNG GNYEN MED DO, ,RANG GI LAS KYIS SEMS BSLUS PA DE
SKRAS MUN PA LTAR KHEBS SHING LUS KYI YAN LAG DANG, NYING LAG THAMS CAD RGYUS PA'I DRA BAS SBREL BA LAG PA GNYIS SO SOR PHRAL TE BRGYANGS PA DANG, KU CO 'DON PA KUN NAS MGON 'DOD CING DPUNG GNYEN 'DOD KYANG DE'I MGON DU 'GYUR BA SU'ANG MED DE, DE LTAR DE JI SRID DU SDIG PA'I LAS DE BCOM ZHING SPANGS LA ZAD PAR MA BYAS PA DE SRID DU 'TSO BAR 'GYUR RO, , DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG LAS DE DANG RGYU MTHUN PAR GAL TE MI RNAMS KYI NANG DU GNYA' SHING GI BU GAR RUS SBAL 'JUG PA LTA BUR MI RNAMS DANG SKAL BA MNYAM PAR MIR SKYES NA, DE DE BZHIN DU GLING GI BAR NA GNAS PA'I MIR 'GYUR TE, GLING CHU NYUNG BA DER RKANG PA GCIG PA'AM, LUS THUNG BAR 'GYUR BA MTHONG NGO,, DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI 'JIG RTEN NA YI DVAGS GSHIN RJE'I CHAD PA ZHES BYA BA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, MI GANG PHRAG DOG DANG, SER SNAS NYAMS SHING RGYAL PO'I MI MNA' BYED PA, SEMS DRAG SHUL CAN, SNYING RJE MED PA, CHOS KYI TSUL BTANG BA, 'JIG RTEN THAMS CAD KYI SMAD PA DE LUS DANG BRAL NAS
, ,NGAN 'GRO LOG PAR LTUNG BA YI DVAGS KYI YUL NA YI DVAGS GSHIN RJE'I CHAD PA ZHES BYA BAR 'GYUR TE, GANG MI'I 'JIG RTEN NA MI NYES PAR BYAS PA'I LAS KYIS GSHIN RJE'I BSGO BA NYAN PAR 'GYUR RO, ,DE'I NYES PAR BYAS PA'I LAS KYIS GSHIN RJE'I MI NYE BAR 'DUG STE SHIN TU DNGANGS PAR BYED CING CHA BYAD BSGYUR BA 'CHANG BA; LUS BSGYUR BA, LAG TU MTSON CHA THOGS PA, LUS SKRAS MUN PA LTAR KHEBS PA, MCHU DANG, LTO 'PHYANG BA, RNA BA 'PHYANG BA, HA HA'I SGRA DANG, MTSON CHA 'DEBS PA RNAMS KYIS MI DE LA 'JIGS PAR BYED DO, ,DE DAG GIS MI DE MTHONG NAS PHYIS LAG PA BCING BAS BCINGS TE GSHIN RJE'I 'JIG RTEN GSHIN RJE'I DRUNG DU KHRID DO, ,'DI LTAR DE LHA DANG; MI'I 'JIG RTEN NAS YI DVAGS KYI YUL DU KHRID DE, LUS KYIS NYES PAR SPYAD PA DANG, NGAG GIS NYES PAR SPYAD PA DANG, YID KYIS NYES PAR SPYAD PA DANG LDAN PA DE LA LHAS RJES SU BSTAN PAR GSOL ZHES SMRAS SO, ,DE NAS GSHIN RJE'I RGYAL POS MI DE LA 'DI LTAR RJES SU BSTAN PA, MKHAS PA RANG GI LAS KYIS SU, ,MI DAG TU NI KHYOD SKYES NA, ,RIN CHEN GLING DU KHYOD BSLUS PA, ,CI YI PHYIR NA CHOS MA SPYAD, ,BDE BA LAS LA RAG LAS MTHONG, ,YID NI DE BZHIN BDE BA LAS, ,'CHI DANG SKYE BA RNAMS
SPYAD PA, ,CHOS NI YID DANG RJES SU 'BREL, ,'DU BYED THAMS CAD MI RTAG STE, ,CHU YI CHU BUR LTA BU YIN, ,'JIG RTEN 'DI DANG PHA ROL TU, ,DE LTAR LEGS PA'I LAS SPYOD DO, ,GANG ZHIG RTAG TU DGE BYED PA, ,KUN TU MI DGE YONG MI BYED, ,DE NI NGAN LTA LAM MI 'DOD, ,MTHO RIS SKAS LA KUN TU GNAS, ,BYIS PA GANG DAG SEMS MED PA, ,RTAG TU NYES PAR SPYOD LA DGA', ,SDIG PA NGES PAR RNAM SPANGS PA, ,'GRO BA BZANG POR 'GRO BAR 'GYUR, ,'JIG RTEN LAS KYI 'BRAS BU MTHONG, ,LHA LA RNAM PA SNA TSOGS MTHONG, ,GANG ZHIG BAG MED SHIN TU RTZUB, ,DE BDAG NGES PAR 'PHAGS MI BYED, ,GANG GIS DON DU LUS DANG DAG ,YID KYIS MANG DU SDIG BYAS PA, ,DE DAG THAMS CAD GZHAN DU DONG, ,GNAS 'DIR KHYOD NI GCIG PU 'DUG ,MI NI RNYED DKA' THOB NAS SU, ,GANG ZHIG SDIG PA MANG BYED PA, ,SHIN TU SLU BA MI ZAD DE, ,NGAN 'GROR NGES PAR 'GRO BA YIN, ,GANG ZHIG SDIG LAS BRAL BA NI, ,SHIN TU DGE LA DGA' 'GYUR TE, ,DE NI BDE BAS BDE 'THOB CING, ,MYA NGAN 'DAS PAR RAB TU 'GRO ,GANG ZHIG DGE LA NYER BSTEN PA, ,MI NI SHIN TU BKRA SHIS 'GYUR, ,GANG ZHIG SDIG LA NYER BSTEN PA, ,DE NI SHIN TU BKRA MI SHIS, ,THOG MA BAR DANG MTHAR NGAN PA, ,DAM PAS DE NI RNAM PAR SMAD, ,SDIG PA SDIG PAR 'GRO BA MTHONG, ,SEMS CAN DMYAL BA NYE BAR
, ,RTOG ,LAS DGE DBANG PO THUL BA NI, ,'JIG RTEN DAG NA SHIN TU BZANG, ,LUS DANG BRAL NAS BDE 'GRO STE, ,LHA YI 'JIG RTEN SKYE BAR 'GYUR, ,KHYOD NI BCING BA DAM POS BCINGS, ,GSHIN RJE'I PHO NYAS DBANG DU BYAS, ,GSHIN RJE'I 'JIG RTEN BSTEN DKA' BA, ,DRAG PO MI BZANG KHYOD KYIS THOB, ,KHYOD KYI NGAN BYAS GANG BYAS PA, ,LAS DE 'DIR NI SPYAD PAR GYIS, ,BYIS PA RANG GIS BYAS LA SPYAD, ,GZHAN GYIS SPYOD PA NYID MI 'GYUR, ,DE LTAR DE GSHIN RJES RJES SU BSTAN PA NA GSHI NA'I CHAD PA DE DAG MNGON SUM DU GYUR TO, ,DE NAS DE BSTAN NAS GSHIN RJE'I MIS NYES PAR BYED PA BYAS PA RANG GI LAS KYI 'BRAS BUS BSLUS PA DE PHYIR BYUNG NAS LAS NYE BAR 'GRO BA JI LTA PA BZHIN DU KHRID DE, JI SRID DU SDIG PA'I LAS BYAS SHING BSAGS PA DE BCOM ZHING SPANGS LA ZAD PAR MA BYAS PA DE SRID DU ZAS RLUNG LA ZA BAR BYED DO, ,DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG GAL TE MI RNAMS DANG SKAL BA MNYAM PAR MIR SKYES NA, LAS DE DANG RGYU MTHUN PAR RI NYAM PA NGA BA DANG, CHU MI BDE BA'I 'GRAM DU GNAS TE LAM DU 'GRO BA BSKYED PAR 'GYUR BA MTHONG NGO, ,DE NAS YANG RNAL 'BYOR SPYOD PA NANG GI CHOS KYI RJES SU LTA ZHING GNAS PA DGE SLONG DES
SA GZHAN BCU BZHI PA LA JI LTAR 'JUG SNYAM NAS DES THOS PA LAS BYUNG BA'I SHES PAS SAM, LHA'I MIG GIS GZUGS KYI SKYE MCHED BCU MTHONG STE, 'DI LTA STE, MIG GI SKYE MCHED DANG, GZUGS KYI SKYE MCHED DANG, RNA BA'I SKYE MCHED DANG, SGRA'I SKYE MCHED DANG, SNA'I SKYE MCHED DANG, DRI'I SKYE MCHED DANG, LCE'I SKYE MCHED DANG, RO'I SKYE MCHED DANG, LUS KYI SKYE MCHED DANG, REG BYA'I SKYE MCHED DO, ,DE 'DI SNYAM DU SEMS TE, MIG DANG, GZUGS LA BRTEN NAS BDAG GI 'DU SHES BYUNG NGO SNYAM STE, DES BRTAGS NA MIG DANG GZUGS LA BRTEN NAS MIG GI RNAM PAR SHES PA SKYE STE, GSUM 'DUS PA LAS REG PA, REG PA DANG LHAN CIG SKYES PA TSOR BA DANG, 'DU SHES DANG, SEMS PA DANG, RNAM PAR SHES PA 'BYUNG STE, REG BAR BYED PAS REG PA DANG, TSOR BAR BYED PAS TSOR BA, SHES PAR BYED PAS 'DU SHES TE, 'DI LTAR GZUGS 'DI NI RING NGO THUNG NGO, ,SDUG GO MI SDUG GO ,BSTAN DU YOD PA'O, ,THOGS PA DANG BCAS PA'O SNYAM PA'O, ,SEMS PAR BYED PAS SEMS PA'O, ,YANG RNAM PAR SHES PAR BYED PAS RNAM PAR SHES PA STE, CHOS DE DAG DMIGS PA GCIG LA 'JUG CING 'BYUNG BAR 'GYUR TE, MTSAN NYID GZHAN DANG GZHAN, NGO BO NYID GZHAN DANG GZHAN YIN NO, ,'DI LTAR SA CHEN PO'I CHOS BCU NI
, ,TSOR BA DANG, 'DU SHES DANG, SEMS PA DANG, REG PA DANG, YID LA BYED PA DANG, 'DUN PA DANG, MOS PA DANG, DRAN PA DANG, TING NGE 'DZIN DANG, SHES RAB STE, DE LTAR DMIGS PA GCIG LA MTSAN NYID GZHAN DU 'DOD DO, ,RNAM PAR SHES PA LA SOGS PA CHOS BCU GCIG PO DE DAG KYANG JI LTAR NYI MA'I 'OD ZER GCIG TU 'DU'ANG 'ON KYANG NGO BO NYID GZHAN PA DE BZHIN DU RNAM PAR SHES PA'I NGO BO NYID GZHAN PA NAS SEMS PA'I BAR DU GZHAN NO SNYAM STE, DGE SLONG GZUGS KYI SKYE MCHED KYI DE KHO NA NYID SHES PA DES MIG GSOG DANG, GSOB DANG, SNYING PO MED PA DANG, YANG DAG PA MA YIN PAR MTHONG NGO, ,PHYOGS BCUR LAM GYI DE NYID SHES SHING LOG PAR LTA BA SPANGS PA, YANG DAG PA'I LTA BA SNGON DU 'DREN PAS MIG GI RNAM PA GTI MUG GI RNYOG PAR GYUR PA SPONG STE, DE KHO NA NYID MTHONG BA DES SHA'I GONG BUR BYAS PA RNAG NYUNG NGU DANG, MCHI MA MANG PO'I GNAS YIN NO SNYAM DU RIG NAS DE LA 'DOD CHAGS SKYES PA RAB TU SPONG NGO, ,MI RTAG PA YIN NO SNYAM NAS MI RTAG PAR LTA BAR BYED, SHA'I GONG BU DANG, RUS PA'I BU GA'I RNAM PA YIN NO SNYAM NAS 'DOD CHAGS DANG BRAL BAR BYED, RGYUS PAS SPREL BA YIN NO SNYAM NAS MIG GI SKYE MCHED PHAN
TSUN RAG LAS PA 'DI LA RTOG STE, 'DI LA SNYING PO MED CING BDAG MED PAR RIG GO ,MDOR NA MIG 'DI NI SDUG BSNGAL YIN PAR SHES SHING MTHONG NAS MIG GI SKYE MCHED KYI 'DOD CHAGS DANG BRAL LO, ,DE MIG GI SKYE MCHED JI LTA BA BZHIN GNAS NAS GZUGS LA'ANG RNAM PAR DPYOD PAR BYED DE, GZUGS GANG SDUG PA DANG, MI SDUG PA DANG, LUNG DU MA BSTAN PA 'DI NI KUN TU RTOG PA TZAM STE, 'DI LA SNYING PO CI YOD, GTZANG BA CI YOD, RTAG PA CI YOD, MI RTAG PA CI YOD CES LTA BA NA RNAM PAR RTOG CING DPYOD PAR BYED DO, ,DPYOD PA NA SO SO YANG DAG PAR RIG PAR BYED DE, GZUGS 'DI LA NGO BO NYID KYIS BDE BA MED PA DES GZUGS MTHONG ZHING SHES LA RTOG PA 'THOB BO, ,GZUGS 'DI LA SNYING PO MED DE, GZUGS SDUG PA DANG, MI SDUG PA 'DI NI KUN TU BRTAGS PA TZAM MO, ,'DI LA SDUG PA DANG, MI SDUG PA'I NGO BO MED DE, 'JIG RTEN 'DI 'BA' ZHIG SDUG PA DANG; MI SDUG PAR 'DOD DO, ,GZUGS 'DI NI NGO BO NYID KYIS RTAG PA'AM, BRTAN PA'AM, THER ZUG PA'AM, BDE BA'AM, SNYING PO'AM, BDAG DANG BCAS PA MA YIN TE; 'DOD CHAGS DANG, ZHE SDANG DANG, GTI MUG GIS SGRIBS PA NI GZUGS SDUG GO ,MI SDUG GO SNYAM DU SEMS SO SNYAM NAS DE GZUGS KYI SKYE MCHED YANG DAG PAR BRTAG
, ,TE; MIG DANG, GZUGS MTHONG NAS CHAGS PAR MI BYED, RMONGS PAR MI BYED, SNYING PO YOD PAR MI SEMS SO, ,MIG DANG, GZUGS KYI SKYE MCHED LA MNGON PAR BRTAGS NAS MIG GI RNAM PAR SHES PA LA CHAGS PAR MI BYED CING 'DOD CHAGS DANG BRAL BAR BYED DO, ,MIG GI RNAM PAR SHES PA BDAG MA YIN ;MIG GI RNAM PAR SHES PA BDAG GI MA YIN TE, DE BZHIN DU RIG PA DANG, TSOR BA DANG, 'DU SHES DANG, SEMS PA BDAG MA YIN, SEMS PA BDAG GI MA YIN NO BAR RIG GO ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI YUL NI YI DVAGS BYIS PA LA ZA BA ZHES BYA BA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, NAD PA RNAMS KYIS LHA MCHOD PA'AM, GNOD SBYIN MCHOD PA'I PHYIR LAS MI ZAD PA DRAG PO GANG GIS GZHAN DAG BSLUS NAS NOR RDZAS PHROGS SAM, LUG BSAD NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA YANG SOS SU SKYE BAR 'GYUR RO, ,DE NAS THAR NAS KYANG YI
DVAGS BYIS PA LA ZA BA'I NANG DU SKYE BAR 'GYUR LA, GANG SROG GCOD PA GZHAN ZHIG GAL TE MI'I SO SO YANG DAG PAR MYONG BAR 'GYUR BA'I LAS KYIS MI'I SKYE GNAS SU SKYE NA, DE SROG GCOD PA MANG DU BYAS PA JI LTA BA BZHIN DU YI DVAGS DES GSOD PAR BYED DE, ME MNGAL NA GNAS PA NA GSOD PA'AM, DE BTZAS PA'I KHYIM DU GSOD PA'AM, DE GOG THAL THUL NA GSOD PA'AM, DE PHUD BU BCAD PA NA GSOD PA'AM, DE YONGS SU RGYUG PA NA GSOD PAR BYED DO, DE LTAR YI DVAGS DE'I RIM GYIS BUS PA DE GSOD PAR BYED DO, ,DE GANG GI TSE NYES PAR BYAS PA'I LAS DES YI DVAGS DE GLAGS TSOL TE GLAGS RNYED NAS BUS PA DE LA ZA BAR BYED DO, ,'DIR TSIGS SU BCAD PA, KHA CIG MNGAL TE DE BZHIN DU, ,GZHAN NI BTZAS PA'I KHYIM DANG GZHAN, ,DE BZHIN GOG NI THAL THUL DANG, ,YONGS SU RGYUG NA 'CHI BAR 'GYUR, ,DE LTAR SKOM PA DANG, BKRES PAS GDUNGS PA'I LUS DE RANG GIS NYES PAR BYAS PA'I LAS MYONG BAR 'GYUR TE, 'DI LTAR BYIS PA'I SROG 'TSO BAR GYUR BA NA NYES PAR BYAS PA LAS NYES PAR BYAS PA NYE BAR SGRUB CING DE LTAR GYIS PA LA ZA BA'I YI DVAGS DE NYES PAR BYAS PA LAS SHIN TU NYES PAR BYAS PA'I LAS GZHAN RGYUN MI 'CHAD PA NI YI DVAGS KYI 'JIG RTEN DE MYONG BAR 'GYUR TE,
, ,DE LTAR DE JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR MA BYAS PA DE SRID DU YI DVAGS KYI 'JIG RTEN DER SKYE BAR 'GYUR RO, ,GAL TE MI RNAMS DANG SKAL BA MNYAM PAR MIR SKYES NA, LAS DE DANG RGYU MTHUN PAR DE'I BUS PA RIM GRO BYAS KYANG 'TSO BAR MI 'GYUR RO, ,'DIR TSIGS SU BCAD PA, NYES PAR BYAS PA'I LAS 'BREL BAS, ,NYES PAR BYAS PA'I 'BRAS BUR BRJOD, ,DE BZHIN LEGS BYAS 'BRAS BU NI, ,RNAM PAR SMIN PA BDE BAR MTHONG, , LAS KYI THAGS PA RING PO YIS, ,BYIS PA DAM DU BCINGS PA RNAMS, ,MYA NGAN 'DAS PA'I GRONG MCHOG TU, ,'GRO BAR MI 'GYUR THAR BAR DKA', ,YE SHES MTSON GYIS DE BCANG NAS; ;GANG DU DE NI MI 'JUG CING, ,NGES PAR GROL BAR RIMS NAD BRAL, ,DAM PA MYA NGAN 'DAS PAR 'GRO, ,JI LTAR NYA DAG RGYAS BCUS NA, ,BDE BAR YONGS SU DBYUNG DU RUNG, ,DE LTAR SEMS CAN SRED BCINGS PA, ,'CHI BDAG GIS NI NYE BAR 'DREN, ,DUG DANG BCAS PA'I MDAS PHOG PA'I, ,RI DVAGS GANG DANG GAR 'GRO BA, ,DE DANG DER NI DUG 'GRO STE, ,DE BZHIN MI'I DUG SRED PA YIN, ,'GRO BA 'GRO BAR RJES 'BRANG BA, ,SRED PA DUG 'DRA SPANG BAR GYIS, ,SHING SKAM ME YIS SREG PA LTAR, ,BYIS
PA RNAMS LA DE YIS SREG ,RE ZHIG DGA' STE SHES PAR DKA', ,RNAM PAR SMIN PA MED PA 'DRA, ,GAL TE BDE BA NYID 'DOD NA, ,SRED PA DE LAS THAR BAR GYIS, ,JI LTAR MCHIL PAS ZIN PA YI, ,NYA NI 'CHI BA'I DBANG DU 'GRO ,DE LTAR SRED PAS ZIN PA YI, ,MI RNAMS YI DVAGS DBANG DU 'GRO, ,YI DVAGS YUL DU YI DVAGS GANG, ,SDUG BSNGAL BA DAG YONGS SU RGYUG ,DMYAL BAR SEMS CAN DMYAL BA RNAMS, ,DE DAG SRED PA CHEN POS BSKYOD, ,MI GANG NYON MONGS NOR BRAL ZHING, ,GZHAN GYI DRIN GYIS 'TSO BA YI, ,PHAL BA DE NI SRED PA YIS, ,BSKYOD CES THUB PA RAB TU GSUNG, ,DE LTAR DGE SLONG DES SER SNA DUG LTA BU KUN GYIS BSKYOD PA DE DPYAD NAS YANG 'KHOR BA LAS YID 'BYUNG BAR BYED DO; ;DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI YUL NA YI DVAGS MDANGS ZA BA ZHES BYA BA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, DANG GRA [?] MDZA' BO LTAR BCOS PA NGO GNYIS PA GANG GIS 'DI LTAR KHYOD G-YUL 'GYED PAR ZHUGS SHIG DANG, KHYOD KYI PHYI BZHIN BDAG GIS YANG DAG PAR BSRUNG BAR BYA'O ZHES
, ,YONGS SU BSLUS NAS DE GZI BYIN DANG MTHU NYID SKYES SO, ,SKYES NAS G-YUL 'GYED PAR ZHUGS PA DANG, YONGS SU GTONG BAR BYED CING 'DI LTAR DE 'DIR BZUNG NA DE'I NOR GANG YIN PA DE DAG RGYAL PO'I 'KHOR DU GSOL TE, BDAG GIR BYA'O SNYAM NAS MI BSLUS PA DE DES BSAD NA LUS SLU BA DE LUS DANG BRAL NAS NGAN 'GRO LOG PAR LTUNG BA YI DVAGS MDANGS ZA BA RNAMS KYI NANG DU SKYE BAR 'GYUR TE, DE LUS BKRES PA DANG, SKOM PAS SHIN TU GDUNGS SHING LUS MTSON GYIS RTAG TU GSHEGS LA LUS KYI PAGS PA DANG, SHA DANG, RUS PA RNAM PAR NYAMS PA MTSON CHA 'BAB PA RNAMS KYI PHYOGS SU 'GRO BA NA GAR BAB BAB TU 'BROS SO, ,DE RNAM PA GZHAN DU 'BROS PA NA, MI MI GTZANG PA GANG GZHAN NAM MCHOD RTEN SKOR BAR MI BYED PA DE'I GLAGS YI DVAGS DES RNYED NAS DE'I GZI BRJID 'PHROG PAR BYED DO, ,DES GAL TE LO BCU'AM, GAL TE LO NYI SHUR DE 'TSO BAR BYED DE, DE LTAR SHIN TU SDUG BSNGAL BAR 'GYUR TE, JI SRID DU DE'I SDIG PA'I LAS BYAS SHING BSAGS PA NGES PAR MYONG BAR 'GYUR BA LAS KYI NYER BSDOGS DANG, LAS KYI DNGOS GZHI DANG, LAS KYI MJUG DANG YANG DAG PAR LDAN PA BCOM ZHING SPANGS LA ZAD PAR MA BYAS PA DE SRID DU RANG GI LAS KYI 'BRAS BU
LA SPYOD PA, RANG GIS BYAS PA LA ZA BA, RANG GI LAS KYIS SKYE BA'I RGYUN SHIN TU 'KHOR RO, ,DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS MI RNAMS KYI NANG DU SKYES NA, LAS DE DANG RGYU MTHUN PAR DE LHA RTEN GYI SAR 'TSO BA DANG, RTOG GE PA DANG, TSEGS CHEN POS 'TSO BA DANG, GZHAN LA RAG LAS PAS 'TSO BAR 'GYUR BA MTHONG NGO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO NYI SHU PA, DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI YUL NA YI DVAGS TSANGS PA'I SRIN PO ZHES BYA BA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, MCHOD SBYIN NGAN PAR BYED PA GANG GIS SROG GCOD PA DANG YANG DAG PAR LDAN PA SHIN TU GSOD PAR DGA' BA'I CHOS SBYIN BYAS PA DANG, ZAS DANG, SKOM SO SOR KHE SPOGS BYED PA DANG, RIN CHUNG NGUS NYOS LA RIN CHEN POR 'TSONG BA DANG, PHRAG DOG DANG, SER SNAS NYAMS PA DE LUS BRAL NAS NGAN 'GRO LOG PAR LTUNG BA YI DVAGS KYI 'JIG RTEN NA LUS BKRES PA DANG, SKOM PAS GDUNGS
, ,PA TSANGS PA'I SRIN POR 'GYUR RO, ,DE LTAR DE MI'I GZUGS KYIS YONGS SU RGYUG CING SEMS CAN RNAMS LA NYE BAR 'TSE BAR BYED DE, DE SUM MDO'AM BZHI MDO DBEN PAR 'DUG GO ,'DUG NAS KYANG GLAGS LTA BA DE MI RNAMS LA NYE BAR 'TSE BAR BYED DO, ,PHAL CHER BRAM ZE 'DRA BAR 'GYUR LA DE NAS MI SNANG BAR 'GYUR ZHING YANG MI RNAMS LA NYE BAR 'TSE BAR BYED DO, ,YI DVAGS LA SEMS PA DAG NA RE, 'DI LTAR DE NI GDON GYI ZIN TO ZHES 'JIG RTEN PA DE DAG BRJOD DO, ,DE LTAR DE SDIG PA DANG 'BREL ZHING SDIG BYED LA LUS BKRES PA DANG, SKOM PAS GDUNGS PA YIN TE, DE LTAR TSANGS PA'I SRIN PO DE JI SRID DU DE'I SDIG PA'I LAS BYAS SHING BSAGS PA PHRAG DOG DANG, SER SNA DANG YANG DAG PAR LDAN PA BCOM ZHING SPANGS LA ZAD PAR MA BYAS PA DE SRID DU YI DVAGS KYI YUL DE NA GNAS PAR BYED DO, ,DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS MIR SKYES NA, LAS DE DANG RGYU MTHUN PAR MI LA ZA BA'AM, DE MKHA' 'GRO MA MI'I KHRAG 'THUNG BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG
BA'I SHES PAS YI DVAGS KYI YUL NA YI DVAGS ME'I KHUNG BUR ZA BA ZHES BYA BA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, PHRAG DOG DANG, SER SNAS NYAMS PA DGE BA'I BSHES GNYEN LTA BUR BCOS NAS DGE 'DUN GYI ZAS SKOM ZOS NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BAR SKYE BAR 'GYUR RO, ,DE NAS SHI NAS YI DVAGS ME'I KHUNG BUR ZA BA RNAMS KYI NANG DU SKYE BAR 'GYUR RO, ,DER SKYES NAS KYANG LUS TSAL SHING SREGS PA 'DRA ZHING LUS BKRES PA DANG, SKOM PAS GDUNGS LA, RANG GI LAS KYIS YONGS SU BSLUS PA GCIG PU THAMS CAD DU RGYUG PA NA DE'I SROG GI 'TSE BA 'DI LTAR 'GYUR TE, GANG GI TSE ME'I NANG DU GZHAN 'GA' ZHIG LHUNG NA PHYED TSIG PAR 'GYUR TE, DE ME DANG 'DRA ZHING ME'I CHAR LTA BU LA ZA'O, ,DE ME'I KHUNG BU DE DANG 'DRA STE BKRES PA DANG, SKOM PAS GDUNGS PA DE'ANG ME DES NYIS 'GYUR DU SREG GO ,DE SREG PA NA GANG MI DGE BA'I LAS DE BYAS SHING BSAGS PA DES MYONG BAR 'GYUR BA DE'I LAS KYIS MTHUS NGU SKAD 'BYIN CING KU TZO 'DON TO; ;DE DER JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR MA BYAS PA DE SRID DU SDUG BSNGAL MYONG ZHING NYE BAR SPYOD PAR 'GYUR RO, ,DE LAS
, ,ZAD DE, DE LAS THAR NAS GAL TE MI RNAMS DANG, SO SO YANG DAG PAR MYONG BAR 'GYUR PA'I LAS KYIS MIR SKYES NA, LAS DE DANG RGYU MTHUN PAR DE DBUL ZHING NAD BU CAN DU 'GYUR LA MES BSREG PA'I KHUNG BUR SREG PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS GANG GIS SER SNA KUN TU BSTEN CING BSGOMS TE MANG DU BYAS PA'I LAS KYI DNGOS GZHI DANG, LAS KYI MJUG YANG DAG PAR BLANGS PA DE LUS DANG BRAL NAS NGAN 'GRO LOG PAR LTUNG BA YI DVAGS KYI 'JIG RTEN SRANG MI GTZANG BA RNAMS SU SKYE BAR 'GYUR BA MTHONG STE, YI DVAGS DE LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, DGE 'DUN GYI RIM GRO BYED PA PHRAG DOG DANG, SER SNAS NYAMS PA GANG GIS BZA' BA DANG, BCA' BA LA SOGS PA ZHIM PO DAG LA YANG DAG PAR SPYOD PAR BYED CING TSANGS PAR SPYOD PA DANG LDAN PA GTZANG MA RNAMS LA KHA ZAS NGAN PA SBYIN PAR BYED NA, DE SRANG MI GTZANG BAR YI DVAGS GNAS PA RNAMS KYI NANG DU SKYE BAR 'GYUR RO, ,DER SKYES NAS KYANG NYIN PAR LUS BLTAR MI MTHONG ZHING, MTSAN MO MTHONG BA NYID DU 'GYUR RO, ,DE [?]
GANG GRONG NGAM, GRONG KHYER RAM, RI BRAGS SAM, 'TSO SKYONG GI GNAS SAM, BYA ROG GI GNAS SAM, GSHER SA NA GNAS PA KUN GYIS BSHAD BA DANG, GCI BA'I SA DANG, GCIG TU NYAL NYIL DANG, LJAN LJIN GYIS DANG, PHYIS BSAGS PAR GYUR PA'AM, KUN NAS SRIN BUS KHEBS SHING DRI NGA BA SHIN TU 'JIGS PA, SKYE BO KUN MTHONG MA THAG TU SKYUG BRO BAR 'GYUR BA, SRIN BU YUN RING DU GNAS PA, MYAGS PA DER DGE 'DUN GYIS KHA ZAS ZHIM PO ZA BAR BYED PA YI DVAGS SU SKYE BAR 'GYUR RO, ,SHIN TU SDUG BSNGAL BA DAG DER SKYES NAS KYANG GANG LAS KYIS BYAS PA'I GSHIN RJE'I MI RNAMS KYI RAL GRI RAB TU 'BAR BA THOGS PA DE DAG LAS MI GTZANG BA DE DUS THAMS CAD DU BZA' BAR MI 'THOB BO, , GAL TE ZLA BA PHYED NA 'THOB CING GAL TE ZLA BA GCIG NA THOB PA GANG YIN PA DE'ANG TSIM PAR MI 'THOB CING ZOS NAS KYANG SKYUG PAR 'GYUR TE, LUS BKRES PA DANG, SKOM PAS GDUNGS PA DE DAG 'DI LTAR DU SKAD 'BYIN CING CHO NGES 'DEBS, PHAN TSUN RGYUG CING SMRE SNGAGS 'DON TE, SA BON MI GTZANG GYUR PA LAS, SHIN TU MI BZAD YONGS SU 'GYUR,, SDIG PA'I LAS KYI 'BRAS BU NI, ,RGYU DANG 'DRA BAR MTHONG BA YIN, ,SDIG PAS DRANGS PA'I SKYE BO NI, ,MCHIL PAS LOG PAR DRANGS PA BZHIN, ,MCHIL LAS NYA NI THAR SRID KYI, ,SDIG
, ,LAS SDIG PA MI THAR RO, ,SDIG PA'I THAG PA MI BZAD PAS, ,GLO BUR DU NI 'DREN PA NA, ,YI DVAGS GNAS SU 'DREN BYED DE, ,BKRES DANG SKOM PA CHEN POS BSGRIBS, ,BKRES DANG SKOM LAS BYUNG BA'I MES, ,MI BZAD GDUNGS PAR 'GYUR BA LTAR, ,ME DANG MTSON DANG DUG RNAMS KYIS, ,DE LTAR MI BZAD GDUNG MI 'GYUR, ,GANG DU BDE BA CHUNG GYUR PA, ,SKAD CIG MED CING THANG CIG MED, ,YUD TZAM MED CING MTSAN MO MED, ,RTAG TU BDAG NI SDUG BSNGAL BSGRIBS, ,SDUG BSNGAL GYI NI RGYU BSTAN PAS, , SDUG BSNGAL LAS NI SDUG BSNGAL THOB, ,SDUG BSNGAL LAS NI RNAM GROL TE, ,BDAG LA BDE BA 'BYUNG BAR 'GYUR, ,GANG DU BDAG NI RGYUG PA DER, ,'BAB CHU'I DONG DANG CHU MI MNGON, ,LTENG KA RNAMS KYANG BSKAMS GYUR CING, ,CHU BO DAG KYANG MED PAR GYUR, ,BDAG NI RTAG TU CHU 'DOD NAS, ,SA LA YONGS SU RGYUG PA NA, ,BRAG DANG NAGS TSAL STUG POR BCAS, ,CHU BO DE DAG BSKAMS PAR GYUR, ,BDAG GI LUS NI BSREGS PA STE, ,BKRES DANG SKOM PA'I ME YIS GDUNGS, ,LHAG PAR SKYABS SU 'GRO MED DE, ,NYON MONGS SHIN TU MI BZAD 'ONGS, ,DE LTAR RANG GI LAS KYI 'BRAS BUS BSLUS PA'I YI DVAGS DE JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA ZAD PAR MA
BYAS PA DE SRID DU DU SKAD 'BYIN CING SMRE SNGAGS 'DON TO, ,DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS MIR SKYES NA LAS DE DANG RGYU MTHUN PAR GAL TE BUD MED DAM, BUD MED SMAD 'TSONG MAR 'GYUR RO, ,GAL TE SKYES PAR GYUR NA DE GRONG KHYER GYI LJAN LJIN 'PHYAG PA'AM, DE BUD MED KYI CHA BYAD DU ZHUGS NAS DES NYE BAR 'TSO BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI GNAS NA YI DVAGS GZHAN GANG ZHIG SKYE BAR 'GYUR SNYAM NAS YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI YUL NA YI DVAGS RLUNG ZA BA ZHES BYA BA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, LTO BO CHE LTO 'BA' ZHIG SEMS PA, GANG GIS DGE SBYONG DANG, BRAM ZE DANG, NYON MONGS PA DANG, SDUG BSNGAL PA DAG LA NYI MA 'GA' TZAM GYI ZAS SPYIN PAR KHAS BLANGS TE, DAM BCAS NAS RDZUN BYAS LA DE DAG KYANG DE'I NYIN PAR BKRES PA DANG, SKOM BAS SHIN TU GDUNGS PAR GYUR NAS RLUNG BSIL BAS REG PAR GNAS NA RDZUN ZER ZER BA DE LUS DANG BRAL NAS NGAN 'GRO LOG PAR LTUNG BA YI DVAGS RLUNG ZA BA RNAMS KYI NANG DU SKYE BAR 'GYUR
, ,RO; ;DER SKYES NAS KYANG DE YONGS SU RGYUG PA NA DE'I KHA ZAS MED CING RE BA MED LA GNAS MED DE, MGON MED PA RANG GI SEMS KYIS YONGS SU BSLUS PA DE'I MIG GI YUL DU GANG YANG SOS LA SOGS PA'I RDZAS BZA' BA DANG, BTUNG BA DANG, GNAS KHANG DANG, KUN DGA' RAB NYAMS DGA' BA MANG PO DAG RGYANG RING PO NAS MTHONG STE BZA' BA DANG; BTUNG BA'I DON DU DER RGYUG GO ,DE DER RGYUG PA NANG LA DUB PAS BKRES PA DANG, SKOM PA NYIS 'GYUR DU 'GYUR TE, DE KHA GDANG BAR BYED DO, ,DE'I KHA GDANGS PAR RLUNG 'JUG STE, DE RLUNG DE 'BA' ZHIG KHA'I NANG DU SONG BAS BKRES PA GANG SEL BAR BYED CING GANG GIS LUS MI GTZANG BA DE 'DZIN PAR BYED DO, ,DE'I BZA' BA DANG, BTUNG BA DE DAG KYANG RI DVAGS SKOM PAS PHYIN CI LOG TU MTHONG BA LTAR GSOB DANG, GSOG DANG, SNYING PO MED PA DANG, MGAL ME'I 'KHOR LO DANG 'DRA BAR SNANG BA KHON TZAM DU ZAD DO, JI LTAR DES SBYIN PA SNYING PO MED PA GSOG BYIN PA DE BZHIN DU GSOG RJES SU MTHONG NGO, ,'DIR TSIGS SU BCAD PA, RGYU DANG MTHUN PAR 'BRAS BU ZHES, ,BLO GROS LDAN PA DE SKAD GSUNG, ,RGYU DANG MI MTHUN 'BRAS BU NI, ,LUS CAN RNAMS LA SMIN MI 'GYUR, ,SKYE BA LUG RGYUD MANG PO YI, ,RGYU DANG RKYEN GYIS SHIN TU 'BREL, ,'KHOR BAR GANG GIS SBREL BA YI, ,LUS CAN 'GRO BA'I [?]
'GYUR RO, ,SHIN TU SPREL BA DAM PA DANG, MCHOG TU MI BZAD DE BKROL NAS, ,GANG NA SDUG BSNGAL MI GNAS PA, ,ZHI BA MCHOG TU 'GRO BAR 'GYUR, ,DE LTAR RGYU DANG MTHUN PA'I 'BRAS BU LA NYE BAR SPYOD CING RGYUG PA NA, SEMS BSLUS PA DE JI SRID DU DE'I SDIG PA'I LAS BYAS SHING BSAGS PA SO SO YANG DAG PAR MYONG BAR 'GYUR BA'I LAS BCOM ZHING SPANGS LA ZAD PAR MA BYAS PA DE SRID DU RLUNG 'BA' ZHIG ZA BA'I LUS BDAG NYID 'DZIN PAR BYED DO, ,DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS MI YIS SO SO YANG DAG PAR MYONG BAR 'GYUR BA'I LAS KYIS MIR SKYES NA LAS DE DANG RGYU MTHUN PAR DE RTAG TU DBUL POR 'GYUR, GANG DE LA SHES BZHIN DU NOR DANG, BZA' BA DANG, BTUNG BA DANG, STON MO DANG, GNAS DANG, CHU DAG MED PAR 'GYUR ZHING SBYIN PAR MI BYED LA YID MI GCUGS PAR 'GYUR, KHA ZAS MED PAR BYAS PA'I SEMS NI RE BA LA DGA' ZHING RE BA MED PA LA'ANG DGA' STE, MNGON PAR NYAMS PA'I LUS SHIN TU SDUG BSNGAL BAR 'TSO BA MTHONG NGO, ,'DIR TSIGS SU BCAD PA, 'DIR NI SDIG PA'I BAG CHAGS KYIS, ,THAMS CAD DU NI SDUG BSNGAL BYED, ,LUS CAN RNAMS DANG MI MTHUN PA, ,MI GTZANG BA YI DRI BZHIN NO, ,YUN RING NGAN 'GRO BCOM
, ,PA YI; ;DGE BA'I BAG CHAGS DGA' BYED DE, ,ME TOG NYAMS KYANG TIL DAG LA, ,BAG CHAGS SNANG BA JI BZHIN NO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES, YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI YUL NA YI DVAGS MA DAG ME ZA BA ZHES BYA BA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, ZHAL CHE BAR BSKOS PA PHRAG DOG DANG, SER SNAS 'JUNGS PA GANG GIS GZUNG BAR BYA BA NYES PA MED PA DAG BZUNG NAS BCINGS TE, BKRES PA DANG SKOM PAS YONGS SU GNOD PA BYAS LA, DE'ANG BZUNG BA'I SDUG BSNGAL GYIS NYAM THAG PAR BYAS SHING, SHIN TU GNOD PAR BYAS PA RE BA MED LA BKRES PA DANG SKOM PAS GDUBS NAS THAL BA ZA LA, DE'I LAS KYI RNAM PAR MIN PAS GZHI DE LAS SHI BAR GYUR NA ZHAL CHE BAR BSKOS PA'I MI SDIG PA'I LAS DE'I MTHUS LUS DANG BRAL NAS NGAN 'GRO LOG PAR LTUNG BA YI DVAGS MDAG ME ZA BA RNAMS KYI NANG DU SKYE BAR 'GYUR RO, ,LAS MI BZAD PA DE LTAR BDE LA RNAM PAR SMIN PA SDUG BSNGAL MI 'DOD PA, MI SDUG PA, YID DU MI 'ONG BA DUG NAG PO LTA BU DANG 'DRES PA'I MTHUS DE RTAG TU DUR KHROD KYI MDAG
ME LA ZA YANG MDAG ME DES TSIM PAR MI 'GYUR RO, ,DE MDAG ME'I ZAS DES LUS KYI ME SHIN TU TSA BA CUNG ZAD ZHI BAR BYED DE, ME LA CHUS BSAD PA BZHIN NO, ,DE LTA BAS NA DUG NAG PO LTA BU DANG, SHIN TU RTZE RTZE BAS CHOG STE, NAG PO DANG 'DRES PA SPANGS NA 'DOD CHAGS DANG BRAL BAR 'GYUR RO, ,GANG DU BYIS PA NAG PO'I DBANG DU SONG BA DAG NI ME'I SDUG BSNGAL BSIL BAR GYUR KYANG SDUG BSNGAL NI ME GZHAN GYIS DPE BYA BAR NUS PA GANG YANG MED DO, ,DE LTAR DE JI SRID DU DE'I SDIG PA'I LAS SO SO YANG DAG PAR MYONG BAR 'GYUR BA BCOM ZHING SPANGS LA ZAD PAR MA BYAS PA DE SRID DU YI DVAGS KYI YUL DE NA GNAS SO, ,DE PHYIS YI DVAGS KYI YUL DE LAS THAR BAR 'GYUR TE, THAR NAS KYANG MI DANG, SO SO YANG DAG PAR MYONG BAR 'GYUR BA'I LAS KYIS MIR SKYES NA, LAS DE DANG RGYU MTHUN PAR DE RI 'OR GANG DU LO NYES BYUNG ZHING GSOG ZA BA RNAMS KYI NANG DU SKYE BAR 'GYUR LA, RES 'GA' YANG KHA ZAS ZHIM POR MI 'GYUR ZHING RTAG TU KHA ZAS LAN TSVA MED PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PA DES YI DVAGS KYI YUL NA YI DVAGS DUG ZA BA ZHES BYA BA RANG BZHIN GYIS DUG ZA BA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, SER SNAS NYAMS PA GANG GIS NOR RDZAS KYI PHYIR
, ,PHA ROL DAG LA DUG BLUD LA DE'ANG SHI NA, DUG LDUD LDUD PA LUS DANG BRAL NAS NGAN 'GRO LOG PAR LTUNG BA SEMS CAN DMYAL BA YANG SOS SU SKYE BAR 'GYUR RO, , DE NAS THAR NAS KYANG YI DVAGS DUG ZA BA RNAMS KYI NANG DU SKYE BAR 'GYUR TE, DE RI 'BIGS BYED KYI RI SUL DANG, RI YONGS 'DU'I RI SUL DANG, RI KHA BA CAN GYI RTZE MO DANG, RI MA LA YA'I GSEB GANG YIN PA DE DAG DANG, RI'I RTZE MO DUG MANG ZHING CHU MED PA DANG, SBRUL GNAS PA'I DGON PA DANG, GRANG LHAGS CHE BA'I DGON PA DOG CING SHIN TU 'JIGS PA DANG, SHING LJON PA YAL GA 'PHYANG BA MED PA DANG, RDO NGAN PA 'BA' ZHIG YOD PA DANG, SENGGE DANG, STAG GIS GSOD PA SHIN TU 'JIGS PA GANG YIN PA DE DAG TU SKYE BAR 'GYUR RO, ,DER SKYES NAS KYANG GRANG BA'I DUS SU GRANG BA BRGYA 'GYUR MYONG BAR 'GYUR LA, TSA BA'I DUS SU TSA BA BRGYA 'GYUR MYONG BAR 'GYUR RO, ,LAS BYAS PA TSA BA'I DUS SU ZHAG LNGAR ME'I CHAR PA LUS RNAMS LA 'BAB CING, GRANG BA'I DUS SU ZHAG LNGAR LHAGS PA CHAR PA LTA BUR BAB BO, ,NYES PAR BYAS PA'I LAS DES ME MDAG DE DAG DANG MI DGA' BA DGON PA LTA BU DE DAG GI NANG NA LUS BKRES PA DANG, SKOM PAS GDUNGS PA DAG KU CO 'DON, DU SKAD 'BYIN, CHO NGES 'DEBS, SMRE SNGAGS 'DON TE, LUS BKRES PA DANG, SKOM PAS GDUNGS PA DAG LA DUG GI REG PA LCAGS KYI THU LUM RAB TU 'BAR BA LTA BU GANG YIN PA DE DAG MID
PAR BYED DO, ,MID MA THAG TU SHI'O, ,DE NAS YANG NYES PAR BYAS PA'I LAS DES SKYE BAR 'GYUR TE, SKYES NAS KYANG BKRES PA DANG, SKOM PA DE SDUG BSNGAL NYIS 'GYUR BAS LHAG PAR MYONG BAR 'GYUR RO; ;DE LTAR DE DU SKAD 'BYIN PA NA, BYA'I MCHU RNON POS KYANG DE'I MIG PHYUNG NAS ZA BAR BYED DE, DE PHYIR ZHING SDUG BSNGAL GYIS NYAM THAG NAS DU SKAD 'BYIN, KU CO 'DON, CHO NGES 'DEBS SO, , MIG PHYUNG BA DE DAG SKYE BAR 'GYUR LA DE NAS YANG 'BYIN PAR BYED DE, DE LTAR JI SRID DU DE'I SDIG PA'I LAS BYAS SHING BSAGS PA SO SO YANG DAG PAR MYONG BAR 'GYUR BA BCOM ZHING SPANGS LA ZAD PAR MA BYAS PA DE SRID DU SDUG BSNGAL MYONG BAR 'GYUR RO, ,DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS MIR SKYES NA, LAS DE DANG RGYU MTHUN PAR DE LAM PO CHE DANG, ,BZHI MDOR 'TSO BAR 'GYUR, DUG LDUD LDUD PA'I LAS KYI LHAG MA DES YANG DE'I SROG CHAD PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI YUL NA YI DVAGS DGON PA 'DUG PA ZHES BYA BA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS
, ,BRTAGS NA, CHOM RKUN PA GANG GIS 'BROG DGON PA CHEN PO DANG, CHU MED PA DANG, SHIN TU DOG PA DANG, NYI MA'I 'OD KYIS KUN TU TSA BA DAG TU LTENG KA DANG, ,NAGS TSAL DAG GI LAM BYAS NAS CHOM RKUN PA DE DAG GIS LTENG KA DE DAG 'DZEG PAR BYED DE, 'DI LTAR BDAG CAG GIS 'DIR 'GRON PO 'ONGS TE SKOM GYI GDUNGS SHING MTHU CHUNG BA DAG NOR RDZAS KYI PHYIR GSAD PAR BYA'O SNYAM NAS DE DAG PHRAG DOG DANG, ,SER SNAS NYAMS SHING SBYIN PA DANG BRAL BA DAG GIS DE LTAR 'GRON PO DE DEG GSOD PAR BYED DO, ,DE DAG LUS DANG BRAL NAS NGAN 'GRO LOG PAR LTUNG BA YI DVAGS DGON PA NA 'DUG PA RNAMS KYI NANG DU SKYE BAR 'GYUR RO, ,DER SKYES NAS KYANG MAR ME'I SHING LTAR 'BROG RAB TU 'BAR BA RNAMS KYI NANG NYID DU NYI MA'I GDUNG BAS GDUNGS TE MGON 'DOD PA, SKYABS 'DOD PA, DPUNG GNYEN 'DOD PA DAG CHU DANG, ,BZA' BA'I PHYIR RGYUG CING KU CO 'DON TO, ,DE DAG LAS KYI NYES PA DES RGYANG RING PO NA RI DVAGS SKOM PA LTA BUR CHU DVANG BA 'DRA BA ZHIG YOD PAR MTHONG NGO, ,DE DAG GI DE MTHONG STE CHU RNYED DO SNYAM NAS RGYUG STE, RE BA DANG BCAS PA'I SEMS KYIS NGAL BA GRANGS SU'ANG MI RTZI BA NA DE JI LTA JI LTAR RGYUG PA DE LTAR RI DVAGS SKOM PA LTA
BUR NGO BO NYID KYIS GSOG TU 'DUG PA DE DAG GA LA ZHIG THOB PAR 'GYUR, DE DAG NGAL BA'I NYES PAS RTZVA DAR BHA'I RTZE MOS RKANG BA'I RTING PA DAG TU ZUG NAS 'GYEL ZHING NA NAS KHA CIG 'CHI BA'I DUS BYED DO, ,DE NAS YANG LAS KYI LHAG MA DES YANG 'TSO BAR 'GYUR TE, DE LTAR LUS BKRES PA DANG, ,SKOM PA BCU 'GYUR GYIS GNAS PAR BYED DO, ,BYA ROG DANG, 'UG PA DANG, BYA RGOD BRGYA SNYED KYIS LUS DANG, ,MIG DAG CAN CON DU 'THOG CING ZA STE, RUS PA LA THUG GI BAR DU 'BIGS PAR BYED DO, ,MGON MED PA, DPUNG GNYEN PA DE DAG SDUG BSNGAL SUM 'GYUR GYIS SHIN TU SDUG BSNGAL TE, PHAN TSUN DER SONG NAS 'DI LTAR SMRE SNGAGS 'DON TE, BYA ROG 'UG PA THAMS CAD NAS, ,RDO RJE CHEN PO'I MCHU RNON GYIS, ,MNGON PAR GTZES SO SKYABS MED CING, ,BDE BAR BLTA BAR MI MTHONG NGO, ,JI LTAR BDAG GIS 'GRON PO BCOM, ,DE YI LAS DE NYE BAR GNAS, ,'DI NI GZUGS BRNYAN LTA BU STE, ,DE BZHIN 'BRAS BU 'DIR 'ONGS SO, ,LAS KYI ZHAGS PAS BCINGS GYUR CING, ,LAS KYI THAG PAS GNOD PAR BYAS, , LAS ZAD MA GYUR BAR DU NI, ,DPUNG GNYEN BYED PA MI MTHONG NGO, ,SKYE BO LAS KYIS KHRID BYED CING, ,LAS KYIS YONGS SU 'DREN PAR BYED, ,GANG DU LAS NI RNAM SMIN PA,
, ,DER NI LAS KYIS 'PHEN PAR BYED, ,GNAS GSUM DU NI LAS KYIS 'PHANGS, ,'KHOR LO BZHIN DU RTAG TU 'KHYAM, ,DE LTA BAS NA DGE BYA ZHES,, SDIG PA MI PHAN RTAG TU SPONGS, ,SDIG PA GANG DAG MI 'DOD CING, ,DE DAG ME DANG 'DRA BAR MTHONG, ,BKRES DANG SKOM PA'I MES GDUNGS PA, ,DE NI YI DVAGS GNAS SU KHRID, ,SKOM PA'I SDUG BSNGAL 'BYUNG BA NI, ,YANG DANG YANG DU RAB TU 'PHEL, ,BDAG NI ME YI PHRENG BA YIS, ,MCHED PA'I RI DANG 'DRA BAR 'GYUR, ,RI LA ME 'BAR CHU BO YI, , RGYUN GYIS THAMS CAD GSAD NUS KYI, ,RGYA MTSO'I RLUNG GIS BDAG GI ME, ,'DI NI GSAD PAR MI NUS SO, ,LAS KYI SHING SKAM BYUNG NAS SU, ,SRED PA'I RLUNG GIS GROGS BYAS TE, ,BDAG NI KUN NAS YONGS BSKOR NAS, ,LAS KYI ME YIS SHIN TU BSREGS, ,TSUL KHRIMS BRTZON 'GRUS YE SHES CHU, ,SBYIN PA'I SNOD NI RAB BZUNG NAS,, SRID GSUM RJES 'GRO LAS KYI ME, ,BDAG NYID CHEN POS 'JIG PAR BYED, ,GANG DAG LAS KYI DBANG SONG ZHING, ,LAS GSUM GYIS NI YONGS SU BSGYUR, ,GSUM NYID KYIS NI RMONGS PA DAG ,DE NI GNAS GSUM RGYU BAR BYED, ,LAS DBANG SUM CU RTZA DRUG DANG, ,BZHI BCUR SONG ZHING RNAM PAR RGYU, ,DGU BCU RTZA BRGYAD MA BCOM
PA; ;KHAMS GSUM DU NI DE 'GRO'O, ,GANG DAG BRGYA RTZA BRGYAD SHIS SHING, ,BCU GNYIS DON LA SEMS PA PO, ,CHOS DANG CHOS MIN RNAM SHES GANG, ,DE DAG BDE BA MTHA' YAS SO, ,MTSAN NYID GNYIS KYI RNAM SHES SHING, ,BRGYAD GNYIS YONGS SU SHES PA PO, ,BCU DRUG SKYE BA RIGS PA GANG, ,SKYE BO DE NI SDIG PAS BSREGS, ,BRTAN PO LAM GNYIS LTA BA DANG, ,GZHI RNAMS YONGS SU MTHAR PHYIN CING, ,CHU BO BZHI LAS RNAM GROL BA, ,MKHAS PA DE NI SDIG PA BSREGS, ,LAM BRGYAD DE NYID 'JUG RIG CING, ,STOBS BCU DAG NI MTHONG BA DANG, ,SDUG BSNGAL GNYIS KYI RGYU RIG PA, ,BZOD PA MED PA'I GNAS SU 'GRO, ,GANG DAG BDEN GNYIS PHA ROL PHYIN, ,DRAN PA BZHI LA RNAM PAR DPYOD, , BRTAN PO DUS GSUM DON SEMS PA, ,DE NI BDUD KYI DBANG MI 'GRO, ,DKAR PO'I CHOS NI RNAM SPANGS SHING, ,RANG GI LAS KYI 'BRAS BUS RMONGS, ,DE NI BDAG GI SDIG LAS KYIS, ,YI DVAGS 'JIG RTEN 'DIR PHYIN TO, ,DE LTAR YI DVAGS DE DAG GI NANG NAS KHA CIG SNGON DGE BA'I LAS CUNG ZAD BYAS PAS SHES RAB SHIN TU RNO BAR 'GYUR TE, DE LA DMIGS PAR GYUR PA'I YI DVAGS DE DAG LA DE SKAD DU RJES SU BSTAN TO, ,RJES SU BSTAN NAS KYANG JI SRID DU DE'I SDIG PA'I LAS BYAS SHING BSAGS PA BCOM ZHING SPANGS LA
, ,ZAD PAR MA BYAS PA DE SRID DU RANG GI SDUG BSNGAL SO SOR MYONG BAR BYED DO, ,DE PHYIS YI DVAGS KYI 'JIG RTEN DE LAS THAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PAR DE YI DVAGS KYI BRTUL ZHUGS DANG, YI DVAGS KYI RJES SU 'BRANG BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI YUL NA YI DVAGS DUR KHROD NA 'DUG PA ZHES BYA BA JI LTAR GNAS PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, SEMS CAN SER SNAS NYAMS PA GANG GIS SANGS RGYAS LA GZHAN GYIS ME TOG PHUL BA DAG DES BRKUS SO, ,BRKUS NAS KYANG KHE 'DOD PA'I PHYIR BTZONGS NA DE LUS DANG BRAL NAS NGAN 'GRO LOG PAR LTUNG BA LUS BKRES PA DANG, SKOM PAS GDUNGS PA YI DVAGS DUR KHROD NA 'DUG PA RNAMS KYI NANG DU SKYE BAR 'GYUR RO, ,DUR KHROD NA 'DUG PA DE DAG GI KHA ZAS NI, 'DI LTA STE, DUR KHROD KYI PHYAG DAR GANG YANG RUNG BA DU BA'I RGYUN MED PA DE LA DE DAG ZLA BA GCIG GI BAR DU ZA ZHING 'DUG LA, DE NAS KHA ZAS MED PAR
'KHOD DO, ,RTAG TU DE'I MGO LCAGS KYI PHRENG BA RAB TU 'BAR BAS BCINGS SHING DE GANG NAS GANG DU SKYES PA'I KLAD PAR RAB TU 'JU BAR BYED LA, MGO'I THOD PA'ANG SREG PAR BYED DO, ,LCAGS LAS BYAS PA'I PHRENG BA GNYIS PAS KYANG DE'I MID PA BCINGS SHING DES DE'I MID PA DANG, BRANG YANG SREG STE, GANG SANGS RGYAS KYI ME TOG BRKUS PA'I RGYU DES NA YAN LAG DANG, NYING LAG THAMS CAD KYI NANG DU ME DE DAG GSOD NAS SREG PAR BYED DO, ,LUS KYANG SRIN BUS YOG CING SDUG BSNGAL MI BZAD PAS NYAM THAG LA SRIN PO GZHAN ZHIG DUR KHROD DER 'ONGS NAS DES KYANG DE DAG THO BA DANG, RAL GRI DANG, GTUN SHING RNAMS KYIS KUN NAS PHYE MAR RLOG GO ,DE DU SKAD 'BYIN CING SMRE SNGAGS 'DON PA NA SDUG BSNGAL GSUM GYIS NYAM THAG STE, BKRES PA DANG SKOM PA'I SDUG BSNGAL DANG, LCAGS KYI PHRENG BA'I SDUG BSNGAL DANG, GZHAN GYI RAL GRI DANG, THO BAS BRDEGS PA'I SDUG BSNGAL TE, DE LTAR DE DAG MYONG ZHING NYES PAR BYED PA DE 'BRAL BAR BYED LA SMRE SNGAGS 'DON PA NA 'DI LTAR TSIGS SU BCAD DE SMRAS PA, BKRES DANG SKOM PA'I SDUG BSNGAL DANG, ,GNYIS PA ME YI SDUG BSNGAL 'BYUNG, ,GSUM PA THO BA RAL GRI YI, ,SDUG BSNGAL DE NI BDAG GIS MYONG, ,RANG GI SEMS DANG LAS KYIS SU, ,'DIR NI BSLUS SHING YONGS SU RMONGS, ,YI DVAGS GNAS SU SKYES GYUR CING, ,MDZA' BSHES
, ,GNYEN DANG BRAL BAR GYUR, ,STOBS DANG BRAL BA'I LAS DAG GI ,ZHAGS PA YIS NI KHRID PA NA, ,BSHES GNYEN BU DANG CHUNG MA DANG, ,RTZA LAG GIS KYANG SKYOB MI BYED, ,JI LTAR LAS BZHIN SKYOB GZHAN MED, ,RNAM PA GSUM NI BDAG GIS MYONG, ,SBYIN DANG TSUL KHRIMS THOS DANG GZHAN, ,RNAM PA GSUM NI YONGS SU BSGRAGS,, GTI MUG DRA BAS BSGRIBS PA 'DIR, ,BDAG GIS NGAN BYAS GANG MA BYAS, ,MI BZAD RGYUR NI GYUR PA YI, ,LAS RNAMS KYI NI 'BRAS BU 'ONGS, ,SHIN TU MI BZAD YI DVAGS YUL; ;SDIG LAS GAL TE BDAG GROL NA, ,YANG DANG YANG DU SDIG PA'I LAS, ,BDAG GIS NAM YANG MI BYA'O, ,DE LTAR YI DVAGS SMRE SNGAGS 'DON PA DE DAG JI SRAD DU DE'I SDIG PA'I LAS BYAS SHING BSAGS PA SO SO YANG DAG PAR MYONG BAR 'GYUR BA BCOM ZHING SPANG LA ZAD PAR MA BYAS PA DE SRID DU DER SDUG BSNGAL CHEN PO DES GNOD CING YID LA BCAGS PAR 'GYUR RO, ,DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG GAL TE MI RNAMS DANG, SO SO YANG DAG PAR MYONG BAR 'GYUR BA LAN GRANGS GZHAN LA MYONG BAR 'GYUR BA'I LAS KYIS MI RNAMS DANG SKAL BA MNYAM PAR MI RNAMS KYI NANG DU SKYES NA, LAS DE DANG RGYU MTHUN PAR DE GTUM ZHING DUR KHROD KYI GOS KYIS 'TSO
BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI YUL NA YI DVAGS SHING GI NANG NA GNAS PA ZHES BYA BA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA; GANG GIS DGE 'DUN GYI 'TSO BA'I SHING LJON PA'AM, DE BZHIN DU SKYE BO BKRES PA DANG, SKOM PA DANG, LUS NGAL BA KUN GYI 'TSO BA'I DON DU RDZING BU DANG, KHRON PA BYAS PA DE DAG SER SNAS NYAMS PA DE MA RUNG BAR BYAS SAM, SHING SKAM 'DOD PA'I PHYIR 'DI LTAR 'DI DAG NI BDAG GI SHING BYA'O SNYAM NAS GCOD PAR BYED CING DE DE BZHIN DU BYED NA, LUS DANG BRAL NAS NGAN 'GRO LOG PAR LTUNG BA YI DVAGS SHING GI NANG NA 'DUG PAR 'GYUR RO, ,DER SKYES NAS KYANG DE'I LAS KYIS SHING GSEB TU SKYES PA DE SHIN TU GRANG BA DANG, TSVA BAS GNOD DE; JI LTAR SRIN BU SHING SKAM GYI NANG DU SKYES PA THAMS CAD NAS GNOD PA BZHIN NO, ,SHIN TU SDUG BSNGAL BAS NYAM THAG PA DE GAL TE BRGYA LA SDUG BSNGAL DE RTZE ZHIL BAR BYED NA DE SHING SKAM GYI GSEB NA SRIN BU MAR KO TA KA DANG, AA SHO TA RA RNAMS KYIS ZA ZHING DE'I ZAS SU 'GYUR RO, ,GANG KHA CIG GIS BSAMS NAS GTOR MA GTOR NA DES DE'I SROG 'TSO BAR
, ,BYED DE, YI DVAGS KYI YUL DE NA JI SRID DU DE'I SDIG PA'I LAS BYAS SHING BSAGS PA SO SO YANG DAG PAR MYONG BAR 'GYUR BA BCOM ZHING SPANGS LA NYAMS PAR MA BYAS PA DE SRID DU SDUG BSNGAL RAB TU MI BZAD PA DE MYONG BAR 'GYUR RO, ,DES PHYIS YI DVAGS KYI YUL DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PAR DE TSAL DANG, RTZVA DANG, SMAN DANG, NAGS KHROD DANG, SHING SKAM DANG, ME TOG GIS SROG 'TSO STE, 'TSO BA GZHAN LA RAG LAS SHING SHIN TU SDUG BSNGAL BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN BA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI YUL NA YI DVAGS LAM GYI BZHI MDON GNAS PA ZHES BYA BA JI LTAR 'DUG PA MTHONG NGO, ,DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, RKUN PO GZHAN LA GNOD PA BYA BA'I BLO DANG, SER SNAS NYAMS PA GANG GIS ZAS DANG, SKOM PA RNOGS SHING DE 'GRON PO DAG GI ZAS DANG, SKOM MA BYIN NAS DGOD LA DE DAG KYANG GNAS DER SHIN TU SDUG BSNGAL BAR GYUR NAS
RKUN PO DE LAS KYI MTHU DES SHI NAS LAM GYI BZHI MDO NA GNAS PA'I YI DVAGS SU 'GYUR RO, ,PHA ROL GYI YID GCUGS PA BCOM PA'I LAS DE'I MTHUS SOG LE DAG 'BYUNG BAR 'GYUR TE, DE DAG GIS NYIN GCIG BZHIN DU DE'I LUS BKRES PA DANG, SKOM PAS GDUNGS PA DE RNAM PA BZHIR GCOD PAR BYED, GSHEG PAR BYED, YAN LAG RNAMS GTUB PAR BYED DO, ,GANG GI TSE SKYE BO DAG 'JIG PAR 'GYUR BA DE'I TSE BYIS PA PHAL PA BYIS PA'I RANG BZHIN CAN LAS DANG, 'BRAS BU MNGON PAR MI SHES SHING 'BRAS BU DANG, RGYU NGAN PA LA LTA BA DE DAG DE'I TSE LAM GYI BZHI MDOR GTOR MA 'THOR BAR BYED DE, 'DI LTAR 'DIS NAD PA'I NAD RAB TU ZHI BAR 'GYUR RO SNYAM NAS GTOR MA DE LAM GYI BZHI MDO DE DAG TU 'THOR BAR BYED DO, ,DE DES DGA' BAR 'GYUR TE, DES SROG 'TSO BAR 'GYUR ZHING DES GNAS PAR 'GYUR LA DES SO SOR STON PAR BYED DE, JI SRID DU DE SDIG PA'I LAS BYAS SHING BSAGS PA SO SO YANG DAG PAR MYONG BAR 'GYUR BA BCOM ZHING SPANGS LA ZAD PAR MA BYAS PA DE SRID DU YI DVAGS KYI YUL DER GNAS SO, ,DE PHYIS YI DVAGS KYI 'JIG RTEN DE LAS THAR BAR 'GYUR TE, THAR NAS KYANG GAL TE LAN GRANGS GZHAN LA MYONG BAR 'GYUR BA'I LAS DANG, MI RNAMS DANG, SKAL BA MNYAM PAR SO SO YANG DAG PAR MYONG BAR 'GYUR BA'I LAS KYIS MIR SKYES
, ,NA LAS DE DANG, RGYU MTHUN PAR DE RIGS NGAN PA PHYUGS GSOD PA BYED PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS YI DVAGS KYI YUL NA YI DVAGS BDUD KYI RIS ZHES BYA BA JI LTAR 'DUG PA MTHONG NGO; ;DE LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, LAS NGAN PAS 'TSO BA, G-YOS GZHAN LA GNOD PAR BYED PA, ,RGYU NGAN PA DANG, LTA BA NGAN PA'I MTHA' LA DE NYID YIN NO BAR MNGON PAR ZHEN PA GANG GIS LAM BZANG PO SUN PAR BYAS NA, DE LUS DANG BRAL NAS NGAN 'GRO LOG PAR LTUNG BA YI DVAGS BDUD KYI RIS RNAMS KYI NANG DU SKYE BAR 'GYUR RO, ,DER SKYES NAS KYANG RTAG TU DGE SLONG BSAM GTAN GYI ZAS KYIS GNAS PA RNAMS KYI SEMS RNYOG PA CAN DU BYED, RNAM PAR 'TSE BAR BYED, SGRA BO CHE 'DON PAR BYED, DE RMI LAM DU BGEGS DAG BYED DE, DAM PA'I CHOS LA SDANG BA NI BDUD KYI DBANG DU 'GRO BAR 'GYUR RO, ,DE LTAR YANG DAG PA MA YIN PA'I LAM DU ZHUGS PA DE NI TSE 'DI LA MYONG BAR 'GYUR BA YI DVAGS KYI YUL DU SKYE BAR 'GYUR TE, KHA ZAS NI LCAGS KYI THU LUM ZA BAR 'GYUR RO, ,DE DE DAG GIS SREG
CING SHIN TU SDUG BSNGAL BA MYONG BA NA, SHIN TU SDUG BSNGAL BA DE LAS SKYO BAR MI BYED DE, DE DE NAS SHI NAS SEMS CAN DMYAL BA'I NANG DU SKYE BAR 'GYUR RO, ,DE NAS BSKAL PA MANG PO ZHIG GIS MI LUS THOB PAR 'GYUR TE, GAL TE BSKAL PA KHRI 'AM, GAL TE BSKAL PA NYI KHRIS 'THOB LA, DE LTAR NGES PAR NGAN SONG GSUM RNAMS SU 'TSED DO, ,SREG GO, ZA'O; ;GAL TE'ANG DE NAS LAN GRANGS GZHAN LA MYONG BAR 'GYUR BA'I LAS KYIS GNYA' SHING GI BU GAR RUS SBAL 'JUG PA LTA BUR MI RNAMS DANG BSKAL PA MNYAM PAR MIR SKYES NA; LAS DA DANG RGYU MTHUN PAR DE LONG BA DANG, 'ON PA DANG, LKUGS PA DANG, DRAN PA NYAMS PA DANG, NAD DU MAS LUS NYAMS PA DANG, SHIN TU DBUL BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES YI DVAGS KYI 'JIG RTEN LA BRTAGS NA, DES THOS PA LAS BYUNG BA'I SHES PAS 'DI LTAR YI DVAGS KYI 'JIG RTEN LAS KYI 'BRAS BU RNAM PAR SMIN PA'I BYE BRAG GIS YI DVAGS KYI 'GRO BA RAGS PA DE TZAM DAG NI MTHONG NA 'KHOR 'BUM PHRAG DU MA NI MA MTHONG STE, GANG RGYA MTSO'I MTHA'I BAR RNAMS DANG, GANG RGYA MTSO'I GLING RNAMS DANG, GANG DZAMBU'I GLING RNAMS DANG, NUB KYI BA LANG SPYOD PA DANG, SHAR GYI LUS 'PHAGS DANG, BYANG GI SGRA MI SNYAN LA SOGS PA'I
, ,GLING CHEN PO RNAMS KYI BAR NA GNAS PA DE DAG GI MING GI RNAM GRANGS TZAM SHES SO, ,SRIN PO DANG, SHA ZA DANG, GRUL BUM DE DAG GI LAS KYI 'BRAS BU RNAM PAR SMIN PA DAG NI SHIN TU PHRA BAR SHES PAR BYA STE, GANG LAS GANG GIS DER SKYES, KHA ZAS NI CI ZA, SPYOD PA NI CI YIN, RGYU NI CI ZHIG YIN SNYAM MO, ,DE DAG GI GNAS NA SEMS NI SPRE'U LTAR SDOM PA MED PAR RNAM PAR G-YO LA, BA LANG GI RNA BA 'GUL ZHING LDOG BA CHU SHING TSAL DU ZHUGS NA RNA BA SHIN TU 'GUL BA LTAR NI RAB TU RGYUG, BUM PA RDOL BA LTAR YUL THAMS CAD LA NI KHYAB, RLUNG CHEN POS RDUL BSLANG BA LTAR SHIN TU G-YO BAR NI BYED, SENG GE DANG, STAG DANG, SBRUL GDUG PA DAG PAS KYANG SHIN TU GDUL NI DKA', GANG G-YOS PA NI DE'I PHA ROL TU 'BRAS BU DE DANG MTHUN PAR THOB STE, SEMS CAN RNAMS KYI SEMS KUN NAS NYON MONGS PA LAS NI KUN NAS NYON MONGS LA, SEMS RNAM PAR BYANG BA LAS NI RNAM PAR GROL BAR 'GYUR TE SHES PAR DKA'O, ,SEMS NI RGYAL PO 'DRA LA, DBANG PO RNAMS NI ZHABS 'BRING BA LTA BU YIN TE, DE LA RAG LAS PA NI LAS YIN LA, LAS LA RAG LAS PA NI 'BRAS BU YIN, 'BRAS BU LA RAG LAS PA NI 'GRO BA LNGA DAG YIN NO, ,SEMS 'KHRUL 'KHOR MKHAN 'DRA ZHING LUS NI 'KHRUL 'KHOR 'DRAL, DBANG PO RNAMS DANG, DBANG PO'I DON
NI SKUD PA 'DRA STE, SEMS MA DUL BA DE NI NGAN SONG DU 'GRO LA, SHIN TU DUL ZHING LEGS PAR YONGS SU SBYANG BA BYAS PA NI LHA DANG, MI'I 'GRO BAR 'GRO BA DANG, G-YO BA MED PA'I GNAS MYA NGAN LAS 'DA' BAR 'GRO'O SNYAM STE, DE LTAR DGE SLONG DE SEMS KYI RNAM PA SHIN TU PHRA BA LA RNAM PAR SPYOD DO, ,RNAM PAR DPYAD NAS 'KHOR BA RNAMS LA SHIN TU SKYO BA SKYES TE, SEMS CAN DMYAL BA 'KHOR DANG BCAS PA DAG LA SKYE LA, DE LTAR YANG YI DVAGS KYI 'JIG RTEN DAG LA LHAG PAR SHIN TU SKYO STE, SDUG BSNGAL 'PHAGS PA'I BDEN PA RTOGS, SDUG BSNGAL 'PHAGS PA'I LAM RTOGS SHING LAM BZANG PO DANG, LAM LA GNAS PA RTOGS SO, ,YI DVAGS KYI LE'U STE GNYIS PA RDZOGS SO,, ,,DE NAS YANG RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA 'DI LTAR DGE SLONG LAS KYI 'BRAS BU'I DE KHO NA NYID MTHONG BA DES SEMS CAN DMYAL BA 'KHOR DANG BCAS PA RNAMS LA BRTAGS SHING 'GRO BA GNYIS PA LA'ANG BRTAGS NA 'KHOR BA MI ZAD PA YANG DAG PA JI LTA BA BZHIN MTHONG STE YID LA'ANG 'JOG PAR BYED DO, ,'DI LTAR DGE SLONG DE BDUD KYI YUL NA MI GNAS SHING, DE MYA NGAN LAS 'DAS PA'I MTHA' LA GNAS LA DE'I SPRO BA MI LDOG STE, 'BRAS BUR GYUR PAS GZHAN BCO LNGA PA LA ZHUGS SO, ,DE ZHUGS PA DANG SA BLA'I GNOD SBYIN DAG DGA'
, ,NAS BAR SNANG LA RGYU BA'I GNOD SBYIN RNAMS LA BSNYAD DO, ,DE DAG GIS KYANG RGYAL CHEN BZHI RNAMS LA'O, ,DE DAG GIS KYANG SUM CU RTZA GSUM PA RNAMS LA'O; ;SUM CU RTZA GSUM PA RNAMS KYIS KYANG 'THAB BRAL BA RNAMS LA'O, ,'THAB BRAL BA RNAMS KYIS KYANG DGA' LDAN PA RNAMS LA'O, ,DGA' LDAN PA RNAMS KYIS KYANG 'PHRUL DGA' BA RNAMS LA'O, ,'PHRUL DGA' BA RNAMS KYIS KYANG GZHAN 'PHRUL DBANG BYED PA RNAMS LA'O, ,DE LTAR 'DOD PA'I KHAMS KYI SGRA DAG GZUGS KYI KHAMS SU'ANG GRAG PA NAS TSANGS RIS LA SOGS PA'I BAR DAG DANG, 'OD GSAL GYI BAR RNAMS SU SGRA GRAG STE, 'DI LTAR, KYE LHA DAG ,DZAMBU'I GLING DU RIGS KYI BU CHE GE MO ZHIG DANG, GRONG MANG GE MO ZHIG DANG, GRONG KHYER GA GE MO ZHIG DANG, GRONG RDAL CHE GE MO ZHIG DANG, YUL MANG GE MO ZHIG NA MING GA GE MO ZHIG CES BYA BA SKRA DANG KHA SPU BREGS NAS GOS DUR SMRIG BGO SA TE DAD PAS KHYIM NAS KHYIM MED PAR RAB TU BYUNG NGO, ,DE BDUD KYI GZHI DANG LHAN CIG GNAS PAR MI 'DOD LA DE'I YUL GYI DNGOS PO'ANG MI 'DOD, BDUD KYI SDE NI 'JOMS PAR BYED, BDUD KYI G-YOG NI 'JIG PAR BYED, NYON MONGS PA'I RI NI SHIN TU G-YO BAR BYED, DAM PA'I CHOS KYI LAM DU NI 'JUG PAR BYED, DE'I 'OD
NI RAB TU 'BYUNG BAR 'GYUR TE, DE LTAR SA GZHAN BCO LNGA PA LA ZHUGS SO, ,DE THOS NAS 'OD GSAL GYI LHA RNAMS DGA' STE, LHA GZHAN DAG LA SMRAS PA, 'DI LTAR, KYE LHA DAG , BDAG CAG NI MCHOG TU DGA' STE, GANG BDUD KYI PHYOGS NI DMA'O, ,DAM PA'I CHOS KYI PHYOGS NI MNGON PAR MTHO'O, ,BDUD KYI 'KHOR NI YONGS SU NYAMS SO, ,DAM PA'I CHOS KYI CHU BO NI RAB TU 'BAB BO, ,MU STEGS KYI MTSO NI RNAM PAR SKEMS SO, ,'DOD CHAGS DANG, ZHE SDANG DANG, GTI MUG RNAMS NI RAB TU RTZE ZHIL LO, ,CHOS MA YIN PA'I PHYOGS NI ZHIG GO ,DAM PA'I CHOS KYI PHYOGS NI RAB TU 'PHEL LO, ,'KHOR BA NI 'JIG STE, KYE DE DAG BDAG CAG GIS THOS NAS MCHOG TU DGA'O, ,DE LTAR DAM PA'I CHOS KYI SGRA 'OD GSAL GYI LHA'I RIS KYI BAR DU GCIG NAS GCIG TU GRAG STE, DGE SLONG DE BRTZON 'GRUS NI BRTZAMS, SEMS NI DGE ZHING MI G-YO LA BRTAN, G-YO MED CING DRANG PO'I RANG BZHIN CAN YIN TE; DE LTAR DE'I DGE BA'I SGRA MYA NGAN LAS 'DAS PA'I GRONG KHYER GYI SNGON DU 'DREN PAR BRAG GO ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SEMS CAN DMYAL BA'I LAS KYI CHOS KYI RNAM PAR SMIN PA YANG DAG PA JI LTA BA BZHIN SHES SHING SEMS CAN DMYAL BA RNAMS KYI 'KHOR BRGYA SUM CU RTZA DRUG GI TSE RING BA DANG, TSE'I LHAG PA'I
, ,TSAD DANG BCAS PA DE'ANG YANG DAG PA JI LTA BA BZHIN SHES NAS 'GRO BA GNYIS PA LA'ANG RTOG PAR BYED DE, YI DVAGS RNAM PA YOD PA YANG MDOR BSDU NA RNAM PA SUM CU RTZA DRUG YOD PA LA RTOG PAR BYED DO, ,RIM PAR 'KHOD PA'I DE DAG GI DE KHO NA NYID LA RTOG STE, DES THOS PA LAS BYUNG BA'I SHES PAS DUD 'GRO'I RNAM PA BYE BA SUM CU RTZA BZHI MTHONG NAS, 'DI LTAR 'GRO BA LNGA DAG NI SEMS KYI KHA NA LAS SHING RAG LUS PA YIN LA PHAL CHER KUN KYANG CHA BYAD DANG, GZUGS DANG, 'GRO BA DANG, KHA ZAS SNA TSOGS 'CHANG BA, MTHUN PA DANG, MI MTHUN PA DANG, SDANG BA DANG, MI SDANG BA DANG, BSHES PA DANG, MI BSHES PA DANG, LHAN CIG SPYOD PA DANG, LHAN CIG MI SPYOD PA'I RIGS CAN DAG YIN NO, ,DE DAG GI NANG NAS 'DAB MA YOD PAR GYUR PA NI 'DI LTA STE, RIGS KYI TSOGS DANG, BYA'I TSOGS BYA ROG DANG, DANG PA LA SOGS PA YIN TE, MTHUN BA DANG, MI MTHUN PAR GYUR PA DAG NI 'DI LTAR WA DANG, KHYI LTA BU STE DE LA SOGS PA'O, ,SDANG BA DANG, MI SDANG BA DAG NI, 'DI LTA STE, BYA ROG DANG, 'UG PA DANG, RTA DANG, MA HE DANG; SBRUL DANG, NE'U LE LA SOGS PA LTA BU DAG GO ,DE LA SROG CHAGS DAG LAS GANG GIS CHA BYAD DANG, GZUGS DANG, 'GRO BA DANG, KHA ZAS SNA TSOGS SU 'GYUR SNYAM NAS
DES THOS PA LAS BYUNG BA'I SHES PAS BRTAGS NA, 'DI LTAR SROG CHAGS DAG SEMS SNA TSOGS DANG, SROG CHAGS DAG RAG LAS PA DANG, LAS RNAM PA SNA TSOGS BYED DE, DE DAG GI 'GRO BA RNAM PA SNA TSOGS SU 'GYUR ZHING KHA ZAS RNAM PA SNA TSOGS SU 'GYUR RO, ,DE LA GANG MTHUN PA DANG, MI MTHUN PA'I RGYU GANG YIN SNYAM NAS DE DAG GI LAS LA RNAM PAR DPYOD DE, DES THOS PA LAS BYUNG BA'I SHES PAS BRTAGS NA, MIR GYUR PA GANG GIS LTA BA LOG PA'I BSTAN BCOS BRJOD LA MKHAS PA NGA RGYAL CAN GNYIS PAS KYANG BSTAN BCOS NGAN PA GNYIS PA BRJOD NA, DE GNYIS KYI THOS PA DE DON MED PA DANG, BDE BA MA YIN PA DANG, BDE 'GROR 'GRO BA MA YIN TE, BSTAN BCOS NGAN PA DANG, RGYU NGAN PA DANG, LTA BA NGAN PA'I MTHA' DE GNYIS KYIS PHAN TSUN DGA' BAR BYED NA, DE GNYIS SHI NAS SEMS CAN DMYAL BA RNAMS KYI NANG DU SKYE BAR 'GYUR RO, ,GAL TE DUD 'GRO RNAMS KYI NANG DU SKYES NA DE'I TSE MTHUN BA DANG, MI MTHUN PA'I RGYUS PHAN TSUN RAB TU SDANG BAR 'GYUR, 'DI LTA STE, SBRUL DANG, NE'U LE DANG, RTA DANG, MA HE DANG, BYA ROG DANG, 'UG PA DAG LTA BU'O, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES DUD 'GRO'I 'JIG RTEN LA RTOG PAR BYED DE, RGYU GANG DANG, LAS GANG GIS DUD 'GRO
, ,DAG LHAN CIG SPYOD PA'I GROGS SU 'GYUR SNYAM NAS, DES THOS PA LAS BYUNG BA'I SHES PAS BRTAGS NA, 'KHOR BA LA MNGON PAR CHAGS PA'I SBYIN BDAG GANG GIS 'DI LTAR LAS 'DIS NI BDAG DUD 'GRO'I SKYE GNAS GZHAN DAG TU SKYES NA'ANG KHYOD BDAG GI KHYIM THAB TU 'GYUR ZHING BDAG KYANG KHYOD KYI CHUNG MAR GYUR CIG SNYAM NAS SBYIN PA BYIN NA, DE LUS DANG BRAL NAS NGAN 'GRO LOG PAR LTUNG BA DUD 'GRO BDE BA RNAMS KYI NANG DU SKYE BAR 'GYUR TE, 'DI LTA STE, SHANG SHANG TE'U DANG, THIB DANG, NGUR PA DE DAG LAS YONGS SU BYAS PA'I RGYUS 'KHRIG PA LA DGA' BA YIN NO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES WA LA SOGS PA'I MI MTHUN PA LA RTOG PAR BYED DE, DE DAG LAS GANG GIS WA DANG, KHYI DAG TU SKYE BAR 'GYUR SNYAM NAS DE THOS PA LAS BYUNG BA'I SHES PAS BRTAGS NA, GANG GIS MKHAS PA DANG, SDOM PA DANG LDAN PA RNAMS KYI KHA ZAS ZHIM PO PHROGS SHING DUS RTAG TU 'DOD PAR SEMS LA, BRNAB SEMS KYI SHAS CHEN DE LUS DANG BRAL NAS NGAN 'GRO LOG PAR LTUNG BA DUD 'GRO RNAMS KYI NANG DU SKYE BAR 'GYUR TE, WA DAG DANG 'THAB 'DOD CING PHAN TSUN RAB TU RTZOD PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN
PA SHES PA DES RI DVAGS RNAMS LA BRTAGS NA DE THOS PA LAS BYUNG BA'I SHES PAS SNGON MIR GYUR LA DUNG DANG, RNGA SGRA DAG GIS SPUNGS BYED PA GANG GIS GRONG DANG, GRONG KHYER DANG, GRONG RDAL BA DAG BSKRAD CING SGRA DE PHA ROL DAG LA 'JIGS PA BSKYED NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BAR SKYE BAR 'GYUR RO, ,DE NAS THAR NAS RI DVAGS RNAMS KYI NANG DU SKYE BAR 'GYUR TE, LAS DE'I MTHUS SEMS RTAG TU SKRAG PAR 'GYUR ZHING JI LTAR GRONG DANG, GRONG KHYER DANG, TSONG RDAL BA DAG BSKRAD NAS DGON PAR BYAS PA DE BZHIN DU DGON PAR GNAS PA'AM, NAGS TSAL GYI NANG DU GNAS PAR 'GYUR RO, ,DE GAL TE MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN BAR DE RTAG TU SEMS SKRAG PAR 'GYUR, SEMS SHIN TU ZHAN PA DANG, SEMS RMONGS PAR 'GYUR RO, ,DES PHYOGS TZAM DU DUD 'GRO'I 'JIG RTEN LA RTOG PAR BYED DE, DRA BA MANG PO'I DUD 'GROR 'GYUR LA, DE LTAR LHAG MA'ANG LAS KYI MTHUS PHAN TSUN MI MTHUN PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA [?] PA DUD 'GRO'I 'JIG RTEN LA RTOG PAR BYED DE, RDZUS TE SKYES PA DE DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, MIR GYUR
, ,PA GANG GIS ZAB DAR BYA BA'I PHYIR SRIN BU RNAMS CHU'I NANG DU SKOL BAR BYED DO, ,DE DAG BSKOL BA NA RDZUS TE SKYE BA'I SRIN BU GTZUG CES BYA BA GZHAN BYE BA TSOGS DU MA DAG SKYE BAR 'GYUR TE, PHRA MO DE DAG MCHOD SBYIN BYED PAS MCHOD SBYIN BYA BA'I PHYIR MER SREG NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA RNAMS KYI NANG DU SKYE BAR 'GYUR RO, ,DE NAS THAR NAS DUD 'GROR RDZUS TE SKYE BA DAR GYI SRIN BU LA SOGS PA RNAM PA DU MAR SKYE BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES DUD 'GRO'I 'JIG RTEN LA RTOG PAR BYED DE, DUD 'GRO DROD GSHER LAS SKYES PA DE DAG LAS GANG GIS SKYES PAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, MI NGAN PA LTA BA LOG PA GANG GIS NOR RDZAS 'DOD PA'I PHYIR NYA DANG, RUS SBAL DANG, SROG CHAGS DHUN DU GSOD PA DAG SA BRKOS NAS 'JUG GAM, DE BZHIN DU SRAM DANG BCAS PA GZHAN DAG KYANG SA BRKOS NAS 'JUG CING DER SRIN BU DROD GSHER LAS SKYES PA RNAMS SKYES LA, DE DAG MI NGAN PA DES MCHOD SBYIN GYI PHYIR RAM, NOR RDZAS 'DOD PA'I PHYIR GSOD NA, DE LUS DANG BRAL NAS NGAN 'GRO LOG PAR LTUNG BA SEMS CAN
DMYAL BA RNAMS KYI NANG DU SKYE BAR 'GYUR RO, ,DE NAS THAR NAS KYANG SRIN BU DROD GSHER LAS SKYE BA SBRANG BU DANG, SHIG LA SOGS PA'I NANG DU SKYE BAR 'GYUR RO, ,SKYE GNAS GNYIS BA LA YANG DAG PA GZHAN MA YIN PA'I LAM GYIS LTA BA DANG, BLO GROS GZHAN MA YIN PA KHONG DU CHUD PA SHIN TU ZHI BA MOS SO SOR RTOG PAR BYED DO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES DUD 'GRO'I 'JIG RTEN LA RTOG PAR BYED DE, LAS GANG GIS DUD 'GRO SGO NGA LAS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA GANG LA LA 'JIG RTEN PA'I BSAM GTAN THOB PAS 'DOD CHAGS DANG, ZHE SDANG DANG, GTI MUG RAB TU ZHI BA LAS GAL TE RKYEN ZHIG GIS ZHE SDANG SKYES LA DE YID KYI NYES PAS YUL 'JIG PAR BYED NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA RNAMS KYI NANG DU SKYE BAR 'GYUR RO, ,DE NAS THAR NAS KYANG DUD 'GRO SGO NGA LAS SKYE BA BYA RGOD DANG, KHVA LA SOGS PA'I NANG DU SKYE BAR 'GYUR RO, ,DE NAS THAR NAS KYANG GAL TE MI RNAMS DANG SKAL PA MNYAM PAR MIR SKYES NA DE RTAG TU KHRO ZHING 'JIGS PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES DUD 'GRO'I 'JIG RTEN LA RTOG PAR BYED DE, LAS GANG GIS DUD 'GRO
, ,MNGAL NAS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, 'DOD CHAGS LA ZHEN PA GANG GIS GSEB RGOD MA LA GTONG BA DANG; GLANG KHYU BA LA GTONG BA DANG, NAGS TSAL LA ME GTONG BA DANG, MI SBYAR PO 'OS MA YIN PA LA BYED NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA'I NANG DU SKYE BAR 'GYUR RO, ,DE NAS THAR NAS KYANG DUD 'GRO MNGAL NAS SKYE BA RNAMS KYI NANG DU SKYE BAR 'GYUR RO, ,DE NAS THAR NAS KYANG GAL TE MI RNAMS DANG SKAL PA MNYAM PAR MIR SKYES NA LAS DE DANG RGYU MTHUN PAR DE 'GRO BA GSUM PAR SKYE BAR 'GYUR BA MTHONG NGO, ,DE LTAR DGE SLONG DES DUD 'GRO RNAM PA BCU GCIG LA BRTAGS NA , DE NAS YANG ZAS RNAM PA BZHI KHAM GYI ZAS DANG, YID LA SEMS PA DANG, REG PA DANG, DGA' BA RNAMS LA RTOG PAR BYED CING ZAS RNAM PA BZHI'I 'BRAS BU RNAM PAR SMIN PA LA RJES SU SEMS PAR BYED DE, DES THOS PA LAS BYUNG BA'I SHES PAS BRTAGS NA, GANG GIS TSUL NGAN PA DANG LDAN PA CHOM RKUN BA DAG LA KHAM GYI ZAS BYIN TE , 'DI LTAR 'DI ZO LA BDAG GI DGRA GSOD CIG CES BYAS PA DANG KHA ZAS LA BRKAM PAS NYAMS PA DE DAG GIS KYANG DE BZHIN DU SROG BCAD NA, DE LUS DANG BRAL NAS NGAN
'GRO LOG PAR LTUNG BA SEMS CAN DMYAL BA'I NANG DU SKYE BAR 'GYUR RO, ,DE NAS THAR NAS KYANG LAS DE'I MTHUS DUD 'GRO KHAM GYI ZAS ZA BA RNAMS KYI NANG DU SKYE BAR 'GYUR TE, 'DI LTA STE, BA LANG DANG, MA HE DANG, BONG BU DANG, PHAG DANG, KHYI DANG, WA DANG, RNGA MO DANG, BAL GLANG DANG, RTA DANG, LUG DANG, RI DVAGS DANG, RA DANG, SROG CHAGS SRIN MAR DANG, KHVA DANG, BYA RGOD DANG, NGANG PA DANG, SROG CHAGS TI TI BHA DANG, SKYAR MO DANG, SROG CHAGS R'A MA DANG, DGO BA DANG, SROG CHAGS KU RANG GA DANG, RI DVAGS MO DANG, SROG CHAGS KA TAM BHA DANG, NOR BU'I MCHU DANG, SHANG SHANG TE'U DANG, SBRUL DAG GNAS TSER MA CAN DANG, NGAM GROGS LA SOGS PA MTHA' YAS PA RNAMS SU SKYE BAR 'GYUR RO, ,PHYOGS DAG LA'ANG RAB TU DPYOD PAR BYED CING REG PA'I ZAS LA'ANG RJES SU SEMS PAR BYED DE, SGO NGA LAS SKYE BAR GTOGS SHING 'BYUNG BA DAG NI, 'DI LTA STE, BYA DANG, CHU NA GNAS PA DANG, SHUG TU 'BREL PA DANG, RGYA MTSO'I 'BRAM NAS SKYE BA DANG, RGYA MTSOR SKYES PA DANG, KLU DANG, SBRUL DANG, KHUNG NA GNAS PA LA SOGS PA DE DAG LAS GANG GIS REG PA'I KHA ZAS ZA BAR 'GYUR ZHIG GU SNYAM NAS DGE SLONG DE RNAM PAR DPYOD PAR BYED DO, ,DES THOS PA LAS BYUNG BA'I SHES PAS BRTAGS NA, GANG GIS PHA ROL DAG LA SBYIN PA BYIN NO
, ,SNYAM DU BSAMS LA MA SMRAS PAR YID KYIS SBYIN TE 'CHI BA'I DUS BYAS NA, DE GAL TE LAN GRANGS GZHAN LA MYONG BAR 'GYUR BA'I LAS KYIS DUD 'GRO RNAMS KYI NANG DU SKYES NA BSAMS PA 'BA' ZHIG GI LAS DE NYID KYI MTHUS DE REG PA'I ZAS DE ZA BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES DUD 'GRO'I 'JIG RTEN LA RTOG PAR BYED DE, ZAS GSUM PA YID LA SEMS PA ZHES BYA BA DES SEMS CAN DE DAG JI LTAR BDAG NYID 'TSO BAR BYED SNYAM NAS DES THOS PA LAS BYUNG BA'I SHES PAS BRTAGS NA, 'DI LTAR SGO NGA LAS SKYE BA NYA DANG, CHU SRIN MA KAR DANG, KUM BHI RA DANG, NA KRA DANG, NYA PHYIS DANG, DUNG LA SOGS PA'I SGO NGA LAS SKYE BA SKYES PA RNAMS YID LA SEMS PA'I ZAS DES 'TSO BAR BYED DO, ,GAL TE MA'AM, GAL TE PHAS RANG GI BU DRAN NA DRAN PA DES TSIM PAR BYED DE, DE NAS YANG 'PHEL BAR BYED CING 'TSO BAR BYED LA KHA ZAS KYI BYA BA'ANG BYED DO, ,DE LAS GANG GIS SKYE BAR 'GYUR SNYAM NAS DGE SLONG DE RAB TU DPYOD DE, DES THOS PA LAS BYUNG BA'I SHES PAS BRTAGS NA, BLO ZHAN CING LAS DANG 'BRAS BU DAG MNGON PAR MI SHES PA GANG GIS GZHAN DAG LA 'DI LTAR NGAS KHYOD LA ZLA BA PHYED DAM, ZLA BA GCIG NA NOR RDZAS KYI RNAM
PA'AM, KHA ZAS KYI RNAM PA'AM, NOR GYI DBYIG GI RNAM PA CUNG ZAD SBYIN NO ZHES KHAS BLANGS LA DE'I TSIG DE DBUL PO DES THOS NAS DGA' BAR 'GYUR TE, 'DI LTAR SBYIN BDAG 'DIS BDAG DBUL PO LA KHAS BLANGS PA DE BDAG LA SBYIN PAR BYED DO SNYAM NAS DE YID MCHOG TU DGA' NAS DE BZHIN DU ZLA BA PHYED DAM, ZLA BA GCIG GI DUS SU DE 'ONGS NAS DE'I DRUNG DU PHYIN PA DANG, MI NGAN PA DES KHA STONGS PAR BYAS NA, DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA DGA' BA DANG, DGA' BA MED PA'I NANG DU SKYE BAR 'GYUR RO, ,DE NAS THAR NAS KYANG GAL TE DUD 'GRO RNAMS KYI NANG DU SKYES NA 'DI LTAR DES DE LA RDZUN BYAS NAS YID DGA' BAR BYAS PA DE'I MTHUS DE YID LA SEMS PA'I ZAS 'THOB PAR 'GYUR RO, ,GAL TE MI RNAMS KYI NANG DU SKYES NA LAS DE DANG RGYU MTHUN PAR DE DE'I BRAN NYID DU 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES DUD 'GRO'I 'JIG RTEN KHA ZAS BZHI PA DGA' BA ZHES BYA BA LA RTOG PAR BYED DE, DES THOS PA LAS BYUNG BA'I SHES PAS 'DI LTAR DUD 'GRO'I YUL NA DUD 'GRO ;KUN NAS NYON MONGS PA CAN GYI DGA' BA'I ZAS KYIS 'TSO BA YOD DE, NAGS KHUNG NA SBRUL PO CHE AA DZA GA RA ZHES PA DGA' BA'I ZAS DANG, RLUNG ZA ZHING 'TSO BA DANG, SROG CHAGS
, ,GA LA GO LI KA DANG, RI ZHOL GNAS ZHES BYA BA LA SOGS PA DANG GZHAN YANG YOD DE, DE LA 'OD GSAL GYI LHA RNAMS KYI DGA' BA'I ZAS NI GNOD SEMS MED PA'I DGA' BA'I ZAS KYIS 'TSO BA YIN GYI, DUD 'GRO'I DGA' BA'I ZAS NI 'KHON GYI LHA BA DANG, 'KHON DAM DU 'DZIN PA'I SEMS DANG LDAN PA YIN NA, DE DAG LAS GANG GIS DER SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, ZHE SDANG GI SHAS CHE BA'AM, ZHE SDANG GI RANG BZHIN CAN GANG YIN PA STE , 'KHON GYI RGYU DANG MTHUN PA DANG, GTI MUG GIS SHAS CHE BA DES SROG GCOD PAR BYAS NA DE LUS DANG BRAL NAS NGAN 'GRO LOG PAR LTUNG BA SEMS CAN DMYAL BA RNAMS KYI NANG DU SKYE BAR 'GYUR RO, ,DE 'KHON DANG DGA' BA'I GZHI YOD PA DES DUD 'GRO RNAMS KYI NANG DU SKYES NA DGA' BA'I ZAS DANG RLUNG ZA BAR 'GYUR RO, ,DE GAL TE MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PAR DE RTAG PAR GLO BUR DU PHA ROL DANG LHAN CIG RGYU MED PAR 'THAB PA DANG 'BREL PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES RNAM PA GZHAN GYIS DUD 'GRO'I 'JIG RTEN MTHA' YAS PA LA RTOG PAR BYED DE, YANG CHU'I NANG NA RGYU BA DAG
JI LTAR SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, GANG BLO ZHAN CING RNAM PAR SHES PA ZHAN PA SKOM GYIS GDUNGS BZHIN DU 'CHI BA'I DUS BYED NA, DE LUS DANG BRAL NAS NGAN 'GRO LOG PAR LTUNG BA CHU'I NANG NA RGYU BAR 'GYUR RO, ,DE BZHIN DU NYA'I SKYE GNAS RNAM PA SNA TSOGS KYI NANG NA GCIG PU SKYE BAR 'GYUR RO, ,DE SKOM GYIS GDUNGS NAS SRID PA BAR MA LA CHU DE MTHONG BAR 'GYUR TE, DON DU GNYER BA DES DA NI BDAG 'DIR SKYE BAR 'GYUR SNYAM NAS SEMS BSKYED MA THAG TU DE NYID DU SKYE BAR 'GYUR TE; SRID PA NI RGYU DANG, RKYEN GYIS 'BYUNG LA SRID PA'I YAN LAG LA GNAS PA NI DE LTA BU YIN NO, ,GANG DE SBYIN PA MA BYIN ZHING BSOD NAMS MA BSGRUBS PA'I LAS KYI RNAM PAR SMIN PA DES CHU RTAG TU DRO BAR 'GYUR ZHING DE'I KHA YONGS SU SKAM PAR 'GYUR LA, REG PA BA TSVA DANG 'DRA BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE BYA SKAM SA LA RGYU BA DANG, BAR SNANG LA RGYU BA DAG LA RTOG PAR BYED DE, LAS GANG GIS BYA DAG BAR SNANG LA 'PHUR ZHING NAM MKHA' RTEN MED PA LA RTEN PAR BYED SNYAM NAS DES THOS PA LAS BYUNG BA'I SHES PAS BRTAGS NA, 'DI LTAR RDZU 'PHRUL NI RNAM PA GSUM STE, 'DI LTA STE, MOS PAS BSGYUR BA DANG, LUS
, ,KYIS 'GRO BA DANG, YID LTAR MGYOGS PA'O, ,DE LA MOS PAS BSGYUR BA NI RDZU 'PHRUL CAN DAG GI YIN TE, JI LTAR MOS BA DE LTAR 'GRO [?] GAL TE SA'I KHAMS SU RAB TU MOS PA NA DE'I TSE NAM MKHA' SA'I KHAMS SU MTHONG NAS 'GRO BAR BYED PA LTA BU'O, ,LUS KYIS 'GRO BA NI CHOS NYID KYI KHYAD PAR [?] SA GYUR PA STE, BYA RNAMS LTA BU'O, ,YID LTAR MGYOGS PA NI DE BZHIN GSHEGS PA SANGS RGYAS KYI YIN LA, YID KYIS JI LTAR GZAS PA DE BZHIN DU GNAS GZHAN DU PHYIN PAR BYED PA YIN TE, DE YANG KHAMS GSUM GYI LAS SO SO'I BYE BRAG GIS DE LTAR RDZU 'PHRUL RNAM PA GSUM DU 'GYUR BA MTHONG NGO,, ,,
, ,'PHAGS PA DAM PA'I CHOS DRAN PA NYE BAR GZHAG PA, BAM PO NYER GCIG PA, DE NAS YANG DGE SLONG LAS KYI 'BRAS BU RNAM PAR SMIN PA SHES PA DES DUD 'GRO'I 'JIG RTEN LA RTOG PAR BYED DE, SEMS CAN DMYAL BA DANG, YI DVAGS DANG, DUD 'GRO DANG, LHA DANG, MI DANG, CHU DANG, SKAM SA DANG, BAR SNANG LA RGYU BA'I BYA RNAMS
, ,DANG, RI DVAGS LA SOGS PA 'BYUNG BAR 'GYUR LA, CI'I PHYIR NA SEMS CAN DMYAL BA'I SAR SDUG BSNGAL MYONG BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, SEMS CAN DMYAL BA'I SA NA DUD 'GRO SEMS CAN DU BGRANG BA DANG, SEMS CAN DU BGRANG BA MA YIN PA SNA TSOGS DAG MTHONG NGO, ,DER SEMS CAN DMYAL BA PA DE DAG SKYE BA NA SEMS SREG CING BYA LUS PHYIN CI LOG TU 'DUG PA GZHAN DE DAG BDE BAR MTHONG STE, DE DAG 'DIR SKYE BAR 'GYUR RO SNYAM DU
BSAMS PA DANG, SEMS BSKYED MA THEG NYID DU BYA DE RNAMS KYI NANG DU SKYE BAR 'GYUR TE, JI LTAR SEMS CAN DMYAL BA PA RNAMS KYI 'BRAS BU RNAM PAR SMIN PA SNGAR BSTAN PA DE BZHIN DU BYA DE RNAMS LA'ANG 'BYUNG BAR 'GYUR RO, ,SEMS CAN DU BGRANG BA MA YIN PA DE RNAMS NI LAS BYAS SHING BSAGS PA MI 'DRA LA SEMS CAN DMYAL BAR GANG DANG, GANG DAG 'BYUNG BA DE DAG THAMS CAD 'JIGS PA CHEN POR MTHONG STE, SENGGE DANG, STAG DANG, 'UG PA DANG, SROG CHAGS MAR KO TA KA DANG, SBRUL DANG, SBRUL CHEN PO 'JIGS 'JIGS LTAR 'DUG PA CHEN PO DAG 'BYUNG BAR 'GYUR RO, ,SEMS CAN DMYAL BA PA SEMS CAN DU BGRANG BA LA SEMS CAN DU BGRANG BA MA YIN PA RNAMS KYIS GNOD PAR BYED DE, DER SEMS CAN DU BGRANG BA LA LAS KYIS BSKYED PA'I DUD 'GRO SEMS CAN DU BGRANG BA MA YIN PA GZHAN DAG GIS GNOD PAR BYAS KYANG, DE DAG
, ,BDAG NYID NI SDUG BSNGAL MYONG BAR MI 'GYUR RO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES, YI DVAGS KYI 'JIG RTEN LA RTOG PAR BYED DE, YI DVAGS LUS BKRES PA DANG, SKOM PAS GDUNGS PA DE DAG GI 'JIG RTEN NA DUD 'GRO DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA RNAM PA SUM CU RTZA DRUG GANG YIN PA RNAMS SU SKYE BAR 'GYUR RO, ,BYAR GYUR PA DE DAG NI MI YUL DU BYAR GYUR LA DE DAG GIS BYA GZHAN, 'DI LTA STE, BYAN LAG DANG, NE'U LE DANG, BYA ROG DANG, BYA RGOD LA SOGS PA DE DAG GIS BSAD NAS ZA'O, ,DE 'CHI BA'I DUS BYAS NAS SROG BCAD PA'I RNAM PAR SMIN PAS YI DVAGS KYI 'JIG RTEN DU BYAR SKYE BAR 'GYUR TE, LUS BKRES PA DANG, SKOM PAS GDUNGS PA'I BYAR 'GYUR RO, ,DE DAG GI KHA ZAS NI YI DVAGS RNAMS KYI
MIG PHYUNG NAS ZA LA KLAD PA'ANG 'THUNG NGO, ,GANG GI TSE DE DAG ZA PA NA, DE'I TSE NYES PAR BYAS PA'I LAS KYIS RKANG DANG, KLAD PA DAG SHIN TU TSA STE, BA TSVA DANG, ZANGS BZHUS PA LTA BUR 'GYUR RO; ;DE LTAR DGE SLONG DE YI DVAGS KYI 'JIG RTEN NA BYA 'DUG PA DAG LA BRTAGS NAS, 'DI LTAR RJES SU BSTAN PA TSIGS SU BCAD DE SMRAS PA, LAS NGAN MI DGE TSA BAS 'DIR, ,RNAM PAR SMIN PA TSA BA STE, ,GNOD PA CHEN PO BYED PA YIN, ,DE LTA BAS NA SDIG PA SPONGS, ,SER SNAS NYE BAR SHIN TU NYAMS, ,NYES BYAS LAS NI MI BYA'O, ,SER SNAS NYAMS PA'I SKYE BO DAG ,YI DVAGS DUD 'GRO RNAMS SU 'GRO, DUD 'GRO'I SKYE GNAS BSGRUBS NAS SU, ,GCIG LA GCIG NI KHRO BA DANG, ,'CHING ZHING GSOD LA ZA BAR BYED, ,DE LTA BAS NA GTI MUG SPONGS, ,GTI MUG GIS NI NYAMS PA'I SEMS, ,TSUL KHRIMS SBYIN PA RNAM SPONG BA, ,BYIS PA SRED PAS BSLUS PA DAG ,DUD 'GRO'I SKYE GNAS DAG TU SKYE, ,RUNG DANG MI RUNG MI SHES LA, ,BZA' DANG MI BZA' DE BZHIN TE, ,DON DANG DON MIN PHYI ROL GANG, ,CHOS DANG CHOS MIN 'GAL BAR BYED, ,DBANG PO LNGA NI BLUN ZHING RMONGS, ,MI RNAMS DUD 'GRO'I SKYE GNAS 'GRO, DE LTAR DGE SLONG DE DUD 'GRO'I 'JIG RTEN LA CUNG ZAD RTOG PAR BYED DE, DE LTAR LAS KYI LU GU RGYUD KYIS TSE 'BUM PHRAG DU MAR NYE BAR SBREL BA DAG ,DE LTAR SDUG BSNGAL 'BUM PHRAG DU MA DPAG TU MED PA'I
, ,SDUG BSNGAL GYI KLUNG GIS SBREL CING DUD 'GROR MNGON PA'I LAS DU MA DANG, RGYU DANG, RKYEN DU MA DAG GIS BSAM PA PHAN TSUN 'BREL PA DAG NI GANG RGYA MTSO DPAG TSAD BCU YOD PAR 'KHOD DE, NYA DANG, CHU SRIN MA KA RA DANG, NYA MID DANG, CHU SRIN NA KRA DANG, DUNG GNAS PA DAG GIS DE DAG PHAN TSUN 'JIGS PAR BYED DO, ,DE DAG RMONGS PA'I SEMS KYIS 'DOD CHAGS SPYOD PAR BYED DE, RGYU DES RUNG PA DANG, MI RUNG BA MNGON PAR MI SHES PAS, DE'I PHYIR RGYA MTSO'I GNAS ZAB MOR SKYE BAR 'GYUR LA, BA TSVA'I CHU YIS BSKOL BA; RTAG TU SKOM PAS MNGON PAR GDUNGS PA DAG PHAN TSUN GSOD PA'I RNAM PAS 'JIGS PAR 'GYUR RO, ,RGYA MTSO BAR MA NA GNAS PA GANG YIN PA DE DAG NI ZHE SDANG SPYOD PA DAG YIN TE, DE DAG LHAG PAR ZHE SDANG GI RGYUS RGYA MTSO'I BAR MA DPAG TSAD STONG YOD PA DER KLU RNAMS SU SKYE ZHING RTAG TU GNAS SO, ,KLU DE DAG PHAN TSUN KHRO BA DAG SKYED CING SEMS KHROS PAS 'KHRUGS NAS PHAN TSUN DUG GTONG BAR BYED LA, RTAG TU GNOD PAR SEMS PA YIN NO, ,DE DAG GI GNAS NI LONGS SPYOD LDAN ZHES BYA STE, DE LA DPAG TSAD SUM STONG YOD LA, GNAS DE KLU'I RGYAL PO RNAMS KYIS SHIN TU GANG NGO, ,GNAS DE RNAMS NA KLU'I RGYAL PO RNAM PA GNYIS GNAS TE, CHOS DANG LDAN PA DANG, CHOS DANG MI LDAN PA'O, ,DE DAG MI'I 'JIG
RTEN THAMS CAD LA BDE BAR BYED PA DANG, GNOD PAR BYED PA YIN NO, ,GNAS DE'I KLU'I RGYAL PO CHOS DANG LDAN PA RNAMS GANG DU GNAS PA DER KLU'I RDUL DAG MI 'BAB BO, ,GANG DU CHOS DANG MI LDAN PA DAG GNAS PA DER KLU'I RDUL DAG 'BAB PAR 'GYUR TE, DE'ANG BYE MA RAB TU 'BAR BA 'DRA LA MGO LA 'BAB BO, ,DES KLU'I RGYAL PO DE DAG KUN GYI GNAS RAB TU SREG PAR BYED LA; DES KLU'I BU SMAD DU GTOGS PA THAMS CAD KYANG SREG PAR BYED DE, DE NAS YANG 'BYUNG BAR BYED PAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES KLU RNAMS KYI KLU'I RDUL GYI RGYUR GYUR PA DANG, LAS LA RJES SU SEMS PAR BYED DE, LAS GANG GIS KLU DE DAG GI RDUL DU 'GYUR SNYAM NAS, DES THOS PA LAS BYUNG BA'I SHES PAS BRTAG NA; KHRO BAS ZIL GYIS NON CING BUS PA'I BLO CAN NAM, RMONGS PA'I BLO CAN GANG GIS DGE 'DUN GYI GTZUG LAG KHANG NGAM, GRONG NGAM, GRONG KHYER RAM, GRONG RDAL MES BSREGS NA, DE LUS DANG BRAL NAS SEMS CAN DMYAL BA'I NANG DU SKYE BAR 'GYUR RO, ,DE NAS THAR NAS DUD 'GRO KLU RNAMS KYI NANG DU SKYE BAR 'GYUR TE, DE SNGON MES BSREGS PA'I NYES PA'I RGYU DES, DE LA 'BAB PA'I PHYIR KLU'I RDUL 'BAB PAR MTHONG NGO, ,DE NAS YANG DGE SLONG DE KLU'I 'JIG RTEN LA RTOG PAR BYED DE, LAS GANG GIS KLU RNAMS LA KLU'I BYE MA MI 'BAB CING LAS GANG
, ,GIS DER SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, GANG MU STEGS SU GYUR CING 'JIG RTEN PA'I KUN NAS NYON MONGS PA'I TSUL CAN YIN LA, DE SBYIN PA TSER MA DANG BCAS PA'ANG BYIN NA, SNGA MA BZHIN TSER MA BDUN GYI NANG DU SKYES LA, KHROS PAS KYANG BSGRIBS NAS 'DI LTAR KLU RNAMS KYI NANG DU SKYE BAR GYUR CIG CES KLU RNAMS KYI NANG DU SMON LAM BTAB NA, DE LUS DANG BRAL NAS NGAN 'GRO LOG PAR LTUNG BA LONGS SPYOD LDAN GYI KLU RNAMS KYI NANG DU SKYE BAR 'GYUR RO, ,DER SKYES NAS KYANG HA CANG KHRO BA'I RANG BZHIN CAN DU MI 'GYUR LA, CHOS DANG LDAN ZHING CHOS KYI RJES SU 'JUG PAR 'GYUR TE, DE LA KLU'I RDUL DE MI 'BAB CING MGO LA'ANG MI 'BAB BO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE KLU'I 'JIG RTEN LA RTOG PAR BYED DE, LAS GANG GIS KLU RNAMS KYI GNAS LONGS SPYOD LDAN NA, CHOS DANG LDAN PA'I KLU DE DAG RNAM PA DU YOD, CHOS DANG MI LDAN PA DE DAG RNAM PA DU YOD SNYAM NAS, DES THOS PA LAS BYUNG BA'I SHES PAS BRTAGS NA, GANG DU CHOS DANG LDAN PA DAG GNAS PA DER NI RIN PO CHE'I RA BAS BSKOR CING RIN PO CHE SNA BDUN 'BYUNG LA, KUN NAS 'OD 'BYUNG STE, LTENG KA DANG, 'BAB CHU DANG, AUTPA LA PHUN SUM TSOGS PA NI SKYE, BDUD RTZI'I KHA ZAS LA NI ZA, RTAG TU BDE
BA LA NI GNAS, LUS ME TOG DANG, PHYE MA DANG, BYUG PAS NI BRGYAN, MGO SBRUL DU 'DUG PA KHO NAR ZAD LA, GZHAN DUN 'DOD PA'I GZUGS CAN DU 'GYUR TE, GANG DU RAB TU 'GRO BAR 'DOD PA DANG, GANG DU RNAM PAR RGYU BAR 'DOD PA DER SO SOR GNAS PAR BYED DO, ,DE LA KLU'I RGYAL PO 'DI RNAMS NI CHOS DANG LDAN PA YIN TE, 'DI LTA STE, MGO BDUN PA DANG, GLANG PO'I GDONG DANG, KLU'I RGYAL PO NOR RGYAS KYI BU DANG, DE BZHIN DU KLU'I RGYAL PO 'JOG PO DANG, KLU'I RGYAL PO BZAD LDAN DANG, KLU'I RGYAL PO BSKYED PA DANG, KLU'I RGYAL PO MI 'JOMS PA DANG, KLU'I RGYAL PO SPRIN PHRENG CAN DANG, KLU'I RGYAL PO 'KHYIL BA DANG, KLU'I RGYAL PO KUN 'GRO DANG, KLU'I RGYAL PO RAB SPRO STE, KLU'I RGYAL PO 'DI RNAMS NI CHOS DANG LDAN ZHING CHOS KYI RJES SU 'JUG PA YIN NO, ,DE RNAMS NI LO LEGS PAR BYA BA'I PHYIR DUS SU 'BAB PA'I CHAR MI NYUNG BAR BDE BAR 'BEBS PAR BYED LA, DUS MA YIN PAR 'BYUNG BA'I SER BA DANG, SPRIN DANG, RLUNG DAG GTONG BAR MI BYED DO, ,SANGS RGYAS DANG, CHOS DANG, DGE 'DUN LA DAD CING DAD PAS RJES SU 'JUG PA YIN, SANGS RGYAS KYI SKU GDUNG BSRUNGS LA, KLU'I RDUL DANG BRAL BAS SHIN TU BDE BA YIN NO; ;DE'ANG MI'I GNAS BZHI LA 'DI LTA STE, DZAMBU'I GLING DANG, NUB KYI BA LANG SPYOD DANG, SHAR GYI LUS 'PHAGS DANG, BYANG GI SGRA MI SNYAN RNAMS SU CHAR 'BEBS PAR BYED DE, GANG GI
, ,TSE DGE SBYONG DANG, BRAM ZE DAG CHOS DANG LDAN ZHING CHOS KYI RJES SU 'JUG PA'I MI 'BYUNG BA DE'I TSE, CHOS KYI BYE BRAG GIS KLU'I RGYAL PO CHOS DANG LDAN PA DAG STOBS RAB TU CHE BAR 'GYUR TE, DE'I TSE CHAR LEGS PAR 'BEBS PAR BYED CING DE'I TSE LO LEGS PAR 'GYUR LA, DRI DANG, RO KHA DOG PHUN SUM TSOGS PAR 'GYUR, 'GRO BA DANG, DUG DANG, RLUNG GZHAN GYIS GNOD PAR BYED PAR MI 'GYUR ZHING, 'BRAS BU BZANG POR 'BYUNG BAR 'GYUR LA, NYI MA DANG, ZLA BA'I 'OD DAG GIS GNOD PAR MI 'GYUR, KLU'I RGYAL PO CHOS DANG LDAN PA RNAMS NI KLU'I GDUG PA DANG, RLUNG DAG GTONG BAR MI BYED DO, ,DZAMBU'I GLING GI SEMS CAN RNAMS KYI SROG GI BAR CHAD NI RGYU BZHIS BYED DE, 'DI LTA STE, LO NYES PA DANG, MTSON GYIS 'KHRUGS PA DANG, DUG DANG, RLUNG GIS REG PA DANG, CHU'I NYES PA'O, ,DE LA GAL TE CHOS DANG LDAN ZHING CHOS KYI RJES SU 'JUG PA'I SKYE DGU DAG 'BYUNG NA, CHOS DANG LDAN PA'I KLU DE DAG STOBS DANG LDAN PAR 'GYUR TE, DE DAG SPRIN NGAN PA DAG SPRUL PAR MI BYED CING, DE DAG SPRIN NGAN PA DANG 'DU BAR MI BYED LA, RLUNG NGAN PA DAG GTONG BAR MI BYED DO, , DE CHU BO DAG LA GNOD PAR MI BYED CING CHU BZANG POS 'BRU RNAMS LEGS PAR SKYED DE, ME TOG DANG, 'BRAS BU DAG RO BRO PA DANG, MDOG BZANG BA DANG, DRI DANG, RO PHUN SUM TSOGS
PAR 'BYUNG NGO, ,DES SEMS CAN RNAMS DGA' BAR BYED LA, NAD DAG DANG BRAL ZHING KHAMS RNAMS STOBS DANG LDAN PAR 'GYUR, DE DAG KYANG LAS LEGS PA DAG BYED LA, DE NAS SEMS CAN RNAMS KYI DBANG GIS 'BRAS BU'ANG 'BRU RNAMS PHUN SUM TSOGS PAR BYED DE, 'DI LTAR RIM GYIS DZAMBU'I GLING GI MI RNAMS LA, KLU DAG GCES SPRAS BYED PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES DZAMBU'I GLING SO SOR SHES PAR BYAS NAS, NUB KYI BA LANG SPYOD KYI GLING LA RJES SU SEMS PAR BYED DE, CHOS DANG LDAN ZHING CHOS KYI RJES SU 'JUG PA DAG JI LTAR KUN TU SRUNG BAR BYED CIG GU SNYAM MO, ,GLING DER MI YID SHIN TU 'JAM PA DAG 'BYUNG BAR 'GYUR LA, DE DAG LA BAR CHAD GCIG 'BYUNG BA NI, 'DI LTA STE; CHU RNYOG PA CAN YIN TE, DES NUB KYI BA LANG SPYOD KYI MI RNAMS DUS NYE BAR 'DUMS PAR BYED DO, ,KLU'I RGYAL PO CHOS DANG LDAN ZHING CHOS KYI RJES SU 'JUG PA DE DAG SPRIN LDANG BAR MI BYED CING NGAM GROG DANG, G-YANG SA DANG, RI BO MI ZAD PA RNAMS LA, DE DAG CHU RNYOG PA CAN MI 'BEBS LA, KLU RNAMS KYI MTHUS CHU RNYOG PA MED PAR BYAS PAS, NUB KYI BA LANG SPYOD KYI MI RNAMS BDE BAR GNAS PA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SHAR GYI LUS 'PHAGS GLING LA RTOG PAR BYED DE, KYE MA, CHOS DANG LDAN ZHING
, ,CHOS KYI RJES SU 'JUG PA'I KLU DAG SHAR GYI LUS 'PHAGS GLING BDE BAR BYA BA LA JI LTAR 'BAD SNYAM NAS, DES THOS PA LAS BYUNG BA'I SHES PAS BRTAGS NA, SHAR GYI LUS 'PHAGS KYI MI RNAMS LA GLOG GI 'JIGS PA DANG, SGRA'I 'JIGS PAS BAR CHAD 'BYUNG BAR 'GYUR TE, DE DAG GANG GI TSE GLOG MTHONG BA DANG, SGRA THOS PA DE'I TSE SEMS SHIN TU 'JAM PA DAG LA NAD 'BYUNG BAR 'GYUR RO, ,GANG GI TSE DER CHOS DANG LDAN ZHING CHOS KYI RJES SU 'JUG PA'I KLU'I BDAG PO DAG SGRA'ANG MI 'BYIN, GLOG KYANG MI GTONG STE, DE'I TSE KLU'I BDAG PO RNAMS KYIS SHAR GYI LUS 'PHAGS KYI MI RNAMS LA NAD 'BYUNG BAR MI BYED PA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE BYANG GI SGRA MI SNYAN GYI MI RNAMS KYI GNOD PA LA RJES SU SEMS PAR BYED DE, KYE MA, BYANG GI SGRA MI SNYAN GYIS MI RNAMS LA GNOD PA JI LTAR 'BYUNG BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, BYANG GI SGRA MI SNYAN PA RNAMS LA RLUNG GRANG MOS GNOD PAR BYED DE, SPRIN NAG POS GNOD PA DANG, RLUNG GRANG MOS ME TOG DE DAG ZHUM PAR 'GYUR LA, DRI MI ZHIM PAR 'GYUR, DE NAS DE DAG YID MI DGA' BA SKYE STE, SBRIN NAG PO'I RKYEN GYIS BYA DAG SKAD MI SNYAN PA 'BYIN LA, BI WANG DANG, RDZA RNGA'I SGRA'ANG MI SNYAN PAR 'GYUR RO, ,RI
KUN TU SNANG BYED LA SOGS PA LA GNAS PA RNAMS LA, DE LTAR KLUS BYAS BDAG GIS GNOD PAR BYED DO, ,GANG GI TSE CHOS DANG LDAN ZHING CHOS KYI RJES SU 'JUG PA'I RGYAL PO 'BYUNG BA DE'I TSE RLUNG GRANG MO DAG 'BYUNG BAR MI 'GYUR LA, SPRIN NAG PO'ANG 'BYUNG BAR MI 'GYUR RO, ,DE LTAR MI'I GNAS BZHI DAG LA KLU'I RGYAL PO CHOS DANG LDAN ZHING CHOS KYI RJES SU 'JUG PA RNAMS BDE BA SGRUB PAR BYED, PHAN PA SGRUB PAR BYED DO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, KLU'I 'JIG RTEN LA RTOG PAR BYED DE, LAS GANG GIS CHOS DANG MI LDAN ZHING CHOS KYI RJES SU 'JUG PAR MI 'GYUR SNYAM NAS, DES THOS PA LAS BYUNG BA'I SHES PAS BRTAGS NA, JI LTAR KLU'I GNAS LONGS SPYOD LDAN NA, KLU RNAMS KYI RGYAL PO CHOS DANG MI LDAN PA 'DI LTA STE, KLU'I RGYAL PO RAB 'JOMS DANG, KLU'I RGYAL PO BSGYINGS PA DANG, KLU'I RGYAL PO NAG PO DANG, KLU'I RGYAL PO HU LU HU LU STE, DE DAG RGYA MTSO BAR MA LONGS SPYOD LDAN NA GNAS SO; ;CHOS DANG MI LDAN ZHING CHOS KYI RJES SU 'JUG PAR MI BYED PA DE DAG GI MTHU JI LTA BU YIN SNYAM NAS, DES THOS PA LAS BYUNG BA'I SHES PAS BRTAGS NA, GANG GI TSE DGE SBYONG DU MI 'DZIN PA DANG, BRAM ZER MI 'DZIN PA'I SKYE DGU DAG 'BYUNG BA DE'I TSE, KLU DE DAG GI DBANG DU 'GYUR RO, ,DE'I TSE DE DAG DZAMBU'I GLING DU RIGS GDUG CING LUS LAS DUG MANG PO 'BYUNG
, ,BAR BYED DE, DE DAG SPRIN NGAN PA'I NANG NA RGYU ZHING DUG GI SHING LJON PA 'BYUNG BAR BYED DE, DE DAG GIS RLUNG MA RUNG PAR BYED, RLUNG DES CHU MA RUNG BAR BYED, CHU MA RUNG BAR BYAS PA DES, 'BRU'I TSOGS SHIN TU MA RUNG BAR BYED DE, KHA ZAS DE ZOS PA LAS NAD DAG RAB TU 'KHRUGS PAR BYED DO, ,'BRU MA RUNG BAR BYAS PA DES TSE DAG THUNG BAR 'GYUR TE, DE LTAR RGYAL PO NYES PA CHE ZHING SDANG BAS KYANG PHAN TSUN GSOD PA DAG BYED DO, ,DE NAS NYES PA DES DZAMBU'I GLING GI MI DAG RAB TU NYUNG BAR 'GYUR TE, RKYEN 'DIS KLU MA RUNG BA RNAMS BAR CHAD BYED PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, KLU'I RGYAL PO LA SO SOR RTOG PAR BYED DE, CHOS DANG MI LDAN PA'I RGYAL PO DAG NUB KYI BA LANG SPYOD KYI MI RNAMS KYI BAR CHAD JI LTAR BYED CIG GU SNYAM NAS, DES THOS PA LAS BYUNG BA'I SHES PAS BRTAGS NA, GANG GI TSE MI RNAMS KYI RGYAL PO CHOS DANG MI LDAN PA DE DAG 'BYUNG BA DE'I TSE, KLU'I RGYAL PO CHOS DANG MI LDAN ZHING CHOS KYI RJES SU MI 'JUG PA DAG NUB KYI BA LANG SPYOD KYI NGAM GROG DANG, G-YANG SA DANG, RI BO'I RTZE MI BZAD PA RNAMS LA CHAR DBYUG PA LTA BU 'BEBS PAR BYED DE, CHAR PA'I CHU DES CHU RNYOG PA CAN DU BYED DO, ,NUB KYI BA LANG SPYOD KYI MI RNAMS DE LA 'THUNG BAR BYED DE, BAR CHAD BYED PA'I RGYU NI 'DI YIN NO, ,DGE SLONG DE NUB KYI BA LANG SPYOD
KYI GLING LA YANG DAG PA JI LTA BA BZHIN SO SOR BRTAGS NAS, RANG GI SO SOR RIG PAR BYED DO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, SHAR GYI LUS 'PHAGS GLING LA RTOG PAR BYED DE, DES THOS PA LAS BYUNG BA'I SHES PAS BRTAGS NA, GANG GI TSE CHOS DANG MI LDAN ZHING CHOS KYI RJES SU MI 'JUG PA'I SKYE DGU DAG 'BYUNG BA DE'I TSE KLU'I BDAG PO MA RUNGS PA DAG GI STOBS RAB TU CHE BAR 'GYUR RO, ,DE DAG SHAR GYI LUS 'PHAGS GLING DU SGRA RAB TU CHEN POR 'BYIN TE, 'DI LTA STE, RI CHEN PO SNYIL BA NA SGRA 'BYUNG BA DE LTA BU DE DAG THOS NAS, SHAR GYI LUS 'PHAGS GLING GI MI RNAMS KYI SNYING SHIN TU 'JAM PAR MI 'GYUR TE, DE DAG KHA CIG NAD KYIS 'DEBS SO, ,DE BZHIN DU KLOG KYANG 'BYIN TE, 'DI LTAR PHYOGS BCU THAMS CAD 'BAR BA'I PHRENG BAS 'KHRUGS PAR 'GYUR ZHING SPRIN GYI NANG DU ZHUGS PA'I KLU DE DAG GZUGS 'JIGS 'JIGS LTAR BSGYUR BA, MIG NI SHING RTA'I 'KHOR LO TZAM, GZUGS NI RI NAG PO 'DRA LA, MGO GSUM PO LAS ME THAMS CAD GTONG ZHING KHYI'I GZUGS DANG, SBRUL GYI GZUGS TE, GZUGS DU MA, GZUGS MI BZANG PA DAG MTHONG NGO, ,DE DAG MTHONG NAS SHAR GYI LUS 'PHAGS GLING GI MI RNAMS KYI BAR CHAD DU 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, MTHO RIS LAS GZHAN PA MTHO RIS KYI 'JIG RTEN GNYIS PA LTA
, ,BU; BYANG GI SGRA MI SNYAN GYI GLING LA RTOG PAR BYED DE, KLU'I BDAG PO MA RUNGS PA DAG BYANG GI SGRA MI SNYAN GYI MI RNAMS LA JI LTAR 'DOD PA SKYED PAR BYED SNYAM NAS, DES THOS PA LAS BYUNG BA'I SHES PAS BRTAGS NA, JI LTAR BYANG GI SGRA MI SNYAN GYI MI RNAMS LA SNGA MA BZHIN DU PADMA DANG, RTAG TU ME TOG RGYAS PA DANG, RTAG TU DRI ZHIM PA DANG, MCHOG TU NYAMS DGA' BA DAG YIN TE, DE DAG MTHONG NAS BYANG GI SGRA MI SNYAN GYI MI RNAMS 'GRANGS PA DANG, DGA' BAR 'GYUR RO, ,GANG GI TSE DGE SBYONG DU MI 'DZIN PA DANG, BRAM ZER MI 'DZIN PA'I SKYE DGU DAG 'BYUNG BA DE'I TSE, KLU MA RUNGS PA DAG GIS BYANG GI SGRA MI SNYAN DU SPRIN STUG PO RI LTA BU DAG 'BYIN PAR BYED DE, DE DAG BYUNG MA THAG TU NYI MA SGRIB PAR BYED DO, ,DES BSGRIBS PA'I SKYON GYIS PADMA DAG ZHUM PAR 'GYUR ZHING DRI MI ZHIM PAR 'GYUR LA, NYI MA BZHIN DU GSAL BAR MI 'GYUR RO, ,DE DAG ZHUM PA TZAM GYIS BYANG GI SGRA MI SNYAN GYI MI RNAMS YID DMAN PAR 'GYUR RO; ;SPRIN DANG, RLUNG YANG GTONG BAR BYED LA DES PI WANG DANG, RDZA RNGA RNAMS KYI SGRA MI SNYAN PAR 'GYUR TE, DE LTAR MI'I GNAS BZHI LA KLU RNAMS BAR CHAD BYED PA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, GLING BZHI'I NANG NA BZANG BA DANG, BZANG BA MA YIN PA DAG LA RTOG PAR BYED DE, DES THOS PA LAS BYUNG BA'I SHES PAS BRTAGS
NA; GANG BYANG GI SGRA MI SNYAN GYI NI BDE BA MNGON DU CHE BA YIN LA, MI'I GNAS GSUM DAG NI MA YIN NO, ,DZAMBU'I GLING DU JI LTA JI LTAR CHOS DANG LDAN PA DANG, CHOS DANG MI LDAN PA'I SKYE DGU 'BYUNG BA DE LTA DE LTAR 'PHEL BA DANG, 'GRIB PA DANG, BDE BA DANG, SDUG BSNGAL BA DAG YOD DE, GLING GSUM GYI NANG NA 'DI NI LAS KYI SA YIN NO, ,'DIR NI DGE BA BCU'I LAS KYI LAM DAG SEMS PA YIN ZHING, 'DIR NI SANGS RGYAS 'BYUNG BA YIN LA, 'DIR NI MI'I GNAS BZHI DAG GI RAG LAS PA YIN TE, 'DIR NI DGE BA BCU'I LAS KYI LAM DAG NGES PAR SEMS SHING RNAM PAR DPYOD PA YIN; 'DIR NI TSANGS PAR SPYOD PA'I GNAS YIN, 'DIR NI 'CHI BA DANG, SKYE BA SEMS PA YIN, 'DIR NI RDO RJE LAS BYAS PA'I RDO RJE'I GDAN YOD DE, GANG DZAMBU'I GLING DU DPAG TSAD BRGYAD KHRI BZHI STONG 'BIGS PA 'KHOR BA THAMS CAD NA MED LA, RDO RJE'I GDAN ZIL GYIS GNON PA'ANG MED DE, SANGS RGYAS BCOM LDAN 'DAS GANG LA GNAS NAS BYANG CHUB KYI THUGS BSKYED PA'I RGYU 'DIS NA DZAMBU'I GLING 'DIR 'KHRUNGS TE, RGYU GANG DANG, BYANG CHUB THOB PAR BYED PA DGE BA'I RTZA BA'I GRANGS KYI RGYUN GANG YIN PA DE NI RI'I RGYAL PO RI RAB KYIS KYANG YANG DAG PAR GZUNG BAR MI NUS NA SA PHYOGS GZHAN LTA SMOS KYANG CI DGOS, GANG GIS DZAMBU'I GLING 'DIR SANGS RGYAS 'BYUNG BA'I RGYU NI 'DI YIN TE, 'DIR DE GNYA' SHING GI BU GAR RUS SBAL 'JUG PA LTA BUR 'KHRUNG GI ,GLING GZHAN DU
, ,NI MA YIN TE, DE'I RGYU NI DE YIN, RKYEN NI DE YIN NO, ,GANG MI'I GNAS BZHI LA KUN GYI GTZO BO NI DZAMBU'I GLING 'DI YIN TE, GLING GZHAN DAG NI MA YIN NO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, KLU'I 'JIG RTEN LA RTOG PAR BYED DE, LAS GANG GIS KLU'I RGYAL PO CHOS DANG MI LDAN ZHING CHOS DANG MTHUN PAR MI BYED PA RNAMS SBAL PA ZA BA DANG, BYE MA ZA BA DANG, RLUNG ZA BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, SNGON MIR GYUR PA'I TSE GANG GIS BU DANG CHUNG MA RNAMS BKOL TE, BTZAN SNOGS BYED LA, BU SMAD NI 'GRAM CHU LANGS TE, RE BZHIN DU LTA BA DANG, DE BDAG GCIG PU ZAS MANG PO ZA LA, BU SMAD LA NI KHA ZAS NGAN PA SBYIN PAR BYED PA LAS, DE LUS DANG BRAL BA'I 'OG TU KLU'I SKYE GNAS SU SKYE LA ZAS SU SBAL BA ZA BA DANG, BYE MA ZA BA DANG, RLUNG ZA BA MTHONG STE, LAS DANG 'DRA BAR 'BRAS BU SMIN PA'I PHYIR RO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES KLU'I 'JIG RTEN LA RTOG PAR BYED DE, LAS GANG GIS KLU DE RNAMS CHAR 'BEBS PAR BYED, LAS GANG GIS SER BA 'BEBS PAR BYED CIG GU SNYAM NAS, DES THOS PA LAS BYUNG BA'I SHES PAS BRTAGS NA, GAL TE CHOS DANG MI LDAN PA'I KLU'I RGYAL PO RNAMS 'KHRUGS NA GCIG LA GCIG BSNYOGS TE, KHROS PAS CHAR SPRIN
BSGRUBS NAS, CHAR 'BEBS PAR BYED CING GNOD PA'I SPRIN DANG, RLUNG DANG, SER BA DANG LDAN PA'I CHAR DRAG PO DAG 'BEBS PAR BYED LA, DES NA ZHING LA NAS DANG, 'BRAS DANG, 'BRU THAMS CAD MA RUNG BAR BYED DE, DE LTAR GNOD PA'I CHAR 'BEBS PAR BYED PA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES KLU'I 'JIG RTEN LA RTOG PAR BYED DE, KLU RNAMS DZAMBU'I GLING DU RNYED PA DANG LDAN PAR BYA BA'I PHYIR BU RAM SHING GI TSAL DANG, ZHING LA NAS DANG, GRO DANG, 'BRU RNAMS 'PHEL BAR BYA BA'I DON DU BDE BAR BYED PA'I CHAR JI LTAR 'BEBS PAR BYED SNYAM NAS, DES THOS PA LAS BYUNG BA'I SHES PAS BRTAGS NA, SEMS CAN RNAMS KYI DBANG GI 'BRAS BUS SKYE BO THAMS CAD LA PHAN PA DANG, BDE BA'I PHYIR KLU'I RGYAL PO CHOS DANG LDAN ZHING CHOS DANG MTHUN PAR BYED PA RNAMS 'BYUNG BAR 'GYUR TE, DE DAG GIS 'BRU MOD PAR BYA BA'I PHYIR CHAR 'BEBS PA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES, KLU'I 'JIG RTEN LA RTOG PAR BYED DE, RGYA MTSO DANG, RGYA MTSO'I CHU LAG DAG NA, KLU JI SNYED CIG GNAS SNYAM NAS, DES THOS PA LAS BYUNG BA'I SHES PAS BRTAGS NA, GAL TE DZAMBU'I GLING PA'I MI RNAMS PHAL CHER CHOS DANG MI LDAN PAR GYUR NA, DE'I TSE CHOS DANG MI LDAN PA RNAMS RGYA MTSO'I CHU LAG DAG TU KLU GRANGS MED
, ,BAR SKYE BAR 'GYUR RO, ,GAL TE PHAL CHER CHOS DANG LDAN NA NI KLU BYE BA PHRAG LNGA BCU RTZA BDUN 'BYUNG BAR 'GYUR TE, DE DAG RGYA MTSO'I CHU LAG BZHI PO DAG TU RGYU BAR 'GYUR RO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES KLU'I 'JIG RTEN LA RTOG PAR BYED DE, DES RGYA MTSO'I CHU LAG DANG BCAS PA'I RGYA MTSO'I NANG GI KLU'I GRONG KHYER LONGS SPYOD LDAN ZHES BYA BA LA BRTAGS NAS, RGYA MTSO'I GTING GI SA GZHI LA RTOG PAR BYED DE, RGYA MTSO'I GTING GI SA GZHI LA SU DAG GNAS SNYAM NAS, DES THOS PA LAS BYUNG BA'I SHES PAS BRTAGS NAS, LHA DANG 'GRAN PA'I LHA MA YIN ZHES BYA BA DAG GNAS SO, ,DE DAG MDOR BSTAN NA RNAM PA GNYIS TE, YI DVAGS KYI 'GRO BAR GTOGS PA RNAMS DANG, DUD 'GRO'I 'GRO BAR GTOGS PA RNAMS SO, ,DE LA YI DVAGS KYI 'GRO BAR GTOGS PA RNAMS NI BDUD KYI RIS KYI YI DVAGS RNAMS DANG, YI DVAGS RDZU 'PHRUL CHEN PO RNAMS SO, ,DUD 'GRO'I 'GRO BAR GTOGS PA GANG YIN PA DE DAG NI RGYA MTSO'I GTING GI SA GZHI LA GNAS TE, RI RAB KYI RTEN DPAG TSAD BRGYAD KHRI BZHI STONG YOD PA'I SA'I 'OG NA GNAS SO, ,DE DAG KYANG MDOR BSDU NA, SA GZHI BZHI YOD DO, ,DE LA SA GZHI DANG PO LA NI DPAG TSAD NYI KHRI GCIG STONG YOD DO, ,SA GZHI DE NA NI LHA MA YIN RNAMS KYI
RGYAL PO SGRA GCAN ZHES BYA BA GNAS SO, ,DES NI 'DOD PA'I KHAMS SU THAMS CAD PAS LHAG PA'I GZUGS SPRUL NUS LA MI RNAMS KYI DGE BA DANG, MI DGE BA'I DBANG GIS DE 'DI SNYAM DU SEMS TE; BDAG CAG LHA MA YIN RNAMS KYI 'GRAN ZLA NI LHA RNAMS YIN GYI, BDAG GIS DGRA DE DAG GI TSAL DANG, NAGS TSAL DANG, LHA'I BU MO GANG DAG LA LHA RNAMS RAB TU CHAGS SHING DGA' BAR 'DZIN PA DE DAG BLTA'O SNYAM NAS, DES DE LTAR BSAMS NAS BDAG NYID KYI LUS BRGYAN TE NOR BU'I RGYAL PO MTHON KA CHEN PO'AM, NOR BU'I RGYAL PO PADMA R'A GA'AM , GSER GYI RGYAL PO LAM MER 'DUG PA'AM, DMAR LNGA'I RGYAL PO GSER RAM, GOS KYI RGYAL PO MA BTAGS PA KHA DOG SNA TSOGS SNGON PO DANG, DMAR PO DANG, SER PO DANG, NAG PO RNAMS KYIS MDZES PAR BYED CING, NOR BU'I RGYAL PO GANG RGYAN DU THOGS PA DE'I KHA DOG GIS SGRA GCAN DE'I LUS KYI TSAD RI TZAM YOD PA DE THAMS CAD NOR BU'I 'OD DE KHO NA DANG 'DRA BAR SNANG BAR 'GYUR TE, GAL TE MTHON KHA CHEN PO RGYAN DU THOGS NA NI DE'I LUS THAMS CAD MCHOG TU SNGON POR SNANG BAR 'GYUR RO, ,DMAR PO'ANG DE DANG 'DRA'O, ,SER PO'ANG DE DANG 'DRA'O, ,GAL TE SPUG RGYAN DU THOGS NA NI DE'I LUS THAMS CAD NOR BU DE'I KHA DOG BZHIN DU SNANG BAR 'GYUR RO, ,NOR BU GZHAN DAG RGYAN DU THOGS NA'ANG, DE DANG, DE BZHIN DU
, ,DE'I KHA DOG 'DRA BAR SNANG BAR 'GYUR RO, ,DE LHA RNAMS KYI 'GRAN ZLA YIN LA, LHA MA YIN GYI BU MO RNAMS DANG, LHA'I BU MO RNAMS NI RANG BZHIN GYIS CHAGS SU RUNG BA YIN TE, DE DAG LA CHAGS PAR GYUR NAS, SGRA GCAN DE PHAN TSUN 'GRO BA'I CHAS SU ZHUGS NAS SA GZHI DE NAS 'BYUNG NGO, ,SGRA GCAN GYI SA GZHI DE NA DE'I GRONG KHYER 'OD CAN ZHES BYA BA DPAG TSAD BRGYA STONG YOD PA RIN PO CHE SNA DU MA'I TSAL DANG, NAGS TSAL DANG, SHING LJON PA DANG, KHANG KHYIM DANG, LTENG KA DANG, 'BAB CHU DANG, RDZING DANG, CHU KA BDE BA RNAMS KYIS MDZES PAR BYAS PA DE'I NANG NAS LHA MA YIN GYI DBANG PO DE LUS ME TOG GI PHRENG BA DANG, PHYE MA DANG, SPOS KYI BYUG PA RNAMS KYIS BRGYAN TE BYUNG NAS, DE LHA RNAMS KYI TSAL DANG, NAGS TSAL RNAMS LA LTA BAR BYED DO, ,DE LTA ZHING 'DUG PA NA GAL TE DZAMBU'I GLING GI MI RNAMS CHOS MA YIN PA LA ZHUGS TE, PHAR MI 'DZIN PA DANG, MAR MI 'DZIN PA DANG, DGE SBYONG DU MI 'DZIN PA DANG, BRAM ZER MI 'DZIN PA DANG, RANG GI PHA TSAN GYI NANG NA RGAN RABS KYI RIM PA MED PA DANG, CHOS LA MI RTEN PA DANG, DKON MCHOG GSUM LA MCHOD PA MI BYED PA DANG, DGE BA DANG, MI DGE BA'I LAS LA MI LTA BAR GYUR NA NI, DE'I TSE SA THA MA LA GNAS PA RGYAL CHEN BZHI'I RIS KYI LHA RNAMS MTHU CHUNG BAR 'GYUR
TE; GCIG GIS GCIG BSAGS NAS, KYE LHA RNAMS SENG GE MO'I BU SGRA GCAN NI BDAG CAG BSAD PA'I PHYIR BRTUL TE BYUNG NGO ZHES 'DZER TO, ,GANG GI TSE DZAMBU'I GLING GI MI RNAMS CHOS DANG LDAN PAR GYUR TE, PHAR 'DZIN PA DANG, MAR 'DZIN PA DANG, DGE SBYONG DU 'DZIN PA DANG, BRAM ZER 'DZIN PA DANG, RANG GI PHA TSAN GYI NANG NA RGAN RABS KYI RIM PA YOD PA DANG, CHOS LA BRTEN PA DANG, DKON MCHOG GSUM LA MCHOD PA BYED PA DANG, DGE BA DANG, MI DGE BA'I LAS LA LTA BAR GYUR NA NI, DE'I TSE SA THA MA LA GNAS PA RGYAL CHEN BZHI'I RIS KYI LHA RNAMS KYIS RIN PO CHE SNA TSOGS BLANGS NAS LUS BRGYAN, CHA LUGS SNA TSOGS SU CHA ZHING, LUS ME TOG GI PHRENG BA DANG, PHYE MA DANG, SPOS KYI BYUG PA RNAMS KYIS BRGYAN TE, MTSON CHA SNA TSOGS KYI CHAR 'BEBS LA, HA HA ZHES BYA BA'I SGRA SGROGS SHING RI RAB KYI KHONG NA TSAL DANG, NAGS TSAL GANG NA SENG GE MO'I BU SGRA GCAN 'DUG PA DE DAG TU RGYUG GO, DE STE DE MI RGAL NA NI RI RAB KYI NGOS LA TSAL DANG, NAGS TSAL 'DUG PA DAG LA NYI MA'I ZER GYIS PHOG PA'I 'OD ZER 'BUM PHRAG MANG PO DE'I GDONG DU BAB STE, MIG LA GNOD PAR GYUR PA MTHONG NGO, ,DES NYI MA'I ZER DE MTHONG NAS, NYI MA'I ZER GYIS MIG 'KHRUGS TE, NYI MA'I LAN GYIS LHA'I BU MO RNAMS KYANG BLTA BAR MA NUS, LHA'I TSAL DANG, NAGS TSAL RNAMS
, ,DANG; RJING RNAMS DANG, LHA'I 'BYOR PA RNAMS KYANG BLTA BAR MA NUS SNYAM NAS, DES BSAMS PA, KYE MA NYI MA'I LAN GYIS LHA'I BU MO RNAMS BDAG GIS BLTA BAR MA NUS SO SNYAM STE, KHROS PAS MIG RTZA DMAR POR GYUR CING, LAG PAS NYI MA'I DKYIL 'KHOR SGRIB PAR BYED DO, ,DES NYI MA'I DKYIL 'KHOR LAG BAS BSGRIBS NAS; DE BDAG GIS LHA MO RNAMS DANG, MTHO RIS BLTA'O SNYAM STE, MDOG SDUG CING YID DU 'ONG BA BLTA BA LA RTZE TSUGS SU 'DOD DO, ,DE NAS RGYA MTSO SA NI DE'I RKED PAR PHYIN LA, SNGA MA BZHIN DU NOR BU'I RGYAN JI LTA BU THOGS PA DE LTA BU'I KHA DOG GIS RKED PA YAN CHAD KHYAB PAR 'DUG STE, NOR BU'I 'OD KYIS LAG PA SNGON PO'AM, DMAR PO'AM, SER PO'AM, NAG POR GYUR TE, LAG PAS NYI MA'I ZER GYIS GNOD PA BSGRIBS PA DE BRAM ZE RTOG GE BA LOG PA'I THOS PAS BSLUS PA RNAMS KYIS MTHONG NAS, NYI MA GZA' SDIG CAN GYIS ZIN TO, ,NYI MA GZA' DMAR POS ZIN TO, ,NYI MA GZA' SER POS ZIN TO, ,NYI MA GZA' NAG POS ZIN TO ZHES ZER ZHING LAS DANG, 'BRAS BU RGYAB TU BOR NAS DE LTA BUS 'TSO BA TSOL BA'I PHYIR, 'DI LTAR LO LEGS PAR 'GYUR RO, ,LO NYES PAR 'GYUR RO, ,RGYAL PO LA RUNG BAR 'GYUR RO, ,RGYAL PO LA MI RUNG BAR 'GYUR RO, ,LTAS BZANG NGO, ,LTAS NGAN PAR
'GYUR RO ZHES RTOG GE'I RIG PAS STON PAR BYED DO, ,YANG DAG PAR NA NI DES NYI MA LAG PAS BSGRIBS NAS LHA'I 'JIG RTEN TSAL DANG, NAGS TSAL DANG, LTENG KA DANG, RIN PO CHES MDZES PAR BYAS PA DANG BCAS PA BDE BLAG TU BLTA BAR BYED PA YIN NO, ,DE NAS LHA'I DBANG PO BRGYA BYIN GYIS DE MTHONG NAS LHA RNAMS LA NGA'I SHING RTA SNGON DU THONG LA, SGRA GCAN 'DI ZLOG CIG CES BSGO'O,, DE NAS LHA'I DBANG PO BRGYA BYIN GYIS BSGO BA BZHIN DU LHA RNAMS LUS RIN PO CHE SNA TSOGS KYIS BRGYAN TE, SENG GE MO'I BU SGRA GCAN GA LA BA DER 'THAB MO BYA BA'I PHYIR RGYUG GO ,DE NAS DES LHA DE RNAMS MTHONG NAS PHYIR RANG GI GNAS SU 'GRO BAR 'GYUR RO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE ZLA BA LA GZA' 'JUG PA LA RTOG PAR BYED DE, ZLA BA LA SGRA GCAN JI LTAR 'DZIN SNYAM NAS, DES THOS PA LAS BYUNG BA'I SHES PAS BRTAGS NA, SGRA GCAN GYI G-YOG 'KHOR GANG YIN PA DE DAG RTAG TU RGYA MTSO'I CHU'I STENG DU RGYA BA DE NGAG GIS SRA BA SHAR PHYOGS KYI RI'I RTZE MO NAS DZAMBU'I GLING DU 'ONG BA NA BEEd'URYA'I 'OD KYIS DKYIL NA BRGYA 'GYUR BAS KYANG MDZES PAR MTHONG NAS, SGRA GCAN GYI G-YOG 'KHOR RNAMS KYIS SGRA GCAN LA BSNYAD DO, ,RGYAL PO CHEN PO, ZLA BA NYA BA DE LHA'I BU MO'I BZHIN KHO NA LTAR 'DUG PA 'ONG NGO ZHES ZER RO, ,DE NAS DE DAG LAS THOS NAS SGRA GCAN LHA'I BU MO LA CHAGS PAS ZLA BA LA LTA 'DOD
, ,PAR GYUR NAS, SGRA GCAN RANG GI SA GZHI NAS BYUNG STE, LHA'I BU MO'I BZHIN LA REG PAR 'DOD PA'I PHYIR, THAG RING PO NAS ZLA BA'I DKYIL 'KHOR LA SGRIB PAR BYED PA'I TSE, RIN PO CHE DU MAS SNGA MA BZHIN DU LUS BRGYAN PA DE, DZAMBU GLING PA'I RTOG GE BA RNAMS KYIS MTHONG NAS YUL GYI MI RNAMS LA BSNYAD DE, GZA' NAG PO ZHIG GO ,GZA' DMAR PO ZHIG GO ,GZA' SER PO ZHIG GO ,LO LEGS PAR 'GYUR RO, ,LO NYES PAR 'GYUR RO, ,RGYAL PO LA RUNG BAR 'GYUR RO, ,RGYAL PO LA MI RUNG BAR 'GYUR RO, ,MTSON GYIS 'GYED PAR 'GYUR RO, ,BDE BAR 'GYUR RO ZHES ZER RO, ,NUB KYI BA LANG SPYOD DANG, SHAR GYI LUS 'PHAGS DANG, BYANG GI SGRA MI SNYAN LOGS NA GZA' 'DUG STE, NYI MA DANG, ZLA BA LA SGRIB NA NI GLING DE DAG NA RTOG GE PA DAG KYANG MED, LOG PAR SMRA BA DAG KYANG MED DE, DE LTAR NA RGYU DE LTA BUS GZAS ZLA BA DANG, NYI MA'I DKYIL 'KHOR LA SGRIB PAR BYED DO, ,RTOG GE PA RNAMS NI GNAM GRUM PA YANG STON PAR BYED DE, SGRA GCAN SA'I 'OG NA 'DUG PA LA LHA MA YIN RNAMS KYIS SMRAS PA, KYE MA; JI LTAR LHA'I DBANG PO KOO SHI KA RI RAB KYI STENG NA GRONG KHYER BLTA NA SDUG PA DANG, LHA'I MDUN SA CHOS BZANG NA LHA'I 'DOD PA'I YON TAN LNGA 'BYOR CING LDAN PAR 'DUG LA BDE BA RNAMS NYAMS SU MYONG STE, DE LTAR LHA RNAMS KYI RGYAL
PO NI KOO SHI KA LAGS, BDAG CAG GI RGYAL PO NI KHYOD LAGS TE, DE BAS CHES MTHU CHE ZHING CHOS RDZU 'PHRUL CHE BA LAGS KYI BDAG CAG DONG LA, DBANG PO DANG BCAS PA'I LHA RNAMS DANG G-YUL 'GYED PAR BGYI'O, ,DE'I GRONG KHYER YANG GZHOM PAR BGYI'O, ,ZHES ZER RO, ,DE LTAR LHA MA YIN GYI DBANG PO SGRA GCAN, LHA MA YIN RNAMS KYIS RBAD NAS KHROS TE SKAD 'BYIN CING GRONG KHYER 'OD CAN DE NAS RINGS PAR BYUNG STE, GANG GI TSE DES SKAD PHYUNG BA DE'I TSE, RTOG GI BA RNAMS NA RE, GNAM GRUB PA 'DI NI LHA'I LTAS YIN TE, LO LEGS PAR 'GYUR RO, ,LO NYES PAR 'GYUR RO, ,RGYAL PO LA RUNG PAR 'GYUR RO, ,RGYAL PO LA MI RUNG BAR 'GYUR RO, ,MTSON GYIS 'GYED PAR 'GYUR RO, ,MTSON GYIS 'GYED PAR MI 'GYUR RO ZHES ZER TE, DE DAG SBYIN SREG BYED CING ZHI BA DANG, BDE LEGS SU BYA BA DAG BYED DO, ,DE NAS LHA MA YIN GYI DBANG PO SGRA GCAN 'DI SNYAM DU SEMS TE, JI TZAM DU GRONG KHYER 'OD CAN NA, NOR BU RNAMS 'OD GSAL BAR 'DUG PA TZAM DU BDAG GI PHO BRANG 'OD CAN 'OD GSAL BAR 'GYUR LA, 'OD MI GSAL NA NI DE 'OD KYANG ZHAN PAR 'GYUR BA DE BZHIN DU, LHA RNAMS KYI 'OD BYED PA'ANG NOR BU DANG 'DRA BAR ZLO BA NYA BA DANG, NYI MA YIN GYI, BDAG GIS DKYIL 'KHOR DE GNYIS RE RE NAS BSGRIB PAR BYA'O, ,DE LTAR BYAS PA DANG LHA RNAMS KYI 'OD MED PAR 'GYUR RO SNYAM
, ,STE; DE BLO DE LTA BUS GAL TE NYIN PAR BYUNG NA NI DES SNGA MA BZHIN DU LAG PA YA GCIG GIS NI NYI MA'I DKYIL 'KHOR SGRIB PAR BYED DO, ,LAG PA YA GCIG GIS NI RI RAB KYI ZOM LA NOM PAR BYED DO, ,DE NAS LHA RNAMS KYIS DE'I LAG PA MTHONG NAS, 'THAB PA'I PHYIR CHA BAR BYED DO, ,DE NAS DE DUD 'GROR GTOGS PA YIN PAS SNYING STOBS CHUNG LA LHA RNAMS KYIS LUS RIN PO CHE SNA TSOGS KYIS BRGYAN PA GZI BRJID KYI LUS CAN DAG MTHONG NAS DE BAG TSA BA SKYES TE, PHYIR SA'I 'OG TU GRONG KHYER 'OD CAN DU 'GRO BAR 'GYUR BA 'DI NA NYI MA DANG, ZLA BA LA GZA' 'JUG PA DANG, GNAM GRUM PA'I RGYU GNYIS PA YIN NO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA MA YIN CHEN PO SGRA GCAN GYI BDE BA LA RTOG PAR BYED DE, DES THOS PA LAS BYUNG BA'I SHES PAS BRTAGS NA, 'DI LTAR DE'I GRONG KHYER NI DPAG TSAD BRGYAD STONG YOD LA, RI RAB LA BRTEN TE, RIN PO CHE SNA TSOGS KYIS MDZES PAR BYAS PA, CHU KLUNG DANG, LTENG KA DANG, SKYED MOS TSAL DANG LDAN PA, SA GZHI GSER BTZO MAS BRGYAN PA, GSER GYI KHANG KHYIM BYU RU'I SHING LJON PAS MDZES PAR BYAS PA DANG LDAN PA, DRIL BU G-YER KA CAN GYI SHING LJON PAS SGRA BSGRAGS PA, SIL SNYAN DANG, ROL MO'I SGRA DANG, GLU DBYANGS KYIS RAB TU DGA' BAR BYAS
PA; MTSE'U GSER GYI PADMA DAG GIS MDZES PAR BYAS PA DANG LDAN PA, GSER GYI NGANG MO DANG, ZAL MO DANG, NGUR PA RNAMS KYIS MDZES PAR BYAS PA DE NI, 'DI LTA STE, LHA YUL GYI BYA LTA BU RMA BYA BA LTA NA SDUG PA DAG DANG, NOR BU'I MCHU CAN LTA BU DAG DANG, DUS THAMS CAD DU RAB TU DGA' BZHIN DU 'DUG PA DAG DANG, 'GROS SDUG PA DAG DANG, RIN PO CHE SNA BDUN GYI LUS CAN DAG DANG, BEEd'URYA SNGON PO'I MDOG CAN DAG DANG, MTHON KA CHEN PO'I MDOG CAN DAG DANG, RAB TU DGA' ZHING KHANG BZANG GI RTZE MO MDZES PAR BYED PA DAG DANG, MIG MI 'DZUM ZHING CHAR SPRIN GYI 'BRUG SGRA LTA BU'I SGRA SKAD 'BYIN PA DAG DANG, LTAD MO CHE BA DAG DANG, BYA'O COG DANG 'DRA BAR STON PA DAG DANG, MTHONG NA YID DANG 'THAD PA DAG DANG, MIG 'GRAM RING BA SHA STAG DANG, BYA AAG NI TZU dA ZHES BYA BA DANG, MIG ZUR BYED PA MGO GNYIS PA LA CHUNG MA GNYIS DANG LHAN CIG 'GROGS PA DAG DANG, ME TOG GI KHU BAS MYOS SHING, BA KU LI'I ME TOG BZHIN DU LHAN CIG GTAMS PA DAG DANG, SKAD KYI GDANGS BRAG CA CAN GSER GYI RVA CAN DAG DANG, BEE d'URYA'I RVA CAN CHU LA RTZE BA DAG DANG, DUS TSIGS RGYAGS PA DANG, RTAG TU RGYAGS SHING RAB TU DGA' BA DAG DANG, MIG GI MDOG SNUM PA SHA STAG DANG, BYA KA RA DA ZHES BYA BA ME'I MDOG CAN RNGA SGRA LTA BU GDANGS DANG LDAN PA SHA STAG DANG, BYA SPU SPA DA MA ZHES BYA BA
, ,MDOG 'JAM ZHING GLOG GI KHA DOG CAN DAG DANG, SPU SDUG SPEL MA CAN NAGS KHROD DU RGYU BA DAG DANG, SAL SUL DANG, GSHANG GSHONG DAG NA RGYU BA DAG DANG; RTAG TU RGYAGS PA SHA STAG DANG, BYA BHRING GA RA DZA DANG, HU LU KUN DA DANG, MU LU KUN DA DANG, SPRiG KA GAN DHA ZHES BYA BA KHANG KHYIM LA GNAS PA, MDOG 'JA' TSON LTAR 'DUG PA DAG DANG, ME TOG GI CHUN PO MCHOG LTA BU DAG DANG, MGRIN BA MDZES PA DAG DANG, MGRIN PA DMAR BA DAG DANG, PADMA LTA BU DAG DANG, 'DAB MA 'JAM PA DAG DANG, 'DAB MA DRAG TU BSKYOD PA DANG, 'DAB MA KHA DOG DANG, DBYIBS DU MA DANG, LDAN PA DAG DANG, MCHU RING ZHING NOR BU DANG, GSER LAS GRUB PA SHA STAG DANG, KHU BYUG DANG, BYA BANG LUS MKHREGS SHING MGRIN PA MTHO LA DRI MA MED CING 'DAB MA'I MDOG SDUG LA GNYIS SHING NAM MKHA' LA LDING BA DANG, GNYIS SHING CHU 'THUNG BA DANG, GNYIS SHING THANG LA 'GROGS PA DANG, GAR BYED BZHIN DU SKAD 'BYIN PA DANG, RGYAGS SHING SKAD 'BYIN PA SHA STAG DANG, SHING LJON PA BA KU LA LA GNAS PA'I BYA'I RIGS RNAMS SKYED MOS TSAL DANG, NAGS TSAL DU BCAS PA'I GRONG KHYER DE KHO RA KHOR YUG NA GNAS SHING SKAD 'BYIN PA DANG, GRONG KHYER DE NA MTSO YOD PA RNAMS PADMA'I TSAL RNAM PA SNA TSOGS KYIS
GANG LA, NAGS TSAL GYIS 'KHOR ZHING MDZES PAR BYAS SO, ,GRONG KHYER DE NA GSER GYI SHING LJON PA'I NAGS TSAL BZHI YOD DE, GRONG KHYER DE'I NAGS TSAL DE DAG THAMS CAD KYI TSAD NI DPAG TSAD BRGYA YOD DO, ,DE NA NAGS TSAL GCIG GI MING NI RTZED MO CAN ZHES BYA'O, ,GCIG GI MING NI RGYAGS PA'I KUN DGA' RA BA ZHES BYA'O, ,GCIG GI MING NI NGANG PA'I GNAS ZHES BYA'O,, GCIG GI MING NI KHU BYUG GI KUN DGA' RA BA ZHES BYA STE, NAGS TSAL BZHI PO DE RNAMS KYIS GRONG KHYER DE'I KHOR KHOR YUG NAS SPA BAR BYAS SO, ,NAGS TSAL DE NA SHING LJON PA'I RIGS SUM STONG YOD DE, ,SHING LJON PA DE DAG GI NANG NA GTZO BO NI, 'DI LTA STE, SPRIN LTAR SGRIB PA DANG, YAL GA MTHO LA 'JAM PA DANG, BYA GNAS DANG, RTAG TU ME TOG RGYAS DANG, DPAG TSAD GCIG TU NGAD LDANG BA DANG, BUNG BAS GANG BA DANG, SBRANG RTZI 'DZAG DANG, GSER MDOG CAN DANG, CHANG 'DZAG DANG, TZANDAN SA MCHOG DANG, SPRIN NAG PO'I MDOG CAN DANG; LO MA BDUN PA DANG, KE TA KA DANG, SHING SPRi GA KA DANG, SER BU NGAD LDANG DANG, AA GA RU NA GA PO'I MDOG CAN DANG, KUN TU MIG LNGA NA DANG, SGRON SHING DANG, NOR BU'I LJON SHING DANG, ME MDOG DANG, MYA NGAN 'TSANG SNGON PO DANG, MYA NGAN 'TSANG DMAR PO DANG, BA KU LA DANG, AARDZU NA DANG, NI TZU LA DANG, SIN DU BA RA TI DANG, TI LA KA DANG,
, ,NI BA ZHES BYA BA RNAMS TE, KHO RA KHOR YUG NAS PADMA'I TSAL GYIS 'KHOR BA, ME TOG RGYAS DANG, MA DU KA DANG, NA LI KE RA DANG, PA NAS DANG, CHU SHING DANG, KU BA 'PHYANG DANG, BEE d'URYA DANG, SA 'GEBS DANG, GNAM 'GRIB DANG, SPRIN MDOG CAN DANG, MTHONG DGA' DANG, SPRIN 'KHOR DANG, BYA MANG DANG, BUNG MANG DANG, SPOS PHRENG LDAN DANG; ME TOG DRI ZHIM DANG, KHA DOG SNA TSOGS CAN DANG, ME TOG CAN DANG, DUS TSIGS KUN DGA' DANG, DUS TSIGS SO SOR DGA' DANG, BUD MED MTHONG DGA' BA DANG, BUD MED SBYIN DANG, RGUN SHING DANG, KA PID THA DANG, PA RU SHA KA DANG, KHA DOG DANG, RGYAN GYIS KLUBS PA DANG, 'OD CAN DANG, CHU 'GRAM SKYES DANG, RI MTHONGS DGA' BYED DANG, RGYANG RING SNANG DANG, DE LTA BU LA SOGS PA KHA CIG NI DZAMBU'I GLING NA SKYE BA, KHA CIG NI BYANG GI SGRA MI SNYAN NA SKYE BA, SHING LJON PA KHA CIG NI LHA MA YIN GYI GRONG KHYER NAS SKYE BA DAG YOD DO, ,LHA MA YIN GYI GRONG KHYER SNANG LDAN DE NA SHING KHA CIG NI ME TOG 'BA' ZHIG GI SHING DANG, KHA CIG ME TOG DANG LDAN PA'I SHING DANG, KHA CIG NI 'BRAS BU'I SHING DANG, KHA CIG NI CHANG 'BYUNG BA'I SHING DAG YOD DO, ,LHA MA YIN GYI DBANG PO CHEN PO SGRA GCAN DE'I KHOR KHOR YUG NAS LHA MA YIN GYI BU MO DAG GIS BSKOR TE, SHIN TU GAR BYED CING DGOD LA CI MDZES SU
'CHOS TE, RAB TU RTZE ZHING RAB TU DGA' BAR BYED DE, KUN NAS NYON MONGS PA CAN RING POR MI THOGS PA, MI RTAG CING MI BRTAN PA, MI BDE BAR 'GYUR PA'I BDE BA NYAMS SU MYONG NGO, ,LHA MA YIN GYI DBANG PO DE LA BTZUN MO BZHI YOD DE, GCIG GI MING NI YID BZHIN MDZES 'GYUR ZHES BYA, GCIG GI MING NI SPOS KUN LDAN ZHES BYA, GCIG GI MING NI NAGS TSAL MDZES ZHES BYA, GCIG GI MING NI BKRA SHIS MA ZHES BYA'O, ,DE DAG GI G-YOG MO 'ANG LHA MA YIN GYI BU MO KHRAG KHRIG PHRAG BCU GNYIS YOD DE, DE'I NANG NA DE'I KHO RA KHOR YUG NAS BSKOR TE, 'DOD PA LA SEMS ZHEN CING 'DUG GO ,DE'I TSE NGO MTSAR RUNG BA'I BDE BA DANG, YUL GYI LONGS SPYOD GANG YIN PA DE DAG GI MING YANG SHES PAR SLA BA MA YIN NO, ,DE DE NA LHA MA YIN BYE BA PHRAG DU MAS ZHABS 'BRING BYAS TE, KHANG BZANG KA BA STONG GIS MDZES PAR BYAS PA, DNGUL LAS BYAS PA'I KHANG BZHAG GIS BKRIGS PA DE NA, RTZE ZHING DGA' LA DGA' MGUR SPYOD DE; RANG GI LAS KYI 'BRAS BU LA SPYOD DO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES, SGRA GCAN GYI LAS DANG, CHOS LA BRTAGS TE, LAS GANG GIS NA LHA MA YIN GYI DBANG PO SGRA GCAN 'GRO BA DE LTA BUR SONG ZHIG GU, 'DI LAS CI ZHIG BYAS NA LAS DE'I RNAM PAR SMIN PAS 'BRAS BU 'DI LTA BU MYONG BAR 'GYUR SNYAM MO, ,'DI LA TSIGS SU
, ,BCAD PA DAG YOD DE, RGYU MED PAR NI BDE BA DAG, JI LTAR BYAS KYANG MYONG MI 'GYUR, ,'BRAS BU LAS DANG 'BREL PA STE, ,'BRAS BU SA BON RAG LAS BZHIN, , LEGS BYAS 'BRAS BU DGE BA STE, ,LHA DANG MIR NI NGES PAR 'GYUR, ,NYES BYAS NGAN SONG GSUM DU NGES, ,LHA MIN 'JIG RTEN JI LTA BUR, ,SHES RAB ZHAN ZHING SHES RAB 'CHAL, , DUD 'GRO'I SKYE GNAS SKYES DE DAG, JI LTAR BDE BA MYONG BA MTHONG, ,'DI LA RGYU ZHIG YOD PAR 'GYUR, ,DE LTAR DGE SLONG MCHOG TU YID GZHUNGS PA DANG LDAN PA DES, THOS PA LAS BYUNG BA'I SHES RAB KYIS BRTAGS NA, DE SNGON BRAM ZE RIG BYED DANG, RIG BYED KYI YAN LAG DANG, GTAM RGYUD LHUR BYED PA, SBYIN PA LA MCHOG TU DGA' BA ZHIG TU GYUR NAS, DES NAGS KHUNG GI LAM DU ZHUGS PA RNAMS LA'ANG BTUNG BA DANG, KHA ZAS DANG, 'BRAS BU DANG, RTZA BA DANG, CHU DANG, KHYIM DANG, MAL CHA DANG, STAN GYI SPYIN PA DAG BYIN LA; SGO BZHI NA 'KHOD PA'I DMAN PA DANG, LONG BA DANG, BKREN PA DANG, SDUG PHONGS PA RNAMS LA'ANG ZAS DANG, SKOM DANG, MAL CHA DANG, STAN MANG PO DAG BYIN TE, DE'I TSE NI YANG DAG PA'I LTA BA DANG LDAN PAR GYUR TO, ,DE LAN GCIG CIG NA DGE 'DUN GYI GTZUG LAG KHANG MI THI LA'I TSAL ZHES BYA BA RGYAR DPAG TSAD NYI SHU YOD LA, MCHOD
RTEN 'BUM PHRAG DU MAS BRGYAN PA, GSER 'BAR BAS 'KHOR BA ZHIG ,RGYAL PO NI MI ZHES BYA BA LA SOGS PA RGYAL PO LNGA BRGYAS BYAS PA YOD DE, DE'I NANG NA 'ANG MCHOD RTEN 'OG GI GDAN GSER LAS BYAS PA, KHO RA KHOR YUG NAS GSER 'BAR BAS 'KHOR BA, RIN PO CHE SNA BDUN GYIS MDZES PAR BYAS PA, 'BUR RNAM PA SNA TSOGS KYIS MDZES PAR BYAS PA, SANGS RGYAS KYI THEG PA'I TSIG SNA TSOGS KYIS MDZES PAR BYAS PA ZHIG YOD LA, MCHOD RTEN DE LA'ANG TSAL DANG, NAGS TSAL BRIS PA DAG YOD DE, SNGA MA BZHIN NO, ,DE'I TSEN SHING LJON PA GANG DAG SGRA GCAN GYI GNAS SU BRIS PA DE DAG THAMS CAD DZAMBU'I GLING NA YOD DE, RI MO MKHAN RNAMS KYIS JI LTAR MTHONG BA BZHIN DU MCHOD RTAN DE LA BRIS SO, ,RDZID BU MANG PO BYAS PA GANG BA DAG KYANG YOD DE, SNGA MA BZHIN NO, ,DE LAN GCIG CIG SHING RTA BZHI STONG DANG NAGS KHUNG DER SONG STE, 'GRON PO NAGS KHUNG DU DONG BA RNAMS KYIS PHYIR ZAS DANG, THUG PA DANG, CHU DAG KHYER RO, ,DE NAS RE ZHIG NA MCHOD RTEN 'PHANG DU DPAG TSAD GNYIS YOD LA, CHU ZHENG DU RGYANG GRAGS LNGA YOD PA DER MI SDIG CAN ZHIG GIS GSAR DU ME BTANG NAS ME DES MCHOD RTEN DE TSIG LA THUG STE, KHRAM ZE DES ME SHOR BA DE MTHONG NAS, DE 'DI SNYAR DU SEMS TE, BDAG LA 'DI'I BSOD NAMS KYANG MI DGOS, 'DI THAMS CAD MKHYEN PA'I GNAS KYANG MA YIN
, ,MOD KYI, 'ON KYANG 'DI MDZES PA KHO NA ZHIG PAS MES TSIG NA MI RUNG LA, RGYAL BOS KYANG BDAG LA BKA' GYOD SMRAR MED PAR BYA'O SNYAM STE, DES DANG CING GUS PA MED PAR SHING RTA DE DAG GIS CHU BSKYAS NAS MCHOD RTEN DE LAS ME BSAD DE, 'DI LTAR DES CHED CHER MI 'DZIN PAR RGOD BZHIN DU, GAL TE 'DI LAS BSOD NAMS KYI RNAM PAR SMIN PA ZHIG YOD NA NI, DE RAGS PA ZHIG YIN GRANG GI, 'DI RNAM PAR SMIN PAS CI NAS KYANG 'DOD PA'I KHAMS NA BDAG LAS LUS CHE BA GZHAN MED PA TZAM DU GYUR CIG CES BYAS TE, DAD PA MED PA DANG, SEMS PA MED PA DANG, RTAG TU 'THAB PAR SEMS PA'I PHYIR, LAS DE'I MTHUS SEMS PA MED PA'I LAS DE'I 'BRAS BU ZHING DAM PA'I BSOD NAMS LAS LHA MA YIN GYI DBANG POR SKYES PAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SGRA GCAN GYI YUL SA GZHAN YANG JI TZAM ZHIG YOD CES DES THOS PA LAS BYUNG BA'I SHES PA'AM, LHA'I MIG GIS BRTAGS NA, SA GZHI DPAG TSAD KHRI SUM STONG YOD DE, GSER GYI SA GZHI LA TSAL DANG, NAGS TSAL DANG, LTENG KA DANG; RDZING DANG, BYA DANG, SHING LJON PA DANG, KHYIM DANG, GRONG KHYER DANG, GLING DANG, LHA MA YIN GYI BU MOS GANG BA DANG, NOR BU MANG PO DANG LDAN PA'I THANG BUD MED GDU BUS
BRGYAN PA BZHIN DU MDZES PA DE NA LHA MA YIN GYI DBANG PO SGRA GCAN DBANG BYED CING DGRA ZLA MED LA, RANG DGAR BYED CING GANG DGA' BAR 'GRO BA DANG, LHA MA YIN GYI DBANG PO'I YUL SA DE NA LHA MA YIN RNAMS KYI YUL BCU GSUM YOD DE, DE NA LHA MA YIN RNAMS GNAS SO, ,DE RNAMS KYI MING LA, 'DI LTA STE, ZA BA PO RNAMS DANG, RAB TU RGYUG PA RNAMS DANG, NAD GTONG BA LA DGA' BA RNAMS DANG, NOR BU'I DO SHAL THOGS PA RNAMS DANG, BUNG BA LTAR 'KHYIL BA RNAMS DANG, MIG DMAR BA RNAMS DANG, KUN TU RGYUG PA RNAMS DANG, CHU NA GNAS PA RNAMS DANG, NAM MKHA' LA GNAS PA RNAMS DANG, LHUN PO'I KHONG NA GNAS PA RNAMS PA RNAMS DANG, LTENG KA SDU GU RNAMS DANG, NYA GDONG PO RNAMS DANG, LA MA CHEN LDAN RNAMS SO, ,DE DAG GI 'PHEL 'GRIB NI GANG GI TSE SKYE DGU RNAMS DGE SBYONG DU MI 'DZIN, BRAM ZER MI 'DZIN PA DE'I TSE NI LHA'I PHYOGS NI 'GRIB PAR 'GYUR LA, LHA MA YIN GYI PHYOGS NI 'PHEL BAR 'GYUR TE, DE'I TSE CHOS DANG MI LDAN PA RNAMS NI CHES MTHU CHE LA, LHA RNAMS NI ZHAN PAR 'GYUR RO, ,GANG GI TSE SKYE DGU RNAMS DGE SBYONG DU 'DZIN CING BRAM ZER 'DZIN PA DE'I TSE NI; LHA MA YIN GYI PHYOGS NI 'GRIB PAR 'GYUR LA, LHA'I PHYOGS NI 'PHEL BAR 'GYUR TE, LHA DANG, LHA MA YIN GNYIS KYI 'PHEL 'GRIB NI DE LTAR CHOS DANG, CHOS MA YIN PA LA RAG
, ,LAS SO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SGRA GCAN GYI YUL NA GNAS PA'I LHA MA YIN RNAMS KYI LAS DANG CHOS LA RTOG PAR BYED DE, DES THOS PA LAS BYUNG BA'I SHES RAB KYIS BRTAGS NA, GANG DAG GIS DUD 'GRO RNAMS LA SROG GI SBYIN PA BYAS TE, NYA RNAMS GSON PAR BYA BA'I PHYIR, NYA PA'I RGYA RNAMS DRAL BA DANG, GANG DAG GIS RNYED PA 'DOD PA'I PHYIR RAM, GRAGS PA 'DOD PA'I PHYIR RAM, RGYAL POS BKA' STZAL PA'I PHYIR RAM, RIGS KYI CHOS LUGS SU YOD PA'I PHYIR SROG CHAGS LEGS PAR BSRUNGS LA, LHAG MA GZHAN NI CHOS MA YIN PA THAMS CAD BYED PA DE DAG LUS DANG BRAL BA'I 'OG TU NGAN SONG LOG PAR LTUNG BA SGRA GCAN GYI YUL DU LHA MA YIN DU SKYE BAR 'GYUR TE, DE DAG GI TSE'I TSAD KYI KHYAD PAR NI MI RNAMS KYI LO LNGA BRGYA GANG YIN PA DE DE DAG GI NYIN ZHAG GCIG TU RTZI BA DE LTA BU'I LO LNGA STONG THUB STE; BAR MA DOR 'CHI BA NI YOD DO, ,RAB 'BRING DU 'GYUR BA NI SEMS LA RAG LAS SO, ,BOD TSOD DANG, KHA DOG DANG, MTHU'ANG LAS DANG, CHOS LA RAG LAS TE, SEMS CAN RNAMS KYI SEMS DANG, MOS PA SNA TSOGS LAS 'GYUR RO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO NYER GNYIS PA, DE NAS YANG DGE
SLONG LAS KYI 'BRAS BU RNAM PAR SMIN PA SHES PA DE, RGYA MTSO'I GTING SGRA GCAN GYI SA GZHI LA RTOG PAR BYED DE, DES THOS PA LAS BYUNG BA'I SHES PA SHI NTU GSAL ZHING SHIN TU RNAM PAR DAG PAS, SGRA GCAN GYIS GZHI'I 'OG NA SA GZHI GNYIS PA YUL SA THA DAD PA ZLA BA'I PHRENG BA ZHES BYA BA DPAG TSAD NYI KHRI CHIG STONG YOD PA JI LTAR 'DUG PA MTHONG NGO, ,DE NA LHA MA YIN MGUL PHRENG ZHES BYA BA GNAS PA LHA MA YIN DE RNAMS KYI BDAG PO MGUL PHRENG ZHES BYA BA ZHIG YOD DE, SA GZHI DE NA GNYIS SHING RTZE BA ZHES BYA BA'I GRONG KHYER DPAG TSAD BRGYAD STONG PA TSAL DANG, NAGS TSAL DANG, LTENG KA DANG LDAN PA PADMA'I RDZING DANG, 'BAB CHU DANG, RI SUL DANG, GSER GYI RI BO DANG, GSER GYI BRAG DANG, PHA BONG DANG, BYA SKYIBS DANG; RI DVAGS DANG, BYA SPU SDUG GU RNAMS KYIS MDZES PAR BYAS PA, BEE d'URYA'I SA GZHI DANG, BSING MA MDOG SDUG GUS MDZES PAR BYAS PA, BYA SNA TSOGS SKAD SNYAN PA 'BYIN PA LHA MA YIN GYI TSOGS MANG PO YUL GYI SKYE BO 'BYOR PAS GANG BA KUN NAS RIN PO CHE SNA BDUN MCHOG TU YID DU 'ONG BAS BRGYAN PA, SHING LJON PA DAG GIS SNGA MA BZHIN DU MDZES PAR BYAS PA, KLU'I ME TOG DANG, KLU'I SHING MYA NGAN 'TSANG DANG, SHING DHA BA DANG, SENG LDENG DANG, RGYA SKAGS KYI SHING SNA TSOGS KYIS MDZES PAR BYAS PA, DE NA SHIN LJON PA'I SNA
, ,GRANGS 'DI LTA BU DAG LHAG PAR MANG DU YOD DO, ,'DI LTA STE, NI SHA DANG, PRA HA SA DANG, AI TI NI SHA DANG, PA GU DA DANG, NI HAN TA DANG, ME TOG LJID DANG, KUN TU DGA' DANG, ME TOG RGYAS DANG, LJID KYI SA NON DANG, LO LNGA ZHING ME TOG 'BYUNG BA DANG, BUNG BA MNGON DGA' DANG, SGRA 'UR 'UR DANG, BYA SKAD CA CO CAN DANG, DKAR POR SNANG DANG, LO MAS RGYAS RNAMS TE, GNYIS SHING RTZE BA'I GRONG KHYER DE NA SHING LJON PA'I SNA GRANGS DE LTA BU DE DAG LHAG PAR MTHONG NGO, ,GRONG KHYER DE'ANG GSER GYI RI RTZE BZHI PA'I DBUS NA 'DUG STE, 'DI LTA STE, RI'I RTZE MO DGA' BYED DANG, RI'I RTZE MO LHANG TSER DANG, RI'I RTZE MO RTZE MI SNANG DANG, RI'I RTZE MO YID 'ONG GSER ZHES BYA BA RNAMS TE, DE DAG KYANG KUN NAS PHANG DU DPAG TSAD LNGA STONG YOD DO, ,DE DAG GI TSAL RNAMS KYANG 'BAB CHU DANG, CHU BO DANG, CHU BSIL DANG, RI DVAGS KYI TSOGS KHA DOG RNAM PA SNA TSOGS CAN RNAMS KYIS MDZES PAR BYAS PA, SKYES PA DANG, BUD MED KYI TSOGS RTAG TU DGA' BA RNAMS KYIS GANG BA, RIN PO CHE'I SGO SNA TSOGS RNAMS KYIS MDZES PAR BYAS PA, TZANDAN SA MCHOG GI SHING LJON PA 'DUD PA'I RLUNG LTAR RTAG TU BSIL ZHING DRI ZHIM PA RNAMS KYIS NYE BAR 'TSOL, ME TOG GI RNAM PA DAG GIS RTAG TU BRGYAN PA, RMA BYA 'BUM
PHRAG DU MA SGRA SNYAN PA 'BYIN PA, LHA MA YI CHEN POS BSKYANGS BA, GRANG BA DANG, TSABS NYAMS PA MED PA, SKYE BO RAB TU DGA' BAS RTAG TU GANG BA, ROL MO'I SGRA DANG, GLU DANG, BRO DANG, DGOD PAS RTAG TU DGA' BA YIN NO, ,LHA MA YIN GYI GRONG KHYER CHEN PO SKAR PHRENG DE DAG GI DBUS NA MTSO CHEN PO KUN NAS CHU DANG, ZHENG DU DPAG TSAD LNGA YOD PA, RAB TU DANG BA, RO SHIN TU ZHIM PA, 'DAM RDZAB DANG, RNYOG PA MED PA, CHU RTAG PA, ZLA BA GNYIS PA LTAR RAB TU GSAL BA YIN NO, ,SKAR PHRENG GI DBUS NA MTSO YOD PA GANG YIN PA DE NI KUN MTHONG ZHES BYA LA, DE'I MTHU 'DI LTA BU YIN TE, GANG GI TSE LHA MA YIN G-YUL 'GYED PAR BYED PA DE'I TSE LHA MA YIN MGUL PHRENG DAG MTSO KUN MTHONG DER 'GRO BAR BYED DO, ,DE DAG MTSON CHA DANG, GO MTSON SNA TSOGS THOGS NAS G-YUL 'GYED PA'I LHAS BLTA BA'I PHYIR MTSO DE YONGS SU BSKOR NAS 'KHOD DO, ,DE DAG GI GZUGS BRNYAN DE DAG JI LTAR ME LONG G-YA' MED PA'I NANG NA, GZUGS BRNYAN SNANG BA DE LTAR MTSO DE'I NANG NA SNANG NGO, ,DE DAG LHA DANG, LHA MA YIN GYI G-YUL DU GAL TE PHAM PAR 'GYUR NA, MTSO DE'I NANG DU RANG RANG GI GZUGS BRNYAN DE DAG 'BROS PAR SNANG NGO, ,GANG DAG LHA DANG, LHA MA YIN GYI G-YUL 'GYED PA DER 'CHI BAR 'GYUR NA NI RANG RANG GI GZUGS BRNYAN MTSO DE'I NANG NA 'CHI BAR SNANG NGO, ,LHA MA YIN RNAMS
, ,KYI BDAG PO MGUL PHRENG ZHES BYA BA GANG YIN PA DE DANG, LHA MA YIN GYI DBANG PO LHA MA YIN GYI GRONG KHYER 'DOD PA'I RLUNG ZHES BYA BA NA 'DUG PA GANG YIN PA DE 'BROS PA DANG, NGES PAR 'CHI BAR 'GYUR PA DE LTAR MTSO DE'I NANG DU MTHONG NGO, ,DE DAG 'DI SNYAM DU SEMS TE, GANG GIS BDAG CAG KUN MTHONG GI MTSO'I NANG DU LHA RNAMS LAS PHAM ZHING NYAMS PAR 'GYUR BA MTHONG BA'I RGYU GANG YIN, RKYEN GANG YIN SNYAM BYED DO, ,DE NAS YANG DE RNAMS GRONG KHYER DE DAG TU DONG STE, LO BRGYA LON NAM, LO LNGA BRGYA LON NAM, DE LTAR LO BCU LON NAM, DE NAS YANG MTSO KUN MTHONG GA LA BAR LHA MA YIN MGUL PHRENG DANG, LHA MA YIN GYI DBANG PO BRTAN PA DANG LHAN CIG DONG STE ,DE LTAR MTSON CHA DANG, GO MTSON SNA TSOGS THOGS PA, CHA BYAD DANG, ME TOG PHRENG DANG, PHYE MA DANG, BYUG PAS LUS BSKUS PA DE DAG MTSO KUN MA THONG DE YONGS SU BSKOR NAS 'KHOD DO, , DE NAS YANG MTSO YONGS SU BSKOR BA DE DAG NYID KYIS MTSO DE'I NANG DU DZAMBU'I GLING GI MI MAR 'DZIN PA DANG, PHAR 'DZIN PA DANG, DGE SBYONG DU 'DZIN PA DANG, CHOS DANG LDAN ZHING CHOS KYI RJES SU 'JUG PA, LHA DANG MTHUN PAR SGRUB PA DE DAG SHI NAS LHA RNAMS KYI NANG DU SKYE BAR 'GYUR BA MTHONG NGO, ,DE NAS MTSO DE'I NANG DU LHA'I PHYOGS NI RGYAL BAR
'GYUR, LHA MA YIN GYI PHYOGS NI PHAM PAR 'GYUR BA MTHONG BA DANG, LHA MA YIN MGUL PHRENG ZHES BYA BA DANG, LHA MA YIN GYI DBANG PO BRTAN PA ZHES BYA BA DE DAG 'DI SNYAM SEMS TE, KYE MA; LHA RNAMS NI MI LA RAG LAS, MI'I KHA NA LAS, MI LA RTEN PA YIN TE, BDAG CAG GIS GANG MI RNAMS LA MI PHAN PA DANG, MI BDE BAR BYA BA'I PHYIR 'BAD PA DANG, DE DAG NYAMS PAS LHA RNAMS KYANG THUB PAR 'GYUR RO SNYAM DU DE LTAR BSAMS NAS, LHA MA YIN MGUL PHRENG DANG, LHA MA YIN GYI DBANG PO BRTAN PA DAG SEMS PAR BYED DE, 'DI LTAR MI RNAMS NI KHA ZAS LA RAG LAS SHING BRTEN PA YIN TE ,MI DE RNAMS KYI KHA ZAS CHUD GZAN PA LA 'BAD PAR BYA'O SNYAM NAS, DE DAG GIS DE LTAR SHES NAS RGYA MTSO'I NANG NA KLU CHOS DANG MI LDAN PA KHRO BA'I SHAS CHE PA, RTAG TU GNOD PA'I BSAM PA CAN 'KHOD PA GANG YIN PA DE DAG LA SMRA BAR BYED DE, 'DI LTA STE, KLU'I RGYAL PO RAB 'JOMS DANG, KLU'I RGYAL PO NAG PO DANG, KLU'I RGYAL PO BSGYINGS PA DANG, KLU'I RGYAL PO HU LU HU LU STE, DE DAG LA SOGS PA CHOS DANG MI LDAN ZHING CHOS KYI RJES SU MI 'JUG PA RNAMS LA, LHA MA YIN MGUL PHRENG DAG NA RE, 'DI LTAR KHYED CAG LA RAG LAS PA'I MI DE DAG NI LHA'I PHYOGS YIN LA, DE DAG GI SROG KYANG KHA ZAS KYIS 'TSO'O, ,KHYED CAG LA RAG LAS PA KHA ZAS KYIS 'TSO BA'I MI DE DAG JI LTAR MED
, ,PAR 'GYUR BA DE LTAR GYIS SHIG ,GANG GI PHYIR 'DI LTAR KHYED CAG DANG, KLU'I RGYAL PO NOR RGYAS DANG, 'JOG PO LA SOGS PA SHIN TU DGRAR GYUR PA LTAR BDAG CAG DANG LHA RNAMS KYANG 'DI LTA BU YIN TE, KHYED CAG GIS BDAG CAG GIS GROGS BYA BA NI RIGS PA YIN NO, ,ZHES SMRAS SO, ,DE NAS LHA MA YIN MGUL PHRENG DANG, LHA MA YIN GYI DBANG PO BRTAN PA DAG GI TSIG THOS NAS CHOS DANG MI LDAN PA'I KLU RNAMS KYIS BDAG CAG DANG KHYED CAG PHYOGS MTHUN PA YIN TE, DE LTAR BYA'O ZHES SMRAS NAS DE DAG NI RANG GI GNAS SU DONG NGO, ,KLU'I RGYAL PO KHRO BAS GDUNGS PA RNAMS KYANG GNAS SU DONG NAS, GAL TE CHU DPAG TSAD BRGYAR G-YO BAR BYED, GAL TE DPAG TSAD NYIS BRGYAR, GAL TE DPAG TSAD SUM BRGYAR G-YO BAR BYED DO, ,CHU'I STENG NA NI SA 'DUG STE, GANG GI TSE KLU SDANG BA RNAMS KYIS CHU G-YO BAR BYED PA DE'I TSE CHU G-YOS PAS SA G-YO BAR BYED LA, PHYOGS DE'I CHU'I TSAD JI TZAM DU G-YO BAR BYED PA DE TZAM DU SA G-YO BAR BYED DE, KLU SDANG BA KHRO BAS GDUNGS PA RNAMS KYI MTHU NI DE LTA BU YIN NO, ,DE DAG BRAM ZE RTOG GE PA BSTAN BCOS NGAN PAS BSLUS PA RNAMS KYIS TSOR NAS 'DI LTAR LO LEGS PAR 'GYUR RO, ,LO NYES PAR 'GYUR RO, ,RGYAL PO LA RUNG BAR 'GYUR RO, ,RGYAL PO LA MI RUNG BAR 'GYUR RO, ,
MTSON GYIS 'KHRUG PAR 'GYUR RO, ,MTSON GYIS 'KHRUGS PA MED PAR 'GYUR RO, ,CHAR LEGS PAR 'BAB PAR 'GYUR RO, ,CHAR LEGS PAR 'BAB PAR MI 'GYUR RO, ,BA LANG DANG, BRAM ZE 'PHEL BAR 'GYUR RO, ,BA LANG DANG, BRAM ZE 'GRIB PAR 'GYUR RO ZHES DE LTAR MI RTOG GE BA DAG MNGON PAR RJOD PAR BYED DE, DE LTAR SA G-YO BAR 'GYUR RO, ,YANG RGYU GZHAN GYIS SA G-YO BAR BYED PA LA DE LTAR DGE SLONG DE THOS PA LAS BYUNG BA'I SHES PAS RTOG PAR BYED DE, SEMS CAN RNAMS KYI DGE BA DANG, MI DGE BA'I DBANG GIS RLUNG SA 'DZIN ZHES BYA BA G-YO BAR BYED DO, ,DE G-YOS PAS CHU G-YO BAR BYED DE, CHU G-YOS PAS KYANG SA G-YO BAR BYED DE, DPAG TSAD LNGA BRGYA'AM, DPAG TSAD BRGYA'AM, DPAG TSAD NYIS BRGYA'AM , DPAG TSAD SUM BRGYA'AM, DPAG TSAD BZHI BRGYA'AM, DE LTAR TSAD JI TZAM DU RLUNG G-YO BAR BYED PA'I TSAD DE TZAM DU CHU G-YO BAR BYED LA, CHU G-YO BA'I TSAD KYIS SA G-YO BAR BYED DO; ;DE LA GANG RLUNG DAG G-YO BA NA CHU G-YO BAR BYED, CHU G-YOS PAS SA G-YO BAR BYED PA'I RGYU NI GANG, RKYEN NI GANG, GZHI NI GANG YIN SNYAM NAS, DGE SLONG DES THOS PA LAS BYUNG BA'I SHES PA'AM, LHA'I MIG GIS BRTAGS NA, RLUNG GIS CHU 'DZIN LA, CHU LAS BRTEN TE, RLUNG DE DAG G-YOS NA CHU G-YO BAR 'GYUR, DE DAG G-YOS PAS SA G-YO BAR
, ,'GYUR RO SNYAM NAS DE LTAR RGYU DES NAS G-YO BAR 'GYUR RO, ,SA G-YO BA DE'ANG DGE SLONG DES RNAM PA GNYIS SU MTHONG STE, GAL TE DGE BA'I LAS KYI DBANG GIS G-YON NI DE DGE BAR 'GYUR TE, SEMS CAN RNAMS KYI BDE BA DANG, LO LEGS PA YIN NO, ,GAL TE MI DGE BA'I DBANG GIS G-YON NI LAS KYI MTHA' SPYAD CING GANG BYAS PA'I SEMS CAN RNAMS KYIS DE MI DGE BAR 'GYUR RO, ,DGE BA DANG, MI DGE BA LA RAG LAS PA THAMS CAD NI RGYU MED PA MA YIN, 'DOD RGYAL LAS BYUNG BA MA YIN, BYED PA POS GNAS SU BYAS PA MA YIN TE, RGYU DANG MTHUN PAR 'BRAS BU 'BYUNG NGO, ,'BRAS BU MNGON PAR MI SHES PA'I RTOG GE PA DAG NA RE, 'DI LTAR DBANG PO'I PHYOGS DAG TU SA G-YO'O, ,RLUNG GI PHYOGS DAG SA G-YO'O, ,CHU LHA'I PHYOGS DAG SA G-YO STE, LO LEGS PAR 'GYUR RO, ,LO NYES PAR 'GYUR RO, ,RGYAL PO LA RUNG BAR 'GYUR RO, ,RGYAL PO LA MI RUNG BAR 'GYUR RO; ;CHAR LEGS PAR 'BAB PAR 'GYUR RO, ,CHAR LEGS PAR 'BAB PAR MI 'GYUR RO, ,MTSON GYIS 'KHRUG PAR 'GYUR RO, ,MTSON GYIS 'KHRUG PA MED PAR 'GYUR RO, , BA LANG DANG, BRAM ZE 'PHEL BAR 'GYUR RO, ,BA LANG DANG, BRAM ZE 'GRIB PAR 'GYUR RO ZHES DE LTAR RTOG GE PA DAG RTOG PAR BYED DO, ,DE YANG GCIG CIG YIN TE, GAL TE 'DOD
RGYAL BA BRGYA SNYED YOD PA DE DAG GI NANG NA 'DI LTAR 'DU SHES PA 'DI KHO NA NYID GCIG YIN NO ZHES DE DAG RJOD PAR BYED DO, ,DE NAS GZHAN YANG DGE SLONG LAS KYI 'BRAS BU RNAM PAR SMIN PA SHES PA DE LHA MA YIN MGUL PHRENG DANG, LHA MA YIN GYI DBANG PO BRTAN PA DANG, KLU'I RGYAL PO CHOS DANG MI LDAN PA RAB 'JOMS LA SOGS PA 'JIG RTEN LA PHAN PAR MI BYED PA SHES NAS, GNYEN PO CHOS DANG LDAN PA LA RJES SU SEMS PAR BYED DE, KYE MA, KLU SDANG BA DE DAG DANG, LHA MA YIN SDIG CAN 'JIG RTEN LA MI PHAN PAR BYED PA DE DAG JI LTAR PHAM PAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, 'DI LTAR GAL TE DZAMBU'I GLING DU CHOS DANG LDAN ZHING CHOS KYI RJES SU 'JUG PA'I MI DGE SBYONG DU 'DZIN PA DANG, BRAM ZER 'DZIN PA DANG, RIGS KYI RGAN RABS LA GUS PAR BYED PA'I RGYAL PO DANG, BLON PO CHEN PO 'BYUNG NA, SA BLA'I GNOD SBYIN DE DAG MTHU CHE BAR 'GYUR TE, DE DAG GI KLU DANG, LHA MA YIN SDIG CAN SA'I 'OG NA GNAS PA DE DAG G-YOS PAR MTHONG NAS CHOS DANG LDAN ZHING CHOS KYI RJES SU 'JUG PA'I SA BLA'I GNOD SBYIN DE DAG GIS BAR SNANG LA RGYU BA'I GNOD SBYIN RNAMS DANG, KLU'I RGYAL PO 'JOG PO DANG, NOR RGYAS KYI BU LA SOGS PA LA'ANG SNGA MA BZHIN BSNYAD DO, ,DE NAS SA BLA'I GNOD SBYIN DE DAG LAS THOS NAS
, ,BAR SNANG LA SPYOD PA'I GNOD SBYIN RDZU 'PHRUL CHE ZHING MTHU CHE BAR 'GYUR TE, RGYAL CHEN BZHI'I LHA KUN TU RGYU BA RNAMS LA SBRAN PA'I PHYIR KHRO BO'I SHUGS GYIS KHA RLANGS DAG BAR SNANG LA 'BYUNG ZHING 'ONG LA, 'DI LTAR LHA DAG KLU SDANG BA RNAMS DANG, LHA MA YIN SDIG CAN RNAMS MI CHOS DANG LDAN ZHING CHOS KYI RJES SU 'JUG PA RNAMS MA RUNG BAR BYA BA'I PHYIR 'JUG PAR BYED DO ZHES BSNYAD DO, ,GNOD SBYIN GYI KHA RLANGS 'BYUNG BA DE RTOG GE PA BSTAN BCOS NGAN PA LA SEMS RNAM PAR RMONGS PA DAG GIS MTHONG NAS, 'DI LTAR GSHIN RJE'I BU BRGYA RTZA GCIG GI NANG NA GSHIN RJE'I BU DU BA MJUG RING 'BYUNG NGO ZHES BRJOD DE, GNOD SBYIN MTHU RAB TU CHEN PO BRGYA RTZA GCIG GYEN DU 'GRO BA SNANG BA MI SNANG BA GANG YIN PA DE DAG LA RTOG GE PA DAG NA RE, 'DI LTAR 'DI NI GSHIN RJE'I BU BRGYA RTZA GCIG GI NANG NA MJUG RING 'BYUNG NGO ZHES GZHAN DU YONGS SU RTOG CING LO LEGS PAR 'GYUR RO, ,LO NYES PAR 'GYUR RO, ,RGYAL PO LA RUNG BAR 'GYUR RO, ,RGYAL PO LA MI RUNG BAR 'GYUR RO, ,MTSON GYIS 'KHRUG PAR 'GYUR RO, ,MTSON GYIS 'KHRUG PA MED PAR 'GYUR RO, ,BA LANG DANG, BRAM ZE 'PHEL BAR 'GYUR RO, ,BA LANG DANG, BRAM ZE 'GRIB PAR 'GYUR RO, ,CHAR LEGS PAR 'BAB PAR
'GYUR RO, ,CHAR LEGS PAR 'BAB PAR MI 'GYUR RO, ,YUL MI CHE GE MO ZHIG LA GNOD PAR 'GYUR RO, ,YUL GYI MI CHE GE MO ZHIG LA GNOD PAR MI 'GYUR RO ZHES DE DAG LA LOG PAR RTOG PAR BYED PA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, KLU RNAMS DANG, LHA MA YIN SDIG CAN G-YOS PA RNAMS LA RTOG PAR BYED DE; DES THOS PA LAS BYUNG BA'I SHES PAS 'DI LTAR GNOD SBYIN RDZU 'PHRUL CHE ZHING MTHU CHE BA RNAMS LHA KUN TU RGYU BA RNAMS LA SGROGS PAR BYED PA SNGAR BSTAN PA JI LTA BA BZHIN MTHONG STE, KUN TU RGYU BA RGYAL CHEN BZHI PA DE RNAMS KYIS KYANG 'DI LTAR LHA MA YIN GYI PHYOGS NI 'GRIB BO, ,BDAG CAG GI LHA'I PHYOGS KYI STOBS NI RAB TU CHE'O, ,DZAMBU'I GLING NA CHOS DANG LDAN ZHING CHOS KYI RJES SU 'JUG PA'I MI MAR 'DZIN PA DANG, PHAR 'DZIN PA DANG, DGE SBYONG DU 'DZIN PA DANG, BRAM ZER 'DZIN PA DANG, SDOM PA BLANGS PA DANG, RIGS KYI RGAN RABS LA GUS PAR BYED PA DAG YOD PAS KLU SDANG BA DANG, LHA MA YIN SDIG CAN RNAMS LAS BDAG CAG RGYAL BAR 'GYUR GYI MA 'JIGS SHIG ,MA 'JIGS SHIG CES SGROGS PAR BYED DO, ,GNOD SBYIN RDZU 'PHRUL CHE ZHING MTHU CHE BA DE DAG LHA KUN TU RGYU BA DE DAG LA TSIG DE THOS NAS, LHA MA YIN DU GTOGS PA LA SHIN TU KHRO 'ANG KHRO LA RAB TU
, ,DGA' BA RNAMS KLU'I RGYAL PO CHOS DANG LDAN ZHING CHOS KYI RJES SU 'JUG PA 'JOG PO DANG, NOR RGYAS KYI BU LA SOGS PA LA DE DAG THAMS CAD SNGA MA BZHIN DU BSNYAD DO, ,LUS THAMS CAD RAB TU 'BAR BA DAG GAL TE NYIN PAR 'ONG NA DE'I TSE NYI MA'I 'OD ZER RNAMS ZIL GYIS MNAN NAS MI MNGON NO, ,DE NAS LUS THAMS CAD RAB TU 'BAR BA DAG KLU CHOS DANG LDAN ZHING CHOS KYI RJES SU 'JUG PA RNAMS LA SBRAN PA'I PHYIR MTSAN MO RGYA MTSO'I NANG DU 'ONG NA DE DAG THAMS CAD SKYE BO KUN GYIS MTHONG BAR 'GYUR LA, DE MTHONG NAS RTOG GE PA RNAMS SKAR MDA' LTUNG BAR SEMS TE, 'DI LTAR SKAR MDA' LTUNG BAS LO LEGS PAR 'GYUR RO, ,LO NYES PAR 'GYUR RO, ,RGYAL PO LA RUNG BAR 'GYUR RO, ,RGYAL PO LA MI RUNG BAR 'GYUR RO, ,MTSON GYIS 'KHRUGS PAR 'GYUR RO, ,MTSON GYIS 'KHRUGS PA MED PAR 'GYUR RO, ,MI NGAS 'BYUNG BAR 'GYUR RO, ,MI NGAS 'BYUNG BAR MI 'GYUR RO, ,BA LANG DANG, BRAM ZE DAG 'PHEL BAR 'GYUR RO, ,BA LANG DANG, BRAM ZE DAG 'GRIB PAR 'GYUR RO ZHES DE LTAR LAS MNGON PAR MI SHES PA DAG MTHUN PAR YONGS SU RTOG PAR BYED DO, ,DE NAS YANG DGE SLONG DE SKAR MDA' LTUNG BA LA RTOG PAR BYED DE, DES THOS PA LAS BYUNG BA'I SHES PAS RGYU GZHAN GYIS SKAR MDA'
LTUNG BA JI LTAR LTUNG BA MTHONG STE, LHA RNAMS KYI GZHAL MED KHANG MGYOGS PAR NAM MKHA' LA 'GRO LA, GZHAL MED KHANG PHAN TSUN 'GRO BA GANG YIN PA DE DAG 'DRUD PA LAS MI 'BYUNG BA GANG YIN PA DE DAG LA RTOG GE PA DAG NA RE, 'DI LTAR SKAR MDA' RAB TU LTUNG BA LAS LO LEGS PAR 'GYUR RO, ,LO NYES PAR 'GYUR RO, ,RGYAL PO LA RUNG BAR 'GYUR RO, ,RGYAL PO LA MI RUNG BAR 'GYUR RO, ,BDE BAR 'GYUR RO, ,MI BDE BAR 'GYUR RO, ,BA LANG DANG, BRAM ZE 'PHEL BAR 'GYUR RO, ,BA LANG DANG, BRAM ZE 'GRIB PAR 'GYUR RO ZHES DE LTAR RTOG GE PA LAS KYI 'BRAS BU MNGON PAR MI SHES PA DAG 'JIG RTEN PA'I MTSAN MA'I LTAS STON PAR BYED DO, ,DE CI'I PHYIR ZHE NA, DE LTAR LAS KYI 'BRAS BU RNAM PAR SMIN PA PHRA MO SO SOR SHES PA GANG YIN PA NI LHA DANG BCAS PA DANG, BDUD DANG BCAS PA DANG, TSANGS PA DANG BCAS PA DANG, DGE SBYONG DANG, BRAM ZER BCAS PA'I SKYE DGU DANG, LHA DANG, MI DANG, LHA MA YIN RNAMS KYI NANG NA DE MED DE, 'DI LTAR BDAG CAG GI CHOS 'DUL BA LA SEMS PA NI DGE BA BCU'I LAS KYI LAM GTZO BOR BYED PA YIN NO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SO SOR RTOG PAR BYED DE, KYE MA, BAR SNANG LA RGYU BA'I GNOD SBYIN MTHU BO CHE RNAMS KUN TU RGYU BA'I LHA RNAMS KYI DRUNG DANG, RGYA MTSO NA GNAS
, ,PA'I KLU CHOS DANG LDAN PA RNAMS KYI DRUNG DU JI LTAR 'GRO SNYAM NAS, DES THOS PA LAS BYUNG BA'I SHES PAS BRTAGS NA, BAR SNANG LA RGYU BA'I GNOD SBYIN RAB TU 'BAR BA RNAMS RGYA MTSOR ZHUGS TE, KLU'I RGYAL PO CHOS DANG LDAN PA NOR RGYAS KYI BU DANG, 'JOG PO LA SOGS PA LA 'DI LTAR LHA MA YIN MGUL PHRENG DANG, LHA MA YIN GYI DBANG PO BRTAN PA DE DAG MTSO KUN MTHONG DU BDAG NYID LA LTA BAR BYED DO ZHES SNGA MA BZHIN BAR SNANG LA RGYU BA'I GNOD SBYIN RNAMS LA THOS NAS KLU'I RGYAL PO LONGS SPYOD LDAN LA GNAS PA NOR RGYAS KYI BU DANG, 'JOG PO LA SOGS PAS BAR SNANG LA RGYU BA'I KLU RNAMS LA 'DI LTAR BDAG GIS CHOS DANG MI LDAN PA'I KLU DE DAG MTHUS PHYIR BZLOG CING BSKRAD DE, CHAD PAS KYANG BCAD NAS, DZAMBU'I GLING NA CHOS DANG LDAN PA RNAMS KYI LO LEGS PAR BYA BA DANG, CHAR DBAB PA DANG, RLUNG GIS GNOD PA MED PAR BYA BA DANG, DZAMBU'I GLING DU 'BRAS S'A LU DANG, NAS DANG, BZA' BA DAG 'BYUNG BAR BYA BA DANG, CHOS DANG LDAN ZHING CHOS KYI RJES SU 'JUG PA'I MI RNAMS KYIS GROGS BYA'O ZHES BSNYAD DO, ,KLU DE DAG LA DE SKAD BSNYAD NAS SA BLO'I [?] GNOD SBYIN RNAMS KLU CHOS DANG MI LDAN PA DAG GI LA BA DER G-YUL 'GYED PA'I PHYIR DONG STE, KLU'I RGYAL PO RAB 'JOMS
DANG, KLU'I RGYAL PO BSGYINGS PA LA SOGS PA LA, 'DI LTAR KHYED NI CHOS DANG MI LDAN ZHING CHOS KYI RJES SU MI 'JUG PA YIN LA, NGED NI CHOS DANG LDAN ZHING CHOS KYI RJES SU 'JUG PA MIN TE; DE LTAR KHYED CAG DANG, NGED CAG MI MTHUN PAR GYUR CING 'GRAN ZLAR GYUR PAS NGED CAG NI KHYED CAG LA BRDEG PA'I PHYIR 'DIR 'ONGS SO ZHES SMRAS SO, ,DE THOS NAS KLU'I RGYAL PO RAB 'JOMS DANG, BSGYINGS PA LA SOGS PA DE DAG G-YUL 'GYED DU LHAGS TE, DE DAG PHAN TSUN GLOG GI CHAR MANG PO BYUNG BA NA, DE GANG GI TSE MAR 'DZIN PA DANG, PHAR 'DZIN PA DANG, DGE SBYONG DU 'DZIN PA DANG, BRAM ZER 'DZIN PA'I SKYE DGU 'BYUNG BA DE'I TSE, KLU'I RGYAL PO NOR RGYAS KYI BU DANG, 'JOG PO LA SOGS PA RGYAL BAR 'GYUR LA, KLU'I RGYAL PO RAB 'JOMS LA SOGS PA PHAM PAR 'GYUR TE, DE LTAR DZAMBU'I GLING DU CHAR LEGS PAR 'BAB PAR 'GYUR ZHING DES NA LO LEGS PAR 'GYUR RO, ,DE'I TSE RTOG GE PA DAG NA RE, 'DI NI RGYU SKAR GYI YON TAN YIN NO, ,'DI NI GZA'I YON TAN YIN NO, ,'DI NI LTAS KYI YON TAN YIN NO ZHES BRJOD DE, CHAR LEGS PAR 'BAB PA GANG DUS DUS SU 'BAB PAS CHAR DUS DANG MTHUN PAR RAB TU 'BAB STE, BA LANG DANG, BRAM ZE DAG KYANG DE'I 'BRAS BU YIN GYI GZHAN GYI NI MA YIN NO, ,ZHE'O, ,GANG GI TSE MAR MI 'DZIN PA DANG, PHAR MI 'DZIN PA DANG, DGE SBYONG DU MI
, ,'DZIN PA DANG, BRAM ZER MI 'DZIN PA DANG, CHOS DANG MI LDAN ZHING CHOS KYI RJES SU MI 'JUG PA'I SKYE DGU DAG 'BYUNG BA DE'I TSE, KLU'I RGYAL PO CHOS DANG LDAN PA NOR RGYAS KYI BU LA SOGS PA PHAM PAR 'GYUR LA, KLU'I RGYAL PO RAB 'JOMS DANG, KLU'I RGYAL PO BSGYINGS PA LA SOGS PA RGYAL BAR 'GYUR TE, LO NYES 'BYUNG BAR BYED, CHAR 'BAB MI MKHAS PAR BYED, CHAR DRAG RNAMS KYIS LO TOG MA RUNG BAR BYED, THAN PA 'BYUNG BAR BYED PA DANG, BRAM ZE RTOG GE PA DAG GZHAN DU SGYUR BAR BYED DE, 'DI LTAR 'DI NI RGYU SKAR GYI NYES PA YIN NO, ,'DI NI GZA'I NYES PA YIN NO, ,'DI NI DUS KYI NYES PA YIN NO, ,'DI NI LTAS KYI NYES PA YIN NO ZHES DE LTAR RTOG GE PA LAS KYI 'BRAS BU MNGON PAR MI SHES PA DAG 'DI LTAR GZHAN DU SGYUR YANG DE KHO NA MI MTHONG NGO, ,DE CI'I PHYIR ZHE NA, DE NI NGA'I NYAN THOS SAM, NGA'I CHOS 'DUL BA 'DI THOS NAS LAS KYI 'BRAS BU RNAM PAR SMIN PA SO SOR SHES PA GTZO BOR BYED PA'AM, 'BRAS BU SO SOR SHES PA MA GTOGS PAR LHA DANG BCAS PA'I 'JIG RTEN DANG, TSANGS PA DANG BCAS PA DANG, DGE SBYONG DANG, BRAM ZER BCAS PA'I SKYE DGU DANG, LHA DANG, MI DANG, LHA MA YIN RNAMS KYI YUL GYI 'JUG PA MA YIN TE, GZHAN MA YIN PAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA
SHES PA DE LHA MA YIN GYI SA LA RTOG PAR BYED DE, GANG GI TSE GANG DU KLU CHOS DANG MI LDAN ZHING CHOS KYI RJES SU MI 'JUG PA RNAMS KLU CHOS DANG LDAN PA RNAMS KYIS PHAM PAR BYAS PA DE'I TSE, LHA MA YIN MGUL PHRENG DAG GIS SHES PAR 'GYUR TE, LHA MA YIN MGUL PHRENG DAG DANG, LHA MA YIN SKAR PHRENG GI GRONG KHYER NA GNAS PA DANG, GZHAN TSAL DANG, NAGS TSAL NA GNAS PA DE DAG THAMS CAD YI MUG CING BYIN NYAMS LA BZHIN NGO TSA NAS KHYIM DU PHYIR LHAGS TE, KYE AE MA, LHA MA YIN BDAG CAG RNAMS KYIS LHA RNAMS THUB PAR MA NUS LA BYIN NYAMS SO, ,GANG GI TSE BDAG CAG GIS LHA RNAMS PHAM PAR BYED NUS ZHIG GU ZHES DE SKAD SMRAS NAS, LHA MA YIN MGUL PHRENG DAG GIS SGRA GCAN LA, LHA MA YIN GYI DBANG PO, 'DI LTAR SLAD KYIS YUN MI RING BAR BDAG CAG GIS LHA RNAMS PHAM PAR BGYID PAR RNGO THOGS KYI, NAN TAN MDZAD DU GSOL ZHES SMRAS PA DANG, DE SKAD THOS NAS, LHA MA YIN GYI DBANG PO SGRA GCAN GYIS LHA MA YIN MGUL PHRENG DANG, LHA MA YIN GYI DBANG PO BRTAN PA DAG LA 'DI LTAR NGAS YUN MI RING BAR LHA DAG DBANG PO DANG BCAS TE THUB PAR BYA YI, SNYING LAS CHUNG NGUR 'KHOD CIG CES SMRAS SO; ;SGRA GCAN LAS LHA MA YIN MGUL PHRENG DAG GIS DE SKAD THOS NAS, DE NAS YID RAB TU DGA' STE, RANG GI GNAS SU ZHUGS SO, ,DE NAS YANG DGE SLONG LAS KYI 'BRAS BU RNAM PAR
, ,SMIN PA SHES PA DES LHA MA YIN GYI GRONG KHYER SKAR PHRENG ZHES BYA BA LA BRTAGS NAS, PHYI ROL LA'ANG SO SOR RTOG PAR BYED DE, MGUL PHRENG ZHES BYA BA DAG GIS GZHAN PHYI ROL GYI TSAL DANG, NAGS TSAL RNAM PA DU YOD SNYAM NAS, DES THOS PA LAS BYUNG BA'I SHES PAS BRTAGS NA, LHA MA YIN MGUL PHRENG ZHES BYA BA DAG GI TSAL DANG, BYA RNAMS DANG, NAGS TSAL DANG, NYE BA'I TSAL DANG, LTENG KA DANG, 'BAB CHU'I DNGO DANG, PADMA'I RDZING RNAMS KYIS DPAG TSAD KHRI PHRAG SUM STONG DU GANG BA, BYA NGANG PA DANG, KA RANdA DANG, NGUR PA DAG GIS MDZES PAR BYAS SHING NYE BAR BRGYAN LA KUN TU SDUG PAR BYAS PA, KUN NAS NYAMS DGA' BA SPRO ZHING RAB TU DGA' LA, RTAG TU MANG BA JI LTAR 'DUG PA MTHONG STE, DE NA TSAL CHEN PO BDUN YOD PA LA, 'DI LTA STE, GSER GYI 'OG PAG SPRIN DANG, RTAG TU NYAMS DGA' DANG, SKYED MOS TSAL DGA' DANG, 'BRAS BU RTAG TU MDZES DANG, RLUNG BDE BA DANG, TI NA DI KUN DGA' DANG, SPRAS PA STE, DE DAG NI LHA MA YIN MGUL PHRENG DAG GI SKYE BO GNAS PA'I TSAL CHEN PO DAG YIN NO, ,SA DE DAG KYANG LHA MA YIN RTAG TU DGA' BA RNAMS KYIS GANG BA YIN TE, LHA MA YIN LAS KYI 'BRAS BU LA SPYOD PA RNAMS GNAS PAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE LHA MA YIN MGUL PHRENG DAG GI
LAS KYI 'BRAS BU RNAM PAR SMIN PA LA RTOG PAR BYED DE, MGUL PHRENG DAG LAS GANG GIS DER SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, PHYI ROL PA GANG GIS GTAN PA DANG BCAS PA, SDIG PA DANG BCAS PA, SKYON DANG BCAS PA'I MCHOD SBYIN BYAS SHING BZA' BA DANG, BCA' BA RAB TU MANG PO DAG BSHAMS NAS, TSUL KHRIMS DANG LDAN PA LA MA BYIN, SEMS KYIS MA BSGOMS PA'I SBYIN PA NGAN PA SBYIN PA DE BYIN PA DE NI LUS DANG BRAL NAS NGAN 'GRO LOG PAR LTUNG BA DUD 'GRO'I 'GRO BA LHA MA YIN MGUL PHRENG RNAMS KYI NANG DU SKYE BAR 'GYUR LA; SBYIN PA THA MA DANG, 'BRING DANG, MCHOG RNAMS KYIS BDE BA THA MA DANG, 'BRING DANG, MCHOG MYONG BAR 'GYUR TE, RGYU DANG MTHUN PAR 'BRAS BU 'BYUNG BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE LHA MA YIN GYI DBANG PO BRTAN PA'I LAS KYI 'BRAS BU RNAM PAR SMIN PA LA RTOG PAR BYED DE, LAS KYI 'BRAS BU RNAM PAR SMIN PA GANG GIS BRTAN PA DAG LHA MA YIN RNAMS KYI RGYAL SRID BYED SNYAM NAS DES THOS PA LAS BYUNG BA'I SHES PAS BRTAGS NA, 'DI LTAR MIR GYUR PA, RKUN MA GZHAN GYI NOR RDZAS KYIS 'TSO BA, SEMS PA DANG BRAL BA'I SEMS KYIS PHYI ROL PA'I 'DOD CHAGS DANG BRAL BA GCIG LA ZAS KYIS TSIM PAR BYIN PA'I LAS DES LHA MA YIN RNAMS KYI RGYAL SRID BYED
, ,PAR MTHONG NGO, ,DE NAS YANG DGE SLONG DE LHA MA YIN MGUL PHRENG ZHES BYA BA'I TSE LA RTOG PAR BYED DE, LHA MA YIN MGUL PHRENG GI TSE'I TSAD JI SRID DU THUB SNYAM NAS; DES THOS PA LAS BYUNG BA'I SHES PA'AM, LHA'I MIG GIS BRTAGS NA, MI RNAMS KYI LO DRUG BRGYA GANG YIN PA DE DAG NI LHA MA YIN MGUL PHRENG RNAMS KYIS NYIN ZHAG GCIG LA GRANGS RTZIS PA DE'I LO DRUG STONG THUB STE, DUS MA YIN PAR 'CHI BA NI YOD DO, ,LEGS PAR BYAS PA DANG, NYES PAR BYAS PA'I LAS KYI 'BRAS BU NI LAS THAMS CAD LA RAG LAS PA YIN NO, ,DES DUD 'GRO'I 'GRO BAR BSDUS PA LHA MA YIN GNYIS PA DAG GI SA LA BRTAGS NAS, CHOS LA CHOS KYI RJES SU LTA ZHING GNAS SO, ,SEMS CAN 'KHOR BAR GTOGS PA THAMS CAD NI CHOS LA RTEN PA, CHOS KYI 'GRO BA CHOS SKYOB PA YIN TE, LEGS PAR BYAS PAS LHA DANG, MI RNAMS KYI NANG DU SKYE LA, NYES PAR BYAS PAS SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE RTOG PAR BYED DE, JI LTAR NA LHA KUN TU RGYU BA RNAMS GNOD SBYIN RDZU 'PHRUL CHEN PO RNAMS LAS THOS NAS, CI ZHIG BYED CIG GU SNYAM NAS, DES THOS PA LAS BYUNG BA'I SHES PAS BRTAGS NA, 'DI LTAR LHA KUN TU RGYU BA RNAMS
RGYAL CHEN BZHI DANG, LHA PHRENG THOGS RNAMS LA 'DI LTAR LHA MA YIN CHOS DANG MI LDAN ZHING CHOS KYI RJES SU MI 'JUG PA RNAMS KYIS KLU RNAMS LA 'DI LTAR CHOS DANG LDAN ZHING CHOS KYI RJES SU 'JUG PA'I MI RGYU GANG GIS 'CHI BA'I DUS BYAS NAS, LHA RNAMS KYI NANG DU SKYE BAR 'GYUR BA RNAMS LA BAR CHAD BYA BA 'BOD CIG ,DE DAG SBYIN PA DANG, TSUL KHRIMS DANG, SHES PA THAMS CAD KYANG KHA ZAS LA RAG LAS PA YIN LA, DE DAG KYANG KHA ZAS LA RTEN PA YIN PAS, DZAMBU'I GLING DU KHYED DENG LA, LO TOG THAMS CAD DBROG PA DANG, 'BRU THAMS CAD MA RUNG BAR BYA BA'I CHAR PHOB CIG CES RAB TU GZENGS BSTOD PAR BYED PA DE DAG BDAG CAG LA BSNYAD DO, ,CHOS DANG LDAN ZHING CHOS KYI RJES SU 'JUG PA BAR SNANG LA RGYU BA'I GNOD SBYIN GANG YIN PA DE RNAMS KYIS KYANG DE DAG BDAG CAG LA BSNYAD LA, BDAG CAG GIS KYANG KHYED CAG LA BSNYAD PA LAGS SO, ,KHYED CAG GIS KYANG NYE BA NA GNAS PA'I LHA GANG YOD PA DE DAG LA BSNYAD CING, LAG NA YOL GO THOGS PA RNAMS KYIS KYANG PI WANG CAN GSUM PA RNAMS LA, PI WANG CAN GSUM PA RNAMS KYIS KYANG RTAG TU MYOS PA RNAMS LA BSNYAD DE, DE LTAR RGYAL CHEN BZHI PA RNAMS KYIS CHOS DANG MI MTHUN PA 'DI RGYA CHER BSNYAD DO, ,SO SO'I BYE BRAG JI LTA BU YIN PA RGYAL CHEN BZHI PA DE RNAMS KYIS KYANG GRONG KHYER CHEN PO BLTA NA
, ,SDUG NA LHA'I MDUN SA CHOS BZANG DAG GI 'DOD PA'I YON TAN LNGA 'BYOR PAR GYUR BA'I LHA RNAMS KYI DBANG PO KOO SHI KA LA SNGA MA BZHIN RGYA CHER BSNYAD DO, ,DE NAS LHA RNAMS KYI DBANG PO KOO SHI KAS 'JIG RTEN SKYONG BA RNAMS LA BSGO BA, 'JIG RTEN SKYONG BA DAG, DZAMBU'I GLING NA CI SANGS RGYAS DKON MCHOG LA DAD DAM, CHOS DKON MCHOG LA DAD DAM, DGE 'DUN DKON MCHOG LA DAD DAM, DGE SBYONG DU 'DZIN TAM, BRAM ZER 'DZIN TAM, BYAS PA GZO'AM, BYAS PA LA PHAN 'DOGS SAM, DRANG BA YIN NAM, DRANG BA'I RANG BZHIN CAN YIN NAM, MAR 'DZIN TAM, PHAR 'DZIN TAM, RIGS KYI RGAN RABS LA GUS PAR BYED DAM, TSES GRANGS KYI SMYUNG BA LA NYE BAR GNAS SAM, G-YO THABS DANG; TSUL 'CHOS PA LA MA CHAGS SAM, GZHAL LUGS LA G-YO BYED CING MI SLU'AM, PHAN TSUN GNOD PA DAG BYED DAM, MI BYED, DZAMBU'I GLING DU DENG LA RTOGS SHIG CES BSGO BA DANG, LHA, DE LTAR 'TSAL LO ZHES SMRAS NAS, 'JIG RTEN SKYONG BA DAG MI RNAMS LA PHAN PAR BYA BA'I PHYIR DZAMBU'I GLING GA LA BA DER DONG STE, YUL NAS YUL, LJONGS NAS LJONGS, GRONG RDAL NAS GRONG RDAL, GRONG NAS GRONG, GRONG KHYER NAS GRONG KHYER, TSONG RDAL NAS TSONG RDAL DU DE DAG RTOG PAR BYED DE, DZAMBU'I GLING NA CHOS DANG LDAN ZHING CHOS
KYI RJES SU 'JUG PA'I MI DAG GANG GNAS PA DZAMBU'I GLING 'DI THAMS CAD LA SNGA MA BZHIN SO SOR RTOG PAR BYED DO, ,'JIG RTEN SKYONG BA BZHI PO DE DAG GAL TE, CHOS DANG LDAN ZHING CHOS KYI RJES SU 'JUG PA'I SKYE DGU DAG MTHONG NA DE LTAR RGYA MTSO'I NANG DU ZHUGS NAS LONGS SPYOD LDAN NA GNAS PA'I KLU NOR RGYAS KYI BU DANG, 'JOG PO LA SOGS PA LA, KLU DAG ,MA 'JIGS SHIG; GROGS PO DAG, MA 'JIGS SHIG, DAM PA'I CHOS KYI PHYOGS NI 'PHEL LO, ,BDUD KYI PHYOGS NI 'GRIB BO, ,MUN NAG MI GSAL BA'I PHYOGS NI SEL LO, ,BDUD KYI PHYOGS NI SRABS SO, ,CHOS DANG LDAN ZHING CHOS KYI RJES SU 'JUG PA'I LHA DANG, MI DANG, KLU RNAMS RAB TU DGA'O, ,CHOS KYI RNGA NI KUN TU BRDUNGS SO, ,CHOS KYI DBYANGS RAB TU LEN DU BCUG STE, LHA'I PHYOGS NI 'PHEL LO, ,BDUD KYI PHYOGS NI 'GRIB BO, ,KLU DANG, LHA MA YIN CHOS DANG MI LDAN PA RNAMS NI 'GRIB CING 'DUG GO ZHES BSNYAD DO, ,DE THOS NAS KLU NOR RGYAS KYI BU DANG , 'JOG PO LA SOGS PA DGA' BAR GYUR PA RNAMS KYIS 'JIG RTEN SKYONG BA MGU BA DAG LA 'DI SKAD CES, LHA DAG, BDAG CAG RAB TU DGA' STE, BDAG CAG DANG, MI'I 'JIG RTEN NA MI RNAMS LA KLU DANG, LHA MA YIN CHOS DANG MI LDAN PA RNAMS KYIS BAR CHAD BYA BAR MI NUS TE, RAB TU DGA' ZHING MCHIS SO ZHES DE SKAD LHA RNAMS KYI DBANG PO BRGYA BYIN LA GSOL
, ,CIG CES SMRAS PA DANG, DE SKAD THOS NAS KLU RNAMS KYI DRUNG NAS, 'JIG RTEN SKYONG BA DAG LHA RNAMS KYI DBANG PO BRGYA BYIN GA LA BA DER DONG STE, SNGA MA BZHIN DE SKAD BSNYAD PA DANG, DE NAS LHA RNAMS KYI DBANG PO BRGYA BYIN YID RAB TU DGA' NAS, 'DI LTAR TSIGS SU BCAD DE SMRAS PA, THUB PA DE NYID GZIGS PA YIS, ,KHYED LA LAM BTOD 'DI GSUNGS LA, ,MI GANG RAB TU GNAS PA NI, ,LHA YI 'DUN SAR 'GRO BAR 'GYUR, ,SEMS CAN RNAMS LA BDEN DANG DE BZHIN DU, ,SBYIN DANG BYAMS PA SRUNG ZHING TSIG SNYAN SMRA, ,YANG DAG LTA DANG DRI MA BRAL BA'I YID, ,SANGS RGYAS KYIS NI MTHO RIS LAM DU GSUNGS, ,DKAR PO'I CHOS DANG YANG DAG LDAN, ,DKAR PO'I SEMS LA RTEN PA RNAMS, ,SNANG LAS SNANG BA'I ME TOG DANG, ,SGRON LAS SGRON MA GZHAN 'BYUNG LTAR, ,SNANG LAS SNANG BA'I MCHOG 'BYUNG ZHING, ,BDE LAS SHIN TU BDE BAR 'GRO, DE BAS SKYES BU SGRON MA MCHOG, NGAM GROG TU NI LTUNG MI 'GYUR, ,RTAG TU NOR BU DRI MED LTAR, ,RTAG TU GANG ZHIG SEMS DAG PA, ,DE NI ZHI STE NGA MED BRTAN, ,LHA RNAMS KYI NI NANG DU 'GRO , BSAM GTAN TSUL KHRIMS TING 'DZIN DAG, GANG GI SEMS LA SHIN TU BSGOMS, ,BRTAN PO DE NI GSER 'DRA STE, ,LHA RNAMS KYI NI NANG DU 'GRO ,SROG GCOD PA DAG
SPANGS PA DANG, ,SEMS CAN KUN LA SNYING RJE MCHOG ,BRTZE LDAN DRANG PO ZHI BA DAG, LHA RNAMS KYI NI NANG DU 'GRO ,'JIG RTEN KUN LA TSIG 'JAM ZHING, ,ZHE SDANG LAS NI RNAM SPANGS LA, ,SDIG PA'I CHOS KYIS MA GOS PA, ,LHA RNAMS KYI NI NANG DU 'GRO ,GANG LA RTZVA DANG GSER MNYAM ZHING, ,GANG GIS 'DOD PA DUG LTA BU, 'DOD PA SPANGS PA'I BRTAN PO DE, ,LHA RNAMS KYI NI NANG DU 'GRO, 'DOD CHAGS RGYU STE YID 'ONG BA'I, ,YUL GYIS MA DRANGS GANG YIN PA, ,DE NI 'JIGS PA'I DGON LAS BRGAL, ,LHA RNAMS KYI NI NANG DU 'GRO ,GROGS PO GNYEN BSHES RTZA LAG DANG; ;PHAN TSUN MI MTHUN GYUR PA LA, ,GANG ZHIG SHIN TU SDUMS BYED PA, ,LHA RNAMS KYI NI NANG DU 'GRO, 'DOD PA'I 'DAM LAS DRANGS SHING SKYON BSAL BA, ,SEMS CAN KUN LA RTAG TU BDE 'DOD GANG, ,DE NI DRI MED ZHI BA YID GROL ZHING, ,DE LTAR BDUD KYI STOBS NI 'JOMS PAR BYED, ,GANG ZHIG DBANG LA BLO GNAS SHING, ,BLO YI DBANG DU MI 'GRO GANG, ,DE NI DGRA LAS RNAM RGYAL TE, ,LHA RNAMS KYI NI NANG DU 'GRO ,LUS KYI LAS MTHA' DGE BA DAG ,SDIG LAS BRAL BA BDE LDAN GANG, ,DE NI 'DOD SPANGS BSAM GTAN PA, ,LHA RNAMS KYI NI NANG DU 'GRO ,SDIG PA'I GROGS PO RNAM SPANGS SHING, ,SRED PA'I ZHAGS LAS RNAM GROL BA, ,BUD MED ZHAGS PAS MA BCINGS PA, ,LHA RNAMS KYI NI NANG DU 'GRO ,GANG DAG CHOS LA
, ,RAB 'BAD CING, ,SBYIN DANG TSUL KHRIMS TING 'DZIN LDAN, ,BLO GROS BRTAN ZHING RTAG BRTZON PA, ,LHA RNAMS KYI NI NANG DU 'GRO ,GRAL GRIS ZHAGS PA BCAD LA LTAR; ;GANG GIS 'CHING BA BCAD PA DE, ,RANG DBANG ZHAGS PA BCAD PA YIN, ,LHA RNAMS KYI NI NANG DU 'GRO, 'DOD PA'I DRI MAS MA GOS BRAM PA MED, ,SKYON DAG SPANGS SHING BCOM STE SRED DANG BRAL, ,NYES MED DRI BRAL SEMS CAN BRTAN PA DE, ,RANG GI 'BRAS BU LA SPYOD MTHO RIS 'GRO ,SEMS CAN MIR NI GYUR BA GANG, ,LEGS PAR BYAS PA MANG SPYAD PA, ,LAS KYI RNAM SMIN DE YIS SU, ,LHA YI 'JIG RTEN RAB TU 'GENGS, ,MI YI MTHU YIS LHA 'BYUNG LA, ,LHA YI MTHU YIS MI 'BYUNG STE, ,PHAN TSUN MTHUS 'BYUNG 'DI DAG NI, ,DAM PA'I CHOS KYI LAM DU GNAS, ,LHA YI BDE 'BRO MI YIN LA, ,MI YI BDE 'GRO LHA YIN TE, ,NGAN SONG GSUM GYI SA DAG NI, ,DGE BA'I LAS RNAMS SPANGS PA YIN, ,DE NI KHYED YIN RTAG TU BRTZON, ,LEGS PAR MTHONG BA MCHOG YIN TE, ,RTAG TU CHOS SPEL BYED PA GANG, ,LHA MCHOG RNAMS NI RAB TU 'BOD, ,BDE BA THAMS CAD CHOS LA LAS, ,MYA NGAN 'DAS PA CHOS LA LAS, ,GNYID LOG RNAMS LA CHOS STON CIG, 'GRO BA MCHOG NI CHOS YIN NO, ,DE SKAD CES BSGO NAS LHA RNAMS KYI DBANG PO BRGYA BYIN 'JIG RTEN SKYONG BA DE DAG LA
YANG 'DI SKAD DU MI RNAMS YONGS SU BSRUNG BA'I PHYIR DANG, CHOS RNAMS 'PHEL BAR BYA BA'I PHYIR 'BOD CIG CES BSGO'O, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES LHA RNAMS KYI SEMS KYI RTOG PAR RIGS NAS NANG GI CHOS LA CHOS KYI RJES SU LTA ZHING GNAS SO, ,DE NAS YANG DGE SLONGS LAS KYI 'BRAS BU RNAM PAR SMIN PA SHES PA DES LHA MA YIN RNAMS KYI SA GNYIS PA LA BRTAGS NAS, SA GSUM PA LA RTOGS PAR BYED DE, LHA MA YIN RNAMS KYIS GSUM PA'I RNAM PA JI LTA BU YIN SNYAM NAS, DES THOS PA LAS BYUNG BA'I SHES PAS BRTAGS NA, SA GZHI GSUM PA GANG YIN PA NI DPAG TSAD NYI KHRI CHIG STONG YOD DO, ,SA GZHI DE'ANG GNAS BZANG PO ZHES BYA STE, TSAL DANG, NAGS TSAL DANG, LTENG KA DANG, 'BAB CHU'I DNGO DANG, SKYE BO MTHUN PA SNA TSOGS KYIS GANG BA, RTAG TU SPRO BA DANG, ROL MO'I SGRA SNYAN PAS GANG NGO, ,GRONG KHYER ZAB PA ZHES BYA BA DPAG TSAD BRGYAD STONG PA YOD DE, GRONG KHYER DE NA LHA MA YIN GYI DBANG PO ME TOG PHRENG ZHES BYA BA GNAS SO, ,LHA MA YIN DE RNAMS KYANG RTZE BA LA GNAS PA ZHES BYA LA, GRONG KHYER ZAB PA DE 'ANG RIN PO CHE'I RNAM PA DU MA DANG; TSAL DANG, NAGS TSAL DANG, LTENG KA DANG, PADMA'I RDZING RAB TU MANG PO DANG LDAN PA, 'DAM DANG, RNYOG PA DANG BRAL BA'I PADMA SKYE BA'I RDZING RNAMS KYIS MDZES PAR BYAS PA, LHA
, ,MA YIN RTZE BA'I GROGS PO DANG LDAN PA RNAMS KYIS KUN NAS YONGS SU BSKOR BA, DUS TSIGS DRUG NYAMS DGA' BA, TSAL CHEN PO BZHI RNAMS KYIS MDZES PA BYAS PA LA, 'DI LTA STE, DRIL BU G-YER KHA'I PHRENG BA'I TSAL ZHES BYA BA, GANG DU DRIL BU G-YER KHA'I SHING LJON PA RTAG TU SGRA DBYANGS SNYAN PA 'BYIN PA DANG, 'DI LTAR TSAL GNYIS PA GSER PHRENG ZHES BYA BA GANG DU GSER GYI SHING LJON PA SKYE BA DANG, TSAL GSUM PA ME PHRENG ZHES BYA BA GANG DU ME LTA BU'I SHING LJON PA 'BRAS BU DMAR PO 'BYUNG BA DANG, TSAL BZHI PA 'DRES PA ZHES BYA BA GANG DU ME TOG DANG, 'BRAS BU 'DRES PA RNAMS KYIS MDZES PA BYAS PA YIN TE, TSAL BZHI PO DE RNAMS KYIS LHA MA YIN GYI GRONG KHYER ZAB PA MDZES PAR BYAS SO, ,GANG NA LHA MA YIN RTZE BA'I GROGS DANG LHAN CIG GNAS PA NI LHA DANG MTHUN PAR 'DEBS GNAS PA YIN TE, DE LTAR GNAS PA DE DAG NI ME TOG PHRENG DANG, BYE MA DANG, BYUG PA RNAMS KYIS LUS BRGYAN PA, SPRO BA DANG, DGA' BA DANG, RTZE BA DANG, RGAL BA DANG, RGOD PA RNAMS KYIS RTAG TU GNAS PA, LHA MA YIN GYI BU MO 'BUM RNYED KYIS YONGS SU BSKOR BA, LHA MA YIN GYIS DBANG PO ME TOG PHRENG GIS BSKYANGS PA, SKYED MOS TSAL DU RTAG TU RTZE BAR GNAS PA, LUS KYI BAR BAR RIN PO CHE RNAMS
SNA TSOGS KYIS BRGYAN PA YIN TE, LHA MA YIN GYI DBANG PO BRTAN PAS GNAS GNYIS PA NA GNAS PA, LHA MA YIN 'DZAM BHA ZHES BYA BA, LHA MA YIN ME TOG PHRENG ZHES BYA BA'I DRUNG DU MNGAGS TE, 'DI LTAR MI'I 'JIG RTEN NA MI 'DI DAG THAMS CAD MAR 'DZIN PA DANG, PHAR 'DZIN PA DANG, DGE SBYONG DU 'DZIN PA DANG, BRAM ZER 'DZIN PA DANG, BYAS PA LA PHAN 'DAGS PA YIN LA, DE LTAR GNAS PA DE DAG NI MI MTHU CHE BA RNAMS KYIS LHA RNAMS MTHU CHE BA YIN TE, DES NA BDAG CAG KLU DANG BCAS PA RNAMS KYIS NGES PAR LHA DANG, MI RNAMS KYI DAM PA'I CHOS KYI BAR CHAD BYA BA LA 'BAD PAR BYA'O ZHES SNGA MA BZHIN DU DE DAG THOS NAS, GNAS GSUM PA NA GNAS PA LHA MA YIN GYI DBANG PO ME TOG PHRENG SHIN TU MI DGA' STE, BDAG CAG GI DGRA BO LHA 'DI DAG NI MI LA RAG LAS PA YIN PAS, LHA DANG, MI'I BAR CHAD BYA'O ZHES SMRAS SO, ,DA NAS LHA MA YIN RTZE ZHING GNAS PA MTSON DANG, GO CHA SNA TSOGS KYIS LUS RNAM PAR BRGYAN PA, SHIN TU CHAGS PA RNAMS KLU RNAMS KYI GNAS LONGS SPYOD LDAN GA LA BA DER DONG NGO, ,DE NAS LHA MA YIN GYI SGRA DE DAG THOS NAS KLU'I RGYAL PO CHEN PO NOR RGYAS KYI BU DANG, 'JOG BO LA SOGS PA LA LUS LA GLOG GI PHRENG BA 'BAR BA 'BYUNG BA, SHIN TU CHAS PA RNAMS GLOG MANG PO CHAR LTAR 'BYIN PA NA RGYA MTSO'I DBUS NAS KLU
, ,'BUM PHRAG BYE BA DU MA NGAG MNGON PAR 'BYUNG NGO, ,DE NAS LHA MA YIN DE RNAMS DANG, KLU DE RNAMS RGYA MTSO'I DBUS SU G-YUL CHEN PO 'GYED PAR 'GYUR TE, DE GANG GI TSE CHOS DANG LDAN ZHING CHOS KYI RJES SU 'JUG PA'I MI 'BYUNG BA DE'I TSE, LHA MA YIN RNAMS PHAM PAR 'GYUR LA, GAL TE CHOS DANG MI LDAN ZHING CHOS KYI RJES SU MI 'JUG PA'I SKYE DGU 'BYUNG NA SNGA MA BZHIN DE'I CHE LHA MA YIN GYI PHYOGS RGYAL BAR 'GYUR TE, KLU'I PHYOGS PHAM PAR 'GYUR RO, ,DE LTAR THAMS CAD CHOS LA RAG LAS PA YIN TE, DE GANG GI TSE KLU PHAM PAR GYUR NA, DE DAG KUN TU RGYU BA'I LHA RNAMS LA, KYE GROGS PO DAG, 'DI LTAR LHA MA YIN RNAMS KYI MTHU LA BGEGS BYA BA'I PHYIR 'BOD CIG CES SMRAS SO, ,DE NAS KUN TU RGYU BA'I LHA KHRO BAS GDUNGS PO RNAMS KHA RLANGS 'BYIN BZHIN DU RGYAL CHEN BZHI'I LHA RNAMS LA, KYE LHA DAG ,'DI LTAR LHA MA YIN GYI PHYOGS 'DI NI MTHU CHE STE, KLU RNAMS NI PHAM MO, ,LHA MA YIN RNAMS NI RGYAL GYI G-YUL BSHAM PA LA RAB TU 'BOD CIG CES SMRAS SO, ,KUN TU RGYU BA'I LHA'I BU DE DAG DANG, KHA RLANGS DE MTHONG NAS KYANG RTOG GE PA DAG NA RE, 'DI LTAR DU BA 'JUG RING BYUNG STE, LO LEGS PAR 'GYUR RO, ,LO NYES PAR 'GYUR RO, ,CHAR LEGS PAR 'BAB PAR 'GYUR
RO; ;CHAR LEGS PAR 'BAB PAR MI 'GYUR RO ZHES SNGA MA BZHIN DU SBYAR TE, 'DI NI DU BA 'JUG RING STON PA'I RGYU GNYIS PA YIN NO, ,DE GANG GI TSE LHA DANG, KLU DANG, GNOD SBYIN DAG RGYAL BAR 'GYUR BA DE'I TSE, CHAR LEGS PAR 'BAB CING LO LEGS PAR 'GYUR, DE'I TSE NAD 'BYUNG BAR MI 'GYUR ZHING, MTSON GYIS 'KHRUGS PAR MI 'GYUR BA DANG, 'DI LTA STE; RTOG GE PA DAG NA RE, 'DI LTAR GZAS CHAR PHAB BO ZHES BYA BA LA SOGS PA RGYA CHER SBYAR RO, ,DE NAS GANG GI TSE CHOS DANG MI LDAN ZHING CHOS KYI RJES SU MI 'JUG PA'I SKYE DGU 'BYUNG ZHING MAR MI 'DZIN PA DANG, PHAR MI 'DZIN PA DANG, RGAN RABS LA GUS PAR MI BYED PA DE'I TSE, LHA MA YIN GYI PHYOGS NI RGYAL BAR 'GYUR TE, CHAR MI 'BAB CING CHOS DANG MI LDAN PA RNAMS KYIS LO LEGS PAR MI 'GYUR LA, MTSON GYIS 'KHRUG PAR YANG 'GYUR RO, ,DE LA RTOGS PA DAG GZHAN DU BSGYUR TE, GZA'I NYES PAS CHAR MI 'PHAB BO, , RGYU SKAR GYI NYES PAS LO LEGS PAR MI 'GYUR RO ZHES SNGA MA BZHIN DU SBYAR TE, DE LTAR CHOS DANG, CHOS MA YIN PA MNGON PAR MI SHES PA RTOG GE PA DAG GZHAN DU BSGYUR ZHING 'JIG RTEN PA LA GZHAN DU SGROGS SO, ,DE LTAR MI SHES PAS NYAMS PA THAMS CAD NI MU STEGS YA MTSAN GYI BLOR 'GYUR RO, ,GANG GI TSE LHA MA YIN RNAMS KYIS KLU RNAMS ZIL
, ,GYIS MNAN PA DE'I TSE, DE NAS YANG 'JIG RTEN SKYONG BA BZHI DAG RGYAL CHEN BZHI PA RNAMS LA 'DI LTAR SGRA SGROGS PAR BYED DE, CHOS LUGS RGYAL PAR GYUR CIG CHOS MIN RGYAL MA GYUR, ,BDEN PA RGYAL BAR GYUR CIG RDZUN PA RGYAL MA GYUR, ,LHA RNAMS RGYAL BAR GYUR CIG LHA MIN RGYAL MA GYUR, ,SNANG BA RGYAL PAR GYUR CIG MUN PA RGYAL MA GYUR, ,SBYIN PA RGYAL BAR GYUR CIG 'JUNGS PA RGYAL MA GYUR, ,TSUL KHRIMS RGYAL BAR GYUR CIG GSOD PA RGYAL MA GYUR, ,SANGS RGYAS RGYAL BAR GYUR CIG MU STEGS RGYAL MA GYUR, ,BRTAN PA RGYAL BAR GYUR CIG G-YO BA RGYAL MA GYUR, ,CHOS BZHIN RGYAL PAR GYUR CIG NGOR SGYU RGYAL MA GYUR, ,SNYING RJE RGYAL BAR GYUR CIG BRTZE MED RGYAL MA GYUR, ,BYAMS PA RGYAL BAR GYUR CIG KHRO BA RGYAL MA GYUR, ,BRGYA BYIN RGYAL BAR GYUR CIG LHA MIN RGYAL MA GYUR, ,GONG MA RGYAL PAR GYUR CIG 'OG MA RGYAL MA GYUR; ;BGRANGS PA RGYAL PAR GYUR CIG BKRES PA RGYAL MA GYUR, ,YE SHES RGYAL BAR GYUR CIG GTI MUG RGYAL MA GYUR, ,BYA BA RGYAL PAR GYUR CIG BYA MI RGYAL MA GYUR, , BRTZON 'GRUS RGYAL BAR GYUR CIG LE LO RGYAL MA GYUR, ,SKYES PA RGYAL BAR GYUR CIG BUD MED RGYAL MA GYUR, ,RGAN RABS RGYAL BAR GYUR CIG BYIS PA RGYAL MA GYUR, ,
BZOD PA RGYAL BAR GYUR CIG SDANG BA RGYAL MA GYUR, ,MI RNAMS RGYAL BAR GYUR CIG RAB 'JOMS LA SOGS PA, ,PHUNG BAR BYED PA'I KLU RNAMS RGYAL BAR MA GYUR CIG, NYIN MO RGYAL PAR GYUR CIG MTSAN MO RGYAL MA GYUR, ,ZLA BA RGYAL BAR GYUR CIG GZA' RNAMS RGYAL MA GYUR, ,LO TOG RGYAL BAR GYUR CIG BRTZIGS MA RGYAL MA GYUR, ,BDE BA RGYAL PAR GYUR CIG BDE MIN RGYAL [?] MA GYUR, ,NAD MED RGYAL BAR GYUR CIG NAD RNAMS RGYAL MA GYUR, ,'JAM PO RGYAL PAR GYUR CIG RTZUB PO RGYAL MA GYUR, ,THAR PA RGYAL BAR GYUR CIG BCINGS PA RGYAL MA GYUR, ,GZHUNG LUGS RGYAL BAR GYUR CIG LUGS MIN RGYAL MA GYUR, ,GCES PA RNAMS NI THAMS CAD RAB TU RGYAL BAR SHOG, GCES MIN DAG NI DUS RNAMS KUN TU BCOM PAR SHOG, DE LTAR 'JIG RTEN SKYONG BA BZHI DAG RNGA PO CHE THOGS NAS LHA RNAMS LA RGYUGS SHIG ,RGYUGS SHIG CES SMRAS SO, ,DE NAS LHA RNAMS DE DAG GIS SMRAS PA THOS NAS MTSON CHA DANG GO CHA SNA TSOGS BGOS TE, KLU RNAMS DANG, LHA MA YIN RNAMS LHAN CIG G-YUL 'GYED PAR MIG BTZUMS PA TZAM GYIS TSAD DU DER THAMS CAD PHYIN TO, , DE NAS LHA MA YIN RNAMS KYIS DE DAG LA BRTAGS NAS, 'DI LTAR DGE SBYONG DU 'DZIN PA DANG, BRAM ZER 'DZIN PA'I SKYE DGU 'BYUNG BA SNGA MA BZHIN DU SBYAR TE, DE'I TSE LHA MA
, ,YIN RNAMS KYIS LHA DE DAG MTHONG NAS, SO 'OG GZHAN GA LA BAR THAMS CAD DU 'JUG PAR BYED DO, ,GAL TE DGE SBYONG DU MI 'DZIN PA DANG, BRAM ZER MI 'DZIN PA'I SKYE DBU 'BYUNG NA, LHA RNAMS DANG, DE DAG LHAN CIG G-YUL 'GYED PAR SHOM STE, DE DAG YUD TZAM ZHIG G-YUL BKYE NAS LHA RNAMS KYIS PHAM PAR BYAS NAS, DE NAS YANG LHA MA YIN GYI DBANG PO ME TOG PHRENG DANG, LHA MA YIN PHAM PA RNAMS DANG LHAN CIG RANG RANG GI GNAS SU 'JUG PA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES LHA DANG, LHA MA YIN GYI G-YUL MTHONG NAS, YANG DAG PA JI LTA BA BZHIN CHOS LA CHOS KYI RJES SU LTA ZHING GNAS SO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE GNAS GSUM PA LA GNAS PA ZHES BYA BA'I LHA MA YIN ME TOG PHRENG BA ZHES BYA BA LA SOGS PA'I LAS KYI CHOS KYI RNAM PAR SMIN PA LA RTOG PAR BYED DE, LAS KYI CHOS KYI RNAM PAR SMIN PA GANG GIS LHA MA YIN GNAS GSUM PA GNAS BZANG DU SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, GANG GIS DUS SU SBYOR BA'I DON DU GYAD DAM, SIL KHROL PA'AM, DU GUL LA KA BA'AM, BSDUS PA'AM, DGA' 'DUN PAR GYUR PA DAG LA SBYIN PA NGAN PA BYIN PA DE SEMS PA DANG MI LDAN ZHING
ZHING BZANG PO MA YIN PA LA BYIN PA DE LUS DANG BRAL NAS NGAN 'GRO LOG PAR LTUNG BA GNAS GSUM PA NA GNAS PA'I LHA MA YIN RNAMS KYIS NANG DU SKYE BAR 'GYUR RO, ,DE DAG NI MI RNAMS KYI LO BDUN BRGYA GANG YIN PA DE DAG GI NYIN ZHAG GCIG YIN LA, BGRANG BA DE YI LO BDUN STONG THUB STE, DUS MA YIN PAR 'CHI BA NI YOD PAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA MA YIN GYI BDAG PO ME TOG PHRENG GI LAS KYI 'BRAS BU RNAM PAR SMIN PA LA SEMS PAR BYED DE, DES THOS PA LAS BYUNG BA'I SHES PAS BRTAGS NA, 'DI LTAR SEMS PA DANG MI LDAN PA GANG GIS TSUL KHRIMS 'CHAL PA LA ZAN GCIG BYIN NA LAS DES LHA MA YIN GYI GNAS ZAB PAR LHA MA YIN GYI BDAG PO BDUD RTZI DRI MA CAN ZA BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES GZHAN BZHI PA LA RTOG PAR BYED DE, DES THOS PA LAS BYUNG BA'I SHES PAS 'DI LTAR DUD 'GROR GTOGS PA LHA MA YIN GYI GNAS GZHAN BZHI PA MI G-YO BA ZHES BYA BA DPAG TSAD NYI KHRI CHIG STONG YOD PA MTHONG NGO, ,DE'I DBUS NA GRONG KHYER MDZES PA ZHES BYA BA DPAG TSAD BRGYAD STONG PA GCIG YOD DO, ,GNAS DE'ANG DPAG TSAD KHRI SUM STONG YOD DO, ,GRONG KHYER DE NA LHA MA YIN GYI DBANG PO RAB SPRO ZHES BYA BA GNAS SO, ,GNAS DE NA LHA MA
, ,YIN GNAS PA GANG YIN PA DE DAG GI MING NI KUN SPRO ZHES BYA STE, STOBS CHE BA YIN NO, ,RGYAL PO DE'ANG LHA MA YIN DE DAG PAS STOBS SHIN TU CHE BA YIN TE, SHIN TU BDE BA, SHIN TU BRTAN PA, MTHU DANG LDAN PA, RDZU 'PHRUL DANG LDAN PA, GAR YANG 'JIGS PA MED PA, DBANG PO DANG BCAS PA'I 'JIG RTEN YANG GRANGS SU MI RTZI BA, BRTZON 'GRUS LHAG PAS RAB TU RGYAGS PA THAMS CAD SA'I 'OG GI GTING NA GNAS PA YIN LA, DE LAS 'OG TU GYUR PA NI GZHAN GANG YANG MED DE, DE NOR BU'I SA GZHI'I STENG NA GNAS SO, ,DE RTAG PAR YID RAB TU DGA' ZHING RTAG TU SPRO LA DGA' BA, RTAG PAR YID SNA TSOGS SU SHIN TU PHYE BA, YUL GYI SRID PA SNA TSOGS LA RNAM PAR CHAGS PA DAG GNAS GZHAN BZHI PA GRONG KHYER ZAB PA NA SHIN TU BDE BAR GNAS SO, ,GRONG KHYER DE'ANG KUN NAS PADMA'I RDZING DANG, LTENG KA DANG, 'BAB CHU'I DNGO DANG, BSKYED PA'I SA DANG; RA BAS MDZES PAR BYAS PA, RIN PO CHE SNA BDUN GYI KHANG PAS BRGYAN PA, 'GRAN ZLA DANG BRAL BA, PHAN TSUN BSHES GNYEN MI MTHUN PA DANG BRAL BA, PHAN TSUN 'KHRUG PA DANG BRAL BA, 'GRAN ZLA'I 'JIGS PA DANG BRAL BA, NAM MKHA' GNYIS PA LTA BU YIN TE, JI LTAR NAM MKHA' LA GZA' DANG, RGYU SKAR DANG, SKAR MA'I TSOGS RNAMS DU MA
DAG GIS MDZES PAR BYAS PA DE LTAR GRONG KHYER DE'ANG KUN NAS RIN PO CHE RNAM PA SNA TSOGS DAG GIS BRGYAN CING MDZES PA YIN NO, ,'DIR TSIGS SU BCAD PA, BYED KUN SEMS LA RAG LAS SHING, ,'BRAS BU SEMS LA RAG LAS MTHONG, ,JI LTAR SEMS NI SNA TSOGS LTAR, ,DE LTA BUR NI 'BRAS BU'ANG MTHONG, ,'JIG RTEN SRID GSUM RJES 'GRO 'DI, ,THAMS CAD SEMS KYIS SNA TSOGS BRIS, ,SEMS KYIS DBANG DU MA GYUR GANG, ,DE NI GNAS NI YE MED DO, ,YID NI THAR DANG BCINGS PA YI, ,GNYIS KYI GZHI DANG RGYU RU 'GYUR, ,DGE BA YI NI SKYE BO 'GROL, ,MI DGES MYUR DU 'CHING BAR BYED, ,DE LTAR SEMS CAN SEMS KYI DBANG, ,SRID GSUM DAG NA 'KHYAM PAR 'GYUR, ,SRED PAS RMONGS PA'I SEMS CAN RNAMS, , SEMS KYI DBANG DU GYUR NAS 'GRO ,DMUS LONG LAM BZANG MI MTHONG LTAR, ,MYA NGAN 'DAS PA THOB MI 'GYUR, ,JI LTAR SEMS CAN DE RNAMS KYIS YANG DAG PA'I LAM BSGRUBS PA DE LTAR RGYU SNA TSOGS DANG MTHUN PAR GYUR PA'I GNAS DE SNA TSOGS SU SNANG NGO, ,'DI LTAR GNAS DE GRONG KHYER DE'I PHYI ROL NA 'DUG PA YIN TE, SHING LJON PA DANG, NYE BA'I TSAL DANG; LTENG KA DANG, GRONG RDAL DANG, PADMA'I RDZING DANG, CHU BO RNAM PA SNA TSOGS DANG, BYA RNAM PA BRGYA SNYED KYIS MDZES PAR BYAS PA YIN NO, ,DE'I GNAS BZHI PA DE NA LHA MA
, ,YIN GNAS PA GANG YIN PA DE DAG KUN SPRO ZHES BYA STE, BRTAN PA, BAG TSA BA MED PA, CHA BYAD DANG, RGYAN SHIN TU BZANG BAS LUS BRGYAN PA RNAMS GNAS PA; PHAN TSUN YID LA CUNG ZAD KYANG 'KHRUG PAR MI BYED PA, RTAG TU YID LA SPRO ZHING DGA' BA DANG LDAN PA, BUD MED CHA BYAD DANG, RGYAN SNA TSOGS KYIS BRGYAN PA'I TSOGS RNAMS KYIS YONGS SU BSKOR CING GNAS TE, BRGYA 'AM, YANG NA STONG DU DGA' BAR BYED, RTZE BAR BYED, YONGS SU SPYOD PAR BYED DO, ,GNAS BZHI PA DE'ANG NOR BU THOGS PA'I BUD MED RNAMS KYIS RTAG TU BRGYAN PA, LHA MA YIN KUN SPRO RNAMS RTAG TU LHA MA YIN GYI DBANG PO RAB SPRO'I BKA' SHIN TU NYAN PA, YID SHIN TU PHYE BA, DE LA BKA' NYAN PA'I NGO BO NI RTAG TU DBANG DU GYUR PAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE LHA MA YIN GYI DBANG PO RAB SPRO'I LAS KYI RNAM PAR SMIN PA LA RTOG PAR BYED DE, DER LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, 'DI LTAR 'DAS PA'I DUS NA LOG PAR LTA BA LA ZHEN PA, LAS KYI 'BRAS BU MNGON PAR MI SHES PA, SANGS RGYAS DANG, CHOS DANG, DGE 'DUN LAS PHYIR PHYOGS PAR GYUR PA GANG LA RE ZHIG
CIG NA DGE SLONG TSUL KHRIMS DAG DANG LDAN PA, SHIN TU BRTZON 'GRUS DANG LDAN PA, LAM DU ZHUGS PAR GYUR BA ZHIG GIS NAN GYIS BSOD SNYOMS GCIG BSLANGS PA DANG BYIN NO, , BYIN NAS KYANG BDAG GIS BSOD SNYOMS BYIN PA'I 'BRAS BU NI DON MED CING 'DI LAS BDAG GI CHOS SU 'GYUR BA'ANG MED LA, LOG PAR RAB TU BYUNG BA, DMANGS RIGS 'DI LA BDAG GIS BSOD SNYOMS SBYIN PA 'DI NI TSVA SGO CAN LA BSOD SNYOMS BYIN PAR ZAD DO ZHES KYANG SMRA LA, ZHING 'BA' ZHIG YON TAN DANG LDAN LA, GZHAN GYI NGO TSAN GYIS SBYIN PA TSER MA CAN NYAMS PA BYED PA DES LUS DANG BRAL NAS NGAN 'GRO LOG PAR LTUNG BA DUD 'GRO RNAMS KYI NANG DU SKYE BAR 'GYUR TE, SA GZHI SHIN TU 'BYOR BA, RIN PO CHES BRGYAN PA; G-YO BA MED PA DAG TU ZHING SHIN TU YON TAN DANG LDAN PA DANG, SEMS PAS DNGOS PO MA BZUNG BA DE'I LAS KYI RNAM PAR SMIN PAS LHA MA YIN KUN SPRO ZHES BYA BA RNAMS KYI BDAG PO RAB SPRO ZHES BYA BA SO SOR 'GRAN PA LTA BU'I BDE BA THAMS CAD DANG LDAN PAR 'GYUR BA MTHONG NGO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO NYER GSUM PA, DE NAS YANG DGE SLONG LAS KYI 'BRAS BU RNAM PAR SMIN PA SHES PA DE LHA MA YIN KUN SPRO ZHES BYA BA RNAMS KYI LAS KYI RNAM PAR SMIN PA
, ,LA RTOG PAR BYED DE, LAS KYI RNAM PAR SMIN PA GANG GIS LHA MA YIN GYI GNAS SU LHA MA YIN KUN SPRO DAG JI LTAR SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, SRED PA'I RO LA ZHEN PAR GYUR PA GANG SEMS CAN YOD PA'I TSAL DU GNAS TE, 'DI LTAR TSAL DE DAG NA SEMS CAN 'KHOD PA DE RNAMS SUS KYANG MA BSDUS, GANG GIS KYANG LHUG PAR MA BKOD DE, BDAG GIS TSAL 'DIR BSDU BAR BYA'O SNYAM NAS, SEMS CAN LA SNYING BRTZE BA'I PHYIR DANG, BDAG NYID KYI 'TSO BA SBRANG RTZI DAG 'DOD PA'I PHYIR SDUD PAR BYED NA, DE LUS DANG BRAL NAS LHA MA YIN RNAMS KYI NANG DU SKYE BAR 'GYUR TE, DE'I 'TSO BA'I PHYIR SEMS CAN BSRUNGS PA'I RNAM PAR SMIN PA'I RGYUS, KUN SPRO RNAMS KYI NANG DU SKYE BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES LHA DANG, LHA MA YIN G-YUL 'GYED PA LA RTOG PAR BYED DE, DES THOS PA LAS BYUNG BA'I SHES PAS BRTAGS NA, 'DI LTAR KLU'I GTZO BO LONGS SPYOD LDAN NA GNAS PA CHOS DANG LDAN ZHING CHOS KYI RJES SU 'JUG PA MGO BDUN YOD PA, 'DI LTA STE, KLU'I RGYAL PO NOR RGYAS KYI BU DANG, KLU'I RGYAL PO 'JOG PO DANG, KLU'I RGYAL PO BZANG PO DANG, KLU'I RGYAL
PO RO HA NI DANG, KLU'I RGYAL PO SPRIN CHEN DANG, KLU'I RGYAL PO KLONG DANG, KLU'I RGYAL PO KUN 'GRO DANG, KLU'I RGYAL PO RAB SPRO DANG, KLU'I RGYAL PO CHAR 'BEBS TE, DE DAG NI CHOS DANG LDAN ZHING CHOS KYI RJES SU 'JUG PA, YANG DAG PA'I LTA BA DANG, TSUL KHRIMS LA ZHUGS PA YIN NO, ,SNGA MA BZHIN DU SBYAR TE, CHOS DANG MI LDAN ZHING CHOS KYI RJES SU MI 'JUG PA LA, 'DI LTA STE; KLU'I RGYAL PO RAB 'JOMS DANG, KLU'I RGYAL PO BSGYINGS PA DANG, KLU'I RGYAL PO NAG PO DANG, KLU'I RGYAL PO HU LU HU LU DAG PHAM PAR GYUR BA DE'I TSE SA'I 'OG NA GNAS PA DANG, RI RAB LA RTEN PA DANG, CHU'I NANG DU ZHUGS PA GA LA BA DER RGYUG PAR BYED DE, 'DI LTA STE, GNAS DANG PO LA RTEN PA'I LHA MA YIN RNAMS KYIS GNYIS SHING RTZE BA ZHES BYA BA'I LHA MA YIN DE DAG LA SMRAS PA, KLU'I RGYAL PO NOR RGYAS KYI BU DANG, 'JOG PO LA SOGS PA 'DI DAG DANG, RGYAL CHEN BZHI'I LHA DANG BCAS PAS BDAG CAG GTZES KYI KHYED BDAG CAG GI GROGS SU TSUR SHOG RGYUGS, DE NAS DE THOS NAS LHA MA YIN GNYIS SHING RTZE BDAG LHA MA YIN GYI GRONG KHYER 'OD LDAN ZHES BYA BA GANG NA LHA MA YIN GYI DBANG PO SGRA GCAN GNAS PA GA LA BA DER DONG STE PHYIN NAS, LHA MA YIN GYI DBANG PO SGRA GCAN LA SNGA MA BZHIN DU THAMS CAD BSNYAD DO, ,DE NAS GAL TE LHA MA YIN GYI DBANG PO SGRA GCAN 'DI LTAR DGE SBYONG
, ,DU 'DZIN PA DANG, BRAM ZER 'DZIN PA DANG, BYAS PA LA PHAN 'DOGS PA DANG, RIGS KYI RGAN RABS LA GUS PAR BYED PAR SHES PA DE'I CHE LHA MA YIN GYI DBANG PO SGRA GCAN KLU'I RGYAL PO RAB 'JOMS LA SOGS PA LA, 'DI LTAR BDAG CAG GI GNAS GNYIS PA NA GNAS PA'I LHA MA YIN RNAMS LA 'DI LTAR LHA RNAMS KYIS BDAG CAG MNGON PAR GTZES SO ZHES SBRAN PAR BYA BA'I BAR DU SNGA MA BZHIN DU SBYAR TE, KLU'I RGYAL PO 'JOG PO LA SOGS PA DE DAG NYID KHOG CIG, KHOG CIG CES BSGO'O, ,DE NAS LHA MA YIN GYI DBANG PO SGRA GCAN GNAS GNYIS PA NA GNAS PA'I LHA MA YIN MGUL PHRENG ZHES BYA BA DE DAG LA 'DI LTAR KLU'I RGYAL PO RAB 'JOMS LA SOGS PA, KLU'I RGYAL PO NOR RGYAS KYI BU DANG, 'JOG PO LA SOGS PA DANG, RGYAL CHEN BZHI'I RIS KYI LHA RNAMS KYIS MNGON PAR GTZES SO ZHES SMRAS SO, ,DE NAS DE THOS NAS LHA MA YIN MGUL PHRENG DAG LHA MA YIN GYI GRONG SKAR PHRENG ZHES BYA BA NA LHA MA YIN GYI DBANG PO 'KHOD PA GANG YIN PA DE DAG LA, 'DI LTAR, KYE RGYAL PO CHEN PO, BDAG CAG LA LHA MA YIN GYI DBANG PO SGRA GCAN DANG, KLU'I RGYAL PO RAB 'JOMS LA SOGS PA NA RE, 'DI LTAR KLU'I RGYAL PO RAB 'JOMS LA SOGS PA DAG KLU'I RGYAL PO 'JOG PO DANG, NOR RGYAS KYI BU LA
SOGS PA DANG, RGYAL CHEN BZHI'I LHA RNAMS KYI MNGON PAR GTZES SO ZHES MCHI'O, ,LHA MA YIN GYI DBANG POS DE THOS NAS, GAL TE DGE SBYONG DU 'DZIN PA DANG, BRAM ZER 'DZIN PA'I SKYE DGU CHOS KYI RJES SU 'JUG PA 'BYUNG BA DAG BDAG NYID KYI STOBS CHE CHUNG MTHONG BA DE'I TSE, LHA MA YIN MGUL PHRENG DE DAG LA 'DI LTAR, KYE MA, DZAMBU'I GLING GI MI RNAMS CHOS DANG LDAN ZHING CHOS KYI RJES SU 'JUG PAS LHA RNAMS STOBS RAB TU CHE STE, 'DI DAG BDAG GIS GNAS GSUM PA NA GNAS PA'I LHA MA YIN RNAMS LA SNGA MA BZHIN BSNYAD PAR BYA'O ZHES SMRAS SO, ,DE NAS LHA MA YIN KUN 'GRO ZHES BYA BA LA BSNYAD DO, ,DE NAS LHA MA YIN KUN 'GRO DAG GIS GANG NA LHA MA YIN GYI DBANG PO ME TOG PHRENG ZHES BYA BA GNAS PA'I GRONG KHYER ZAB PA ZHES BYA BA GA LA BA DER DONG STE LHA MA YIN KUN 'GROS DE THAMS CAD SNGA MA BZHIN BSNYAD DO, ,DE NAS LHA MA YIN GYI DBANG PO ME TOG PHRENG ZHES BYA BAS GAL TE CHOS DANG LDAN ZHING CHOS KYI RJES SU 'JUG PA, DGE SBYONG DU 'DZIN PA DANG, BRAM ZER 'DZIN PA'I SKYE DGU MTHONG NA, DES LHA MA YIN DE DAG LA 'DI LTAR GNAS BZHI PA NA GNAS PA'I LHA MA YIN RNAMS LA MNGON PAR BSNYAD PAR BYA'O ZHES SMRAS SO, ,DE NAS GNAS GSUM PA NA GNAS PA'I LHA MA YIN GYI DBANG POS GNAS BZHI PA LA GNAS PA'I LHA MA
, ,YIN RNAMS 'KHOD PA GA LA BA DER DONG STE, 'DI LTAR KLU'I RGYAL PO RAB 'JOMS LA SOGS PA DAG KLU'I RGYAL PO 'JOG PO DANG, NOR RGYAS KYI BU LA SOGS PA RGYAL CHEN BZHI'I LHA RNAMS KYIS MNGON PAR GTZES TE, DE LTAR KLU 'DI DAG NI BDAG CAG GIS PHYOGS YIN PAS BDAG CAG RNAMS KYIS DES PAR LHA RNAMS KYI BAR CHAD BYA BA LA 'BAD PAR BYA'O ZHES SMRAS SO, ,DE NAS GNAS BZHI PA LA GNAS PA'I LHA MA YIN DPUNG BZANG DAG GIS DE DAG MTHONG NAS, GRONG KHYER ZAB PA ZHES BYA BA GANG NA LHA MA YIN GYI DBANG PO RAB SPRO ZHES BYA BA GA LA BA DER DONG NGO, ,DE NAS LHA MA YIN RINGS THABS SU 'ONG BA DE DAG MTHONG NAS, LHA MA YIN RNAMS CI'I PHYIR RING THABS SU 'ONGS ZHES DRIS SO, ,DE NAS LHA MA YIN DPUNG BZANG DAG GIS LHA MA YIN GYI DBANG PO RAB SPRO LA SNGA MA JI LTA BA BZHIN BSNYAD DO, ,DE NAS LHA MA YIN GYI DBANG PO RAB SPROS LHA MA YIN GYI DBANG PO DE DAG LA 'DI SKAD CES, KYE MA, LHA MA YIN GYI DBANG PO SGRA GCAN DAG ,BRTZON 'GRUS CHUNG BA YIN TE, KLU'I RGYAL PO RAB 'JOMS LA SOGS PA GNAS PA GANG YIN PA DE DAG RGYAL CHEN BZHI'I LHA RNAMS KYIS PHAM PAR BYAS TE, DE DAG LA BDAG GIS DGE SBYONG DU 'DZIN PA DANG, BRAM ZER 'DZIN PA'I SKYE DGU RTZIS LA MA CHAGS PA DANG, CHOS KYI RJES SU CHOS BSGRUB PA
RTZIS LA MA CHAGS PAR BYA'O ZHES SMRAS SO, ,DE NAS LHA MA YIN GYI DBANG PO DE RANG GI LHA MA YIN RNAMS 'KHOD PA GA LA BA DER DONG NGO, ,DE NAS LHA MA YIN GYI DBANG PO RAB SPRO DPUNG BZANG DAG LA 'DI LTAR BDAG NI KLU'I RGYAL PO 'JOG PO DANG, NOR RGYAS KYI BU LA SOGS PA DANG, RGYAL CHEN BZHI'I LHA RNAMS LA BAR CHAD BYA BA'I PHYIR CHAS TE, LHA MA YIN RNAMS KYI DBANG PO'I BRTZON 'GRUS DANG, SPRO BA DANG, 'KHOR DANG BCAS PA, MTSUNGS PA MED PA THAMS CAD LHA RNAMS DANG G-YUL 'GYED PAR 'DONG GIS 'DI LTAR LHA MA YIN RNAMS MYUR DU CHOS SHIG, MYUR DU CHOS SHIG CES BSGO'O, ,DE NAS LHA MA YIN GYI DBANG PO RAB SPROS LHA MA YIN GYI DBANG PO GSUM DAG LA GANG CHOS KYI RNAM PA 'DI LTA BU BZOD PA KHYOD LA CI BRTZON 'GRUS MED DAM, RTEN MED DAM, 'DI LTAR BDAG NI RANG GI LAG MTHU DANG, BRTZON 'GRUS DANG LDAN PAS CHA'O ZHES SMRAS SO, ,DE NAS YANG LHA MA YIN GYI DBANG PO RAB DGOD RING POR MA THOGS PAR RANG GI LHA MA YIN RNAMS LA, GROGS PO DAG, RINGS PAR CHOS SHIG, RINGS PAR CHOS SHIG CES 'DI LTAR BDAG GIS LHA MA YIN GYI DBANG PO MA LUS PA RNAMS LA'ANG SBRAN ZIN TE, BDAG MYUR DU CHA YI, LAG TU MTSON CHA SNA TSOGS BLANGS PAR SHES NAS, LHA MA YIN GYI G-YUL LA BRTZON PAR GYIS SHIG, DE DAG GI BLO RIG NAS BSGRUB PAR BYA BA GANG YIN PA DE DAG
, ,BSGRUB PAR BYA STE, LHA RNAMS KYIS PHAM PAR BYAR MI BZOD DO ZHES SMRAS SO, ,DE NAS LHA MA YIN GYI DBANG PO RAB DGOD KYIS DE SKAD SMRAS NAS, RANG GI BRTZON 'GRUS CHEN PO DANG, STOBS KYIS DREGS PA, BLO GROS SHIN TU RGYA CHE BA, RANG GI STOBS DANG, GZHAN GYI STOBS TSAD MA GRANGS SU MI RTZI BAR RANG GI GNAS NAS CHAS NAS GNAS GZHAN GSUM PAR 'GRO BAR BYED DE, GRONG KHYER ZAB PA NA LHA MA YIN GYI BDAG PO ME TOG PHRENG LHA MA YIN BYE BA KHRAG KHRIG DU MA GA LA BA DER SONG STE PHYIN NAS BRTZAMS PA'I YID KYIS LHA MA YIN GYI DBANG PO ME TOG PHRENG LA SMRAS PA, 'DI LTAR KLU'I RGYAL PO 'JOG PO DANG, NOR RGYAS KYI BU LA SOGS PA DANG, LHA DANG BCAS PA DAG LAS RGYAL BAR BYA YI; LHA MA YIN GYI G-YUL 'GYED PAR 'DONG 'DONG, DE SKAD SMRAS PA DANG, ME TOG PHRENG DES SMRAS PA, 'DI LTAR G-YUL 'GYED PA 'DI NI BDAG CAG GI DUS MA YIN TE, MAR 'DZIN PA DANG, PHAR 'DZIN PA DANG, RIGS KYI RGAN RABS LA RIM GRO BYED PA DANG, DGE SBYONG DU 'DZIN PA DANG, BRAM ZER 'DZIN PA DANG, CHOS LA CHOS KYI RJES SU 'JUG PA DAG YOD PAS, LHA'I PHYOGS STOBS CHE STE, DE LTA BAS NA DE RING BDAG CAG GI G-YUL 'GYED PA'I DUS MA YIN NO ZHES SMRAS SO, ,DE NAS LHA MA YIN GYI DBANG
PO RAB SPRO DE'I TSIG MA MNYAN PAR 'DI LTAR KLU DANG, LHA DE DAG BDAG GCIG PUS PHAM PAR BYA BAR NUS, ,KHYED DANG BCAS PAS LTA SMOS KYANG CI DGOS TE, PHAM PAR BYA YI, LHA MA YIN GYI DBANG PO DAG 'DONG 'DONG ZHES SMRAS SO, ,DE NAS ME TOG PHRENG ZHES BYA BA DES SPRO BA BSKYED NAS, LHA MA YIN GYI SDE BYE BA PHRAG DU MA DANG LHAN CIG GNAS GZHAN GNYIS PA GA LA BA DER DONG NGO, ,DE NAS LHA MA YIN GYI DBANG PO SGRA GCAN LA RAB SPRO DANG, BRTAN PA DANG, ME TOG PHRENG DAG GIS LHA RNAMS LAS RGYAL BAR BYA YI, LHA MA YIN GYI G-YUL 'GYED PAR 'DONG 'DONG ZHES SMRAS SO, ,DE NAS LHA MA YIN GYI DBANG PO SGRA GCAN GYIS DE DAG LA SMRAS PA, KYE MA, LHA MA YIN GYI DBANG PO DAG , DUS LA MA BAB STE, BDAG CAG GI G-YUL 'GYED PA'I DUS MA YIN NO, ,DZAMBU'I GLING GI MI RNAMS CHOS DANG LDAN ZHING CHOS KYI RJES SU 'JUG STE, MAR 'DZIN PA DANG, PHAR 'DZIN PA DANG, DGE SBYONG DU 'DZIN PA DANG, BRAM ZER 'DZIN PA'I SKYE DGU DAG LHA YUL DU SKYE LA, LHA'I PHYOGS STOBS CHE BAS G-YUL 'GYED PAR MI NUS TE, LHA MA YIN GYI DUS MA YIN NO ZHES SMRAS SO, ,DE NAS THAMS CAD YID MTHUN PAR LHA MA YIN SGRA GCAN DE LA, 'DI SKAD CES, 'DI LTAR BDAG CAG LHA RNAMS DANG G-YUL 'GYED PAR SPRO YI, 'DONG 'DONG ZHES SMRAS SO, ,DE NAS LHA MA YIN GYI DBANG PO SGRA
, ,GCAN DE DAG GI BSAM PA DANG MTHUN PAR RGYA MTSO'I NANG NAS CHAS NAS KLU'I RGYAL PO RAB 'JOMS LA SOGS PA GA LA BA DER SONG STE, 'DI LTAR BDAG CAG LHA MA YIN GYI DBANG PO 'DI DAG THAMS CAD DANG 'ONGS TE, KLU'I RGYAL PO 'JOG PO DANG, NOR RGYAS KYI BU LA SOGS PA GA LA BA DER BDAG CAG G-YUL 'GYED DU 'DONG NGO ZHES SMRAS SO, ,DE NAS RAB 'JOMS KYIS DE THOS NAS YID RAB TU DGA' STE, 'JOG PO DANG, NOR RGYAS KYI BU LA SOGS PA GA LA BA DER G-YUL 'GYED PA'I PHYIR 'KHOR DANG BCAS PA DONG NGO, ,DE NAS KLU'I BDAG PO 'JOG PO DANG, NOR RGYAS KYI BU LA SOGS PA'ANG KLU'I RGYAL PO RAB 'JOMS LA SOGS PA GANG DU G-YUL BSHAMS PAR G-YUL 'GYED DU 'DONG NGO, ,DE NAS DE DAG DE LTAR PHAN TSUN G-YUL 'GYED PA DANG, CHOS DANG MI LDAN PA'I KLU'I BDAG PO RNAMS PHAM PAR GYUR TO, ,DE LTAR DE DAG PHAM PA DANG, LHA MA YIN BYE BA PHRAG DU MA DAG RGYUG PAR BYED DO, ,DE NAS 'JOG PO DANG, NOR RGYAS KYI BU LA SOGS PAS DE DAG MTHONG NAS LHA MA YIN GA LA BAR 'KHOD PAR G-YUL 'GYED DU BRGYUGS SO, ,DE NAS KLU RNAMS DANG, LHA MA YIN TSAD MED PA DE RNAMS RGYA MTSO'I STENG DU PHAN TSUN G-YUL 'GYED DE, ME CHAR LTAR 'BAB PA DANG, MTSON CHA CHAR
LTAR 'DAB PA TSAD MED PA DE DANG, DUG NAG PO RNAM PAR GDUNGS SHING BLO DMAN PA DE RNAMS PHAN TSUN G-YUL 'GYED DO, ,DE GANG GI TSE CHOS DANG LDAN ZHING CHOS KYI RJES SU 'JUG PA, DGE SBYONG DU 'DZIN PA DANG, BRAM ZER 'DZIN PA'I SKYE DGU BYUNG NA, DE DAG KLU 'BA' ZHIG GIS LHA MA YIN RNAMS PHAM PAR BYED DO, ,GAL TE SHIN TU CHOS DANG MI LDAN PA'I SKYE DGU BYUNG NA DE'I TSE LHA MA YIN RNAMS KYIS KLU RNAMS PHAM PAR BYED DO, ,GANG GI TSE KLU RNAMS PHAN PAR 'GYUR BA DE'I TSE LHA KUN TU RGYU BA RNAMS LA 'DI LTAR SA'I 'OG NA GNAS PA 'DI DAG THAMS CAD KYIS BDAG CAG RNAM PA THAMS CAD DU GCES TE, DE DAG DANG BDAG CAG PHAN TSUN G-YUL 'GYED PAR MI NUS KYI RGYUGS SHIG, RGYUGS SHIG CES SMRAS SO, ,DE NAS LHA KUN TU RGYU BA RNAMS MTSON CHA DANG, LAG CHA SNA TSOGS THOGS TE, LHA MA YIN GA LA BA 'KHOD PA DER 'DONG BAR BYED DO, ,DE NAS LHA KUN TU RGYU BA RNAMS KLU'I RGYAL PO 'JOG PO DANG, NOR RGYAS KYI BU LA SOGS PA GA LA BA DER DONG STE PHYIN NAS, KLU RNAMS LA SMRAS PA, BDAG CAG RNAMS LHA MA YIN TSAR GCAD PA'I PHYIR 'DIR 'ONGS TE, BDAG CAG KHYED KYIS BSGRUBS PA LHA MA YIN GZHIG BA'I PHYIR 'DI NYID DU 'ONGS SO, ,DE SKAD CES SMRAS PA DANG, DE NAS YANG KLU RNAMS LHA DANG LHAN CIG TU LHA MA YIN GYI DBANG PO SGRA GCAN GA LA BA DER DONG NGO, ,DE NAS LHA MA YIN RNAMS
, ,KYIS DE DAG DE LTAR MTHONG NAS, DE NAS YANG LHA RNAMS GA LA BA DER G-YUL 'GYED DU DONG NGO, ,DE NAS LHA DANG, LHA MA YIN RGYA MTSO'I NANG DU G-YUL 'GYED PAR 'GYUR TE, GANG GI TSE CHOS DANG LDAN ZHING CHOS KYI RJES SU 'JUG PA 'BYUNG BA DE'I TSE LHA KUN TU RGYU BA RNAMS KYIS MYUR DU LHA MA YIN RNAMS PHAM PAR BYED DO, ,DE NAS LHA RNAMS KYIS LHA MA YIN RNAMS PHAM PAR BYAS NAS, DE NAS YANG LHA MA YIN GYI DBANG PO SGRA GCAN GYI GNAS GA LA BA DER DONG NGO, ,DE NAS LHA MA YIN GNAS GZHAN GNYIS PA NA GNAS PA DE DAG RANG GI PHYOGS MNGON PAR BCOM PA MNGON DU MTHONG NAS, BDAG CAG 'DI NA G-YUL 'GYED PAR 'KHOD NA LHA MA YIN RNAMS CI'I PHYIR 'BROS, LHA MA YIN RNAMS CI'I PHYIR 'BROS ZHES SMRAS SO, ,DE NAS YANG LHA MA YIN RNAMS G-YUL 'GYED DU LHA RNAMS GA LA BA DER RGYUG PAR BYED DO, ,DE NAS LHA DANG, LHA MA YIN RGYA MTSO'I DBUS SU PHAN TSUN MNGON PAR GNOD PA'I G-YUL CHEN PO 'KHRUG PA BKYE BAR GYUR TO, ,DE NAS GANG GI TSE LHA RNAMS RGYAL BA DE'I TSE LHA RNAMS KYIS LHA MA YIN GYI DPUNG MNGON PAR BCOM MO, ,DE'I TSE 'JIGS PAS BSKOR BA'I SA NA GNAS PA'I LHA MA YIN RNAMS LHA RNAMS GA LA BA DER 'DONG BAR BYED DO, ,DE NAS LHA RNAMS KYIS LHA MA YIN GYI DPUNG MI BZAD PA DE DAG MNGON PAR MTHONG NAS 'KHOD DO, ,DE
NAS LHA MA YIN RNAMS YANG LHA RNAMS GA LA BA DER G-YUL 'GYED DU DONG STE, PHAN TSUN G-YUL CHEN PO DE DAG BKYE BAR GYUR TO, ,DE NAS GANG GI TSE LHA RNAMS PHAM PAR GYUR PA DE'I TSE 'JIG RTEN SKYONG BA DAG LHA LAG NA YOL GO THOGS PA DAG GA LA BA DER DONG STE, 'DI LTAR LHA MA YIN RNAMS KYIS BDAG CAG MNGON PAR GTZES KYI RGYUGS SHIG, RGYUGS SHIG CES SMRAS SO, ,DE THOS NAS LHA LAG NA YOL GO THOGS PA DAG LHA MA YIN GA LA BA DER G-YUL 'GYED DU DONG NGO, ,DE NAS LHA LAG NA YOL GO THOGS PA MTSON CHA DANG, LAG CHA SNA TSOGS CAN DAG LHA MA YIN GA GA LA BA DER DONG NGO, ,DE NAS LHA DE DAG MNGON PAR MTHONG NAS, YANG LHA MA YIN RNAMS KHROS NAS RGYUGS SO, ,DE NAS LHA LAG NA YOL GO THOGS PA RNAMS DANG, LHA MA YIN DE RNAMS PHAN TSUN SPU ZING ZHES BYED PA'I G-YUL CHEN PO BKYE BA DANG, 'DI LTAR LHA DANG, LHA MA YIN GYI G-YUL 'DI LTA BU MTSUNGS PA MED PA BKYE'O ZHES DE DAG MNGON PAR BRJOD DO, ,DE DAG GANG GI TSE CHOS DANG LDAN ZHING CHOS KYI RJES SU 'JUG PA'I SKYE DGU DAG 'BYUNG BA DE'I TSE LHA LAG NA YOL GO THOGS PA RNAMS KYIS LHA MA YIN RNAMS PHAM PAR BYED DE, DE'I TSE RGYA MTSO'I DBUS SU LHA DANG, LHA MA YIN SHIN TU 'JOMS PA CHOS DANG CHOS MA YIN PA LA RTEN PA'I RTAGS CAN DU GYUR PA DAG NA, GZHAN DANG MI 'DRA BA'I G-YUL BKYE'O, ,GANG GI TSE LHA LAG NA YOL GO THOGS
, ,PA DE DAG PHAM PAR GYUR PA DE'I TSE 'JIG RTEN SKYONG BA RNAMS LHA PHRENG THOGS DAG GA LA BA DER DONG STE, LHA MA YIN RNAMS PHAM PAR MDZOD CIG CES SMRAS PA DANG; LHA MA YIN DE RNAMS LA MNGON PAR BRTAGS NAS, LHA PHRENG THOGS RGYUG PAR BYED DO, ,LHA KUN TU RGYU BA DANG, LAG NA YOL GO THOGS PA DANG, LHA PHRENG THOGS DE RNAMS KYANG PHYOGS GCIG TU GYUR CING, 'JOG PO DANG, NOR RGYAS KYI BU LA SOGS PA'ANG GCIG TU 'DUS SO, ,LHA MA YIN SGRA GCAN GYI SA PA DANG, GRONG KHYER 'OD LDAN NA GNAS PA DANG, GNYIS SHING RTZE BA DANG, GNAS GNYIS PA NA GNAS PA DANG, MGUL PHRENG DAG STE, BYE BA KHRAG KHRIG GRANGS MED PA DU MA PHYOGS GCIG TU GYUR PA DANG G-YUL CHEN PO BKYE STE, GANG GI TSE DE DAG CHOS DANG LDAN ZHING CHOS KYI RJES SU 'JUG PA BYUNG BA DE'I TSE, LHA'I PHYOGS NI RGYAL BAR 'GYUR LA, LHA MA YIN GYI PHYOGS NI PHAM PAR 'GYUR TE, CHOS LA RTEN PA SHIN TU LEGS PAR 'GYUR NA, CHOS LA MI RTEN PA LTA GA LA ZHIG 'GYUR, GANG GI TSE DE DAG CHOS DANG MI LDAN ZHING CHOS KYI RJES SU MI 'JUG PA BYUNG BA DE'I TSE LHA MA YIN GYI PHYOGS RGYAL BAR 'GYUR RO, ,LHA MA YIN GYI DPUNG DE DAG 'JIG RTEN SKYONG BA RNAMS KYIS MNGON PAR MTHONG NAS LHA RTAG TU MYOS GNAS GA LA BA DER DONG STE, LHA DAG, LHA MA YIN GYI
PHYOGS RNAMS RGYAL BAR GYUR GYI RGYUGS SHIG, RGYUGS SHIG CES SMRAS SO, ,DE THOS NAS LHA RTAG TU MYOS GNAS DAG LHA MA YIN GYI PHYOGS GA LA BA DER MNGON PAR 'JOMS SU DONG STE, MTSON CHA DANG, LAG CHA SNA TSOGS THOGS PA'I TSOGS 'BUM PHRAG DU MA DAG RGYA MTSO'I NANG NA GNAS PA GA LA BA DER LHA MA YIN RNAMS PHAM PAR BYA BA'I PHYIR HA HA'I SGRA PHYUNG NAS RINGS PAR MNGON PAR 'JOMS PAR BYED CING, RNAM PAR 'JOMS PAR BYED PA GNOD PA DU MA BYED PA DE DAG PHAN TSUN G-YUL MI BZAD PA CHEN PO BKYE'O, ,DE NAS GANG GI TSE LHA RNAMS KYIS LHA MA YIN RNAMS PHAM PAR BYAS PA NA, DE DAG LHA MA YIN GYI DBANG PO SGRA GCAN GA LA BA DER DONG NGO, ,DE NAS LHA MA YIN GYI DBANG PO SGRA GCAN GYIS LHA MA YIN DE DAG LA, 'DI SKAD CES, KHYED CAG GI DPUNG DU BDAG CAG GNAS NA, GROGS PO DAG CI STE 'BROS, LHA DAG NYUNG ZHING 'DI DAG KHYED CAG LAS LHAG PA MED LA, 'DI DAG NI BRTZON 'GRUS CHUNG STE, BDAG CAG GIS LHA RNAMS PHAM PAR BYA YI; DE LTA BAS NA LHA MA YIN GYI DBANG PO DAG SLAR LOG CIG ,CES SMRAS SO, ,DE NAS LHA MA YIN GYI DBANG PO SGRA GCAN LAS DE SKAD THOS NAS, LHA MA YIN DAG LHA RNAMS DANG G-YUL 'GYED DU PHYIR LOG GO ,DE NAS YANG LHA DANG, LHA MA YIN DE DAG MTSON CHA 'DEBS PA 'KHRUGS PA'I RNAM PA DU MA'I G-YUL 'GYED PAR BYED DE, DE'I TSE LHA MA YIN GNAS GNYIS
, ,PA NA GNAS PA GNYIS SHING RTZE BA DANG, GNAS GSUM PA NA GNAS PA MGUL PHRENG GI RIS SU GTOGS PA THAMS CAD LHA DANG G-YUL 'GYED PAR PHYIR LOG GO , DE DAG GANG GI TSE CHOS DANG MI LDAN ZHING CHOS KYI RJES SU MI 'JUG PA'I SKYE DGU BYUNG BA DE'I TSE, LHA MA YIN GYI PHYOGS KYIS LHA'I PHYOGS PHAM PAR BYED DO, ,GAL TE CHOS DANG LDAN ZHING CHOS KYI RJES SU 'JUG PA'I SKYE DGU DAG BYUNG NA, LHA'I PHYOGS DE DAG GIS LHA MA YIN GYI PHYOGS PHAM PAR BYED DE, DE LTAR LHA RNAMS NI CHOS KYI GTZO BO, CHOS KYI RGYAL MTSAN, CHOS LA GZHOL BA YIN NO, ,LHA MA YIN DE DAG THAMS CAD NI CHOS DANG MI LDAN PA, CHOS MA YIN PA LA BRTEN PA, CHOS KYIS SKYOB PA MA YIN NO, ,DE NAS LHA RNAMS 'DI SNYAM DU SEMS TE; KYE MA, LHA MA YIN 'DI DAG GIS BDAG CAG LA DE LTAR GTZE BAR CI STE GNAS, 'DI DAG NI BDAG CAG LAS KHYAD ZHUGS PA'ANG MED LA, MTSUNGS PA'ANG MA YIN NO, ,DZAMBU'I GLING NA'ANG DA DUNG DU MAR 'DZIN PA DANG, PHAR 'DZIN PA DANG, CHOS DANG LDAN ZHING CHOS KYI RJES SU 'JUG PA DANG, RGAN RABS LA RIM GRO BYED PA DANG, GSO SBYONG LA NYE BAR GNAS PA DANG, SBYIN PA DAG KYANG SBYIN, BSOD NAMS DAG KYANG BYED, BAG YOD PA LA BAG YOD PAR GNAS PA'I MI DAG YONG DE, DE LTAR BAG YOD PA LA BAG YOD PAR GNAS PA
DE DAG 'CHI BA'I DUS BYAS NAS LHA RNAMS KYI NANG DU SKYE BAR 'GYUR TE, LHA MA YIN GYI CHOS 'PHEL BA DANG, CHOS 'BYUNG BAR NI MI 'GYUR RO SNYAM MO, ,DE DAG GIS DE LTAR RIG NAS KUN TU RGYU BA DANG, PHRENG THOGS DANG, KUN DI BA KA DANG, RTAG TU MYOS PA'I LHA RNAMS CHOS KYI RGYAL MTSAN KHYER TE, LHA MA YIN GYI DPUNG GA LA BA DER LHA DE DAG THAMS CAD RIG MA THOGS PAR RGYUG PAR BYED CING 'DI LTAR LHA MA YIN RNAMS SDOD CIG, SDOD CIG, KHYED CAG GIS NGED RNAMS LA CI'I PHYIR GTZE, NGED CAG LAS KHYED KYI DPUNG KHYAD ZHUGS PA'ANG MED, GTZO BO'ANG MA YIN; MTSON CHA'ANG MI MANG BAS NGED CAG 'DI RNAMS NI KHYED RNAMS GZHOM PA'I PHYIR LHAGS PA YIN GYI YANG SA'I 'OG TU MA 'GRO ZHIG, MNGON PAR GTZE BAR BYED PA'I BLO CAN CHOS DANG MI LDAN ZHING CHOS KYI RJES SU MI 'JUG PA 'DI DAG THAMS CAD LA BDE BA'AM, MYA NGAN LAS 'DAS PA MED DO, ,DE SKAD CES SMRAS NAS, KLU NOR RGYAS KYI BU DANG, 'JOG PO LA SOGS PA DANG LHAN CIG DE DAG THAMS CAD BDAG NYID THAMS CAD LAS MTSON CHA DANG, LAG CHA CHAR LTAR 'BEBS SHING LHA MA YIN GA LA BA DER 'DONG BAR BYED DO, ,DE NAS KLU RNAMS KYANG ME RAB TU 'BAR BA CHAR LTAR 'BEBS SHING LHA MA YIN GA LA BA DER RGYUG PAR BYED DO, ,DE NAS LHA MA YIN RNAMS KYIS KYANG KLU DE DAG LA MNGON PAR BRTAGS NAS, CHOS DANG MI LDAN
, ,ZHING CHOS KYI RJES SU MI 'JUG PA'I KLU RAB 'JOMS LA SOGS PA LA, 'DI LTAR KHYED KYANG BDAG CAG GI PHYOGS YIN GYI, KLU'I RGYAL PO NOR RGYAS KYI BU DANG 'JOG BO LA SOGS PA GA LA BA DER KLU RNAMS DANG G-YUL 'GYED DU RGYUGS SHIG CES BSGO'O, ,DE NAS DE DAG THOS NAS KLU RAB 'JOMS LA SOGS PA KLU 'JOG PO DANG, NOR RGYAS KYI BU LA SOGS PA GA LA BA DER ME CHAR LTAR 'BEBS PAS MNGON PAR 'TSED PAR BYED DO, ,KLU DE DAG GIS KYANG ME'I CHAR CHEN PO 'BEBS LA LHA DANG, LHA MA YIN RNAMS KYANG G-YUL CHEN PO 'GYED DE, DE NAS YANG LHA RNAMS KYIS LHA MA YIN RNAMS PHAM PAR BYAS SO, ,DE NAS DE DAG LHA MA YIN GYI DBANG PO SGRA GCAN GA LA BA DER 'DONG BAR BYED DO, ,'JIGS SHING BZHIN MOG MOG POR GYUR PA SKYABS 'DOD PA KUN LHA MA YIN GYI DBANG PO SGRA GCAN GA LA BA DE NYID DU 'DONG BAR BYED DO, ,DE NAS SGRA GCAN GYIS DE DAG MTHONG NAS YANG 'DI LTAR BDAG 'DI NA GNAS NA LHA MA YIN KHYED CAG RNAMS LA CI ZHIG GNOD, BDAG GCIG BUS LHA RNAMS DBANG PO DANG BCAS PA BCOM STE, LHA'I 'JIG RTEN THAMS CAD BDAG CAG GIR BYA NA KHYED DANG 'KHOD PAS LTA CI SMOS KYANG CI DGOS, LHA'I DBUNG 'DI DAG KYANG CHEN PO MA YIN NA, GROGS PO DAG CI GNOD, 'DI LTAR BDAG GIS LHA MA YIN GYI DBANG PO
BRTAN PA DANG, ME TOG PHRENG DANG, RAB DGOD DANG, THAGS BZANG RIS DAG LA SBRAN LA BDAG NYID KYIS LHA RNAMS LAS RGYAL BAR BYA'O ZHES SMRAS SO, ,DE NAS LHA MA YIN GYI DBANG PO SGRA GCAN LHA MA YIN GYI DBANG PO BRTAN PA DANG, LHA MA YIN GYI DBANG PO ME TOG PHRENG DANG, LHA MA YIN GYI DBANG PO RAB DGOD DANG, LHA MA YIN GYI DBANG BO THAGS BZANG RIS GA LA BA DER RINGS PAR SONG STE PHYIN NAS, DE DAG LA 'DI LTAR LHA 'DI DAG THAMS CAD DANG, RGYAL CHEN BZHI PA THAMS CAD BDAG CAG GI PHYIR 'ONG GI, LHA MA YIN GYI DBANG PO 'DI DAG KUN SHES NAS LAN BYA BA GANG YIN PA LA SO SOR SOMS SHIG CES SMRAS SO, ,DE NAS TSIG DE THOS NAS LHA MA YIN GYI DBANG PO KUN GYIS SGRA GCAN DE LA 'DI LTAR LHA RNAMS DANG G-YUL 'GYED DU BDAG NYID THAMS CAD KYIS BDAG CAG 'DI DAG 'KHOD CING BDAG CAG RTOG PAR BYED KYI SUM CU RTZA GSUM PA'I LHA KOO SHI KA LA SOGS PA DANG BCAS PA LA BAR CHAD BYA BA DANG, GANG GIS LHA MA YIN RNAMS 'BYUNG BAR BYA BA'I PHYIR KHYOD SONG ZHIG CES SMRAS SO, ,DE NAS LHA MA YIN SGRA GCAN LHA DANG, LHA MA YIN GYI G-YUL GA LA BA DER BDAG NYID G-YUL 'GYED DU SONG STE; DE DAG MTHONG NAS LHA MA YIN GYI DBANG PO DE LHA MA YIN RNAMS LA, KYE MA, LHA'I STOBS RAB TU CHE'O, ,KYE MA, LHA MA YIN RNAMS LHA'I STOBS RAB TU CHE STE, G-YUL 'GYED
, ,PAR LHA 'KHOD PA 'DI DAG LA PHYIR BRGAL BAR MI NUS SO ZHES SMRAS SO, ,DE NAS LHA MA YIN GYI DBANG PO SGRA GCAN LHA RNAMS GA LA BA DER MTSON CHA DANG, LAG CHA CHAR LTAR 'BEBS SHING G-YUL 'GYED DU SONG NGO, ,DE NAS LHA RNAMS KYIS LHA MA YIN GYI DBANG PO SGRA GCAN DE LTAR RGYUG PA MNGON PAR MTHONG NAS, KLU DE DAG KYANG LHAN CIG TU ME CHAR LTAR MNGON PAR 'BEBS SHING LHA MA YIN GYI DBANG PO SGRA GCAN GA LA BA DER SGRA GCAN GZHOM PA'I PHYIR RGYUG PAR BYED DO, ,DE NAS LHA DANG, LHA MA YIN DE DAG GI G-YUL CHEN PO MTSON CHA DANG, LAG CHA DANG, RDO RJE CHAR LTAR 'BEBS SHING MTSUNGS PAR G-YUL BKYE BA DANG, DE DAG GANG GI TSE CHOS DANG LDAN ZHING CHOS KYI RJES SU 'JUG PA, DGE SBYONG DU 'DZIN PA, BRAM ZER 'DZIN PA, RIGS KYI RGAN RABS KYI RJES SU 'JUG PA'I SKYE DGU DAG BYUNG BA DE'I TSE LHA RNAMS KYIS LHA MA YIN RNAMS PHAM PAR BYED DO, ,GAL TE CHOS DANG MI LDAN ZHING CHOS KYI RJES SU MI 'JUG PA DAG BYUNG BA DE'I TSE LHA MA YIN RNAMS KYIS LHA RNAMS PHAM PAR BYED DE, DE LTAR LHA DANG, LHA MA YIN GYI G-YUL CHEN PO 'GYED PA NI CHOS DANG, CHOS MA YIN PA KHO NA LA RAG LAS PA YIN NO, ,DE NAS GANG GI TSE LHA MA YIN RGYAL ZHING LHA PHAM PAR GYUR PA DE'I TSE LHA RNAMS PHAN TSUN DU, LHA DAG ,CHOS LA SOMS SHIG, LHA DAG ,
CHOS GTZO BOR GYIS SHIG ,LHA RNAMS NI CHOS KYIS RGYAL BAR 'GYUR RO ZHES BRJOD DO, ,DE NAS CHOS YID LA BYAS SHING CHOS LA DAD PA BSKYED PA'I LHA RNAMS YANG LHA MA YIN GA LA BA DER DONG NGO,, DE NAS CHOS KYIS BSKYABS PA'I LHA RNAMS GZI BRJID BRGYA 'GYUR DU 'BYUNG STE, DE LTAR DE DAG GZI BRJID KYIS 'BAR BA MNGON PAR MTHONG NAS, LHA MA YIN SHIN TU SGYID LUG PA RNAMS LA LHA MA YIN GYI DBANG POS, 'DI SKAD CES, KHYED CI STE SGYID LUG ,'DI DAG NI BDAG CAG LAS GZI BRJID DAM, MTSON CHA'AM, LAG CHA'AM, DPUNG STOBS SAM, PHAL CHE BA KHYAD ZHUGS PA MED DE, DE DAG LA KHYED CI STE SGYID LUG CES SMRAS SO, ,DE NAS DE'I TSIG DE THOS NAS YANG LHA MA YIN SGRA GCAN LA SOGS PA, LHA RNAMS GA LA BA DER PHYIR LOG STE 'DONG NGO, ,DE NAS LHA CHOS KYIS RGYAL BA'I LUS CAN DE DAG THAMS CAD LHA MA YIN GA LA BA DER SHUGS MYUR BAR RGYUG PAR BYED DE, LHA DANG, LHA MA YIN DE DAG PHAN TSUN 'DRES NAS G-YUL 'GYED DO, ,DE DAG GI NANG NA SGRA GCAN STOBS CHEN POR GNAS TE, RI RAB GNYIS PA LTA BUR GNAS SO, ,DE CHOS NYID KYI MTHUS LHA RNAMS KYIS PHAM PAR BYED DE, SKYOB PA RNAMS KYI NANG NA CHOS SKYOB PA MCHOG YIN NO, ,SNANG BA RNAMS KYIS NANG NA CHOS SNANG BA MCHOG YIN NO, ,DE NAS LHA MA YIN SGRA GCAN LA SOGS PA LHA MA YIN PHAM PA RNAMS MNGON PAR MTHONG NAS, LHA MA YIN
, ,KUN NAS SGYID LUG PA RNAMS DE NAS YANG DBUGS PHYUNG STE, 'DI SKAD CES LHA MA YIN DAG CI STE 'BROS, LHA MA YIN 'DI DAG MI NGAN PA'I SAR CI STE GNAS, LHA DANG LHA MA YIN DU MA'I NANG NA DPA' BO MA YIN, LAG CHA THOGS PA MA YIN, MTSON CHAS 'JIGS PA MA YIN GYI PHYIR LOG STE 'KHOD CIG, 'DI DAG GIS CI STE GNOD CES SMRAS SO, , DE NAS DE'I TSE DE THOS NAS YANG LHA MA YIN RNAMS G-YUL 'GYED DU PHYIR LOG GO ,DE NAS YANG DES GZENGS BSTOD CING MGU BAR BYAS PA, NGA RGYAL GYIS KHENGS PA RNAMS LHA RNAMS GA LA BA DER G-YUL BKYE BA DANG, DE NAS YANG 'BROS SO, ,DE NAS SGRA GCAN NI LHA MA YIN DE DAG KUN GYI DANG PO KHO NA LA 'DUG STE, DE DANG PO KHO NAR 'DUG STE, DE LA BRTEN, DES SKYOB DE 'KHOR BA'I LHA MA YIN DE DAG THAMS CAD RGYAL CHEN BZHI'I LHA GA LA BA DER SGRA GCAN GYI MTHU LA RTEN PA, STOBS SKYES PA DAG RGYUG PAR BYED CING, 'DI LTAR BDAG CAG GI LHA MA YIN GYI DBANG PO SGRA GCAN 'DI DANG PO KHO NA LA ZHUGS PAS LHA RNAMS DBANG PO DANG BCAS PA'ANG THUB PAR 'GYUR NA, RGYAL CHEN BZHI'I LHA 'BA' ZHIG LTA SMOS KYANG CI DGOS SNYAM SEMS SO, ,DE NAS YANG PHAN TSUN RTOG CING MTSON CHA'I TSOGS KYIS RGYUN GCIG LA GCIG 'DEBS PA NA, SGRA GCAN YANG LHA MA YIN RNAMS RGYAL BAR BYA ZHING LHA
RNAMS PHAM PAR BYA BA'I PHYIR LHA GA LA 'KHOD PA DER RDO RI TZAM 'PHEN CING GNOD PAR BYED DO, ,DE NAS SGRA GCAN DE, DE LTAR LHA RNAMS LA RDO CHAR LTAR 'BEBS PA, 'JIG RTEN SKYONG BA DAG GIS MNGON PAR MTHONG NAS, LHA RNAMS LA SGRA GCAN 'DI NI RDO CHAR LTAR 'BEBS PAS BDAG CAG LA MNGON PAR GNOD PAR BYED NA, LHA DAG MTSON CHA DANG, LAG CHA CHAR LTAR DBAB PA RNAMS KYIS DE BZLOG CING, 'DI LTAR YANG LHA RNAMS LA GNOD PA MED PAR MDZOD CIG, DE DAG LA 'JIG RTEN SKYONG BA DAG GIS 'DI SKAD SMRAS NAS, LHA MA YIN GYI DBANG PO SGRA GCAN GA LA BA DER SGRA GCAN DAG PHAM PAR BYA BA'I PHYIR KHRO BA'I SHUGS KYIS RGYUG PAR BYED DO, ,DE NAS SGRA GCAN DANG, 'JIG RTEN SKYONG BA DAG SHIN TU SPU ZING ZHES BYED PA RDO DANG, LAG CHAR BSRES PA'I G-YUL BKYE'O, ,RDO CHAR LTAR 'BEBS PA DES RGYA MTSO KUN NAS RAB TU 'KHRUG PAR BYED CING, LHA'I RDO CHAR LTAR 'BEBS PA RNAMS KYIS KYANG DE LTAR RGYA MTSO NA GNAS PA'I SEMS CAN 'BUM PHRAG DU MA DAG GSOD PAR BYED, 'KHRUG PAR BYED, G-YO BAR BYED, KUN NAS RGYA MTSO'I DPUNG 'KHRUG PAR BYED DO, ,DE NAS SGRA GCAN DE DANG, 'JIG RTEN SKYONG BA DAG G-YUL CHEN POR BKYE BA LHA DANG, LHA MA YIN RNAMS KYIS MNGON PAR MTHONG NAS NGO MTSAR CHER SKYES TE, KYE MA, G-YUL 'GYED PA RNAMS KYI NANG NA 'DI NI G-YUL CHEN PO YIN NO ZHES
, ,BRJOD DO, ,DE NAS GANG GI TSE CHOS DANG LDAN ZHING CHOS KYI RJES SU 'JUG PA'I SKYE DGU DAG BYUNG BA DE'I CHO LAG CHA DANG, DPUNG DANG, 'JIGS PAR BYA BA KUN MED KYIS KYANG; LHA MA YIN GYI DBANG PO SGRA GCAN PHAM PAR 'GYUR, GAL TE CHOS DANG MI LDAN ZHING CHOS KYI RJES SU MI 'JUG PA'I SKYE DGU DAG BYUNG BA DE'I TSE, LHA MA YIN GYI DBANG PO SGRA GCAN MNGON PAR MTHO BAR 'GYUR TE, LHA RNAMS NI MA YIN NO, ,DE LTAR 'DI DAG THAMS CAD NI GTZO BO LAS GYUR TE, GLO BUR BA NI MA YIN NO, ,DE NAS GANG GI TSE LHA MA YIN GYI DBANG PO SGRA GCAN DPUNG DANG, MTHU RTZAL NYAMS TE, PHAM PAR GYUR PA DE'I TSE LHA MA YIN SHIN TU YI CHAD PA RNAMS KYIS YANG SMRAS PA, LHA MA YIN 'DI DAG CI STE 'BROS, RGUD PA'I CHOS MANG PO SGRUB PA NI BDAG CAG RGUD PAR GYUR TE, NYON MONGS PA DES CHOG GO, CHOG GO ,BDAG CAG RANG GI GNAS RNAMS SU'ANG BDE BA'AM, LHA MA YIN RNAMS KYI NANG DU'ANG YID BDE BA'I NGO BOR MI NUS TE, BLO DE LTA BU MA BYED PAR BLO MTHU RTZAL DANG BCAS PAR GYIS SHIG, RANG GI GNAS SU 'GRO MA 'DOD PAR SLAR LOG CIG, ,SLAR LOG CIG , DE NAS TSIG DE THOS NAS YANG LHA MA YIN THAMS CAD 'JIG RTEN SKYONG BA DAG GA LA BA DER G-YUL 'GYED DU BRGYUGS SO, ,DE NAS YANG PHAN TSUN LHAN CIG RDO MTSUNGS PA MED PA CHAR
LTAR 'BEBS SHING RI'I RTZE MOR GLOG CHAR LTAR 'BYIN TE, YUL NGAN DU BYAS PAR SPU SHIN TU ZING ZHES BYED PA'I G-YUL BKYE'O, ,DE NAS YANG LHA'I DPUNG GIS LHA MA YIN GYI DPUNG PHAM PAR BYAS SO, ,DE NAS YANG LHA MA YIN DE DAG THAMS CAD 'DI SNYAM DU SEMS TE, KYE MA, LHA 'DI RNAMS MTHU CHEN PO DANG LDAN PA YIN NO, ,'DI LTAR BDAG CAG RANG GI MTHU BSKYED PA DANG, DE BDAG CAG GI DON DANG, BDE BA'I PHYIR DANG, PHAN PAR BYA BA'I PHYIR GNAS GNYIS PA NA GNAS PA SKAR PHRENG GI BDAG PO LHA MA YIN GYI DBANG PO BRTAN PA LA SKYABS SU DONG BAR BYA'O, ,LHA MA YIN GYI DBANG PO BRTAN PA DE NI RANG BZHIN GYIS BRTAN PA YIN TE, LHA DANG, LHA MA YIN RNAMS KYIS G-YUL DU DBANG PO DANG BCAS PAR BRGYA'AM, YANG NA STONG DU STOBS KYIS RGYAL BA YIN NO SNYAM MO, ,DE NAS DE LTAR LHA MA YIN GYI GTZO BO DE DAG THAMS CAD LHA MA YIN GYI DBANG PO BRTAN PA GA LA BA DER DONG NGO, ,DE NAS DE DAG THAMS CAD KYIS LHA MA YIN GYIS DBANG PO BRTAN PA DE LA 'DI SKAD SMRAS SO, ,KYE MA, LHA MA YIN GYI DBANG PO DAG 'DI LTAR LHA'I PHYOGS STOBS RAB TU CHE STE, LHA MA YIN SGRA GCAN DANG BCAS PA RNAMS KYIS PHYIR BRGAL BAR MI NUS PAS, LHA MA YIN GYI DBANG POS LHA MA YIN RNAMS KYI DPUNG BGYI BA DANG, SKYABS BGYI BA DANG, PHA ROL GZHOM PA'I PHYIR DE
, ,DAG NGES PAR BGYI BA'I RIGS SO, ,KHYOD KYI LAG NA MTSON CHA YOD PAS LHA DAG DBANG PO DANG BCAS PA YANG BDAG CAG LA PHYIR RGOL BAR MI NUS TE, KHYOD KYIS LHA DANG, LHA MA YIN RNAMS KYIS G-YUL DU RGYAL BA MANG DU BRNYES PA LAGS SO, ,LHA MA YIN GYI DBANG PO DE DAG NGES PAR BZLOG TU GSOL, LAG NA MTSON CHA CHEN PO THOGS PA, RANG GI DPUNG DANG, MTHU RTZAL BSKYED CING LHA RNAMS PHAM PAR BGYI BA'I PHYIR BZLOG TU GSOL, KHYOD KYIS BRGYA BYIN NYID KYANG BRGYA STONG DU PHAM PAR BGYIS TE, LHA DE RNAMS KHYOD KYIS MTHU RTZAL GYIS PHAM PAR BGYIS PA LAGS SO, ,DE NAS BRTAN PAS LHA MA YIN GYI DBANG PO DE DAG LAS TSIG DE THOS NAS, LHA MA YIN GYI DBANG PO ME TOG PHRENG GA LA BA DANG, THAGS BZANG RIS DANG, RAB DGOD GA LA BA DER DONG STE PHYIN NAS, LHA MA YIN GYI DBANG PO DE DAG LA 'DI SKAD CES SMRAS SO, ,LHA MA YIN GYI DBANG PO'I PHYOGS SGRA GCAN DANG BCAS PA LHA RNAMS KYIS PHAM PAR BYAS TE, LHA RNAMS NI STOBS RAB TU CHE'O, ,STOBS RAB TU CHE BAS BZOD PAR DKA' STE, LHA MA YIN RNAMS KYIS BZOD PAR MI NUS SO, ,G-YUL 'GYED PAR RGYAL BAR BGYI BA'I PHYIR DE GNANG BAR MDZOD CIG, DE NAS LHA MA YIN GYI DBANG PO ME TOG PHRENG DANG, THAGS BZANG RIS DANG, RAB DGOD KYIS
LHA MA YIN GYI DBANG PO BRTAN PA DE LA 'DI SKAD SMRAS SO, ,LHA MA YIN GYI DBANG PO, BDAG CAG 'DI DAG KHYED KYI GROGS SU 'KHOD PA YIN GYI KHYOD SONG ZHIG ,KHYOD SONG ZHIG ,BDAG CAG GIS GROGS BYAS PAS KHYOD DANG SGRA GCAN DANG BCAS PAS LHA THAMS CAD LAS KYANG RGYAL BAR NUS SO, ,DE NAS TSIG DE THOS NAS LHA MA YIN GYI DBANG PO BRTAN PA DE LHA MA YIN GYI DBANG PO SGRA GCAN GA LA BA DER G-YUL 'GYED PA'I PHYIR SONG NGO, ,DE NAS LHA MA YIN RNAMS KYIS LHA MA YIN GYI DBANG PO BRTAN PA DE MTHONG NAS SHIN TU MGU ZHING MTHU RTZAL SKYES PA RNAMS LHA RNAMS GA LA BA DER MTSON CHA DANG, LAG CHA DANG, MDA' DAG 'PHEN CING 'DEBS PA NA THAMS CAD LHA MA YIN GYI DBANG PO GNYIS DANG LHAN CIG LHA RNAMS GA LA BA DER RGYUG PAR BYED DO, ,DE NAS LHA RNAMS KYIS LHA MA YIN DE DAG MTHONG NAS, 'DI SKAD CES SMRAS SO, ,LHA MA YIN DAG ,'DI LTAR YANG DANG YANG DU BDAG CAG RNAMS KYIS PHAM PAR BYA 'DOD DAM, DE NAS YANG BRTZON 'GRUS LA DMIGS NAS DUD 'GRO'I 'GRO BA NGO BO NYID KYIS PHAM PA RNAMS YANG 'ONG BAR BYED DO, ,DE NAS DE LTAR RIG NAS LHA SHIN TU BRTZON 'GRUS BRTZAMS PA, MTSON CHA DANG, LAG CHA SNA TSOGS THOGS PA DE DAG THAMS CAD LHA MA YIN GA LA BA DE NYID DU 'GROS SHIN TU MYUR BAR 'GRO BAR BYED DO, ,DE NAS LHA
, ,MA YIN GYI DBANG PO BRTAN PA DANG, SGRA GCAN GYIS 'DI SKAD SMRAS SO, ,LHA RNAMS BDAG CAG GI STENG DU 'ONGS TE, LHA RNAMS G-YUL 'GYED DU 'ONG NGO, ,BDAG CAG GIS DE DAG NGES PAR G-YUL 'DI GNYIS KYI BAR DU BCUG STE, GZHOM PAR BYA'O, ,DE NAS DE SKAD SMRAS MA THAG TU LHA MA YIN GYI DBANG PO BRTEN PA DANG, SGRA GCAN PHAN TSUN RGYAL BAR 'DOD PA DAG LHAN CIG TU RGYAL CHEN BZHI'I LHA RNAMS GA LA BA DER 'DONG BAR BYED DO, ,DE NAS LHA RNAMS NI NYI MA NUB PA'I PHYOGS SU LTA, LHA MA YIN RNAMS NI SHAR BA'I PHYOGS SU LTA STE, DE LTAR SHAR BA'I 'OD ZER GYI MTHU DES MIG RAB TU NYAMS PA DANG, DE NAS LHA MA YIN GYI MTSON CHA CHAR LTAR 'BEBS PA RNAMS KYIS LHA RNAMS LA DBAB PAR MI NUS SO, ,DE NAS LHA MA YIN MIG BSGRIBS PA RNAMS PHAN TSUN DU 'DI LTAR NYI MA'I 'OD ZER RNAMS KYIS MIG RAB TU NYAMS TE, BDAG CAG GIS LHA RNAMS LA BRGAL BAR MI NUS SO ZHES SMRAS SO, ,DE NAS LHA MA YIN GYI DBANG PO SGRA GCAN GYI RANG GI LAG PAS NYI MA SGRIB PAR BYED DE, 'DI'ANG NYI MA GZAS ZIN PA'I RGYU GSUM PA YIN NO, ,DE'I TSE RGYU MI SHES PA'I RTOG GE BA RNAMS 'DI LTAR LO LEGS PAR 'GYUR RO, ,LO NYES PAR 'GYUR RO, ,CHAR CHER LEGS BAR 'BAB PAR 'GYUR RO, ,CHAR CHUNG NGU 'BAB PAR
'GYUR RO, ,RGYAL PO LA RUNG BAR 'GYUR RO, ,RGYAL PO LA MI RUNG BAR 'GYUR RO, ,SKYE BO 'JIG PAR 'GYUR RO, ,SKYE BO 'JIG PAR MI 'GYUR RO ZHES BRJOD DE, DE LTAR BSTAN BCOS NGAN PAS BSLUS PA RNAMS GZHAN DU RTOG PAR BYED DO, ,DE LTAR SGRA GCAN DES NYI MA'I DKYIL 'KHOR DE BSGRIBS TE, 'OD ZER YANG BZLOG NAS BLTA BAR BDE BA DANG, LHA RNAMS MNGON PAR MTHONG NAS LHA MA YIN GYI DBANG PO BRTAN PA LA SMRAS PA, LHA DAG, BDE BAR MTHONG NGO, LHA MA YIN RNAMS BDE BAR MTHONG GI PHA ROL PHAM PAR BYA BA LA 'BOD CIG, DE NAS LHA MA YIN RNAMS MTSON CHA'I TSOGS RNAMS CHAR LTAR MNGON PAR 'BEBS SHING LHA RNAMS GA LA BA DER BRTAN PAS SNA DRANGS NAS RGYUG PAR BYED DO, ,LHA RNAMS KYIS KYANG DE DAG MTHONG NAS MTSON CHA SNA TSOGS THOGS TE, LHA MA YIN GA LA BA DER RGYUG PAR BYED DO, ,DE NAS PHRENG THOGS KYI LHA RNAMS GA LA BA DER BRTAN PA DE DAG RGYUG CING, DE DAG MTSON CHA SNA TSOGS KYIS CHAR MNGON PAR 'BEBS PA NA, PHRENG THOGS KYI LHA RNAMS KYIS DE DAG MNGON PAR MTHONG NAS 'DI SKAD SMRAS SO, ,LHA MA YIN GYI DBANG PO DAG ,LEGS SO, ,LEGS SO, ,'DI LTAR KHYED LHA RNAMS KYIS LAN DU MA ZHIG TU PHAM PAR BYAS KYANG KHYED CHOS LA SO SOR RIG PAR MI BYED RNAM, NGED NI CHOS KYI TSUL DANG LDAN, CHOS LA GZHOL; CHOS LA SGRUB PA YIN TE, NGED NI CHOS MA SPANGS PAS
, ,RGYAL BAR 'DOD DE, ,KHYED NI BRNAB SEMS KYIS GNOD DE, GZHAN GYI RDZAS LA RANG GIR BYA BA'I BRNAB SEMS YOD DE, ,BRNAB SEMS MANG BA DE NI KHYED YIN TE, CHOS MA YIN PA DANG LDAN PAR GYUR PAS, DGE BA BCU'I LAS KYI LAM DANG YANG DAG PAR LDAN PA, CHOS DANG LDAN ZHING CHOS KYI RJES SU 'JUG PA'I LHA RNAMS JI LTAR PHAM PAR BYAR 'DOD, MUN PAS NI SNANG GSAL CHEN PO RNAMS KYANG ZIL GYIS GNON PAR MI NUS SO, ,DE NAS RNAM PA 'DI DAG SMRAS PA NA, BRTAN PAS DE DAG LA 'DI SKAD SMRAS SO, ,KYE; MANG DU SMRA CI DGOS, KHYED KYI 'BYOR PA LA NGED RNAMS KYANG SMON PA MED DO, ,LHA MA YIN GYI DBANG PO THOGS BZANG RIS DANG, RAB DGOD LA SOGS PA BZHI PO 'DI DAG GI DPUNG BSHAMS PA RNAMS KYIS LHA THAMS CAD PHAM PAR BYA BA'I PHYIR 'KHOD DO, ,NGED NI KHYOD KYI 'BYOR PA LA DGA' BA MED DO, ,DE SKAD SMRAS NAS, PHRENG THOGS KYI LHA GA LA BA DER RGYUG PAR BYED DO, ,DE 'ONG BAR MNGON PAR MTHONG NAS, JI LTAR DE'I LUS KYI NGO BO SHIN TU PHRA BA'ANG MI MNGAN PA DE LTAR MDA' SNA TSOGS CHAR LTAR PHAB BO, DE LTAR BRTAN PA MTSON CHA'I CHAR GYI NANG DU CHUD NAS KYANG PHRENG THOGS KYI LHA RNAMS KYIS 'DI SKAD SMRAS SO, ,LAS KYIS BCOM ZHING SGRUB PA BRNAB SEMS MANG PO 'DI CIR DGOS, CHOS MA YIN PAS NI NAM YANG CHOS ZIL
GYIS MNAN PA MED DE, NGED NI KHYED LA CUNG ZAD KYANG 'TSE BAR MI BYED NA, NGED LA CI STE GNOD PA BYED, DE DE SKAD SMRAS PA NA, LHA DE DAG GA LA BA DER RGYUG PAR BYED DO, ,DE NAS PHRENG THOGS KYI LHA RNAMS KYIS KLU DE DAG LA SMRAS PA, DPUNG DON MED PAS KHENGS PA 'DI KHYED KYIS ME'I CHAR MNGON PAR PHOB SHIG DANG, 'ON KYANG DPUNG GI MTHU 'DI NYAMS PAR 'GYUR RO, ,DE SKAD SMRAS PA DANG, KLU'I RGYAL PO 'JOG POS PHYOGS GCIG TU KLU'I RGYAL PO RAB 'JOMS LA ME'I CHAR PHAB PA DANG, BRTAN PA GA LA BA DER RGYUG PAR BYED DE, ME'I CHAR MNGON PAR PHAB PA NA DE LHA MA YIN GYI DBANG PO BRTAN PA GA LA BA DER BRGYUGS SO, ,DE NAS LHA MA YIN DANG, KLU DE DAG ME'I CHAR CHEN PO'I NANG DU CHUD PAR GYUR TO, ,DE NAS DE DAG LA ME'I CHAR MNGON PAR PHAB PA DANG, LHA MA YIN GYI DBANG PO SGRA GCAN RI DPAG TSAD BCU BA GCIG BLANGS NAS, PHRENG THOGS KYI LHA RNAMS GA LBA BA DER RGYUG PAR BYED DO, ,DE 'ONG BA MNGON PAR MTHONG NAS LHA LAG NA YOL GO THOGS PA DAG RI BSREG PA'I PHYIR ME'I CHAR MNGON PAR 'BEBS SHING RGYUG PAR BYED DO, ,DE NAS ME'I CHAR DES RI DE THAMS CAD BSREGS SO, ,DE LTAR DE BSREG PAR RIG NAS BRTAN PA DE MTHU NYAMS TE, LHA DE RNAMS LA 'DI SKAD SMRAS SO, ,'DI LTAR BDAG GIS RI RAB TU 'BAR BA GZHAN THAMS CAD STENG DU DBAB BO, DE NAS LHA MA YIN RNAMS
, ,KYIS RI RAB TU 'BAR BA GZHAN ZHIG DE'I DRUNG DU KHYER RO, ,DE NAS BRTAN PA DES DE KHYER NAS LHA RNAMS KYI STENG DU 'PHANGS SO, ,DE NAS LHA DE RNAMS KYIS LHA MA YIN CHEN PO LA 'DI SKAD SMRAS SO, ,CHOS MA YIN PAS NI CHOS LAS RGYAL BAR MI NUS TE, NGED NI CHOS MDUN DU BYAS NAS GNAS SO, ,KHYED NI CHOS MA YIN PA LA BRTEN NAS GNAS SO, ,DE LTAR DE DAG LHA RNAMS KYIS SPYOS PA MTHONG NAS, LHA MA YIN GYI DBANG PO SGRA GCAN GYIS LHA MA YIN THAMS CAD BSDUS TE LHA RNAMS GA LA BA DER DONG NGO, ,DE LTAR DE DAG 'ONG BA MNGON PAR MTHONG NAS, LHA RNAMS KYANG LHA MA YIN DAG GA LA BA DER RGYUG PAR BYED DE, LHA DANG, LHA MA YIN DE DAG MTSON CHA DU MA DANG LDAN PA'I G-YUL SHIN TU MI BZAD PA BKYE BAR GYUR TO; ;DE NAS LHA RNAMS KYIS CHOS BRJOD, BDEN PA'I BYIN GYIS BRLABS BYAS, DKON MCHOG GSUM LA SKYABS SU 'GRO BA YID LA BYAS NAS, LHA MA YIN GA LA BA DER DONG NGO, ,LHA DE DAG MTHONG MA THAG TU LHA MA YIN GYI DPUNG DE THAMS CAD BRGYA'AM, STONG DU BCOM MO, ,DE NAS LHA MA YIN DE DAG THAMS CAD SA'I 'OG GA LA BA DER BROS SO, ,KLU CHOS DANG MI LDAN PA RAB 'JOMS LA SOGS PAS LHA MA YIN DE DAG LA 'DI SKAD SMRAS SO, ,LHA MA YIN DAG BDAG CAG POR NAS CI STE 'BROS, KLU 'JOG PO DANG, NOR RGYAS KYI BU LA SOGS PA DE DAG
BDAG CAG GIS THUB NA, KHYED KYIS LHA 'DI 'BA' ZHIG THUB PAR 'GYUR RO, ,GANG DE LTAR 'JIGS PAR GNAS NA, RANG GI DPUNG NYAM DROD MED PAR CI'I PHYIR SA'I 'OG NAS LDANG, LHA RNAMS DANG LHAN CIG CI'I PHYIR 'GAL BAR BYED DE, 'GAL BA'I RANG BZHIN CAN KHYED NI SA'I 'OG TU 'DONG DU YOD GRANG NA NGED GAR 'DONG, 'JOG PO DANG, NOR RGYAS KYI BU LA SOGS PAS BCOM PA GAR 'DONG, LHA MA YIN DE DAG GIS DE SKAD THOS NAS, DE NAS YANG LHA RNAMS GA LA BA DER G-YUL 'GYED DU SLAR LOG GO, DE NAS YANG THOGS PA MED PA'I BLO CAN DE DAG LHA MA YIN GA LA BA DER THAMS CAD 'BAD DE BRGYUGS SO, ,DE NAS DE DAG 'ONG BA MNGON PAR MTHONG STE, LHA MA YIN RNAMS KYIS BZLOG PAR MA NUS SO, ,DE NAS YANG LHA MA YIN GYI DBANG PO SGRA GCAN LHA MA YIN GYI DBANG PO BRTAN PA DANG LHAN CIG TU SA'I 'OG GA LA BA DER DONG NGO, ,DE NAS LHA MA YIN GYI DPUNG DE LTAR NYAMS PA MTHONG NAS, LHA MA YIN KHA CIG LHA MA YIN GYI DBANG PO GNAS GSUM PA NA GNAS PA GA LA BA DER BRGYUGS TE, 'DI LTAR RGYAL PO CHEN PO ME TOG PHRENG BZHENGS, LHA'I TSOGS DE DAG BZLOG TU MI RUNG LA, LHA MA YIN THAMS CAD PHAM PAR BYAS TE PHYOGS KUN TU BKOD PAR GYUR TO, ,KHYOD KYIS NI LHA DANG, LHA MA YIN GYI G-YUL DU MAR RNAM PAR RGYAL BA BRNYES LA, RGYAL BA BRNYES PAR 'GYUR GYI, KHYOD KYIS DE DAG
, ,DGONGS TE BZHENGS, LHA'I DBANG PO BCAS PA LAS RGYAL BAR SPYOD CIG, LHA MA YIN GYI DBANG PO ME TOG PHRENG GIS DE DAG THAMS CAD YID LA BZUNG NAS MTSON CHA DANG, LAG CHA RNAM PA SNA TSOGS THOGS, LHA MA YIN BYE BA DU MAS YONGS SU BSKOR, NAM MKHA'I PHYOGS THAMS CAD SGRA RNAMS KYIS YONGS SU 'GENGS SHING DE DAG LHA DANG, LHA MA YIN GYI G-YUL GA LA BA DER 'DOD PAR BYED DO, ,LHA MA YIN GYI DBANG PO SGRA GCAN GYIS STONG SNYED 'ONG BA MNGON PAR MTHONG NAS, BRTAN PA LA SMRAS PA, 'DI DAG NI LHA MA YIN GYI DBANG PO ME TOG PHRENG YIN TE, BDAG CAG GI 'BYOR BAR BYA BA DANG, LHA RNAMS PHAM PAR BYA BA'I PHYIR 'OD GI, LHA MA YIN DE DAG SLAR ZLOG CIG, 'DI NI LHA MA YIN GYI DBANG PO BDAG CAG GI 'BYOR PAR BYA BA'I PHYIR 'ONG NGO, ,DE THOS NAS LHA MA YIN DAG DE NAS YANG G-YUL 'GYED PA'I PHYIR LOG GO ,DE NAS YANG DE DAG RGYAL CHEN BZHI'I LHA RNAMS GA LA BA DER LHAGS SO, ,DE DAG LHAGS PA NA LHA RNAMS KYIS 'DI SKAD SMRAS SO, ,DUD 'GRO KHYED YUN JI SRID CIG TU DE SKYONG BAR BYED, GTI MUG GIS BSGRIBS PA KHYED RNAMS RANG GI DPUNG GZHIG PAR BYA BA'I PHYIR LOG GAM, DE SKAD SMRAS NAS, DE NAS YANG LHA RNAMS LHA MA YIN GA LA BA DER BRGYUGS SO, ,DE NAS ME TOG PHRENG GIS LHA MA YIN DE DAG LA 'DI
SKAD SMRAS SO, ,LHA MA YIN RNAMS BZLUMS TE 'KHOD PA CI SEMS, LHA RNAMS LA GNOD PA CI'I PHYIR MI BYA, SO SOR MI MTHUN PAR 'KHOD PA LHA RNAMS PHAM PAR MI BYA'AM, 'DI NA BDAG GNAS PA GCIG PUS LHA THAMS CAD LAS RGYAL BAR NUS NA, GANG LHA MA YIN GYI DBANG PO BRTAN PA DANG, SENG GE MO'I BU SGRA GCAN BDAG CAG GI GROGS SU GYUR PAS SMOS KYANG CI DGOS TE, 'JIGS PAR MA BYED CIG, KHYED CAG KUN KYANG THAMS CAD DU G-YUL GYI 'JIGS PA MED PA YIN NA, SGYID LUG PA DES MA CHOG GAM, LHA MA YIN RNAMS RGYAL BAR GYUR CIG, LHA MA YIN RNAMS MTHU RTZAL DANG BCAS PAS RNAM PAR RGYAL BAR GYUR CIG, DE SKAD CES SMRAS NAS, DE NAS YANG LHA MA YIN GYI DBANG PO ME TOG PHRENG DE DANG, LHA MA YIN GYI DBANG PO RNAMS DANG LHAN CIG LHA ME TOG PHRENG THOGS DANG, RTAG TU MYOS GNAS DANG, LAG NA YOL GO THOGS DANG, PI WANG CAN GSUM PA'I LHA'I DBANG PO RNAMS BEE d'URYA'I RI'I RTZE MOR 'DZEGS TE, 'KHOD CING THAMS CAD LA KHYAB PAR BYAS NAS SRED PA SKYES TE, 'DI LTAR SUM CU RTZA GSUM PA'I LHA RNAMS DANG, BRGYA BYIN MED KYANG BDAG CAG 'BA' ZHIG GIS LHA MA YIN RNAMS CHOS GCIG DANG BCAS PAS LAN DU MAR THUNG BAR BYAS SO, ,DE DAG GIS DE SKAD SMRAS PA DANG, LHA MA YIN RNAMS KYIS RGYA MTSO DE NYID KHYAB PAR BYAS NAS, DE NAS YANG
, ,G-YUL 'GYED PAR BYUNG NGO, ,DE NAS LHA RNAMS KYIS LHA MA YIN DE DAG 'ONG BA MNGON PAR MTHONG NAS SMRAS PA, 'DI LTAR LHA MA YIN BDAG NYID THAMS CAD DPUNG CHES 'PHEL TE 'ONG GI ,'DI DAG NI NGES PAR LHA MA YIN GYI DBANG PO GSUM PA ME TOG PHRENG YIN TE, DE DAG 'ONG BA LTA ZHING DE DAG LA DE SKAD SMRAS PA DANG, LHA MA YIN G-YUL 'GYED PAR MDUN NYID NA 'KHOD DO, ,DE NAS LHA RNAMS KYIS DE DAG MTHONG NAS SMRAS PA, KHYED GANG GIS BSLUS NAS 'ONGS, DA DUNG DU CHOS DANG LDAN ZHING CHOS KYI RJES SU 'JUG PA'I MI MAR 'DZIN PA, PHAR 'DZIN PA, DGE SBYONG DU 'DZIN PA, BRAM ZER 'DZIN PA, DGE BA DON DU GNYER BA, DGE BA LA ZHUGS PA YOD DE, DE DAG SHI BA'I DUS BYAS NAS LHA RNAMS KYI NANG DU SKYE BAR 'GYUR RO; ;DE NI NGED YIN TE, KHYED PAS CHES DPUNG CHE LA CHES GTZO BO YIN NO, ,DE LTA BAS NA CHOS BSGRUBS PA BDAG CAG LA KHYED KYIS MNGON PAR MA GTZE ZHIG, BDAG CAG LA KHYED KYIS CI'I PHYIR GTZE, DE NAS DE SKAD SMRAS PA DANG, LHA MA YIN RNAMS KYIS LHA RNAMS KYIS TSIG RTZIS LA MA CHAGS PAR BYAS NAS, LHA RNAMS DANG G-YUL 'GYED PA'I PHYIR LHAGS SO, ,DE NAS LHA RNAMS YANG LHA MA YIN RNAMS GA LA BA DER NAM MKHA' BKANG NAS LHA MA YIN RNAMS GZHOM PA'I PHYIR DANG, DE DAG PHAN TSUN RGYAL BAR BYA BA'I PHYIR 'DONG BAR BYED DO,,
DE NAS YANG DE DAG G-YUL GYI RNAM PA DE LTA BU BKYE STE, SGRA GANG GIS RGYA MTSON NAS PA NYA DANG, SROG CHAGS DUNG DANG, CHU SRIN DANG, CHU SRIN BYIS PA GSOD DANG, NYA MID DANG, NYA MID CHEN PO DANG, CHU SRIN NA KRA DANG, CHU SRIN DUN DHU GSOD MANG PO RNAMS KYI SNYING BRGYA'AM, STONG DU RNAM PAR GAS SO, ,DE DAG MTSON CHA DPE MED PA DU MA CHAR GYI RGYUN LTAR SHIN TU 'BAB PAS LHA DANG LHA MA YIN G-YUL BKYE'O, ,LHA MA YIN GYI DBANG PO ME TOG PHRENG GIS LHAM YIN DE DAG BKYE NAS GCIG PU 'DUG STE, LHA RNAMS LA 'DI SKAD SMRA'O, ,NGA NYID KYIS YUN RING DU G-YUL 'DIR MA 'DUG STE, DE 'DUG NA NI RNAM PAR RGYAL BA THOB PAS DENG KHYED RNAMS GZHOM PA'I PHYIR DANG, LHA MA YIN RNAMS 'BYOR PAR BYA BA'I PHYIR 'ONGS PA YIN NO, ,DE 'BA' ZHIG 'DUG PAS LHA DBANG PO DANG BCAS PA'ANG MDUN DU 'DUG MI NUS NA, RGYAL CHEN BZHI'I LHA 'BA' ZHIG LTA SMOS KYANG CI DGOS TE, NGAS PHAM PAR BYA'O, ,DE SKAD SMRAS NAS, LHA RNAMS GA LA BA DER 'GRO BAR BYED DO, ,LHA LAG NA YOL GO THOGS PA RNAMS KYIS DE 'ONG BAR MNGON PAR MTHONG NAS, LHA MA YIN GYI DBANG PO ME TOG PHRENG DE GZHOM PA'I PHYIR GA LA BA DER 'DONG BAR BYED DO,, DE NAS RGYA MTSO'I DBUS NAS RI DPAG TSAD LNGA PA DANG, DPAG TSAD BZHI PA DANG, DPAG TSAD GSUM PA DANG, DPAG TSAD GNYIS PA DANG, DPAG TSAD KYI TSAD RAB TU 'BAR BA DAG PHYUNG
, ,ZHING PHYUNG ZHING LHA LAG NA YOL GO THOGS PA GA LA BA DER 'PHEN PAR BYED DO, ,DE 'PHEN PA NA LHA LAG NA YOL GO THOGS PA RNAMS KYIS CHOS RJES SU DRAN PAR BYAS, DKON MCHOG GSUM LA SKYABS SU SONG NAS, MDA'I RGYUN RNAMS KYIS RI DE DAG RGYA MTSO'I DBUS DER BYE MA CHANG PA NAS GTOR BA BZHIN GTOR TO, ,ME TOG GI PHRENG DES LAS KYI 'BRAS BU DE DAG MED PAR MNGON PAR MTHONG NAS LAG NA DBYUG TO THOGS TE, LHA LAG NA YOL GO THOGS PA GA LA BA DE'I MDUN NYID DU 'DUG GO ,DE DAG 'KHOR DANG BCAS, DPUNG DANG BCAS, MTHU DANG BCAS PA 'ONG BA MNGON PAR MTHONG NAS CHAR GNAM LCAGS LTA BU'I MTHU YIS DBYUG THO DE GCOD PAR BYED CING, LHA MA YIN DE DAG NYAM SMAD DE, DE LTAR DE DAG PHAM PAR BYAS SO, , LHA MA YIN GYI DBANG PO BRTAN PA'ANG LHA RTAG TU MYOS GNAS GA LA BA DER G-YUL 'GYED PA'I PHYIR MTSON CHA KUN 'JOMS DPAG TSAD TZAM BLANGS NAS 'DONG BAR BYED DO, ,DE NAS LHA MA YIN GYI RGYAL POS LHA DE DAG LA 'DI SKAD SMRAS SO, ,'DI LTAR DE RING BDAG GIS THAMS CAD LAS RGYAL BAR BYA STE, THAMS CAD MTSON CHA KUN 'JOMS KYIS GSHIN RJE'I GNAS GA LA BA DER NYE BAR BKYE'O ZHES DE SKAD SGRA BSGRAGS NAS LHA RTAG TU MYOS GNAS RNAMS GA LA BA DER 'DONG BA BYED DO, ,'JIG RTEN SKYONG BA RNAMS KYIS DE 'ONG BA MNGON PAR MTHONG NAS
LAG STOBS KYIS MTSON CHA PHROGS TE, LHA MA YIN DE NYID KYI BRANG DU BRGYAB BO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO NYER BZHI PA, DE MTSON CHA DES BRGYAB PA DANG NYAMS NAS SA'I 'OG GA LA BA DER 'GRO BAR BYED DO, ,DE'I 'KHOR LHA MA YIN MGUL PHRENG RNAMS KYIS GANG GIS NYAMS PA MNGON PAR MTHONG NAS, NYAMS PA SROG GI LHAG MA LUS PA DE DAG THAMS CAD KYANG SA'I 'OG GA LA BA DER RGYUG PAR BYED DO, ,LHA MA YIN GYI DBANG PO SGRA GCAN YANG 'KHOR DANG BCAS TE, LHA PI WANG CAN GSUM PA GA LA BA DER 'DONG BAR BYED DO, ,RANG GI LAG MTHUS DREGS PA DE DAG 'ONGS PA MNGON PAR MTHONG NAS LHA RNAMS ME CHAR LTAR MNGON PAR 'BEBS SHING, DE DAG KYANG LHA MA YIN GYI DBANG PO SGRA GCAN GA LA BA DER RGYUG PAR BYED DO, ,ME CHAR LTAR PHAB PA DES KUN TU MNGON PAR SREG PA NA 'KHOR DANG BCAS PAR SA'I 'OG GA LA BA DE NYID DU RGYUG PAR BYED DO, ,LHA MA YIN GYI DBANG PO GSUM PO DE DAG MTHONG NAS LHA RNAMS NI SNYING RAB TU DGA' BAR 'GYUR, LHA MA YIN RNAMS NI YID DMAN PAR GYUR TE, MTHU RTZAL NYAMS PA, MGON 'DOD PA, SKYABS 'DOD PA, DPUNG GNYEN 'DOD PA THAMS CAD SA'I 'GO GI SGO GA LA BA DER RGYUG PAR BYED DO, ,DE DAG GANG GI TSE SA'I 'OG GI SGO DER LHAGS PA DE'I TSE, LHA RNAMS YANG BEEd'URYA'I RI'I RTZE MO DE NYID LA 'JIGS TO 'KHOD DO,, MYO
, ,'DI LTAR LHA MA YIN RNAMS GOR MA CHAG PAR YANG 'ONG BAR 'GYUR TE, GANG GI PHYIR THAGS BZANG RIS DANG, RAB DGOD DAG DA DUNG DU MA 'ONGS TE, LHA MA YIN DE DAG NI DE LA SROG LTOS, DE LA RTEN, DE GTZO BOR BYED PA YIN NO, ,DE LAS RGYAL BA NI, THAMS CAD LAS RGYAL BAR 'GYUR LA, DE LAS PHAM NA NI 'DI DAG THAMS CAD LAS PHAM PAR 'GYUR RO ZHES DE SKAD SMRAS NAS, LHA THAMS CAD DGA' BA SHIN TU SKYES, MTHU SHIN TU SKYES TE, DE SKAD BRJOD CING G-YUL 'GYED PA'I PHYIR NGES PAR GNAS PAR BYED DO, ,KLU'I RGYAL PO RAB 'JOMS LA SOGS PA'ANG LONGS SPYOD LDAN GYI GRONG KHYER GA LA BA DE NA KLU'I RGYAL PO NOR RGYAS KYI BU DANG, 'JOG PO LA SOGS PAS DPUNG GI MTHU RTZAL LHAG MA LUS PA RNAMS BCOM MO, ,DE DAG KYANG RAB DGOD DE LA SHIN TU SEMS SHING DE'I TSE DE LA DPUNG TSOL TE, DES LHA RNAMS GZHOM PAR NUS KYI, GZHAN DU NA LHA MA YIN GYI PHYOGS NI SHIN TU PHAM LA, LHA'I PHYOGS NI RAB TU 'PHEL LO SNYAM MO, ,DE LTAR LHA MA YIN GYI PHYOGS KLU DANG, LHA MA YIN DE DAG THAMS CAD YID SDUG BSNGAL ZHING GNAS SO, ,DE LTAR DE DAG GNAS SHING LHA MA YIN RNAMS KYANG YID DMAN PAR GNAS TE, THAGS BZANG RIS DANG, RAB DGOD DAG GIS 'DI LTAR LHA MA YIN GNAS GSUM PA NA GNAS PA ME TOG PHRENG
DANG, BRTAN PA DANG, SGRA GCAN YANG PHAM PAR GYUR TO ZHES THOS TE, DE LTAR MTHU MED PAR BYAS SO, ,DE LTAR SPRO BA MED PA, DPUNG DANG MTHU NYAMS PA DE DAG LA MGON GZHAN MED DE, 'DI LTAR LHA MA YIN GYI DBANG PO KHYOD DU BAS SO, ,DE NAS LHA MA YIN GYI DBANG PO RAB DGOD KYIS 'DI SKAD SMRAS SO, ,LHA MA YIN RNAMS LHA MA YIN GYI DBANG PO GSUM DAG GA LA GNAS RTOGS SHIG, RTOGS SHIG, DE SKAD SMRAS PA DANG, LHA MA YIN RNAMS KYIS LHA MA YIN GYI DBANG PO DE LA 'DI SKAD SMRAS SO, ,'DI LTAR SA'I 'OG GI SGO'I THA MA NA LHA MA YIN DPUNG DANG MTHU NYAMS PA THAMS CAD KHYOD LA SROG LTOS, KHYOD LA DPUNG TSOL, KHYOD LA RTEN CING MCHIS TE, MTSAR KHO NAR NGO TSA NAS SA'I 'OG GI NANG DU'ANG MCHI BA'I RNGO MI THOGS SO, ,DE NAS THAGS BZANG RIS DANG; RAB DGOD KYIS 'DI SKAD SMRAS SO, ,CI LHA DE RNAMS KYI BRGYA BYIN 'ONGS SAM, MA 'ONGS, LHA MA YIN RNAMS KYIS SMRAS PA, MA MCHIS SO, ,DE NAS RAB DGOD KHROS PA'I MIG DMAR POS RANG GI DPUNG LA LTA ZHING 'DI SKAD SMRAS SO, ,RGYAL CHEN BZHI BA DAG NYI TSES GNAS GSUM DU GTOGS PA'I LHA MA YIN RNAMS PHAM PAR BYAS, DPUNG DANG MTHU NYAMS PAR BYAS, BRTZON PA MED PAR BYAS TE, KYE MA, LHA MA YIN RNAMS LHA'I RIS NYI TSE GANG GIS DPUNG DANG MTHU NYAMS PAR BYAS PA DE'I PHYIR 'DI LTAR NGA CHAS TE, LHA THAMS CAD PHAM PAR BYA'O, ,DE
, ,SKAD SMRAS NAS, LHA MA YIN GYI DBANG PO DE LHA MA YIN GYI DBANG PO KUN GYI DPUNG PAS LHAG PAR BRTZON PA GANG YIN PA DES DPON SNA THAMS CAD LA BA SGO BA, 'DI LTAR LHA GSAD PA DANG, LHA GZHOM PA DANG, LHA RNAMS LA BAR CHAD BYA BA'I PHYIR BDAG CHA YI RNGA PO CHE RDUNGS SHIG ,RDUNGS SHIG ,LHA DANG, BRGYA BYIN DU BCAS PA NGA GCIG PUS THUB PAR BYAS TE, NGA NI BDAG BAR MA DOR PHAM PAR MI 'DOD DO, ,GANG LHA'I BRTZON 'GRUS DPUNG DANG LHAN PA DAG LHA MA YIN GYI BU MO RNAMS LA LTA BA DANG, NYUG PAR 'DOD PA CI, NGAS MI SHES SNYAM MAM, DE SKAD SMRAS NAS THAGS BZANG RIS DANG, RAB DGOD DE DAG RNGA SGRA 'BYIN CING LHA MA YIN RNAMS RGYUGS SHIG, RGYUGS SHIG, 'DI LTAR NGAS LHA THAMS CAD PHAM PAR BYA BA DANG, LHA MA YIN THAMS CAD 'BYOR BAR BYA BA'I PHYIR BDAG NYID CHA'O, ,DES DE SKAD CES BSGO NAS SHING RTA 'KHOR LO RTZIBS 'BUM DANG, LHA MA YIN GYI 'OD NYI MA LTA BU BYE BA PHRAG DU MA DAG CHAS SO, ,DE CHAS PA DANG, RI DANG, CHU BO DANG, RI KHRAD KHROD DANG, RI 'OR DANG, RI'I RTZE MO DANG, RI RAB TU BCAS PA G-YO BA NAS LEGS PAR MTHONG GI TSAL NA LHA RNAMS KYI DBANG PO BRGYA BYIN LHA'I MDUN SA CHOS BZANG NA 'DUG PA'I STAN GYI BAR DU G-YO BA DANG, DE 'DI SNYAM DU SEMS TE, KYE AE MA, BDAG GI STAN YANG G-YO BA LAS NA
GOR MA CHAG PAR LHA DANG, LHA MA YIN G-YUL 'GYED PAR 'GYUR TE, LHA MA YIN GYI RGYAL PO THAGS BZANG RIS DE CHAS PA LTAR, 'DI LTAR TSAL DANG, NAGS TSAL 'DI DANG, RI KHRAD KHROD DANG, CHU KLUNG DANG, RI NGOS DANG BCAS PA THAMS CAD DANG, RI'I RGYAL PO RI RAB 'DI'ANG RAB TU G-YO'O, ,BRGYA BYIN DES DE LTAR RIG NAS, LHA RNAMS LA BSGO BA, SUM CU RTZA GSUM PA'I LHA RNAMS CHOS SHIG ,CHOS SHIG, 'DI LTAR RAB DGOD DANG, THAGS BZANG RIS DAG LHA RNAMS PHAM PAR BYA BA'I PHYIR CHA ZHING 'DUG GO ,DE'I PHYIR BDAG NYID KYANG 'DI LTAR GLANG PO CHES SRUNG GI BU LA ZHON TE; LHA THAMS CAD DANG LHAN CIG TU LHA DANG, LHA MA YIN GYI G-YUL GA LA BA DER 'DONG BAR BYA'O, ,GANG GI PHYIR RAB DGONG DANG, THAGS BZANG RIS KYI G-YUL 'GYED PA GANG YIN PA DER LHA 'DUG PA NI NGAS MA MTHONG NGO, ,DE SKAD SMRAS PA DANG, 'DI LTAR LHA RNAMS KYI DBANG PO BRGYA BYIN DE NI DPUNG GI GTZO BO YIN TE, LHA'I MDUN SA CHOS BZANG DANG, GRONG KHYER BLTA NA SDUG NA GNAS PA RNAMS LA'ANG BSGO, BZHI MDO DANG, BZHI MDO, SUM MDO DANG, SUM MDO DAG TU 'ANG 'DI LTAR LHA RNAMS KYI DBANG PO BRGYA BYIN DE NI LHA DANG, LHA MA YIN GYI G-YUL 'GYED PAR 'GRO STE, RAB DGOD DANG, THAGS BZANG RIS DAG GA LA BA DE NYID DU THAMS CAD 'DONG BAR BYA'O ZHES BSGO'O, ,DE NAS DE DAG LA DE SKAD SMRAS PA DANG, LAG CHA DANG, MTSON CHA SNA TSOGS KYI
, ,GNAS SU GYUR PA, SHING RTA SNA TSOGS KYI TSAL DU 'DONG BAR BYED DE, MTSON CHA THAMS CAD YOD PA DER LHA BRGYA'AM, STONG NGAM, KHRI'AM, BYE BA MTSON CHA DON DU GNYER BA DE DAG SHING RTA SNA TSOGS KYI TSAL DU 'DONG BAR BYED DO, ,DE DAG RGYUG PA NA RGYA MTSO DRUG PA LTA BU'I SGRA BYUNG STE, LHA RNAMS PHAN TSUN 'DONG BA SHIN TU BRTUL BA'I RDUL GANG GIS NAM MKHA' YOG PAR GYUR PA RNAM PA DE LTA BU BYUNG NGO, ,DE LTAR DE DAG MTSON CHA RNAMS BLANGS NAS NAM MKHA' LA RGYU BA RNAMS NI NAM MKHA' LA, SKAM SA LA RGYU BA RNAMS NI SKAM SA LA, RI'I RTZE MO LA RGYU BA RNAMS NI RI'I RTZE MO KUN TU GANG NAS 'DONG NGO, ,LHA GZHAN TSAL DANG, NAGS TSAL DAG NA GNAS SHING RTZER DONG BA'I LHA GANG YIN PA DE DAG KYANG RNGA SGRA THOS NAS, SHING RTA SNA TSOGS KYI TSAL GA LA BA DER RGYUG PAR BYED DO, ,SUM CU RTZA GSUM PA'I LHA'I 'DOD PA KUN KYANG BTANG NAS, THAMS CAD RGYUG PAR BYED DO, ,MTSON CHA DANG, LAG CHA DANG, GO MTSON RAB TU MANG PO BRGYA 'AM, STONG NGAM, BYE BA'AM, BYE BA BRGYA PHRAG STONG SNYED DAG BLANGS NAS, DE DAG THAMS CAD BRGYA BYIN SHIN TU MTHONG BAR 'DOD CING 'KHOD DO, ,DE NAS BRGYA BYIN GYIS DE DAG GI NYAM DROD RIG NAS LHA THAMS CAD RAB TU DGA' BAR BYED CING SHING RTA RAB TU MANG PO LA ZHON TE, SHING RTA KHA CIG NI RIN PO CHE SNA
BDUN GYIS BRGYAN, KHA CIG NI GSER GYIS BRGYAN, KHA CIG NI DNGUL GYIS BRGYAN, KHA CIG NI BEE d'URYAS BRGYAN, KHA CIG NI SHEL GYIS BRGYAN, KHA CIG NI SPUG LA SOGS PA'I RIN PO CHE CHEN PO RNAMS KYIS BRGYAN, KHA CIG NI NOR BU SNA TSOGS KYIS BRGYAN CING, DRIL BU G-YER KHA'I DRA BAS GTIBS PA, KUN NAS MDZES PA, LAS KYI MCHOG JI LTA BA BZHIN DU THOB PA, RANG GI GZI BRJID KYIS RTAG TU MDZES PA NA KHA CIG NI GSER GYI RI RAB KYI RTZE MO DAG KHYAB PAR GNAS SO, ,BRGYA'AM, STONG SNYED KHA CIG NI NAM MKHA' LA DONG STE, LHA'I DBANG PO LHA MA YIN RNAMS PHAM PAR BYA BA'I PHYIR NAM 'GRO ZHIG GU SNYAM NAS, BRGYA BYIN LA SHIN TU LTA ZHING 'KHOD DO, ,DE LTAR PHAN TSUN KUN NAS GTAM ZER ZHING 'KHOD DO, ,'THAB PA LA YID ZHUGS PA THAMS CAD 'KHOD DO, ,DE DAG DE LTAR 'KHOD PA DANG, LHA'I DBANG POS GLANG PO'I KHA LO SGYUR BA MA TA LI LA BSGO BA, 'DI LTAR BZANG PO SONG LA NGA'I GLANG PO CHES SRUNG GI BU GLANG PO CHE THAMS CAD KYI YON TAN DANG LDAN PA KHA DRUG YOD PA DE LA ZHON NAS NGAS LHA MA YIN RNAMS PHAM PAR BYA'O ZHES BSGO ZHIG ,DE NAS MA TA LIS BRGYA BYIN GYI BKA' MNOS NAS, RANG GI 'DOD PAS SPRUL PA'I PADMA'I TSAL NA GLANG PO CHES SRUNG GI BU GLANG PO CHE MANG POS YONGS SU BSKOR BA GA LA BA DER SONG NGO, ,DE NAS GLANG PO CHE CANG SHES DE LA 'DI SKAD SMRAS SO, ,'DI LTAR
, ,LHA'I DBANG PO BRGYA BYIN DE KHYOD LA 'BOD DE, LHA MA YIN GYI G-YUL DU KHYOD LA ZHON NAS LHA MA YIN RNAMS PHAM PAR BYA'O ZHES GSUNG NGO, ,DE NAS GLANG PO CHES SRUNG GI BU MA TA LI GA LA BA DER SONG STE PHYIN NAS, LHA'I MDUN SA CHOS BZANG GA LA BA DER SONG NGO, ,DER 'ONGS PA DANG MA TA LIS BRGYA BYIN LA SMRAS PA, LHA'I DBANG PO, 'DI LTAR GLANG PO CHE'I MCHOG DE MCHIS SO, ,BRGYA BYIN GYI RDZU 'PHRUL GYIS DE'I LUS DE LA KHA SKYON MED PA BRGYA SPRUL PAR BYED DE, KHA RE RE LA SO DKAR PO BCU BCU, SO RE RE LA PADMA'I RDZING BU BCU BCU, PADMA'I RDZING BU RE RE LA PADMA STONG STONG, PADMA RE RE LA RI BO BCU BCU, RI BO RE RE LA BOG RI BRGYA BRGYA, BOG RI RE RE LA LHA MO BRGYA BRGYA, SIL SNYAN YAN LAG LNGA DANG LDAN PAS GLU LEN BRO RDUNG ZHING, SHIN TU CHAG SU RUNG BA GZHAN DANG MI 'DRA BA'I GLU DBYANGS DANG YANG DAG PAR LDAN PA DAG LEN TE, DE LTAR GLANG PO'I MCHOG SA SRUNG GI BU LA LHA'I DBANG PO BRGYA BYIN SPRUL PA BYED DO, ,GLANG PO CHE'I DBANG PO DE'ANG LUS KUN NAS DPAG TSAD STONG YOD DO, ,LHA'I DBANG PO BRGYA BYIN LHA MA YIN RNAMS PHAM PAR BYA BA'I PHYIR SIL SNYAN DANG; ROL MO'I SGRA DANG, KLU DANG, CA CO DANG, GZHA'I SGRA DBYANGS 'BYIN PA RNAMS KYIS RNAM PAR MDZES PA NA KUN NAS RNAM PA DE LTA BU DANG LDAN PA'I GLANG PO CHA MCHOG DKAR PO DE
LA ZHON NO, ,DE NAS DE 'GRO BA MNGON PAR MTHONG NAS, LHA RNAMS KYANG SHING RTA KHA DOG RNAM PA SNA TSOGS LA ZHON TE, MTSON CHA SNA TSOGS NI THOGS, LUS LA RGYAN SNA TSOGS NI BTAGS, RGOD PA DANG, RTZE BA DANG, SGRA DI RI RI 'DON PA DANG, RAB TU DGA' BA'I YID RNAM PA DU MA PHYIR ZHING YID RAB TU DGA' BAR GYUR TO, ,DE NAS LHA'I DBANG PO BRGYA BYIN DBUS KYI STAN LA 'DUG STE; BSOD NAMS KYI STOBS CHEN PO DANG NI LDAN, LHA'I MCHOG MANG POS NI YONGS SU BSKOR, GZHAN DANG MI 'DRA BAR NI BRJID, LHA RNAM PA SNA TSOGS KYIS YONGS SU BSKOR TE, SUM CU RTZA GSUM PA'I BDAG PO NYI MA 'BUM PAS LHAG PA'I 'OD KYIS NAM MKHA' 'GENGS SHING, SIL SNYAN DANG, GLU DBYANGS RNAM PA SNA TSOGS KYIS 'GENGS PA NA, NAM MKHA'I DPAG TSAD NYI KHRI BKANG NAS LHA DANG, LHA MA YIN GYI G-YUL GA LA BA DER 'JUG PAR BYED DO, ,DE NAS DE 'JUG PA NA, 'JIG RTEN SKYONG BA RNAMS BRED SKAD 'BYIN CING, BRGYA BYIN GYI DRUNG DU PHYIN NAS, 'DI LTAR LHA'I DBANG PO, LHA RNAMS PHAM PAR BYA BA'I PHYIR RAB DGOD DANG, THAGS BZANG RIS DAG MCHI STE, 'DI LTAR RGYA MTSO THAMS CAD RAB TU DKRUGS, RI BOR GTOGS PA STONG RAB TU G-YO BAR BGYID, LHA MA YIN RNAMS SGRA 'JEBS PAR 'BYIN TE, SHIN TU 'JIGS PA'I SGRA THOS SO, ,GANG THOS NAS RGYA MTSO NA GNAS PA NYA DANG, KLU DAG KYANG MTHU CHUNG BAR GYUR, SRIN
, ,PO DANG, SHA ZA DAG KYANG GUM PAR GYUR, KLU'I RGYAL PO CHOS DANG MI LDAN PA RAB 'JOMS LA SOGS PA NI SHIN TU DGA' NAS, 'BRUG SGRA 'BYIN, KLU'I RGYAL PO CHOS DANG LDAN PA 'JOG PO DANG, NOR RGYAS KYI BU LA SOGS PA NI 'DI LTAR LHA MA YIN GYI DBANG PO THAGS BZANG RIS SA'I 'OG NAS BYUNG NGO SNYAM NAS, YID DMAN PAR GYUR TE, 'BRUG SGRA MI SGROGS, GSER GYI RI BO DRUG KHRI RI RAB DANG BCAS PA GANG YIN PA DE DAG THAMS CAD KYANG G-YO BAR BGYID, 'BYUNG PO THAMS CAD KYANG SGYID LUG PAR GYUR NAS, PHRENG THOGS DANG, RTAG TU MYOS GNAS DANG, LAG NA YOL GO THOGS PA DANG, PI WANG CAN GSUM PA SHIN TU SGYID LUG PA RNAMS KYIS BDAG LHA'I DBANG PO DRUNG DU MNGAGS PA LAGS NA, LHA, LAN DU BGYI BA GANG LAGS PA DE BSGRUB TU GSOL, 'DI LTAR BDAG CAG RNAMS KYIS NI GNAS GSUM DU GTOGS PA'I LHA MA YIN GYI DBANG PO GSUM PO ME TOG PHRENG DANG, SGRA GCAN DANG, BRTAN PA DAG G-YUL DU LAN BRGYA'AM, STONG DU THUB LAGS SO, ,'JIG RTEN SKYONG BA RNAMS LAS DE SKAD THOS NAS, LHA'I DBANG POS DE DAG LA SMRAS PA, 'JIG RTEN SKYONG BA RNAMS, 'DI DAG THAMS CAD JI LTA BA BZHIN BDAG GIS RIG STE, 'DI LTAR RAB DGOD DANG, THAGS BZANG RIS DAG CHAS PA'I PHYIR BDAG KYANG DE DAG CHAD PAS GCAD PA DANG, LHA DE RNAMS KYI SKYABS
DANG; DPUNG BYA BA'I PHYIR 'DI LTAR BDAG 'GRO BAR BYA'O, ,BDAG NI CHOS KYI SKYABS, CHOS KYI DPUNG GNYEN, CHOS KYI RTEN, CHOS KYI RGYAL MTSAN, CHOS TSOL BA YIN TE, BDAG NI CHOS MA YIN PA LA MI DGA' LA, CHOS MA YIN PA LA YID KYANG MI 'JUG GO ,DE LTAR BDAG CAG YON TAN DE LTA BU DANG LDAN PA RNAMS LA RNAM YANG THUB PAR MI 'GYUR GYIS, DE DAG LA MA 'JIGS SHIG, MA 'JIGS SHIG, BDAG KYANG DPUNG GI TSOGS RAB TU MANG POS LHA MA YIN GA LA BA DER 'GRO BAR BYA YI, DE DAG LA 'JIGS PAR MA BYED CIG, DZAMBU'I GLING NA DA DUNG DU MAR 'DZIN PA DANG, PHAR 'DZIN PA DANG, DGE SBYONG DU 'DZIN PA DANG, BRAM ZER 'DZIN PA DANG, BYAS PA GZO BA DANG, CHOS DANG LDAN ZHING CHOS SKYONG BA DANG, DAM PA'I CHOS LA DGA' BA DANG, DAM PA'I CHOS DANG, DGE 'DUN LA GUS PA DANG, LAS DANG, 'BRAS BU'I DE NYID RIG PA DANG, GSO SBYONG LA NYE BAR GNAS PA DANG, SBYIN PA DAG SBYIN PAR BYED, BSOD NAMS BYED PA'I RANG BZHIN CAN DAG RJES SU SKYONG BAR BYED, YE SHES LA GOMS PAR BYED, DE LA YID ZHUGS PAR BYED PA DAG YOD LA, BDAG GIS KYANG CHOS DANG MTHUN PA'I CHOS KYI RANG BZHIN CAN BSGRUBS TE, DE DAG DANG BDAG CAG NYUNG GIS KYANG LHA MA YIN DU GTOGS PA RNAMS KYIS 'JIGS PA MED DO, ,DE SKAD SMRAS NAS LHA'I DBANG PO BEE d'URYA'I RI GA LA BA DANG, RGYAL CHEN BZHI'I LHA RNAMS GA LA BA
, ,DER SONG STE, DE DAG MNGON PAR MTHONG NAS LHA'I DBANG POS SMRAS PA, 'JIG RTEN SKYONG BA DAG, RGYAL CHEN BZHI'I LHA 'DI DAG 'KHOD PA NI LHA MA YIN RNAMS PHAM PAR BYA BA'I PHYIR 'KHOD PA YIN NO, ,LHA'I DBANG POS DE SKAD SMRAS PA DANG, 'JIG RTEN SKYONG BA DAG GIS SLAR SMRAS PA, 'DI LTAR RGYAL CHEN BZHI'I LHA 'DI DAG NI BRGYA BYIN KHYOD LA RTEN, KHYOD LA SKYABS TSOL, KHYOD LA GNAS PA KHO NA LAGS TE, LHA MA YIN GYI DBANG PO TSOGS DANG BCAS PA'ANG RTZIS LA MA CHAGS PAR BGYID DO, ,DE SKAD SMRAS PA NA SUM CU RTZA GSUM PA'I LHA RNAMS BRGYA BYIN LA, LHA'I DBANG PO BRGYA BYIN SNGON DU 'DREN PA DANG BCAS PAR RGYAL BAR SBYON CIG CES GSONG POR SMRA ZHING BSTOD PAR BYED DO, ,DE LHA'I TSOGS KYIS BSTOD CING RGYAL CHEN BZHI'I LHA GA LA BA DER 'DONG BAR BYED DO, ,DE NAS LHA'I DBANG PO 'KHOR DANG BCAS PA SHING RTA 'BUM PHRAG DU MA DANG LHA'I TSOGS KYIS NI YONGS SU BSKOR, GLANG PO CHE SA SRUNG GI BU LA NI SNGA MA BZHIN ZHON, RIN PO CHE SNA BDUN GYIS NI MDZES PAR BYAS, NAM MKHA' LTAR RTAG TU LUS 'OD KYIS NI GSAL BAR BYAS, PHYOGS BCUR ROL MO'I SGRA DANG, SIL SNYAN GYI SGRA DU MAS NI BKANG, LHA YID RAB TU DGA' BA 'BUM PHRAG DU MAS NI YONGS SU BSKOR, RI RAB THAMS CAD LA GNAS PA'I DRI ZA RNAMS KYIS NI MDZES PAR BYAS, LHA
DANG; DRANG SRONG GI TSOGS RNAMS KYIS NI MNGON PAR BSTOD DE, BDE BA DPE MED PA NYAMS SU MYONG ZHING LAS KYI 'BRAS BU SHIN TU LEGS PA LA SPYOD PA 'ONG BA DAG MTHONG NAS RGYAL CHEN BZHI'I LHA RNAMS YID RAB TU DGA' BAR GYUR TO, ,DE NAS DE DAG MNGON PAR MTHONG NAS SMRAS PA, 'DI LTAR DE NI LHA MA YIN PHAM PAR BYA BA'I PHYIR NGA DPUNG CHEN PO DANG LHAGS PA YIN GYI, MA 'JIGS SHIG, MA 'JIGS SHIG, DE THOS NAS RGYAL CHEN BZHI'I LHA RNAMS YID RAB TU DGA' STE 'DI SKAD SMRAS SO, ,LHA'I DBANG PO, 'DI LTAR LHA MA YIN 'DI DAG BDAG CAG 'BA' ZHIG GIS KYANG PHAM PAR BGYI BA'I SLAD DU MCHIS PA LAGS NA, LHA'I DBANG PO DANG BCAS PAS LTA SMOS KYANG CI 'TSAL TE, KHYOD KYI DPUNG GIS BDAG CAG BSKYABS PAS NA, LHA MA YIN DU GTOGS PA'I 'JIGS PA CUNG ZAD KYANG MA MCHIS SO, ,DE SKAD SMRAS NAS LHA MA YIN LTA BA KHO NAR 'DONG BA DE LA MNGON DU PHYOGS PA LHA RNAMS KYI DBANG PO BRGYA BYIN DE GA LA BA DER YONGS SU BSKOR TE, 'KHOD PA RNAMS 'DI LTAR LHA MA YIN GYI DBANG PO THAGS BZANG RIS DE LHA MA YIN GYI DBANG PO SGRA GCAN DANG, BRTAN PA DANG, ME TOG PHRENG DANG, LHAN CIG DUS JI SRID CIG NA 'ONG BAR 'GYUR SNYAM MO, ,DE LTAR LCAGS KYI YA LAD MI PHYED PA BGOS PA, LAG NA MTSON CHA SNA TSOGS THOGS PA, LHA MA YIN PHAM PAR BYA BA'I PHYIR G-YUL DU CHAS PA, YID GCIG TU GYUR PA DAG
, ,RIN PO CHE RNAM PA SNA TSOGS KYIS MDZES PAR BYA BA'I SHING RTA LA ZHON PA RNAMS 'KHOD DO, ,DE LTAR CHOS DANG LDAN ZHING CHOS KYI RJES SU 'JUG PA'I KLU 'JOG PO DANG, NOR RGYAS KYI BU LA SOGS PA G-YUL 'GYED PAR SHIN TU CHAS PA, BRGYA BYIN LA LTA ZHING BKA' GUS PAR NOD PA DAG BRGYA BYIN GYIS BKA' CI ZHIG STZOL BAR 'GYUR SNYAM ZHING 'KHOD DE, DE LTAR SA'I 'OG MTHA' DAG KUN LA MNGON PAR RTOG PAR 'DOD PA RNAMS LA 'DI LTAR LHA MA YIN GYI DBANG PO BZHI LHA MA YIN 'KHOR DANG BCAS PA THAMS CAD KYIS YONGS SU BSKOR BA, LAG NA MTSON CHA DANG, LAG CHA SNA TSOGS BYE BA PHRAG DU MA THOGS PA LAG PAR SHIN TU BSDUS PA, LAG PA'I SOR MOS 'DZIN PA RNAMS KYIS YONGS SU BSKOR BA DAG RNAM PA DU MAS CHA BAR BYED DO, ,DE DAG GI PHYI BZHIN DU'ANG 'BUM PHRAG BYE BA DU MA DAG GIS YONGS SU BSKOR CING, RI RAB THAMS CAD MTHU CHEN POS SGUL BAR BYED PA, LHA MA YIN DE DAG THAMS CAD DANG BCAS PA, DPUNG DANG, BRTZON 'GRUS LHAG PAR CHE BA, MTSON CHA DPAG TU MED PA LA MKHAS PA, RI RAB GNYIS LTA BUR CHA BA NA, KLU'I RGYAL PO CHES DANG MI LDAN ZHING CHOS KYI RJES SU MI 'JUG PA RAB 'JOMS LA SOGS PAS SA'I 'OG GI BDAG PO THAGS BZANG RIS DANG, RAB DGOD YONGS SU BSKOR TO, ,DE NAS DE LTAR LHA DANG, LHA MA YIN 'KHOD PA DAG LHA
RNAMS KYIS NI NAM MKHA' BKANG NAS 'KHOD, LHA MA YIN RNAMS KYIS KYANG RGYA MTSO KHEBS PAR 'KHOD DE, NGO MTSAR GYI YID KYIS PHAN TSUN 'THAB PA LA SHIN TU MOS PA, PHAN TSUN DU 'THAB PAR 'DOD PA NA, DE LTAR KLU'I RGYAL PO 'JOG PO DANG, NOR RGYAS KYI BU LA SOGS PA DANG, 'JIG RTEN SKYONG BA DE DAG DANG LHAN CIG 'KHOD PA RNAMS 'DI LTAR LHA'I DBANG POS BDAG CAG GI MDUN NA LHA MA YIN DE LTAR 'KHOD PA 'DI DAG LA, LHA MA YIN DANG BDAG CAG 'THAB MO GYIS SHIG CES JI STE BKA' MI STZOL ZHES BRJOD DO, ,DE NAS LHA'I DBANG POS DE DAG LA 'DI SKAD SMRAS SO, ,'DI LTAR 'JIG RTEN SKYONG BA DAG DZAMBU'I GLING DU RINGS PAR MNGAG PAR BYA STE, KYE; DZAMBU'I GLING NA MAR 'DZIN PA, PHAR 'DZIN PA, CHOS DANG LDAN ZHING CHOS KYI RJES SU 'JUG PA'I MI DAG CI YOD DAM MED, DE LTAR BRTAGS NAS LHA MA YIN RNAMS PHAM PAR BYA'O, ,LHA DAG NI CHOS SKYOB PA YIN, CHOS KYI GNAS YIN TE, CHOS 'PHEL BA NA LHA RNAMS 'PHEL BAR 'GYUR LA, CHOS 'GRIB PA NA LHA RNAMS 'GRIB PAR 'GYUR RO, ,DE LTAR 'JIG RTEN SKYONG BA DAG MI YUL DZAMBU'I GLING DU BDAG GIS MNGAGS PAR BYA'O, ,DE SKAD SMRAS NAS, LHA'I DBANG PO BRGYA BYIN GYIS 'JIG RTEN SKYONG BA RNAMS LA BSGO BA, KHYED DZAMBU'I GLING DU MYUR DU DENG LA, 'DI LTAR CHOS DANG LDAN ZHING CHOS KYI RJES SU 'JUG PA, MAR 'DZIN PA, PHAR 'DZIN PA,
, ,RIGS KYI GTZO BO'I RJES SU 'JUG PA, GSO SBYONG LA NYE BAR GNAS PA, SBYIN PA GTONG BA, TSUL KHRIMS BSRUNG BA, BAG YOD PA RNAMS BAG YOD PAR GNAS PA, RANG GI CHOS KYI RJES SU 'JUG PA DAG LA SO SOR RTOGS SHIG, DE SKAD BSGO BA DANG, 'JIG RTEN SKYONG BA BZHI MDA' 'PHANGS PA LTAR SHIN TU MGYOGS PAR DZAMBU'I GLING DU DONG NGO, ,DONG NAS GNAS NAS GNAS, GRONG NAS GRONG, GRONG KHYER NAS GRONG KHYER, GRONG RDAL NAS GRONG RDAL, BZHI MDO NAS BZHI MDO, YUL NAS YUL, LJONGS NAS LJONGS, THAMS CAD DU SO SOR RTOG PAR BYED DE, KYE; 'DI DAG NA MAR 'DZIN PA, PHAR 'DZIN PA, DGE SBYONG DU 'DZIN PA, BRAM ZER 'DZIN PA DAG SU YOD, RIGS KYI RGAN RABS RJES SU SKYONG BA DAG SU YOD CES DE LTAR DZAMBU'I GLING 'DI MA LUS PAR SO SOR RTOG PAR BYED DO, ,DE DAG GIS DZAMBU'I GLING NA CHOS DANG LDAN ZHING CHOS KYI RJES SU 'JUG PA'I MI MAR 'DZIN PA, PHAR 'DZIN PA, DGE SBYONG DU 'DZIN PA, BRAM ZER 'DZIN PA, RIGS KYI RGAN RABS RJES SU SKYONG STE, DZAMBU'I GLING GI MI RNAMS CHOS THAMS CAD DANG LDAN PAR MTHONG NGO, ,DE DAG GIS DE LTAR RIG NAS YID DGA' STE, MDA' 'PHANGS PA LTAR SHIN TU MGYOGS PAR LHA RNAMS KYI DBANG PO BRGYA BYIN GA LA BA DER 'ONGS NAS YID SHIN TU DGA' BA DE DAG GIS LHA'I DBANG PO BRGYA BYIN LA 'DI
SKAD SMRAS SO, ,LHA RNAMS KYI DBANG PO BRGYA BYIN DGYES PAR MDZAD DU GSOL, DZAMBU'I GLING NA CHOS DANG LDAN ZHING CHOS KYI RJES SU 'JUG PA MAR 'DZIN PA, PHAR 'DZIN PA, DGE SBYONG DU 'DZIN PA; BRAM ZER 'DZIN PA, RIGS KYI RGAN RABS RJES SU SKYONG BA, SBYIN PA GTONG BA, BSOD NAMS BGYID PA DAG MCHIS TE, LHA'I PHYOGS NI RAB TU 'PHEL BAR BGYID LA, LHA MA YIN GYI PHYOGS NI YONGS SU 'GRIB PAR BGYID LAGS SO, ,DE SKAD SMRAS PA DANG, LHA'I DBANG PO BRGYA BYIN YID RAB TU DGA' NAS, 'JIG RTEN SKYONG BA DAG LA SMRAS PA, 'DI LTAR DZAMBU'I GLING NA CHOS DANG LDAN ZHING CHOS KYI RJES SU 'JUG PA'I MI DAG YOD PAS NA, BDAG CAG GIS LHA MA YIN GYI PHYOGS PHAM PAR BYA YI, LHA KHYED KUN YID DGA' BAR GYIS SHIG, DE SKAD THOS NAS LHA RNAMS YID RAB TU DGA' BA SKYES TE, YID DGA' BA BCU 'GYUR DU SKYES PA'I STOBS KYIS BRGYA BYIN LA SMRAS PA, LHA'I DBANG PO CI LA GZHES, CI LA GZHES, DGRA LAS RGYAL BAR SBYON CIG, KHYOD KYIS BKA' DRIN LA BDAG CAG GIS LHA MA YIN RNAMS PHAM PAR BGYI'O, ,DE SKAD SMRAS PA DANG, LHA'I DBANG POS KLU'I RGYAL PO NOR RGYAS KYI BU DANG, 'JOG PO LA SOGS PA LA 'DI [?] SKAD SMRAS SO; ;CHOS DANG MI LDAN PA KLU RAB 'JOMS LA SOGS PA DANG, LHA MA YIN THAGS BZANG RIS DANG, RAB DGOD LA SOGS PA THAMS CAD GZHOM PA'I PHYIR KHYED RGYUGS SHIG, RGYUGS
, ,SHIG, DE SKAD SMRAS PA DANG, KLU'I BDAG PO 'JOG PO DANG, NOR RGYAS KYI BU LA SOGS PA KLU'I BDAG PO CHOS DANG MI LDAN ZHING CHOS KYI RJES SU MI 'JUG PA LHA MA YIN GYI PHYOGS SU GNAS PA RAB 'JOMS LA SOGS PA GA LA BA DE DAG GI DRUNG DU KHROS PA'I SHUGS KYIS ME CHAR LTAR 'BEBS SHING RGYUG GO, DE NAS RAB 'JOMS YANG THAGS BZANG RIS DANG, RAB DGOD KYIS BSGO BA DANG, DE DAG 'ONG BA MNGON PAR MTHONG NAS GLOG CHAR LTAR MNGON PAR 'BEBS SO, ,DE RAB TU 'BAR BA DE DAG THAMS CAD TSA BA'I SDUG BSNGAL MNGON PAR MYONG ZHING DE NAS YANG PHAM PA DAG LHA MA YIN GYI DPUNG GA LA BA DER RGYUG PAR BYED DO, ,DPUNG DANG, MTHU NYAMS PA DE LHA MA YIN GYI NANG DU SONG NAS 'DI SKAD SMRAS SO, ,NYAMS PA BDAG CAG GIS RGYAL BAR DKA' STE, BDAG CAG 'DUS NA NI BSGRIMS MI DGOS PAR LHA RNAMS LAS RGYAL BAR NUS SO, ,DE SKAD SMRAS NAS, DE NAS YANG KLU'I RGYAL PO 'JOG PO DANG, NOR RGYAS KYI BU LA SOGS PA GA LA BA DER DONG BA DANG, DE DAG 'ONG BA 'JOG PO DANG, NOR RGYAS KYI BU DES MTHONG NAS SMRAS PA, 'DI LTAR RAB 'JOMS BDAG CAG GI DRUNG DU 'ONG BA CHAD PA DRAG POS GCAD PAR BYA'O, ,GZHAN DU NA DE YANG DANG, YANG DU BDAG CAG LA 'TSE BAR BYED DO, ,DE SKAD SMRAS NAS, KLU'I RGYAL PO RAB 'JOMS LA SOGS PA GA
LA BA DER BRGYUGS NAS, 'JOG PO DES RAB 'JOMS DE BZUNG NAS STENG DU ME'I CHAR PHAB BO, ,DE ME'I CHAR DES RI DANG BCAS PA RAB TU BSREGS PA NA, SROG 'DOD PA LHA MA YIN GYI PHYOGS GA LA BA DER RGYUG PAR BYED DO, ,DE LTAR DE 'ONGS PA MNGON PAR MTHONG NAS, LHA MA YIN GYI DBANG PO SGRA GCAN GYIS LHA MA YIN GYI DBANG PO DE DAG LA SMRAS PA, 'DI LTAR KLU PHAM [?] PA DE DAG LA KHYED KYI YID DRANG POR LTOS SHIG, DE SKAD SMRAS NAS, BDAG DANG BCAS PA'I DPUNG DES BRGYUGS SO, ,DE 'ONG BA MTHONG NAS LHA LAG NA YOL GO THOGS PA RNAMS KYIS KYANG BRGYUGS TE, DE LTAR DE DAG PHAN TSUN 'ONG PA NA, RGYA MTSO'I DBUS SU LHA DANG, LHA MA YIN RI'I RTZE MO MI BZAD PA 'PHEN PA, SHIN TU 'JIGS SU RUNG BA, SHIN TU BZOD PAR DKA' BA'I G-YUL BKYE'O, ,LHA DANG; LHA MA YIN RNAM PAR 'KHRUGS PA DES LHA MA YIN RGYA MTSO NA RGYU BA 'BUM PHRAG DU MA DAG LAS KHA CIG NI 'ON PAR GYUR, KHA CIG NI SROG DANG BRAL LO, ,LHA DANG, LHA MA YIN DE DAG RNAM PAR 'KHRUGS PAS, MTSON CHA 'BUM PHRAG NYAM NGA BA CHAR LTAR BAB PA'I G-YUL BKYE'O, ,DE NAS KHYAD PAR NI 'DI YOD DE, LHA GANG GI RKANG PA BCAD NA SLAR NAD MED PAR SKYE BAR 'GYUR LAG PA BCAD NA'ANG NAD MED PAR SKYE BAR 'GYUR, DE LTAR YAN LAG DANG, NYING LAG THAMS CAD BCAD CING BTUBS KYANG SKYE BAR 'GYUR TE, NAD MED PA DANG, GNOD PA MED PA DANG, MDOG
, ,NYAMS PAR MI 'GYUR LA, DE'I TSE SKYE ZHING 'BYUNG BAR 'GYUR RO, ,MGO BCAD PA NI MA GTOGS TE, LHA RNAMS KYI DGRA YANG ZHI BAR 'GYUR RO, ,LHA MA YIN RNAMS KYANG JI LTAR MI RNAMS LA MTSON CHAS BTAB NA GNOD PA DE LTAR LHA MA YIN RNAMS LA'ANG DE BZHIN DU 'BYUNG STE, LHA DANG, LHA MA YIN DAG NANG GI KHYAD PAR NI DE LTA BU YIN TE, DE LTAR LHA LAG NA YOL GO THOGS PA RNAMS DANG, LHA MA YIN SGRA GCAN GYI SAR GTOGS PA RNAMS KYI KHYAD PAR NI DE LTA BU YIN NO, ,DE NAS LHA LAG NA YOL GO THOGS PA RNAMS KYIS RI RTZE MO CAN DU MA BLANGS NAS LHA MA YIN GA LA BA DER BRGYUGS TE, RI CHAR LTAR 'BEBS PA DES LHA MA YIN DE DAG GI DPUNG BRGYA'AM, STONG DU BCOM MO, ,DE BCOM PA MNGON PAR MTHONG NAS, SGRA GCAN GYIS RI DPAG TSAD GSUM PA BLANGS NAS BRGYUGS SO, ,LHA LAG NA YOL GO THOGS PA RNAMS KYIS DE LTAR 'ONG BA MNGON PAR MTHONG NAS, MTSON CHA DANG, LAG CHA THOGS TE; LHA MA YIN GA LA BA DER BRGYUGS SO, ,RI DE MTSON CHA CHAR LTAR PHAM PA DES JI LTAR BYE MA BZHIN DE LTAR ZHIB MOR BRLAGS NAS RGYA MTSO'I NANG DU GTOR TO, ,DE 'ONG BA MNGON PAR MTHONG NAS DUD 'GRO'I NGO BO SEMS CAN GYI THA MA SGRA GCAN DE YONGS SU YI CHAD DO, ,MTSON CHA CHAR LTAR 'BAB PA NA LHA MA YIN GYI DPUNG GA LA BA DER BRGYUGS SO, ,LHA MA YIN
GYI DBANG PO BRTAN PAS DE 'ONG BA MNGON PAR MTHONG NAS, RANG GI 'KHOR RNAMS LA SMRAS PA, RI RAB GNYIS KYI TSAD LTAR 'DUG PA CHAS PA 'DI GCIG PUS LHA 'DI DAG THAMS CAD CHAD PAS GCAD PAR NUS SU GSHA' GSHA' LTA ZHIG NA, 'DI LTAR BONG TSOD 'BA' ZHIG CHER ZAD DE, MTHU CHUNG NAS LHA RNAMS KYIS BSNGAGS PA DANG, MGON 'DOD PA, SKYABS 'DOD PA, DPUNG GNYEN 'DOD PA, LHA MA YIN GA LA BA DER RGYUG PAR BYED PA, LHA MA YIN PHAL PA DANG MTSUNGS PA 'DI NI MTHU DMAN PA YIN LA SMAD PA NYID YIN NO, ,'DI'I MDUN NA 'THAB PAR GNAS PA LHA LAG NA YOL GO THOGS PA GANG YIN PA 'DI DAG NI SNYING STOBS CHE BA YIN NO, ,DE SKAD SMRAS NAS, LHA MA YIN GYI DBANG PO BRTAN PA RANG GI 'KHOR DANG YANG LHAN CIG LHA MA YIN MCHOG TU RGYA CHE BA MGUL PHRENG DANG YANG LHAN CIG TU G-YUL 'GYED PA'I PHYIR LHA LAG NA YOL GO THOGS PA GA LA BA DER RGYUG PAR BYED DO, ,LHA RNAMS KYIS BRTAN PA DANG DE DAG LHAN CIG 'ONG BA MTHONG NAS LHA PHRENG THOGS RNAMS LA SMRAS SO, ,'DI LTAR BRTAN PA BDAG NYID THAMS CAD LHA LAG NA YOL GO THOGS PA RNAMS KYI DRUNG DU RGYUG GI LHA RNAMS KYANG RGYUGS SHIG, RGYUGS SHIG, DE SKAD SMRAS NAS DE NAS YANG LHA MA YIN GYI DBANG PO SGRA GCAN DANG, BRTAN PA GA LA BA DER DONG NGO, ,DE NAS YANG SGRA GCAN DE BRTAN PAS PHYIR BZLOG STE, KHONG BRTA BRTA NAS DE NAS YANG PHAN TSUN
, ,'DUS TE, LUS KYI MTHU DANG, DPUNG TSOL BAR 'DOD PA 'DUS PA DAG LHA GA LA BA DER PHYIR LOG PA DANG, LHA LAG NA YOL GO THOGS PA DANG, LHA MA YIN SGRA GCAN GYI SAR GTOGS PA MGUL PHRENG DE DAG DANG PHAN TSUN DGRAR GYUR PA, PHAN TSUN MI BZOD PA, SO SO'I DPUNG CHEN PO'I G-YUL 'GYED DE, RI'I RTZE MO RNAMS DANG, PHRAG GI RTZE MO RNAMS DANG, MDA' CHAR LTAR 'BAB PA RNAMS DANG, MTSON CHAR LTAR 'BAB PA RNAMS DANG, SHING LJON PA CHAR LTAR 'BAB PA RNAMS KYIS RTAG TU NAM MKHA' PHAN TSUN MUN PA THIBS PO LTAR GSAL BAR MI MNGON TE, BAR CHAD BYED PA BYE BA 'BUM PHRAG DU MA'I G-YUL DPE MED PA 'GYED DO, ,DE LTAR LHA RNAMS KYI YAN LAG DANG, NYING LAG BCAD CING GTUBS PA DAG NI DE NAS YANG SNGA MA BZHIN SLAR SKYE'O, ,LHA MA YIN RNAMS KYI YAN LAG DANG, NYING LAG DU MA BCAD PA DAG NI NAD DANG BCAS PAR 'GYUR LA, SKYE BAR YANG MA 'GYUR RO, ,MGO BCAD PA RNAMS KYANG MI DANG 'DRA BAR MI SKYE'O, ,LHA RNAMS KYANG MGO BCAD PA DANG, RKED PA BCAD PA'ANG 'CHI BAR 'GYUR RO, ,DE LTAR LHA MA YIN JI LTA BA DE LTAR LHA RNAMS ZAD PAR MI 'GYUR RO, ,DE NAS LHA DANG, LHA MA YIN RNAM PAR NYAMS PA NA LHA MA YIN RNAMS SHIN TU ZAD PA DE LTAR LHA RNAMS NI MA YIN NO, ,DE NAS LHAG MA PHYED TZAM LUS PA LHA RNAMS KYIS BCOM PA, SKYABS 'DOD PA, DPUNG
GNYEN 'DOD PA DAG SA'I 'OG GI SGO GA LA BA DER RGYUG PAR BYED DE, SGRA HA HA 'BYIN PA'I LHA RNAMS KYIS NYE BAR BCOM PA, BRTZON 'GRUS CHUNG BA, SKYABS ZHAN PA, SROG DMAN PA DAG LHA MA YIN GYI DBANG PO BRTAN PA DANG YANG LHAN CIG ,SGRA GCAN DANG YANG LHAN CIG TU BROS SO, ,LHA MA YIN GYI DBANG PO DE GNYIS MTHU NYAMS SHING GNAS NYAMS PA DAG ME TOG PHRENG GIS MTHONG NAS LHA MA YIN GYI DBANG PO GSUM PA LA SMRAS PA, 'DI LTAR BDAG CAG GI LHA MA YIN GAL BA DER 'DONG GI RGYUGS SHIG ,BRTZON 'GRUS CHUNG BA'I LHA RNAMS BDAG CAG GI DPUNG DANG, BRTZON 'GRUS DANG, MTHUN PAS PHAM PAR BYA'O, ,DES DE SKAD SMRAS PA DANG, DE NAS ME TOG PHRENG LHA RNAMS GA LA BA DER RGYUG PAR BYED DO, ,DE NAS DE DAG 'ONG BA MTHONG NAS DPUNG CHEN POS DE NAS YANG BCOM PA'I LHAG MA PHAN TSUN GYI BRTZON 'GRUS DANG, PHAN TSUN GYI DPUNG GIS 'DUS PA BDAG NYID DANG 'KHOR MANG PO DANG BCAS PA PHYIR LOG STE PHAN TSUN 'DI SKAD SMRA'O, ,'DI LTAR LHA MA YIN ZHES MING DU BTAGS PA 'DI CI 'BROS PA KHO NAR GYUR TAM, BRTZON PA LA MI GNAS SAM, MTSON CHA LA MI RTEN PA LTA ZHIG STE, RANG GI GNAS SU YONGS SU NYAMS PAR 'GYUR LA; CHUNG MA DE DAG GI NANG DU YONGS SU NYAMS PAR 'GYUR RO, ,DE SKAD SMRAS NAS, DE NAS YANG DPUNG DANG, MTHU RGYAS PA MTSON CHA SNA TSOGS THOGS PA DAG LHA GA LA BA DER RGYUG
, ,PAR BYED DE, RI'I RTZE MO 'TSER BA LTA BU DANG, RLUNG GI SHUGS LTAR MNGON PAR MGYOGS PA DE DAG G-YUL 'GYED PA'I PHYIR YANG LOG GO ,DE NAS LHA KUN TU RGYU BA DANG, LHA PHRANG THOGS DANG, LHA RTAG TU MYOS GNAS DANG, LHA LAG NA YOL GO THOGS PA THAMS CAD PHAN TSUN DU 'DI LTAR, KYE MA, LHA MA YIN 'DUS PA 'DI DAG THAMS CAD NI BLO GROS MI BRTAN PA YIN TE, KYE MA, LHA MA YIN RNAMS GANG GIS BDAG NYID DANG, BDAG CAG GI DPUNG GI KHYAD PAR KHONG DU CHUD KYANG DE DAG RGYUG PAR BYED DO ZHES BRJOD DO, , DE DAG GIS DE SKAD SMRAS NAS, LHA RNAMS KYANG LHA MA YIN DAG GA LA BA DER RGYUG PAR BYED DO, ,PHAN TSUN RGYAL BA BRTOD PA NA LHA DANG, LHA MA YIN DE DAG GZHAN DANG MI 'DRA BA'I G-YUL BKYE STE, PHAN TSUN RI BO CHAR LTAR 'BEBS PA DANG, ME CHAR LTAR 'BEBS PA DANG, RDO CHAR LTAR 'BEBS PA DANG, MTSON CHA CHAR LTAR 'BEBS PA DANG, DPUNG GI TSOGS RNAM PAR 'JOMS PAS MNGON PAR BCOM MO, ,DE DAG MTSON CHA DU MA DANG, RNAM PAR 'JOMS PA DU MA DANG, NYAM NGA BA DU MA DANG, DE LTAR SROG GCOD PA DU MA DAG GIS G-YUL DPE MED PA BKYE STE, DE DAG RGYU MTSE KUN NAS BAR MED PAR 'KHOD NAS G-YUL BKYE'O, ,'DI LTAR DE GZHAN DANG MI 'DRA BA'I PHYIR DE NI DPE BYA BAR YANG MI NUS TE, DE
DAG G-YUL RNAM PA DU MA BKYE'O, ,KLU RNAMS KYANG KLU RNAMS DANG LHAN CIG G-YUL DPE MED PA BKYE'O, ,DE LTAR G-YUL RNAM PA DU MA DE DAG LHA'I DBANG PO BRGYA BYIN GYIS MTHONG NAS SUM CU RTZA GSUM PA'I LHA RNAMS LA SMRAS PA, 'DI LTAR RAB DGOD NI DA DUNG 'DUG STE, MA GTOGS PAR LHA MA YIN DE DAG THAMS CAD RGYUG PAR BYED KYI KHYED CHOS SHIG ,CHOS SHIG ,DE DAG CHAS PA'I PHYIR BDAG KYANG GLANG PO CHE SA SRUNG GI BU LA ZHON TE CHA'O, ,DE NAS BRGYA BYIN GYIS LHA RNAMS LA DE SKAD SMRAS NAS YID RTZE GCIG GIS GLANG PO CHE SA SRUNG GI BU LA 'DI SKAD CES SMRAS SO; ;GLANG PO CHE'I RGYAB TU ZHON TE, NGAS LHA MA YIN GYI LHAG MA LUS PA THAGS BZANG RIS DANG, RAB DGOD KHO NA DANG, LHA MA YIN DE DAG GI LHAG MA THAMS CAD LAS RNAM PAR RGYAL PAR BYA'O, ,DE SKAD SMRAS NAS, DE RDO RJE GSOR TE LHA MA YIN GYI DPUNG LA KUN TU LHA ZHING 'DUG GO ,DE NAS LHA DANG, LHA MA YIN G-YUL SHIN TU MI BZANG PAR 'JUG PA NA, LHA MA YIN RNAMS NI YONGS SU NYAMS, LHA RNAMS NI RGYAL TE SHIN TU DGA' NAS, LHA MA YIN RNAMS KYI DRUNG DU RGYUG PAR BYED DO, ,LHA RNAMS KYI DBANG PO BRGYA BYIN YANG 'DZUM RANGS TE, LHA MA YIN THAMS CAD KYI DPUNG 'JOMS SU CHAS PA NA RAB DGOD 'DI SNYAM DU SEMS TE, KYE MA, 'DI LTAR LHA MA YIN GYI DBANG PO GSUM PO DANG, GNAS GSUM NA 'KHOD PA'I
, ,LHA MA YIN BYE BA PHRAG DU MA MTHU NYAMS PAR BYAS PA 'DI DAG NI JI LTAR SNGAR MTSO KUN MNGON DU MTHONG BA DE LTAR 'DI DAG GYUR TE, KYE MA, MTSO DER MTHONG BA NI MA NOR BA YIN NO, ,'DI LTAR BRGYA BYIN PHAM PAR BYA BA DANG, LHA THAMS CAD KYANG GZHOM PAR BYA BA'I PHYIR BDAG CHA STE, KYE MA, LHA DE DAG DANG BDAG KHYAD PAR CANG MED DO, ,SNYAM MO, , BLO DE LTA BU BSKYED NAS G-YUL DU RINGS PAR 'JUG PAR BYA BA'I PHYIR SA'I 'OG GI SGOR 'KHOD DO, ,RAB DGOD DANG, THAGS BZANG RIS KHROS PAS GZIR BA DE NYID DU 'KHOD PA DANG RI KUN NI G-YOS, RGYA MTSO YANG RLABS RNAMS KYIS KUN TU 'KHRUGS PAR BYED, NYI MA'I 'OD ZER DMAR PO THAMS CAD KYANG RI LA SHAR TE, 'KHOR DANG BCAS PA SA'I 'OG GI SGO DE NYID DU 'KHOD BA DANG, DE NAS LHA RNAMS KYIS LHA MA YIN SGRA GCAN LA SOGS PA PHAM PAR BYAS SHING NYAMS PAR BYAS PA RNAMS SA'I 'OG GI SGO GA LA BA DE RGYUG CING SPRO BA MED PA, MGON MED PA, KUN NAS GNOD PA, HA HA'I SGRA RNAMS KYIS SEMS DKRUGS PA, KUN NAS ZHUM PA, MGON MED PAR GYUR PA RNAMS DE SKAD PHAN TSUN BRJOD PA NA LHA MA YIN GZHAN KHA CIG GIS SMRAS PA, LHA MA YIN DAG MA 'BROS, MA 'BROS, CI STE BYOL, CI STE BROS, SLAR LOG ,SLAR LOG ,DE SKAD SMRA ZHING PHAN TSUN DE SKAD BRJOD PA'I LHA MA YIN RNAMS RI
RTZE MO CAN CHAR LTAR PHAB PAS KUN TU BTAGS PA NA, LHA YID RAB TU DGA' BA RNAMS LHA MA YIN CHOS DANG MI LDAN ZHING CHOS KYI RJES SU MI 'JUG PA DAG ZUNGS SHIG, RTOGS SHIG, BDAG CAG LA DUD 'GRO 'DI DAG GLO BUR DU KHRO BAR BYED KYANG G-YUL LA 'JIGS PA MED DE, LHA NGAN PA 'DI DAG GI G-YUL LA 'JIGS PA MED DO, ,MTSON CHA DANG, LAG CHA LA MKHAS PA'ANG MA YIN TE, 'DI DAG NI JI LTAR SLAR LDOG PAR MI 'GYUR BA DE LTAR RGYAL BAR BYA STE, KYE MA, DUS MA YIN PA'I G-YUL 'GYED PAR RTAG TU 'DOD PA 'DI DAG NI JI LTAR PHYIR MI LDOG PAR 'GYUR BA DE LTAR RGYAL BAR BYA'O, ,DE LTAR PHAN TSUN SPRO BA BSKYED NAS, LHA MA YIN RNAMS SHIN TU GZHOM PAR YID ZHUGS PA KHROS PA MIG SHIN TU DMAR BA DAG LHA MA YIN GA LA BA DER DONG NAS RAL GRI DANG, MTSON CHA KUN NAS CHAR LTAR 'BEBS TE, JI LTAR CHAR GYI RGYUN 'BAB PA LTAR 'BEBS SHING, DE LTAR ME CHAR LTAR 'BEBS SO, ,DE NAS DE LTAR LHA MA YIN BLONG BLONG POR 'KHOD PA SHING RTA 'BUM SNYED LA ZHON PA, LHA MA YIN DU MAS YONGS SU BSKOR BA DAG SA'I 'OG GI SGOR 'KHOD DE, LHA RNAMS GA LA BA DER MTSON CHA SNA TSOGS CHAR LTAR 'BEBS LA, RI DPAG TSAD GSUM DANG, BZHI DANG, LNGA'I TSAD TZAM 'PHEN PAR BYED DO, ,DE LTA BU CHAR LTAR MNGON PAR 'BEBS PA DANG, RNAM PA DE LTA BUR
, ,CHAS PA DE DAG LHA MA YIN RNAMS KYIS KYANG MNGON PAR MTHONG NAS, DE NAS YANG DBUGS PHYIN TE, G-YUL 'GYED PAR PHYIR LOG NAS, RAB DGOD DANG LHA MA YIN DE DAG NYID LA SPRO BA SKYED PAR BYED DE, 'DI LTAR BDAG NI LHA THAMS CAD GZHOM PA'I PHYIR CHAS PA YIN GYI LHA MA YIN DAG SLAR LOG, SLAR LOG , LHA MA YIN GYI DBANG PO DAG CI STE 'BROS, CI STE 'BROS, MA LA KHYIM DU BUD MED DAG GI NGOR YANG JI SKAD SMRA, 'DI LTAR SKYES PA NI BDAG CAG YIN NA SKYES PA'I MING YANG MED DE, SKYES PA ZHES BYA BA DON MED PAR 'GYUR RO, ,DE SKAD SMRAS PA DANG, RAB DGOD LHA RNAMS GA LA BA DER RGYUG PAR BYED DO, ,DE RGYUG PA MNGON PAR MTHONG NAS LHA RNAMS KYANG DE DANG G-YUL 'GYED PAR RAB DGOD GA LA BA DER BRGYUGS SO, ,LHA DANG, LHA MA YIN DE DAG PHAN TSUN G-YUL 'DRES PAR BKYE STE, SGRA BYUNG BA GANG YIN PA DES RI'I LCONG DANG, RI RAB THAMS CAD KYANG KUN TU GANG NGO, ,SMRA GCAN 'BA' ZHIG LAM DU ZHUGS NAS LHA LAG NA YOL GO THOGS PA DAG GA LA BA DER BRGYUGS SO, ,LHA MA YIN GYI DBANG PO BRTAN PA LAG NA DBYUG TO THOGS PA'ANG LHA PHRENG THOGS DAG GA LA BA DER BRGYUGS SO, ,LHA MA YIN GYI DBANG PO ME TOG PHRENG YANG RI DPAG TSAD GSUM PA TZAM ZHIG BLANGS NAS, LHA PI WANG CAN GSUM PA DANG, LHA KUN TU RGYU BA DAG GA LA BA DER BRGYUGS TE, PHAN TSUN G-YUL CHEN PO BKYE BA
NA GTAM DU BRJOD NA SEMS CAN THAMS CAD KYI SPU ZING ZHES BYED NA, GANG MNGON DU MTHONG BA'AM, THOS PA LTA SMOS KYANG CI DGOS, LHA MA YIN GYI DBANG PO RAB DGOD KYANG RLUNG GIS NAM MKHA'I SPRIN LTAR LHA RNAMS MNGON PAR 'JOMS TE, SHIN TU BRTZON 'GRUS DANG LDAN PA DE LA LHA GANG GIS KYANG PHYIR BRGAL BAR MI NUS SO, ,DE NAS DE LTAR RGYAL CHEN BZHI'I LHA RNAMS LA MNGON PAR 'TSE BA NA SUM CU RTZA GSUM GYI BDAG PO BRGYA BYIN GYIS SUM CU RTZA GSUM PA RNAMS LA 'DI SKAD SMRAS SO, ,LHA MA YIN 'BA' ZHIG GIS LHA 'DI DAG LA MNGON PAR 'TSE ZHING 'DUG NA, DPUNG PHYI MA PA'I LHA DE DAG CI STE MI RGYUG, LHA MA YIN GYI DPUNG GIS LHA RNAMS YONGS SU NYAMS SHING BCOM PA DAG CI KHYED PHAM PAR DGA'AM, GANG LHA'I MDUN SA CHOS BZANG NA 'KHOD PA DAG MA GTOGS PAR SUM CU RTZA GSUM PA'I LHA RNAMS RGYUGS SHIG, MA LUS PAR RGYUGS SHIG, DE SKAD BSGO NAS RAB DGOD DANG, THAGS BZANG RIS GA LA PA DER BRGYUGS SO, ,RAB DGOD KYI STENG DU SUM CU RTZA GSUM PA'I MDA'I TSOGS RNAMS DANG, RI BO CHAR LTAR BAR MTSAMS MED PAS NAM MKHA' BKANG NAS MNGON PAR 'BEBS LA, RAB DGOD KYANG RI BO CHAR LTAR MNGON PAR 'BEBS SHING SUM CU RTZA GSUM PA'I LHA RNAMS GA LA BA DER 'DONG BAR BYED DO, ,NAM MKHA' THAMS CAD SGRAS KUN TU 'GENGS SHING LHA DANG LHA MA YIN PHAN TSUN RGYAL BA LA RTOD PA
, ,DE DAG DPUNG GI TSOGS MA LUS PA THAMS CAD KYIS G-YUL 'GYED DO, ,DE LTAR G-YUL 'GYED PA NA, GSER GYI RI BO 'BUM SNYED PHAN TSUN 'DRUNG BA'I RBUR MA LTUNG BA'I RDUL GYIS NAM MKHA' KHEBS TE, NAM MKHA' KUN NAS BAR MTSAMS MED PAR DPAG TSAD STONG TZAM GSER GYI RDUL GYIS KHEBS SO, ,RDUL GYI BAR DE DAG NA YANG JI LTAR CHAR GYI RGYUN MI 'CHAD PAR 'BAB PA LTAR RNAM PA DE LTA BU'I MDA'I TSOGS PHAN TSUN CHAR LTAR 'BEBS SO, ,DE BZHIN DU PHAN TSUN RI BO CHAR LTAR MNGON PAR 'BEBS SHING LHA MA YIN BYE BA DU MA DE DAG 'JOMS PAR BYED PA'I G-YUL BKYE'O, ,LHA STONG PHRAG DU MA RNAMS KYANG GZHOM PAR BYA BA'I PHYIR G-YUL SHIN TU MI BZAD PA BKYE'O, ,BKYE NAS LHA MA YIN SNYING STOBS CHUNG BA PHAM PAR GYUR PA SHIR DOGS PA GANG YIN PA DE DAG SA'I 'OG TU ZHUGS SO, ,MA LUS PAR BCOM PA ZHUGS PA DE DAG LA LHA MA YIN GYI BU MO DAG GIS SMRAS PA, KYE MA, LHAG MAR GYUR PA BDAG CAG GI KHYIM THAB DE DAG GA RE, DE SKAD 'DRI BA DE DAG LA LHA MA YIN RNAMS KYI SMRAS PA, DE DAG NI 'DI LTAR LHA DANG, LHA MA YIN GYI G-YUL LAS RGYAL BA THOB STE, 'DIR 'ONG NGO, ,DE NAS LHA MA YIN GYI BU MO DAG MTSO KUN MTHONG BA GA LA BA DER DONG BA DANG, DE DAG THAMS CAD MTHONG STE, JI LTAR LHA RNAMS KYIS LHA MA YIN RNAMS BTAGS SHING BCOM STE, DE LTAR LAN BRGYA'AM, STONG DU PHAM PAR
BYAS PA DE DAG DE BZHIN MTHONG NAS, KHYIM THAB BSAD PA'I PHYIR NYON MONGS SHIN TU YI CHAD DE, SA'I STENG DU 'DUG NAS NGU BAR BYED, SMRE SNGAGS 'DON, RAB TU SDUG BSNGAL BA KUN MTSO DE YONGS SU BSKOR NAS 'KHOD LA BRANG RDUNG BAR BYED, SKRA 'BAL BAR BYED, LUS LA 'BRAD PAR BYED, MCHI MAS GDONG GSHER BAR BYED DO, ,DE LTAR MTSO'I NANG NA KHYIM THAB DAG PHAM STE, BSAD PAR MTHONG NAS, SMRE SNGAGS 'DON TO, ,DE NAS LHA DANG, LHA MA YIN GYI G-YUL SHIN TU MI ZAD PAR 'JUG PA NA LHA MA YIN GYI DBANG PO RAB DGOD LHA MA YIN BYE BA SNYED KYIS YONGS SU BSKOR NAS, LHA'I DBANG PO BRGYA BYIN GA LA BA DER 'GRO BAR BYED DO, ,DE DAG NYID 'ONG BA MNGON PAR MTHONG NAS LHA RNAMS LA BSGO BA, 'DI LTAR LHA MA YIN 'DI DAG NI G-YUL 'GYED DU BDAG CAG GA LA BA DER 'ONG STE, DPUNG CHUNG DU GDUL BAR DKA' BA DE DAG NI JI LTAR 'OD KYIS MUN PA BSAL BA DE LTAR GROGS CHOS KYIS RGYAL BAR BYA'O, ,DES LHA RNAMS LA DE SKAD BSGO NAS, GLANG PO CHE'I RGYAL PO SA SRUNG GI BU LA ZHON TE, LCAGS KYI MDA' 'PHANGS PA BZHIN DU RAB DGOD GA LA BA DER BRGYUGS SO, ,DE RGYUG PA NA LHA'I DBANG PO BRGYA BYIN MDUN SA CHOS BZANG NA GNAS PA'I LHA RNAMS KYIS YONGS SU BSKOR NAS; RDO DANG, SHING GIS 'GYED PA DAG LHA MA YIN GYI DPUNG GA LA BA DER BRGYUGS SO, ,KHA CIG NI MDA' CHAR LTAR MNGON PAR 'BEBS SHING RAB DGOD GA LA BA DER RGYUG PAR BYED DO, ,RAB
, ,DGOD KYANG BRGYA BYIN GA LA BA DER SHING RTA SGYUR PAR BYED CING 'DI LTAR BRGYA BYIN PAS BDAG RGYAL BAR BYA'O ZHES ZER RO, ,DE NAS BRGYA BYIN GYIS RAB DGOD DE LA 'DI SKAD SMRAS SO, ,CHOS MA YIN PA'I LAM LA GNAS PA'I DUD 'GRO DA GAR 'GRO 'DI LTAR NGA NI KHYOD PHAM PAR BYA BA'I PHYIR 'ONGS TE, 'DI LTAR NGAS KHYOD RGYAGS PA DANG PHRAL NAS, DE NAS YANG SA'I 'OG TU GTANG BAR BYA'O, ,DE NAS THAGS BZANG RIS DANG, RAB DGOD KYIS BRGYA BYIN LA SMRAS PA, 'DI LTAR NGA YANG BRGYA BYIN KHYOD DANG, LHA THAMS CAD CHAD PA GCAD PAR BYA BA'I PHYIR 'ONGS PA YIN NO, ,DE NAS THAGS BZANG RIS DANG, RAB DGOD KYIS GSER GYI RI DPAG TSAD LNGA PA GCIG 'PHANGS SO, ,'PHANGS PA DE MNGON PAR MTHONG NAS GLANG PO CHE SA SRUNG GI BU'I KHA NAS DBUGS PHYUNG BAS RI DE BYE MA CHANG PA NAS GTOR BA BZHIN PHYIR BZLOG NAS RGYA MTSOR LTUNG NGO, ,RI PHYE MAR BRLAGS SHING GTOR BA DE MNGON PA MTHONG NAS DE NAS YANG LHA MA YIN DAG GIS RI BO RDO RJE'I LTE BA CAN DPAG TSAD LNGA PA GCIG BLANGS NAS BRGYA BYIN GAL LA BA DER 'PHANGS SO, ,'PHANGS PA DE MNGON PAR MTHONG NAS SA SRUNG GIS BU'I SNA'I THOR TOS BZUNG STE SLAR LHA MA YIN GYI DBANG PO LA 'PHANGS TE GLANG PO CHE 'DI NI CANG SHES PA YIN NO, ,RANG GI RI 'PHANGS PA DES DE'I BRANG DU BRGYAB PA DANG, RAB DGOD DE BRGYAB PA DES NYAMS NAS STAN DE LAS
LTUNG ZHING SLAR 'KHOD DE BRGYAB PA DES RAB TU NYAMS SO, ,DE MTHONG NAS SUM CU RTZA GSUM PA DAG SGRA CHEN POS NAM MKHA' BKAD NAS, 'DI LTAR LHA'I DBANG POS DUD 'GRO DE PHAM PAR BYAS TE, 'DIR RE ZHIG GLANG PO CHE'I MCHOG 'DIS 'PHANGS PA'I SHUGS KYIS MDON PAR NYAMS SHING G-YOS NA GAL TE RDO RJES BRGYAB PAR GYUR NA LTA SMOS KYANG CI DGOS, DE SKAD SMRAS NAS, LHA MA YIN GA LA BA DER BRGYUGS TE, LA LA NI RDO DANG SHING GIS 'GYED, LA LA NI RI BOS 'GYED, LA LA NI RTZE GSUM KHA GDENG GIS 'GYED, LA LA NI STE'U KHAS 'GYED, LA LA NI GLOG 'BYUNG BAS 'GYED, LA LA NI THONG GSHOL GYIS 'GYED, LA LA NI STOBS KYIS 'GYED, LA LA NI 'KHOR LOS 'GYED, LA LA NI RAL GRIS 'GYED, LA LA NI NAM MKHA' LA 'GRO BAS 'GYED, LA LA NI SNA TSOGS PAS 'GYED, LA LA NI THO BAS 'GYED, LA LA NI MTSON CHA MCHOG TU BSDAMS PAS 'GYED, LA LA NI MTSON CHA DRI MA MED PAS 'GYED, LA LA NI MTSON CHA RAB BYED KYIS 'GYED, LA LA NI MTSON CHA BYI BDAR BYED KYIS 'GYED, LA LA NI MTSON CHA BRTZEGS PAS 'GYED, LA LA NI MES 'GYED, LA LA NI CHUS 'GYED, LA LA NI CHU 'BEBS PAS 'GYED, LA LA NI THAMS CAD KYIS 'GYED, LA LA NI MTSON CHA NAG POS 'GYED, LA LA NI SGYU MAS 'GYED, LA LA NI 'DUD PAS 'GYED, LA LA NI SEN MOS 'GYED, LA LA NI SGRAS 'GYED DE, SGRA'I SHUGS GANG MNYAN PAR YANG MI NUS SO, ,LA
, ,LA NI RDOG PA RDEG PAS 'GYED DE, RNAM PA DE LTA BU'I GO MTSON SNA TSOGS KYIS LUS SHIN TU BSRUNGS PA RNAMS KYIS LHA MA YIN RNAMS PHAM PAR BYA BA'I PHYIR BRGYA BYIN LHA THAMS CAD KYI MDUN DU BZHAG GO, DE NAS MOG MOG POR GYUR PA DE MNGON PAR MTHONG NAS, LHA MA YIN GYI DBANG PO THAGS BZANG RIS LA SOGS PA LAG NA MTSON CHA SNA TSOGS PA RNAMS RAB DGOD KYI DPUNG BYA BA DANG, BRGYA BYIN BTAG PA'I PHYIR BRGYA BYIN GA LA BA DER 'DOD BAR BYED DO, ,DE NAS LHA MA YIN GYI DBANG PO BZHI PO DAG BRGYA BYIN KHO NA LA 'GYED DU 'ONG BA MNGON PAR MTHONG NAS; LHA RNAMS BRGYA BYIN GYI DPUNG GI RIM GRO BYA BA DANG, RANG GI RTZAL STON CING BRGYA BYIN GAL BDER 'DONG BAR BYED DO, ,DE NAS BRGYA BYIN GYIS 'ONG BA DE DAG MNGON PAR MTHONG NAS SHIN TU KHROS TE CHAS NAS SMRAS PA, DUD 'GRO KHYED CI STE SHIN TU RMONGS, GANG KHYED KYI DPUNG RNAM PA 'DI LTA BU NI RE ZHIG LHA MA YIN THAMS CAD LA BDOG PAR GYUR KYANG DE DAG NGA 'BA' ZHIG GIS PHAM PAR BYA BAR NUS SO, ,DE CI'I PHYIR ZHEN, 'DI DAG GI DPUNG NI CHOS YIN TE, LHA RNAMS KYI DPUNG NI CHOS YIN NO, ,LHA MA YIN RNAMS KYI DPUNG NI CHOS MA YIN NO, ,CHOS DANG; CHOS MA YIN PA'I KHYAD PAR NI CHE STE, GANG KHYAD PAR NI MUN PA DANG, NYI MA LTAR CHE'O, ,GANG KHYAD PAR NI BDEN PA DANG, RDZUN PA LTAR CHE'O, ,GANG KHYAD PAR NI RI RAB DANG, YUNGS 'BRU LTAR
CHE'O; ;GANG KHYAD PAR NI THAR PA DANG, BCINGS PA LTAR CHE'O, ,GANG KHYAD PAR NI BZAR RUNG BA DANG, BZAR MI RUNG BA LTAR CHE'O, ,GANG KHYAD PAR NI BDUD RTZI DANG, DUG LTAR CHE'O, ,GANG KHYAD PAR NI MTSAN MO DANG; NYIN PAR LTAR CHE'O, ,GANG KHYAD PAR NI NOR BU MCHID BU DANG, RIN PO CHE LTAR CHE'O, ,GANG KHYAD PAR NI DBUL BA DANG, PHYUG PA LTAR CHE'O, ,GANG KHYAD PAR NI BYANG BA DANG, MI BYANG BA LTAR CHE'O, ,GANG KHYAD PAR NI NYI MA DANG, SRIN BU ME KHYER LTAR CHE'O, ,GANG KHYAD PAR NI KHRO BA LA RLUNG DANG, SRIN BU MANG KU LTAR CHE'I, ,GANG KHYAD PAR NI MTHONG BA DANG, MI MTHONG BA LTAR CHE'O, ,GANG KHYAD PAR NI YANG DAG PA'I LAM DANG, YANG DAG PA MA YIN PA'I LAM LTAR CHE'O, ,GANG KHYAD PAR NI SANGS RGYAS DANG, GZHAN MU STEGS PA LTAR CHE'O, ,GANG KHYAD PAR NI GNAM DANG, SA LTAR CHE'O, ,GANG KHYAD PAR NI BSKAL PA DANG, SKAD CIG MA LTAR CHE STE, NGA DANG KHYED NI KHYAD PAR DE LTAR CHE'O, ,KHYED NI CHOS MA YIN PA LA GTZO BOR BYED LA, NGED NI CHOS GTZO BOR BYED DO, ,KHYOD NI SHES RAB DMAN PA YIN LA, LHA RNAMS NI SHES RAB DANG BCAS PA YIN NO, ,KHYED NI BRTZON PA MED PA YIN LA, LHA RNAMS NI BRTZON PA DANG BCAS PA YIN NO, ,KHYED NI DUD 'GRO YIN LA LHA RNAMS NI LHA YIN TE, LHA DE DAG NI DE LTA BU YIN PAR KHONG DU CHUD NAS KHYED NGED KYI DRUNG DU MNGON PAR RGYUG PAR NI MI RIGS SO, ,DE SKAD SMRAS NAS, GLANG PO CHES SRUNG GI BU KHA LO BSGYUR TE, 'DI LTAR TSIGS SU BCAD PA 'DI
, ,DAG KYANG SMRAS NAS, LHA MA YIN GYI DBANG PO GA LA BA DER RGYUG PAR BYED DO, ,CHOS KYIS CHOS MIN PHAM PAR BYAS, ,BDEN BAS RDZUN PA PHAM PAR BYAS, ,SHES PAS GTI MUG PHAM PAR BYAS, ,LHA YIS LHA MIN PHAM PAR BYAS, ,DES DE SKAD SMRAS NAS, GLANG PO CHE SA SRUNG GI BU KHA LO BSGYUR TE, SPRUL PA'ANG SNGA MA BZHIN BYAS NAS LHA MA YIN GYI DBANG PO BZHI PO DE DAG THAMS CAD GA LA BA DER LHA'I DBANG PO BRGYA BYIN RDO RJE RTZE MO STONG YOD PA NI THOGS, BSDIGS PA'I MTSAN MA TZAM SEMS KYI, GSAD CING BCING BAR LHAG PAR MOS PA'I SEMS NI MED PAS, RLUNG GIS SHUGS PAS MGYOGS PAR RAB TU RGYUG PAR BYED DO, ,LHA MA YIN DE DAG MNGON PAR RGYUG PA DANG, DE DAG 'ONG BA MNGON PAR MTHONG NAS, RGYAL CHEN BZHI DANG, SUM CU RTZA GSUM PA'I LHA RNAMS KYANG RGYUG PAR BYED DO, ,LHA DANG, LHA MA YIN DE DAG PHAN TSUN RNAM PAR 'JOMS PA NA SO SOR RGYAL BAR 'DOD PA, GCIG LA GCIG MNGON PAR 'DEBS PA, MOG MOG POR GYUR PA, LHA MA YIN KHA CIG NI SROG DANG BRAL BAR GYUR, DE BZHIN DU LHA MA YIN KHA CIG NI SDUG BSNGAL GYIS NYAM THAG STE PHYIR LOG, KHA CIG NI YI CHAD NAS PHYIR LOG, KHA CIG NI MIG TSUGS SU LTA ZHING 'KHOD, KHA CIG NI RANG GI GNAS SU 'GRO BAR SEMS SHING 'KHOD, KHA CIG NI ZHE SDANG GIS NYAM THAG, KHA CIG NI GTI MUG GIS SEMS BSGRIBS, KHA CIG NI YONGS
SU NYAMS SHING YID DMAN PAR GNAS TE, DE LTAR GNAS PA RNAMS LA SA SRUNG GI BU'I STENG NA 'DUG PA LHA'I DBANG PO SPRUL PA BYED DO, ,DE NAS GLANG PO CHES SRUNG GI BU KHA RE RE LA PADMA RE RE, PADMA RE RE LA DBANG PO LAG NA RDO RJE THOGS PA MTSON CHA DANG, GO MTSON BGOS PA RNAMS SNGAR BSTAN PA BZHIN LHA MA YIN GYI DBANG POS MTHONG STE, DE DAG KYANG DBANG PO'I GLANG PO CHES SRUNG GI BU KHA STONG YOD PA, KHA RE RE LA PADMA'I RDZING STONG YOD DO, ,PADMA'I RDZING RE RE LA PADMA STONG YOD DO, ,PADMA RE RE LA 'DAB MA STONG YOD DO, ,PADMA RE RE LA SNYING PO BRGYA YOD DO, ,DE DAG KYANG SA SRUNG GI BU'I KHA NAS BYUNG STE, 'DAB MA DE DAG DANG; SNYING PO DE DAG THAMS CAD LA DBANG PO RTAG TU LAG NA RDO RJE DANG, MTSON CHA DANG, LAG CHA THOGS PA BYE BA KHRAG KHRIG 'BUM PHRAG DU MA 'KHOD PAR MTHONG NGO, ,DE NAS SPRUL PA DE LTAR BU MNGON PAR MTHONG NAS, LHA MA YIN RNAMS SKRAG 'KHRUGS TE, DBANG PO GO MTSON DANG, CHA BYAD SNA TSOGS THOGS PA RNAMS KYIS DE RTAG TU GANG ZHING DPUNG DANG, MTHU DPE MED PA RNAMS KYIS NAM MKHA' 'DI BAR MTSAMS MED PAR BYAS SO, ,MTSON CHA'I TSOGS KYIS PHYOGS DANG, PHYOGS MTSAMS THAMS CAD BAR MTSAMS MED PAR GANG BAR BYAS SO, ,DBANG PO RNAMS KYIS SA'I 'OG GANG YIN PA DE DANG, DE'ANG BAR MTSAMS MED PAR BYAS PAR DOGS SO ZHES DE SKAD LHA MA YIN SHIN TU SKRAG BA DE RNAMS PHAN TSUN SMRA'O, ,DE SKAD SMRA BA DE RNAMS LA RAB DGOD KYIS SMRAS PA, LHA MA
, ,YIN DAG ,NGAS DBANG PO SA SRUNG GI BU DANG BCAS TE PHYIR BZLOG PAR BYA YI, MA 'JIGS SHIG ,MA 'JIGS SHIG ,DE SKAD SMRAS NAS GLANG PO CHE'I RGYAL PO SA SRUNG GI BU GA LA BA DER BRGYUGS SO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO NYER LNGA PA, DE 'ONG BA MNGON PAR MTHONG NAS, SA SRUNG GI BU'I SNA'I THOR TSO BZUNG STE; NAM MKHA' LA GSOB BZHIN SKOR BAR BYED DO, ,DE BSKOR BA NA SROG GI LHAG MA CUNG ZAD CIG LUS NAS BTANG NGO, ,DE BTANG BA DANG DE NAS YANG 'DU SHES RNYED NAS LHA MA YIN DE DAG LA 'DI SKAD SMRA'O, ,CI DPUNG 'DI GCIG PU DPA' BA YIN NAM, LHA MA YIN GYI DBANG PO KHYED KUN LHA'I DBANG PO LA RGOL MI NUS SAM, DE NAS LHA MA YIN GYI DBANG PO BSDUS PA DE DAG THAMS CAD DE NAS YANG SA SRUNG GI BU GA LA BA DER BRGYUGS SO, ,DE DAG 'ONG BA MNGON PAR MTHONG NAS, DBANG POS DE DAG GI SROG GCAD PAR BYA BA'I PHYIR NI MA YIN GYI, PHA ROL PHAM PA KHO NAR BYA BA'I PHYIR SGYU MA'I SER BA RDO RJE LTA BU RNAM PA DU MA PHAB BO, ,DE NAS YANG DBANG PO GA LA BA DER RI CHAR LTAR 'BEBS SHING LHA'I DBANG PO DE'I STENG DU MTSON CHA RNAM PA SNA TSOGS 'PHEN TO, ,DE LA RI BO CHAR LTAR 'BEBS PA NA, CHAR GYI RGYUN DUS SU 'BAB PA LTAR RI BO CHAR LTAR 'BAB PA RNAMS KYANG MDZES PA YIN TE, DE LTAR LHA DANG, LHA MA YIN GYI G-YUL DPE MED PA RNAM PA SNA TSOGS
BKYE'O, ,DE NAS LHA RNAMS KYIS LHA MA YIN DE DAG MNGON BAR MTHONG NAS, DE NAS YANG LHA RNAMS LHA MA YIN GYI DPUNG GA LA BA DER BRGYUGS SO, ,DE NAS LHA MA YIN YANG G-YUL 'GYED PA'I PHYIR, LHA RNAMS GA LA BA DER BRGYUGS SO, ,DE NAS RNAM PA DU MAR 'KHRUGS SHING SKRAG PAR BYED PA RNAM PA DU MA BYUNG STE DE LTAR LHA DANG, LHA MA YIN RNAMS KYANG G-YUL GSAL BAR BKYE'O, ,DE LTANG DBANG PO DANG; LHA MA YIN RNAMS MTSON CHA DANG, RDO RJES 'JOMS PA LTA BU'I G-YUL CHEN PO GZHAN DANG MI 'DRA BA MANG PO BKYE'O, ,LHA MA YIN RNAM PA DU MA DAG MNGON PAR MTHONG NAS BRGYA BYIN GYIS LHA MA YIN GYI DBANG PO DAG SROG DANG BRAL BAR NI MI BYED LA, PHAM PA KHO NAR BYA BA'I PHYIR CHED DU GNAS SO, ,DE NAS LHA MA YIN GYI DBANG PO DE DAG THAMS CAD KYANG LHA MA YIN GYI DBANG PO RAB DGOD DANG, THAGS BZANG RIS DE DAG DANG BCAS PA MA LUS PAR PHAM PA NYID DU GYUR TE, MGON 'DOD PA, SKYABS 'DOD PA, GNAS 'DOD PA, SPRO BA MED PA DAG SA'I 'OG GI SGO GA LA BA DE DANG, DER 'BROS PAR BYED DO; ;RAB DGOD DE SHIN TU 'BROS PA NI, LHA MA YIN GYI DBANG PO GZHAN GSUM PO 'KHOR LO 'BUM SNYED DANG LDAN PA RNAMS KYI MDUN NA SKAD NGAN THON CING KUN NAS MNGON PAR GNOD PA RNAMS KYIS 'BROS PA NA, BRGYA BYIN GYIS SA SRUNG GI BU LA SMRAS PA, GLANG PO CHE'I DBANG PO, RAB DGOD DANG, THAGS BZANG RIS KYI BRTZON 'GRUS NI SHOR, SHING RTA NI CHAG KYANG NGAS DE DAG GSAD PAR MI NUS
, ,TE; DRANG SRONG CHEN POS MYA NGAN LAS 'DAS PAR 'GRO BA'I GZHI NI SROG GCOD PA SPANGS PA YIN NO ZHES GSUNGS TE, 'DI NI SEMS CAN THAMS CAD LA SLU BA MED PA'I GZHI YIN NO, ,DE RANG GI SROG DANG LHAN CIG SONG YANG SLA YI, DE'I SHING RTA BRGYA'AM, STONG DU GZHOM PAR BYA BA LA KHYOD RINGS PAR CHOS SHIG ,DES DE SKAD BSGO NAS BRGYA BYIN DES SPRUL PA BYAS PA DANG, GLANG PO CHE'I DBANG PO DANG LHAN CIG SA'I 'OG GI SGO GA LA BA DE RLUNG GI SHUGS LTAR BRGYUGS SO, ,DE 'ONG BA MNGON PA MTHONG NAS, RAB DGOD DANG, THAGS BZANG RIS SHIN TU SKRAG STE, MTHU MED PA DAG SA'I 'OG GI SGRO GA LA BA DER RINGS PAR RGYUG GO, DE NAS MGYOGS PAR SONG NAS, SA SRUNG GI BU'I STOBS KYIS SHING RTA DE LAS RAB DGOD DE PHAM NAS SHING RTA DANG PHRAL LO, ,DE NAS SHING RTA DE SNA'I THOR TSO DE'I MIG SNGAR RTZVA BZHIN DU BRGYA'AM, STONG DU BCOM MO, ,ME TOG PHRENG YANG DPUNG DANG MTHU NYAMS NAS SA'I 'OG GI SGO GANG LA BA DER 'BROS PAR BYED DE, SROG LA BSAM PA BSDUS PA, BRTZON 'GRUS NYAMS PA, SPRO BA MED PA, RANG GI BU DANG, CHUNG MA SNYING LA BSAMS NAS, SA'I 'OG GI SGO GA LA BA DER RGYUG GO; LHA MA YIN GYI DBANG PO BRTAN PA'ANG GSON PAR 'DOD DE, RANG GI KHYIM DU PHYOGS NAS SA'I 'OG GI SGO GA LA BA DER RGYUG GO , LHA MA YIN GYI DBANG PO SGRA GCAN GSON PAR 'DOD PA
LUS BONG CHE BA 'BA' ZHIG TU 'DUG PA'ANG SA'I 'OG GI SGO GA LA BA DER RGYUG GO, DE LTAR LHA MA YIN GYI DBANG PO 'KHOR DANG BCAS PA DE DAG THAMS CAD NYAMS PA DANG, LHA RNAMS SHIN TU DGA' NAS; 'DI SKAD SMRAS SO, ,LHA MA YIN RNAMS KYIS MI MTHUN PA'I MTHA' LAS 'BRAS BU NYAMS PA'I LHAG MA THOB STE, 'BROS KHUNG TSOL BAR GYUR PA RNAMS NGED CHOS LA LTA ZHING SA'I 'OG GI SGO GZUNG BAR BYA'O ZHES SMRAS NAS, LHA SHIN TU DGA' BA DE DAG RLUNG GIS SPRIN KUN TU GTOR BA LTAR LHA MA YIN RNAMS LA RLUNG GI SHUGS LTA BUS KUN TU 'TSE BAR BYED DO, ,DE NAS DBANG POS LHA DE DAG LA SMRAS PA, GANG RANG GI LUS MED PAR BYA BA'I PHYIR DANG, LHA MA YIN MANG PO 'DI RNAMS SROG DANG BRAL BAR BYA BA'I PHYIR DON MED PA, 'KHON ZHUGS PA, NYES PA'I GNAS 'DI DAG CI'I PHYIR BYAS; LHA RNAMS KYI RGYAL BA DANG PHAM PA NI MI LA RAG LAS PA YIN LA, DA DUNG DU MI'I 'JIG RTEN NA SKYES BU CHOS DANG LDAN ZHING CHOS KYI RJES SU 'JUG PA THAMS CAD BRTAN PA DAG YOD NA, KHYED KYIS YUL DANG, DUS DE DAG SHES BZHIN DU BDAG NYID GSOD PA'I DGRA DON MED PA 'DI DAG BYAS SO, ,DE NAS YANG LHA MA YIN NYAMS PA SROG GI SKYABS TSOL BA RNAMS SA'I 'OG GI SGO GA LA BA DE NYID DU RGYUG GO ,DE NAS DBANG POS LHA RNAMS LA BSGO BA, LHA DAG, SLAR LOG, SLAR LOG ,PHYIS PHAM PAR 'GYUR BA'I SROG DANG LDAN PA RNAMS RANG GI GNAS SU THONG ZHIG, DE NAS DBANG PO LA LHA
, ,RNAMS KYIS SMRAS PA, 'DI LTAR LHA MA YIN KHENGS PA 'DI DAG NI BDAG NYID DANG, GZHAN GYI DPUNG KHONG DU MA CHUD PA LAGS TE, 'DI DAG NI BDAG CAG GIS NGES PAR JI LTAR SLAR LDOG PAR MI 'GYUR BA DE LTAR DGRA BSAL BAR BGYI'O, ,BDAG CAG NI 'DI DAG LA GNOD PA MI BGYID DE, 'DI LTAR BDAG CAG MTHO RIS NA RANG GI LAS KYI 'BRAS BU LA SPYOD CING MCHIS NA, 'DI DAG GIS MI'I 'JIG RTEN NA BDAG CAG GI CHOS DANG LDAN ZHING CHOS KYI RJES SU 'JUG PA'I MI RNAMS LA CI STE BAR CHAD BGYI BAR 'BAD, DGRA 'DI DAG MA BSAL BAR BDAG CAG SLAR MI MCHI'O, ,DE DAG GIS DE SKAD SMRAS NAS, DE NAS YANG LAG CHA DANG, MTSON CHA DANG, GO MTSON SNA TSOGS BGOS TE 'DI LTAR LHA MA YIN 'DI DAG NGES PAR SHIN TU TSAR GCAD PAR BYA'O SNYAM PA'I BLO DES LHA MA YIN RNAMS GZHOM PA'I PHYIR SHUGS DANG LDAN PAS BRGYUGS SO, ,DE LTAR YID LA BYED PA DE LTA BU DANG, 'BAD PA DE LTA BU DAG LA, DE NAS YANG LHA'I DBANG PO'I YID SNYING RJES BRLAN PAS SMRAS PA, LHA MA YIN RAB DGOD LA SOGS PA BTAG PA KHYED KYI SNYING LA BRTZE BA MED DAM, DE SKAD SMRAS NAS, LHA'I MDUN SA CHOS BZANG NA LHA 'KHOD PA GANG YIN PA DE DAG BSDUS NAS SLAR LOG GO ,DE NAS LHA'I DBANG PO SLAR LOG PA MTHONG NAS, RGYAL CHEN BZHI'I LHA RNAMS KYIS SUM CU RTZA GSUM PA RNAMS LA SMRAS PA, 'DI LTAR LHA'I
DBANG PO DE SLAR GSHEGS SO, ,LHA'I DBANG PO DE SLAR GSHEGS KYI KHYED KYANG MA LUS PAR SLAR GSHEGS SHIG CES SMRAS NAS, RGYAL BA THOB PA'I LHA RNAMS SLAR LOG STE, DE NAS YANG PHAN TSUN DGA' BA'I YID KYIS RANG GI GNAS SU DONG NGO, ,LHA'I DBANG PO BRGYA BYIN YANG SUM CU RTZA GSUM PA RNAMS KYIS MNGON PAR BSTOD CING SA SRUNG GI BU LA ZHON TE, YID DGA' BAS SUM CU RTZA GSUM PA'I LHA'I MDUN SA CHOS BZANG GA LA BA DER 'JEGS TE 'KHOD DO, ,LHA RNAMS KYANG RANG RANG GNAS SU DONG NAS, DE NAS YANG GO MTSON DANG, LAG CHA RNAMS SHING RTA SNA TSOGS KYI TSAL DU BZHAG GO ,GLANG PO CHE SA SRUNG GI BU'ANG SPRUL PA DE DAG BSDUS NAS THA MAL PAR GNAS TE RANG GI RDZING BU PADMA DANG, AUTPA LAS KHEBS PAR ZHUGS SO, ,DE LTAR LHA RNAMS LHA'I 'JIG RTEN DU DONG NAS GZUGS DANG, SGRA DANG, DRI DANG, RO YID DU 'ONG BA LA NYE BAR SPYOD DE, LHA'I 'DOD PA'I YON TAN LNGA 'BYOR CING LDAN PAR GYUR PA RNAMS KYIS GNAS SO, ,KLU'I RGYAL PO 'JOG PO DANG, NOR RGYAS KYI BU LA SOGS PA RGYAL BA THOB PA RNAMS KYANG SNYING RAB TU DGA' STE, RANG GI GNAS LONGS SPYOD PA LDAN PA GA LA BA DER DONG NGO, ,LHA MA YIN BTAG BTAG STE NYAMS PA'I LHAG MA LUS SHIG SHIG POR GYUR PA NYAMS, RAB TU NYAMS PA'I SEMS CAN NGO TSA NAS MGO SMAD PA RNAMS KYANG, BUD MED RAB TU DU ZHING YID DMAN PA RNAMS KYIS MDUN NAS BSU BA
, ,NA; SGRA GCAN GYIS LHA MA YIN GYI DBANG PO SNYING STOBS NYAMS PA DE DAG LA SMRAS PA, DE LTAR 'THAB PA'I DUS LA MA BAB BO ZHE SANGS SNGAR MA BYAS SAM, DA DUNG DU MI'I 'JIG RTEN NA CHOS DANG LDAN ZHING CHOS KYI RJES SU 'JUG PA'I MI MAR 'DZIN PA, PHAR 'DZIN PA, DGE SPYOD DU 'DZIN PA, BRAM ZER 'DZIN PA, RIGS KYI RGAN RABS KYI RJES SU 'JUG PA DAG YOD PAS LHA'I PHYOGS NI RAB TU 'PHEL LA, BDAG CAG GI PHYOGS NI 'GRIB BO ZHES BDAG GIS SNGAR BSGO NA, DE'ANG KHYED KYIS MA MNYAN TE, BDAG GI TSIG DE LTAR MA BYAS PAS 'DI NI DE'I 'BRAS BU YIN NO, ,LHA RNAMS KYIS LHA MA YIN NYAMS PAR BYAS PA 'BUM PHRAG DU MA GANG YIN PA DAG LA SGRA GCAN GYIS DE SKAD SMRAS PA DANG, LHA MA YIN GZHAN ZHIG GIS KYANG SMRAS PA; 'DI LTAR G-YUL 'GYED PA'I DUS LA MA BAB PO ZHES SMRAS PA, MA MNYAN PA'I 'BRAS BU NI 'DI YIN NO, ,LHA MA YIN MGUL PHRENG GIS KYANG SMRAS PA, 'DI LTAR GANG GIS MI BYA BAR BYA BA DE DAG GI NGO BO MED PA LA BLO GROS NGAN PA 'DI SKYES PA NYE BAR GNAS SO, ,DE DAG THAMS CAD PHAN TSUN DE SKAD SMRE ZHING RANG RANG GNAS GA LA BA DER DONG NGO, ,THAGS BZANG RIS KYANG GNAS GZHAN BZHI PAR NGO TSA NAS MGO SMAD DE ZHUGS PA DANG, LHA MA YIN GYI BU MO NYAMS PA RAB TU DU ZHING NGOM ZUM GNAG PA RNAMS KYIS YONGS SU BSKOR NAS RANG GI GNAS SU DONG NGO, ,
KLU RAB 'JOMS LA SOGS PA CHOS DANG MI LDAN ZHING CHOS KYI RJES SU MI 'JUG PA, SNYING STOBS RAB TU NYAMS PA RNAMS KYANG KLU'I GNAS LONGS SPYOD LDAN GA LA BA DER DONG NGO, ,DE LTAR SRED PA'I DUG GIS NYAMS PA'I SEMS CAN PHAN TSUN RAB TU NYAMS PA DAG 'KHOR BA NA 'KHOR ZHING 'KHYAM YANG BDE BA MI MTHONG NGO, ,DE DAG RJES SU MTHONG NAS 'PHAGS PA NYAN THOS 'DOD PA DAG GIS 'DOD CHAGS DANG BRAL LO, ,DE NAS GZHAN YANG, RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS PA LA 'DI LTAR DGE SLONG 'DI NI SA GZHAN BCU BDUN PA LA ZHUGS TE, DE KHO NA NYID LA BLO SHIN TU ZHE NA TO; ;DE THOS NAS SA BLA'I GNOD SBYIN SHIN TU DGA' NAS BAR SNANG LA RGYU BA'I GNOD SBYIN RNAMS LA SBRAN TO, ,DE DAG GIS KYANG 'JIG RTEN SKYONG BA RNAMS LA SNGA MA BZHIN SBYAR TE, CHUNG DGE'I BAR DU'ANG DE BZHIN DU SBRAN TE, 'DI LTAR DZAMBU'I GLING NA RIGS KYI BU CHE GE MO ZHIG ,GRONG MANG GE MO ZHIG ,GRONG RDAL GA GE MO ZHIG TU MING CHE GE MO ZHES BYA BA SKRA DANG, KHA SPU BREGS, GOS DUR SMRIG BGOS NAS DAD PAS KHYIM NAS KHYIM MED PAR RAB TU BYUNG STE, DE BDUD KYI YUL GYI DNGOS PO NI MI 'DOD, NYON MONGS PA'I DNGOS PO RNAMS DANG YANG LHAN CIG GNAS PAR MI BYED LA, 'KHOR BA LAS SHIN TU 'DOD CHAGS DANG BRAL TE, DE LTAR 'BAD PAS KUN TU KHYAB NAS, SA GZHAN BCU BDUN PA LA ZHUGS SO, ,DE THOS NAS LHA RNAMS SHIN TU DGA' NAS BSTOD DE, 'DI DAG GANG BDUD KYI
, ,PHYOGS NI 'GRIB LA, DAM PA'I CHOS KYI PHYOGS 'PHEL BA NI BDAG CAG DGA'O, ,DUD 'GRO'I LE'U RDZOGS SO,, ,,DE NAS GZHAN YANG, DGE SLONG LAS KYI 'BRAS BU RNAM PAR SMIN PA SHES PA DES, SEMS CAN DMYAL BA DANG, DUD 'GRO DANG, YI DVAGS NYES PAR BYAS PA RNAMS KYI LAS KYI 'BRAS BU RNAM PA SMIN PA SHIN TU PHRA BA THAMS CAD KYANG JI LTA BA BZHIN BRTAGS SHING SHES TE, YID LA BZUNG NAS LEGS PAR BYAS PA'I LAS RNAMS LA'ANG LAS KYI 'BRAS BU RNAM PAR SMIN PA LA RTOG PAR BYED DE, 'DI LTAR SEMS CAN THAMS CAD NI SDUG BSNGAL DANG MI MTHUN PA BDE BA 'DOD PA YIN LA, LHA RNAMS NI BDE BA BSAGS PA LA DGA' BA YIN TE, DE RNAMS KYI LAS KYI CHOS DANG, RNAM PAR SMIN PA DANG, SKYE BA DANG, 'CHI BA SHIN TU PHRA BA DAG LA'ANG RTOG PAR BYED DO, ,LAS DGE BA BYAS SHING BSAGS PA SO SOR YANG DAG PAR MYONG BAR 'GYUR BA NI LAS KYI 'BRAS BU RNAM PAR SMIN PA 'DOD PA SDUG PA YID DU 'ONG BA SO SOR YANG DAG PAR MYONG BAR 'GYUR BAR SO SOR RIG PAR BYA'O, ,DE LA TSUL KHRIMS RNAM PA BDUN GYIS MTHO RIS SU SKYE BAR 'GYUR TE, LUS KYI GSUM DANG, NGAG GI BZHI KUN TU BSTEN CING BSGOMS TE, MANG DU BYAS PAS 'DOD PA NA SPYOD PA'I LHA DRUG GI NANG DU SKYE BAR 'GYUR RO, ,CHUNG NGU DANG, 'BRING DANG, CHEN POS 'DOD PA NA SPYOD PA'I LHA DRUG DAG CHUNG NGU
DANG; 'BRING DANG, CHEN PO'I 'GRO BA 'THOB STE, TSE THUNG NGU DANG, 'BRING DANG, RING PO DANG, KHA ZAS NGAN PA DANG, 'BRING DANG, BZANG PO DANG, GZUGS NGAN PA DANG, 'BRING DANG, BZANG PO DANG, BRTZON 'GRUS CHUNG NGU DANG, 'BRING DANG, CHEN PO DANG, BDE BA CHUNG NGU DANG, 'BRING DANG, CHEN POR 'GYUR RO, ,DE LA LHA'I RIS GNYIS NI RI RAB LA GNAS SO, ,BZHI NI SPRIN GYI PHUNG PO LTAR NAM MKHA' LA GNAS SO, ,DE LA LHA'I RIS DANG PO NI MDOR BSDU NA RGYAL CHEN BZHI'I RIS RNAMS SO, ,DE DAG GI GNAS DANG PO NI PHRENG THOGS RNAMS TE, DE DAG KUN NAS RI RAB KYI PHYOGS BZHI LA RTEN CING GNAS SO, ,DE LA PHRENG THOGS DE RNAMS KYI BYE BRAG DANG PO NYID DU 'BYUNG BA NI 'DI LTA BU YIN LA, PHYOGS PHYOGS DE RNAMS KYI BYE BRAG KYANG MING DANG, LAS KYIS 'GYUR TE, DE LTAR LAS DU MAS BSKYED PA'I TSE DE LA GNAS PA BDE BA NYAMS SU MYONG BAR 'GYUR LA, GZUGS DANG, LANG TSO DANG, G-YO BA RNAM PA DU MAR 'GYUR RO, ,LAS KYI DRA BA KUN NI RGYA'I 'BUR LTAR 'BYUNG STE, RGYU MED PA MA YIN; 'DOD RGYAL LAS MA BYUNG, LAS GZHAN GYIS BSKYED PA MA YIN NO, ,DE LTA BAS NA SKYES BU GANG BDAG SKYID PAR 'DOD NA DGE BA'I CHOS RNAMS LA 'BAD PAR BYA'O, ,SEMS CAN RNAMS KYI LAS DGE BA DANG, MI DGE BA DANG, LUNG DU MA BSTAN PA'I LAS KYI DRA BA NI THOG MA MED PA'I DUS NAS ZHUGS PA YIN TE, LAS KYI DRA BA GANG GIS SBREL BA'I SEMS CAN RNAMS NI ZO CHUN
, ,RGYUD MO LTAR SEMS CAN DMYAL BA DANG, DUD 'GRO DANG, MI'I 'JIG RTEN GYI 'KHOR BAR YONGS SU 'KHYAM MO, ,SROG CHAGS RNAMS NI GAR GYI LTAD MO BA LTA BU YIN TE, DGE BA'I LAS KYI MTHA' SPYAD PA NI LHA'I 'JIG RTEN DU SKYE BAR 'GYUR RO, ,DE LA LHA RNAMS GNAS PA RI'I RGYAL PO RI RAB NI RI BO KHRI PHRAG DRUG CUS YONGS SU BSKOR BA YIN LA, RIN PO CHE SNA TSOGS 'BAR BA'I PHRENG BA'I 'OD KYIS GSAL BAR BYAS PA, STENG NA 'BAB CHU DANG, LTENG KA DANG, PADMO'I RDZING RNAM PA SNA TSOGS KYIS MDZES PAR BYAS PA, 'PHANG DU DPAG TSAD BRGYAD KHRI BZHI STONG YOD PA, NGOS BZHI RIN PO CHE LAS BYAS PA, LAS LEGS PA BYAS PA'I LHA RNAMS KYIS YONGS SU BSKOR BA, SA BDE BA 'BAR BA DU MAS GSAL ZHING DGA' BA YIN TE, DE LA 'DI LTAR DGE SLONG DE THOG MA KHO NAR SA'I CHA RNAM PAR 'BYED DO, ,DE LA GNAS DANG PO NI LHA PHRENG THOGS RNAMS KYI YIN LA, DE DAG GI GNAS BCU YOD DE, 'DI LTA STE; ZUR LA GNAS PA DANG, MTHA' LA GNAS PA DANG, 'BRAS BUS NYE BAR 'TSO BA DANG, YON TAN DKAR PO SPYOD PA DANG, THAMS CAD RAB TU DGA' BAR GNAS PA DANG, 'GRO MGYOGS PA DANG, YUL LA CHAGS PA DANG, 'DOD PA LA CHAGS PA DANG, YID G-YO BA DANG, TSAL DANG, NYE BA'I TSAL NA GNAS PA YIN TE, DE LTAR GNAS RAB TU DBYE BA NI BCU
YOD DO, ,RI RAB KYI NGOS DZAMBU'I GLING LOGS SU LTA BA GANG YIN PA DE NA NI, ZUR NA GNAS PA ZHES BYA BAR MING BTAGS SO, ,DE'I 'OG TU GNAS PA DE DANG, DE GANG NYE BA NA MTHA' LA GNAS PA ZHES BYA BAR MING BTAGS SO, ,NUB KYI BA LANG SPYOD KYI PHYOGS GANG YIN PA DE NA 'BRAS BUS NYE BAR 'TSO BA ZHES BYA BAR MING BTAGS SO, ,DE DANG NYE BA NA YON TAN DKAR PO SPYOD PA GNAS SO, ,SHAR GYI LUS 'PHAGS KYI PHYOGS GANG YIN PA DE NA THAMS CAD RAB TU DGA' BAR GNAS PA ZHES BYA BA GNAS SO, ,DE DANG NYE BA NA 'GRO MGYOGS GNAS SO, ,BYANG GI SGRA MI SNYAN GYI GLING GI PHYOGS GANG YIN PA DE NA YUL LA CHAGS PA GNAS SO, ,DE DANG NYE BA NA 'DOD PA LA CHAGS PA DANG, DE DANG NYE BA NA YID G-YO BA DANG, DE DANG NYE BA NA TSAL DANG, NYE BA'I TSAL NA GNAS PA ZHES BYA BA GNAS TE, DE DAG GI GNAS SO SO KUN LA DPAG TSAD STONG STONG YOD DO, ,DE DAG GI DANG PO NI RGYA MTSO'I NANG GI STENG YIN TE, DE DAG GI TSE NI MI RNAMS KYI LO LNGA BCU GANG YIN PA DE'I NYIN ZHAG GCIG YIN NO, ,DE LTAR BSGYUR BA'I LO LNGA BRGYA THUB STE, DUS SU 'CHI BA'ANG YOD, DUS MA YIN PAR 'CHI BA'ANG YOD DO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, GNAS DE DAG GI DGA' BA LA RTOG PAR BYED DE, LAS GANG GIS GNAS DER SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, GANG GIS LEGS PAR BYAS PA'I LAS 'DI BYAS NA SKYE BAR
, ,'GYUR TE; DE NI 'DI LTAR SHIN TU DANG BA'I SEMS DE LA YID ZHUGS PA GZHAN DU MA G-YENGS PA'I YID GSAL BAS SANGS RGYAS SAM, CHOS SAM, DGE 'DUN LA SKYABS SU SONG NA, DE 'CHI BA'I DUS BYAS NAS BDE 'GRO MTHO RIS KYI 'JIG RTEN ZUR NA GNAS PA ZHES BYA BA DER SHIN TU DANG BA'I SEMS DE SKYABS SU SONG BA'I RGYUS SKYE BAR 'GYUR RO, ,DER SKYES NAS KYANG DE'I LUS GZI BRJID DANG LDAN ZHING LUS RANG GI 'OD KYIS BRGYAN LA BDE BAR GNAS PAR 'GYUR RO, ,'DI LTA STE, CUNG ZAD CIG DPE BYA NA, 'KHOR LOS BSGYUR BA'I RGYAL PO'I BDE BA GANG YIN PA DE NI LHA GNAS PA GCIG GI BCU DRUG GI CHAR YANG MI PHOD DO, ,GNAS DE DAG NI CHU'I NANG NA MU TIG GI BYE MA YOD LA, DE'I MING NI 'DI YIN TE, 'DI LTA STE, 'DOD PA 'BYUNG ZHES BYA'O, ,DE'I MTHU NI 'DI LTA BU YIN TE, 'DI LTA STE, MTHA' LA GNAS PA DANG, ZUR LA GNAS PA'I LHA'I YID LA BSAMS PA GANG YIN PA DE DAG CHU'I RNAM PA CHU BO DE LAS 'THOB BO, ,GZHAN YANG, CHU BO MU TIG DANG, BYU RU 'BAB PA ZHES BYA BA YOD DE, LHA MO'I TSOGS KYIS YONGS SU BSKOR BA YIN NO, ,DE NA'ANG RIN PO CHE RNAM PA SNA TSOGS 'BAB STE, 'DI LTA STE, BEE d'URYA'I THUR MA DANG, RDO RJE'I DUM BU DANG, NOR BU MTHON KA DANG, MTHON KA CHEN PO DANG, SPUG ME MDOG RNAM PA DU MA STE ,
GZHAN YANG ZUR NA GNAS PA'I LHA DE DAG BRGYAN PAR BYA BA'I PHYIR RNAM PA DE LTA BU DAG 'BYUNG NGO, ,DE DAG GI SEMS LA BRGYAN PAR 'DOD PA'I RGYAN GANG YIN PA DAG DE LA 'THOB PAR 'GYUR RO, ,GZHAN YANG, CHU BO SPOS CHU ZHES BYA BA 'BAB STE, DE NA'ANG BYA NGANG PA DANG, K'A RAndA PA DANG, NGUR PAS BRGYAN LA, 'GRAM GNYIS KA SHING LJON PA DANG, GSER GYI SHING LJON PA DBYIBS DANG, KHA DOG SNA TSOGS DANG LDAN PA RNAMS KYIS YONGS SU BSKOR CING BYA RNAMS KYIS KYANG YONGS SU BSKOR BA YIN NO, ,'DI LTAR LHA RNAMS KYIS DRI BSNAMS NA YID RAB TU DGA' LA, DE LTAR YANG DANG, YANG RTAG TU DE LA SNAS BSNAMS NAS DRI TSOR BA DANG, SNOM PA PO BRGYA 'GYUR DU YID DGA' BAR 'GYUR TE, DE DAG GZHAN YANG 'DOD PA'I YON TAN LNGA 'BYOR CING LDAN PAR GYUR PA RNAMS KYIS DGA' BAR BYED DO, ,SHING RNAMS KYI RNAM PA NI 'DI LTA BU YIN TE, 'DI LTA STE, YAL GA DMAR LA LO MA LJANG KHUR 'DUG PA DANG, YAL GA LJANG KHU LA LO MA DMAR POR 'DUG PA DAG GO ,LO MA'I KHA DOG LNGA LA, 'DI LTA STE, SNGON PO DANG, SER PO DANG, LJANG KHU DANG, NAG PO DANG, DKAR PO DANG, , BUNG BA KHA DOG SNA TSOGS DANG LDAN PA RNAMS KYIS MDZES PAR BYAS PA SGRA 'BYIN PA RNAMS KYIS RTAG TU YID DGA' BA YIN TE, DE LTAR LEGS PAR BYAS PA'I LAS KYI 'BRAS BU DAG
, ,LA RTZE BAR BYED, DGA' BAR BYED, YONGS SU DPYOD PAR BYED DO, ,RI RAB DAG LA RIN PO CHE SNA TSOGS KYI RTZE MO DANG, GAD KHA DANG, BU GA DAG KYANG YOD DO; ;DE LA RI 'DI LTA BU DAG YOD DE, 'DI LTA STE, MTHO ZHING BKRA BA, 'BAB CHU SNA TSOGS BSIL BA, BYA SKAD SNYAN PA 'BYIN PA, SPOS KYIS BSGOS PA, DUS TSIGS DANG RTAG TU LDAN PA YIN TE, RIN PO CHE SNA BDUN GYIS BRGYAN PA'I RI RNAM PA DE LTA BU LA ZUR NA GNAS PA'I LHA RNAMS DGA' BAR BYED, YONGS SU SPYOD PAR BYED CING BDE BA SNA TSOGS KYIS NI MYOS, LHA MO RNAM PA SNA TSOGS KYIS NI YONGS SU BSKOR, RGOD PA DANG, 'GYING BA DANG, RTZED MO NI BYED DE, JI SRID DU GSUM LA SKYABS SU SONG BA'I LAS KYI RNAM PAR SMIN PA LAS BYUNG BA 'DOD PA SDUG PA YID DU 'ONG BA ZAD PAR MA GYUR PA DE SRID DU 'DOD PA'I YON TAN LNGA RNAMS KYIS DGA' BAR BYED LA, PHYIS KYANG MYA NGAN LAS 'DAS PA'I MTHA' 'THOB PAR 'GYUR RO; ;GAL TE MI RNAMS DANG SKAL PA MNYAM PAR MIR SKYES NA, LAS DE DANG RGYU MTHUN PAR DE RTAG TU DGA' LA MCHOG TU BDE BA DANG LDAN PAR SPYOD PA DANG, NOR RDZAS DANG LDAN PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE LHA'I 'JIG RTEN LA RTOG PAR BYED DE, DES THOS PA LAS BYUNG BA'I SHES PAS LHA PHRENG
THOGS RNAMS KYI GNAS GZHAN MTHA' LA GNAS PA ZHES BYA BA MTHONG NGO, ,LHA'I 'JIG RTEN DER LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA; TSUL KHRIMS DANG LDAN PA GANG GIS TSUL KHRIMS DANG LDAN PA DAG LA TSUL KHRIMS DANG LDAN PA YIN NO SNYAM YID LA BYAS NAS, CHU BO LAS BSGRAL BA'I PHYIR STEGS BTZUGS SAM GRU BYIN TE, CHU BO CHEN PO SKYE BO MI BDE BA LAS SGROL BAR BYED CING SDIG PA LA'ANG MI 'JUG NA, DE LUS DANG BRAL NAS BDE 'GRO MTHO RIS LHA'I 'JIG RTEN MTHA' LA GNAS PA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG LEGS PAR BYAS PA'I LAS KYI MTHA' SPYAD PA DE, LHA'I RIS DER BDE BA SNA TSOGS LA GNAS SHING LHA'I 'JIG RTEN DE PADMA'I RDZING GIS YONGS SU BSKOR BA YIN NO, ,DE NAS PADMA'I RDZING BSIL LA SHIN TU DANG BA RO DANG, DRI DANG, MDOG SKYON MED PAS GANG BA YIN LA, LHA MO'I TSOGS RTAG TU RGOD PA DANG, LDEM PA DANG, RTZE BA DANG, YONGS SU SPYOD PA RNAMS KYIS GANG BA YIN NO, ,DE NA DE LHA MO'I TSOGS MANG PO DAG GIS SHIN TU MCHOD LA, LUS RIN PO CHE SNA TSOGS KYIS BRGYAN TO, ,RNA BAR SIL SNYAN RNAM PA LNGA DANG LDAN LA, LHA MO DE RNAMS KYIS NYE BAR RTZEN TE, BDE BAR GNAS PA, TSAL DANG, NYE BA'I TSAL DANG, LTENG KA DANG, KUN DGA' RA BA RNAMS SU BDE BA MYONG BAR BYED DO, ,DE NA
, ,LTENG KA YOD PA DAG NI, 'DI LTA STE, 'BAB BDE DANG, BUD MED SDUG DANG, MTHONG DGA' DANG, KUN DGA' DANG, SPRIN PHRENG DANG, LTENG KA PHRENG DANG, YID BZHIN SNA TSOGS DANG, DUS MI MTHONG NGO, ,TSAL DAG KYANG YOD DE, MTHONG NA NYAMS DGA' DANG, MTHONG NA YID MTHUN DANG, RLUNG LEGS PAR MNGON LDANG DAG GO ,ME TOG GI RNAM PAS MDZES PA BZHI YOD DE, 'DI LTA STE, SPOS 'BYUNG DANG, SNA TSOGS DANG, BUNG BA MNGON DGA' DANG, RTAG TU NYAMS DGA' STE, TSAL DE RNAMS SU LHA DE LHA MO RNAM PA SNA TSOGS DAG GIS YONGS SU BSKOR CING 'DOD PA'I YON TAN LNGA LA SEMS CHAGS PA BDE BA MYONG BAR BYED DO, ,RIN PO CHE SNA TSOGS KYIS LUS BRGYAN PA DE THOGS PA MED PA'I 'GROS DANG, NYAMS PA MED PA'I 'GROS KYIS GANG DGA' BAR 'GRO ZHING GANG DGA' BAR BYED DO, ,YUL LNGA LA CHAGS PA DE RI LAS CHU BO 'BAB PA LTAR NYIN GCIG BZHIN BDE BA 'PHEL TE, DBANG PO LNGA PO CHU LTA BU 'DOD PA RLABS LTA BU DAG LA RTZE ZHING SKYED MOS TSAL NAS SKYED MOS TSAL, NAGS CHAL NAS NAGS TSAL, LTENG KA NAS LTENG KA ,GSER GYI RI'I RTZE MO RIN PO CHE SNA TSOGS KYIS BRGYAN PA NAS, RI'I RTZE MO GZHAN DAG LA 'GRO BAR BYED DO, ,RTZE BAR BYED PA LHA MO YID DU 'ONG ZHING DGA' BA ME TOG PHRENG BA BZANG PO DPE MED PA THOGS PA RNAMS
KYIS YONGS SU BSKOR CING BZA' BA DANG, BTUNG BA RNAM PA SNA TSOGS KYIS LUS SHIN TU TSIM PA YIN TE, DE LTAR DE JI SRID DU DE'I 'DOD PA SDUG PA, YID DU 'ONG BA LEGS PAR BYAS PA'I LAS KYI SPRUL PA DPE MED PA LEGS PAR BYAS PA'I RGYU LAS BYUNG BA ZAD PAR MA GYUR PA DE SRID DU BDE BA DE MYONG BAR BYED DO, ,DE LAS DE ZAD NAS DE NAS SHI STE, GAL TE MI RNAMS DANG SKAL BA MNYAM PAR MIR SKYES NAS, LAS DE DANG RGYU MTHUN PAR DE DRANG DKAN CHE LA 'BYOR PA DANG LDAN ZHING RGYAL PO'I MDZOD KYI SPYAN DU'ANG 'GYUR BAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA PHRENG THOGS RNAMS KYI GNAS LA RTOG PAR BYED DO, DES THOS PA LAS BYUNG BA'I SHES PAS BRTAGS NA, LHA PHRENG THOGS RNAMS KYIS GNAS GSUM PA 'BRAS BUS NYE BAR 'TSO BA ZHES BYA BA JI LTAR 'DUG PA MTHONG NGO, ,DER LEGS PAR BYAS PA'I LAS GANG GIS LHA RNAMS KYI NANG DU SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, TSUL KHRIMS DANG LDAN PA LUS DANG, NGAG DANG, YID RAB TU ZHI BA, BYAMS PA BSGOMS PA'I SEMS GANG GIS LO NYES MI BZAD PA PHAL CHER BYUNG BA'I YUL RNAMS SU, 'DI LTAR LAM DU ZHUGS PA BKRES PAR GYUR PA GANG YIN PA DE DAG 'BRAS BU DE RNAMS KYIS SHIN TU TSIM
, ,ZHING BDE BAR GNAS PAR BYA'O SNYAM NAS, SEMS CAN RNAMS LA PHAN PA DANG, BDE BAR BYA BA'I PHYIR 'BRAS BU'I SHING NGAM, KUN DGA' RA BA DAG BSKYED CING BYAS LA, DE DAG KYANG DE LTAR SHIN TU BDE BAR GYUR NA DE LUS DANG BRAL NAS BDE 'GRO MTHO RIS LHA'I 'JIG RTEN 'BRAS BU NYE BAR 'TSO BA ZHES BYA BA'I LHA DE RNAMS KYI NANG DU SKYE BAR 'GYUR RO, ,DER SKYES NAS KYANG DE LHA MO GZUGS DANG, LANG TSO DPE MED PA DANG LDAN PA, BDE BAR GNAS PA MTSUNGS PA MED PA RNAMS KYIS YONGS SU BSKOR BA 'GYUR RO, ,TSAL DANG, NYE BA'I TSAL DANG, LHA'I ME TOG DANG, 'BRAS BU PHUN SUM TSOGS PA DANG, GSER GYI BYU RU'I DRA BA 'PHYANG BA DANG, DRIL BU G-YER KA'I SGRA BSGRAGS PA DE DAG SHIN TU DGA' BAR BYED DE, BDE BA LA CHAGS PA'I DBANG PO LNGA SHIN TU BDE BA DANG LDAN NO, ,DE NA TSAL DANG DGA' BAR 'GYUR BA 'DI LTA BU DAG 'BYUNG BAR 'GYUR TE, 'DI LTA STE, 'BRAS BU KUN PHYED CES BYA BA'I TSAL DANG, KUN DGA' GZHI ZHES BYA BA'I TSAL DANG, DMA' BA DANG, MTHO BA ZHES BYA BA'I TSAL DANG, KUN NAS BDE BA ZHES BYA BA'I TSAL DANG, RTAG TU DGA' BA ZHES BYA BA'I TSAL DANG, BUNG BA RTAG MYOS ZHES BYA BA'I TSAL DANG, GSER GYI GRIB MA ZHES BYA BA'I TSAL TE, TSAL DE RNAMS SU LHA MO'I TSOGS
KYIS [?] YONGS SU BSKOR NAS DGA' BAR BYED LA, PADMA'I TSAL DANG, LTENG KA DANG, 'BAB CHU SGRA LHUNG LHUNG 'BAB PA'I TSAL RAB TU MANG PO DAG NA'ANG DGA' BAR BYED DO, ,RANG GI 'OD DANG, SHING LJON PA RAB TU 'BAR ZHING GSAL BA DANG, BYA RTAG TU MYOS SHING SGRA 'BYIN PA DANG, KHA ZAS MANG PO BZAS MI LANG BA DANG, RIN PO CHE SNA BDUN GYIS MDZES PAR BYAS PA RI BO'I RTZE MO RNAM PA SNA TSOGS DAG NA'ANG MNGON PAR DGA' BAR BYED DO, ,DE NA RI RAB KYI RTZE MO'I MING 'DI LTA BU DAG YOD DE, 'DI LTA STE, RI'I 'OD KYI PHRENG BA ZHES BYA BA DANG, DZAMBU'I TSAL DANG, CHU DKAR DANG, DGOD PHRENG DANG, RTAG DGA' STE, RI BO'I RTZE MO DE DAG NA LEGS PAR BYAS PA'I LAS KYI MTHA' SPYAD PA DAG MNGON PAR DGA' BAR BYED DO, ,RANG GIS LEGS PAR BYAS PA'I LAS KYIS BSGYUR TE, GNAS PA RTAG TU YUL LA DGA' STE, JI SKAD BSTAN PA'I GNAS DE DAG NA, LHA MO BRGYA PHRAG DU MAS YONGS SU BSKOR BA DANG LHAN CIG DGA' BAR BYED, YONGS SU SPYOD PAR BYED DO, ,'DIR TSIGS SU BCAD PA, MTHO RIS THAMS CAD 'DOD PA NI, ,RGYU CHUNG BA YIS THOB PAR 'GYUR, ,DE BAS NYES PAR SPYAD SPANGS TE, , RTAG TU LEGS PAR SPYAD LA SPYOD, ,SBYIN PA SEMS LA GOMS PA DANG, ,TSUL KHRIMS YONGS SU BSRUNGS PA NI, ,'DOD PA'I YON TAN LNGA 'BYOR PA, ,LHA YI GNAS SU 'GRO BAR BYED, ,JI LTAR
, ,TSUL KHRIMS LEGS BSRUNGS PA, ,PHA MA DON DANG BSHES GROGS DANG, ,GNYEN 'DUN DAG GI BDE BA YANG, ,DE LTA BUR NI MYONG MI 'GYUR, , TSUL KHRIMS 'DI DANG PHA ROL SKYOB, ,TSUL KHRIMS 'DI YI RTEN GYI MCHOG ,TSUL KHRIMS RTAG TU LDAN PA'I MI, ,BDE LAS BDE BA 'THOB PAR 'GYUR, ,RANG GI LAS KYIS BSGYUR BA DAG ;SBYIN DANG TSUL KHRIMS YANG DAG SPYOD, ,MI GANG GTZANG MAR SPYOD PA RNAMS, ,DE DAG LHA YI GNAS SU 'GRO ,TSUL KHRIMS GTER NI ZAD MI SHES, ,TSUL KHRIMS BDE BA MTHA' YAS TE, ,TSUL KHRIMS LHAG PAR SRUNG BA'I MI, ,RTAG TU BDE BAR GNAS PA YIN, ,BSNGAGS PA DANG NI NOR 'DOD DANG, ,PHA ROL MTHO RIS DAG LA DGA', ,BDE GSUM TSOL BAR 'DOD PA YIS, ,BLO DANG LDAN PAS TSUL KHRIMS SRUNGS, ,MI GANG TSUL KHRIMS LDAN PA NI, ,TSUL KHRIMS NYID LA RTEN PAR BYED, ,GANG LA 'CHI BA MED PA YI, ,BDE LAS DE NI MYA NGAN 'DA', ,THOG MA MED PA'I 'KHOR BA NAS, ,'DOD CHAGS GTI MUG LA SOGS BSGRIBS, ,SNANG BYED MCHOG NI TSUL KHRIMS TE, ,DE BAS TSUL KHRIMS YANG DAG SPYOD, ,TSUL KHRIMS MTSO LTAR RNYOG MED PA, ,TSUL KHRIMS DE NI BSNGAGS PA YIN, ,RGYAL PO CHOM RKUN ME DANG CHUS, ,TSUL KHRIMS NOR LA 'PHROGS MI NUS, ,DE BAS TSUL KHRIMS RTAG TU BSTEN, ,TSUL
KHRIMS 'CHAL BA RNAM PAR SMAD, ,TSUL LA MNGON PAR DGA' BA'I MI, ,DE NI MYA NGAN 'DAS DANG NYE, ,SKYES BU TSUL KHRIMS LDAN PA BSNGAGS, ,TSUL KHRIMS LDAN PA'ANG STEN PAR BYED, , TSUL KHRIMS NYI MA LTA BUR MDZES, ,TSUL KHRIMS 'CHAL PA RNAM PAR SMAD, ,DRI MA MED CING GNOD PA MED, ,RIMS NAD MED CING MYA NGAN MED, ,RDZOGS SANGS RGYAS KYIS TSUL KHRIMS BSNGAGS, MYA NGAN 'DAS PA'I GRONG KHYER NYE, ,RTAG TU TSUL KHRIMS LDAN PA YIS, ,MI DAG NGES PAR KUN TU 'GENGS, ,TSUL KHRIMS YONGS SU BSRUNGS PA NI, ,'CHI BA'I TSE NA MI 'JIGS SO, ,TSUL KHRIMS THOG MA THA MAR DGE ,BDE BA THAMS CAD RAB TU 'JUG ,SKYES BU TSUL KHRIMS LDAN PA BSNGAGS, ,TSUL 'CHAL DGA' BA BA LANG YIN, ,TSUL KHRIMS 'CHAL BA'I MI DAG NI, ,DUD 'GRO RNAMS DANG MTSUNGS PA YIN, ,BYA DANG MI BYA MI SHES TE, ,DE BAS TSUL KHRIMS YANG DAG SPYOD, ,TSUL KHRIMS GOS KYIS GANG G-YOGS PA, ,SKYES BU DE NI G-YOGS PA YIN, ,TSUL KHRIMS SPANGS PA GANG YIN PA, ,GCER BU DE NI PHYUGS DANG MTSUNGS, ,SKYES BU TSUL KHRIMS LDAN PA NI, ,RANG GI SKYED TSAL 'GRO BA BZHIN, ,TSUL KHRIMS LDAN PA 'DIR 'ONGS PA, ,DER NI GNYEN LTAR SEMS PAR BYED, ,TSUL KHRIMS GTZANG MA YANG DAG SPYOD, ,DGE BA'I LAS DANG LDAN PA YI, ,SKYE BO BYA BA LEGS BYAS PA, ,DE NI LHA YI 'JIG RTEN 'GRO ,SKYES BU TSUL KHRIMS
, ,RTAG LDAN PA, ,'DOD PA GANG DANG GANG TSOL BA, ,DE DAG DE YI SO SOR 'GRUB, ,TSUL KHRIMS KYIS NI YONGS SU 'PHEL, ,'JIG RTEN 'DI DANG PHA ROL TU, ,TSUL KHRIMS GROGS KYI MCHOG YIN NO, ,DE BAS GROGS PO YON TAN MCHOG ,TSUL KHRIMS NYID LA RTAG TU SPYOD, ,BKRES SKOM 'JIGS PA MI ZAD PA, ,NYAM NGAR SKYOB PA MCHOG YIN TE, ,TSUL KHRIMS GNAS SHING BSGOMS PAS BSTOD, ,'JIG RTEN PHA ROL NYE BAR 'GRO ,GANG ZHIG TSUL 'BRAS 'DI LTA BUR, ,GAL TE TSUL LDAN RAB SHES NA, ,DE NI MTSON RNON THOGS NAS 'DIR, ,BDAG NYID MGUL GCOD LA SOGS BYED, ,DPE MED BSHAD DU MED PA STE, ,SHIN TU DGE DANG YANG DAG LDAN, ,TSUL KHRIMS 'BRAS BU DRI MA MED, ,BDE BAR GSHEGS PAS RAB TU BSTAN, ,DANG PO DE BZHIN PAR DU DGE ,DE BZHIN THA MAR DGE BA YIN, ,TSUL KHRIMS 'BRAS BU DRI MA MED, ,DE NI DGE LAS BDE CHEN THOB, ,DE BAS DE YIS DE YON TAN; ;RIG NAS TSUL NYID RTAG TU SPYOD, ,'DI DANG GZHAN DU SKYOB BYED PA, ,TSUL KHRIMS LTA BU GANG YANG MED, ,DE LTAR DGE SLONG TSUL KHRIMS KYI YON TAN GYI DE KHO NA NYID LA SEMS PA DE, TSUL KHRIMS LA NI BSTOD PAR BYED LA, ,TSUL KHRIMS 'CHAL PA LA NI RTAG TU SMOD PAR BYED DO, ,DE LTAR DE LHA'I GNAS NI 'DOD PA'I YON TAN LNGA 'BYOR BAS BDE STE, DER
JI SRID DU DGE BA'I TSUL KHRIMS DE SO SO YANG DAG PAR LDAN PAR 'GYUR BA DE SRID DU DGA' BAR BYED DO, ,DE DAG ZAD NAS SHI STE, GAL TE MI RNAMS DANG SKAL BA MNYAM PAR MIR SKYES NA, LAS DE DANG RGYU MTHUN PAR RDZU 'PHRUL DANG LDAN ZHING GZUGS SHIN TU BLTA NA SDUG PA DANG, GNAS DANG, NYE BA'I TSAL GYI BAR DAG TU SKYE BAR 'GYUR RO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE LHA PHRENG THOGS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA PHRENG THOGS RNAMS KYI GNAS BZHI PA GANG NA LHA DAG DGA' BAR BYED PA; YON TAN DKAR PO SPYOD PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA ME TOG PHRENG BAS 'TSO BA BLO ZHAN PA YID DANG BAS SEMS CUNG ZAD BSKYED PA, ZHING DANG, DNGOS PO KHO NA YON TAN DANG LDAN LA SEMS YON TAN DANG LDAN PA MA YIN PA LAM DU ZHUGS PA GANG GIS SANGS RGYAS SAM, MCHOD RTEN DAG LA ME TOG SNYIM PA GANG ZHIG PHUL NA, DE LUS DANG BRAL NAS BDE 'GRO MTHO RIS KYI 'JIG RTEN YON TAN DKAR PO SPYOD PA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG DE'I LUS YON TAN DKAR PO'I PHRENG BA BTAGS SO, ,GNAS DE'ANG KUN NAS BEE d'URYA BAS LHAG PA'I RIN PO CHE SNA BDUN GYI RDO RNAMS KYIS MDZES PA YIN
, ,NO; ;GNAS DE RIN PO CHE SNA BDUN GYIS SPRAS PA'I BYA SKAD SNYAN PA 'BYIN PA RNAMS KYIS KYANG YONGS SU BSKOR BA KUN NAS GSAL BA YIN TE, DE NAS YANG BRGYA GYUR DU SHIN TU GSAL BAS MDZES PA YIN NO, ,DE LTAR GNAS DE RNAM PA DU MAS BRGYAN CING SHING LJON PA RNAMS KYIS KYANG MDZES PA YIN TE, 'DI LTA STE, 'GRAM NA PADMA SKYE BA DANG, RGYUN DU BYA BAR BLO YOD PA LTA BU'I SHING LJON PA DAG LA GOS SPOS KYIS BSGOS PA'I DRI RNAMS KYIS DPAG TSAD DU KHYAB LA, ME TOG RTAG TU 'BYUNG BA DANG, 'BRAS BU RTAG TU 'BYUNG BA YIN TE, GNAS DE RNAM PA DE DAG DANG, GZHAN DE DAG GIS MDZES PA YIN NO, ,DE NA BDE BA LA GNAS PA DE DAG KUN DGA' RA BA DANG, CHU BO DANG, LHA MO'I TSOGS SNA TSOGS GLU LEN CING YUL NAS YUL DANG, GNAS NAS GNAS DANG, SKYED MOS TSAL NAS SKYED MOS TSAL DU YONGS SU RGYU BA NA BDE BA DAG MYONG BAR BYED LA, BGAD PA DANG, RTZES PA DANG; DGA' BA DANG, DGA' DGUR SPYOD DE BDE BAR GNAS PA DGA' DGUR SPYOD PA SPYOD CING BDE BA DPE MED PA DAG MYONG BAR BYED DO, ,GNAS DE DMA' BA DANG, MTHO BAR YANG 'GYUR TE, MAR SAR LTAR 'JAM PA RKANG PA BZHAG NA NEMS ZHES BYED LA, RKANG PA BTEG NA PAR ZHES BYED DO, ,GNAS DE PHYOGS GZHAN DAG TU SHING BAL LTAR YANG 'JAM
BAR 'GYUR TE, NEMS ZHES BYED PA DANG, BAR ZHES BYED PA NI SNGA MA BZHIN NO, ,SHING THAMS CAD KYANG RANG LAS 'OD 'BYUNG STE, NYI MA'I 'OD LTAR BDE BA YIN LA, GSER GYI SHING LJON PA DE RNAMS NI GNAS KYANG LO MA RNYIS PAR MI 'GYUR, ME TOG RNYIS PAR MI 'GYUR TE, DE LTAR LAS LAS SKYES PA'I TSUL KHRIMS KYI DBANG GIS YONGS SU SPREL BA, LEGS PAR BYAS PA'I LAS KYIS MNGON SUM DU GYUR PA RGYA'I 'BUR LTA BUR LHA'I BDE BA DPE MED PA DAG MYONG NGO, ,RNAM PA DE LTA BUR NYAMS DGA' BA SKYED MOS TSAL DANG, NAGS TSAL DANG, LTENG KA DE DAG TU RANG GI LAS NGAN PA DANG, 'BRING DANG, BZANG PO RNAMS KYIS LHA DAG RTZE BAR BYED CING DGA' DGUR SPYOD DO, ,RANG GI LAS KYIS LUS BRGYAN PA RNAMS RANG LAS 'OD 'BYUNG LA GZUGS DANG, SGRA DANG, DRI DANG, RO DANG, REG BYA DAG MYONG ZHING DE DAG GI LUS NAMS KYANG NYAMS PAR MI 'GYUR LA, BKRES PA DANG, SKOM PA'ANG MED DO, ,SGRA DANG, RO DANG, GZUGS DANG, DRI ZHIM PA RNAMS KYIS TSIM PA MED PA'I LHA SRED PA LA SEMS CHAGS PA DAG GANG DANG, GANG 'DON PA DE DANG, DE NYID LHA RNAMS LA 'GRUB LA, GANG DANG, GANG 'GRUB PA DE DANG, DE DAG GZHAN GYIS NYAMS PAR MI BYED DO, ,LHA RANG DGAR SPYOD CING RTAG TU MGU BA, RTAG TU YID RAB TU DGA' BA, GAR DGA' MGUR RAB TU 'GRO BA'I LHA SPRUL PA DAG RANG DGAR RNAM
, ,PAR RGYU LA, LUS SPOM PA'I LHA DAG NI LUS YANG BAR 'GYUR RO, ,MIG 'DZUMS PA DANG PHYE STE 'GRO BA'I LHA DAG NI MIG 'DZUM PA DANG PHYE BAS DPAG TSAD BYE BA BYE BAR 'GRO'ANG NGAL BA MED LA YANG BAR 'GYUR RO, ,DPER NA, NAM MKHA' LA RLUNG NGAL BAR MI 'GYUR LA, DE BZHIN DU LHA RNAMS LA'ANG NGAL BA'I SKYON MED PAR 'GYUR RO, ,YID GSAL BA'I LHA RNAMS KYI LUS NI YANG LA DRI MA DANG BRAL BA YIN NO, ,THAMS CAD DU 'GRO BAR NUS PA DAG NI GZUGS JI LTAR 'DOD PA BZHIN DU 'GYUR LA, LHA DANG, LHA MO RAB TU DGA' BAS KUN TU GANG BA, LHA'I NA CHUNG THAMS CAD TSAL DANG, NYE BA'I TSAL DAG NA 'KHOD PA, LHA DANG, LHA MO RNAMS LHAN CIG 'DOD PA'I YON TAN LNGA 'DOD PA MYONG BAR BYA BA, SDUG PA MYONG BAR BYA BA, YID DU 'ONG BA MYONG BAR BYA BA DANG, BDE BAR GNAS PA MYONG BAR BYA BA RNAMS KYIS DGA' BAR BYED DO, ,DE LTAR PHAN TSUN GNAS PA MTHO RIS KYI GNAS RI BRAGS DANG; TSAL DANG NYE BA'I TSAL GYI BAR SNA TSOGS DAG NA 'BRAL BA'I SDUG BSNGAL RTZIS LA MA CHAGS PAR YUL MI BRTAN PA RNAMS KYIS NYIN GCIG BZHIN MYOS PA BAG MED PAR GNAS PA DGA' BA'I 'DOD CHAGS KYI MOD LAS BYUNG BA'I SRED PAS BSLUS PA RNAMS, JI SRID DU DE'I 'DOD PA SDUG PA YID DU 'ONG BA'I LAS MTHO RIS SU SKYE BAR RGYU LAS BYUNG BA, BYAS SHING
[?] BSAGS PA ZAD PAR MA GYUR PA DE SRID DU DGA' BAR BYED DO, ,DE PHYIS DE NAS 'CHI BAR 'GYUR TE, SHI NAS KYANG RANG GI LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE YANG LEGS PAR BYAS PA'I LAS KYIS MI DANG, SO SO YANG DAG PAR MYONG BAR 'GYUR BA'I MI RNAMS KYI NANG DU SKYES NA , LAS DE DANG, RGYU MTHUN PAR DE GRONG KHYER GYI DPON PO'AM, YUL GYI DPON POR 'GYUR TE, SKYE BO RTAG TU DGA' BA RNAMS KYIS GANG BA'I YUL DU SKYE BAR 'GYUR LA, NAD MED PA DANG , GZUGS BZANG PO DANG LDAN PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA PHRENG THOGS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA PHRENG THOGS RNAMS KYI GNAS THAMS CAD DGA' BAR GNAS ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, TSUL KHRIMS DANG LDAN PA'I SEMS PA GANG GIS GZHAN LA MI GNOD PAR ME TOG BSKYED NAS SAM, TSONG ZONG GIS NYOS NAS BTOGS TE, SANGS RGYAS BCOM LDAN 'DAS LA PHUL NA, DE LUS DANG BRAL NAS BDE 'GRO MTHO RIS KYI 'JIG RTEN THAMS CAD DGA' BAR GNAS PA'I LHA RNAMS KYI NANG DU SKYE BAR
, ,'GYUR RO, ,DER SKYES NAS KYANG DE BDE BA RNAM PA BZHI MYONG BAR 'GYUR TE, 'DI LTA STE, 'GRAN ZLA MED PA DANG, GAR DGA' MGUR 'GRO BA DANG, LHA GZHAN GYIS ZIL GYIS MI NON PA DANG, LHA MO'ANG LHA GZHAN LA MI RTEN PA DANG, SIL SNYAN YAN LAG LNGA DANG LDAN PAS SKYED PAR BYED, YONGS SU SPYOD PAR BYED, RTZE BAR BYED, DGA' BAR BYED; YANG DAG PAR DGA' BAR BYED CING GNAS SO, ,RTZE BA DAM PA SNA TSOGS KYIS RTZE BAR BYED DE, 'DI LTA STE, CHU NA RTZE BA DANG, PADMA'I RDZING LA RTZE BA DANG, ME TOG LA RTZE BA DANG, 'BRAS BU LA RTZE BA DANG, SPOS LA RTZE BA DANG, BYA LA RTZE BA DANG, TSAL GYI NANG NA RGYU ZHING RTZE BA DANG, BUNG BA SGRA 'BYIN PAS RTZE LA PHAN TSUN LTA BAS MI NGOMS PA'I LHA MO'I TSOGS KYIS YONGS SU BSKOR BA DAG DGA' BAR BYED DO, ,LHA DANG, LHA MO PHAN TSUN DU PHRAG DOG BYED PA'I SDUG BSNGAL SPANGS PA DAG DRI SHIN TU ZHIM POS LEGS PAR BDE BA DANG LDAN NO,, GNAS DE NA PADMA'I RDZING RNAMS KYIS KYANG YONGS SU BSKOR BA YIN TE, 'DI LTA STE, PADMA'I RDZING SHIN TU DRI ZHIM PA DANG, PADMA MA RNYIS PA'I PADMA'I RDZING DANG, PADMA DANG, AUTPA LAR 'DRES PA DANG LDAN PA'I PADMA'I RDZING DANG, DE DANG, GZHAN DAG GIS KYANG RTAG TU GANG BA'I RDZING DAG YOD DE, RNAM PA DE LTA BU'I PADMA RNAM PA DU MA DAG GIS PADMA'I RDZING DE KUN NAS KHEBS
PA YIN NO, ,DE RNAMS SU LHA DGA' BA LA GNAS PA DAG SHIN TU NYAMS DGA' BA DANG, MCHOG TU BDE BAR BYED PA RNAM PA SNA TSOGS KYI BDE BA MYANG NGO, ,TSAL GSER GYI LO MA CAN BUNG BAS 'KHRIGS PA'I TSAL GYI BAR BAR DAG NA'ANG DGA' BAR BYED DO, ,SPOS SNA TSOGS DANG LDAN PA DAG NA BYA SGRA SNYAN PA 'BYIN PA DAG KYANG THOS TE, DE'I KHYAD PAR NI MI'I SIL SNYAN YAN LAG LNGA DANG LDAN PA DAG GIS BCU DRUG GI CHAR YANG MI PHOD DO, ,DE LTAR DE DAG GI MIG KYANG GZUGS RNAMS KYIS YANG DAG PAR TSIM PAR BYED, RNA BA'ANG ROL MO SNA TSOGS DANG, GLU RNAM PA SNA TSOGS KYIS SNYAN PAR BYED, PAGS PA'ANG GOS THAGS SU MA BTAGS PA RNAMS KYIS 'JAM PAR BYED, SNA'ANG LHA'I DRI RNAM PA DU MAS ZHIM PAR BYED DE, DE LTAR YUL LNGA LA CHAGS PA DE DGA' BA RNAM PA DU MA DANG, GZUGS RGYUN MI 'CHAD PA GZHAN GYIS MI 'PHROGS PA GZHAN GYIS BSKRUN DU MED PA'I BDE BA DU MA DANG, LHA'I BZA' BA DANG, BTUNG BA MDOG BZANG BA DRI DANG, RO ZHIM PA DU MA DAG KYANG MYONG NGO, ,DE GAR DGA' BAR YANG 'GRO STE, RANG GI LAS DANG MTHUN PAR GAR DGA' BAR 'GRO'O, ,DE LTAR DE TSAL NAS TSAL DANG, PADMA'I RDZING NAS PADMA'I RDZING DANG; NYE BA'I TSAL NAS NYE BA'I TSAL DAG TU LHA MO'I TSOGS DU MAS YONGS SU BSKOR TE YONGS SU RGYU BAR BYED CING BDE BA SNA TSOGS DAG LA GNAS SO, ,DE 'DOD PA SDUG PA YID DU 'ONG BA'I
, ,LAS KYIS 'BRAS BU LA NYE BAR SPYOD PA NA, SHING LJON PA RANG GI 'OD DANG LDAN PA RNAMS KYIS YONGS SU BSKOR BA, GSER GYI BYA'I TSOGS KYI SGRA THOS NA YID 'PHROG PAR BYED PA RNAMS KYIS RNA BAR SNYAN PAR BYED DE, DE LTAR DE LHA'I GZUGS KYI BDE BA DPE MED PA DU MAS GZHAN GYIS MI 'PHROGS PA DE JI SRID DU DE'I 'DOD PA SDUG PA YID DU 'ONG BA, ZHING DAM PAS BSKYED PA, MTHAR MYA NGAN LAS 'DA' BAR 'GYUR BA'I LAS ZAD PAR MA GYUR PA DE SRID DU MYONG BAR BYED DO, ,GANG GI TSE ZAD PAR GYUR TE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG RANG GI LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE MI DANG SO SO YANG DAG PAR MYONG BAR 'GYUR BA'I LAS KYIS MI RNAMS KYI NANG DU SKYES NA, DE GRONG KHYER RAM GRONG KHYER CHUNG NGUR DBANG BYED PAR 'GYUR , 'BYOR PA MANG BA DANG, BLO RGYA CHE BA DANG, BRAN KHOL DU MA DANG LDAN PA DANG, SHIN TU BDE BA DANG LDAN PA DANG, ZHING BZANG PO LA LEGS PAR BYAS PA'I LAS DES MTHAR MYA NGAN LAS 'DA' BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA PHRENG THOGS KYI GNAS LA RTOG PAR BYED DE, DES THOS PA LAS BYUNG
BA'I SHES PAS LHA'I 'JIG RTEN GYI GNAS DAG NA LHA'I GNAS 'GRO MA GYOGS ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, TSUL KHRIMS DANG LDAN PAR GYUR PA GANG GIS TSAL MES BSREGS PA'I GSAB GSEB TU SROG CHAGS DAG SREG PA NA, CHUS GTOR TE THAR PAR BYAS PA DANG, SKAD CIG DE LA SHI BA LA THUG PA RNAMS KYI 'JIGS PA BSKYABS NA, DE LUS DANG BRAL NAS BDE 'GRO MTHO RIS KYI 'JIG RTEN LHA PHRENG THOGS RNAMS KYI NANG DU SKYE BAR 'GYUR RO, ,DER SKYES NAS KYANG MI 'JIGS PA SBYIN PAR BYED PA, MI 'JIGS PA SBYIN PA'I TSUL KHRIMS KYI RGYU LAS BYUNG BA DE LHA'I BDE BA DPE MED PA DE MYONG BAR 'GYUR RO, , DE'I GZUGS DANG, SGRA DANG, DRI DANG, RO DANG, REG BYA BA DE BA DAG 'THOB LA, LHA MO'I TSOGS BRGYA PHRAG DU MA DAG GIS YONGS SU BSKOR CING SIL SNYAN DANG, BRO GAR DANG , DGA' MGUR SPYOD PA'I TSOGS MANG PO BRGYA SNYED KYIS YONGS SU BSKOR TO, ,GZHAL MED KHANG CHEN PO GSER GYI LAN KAN NI BRES, DRIL BU G-YER KA'I SGRA NI DRAG TU 'KHROL, MU TIG GI DRA BAS NI SKAR KHUNG G-YOGS, NOR BU SNGON PO BRGYA SNYED KYIS BRGYAN PA DAG NA, LHA MO'I TSOGS DU MAS YONGS SU BSKOR CING DGA' BAR BYED DO, ,LHA MO GANG DANG GANG MTHONG BA DE DANG
, ,DE DAG GI RJES SU YID CHAGS SHING, DE DAG LA DGA' BA BSKYED, DE DAG LA MIG CHAGS, DE DAG LA RJES SU CHAGS LA, DE BDE BA LA MNGON PAR RTOG PA NA, RGYAN DANG CHA BYAD SNA TSOGS 'BUM SNYED KYIS BRGYAN PA, LUS RTAG TU SBOS KYIS BYUGS PA, RTAG PA RAB TU DGA' BA RNAMS KYIS YONGS SU BSKOR BA YIN TE, DE LTAR TSUL DANG MTHUN PA RNAMS MTHONG NAS, SHIN TU DGA' BAR BYED DO, ,RNA BAS SGRA MNYAN PAR BYA BA'ANG 'DOD PA SDUG PA YID DU 'ONG BA RNAM PA DU MA DAG THOS TE, 'DI LTA STE, GSER GYI BYA RKANG PA DANG, MCHU BYU RU LTAR DMAR BA DANG, RI DANG, 'BAB CHU DANG, GSAB GSEB NA 'KHOD PA SNA TSOGS DAG GI SGRA RNAMS THOS SO, ,GANG DAG DPE BYA BAR YANG MI NUS PA DE DAG KHA CIG NI RI LA DONG STE, MNGON PAR DGA' BAR BYED DO, ,KHA CIG NI RI'I GSEB TU DONG, KHA CIG NI ME TOG GI GSEB TU DONG, KHA CIG NI CHU'I NANG DU RGYU, KHA CIG NI NAM MKHA' LA DONG, KHA CIG NI GANG KHA DANG, SMAN LJONGS SU DONG, KHA CIG NI GSER GYI RI'I PHUG TU DONG NAS SGRA SNYAN PA 'BYIN TE, DE LTAR RNA BAS KYANG 'DOD PA SDUG PA YID DU 'ONG BA THOS SO, ,SNAS KYANG SHIN TU DRI ZHIM BA MYONG STE, 'DI LTA STE, ME TOG DRI'I NGAD DANG LDAN PA DPE MED PA DU MA BSNAMS NA BDE BA DANG, LHA MO DRI BSUNG DANG LDAN PA DANG, GZHAN YANG
DRA ZHIM PO RNAM PA SNA TSOGS DAG LA SNOM PAR BYED DE, DE LTAR SNAS KYANG DRI 'DOD PA SDUG PA YID DU 'ONG BA DAG LA SNOM PAR BYED DO, ,LCES KYANG RO MYONG BAR BYED DE, 'DI LTA STE, BDUD RTZI RNAM PA DU MA DAG GI KHYAD PAR GANG YIN PA DAG NI MI'I SBRANG CHANG DANG SPYAR BA'I CHANG GIS 'BUM GYI CHAR YANG MI PHOD DO, ,DE NI CUNG ZAD CIG DPER BYA BA YIN NO, ,LUS KYIS KYANG GANG DANG GANG LA REG PA THAGS SU MA BTAGS PA'I GOS NYID LA REG PAR BYED DE, DE DAG KYANG 'JAM ZHING NEM LA SRAB PA, REG NA BDE ZHING DGA' BA RNAM PA DU MA DAG GYON NO, ,YID KYIS GANG DANG, GANG BSAMS PA DE DANG, DE NYID LA 'GRUB PAR 'GYUR TE, 'GRUB PA GANG YIN PA DE NI 'DOD PA SDUG PA YID DU 'ONG BA GZHAN DANG THUN MONG MA YIN PA 'GRUB PAR 'GYUR RO, ,DE LTAR SRED PA DRUG PO RNAM PA DU MA DAG LA BLO RNAM PAR CHAGS PA DE BDE BA DU MA 'BYOR CING LDAN PAR GYUR NAS PADMA'I TSAL DU MA'I NANG NA MNGON PAR DGA' BAR BYED DO, ,DE BZHIN DU BYU RU DANG, GSER BTZO MA'I TSAL DU MA DANG, BYA SGRA SNYAN PA 'BYIN PA RNAM PA SNA TSOGS KYI NANG NA MNGON PAR DGA' BAR BYED DO, ,DE BZHIN DU LHA MO'I NANG DU SONG NAS DGA' BAR BYED DO, ,DE BZHIN DU NOR BU'I GZHAL MED KHANG GI NANG NA DGA' BAR BYED DO, ,DE BZHIN DU LHA'I PADMA'I RDZING GIS YONGS SU BSKOR BA, CHU BO DANG, 'BAB CHU'I PHYOGS BKRA SHIS PA RNAMS SU DGA' BAR BYED
, ,DO; ;DE LTAR RNAM PAR SMIN PA SRED PA SNA TSOGS DE DGE SLONG DES THOS PA LAS BYUNG BA'I SHES PAS MNGON PAR BRTAGS NAS 'DI LTAR TSIGS SU BCAD DE SMRAS PA, DBANG PO DRUG LAS BYUNG BA YI, ,YUL GYI BUD SHING SREG BYED PA, ,SRED PA'I ME YIS LHA RNAMS SREG ,SHING MES DE LTAR GA LA SREG ,BDE BAS YONGS SU BSLUS PA RNAMS, ,BDE LA DGA' ZHING BDE BAS BSGRIBS, ,SRED PAS YONGS SU BSLUS PA RNAMS, ,LTUNG BAR 'GYUR BA MI SHES SO, ,BDE KUN ZAD PA'I MTHAR 'GYUR TE, ,BDE BA LA NI RTAG PA MED, ,LHA DAG LHA YI 'JIG RTEN NAS, ,'CHI BA'I SDUG BSNGAL GANG YIN DANG, ,DMYAL BAR SDUG BSNGAL GANG 'BYUNG DANG, ,BRAL BA SNGON DU 'DREN BYED PA, ,GAL TE BDAG NYID BDE 'DOD NA, ,DE PHYIR DE LA CHAGS MI BYA,, ,,'PHAGS PA DAM PA'I CHOS DRAN PA NYE BAR GZHAG PA, BAM PO NYER DRUG PA, DGE SLONG DES DE LTAR RJES SU BSAMS NAS 'JIG RTEN DU GTOGS PA'I BDE BA RANG DBANG MED CING MI BRTAN PA MTHAR LTUNG BAR 'GYUR BA DE DAG LA YANG MNGON PAR BRTAGS TE, KYE MA; SEMS CAN 'DI DAG NI SRED PAS YONGS SU BSLUS NAS LTUNG BAR 'GYUR BA KHONG DU DUM CHUD DO SNYAM NAS, DE MTHO RIS LA'ANG SEMS 'DOD CHAGS DANG BRAL LO, ,DE LTAR LHA DE LHA'I 'JIG RTEN DE NA JI SRID DU DE'I 'DOD PA SDUG PA YID DU
'ONG BA BYAS SHING BSAGS PA ZAD PAR MA GYUR PA DE SRID DU LHA MO DE DAG DANG DGA' BAR BYED, YONGS SU SPYOD PAR BYED DO, ,DE PHYIS DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR SHIN TU BDE BA DANG LDAN ZHING RTAG TU 'JIGS PA MED PA DANG, SKYE BO THAMS CAD DGA' BA DANG, RGYAL POS BKUR BA DANG, JI SRID 'TSO'I BAR DU GNOD PA MED LA MI 'JIGS PA BYIN PA DE PHYIS MTHAR MYA NGAN LAS 'DA' BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA PHRENG THOGS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA PHRENG THOGS RNAMS KYIS GNAS YUL LA CHAGS PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, LEGS PAR BYAS PA'I LAS KYI MTHA' SPYAD PA, PHAN PAR 'DOD PA'I SEMS DANG LDAN PA GANG GIS MDZA' BSHES DANG, GNYEN 'DAB DANG, RTZA LAG DAG SO SOR BYE STE, GCIG LA GCIG GNOD PAR BYED PA'I BLO CAN DAG BSDUMS BYAS NA, DE LUS DANG BRAL NAS BDE
, ,'GRO MTHO RIS KYI 'JIG RTEN YUL LA CHAGS PA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG LEGS PAR BYAS PA'I LAS KYI MTHA' SPYAD PA DE; GNAS DER BSAM PA DGA' MGUR 'GRUB STE, GANG DANG, GANG BSAMS PA DE DANG, DE DAG DE NAS 'THOB PAR 'GYUR RO, ,'DI LTA STE, RGYAN DANG BGO BA SNA TSOGS DANG, DE BZHIN DU RNA CHA GDUB KOR DANG, DPUNG RGYAN DE DAG MTHO RIS DANG MTHUN PAR 'THOB BO, ,CHU BO DANG, 'BAB CHU DANG, SAL SUL DANG, GLU DANG, ROL MO'I SGRA DBYANGS SNA TSOGS 'BYUNG BA DANG; 'DI LTA STE, BYA TAN DA PA'I SGRA RNAMS KYI NANG NA DGA' BAR BYED, LHA MO'I GLU DBYANGS SNYAN PA BRAG CA 'BYIN PAS KYANG DGA' BAR BYED DE, DE RTAG TU YID DGA' BAR BYED PA YIN NO, ,DANG PA'I SHING RTA RIN PO CHE SNA TSOGS KYIS BRGYAN PA, RIN PO CHE SNA BDUN GYIS SPRAS PA RNAMS KYIS TSAL DANG, NYE BA'I TSAL DANG, 'BAB CHU DANG, PADMA'I TSAL RNAMS SU RGYU BAR BYED DO, ,LHA MO'I TSOGS KYIS YONGS SU BSKOR CING TSAL DANG, NYE BA'I TSAL BZANG POS 'TSO LA, GSER GYI PADMA RNAMS KYI NANG NA MNGON PAR DGA' BAR BYED DO, ,DE NA TSAL 'DI LTA BU DAG YOD DE, 'DI LTA STE, BYU RU'I TSAL DANG, BEEd'URYA'I TSAL DANG, SHING TA LA PA TIN TU KA'I TSAL DANG, BYA MYOS PA'I TSAL DANG, PADMA DANG LDAN PA'I TSAL
DANG; BYA TAN DA PA'I TSAL DANG, KHU BYUG GI TSAL TE, TSAL DE RNAMS SU LEGS PAR BYAS PA'I LAS KYI SA BON GROGS SU GYUR PA DGA' BAR BYED DO, ,CHU BO'ANG LHA'I CHU BO DVANG BA DAG YOD DE; 'DI LTA STE, 'BAB CHU DANG, PADMA DANG, NYE BA'I TSAL DANG, LTENG KA NOR BUS BRGYAN PA DANG, YID LA JI LTAR 'DOD PA'I CHU SGRA YID DU 'ONG BA DANG, BYA'I SGRA MYUR BAR 'BYUNG STE, CHU BO DE DAG GIS GNAS GANG YIN PA RTAG TU BRGYAN PA YIN NO, ,'DI LTA STE, GANG NA CHU PO 'BAB PA MED PA NA, GZUGS DANG, SGRA DANG, DRI DANG, RO RNAM PA SNA TSOGS DANG, BUD MED GZUGS SNA TSOGS DANG LDAN YANG, GANG YON TAN DANG MI LDAN PA'AM, SBRUM MA LTA BUR MI MDZES LA, DE BZHIN DU MTHO RIS KYI GNAS DER DGA' BAR MI 'GYUR RO, ,DE LTA BAS NA LHA'I 'JIG RTEN NA CHU GTZO BO YIN TE, CHU LAS SKYE BA 'BYUNG, CHUS MNGON PAR DGA' BAR BYED LA, KUN NAS NYON MONGS PA RNAMS KYI RO DANG, NYE BA'I TSAL DU BGROD PA DE'I NANG NA, 'DI LTA STE; CHU 'DI NI RO'I MCHOG YIN NO, ,DE LTA BAS NA LHA DANG, MI RNAMS KYI RGYAN DU GYUR PA DANG, YO BYAD DU GYUR PA NI CHU YIN LA, LHA DANG, MI KUN GYI BYA BA'AM, DON NI DE LA RAG LAS PA YIN NO; ;CHU YON TAN DE LTA BU DANG LDAN PAR RIG NAS, CHU LA MNGON PAR DGA' PA'I LHA DE DAG MNGON PAR DGA' BAR BYED, YONGS SU SPYOD PAR BYED LA, CHU SGRA LHUNG LHU POR 'BAB PA DE
, ,DAG TU DGA' BAR BYED DO, ,DE CHU BO'I 'GRAM DE DAG TU MNGON PAR RTZES NAS, CHU ME LONG LTAR GSAL BA GA LA BA DER 'GRO BAR BYED DO, ,DE LHA'I TSAL LHA'I BDE BA PHUN SUM TSOGS PA DE NA SHING LJON ME LONG LTAR GSAL PA MTHONG NGO, ,SHING LJON PA DE DAG GI SDONG PO ME LONG LTAR GSAL LA, DE DAG GI NANG DU GANG GIS LEGS PAR BYAS PA'I LAS NGES PAR MYONG BAR 'GYUR BA BYAS PA DAG THAMS CAD NAS THAMS CAD DU SNANG NGO, ,LEGS PAR BYAS PA'I LAS DE DAG GI MTHUS SHING DE DAG GAM, TSAL GYI BAR GYIS GZHI GSAL BA DA DAG TU'AM, GSER GYI SA GZHI ME LONG LTA BUR GSAL BA'AM, TSAL GYI BAR GYI SA GZHI BSIL BA RNAMS SU GANG DANG, GANG LEGS PAR BYAS PA DANG, NYES PAR BYAS PA DE DANG, DE'I LEGS PAR BYAS PA'I LAS KYI MTHUS GNAS DE RNAMS SU MTHONG BAR 'GYUR RO, ,SHING LJON PA DE DAG LA'AM, TSAL GYI BAR GYI SA GZHI DE DAG TU'AM, SA GZHI BSIL BA DE DAG TU LAS LEGS PAR BYAS PA'I BDE BA DANG, TSE RABS BRGYA SNYED NAS BSAGS PA'I NYES PAR BYAS PA DE DAG KYANG MTHONG NGO, ,DE LEGS PAR BYAS PA'I LAS KYIS BSGRUBS PA MTHONG BA DANG, SA DE RNAMS DANG, GZHAN DAG LA'ANG SNGA MA BZHIN DU DGA' BAR BYED DO, ,DES JI LTAR SNGON SKYE BA DANG, 'CHI BA'I LAS KYI 'BRAS BU BYAS
SHING; 'GRO BA LNGAR GTOGS PA'I BDE BA DANG, SDUG BSNGAL BSGRUBS PA'I LAS DE DAG JI LTA BA BZHIN MTHONG STE, DES GAL TE SEMS CAN DMYAL BA'I LAS MI GTZANG BAR BYAS NA DES DE BZHIN DU MTHONG NGO, ,SEMS CAN DMYAL BA YANG SOS DANG, THIG NAG DANG, BSDUS GZHOM DANG, DU 'BOD DANG, DU 'BOD CHEN PO LA SOGS PAR SEMS CAN DMYAL BA'I GNOD PA GANG 'BYUNG BA DE DAG THAMS CAD SNGA MA BZHIN DU MTHONG STE, SEMS CAN DMYAL BA RNAMS SU 'BYUNG BA YAN CHAD SNGA MA BZHIN DU MTHONG NGO, ,JI LTAR LHA RNAMS KYI BDE BA DPE MED PA DE LTAR SEMS CAN DMYAL BA PA RNAMS KYI SDUG BSNGAL RNAM PA DU MA'ANG MTHONG STE, DE SEMS CAN DMYAL BA DER GTOGS PA'I SDUG BSNGAL LAS CHES SDUG BSNGAL BA MNGON PAR MTHONG NGO, ,BDAG GCIG PUS MTHONG BA DANG, GANG LHA'I 'JIG RTEN DU GTOGS PA DANG, LHA'I BDE BA YUL GYI RNAM PA DE LTAR BYUNG BA DE DAG KYANG JI LTAR TSE RABS GZHAN DU NYE BAR SPYAD PA DE LTAR MA BRJED DE DES MTHONG NGO, ,SHIN TU MI MTHUN PAR GYUR PA SEMS CAN DMYAL BA'I SDUG BSNGAL RNAM PA MANG PO DE DAG DES MTHONG NAS, BDE BA DE THAMS CAD BDE BAR TSOR BA MED DE, 'DI LTA STE, CHU BO GANGG'A'I NANG DU LAN TSVA SRANG GCIG BTAB PA MI TSOR BA DE BZHIN DU, DE'I YID LAS BYUNG BA NGES PAR SMYONG BAR 'GYUR BA'I LHA'I BDE
, ,BA DE DAG TSOR BA MED DO, ,GLU DBYANGS DANG, SIL SNYAN GYI DBYANGS LA DGA' BA DANG, BYA'I SGRA DI RI RI 'DON PA'ANG BDAG NYID KYI GNAS SKABS DE DAG DRAN NAS; TSAL GYI BAR GYIS GZHI DAG LA BDE BA SO SOR MYONG BA MED DO, ,DE GAL TE LHA'I BDE BA DES SEMS G-YENG SNAS BRJOD PA DANG, YANG DE PHYOGS GZHAN ZHIG GI SHING LJON PA'I SDONG BO DAG LA BDAG NYID YI DVAGS SKU GYUR NAS SDUG BSNGAL RNAM PA SNA TSOGS KYIS GZIR CING LUS BKRES PA DANG, SKOM PAS GDUNGS PAR MTHONG NGO, ,DES PAR MYONG BAR 'GYUR BA'I LAS DES BSKUL BA DE, BDAG NYID DE LTAR MTHONG NAS DE NAS YANG 'JIGS PA SKYES TE, DE LHA GZHAN DAG LA 'DI SKAD SMRAS SO, ,GROGS PO DAG, SHING LJON PA RNAMS LA MI SDUG PA 'DI DAG MTHONG NGAM, JI LTAR BDAG GIS MTHONG BA LTAR CI KHYED KYIS MTHONG NGAM, DE DAG GIS 'DI SKAD SMRAS SO, ,BDAG CAG GIS MA MTHONG STE, GANG GIS NGES PAR MYONG BAR 'GYUR BA'I LAS MA BYAS PA DE DAG GIS NI DE NYID MI MTHONG LA, GANG GIS BYAS PA DES NI MTHONG NGO, ,BDAG NYID YI DVAGS KYI 'JIG RTEN DU 'GRO BA DES LHA DE DAG LA SMRAS PA, GROGS PO DAG KHYED KYIS MTHONG NGAM, DES SMRAS PA, MTHONG NGO, ,DE GNYIS YI DVAGS KYI 'GRO BA DER SDUG BSNGAL CHEN PO MTHONG NAS JI LTAR TSE RABS STONG DU GYUR PA DE LTAR LHA'I BDE BA DE DAG
BRJOD DE, DE SHIN TU YI CHAD NAS DE NAS YANG YUL DE NAS 'PHO BAR BYED DO, ,DE NAS YANG LHA'I BA DE BA'I DBANG DU GYUR NAS, DE GZUGS DANG, SGRA DANG, DRI DANG, RO DANG, REG BYA YID DU 'ONG BA LA NI CHAGS, TSAL DANG, NYE BA'I TSAL DANG, PADMA'I RDZING GI 'GRAM RNAM PA SNA TSOGS DANG, BYA RNAM PA SNA TSOGS 'BYIN PA DANG, TSAL GYI BAR BAR DAG NA DGA' BAR BYED LA, LHA MO CHA BYAD SNA TSOGS THOGS PA DANG YANG LHAN CIG DGA' BAR BYED DO, ,DE NAS YANG SRED PAS BDAS PA NA'ANG SKABS SHIG TU ME LONG LTA BU'I TSAL DU SONG BA DANG, DE NAS YANG NGES PAR MYONG BA'I LAS KYI SKUL BAS BSKUL BA BDAG NYID DUD 'GROR SONG NAS GCIG LA GCIG ZA BA DE MTHONG STE, GZHAN GYIS KYANG DE LA ZA LA DES KYANG GZHAN LA ZA BA DUD 'GRO PHAN TSUN ZA BA'I SDUG BSNGAL CHEN PO JI LTAR SNGON DES BYAS PA BDAG NYID KYIS MTHONG NGO, ,DES BDAG NYID DE LTA BUR GYUR PA MTHONG NAS DE NAS YANG MI DGA' BA CHEN PO SKYES TE, BDAG NYID KYI GZUGS CHE LA MI SDUG BSNGAL GYI RNAM PA MANG PO DU MA CI STE MTHONG ZHIG GU SNYAM NAS DES YANG GZHAN DAG LA YANG SNGA MA BZHIN DU SMRAS SO, ,DE NAS YANG YUL LA SEMS RNAM PAR CHAGS PA, YUL GZUGS DANG, SMRA DANG, DRI DANG, RO DANG, REG BYA SDUG PA RNAMS KYI DBANG DU GYUR BA DAG DE LTAR 'KHOR BA'I SDUG BSNGAL GYI PHYANG MO LA NYUG GO ,DE NAS YANG ME LONG LTA BU'I TSAL DE NYID
, ,DU MIR SKYES PA MTHONG STE, JI LTAR MDZA' BA SHES DANG, GNYEN 'DUN DANG, RTZA LAG PHAN TSUN KHO NA BYUNG STE, BYE BA DAG SDUD CING SDUMS BYAS PA'I TSUL KHRIMS KYI LAS DANG LDAN PA THAMS CAD DES MTHONG BA DANG, BDAG NI RGYU DE NGANG, RKYEN DE DANG, GZHI DES LUS DANG BRAL NAS BDE 'GRO LHA'I NANG 'DIR SKYES PA LTA SNYAM NAS, DE LAS BDAG GIR BYA BA DANG, LAS KYI GO SKAL LA SPYOD PAR BDAG NYID KYIS MTHONG NGO, ,DES DE DAG MTHONG NAS DE NAS YANG MI DGA' BA SKYES SO, ,DE NAS YANG SEMS MI BRTAN PA LHA'I BDE BA'I DBANG DU GYUR BA DE, GZUGS DANG, SGRA DANG, DRI DANG, RO DANG, REG BYA BA DE BA DAG LA SPYOD PAR BYED DO, ,DE LTAR SEMS RAB TU MYOS PA DE, DE NAS YANG BDE BA'I MYOS PAS SEMS G-YENGS PA RAB TU MYOS SHING BAG MED PA LA GNAS PA DAG DGE BA'I LAS KYI 'BRAS BU DE NYID LA SPYOD PAR BYED DO, ,DES BDAG NYID LHA'I 'JIG RTEN DE NAS SHI STE, GZHAN DU SKYE LA, DE NAS YANG SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR MTHONG NGO, ,DE NAS BDAG NYID DE LTA BUR 'GYUR BA MTHONG BA DANG, SHIN TU MI DGA' BA SKYES NAS, GNAS 'DI NI MI RTAG PA, MI BRTAN PA, 'GYUR BA'I CHOS CAN YIN TE, DE LTA BAS NA 'DI NAS BDAG NYID 'CHI BAR 'GYUR ZHING, LHA MO 'DI DAG LA'ANG BDAG DBANG BAR MI 'GYUR TE, KYE MA
CHOS THAMS CAD NI 'BRAL BA DANG, 'DUS BYAS KYI CHOS RNAMS NI MI BRTAN LA, GNOD PA DANG BCAS PA RTAB RTAB BOR 'DUG PA YIN TE, BDAG CAG NI PHAN TSUN 'BRAL BA YIN NO SNYAM MO, , DE DE LTAR SEMS PA DANG, 'JIG RTEN SKYONG BA DAG GIS LHA'I 'JIG RTEN LA SMRAS PA, DA KHYED CAG THUGS DGYES PAR MDZOD CIG ,DZAMBU'I GLING NA DA DUNG DU CHOS DANG LDAN ZHING CHOS KYI RJES SU 'JUG PA'I MA MAR 'DZIN PA, PHAR 'DZIN PA, DGE SBYONG DU 'DZIN PA, BRAM ZER 'DZIN PA DAG YOD PAS LHA'I PHYOGS NI 'PHEL LO, ,BDUD KYI PHYOGS NI 'GRIB BO, ,'JIG RTEN NA YANG DAG PAR RDZOGS PA'I SANGS RGYAS, RIG PA DANG, ZHABS SU LDAN PA, BDE BAR GSHEGS PA, 'JIG RTEN MKHYEN PA, BLA NA MED PA, SKYES BU 'DUL BA'I KHA LO SGYUR BA BYUNG STE, DE CHOS 'CHAD PA THOG MAR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO, MA 'DRES PA, YONGS SU RDZOGS PA, YONGS SU DAG PA, YONGS SU BYANG BA, BDE BA THAMS CAD DANG LDAN PA, ZHI BA'I CHOS, 'DI LTA STE, 'DI NI GZUGS, GZUGS 'DI NI KUN 'BYUNG BA, GZUGS 'DI NI 'GOD PA, GZUGS 'DI NI 'GOG PAR 'GYUR BA'I LAM YIN NO ZHES 'CHAD DO, ,DE THOS NAS ME LONG LTA BU'I TSAL DE NA 'KHOD PA GANG YIN PA BDAG NYID KYI LAS KYI 'BRAS BU'I RNAM PA MTHONG BA DES, 'JIG RTEN SKYONG BA DE DAG LA SMRAS PA, SANGS RGYAS BCOM LDAN 'DAS 'JIG
, ,RTEN DU BYUNG BA, DGRA BCOM PA, YANG DAG PAR RDZOGS PA'I SANGS RGYAS, RIG PA DANG, ZHABS SU LDAN PA, BDE BAR GSHEGS PA, 'JIG RTEN MKHYEN PA, BLA NA MED PA; SKYES BU 'DUL BA'I KHA LO SGYUR BA DE SU ZHIG YIN, DE NAS 'JIG RTEN SKYONG BA DE DAG GIS SLAR SMRAS PA, DZAMBU'I GLING DU BYUNG BA 'DI NI SEMS CAN THAMS CAD LA CHOS STON PA YIN NO; ;DE NAS LHA DE 'JIG RTEN SKYONG BA DAG LAS DE SKAD THOS NAS, DZAMBU'I GLING GA LA BA DER 'GRO BAR BYED DE, LHA DE LHA'I 'JIG RTEN NAS 'CHI BA'I SDUG BSNGAL GYIS 'JIGS SKRAG ,MI'I 'JIG RTEN NAS 'CHI BAS 'JIGS SKRAG ,DUD 'GRO'I 'JIG RTEN NA GCIG LA GCIG ZA BAS 'JIGS SKRAG ,YI DVAGS KYI 'JIG RTEN NA BKRES PA DANG, SKOM PA'I SDUG BSNGAL GYIS 'JIGS SKRAG ,SEMS CAN DMYAL BA DAG NA GNOD PAS 'JIGS SKRAG STE, DE LTAR 'GRO BA LNGA RNAMS NA 'JIGS PA LNGA YOD PAR MTHONG NAS, BCOM LDAN 'DAS KYI DRUNG DU SONG BA DANG; BCOM LDAN 'DAS MDZES PA, GSAL BA, DBANG PO ZHI BA, THUGS ZHI BA, DUL BA DANG, ZHI GNAS MCHOG BRNYES PA, DUL BA DANG, ZHI GNAS DAM PA BRNYES PA, SKYES BU GLANG PO; SKYES BU CANG MKHYEN PA, GSER GYI PHUNG PO LTAR GZI BRJID 'BAR BA, NYI MA GNYIS PA LTAR 'OD GSAL BA, RI RAB LTAR BRTAN PA, MTSO LTAR ZAB PA, GSER GYI RI BO LTA
PU SHING LJON PA'I DRUNG NA BZHUGS PA DES RGYANG RING PO NAS MTHONG NGO, ,LHA'I YANG LHA RNAMS DE LTA BU DE MTHONG NAS DAD PA SKYES PA'I LHA BCOM LDAN 'DAS GAL BA DER SONG NAS, BCOM LDAN 'DAS KYI ZHABS GNYIS LA GTUGS TE PHYAG BTZAL NAS PHYOGS GCIG TU 'DUG STE, LHAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, GANG RTAG PA, BRTAN PA, THER ZUG ,'GYUR BA MA MCHIS PA'I CHOS DANG LDAN PA'I GNAS LTA MCHIS LAGS SAM, DE NAS BCOM LDAN 'DAS KYIS LHA DAG LA 'PHAGS PA'I BDEN PA BZHI'I GTAM DE DAG BSTAN TO; ;DE NAS LHA RNAMS KYIS BCOM LDAN 'DAS LAS GTAM DE DAG THOS NAS JI LTA BA BZHIN SEMS LA BZUNG STE, DE NAS YANG LHA'I 'JIG RTEN GA LA BA DER DONG NGO, ,DER DONG NAS KYANG DE NAS YANG LHA'I BDE BA RNAM PA LNGA DANG LDAN PA RNAMS JI SRID DU DE'I 'DOD PA SDUG PA YID DU 'ONG BA BYAS SHING BSAGS PA ZAD PAR MA GYUR PA DE SRID DU DGA' BAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE MI RNAMS DANG SKAL BA MNYAM PAR MI RNAMS KYI NANG DU SKYES NA, LAS DE DANG RGYU MTHUN PAR DE KHO NA NYID MTHONG BAR MI 'GYUR LA, DE RTAG TU MDZA' BSHES DANG, GNYEN 'DAB DANG,
, ,RTZA LAG SHIN TU MI PHYED PA DANG LDAN ZHING NOR BZANG PO DANG LDAN PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE; LHA PHRENG THOGS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA'I 'JIG RTEN NA 'DOD PA LA CHAGS PA ZHES BYA BA JI LTAR 'DUG PA MTHONG NGO, ,DER SEMS CAN GANG DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, GANG GIS CHOS MNYAN PA BYAS NA LUS DANG BRAL NAS BDE 'GRO MTHO RIS KYI 'JIG RTEN YUL LA CHAGS PA ZHES BYA BA'I GNAS KYI PHA ROL NA 'DOD PA LA CHAGS PA ZHES BYA BA GNAS PA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG DES LEGS PAR BYAS PA'I LAS KYI 'BRAS BU 'BYUNG BA NI, 'DI LTA STE, DNGUL GYI KHA NGA BA NA 'DUG PA LTAR RIN PO CHE SNA BDUN GYI GZHAL MED KHANG YANGS PA GSER GYI STEGS BU CAN LHA'I BYA RNAMS KYIS YONGS SU BSKOR BA DAG 'BYUNG STE, 'DI LTA STE, BYA YID DU 'THAD PA DANG, SGRA KUN 'BYIN PA DANG, CHU NA RGYU BA DANG, GSER LTA BU DAG STE, BYA DE LTA BU DAG GIS KUN TU GANG BA YIN NO, ,SA PHYOGS DE NA CHU BO DANG, 'BAB CHU DANG, LTENG KA DANG, NYE BA'I TSAL DANG YANG LDAN PA YIN NO, ,PHYOGS DE NI BYA'I RNAM PA 'BUM SNYED KYIS KYANG KUN TU GANG BA YIN
TE; DE NA LHA RNAMS 'DOD PA'I YON TAN BZHI DANG, KHA CIG 'DOD PA'I YON TAN LNGA 'BYOR CING LDAN PAR GYUR PA RNAMS KYIS DGA' BAR BYED DO, ,LHA'I MIG GI GZUGS GANG DANG, ,GANG MTHONG BA DE DANG, DE DAG 'DOD PA SDUG PA YID DU 'ONG BA MTHONG NGO, ,RNA BAS SGRA GANG DANG, GANG THOS PA DE DAG KYANG 'DOD PA SDUG PA YID DU 'ONG BA THOS SO, ,SNAS DRI GANG DANG, ,GANG BSNAMS PA DE DANG, DE DAG KUN KYANG 'DOD PA SDUG PA YID DU 'ONG BA LA SNOM MO, ,LCES RO GANG DANG, GANG MYANG BAR BYED PA DE DANG, DE DAG KYANG 'DOD PA YID DU 'ONG BA MYONG NGO, ,LUS KYI GANG DANG, ,GANG LA REG PA DE DANG, DE DAG KYANG 'DOD PA SDUG PA YID DU 'ONG BA LA REG PAR BYED DO, ,YID KYIS GANG DANG, GANG LA SEMS PA DE DAG KYANG 'DOD PA SDUG PA YID DU 'ONG BA LA SEMS SHING 'GRUB PAR 'GYUR TE, 'DOD PA'I YON TAN LNGA LA SEMS CHAGS PA DE SHIN TU BDE BA DANG LDAN PAR GNAS SO, ,'DOD PA LA CHAGS PA'I LHA RNAMS KYI GNAS NI GZHAN DANG MI 'DRA BAR LHA'I GNAS DANG LDAN TE, BDE BA DAG MYONG BA NA JI SRID DU DE'I 'DOD PA SDUG PA YID DU 'ONG BA, BDE BAR BYAS PA SHIN TU NYAMS DGA' BA, 'JIG RTEN 'DI DANG, 'JIG RTEN PHA ROL LA PHAN PA, TSUL KHRIMS KYI LAS BYAS PA MA ZAD KYI BAR DU DE DE NA BDE BA MYONG NGO, ,DE PHYIS 'DOD PA SDUG PA YID DU 'ONG BA'I GNAS DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN
, ,SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE LAN GRANGS GZHAN LA MYONG BAR 'GYUR BA'I LAS KYIS MI RNAMS DANG SKAL BA MNYAM PAR MI'I NANG DU SKYES NA DE LAS DE DANG RGYU MTHUN PAR YUL CHEN PO SHIN TU 'BYOR BA DANG LDAN PA DAG TU SKYE BAR 'GYUR TE, 'DI LTA STE, KA SHI KA DANG, KO SA LA DAG TU RGYAL RIGS SHING S'A LA CHEN PO LTA BU DANG, BRAM ZE'I RIGS SHING S'A LA CHEN PO LTA BUR SKYE BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA'I 'JIG RTEN LA RTOG PAR BYED DE, LEGS PAR BYAS PA'I LAS KYI MTHA' SPYAD PA GANG GIS PHRENG THOGS KYI GNAS YID G-YO BA'I LHA RNAMS KYI NANG DU SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, TSUL KHRIMS DANG LDAN PAR GYUR BA SEMS PA YOD PA YID GSAL BAS ZHING BZANG PO MNGON PAR SHES PA GUS SHING SEMS DANG BA GANG GIS SANGS RGYAS SAM, MCHOD RTEN NAM, DGE 'DUN GYI GNAS PHYAG DAR LEGS PAR BYAS NA, DE LUS DANG BRAL NAS BDE 'GRO MTHO RIS KYI 'JIG RTEN YID G-YO BA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG DE'I LUS SHA DANG, RUS PA DANG, CHU SER DANG BRAL BA LAS DRI BSUNG DPAG TSAD BRGYAR 'BYUNG LA, JI LTAR ME
LONG SHIN TU G-YA' MED PA'I NANG DU THAMS CAD SNANG BA DE LTAR LHA'I LUS DE LA LHA'I RIS DE NA NYE BAR GNAS PA GANG YIN PA THAMS CAD SNANG STE, DE LTAR LEGS PAR BYAS PA'I LAS KYI 'BRAS BU LA NYE BAR SPYOD DO, ,GNAS DE DAG NA LHA'I TSAL BZHI YOD DE, 'DI LTA STE, SKYON MED PA'I TSAL DANG, GSAL BA'I TSAL DANG, DRI ZHIM PA'I TSAL DANG, ME TOG MAND'A RA BA'I TSAL TE, MANG PO DE DAG NA SDONG BU NI BEE d'URYA, ZE BA NI DNGUL LAS BYAS PA'I PADMA'I RDZING YOD LA, BYA NGANG PA DANG, K'A RANDA PA DANG, NGUR PA SGRA 'BYIN PAS GANG BA, ME TOG MDOG DANG, DRI SNA TSOGS DANG LDAN PA RNAMS KYIS KHEBS PA, 'DAM RDZAB KYI SKYON DANG BRAL BA, CHU RNYOG PA DANG BRAL BA, NYA LCIBS DANG BRAL BA, CHU RTAG TU DRI ZHIM PAS GANG BA YIN NO, ,TSAL DE DAG NA DUS TSIGS RAB TU DGA' BAR BYED PA DRUG YOD LA, BYA DAG BYA MO DANG LHAN CIG 'KHOD PA'ANG SNANG STE, RDZING DU DONG NAS DGA' BAR BYED CING RANG GIS BYAS PA'I LAS LA SPYOD DO, ,SHING LJON PA DE DAG KYANG DUS TSIGS THAMS CAD DU RTAG TU ME TOG GIS RGYAS LA RNYIS PA'I SKYON DANG BRAL BA PHAN TSUN 'GRAN PA LTAR NGUS THAMS CAD DU ME TOG RGYAS SO, ,DE LTAR LEGS PAR BYAS PA'I LAS KYI MTHA' SPYAD PA DE, TSAL DANG, NYE BA'I TSAL DE RNAMS SU LHA MO YID DU 'ONG BA RGYAN DANG, CHA BYAD DANG, SPUD PA SNA TSOGS THOGS PA RNAMS KYIS YONGS SU BSKOR NAS 'DOD PA SDUG PA YID DU 'ONG BA'I BDE BA
, ,DAG MYONG BAR BYED DO, ,SRID PA'I YUL LA RNAM PAR CHAGS SHING DGA' BA, YUL DRUG LA BLO SHIN TU CHAGS PA DE, CHU'I NANG NA NYA RGYA'I GSEB TU NYA CHUD DE NYA RGYAS BSDUS PA LTAR BDE BAS NAM CUNG ZAD KYANG SKYO BAR MI BYED DE, DE JI SRID DU DE'I 'DOD PA SDUG PA YID DU 'ONG BA'I LAS MA ZAD PA DE SRID DU DE NA LHA'I BDE BA RNAM PA DU MA LA SPYOD DO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, , GAL TE LAN GRANGS GZHAN LA MYONG BAR 'GYUR BA'I LAS KYIS MI RNAMS DANG SKAL BA MNYAM PAR MI'I NANG DU SKYES NA, DE RANG GI LAS DANG RGYU MTHUN PAR DED DPON CHEN POR GYUR TE, SHIN TU 'BYOR BA DANG LDAN PA DANG, RGYAL POS KYANG BKUR BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA PHRENG THOGS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA PHRENG THOGS RNAMS KYI GNAS GANG NA LHA 'KHOD PA TSAL DANG, NYE BA'I TSAL NA GNAS PA ZHES BYA BA JI LTAR 'DUG PA MTHONG NGO, ,DE DAG LAS GANG GIS DER SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, TSUL KHRIMS DANG LDAN PAR 'GYUR PA, SEMS DANG BA, DGE
'DUN LA ZHING DU SHES PA GANG GIS CHOS GOS BYA BA'I PHYIR SE 'BRU GCIG PHUL LA, PHUL NAS KYANG YANG DANG, YANG DU SEMS KYIS YONGS SU SPEL BAR BYED, RJES SU DGA' BAR BYED, BDAG NYID LA BDAG NYID RAB TU DGA' BAR BYED NA, DE LUS DANG BRAL NAS BDE 'GRO MTHO RIS KYI 'JIG RTEN TSAL DANG, NYE BA'I TSAL GYI NANG NA GNAS PA'I LHA RNAMS KYI NANG DU SKYE BAR 'GYUR RO, ,DER SKYES NAS DE LHA'I TSAL DANG, NYE BA'I TSAL NA NI GNAS, BDAG NYID GAR DGA' MGUR NI 'CHAG CING 'GRO ,CHU LA'ANG MI NUB PAR 'GRO STE, 'DI LTA STE, THANG LA 'GRO BA BZHIN DU 'GRO LA, DE BZHIN DU BAR SNANG LA'ANG THOGS PA MED PAR 'GRO'O, ,DE JI SKAD BSTAN PA'I GNAS RNAMS SU LHA'I PHRENG BA DANG, GOS NI GYON, SHIN TU BDE BA DANG NI LDAN, RANG DGA' NYAMS BAG TU GNAS SHING DGA' BAR NI BYED, TSAL DANG, NYE BA'I TSAL DANG, 'BAB CHU DANG, LTENG KA NYAMS SU DGA' ZHING SHIN TU DRI ZHIM PA SNA TSOGS KYI NANG NA LHA MO'I TSOGS KYIS NI YONGS SU BSKOR, NYI MA GNYIS PA LTAR RANG GI GZI BRJID KYIS 'BAR ZHING LHA'I BDE BA RANG GIS BYAS PA'I RGYU LAS BYUNG BA, RGYU'I STOBS DANG 'BREL BA LA NYE BAR SPYOD PAR BYED DE, GZHAN GYIS BYAS LA GZHAN SPYOD PA NI MED DO, ,RANG GIS BYAS PA'I LAS KYI 'BRAS BU LA SPYOD PA, LAS KYIS NGES PAR 'BYUNG BA'I SROG CHAGS RNAMS LEGS PAR BYAS PAS NI LHA DANG, MI RNAMS KYI NANG DU SKYE BAR 'GYUR LA, NYES PAR BYAS PAS
, ,NI SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,LEGS PAR BYAS PA'I LAS KYIS DER SKYES PA DE JI SRID DU LEGS PAR BYAS PA'I LAS ZAD PAR MA GYUR PA DE SRID DU DE NA BDE BA LA SPYOD PAR BYED DO, ,DE PHYIS DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE LAN GRANGS GZHAN LA MYONG BAR 'GYUR BA'I LAS KYI MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR SKYE BO TSAL NA GNAS PA RNAMS KYI NANG NA 'BYOR PA DANG LDAN ZHING GZHAN GYIS GNOD PA MED LA RANG DGAR LONGS SPYOD PAR 'GYUR BA MTHONG NGO,, DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA PHRENG THOGS RNAMS KYI GNAS BCU MA LUS PAR BRTAGS NAS, LHA GZHAN LAG NA YOL GO THOGS ZHES BYA BA DAG LA RTOG PAR BYED DO, ,LHA DE RNAMS KYI GNAS GANG NA GNAS PA RANG DGA' ZHING RANG GI YID DANG MTHUN PAR 'DOD PA JI TZAM YOD SNYAM NAS, DES THOS PA LAS BYUNG BA'I SHES PAS BRTAGS NA, 'DI LTAR LHA LAG NA YOL GO THOGS PA RNAMS KYI GNAS KYANG BCU YOD DE, 'DI LTA STE, PADMA'I NANG NA RGYU BA DANG, BUNG BA'I SGRA SNYAN PA DANG, SGRA LA CHAGS PA DANG, DRIS
DREGS DGA' DANG, RLUNG LA SPYOD PA DANG, ME TOG PHRENG DGA' DANG, KUN TU LTA BA DANG, RTAG TU DGA' BA DANG, DRI LA CHAGS PA DANG, SPYI GTZUG THAR TE, LHA LAG NA YOL GO THOGS PA RNAMS KYI GNAS NI BCU PO 'DI DAG YIN NO, ,SA DE RNAMS NA LHA DAG LAS SO SOR BYAS PA GANG GIS LHA'I 'JIG RTEN DU SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, TSUL KHRIMS DANG LDAN PAR GYUR CING LEGS PAR BYAS PA'I LAS KYI MTHA' SPYAD PA SEMS BSGOMS PA'I YID DANG LDAN PA GANG GIS SANGS RGYAS DANG, CHOS DANG, DGE 'DUN LA PHYAG 'TSAL LO ZHES LAN GSUM BRJOD NA, DE DER MTHAR SHIN TU MYA NGAN LAS 'DA' BAR 'GYUR BA'I LAS SKYED PA YIN TE, MI'I GNAS SKABS KYI RNAM PAR SMIN PA GANG YIN PA DE NAM 'CHI BA'I DUS BYAS NAS LUS DANG BRAL NA BDE 'GRO MTHO RIS KYI 'JIG RTEN LHA LAG NA YOL GO THOGS PA RNAMS KYIS GNAS PADMA'I NANG NA RGYU BA ZHES BYA BA DER SKYE BAR 'GYUR RO, ,DER SKYES NAS KYANG DE'I GNAS DE NI YON TAN LNGA DANG LDAN PA'I RO SHIN TU ZHIM PA LA CHAGS PA'I MIG MI 'DZUMS PA, LUS NYI MA LTAR GSAL BA, LHA'I 'DOD PA DANG, SDUG PA DANG, YID DU 'ONG BA LA MNGON PAR DGA' BA, BYA CHU SKYAR GYI MDOG LTA BU'I PADMA KUN GYIS MDZES PAR BYAS LA, PADMA DE DAG NAM YANG ZHUM PAR MI 'GYUR BA DANG, PADMA RE RE LAS KYANG LHA'I DRI DPAG TSAD TZAM DU 'BYUNG STE, DES LHA'I DRI DE DAG
, ,DAG THAMS CAD DANG, GZHAN YANG, ME TOG RNAM PA SNA TSOGS KYI DRI RNAMS ZIL GYIS GNON PAR BYED PA DANG, BUNG BA KHA DOG SNA TSOGS CAN KHA CIG GSER GYI BYA LTA BUR 'DUG LA, KHA CIG MA HE'I MIG GI MDOG LTA BU DANG, KHA CIG BEE d'URYA'I MDOG LTA BUR 'DUG PA DAG SGRA RNAM PA SNA TSOGS 'BYIN TE, DE'I KHYAD PAR NI MI RNAMS KYIS LEGS PAR BSLABS PA'I PI WANG GI SGRA 'BYIN PA NA, SHIN TU SNYEN CING LHAG PAR DGA' BAR BYED PA'I SGRA KUN TU GANG BAR 'BYUNG BA DAG 'BUM GYI CHAR YANG MI PHOD DO, ,DE CI'I PHYIR ZHE NA; LHA'I 'DOD PA LA MI YIS DPER BYAR MED PA'I PHYIR TE, MI GANG GIS KYANG LHA'I SGRA MNYAN PAR MI NUS SO, ,DE CI'I PHYIR ZHE NA, 'KHOR LOS BSGYUR BA DANG, 'DOD CHAGS DANG BRAL BA MA GTOGS PAR DE LA MI'I 'JUG PA'I YUL MA YIN NO, ,'DI LTAR 'KHOR LOS BSGYUR BA NI STOBS DANG LDAN LA DBANG PO RNAMS KYANG STOBS DANG LDAN PAS LHA DANG, MI'I 'DOD PA LA SPYOD PAR NUS SO, ,'DI LTAR 'DOD CHAGS DANG BRAL BA DE'I DBANG PO DGA' BAR 'GYUR BA'ANG MED LA G-YO BA'ANG MED DE, 'DI LTAR DE NA BUNG BA'I SGRA 'BYUNG BA DAG DES MNYAN PAR NUS SA, ,DUD 'GRONG GYUR PA SEMS RMONGS PAR GYUR PA RNAMS KYI SGRA'ANG DE LTA BU YIN NA, 'DOD PA LAS SEMS CHAGS PA'I LHA'I TSOGS RNAMS KYI GLU DBYANGS DANG, SGRA LTA SMOS
KYANG CI DGOS TE, DPE MED PA YIN LA, 'DI LTAR SGRA LA CHAGS PAR BYED PA LA'ANG SKYO BAR MI 'GYUR ZHING, GZUGS DANG, DRI DANG, RO DANG, REG BYA RNAMS KYIS KYANG DE DANG MI MTHUN PAR SKYO BAR MI BYED DO, ,DE LTAR DE SGO DU MA DE DANG, SRED PA'I SGO'I THABS DU MA'I BDE BA DE DAG LA JI SRID DU DE'I 'DOD PA SDUG PA YID DU 'ONG BA'I LAS MTHO RIS SU SKYES PA ZAD PAR MA GYUR PA DE SRID DU SPYOD PAR BYED DO, ,DE PHYIS DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG; DUD 'GRO'I NANG DU MA SKYES LA, MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR GRONG KHYER DU GRONG GI BDAG PO SHIN TU 'BYOR PA DANG LDAN PA'AM, TSONG DPON DU 'GYUR LA, GZHAN DU'ANG RGYU DANG RKYEN DE DANG, GZHI DES MTHAR MYA NGAN LAS 'DAS PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA LAG NA YOL GO THOGS PA RNAMS KYI GNAS LA RTOG PAR BYED DE, DE THOS PA LAS BYUNG BA'I SHES PAS LHA RNAMS KYI GNAS BUNG BA'I SGRA SNYAN ZHES BYA BAR JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, TSUL KHRIMS DANG LDAN ZHING SHES RAB DANG LDAN PA,
, ,SEMS PAS BSGOMS PA'I SNYING RJE DANG, SNYING RJES BRLAN PA'I YID SEMS CAN LA PHAN PAR ZHUGS PAS MCHOD RTEN LA ROL MO'I SGRA DANG, DRIS MCHOD NA, DE LUS DANG BRAL NAS BDE 'GRO MTHO RIS KYI 'JIG RTEN LHA LAG NA YOL GO THOGS PA RNAMS KYI GNAS BUNG BA'I SGRA SNYAN DU SKYE BAR 'GYUR RO, ,DER SKYES NAS KYANG RANG GI LAS KYI 'BRAS BU LA GNAS PA DE SIL SNYAN DANG, GLU DBYANGS DANG, BRO GAR DANG, RGOD PA DANG, 'JO BA DANG, NYAMS DGA' BA RNAMS PA SNA TSOGS KYI BDE BA LA SPYOD PA PADMA'I DRIS MYOS PA'I LHA MO GLU DBYANGS THOS NA YID 'PHROG PAR BYED PA'I DBYANGS LA NI NYAN, BDE BAR GNAS PA'I KUN DGA' RA BA NA NYE BAR SPYOD PA'I LHA MO'I TSOGS DU MA DAG NI DBYANGS KYI SGRA 'BYIN, ME TOG RNAM PA SNA TSOGS 'DRES PA'I DRI'I NGAD KYIS NI LUS LA REG CING ZHIM PA DU MAS MDZES PAR BYAS PA'I RI RAB KYI RTZE MO RNAMS LA SDUG PA THOS NA SHIN TU DGA' BAR BYED PA RNAMS DANG LHAN CIG RNAM PAR RGYU ZHING, GNAS LA DGA' BAR BYED DO, ,DE LTAR LEGS PAR BYAS PA'I LAS KYI 'BRAS BU LA NYE BAR SPYOD PA MNGON PAR MTHONG NAS, DGE SLONG DGE BA'I LAS LA BSTOD CING 'DI LTAR TSIGS SU BCAD DE SMRAS PA, LAS 'DI DANG NI LHA YI YUL, ,GSUM GYI THEM PA'I SKAS SU 'GYUR, ,DE LA 'DZEG PA'I MI RNAMS NI, ,LHA YUL BDE BA 'BYUNG BAR
'GRO ;NGAG LA RNAM PA BZHI BSDAMS TE, ,LUS LAS BYUNG BA RNAM GSUM MO, ,THEM SKAS BDUN LA 'DZEGS NAS SU, ,LHA YUL GSUM DU 'GRO BAR BYED, ,TSUL KHRIMS SPYOD PA SHIN TU BDE, ,NOR SPYOD DE LTAR BDE BA MIN, ,NOR GYIS MI NI 'GRI BA BYED LA, ,TSUL KHRIMS KYIS NI 'GRIB MI BYED, ,DES NI MI DAG LEGS PAR BYED, ,SO SO DAG TU'ANG DE MDZES SO, ,DE BAS MTHO RIS 'GRO BA LA; ;THUB MCHOG RNAMS KYIS DGE BAR BSNGAGS, ,SKYES BU DGE BA SPYOD PA RNAMS, ,SKYED MOS TSAL DU 'GRO BA BZHIN, ,LHA YI 'JIG RTEN DU MAR DE, ,BDE BA RNAMS KYI 'BYUNG KHUNG MCHOG , RANG GI LUS LAS BYUNG BA YI, ,'OD KYIS DE DGA' BAR BA NA, ,RANG GI LAS KYIS BKUR BA RNAMS, ,MTHO RIS GNAS NA DGA' BAR BYED, ,RTAG TU DGA' BAR GNAS PA DANG, ,RTAG TU BDE BAR GNAS PA YI, ,LHA GANG YIN PA LHA YI GNAS, ,DE NA TSUL KHRIMS BYED RGYU YIN, ,TSUL LDAN DE YI TSUL KHRIMS NI, ,DU MA'ANG LEGS PAR BSRUNGS PA YI, ,'BRAS BU MTHO RIS SMIN PAR 'GYUR, ,DE BAS TSUL KHRIMS RTAG TU SPYOD, ,TSUL KHRIMS MTHO RIS SKAS YIN LA, ,BDE RGYU 'BYUNG BA'I GNAS YIN NO, ,TSUL KHRIMS SPANGS PA'I MI DAG NI, ,GANG DU'ANG BDE BA MI 'THOB BO, ,TSUL KHRIMS CHU NI DANG BA DANG, ,KUN TU RNAM PAR GANG BA YIS, ,KHRUS BYAS MI DAG LHA YI GNAS, ,LHA YI 'JIG RTEN 'GRO BAR 'GYUR, ,LHA YI PHRENG BA RGYAN RNAMS DANG, ,LHA YI BDE
, ,BA LDAN PA GANG, ,DE KUN DGE BA'I RGYU LAS BYUNG, ,LHA YI GNAS NA DGA' BAR BYED, ,GANG ZHIG LHA MOS YONGS BSKOR DANG, ,GANG ZHIG NYI ZLA 'DRA BA RNAMS, ,DE KUN DGE BA'I RGYU LAS BYUNG, ,LHA DAG LHA YI NANG NA DGA', ,GANG ZHIG BSAMS NA 'BYUNG BYED PA, ,BYUNG NAS KYANG NI 'GRIB MED CING, ,DGE BA RTAG TU 'PHEL 'GYUR BA, ,DE KUN DGE BA'I RGYU LAS BYUNG, ,GANG ZHIG TSUL KHRIMS RJES SU 'JUG ,BDE BA DAG NI GRANGS MED LA, ,THAMS CAD DU NI 'PHEL BYED LA, ,MI YIS THAMS CAD 'PHEL BAR 'GYUR, ,RTAG TU DGE BA SPYOD PA'I MI; ;RGYAL POS KYANG NI RTAG TU BKUR, ,DGE BAS MI NI DGE BAR 'GYUR, ,DE BAS TSUL KHRIMS RTAG TU SPYOD, ,DGE BA SPYOD PA RTAG TU DUL, ,'BYUNG PO KUN LA SNYING BRTZE MCHOG ,RTAG TU SBYIN DANG BYAMS LDAN PA, ,LHA DAG 'DU BA'I GNAS SU 'GRO ,SROG GCOD PA LAS LDOG PA DANG, ,SEMS CAN KUN LA SNYING BRTZE MCHOG ,YANG DAG LAS KYI MTHA' LDAN PA, ,LHA DAG 'DU BA'I GNAS SU 'GRO ,MA BYIN CUNG ZAD LEN MI BYED, ,SBYIN LA'ANG DE NI RTAG TU DGA', ,BLO LDAN BLO GROS DBANG PO ZHI, ,LHA DAG 'DU BA'I GNAS SU 'GRO ,GANG ZHIG LOG PAR G-YEM DANG BRAL; ;YANG DAG LAM LA RTAG TU DGA', ,MYA NGAN 'DAS LA SOM NYI MED, ,LHA RNAMS KYI NI NANG DU 'GRO ,GANG ZHIG 'THUNGS NA SKYES BU DAG ,YID LA MI DGA' MANG BYED PA, ,CHAD SPANGS
SHIN TU BSTAN PA DAG ,LHA RNAMS KYI NI NANG DU 'GRO ,BDE BA DU MA BSKYED BYED CING, ,THAMS CAD DBUGS NI 'BYIN BYED PA, ,TSUL KHRIMS LEGS PAR SPYAD BYA ZHING, ,NYES PA BYAS PA'ANG RNAM PAR SPONGS, ,DE LTAR DGE SLONG DES BDE BA 'BYUNG BA RNAMS PA DU MA DAG MNGON PAR MTHONG NAS BUNG BA SGRA SNYAN GYI LHA RNAMS LA MNGON PAR BSTOD DO, ,DE LTAR LHA DE DAG LHA'I 'JIG RTEN DU GTOGS PA'I BUNG BA MANG PO RNAMS KYIS SGRA SNYAN PA 'BYIN PA NA, JI SRID DU DE'I 'DOD PA SDUG PA YID DU 'ONG BA'I LAS BYAS SHING BSAGS PA ZAD PAR MA GYUR BA DE SRID DU SGRA DANG, DRI DANG RO DANG, REG BYA KHYAD PAR 'DU SDUG PA DAG MYONG BAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUD 'GRO'I NANG DU MA SKYES LA, MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR ME TOG GI PHRENG BA BZANG PO THOGS SHING RTAG TU BDE BA DANG LDAN PA DANG, GNOD PA MED PA GNAS PA DANG, YUN RING DU 'TSO BA DANG, LONGS SPYOD DANG LDAN PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAMS PAR SMIN PA SHES PA DE LHA LAG NA YOL GO THOGS PA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA LAG NA YOL GO THOGS PA RNAMS KYI
, ,GNAS SGRA LA CHAGS PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, TSUL KHRIMS DANG LDAN PAR GYUR CING SEMS SHIN TU BSGOMS PA GANG GIS SANGS RGYAS GZI BYIN DPAG TU MED PA DANG LDAN PA LA GDUGS PHUL NA, DE LUS DANG BRAL NAS BDE 'GRO MTHO RIS KYI 'JIG RTEN SGRA LA CHAGS PA ZHES BYA BA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG LHA'I BDE BA DANG LDAN PA DE GSER DANG, DNGUL DANG, BEE D'U RYA'I RI RNAM PA SNA TSOGS LA RGYU BA DAG LA BDE BA RNAM PA SNA TSOGS 'BYUNG STE, LHA MO'I TSOGS KYIS YONGS SU BSKOR BA 'KHOR DANG BCAS PA DAG RIN PO CHE SNA BDUN GYI RI'I RTZE MO RNAMS SU RGYU ZHING ROL MO'I TSAL ZHES BYA BA'I TSAL DER 'JUG PAR BYED DO, ,LHA'I PHRENG BA DANG, GOS GYON PA ME TOG GI PHRENG BA DANG, PHYE MA DANG, BYUG PA DANG LHAN CIG SKYES PA'I DRIS RNAM PAR BRGYAN PA DES RES 'GA' SPOS KYI TSAL ZHES BYA BA SHING LJON PA SNA TSOGS KYIS MDZES PAR BYAS PA'I TSAL DU'ANG 'JUG PAR BYED DO, ,TSAL DE NA CHU BO DANG, 'BAB CHU DANG, LTENG KA DANG, PADMA'I RDZING DANG, SHING LJON PAS MDZES PAR BYAS PA YIN TE, RNAM PA JI TZAM DU BYA 'DAB CHAGS KYIS MDZES PAR BYAS PA'I RNAM PA DE TZAM DU 'OD GANG
GIS SDUG PA LTA BUR LHA'I 'OD STONG DANG, 'OD KYI RNAM PA GZHAN YANG SNGON PO DANG, SER PO DANG, BTZOD KA'I MDOG TU 'BYUNG STE, TSAL DE KHA DOG BZANG PO YIN NO, ,LAS KYI MTHA' SPYAD PA LA ZHUGS PA'I TSAL DE NA ME TOG DU MAS BSGOS PA DRI SHIN TU ZHIM PA'I DRI NGAD NGAD POR RDZI 'BYUNG STE, GANG GI TSE RDZI DES LO MA DE DAG LA PHOG PAR GYUR PA DE'I TSE RDZIS PHOG PA'I LO MA PHAN TSUN REG PA LAS ROL MO'I SGRA 'BYUNG STE, DE'I KHYAD PAR NI LHA MA YIN GYI GNAS NA SPYOD PA'I ROL MO DAG GIS BCU DRUG GI CHAR YANG MI PHOD PA'I RNAM PA DE LTA BU DAG 'BYUNG NGO, ,GANG GI TSE LO MA RE RE LA PHOG PA DE'I TSE'ANG ROL MO'I SGRA SHIN TU CHAGS SU RUNG BA DAG 'BYUNG STE, DE SIL SNYAN YAN LAG LNGA 'BYOR CING LDAN PAR GYUR LA, YUL SHIN TU NYAMS DGA' ZHING YID DU 'ONG BA RNAMS KYIS MYOS SO, ,DE NAS YANG LO MA'I ROL MO'I SGRA DES SRED PA LA CHAGS SHING DGA' BA BAG MED PA BRGYA SNYED LA GNAS PAR BYED DO, ,SGRA LA CHAGS PA, SGRA LA ZHEN PA, SGRAS BSLUS PA DE; JI SRID DU DE'I 'DOD PA SDUG PA YID DU 'ONG BA'I LAS BYAS SHING BSAGS PA ZAD PAR MA GYUR PA DE SRID DU, SGRA DANG, DRI DANG, RO DANG, REG BYA KHYAD PAR DU SDUG PA DAG MYONG BAR BYED DO, ,DE PHYIS LHA'I RIS DE NAS 'CHI BAR 'GYUR TE, SHI NAS BYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUNG 'GRO'I
, ,NANG DU MA SKYES LA, MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR ROL MO LA MNGON PAR DGA' BAR 'GYUR ZHING NOR DANG; 'BRU DANG, KHYIM DANG, CHUNG MA SHIN TU 'BYOR PA DANG, YUN RING DU 'TSO BA DANG, RGYAL PO'I PHO BRANG DU'ANG BKUR BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE LHA LAG NA YOL GO THOGS PA RNAMS KYI GNAS LA RTOG PAR BYED DE, DER LHA DAG LAS GANG GIS SKYE BAR 'GYUR, MING NI CI ZHES BYA SNYAM NAS DES THOS PA LAS BYUNG BA'I SHES PAS BRTAGS NA LHA'I 'JIG RTEN NA LHA RNAMS KYI GNAS DRIS DREGS DGA' ZHES BYA BA JI LTAR 'DUG PA MTHONG NGO, ,DE NAS SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, SEMS SHIN TU TSUL KHRIMS DANG LDAN PA, SEMS YONGS SU BSGOMS PA GANG GIS MCHOD RTEN GYI BUM PA'AM, GDUGS LA DRI CHAB PHUL NA, DE LUS DANG BRAL NAS BDE 'GRO MTHO RIS KYI 'JIG RTEN DRIS DREGS DGA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG LHA'I BDE BA DANG NI LDAN, BDE BA DPE MED PA'I KHA ZAS LA NI RTEN, LHA'I BDUD RTZI'I ZAS KYIS NI TSIM, LUS DANG, YID KYI GDUNG BA DANG NI BRAL, LHA'I PHRENG BA DANG, GOS GYON PA RTAG TU SIL SNYAN YAN LAG LNGA
LDAS RTZEN CING, RGOD PA DANG, DGA' BA DANG, RTZE BA'I GROGS DANG LDAN PA LHA MO'I TSOGS RNAMS NI GLU DBYANGS LEN, NYIN GCIG CIG BZHIN RGYUN MI 'CHAD PAR RI SUL LAS CHU'I SHUGS 'BAB PA LTAR BDE BA RNAMS NI 'PHEL, NOR BU MTHON KA DANG, SPUG DANG, DNGUL GYI RI'I RTZE MO RNAMS SU DGA' BAR BYED CING, CHU BO DANG, 'BAB CHU DANG, LTENG KA RNAM PA SNA TSOGS NI MTHONG, TSAL GYI NANG NA GNAS PA BYA DANG, KHU BYUG RNAMS KYANG MTHONG STE, LTA BA DU MA'I ZI LANG BAR LTA BA, TSAL DANG, NAGS TSAL YID DU 'ONG BA RNAMS SU LTA BAR BYED KYANG, SEMS TSIM PA MED PA DAG LHA'I 'JIG RTEN DE NA GNAS SO, ,CHU BO DANG, 'BAB CHU DANG, LTENG KA DANG, TSAL DANG, NYE BA'I TSAL RNAMS NA MTHO RIS KYI CHU PO'I RO GANG DANG, GANG 'BYUNG BA DAG NI 'DI LTAR DZAMBU'I GLING NA LEGS PAR BYAS PA'I LAS KYIS DGUN CHANG DANG, SBYAR BA'I CHANG DANG, SHA KHA RA'I CHANG GI RO 'BYUNG BA RNAM PA DE LTA BUR 'BYUNG NGO, ,DE LTAR LEGS PAR BYAS PA'I LAS KYI MTHA' SPYAD PA DE, LHA'I 'JIG RTEN DE NA JI SRID DU DE'I LEGS PAR BYAS PA'I LAS ZAD PAR MA GYUR PA DE SRID DU LHA MO'I TSOGS DU MAS YONGS SU BSKOR BA DAG DANG DGA' BAR BYED DO, ,DE PHYIS DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUD 'GRO'I NANG DU
, ,MA SKYES LA MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR BRAN KHYIM BDOG CING NOR DANG, 'BRU MANG PO KUN NAS GANG BAR 'GYUR BAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA LAG NA YOL GO THOGS PA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA LAG NA YOL GO THOGS PA RNAMS KYI GNAS RLUNG GI RGYU ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, TSUL KHRIMS DANG LDAN PAR GYUR CING, SEMS YONGS SU BSGOMS PA'I SNYING RJE DANG LDAN PA GANG GIS TSA BAS GDUNGS PA'I DGE SLONG RNAMS LA RLUNG YAB KYIS RLUNG G-YABS TE, GANG GIS RLUNG 'BYUNG BA REG NA BDE BA KU SHI RA'I DRI DANG 'DRES PAS DGE SLONG SHIN TU TSA BAS GDUNGS PA DE RNAMS RLUNG DES BSAM GTAN DANG, KHA TON 'DON PA DANG 'JUG PAR BYA BA DAG BYED PAR NUS NA, SBYIN BDAG DE LAS BYAS PA'I RKYEN DES LUS DANG BRAL NAS BDE 'GRO MTHO RIS KYI 'JIG RTEN RLUNG LA SPYOD PA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG LEGS PAR BYAS PA'I LAS KYI MTHA' SPYAD PA DE LA RLUNG DRI ZHIM PA DPE MED PA LDANG NGO, ,GANG RGYAL CHEN
BZHI'I LHA RNAMS KYI RLUNG DPE MED PA LDANG BA 'BA' ZHIG TU MA ZAD KYI, LHA'I RIS GZHAN NAS RLUNG LANGS PA'I DRI 'BUM 'GYUR DU ZHIM PA, SHIN TU BSIL BAR YANG LDANG STE, RNAM PAR SMIN BA BZANG PO GCIG DANG, GNYIS DANG, GSUM DANG, BZHI DANG, LNGA 'GYUR DU 'BYUNG NGO, ,DER RGYAL CHEN BZHI PA RNAMS KYI RLUNG NI NYIS 'GYUR DU 'BYUNG NGO, ,RGYAL CHEN BZHI PA RNAMS LAS LHAG PAR SUM CU RTZA GSUM PA RNAMS KYI SUM 'GYUR DU 'BYUNG NGO, ,SUM CU RTZA GSUM PA RNAMS LAS LHAG PAR 'THAB BREL BA RNAMS KYI BZHI 'GYUR DU 'BYUNG NGO, ,'THAB BRAL BA RNAMS LAS LHAG PAR DGA' LDAN PA RNAMS KYI LNGA 'GYUR DU 'BYUNG NGO, ,DGA' LDAN PA RNAMS LAS LHAG PAR 'PHRUL DGA' BA RNAMS KYI DRUG 'GYUR DU 'BYUNG NGO, ,DE DAG PAS KYANG LHAG PAR GZHAN 'PHRUL DBANG BYED RNAMS KYI YANG 'BYUNG STE, DE LTAR SEMS CAN RNAMS KYI LAS KYI BYE BRAG LAS 'GRO BA'I RIS KYI BYE BRAG TU 'GYUR RO, ,LAS BYAS PA DE DAG MNGON PAR MTHONG NAS, LEGS PAR BYAS PA'I LAS DES RLUNG LA SPYOD PA'I LHA DE RNAMS LA, LHA'I RIS DRUG NA RLUNG LANGS PA DPE MED PA DRI ZHIM PA BDE BA GANG YIN PA DE DAG LDANG NGO, ,RLUNG DE DAG GI MTHU GCIG CIG BSHAD PAR BYA STE, 'DI LTAR DE'I MTHU THAMS CAD NI BSHAD PAR MI NUS SO, ,LHA DE RNAMS KYI RLUNG DGA' MGUR BYED PA LDANG STE, DE NI GANG GI TSE ROL MO'I SGRA 'BYUNG BAR 'DOD NA DE'I TSE RLUNG DE RI DANG, NAGS
, ,TSAL GYI GSEB TU SONG NAS JI LTAR DE LHA MOS ROL MO BYAS PA CUNG ZAD KYANG SNYAN PAR MI 'GYUR BA DE LTA BUR LDANG NGO, ,GAL TE SHIN TU DRI ZHIM PAR 'DOD NA DE GZHAN 'PHRUL DBANG BYED KYI LHA'I RIS MAN CHAD KYI MDOG DPE MED PA DANG LDAN PA DAG LAS LANGS NAS LHA DE RNAMS KYI DRUNG DU LDANG BAR BYED DE, GAL TE BSIL BA 'DOD NA DE JI LTAR DE, DAG GI LUS LA BZOD PA RNAM PA DE LTA BU'I BSIL PA LDANG NGO, ,GAL TE YUL GZHAN DU 'GRO BAR 'DOD DAM, DE BZHIN DU BEE d'URYA'I RI RAB KYI RTZE MO LTA BAR 'DOD DAM, DE BZHIN DU DNGUL GYI'AM, DE BZHIN DU DZAMBU'I CHU BO'I GSER GYI'AM, DE BZHIN DU SHEL GYI'AM, DE BZHIN DU ME TOG DANG, 'BRAS BU DANG, CHU BO DANG, 'BAB CHU DANG, LTENG KA DANG, TSAL DANG, NYE BA'I TSAL DANG, ME TOG NYAMS DGA' BA'I YUL SNA TSOGS LTA BAR 'DOD PA DANG, LHA MO SNA TSOGS KYIS YONGS SU BSKOR TE 'GRO BAR 'DOD PA'I LHA RNAMS LA RLUNG SGRA DANG, DRI DANG; BDE BA RNAM PA DU MA DANG LDAN PA DE DAG LDANG BAR BYED DO, ,TSAL DANG, NYE BA'I TSAL DANG, DKA' THUB KYI TSAL DANG, RI KHROD RNAM PA SNA TSOGS SU SNGA MA BZHIN KHYER BAR YANG BYED DE, DE LTAR RLUNG 'ONG BA DANG, 'GRO BA DAG 'DOD PA LNGA LA DGA' BA'I LHA RNAMS DANG LHAN CIG DGA' BAR BYED, RTZE BAR BYED, YONGS SU SPYOD PAR BYED DO, ,PHRAG DOG DANG, 'THAB
MO DAG GIS SKYO BA MED PA, PHAN TSUN GROGS SU GYUR PA, PHAN TSUN GNOD PA MED PA RNAMS YID GCUGS SHING GNAS DE DAG LA YID ZHUGS PA, RANG GI LAS KYIS BSGYUR BA RNAMS DGA' BAR BYED DO, ,LHA'I 'JIG RTEN NA LHA RANG GI LAS THA MA DANG, 'BRING DANG, BZANG PO RNAMS KYIS RGYA'I 'BUR LTA BUR LAS KYI 'BRAS BU 'BYUNG BA NI, JI LTAR RLUNG PHRAG DOG DANG, SER SNA DANG BRAL BA'I SHUGS 'BYUNG BA LA, SHUGS ZAD NAS SA LA 'BAB PA DE LTAR JI SRID DU LAS KYI RNAM PA THA MA DANG, 'BRING DANG, BZANG PO LEGS PAR BYAS PA'I RNAM PA DE SRID DU 'BYUNG BA'I SHUGS SPYAD LA, DE NAS YANG LEGS PAR BYAS PA'I LAS ZAD NAS LHA'I 'JIG RTEN DE NAS 'CHI BAR 'GYUR RO, ,SEMS CAN RNAMS NI LAS KYI SKYE GNAS LAS SKYE ZHING LAS LA RTON PA YIN LA, JI LTAR LAS BYAS PA DE LTAR 'GRO BAR 'GYUR TE, SEMS CAN RNAMS KYI SKYE BA NI RGYU MED PA LAS BYUNG BA MA YIN NO, ,DGE SLONG DES LAS DE DAG MTHONG NAS 'DI LTAR TSIGS SU BCAD DE SMRAS PA, JI LTAR NYI MA'I RJES SU DUS 'GYUR ZHING, ,JI LTAR DUS KYI RJES SU ZHING RNAMS SKYE, ,DE LTAR LAS KYI RJES SU SKYE BA 'BYUNG, ,RGYU MED PA LAS SKYE BA 'BYUNG MI 'GYUR, ,GANG GIS LUS CAN BCINGS PA RNAMS, ,TSE RABS GZHAN NI STONG DAG TU, ,RNAM PAR CHAGS PA MANG PO'I LAS, ,RNAM GSUM LU GU RGYUD KYIS BCINGS ,JI LTAR SBRANG RTZI DUG DANG ZAS, ,'DRES PA YONGS
, ,SU SPONG BAR BYED, ,DE LTAR LHA YI BDER GTOGS PA, ,MTHAR NI LTUNG BA RNAM PAR SPONGS, ,GANG ZHIG SDUG BSNGAL 'CHI BA NA, ,BSOD NAMS ZAD DE DMAN PA NI; ;RANG GI CHUNG MA RNAMS KYIS SPANGS, ,DE 'DRA BA NI DPE MED DO, ,LEGS BYAS ZAD DE DMAN PA NI, ,SGRON MA 'BAR BA ZAD PA LTAR, ,LHA KHYOD GANG DU 'GRO 'GYUR ZHES, ,SDUG BSNGAL CHEN PO RAB TU SKYED, ,SRED PA'I DUG GIS RNAM BSREGS SHING, ,MYA NGAN GYIS NI SEMS NYAMS TE, ,LUS DANG NGAG GI SPYOD DMAN PA, ,LHA NI LTUNG BA DAG GIS 'JIGS, ,'DOD RNAMS SHIN TU SLU BYED DE, ,JI LTA JI LTAR BDE MYANGS PA, ,DE LTA DE LTAR YONGS SU GTONG, ,DE DAG SDUG BSNGAL RAB TU CHE, ,LHA YI YUL NAS LTUNG BA NA, ,SDUG BSNGAL RAB TU SKYE BA GANG, ,DE YI KHYAD PAR SEMS CAN DMYAL, ,BCU DRUG CHAR YANG MI PHOD DO, ,SRED PAS 'KHOR BA KUN BYAS PAS, ,'BAR BA'I PHRENG BA RNAMS KYIS DKRUGS, ,SRID PA'I SGROG GIS BCINGS PA YI; ;SEMS CAN RNAMS NI NGAN 'GROR 'GRO ,LHA YI 'JIG RTEN 'CHI BA'I MTHA', ,DE BZHIN SA STENG 'CHI BA'I MTHA', ,'KHOR BA LAS NI MI 'BYUNG BAS, ,SDUG BSNGAL MTHONG NAS RNAM PAR SPONGS, ,SKYE BO BAG MED DGA' BA GANG, ,DE NI THAR PA MI 'THOB STE, ,BAG MED DUG GIS RMONGS PA NI, ,DE LA MYA NGAN 'DAS PA RING, ,BAG MED DGRA YI MCHOG YIN
PAS; ;BAG MED RNAMS LA CHAGS MA BYED, ,SHIN TU BAG MED LHA RNAMS NI, ,YANG DANG YANG DU DMYAL BAR LTUNG, ,GNAS GSUM 'KHRUL 'KHOR 'KHOR BA LTAR, ,'KHRUL 'KHOR LAS KYIS 'KHYAM PAR BYED, ,DE BAS SRED PA'I CHAGS PA SPONGS, ,'DOD CHAGS BRAL BA ZHI BA'I GNAS, ,DE LTAR DGE SLONG DES LHA'I 'JIG RTEN GYI MTHA' LTUNG BAR MTHONG NAS 'DOD PA LA 'DOD CHAGS DANG BRAL LO, ,RLUNG LA SPYOD PA'I LHA DE RNAMS KYI MI RTAG PA DANG, BDE BA DE DAG LA LAS KYI RGYUS BSKYED CING MI RTAG PA NYID DANG 'BREL BA YIN PA LTA ZHES RNAM PAR DPYOD PAR BYED DO, ,LHA DE RNAMS KYANG JI SRID DU DE'I LEGS PAR BYAS PA'I LAS ZAD PAR MA GYUR PA DE SRID DU DE DGA' BAR BYED DO, ,DE PHYIS DE NAS 'CHI BAR 'GYUR TE, JI LTAR DUS JI SRID DU LEGS PAR BYAS PA'I LAS YOD PA DANG, 'OD GSAL BA 'BYUNG BA'I DUS DE SRID DU LHA RNAMS LHA'I 'JIG RTEN NA SPYOD DO, ,DE ZAD NAS LTUNG PAR 'GYUR LA, LHUNG NAS KYANG YANG SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR RLUNG GIS BDAS NAS, 'GRO BA RGYA MTSOR SPYOD CING 'TSO BA'I DED DPON DU 'GYUR BA MTHONG NGO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO NYER BDUN PA, DE NAS YANG DGE SLONG LAS
, ,KYI 'BRAS BU RNAM PAR SMIN PA SHES PA DE LHA LAG NA YOL GO THOGS PA RNAMS KYI GNAS LA RTOG PAR BYED DE, DE THOS PA LAS BYUNG BA'I SHES PAS LHA LAG NA YOL GO THOGS PA RNAMS KYI GNAS ME TOG PHRENG DGA' ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, TSUL KHRIMS DANG LDAN PAR GYUR CING LUS DANG, NGAG GI LAS KYI MTHA' YANG DAG PA SEMS PAS YONGS SU BSGOMS PA'I SEMS DANG LDAN PA GANG GIS TSA BA'I DUS SU DGE 'DUN LA CHU RIL BA GANG PHUL BA'AM, LAM DU ZHUGS PA'AM, 'BROG DGON PAR ZHUGS PA DAG LA'ANG CHU RIL BA GANG BYIN NA, DE LUS DANG BRAL NAS BDE 'GRO MTHO RIS KYI 'JIG RTEN ME TOG PHRENG DGA' BA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG DE'I LUS BDE BA DANG, SGEG PA SNA TSOGS SU NI SPYOD, LHA MO'I SIL SNYAN GYI SGRA 'BYIN CING DGON PA SNA TSOGS KYI NANG DU NI ZHUGS, BEE d'URYA DANG, GSER DANG, DNGUL GYI RI RAB KYI GSHONG NA RTZE BA DAG DANG LHAN CIG NI GNAS, RI KHROD RNAM PA SNA TSOGS NA LHA MO DANG NI LHAN CIG 'KHOD, RLUNG DRI ZHIM POS REG PA'I LUS KYI ME TOG PHRENG BA THOGS PA, 'BAB CHU DANG, LTENG KAS BRGYAN PA'I YUL RNAMS NA DGA' BAR BYED CING
LHA MO MANG PO'I NANG NA SPYOD PA NI LO 'BUM PHRAG DU MA SONG NGO, ,DE LTAR GNAS PA DE RES 'GA' TSAL 'BAB CHU ZHES BYA BA NA GNAS TE TSAL DE NA DGA' BAR BYED DO, ,TSAL DE NI PEE d'URYA'I SHING LJON PA LA GSER GYI 'DAB MA YOD PA DANG, GSER GYI SHING LA BEE d'URYA'I 'DAB MA YOD PA DANG, DNGUL GYI SHING LA GSER GYI 'DAB MA DAG YOD DE, TSAL DE'I NANG DU ZHUGS PA DE RTAG PAR YID RAB TU DGA' BA, LUS RANG GI 'OD DANG LDAN PA YIN NO, ,DE'I LEGS PAR BYAS PA'I LAS DES SHING DE DAG BRTOL BA LAS MTHO RIS DANG MTHUN PA'I SKOM 'BYUNG STE , SKOM DE'I KHYAD PAR NI MI'I RGUN CHANG DANG SBYAR BA'I CHANG DANG, SHA KHA RA'I CHANG DAG 'BRAS BU BI TZU MAN DA'I RO DANG MTSUNGS TE, SKOM DE NI LHA'I RO DANG, MDOG DANG, STOBS DANG LDAN PA YIN NO, ,DE'I DRI DPAG TSAD DU'ANG 'BYUNG STE, BYA'I TSOGS LUS GSER DANG, DNGUL GYI MDOG LTA BU YID RAB TU DGA' BA KUN GYIS SKOM DE 'THUNGS NAS TSAL DE NA SGRA YID DU 'ONG BA 'BYIN CING KUN TU 'GENGS SO, ,SHING DE DAG GI SDONG PO BRTOL NAS SKOM 'BYUNG BA DE LA BUNG BA'I TSOGS 'UB 'UB 'DU STE, SKOM KHA CIG GI MDOG NI GSER LTA BU YIN, KHA CIG GI MDOG NI BEE d'URYA LTA BU YIN, KHA CIG GI MDOG NI SPUG LTA BU YIN, KHA CIG GI MDOG NI PADMA R'A GA LTA BU YIN, KHA CIG GI MDOG NI MRGAD LTA BU YIN TE, SKOM DE DAG KUN NAS
, ,BYUNG NAS BRUG PA CHU BO LTAR 'BAB BO, ,SKOM GYI CHU BO DE'I MING YANG MTHA' MED 'BAB CES BYA STE, CHU BO'I RGYAR DPAG TSAD GNYIS YOD PA'I 'GRAM GNYIS KA NYAMS DGA' LA, 'GRAM GNYIS KA LHA DANG LHA MO'I TSOGS KYIS YONGS SU BSKOR CING GLU LEN LA GSER GYI PADMAS KHEBS PA 'BAB BO, ,DE NAS LHA MO'I TSOGS KYIS 'THUNGS PA DANG, YID RAB TU DGA' STE, DGOD PAR BYED, RTZE BAR BYED, PHAN TSUN GSER GYI PADMA'I SDONG BU BEE d'URYA RNAMS KYI SGEG PAR BYED, RTZE BAR BYED, DGOD PAR BYED DO, ,SHING RTA SNA TSOGS LA ZHON PA RNAMS RGYUG PAR BYED CING DGOD PAR BYED LA, LHA'I CHU YAN LAG BRGYAD DANG LDAN PAS PHAN TSUN 'THOR BAR BYED DO, ,LHA DE RNAMS KYI PADMA'I RDZING YOD PA DE NI KUN NAS BSTEN PA ZHES BYA LA GZHAN DANG MI 'DRA BA DPE MED PA YIN TE, LEGS PAR BYAS PA'I LAS KYIS BSGYUR BA'I LHA DE RNAMS JI SRID DU DE'I 'DOD PA SDUG PA YID DU 'ONG BA'I LAS ZAD PAR MA GYUR PA DE SRID DU GNAS SO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUD 'GRO'I NANG DU MA SKYES LA, MI RNAMS DANG SKAL BA MNYAM PAR MI'I NANG DU SKYES NAS DE LAS DE DANG RGYU MTHUN PAR BKRES PA DANG, SKOM PA
YONG YE MED CING 'BYOR PA DANG LDAN PA'I YUL DU SKYE LA, NOR DANG SHIN TU LDAN PA DANG, SKYE BO THAMS CAD DGA' BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA LAG NA YOL GO THOGS PA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS BRTAGS NA LHA LAG NA YOL GO THOGS PA RNAMS KYI GNAS KUN TU LTA BA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, TSUL KHRIMS DANG LDAN PAR GYUR CING, LEGS PAR BYAS PA'I LAS KYI MTHA' SPYAD PAR GYUR PA, SEMS PAS YONGS SU BSGOMS PA'I SNYING GIS BRLAN PA, SKYO BA MED CING SHIN TU DGA' BA'I SEMS PA GANG BDAG LA PHAN PA MED KYANG, TSUL KHRIMS 'CHAL BA'I NAD PA'I RIM GRO BYED NA DE LUS DANG BRAL NAS BDE 'GRO MTHO RIS KYI 'JIG RTEN KUN TU LTA BA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG LHA'I PHRENG BA DANG, GOS GYON PA RAB TU DGA' STE LHA'I 'DOD PA'I YON TAN LNGA 'BYOR PA'I BDE BA DANG NI LDAN, YID RTAG TU DGA' BA LHA'I 'DOD PA'I YON TAN LNGA RNAMS DANG LDAN PA DAG SKYED MOS TSAL NAS SKYED MOS TSAL DU NI RGYU, DGA' MGUR GNAS PA GROGS SDUG GU LHA MO'I TSOGS DU MAS BSKOR CING YONGS SU SPYOD PAR MI BYED, NYI MA'I 'OD LTAR NI GSAL
, ,DGE BA NI RGYA CHER 'PHEL, LHA'I TSOGS THAMS CAD KYIS NI MCHOD, RI RAB RIN PO CHE DU MA'I 'OD KYIS GSAL BAR BYAS SHING RAB TU 'BAR BA DAG LA NI GNAS, GOS TSON CAN RNAM PA SNA TSOGS NI BGOS, MTHE RIS DANG MTHUN PA'I RIN PO CHE DU MA DAG GI RGYAN GDAGS PAR BYA BA NI BTAGS, TSAL NA RNAM PAR RGYU BA'I LHAS BSAMS PA'I TSAL DKRIGS PA SNA TSOGS DAG NA NI GNAS, PADMA'I RDZING DANG, LTENG KA DANG, CHU'I DNGO DANG, 'BAB CHU DANG, CHU BO DANG, 'BAB CHU'I RGYUN DANG, STEGS SNA TSOGS DAG LA RNAM PAR RGYU BA NA, RANG GI LAS RNAMS LAS KYI BYA BA BYED DO, ,DE LTAR DE YONGS SU RGYU BA NA, PHYOGS GZHAN ZHIG NA TSAL DRIL BU G-YER KA'I DRA BAS GTIBS SHING GSER GYI LAN KAN BRES PA ZHIG DES MTHONG STE, BYA RNAM PA SNA TSOGS GNAS PA, BYA'I TSOGS SKAD SNYAN CING 'JEBS PA 'BYIN PA RNAMS KYIS NI KUN TU GANG, RLUNG GIS PHOG NAS RAB TU G-YOS PA'I DRIL BU G-YENG KHA'I SGRA NI DRAG TU 'KHROL, NYI MA 'BUM SNYED KYI 'OD DANG NI LDANG, RI RAB LAS BYUNG BA GSER GYI RI BDUN LA, 'DI LTA STE, SHIN TU MTHO DANG, RAB SPYOR DANG, CHAR DGA' DANG, KLUS BRTOL DANG, RAB CHAGS GSAL DANG, RIN CHEN CHAR 'BEBS DANG, RGYU SKAR PHRENG GIS YONGS SU BSKOR BA, DRIL BU G-YER KA'I DRA BAS GTIBS PA'I TSAL DER 'JUG PAR
BYED DO, ,RNAM DE LTA BU'I TSAL LHA'I PHRENG BA LA SOGS PAS RNAM PAR BRGYAN PA DE NA, LHA MO TSAL GYI GSAB GSEB BCU ZHING RTZE BA GANG YIN PA DE DAG 'OD ZER 'BUM SNYED 'BYUNG BA LTAR TSAL DE NA SNANG NGO, ,SHING LJON PA'I BAR BAR NA 'KHOD PA'I LHA DE DAG GIS DE RNAMS MTHONG NAS, DE NAS YANG 'DOD PA'I YON TAN LNGA LA BLO RNAM PAR CHAGS PA DAG BLTA BA'I PHYIR DE'I DRUNG DU 'DONG ZHING SHIN TU RGYUG PAR BYED DO, ,GSER GYI PADMA RNAMS KYIS DE DAG DANG RTZE BAR BYED, YONGS SU SPYOD PAR BYED, DGOD PAR BYED, SGEG PAR BYED LA, ROL MO'I SGRA RNAMS KYIS KYANG SHIN TU DGA' BAR BYED DO, ,DE LTAR 'DOD PA LA BLO RNAM PAR CHAGS PA DE MIG LHA'I GZUGS YID DU 'ONG BA RNAMS KYIS CHOG MI SHES SO, ,RNA BA SGRA SNYAN PA GSAL BA YID DU 'ONG BA RNAMS KYIS CHOG MI SHES SO, ,SNA DRI ZHIM PA BSUNG CHE BA YID DU 'ONG BA RNAMS KYIS CHOG MI SHES SO, ,LCE RO ZHIM PA BRO BA YID DU 'ONG BA RNAMS KYIS CHOG MI SHES SO, ,PAGS PA REG BYA BDE BA 'JAM PA YANG BA YID DU 'ONG BA RNAMS KYIS CHOG MI SHES TE, SRID PA DRUG GI MES YONGS SU BSKOR BA DE KUN NAS SREG PAR BYED DO, ,DE LTAR CHOG MI SHES PA DE DGE SLONG DES MNGON PAR MTHONG NAS 'DI LTAR TSIGS SU BCAD DE SMRAS PA, LHA YI 'JIG RTEN KUN NAS SU, ,SRED BA'I ME YIS YONGS SU BSKOR, ,RMONGS PA 'DOD PA'I DBANG SONG BA, ,CHAGS
, ,PA DBANG MED SRED PAR BYED, ,JI LTA JI LTAR SHING RNYED NA, ,DE LTA DE LTAR SRED PA 'PHEL, ,JI LTA JI LTAR BDE THOB NA, ,DE LTA DE LTAR SRED ME 'PHEL, ,SHING MES SREG PA'I NYES PA RNAMS, ,MI YIS YONGS SU SPANG NUS KYI, ,'JIG RTEN SRED MES SREG PA NI, ,YONGS SU SPANG BAR MI NUS SO, ,CHU BO CHEN PO RGAL 'DOD LA, ,CHU SRIN GYIS NI 'JIGS PA GANG, ,DE DAG BDE BA'I MTHAR PHYIN NA, ,SRED PAS DE LA GNOD MI 'GYUR, ,SRED PA'I ZHAGS LAS RNAM GROL ZHING, ,'DOD CHAGS ZHE SDANG SPONG BA PO, ,NYES SDIG LAS NI GROL BA GANG, ,MKHAS PA DE NI MYA NGAN BRAL, ,GANG ZHIG TSUL KHRIMS SRUNG BA NYID, ,MTHO RIS DE LA YID ZHUGS NA, ,DE DAG TSUL KHRIMS SDIG DANG BCAS, ,ZAS DANG DUG NI 'DRES PA BZHIN, ,BSKAL PA BYE BSTONG RNAMS SU, ,SRED PAS BSLUS PA'I MI RNAMS NI, ,SHIN TU RMONGS PAS DE MI STONG, ,YID NI GTI MUG DBANG DU SONG, ,SKOM GYIS GDUNGS PA'I KHUR TZA PA; ;LAN TSVA'I CHU NI 'THUNGS PA LTAR, ,SRED PAS BSLUS PA'I SEMS CAN RNAMS, ,SRED PA NYID KYI RJES SU 'BRANG, ,SKYE BO SKAD CIG TSIM BYED LA, ,SKAD CIG GIS NI SKOM BYED PA, , SKYES BU THA MA SRED PA YIS, ,GDUNGS PA LAM GOL TSOL BA BZHIN, ,DE BAS SRED PA BSTEN MI BYA, ,SRED PA DE NI BSTEN PAR DKA', ,SRED PA'I DBANG DU SONG BA'I MI, ,'KHOR BA LAS
NI 'GROL MA 'GYUR, ,GANG ZHIG BDE BA BLA NA MED, ,BSAM GTAN SKYED MOS TSAL LA DGA', ,MYA NGAN 'DAS PA'I GRONG STON PA, ,DE DAG BDE BA DE BZHIN 'GYUR, ,BDE BA BLA NA MED PA RNAMS, , LHA YUL SPYOD PA'I SKYE BO DAG ,SRED PA'I ZHAGS PAS DRANGS NAS SU, ,YANG DANG YANG DU MDYAL BAR LTUNG, ,'CHI MTHA' DANG POR DGE BA MIN, ,YANG DAG LAM NI STON MDZAD PAS, ,SRED LA RTAG TU STEN BYED PA, ,'DI YIS SDUG BSNGAL TSA ZHES GSUNGS, ,DE LTAR DGE SLONG DES LHA'I 'JIG RTEN 'DOD PA'I DBA' RLABS KYIS BDAS SHING 'CHI BA'I SDUG BSNGAL MNGON PAR MTHONG BAS 'KHOR BA LA YID BYUNG NGO, ,DE LTAR LHA'I DE JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU GNAS KUN TU LTA BA DAG LA DGA' BAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUD 'GRO'I RANG DU MA SKYES LA, MI RNAMS DANG SKAL BA MNYAM PAR MI'I NANG DU SKYES NA, LAS DE DANG RGYU MTHUN PAR BU DANG, CHUNG MA DANG, BRAN PHO DANG, BRAN MO DANG, LAS BYED PA DANG, ZHO SHAS 'TSO BA DANG RTAG TU LDAN ZHING SHIN TU 'BYOR BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES, LHA LAG NA
, ,YOL GO THOGS PA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS BRTAGS NA, LHA LAG NA YOL GO THOGS PA RNAMS KYI GNAS RTAG TU DGA' BA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, TSUL KHRIMS DANG LDAN PAR GYUR CING SEMS PA GSAL BA'I SNYING DANG LDAN PA GANG GIS RGYAL POS GSAD PAR BYA BAR BTZON RA'I NANG DU BCUG PA LAS NONG RDZAS THAMS CAD PHUL NAS, DE THAR BAR BYAS SAM; DE BZHIN DU RGYAL PO'I BU'AM, DE DANG MTHUN PA DAG LA PHUL NAS DE THAR PAR BYAS LA, DE LAS NOR RDZAS SNA 'GA' YANG LEN PAR MI BYED DE, SNYING RJES BRLAN PA'I SNYING GIS SEMS CAN RNAMS LA PHAN PA KHO NA BYED CING LEGS PAR BYAS NA, DE LUS DANG BRAL NAS BDE 'GRO MTHO RIS KYI 'JIG RTEN RTAG TU DGA' BA'I LHA RNAMS KYI NANG DU SKYE BAR 'GYUR RO, , DER SKYES NAS KYANG LHA DE RNAMS NGO BO NYID KYIS YID RAB TU DGA' BA YIN LA, DE DAG BAS KYANG DE BRGYA 'GYUR DU YID RAB TU DGA' BAR 'GYUR TE, LAS DE DANG RGYU MTHUN PAR 'BRAS BU 'BREL PAS RGYU DANG MTHUN PAR 'BRAS BU 'BYUNG NGO, ,LHA'I 'JIG RTEN DER SKYES PA DE LHA MO'I TSOGS MANG POS NI YONGS SU BSKOR, GLU DBYANGS DANG, BRO GAR DANG, BZHAD GAD
DANG, RTZED MO DANG, DGA' MGUR SPYOD PA'I LHA MO RNAMS KYIS NI MTHA' 'KHOR TE, NYE BAR SPYOD CING RI RAB DANG, RI DANG, RI PHUG DANG, RI KHROD RNAMS SU NI RGYU, DE BEE d'URYA'I RDO LEB BZANG PO REG NA SHIN TU BDE BA RNAMS KYI STENG NA RANG DGAR NI SPYOD, CHU BO DANG, 'BAB CHU DANG, LTENG KA DANG, TSAL DANG, NYE BA'I TSAL RNAMS SU SHIN TU BDE BA DANG LDAN PA DAG DGA' BAR BYED, BDE BA DE'I KHYAD PAR NI 'KHOR LOS BSGYUR BA'I BDE BAS 'BUM GYI CHAR YANG MI PHOD DO, ,DE CI'I PHYIR ZHE NA, RIS MTHUN PA DE DANG, SHA DANG, RUS PA DANG, CHU SER DANG BRAL BA DE'I PHYIR BDE'O, ,LHA'I RIN PO CHE'I PHRENG BA DANG, GOS DU MA GYON PA ME TOG BRGYUS PA DANG, BGO BA SNA TSOGS KYIS LUS BRGYAN PA DE, RI RAB KYI DRUNG DAG NA RGYU BAR BYED DE, GAL TE GSER GYI RI ZOM LA 'DZEGS NA GSER DE'I MTHUS DE GSER LTA BUR 'GYUR RO, ,GAL TE BEEd'URYA'I ZOM LA 'DZEGS NA BEE d'URYA'I MTHUS BEE d'URYA'I MDOG LTA BUR 'GYUR TE, BDAG NYID MTSO'I NANG DU ZHUGS PA LTAR GYUR KYANG 'DAM RDZAB KYIS GOS PA LTA BUR NI MI 'GYUR RO, ,GAL TE SHEL GYI RI ZOM LA 'DZEGS NA SHEL GYI 'OD DES DE ZLA BA GNYIS PA LTA BUR 'GYUR RO, ,GAL TE DNGUL GYI RI ZOM LA 'DZEGS NA DNGUL DE'I MTHUS DE'I YAN LAG DANG, NYING LAG THAMS CAD KHA BA DANG, ME TOG KU MU DE LTAR 'GYUR TE, DE LTAR LHA MO'I TSOGS KYIS YONGS SU BSKOR BA DE, SIL SNYAN
, ,YAN LAG LNGA DANG LDAN PA'I TSAL DANG, NYE BA'I TSAL RNAMS SU DGA' BAR BYED, YONGS SU SPYOD PAR BYED CING, LHA'I BDE BA DPE MED PA DAG MYONG BAR BYED DO, ,DE LTAR DE RNAM PAR SPYOD PA NA SHING LJON PA DU MAS MJES PAR BYAS PA, LHA'I NYAMS DGA' BAR BYED PA'I TSAL ZHES BYA BA ZHIG RGYANG RING PO NAS MTHONG BA DANG, DER LHA DE DAG DZAMBU'I CHU BO'I GSER GYI SHING RTA LA ZHON NAS 'GRO BAR BYED DO, ,TSAL DE'ANG BYA RNAM PA SNA TSOGS SGRA 'BYIN CING TSAL GYI LCUG MA GZHON NU 'PHYANG BA DAG TU SHING RTAS PHYIN PA DANG, BYA LHA'I SKAD DU RTZE BA ZHES BYA BA LHA RNAMS DANG SMRA BA MTHUN PA DAG LHA DE'I DGE BA'I LAS KYI MTHUS BSKUL BA DANG, 'DI LTAR TSIGS SU BCAD DE SMRAS PA, DGA' BAR BYED PA'I LAS RNAMS DAG ,SKYES BU GANG ZHIG 'DIR BYED PA, ,DE YI LAS KYI RNAM SMIN NA, ,LEGS PAR YONGS SU SMIN PAR 'GYUR, ,BDE BA THOB PA'I LHA DE DAG ,BAG MED PA LA MA BSTAN NA, , DE NI BDE LAS BDE THOB CING, ,MYA NGAN 'DAS PA'I RJES SU 'GRO ,BDE BA'I MTHA' DE ZAD 'GYUR ZHING, ,'DI LA RTAG DANG THER ZUG MED, ,DE THOB GZHAL MED KHANG RNAMS LA, ,SKYES BU MCHOG RNAMS CHAGS MA BYED, ,BDE MTHA' RTAG TU LHUNG 'GYUR ZHING, ,BDE LA RTAG PA NYID MED DE, ,RGYU DE THAMS CAD RIG NAS SU, ,YID LA NGES PAR LEGS PAR BYOS, ,BSAGS PA
THAMS CAD THA MAR ZAD, ,MTHO BA'I MTHAR NI THA MAR RNYIL, ,'DU BA'I MTHA' NI THA MAR 'BRAL, ,'TSO BA'I MTHA' NI THA MAR 'CHI, ,SKYES PA RTAG TU 'CHI 'GYUR ZHING, ,DE LA RTAG PA NYID MED DE; ;KHAMS GSUM DAG TU SNGON BYUNG ZHE'AM, ,PHYI NAS 'BYUNG BA NYID MED DO, ,JI LTAR NYI MA 'CHAR BA DANG, ,NUB PAR 'GYUR BA RAB TU MNGON, ,DE LTAR SKYES PA THAMS CAD KYI, ,THA MAR 'CHI BA GNAS PA YIN, ,CHOS RNAMS KYI NI NGO BO NYID, ,SKYE DANG 'JIG PA 'DI SHES NAS, ,BAG MED YID LA MA BYED CIG ,BAG MED DUG GI MCHOG YIN NO, ,BAG YOD 'CHI MED GNAS YIN LA, , BAG MED 'CHI BA'I GNAS YIN NO, ,BAG YOD 'CHI BAR MI 'GYUR LA, ,BAG MED RNAMS NI RTAG TU 'CHI, ,JI LTAR DUG DANG JI LTAR ME, ,SROG CHAGS BAG MED DE BZHIN TE, ,BAG MED MYOS PA'I SEMS CAN RNAMS, ,SDUG LAS SDUG BSNGAL DE 'GRO'O, ,RTAG TU BAG YOD MI RNAMS NI, ,'JIG RTEN KUN GYIS PHYAG BYAS SHING, ,GANG NA BAG MED MI GNAS PA, ,ZHI BA MCHOG TU 'GRO BAR BYED, ,DE KUN MTHA' NI ZAD 'GYUR TE, ,RMONGS PA GANG ZHIG MI RIG PA, ,DE NI PHYI NAS 'CHI 'GYUR TE, ,MA BYAS DON MED GDUNG BAR BYED, ,RTAG TU BDAG NYID DGA' 'DOD NA, ,'CHI BA'I BAR DU DGE BA BYOS, ,CHOS SPYOD BDE BA YIN NO ZHES, ,MKHAS PA RNAMS KYIS GDAMS PA YIN, ,RGYU YI DE NYID RNAM STON PA, ,SANGS RGYAS RNAMS KYIS 'KHOR BA KUN, ,RTAG TU MI
, ,RTAG MI BRTAN LA, ,'GYUR ZHING TSA BAR RTAG TU GSUNGS, ,DE NAS LHA DES BYA DE RNAMS KYI TSIG THOS NAS YANG DAG PAR BSAMS TE YID LA YANG DGA' BA BSKYED PA DANG, SNGON GYI TSE'I 'BRAS BU DRAN NAS PHUD TZAM ZHIG BAG MED PA LA MA ZHUGS SO, ,MOS PA'I SRAB SKYOGS KYIS YID DE 'DZIN PAR BYED DE, GZUGS DANG, SGRA DANG, DRI DANG, RO DAL, RIG BYA YID DU 'ONG BA RNAMS LA BAG MED PA MA SKYES SO, ,DE NAS YANG YID MI BRTAN PA DE LHA'I BDE BA'I DBANG DU GYUR TE JI SRID DU 'DOD PA SDUG PA YID DU 'ONG BA DE MA ZAD KYI BAR DU, DE YUL SDUG PA DE RNAMS LA SPYOD PAR BYED DE, DE PHYIS LHA YUL DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUD 'GRO'I NANG DU MA SKYES LA, MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR NAM YANG BCINGS PAR MI 'GYUR ZHING, RTAG TU BDE BA DANG LDAN PA NYAM NGA BA RNAMS LAS THAR BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA LAG NA YOL GO THOGS PA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS BRTAGS NA, LHA LAG NA YOL GO THOGS PA RNAMS KYI GNAS DRI LA CHAGS PA ZHES BYA BA JI
LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, SKYES BU TSUL KHRIMS DANG LDAN PA SEMS PAS YONGS SU BSGOMS PA'I SNYING DANG, YID SHIN TU DANG BA, SEMS RNYOG PA MED PAR GYUR PA, GZHAN LA GNOD PA MED PA GANG GIS SANGS RGYAS SAM, CHOS SAM, DGE 'DUN LA ZHING CHEN POR SHES NAS, GOS SHIN TU DRI ZHIM PA RNAMS KYIS MCHOD PA BYAS LA LEGS PAR BYAS SO SNYAM DU'ANG SEMS NA, DE LUS DANG BRAL NAS BDE 'GRO MTHO RIS KYI 'JIG RTEN DRI LA CHAGS PA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG SHIN TU BDE BA DANG, RANG GI 'OD DANG LDAN PA DANG, SIL SNYAN YAN LAG LNGA DANG LDAN PAS YID RAB TU DGA' ZHING DGA' MGUR SPYOD PA DE DUS RING MO ZHIG 'DAS SO, ,DUS RING PO 'DAS PA DE'ANG YUL GYI BDE BA DES LHA DE DAG GIS MI RIG STE, GANG BDAG GIS DUS 'DI 'DAS SO ZHES DBANG PO DANG, BDE BA MI BRTAN PA THOG MA MED PA'I DUS NAS ZHUGS PA'I YUL RNAMS LA CHOG MI SHES PA RNAMS KYIS MI RIG GO ,DE LTAR SNYING LA CHAGS PA'I ME TOG GI PHRENG BA DANG, PHYE MA DANG, BYUG PAS LUS BSKUS PA DE, TSAL GYI BAR BAR DAG NA RGYU BAR BYED LA, SHING LJON PA MANG PO'I 'OD KYIS BRGYAN PA, CHU BO DANG, STEGS DANG, TSAL DANG, SKYED MOS TSAL DAG GIS BRGYAN PA'I YUL NYAMS DGA' BA'
, ,TSAL RNAMS LA RTEN PAR BYED PA, 'DOD PA MANG PO LA SNYING CHAGS PA DAG YUL GYI BDE BA DES LHA'I 'JIG RTEN GYI MTHA' 'DI LTUNG BAR KHONG DU MI CHUD DO, , DE LTAR YUL GYI SRED PAS YONGS SU BSLUS PA DE, JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU LHA'I 'JIG RTEN DE DAG NA DGA' BAR BYED, YONGS SU SPYOD PAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUD 'GRO'I NANG DU MA SKYES LA, MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR YUL RTAG TU BSIL BAR SKYE BAR 'GYUR TE, YUL GNOD PA MED PA DANG, MTSON CHA DANG, DGON PA DANG, LO NYES 'BYUNG BA DANG BRAL BA'I YUL RNAMS SU SKYE LA, SKYE BO KUN GYIS MCHOD PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA LAG NA YOL GO THOGS PA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PA'AM, LHA'I MIG GIS LHA LAG NA YOL GO THOGS PA RNAMS KYI GNAS SPYI GTZUG THAR CES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA
LAS BYUNG BA'I SHES PAS BRTAGS NA, RGYAL PO LA GNOD PA BYED PA'I MI SPYI GTZUG NAS BZUNG STE DPYANGS PA DANG, ,SDUG BSNGAL BA LAS GANG GIS DE THAR BAR BYAS NA, DE LUS DANG BRAL NAS BDE 'GRO MTHO RIS KYI 'JIG RTEN SPYI GTZUG THAR ZHES BYA BA'I LHA RNAMS KYI NANG DU SKYE BAR 'GYUR RO, ,RGYAL CHEN BZHI'I GNAS GSUM GYI NANG NA DE NYAMS DGA' BA, SHIN TU YID DU 'ONG BA , 'DOD PA LA RTEN PA, DE'I NGO BO 'DOD PA, 'DOD PA NYE BAR MCHED PA, 'DOD PA RGYUN CHAD PA MED PA GANG YIN PA BSDUS PA DE DAG THAMS CAD 'BYUNG LA, BDE BA'I GNAS DE NA BDE BA DES MNGON PAR 'DOD PA, JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU DE NA LHA MO'I TSOGS KYIS YONGS SU BSKOR BA DE SIL SNYAN YAN LAG LNGA DANG LDAN ZHING YUL GYI BDE BA DANG, NYAMS BDE BA DES DGA' BAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUD 'GRO'I NANG DU MA SKYES LA, MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR MYA NGAN DANG, 'JIGS PA DANG, GNOD PA DANG BRAL BAR 'GYUR LA, SKYON MED PA DANG, GZUGS BZANG BA DANG, SKYE BO THAMS CAD DGA' BA DANG, SHIN TU 'BYOR PA DANG LDAN PA DANG, DUS DANG MTHUN
, ,PA'I GZUGS BZANG BA DANG, TSE'I BAR CHAD MED PAR 'CHI BAR 'GYUR BA MTHONG NGO, ,DE NAS YANG DGE SLONG DE GNAS BCU MTHAR CHAGS SU RTOG PAR BYED DE, LHA LAG NA YOL GO THOGS PA RNAMS KYI GNAS DE TZAM DU ZAD DAM ZHES RTOG PAR BYED DO, ,DES GNAS BCU LAS GNAS GZHAN BCU GCIG PA MED DE, LHA LAG NA YOL GO THOGS PA RNAMS KYI GNAS BCU NI DE DAG NYID YIN PAR MTHONG NGO, ,DES LHA LAG NA YOL GO THOGS PA RNAMS KYI GNAS BCU MA LUS PAR BRTAGS NAS, RGYAL CHEN BZHI'I NANG NA CHE BA GNAS GSUM BA RTAG TU MYOS GNAS ZHES BYA BA THAMS CAD LA RTOG PAR BYED DE, LHA RTAG TU MYOS GNAS DE DAG GI GNAS JI TZAM ZHIG YOD ZHIG GU SNYAM NAS, DES THOS PA LAS BYUNG BA'I SHES PAS BRTAGS DE, RTAG TU MYOS GNAS DE DAG GI GNAS KYANG BCU YOD DE, 'DI LTA STE, LHAG PAR DGA' BA DANG, AUTPA LA'I MDOG DANG, PADMA DKAR SPYOD DANG, GRONG KHYER DMAR GNAS DANG, SNA TSOGS DANG, MTHO BAR GNAS DANG, RGUN CHANG MYOS GNAS DANG, YUL LA 'DOD PA DANG, CHU BSIL GNAS DANG, BRTAN DGA' STE, LHA RTAG TU MYOS GNAS RNAMS KYI GNAS NI BCU PO 'DI DAG YIN NO, ,SA GZHAN GANG ZHIG TU LAS GANG GIS GANG DU SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, SEMS SHIN
TU DANG ZHING RNYING LA RNYOG PA MED PA DANG, SEMS BZANG PO YANG DAG PA'I LTA BA DANG LDAN PA GANG GIS SHING LJON PA CHEN PO GANG LA YI DVAGS DANG, GNOD SBYIN DANG, SRIN PO DAG GNAS PA'I SHING LJON PA DE GCOD PA NA YONGS SU SKYOB PAR BYED LA, YI DVAGS DANG, GNOD SBYIN DANG, SRIN PO DE DAG GNAS DANG BRAL BAS 'TSO BAR MI BYED, DE'I MTHUS BDE BAR GNAS NA DE LUS DANG BRAL NAS BDE 'GRO MTHO RIS KYI GNAS LHAG PAR DGA' BA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG DE GNAS GZHAN DE NA CHU BSIL BA ZHES BYA BA'I RDZING BU YANGS PA GSER GYI MDOG DANG LDAN PA, BYA NGANG PA DANG, KA RANDA PA DANG, NGUR BA LUS GSER GYI KHA DOG CAN SGRA 'BYIN PA RNAMS KYIS MDZES PAR BYAS PA, RIN PO CHE SNA BDUN GYI PADMA RAB TU MANG PO RNAMS KYIS MDZES PAR BYAS PA YIN NO, ,PADMA'I RDZING CHU BSIL BA DE DAG NA'ANG KUN NAS GSER GYI TSAL ZHES BYA BA YOD DE, PADMA'I RDZING DE GSER DANG, DNGUL GYI SHING LJON PA RNAMS KYIS KUN NAS DKRIGS SHING BSKOR NAS SKYE'O, ,SHING DE RNAMS KYANG PADMA'I RDZING GI CHU DE'I NANG NA DE RNAMS KYI GRIB MA 'BAB PA'I GZUGS DU MA GZUGS BRNYAN LTA BUR SNANG LA, PADMA'I RDZING DE'ANG CHU'I NANG DU SHING LJON PA'I GRIB MA DE RNAMS KYIS GZUGS BRNYAN LTA BUR SNANG NGO, ,DE'ANG PADMA DANG, ME TOG AUTPA LA DANG, KU MU DAS MDZES PAR BYAS PA DAG NI, JI LTAR BRGYA BYIN YANG DER
, ,RTZE BA'I BLO SKYE BA DE LTAR MDZES PA YIN NO, ,GANG GI TSE LHA DANG, LHA MA YIN G-YUL 'GYED PAR 'BABS PA NA NYI MA SHAR BA'I MDOG LTA BU'I PADMA 'BUM PHRAG DU MAS MDZES PAR BYAS PA DE RNAMS MTHONG STE, BRTAGS NAS LHA RNAMS LA SMRAS PA, KYE MA; 'DI LTAR CHU BSIL BA'I RDZING BU SKYON MED PA 'DI NYID SHIN TU NYAMS DGA' BA YIN NO, ,DE NAS YON TAN DE LTA BU DANG LDAN PA'I RDZING BU DE RNAMS SU YID RTAG TU DU DGA' ZHING RDZING BU'I 'GRAM DU YID RAB TU MGU BA'I LHA DANG, LHA MO'I TSOGS DANG BCAS PAS SIL SNYAN YAN LAG LNGA DANG LDAN ZHING BDE BA DPE MED PA DANG LDAN PA CI DGA' MGUR BYED PA'I LHA MO'I TSOGS KYIS YONGS SU BSKOR BA, SHIN TU BDE BA DANG LDAN PA, KHA ZAS DANG, GNAS DANG, RANG DGAR ZA ZHING 'KHOD PA RNAMS DGA' BAR BYED, YONGS SU SPYOD PAR BYED DO, ,DE NAS YANG BYUNG NAS GAL TE GNAS GZHAN DU 'GRO 'DOD NA, , LUS DANG, SEMS GDUNG BA RNAMS DANG BRAL BA, SEMS SHIN TU DGA' BA BDE BA SHIN TU RGYA CHE ZHING 'DOD PA DANG LDAN PA RNAMS LHA DANG, LHA MO'I TSOGS DGOD CING GLU DBYANGS LEN PA; BRO GAR BYED PA DANG LDAN PA RNAMS KYIS YONGS SU BSKOR CING RTAG TU RTZE BA NA, LHA'I LUS DANG, YID LA BDE BA GANG DANG, GANG DAG 'DOD PA DE DANG, DE DAG NYON MONGS PA MED CING
SHIN TU RGYAS PA DANG, TSEGS CHUNG NGUS 'BYUNG BAR 'GYUR RO, ,DBANG PO LNGA YUL LNGA DAG LA SPYOD PA'ANG BDE BA LA GNAS PA DES TSIM MI MYONG BAR 'GYUR RO, ,DE CI'I PHYIR ZHE NA, SRED PA JI LTA BU DAG LA SPYOD PA DE YUL GANG GIS KYANG TSIM PAR MI 'GYUR RO, ,DE LTAR RI DANG, SKYED MOS TSAL DANG, CHU BO DANG, GZHAL MED KHANG DANG, LTENG KA DANG, CHU DNGO RNAM PA SNA TSOGS DANG, RIN PO CHE SNA TSOGS DANG, RIN PO CHE SNA BDUN GYIS MDZES PAR BYAS PA, BYA RNAM PA SNA TSOGS SGRA SNYAN PA 'BYIN CING 'DON PA RNAMS SU LHA DE GROGS DANG LHAN CIG BDE BA DU MAR GNAS SHING BEE d'URYA'I TSAL GYI GRIB MAS MDZES PAR BYAS PA DAG NA BYA RNAM PA SNA TSOGS SGRA 'BYIN CING 'DON PA'I TSAL DANG, NYE BA'I TSAL RNAMS NA DGA' BAR BYED, RTZE BAR BYED; MGU BAR BYED, DGA' MGUR SPYOD PAR BYED DO, ,BEE d'URYA DANG, GSER DANG, DNGUL DANG, BYU RU'I RI RAB KYI ZOM LA RANG DGAR 'KHOD PA, KHA CIG NI NYI MA LTAR GZI CHE, KHA CIG NI ZLA BA LTAR MDANGS GSAL, KHA CIG NI GZUGS DPE MED PA DANG LDAN TE, JI LTAR LEGS PAR BYAS PA'I LAS DE RNAMS KYIS LUS MNGON PAR BSGRUBS PA DE LTAR LHA YUL DU'ANG RNAM PAR MDZES PA YIN NO, ,RGYU RKYEN DANG MTHUN PAR SPYOD PA DE JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU LHA'I
, ,'JIG RTEN DE NI SIL SNYAN YAN LAG LNGA DANG LDAN PAS DGA' BAR BYED, RTZE BAR BYED, DGA' MGUR SPYOD PAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUD 'GRO'I NANG DU MA SKYES LA, MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR SHIN TU NYAMS DGA' BA'I YUL LO LEGS SHING BDE BAR SKYE LA, SHIN TU 'BYOR BA DANG LDAN ZHING MCHOG TU BDE BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA RTAG TU MYOS GNAS KYI GNAS LA RTOG PAR BYED DE, DE THOS PA LAS BYUNG BA'I SHES PAS, LHA RTAG TU MYOS GNAS RNAMS KYI GNAS AUTPA LA MDOG CES BYA BA JI LTAR GNAS PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, CHOS DANG LDAN ZHING CHOS KYI RJES SU 'JUG PA, TSUL KHRIMS DANG LDAN PA GANG GIS 'DI LTAR ME TOG AUTPA LA BSKYED PA 'DIS SANGS RGYAS DANG, CHOS DANG, DGE 'DUN RNAMS KYI LONGS SPYOD BYA'O SNYAM DU BSAMS NAS BSKYED LA, DE'ANG 'BUL BAR BYED CING DE SEMS LA DGA' BAR YANG 'DZIN NA, DE
LUS DANG BRAL NAS BDE 'GRO MTHO RIS KYI 'JIG RTEN AUTPA LA'I MDOG GI LHA RNAMS KYI NANG DU SKYE BAR 'GYUR RO, ,DER SKYES NAS KYANG LHA YUL DU RTZE BA'I SKYE BO DANG, DGA' MGUR SPYAD PA DE DAG YANG RTZE BA DANG, DGA' BA DANG, STEG PA DANG, 'JO BA DANG, ROL MO'I SGRA DANG, GLU DBYANGS DANG, BRO GAR BYED PA DANG NI LDAN, BDE BA DU MA LA NI GNAS, TSAL NAS TSAL DANG, BEE d'URYA'I TSAL GYI GRIB MA MDZES PA DANG, GSER BTZO MA DANG, BYU RU LTA BU'I SA GZHI BDE BA MTHON DMA' RAN PA RNAMS SU NI RGYU, LHA MO'I TSOGS DU MAS NI YONGS SU BSKOR, KHA ZAS ZHIM PO NI ZA, CI DGA' MGUR 'DOD PA THAMS CAD BSAM PA TZAM GYIS NI 'GRUB, NGO BO NYID KYI RI DU MA LA NI GNAS, BDE BA LAS MCHOG TU BDE BA NI THOB, DBANG PO LNGA YUL LNGA LA CHAGS SHING DGA' BA NI NYIN GCIG BZHIN NYAMS DGA' BAR BYED, AUTPA LA SNGON PO DANG, BEE d'URYA'I MDOG LTA BU'I LUS NI AUTPA LA'I TSAL NAS AUTPA LA'I TSAL DU RGYU, AUTPA LA'I DRI GANG YIN PA DE DPAG TSAD BRGYAR NI LDANG, AUTPA LA'I DRI ZHIM PO DES LHA'I ME TOG ZHIM PO GZHAN THAMS CAD ZIL GYIS MNAN NAS RGYAL PO BZHIN DU NI MDZES, RGYU DANG MTHUN PAR 'BRAS BU 'BYUNG BAR YANG DAG PAR RDZOGS PA'I SANGS RGYAS RNAMS KYIS GSUNGS TE, DE MTHO RIS SU PHYIN NAS KYANG ME TOG AUTPA LA DE RNAMS LAS DGA' BA RNAM PA MANG PO DU MA 'THOB BO, ,DE NAS DE LTAR
, ,SPYOD CING BDE BA LA GNAS PA'I DBANG PO DRUG NGES PAR 'BYUNG BA LA DGA' BA, JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU DE NA DGA' BAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUD 'GRO'I NANG DU MA SKYES LA, MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR ME TOG MANG PO BSKYED CING 'BYOR BA'I YUL RNAMS SU SKYE BAR 'GYUR LA, SHIN TU RGYA CHE BA DANG LDAN PA DANG, MCHOG TU BDE BA DANG LDAN PA DANG, GNOD PA MED PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA RTAG TU MYOS GNAS RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA YUL NA RTAG TU MYOS GNAS RNAMS KYI GNAS, PADMA DKAR SPYOD CES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, TSUL KHRIMS DANG LDAN PAR GYUR CING, LUS NGAG GI DRI MA DANG BRAL BA SEMS PAS YONGS SU BSGOMS PA'I SNYING DANG LDAN PA GANG GIS SANGS RGYAS SAM, CHOS SAM,
DGE 'DUN LA ME TOG DBUL BA'I DON DU PADMA'I TSAL SKYED CING, SANGS RGYAS DANG, CHOS DANG, DGE 'DUN LA'ANG SEMS DAD PA DANG LDAN PAR GYUR NA, DE LUS DANG BRAL NAS BDE 'GRO MTHO RIS KYI GNAS PADMA DKAR SPYOD KYI LHA RNAMS KYI NANG DU SKYE BAR 'GYUR RO, ,DER SKYES NAS KYANG LEGS PAR BYAS PA'I LAS KYI 'BRAS BU LA SPYOD PA DE, 'DI LTA STE, RGYAN DANG, RIN PO CHE DANG, 'OD SNA TSOGS KYIS NI LUS BRGYAN, LHA'I TSOGS THAMS CAD KYIS NI MCHOD, LHA MO'I TSOGS ME TOG PHRENG BA THOGS PA RNAMS KYIS NI YONGS SU BSKOR, RDO RJE DANG, MTHON KA DANG, MA RGAD DANG, SPUG DANG, 'PHYANG 'PHRUL GYI 'OD KYIS NI LUS BRGYAN, DGA' YA YAR RAB TU DGA' ZHING RTZE BAR NI GNAS, MTHO RIS DANG MTHUN PA'I KUN DGA'I RA BAR GNAS SHING BDE BA RTAG TU MYONG STE, JI SRID DU 'DOD PA SDUG PA YID DU 'ONG BA'I LAS BYAS SHING BSAGS PA'I LAS DE ZAD PAR MA GYUR PA DE SRID DU DE BDE BA DPE MED PA RNAM PA DU MA YON TAN SHIN TU CHE BA DANG LDAN PA, SKYE BO THAMS CAD DANG LHAN CIG GZHAN LA GNOD PA MED CING KUN NAS NYON MONGS PA MED PA RNAM PA SNA TSOGS DE DANG, DE DAG MYONG BAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUD 'GRO'I NANG DU MA SKYES LA, MI RNAMS DANG SKAL BA MNYAM PAR MI RNAMS
, ,KYI NANG DU SKYES NA, DE LAS DE DANG RGYU MTHUN PAR NOR GYI BDAG PO SHIN TU BDE BA DANG LDAN ZHING BU DANG, DBANG PHYUG DANG LDAN PA DANG, RGYAL POS KYANG BKUR BAR 'GYUR BA MTHONG NGO, ,DE NAS YANG DGE SLONG LAS KYIS 'BRAS BU RNAM PAR SMIN PA SHES PA DE, LHA RTAG TU MYOS GNAS RNAMS KYIS GNAS LA RTOG PAR BYED DE, DES THOS PA LAS BYUNG BA'I SHES PAS LHA RTAG TU MYOS GNAS RNAMS KYI GNAS GRONG KHYER DMAR GNAS ZHES BYA BA JI LTAR 'DUG PA MTHONG NGO, ,GNAS DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, SEMS PA DANG LDAN PA PHAN PAR 'DOD PA GUS PA'I SNYING DANG LDAN PA GANG YIN PA DES, DGE SLONG DAG YANG DAG PAR RAB TU BYUNG BA'I CHOS GOS SHING BYIS PA LA'I SHUN PAS KHA DOG DMAR POR BSGYUR TAM, GUR KUM MAM, BTZOD DAM, MTSAL LAM, SKYU RU RA'AM, BTZAG GAM, BANG LA'AM, LDONG ROS SAM, ME TOG BANDU SA TZUR DANG BCAS PAS KHA DOG DMAR POR BSGYUR NA, DE LUS DANG BRAL NAS BDE 'GRO MTHO RIS KYI 'JIG RTEN GRONG KHYER DMAR GNAS KYI LHA RNAMS KYI NANG DU SKYE BAR 'GYUR RO, ,DER SKYES NAS KYANG PHRENG BA DANG, GOS DMAR PO GYON PA DE'I GNAS DE NI 'OD KYIS BRGYAN PA'I LUS KYI RGYAG TU GSAL BAR BYAS PA YIN LA, LHA DE DAG THAMS
CAD KYANG CI DGA' MGUR SPYOD PA YIN TE, DE RNAMS KYI MTHUS GNAS DE DAG THAMS CAD RNAM PA DE LTA BUR DMAR BAR 'GYUR RO, ,JI LTAR PADMA R'A GA'I 'OD DE GOS PA MED PA LTAR LHA DE RNAMS KYANG DE LTAR DMAR POR SNANG BAR 'GYUR RO, ,RGYAN GYI KHA DOG SNGON PO DANG, SER POR 'DRES SHING RIN PO CHES KLUBS PA GZHAN GANG YIN PA DE DAG THAMS CAD KYANG DMAR POR 'GYUR TE, LEGS PAR BYAS PA'I LAS DES DE'I GOS GSAL BA RNAMS KYIS DMAR POR 'GYUR RO, ,GANG GI TSE DE RTZE ZHING GZHAL MED KHANG DANG, PADMA'I TSAL DANG, LTENG KA DANG, TSAL DANG, NYE BA'I TSAL SNA TSOGS DANG, LHA MO CHA BYAD DANG, RGYAN DMAR PO SNA TSOGS THOGS PA RNAMS KYIS YONGS SU BSKOR BA DAG YUL DU MAR 'GRO BA NA, DE'I TSE DE DAG GI RGYAN RNAMS KYI TSON RTZI GSAL BA DANG, KHA DOG THAMS CAD KYANG GSAL BAR SNANG NGO, ,RIN PO CHE'I 'OD SNA TSOGS KYIS BRGYAN PA, LHA'I BU DE TSAL NAS TSAL DANG, RI'I ZOS NAS RI'I ZOM DANG, PADMA'I TSAL NAS PADMA'I TSAL DANG; CHU BO DANG, 'BAB CHU DANG, LTENG KA DANG, NYE BA'I TSAL NAS CHU BO DANG, 'BAB CHU DANG, LTENG KA DANG, NYE BA'I TSAL DU 'GRO BAR BYED DO, ,SIL SNYAN YAN LAG LNGA DANG LDAN PA'I GLU DBYANGS NYE BAR LEN CING PHAN TSUN GROGS SU GYUR PA, SO SOR CHAGS PA'I SNYING GIS DGA' BAR BYED, RTZE BAR BYED, DGA' MGUR SPYOD PAR BYED DO, ,SRED PA'I TSOGS DRUG GIS
, ,YID RAB TU DGA' BA DAG BDUD RTZI'I ZAS BZANG PO LA NI ZA, MYOS PA'I SKYON DANG BRAL BA'I BTUNG BA ZHIM PO NI TSIM PAR 'THUNG STE, JI SRID DU TSOGS CHEN POS YONGS SU BSKOR NAS DGA' BA SNA TSOGS BYED DO, ,DE LTAR DE DAG RTZE BA SNA TSOGS DGE SLONG DES MNGON PAR MTHONG NAS, 'DI LTAR TSIGS SU BCAD DE SMRAS PA, MTHO BAS MTHO BA'I RI RANG NA, ,DE BAS MTHO BRTAG TU DGE ,LHA MCHOG RNAMS KYI 'OG MIN DU, ,DGE BAS SKYE BO KHRID PAR BYED, ,RNAM PA SNA TSOGS DU MA YI, ,TSUL KHRIMS DAG KYANG BSRUNGS NA NI, ,DGE BA'I LAS KYI RNAM SMIN 'DI, ,LHA RNAMS NANG DU SMIN PAR 'GYUR, ,TSUL KHRIMS CHU NI SHIN TU DANG, ,RAB TU GANG BAR KUN NAS SU, ,KHRUS BYAS MI NI LHA RNAMS KYI, ,BDE PA'I DRUNG DU 'GRO BAR 'GYUR, ,SBYIN DANG TSUL KHRIMS RTAG TU DUL, ,'BYUNG PO KUN LA PHAN PAR DGA', ,YE SHES BRTZON LA BYAMS SEMS LDAN, ,LHA YI MDUN SAR 'GRO BAR 'GYUR, ,NYES BCOM BYED DANG LDAN PA DANG, ,TSUL KHRIMS RIN PO CHE YIS BRGYAN, ,SEMS CAN KUN LA BRTZE LDAN PA, ,LHA YUL RNAMS NA DE DAG MKHAS, ,DRANG PO RNAMS NI GSER 'DRA STE, ,DRI MA DANG NI SDIG RNAMS SBYANGS, ,YANG DAG LAS KYI MTHA' BRTZON PA, ,LHA YUL RNAMS NI DE DAG MKHAS, ,SEMS CAN KUN LA BRTZE LDAN ZHING, ,SEMS CAN KUN LA PHAN 'DOD PA, ,SDIG KUN RNAM PAR SPANGS
PA GANG, ,DE DAG LHA YI GNAS NA GNAS, ,LEGS PAR RTOG PA NYID GCIG BZHIN, ,TSUL KHRIMS SRUNG BAR BYED PA GANG, ,NYIN GCIG BZHIN DU DE RNAMS KYI, ,BDE BA DU MA DE DAG MYONG, ,SKYES BU DE NYID SEMS PA PO, ,TSUL KHRIMS RTA LA ZHON NAS SU, ,RTZE BA DU MA LDAN PA DAG ,LHA YI GNAS SU 'GRO BAR BYED, ,GANG ZHIG LHA YI NGAS NA RTZE, ,GANG ZHIG BDE BA BLA NA MED, ,DE DAG MTHUN PAR TSUL KHRIMS KYI, ,'BRAS BUR DE BZHIN GSHEGS PAS GSUNGS, ,GANG ZHIG LHA YI PHRENG RGYAN DANG, ,LHA YI PHRENG BAS KLUBS PA DANG, ,LHA RNAMS MTHO RIS RTZE BA NI, ,DE KUN DGE BA'I RGYU LAS BYUNG, ,PADMA AUTPAL NYAMS DGA'I TSAL, ,TSAL DANG NAGS TSAL BRGYAN PA DANG, ,MTHO RIS LHA RNAMS DGA' BA GANG, ,DE KUN DGE LAS SKYES PA'I 'BRAS, ,NAM MKHA' GZHAL MED KHANG GNAS DANG, ,LHA YI RIN CHEN BRGYAN PA DANG, ,LHA RNAMS DRI MED GSAL BA GANG, ,DE DAG TSUL KHRIMS 'BRAS BU YIN, ,GSER DANG ME TOG SNA TSOGS DANG, , KUN NAS RI BO'I STENG RNAMS SU, ,LHA RNAMS DGA' BYED GANG YIN DE, ,TSUL KHRIMS LAS BYUNG 'BRAS BU YIN, ,JI LTAR MI DAG RANG KHYIM DU, ,ZHUGS NAS 'JIGS PA MED PAR 'GYUR, ,DE BZHIN TSUL KHRIMS YANG DAG SPYOD, ,MI RNAMS LHA YI GNAS SU 'GRO, ,'DI LTAR LHA YI NANG DU 'GRO BA'I DRI, ,BLA MED TSUL KHRIMS LDAN PA DRI ZHIM PA, ,ME TOG KE TA KA DANG
, ,MA L'A KA ,CEBA KA YI DRI DANG MTSUNGS PA MIN, ,TSUL KHRIMS YONGS SU SRUNG BA GANG, ,DE DAG 'TSO BA'I PHUL YIN NO, ,GANG ZHIG TSUL KHRIMS YONGS SPONG BA, ,'CHI BA'I NANG NA MI ZAD 'CHI, ,BDAG LA RTAG TU BYAMS 'DOD PA'ANG, ,YON TAN 'DI DAG RIG NAS SU, ,TSUL KHRIMS LEGS PAR BSRUNG BYA ZHING, ,TSUL KHRIMS 'CHAL BA RNAM PAR SPONG, ,TSUL KHRIMS SRUNG BA RTAG TU DUL, ,BZOD PA LDAN ZHING BLTA NA SDUG ,THEG SKAS LTA BUR 'DZEGS NAS SU, ,LHA YI MDUN SAR 'GRO BAR BYED; ;DE LTAR DGE SLONG DES RANG GI LAS LA SPYOD PA'I LHA RNAMS KYANG MTHONG, LAS KYI 'BRAS BU SNA TSOGS KYANG MTHONG NAS 'KHOR BA LAS 'DOD CHAGS DANG BRAL LO, , GRONG KHYER DMAR PO NA GNAS PA'I LHA DE DAG KYANG JI SRID DU 'DOD PA SDUG PA YID DU 'ONG BA LEGS PAR BYAS SHING BSAGS PA'I LAS DE ZAD PAR MA GYUR PA DE SRID DU DE NA DGA' BAR BYED; RTZE BAR BYED, DGA' MGUR SPYOD PAR BYED DO, ,DE PHYIS LHA'I RIS DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR PA'I LAS KYI SEMS CAN DMYAL BA DANG, YI DVAGS DANG, DUD 'GRO'I NANG DU MA SKYES LA, MI RNAMS DANG SKAL PA MNYAM PAR MI'I NANG DU SKYES NA, DE LAS DE DANG RGYU MTHUN PAR 'JIG RTEN PA THAMS CAD
DGA' ZHING NOR MANG PO DANG LDAN PA DANG, LHO PHYOGS SU GNOD PA MED PAR SKYE BAR 'GYUR BAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA RTAG TU MOS GNAS RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA RTAG TU MYOS GNAS RNAMS KYI GNAS SNA TSOGS ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA 'DI LTAR SEMS DANG LDAN PAR 'GYUR CING SEMS PAS BRLAN PA'I SNYING DANG LDAN PA GANG GIS SEMS CAN TSUL KHRIMS DANG LDAN PA RNAMS LA BZA' BA DANG, BTUNG BA DANG, BZA' BCA' DANG, TSOD MA SNA TSOGS DAG BYIN NA, DE LUS DANG BRAL NAS BDE 'GRO MTHO RIS KYI 'JIG RTEN SNA TSOGS KYI LHA RNAMS KYI RAB TU SKYE BAR 'GYUR RO, ,LAS SNA TSOGS KYIS BSKYED PA, BDE PA SNA TSOGS LA NI SPYOD, G-YOG PA DANG MAL STAN SNA TSOGS KYI NANG NA NI 'GRO ,BDE BAR GNAS PA'I KUN DGA' RA BA NA, RTZE BA DANG, 'GROS SNA TSOGS NI BYED, TSAL DANG, SKYED MOS TSAL SNA TSOGS SU NI 'GRO, LHA MO'I TSOGS CHA BYAD SNA TSOGS THOGS PA NI PHYI BZHIN 'BRANG, TSAL DANG NAGS TSAL DANG, RI BO SNA TSOGS DANG, CHU BO DANG, PADMA'I TSAL DANG, AUTPAL DANG, ME TOG DANG, 'BRAS BU'I SKYED MOS TSAL SNA TSOGS DAG NA NI GNAS, BGO BA DANG, MAL CHA
, ,DANG; SGEG PA'I TSAL SNA TSOGS NA NI SPYOD, GA ZHA'I GTAM BRJOD CING 'DU 'DZIN LA DGA' LA, SHIN TU CHAGS PA'I SEMS SNA TSOGS KYIS NI 'TSO, RTOG PAS BSKYED PA LA DGA' ZHING, BLO RNAM PAR CHAGS PA RAB TU MYOS PA YIN TE, DE LAS SNA TSOGS BYAS NAS RGYU SNA TSOGS BYED PA DE TSAL SNA TSOGS RNAMS SU BDE BA SNA TSOGS DAG MYONG BAR BYED DO; ;DE NAS DGE SLONG DE SHIN TU DGA' NAS 'DI LTAR TSIGS SU BCAD DE SMRAS PA, RI MO MKHAN GYI RI MO RNAMS, ,DE NI SNA TSOGS 'DRI MA YIN, ,GANG ZHIG LAS KYI RI MO MKHAN, ,MTHO RIS SU NI MANG DU 'DRI, ,TSON RTZIS BRIS PA BRIS MI 'GYUR, ,DE NI BGRANG BAR GRANGS YOD KYI, ,LAS KYIS BRIS PA GRANGS MED DE, ,DE NI SEMS KYIS 'DRI BAR BYED, ,RTZIG PA ZHIG NA NGES PAR YANG, ,RI MO MA LUS 'JIG PAR 'GYUR, ,LAS KYIS BRIS PA LUS ZHIG KYANG, ,'JIG PA NYID DU MI 'GYUR RO, ,JI LTAR RI MO MKHAN GCIG CIG, ,RI MO SNA TSOGS 'DRI BA DAG ,DE BZHIN SEMS NI GCIG PU YIS, ,LAS RNAMS SNA TSOGS BYED PAR 'GYUR, ,JI LTAR TSON RTZI GSAL BA NGAS, ,BRIS PA SNANG LA STOD PAR BYED, ,DE LTAR DBANG PO LNGA RNAMS KYI, ,LAS KYIS 'KHOR BAR 'KHOR BAR 'DRI, ,RI MO MKHAN GYI MI DAG NI, ,DU MA DAG TU SNANG 'GYUR GYI, ,RI MO MKHAN DE SEMS PHRA BAS, ,THAMS CAD DU NI MI MTHONG NGO, ,RI MO LEGS SHING LEGS PA
DANG, ,JI LTAR RTZIG NGOS RNAMS LA 'DRI, ,LAS RNAMS LEGS SHING LEGS PA DAG ,DE LTAR SEMS LA 'DRI BAR BYED, ,JI LTAR NYIN DANG MTSAN RNAMS SU, ,SEMS RGYUN 'BYUNG LA SEMS GNAS 'GYUR, ,DE LTAR NYIN DANG MTSAN RNAMS SU, ,DE BZHIN LAS KYI RJES SU 'JUG ,JI LTAR RLUNG DANG DUD PA RDUL, ,GDUNG BA RNAMS KYIS RI MO 'JIG ,DE LTAR DGE DANG MI DGE BA, ,SPANGS NA LAS KYI RI MO 'JIG ,DE LTAR DGE SLONG DES SEMS RI MO MKHAN LTA BU LA RAG LAS PAR MNGON PAR MTHONG NAS, LAS KYI DE NYID RNAM PAR MTHONG BA 'KHOR BA LAS YID BYUNG NGO, ,LHA SNA TSOGS DE DAG GI LAS SNA TSOGS DE DAG KYANG JI SRID DU 'DOD PA SDUG PA YIN DU 'ONG BA'I LAS BYAS SHING BSAGS PA BDE 'GRO NGES PAR MYONG BAR 'GYUR PA DE ZAD PAR MA GYUR PA DE SRID DU MYONG BAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA PA DANG, YI DVAGS DANG, DUD 'GRO'I NANG DU MA SKYES LA, MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR RTAG TU RGYU ZHES BYA BA RDZU 'PHRUL CHE BA DANG, NOR DANG LDAN PA DANG, DPON SNA BYED PAS 'TSO BAR 'GYUR BAR MTHONG NGO, ,DE NAS YANG DGE SLONG LAS KYI 'BRAS BU RNAMS PAR SMIN PA SHES PA DE, LHA RTAG TU MYOS GNAS RNAMS KYI GNAS LA RTOG PAR BYED DE, DES THOS PA LAS
, ,'BYUNG BA'I SHES PAS BRTAGS NAS, LHA RTAG TU MYOS GNAS RNAMS KYI GNAS MTHO BAR GNAS ZHES BYA BA 'JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, LEGS PAR SPYAD PA'I LAS MNGON PAR SHES PAS, SEMS PAS YONGS SU BSGOMS PA'I SEMS DANG LDAN PA GANG GIS SEMS CAN RNAMS KYI GRANG BA DANG TSA BA YONGS SU BSKYABS PA'I PHYIR BSOD NAMS KYI GNAS MAL BYAS NA, DE LUS DANG BRAL NAS BDE 'GRO MTHO RIS KYI 'JIG RTEN MTHO BAR GNAS PA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG REG PA LAS BDE BAR GNAS PA DE DBANG PO LNGA'I YUL GYI BDE BA RNAM PA DU MA RNAM PA MANG PO DAG MYONG BAR 'GYUR RO,, LHA'I RIS DE NA TSAL DANG, NYE BA'I TSAL DAG YOD DE, 'DI LTA STE, ME TOG MAND'A RA BA LA RTZE BA DANG, STUG PO SBYOR GNAS DANG, NGAL BSO BDE BA DANG, RTZE DANG, SGRA 'BYIN LDAN DANG, SGYU MA KUN DGA' DANG, 'JIGS MED DE, TSAL DANG, NYE BA'I TSAL DE DAG TU LHA DE LHA MO'I TSOGS KYIS YONGS SU BSKOR BA DANG BCAS PA DAG DGA' BAR BYED, DGOD PAR BYED, RTZE BAR BYED, SGEG PAR BYED DO, ,SIL SNYAN YAN LAG LNGA DANG LDAN PAS DGA' BAR BYED CING BLO RANG DGAR GNAS PA BDAG NYID CHEN PO CI DGAR SGROGS PA, BDE BA MCHOG DANG LDAN PA SKYID
PAR NGAS PA RNAMS PADMA'I TSAL NAS PADMA'I TSAL DU 'DONG BAR BYED DE, MTHO RIS DANG MTHUN PA'I RIN PO CHE'I SNYING PO RAB TU MANG POS RNAM PAR BRGYAN PA, RTAG TU BAG TSA BA MED PAR SPYOD PA RNAMS YUL MTHO BA NAS YUL MTHO BA DANG, GSER GYI RI RAB 'BAR BA'I PHRENG BA'I 'OD RNAMS KYIS GSAL BAR BYAS PA DE DAG LA LUS NAD MED PA RNAMS YONGS SU RGYU BAR BYED CING RTAG TU BDE BAS MYOS BAR GNAS PA, LEGS PAR BYAS PA MANG PO 'DOD PAR BYAS PA'I LAS KYIS DER SKYES PA RNAMS DGA' BAR BYED, RTZE BAR BYED, DGA' MGUR SPYOD PAR BYED DO, ,CHU BO DANG, 'BAB CHU DANG, LTENG KAS BRGYAN PA'I MTHO RIS KYI YUL RNAMS NA, JI SRID DU 'DOD PA SDUG PA YID DU 'ONG BA'I LAS DE ZAD PAR MA GYUR PA DE SRID DU DE NI DGA' BAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUD 'GRO'I NANG DU MA SKYES LA; MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR RGYAL PO CHOS SEMS PA CHEN POR 'GYUR ZHING 'JIG RTEN THAMS CAD DGA' BAR 'GYUR BA MTHONG NGO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO NYER BRGYAD PA, DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA
, ,RTAG TU MYOS GNAS RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS BRTAGS NA, LHA RTAG TU MYOS GNAS RNAMS KYI GNAS RGUN CHANG MYOS GNAS ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, LEGS PAR BYAS PA'I LAS KYI MTHA' SPYAD PA, TSUL KHRIMS DANG LDAN PAR GYUR PA, PHAN PAR 'DOD PA, 'JAM PA'I SNYING RJE DANG, RANG BZHIN GYIS NGANG 'JAM PA, DRANG BA, G-YO MED PA; GZHAN LA GNOD PA MED PA GANG GIS PHYOGS BZHI'I DGE SBYONG DANG, BRAM ZE NYON MONGS PA MGON MED PA RNAMS LA NYIN GCIG GAM, GNYIS SAM, GSUM MAM, BZHI LTA SMOS KYANG CI DGOS TE, DE LTAR RIM GYIS RGYA CHER RTAG RES 'KHOR BYIN NA DE LUS DANG BRAL NAS BDE 'GRO MTHO RIS KYI 'JIG RTEN LHA RTAG TU MYOS GNAS RNAMS KYI RGUN CHAD MYOS GNAS RNAMS KYI NANG DU SKYE BAR 'GYUR PA MTHONG NGO, ,DER SKYES NAS KYANG MTHO RIS KYI SKYED MOS TSAL NA BDE BAR GNAS PA DE GSER GYI DRIL BU G-YER KHA'I DRA BAS BRES PA, SGRA MANG PO 'BYIN PA DANG LDAN PA'I TSAL RNAMS KYI NANG NA LHA MO'I TSOGS KYIS YONGS SU BSKOR CING, 'DOD PA SDUG PA YID DU 'ONG BA'I YUL LA CHAGS PA DAG DGA' MGUR SPYOD PAR BYED DO, ,LHA
GZHON NU GZHAN RAB TU MANG PO RNAMS KYIS MNGON PAR MCHOD CING LHA'I BDUD RTZI SKOM MANG POS NI MYOS, ME TOG MANDA RA BA'I PHRENG BAS NI MGO BRGYAN, PADMA'I TSAL GYI GSAB GSEB NA NI GNAS, GSER DANG, BEE d'URYA DANG, SHEL DANG, DNGUL GYI RI DAG LA NI 'DZEG ,BUNG BA SGRA SKAD SNYAN PA 'BYIN PA'I PADMA'I TSAL RNAMS KYI NANG NA RNAM PAR RGYU BAR NI BYED, LHA MO'I TSOGS KYIS YONGS SU BSKOR CING NYI MA 'BUM SO SON 'GRAN PA LTA BU'I ME TOG MAND'A RA BA DANG, PADMA'I TSAL RNAMS KYI NANG NA, GSER GYI BYA SGRA 'BYIN PA THOS NA RNAR SNYAN PA DANG, ROL MO YAN LAG LNGA DANG LDAN PA THOS NA SNYAN CING BDE BA RNAMS KYI NANG NA MNGON PAR DGA' BAR BYED DO, ,GSER DANG, BEE d'URYA'I RDO LEB KYI SA GZHI LEGS PAR BSNYAMS PA DANG, MU TIG GI BYE MA SA GZHI BSNYAMS PA'I MTSO LHA'I CHU YON TAN YAN LAG BRGYAD DANG LDAN PA RNAMS KYI NANG NA DGA' BAR BYED DO, ,RANG GIS BYAS PA'I BSOD NAMS KYIS SPRUL PA'I LHUN PO DAG LA, GSER DANG, BEE d'URYA DANG, DNGUL DANG; SHEL GYI RDO YIS MDZES PAR BYAS PA'I RI BZANG PO'I RTZE MO DAG NA MNGON PAR DGA' BAR BYED DE, DGA' BA DANG, SKYID PA SNA TSOGS LA GNAS PA, LHA DANG, LHA MOS DKRIGS PA'I NANG NA DGOD CING RTZE LA G-YER BA, LHA DANG, LHA MO'I TSOGS KYIS YONGS SU BSKOR BA DE JI SRID DU 'DOD PA SDUG PA YID DU 'ONG BA RANG GIS BYAS SHING BSAGS PA'I LAS DE ZAD PAR MA GYUR
, ,PA DE SRID DU RANG GIS LEGS PAR BYAS PA'I LAS KYI 'BRAS BU LA NYE BAR SPYOD PAR BYED DO, ,GANG GI TSE LAS ZAD PAR GYUR PA DANG, DE PHYIS LHA'I RIS DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUD 'GRO'I NANG DU MA SKYES LA, MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR RTAG TU BDE BA DANG LDAN ZHING RI 'BIGS BYED KYI SMAN LJONGS DAG TU GNAS PA DANG, RGYAL PO'I YID CHES PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA RTAG TU MYOS GNAS RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS, LHA RTAG TU MYOS GNAS RNAMS KYI GNAS YUL LA 'DOD PA ZHES BYA BA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, SEMS DANG LDAN PAR GYUR PA GANG GIS TSUL KHRIMS DANG LDAN YANG RUNG, MI LDAN YANG RUNG, LTA BA LOG KYANG RUNG, MA LOG KYANG RUNG BA ZHIG NAD KYIS THEBS PA LA, NAD RKYEN DANG, SMAN DANG, G-YOG DAG BYIN LA, DE YANG NAD SOS PAR GYUR NA, DE LUS DANG BRAL NAS BDE 'GRO MTHO RIS KYI 'JIG RTEN YUL LA DGA' BA'I LHA RNAMS
KYI NANG DU SKYE BAR 'GYUR RO, ,DER SKYES NAS KYANG 'JIGS PA THAMS CAD DANG BRAL BAR SHES PA DE, LHA'I GNAS GZHAN DAG TU MCHOD CING LAS 'PHEL BA LAS BDE BA 'PHEL BAR 'GYUR TE, JI LTAR MAR ME 'BAR BA LAS 'OD 'BYUNG BA DE LTAR LAS 'PHEL BA LAS BDE BA 'PHEL BAR 'GYUR RO, ,DE LTAR LHA RNAMS LHA'I 'JIG RTEN NA LAS KYI 'BRAS BU DE LA SPYOD PA RNAM PAR SMIN PA SHIN TU NYAMS DGA' BA, DPE MED PA, THUN MONG MA YIN PA DAG 'BYUNG NGO, ,LEGS PAR BYAS PA'I LAS DES DER SKYES PA DE BEE d'URYA DANG, NOR BU DANG, DNGUL GYI LHUN PO GSAL BA'I RTZE MO MTHON PO RNAMS NA SHIN TU BDE BAR GNAS PA'I KUN DGA'I RA BA DAG YOD DE, SKYED MOS TSAL DANG, STEGS BU DU MAS BRGYAN PA'I SA DAG LA GNAS SHING TSAL DANG, NYE BA'I TSAL RIN PO CHE SNA BDUN GYIS BRGYAN PA, 'OD SNA TSOGS KYIS YUN RING DU NYAMS DGA' BAR BYED PA RNAMS KYI NANG NA LHA MO'I TSOGS KYIS YONGS SU BSKOR TE, DE DAG GIS RTZED MO BYED PA NA, DE LTAR DBANG PO LHA DANG, BLO YUL LA CHAGS PA DE CI DGA' MGUR BDE BA LA GNAS TE, JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU LHA YUL LHA'I GNAS DE NA 'DOD PA THAMS CAD LA BLO RNAM PAR CHAGS PA DE, DGA' BAR BYED, GNAS PAR BYED, DGA' MGUR SPYOD PAR BYED DE,
, ,DE ZAD NAS DE NAS YANG LAS KYI 'BRAS BU LA SPYOD PA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR BYED, GZUGS BZANG PO DANG LDAN ZHING GAR YANG 'JIGS PA MED PA DANG, NOR BZANG PO DANG LDAN PA DANG, RGYAL PO'I 'KHOR GYIS MCHOD PA DANG, TSE RING BA DANG, YUL BZANG POR SKYE STE, DUS KYANG CHOS BZANG PO LA DGA' BA'I DUS SU SKYE BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES, LHA RTAG TU MYOS GNAS RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS, LHA RTAG TU MYOS GNAS RNAMS KYI GNAS CHU BSIL GNAS ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, SNYING RJE CAN SEMS PAS YONGS SU BSGOMS PA'I SNYING DANG LDAN PA GANG GIS SEMS CAN GZHAN 'CHI BA'I DUS KYI TSE, SKOM GYIS GDUNGS PA'I SKOM PA BSAL BAR BYA BA'I PHYIR RAM, GSHIN RJE'I MI YIS 'JIGS PA BSTAN NAS 'KHRUGS PAR GYUR PA LA BU RAM CHU'AM, CHU GRANG MO BLUD NA DE LEGS PAR BYAS PA'I LAS KYI MTHU DES GANG GI TSE
'CHI BAR 'GYUR BA DE'I TSE, LHA RTAG TU MYOS GNAS RNAMS KYI GNAS CHU BSIL BAR GNAS ZHES BYA BA'I LHA DE DAG GI NANG DU SKYE BAR 'GYUR RO, ,DER SKYES NAS KYANG CHU BSIL BA'I TSOGS 'BAB CHU DANG, CHU BO PHUN SUM TSOGS PA'I SA PHYOGS DAG NA DE DGA' BAR BYED DO, ,DE'I LHA'I BTUNG BA'I RNAM PA 'DI LTA BU DAG 'BYUNG BAR 'GYUR TE, 'DI LTA STE, MTHONG NA MYOS PA SKYED PA DANG, DRIS MYOS PA SKYED PA DANG, REG PAS MYOS PA SKYED PA DANG, SGRA THOS NA MYOS PA SKYED PAR BYED PA, MYOS PA'I SKYON DANG BRAL ZHING SNYING DGA' BAR BYED PA YIN NO, ,YON TAN LNGA DANG LDAN PA'I BTUNG BA DAG KYANG 'BYUNG STE, 'DI LTA STE, BTUNG BA DE DAG 'THUNGS NAS LHA RNAMS LHA'I STOBS BCU 'GYUR DU 'BYUNG BAR 'GYUR RO, ,JI LTAR NAM MKHA' LA 'GRO BA NYAMS PAR YANG MI 'GYUR ZHING LTUNG BAR YANG MI 'GYUR LA, DE BZHIN DU SA LA'ANG 'BYUNG BAR MI 'GYUR RO, ,DE'I BRTZON 'GRUS YONGS SU NYAMS PA'ANG MED LA CA CO DANG, GA ZHA'I SGRA LA MNGON PAR DGA' ZHING YID SHIN TU DGA' BA DE RAB TU DGA' BA BRGYA 'GYUR DU 'BYUNG BAR 'GYUR RO, ,DE'I RNA BA'ANG MNYAN PAR BYA BA LA THOGS PA MED DE, SHIN TU BDE BA YANG DAG PAR 'BYUNG BA 'GYUR BA; MTHO RIS DANG MTHUN PAR GNAS PA, YUL GYI BDE BA NYAMS DGA' BA DAG MYONG BAR 'BYUNG BAR 'GYUR RO, ,RIN PO CHE SNA BDUN GYI SHING LJON PA'I TSAL 'DI LTA BU DAG KYANG YOD DE, 'DI LTA STE,
, ,TSAL G-YER BYED DANG, KUN DGA' DANG, TSAL DGA' BDER GNAS DANG, TSAL YID TSIM DANG, TSAL RLUNG BDE DANG, TSAL SGRA LNGA 'BYIN DANG, TSAL 'BAB ZER SGRA ROL MO DANG, TSAL YID MTHUN DANG, TSAL BDE BAR GNAS PA DE RNAMS KYI NANG NA MNGON PAR DGA' BAR BYED DO, ,MIG GIS KYANG GZUGS 'DOD PA SDUG PA YID DU 'ONG BA DAG MTHONG NGO, ,RNA BAS KYANG SGRA SNYAN PA RNAR 'THAD PA YID DU 'ONG BA DAG THOS SO, ,SNAS KYANG DRI ZHIM PA BSUNG CHE BA YID DU 'ONG BA DAG SNOM MO, ,DE LTAR LCES KYANG RO ZHIM PA BRO CHE BA YID DU 'ONG BA DAG MYONG STE, DE LTAR RNAM PA DE LTA BUS YID TSIM PAR BYAS PA'I SNYING DANG DBANG PO LNGA YUL LA CHAGS PA'I DGA' BA DANG, BDE BA DAG MYONG BAR BYED DO, ,DE LTA DE SRED PA'I TSOGS DRUG GI MES NYIN GCIG BZHIN SREG PAR BYED LA, 'DOD CHAGS KYI MES KYANG NYIN GCIG BZHIN YONGS SU SREG STE, 'DOD CHAGS KYI ME DANG, BAG MED PA'I ME LCE DRUG SHIN TU STOBS CHE BAR GYUR KYANG DE DAG DES MI RIG GO ,BAG MED PA DES YID PHROGS SHING BAG MED PA'I GNAS SU SKYES PA, BAG MED PA DES NYAMS PA, LEGS PAR BYAS PA'I LAS DES YUL GYI BDE BA LA LHAG PAR DGA' BA ZAD PA MED PA DE NI JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU DE NAS BDE BA MYONG BAR
BYED DO, ,GANG GI TSE LAS ZAD PAR GYUR PA DANG, DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUD 'GRO'I NANG DU MA SKYES LA, MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR BKRES PA DANG, SKOM PA DANG, NGAL BA DANG; LO NYES 'BYUNG BA'I 'JIGS PA YANG MI 'BYUNG LA, RTAG PAR SHIN TU BDE BAR GNAS PA DANG, YUL MA MTHONG BA RNAMS SU 'ONGS NA YANG DGA' BA DANG, MGU BAR 'GYUR BA DANG, DE LA BYA BA MED BZHIN DU'ANG MAL STAN DANG, NA BA'I GSOS SMAN GYI RKYEN GYIS YO BYAD MANG PO DAG SBYIN PA BYED PA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE; LHA RTAG TU MYOS GNAS RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA RTAG TU MYOS GNAS RNAMS KYI GNAS BRTAN DGA' ZHES BYA BA JI LTAR 'DUG PA MTHONG NGO; ;DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, GANG GIS SPONG BA'I TSUL KHRIMS DANG LDAN PA'I DGE SLONG YID SKYO BAR BYA BA'I PHYIR MI RO'AM, MI RO LTA BUR BRIS PA ZHIG BZHAG NA, DE BDE 'GRO MTHO RIS KYI 'JIG RTEN BRTAN DGA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG RTAG
, ,TU BRTAN DGA' DE BEE d'URYA DANG, GSER DANG, BYU RU DANG, AANDA RNYIL DANG, MARGAD LTA BU'I MTHO RIS KYI GNAS DAG NA YANG DANG, YANG DU DGA' BAR BYED CING NYIN GCIG BZHIN DU BDE BA PAR CHAD MED PA 'BUM SNYED DAG MYONG BAR BYED DO, ,ROL MO MANG PO DU MA 'BUM SNYED DAG MANG DU THOS NA BAR CHAD MED PAR DGA' BA LHAG PAR CHAGS TE, KUN NAS NYON MONGS PA 'BYUNG BA GANG YIN PA DE NI DPER BYAR YANG MED LA, MTHO RIS SU ZAS DANG, SKOM DANG, GOS DANG, ME TOG DANG, DRIS MYOS SHING DGA' BA MANG PO DU MA 'BYUNG NGO; ;DER DGA' BA 'DI LTA BU DAG 'BYUNG STE, 'DI LTA STE, TSAL MTHONG NA DGA' BA DANG, BYA SNA TSOGS SGRA 'BYIN NA DGA' BA DANG, ROL MOS DGA' BA DANG, LHA MO MTHONG NA DGA' BA DANG, RGYAGS PAR GNAS NA DGA' BA DANG, DRI ZHIM POS DGA' BA DANG, THAGS SU MA BTAGS PA'I GOS GYON NA DGA' BA DANG, SPOS SNA TSOGS KYIS PHOG NA DGA' BA DANG, BZA' BA DANG, BTUNG BA'I TSOGS NA DGA' BA DANG, RTZEN PAS DGA' BA DANG, NAM MKHA' LA 'GRO BAS DGA' BA DANG, SNYING DU SDUG PA'I LHA MTHONG NA DGA' BA DANG, RIN PO CHE'I RI'I RTZE MO NAS RI'I RTZE MO BLTA NA DGA' BA STE, DE DAG LA SOGS PAS MNGON PAR DGA' LA, DGA' BA DU MA GZHAN RNAMS LA YANG SHIN TU CHAGS TE, BDE BA SHIN TU YID DU 'ONG BA'I KUN DGA'
RA BA DANG, SIL SNYAN YAN LAG LNGA DANG LDAN PA'I GLU DBYANGS LEN PA DANG, RANG GIS BYAS PA'I BDE BA LA GNAS PA LHA'I BDE BA RNAM PA DU MA DE DAG JI SRID DU 'DOD PA SDUG PA YID DU 'ONG PA LEGS PAR BYAS PA'I LAS DE ZAD PAR MA GYUR BA DE SRID DU MYONG BAR BYED DO, ,LAS DE ZAD NAS DE NAS YANG LHA'I 'JIG RTEN DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUD 'GRO'I NANG DU MA SKYES LA, MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR SKYED MOS TSAL SNA TSOGS KYI NANG NA GNAS SHING SHIN TU BDE BA DANG LDAN PA DANG, BGO BA'I GOS SNA TSOGS DANG, DGA' GTAM SNA TSOGS DANG, SPYOD PA SNA TSOGS DANG , BLTA BAR BYA BA SNA TSOGS MTHONG BAR 'GYUR BA MTHONG NGO, ,DE NAS YANG DGE SLONG DES RGYAL CHEN BZHI'I LHA RNAMS KYI GNAS GSUM DANG, LAS KYI 'BRAS BU RNAM PAR SMIN PA DANG BCAS PA RNAM PAR PHYE NAS GNAS BZHI PA LA RTOG PAR BYED DE, DES THOS PA LAS BYUNG BA'I SHES PAS PI WANG CAN GSUM PA ZHES BYA BA'I LHA RNAMS MTHONG NGO, ,DE RNAMS KYI GNAS BCU PO YANG 'DI LTA STE, DRI DGA' DANG, SGRA SNYAN PA DANG, DE LA CHAGS DANG, SKYOR CHU SKYES DANG, LUS DKAR DANG, PHAN TSUN DGA' DANG, YANG DAG CHAGS SPYOD DANG, 'KHOR DANG, RNAM SPYOD DANG,
, ,SKYIL MO KRUNG GI STENG DU SKYE BA DANG LDAN PAR GNAS PA DAG STE, LHA PI WANG CAN GSUM PA RNAMS KYI GNAS NI BCU PO DE DAG YIN NO, ,DGE SLONG DE DE RNAMS KYI LAS KYI RNAM PAR SMIN PA RNAM PAR 'BYED PAR BYED DE, GNAS DE RNAMS SU LHA DAG LAS GANG GIS SKYE BAR 'GYUR ZHIG GU SNYAM NAS, DES THOS PA LAS BYUNG BA'I SHES PAS BRTAGS NA, 'DI LTAR LAS DE DAG BYED NA DE LTAR DE DANG MTHUN PAR SKYE BAR 'GYUR LA, LAS DE DANG MTHUN PAR RNAM PAR SMIN PA 'BYUNG NGO, ,DE LA RGYAL CHEN BZHI'I GNAS DANG PO DRI DGA' ZHES BYA BAR DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, SEMS PA DANG LDAN PAR GYUR CING, DES SEMS BSGOMS PA DES LUS BSGOMS PA GANG GIS BSOD NAMS BSAGS PAR BYA BA'I PHYIR, DGE 'DUN DAG LA KUN DGA' RA BA'I SA'AM, BU RAM SHING GI RA BA'AM, 'BRA GO'I RA BA'AM, SHING AA MRA'I RA BA PHUL LA, DE'ANG YONGS SU SPYOD PAR BYED NA, DE LUS DANG BRAL NAS BDE 'GRO MTHO RIS KYI 'JIG RTEN DRI DGA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG BDE BA DU MA THOB CING SPYOD PA DE, LHA'I TZANDAN DANG, TZANDAN SA MCHOG GI BYUG PAS LUS BYUGS PA, LHA MO'I TSOGS DU MAS YONGS SU BSKOR BA, GZUGS DANG, CHA BYAD SNA TSOGS DANG LDAN PA DGOD
PA DANG, RTZE BA DANG, SGEG CHOS LA MKHAS PA RNAMS DANG LHAN CIG PADMA'I TSAL DANG, LTENG KA DANG, NAGS TSAL GYI BAR DAG NA ME TOG GI PHRENG BA DANG, GOS GYON PA, YID RAB TU DGA' BA RNAMS DGA' BAR BYED, DGA' MGUR SPYOD PAR BYED DO, ,DE'I LHA'I DRI RNAM PA DU MA DAG PADMA'I TSAL DE DAG DANG, LHA'I ME TOG DE DAG BRTOL NAS DPAG TSAD BRGYAR BSUNG STOBS CHER 'BYUNG NGO; ;DRI SNOMS PA'I LHA MO GANG YIN PA DE DAG THAMS CAD DRI SHIN TU NYAMS DGA' ZHING MCHOG TU YID DU 'ONG BA RNAM PA DU MAS MYOS PA RNAMS, YANG LHA'I DRI DES BRGYA 'GYUR DU MYOS PAR 'GYUR RO, ,SHIN TU MYOS PA'I LHA'I RIS DE DAG NYID LA SEMS CHAGS PA RNAMS LHA DE DAG NYID DANG, RNAM PA DU MA BRGYA 'GYUR DU DGA' MGUR SPYOD PAR BYED LA, DE RNAMS LHAN CIG CHU BO'I DRUNG DU 'GRO BAR BYED DO, ,CHU BO DE DAG GI MING NI, 'DI LTA STE, RIN CHEN 'BAB CES BYA BA DANG, RIN PO CHE'I DUM BU 'BAB PA DANG, GSER 'BAB PA DANG, CHANG 'BAB CHU BO DANG, SBRANG RTZI 'BAB PA'I CHU BO DANG, DBU BA ROG ROG 'BAB PA DAG STE, CHU BO DE DAG THAMS CAD KYI 'GRAM NA BYA NGANG PA DANG, KA RANDA PA DANG, DUR PA'I TSOGS KYIS BRGYAN PA, BYA SGRA 'BYIN PA RNAMS DANG, SHING LJON PAS MTHA' KHEBS PA YIN LA, SHING DE DAG KYANG RIN PO CHE SNA BDUN GYI BYA RNAMS KYIS KUN NAS DKRIGS SHING SGRA YID DU 'ONG BA 'BYIN PA DAG YIN TE, LHA
, ,MO'I TSOGS GLU SNYAN PA LEN PA LA MKHAS PA GANG YIN PA DE DAG KYANG BYA'I SGRA DBYANGS 'BYIN PA THOS NAS, TSAL GYI NANG NA RGYU BA'I BYA GZHAN SGRA 'BYIN PA LHA'I RNAR SNYAN PA DE DAG LA SHIN TU NYAN PAR BYED DO, ,YUL GYI 'DOD PA LA SEMS RNAM PA CHAGS SHING BYA'I SGRA 'BYIN PA DE LA SNYING SHIN TU CHAGS PA DE DAG GIS BDE BA DE THAMS CAD BOR NAS BYA'I SGRA DE LA NYAN PAR BYED DE, BYA'I SGRA YID DU 'ONG BA SNA TSOGS DAG THOS NA BDE BA RNAM PA DU MA SNA TSOGS DANG, SGRA DBYANGS BDUN DANG LDAN ZHING RGYUN MI DRAG PA 'BYIN PA LA NYAN PAR BYED DO, ,CHU BO GZHAN DAG TU SGRA 'BYIN PAR LHA MO RNAMS DGA' BAR BYED, GLU DBYANGS LEN DGOD PAR BYED LA, LHA'I CHANG MYOS PA'I SKYON DANG BRAL BA DAG LA 'THUNG BAR BYED DO, ,DE DAG DE RNAMS KYIS MTHONG NAS KYANG DE RNAMS DANG LHAN CIG DGA' BAR BYED LA, BEE d'URYA DANG, DNGUL DANG, SHEL DANG, GSER GYI RI BO GZHAN DAG GI RTZE MO DANG, CHU BO DANG, 'BAB CHU DANG, LTENG KA DANG, NAGS TSAL MDZES PA DANG, PADMA'I TSAL BYA'I TSOGS SNA TSOGS KYIS BRGYAN PA RNAMS SU LHA MO DE RNAMS DANG LHAN CIG DGA' BAR BYED DO, ,GZHAN YANG, PHYOGS GZHAN DAG NA BEE d'URYA SNGON PO'I DUM BU LTA BU DANG, ME TOG SNA TSOGS KYIS KHEBS PA'I PHYOGS DAG NA DGA' BAR BYED DE, DE LTAR
DE LEGS PAR BYAS PA'I LAS DE DANG RGYU MTHUN PAR SIL SNYAN YAN LAG LNGA DANG LDAN PAS MTHO RIS KYI BDE BA YID DU 'ONG BA RNAMS PA DU MA DAG MYONG NGO, ,LHA'I BDE BA DE'ING DGE SLONG DES THOS PA LAS BYUNG BA'I SHES PAS RTOGS NAS 'DI LTAR TSIGS SU BCAD DE SMRAS PA, RNAM PA CHAGS PA'I DBANG PO LNGA, ,DE LTAR YUL RNAMS LNGA LA CHAGS, ,'DOD CHAGS SKAD CIG ME 'BYUNG BA'ANG, ,YUL GYIS TSIM PAR MI BYED DO, ,YUL RNAMS KUN GYI NANG NA GCIG ,'DIR NI BUD MED KHO NA LTA, ,YUL KUN ZIL GYIS MNAN NAS SU, ,'DOD CHAGS ME NI CHEN POR 'BAR, ,TSOGS PA DANG NI MA TSOGS DANG, ,'CHI BA DANG NI GTAM BRJOD PA, ,BUD MED RGYU LAS KUN 'BYUNG STE, ,ME YIS MI 'DI SREG PAR BYED, ,ME NI TSOGS DANG 'BAR 'GYUR GYI; ;MA TSOGS 'BAR BAR MI 'GYUR LA, ,TSOGS NA'ANG 'BAR LA MA TSOGS KYANG, ,LHA RNAMS 'DOD CHAGS ME 'BAR RO, ,ME DE'I YUL DE MED PA DANG, ,RGYANG RING NA GO SREG MI BYED, , 'DOD CHAGS ME NI NYE RING 'DRA, ,MI BZAD DGA' BAS SREG PAR BYED, ,KUN TU RTOG PA'I SHING SKAM 'BYUNG, ,DGA' BA YA YO'I SHUGS DANG LDAN, ,SRED PA'I MAR LA SMYUGS PA 'DI, ,'DOD CHAGS ME YIS DGA' BAS SREG ,'DI LTAR ME YIS LUS GCIG NI, ,BSREGS NAS RAB TU ZHI BAR 'GYUR, ,MING DANG GZUGS DANG MA BRAL BA'I, ,'DOD CHAGS ME NI ZHI MI 'GYUR, ,
, ,SREG BYED MI BZAD ME LA NI, ,'BYUNG PO DGA' BAR MI BYED LA, ,'DOD CHAGS ME NI RAB RNO YANG, ,MI RNAMS YID NI 'BYUNG MI BYED, ,DBANG PO LNGA LAS BYUNG BA YI, , 'DI NI YUL RNAMS LNGA YIS BSGRIBS, ,SRED PA RLUNG GI STOBS DANG MTSUNGS, ,'DOD CHAGS ME YIS SKYE DGU SREG ,RTOG PA'I GTZUB SHING LAS BYUNG BA'I, ,YUL RNAMS KYIS NI YONGS SU SPEL, ,LUS NI SHING LTAR SREG BYED KYANG, ,DE NI SKYE BOS MI MTHONG NGO, ,JI LTA JI LTAR 'DOD CHAGS ME, ,RAB TU 'BAR BAS SREG BYED PA, ,DE LTA DE LTAR 'DOD CHAGS DRI, ,BDE BA BZHIN DU YONGS SU BSTEN, ,ME NI RAB TU GSAL 'GYUR LA, ,'DOD CHAGS ME NI MUN PAS BSGRIBS, ,DE BAS DUG DANG DGRA LTA BU, ,BRTAN POS 'DOD CHAGS ME SPONGS SHIG ,DE LTAR DGE SLONG DES DE DAG MTHONG NAS 'DOD CHAGS KYI MES SREG PA'I LHA LA SNYING BRTZE BAR BYED LA, LHA'I SRED PAR GTOGS PA DAG LA YANG SKYON DE DAG RTOGS NAS SRED PAR MI BYED DO, ,DE LTAR DRI DGA'I SA PHYOGS NA BDE BA RNAM PA DU MA DAG JI SRID DU 'DOD PA SDUG PA YID DU 'ONG BA LEGS PAR BYAS PA'I LAS DE ZAD PAR MA GYUR PA DE SRID DU MYONG BAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG GAL TE LAN GRANGS GZHAN LA MYONG BAR 'GYUR BA'I LAS KYIS SEMS CAN DMYAL BA DANG, YI DVAGS DANG, DUD 'GRO'I NANG DU MA
SKYES LA, MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR RTAG TU SA PHYOGS BDE BA THOB CING SHIN TU 'BYOR PA DANG LDAN PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA PI WANG CAN GSUM PA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS, LHA RNAMS KYI GNAS SGRA SNYAN PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, LEGS PAR BYAS PA'I LAS SPYAD CING, SEMS PA DANG, YANG DAG PA'I LTA BA DANG LDAN PAR GYUR PA GANG GIS LTA BA LOG PAR ZHUGS PA DAG LA TSIGS BCAD GCIG BSTAN LA, DE DAG KYANG SEMS YUD TZAM ZHIG SANGS RGYAS LA DAD PA SKYES NA, DE LUS DANG BRAL NAS BDE 'GRO MTHO RIS KYI 'JIG RTEN SGRA SNYAN PA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG DBANG PO YUL LA DGA' ZHING BDE BA DE LHA'I MTSO 'GRAM NA RTZE BA LA NI DGA', PADMA'I TSAL GYI PHRENG BA DANG, GSER GYI RI LA GNAS SHING LHA'I ROL MO BYED PA LA NI DGA', LHA MO'I GZUGS DANG, RNAM PA SNA TSOGS THOGS PA, 'DZUM ZHING 'JO SGEG LA MNGON PAR DGA' BA, BYAD BZHIN GYI MDANGS SDUG CING DBANG PHYUG MTSUNGS PA MED PA LA DGA' BA RNAMS KYIS NI YONGS SU BSKOR, RTAG
, ,TU NYIN GCIG BZHIN BDE BA LA GNAS PA RAB TU 'PHEL ZHING BEE d'URYA'I RI'I RTZE MO DAG NA GNAS LA, BDE BA SNA TSOGS SPYOD PA ME TOG GI PHRENG BA DANG, PHYE MA DANG; BYUG PAS LUS BRGYAN PA DAG DE NA DGA' BAR BYED DO, ,YUL GYI RNAM PA MANG PO LA DGA' BA, RI RAB DANG, RI KHROD YANGS PA NA GNAS PA DAG GSER GYI RI DANG, TSAL RNAMS KYI NANG NA DGA' BAR BYED DE, DE NA GSER GYI RI 'DI LTA BU DAG YOD DE, 'DI LTA STE, RI MKHA' THUG CES BYA BA DANG, RI GRIB MED CES BYA BA DANG, RI THAMS CAD DGA' ZHES BYA BA DANG, RI YID BZHIN SPRUL CES BYA BA DAG STE, RI DE DAG NI RIN PO CHES RNAM PAR PHYE ZHING MDZES LA, GSER GYI TSAL GYIS MDZES PAR BYAS PA, RI'I RTZE MO RNAMS NA LHA'I TSOGS SNYING RAB TU DGA' BA RNAMS RTAG TU GLU DBYANGS KYI SGRA NI 'BYIN, CHU DANG, ZHING BSIL LA GTZANG BA'I RGYUN DAG DANG, PADMA'I RDZING RNAMS KYIS NI RTAG TU MDZES PAR BYAS, BYA RTAG TU MYOS SHING RNAR SNYAN PA; SGRA 'BYIN PA RNAMS NI NYE BA NA 'KHOD, MIG TU SHIN TU SDUG PA'I RI'I SA PHYOGS KYI SMAN LJONGS DE RNAMS NA RANG GI LAS LA SPYOD PA'I LHA DE DAG DGA' BAR BYED, RGYU BAR BYED, RTZE BAR BYED, DGA' MGUR SPYOD PAR BYED DO, ,LHA MO BZANG MO RNAMS KYIS YONGS SU BSKOR CING, BYA MYOS PA SGRA 'BYIN PA DANG, GSER GYI BUNG BA MYOS PA MANG PO RNAMS KYIS YONGS
SU BSKOR BA'I LHA DE DAG THAMS CAD REG NA BDE BA'I LHA'I LCUG MA'I KHYIM RNAMS SU 'KHOR DANG LHAN CIG DGA' BAR BYED DO, ,DE LTAR DE NA GNAS PA DE NI, JI SRID DU 'DOD PA SDUG PA YID DU 'ONG BA LHA LAS LDOG PAR MI 'GYUR BA'I LAS DE ZAD PAR MA GYUR PA DE SRID DU DGA' BAR BYED DO, ,GANG GI TSE ZAD PAR GYUR PA DANG DE LHA'I RIS DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI 'KHOR BAR YONGS SU 'KHYAM PAR 'GYUR RO, ,GAL TE MI RNAMS KYI NANG DU SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR RTAG TU RIGS SHIN TU CHE BA'I NANG DU SKYE ZHING SHIN TU 'BYOR PA DANG LDAN PA DANG, SKYE BO KUN GYIS MCHOD PA DANG, RIS MTHUN PA'I GZUGS BZANG PO DANG LDAN PA DANG, RIS MTHUN PA'I SKAL BA DANG LDAN PA DANG, SKYON MED PA DANG, BRAN PHO DANG, BRAN MO DANG, SKYE BO DANG LDAN PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA PI WANG CAN GSUM PA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA RNAMS KYI LHA'I GNAS DE LA CHAGS PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, LEGS PAR BYAS PA'I LAS KYI
, ,MTHA' SPYAD PAR GYUR PA, DE LA RAB TU CHAGS PA'I YID SEMS DANG LDAN PAR GYUR BA GANG GIS GROGS PO LA SKOM PHOR GANG TZAM BLUD PA'AM, 'GRON PO RNAMS LA SROG CHAGS LU TA DANG, KI TA DANG, SBRANG BU MCHU RING DAG GIS 'JIGS PA LAS BDE BAR BYA BA'I PHYIR KHRON PA DAG 'GEGS PAR BYED DE, 'DI LTAR SROG CHAGS DUG DANG 'DRES PA 'DI DAG GI DUG CHU'I NANG DU SONG NA, DE LAS 'GRON PO LAM DU ZHUGS PA RNAMS KYI SROG GI BAR CHAD DU 'GYUR RO SNYAM NAS BYA BA CI YANG MED KYIS KYANG, BYAMS SEMS KYIS KHRON PA LA 'THUNG BA'I SKYE BO GZHAN LA PHAN PAR BYA BA'I PHYIR GZHI DE LAS DE G-YOG PAR BYED NA, SKYES BU DGE BA DE LUS DANG BRAL NAS BDE 'GRO MTHO RIS KYI 'JIG RTEN LHA PI WANG THOGS PA RNAMS KYI GNAS DE LA CHAGS PA ZHES BYA BAR SKYE BAR 'GYUR RO, ,DER SKYES NAS KYANG DE'I LUS NI NYI MA GNYIS PA LTA BUR GZI CHE STE, LEGS PAR BYAS PA'I LAS RNAMS KYIS LUS THAMS CAD NI BRGYAN, RI DANG, RI BO DANG, RI SUL DANG, 'BAB CHU NA GNAS PA RNAMS DE DANG SPYOD PA'I NGANG TSUL MTHUN PA'I LHA MO'I TSOGS GZUGS DANG, LANG TSO DANG, RGYAN RNAM PA SNA TSOGS THOGS PA RNAMS KYIS NI YONGS SU BSKOR, GZUGS DANG, SGRA DANG, DRI DANG, RO DANG, REG BYA SDUG PA DU MA LA RAB TU CHAGS SHING MCHOG TU BDE BA DANG LDAN PA
YIN NO, ,GNAS DE DAG NA RIN PO CHE SNA BDUN GYI SHING LJON PA RNAMS KYIS YONGS SU BSKOR BA'I RI DANG, TSAL 'DI LTA BU DAG YOD DE, 'DI LTA STE, RNYIS PA MED PA'I TSAL NI TSAL DE NA ME TOG RNAMS KYANG RNYIS PA MED CING, DRI DANG YANG BRAL BA MED PA DANG, GSER GYI GRIB MA'I TSAL ZHES BYA BA GSER GYI LCUG MAS DRA BAR BRES SHING, BEE d'URYA'I BUNG BA RNAMS KYIS MDZES PAR BYAS LA; RMA BYA DANG, KHU BYUG SGRA 'BYIN TO, ,BYA DE DAG KYANG RIN PO CHE SNA BDUN GYI SGRO GSHOG DANG LDAN LA, SGRA SNYAN CING 'JEBS PAR 'BYIN PA YIN TE, TSAL DE NA SHIN TU NYAMS DGA' BAR YANG BDAG NYID KYIS MTHONG NAS SHIN TU BDE BAR GYUR TO, ,DE NA BYA 'DI LTA BU DAG YOD DE, BKRA BA DANG, SGRO GSHOG BKRA BA DANG, LHA RNAMS KYI SNYING LA 'DOD PA BSKYED PA GANG YIN PA DE DAG DES SGRA 'BYIN PAR BYED DE, DE THOS NAS LHA RNAMS KYANG NGO MTSAR CHER SKYES LA, 'DI LTAR BYA 'DI DAG NI LHA DANG MTHUN PA MTHONG STE, GANG BDAG CAG GI YID LA 'DOD PA DE DAG BYA DE RNAMS SGRA 'BYIN PAR BYED DO SNYAM MO, ,BYA CHU ZHIM GNAS ZHES BYA BA DE DAG GI KHA NAS CHANG RO DANG DRI'I NGO BO GTZANG BA PHUN SUM TSOGS PA 'BYUNG NGO, KHA NAS BYUNG BA'I CHANG DE LA YANG BYA GZHAN RNAMS 'THUNG BAR BYED DO, ,DE 'THUNGS NAS BYA DE DAG BCU 'GYUR DU MYOS SHING YID RAB TU DGA' NAS BRGYA 'GYUR DU SGRA 'BYIN PAR BYED DO, ,LHA DE DAG GI NANG NA GLU DBYANGS PHAN TSUN 'DRES PA BRGYA 'GYUR DU SNYAN
, ,PA YIN TE, BYA DE DAG GI SGRA DANG, LHA MO DE DAG GI GLU DBYANGS THOS NAS 'DOD PA LA CHAGS PA'I LHA YID SHIN TU BDE BA RNAMS BRGYA 'GYUR DU DGA' BA SKYE ZHING DE DAG GI GLU DBYANGS DANG SGRA LA CHAGS PAR BYED DO, ,BYA MCHU SGYUR 'GRO ZHES BYA BA GANG DRIL BU G-YER KHA'I DRA BA SGRA 'KHROL BA'I GSAB GSEB NA DGA' BAR BYED PA LA 'DI LTAR CI 'DI NA BYA'I SGRA 'BYIN NAM, CI DRIL BU G-YER KHA'I SGRA 'BYIN CES GSAL BAR MI MNGON PA DE LTAR DE DAG DANG LHAN CIG SGRA 'BYIN TE, PHAN TSUN 'DRES PA NYIS 'GYUR DU'ANG SNYAN PA YIN NO, ,BYA 'GRAM GYI MTHA' NA SPYOD PA ZHES BYA BA GANG CHANG RTAG TU CHU BO LTAR 'BAB PA'I 'GRAM DANG, GSER GYI PADMA'I BAR BAR DAG NA GNAS SO, ,BYA GRIB MA'I NANG NA RGYU BA ZHES BYA BA GANG JI TZAM DU SRED PA'I RNAM PA DANG 'DRES NA GZUGS KYI RNAM PA DE TZAM 'GYUR TE, RNAM PA DE SRID DU GNAS SO, ,BYA CHAGS PA ZHES BYA BA GANG GAL TE LHA SHIN TU NYAMS DGA' BA RNAMS DANG NYE BAR LHA MO DE DAG GNAS NA BRGYA 'GYUR DU MDZES TE TSAL DANG, NAGS TSAL DU MA RNAMS KYI NANG NA YANG RTAG TU BDE BAR GNAS PA DAG DGA' BAR BYED DO; ;YID LA BSAMS PA GANG YIN PA DE DANG DE DAG NYID 'GRUB PAR 'GYUR TE, SHIN TU RGYA CHE BAR GYUR CING, DGA' BA DANG, SDUG PA DANG, YID DU 'ONG BA SKYE'O, ,LHA MO'I
TSOGS DU MAS YONGS SU BSKOR BA'I LHA DE TSAL DANG, NYE BA'I TSAL DE RNAMS KYI NANG NA DGA' BAR BYED DE, GSER DANG, DNGUL DANG, BEE d'URYA'I RI'I RTZE MO GZHAN DANG, GZHAN DAG LA BEE d'URYA'I PADMA'I RDZING GIS YONGS SU BSKOR CING, BYA NGANG PA DANG, KA RANDA PAS KYANG BSKOR BA, BEE d'URYA SNGON PO LTA BU'I CHU SHIN TU DRI ZHIM PAS GANG BA, CHANG DU MA 'BYUNG BA, BEE d'URYA DANG; GSER DANG, DNGUL GYI SHING LJON PA SHIN TU DRI ZHIM PA RNAM PA DU MAS GTIBS PA, KUN NAS RI 'DI LTA BU KUN YOD DE, BSAMS NA SNA TSOGS 'BYUNG DANG, SA STENG YANGS DANG, SA PHYOGS MTHO DMA' DANG, GZHI MNYAM STENG DGA' STE, DE RNAMS SU LHA MO'I TSOGS KYIS YONGS SU BSKOR BA'I LHA THAMS CAD NAM MKHA' LAS 'GRO ZHING 'BAB LA, KUN NAS DGA' BAR BYED CING DGA' MGUR SPYOD PAR BYED DO, ,GZUGS SDUG PA 'BUM PHRAG DU MA DAG LA LTA BAR BYED DE, SGRA SNYAN PA 'JEBS PA YID DU 'ONG BA 'BUM PHRAG DU MA LA NYAN PAR BYED DO, ,DRI ZHIM PA BRO CHE BA YID DU 'ONG BA 'BUM PHRAG DU MA DAG LA SNOM PAR BYED DO, ,DE BZHIN DU REG PAS REG PAR BYA BA DAG LA REG PAR BYED DO, ,DE LTAR DBANG PO THAMS CAD YUL LA MYONG BAR BYED DO, ,RANG GIS BYAS PA DE JI SRID DU 'DOD PA SDUG PA YID DU 'ONG BA'I LAS DE ZAD PAR MA GYUR PA DE SRID DU GNAS DE DAG NA DGA' BAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE,
, ,SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO'I NANG DU 'KHOR BAR 'GYUR RO, ,GAL TE LAN GRANGS GZHAN LA MYONG BAR 'GYUR BA'I LAS KYIS MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR RTAG PAR RGYUN DU BDE BA DANG LDAN ZHING KUN DGA'I RA BAR BDE BAR GNAS PA DANG, RGYAL PO BYAMS PA DANG, SKYE BO THAMS CAD LA SDUG PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA PI WANG CAN GSUM PA'I GNAS LA RTOG PAR BYED DE, DES THOS PA LAS BYUNG BA'I SHES PAS LHA RNAMS KYI GNAS SKYOR CHUS SKYES ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, LEGS PAR BYAS PA'I LAS KYI MTHA' SPYAD PA, SEMS PAS YONGS SU BSGOMS PA'I SNYING DANG, SNYING RJES BRLAN PA'I SEMS DANG LDAN PA GANG GIS SEMS CAN 'CHI BAR 'GYUR BA SKOM GYIS GDUNGS TE, MGUL SGRA NGAR NGAR POR BGAGS SHING SROG CUNG ZAD YOD PA LA SKOM BLUD DAM, DE BZHIN DU GANG GIS DE'I SROG BDE BAR 'GYUR BAR BYA BA'I PHYIR SMAN DAG BYIN NA DE LUS DANG BRAL NAS BDE 'GRO MTHO RIS KYI 'JIG RTEN PI WANG
GSUM PA'I LHA RNAMS KYI NANG SKYOR CHUS SKYES PA'I GNAS SU SKYE BAR 'GYUR RO, ,DER SKYES NAS KYANG DE'I DBANG PO'I LUS DANG MTSUNGS SHING LHA MO'I TSOGS KYIS KUN NAS BSKOR TE, BDE BA RGYUN MI 'CHAD PA LA RTAG TU GNAS PA YIN NO, ,DE LTAR RANG GI LAS LA SPYOD PA DE TSAL DU MA DANG, CHU BO DANG, 'BAB CHU DU MA DAG KYANG RAB TU MTHONG STE, DE RES 'GA' LHA MO'I TSOGS KYIS YONGS SU BSKOR NAS, TSAL PHRENG ZHES BYA BA DER 'DONG BAR BYED DO, ,TSAL DE YANG CHU BO DANG, LTENG KA DANG, PADMA'I TSAL DU MA DAG GIS BRGYAN CING LHA'I ROL MO'I SGRA DAG GI MDZES BAR BYAS LA, LHA DANG LHA MO'I TSOGS RAB TU DGA' BA RNAMS KYIS GANG BA YIN NO, ,TSAL DE NI SHING LJON PA ME TOG DANG, 'BRAS BU DU MAS BRGYAN PA, LHA'I ROL MO'I SGRA 'BYIN PA, BYA'I SGRA CA CO SNYAN PA 'BYIN PA YIN NO, ,TSAL DE NI RIN PO CHE SNA TSOGS KYI SHING LJON PA RNAMS KYIS YONGS SU BSKOR BA YIN TE, 'DI LTA STE, RTAG TU DGA' BA DANG, YANG DAG PAR DGA' BAR BYED PA'I ME TOG MANDA RA BA DANG, PADMA DANG, DE JI LTAR DGA' BA RNAMS KYIS BSKOR BA YIN NO, ,ME TOG DE DAG GI DRI'I MTHU NI 'DI LTA BU YIN TE, LHA RNAMS DRI JI LTA JI LTAR 'DOD PA DE LTA DE LTAR ME TOG DE DAG LAS 'BYUNG LA, ME TOG DE GCIG GIS ME TOG DE THAMS CAD KYI DRI'I BYA BA BYED DO, ,TSAL PHRENG BA DE NYID NA LHA RAB TU DGA' ZHING BRO GAR BYED PA PHAN TSUN GROGS SU GYUR
, ,PA RNAMS TSAL ME TOG LNGA PA ZHES BYA BAR 'DONG BAR BYED DO, ,DE NA YANG BYA DUS SU DRAN PAR BYED PA ZHES BYA BA YOD DE, DES LHA DE DAG MTHONG NAS 'DI LTAR TSIG 'BREL BA'I TSIGS SU BCAD DE SMRAS PA, BSOD NAMS DAG NI NYAMS DGA' LA, ,DE DAG 'BRAS BU MCHOG TU DGE, BSOD NAMS LTA BUR SGROL BA MED, ,DE LTA BAS NA BSOD NAMS BYOS, ,BSOD NAMS GNYEN GYI MCHOG YIN TE, ,BSOD NAMS GTER NI ZAD MI SHES, ,BSOD NAMS MAR ME LTA BU YIN, ,DE BZHIN PHA DANG MA DANG MTSUNGS, ,BSOD NAMS BYAS NA 'GRO BA'I LHA, ,BSOD NAMS KYIS NI BZANG 'GROR 'KHRID, ,MI YUL BSOD NAMS BYAS PA NI, ,DE DAG LHA YUL DGA' BAR BYED, ,'DI LTAR BSOD NAMS CHE BA'I MI, ,RTAG TU BDE DANG LDAN PAR 'GYUR, ,BSOD NAMS LTA BU'I BDE BA MED, ,DE LTA BAS NA BSOD NAMS KYIS, ,'JIG RTEN GNYIS LA PHAN BYED CING, ,DGA' DANG NOR GYI RGYUR GYUR PA, ,BSOD NAMS YIN PAR RTAG TU MTHONG, ,DE LTAR BSOD NAMS BDE MCHOG LDAN, ,RTAG TU BSOD NAMS RJES 'BRANG STE, ,DE NI GRIB MA BZHIN DU 'BRANG, ,DE BAS BSOD NAMS BDE MCHOG STE; ;BSOD NAMS LTA BU'I BDE BA MED, ,BSOD NAMS ZAD PA'I LHA RNAMS NI, ,RANG GIS BYAS PA'I RJES SU LTUNG, ,'JIG RTEN DGE DANG MI DGE'I 'BRAS, ,DE BAS BSOD NAMS
YANG DAG SPYOD, ,LHA YI YUL DU BDAG CAG GANG, ,DUD 'GRO'I SKYE GNAS MTHUN PAR GNAS, ,BSOD NAMS MA YIN RGYUR GYUR PA, ,RANG GIS BYAS PAS SEMS RMONGS SO, ,GANG ZHIG BSOD NAMS DMAN PA NI, ,GDUL DKA' RTAG TU NGAN 'GROR 'GRO, ,BYE MA LA NI MAR MED LTAR, ,DE LA BDE BA GA LA YOD, ,SEMS KYIS BSLUS PA'I RMONGS PA RNAMS, ,BSOD NAMS KYIS NI YONGS SU SPANGS, ,DE DAG LA NI BDE MED CING, ,DE DAG SDUG BSNGAL MTHA' MED DO, ,YANG DANG YANG DU SKYE 'GYUR ZHING, ,YANG DANG YANG DU 'CHI 'GYUR BA, ,LHA DAG BDE BAS MYOS PA GANG, ,DE DAG LA NI BDE RTAG MED; ;LAS KYIS RGYAR NI BCUG GYUR CIG ,GTI MUG GIS NI BSLUS PA RNAMS, ,'KHOR BA THOG MA MED PA NAS, ,'KHRUL 'KHOR BZHIN DU 'KHYAM PAR BYED, ,LHA DAG LHA YI 'JIG RTEN NAS, ,'CHI BAR 'GYUR BA'I SDUG BSNGAL GANG, ,DE NI DMYAL LAS DMYAL BAR RU, ,DE YIS DPER BYAR YANG MED DO, ,BDE MTHA' RTAG TU LTUNG BAR GO ,'DI DAG CI ZHIG MI SHES SAM, ,LHA RNAMS 'CHI MED YUL LTA BUR, ,BDE BAS RMONGS RNAMS LTA BAR BYED, ,SKYE DANG 'CHI BA'I 'JIG RTEN NI, ,GRANGS SU BGRANG DU YOD MED KYANG, ,SRED PAS YONGS SU BSLUS PA YI, ,MI RNAMS YID NI 'BYUNG MI BYED,, DE NAS LHA DE RNAMS LHA'I BYA DE'I SGRA DE THOS NAS, CUNG ZAD CIG YID LA BYED PA DANG, YANG BAG MED PA DE NYID KYI DBANG DU GYUR TE, SRED PAS SRID PAR SPYOD PA DE DAG THAMS CAD NI SEMS
, ,LA RTAG TU RAG LAS PA YIN NO, ,PHRENG BA'I TSAL DE NA BDE BA LAS BDE BAR GNAS BA DE DAG SIL SNYAN YAN LAG LNGA DANG LDAN PAS BRO GAR BYED, DGOD PAR BYED DO, ,YUL BUD SHING LTA BUR GYUR PA LA, BAG MED PA ME LTA BUS RGYUN MI 'CHAD PAR SREG PA NA YUL NAS YUL DANG, NYE BA'I TSAL NAS NYE BA'I TSAL DANG, RI'I STENG NAS RI'I STENG DANG, GZHAL MED KHANG NAS GZHAL MED KHANG DANG, PADMA'I TSAL NAS PADMA'I TSAL DANG, RIN PO CHE'I RI'I RTZE MO NAS RIN PO CHE'I RI'I RTZE MOR RGYU STE, DE LTAR LHA MO DANG LHAN CIG YUL GYI SRED PAS BDAS PAS NA, LHA DE RNAMS JI SRID DU 'DOD PA SDUG PA YID DU 'ONG BA'I LAS DE ZAD PAR MA GYUR PA DE SRID DU LHA'I 'JIG RTEN DE NA DGA' BAR BYED DO, ,DE ZAD NAS DE NAS YANG LHUNG BAR 'GYUR TE, LHUNG NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO'I 'KHOR BAR YONGS SU 'KHYAM MO, ,GAL TE MI RNAMS DANG SKAL BA MNYAM PAR MI'I NANG DU SKYES NA DE LAS DE DANG RGYU MTHUN PAR TSE RABS TSE RABS SU NAD MED PAR 'GYUR ZHING NYON MONGS PA MED PA DANG, SKYE BO DAM PA KUN GYI YID DU 'ONG BA DANG, BKRES PA DANG, SKOM PA DANG BRAL BA'I YUL BZANG POR SKYE BA DANG, ME TOG GIS BRGYAN PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA
PI WANG CAN GSUM PA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA PI WANG CAN GSUM PA RNAMS KYI GNAS LUS DKAR ZHES BYA BA JI LTAR 'DUG PA MTHONG NGO, , DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, ZHING DANG ZHING MA YIN PA'I RNAM PA SHES SHING YID SHIN TU DANG BA DANG, SEMS PAS YONGS SU BSGOMS PA'I SNYING DANG LDAN PA DANG, DER YID ZHUGS SHING SEMS G-YENG BA MED PA LAS KYI 'BRAS BU MNGON PAR SHES PA GANG GIS MCHOD RTEN NAM, DGE 'DUN GYI GTZUG LAG KHANG GI SKYANG NUL RLUNG NGAM, NYI MA'AM, CHAR PAS ZAD PA SLAR SKYANG NUL BYUGS LA, DE LTAR BYAS NAS DE RJES SU DGA' ZHING GZHAN DAG KYANG DE NYID LA DGA' BAR BYED DU 'JUG LA; LUGS BZHIN DU 'JUG STE DE LTAR BYED NA DE LUS DANG BRAL NAS BDE 'GRO MTHO RIS KYI 'JIG RTEN LUS DKAR GYI LHA RNAMS KYI NANG DU SKYE BAR 'GYUR RO, ,DER SKYES NAS KYANG DE DAG THAMS CAD DKAR BO KHO NAR SNANG STE, DE'I KHYAD PAR NI DUNG DANG, KHA BA DANG, ME TOG KUN MUD DANG, 'O MA DANG BCAS PA DAG NI BCU DRUG GI CHAR MI PHOD DO, ,DE LTAR RNAM PA DE LTA BU'I GZHAL MED KHANG DANG, SHING RTA DANG, GNAS DAG DANG, GZHAN DAG KYANG KUN NAS DKAR ZHING MCHOG TU DKAR POR SNANG BAR 'GYUR TE, 'DI LTAR LUS KYANG MCHOG TU DKAR BA NYID DU 'GYUR RO, ,
, ,DGA' BAR BYED PA'I NGANG TSUL CAN DE DAG SKYED MOS TSAL DU DGA' STON BYED DU 'DONG STE, 'DI LTAR BYU RU'I TSAL ZHES BYA BA GNAS DE DAG TU SIL SNYAN DANG GLU DBYANGS SNA TSOGS KYI SGRA 'BYIN CING DGOD PA DANG, SHIN TU YID DGA' BA'I GROGS PO RNAMS DANG LHAN CIG TSAL DER 'DONG BAR BYED DO, ,DE LTAR DE DAG BYU RU'I TSAL GYI NANG DU 'DONG STE, GANG GI TSE ZHUGS PA DANG, BYA SNA TSOGS SGRA 'BYIN CING GSER BTZO MA'I SHING LJON PAS MDZES PA YIN NO, ,SHING LJON PA'I NYE BA'I TSAL GYIS MDZES PAR BYAS PA'I BYU RU'I TSAL DE'I MTHU NI 'DI LTA BU YIN TE, JI LTAR KHA DOG DMAR PO GZHAN DANG MI MTHUN PAR 'BYUNG BA DE LTAR SHING LJON PA'I 'OD DMAR PO RNAM PA DE LTA BU 'BYUNG NGO, ,LHA DE DAG THAMS CAD TSAL DE'I MTHUS DKAR PO DE RNAMS DANG BRAL NAS KHA DOG SHIN TU DMAR POR GYUR PA DANG, PHAN TSUN GTAM DU BDAG CAG GI LUS LHAN CIG SKYES PA'I MDZES PA GANG YIN PA DE DAG TSAL GYI KHA DOG GI MTHUS MI SNANG BAR GYUR TO, ,SHING LJON PA DE DAG KUN NAS KHA DOG DMAR PO KHO NA YIN TE, BDAG CAG NI TSAL GZHAN DU 'DONG BAR BYA'O ZHES BRJOD DO, ,DE NAS LHA DE RNAMS LHA MO DE DAG DANG LHAN CIG BEE d'URYA'I TSAL GA LA BA DER 'DONG BAR BYED DO, ,TSAL DE YANG BEE d'URYA'I MDOG DES JI LTAR DZAMBU'I GLING GI GNAM
LTAR KUN NAS SNGO BA YIN NO, ,DE NAS LHA RNAMS TSAL DER YANG KHA DOG DKAR PO GANG YIN PA DE DAG BEE d'URYA'I SHING LJON PA'I DBYIBS DE RNAMS KYIS KYANG ZIL GYIS MNAN TE, SHING DE RNAMS LA BYA GNAS PA GANG YIN PA DE DAG KHA DOG SNGON POR GYUR LA, PADMA GANG YIN PA DE DAG KYANG SNGON POR GYUR TE, DE LTAR BEE d'URYA'I TSAL DE DAG THAMS CAD SNGON PO NYID YIN NO, ,DE NAS LUS DKAR BA LHA MO'I TSOGS MANG POS YONGS SU BSKOR BA LHA'I ROL MO'I SGRA DANG, DRI DANG, GLU DBYANGS DANG BCAS PA RNAMS TSAL DE NA YUN RING DU DGA' BAR BYED, RTZE BAR BYED, DGA' MGUR SPYOD PAR BYED CING, LHA'I BDE BA 'DOD PA'I YON TAN LNGA MYONG BAR BYED DO, ,DE NAS YUN RING ZHIG LON NAS LHA LUS DKAR PO RNAMS RTZE BA'I DON DU DNGUL GYI SHING LJON PA'I TSAL DU 'DOR BAR BYED DO, ,DNGUL GYI TSAL DE NAS KUN NAS KHA DOG DKAR POR SNANG ZHING TSAL DE NA GANG CI YOD PA DE THAMS CAD DKAR BA YIN LA, TSAL DE NA PADMA YANG DNGUL GYI PADMA SHIN TU NYAMS DGA' BA YIN NO, ,BYA RNAMS KYANG DNGUL GYI BYA YIN TE, DE LTAR LHA LUS DKAR PO DANG LDAN PA DE DAG THAMS CAD TSAL DE'I NANG DU ZHUGS PA JI LTAR 'O MA'I NANG NA ZLA BA'I GZUGS BRNYAN SNANG BA DE LTAR MDZES PA YIN NO, ,TSAL DE NA LHA RNAMS YUN RING DU DGA' BAR BYED, DGA' MGUR SPYOD PAR BYED CING LHA'I DPE MED PA 'DOD PA'I BDE BA YAN LAG LNGA DANG LDAN PAS
, ,BDE BA MYONG BAR BYED DO, ,DE DAG DER YANG DGA' BAR BYAS NAS LUS SNA TSOGS GA LA BA DER 'DONG BAR BYED DO, ,TSAL DE YANG SHING LJON PA SNA TSOGS KYIS MDZES PAR BYAS SHING GSER GYI SHING LJON PA RNAMS KYIS KYANG MDZES PAR BYAS PA YIN TE, DE BZHIN DU DNGUL GYI SHING LJON PA RNAMS DANG, DE BZHIN DU BEE d'URYA'I SHING LJON PA RNAMS DANG, DE BZHIN DU LO MA SNA TSOGS RNAMS KYIS MDZES PAR BYAS PA YIN NO, ,SHING DE RNAMS KYANG KHA DOG SNA TSOGS KYI LO MA DANG, MDOG SNA TSOGS KYIS MDZES PA YIN LA, TSAL DE'I NANG NA LHA DE RNAMS DE DAG NYID KYIS LUS RNAMS RGYAN SNA TSOGS KYIS BRGYAN PAR GYUR TO, ,TSAL DE NA YANG LHA DE RNAMS YUN RING DU DGA' BAR BYED, DGA' MGUR SPYOD PAR BYED DE, LHA MO'I TSOGS KYI NANG NA 'KHOD PA RNAMS DE DAG GIS GLU DBYANGS NYE BAR LEN CING DE NA YANG DE RNAMS YUN RING DU RTZES NAS KUN TU MTHONG BA'I GSER GYI RI GA LA BA DER 'DONG BAR BYED DO, , DE YANG RIN PO CHE SNA BDUN GYIS BRGYAN PA YIN TE, LHA DE DAG GIS RI KUN MTHONG CHU BO DANG, 'BAB CHU DANG, LTENG KA MANG POS BRGYAN PA, TSAL DANG, NAGS TSAL DANG LDAN PA, PADMA'I RDZING DU MAS 'KHOR BA, BYA'I TSOGS MANG PO'I SGRA 'BYIN PA'I RI BO DE LA 'DZEGS NAS RI'I RGYAL PO RI RAB DRUG KHRIS BSKOR BA DE RNAMS KYI DBUS NA RI'I RGYAL PO RI RAB 'DUG PA DE DAG
THAMS CAD MTHONG NGO, ,DE NAS LHA LUS DKAR PO RNAMS KUN NAS MTHONG BA'I RI BO DE LA LHA MO DANG LHAN CIG YUN RING DU RTZE BAR BYED, DGA' MGUR SPYOD PAR BYED DO, ,DE NAS YANG DE RNAMS DE LAS BABS NAS RI BO PHYOGS GTZANG MA ZHES BYA BA GA LA BA DER 'DZEG PAR BYED DE, RI BO DE LA YANG GNAS GZHAN DAG NAS SKYES PA'I LHA RNAMS DGA' BA'I MTHUS RI BO DE LA 'ONGS NAS DGA' BAR BYED DO, ,LHA GZHAN DE RNAMS DANG LHA LUS DKAR PO DE RNAMS DANG YANG PHAN TSUN LHAN CIG SIL SNYAN YAN LAG LNGA DANG LDAN PAS DGA' BAR BYED CING DGA' MGUR SPYOD PAR BYED DO, , DE NAS LHA YUL GYI PHYOGS CHA DGA' BA DE RNAMS SU LHA DE DAG YUN RING DU DGA' BAR BYAS NAS, MAR ZAD NAS MAR ME 'CHI BAR 'GYUR ZHING NYIN PAR GYI MTHA' ZAD NA NYI MA NUB PAR 'GYUR BA DE LTAR LHA DE RNAMS LEGS PAR BYAS PA'I LAS ZAD NAS MAR ME LTAR LHA'I 'JIG RTEN DE NAS 'CHI BAR 'GYUR TE, SHI NAS KYANG NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE MI RNAMS DANG SKAL BA MNYAM PAR MI'I NANG DU SKYES NA, ,DE LAS DE DANG RGYU MTHUN PAR PADMA'I RTZA LAG LTA BUR MDOG DKAR SHAM BZANG POR 'GYUR ZHING STONG PHYOGS SAM, RGYA YUL LA SOGS PAR SKYE BAR 'GYUR LA, RTAG TU BDE BA DANG LDAN PA DANG, MI'I GTZO BO CHEN PO'I YID GCUGS PAR 'GYUR BA MTHONG NGO, ,DE NAS
, ,YANG DGE SLONG LAS KYI 'BRAS BU RNAM PAR SMIN PA SHES PA DE LHA PI WANG CAN GSUM PA RNAMS KYI GNAS SU RTOG PAR BYED DE, DES THOS PA LAS BYUNG BA'I SHES PAS BRTAGS NA, LHA'I 'JIG RTEN NA LHA PHAN TSUN DGA' BA ZHES BYA BA JI LTAR 'DUG PA MTHONG NGO, ,GNAS DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, SEMS CAN DGE BA PHAN TSUN GROGS SU GYUR PA, SEMS PA DANG, TSUL KHRIMS DANG LDAN PA, GROL BA'I DGE 'DUN GYI GTZO BOR GYUR PA GANG DAG GIS SBYIN PA BYIN, TSUL KHRIMS BSRUNGS NA DE DAG THAMS CAD RGYU DE DANG RKYEN DE LAS LUS DANG BRAL NAS BDE 'GRO MTHO RIS KYI 'JIG RTEN PHAN TSUN DGA' BA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG PHAN TSUN BDE BA BSKYED CING SEMS MTHUN PAR BSKYED PA DE RNAMS BSOD NAMS KYI TSOGS SMIN PAR 'GYUR RO, ,DE NA LHA'I PADMA'I RDZING NA GNAS SHING KHA ZAS LA DGA' BA DE YUL NYAMS DGA' ZHING BDE BA DAG MYONG BAR BYED DE, SIL SNYAN YAN LAG LNGA DANG LDAN PAS YID RAB TU DGA' BA DAG DGOD PAR BYED, DGA' BAR BYED, RTZE BAR BYED; DGA' MGUR SPYOD PAR BYED LA, LHA MO'I TSOGS GZUGS DANG, CHA BYAD SNA TSOGS DANG LDAN PA RNAMS KYIS YONGS SU BSKOR NAS GSER DANG, RIN PO CHE SNA TSOGS KYI SA GZHI DANG,
RI DE RNAMS LA DGA' BAR BYED DO, ,DE LTAR RANG GI LAS KYI 'BRAS BU LA SPYOD CING DGA' BA DE RNAMS SU CHU BO'I 'GRAM BEE d'URYA DANG, NOR BU'I LAN KAN BRES PA DANG, GSER GYI RNAM PA'I BYA NGANG PA DANG, DUR PA RNAMS KYIS MDZES PAR BYAS LA, 'GRAM NA SHING LJON PA SKYES PA RNAMS KYI SDUG GUR BRGYAN PA'I SMAN LJONGS DAG NA LHA MO'I TSOGS KYIS YONGS SU BSKOR BA RNAMS DGA' BAR BYED DO, ,DER DE DAG DGA' BAR BYAS NAS MU TIG 'BAB PAR BYED PA ZHES BYA BA'I CHU BO GA LA BA DER 'DONG BAR BYED DO, ,CHU BO DE DAG NA CHU GANG YIN PA DE DAG NI CHANG RO RNAM PA DU MA DANG LDAN PA RNYOG PA MED PA 'BAB BO, ,BYE MA GANG YIN PA DE DAG NI MU TIG YIN LA, 'DAM RDZAB GANG YIN PA DE DAG NI GSER YIN TE, CHU BO DE NOR BU KHA DOG BZANG PO DU MAS BRGYAN PA NYA RNAMS KYIS SHIN TU MDZES PA YIN NO, ,DE'I NGOS GNYIS KA NA GSER GYI SHING LJON PA RNAMS LA 'DAB MA NI BEE d'URYA, BEE d'URYA'I SHING LJON PA RNAMS LA GSER GYI 'DAB MA YOD DE, 'DAB MA YOD PA DE THAMS CAD LA DUS TSIGS THAMS CAD KYI 'BRAS BU DANG, ME TOG BZANG DGUS KHEBS PA YIN NO, ,BYA'I TSOGS RTAG PAR RAB TU DGA' BA RNAMS KYIS KUN TU GANG LA THOS NA YID 'PHROG PA'I SGRA 'BYIN PA YIN TE, BYA'I TSOGS MTHONG NA DGA' BA RNAM PA DE LTA BU DAG DANG, RTAG TU KUN NAS DGA' BA'I LHA DE RNAMS DANG, LHAN CIG BYED BLTA BUR DUS THAMS CAD DU DGA' BAR BYED DO, ,DER
, ,DE RNAMS KYIS YANG DAG PAR DGA' BAR BYAS NAS PHYOGS GZHAN SNYAN PA SPYOD PA ZHES BYA BA GA LA BA DER 'DONG BAR BYED DO, ,PHYOGS DE NAS LCUG MAS G-YOGS PO'I KHYIM YOD DE, RIN PO CHE MRGAD KYI DUM BU RING PO SKYON MED PAS PHYE BAS PHYOGS KYI RIM PA MTHO DMA' DANG LDAN ZHING PADMA'I TSAL GYIS BRGYAN PA, SA PHYOGS SHIN TU RNAM PAR PHYE BA RIN PO CHE SNA TSOGS KYI BYA RNAMS KYIS MDZES PAR BYAS PA, LA LA DAG NA YANG GSER GYI SA GZHI'I PHYOGS NYAMS DGA' BAR BEE d'URYA'I LCUG MA'I DRA BAS GTIBS PA, BUNG BA DANG ME TOG GIS KUN TU GANG BA, LHA DANG LHA MO'I TSOGS RTAG TU DGA' YA YA STE, RAB TU DGA' BA RNAMS KYIS KUN TU GANG BA, LEGS PAR BYAS PA'I LAS LA SPYOD PA'I LHA DE RNAMS KUN TU DGA' BAR BYED DO, , DE NAS KYANG PHYOGS GZHAN ZHIG NA, CHU DANG, LTENG KA DANG, TSAL DANG, 'BAB STEGS MANG PO YOD PAR 'DONG BAR BYED DO, ,'BAB STEGS DANG, TSAL DE DAG NA CHU NA RGYU BA'I BYA MDOG BZANG PO GANG YIN PA DE RNAMS KYIS NAM MKHA'I PHYOGS DE DAG THAMS CAD BAR MTSAMS MED PAR KUN TU BKANG NAS SGRA 'BYIN TO, ,CHANG CHU BO LTAR 'BAB PA RNYOG PA MED PA RNAM PA DU MA DAG 'BAB STE, GSER GYI RDO LAS DBA' RLABS KYI SGRA 'BYUNG ZHING DBU BA 'KHRUGS PA'I SGRA KHRO LO LO 'BYUNG LA, BYA RAB TU DGA' BA'I SGRA 'BYIN PA LONG LONG PO RNAMS DANG, CHU BO
DE RNAMS KYI NGOS GNYIS KA NA 'KHOD PA'I LHA MO'I TSOGS KYIS YONGS SU BSKOR BA RNAMS DANG DGA' BAR BYED, RTZE BAR BYED DO, ,LAG NA GSER GYI PADMA THOGS PA RNAMS PHAN TSUN RDEG PA NA DE LTAR PHAN TSUN YID GCUGS PA LHAN CIG RTZE BA DE RNAMS KYIS DUS RING DU 'DAS SO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO NYER DGU PA, PHYOGS DE NAS KYANG MYOS BYED TSAL ZHES BYA BA DER LHA THAMS CAD RTZE BA'I GROGS DANG LHAN CIG 'DONG BAR BYED DO, ,TSAL DE NA SEMS KYI RNAM PA THAMS CAD MYOS BYED KYIS MUN PAR GYUR TE, BYA DE DAG NI 'BRAS BU'I RO RNAMS KYIS MYOS, BEE d'URYA'I BUNG BA DAG NI ME TOG GI RO RNAMS KYIS MYOS, KHU BYUG DAG NI DPYID MTHONG NAS MYOS, 'GRAM NA RGYU BA'I BYA DAG NI CHANG GI RO RNAMS KYIS MYOS; DE BZHIN DU LHA RNAMS NI LHA'I 'DOD PA'I YON TAN LNGA RNAMS KYIS MYOS, DE BZHIN DU LHA MO RNAMS KYANG LHA'I TSOGS DANG LHAN CIG 'DOD PA'I ROS MYOS TE, DE LTAR 'DOD PA'I ROS MYOS PA'I BUD MED RNAMS NI GZHAN GYIS MYOS PAR MI 'GYUR GYI, 'DI LTAR BUD MED THAMS CAD NI 'DOD PA LHUR LEN PA YIN LA, DE LA SEMS ZHUGS, DE LA GZHOL, DE LA GNAS, DE'I RANG BZHIN YIN NO, ,LHA DE DAG KYANG MYOS BYED MTHONG NAS BRGYA 'GYUR DU MYOS PA RNAMS DE NA DGA' BAR BYED DO, ,DE LTAR LHA DE RNAMS JI SRID DU 'DOD PA SDUG PA YID DU 'ONG BA'I LAS ZAD
, ,PAR MA GYUR PA DE SRID DU DE NA DGA' BAR BYED DO, ,DE LAS DE ZAD NAS LHA'I RIS DE NAS KYANG 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO'I NANG DU 'KHOR BAR 'GYUR RO, ,GAL TE MI RNAMS DANG SKAL BA MNYAM PAR MI'I NANG DU SKYES NA, BSOD NAMS GCIG PA DE DAG THAMS CAD YUL DANG, LJONGS DANG, GRONG KHYER GCIG TU SKYE BAR 'GYUR ZHING THAMS CAD 'BYOR BA PHUN SUM TSOGS PA DANG, THAMS CAD RIGS CHE ZHING BTZUN PAR SKYE BA DANG, THAMS CAD PHAN TSUN DGA' ZHING BYA BA GCIG PA DANG, DGE BA'I NANG DU SKYE BAR 'GYUR BA MTHONG STE, DE DAG LAS DE DANG RGYU MTHUN PAR DGE BA'AM, MI DGE BA GANG YIN PA DE DAG THAMS CAD KUN LA 'BYUNG GI SO SO LA NI MA YIN NO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA PI WANG CAN GSUM PA'I GNAS LA RTOG PAR BYED DE, DES THOS PA LAS BYUNG BA'I SHES PAS, LHA PI WANG CAN GSUM PA RNAMS KYI GNAS YANG DAG CHAGS SPYOD CES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES RAB KYIS BRTAGS NA, ZHAL TAM TSUL KHRIMS DANG LDAN PAR GYUR PA GANG GIS KHYIM PA GZHAN DAG DGA' BAR
BYAS; GZENGS BSTOD MGU BAR BYAS, DAD PAR BYAS NAS SEMS YONGS SU BSGOMS PA DE, ZHING YON TAN DANG LDAN PA LA SBYIN PA SBYIN DU BCUG CING TSUL KHRIMS KYANG SRUNG DU BCUG NA, DE LUS DANG BRAL NAS BDE 'GRO MTHO RIS KYI 'JIG RTEN YANG DAG CHAGS SPYOD KYI LHA RNAMS KYI NANG DU SKYE BAR 'GYUR RO, ,DER SKYES NAS KYANG RANG GI MTHU 'DI LTA BU 'BYUNG BAR 'GYUR TE, LAS GANG GIS BDAG CAG 'DIR SKYES SHIG GU SNYAM NAS, DE DAG MIR SKYES PA YANG DAG PAR DRAN NO, ,'DI NI MI'I 'JIG RTEN NA BDAG GI DGE BA'I BSHES GNYEN DU GYUR PA YIN TE, 'DI'I SBYIN BDAG NI BDAG YIN NO, ,RGYU DE DANG, RKYEN DE DANG, GZHI DES DE DANG BDAG BSOD NAMS MTHUN PAR GYUR NAS, 'DIR 'ONGS PA LTA ZHIG GU SNYAM MO, ,DE BZHIN DU DGE BA'I BSHES GNYEN NYAN THOS DE YANG SKYE BA DRAN TE, 'DI LTAR 'DI NI BDAG GI SEMS DANG BAS SBYIN PA SBYIN DU BCUG PA YIN TE, RGYU DE DANG, RKYEN DE DANG, GZHI DES DE NAS BDAG LHA'I 'JIG RTEN 'DIR SEMS DANG LDAN PAR SKYES LTA SNYAM NAS, DE LTAR YANG DAG CHAGS SPYOD KYI LHA RNAMS KYI GNAS SU SKYES SO, ,DE NAS GZHAN DU GYUR TE, PADMA'I TSOGS LTA BU'I LHA MO MANG PO BYAD GZUGS DANG, MDOG DANG, LANG TSO DANG, SDUG PA SO SO DU MAS BRGYAN PA MTHONG NGO, ,LHA MO DE DAG MTHONG NAS LHA DE RNAMS KYIS MTHONG MA THAG TU JI LTAR TSE RABS SNGA MA LA BYAS PA SHIN TU PHRA MO YANG MI DRAN ZHING
, ,YUL LA SEMS RNAM PAR CHAGS PA, BAG MED PA'I GNAS SU SKYES PA, YUL GYI BDE BAS SEMS PHROGS PA DE LTAR 'DOD PA RNAMS KYIS 'PHANGS PA'I YID SKYE BAR BYED DO, ,DE NAS YANG DAG CHAGS SPYOD KYI LHA RNAMS KYIS LHA MO'I TSOGS 'BUM PHRAG DU MA BYAD GZUGS DPE MED PA DANG LDAN PA DE DAG MTHONG NAS, THOG MA MED PA'I DUS NAS ZHUGS PA'I 'DOD CHAGS KYI MES YID RAB TU BSREGS PA NI, JI LTAR MES PUD SHING SKAM PO YUN RING DU SREG PAR BYED PA DE LTAR LHA DE RNAMS KYI YID DE DAG RAB TU SREG PAR BYED DO, ,LHA MO DE DAG GA LA BA DER 'GRO BAR BYED LA LHA MO RTAG TU 'DOD PA LA DON GCIG TU BYED PA YANG KHA RLANGS DRI ZHIM POS NAM MKHA' 'GENGS SHING LHA'I CHA BYAD DU MA THOGS LA LAG NA PADMA KHYER TE, LHA GA LA BA DER 'DONG BAR BYED DO, ,DE NAS LHA DE RNAMS DANG, LHA MO DE RNAMS LHA'I 'DOD PA BDE BA RNAM PA DU MA DE DAG MYONG BAR BYED DO, ,DE NAS BAG MED PA DE LTA BUR RIG NAS DGE SLONG DE 'KHOR BA'I SDUG BSNGAL NYAM NGA BA DU MA LAS YID BYUNG NAS 'DI LTAR TSIGS SU BCAD DE SMRAS PA, NYIN MO GSAR DU BYUNG BA YIS, ,RNYING PA MED PAR BYED PA LTAR, ,BDE DANG SDUG BSNGAL SAR BA YIS, ,RNYING PA NYE BAR RJOD PAR BYED, ,DE LTAR LHA YI 'JIG RTEN DU, ,BDE BA 'DZIN PA'I SKYE BO DAG ,'TSO BA'I MTHA' NI 'CHI BA DANG, ,JI STE 'BRAL BA'I MTHA' MI RIG ,JI LTAR
SHING DANG SBRANG RTZIR BSRES, ,JI LTAR DUG DANG ZAS BSRES PA, ,DE LTAR BDE BA 'DI KUN GYI, ,MTHA' MI BDE BA MI RIG GO ,LHA YUL DU NI LHAG PAR YANG, ,YUL RNAMS LTA LA GA LA NGOMS, ,SRED PAS NGOMS PA MED PA DE, ,KHYAD PAR DU YANG GA LA BDE, ,SHIN TU BDE BA'I STOBS LAS NI, ,LHA YUL RNAMS SU YE NAS SRED, ,SRED MES YONGS SU GDUNG RNAMS KYI, ,BDE BAR NYE BAR MA DMIGS SO, ,GCIG TU BDE SPYOD SRED BRAL ZHING, ,NGA MED RE BA MED PA DANG, ,MYA NGAN 'DAS GRONG 'GRO BA NI, ,BDE GANG YIN PA DE THOB BO, ,GANG DAG SRED PA'I BAG LA NYAL, ,YONG YE SEMS LA MI 'JOG PA, ,DE DAG THOG MTHA'I DRI MA BRAL, ,BDE BA'I NANG NA'ANG DE BDE 'O, ,SEMS NI SHIN TU BSDUS PA DANG, ,THAMS CAD DU NI RE MED DANG, ,BYA DANG MI BYA MA RMONGS PA, , BDE BA RTAG TU NYE BAR GNAS, ,GANG GIS 'KHOR BA'I RGYUR GYUR PA, ,DGA' BCAS 'BYUNG BA BCOM PA DAG ,BRTAN PO GTZO DE PHA ROL 'GRO ,BDE LDAN MYA NGAN 'DAS LA GNAS, ,GANG ZHIG 'DOD CHAGS ZHE SDANG LDAN, ,SRED BCAS DE LA BDE BA MED, ,GANG ZHIG 'DOD CHAGS ME LAS GROL, ,DE NI DRI MED BDE BAR 'DOD, ,DE LTAR DGE SLONG DES BAG MED PA LA GNAS PA'I LHA DE RNAMS NYIN GCIG BZHIN DU SRED PA'I ME RAB TU 'PHEL BAR BYED PA'I BAG MED PA RNAMS MTHONG NAS SNYING RJE BAR BYED DO, ,DE NAS LHA DE RNAMS KYANG LHA MO'I TSOGS DANG LHAN CIG TU TSAL
, ,DU BAS 'KHRIGS PA ZHES BYA BA GA LA BA DER LHA MO'I TSOGS G-YER BA ROL MO DANG, GLU DBYANGS DANG, GAD MO SNA TSOGS 'DON PAS YONGS SU BSKOR BA BDE BAR GNAS PA RNAMS SKYED MOS TSAL DU DGA' SPYOD BYED DU DONG STE, KHA CIG NI LHA MO'I TSOGS KYIS YONGS SU BSKOR NAS NAM MKHA' LA BYA BZHIN DU 'GRO ,KHA CIG NI GZHAL MED KHANG BYA NGANG PAS BTEG PA RNAMS KYIS 'GRO ,KHA CIG NI GROGS DANG LDAN PA'I GZHAL MED KHANG RNAMS KYIS 'GRO ,KHA CIG NI LHA MO'I TSOGS DE DAG NYID KYIS BSKOR NAS RKANG PAS 'GRO STE, BDE BAR GNAS PA DE RNAMS GLU DBYANGS LEN ZHING LUS NGAL BA MED PA DE THAMS CAD TSAL DU BAS 'KHRIGS PA ZHES BYA BA GA LA BA DER 'DONG BAR BYED DO, ,DE NAS TSAL DE NA LHA GZHAN SNGAR 'ONGS PA GANG YIN PA DE RNAMS KYIS LHA GZHAN DE DAG MTHONG NAS DE NAS YANG RAB TU DGA' STE, YID SHIN TU MGU BAR GYUR TO, ,DE NAS LHA GSAR DU 'ONGS PA RNAMS DANG, LHA RNYING PA RNAMS PHAN TSUN 'DRES NAS CA CO DANG, ROL MO'I SGRA SKYES TE, RAB TU DGA' ZHING NYAMS DGA' BA SKYES SO, ,DU BAS 'KHRIGS PA'I TSAL DE KUN SGRA RNAM PA DU MAS KUN TU GANG STE, 'DI LTA STE, GLING BU'I SGRA DANG, PI WANG GI SGRA DANG, RDZA RNGA'I SGRA DANG, 'KHAR RNGA'I SGRA DANG, LHA MO RGYAN GYIS BRGYAN PA'I SGRA DANG, DE BZHIN DU DE NA GLU DBYANGS DANG, DGOD BA'I SGRA DANG, CHU BO DANG, MTSO DANG, CHU MANG
PO RNAM PA SNA TSOGS 'BAB PA'I SGRA DANG, RIN PO CHE'I BYA KHA DOG DANG, DBYIBS RNAM PA SNA TSOGS SU 'DUG PA'I SGRA DANG, LHA RNAMS KYI GLU DBYANGS KYI SGRA THOS NA SNYAN PA DAG STE, DE LTAR TSAL DE SGRA SNYAN PA KUN GYIS GANG PA YIN NO, ,TSAL DE NA LHA'I SMAN DANG, BYA DANG, KLUNG DANG, LTENG KA DANG, ME TOG DANG, 'BRAS BU PHUN SUM TSOGS PA DANG, LHA'I 'DOD PA'I YON TAN LNGA 'BYOR PA DAG GIS LHA RNAMS SKYED MOS TSAL GYI DGA' SPYOD BYAS NAS BDE BA NYAMS SU MYONG NGO, ,DE RNAMS TSAL DE NAS BYUNG NAS YANG LHUN PO SO SOR SNANG BA ZHES BYA BA'I RI'I RTZE MO GA LA BA DER LHA MO'I TSOGS KYIS YONGS SU BSKOR NAS 'DONG BAR BYED DE, LHA DE RNAMS DER 'DONG BA NA SO SOR SNANG BA'I RI'I RTZE MO DER LHAGS SO, ,LHA'I PADMA'I RDZING DANG, LTENG KA DANG, NYE BA'I TSAL PHUN SUM TSOGS PA DANG LDAN PA'I RI'I RTZE MO DE NA RGYAL PO CHEN PO 'PHAGS SKYES PO LHA MO'I TSOGS KYIS YONGS SU BSKOR BA GNAS TE, 'JIG RTEN THAMS CAD KYI DON SGRUB CING MI'I 'JIG RTEN NA CHOS DANG, CHOS KYIS BSKYED PA'I MI CHOS DANG LDAN PA NI JI TZAM ZHIG YOD, CHOS DANG MI LDAN PA NI JI TZAM ZHIG YOD, 'JIG RTEN LA PHAN PAR SGRUB PA NI JI TZAM ZHIG YOD, PHAN PAR MI SGRUB PA NI JI TZAM ZHIG YOD, DAM PA'I CHOS KYI MTHU CHE'AM, CHOS MA YIN PA MTHU CHE, BDUD KYI PHYOGS LHA MA YIN BRTAN PA DANG, KLU RAB 'JOMS LA SOGS PA MTHU CHE'AM, MI CHE ZHES RTOG
, ,PAR BYED DE, DE LTAR SKYE DGU RNAMS SKYONG BA DE RI KUN SNANG DE LA GNAS SO, ,RI'I RTZE MO DE DANG HA CANG MI NYE BAR RAB KYI NGOS LA NYI MA 'KHOR BAR BYED DE, DE'I 'OD LA RGYAL PO CHEN PO 'PHAGS SKYES PO DE CHOS DANG LDAN PA'I CHOS KYI BYE BRAG GIS MI'I 'JIG RTEN TU NYI MA'I 'OD JI LTAR GTONG ZHIG GU ZHES DPYOD PAR BYED DO, ,NYI MA 'KHOR BA'I GZHI LA MKHAS PA DE NYI MA LA RTOG PAR BYED DE, GAL TE CHOS DANG LDAN PA'I MI CHOS RJES SU SKYONG BA BYUNG BA DE'I TSE, DE BZHIN DU NYI MA CHOS KYIS YONGS SU RGYAS PA YIN TE, DE LTAR MDOG GSAL BA NYID DANG, DUS DANG MTHUN PAR LHAN NER 'CHAR LA, DE LAS MI RNAMS KYI LUS LA NI NAD MI 'BYUNG ZHING 'BRU RNAMS LA'ANG NAD MI 'BYUNG NGO, ,GAL TE CHOS DANG MI LDAN PA'I CHOS KYI RJES SU 'JUG PA BYUNG NA, DE'I TSE NYI MA'I 'OD CHOS MA YIN PA DANG MTHUN PAR LHAN NER MI 'CHAR TE, DE LAS CHOS MA YIN PA'I MTHU DES 'BRU RNAMS MI SKYE ZHING NYAMS PAR 'GYUR RO; ;DE LTAR 'DI DAG THAMS CAD NI CHOS DANG, CHOS MA YIN PA BYAS PA'I DBANG GI 'BRAS BU YIN TE, RGYU MED PA LAS NI MA BYUNG NGO, ,RI DE'ANG NYI MA'I 'OD DANG MTHUN PAS SO SOR SNANG BA ZHES MING DU BTAGS TE, RGYAL PO CHEN PO 'PHAGS SKYES PO DE LA GNAS NAS 'JIG RTEN LA RTOG PAR BYED DO, ,YANG DAG CHAGS SPYOD KYI LHA DE RNAMS SO SOR SNANG BA'I RI'I RTZE MOR
DONG NAS YID RAB TU DGA' LA GSAL BA DE MTHONG NAS KYANG BRGYA 'GYUR DU YID RAB TU DGA' BA SKYES SO, ,'PHAGS SKYES POS 'JIG RTEN DE DAG MNGON PAR BRTAGS SHING RANG GIS BYAS PA'I LAS DES LHA DANG, LHA MO DE DAG THAMS CAD KUN NAS BRGYA 'GYUR DU GZI BRJID 'BAR BAR MTHONG BA DANG, 'JIG RTEN SKYONG BA 'PHAGS SKYES PO DE YID RAB TU DGA' NAS 'DI LTAR TSIGS SU BCAD DE SMRAS PA, RGYU GSUM RNAM GSUM LAS BYUNG BA, ,LEGS BYAS RNAM GSUM BYAS PAS NA, ,'BRAS BU CHE GSUM YON TAN GSUM, ,GSUM GNAS SA NI GSUM DU GNAS, ,KHYED RNAMS CHOS LA MCHOG TU GZHOL, ,'TSE BA MED PA'I SBYIN MCHOG DANG, ,BDEN DANG BZOD DANG DUL DANG LDAN, ,THAMS CAD MTHO RIS GNAS SU LHAGS, ,LHA YI GNAS NA LHA GANG DAG ,LHA YI RGYAN DANG LHA YI PHRENG, ,PHUN SUM TSOGS PAS BRGYAN PA RNAMS, ,DGA' BAR BYED PA 'DI DAG DGE ,BAG MED DGA' BA'I SKYE BO GANG, ,DGE BA SPYOD PAR MI BYED PA, ,CHOS LA RNAM PAR RMONGS PA DE,, MTHO RIS DAG TU GA LA SKYE, ,LEGS PAR BYAS PAS MI DAG 'DIR, ,LUS CAN RNAMS NI SKYES GYUR TE, ,LAS KYI RNAM SMIN DE YIS NA, ,LHA YI YUL DU DE DAG SKYES, ,GANG ZHIG BDAG NYID DGA' 'GYUR ZHING, ,GANG ZHIG BLO GROS BDER GNAS PA, ,LHA YI YUL DU SKYE 'GYUR PA, ,DE NI BSOD NAMS CHEN PO BYED, ,CHUNG DANG 'BRING DANG BDER GNAS PA, ,LHA RNAMS KYI NI BDE CHEN GANG, ,'DI
, ,NI CHUNG DANG 'BRING CHE YI, ,BSOD NAMS KYI NI 'BRAS BUR MNGON, ,LUS CAN GANG GIS JI TZAM DU, ,BSOD NAMS KYI NI RNAM PA BYAS, ,RNAM PA DE TZAM DE'I BDE BA,, LHA YI 'JIG RTEN RNAMS SU SMIN, ,DE LTAR 'PHAGS SKYES PO DES LHA DE DAG MTHONG STE, TSIGS SU BCAD PA SMRAS NAS, DE DAG NYID DANG LHAN CIG MTHUN PAR DGA' BAR BYED DE, RI DANG, NAGS TSAL DANG, LTENG KA DANG, TSAL DANG, LHA'I ME TOG DANG, 'BRAS BUR LDAN PA'I SA PHYOGS DANG, BYA SNA TSOGS SGRA 'BYIN PA DANG, KUN NAS LHA MO'I TSOGS KYIS GANG BA DANG , RI MTHONG NA NYAMS DGA' BA DANG, DBANG PO DRUG BDE BAR BYED PA RNAMS SU, DBANG PO DRUG DON LA CHAGS PA BAG MED PAR GNAS PA'I LHA DE RNAMS SIL SNYAN YAN LAG LNGA DANG LDAN PAS MNGON PAR DGA' BAR BYED CING, PADMA'I TSAL DANG, SKYED MOS TSAL DANG, CHANG CHU LTAR 'BAB PA DANG, BEE d'URYA'I TSAL DANG, LTENG KA DANG, CHU MIG GIS BRGYAN PA PHAN TSUN GROGS SU GYUR PA RNAMS, JI SRID DU 'DOD PA SDUG PA YID DU 'ONG BA LEGS PAR BYAS PA'I LAS DE ZAD PAR MA GYUR PA DE SRID DU DGA' BAR BYED DO, ,DE ZAD NAS DE NAS YANG LHA'I RIS DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE LAN GRANGS
GZHAN LA MYONG BAR 'GYUR BA'I LAS KYIS MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR MANG DU SMRA BA, NOR MANG BA, DED DPON CHEN POR 'GYUR BA MTHONG NGO; ;DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA PI WANG CAN GSUM PA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS, DE DAG GI GNAS 'KHOR DANG, SPYOD PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA , TSUL KHRIMS DANG LDAN PAR GYUR CING, SEMS KYI RGYUD SEMS PAS BSGOMS PA GANG GIS SBYIN PA SBYIN, TSUL KHRIMS BSRUNGS, CHOS MNYAN PAR BYAS PA'I SBYIN BDAG DE LA LAG NAS SBYIN PA PO GROGS SU GYUR PA GZHAN ZHIG ,DES SNYING BRLAN CING DGE BA'I SEMS DANG LDAN PA, DAD PAS SEMS BRLAN PA, 'DI LTAR YANG SEMS LA RTOG PAR BYED DE, SBYIN BDAG 'DI NI BSOD NAMS DANG LDAN PA ZHIG GO ,DE BDAG LA'ANG RDZAS KYI RNAM PA DE SNYED YOD NA, DE LTAR BDAG GIS KYANG GZHAN DAG LA SBYIN PAR BYA'O SNYAM SEMS MA SBYIN PA LA SEMS DANG BA DES LUS DANG BRAL NAS BDE 'GRO MTHO RIS KYI 'JIG RTEN 'KHOR DANG SPYOD PA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG YUL DU MAS SNYING RAB TU MYOS PA RNAMS RTAG TU LDAN PAR GYUR
, ,TE; SIL SNYAN SNA TSOGS SGRA 'BYIN PA'I NYE BA'I TSAL DANG, BEE d'URYA DANG, NOR BU'I LAN KAN BRES PA'I RDZING RNAMS NA GSER GYI PADMAS KHEBS PA DANG, BYA'I TSOGS KYI RNAM PA SGRA 'BYIN PA'I TSAL DANG, NYE BA'I TSAL DE RNAMS NA, BYA MYOS PA SGRA 'BYIN PA NYAMS DGA' BAR BYED PA DAG NA DGA' BAR BYED LA, KHA CIG NI SHING LJON PA TSANG TSING DAG GI NANG NA KHU BYUG DANG, RMA BYA SGRA SNYAN PA CHAGS SU RUNG BA 'BYIN PA RNAMS NA LHA MO DAG DANG LHAN CIG DGA' BAR BYED DO, ,KHA CIG NI PADMA'I TSAL SDONG BU NI BEE d'U RYA, 'DAB MA NI GSER, ZE BA RDO RJER 'DUG PA RNAMS KYI NANG NA DGA' BAR BYED DO, ,KHA CIG NI RGUN CHANG GI TSAL RNAMS NA 'BRAS BU NYE PHAN GYIS MOS PA'I LHA MO YUL LA RNAM PAR CHAGS PA RNAMS DANG LHAN CIG RGUN CHANG 'THUNG BAR BYED DO, ,KHA CIG NI RI'I ZOM BEE d'URYA'I RDOS GCAL BKRAM PAS RNAM PAR PHYE BA'I SA PHYOGS RNAMS NA DGA' BAR BYED DO, ,KHA CIG NI RI'I ZOM MU MEN GYIS GTAMS PA'I CHU GTZANG MA DRI MA MED PA 'BAB PA'I CHU BO RNAMS KYIS NANG NA SDUG PA DAG DANG LHAN CIG DGA' BAR BYED DO, ,KHA CIG NI 'BAB STEGS DANG, SA GZHI MU TIG GI BYE MA BDAL BA DAG NA CHU BSIL LA DANG ZHING GTZANG STE DRI MA MED PA RNAMS KYI NANG NA DGA' BAR BYED DO, ,KHA CIG NI RIN PO CHE SNA BDUN GYIS BRGYAN PA'I YANG THOG NAM MKHA' LA THUG PA RNAMS KYI NANG NA DGA'
BAR BYED DO, ,KHA CIG NI LHA MO'I TSOGS KYIS YONGS SU BSKOR NAS, SIL SNYAN YAN LAG LNGA DANG LDAN PAS DGA' BAR BYED DO, ,KHA CIG NI DPAG BSAM GYI SHING LJON PA LA DRIL BU G-YER KA'I SGRA DRAG TU 'KHROL BAS MDZES PA RNAMS KYI NANG NA DGA' BAR BYED DO, ,KHA CIG NI DUS TSIGS DRUG GI TSAL SHING LJON PA DAG DANG NYE BA, RTAG TU DGA' YA YAR GYUR PA RNAMS KYI NANG NA SNYING DU SDUG CING 'DOD PA RNAMS DANG LHAN CIG DGA' BAR BYED DO, ,KHA CIG SA PHYOGS GSER BTZO MAS BRGYAN PA DANG, RI BO'I ZOM GYI STENG DU 'DZEGS NAS SA PHYOGS KYI CHU BO RNAMS LA'ANG LTA BAR BYED DE, DE LTAR RANG GI LAS KYIS SPRUL PA LHA'I BDE BA DPE MED PA RNAM PA SNA TSOGS MYONG NGO, ,DE LTAR SRED PA LA RNAM PAR CHAGS PA'I LHA RNAMS KYI MIG GZUGS DANG, KHA DOG 'DOD PA SDUG PA YID DU 'ONG BA RNAM PA DU MA DAG GIS CHOG MI SHES SO, ,RNA BA'ANG YUL BDE BA SGRA SNYAN PA GSAL BA YID DU 'ONG BA RNAM PA DU MA DAG GIS CHOG MI SHES SO, ,SNA'ANG YUL BDE BA DRI ZHIM PA BSUNG CHE BA YID DU 'ONG BA RNAM PA DU MA DAG GIS CHOG MI SHES SO, ,LCE'ANG YUL BDE BA RO ZHIM PA BRO CHE BA YID DU 'ONG BA RNAM PA DU MA DAG GIS CHOG MI SHES SO, ,LUS KYANG YUL BDE BA REG BYA 'DOD PA 'JAM PA YID DU 'ONG BA RNAM PA DU MA DAG GIS CHOG MI SHES SO, ,YID KYANG YUL RNYOG PA MED PA 'DOD PA SDUG PA YID DU 'ONG BA RNAM PA DU MA DAG GIS CHOG MI SHES TE, DE LTAR DBANG PO DRUG
, ,GI YUL LA CHAGS PA'I LHA RNAMS CHOG MI SHES PA YIN NO, ,JI LTAR YUL RNAMS KYIS SRENG PA SPEL BA DE LTAR 'PHEL BAR 'GYUR TE, ME 'BAR BA BZHIN LA, DE YANG YUL GYI BDE BA JI LTAR DMIGS PA DE LTAR RNAM PA DU MAR 'PHEL BAR 'GYUR RO, ,SRED PA DES BSGRIBS PA'I LHA CHOG MI SHES PAR GYUR PA RNAMS SHIN TU BDE BA'I MTHA' DMIGS SU MED DE, DE LTAR JI SRID DU 'DOD PA SDUG PA YID DU 'ONG BA LEGS PAR BYAS PA'I LAS DE ZAD PAR MA GYUR PA DE SRID DU, LHA'I BDE BA DPE MED PA RNAM PA DU MA MYONG NGO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG RANG GIS BYAS PA'I LAS KYIS SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE MI RNAMS DANG SKAL PA MNYAM PAR MI'I NANG DU SKYES NA, DE LAS DE DANG RGYU MTHUN PAR TSOGS GCIG TU SPYOD PA RGYA MTSO'I TSONG PA'AM, TSONG RDAL DU GNAS PA'AM, RI BA'I BAR NA GNAS PAR 'GYUR LA, GNYEN CHE BA DANG 'BREL PA DANG, RANG DGAR GNAS PA DANG, RGYAL PO LA RAG LAS PAR MI 'GYUR BA DANG, SHIN TU 'BYOR PA DANG, RANG DBANG DU 'GYUR BA MTHONG NGO, , DE NAS DGE SLONG LAS KYI 'BRAS BU RNAM PAR SMIN PA SHES PA DE, LHA PI WANG CAN GSUM PA'I GNAS LA RTOG PAR BYED DE, DE THOS PA LAS BYUNG BA'I SHES PAS LHA DE RNAMS KYI GNAS
SKYIL MO KRUNG GI STENG DU SKYE ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, SNYING RJE DAM PA DANG LDAN PA GANG GI SEMS CAN CHUS KHYER BA'AM, LO NYES BYUNG NAS LTOGS TE SROG CHAD LA THUG PA LA BYAMS PAS BRLAN PA'I YID KYIS BU BZHIN SKYONG BAR BYED CING DGOS PA MED KYANG SEMS PAS BSGOMS PA'I SNYING KHO NAS YANG DAG PAR BSKYABS NA, DE LUS DANG BRAL NAS BDE 'GRO MTHO RIS KYI 'JIG RTEN SKYIL MO KRUNG DU GNAS PA'I LHA RNAMS KYI NANG DU RDZUS TE SKYE BAR 'GYUR RO, , DE NA LHA DANG, LHA MO GNAS LA, LHA GZHAN YANG PHYOGS GZHAN NA LHAN CIG NYE BAR GNAS TE, LHA'I BU DE LHA'I SKYIL MO KRUNG BCAS PA'I STENG DU SKYES SO, ,DE LA LHA DE BU'I BLO SKYE LA LHA MO DE'ANG DE BZHIN DU BU'I BLO SKYE'O, ,DE NAS LHA'I BU DE'ANG DE GNYIS LA PHA MA'I BLO SKYE'O, ,DE DAG DANG LHA'I BU DE NYID DANG RTZE BAR BYED DE, JI LTAR DZAMBU'I GLING NA MI SHIN TU DGA' BA RTZE BA DE LTAR DE DAG KYANG LHA'I 'JIG RTEN NA LHA DANG, SKYIL MO KRUNG GI STENG NA GNAS PA DE DANG RTZE BAR BYED DO, ,'DI LTAR BU KHYOD BDAG CAG GI BUR GYUR PA NI 'BRAS BU DANG BCAS PA YIN TE, KHYOD BDAG CAG GIS LHA'I TSAL DANG, NYE BA'I TSAL DANG, LTENG KA THAMS CAD DU BDE BA BSKYED PAR BYA'O, ,RI'I ZOM DANG, GSER GYI LCUG MA'I DRA BAS BRES PA DANG, MTSE'U DANG, 'BAB CHU PHUN SUM TSOGS
, ,PA DANG, LCUG MA'I KHYIM PHUN SUM TSOGS PA DANG, PADMA'I RDZING RNAMS NA GSER GYI PADMAS KHEBS SHING BUNG BAS MDZES PA DANG, CHU DANG BA DANG LDAN PA DANG, CHANG CHU BO LTAR 'BAB PA DANG, RGUN CHANG RO ZHIM PO SNA TSOGS KYI RGYAGS PA BSKYED PAR BYED PA'I MTHO RIS THAMS CAD DU KHYOD DANG LHAN CIG DGA' BAR BYA STE, DER KHYOD DANG BDAG CAG LHAN CIG DGA' BAR BYA'O, ,DE NAS LHA'I BU DES PHA MA DE GNYIS LA 'DI SKAD CES SMRAS SO, ,BDAG LA YAB YUM GYIS RNAM PA 'DI LTA BU STZAL BA GANG LAGS PA DE NI BDAG BDE 'GROR SKYES PA 'BRAS BU MCHIS SO, ,BDAG KYANG YAB YUM LA GUS PAR BGYID PA DANG, GUS PAR MNYAN PAR BGYI'O, ,DE NAS LHA DE YID RAB TU DGA' NAS LHA'I BU DE BLANGS TE, LHA MO DANG LHAN CIG DZAMBU NAD CHAR 'BEBS ZHES BYA BA'I TSAL DER 'DONG BAR BYED DO, ,LHA DE'ANG LHA MOS BSKOR CING, LHA'I BU DE'ANG DE DAG THAMS CAD DANG DZAMBU NA DA CHAR 'BEBS KYI TSAL DER DONG BA DANG, TSAL DE DZAMBU NA DA'I SHING LJON PA THAMS CAD DANG, ME TOG GI TSOGS 'PHYANG BA DANG, KHA CIG 'BRAS BU'I TSOGS 'PHYANG BA RNAMS KYIS KHEBS PA YIN NO, ,ME TOG GI SHING LJON PA GANG YIN PA DE DAG NI SHIN TU DRI ZHIM PA DPAG TSAD LNGAR 'BYUNG BA'I ME TOG KHA DOG DANG, DBYIBS SNA TSOGS DAG 'THOR BAR BYED DE, 'DI LTA STE,
SNGON PO DANG, SER PO DANG, LJANG GU DANG, DMAR PO DANG, BTZOD KA DAG GO ,DBYIBS SNA TSOGS PA DAG NI 'JOG PO LTAR ZLUM PA DANG, RING PO DANG, GRU BZHI DANG, LHA'I DGA' BA DANG MTHUN PA'I RNA BA'I GONG RGYAN DANG, GDUB KOR 'GRAN PA LTA BUR GYUR PA MTHONG NGO, ,DE NAS LHA DES LHA'I BU DE LA 'DI SKAD SMRAS SO, ,BU; 'DI NI DZAMBU CHU BO CHAR 'BEBS ZHES BYA BA'I TSAL YIN LA, TSAL 'DI NI DGA' DGA' LTAR ME TOG RGYAS PA YIN TE, SHING LJON PA PHAN TSUN RLUNG GI SHUGS KYIS BSKYOD PA DANG, LHA'I TSOGS THAMS CAD LA 'THOR BAR BYED DO, ,BU; DER KHYOD DANG BDAG CAG LHAN CIG DGA' BAR BYOS SHIG ,RTZES SHIG ,DGA' MGUR SPYOD PAR GYIS SHIG ,BU KHYOD KYANG LHA MO'I TSOGS SNYING DU SDUG CING MDZES PA DANG LDAN PA RTAG TU YID DU 'THAD PA RNAMS DANG DGA' MGUR SPYOD PAR 'GYUR RO, ,DE SKAD SMRAS NAS TSAL DER YANG THAMS CAD RTZE BA'I DON DU 'JUG PAR BYED DE, TSAL DE NA LHA'I BYA 'BOD PA ZHES BYA BAS LHA'I BU GANG YIN PA DE DAG LA 'DI LTAR TSIGS SU BCAD DE SMRAS PA, BZANG PO KHYOD NI LEGS PAR BYON, ,KHYOD KYIS LEGS BYAS BYAS DANG LDAN, ,TSUL KHRIMS RNAM PA BDUN BSRUNGS PA, ,DE YI 'BRAS BU 'DIR 'ONGS SO, ,TSUL KHRIMS 'BRAS BU BDE BA NI, ,LHA YI 'JIG RTEN RNAMS SU SMIN, ,SGROL BAR BYED PA'I TSUL KHRIMS KYIS, ,'KHOR BA 'DI LAS SGROL BAR BYED, ,TSUL KHRIMS
, ,CHU NI RNAM DAG PAS, ,SEMS BRTAN GANG ZHIG 'KHRU BYED PA, ,DZAMBU GSER GYI ME TOG GIS, ,LHA YI YUL DU DE 'KHRU 'O, ,TSUL KHRIMS SA BON BSKYED NAS SU, , TSUL KHRIMS SNA TSOGS RNAMS LA NI, ,'DI LTAR LHA YI YUL RNAMS KYIS, ,KHYOD NI RTZE ZHING SPYOD PAR BYED, ,MI GANG RTAG TU YID DUL ZHING, ,TSUL KHRIMS KYIS NI BRGYAN PA RNAMS, ,GANG NA BDE BA MTHA' YAS PA, ,LHA YI GNAS SU DE 'GRO 'O, ,LEGS PAR BYA BA BYAS PA'I MI, ,BDE BA LAS BDE MCHOG TU 'GRO ,TSUL KHRIMS KYIS NI YONGS SPEL RNAMS, ,LHA YI GNAS NA RTZE PAR BYED, ,TSUL KHRIMS SKAS LA 'DZEGS PA YI, ,MI RNAMS BDE 'GROR RAB TU 'GRO ,SHES PAS YONGS SU SPEL BA RNAMS, ,YE SHES KYIS NI MKHA' LA GZHOL, ,DE BAS TSUL KHRIMS RTAG BSRUNG ZHING, ,SBYIN SHES DKA' THUB NOR RNAMS KYIS, ,DUG DANG MTSON DANG ME LTA BU'I, ,TSUL KHRIMS 'CHAL BA RTAG TU SPONGS, ,DE LTAR TSUL KHRIMS LEGS BSRUNGS PA, ,MI NI BZANG 'GROR KHRID PAR BYED, ,BDE GNAS THOB PAR BYA BA LA, ,TSUL KHRIMS LTA BU GANG YANG MED, ,DE LTAR BYA 'BOD PA PO DE RNAMS KYIS LHA'I BU DE'I SEMS LA GZUNG DU RUNG BA'I TSIGS SU BCAD PA RNAMS KYIS MNGON PAR DGA' BAR BYAS SHING RJES SU DGA' BAR BYAS PA DANG, LHA'I BU DES BYA'I SGRA DBYANGS DE DAG YID LA BZUNG NAS RJES SU DGA'
BAR BYED DO, ,DE RJES SU DGA' BAR BYAS NAS, DE NAS YANG PHA DE DANG LHAN CIG TSAL DER 'DUG PAR BYED DO, ,DE NAS DPAG BSAM GYI SHING LJON PA RNAMS KYIS MDZES PAR BYAS PA'I TSAL DE NYI MA LTAR GSAL ZHING RNAM PAR MDZES PA 'BUM PHRAG DU MA'I TSOGS DANG LDAN PA DE NA 'BAB CHU DANG, LTENG KAS BRGYAN PA, BEE d'URYA DANG, DNGUL GYI SHING LJON PA RNAMS KYIS KYANG NYE BAR MDZES PAR BYAS PA NYAMS DGA' BA RNAM PA DU MA DE DAG MTHONG NAS LHA'I BU SKYES NAS YUN RING DU MA LON PA DE SHIN TU DGA' BA DPE MED PA THOB BO, ,DE NAS DE'I BAR SKABS SU TSAL DE NA RNAM PAR RGYU BA NA LHA MO KHYIM THAB SHI STE YUN RING DU MA LON PA GZHAN DAG GIS MTHONG NGO, ,DE NAS LHA MO'I TSOGS DE DAG GIS LHA'I BU GSAR DU BYUNG BA 'DI LA CHUNG MA MED PAR YANG RIG , DE BYAD GZUGS DANG LDAN PAR MTHONG NAS, DGONG PAR BYED, RTZE BAR BYED, SGEG PAR BYED, BRO GAR BYED CING ROL MO'I SGRA DANG, SIL SNYAN DANG BCAS PA THAMS CAD LHA'I BU DE'I DRUNG DU RGYUG PAR BYED DO, ,LHA'I BU'ANG PHA MA DAG BOR 'DOD PAS BSGRIBS PA'I YID KYIS LHA MO DE DAG GA LA 'KHOD PA DER RGYUG PAR BYED DO, ,DE NAS DE DAG PHAN TSUN MTHONG NAS; LHA DE DAG LHA MO DE DAG DGA' BA SKYES SHING BDE BA DPE MED PA NYE BAR SKYES SO, ,PHAN TSUN DGA' BA SKYES PA DE RNAMS KYANG SIL SNYAN YAN LAG LNGA DANG LDAN PAS JI LTAR BDE
, ,BA SNA TSOGS LA GNAS PA'I LHA GZHAN DAG DGA' BAR BYED PA DE LTAR DGA' BAR BYED DE, RI DANG, NAGS TSAL DANG, LTENG KA DANG, GSER DANG, DNGUL DANG, SPUG DANG, GSER BTZO MA'I RI'I ZOM DANG, MU TIG GI BYE MA BDAL BA DANG, DNGUL GYI RDO DANG, LHA'I PADMA'I RDZING KHEBS PA DANG, BYA SNA TSOGS SGRA SNYAN PA 'BYIN PA DANG, CHU BO DANG, 'BAB CHU DANG, LTENG KAS BRGYAN PA RNAMS SU LHA MO DE RNAMS DANG LHAN CIG DGA' BAR BYED DO, ,LHA'I BDE BA DANG LDAN PA DE RI NAS RI DANG, SKYED MOS TSAL NAS SKYED MOS TSAL DU 'GRO BAR BYED DO, ,DE LTAR NGO MTSAR GYI SEMS BSGRIBS PA DE LHA'I 'JIG RTEN RMAD DU BYUNG BA MTHONG NAS, JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU DE DAG DANG LHAN CIG DGA' BAR BYED DO, ,DE NAS DE'I TSE ZAD PA DANG, LHA'I 'JIG RTEN 'DI NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR RGYAL PO'AM, BLON PO CHEN POR 'GYUR LA, SKYE BO THAMS CAD DGA' BA DANG, BYAD GZUGS BZANG PO DANG LDAN PA DANG, YON TAN DANG LDAN
PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA PI WANG CAN GSUM PA'I GNAS LA RTOG PAR BYED DE, DE THOS PA LAS BYUNG BA'I SHES PAS BRTAGS NA, LHA PI WANG CAN GSUM PA'I GNAS SPYOD PA DANG LDAN PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, LEGS PAR BYAS PA'I LAS JI LTAR YOD PA BZHIN SPYOD PA, SEMS CAN DGA' 'DZINGS TE 'THAB PA'AM, TSAL KHUNG STUG PO'I NANG DU SONG NAS, SROG LA THE TSOM ZA BA 'CHI BA LA THUG PA DAG THAR PAR BYAS SHING, SEMS CAN LA PHAN PA'I SEMS DANG LDAN PA DANG, SHIN TU BSDAMS PA DANG, LUS DANG, NGAG DANG, YID KYI TSUL KHRIMS SPYOD NA, DE LUS DANG BRAL NAS BDE 'GRO MTHO RIS KYI 'JIG RTEN SPYOD PA DANG LDAN PAR GNAS PA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG ZLA BA'I 'OD DANG MTSUNGS PA DE KUN NAS GZI BRJID NI 'BAR, DBANG PO DUL BA'I BDE BA DANG NI LDAN, 'DOD PA'I YON TAN LNGA RNAMS KYIS NYIN GCIG BZHIN DU NI RTZE, LHA MO'I TSOGS DU MA DANG NI NYE BAR SPYOD, LHA'I PHRENG BA DANG, GOS NI GYON, YANG DANG, YANG DU 'JO SGEG NI BYED, TSAL DANG, NYE BA'I TSAL DANG, 'BAB CHU'I DNGO MANG PO RNAMS SU NI RTZE STE, DE LTAR DE RTZE BA NA SHEL GYI TSAL ZHES BYA BA
, ,DER 'GRO BAR BYED DO, ,TSAL DE NA SHEL GYI SHING LJON PA THAMS CAD KYIS KUN NAS GSAL BA YIN LA SHING LJON PA ME TOG DANG, 'BRAS BUS KHEBS PA DE DAG GIS ME TOG DANG, LO MA PHUN SUM TSOGS PA RNAMS KYANG JI LTAR LHANG TSER LTAR GSAL BA'AM, ME LONG LTAR GSAL BA YIN NO, ,'BRAS BU RNAMS KYANG GRU BZHI DANG, ZLUM POR SKYES TE, ME LONG BZHIN DU GSAL BA YIN NO, ,DE NAS LHA DE GANG GI TSE TSAL DE'I NANG DU ZHUGS PA DANG, DE'I TSE RANG GI LUS KYI GZUGS BRNYAN 'BRUM SNYED 'BYUNG BA MTHONG NGO,, DES GZUGS BRNYAN SHIN TU RGYA CHE BA ME TOG PHRENG BA DANG, BYUG PAS RNAM PAR BRGYAN PA PHUN SUM TSOGS PA DE DAG MTHONG NAS DE BRGYA 'GYUR DU DREGS PA SKYE STE, KYE; AE MA BDAG GI GZUGS BRNYAN RNAM PA JI SNYED 'BYUNG BA 'DI DAG LHA GZHAN RNAMS LA RNAM PA DE LTA BU MI 'BYUNG NGO SNYAM MO, ,'JIG RTEN SKYONG BA MIG MI BZANG DE TSAL DE'I NANG DU ZHUGS NAS , 'JIG RTEN GYI BYA BA DAG LA RTOG PAR BYED DO, ,TSAL DE'I MTHU NI 'DI LTA BU YIN TE, GAL TE SA DANG, BAR SNANG LA RGYU BA'I GNOD SBYIN DAG GIS DZAMBU'I GLING GI SEMS CAN RNAMS KYI DBANG GI 'BRAS BUS CHOS DANG, CHOS MA YIN PA BYAS PA DE DAG RINGS PAR MA SBRAN NA, JI LTAR MI CHOS DANG LDAN PA'AM, MI CHOS DANG MI LDAN PA BYUNG BA DE LTAR SHEL GYI SHING LJON
PA RNAMS KYI TSAL DE'I NANG DU MTHONG LA, PHYIS GNOD SBYIN DAG RGYAL PO CHEN PO LA MI'I BYA BA'I RNAM PA SBRON PAR BYED DO, ,DE NAS MIG MI BZANG DE MIR GTOGS PA'I CHOS MA YIN PA BYAS PA THAMS CAD MTHONG NAS TSAL DE LA MGU'O, ,GAL TE MI CHOS DANG MI LDAN ZHING CHOS KYI RJES SU MI 'JUG PA DAG BYUNG NA, DGE BA DANG, MI DGE BA DAG DE BZHIN DU BRGYA BYIN LA SBRON PAR BYED DO, ,DE LTAR TSAL DE'I MTHU MTHONG NAS, DE NAS LHA DE TSAL DE NA GZUGS DANG, SGRA DANG, DRI DANG, RO DANG, REG BYA 'DOD PA SNA TSOGS KYIS MYOS TE JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU DE NA DGA' BAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN 'KHOR BA NA SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR RTAG TU YANG DAG PA'I LTA BA DANG LDAN LA, CHOS KYI GNAS LA 'BYOR CING 'GRUB PA CHEN POR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, LHA PI WANG CAN GSUM PA'I GNAS LA RTOG PAR BYED DE, DES DE DAG GI GNAS GZHAN BCU GCIG PA NI MA MTHONG NGO, ,RGYAL CHEN
, ,BZHI'I LHA RNAMS KYI GNAS RNAM PA BZHI PO KUN TU RGYU ZHES BYA BA KHO NAR ZAD DE, GANG DE DAG NI RI'I RGYAL PO RI RAB KYI NGOS LA 'KHOR RO, ,GZHAL MED KHANG DANG LDAN PA'I LHA GANG YIN PA DE DAG LA MU STEGS PA GZHAN DAG GZA' DANG, SKAR MA DANG, RGYU SKAR DAG YIN PAR 'DU SHES TE, DE RNAMS KYI RAGS PA BGRANGS NA BYE BA PHRAG SUM CU RTZA DRUG YOD DO, ,DE NAS LAS GANG GIS DER SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, DER YANG LUS DANG, NGAG GI TSUL KHRIMS BDUN PO RNAM PA SNA TSOGS KYIS DER SKYE'O, ,DE LA LUS KYI RNAM PA GSUM DANG, NGAG GI RNAM PA BZHI STE, MDOR BSDU NA, SEMS CAN RNAMS LAS KYI DBANG GI 'BRAS BU RNAM PA DU MAS DER SKYE BAR 'GYUR RO, ,DE'I PHYIR SEMS CAN RNAMS KYI LAS DGE BA DANG, MI DGE BA BYAS PA'I RKYEN GYI BYE BRAG GIS SHES PAR BYED DE, NYI MA DANG ZLA BA DE'ANG LHA KUN TU RGYU BA DE RNAMS RI'I RGYAL PO RI RAB KYI NGOS LA 'KHOR BA'I SAR 'KHOR BAR BYED DE, RLUNG 'KHOR LOS BSKOR BA ZHES BYA BA GANG GIS BYAS PA DES, LHA DE DAG THAMS CAD RI'I RGYAL PO RI RAB DE LA 'KHOR BAR BYED DO, ,DE DAG GI BAR YANGS PA NA 'JIG RTEN SKYONG BA DANG, KU BE RA GNYIS GNAS TE, LHA DE RNAMS RGYAL PO CHEN PO DE
DAG DANG LHAN CIG GLING BZHI RNAMS SU KUN TU RGYU'O, ,NOR BU SNGON PO DANG, SER PO DANG, LJANG GU SNA TSOGS KYI GZHAL MED KHANG RNAMS KYI NANG NA SNGA MA BZHIN DU SBYAR TE, DE DAG JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU, KUN TU RGYU BA DE DAG NI 'DOD PA'I YON TAN LNGA JI LTAR 'DOD PA RNAMS KYIS DGA' BAR BYED DO, ,DE'I LAS ZAD NAS DE NAS YANG LAS NYE BAR 'GRO BA JI LTAR BA BZHIN SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE MI RNAMS DANG SKAL BA MNYAM PA MI'I NANG DU SKYES NA, DE LAS DE DANG RGYU MTHUN PAR RTAG TU YUL NAS YUL DU 'GRO BA'I NANG DU 'GYUR TE, 'DI LTAR TSUL KHRIMS KYI RGYU DES BDE YANG RUNG, MI BDE YANG RUNG, GLO BUR DU YUL GZHAN KUN TU 'GRO BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, RGYAL CHEN BZHI'I LHA RNAMS LA RTOGS PAR BYED DE, DES THOS PA LAS BYUNG BA'I SHES PAS BRTAGS NA, GNAS SKABS GZHAN GCIG KYANG SHES PAR MA NUS LA, GNAS SKABS GZHAN GCIG KYANG MTHONG BAR MA GYUR NAS, DE 'DI SNYAM DU SEMS TE, RGYAL CHEN BZHI'I LHA RNAMS NI MTHA' YAS TE, DE LTAR MTHA' MED DO SNYAM MO, ,RANG GI LAS KYIS RI RAB LA TSAL DANG, NYE BA'I
, ,TSAL BZHI DAG TU DGA' BAR BYED CING SKOR BAR BYED DO, ,RI RAB KYI NGOS GANG LA NYI MA 'KHOR BA'I NGOS DE DANG, DES MI'I GNAS GANG DU RI RAB KYI GRIB MA DE 'BAB STE, DE LTAR DE DZAMBU'I GLING DU MTSAN MOR 'GYUR RO, ,BYANG PHYOGS NA RLUNG 'KHOR LO'I GZUGS ZHES BYA BA YONGS SU 'KHOR ZHING, DES BYANG PHYOGS KYI SKAR MA GANG YIN PA DE DAG THAMS CAD 'CHAR DU MI STER LA, NUB TU YANG MI STER TE, DE LTAR RLUNG GI DBANG GIS PHYOGS SU 'KHOR ZHING 'DUG GO ,MU STEGS PA GZHAN DE NYID MA MTHONG ZHING SKAR MA'I DPYAD MNGON PAR MI SHES LA PHYOGS GCIG TU LTA BA'I MU STEGS PA DE DAG GIS MTHONG NAS, 'DI LTAR DE NI CHU SRIN BYIS PA GSOD YIN TE, NUB TU MI STER LA, DRANG SRONG BDUN DAG GI 'JIG RTEN 'DZIN TO SNYAM MO, ,DE LTAR DES RGYAL CHEN BZHI'I LHA RNAMS MA LUS PAR MTHONG ZHING SA DANG BCAS PA LA YANG DAG PA JI LTA BA BZHIN MTHONG NAS 'KHOR BA LA YID BYUNG NGO, ,DE LTAR DE DAG MTHONG NAS LHA RNAMS KYI LTUNG BA'I SDUG BSNGAL MNGON PAR RTOGS NAS YID BYUNG STE, 'KHOR BA NA GNAS SU RUNG BRTAG PA'AM, BRTAN PA'AM, THER ZUG PA'AM, MI 'GYUR BA'I CHOS CAN GANG YANG MED LA, 'DU BA DANG, 'BRAL BA'I BGO SKAL LA SPYOD PA, LAS KYI BGO SKAL LA SPYOD PA, LAS KYI SKYE GNAS PA, LAS LA RTON PAR
MI BYED PA MED DE, DE LTAR DGE SLONG DES THOS PA LAS BYUNG BA'I SHES PAS BRTAGS SO, ,DE NAS YANG RNAL 'BYOR SPYOD PA NANG GI CHOS LA CHOS KYI RJES SU LTA ZHING GNAS SO, ,DE LTAR DGE SLONG DE BYIS PA SO SO'I SKYE BO KUN GANG LA DGA' BA DE LA RAG LAS PAR 'GYUR TE, SRED PA'I RGYU BSKYED PA DE DAG 'DI LTAR BDAG CAG MTHO RIS SU SKYE BAR 'GYUR ZHING DER BDAG CAG BDE BAR GYUR CIG SNYAM NAS TSANGS PAR SPYAD PA SPYOD DO, ,DE LTAR SPYOD PA DE LA'ANG DGE SLONG DE LHA'I BDE BA RNAM PA GZHAN DAG LA'ANG DMIGS SHING THOS PA LAS BYUNG BA'I SHES PAS MTHONG NAS DGA' BAR MI BYED, CHAGS PAR MI BYED, RO MYONG BAR MI BYED, BDUD DANG LHAN CIG 'GYED PAR NUS SHING 'KHOR BA'I RGYA MTSO LAS RGAL BA'I BSAM PA CAN YIN TE, DE LTAR DGE SLONG DES SA GZHAN BCU BDUN PA LA ZHUGS SO, ,SA BLA'I GNOD SBYIN DAG GIS DE THOS NAS DGA' STE, BAR SNANG LA SPYOD PA'I GNOD SBYIN RNAMS LA MNGON PAR BSNYAD DO, , DE GANG GIS KYANG RGYAL CHEN BZHI PA RNAMS LA BSNYAD LA, SNGA MA BZHIN TSAD MED 'OD KYI LHA RNAMS KYI BAR LA GCIG NAS GCIG TU BSNYAD DO, ,'DI LTAR LHA DAG ,DZAMBU'I GLING NA RIGS KYI BU GRONG CHE GE MO ZHIG DANG, GRONG RDAL MANG GE MO ZHIG DANG, RIGS GA GE MO ZHIG DANG, YUL CHE GE MO ZHIG NAS MI MANG GE MO ZHES BYA BA SKRA DANG, KHA SPU BREGS NAS GOS DUR SMRIG BGOS TE,
, ,DAD PAS KHYIM NAS KHYIM MED PAR RAB TU BYUNG NGO, ,DGE SLONG DE BDUD DANG LHAN CIG 'GYED PAR 'BAD CING BRTZON LA SRID PAS NYAM NGA BA LAS RGAL BA'I BSAM PA YOD DO, ,DE LTAR TSAD MED 'OD KYI LHA RNAMS KYAS THOS NAS YID MCHOG TU DGA' ZHING DE DAG LA, LHA; BDAG NI DGA' STE, GANG MI'I 'JIG RTEN DU MI CHOS DANG LDAN ZHING CHOS KYI RJES SU 'JUG PA DAG NGES PAR 'BYUNG LA, YE SHES RTZOM PA GOMS PAR BYED, YONGS SU SPYOD PAR BYED, BDUD DANG LHAN CIG 'GYED PAR BYED DE, BDUD KYI PHYOGS NI DMA'O, ,DAM PA'I CHOS KYI PHYOGS NI MTHO'O, ,SANGS RGYAS RNAMS KYIS BSHAD PA'I DAM PA'I CHOS NI 'PHEL LO ZHES LHA DE DAG BSNYAD DO, ,DE NAS YANG DGE SLONG DE TSUL KHRIMS LA RAB TU RNAM PAR SPYOD PAR BYED DE, TSUL KHRIMS MED PA'AM, SHES PA MED PA NI MTHO RIS KYI 'JIG RTEN DU LHAR SKYE BA MED DO SNYAM NAS, DES THOS PA LAS BYUNG BA'I SHES PAS BRTAGS NA, TSUL KHRIMS TZAM GYIS NI MTHO RIS SU SKYE BAR 'GYUR RO, ,SBYIN PAS NI DER SKYE BAR MI 'GYUR ZHING LONGS SPYOD SHIN TU CHE BAR 'GYUR LA, SHES PAS NI DE NAS SHI NAS NGAN SONG DU 'GRO BAR MI 'GYUR RO, ,DE LA TSUL KHRIMS GANG DANG, RNAM PA DUS LHA'I 'JIG RTEN GANG DU SKYE BAR 'GYUR SNYAM NAS, DES BRTAGS NA TSUL KHRIMS RNAM PA BDUN GYIS LHA'I RIS DRUG RNAMS KYI NANG DU THA MA DANG,
'BRING DANG, MCHOG TU SKYE BAR 'GYUR TE, SROG GCOD PA SPANGS PA'I TSUL KHRIMS KYIS RGYAL CHEN BZHI PA RNAMS KYI NANG DU SKYE BAR 'GYUR RO, ,SROG GCOD PA DANG, MA BYIN PAR LEN PA SPANGS PAS SUM CU RTZA GSUM PA RNAMS KYI NANG DU SKYE BAR 'GYUR RO, ,SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA SPANGS PAS 'THAB BRAL BA RNAMS KYI NANG DU SKYE BAR 'GYUR RO, ,SDOM PA BLANGS TE SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA SPANGS SHING RDZUN DANG, PHRA MA DANG, TSIG RTZUB PO DANG, NGAG KYAL PA SPANGS PAS DGA' LDAN PA RNAMS KYI NANG DU SKYE BAR 'GYUR RO, ,'JIG RTEN PA'I SDOM PA BLANGS TE, SANGS RGYAS 'BA' ZHIG LA DAD LA, SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, RDZUN DANG, PHRA MA DANG, TSIG RTZUB PO SPANGS PAS 'PHRUL DGA' BA RNAMS KYI NANG DU SKYE BAR 'GYUR RO, ,DE BZHIN DU SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, RDZUN DANG, PHRA MA DANG, TSIG RTZUB PO DANG, NGAG KYAL PA SPANGS PAS GZHAN 'PHRUL DBANG BYED KYI LHA RNAMS YI NANG DU SKYE BAR 'GYUR RO, ,DE LTAR DGE SLONG DE LAS DANG, TSUL KHRIMS SU 'BREL BA RNAMS LHA'I 'JIG RTEN DU SKYE BAR RJES SU SEMS TE, SDOM PA BLANGS PA'I GANG ZAG
, ,GANG DU JI LTAR SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NAS, SROG GCOD PA SPANGS PA'I SDOM PA BLANGS PA NI DE RGYAL CHEN BZHI PA RNAMS KYI NANG DU SKYE BAR 'GYUR TE, SROG GCOD PA SPANGS PA SDOM PAS, BONG TSOD DANG, BRTZON 'GRUS DANG, KHA DOG DANG, DBANG PHYUG DANG, TSE DAG CHES RING BAR 'GYUR RO, ,SROG GCOD PA DANG, MA BYIN PAR LEN PA DAG SPANGS PA'I SDOM PA BLANGS PA NI SUM CU RTZA GSUM PA RNAMS KYI NANG DU SKYE BAR 'GYUR TE, SPANGS PA DE DAG PAS BONG TSOD DANG, BRTZON 'GRUS DANG, SPRO BA DANG, GZUGS DANG, STOBS DANG, DBANG PHYUG DANG, TSE DAG MCHOG TU RING BAR 'GYUR RO, ,SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA SPANGS PA KUN TU BSTEN CING BSGOMS TE MANG DU BYAS PAS 'THAB BRAL BA RNAMS KYI NANG DU SKYE BAR 'GYUR TE, SPANGS PA DE DAG PAS BONG TSOD DANG, KHA DOG DANG, DBANG PHYUG DANG, TSE DANG, GZUGS LA SOGS PA CHES BZANG BAR 'GYUR RO, ,DGA' LDAN PA RNAMS KYI NANG DU SEMS DANG, SHES PA GNYIS KYI KHYAD PAR GYIS BONG TSOD DANG, KHA DOG DANG, DBANG PHYUG DANG, DAD PA DANG, BDE BA KHYAD PAR CAN DU 'GYUR RO, ,SROG GCOD PA DANG, MA BYIN
PAR LEN PA DANG, 'DOD PAS LOG PAR G-YEM PA DANG, RDZUN DANG, PHRA MA SPANGS PA'I SDOM PA LA GNAS PA NI 'PHRUL DGA' BA RNAMS KYI NANG DU SKYE BAR 'GYUR TE, SPANGS PA DE DAG PAS DE BONG TSOD DANG, DBANG PHYUG DANG, BDE BA DANG, TSE RING BA DAG CHES MCHOG TU 'GYUR RO, ,SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, RDZUN DANG, PHRA MA DANG, TSIG KYAL PA SPANGS PA'I SDOM PA LA GNAS PA NI GZHAN 'PHRUL DBANG BYED RNAMS KYI NANG DU SKYE BAR 'GYUR TE, SPANGS PA DE DAG PAS DE BONG TSOD DANG, DBANG PHYUG DANG, BDE BA DANG, MTHU DANG, GZUGS DANG, TSE DAG CHES LHAG PAR 'GYUR ZHING BDUD SDIG CAN GYI TSIG NYAN PAR MI 'GYUR LA, DE DES THUB PAR MI 'GYUR BA MTHONG NGO, , DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, TSUL KHRIMS MTHO RIS SU SKYE BO'I SA BON DU JI LTAR 'GYUR SNYAM NAS SHIN TU ZHIB MOR DPYOD DE, DES BRTAGS NA SEMS DANG, SEMS LAS BYUNG BA CHEN POS TSUL KHRIMS CHUNG NGU DANG, 'BRING DANG, CHEN POR 'GYUR, 'DOD PA NA SPYOD PA'I LHA DRUG RNAMS KYI NANG DU SEMS KYI KHYAD PAR GYIS SEMS LAS BYUNG BA KHYAD PAR DU 'GYUR LA, SEMS LAS BYUNG BA'I TSUL KHRIMS KYI KHYAD PAR GYIS SKYE BA KHYAD PAR DU 'GYUR BA MTHONG NGO, ,DE NAS YANG DGE SLONG DE TSUL KHRIMS LA DPYOD PAR
, ,BYED DE, TSUL KHRIMS RNAM PA DU YOD SNYAM NAS DES BRTAGS NA, TSUL KHRIMS RNAM PA GNYIS TE, 'JIG RTEN PA LHAN CIG SKYES PA DANG, 'DU BA BYAS PA'O, ,DE LA LHAN CIG SKYES PA NI BCOS MA MA BYAS PA'O, ,'DU BA NI BCOS MA BYAS PA'O, ,YANG TSUL KHRIMS RNAM PA GNYIS TE, KHYIM NA GNAS PA'I SPYOD PA DANG, KHYIM NA MI GNAS PA'I SPYOD PA'O; ;DE LA KHYIM NA GNAS PA'I SPYOD PA NI BSLAB PA'I GZHI LNGA'O, ,KHYIM NA MI GNAS PA'I SPYOD PA NI BSLAB PA'I GZHI SO SO THAR PAS RAB TU BYUNG BA RNAMS KYI'O, ,YANG TSUL KHRIMS RNAM PA GNYIS TE, SNA GCIG SPYOD PA DANG, DU MA SPYOD PA'O, ,DE LA SNA GCIG SPYOD PA NI BSLAB PA'I GZHI GCIG 'DZIN PA'O, ,DU MA SPYOD PA NI GNYIS SAM, GSUM 'DZIN PA'O, , YANG RNAM PA GNYIS TE, SKYE MCHED DANG, SKYE MCHED MA YIN NO, ,DE LA SKYE MCHED NI TSE RABS THAMS CAD DU BSLAB PA'I GZHI 'DZIN PA'O, ,SKYE MCHED MA YIN PA NI 'DI LTAR SEMS KYI KHYAD PAR GYIS SAM, SPRO BA'I KHYAD PAR GYIS BSLAB PA'I GZHI 'DZIN PA'O, ,YANG RNAM PA GNYIS TE, RNYOG PA DANG BCAS PA DANG, RNYOG PA MED PA'O, ,DE LA RNYOG PA DANG BCAS PA NI MTHO RIS SU SKYE BAR 'DOD PA'I SEMS SO, ,RNYOG PA MED PA NI MYA NGAN LAS 'DA' BAR 'GRO BAR 'DOD PA'O, ,YANG RNAM PA GNYIS TE, 'JIG RTEN PA DANG, 'JIG RTEN LAS 'DAS PA'O, ,
DE LA 'JIG RTEN PA NI ZAG PA DANG BCAS PA'O, ,'JIG RTEN LAS 'DAS PA NI ZAG PA MED PA'O, ,YANG RNAM PA GNYIS TE, BDAG 'DZIN PA DANG, GZHAN 'DZIN PA'O, ,DE LA BDAG 'DZIN PA NI BDAG NYID KYIS TSUL KHRIMS 'DZIN PA'O, ,GZHAN 'DZIN PA NI GZHAN YANG RIGS PA'I TSUL KHRIMS LA 'JOG PAR BYED PA'O, ,YANG RNAM PA GNYIS TE, 'JUG PA DANG, LDOG PA'O, , DE LA 'JUG PA NI 'KHOR BAR 'JUG PAR BYED PA'O, ,LDOG PA NI YE SHES KYI RGYU STE, MI SLOB PA'I YE SHES LA DMIGS PA'O, ,YANG RNAM PA GNYIS TE, YE SHES DANG LDAN PA DANG, SBYIN PA DANG LDAN PA'O, ,DE LA SBYIN PA DANG LDAN PA NI LONGS SPYOD CHEN PO THOB PA'O, ,YE SHES DANG LDAN PA NI MYA NGAN LAS 'DAS PA THOB PA'O, ,YANG RNAM PA GNYIS TE, PHYI ROL TU SPYOD PA 'JUG PA DANG; NANG DU SPYOD PA 'JUG PA'O, ,DE LA PHYI ROL TU SPYOD PA 'JUG PA NI LUS LA MI RTEN PA'O, ,NANG DU SPYOD PA 'JUG PA NI SEMS RAB TU DAD PAS BYAS PA'I SEMS DANG, NGAG GO ,YANG RNAM PA GNYIS TE, GOMS PA DANG, MA GOMS PA'O, ,DE LA GOMS PA NI TSE RABS DU MA DAG TU GOMS PA'O, ,MA GOMS PA NI TSE GCIG TU GOMS PA STE, DE LTAR DGE SLONG DE RNAM PA DU MAS TSUL KHRIMS RNAM PA GNYIS GNYIS LA DPYOD PAR BYED DO, ,DE NAS YANG DGE SLONG DE SHIN TU ZHIB POR TSUL KHRIMS RAB TU RNAM PAR 'BYED PAR BYED DE, TSUL KHRIMS SNA TSOGS DU YOD, RNAM
, ,PA DU YOD SNYAM NAS DES BRTAGS NA, TSUL KHRIMS RNAM PA GSUM STE, PHYOGS GCIG PA DANG, PHYOGS GCIG PA MA YIN PA DANG, MTHO RIS SU 'GRO BA'O; ;DE LA PHYOGS GCIG PA NI BSLAB PA'I GZHI GCIG 'DZIN PA'O, ,PHYOGS GCIG PA MA YIN PA NI BSLAB PA'I GZHI GNYIS SAM, GSUM 'DZIN PA'O, ,MTHO RIS SU 'GRO BA NI BSLAB PA'I GZHI TSOGS PAR 'DZIN PA'O, ,YANG RNA PA GSUM STE, NOR LA SRED PAR BYAS PA DANG, NOR LA SRED PAR MA BYAS PA DANG, LHAN CIG SKYES PA'O, ,DE LA NOR LA SRED PAR BYAS PA NI STOBS 'GYED PAS 'TSO BA'O, ,NOR LA SRED PAR MA BYAS PA NI NAD BU CAN RNAMS KYI'O, ,LHAN CIG SKYES PA NI MYA NGAN CHEN POS THEBS PA YIN TE 'DI NI CHUNG NGO, ,YANG RNAM PA GSUM STE, BSAM GTAN DANG LHAN CIG SPYOD PA DANG, BSAM GTAN MA YIN PA DANG LHAN CIG SPYOD PA DANG, LANGS NAS LHAN CIG SPYOD PA'O, ,DE LA BSAM GTAN DANG LHAN CIG SPYOD PA NI 'JIG RTEN PA RNAMS KYI RKYEN MED PA'I BAR GYIS 'DOD CHAGS LA SOGS PA SKYED PAR MI BYED PA'O, ,BSAM GTAN MA YIN PA DANG LHAN CIG SPYOD PA NI PHYI ROL PA RNAMS KYI BSAM GTAN MED KYANG DE LTAR TSUL KHRIMS SU 'GYUR BA YIN NO, ,LANGS NAS LHAN CIG SPYOD PA NI SKYON GANG DMIGS NAS DE DAG DES YONGS SU SPONG BAR BYED PA YIN TE, JI LTAR CHANG
GIS MYOS NAS MI GTZANG BA KUN TU SPYOD DO, ,DES CHANG DE SO SOR GCOD PAR BYED PA BZHIN NO, ,YANG RNAM PA GSUM STE, NGAN G-YO BYED PAS SRUNG BA DANG, NGAN G-YO BYED PA MA YIN PAS SRUNG PA DANG, LHAN CIG SKYES PA'O, ,DE LA NGAN G-YO BYED PAS SRUNG BA NI NYON MONGS SHING 'BRAS BU CHUNG BA'O, ,NGAN G-YO BYED PA MA YIN PAS SRUNG BA NI 'BRAS BU CHE BA'O, ,LHAN CIG SKYES PA NI SEMS LAS BYUNG BA'I BYE BRAG GIS 'BRAS BU CHE BA'AM, 'BRAS BU CHUNG BAR 'GYUR BA'O, ,YANG RNAM PA GSUM STE, RKYEN GYIS 'DZIN PA DANG, RKYEN MED PAS 'DZIN PA DANG, BYA BA MA YIN PA'O, ,DE LA RKYEN GYIS 'DZIN PA NI BSLAB PA'I GZHI TSUL KHRIMS YANG DAG PAR BLANGS PA DE RKYEN RNYED NAS SRUNG BA YIN TE, BSLAB PA'I GZHI BSDUS NAS 'DZIN PA'O, ,RKYEN MED PAS 'DZIN PA NI GANG RKYEN MED PA DES SRUNG BA'O, ,BYA BA MA YIN PA ZHES BYA BA NI RIGS CHEN POR SKYES PA RNAMS KYI BYA BA MA YIN PA SDIG PA MI BYED PA'O, ,DE LA RKYEN GYIS 'DZIN PA NI SEMS LAS BYUNG BA'I BYE BRAG GIS 'DZIN TE 'BRAS BU CHE BA YIN NO, ,RKYEN MED PAS 'DZIN PA NI DE RNAM PAR MA SHES TE 'BRAS BU CHUNG BA YIN NO, ,BYA BA MA YIN PAS BYAS PA NI 'JIG RTEN 'DIR LEGS PAR BYED PA YIN TE, 'BRAS BU CHE BA'AM, SLAR CHUNG BAR 'GYUR RO, ,YANG RNAM PA GSUM STE, BLA MAS 'JIGS PA DANG, BLA MA MA YIN PAS 'JIGS PA
, ,DANG; NGAN SONG DU 'GRO BAS 'JIGS PA'O, ,DE LA GANG BLA MAS 'JIGS NAS TSUL KHRIMS LEN PA DE NI CHUNG BA YIN NO, ,GANG BLA MA MA YIN PAS 'JIGS NAS LEN PA DE NI 'BRING YIN NO, ,GANG NGAN SONG DU 'GRO BAS 'JIGS NAS LEN PA DE NI CHEN PO YIN NO, ,YANG RNAM PA GSUM STE, BDAG NYID TSUL KHRIMS DANG LDAN PAR BYED PA DANG, GZHAN TSUL KHRIMS LA 'JOG PAR BYED PA DANG, GZHAN LA BTANG SNYOMS SU GNAS PA'O, ,YANG TSUL KHRIMS RNAM PA GSUM STE, GAGS DANG BCAS PA DANG, GAGS MED PA DANG, GAGS THAMS CAD PA'O, ,DE LA GAGS DANG BCAS PA NI GANG SNGON TSUL KHRIMS DANG LDAN LA, PHYIS TSUL KHRIMS 'CHAL PA YIN TE, GAGS DANG BCAS PA'I TSUL KHRIMS NI DE YIN NO, ,GAGS MED PA NI RTAG PAR TSE RABS SU THOG MA DANG, BAR DANG, THA MA'I MTHAR TSUL KHRIMS DANG LDAN PA NYID YIN NO, ,GAGS THAMS CAD PA ZHES BYA BA NI LTA BA LOG PAS SROG GCOD PA LA SOGS PA'I MCHOD SBYIN BYED PA'I TSUL KHRIMS YIN NO, ,DE NAS YANG DGE SLONG DE TSUL KHRIMS RNAM PA BZHI RNAM PAR 'BYED CING RTOG PAR BYED DE, NGAG GI RDZUN DANG, PHRA MA DANG, TSIG RTZUB PO DANG, TSIG KYAL PA STE, DE DAG DANG 'BRAL BAR BYED DO, ,YANG TSUL KHRIMS RNAM PA LNGA STE, YUL LNGA SPANGS PAS BSKYED PA'O, ,YANG TSUL KHRIMS RNAM
PA DRUG STE, BAR CHAD BYED PA DANG, BAR CHAD BYED PA MED PA DANG, RGYAL PO'I CHAD PAS 'JIGS NAS BLANGS PA DANG, 'BREL PAS BLANGS PA DANG, RTOG PA MED PA DANG, LHAN CIG SKYES PA'O, ,YANG TSUL KHRIMS RNAM PA BDUN STE, LUS DANG, NGAG GI'O, ,DE LTAR DGE SLONG DE TSUL KHRIMS RNAM PA DU MA LA RAB TU SPYOD PAR BYED DE, GANG GIS SEMS CAN RNAMS NGAN 'GRO'I 'JIGS PA LAS GROL BAR BYED PA DE NI MDOR NA RNAM PA GNYIS TE, 'JIG RTEN PA DANG, 'JIG RTEN LAS 'DAS PA YIN NO SNYAM MO,, ,,'PHAGS PA DAM PA'I CHOS DRAN PA NYE BAR GZHAG PA , BAM PO SUM CU PA, DE NAS RGYAL CHEN BZHI'I LHA RNAMS MTHONG NAS, SUM CU RTZA GSUM PA'I GNAS DANG, LAS RNAMS LA RTOG PAR BYED DE, LEGS PAR BYAS PA'I LAS DANG, LEGS PAR BYAS PA'I LAS KYI RJES SU SPYAD PA GANG GIS SUM CU RTZA GSUM PA'I LHA RNAMS KYI NANG DU SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, SUM CU RTZA GSUM PA'I LHA RNAMS JI LTAR 'DUG PA NI, 'DI LTA STE, CHOS BZANG NA GNAS PA DANG, MTHO BA NA GNAS PA DANG, RI RTZE NA GNAS PA DANG, LEGS MTHONG NA GNAS PA DANG, PHYOGS GCIG NA GNAS PA DANG, SHING GSEB NA GNAS PA DANG, SHING RTA SNA TSOGS NA GNAS PA DANG, DGA' BYED NA GNAS PA DANG, RNAM MDZES NA GNAS PA DANG, YONGS 'DU NA GNAS PA DANG,
, ,'DRES PA'I 'GRAM NA GNAS PA DANG, TSANG TSING GI 'GRAM NA GNAS PA DANG, NOR BU'I SNYING PO NA GNAS PA DANG, KUN TU GSAL BAR SPYOD PA DANG, GSER PHUG GI KHANG PA DANG, PHRENG BA'I GRIB MA DANG, DMA' BA DANG, MTHO BA NA RGYU BA DANG, BKRA BA SNA TSOGS KYIS PHYE BA, SBYOR BA LA 'JUG PA DANG, ZHIB TU SPYOD PA DANG, GLU'I SGRA LA SHIN TU DGA' ZHING MNGON PAR CHAGS PA DANG, GZI BRJID 'BAR BA DANG, ZLA BA'I GNAS LTAR RGYU BA DANG, SHING S'A LA ZUNG DANG, MIG PHYE ZHING 'GRO BA DANG, BTZUMS NAS 'GRO BA DANG, LUS KYI MDOG BZANG ZHING CHE BA DANG, NOR BU 'PHYANG BA DANG, RIS MTHUN PA DANG, 'KHOR NA GNAS PA DANG, MTHO BAR SPYOD PA DANG, GZI BRJID MCHOG DANG, GZI BRJID PHRENG DANG, MA 'DRES PA DAG STE, DE LTAR SUM CU RTZA GSUM PA'I LHA DE RNAMS NI GNAS SUM CU RTZA GSUM NA 'KHOD DO, ,DE LA DGE SLONG LAS KYI CHOS KYI 'BRAS BU RNAM PAR SMIN PA DANG, TSUL KHRIMS ZHIB TU KHONG DU CHUD PA DE, DE LTAR LHA RNAMS KYI LEGS PAR BYAS PA'I LAS DAG LA RTOG PAR BYED DE, LAS BYAS SHING BSAGS PA GANG GIS BDE 'GRO SKYED PA 'DOD PA DANG, SDUG PA'I RNAM PAR SMIN PA BDE BAS RNAM PAR SMIN PA BDE ZHING SKYE BO YONGS SU SMRA BA BSDUS PA, SGRA DANG, RIG PA DANG, RO DANG, RNAM PAR SMIN
PA 'DE BA SKYED PA RNAMS KYIS GANG DU SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, YA MTSAN CAN GYI MTHONG BA DANG THOS PA KUN NAS 'DOGS PA GZHAN MA YIN PA SANGS RGYAS KYI BSTAN PAS LHA RNAMS KYI SKYE BA DGA' ZHING BDE BAR GNAS PA DPE MED PA DAG MTHONG STE, LHA'I 'DUN SA CHOS BZANG GANG DU LHA'I RGYAL PO KOO SHI KAS CHOS DANG MTHUN PAR SKYONG NGO, ,PHYI ROL GYI 'DU SHES RNYED PAS LHA RNAMS KYI GNAS PA DANG POR BYAS NAS, DE LTAR SA KUN GYI RIS RNAM PAR 'BYED PAR BYED DE, DGE SLONG DE TSUL KHRIMS SHIN TU BSGOMS PA RNAM PA GANG GIS LHA'I MDUN SA CHOS BZANG DU SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA GANG TSUL KHRIMS RNAM PA BDUN BSRUNGS TE; DE MA NYAMS PA DANG, MA RAL BA DANG, MA ZHIG PA DANG, DAM ZHING GZHAN DANG MI 'DRA BAR RAB TU SPYOD LA, SEMS LAS BYUNG PAS YONGS SU BSGOMS PA'I SBYIN PA DUS LA BAB PA'ANG BYIN CING YON TAN DU GYUR PA'ANG, 'DI LTA STE, DGRA BCOM PA'AM, PHA MA NAD PA'AM, PHYIR MI 'ONG BA'AM, LAN GCIG PHYIR 'ONG BA'AM, RGYUN DU ZHUGS PA'AM, 'GOG PA LAS LONGS PA'AM, LAM LA ZHUGS PA'AM, BYAMS PA DANG, SNYING RJE DANG, DGA' BA DANG, BTANG SNYOMS BSGOM PA'AM, 'CHI BAS 'JIGS SHING NYEN PA LA SROG BYIN NA, LUS
, ,DANG BRAL NAS BDE 'GRO MTHO RIS KYI 'JIG RTEN LHA'I 'DUN SA CHOS BZANG DU LHA'I BDAG POR 'GYUR LA, BRGYA BYIN KOO SHI KA LHA'I MDUN SA CHOS BZANG NA GNAS TE, LHA MO SDUG PA YID DU 'ONG BA BYE BA PHRAG DGU BCU RTZA DGUS YONGS SU BSKOR BA'I NANG NA DGA' BAR BYED CING LHA MO DE DAG GIS KYANG DE LA RIM GRO BYED DE, JI LTAR SKYES PA GCIG LA BUD MED GCIG GIS RIM GRO BYED PA DE BZHIN DU DE DAG THAMS CAD DE LA RIM GRO BYED DO, ,DE DAG GI NANG NA SDUG CING YID DU 'ONG BA SEMS GCIG PA'I BTZUN MO DAM PA LA LHA MO DE DAG RIM GRO BYED DE, DE'ANG DE DAG LA GUS PAR BYAD DO, ,LHA'I MDUN SA CHOS BZANG DE'ANG DPAG TSAD LNGA BRGYA YOD DE, ,KHA KHYER NI NOR BU BEE d'URYA, KA BA NI BYU RUS SHIN TU MDZES PAR BYAS PA, LAN KAN NI SHEL LAS BYAS SHING SPUG GIS NI BRGYAN, RTZIG PA NI GSER BTZO MA LAS BYAS SHING RDO RJES BRGYAN TE, NOR BUS DGA' BAR BYED PA KHRI NI PADMA R'A GA DANG, AANDA RNYIL GYIS MDZES PAR SPRAS PA, LA LA KHA CIG TU PADMA 'DAB MA NI BEE d'URYA, ZE BA NI RDO RJE'I MYU GU, SDONG BU NI 'DAM RDZA BA MED PA'I THANG LAS SKYES PA GSER LTA BUR MDZES PAR BRGYAN TE RDZING BU'I BAR KHA CIG NI BYA 'KHOR BA'ANG SGRO NI BEE d'URYA, MCHU NI PADMA R'A GA ,LUS NI MTHON KA LTA BU RNAMS KYIS PADMA'I RDZING DE GANG NGO, KHA
CIG TU NOR BU'I BYA RNAM PA GZHAN GYIS RDZING DE KUN TU GANG STE, 'DI LTA STE, RKANG PA NI BEE d'URYA, SGRO NI MTHON KA, MCHU NI SPUG ,MIG NI BYU RU LTA BU RNAMS KYIS RDZING GI BAR DAG KUN TU GANG NGO, ,KHA CIG TU YANG RDZING DE RNAM PA GZHAN GYIS MDZAS PAR BYAS PA YIN TE, 'DI LTA STE, LUS THAMS CAD NI DZAMBU CHU BO'I GSER, SGRO NI BYU RU, MIG NI SHIN TU 'JAM PA, RKANG PA NI MU TIG GI KHA DOG LTA BU YIN NO, ,PADMA'I RDZING KHA CIG DAG TU YANG BUNG BA MYOS PA BEE d'URYA'I MDOG LTA BU RNAMS KYIS PADMA'I RDZING CHEN PO BCU MDZES PAR BYAS PAS ,LHA'I MDUN SA CHOS BZANG MDZES PAR BYAS PA YIN TE, 'DI LTA STE, DGA' 'BYUNG DANG, PADMA CHE 'BYUNG DANG, RAB TU DGA' BA DANG, RAB DGA' CHEN PO DANG, RTZE DGA' DANG, BSAMS 'GRO DANG, SHING RTA KUN 'GRO DANG, KUN RTOG RGYU DANG, DPAG BSAM GYI SHING LA SPYOD PA DANG, DBEN 'GRO DBANG PO'I 'OD DE MTSO DE RNAMS KYIS LHA'I 'DUN SA CHOS BZANG DE BRGYAN TO, ,YANG PADMA'I TSAL RNAM PA GZHAN DAG YOD DE, PADMA'I TSAL DE DAG GI SDONG BU NI DNGUL, ZE BA NI GSER, 'DAB MA NI BEE d'URYA, SNYING PO NI 'DAM RDZA BA MED PA NAS SKYES PA RDO RJE'I MDOG LTA BU YIN NO, , YANG PADMA RNAM PA GZHAN DAG NI 'DI LTA BU YIN TE, 'DI LTA STE, SDONG BU NI RDO RJE'I MDOG LTA BU, 'DAB MA PHAN TSUN 'DRES PA NI 'DI LTAR PADMA R'A GA DANG, 'DAB MA KHA CIG NI BEE d'URYA, 'DAB
, ,MA KHA CIG NI SBUG RGYAN GYI MDOG ,'DAB MA KHA CIG NI GSER LTA BU YIN TE, DE LTAR PADMA DE DAG GI KHA DOG 'DRES PA YIN NO, ,LHA'I RGYAL PO BRGYA BYIN GYI PADMA'I 'DAB MA BRGYA PA DANG, LA LA NI 'DAB MA NYI SA BRGYA PA, LA LA NI 'DAB MA SUM BRGYA PA, LA LA 'DAB MA BZHI BRGYA PA, LA LA 'DAB MA LNGA BRGYA PA, LA LA 'DAB MA DRUG BRGYA PA, LA LA 'DAB MA BDUN BRGYA PA, LA LA 'DAB MA BRGYAD BRGYA PA, LA LA 'DAB MA DGU BRGYA PA, LA LA 'DAB MA STONG YOD DE, KHA DOG SNA TSOGS DANG, KHA DOG GCIG BA DANG, RGYU BA DANG, MI RGYU BA DAG BRGYA BYIN GYI GNAS LHA'I MDUN SA CHOS BZANG DU 'BYUNG NGO, ,YANG PADMA'I NANG DE DAG NYID DU LHA'I BYA 'JUG PA DANG, GSAB GSEB GYI NANG NA GNAS PA RNAMS KYIS KUN TU GANG BA NI, 'DI LTA STE, GANG DUS TSIG THAMS CAD DU RGYAGS PA, 'GRAM PA RDUL CING ROL MO'I SGRAS RTAG TU GAR BYED PA DAG YIN TE, DE DAG GANG GI TSE BRGYA BYIN RDZING DE DAG TU LHA MO'I TSOGS KYIS LHAN CIG YONGS SU BSKOR NAS RTZE BA DE'I TSE BYA DE DAG DE BZHIN DGA' BAR BYED DE, JI LTAR YAN LAG LNGA DANG LDAN PA'I SIL SNYAN GYI SGRA DE BZHIN DU BYA DE DAG KYANG SGRA 'BYIN LA, RGYAGS PAS MYOS PA ZHES BYA BA'I BYA RAB TU GAR BYED PA DAG BYUNG NGO, ,GANG GI TSE BRGYA BYIN GANG RDZING DE DAG TU DGA' BAR BYED PA DE'I TSE
DE DAG KYANG DE BZHIN DU GAR BYED DE, JI LTAR LHA MO DANG, BYED PA DE BZHIN NO, ,BYA KHOR YUG CES BYA BA GSER GYI MDOG CAN ME TOG GI PHRENG BA MCHU LA 'PHYANG BA DAG 'BYUNG STE, GANG RDZING DE DAG GI 'GRAM GYI NANG PHAN TSUN KUN NAS RDZING DE DAG TU GNAS NAS GAR BYED CING SGRA 'BYIN PAR BYED DE, LHA'I RGYAL PO BRGYA BYIN GYI RDZING NI DE LTA BU YIN PAR MTHONG NGO, ,DE NAS YANG DGE SLONG DE BRGYA BYIN GYI LHA'I MDUN SA CHOS BZANG LEGS PAR BYAS PA'I LAS KYIS SPRUL PA LA RTOG PAR BYED DE, DES BRTAGS NA RDZING GI BAR NA GNAS PA'I NYA RNAMS KHA CIG NI GSER GYI MDOG, CAN; KHA CIG NI DNGUL GYI MDOG CAN, KHA CIG GI BEE d'URYA'I MDOG CAN LA, 'DAB MA NI PADMA R'A GA'I MDOG ,MIG NI SPUG LTA BU, LTO NI PADMA'I MDOG ,KHA CIG GI RGYA BA NI RIN PO CHE SNA TSOGS KYI THIG LE BKRA BA DAG GIS BRGYAN, KHA CIG GI 'DAB MA NI RIN PO CHE RNAM PA SNA BDUN GYI MDOG TU 'DUG STE, PADMA'I RDZING DE RNAMS SU DGA' BAR BYED DO, ,DE NAS DGE SLONG DE BRGYA BYIN GYI PADMA'I RDZING RNAM PA GZHAN DE DAG NYID LA RTOG PAR BYED DE, GANG GIS DE DAG GIS RIS NYID RNAM PA DU YOD CIG GU SNYAM NAS DES THOS PA LAS BYUNG BA'I SHES PAS BRTAGS NA; SA DE DAG GI RIS KHA CIG DAG BYE MA BDAL BA LTA BUR MU TIG BKRAM PA, KHA CIG DNGUL GYI PHYE MA, KHA CIG GSER GYI PHYE MA, KHA CIG NOR BU BEE d'URYA BKRAM STE, DE LTAR BRGYA BYIN
, ,GYI LAGS PAR BYAS PA'I LAS KYI SPRUL PAS DE DAG GIS RIS BKRA BA DAG MTHONG NGO, ,DE NAS YANG DGE SLONG DE GNAS DE DAG GI RIS NYID LA RTOG PAR BYED DE, DES THOS PA LAS BYUNG BA'I SHES PAS BRTAGS NA, 'DI LTAR RDZING DE DAG NYID KYI 'GRAM DE KUN NAS KHA CIG GI KHA KHYER GSER LAS BYAS PA DAG GIS YONGS SU BSKOR, KHA CIG GI KHA KHYER NOR BU BEE d'URYA, KHA CIG NI DNGUL LAS BYAS, KHA CIG GSER DAG LAS BYAS LA, MU TIG GI DRA BAS KUN NAS BRES PA YIN TE, DE LTAR BYA'I TSOGS KHA DOG SNA TSOGS DGA' BA'I SGRA DANG, 'GRO BA RNAMS KYIS PADMA'I RDZING GI 'GRAM DE DAG KUN TU GANG BAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE LHA'I MDUN SA CHOS BZANG LA RTOG PAR BYED DE, PADMA'I RDZING GI PADMA DE DAG GI NANG NA RGYU BA BUNG BA'I TSOGS KYI MDOG DANG, KHA DOG SNA TSOGS, 'DI LTA STE, GSER GYI MDOG CAN RNAMS KYI NANG DU BUNG BA DNGUL GYI MDOG CAN, 'DAB MA RDO RJE'I MYU GU LTA BUR REG NA BDE BA DAG LA RGYU LA, DNGUL GYI PADMA RNAMS KYI NANG DU BUNG BA GSER GYI MDOG CAN DAG RGYU STE, DE LTAR SNA TSOGS DAG PADMA SNA TSOGS RNAMS KYI NANG NA RGYU'O, ,DE LTAR LAS DGE BAS 'BRAS BU SNA TSOGS DAG 'BYUNG BAR 'GYUR BA MTHONG NGO, ,DE NAS YANG DGE SLONG DE LHA'I MDUN SA
CHOS BZANG DE NYID LA THOS PA LAS BYUNG BA'I SHES PAS RTOG CING DE'I TSAL DAG LA'ANG RAB TU DPYOD PAR BYED DE, LHA'I DBANG PO BRGYA BYIN GYI TSAL DAG RNAM PA DU YOD SNYAM NAS DES THOS PA LAS BYUNG BA'I SHES PAS BRTAGS NA, 'DI LTAR LHA'I MDUN SA CHOS BZANG DAG NA TSAL YOD LA, DE LTAR TSAL DE RE RE LA RAB TU DPYOD PAR BYED DE, DE'I TSAL BUD MED DGA' BA ZHES BYA BA DANG, KUN DGA' ZHES BYA BA DANG, DPE MED PA ZHES BYA BA DANG, BKRA BA ZHES BYA BA TSAL BZHI PO DE DAG NI LHA'I MDUN SA CHOS BZANG DAG NA YOD DO, ,DE LTAR DE TSAL RE RE DAG LA RAB TU SPYOD PAR BYED DE, TSAL GANG DU LHA RNAMS KYI DBANG PO BRGYA BYIN LHA MO'I TSOGS KYIS YONGS SU BSKOR CING, LHA'I 'DOD PA'I YON TAN LNGA LA GZUGS DANG, SGRA DANG, DRI DANG, RO DANG, REG PA RNAMS KYIS DGA' ZHING MGU LA RTZE ZHING YONGS SU SPYOD PA'I TSAL NI GANG YIN, DGA' BAR SPYOD PA'I RNAM PA NI DU ZHIG YOD CIG GU SNYAM NAS, DES THOS PA LAS BYUNG BA'I SHES PAS BRTAGS NA, BUD MED DGA' BA ZHES BYA BA'I TSAL YOD DE, TSAL DE NI LHA'I SHING LJON PA DANG, ME TOG DANG, 'BRAS BUS NI BRGYAN , BYA'I TSOGS KYIS YONGS SU BSKOR, SHING DE DPAG BSAM GYI SHING ZHES BYA BA LA, DE LTAR DE DAG NI JI LTAR 'DOD PA ZHES BYA BAR 'GYUR TE, GANG SUM CU RTZA GSUM DAG YID LA
, ,SEMS PAR BYED PA DE TSAL DE DAG LAS RNYED PAR 'GYUR RO, ,DE DAG GANG GI TSE RTZE BA'I PHYIR TSAL DER NYE BAR 'GRO BAR BYED NA DE'I TSE SHING LJON PA DE DAG GI ME TOG SHIN TU BZANG PO RAB TU RGYAS SHING ME TOG KHA PHYE BAR 'GYUR RO, ,GANG GI TSE BUD MED DAG TSAL DE DAG GI NANG DU ZHUGS LA SHING LJON PA'I DRUNG DU NYE BAR SONG STE, SHING LJON PA DAG LAS ME TOG RNAMS LEN PAR 'DOD PA DE'I TSE JI LTAR BUD MED KYIS SLEBS TZAM DU SHING LJON PA DE DAG 'PHYANG BAR 'GYUR RO, ,YANG DE LTAR ME TOG GI RNAM PA DE DAG BLANGS PA DANG, ME TOG GI RNAM PA GZHAN DANG, KHA DOG GZHAN DANG, DRI GZHAN DANG, DBYIBS GZHAN DANG, RNAM PA GZHAN DAG 'BYUNG BAR 'GYUR TE, LHA MO DE DAG GIS JI LTAR BSAMS PA BZHIN DPAG BSAM GYI SHING DE DAG GI DON DU 'BYUNG BAR 'GYUR RO, ,YANG DPAG BSAM GYI SHING DE DAG RNAM PA GZHAN DU STON TE, ROL MO'I SGRA'I RNAM PA THOS NA NYAMS DGA' BA RNAM PA LNGA'I BAR DAG 'BYUNG BA NI, RGYUD CAN DANG, RNGA DANG, SIL DKROL DANG, GLING BU DANG, SGRA SNYAN PA DAG LHA MO DE DAG GI YID KYIS BSAMS SHING, DE BZHIN DU DBYANGS KYI RNAM PA MNYAN PAR BYA'O SNYAM MO, ,DE NAS SEMS BSKYED MA THAG TU SHING LJON PA'I LO MA RNAMS KYI NANG DU DGE BA'I LAS KYIS SKYED PA'I
RLUNG DE DAG RAB TU LDANG NGO, ,RLUNG GANG GIS LO MA DE DAG LA DE BZHIN PHOG PA DANG, DE LTAR RNAM PA JI SNYED YOD PA'I LO MA DE DAG RNAM PA DE SNYED DU DE LTAR SGRA 'BYIN PAR BYED DE, JI LTAR YAN LAG LNGA DANG LDAN PA'I SIL SNYAN CHAGS PAR 'OS PA'I RGYUD CAN DANG, RNGA DANG, SIL DKROL DANG, GLING BU DANG, SGRA SNYAN PA'I RNAM PA DE DAG LO MA DE DAG LAS 'BYUNG STE, DE BAS NA DPAG BSAM GYI SHING ZHES BYA'O, ,YANG DPAG BSAM KYI SHING RNAM PA GZHAN DU 'GYUR TE, JI LTAR LHA MO 'DOD 'GRO DAG SEMS DANG MTHUN PA'I RGYUN DANG, GOS DANG, 'BRAS BU'I RNAM PA JI LTA BA BZHIN LHA MO'I YID LA 'DOD NA, DE SEMS BSKYED MA THAG TU DPAG BSAM GYIS SHING DE DAG LAS 'BYUNG ZHING, DE NAS YANG DE MDZES PAR 'DUG STE, DE BAS NA DPAG BSAM GYI SHING ZHES BYA'O, ,DE DAG KYANG KHA CIG BEE d'URYA'I MDOG LA GSER GYI LO MA DANG, KHA CIG SDONG PO GSER LA DNGUL GYI YAL GA DANG, BEE d'URYA'I 'DAB MA DANG, KE RA tA KA'I LO MA DANG, KHA CIG LO MA RIN PO CHE SNA BDUN LTA BU LAS RNAM PA DU MA RO BRO BA DANG, 'BRAS BU DU MA DAG THOB PAR BYED DO, ,YANG DPAG BSAM GYI SHING RNAM PA GZHAN DU BSTAN PA DE GANG ZHE NA, 'DI LTA STE, LHA MO GANG DAG BRGYA BYIN LA LTA BAR SPRO NA, BRGYA BYIN DE'I DGE BA'I LAS KYIS SPRUL PA SGYU MAS BYAS PA'I DBANG PO DE MTHONG BAR 'GYUR TE, DE
, ,DAG DANG LHA MO DAG LHAN CIG DGA' BAR BYED CING YONGS SU SPYOD PAR BYED DO, ,DE LTAR DBANG PO DE DBANG PO BYE BA DE SNYED SPRUL PAR BYED DE, SHING LJON PA DE DAG GI DRUNG DU LHA MO BYE BA DGU BCU RTZA DGU RE RE DANG, DBANG PO DE DAG DANG, LHAN CIG RTZE ZHING YONGS SU SPYOD PA NA, LHA MI DE DAG GCIG LA GCIG NI MI MTHONG NGO, ,GANG DANG, GANG GI TSE LHA MO DAG JI TZAM DU BRGYA BYIN GYI CHA BYAD DANG, RGYAN GYI RNAM PA DAG YID LA SEMS PA DE SRID DU CHA BYAD DANG, RGYAN GYI RNAM PA NYID MTHONG NAS GNYIS SPROD PAR BYED LA, ,DE SRID DU TSAL GYI NANG DU RNAM PA DU MAR DGA' BAR BYED CING YONGS SU SPROD PAR BYED DE, DE BAS NA DPAG BSAM GYI SHING ZHES BYA'O, ,DE DAG GAL TE RAB 'BYED PA NA, TSAL DE'I NANG NA RI YOD PA RI RTZE BA ZHES BYA BA MTHONG STE, RI DE 'ANG RIN PO CHE SNA BDUN GYI RANG BZHIN YIN ZHING, RDO RJE MYU GU'I RDO RJE BKRAM PA GSER GYI LCUG MA TSANG TSING 'DRES PAS KHYIM BYAS PA, GSER DANG, DNGUL, MTHON KA LTA BU'I RI DVAGS RNAMS KYIS MDZES PAR BYAS PA, BYA SNA TSOGS SKAD 'BYIN PA, DGA' BA'I RI DE LA KHANG BZANG RGYAL BA MCHOG 'GRO ZHES BYA BA KA BA STONG YOD DE; GSER DANG, BEE d'URYA DANG, MTHON KA'I KA BA 'DRES PA RNAMS KYIS MDZES PAR BYAS PA, KUN NAS RDO RJE DANG, MU TIG RAGS PA RNAMS KYIS SPRAS PA, 'JA' LTA BU'I RNAM
PA KHRI SNYED KYIS SDUG PAR BYAS PA, BEE d'URYA'I SENG GE'I KHRI LA STAN KHRA BOS G-YOGS SHING, STENG DU GDING BA 'JAM PO BTING PA, KHANG BZANG DE NA BEE d'URYA'I STAN STONG GI MDZES PAR BYAS PA, BRGYA BYIN LHA DANG, LHA MA YIN DU G-YUL BKYE BA LAS RNAM PAR RGYAL NAS MDZES PAR BYAS PA DE SUM CU RTZA GSUM GYI SAR SONG NAS, LHA THAMS CAD KYI RANG BZHIN LHA RNAMS DANG LHAN CIG RAB TU DGA' 'O, ,DE NAS LHA MO DE DAG KHANG BZANG DER SONG NAS RTZE BAR BYED, GLU LEN PAR BYED, BRO RDUNG BAR BYED, YONG SU SPYOD PAR BYED, PHAN TSUN RTZAD MO DAG BYED PA NA, RANG GI LAS NGAN PA DANG, BZANG PO DANG, 'BRING PO RNAMS KYIS DGA' BAR BYED DO, ,DE DAG RES 'GA' KHANG BZANG RGYAL BA MCHOG 'GRO DE NAS BABS NAS, DE NAS YANG RI RTZE BA DE NYID LA GNAS PAR BYED CING DER 'DOD CHAGS DANG LDAN PA'I SEMS KYIS 'DOD CHAGS GCIG PU DON DU BYED PA DAG PHAN TSUN DGA' BAR BYED DO, ,'DI LTAR BU MED THAMS CAD NI 'DOD CHAGS KYI TSOGS DANG LDAN PA YIN LA, MTHO RIS NA KHYAD PAR DU LHA'I YUL DAG NA CHE BA YIN NO, ,DE DAG GAL TE YONGS SU RGYU BA NA RI DE LA BZA' BA DANG, BTUNG BA YONG BA'I SAR NYE BAR 'GRO BAR BYED DE, DE YANG GZUGS DANG, KHA DOG DANG, DRI DANG, RO SNA TSOGS YOD LA BTUNG BA MYOS PAR BYED PA, LHA'I GZUGS DANG, DRI DANG, RO PHUN SUM TSOGS PA RNAMS
, ,KYIS GANG BA YIN NO, ,DE LA BTUNG BA'I RNAM PA DE DAG RO BA'I SKYON DANG BRAL BA YIN TE, 'DI LTA STE, DGA' BAR BYED PA'I BTUNG BA GANG 'THUNGS NA LHA MO DAG SHIN TU DGA' BAR 'GYUR BA DANG, MTHONG BAR BYED PA ZHES BYA BA'I BTUNG BA GANG 'THUNGS NA, MTHO RIS TSAL DANG, NYE BA'I TSAL THAMS CAD RI GZHAN DU MAS CHOD KYANG MTHONG BAR 'GYUR BA DANG, RO RAB TU MANG PO ZHES BYA BA'I BTUNG BA RO MANG PO 'DOD PA GANG 'THUNGS NA SPRO BA DANG, KHA DOG DANG, GZUGS DANG, STOBS BRGYA 'GYUR DU 'GYUR BA'I BTUNG BA DE DAG LHA MOS 'THUNGS NAS, YANG ZAS KYI DON DU ZAS YOD PA DAG TU 'GRO BAR BYED DO, ,DE'I ZAS DAG RANG GI LAS DANG RJES SU MTHUN PA YIN TE, NGAN PA DANG, 'BRING DANG, BZANG PO YIN LA, RO DANG, KHA DOG DANG, DRI DANG, REG PA'I RNAM PA LAS KYIS BSGRUBS PA PHUN SUM TSOGS PA YIN NO, ,DE BZHIN DU BTUNG BA DAG KYANG RANG GI LAS KYIS BSGRUBS PA'I NGO BO SO SOR BSTAN PA YIN TE, DE DAG GIS BTUNG BA DE 'THUNGS SHING ZAS BDUD RTZI DE'ANG ZOS NAS, RTZE BA'I RI DE LA ROL MO'I SA GA LA BA DER 'DONG NGO, ,SA DE DAG NI PI WANG KHOG PA NI BEE d'URYA GSER GYI 'DAB MAS NI BRGYAN, GSER SKUD RING POS NI RGYUD BYAS PA DANG, GSER LAS BYAS PA'I RNGA DAG LAS SGRA SNYAN PA DAG 'BYUNG NGO, ,DE BZHIN
DU SMYUG MA'I NANG 'DRES PA'I SPU GU RNAM PA DU MA DAG KYANG LHA MO DE DAG GIS MTHONG STE, DE LTAR SIL DKROL DANG, GLING BU DANG, SGRA SNYAN PA LA SOGS PA ROL MO'I RGYU DU MA DAG GIS YANG DE DAG GI YID RAB TU DGA' BAR BYED DO, ,THAMS CAD RGYAN THAMS CAD KYIS BRGYAN PA DE RNAMS ROL MO'I RGYU DE DAG BLANGS NAS, PHAN TSUN YANG DAG PAR DGA' BAR BYA BA DANG, 'DOD CHAGS SNA TSOGS SKYED PA DANG, CHAGS PA MNYAM PA DANG, TSANG TSING NA GNAS PA MYOG CES BYED PA DANG, SHIN TU 'DOD CHAGS SKYED PA PHUN SUM TSOGS PA BYA BA'I PHYIR ROL MO DAG BYED DO, ,DE NAS YANG DE DAG GIS ROL MO DE BYAS NAS DRIL BU G-YER KHA YOD PA'I SA GA LA BA DER 'DONG NGO, ,SA DE DAG NA DRIL BU G-YER KHA SGRA MANG PO'I TSOGS DAG 'KHROL TE, GANG DAG RLUNG GIS BSKYOD PA'I SGRA RNAMS BRGYA PHRAG DU MA DAG GRAG GO ,DE DAG GIS SGRA DE THOS NAS DE NAS YANG CHA BYAD DANG, GZUGS DANG, RGYAN SNA TSOGS THOGS PA RNAMS SHIN TU DGA' STE, BRO GAR BYED, DGOD PAR BYED, GLU LEN NO, ,SGRA DES TSIM NAS YANG DE NAS BABS TE, NGANG PA DANG, NGUR BAS MDZES PAR BYAS PA'I RDZING GA LA BA DER 'DONG BAR BYED DE, BYA NGANG BA DANG, KA RANDA BA DANG, NGUR BA DANG, GSER DANG, DNGUL GYI MDOG LTA BU'I BYA'I TSOGS GZHAN RNAMS KYIS KYANG RDZING MDZES PAR BYAS PA DE DANG DE DAG TU CHU LA RTZE BA'I PHYIR ZHUGS SO, ,SER SNA DANG,
, ,PHRAG DOG DANG BRAL BA DE DAG THAMS CAD DER BABS NAS, PADMA'I SDONG BU GSER DANG, BEE d'URYA LTA BU RNAMS KYIS PHAN TSUN RDEG PAR BYED LA, DE DAG YUN RING DU CA CO'I SGRA DANG, CHU YAN LAG BRGYAD DANG LDAN ZHING YON TAN THAMS CAD DANG LDAN PA LA YUN RING DU RTZES, BYA'I TSOGS RNAMS DANG YANG LHAN CIG RTZES NAS, DE NAS YANG RGYAGS PA DU MA BYED PA, RGYAGS PA LA DGA' BA, RGYAGS PA DON DU GNYER BA, RGYAGS PA'I NGO BO RGYAGS PAS NGOMS MI MYONG BA, YUL LA BRKAM PA DAG SA RIS GZHAN DAG TU 'DONG BAR BYED DE, TSAL ME LONG TSAL ZHES BYA BA DER DONG NGO, ,DER BDAG NYID KYI GZUGS BRNYAN CHA BYAD DANG, RGYAN BOS BRGYAN PAR GYUR PA MTHONG STE, BDAG NYID KYIS GZUGS BRNYAN YON TAN SNA TSOGS PHUN SUM TSOGS PA DE NYE BAR MTHONG ZHING ME LONG GI DKYIL 'KHOR SNA TSOGS SU RANG GI YON TAN PHUN SUM TSOGS PA DANG, CHA BYAD DANG, RGYAN PHUN SUM TSOGS PA MTHONG NGO, , DER MTHONG NAS DE NAS YANG GZUGS KYIS BRGYAGS PA BCU 'GYUR DU 'JUG STE, GANG GI PHYIR BUD MED RGYAGS PAS SU MYOS BA NI RNAM PA GSUM STE, 'DI LTA STE, GZUGS KYIS RGYAGS PA DANG, SKYES PAS RGYAGS PA DANG, NGA RGYAL GYIS RGYAGS PA'O, ,DE DAG RANG GI GZUGS RGYAGS PAS MYOS PA MTHONG NAS, GZHAN DAG LA BUD MED KYI GRANGS SU CUNG ZAD KYANG MI
RTZI'O; ;DE NAS YANG ME LONG GIS DE LAS GZHAN PA DUS TSIGS THAMS CAD CES BYA BA'I TSAL DU 'DOD PAR BYED DE, TSAL DE NA DUS TSIGS DRUG RTAG TU YOD LA 'KHOR LO BZHIN YONGS SU 'KHOR BA YIN TE, 'DI LTA STE, DGUN DANG, DGUN SMAD DANG, DPYID DANG, SOS KA DANG, DBYAR DANG, STON TO, ,TSAL DE KUN NAS DUS TSIGS DANG MTHUN PAR SA RIS DANG, TSAL GYI BYA KHA DOG BZANG PO DU MA RNAMS DANG DUS TSIGS DANG MTHUN PAR 'GRO BA RNAMS KYIS SDUG PAR BYAS PA'I TSAL DER BDE BAR GNAS PAR BYA BA'I PHYIR DONG NGO, ,PHAN TSUN GROGS BYED PA, PHAN TSUN 'THAB MO DANG PHRAG DOG GIS MI DGA' BA MED PA, PHAN TSUN 'DZEM PA MED PA, PHAN TSUN SDUG CING BYAMS PA, DE RNAMS TSAL DE MTHONG NAS DUS TSIGS GANG YIN PA DANG, 'DOD PA GANG YIN PA'I TSAL DER DE RNAMS DONG STE, TSAL DE NA DUS TSIGS DANG MTHUN PAR RTZE MO BYED DO, ,DUS TSIGS KUN SO SOR BYUNG BA'I TSAL NA DUS TSIGS SNA TSOGS SU BYUNG BA RNAMS KYIS YID LA RTZE BA'I RNAM PA SKYE BA LHA MO DE DAG DANG, BYA'I TSOGS DANG LHAN CIG JI SRID GZHAN DU SPRO BA MA SKYES PA DE SRID DU DGA' BAR BYED, RTZE BAR 'BYED DO, ,DE NAS YANG RTZE ZHING GNAS PA YID RAB TU DGA' BA DE DAG YANG LHA'I RGYAL PO BRGYA BYIN GA LA BA DER DONG STE KHYIM THAB DE MNGON PAR MTHONG NAS CHO GA SNA TSOGS LA MKHAS PA'I LHA MO DE RNAMS KYIS KUN NAS YONGS SU
, ,BSKOR TE, BRO GAR BYED, DGOD PAR BYED, GLU DBYANGS LEN TO, ,DE LTAR LHA'I RGYAL PO BRGYA BYIN GYI TSAL GCIG LA YON TAN GYI RNAM PA PHUN SUM TSOGS PA YIN TE; LHA'I RGYAL PO BRGYA BYIN GYI TSAL GCIG NI DE LTA BU YIN NO, ,DE NAS YANG DGE SLONG DE LHA'I RGYAL PO BRGYA BYIN GYI TSAL GNYIS PA LA RTOG PAR BYED DE, TSAL DE RNAM PA NI DU YOD, MING NI JI SKAD BTAGS ZHIG GU SNYAM NAS, DES THOS PA LAS BYUNG BA'I SHES PAS BRTAGS NA, TSAL KUN DGA' ZHES BYA BA YOD DE, TSAL DE NA YON TAN DU YOD CIG GU SNYAM NAS DES THOS PA LAS BYUNG BA'I SHES PAS BRTAGS NA, 'DI LTAR TSAL DE NI NGO BO NYID KYIS KUN DGA' BA YIN TE, TSAL DE NA LHA DANG, LHA MO'I TSOGS RAB TU DGA' BAS NI KUN TU GANG, THAMS CAD NAS RTAG TU DOG CING PHAN TSUN GYI GDONG MTHON PO GZHAN DANG, GZHAN 'BYES PA SKYED PAR LHA'I RGYAL PO BRGYA BYIN LHA'I BU MO 'BUM GYIS YONGS SU BSKOR TE, DGA' SPYOD LA GNAS PAR BYA BA'I PHYIR 'GRO BAR BYED DO, ,LHA'I DBANG PO BRGYA BYIN DE 'GRO BA NA SKYED MOS TSAL DU 'GRO BA'I SHING RTA BRGYAD KHRI BZHI STONG GI RGYU BEE d'URYA LAS BYAS SHING DRIL BU G-YER KHA MANG PO 'PHYANG BA KHA CIG RTA MGO BO DZAMBU CHU BO'I GSER GYIS BRGYAN CING, RTZIB LOGS DNGUL GYIS GTAMS LA RIN PO CHE SNA BDUN GYIS MDZES PAR BYAS PAS KHRID,
KHA CIG NI NGANG PAS KHRID, KHA CIG NI NAM MKHA' LA 'GRO, KHA CIG NI SA LA 'GRO LA, GLU DBYANGS DANG, SIL SNYAN DANG, ROL MO RNAM PA SNA TSOGS KYIS BSKOR BA'I LHA'I GTZO BO DAG BZHUGS TE, BRGYA BYIN GYI 'KHOR BYAS NAS DONG NGO, ,BAL GLANG BRGYAD KHRI BZHI STONG GI LUS GSER GYI DRA BAS G-YOGS SHING, LUS LA DRI BU G-YER KHA NI 'PHYANG, LUS LA STAN KHRA BO DANG, GDING BAS NI G-YOGS, 'GRAM PA LA DNGUL GYI THIG LE GSAL BA NI 'DZAG ,LHA'I ROL MO'I GLU DBYANGS DAG LEN PA NA, LHA'I GTZO BO DAG ZHON TE, BRGYA BYIN GYI NGO 'BA' ZHIG TU LTA BAS BRGYA BYIN YONGS SU BSKOR NAS SKYED MOS TSAL DU 'DONG NGO, ,LHA MO BRGYAD KHRI BZHI STONG CHA BYAD DANG, RGYAN SNA TSOGS THOGS SHING KHA DOG DANG, GZUGS SNA TSOGS SU 'DUG PA DAG BRGYA BYIN 'BA' ZHIG LTA LA, KHA CIG NI BRO GAR BYED, KHA CIG NI GLU LEN, DE DAG GI NANG NA KHA CIG NI YAN LAG LNGA DANG LDAN PA'I ROL MO BYED, KHA CIG NI RTZED MO SNA TSOGS BYED CING SKYED MOS TSAL DU DGA' SPYOD BYED DU 'DONG NGO, ,BRO GAR MKHAN CHA BYAD RNAM BZHI DANG, GZUGS DANG, CHA BYAD SNA TSOGS DANG LDAN PA DAG KYANG BRO GAR BYED, RTZED MO BYED YONGS SU SPYOD PAR BYED PA DAG BRGYA BYIN GYI NGO 'BA' ZHIG TU LTA ZHING SKYED MOS TSAL GA LA BA DER DGA' BAR BYED DU 'DONG STE, LHA'I DBANG PO BRGYA BYIN BDE SOGS DANG LHAN CIG DE
, ,DAG GI NANG DU ZHUGS NAS, SHING RTA RTZIBS BRGYA PA BEE d'URYA DANG, GSER DANG, SPUG DANG, PADMA R'A GA DANG, AANGA RNYIL DANG, MTHON KA CHEN POS BRGYAN PA'I SHING RTA GANG YIN PA DE, NGANG PA'I LUS NI DZAMBU CHU BO'I GSER, RKANG PA NI BYU RU, MIG NI RIN PO CHE KE KE RU, LUS NI PADMA R'A GA ,MCHU NI BYU RU, SGRO NI MU TIG GI MDOG LTA BU STONG PHRAG BRGYA SNYED KYIS SHING RTA DE 'DREN PAR BYED DE, BRGYA BYIN GYI YID LA 'DOD PA BZHIN DU 'GRO BAR BYED DO, ,SHING RTA MCHOG DE'I NANG NA BRGYA BYIN LHA'I RIN PO CHE SNA TSOGS KYIS BRGYAN CING, NYI MA BRGYA BAS LHAG PA'I GZI DANG LDAN PA BDE SOGS DANG LHAN CIG TU SKYED MOS TSAL GA LA BA DER 'DONG NGO, ,LHA MO THAMS CAD KYI NANG NA BDE SOGS GZUGS DANG, CHA BYAD DANG, RGYAN BRGYA 'GYUR GYIS PHUN SUM TSOGS LA, DE RIN PO CHES BRGYAN TE BRGYA SBYIN GYI STAN PHYED LA 'DUG NAS, SKYED MOS TSAL GA LA BA DER 'DONG NGO, ,SUM CU RTZA GSUM GYI LHA DE DAG THAMS CAD DE LTAR LHA'I BDE BA DANG NI LDAN, LHA'I SGRA DANG, REG PA DANG, RO DANG, GZUGS DANG, DRI'I REG PAS MYOS SHING LHA'I DBANG PO BRGYA BYIN LHA KUN GYIS YONGS SU BSKOR TE, TSAL DANG, NYE BA'I TSAL DAG YANG DAG PAR LTA BAR BYED LA GSER GYI SHING RTA'I NANG DU ZHUGS TE, BDE SOGS DANG LHAN CIG SNGA MA
BZHIN DU KUN DGA'I TSAL GA LA BA DER 'DONG NGO, ,LHA'I BDAG PO DE BDE BA RNAM PA BRGYA STONG PHRAG DU MA DAG NYE BAR SPYOD PA NA, SHING RTA DANG, GLANG PO CHE DANG, LHA DANG, LHA'I BLON PO GLU DANG, SIL SNYAN DANG, DBYANGS DANG, ROL MO'I SGRA RNAMS KYIS MNGON PAR MCHOD CING KUN DGA'I TSAL GA LA BA DER GNAS PAR BYA BA'I DON DU 'DONG NGO, ,BRGYA BYIN DE LTAR 'GRO BA NA GANG DE'I TSAL DE NA LHA MO SGEG MO 'KHOD PA DE DAG GIS GLU DANG, ROL MO'I SGRA DANG, SIL SNYAN SNA TSOGS THOS PA DE DAG LHA GZHAN RNAMS DANG LHAN CIG TU DE THOS TE YID RAB TU DGA' NAS RGYUG PAR BYED DO, ,DE DAG LAG NA PADMA THOGS SHING SIL SNYAN SNA TSOGS DANG, GLU DBYANGS NYE BAR LEN LA TSAL DE NAS 'BYUNG BAR BYED DO, ,DE NAS LHA'I DBANG PO BRGYA BYIN GYIS DE DAG MTHONG NAS RANG GI LHA DAG LA SMRAS PA, KYE, LHA RNAMS, LHA MO 'DI DAG NI KUN DGA'I TSAL NAS NGA MTHONG STE BSUR 'ONGS LA, SIL SNYAN DANG, ROL MO'I SGRA BYUNG BA DANG GZHAN YANG, RIN PO CHE'I CHA BYAD DANG, GZUGS RNAM PA DU MA YOD PA DE DAG LA LHA RNAMS LTOS, GANG LHA MO DE DAG DANG BDAG CAG LHAN CIG LHA'I TSAL SKYED MOS TSAL DU RTZE ZHING DGA' SPYOD BYED DU 'DONG NGO, ,DE NAS LHA'I DBANG PO BRGYA BYIN GYIS TSIG DE THOS NAS LHA RNAMS KYIS 'DI SKAD CES SMRAS SO, ,LHA'I DBANG PO, LHA MO 'DI DAG THAMS CAD NI KHYOD KYI LAGS TE,
, ,SKYABS KHYOD LAGS ,RTEN KHYOD LAGS, MGON KHYOD LAGS SO, ,DE NAS LHA'I DBANG PO BRGYA BYIN GYIS TSIG 'DI SKAD CES SMRAS SO, ,'DI DAG GI GTZO BO NI NGA MA YIN TE, RTEN NGA MA YIN, SKYABS NGA MA YIN, 'DI DAG NI NGA'I MA YIN NO, ,'DI DAG LAS KYI MTHUS RAB TU RGYUG PA YIN TE, BDAG PO LAS YIN, RTEN LAS YIN; RTON PA LAS YIN TE, LAS NGAN PA DANG, 'BRING DANG, BZANG PO GANG YIN PA DE DAG GIS DE LTAR 'GYUR LA, LAS KYI DBANG DE DAG GIS NGAN PA DANG, 'BRING DANG, BZANG POR BYAS PA YIN GYI NGA'I MTHU NI MA YIN NO, ,DE NAS DE'I TSE 'DI LTAR LHA RNAMS KYI DBANG POS TSIGS SU BCAD DE SMRAS PA, LAS NGAN PAS NI LUS CAN RNAMS, ,'GRO BA DAG NI DRAN PAR 'GYUR, ,'BRING DAG GIS NI 'BRING DU MTHONG, ,DE BAS BZANG BA MI RNAMS SO, ,GANG GIS GANG DU GANG GI TSE, ,GANG BYAS LAS NI RJES MYONG BA, ,DE YIS DER NI DE YI TSE, , LAS DE LUS LA RNAM SMIN 'GYUR, ,LHA KHANG 'OD KYI PHRENG BA CAN, ,BDE BA'I RNAM PAS RTZE BYED PA, ,DE NI DGE BA'I 'BRAS BUR MTHONG, ,KHYAD PAR DU NI DRI MA MED, ,MI NI LAS DAG GANG BYED PA, ,DGE BA'AM YANG NA MI DGE BYED, ,DE YI 'BRAS BU DE TSE MTHONG, ,BDE 'AM YANG NA MI BDER 'GYUR, ,BDE BA'I RNAM PA 'DI RNAMS KYIS, ,LHA DAG DU MAR RTZE BA GANG, ,DE
RGYU NGA YI MA YIN TE, ,RGYU DE SNGON NI BYAS PA YIN, ,DE NAS LHA DE RNAMS KYIS BRGYA BYIN DE'I KHA NAS TSIGS BCAD DE DAG THOS TE RJES SU YI RANG LA SPYI BOS BLANGS NAS, YANG SKYED MOS TSAL DU GNAS PAR BYA BA'I PHYIR, SKYED MOS TSAL GA LA BA DER 'DONG NGO, ,DE NAS LHA MO STONG NGAM, STONG PHRAG BRGYA DE DAG SO SO'I LAG PA PADMAS BREL CING, CHA BYAD DANG, GZUGS DANG, RGYAN SNA TSOGS THOGS PA YIN TE, 'DI LTAR LHA MO DE DAG PHAN TSUN SO SO NA CHA BYAD DANG, GZUGS DANG, 'GROS DANG, GLU DBYANGS DANG, ROL MO BYED PA DAG MI 'DRA BA YIN NO, ,DE LTAR DGE BA'I LAS DU MAS SPRUL PA'I LHA MO BRGYA'AM, STONG DE DAG SHIN TU MKHAS PAS SPRUL PA YIN NO, ,DE NAS DE DAG THAMS CAD LHA'I DBANG PO BRGYA BYIN GA LA BA DER LOGS SU PHYOGS SHING BRO GAR BYED LA, KUN DGA'I TSAL DE GA LA BA DER 'DONG BAR BYED DO, ,TSAL DER SNGAR 'JUG PA NA DNGUL GYI SHING LJON PA RNAMS DANG, DNGUL GYI 'DAB MA DANG, DNGUL GYIS GZHI DANG, DNGUL GYI MDOG LTA BU RNAMS KYIS MDZES PAR BYAS PA, BYA THAMS CAD KYANG DNGUL GYI BYA STE, BYA'I TSOGS KYI RNAM PAS KUN TU GANG LA, SGRA RNAM PA SNA TSOGS 'BYIN PAS MDZES PAR BYAS PA DANG PO NYID DU LHA'I DBANG PO BRGYA BYIN ZHABS 'BRING BA DANG LHAN CIG 'JUG PAR BYED DO, ,DE 'JUG PA NA RIN PO CHE RNAM PA SNA TSOGS KYIS BRGYAN PA'I
, ,'OD DANG, TSAL DNGUL GYIS BRGYAN PA'I 'OD GANG YIN PA'I 'OD GNYIS PO DE DAG PHAN TSUN 'KHRIL BA LTA BUR 'BYUNG ZHING 'OD DAG GIS NAM MKHA' BRGYAN PA LTA BUR YANG 'BYUNG NGO, ,BRGYA BYIN DE'ANG YID RAB TU DGA' LA, LHA MO DE DAG SO SO'I GLU SHIN TU SNYAN CING SNYOMS PA LEN TE, SIL SNYAN YAN LAG LNGA DANG LDAN PAR PHYAD PAR BYED DO, ,SHING RTA BRGYAD KHRI BZHI STONG DANG, DE BZHIN DU GLANG PO CHE BRGYAD KHRI BZHI STONG RNAMS KYANG SNGA MA BZHIN TE, NOR BU DANG, DRIL BU G-YER KHA DANG, GLING BU'I SGRA RNAMS THOS NAS; LHA MO STONG PHRAG DU MA RNAMS KYIS BSTOD CING LHA MO 'BUM PHRAG DGU BCU RTZA DGUS YONGS SU BSKOR BA YIN TE, SUM CU RTZA GSUM GYI DBANG PHYUG GI LUS DANG, SEMS KYI BDE BA GANG YIN PA DE NI DPE BYA BAR SLA BA MA YIN NO, ,DE CI'I PHYIR ZHE NA, SUM CU RTZA GSUM GYI DBANG PHYUG GI LHA'I GNAS PA DANG, KHA ZAS KYI BDE BA DE NI GZHAN DANG MI 'DRA'O, , DE NAS LHA'I DBANG PO BRGYA BYIN LHA'I 'DOD PA'I YON TAN LNGA 'BYOR BA'I DNGUL GYI TSAL DE'I NANG DU ZHUGS NAS, LHA'I TSOGS DANG, LHA MO'I TSOGS THAMS CAD DANG BCAS PA YUN RING DU RTZE BAR BYED, YONGS SU SPYOD PAR BYED DE, YUL GYI BDE BA DES MCHOG TU BDE'O, ,DE NAS YANG LHA'I DBANG PO BRGYA BYIN RTZE ZHING GNAS PA'I DON DU'ANG LHA MO'I TSOGS
THAMS CAD DANG, SHING RTA DANG, GLANG PO CHE RNAMS DANG BCAS PA SNGA MA BZHIN TSAL DE GA LA BA DER 'DONG NGO, ,DER PHYIN NAS GSER GYI TSAL GNYIS PA GSER BTZO MA'I KHA DOG LTA BU DANG, DE BZHIN DU 'BRAS BU RNAMS KYIS MDZES PAR BYAS PA MTHONG NGO, ,MI LNGA'I ZHENG GI TSAD TZAM GYI 'BRAS BU RO SBRANG RTZI LTAR MNGAR LA DRI'I RNAM PA PHUN SUM TSOGS PA'I 'BRAS BU DE GANG ZOS NA, SHIN TU DREGS PA SKYE BAR 'GYUR BA MTHONG NAS YAL GA BKUG STE 'BRAS BU DE DAG GLANG PO CHE RNAMS KYIS ZA BAR BYED DO, ,DE NAS 'BRAS BU ZOS PA'I GLANG CHE DE DAG MYOS TE 'GYING ZHING 'GRO BA RNAMS, JI LTAR LHA RNAMS KYANG, KYE; AE MA GLANG PO CHE MYOS SHING 'GYING LA 'GRO BA RNAMS 'BRAS BU'I RO THAMS CAD ZOS NAS MYOS TE, RAB TU GAR BYED PA NGO MTSAR DU BYED PA DE LTAR SIL SNYAN GYI SGRA DES LHAN CIG GAR BYED DO, ,DE BZHIN DU GSER GYI TSAL DE NA BYA'I TSOGS DU MA SGRA 'BYIN LA, TSAL DE NA BYA DNGUL GYI KHA DOG CAN DE DAG DE RNAMS LA CHAGS SHING 'DUG PAS SHIN TU MDZES PAR BYAS SO, ,LHA'I DBANG PO BRGYA BYIN YANG LHA MO DE DAG DANG LHAN CIG, LHA DE DAG DANG YANG LHAN CIG ,LHA'I BU MO BDE SOGS DANG YANG BDAG NYID LHAN CIG TU DGA' BAR BYED, YONGS SU SPYOD PAR BYED, RTZE BAR BYED, TSIM PAR BYED DO, ,LHA DE DAG KYANG RANG GI SLAS RNAMS KYI NANG NA DGA' BAR BYED, YONGS SU SPYOD PAR BYED, GLU DBYANGS LEN, BRO GAR BYED,
, ,DGOD PAR BYED DE, LEGS PA BYAS PA'I LHA RNAMS PHAN TSUN PHRAG DOG DANG, SER SNA DAG MED PAR RTZED MO BYED DO, ,DE NAS GSER GYI TSAL DE'I NANG NA CHU BSIL BA ZHES BYA BA'I RDZING BU GNYIS PA YOD DE, DE 'ANG GSER DANG, BEE d'URYA'I PADMA RNAMS KYIS BKRA BAR BRGYAN PA YIN LA, SUM CU RTZA GSUM NA GNAS PA'I LHA RNAMS DANG, LHA'I MDUN SA CHOS BZANG NA GNAS PA BRGYA BYIN GYI SNGON DU 'GRO BA GANG YIN PA DE DAG GIS YONGS SU BSKOR TE, RDZING DE DAG GI 'GRAM NA LHA MO'I TSOGS RNAMS DANG LHAN CIG SIL SNYAN YAN LAG LNGA DANG LDAN PA RNAMS KYIS RTZE BAR BYED DE, YONGS SU SPYOD PAR BYED DO, ,DE NAS YANG KHANG PA CHOS BZANG GI NANG DU LHA 'KHOD PA DE DAG TSAL KUN DGA' GA LA BA DER 'DONG NGO, ,TSAL DE'I NANG NA BEE d'URYA'I SHING LJON PAS MDZES PAR BYAS SHING, GSER GYI MDOG GI 'BRAS BUS BRGYAN PA YIN LA, LHA'I 'BRAS BU DE DAG GI NANG DU KHU BA ZHIM POS JI LTAR GANG BA NI DZAMBU'I GLING NA dI KERYA DANG, PA NA SA BZHIN NO, ,SHUN PA SRA BA'I NANG NA 'BRAS BU MNGAR BA ZHES BYA BA DRI ZHIM LA, MDOG BZANG PO MANG BA YOD DE, DE NAS LHA DE DAG GI 'BRAS BU DE BLANGS NAS GSHEGS TE 'THUNG NGO, ,SBRANG RTZI BAS LHAG PA'I RO YOD PA 'THUNGS NAS KYANG MYOS PA'I NYES PA DANG
'BREL BAS MYOS SO, ,DE NAS LHA DAG MYOS PA RNAM PA GSUM GYIS MYOS PAR 'GYUR TE, 'DI LTA STE, BUD MED KYIS MYOS PA DANG, 'BRAS BU'I KHU BAS MYOS PA DANG, LHA'I 'DOD PA'I YON TAN LNGA RNAMS KYIS MYOS PA YIN TE, DE LTAR LHA RNAMS LHA MO'I TSOGS DAG DANG LHAN CIG MYOS PA RNAM PA GSUM GYIS MYOS SO, ,LHA'I DBANG PO BRGYA BYIN YANG BRGYA BYIN GYIS MDUN DU 'GRO BA DANG LHAN CIG BDUD RTZIL ZA STE, RANG GI LAS KYI 'BRAS BU TSONG PA LTA BUS BSGRUBS PA'I BDUD RTZI DE BLANGS NAS ZA BAR BYED DO, ,BRGYA BYIN LHA'I TSOGS DANG BCAS PA THAMS CAD KYIS YONGS SU BSKOR NAS YUL NAS YUL, GNAS NAS GNAS SU SONG STE, DGA' BAR BYED, RTZE BAR BYED, YONGS SU SPYOD PAR BYED DO, ,BEE d'URYA'I TSAL DE DAG THAMS CAD BYA DANG, BUNG BA DANG, DRIL BU G-YER KHA DANG, RO SNA TSOGS DAG GIS NYAMS DGA' BA YIN TE, TSAL DER YUN RING DU DGA' BAR BYAS SO, ,DE NAS YANG LHA'I DBANG PO BRGYA BYIN LHA'I TSOGS DE DAG NYID DANG, LHA'I MDUN SA CHOS BZANG DU 'JUG PAR BYED DO, ,DE NAS YANG LHA'I MDUN SA CHOS BZANG NA LHA'I TSAL GSUM PA DPE MED PA ZHES BYA BA YOD DE; TSAL NGO BO NYID KYIS DPE MED PA GANG YIN PA DER LHA'I RGYAL PO BRGYA BYIN GYI BU LNGA BRGYA RANG GI SLAS KYIS YONGS SU BSKOR NAS RTZE BAR BYED, YONGS SU SPYOD PAR BYED DE, 'DI
, ,DAG NI 'BYOR BA YIN NO, ,DE'I 'OG TU RGYAS PA NI, 'DI LTA STE, LHA'I DBANG PO BRGYA BYIN GYI BU DE DAG 'DI LTA BU YIN TE, THAMS CAD CHOS DANG LDAN ZHING CHOS KYI RJES SU 'JUG PA, THAMS CAD YANG DAG PA'I LTA BA DANG LDAN PA, YANG DAG PA'I LTA BA SNGAR BLANGS PA'I LHA RNAMS LHA DANG, LHA MA YIN LAS RNAM PAR RGYAL BA 'THOB PA, THAMS CAD MAR 'DZIN PA, PHAR 'DZIN PA, DGE SBYONG DU 'DZIN PA, BRAM ZER 'DZIN PA, PHAN TSUN YID MTHUN PAR GYUR PA YIN LA DE DAG RES 'GA' 'DI SNYAM DU 'DI LTAR BDAG CAG NGES PAR SKYED MOS TSAL DPE MED PA ZHES BYA BA DER DGA' SPYOD BYED DU BDAG CAG LHA MO'I TSOGS DANG BCAS PAS YONGS SU BSKOR TE 'DONG BAR BYA'O SNYAM MO, , DE LTAR DE DAG THAMS CAD BSAMS NAS SKYED MOS TSAL DPE MED PA GA LA BA DER 'DONG NGO, ,DE LTAR LHA'I BU RE RE DAG GI LHA MO BYE BA YOD PA DE DAG GZUGS DANG, LANG TSO PHUN SUM TSOGS PA, PHAN TSUN GYI BYA BA GCIG PU NI RGYAGS PAR GNAS PA, RGYAGS PA LHUR BYED PA LTA BU MTHUN PA YIN TE, LHA'I DBANG PO BRGYA BYIN GA LA BA DER DONG NAS, LHA, 'DI LTAR BDAG CAG SKYED MOS TSAL DER GNAS PAR BGYI BA'I SLAD DU SKYED MOS TSAL DPE MA MCHIS PAR MCHI BAR BGYI'O, ,LHA, SKYED MOS TSAL DPE MA MCHIS
PA DER BDAG CAG DANG LHAN CIG GNAS PAR MDZAD PA'I SLAD DU GSHEGS PA NI 'OS PA LAGS NA DGONGS SU GSOL, BRGYA BYIN GYIS SMRAS PA, DE LTA MA YIN NO, ,SKYED MOS TSAL GYI DGA' SPYOD NI NGAS BYAS ZIN TE, CHOS KYI RJES SU CHOS BSGRUBS PA DANG, 'DUN PA SNGON DU BTANG BA'I PHYIR BDAG CAG GI DON RJES SU BSGRUB PAR BYA'O, ,NGAS NI LHA RNAMS KYI BAG YOD PAS SKYED MOS TSAL DU DGA' SPYOD BYAS NAS SLAR 'ONGS PA YIN NO, ,LHA RNAMS NI BAG MED PA'I NYES PAS NYON MONGS PA YIN TE, DE LTAR BAG YOD PAR BYA ZHING DE LTA BAS NA BAG MED PA'I NYES PA'I DUG MI BZAD PA SPONGS SHIG CES SMRAS SO, ,'DIR TSIGS SU BCAD PA, BAG YOD BDUD RTZI'I GNAS YIN TE, ,BAG MED 'CHI BA'I GNAS YIN NO, ,BAG YOD 'CHI BAR MI 'GYUR TE, ,BAG MED PA NI RTAG TU 'CHI, ,BAG YOD 'CHI MED GZHI YIN TE, ,BAG MED PA NI 'CHI BA'I GZHI, ,BU DAG BDAG NI BAG YOD PAS,, LHA RNAMS KYI NI GTZO BOR GYUR, ,DE NI BDAG STE BDE GSHEGS BKA', ,BU DAG BDAG GIS BSGRUB PAR BYA, ,BDAG GIS SDOM BRTZON CAN GYI BKA', ,NAM YANG 'DA' BA MI BYA STE, ,THUB PA'I BKA' LAS 'DA' BA GANG, ,'DOD PA YIS NI RMONGS PA YIN, ,SDUG BSNGAL DE LAS THAR MED DE, ,RTAG TU SDUG BSNGAL RJES SU 'GRO ,DA LTAR LHA'I DBANG
, ,PO DES BU DE DAG LA BSGO NAS, RANG GI GNAS LHA'I MDUN SA CHOS BZANG DU ZHUGS SO, ,DE NAS BRGYA BYIN GYI BU YID RAB TU DGA' ZHING PHAN TSUN NANG MTHUN PA RNAMS RANG GI GNAS LHA'I GSER BZANG PO LAS BYAS SHING RGYAN GYIS BRGYAN PA, GLU DBYANGS DANG, ROL MO'I SGRA 'BYIN PA, RNAM PA SNA TSOGS PHAN TSUN BRGYAN PA'I BRGYA BYIN GYI GNAS GA LA BA DER 'JUG GO ,ZHUGS NAS KYANG 'DI LTAR BDAG CAG NI SKYED MOS TSAL DU DGA' SPYOD BYA BA'I PHYIR, SKYED MOS TSAL DPE MED PAR DGA' SPYOD BYED DU 'DONG NGO ZHES SMRAS SO, ,DE NAS LHA'I BU GZHON NU BDUN KHRI DAG KHA CIG NI GSER GYI RTA LA ZHON, KHA CIG NI LHA'I BYA'I STENG DU ZHON, LHA MO DAG RJES SU 'GRO ZHING LHA MO KHA CIG NAM MKHA' LA 'GRO ,KHA CIG LHA MO DANG, LHA'I TSOGS KYIS YONGS SU BSKOR TE, PADMA MCHOG GI NANG NAS 'GRO LA, BDE BA MCHOG RJES SU MYONG ZHING, ROL MO DANG, GLU DBYANGS LEN PA DAG DANG LHAN CIG TSAL DPE MED PA GA LA BA DER 'DONG BAR BYED DO, ,DE NAS BRGYA BYIN GYI BU DE RNAMS KYI LUS LHA'I PHRENG BAS BRGYAN CING LHA'I TZANDAN GYIS BSKUS TE, RANG GI 'OD KHA CIG NI NYI MA'I 'OD DANG 'DRA, KHA CIG NI ZLA BA'I 'OD DANG 'DRA, KHA CIG GZA' DANG, SKAR MA'I 'OD DANG 'DRA STE, JI LTAR LAS DAG
BYAS PA BZHIN MDZES SHING, SKYED MOS TSAL SHIN TU GANG BA DPE MED PA GA LA BA DER 'DONG BAR BYED DE, GCIG LA GCIG LEGS PAR BYA BA LA GZHOL ZHING SDUG PA LHA'I YUL DAG NYE BAR SPYOD BZHIN DU TSAL DER ZHUGS SO, ,TSAL DE'ANG NGO BO NYID KYIS DPE MED PA YIN TE, DE'I PHYOGS 'GA' KHO NA ZHIG DPER GZUNG ZHING BYA NA TSAL DER ZHUGS NA DE'I TSE DRI'I RNAM PA DPE MED PA RAB TU LDANG STE, GANG TZANDAN SA MCHOG GI DRI GZHAN BCU DRUG GI CHAR YANG MI PHOD DO, ,DE LTAR DRI DE YID DU 'ONG STE, RNAMS PA GANG YIN PA DE'ANG BDE BA DANG LDAN PA'I RNAM PA DE LTA BU YIN NO, ,DER DE DAG PHAN TSUN NGO MTSAR SKYE BAR 'GYUR TE, BDAG CAG GI BDE BA MA YIN NO SNYAM NAS SKOM 'THUNGS TE TSAL DER ZHUGS SO, ,DE NAS ZHUGS PA DANG, TSAL DE DAG GI DANG PO BSTAN PA NA DGE BA'I LAS 'BAD PA DAG GIS BSKYED PA'I SHING LJON PA'I CHA SDUG PA YIN TE, TSAL DE NA SHING LJON PA'I SDONG PO RNAMS KYI CHA SDUG PAR BYAS PA YIN NO, ,DE DAG BRGYA TZAM NI BEE d'URYA LAS BYAS, BRGYA TZAM NI GSER LAS BYAS, BRGYA TZAM NI DNGUL LAS BYAS, BRGYA TZAM NI SHEL LAS BYAS PA YIN TE, DE LTAR DE'I TSE SHING LJON PA RNAMS KYI SDONG PO SNA TSOGS YIN NO, ,'DI LTA STE, DPER NA, DZAMBU'I GLING NA RI MO BRIS PA'I NGOS SDUG PA DE BZHIN DU
, ,SHING LJON PA SNA TSOGS DE DAG SDUG PA YIN NO, ,SHING LJON PA SDUG PA DE RNAMS KYI RNAM PA DU MA DANG, KHA DOG DU MA DANG, GZUGS DU MA DANG, DBYIBS DU MA YOD PA DE DAG LHA'I BU ME LONG GI NGOS LTAR DRI MA MED PA DE DAG GIS MTHONG NAS, DE NAS YANG LTA BA SKYED CING KUN TU RGYU BA 'BUM PHRAG DU MA DANG, KUN NAS RAB TU DGA' ZHING LHA MO'I TSOGS KYIS GANG BA, ROL MO DANG, SIL SNYAN GYI SGRA 'BYIN PA'I RNAM PA RAB TU DGA' BA'I YID KYIS SKYED MOS TSAL DU YUN RING DU BDE BAR BYA BA'I PHYIR, TSAL DPE MED PA DE GA LA BA DER 'DONG BAR BYED DO, ,DE LTAR DER ZHUGS PA DANG LHA'I BYA'I TSOGS DE DAG SGRO NI GSER, LTO NI BEE d'URYA, RKANG PA NI BYU RU, RGYAB NI DNGUL, MIG NI RIN PO CHE KE KE RU STE, SHIN TU RNAR SNYAN PA'I RNAM PA DE DAG GI SGRA 'BYIN PAR BYED DO, ,DE NAS LHA'I BU RNAMS KYIS BYA'I TSOGS DE RNAMS KYANG MTHONG NGO, ,SGRA MCHOG TU SNYAN CING 'JEBS PA 'BYIN PA'ANG RNAR THOS SHING, BYA DE DAG MTHONG NAS, LHA'I BU DE RNAMS RANG GI BYA DAG LA PHAN TSUN SMOD PAR BYED DE, 'DI LTAR KHYED KUN GSON CIG ,BYA SGRA 'BYIN PA RNAM PA DU MA DANG, KHA DOG DANG LDAN PA DU MA DANG, SGRA RNAM PA DU MAS LHA MO'I TSOGS DE RNAMS KYI GLU DBYANGS DE DAG THAMS CAD KUN NAS MI MNGON PA DE LTAR ZIL
GYIS NON TO, ,DE NAS BYA DE DAG GI SGRA THOS NAS DE NAS YANG DE'I 'OG TU SKYED MOS TSAL DU RTZE BAR BYA BA'I PHYIR TSAL DU 'DONG BAR BYED DO, ,DE NAS PADMA'I RDZING PADMA'I NYI MA'I 'OD LTA BU ZHES BYA BA THAMS CAD MTHONG STE, PADMA'I 'DAB MA NYI MA LTA BU STONG GIS YONGS SU BSKOR BA DE DAG LA MNGON PAR BRTAG NAS, LHA'I BU CHA BYAD DANG, GZUGS SNA TSOGS 'CHANG BA DE DAG SNGA MA BZHIN PADMA'I RDZING DE GA LA BA DER 'DONG BAR BYED DO, ,DE NAS LHA'I BU DE DAG LHA MO'I TSOGS DANG BCAS PAS YONGS SU BSKOR CING PADMA'I RDZING DE BSKOR NAS, BRO RDUNG BAR BYED, GLU DBYANGS LEN, RGOD PAR BYED, RTZED MO BYED, YONGS SU SPYOD PAR BYED DE, LHA'I BU DE DAG BDE BA SNA TSOGS KYI RGYAGS PAS MYOS SO, ,DE NAS YANG PADMA'I TSAL GYI PHYOGS DE NAS DE DAG PHAN TSUN LHAN CIG TU LHA'I RGYAGS PAS MYOS SHING, LHA YUL GYI GNAS PA CHEN PO TSAL DE'I NANG GA LA BA DER 'DONG BAR BYED DO, ,DE NAS LHA MO'I TSOGS GAR BYED CING, LUS LA CHA BYAD DANG, RGYAN SNA TSOGS THOGS PA DE DAG THAMS CAD CHU BO 'BAB PA'I TSAL DGA' BA GA LA BA DER 'DONG BAR BYED DE, TSAL DE NA'ANG CHU BO 'BAB PA'I CHU'I RNAM PA NI 'DI LTA STE, 'O MA'I CHU DANG, CHANG GI RO'I CHU DANG, SBRANG RTZI'I CHU DANG, RGUN CHANG GI CHU DANG, LHA'I BTUNG BA'I CHU DANG, BUNG BAS KHEBS PA DANG, BYA'I TSOGS BRGYAS YONGS SU BSKOR
, ,BA DANG, GSER GYI RDO DANG, BYU RU'I RDO DANG, DNGUL GYI RDO DANG, RDO SNA TSOGS 'BAB PA DAG MTHONG NGO, ,DE NAS LHA'I BU LHA MO'I TSOGS KYIS YONGS SU BSKOR BA DE DAG DER RTZES NAS, TSAL GA LA BA DER LHA MO RNAMS DANG LHAN CIG YUN RING DU DGA' BAR BYED, YONGS SU SPYOD PAR BYED DO, ,DE NAS CHU BO 'BAB PA'I PHYOGS DE NAS KYANG LHA'I ME TOG GI TSAL GA LA BA DER 'DONG BAR BYED DO, ,DE NA LHA'I ME TOG MA RNYIS PA DPAG TSAD BCUR DRI RGYA CHER 'BYUNG BA DAG YOD DE, 'DI LTA STE, ME TOG ZLA BA'I 'OD CES BYA BA ZLA BA'I MDOG LTA BU DANG, ME TOG NYI MA'I 'OD CES BYA BA NYI MA'I MDOG LTA BU YIN YANG 'OD TSA BA MED PA DANG, GZA' DANG, SKAR MA LTA BU'I 'BRAS BU'I TSAL THAMS CAD DU LHA'I BU DE DAG 'DONG BAR BYED DO, ,TSAL DER 'BRAS BU 'BYUNG BA DAG NI, 'DI LTA STE, SBRANG RTZI GONG BU'I 'BRAS BU DANG, 'BRAS BU RNO BA DANG, 'JAM PA ZHU BA'I 'BRAS BU DANG, DRI'I 'BRAS BU STE, DRI GANG SHIN TU TSIM PAR BYED PA NYID DANG, RO DRUG PA'I 'BRAS BU DANG, JI LTAR RO 'DOD PA'I 'BRAS BU DANG, RO MI NGOMS PA'I 'BRAS BU STE, 'BRAS BU'I RNAM PA DE DAG NI LHA RNAMS KYIS LEGS PAR BYAS PA'I LAS KYI SPRUL PA'I 'BRAS BU YIN TE, TSAL DPE MED PA DER 'BYUNG BAR 'GYUR RO, ,TSAL DER YANG LHA RNAMS DGA' BAR BYED,
RTZE BAR BYED, YONGS SU SPYOD PAR BYED, ZA BAR BYED, 'CHA' BAR BYED, 'THOG PAR BYED, 'THUNG BAR BYED, 'JIB PAR BYED, DE DAG DER DGA' BAR BYAS NAS, TSAL BYA BRO GAR BYED PA ZHES BYA BA'I PHYOGS GA LA BA DER 'DONG BAR BYED DE, TSAL DE NA BYA'I TSOGS SKAD 'BYIN PA DAG MTHONG ZHING GLU DBYANGS KYI SGRA GZHAN 'BYIN PA DANG, GAR GZHAN BYED PA DANG, SGRA SNYAN PA GZHAN GYIS RNA LAM YONGS SU GANG STE, DE RNAMS KYIS DER SGRA SNYAN PA YID DU 'ONG BA DE DAG THOS NAS KYANG RTZE BAR BYED DO, ,DE NAS 'DRES PA'I TSAL GZHAN DU 'DONG BAR BYED DE, TSAL DE THAMS CAD 'DRES PA 'DI LTA BU YIN TE, JI LTAR THAMS CAD SNGAR BSTAN PA BZHIN DU TSAL 'BRAS BU DANG, ME TOG DANG, CHU BO DANG, SHING LJON PA DANG, BYA'I TSOGS PHUN SUM TSOGS PA YOD DE, DES NA 'DRES PA'I TSAL ZHES BYA'O, ,DE DAG KYANG 'DRES PA'I TSAL DER LHA'I 'DOD PA'I YON TAN LNGA DAG 'BYOR CING LDAN PAR GYUR PAS RTZE ZHING 'ONG BA'I SGRAS DGA' BAR BYED DE, DE NAS DE DAG DE NA GNAS SHING SHIN TU YUN RING BAR RTZE BAR BYED DO, ,DE NAS LHA'I RGYAL PO BRGYA BYIN 'DI SNYAM DU SEMS TE, LHA'I BU BAG MED PA LA GNAS PA DE DAG GANG YIN BDE BA 'DI THAMS CAD KYI MTHA' ZAD PAR 'GYUR BA KHONG DU MA CHUD DO SNYAM MO, ,DE NAS LHA'I BU DE DAG THAMS CAD KYIS LHA'I RGYAL PO BRGYA
, ,BYIN GYI BSAM PA SHES NAS, JI LTAR DONG DONG BA'I LAM DE NYID NAS DE LTAR SLAR 'GRO STE, 'DI LTAR LHA'I RGYAL PO BRGYA BYIN GA LA BA DER 'DONG BAR BYED DO, ,DE NAS LHA MO DE DAG KYANG 'GROS MYUR BAR LHA'I MDUN SA CHOS BZANG GA LA BA DER RTZE BA'I DON DU 'JUG PAR BYED DO, ,DE NAS BRGYA BYIN GYIS LHA'I BU DE RNAMS LA MNGON PAR BRTAGS NAS 'DI LTAR TSIGS SU BCAD DE SMRAS PA, SRED DANG BCAS PA'I YUL RNAMS LA, ,NGOMS PA DAG TU GA LA 'GYUR, ,NGOMS PA SRED BRAL GANG YIN PA, ,LUS CAN DE NI MYA NGAN BRAL, ,SKYE BO YUL LA MNGON DGA' BA, ,NAM YANG BDE BAR MI 'GYUR TE, ,YUL NI DUG DANG 'DRA BAR MTHONG, ,YONGS SU GYUR PA MI ZAD DO, ,'DIR NI YUL LA 'JUG BYED PA, ,THOG MA BAR DANG THA MA MED, ,'JIG RTEN 'DI MIN PHA ROL MIN, ,BDE BA BYED PA GANG LA YOD, ,SKYE BA RTAG PAR SHIN TU ZAD, ,LANG TSO DAG NI RINGS PAR 'GRO, 'DU BA DANG NI 'BRAL BA DANG, ,LHAN CIG SKYE BAR YONGS SU MTHONG, ,RAB TU BSLUS PA DU MA DAG ,BDE DANG SDUG PAS RTAG BSGRIBS KYANG, ,SROG CHAGS RMONGS PAS BSLUS PA DAG ;YID NI 'BYUNG BAR MI BYED DO, ,'DI LTAR BYIS PA THAMS CAD NI, ,SRED PA DAG LA RTZE BAR BYED, ,JI LTAR SHING LA ME 'BAR BZHIN, ,YUL RNAMS LA NI NGOMS PA MED, ,SKYE BO NGOMS
MED 'DI DAG KUN, ,YUL RNAMS KYIS NI YONGS SU BSLUS, ,'CHI DANG NYE BAR 'GRO BYED KYANG, ,GZUGS RNAMS DANG NI 'BREL MI BYED, ,LAM RGYAGS DAG NI MA BSAGS PA, ,YUL RNAMS KYIS NI YONGS SU BSLUS, ,SRED PAS YONGS SU RMONGS PA YI, ,LHA DAG DBANG MED 'CHI BAR 'GYUR, ,'DOD PAS RMONGS PA KHYED KUN LA, ,NGA YIS RJES SU BSTAN PA YIN, ,'DI LTAR CHOS GNAS DAM PA STE, ,BDAG LA PHAN PA RTAG TU GYIS, ,CHOS LA SPYOD PA'I MI DAG NI, ,BDE LAS BDE BA 'THOB GYUR TE, ,MYA NGAN 'DAS DANG GZHAN ZHI BA, ,MYUR BA NYID DU SHIN TU 'GRO, ,DE LTA BAS NA PHA ROL GYI, ,BSOD NAMS DAG GI PHUNG PO GYIS, ,RTAG TU BSOD NAMS BYED PA NI, ,DUL ZHING ZAG MED GNAS SU 'GRO ,DE NAS BRGYA BYIN TSIG THOS NAS, , SEMS BYUNG BZANG BA ZHI DANG DUL, ,BRGYA BYIN BU STE DE DAG KUN, ,PHA YIS RJES SU BSTAN PA YIN, ,DE NAS LHA'I RGYAL PO BRGYA BYIN LEGS PAR BYA BA'I LAS BYED PA NGAN SONG GI SGO BCAD BAS BU DE DAG LA MNGON PAR GTAMS TE LAM BZANG PO LA YANG DAG PAR BTZUD NAS TSAL SNA TSOGS GA LA BA DER BDAG NYID BDE BAR GNAS PA DANG, DGE BA BYA BA'I PHYIR 'GRO BAR BYED DE, DE NAS LEGS PAR BYAS PA'I LAS SNA TSOGS BYAS PA'I TSAL SNA TSOGS NA LHA'I RGYAL PO BRGYA BYIN GYI KHANG PA BRTZEGS PA SNA TSOGS LA, 'DI LTA STE, SHEL
, ,LAS BYAS PA DANG, BYU RU LAS BYAS PA DANG, GSER LAS BYAS PA DANG, DNGUL LAS BYAS PA DANG, MTHON KA LAS BYAS PA DANG, MTHON KA CHEN PO LAS BYAS PA DANG, GSER BCOM LAS BYAS PA LNGA BRGYA SNYED YOD DO, ,DE NAS BRGYA BYIN GYI TSAL SNA TSOGS DE SHING LJON PA 'BUM PHRAG DU MA SNYED KYIS MDZES SHING, PADMA NYI MA 'CHAR BA'I MDOG LTA BU RNAMS KYIS MDZES PAR BYAS PA DE LA MNGON PAR BRTAGS NAS, 'DI LTAR TSIGS SU BCAD DE SMRAS PA, BSOD NAMS DAG GIS DGA' 'GYUR TE, ,BRGYA STONG DAG TU BYA BA YIN, ,BSOD NAMS SNA TSOGS BYAS PA YIS, ,KUN NAS SNA TSOGS SMIN PAR 'GYUR, ,LEGS BYAS LAS NI MA BYAS PA, ,SEMS KYI BRAN DU SONG BA'I MI,, SEMS KYI SGRA YIS YONGS BSLUS PA, ,DBANG MED NGAN SONG RNAMS SU LHUNG, KHANG PA BRTZEGS PA THAMS CAD DAG ,KUN TU SNA TSOGS LAS YIN TE, ,LHA RNAMS NANG DU LHA SPYOD PA, ,LEGS PAR BYAS PAS MANG POR 'PHEL, ,DE NAS LHA'I RGYAL PO BRGYA BYIN GYIS TSIGS SU BCAD PA DE DAG SMRAS NAS KHANG PA BRTZEGS PA GZHAN GA LA BA DER 'GRO BAR BYED DO, ,LEGS PAR BYAS PA'I LAS KYIS SPRUL PA'I KHANG PA BRTZEGS PA DER STAN KHRA PO 'JAM ZHING 'PHAR LA LHOD PA DAG NI BTING, RIN PO CHE LAS BYAS PA'I
STAN DU MAS NI MDZES PAR BYAS, 'OD KYI PHRENG BA RNAM PA DU MA YOD PA DE DAG LA MNGON PAR BRTAGS NAS LHA'I RGYAL PO BRGYA BYIN NANG DU ZHUGS SO, ,ZHUGS NAS DE NI DGA' BAR BYED, ,YONGS SU SPYOD PAR BYED DO, ,NANG DU ZHUGS PA'I KHANG PA BRTZEGS PA DE RIN PO CHE LAS BYAS PA YIN TE, RIN PO CHE 'BAR BA DU MAS RNAM PAR BRGYAN, 'OD DU MA 'BYUNG BA, ME TOG RNAM PA DU MAS MDZES PAR BYAS PA DE'I NANG DU ZHUGS NAS KYANG LHA MO'I TSOGS DU MAS YONGS SU BSKOR TE, DE LTAR DE RNAMS GLU DBYANGS LEN BZHIN DU TSAL DE NA RTZE BAR BYED, YONGS SU SPYOD PAR BYED DO, ,TSAL DE NA'ANG MTHO ZHING DMA' BA'I SA RIS LEGS PAR RNAM PAR PHYE BA DANG, ME TOG RNAM PA SNA TSOGS KYIS KHEBS PA'I SA RIS LEGS PAR RNAM PAR PHYE BA DANG, GSER GYI BYA RNAM PA SNA TSOGS SKAD 'BYIN PA'I SA RIS LEGS PAR RNAM PAR PHYE BA DANG, LA LA DAG TU'ANG RIN PO CHE SNA BDUN GYI SHING LJON PA RNAMS KYIS MDZES PAR BYAS ,BYA DANG, BUNG BA SNA TSOGS SGRA SKAD SNYAN PA 'BYIN CING, KHA CIG DAG NA'ANG DPAG BSAM GYI SHING LJON PA'I SA RIS LEGS PAR RNAM PAR PHYE BA DAG LA LHA'I DBANG PO BRGYA BYIN DE KUN TU MIG GIS RTOG PAR BYED CING, LHA'I TSOGS KYIS GANG BA ZLA BA DANG, NYI MA BAS LHAG PA'I 'OD DAG GI GZI BRJID 'BAR BAS DGA' BAR BYED DO, ,GSER GYI SHING LJON PA RNAMS
, ,KYIS YONGS SU BSKOR CING, BEE d'URYA'I KHANG BZANG GIS DKRIGS PA, KUN NAS GSER DANG, DNGUL GYI KA BA ZUNG RNAMS KYIS MJES PAR BYAS SHING, BEE d'URYA SNGON PO'I PADMA'I MTSO RNAMS KYIS MDZES PAR BYAS PA DE MTHONG NGO, ,DE NAS LHA'I RGYAL PO BRGYA BYIN 'DI SNYAM DU SEMS TE, KHANG BZANG 'DIR BDAG GNAS PAR BYA BA'I PHYIR 'JUG PAR BYA'O SNYAM MO, ,DE NAS LHA RNAMS KYANG 'DI SNYAM DU SEMS TE, DA NI LHA'I RGYAL PO BRGYA BYIN KHANG PA BA RTZEGS PA 'DIR 'JUG PAR 'GYUR TE, DER BDAG CAG RANG GI 'KHOR GYIS YONGS SU BSKOR CING LHA MO'I TSOGS KYIS NYE BAR GLU LEN PA DANG, TSAL DANG, NYE BA'I TSAL DU 'CHAG CING RTZED MO BYA ZHING GLU DAG BLANGS TE BDE BA NYAMS SU MYONG BAR BYA'O SNYAM MO, ,DE NAS BRGYA BYIN 'DI SNYAM DU SEMS TE, GAL TE LHA DANG; LHA MO DAG GIS SKABS PHYE NA, BDAG KHANG BZANG 'DIR 'DUG PAR BYA'O SNYAM MO; ;DE NAS LHA DAG GIS 'PHRAL LA 'DI SKAD CES SMRAS SO, ,KHYOD RANG GI SKYED MOS TSAL DAG TU GSHEGS LA DGYES PA MDZAD DU GSOL, DE NAS BRGYA BYIN GYIS TSIG DE THOS NAS LHA DE DAG RANG GI TSAL DANG, NYE BA'I TSAL DANG, SKYED MOS TSAL DANG, PADMA'I RDZING DANG, MTSE'U DANG, RANG GIS LAS GA LA YOD PA DER RTZE BA'I PHYIR 'GRO BAR BYED DO, ,
DE NAS LHA'I RGYAL PO DBANG PO KHANG PA BRTZEGS PA GA LA BA DER 'GRO BAR BYED DE, BEE d'URYA'I TSAL DRI MA MED PA DER ZHUGS NAS THAGS SU BTAGS PA MA YIN PA'I LHA'I STAN KHRA BO BTANG BA'I STENG DU 'DUG GO ,'DUG NAS DE'I LEGS PAR BYAS PA'I LAS DANG, DGE BA'I LAS DES BSKUL NAS, RTZIG NGOS SHIN TU GSAL BA LA RTOG PA BYED DE, BRGYA BYIN GANG TSE 'PHOS PA RI MOR BRIS PA LTA BU DE DAG SA DER MTHONG NGO, ,DE BDAG GI MING DER BRIS PA RNAMS LA'ANG RTOG PAR BYED DE ,DER DBANG PO TSE 'PHOS PA NI 'DI RNAMS YIN NO, ,'DI LTA STE, LEGS 'BYOR ZHES BYA BA DANG, 'BYOR BA ZHES BYA BA DANG, LEGS SPYOD LDAN ZHES BYA BA DANG, DKAR PO ZHES BYA BA DANG, BLO GROS BZANG ZHES BYA BA DANG, KUN BDE ZHES BYA BA DANG, BRTAN PA ZHES BYA BA DANG, KUN TU MIG CES BYA BA DANG, MIG STONG ZHES BYA BA DANG, THAMS CAD DGA' ZHES BYA BA DANG, STONG SNANG ZHES BYA BA DANG, GZI BRJID PHRENG LDAN ZHES BYA BA DANG, DPAL 'DZIN CES BYA BA DANG, MDOG SNGON ZHES BYA BA DANG, MI 'CHI ZHES BYA BA DANG, MI 'GYUR ZHES BYA BA DANG, BDE BYED CES BYA BA DANG, MCHOG SBYIN 'DZIN CES BYA BA DANG, BKRA SHIS 'DZIN CES BYA BA DANG, KUN DGA' ZHES BYA BA DANG, BRGYA BYIN ZHES BYA BA LA SOGS DBANG PO SUM CU LHA'I 'JIG RTEN NAS TSE 'PHOS PA DANG, DGE
, ,BA'I LAS KYIS DER SKYES PA DANG, DE'I DGE BA'I LAS ZAD NAS LHA'I DBANG PO'I GNAS DE NAS TSE 'PHOS TE, DE NAS YANG SEMS CAN DMYAL BA DANG, DUD 'GRO DANG, YI DVAGS RNAMS KYI NANG DU SKYES PA MTHONG ZHING LUS SDUG BSNGAL DU MAS MNGON PAR NYAMS PA DAG MTHONG NGO, ,TSE RABS DE DAG GI NANG DUS KYES PA DE DAG SHIN TU SDUG BSNGAL ZHING SDUG BSNGAL GYIS GNOD PA DE RNAMS GZUGS BRNYAN LTA BUR GYUR PA MTHONG NGO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO SUM CU GCIG PA, YI DVAGS RNAMS KYI NANG DU SKYES PA DAG, LUS BKRES PA DANG, SKOM PAS GDUNGS SHING LUS PAGS PA DANG, RUS PA DANG, RGYUS PAS SBREL BA LTA BU GANG YIN PA DE DAG DANG, DUD 'GRO RNAMS KYI NANG DU SKYES PA, PHAN TSUN LUS LA ZA BA'I SDUG BSNGAL GYIS GDUNGS SHING ZA BA GANG YIN PA DE DAG DANG, MI RNAMS KYI NANG DU SKYES PA TSOL BA'I SDUG BSNGAL GYIS MNGON PAR GDUNGS PA GANG YIN PA DE DAG KYANG MTHONG STE, DE LTAR DE DAG MTHONG NAS 'KHOR BA MI ZAD PAR BYAS PA LA BDE BA 'BYUNG BA MED CING, KYE MA; 'KHOR BA 'DI KUN NI GNOD PA PHAL CHE ZHING MANG BA YIN, KUN NAS SNYING PO MED PA YIN, 'KHOR BA 'DI LA GANG RTAG PA'AM, BRTAN PA'AM, THER ZUG GAM ,MI 'GYUR
BA'I CHOS CAN SKRA'I RTZE MO TZAM YANG MED DO, ,KYE MA, DBANG PO 'DI DAG RANG GI LAS KYI 'BRAS BU LA LONGS SPYAD NAS 'DI NAS TSE 'PHOS TE, SEMS CAN DMYAL BA DANG, DUD 'GRO DANG, YI DVAGS RNAMS KYI NANG DU SKYES PA RNAMS BDE BA'I RNAM PA 'DI LTA BU'I MTHA'I SDUG BSNGAL GYI RNAM PA DE LTA BU STEN PAR GA LA NUS, KYE MA, 'KHOR BA 'DI NI SHIN TU MI BZAD PA YIN ZHING, SHIN TU 'JIGS PA YIN LA, MCHOG TU MI DGA' BAR BYED PA YIN NO, ,SUM CU RTZA GSUM GYI DBANG PHYUG CES BYA BA SHIN TU BDE BA'I SKAL BA CAN GANG YIN PA DE DAG KYANG MCHOG TU MI ZAD PA'I GNAS SKABS 'DI DAG TU SONG BA LTA ZHIG SNYAM SEMS SO, ,DE LTAR DE YID BYUNG NAS BDAG NYID LA RTOG PAR BYED DE, DE BDAG NYID KYI NGAN SONG GI 'GRO BA NI BCAD, LHA DAG LAS MI RNAMS KYI NANG DU SKYE ZHING, MI DAG LAS TSE 'PHOS NAS DE NAS YANG LHA RNAMS KYI NANG DU SKYE BAR 'GYUR BA MTHONG NGO, ,GANG GI TSE MI RNAMS KYI NANG DU SKYE BAR 'GYUR BA DE'I TSE YUL BZANG PO SHIN TU RGYAS PA'I LJONGS DANG, GRONG DANG, GRONG KHYER DANG, RIGS BZANG PO DANG, SPYOD PA BZANG ZHING YON TAN PHUN SUM TSOGS PA DANG, LTA BA LOG PA DANG, KHENGS PA DANG, RGYAGS PA DANG, NGA RGYAL DANG BRAL BA'I RIGS BZANG POR SKYE BAR 'GYUR RO, ,GAL TE'ANG BDAG NYID MI RNAMS KYI NANG DU SKYES NA'ANG DE RGYAL PO'I RIGS SAM, GAL TE BLON
, ,PO RTAG TU SPYOD PA GTZANG ZHING YON TAN PHUN SUM TSOGS PA DBANG PHYUG DAM PA MTHU CHEN POR 'GYUR BA MTHONG NGO, ,'DI LTAR BDAG MI YUL DE NAS SHI NAS YANG GAR SKYE BAR 'GYUR ZHIG GU SNYAM MO, ,DE BDAG NYID LHA RNAMS KYI NANG DU SKYES TE, MCHOG TU RDZU 'PHRUL CHE ZHING SHIN TU MTHU CHE BA DANG, NGO TSA'I KHA NA LAS PA MED PAR 'GYUR BA MTHONG NGO, ,LHA GZHAN RNAMS KHA ZAS ZA BA'I DUS DE'I TSE LHA RNAMS BDAG NYID KYIS SDIG PA DANG 'DRES PA'I ZAS KYI LAS NGAN PA BSKYED PA DES SHIN TU NGO TSA BAR 'GYUR RO, , GANG GI JI SRID DU LAS KYI RNAM PA BYAS PA DE SRID DU DE'I ZAS KYI RNAM PA DE LTA BU 'BYUNG BAR 'GYUR TE, ZAS DE MNGON PAR MTHONG NAS LHA RNAMS SHIN TU NGO TSA BAR GYUR TO, ,DE LTAR BDAG GI ZAS SHIN TU CHE BA MCHOG TU ZHIM PO RAB TU MANG BA DE DAG BDAG NYID KYIS MTHONG NA, DE 'DI SNYAM DU SEMS TE, BDAG TSE RABS JI SNYED CIG TU 'DI LTAR 'GYUR SNYAM NAS DES KHANG PA BRTZEGS PA'I RTZIG PA DE NYID LA BRTAGS NA, DGE BA'I LAS DES BDAG LHA RNAMS KYI NANG DU LAN BDUN, MI RNAMS KYI NANG DU LAN BDUN, PHAN TSUN TSE 'PHO BA LAN BDUN MTHONG NAS, BDAG GI TSE 'PHOB BRGYAD PA LHA RNAMS DANG, MI RNAMS DANG, SEMS CAN DMYAL BA RNAMS DANG, DUD 'GRO RNAMS DANG, YI DVAGS
RNAMS KYI NANG DU SKYE BA MTHONG NAS, DE 'DI SNYAM DU SEMS TE, 'DI DAG GANG DU'ANG BDAG NYID MA MTHONG STE, BDAG GANG DU JI LTAR SKYE BAR 'GYUR ZHIG GU SNYAM MO, ,DE BDAG NYID GANG DU'ANG MA MTHONG NAS, DE SHIN TU NGO MTSAR CHER SKYES TE, KYE MA, BDAG GI TSE BRGYAD PA MA MTHONG NGO SNYAMS PAS, [?] DE SEMS SHING 'DUG 'DUG PA LAS YUN RING ZHIG LON PA DANG, DRAN PA RNYED DE, BDAG GIS BCOM LDAN 'DAS LAS BDAG TSE RABS BDUN BRJES NAS RGYUN DU ZHUGS PAR 'GYUR LA, PHYIS PHUNG PO'I LHAG MA MED PA'I DBYINGS LA 'JUG PAR 'GYUR RO ZHES THOS SO, ,DA NI BDAG SKAL PA DE LTA BU DANG LDAN PAR 'GYUR RO SNYAM STE, DE LTAR BRTAGS NAS, DE NAS YANG BCOM LDAN 'DAS LA PHYAG 'TSAL BAR BYED DE, YID SHIN TU DANG ZHING RNYOG PA MED PAS BCOM LDAN 'DAS LA PHYAG 'TSAL BAR BYED DO, ,YID RAB TU DGA' BAS PHYAG BYAS NAS, DE NAS YANG GDING BA SHIN TU 'BYOR BA BTAGS PA LAS BYAS PA MA YIN PA PHUN SUM TSOGS PA DANG, DZAMBU CHU BO'I GSER BZANG PO'I STAN DE NYID LA 'DUG PA DANG, BRGYA BYIN GYI GZUGS DE NYID RTZIG PA'I NANG NA SNANG BA MTHONG NGO, ,DE NAS LHA'I RGYAL PO BRGYA BYIN 'DI SNYAM DU SEMS TE, 'DI LTAR BDAG YANG LHA'I MDUN SA CHOS BZANG DU LHA RNAMS YANG DAG PAR BLTA BAR BYA BA'I PHYIR 'JUG PAR BYA'O SNYAM MO, ,
, ,DE NAS LHA'I RGYAL PO BRGYA BYIN STAN DE LAS LANGS NAS TSAL SNA TSOGS KYI PHYOGS GA LA BA DER 'GRO BAR BYED DE, DER YANG LHA DANG, LHA MO'I NANG NA DGA' BAR BYED, DGA' DGUR SPYOD PAR BYED LA, LHA'I 'DOD PA'I YON TAN LNGA RNAMS 'BYOR CING LDAN PAR GYUR PAS DGA' BAR BYED, YONGS SU SPYOD PAR BYED DO, ,BYA DANG, SHING LJON PA DANG, PADMA'I RDZING DANG, LTENG KA DANG, NYE BA'I TSAL GYI RNAM PAS MDZES PAR BYAS PA'I TSAL SNA TSOGS SU DE DAG GIS LHA'I RGYAL PO BRGYA BYIN DE MNGON PAR MTHONG NAS, DE DAG THAMS CAD KYIS SIL SNYAN DANG, ROL MO RNAM PA SNA TSOGS DAG BLANGS TE, LHA'I RGYAL PO BRGYA BYIN GA LA BA DER 'DONG BAR BYED DO, ,DONG NAS KYANG BRGYA BYIN LA GSONG POR SMRAS SHING BRGYA BYIN YONGS SU BSKOR NAS, LHA'I TSOGS THAMS CAD BRO RDUNG BAR BYED, GLU DBYANGS LEN, RGOD PAR BYED DO, ,BRGYA BYIN SNGAR 'GRO LA, LHA MO CHA BYAD DANG, GZUGS SNA TSOGS DANG LDAN PA DAG PHYI BZHIN 'BRANG ZHING ROL MO'I SGRA SNA TSOGS KYIS LHA'I MDUN SA CHOS BZANG DER 'GRO BAR BYED DO, ,DE DAG THAMS CAD YID RAB TU DGA' BAS SIL SNYAN DANG, ROL MO SNA TSOGS DANG, GAR BYAS, GAD MO BGAD, DGA' BAR BYAS, RTZED MO RTZES NAS LHAN CIG TU 'DONG BAR BYED DO, ,DE NAS CHOS BZANG NA GNAS PA'I
LHA BRGYA BYIN LA RIM GRO BYED PAR 'DOD PA RNAMS KYANG, LHA'I RGYAL PO BRGYA BYIN GA LA BA DER 'DONG BAR BYED DO, ,DE NAS SIL SNYAN DANG, GLU DBYANGS KYI SGRA SNA TSOGS 'BYIN PA'I LHA DE RNAMS KYANG PHYIR BYUNG NAS DE DAG PHAN TSUN 'DUS SO, ,LHA'I TSOGS 'DUS SHING YANG DAG PAR DGA' LA, MNGON PAR MTHONG BA DE RNAMS KYI BRO GAR DANG, GLU'I SGRA SHIN TU SNYAN PA SREG PA KUN TU STON PA'I SGRA DES LHA'I 'JIG RTEN DANG BCAS PA THAMS CAD KUN TU GANG NGO, ,SGRA DE DAG THOS NAS LHA GANG TSAL DANG, NYE BA'I TSAL GZHAN RNAMS KYI NANG NA 'KHOD PA DAG LHA'I 'DOD PA'I YON TAN LNGA RNAMS 'BYOR CING LDAN PAR GYUR PAS DGA' BAR BYED, RTZE BAR BYED, DGA' DGUR SPYOD PAR BYED DO, ,DE DAG KYANG LHA'I MDUN SA CHOS BZANG GA LA BA DER 'DONG BAR BYED DE, DONG NAS KYANG BRGYA BYIN LA GSONG POR SMRAS SHING RGYAL BAR SPYON CIG CES BRJOD NAS, 'BUM PHRAG DU MAR YONGS SU BSKOR TE LHA'I MDUN SA CHOS BZANG GA LA BA DER 'DONG BAR BYED DO, ,DGE BA'I LAS SNA TSOGS KYI GLU LEN, BRO RDUNG ZHING CHA BYAD DANG, RGYAN RNAM PA BZHI THOGS PA DER SKYES PA DAG NI TSUL KHRIMS PHUN SUM TSOGS PA LEGS PAR BSRUNGS SHING BSGOMS PA DE'I 'BRAS BU'I RNAM PA YIN TE, DE LA NYE BAR SPYOD PAR BYED DO, ,LHA'I TSOGS THAMS CAD CHOS BZANG DU ZHUGS TE, BRGYA BYIN GYI GNAS
, ,DPAG TSAD LNGA BRGYAR RGYA CHE ZHING GSER BTZO MAS RNAM PAR BRGYAN PA, BEE d'URYA'I SHING LJON PAS NYE BAR MDZES PAR BYAS PA, SHING LJON PA GZHAN RNAMS KYIS KYANG MDZES PAR BYAS PA, ME TOG 'JAM POS RGYAS PA SHIN TU DRI ZHIM ZHING DPAG TSAD LNGA'I BAR DU DRI RAB TU 'BYUNG BAR BYED PA, YID DU 'ONG BA DGA' BAR BYED LA, SDUG CING YID DU 'THAD PA GZHAN GYIS MI THUB PA DAG YOD DO, DE DAG THAMS CAD KYANG LHA'I MDUN SAR BRGYA BYIN GYIS YONGS SU BSKYANGS PA YIN NO, ,DE DAG LHA'I DBANG PO BRGYA BYIN DANG BCAS SHING LHA MO'I TSOGS BYE BA PHRAG DGU BCU RNAMS DANG LHAN CIG TU 'DOD PA'I YON TAN LNGA PO DE RNAMS KYIS DGA' BAR BYED, RTZE BAR BYED DO, ,DER ZHUGS NAS; KHANG BZANG RAB TU DGA' BAR GNAS PA ZHES BYA BA DE'I NANG DU 'DONG BAR BYED DO, ,BEE d'URYA DANG, GSER DANG, DNGUL DANG, SPUG PAS BYAS PA'I KA BA RNAMS DANG, GSER LAS BYAS PA'I STAN RNAMS KYIS NYE BAR MDZES PAR BYAS PA, THAGS SU BTAGS PA MA YIN PA'I STAN KHRA BO 'JAM LA NEMS ZHES BYED CING 'PHAR LA LHOD PA RNAMS BTING BA, STENG DU GDING BA YON TAN PHUN SUM TSOGS PA'I STAN RNAMS LA LHA'I TSOGS THAMS CAD BRGYA BYIN GYIS GNANG NAS 'KHOD DO, ,DE NAS LHA'I DBANG PO BRGYA BYIN GYIS LHA RNAMS LA
'DI SKAD SMRAS SO, ,BDAG CAG LEGS PAR BYAS PA'I LAS DES LHA'I 'JIG RTEN 'DIR SKYES LA, DE ZAD NAS LTUNG BA NI GDON MI ZA'O, ,BDAG CAG THAMS CAD LAS KYI 'BRAS BU'I BGO SKAL LA JI LTAR SPYOD PA BZHIN BDAG CAG LHA RNAMS KYI NANG DU 'ONG LA, DE NAS YANG BDAG CAG LTUNG BA'I MTHAR 'GYUR TE, DE LTA BAS NA, LHA DAG ,SDUG BSNGAL DE DAG THAMS CAD MNGON PAR SHES PAR BYAS LA DGE BA LA 'BAD PAR GYIS SHIG ,DE NAS BRGYA BYIN GYI TSIG DE THOS NAS, DE DAG KUN GYI, BRGYA BYIN LA 'DI SKAD SMRAS SO ,BRGYA BYIN, KHYOD KYIS DE JI LTAR THUGS SU CHUD PA DE BZHIN LAGS TE, BDAG CAG KUN DE LTAR RANG GI LAS KYI 'BRAS BU LA NYE BAR SPYOD PA LHA'I DGA' BA DANG, BDE BA DE LAS LTUNG BAR 'GYUR NA, DE LAS GZHAN PA BDAG CAG RGYU GANG GIS LTUNG BAR MI 'GYUR BA BSTAN DU GSOL, DE NAS BRGYA BYIN GYIS LHA DE RNAMS LA 'DI SKAD SMRAS SO, ,GANG 'DUS BYAS KYI RNAM PA 'JIG PA'I MTHA' CAN RTAG PAR 'GYUR BA'AM, ,THER ZUG TU 'GYUR BA'AM, MI 'GYUR BA'I CHOS CAN GYI GNAS DE NI 'OG GAM, THAD KA'AM, DBUS SAM, STENG NA'ANG MED DO, ,KUN NAS NYON MONGS PA LA RTAG TU CHAGS PA'I BLO DES NI CHO GA 'GRANGS TE, SDUG BSNGAL LA MTHA' MED CING LEGS PA MED ,BDE BA'I RANG BZHIN MA YIN, RGYU DANG, RKYEN KHONG DU CHUD PA SKYED PA MA YIN, YANG DAG PAR
, ,SKYED PA YIN, SDUG BSNGAL GYI MTHA' 'DI LTA BU LA RTOG PAR MI BYED DE, KHYED CAG PHAL CHER MTHO RIS NAS TSE 'PHOS TE, SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE'O, ,DE NAS YANG LEGS PAR BYAS PA'I LAS KYIS 'DIR SKYES PA RNAMS RANG GI LAS KYI 'BRAS BU'I BGO SKAL LA SPYOD PA MTHO RIS NA LHA'I BDE BA DAG MYONG BAR 'GYUR RO, ,DE NAS YANG LAS KYIS GZINGS PA RNAMS LTUNG BAR 'GYUR TE, SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU NYE BAR SPYOD PAR 'GYUR GYI LHA RNAMS DE LA SHIN TU BAG YOD PAR GYIS SHIG ,'DI LTAR BDAG GIS GANGG'A'I KLUNG GI BYE MA SNYED KYI SANGS RGYAS RNAMS KYIS MDOR BSDUS TE GSUNGS PA'I CHOS DE KHO NA DANG, GZHAN GANG GIS 'KHOR BA LAS THAR PAR 'GYUR BA BSHAD PAR BYA'O, ,'DI LTA STE, MA RIG PA'I RKYEN GYIS 'DU BYED RNAMS, 'DU BYED KYI RKYEN GYIS RNAM PAR SHES PA, RNAM PAR SHES PA'I RKYEN GYIS MING DANG, GZUGS, MING DANG, GZUGS KYI RKYAN GYIS SKYE MCHED DRUG ,SKYE MCHED DRUG GI RKYEN GYIS REG PA, REG PA'I RKYEN GYIS TSOR BA, TSOR BA'I RKYEN GYIS SRED PA, SRID PA'I RKYEN GYIS LEN PA, LEN PA'I RKYEN GYIS SRID PA, SRID PA'I RKYEN GYIS SKYE BA, SKYE BA'I RKYEN GYIS RGA SHI DANG, MYA
NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'BYUNG BAR 'GYUR TE, DE LTAR SDUG BSNGAL GYI PHUNG PO CHEN PO 'DI 'BA' ZHIG 'BYUNG BAR 'GYUR RO, ,YANG MA RIG PA 'GAGS PAS 'DU BYED 'GAG PAR 'GYUR LA, 'DU BYED 'GAGS PAS RNAM PAR SHES PA 'GAG, RNAM PAR SHES PA 'GAGS PAS MING DANG, GZUGS 'GAG ,MING DANG, GZUGS 'GAGS PAS SKYE MCHED DRUG 'GAG ,SKYE MCHED DRUG 'GAGS PAS REG PA 'GAG ,REG PA 'GAGS PAS TSOR BA 'GAG ,TSOR BA 'GAGS PAS SRED PA 'GAG ,SRED PA 'GAGS PAS LEN PA 'GAG ,LEN PA 'GAGS PAS SRID PA 'GAG ,SRID PA 'GAGS PAS SKYE BA 'GAG ,SKYE BA 'GAGS PAS RGA BA DANG, NA PA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL DANG, YID MI BDE BA DANG, 'KHRUG PA RNAMS 'GAG PAR 'GYUR TE, DE LTAR SDUG BSNGAL GYI PHUNG PO CHEN PO 'DI 'BA' ZHIG 'GAG PAR 'GYUR RO, ,DE LTAR LHA DAG ,'KHOR BA 'DI'I 'JUG PA DANG ,LDOG PA ZHES BYA BA MTHONG ZHING SHES NA NYON MONGS PA ZAD NAS THAR BAR 'GYUR TE, MYA NGAN LAS 'DAS PA ZHES BYA BA, 'JIG PA MED PA, RTAG PA, DGA' BA MED PA, 'CHI BA MED PA, ZAG PA MED PA 'THOB STE, DE LTAR LHA DAG ,SROG CHAGS RNAMS 'KHOR BA 'DI LAS THAR BAR
, ,'GYUR RO, ,GANG 'DUS BYAS KYI RNAM PA 'JIG PA MED PA'I MTHA'AM, ZAD PA MED PA'I MTHA' PA, CHUD ZA BA MED PA'I MTHA'AM, TSE RABS SU 'GAG PA MED PA'I CHOS ZHES BYA BA'I GNAS GZHAN 'KHOR BA NA MED DO, ,GANG NA GTAN DU BDE BAR 'GYUR BA DANG, LTUNG BA'I MTHA' MED PA DANG, ZAD PA DANG, 'JIG PA'I MTHA' MED PA DANG, 'BYUNG BA DANG, 'JIG PAR 'GYUR BA'I CHOS CAN MA YIN PA MED DO, ,DE NAS BRGYA BYIN GYI KHA NAS TSIG DE DAG THOS NAS, LHA GANG TSE RAB GZHAN DAG TU SEMS BSGOMS PA DAM PA'I CHOS LA MNGON PAR DGA' ZHING BLO SHIN TU ZHEN PA DE DAG NI YID LA BAG YOD PAR 'GYUR ZHING, SANGS RGYAS DANG, CHOS DANG, DGE 'DUN RNAMS LA GCIG TU DAD LA MYA NGAN LAS 'DAS PA'I SA BON BDE BA'I LAS 'PHEN PAR BYED DO, ,YID MA BSGOMS PA GANG YIN PA DE DAG NI DE NAS YANG BAG MED CING SEMS 'KHRUGS PAR 'GYUR LA, SRED PAS BSLUS PA RNAMS LHA'I 'DOD PA'I YON TAN LNGA RNAMS 'BYOR CING LDAN PAR GYUR PAS DGA' BAR BYED DO, ,DE NAS YANG DES BSLUS PA RNAMS RTZE BA DON DU BYED CING DGA' BAR BYED DE, DE LTAR DE DAG GI 'KHOR BA'I SDUG BSNGAL MTHA' MED PAR 'GYUR RO, ,DE LTAR LHA'I RGYAL PO BRGYA BYIN DES CHOS BSHAD PA NA 'JIG RTEN SKYONG BA BZHI RNAMS LHA'I
'DUN SA CHOS BZANG DAG TU SO SOR 'KHOD DE, 'DI LTAR LHA'I RGYAL PO BRGYA BYIN LHA RNAMS DANG LHAN CIG GANG NA BZHUGS ZHES DPYOD PAR BYED DO, ,DE NAS DE LTAR BRGYA BYIN LHA'I STAN LA 'DUG CING LHA'I TSOGS KYIS YONGS SU BSKOR LA GZI BRJID 'BAR BA NA, LHA YUL GYI BDE BA DPE MED PA DU MA DANG LDAN PA RGYANG RING PO NAS MTHONG NGO, ,DE MTHONG NAS 'JIG RTEN SKYONG BA BZHI RNAMS BRGYA BYIN GA LA BA DER 'DONG BAR BYED DO, ,DONG NAS BRGYA BYIN LA GSONG BOR SMRA STE, LHA'I STAN MCHOG TU NYAMS DGA' BA BZANG PO LA PHYOGS GCIG TU 'KHOD DO; ;DE NAS YANG STAN MCHOG TU NYAMS DGA' BA BZANG PO DE DAG LAS LANGS TE, BRGYA BYIN GA LA BA DE LOGS SU PHYOGS NAS 'DUG STE, BRGYA BYIN LA 'DI SKAD SMRAS SO, ,LHA'I DBANG PO, 'DI LTAR DZAMBU'I GLING GI MI RNAMS NI DGE BA BCU'I LAS KYI LAM LA MNGON PAR BRTZON ZHING CHOS LA DGA' BA, MAR 'DZIN PA DANG, PHAR 'DZIN PA DANG, DGE SBYONG DU 'DZIN PA DANG, BRAM ZER 'DZIN PA DANG, RIGS KYI RGAN RABS LA GUS PAR BGYID KYI, LHA'I DBANG PO, KHYOD DGYES PAR MDZAD DU GSOL, ,DE NAS LHA'I DBANG PO BRGYA BYIN GYIS TSIG DE DAG THOS NAS 'DI SKAD SMRAS SO, ,LHA DAG ,BDAG NI DGA'O, ,RGYAL PO CHEN PO, KHYED CAG NI 'JIG RTEN SKYONG ZHING 'JIG RTEN LA PHAN PAR 'DOD PA PHAN GDAGS PAR
, ,RAB TU ZHUGS PA YIN TE, BDAG GI DGA' BA'ANG THOS NAS ,KHYED BDE LEGS SU GYUR CIG ,DE NAS DZAMBU'I GLING DU CHOS DANG MI LDAN ZHING CHOS MA YIN PA'I RJES SU ZHUGS PA'I MI DE DAG DE BZHIN DU 'JIG RTEN SKYONG BA RNAMS BRGYA BYIN LA SMRA BAR BYED DE, DZAMBU'I GLING NA MI CHOS DANG MI LDAN ZHING CHOS MA YIN PA'I RJES SU 'JUG PA MAR MI 'DZIN PA DANG, PHAR MI 'DZIN PA DBANG, DGE SBYONG DU MI 'DZIN PA DANG, BRAM ZER MI 'DZIN PA DANG, RIGS KYI RGAN RABS KYI RJES SU MI 'JUG PA DAG MCHIS TE, BDUD KYI PHYOGS NI 'PHEL LO, , DAM PA'I CHOS KYI PHYOGS NI 'GRIB BO ZHES BSNYAD DO, ,LHA'I RGYAL PO BRGYA BYIN GYIS DE THOS NAS, RGYAL CHEN BZHI'I LHA RNAMS DANG, SUM CU RTZA GSUM PA JI LTAR PHYOGS PA RNAMS LA BOS NAS SMRAS PA, LHA MA YIN BRTAN PA DANG, RAB SPRO LA SOGS PA, KLU CHOS MA YIN PA DANG LDAN PA RAB 'JOMS LA SOGS PA SA'I 'OG NAS LANGS TE, BDAG CAG LA G-YUL 'GYED DU'ONG GO ,LHA KHYED RNAMS CHOS SHIG ,DE NAS BRGYA BYIN GYI BKA' DE MNOS NAS, GANG RGYAL CHEN BZHI'I LHA RNAMS BRGYA BYIN GYI BKAS SHIN TU RINGS PAR LAG CHA DANG, MTSON CHA SNA TSOGS SNGA MA BZHIN TSOGS TE, RI BO ZLA BA ZHES BYA BA'I RIG LA BA DER 'DONG BAR BYED DO, ,DE NAS 'JIG RTEN SKYONG BA DE RNAMS DONG BA DANG, LHA'I DBANG PO BRGYA BYIN YANG
LHA'I TSOGS SNA TSOGS KYIS NI BSKOR, LHA'I PHRENG BA DANG, GOS NI GYON, LANG TSO LA BAB PA'I GZUGS RGYAN SNA TSOGS KYIS NI BRGYAN, LHA MO RNAMS NI RJES SU 'BRANG ZHING LHA'I TSOGS KYIS YONGS SU BSKOR BA DANG LHAN CIG THAMS CAD MNGON PAR 'BYOR CES BYA BA GA LA BA DER 'DONG BAR BYED DE, SKYED MOS TSAL GANG YIN PA DE RI RAB DANG, SKRA LTA BUR CUNG ZAD 'DRA BA'I DPER BYA NA, 'DI LTAR ZLA BA RGYU SKAR GYI TSOGS KYIS YONGS SU BSKOR BA LTA BU DANG, NYI MA GZA'I TSOGS KYIS BSKOR BA MI MTHUN PAR MTHONG BA LTA BU DANG, RI RAB GSER GYI RI STONG GIS BSKOR BA LTA BU DANG, SHING LJON PA LHA'I GSER DANG, DNGUL DANG, BEE d'URYA DANG, MTHON KA DANG, PADMA R'A GA'I MDOG LTA BU RNAMS KYIS NYE BAR MDZES PAR BYAS PA'I SKYED MOS TSAL DE LHA'I ME TOG GIS MDZES PAR BYAS SHING BYA'I TSOGS KYIS YONGS SU BSKOR LA SGRA SKAD SNYAN PA 'BYIN PA LHA'I PADMA'I RDZING RNAMS KYIS MDZES PAR BYAS PA YIN NO, ,LHA'I RGYAL PO BRGYA BYIN GYI GLANG PO CHE'I RGYAL POS SRUNG GI BU ZHES BYA BA SKYED MOS TSAL CHEN PO DE NA RDZING DE DAG SNGA MA BZHIN YOD PA'I NANG NA BAL GLANG MO DANG LHAN CIG RTZE BAR BYED, GSER DANG; BEE d'URYA'I PADMA'I 'DAM BU'I NANG NA BAL GLANG MO DANG LHAN CIG RTZE ZHING YUL DER 'GRO BAR BYED DO, ,LHA'I RGYAL PO BRGYA BYIN LHA'I TSOGS DANG, LHA MO'I TSOGS SNA TSOGS KYIS
, ,YONGS SU BSKOR BA LTAR, GLANG PO CHE'I RGYAL PO DE'ANG DE LTA BU YIN LA, PADMA GSER BCOM LTA BU DANG, NAM MKHA' LA NYI MA 'BUM PHRAG 'CHAR BA DE LTA BU'I 'OD BZANG PO 'CHAR BA DANG LDAN PA RNAMS KYIS MDZES PAR BYAS PA DER DE DGA' BAR BYED, YONGS SU SPYOD PAR BYED, RTZED MO BYED, DUD 'GROR GYUR KYANG LHA'I BDE BA MYONG BA YIN NO, ,DE NAS LHA'I RGYAL PO BRGYA BYIN DER SONG NAS LAG PA GNYIS KYIS BYUGS SHING PHYI BDAR BYED LA, KYE; BDAG GI GLANG PO CHE'I RGYAL PO 'DI NI G-YUL 'GYED PA LA DGOS PA YIN TE, LHA DANG, LHA MA YIN 'THAB PA'I TSE 'DI'I STENG NAS BDAG RGYAL BA THOB BO, ,DE NAS GLANG PO CHE MCHOG PHYI BDAR BYAS NAS, SKYED MOS TSAL THAMS CAD 'BYOR LDAN NA KHANG BZANG MYA NGAN BRAL ZHES BYA BA GA LA BA DER 'GRO BAR BYED DE, CHU'I ZAM PA LTA BU'I SKAD DE LAS 'DZEGS NAS, DER LHA DANG, LHA MO'I TSOGS KYIS YONGS SU BSKOR TE 'JUG PAR BYED DO, , DER ZHUGS NAS LHA'I RGYAL PO DE LHA MO BYE BA PHRAG DGU'I MDUN NA RTZE BAR BYED, DGA' BAR BYED DO, ,LHA'I RGYAL PO DE RNAMS DANG LHAN CIG LHA'I 'DOD BA'I YON TAN LNGA RNAMS 'BYOR CING LDAN PAR GYUR BAR RTZE BAR BYED, DGA' BAR BYED, YONGS SU SPYOD PAR BYED DO, ,LHA'I RGYAL PO RANG GI LAS DANG MTHUN PAR LONGS SPYOD 'BYOR TE, LHA DE DAG DANG, LHA'I
RGYAL PO DE JI SRID DU 'DOD PA, SDUG PA, YID DU 'ONG BA BYAS SHING BSAGS PA DANG, SO SO YANG DAG PAR MYONG BAR 'GYUR BA BDE BA'I RNAM PAR SMIN PA ,BDE BA SO SOR YANG DAG PAR MYONG BAR 'GYUR BA'I LAS ZAD PAR MA GYUR BA DE SRID DU 'DI LTA SKYED MOS TSAL BRGYA SNYED KYIS BRGYAN PA'I LHA'I 'DUN SA CHOS BZANG GI SKYED MOS TSUL DE NA BA DE BA KUN DANG LDAN ZHING LHA'I TSOGS THAMS CAD DANG BCAS PAS YAN LAG LHA DANG LDAN PA'I ROL MO RNAMS KYIS RTZE BAR BYED DGA' BAR BYED DO, ,DE DAG PHYIS LHA'I 'DUN SA CHOS BZANG NAS 'CHI BAR 'GYUR TE, SHI NAS KYANG JI LTAR LAS DE DANG NYE BAR 'GRO ZHING MYONG BAR 'GYUR BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE MI RNAMS DANG SKAL PA MNYAM PAR MI'I NANG DU SKYES NA, DE LAS DE DANG RGYU MTHUN PAR MCHOG TU BDE BA DANG, RIG PA'I BLO DRI MA MED PA DANG, PHAN TSUN GYI GTZO BO'AM, GRONG GI GTZO BO'AM, YUL GYI GTZO BO'AM ,GRONG KHYER GYI GTZO BO'AM, PHAN TSUN GYI GNYEN 'DAB DANG, RTZA LAG DANG BDE BAR LHAN CIG 'KHONG PAR 'GYUR RO, ,LHA'I RGYAL BO DE NI NGAN SONG GI SGO BCAD PA YIN TE, LHA DE DAG GI 'CHI 'PHO BA LA MNGON PAR BTAGS NAS 'DI LTAR TSIGS SU BCAD DE SMRAS PA, SA GANG YIN PA DE DAG GI, TSAL NI PADMA SNA TSOGS DANG, RTZE MO MCHOG STE NYAMS DGA' DANG,
, ,RIN PO CHE DANG LDAN PA DANG, ,MTSO DANG 'BAB CHU RIN PO CHE'I, ,RDO BA SNA TSOGS RNAMS KYIS BRGYAN, ,LJON SHING ME TOG SNA TSOGS DANG, ,BYA NI SNA TSOGS DAG GIS KHEBS, ,GSER LAS BYAS PA'I DPAG BSAM SHING, ,KHA CIG DRI MED BEE d'URYA, ,DNGUL DANG GSER NI BTZO MA YIN, ,TSAL NI RNAM PAR 'DRES PA BSKYED, ,BUNG BA RNAMS NI SGRA 'BYIN PAS, ,PADMA'I RDZING NI RNAM PAR MDZES, ,KHANG BZANG MCHOG NI NYAMS DGA' ZHING, ,RIN PO CHE NI CHE DANG LDAN, ,RNAM PAR BRGYAN PA NYAMS DGA' STE, ,LHA LA 'OS PA THAMS CAD YOD, ,DE DAG THAMS CAD DE BZHIN 'DUG ,SKYE BO RNAMS NI YONGS SU 'GYUR, ,KYE MA SRED PAS BSLUS PA YI, ,LHA RNAMS KUN GYI BDE BA NI, ,SGYU MA CHU BUR DBU BA DANG, ,DRI ZA'I GRONG KHYER LTA BU YIN, ,SRED PA DUG DANG ME 'DRA BA, ,'JIG RTEN 'JIG PA'I PHYIR GNAS TE, ,SRED PA'I MTSOR NI 'KHYAM BYED CING, ,SKYE BO DE KUN 'JIG PAR BYED; ;'DOD PA LONGS PAS CHOG MI SHES, ,BDE BA 'DONG PAS CHOG MI SHES, ,'CHI BA'I ME YIS RNAM BSREGS PA, ,LHA TSOGS DE DAG GA LAS 'ONGS, ,SRID 'DIS 'JIG RTEN GZENGS PA RNAMS, ,YE NAS NGAN TE 'PHAGS PA MIN, ,GANG GIS RNAM PAR RMONGS PA'I LHA, ,'CHI BA YI NI DBANG DU SONG, ,LHA DANG MI DANG LHA MA YIN, ,GNOD SBYIN SEMS
CAN DMYAL BA KLU, ,'CHI BA'I ZHAGS PA MI BZAD PAR, ,THAMS CAD DBANG MED 'GRO BAR 'GYUR, ,KHAMS GSUM PA STE 'DI DAG KUN, ,'CHI BA'I ZHAGS PAS SBREL GYUR KYANG, , SRED PA'I RMONGS PAS RMONGS PA RNAMS, ,DBANG MED MTHONG BAR MI 'GYUR RO, ,DE LTAR BRGYA BYIN GYIS RTAG TU LHA DE RNAMS KYI SKYE BA DANG, GZHAN MI RTAG PA 'CHI BA DAG MTHONG NAS, LHA DAG SHIN TU GO BAR BYA BA'I TSIGS SU BCAD DE SMRAS PA, 'BYUNG PO KUN LA PHAN BZHED PA, ,BCOM LDAN DE LA PHYAG 'TSAL LO, ,GANG GI SRED PA DUG 'DRA 'DI, ,'JIG RTEN PA LA MANG DU GSUNGS, ,MDOR NA SHES DANG SHES BYA DAG ,DE YIS 'DI KUN THUGS SU CHUD, ,SHES DANG SHES BYA MA GTOGS PAR, ,GSUM PA DMIGS PAR MI 'GYUR RO, ,'DI NI MI RTAG SDUG BSNGAL STONG, ,BYED PA PO YANG SPANGS PA YIN, ,DE NYID LAM NI RNAM STON PA, ,SANGS RGYAS KYIS NI 'KHOR BA GSUNGS, ,DE LTAR DBANG PO 'DI PHYAG RGYA 'DIS BTAB PA'I YID DRI MA MED PAS BCOM LDAN 'DAS LA BSTOD DO, ,BSTOD NAS DE NAS YANG LHA'I BDE BA'ANG NYAMS SU MYONG BAR BYED DE, DE LTAR DE LHA'I BDE BA THAMS CAD MYONG BA YIN NO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS SUM CU RTZA GSUM
, ,PA'I LHA RNAMS KYI GNAS MTHO BA NA GNAS BA ZHES BYA BA JI LTAR 'DUG PA MTHONG NGO, ,SEMS CAN DAG LAS GANG GIS DER SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA 'DI LTAR GANG GZHAN GYIS GSOD PA PO DAG NYI MA GCIG TZAM DU SROG GCOD PA SPONG BA'I TSUL KHRIMS SRUNG DU BCUG LA, 'KHOR BA LAS THAR PA 'DOD PA RNAMS MA BYIN PAR LEN PA DANG, RGYAL PO'I CHAD PAS 'JIGS NAS 'BRAS BU CHUNG DUR 'GYUR BA YANG SPONG DU 'JUG NA, DE LUS DANG BRAL NAS BDE 'GRO SUM CU RTZA GSUM PA'I LHA RNAMS KYI NANG NA MTHO BA'I GNAS SU SKYE BAR 'GYUR RO, ,GNAS MTHO BA DE'ANG RI RAB KYI STENG NA MTHO BA YIN LA KHYED CAG GI LAS SNA TSOGS SNANG BA BZHIN GSER DANG, DNGUL GYI BKRA BAS PHYE BA YIN NO, ,LHA RNAMS MTHO BA'I GNAS DER 'DZEGS NAS RI RAB KYI DRUNG THAMS CAD LTA BAR BYED DE, GSER DANG, DNGUL LAS BYAS SHING; BEE d'URYA BKRA BAS RNAM PAR PHYE BA RNAM PA DU MA LA LTA BAR BYED DO, ,LHA'I PHRENG BA DANG GOS GYON PA RNAMS GSER GYIS BRGYAN PA'I SA GZHI RNAMS LA DGA' BAR BYED, YONGS SU SPYOD PAR BYED LA, LHA MO'I TSOGS SNA TSOGS KYIS YONGS SU BSKOR CING SDUG PA DANG LHAN CIG BEE d'URYA'I TSAL DANG NYE BA'I TSAL RNAMS SU DGA' BAR BYED, YONGS SU SPYOD PAR
BYED DO, ,DER DE DAG GI RTAG TU BZA' BA DANG, BTUNG BA CHU BO LTAR 'BAB STE, 'DI LTA STE, CHU BO RO ZHIM ZHES BYA BA DANG, CHU BO SHUGS CHEN 'BAB CES BYA BA DANG, CHU BO DGA' BCAS ZHES BYA BA DANG, CHU BO DGA' BCAS CHE ZHES BYA BA DANG, CHU BO BRTZEGS 'BAB CES BYA BA DANG, CHU BO SHUGS PHRENG ZHES BYA BA DANG, CHU BO STONG 'BAB CES BYA BA DANG, CHU BO GAR DGAR 'BAB CES BYA BA STE, CHU BO DE DAG NI MYOS PA'I SKYON DANG BRAL ZHING BTUNG BA RNAM PA SNA TSOGS THAMS CAD RAB TU 'BAB PA YIN NO, ,RO SNA TSOGS DANG, MDOG SNA TSOGS YOD PA YIN TE, 'DI LTA STE, 'O MA'I MDOG DANG, PADMA R'A GA'I MDOG DANG, AANDA RNYIL GYI MDOG DANG MTHUN PA DANG, BEE d'URYA'I MDOG DANG, GSER GYI MDOG LTAR SER BA DANG, KHA CIG MDOG 'DRES PA DANG, CHU SHIN TU DRI ZHIM ZHING BRTAN PA DAG TU KHYAD PAR 'PHAGS PA'ANG 'BAB BO, ,GZHAN YANG, BZA' BA RO DANG, DRI DANG, MDOG SNA TSOGS SU 'BYUNG STE, 'DI LTA STE, RO SHA KHA RA 'DRA BA DANG, LHA'I DRI DANG, MDOG DANG, MDOG SKYA BO DANG, RO JI LTAR 'DOD DAG STE, LHA RNAMS JI LTAR 'DOD PA DE BZHIN DU BZA' BA RNAMS KYI RO DE DAG KYANG DE LTAR 'GYUR RO, ,TSAL DANG, NAGS TSAL SNA TSOGS DAG ME TOG DRI ZHIM PO RNAMS KYIS NYE BAR MDZES PAR BYAS SHING BYA KHA DOG SNA TSOGS DANG, RNAM PA SNA TSOGS RNAMS KYIS MDZES PAR BYAS PA YIN TE, DE DAG SA'I PHYOGS NYAMS
, ,DGA' BA DER LHA DANG, LHA MO'I TSOGS KYIS YONGS SU BSKOR NAS SIL SNYAN DANG, GLU DBYANGS DANG, BRO GAR SNA TSOGS KYIS RTZE BAR BYED, DGA' BAR BYED, YONGS SU SPYOD PAR BYED DO, ,DER TSAL 'DI DAG 'BYUNG BAR 'GYUR TE, SHING S'A LA'I TSAL DANG, SHING S'A LA CHEN PO'I TSAL DANG, JI LTAR 'DOD PA'I SHING LJON PA'I TSAL DANG, ME TOG RTAG TU YOD PA'I TSAL DANG, RLUNG JI LTAR 'DOD PA BZHIN BDE BAR 'BAB PA'I TSAL TE, TSAL DGA' BA DE RNAMS NA, GSER GYI LCUG MA 'PHYANG BAS NI MDZES, DRIL BU G-YER KA'I DRA BAS NI DKRIGS, BYA 'BUM SNYED SGRA 'BYIN PA DGA' BA LHA'I DBANG PO 'DOD PA'I YON TAN LNGA'I BDE BA DAG GIS LHA RNAMS NYE BAR 'TSO BAR BYED DO, ,PHAN TSUN GROGS SU GYUR CING PHAN TSUN LONGS SPYOD PA GCIG PU DON DU BYED PA, NAD DANG, MYA NGAN DANG BRAL BA, BKRES PA DANG, SKOM PA DANG BRAL BA, LUS NGAN PA DANG BRAL BA, TSOL BA'I NYON MONGS PA DANG BRAL BA, CI DGAR SPYOD PA LA BRTZON PA, CI DGAR RGYU BA, CI DGAR GNAS PA DAG TSAL GYI NANG DANG, SKYED MOS TSAL DANG, PADMA'I TSAL DANG, MTHONG NA YID 'PHROG RNAMS SU DGA' BAR BYED DO, ,MTHO BA NA GNAS PA 'DOD PA'I YON TAN LNGAS TSIM PA'I LHA RNAMS 'OD NI RANG GI 'OD LA LUS NI JI LTAR 'DOD PA BZHIN, PHRA BA DANG, SBOM PA DANG, YANG BAR SGYUR
BA; CI DGAR 'GRO BA, GAR DGAR 'GRO BA, RANG DGAR 'GRO BA, GANG THOB PAR 'DOD PA DE THOB PAR 'GYUR ZHING, THOB NAS SUS KYANG MI 'PHROG LA THOB NAS DE'I DBANG DU 'GYUR RO, , MTHO BA'I GNAS NI GNAS PAR GYUR PA'I LHA DE RNAMS LA BDE BA'I RNAM PA GZHAN YANG YOD DE, RANG GIS LEGS PAR BYAS PA'I LAS RGYU DANG, 'BRAS BUS KUN NAS BSLANG BAS JI SRID DU 'DOD CING SDUG LA YID DU 'ONG BA LEGS PAR BSRUNGS PA'I TSUL KHRIMS SROG GCOD PA DANG, MA BYIN PAR LEN PA SPANGS PA ZAD PAR MA GYUR PA DE SRID DU LHA MO'I TSOGS RNAMS DANG DGA' BAR BYED, DGA' DGUR SPYOD PAR BYED DO, ,DER LAS ZAD NAS LHA'I RIS DE NAS 'CHI BAR 'GYUR TE, SHI NAS LAS KYI 'GRO BA JI LTA BA DANG, LAS LA RTON PA DANG, 'GRO BA JI LTA BA BZHIN SKYE BAR 'GYUR TE, SEMS CAN DMYAL BA DANG, YI DVAGS DANG, DUD 'GRO RNAMS KYI NANG NA SKYE BAR 'GYUR RO, ,GAL TE MI RNAMS DANG SKAL PA MNYAM PAR MI'I NANG DU SKYE NA, DE LAS DANG RGYU MTHUN PAR RI LA GNAS PA RTAG TU BDE BAR 'GYUR ZHING, NOR DANG SHIN TU LDAN PA DANG, RAB TU BDE BA DANG, MCHOG TU GZUGS BZANG BA DANG, 'JIG RTEN GYI BAR BZANG POR DRO BA DANG, BSIL BA'I TSAL RNAMS KYI NANG DU SKYE BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SUM CU RTZA GSUM PA'I LHA
, ,RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA RNAMS KYI GNAS RI RTZEN GNAS BZHES BYA BA JI LTAR 'DUG PA MTHONG NGO, , DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA GANG GIS LUS KYI TSUL KHRIMS RNAM GNYIS BSRUNGS PA YIN TE, SROG CHAGS GSAD PAR CHAD PA DANG, BCINGS PA THAR BAR BYAS SHING MTHU RAB TU CHA BAR GYUR LA NUS PAR LDAN PA ZHIG LAM DU ZHUGS TE BKRES SHING SKOM BZHIN DU BU RAM SHING NGAM LDUM RA'AM, RDZI'U'I GRONG DAG TU BA'I BCUD DAM, BU RAM SHING GI BCUD MA BYIN PAR MA BLANGS, SEMS CAN GSAD PAR BYA BA DANG, MA BYIN PAR BLANGS NAS 'JIGS TE 'GRO BA THAR PAR BYAS PA'I SKYES BU DAM PA DE LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM GYI GNAS RI RTZER GNAS PA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG DE BDE BA'I LONGS SPYOD DU MA DANG LDAN ZHING DE YUL CHU BO LTA BU DUMS BDAS PA YIN LA, DE'ANG 'DOD CHAGS CHU BO LTA BU YIN, 'DI LTA STE, 'DOD CHAGS KYI CHU BO DANG, RGYAGS PA'I KLONG DANG, MGU BA'I GLING DU CHAGS PA DANG, KUN DGA'I CHU MIG DANG, KUN TU RTOG PA'I RLABS DANG, GZUGS DANG, SGRA DANG, DRI DANG, RO DANG, REG BYA SDUG PA'I BYA DANG,
LTA BA CHU SRIN KHRI KUN TU 'KHRUGS PA DANG, RAB TU THOGS PA DU MA YA YOR 'GRO BA DANG, TSAL DANG, NYE BA'I TSAL CHU YIS BAR BUS DED PA DANG, PHRA DOG GI NYA DANG, SPRO BA CHU LAS BRGAL BA DANG, YUL DU MA'I RI KHROD NAS CHU 'BAB STE, SRID PA'I CHU BO 'DAM RDZAS LA SOGS PA RNAM PA DE LTA BU DAG LAS LHA RNAMS 'BYUNG BAR MI NUS SO, ,GZHAN YANG, CHU BO GANGG'A'I PHA ROL GYI 'GRAM GYI RLABS MI MNGON PAR LTAR, THOG MA MED PA'I DUS NAS RGYUN DU SHIN TU ZAB MOR RAB TU ZHUGS PA, 'DOD PA DANG, GZUGS DANG, GZUGS MED PA'I KHAMS NA SKYE BA DANG; RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RLABS LTA BUS KHYAB CING MYUR DU 'GRO BA'I SRED PA CHU KLUNG LTA BU DE SEMS CAN DMYAL BA'I RGYU'ANG YIN LA, MI RNAMS KYIS KYANG CHOG PA 'DZIN MI NUS TE, DE LTAR SRED PA'I RNAM PA CHU BO LTA BUS RI RTZE NA GNAS PA'I LHA RNAMS RAB TU BDAS SO, ,DES LHA DE DAG LHA MO'I TSOGS KYIS YONGS SU BSKOR TE, LHA'I 'DOD PA'I YON TAN LNGA RNAMS 'BYOR CING LDAN PAR GYUR PAS DGA' BAR BYED, RTZE BAR BYED, DGA' DGUR SPYOD BAR BYED DO, ,DER TSAL DE LTA BU DE DAG 'BYUNG BAR 'GYUR TE, 'DI LTA STE, TSAL RTAG TU RAB DGA' ZHES BYA BA DANG, TSAL RTAG TU MNGON DGA' ZHES BYA BA DANG, TSAL SPRIN LTAR DKAR
, ,BRTZEGS ZHES BYA BA DANG, TSAL KUN NAS MNGON DGA' ZHES BYA BA DANG, TSAL ZLA BA 'DRA ZHES BYA BA DANG, TSAL GANGG'A'I STENG DU RGYU ZHES BYA BA STE, TSAL 'DI DAG NI RI RTZE NA GNAS PA'I LHA RNAMS KYI YIN NO, ,TSAL DE RNAMS KYI NANG DU LHA DAG BDE BA DU MA DANG LDAN ZHING, BUD MED KYI DGA' BA RNAMS DANG LHAN CIG RTZE BAR BYED, DGA' DGUR SPYOD PAR BYED DO, ,BTUNG BA'I CHU BO RNAMS KYANG, 'DI LTA STE, CHU BO SNA TSOGS ZHES BYA BA DANG, CHU BO LAG MTHIL GYIS BYUG CING REG PA ZHES BYA BA DANG, CHU BO NGOMS MI MYONG ZHES BYA BA DANG, CHU BO ME TOG KU MU DA DANG, AUTPAL SKYE ZHES BYA BA STE, CHU BO DAG GI 'GRAM GNYIS KA RIL KHEBS PA YIN NO, ,DNGUL DANG, SHEL DANG, GSER GYI SHING LJON PA 'BRAS BU DANG LDAN ZHING ME TOG DANG LDAN PA RNAMS KYIS LHA'I SA GZHI DE DAG NYAMS DGA' BAR BRGYAN PA'I SA GZHI DER DGE BA'I LAS SNA TSOGS DANG, LAS BYAS PA SNA TSOGS KUN NAS BSLANG BA RNAMS KYIS TSAL DE DAG DANG, CHU BO DA DAG DANG, SA GZHI DE DAG DANG, ZAS DANG, SKOM CHU BO LTAR 'BAB PA DE DAG TU, LHA DE RNAMS LHA'I ROL MO DANG, LHA'I GNAS CHEN PO DANG; THAGS SU BTAGS PA MA YIN PA'I LHA'I GOS RNAMS KYIS DGA' BAR BYED DO, ,LHA DE RNAMS RANG LAS 'OD 'BYUNG LA, SHA DANG, RUS PA DANG, RNAG KHRAG DANG BRAL BA,
LUS DANG, NGAG DANG, YID NGAL BA DANG BRAL BA, LUS DANG, YID RTAG TU KUN NAS DGA' BA RNAMS JI SRID DU LUS DANG, NGAG GI 'DOD PA SDUG PA YID DU 'ONG BA SHIN TU BSIL BA RNAM PAR SMIN PA MCHOG TU BAD BA MTHO RIS SU SKYE BA NGES PAR MYONG BAR 'GYUR BA'I DGE BA'I LAS MA ZAD PA DE SRID DU 'GROS 'CHOS SHIN DGA' BAR BYED, RTZE BAR BYED, YONGS SU SBYOD PAR BYED DO, ,DE DAG LAS ZAD DE LHA'I 'JIG RTEN DE NAS 'CHI BAR 'GYUR LA, SHI NAS KYANG LAS JI LTAR BYAS PA BZHIN SEMS CAN DMYAL BA DANG, DUD 'GRO DANG, YI DVAGS RNAMS KYI NANG DU SKYE BAR 'GYUR RO, ,GAL TE LAN GRANGS GZHAN LA MYONG BAR 'GYUR BA MIR 'GRUB PA'I LAS KYIS MI RNAMS KYI NANG DU SKYES NA, DE LAS DE DANG RGYU MTHUN PAR DE RTAG TU LONGS SPYOD CAN DU 'GYUR ZHING RTAG TU SHES PA LA DGA' BA, YID LA RGOD PA DANG, RTZED MO DANG, RTZE BA DANG, YUL BZANG POR SKYE BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, SUM CU RTZA GSUM PA'I LHA RNAMS KYI GNAS LA RTOG PAR BYED DE, SUM CU RTZA GSUM NA LHA RNAMS KYI GNAS GZHAN GANG ZHIG YOD SNYAM NAS, DES THOS PA LAS BYUNG BA'I SHES PAS BRTAGS NA, BLTA NA SDUG PA GNAS PA ZHES BYA BA'I GNAS JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR BA
, ,SNYAM NAS, DES BRTAGS NA GANG TSUL KHRIMS DANG LDAN PA'AM, SEMS CAN GZHAN CHUS KHYER BA'AM, MTSON GYIS GSOD PAR BYA BA SROG PHYUNG ZHING NOR RDZAS SAM, BDAG NYID LA MI LTA BAR CHU NAS PHYUNG BA DANG, BKRES BZHIN DU LAM DU 'GRO BA NA GZHAN GYIS MA BYIN PAR BLANG BA LA RAB TU SPRO BA BSKYED KYANG LEN PAR MI BYED, GZHAN YANG, PHYOGS DPEN PAR PHYIN LA 'TSO BA NYAM NGA BAR GYUR KYANG 'BRAS BU DANG, RTZA BA DAG MA BYIN PAR LEN PAR MI BYED CING, TSUL KHRIMS DANG LDAN PA MA GUS PAR BSLAB PA'I GZHI RDUL PHRA MO TZAM RAL BA LA'ANG 'JIGS PAR LTA NA DE LUS DANG BRAL NAS BDE 'GRO GRONG KHYER CHEN PO BLTA NA SDUG TU SKYE BAR 'GYUR RO, ,GRONG KHYER DE'ANG DPAG TSAD KHRI YOD LA; KHYAMS KHRIS LEGS PAR RNAM PAR PHYE BA YIN NO, ,GRONG KHYER DE'I SA GZHI DZAMBU CHU BO'I GSER LAS BYAS LA, KUN NAS KHANG PA CHEN PO BEE d'URYA LAS BYAS PA DANG, GZHAN YANG DNGUL LAS BYAS PA DANG, GZHAN YANG, DZAMBU CHU BO'I GSER LAS BYAS PA DANG, MTHON KA SNA TSOGS LAS BYAS PA DANG, GZHAN YANG, RIN PO CHE SNA BDUN LAS BYAS PA'I KHRI DAG GIS BKRA BAR PHYE BA YIN NO, ,DE DAG GI SRANG YANG KUN NAS SHIN TU RNAM PAR PHYE BA YIN LA, BZHI MDO DANG, BA GAM DANG, SGO DANG, PU SHU'I RTZE MO DANG, KHANG BZANG
GI RIS SHIN TU RNAM PAR PHYE BA YIN NO, ,KHANG PA DE DAG KYANG NYI MA GANG MED KYANG, SGRON MA LTA BUR 'GYUR TE, JI LTAR NYI MA MED NA SGRON MA GSAL BAR BYED PA DE LTAR NYI MA MED KYANG KHANG PA'I MCHOG DE RNAMS LAS DE LTAR 'OD 'BYUNG NGO, ,GRONG KHYER DE DAG KUN NAS TSAL DANG, NYE BA'I TSAL DE RNAMS KYIS MDZES PAR BYAS PA YIN TE, TSAL DANG, NYE BA'I TSAL KHA CIG BEE d'URYA LAS BYAS PA DAG LA MU TIG GI DRA BAS BRES, KHA CIG GSER GYI SHING LJON PA DAG LA DNGUL GYI DRA BAS BRES, KHA CIG DNGUL GYI SHING LJON PA DAG LA GSER GYI DRIL BU G-YER KA'I SGRA 'BYIN, KHA CIG NI RIN PO CHE SNA BDUN GYI SHING LJON PA'I SKYED MOS TSAL BKRA BA YIN LA, KHA CIG DPAG BSAM GYI SHING YIN TE, LHA GANG DAG GI YID LA BSAMS PA DE TSAL DE DAG LAS THOB PAR 'GYUR RO, ,TSAL KHA CIG AANDA RNYIL DANG, BEE d'URYA LAS BYAS PA YIN TE, DE NA GSER GYI BYA RNAMS SGRA SNYAN PA SNA TSOGS 'BYIN LA, GSER GYI TSAL GANG YIN PA DE NA DNGUL GYI BYA RNAMS SKAD SNYAN PA 'BYIN CING RTZE, MTHON KA'I TSAL GANG YIN PA DE NA BYA PADMA R'A GA'I MDOG TU 'DUG PA RNAMS SKAD SNYAN PA 'BYIN CING RTZE, GSER GYI TSAL GANG YIN PA DE NA BYA LUS SNA TSOGS 'DRES PA RNAMS SKAD SNYAN PA 'BYIN CING RTZE STE, DE LTAR GRONG KHYER CHEN PO LEGS PAR MTHONG NA NYE BA'I TSAL DU GYUR PA RNAMS MDZES
, ,PA YIN NO, ,SRANG DANG, GSER GYI KHANG PA MDZES PAR BYAS PA GANG YIN PA DE DAG LA DNGUL GYI KA BA DANG, BEE d'URYA'I SHING LJON PA RNAMS KYIS MDZES PAR BYAS PA YIN, GSER GYI SRANG GANG YIN PA DE DAG LA BEE d'URYA'I KA BA BTZUGS SHING GSER GYI SHING LJON PA DANG, KHANG PAS BRGYAN, SRANG DANG, KHYIM 'DRES PAS MDZES PAR BYAS PA GANG YIN PA DE NA BYA GSER GYI MDOG CAN YOD DE, GRONG KHYER BLTA NA SDUG GANG DANG, GANG DU SNANG BA DE DANG, DE DPE MED PAR MTHONG NGO, ,GRONG KHYER DE'ANG KUN NAS TSAL CHEN PO BZHI RNAMS KYIS MDZES PAR BYAS PA YIN TE, 'DI LTA STE, DRA BA'I PHRENG BA DANG, SHING CHEN PO DANG, 'OD GSAL BA DANG, MTHONG NA DGA' BAS SO, ,TSAL THAMS CAD DPAG TSAD NYIS BRGYA LNGA BCU YOD DE, TSAL DE THAMS CAD NA CHU BO CHEN PO KHRI YOD PA GSER GYI PADMAS KHEBS PA YIN NO, ,CHU BO DE DAG SHIN TU NYAMS DGA' BA YIN ZHING 'GRAM GNYIS KA ZHIG PA MED LA, DE DAG GSER DANG, DNGUL DANG, SHEL DANG, AANDA RNYIL DANG, SHING LJON PA RNAMS KYIS MDZES PAR BYAS PA YIN NO, ,TSAL CHEN PO DE DAG BUNG BA 'DAB MA BEE d'U RYA LA LUS DNGUL DU 'DUG PA'I TSOGS RNAMS KYIS MDZES PAR BYAS PA YIN TE, GANG BUNG BA RNAMS KYI SGRA SNYAN PA'I DRUNG NA MI'I GLING BU'I SGRAS BCU DRUG GI CHAR YANG MI PHOD
DO; ;BEE d'U RYA'I SHING LJON PA RNAMS LA 'BRAS BU GSER GYI MDOG CAN SHIN TU DRI ZHIM ZHING KHAR SNYIB PAS CHES LHAG PA'I RO DAG YOD LA, 'BRAS BU RNAMS KYI DRI GANG YIN PA DPAG TSAD DU 'BYUNG NGO, ,BYA RNAMS NGO BO NYID KYIS RGYAGS PA YIN LA, DE NAS DRI GANG YIN PA DES BRGYA 'GYUR DU SHIN TU RGYAGS PAR 'GYUR RO, ,GSER GYI SHING LJON PA GANG YIN PA DE RNAMS LA DNGUL GYI 'BRAS BU LHA'I DRI DANG, MDOG DANG, RO LNGA DANG LDAN PA DAG 'BYUNG, SHING LJON PA BEE d'URYA'I SDONG PO DANG, GSER GYI 'DAB MA YOD PA GANG YIN PA DE RNAMS LA 'BRAS BU KHA DOG SNA TSOGS YOD PA DAG 'BYUNG STE, DE LTAR TSAL KHA DOG RNAM PA DU MA, RNAM PA SNA TSOGS DPE MED PA GZHAN DANG MI 'DRA BAS, GRONG KHYER CHEN PO BLTA NA SDUG YONGS SU BSKOR NAS RNAM PAR GNAS SO, ,KUN TU RTOG PA'I RI MO BRIS PA LTAR LHA'I LAS RNAM PA DU MA BYAS SHING LAS RNAM PA DU MA SNA TSOGS BYAS PA RNAMS KYIS DE RNAMS KYANG SNA TSOGS SU BYUNG BA YIN TE, DE LTAR 'BRAS BU RGYU DANG MTHUN PAR RGYU'I 'BRAS BU YIN NO, ,JI LTAR SA BON GYI RNAM PA JI SRID YOD PA DE SRID DU 'BRAS BU'I RNAM PA'ANG 'BYUNG BAR 'GYUR TE, DE LTAR GRONG KHYER BLTA NA SDUG NA GNAS PA'I LHA RNAMS BDE BA MANG PO DU MA DAG GIS PHROGS PA YIN NO, ,GRONG KHYER DE NGO BO NYID KYIS LEGS MTHONG NYID YIN TE, TSAL KHANG BZANG GSER DANG,
, ,BYU RU DANG, SPUG DAG GIS BRGYAN CING MDZES PAR BYAS PA, DRIL BU G-YER KHA'I DRA BA SNA TSOGS KYIS DKRIGS PA, GSER GYI DRIL BU G-YER KHA SGRA SNYAN PA 'BYIN PAS MDZES PAR BYAS PA, TSAL DANG, NYE BA'I TSAL DANG, SKYED MOS TSAL DE DAG TU BLTA NA SDUG NA GNAS PA'I LHA RNAMS 'KHOD DO, ,LHA'I GRONG KHYER NA GNAS RGYAN DANG; ROL MO DANG, SIL SNYAN RTAG TU SGRA 'BYIN PA RAB TU 'BYIN CING, LHA DANG, LHA MO'I TSOGS RNAMS KYIS KUN TU GANG BA DE NA BTUNG BA DANG, PHRENG BA DAG GIS MDZES PAR BYAS PA; RGYAL MTSAN DANG, BA DAN BYE BA 'BUM PHRAG DU MA DAG RLUNG GIS RAB TU BSKYOD DO, ,YANG RI RAB KYI STENG GI GRONG KHYER DU LHA'I TSOGS BYE BA PHRAG BRGYA STONG DU MA DAG GIS KUN TU GANG ZHING LAS CHEN PO RNAMS KYIS MDZES PAR BYAS PA DE NA, 'DI LTAR LHA MTHU RAB TU CHE BA MCHOD PAR 'OS PA CHEN PO, RDZU 'PHRUL CHE BA, SKYED MOS TSAL GYI DGA' SPYOD LA RTAG TU YID MI DGA' BA, LHA DANG, LHA ME'I TSOGS 'BUM PHRAG DU MAS KUN TU GANG BA SA YA PHRAG 'BUM 'KHOD PA RNAMS BRGYA BYIN GYIS MA LUS PAR YONGS SU SHES SO, ,GANG GI TSE LHA DE RNAMS GAL TE LHA'I GRONG KHYER CHEN PO SKYED MOS TSAL GYI DGA' SPYOD DE NAS SKYED MOS TSAL DU DGA' SPYOD BYED DU 'GRO BA DE'I TSE LHA RNAMS SHING RTA 'BUM PHRAG DU MA RNAMS DANG 'GRO
STE; LHA DE RNAMS 'GRO BA NA RGYAL MTSAN DANG, RU MTSON SDUG GU RNAM PA SNA TSOGS KYIS MDZES PAR BYAS PA'I SHING RTA RNAM PA SNA TSOGS DANG, KHA DOG SDUG GU RNAM PA SNA TSOGS DANG, DBYIBS SNA TSOGS SU 'DUG PA BYE BA PHRAG STONG DKRIGS PA DAG BYUNG NGO, ,'DI LTA STE, AANDA RNYIL LAS BYAS PA'I GZHAL MED KHANG GANG YIN PA DE LA SHING RTA'I MDA' PADMA R'A GA LAS BYAS SHING, DE LA SHING RTA'I STENG GI KHANG PA RIN PO CHE LAS BYAS, NANG NI SPUG LAS BYAS, PHYI ROL NI BEE d'URYA LAS BYAS, SA RIS NI GSER LAS BYAS LA, KUN NAS DRIL BU G-YER KHA 'KHRIGS PA'I SGRA 'BYIN PA YIN NO, ,DE NAS YANG LHA RNAMS GZHAL MED KHANG RNAMS PA SNA TSOGS GZHAN GYIS 'GRO BAR BYED DE, 'DI LTA STE, SHING RTA'I MDA' NI GSER LAS BYAS, SHING RTA'I STENG GI KHANG PA NI BEE d'URYA LAS BYAS, SA RIS NI SPUG LAS BYAS, MU TIG GI DRA BAS NI G-YOGS, PHYI ROL NI RIN PO CHE MA RGAD LTA BU LAS BYAS, NGOS NI BYU RU LAS BYAS, SROG SHING NI DNGUL LAS BYAS PA YIN NO, ,KHA CIG SHING RTA'I MCHOG RNAM PA GZHAN GYIS 'GRO BAR BYED DE, 'DI LTA STE, KUN NAS SHING RTA'I MDA' NI GSER LAS BYAS, NGOS NI MU TIG GIS G-YOGS, SA RIS NI PADMA R'A GAS SHIN TU RNAM PAR BYE, SROG SHING NI DNGUL LAS BYAS, KUN NAS BYU RUS NI MDZES PAR BYAS PA YIN TE SHING RTA 'BUM PHRAG MANG PO GSAL BA MTSAN NYID DPE MED PA
, ,DE DAG LHA'I TSOGS RNAMS KYIS KUN NAS YONGS SU BSKOR TE, 'BUM PHRAG RNAM PA DU MA DE RNAMS LA LHA DAG NYID ZHON NAS TSAL CHEN PO DE RNAMS GA LA BA DER 'DONG BAR BYED DE, RGYAL MTSAN LA LA BEE d'URYA LAS BYAS, RGYAL MTSAN LA LA GSER LAS BYAS, YU BA LA LA DNGUL LAS BYAS, RGYAL MTSAN LA LA'I YU BA PADMA R'A GA LAS BYAS, RGYAL MTSAN DANG, RU MTSON LA LA'I MDOG DU MA YOD PA DAG GIS NAM MKHA' BAR MED PAR BYAS NAS, SKYED MOS TSAL DU GNAS PAR BYA BA'I PHYIR, YID RAB TU DGA' BAS TSAL CHEN PO BZHI PO GA LA BA DER 'DONG BAR BYED DO, ,DE LTAR LHA DE RNAMS 'DONG BA NA SIL SNYAN BYE BA 'BUM PHRAG DU MA SGRA 'BYIN CING, ROL MO'I SGRA SNYAN PA SNA TSOGS PHAN TSUN RDOB PAR ZHUGS PA DAG YOD DE, SHIN TU BZANG ZHING NYAMS DGA' BA'I KHYAD PAR CHE BA YIN NO, ,JI LTAR LAS BYAS PA NGAN PA DANG, 'BRING DANG, CHEN PO BYAS PA BZHIN LAS BDE BA RNAMS KYI RJES SU 'JUG PA NA 'DONG BAR BYED DE, LHA DE RNAMS SO SO LA LHA MO'I TSOGS BRGYA'AM, STONG NGAM, 'BUM RNAMS GAR BYED, GLU LEN, RAB TU RGOD CING YAN LAG LNGA DANG LDAN PA'I ROL MO SNYAN PA DANG BCAS PA RDO BA PA ZHES BYA BA KUN TU GANG ZHING BYED LA TSAL CHEN PO ZHES BYA BA GA LA BA DER 'DOD BAR BYED DO, ,LHA'I 'DOD PA'I
YON TAN LNGA RNAMS 'BYOR CING LDAN PAR GYUR BA'I LHA MO DE DAG THAMS CAD LHA DE RNAMS DANG SO SO PHRAD NAS DE LTAR BRO GAR BYED, RGOD BAR BYED, RTZED MO BYED DO, ,'DI LTAR LHA DE RNAMS 'DOD PA LA RNAM PAR ZHEN PA ZHES BYA BA DGA' BAR BYED DE, LHA'I SGRA SNYAN PA TSANG TSING GI NANG NA LHA'I SNYAN PA DE DANG, GAR DGA' DGUR 'GRO BA'I LHA DE RNAMS LHA'I 'DOD PA'I RNAM PA GANG YIN PA DE NYID KYIS DER SKYED MOS TSAL DU 'GRO BAR BYED DE, LA LA NAM MKHA' LA SPRIN NAG PO 'GRO BA LTA BU BEE d'URYA'I MDOG CAN DE RNAMS 'GRO BAR BYED, LHA'I MCHOG DE DAG KHA CIG NI 'DI LTAR, RGYAN SNA TSOGS DANG, GOS SNA TSOGS DANG, CHA BYAD SNA TSOGS DANG, DGA' BA'I GTAM SNA TSOGS KYIS DGA' GTAM SMRA ZHING NAM MKHA' KHYAB PAR BYAS NAS TSAL CHEN PO GA LA BA DER 'DONG BAR BYED DO, ,LHA'I MCHOG GZHAN KHA CIG NI GSER GYI SA GZHI'I LAM NAS RAB TU 'GRO LA, 'GRO BA DE RNAMS KYI SHING RTA 'BUM PHRAG DU MA'I MU KHYUD KYIS GSER GYI RDUL BSLANG STE NAM MKHA' KHYAB PAR BYAS NAS 'DUG GO ,GANG GIS NAM MKHA' DE SKYA BOR BYED, LHA RNAMS LA BGO BAR MI BYED LA, LHA GANG 'CHI BA DANG NYE BAR 'GYUR BA DE RNAMS KYI GDONG NGAM, GOS DE LA NI 'GO BAR BYED DO, ,LHA GANG GZHAN DAG GIS RDUL TE MTHONG ZHING 'CHI BA'I LTAS MTHONG LA, DE 'CHI BA'I SDUG
, ,BSNGAL MTHA' MED PAR 'GYUR BA MNGON PAR MTHONG NAS, DE SNYING RJE RJE LTA BUR GYUR PA'I SEMS KYIS 'DI LTAR TSIGS SU BCAD DE SMRAS PA, BUD SHING LTA BU'I YUL 'BYUNG DANG, ,MES BSREGS LTA BU'I 'CHI 'GYUR BA, ,LAM 'DI NAS NI LHA RNAMS DAG ,BRGYA 'AM YANG NA STONG DU 'DIR, ,'CHI BA GZHAN GYIS MTHONG 'GYUR LA, ,BDAG NYID KYIS NI MI MTHONG STE, ,PHYI NAS NYON MONGS PHRAD PA DANG, ,BDAG NYID KYIS NI SDUG BSNGAL RIG ,BAG MED PA DANG 'DRES PA'I SEMS, ,YUL LA RTAG TU MNGON PAR DGA', ,LUS CAN LHAN CIG SKYES GNAS PA, ,'CHI BA BRTAN PA MI RIG GO ,BAG MED PA LA MNGON DGA' ZHING, ,BDE BA NYAMS DGA' BYED PA NA, ,'CHI BDAG SDE YIS 'DI DRANGS PA, ,RAB TU 'JOMS TE DUG DANG 'DRA, ,'CHI BA'I ZHAGS PAS BZUNG BA YI, ,KHYOD LA SKYOB PA BYED MED DE, ,SMAN DANG SNGAGS DANG LAS MI SKYOB, ,DE BZHIN LHA MIN LHA MI SKYO BA, ,RDUL RNAMS KYIS NI GDONG G-YOGS PA, ,BDAG NYID KYIS NI MI RIG STE, ,'DI NI 'CHI BA'I PHO NYA YIN, ,SHI BA PHYI NAS THOB PAR 'ONG, ,GANG ZHIG BDE BA'I DON MA MTHONG,, SKYE BRTAG TU BRKAM CHAGS SHING, ,SRED PAS NGOMS NI MI MYONG BA, ,GLO BUR DU NI 'CHI BAR 'GYUR, ,'CHI BAS BTANG BA CHEN PO 'DI, ,KHYOD KYI PHO NYA DANG PO STE, ,'DI YI 'OG TU MCHI BA
YANG; ;SHIN TU MI BZAD 'BYUNG BAR 'GYUR, ,TSAL DANG NYE BA'I TSAL BRGYAN PA, ,RANG GI LAS KYI 'BRAS BU SPYAD, ,SEMS CAN RI BO MCHOG DE NAS, ,DBANG MED BCINGS TE KHRID PAR 'GYUR, ,MYOS PAS RTZE BAR GNAS PA DAG ,BDE BAS NGOMS NI MI MYONG ZHING, ,RMONGS PA SRED PA MA NGOMS PA, ,DBANG MED SA STENG LTUNG BAR 'GYUR, ,JI LTAR RTAG TU ME DAG LAS, ,DU BA SNGAR NI 'BYUNG 'GYUR BA, ,DE LTAR 'CHI BA'I RTAGS BYUNG STE, ,PHYI NAS 'CHI BA GNAS PAR 'GYUR, ,DE LTAR LHA DE DAG BAG MED PA CHUNG BA LA GNAS SHING, SEMS SNGON DGE BA'I RTZA BA SPYAD PA LA GOMS PA YIN LA, LHA DE'I BAR CHAD DE MTHONG NAS BDAG NYID DANG LHA DE RJES SU STON PAR BYED DO, ,DE LTAR LHA DE'I GTAM SMRA BA NA, SHING RTA LA ZHON PA, SHING RTA SNA TSOGS LA ZHON ZHING, SHING RTA'I DRIL BU G-YER KHA'I DRA BAS DKRIGS PA, LUS CHA BYAD DU MAS 'BAR BA, MIG RGYAS PA LTA BUR 'DUG PA, LHA'I PHRENG BA DANG, GOS GYON PA GSER BTZOMS RNAMS PAR BRGYAN PA, GANG RI RAB KYI RI'I RTZE MO STONG SNYED DU PHYE MAR RLOG CING 'ONG NGO, ,DE NAS LHA DE LHA'I TSOGS DE RNAMS RTOG CING 'ONG BA DANG, DE BZHIN DU LA LA NI NAM MKHA' LA; ;LA LA NI SA LA, LA LA NI BYA'I SHING RTA RNAMS KYIS, LA LA NI LHA MO DANG LHAN CIG GLU LEN, BRO RDUNG ZHING 'ONG STE, TSAL DANG, NYE BA'I TSAL DE DAG LHA'I PADMA DANG, SHING LJON PA DANG,
, ,CHU BO DANG, BYA DANG, 'BRAS BU DANG, ME TOG DANG, RIN PO CHE SNA TSOGS DANG, KUN NAS MCHOG TU NYAMS DGA' BA'I TSAL DANG, NYE BA'I TSAL GYI PHYOGS GA LA BA DER 'DONG BAR BYED DO, ,BLTA NA SDUG NA GNAS PA'I LHA DE RNAMS SHING RTA'I MCHOG DE DAG LA ZHON NAS, GSER GYI SHING LJON PA NYI MA LTA BU YOD PA GA LA BA DER DONG NGO,, GANG GZHAN BAR SNANG LA RGYU BA DE DAG KYANG BAR SNANG DE LAS BABS NAS SKYED MOS TSAL GA LA BA DER DONG NGO, ,DE LTAR LHA'I TSOGS DE DAG THAMS CAD 'DUS NAS SIL SNYAN GYI SGRA DANG, GLU DBYANGS KYI SGRA RNAM PA SNA TSOGS KYIS DGA' BAR BYED, YONGS SU SPYOD PAR BYED DE, PHAN TSUN GROGS SU GYUR CING, PHAN TSUN 'GYED PA DANG, PHRAG DOG LA SKYO BA MED PA RNAMS BRO GAR BYED, RGOD PAR BYED, DGA' DGUR SPYOD PAR BYED DO, ,SIL SNYAN YAN LAG LNGA DANG LDAN PA LA, 'DI LTA STE, RGYUD DANG, RNGA DANG, SIL DKROL DANG, GLING BU'I SGRA DANG, GLU STE RNAM PA 'DI LNGAS KHA ZAS CHU BO LTAR 'BAB PA DANG, BTUNG BA CHU BO LTAR 'BAB PA'I NGOGS SU LHA DANG, LHA MO'I TSOGS DE DAG PHAN TSUN DGA' ZHING LHAN CIG TU SKYED MOS TSAL DER RTZES NAS GANG NA BEE d'URYA DANG, GSER GYI 'BRAS BU YOD PA, 'BRAS BU MDOG DANG, DRI ZHIM PA, RO MNGAR BA, SBRANG RTZI LTA BU RNAMS KYIS MDZES PAR BYAS PA YIN, DE SHING LJON PA'I DRUNG DE DAG TU'ANG
'DOD PA NYAMS DGA' BA'I LHA MO GZUGS MI MDZES PA MED PA'I GZUGS RNAMS DANG LHAN CIG 'BRAS BU'I ROS MYOS NAS YUN RING DU DGA' BAR BYED DO, ,DE NAS DE LTAR BDE BA LA GNAS SHING RGYAGS PAS MYOS PA'I LHA DANG LHA MO'I TSOGS DE RNAMS BRO GAR DANG, GLU DBYANGS DANG, DGOD PA'I SGRA DE DAG THOS SHING, GANG LHA'I RGYAL PO BRGYA BYIN GYI RJES SU 'GRO LA PHYI BZHIN DU 'BRANG BA DE RNAMS SGRA DE DAG THOS NAS, LHA'I RGYAL PO BRGYA BYIN GA LA BA DER 'DOD BAR BYED DO, ,DE LTAR DE DAG THAMS CAD BRGYA BYIN GYI DRUNG DU DONG NAS, BRGYA BYIN LA GSONG POR SMRAS SHING, THAL MO SBYAR NAS MGO BOS GTUGS TE, BRGYA BYIN LA BSNYAD PA, LHA'I DBANG PO, 'DI LTAR BLTA NA SDUG NA GNAS PA'I LHA'I TSOGS DE DAG THAMS CAD SKYENG MOS TSAL DU DGA' SPYOD BGYID DU MCHI NA, LHA'I DBANG PO, DE DAG MKHYEN PAR MDZOD CIG ,DE NAS BRGYA BYIN DE DAG LAS TSIG DE THOS NAS, LHA RNAMS LA 'DI LTAR BLTA NA SDUG NA GNAS PA'I LHA DAG GANG NAS DONG BA'I SKYED MOS TSAL DU BDAG CAG KUN 'DONG GI KHYED RNAMS 'DONG BAR SHOMS SHIG CES BSGO'O, ,DE NAS BRGYA BYIN GYIS TSIG DE THOS NAS CHOS BZANG NA GNAS PA'I LHA RNAMS KYANG SHING RTA RGYAL MTSAN SNA TSOGS CAN LA ZHON, LA LA GSER GYI SHING RTA SROG SHING BEE d'URYA LAS BYAS PA BA DAN BTAGS PA RNAMS LA ZHON, LA LA BEE d'URYA'I SHING RTA SROG SHING
, ,GSER LAS BYAS PA RNAMS LA ZHON, LA LA NI RIN PO CHE SNA BDUN BKRA ZHING BA DAN SNA TSOGS KYIS MDZES PAR BYAS PA RNAMS LA ZHON, LA LA GSER GYI BYA SGRA SNYAN CING SHIN TU MDZES PAR 'BYUNG BA'I BYA'I SHING RTA RNAMS LA ZHON, LA LA RTA KHRA BO 'GROS 'JAM ZHING BDE BA DAG LA SHING RTAS BLANGS NAS, SHING RTA DE RNAMS RTA DE RNAMS LA BTAGS TE RTA'I SHING RTAS 'GRO BAR BYED, DE LTAR, GZHAN YANG, GSER GYI BYA NGANG PA RKANG PA NI BEE d'URYA, SGRO NI PADMA R'A GA'I MDOG LTA BU RNAMS KYI STENG DU ZHON NAS, LHA'I DBANG PO BRGYA BYIN DANG LHAN CIG TU BLTA NA SDUG GI GRONG KHYER CHEN PO GA LA BA DANG, SKYED MOS TSAL GA LA BA YOD PA DER 'DONG BAR BYED DO, ,YANG LHA GZHAN DAG RIN PO CHE SNA BDUN GYI RMA BYA'I GZUGS DANG LDAN ZHING, MDONGS KYI TSOGS KYIS KHEBS PA GANG MI'I 'JIG RTEN NA'ANG GZUGS PHUN SUM TSOGS PA YIN LA LHA'I 'JIG RTEN NA LHA GZHAN DAG MI 'DRA BA LEGS PAR BYAS PA'I LAS RNAMS KYIS MNGON PAR BRGYAN PA LTA SMOS KYANG CI DGOS TE, DE DAG GI MDOG SDUG CING DBYIBS LEGS PA DPE BYA BAR YANG MI NUS PA'I STENG DU ZHON NO, , RNAM PA DE LTA BU DANG LDAN PA DE DAG LA GZHAN DAG ZHON NAS BLTA NA SDUG GI SKYED MOS TSAL DANG, NYE BA'I TSAL GA LA BA DER 'DONG BAR BYED DE, LHA'I TSOGS DE RNAMS ROL MO'I SGRA
DANG; GLU DBYANGS SNA TSOGS KYIS DGOD CING RTZE LA YONGS SU SPYOD PA DANG, LHA GZHAN MYOS SHING 'KHOD PA RNAMS SKYED MOS TSAL GA LA BA DER 'DONG BAR BYED DO, ,LHA'I RGYAL PO BRGYA BYIN GYI SHING RTA BZHI'ANG 'KHOR LO RTZIBS STONG DANG LEGS PAR LDAN PA, SHING RTA RIN PO CHE SNA BDUN LAS BYAS PA YIN TE, 'DI LTA STE, AANDA RNYIL DANG, PADMA R'A GA DANG, SPUG SHIN TU GSAL BA DANG, BEE d'URYA DANG, BYU RU DANG, RDO RJE DANG, SHEL LA GSER GYI KHYE'U RNAMS KYIS MNGON PAR BRGYAN PA, SHING RTA'I MCHOG DE LA BRGYA BYIN ZHON NAS, RIN PO CHE SNA BDUN GYI BYA NGANG PA GSER GYI PADMA LTAR RGYAS SHING, DBYIBS DANG, CHA BYAD SNA TSOGS DANG LDAN PA SGRA CHE ZHING GDANGS SNYAN PA 'BYIN PA DE'I DRUNG NA LHA MO'I DBYANGS KYANG SNYAN PAR MI 'GYUR BA STONG GIS KHRID DE, BRGYA BYIN GYI SHING RTA RNAM PA DE LTA BU DANG LDAN PA NGANG PA RNAMS KYIS KHRID BAR BYED DO, ,SHING RTA DE LA'ANG TSON RTZI SNA TSOGS KYIS BSGYUR BA'I 'PHAN LNGA BRGYA, 'PHAN SHING BEE d'URYA DANG, GSER DANG, DNGUL LAS BYAS PA LAS BTAGS SO, ,'PHAN GYI KHA DOG NI, 'DI LTA STE, SNGON PO DANG, SER PO DANG, BTZOD KA DANG, DMAR PO DANG, DKAR POS MDZES PAR BYAS PA YIN LA, SHING RTA DE LA LHA'I RGYAL PO DE ZHON NAS, LHA MO'I TSOGS DU MA NI NYE BA NA GLU DBYANGS LEN, LHA 'BUM PHRAG DU MA'ANG MDUN DU SONG NAS GLU DBYANGS LEN CING NAM
, ,MKHA' LA NI YANG DANG YANG DU 'GRO ,SA LA NI YANG DANG YANG DU 'GRO STE, GAR DGA' BAR 'GRO BA, CI DGAR BYED PA, LHA'I BDE BA DE NYE BAR SPYOD CING SIL SNYAN YAN LAG LNGA DANG LDAN PAS NYAMS DGA' BZHIN DU GRONG KHYER BLTA NA SDUG DANG, SKYED MOS TSAL GA LA DER 'DONG BAR BYED DO, ,DER 'DONG BA NA LHA'I TSOGS GZHAN DAG GIS MTHONG NAS BRO GAR BYED, GAD MO RGOD, RTZED MO RTZE, ROL MO BYED CING PADMA SNA TSOGS SDONG BU BEE d'URYA LAS BYAS PA DAG LAG TU KHYER NAS, LHA'I RGYAL PO BRGYA BYIN LHA RNAMS DANG LHAN CIG GANG NAS MNGON DU 'ONG BA DER BLTA NA SDUG PA NA GNAS PA'I LHA DE RNAMS KYIS KYANG SKYED MOS TSAL NAS BYUNG NAS 'ONG NGO, ,DE NAS BRGYA BYIN GYIS BDAG CAG GIS DRUNG 'DIR 'ONG GI ,KHYED KYIS 'DI DAG DANG RTZE BA DE BYA BA'I RIGS SO ZHES KYANG BSGO'O, ,DE NAS BRGYA BYIN GYI KHA NAS TSIG THOS PA SPYI BOS BLANGS NAS, BLTA NA SDUG NA GNAS PA'I LHA GA LA BA DER CHU BLANG PA'I PHYIR BRGYUGS SO, ,LHA MO'I NANG NAS LHA MO DE DAG KYANG BLTA NA SDUG PA'I GNAS PA'I NANG DU CHU BLANG BA'I PHYIR BRGYUGS SO, ,BLTA NA SDUG NA GNAS PA'I LHA MO DANG, CHOS BZANG NA GNAS PA'I LHA MO DAG KYANG GANG DE NAS PHAN TSUN RGYUG GO ,DE LTAR LHA RNAMS PHAN TSUN DU GSER GYI PADMA'I 'DAB MA DAG BLANGS NAS SKYED MOS TSAL GA LA
BA DER RGYUG LA, DE DAG PHAN TSUN LHAN CIG TU DGOD CING RTZE LA RGYU'O, ,LHA'I DBANG PO BRGYA BYIN PAR SNANG LA RGYU ZHING 'DUG PAS KYANG LHA DANG, LHA MO RNAMS ME TOG KU MU DAS RTZE BA DE DAG MTHONG NGO; ;LHA DE RNAMS CHU LA YUN RING DU RTZE BA DE BYAS NAS, DE NAS YANG MCHOG STE, PADMA LA RTZE BA RTZOM PAR BYED DO, ,LHA DANG, LHA MO DE DAG PHAN TSUN PADMA LA RTZE BAR BYED DE, LA LA GSER GYI PADMA RNAMS KYIS, LA LA BEE d'URYA DANG, GSER GYI SDONG BU RNAMS KYIS, LA LA SDONG BU SNA TSOGS RNAMS KYIS RTZE STE DE LTAR PHAN TSUN RTZED MO BYED DO, ,DE LTAR PHAN TSUN YUN RING DU BSTEGS SHING RTZES NAS, 'BRAS BU'I TSAL GA LA BA DER 'DONG BAR BYED DO, ,DE DAG GIS 'BRAS BU SNYI BA RNAMS BLANGS NAS, PHAN TSUN STEG 'DOD PA 'PHEN PAR BYED DO, ,'BRAS BU LA RTZE BA DE'ANG BYAS NAS CHANG GI TSAL GA LA YOD PA DER 'DONG BAR BYED DO, ,TSAL DER SONG NAS MYOS PA'I SKYON DANG BRAL ZHING 'KHRUGS PA MED PA JI LTAR 'DOD PA BZHIN RO ZHIM PA LAS JI LTAR BYAS PA BZHIN DU ZHIM PA DAG LA 'THUNG BAR BYED DO, ,LHA'I RGYAL PO BRGYA BYIN YANG SHING RTA'I MCHOG DE LAS BABS NAS LHA'I KUN DGA' RA BA GA LA BA DER SONG STE, DE DAG GI NANG DU 'DUG GO ;LHA'I RGYAL PO DE RGYAL PO DE RNAMS KYIS MTHONG NAS PHAN TSUN KUN YID DGA' STE, LHA'I RGYAL PO LA MCHOD PAR BYED DO,, ,,'PHAGS PA DAM PA'I CHOS DRAN PA NYE BAR
, ,GZHAG PA, BAM PO SUM CU RTZA GNYIS PA, DE LTAR KUN GYIS THAL MO SPYI BOR SBYAR TE MCHOD PA BYAS NAS, 'DI LTAR LHA'I DBANG PO BZHUGS PA BDAG CAG GI SROG GI 'BRAS BU MCHIS PA LAGS TE, LHA'I RGYAL PO BRGYA BYIN NI GANG BDAG CAG GI PHA MA DAG PAS LHAG PAR SROG STZOL BA LAGS SO ZHES SMRAS NAS, DE LTAR BRGYA BYIN DE LA DE RNAMS KYIS LEGS PAR MCHOD DO, ,DE NAS YANG LHA DE DAG LA 'DI SKAD CES KHYED NI BDAG GI BU DANG 'DRA, SPUN DANG 'DRA ZHES SMRAS NAS, DE LTAR DE DAG PHAN TSUN LEGS PAR MCHOD PA BYAS TE, DE NAS YANG BAG MED PA'I SAR ZHUGS NAS, BAG MED PA DE NYID LA GNAS SO, ,DE NAS YANG TSAL DANG, NYE BA'I TSAL DAG BYA'I TSOGS RNAMS KYI SGRA 'BYIN PA, 'BAB CHU DANG, KLUNG DANG, TSANG TSING SNA TSOGS KYIS BRGYAN PA, GSER GYI CHU BO PADMA'I TSAL DANG, NYE BA'I TSAL MDZES PAR BYAS PA, SA GZHI MNYAM ZHING 'JAM LA MI RTZUB PA, MTHO DMAN GYIS BRGYAN PA, BEE d'URYA DANG, GSER DANG, DNGUL DANG, SHEL GYI SHING LJON PAS BRGYAN PA, BZA' BA DANG, BTUNG BA CHU BO LTAR 'BAB CING 'BRAS BU SNA TSOGS DANG LDAN PA, ME TOG MAND'A RA DANG, PADMA LA SOGS PA ME TOG CHEN PO RNAMS KYIS MDZES PAR BYAS PA, TSANG TSING RNAMS KYI NANG NA LHA'I BU MO DANG, BUD MED RGOD RGOD, RTZE RTZE, RGAL RGAL YONGS SU SPYAD
PAS BSTEN PA'I TSANG TSING GI TSAL DANG, SKYED MOS TSAL RNAMS SU LHA'I SIL SNYAN YAN LAG LNGA DANG LDAN PA DANG, LHA'I KHA ZAS DANG, LHA'I YUL LNGA 'BYOR CING LDAN PAR GYUR PA RNAMS KYIS KYANG DGA' BAR BYED DO, ,DE NAS YANG BLTA NA SDUG PA NA GNAS PA DANG, CHOS BZANG NA GNAS PA DGA' BAR BYED PA, RANG GI GNAS GNAS SU ZHUGS SO, ,DE DAG DER ZHUGS NAS KYANG, JI SRID DU 'DOD PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU DGA' BAR BYED DO, ,DE DAG PHYIS LHA'I RIS DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN, SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE LAN GRANGS GZHAN LA MYONG BAR 'GYUR BA'I LAS KYIS MI RNAMS DANG SKAL BA MNYAM PAR MI'I NANG DU SKYES NA, LAS DE DANG RGYU MTHUN PAR DE RTAG TU SHIN TU BAD BAR 'GYUR ZHING, RIG PA'I BLO DRI MA MED PA DANG, ROL MO LA DGA' BA STE, BRO GAR DANG, GLU DBYANGS DANG, RGOD PA DANG, RTZE BA LA DGA', RTAG TU SPRO BA LA DGA' ZHING BZA' BA DANG, BTUNG BA DANG, BCA' BA DANG, BZA' BAR BYA BA MANG PO LA DGA' BA DANG, YAMS KYI NAD MED CING, RIMS NAD MED LA MYA NGAN DANG BRAL BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, SUM CU RTZA GSUM PA'I LHA
, ,RNAMS KYI GNAS LA RTOG PAR BYED DO, ,DE THOS PA LAS BYUNG BA'I SHES PAS LHA RNAMS KYI GNAS PHYOGS GCIG NA GNAS PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, TSUL KHRIMS DANG LDAN PA, 'BYOR BA'ANG SHIN TU CHUNG ZHING DMAN PAR GYUR PA GANG GIS, GZHAN LAS NOR RDZAS KYI RNAM PA'AM, KHA ZAS DAG BLANGS TE, SHIN TU SDUG BSNGAL YANG BU DANG, CHUNG MA 'BA' ZHIG LA MI SBYOR BAR SEMS YONGS SU BSGOMS PA'I YID KYIS NOR RDZAS SAM, KHA ZAS DE DAG GZHAN SDUG BSNGAL ZHING PHA ROL GZHAN DAG NYON MONGS PA DANG, LONG BA DANG, DBUL BA DANG, MGON MED PA RNAMS LA BGO BSHA' BYAS NAS SBYIN PAR BYED PA DANG, SROG CHAGS GZHAN GYI CHUNG MA LA 'KHRIG PA'I DGA' BAS RAB TU CHAGS PA DAG GZHI DES MNGON PAR BZUNG STE, SROG BCAD PA'I NYON MONGS PA 'THOB CING GSHED MA'I LAG TU BSKUR BA, LHO PHYOGS KYI SGO NAS KHRID DE SROG BCAD PAR GYUR PA, NYON MONGS PA'I RNAM PA DE LTA BU'I NANG DU CHUD PA LAS THAR BAR BYAS NA, DE LUS DANG BRAL NAS BDE 'GRO MTHO RIS KYI 'JIG RTEN PHYOGS GCIG NA GNAS PA'I LHA RNAMS KYI GNAS SU SKYE BAR 'GYUR RO, ,DER SKYES NAS KYANG LEGS PAR
BYA BA BYAS PA, DGE BA'I LAS SHIN TU RGYA CHE BA BYAS SHING YANG DAG PAR SPYAD PA DE, RANG GI LUS LAS KUN NAS 'OD 'BYUNG STE, DPER NA, NYI MA'I 'OD 'BYUNG BA BZHIN NO, ,YANG 'OD DE DAG GI KHA DOG SNGON PO DANG, SER PO DANG, BTZOD KA DANG, LJANG KHU DANG, DKAR POR 'BYUNG STE, LHA DE'I 'OD DES LHA'I 'JIG RTEN GYI 'OD GSAL BA DE DAG THAMS CAD DE NAS YANG BCU 'GYUR BAS LHAG PAR GSAL BAR BYED DO, ,DPER NA, GZA' DANG, SKAR MA'I 'OD KYIS DZAMBU'I GLING GSAL BAR BYED LA, DE NAS YANG ZLA BA'I 'OD KYIS GSAL BAR BYED PA DE BZHIN DU LHA DE'I RANG GI LUS KYI 'OD KYIS LHA'I GNAS DE DAG THAMS CAD BRGYAN PA BZHIN RNAM PAR GSAL BAR BYED DO, ,'OD DES GZUGS PHUN SUM TSOGS PA DE DAG THAMS CAD DANG LDAN PA'I LHA DE LA; LHA DE DAG GIS MNGON PAR BRTAGS TE, RNAM PA DE LTA BU KHYAD PAR GANG GI DRUNG NA, LHA GZHAN DE DAG SRIN BU ME KHYER BZHIN GSAL BA MED DO, ,LHA'I RIS DER LHA DER LHA DE SKYES MA THAG TU LHA MO DE DAG THAMS CAD LHA DE GA LA BA DER RGYUG CING SKYES MA THAG TU RGYAN THAMS CAD 'BYUNG BAR 'GYUR TE, 'DI LTA STE, GANG GI GTZUG GI NOR BU MTHON KA CHEN PO'I 'OD KYIS DPAG CHAD DAG TU 'OD SNANG BAR BYED PA BZHIN DU, 'OD GANG GIS GZHAN MTHO RIS NA GNAS PA'I 'OD DE DAG THAMS CAD DANG, PHYI ROL GYI NOR BU DE DAG THAMS CAD DER LTAR ZIL GYIS
, ,GNON PAR BYED DO, ,JI LTAR NYI MA SHAR BAS SRIN BU ME KHYER RNAMS KYI 'OD ZIL GYIL GNON PAR BYED PA DE BZHIN DU LHA DE DAG ZIL GYIS GNON PAR BYED DO; ;DE NAS SKYES MA THAG TU RIN PO CHE SNA BDUN GYI COD PAN DPAG TSAD BRGYAR 'OD 'PHRO BA 'BYUNG BAR 'GYUR TE, 'OD KUN GYIS BRGYAN CING 'OD ZER 'BYUNG LA, GANG GI 'OD SNGON PO DANG; ;SER PO DANG, BTZOD KA DANG, LJANG KHU DANG, DKAR PO DAG 'BYUNG BA 'GYUR RO, ,DE'I 'OG TU RIN PO CHE SNA BDUN GYI MGUL RGYAN DPAG TSAD BRGYAR 'OD 'PHRO BA 'BYUNG BAR 'GYUR RO, ,DE LTAR DE'I 'OG TU RIN PO CHE SNA BDUN GYI RGYAN PHRENG 'BYUNG BAR 'GYUR RO, ,DE'I 'OG TU PHRENG BA 'CHANG BA RDO RJES BRGYAN PA 'BYUNG BAR 'GYUR RO, ,DE'I 'OG TU DA'I RKED PA'I PHRENG RGYAN JI LTAR 'JA'I KHA DOG LTA BUR SKYE ZHING 'BYUNG BAR 'GYUR RO, ,DE'I 'OG TU DE'I LHAM RIN CHEN SNA BDUN GYIS SPRAS PA, 'OD SNA TSOGS DANG LDAN PA 'BYUNG BAR 'GYUR TE; SHUGS GANG GIS RIM PA 'DI DE LTAR 'GRO BA NI, GANG GI TSE LHA DE 'DI SNYAM DU 'DI LTAR BDAG CHE GE MO ZHIG TU NAM MKHA' LAS 'GRO'O SNYAM DU BSAMS NAS BSKYED MA THAG TU LHA YUL DU 'BYUNG BA'I LHAM DES LHA DE BTEG STE NAM MKHA' LA KHYER NAS GNAS DER 'GRO STE, LUS NGAL BA MED CING GNOD PA THAMS CAD DANG BRAL BAR 'GYUR RO, ,GANG DE'I 'OG TU DE'I
GOS THAGS SU BTAGS PA MA YIN PA RIN PO CHE SNA TSOGS LAS BYAS PA 'OD GSAL BA 'BYUNG BAR 'GYUR TE, GANG GI 'OD KYIS LHA'I RIS NYAMS DGA' BA DES, DE NAS YANG SHIN TU NYAMS DGA' BAR 'GYUR RO, ,LHA DE SKYES MA THAG TU 'DI SNYAM DU SEMS TE, LAS BYAS PA GANG GIS BDAG 'DIR SKYES SHIG GU SNYAM NAS, DES BRTAGS NA LAS LEGS PAR BYAS PA DANG NYES PAR BYAS PA'I GZHI DZAMBU GLING DE NAS BDAG SHI STE, DER GANG BYA BA LEGS PAR BYA BA'AM, NYES PAR BYAS PA'AM, NYES PAR BYAS PA DE 'DIR NYE BAR SPYOD PAR 'GYUR TE, DE DAG GIS LEGS PAR BYAS PA'I LAS KYI RGYU DES BDAG 'DIR SKYES TE, RGYU MED PAS NI MA YIN NO SNYAM MO, ,DE DE LTAR BSAMS PA DANG THANG CIG LHA MO GZUGS DANG, LANG TSO PHUN SUM TSOGS PA JI SNYED PA THAMS CAD NYID NYE BAR 'ONG BAR BYED DE, DE DAG GI RGYAN GYI SGRA JI LTAR MI YUL NA SIL SNYAN YAN LAG LNGA DANG SHIN TU LDAN PA DE DAG GI SGRA 'BYUNG BA DE LTAR DE RNAMS KYI SGRA 'BYUNG BAR BYED DO; ;DE DAG GI DRI'ANG DPAG TSAD GNYIS SU GANG BAR 'GYUR TE, DRI GANG GIS ME TOG THAMS CAD KYI DRI ZIL GYIS GNON PAR 'GYUR, DE DAG GI GZUGS DANG, LANG TSO SNGON MA BYUNG BA 'BYUNG BAR 'GYUR ZHING TSIM PA DANG, DGA' BA 'BYUNG BAR 'GYUR LA, SNGON GYI GOS KYI YON TAN RNAMS KYANG 'BYUNG BAR 'GYUR RO, ,LHA DE'I LEGS PAR BYAS PA'I LAS DES, 'DI LTA STE,
, ,NYI MA SHAR BA'I NYI MA'I 'OD KYIS ME TOG THAMS CAD RAB TU RGYAS PAR 'GYUR BA DE LTAR LHA DE'I 'OD BYUNG BAS LHA MO DE DAG THAMS CAD KYI GZUGS RAB TU RGYAS PAR 'GYUR TE, DE DAG DANG DE PHRAD NAS 'DZUM ZHING DGA' BA DAG GIS RTZED MO BYED DO, ,DE DAG GIS DE PANG DU BLANGS TE TSAL DANG NYE BA'I TSAL GA LA BA DE NYID DU 'GROS SDUG GUS KHYER ZHING LHA DE'I MDUN DU SIL SNYAN SNA TSOGS DANG RGOD PA'I SGRAS DGA' BAR BYED PA DE DAG LHA LA LTA ZHING TSAL DANG, NYE BA'I TSAL DE DAG GA LA BA DER GDONG BAR BYED DO, ,LHA DE'I GNAS SU TSAL 'DI DAG 'BYUNG BAR 'GYUR TE, 'DI LTA STE, PADMA RMAD BYUNG GI TSAL YOD DE, TSAL DE NA GANG GI TSE LHA DE 'JUG PA DE'I TSE, GOM PA 'DOR BA'I SA DAG LA PADMA SDONG BU NI BEE d'URYA, MYU GU NI RDO RJE, SNYING PO NI GSER, LO MA NI 'JAM ZHING 'DAB MA 'JAM PA DANG BUNG BA'I TSOGS KYIS MDZES PAR BYED PA DAG 'BYUNG BAR 'GYUR LA, DE DAG LA LHA DE'I RKANG PA GNYIS 'JOG PAR BYED DO, ,DE NAS RKANG PA BTEG PA DANG PADMA GZHAN DAG 'BYUNG BAR 'GYUR ZHING SNGA MA ZHUM PAR 'GYUR RO, ,DE PADMA'I TSAL DE NAS SBRANG RTZI'I CHU'I TSAL ZHES BYA BA SBRANG RTZI'I CHU'I TSAL GA LA BA DER 'DOD PAR BYED DE, TSAL DE NA LHA'I SHING LJON PA GSER LAS BYAS PA DE DAG THAMS CAD LAS LHA'I RGUN CHANG 'DZAG STE, LHA'I RO
DANG, DRI DANG LDAN PA'I RGUN CHANG DE DAG LA LHA'I MCHOG DE 'THUNG BAR BYED DE, MYOS PA'I SKYON DANG BRAL BA'I SBRANG RTZI DE DAG LA LHA RNAMS 'THUNG BAR BYED DO, ,DRI DANG, RO SNGON MA BYUNG BA DE DE DAG LA 'THUNGS NAS KYANG TSAL GSUM MDZES ZHES BYA BA GA LA BA DER 'DONG BAR BYED DO, ,DER GSUM MDZES DPE MED PA 'BYUNG STE, 'DI LTA STE, BYA DANG, BUNG BA'I TSOGS SGRA 'BYIN PA DANG, GZHAN DANG MI 'DRA BA'I SGRA DANG, LHA MO ROL MO BYED PA 'BYUNG NGO, ,LHA'I MCHOG DE TSAL GSUM MDZES DE NA, SKYED MOS TSAL NAS, SKYED MOS TSAL DANG, NYE BA'I TSAL NAS NYE BA'I TSAL DANG, PADMA'I RDZING NAS PADMA'I RDZING DANG, LTENG KA NAS LTENG KAR DGA' BAR BYED, RTZE BAR BYED, DGA' MGUR SPYOD PAR BYED DO, ,BYA SGRA SNA TSOGS 'BYIN PA LA NYAN CING DBANG PO LNGA YUL LNGA LA TSIM PA MED PA'I YID SRED PA'I MES SREG PA NA, JI SRID DU DE'I LEGS PAR BYAS PA'I LAS MA ZAD PA DE SRID DU DGA' BAR BYED DO, ,DE LAS DE ZAD NAS DE NAS YANG LHA'I RIS DE NAS 'CHI BAR 'GYUR TE, SHI NAS KYANG LAS KYI THAG PAS BCINGS PA RANG GIS BYAS PA'I LAS RNAMS KYIS SEMS CAN DMYAL BA DANG, YI DVAGS DANG; DUD 'GRO RNAMS KYI NANG DU SKYE BAR 'GYUR RO, ,GAL TE MI'I SO SO YANG DAG PAR MYONG BAR 'GYUR BA'I LAS KYIS MI RNAMS KYI NANG DU SKYES NA, LAS DE DANG RGYU MTHUN PAR DE
, ,GZUGS DANG, RIGS DANG, YON TAN PHUN SUM TSOGS SHING KUN NAS MCHOG TU BDE BA DANG LDAN PA DANG, RANG DANG 'BREL BA LAS 'TSO ZHING GZHAN LA RAG MA LUS PA DANG, RANG 'DOD PA BZHIN SPYOD CING NAD MED PA DANG, GNOD PA MED PA DANG, TSER MA MED PA DANG, SHIN TU 'BYOR BA DANG, DE BZHIN DU GSUM LDAN GYI DUS SU'AM, DE BZHIN DU GTZO BO'I NANG DU'AM, DE BZHIN DU RGYAL SRID PHYED LA DBANG BA'AM, RGYAL TSAB BAM, TSONG PA 'BYOR BA'I MCHOG NOR DANG, 'BRU DANG, GSER DNGUL THAMS CAD DANG LDAN PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SUM CU RTZA GSUM PA'I LHA RNAMS KYI GNAS LA RTOG PAR BYED DE, DE THOS PA LAS BYUNG BA'I SHES PAS SUM CU RTZA GSUM PA'I LHA RNAMS KYI GNAS SHING GSEB NA GNAS PA ZHES JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, GANG GIS RKUN PO CHAD PAS BCAD PAR 'OS PA BZUNG BA, GANG 'JIG RTEN PHA ROL LA 'JIGS PA'I BSAM BAS; DE LA CHAD PAS MI GCOD CING GNOD PAR MI BYED PA DANG, PHA ROL GZHAN GYIS RKUN PO BZUNG BA DE'ANG SEMS CAN LA PHAN PAR 'DOD PA, BYAMS PAR GZHOL BA'I SEMS
DANG LDAN PA'I BSAM PAS THAR BAR BYED PA DANG, MA LA'ANG MAL CHA DANG, NA BA'I RKYEN GYI GSO SMAN DANG, YO BYAD SBYIN PAR BYED CING GONG MA'I RDZAS BSGRUBS PA DE DAG RKU BA'I SEMS KYIS MI RKU BA DANG, TSIG 'JAM ZHING TSIG NYUNG LA PHAN PAR SMRA BA DANG, NYIN GCIG BZHIN SANGS RGYAS LA GUS PAR PHYAG 'TSAL ZHING, SANGS RGYAS LA SPOS SAM, ME TOG GAM, BDUG PA DAG PHUL TE PHYAG 'TSAL LA, DE'I YON TAN YANG RJES SU DRAN PA DANG, BLA MA LA LUS KYIS KYANG GUS PAR BYED CING, MYUR DU LDANG BA DANG, GUS PAR PHYAG 'TSAL BA DANG, RTAG TU SNYAN PAR SMRA BA DANG; SDIG PA'I GROGS PO MTHONG NA SHIN TU 'DRE BAR MI BYED LA, DE DAG DANG LHAN CIG DGA' BA DANG, 'GRO BA DANG, PHRAD PA DANG, MNGON PAR SMRA BAR MI BYED, MI NYON MONGS PA'I SEMS DANG LDAN PA, 'PHAGS PA MA YIN PA, 'JIG RTEN PAS SPANGS PA RNAMS DANG LHAN CIG DGA' BAR MI BYED LA, THAD KAR LTA ZHING 'DUG PAR MI BYED PA DANG, RGAN PO LA LEGS PAR LTA STE; RGAN PO SHES PA DANG LDAN PA, SEMS CAN LA BYAMS SHING PHA ROL GDUNG BAR MI BYED PA, 'JIG RTEN KUN GYIS BKUR BA, SNYAN PAR SMRA BA, 'JAM POR SMRA BA DAG LA BSNYEN BKUR BYED CING; YANG DAG PAR RNAM PAR 'BYED PA'I TSUL KHRIMS KYANG YOD PA DANG, BRAN PHO DANG, BRAN MO DANG, LAS BYED PA DANG, ZHO SHAS 'TSO BA RNAMS LA RGYU MED PAR 'TSO BAR MI BYED PA DANG,
, ,BZA' BA MANG DU MI ZA BA DANG, 'DOD DGUR 'GRO BA'I TSUL DU MI BYED PA DANG, GNOD PA'I TSUL MED PA DANG, GLO BUR DU MI 'KHRUG PA DANG, SHAN PA DANG, NYO TSONG DANG, KHYI YIS 'TSO BA DANG, SNYIS 'TSO BA DRI MA DANG BCAS PA LA SOGS PA DANG, NYO TSONG LA SOGS PA CHOS MA YIN PA DANG YANG DAG PAR 'BREL BAR MI BYED PA DANG, CHANG 'TSONG GI KHYIM DU DGA' BA MED PA DANG, BUD MED LA RAG LAS SHING SDIG PA BYED PA DANG, SPYOD PA NYAMS PA DANG, RTAB RTAB POR MI 'GRO BA DANG, SMRA BA NA GZHAN GYI GSANG MI SHOR BA DANG, GROGS PO RNAMS LA GLAGS LTA ZHING GSANG STE DGRA MI BYED PA DANG, GNAD BTZAL TE RGYAL PO LA MI SMRA BA DANG, GZHAN GYI ZHING RNAMS LA SKYE BA'I LDUM RA MTHONG NA BDAG NYID KYIR MI BYED PA DANG, YUL MI'I DPYA NAR MA DRUG CHA GCIG 'BUL BA LAS LHAG PAR MI 'BEBS PA DANG, GZHAN GYI ZHING DANG, CHU DANG, SKAL BA BYIN PA MI 'PHROG PA DANG, MTSAN MO'AM, NYIN MO GZHAN GYI 'BRAS BU MI 'PHROG PA DANG, RKU SEMS THAMS CAD DANG BRAL BA'AM, RE RE DANG BRAL BA'AM, NYUNG NGUR BRAL BA YIN TE, JI LTAR NA NYUNG NGUR BRAL BA YIN ZHE NA, LAS KYI NYER BSDOGS MI BYED PA DANG, LAS BAR MA DANG BRAL BA YIN TE, GANG BYAS PA 'CHAGS PAR BYED CING SKYON DU RTZI LA MI BYED PA DANG, CHEN PO DANG BRAL BA YIN TE, LAS KYI NYER
BSDOGS MI BYED PA DANG, DE BZHIN BYED DU MI 'JUG CING, GZHAN GYIS BYAS NAS KYANG 'CHAGS SU 'JUG PA DANG, SO SOR RJES SU YI RANG BAR MI BYED PA DANG, MI NGAN PA DE RNAM PA SPONG BAR BYED LA, CHUNG NGU DANG, 'BRING DANG, CHEN PO BYED PA DE CHUNG NGU DANG, 'BRING DANG, CHEN PO'I 'BRAS BU LA SPYOD PA YIN TE, DE LTAR LEGS PAR BYAS PA'I LAS KYI MTHA' SPYOD PA, NYES PAR BYED PA RNAM PAR SPANGS PA DE LUS DANG BRAL NAS BDE 'GRO MTHO RIS KYI 'JIG RTEN SHING GSEB NA GNAS PA'I LHA RNAMS KYI NANG DU SKYE BAR 'GYUR RO, ,DE DER SKYES NAS KYANG LHA'I LUS SHA DANG, RUS PA DANG, RNAG KHRAG DANG BRAL BA YIN TE, GANG BDE BA MYONG BAR 'GYUR BA DE'I DPE BYA BAR YANG SLA BA MA YIN MOD KYI, CUNG ZAD CIG DPER BYA NA, 'DI LTA STE, SEMS CAN GANG SEMS CAN DMYAL BA YANG SOS SU SKYE BA DANG, GANG GSER GYI 'KHOR LOS BSGYUR BA'I RGYAL PO'I KHYAD PAR GANG YIN PA DANG, LHA'I BDE BA MYONG BA'I MI 'KHOR LOS BSGYUR BA'I RGYAL PO GLING BZHI PA'I RIN PO CHE SNA BDUN DANG LDAN PA'I KHYAD PAR GANG YIN PA'I KHYAD PAR DE NI SHING GSEB NA GNAS PA'I LHA DE'I DPER CUNG ZAD BYA BA YIN NO, ,SHING GSEB NA GNAS PA'I LHA DE RI RAB KYI STENG DPAG TSAD SUM STONG YOD PAR DPAL DANG LDAN PA RIN PO CHE SNA BDUN GYI LHA'I SHING LJON PA DANG, CHU BOS MDZES PAR BYAS PA LTA BUR, PHYOGS DE NA TSAL KUN SPYOD
, ,CES BYA BA GSER GYI SHING LJON PA YOD PA DER 'DI LTAR LHA RNAMS KYI SEMS LA GANG DU BDAG CAG 'GRO BAR BYA BA DER SHING LJON PA DAG BDAG CAG GI PHYI BZHIN DU DE LTAR 'ONG BAR SHOG CIG SNYAM MO, ,DE SEMS BSKYED MA THAG NYID DU SHING GSEB NA GNAS PA'I LHA RNAMS GAR 'GRO BA DE DAG GI PHYI BZHIN DU DE LTAR 'ONG STE, DPER NA; 'KHOR LOS BSGYUR BA'I RGYAL PO SEMS BSKYED MA THAG NYID DU 'KHOR LO NAM MKHA' LA 'GRO BA DE LTAR LHA RNAMS KYI SEMS BSKYED MA THAG NYID DU SHING LJON PA DAG NAM MKHA' LAS 'ONG NGO, ,LHA RNAMS GAR 'DOD PA DER YANG SA'I STENG DU 'BAB PAR 'GYUR TE, DPER NA, BYA DAG SA'I PHYOGS GANG DANG, GANG DU 'GRO ZHING GNAS PA DE DANG DE NYID DU GNAS PAR 'GYUR BA DE BZHIN DU SHING LJON PA DE DAG THAMS CAD DE LTAR 'GYUR TE, 'DI NI SHING GSEB NA GNAS PA'I LHA RNAMS KYI RANG GIS BYAS PA'I LAS KYI MTHU GCIG YIN NO, , DE NAS YANG MTHU 'BYUNG STE, DE LTAR LEGS PAR BYAS PA'I LAS DE DAG GI MTHU NI LHA RNAMS GANG DU 'DONG BA DER BYA DAG SIL SNYAN YAN LAG LNGA DANG LDAN PA LTA BU'I SGRA 'BYIN BZHIN DU PHYI BZHIN 'BRANG ZHING 'DONG NGO, ,DE NAS GZHAN YANG, LEGS PAR BYAS PA'I LAS RNAMS KYI MTHU NI LHA RNAMS NAM MKHA' LA 'DOD PA DANG BCAS PAR 'GRO BA'I LHA DAG PADMA'I
RDZING NA BUNG BA MYOS PA'I SGRA 'BYIN PA DANG, GSER GYI BYA NGANG PAS MDZES PAR BYAS SHING, BYA KA RANDA PA DANG, NGUR PA RNAMS KYIS MDZES PAR BYAS PA GA LA BA DER 'DONG BAR BYED DO, ,DE NAS GZHAN YANG, SHING GSEB NA GNAS PA'I LHA RNAMS KYI LEGS PAR BYAS PA'I MTHU NI LHA, LHA'I PHRENG BA DANG, GOS GYON PA DAG NAM MKHA' GANG LA 'GRO BA'I NAM MKHA' DER, LHA'I PADMA SDONG BU BEE d'URYA LAS BYAS PA'I GNAS DAG 'BYUNG BAR 'GYUR TE, 'DAB MA STONG YOD PA'I 'DAB MA DE RE RE LA LHA MO 'KHOD NAS, LHA GA LA BA DER 'DONG BAR BYED DO, ,DE NAS YANG SHING GSEB NA GNAS PA'I LEGS PAR BYAS PA RNAMS KYI LAS KYI MTHU NI, LHA DAG LHA'I PADMA LA 'DUG NAS GANG DU 'GRO BA NGER NAM MKHA' DE LAS LHA'I BA TUNG BAS GANG BA'I LHA'I SNOD DAG LAG TU 'ONG STE, BTUNG BA DE DAG LHA DANG, LHA MO DE DAG DANG LHAN CIG 'THUNG ZHING DGA' BAR BYED, GLU DBYANGS LEN, YONGS SU SPYOD PAR BYED LA, PHYOGS GZHAN GANG DU 'DONG BAR YANG 'GRO'O, ,DE NAS GZHAN YANG, SHING GSEB NA GNAS PA RNAMS KYI LAS KYI MTHU NI, LHA RNAMS GANG DANG, GANG 'DOD PA DE DANG, DE THAMS CAD 'BYOR BAR 'GYUR ZHING, LHA'I 'JIG RTEN GYI GNAS NAS GNAS GZHAN DU RNAM PA GANG GZHAN GYIS 'GRO 'DOD PA'I RI DANG, RI'I RTZE MO DE DAG TU'ANG, LHA'I ME TOG DANG, 'BRAS BU DANG, CHU BO PHUN SUM TSOGS PA DANG, TSAL DANG, NYE BA'I TSAL PHUN
, ,SUM TSOGS PA DAG NAM MKHA' LAS 'BYUNG BAR 'GYUR RO, ,LHA GNAS PA DE RNAMS LHA MO DAG GIS YONGS SU BSKOR LA LHAN CIG TU LHA'I SIL SNYAN YAN LAG LNGA DANG LDAN PA'I GLU DBYANGS NYE BA NA LEN CING, DE DAG NYID DANG YUL NAS YUL DU NAM MKHA' LA 'GRO BA NA, DE NAS CHOS BZANG NA GNAS PA DANG, BLTA NA SDUG PA NA GNAS PA YID DGA' BAS GNAS MTHON PO MTHONG STE, JI LTAR DZAMBU'I GLING NA MI RGYU BA DAG ,LHA GZHAL MED KHANG GSAL BA NA GNAS PAS MTHONG BA BZHIN NO, ,DE LTAR CHOS BZANG NA GNAS PA'I LHA DE DAG DANG, BLTA NA SDUG NA GNAS PA'I LHA DE DAG PHAN TSUN DU, KYE, 'DI LTAR SHING GSEB NA GNAS PA'I LHA DE DAG BDE BA MCHOG DANG LDAN TE, BDAG CAG PAS KHYAD CHES BDE LA; LHA'I SIL SNYAN YAN LAG LNGA DANG LDAN PA DAG NYE BAR LEN CING GANG DGA' MGUR RGYU BA, GAR 'DOD PAR 'GRO BA, CI BDER GNAS, THOGS PA MED PAR 'GRO BA, YUL NAS YUL DU 'GRO'O ZHES BRJOD DO, ,DE NAS LHA'I RGYAL PO BRGYA BYIN YANG PADMA 'DAB MA STONG LA SDONG BU LHA'I GSER DANG, BEE d'URYA LAS BYAS PA'I STENG DU 'DUG NAS, LHA MO BZANG MO DAG DANG LHAN CIG NAM MKHA' LAS 'GRO'O, ,LEGS PAR BYAS PA'I LAS KYIS SPRUL PA'I PADMA DE'ANG NYAMS DGA' BA 'DI LTA BU YIN TE, 'DAB MA THAMS CAD LA LHA MO LHA'I PHRENG PA DANG, GOS
GYON PA GSER RGYAN GYIS BRGYAN PA THAMS CAD YID RAB TU DGA' BA, THAMS CAD SIL SNYAN YAN LAG LNGA DANG LDAN PA'I DGA' BAS MYOS PA, THAMS CAD BRGYA BYIN LA PHYOGS PA, SO SO GZUGS DANG, LANG TSO DAR LA BAB PA'I DREGS PAS MYOS PA LNGA 'KHOD DE, DE DAG THAMS CAD LHA'I RGYAL PO BRGYA BYIN DANG LHAN CIG TU SHING GSEB NA GNAS PA'I LHA RNAMS GA LA BA DER NAM MKHA' LAS 'DONG BAR BYED DO, ,SHING GSEB NA GNAS PA'I LHA DE DAG GIS KYANG BRGYA BYIN DE MTHONG NAS PHYIR ZHING YID RAB TU DGA' LA, YANG JI LTAR BSHAD PA'I GNAS DE DAG LAS BABS NAS, LHA'I RGYAL PO BRGYA BYIN GA LA BA DER 'DONG BAR BYED DO, ,DONG NAS BRGYA BYIN DE LA SPYI BOS PHYAG BTZAL TE, TSIG GIS KYANG BSTOD DO, ,BRGYA BYIN GYI SNGON DU 'GRO BA DANG, SHING GSEB NA GNAS PA'I LHA SNYING DGA' BA RNAMS KYIS BRGYA BYIN DE YONGS SU BSKOR NAS, BRGYA BYIN MNGON PAR 'DOD PA'I GNAS SAM, SKYED MOS TSAL LAM, RI BO'I STENG NGAM, TSAL LAM; NYE BA'I TSAL LAM, PADMA'I RDZING NGAM, GNAS GZHAN GA LA BA DER NAM MKHA' LAS 'DONG BAR BYED DO, ,BRGYA BYIN GYI SNGON DU 'GRO BA DE RNAMS DER YUN RING DU RTZES NAS, DE NAS YANG RANG GI GNAS GA LA BA DER 'DONG BAR BYED DE, BRGYA BYIN GYI SNGON DU 'GRO BA RNAMS JI LTAR SONG BA DE LTAR SLAR 'ONG BAR BYED DO, ,DE NAS BRGYA BYIN YANG LHA'I 'DUN SA CHOS BZANG GA
, ,LA BA DER 'GRO BAR BYED DO, ,GZUGS DANG, SGRA DANG, DRI DANG, RO DANG, REG BYA SDUG GUS MYOS PA'I LHA DE DAG KYANG JI SRID DU SDUG PA, 'DOD PA, YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU DGA' BAR BYED DO, ,DE PHYIS LHA'I RIS DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE MI DANG SKAL BA MNYAM PAR MI'I NANG DU SKYES NA, LAS DE DANG RGYU MTHUN PAR DE RTAG TU BDE BA MCHOG DANG LDAN ZHING RTAG TU NAD MED PA DANG, GNOD PA MED PA DANG, NOR DANG SHIN TU LDAN ZHING MCHOG TU BDE BA DANG, DE BZHIN DU SDE GZHAN GYIS 'JIGS PA MED PA'I BAR GYI GLING DAG GI RGYAL POR 'GYUR BA'AM, RGYAL TSAB TU 'GYUR BAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS SUM CU RTZA GSUM PA'I LHA RNAMS KYI GNAS SHING RTA SNA TSOGS NA GNAS PA ZHES BYA BA JI LTAR 'DUG PA MTHONG NGO; ;DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, MCHOD RTEN GYI GNAS RNAMS SU SNGON YO BYAD SBYAR BA RNAMS RGYAL
PO MI RIGS PA'AM, BLON PO MI RIGS PA'AM, MI RIGS PAR CHAGS PA LA BRKAM PA, LAS LA 'JIGS PA MED PA, GANG GIS GCOD PAR BYED PA LA, SKYES BU DAM PA YID DANG, SEMS BSGOMS PA SANGS RGYAS KYI YON TAN MNGON PAR DRAN PA'AM, TSIG SHIN TU SNYAN CING GSAL BAS SANGS RGYAS LA BSTOD NAS DE PHYIR ZLOG PAR BYED DAM, 'TSO BA PAR BYED NA, DE LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM GYI LHA RNAMS KYI NANG SHING RTA SNA TSOGS NA GNAS PA'I SAR SKYE BAR 'GYUR RO, ,DER SKYES NAS KYANG SHIN TU DGE BA'I LAS BYED PA DE SIL SNYAN YAN LAG LNGA DANG LDAN PAS DGA' BAR BYED, RTZE BAR BYED, DGA' MGUR SPYOD PAR BYED, GNAS PAR BYED DO, ,SA DER LAS KYI 'BRAS BU GZHAN GYIS KYANG SKYE BAR 'GYUR BA NI, SROG GCOD PA DANG, MA BYIN PAR LEN PAR SPANGS PAS 'GYUR TE, 'DI LTA STE, KHYIS 'TSO BA LAS RI DVAGS THAR PAR BYED LA, BDAG NYID KYANG MI BYED, BYED DU'ANG MI 'JUG ;GZHAN GYIS BYAS PA LA RJES SU YI RANG BAR YANG MI BYED PA DANG, JI LTAR MA BYIN PAR LEN PA MI BYED DE, MA BYIN PAR LEN PA JI LTAR SPANGS PA YIN ZHE NA, BDAG NYID YUL GYI BDAG PO'AM, RGYAL PO'AM, BLON POR GYUR PAS PHA ROL LA CHAD PAS GCOD PAR MI BYED CING, GZHAN BYED PA'ANG ZLOG PAR BYED LA, CHOS SAM, KHRIMS LA 'JOG PAR BYED PA DE DAG NI
, ,SHING RTA SNA TSOGS SU SKYES PAR 'GYUR BA'I LAS RNAM PA GNYIS PA YIN NO, ,TSAL GYI RGYA DPAG TSAD SUM STONG YOD PA DE NA, LHA DAG SHING RTA SNA TSOGS RNAMS KYIS DGA' BAR BYED DE, DES NA SHING RTA SNA TSOGS ZHES BYA BA'I MING DU BTAGS LA, SHING RTA SNA TSOGS DER GNAS PA'I LHA RNAMS RTZE BAR BYED DO, ,SHING RTA DANG, SHING RTA'I NANG NA GSER DANG, DNGUL GYI PADMA MA BEE d'URYA SHIN TU BLTA NA SDUG BA DRI MCHOG TU YID DU 'THAD PA'I RDZING 'BYUNG LA, BUNG PA BEE d'URYA'I MDOG LTA BU'I TSOGS LDING BA RNAMS KYIS NYE BAR MDZES PAR BYAS PA YIN NO, ,TSAL DER BKRA PA 'DI DAG KUN 'BYUNG BAR 'GYUR TE DE BRJOD PA, PADMA'I RDZING RNAMS SU PADMA BKRA BA 'BYUNG BA NI, 'DI LTA STE, PADMA LA LA PADMA'I PHYED MTHON KA LAS BYAS PA, PHYED BEE d'URYA LAS BYAS PA YIN TE BKRA BA GCIG YIN NO, ,YANG BKRA BA GZHAN NI PHYED BEE d'URYA LAS BYAS LA PHYED GSER LAS BYAS PA YIN TE BKRA BA GZHAN YIN NO, ,YANG BKRA PA GZHAN NI PADMA 'DAB MA BRGYA PA THAMS CAD KYI PADMA LA PADMA PHYED KYI PADMA'I 'DAB MA NI GSER LAS BYAS LA GZHAN NI PADMA R'A GA'I MDOG LTA BU YIN NO, ,YANG BKRA BA GZHAN 'BYUNG BA NI; PADMA BEE d'URYA'I 'DAB MA DAG LA BUD BA GSER GYI MDOG CAN RGYU LA, DNGUL GYI 'DAB MA DAG LA BUNG BA PADMA RLA GA'I MDOG CAN RGYU'O, ,YANG BKRA BA GZHAN 'BYUNG BA NI BEE d'URYA'I
PADMA'I SDONG BU LA NI GSER GYIS YONGS SU DKRIS, GSER GYI PADMA'I SDONG BU LA NI RIN PO CHES YONGS SU DKRIS, DNGUL GYI PADMA'I SDONG BU LA NI SPUG GIS YONGS SU DKRIS, RIN PO CHE MA RGAD KYI KHA DOG LTA BU'I SDONG BU LA NI DZAMBU CHU BO'I GSER GYIS YONGS SU DKRIS SO, ,BUNG BA SGRA 'BYIN PA KHA DOG RNAM PA SNA TSOGS SU 'DUG PA RNAMS KYIS PADMA'I RDZING BU DE DAG KHEBS PA YIN TE, 'DI LTA STE, DZAMBU'I GLING NA ME TOG TZU LA SA'I DOG PA LA BUNG BA RNAMS KYIS RTAG TU KHEBS PA LTAR SHING RTA SNA TSOGS KYI'ANG DE DANG 'DRA'O, ,DE NAS LEGS PAR BYAS PA'I LAS RNAMS KYIS GNAS SNA TSOGS 'BYUNG BAR 'GYUR TE, 'DI LTA STE, DZAMBU'I GLING NA LAG BZO MKHAS PA'AM, LAG BZO'I SLOB MA MKHAS PA ZHIG GIS RTZIG NGOS LA BKRA BA 'DAB MA SNA TSOGS BKOD PA, TSON RTZI SNA TSOGS KYIS BRIS PA LTAR, TSAL GYI GNAS DE NA'ANG DE LTA BU YIN NO, ,YANG SHING RTA SNA TSOGS KYI TSAL GYI BKRA BA GZHAN NI BYA SNA TSOGS KYI SGRO DANG, RKANG PA DANG, MGO DANG, LTO DANG, MIG BKRA BA DAG 'BYUNG STE, 'DI LTA STE, BYA GANG GI LTO GSER DU 'DUG PA DE'I SGRO DNGUL YIN LA, RGYAB PADMA R'A GA'I MDOG DANG, MIG RIN PO CHE KE KE RU'I MDOG ,DE BZHIN DU GANG DNGUL GYI LTOR 'DUG PA DE'I SGRO GSER LA MIG BEE d'URYA'I MDOG DANG, MIG GI 'BRAS BU PADMA R'A GA'I MDOG LA RGYAB BKRA BAR 'DUG STE, RIN PO CHE SNA
, ,BDUN GYI MDOG LTA BU'I BYA SNA TSOGS RNAMS KYIS NYE BAR MDZES PA BABS SO, ,'DI NI SHING RTA SNA TSOGS KYI TSAL GYI BKRA BA GZHAN YIN TE, 'DI LTA STE, RI'I RTZE MO 'BYUNG BA DANG, 'DI LTA STE, MTHON KA DANG, BEE d'URYA DANG, SBUG DANG, RIN PO CHE KE KE RU DANG, GSER TE, DE RNAMS KYI 'OD KYIS TSAL DE SBRAS SHING BRGYAN PA YIN NO, ,TSAL DE PHAN TSUN GYI 'OD ZER 'KHYIL BAS SHIN TU GANG LA, LHA'I 'OD ZER GYI MTHUS SHIN TU MDZES BAR BYAS PA YIN NO, ,YANG TSAL SNA TSOGS BKRA BA GZHAN NI LCUG MA 'PHYANG BA DANG; SHING GEL BA SNA TSOGS DAG PHAN TSUN 'DZINGS PAR 'DUG LA, KHA DOG GSUM 'BYUNG BA NI 'DI LTA STE, BEE d'URYA'I LCUG MA LA PADMA R'A GA'I MDOG GI 'BRAS BU DE 'PHYANG BAR 'GYUR ZHING, AANDA RNYIL GYI MDOG LTA BUS LHAN CIG DKRIS PA YIN, DNGUL GYI LCUG MA LA PADMA R'A GA'I MDOG GI 'OD KYIS LHAN CIG BSKOR BA YIN, DE BZHIN DU SPUG DANG, GSER GYI LCUG MA LA GSER GYI LCUG MAS LHAN CIG DKRIS PA YIN, 'DI LTA STE, RIN PO CHE KE KE RU'I MDOG LTA BU'I LCUG MA LA DNGUL GYIS YONGS SU DKRIS PA YIN TE, DE LTAR LCUG MA KHA DOG GNYIS PA 'PHYANG PA YONGS SU DKRIS PA YIN NO, ,LCUG MA 'PHYANG BA KHA DOG GSUM PA RNAMS LA YONGS SU DKRIS PA NI, 'DI LTA STE, BEE d'URYA'I LCUG MA LA GSER
DANG; KE KE RU'I MDOG LTA BUS KUN TU DKRIS PA YIN, DE BZHIN DU LCUG MA KE KE RU'I MDOG LTA BU LA GSER DANG, DNGUL LTA BUS YONGS SU DKRIS PA YIN, DE BZHIN DU DNGUL GYI LCUG MA LA PADMA SPUG DANG, MTHON KA LTA BUS YONGS SU DKRIS PA YIN TE, DE LTAR LCUG MA RE RE LA GNYIS GNYIS KYIS KUN TU DKRIS PA YIN NO, ,YANG SHING RTA SNA TSOGS KYI TSAL DU BKRA BA GZHAN 'BYUNG BA NI GSER GYI LCUG MA DAG LAS ME TOG BEE d'URYA'I MDOG LTA BU 'BYUNG, DE BZHIN DU DNGUL GYI LCUG MA DAG LAS ME TOG MTHON KA'I MDOG LTA BU 'BYUNG, DE BZHIN DU GSER GYI LCUG MA DAG LAS ME TOG KE KE RU'I MDOG LTA BU 'BYUNG, DE BZHIN DU SPUG GI LCUG MA DAG LAS ME TOG BEE d'URYA'I MDOG LTA BU 'BYUNG STE, DE LTAR LCUG MA SNA TSOGS DAG LAS ME TOG SNA TSOGS DAG 'BYUNG NGO, ,LAS SNA TSOGS KYIS BSKYED PA, SEMS SNA TSOGS KYIS BSLAD PA, RGYU SNA TSOGS DANG MTHUN PA NI YANG DAG PAR SKYES PA SNA TSOGS DAG YIN TE, DE LTAR LAS RNAMS KYI RGYU DANG, GZHI DES DE LTAR SHING RTA SNA TSOGS KYI TSAL THAMS CAD BKRA BA YIN NO, ,JI LTAR SA BON LAS 'BRAS BU 'BYUNG BA DE BZHIN DU RGYU DANG MTHUN PAR 'BRAS BU 'BYUNG STE, GANG 'DIR LAS BYED PA RNAM PA GANG JI LTAR 'PHANGS PA DANG, GANG GI TSE ZHING GI RNAM PA JI LTA BU DANG, SEMS PA'I RNAM PA JI LTA BU NAS, SNA TSOGS SU SLONG BAR BYED PA'I
, ,BAR LAS RNAM PA SNA TSOGS BYAS PA'I 'BRAS BU NI DE LTAR RGYA'I 'BUR LTA BUR 'BYUNG BAR 'GYUR RO, ,MTHO RIS SAM, SEMS CAN DMYAL BA GANG RGYU MED PAR 'BRAS BU 'BYUNG BA DE MED DE, GZHAN GYIS BYAS LA RNAM PAR SMIN PA GZHAN LA 'BYUNG BA DE NI GNAS MED DO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, SHING RTA SNA TSOGS KYI TSAL BKRA BA DANG, 'JIG RTEN BKRA BA LA'ANG RTOG PAR BYED DE, SUM CU RTZA GSUM PA'I SHING RTA SNA TSOGS NA LHA RNAMS LAS CI ZHIG BYED CIG GU SNYAM NAS, DES THOS PA LAS BYUNG BA'I SHES PAS BRTAGS NA, 'DI LTAR DUS GANG GI TSE, MI CHOS DANG MI LDAN PA, CHOS MA YIN PA'I RJES SU 'JUG PA, MAR MI 'DZIN PA, PHAR MI 'DZIN PA; DGE SBYONG DU MI 'DZIN PA, BRAM ZER MI 'DZIN PA, RIGS KYI RGAN RABS LA GUS PAR MI BYED PA, DGE BA'I BSHES GNYEN DU MI 'DZIN PA, LAS DANG, 'BRAS BU LA YID MI CHES PA, YANG DAG PA'I LTA BA MED PA, YANG DAG PA'I LTA BA'I SNGON DU 'GRO BA MED PA DE'I TSE, BDUD SDIG CAN DAG DGA' BAR 'GYUR LA, DE'I CHOS DANG, CHOS KYI RJES SU 'JUG PA'I 'KHOR BZHI PO DE DAG 'JIG RTEN DU 'BYUNG BAR 'GYUR TE, 'DI LTA STE, BDUD KYI RIS 'JIG RTEN SKYONG BA 'THAB PA ZHES BYA BA DANG, BDUD KYI RIS 'JIG RTEN SKYONG BA G-YENG BYED CES BYA BA
GANG CHOS SPYOD PA'I SEMS CAN RNAMS KYI SEMS G-YENG BAR BYED PA'AM DAM PA'I CHOS NYAN PA GNYID LOG PAR BYED PA DANG, GSUM PA LHAG PAR CHAGS PAR RMONGS PA ZHES BYA BA SBYIN BDAG GTONG BA NA, SBYIN PA PO DANG, SBYIN BDAG RNAMS KYI SEMS CHAGS PA SKYED PAR BYED DE, 'DI LTAR BDAG GIS GANG DGE SBYONG DANG, BRAM ZE ZHING DU GYUR PA RNAMS LA SBYIN DU BDAG GI BU DANG, CHUNG MA CI BZA', CI BGO SNYAM DU SEMS PAR BYED DE, BDUD KYI RIS 'JIG RTEN SKYONG BA GSUM PA DAG SEMS CAN RNAMS RNAM PAR RMONGS PAR BYED CING 'JIG RTEN NA RGYU BAR BYED DO,, BDUD KYI RIS 'JIG RTEN SKYONG BA BZHI BA 'DU SHES LOG PA ZHES BYA BA DE 'JIG RTEN NA RGYU ZHING DE RAB TU 'BYUNG BA RNAMS KYI SEMS RAB TU MI 'BYUNG BAR 'GYUR RO, ,DANG PO NI CHAGS PA DANG, SBYOR BA DANG, GRONG DU 'JUG PA DANG, TSONG ZONG NYO TSONG BYED PA DANG, BUD MED LA LTA 'DOD PA DANG, CHANG 'TSONG GI KHYIM DU 'JUG PA DANG, 'THAB RTZOD DANG, DGE 'DUN 'BYED PA DANG, RMI LAM GYI GNOD PA'I SEMS SKYED PAR BYED DO, ,BDUD KYI RIS 'JIG RTEN SKYONG BA BZHI PO DE DAG GANG GI TSE CHOS DANG MI LDAN PA'I SKYE DGU DZAMBU'I GLING DU BYED PA NUS PA DANG LDAN PA 'BYUNG BA DE'I TSE, BDUD SDIG CAN DAG LA, LHA DAG ,DAM PA'I CHOS KYI PHYOGS NI 'GRIB BO, ,BDUD KYI PHYOGS NI 'PHEL TE DGYES PAR MDZOD CIG CES BSNYAD DO, ,DE DAG LAS THOS NAS
, ,BDUD SDIG CAN DAG GI RJES SU 'BRANGS PA DE DAG LA BDAG CAG GI PHYOGS JI LTAR 'PHEL, DAM PA'I CHOS KYI PHYOGS JI LTAR 'GRIBS ZHES DRIS SO, ,DE DAG GIS LHO DZAMBU'I GLING NA MI CHOS MA YIN PA DANG LDAN PA, CHOS MA YIN PA'I RJES SU 'JUG PA, MAR MI 'DZIN PA, PHAR MI 'DZIN PA, DGE SBYOD DU MI 'DZIN PA, BRAM ZER MI 'DZIN PA, RIGS KYI RGAN RABS KYI RJES SU MI 'JUG PA, BDAG CAG GI 'DOD CHAGS KYI CHAGS PAS ZIL GYIS MNAN CING DAM PA'I CHOS NYAN PA LA'ANG GNOD PAR BGYID DO, ,DE NAS RAB TU 'BYUNG BA'I BLOS PHAL CHER RAB TU BYUNG BA RNAMS DANG, KHYIM NA GNAS PA SDOM PA BLANGS SHING TSANGS PAR SPYOD PA RNAMS KYI RMI LAM DU'ANG BUD MED GYI GZUGS SU SPRUL NAS RMI LAM GYI GNOD PA BGYID DU STZAL, SBYIN PA PO DANG, SBYIN BDAG RNAMS KYI SBYIN PA GTONG BA NA BU DANG, CHUNG MA LA RAG LAS BA'I SEMS KYIS YID CHAGS PAR GYUR PA BGYIS, YID MDZA' BA DANG, 'KHRUGS PAR BGYIS, RAB TU BYUNG BA'ANG NYO TSONG GI ZONG LA SEMS BRTZON PAR BGYIS, 'THAB PA DANG, RTZOD PA DANG, 'TSANG 'DRUD PA LA DGA' BAR BGYIS TE, DE LTAR BDAG CAG GI THABS 'DI RNAMS KYIS BDUD KYI PHYOGS NI SPEL, DAM PA'I CHOS KYI PHYOGS NI BSHIG GO ZHES SMRAS SO, ,BDUD SDIG CAN GYIS DE THOS NAS, LHA MA YIN SGRA
GCAN DANG, BRTAN PA DANG, RAB DGOD DANG, GZHAN DAG DANG, KLU RAB 'JOMS LA SOGS PA DAG LA 'DI LTAR SANGS RGYAS KYI BSTAN PA NI YONGS SU DMAS SO, ,BDAG CAG GI PHYOGS NI 'PHEL TE, KHYED DGA' BAR GYIS SHIG CES BSGO'O, ,DE LTAR YANG 'JIG RTEN SKYONG BA DE DAG NYID YANG SA'I 'OG TU GTONG BAR BYED DE, SA'I 'OG TU SONG NAS, RAB DGOD DANG, THAGS BZAD RIS LA SNGA MA BZHIN DU BSNYAD DO, ,DE THOS NAS LHA MA YIN RNAMS RAB TU DGA' STE, KLU RAB 'JOMS LA SOGS PA CHOS DANG MI LDAN ZHING CHOS KYI RJES SU MI 'JUG PA RNAMS LA BSNYAD DO, ,LONGS SPYOD LDAN NA GNAS PA'I KLU DE RNAMS KYIS THOS NAS KYANG SHIN TU DGA' STE, DE DAG MI RNAMS LA SNGA MA BZHIN DU BGEGS BYED DO, ,DE DAG KYANG 'PHAGS SKYES PO LA SOGS PA 'JIG RTEN SKYONG BA GZHAN DAG LAS DE DAG THAMS CAD SNGA MA BZHIN DU THOS NAS, LHA'I RGYAL PO BRGYA BYIN SUM CU RTZA GSUM PA'I LHA RNAMS DANG LHAN CIG SHING RTA SNA TSOGS KYI TSAL DU 'JUG PAR BYED DO, ,DE ZHUGS NAS LHA RNAMS BOS TE, 'DI LTAR 'JIG RTEN SKYONG BA 'DI DAG NA RE, 'DI LTAR BDUD KYI RIS KYI LHA RNAMS RAB TU MTHU DANG LDAN PA YIN TE, LHA MA YIN THAGS BZANG RIS DANG; RAB DGOD LA SOGS PA DANG, KLU RAB 'JOMS LA SOGS PA MTHU RAB TU CHE'O ZHES ZER GYI, DE LA LHA KHYED CAG GIS LHA'I TSOGS THAMS CAD 'DIR BSDU BAR RIGS SO, ,'DUS
, ,NAS KYANG BDAG CAG LHA'I TSOGS THAMS CAD LHA MA YIN DANG G-YUL SPRAD PA'I PHYIR RIN PO CHES BRGYAN PA'I KHANG PA BRTZEGS PA SNA TSOGS SU 'DONG NGO, ,DE THOS NAS LHA THAMS CAD KYIS DE LTAR 'TSAL LO ZHES SMRAS NAS, RANG GI GNAS GA LA BA DER 'DONG NGO, ,DONG NAS LHA GZHAN THAMS CAD BSDUS NAS, MDOR BSDUS TE, SHING RTA SNA TSOGS KYI TSAL GA LA BA DER 'DONG NGO, ,DONG NAS SKYED MOS TSAL SHING RTA SNA TSOGS KYI GNAS NYID DU 'KHOD CING SIL SNYAN SGRA DBYANGS SNA TSOGS DANG, GLU DAG LEN PA NA, SHING RTA SNA TSOGS KYIS BKRA BA RNAMS SU DGA' BAR BYED DO, ,GANG SHING RTA SNA TSOGS KYI TSAL NA RTAG PA RTAG PA NYID DU 'KHOD PA'I LHA DE DAG NI SKYED MOS TSAL GAR YANG MI 'GRO'O, ,DE NAS LHA'I DBANG PO DES LHA DE DAG BSDUS NAS SHING RTA SNA TSOGS KYI TSAL DE NAS DONG NGO, ,SHING RTA SNA TSOGS KYI TSAL NA GNAS PA'I LHA DE DAG KYANG JI SRID DU 'DOD PA, SDUG PA, YID DU 'ONG BA BYAS SHING BSAGS PA'I LAS ZAD PAR MA GYUR PA DE SRID DU DE NA DGA' BAR BYED DO, ,DE ZAD NAS LHA'I RIS DE NAS 'CHI BAR 'GYUR TE, SHI NAS KYANG NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE MI RNAMS KYI NANG DU SKYES NA, LAS DE DANG RGYU MTHUN PAR DE RTAG TU BDE BAR 'GYUR ZHING, NA TSOD THOG MA NAS
'CHI BA'I BAR DU ME TOG GI PHRENG BA SDUG GU THOGS SHING CHA BYAD SNA TSOGS DANG, SHING RTA SNA TSOGS LA DGA' BA DANG, SKYE BO KUN DGA' BAR 'GYUR, GAL TE DE RAB TU BYUNG NA DE SENG GE'I KHRI LA 'DUG NAS CHOS DANG, GTAM SNA TSOGS SMRA BA DANG, GTAM SNA TSOGS KYIS 'KHOR KYANG KUN NAS SHIN TU DGA' BAR BYED PA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, SUM CU RTZA GSUM PA'I LHA RNAMS KYI GNAS LA RTOG PAR BYED DE, DE THOS PA LAS BYUNG BA'I SHES PAS SUM CU RTZA GSUM PA'I LHA RNAMS KYI GNAS DGA' BA NA GNAS PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DE THOS PA LAS BYUNG BA'I SHES PAS BRTAGS NA, SKYES BU DAM PA BSAM PA DGE BAR GYUR PA GANG GIS SROG GCOD PA MI BYED CING MA BYIN PAR LEN PA'ANG MI BYED LA, BYED DU MA BCUG ,PHA ROL BYED PA'ANG BZLOG ,BDAG NYID MI BYED, BYED DU MA BCUG ,BYAS NA'ANG 'CHAGS PAR BYED CING SKYON DU BGRANG BAR BYED LA SDIG PA'I GROGS PO DE YONGS SU SPONG BAR BYED DO, ,DE LA SROG GCOD PA DANG BRAL BA NI GANG YIN, RNAM PA NI DU YOD CIG GU SNYAM NAS, 'DI NI BYA NE'U BZUNG BAR THAR BAR BYED CING SDOM PA LEN DU BCUG NAS BDAG NYID MI BYED LA SO SOR 'CHAGS PAR BYED PA'AM, BYA BAS BYA BZUNG BA NOR RDZAS KYIS BLUS TE THAR PAR BYED LA, GZHAN YANG
, ,DE NYID LA RAB TU 'JOG PAR BYED, RAB TU DGA' BAR BYED, RAB TU SPRO BAR BYED PA DANG, MA BYIN PAR LEN PA SPANGS PA JI LTA BU YIN, MA BYIN PAR LEN PA SPANGS PA GANG YIN ZHIG GU SNYAM NA, 'DIR SDUD PA BOR GYUR NAS GRONG RNAMS 'DZIN TAM, TSONG RDAL LAM, GRONG RDAL LAM, PHYUGS KYI LHAS 'DZIN PA'AM, RGYAL POS 'DI LTAR LUG DANG, BA LANG DANG, BONG BU LA SOGS PA SDUS SHIG CES BSGO BA LAS, DE'ANG SDOM PA'I 'JIGS PAS SKRAG NAS MA BYIN PAR LEN PA MI BYED NA, DE LAS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM PA'I LHA RNAMS KYI NANG DGA' BA'I TSAL DU SKYE BAR 'GYUR RO, ,LAS GZHAN GYIS KYANG 'GYUR TE, CHOS 'CHAD PA'ANG CHOS NYAN PA PO RNAMS DGA' BAR BYA BA'I PHYIR TSES GRANGS DANG, YUL DANG, DUS DANG LDAN PAR BYAS LA DE DAG KYANG DGA' BAR BYAS TE, DE DAG YID RAB TU DGA' BA SEMS RTZE GCIG GIS CHOS NYAN NA, DAM PA'I CHOS 'CHAD PA'I SLOB DPON DE LUS DANG BRAL NAS BDE 'GRO MTHO RIS KYI 'JIG RTEN DGA' BA'I TSAL DU SKYE BAR 'GYUR RO, ,SBYIN PA THAMS CAD KYI NANG NA SBYIN BA'I MCHOG 'DI YIN TE, 'DI LTA STE, CHOS KYI SBYIN PA ZHES BYA'O, ,RGYU 'DIS KYANG LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM PA'I LHA RNAMS KYI NANG NA DGA' BA'I TSAL DU
SKYE BAR 'GYUR RO, ,DER SKYES NAS KYANG DE LHA'I BDE BA PHUN SUM TSOGS BA DPE MED PA BRGYA PHRAG STONG DU MA MYONG BA NA, 'DI LTAR GANG DU TSAL DE'I PHYOGS KYI CHA NI 'DI YIN TE, DPAG TSAD SUM STONG YOD LA RIN PO CHE SNA BDUN GYI SHING LJON PA RNAMS KYIS NYE BAR MDZES PAR BYAS PA YIN TE, DE LTAR LHA RNAMS RTAG TU DGA' BAR BYED CING GZHAN GAR YANG MI 'GRO STE, DE BAS NA LHAN CIG SKYES PA'I YON TAN GYIS DE DGA' BA'I TSAL ZHES BYA'O, ,DE NA SHING LJON PA THAMS CAD 'DOD PA DAG GANG LHA RNAMS KYI YID KYIS YANG DAG PAR SEMS PAR BYED PA DE DAG NYID LHA DE RNAMS KYIS SHING LJON PA LAS 'THON PAR 'GYUR TE, DE LTAR LHA RNAMS KYI YID LA BDAG KHYIM ZHIG 'DOD DO SNYAM NA, DE NAS DE LTAR LHA DES YID LA BYAS MA THAG TU SHING LJON PA DE'I YAL GA'I RTZE MO LA 'BYUNG BAR 'GYUR TE, SHING LJON PA DE'I KHANG BZANG RIN PO CHE SNA BDUN DANG LDAN ZHING NYE BAR MDZES PAR BYAS PA, KA BA STONG YOD PA'I KHANG BZANG MTHONG BAR 'GYUR RO, ,KHANG PA DE'I KA BA SO SOR DE'I PHYOGS PHYOGS BEE d'URYA LAS BYAS SHING, LA LA GSER LAS BYAS, LA LA SHEL LAS BYAS, LA LA KE KE RU LAS BYAS, LA LA SPUG LAS BYAS PA YIN NO, ,DE NAS KHYIM GYI MCHOG DE SHING LJON PA'I RTZE MO DE LA YOD PA MTHONG NAS DE 'DI SNYAM DU SEMS TE, DA NI BDAG LAM 'JAM ZHING MTHO DMA' RU GYUR PA NAS, KHYIM 'DIR 'JUG
, ,PAR BYA'O SNYAM BSAMS MA THAG NYID DU SHING LJON PA DE NYID LA LAM MTHONG STE DER 'JUG PAR BYED DO, ,DE LTAR LAM DE NYID NAS ZHUGS PA DANG DE 'DI SNYAM DU SEMS TE, DA NI BDAG GI KHYIM 'DIR KHYIM NANG DU PADMA'I RDZING ZHIG YOD NA RUNG NGO SNYAM MO, ,DE SEMS BSKYED MA THAG NYID DU PADMA'I RDZING RIN PO CHE SNA BDUN LAS BYAS PA, BYA NGANG BA DANG, KA RANDA PA DANG, DUR BA SNA TSOGS KYIS NYE BAR MDZES PAR BYAS PA 'BYUNG NGO, ,DE NAS YANG LHA DE 'DI SNYAM DU SEMS TE, BDAG GI SIL SNYAN DANG, GLU DBYANGS YAN LAG LNGA DANG LDAN PA 'BYUNG PAR GYUR CIG SNYAM MO, ,DE SEMS BSKYED MA THAG NYID DU GANG RLUNG NGAD 'JAM PA RAB TU LDANG BAR 'GYUR TE, RNAM PA JI SRID DU PHAN TSUN REG PA NA SGRA 'BYUNG BA'I RNAM PA DE SRID DU SIL SNYAN YAN LAG LNGA DANG LDAN PA 'BYUNG NGO, ,LHA DE 'DI SNYAM DU SEMS TE, SHING LJON PA'I NANG GI KHANG PAR DA NI BZA' BA DANG, BTUNG BA CHU BO LTAR 'BAB PAR GYUR CIG SNYAM MO, ,DE SEMS BSKYED MA THAG NYID DU SHING LJON PA'I YAL GA DE DAG RDOL NAS BZA' BA CHU BO SNYED DANG, BTUNG BA CHU BO SNYED KHA DOG DANG, RO DANG, REG PA PHUN SUM TSOGS PA BYUNG NGO, ,DE 'DI SNYAM DU SEMS TE, DA NI BDAG BDUD RTZI BZA' BAR BYA'O SNYAM MO, ,DE SEMS BSKYED MA THAG NYID DU BDUD RTZI LHA'I RO DANG, DRI DANG, MDOG PHUN SUM TSOGS PA 'BYUNG STE, DE DE LA ZA BAR BYED
DO; ;DE DES SHING TU TSIM PA DANG, DE NAS YANG LHA MO DE RNAMS DANG LHAN CIG RTZE BAR BYED, YONGS SU SPYOD PAR BYED DO, ,DE LTAR DGA' BA'I TSAL DU LHA DAG SHING GI DRUNG DU SONG STE, BDE BA NYE BAR SPYOD PAR BYED DO, ,DE GAL TE YANG SHING LJON PA'I MCHOG DE LAS 'BEBS PAR BYED DE, DE SA'I STENG DU SONG NAS SA DE LA 'CHAG PAR BYED DO, ,DE 'CHAG PA NA BEE d'URYA'I SDONG BU DANG LDAN PA'I PADMA GSER GYI 'DAB MA MTHO RIS SU 'OS PA, 'JAM ZHING 'PHAR BA KUN NAS MCHOG DU NYAMS DGA' ZHING SHIN TU DRI ZHIM PA DAG 'BYUNG BAR 'GYUR TE, DE DAG LA RKANG PAS 'GRO ZHING LHA DE 'CHAG PAR BYED LA, LHA'I SIL SNYAN YAN LAG LNGA DANG LDAN PA'I DBYANGS LEN PA NA, DE LTAR LHA DE RKANG PAS 'CHAG PA'I BDE BA NYE BAR MYONG NGO, ,DE RNAM PAR RTOG PA 'BUM SNYED DU MA DAG 'GRUB CING BDE BA MYONG STE DBANG PO LNGA RNAMS KYI YUL LNGA RNAMS LA MYONG BAR BYED DO, ,DBANG PO KUN RANG GI YUL GYIS TSIM PA MED PAR 'GYUR TE, 'DI LTA STE, MIG GIS GZUGS GANG MTHONG BA DE DAG ZLOS PA MED PAR MTHONG LA, GANG MTHONG BA DE DAG SNA TSOGS PA, NYAMS DGA' BA MIG TU 'ONG BA YIN NO, ,MIG DANG BAS 'DOD PA SDUG PA YID DU 'ONG BA 'DZIN CING MTHONG STE, DE LTAR MIG GZUGS RNAMS KYIS TSIM PA MED DO, ,GANG RNA BAS MNYAN PA'ANG NYAMS DGA' BA GZHAN DANG MI 'DRA BA YIN TE, RNA BA'ANG SGRA RNAMS KYIS TSIM PA MED
, ,DO; ;DE LTAR SNAS KYANG DRI SNOM BAR BYED DE, GANG SNOM PA DE DAG KYANG 'DOD BA SDUG PA YID DU 'ONG BA RNAMS LA SNOM STE, SNA'ANG DRI RNAMS KYIS TSIM PA MED DE; ;DE LTAR LCES KYANG RO RNAMS MYONG BAR BYED DE, GANG MYONG BAR BYA BA DE DAG KYANG SHIN TU 'DOD PA DAG LA MYONG BAR BYED CING YID DU 'ONG BA DAG LA MYONG BAR BYED DO, ,DE LTAR LUS KYIS KYANG REG BYA LA REG PAR BYED DE, GANG REG PAR BYA BA DE DAG KYANG 'DOD PA SDUG PA YID DU 'ONG BA DAG LA MYONG BAR BYED DE, ,DE LTAR YID KYIS GANG BSAM PAR BYA BA DE'ANG 'DOD PA SDUG PA YID DU 'ONG BA DAG LA SEMS PAR BYED DE, DE LTAR SRED PA'I TSOGS DRUG LA LUS RNAM PAR CHAGS PA DAG TSAL DE NA RGOD PAR BYED, DGA' BAR BYED, DGA' MGUR SPYOD PAR BYED, RTZE BAR BYED KYANG 'DOD PA RNAMS KYIS TSIM PA MED DO, ,DE YUL 'OG MA DGON PA LTA BU LA DBANG PO MTHON POR BYUNG BA'I RNAM PAR RTOG PA RLUNG LTA BUS BSKYOD PA'I DGE BA MED PA SHIN TU BYUNG BA'I MES NYIN GCIG BZHIN SREG KYANG, DE SRED PA'I 'DOD BA RNAMS KYIS TSIM PA BSKYED PAR MI BYED DO, ,DE LTAR DE DAG DGA' BA'I TSAL NA RTZE ZHING YUL DU MA LA DGA' BA MYONG BA KUN TU RTZE STE, DGA' BA MYONG BA NA LHA MA YIN LAS RNAM PAR RGYAL BA, LHA'I RGYAL PO BRGYA BYIN YANG SNGA MA BZHIN DU RI BRTZEGS PA SNA TSOGS GA LA PA DER 'GRO BAR BYED DO, [?]
SONG NAS KYANG LHA RNAMS BOS TE, LHA DAG ,DGA' BA'I TSAL DU DGA' BAR GYIS SHIG ,LHA'I 'DOD BA'I YON TAN LNGA 'BYOR CING LDAN PAR GYUR PA RNAMS KYIS RTZES SHIG ,'DI LTAR BDAG NI BDUD KYI SDE THAGS BZANG RIS LA SOGS PA LAS RNAM PAR RGYAL TE, BDAG DGA' BA'I TSAL DU 'GRO YI, DE LTAR LHA THAMS CAD LHA MO'I TSOGS DANG, BDAG CAG RNAMS KYI DBYAR ZLA BA BZHIR GNAS PA'I SKYED MOS TSAL DU DGA' SPYOD BYA BA GAL BA DER DONG LA, LHA'I 'DOD PA'I YON TAN LNGA RNAMS KYIS NGES PAR DGA' BAR BYA'O ZHES BSGO'O, ,DE NAS LHA'I RGYAL PO BRGYA BYIN GYIS SUM CU RTZA GSUM PA RNAMS LA BSGO NAS, SHIN TU DGA' BA CHEN PO DANG YANG DAG PAR LDAN PA GLANG PO CHES SRUNG GI BU BOS TE, 'DI LTAR GLANG PO CHE'I MCHOG CHOS SHIG ,NGA SKYED MOS TSAL DU DGA' SPYOD BYA BA'I PHYIR, DGA' BA'I TSAL NA SKYED MOS TSAL GYI DGA' SPYOD GA LA BA DER 'GRO STE, LHA DANG, LHA MO'I TSOGS DANG BCAS PAS YONGS SU BSKOR LA DGA' BA'I TSAL GA LA BA DER 'DONG GI, KHYOD KYIS JI LTAR SNGON YANG YONGS SU SPRUL PA BYAS PA DE, DE LTAR KHYOD KYI RGYAB TU ZHON PA DANG, MGO LA ZHON PA DANG, SO LA ZHON PA DANG, RTZIB LOGS LA ZHON PA DANG, GDEG PA DANG, TSAL DANG, MTSO DANG, RI RTZE DANG, TSAL DANG, NYE BA'I TSAL DAG SPRUL PA GYIS SHIG CES BSGO'O, ,DE NAS BRGYA BYIN GYI TSIG THOS NAS, GLANG PO CHE'I MCHOG SA SRUNG GI BU
, ,BDAG NYID CHEN POR SPRUL TE LUS CHEN POR BYAS SO, ,DE MGO BRGYAR SPRUL TE MGO RE RE LA SO BCU BCU'O, ,SO RE RE LA PADMA'I RDZING BCU BCU'O, ,PADMA'I RDZING RE RE LA PADMA STONG STONG NGO, ,PADMA STONG STONG LA NI RIN PO CHE SNA BDUN GYI 'DAB MA YOD DO, ,'DAB MA STONG STONG LA RIN PO CHE SNA BDUN GYI BUNG BA YOD CING, 'DAB MA STONG STONG LA LHA RNAMS 'KHOD KYANG LHA MO'I TSOGS DANG PHAN TSUN NYAM NGA BA MED DO, ,DE DAG GLANG PO CHE MCHOG GI MGO LA ZHON PA, LHA'I 'DOD PA'I YON TAN LNGA 'BYOR CING LDAN PAR GYUR PA RNAMS DGA' BA'I TSAL GA LA BA DER NAM MKHA' LAS 'DONG NGO, ,GLANG PO CHE MCHOG GI RTZIB LOGS LA'ANG TSAL GNYIS SPRUL TE, TSAL RAB TU DGA' BA ZHES BYA BA DANG, TSAL GNYIS PO 'DOD BDE ZHES BYA'O, ,TSAL GNYIS PO DE NA SHING LJON PA DANG, 'BAB CHU DANG, LTENG KA PHUN SUM TSOGS PA DANG, RIN PO CHE SNA BDUN GYI SHING LJON PA PHUN SUM TSOGS PA DANG, DPAG BSAM GYI SHING LJON PA PHUN SUM TSOGS PA YOD DO, ,TSAL DE NA GNAS PA'I LHA RNAMS DGA' ZHING DGA' MGUR SPYOD LA LHA'I 'DOD PA'I YON TAN LNGA RNAMS KYIS DGA' BA NA, LHA DANG, LHA MO'I TSOGS KYIS GANG BA, GLANG PO CHE'I RGYAL PO SA SRUNG GI BU RI RAB GNYIS PA LTA BU DGA' BA'I TSAL GAL BA DER 'GRO BAR BYED DO, ,GLANG PO CHE MCHOG GI RGYAB TU'ANG GRONG KHYER MNYAM ZHING 'JAM PA'I
NGOS ZHES BYA BA BLTA NA SDUG GNYIS PA LTA BU SPRUL TE, SRANG DANG, BZHI MDO DANG, SUM MDO DANG, NYE BA'I TSAL DANG, SHING LJON PA DANG, RIN PO CHE SNA BDUN LAS BYAS PA'I KHANG PA RNAMS KYIS NYE BAR MDZES PAR BYAS SO, ,DE'I DBUS SU KHANG PA SPRUL TE RIN PO CHE SNA BDUN LAS BYAS PA'I KA PA BRGYA YOD PA'I KA BA RNAMS KYIS NYE BAR MDZES PAR BYAS SO, ,DE'I DBUS SU MTSO 'BYUNG STE DER LHA'I RGYAL PO LHA MO'I TSOGS RNAMS DANG LHAN CIG RTZE BAR BYED CING, SIL SNYAN YAN LAG LNGA DANG LDAN PA'I LHA'I RGYAL PO BRGYA BYIN DGA' BAR BYED LA, DGA' MGUR SPYOD PA BZHIN DU DGA' BA'I TSAL GA LA BA DER 'GRO BAR BYED DO, ,DE 'GRO BA NA'ANG 'GYUR BA MED DE, JI LTAR RI RAB LA GNAS PA 'GYUR BAR MI MNGON PA DE LTAR GLANG PO CHE'I MCHOG 'GRO'ANG MI MNGON NO, ,DE NAS YANG GLANG PO CHE'I RNA BA LA PADMA'I RDZING GNYIS SPRUL TE RGYAR DPAG TSAD BCU GCIG GO ,GNYIS PA'ANG DPAG TSAD BCU YOD DO, ,GCIG NI ZAB PA ZHES BYA'O, ,GNYIS PA NI DANG BA ZHES BYA STE, CHU YON TAN YAN LAG BRGYAD DANG LDAN PAS SHIN TU GANG BA YIN NO, ,DE NA AUTPAL BEE d'URYA'I 'DAB MA DANG, RIN PO CHE'I SDONG BU DAG SKYES LA, KHA CIG NI PADMA R'A GA'I MDOG LTA BU LA BUNG BAS NYE BAR MDZES PAR BYAS SHING, ME TOG RGYAS LA LHA'I DRI PHUN SUM TSOGS PA YIN TE, AUTPAL DE DAG GI NANG GI ZER BA'I STAN LA LHA DANG, LHA MO GANG DAG LHAN CIG 'KHOD DE DGA' BAR BYED LA
, ,LHA KHA CIG NI CHUS RTZE ZHING PADMAS RTZA BAR KYANG LHA RNAMS KYIS, CI, GLANG PO CHE'I MCHOG 'DI 'GRO'AM, MI 'GRO MI RIG GO ,GLANG PO CHE MCHOG GI LAG PA'I STENG DU RDZING RING PO SPRUL TE SRID DU DPAG TSAD LNGA YOD PA, KHANG BZANG YANG THOG CAN GYIS YONGS SU BSKOR LA LHA'I SHING LJON PA DANG LDAN PA, ME TOG SNA TSOGS KYIS KHEBS PA, ME TOG MANDA RABS KHEBS PA, BUNG BA SGRA DI RI RI 'BYIN PA DANG LDAN PA, LHA'I TZANDAN GOR SHIR SHA'I 'DAB MAS NYE BAR MDZES PAR BYAS PA, GSER GYI SHING LJON PA DANG, ME TOG RNAM PA SNA TSOGS GZHAN RNAMS KYIS SHIN TU KHEBS PA YIN TE, ME TOG DE RNAMS KYI NANG NA 'KHOD PA'I LHA MO ME TOG GI ZE BA'I STENG NA 'DUG PA DAG ROL MO BYED CING DE DAG GLU DBYANGS LEN LA, LHA'I RGYAL PO DE LA'ANG TSIG DGE BA RNAMS KYIS BSTOD PAR BYED DE, DE LTAR GLANG PO CHE MCHOG GI LAG PA'I STENG DU'ANG RDZING RING PO SPRUL TO, ,DE NAS YANG GLANG PO CHE'I RGYAL PO'I SNA'I THOR TO LA RDZING CHEN PO RGYAR DPAG TSAD TZAM YOD PA SPRUL TE, PADMA RGYA CHE BA 'BUM PHRAG DU MA DRI SHIN TU ZHIM PA YIN LA, GANG LHA'I DRI DE DPAG TSAD BCUR LDANG NGO, ,PADMA CHEN PO 'DAB MAS NYE BAR MDZES PAR BYAS PA'I 'DAB MA RE RE LA, LHA DANG, LHA MO'I TSOGS RNAMS NYE BAR GLU DBYANGS LEN CING RTZE BAR BYED, DGA' MGUR SPYOD PAR BYED KYANG LHA RNAMS RTZE ZHING YONGS SU SPYOD PA PHAN TSUN
MI MTHONG LA DE BZHIN DU GNOD PA DANG BRAL BA YIN NO, ,DE LTAR YANG SNA'I THOR TO LA GNAS PA, SUM CU RTZA GSUM PA'I LHA DE RNAMS DGA' BA'I TSAL GA LA BA DER 'DONG BAR BYED DO, ,DE LTAR RI RAB KYI STENG DU 'GRO'ANG GLANG PO CHE'I MCHOG 'GYUR BAR LHA RNAMS KYIS MI RIG GO ,DE NAS YANG GLANG PO CHE'I MCHOG GI SNA LA RI CHEN PO 'BYUNG KHUNGS KYIS BRGYAN PA ZHES BYA BA SPRUL TE, RI DE NYID LA 'BYUNG KHUNGS SNA TSOGS KYIS BRGYAN CING LHA'I SHING LJON PAS NYE BAR MDZES PAR BYAS PA, 'BAB CHU DANG, LTENG KA DANG, NYE BA'I TSAL DANG, MTSO DANG, PADMA'I RDZING GIS BRGYAN PAR LHA GZHAN DAG KYANG RTZE BAR BYED, DGA' BAR BYED, RGOD PAR BYED DE, GLANG PO CHE'I MCHOG ME TOG GIS BKRA BA DE'I MGO LA'ANG RI SPRUL TO, ,DE NAS YANG GLANG PO CHE MCHOG GI SO'I THOR TO ZLA BA TSES PA LTA BU LA NYE BA'I TSAL DAG SPRUL TE, ME TOG DANG, MTSOS SA GZHI RTAG TU GANG BA'I THANG LTA BUR BKRA BAR BYAS SHING 'DAB MAS KYANG NYE BAR MDZES PAR BYAS BUNG BA LANG LONG 'KHRIGS PA DANG, KHU PHYUG GI SGRA DI RI RI 'BYIN PA DANG, SKAM LA RGYU BA RIN PO CHE SNA BDUN GYI RMA BYA DANG, SHANG SHANG TE'U SHIN TU YID DU 'ONG BA DU MA DANG, GZHAN YANG, LHA'I BYA RNAMS KYIS SO LA SPRUL BA NYE BAR MDZES PAR BYAS SO, ,GLANG PO CHE'I MCHOG LUS CHEN POR GYUR NAS DGA' BA'I TSA LA GA LA BA DER 'GRO BAR BYED DE, LHA'I TSOGS KYIS YONGS SU BSKOR CING NGAL BA MED LA, STOBS DANG
, ,LDAN PA 'GROS MDZES PAS RAB TU 'GRO'O, ,DE NAS YANG GLANG PO CHE'I MCHOG DE'I SNA GNYIS KYI NANG NAS SNA CHU'I RGYUN 'DZAG STE, 'DI LTA STE, DZAMBU'I GLING NA MTSO GANGG'A DANG, YA MU NA'I CHU 'BAB PA SHIN TU DANG ZHING RNYOG PA MED PA, BSIL BA RAB TU 'BAB PA BZHIN NO, ,DE BZHIN DU CUNG ZAD DPE LTA BUR BYA NA, JI LTAR MI'I GNAS BZHI DAG NA SMAN DANG, RTZE DANG, NAGS KHROD DANG, NAS DANG, GRO TSA BAS GDUNGS SHING BSKAMS PA RNAMS DE NAS YANG SOS PAR BYA BA'I PHYIR, 'BRU DANG, LO MA RNAMS KYIS STENG NA CHU 'BAB PA MNGON PA DE LTAR GLANG PO CHE'I RGYAL PO DE'I RAB TU DBYE BA'ANG RTAG TU DE LTA BU YIN NO, ,GAL TE CHU 'BAB PA DE RLUNG GIS NAM MKHA' LA 'THOR BAR BYED CING, RLUNG GIS RGYANG RING DU SKAM PAR BYED PA DE NI ZIL PA 'DI YIN TE, MI'I GNAS GSUM NA SNANG NGO, ,DE NAS YANG GLANG PO CHE'I RGYAL PO'I MCHOG DE'I SNA SGRA 'BUD PAS 'BYUNG BA DE NI NAM MKHA'I DBUS NA LHA RGYU BA RNAMS KYI NANG DU 'BAB PA, 'OD DKAR POR RGYU BA MNGON PA 'DI YIN TE, GANG MU STEGS PA GZHAN DAG NA RE, 'DI LTAR 'DI NI DBANG PO'I LAM MO ZHES BRJOD DO, ,YANG GZHAN DAG NA RE; 'DI LTAR 'DI NI GLANG PO CHE SA SRUNG GI BU'I LAM YIN NO ZHES BRJOD KYANG DE LTAR CHU DKAR PO'I NGO BO NYID DE MI SHES SO,, ,,'PHAGS PA DAM PA'I CHOS DRAN
PA NYE BAR GZHAG PA, BAM PO SUM CU GSUM PA, DE DAG RLUNG GIS GTOR BA DANG 'PHRAL LA 'BAB CING DE NYID RI DVAGS SKOM PA LTA BUR MTHONG LA, NGO BO GZHAN DU 'GYUR TE NGO BO DAG NI MI GSAL BA'I NGO BOR SNANG NGO, ,DE NAS YANG GLANG PO CHE'I RGYAL PO'I MCHOG DE'I SPYI BO LA RI YOD PA GANG YIN PA DE'I SPYI BO THAMS CAD LA RGYAL MTSAN GYI MCHOG BEE d'URYA'I GDUB KOR DANG, GSER GYI GDUGS SPRUL TE, JI LTAR NYI MA GNYIS PA LTA BUR DE DE LTAR RNAM PAR MDZES SO, ,GLANG PO CHE'I MCHOG DE'I STENG NA BA DAN YANG SPRUL TE RING KHYAD DPAG TSAD TZAM MO; ;BA DAN DE KUN NAS 'OD DKAR PO 'BYUNG STE, GANG MTHONG NAS LHA MA YIN RGYA MTSO NA GNAS PA RNAMS PHAN TSUN DU 'DI LTAR 'DI NI LHA RNAMS 'ONGS PA YIN TE, LHA'I RGYAL PO BRGYA BYIN GYI BA DAN RGYAL BYED CES BYA BA SNANG NGO ZHES ZER RO, ,DE NAS GLANG PO CHE'I RGYAL PO'I MCHOG DE DGA' BA'I TSAL GA LA BA DER 'GRO BAR BYED DO, ,TSAL DE RGYANG RING PO NYID NAS MTHONG NAS LHA RNAMS LA SMRAS PA, KHYED CAG THAMS CAD DU NYAMS DGA' BA CHEN PO DE NYID LA LTOS, TSAL CHEN PO KUN NAS MTHONG NA DGA' BA GANG DU LHA 'DI DAG LHA MA YIN LAS RGYAL BA THOB PA, SUM CU RTZA GSUM PA'I LHA RNAMS DANG LHAN CIG TU ZLA BA BZHIR DGA' BAR GYIS SHIG ,DE NAS LHA DAG GIS TSIG DE THOS NAS LHA DE DAG GIS SMRAS PA, JI LTA BDAG CAG LA BRGYA BYIN GYIS BKA'
, ,STZAL PA DE LTAR BDAG CAG RNAMS KYIS BSGRUB PAR BGYI'O, ,DE SKAD CES SMRAS NAS BRGYA BYIN GYI GLANG PO CHE SRUNG GI BU DGA' BA'I TSAL DU NYE BAR PHYIN NO; ;DE NAS GANG LHA GZHAN DGA' BA'I TSAL DE NA RTZE MO BYED PA DE DAG DGA' BAR BYED CING YONGS SU SPYOD PAR BYED LA LHA'I 'DOD PA'I YON TAN LNGA 'BYOR CING LDAN PAR GYUR PA DE DAG THAMS CAD RGYAL MTSAN GYI MCHOG DANG, GLANG PO CHE'I RGYAL POS SRUNG GI BU NYE BAR MTHONG NAS, DGA' BA'I TSAL GYI RIL RTZE ZHING GNAS PA'I LHA RNAMS YID RAB TU DGA' ZHING; LHA'I RGYAL PO BRGYA BYIN GA LA BA DER DANG STE PHYIN NAS LHA'I RGYAL PO LA MGRO THAL MO SBYAR TE MCHOD NAS, BRGYA BYIN GYI MDUN DU SIL SNYAN DANG, SGRA DBYANGS DANG, ROL MO SNA TSOGS KYI DGA' BA DANG, BRGYA BYIN GYI MDUN NA BRO GAR DAG BYED BZHIN DUG DGA' BA'I TSAL CHEN PO DE GA LA BA DER 'DONG BAR BYED DO, LHA'I RGYAL PO BRGYA BYIN YANG GLANG PO CHE SA SRUNG GI BU LAS BABS NAS, LHA'I TSOGS DANG LHAN CIG TU DGA' BA'I TSAL GA LA BA DER 'JUG GO ,STENG DU ZHON PA'I LHA KUN DANG, DE BZHIN DU MGO LA ZHON PA DANG, DE BZHIN DU SOL ZHON PA DANG, DE BZHIN DU RTZI BA LOG LA ZHON PA DE DAG THAMS CAD GLANG PO CHES SRUNG GI BU LAS BABS NAS, DGA' BA'I TSAL GA LA BA DER RTZE BA DANG, DGA' BA DANG,
BDE BAR GNAS PAR BYA BA'I PHYIR DONG NGO, ,DE NAS GANG DGA' BA'I TSAL CHEN PO NA SNGA NA 'KHOD PA'I LHA DE DAG DANG, GANG BRGYA BYIN DANG LHAN CIG LHA MA YIN GYI G-YUL LAS RNAM PAR RGYAL BA THOB PA DE DAG THAMS CAD 'DOD PA'I YON TAN LNGA 'BYOR CING LDAN PAR GYUR PA RNAMS, DBYAR ZLA BA BZHIR BDE BA DPE MED PA DE RJES SU MYONG NGO, ,LHA'I RGYAL PO BRGYA BYIN YANG LHA DANG, LHA MO'I TSOGS KYIS YONGS SU BSKOR, DE DAG KYANG LHA DANG, LHA MO'I TSOGS KYIS YONGS SU BSKOR NAS, DGA' BAR BYED, DGA' MGUR SPYOD PAR BYED DO, ,BDE BA DPE MED PA DE RJES SU MYONG BA NA; SKABS DER JI SRID DU LAS BYAS SHING BSAGS PA DE ZAD PAR MA GYUR PA DE SRID DU DE NA DGA' BAR BYED DO, ,LAS DANG, TSE ZAD PA'I LHA GANG YIN PA DE DAG PHYIS LHA'I 'JIG RTEN DGA' BA'I TSAL DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE MI RNAMS DANG SKAL PA MNYAM PAR MI'I NANG DU SKYES NA, LAS DE DANG RGYU MTHUN PAR RTAG TU BDE BAR 'GYUR ZHING, SGYU RTZAL GYI BLO DRI MA MED PA DANG, GZUGS MCHOG TU MDZES PA DANG, SKYE BO THAMS CAD KYI YID DU SHIN TU 'THAD PA DANG, TSAL DANG, 'BAB CHU DANG, RI DANG, LTENG KA DANG, NYE BA'I TSAL YOD PA DGA' BA RNAMS KYI NANG DU SKYE BAR 'GYUR LA, DER YANG SKYE BO
, ,MANG PO DGA' BA DANG, DBANG CHE BA DANG, SHIN TU 'BYOR PA DANG, BDE BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES BDE; GLANG PO CHE'I RGYAL POS SRUNG GI BU'I LAS DANG, 'BRAS BU RNAM PAR SMIN PA LA RTOG PAR BYED DE, 'DI LTAR DE LAS KYI RNAM PA GANG GIS RDZU 'PHRUL CHE BA DANG, MTHU CHE BAR GYUR NAS, LHA CHEN PO LHA MA YIN GYI G-YUL LAS RNAM PAR RGYAL BA THOB CING LAS GANG DANG, RNAM PA JI LTA BU ZHIG GIS DUD 'GRONG SKYES SNYAM NAS, DES THOS PA LAS BYUNG BA'I SHES PAS BRTAGS NA; 'DI LTAR 'DI NI SNGON SEMS CAN TSE LO BDUN KHRI THUB PA NA BRAM ZE CHEN PO RIG BYED DANG, RIG BYED KYI YAN LAG DANG, SNGON BYUNG BA DANG, SNGON GYI RABS SHES PA ZHIG BYUNG STE, DES SBYIN PA BYIN, BSOD NAMS BYAS, DMAN PA DANG, MGON MED BA DANG, LONG BA DANG, SDUG BSNGAL BA RNAMS LA RTAG RES 'KHOR YANG BYAS, SEMS SHIN TU DGE ZHING 'JIG RTEN KUN LA PHAN PAR BYED PA YIN NO, ,DE'I TSE RGYAL PO LEGS MTHONG ZHES BYA BA DE'I DGA' SPYOD CHEN PO SHIN TU NYAMS DGA' BA JI LTAR LHA RNAMS DANG, JI LTAR DE BZHIN GSHEGS PA'I LTA BU BYED DE, GLANG PO CHE BRGYAD KHRI BZHI STONG GSER GYI DRA BAS G-YOGS SHING DRIL BU G-YER KHA'I DRANG BTAGS PA, KUN NAS GSER GYI DRI BAS BRGYAN PA DANG, RTA BRGYAD KHRI BZHI STONG
KUN NAS GSER GYI DRIL BU G-YER KHA'I SGRA 'BYUNG BAS BRGYAN PA DANG, DE BZHIN DU BUD MED BRGYAD KHRI BZHI STONG GIS YONGS SU BSKOR CING RJES SU 'BRANG BA DANG, DE BZHIN DU SIL SNYAN BRGYAD KHRI BZHI STONG DAG GIS YONGS SU BSKOR TE, NYE BA'I TSAL GYI PHRENG BA ZHES BYA BA GZHAL MED KHANG GA LA BA DER DONG BAR BYED DO, ,RGYAL PO LEGS MTHONG GI MCHOG TU BDE BA SHIN TU RGYA CHE BA'I 'BYOR BA DE DAG LA BRAM ZE DES KUN NAS MNGON PAR BRTAGS NAS, BRAM ZE'I 'BYOR PA SHIN TU PHUN SUM TSOGS PAS KYANG RGYAL PO CHEN PO DE'I DGA' SPYOD BYED PA GA LA BA DER SONG NGO, ,BRAM ZE DE'I MING NI SKYE BO KUN SNYOMS ZHES BYA'O, ,DE NAS BRAM ZE SKYE BO KUN SNYOMS RGYAL PO DE DANG, DE'I 'BYOR PA DANG LDAN PA DAG, RGYAL PO DE'I RTAG TU BZHON PA GLANG PO CHE SPRIN BRTZEGS ZHES BYA BA YOD DE, DE'I LUS DE KUN NAS DRIL BU G-YER KHA'I DRA BAS BRGYAN PA MU TIG GIS PHRENG BA RNAMS BTAGS PA, KUN NAS BZO MKHAS PAS RGYAN BYAS PA; RNAM PA SNA TSOGS KYIS NYE BAR MDZES PAR BYAS PA, SIL SNYAN GYI SGRA RNAM PA SNA TSOGS NYE BAR 'BYIN PA NA, SKYED MOS TSAL DU 'GRO BA'I GLANG PO CHE SHIN TU RGYA CHE BA MCHOG TU BLTA NA SDUG PA, RAB TU BDE BA MTHONG BA DANG BRAM ZE SKYE BO KUN SNYOMS DE, KYE; AE MA GLANG PO CHE 'DI NI MCHOG TU BDE BA DANG LDAN PA YIN TE, LHA; DE BZHIN DU BDAG KYANG DA NI LHA'I
, ,RGYAL PO BRGYA BYIN GYI RTAG TU BZHON PA'I GLANG PO CHE'I RGYAL POR GYUR CIG SNYAM DU SEMS SKYES SO, ,DE SBYIN PA DE'I MTHU DANG, DE'I LAS KYI MTHUS LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM PA'I RIS SU LHA'I RGYAL PO BRGYA BYIN GYI RTAG TU BZHON PA GLANG PO CHE'I RGYAL POR SKYES SO, ,DE NAS DE'I TSE DGE SLONG DES 'DI LTAR TSIGS SU BCAD DE SMRAS PA, LAS 'DI RI MO MKHAN LTA BU, ,GANG DANG GANG DU 'DRI BYED PA, ,SEMS KYI DBANG PHYUG CHEN PO YIS, ,DE DANG DER NI 'DI 'DRI BYED, , YONGS SU 'GYUR BA'I BYE BRAG GIS, ,GANG DANG GANG DU SBYOR BYED PA, ,KHAMS GSUM 'KHOR BAR RGYU BA RNAMS, ,DE DANG DER NI SEMS KYIS GTONG, ,LUS CAN RNAMS KYI LAS KUN NI, , SEMS LA RAG LAS 'JUG PAR 'GYUR, ,DE LTAR RTAG TU SEMS DUL BA, ,'CHI MED GNAS SU KHRID PAR 'GYUR, ,BSNYEN PAR DGA' ZHING YANG BA DANG, ,GANG YANG RUNG BAR LTUNG BA YI; ;SEMS NI DUL NA LEGS PA YIN, ,SEMS DUL BDE BA THOB PAR 'GYUR, ,GANG GIS RTAG TU SEMS DUL BA, ,DE YIS RTAG TU NYES PA BCOM, ,NYES PA BCOM PA'I BRTAN PO LA; ;SDUG BSNGAL NYID KYIS GNON MI 'GYUR, ,GANG ZHIG 'DIR NI SDUG BSNGAL ZHING, ,GANG ZHIG GZHAN DU SDUG BSNGAL BA, ,DE DAG THAMS CAD MI BZAD PA'I, ,SEMS 'DI YANG
ZHING G-YOS PA YIS, ,LHA DANG LHA MIN SHA ZA KLU, ,LTO 'PHYE SRIN POR BCAS PA YI, ,GTZO BO MCHOG GCIG SEMS YIN TE, ,DE NI SRID GSUM RGYAL PO BZHIN, ,SEMS NI LHA YI YUL RNAMS DANG, ,SEMS NI MI YUL RNAMS SU KHRID, ,SEMS NI NGAN 'GRO RNAMS SU KHRID, ,SEMS KYIS SKYE DGU 'KHYAM PAR BYED, ,PHAN PA MED PA'I YUL RNAMS KYIS, ,'KHRUL ZHING NYAMS PAR GYUR PA'I SEMS, ,SRED PA YIS NI 'DAS PA NA, ,SDUG BSNGAL MTHA' MED PA LA GNAS, ,SPYOD PA GCIG LA RTAG TU SPAS, ,BSNYEN PAR DKA' LA STOBS PO CHE, ,NYAMS PAR BYED LA MI MNGON PA, ,DE NI MI BRTAN MYUR DU 'GRO ,DE 'DRA'I SEMS NI GANG YIN PA, ,MKHAS PA RNAMS NI 'DUL BAR BYED, ,DE DAG BDUD KYI BCINGS LAS 'DAS, ,PHA ROL BDE BA 'BYUNG BA THOB, ,RNAM RTOG MI BZAD G-YON CAN TE, ,DE NI GTING DPAG DKA' ZHING G-YO, ,DE LTA BU LA RTEN PA'I SEMS, ,DMYAL BA'I G-YANG SAR NYE BAR LTUNG, ,NYES PA DE DAG LAS GROL ZHING; ;DBANG PO DON GYI DBANG MI 'GRO ,SDIG PA'I CHOS KYIS MGOS PA, ,'CHI MED GNAS SU KHRID PAR 'GYUR, ,SEMS NI RGYU DANG RKYEN LAS SKYES, ,DE NI RNAL 'BYOR MCHOG LA 'JUG ;MYUR DU GYUR PA'I DBANG GIS SU, ,DE BZHIN DE NI SHIN TU 'JUG ,DE LTAR LAS NI BYED PA YI, ,'BRAS BU DE NI SNA TSOGS 'BYUNG, ,GCIG TU PHRA MO GCIG SPYAD PA, ,SKAD CIG
, ,GNYIS PAR MI 'DUG STE, ,DE YI LUS DANG 'GRO BA NI, ,'JIG RTEN MTHA' NI GANG DU KHRID, ,LAM NI GANG NAS 'GRO 'GYUR BA, ,THAMS CAD DU NI SHES PAR DKA', ,GANG DU LUS NI 'GRO BA DANG, ,'DUG PA DANG NI LAS BYED PA, ,DE YI LAS NI MTHONG 'GYUR NA, ,RNAL 'BYOR DE NI MI MTHONG NGO, ,DE NI GDUL BAR DKA' BA STE, ,DE YI LUS KYANG MI RIG GO ,SEMS CAN KUN GYI RTOG MI BZAD, ,YANG BAR SPYOD LA MIG KYANG MED, ,SDIG DANG SDIG MI BYED PA MTHONG, ,DE NI SGYU MA LTA BU YIN, ,DE YI RTOG PA MI RIG CING, ,'GRO BA MED PA MI MTHONG NGO, ,TSE RABS DAG NI BRGYA SNYED DU, ,SKYE BO THAMS CAD KHRID BYED PA, ,'DI NI MTSON GYIS MI CHOD CING, ,ME YIS SREG PAR MI BYED DO, ,SKYE BO MIG MED THAMS CAD NI, ,GCOD PAR BYED CING SREG PAR BYED, ,LAS KYI THAG PA DAM PO YIS, ,SKYE BO BCINGS PA SDUG BSNGAL CHE, ,TSE RABS DAG NI STONG SNYED DU, ,KHRID PAR BYED KYANG MI MTHONG NGO; ;SKAD CIG TU NI DGE BYED CING, ,SKAD CIG TU NI MI DGE BYED, ,DGE DANG MI DGE BYED PA YI, ,SEMS DUL BA NI BDE BAR 'GYUR, ,SGO DRUG NAS NI BYUNG BA YIS [?], ,YUL RNAMS LA NI RAB TU BRKAM, ,'JIG RTEN MTHAR NI SEMS KHRID PA, ,NYON MONGS YANG DAG MI RIG GO ,DE LTAR DGE SLONG DES LEGS PAR BYAS PA CHEN PO DE CHUNG DUR [?] BSGYUR BA MTHONG
NAS; YID LA LEGS PAR BYAS ZHES BYA BA'I LAS GANG GIS PHAL LAM, LHA GZHAN DU 'GYUR BA ZHIG NA, 'DI LTAR DE SEMS GTZO BO'I DBANG DANG, SEMS YONGS SU 'GYUR BA'I DBANG GIS DUD 'GROR GRUB PA LTA ZHES BRJOD DO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS SA RNAM MDZES NA GNAS PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, GANG BDAG NYID TSUL KHRIMS BSRUNGS SHING, GZHAN YANG BSRUNG BCUG ,BDAG NYID SDIG PA MI BYED CING, GZHAN YANG ZLOG PAR BYED, SKYON DU BGRANG BAR BYED LA, TSUL KHRIMS LA'ANG RAB TU BKOD, DE BDAG NYID KYANG TSUL KHRIMS DRI MA MED PA BRTAN PA DANG, NYER BSDOGS YONGS SU DAG PA SRUNG BAR BYED PA DANG, SROG GCOD PA DANG, MA BYIN PAR LEN PA SPANGS PA YIN TE, SROG GCOD RNAM PA DU SPANGS ZHE NA, 'DIR SDOM PAS BSDAMS PAS SEMS CAN MANG PO DANG, GROG SPUR MANG PO DANG, SDIG PA MANG PO DANG, SBAL BA MANG PO DANG, SROG CHAGS GNAS NA GNAS PA MANG PO DANG, NE'U LE MANG PO GNAS PA'I SA BRKOS PA GANG GIS, SEMS CAN GNOD PAR 'GYUR BA RKO BAR
, ,MI BYED LA, GZHAN SDOM PA BLANGS PA'AM, SDOM PA MA BLANGS PA'ANG PHYIR ZLOG PAR BYED, SKYON DU BGRANG BAR BYED, 'GOG PAR BYED, 'CHAGS SU 'JUG PAR BYED PA'O, ,MA BYIN PAR LEN PA SPANGS PA'I TSUL KHRIMS JI LTAR 'DZIN CE NA, 'DI LA RDZA MKHAN NAM, GZHAN GYIS YONGS SU BZUNG BA LA RKU SEMS KYIS CUNG ZAD TZAM YANG MI LEN PA, GZHAN LEN NA'ANG PHYIR ZLOG PAR BYED CING, TSUL KHRIMS LA RAB TU 'JOG PAR BYED LA RJES SU YI RANG BAR MI BYED PA YIN TE, DE LTAR SROG GCOD PA DANG, MA BYIN PAR LEN PA RNAM PAR SPANGS PA'I SKYES BU DAM PA TSUL KHRIMS SPYOD PA DE, LUS DANG BRAL NAS BDE 'GRO MTHO RIS KYI 'JIG RTEN RNAM PAR MDZES NA GNAS PA'I GNAS SU SKYE BAR 'GYUR RO; ;RTAG TU DGA' ZHING GLU DBYANGS DANG, BGAD PA DANG, RTZES PA DANG, RAB TU RTZES PA DANG, DGA' MGUR SPYOD PA SKYE BO RANG GI 'OD DANG LDAN PAS RTAG TU GANG BA'I TSAL DANG, NYE BA'I TSAL DANG, SKYED MOS TSAL GYI GNAS RNAMS SU SKYE BAR 'GYUR TE, TSUL KHRIMS BZANG PO BSRUNG BA MTHO RIS KYI GNAS SU SKYE BAR 'GYUR RO, ,LAS BYA BA LEGS PAR BYAS PA DE'I YUL SHIN TU NYAMS DGA' ZHING LONGS SPYOD DANG LDAN PA'I 'BYOR BA'I 'DI YIN TE, 'DI LTA STE, TSAL DE KUN NAS GSER GYI DRA BA'I SKUD PAS NYE BAR SBREL ZHING DRIL BU G-YER
KHA'I SGRA SI LI LI 'BYUNG NGO, ,DE LA DRIL BU G-YER KHA'I RNAM PA NI 'DI DAG YIN TE, 'DI LTA STE, GANG LAS KYIS BYAS PA'I BEE d'URYA'I DRIL BU G-YER KHA RGYANG RING PO NYID NAS MTHONG NAS, 'DI LTAR LAS BYA BA LEGS PAR BYAS PA ZHI BA KHYOD BYON PA LTA ZHES SMRA ZHING, 'DI LTAR TSIGS SU BCAD DE SMRAS PA, YID NI SHIN TU DANG BA YIS, ,TSUL KHRIMS DAG NI GANG BSRUNGS PA, , DE NI TSUL KHRIMS BSRUNGS PA YI, ,BDE BA 'DIR NI NYE BAR GNAS, ,TSUL KHRIMS LEGS PAR BSRUNGS PA DANG, ,GOMS PA DU MA BYAS PA YI, ,YONGS SU 'GYUR BA BDE BA DANG, ,MYA NGAN 'DAS PA'ANG RTOGS PAR 'GYUR, ,TSUL KHRIMS NGAN 'GRO RNAMS LAS SKYOB, ,TSUL KHRIMS BZANG 'GROR KHRID PAR BYED, ,DE LTAR TSUL KHRIMS RTAG TU BSRUNGS, ,YONGS SU 'GYUR BA'I BSIL BA YIN, ,'CHI DUS YANG DAG 'BYUNG BA'I TSE, ,TSUL LDAN GA LAS 'JIGS PA MED, ,NGAN 'GRO LAS SKYOB BDAG LAS MED, ,TSUL KHRIMS SKYOB PA MCHOG YIN NO, ,DE NI KHYOD DE TSUL CHEN GYIS, ,THAMS CAD DU NI BSRUNGS PA YIN, ,LHA YI GNAS SU 'ONGS PA DAG, SHIN TU BAG MED MA BYED CIG ,DE LTAR LHA DE LEGS PAR BYAS PA'I LAS KYIS DRIL BU G-YER KHA'I SGRA DES BAG MED PA'I NYES PA RNAMS KHONG DU CHUD PAR BYED DO, ,DE NAS GANG LHA YUN RING BAR TSUL KHRIMS BSRUNGS PA DE, LEGS PAR KHONG DU CHUD NAS SKAD CIG TZAM DU'ANG SHIN TU BAG
, ,MED PA MI BYED DO, ,GANG GIS TSE RABS MANG PO SHIN TU GOMS PA MED PA DE NI DE'I TSE SGRA RNAM PAR 'BYIN PA YI KHONG DU MI CHUD PAR 'GYUR LA, DE LTAR DE PHYIR ZHING SHIN TU BAG MED PAR 'GYUR BA ZHIG NA, DE LTAR DE YANG DAG PAR KHONG DU CHUD NAS, DE NAS YANG GZHAN DU 'GRO BAR BYED DE, TSAL DANG, NYE BA'I TSAL RIN PO CHE SNA BDUN GYIS NYE BAR MDZES PAR BYAS PA'I GNAS RNAMS GA LA BA DER 'GRO BAR BYED DO, ,RNAM MDZES KYI TSAL DE'ANG KUN NAS DPAG TSAD SUM STONG YOD PAS BZHI PO 'DI DAG STE, TSAL CHEN PO'I SA GZHI DANG, GRONG KHYER CHEN PO BLTA NA SDUG PA ZHES BYA BA THAMS CAD CHE BA YIN LA, SA LHAG MA GZHAN DAG NI CHUNG BA YIN NO, ,TSAL DE'ANG KUN NAS GRU BZHI PA YIN TE, TSAL DE'I NGOS BZHI LA BEE d'URYA SHIN TU DRI MA MED PA'I DPAG BSAM GYI SHING CHEN PO BZHI YOD DE, SHING DAG DE DAG GI 'OD RGYAR KUN NAS DPAG TSAD TZAM LA, RING DU'ANG DPAG TSAD LNGA STONG DU 'BYUNG STE, SHING DE DAG GI 'OD NYI MA BZHIN DU SNANG NGO, ,SHING DE DAG GI YAL GA DANG, LO MA RNAMS LA LHA DANG, LHA MO'I TSOGS LHAN CIG RTZE BAR BYED CING YID LA GANG DANG, GANG 'DOD PA DE DE DAG LAS 'THOB BO, ,SHING DE DAG GI DBUS NA, RNAM MDZES KYI TSAL DE KUN NAS GSER DANG, DNGUL DANG, BEE d'URYA'I PADMA'I RDZING RNAMS
KYIS NYE BAR MDZES PAR BYAS, GSER BTZO MA DRI MA MED PA'I SHING LJON PA RNAMS KYIS NYE BAR MDZES PAR BYAS, KUN NAS ZHING MA RMOS PA CHEN PO SHIN TU DRI MA MED CING SHIN TU GTZANG BA DANG, SHIN TU RO ZHIM PA DANG, BRTZON 'GRUS CHEN POS NYE BAR MDZES PAR BYAS, BYA DKAR PO DRI MA MED PA LTA BU MTHONG NA YID DU 'THAD PA, THOS NA NYAMS DGA' BA SGRA 'BYIN PA RNAMS KYIS NYE BAR MDZES PAR BYAS SO, ,TSAL DE NA GANG BYA DNGUL GYI SGRO YOD PA DE DAG GI MGO GSER LA, LTO BA BEE d'URYA, MCHU KE KE RU, MIG PADMA R'A GA'I MDOG LTA BU YIN TE, DE LTAR BYA THAMS CAD KYI KHA DOG RNAM PAR DBYE'O, ,GANG SHING RNAMS KYI KHA DOG DNGUL LTA BU DE DAG GI STENG NA GSER GYI BYA RNAMS GNAS, GANG GSER GYI SHING LJON PA DE DAG LA DNGUL GYI BYA RNAMS GNAS, GANG BEE d'URYA'I SHING LJON PA DE DAG GI YAL GA'I GSAB GSEB NA BYA PADMA R'A GA'I MDOG LTA BU GNAS, GANG SHING LJON PA PADMA R'A GA'I MDOG LTA BU DE DAG LA BYA MTHON KA'I KHA DOG LTA BU RGYU STE, 'BRAS BU THAMS CAD LA ZA ZHING SBRANG RTZI DAG LA'ANG 'THUNG NGO, ,GANG KUN NAS RIN PO CHE SNA BDUN GYI SHING LJON PA RNAMS LA RIN PO CHE SNA BDUN GYI SGRO BKRA BA'I BYA DE DAG KYANG RTZE BAR BYED, SKAD 'BYIN PAR BYED DO, ,DE LTAR BUNG BA'I TSOGS KYANG PADMA MANG PO RNAMS KYI NANG NA, LAS SNA TSOGS BYAS PA, LUS BKRA BA, DUS KYI BSAM PA SNA TSOGS YOD
, ,PA; PADMA'I GSEB TU ZHUGS SHING ZE BA'I GSEB GSEB NA GNAS PA RNAMS DGA' BAR BYED, PHAN TSUN RTZE BAR BYED, YONGS SU SPYOD PAR BYED DO, ,DE LTAR SHING LJON PA'I RNAM PA DE LTA BU'I GRIB MA YON TAN KUN 'BYOR BA'I STENG NA, LHA RNAMS LHA MO'I TSOGS DANG LHAN CIG TU DGA' BAR BYED, YONGS SU SPYOD PAR BYED DO, ,TSAL DE'ANG LHA THAMS CAD KYI YON TAN KUN SHIN TU PHUN SUM TSOGS PA YIN TE, GANG GI TSE LHA RNAMS LHA MA YIN RNAMS DANG G-YUL 'GYED PAR 'GYUR BA DE'I TSE, LHA'I RGYAL PO BRGYA BYIN LHA RNAMS LA 'DI LTAR LHA RNAMS STA GON GYIS SHIG ,RI BO ZLA BA LA GNAS PA'I LHA MA YIN 'DI DAG LHA RNAMS LA MNGON PAR GNOD PA BYED KYI, CHOS SHIG CES BSGO'O, ,DE THOS NAS SUM CU RTZA GSUM PA'I LHA RNAMS RNAM MDZES KYI TSAL GA LA BA DER DONG STE PHYIN NAS, LHA'I TSOGS THAMS CAD DANG, BRGYA BYIN GYI MDUN DU 'GRO BA DAG RNAMS MDZES KYI TSUL DU 'JUG GO ,DE RNAMS ZHUGS NAS KYANG PHYOGS BZHI DAG GI PHYOGS BZHIG LA BA DE RNAMS NA, LHA'I BEE d'URYA'I SHING LJON PA CHEN PO SHIN TU DRI MA MED PA BZHI YOD PA DE DAG GI SDONG PO GANG YIN PA DE DAG LA ME LONG BZHIN DU LHA RNAMS KYI LUS MNGON NO, ,DE DAG RNAM PAR RGYAL BA'I MTSAN MA MTHONG BA DANG, YANG LHA GANG DAG LHA DANG, LHA MA
YIN GYI G-YUL 'GYED PA NA YAN LAG DANG 'BRAL BA'AM, CHAD PAR 'GYUR BA RANG GIS GCOD PA, GZUGS BRNYAN GANG 'BYUNG BA SHING DE RNAMS KYI NANG NA SNANG STE, GANG LHA YAN LAG CHAD PAR 'GYUR BA DE DAG DE NYID DU'ANG PHYIR SKYE BAR 'GYUR LA, GANG DE'I MGO GCOD PA'AM, RKED PA GCOD PA NI MA GTOGS TE, DE LTAR LHA DE DAG PHYIR SKYE BAR MI 'GYUR RO, ,JI LTAR LHA MGO GCOD PA'AM, RKED PA GCOD PAR 'GYUR BA DE BZHIN BDAG NYID KYIS MTHONG BAR 'GYUR TE, DE LA BDAG NYID DE MTHONG NAS LHA DE DAG LA BSNYAD DO, ,LHA DE RNAMS DE 'CHI BA'I DUS YONGS SU SPANG BA'I DON DU BRGYA BYIN LA 'DI LTAR LHA 'DI DAG NI LHA MA YIN RNAMS DANG G-YUL 'GYED PA'I TSE 'GUM PAR 'GYUR RO ZHES BSNYED DO, ,DE THOS NAS BRGYA BYIN GYIS GROGS PO; KHYOD G-YUL 'GYED PAR MA 'GRO ZHIG ,KHYOD KYI TSE'I BAR CHAD DU MA GYUR CIG CES ZLOG PAR BYED DO, ,'BRAS BU DE GANG GI YIN ZHIG GU SNYAM DU DGE SLONG DE SEMS PAR BYED DO, ,DES THOS PA LAS BYUNG BA'I SHES PAS BRTAGS NA, SEMS DANG, YID SNYING RJE DANG LDAN PAR 'GYUR BA GANG GIS SHAN PAS GSAD PAR BSHAMS PA LAS THAR BAR BYAS PA'I LAS KYI RNAM PAR SMIN PA DES RNAM MDZES SU SHING LJON PA'I RNAM PA DE LTA BU SKYE STE, ME LONG LTA BUR GYUR PA DE LA GZUGS BSNYAN SNANG NGO, ,DE NAS YANG LHA RNAMS RNAM MDZES KYI
, ,TSAL GA LA BA DER 'DONG NGO, ,DONG NAS KYANG RNAM MDZES KYI TSAL DE'I DBUS NA TSAL YOD DE, DE'ANG 'DOD PA THAMS CAD KYI SHING LJON PA RNAMS KYIS NYE BAR MDZES PAR BYAS PA YIN LA DER ZHUGS NAS LHA RNAMS GROS BYED DO, ,'DI LTAR LHA DANG, LHA MA YIN RNAMS KYI DPUNG CHE CHUNG LA SEMS PAR BYED DE LHA MA YIN RNAMS DPUNG GANG DANG LDAN ZHING, LHA RNAMS DPUNG GANG DANG LDAN ZHIG CES LHA DE RNAMS PHAN TSUN DPYOD PA BYED DO, ,DE NAS LHA'I RGYAL PO BRGYA BYIN GYIS LHA RNAMS LA SMRAS PA, CHOS LA RTEN PA DAG NI CHOS KYIS LHA RNAMS KYI NANG DU SKYE BAR 'GYUR TE, GANG GI TSE DZAMBU GLING NA GNAS PA'I MI RNAMS RTZOD PA'I DUS SU DGE BA BCU'I LAS KYI LAM GTZOR 'DZIN CING, DGE BA BCU'I LAS KYI LAM YANG DAG PAR BLANGS TE SPYOD PA DANG, PHA ROL YANG SPYOD DU 'JUG PA DANG, LUS DANG, DAG GI TSUL KHRIMS RNAM BDUN YANG MA RAL BA DANG, MA ZHIG PA DANG, MA NYAMS PA DANG, BRTAN ZHING TSUL 'CHOS PA MED PAR BSRUNGS PA DE'I TSE, DZAMBU GLING GI MI RNAMS 'CHI BA'I DUS BYAS NAS LHA RNAMS KYI NANG DU SKYE BAR 'GYUR TE, JI LTAR SGRO BA BYE MAS BKANG BA LA THUR DU BSTAN PA'I BYE MA'I SHUGS 'BAB PA BZHIN DU, DE LTAR MI DAG LHA RNAMS KYI NANG DU SKYE BAR 'GYUR RO, ,DE LTAR LHA'I DPUNG MNGON PAR 'PHEL
LA, LHA MA YIN GYI DPUNG YONGS SU 'GRIB STE, LHA MA YIN GYI BRTZON 'GRUS ZHAN PAR 'GYUR BA DE'I TSE, RI BO ZLA BA LA GNAS PA'I LHA MA YIN GYI DPUNG, LHA RNAMS KYIS ZLOG PA NYID DU BYED DO; DE NAS DUS GZHAN DU LAS KYI LAM DRI MA CAN SPYOD PA'I MI RNAMS DGE BA'I LAS KYI LAM RAL PA DANG, ZHIG PA DANG, NYAMS PA DANG, BRTAN POR MI SPYOD PA DE'I TSE, DZAMBU GLING GI MI RNAMS 'CHI BA'I DUS BYAS NAS, LHA RNAMS KYI NANG DU SKYE BAR 'GYUR TE, 'DI LTA STE, SHING LJON PA AA MRA RAB TU SMIN PA DAG LA SKYES BU STOBS DANG LDAN PAS SHIN TU SGUL BAR BYED DO, ,DE SHIN TU BSGUL BA NA JI LTAR AA MRA LHUNG BA DE LTAR MI DAG LHA RNAMS KYI NANG DU SKYE BAR 'GYUR RO, ,DE NAS YANG DUS DAMS PA NA, DGE BA SHIN TU DRI MA CAN SPYOD PA'I MI 'BYUNG BA RNAMS LUS DANG, NGAG GI TSUL KHRIMS MI SRUNG ZHING SHIN TU BRTAN POR MI SPYOD, SHIN TU DKAR BA MA YIN, RTAG PAR MA YIN PA DE DAG 'CHI BA'I DUS BYAS NAS, LHA SHIN TU DMAN PA RNAMS KYI NANG DU SKYE BAR 'GYUR TE, 'DI LTA STE, SHING LJON PA BIL BA SPOM PO BRTAN PA 'BRAS BU MA SMIN PAR GYUR PA LA MI STOBS CHUNG NGU'I 'DOM GYIS 'KHYUD NAS SHIN TU SGUL BAR BYED PA DE TSEGS CHEN POS SHIN TU SGUL BAR BYED DO, ,GANG SGUL BAR BYED PA DE DAG KYANG SHIN TU ZHAN PA YIN TE, DE SGUL BA NA BIL BA'I 'BRAS BU GANG ZHIG 'BAB PA NA SMIN
, ,PA NYUNG ZAD CIG 'BAB PAR 'GYUR BA DE BZHIN DU, DA LTAR GYI MI TSUL KHRIMS DRI MA CAN DE LHA RNAMS KYI NANG DU SKYE BAR 'GYUR RO, ,LHA KHYED CAG KYANG SHIN TU BAG MED PA LA GNAS LA, SHIN TU BAG MED PA LA GNAS PA DE NI BAG MED PAS CHOG STE LHA MA YIN GYI DPUNG NI 'PHEL LO, ,LHA'I DPUNG NI 'GRIB BO, ,DE LTAR CHOS MA YIN PA SPYOD PA'I MI RNAMS CHOS MA YIN PA'I TSUL DANG, LUS DANG, NGAG GI TSUL KHRIMS RNAM PA BDUN MI SPYOD CING MA RUNGS PA, PHA ROL GDUNG BAR BYED PA, MAR MI 'DZIN PA, PHAR MI 'DZIN PA, CHOS MA YIN PA DANG LDAN PA, CHOS MA YIN PA'I RJES SU 'JUG PA DE DAG 'CHI BA'I DUS BYAS NAS SEMS CAN DMYAL BA DANG, YI DVAGS DANG, LHA MA YIN RNAMS KYI NANG DU SKYE BAR 'GYUR TE, 'DI LTA STE, SGRO BA BYE MAS BKANG BA'I KHA THUR DU BSTAN NAS, SKYES BU STOBS DANG LDAN PAS JI LTAR KHA NAS BLUG STE GTONG BA DE BZHIN DU DA LTAR GYI MI RNAMS SEMS CAN DMYAL BA DANG, DUD 'GRO DANG, LHA MA YIN RNAMS KYI NANG DU SKYE BAR 'GYUR RO, ,GAL TE DGE BA DANG, MI DGE BA SPYOD PA'I MI 'BYUNG BA DE DAG DE LTAR TSUL KHRIMS PHYOGS GCIG PA CUNG ZAD DANG, LUS KYI CUNG ZAD DANG, NGAG GI CUNG ZAD SRUNG BA DE'I TSE, 'CHI BA'I DUS BYAS NAS, KHA CIG NI SEMS CAN DMYAL BA DANG, YI DVAGS
DANG; LHA MA YIN RNAMS KYI NANG DU SKYE LA, KHA CIG NI LHA RNAMS KYI NANG DU SKYE STE, 'DI LTA STE, SHING LJON PA AA MRA SMIN PA DAG LA SKYES BU STOBS DANG LDAN PA'I 'DOM GYI 'KHYUD PA DAG GANG AA MRA RAB TU SMIN PA'I 'BRAS BU DE DANG, DE DAG TU LTUNG BAR 'GYUR LA GANG MA SMIN PA DE DAG NI LHUNG PAR MI 'GYUR RO, ,DE BZHIN DU DGE BA 'DRES PAR SPYOD PA'I MI RNAMS KHA CIG NI LHA RNAMS KYI NANG DU SKYE LA, KHA CIG NI SEMS CAN DMYAL BA DANG, YI DVAGS DANG, LHA MA YIN RNAMS KYI NANG DU SKYE BAR 'GYUR RO, ,GANG GI TSE THAMS CAD DU CHOS MA YIN PA'I SKYE DGU PHAL CHER 'BYUNG BA, MAR MI 'DZIN, PHAR MI 'DZIN, DGE SBYONG DU MI 'DZIN, BRAM ZER MI 'DZIN, RIGS KYI RGAN RABS KYI RJES SU MI 'JUG PA, LUS DANG, NGAG GI TSUL KHRIMS CUNG ZAD KYANG MI SRUNG BA DE'I TSE, DZAMBU GLING GI MI DE RNAMS 'CHI BA'I DUS BYAS NAS SEMS CAN DMYAL BA DANG, YI DVAGS DANG, LHA MA YIN RNAMS KYI NANG DU SKYE BAR 'GYUR TE, DE'I TSE LHA MA YIN GYI STOBS NI 'PHEL LO, ,LHA'I STOBS NI YONGS SU 'GRIB BO, ,DE LA NGA'ANG LHA DANG, LHA MA YIN GYI G-YUL 'GYED PAR 'GRO STE, ,NGA NYID KYIS RGYAL BAR NUS KYI, LHA GZHAN DAG GIS NI MA YIN NO, ,DE LTAR 'DI YID LA BYOS LA LHA RNAMS CHOS LA 'BAD PAR GYIS SHIG ,CHOS LA YANG DAG PAR DGA' BAS NI 'JIG RTEN 'DI DANG, PHA ROL KUN TU
, ,BSRUNGS PAR 'GYUR RO, ,MTHU RNAMS KYI NANG NA NI CHOS MTHU CHE STE, GZHAN MTHUR MI SNANG NGO, ,DE LTAR YID LA BYA BA 'DI YID LA BYOS TE, LHA MA YIN PHAM PAR BYA BA LA RAB TU 'BOD CIG ,DE SKAD CES BSKO BA DANG, BRGYA BYIN LA 'DI SKAD CES SMRAS SO, ,JI LTAR KHYOD KYIS BKA' STZAL PA DE BZHIN DU SGRUB CING MCHIS TE, JI LTAR BRGYA BYIN GYIS BDAG CAG LA BKA' STZAL PA DE BZHIN NO ZHES SMRAS NAS, GO CHA'I TSAL GA LA BA DER GO CHA BGO BA'I DON DU 'DONG BAR BYED DO, ,DE NAS SHING DE DAG LAS LHA RNAMS KYI GO CHA MI PHYED PA DAG RAB TU 'BYUNG STE, GANG GYON NAS LUS MI PHYED PA RNAMS DE LTAR THAMS CAD RNAM PAR SPANG NGO, ,JI LTAR RI BO'I RTZE LA GNAS PA'I NYI MA 'OD DMAR PO 'CHAR BA DE LTAR BRJID PA NA, RI BO ZLA BA ZHES BYA BA GA LA BA DER G-YUL 'GYED PA'I DON DU 'DOD PAR BYED DE, DE NAS YANG LHA DANG, LHA MA YIN G-YUL 'GYED PA SNGA MA BZHIN DU DE RNAMS G-YUL 'GYED DO, ,DE NAS GANG LHA DE RNAMS RNAM MDZES SU SO SOR GNAS TE, 'DOD PA'I YON TAN LNGA 'BYOR CING LDAN PAR GYUR PA RNAMS KYIS DE DAG PHAN TSUN GROGS SU GYUR PA, YID 'DOD CHAGS KYIS RAB TU MYOS PA KUN, 'DI LTA STE, BEE d'URYA'I TSAL DANG, GSER GYI SHING LJON PA'I TSAL DANG, LHA'I RIN PO CHE KE KE RU'I TSAL DANG, LHA'I ME TOG
DANG; 'BRAS BU 'BYOR PA DANG, BYA SGRA SNA TSOGS 'BYIN PA, DGA' BA RNAMS KYI NANG NA DGA' BAR BYED PA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, SUM CU RTZA GSUM PA'I LHA'I BYA RNAMS KYI LAS KYI RNAM PAR SMIN PA LA RJES SU SEMS PAR BYED DE, BYA 'DI DAG LAS GANG GIS KHA DOG DANG, CHA BYAD SNA TSOGS SU 'DUG PA DANG, SGRA SNA TSOGS 'BYIN PA DANG, RIN PO CHE'I SHING LJON PA SNA TSOGS KYI NANG NA BDE BAR 'KHOD CING, TSAL DANG, NYE BA'I TSAL RNAMS KYI NANG NA DGA' BAR BYED, RTZE BAR BYED, YONGS SU SPYOD PAR BYED SNYAM MO, ,LAS KYI DE KHO NA ZHI BA MOR SHES PA DE LAS KYI 'BRAS BU LA RTOG PAR BYED DE, DES THOS PA LAS BYUNG BA'I SHES PAS BRTAGS NA, RI MO MKHAN GLA ZA BA SEMS LA G-YO MED PA GANG GIS GZUGS SAM, KUN DGA' RA BA'AM, SKYED MOS TSAL TSON RTZI KHA DOG BZANG PO SNA TSOGS KYIS RNAM PAR 'DRI BA, 'DI LTA STE, KHA DOG SNGON PO DANG, SER PO DANG; DMAR PO DANG, 'DRES PA RNAMS KYIS RTZIG NGOS SAM, GTZUG LAG KHANG NGAM, MCHOD RTEN GYI KHANG PA'I NANG DU SANGS RGYAS KYI BYIN GYI RLABS KYIS GLA ZA BAS SHING LJON PA DANG, BYA DANG; MI DANG, STAG DANG, RTA DANG, GRONG KHYER DANG, TSAL DANG, NYE BA'I TSAL DANG, LTENG KA DANG, SKYED MOS TSAL DANG, PADMA'I CHAL DANG, MTSO DANG, DGE SBYONG DANG, BRAM ZE DANG,
, ,GRONG DANG, TSONG RDAL DANG, GZHAL MED KHANG LA SOGS PA BRIS PA DANG, SANGS RGYAS DANG, CHOS KYI BYIN GYI RLABS KYIS YON BDAG RNAMS KYI LUNG BZHIN DU BZO BO GLA PA LAS BYED PA RNAMS KYIS GZHI MA NYAMS PA DANG, BYUGS PA DANG, GSER DANG, DNGUL LAS BYAS PA'AM, ZANGS LAS BYAS PA'AM, DE DAG LA SOGS PA GZUGS GZHAN DAG TSON RTZI BZANG PO DAG GIS SNA TSOGS SU BRIS NA, DE DAG LUS DANG BRAL NAS BDE 'GRO LHA RNAMS KYI NANG DU 'DRI 'DRI BA DE BZHIN DU BYAR SKYE'O, ,TSUL KHRIMS SPANGS PA LAS SNA TSOGS BYAS PA DES RI DVAGS DANG, BUNG BAR GYUR NAS DGA' BAR BYED DO, ,DE LTAR LHA RNAMS KYI LAS DANG, 'BRAS BU DANG MTHUN PAR 'GYUR TE, JI LTAR BLUN PO DE RNAMS KYIS LAS DE DAG SEMS PA BZHIN BYAS PA DE BZHIN DU DE DAG BLUN POR GYUR NAS, LHA RNAMS KYI TSAL DANG, NYE BA'I TSAL BDE BA DANG, SHING LJON PA DANG, RI'I RTZE MO RNAMS SU BDE BA DE DAG MYONG BAR 'GYUR RO; ;GANG GIS JI LTAR GZHI SBYANGS PA DANG, BYUG PA DANG, BA GLANG GI SO'AM, DNGUL LAM, GSER LA SOGS PA LA GZUGS JI LTA BA BZHIN BYAS PA NI, LAS RNAM PA SNA TSOGS DU MA'I GZUGS RGYA'I 'BUR LTA BUR SKYE BAR 'GYUR RO, ,LHA DE DAG KYANG RNAM MDZES KYI TSAL DE NA JI SRID DU 'DOD PA SDUG PA YID DU 'ONG BA BYAS SHING BSAGS PA, SO SO YANG DAG
BAR MYONG BAR 'GYUR BA'I LAS ZAD PAR MA GYUR PA DE SRID DU, LHA DANG, LHA MO'I TSOGS KYIS YONGS SU BSKOR BA, DGA' BAR BYED, DGA' MGUR SPYOD PAR BYED, RTZE BAR BYED DE, LHA'I BDE BA SNA TSOGS MYONG BAR 'GYUR RO, ,DE ZAD NAS DE NAS YANG 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE LAN GRANGS GZHAN LA MYONG BAR 'GYUR BA LEGS PAR BYAS PA'I LAS MI DANG, SO SO YANG DAG PAR MYONG BAR 'GYUR BAS, MI RNAMS KYI NANG DU SKYES NA, LEGS PAR BYAS PA'I LAS DE DANG RGYU MTHUN PAR DE RTAG TU SO SO YANG DAG PAR MYONG BAR 'GYUR BA, BDE BAR GNAS PA'I BDE BAS RGYAL PO'AM, RGYAL TSAB TU YANG DAG PAR 'GRUB LA, SKYE BO DU MAS MCHOD PAR 'GYUR BA DANG, RTAG TU SKYED MOS TSAL LA DGA' BA DANG, RTAG TU DGA' STON LA DGA' BA DANG, RTAG TU YID RAB TU DGA' ZHING GZUGS DANG, RGYAN DANG, CHA BYAD BZANG BA DANG, RTAG TU BZA' BA DANG, BTUNG BA DANG, KHA ZAS GZHAN BCA' BA BDE BA DANG YANG DAG PAR LDAN PA DANG, RTAG TU MAL CHA DANG, SKYED MOS TSAL DU GNAS PA, BDE BA DANG LDAN PA DANG, BRAN DANG; BRAN MO DANG, LAS BYED PA DANG, ZHO SHAS 'TSO BA DANG, 'KHOL BA DAG DANG LDAN PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, SUM CU
, ,RTZA GSUM PA'I LHA RNAMS KYIS LA RTOG PAR BYED DE, DES THOS PA LAS BYUNG BA'I SHES PAS LHA RNAMS KYIS YONGS SU 'DUN GNAS PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA SKYES BU DAM PA SHES PA DANG, LDAN PAR 'GYUR BA GANG GIS PHA MA LA GOS DANG, ZAS DANG, MAL CHA DANG, NA BA'I GSOS SMAN GYI RKYEN GYI YO BYAD YONGS SU BYIN LA, GZHAN DAG KYANG DGE BA'I LAS DE NYID LA 'JOG PAR BYED CING, YANG DAG PAR 'JOG PAR BYED LA SO SOR 'JOG PAR BYED DE, RNAM PA DE LTA BU'I SBYIN PA BYIN PAR BYED PA DANG, SROG GCOD PHRA MO'ANG SRUNG BA YIN TE, 'BRAS BU SMIN PA RUL BAR GYUR PA'I NANG NA SRIN BU YOD PAR BAG TSA NAS ZA BAR MI BYED LA, GZHAN DAG ZA NA'ANG ZLOG PAR BYED CING SMOD PAR BYED LA, DE BDAG NYID KYANG TSUL KHRIMS SRUNG, GZHAN DAG KYANG TSUL KHRIMS LA RAB TU 'JOG PAR BYED DO, ,JI LTAR NA MA BYIN PAR LEN PA SPANGS SHE NA, 'DI LA MA BYIN PA LEN PA, 'DI LTA STE, MTSAMS SU BYAS PAR BYA BA DANG, 'BRAS BU SAR PA SHUGS KYIS KHYER TE BOR BA'AM, KUN DGA' RA BAR LHUNG STE BOR BA'ANG SPONG BAR BYED LA, GZHAN YANG ZLOG CING LEN PA LA SMOD PAR BYED, DGE BA'I LAM LA RAB TU 'JOG PAR BYED PA, BDAG DANG,
GZHAN LA PHAN PAR ZHUGS PA'I SKYES BU DAM PA DE LUS DANG BRAL NAS SHI BA'I 'OG TU SUM CU RTZA GSUM PA'I LHA RNAMS KYI SAR SKYE BAR 'GYUR TE, YONGS 'DUN GNAS PA'I LHA RNAMS KYI NANG DU SKYE BAR 'GYUR RO, ,SHING LJON PA GCIG PU DE LHAG PAR MDZES PA YIN TE, GANG GI TSE CHOS DANG LDAN ZHING CHOS KYI RJES SU 'JUG PA'I MI 'BYUNG BA NA; 'DI LTAR YANG LHA'I RGYAL PO LHA THAMS CAD KYI BYA BA LEGS PAR BYAS PA DANG, NYES PAR BYAS PA DANG, DZAMBU GLING GI MI RNAMS KYI SPYAD PA LEGS PAR BYAS PA DANG, NYES PAR BYAS PA'I NANG NA DE'I DRI DANG, MDOG DANG, ME TOG DANG, LO MA DANG, 'BRAS BU PHUN SUM TSOGS PA YIN NO ZHES DE RJOD PAR BYED DO, ,GANG GI TSE DZAMBU GLING DU CHOS DANG LDAN ZHING CHOS KYI RJES SU 'JUG PA'I MI 'BYUNG BA DE'I TSE, SHING YONGS 'DU SA BRTOL ME TOG RGYAS PAR 'GYUR ZHING; DPAG TSAD BRGYAR DRI 'BYUNG LA, 'OD KYIS RNAM PAR MDZES TE, GZI BRJID KYIS KYANG 'BAR BA DE'I TSE SUM CU RTZA GSUM PA'I LHA RNAMS YID DGA' NAS, SHING YONGS 'DU SA BRTOL YONGS SU BSKOR TE 'KHOD LA, AE MA 'DI LTAR YONGS 'DU SA BRTOL RNAM PA THAMS CAD DU ME TOG RGYAS PA 'DI, GRO MA CHAG PAR DZAMBU GLING GI MI RNAMS DGE SBYONG DU 'DZIN BRAM ZER 'DZIN, RIGS KYI RGAN RABS LA MCHOD PA BYED, RIGS KYI RGAN RABS KYI RJES SU ZHUGS PA LTA ZHIG STE, 'DI LTAR BDAG CAG GI SHING LJON PA 'DI RNAM PA THAMS CAD ME TOG RAB TU RGYAS
, ,SO SNYAM SEMS SO, ,LHA DE DAG DE DANG NYE BAR DBYAR ZLA BA BZHIR LHA'I 'DOD PA'I YON TAN LNGA 'BYOR CING LDAN PAR GYUR PA RNAMS KYIS GNAS PAR BYED DO, ,GANG GI TSE SHING YONGS 'DU SA BRTOL GYI ME TOG GI RNAM PA PHYED RGYAS PA DE'I TSE, SUM CU RTZA GSUM PA'I LHA RNAMS SHIN TU DGA' BAR 'GYUR TE, AE MA DZAMBU GLING GI MI RNAMS GOR MA CHAG PAR TSUL KHRIMS 'DRES PAR SPYOD PA LA ZHUGS PA DE'I TSE, SHING YONGS 'DU SA BRTOL GYI ME TOG GI RNAM PA 'DRES PAR 'BYUNG BAR 'GYUR RO, ,GANG GI TSE THAMS CAD DU CHOS MA YIN PA'I SKYE DGU PHAL CHER 'BYUNG BA DE'I TSE, SHING YONGS 'DU SA BRTOL THAMS CAD DU LO MA DANG, 'DAB MA RNYIS PAR 'GYUR ZHING, DE BZHIN DU MDOG KYANG MI SDUG, DE BZHIN DU DRI'ANG MI ZHIM, DE BZHIN DU 'OD KYANG MI GSAL TE, DPER NA, DGUN KHUG RNA DANG, SPRIN GYIS 'KHRIGS NA NYI MA'I 'OD RAB TU DRO BA DANG LDAN PA MED LA, 'OD KYI MTHU NYAMS PA SEMS CAN RNAMS KYIS MTHONG BAR 'GYUR PA DE BZHIN DU, SHING YONGS 'DU SA BRTOL GYI 'OD CHUNG LA DRI'I RNAM PA DE LTA BU DANG LDAN PAR MI 'GYUR ZHING, 'OD KYIS GNAS PAR MI 'GYUR BA DE'I TSE, SHING YONGS 'DU SA BRTOL NA GNAS PA'I LHA RNAMS BRGYA BYIN LA, LHA; KYE MA SHING YONGS 'DU SA BRTOL 'OD CHUNG ZHING DRI MI 'DA' LA, JI LTAR SNGON MDZES PA DANG LDAN PA DE DA LTAR MDZES PA MA LAGS TE, GOR MA BKUM
PAR DZAMBU'I GLING NA SKYE DGU CHOS MA LAGS PA BGYID PA, DGE SBYONG DU MI 'DZIN PA, BRAM ZER MI 'DZIN PA, RIGS KYI RGAN RABS KYI RJES SU SMI 'JUG PA DAG MCHIS SO ZHES BSNYAD DO, ,LHA'I RGYAL PO BRGYA BYIN GYIS DE THOS NAS, SANGS RGYAS KYI SKU GZUGS BLANGS TE, SHING YONGS 'DU SA BRTOL GA LA BA DER LHA'I TSOGS DANG LHAN CIG YONGS SU BSKOR NAS 'DONG BAR BYED DE, SANGS RGYAS LA SHIN TU GUS PA SKYES SHING, SANGS RGYAS KYI YON TAN MNGON PAR DRAN PA NA, LHA RNAMS LA 'DI LTAR SHING YONGS 'DU SA BRTOL 'DI THAMS CAD DU LO MA RNYIS PAR GYUR PA'I SHING YONGS 'DU SA BRTOL GA LA BA DER KHO BO 'GRO YI LHA GZHAN DE DAG CHOS SHIG ,'DI LTAR BDAG NI SHIN TU GSAL BAR GNAS PA'I MCHOD RTEN KHYER, BCOM LDAN 'DAS KYI SKU GZUGS THOGS TE SHING GI RGYAL PO DE DAG GA LA BA DER SONG LA, SHING DE'I DRUNG DU BDAG BCOM LDAN 'DAS LA LHA'I DRI DANG, PHRENG BA DANG, BYUG PAS MCHOD PA BYA'O DE SKAD CES SMRAS SO, ,DE NAS BRGYA BYIN GYI TSIG LHA RNAMS KYIS THOS NAS LHA BRGYA PHRAG STONG DU MA DAG LHA'I RGYAL PO BRGYA BYIN GA LA BA DER 'DOD NGO, ,BRGYA BYIN YANG SANGS RGYAS KYI SKU GZUGS SPYI BO LA KHYER NAS, SHING YONGS 'DU SA BRTOL GA LA BA DER DONG BA DANG SHING YONGS 'DU SA BRTOL GYI DRUNG NA GNAS PA'I LHA GZHAN DAG GIS RGYANG RING PO NYID NAS MTHONG STE, SHING YONGS 'DU SA BRTOL GYI LO MA RNYIS PAR 'GYUR CING 'OD MI GSAL
, ,LA DPAL DANG LDAN PA MED NAS YID SHIN TU LHAG PAR MI DGA'O, ,DE NAS BRGYA BYIN GYIS BCOM LDAN 'DAS DE SHING GI DRUNG DU GSER BTZOM LTA BU'I SA GZHI LA BEE d'URYA'I GDAN GYI STENG DU BZHAG NAS, LHA'I TSOGS DANG BCAS PA DAD PA SKYES PA DANG BCAS PA'I RIM GRO THAMS CAD KYIS BCOM LDAN 'DAS LA DRI DANG, TSAL GYI ME TOG MA LI KA DANG, MAND'A RA BA DANG, PADMA DAG STE, RNAM PA DE LTA BU'I SPOS DANG, ME TOG RNAMS KYIS BKRUS SHING MCHOD PA BYAS NAS, BRGYA BYIN GYIS LHA RNAMS LA JI LTAR LHA DAG DAD PA YANG DAG PAR SKYES PA NI SER SNA DANG BRAL ZHING BAG MED PA DANG BRAL BA LA GNAS PAR DGA' BA YIN TE, DE LTAR SANGS RGYAS DANG, CHOS DANG, 'PHAGS PA'I TSOGS NI KHAMS GSUM PA'I BLA MA YIN LA, BDAG CAG GI BLA MA'ANG YIN NO ZHES SMRAS SO, ,DE NAS LHA DAD PA SKYES PA THAMS CAD SANGS RGYAS LA PHYAG 'TSAL BAR BYED DO, ,DE NAS DE'I TSE BRGYA BYIN GYIS 'DI LTAR TSIGS SU BCAD DE SMRAS PA; SEMS CAN KUN GYI GNYEN GCIG PA, ,SRENG PA'I DUG LAS RNAM GROL ZHING, ,SRID PA'I PHA ROL YANG DAG BRGAL, ,THAMS CAD MKHYEN LA PHYAG 'TSAL LO, ,DE NAS BRGYA BYIN THAL MO SBYAR NAS, BCOM LDAN 'DAS GA LA BA DER SONG STE PHYIN NAS LHA'I TSOGS DANG LHAN CIG YONGS SU BSKOR CING PUS MO BTZUGS NAS 'DI LTAR TSIGS SU BCAD DE SMRAS PA, SEMS CAN KUN
GYI GTZO GCIG PA, ,'DOD CHAGS ZHE SDANG GTI MUG BCOM, ,RIMS NAD MED CING MTSUNGS MED PA, ,THAMS CAD MKHYEN LA PHYAG 'TSAL LO, ,DE NAS LHA'I TSOGS DE DAG THAMS CAD KYANG, SHING GI RGYAL PO DE YONGS SU BSKOR NAS 'KHOD DE, THAMS CAD DAD PA YANG DAG PAR SKYES PA, THAMS CAD DBANG PO GZHOL BA'I LHA KUN JI LTA JI LTAR SEMS DAD LA YID DGE ZHING, SANGS RGYAS DANG CHOS LA PHAL CHER MCHOD PA BYED PA DE LTA DE LTAR SHING DE 'DAB MA BYE NAS, KHA BYE BAR 'GYUR RO, ,DE NAS DE MTHONG NAS DE LTAR PHYIR ZHING SHING YONGS 'DUS BRTOL RIM GYIS SDON BZHIN DU ME TOG RNAM PA THAMS CAD DU RGYAS PAR 'GYUR LA, SHING YONGS 'DUS BRTOL GYI 'OD KYIS DPAG TSAD BRGYA DAG TU MDZES TE, DRIS NI KHYAB, 'DAB MA NI SPRIN GYI MDOG LTAR DKAR, BUNG BAS NI NYE BAR MDZES PAR BYAS, GRIB MA NI BDE, KUN NAS LHA'I TSOGS KYIS NI GANG, NYI MA GNYIS PA LTAR NI MDZES TE, DE'I SNGON GYI DPAL DE DAG MTHONG NAS LHA RNAMS DGA' BAR 'GYUR RO, ,DPAG TSAD BRGYA DAG TU DRI 'BYUNG BA LDANG LA RLUNG YANG DPAG TSAD BA RGYA DAG TU RAB TU LDANG STE, DRI YID DU 'ONG BAR 'GYUR ZHING SHING GI RGYAL PO 'OD KYIS MDZES PA YIN NO, ,DPER NA, RI BO STONG PHRAG DRUG CU THAMS CAD KYI NANG NA RI'I RGYAL PO RI RAB MDZES PA DE BZHIN DU, SHING LJON PA RNAMS SNA TSOGS KYI NANG NA SHING YONGS 'DU SA BRTOL DE BZHIN DU RNAM PAR MDZES SHING KUN TU SNANG LA LHAN NE BA YIN NO, ,DE NAS YANG DPAL
, ,RDZOGS SHING DPAL SHIN TU RGYAS LA DPAL 'BAR TE KUN NAS KYANG 'OD 'BAR BA NA, SUM CU RTZA GSUM PA'I LHA RNAMS YID RAB TU DGA' BAR GYUR TE, PHAN TSUN DU 'DI LTAR LHA RNAMS SANGS RGYAS KYI SPYAN MTSUNGS PA MED PA'I MTHU LA LTOS, GANG DU SANGS RGYAS KYI MTHUS SHING YONGS 'DU SA BRTOL 'DI SNGON GYI MDOG DANG, DRI DANG, PHRENG BA DANG, LO MA DANG, 'OD RNAMS YOD DE, JI LTAR 'DI 'PHEL BA DE LTAR SUM CU RTZA GSUM PA'I LHA RNAMS KYANG GOR MA CHAG PAR STOBS DANG, MTHU DANG, RDZU 'PHRUL BYAS PA'ANG CHE BAR 'GYUR, DZAMBU GLING GI CHOS KYI RJES SU 'JUG PA RNAMS KYANG CHOS LA BLO GROS 'JUG STE, CHOS DANG LDAN PA'I BSAM PA DE DAG DE LTAR NYE BAR 'JUG PA NI, BDUD KYI SGRUB PA'I STOBS RAB TU MED PAR 'GYUR ZHING BDUD KYI RIS KYI LHA MA YIN DANG, KLU 'JIG RTEN SKYONG BA CHOS MA YIN PA DANG LDAN PA DAG CHOS LA BGEGS BYED PAR MI 'GYUR, CHOS LA SMOD PA BYED PAR MI 'GYUR LA, LHA MO RNAMS KYI NANG DU LHA BDAG CAG ZIL GYIS GNON PAR MI 'GYUR TE, SHING GI RGYAL PO 'DI MTHONG BAS BDUD KYI STOBS NI NYAMS SHING, LHA'I STOBS NI RAB TU 'PHEL BAR KHYED CAG GIS SHES PAR GYIS SHIG CES SMRAS SO, ,DE NAS BRGYA BYIN GYI SNGON DU 'GRO BA'I LHA RNAMS DE LTAR PHAN TSUN GTAM YANG DAG PAR BRJOD PA NA, DE NAS YANG CHOS DANG LDAN ZHING CHOS KYI RJES SU 'JUG PA'I 'JIG RTEN SKYONG
BA BZHI DAG DZAMBU GLING NAS SUM CU RTZA GSUM PA'I LHA RNAMS KYI 'DUN SA GA LA BA DER 'DOD BAR BYED DO, ,DE NAS SHING YONGS 'DU SA BRTOL GYI DRUNG NA LHA'I GTZO BO BRGYA BYIN LA SOGS PA SANGS RGYAS BCOM LDAN 'DAS LA SEMS RAB TU DAD PA DANG, YID RAB TU DANG BA DANG, RANG GI 'OD ZER 'BAR BA GSAL BAS MCHOD PA BYED PA NA, 'JIG RTEN SKYONG BA BZHI DAG GIS RGYAD RING PO NYID NAS MTHONG NGO, ,DE NAS DE DAG GI DRUNG DU PHYIN NAS 'JIG RTEN SKYONG BA BZHI DAG GIS LHA'I RGYAL PO BRGYA BYIN LA SPYI BOS PHYAG BTZAL TE SMRAS PA, 'DI LTAR LHA'I GTZO BO BRGYA BYIN LA SOGS PA DGYES BAR MDZOD CIG ,DA LTAR CHOS DANG LDAN ZHING CHOS KYI RJES SU 'JUG PA'I MI RNAMS CHOS NI SPYOD, CHOS MA YIN PA NI MI SPYOD DE, MAR 'DZIN PA, PHAR 'DZIN PA, DGE SPYOD DU 'DZIN PA, BRAM ZER 'DZIN PA, RIGS KYI RGAN RABS KYI RJES SU 'JUG PA RNAMS CHOS SPYOD KYI DGYES PAR MDZOD CIG ,DE NAS DE DAG LAS THOS NAS LHA'I GTZO BO BRGYA BYIN LA SOGS PA YID RAB TU DGA' BA MCHOG TU DGA' STE, DE NAS YANG 'JIG RTEN SKYONG BA DAG LA MCHOD NAS, 'DI LTAR MI'I 'JIG RTEN NA MI CHOS PA DANG LDAN PA RNAMS 'JIG RTEN SKYONG BA DAG GI KUN DGA' BA'I SKAL BAR GYUR CIG ,DE NAS LHA DE DAG THAMS CAD KUN DGA' BA SKYES PAR RIG NAS, SHING YONGS 'DU SA BRTOL GYI DRUNG DU SANGS RGYAS BCOM LDAN 'DAS BLANGS PA DE NAS YANG MCHOD NAS, LHA'I 'DUN SA CHOS BZANG GA LA BA
, ,DER SANGS RGYAS BCOM LDAN 'DAS KHYER RO, ,LHA GZHAN LHAG MA GANG YIN PA DE DAG NI SHING YONGS 'DU SA BRTOL GA LA BA DER DONG STE PHYIN NAS BRGYA BYIN GYI MDUN DU 'GRO BA YID RAB TU DGA' BA RNAMS SHING YONGS 'DU SA BRTOL GA LA BA DER DONG STE PHYIN NAS, SHING GI RGYAL PO DE'I DRUNG DU DBYAR ZLA BA BZHI'I BAR DU LHA'I 'DOD PA'I YON TAN LNGA 'BYOR CING LDAN PAR GYUR PA RNAMS KYIS DGA' BAR BYED, YONGS SU SPYOD PAR BYED DO, ,LHA YI RAB TU DGA' BA LHA MO'I TSOGS RNAMS KYIS YONGS SU BSKOR BA DAG DGA' BAR BYED, YONGS SU SPYOD PAR BYED CING, BDE BA DPE MED PA NYE BAR MYONG BAR BYED DO, ,DE LTAR DE NYID LA GNAS PA DBYAR ZLA BA BZHI 'DAS PA DANG, DE DAG GI NANG NAS LAS DANG, TSE ZAD PA'I LHA GANG YIN PA DE DAG LHA'I 'JIG RTEN DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN, SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE LAN GRANGS GZHAN LA MYONG PAR 'GYUR BA'I LAS MI DANG, SO SO YANG DAG PAR MYONG BAR 'GYUR BAS, MI DAG DANG SKAL BA MNYAM PAR MI RNAMS KYI NANG DU SKYES NA, LAS DE DANG RGYU MTHUN PAR DE RTAG TU GZUGS BZANG ZHING SHIN TU BLTA NA SDUG PA DANG, YID RAB TU DGA' BAR 'GYUR, RTAG TU BDE ZHING BYAD BZHIN KUN GYIS BLTA BAR MNGON PAR DGA' BA DANG, RTZE BA LA DGA' BAR
'GYUR, RTAG TU DGOD PA DANG ,DGA' BA DANG, RTZE BA LA DGA' ZHING, BUD MED THAMS CAD KYIS BLTA BAR MNGON PAR DGA' BA DANG, SHIN TU BDE BA DANG LDAN TE, RGYAL PO'AM, RGYAL TSAB TU 'GYUR BAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES DES, SUM CU RTZA GSUM PA'I LHA RNAMS KYIS LA RTOG PAR BYED DE, DES THOS PA LAS BYUNG BA'I SHES PAS, SUM CU RTZA GSUM PA'I LHA 'DRES PA'I 'GRAM NA GNAS PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA TSUL KHRIMS DANG LDAN PAR GYUR CING, SEMS CAN GZHAN LA PHAN PAR 'DOD PA'I SEMS YONGS SU BSGOMS PA'I SNYING RJE DANG LDAN PA GANG GIS, YON TAN MCHOG DANG LDAN PA'AM, TSUL KHRIMS DANG LDAN PA'AM, SHES RAB DANG LDAN PA'AM, NAD PA LA ZAN GCIG TZAM BYIN PA'AM, BDAG NYID KYANG SROG GCOD PA MI BYED LA, SHING LJON PA'I GSEB NA GROG SBUR RA MA, SROG CHAGS MA KO TA KA'AM, SEMS CAN GYI RNAM PA DE LTA BU GZHAN DAG LA BA LANG RDZI'AM, PHYUG RDZI'AM, RNGA MO'I RDZI'AM, GLANG PO CHE'I RDZI'AM, DE BZHIN DU GZHAN BONG BU'I RDZI'AM, RTA RDZI DGUN KYI DUS SAM, DGUN SMAD KYI DUS SU GRANG BAS NYEN TE 'BROG DGON PA DAG TU PHYIN NAS ME BUS NA, SKYES BU DAM PA SEMS CAN LA PHAN PAR ZHUGS PA DES ME DE CHU'AM, THAL BAS ZHI BAR BYAS NAS SRIN BU DE DAG THAR BAR BYED PA
, ,DANG; GZHAN SROG GCOD PA BYED PA'ANG PHYIR ZLOG PAR BYED, BDAG NYID KYANG MI BYED LA GAL TE BYAS PA ZHIG YOD NA'ANG DE SMOD PAR BYED, SO SOR 'CHAGS PAR BYED, GZHAN LA'ANG RJES SU YI RANG BAR MI BYED, SKYON DU BGRANG BAR MI BYED, 'JOG PAR MI BYED, LAM BDE BA LA RAB TU 'JOG PAR BYED DE, DE LTAR RNAM PA DE DAG DANG, TSUL DE DAG GIS SROG GCOD PA SPANGS PA YIN NO, ,MA BYIN PAR LEN PA SPANGS PA JI LTA BU YIN SNYAM NA, 'DI LA MA BYIN PAR LEN PA MI BYED PA YIN NO, ,MA BYIN LEN PA MI BYED PA'I RNAM PA DU YOD SNYAM NA, 'DI LTA STE, DGUN DANG DGUN SMAD GRANG BA'I DUS SU SHING SKAM PO MED PA, SHING LJON PA MED PA'I DGON PAR LAM DU ZHUGS PA DE NA, BA LANG RDZI 'AM, GLANG PO CHE'I RDZI'AM, RNGA MO'I RDZI GRANG BAS NYEN PA DAG GIS ME BUD PA'I PHYIR RAM, MTSAN MO BSRO BAR BYA BA'I PHYIR, BA LANG GI LCI BA'AM, GLANG PO CHE'I LCI BA'AM, LO MA'AM, 'DAB MA'AM, SHING BUR DAG SPUNGS TE BZHAG PA DE DAG LA LAM DU ZHUGS PA DE GRANG BAS SHIN TU NYEN PAR GYUR KYANG PHA ROL KYI YIN NO SNYAM DU BSAMS NAS, RKU BA'I SEMS KYIS LEN PAR MI BYED, PHA ROL LEN PA'ANG ZLOG PAR BYED, GAL TE BDAG GIS BLANGS NA, DE'I CHAGS PAR BYED LA PHYIR ZHING MI BYED, GZHAN DAG KYANG LAM DGE BA LA RAB TU 'JOG PAR BYED, GZHAN GYIS BLANGS PA LA RJES SU YI RANG BAR MI BYED DE, LAS KYI NYER BSDOGS DANG,
LAS GYI MJUG MA BYIN PAR LEN PA LAS BYUNG BA BZLOG PAR BYED CING, BDAG NYID KYANG MI BYED PA YIN TE, SDIG PA'I LAS RDUL PHRAN TZAM GYIS KYANG 'JIGS PAR LTA BA'I SKYES BU DGE BA DE LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM GYI LHA 'DRES PA'I 'GRAM NA GNAS PA'I LHA RNAMS KYI NANG DU SKYE BAR 'GYUR RO, ,'DRES PA'I 'GRAM NA GNAS PA'I SA DE'ANG 'DI LTA STE, DNGUL GYI SA GZHI LA GSER RNAMS KYIS BKRA BAR BRGYAN PA, GSER RNAMS KYIS 'GRAM DE'ANG BKRA BAR BRGYAN, DNGUL GYIS BKRA BAR BRGYAN PA'ANG DE BZHIN BKRA BAR BRGYAN, DE BZHIN DU KE KE RUS BKRA BAR BRGYAN PA DANG, DE BZHIN DU RDO RJE MANG POS BKRA BAR BRGYAN PA YIN TE, DE LTAR SA DE LAS KYI 'BRAS BU DANG MTHUN PAR RNAM PAR MDZES PA RIN PO CHE SNA TSOGS KYIS SPRAS PA, SHING LJON PA RGYAN RNAM PA SNA TSOGS KYIS BRGYAN PA RNAMS KYIS NYE BAR MDZES PAR BYAS SHING SDUG PAR BYAS PA, KUN NAS RI DVAGS DANG, BYA SDUG PA RNAM PA SNA TSOGS KYIS BRGYAN PA, RI DVAGS DANG; BYA'I KHA DOG RNAM PA SNA TSOGS KYIS 'GRAM KHEBS PA, TSAL DANG, NYE BA'I TSAL YANG RIN PO CHE SNA BDUN RNAM PA DU MA DAG GIS NYE BAR MDZES PAR BYAS PA YIN NO, ,DE NAS TSAL DE NA 'DRES PA'I 'GRAM NA GNAS PA'I LHA SHING GSEB NA 'KHOD PA RNAMS LUS KUN GSER BTZOMS BRGYAN CING, LHA MO BRGYA PHRAG STONG GIS YONGS SU BSKOR BA, LHA'I 'DOD PA'I YON TAN LNGA 'BYOR
, ,CING LDAN PAR GYUR PA RNAMS KYIS DGA' BAR BYED DE, DE DAG RNAM PA JI SRID DU 'GRAM GANG DANG, GANG DU GNAS SHING RIN PO CHE'I 'OD GANG GIS BRGYAN PA'I RNAM PA DE SRID DU, LUS THAMS CAD KYI KHA DOG TU 'GYUR TE, RIN PO CHE'I SHING LJON PA DE RNAMS KYI 'OD KYIS LUS THAMS CAD BRGYAN PA NYID YIN NO, ,SHING LJON PA DE DAG GI DRUNG DU SONG NAS BDE BA SNA TSOGS DANG LDAN PA RNAMS DGA' BAR BYED, YONGS SU SBYOD PAR BYED DO, ,DE DAG DE DAG GIS DGA' BAR BYAS NAS LHA MO DE RNAMS DANG LHAN CIG TU 'BAB CHU'I TSAL GA LA BA DER 'DOD BAR BYED DO, ,'BAB CHU'I TSAL DE'ANG KUN NAS GSER GYI SHING LJON PA'I 'GRAM NAS SKYES PA RNAMS KYIS KHEBS PA YIN TE, SHING LJON PA DE RNAMS KYI LO MA SER POS KHEBS PA'I 'OD KYIS 'BAB CHU KUN NAS CHU SER POR GYUR TE, DE DAG DRAG TU 'BAB KYANG DE DKAR PO NYID DU MI MNGON NO, ,SHING LJON PA RNAMS KYI GSAB GSEB NA LHA GANG DAG LHA MO DANG LHAN CIG DGA' BAR BYED, YONGS SU SPYOD PAR BYED PA DE DAG 'DI SNYAM DU SEMS TE, 'DI LTAR SHING LJON PA RNAMS KYI YAL GA DAG RDOL NAS BDAG CAG RNAMS KYI CHANG ZHIM PO 'BYUNG BAR GYUR CIG CES SNYAM MO, ,DE NAS SEMS BSKYED MA THAG TU SHING LJON PA DE DAG RDOL NAS LHA RNAMS KYI DGE BA'I LAS DES CHAR RO DANG, MDOG DANG, DRI SNA TSOGS DANG LDAN PA DAG BYUNG NAS, SHING LJON PA'I YAL GA DAG LAS 'BAB BO, ,
DE 'BAB PA NA LHA DAG GIS MNGON PAR MTHONG NAS, SNOD RNAM PA SNA TSOGS KYIS BCUS TE, RIN PO CHE'I SNOD RNAM PA SNA TSOGS THOGS NAS, DE DAG 'THUNG BAR BYED DE, LHA'I CHANG BDE BA DES BRGYA SNYED DU MYOS SO, ,CHANG DES MYOS PA RNAMS BUD MED MTHONG BA'I BDE BA SRED PA'I MES KUN NAS SREG PAR BYED KYANG, BSREGS SO SNYAM DU MI SEMS TE, BDE BAS BSGRIBS PA RNAMS SEMS PA MED DO, ,DE NAS YANG LHA DE RNAMS 'DI SNYAM DU SEMS TE, JI LTA JI LTAR LHA'I THOS PA NYAMS DGA' BA RTAG TU DGA' BAR BYED PA'I ROL MO RNAM PA SNA TSOGS BDAG CAG GIS MNYAN PAR BYA'O SNYAM MO,, ,, 'PHAGS PA DAM PA'I CHOS DRAN PA NYE BAR GZHAG PA, BAM PO SUM CU BZHI PA, DE LTAR SEMS BSKYED MA THAG NYID DU DGE BA'I LAS DES ROL MO'I SGRA SHING LJON PA RNAMS LAS 'BYUNG STE, SHING DE DAG RLUNG GIS SKYOD PAR BYED DO, ,DE DAG BSKYOD PA NA LO MA DE DAG LAS RNAM PA 'DI LTA BU'I SGRA 'BYUNG STE, JI LTAR SIL SNYAN YAN LAG LNGA DANG LDAN PA'I SGRA SNYAN SIM ZHES BYED PA DANG YANG DAG PAR LDAN PA DE LTA BU'I SGRA SHIN TU THOS PAR 'GYUR RO, ,SGRA DE DAG THOS NAS KYANG LHA DE DAG 'DI SNYAM DU SEMS TE, 'DI LTAR DA NI SHING DAG LAS BDUD RTZI 'BYUNG BAR GYUR CIG SNYAM MO, ,DE LTAR SEMS BSKYED MA THAG NYID DU JI LTAR ZO BA KHA THUR DU BSTAN PA RNAMS KYI NANG NAS KHA RA'AM, KHA RA'I DUM BU KHA DOG DPE MED PA DANG LDAN PA 'BYUNG BA DE BZHIN DU SHING LJON PA RNAMS LAS BDUD RTZI 'BYUNG
, ,STE; DE DAG LHA RNAMS ZA BAR BYED DO, ,DES TSIM NAS GLU DBYANGS DANG, SIL SNYAN GYI SGRA 'BYUNG BA RNAMS NYE BAR LEN BZHIN DU RIN PO CHE'I SA GA LA BA DER LHA MIG MI 'DZUM PAR RGYU BA RNAMS 'DONG BAR BYED DO, ,DE DAG RIN PO CHE'I SAR DONG NAS PHAN TSUN GROGS SU GYUR PA, 'DOD CHAGS LHUR 'DZIN PAR SEMS PA YIN TE, DER YID ZHUGS PA DER DGA' BAR GYUR PA DE DANG MTHUN PA'I SPYOD PA DANG DGA' BA'I LHA 'DOD PA'I YON TAN LNGA 'BYOR CING LDAN PAR GYUR PA RNAMS KYIS DGA' BAR BYED, DGA' MGUR SPYOD PAR BYED DO, ,TSAL DE NAS YANG KUN NAS TSAL ZHES BYA BA DER 'GRO BAR BYED, 'DONG BAR BYED DO, ,TSAL DE NA BYA'I RIGS BDUN LA, 'DI LTA STE, GSER GYI NGANG PA KHA CIG RIN PO CHE SNA BDUN LTA BU DANG, NE TZO KHA DOG SNA TSOGS SU 'DUG PA KHA CIG AANDA RNYIL LTA BU DANG, BYA KARANDA PA KHA CIG KE KE RU'I MDOG LTA BU DANG, KHA CIG BEE d'URYA LTA BU DANG, DUR BA KHA CIG AANDA RNYIL LTA BU YIN LA, KHA CIG SPUG LTA BU DANG, RMA BYA KHA CIG RIN PO CHE SNA BDUN LTA BU YIN LA, KHA CIG MTHON KA LTA BU DANG, SHANG SHANG TE'U YANG SNA TSOGS SU 'DUG STE, KHA CIG BYU RU LTA BU DANG, BYA KA LA PINGKA RIN PO CHE SNA BDUN LTA BU YIN LA, KHA CIG DNGUL GYI MDOG LTA BU YIN NO, ,DE DAG THAMS CAD MTHONG BA, BDE BA, SGRA SNYAN CING 'JEBS PA 'BYIN PA LA MKHAS PA YIN TE, KHA CIG NAM MKHA' LA BDAG [?] ,
NYID PHAN TSUN 'KHOR LO BZHIN BYAS NAS RTZE BAR BYED DE, JI LTAR LHA RNAMS KYI ROL MO'I SGRA 'BYUNG BA DE LTAR YONGS SU 'BYIN PAR BYED CING, JI LTAR LHA MO'I TSOGS YAN LAG LNGA DANG LDAN PA LA SHIN TU CHAGS PAR 'GYUR BA DE LTAR SGRA GZHAN DAG 'BYUNG BAR BYED DO, ,GZHAN KHA CIG PADMA'I TSAL BUNG BA'I TSOGS KYIS NYE BAR MDZES PAR BYAS PA RNAMS SU BYA MO RNAMS DANG LHAN CIG BCAS PAR DGA' BAR BYED, SKAD 'BYIN PAR BYED DO, ,GZHAN DAG SKAMS LA 'DUG NAS BYA MO RNAMS DANG LHAN CIG BCAS PAR DGA' BAR BYED, DGA' MGUR SPYOD PAR BYED DO, ,GZHAN DAG GSER DANG, DNGUL GYI SHING LJON PA 'DAB MA SNA TSOGS KYIS NYE BAR MDZES PAR BYAS PA RNAMS KYI NANG NA DE'I GRIB MAS LUS MNGON PAR BRGYAN PA RNAMS RTZE BAR BYED, DGA' MGUR SPYOD PAR BYED DE, DE LTAR BYA DE DAG DGA' BAR BYED DO, ,DE NAS BYA DE RNAMS YONGS SU RTZE BA NA LHA DE RNAMS KYIS MTHONG NAS, DE NAS YANG RAB TU DGA' BA'I YID DANG, SNAR SNYAN PA'I YID KYIS BYA'I SGRA RNAM PA SNA TSOGS 'BYIN PA BDE BAR THOS SO, ,DE NAS LHA DE DAG DANG, LHA MO DE DAG KYANG NAM MKHA' LA RGYU BA DE DAG GI NANG DU ZHUGS NAS, NAM MKHA' LA RGYU ZHING RTZE BAR BYED DO, ,DE BZHIN DU CHU LA RGYU BA RNAMS DANG LHAN CIG CHU'I NANG NA RGYU SKAM LA RGYU BA RNAMS DANG LHAN CIG SKAM LA RGYU ZHING RTZE BAR BYED DO, ,LHA DE DAG KYANG LHA MO RNAMS DANG LHAN CIG BYA DE DAG DANG, DE BZHIN RTZE BAR BYED, DGA' MGUR SPYOD PAR BYED DO, ,DE NAS DGE SLONG DES LHA
, ,DE DAG DANG BYA DE DAG MTSUNGS PAR 'DOD PAS SEMS PHROGS SHING MYOS PA RNAMS LA 'DI LTAR TSIGS SU BCAD DE SMRAS PA, DUD 'GRO 'DOD PA SPYOD PA DAG ,GTI MUG GIS NI BSKYOD PA YIN, ,DE LTA BAS NA LHA RNAMS NI, ,LHA DANG DUD 'GRO MTSUNGS PA YIN, ,SKAL BA BZANG PO THOB PA'I MI, ,BAG MED RNAMS LA MI SPYOD NA, ,DE NI MKHAS PA ZHES BRJOD DE, ,DE LAS ZLOG PA GZHAN YIN NO, ,LHA RNAMS BAG MED PA YIS PHROGS, ,SEMS CAN DMYAL BAR RAB TU 'GRO, DE LTA BAS NA MKHAS PA RNAMS, ,BAG MED DUG DANG 'DRA BAR BRJOD, ,BLO ZHAN BAG MED RNAM DAG GIS, ,SNGAR NI BDE BA LTA BUR MTHONG, ,BAG MED LAS BYUNG 'BRAS THOB NAS, ,DON MED DE NI PHYIS GDUNG NGO, ,SKYE BO MKHAS PAS BAG MED PA, ,DON KUN MED PAR BYED MTHONG NAS,, DE LTAR DE LAS GZHAN DGE BA, ,GANG YIN BAG MED MI BSTEN TO, ,BAG MED GZHAN DU SDUG BSNGAL ZHING, ,BAG YOD GZHAN DU BDE BA STE, ,BAG MED PA DANG BAG YOD DAG ,MTSAN NYID BSDUS TE BSHAD PA YIN, ,GANG ZHIG SDUG BSNGAL 'DOD 'GYUR BA, ,DE NI BAG MED STEN PAR BYED, ,GANG ZHIG SHIN TU BAG MED PA, ,NAM YANG BDE BA MI 'THOB BO, ,BAG MED BRAL BA DAM PA NI, ,'CHI BA MED PA'I GNAS SU 'GRO ,GANG ZHIG SHIN TU BAG YOD PA, ,DMYAL BA'I SDUG BSNGAL MI MYONG NGO, ,GAL TE BLO ZHAN LHA RNAMS DANG, ,DUD 'GRO MTSUNGS PAR RTZE BYED NA, ,LHA RNAMS DANG NI DUD 'GRO DAG ,
KHYAD PAR MED PA NYID YIN NO, ,LHA DANG LHA MA YIN DANG NI, ,YI DVAGS DE BZHIN DMYAL BA RNAMS, ,RIS MTHUN BLO DANG 'GRO BA DAG ,KUN TU MI MTHUN THA DAD DO, ,BLO MI MTHUN PAS LAS MI MTHUN, ,LAS MI MTHUN LAS DE BZHIN 'GRO ,LAS MI MTHUN PA SNA TSOGS LAS, ,'GRO BA RNAMS KYANG SNANG BA YIN, ,LAS RNAMS SNA TSOGS THA DAD PAS, ,LHA RNAMS SHIN TU BAG MED DE, ,LHA YI 'JIG RTEN LAS LTUNG BA, ,KHONG DU CHUD PAR MI 'GYUR RO, ,GANG TSE LHA YI 'JIG RTEN LAS, ,LTUNG BAR 'GYUR BA DE TSE LHA, ,KHYED KYI SDUG BSNGAL NYE BA YIN, ,BDAG NYID BDE BA SHES PAR GYIS, ,DE LTAR RTOGS PAS RNAM PAR NYAMS, ,BAG MED PAS KYANG BSLUS PA YIN, ,SRED PAS GDUNGS PA'I LHA RNAMS NI, ,SEMS CAN DMYAL BAR LTUNG BAR 'GYUR, ,LHA DAG DMYAL BAR GANG SONG BA, ,'DI NI SHIN TU DPYA BA YIN; ;RTZE MO NYAMS SU LEN 'GYUR RNAMS, ,GNOD PA MI BZAD NYAMS SU MYONG, ,SROG CHAGS SEMS NI RMONGS PA DAG ,'KHOR BA LAS NI YID MI 'BYUNG, ,SRED PAS YONGS SU BSLUS PA RNAMS,, SDUG BSNGAL LAS NI SDUG BSNGAL 'THOB, ,DE LTAR DGE SLONG DES LHA DE RNAMS NI SHIN TU BAG MED PA KHOD DU CHUD NAS RJES SU STON PAR BYED DO, ,DE NAS LHA DE RNAMS YUL GYI BDE BA THAMS CAD NYE BAR MYONG YANG, JI LTAR ME SHING LAM CHEN PA LTAR YUL RNAMS KYIS TSIM PA NYID MED DE, JI SRID DU LAS BYAS SHING BSAGS PA DE ZAD PAR MA GYUR PA DE SRID DU DGA' BAR BYED LA, DE'I 'DOD PA
, ,SDUG PA YID DU 'ONG BA'I BDE BA RJES SU MYONG BAR BYED DO, ,DE ZAD NAS DE NAS YANG LHA'I 'JIG RTEN DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE LAN GRANGS GZHAN LA MYONG BAR 'GYUR BA'I LAS KYIS MI RNAMS DANG SKAL BA MNYAM PAR MI'I NANG DU SKYES NA LAS DE DANG RGYU MTHUN PAR DE RTAG TU SHIN TU BDE BAR 'GYUR, ZAS DANG, SKOM MANG BA'I YUL DU NOR DANG, 'BRU'I BANG MDZOD MANG PO 'BYOR PA DANG, RGYAL PO'AM, BLON PO CHEN PO BYED PA 'GYUR BAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, SUM CU RTZA GSUM PA'I LHA RNAMS KYI SA LA RTOG PAR BYED DE, DES THOS PA LAS BYUNG BA'I SHES PAS LHA RNAMS KYI GNAS TSANG TSING GI 'GRAM NA GNAS PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, SEMS CAN SKYES BU DAM PA SEMS DGE BAR BSGOMS PA'I SNYING DANG LDAN PA GANG GIS BSAM GTAN DANG PO THOB PA'I DGE SLONG DAG LA BSOD SNYOMS BYIN ZHING GZHAN DAG KYANG SBYIN DU 'JUG ,BYIN PA LA RJES SU YI RANG BAR BYED, GZHAN DAG KYANG DE NYID LA RAB TU DGA' BAR BYED, RAB TU 'DZUD PAR BYED, RAB
TU 'JOG PAR BYED DE, DE LTAR SBYIN PA LA BDAG NYID MNGON PAR DGA' BA YIN, SROG GCOD PA DANG, MA BYIN LEN PA DAG DANG BRAL BA JI LTA BU ZHIG YIN, 'DI LA MA BYIN PAR LEN PA SPANGS PA RNAM PA DU YOD, RNAM PA JI LTA BU YIN ZHE NA, 'DI NI LAM DU ZHUGS PA NA KHRON PA DANG, LTENG KA DANG, 'BAB CHU DAG TU 'GRON PO RNAMS LA PHAN PAR BYA BA'I PHYIR CHU RDZA'AM, KHAM PHOR SBYAR BA GANG YIN PA DE DAG LA GZHAN GYIS 'DI LTAR DBYE 'DI NI RGYAL ZHING PHYOGS GZHAN NA'ANG CHU MED LA, BDAG CAG LA'ANG CHU SNOD CHU RDZA'AM, PHRU BA KHYER BA MED DE, DE GAL TE BDAG CAG GIS KHRON PA'I PHYOGS DE NAS MKHYER NA SKOM PAS BDAG CAG GI SROG CHAD PAR 'GYUR RO, ,ZHES BSKUL KYANG DE LEN PAR MI BYED PA YIN TE, BDAG NYID SKOM PAR SHES KYANG MA BYIN PAR LEN PA'I 'JIGS PAS CHU RDZA'AM, KHAM PHOR LAN PAR MI BYED LA, GZHAN LEN PA LA'ANG RJES SU YI RANG BAR MI BYED, PHYIR ZLOG PAR BYED, DGE BA'I LAM LA RAB TU 'JOG PAR BYED DE, DE LTAR MA BYIN PAR LEN PA SPANGS PA YIN ZHING RNAM PA DE DAG YIN TE, SROG CHAD PAR 'GYUR YANG MA BYIN PAR LEN PA MI BYED PA YIN NO, ,SROG GCOD PA SPANGS PA JI LTA BU YIN, RNAM PA DU YOD CE NA, 'DI LA BDAG NYID SROG GCOD PAR MI BYED, GZHAN BYED PA'ANG PHYIR ZLOG PAR BYED, RAB TU MI 'JOG PAR BYED, BYAS NA'ANG SKYON DU BGRANG ZHING MANG DU SMOD PAR BYED PA YIN NO, ,'DI NI SKAR KHUNG NAS 'ONG
, ,BA'AM, G-YOGS PA'I STANG NA 'DUG PA'AM, NYI MA'AM, DUNG PAS GDUNGS PA NA SRIN BU PHRE'U 'AM, SROG SBUR PHRA MO DAG LA'ANG KUN NAS GNOD PA'I SEMS KYIS GNOD PAR MI BYED, SROG DANG BRAL BAR MI BYED, GZHAN BYED NA'ANG PHYIR LDOG PAR BYED, SKYON DU BGRANG BAR BYED, DGE BA'I LAM LA RAB TU 'JOG PAR BYED, DGE BA'I MI BDAG NYID DGE BA BYED CING GZHAN YANG RAB TU GZHOG PAR BYED PA DE LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM GYI LHA RNAMS KYI NANG 'DRES PA'I 'GRAM NA GNAS PA'I SAR SKYE BAR 'GYUR RO; ;DER SKYES NAS KYANG LEGS PAR BYAS PA'I LAS KYI MTHA' SPYAD PA DE DGE BA'I LAS LA SPYOD PA, LAS BYAS PA'I RNAM PAR SMIN PA 'BYUNG BA NI, 'DI LTA STE, DUS KYI TSAL RGYA CHE ZHES BYA BA 'BYUNG STE; TSAL DE NA RIN PO CHE SNA TSOGS KYI 'OD GSAL BA RIN PO CHE AANDA RNYIL DANG, BEE d'URYA'I 'OD DRI MA MED CING GSAL LA, BYA SNA TSOGS SGRA 'BYIN PA RNAR SNYAN PA DUS TSIGS DRUG TU RTAG PAR SHING LJON PA ME TOG MCHOG RAB TU RGYAS PA, 'BAB CHU DANG, CHU KLUNG DANG, LTENG KAS BRGYAN PA, RIN PO CHE AANDA RNYIL DANG, BEE d'URYA'I PADMA NYAMS DGA' BA, GSER BTZO MA'I RI BO MTHON POS BRGYAN PA, CHU NA RGYU BA DANG, SKAM LA RGYU BA'I BYA RI BO MTHON PO'I GSAB GSEB DANG 'GRAM NA GNAS PA, GZUGS DANG, CHA BYAD SNA TSOGS SU 'DUG PA, SGRA SKAD CHEN PO 'BYIN PA RNAMS KYIS BRGYAN PA DGE
BA'I LAS KYI 'BRAS BUS SPRUL PA NA, LHA DE DGE BA'I LAS KYI 'BRAS BU LA SPYOD DE YUN RING DU BDE BA RGYUN MI 'CHAD PAR SPYOD DO, ,LHA MO'I TSOGS RNAM PA SNA TSOGS STONG SNYED KYIS YONGS SU BSKOR CING, LHA'I PHRENG BA DANG, GOS GYON LA DPAL RNAM PA SNA TSOGS KYI GZUGS DANG LDAN PA DE, LHA MO DE DAG NYE BAR GLU DBYANGS LEN CING YONGS SU SPYOD PA NA, TSAL DER RNAM PAR RGYU BA NA DGE BA'I LAS DES BSKUL BA'I BYA RNAMS KYIS 'DI LTAR TSIGS SU BCAD DE SMRAS PA, DGE BA'I LAS KYIS SKYE BO DAG ,LHA YI YUL DU MCHOD PAR 'GYUR, ,DE LTAR MI DGE DMYAL BAR KHRID, ,LAS KYI 'GYUR BA DE 'DRA'O, , LHA YI 'JIG RTEN THOB NAS SU, ,LHA GANG KHYAD DU GSOD MI BYED, ,GANG DU SRED PAS MI GNOD PA, ,DE NA BDE LAS BDE BAR 'GRO, ,LAS KYI THAG PA RING PO YIS, ,SRID PAR RGYU BA BCINGS PA RNAMS, ,DGRA DAG 'KHOR LOS BCINGS PA LTAR, ,DBANG MED LAS KYIS 'KHYAM PAR BYED, ,JI LTAR MKHA' LA RLUNG SHUGS KYIS, ,PHYAG DAR DUM BUR GTOR BA LTAR, ,DE LTAR SRID PAR RGYU BA RNAMS, ,STENG DANG THANG KAR 'KHYAM PAR 'GYUR, ,JI LTAR RGYU DANG RKYEN DAG LAS, ,PADMA BYUNG BA MDZES PA LTAR, ,DE BZHIN DGE BA'I LAS KYIS SU, ,LHA YUL DU NI BYUNG BA MDZES, ,JI LTAR SHEL NI RAB DANG ZHING, ,JI LTAR NAM MKHA' RAB DANG LTAR, ,DE LTAR SEMS NI RAB DANG BA, ,BDE BA MCHOG TU 'GRO BAR 'GYUR, ,DE YIS LNGA DAG BSRUNGS PA YIS, ,RTAG TU BCINGS PA GSUM LAS GROL, ,CHOS GCIG LAS NI RAB 'DAS PA, ,LHA YI
, ,'JIG RTEN MCHOD PAR 'GYUR, ,NGO TSA MED CING KHREL MED DANG, ,RGOD DANG SDIG PA'I GROGS PO NI, ,'DI DAG DUG DANG ME DANG 'DRA, ,MKHAS PAS DE DAG BSRUNG BAR GYIS,, BDEN DANG SBYIN DANG DE BZHIN DU, ,BZOD DANG RTAG TU DGE BSHES GNYEN, 'BYUNG PO RNAMS LA RTAG BYAMS PA, ,LHA YUL GYI NI LAM RGYAGS YIN, ,MI DAG SEMS LA G-YO MED PA, ,BDE BAS BSKYOD PA MNYAM BZHAG PA, ,RANG GI LAS 'BRAS MNGON SUM STE, ,LHA YI GNAS SU 'ONGS PA YIN, ,CHOS DANG CHOS MIN GTZOR 'DZIN PA, ,KUN NAS 'JIGS RTEN SROG YIN TE, ,'DI LTAR CHOS LAS SKYOB GZHAN MED, ,DE BAS CHOS LA DGA' BAR GYIS, ,GANG ZHIG CHOS NI YONGS SPANGS NAS, ,MI DAG NYES PAR BYED LA DGA', ,DE NI NYES PAS GDUNGS PA YIS, ,RTAG TU SDUG BSNGAL NYID DU 'GYUR,, LHA YI 'JIG RTEN THOB NAS SU, ,BAG MED RNAMS LA CHAGS GYUR PA, ,DE NI DGE BA'I LAS MTHA' ZAD, ,'CHI BA'I MTHA' NI MI RIG GO ,GANG NA 'CHI BAR 'GYUR BA MED, ,DE NI GTAN DU BDE DANG LEGS,, 'CHI BA'I ZHAGS PAS BCINGS PA DANG, ,NAM YANG BDE BA YOD MA YIN, ,JI LTA JI LTAR BDE THOB PA, ,DE LTAR SRED PA'I TSOGS 'PHEL LO, ,SRED PA'I ME YIS GDUNGS PA NI, ,SEMS CAN DMYAL BAR NYE BAR 'DREN, ,LHA LA BAG MED MI RIGS KYIS, ,SHIN TU BAG MED MA BYIN CIG ,BAG MED NYES PAS RNAM NYAMS PA, ,SUM CU RTZA GSUM GNAS NAS 'CHI, ,DE LTAR BYA DE RNAMS KYIS RJES SU BSTAN PA NA, LHA
MOS YID G-YENGS SHING YUL GYI SRED PAS BLO GROS DANG, BLO PHROGS PA DANG, BYA'I SGRA RNAM PAR 'BYIN PA BDEN PA DE THOS PAR MI 'GYUR LA, DE TSAL DANG, NYE BA'I TSAL DANG, LTENG KA DANG, 'BAB CHU DAG LA RJES SU STEN PAR BYED DO, ,DE GAL TE KUN DGA' RA BA BDE BAR GNAS PA'I LTENG KA ZHES BYA BA RI MTHO BA GA LA BA DER 'DONG BAR BYED DO, ,RI MTHO BA DE NA BYA MNGON PAR DGA' BA ZHES BYA BA BYA MO RNAMS DANG LHAN CIG PHAN TSUN DGA' ZHING PHAN TSUN SHIN TU LTA 'DOD PA DAG LTENG KA DANG, PADMA'I TSAL SNA TSOGS DE RNAMS SU RTZE BAR BYED DO, ,DE NAS BYA DE RNAMS MTHONG NAS LHA DE DAG 'DI SNYAM DU SEMS TE, KYE; AE MA BYA GZUGS SNA TSOGS CAN 'DI DAG SGRA SNA TSOGS 'BYIN CING NYAMS DGA' BAR BYED PA NA TE, MTHO RIS KYI BYA BSDUS PA THAMS CAD MTHUN PAR SGRA 'BYIN PA'AM, SNA TSOGS SU SGRA 'BYIN PAR BYED PA'I BYA DE RNAMS KYI STENG DU GNAS BCAS LA BDAG ZHON TE, TSAL DANG, NYE BA'I TSAL DANG, LTENG KA DAG BLTA BAR BYA'O SNYAM MO, ,DE NAS SEMS BSKYED MA THAG NYID DU LHA DE DAG GI BYA RNAMS LUS CHEN POR GYUR NAS, LHA DE DAG GA LA BA DER MYUR DU NYE BAR 'DONG BAR BYED DO, ,DE NAS LHA DES BYA DE DAG LA LAG GIS NYUG PAR BYED DO, ,BYUGS NAS KYANG ZHON NO, ,DE NAS BYA RNAMS LA ZHON MA THAG NYID DU LHAS SPRUL PA MNGON PAR DGA' BA'I BYA'I TSOGS DAG NAM MKHA' LA 'DONG BAR BYED DO, ,DE NAS BYA SNA TSOGS PA DE RNAMS KYI RGYAB TU ZHON MA THAG NYID DU YID LA RIN PO CHE SNA BDUN GYI GZHAL MAD KHANG
, ,TSAL DANG, NYE BA'I TSAL DANG, LTENG KA DANG, 'BAB CHU DANG, PADMA PHUN SUM TSOGS SHING BYA RNAM PA SNA TSOGS NYE BAR RTZE BA SEMS PAR BYED DO, ,DE NAS SEMS BSKYED MA THAG NYID DU BYA DE RNAMS KYI RGYAB TU GZHAL MED KHANG DE DAG JI LTAR LHA DES YID LA BSAMS PA DE BZHIN DU 'BYUNG NGO, ,DE NAS LHA DE DAG GI PHYI BZHIN DU LHA MO CHA BYAD RNAM PA SNA TSOGS THOGS PA DAG RJES SU 'BRANG ZHING NYE BAR SPYOD PA NA NAM MKHA'I DKYIL NAS 'DONG STE YUL NAS YUL DAG TU 'DONG BAR BYED LA, ,DE THAMS CAD LHA'I BDE BA DAG GIS RTZE ZHING NYE BAR SPYOD PA NA, MTHO RIS KYI GNAS DAG LA DGA' BA DANG, SHIN TU DGA' BA DANG, MCHOG TU DGA' BAR RTOG PAR BYED DO, ,DES SA DE DAG LA RTOG RTOG NAS SRED PA 'BUM 'GYUR GYIS G-YENG BAR BYED DE, 'DI LTAR SEMS CAN THAMS CAD KYI GNAS DPE BYA BAR MI NUS SO, ,DE LTAR SGO DRUG NAS SRED PA'I ME 'BAR BA MCHOG TU MI BZAD PA YID LA 'BAR BA YIN TE, DE BDE BA GZUGS BRNYAN LTA BU'I SDUG BSNGAL DES MNGON PAR NYAMS BZHIN DU BYA DE RNAMS KYI STENG DU ZHON NAS, SIL SNYAN YAN LAG LNGA DANG LDAN PA'I SGRA SNYAN PA YID DU 'ONG BA DPE MED PA NYE BAR LEN CING RI RAB KYI ZHABS THAMS CAD LA LTA BAR BYED DE, DE TSAL DANG, NYE BA'I TSAL DANG, LTENG KA PHUN SUM TSOGS PA DANG, NAGS TSAL DANG, RI NGOS DANG, SHING LJON PA DANG, PHYOGS GCIG PA DANG, PADMA'I TSAL DU MAS KHEBS PA DANG, BYA SNA TSOGS KYIS GANG BA DANG, LHA
DANG, LHA MO DANG, LHA'I BU MO PHAN TSUN RTZE BA NA MTHONG NGO, ,YUL DE NA DGA' BA 'BUM PHRAG DU MA YOD DE, YUL SHIN TU RNAM PAR PHYE BA'I DGA' BA THAMS CAD MTHONG YANG 'DOD PA RNAMS KYIS DE SRID DU TSIM PA MED PA NYID YIN TE, DGA' BA'I 'DOD CHAGS KYI MOD LAS SKYES PA'I SEMS KYIS G-YENGS PA'I SRED PA'I LHA DE RNAMS YUL DAG GIS DBANG PO RNAMS SHIN TU CHIM PA MED DO, ,DE LTAR DE YUN RING PO DU MAR BYA'I STENG GZHAL MED KHANG NA GNAS PA DES RI BO KHRI PHRAG DRUG CU'I NANG NA, RI'I RGYAL PO RI RAB 'DUG PA DE DAG THAMS CAD LA LTA BAR BYED DE, LHA LAS LEGS PAR BYA BA THAMS CAD KYI GNAS DPE MED PA, NYAMS DGA' BA, RIN PO CHE DU MA 'BAR BA, NGOS BZHI KUN NAS LHAM PA, KHA DOG RNAM PA BZHIS SHIN TU RNAM PAR PHYE BA YIN TE, 'DI LTA STE, BEE d'U RYA DANG, DNGUL DANG, GSER DANG; SHEL SHIN TU BZANG BA'I RI RAB DE LA DES MA LUS PAR BLTAS NAS RANG RANG GI GNAS GA LA BA DER 'DONG BAR BYED DO, ,DE LTAR BYA RNAMS KYI STENG NA ZHON PA DE DAG BYA DE DAG LA SNA TSOGS SU SEMS PAR BYED DE, JI LTA JI LTAR KHA DOG DANG, GZUGS DANG, CHA BYAD DANG, DBYIBS BSAMS PA DE LTA DE LTAR 'GYUR RO, ,DE NAS YANG DE BYA DE RNAMS KYI STENG DU ZHON NAS RDZING CHU DANG BA ZHES BYA BA GA LA BDER 'DONG BAR BYED DO, ,RDZING DE'ANG KUN NAS DPAG TSAD LNGA YOD LA, KUN NAS LHAM PA, RIN PO CHE AANDA RNYIL DANG, BEE d'URYA RNAMS KYIS SNA TSOGS SU BRGYAN CING GZHAN PADMA RNAMS KYIS KYANG
, ,NYE BAR MDZES PAR BYAS PA, LEGS PAR BYAS PA'I LAS MNGON SUM DU GYUR PA DER DONG NAS DE NA LHA MO DE RNAMS DANG LHAN CIG TU LHA'I 'DOD PA'I YON TAN LNGA 'BYOR CING LDAN PAR GYUR PA RNAMS KYIS RTZE BAR BYED DO, ,PADMA DE RNAMS KYI BAR DAG NA BUNG BA BZHIN DU SBRANG RTZI DE DAG LA 'THUNG BAR BYED CING, BDUD RTZI LA'ANG ZA BAR BYED, LHA'I DRI DANG, RO DANG, MDOG PHUN SUM TSOGS SHING, ZLA BA LTAR DRI MA MED LA RO DANG SHIN TU LDAN PA DE DAG LA ZA BAR BYED DO, ,GOS DE DAG KYANG GYON NAS JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU DE DAG DANG LHAN CIG TU DGA' BAR BYED, DGA' MGUR SPYOD PAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE MI RNAMS DANG SKAL BA MNYAM PAR MI'I NANG DU SKYES NA LAS DE DANG RGYU MTHUN PAR DE RTAG PAR SHIN TU BDE ZHING BZHON PA DANG, SKYED MOS TSAL PHUN SUM TSOGS LA, SKYE BO KUN DGA' BA'I RGYAL PO'AM, BLON PO CHEN POR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SUM CU RTZA GSUM PA'I LHA RNAMS KYI GNAS
LA RTOG PAR BYED DE, DES THOS PA LAS BYUNG BA'I SHES PAS, LHA RNAMS KYI GNAS NOR BU SNYING PO ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, SKYES BU DGE BA PHAN PAR 'DOD PA GANG GIS SROG GCOD PA DANG, MA BYIN PAR LEN PA MI BYED LA GZHAN BYED PA'ANG PHYIR ZLOG PAR BYED DE, DGE BA'I LAM LA RAB TU 'JOG PA YIN NO, ,BDAG NYID KYIS SROG GCOD PA MI BYED PA'I RNAM PA DU YOD CE NA, 'DI LA SBRANG BU'I SBRANG RTZI DANG, BUNG BA'I SBRANG RTZI DAG LAS DROD GSHER LAS SKYE BA'I SRIN BU DAG 'BYUNG BAR MTHONG NAS, DE SROG GCOD PA'I 'JIGS PAS SBRANG RTZI ZA BAR MI BYED CING, GZHAN ZA NA'ANG PHYIR ZLOG PAR BYED LA, RJES SU YI RANG BAR MI BYED, 'DI NI SDIG PA YIN PAR SHES NAS SPONG BAR BYED DE, DE THABS KYIS KUN KYANG 'DRI BAR MI BYED LA MIG ZUR TZAM GYIS KYANG LTA BAR MI BYED DE, SROG GCOD PA DANG BRAL BA'I RNAM PA NI DE DAG YIN NO, ,MA BYIN PAR LEN PA DANG BRAL BA JI LTA BU YIN ZHE NA, 'DI LA SDOM PA BLANGS PAS MCHOD RTEN GYI GNAS SU SANGS RGYAS LA MAR ME PHUL BA DE'I 'OD LA'ANG RKU BAR MI BYED CING DES BDAG GI LAS MI BYED, DE LAS SNA TSA'ANG 'BYIN PAR MI BYED LA PHRA RAB TZAM LA'ANG 'JIGS PAR LTA BA YIN TE, DE LTAR SROG GCOD PA DANG, MA BYIN PAR LEN PA DAG SPANGS
, ,PA YIN NO, ,YANG SROG GCOD PA DANG, MA BYIN PAR LEN PA SPANGS PA JI LTA BU YIN ZHE NA, 'DI LA SBRANG BU'AM, SROG CHAGS MA KO TA 'AM, NAM MKHA' LA RGYU BA DAG GSOD PAR MI BYED PA YIN TE, DE DAG LA 'PHRAL LA BSAMS NAS GSOD PAR MI BYED LA, GZHAN GYIS BZUNG BA ZHIG YOD NA'ANG THAR PAR BYED, SROG GCOD PA BYAS PA NYES PAR BYAS PA'I 'BRAS BU 'CHAGS PAR BYED, GZHAN GYIS SROG GCOD PA BYAS NA, SDIG PA'I 'BRAS BU SEMS CAN DMYAL BA CHEN PO YANG SOS SU 'GRUB KYI KHYOD MA BYED CIG CES 'DOMS PA YIN TE, DE LTAR GZHAN YANG BZLOG NAS SDOM PA LA RAB TU 'JOG PAR BYED DE, DE NI SDIG PA SPANGS PA YIN NO, ,BDAG DANG, GZHAN GYI RGYUD TSUL KHRIMS LA RAB TU ZHUGS PA'I RGYUN RAB TU 'JUG PAR 'GYUR BA NI 'DI LA DGON PA'AM, LAM DU ZHUGS PA, LAM RGYAGS NYUNG YANG SROG LA MI LTA BAR GZHAN LAM RGYAGS NYUNG BA'AM, LAM RGYAGS MED PA SDUG BSNGAL BA LA SROG YONGS SU BTANG NAS RANG GI KHA ZAS BGO BSHA' BYED PA DE NI 'BRAS BU CHE BA YIN NO, ,ZHING GI 'BRAS BU'I KHYAD PAR SEMS PA NI DUS SU PHYIN PA DANG LDAN PA YIN TE, 'DI LTAR NAD RNAMS KYI NANG NA BKRES PA NAD CHE BA YIN NA, DE LAM BLTAS PAR 'BRAS BU CHEN POR YANG DAG PAR SBYOR BA YIN NO, ,DE LTAR TSUL KHRIMS GNYI GA SRUNG BA BDAG
DANG; GZHAN LA PHAN PAR RAB TU ZHUGS PA, SEMS RNYOG PA MED PA DRANG PO'I RANG BZHIN CAN, SEMS CAN SHIN TU MI DGE BA PHRA RAB TZAM LA'ANG 'JIGS PAR LTA BA DE, MA DANG, PHA'I LUS LA NOR BU DAG GI RGYAN 'DOGS PA'AM, SANGS RGYAS LA NOR BU DAG GI RGYAN 'BUL BA'I MI DE LUS DANG BRAL NAS, SUM CU RTZA GSUM PA'I LHA RNAMS KYI NANG NOR BU'I SNYING PO'I SAR SKYE BAR 'GYUR RO, ,DER SKYES NAS KYANG LEGS PAR BYED PA'I LAS BYAS PA DE SHIN TU BLTA NA SDUG PA LHA'I YUL GYI BDE BA BYUNG STE, 'DI LTA STE, DGE BA'I LAS KYI MTHA' SPYAD PA DE'I LUS DE THAMS CAD GZI BRJID 'BYUNG LA, LUS DE LAS GZI BRJID 'BYUNG BA KUN TU DPAG TSAD LNGA BRGYAR 'BYUNG NGO, ,DPER NA, NYI MA SHAR BA NA NYI MAS RI GSAL BAR BYED PA DE LTAR DE'I GSAL BAS THAMS CAD DU SNANG BAR BYED LA, GNAS GZHAN THAMS CAD KYANG DE'I RAB TU GSAL BA DES DE NAS YANG BRGYA 'GYUR DU RAB TU GSAL BAR BYED DO, ,MDOG SNGON PO DANG, SER PO DANG, BTZOD KA DANG, DMAR PO RNAMS KYIS GSAL BAR BYED DO, ,DPER NA, 'JA'I MDOG MJAS PAR 'GYUR BA DE BAS KYANG LHA'I RANG GI LUS LAS 'OD BYUNG BA BRGYA 'GYUR GYIS MDZES PA YIN TE, DGE BA'I LAS DES MNGON PAR BSGRUBS PA'I LUS KYI 'ONG BYUNG BAS LHA'I TSOGS THAMS CAD ZIL GYIS MNAN NAS RNAM PAR
, ,MDZES SO, ,JI LTA NYI MA'I 'OD KYIS GZA' DANG, SKAR MA DANG, RGYU SKAR THAMS CAD ZIL GYIS MNAN NAS RNAM PAR MDZES PA DE BZHIN DU, LHA DE 'OD KYI PHRENG BA 'BAR ZHING DE RANG GI GZI BRJID DES 'BAR BA NA RANG GI GNAS DE DAG LA RTOG PAR BYED DO, ,GNAS DE'ANG KUN NAS NOR BU RNAM PA SNA TSOGS KYIS NYE BAR SPRAS SHING SNA TSOGS SU BRGYAN PA, KUN NAS THAMS CAD DU RNAM PAR MDZES PA YIN TE, NYI MA BRGYA LTA BUR 'OD 'BYUNG BA YIN NO, ,DES DE DAG MTHONG NAS YID RAB TU DGA' BAS PHYOGS GNYIS PA LA RTOG PAR BYED DE, DE NA LHA MO GZUGS BZANG MO DANG LDAN PA, RGYAN DPE MED PA THOGS PA, 'DOD PA'I RGYU RNAM PA SNA TSOGS SKYED PA STEN PA DAG MTHONG STE, 'DI LTA STE, DE DAG GI NANG NAS KHA CIG NI ROL MO'I RNAM PA RDZA RNGA DANG, GLING BU DANG, LCAGS KYI SIL DKROL DE DAG LA STEN TO, ,DE DAG GI NANG NAS GZHAN KHA CIG NI LHA MO RNAMS KYI NANG DU SONG NAS BRO RDUNG ZHING KLU LEN LA, ME TOG PHRENG BAS MGUL BRGYAN PA DAG NGANG PA RNAMS DANG LHAN CIG PADMA'I TSAL RNAMS KYI NANG DU CHU LA RNAM PAR RTZE BAR BYED DO; ;GZHAN DAG NI LHA'I 'BRAS BU DAG LA ZA'O, ,GZHAN DAG NI DPAG BSAM GYI SHING GI NANG DU DONG NAS ME TOG RNAMS 'THOG PAR BYED CING LHA'I GLU DBYANGS DPE MED PA
DAG KYANG LEN TE 'DOD PA YANG DAG PAR STON PA, SKYE BO KUN GYI YID SHIN TU MGU BAR BYED PA RNAM PA DUM YOD DO, ,DE DER SKYES TE LHA MO DE DAG MTHONG NAS THOG MA NYID DU YUL GYI MCHOG 'DOD CHAGS KYI SBRUL GYI MCHE BA LTA BU'I YUL GYI BDE BA LNGAS MNGON PAR ZIN PA, STAN DE LAS LANGS NAS GZHAN DU 'GRO STE, GANG NA LHA MON TSOD DPE MED PA DANG LDAN PA LHA'I PHRENG BA DANG, GOS GYON PA DE DAG MTHONG NAS DE 'DOD CHAGS KYI MES YONGS SU GDUNGS PA'I YID KYIS DER 'GRO BAR BYED LA DE DAG KYANG LHA DE GA LA BA DER 'DONG BAR BYED DO, ,DE NAS LHA'I BU GZHAN DE 'CHI BA NA YONGS SU GTONG BAR BYED DE, JI LTAR BUNG BA DAG GIS ME TOG SKAM PO BOR NAS SAR PA'I DRUNG DU 'GRO BA DE LTAR LHA DE 'CHI BA NA LHA MO DAG GIS YONGS SU BTANG NAS, ME TOG SAR PA LTA BU'I LHA'I BU GZHAN GYI DRUNG DU 'GRO BAR BYED LA, ME TOG SNA TSOGS KYI PHRENG BA THOGS PA SNYING DU SDUG CING CHAGS PA, LHA'I BU GZHON NU DANG THAMS CAD DU 'DRIS PA, THOG MA MED PA'I DUS NAS GOMS PA'I 'DOD CHAGS KYIS NYE BAR SPYOD PAS RTZE BAR BYED DO, ,LHA'I BU DE'ANG 'CHI BA NA RANG GI LHA MO DE DAG GZHAN DU DONG BA MNGON PAR MTHONG NAS YID LA GDUNG BA'I RNAM PA DE LTA BUS SHIN TU GDUNGS TE, JI LTAR SEMS CAN DMYAL BA MNAR MED PA'I MES MNAR MED PA'I LUS BSREGS PA DE LTAR DE'I SDUG PA GZHAN DU DONG BAR GYUR PA'I YID LA 'CHI BA'I SDUG BSNGAL GYI YID
, ,SHIN TU GDUNGS PAS SHIN TU GDUNGS TE, SUM CU RTZA GSUM GYI GNAS NAS LHA'I BU 'CHI BA NA PHRAG DOG DANG, SER SNA'I YID SDUG BSNGAL BA DES MNGON PAR NYAMS PA DE 'CHI BA'I DUS BYED DO, ,DE SRID PA PHYI MAR SEMS SHIN TU GDUNGS PA DE LA DMIGS PA'I NYE BAR LEN PA'I RKYEN GYI SRID PAS SEMS RNYOG PA CAN DU BYAS PA DE, DE LAS GZHAN YANG MI MTHONG STE, DE DE NAS SHI NAS YANG SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,DE'I RGYU MTHUN PA'I 'BRAS BU GANG ZHIG YIN ZHE NA, GANG GIS GZHAN GYI BUD MED LA SDOM PA MA BZUNG BA YIN TE, BYI BA BYAS PA YIN NO, ,DE GAL TE DGE BA'I LAS GZHAN GYIS LHA RNAMS KYI NANG DU SKYES KYANG 'CHI BA'I DUS DE'I TSE, DE LA GZHAN GYI CHUNG MA PHYOGS PA'I SDIG PA'I LAS KYI RKYEN 'BYUNG NGO, ,DE LTAR LEGS PAR BYAS PA'I NANG NA NYES PAR BYAS PA'ANG DE LTAR SMIN PAR 'GYUR TE, DE LTA BAS NA NYES PAR BYED PA CHUNG DU'ANG MI BYA'O, ,JI LTAR LHA RNAMS 'CHI BA NA TSUL KHRIMS RNAM PA BDUN MA RAL BA'I RGYU MTHUN PA'I 'BRAS BU MI 'BYUNG BA DE LTAR 'THAB BRAL BA RNAMS KYI'ANG YIN TE, DE NI RGYA CHER PHYIS 'CHAD DO, ,DE NAS LHA'I BU SHI BA DE'I LHA'I BU MO DE DAG LHA'I BU GSAR DU BYUNG BA DE GA LA BA DER LHA'I PHRENG BA MDOG BZANG
PO; DRI DANG, REG PA MA RNYIS PA DE DAG BLANGS NAS LHA'I BU DE'I LUS LA 'DOGS PAR BYED DO, ,LHA'I BU DE'ANG THOG MA SKYES MA THAG TU DGA' YID RAB TU DGA' STE, LHA'I BU MO DE DAG GI DRUNG DU 'GRO BAR BYED DO, ,DE NAS LHA'I BU DE LHA'I BU MO DE DAG DANG, PHAN TSUN SNYING SHIN TU DGA' BA RNAMS TSAL DANG, NYE BA'I TSAL GA LA BA DER 'DONG BAR BYED DO, ,DE LHA'I RIS DE NA CHU RNYOG PA MED PA'I NANG NA PADMA'I BEE d'URYA'I MDOG LA 'DAB MA GSER DANG, SNYING PO RDO RJER SKYES PA DAG LA BUNG BA 'BUM SNYED KYIS YONGS SU BSKOR BA YIN TE, BUNG BA DE DAG KYANG KHA CIG GI LUS BEE d'URYA LA SGRO GSER DU 'DUG PA DANG, KHA CIG GI LUS GSER LA SGRO DNGUL DU 'DUG PA DANG, KHA CIG GI LUS 'DRES PA DANG, KHA CIG GI LUS BYU RU LA SGRO KE KE RUR 'DUG PA YIN TE; DE DAG RTAG TU 'DAM NAS SKYES PA'I PADMA MA RNYIS PA DAG GI NANG NA RTZE BAR BYED, DGA' MGUR SPYOD PAR BYED DO, ,DE LTAR LHA MO RNAMS SGRA SNYAN PA DES GLU DBYANGS SHIN TU LEN CING; PHEB RDOB PAR BYAD PA DE BZHIN DU BUNG BA PADMA'I GSAB GSEB TU DONG BA DE RNAMS SGRA 'BYIN PAR BYED DO, ,DE NAS LHA'I BU DE LHA MO DE RNAMS DANG LHAN CIG RDZING DE DAG GI NANG DU 'JUG STE; DE CHU LA RTZE BAR BYED CING, RGOD RTZE DGA' DGA' MGUR SPYOD PAR BYED DO, ,DE LTAR DE RNAMS KYIS SHIN TU YUN RING BAR RTZE BA NYE BAR SBYAR NAS TSAL GSEB KYI SHING LJON PA'I PHRENG BA
, ,ZHES BYA BA SHING LJON PA GNYIS KYIS KHEBS PA GA LA BA DER DONG BAR BYED LA GLU DBYANGS DANG, SIL SNYAN DANG, ROL MO'I SGRA SNA TSOGS DANG LDAN PA GSER BTZO MA'I RI BO RIN PO CHE'I RTZE MO BZANG PO LA RTOG STE, RTZE MO DANG LDAN PA DE DAG LA LHA'I TSOGS DU MA DANG, LHA MO GZHAN DAG DANG LHAN CIG RTZE ZHING LTA BAR BYED DA, ,LHA'I RANG GI PADMA'I TSAL DANG, ME TOG AUTPA LA'I TSAL DRI RNAM PA SNA TSOGS DANG, LHA'I DRI PHUN SUM TSOGS PA RNAMS GYI NANG NA LHA'I PHRENG BA DANG, GOS DAR GYON PA DZAMBU CHU BO'I GSER BTZE MAS BRGYAN PA'I LHA DANG, LHA MO GZHAN DE DAG DANG LHAN CIG SIL SNYAN YAN LAG LNGA DANG LDAN PA NYE BAR LEN CING RTZE BAR BYED DO, ,GZHAN DAG NI BYA NGANG PA DANG, KA RAndA PA SGRA SNYAN PAR 'BYIN CING RMA BYA DANG, NGANG PA SPRENGS PA'I NANG DU ZHUGS NAS RTZE BAR BYED DO, ,DE NAS YANG LHA'I TSOGS NAM MKHA'I GZHAL MED KHANG NA 'KHOD PA GZHAN DAG NAM MKHA' LA LHA MO'I TSOGS DANG LHAN CIG RTZE BAR BYED DO, ,NAM MKHA' LA SGRON MA LTA BUR GYUR PA LHA'I ROL MO LA BLO SHIN TU CHAGS PA RNAMS ME TOG GI CHAR MNGON PAR 'BEBS SHING SIL SNYAN YAN LAG LNGA DANG LDAN PA NYE BAR LEN PA NA LHA'I BDE BA DAG RJES SU MYONG BAR BYED DO, ,DE NAS YANG LHA'I TSOGS GZHAN DAG PHAN TSUN GROGS SU GYUR PA CHANG ZHIM PO
DAG 'THUNG ZHING PHAN TSUN DGA' LA MTHUN PA'I TSIG GIS 'DUM PA DAG MTHONG NGO, ,DE NAS YANG LHA'I TSOGS RANG GI LAS DANG RGYU MTHUN PA'I BDUD RTZI MDOG DANG, RO DANG, DRI DANG, BDE BA PHUN SUM TSOGS PA DAG ZA BA DAG MTHONG NGO, ,DE NAS YANG LHA GZHAN DAG RIN PO CHA SNA BDUN GYI LHA'I SHING LJON PA DAG LAS RIN PO CHE SNA BDUN GYI ME TOG DAG 'THOR CING BDAG NYID LA 'CHING BA DAG MTHONG NGO, ,DE NAS YANG LHA'I TSOGS GZHAN DAG LHA'I 'BRAS BU LAG NA THOGS TE PHAN TSUN 'PHEN ZHING ZA BA DAG MTHONG NGO, ,DE NAS YANG LHA'I TSOGS GZHAN DAG LHA'I NGANG PA RIN PO CHE SNA BDUN GYI SGRO GSHOG BRKYANG BA'I STENG DU ZHON NAS NAM MKHA' LA 'GRO BA NA PHAN TSUN LUS LA GNOD PA MED DO, ,DE NAS YANG LHA GZHAN DAG COD DANG, RNGA DANG, SIL DKROL DANG, GLING BU DAG DANG YANG DAG PAR RAB TU LDAN PA'I ROL MO BYED PA NA LHA MO RNAMS LHA DE RNAMS KYI MDUN NA BRO GAR BYED DE, DE DAG DANG LHAN CIG RTZE ZHING LHAN CIG DGA' BA DANG, LHA'I PADMA RNAMS KYIS PHAN TSUN RDEG PA NA 'DOD PA LA ZHEN PA DE YONGS SU RGOD LA 'DOD PA BSTEN CING SMRA BA DAG MTHONG NGO, ,DE LTAR LHA'I BU GSAR DU SKYES PA DE LHA'I 'JIG RTEN SNA TSOGS LAS SNA TSOGS KYIS SPRUL PA DE MTHONG STE, YID LA SEMS PA DAG GI MIG GZUGS SNA TSOGS LTA BA LA NGOMS PA MI SKYE, BDAG GI RNA BA SGRA RNAM PA SNA TSOGS DU MA LA
, ,NYAN PA LA NGOMS PA MI SKYE, BDAG GI SNA DRI RNAM PA SNA TSOGS PA SNOM PA LA NGOMS PA MI SKYE, BDAG GI LCE RO PHUN SUM TSOGS PA RO MYONG BAR BYA BA DRUG LA NGOMS PA MI SKYE, BDAG GI LUS BGO BA'I REG PA DANG, RGYAN DANG, BYUG PA'I REG PA STE, REG PA RNAM PA SNA TSOGS DAG LA NGOMS PA MI SKYE, BDAG GI YID SDUG PA SNA TSOGS YID DU 'ONG BA'I CHOS BYUNG BA THAMS CAD LA NGOMS PA SKYE BA MED PA DE NI BDAG YIN TE, KUN NAS BDE BA LA CHAGS PA BDE BA MYONG BAR BYA'O SNYAM MO, ,DE LTAR RJES SU BSAMS PA DE PHAN TSUN SHIN TU NYAMS DGA' BA MTHO RIS DANG MTHUN PA SNA TSOGS DAG GI YUL DANG, YUL DAG LA NYE BAR STEN PAR BYED DO, ,SRED PA'I TSOGS DRUG LA RNAM PAR CHAGS PA DE KUN NAS SRED PA'I MES YONGS SU BSKOR NAS SREG PAR BYED DE, DPER NA, SOS KA RAB TU TSA BA'I NYI MA'I GUNG LA MI ZHIG MYA NGAM GYI NANG DU ZHUGS TE, MYA NGAN GYI NANG DU ZHUGS PA DE'I MYA NGAN KUN NAS RTZVA DANG, 'DAB MA DANG, LO MA DANG, SHING LJON PA'I YAL GA 'PHYANG BA DANG, TSAL DANG, RI KHROD KYI TSAL SKAM PO DANG, BRAG DANG, RI SUL DER MI GANG ZHIG GIS ME BTANG NGO, ,DE NAS MI DE KUN NAS TSAL GYI ME DES YONGS SU BSKOR BA SKOM GYIS GDUNGS TE, GAR BAB BAB TU 'BROS SO, ,DE NAS GANG DANG GANG DU 'BROS PA DE DANG DE NYID DU ME'I PHUNG PO RAB TU TSA BA,
TSAL GYI SHING SREG PAR BYED PA KUN NAS SHIN TU 'BAR BA YIN TE, DE LTAR SHIN TU 'BAR BAR BYAS PAS TSAL GYI SHING THAMS CAD SREG PAR BYED DO, ,DE NAS MI DE LAM GANG DANG, GANG DU 'GRO BDE DANG, DE NYID DU KUN NAS RAB TU 'BAR BA MTHONG STE, DE ME DE'I NANG DU SONG NAS SREG PAR BYED KYANG 'BROS PAR MI NUS LA, DA LTAR ME'I NANG DU SONG BA DE THUL GYIS TSIG PAR 'GYUR BA DE BZHIN DU BYIS PA SO SO'I SKYE BO LAS KYI ME THAMS CAD RTZVA DANG, YAL GA DANG, LO MA DANG, 'DAB MA SKAM PO LA SREG PA'I TSAL GYI ME LTA BU'I SRED PA'I MYA NGAM GYI NANG DU RAB TU 'JUG PAR BYED DO, ,DE NAS DE SRED PA ME LTA BU'I BAG LA NYAL GYI KUN TU SBYOR BA'I STOBS RAB TU CHE BA, RNAM PAR RTOG PA RLUNG LTA BUS BSKYED PA'I 'JIG RTEN PA'I BSAM GTAN THOB PA THAMS CAD SHING DANG, TSAL DANG, LCUG MA 'PHYANG BA SKAM PO DANG, RI KHROD LTA BU YIN TE, DE'ANG DE LTAR SRED PA ME LTA BUS NGES PAR SREG PAR BYED DO, ,KUN NAS RAB TU 'BAR ZHES BYA BA NI KUN NAS SRED PA'I TSOGS DRUG RAB TU 'BAR BA YIN NO, ,GANG BAB BAB TU 'BROS ZHES BYA BA NI, GANG DANG, GANG DU DBANG PO SHIN TU CHAGS PA'I SEMS YUL LA RJES SU STEN PAR BYED PA DE, DE NYID DU YUL LA SRED PA'I ME LTA BUS SREG PAR BYED LA SHIN TU RNAM PAR RTOG PA'I YUL RLUNG LTA BUS G-YENGS PA YIN NO, ,DE DE NYID DU YUL LA SRED PA'I MES SREG PA
, ,NA LHA DAG KUN TU 'JIGS PAR 'GYUR TE, DE NI ME THA MA LA PA LA SREG PAR BYA BA'I DBER BYA BA YIN NO, ,DE LTAR LHA DE LHA'I GNAS DE NA LEGS PAR BYAS PA'I RNAM PA 'BUM SNYED DAG LA NYE BAR SPYOD PA YIN TE, JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR BA DE SRID DU DGA' BAR BYED DO, ,DE PHYIS LHA'I RIS DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN, SEMS CAN DMYAL BA DANG, YA DVAGS DANG, DUD 'GRO RNAMS KYI NANG DU SKYE BAR 'GYUR RO, , GAL TE MI DANG SO SO YANG DAG PAR MYONG BAR 'GYUR BA'I LAS KYIS MI RNAMS DANG SKAL BA MNYAM PAR MI'I NANG DU SKYES NA LAS DE DANG RGYU MTHUN PAR DE RIN PO CHE'I SA GZHI DAG LA RIN PO CHE KUN GYIS BRGYAN PA'I KHANG PA PHUN SUM TSOGS PA THAMS CAD DU RGYAL PO'AM, BLON PO CHEN POR SKYE BAR 'GYUR TE, RTAG TU RAB TU BDE BA DANG LDAN PAR 'GYUR, RGYAL PO DGA' BA DANG, SKYE BO KUN DGA' BA DANG, BU DANG, NOR DANG, 'BRU PHUN SUM TSOGS PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA RNAMS KYI GNAS KUN TU GSAL BAR SPYOD PA ZHES BYA BA JI
LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA SKYES BU DAM PA DGE BA SPYOD PA GANG GIS SROG GCOD PA DANG, MA BYIN PAR LEN PA MI BYED LA RJES SU YI RANG BAR MI BYED, GZHAN GYIS BYAS NA'ANG PHYIR ZLOG PAR BYED CING SMOD PAR BYED DO, ,NYES PA BYAS PA SROG GCOD PA'I LAS KYI 'BRAS BU'I RNAM PAR SMIN PA YANG DAG PAR STON PA RNAM PA DU YOD CE NA, 'DI LA LO MA SNGON PO'AM, CHU DAG GE NANG NA SRIN BU SHIN TU PHRA MO'ANG MTHONG NAS ZA BAR MI BYED LA CHU LA'ANG 'THUNG BAR MI BYED CING, YONGS SU 'TSAG PAR BYED DE, BTZAGS NAS KYANG CHU'I NANG NAS BYUNG BA'I SRIN BU DE DAG SA SKAM PO'I STENG DU CHU TSAGS DE SPRUG PAR MI BYED KYI, SRIN BU DE DAG GI SROG CHAD PAR MI 'GYUR BA'I CHU'I GNAS GANG YIN PA DE NYID DU SRIN BU DE DAG 'JOG PAR BYED DO, ,YANG DES SHIN TU 'TSO BAR BYED DE, GZHAN DAG KYANG DE BZHIN DU BYED DU 'JUG CING, DGE BA'I LAM LA GNAS PAR BYED LA RAB TU 'JOG PAR BYED DO, ,MA BYIN PAR LEN PA SPANGS PA JI LTA BU YIN, RNAM PA DU YOD CE NA, 'DI LA BU RAM SHING GI TSAL LAM, 'BRA GO'AM 'BRAS BU MA DU LUNG KA'AM, T'A MA PU RA KA'AM, PA NA SA'AM, N'A tI KE RA'AM, CHU SHING GI 'BRAS BU GZHAN GYIS YONGS SU BZUNG BA RNAMS LA RKU SEMS KYIS RANG GI SKYES SHING DU BYA
, ,BA'AM, KUN DGA' RA BA NYAMS DGA' BAR BYA BA'AM, LONGS SPYOD PA DGA' BAR BYA BA'AM, CHAGS PA'I RGYU'AM, TSONG BA'I KHE SLOGS BYA BAR BSAMS NAS SA BON 'BRU GCIG TZAM YANG LEN PAR MI BYED LA, GZHAN BYED PA'ANG PHYIR ZLOG PAR BYED, DE BZHIN DU BYED DU 'JUG CING, DGE BA'I LAM LA'ANG RAB TU 'JOG PAR BYED PA YIN TE, DE BDAG LA PHAN ZHING GZHAN LA PHAN PAR BYED PA, TSUL KHRIMS SRUNG BA'I SBYIN PA LEN PA SPANGS PA YANG DAG PAR BLANGS PA YIN NO, ,YANG SROG GCOD PA DANG, MA BYIN PAR LEN PA DAG LAS TSUL KHRIMS TSOL ZHING TSUL KHRIMS LA RAB TU GNAS PA JI LTA BU YIN ZHE NA, 'DI LA SRIN BUS BLANG BA'I NAD MI BZAD PA CHEN POS THEBS TE, SROG CHAD DU DOGS KYANG SRIN BU RNAMS GSAD PAR MI BYA'O SNYAM NAS, SRIN BU GSAD PA'I SMAN SBYOR BAR MI BYED CING GZHAN YANG BYED DU MI 'JUG LA, DE LTAR SROG CHAD DU DOGS KYANG SRIN BU GSOD PAR MI BYED PA YIN TE, 'DI NI BDAG DANG, GZHAN LA PHAN PAR SBYOR BA YIN NO, ,MA BYIN PAR LEN PA SPANGS PA JI LTA BU YIN ZHE NA, 'DI LA MA BYIN PAR LEN PA SHIN TU PHRA MO'ANG MI LEN PA YIN NO, ,SBYIN PA'ANG BYIN PAR BYED DE, RNAM PA DU YOD CE NA, 'DI LA BDAG NYID KYI NAD RAB TU ZHI BAR BYA BA'I PHYIR SMAN SBYAR BA DE GZHAN MTHONG NGAM, THOS
NAS BDAG NYID KYI SMAN SBYAR BA DE BDAG GIR MA BYAS KYANG RUNG, 'DI LTAR DE BDE BAR GYUR CIG SNYAM NAS GZHAN LA SBYIN PAR BYED DE, SBYIN BDAG DAM PA MYA NGAN LAS 'DAS PA'I MTHAR THUG PA'I SBYIN PA SBYIN PA DE, LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM PA'I LHA RNAMS KYI NANG DU KUN TU BSAL BAR SPYOD PA ZHES BYA BA'I GNAS DER SKYE BAR 'GYUR RO, ,DER SKYES NAS KYANG DE'I LEGS PAR BYAS PA'I LAS DES, GNAS DE'ANG RIN PO CHE THAMS CAD KYI 'OD KYIS KUN TU BSAL BA BZHIN DU RNAM PAR MDZES PA YIN NO, ,DE DER SKYES PA DANG, SHIN TU RGYA CHE BA DANG LDAN PA'I LHA MO RNAMS KYIS MNGON PAR MCHOD NAS, TSAL SIL SNYAN RNAM PA SNA TSOGS KYI SGRA DANG LDAN PA'I 'KHOR ZHES BYA BA DER 'DONG BAR BYED DO; ;BYA DANG, SHING LJON PAS BRGYAN PA ZHES BYA BA'I TSAL DE'ANG DE RNAMS KYIS NYE BAR BRGYAN PA YIN NO, ,BYA DE RNAMS KYI MTHU NI 'DI LTA BU YIN TE, BYA DE GANG DANG, GANG DU NAM MKHA' LA 'GRO BA DE DANG, DER SHING DE DAG KYANG BYA DE RNAMS KYI MTHUS NAM MKHA' LA 'GRO'O, ,LHA GANG DAG SHING LJON PA LA GNAS PA'I SHING DE DAG KYANG DE BZHIN DU NAM MKHA' LA 'GRO'O, , GNAS DE NA SHING LA GNAS PA RNAMS KYI PADMA'I RDZING DAG 'BYUNG BAR 'GYUR TE, PADMA SNA TSOGS GSER GYIS BRGYAN PA, 'DAB MA BEE d'URYA SDONG BU GSER LA, GZE BA DNGUL YIN TE,
, ,PADMA DE DAG LHA MO RNAMS 'DZEGS NAS SNYING PO LA 'KHOD CING GLU DBYANGS LEN NO, ,GLU DBYANGS LEN PA NA DGE BA'I LAS DES PADMA DE DAG GI BAR BAR NAS CHANG ZHIM PO DAG 'BYUNG BAR 'GYUR LA, DE YANG DGA' 'BAB CES BYA BA YIN TE, DE DAG LA DE RNAMS 'THUNG BAR BYED DO, ,DE BZHIN DU PADMA'I SNYING PO LA 'KHOD PA'I LHA'I BU DE DAG THAMS CAD MNGON PAR GLU DBYANGS LEN CING DGA' MGUR SPYOD PA NA 'THUNG BAR BYED DE, DE LTAR PADMA'I GSAB GSEB NA 'KHOD PA BDE BA DE LHA MO RNAMS KYIS YONGS SU BSKOR CING YUN RING DU CHANG ZHIM PO DAG LA 'THUNG BAR BYED DO, ,YUN RING DU BDE BA NYE BAR SPYAD NAS NAM MKHA' DE LAS 'BABS PAR BYED DE, DE LTAR BYA DE DAG DANG 'DI LTAR LHA MO'I TSOGS KYIS LHAN CIG BSKOR BA ME TOG KU BA LA YA'I KHYIM ZHES BYA BA DER 'DONG BAR BYED DO, ,KHYIM DE'ANG ME TOG KU BA LA YA LAS BYAS PA, KUN NAS RGYAR DPAG TSAD BRGYA PHRAG STONG YOD DE, 'DAB MA RE RE LA LHA MO SNA TSOGS SIL SNYAN YAN LAG LNGA DANG LDAN PA GLU LEN ZHENG BRO RDUNG BAR BYED DO, ,GAL TE ME TOG KU BA LA YA'I 'DAB MA SNGON PO'I 'OD DES KUN NAS THAMS CAD DU SNGON POR 'GYUR LA, GAL TE 'DAB MA GZHAN DMAR NA DE DE LTAR ME TOG KU BA LA YA'I 'DAB MED MAR PO DES KHA DOG SNA TSOGS KYIS BRGYAN PA GZHAN GANG YIN PA DE
DAG KYANG DMAR PO DE'I MTHUS DE BZHIN DU DMAR POR 'GYUR RO, ,AUTPAL DMAR PO DANG, RTZA BA DANG, SNYING PO LAS BYUNG BA'I STOBS KYIS ZE BA'I NANG NA SNYING PO YOD PA GANG YIN PA DE DAG LA LAS BYA BAS LEGS PAR BYAS PA'I LHA MO RNAM PA SNA TSOGS KYIS YONGS SU BSKOR TE GNAS SO, ,ZE BA'I KHRI DE RNAMS KYI STENG NA, LHA MO'I LAG PA NA PADMA SNA TSOGS THOGS PA DAG ,LHA'I BU DANG LHAN CIG GLU DBYANGS LEN, BRO GAR BYED, RTZE MO BYED, DGA' MGUR SPYOD PAR BYED DO, ,DER YANG YUN RING DU RTZES NAS, 'DAB MA LAS BYAS PA'I KHYIM DU 'JUG PAR BYED DE, DES CHU KLUNG YID 'ONG LTA ZHES BYA BA SHIN TU NYAMS DGA' ZHING 'GRAM GNYIS KA SHING LJON PAS YONGS SU BSKOR BA MTHONG NGO, ,CHU KLUNG DE'ANG SHIN TU NYAMS DGA' BA YIN LA, DGA' BA 'DI LTA BU YIN TE, 'DI LTA STE, 'GRAM GNYIG SHING LJON PA RNAM PA SNA TSOGS KYIS SHIN TU RNAM PAR PHYE BA, KHA DOG DANG, LO MA RNAMS KYIS SHIN TU RNAM PAR PHYE BA, YAL GA DANG, LCUG MA RNAM PA SNA TSOGS KYIS SHIN TU RNAM PAR PHYE BA, LO MA RNAMS KYI BAR BAR NA, BYA GNAS PA SGRO DANG CHU SDUG LA SGRA SNYAN CING 'JEBS PA 'BYIN PA, BDE BA RNAM PA DU MA YID DU 'ONG BA'I BYA RNAMS KYIS 'GRAM MTHA' DAG BRGYAN PA YIN NO, ,YID LA ZAS SAM, SKOM NAS RNAM PA GZHAN CUNG ZAD YID DU 'THAD PA'I BAR GANG DANG, GANG BSAMS PA DE DANG, DE NYID
, ,CHU BO DE LAS RAB TU 'BYUNG NGO, ,DE NAS YANG CHU BO SHIN TU NYAMS DGA' BA DE LAS RNAM PA GZHAN 'BYUNG BA NI, 'DI LTA STE, MTHA' GNYIS KA NA LHA MO CHA BYAD DANG, GZUGS SNA TSOGS DANG LDAN PA LAG NA ROL MO'I SGRA RNAM PA SNA TSOGS THOGS SHING GLU DBYANGS LEN, BRO GAR BYED, RTZED MO BYED DE, PHAN TSUN 'DRES PA YIN NO, ,'DI LTAR YANG YID DU 'THAD PA 'BA' ZHIG YOD LA DGA' BA'I RNAM PA DE LTA BU DANG LDAN PA DE CHU BO'I NANG DU 'JUG PAR BYED DE, LHA'I BU LAS SPYOD PA LEGS PAR BYAS PA DES DE DAG KYANG MTHONG NGO, , DE NAS YANG LHA'I BU MO YID RAB TU DGA' BA DE RNAMS BRO GAR BYED, GLU DBYANGS LEN, RGOD PAR BYED CING, ROL MO'I SGRA SNA TSOGS DAG KYANG 'BYIN PAR BYED DO, ,LHA MO YID RAB TU DGA' BA DE DAG KYANG LHA'I ROL MO SIL SNYAN YAN LAG LNGA DANG LDAN PA DAG THOGS NAS LHA LAS SPYOD PA LEGS PAR BYAS PA GA LA BA DER 'DONG BAR BYED DO, ,LHA DES LHA DE DAG DANG; LHA MO GZHON NU NA TSOD DANG LDAN ZHING, CHA BYAD DANG RGYAN THOGS PA, SHIN TU DGA' BAR BYED PA DAG MTHONG NAS, DE NAS YANG DGA' BA'I 'DOD CHAGS BRGYA 'GYUR GYIS SKYED PA NA, LHA MO GZHAN DE DAG DANG LHAN CIG LHA MO DE DAG GA LA BA DER RGYUG PAR BYED DO, ,DE NAS CHU BO'I 'GRAM GYI LHA MO GANG YIN PA DE DAG DANG, ME TOG KU BA LA YA'I
KHYIM NAS BYUNG BA GANG YIN PA DE DAG PHAN TSUN 'DRES SHING PHAN TSUN NYAMS DGA' BA'I SGRA 'BYIN PAR BYED DO, ,LHA'I TSOGS GANG YIN PA DE DAG THAMS CAD RIN PO CHE'I RI RAB KYI RTZE MO RNAMS SU LHA MO'I ROL MO'I SGRAS 'GENGS PAR BYED DO, ,RNAM PA DE LTA BU'I YID DU 'ONG BA'I SGRA DE DAG THOS NAS LHA GZHAN DAG RTZE MO GZHAN DAG TU LHA MO'I TSOGS DANG LHAN CIG RTZE BAR BYED DO, ,DE DAG GIS KYANG SGRA DE THOS NAS DGA' BA NYID YID LA BYAS TE RINGS PAR CHU BO'I 'GRAM YID DU 'ONG BA DE DAG GA LA BA DER 'DONG BAR BYED DO, ,LHA DANG, LHA MO'I TSOGS PHAN TSUN 'DRES PA DE DAG 'THAB PA DANG, PHRAG DOG DANG, RGYAGS PA RNAMS KYIS SKYO BA MED CING, PHAN TSUN GROGS SU GYUR LA GNOD PA MED PA DAG GLU LEN CING RGOD PAR BYED DO, ,PHAN TSUN GZHAN DAG NI CHANG ZHIM PO 'DRIM PAR BYED CING 'THUNG BAR BYED LA, LHA DANG, LHA MO'I TSOGS GZHAN DAG KYANG BDUD RTZI LA BYA BAR BYED DO, ,DE LTAR YUN RING DU RTZE BA LA ZHUGS PA DE DAG DE NAS YANG CHU BO'I 'GRAM DE NAS RGYAGS PA LA GNAS PA'I LHA RTZE ZHING 'GYING BAR 'GRO BA DAG TSAL DANG, NYE BA'I TSAL DE RNAMS GA LA BA DER 'DONG BAR BYED DO, ,BDE BA 'BUM PHRAG DE LTA BU DANG LDAN PA'I LHA RNAMS JI SRID DU 'DOD PA SDUG PA YID DU 'ONG BA'I LAS BYAS SHING BSAGS PA DE ZAD PAR MA GYUR PA DE SRID DU NYE BAR
, ,SPYOD PAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG; DUD 'GRO RNAMS KYI NANG DU SKYE BAR 'GYUR RO, ,GAL TE BRGYA LA MI DANG SO SO YANG DAG PAR MYONG BAR 'GYUR BA'I LAS KYIS MI RNAMS KYI NANG DU SKYES NA LAS DE DANG RGYU MTHUN PAR DE RTAG TU BDE BA DANG LDAN ZHING KHRUS DANG, BYUG PA DANG, RGYAN LA DGA' BAR 'GYUR, RTAG TU PADMA DANG, ME TOG KU MU DA DANG, KO KA NA DA DANG, KU BA LA YA LA DGA' BAR 'GYUR, DRANG ZHING DRANG PO'I RANG BZHIN CAN MKHAS PA CHOS DANG LDAN PA LA DGA' BA RGYAL PO'AM, BLON PO CHEN PO'AM, KHYIM BDAG GAM, YUL GYI SPYAN NAM, DED DPON CHEN PO'AM, TSONG PA THAMS CAD KYI GTZO BOR 'GYUR BAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS, LHA RNAMS KYI GNAS GSER GYI RNA PHUG GI KHANG PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PA'AM, LHA'I MIG GIS BRTAGS NA, SKYES BU DGE BA TSUL KHRIMS DANG LDAN PAR GYUR PA GANG GIS SROG GCOD PA DANG,
MA BYIN PAR LEN PA DAG SPANGS PA YIN TE, RNAM PA DU SPANGS PA JI LTA BU YIN ZHE NA, DGRA BDAG GI SROG GCOD PAR BYED PA'AM, BU BSAD PA'AM, CHUNG MA 'PHROGS PA G-YUL GYI NANG DU ZHUGS PA LA YONGS SU SKYOB PAR BYED CING RDEG PAR YANG MI BYED, GZHAN PHA ROL DAG GIS DGRA BZUNG YANG YONGS SU SKYOB PAR BYED CING TSIG SNYAN PAR SMRA LA, NOR RDZAS DAG BYIN NAS THAR PAR BYED; PHYIR ZHING PHAN PA NYID BYED, DE LTAR MI NGAN PA DE'ANG G-YUL GYI NANG DU ZHUGS PA THAR BAR BYAS NAS, SNGA MA GZHAN YANG DANG YANG DU 'CHI BAR 'GYUR BA SROG BYIN ZHING MI DGA' BAR MI BYED DO; ;SDOM PA BLANGS PA LAS KYI 'BRAS BU LA 'JIGS PA DES, DGRA'I STENG DU MTSON CHA BSAGS PA 'BAB PA LAS SRUNG BAR BYED CING, SROG GCOD PA'I 'JIGS PAS 'DEBS PAR MI BYED, BDAG NYID KYI SROG KYANG YONGS SU GTONG LA 'DEBS PAR MI BYED PA YIN TE, RNAM PA DE DAG NI SROG GCOD PA DANG BRAL BA YIN NO, ,MA BYIN PA LEN PA SPANGS PA JI LTA BU RNAM PA DU ZHIG ,RNAM PA NI JI LTA BU YIN ZHE NA, 'DI LA SDOM PA BLANGS PA KHA NA MA THO BA RDUL PHRAN TZAM LA'ANG 'JIGS PAR LTA ZHING LAS DANG, LAS KYI 'BRAS BU LA 'JIGS SKRAG PA DE SDIG PA RNAMS MI BYED, BSOD NAMS MA YIN PA DAG LA MI BSTEN, LAS SPYOD PA 'OS PA MA YIN PA'I GNAS DAG MI BYED PA'I SKYES BU DAM PA DE NI MA BYIN PAR LEN PA SPANGS PA YIN NO, ,
, ,'DI LA SDOM PA BLANGS PA RDUL PHRAN TZAM LA'ANG 'JIGS PAR LTA BAR GYUR PAS GTZUG LAG KHANG DU 'GRO'AM, NYE BA'I TSAL DU SLOB TU 'GRO'AM, CHU'I DON DU 'GRO BA'I PHYIR GZHAN DAG GI G-YUL 'GYED PA'I LHAM MAM, RTZVA LAS BYAS PA'AM, GRONG MI'AM, SRED LAS BYAS PA'AM, SBA LAS BYAS PA GZHAN GYIS MA GNANG BAR MI SPYOD CING, GANG DE DAG BSLAB PA'I GZHI LAS 'DA' BA'I 'JIGS PAS NYIN MO'AM MTSAN MOR RKU SEMS KYIS MI RKU BA YIN TE, RNAM PA DE DAG NI SROG GCOD PA DANG, MA BYIN PAR LEN PA DAG DANG BRAL BA YIN NO, ,TSUL KHRIMS LA RAB TU PA ZHAG PA JI LTA BU YIN ZHIG GU SNYAM NA, 'DI LA MI DGE BA MI 'DOD PA MI SDUG PA YID DU MI 'ONG BA SDIG PA'I CHOS RNAMS SPANGS PA YIN TE, RNYOG PA MED PA SPANGS PA DANG LDAN PA LEGS PAR 'PHEL BA SLU BA MED PA'I TSUL KHRIMS SRUNG BA YIN NO, ,TSUL KHRIMS DE NI MTHO RIS SU SKYE BAR NGES PA YIN LA, MYA NGAN LAS 'DAS PA'I MTHAR THUG PAR 'GYUR TE, 'DOD NA BYANG CHUB GSUM GYI SO SO YANG DAG PAR MYONG BA MYA NGAN LAS 'DAS PA'I MTHAR THUG PAR 'GYUR RO,, ,, 'PHAGS PA DAM PA'I CHOS DRAN PA NYE BAR GZHAG PA, BAM PO SUM CU LNGA PA, GZHAN YANG, 'DI LA GAL TE NAGS KYI NANG DU MGRON POR SONG BA'AM, LAM GOL PAR ZHUGS SAM,
PHROGS DANG BCAS PA'AM, GROGS MED PAR SONG BA DANG, SHA RJEN PA ZA BA LTOGS PA DAG LTOGS PA'I MTHUS RANG GI BU BTZAS PA DAG LA ZA BAR BYED PA MTHONG BA DANG, 'DI LTAR SHA RJEN PA ZA BA 'DI RANG GI BU LA ZA BAR MA GYUR CIG ,BKRES PAS NYEN PA 'DI SROG YONGS SU GTONG BAR MA GYUR CIG ,BDAG GI SHA DAG GIS 'DI TSIM PAR GYUR CIG SNYAM NAS DE'I DRUNG DU ZAR GZHUG PA'I PHYIR SONG STE, DE BDAG NYID KYI LUS GTONG BAR BYED PA SEMS CAN LA SNYING RJE ZHING MKHAS PA MA DANG, BU'I SROG SBYIN PAR BYED PA DE NI TSUL KHRIMS LA RAB TU ZHUGS PA YIN NO; ;SBYIN PA LA RAB TU ZHUGS PA JI LTA BU YIN ZHE NA, 'DI LA DBUL POR GYUR CING TSEGS CHEN POS 'TSO BAR BYED PA CHOS DANG LDAN PA SDOM PA BLANGS PA KHA NA MA THO BA RDUL PHRAN TZAM YANG MI SKYED PA DE, GAL TE 'GOG PA LAS LANGS PA'I DGE SLONG DER 'ONGS NAS BSLANGS PA DANG, DE SEMS PA DANG LDAN PAR GYUR NAS, DE'I BU DANG, CHUNG MA'I ZAS SU SBYAR BA NYUNG NGU GANG YIN PA DE DAG 'GOG PA LAS LANGS PA'I DGE SLONG DE LA 'BUL BAR BYED CING BDAG NYID KYANG NYIN MTSAN DU MI ZA'AM, NYUNG NGU ZA LA LHAG MA LA'ANG SEMS PAR BYED, GZHAN DAG KYANG DE LTAR SROG GCOD PA DANG, MA BYIN PAR LEN PA DAG LAS PHYIR ZLOG PAR BYED, DGE BA'I LAM LA RAB TU 'JOG PAR BYED PA NA'ANG SHIN TU RJES SU YI RANG BAR BYED CING RAB TU SPRO BAR BYED, DGE
, ,BA'I LAS DE NYID LA RAB TU 'JOG PAR BYED, DE NAS YANG RAB TU GZENGS BSTOD PAR BYED DE, SKYES BU DGE BA BDAG NYID LA PHAN PA BYED PA NI LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM PA'I LHA RNAMS KYI NANG DU DRI TZAM ZHIG GIS GSER GYI YON TAN GYI KHYIM GYI GNAS SU SKYE BAR 'GYUR RO, ,DER SKYES NAS KYANG LAS BYA BA LEGS PAR BYAS PA DE GSER GYI KHYIM GYI GNAS SU SKYES NAS BDE BA YANG DAG PAR MYONG BAR 'GYUR BA 'DOD PA'I BDE BA NGES PAR MYONG BAR 'GYUR RO, ,GNAS DE NA GSER LAS BYAS PA'I KHYIM RIN PO CHE THAMS CAD KYI 'OD KYIS BRGYAN PA YOD DE, PHUG DE NI 'OD NYID YIN NO, ,KHYIM ZHES BYA BA'I PHUG NI 'DI YIN TE, DER BRGYA BYIN YANG 'ONGS NAS NGO MTSAR SKYES TE BRGYA 'GYUR DU RTZE BAR BYED CING, 'DI LTAR TSIGS SU BCAD DE YANG SMRAS PA, KYE MA DGE BA SNGON BYAS PA'I, ,YANG DU YANG DU BDE BA DAG ,SNGON BYAS RJES SU LDAN PA'I RGYU, ,MTHO RIS RNAMS SU LHA SPYOD DO, ,SNGAR NI RTA GNYIS LDAN PA YI, ,SHING RTA YON TAN DE BZHIN GNYIS, ,YE SHES LCAG DANG LDAN PA YIS, ,SHING RTA NYI MA BZHIN DU GSAL, ,TSUL KHRIMS LDAN ZHING SNYING RJER LDAN, ,'BYUNG PO KUN LA SNYING BRTZE ZHING, ,MA LTA BUR NI PHAN BYED PA, ,LHA YI GNAS SU RAB TU 'GRO, ,'DI LTAR SNYING RJE TSOL BA'I MI, ,
'BYUNG PO KUN LA PHAN DGA' BA, ,DE LA RTEN PA'I MI DAG NI, ,SUM CU RTZA GSUM GNAS SU 'GRO, ,RTAG TU DUL ZHING SNYING RJER LDAN, ,'BYUNG PO KUN LA PHAN DGA' BA, ,DE NI MCHOD PA'I GNAS 'GYUR ZHING, ,'JIG RTEN PHA ROL MTHO RIS DGA', ,SNYING RJER LDAN PA'I MI DAG NI, ,ZLA BA LTA BUR MDZES 'GYUR ZHING, ,MI DE RTAG TU LHA 'DRA LA, ,LHA RNAMS KYIS NI 'DUD PAR BYED; ;'BYUNG PO KUN GYI GNAS GYUR PA, ,MYA NGAN BRAL ZHING NYON MONGS BRAL, ,DE LTAR BDE BA 'DOD PA YIS, ,RAB TU DANG BAS SNYING RJE BSTEN, ,DE NAS DE LTAR BRGYA BYIN GYIS TSIGS SU BCAD PA DAG SMRAS NAS, PHUG DE NA STAN GYI MCHOG GSER LAS BYAS PA'I RIN PO CHE SNA BDUN 'OD RAB TU 'BAR BA, STENG DU GDING BA STAN KHRA BO DANG LDAN PA, RDO 'JAM PA GSHIS SU BAB PA; DBYIBS DANG, CHA BYAD SNA TSOGS DANG LDAN PA DE DAG GI STENG DU 'DUG STE, LHA'I RGYAL PO BRGYA BYIN DE LHA'I TSOGS RNAMS DANG LHAN CIG 'KHOD DO, ,LHA RNAMS DANG LHAN CIG 'KHOD NAS LHA MO'I TSOGS KYIS YONGS SU BSKOR CING GZUGS DANG, CHA BYAD SNA TSOGS DANG LDAN PA'I LHA MO RNAMS DANG LHAN CIG YUN RING DU RTZE BAR BYED, YONGS SU SPYOD PAR BYED DO, ,DE LTAR YUN RING ZHIG LON PA DANG PHUG DE DAG NAS BYUNG STE, LHA SNA TSOGS BRGYA SNYED KYIS YONGS SU BSKOR NAS KUN DGA' RA BA'I SKYED MOS TSAL ZHES BYA BA GA LA BA DER 'DONG BAR BYED DO, ,DE
, ,LTAR SIL SNYAN DANG, ROL MO'I SGRA SNA TSOGS 'BYIN PA'I LHA'I TSOGS MTHU CHE BA RNAMS PHYI BZHIN 'BRANG ZHING 'DONG BA NA DES KUN DGA' RA BA'I SKYED MOS TSAL SHING LJON PA 'BUM PHRAG DU MA GSAL BA, GSER DANG, BEE d'URYA'I SHING LJON PA'I 'OD KYI PHRENG BA 'BAR BA RNAMS KYIS KUN NAS MDZES PAR 'DUG PA DE DAG RGYANG RING PO NAS MTHONG NGO; ;SKYED MOS TSAL DANG, TSAL RNAM PA SNA TSOGS KYIS BRGYAN PA DE DPER BYA BAR MI NUS KYANG, CUNG ZAD CIG DPER BYA NA, JI LTAR NYI MA BDUN SHAR BA'I 'OD ZER 'BYUNG BA LTAR, SKYED MOS TSAL DE'I 'OD KYANG DE LTA BU YIN TE, 'OD SNA TSOGS DE DAG 'BYUNG BA NI, 'DI LTA STE, KHA DOG SNGON PO DANG, SER PO DANG, BTZOD KA DANG, DKAR PO STE, 'OD KHA CIG NI 'DRES PA YIN NO, ,DES TSAL DE DAG DANG, SKYED MOS TSAL DE KUN NAS RAB TU 'BAR BA LTA BUR RNAM PAR MDZES TE, 'OD KYI KHA DOG SNA TSOGS RNAMS KYIS 'KHOR GSAL BAR BYAS SHING BRGYAN PA DE'ANG LHA'I RGYAL PO BRGYA BYIN GYIS MTHONG NAS LHA RNAMS LA SMRAS PA, 'DI LTAR KUN DGA' RA BA'I SKYED MOS TSAL DANG, NYE BA'I TSAL BRGYAN PA LA LHA KHYED KUN LTOS SHIG ,'DI DAG KUN MTHONG LAGS SO ZHES SMRAS SO, ,'DIR SNGON BRGYA BYIN GYI STAN GYI PHYED LA 'KHOR LOS BSGYUR BA'I RGYAL PO GLING BZHI LA DBANG BAR 'DUG STE,
LHA MO'I TSOGS KYIS YONGS SU BSKOR NAS RTZES SO, ,LHA'I 'JIG RTEN GNYIS LA DBANG BA LO 'BUM PHRAG BYE BA DU MAR SPYAD KYANG TSIM PA MED DE, DUS DE ZAD NAS LAS KYI MTHA' SPYAD PA LEGS PAR BYAS PA TSAL DER GNAS PA DE'I BZANG BA GANG YIN PA DANG, BRJID PA GANG YIN PA DE SRID DU RAB TU MTHU CHE BAR GYUR TO, ,DE LTAR LHA KUN NYON CIG ,SNGON GYI DUS NA RGYAL PO NGA LAS NU ZHES BYA BA ZHIG BYUNG STE, DE MI'I GNAS BZHI RNAMS LA 'CHAD PA MED CING MTSON GYIS BDA' BA MED PAR BKA' STZOL BAR BYED DO, ,DE SNGON LAS LEGS PAR BYAS PA RNAMS KYIS 'DOD PA DAG LA TSIM PA MED CING, DE LHA'I YUL 'DIR 'ONG BAR BYED DO, ,DE 'ONG BA NA RANG GI LUS LAS 'OD 'BYUNG BAS, RI'I RGYAL PO RI RAB 'DI BCU 'GYUR DU 'OD DANG LDAN PAR GYUR TO, ,LHA THAMS CAD KYANG ZIL GYIS MNAN NAS 'OD KYI NANG DU 'DUS TE, DE'I TSE RGYAL PO DE RGYAL CHEN BZHI PA'I LHA RNAMS KYIS MNGON PAR MTHONG NAS, MTSOD YON DANG, RKANG PA BKRU BA DAG THOGS NAS DONG STE, RGYAL PO CHEN PO TSUR GSHEGS, BDAG CAG NI KHYOD KYI SLAD DU MCHIS PA LAGS TE, BDAG CAG GI MCHOD YON KHYOD LA 'OS PA LAGS SO; ;DES LHA RNAMS KYI NANG DU MCHOD YON BLANGS NAS, DE NAS YANG SUM CU RTZA GSUM PA'I LHA RNAMS KYI NANG DU 'GRO BAR BYED DO, ,'OD DES SUM CU RTZA GSUM GYI 'OD KUN MED PAR
, ,BYAS TE, DE LTAR DE GCIG BU MI RNAMS KYI NANG NA NYI MA LTAR RNAM PAR MDZES PA DE BZHIN DU DE LHA'I RIS 'DIR YANG RNAM PAR MDZES PA YIN NO, ,DE LTAR LHA DE DAG GI 'OD MED PAR BYAS PA 'JIG RTEN SKYONG BA BZHI RNAMS KYIS MNGON PAR MTHONG NAS, LHA BRTABS PA DE RNAMS LA SMRAS PA, 'DI LTAR RGYAL PO NGA LAS NU DE SUM CU RTZA GSUM DU 'ONG STE, 'OD 'DI NI 'KHOR LOS BSGYUR BA DE'I SHING RTA DANG, 'KHOR LO DANG, LUS KYI GZI BRJID YIN GYI, 'OD 'DI NI LHA MA YIN RNAMS KYI MA YIN LA, SA LA RGYU BA GANG GI'ANG MA YIN TE, BRTABS PAS CHOG CHOG ,RGYAL PO DE NI CHOS DANG LDAN ZHING CHOS KYI RJES SU 'JUG PA YIN NO, ,DE DAG LA DE SKAD SMRAS PA DANG, RGYAL PO DE SUM CU RTZA GSUM DU 'ONGS SO; ;DE'I TSE BRGYA BYIN KUN DGA' RA BA'I SKYED MOS TSAL NA RTZE BAR BYED, DGA' MGUR SPYOD PAR BYED DO, ,DE NAS BRGYA BYIN GYIS RGYAL PO DE MTHONG NAS KHYOD 'DIR BYON PA STAN GYI PHYED 'DI LAGS SO ZHES STAN GYI PHYED BSTABS SO, ,DE NAS LHA'I DBANG PO BRGYA BYIN DE DANG LHAN CIG STAN PHYED PHYED LA 'KHOD DE, 'DOD PA'I YON TAN LNGA 'BYOR CING LDAN PAR GYUR PA RNAMS KYIS YUN RING DU 'KHOD DO, ,DE LEGS PAR BYAS PA'I LAS ZAD NA, DE NAS YANG SLAR LTUNG NGO, ,DES SUM CU RTZA GSUM GYI GNAS 'DI DAG KUN DPYAD NAS, 'DI
LTAR KUN DGA' RA BA'I SKYED MOS TSAL 'DIR DGA' BA'I RNAM PA 'DI LTA BU GZHAN MA MYONG NGO, ,DE LTAR SKYED MOS TSAL RIN PO CHE DU MAS RNAM PAR BRGYAN PA 'DI NYAMS DGA' BA YIN TE, DE LTAR SA 'DI'I GZHAL MED KHANG MDZES PA GANG YIN PA DE NYI MA BZHIN RNAM PAR MDZES PA YIN NO, ,DE NAS LHA'I DBANG POS DE SKAD SMRAS NAS, LHA BRGYA PHRAG STONG GIS KUN NAS YONGS SU BSKOR TE, KUN DGA' RA BA'I SKYED MOS TSAL GA LA BA DER 'DONG BAR BYED DO, ,SKYED MOS TSAL DU DONG STE, LHA DANG, LHA MO'I TSOGS KYI RNAM PAS YONGS SU BSKOR NAS; RTZE BAR BYED, DGA' MGUR SPYOD PAR BYED DO, ,DE LTAR DE SHING LJON PA SNA TSOGS DANG, 'OD RNAM PA SNA TSOGS KYIS BRGYAN PAR YUN RING DU BDE BA RNAM PAR DU MA MYONG NAS RIN PO CHE SNA BDUN LAS BYAS PA'I SHING RTA NYI MA LTAR GSAL BAS NAM MKHA' DE NYID LA SIL SNYAN DANG, ROL MO SNA TSOGS RJES SU 'BRANG BZHIN DU LHA'I 'DUN SA CHOS BZANG GA LA BA DER DONG STE PHYIN PA DANG, DE NYID DU LHA GZHAN DAG JI SRID DU 'DOD PA SDUG PA YID DU 'ONG BA BYAS SHING BSAGS PA DE ZAD PAR MA GYUR PA DE SRID DU 'DOD PA'I YON TAN LNGA DANG LDAN PA RNAMS KYIS RTZE BAR BYED, DGA' MGUR SPYOD PAR BYED DO, DE ZAD NAS DE NAS YANG SEMS CAN DMYAL BA DANG, DUD 'GRO DANG, YI DVAGS RNAMS KYI NANG DU SKYE BAR 'GYUR
, ,RO; ;GAL TE MI RNAMS DANG SKAL BA MNYAM PAR MI'I NANG DU SKYES NA, LAS DE DANG RGYU MTHUN PAR DE RTZOD PA'I DUS SU MI SKYE ZHING RDZOGS LDAN GYI DUS SU SKYE BAR 'GYUR, YUL SHIN TU NYAMS DGA' ZHING TSAL DANG NYE BA'I TSAL DANG LDAN PA DANG, 'BRAS S'A LU DANG, NAS DANG, GRO DANG, BU RAM SHING RO DANG LDAN PA DANG, SKYE BO DANG SHIN TU LDAN PA DANG, CHOS DANG SHIN TU LDAN PAR SKYE BAR 'GYUR TE, RGYAL PO'AM, BLON PO CHEN PO KUN DGA' BA GZUGS BZANG PO DANG LDAN ZHING DBANG PO TSANG BA DANG, BU DANG, TSVA BO DANG LDAN PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES, SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS SUM CU RTZA GSUM PA'I LHA RNAMS KYI GNAS PHRENG BA'I GRIB MA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, LAS KYI MTHA' SPYAD PA LEGS PAR SPYAD PA SEMS DGE BA'I BSAM PA DANG LDAN PAR GYUR PA GANG GIS SROG GCOD PA DANG, MA BYIN PAR LEN PA SPANGS PA YIN NO, ,RNAM PA DU YOD CE NA, GANG BDAG NYID KYIS SROG MI GCOD PA YIN TE, 'DI LTAR CHU SRIN BYIS PA GSOD
DAM; KUM BHI RA'AM; NA KRA'AM, SHANG KA CHU 'GRAM DU BZUNG STE, BCINGS NAS GSON BZHIN DU SHA GTOGS NAS ZA BA'AM, TSONG BA SROG GCOD PA'I RNAM PA DE LTA BU DANG BRAL ZHING SROG GCOD PA GZHAN YANG TSUL KHRIMS LA RAB TU 'JOG PAR BYED, SROG GCOD PA NA RJES SU YI RANG BAR MI BYED CING PHYIR ZLOG PAR BYED LA, PHYIR BZLOG NAS DGE BA'I LAM LA RAB TU 'JOG PAR BYED PA YIN TE, RNAM PA DE DAG NI SROG GCOD PA SPANGS PA YIN NO, ,MA BYIN PAR LEN PA SPANGS PA JI LTA BU YIN ZHE NA, 'DI LA SKYES BU DGE BA DAD PA DANG LDAN PAR GYUR PA, DRANG ZHING DRANG PO'I RANG BZHIN CAN, SDOM PA BLANGS PA CHAGS PA'I BSAM PA MED PA, GANG GIS DGE 'DUN GYI NANG NGAM, MCHOD RTEN LA BDUG SPOS PHUL BA DE LA DE SDOM PA'I BSAM PAS SNOM PAR MI BYED, DRI ZHIM PO DES GOS LA GOS PAR MI BYED, MYONG BAR MI BYED, SNA'I YUL DANG PHRAD KYANG MI 'DOD PA YIN TE, RNAM PA DE DAG YIN NO, ,GZHAN YANG; MA BYIN PA LEN PA SHIN TU CHUNG BA'ANG MI LEN LA, GZHAN LEN PA'ANG DE LTAR PHYIR ZLOG PAR BYED, DGE BA'I LAM LA RAB TU 'JOG PAR BYED, DE LTAR PHYIR ZHING LAM BZANG PO LA GNAS PAR BYED PA YIN TE, DE NI BDAG LA PHAN PA GZHAN LA PHAN PA BYED PA'I SKYES BU YIN NO, ,SROG CHAGS RNAMS KYI PHAN PA LA RAB TU ZHUGS PA JI LTA BU YIN ZHE NA, JI LTAR
, ,RANG GI BU'I SROG GCOD PAR MI BYED PA DE BZHIN DU SROG CHAGS BRE'U DANG, GROG SBUR LA SOGS PA SROG CHAGS THAMS CAD GSOD PAR MI BYED CING, DE LTAR GZHAN DAG KYANG TSUL KHRIMS DE NYID SRUNG DU 'JUG LA DGE BA'I LAM LA RAB TU 'JOG PA YIN NO, ,SBYIN PA LA DGA' BA JI LTA BU YIN ZHE NA, 'DI LA DBUL PO TSEGS CHEN POS 'TSO BA BSAM GTAN DANG PO THOB PA LAM DU ZHUGS PA LA RANG GI SNOD DE NAS ZAS KYI SKAL BA SBYIN PAR BYED CING, GZHAN YANG SBYIN PA DE LTA BU BYED DU 'JUG LA BSOD NAMS DAG BYED DU 'JUG PA YIN TE, BDAG DANG, GZHAN LA PHAN PA BYED PA DE LUS DANG BRAL NAS BDE 'GRO MTHO RIS SUM CU RTZA GSUM PA'I LHA RNAMS KYI NANG PHRENG BA'I GRIB MA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG DE'I PHRENG BA'I GRIB MA'I LHA RNAMS KYI NANG LHA'I RIS DE NA SHING LJON PA PHRENG BA'I GRIB MA ZHES BYA BA KUN NAS 'OD KYI PHRENG BA 'BYUNG BA YOD DE, ME TOG DE DAG GI DRI SHIN TU ZHIM PA KUN TU DPAG TSAD TZAM DU 'BYUNG LA, SHING LJON PA GZHAN DAG GI ME TOG RDOL NAS DRI ZHIM PO RAB TU 'BYUNG NGO, ,DE LTAR YUN RING DU DGA' BA'I ME TOG RE RE GANG YIN PAS PHRENG BA LHA'I MGO LA 'CHING BAR BYED DO, ,PHRENG BA DE'ANG KHA DOG RNAM PA SNA TSOGS SU YOD DE, KHA DOG SNGON PO DANG, SER PO DANG, BRTZOD KA DANG, DKAR
PO RNAMS KUN NAS SHIN TU RNAM PAR PHYE BA YIN NO, ,JI LTAR MI'I 'JIG RTEN NA RI MO MKHAN SHIN TU MKHAS PA, LEGS PAR BSLABS PA BYANG ZHING MKHAS PA'I LAS KYIS GNAS DANG, GNAS DAG TU PHRENG BA SHIN TU SDUG PAR BRIS PA DE LTAR SHING LA RNAM PAR 'BYUNG BAR 'GYUR TE, SHING DE RNAMS LAS PHUN SUM TSOGS PA DE LTA BU SKYE BAR 'GYUR RO, ,DE NAS YANG RNAM PA GZHAN GYIS LHA DE RNAMS YUL GYI BDE BA LNGA MYONG BAR 'GYUR TE, SIL SNYAN YAN LAG LNGA DANG YANG DAG PAR LDAN PA RNAMS TSAL DANG NYE BA'I TSAL DU RTZE BAR BYED, DGA' MGUR SPYOD PAR BYED DO; ;'DOD PA THAMS CAD YANG DAG PAR 'BYOR BA DES, LHA RNAMS GANG DANG, GANG YID LA SEMS PA DE DANG, DE NYID YANG DAG PAR 'GRUB BO, ,DE LTAR NYAMS SU DGA' BA RNAM PA SNA TSOGS DU MA 'BYUNG BAR 'GYUR TE, LAS LEGS PAR BYAS PA DES LHA RNAMS KYI THAMS CAD YANG DAG PAR 'GRUB BO, ,DE NAS BDE BA GZHAN DANG YANG DAG PAR LDAN PAR 'GYUR TE, RDZING ME TOG SNA TSOGS DANG LDAN PA ZHES BYA BA YOD LA DE'I MTHU 'DI LTA BU 'BYUNG STE, 'DI LTA STE, ME TOG KHA PHYE BA ZHES BYA BA 'BYUNG NGO, ,DE NAM YANG ZHUM PAR MI 'GYUR LA, RIN PO CHE SNA BDUN GYI BUNG BA RNAMS KYIS NYE BAR BRGYAN TE BUNG BA DE DAG KYANG LHA'I GLU DBYANGS LEN PA YIN NO, ,DER LHA MO DE RNAMS SHIN TU DGA' BA SKYED DE, KYE; AE MA BUNG BA SNA TSOGS DAG SHIN TU NYAMS
, ,DGA' BAR BYED PA YIN LA, BDAG CAG GI SNYING LA'ANG RAB TU SIM PA 'BYUNG NGO ZHES PHAN TSUN SMRA STE, DE LTAR BUNG BA SNA TSOGS KYI RDZING RNAMS SU GLU DBYANGS LEN NO, ,DE NAS YANG RDZING SHIN TU BKRA BA RNAMS SU BYA NGANG BA DANG, NGANG MO BABS PA RNAMS KYIS PADMA'I RDUL SLONG STE, GSER DANG, DNGUL GYI MDOG LTA BU'I RDUL GANG GIS CHU DE DAG THAMS CAD MNYAM PAR KHEBS SO, ,CHU KHEBS PA DE NGUR PA RNAMS KYIS MNGON PAR MTHONG NAS SKAD SNYAN PA 'BYIN CING RGYUG GO ,DE LTAR BYA RNAMS KYIS 'DRA BAR GANG BA'I RDZING DE DAG YANG DAG PAR SHES NAS, LHA DANG, LHA MO'I TSOGS KYIS GANG BA RNAMS YID SHIN TU RAB TU DGA' BAS BYA'I TSOGS DE DAG GA LA BA DER SHIN TU GLU LEN, BRO RDUNG ZHING 'DONG BAR BYED DO, ,LHA GZHAN GANG YIN PA DE DAG KYANG ROL MO'I SGRA RNAM PA SNA TSOGS KYIS RTZE BA RNAMS YONGS SU BTANG NAS BYA'I TSOGS 'DUS PA GA LA BA DER RTZE BA'I DON DU 'DONG BAR BYED DO, ,DE NAS DER YANG DGA' BAR BYAS NAS SKYED MOS TSAL KHANG BZANG DKRIGS PA ZHES BYA BA GA LA BA DER 'DONG BAR BYED DO, ,KHANG BZANG DKRIGS PA DE NA RIN PO CHE SNA BDUN GYI KA BA RNAMS KYIS YONGS SU BSKOR BA YIN TE, 'DI LTA STE, BEE d'URYA DANG, GSER DANG, DNGUL DANG, SHEL DANG, SBUG RNAMS KYIS BRGYAN CING MDZES PAR BYAS SO, ,
LHA MO RNAM PA SNA TSOGS KYIS KYANG BRGYAN CING SA PHYOGS DE MDZES PAR BYAS PA YIN TE, DER YANG LHA RNAMS DGA' BAR BYED, RTZE BAR BYED, DGA' MGUR SPYOD PAR BYED DO, ,DER YANG YID SHIN TU BDE BA LHA'I RGYAN GYIS RNAM PAR BRGYAN PA, LHA'I TZANDAN GYIS LUS BSKUS PA, PHAN TSUN GNOD PA KUN MED PA DANG LDAN PA, PHAN TSUN DGA' BA, PHAN TSUN SNYING LA MI BDE BA MED PA DANG LDAN PA, PHAN TSUN PHRAG DOG DANG, 'THAB MO RNAMS KYIS SKYO BA MED PA, RANG GI LAS KYI 'BRAS BU LA SPYOD PA, MTHO RIS KYIS TSOGS RNAMS SU LAS SNA TSOGS DANG LDAN PA; RANG GI LAS KYI 'BRAS BU MNGON SUM PA'I LHA RNAMS RTZE BAR BYED, NYE BAR SPYOD PAR BYED DO, ,DE NAS YANG DPAG BSAM GYI SHING GI TSAL GA LA BA DER 'DONG BAR BYED DO, ,DER MTHU 'DI 'BYUNG STE, YID LA GANG DANG, GANG SEMS PA DE DANG, DE DAG SHING DE RNAMS NYID LAS 'THOB BO, ,TSAL DE NA SHIN TU DRI ZHIM ZHING RO PHUN SUM TSOGS PA'I BZA' BA DANG, BTUNG BA CHU BO LTAR 'BAB STE, LAS LEGS PAR BYAS PA MNGON SUM DU GYUR PA'I LHA RNAMS YID RAB TU DGA' BAS RTZE ZHING CHU BO DE RNAMS KYI CHANG ZHIM PO LA 'THUNG LA BDUD RTZI LA'ANG ZA BAR BYED DO,, BZA' BA DANG, BTUNG BA'I RO DES TSIM PA MED PA DE RNAMS BDE BA 'BAR BA LTA BU DE BRGYA 'GYUR DU MDZES PA YIN NO, ,DE NAS DER YANG RTZE BAR BYED DE, RTZE BA SNA TSOGS BYAS NAS PADMA
, ,DKAR PO'I LO MA'I TSAL ZHES BYA BA GA LA BA DER 'DONG BAR BYED DO, ,TSAL DE NA PADMA DKAR PO GANG YIN PA DE DAG GI LO MA DANG, MDOG DANG, DRI DANG, RO SHIN TU PHUN SUM TSOGS PA YIN LA DE DAG LAS CHANG ZHIM PO 'BYUNG STE, JI LTAR STON SA NAS CHANG GI RGYUN 'BYUNG BA DE BZHIN DU YONGS SU 'BYUNG NGO, ,PADMA DKAR PO'I MDOG GANG YIN PA LAS CHANG GI MDOG DANG, RO DANG, DRI DE DANG MTHUN PAR DE NYID LAS 'BYUNG NGO, ,PADMA GSER GYI MDOG GANG YIN PA LAS CHANG GI MDOG DE DANG MTHUN PAR 'THUNG NGO, , BEE d'URYA'I MDOG GANG YIN PA LAS DE DAG KYANG MDOG DE NYID DANG MTHUN PAR 'BYUNG NGO, ,SHEL GYI MDOG GANG YIN PA LAS DE DAG KYANG DE NYID DANG MTHUN PAR 'BYUNG NGO, ,SNGO BSANGS DANG, SPUG LTA BU GANG YIN PA LAS CHANG GI MDOG DE DAG KYANG DE DANG MTHUN PAR 'BYUNG NGO, ,KHA DOG SNA TSOGS GSER GYI 'DAB MA, BEE d'URYA'I SDONG BU, RDO RJE'I MYU GU DANG, ZE BA GANG YIN PA LAS CHANG SNA TSOGS DE DAG KYANG DE LTA BU NYID DU 'BYUNG STE, KUN NAS DRI SHIN TU ZHIM PA DANG LDAN PA'I CHANG DE DAG LAS KYANG 'THUNGS NAS RTZE ZHING SKYED MOS TSAL GZHAN KUN SNANG ZHES BYA BA GA LA BA DER RTZA BA LA GNAS PAR BYA BA'I PHYIR 'DONG BAR BYED DO, ,DE NAS SKYED MOS TSAL KUN SNANG DER YANG PHYIN NAS, DE NA GNAS PA'I LHA
KUN SUM CU RTZA GSUM PA'I LHA RNAMS RTZE ZHING GNAS PA'I SA DE DAG NYID LA LTA BAR BYED DE, DE NA LHA RNAMS LHA'I BDE BA LA NYE BAR SPYOD PA MTHONG NGO, ,DE NAS DE DAG THAMS CAD KYANG MTHONG NAS DE NA DGA' BA 'DI DAG YOD DE, 'DI LTA STE, KUN NAS RDZING KUN TU BSKOR BA ZHES BYA BA YOD DO, ,DES SKYED MOS TSAL DE KUN NAS YONGS SU BSKOR BA YIN LA, ZHENG DU RGYANG GRAGS GSUM YOD PA, CHU SHIN TU DANG BAS YONGS SU GANG BA BEE d'URYA BCAG 'PHRO'I MDOG LTA BU'I CHUS SHIN TU GANG BA YIN NO, ,RDZING KUN NAS BSKOR BAR BYA NGANG PA DANG, NGUR BAS MDZES PAR BYAS PA YIN TE, BYA THAMS CAD KYANG KUN NAS MDOG BZANG PO RGYAB NI GSER BTZO MA, RKANG PA NI BYU RU, MIG NI KE KE RU, MGO GI WANG GIS THIG LER BRIS PA, SGRA SNYAN PA SNYAN PAR 'BYIN TE, SGRA'I GDANGS SNA TSOGS SU 'BYIN CING RTZE BAR BYED DO, ,DER DONG NAS SKYED MOS TSAL GYI NANG DU ZHUGS PA'I LHA DE RNAMS GSER GYI 'OD DES JI LTAR SENG LDENG GI 'DAB MA BSDUS PA'I NANG NA GSER DANG, RA GAN BSREGS PA LTA BUR DE LTAR MDZES PA YIN LA, LHA DE RNAMS PHAN TSUN RANG RANG GI DNGOS PO DE DAG LA LTA BAR BYED DE, 'DI LTAR LHA'I GZHAL MED KHANG GI MTHU 'DI LA KHYED RNAMS LTOS, 'DIR BDAG CAG GI GZHAL MED KHANG GI MTHUS KHA DOG SER PO NYIS 'GYUR DU 'BYUNG NGO ZHES SMRAS SO, ,DE RNAMS GZHAL MED KHAN
, ,SNA TSOGS DE DAG NA SHIN TU DGA' STE, DER YANG 'DOD PA'I YON TAN LNGA 'BYOR CING LDAN PAR GYUR PA RNAMS KYIS DGA' BAR BYED, RTZE BAR BYED DO, ,LHA'I YUL LA SEMS CHAGS PA DAG SRED PAS CHOG MI SHES TE, JI LTAR SPYIN SREG BYED PA'I ME CHOG MI SHES PA DE BZHIN DU LHA RNAMS KYIS SGRA DANG, RO DANG, GZUGS DANG, DRI SDUG PA YUL GYI CHU BO RNAMS NYID KYIS CHOG MI SHES TE, JI SRID DU LAS BYAS SHING BSAGS PA BCOM ZHING SPANGS PAR MA GYUR PA DE SRID DU, DES DE DAG NA RTZE BAR BYED, ,DGA' MGUR SPYOD PAR BYED DO, ,DE ZAD NAS DE NAS YANG LHA'I RIS DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BU BZHIN, SEMS CAN DMYAL BA DANG, YI DVAGS DANG; DUD 'GRO RNAMS KYI NANG DU SKYE BAR 'GYUR RO, ,GAL TE LAN GRANGS GZHAN LA MYONG BAR 'GYUR BA'I LAS KYIS MI RNAMS KYI NANG DU SKYES NA, LAS DE DANG RGYU MTHUN PAR DE RTAG TU SHIN TU BDE BAR 'GYUR, LUS ME TOG GI PHRENG BA DANG, PHYE MA DANG, BYUG PAS BYUGS PA DANG, RTAG TU YID RAB TU DGA' LA MCHOG TU 'BYOR BA DANG LDAN PA'I RGYAL PO'AM, BLON PO CHEN POR 'GYUR TE, SKYE BO KUN DGA' BA DANG, NAD MED PA DANG, GNOD PA MED PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PAR SHES
BA DE, SUM CU RTZA GSUM GYI LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA RNAMS KYI GNAS DMA' BA DANG, MTHO BA NA RGYU BA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA GANG GIS SROG GCOD PA DANG, MA BYIN PAR LEN PA DAG SPANGS PA YIN TE, 'DI LTA STE, 'TSO BA'I DON DU SPRUL GSOD PA POS SPRUL RNAMS KYI MGO BO GSHAGS NAS NOR BU 'BYIN PAR BYED DE, 'DI LTAR NOR BU 'DI DAG GIS BDAG CAG GI 'TSO BA BYA'O SNYAM NAS, SPRUL DE DAG GSOD PAR BYED DO, ,RNAM PA DE LTA BU'I SROG GCOD PA MI BYED CING, GZHAN GROG SBUR LA SOGS PA LA'ANG YID KYIS GNOD PA MI BYED LA, SEMS CAN GZHAN SEMS CAN DU 'DU SHES NAS SROG GCOD PAR MI BYED PA YIN TE, RNAM PA DE DAG NI SROG GCOD PA SPANGS PA YIN NO, ,MA BYIN PAR LEN PA SPANGS PA JI LTA BU YIN ZHE NA, 'DI LA RTZVA DANG; BONG BA TZAM YANG RKU SEMS KYIS RKU BAR MI BYED CING MA BYIN PAR LEN PA SHIN TU PHRA MO'ANG MI LEN PA YIN NO, ,'DI LTA STE, GLEGS BAM MAM, DE DANG MTHUN PA GZHAN DAG RKU SEMS KYIS LEN PAR BYED LA, DE BLANGS NAS GZHUNG SLOB PAR BYED PA YIN TE, RNAM PA DE LTA BU'ANG SPANGS PA YIN NO, ,SBYIN PA SBYIN PA JI LTA BU YIN ZHE NA, 'DI LA TSEGS CHEN POS
, ,'TSO BAR GYUR KYANG, GANG BDOG PA DE LA SER SNA MI BYED LA, BSAM GTAN DANG PO THOB PA DAG LA CHOS GOS DANG, BSOD SNYOMS DANG, MAL CHA DANG, NA BA'I GSO SMAN GYI YO BYAD DAG 'BUL BAR BYED CING, DE BZHIN DU BSOD SNYOMS 'BUL BAR BYED, DGE 'DUN GNAS PA'I SA PHYOGS KYI BDE BA, DGE 'DUN BDE BAR GNAS PAR BYA BA'I PHYIR MNYAM PAR BYED PA YIN TE, DE LTAR BDAG NYID KYANG SBYIN PA LA DGA' LA, GZHAN YANG, DGE BA'I LAM DE NYID LA RAB TU 'JOG PAR BYED, SDIG PA LAS KYANG ZLOG PAR BYED PA'I SKYES BU DGE BA BDAG NYID DANG, GZHAN NYID LA PHAN PAR RAB TU ZHUGS PA NI, LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM PA'I LHA RNAMS KYI NANG DMA' BA DANG, MTHO BA'I GNAS SU SKYE BAR 'GYUR RO, ,SHIN TU BDE BAR GNAS PA DER SKYES PA'I GNAS DE DAG TU STAN KHRA BO'I NANG RAS BAL GYIS GANG BA LTA BU MA NYEN ZHING GZHI SHIN TU 'JAM PA LA RKANG PA BZHAG NA NEMS ZHES BYED, DE NAS RKANG PA BTEG NA PAR CES BYED LA MNYAM PA YIN TE, DPER NA, RLUNG GI SHUGS KYIS CHU RAB TU BSKYOD NA RLABS MI MTHUN PAR 'BYUNG LA, DE NAS RLUNG GI SHUGS MED NA MNYAM PAR 'GYUR BA DE BZHIN DU SA GZHI DE'ANG KUN NAS DMA' BA DANG, MTHO BA YIN NO, ,DE NAS YANG GNAS DE KUN NAS
SHIN TU DRI MA MED PA YIN TE, DPER NA, ME LONG SHIN TU DRI MA MED PA'I NANG DU GZUGS BRNYAN BSGYUR BA 'BYUNG BA DE BZHIN DU GNAS DE DAG TU LHA DE'I GZUGS BRNYAN SNANG NGO, ,DE NAS YANG GNAS DE NYID DU LHA'I NGO MTSAR DU BYA BA 'BYUNG STE, GANG LHA GZHAN DE DAG BSAM PA SEMS PA'AM, LHA GZHAN DU 'GRO BAR SEMS NA, DE JI LTAR YI GER BRIS PA'AM, YI GE KUN TU MNGON PAR BRIS PA MTHONG BA DE LTAR LHA DE SO SOR SHES SHING SO SOR MNGON PAR SHES TE, DE NAS YANG LHA MO DE DAG DANG SHIN TU RTZE BAR BYED DO, ,DE NAS GZHAN YANG GNAS DE DAG TU NGO MTSAR DU BYA BA GZHAN GANG BSTAN PA'I GNAS NI 'DI LTA BU YIN TE, LHA DE DAG GANG 'DOD PA'I BDE BA DE DAG THAMS CAD 'BYOR BAR 'GYUR LA, DE LTAR LHA DE RNAMS SUM CU RTZA GSUM PA'I LHA'I RIS MTHO BA DANG, DMA' BA'I GNAS DAG NA BDE BA MYONG BA YIN NO, ,DE NAS YANG LHA GNAS PA SKYED MOS TSAL NA RTZE ZHING GNAS PA DE DAG SKYED MOS TSAL DU DGA' SPYOD BYED DU 'DONG STE, 'DI LTA STE, CHANG ZHIM PO'I TSAL ZHES BYA BA TSAL CHEN PO KUN NAS DRIL BU G-YER KHA'I DRA BA SGRA 'BYIN PA'I DKRIGS PA, SHING LJON PA RNAM PA DU MA RNAMS KYIS BRGYAN PA, BYA SNA TSOGS DANG; ME TOG DANG, 'BRAS BUS SHIN TU RNAM PAR PHYE BA'I TSAL DE NA, LHA DE RNAMS SIL SNYAN YAN LAG LNGA DANG LDAN PAS KUN NAS BSKOR NAS RTZE BAR BYED DE, SHIN TU YID DU 'ONG BA DBANG PO
, ,LNGA'I YUL GYI 'BRAS BU BDE BA DAG MYONG BAR BYED DO, ,DE NAS YANG GNAS DE DAG NA GZHAL MED KHANG GI TSAL DAG YOD DE, 'DI LTA STE, TSAL SAR PA'O; ;TSAL DE NA GANG GI TSE LHA DAG SKYED MOS TSAL DU DGA' SPYOD BYED DU 'DONG BA DE'I TSE SHING LJON PA DE RNAMS KYI GZUGS GSAR DU SKYE STE, 'DI LTAR LHA MO DE DAG GIS 'BRAS BU BDE BAR BTOG TU SLEBS PAR 'GYUR RO, ,TSAL DE'ANG KUN NAS RIN PO CHE SNA BDUN LAS SKYES PA, SHING LJON PA NYI MA SHAR BA'I 'OD LTA BU RNAMS KYIS BRGYAN PA, ME TOG DANG, 'BRAS BU KHA DOG DU MA RNAMS KYIS BRGYAN PA, BYA SNA TSOGS SGRA 'BYIN CING DGA' BAR BYED PA'I BYA RNAMS KYIS BRGYAN PA, LO MA'I NANG DU GNAS PA'I BYA SGRA 'BYIN PA RNAMS KYIS TSAL DE KUN NAS SGRA 'BYIN PA LTA BU YIN TE, DE LTAR SHIN TU DGA' BA'I TSAL DE NA LHA DE RNAMS YUL DRUG LA CHAGS PA'I SRED PAS DGA' BAR BYED, RGOD PAR BYED, RTZE BAR BYED, DGA' MGUR SPYOD PAR BYED DO, ,DE DAG 'DI LTAR SHIN TU NYAMS DGA' BA MIG DANG, RNA BA DANG, SNA'I RO DGA' BA'I TSAL DE NAS MTHO BRTZEGS ZHES BYA BA RI RAB KYI RTZE MO DER 'DONG BAR BYED DO, ,LHA MO BLTA NA SDUG CING RGYAN DANG, CHA BYAD SDUG PA DE RNAMS NYE BA NA GLU 'BYANGS LEN BZHIN DU MTHO BRTZEGS ZHES BYA BA RI RAB KYI RTZE MO KUN NAS RGYAR DPAG TSAD BCU
YOD PA DER DONG NGO, ,DE'I STENG NA RNAM PAR MDZES PA ZHES BYA BA'I RDZING RIN PO CHE SNA BDUN GYI ME TOG AUTPA LA SNGON PO DANG, KO KA NA DANG, KU MU DA RNAMS KYIS KHEBS PA CHU RNYOG PA MED CING, BYA NGANG PA DANG, DUR BA'I SGRA RNAR SNYAN PA 'BYIN PA, KUN NAS KHANG BZANG GIS YONGS SU BSKOR CING, RIN PO CHE SNA BDUN GYI KA BA RNAMS KYIS BRGYAN PA, KUN NAS TSAL DANG; NYE BA'I TSAL GYIS PHYOGS BSKOR BA, GZUGS BLTA NA SDUG PA RNAMS KYIS RDZING BSKOR BAR LHA DE RNAMS LHA MO'I TSOGS KYI YONGS SU BSKOR NAS BRO GAR BYED, RGOD PAR BYED, RTZE BAR BYED DO, ,MYOS PA'I SKYON DANG BRAL BA'I LHA'I CHANG DAG LA 'THUNG BAR BYED CING, 'DOD PA'I RO DRUG TU GYUR BA'I 'BRAS BU ZHIM PO GZHAN DAG LA ZA LA, 'BRAS BU DE DAG GI NANG NA YOD PA'I CHANG LA LHA MO RGYAN DANG, CHA BYAD SNA TSOGS THOGS PA DE DAG DANG LHAN CIG MTHUNG BAR BYED DO, ,PHYOGS GZHAN NA LHA MO RNAMS GLU DBYANGS LEN, RGOD PA BYED CING PI WANG DANG, GLING BU DANG, 'KHAR RNGA LA MKHAS PA PHAN TSUN DGA' BAR GNAS PA'I LHA MO DANG, LHA'I TSOGS DAG RDZING DE BSKOR NAS LHA DANG, LHA MO'I TSOGS YID DU 'ONG BA RNAM PA SNA TSOGS NYE BAR GNAS PA RNAMS KYIS YUN RING DU RTZE BAR BYED, DGA' MGUR SPYOD PAR BYED DO, ,DE NAS GAL TE YUN RING DU 'DAS NA, LHA DE RNAMS RDZING GI PHYOGS DE NAS THAMS CAD
, ,YID DU 'ONG BA'I SKYED MOS TSAL GA LA BA DER 'DONG BAR BYED DE, LUS ME TOG GI PHRENG BA DANG, PHYE MA DANG, BYUG PAS BYUGS PA, RANG GI 'OD LA RANG GI LEGS PAR BYAS PA, DMAN PA DANG, 'BRING DANG, KHYAD PAR DU 'PHAGS PA LAS BYAS PA'I MTHU DE DAG DANG LHAN CIG TU RTZE BAR BYED DO, ,LAS DE DANG RGYU MTHUN PAR YID BDE BA 'BYUNG BAR 'GYUR TE; GANG GIS LEGS PAR BYAS PA RNAM PA JI TZAM DU BYAS PA DE'I RNAM PA DE TZAM NYID DU MIG GI RNAM PAR SHES PA'I DMIGS PA YID BDE BA 'BYUNG NGO, ,'DI LTAR GANG GIS LAS DMAN PA BYAS NA DE DANG MTHUN PAR GZUGS DMIGS PA GCIG LA GZUGS DE NYID MTHONG BAR 'GYUR, GANG GIS LAS 'BRING DU BYAS NA DE GZUGS 'BRING PO BLTA NA SDUG PA GZUGS DE NYID MTHONG BAR 'GYUR TE, DE'I YID BDE BA 'BRING DU 'BYUNG BAR 'GYUR, GANG GIS LAS KHYAD PAR DU 'PHAGS PA BYAS NA, LHA DE GZUGS DANG, BONG TSONG DANG, MDOG DANG; DBYIBS DANG, GZUGS SHIN TU BLTA NA SDUG PA MTHONG BAR 'GYUR TE, LHA'I RIS 'DOD PA NA SPYOD PA THAMS CAD DANG, SA THAMS CAD DU BSNYAD PA GANG YIN PA GZUGS DANG; DRI DANG, REG PA DMIGS PA THAMS CAD NI DE LTA BU YIN LA, DE DAG GI NANG NA LHA DAG NYID NI SPYI GCIG STE, GZHAN DU NA LAS KYI 'BRAS BU RNAM PAR SMIN PA RNAM PA
GSUM DU MI 'GYUR RO, ,DE LTA BAS NA YID BDE BA RNAM PA GSUM YANG GZHAN DANG, GZHAN DU RIG PAR BYA STE, DE BZHIN DU LAS SO SOS LHA MO GZUGS BZANG ZHING RGYAN DANG, CHA BYAD THOGS PA SO SOR RIG PAR BYA'O, ,DE NAS LHA YID BDE BA SKYED MOS TSAL DU DONG BA SGRA DANG, REG PA DANG, RO DANG, GZUGS DANG, DRI LA TSIM PA MED PA DE DAG THAMS CAD DGE SLONG DES MTHONG NAS, 'DI LTAR TSIGS SU BCAD DE SMRAS PA, BSKAL MTHA'I NYI MAS RAB BSREGS NA, ,RGYA MTSO'I RNAMS KYANG SKAM 'GYUR GYI, ,BSKAL PA BYE BA BRGYA RNAMS SU'ANG, ,MTHONG BA'I GZUGS KYIS TSIM MI 'GYUR, ,CHAR 'BABS LA SOGS CHU RNAMS KYIS, ,RGYA MTSO GANG BAR 'GYUR SRID KYI, ,LTA BA RGYA MTSO'I GZUGS RNAMS KYIS, ,TSIM PA YOD PAR MI 'GYUR RO, ,'DOD PA DAG LAS TSIM MED PA, ,LUS CAN MYA NGAN LDAN PA YI, ,SRED PA SNA TSOGS GANG YIN PA, ,SRED DE CI GA BA DER BRTAG GAM, 'DOD PA SKYED PA'I BDE BA GANG, ,MKHAS LA BDE BA DE MI 'DOD, ,'DOD LAS RNAM PAR GROL BA GANG, ,DE NI BDE LAS BDE MCHOG 'GYUR, ,BDE DANG DRA BAR 'DRES PA GANG, ,ZAS NI DUG DANG 'DRES PA BZHIN, ,SRED DANG RNAM PAR BRAL BA GANG, ,ZAS DANG 'O MAR 'DRES PA BZHIN, ,GTI MUG MUN PA MI SHES PA, ,BYIS PA RNAMS NI 'DOD PAS BSREGS, ,MA LA YA YI NAGS TSAL GANG, ,SRIN BU NGAN PAS CHUD GZHAN BZHIN, ,SRED DANG BCAS LA
, ,RTOG PA GANG, ,DE RNAMS KYI NI GRANGS MED LA, ,RNAM PAR RTOG PAS TSIM MED PA, ,'CHI BDAG RGYAL POS MNGON PAR 'JOMS, ,RNAM RTOG 'DOD PA'I DBANG SONG RNAMS, ,SRED PA DAG GI YUL NA GNAS, ,BDE BA'I SKAL PA MA MTHONG STE, ,DE LTAR DE BZHIN GSHEGS PAS MKHYEN, ,'DOD PA RAB TU SLU BYED PA, ,RMONGS PA'I CHOS TE RMI LAM DANG, ,DRI ZA'I GRONG KHYER LTA BU DANG, ,GSOG DANG GSOB STE SNYING PO MED, ,SGYU MA 'DRA ZHING DBU BA 'DRA, ,DE BZHIN 'BRAS BU KIM PA 'DRA, ,'DOD PA 'JIG RTEN PHAN MI BYED; ;ME LTA BUR NI YONGS SU BSGRAGS, ,'DOD PA'I NYES DMIGS SHES PA GANG, ,DE NI 'BRAS BU MYONG BAS RMONGS, ,BRTAN PO DE NYID MTHONG BA DE, ,THE TSOM BRAL ZHING NYON MONGS BRAL, ,BSAMS NA DE BZHIN 'THOB 'GYUR LA, ,MI RNAMS DE BZHIN RAB TU NYAMS, ,THAMS CAD DU NI SDIG BYED PA, ,'DOD PA 'JIG RTEN ZANG ZHING BZHIN, ,'DOD PAS YID NI TSIM MED PA, ,LHA RNAMS DE DANG DE 'CHI STE, ,'DOD PA'I DGRA YIS YONGS SU BSLUS, ,RMONGS PA SEMS CAN DMYAL BAR LTUNG, ,'DOD PA CHAGS PA DUG GI GNAS, , BUD MED NYA LTAR 'JUG PA DAG ,CHU BO'I RLABS NI G-YO BA DANG, ,GLOG GI PHRENG BA LTA BU YIN, ,RNAM PAR BSAMS NA RNAM PAR 'PHEL, ,'PHEL BA RNAMS NI ME DANG 'DRA, ,'DOD
ZHI THOG MA THA MA MED, ,DE BAS BLO LDAN RNAM PAR SPONGS, ,JI LTA JI LTAR STEN BYED PA, ,DE LTA DE LTAR 'PHEL 'GYUR TE, ,REG PA ME DANG 'DRA BAR MCHED, ,'DOD PA'I RNAM PAR SMIN PA TSA, ,RTAG TU NYES PA 'DI SHES DANG, ,BRTAN PO 'DOD LAS 'BRAL BAR BYED, ,'DOD PA YONGS SU SPANGS PA YI, ,BDE BA MTHAR THUG THOB PAR 'GYUR, ,STONG PHRAG DAG NI 'BUM SNYED KYI, ,GRANGS MED PA YI LHA RNAMS DAG ,ME YIS 'JIGS PA DMYAL BA RU, ,'DOD PA BSTEN PA LTUNG BAR 'GYUR, ,JI LTAR BDE BA 'DOD PA DAG ,ME DANG DUG DANG MTSON CHA SPONG, ,SEMS CAN DMYAL BA'I RGYUR 'GYUR BA, ,DE LTAR RTAG TU 'DOD PA SPONGS, ,MI GANG 'DOD PA'I DBANG SONG BA, ,'DOD PA DAG GIS MA BSLUS ZHE'AM, ,SDUG BSNGAL GYIS NI MI GNOD CES, ,NAM YANG MA MTHONG MA THOS SO, ,THAMS CAD GNAS SKABS THAMS CAD DU, ,'DOD PA ME LCE 'BAR BA 'DRA, ,DE DAG YID LA MA BYED CIG ,DE LTA BAS NA 'DOD PAS CHOG ,DE NAS DGE SLONG DES LHA 'DOD PA'I DBANG DU SONG BA DE DAG MNGON PAR MTHONG NAS, ,GZHAN YANG, LHA SHIN TU BAG MED PA RNAMS LA SNYING RJES YANG DANG, YANG DU STON TO, ,DE NAS YANG YID BDE BA DE THAMS CAD DANG LDAN PA'I LHA DE DAG THAMS CAD SKYED MOS TSAL DU 'DONG STE, LHA MO CHA BYAD DANG, SIL SNYAN SNA TSOGS THOGS PA DE RNAMS NYE BAR GLU DBYANGS LEN CING, SIL SNYAN DANG, ROL MO SNA TSOGS
, ,KYIS DBANG PO THAMS CAD G-YENGS PA SKYED MOS TSAL DE NYID DU 'DONG BAR BYED DO, ,SKYED MOS TSAL DE'ANG 'BAB CHU DANG, LTENG KA DANG, TSAL DANG, NYE BA'I TSAL DANG, GLING DANG, PADMA'I RDZING DU MA RNAMS KYIS BRGYAN PA MTHONG NA SHIN TU YID DU 'THAD PA, PHYOGS GANG DANG, GANG DU LHA'I MIG BLTA BA 'JUG PA DE DANG, DER 'DOD PA SDUG PA, YID DU 'ONG BA'I GZUGS RNAM PA SNA TSOGS MTHONG STE, DE LTAR MIG GIS GZUGS SDUG PA RNAMS MTHONG NGO, ,DE NAS YANG LHA RNAMS GANG DU SGRA MNYAN PAR 'DOD DE 'GRO BA DE DANG, DER LHA RNAMS KYIS SGRA 'DOD PA SNYAN PA YID DU 'ONG BA RNAMS THOS SO, ,DE BZHIN DU GANG DANG, GANG DU SNAS DRI SNOM PAR 'DOD PA DE DANG, DE NYID DU 'DOD PA ZHIM PA YID DU 'ONG BA CHAGS PAR 'GYUR BA SHIN TU YID DU 'ONG BA'I DRI DAG SNOM MO, ,DE BZHIN DU RO DANG, RO'I DBANG PO YANG GANG DANG, GANG DU LHA RNAMS GTONG BA DE DANG, DE NYID DU LHA DE RNAMS RO NYAMS DGA' BA, RO SHIN TU ZHIM PO'I RO'I STON MO SGRIB PA MED CING JI LTAR 'DOD PA RNAMS LA ZA BAR BYED DO, ,DE BZHIN DU LUS KYIS KYANG REG BYA GANG DAG 'DOD PA SDUG PA YID DU DU 'ONG BA DE DAG NYID LA REG PAR BYED DO, ,DE BZHIN DU YID KYIS KYANG CHOS GANG DAG 'DOD PA DE DAG KYANG 'DOD PA SDUG PA YID DU 'ONG BA DE DAG NYID YANG DAG PAR SHES SO, ,
LHA'I YUL LA CHAGS SHING BAG MED PA LA GNAS PA'I LHA DE RNAMS YID LA SGRIB PA MED LA, BDE BA DANG, CHA BYAD DANG, 'DOD PA NYE BAR SPYOD PA NA JI SRID DU 'DOD PA SDUG PA YID DU 'ONG BA'I LAS BYAS SHING BSAGS PA SO SO YANG DAG PAR MYONG BAR 'GYUR BA DE ZAD PAR MA GYUR PA DE SRID DU RTZE BAR BYED DO, ,DE ZAD NAS LHA'I 'JIG RTEN DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,LAS JI LTAR BYAS PA BZHIN GAL TE MI RNAMS DANG, SKAL BA MNYAM PAR MI'I NANG DU SKYES NA, LAS DE DANG RGYU MTHUN PAR DE RTAG TU SHIN TU BDE BA DANG LDAN ZHING ME TOG PHRENG DANG, PHYE MA DANG, BYUG PA LA DGA' BA, SEMS DRANG ZHING NOR MANG PO DANG LDAN PA DANG, YID RAB TU BDE BA DANG, SEMS CAN THAMS CAD KYI YANG DAG PAR MYONG BAR 'GYUR BA GZUGS BZANG PO DANG LDAN PA DANG, SKYE BO'I TSOGS THAMS CAD RAB TU DGA' BA DANG, SHIN TU SDUG PA'I CHUNG MA BU DANG, CHUNG MA DANG LDAN PA DANG, SPYOD PA NYAMS PA MED PA DANG LDAN PAR 'GYUR, NAM YANG DE DAG GI NOR DAG RGYAL PO DANG, CHU DANG; ME DAG GI 'JIGS PAS 'PHROG PA MED CING RGYAL PO'I BU'AM, RIGS CHEN POR SKYE BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE,
, ,SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA RNAMS KYI GNAS BKRA BA SNA TSOGS KYIS PHYE BA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, SKYES BU DGE BA DGE BA'I BSAM PA CAN DU GYUR PA GANG GIS SROG GCOD PA DANG, MA BYIN PAR LEN PA SPANGS SHING, GZHAN DAG KYANG DE LTAR BYED DU 'JUG LA DGE BA'I LAM LA RAB TU 'JOG PAR BYED PA YIN NO, ,SROG GCOD PA SPANGS PA RNAM PA DU YOD CE NA, 'DI LA GZHAN LA THAMS CAD NAS GNAS SKABS THAMS CAD DU GNOD PA MI BYED CING GNOD PA BYED DU MI 'JUG LA RJES SU YI RANG BAR MI BYED; SROG GCOD PA DANG LHAN CIG RTZE BAR MI BYED, 'DRE BAR MI BYED, TSIG TZAM YANG MI SMRA, KUN NAS NYON MONGS PA'I GTAM MI ZER, SDIG PA BYED PA DE DANG LHAN CIG LAM DU'ANG 'GROGS TE MI 'GRO BA YIN NO, ,SROG GCOD PA MI BYED PA JI LTA BU YIN ZHE NA, 'DI LA SLU BAR BYED PA GANG GLU'AM, ROL MO'I SGRA'AM, PI WANG NGAM, RNGA SGRA'AM, GLING BU'I SGRAS RI DRAGS SAM, BYA DAG GSOD PAR BYED PA'AM, RI'I GSAB GSEB NA 'KHOD PA'I RI DVAGS SAM, BYA DAG GSAD PAR BYED CING, GZHAN DAG KYANG DE NYID LA RAB TU 'JOG PAR BYED
PA'I PHYOGS DE DAG SPANGS SHING DE DAG THAR PAR BYED, SMOD PAR BYED, BYED DU MI 'JUG ,YID LA'ANG SEMS BAR MI BYED PA YIN TE, RNAM PA DE DAG NI SROG GCOD PA SPANGS PA YIN NO; ;MA BYIN PAR LEN PA SPANGS PA JI LTA BU YIN ZHE NA, 'DI LA 'JAL BLUGS LA G-YO BYED CING SLU BAR BYED PA TSONG PA'I BSAM PA CAN CHOS DANG MI LDAN ZHING CHOS KYI RJES SU MI 'JUG PA MA BYIN PAR LEN PAS 'JIG RTEN SLU BAR BYED PA YIN NO, ,SLU BAR BYED PA JI LTA BU YIN, RNAM PA NI DU YOD CE NA, 'DI LTA STE, SRANG MDA'I NANG DU BYE MA BLUGS NAS BYE MAS GZHAL BLUGS LA G-YO BYED PA YIN TE, RNAM PA DE DAG GIS SKYON DU MI LTA BAR SEMS CAN SLU BAR BYED PA YIN NO, ,DE DAG PHYIR ZLOG PAR BYED DE, 'DI LTAR BDAG GI PHYIR RAM, BU DANG, CHUNG MA'I PHYIR RAM, NOR RDZAS BSAGS PA'I PHYIR RAM, SDIG PA'I GROGS PO'I PHYIR RTAG TU MA BYIN PAR LEN PA MA BYED CIG ,YI DVAGS DANG, DUD 'GRO DAG GI 'GRO BAR MI LTUNG BAR GYIS SHIG ,RNAM PAR SMIN PA MI BZAD PA YIN TE, MA BYIN PAR LEN PA'I RNAM PAR SMIN PA MI BZAD PA YIN NO ZHES DE LTAR BDAG NYID MI BYED CING RKYEN DU GTOGS PA'ANG YONGS SU SPONG BAR BYED, GZHAN DAG KYANG PHYIR ZLOG PAR BYED, RJES SU YI RANG BAR MI BYED, DGE BA'I LAM LA'ANG RAB TU 'JOG PAR BYED PA YIN TE, DE LTAR SKYES BU DE NI BDAG
, ,LA PHAN PA DANG, GZHAN LA PHAN PA BYED PA YIN NO, ,YANG SBYIN PA LA DGA' BA JI LTA BU YIN ZHE NA, 'DI LA RGYU MED CING 'BRAS BU DANG MI LDAN PA RGYA MTSO BRGAL TE'AM, 'BROG DGON PA BRGAL TE'AM, GZHAN DAG LA BSTEN NAS NOR BSGRUBS PA GANG YIN PA DE DAG MGON MED CING NYON MONGS, SDUG BSNGAL BA LA SEMS BSGOMS PA, YID GUS PA BSKYED PAR GYUR PA, DBANG PO DANG BA SNGON DU 'GRO BAS SBYIN PAR BYED PA DANG, BSAM GTAN GNYIS PA THOB PA'AM, DE LAS GZHAN PA SDUG BSNGAL BA LA SBYIN PAR BYED PA YIN TE, DE DAG NI SBYIN PA LA MNGON PAR DGA' BA YIN NO, ,SROG CHAGS RNAMS KYI SROG SBYIN PA JI LTA BU YIN ZHE NA, 'DI LA NYA PA'AM, BYA BAS NYA DAG BZUNGS NAS DE'ANG 'TSONG BAR BYED PA NA SROG GI LHAG MA RIN GYIS BLUS NAS THAR PAR BYED PA YIN TE, DE RANG GI CHU'I NANG DU 'JUG CING GTONG LA RAB TU 'JOG PAR BYED, SEMS DANG DBANG PO'ANG RAB TU DGA' BAR BYED, GZHAN DAG KYANG DE LTA BUR BYED DU 'JUG ,YANG DAG PAR DGA' BAR BYED, DGE BA LA MNGON PAR 'JUG PAR BYED, BSAMS NAS KYANG, KYE; AE MA BDAG GIS LAS LEGS PAR BSGRUBS SO, ,YANG BYA'O, ,GZHAN DAG KYANG BYED DU GZHUG GO SNYAM STE, DE LTAR LEGS PAR BYAS PA'I LAS KYI NYER BSDOGS DANG, LAS
KYI LAM DANG, LAS KYI MJUG BDAG DANG, GZHAN GNYI GA LA PHAN PAR BYED PA DANG, SROG GCOD PA DANG, MA BYIN PAR LEN PA DAG SPANGS PA YIN TE, YANG DANG, YANG SROG CHAGS LA PHAN PA'I PHYIR RAM, SROG YONGS SU BSKYAB PA'I PHYIR RAM, SROG SBYIN PA'I PHYIR MA BYIN PAR LEN PA SPANGS PA YIN NO, ,BDAG DANG, GZHAN YANG SBYIN PA LA MNGON PAR DGA' BA YIN TE, BDAG DANG, GZHAN NYID TSUL KHRIMS RNAM PA GNYIS SRUNG NGO, ,RNAM PA'ANG BDAG NYID 'JUG PA DANG, LDOG PA YIN TE, SKYES BU TSUL KHRIMS DANG LDAN PA BDAG DANG, GZHAN LA PHAN PA BYED PA LUS DANG BRAL TE, SHI BA'I 'OG TU BDE 'GRO MTHO RIS KYI 'JIG RTEN SUM CU RTZA GSUM PA'I LHA RNAMS KYI NANG BKRA BA SNA TSOGS KYIS PHYE BA'I GNAS SU SKYE BAR 'GYUR RO, ,DER SKYES NAS KYANG LEGS PAR BYAS PA'I LAS KYI MTHA' SPYAD PA NOR BU'I GZUGS RNAM PA SNA TSOGS KYIS 'OD KYIS PHYE BA BKRA BA'I GNAS RNAMS SU SKYES PA DE DANG PO NYID DU RE ZHIG LUS LAS 'OD 'BYUNG STE, GZUGS SNA TSOGS DANG, KHA DOG DANG, BGO BA RNAMS PA SNA TSOGS 'BYUNG NGO, ,DE'I LHA'I BGO BA DANG, BYUG PA DANG, LUS BRGYAN PA SNA TSOGS PHYI BZHIN 'BRANG NGO, , LHA DE'I DANG PO BYUNG BA DAG LA 'DI SNYAM DU SEMS TE, BDAG LAS GANG GIS 'DIR SKYES ZHIG GU SNYAM STE, DE YID KYIS SNGON JI LTAR BYAS PA SNGON GYI TSE RJES SU DRAN PAR BYED DO, ,DE
, ,'DI SNYAM DU SEMS TE, KYE; AE MA 'DI NI LEGS PAR BYAS PA'I LAS KYI 'BRAS BU NYE BAR GNAS PA YIN TE, AE MA BDAG NI LEGS PAR BYAS PA'I LAS KYI MTHA' SPYAD PA, LEGS PAR BYAS PA'I LAS KYIS 'DIR SKYES PA LTA ZHIG SNYAM MO, ,DE DE LTAR SEMS PA NA DE NAS LEGS PAR BYAS PA'I LAS KYI DBANG DE DANG LHAN CIG TU LHA DE'I LAS DANG, LAS KYI DBANG GIS THOG MA KHO NAR RE ZHIG SIL SNYAN YAN LAG LNGA DANG LDAN PA'I SGRA THOS SO, ,THOG MAR KUN NAS 'ONGS PA MNGON PAR 'DOD CING DGA' BA'I LHA MO DE DAG GLU LEN TE, GLU GANG GIS GNAS DE KUN NAS RI'I RTZE MO DANG, PHUG GANG BAR BYED CING SNYAN PA DES RI DVAGS DANG, BYA RGYAGS PA THAMS CAD GAR BYED DO, ,YANG DANG, YANG GLU DE DAG GI SGRA THOS NAS BRGYA 'GYUR DU RGYAGS PAS DREGS TE, DE LTAR THOG MA KHO NA DE'I GLU'I SGRAS SEMS G-YENG BAR BYED DO, ,DE'I 'OG TU DE'I GZUGS MTHONG BA LA THOG MAR 'DOD PA DANG LHAN CIG 'DOD CHAGS SKYE STE, DE LTAR DE YON TAN DU MAS YID G-YENGS PA, GZUGS MTHONG BAS TSIM PA'I LHA MO DE DAG PHYIR PHYOGS PA MTHONG LA, DE DAG KYANG GZUGS DANG; CHA BYAD DANG, RGYAN DU MAS BRGYAN PA GZUGS DANG, CHA BYAD DPE MED PA DANG LDAN PA YIN NO, ,DE 'DI SNYAM DU SEMS TE, 'DI DAG SU YIN, 'DI DAG GANG GI YIN SNYAM MO, ,DE
SEMS BSKYED MA THAG NYID DU SHIN TU 'DOD CHAGS BSKYED PA'I BLO LA LHA MO DE DAG GIS 'DI LTAR TSIGS SU BCAD DE SMRAS PA, SHIN TU 'DOD CHAGS SNA TSOGS KYI, ,RGYU YI MCHOG NI BDAG CAG STE, ,DE NI LHA KHYOD KYI LAGS PAS, ,BDE BA'I RNAM PAS ROL PAR MDZOD, ,DE LTAR DES TSIGS SU BCAD PA YID LA BZUNG STE BDE BA'I RNAM PA DE DAG MTHONG NAS, LHA MO DE DAG GA LA BA DE LOGS SU SHIN TU PHYOGS SHING MTHONG BAR 'DOD PA, REG PA 'DOD PA, YANG DANG, YANG DE NYID DU 'GRO BAR BYED DO, ,'DI LTAR DE'I 'DOD CHAGS KYI RGYU GSUM PA 'BYUNG STE; SEMS NI DBANG PO LA RAG LAS PAR 'GYUR LA, DBANG PO LA RAG LAS PA NI, YUL LA SEMS 'GYUR BA KHO NA LA RAG LAS PA YIN TE, DE LTAR CHAGS SEMS DANG LDAN PA DE'ANG DE DAG LA REG PAR 'DOD PA REG PAR BYED LA, SHIN TU CHAGS SEMS DANG LDAN PA DE DAG KYANG LHA DE NYID LA REG PAR BYED DE, DE LTAR 'DOD CHAGS KYI RGYU GSUM PA NYE BAR 'BYUNG NGO, ,DE'I DRI MTSUNGS PA MED PA THOB NAS 'DI SNYAM DU SEMS TE, 'DI LTA BUR YID DU 'ONG BA BDAG CAG GI SNA 'DREN PAR BYED PA SHIN TU CHAGS PA'I RGYU DRI 'DI SU'I YIN ZHIG GU SNYAM MO, ,DE LHA MO DE DAG GIS DE LTAR 'KHYUD PA DANG, DRI MTSUNGS PA MED PA NYID LA DE SNOM PAR BYED DO, ,GANG DPER BYA BA MED PA DE BRTAGS NAS DRI 'DI NI LHA MO'I YIN NO SNYAM STE, DE LTAR DE
, ,'DOD CHAGS KYI RGYU BZHI PA'I DBANG DU GYUR PA YIN NO, ,DE LTAR YUL BZHI LA SEMS SHIN TU CHAGS PA DE LA LHA MO DE DAG CHANG ZHIM PO RNAM PA SNA TSOGS DANG; LHA'I ZAS BDUD RTZI DAG STOBS PAR BYED DE, DE LTAR DE'I 'DOD CHAGS BSKYED PA'I RGYU LNGA LA 'BYUNG NGO, ,DE LTAR DE'I SHIN TU 'DOD CHAGS BSKYED PA'I RGYU LNGA LA RNAM PAR CHAGS PA, DPE MED PA THOG MA KHO NAR 'BYUNG STE, LHA'I 'DOD PA STEN PAR YANG DAG PA MA YIN PA'I LAS KYI 'BRAS BU DANG POR SHES PA DE DAG THAMS CAD YUL GYI BDE BA LA RNAM PAR CHAGS PAS MI MNGON NO, ,DE NAS YANG SHIN TU CHAGS SHING SHIN TU 'DOD CHAGS PA'I SEMS PA 'DOD CHAGS KYIS BSKYED PA'I SNYING GIS LHA MO DE DAG GA LA BA DER 'GRO BAR BYED DO, ,DE DAG THAMS CAD KYANG LHA'I BU DE GA LA BA DER PHAN TSUN RGOD CING RTZE LA DGA' MGUR SPYOD PA BZHIN DU 'DONG BAR BYED DO, ,DE DAG GI LHA'I BU DE DANG PHRAD NAS SHIN TU 'DOD CHAGS KYIS BSKYED PA'I TSIG RNAMS KYIS BSKYED PA'I TSIG RNAMS KYIS DE DANG RTZE BAR BYED DE, BRO RDUNG, GLU LEN, RGOD RGOD, RTZE RTZE, RGAL RGAL, DGA' MGUR SPYAD NAS 'KHOD PA, GZUGS DANG, CHA BYAD SNA TSOGS DANG, DAR LA BAB PA DANG LDAN PA RNAMS TSAL DANG, NAGS TSAL DANG, LTENG KA DANG, 'BAB CHU DANG, PADMA CHEN PO'I TSAL
GA LA BA DE DAG TU 'DONG BAR BYED DO, ,DE NAS YANG DE RNAMS KUN MTHONG YID 'ONG ZHES BYA BA'I TSAL GA LA BA DER LHA DAG DANG LHAN CIG 'DONG BAR BYED DE, KUN MTHONG YID 'ONG GI TSAL DE'ANG GNAS DE DANG LHAN CIG PA'I LHA DE DAG THAMS CAD RTAG TU KUN DGA'I RA BAR DGA' ZHING GNAS SO, ,TSAL DE'ANG RTAG TU 'DOD PA THAMS CAD DANG YANG DAG PAR LDAN PA'I SHING LJON PA RNAM PA DU MAS BRGYAN PA YIN TE, 'DI LTA STE, GSER GYI SDONG PO LA DNGUL GYI LO MA DANG, KE KE RU'I YAL GA DANG, MU TIG LTA BU'I 'BRAS BU DANG, RO DANG, GZUGS PHUN SUM TSOGS PA YIN LA, DE LTAR SHING LJON PA RNAM PA DU MA DPE MED PA RNAMS KYIS TSAL DE BRGYAN TO, ,GZHAN YANG, RNAM PA GZHAN GYIS TSAL DE NYID BRGYAN PA YIN TE, 'DI LTA STE, BEE d'URYA'I SHING LJON PA'I SDONG PO LA GSER GYI LO MA DANG, KE KE RU'I 'DAB MA DANG, 'BRAS BU DNGUL MDOG DANG, SPUG GI RNAM PAR PHYE BA YIN NO, ,YANG SHING LJON PA RNAM PA GZHAN 'BYUNG STE, 'DI LTA STE, SDONG PO NYER NYER POS RNAM PAR PHYE ZHING THAMS CAD DU RIN PO CHE SNA BDUN LAS BYAS PA YIN NO, ,'DI LTA STE, GSER LAS BYAS PA DANG, THAMS CAD BEE d'URYA LAS BYAS PA DANG, THAMS CAD KE KE RU LAS BYAS PA DANG, THAMS CAD DNGUL LAS BYAS PA DANG, THAMS CAD SPUG LAS BYAS PA YIN TE, SHING LJON PA'I SDONG PO THAMS CAD SHING TU RNAM PAR PHYE BA
, ,YIN NO, ,YANG SHING LJON PA DE DAG GI MTHA' DANG, YAL GA RNAMS KYANG DE BZHIN DU THAMS CAD RIN PO CHE SNA BDUN LAS BYAS PA YIN TE, 'BRAS BU DANG, ME TOG PHUN SUM TSOGS PA DAG LHA'I ME TOG RNAMS KYIS BRGYAN PA YIN NO, ,ME TOG DE DAG LAS KYANG KHA DOG SNA TSOGS DANG, DRI RNAM PA SNA TSOGS DAG 'BYUNG STE, ME TOG DE RNAMS KYI DRI DPAG TSAD DRUG TU 'BYUNG NGO, ,BUNG BA KHA DOG SNA TSOGS KYANG ME TOG GI ROS MYOS NAS SHING LJON PA DE RNAMS KYI NANG NA RGYU BAR BYED DE, DE LTAR LAS DKAR PO RNAM PA SNA TSOGS KYIS KUN MTHONG YID 'ONG GI SHING LJON PA RNAMS MDZES PA YIN NO, ,YANG PADMA DANG, AUTPA LA'I TSAL DAG MDZES PA JI LTA BU YIN ZHE NA, 'DI LTA STE, TSAL DE KUN NAS BEE d'URYA'I SDONG BU DANG, GSER GYI 'DAB MA DANG, KE KE RU'I ZE BA DANG, AANDA RNYIL GYI MDOG LTA BU'I BUNG BA RNAMS KYIS BRGYAN PA'I BUNG BA THAMS CAD SGRA SNYAN PA 'BYIN TE, JI LTAR LHA RNAMS KYI THOS PA NYAMS DGA' BA DE BAS KYANG RAB TU STOBS CHE BAR YID BDE BA SKYE'O, ,YANG TSAL DE NYID KUN NAS GSAL ZHING MDZES PA YIN TE, 'DI LTA STE, TSAL GYI KHA DOG RNAM PA SNA TSOGS KYIS MDZES PA DAG NI, 'DI LTA STE, KHA DOG SNGON PO DANG, SER PO DANG, BTZOD KA DAG YIN NO, ,JI LTAR DZAMBU GLING NAS PHYOGS SHIN TU SDUG PAR BYAS PA LTAR TSAL RNAM PAR
MDZES SHING, TSAL GSAL BA DE NA STEGS DANG, LTENG KA DANG, TSAL BU DANG, PADMA'I 'DAB MA DAG GIS BRGYAN PA DE KUN NAS RNAM PAR MDZES PA YIN NO, ,TSAL YON TAN DE LTA BU DANG LDAN PA DE NA LHA DE RNAMS RTZE BA NA MNGON PAR MTHONG NAS YID RAB TU DGA' BA'I LHA DE DAG LHA MO'I TSOGS DES YONGS SU BSKOR BA DANG LHAN CIG BDE BAR 'DONG BAR BYA BA'I PHYIR NAM MKHA' LA GAR BAB BAB TU 'DONG BAR BYED PA DANG, LHA GZHAN DAG LHA SNGON MA BYUNG BA 'DI DAG BDAG CAG GI DRUNG DU 'ONGS SO ZHES SHES NAS LHA DE DAG NYID KYI DRUNG DU 'DONG BAR BYED DE; PHAN TSUN TSIG SNYAN PA NYID KYIS BOS NAS PHAN TSUN GROGS SU GYUR PA PADMA'I TSAL RNAM PA SNA TSOGS LA DGA' BA DAG SIL SNYAN YAN LAG LNGA DANG LDAN PAS RTZE BAR BYED, DGA' MGUR SPYOD PAR BYED DO, ,DE NAS LHA DE RNAMS DE LTAR YUN RING DU KUN MTHONG GI TSAL DAR LHA'I 'DOD PA'I YON TAN LNGA RNAMS KYIS RTZES NAS, SKYED MOS TSAL MYOS GNAS ZHES BYA BA GA LA BA DER 'DOD PA'I YON TAN LNGA 'BYOR CING LDAN PAR GYUR PA RNAMS 'DONG BAR BYED DO, ,SKYED MOS TSAL DE'ANG KHA KHYER RNAM PA SNA TSOGS KYIS YONGS SU BSKOR CING KHRON PA DANG, 'BAB CHU DANG, RDZING RING PO NYAMS DGA' BA YIN NO, ,DE NA RIN PO CHE SNA BDUN LAS BYAS PA'I KHANG BZANG DKRIGS PA GSER GYIS PHYE BA DANG YANG DAG PAR LDAN PA, SA DUM SHIN TU RNAM
, ,PAR PHYE BA NYAMS DGA' BA YIN NO, ,BYA SNA TSOGS SGRA SNYAN PA 'BYIN CING GAR BYED PA DAG NYAMS DGA' BA YIN NO, ,RTAG TU 'BAB CHU DANG, CHU BO'I SGRA KHRU LU LU SNYAN PAR 'BYIN PA NYAMS DGA' BA YIN NO, ,RTAG TU BZA' BA DANG, BTUNG BA MDOG DANG, RO DANG, DRI PHUN SUM TSOGS PA CHU BO LTAR 'BAB BO, ,DE NAS YUL DER DONG NAS LHA DE RNAMS LHA MO'I TSOGS CHA BYAD DANG, RGYAN SNA TSOGS KYIS RNAM PAR BRGYAN PA, RANG GIS LEGS PAR BYAS PA'I LAS LA SPYOD PA RNAMS DANG LHAN CIG 'DOD PA'I YON TAN LNGA 'BYOR CING LDAN PAR GYUR PA RNAMS KYIS RTZE BAR BYED DO, ,DE LTAR LHA DE RNAMS KYI RTZE BA DANG, DGA' MGUR SPYOD PA DAG YUN RING DU 'DAS KYANG LHA BAG MED PA LA GNAS PA DES KHONG DU MI CHUD DO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO SUM CU DRUG PA, DE LTAR YUL LNGA LA RNAM PAR CHAGS SHING BDE BA LA GNAS PA DE RNAMS KYI LAS LEGS PAR BYAS PA GANG YIN PA DE DAG ZAD PAR 'GYUR RO, ,DE ZAD NAS DE NAS YANG 'CHI BA 'BYUNG YANG SEMS BAG MED PA'I DBANG DU GYUR PA SRED PAS BSLUS PA KUN NAS SRED PAS BDAS SHING 'DOD CHAGS KYI MES GDUNGS PA NA BDE BAS MYOS PAS SNYING MYOS PA RNAMS MI MTHONG NGO, ,GANG GI TSE DGE BA'I RTZA BA THAMS
CAD KYI GZHI YONGS SU BTANG BA, 'JIGS PA'I GRONG KHYER CHEN PO'I MI RTAG PA NYID MTHONG BAR GYUR PA MA NOR CING NGES PAR 'GRO BA'I NGO BO 'CHI BA MNGON DU 'ONGS PA DE'I TSE SDUG BSNGAL CHEN PO YANG RIG PAR 'GYUR TE, DE'I TSE LHA RNAMS KYI SEMS KHONG DU CHUD PA'I DUS YIN NO, ,DE LTAR BAG MED PA'I YUL LA DGA' BA DE RNAMS JI SRID DU 'DOD PA SDUG PA YID DU 'ONG BA NGES PAR MYONG BAR 'GYUR BA'I LAS DE ZAD PAR MA GYUR PA DE SRID DU BDE BA DE DAG MYONG BAR 'GYUR RO, ,DE ZAD NAS YANG LHA'I 'JIG RTEN DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE NGES PAR MYONG BAR 'GYUR BA'I LAS MI DANG SO SO YANG DAG PAR MYONG BAR 'GYUR BAS MI RNAMS KYI NANG DU SKYES NA, LAS DE DANG RGYU MTHUN PAR DE SHIN TU BDE BAR 'GYUR ZHING, NOR DANG, 'BRU PHUN SUM TSOGS PA DANG, DRANG ZHING DRANG PO'I RANG BZHIN CAN YUL DBUS SU SKYE BAR 'GYUR TE, GANG DU BYA BA DANG, MI BYA BA SHES SHING CHOS DANG, CHOS MA YIN PA SHES PAR 'GYUR BA DANG, GANG DU MI TSOGS PA THAMS CAD KYI NANG DU SKYE BAR 'GYUR BA DANG, GANG DU CHOS DANG LDAN ZHING CHOS KYI RJES SU 'JUG PA'I RGYAL POR 'GYUR BA DANG, GANG DU 'JIG RTEN GYI SPYOD PA SMAD PA MED PAR 'GYUR BA DER SKYE BAR
, ,'GYUR LA, SKYE BO KUN GYI MIG DGA' ZHING BYIS PA DANG, RGAN PO THAMS CAD KYANG DGA' BAR 'GYUR, LUS RTAG TU NAD MED PA DANG, GZUGS BZANG PO DANG LDAN PA DANG, STOBS DANG LDAN PA DANG, GANG LAS KYANG 'JIGS PA MED PA DANG, SEMS CAN THAMS CAD DBUGS 'BYIN PA DANG, BU DANG, CHUNG MA DANG LDAN PA DANG, 'DOD PA THAMS CAD YANG DAG PAR 'BYOR PA DANG, NOR RDZAS KYI RNAM PA LA RGYAL PO'AM, CHU'AM, ME'AM, CHOM RKUN GYI 'JIGS PA DANG, DOGS SHING 'JIGS PA GANG NAS KYANG MI 'ONG BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA RNAMS KYI GNAS SBYOR BA LA 'JUG PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, SEMS CAN DGE BAR GYUR PA LTA BA MA NOR BA MANG POS RTAG TU LAS KYI 'BRAS BU'I DE KHO NA NYID MTHONG BRTAG TU YANG DAG PA'I LTA BA LA YID ZHEN PA, RTAG TU DRANG PO'I RANG BZHIN CAN GZHAN LA GNOD PA MI BYED PA, RTAG TU PHA MA LA GUS PA, RTAG TU CHOS LA PHYIR MI LDOG CING SPRO BA, SANGS RGYAS DANG, CHOS DANG, DGE
'DUN LA GUS PA SKYES PA GANG GIS SROG GCOD PA DANG, MA BYIN PAR LEN PA MI BYED CING BYED DU MI 'JUG LA, RJES SU YI RANG BAR MI BYED, PHA ROL BYED PA'ANG PHYIR ZLOG PAR BYED, GZENGS MI BSTOD, BYAS NA'ANG SMOD PAR BYED, LAS KYI 'BRAS BU YANG DAG PAR STON PAR BYED, GZHAN LA DE KHO NA NYID BSTAN PAS GANG LEGS PAR BYA BA BYAS PA DE RAB TU GZENGS BSTOD PAR BYED, DGE BA'I LAM LA RAB TU 'JOG PAR BYED, DE NAS YANG BYED DU 'JUG ,BYAS PA LA'ANG RJES SU YI RANG BAR BYED, BDAG NYID KYANG SROG GCOD PA DANG, MA BYIN PAR LEN PA DAG SPANGS LA GZHAN DAG KYANG DE NYID LA RAB TU SBYOR BAR BYED DO, ,LEGS PAR BYAS PA'I LAM RNAM PA GNYIS KYIS GANG SDOM PA MA BLANGS PA DE NI LEN DU 'JUG PAR BYED LA, GANG BLANGS PA DE NI BRTAN POR BYED DU 'JUG STE, GNYIS KA LEGS PAR BYA BA BYAS PA BDAG NYID DANG, GZHAN NYID LA PHAN PA BYAS PA DE NI MTHO RIS SU SKYE BAR 'GYUR RO, ,SROG GCOD PA SPANGS PA RNAM PA DU YOD CIG GU SNYAM NA, 'DI LA SROG GCOD PA MI DGE BA MI BYED PA YIN NO, ,RNAM PA JI LTA BU, RNAM GRANGS DU YOD CE NA, 'DI LA SEMS CAN GZHAN LA SEMS CAN DU 'DU SHES NAS SRIN BU PHRE'U DANG, GROG SBUR LA SOGS PA LA 'TSE BAR MI BYED CING SROG GCOD PAR MI BYED PA YIN NO, ,'DI LA SROG GCOD PA MI BYED PA NI GANG, BYI BA'AM, SKYIN GOR RAM, 'OL PA'AM, RI
, ,DVAGS DAG G-YO THABS KYIS 'DZIN PA DE DAG PHYIR ZLOG PAR BYED PA YIN NO, ,G-YO THABS KYI RNAM PA DU YOD CE NA, 'DI LA 'DZIN PAR BYED PA RNYONG LTA BUS SAM, BU GAR RGYAS 'GEBS PAS SAM, RTZVA'I DRA BAS SAM, SNYIS SAM, 'BREL BAS SAM, RLUBS KYIS SAM, GDOS KYIS 'DZIN PAR BYED LA, BZUNG NAS KYANG SROG GCOD PAR BYED PA DE DAG ZLOG PAR BYED CING YANG DAG PAR DGA' BAR MI BYED, GZENGS BSTOD PAR MI BYED, 'DI LTAR SROG CHAGS DAG GI SROG GCOD PAR MA BYED CIG CES ZLOG PAR BYED CING CHOS LA'ANG RAB TU 'JOG PAR BYED DE, RNAM PA DE DAG NI SROG GCOD PA LA YANG DAG PAR CHAGS PA'I SROG CHAGS ZLOG PAR BYED PA YIN NO, ,MA BYIN PAR LEN PA SPANGS PA JI LTA BU YIN ZHE NA, 'DI LA RTZVA TZAM LA'ANG RKU SEMS KYIS MI RKU LA GZHAN DAG KYANG ZLOG PA YIN NO, ,RNAM PA DU ZHIG CE NA, 'DI LA MA BYIN PAR LEN PA'I MI KHA CIG DE NYID LA DGA' BA'O; ;RNAM PA DU ZHIG YOD SNYAM NA, 'DI LA MCHOD RTEN LA BUD MED DAG DANG LHAN CIG ROL MO'I SGRA BYED PA DANG GZHAN DAG BRO GAR BYED, GZHAN DAG GLU DBYANGS LEN, GZHAN DAG YONGS SU SPYOD PAR BYED, RGOD PAR BYED, RTZE BAR BYED, DGA' MGUR SPYOD PAR BYED, RAB TU DGA' BAR BYED PA DAG LA CHOS DANG MI LDAN PA'I MI DGE 'DUN GYI KUN DGA'
RA BA DANG, GNAS BSRUNG BA'AM, ROL MO BYED PA'AM, MCHOD RTEN LAS 'TSO BA DAG ,ROL MO'I SGRA BYED PA DE DAG LAS GLU LEN TAM, MA BYIN PAR LEN PA GZHAN BYED DAM, YANG RNAM PA GZHAN GYIS MA BYIN PAR LEN PA BYED PA'O, ,'DI LA GLA NI DE LA BUD MED RNAMS GLA LEN PA YIN TE, GLA SBYIN PAR BYAS NAS, 'KHRIG PAR BYA BAR BOS TE, 'KHRIG PA DAG BYAS NAS JI LTAR SNGAR DAM BCAS PA BZHIN DE LTAR MI STER PA YIN NO, ,YANG RNAM PA GZHAN GYIS MA BYIN PAR LEN PA BYED DE, 'DI LTAR NYA PA'AM, RNGON PA'AM, SHAN PA DAG LAS 'TSO BA RIN SBYIN PAR BYAS PA LAS MI STER BA YIN TE, RIM GYI RNAM PA 'DIS SROG GCOD PA DANG, MA BYIN PAR LEN PA YIN NA, LAS DE DAG MI BYED CING BYED NA'ANG RJES SU YI RANG BAR MI BYED LA YID KYIS KYANG RTOG PAR MI BYED PA YIN NO, ,SBYIN PA SBYIN PA JI LTA BU YIN ZHE NA, 'DI LA TSEGS CHEN POS 'TSO BAR GYUR KYANG BSAM GTAN GSUM PA 'THOB PA'AM, GZHAN DAG LA SBYIN PA BYIN ZHING BSOD NAMS DAG BYED PA YIN TE, RNAM PA DE LTA BUR PHONGS PAR GYUR KYANG GZHAN LA SBYIN PAR BYED PA NI, JI LTAR GZHAN DAG LA SBYIN PAR BYED PA DE LTAR RANG GI BU LA'ANG YID KYI SHES PA GUS PAS SBYIN PAR MI BYED DE, DE LTAR SBYIN PA BYIN PAR BYED DO, ,SROG GCOD PA SPANGS NAS TSUL KHRIMS LA RAB TU ZHUGS PA JI LTA BU YIN ZHE NA, 'DI
, ,LA LJAN LJAN PHYAGS PAS SEMS CAN DAG SROG CHAD PAR BYED PA NA PHYIR ZLOG PAR BYED CING DE NYID DU CHU LDUGS PAR BYED, SKAMS LA PHYUNG BA DE DAG KYANG LJAN LJIN DE NYID DU PHYIR 'JUG PAR BYED PA YIN TE, DE DAG NI SROG GCOD PAR MI BYED PA DANG, DGE BA LA RAB TU ZHUGS PA YIN NO, ,DGE BA'I LAS 'DI GNYIS BYAS PA'I SKYES BU DAM PA DE LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM PA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG LAS KYI MTHA' SPYAD PA LEGS PAR BYAS PA 'DOD PA THAMS CAD LA RNAM PAR CHAGS PA DE LHA'I SIL SNYAN YAN LAG LNGA DANG LDAN PA'I DBYANGS NYE BAR LEN PA NA, LHA MO'I TSOGS SNA TSOGS KYIS YONGS SU BSKOR BA BDE BA DPE MED PA RJES SU MYONG NGO, ,DE'I DPER 'DI CUNG ZAD CIG BYA NA 'DI LTAR GANG 'KHOR LOS BSGYUR BA'I RGYAL PO GSER GYI 'KHOR LOS BSGYUR BA'I SHIN TU BDE BAR GYUR PA DAG , LHA'I STAN LA GNAS LA LHA'I BDE BA DE'I BCU DRUG GI CHAR YANG MI PHOD DO, ,'DI LA LHA SHA DANG, RUS PA DANG, CHU SER DANG BRAL BA, SER SNA DANG BRAL BA, MIG 'DZUM PA DANG, PHYE BA DANG BRAL BA, GOS KYI RDUL DANG BRAL BA, DU BA DANG, KHUG RNA 'DRES PA DANG BRAL BA, BSHANG BA DANG, GCIB DANG BRAL BA, RANG LA 'OD YOD PA YIN TE, 'KHOR LOS BSGYUR BA'I
RGYAL PO DE LTA BU MA YIN NO, ,RANG GI BU DANG, CHUNG MA LA 'DZIN PA DANG BRAL BA, PHRAG DOG DANG BRAL BA, RANG GI BZA' BA DANG, BTUNG BA DANG BRAL BA, GNYID DANG, SNYOM PA DANG BRAL BA YIN LA 'KHOR LOS BSGYUR BA'I RGYAL PO NI DE LTA BU MA YIN TE, RNAM PA 'DIS 'KHOR LOS BSGYUR BA'I RGYAL PO LHA RNAMS KYI BCU DRUG GI CHAR YANG MI PHOD DE, DE LTAR MI'I RIM PA MNGON SUM GYI CUNG ZAD CIG DPER BYA BA YIN NO, ,DE LTAR LHA RNAMS 'DOD PA'I YON TAN LNGA 'BYOR CING LDAN PAR GYUR PA RNAMS KYIS RTZE ZHING GNAS SO, ,DER SKYES BA'I LHA DE RNAMS KYI TSAL K'A B'I RA ZHES BYA BA SRID DU DPAG TSAD BCU YOD LA ZHENG DU DPAG TSAD LNGA YOD DE, KUN NAS GSER GYI BYA RNAM PA SNA TSOGS DU MA RNAMS KYIS YONGS SU BSKOR BA, KUN NAS GI WANG GI THIG LES BKRA BAR BRGYAN TO, ,DE NAS TSAL DE ME TOG BZANG PO RNAMS KYIS SHIN TU RNAM PAR MDZES PAR BRGYAN CING, RIN PO CHE SNA BDUN GYI SHING LJON PA RNAMS KYIS BRGYAN PA YIN TE, SHING LJON PA DE RNAMS KYI NANG NA BYA GNAS PA DE DAG SHIN TU RNAM PAR MDZES PA YIN NO, ,DPER NA, GSER MGAR DAG GIS RIN PO CHE RNAM PA SNA TSOGS DANG, SHING LJON PA SNA TSOGS KYI RI MO RNAMS KYIS MI RNAMS KYI RGYAN SDUG GUR BYED PA DE LTAR LHA DE RNAMS KYI TSAL DE DANG, SHING LJON PA DE DAG RNAM PAR MDZES PA YIN LA, BYA'I GZUGS DANG, KHA DOG RNAM PA SNA TSOGS DE RNAM
, ,KYIS BRGYAN PA YIN TE, 'DI NI CUNG ZAD CIG 'DRA BA'I DPER BYA BA YIN NO, ,DE NAS YANG LHA DE RNAMS TSAL DE NYID NA PHAN TSUN PADMA RNAM PA SNA TSOGS DAG GIS RTZE BAR BYED DE, 'DI LTA STE, KUN NAS BEE d'URYA'I 'DAB MA DANG, SBU GU DANG, ZE BA DANG, LO MA RNAMS KYIS RTZE BAR BYED DO, ,GANG 'DAB MA RNAMS KYI NANG DE DAG NA PADMA R'A GA'I MDOG LTA BUR SHIN TU DMAR ZHING SHIN TU DRI ZHIM PA DE DAG ME TOG THAMS CAD BRTOL NAS DPAG TSAD BRGYAR 'BYUNG LA, DRI GANG GIS MYOS PA'I LHA DE DAG KYANG PADMA'I LO MA'I DRIS BCU 'GYUR DU LHAG PAR MYOS PAR 'GYUR RO, ,DE NAS YANG K'A B'I RA'I TSAL NA LHA DAG LHA MO'I TSOGS DANG LHAN CIG DGA' BAR BYED, DGA' MGUR SPYOD PAR BYED DO, ,DE NAS SEMS BSKYED MA THAG NYID DU DA NI BDAG CAG BZA' BA CHU LTAR 'BAB PA DANG, BTUNG BA CHU LTAR 'BAB PA'I DRUNG DU 'DONG NGO SNYAM SEMS SO, ,DE NAS DE DAG SEMS BSKYED MA THAG NYID DU GZHAL MED KHANG CHEN PO PU SHU DANG, RTA BABS SNA TSOGS DANG, DRIL BU G-YER KA 'KHROL BA'I DRA BA RNAM PA SNA TSOGS DKRIGS PA, RIN PO CHE'I COD PAN BTAGS PA'I RTA BABS RNAM PA SNA TSOGS DANG, GSER DANG, SHEL DANG, RIN PO CHE DANG, KE KE RU'I KA BA SNA TSOGS BTZUGS PA DAG BYA NGANG BAS KHYER RO, ,KHA CIG NI BYA KA RANDA PAS KHYER RO, ,
KHA CIG NI PHUG RON GYIS KHYER RO, ,KHA CIG NI SHANG SHANG TE 'US KHYER RO, ,KHA CIG NI BYA TZA KO RAS KHYER RO, ,KHA CIG NI BYA SNA TSOGS LHAN CIG GIS KHYER TE, RGYAL MTSAN DE DAG GI STENG DU 'DUG PA, LAS KYI MTHA' SPYAD PA LEGS PAR BYAS PA'I LHA RNAMS K'A B'I RA'I TSAL CHEN PO'I BZA' BA DANG, BTUNG BA CHU BO LTAR 'BAB PA GA LA BA DER 'DONG BAR BYED DE, RGYAGS PAR GNAS PA RTZE BA'I DON DU LHA MO'I TSOGS DANG LHAN CIG ZAS DANG, SKOM CHU BO LTAR 'BAB PA GA LA BA DER 'DONG BAR BYED DO, ,DE NAS ZAS DANG, SKOM GYI YUL DER PHYIN TE, LHA DE DAG RIN PO CHE'I GZHAL MED KHANG DE DAG NAS 'THUNG BAR BYED, DGA' BAR BYED, YONGS SU SPYOD PAR BYED DE, SIL SNYAN DANG, ROL MO'I SGRA DANG, GLU RNAM PA SNA TSOGS KYIS DGA' BAR BYED DO; ;DE LTAR DE RNAMS YONGS SU SPYAD PA NA YUN RING DU 'DAS KYANG LHA DE RNAMS BDE BAR GNAS PA DES MI TSOR RO, ,DE DAG GAL TE YUN RING ZHIG LON NAS KUN DGA' RA BA KUN MTHONG MTHO ZHES BYA BA GA LA BA DER LHA'I TSAL BLTA BA'I PHYIR 'DONG BAR BYED DE, GZHAL MED KHANG DE RNAMS KYI NANG NA 'KHOD PA DE DAG LHA GZHAN DAG DANG LHAN CIG MTHO BAR PHYIN NO, ,KUN DGA' RA BA KUN MTHONG MTHO ZHES BYA BA DE NA GLU RNAM PA SNA TSOGS LEN ZHING ROL MO'I SGRA 'BYIN PAR BYED, BRO RDUNG BAR BYED, RGOD PAR BYED DE, PHAN TSUN GROGS SU GYUR PA RGYAGS PA
, ,GCIG PU DON DU BYED PA DAG RTZE BAR BYED DO, ,DE NAS KUN DGA' RA BA KUN MTHONG GI TSAL DE NA LHA GNAS PA RNAMS MTHONG STE, RI'I RGYAL PO RI RAB KYI PHYOGS GCIG NA GANG TSAL DANG, NYE BA'I TSAL GYIS BRGYAN PA, GSER BTZO MA'I RDO LEB 'BAR BA SPUNGS PA, 'BAB CHU DANG, CHU BO DANG, STEGS DANG, LTENG KA DANG, ZAS DANG, SKOM CHU BO LTAR 'BAB PA RNAM PA SNA TSOGS KYIS BRGYAN PA, LHA MO'I TSOGS RNAM PA SNA TSOGS GRANGS MED PAS KUN TU GANG BA THAMS CAD DANG MTHUN PA'I LAS KYI 'JIG RTEN GYIS BZUNG BA, RI BO STONG PHRAG DRUG CUS YONGS SU BSKOR BA, BRTZEGS MTHO CHEN PO NA LHA DANG, LHA MA YIN DANG, MI'AM CI DANG, LTO 'PHYE CHEN PO GNAS PA, DGE BA DU MA'I LAS KYI MTHA' SPYAD PA'I LHA RNAMS GNAS PA, DGE BA'I LAS RNAM PA SNA TSOGS MNGON DU GYUR PA, RTZE MO RIN PO CHE SNA BZHIS BRGYAN PA, GNAS DANG, GNAS DAG TU LHA RNAMS 'DONG BA NA CHA BYAD DANG, RGYAN SNA TSOGS DANG, GZUGS SNYING DU SDUG CING YID DU 'ONG BA DANG LDAN PA, LHA RNAMS PHAN TSUN GROGS SU GYUR CING SEMS SHIN TU 'DOD CHAGS DANG LDAN PA, PHAN TSUN BAG MED PAR GNAS PA'I SA PHAN TSUN GTAM SHIN TU SNYAN PA NYAMS DGA' BA SNA TSOGS ZER BA NA, CHA BYAD DANG, GZUGS DANG, KHA ZAS DANG, GNAS PA THA MA DANG, 'BRING DANG, KHYAD PAR DU
'PHAGS PA DAG MTHONG NGO, ,DE DAG 'DI SNYAM DU SEMS TE, BDAG CAG 'BA' ZHIG LA BDE BA YOD PA MA YIN GYI, LHA GZHAN DAG LA'ANG SHIN TU NYAMS DGA' BA'I NGO BO LHA MO RNAMS KYI TSOGS DANG RTZE BAR BYED, DGA' MGUR SPYOD PAR BYED DO SNYAM STE, DE LTAR SNA TSOGS LHA RNAM PA DU MA DANG, DPAG BSAM GYI SHING MDOG DANG, RO DANG, GZUGS DANG, DRI RNAM PA SNA TSOGS KYIS BRGYAN PA DANG, GZHAN YANG TSAL DANG, NYE BA'I TSAL DAG MTHONG NGO, ,DE NAS YANG LHA RNAMS GNAS GZHAN DU DONG STE PHYIN NAS LHA GZHAN RI BRTZEGS MTHO BA DANG, BRTZEGS PA CHEN PO 'BAB CHU DANG, CHU BO DANG, LTENG KA SNA TSOGS KYIS BRGYAN PA DAG MTHONG STE, RI GANG GI RTZE MO DAG LA NYI ZLA 'KHOR ZHING 'GRO BA DE DAG LA'ANG RTOG PAR BYED DO, ,DE NYI MA RAB TU SNANG BA'I GZUGS BRNYAN BRGYA'AM, YANG NA STONG DU SNANG STE, GANG DU SGRA GCAN ZIN GYI LAG GIS BZUNG BA NI SNGA MA BZHIN NO, ,DE NAS YANG GZHAL MED KHANG NA GNAS PA'I LHA DE DAG NAM MKHA'I STENG NAS 'GRO ZHING YID LA NGO MTSAR SKYES PA DE BZHIN DU LHA MO'I TSOGS KYIS YONGS SU BSKOR CING BRO GAR DANG, SIL SNYAN DANG BCAS PA, SIL SNYAN YAN LAG LNGA DANG LDAN PA'I GLU DBYANGS LEN CING RI'I RGYAL PO DE THAMS CAD SKOR BAR BYED DO, ,DE DAG GIS RI'I RGYAL PO TSAL DANG, NAGS TSAL DANG, RI KHROD DANG BCAS PA DE THAMS CAD MTHONG NAS,
, ,DE NAS YANG RANG GI GNAS DE DAG NYID DU DONG STE PHYIN PA DANG, SIL SNYAN YAN LAG LNGA DANG LDAN PAS BRO RDUNG BAR BYED, RGOD PAR BYED, DGA' MGUR SPYOD PAR BYED DO, ,BDE BA'I RNAM PA'I MYOS PAS MYOS PA DUS DU MA RNAM PAR CHAGS PA LA DGA' BA DAG TSAL DANG, NAGS TSAL DANG, LTENG KA RNAMS SU 'DOD PA'I YON TAN LNGA 'BYOR CING LDAN PAR GYUR PA DAG GIS RTZE BAR BYED DO, ,DE LTAR DE DAG YUN RING DU YONGS SU 'DAS KYANG DUS TSOD MI SHES TE, THAMS CAD DU YID BAG MED PA'I DBANG DU GYUR PA DAG KHONG DU MI CHUD DO, ,YANG DE DAG RTZE BA NA RI KUN NAS DGA' BA ZHES BYA BRGYAR DPAG TSAD LNGA LA 'PHANG DU DPAG TSAD BCU YOD PA DE LA KHA CIG GZHAL MED KHANG GI STENG DU 'DUG ,KHA CIG BYA'I STENG DU ZHON NAS 'DZEG PAR BYED DO, ,RI KUN NAS DGA' BA DE RIN PO CHE SNA TSOGS KYIS BRGYAN PA, STEGS DANG, NYE BA'I TSAL DANG, LTENG KAS BRGYAN PA, STEGS KYI RIM PA 'BUM SNYED DANG, PADMA'I TSAL BRGYA SNYED KYIS BRGYAN PA, RI 'BYUNG KHUNGS SNA TSOGS KYIS BRGYAN PA, RIN PO CHE SNA BDUN 'OD 'BYUNG BAS BRGYAN PA, DPAG BSAM GYI SHING DAG 'BAR BA DE NA LHA DE DAG RTZE BAR BYED, DGA' MGUR SPYOD PAR BYED DE, CONG DANG, RNGA DANG, SIL DKROL DANG, GLING BU DANG, GLU DAG GIS MYOS PA PHAN
TSUN GROGS SU GYUR PA, RANG GIS BYAS PA'I LAS KYI 'BRAS BU LA SPYOD PA RNAMS RTZE BAR BYED, YONGS SU SPYOD PAR BYED DO, ,DE DAG DUS YUN RING DU RTZE BAR BYED KYANG BAG MED PA LA GNAS PA DAG KHONG DU MI CHUD DE, YUL GYIS KUN NAS BSLANG BA DE DAG NYID KYIS TSIM PA MED CING SHIN TU SDUG PA'I BDE BAS RNAM PAR RMONGS PA DE DAG ME TOG KU BA LA'I TSAL DU 'DONG BAR BYED DO, ,ME TOG KU LA'I PADMA RNAMS KYI KHA RAB TU BYE BA DE'ANG BUNG BA 'BUM SNYED KYIS GANG BA YIN TE, BUNG BA DE DAG NYID DANG LHAN CIG 'DOD PA'I BDE BA TSIM PA MED PAS CHANG 'THUNG ZHING GLU LEN NO, ,'DOD PA DAG GIS BRGYA'AM, YANG NA STONG DU TSIM PA MED PA LA LAG NA ROL MO'I SGRA SNA TSOGS THOGS SHING RTAG TU MYOS PAR GNAS PA, PHAN TSUN RGYAGS PA DU MA DON DU BYED PA DE DAG SKYED MOS TSAL CHEN PO 'DOD PA NGES PAR THOB CES BYA BA GA LA BA DER 'DONG NGO, ,TSIM PA MED PA DE DAG JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU, BAG MED PA LA GNAS PA DAG PHAN TSUN RTZE BAR BYED, DGA' MGUR SPYOD PAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE LAN GRANGS
, ,GZHAN LA MYONG BAR 'GYUR BA'I LAS KYIS MI RNAMS DANG SKAL BA MNYAM PAR MI'I NANG DU SKYES NA, LAS DE DANG RGYU MTHUN PAR DE RTAG TU NA BA MED CING BZHIN GYI MDOG BZANG BAR 'GYUR, RGYAL POS BKRABS PA'AM, TSONG PA'AM, KHYIM BDAG RNAMS KYIS BRDUNG BAR MI 'GYUR, SHIN TU BDE ZHING YID LA RIG PA'I BLO GSAL BAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA RNAMS KYI GNAS ZHIB TU DPYOD PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA SKYES BU DGE BA BDAG DANG, GZHAN LA PHAN PAR ZHUGS PA G-YO MED PA, GZHAN LA GNOD PA MI BYED PA, MI DRANG PO'I RANG BZHIN CAN, MI'I LAS SU GYUR PA, GANG GIS DGE BA'I LAS KYI NGO BO NYID BYAS PA, RNAM PAR SMIN PA BDE BA, BSIL PA, RNAM PAR SMIN PA BSIL BA, BDE BA, BKRA SHIS PA, RNAM PAR SMIN PA BKRA SHIS PA, SKYE BO THAMS CAD KYIS MCHOD PA, SKYE BO THAMS CAD KYI SPUG PA, 'JIG RTEN 'DI DANG, 'JIG RTEN PHA ROL TU BDE BA BYED PA, SKYES BU GANG 'JIG RTEN 'DI NAS 'GRO
ZHING 'JIG RTEN PHA ROL TU PHA MAR GYUR PA, SKYABS SU GYUR PA, BDE BA DU MA 'BYUNG BAR GYUR PA, BDE BA BYAS PA SKYE BAR GYUR PA NI LEGS PAR BYAS PA DE'I LAS KYIS BYED PAR 'GYUR TE; 'DI LTA STE, SROG GCOD PA DANG, MA BYIN PAR LEN PA MI BYED CING BYED DU MI 'JUG LA, BYED DU MI GNANG, NYES PAR BYAS PA'I TSUL KHRIMS LA DAD PA DANG THAD KAR LHAN CIG GNAS SHING 'DRE BAR MI BYED, DGA' BAR YANG MI BYED, TSUL KHRIMS 'CHAL BA DE DANG LHAN CIG RNAM PAR BYANG BA MTHUN PAR MI SGRUB LA, 'DI LTAR TSUL KHRIMS DANG LDAN PA DANG LHAN CIG RTAG TU DGA' BAR BYED, DE DANG LHAN CIG 'DRE BAR BYED, DE DANG RNAM PAR BYANG BA MTHUN PAR SGRUB, DE DANG THAD KAR 'DUG PA YANG BYED, DE DANG LHAN CIG RTZE ZHING 'JIG RTEN GYI SPYOD PA BYED, CHOS DANG, CHOS MA YIN PAR SEMS PAR BYED DE, SKYES BU DGE BA DE BDAG NYID SDIG PA DAG MI BYED LA, SDIG PA'I GROGS PO DANG LHAN CIG DGA' BAR MI BYED, THAMS CAD KUN NAS YONGS SU DAG PAR BYED PA'I SKYES BU DAM PA, SHIN TU TSUL KHRIMS 'CHAL BA DAG KYANG DGE BA'I LAM LA RAB TU 'JOG PAR BYED CING YANG DAG PA'I LAM STON PAR BYED, 'GRO BA'I ZHING BZANG PO LA DGE BA'I LAS KYI SA BON 'DEBS PAR BYED, DE KUN NAS SEMS GSER LTAR SBYANGS SHING DRI MA MED PA'I SEMS DGE BA'I LAS KYI MTHA' SPYAD PA'I BDE BA NI,
, ,TSE 'DI DANG, PHA ROL LA 'THOB CING SO SO YANG DAG PAR MYONG BAR 'GYUR RO, ,SROG GCOD PA SPANGS PA JI LTA BU, RNAM PA NI DU ZHIG YOD CE NA, 'DI LA KUN NAS 'DOD PAR BYA BA ME TOG GI RGYU DAG BSKYED PAR BYA BA'I DON DU, DU BA DANG, DUG BSRES PA BZHAG NAS SROG CHAGS DUN DU BA'AM, 'OL BA'AM, SHA SBRANG CHEN PO'AM, RKANG BRGYA PA DAG LA REG PAR BYAS NAS GSOD PAR BYED PA NI, 'DI LTAR BDAG GI ME TOG GI RGYU'AM, LCUG MA GZINGS PA'AM, ME TOG GAM, 'BRAS BU DAG MI NYAMS PAR BYA'O SNYAM NAS, SRIN BU GSAD PA'I PHYIR DU BAS GSOD PA DANG, 'BRA GO DANG, RGUN 'BRU RNYIS PA'I NANG NA SRIN BU'I RNAM PA YOD PA LAG GIS GNOD PAR MI BYED LA, BTUNG BA MA BRTAGS PAR 'THUNG ZHING DE LAS SKYES PA'I SRIN BU'ANG GSOD NA DE LTUNG BAR 'GYUR TE, SRIN BU DE RNAMS DANG SROG CHAGS DE DAG KYANG SO SOR BRTAGS NAS 'THUNG BAR BYED LA YUN RING DU BZHAG PA, DROD GSHER LAS CHUNG NGUR SKYES PA'I 'JIGS PA DANG, MYOS BYED LAS SKYES PA'I 'JIGS PAS KYANG 'THUNG BAR MI BYED PA YIN TE, RNAM PA PHRA MO DE DAG NI SROG GCOD PA SPANGS PA YIN NO, , MA BYIN PAR LEN PA SPANGS PA JI LTA BU, RNAM PA DU, RNAM PA NI JI LTA BU YIN ZHE NA, 'DI LA RTAG TU LO NYES BYUNG BAR 'DOD PA DE LO NYES BYUNG NA BDAG GIS 'GRON BU'I KHE BRGYAD 'GYUR
DU THOB PAR BYA'O, ,YUL MA GA DH'A'I GZHAL BRE'ANG SHIN TU CHUNG BAR 'GYUR, GANG GI NAS DANG, GRO LA SOGS PA DANG, 'BRU ZHAG DRUG CUS SMIN PA LA SOGS PA'ANG MI 'BYUNG LA BDAG GCIG PU'I YOD PAR GYUR CIG SNYAM DU DE LTAR SEMS SO, ,SEMS CAN RNAMS KYI BAR CHAD BYA BAR SEMS TE, DE LTAR BDAG GIS SROG CHAGS RNAMS GTZE BAR BYA'O, ,BSDU BAR BYA'O SNYAM STE, DE YANG DANG, YANG DU DE LTAR BSAMS PA DANG, GAL TE SEMS CAN RNAMS KYI SKAL BA CHUNG BA DES, DUS NGAN PA ZHIG BYUNG BA DANG DGA' LA YID SHIN TU DGA' NAS JI LTAR BDAG GIS BSAMS PA DE LTAR BDAG DGA' BAR BYED PA 'ONGS SO SNYAM NAS, DE BRE MI MTHUN PA DANG, YON TAN DANG BRAL BA, BRTZON 'GRUS NYAMS PA'I YON TAN MI MTHUN PAS NAS DANG, GRO DANG, 'BRAS S'A LU DAG GIS GZHAN LA SLU BAR ABYED DO, ,DE LTAR GANG GI TSE SEMS PAR BYED PA LAS KYI NYER BSDOGS YIN NO, ,GANG GI TSE SLU BAR BYED PA DE'I TSE LAS YIN NO, ,GANG GI TSE SROG CHAGS DAG BSLUS NAS SEMS LA 'DOD PAR BYED LA DGA' BAR BYED PA DE'I TSE LAS KYI MJUG YIN TE, JI SKAD BSHAD PA'I NYES PA DAG SPANGS SHING MI BYED PA YIN NO, ,'BYOR PA NYUNG BAR GYUR KYANG GZHAL BLUGS KYI G-YO DAG GIS GZHAN LA SLU BAR MI BYED LA, GZHAN BYED NA'ANG RJES SU YI RANG BAR MI BYED, GAL TE LO NYES BYUNG BA'I TSE
, ,BDAG NYID TSONG PA ZHIG BYED NA'ANG DE JI LTA BA BZHIN DE LTAR 'TSONG BAR BYED LA, CHOS DANG LDAN ZHING CHOS KYI BSAM PAS RNYED PA'I RIN THOB PAR BYED DE, DE LTAR DE SROG GCOD PA DANG, MA BYIN PAR LEN PA SPANGS PA YIN NO, ,MI DGE BA LA ZHUGS PA DGE BA LA RAB TU 'JUG PA JI LTA BU YIN ZHE NA, 'DI LA SKYES BU DAM PA LEGS PAR SPYOD CING DGE BA SPYOD PA RTAG TU BDAG LA PHAN PA DANG, GZHAN LA PHAN PAR BYED PA, 'BYOR PA NYUNG BAR GYUR PA, TSEGS CHEN POS 'TSO BA, TSEGS CHEN POS 'BYOR BA DAG SBYIN PA PO DANG, SBYIN PA BDAG GI DRUNG DU 'DUG STE, DE DAG LA SLOB PAR BYED, SBYIN PA'I 'BRAS BU DAG KYANG SHES LA, SBYIN PA'I 'BRAS BU DE KUN TU RO MYANG BAR BYED, KUN TU MYANGS NAS KYANG YANG DANG, YANG DU MGON MED CING NYON MONGS SDUG BSNGAL BA'AM, BSAM GTAN GSUM PA THOB PA'AM, DE DANG MTHUN PA'AM, DE LA ZHUGS PA LA SBYIN PAR BYED PA YIN TE, DE NI LEGS PAR BYAS PA'I LAS KYI MTHA' SPYAD PA RNAMS KYIS CHOS DANG MTHUN PA'I LONGS SPYOD BSGRUBS NAS DE GSUM GYIS SBYIN PAR BYED DO, ,GSUM NI GANG GI TSE SBYIN PA SBYIN PAR BYA'O SNYAM DU SEMS PA DE'I TSE LAS KYI NYER BSDOGS YIN NO, ,GANG SBYIN PAR BYED PA DE LAS YIN NO, ,GANG GI TSE BYIN NAS YID KYIS RO MYANG BAR BYED CING DE LTAR YID LA SEMS PA DE'I TSE LAS KYI MJUG
YIN NO, ,DE LTAR DGE BA STONG NYIS BRGYA BYA BA BYAS PA DE LUS DANG BRAL NAS BDE 'GRO MTHO RIS KYI 'JIG RTEN ZHIB TU SPYOD PA'I GNAS SU SKYE BAR 'GYUR RO, ,DER SKYES NAS KYANG DGE BA'I LAS KYI MTHA' SPYAD PA DE LAS ZHIB MO DES YID LA JI LTAR 'DOD PA BZHIN BDAG NYID KYI NGO BO CHE BA'AM, CHUNG BAR 'GYUR RO, ,LHA'I GNAS DE DAG KYANG RIN PO CHE SNA BDUN GYI SHING LJON PA RNAMS MDOG SHIN TU GSAL ZHING RANG GI DGE BA'I LAS KYIS DRI MA MED PA YIN NO, ,TSAL DE'ANG SRID DU DPAG TSAD NYI SHU LA ZHENG DU DPAG TSAD BCU YOD DE, CHU BO DANG, 'BAB CHU DANG, LTENG KA DANG, TSAL DANG, NYE BA'I TSAL DANG, NANG GI TSAL RNAMS KYIS SHIN TU GANG BA SHIN TU BLTA NA SDUG PA YIN LA, SHING LJON PA RNAMS KYIS TSAL GANG YIN PA 'DI DRI MA MED PA DANG, GSAL BA YIN TE, DE YAL GA DANG, LO MA DANG, 'DAB MA RNAMS KHA DOG DANG, ME TOG SNA TSOGS KYIS BRGYAN PA, GSER BTZO MA'I MDOG DANG MTSUNGS PA, KHA CIG DNGUL GYI MDOG LTA BU DANG, GZHAN DAG BEE d'URYA'I MDOG LTA BU YIN NO, ,TSAL DANG, TSAL KYI SHING LJON PA DE RNAMS KYI LO MA DANG, 'DAB MA DANG, SHING GZHON NU DANG, YAL GA DANG, YAL GA PHRA MO ME LONG LTA BU'I NANG DAG TU LHA DE RNAMS KYI NGO BO GSAL BAR SNANG STE, 'DI LTA STE, SHING GCIG GI NANG DU SNANG BA DE BZHIN DU SHING LJON PA 'BUM RNAMS KYI NANG
, ,DU YAN LAG DANG, NYING LAG THAMS CAD SNANG STE, LHA'I LUS DE GCIG PU LAS KYI GZUGS BRNYAN DANG MTHUN PAR SHING LJON PA 'BUM PHRAG DU MA DAG GI NANG NA SNANG NGO, ,YANG SHING LJON PA DE RNAMS KYI NGO MTSAR BA GZHAN NI, JI TZAM DU LAS KYI RNAM PA DMAN PA DANG, 'BRING DANG, KHYAD PAR DU 'PHAGS PA GANG DAG GIS LHA DE DAG LAS KYI RNAM PAR SMIN PA DANG BCAS PA YIN TE, DE'ANG LAS BYAS PA JI LTA BA BZHIN SHING LJON PA DE RNAMS KYI SHUN PA DANG, RTZA BA DANG, YAL GA DANG, LO MA DANG, 'DAB MA'I NANG NA THAMS CAD SNANG NGO, ,DE NAS LHA'I RGYAL PO BRGYA BYIN LHA DANG, LHA MO'I TSOGS 'BUM PHRAG DU MAS YONGS SU BSKOR BA, LUS THAMS CAD ME TOG GI PHRENG BA DANG, BYUG PAS RNAM PAR BRGYAN PA, NYI MA 'BUM PAS LHAG PA'I 'OD 'BAR BA TSAL DER 'DONG BAR BYED DO, ,DE NAS ZHIB TU SPYOD PA'I LHA RNAMS BRGYA BYIN DE 'ONG BA MNGON DU MTHONG NAS GUS PA DANG BCAS PA'I SEMS KYIS LHA'I RGYAL PO BRGYA BYIN GA LA BA DER 'DONG STE PHYIN NAS BRGYA BYIN LA GSONG POR SMRAS SHING SPYI BOR THAL MO SBYAR TE MCHOD NAS YID LA GUS PA DANG BCAS PA THAMS CAD TSAL GA LA BA DER 'DONG BAR BYED DO, ,DE NAS LHA'I RGYAL PO BRGYA BYIN LA SNYAN PA DANG, PHAN PA'I SEMS THAMS CAD KYIS MCHOD DE, LHA DANG, LHA MO'I
TSOGS DGE BA'I LAS KYI MTHA' SHIN TU RGYA CHE BA SPYAD PA DE DANG LHAN CIG YONGS SU BSKOR NAS BDE BAR GNAS PAR BYA BA'I PHYIR TSAL GA LA BA DER 'DONG BAR BYED DO, ,DE BYA SNA TSOGS SKAD 'BYIN PAS SHIN TU GANG BA, GSER GYI SHING LJON PA RNAMS KYIS BRGYAN PA'I TSAL DER PHYIN TE, LAS MTHUN PA MNGON SUM DU GYUR PA DE DAG KYANG LAS KYI CHOS KYI RNAM PAR SMIN PA MNGON PAR MTHONG NAS BRGYA BYIN DES 'DI LTAR TSIGS SU BCAD DE SMRAS PA, LJON PA SNA TSOGS 'DI RNAMS NI, ,DGE BA'I LAS KYIS MNGON DU GYUR, ,YI GE MED KYANG SHIN TU MTHUN, , MKHAS PA RNAMS NI RJOD PAR BYED, ,RNAM PAR SMIN PA GANG GANG GIS, ,GANG DANG GANG DU SKYE 'GYUR BA, ,MI YIS DE DANG DE DAG TU, ,DGE BA'AM YANG NA MI DGE 'THOB, ,SKYE BO DGE BA'I LAS KYIS SU, ,RTAG PA LHA RNAMS NANG DU SKYE, ,DE BZHIN MI DGES MI THA MA, ,SEMS CAN DMYAL BAR LTUNG BAR GYUR, ,DGE DANG MI DGE DAG LA CHAGS, ,'DOD CAN 'DOD PAS RMONGS PA RNAMS, ,GANG DAG NGES PAR 'BYUNG 'GYUR BA, ,'CHI BA KHONG DU MI CHUD DO, ,LJON PA RNAMS LA MNGON PAR GANG, ,'DI NI DGE BA'I RNAM SMIN TE, ,BDE BAS YID NI RMONGS PA DAG ,BDE LAS DGA' BA 'BRAL MI NUS, ,YUL 'DOD PA YI SROG CHAGS RNAMS, ,'DOD PA'I RO YIS RAB MYOS PA, ,GANG GIS BCINGS PA'I LUS CAN NI, ,DRA BA LDAN PAS RTAG
, ,TU GNOD, ,JI LTAR 'JIG RTEN DAG GI ME, ,TSA DANG LHAN CIG SKYE BA LTAR, ,BUD MED MI BZAD 'DOD CHAGS DANG, ,NGES PAR LHAN CIG SKYE BAR 'GYUR, ,JI LTAR BUD MED LAS BYUNG ME, ,LUS CAN RNAMS KYI SNYING 'JUG PA, ,ME 'DI GANG ZHIG BYUNG BA NI, ,DE LTAR TSA BAR MI 'GYUR RO, ,'JIG RTEN THAMS CAD RNAM 'JIG CING, ,CHOS NI THAMS CAD ZAD BYED LA, ,SEMS CAN DMYAL BA 'DI YI RGYU, ,BUD MED YIN ZHES DRANG SRONG GSUNG, ,BUD MED KHAR NI TSIG SNYAN SMRA, ,SNYING NI GDUG PA'I DUG DANG MTSUNGS, , YID DU 'ONG LA'ANG 'DUG MI BYED, ,DE LA MI NI SU ZHIG DGA', ,YUD TZAM GYIS NI DGA' BYED LA, ,DE BZHIN YUD KYIS DGA' MI BYED, ,SNYING DU SDUG PA'ANG GNAS MI BYED, ,BRTAN PA MED DE GLOG DANG MTSUNGS, ,SLU BAR BYED PA'I RGYU LA MKHAS, ,RTAG TU BYA BA LHUR BYED CING, ,RTAG TU YID LA PHRAD PAR 'DOD, ,RTAG TU NGA RGYAL 'BA' ZHIG SEMS, ,LHA DANG MI DANG SHA ZA DANG, ,LTO 'PHYE RNAMS DANG SRIN BU YI, ,'CHING BAR GYUR PA BUD MED DE, ,SHIN TU MI BZAD DUG DANG MTSUNGS, ,PHAN PA MED DANG RIGS MED DANG, ,MTHU RTZAL TSE BA'ANG DRAN MI BYED; ;SEMS NI GNAS PA MED PA STE, ,BUD MED RLUNG GI SHUGS DANG MTSUNGS, ,GANG DU PHUN SUM TSOGS GYUR PA, ,DER NI BUD MED CHAGS BYED LA, ,DBUL BAR GYUR DANG 'DOR BYED
DE; ;SKYES PA NGES PAR GTONG BAR BYED, ,SKYES PA GANG DANG GANG PHRAD PA, ,DE LA BUD MED CHAGS 'GYUR ZHING, ,DE NI MYUR ZHING CHES MYUR BAR, ,GTONG STE MI MTHUN GNAS PAR BYED, ,JI LTAR BUNG BA ME TOG DAG ,BSKAMS NA THAMS CAD GTONG BAR BYED, ,DE LTAR NOR DANG BRAL BA YI, ,MI NI BUD MED RNAMS KYIS GTONG, ,SNYING NI MI BZAD RAL GRI 'DRA, ,MUN PAS KHEBS PA BRTAN PA MED, ,GANG GI RGYU YIS BUD MED RNAMS, ,SKYES PA 'JIG PA'I PHYIR SKYES SO, ,JI LTAR BUD MED 'CHING BYED PA, ,LHA RNAMS LA NI 'CHING GZHAN MED, ,BUD MED 'CHING BAS BCINGS PA DAG ,SEMS CAN DMYAL BAR LTUNG BAR BYED, ,BUD MED LAS BYUNG 'DOD CHAGS GANG, ,'DOD CHAGS GANG NA 'DI CHE STE, ,BUD MED 'DOD CHAGS YID BSREGS PA, ,PHYI NAS ME YIS SREG PAR BYED, ,'DOD CHAGS KYIS NI NYAMS PA'I MI, ,LAS RNAMS KYANG NI MNGON SUM STE, ,BUD MED 'DOD CHAGS RNAM RMONGS PA, ,RMUGS PA'I SNYING GIS MI RIG GO , SKYES PA DANG NI YID GCUGS SHING, ,DGA' BA DU MA BYAS NAS SU, ,SPRUL GYIS PAGS PA 'DOR BA LTAR, ,BUD MED KYIS NI GLO BUR 'DOR, ,THABS KUN GYIS NI BUD MED BSGRUBS, ,THAMS CAD DU NI YONGS BSKYENGS KYANG, ,BUD MED SHIN TU MI BZAD PA, ,BDAG GIR BYA BAR MI NUS SO, ,DE LTAR RANG BZHIN DE YIN TE, ,BUD MED RNAMS NI SEMS MI BRTAN, ,SKYES PA BRTAN PA'I
, ,SEMS KYIS SU, ,DE LA NAM YANG YID MI RTON, ,DE NAS LHA'I DBANG PO DE'I KHA NAS THOS SHING LAS LEGS PAR BYAS PA GANG YIN PA'I LHA DE DAG GIS, BRGYA BYIN GYI TSIG DE THOS NAS YID LA BYED PA DANG BRAL ZHING SKYO BA SKYES PA RNAMS, ,SKYO BA SKYES NAS 'DI LTAR TSIGS SU BCAD DE SMRAS PA, JI LTAR BRGYA BYIN DE BZHIN TE, ,DE NYID MTSAN NYID KHYOD KYIS GSUNGS, ,BUD MED ZHAGS PAR GYUR PA'I SEMS, ,BDAG CAG GIS NI MA RTOGS SO, ,DE NAS BRGYA BYIN GYIS LHA DE DAG LAS TSIGS SU BCAD PA DE THOS NAS, TSAL DE BYA SGRA SNYAN PA 'BYIN CING NYAMS DGA' BA GZHAL MED KHANG DU MAS BRGYAN PA, 'BAB CHU DANG, CHU BO DANG, LHA'I ROL MO'I SGRA RNAR SNYAN CING YID DU 'ONG BA, GSER BTZO MA LTA BU'I RI DVAGS KYIS RNAM PAR BRGYAN PA, LHA DANG, LHA MO'I TSOGS KYIS KUN TU GANG BA GA LA BA DER, LHA'I RGYAL PO KOO SHI KA DE LHA'I TSOGS DANG LHAN CIG BDE BA LA GNAS PAR BYA BA DANG, LHA'I BDE BA NYID LA YANG DANG, YANG DU SPYAD PAR BYA BA'I PHYIR 'DONG BAR BYED DE, DE TSAL DE NA 'DOD PA'I YON TAN LNGA RNAMS DANG YANG DAG PAR LDAN ZHING SHIN TU NYAMS DGA' BA, DBANG PO MCHOG THAMS CAD YUL THAMS CAD LA RNAM PAR DGA' BA'I BDE BA MYONG BAR BYED DO, ,DE DAG KYANG SPYAD NAS RI RAB KYI RTZE MO SPOS BRTZEGS ZHES BYA BA RIN PO CHE SNA BDUN 'BAR
BA LHA'I 'BYUNG KHUNGS MU TIG GI PHRENG BA RNAMS KYIS RNAM PAR BRGYAN PA LTAR 'BAB CHU DANG, CHU BO BYE MA MU TIG LTA BU RNAMS KYIS NYE BAR BRGYAN PA, CHU BO DE DAG GI 'GRAM GNYIS KA NA LHA'I BYA SGRA 'BYIN CING SHIN TU BLTA NA SDUG PA, YID DU 'ONG ZHING NYAMS DGA' BA DE DAG NA LHA'I RGYAL PO BRGYA BYIN DE LHA MO'I TSOGS KYIS YONGS SU BSKOR NAS, LHA CHA BYAD DANG, GZUGS SNA TSOGS DANG LDAN PA RNAMS RJES SU 'BRANG ZHING RTZE BAR BYED DO, ,DE DER YANG YUN RING DU SIL SNYAN YAN LAG LNGA DANG LDAN PAS RTZES NAS, GZHAL MED KHANG SKYED MOS TSAL GYIS BRGYAN PA SPYI BO ZHES BYA BA GA LA BA DER 'DONG BAR BYED DE, LHA DANG, LHA MO'I TSOGS YID RAB TU DGA' BA DANG LHAN CIG DER DONG STE PHYIN PA DANG, GANG LHA GZHAN 'DOD PA'I YON TAN LNGAS YID PHROGS PA DAG GNAS GZHAN DAG NA RTZE BAR BYED LA, DE DAG SKYED MOS TSAL SPYI BO GA LA BA DER 'DONG BAR BYED DO, ,GZHAL MED KHANG DANG, SKYED MOS TSAL PHUN SUM TSOGS PA DE'ANG RI BO THAMS CAD PAS 'PHANG MTHO LA, 'DI LTAR 'THAB BRAL BA'I LHA RNAMS KYI DRUNG NAS 'OD GSAL BA CUNG ZAD 'BYUNG STE, JI LTAR MI'I GNAS BZHI RNAMS SU RI RAB LAS 'OD GSAL BAR 'BYUNG BA DE LTAR 'THAB BRAL BA'I LHA RNAMS KYI DRUNG NAS 'OD GSAL BA PHYIS 'BYUNG NGO, ,'JIG RTEN SPYI BO PA LA 'OD CUNG ZAD KYANG MED KYANG 'JIG RTEN SPYI BO PA DE STONG 'GYUR
, ,DU MDZES PA YIN NO, ,DE NAS DER YANG BRGYA BYIN GYIS DUS YUN RING DU RTZES NAS DE NAS YANG DE BZHIN DU LHA DANG, LHA MO'I TSOGS KYIS YONGS SU BSKOR TE LHA'I 'DUN SA CHOS BZANG GA LA BA DER 'DONG BAR BYED DO, ,ZHIB TU SPYOD PA'I LHA DE DAG KYANG LHA'I GNAS DE DAG NA, JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU 'DOD PA'I YON TAN LNGA 'BYOR CING LDAN PAR GYUR PA RNAMS KYIS RTZE BAR BYED, DGA' MGUR SPYOD PAR BYED DO, ,DE PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE LAN GRANGS GZHAN LA MYONG BAR 'GYUR BA'I LAS KYIS MI RNAMS KYI NANG DU SKYES NA LAS DE DANG RGYU MTHUN PAR DE RTAG PAR MCHOG TU BDE STE RGYAL PO'AM, BLON PO CHEN POR 'GYUR, RTAG TU SKRA ZHING MO SDUG GUR 'KHYIL BA DANG, RTAG TU YID SHIN TU ZAB PA DANG, THAMS CAD KYIS DKA' BAR BYA BA RNAMS LA DON DANG LDAN PAR SHES PA DANG, RAB TU MANG POR MI SMRA ZHING NYUNG NGUR SMRA BA DANG, RTAG TU SHIN TU GOS GTZANG ZHING DKAR BA DANG, CHUNG MA MI G-YEM PA DANG, KHYIM THABS KYI GNAS LA DGA' ZHING KHYIM THAB LA DGA' LA
PHYI ROL DU MI 'KHYAM PA DANG, RTAG TU SBYIN PA LA DGA' ZHING SEMS SHIN TU DRANG BA DANG, RANG GI 'KHOR DANG, MDZA' BA SHES DANG, RTZA LA GA LA DGA' BA DANG, BLA MA LA DGA' BA DANG, TSES GRANGS LA DGA' BA DANG, RANG GI BUD MED LA DGA' BA DANG, TSUL KHRIMS DANG LDAN PA DANG, GZHAN GYI BUD MED LA MI DGA' BA DANG, SPOS DANG, PHRENG BA LA DGA' BA DANG, SDIG PA'I GROGS PO LA MI DGA' BA DANG, RIGS DMA' BAR MI SKYE BA DANG, GZUGS DANG, CHA BYAD DANG, RGYAN BZANG POR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS LHA RNAMS KYI GNAS GLU'I SGRA LA SHIN TU DGA' ZHING MNGON PAR CHAGS PA ZHES BYA BA JI LTAR 'DUG PA MTHONG NGO, ,SA DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, BDAG LA PHAN PA DANG, GZHAN LA PHAN PA'I PHYIR SEMS DGE BA LAS DGE BA SEMS DRI MA DANG BRAL ZHING GSAL BA, LUS DANG, NGAG GI LAS KYI MTHA' DGE BA, LAS KYI MTHA' SPYAD PA DGE ZHING 'DOD PA, GTAN DU PHAN PAR 'DOD PA, ,SNYING RJE'I BDAG NYID CAN LAS DANG, 'BRAS BU LA DAD PA, YANG DAG PA'I LTA BA DANG, YANG DAG PA'I LAS KYI
, ,MTHA' DANG, TSUL KHRIMS KYI YON TAN GNYIS LA RAB TU ZHUGS PA, LKOG MA YIN PAR BYED PA, SEMS MA G-YENGS PA, SPYOD PA MA G-YENGS PA, SDIG PA'I GROGS PO'I NGANG TSUL CAN MA YIN PA, MAR 'DZIN PA, PHAR 'DZIN PA, DGE SBYONG DU 'DZIN PA, BRAM ZER 'DZIN PA, GANG GI LAS KYI NYER BSDOGS DANG, LAS DANG, LAS KYI MJUG DANG GSUM STE, TSUL KHRIMS DE DAG KUN KYANG SHIN TU YONGS SU DAG PAR BYAS, TSUL KHRIMS KYIS YON TAN GNYIS KYANG BSRUNGS, SROG GCOD PA DANG, MA BYIN PAR LEN PA'ANG RNAM PAR SPANGS PA YIN NO, ,SROG GCOD PA SHIN TU BSRUNGS PA RNAM PA DU YOD CE NA, 'DI LA NAS DANG, GRO DANG, 'BRAS S'A LU RNAMS KYI NANG NA SEMS CAN SRIN BU PHRA MO SKYES PA DAG RANG THAG LA MI 'THAG LA, DE LTAR SROG CHAGS DE DAG SHIN TU BSRUNG BA'I PHYIR RAM, MA BYIN PAR LEN PAS 'JIGS PA'I PHYIR NAS DANG, GRO DAG KYANG 'TSONG BAR MI BYED, BA LANG DANG, RTA DANG, RNGA MO DANG, BONG BU DAG LA KHUR BKAL BAS RGYAB SNAD PA DANG, DE DAG LA SRIN BU BYUNG BA RNAMS CHU'AM, RTZAB MOS 'KHRU ZHING SRIN BU MI SHI BA'I CHO GA'ANG BYED DE, 'DI LTAR BYA SGRO RNAMS KYIS BLANGS NAS, SHA NYAMS PA GZHAN LA SRIN BU DE DAG 'JOG PAR BYED, CHOS MA YIN PA'I 'JIGS PAS 'DI LTAR BA LANG
DANG; RTA DANG, RNGA MO DANG, BONG BU DAG LA GNOD PAR MA GYUR CIG ,SRIN BUR GYUR PA'I SRIN BU RNAMS KYANG 'CHI BAR MA GYUR CIG CES DE LTAR GNYIS KA'I SROG SRUNG BAR BYED, SROG CHAGS PHRE'U DANG, GROG SBUR LA SOGS PA'ANG SHIN TU SRUNG BAR BYED, RNAM PA THAMS CAD KYI THAMS CAD DU KUN LA PHAN PAR 'DOD PA, NYIN MO DANG, MTSAN MO YID LA BAG MED PAR MI BYED; SROG CHAGS RNAMS LA YID KYIS KYANG 'KHU BAR MI BYED, SEMS CAN PHA ROL LA DANG PO NAS SEMS CAN GYI 'DU SHES BSKYED DE, SROG CHAGS PHRE'U DANG, GROG SBUR LA SOGS PA DE DAG KUN TU SRUNG BAR BYED CING GNAS SKABS THAMS CAD DU DGE BA'I LAS KYI MTHA' SPYOD PA YIN TE, DE DAG NI SROG GCOD PA SRUNG BA YIN ZHING, DE DAG NI SROG GCOD PA SPANGS PA YIN NO, ,MA BYIN PAR LEN PA SPANGS PA JI LTA BU YIN, RNAM PA NI DU YOD CE NA, 'DI LA DE LTAR DGE BA'I LAS KYI MTHA' SPYOD PA DE SEMS CAN SBAL BA'AM, SRE MO'AM, KHYI 'AM; WA BZUNG BA DE DAG ZAS GZHAN GYIS THAR BAR BYED DO, ,THAR BAR BYAS NAS KYANG SHA RJEN ZA BA DE DAG LA ZAS DE DAG SBYIN PAR BYED DO, ,BKRES PA DE DAG KYANG DE DAG NYID ZA BAR BYED DE, DE LTAR SROG CHAGS DE DAG KYANG SHIN TU BSRUNGS PA YIN NO, ,DE NI LHA RNAMS KYI NANG DU SKYE BAR 'GYUR LA, DE LTAR MA BYIN PAR LEN PAS NI LHA RNAMS KYI NANG NAS SHI
, ,NAS DUD 'GRO RNAMS KYI NANG DU SKYE BAR 'GYUR TE, RNAM PA DE DAG NI MA BYIN PAR LEN PA SPANGS PA YIN NO, ,BDAG NYID KYIS KYANG SPANGS LA GZHAN DAG KYANG DGE BA'I LAM LA RAB TU 'JOG PAR BYED, DGE BA LA MA ZHUGS PA'ANG DGE BA'I LAM LA RAB TU 'JOG PAR BYED, ZHUGS PA'ANG YANG DANG, YANG DU GZENGS BSTOD PAR BYED; LAS KYI 'BRAS BU NYE BAR STON PAR BYED, RGYUR BYED, KHONG DU CHUD PAR BYED DE, RNAM PA DE DAG NI SROG GCOD PA DANG, MA BYIN PAR LEN PA SPANGS PA YIN NO, ,LEGS PA LA 'JUG PA JI LTA BU YIN ZHE NA, 'DI LA 'BYOR BA NYUNG BAR GYUR KYANG CHOS RTOGS PAS 'TSO BA, SBRANG RTZI DANG, SBRANG BU'I SBRANG RTZI'I PHYIR SEMS CAN GSOD PA DAG NOR ZAS BYIN NAS SBRANG BU RNAMS KYI SROG SKYOB PA YIN TE, DE NI SEMS CAN RNAMS KYI SROG SBYIN PA YIN NO, ,MA BYIN PAR LEN PA SPANGS SHING, SBYIN PA LA MNGON PAR DGA' BA JI LTA BU YIN ZHE NA, 'DI LA DE LTAR TSEGS CHEN POS 'TSO BA CHOS DANG LDAN ZHING CHOS KYI RJES SU 'JUG PA DE, BSAM GTAN BZHI THOB PA'AM, GZHAN DAG LA ZAS SBYIN PA DANG, DE BZHIN DU TSEGS CHEN POS 'TSO BAS SROG CHAGS DAG DGRA'I LAG TU SONG STE, MTSON GYIS 'KHRUG CING BSAD DU DOGS PA NA DE THAR BAR BYED PA YIN NO, ,SBYIN PA RNAMS KYI NANG NA MCHOG
NI 'DI YIN TE, 'DI LTA STE, CHOS SBYIN PA'AM, SROG SBYIN PA YIN LA DE GNYIS KA'I SBYIN PA DAG TU GYUR PA, SKYES BU DAM PA DE GZHAN DAG KYANG DE LTAR BYED DU 'JUG ,BYAS PA LA'ANG RJES SU YI RANG BAR BYED PA DE NI DGE BA'I TSUL KHRIMS LA RAB TU ZHUGS PA YIN NO, ,TSUL KHRIMS DANG LDAN PA DE LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM PA'I LHA RNAMS KYI NANG DU GLU'I SGRA LA SHIN TU DGA' ZHING MNGON PAR CHAGS PA'I GNAS SU SKYE BAR 'GYUR RO, ,DER SKYES NAS KYANG DGE BA'I LAS KYIS SPRUL PA DE LA MCHOD PA BYED DE, 'DI LTAR GANG SHIN TU RGYA CHE BA THAMS CAD DANG LDAN PA'I TSAL 'DI THAMS CAD MNGON PAR BRGYAN PA, 'DI THAMS CAD LEGS PAR BYAS PA'I LAS KYIS BSKYOD PA YIN TE, LHA'I GNAS 'DI GOM GANG TZAM YANG GANG LEGS PAR BYAS PA'I LAS KYIS MA SPRUL PA'AM, GANG DU LHA RNAMS KYIS MA RTZES PA'AM, DER BDE BA'I RNAM PA SPYAD NAS MA SHI BA'AM, RANG GIS BYAS PA'I LAS KYI 'BRAS BU ZAD NAS NYAMS PAR MA GYUR PA MED DE, GANG DU BDAG CAG GI LUS MNGON SUM DU GYUR KYANG SRED PA'I ZHAGS PAS BCINGS PA, SRED PAS RNAM PAR BSGYUR BA, YANG DANG, YANG DU RNAM PAR BSLUS PA RNAMS YID 'BYUNG BAR MI BYED DO, ,DE LTAR DE BRGYA BYIN GYIS MTHONG NAS YANG DANG, YANG DU TSAL DE DAG NYID GA LA BA DER BDE BAR GNAS PAR BYA BA'I
, ,PHYIR 'ONG BAR BYED DO, ,DE SKAL PA NGES PAR MYONG BAR BYED PA, ME TOG DANG, 'BRAS BU DANG, LCUG MA 'PHYANG BAS KHEBS PA'I SHING LJON PA SNA TSOGS DANG, BZA' BA DANG, BTUNG BA CHU BO LTAR 'BAB PA PHUN SUM TSOGS PA GA LA BA DER LHA'I TSOGS DANG LHAN CIG 'DONG BAR BYED DO, ,TSAL GYI PHYOGS DER YANG LHA MO'I TSOGS DANG LHAN CIG RTZES NAS; SKYED MOS TSAL MYOS 'GRO 'DUL ZHES BYA BA GA LA BA DER BDE BAR GNAS PAR BYA BA'I PHYIR 'DONG BAR BYED DO, ,DE NAS BRGYA BYIN LHA DE DAG DANG, LHA GZHAN RNAMS DANG YANG LHAN CIG TU GZHAL MED KHANG MYOS 'GRO 'DUL ZHES BYA BA GA LA BA DER 'DONG BAR BYED DO, ,DE NAS BRGYA BYIN GYIS SKYED MOS TSAL DE MNGON PAR MTHONG NAS KHYED CAG SKYED MOS TSAL 'DI LTOS SHIG CES SMRAS SO, ,LHA RNAMS KYIS, BRGYA BYIN, MTHONG LAGS SO ZHES SMRAS SO, ,DE NAS YANG BRGYA BYIN GYIS LHA RNAMS LA SNGON BYUNG BA'I RABS RJOD PAR BYED DE, 'DI LTAR BDAG GIS TSAL 'DIR LHA RNAMS KYI NANG DU SNGON GYI TSE RABS THOS TE, BCOM LDAN 'DAS 'KHOR BA 'JIG GIS LHA RNAMS LA CHOS BSHAD PA, 'DI LTA STE, THOG MAR YANG DGE ,BAR DU 'ANG DGE ,THA MAR YANG DGE BA, DON BZANG PO, TSIG 'BRU BZANG PO, YONGS SU RDZOGS PA, YONGS SU BYANG BA'I CHOS BSTAN TE, 'DI LTA STE, 'DI YOD PAS
'DI 'BYUNG, 'DI SKYES PA'I PHYIR 'DI SKYE, 'DI 'GAGS PA'I PHYIR 'DI 'GAG GO ,GANG ZHIG YOD NA CI ZHIG 'BYUNG ZHE NA, 'DI LTA STE, 'DOD PA RNAMS YOD NA NYES DMIGS 'BYUNG LA, 'DOD PA RNAMS MED NA NYES DMIGS MI 'BYUNG STE, LHA DAG ,'DI NI YOD PAS 'DI 'BYUNG BA YIN NO, ,GANG ZHIG MED NA CI ZHIG ME 'BYUNG ZHE NA, LHA DAG ,'DI LTA STE, 'DOD PA RNAMS MED NA 'DOD PA'I NYES DMIGS RNAMS MI 'BYUNG STE, 'DI NI 'DI MED PAS 'DI MI 'BYUNG BA YIN NO, ,GANG ZHIG 'GAG NA CI ZHIG 'GAG CE NA, SRED PA'I 'GAGS PAS 'DOD PA'AM, 'DOD PA'I NYES DMIGS 'GAG STE, LHA DAG ,'DI NI 'DI 'GAGS PAS 'DI 'GAG PA YIN NO, ,LHA DAG ,GZHAN YANG, 'DI YOD PAS 'DI 'BYUNG LA, 'DI MED PAS 'DI MI 'BYUNG BA NI, 'DI LTA STE, SRED PA'I RKYEN GYIS 'DUN PA SNGON DU 'GRO BA 'BYUNG LA, 'DUN PA'I RKYEN GYIS 'DUN PA SKYED PA YID LA BYED PA MI MTHUN PA 'BYUNG NGO, ,DE LA 'DUN PA GANG YIN PA DE NI BYA BA'I BSAM PA YIN NO, ,RMONGS PA TSOL BA GANG YIN PA DE NI MA RIG PA YIN NO, ,MA RIG PAS RMONGS PA YANG DANG, YANG DU YUL RNAMS LA TSIM PA MED PA GANG YIN PA DE NI SRED PA YIN NO, ,GANG TSIM PA MED PA'AM, TSOL BA GANG YIN PA DE NI 'DOD CHAGS YIN TE, LHA DAG ,'DI'ANG 'DI YOD PAS 'DI 'BYUNG BA YIN NO, ,GANG ZHIG MED
, ,NA CI ZHIG 'BYUNG ZHE NA, 'DI LTA STE, SRED PA MED NA TSIM PA MED PA'I NGO BO NYID MI 'BYUNG STE, 'DI'ANG 'DI 'GAGS PAS 'DI 'GAG PA YIN NO, ,LHA DAG; GZHAN YANG, 'DI YOD PAS 'DI 'BYUNG LA 'DI MED PAS 'DI MI 'BYUNG BA NI, 'DI LTA STE, BYAS SHING BSAGS PA'I LAS RNAM PAR SMIN PA 'BYUNG LA, BYAS SHING BSAGS PA'I LAS MED NA RNAM PAR SMIN PA MI 'BYUNG STE, LHA DAG ,'DI'ANG 'DI YOD PAS 'DI 'BYUNG LA 'DI MED PAS 'DI MI 'BYUNG BA YIN NO, ,LHA DAG ,GZHAN YANG, 'DI YOD PAS 'DI 'BYUNG LA 'DI MED PAS 'DI MI 'BYUNG BA NI, 'DI LTA STE, MIG LA'ANG BRTEN, GZUGS LA'ANG BRTEN NAS YID LA BYED PA SNGON DU 'GRO BA'I MIG GI RNAM PAR SHES PA 'BYUNG STE, LHA DAG ,'DI'ANG 'DI YOD PAS 'DI 'BYUNG BA YIN NO, ,GANG ZHIG MED NA CI ZHIG MI 'BYUNG ZHE NA, 'DI LTA STE, GZUGS KYANG MED MIG KYANG MED, YID LA BYED PA'ANG MED NA MIG GI RNAM PAR SHES PA MI 'BYUNG STE, LHA DAG ,'DI'ANG 'DI MED PAS 'DI MI 'BYUNG BA YIN NO, ,LHA DAG ,GZHAN YANG 'DI YOD PAS 'DI 'BYUNG BA NI, 'DI LTA STE, BYE MA DANG, 'JIM PA DANG, 'KHOR LO DANG, SKUD PA DANG, CHU LA SOGS PA RGYU LA BRTEN NAS BUM PA 'BYUNG BAR 'GYUR TE, LHA DAG ,'DI'ANG 'DI YOD PAS 'DI 'BYUNG
BA YIN NO, ,YANG GANG ZHIG MED NA CI ZHIG MI 'BYUNG BAR 'GYUR ZHE NA, 'DI LTA STE, BYE MA DANG, 'JIM PA DANG, 'KHOR LO DANG, SKUD PA DANG, CHU LA SOGS PA RGYU RNAMS MED NA BUM PA MI 'BYUNG STE, 'DI'ANG 'DI YOD [?] NA 'DI MI 'BYUNG BA YIN NO, ,LHA DAG ,GZHAN YANG, 'DI YOD NA 'DI 'BYUNG BA NI, 'DI LTA STE, 'DU BA YOD NA 'BRAL BA 'BYUNG STE, 'DI'ANG 'DI YOD NA 'DI 'BYUNG BA YIN NO, ,GANG ZHIG MED NA CI ZHIG MI 'BYUNG ZHE NA, 'DI LTA STE, 'DU BA MED NA 'BRAL BA'I SDUG BSNGAL MI 'BYUNG STE, LHA DAG ,'DI'ANG 'DI MED PAS 'DI MI 'BYUNG BA YIN NO, ,LHA DAG ,GZHAN YANG 'DI YOD PAS 'DI 'BYUNG BA NI, 'DI LTA STE, SKYE BO YOD NA 'CHI BA 'BYUNG LA, SKYE BA MED NA 'CHI BA MI 'BYUNG STE, LHA DAG ,'DI'ANG YOD PAS 'DI 'BYUNG LA, 'DI MED PAS 'DI MI 'BYUNG BA YIN NO, ,LHA DAG ,GZHAN YANG 'DI YOD PAS 'DI 'BYUNG BA NI, 'DI LTA STE, 'DOD CHAGS KYI ME YOD NA NGES PAR GDUNG BAR 'GYUR TE, JI LTAR ME YOD NA NGES PAR SREG PA YOD PA BZHIN NO, ,LHA DAG ,'DI'ANG 'DI YOD PAS 'DI 'BYUNG BA YIN NO, ,GANG ZHIG MED NA CI ZHIG MI 'BYUNG ZHE NA, 'DI LTA STE, 'DOD CHAGS MED CING 'DOD CHAGS KYI ME MED NA 'DOD CHAGS KYI GDUNG BA MI 'BYUNG STE, JI LTAR ME MED NA SRED PA MI 'BYUNG BA BZHIN NO, ,LHA DAG ,'DI'ANG 'DI MED NA 'DI MI 'BYUNG BA YIN NO, ,
, ,LHA DAG ,GZHAN YANG 'DI YOD NA 'DI 'BYUNG BA NI, 'DI LTA STE, PHA MA DANG, KHU CHU DANG, KHRAG DANG, NGES PAR 'BYUNG BA SKYE BA DANG, MNGAL DU SKYE BAR 'GYUR BA'I LAS NGES PA DANG, DRI ZA NYE BAR LEN PA YOD NA SKYE BA 'BYUNG BA YOD DE, LHA DAG ,'DI'ANG 'DI YOD PAS 'DI 'BYUNG BA YIN NO, ,GANG ZHIG MED NA CI ZHIG MI 'BYUNG ZHE NA, 'DI LTA STE, PHA MA'ANG MED, KHU CHU DANG, KHRAG KYANG MED, YANG DAG PAR MYONG BAR 'GYUR BA'I LAS KYANG MED NA MNGAL DU NYE BAR LEN PA SNGON DU 'GRO BA MI 'BYUNG STE, LHA DAG ,'DI'ANG 'DI MED PAS 'DI MI 'BYUNG BA YIN NO, ,LHA DAG ,GZHAN YANG 'DI YOD PAS 'DI 'BYUNG LA, 'DI MED PAS 'DI MI 'BYUNG BA NI, 'DI LTA STE, TSU ROL YOD NA PHA ROL YOD PA YIN NO, ,GANG ZHIG MED CING CI ZHIG MI 'BYUNG ZHE NA, 'DI LTA STE, TSU ROL MED NA PHA ROL MED DE, LHA DAG ,'DI'ANG 'DI YOD NA 'DI 'BYUNG LA, 'DI MED NA 'DI MI 'BYUNG BA YIN NO, ,DE LTAR PHAN TSUN RKYEN DANG BCAS PA NYE BAR BZUNG NAS BTAGS PA YIN TE, PHAN TSUN RKYEN DANG BCAS PAS 'DUS BYAS THAMS CAD 'BYUNG ZHING 'BREL BAR 'BYUNG BA LA BRTEN NAS 'BYUNG STE; 'DI LTA STE, MA RIG PA'I RKYEN GYIS 'DU BYED RNAMS, 'DU BYED KYI RKYEN GYIS RNAM PAR SHES PA STE, DE LTAR RTEN CING 'BREL BAR 'BYUNG BA THAMS CAD RGYA CHE BA KHONG DU CHUD PAR
BYA'O; ,LHA DAG, DE'ANG BCOM LDAN 'DAS DES MYOS 'GRO 'DUL GYI GZHAL MED KHANG CHEN PO DER MI'I NYIN ZHAG BGRANG BA'I TSUL GYIS LO LNGA STONG DU CHOS BSHAD DO, ,'DIR BDAG GIS KHYED LA PHYOGS GCIG TZAM ZHIG BSHAD PA 'DI YIN TE, DE LTAR GANGG'A'I KLUNG GI BYE MA LTAR RGYA CHE BA YANG DAG PAR RDZOGS PA'I SANGS RGYAS BCOM LDAN 'DAS RNAMS KYI MTHUN TE CHOS KYI LUS NI GCIG YIN NO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO SUM CU BDUN PA, DE NAS BCOM LDAN 'DAS DES LHA DUNG PHYUR PHRAG BDUN DAG GI ZAG PA ZAD PAR MDZAD CING MIG DRI MA DANG BRAL BA BSKYED NAS, DE NAS YANG DZAMBU'I GLING GA LA BA DER GSHEGS SO, ,DER GSHEGS NAS MI RNAMS LA'ANG THUGS RJE DAM PAS CHOS STON TE, 'DI LTA STE, MA RIG PA'I RKYEN GYIS 'DU BYED RNAMS ZHES RGYA CHER KHONG DU CHUD PAR BYA'O, ,DER YANG SEMS CAN LA PHAN PAR BZHED PA DES MI RNAMS KYI ZAG PA DU MA ZAD PAR MDZAD DE, DE LTAR SANGS RGYAS BCOM LDAN 'DAS LHA DANG, MI RNAMS LA CHOS 'CHAD PA, LHA DANG, MI RNAMS KYI STON PA YIN NO, ,DE BZHIN DU BRGYA BYIN DES LHA DE RNAMS LA SMRAS NAS, GZHAL MED KHANG CHEN PO MYOS 'GRO 'DUL ZHES BYA BA GA LA BA DER DONG STE PHYIN PA DANG, PADMA'I RDZING BYA KHA DOG SNA TSOGS DAG DANG, RIN PO CHE SNA BDUN GYI PADMA RNAMS
, ,KYIS NYE BAR BSKOR BA MTHONG NGO, ,RIN PO CHE SNA BDUN GYI PADMA'ANG 'DAB MA KHA DOG SNA TSOGS DANG, CHA BYAD SNA TSOGS DANG, DBYIBS DANG, CHA BYAD DANG LDAN PA DANG; NYI MA SHAR BA LTA BU'I MDOG RNAMS KYIS BRGYAN PA YIN NO, ,GANG DU PADMA DANG, BEE d'URYA'I SHING LJON PA'I 'OD KUN TU 'BYANG BA RNAMS KYIS GZHAL MED KHANG CHEN PO DE NYE BAR BRGYAN TE, RAB TU GSAL BA YIN NO, ,GZHAL MED KHANG CHEN PO DE 'OD SNGON POS RNAM PAR MDZES SHING GSER GYI LO MA RNAMS DANG, 'OD DMAR POS KYANG RNAM PAR MDZES PA YIN NO; ;DE NAS YANG GZHAL MED KHANG CHEN PO DE NYE BA'I TSAL RNAM PA GZHAN GYIS MDZES PA YIN TE, KHYIM DANG NYE BA'I TSAL DE NI RAB TU DBYE BA DU MAS BRGYAN PA, RIN PO CHE SNA TSOGS KYIS BKRA BAR BYAS PA, RIN PO CHE SNA DUN GYI SHING LJON PA RNAMS DANG, KHYIM DANG, TSAL RNAMS KYIS BRGYAN PA, SHIN TU NYAMS DGA' ZHING MTHONG NA YID DU 'THAD PA GANG YIN PA DAG MTHONG NAS, BRGYA BYIN YANG NGO MTSAR CHER SKYES SO, ,DE'I DBUS NA MTSO CHEN PO YOD DE, ,GSER BTZO MA LTA BU'I CHU RNAMS KYIS MDZES PAR BYAS PA, PHYE MA DU MAS BKRA BAR BYAS PA; BYA KHA DOG SNA TSOGS CAN RNAMS KYIS BRGYAN PA YIN NO, DE NAS LHA DE DAG SIL SNYAN SNA TSOGS KYI SGRA 'BYIN CING 'GRO BA NA BRO BRDUNG, GLU LEN, RTZE RGOD, PHAN TSUN YID GCUGS
PA DAG MTSO RNAM PAR RGYAL BYED CES BYA BA DER DONG NGO, ,DE NAS LHA SHIN TU BAB MED PA DE DAG RNAMS PAR RGYAL BYED NA GNAS PA'I BYA RNAMS KYIS MTHONG NAS 'DI LTAR TSIGS SU BCAD DE SMRAS PA; JI LTAR PADMA'I TSAL DAG TU, ,RJEN ZA BYA RGOD MDZES MA YIN, ,DE BZHIN ZHI BA'I DGON PA RU, ,MI DGE SPYOD PA MI MDZES SO, ,JI LTAR NYI MA 'OD GRANG NA, ,LOG PA RGYUR TE MI MTHUN LTAR; ;BAG MED LHA RNAMS GA LA ZHIG ,ZHI BA'I TSUL DU GA LBA DGA', ,SRED DANG BRAL BA'I BDE BA DANG, ,SDUG BSNGAL GROL BA'I SKYOB PA GANG, ,BDE BA DE YI KHYAD PAR LAS, ,BDE BA'I GRANGS SU MI BRTZI'O, ,RAB TU MYOS MED BSAM GTAN PA, ,KUN TU ZHAGS LAS GROL BA YI, ,BDE GANG DE NI BDE MCHOG STE, ,SRED PAS BSLU BA 'DI MA YIN, ,TSAL 'DI THOB PAS BSTAN PA STE, ,SHIN TU BSGOM PA RNAMS KYIS BSTAN, ,LHA MCHOG 'DOD CHAGS YID BYED KYI, ,BSTEN PAR 'OS PA MA YIN NO, ,KHYOD KYI BDE BA GANG YIN 'DI, ,DE NI RTAG PAR MA YIN TE, , SRED PA MED PAS BSTEN PA GANG, ,DE NI ZHI MCHOG BDE BA YIN, ,GANG ZHIG THOB NAS SDUG BSNGAL KUN, ,THAMS CAD DU NI GCOD PAR 'GYUR, ,GNAS MCHOG RTOG PA GANG YIN PA, , TSAL 'DI NGES PAR BSTEN PA YIN, ,NGAN G-YO SPYOD CING ZHIM ZA LA, ,BRKAM CHAGS KYIS NI SEMS BSLUS PA, ,SHIN TU BSGOMS PA ZHI BA'I TSAL, ,DGA' BA BSTEN PAR MI 'OS
, ,SO; ;DGE BA'I YUL DU ZHI BA NYID, ,BSGOMS PA'I SEMS NI DGA' BYED KYI, ,'DOD CHAGS SPYOD PA RNAMS KYI SEMS, ,TSAL GYI GNAS SU MI DGA'O, ,GANG ZHIG RTAG TU SEMS ZHI BA, ,MI DE TSAL DU DGA' 'GYUR GYI, ,'DOD CHAGS KYIS NI SEMS DKRUGS PA, ,TSAL RNAMS SU NI DGA' MI 'THOB, ,DMIGS PA LNGA YIS 'JIGS BYED PA, ,SRED PA NYID KYIS SREG MI 'GYUR, ,SRED LAS RNAM GROL DRI MED PA, ,NGAN SONG GRONG KHYER MI 'GRO'O, ,SKYE BA YOD NA RTAG TU 'CHI, ,NAD MED MED NA NAD YOD CING, ,PHUN SUM SDUG BSNGAL LHAN CIG SKYE, ,GZHON NU DAG KYANG RTAG TU RGAS, ,SDUG PA KUN DANG BRAL 'GYUR ZHING, ,RTAG TU 'DU BA MED PAR SHES, ,'DI NI RTAG TU 'JIG RTEN CHOS, ,YANG DAG RDZOGS SANGS RGYAS KYIS BSHAD, ,RTAG TU SRID GSUM NYAMS NGA BAR, ,GANG GI BLO NI MI RMONGS PA, ,SKYES BU DAM PA DE YIS NI, ,ZHI BA'I TSAL DU DGA' BA 'THOB, ,KUN RTOG 'DOD CHAGS MI BRTAN PA, ,RTAG TU 'DOD CHAGS LA SOGS BSGRIBS, ,BDE BA'I BYUNG BA ZHI BA'I TSAL, ,ZHI BA DE NYID 'THOB MI 'GYUR, ,GANG ZHIG RTAG TU YID ZHI ZHING, ,TSAL DU RNAL 'BYOR BSAM GTAN PA, ,DE DAG RTAG PAR TSAL DU DGA', ,'DOD CHAGS TSOL BA MA YIN NO, ,TSAL RNAMS SU NI BSGOMS PA SEMS, ,GRONG DAG TU YANG G-YO MI 'GYUR, ,DE BAS RTAG
TU TSAL BSTAN BYA, ,GRONG KHYER GYIS NI GNOD MI 'GYUR, ,MI YI 'DOD CHAGS LA SOGS YIS, ,GRONG KHYER DAG TU RNAM PAR G-YENG, ,RMONGS PA MI RTAN G-YENGS PA DE, ,TSAL DU PHYIR ZHING DONG BAR BYED, ,GANG PHYIR SDIG DANG BRAL BA DE, ,BRAL BA'I YID KYIS BSTEN BYA STE, ,DE BAS MCHOG TU ZHI BA'I TSAL, ,RNAL 'BYOR RNAMS KYIS GNAS CHEN YIN, ,SEMS DANG DBANG PO RAB ZHI BA, ,RNAL 'BYOR SNYING LA DGA' BA GANG, ,DE NI NGA BRGYA BYIN STONG SNYED KYI, ,SHIN TU DGA' BAR MI 'GYUR RO, ,THAMS CAD DU NI RNAM BYANG BA, ,RNAL 'BYOR BA YI DGA' MTHONG GANG, , RTAG TU 'DOD CHAGS RJES 'GRO BA, ,'THAB BRAL BA YANG DE MA MTHONG, ,'DOD PA'I DBANG SONG DGA' BA GANG, ,DE NI RTAG TU SDUG BSNGAL 'BYUNG, ,NYON MONGS BCOM PA'I DGA' BA GANG; ;DE NI RTAG TU DGA' BA YIN, ,'KHOR BA THOG MA MED PA NAS, ,DGRA RNAMS SU NI SEMS 'BYUNG STE, ,DE NI BCOM NAS DGA' 'BYUNG GANG, ,DE LA 'DOD PAS GA LA GNOD, ,'DOD PA LAS BYUNG DGA' BA NI, ,SDIG BCAS SDUG BSNGAL 'BRAS BU TSA, ,GANG ZHIG 'DOD PAS RNAM GROL BA, ,DE NI DGA' BA MCHOG YIN NO, ,DE LA BRTEN NAS RNAL 'BYOR PA, ,'GRO BA MCHOG TU 'GRO BAR 'GYUR, ,'DOD PAS BYAS PA'I DGA' BA YIS, ,'CHI MED GNAS SU KHRID MI 'GYUR, ,STEN PA'I TSE NA MNGAR LA DGA', ,RNAM PAR SMIN PA ME DANG MTSUNGS, ,'DOD LAS BYUNG
, ,BA'I DGA' BA NI, ,RTAG TU SEMS CAN DMYAL BAR 'GRO, ,STEN PA'I TSE NA MNGAR LA DGA', ,BAR DU KUN NAS DGA' 'GYUR TE, ,MTHAR YANG ZHI ZHING DRI MED PA, , 'CHI BA MED PA'I GNAS SU 'GRO, ,THOG MA BAR DANG MTHAR DGE GANG, ,RTAG TU MA LTAR SDUG PA YIN, ,DE NI SPANGS NAS BYIS PA DAG ,'DOD PA'I YUL LA CI PHYIR CHAGS, ,BAR DANG MTHA' NGAN SDUG BSNGAL DANG, ,RTAG TU SKYON GYI GLONG GIS BSGRIBS, ,BDE BA 'BYUNG BA MA MTHONG GANG, ,DE NI BYIS PAS CI PHYIR BSTEN, ,JI LTAR DUG GI SNYE MA LA, ,DGA' BA REG NA 'BAR BA 'BYUNG, ,DE LTAR 'DOD PAS DGA' BYAS PA, ,YONGS SU BYUNG NA DUG DANG MTSUNGS, ,JI LTAR ME YIS SREG PA NA, ,'BAR BAR 'GYUR TE ZHI MED CING, ,SREG PAS KYANG NI GZHAN GSOD DE; ;'DOD BYAS DGA' BA DE DANG MTSUNGS, ,PHYE MA LEB KYIS 'BAR BA MTHONG, ,TSIG PA'I NYES PA MI MTHONG STE, ,DE LTAR 'DOD BSKYED DGA' BA NI, ,BLO MED RNAMS KYIS MTHONG BAR 'GYUR, ,'DOD CHAGS BSKYED PA'I GDUNG BA GANG, ,'DOD PA PA RNAMS RTAG TU SREG ,PHYE MA LEB NI 'TSIG PA LTAR, ,THAMS CAD DU NI MI MTHONG NGO, ,DE BAS 'DOD PA'I DUG SPANGS TE, ,LHA RNAMS YE SHES RTAG DGA' ZHING, ,TSE NI DON MED MI BYA LA, ,KHYED CAG BAG MED MA 'GRO ZHIG ,BAG MED PA YIS RNAM RMONGS PA, ,SKYES BU THAMS CAD CHAGS
PAR 'GYUR, ,DE NI PHYI NAS BRAL BA NA, ,DE TSE GDUNG BAS GDUNGS PAR 'GYUR, ,RTAG TU 'DOD PAS RNAM RMONGS PA, ,DE NI DGE BA'I LAS MTHA' ZAD, ,'DOD PA RMONGS PAS BSLUS PA NI; ;SUM CU GSUM NAS DMYAL BAR 'GRO ,JI SRID 'CHI BA MI 'ONG DANG, ,JI SRID SEMS NYID RDZOGS PA NI, ,DE SRID CHOS LA YID KYI DON, ,NYE BAR ZHI BA DAG TU 'GYUR, ,SRED CHU SHIN TU MI BZAD PA, ,MTHO RIS KYIS NI YUL DU 'BAB, ,RNAM RTOG SHUGS LTAR MI BRTAN ZHING, ,NYES GSUM BRO BA LTA BU 'BYUNG, ,BAG MED PA NI CHU LTAR BAB, ,BUD MED 'DOD CHAGS NYA LCIGS 'DRA; ;GLU DANG SIL SNYAN SGRA MYUR MTSUNGS, ,LHA NI RDO LTAR MI BRTAN NO, ,SPRUL LTA BU YI YUL GYIS KHEBS, ,YID NI MYUR BA'I RLABS DANG 'DRA, ,LHA RNAMS 'DOD CHAGS KYIS BSLUS PA; ;RMONGS PA DE DAG 'JUG PAR BYED, ,'DI LTAR DE NI MI MTHONG STE, ,BLO MED PA DAG 'JUG PAR 'GYUR, ,JI LTAR DUG GI LJON SHING GI ,ME TOG BUNG BA RNAMS 'JIBS PA, ,DE LTAR 'DI NI DUG 'DRA STE, ,RMONGS PA RNAMS NI BDE LA SPYOD, ,BUNG BAS DUG NI 'THUNGS PA DAG ,GAL TE KHA CIG 'TSO 'GYUR GYI ,'DOD PA'I DUG NI 'THUNGS PA YIS, ,'TSO BA RNYED PA DKA' BAR 'GYUR, ,NYES GSUM SKAM SHING LTA BU BYUNG, ,BAG MED RLUNG SHUGS LDAN PA 'DRA, ,SRED PA MED 'DRA BA LHA YI TSOGS, ,SREG PAR BYED KYANG MI RIG GO ,NYES PA LAS BYUNG SA 'DI NI, ,
, ,BAG MED PA YI GSING MAS BSGRIBS, ,RANG GIS BYAS PA RMONGS PA'I LHA, ,RMUGS PA RNAMS NI RTAG TU RGYU, ,BAG MED PA RNAMS 'DOD PA'I RGYU, ,YUL DAG MI BRTAN MI BZAD DE, ,BRTAN PO DE LA YID MI RTON, ,'DI LTAR DE NI RMI LAM 'DRA, ,RMI LAM DMYAL BA'I RGYA YIN, ,'DOD PA'I RMI LAM RGYU YIN TE, ,DE BAS 'DOD PA 'DI SPONGS LA, , RTAG TU LEGS PA SPYAD PA SPYOD, ,TSAL NI LEGS PA SHIN TU SPYAD, ,NYES PAR SPYAD PA'I MI YIS MIN, ,'DI LTAR DE DANG 'BREL BA NI, ,LEGS PA'I GNAS ZHES BRJOD PA YIN, , 'DOD PA TSOL BA'I LHA KUN GYIS, ,GNAS NI GANG ZHIG MA THOB PA, ,BRTAN PO BAG YOD PA LA DKA', ,MI YIS GNAS DE THOB PAR 'GYUR, ,DE LTAR BRGYA BYIN DE TSAL MYOS 'GRO 'DUL DU 'JUG PA NA TSIGS SU BCAD PA SMRAS NAS, YANG TSAL DE NYID GA LA BA DER DONG STE PHYIN PA DANG TSAL DE DGE BA SPYAD PA DU MA DANG, SLOB PA DANG, MI SLOB PA'I SKYE BO BSOD NAMS SNA TSOGS BYAS PAS GTZANG BA, DRANG SRONG CHEN PO BCOM LDAN 'DAS 'KHOR BA 'JIG GI DRUNG DU GANG BYUNG BA LEG PAR BYAS PA'I LAS KYI MTHA' SPYAD PA DE RNAMS KYIS BSTEN PA YIN NO; ;DE NAS LHA'I RGYAL PO BRGYA BYIN LHA'I TSOGS DANG LHAN CIG YONGS SU BSKOR TE, LHA'I SIL SNYAN RNAM PA SNA TSOGS KYI SGRA RNAMS KYIS DGA' BZHIN DU 'JUG PAR BYED DO, ,DE LA
'JUG PA NA TSAL DES TSAL DE DAG THAMS CAD KYI MDZES PA ZIL GYIS MNAN NAS, RNAM PAR GNAS PA DE MTHONG STE, JI LTAR RI BO STONG PHRAG DRUG CU RNAMS KYI NANG DU NA RI'I RGYAL PO RI RAB RNAM PAR MDZES PA DE LTAR CHES SHIN TU MDZES PA YIN NO, ,JI LTAR LHA'I DBANG PO BRGYA BYIN DE LHA DE RNAMS KYI NANG NA CHES SHIN TU RNAM PAR MDZES PA DE LTA BU'I RIM PA KUN GYIS TSAL DE DAG ZIL GYIS MNAN CING, SUM CU RTZA GSUM PA'I TSAL DANG, NYE BA'I TSAL DE DAG THAMS CAD ZIL GYIS MNAN NAS MDZES PAS BZANG BA YIN NO, ,BRGYA BYIN DE LHA'I TSOGS THAMS CAD KYIS YONGS SU BSKOR NAS DZAMBU'I GSER GYI TSAL, GSER GYI LAN KAN GYI DRA BAS YONGS SU BSKOR BA DANG, GSER GYI SHING LJON PA THAMS CAD KYIS YONGS SU BSKOR BA GA LA BA DER DONG BAR BYED DO, ,DE NAS BRGYA BYIN GYIS LHA DE DAG LA SMRAS PA, KYE; LHA DAG ,SDUG PA THAMS CAD ZIL GYIS MNAN NAS RNAM PAR GNAS PA, LTENG KA DANG, 'BAB CHU'I DONG DANG; TSAL DANG, CHU BO DAM MA PHUN SUM TSOGS PA'I TSAL 'DI LA LTOS, KYE; LHA YON TAN KUN GYIS YONGS SU BSKOR BA MTHONG LAGS TE, DRANG SRONG CHEN PO DE'I THUGS DANG, ZHING SKU GSAL PA MTSUNGS PA MED PA, THAMS CAD MKHYEN PA NYID DANG MTHUN PA, THAMS CAD MKHYEN PA NYID KYIS BSGOMS PA'I SHING LJON PA'I TSAL DANG NYE BA'I TSAL 'DI DAG LA BDAG CAG KYANG NGO MTSAR CHER
, ,GYUR TO; ;GANG DU LHA'I TSOGS KYI SHIN TU CHES BDE BA, LHAG PAR BDE BA, DPE MED PA, RNAM PA DU MA DAG KYANG MNGON PAR ZIL GYIS MNAN TE, SKYE BU KHA LO SGYUR BA DAM PA 'DI ZHI BA MCHOG TU 'DA SKYANG DA DUNG DU 'BRAS BU'I LHAG MA 'DI DE RING GI 'BRAS BU LTA BUR MCHIS SO, ,DE NAS YANG LHA'I RGYAL PO BRGYA BYIN TSAL KHANG PA BRTZEGS PA'I TSAL ZHES BYA BA TSAL CHEN PO DE NYID KYI PHYOGS GANG DU, BCOM LDAN 'DAS DE BZHUGS BZHUS PA DE GA LA BA DER 'GRO BAR BYED DO, ,DE NAS KHANG PA BRTZEGS PA BZHI 'BUM GYIS YONGS SU BSKOR BA, RIN PO CHE SNA BDUN LA, 'DI LTA STE, AANDA RNYIL DANG, RDO RJE DANG, RMA RGAD DANG, SPUG DANG, BEE d'URYA RNAMS LAS BYAS PA, KHA KHYER PHYE BA RNAMS PA SNA TSOGS KYIS YONGS SU BSKOR BA, RGYAL MTSAN DANG, BA DAN RNAM PA SNA TSOGS BSGRANG BA, BA DAN DMAR PO PHRA MO SNA TSOGS KYIS BSKOR BA, KUN NAS TSAL DE RAB TU BRO RDUNG BA LTA BUR RNAM PAR MDZES PA YIN TE; KHANG PA BRTZEGS PA DE RNAMS KYI NANG NA THAMS CAD MKHYEN PA'I KHANG BA BRTZEGS PA DE DE LTAR MDZES PA YIN NO, ,JI LTAR DZAMBU'I GLING NA DBYAR GYI DUS SAM, STON GYI DUS SU NAM MKHA' LA SPRIN MED PA NA, NYI MA DANG, ZLA BAS GZA' DANG, SKAR MA'I TSOGS THAMS CAD KYI 'OD ZIL GYIS MNAN NAS, DBUS NA MDZES PA DE LTAR KHANG PA BRTZEGS PA DE DAG THAMS CAD KYI
'OD ZIL GYIS MNAN NAS, BCOM LDAN 'DAS KYI KHANG PA BRTZEGS PA DE RNAMS PAR MDZES PA YIN NO, ,DE LA YANG DANG, YANG DU RNAM PAR DE LTA BU'I 'OD 'BYUNG STE, 'DI LTAR BRGYA BYIN 'BA' ZHIG MA GTOGS PAR KHANG PA BRTZEGS PA'I 'OD RAB TU 'BAR BA DE LA LHA GANG YANG YUN RING DU LTA BAR MI NUS TE, DPER NA, DZAMBU'I GLING GI MI RNAMS SOS GA RAB TU TSA BA'I NYI MA'I GUNG LA NYI MA YUN RING DU BLTA BAR MI NUS PA LTAR, KHANG PA BRTZEGS PA NI 'DI'ANG DE LTA BU YIN NO, ,DE NAS BRGYA BYIN KHANG PO BRTZEGS PA DER SONG STE PHYIN NAS LHA RNAMS LA SMRAS PA, LHA DAG ,KHANG PA BRTZEGS PA'I 'OD LA LTOS, LHA'I MCHOG ,MTHONG LAGS SO, ,'DI LTAR BCOM LDAN 'DAS SKYES BU 'DUL BA'I 'KHOR LO SGYUR BA BLA NA MED PA DE NYAN THOS SOM NYI DANG BRAL BA, BDEN PA MTHONG BA, GNYIS KA'I CHAL LAS RNAM PAR GROL BA, MNGON PAR SHES PA DRUG DANG LDAN PA, RDZU PHRUL GYI RKANG PA BZHI BSGOM PA 'BUM PHRAG BZHI RNAMS DANG THABS GCIG TU LHA RNAMS LA PHAN PA DANG, BDE BA'I PHYIR TSAL DANG, GZHAL MED KHANG MYOS 'GRO 'DUL BA 'DIR GSHEGS SO, ,DE DBYAR ZLA BA BZHIR GNAS 'DIR BZHUGS NAS SUM CU RTZA GSUM PA'I LHA RNAMS LA CHOS BSHAD DE, 'DI LTAR 'DI NI GZUS SO, ,'DI NI GZUGS KUN 'BYUNG BA'O, ,'DI NI GZUGS 'GAG PA'O, ,'DI NI GZUGS 'GAG PAR 'GYUR
, ,BA'I LAM MO, ,DE BZHIN DU TSOR BA DANG, 'DU SHES DANG, 'DU BYED RNAMS KYI KUN 'BYUNG BA, RTAG TU NYES DMIGS 'BYUNG BA RIM BZHIN DU BSHAD DO, ,DE LTAR BCOM LDAN 'DAS DES RIM GYIS LHA RAB TU MYOS SHING, RAB TU BAG MED PAR GNAS PA, 'CHI BA'I SDUG BSNGAL LA MI LTA BA, RGYAGS PA 'BA' ZHIG DON DU BYED PA'I LHA RNAMS LA PHAN PA DANG, BDE BA'I PHYIR RANG GI MTSAN NYID DANG, SPYI'I MTSAN NYID KYIS CHOS JI LTA BA BZHIN BSHAD DO, ,DE NAS YANG BCOM LDAN 'DAS DES RNAM PA GZHAN GYIS LHA BAG MED PAR GNAS PA RNAMS LA RJES SU BSTAN PA 'DI LTAR TSIGS SU BCAD DE BKA' STZAL PA, BAG MED 'KHOR BA'I RTZA BA STE, ,DE BZHIN LHA YI GNAS KYANG YIN, ,BAG MED DUG GIS MYOS PA GANG, ,DE DAG SRID PA NYAM NGAR BYING, ,BAG MED RNAMS LAS GROL BA GANG, ,DE NI SRID PA'I MTSO LA BRGAL, ,BAG MED MUN PA'I RTZA BA STE, ,MA RIG MUN PA BYED PA YIN, ,MUN PA YIS NI RMONGS PA GANG, ,DE DAG LA NI MIG MED DO, ,'DI LTAR SNANG BA'I GZHI PO NI, ,ME DANG NYI MA YIN PAR BRJOD, ,DE LTAR RMONGS PA RNAMS KYI GTZO, ,BAG MED YIN PAR YONGS SU BRJOD, ,BAG MED PA YI MES GDUNGS PAS, ,DE YI YID NI RNAM PAR G-YO, ,GANG GIS RMONGS PA'I BYIS PA DAG ,SEMS CAN DMYAL BAR RAB TU 'GRO ,BAG
MED PA YIS RMONGS PA'I LHA, ,BUD MED DBANG GYUR MI BRTAN PA, ,'BRAL DANG SDUG BSNGAL BRJED NAS SU, ,'DU BA DANG NI BDE BA 'DOD, ,SDUG BSNGAL CHE LA NYE BAR GNAS, ,'TSO BA'I MTHA' NI 'CHI BA YIN, ,BDE BA'I MTHA' NI MI BRTAN LTUNG, ,'DU BA'I MTHA' YANG 'BRAL BAR 'GYUR, ,BDE MTHA' RTAG TU LTUNG BA DANG, ,LANG TSO'I MTHA' NI RGA BA STE, ,LUS CAN KUN NI LAS KYI MTHA', ,DGE DANG MI DGE LAS KYIS SU, ,LUS CAN THAMS CAD BCINGS GYUR PA, ,PHYI NAS RO BRO MED PAR SHES, ,'DI DAG 'GRO BA THA DAD PAR, ,GAR MKHAN BZHIN DU GAR BYED DE, ,LAS KYI GAR GYIS BCINGS PA DAG ,'DI NI 'KHOR BAR RTAG TU 'KHYAM, ,BRTAN PO DE LA YID MA RTON, ,LAS 'GROR RTAG TU MA 'GRO ZHIG ,THABS RNAMS KUN GYIS DUG LTA BUR, ,BAG MED YONGS SU SPANG BAR GYIS, ,BAG MED PA LAS GROL BA NI, ,SRID GSUM MTSO LAS BRGAL BA YIN, ,DE LTAR BCOM LDAN 'DAS 'KHOR BA 'JIG DES LHA KHRI PHRAG DGU BTUL CING, BAG MED PAR RO BRO BA DANG BRAL BA MTHO RIS THAMS CAD DU BSTAN TE, LHA'I BYA BA CHEN PO'ANG MDZAD, GNAS 'DI'ANG RJES SU BZUNG NAS, DE NAS YANG SLOB MA DE DAG NYID DANG LHAN CIG TU DZAMBU'I GLING GA LA BA DER GSHEGS SO, ,DE NAS BRGYA BYIN GYIS DE LTAR MA LUS PAR DE THAMS CAD LHA DE DAG LA BSNYAD NAS KHANG PA BRTZEGS PA DE GA LA BA DER DONG NGO, ,DE NAS KHANG PA BRTZEGS
, ,PA RIN PO CHE DU MAS RNAM PAR BRGYAN PA, JI TZAM DU RIN PO CHE'I RNAM PA SHIN TU KHYAD PAR DU 'PHAGS PA'I RNAM PA DE SNYED KYIS BRGYAN PA DER ZHUGS SO, ,LHA DE [?] KYIS KYANG SNGON MA MTHONG STE, DE NAS LHA DE DAG NGO MTSAR DU GYUR PAR RIG NAS, DE NAS YANG BRGYA BYIN DES LHA DE DAG LA 'DI SKAD SMRAS SO, ,KHANG PA BRTZEGS PA RIN PO CHE RNAMS [?] MDZES PAR BYAS LA SNGON MA MTHONG BA 'DI LA KHYED CAG LTOS, BRGYA BYIN, MTHONG LAGS SO, ,RIN PO CHE'I KHANG PA BRTZEGS PA 'DI DAG NI, BCOM LDAN 'DAS DE LA 'THAB BRAL [?] LHA DAD PAR GYUR PA RNAMS KYIS 'DIR PHUL BA YIN LA DE DAG GIS MTHUS 'DI LTA BAR MI NUS TE, LHA DE DAG GIS MTHU NI DE LTA BU YIN NO, ,DE DAG KYANG JI LTAR KHYED CAG BZHIN SHIN [?] BAG MED PA YIN NO, ,DE NAS SMAD PAR BDAG NYID KYIS RIG CING LEGS PAR BYAS PA'I LAS KYANG NYAMS PAR RIG PAR LHA DE DAG KUN GYIS RGYAGS PA BCOM STE, GUS PAS MGO [?] SMAD; THOR TSUGS RAB TU G-YOS, MIG DANG, BZHIN RAB TU DGA' BAR GYUR PA THAMS CAD BCOM LDAN 'DAS KYI KHANG PA BRTZEGS PA DE LA PHYAG 'TSAL BAR BYED DO, ,DE LTAR YID LA [?] PA SKYES PA RNAMS KYI LAS NYAMS PAR BDAG NYID KYIS RIG NAS, SKYO BA SKYES PA GANG KHA CIG GIS NI BYANG CHUB TU SEMS BSKYED, KHA CIG GIS NI RANG SANGS RGYAS SU, KHA CIG GIS
NI NYAN THOS KYI BYANG CHUB TU, KHA CIG NI BCOM LDAN 'DAS DE LA DAD PA CHER SKYES SO, ,DE NAS BRGYA BYIN GYI SNGON NA 'DUG PA'I LHA DE DAG THAMS CAD BCOM LDAN 'DAS LA YID DAD PA SKYES SO [?] DE NAS LHA'I RGYAL PO BRGYA BYIN YANG RANG GCIG PU GANG DU BCOM LDAN 'DAS DE BZHUGS SHING GNAS LA CHOS KYANG BSTAN PA'I GZHAL MED KHANG DE NYID DU SONG NAS, BCOM LDAN 'DAS 'KHOR [?] BA 'JIG DE'I GZIMS CHA RDO RJE LTA BU DANG, YO BYAD PHUN SUM TSOGS PA RNAM PA SNA TSOGS RMAD DU BYUNG BA GANG YIN PA DE DAG LA DPYOD PAR BYED DO, ,'DI LTAR GZIMS CHA 'DI DAG GI NA [?] NA BCOM LDAN 'DAS BZHUGS BZHUGS PA YIN NA SNYAM NAS DE DAG LA'ANG BRGYA BYIN DE GUS PAS MGO BTUD DE LUS THAMS CAD KYIS PHYAG 'TSAL ZHING, BCOM LDAN 'DAS DE GUS PA CHEN POS GZIMS CHA'I GDAN GYI GZHI DE LA PHYAG 'TSAL BAR BYED DO, ,DES DE LA PHYAG BTZAL TE LANGS PA DANG RTZIG NGOS DAG LA 'DI LTAR TSIGS SU BCAD PA DE BRIS PA MGO [?] G-YANG SAR LHUNG BA'I GANG ZAG NI, ,GAL TE 'TSO BAR 'GYUR YANG SRID, ,BAG MED PAR NI LTUNG BA DAG ,NAM YANG BDE SKAL MI 'THOB BO, ,GAL TE LAS RNAMS THAMS CAD LA, ,RA [?] SHIN TU BAG MED PA, ,DE NI NYIN DANG MTSAN DAG TU, ,NAM YANG DGE BAR MI 'GYUR RO, ,'JIG RTEN CUNG ZAD BDE GANG DANG, ,'JIG RTEN 'DAS PA'I 'DOD PA GANG, ,DE DAG BAG MED [?]
, ,YIS 'JIG ,DE BAS DE NI YONGS SU SPONGS, ,BAG YOD BDUD RTZI'I GZHI YIN LA, ,BAG MED 'CHI BA'I GZHI YIN TE, ,BAG YOD PAS NI MI 'CHI ZHING, ,BAG MED PAS NI RTAG TU 'CHI, ,BAG YOD PAS NI LHA RNAMS KYI, ,GTZO BO MCHOG DANG LDAN PAR GYUR, ,BAG MED 'KHOR BA'I GZHI YIN LA, ,BAG YOD 'KHOR BA'I PHA ROL 'GRO, ,DE LTA BAS NA BAG MED SPONGS, ,THAMS CAD DU NI BDE LDAN 'GYUR, ,GANG ZHIG RTAG TU BDE 'DOD CING, ,SDUG BSNGAL LAS NI 'JIGS PA GANG, ,BAG MED MI LA DUG DANG 'DRA, ,DE YIS BAG MED RNAM PAR SPONGS, ,SKYE BO BYA BA NGAN BYAS PA, ,BAG MED NYID LA MNGON DGA' STE, ,BAG MED DUG GIS RMONGS PA RNAMS, ,G-YANG SAR RAB TU LTUNG BAR 'GYUR, ,BAG YOD GZHAN DU LEGS PAR 'GYUR, ,BAG MED PA LTA GA LA ZHIG ,BAG YOD PA YIS BDE 'GYUR LA, ,BAG MED PAS NI SDUG BSNGAL TE, ,BDE DANG SDUG BSNGAL GZHI 'DI DAG ,THAMS CAD BSDUS TE BSHAD PA YIN,, YON TAN SKYON DAG RNAM SHES GANG, ,DE NI GANG BZANG LEN PAR BYED, ,DE NAS BRGYA BYIN GYIS TSEGS SU BCAD PA DE DAG SMRAS NAS, DE NAS YANG GUS PA CHEN PO SKYES PA'I YID RAB TU GSAL BAS BCOM LDAN 'DAS DE NYID LA PHYAG 'TSAL LO, ,DE NAS YUN RING DU BAG YOD PA BSNGAGS SHING BAG MED PA SMAD NAS YANG LHA DE DAG GA LA BA DE NYID DU SONG NGO, ,DE NAS
LHA RNAMS KYANG BRGYA BYIN DE MTHONG NAS, DE DAG GUS PAS RINGS THABS SU BRGYA BYIN GA LA BA DER DONG NGO, ,DE NAS BRGYA BYIN GYIS KYANG DE DAG GI NANG DU TSIGS SU BCAD PA DE DAG SMRAS TE, 'DI LTAR TSIGS SU BCAD PA 'DI DAG NI BDAG CAG LA PHAN PA DANG, BDE BA'I PHYIR, BCOM LDAN 'DAS DON MDZAD PAR BZHED PA DES BRIS PA YIN NO, ,DE DAG THOS NAS YID RAB TU DANG BA'I LHA DE DAG KUN KYANG BCOM LDAN 'DAS LA PHYAG 'TSAL ZHING 'DI SKAD KYANG SMRA STE, 'DI LTAR BCOM LDAN 'DAS DE NGES PAR SKYE BO'I MIG YIN TE, DES BDAG CAG GI DON DU TSIGS SU BCAD PA 'DI DAG GSUNGS PA LTA ZHES SMRAS NAS, DE DAG DE NA YUN RING ZHIG TU SHIN TU BAG YOD PAR GYUR TO, ,DE NAS GZHAN YANG LHA DAG GIS SIL SNYAN DANG, ROL MO'I SGRA DBYANGS RNAM PA SHIN TU MANG PO DAG BLANGS PA DANG, DE NAS LHA DE DAG GIS 'DI LTAR 'DI DAG NI ZHIB TU SPYOD PA'I LHA DAG SKYED MOS TSAL DU DGA' SPYOD BYED DU 'DONG STE, GNAS 'DIR DONG ZHING SIL SNYAN DANG, ROL MO'I SGRA DBYANGS SNA TSOGS NYE BAR LEN LA, LHA MO'I TSOGS RNAM PA DU MA GLU DBYANGS LEN ZHING 'DIR 'ONG NGO SNYAM DU DE DAG RIG NAS, GANG LHA DE DAG SKYED MOS TSAL DU DGA' SPYOD BYED DU 'DONG BAR BDAG CAG KYANG DE DAG GI DRUNG NYID DU NGES PAR 'DONG BAR BYA'O SNYAM MO, ,DE NAS DE LTAR RIG NAS BAG MED PA'I NGO BO NYID KYIS PHROGS PA RNAMS, DE NAS YANG SIL SNYAN GYI
, ,SGRA DANG, GLU DBYANGS DANG, ROL MO'I SGRA SNA TSOGS PHYUNG NAS, ZHIB TU SPYOD PA'I LHA DE DAG GA LA BA DER PHAN TSUN SHIN TU MTHONG BAR 'DOD PA RNAMS DONG STE, YID RTAG PAR RAB TU DGA' BA'I TSAL DANG, NYE BA'I TSAL RIN PO CHE SNA TSOGS DANG LDAN PA, GSER GYI LCUG MA 'PHYANG BAS KHEBS PA RNAMS SU JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU PHAN TSUN DGA' BAR BYED, RTZE BAR BYED, DGA' MGUR SPYOD PAR BYED DO, ,DE ZAD NAS RAB TU LHUNG STE LAS NYE BAR 'GRO BA JI LTA BA BZHIN 'KHOR BAR SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,NGAN SONG GI SGO BCAD PA GANG YIN PA DE DAG GAL TE MI RNAMS DANG SKAL PA MNYAM BAR MI'I NANG DU SKYES NA, LAS DE DANG RGYU MTHUN PAR YUL SHIN TU RGYAS PA, 'BAB CHU DANG, CHU BO DANG, LTENG KA RAB TU MANG BA PHUN SUM TSOGS PA, RTAG TU LEGS PAR BYAS PA'I LAS KYI MTHA' RNAMS SU SHIN TU RGYAS PAR 'GYUR TE, MCHOG TU RGYA CHE BA'I RGYAL PO'AM, BLON PO CHEN PO SKYE BO KUN DGA' BA, BLO GROS RGYA CHE ZHING SBYIN PA DANG, TSUL KHRIMS LA MNGON PAR DGA' LA RTAG TU DGE BA BYED PAR MNGON PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SUM CU RTZA GSUM PA'I LHA RNAMS KYI SA LA RTOG PAR
BYED DE, DES THOS PA LAS BYUNG BA'I SHES PAS LHA RNAMS KYI GNAS GZI BRJID 'BYOR BA ZHES BYA BA, JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS; DES THOS PA LAS BYUNG BA'I SHES PAS BRTAGS NA, 'DI LTAR SKYES BU DAM PA DGE BA DANG LDAN PA, SKYES BU DAM PA RTAG TU BAG YOD PA DANG LDAN PAR GYUR PA, SEMS CAN RNAMS LA PHAN PAR 'DOD PA, LAS KYI 'BRAS BU LA DAD PA, SKYES BU DAM PA 'DU BA GANG GIS SROG GCOD PA DANG, MA BYIN PAR LEN PA SPANGS PAS 'GYUR TE, 'DI LTA STE, SHING SHA PA SKYE BA'I NANG NGAM; AA MRA SKYE BA'I NANG NGAM, N'A nI KE RA SKYE BA'I NANG NA SGO NGA YOD PA DAG BYA'AM, SPRUL DAG GIS BZUNG NA, DE DAG GZHAN LA PHAN PAR ZHUGS PA SNYING RJES BRLAN PA'I YID KYIS THAR PAR BYED PA YIN TE, DE LTAR SROG CHAGS DAG THAR PAR BYED PA YIN NO, ,MA BYIN PAR LEN PA SPANGS PA JI LTA BU YIN ZHE NA, 'DI LA SHING PA LA SHA'I TSAL DU PA LA SHA'I LO MA'ANG LEN PAR MI BYED LA, GZHAN GYIS BLANGS PAR SHES NAS KYANG ZLOG PAR BYED, LAM DU ZHUGS PA NA 'BRA GOS LA LHUNG BA'ANG LEN PAR MI BYED LA, GZHAN GYIS BLANGS PAR SHES NAS KYANG ZLOG PAR BYED PA YIN TE, DE LTAR MA BYIN PAR LEN PA SPANGS PA YIN NO, ,DGE BA SPYOD PA JI LTA BU YIN ZHE NA, 'DI LA SPYIN PA LA MNGON PAR DGA' STE, LO NYES BYUNG BA'I TSE
, ,DGE SBYONG DAG LA LO LNGA PA'I GZHAL BA PHYED SBYIN NAM, SDOM PA BLANGS PA'I NAD PA DAG LA ZAS SBYIN PAR BYED CING, GZHAN DAG KYANG DE NYID LA RAB TU 'JOG PAR BYED; DGA' BAR BYED, RAB TU DGA' BAR BYED, LAS KYI 'BRAS BU STON PAR BYED, SANGS RGYAS DANG, CHOS DANG, DGE 'DUN RTAG PAR RJES SU DRAN PAR BYED, PHA MA'AM, DGE BSNYEN SDOM PA BLANGS PA PHAL PA LA'ANG NA BA'I GSOS SMAN GYI RKYEN GYI YO BYAD SBYIN PAR BYED, GZHAN DAG KYANG DE NYID LA DE LTAR RAB TU 'JOG PAR BYED, LAS KYI 'BRAS BU'ANG STON PAR BYED, YANG DANG; YANG DU GZHAN LA NGAN PAR RAB TU ZHUGS SHING, SDIG PA'I GROGS PO DANG SPYOD PAR MI BYED, THAD KAR ZUR TZAM YANG MI GNAS, DE DANG LHAN CIG SMRA BAR MI BYED, DE LA TSIG TZAM YANG MI SMRA, LUS DANG, NGAG GI LAS KYI MTHA' RTAG TU LEGS PAR BSDAMS PA, BDAG LA PHAN PA DANG, GZHAN LA PHAN PAR ZHUGS BA DE LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM PA'I LHA GZI BRJID 'BAR BA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG LEGS PAR BYAS PA'I LAS KYI MTHA' SPYAD PA DE, RANG GI 'OD ZLA BA'I 'OD DANG MTSUNGS PA YIN NO, ,SA GZHI DE'ANG NYAMS DGA' BA 'DI LTA BU YIN TE, 'DI LTA STE, TSAL DANG, NYE BA'I TSAL RIN PO CHE SNA BDUN GYIS SHIN TU GANG BA YIN,
CHU BO'ANG CHU 'BAB PA SNA TSOGS 'BYUNG ZHING, PADMA SDONG BU BEE d'URYA RNAMS KYIS YONGS SU BSKOR BA YIN, PADMA GSER GYI 'DAB MA RNAMS KYIS KYANG CHU BO DE DAG KHEBS PA YIN LA, CHU RAB TU GSAL BA GSER GYI RDO SNA TSOGS PA RNAMS KYIS SGRA MTHO DMAN DU 'BYIN PA, GAR BYED PA LTA BUR 'BAB PA, BYA SNA TSOGS SGRA 'DRES PAR 'BYIN PA, RAB TU DGA' BA MANG BA DANG, LHA DANG, LHA MO'I TSOGS RAB TU DGA' BAS GANG ZHIG GSER GYI RI BO'I RTZE LA RGYU BA, GZHAN DAG BEE d'URYA'I RI LA RGYU BA, BYA NGANG PA DANG, KA RANdA PA DANG, NGUR PA'I TSOGS MYOS PA SGRA SNA TSOGS 'BYIN PA; PADMA'I TSAL GYI GSAB GSEB NA LHA DANG, LHA MO'I TSOGS RAB TU DGA' ZHING DGOD PA, 'GRAM GNYIS KA LHA'I TSOGS RNAMS KYIS KUN DU GANG BA YIN TE, CHU BO DE DAG THAMS CAD KYI RLABS RAB TU 'BYUNG BA'I SGRA YID DU 'ONG BA 'BYUNG BA YIN NO, ,GZHAN YANG PADMA'I RDZING DAG YOD DE, PADMA'I GSAB GSEB DE DAG NA'ANG RIN PO CHE SNA TSOGS KYI BUNG BA 'OD GSAL ZHING MDZES PA SNA TSOGS KYIS BRGYAN PA YIN NO, ,LHA DAG ,DE DAG LA'ANG RTOG PAR BYED DE, LHA'I TSOGS KYIS YONGS SU BSKOR BA, LUS RIN PO CHE SNA TSOGS KYIS RNAM PAR BRGYAN PA, 'OD KYI PHRENG BA RGYA CHE BA DAG CHU BO DE DAG NA RTZE BAR BYED CING, DUS YUN RING DU DGA' BA NGES PAR MTHAR BYED CES BYA BA'I TSAL DER 'DONG BAR BYED DE, RTZE BA'I PHYIR NYE BAR 'DONG NGO, ,SIL SNYAN DANG, ROL
, ,MO'I SGRA SNA TSOGS 'BYIN PA RJES SU 'BRANG ZHING PHAN TSUN GROGS SU GYUR PA, RGYAGS PA 'BA' ZHIG DON DU BYED PA DE DAG TSAL DER DONG NAS, PADMA'I TSAL PI WANG GIS RTZE BA ZHES BYA BA KUN NAS DPAG TSAD LNGA BRGYAR MTSUNGS PAR GA LA BA DER DGA' BAR GNAS PA DAG 'JUG PAR BYED DO, ,PADMA DE DAG KYANG MDOG DANG, RO DANG, DRI MCHOG DANG LDAN ZHING MTHO RIS DANG MTHUN PA'I CHANG GIS SHIN TU GANG PA YIN NO, ,DE NAS LHA SHIN TU BDE BA DE DAG CHANG ZHIM PO DE DAG LA 'THUNG ZHING GLU LEN TE, ,DE NAS BAG MED PAR GNAS PA DE DAG BYA BGEGS MI BYED PAR 'GRO BA ZHES BYA BAS MTHONG STE, DE DAG GIS LHA BAG MED PAR GNAS PA DE DAG LA MNGON PAR BRTAGS NAS, 'DI LTAR TSIGS SU BCAD DE SMRAS PA, KHREL MED NGO TSA MED PA DANG, ,LE LO'I SDIG PA'I GROGS PO RNAMS, ,'DI DAG MTHO RIS SA BON MIN, ,MKHAS PAS DE DAG BSRUNG BAR GYIS, ,KHREL MED NGO TSA MED PA DANG,, RTAG TU SDIG PA RJES SU SPYOD, ,MI NI G-YANG SA LAS LTUNG STE, ,DE NAS PHYI NAS RIG PAR 'GYUR, ,MA DAD PA DANG RMUGS PA DANG GNYID, ,DE BZHIN GAR YANG 'JIGS MI BYED, ,'CHAB DANG 'TSIG DANG RMONGS PA NI, ,DE DAG MTHO RIS RGYUR MI 'GYUR, ,CHANG 'THUNG RDZUN TSIG RAB TU SMRA, ,GNOD SEMS DE BZHIN LHAG PAR BRKAM, ,LAS 'BRAS LA NI DAD MED PA, ,KUN DU
SEMS CAN DMYAL BA'I RGYU, ,YID KYI SKYON DANG GNOD SEMS DANG, ,SDANG BA'I LAS RNAMS BSRUNG BAR GYIS, ,MI KUN SDANG BA'I LAS KYIS SU, ,SEMS CAN DMYAL BA NYE BAR RTOG ,BRTAN PA MED PA SDIG SPYOD CING, ,RTAG TU 'DOD PA'I DBANG DU SONG, ,LE LO 'KHOR MOR RDZUN SMRA BA, ,DE NI DGE BA'I 'OS MIN NO, ,GANG GI TSUL KHRIMS 'CHING BU DANG, ,SPRIN GYI KHEBS LTAR SMAD PA DAG , DE NI SMAD PA'I TSUL KHRIMS KYIS, ,MI NI SMAD PAR SKYE BAR 'GYUR, ,GANG DAG SDIG LA BLO GNAS PA, ,DE DAG MUN PA MTHA' MED LA, ,GANG DAG SANGS RGYAS BLO GNAS PA, ,DE DAG MUN PA BSAL BA YIN, ,DE BZHIN DU CHOS DANG, DGE 'DUN LA'ANG BRJOD PAR BYA'O, ,BAG MED RMONGS PA'I LHA RNAMS NI, ,YANG DANG YANG DU CHANG GIS RMONGS, ,BAG MED GNYID KYIS RMONGS PA DE, ,MI RNAMS SEMS CAN DMYAL BAR RGYU, ,JI LTAR SKYES NA NGES PAR NI, ,'CHI BA YOD PA DE LTA BUR, ,SKYE BO SKYE BA YOD PA YI, ,STENG NA 'JIG PA YOD PAR 'GYUR, ,BAG MED RGYA LTA BU YIS BZUNG, , RGYA MTSO LTA BU'I YUL DU KLU BAS, ,SRED PA'I LCAGS SGROG DAG TU BCUG ,LHA RNAMS DU MAR RTZE BAR BYED, ,SKYES MA THAG TU LHA DAG GI ,SKAD CIG DE LA BA DE ZAD 'GYUR, ,BAG MED PA YIS BSGRIBS PA'I SEMS, ,DBANG MED PA DAG SHES MI 'GYUR, ,BAG MED PA YI 'KHRUL BA 'DI, ,RTAG TU YUL LA 'DOD PAR BYED, ,'DOD PA'I BDE BAS TSIM MED PA, ,LHA RNAMS DAG
, ,NI SDUG BSNGAL LO, ,GANG ZHIG SRED PA'I DBANG SONG BA, ,LHA DE SKAD CIG THANG CIG DANG, ,NAM YANG YUD TZAM DAG TU YANG, ,NYE BAR SPYOD PAR MI 'GYUR RO, ,GANG DU LHA DAG DBANG MED CING, ,'DOD PA'I DBANG SONG RTZE BYED PA, ,SA 'DI SRED PAS NYON MONGS TE, ,RNAM PAR RTOG PA BRGYA YIS BSGRIBS, ,JI LTAR DMYAL BAR RGYU MA RNAMS, ,DE YI ME YIS SREG PAR BYED, ,DE LTAR 'DOD PA LAS BYUNG MES, ,LHA RNAMS DAG NI SREG PAR BYED, ,BKRES DANG SKOM LAS BYUNG BA'I MES, ,DE LTAR YI DVAGS RNAMS KYANG SREG ,GSOD PA'I ME YI DUD 'GRO RNAMS, ,MI RNAMS KUN TU TSOL BAS SO, ,DE LTAR KUN NAS BYUNG BA'I MES, ,SEMS CAN 'JIG RTEN MA LUS PAR, ,KUN NAS YONGS SU BSKOR NAS SU, ,SREG PAR BYED KYANG MI RIG GO ,DE LTAR BYA DE DAG GIS LHA DE RNAMS LA MNGON PAR BRTAGS NAS, YANG DANG, YANG DU RAB TU GO BAR BYED DO, ,DE NAS DE NA LHA GANG DAG SNGON LAS DGE BA BYAS SHING SPYAD PA DE DAG GAL TE'ANG BYA DE DAG GI SGRA RNAR THOS NAS 'THUNG BAR MI BYED DE, YUD TZAM ZHIG BAG YOD PA DANG LDAN NAS, DE NAS YANG YUL SGRA DANG, REG PA DANG, GZUGS DANG, RO DANG, DRI SDUG PA DPE MED PA RNAMS KYI DBANG DU SONG STE, DE'I NGO BO NYID KYI DBANG DU SONG BA'I YID DAG DE NAS YANG SIL SNYAN YAN LAG LNGA DANG LDAN PAS TSAL DANG, NYE BA'I TSAL RNAMS SU LHA
DAG RTZE ZHING GANG DANG, GANG MYONG BAR 'DONG BA DE DANG DE SHIN TU MYONG NGO, ,LHA DANG LHA MO 'BUM SNYED KYIS YONGS SU BSKOR CING, ,RANG GIS BYAS PA LA SPYOD PA KHA CIG NI BEE d'URYA DANG, AANDA RNYIL DANG, SPUG LAS BYAS PA'I RI RAB KYI RI'I RTZE MO DANG, TSAL DANG, NYE BA'I TSAL GYI SA DANG, 'BAB CHU DANG, LTENG KA PADMAS RNAM PAR BRGYAN PA, RI'I RTZE MO BYA SDUG GU SNA TSOGS KYIS RNAM PAR BRGYAN PA, BEE d'URYA'I 'DAB MA DANG, GSER GYI ZE BA DANG, SHEL GYI SDONG PO LTA BU'I PADMA'I RDZING DAG TU BUNG BA'I TSOGS KYIS SHIN TU GANG BA'I YUL DPE MED PA CHU BO'I KLUNG LTA BU RNAM PA SNA TSOGS KYI DBANG DU SONG BA NA, YANG DANG, YANG DU RTZE BAR BYED KYANG NGES PAR MYONG BAR 'GYUR BA'I SDUG BSNGAL GANG YIN PA DE DAG MI RIG STE, DE LTAR JI SRID DU BYAS SHING BSAGS PA'I LAS DE ZAD PAR MA GYUR BA DE SRID DU PHAN TSUN GROGS SU GYUR PA DAG DGA' BAR BYED, RTZE BAR BYED DO, ,DE ZAD NAS LTUNG BAR 'GYUR TE, JI LTAR NYI MA NUB NA NYIN MO ZAD PA DE LTAR LHA RNAMS LEGS PAR BYAS PA ZAD NA MTHO RIS KYI MTHA' NAS LTUNG BAR 'GYUR RO, ,LHUNG NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO; ;GAL TE MI RNAMS DANG SKAL BA MNYAM PAR MI'I NANG DU SKYES NA LAS DE DANG RGYU MTHUN PAR DE SHIN TU BDE BAR 'GYUR TE, NOR MANG BA DANG, MCHOG TU RGYA CHE BA LA DGA' BA DANG, DAM PA'I
, ,CHOS LA DGA' BA DANG, RTAG TU SHES PA LA DGA' BA DANG, DGE SBYONG DANG, BRAM ZE LA DGA' BA DANG, TSE RING POR YANG 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS SUM CU RTZA GSUM PA'I LHA RNAMS KYI GNAS ZLA BA'I GNAS LTAR RGYU BA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GI SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS PA NA DGE BA'I LAS KYI MTHA' DPYOD PA, SEMS DRI MA DANG BRAL BA, SEMS SHIN TU BSGOMS PA, YID SHIN TU BSGOMS PA GANG GIS SANGS RGYAS KYI SKU GZUGS BYA BA SKYON MED PAR BYAS PA DANG; DE BZHIN DU BCOM LDAN 'DAS KYI SKU GZUGS GSER RAM, DNGUL LAM, ZANGS SAM, LCAGS LAS BYAS PA LA YID DANG BAS, BIR RAM, RAB TU GSAL BAR BYED PAS SDUG PAR BYED CING SKU GZUGS DRI MA DANG BRAL BA MCHOG TU SDUG PA DE DAG MTHONG NAS SBYIN BDAG DE SHIN TU SNYING DGA' LA SEMS KYIS KYANG YANG DANG, YANG DU BYED NA, DE SEMS KYI ZHING YON TAN BZANG PO DANG; SEMS KYI RGYU SEMS BSGOMS PAS DGE BA SPYOD PA BDE BA DANG LDAN PAR 'GYUR, GZHAN YANG, SROG GCOD PA DANG, MA BYIN PAR LEN PA SPONG BA YIN TE, SROG CHAGS RNAMS LA YID
GYIS KYANG GSOD PAR MI BYED CING GNOD PAR MI BYED LA, GZHAN BYED NA'ANG RJES SU YI RANG BAR MI BYED, PHYIR ZLOG PAR BYED, DGE BA'I LAM LA RAB TU 'JOG PAR BYED PA BDAG DANG, GZHAN LA PHAN PA BYED PA'I SKYES BU DAM PA DE NI BDE BA MYONG BAR 'GYUR RO, ,SROG GCOD PA SPANGS PA RNAM PA DU YOD CE NA, 'DI LA SHIN TU GUS PAR BSAMS NAS YID KYIS KYANG GSOD PAR MI BYED CING, GSOD PAR BYED DU MI 'JUG ,LEGS PAR BYAS PA'I LAS BYED PA DE DROD GSHER LAS SKYES PA'I SEMS CAN MA LA GZHI'I 'OG TU SKYES NAS ZA BAR BYED PA DE DAG KYANG BZUNG NAS GSOD PAR MI BYED LA, SRIN BU PHRE'U DANG, GROG SBUR YANG GSOD PAR MI BYED PA YIN TE, RNAM PA DE DAG NI SROG GCOD PA SPANGS PA YIN NO, ,MA BYIN PAR LEN PA SPANGS PA JI LTA BU YIN ZHE NA, YANG SKYES BU DAM PA DGE BA LEGS PAR BYAS PA'I LAS LA TSIM PA MED PAS THAMS CAD DU MA BYIN PAR MI LEN TE, DE LTA BAS NA MA BYIN PAR LEN PA SPANGS PA YIN NO, ,RNAM PA JI LTA BU YIN, RNAM PA DU YOD CE NA, 'DI LA GRANG PAS NYEN PA'AM, DRO BAS NYEN KYANG GZHAN GYIS YONGS SU BZUNG BA'I SHING SKAM MAM, BONG BA'AM, GDUGS KYI GRIB MA TZAM GYIS KYANG 'TSO BA'I MI RNAMS KYI GRIB MA 'PHROG PAR MI BYED, MGRON PO DAG SHING LJON PA'I GRIB MA DAG LA NGAL SO ZHING 'DUG PA DBANG GIS BSKRAD NAS, GRIB MA DE DAG LA BSIL BAR 'DUG CING DE DAG KYANG GDUNG BAS GDUNGS LA SHIN TU SDUG BSNGAL
, ,BAR GYUR PA RNAM PA DE LTA BU'I MA BYIN PAR LEN PA'ANG YONGS SU SPONG ZHING MI BYED LA, GRIB MA MAM BYIN PAR LEN PA GZHAN BYED PA YANG PHYIR ZLOG PAR BYED PA YIN TE, MA BYIN PAR LEN PA SHIN TU CHUNG NGU'ANG SPONG ZHING SROG GCOD PA SPONG BA NI LUS DANG BRAL NAS SHI BA'I 'OG TU BDE 'GRO MTHO RIS KYI 'JIG RTEN SUM CU RTZA GSUM PA'I LHA RNAMS KYI NANG ZLA BA'I GNAS LTAR RGYU BA'I LHA RNAMS SU SKYE BAR 'GYUR RO, ,DER SKYES NAS KYANG LEGS PAR BYAS PA'I LAS KYI MTHA' SPYAD PA, RGYU RKYAN DANG MTHUN PAR SPYAD PA DE 'BRAS BU DE DANG MTHUN PAR 'BYUNG STE, 'DI LTA STE, ZLA BA NYA BA BCU'I 'OD KYI RNAM PA JI SNYED YOD PA'I RNAM PA DE SNYED KYI 'OD LHA'I LUS DE THAMS CAD LAS SHIN TU DRI MA MED PA 'BYUNG NGO, ,LHA DE'I 'OD GANG YIN PA'I 'OD DES MTHO RIS KYI PHYOGS DANG BCAS PA BRGYA 'GYUR DU GSAL BA DANG LDAN PAR 'GYUR RO, ,'OD DE'ANG TSA BA DANG, BSIL BA MED DE, LHA THAMS CAD KYI MIG TU SDUG PA YIN NO, ,LHA DE DAG KYANG GNAS GZHAN DU SKYES PA'I LHA DE DAG GI 'OD PAS KHYAD PAR DU 'PHAGS PA YIN TE, DE'I LAS DGE BA'I MTHUS KUN NAS DPAG TSAD BCUR RIN PO CHE DANG, RIN PO CHE'I 'OD THAMS CAD KYANG ZIL GYIS MNAN NAS LHA DE'I 'OD MNGON PAR GSAL LO, ,DE NAS LHA DE LHA'I TSOGS DU MAS YONGS SU BSKOR CING, SIL SNYAN DANG, ROL MO'I SGRA SNA TSOGS 'BYIN LA, GLU DBYANGS
NYE BAR LEN BZHIN DU SKYED MOS TSAL DGA' BA LNGA ZHES BYA BA GA LA BA DER 'DONG BAR BYED DO, ,TSAL DE NA GANG SUM CU RTZA GSUM PA THAMS CAD PAS KHYAD PAR DU 'PHAGS PA SHIN TU DGA' BA LNGA 'BYUNG STE, 'DI LTA STE, SHING LJON PA RNAMS KYI GZI BRJID DANG, 'BRAS BU DANG, BYA BLO GROS RGYA CHE BA DANG, PADMA'I RDZING GI CHU DANG, 'BAB CHU RAB TU MANG BA DANG, NAM MKHA' LA RLUNG DRI DANG LDAN PA DRIL BU G-YER KA'I SGRA LTA BU DU MA LDANG BA'O, ,DE NAS LHA DE LHA'I TSOGS KYIS YONGS SU BSKOR NAS DGA' BA LNGA'I TSAL DE GA LA BA DER 'DOD PAR BYED, SIL SNYAN DANG, ROL MO'I SGRA DANG, GLU SGRA RNAM PA SNA TSOGS KYIS DGA' BA DANG, LHA MO GZUGS BZANG MO DANG LDAN ZHING CHA BYAD DANG, RGYAN SNA TSOGS THOGS PA, RJES SU 'BRANG BA DANG, LHA'I TSOGS RNAM PA SNA TSOGS KYIS YONGS SU BSKOR CING, SIL SNYAN DANG, ROL MO'I SGRA YAN LAG LNGA DANG LDAN PA NYE BAR LEN PA NA BDE BA SHIN TU RGYA CHE BDAG MYONG NGO, ,SHING GI YON TAN SHIN TU RGYA CHE BA MNGON DU GYUR PA GANG YIN PA'I LAS BYAS PA DES DRI THAMS CAD ZIL GYIS MNAN NAS DPAG TSAD LNGAR 'BYUNG NGO, ,'DI LTAR MTHO RIS PAS KYANG BZANG BA'I MTHO RIS KYI SHING LJON PA KHA CIG GI 'OD NI NYI MA BAS LHAG PAR GSAL TE; 'OD SHIN TU BZANG PO MI TSA MI GRANG NGO, ,'BRAS BU'ANG DRI DANG, RO DANG, REG PA DANG LDAN TE, DRI DE DAG GIS DRI THAMS CAD ZIL GYIS MNAN NAS DPAG TSAD LNGAR 'BYUNG NGO, ,'BRAS BU GZA'
, ,DANG; SKAR MA'I TSOGS LTA BU DE DAG LAS CHANG ZHIM PO MYOS PA'I SKYON DANG BRAL BA RNAM PA SNA TSOGS DAG RTAG TU 'BYUNG LA, CHANG GI MDOG DRI DANG, RO SNA TSOGS SU 'GYUR TE; DE DAG GI DRI DPAG TSAD LNGAR 'BYUNG NGO, ,RO'ANG RNAM PA JI SNYED DU 'DOD PA'I RNAM PA DE SNYED DU CHANG DE'I RO 'GRUB PAR 'GYUR TE, YON TAN DE SNYED DANG LDAN PA YIN NO, ,BYA'ANG BAG MED PA YANG DAG PAR KHONG DU CHUD PAR BYA BA ZHES BYA STE, DE DAG GIS NI LHA SHIN TU BAG MED PA RNAMS LA 'DI LTAR YANG DANG, YANG DU TSIGS SU BCAD DE SMRAS PA, SKYES BU MCHOG DANG CHOS 'DUL BA; ;RTAB RTAB BOR NI BYED PA DE, ,LEGS PAR BYAS PA'I LAS ZAD CING, ,TSE YANG SKAD CIG BYED PA'I RGYU, ,DAR LA BAB PA SHIN TU 'JOMS, ,SROG KYANG THAMS CAD BRAL BAR BYED, ,PHUN SUM TSOGS PA THAMS CAD 'JIG ,BAG MED YID LA MA BYED CIG ,MTHO RIS RTAG TU MI 'THOB LA, ,DAL BA RTAG TU MI LDAN PAS, ,JI SRID DE NI MI LTUNG BAR, ,DE SRID DGE LA BRTZON PAR GYIS; ;CHOS NI SHIN TU BSDAMS PA DANG, ,SEMS KYANG BSRUNG BA BYAS PAS NI, ,GANG NA SKYON DAG MED PA YIS, ,SNGON MA MTHONG BA'I GNAS 'THOB 'GYUR, ,GANG DAG RTAG TU YID G-YENGS SHING; ;CHOS LA'ANG GZHOL BAR MI BYED PA, ,DE DAG GI NI BDE BA NI, ,DON MED 'GYUR TE MI LDOG GO ,TSUL KHRIMS GZHIS NI LUS CAN GYIS, ,MTHO RIS RNAMS SU DE 'DI THOB, ,
TSUL KHRIMS DE LA MI STEN GANG, ,DE NI PHYI NAS YONGS SU GDUNG, ,DE BAS TSUL LDAN RTAG PAR NI, ,TSUL KHRIMS NYID LA BSTEN PAR BYA, ,TSUL KHRIMS MED PA RMONGS PA'I MI, ,MTHO RIS SU NI 'GRO MI 'GYUR, ,LHA YI 'DOD PA LNGA LDAN PA, ,BDE BA SPYOD PA GANG YIN 'DI, ,DE NI TSUL KHRIMS DAG PA YI, ,'BRAS BU CHEN PO THOB PA YIN, ,BAG MED DUG GIS SHIN TU RMONGS, ,'DOD PA SPYOD PA'I LHA GANG DAG ,'TSO BA'I MTHA' NI 'JIG PA DANG, ,G-YO BA THAMS CAD MI RIG GO ,BAG MED PA YIS RNAM RMONGS PA, ,LHA RNAMS DAG NI STONG PHRAG DANG, ,'BUM PHRAG DAG NI DU MA RNAMS, ,'DOD PA'I ME YIS RNAM PAR BSREGS, ,BAG MED RNAM PAR RMONGS PA YIS, ,MI RNAMS THAMS CAD DBANG DU BYED, ,DE NI PHYI NAS NYON MONGS 'THOB, ,'BRAS BU GANG YIN DE RIG GO ,YUL RNAMS LA NI RTAG BAR SEMS, ,G-YO BA CHEN PO RGYUG BYED PA, ,NYON MONGS RMONGS PA SKYED PA GANG, ,'BYUNG BAR 'GYUR BA DE MTHONG NGO, ,YUL RNAMS LA NI CHAGS PA'I SEMS, ,NYON MONGS KHONG DU MI CHUD DE, ,NYON MONGS KLONG DU SKYES PA DAG ,DE NI PHYI NAS YONGS SU GDUNG, ,KUN TU SBYOR BA GRA RGYAS BCAS, ,YUL LA RNAM RTOG 'BYUNG BA NI, ,'KHOR 'DRA SEMS NI RGYAL PO BZHIN, ,DE DAG LHAN CIG SPYOD PAR 'GYUR, ,GANG DAG DU NI YID 'JUG PA, ,MI SHES PA RNAMS DER 'JUG STE, ,MTHU YIS PHAN TSUN MYOS PA DAG ,SRID PA GSUM NA 'KHYAM PAR 'GYUR, ,BRTAN PO GANG DAG DE NYID RIG ,MI BRTAN
, ,SDUG BSNGAL STONG LA SOGS, ,'GRO BA'I GNAS PA MTHONG 'GYUR TE, ,DE DAG LA NI SDUG BSNGAL MED, ,RTAG TU 'DOD PA TSOL BYED PA, ,BUD MED RAG LAS RMONGS PA GANG, ,DE DAG LHA YIS 'JIG RTEN DU, ,THA MA DAG NI MTHONG BAR 'GYUR, ,RI 'DI LJON SHING TSAL DU BCAS, ,RIN CHEN SNA TSOGS RNAM PAR BRGYAN, ,LCUG MA TSANG TSING DAG GIS KHEBS, ,PADMA'I RDZING GIS RNAM PAR BRGYAN, ,'BAB CHU RNAM PA SNA TSOGS DANG, ,'KHRI SHING RNAMS KYIS MDZES PAR BYAS, ,SKYE BO'I LAS KYI MNGON SUM 'DI, ,BRTOL NAS MKHA' LA BYUNG GYUR PA, ,RI RAB BSKAL BA'I MES BSREGS TE, ,THAMS CAD DU NI MI 'BYUNG NA, ,BAG MED RGYAGS PAS RMONGS PA YI, ,SKYE BA DANG NI 'JIG 'GYUR BA, ,DBU BA CHU BUR LTA BU YI, ,DE NI LHA GANG SMOS CI DGOS, ,DE NAS DE NA LHA SNGON DGE BA'I LAS KYI MTHA' SPYAD PA LA GOMS PA GANG YIN PA DE DAG BYA'I SGRA DE THOS NAS, 'DI LTAR BYA 'DI DAG RNAM PAR SGRA 'BYIN PA DE BZHIN YIN NO SNYAM NAS, DE NAS YUD TZAM ZHIG KHONG DU CHUD DO, ,KHONG DU CHUD NAS DE NAS YANG YUL LA RNAM PAR RMONGS PA, YUL RNAMS KYI DBANG DU BYAS PA NYID SGRA DANG, REG PA DANG, RO DANG, GZUGS DANG, DRI SDUG PA RNAM PA SNA TSOGS DAG GI DBANG DU BYAS PA DAG JI LTAR TSE RABS GZHAN DU BYA BA DANG MI BYA BA DAG BYAS PA LTAR BYA YI, SGRA DE DAG CUNG ZAD KYANG YID LA MI 'JOG GO ,DE LTAR SEMS 'DI DA LTAR BYUNG BA'I YUL LA
BRKAM ZHING MA 'ONGS PA'I NYON MONGS PA KHONG DU MI CHUD LA SHIN TU MI DRAN NO, ,DA LTAR BYUNG BA'I YUL LA MNGON PAR 'DOD PAS RMONGS PA, SEMS CAN DMYAL BA DANG, YI DVAGS DANG, DUD 'GRO RNAMS SAM, GAL TE'ANG LHA DANG, MI RNAMS KYI NANG NA 'KHYAM MO, ,DE LTAR THOG MA MED PA'I DUS NAS NYON MONGS PA RTZUB MO BYAS PA MI DRAN LA SDUG BSNGAL RJES SU MYONG STE, SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SDUG BSNGAL MI BZAD PA SHIN TU TSAB 'BYUNG NGO, ,THOG MA MED PA'I DUS NAS BCOS DKA' ZHING GDUL DKA' BA DE DAG YID SHIN TU RGYA CHE BA MA GTOGS BAR GDUL BAR MI NUS SO, ,DE NAS DGE SLONG DE DPYOD PAR BYED DE, BYA RNAMS LAS GANG GIS BAG MED PAR GNAS PA'I LHA RNAMS LA YANG DAG PAR GYUR PA, SNYING PO MED PA MA YIN PA'I CHOS KHONG DU CHUD PAR BYED SNYAM NAS, DES THOS PA LAS BYUNG BA'I SHES PA'AM, LHA'I MIG GIS BRTAGS NA, MI'I 'JIG RTEN NA GYAD DAM, SIL DKROL BA'AM, GAR MKHAN RAB TU MYOS PAR GNAS PA GANG YIN PA DE DAG GOS NGUR SMIG BGOS TE GAR BYED DAM, DE NAS SANGS RGYAS KYI YON TAN GLU DBYANGS SU LEN LA, DE LAS NOR RDZAS KYI RNAM PA'AM, GOS SAM, 'BRAS BU BHA LA L'A TA KA THOB PA DE DAG DGE SLONG DANG; BRAM ZE DAG LA SBYIN PAR MI BYED KYI, GZHAN DU NA SHIN TU MGU NAS SPYOD PAR BYED PA DE DAG GO NGUR SMRIG BGOS PA TZAM NYID KYIS DE LUS DANG BRAL NAS SHI BA'I 'OG TU DE'I LAS KYI MTHUS LHA RNAMS
, ,KYI BYA SHIN TU BDE BAR 'GYUR BA MTHONG NGO, ,DE NAS YANG LHA PHAN TSUN GROGS SU GYUR BA RGYAGS PA 'BA' ZHIG DON DU BYED PA DAG BEE d'URYA'I SHING LJON PA GSER GYI 'DAB MA DANG, SHEL GYI LCUG MA DKRIGS PA'I LO MA DANG, GZHAN YANG, LCUG MA DANG, SHING GIS KHEBS PA DANG, BYU RU MDZES PA SNA TSOGS DANG, BUNG BA 'BUM SNYED KYIS YONGS SU BSKOR BA DANG, GSER DANG, MU TIG GI LDUM BU SNGON PO NYAMS DGA' BA RNAMS NA BRO RDUNG GLU LEN TO, ,GZHAN YANG, RI'I RGYAL PO RI RAB KYI RTZE MO RIN PO CHE SNA BDUN GYIS RNAM PAR BRGYAN PA, 'BAR BA'I PHRENG BA 'KHRUGS PA LTA BU DANG, GZHAN YANG, GSER DANG, DNGUL DANG, SHEL DANG, BEE d'URYA'I PADMA'I RDZING RNAMS SU RTZE BAR BYED DO, ,YANG PHYOGS GZHAN NA GZHAL MED KHANG BA GAM GYI PHRENG BA GSAL ZHING MDZES PA RNAMS NA RTZE BAR BYED, YONGS SU SPYOD PAR BYED DE, LHA MO DANG LHAN CIG 'THAB MO DANG, PHRAG DOG GI RNAM PA 'JIGS PAS SKYO BA MED PA PHAN TSUN GNOD PA MED PA; GUS PA SKYES SHING DE LA YID DANG BAR GYUR PA RNAMS BDE BA SHIN TU DPE MED MYONG BAR BYED DO, ,DE NAS YANG LHA DE RNAMS DPAG BSAM GYI SHING GI PHYOGS SU BRO RDUNG ZHING 'JUG PAR BYED LA; DER ZHUGS NAS KYANG RTOG PA DANG BCAS PA'I BLO YID LA 'DOD PA GANG YIN PA DE DAG THAMS CAD MTHO RIS DANG MTHUN PAR 'THOB STE, DE DAG DPAG BSAM GYI SHING ZHES BYA BA'I MING
'THOB BO, ,DER YANG DE DAG YUN RING DU YUL GYI BDE BA 'DOD PA SDUG BA YID DU 'ONG BA NYE BAR SPYAD NAS, GSER LAS BYAS PA'I RI RAB MTHO BA DE GA LA BA DER 'DONG BAR BYED DE, 'BAB CHU SNA TSOGS KYIS BRGYAN PAR DE DAG 'DZEG PAR BYED DO, ,LHA'I TSOGS KYIS YONGS SU BSKOR CING, GLU DBYANGS DANG, SIL SNYAN DANG, ROL MO'I SGRA 'BYIN PAS RNA GUNG G-YER BA DE LA YID ZHUGS PA YUL GYI BDE BA LHA'I RNA BAR SGRA SNYAN PA THOS SO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO SUM CU BRGYAD PA, LHA RNAMS KYI MIG GI YUL DU BYAS PA'ANG BDE BA DPE MED PA SHIN TU RGYA CHE BA MYONG STE, 'DI LTA STE, LHA'I GZUGS DANG, CHA BYAD DANG, RGYAN SNA TSOGS DANG, RANG GI LAS KYIS SPRUL PA'I GZUGS DANG, CHA BYAD DANG, RGYAN GONG NAS GONG DU RNAM PA SNA TSOGS DAG MTHONG NGO, ,RI RAB LA'ANG TSAL DANG, NAGS TSAL DANG, LTENG KA DANG, PADMA'I GZUGS RNAM PA DU MA DANG, DE BZHIN DU ME TOG GI TSAL DANG, NYE BA'I TSAL RNAM PA SNA TSOGS DMIGS PA DU MA YOD PA'I DRI ZHIM PO MNGON PAR 'BYUNG BA DAG LA LHA RNAMS SNOM PAR BYED DE, SHIN TU YID DU 'THAD CING YUL GYI REG PA LA RNAM PAR CHAGS PAR 'GYUR RO, ,LHA RNAMS GANG REG PAR 'DOD PA DE NYID KA TZA LIN DI KA LTA BUR 'JAM PA YIN TE, RDUL DANG BRAL BA, DRI MA DANG BRAL BA, THAGS SU MA BTAGS PA, TSON DU MA GSAL BA, DRI MNGON PAR ZHIM PA, MTHONG NA SHIN
, ,TU YID 'PHROG PA YIN TE, DE LTAR REG PA'I YUL GYIS LHA RGYAGS PA RNAMS MYOS SHING GNAS SO, ,GZHAN YANG, YID LA SEMS PA GANG YIN PA DE DE NYID YON TAN DU MA DANG LDAN PA, THUN MONG MA YIN PA, GZHAN GYI MTHUS NYAMS PA MA YIN PA, GDUG PA MA YIN PA DAG 'GRUB PAR 'GYUR RO, ,DE LTAR BDE BA'I MYOS PA RNAM PA DU MA LA GNAS PA RANG GI 'OD DANG LDAN ZHING LHA MO'I TSOGS DU MAS YONGS SU BSKOR BA'I LHA DE DAG GNAS DE RNAMS SU SKYE BAR 'GYUR TE, JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS DE ZAD PAR MA GYUR PA DE SRID DU RTZE BAR BYED, DGA' MGUR SPYOD PAR BYED, BDE BA MYONG BAR BYED DO, ,DE PHYIS LHA'I 'JIG RTEN SHIN TU YID DU 'ONG BA DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE MI RNAMS DANG SKAL BA MNYAM PAR MI'I NANG DU SKYES NA; LAS DE DANG RGYU MTHUN PAR DE SKYES PHAN CHAD NAS RTAG TU BDE BAR 'GYUR ZHING, BONG SKYED CHE BA DANG, GANG NA CHOS DANG MTHUN PA DANG, YANG DAG PA'I LTA BA DANG LDAN PA'I YUL BZANG POR RGYAL PO'AM, BLON PO CHEN POR SKYE BAR 'GYUR TE, SKYES BU DAM PA'I SDIG PA'I GROGS PO DANG PHRAD PAR MI 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR
SMIN PA SHES PA DE SUM CU RTZA GSUM PA'I LHA RNAMS KYIS LA RTOG PAR BYED DE, DES THOS PA LAS BYUNG BA'I SHES PAS SUM CU RTZA GSUM PA'I LHA RNAMS KYI GNAS SHING S'A LA ZUNG ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, YANG DAG PA'I LTA BA LA ZHUGS PA TSUL KHRIMS DANG LDAN PAR GYUR CING, SEMS CAN RNAMS LA PHAN PAR 'DOD PAS RTAG TU TSUL KHRIMS DANG LDAN PAR GYUR LA, YANG DAG PA'I LUS DANG, NGAG LA ZHUGS PAR GYUR PA GANG GIS 'DI LTAR 'BROG GI SEMS CAN SKOM PA RNAMS SROG CHAD PAR MI BYA'O SNYAM NAS, DE'ANG DE LTAR SEMS PA YONGS SU BSGOMS PAS SEMS SGOM PAR BYED DE, RI 'OR DANG, 'BROG DAG TU YUR CHU DANG, 'BAB CHU DANG, LTENG KA DANG, RDZING BU DAG BYAS PAR CHU CHEN PO DAG LAS 'BEBS PAR BYED, SROG CHAGS RNAMS KYI LAM NOR PA DANG, LAM NOR NAS 'BROG DGON PA DAG TU ZHUGS TE, 'JIGS NAS BZHIN MOG MOG POR GYUR PA LAM GOL BA DGON PA CHEN POR ZHUGS PA DE DAG LA LAM STON PAR BYED CING, NYON MONGS PA CHEN PO DE LAS SGROL BAR BYED KYANG DE DAG GIS 'TSO BAR MI BYED LA SEMS CAN LA PHAN PAR ZHUGS PA KHO NA YIN TE, DE DAG NI SBYIN PA SBYIN ZHING SROG SKYOB PA'ANG YIN NO, ,YANG SROG GCOD PA DANG, MA BYIN PAR LEN PA SPANGS PA JI LTA BU
, ,YIN ZHE NA, 'DI LA DE DAG NYID DAM, GZHAN ZHIG BSAM PA DE DANG MTHUN PAR ZHUGS PA DGE BA'I LAS KYI MTHA' SPYAD PA DAG ,DE LTAR SROG CHAGS GSAD PA'I RGYU YOD KYANG GSOD PAR MI BYED PA YIN TE, 'DI LTA STE, KHYIM NA SROG CHAGS DROD GSHER LAS SKYES PA'AM, MNGAL NAS SKYES PA PHRA MO'AM, SBOM POR 'BYUNG BA DAG KHYIM DE'I RDZAS 'JIG PAR BYED PA'AM, DE BZHIN DU NYAL BA'I STENG DU LHUNG NAS GNYID 'DROGS PAR BYED KYANG SEMS CAN RNAMS LA PHAN PAR 'DOD PA DE GSOD PAR MI BYED, SBAL PA DANG, SDIG PA'ANG GSOD PAR MI BYED, SROG YONGS SU CHAD LA THUG KYANG DE DAG LA GSOD PAR MI BYED CING GDUG PA LA'ANG BZOD PAR BYED DO, ,DE LTAR DE DAG BSAD PA'I RGYU YOD KYANG SROG CHAGS RNAMS LA 'TSE BAR MI BYED CING SRUNG BAR BYED PA YIN TE, DE DAG NI SROG GCOD PA SPANGS PA YIN NO, ,MA BYIN PAR LEN PA SPANGS PA JI LTA BU YIN, RNAM PA NI DU YOD CE NA, DE LTAR LEGS PAR BYAS PA'I LAS KYI MTHA' SPYAD PA DE'I 'BROG DGON PAR ZHUGS PA'I DPON POR GYUR KYANG, TSONG PA RNAMS KYIS TSONG PA'I PHYIR CHU DANG, LAN TSVA NAG POR BSRES PA GANG YIN PA DE DAG KYANG SRUNG BAR BYED LA, SKOM PAS GDUNGS TE SROG CHAD LA THUG KYANG CHU DE DAG TSONG PAS MA BLUD KYI BAR DU 'THUNG BAR MI BYED LA, GANG GI TSE TSONG PAS BLUD PA DE'I TSE CHU DE LA 'THUNG BAR
BYED CING GZHAN DAG LA'ANG LDUD PAR BYED DE, DE LTAR DBANG YOD PAR GYUR KYANG RIN MA BYIN PAR MI LEN TE, 'DI'ANG MA BYIN PAR LEN PA SPANGS PA YIN NO, ,LAS KYI 'BRAS BU SHIN TU PHRA MO MTHONG BA, RTAG PAR SANGS RGYAS DANG, CHOS KYI RJES SU ZHUGS PA, DE'I YON TAN DRAN PA LHUR BYED LA, SEMS PAS SEMS BSGOMS PA NI SDIG PA'I GROGS PO DANG YUD TZAM YANG MI STEN, KUN TU SMRA BA'I TSIG TZAM YANG MI SMRA, DE DANG LAM DU'ANG 'GROGS PAR MI BYED, GANG DGE BA'I CHOS THAMS CAD KYI BAR CHAD BYED PA'I GTZO BO NI 'DI YIN TE, 'DI LTA STE, SDIG PA'I GROGS PO DANG 'DU BA ZHES BYA BA YIN LA, DE DANG SMRA BA'AM, DE DANG LHAN CIG 'ONG ZHING 'GRO BA'AM, DE'I GRIB MA DANG PHRAD PAR YANG MI BYED DO, ,DE CI'I PHYIR ZHE NA, 'DOD CHAGS DANG, ZHE SDANG DANG, GTI MUG RNAMS KYI GZHIR GYUR PA NI SDIG PA'I GROGS PO DUG GI SHING LJON PA LTA BU YONGS SU SPANG BAR BYA BA YIN TE, DE LTAR SKYES BU DAM PA KUN NAS GSER BTZOM LTA BUR GYUR PA DE LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM PA'I LHA RNAMS KYI NANG SHING S'A LA ZUNG GI GNAS SU SKYE BAR 'GYUR RO, ,DER SKYES NAS KYANG LEGS PAR BYAS PA'I LAS KYI MTHA' SPYAD PA DE, LEGS PAR BYAS PA, KHA NA MA THO BA MED PA, SKYE BO DGE BA KUN GYIS MCHOD PA, DE'I LEGS PA BYAS PA'I LAS NGES PAR MYONG BAR 'GYUR BA, LHA'I NANG DU SKYE BAR
, ,'GYUR BA'I 'BRAS BU LA NYE BAR SPYOD PAR 'GYUR TE, 'DI LTA STE, LHA DE RANG GI 'OD 'BYUNG BAR 'GYUR LA DE'I 'OD JI LTAR MI'I GRANGS KYI TSUL GYIS NYIN GCIG BZHIN BA GRANGS PA DANG, ZHAG DANG, ZLA BAR 'PHEL BAR 'GYUR BA DE LTAR RGYU GANG GIS 'OD DE LHA RNAMS KYI NYIN MO DANG, MTSAN MO MED PAR RANG GI 'OD KYIS GSAL BAR 'GYUR TE, DE LTAR LHA'I 'OD DE 'PHEL BA YIN NO, ,'DI LTAR LHA GZHAN DAG KYANG 'DI NI BDAG CAG GI GNAS GZHAN DU SKYES PA'I LHA THAMS CAD PAS 'OD LHAG PAR BZANG NGO SNYAM NAS, LHA MO DAG GI MDUN DU SHIN TU NGO TSA BA SKYE'O, ,DE NAS LHA RNAMS BRGYA BYIN GYI DRUNG DU SONG NAS DRIS PA, KYE; BRGYA BYIN, 'DI LTAR LHA GSAR DU SKYES PA ZHIG MCHIS TE, DE'I 'OD KYIS BDAG CAG THAMS CAD ZIL GYIS MNAN NAS MCHIS SO, ,DE NAS BRGYA BYIN GYIS DE'I TSE 'DI LTAR TSIGS SU BCAD DE SMRAS PA, GSER GYI RI BO RI RAB 'DI, ,'OD KYI PHRENG BA GANG YIN PA, , 'OD DE TSUL KHRIMS LAS BYUNG 'DI'I, ,BCU DRUG CHAR YANG MI PHOD DO, ,TSUL KHRIMS RTAG TU 'BAR BA NA, ,GSER NI BTZOM LTA BU STE, ,RANG GI LAS KYIS YANG DAG LDAN, ,SUM CU RTZA GSUM BRGYAN PAR 'GYUR, ,DMAN DANG 'BRING DANG KHYAD PAR 'PHAGS, ,TSUL KHRIMS RNAM PA GSUM RNAMS KYI, ,'BRAS BU DE BZHIN RNAM GSUM STE, ,DMAN DANG 'BRING DANG MCHOG TU
MTHONG, ,BAG MED SPANGS PA'I TSUL KHRIMS NI, ,BAG YOD PA YIS 'PHEL BA YIN, ,DE NI RTAG TU BDE SBYIN MTHONG, ,'DI NI CHOS NYID RNAM PAR GNAS, ,LUS CAN TSUL KHRIMS LAS BYUNG BA'I, , DRI MED 'OD NI GANG YIN PA, ,DE NA NYI MA STONG SNYED DAG ,'DUS PA'I 'OD KYIS THUB MI 'GYUR, ,TSUL KHRIMS RNAM BDUN DGA' BA DAG ,MI MCHOG DAM PA GANG SRUNG BA, ,SANGS RGYAS KYIS NI BSHAD PA GANG, ,DE NI LAS KYI 'BRAS BU SPYOD, ,LUS CAN LEGS PAR BYAS PA YI, ,LAS RNAMS 'DIR NI CHUD MI ZA, ,DE BZHIN LAS RNAMS MA BYAS PA'I, ,'ONG BAR MA MTHONG 'JIG PA'ANG MED, ,BYIS PA RGYU LA MA CHAGS LA, ,RNAM PAR SMIN LA CHAGS PAR BYED, ,BYE MA RNAMS LA MAR ME LTAR, ,RGYU MED NA NI 'BRAS BU MED, ,SER SNA MED CING DGE BA YI, ,SKYES BU DGE BA SPYOD PA YIN, ,SDIG PA'I BDAG NYID RMONGS PA GANG, ,DE NI RTAG TU KHRO LA SPYOD, ,DE LTAR LHA DE DAG LA BRGYA BYIN DES LEGS PAR BYAS PA'I LAS KYI 'BRAS BU KHONG DU CHUD PAR BSNYAD DO, ,DE NAS LHA RNAMS BRGYA BYIN GYI TSIG DE SPYI BOS BLANGS NAS YANG SHING S'A LA ZUNG GI GNAS GA LA BA DE NYID DU 'DONG BAR BYED DO, ,DONG NAS DE LHA DANG, LHA MO'I TSOGS DANG LHAN CIG DGA' BAR BYED, DGA' MGUR SPYOD PAR BYED CING, SIL SNYAN SNA TSOGS KYI SGRA 'BYIN PA RJES SU 'BRANG BZHIN DU SHING S'A LA DE GNYIS KYI GNAS GA LA BA DE NYID DU 'DONG BAR BYED DO, ,SHING S'A LA DE GNYIS KYANG SUM CU RTZA GSUM DU GTOGS PA'I
, ,TSAL DANG, NYE BA'I TSAL THAMS CAD PAS TSAD DANG, MDOG DANG, ME TOG DANG, 'OD DAG GIS LHAG PA YIN NO, ,SHING S'A LA DE GNYIS KYANG DRIL BU G-YER KHA SGRA 'BYUNG BA'I DRA BA 'PHYANG BA DANG, LO MA LAS KYANG JI LTAR SIL SNYAN YAN LAG LNGA DANG LDAN PA'I SGRA 'BYUNG BA DE LTAR DE GNYIS LA SGRA 'BYUNG NGO, ,DE DAG LO MA'I SGRA DE THOS NAS YANG DGA' BAR GNAS PAR BYA BA'I PHYIR SHING S'A LA DE GNYIS GA LA BA DE NYID DU 'DONG BAR BYED DO, ,DE NAS NYE BAR 'DONG NAS LHA DE DAG SHING S'A LA DE GNYIS LA 'DZEG PAR BYED DO, ,SHING S'A LA DE GNYIS KYI STENG NA'ANG PADMA'I RDZING CHU RAB TU DGA' BA ZHES BYA BA YOD DE, BYA NGANG PA DANG, KA RANDA PA DANG, NGUR PA SGRA SNYAN PA 'BYIN CING RTAG TU CHU YAN LAG BRGYAD DANG LDAN PAS SHIN TU GANG BA YIN NO, ,DE LA 'DZEGS NAS LHA RNAMS KYIS 'DI LTAR SHING S'A LA 'DI GNYIS MA GTOGS PAR SHING LJON PA GANG GI STENG NA YANG, PADMA'I RDZING MED PA SHIN TU NGO MTSAR CHE BA 'DI MTHONG STE, KYE MA, SHING S'A LA 'DI GNYIS NI SHING YONGS 'DU SA BRTOL MA GTOGS PAR SHING LJON PA THAMS CAD KYI NANG NA KUN GYI GTZO BO YIN ZHING THAMS CAD DU DGA' BA YIN NO SNYAM MO, ,DE NAS DE DAG RIG NAS DE GNYIS KYI STENG NA LHA DE DAG LHA MO'I TSOGS DANG LHAN CIG BDE BA NYE BAR SBYAR BA DANG, YUL GYI BDE BA SNA TSOGS KYIS DGA' BAR BYED, RTZE BAR BYED,
DGA' MGUR SPYOD PAR BYED DO, ,DE DAG DER YUN RING DU BDE BA DAG MYONG NAS RTAG TU RTZE BA ZHES BYA BA GA LA BA DER MGO LA PADMA'I PHRENG BA THOGS PA, THAGS SU MA BTAGS PA'I GOS KHA DOG RNAM PA SNA TSOGS BGOS PA, KHA DOG SNA TSOGS LAS LUS KYI 'OD 'BYUNG BA RNAMS 'DONG BAR BYED DO, ,LHA DE RNAMS KYI LUS LAS 'OD 'BYUNG BA GANG YIN PA DE CUNG ZAD CIG DPER BYA NA, JI LTAR MI'I 'JIG RTEN NA DBYAR GYI DUS SU 'JA' KHA DOG CAN, KHA DOG SDUG GU GSUM DANG LDAN PA 'BYUNG BA DE LTAR LHA DE RNAMS KYI PADMA DE DAG LAS 'OD SNGON PO DANG, SER PO DANG, DMAR PO 'BYUNG NGO, ,DE NAS LHA DE DAG DGA' BAR GNAS PAR BYA BA'I PHYIR SKYED MOS TSAL DU DGA' SPYOD BYED DU 'DONG STE, 'DOD PA'I YON TAN LNGA DANG LDAN ZHING YUL GYI BDE BA LA NYE BAR SPYOD PA NI RI BO'I CHU BO'I SHUGS LTAR THAMS CAD DU YUL GYI BDE BA RJES SU MYONG NGO, ,DE NAS LHA'I RGYAL PO BRGYA BYIN SHING S'A LA ZUNG GI LHA RNAMS KYI SA GA LA BA DER CHOS BZANG NA GNAS PA'I LHA'I TSOGS KUN DANG LHAN CIG SKYED MOS TSAL DU DGA' SPYOD BYA BA'I PHYIR 'DONG BAR BYED DE, SIL SNYAN DANG, ROL MO'I SGRA SNA TSOGS 'BYIN CING, LHA MO'I TSOGS RNAM PA SNA TSOGS DAG MDUN NA GLU DBYANGS LEN BZHIN DU 'DONG BAR BYED DO, ,DE NAS BRGYA BYIN GANG NAS 'ONG BA DER SHING S'A LA ZUNG GI LHA RNAMS 'ONG BAR BYED DO, ,'ONGS NAS DE DAG KYANG SIL SNYAN DANG, ROL MO'I SGRA SNA TSOGS 'BYIN CING LHA MO'I TSOGS
, ,KYIS BSKOR BA RNAMS THAL MO SPYI BOR SBYAR TE, BRGYA BYIN LA MCHOD NAS LHA MO DANG, LHA DE DAG KUN KYANG PHAN TSUN 'DRES SHING CHOS BZANG NA GNAS PA DANG, SHING S'A LA ZUNG GI SA NA GNAS PA DE DAG PHAN TSUN GROGS SU GYUR PA, SHIN TU SNYING DU SDUG PAR GYUR PA, PHAN TSUN YID LA GNOD PA MED PA, PHAN TSUN MTHUN PAR GYUR BA RNAMS SIL SNYAN YAN LAG LNGA DANG LDAN PA, CHAGS SU RUNG BA, SNYAN PA MTHUN PA, MTHUN PA NYID DANG RJES SU LDAN PA, SKYE BO THAMS CAD KYI SNYING 'DZIN PAR GYUR PAS BRO RDUNG LA RGOD BZHIN DU SHING S'A LA ZUNG DE GNYIS GA LA BA DER 'DONG BAR BYED DO, ,DONG NAS KYANG LHA DE RNAMS KUN GYI SNGON DU 'GRO BA BRGYA BYIN YONGS SU BSKOR NAS BRO RDUNG BAR BYED, RGOD PAR BYED, CHANG ZHIM PO DAG KYANG 'THUNG BAR BYED DO, ,DE NAS LHA'I RGYAL PO BRGYA BYIN GYIS LHA DE DAG LA 'DI SKAD SMRAS SO, ,LHA DAG, SHING YONGS 'DU SA BRTOL MA GTOGS PAR SUM CU RTZA GSUM PA'I TSAL DANG, NYE BA'I TSAL SHING LJON PA THAMS CAD KYI NANG NA KUN TU GTZO BOR GYUR PA SHING S'A LA ZUNG 'DI GNYIS LA LTOS, LHA'I RGYAL PO, MTHONG LAGS SO, ,DE NAS BRGYA BYIN GYIS DE DAG LA 'DI SKAD SMRAS SO, ,KYE, LHA KHYED CAG GIS SHING S'A LA ZUNG 'DI'I MTHU MA SHES KYI LHA KHYED RNAMS KYIS GZUGS 'BA' ZHIG SHES PAR ZAD DE, SHING S'A LA 'DI GNYIS KYI MTHU LTOS SHIG, DE NAS LHA'I RGYAL PO BRGYA
BYIN SHING RTA LAS BABS NAS, RDO RJE'I PHYOGS GCIG GIS SHING S'A LA ZUNG YA GCIG LA BSNUN PA DANG, DE NAS SDONG PO LAS SGO BYE STE, SHING S'A LA DE'I NANG NA STEGS DANG, 'BAB CHU DANG, LTENG KA DANG, TSAL DANG, NYE BA'I TSAL NYAMS DGA' BA SNA TSOGS DANG, 'BAB CHU YANG SHIN TU BSIL ZHING PADMA'I TSAL GYIS KHEBS PA, STEGS DANG, RI RTZE DAG GIS BRGYAN PA, KHA CIG NI NOR BU LAS BYAS, KHA CIG NI DNGUL LAS BYAS, KHA CIG NI SHEL LAS BYAS, KHA CIG NI BEE d'URYA LAS BYAS PA YIN TE, 'BAB CHU DANG, CHU BO DANG, RI BO NYAMS DGA' BA SNA TSOGS PA DAG MTHONG NGO; ;DE NAS GZHAN YANG, LHA DE RNAMS SHING S'A LA ZUNG DE YA GCIG GI NANG DU ZHUGS PA DANG, PADMA'I RDZING RIN PO CHE SNA BDUN GYI PADMA RNAMS KYIS BRGYAN PA, BUNG BA 'BUM SNYED KYIS YONGS SU BSKOR BA DAG MTHONG NGO, ,GSER DANG, DNGUL DANG, BEE d'URYA DANG, AANDA RNYIL GYI SHING LJON PA 'OD GSAL BA'I TSAL BYA'I TSOGS KYIS YONGS SU BSKOR BA DAG KYANG MTHONG NGO, ,BYA DE DAG KYANG 'DAB GSHOG GI MTHA' RIN PO CHE SNA BDUN LAS BYAS SHING RGYAS PA YIN TE, JI LTAR SGRA 'BYIN PA THOS NAS LHA DAG KYANG SNGON MA BYUNG BA NGO MTSAR CHE BA MTHONG NAS SHIN TU DGA' BA MYONG ZHING, GZHAN LA'ANG NGO MTSAR BSKYED PA DE LTA BU'I SGRA SNYAN PA RNAM PA DU MA 'BYIN TO, ,DE NAS LHA'I RGYAL PO BRGYA BYIN YANG LHA'I TSOGS DANG LHAN CIG YONGS SU BSKOR TE, TSAL DANG, NYE BA'I CHEL
, ,LEGS PAR MTHONG BAR 'DOD PA SHING S'A LA ZUNG YA GCIG GI NANG NA GZHAL MED KHANG DKRIGS PA GA LA BA DER DONG NGO, ,DER YANG LHA RNAMS KYIS KHANG BZANG RNAM PA SNA TSOGS DKRIGS PA DAG NA KA BA NYAMS DGA' BA RNAM PA SNA TSOGS KYIS BRGYAN PA, KA BA DANG, RA BA RIN PO CHE SNA BDUN GYIS RNAM PAR BRGYAN PA LA, 'DI LTA STE, AANDA RNYIL DANG; BEE d'URYA DANG, GSER DANG, DNGUL DANG, SPUG DANG, SHEL DANG, MU TIG RNAMS KYIS KA BA RNAM PA DU MAR PHYE ZHING SNA TSOGS SU BRGYAN PA, STAN KHRA PO RNAM PA SNA TSOGS LEGS PAR BTING BA, RIN PO CHE'I GOS SNA TSOGS KYIS MDZES PAR BYAS PA, 'DUG KHRI DE DAG KYANG SDUG PAR BYAS SHING RKANG PA RNAM PA SNA TSOGS KYIS MDZES PAR BYAS PA'I 'DUG KHRI'I RKANG PA DE LA NYE BAR BRGYAN PA, 'DI LTA STE, RDO RJE DANG, AANDA RNYIL DANG, SHEL DANG, GSER DANG, DNGUL GYIS RNAM PAR BRGYAN PA DAG MA THONG NGO, ,DE NAS GZHAN YANG, BRGYA BYIN SNGON DU 'GRO BA'I LHA SHING S'A LA ZUNG GI NANG DU ZHUGS PA RNAMS RI'I RTZE MO KUN NAS MTHONG NA YID DU 'ONG BA, BYA SNA TSOGS 'BUM SNYED KYIS YONGS SU BSKOR CING SKAD 'BYIN PA DAG MTHONG NGO, ,DE NAS LHA RNAMS LA BRGYA BYIN GYIS 'DI SKAD SMRAS SO, ,SHING S'A LA ZUNG GI NANG NA NYAMS DGA' BA 'DI LA KHYED CAG LTOS, LHA'I RGYAL POS DE SKAD SMRAS PA DANG, LHA RNAMS
KYIS 'DI SKAD SMRAS SO, ,BRGYA BYIN, JI LTA BA BZHIN MTHONG LAGS SO, ,DE NAS LHA'I 'KHOR DE NA 'DI LTAR LHA BAG MED PAS YID SHIN TU LHAG PAR DBANG DU BYAS PA GANG YIN PA DE DAG MTHONG BA DANG, DE DAG BKAR NAS LAS KYI 'BRAS BU SHIN TU BSTAN PA'I PHYIR LAS KYI ME LONG GI KHANG BA ZHES BYA BA DER 'JUG PAR BYED DO, ,DE NAS LAS KYI ME LONG GI KHANG PA DER ZHUGS NAS BRGYA BYIN DES BEE d'URYA'I RTZIG NGOS SHIN TU DRI MA MED PA, ME LONG G-YA' MED PA LTAR KUN NAS GSAL BA DE DAG STON PAR BYED DO, ,DE NAS GZHAN YANG, BRGYA BYIN DES LHA RNAMS LA STON PAR BYED DE, LHA DAG, LAS KYI 'BRAS BU LA NYE BAR SPYOD PA RTZIG NGOS ME LONG LTA BU LA BRIS PA SNA TSOGS SNANG BA 'DI YIN TE, GANG DANG, GANG GIS LAS GANG BYAS PA DANG, RNAM PA GANG DANG, GUS PA GANG GIS, GANG GI TSE ZHING GANG LA, DNGOS PO GANG BYIN PA, JI LTAR BYIN PA DANG, DAD PA GANG GIS SBYIN PA DANG, DUS GANG GIS TSE BYIN PA DE LTAR YONGS SU BSNGOS BA DANG, GANG GI TSE YONGS SU BSNGOS PA DANG, 'BRAS BU GANG DU SKYE BAR YONGS SU BSNGOS PA DANG, RNAM PA GANG GIS YONGS SU BSNGO BA'I SBYIN PA'I 'BRAS BU SNANG BA DE DAG LA KHYED CAG LTOS, DE NAS GZHAN YANG, BRGYA BYIN DES LHA DE DAG LA RAB TU STON PAR BYED DE, 'DI LTAR TSUL KHRIMS SHIN TU BSGOMS PA, 'GRO BA THAMS CAD PHA MA LTA BUR GYUR PA, SLU BA MED PA, RNAM PAR SMIN
, ,PA MCHOG TU NYAMS DGA' BA, MTSO LTAR RNYOG PA MED PA, MTHO RIS SU 'GRO BA'I SA BON GANG GIS, GANG GI TSE JI LTAR GANG ZHIG GANG RNAMS LA RNAM PA GANG GIS TSUL KHRIMS RNAM PA BDUN SRUNG BA DE, DE'I TSE RNAM PA DES GNAS SKABS DER SKYES PA DE'I TSUL KHRIMS KYI 'BRAS BU DE LHA DANG, MI RNAMS KYI NANG DU SMIN PA LA KHYED CAG LTOS, DE NAS GZHAN YANG, BRGYA BYIN DES LHA DE DAG NYID LA DER LAS KYI ME LONG NYID RAB TU STON PAR BYED DE, 'DI LTAR 'DI DAG KUN NI LAS KYI 'BRAS BU'I TSOGS YIN TE, YE SHES KYI SGRON MA'I SKYES BU GANG GIS GANG GI TSE 'DI LTAR YE SHES LA GOMS SHING, YANG DAG PA'I LTA BAR GYUR PA YE SHES DE'I THA MA DANG, 'BRING DANG, MCHOG ZAG PA DANG BCAS PA DANG, ZAG PA MED PA'I 'BRAS BU LA KHYED CAG LTOS, DE NAS GZHAN YANG, BRGYA BYIN DES LHA DE DAG NYID LA SBYIN PA DANG, TSUL KHRIMS DANG, YE SHES RNAM PA DGU'I GNAS SKABS RAB TU STON PAR BYED DE, SBYIN PA THA MA DANG, 'BRING DANG, MCHOG GIS MTHO RIS RNAMS SU 'BRAS BU RNAM PAR SMIN PA 'BYUNG BAR 'GYUR RO, ,DE LA SEMS BSGOMS SHING, ZHING YON TAN DANG LDAN LA SLU BA MED PA'I MTSAN NYID DANG LDAN YANG DNGOS PO PHUN SUM TSOGS PA MA YIN NA 'BRAS BU DE NYID CHUNG LA, 'BRAS BU YI DVAGS MTHU BO CHER 'GYUR TE, DUD 'GRO ZHIG NA'ANG 'BRAS BU BDE BA 'THOB
BAR 'GYUR RO, ,LHA DAG ,LAS KYI ME LONG 'DI NYID KYI NANG NA 'BRAS BU GZUGS BRNYAN SNANG BA SBYIN PA 'BRING 'DI LA LTOS, LAS KYI 'BRAS BU SNA TSOGS BRIS PA'I RTZIG NGOS LA SBYIN PA'I 'BRAS BU 'BRING NI, SEMS MA BSGOMS SHING DNGOS PO YON TAN DANG YANG MI LDAN LA, ZHING YON TAN DANG LDAN PA KHO NA LA SBYIN PA'I 'BRAS BU NI, NUB KYI BA LANG SPYOD DAM, SHAR GYI LUS 'PHAGS GLING GI MI RNAMS KYI NANG NGAM, DUD 'GRO 'AM, GNOD SBYIN NAM, LHA MA YIN RNAMS KYI NANG DU 'BRAS BU 'THOB PAR 'GYUR TE, 'BRAS BU 'BRING PO THOB PA DE'ANG DE LTAR ME LONG LTA BUR LHA DE DAG NYID KYI MNGON SUM DU SNANG NGO, ,DE NAS GZHAN YANG, BRGYA BYIN GYIS LAS KYI ME LONG DE NYID KYI NANG NA GZUGS BRNYAN GYI NGO BOR GYUR PA, 'DI LTAR SBYIN PA'I 'BRAS BU RNAM PA GSUM PO 'DIS KYANG RAB TU STON PAR BYED DO, ,GZHAN YANG, LHA KHYED CAG THA MA DANG, 'BRING DANG, MCHOG LA LTOS SHIG ,DE LA THA MA NI RNAM PA GZHAN GYIS MI 'GYUR TE, 'DI LTAR SEMS MA BSGOMS LA ZHING PHUN SUM TSOGS PA YIN NO, ,DE LA SEMS MA BSGOMS PA JI LTA BU YIN ZHE NA, SBYIN BDAG GANG SROG CHAGS LA SHIN TU PHAN PA BYAS SHING, ZHING DANG, DNGOS PO RNYED KYANG SEMS DAD PA MA YIN TE, LUS KYIS MNGON PAR LDANG BA DANG, PHYAG 'TSAL BA LA SOGS PA GUS PAR MI BYED PA 'DI NI ZHING YON TAN DANG LDAN ZHING, DNGOS PO YON TAN DANG LDAN PA YIN
, ,YANG SEMS YON TAN DANG LDAN PA MA YIN TE, SBYIN PA SLU BA MED PA BYAS PAS, RI BRAGS SAM, KLA KLO RNAMS KYI RGYAL PO'AM, BLON PO CHEN POR 'GYUR BA LAS KYI ME LONG GI SA GZHI NYID LA KHYED CAG LTOS SHIG CES DE LTAR BRGYA BYIN DE LHA RNAMS LA RAB TU STON PAR BYED DO, ,GZHAN YANG, SBYIN PA'I MCHOG 'DI NI SEMS DANG LDAN PA DANG, ZHING YON TAN PHUN SUM TSOGS PA DANG, DNGOS PO YON TAN PHUN SUM TSOGS PA DANG, SEMS BSGOMS PA YON TAN PHUN SUM TSOGS PA YIN NO, ,DE LA ZHING NGAM PA NI, SANGS RGYAS LA SOGS PA'O, ,DNGOS PO NI, BZA' BA LA SOGS PA'O, ,SEMS BSGOMS PA NI, SEMS DANG BA DANG GUS PA YIN TE SBYIN PA 'BRAS BU CHEN PO 'DI NI LHA DANG, MI RNAMS KYI NANG DU SKYE BAR 'GYUR RO, ,DE LA LHA RNAMS KYI NANG DU NI LHA CHEN POR 'GYUR LA, MI RNAMS KYI NANG DU NI GLING BZHI PA 'KHOR LOS BSGYUR BA'I RGYAL PO RDZU 'PHRUL CHE BA, RIN PO CHE SNA BDUN DANG LDAN PA, NYE BA'I RIN PO CHE SNA BDUN DANG LDAN PA, CHOS DANG LDAN ZHING CHOS KYI RJES SU LTA BA, PHUN SUM TSOGS PA THAMS CAD SPYAD NAS DE LA RTEN TE TSUL KHRIMS SPYOD CING YE SHES KYANG SHES PAR BYED DO, ,DE MYA NGAN LAS 'DAS PA'I GRONG KHYER DU 'JUG PAR BYED DE, SBYIN PA 'DI NI BLA NA MED CING SBYIN PA 'DI NYID BLA NA MED PA YIN NO, ,GZHAN YANG, SBYIN PA'I 'BRAS BU
BEE d'URYA SHIN TU DRI MA MED PA'I LAS KYI RTZIG NGOS LA SNANG BA 'DI BRGYA BYIN DES LHA DE DAG NYID LA RAB TU STON PAR BYED DE, 'DI LTAR RNAM PA GZHAN RNAM PA GSUM GYIS SBYIN PA'I 'BRAS BU GZUGS BRNYAN SNANG BA 'DI LA LTOS, DE NAS YANG BRGYA BYIN DES LHA DAG LA RAB TU STON PAR BYED DE, 'DI LTAR ZANG ZING SBYIN PA DANG, MI 'JIGS PA SBYIN PA DANG, CHOS SBYIN PA'O, ,DE LA ZANG ZING SBYIN PAS NI SNGA MA BZHIN LONGS SPYOD CHEN POR 'GYUR, MI 'JIGS PA BYIN PAS NI YUL BZANG PO'I RGYAL POR 'GYUR TE, MTSON CHA DANG, LO NYES PA DANG, DKON PA DANG BRAL BA, DUS MA YIN PAR 'CHI BA'I 'JIGS PA DANG BRAL BA, 'GRAN ZLA'I 'JIGS PA DANG BRAL BA, NAD KYI 'JIGS PA DANG BRAL BA, ME'I 'JIGS PA DANG BRAL BA, CHU'I 'JIGS PA DANG BRAL BA, 'CHI BA'I 'JIGS PA DANG BRAL BAR RGYAL PO'AM, BLON PO CHEN PO YUN RING DU GNAS PAR BYED DO, ,'DI NI MI 'JIGS PA BYIN PA'I 'BRAS BU LAS KYI ME LONG GI NANG DU SBYIN PA 'BRING PO 'DI JI LTA BA BZHIN SNANG NGO, ,GZHAN YANG, SBYIN PA RNAMS KYI NANG NA SBYIN PA MCHOG LAS KYI ME LONG GI RTZIG NGOS LA SNANG BA, SBYIN PA 'DI DAG GI NANG NA DAM PA NI, 'DI LTA STE, 'KHOR BA TTHAMS CAD LAS NGES PAR 'BYUNG BA'I SA BON CHOS SBYIN PA YIN TE, SBYIN PA MCHOG 'DI SBYIN PA'I 'BRAS BU NI BYANG CHUB GSUM SMIN PAR 'GYUR RO, ,GZHAN YANG, CHOS SBYIN PA DE NYID KYI 'BRAS BU SNANG STE NYE BAR 'TSO BA'I RGYU DANG, GRAGS PA'I RGYU DANG, 'GRAN ZLA GZHAN ZIL
, ,GYIS GNON PA'I RGYU DANG, GZHAN LA PHAN GDAGS PA'I RGYU KHO NA YIN NO, ,DE LA NYE BAR 'TSO BA'I RGYU NI GANG GZHAN LA PHAN GDAGS PAR ZHUGS PAS MA YIN GYI NYE BAR 'TSO BAR BYA BA'I DON DU CHOS STON PAR BYED PA 'DI NI THA MA YIN TE, 'DI LTAR GZHAN LA PHAN GDAGS PAR SEMS BSGOMS PA'I SNYING GIS 'CHAB PAR MI BYED PA YIN LA NOR RDZAS KHO NA'I PHYIR 'CHAD PA YIN NO, ,JI LTAR GZHAN DAG LA 'CHAD PA DE LTAR SGRUB PA MI BYED PA 'DI NI SBYIN PA THA MA YIN NO, ,DE LTA BAS NA NOR RDZAS THOB PA GANG YIN PA DE DAG CHANG GIS ZAD PAR BYED DAM, BUD MED DANG LHAN CIG ZAD PAR BYED PA TSUL KHRIMS RNAM PAR SPANGS PA 'DI NI GAR MKHAN LTA BU'I CHOS NYID KHO NAR ZHUGS PA YIN TE, CHOS KYI SBYIN PA 'DI NI 'BRAS BU CHUNG BA YIN NO, ,DE'I RNAM PAR SMIN PA GAR SKYE ZHE NA, DE LAS KYI ME LONG LA MTHONG STE, LHA RNAMS KYI NANG DU BYA MKHAS PA'I RANG BZHIN CAN DU 'GYUR LA, DE BZHIN DU TSIGS SU BCAD PA STON PAR 'GYUR TE, 'DI NI CHOS SBYIN PA THA MA YIN NO, ,CHOS KYI SBYIN PA 'PHRING JI LTA BU YIN ZHE NA, GRAGS PA 'DOD PA'I PHYIR CHOS 'CHAD PA'AM, CHOS SMRA BA GZHAN ZIL GYIS GNON PA'I PHYIR ZHE SDANG GI TSUL GYIS 'CHAD PA DE'I CHOS KYI SBYIN PA NI 'BRAS BU CHUNG BA YIN LA, DE'I 'BRAS BU RNAM PAR SMIN PAS NI LHA'AM, MI 'BRING PO RNAMS KYI NANG DU
SMIN PAR 'GYUR TE, DE LTAR BRGYA BYIN DES LAS KYI ME LONG GI GNAS DAG TU LHA RNAMS LA STON PAR BYED, MTHONG BAR BYED DO, ,GZHAN YANG, CHOS SBYIN PA MCHOG NI SEMS BSGOMS PA SKYON MED PA BLO GDUL BAR BYA BA'I PHYIR STON PA YIN LA, 'TSO BAR MI BYED, LOG PAR LTA BA GZHAN DAG KYANG CHOS 'DUL BA LA RAB TU 'JOG PAR BYED LA 'TSO BAR MI BYED PA YIN TE, DE LTAR BDAG DANG, GZHAN LA PHAN PAR ZHUGS PA MTHAR MYA NGAN LAS 'DAS PA'I CHOS SBYIN PA MCHOG YIN NO, ,YANG BRGYA BYIN DES CHOS KYI SBYIN PA DE NYID KYI 'BRAS BU RNAM PA GZHAN GYIS LHA RNAMS LA STON PAR BYED, YANG DAG PAR 'CHAD PAR BYED DE, SHES RAB KYIS MA GROL BA NI THA MA YIN NO, ,TSUL KHRIMS LA ZHUGS PA NI 'BRING YIN NO, ,SHES RAB KYIS RNAM PAR GROL BA NI MCHOG YIN NO, ,DE LA SHES RAB THA MA NI DE SBYIN PA'I GTAM DANG YANG DAG PAR LDAN PA SHIN TU KHONG DU CHUD PAR CHOS STON PA MA YIN LA SBYIN PA'I 'BRAS BU 'BA' ZHIG STON PA YIN TE, DE RGYU DE DANG, GZHI DE LA BRTEN NAS SBYIN PA LA GNAS SHING TSUL KHRIMS DANG, SHES RAB LA'ANG GNAS SO, ,DE DAD PA 'BA' ZHIG GI RJES SU 'BRANG BA YIN LA, DGRA BCOM PA ZAG PA ZAD PA GNYIS KA'I CHA LAS RNAM PAR GROL BA 'DI CHOS SBYIN PA THA MA YIN TE, 'DI LTAR SBYIN PA'I GTAM DANG LDAN PA 'DI NI CHOS SBYIN PA YIN NO, ,CHOS SBYIN PA 'BRING NI TSUL KHRIMS KYI GTAM
, ,DANG RAB TU LDAN ZHING SEMS YONGS SU BSGOMS PAS STON PA SHES RAB 'BRING YIN LA, DE'I LAS KYI 'BRAS BU RNAM PAR SMIN PA NI LAS KYI ME LONG GI RTZIG NGOS KYI NANG NA SNANG STE, 'DI LTAR SHES RAB KYI RJES SU 'BRANG BA DGRA BCOM PA'AM, SHIN TU MYUR BAR ZAG PA ZAD PAR BYED NA RANG SANGS RGYAS SU 'GYUR TE, CHOS SBYIN PA 'BRING DE'I RGYUS LAS KYI RNAM PAR SMIN PA LAS KYI ME LONG GI NANG NA SNANG NGO, ,GZHAN YANG, CHOS SBYIN PA MCHOG NI, 'DI LTA STE, SEMS SHIN TU YONGS SU BSGOMS PA, 'DOD PA MED PAR SHES PA SBYIN ZHING YON TAN 'BA' ZHIG MNGON PAR RJOD PAR BYED, GZHAN LA PHAN GDAGS PAR ZHUGS PA CHOS STON PA YIN TE, 'DI LTA STE, 'DOD PA'I NYES DMIGS KYI RO MYANG BA LAS NGES PAR 'BYUNG BA'AM, GZHAN LOG PA'I LTA BA LA ZHUGS PA'ANG CHOS 'DUL BA LA RAB TU 'JOG PAR BYED CING, CHOS 'DUL BA SKYON MED PA'ANG STON PAR BYED PA YIN TE, 'DI NI CHOS SBYIN PA MCHOG YIN NO, ,DE'I 'BRAS BU NI BYANG CHUB TU 'GYUR TE, YANG DAG PAR RDZOGS PA'I SANGS RGYAS, RIG PA DANG, ZHABS SU LDAN PA, BLA NA MED PA, SKYES BU 'DUL BA'I KHA LO SGYUR BA, LHA DANG, MI RNAMS KYI STON PA, CHOS 'DUL BA BLA NA MED PA THOG MA DANG, BAR DANG, THA MAR DGE BA, DE NI CHOS SBYIN PA MCHOG YIN NO, ,DE LTAR BRGYA BYIN DES LAS KYI MI
LONG GI RTZIG NGOS LA RNAM PA DU MA YOD PA LHA RNAMS LA STON PAR BYED DE, DE LTAR THAMS CAD STON PAR BYED DO, ,'DI LTAR LHA GZHAN GANG YIN PA DAG LA MNGON PAR BRTAGS NA, LHA DE DAG KUN NAS SHIN TU NGO TSA BAR GYUR PA DANG, DE DAG LA DE LTAR MA BYED CIG ,'DI LTAR SRID PA DANG, SRID PAR RGYU DANG MTHUN PAR 'BRAS BU MNGON PAR 'GRUB BO ZHES BSTAN TE, DE LTAR ZLA BA BAS LHAG PA'I LUS GANG YIN PA DE DAG MTHONG NAS, BDAG GI DRUNG DU LHAGS PA DE DAG NYID LA BSTAN PA'I PHYIR, LAS BYAS PA 'DI LAS THA MA DANG, 'BRING DANG, MCHOG DANG GSUM PO 'DI DAG LHA RNAMS LA BSTAN PA YIN TE, LHA DAG NGO TSE BAR BYAS PA DES CHOG CHOG, DE NAS LHA DE RNAMS KYIS MA MTHONG BA NGO MTSAR CHE BA DE LA MNGON PAR BRTAGS NAS 'KHOR BA LA SHIN TU YID SKYO BA RNAMS KYIS 'DI LTAR TSIGS SU BCAD DE SMRAS PA, 'DOD PA DON MED RGYAGS PAS MYOS, ,LHA RNAMS RANG BZHIN STOBS CHUNG BA, ,'DOD PA RNAMS KYIS 'KHYAM ZHING RTZE, ,'JIGS PA CHEN PO MI MTHONG NGO; ;'DOD PA MI PHAN BYED RNAMS LA, ,LHA GANG YID NI RTON BYED PA, ,LEGS BYAS ZAD NAS BLUN PO DAG, PHYI NAS SO SOR RIG PAR 'GYUR, ,LHA RNAMS LA NI BYE BRAG TU, ,PHUN SUM LDAN PA MOD LA 'JIG, JI LTA JI LTAR BDE DANG DGA', ,DE 'JIG DE LTAR NYON MONGS SO, ,GANG TSE LHA YI 'JIG RTEN NAS, ,SEMS CAN DMYAL BAR LHA LHUNG BA, ,LUS DANG YID KYI SDUG BSNGAL
, ,GYIS, ,THAMS CAD DU NI GNOD PAR 'GYUR, ,DE YI SDUG BSNGAL SHIN TU TSA, ,DE NI TSAD GZUNG MI NUS SO, ,SDUG BSNGAL RNAMS KYI NANG NA MCHOG, 'BRAL BA SDUG BSNGAL YONGS SU RJOD, ,DE YANG LHA YI TSOGS NANG NA, ,GTZO BOR RTAG TU YANG DAG 'JUG, SEMS KYIS YONGS SU BSLUS PA YI, ,LHA RNAMS KYIS KYANG MI MTHONG NGO, ,'DOD PAS SHIN TU BSLUS PA RNAMS, ,DE LTAR BZANG BA SKAD CIG STE, ,BRGYA DANG 'BUM DANG DE BZHIN DU, ,BYA BA THER 'BUM PHRAG BRGYA YI, ,'DOD PA THOB KYANG 'JIG 'GYUR PA, ,DE LA MI DAG YID MA RTON, ,LEGS PAR BYAS PA'I LAS KYI RGYUS, ,DE YI 'BRAS BU RTAG TU BDE, ,SHING NYAMS 'BRAS BU MED PA LTAR, ,RGYU ZAD NAS NI 'BRAS BU MED, ,BAG MED DE NYID MTHONG RNAMS KYIS, ,SROG ZAD BYED PA DUG LTAR MTHONG, ,RTAG TU ME LTAR SREG BYED CING, ,MTSON CHA LTAR NI GCOD PAR BYED, ,SNGON NI MDZA' BSHES LTA BUR MTHONG, ,PHYI NAS DGRA LTA BU MTHONG NGO, ,LUS CAN KUN LA BAG MED PA, ,MCHIL PA LTA BUR RAB TU 'JUG, LHA DANG LHA MIN MI DAG DANG, ,KLU RNAMS LA YANG KHYAD PAR DU, ,DON RNAMS THAMS CAD MED BYED PA, ,DE YIS BAG MED RGYU MTHONG NGO, ,BRGYA BYIN BDAG CAG BSOD NAMS KYIS, ,LEGS PAR BGYIS PA DAG KYANG BSRUNGS, ,KHYOD KYIS SRID PA'I BTZON
RA GANG, ,'DI DAG THAMS CAD BSTAN PA LAS, ,DE LTAR BRGYA BYIN LHA DE LA, ,SMRAS NAS DE LAS 'DI SKAD SMRAS, ,BRGYA BYIN KHYOD LA NGO MTSAR RMAD, ,CHEN PO 'DI NI SU YIS BSTAN, ,DE LA BRGYA BYIN DES SMRAS PA, ,GANG GIS BSTAN 'DI NGA LAS NYON, ,BDAG SKYES PA NA SNGON GYI LHA PHRENG BZANG ZHES BYA BA ZHIG YOD DE, DE DANG BDAG SHIN TU BSHES PAR GYUR TO, ,DES BRGYUD PA LAS THOS LA 'GA' ZHIG GI PHYIR YANG 'DI LTAR BCOM LDAN 'DAS 'OD SRUNG ZHES BYA BA ZHIG GDUL BA'I DBANG GIS MTHO RIS 'DIR GSHEGS ZHES THOS SO, ,DES KYANG LHA SHIN TU BAG MED PAR GNAS PA RNAMS RTAG TU GZIGS NAS, DE DAG LA PHAN PAR MDZAD PA'I PHYIR SHING S'A LA ZUNG 'DI BSKRUN TO, ,LAS KYI ME LONG SPRUL PA'I NANG DE'ANG BDAG CAG RAB TU BAG MED PAR GYUR PA DANG, KHYOD BAG MED PAR MA GNAS SHIG CES LHA DES SHIN TU BSTAN TE, 'DI LTAR 'DUS BYAS THAMS CAD NI LOG PAR LTUNG BA YIN LA, GANG GI TSE KHYOD DAM, LHA BAG MED PAR GNAS PA GZHAN DAG PHAN TSUN GZUGS THA MA DANG, 'BRING DANG, MCHOG LA NGO TSA DANG BCAS PAR GYUR PA DE'I TSE, KHYOD KYIS LHA DAD PA CAN BAG YOD PA LA GNAS PA MA YIN PA GANG YIN PA DE DAG NANG DU BCUG STE, 'DI DAG BSTAN CING DE RNAMS LA RMAD DU BYUNG BA 'DI YANG DAG PAR BSTAN PAR BYA'O, ,'DI LTAR BCOM LDAN 'DAS DES KYANG LHA RNAMS LA
, ,PHAN PAR MDZAD PA'I PHYIR 'DI BSTAN CING, LHA DAG KYANG BTUL LA LAS KYI ME LONG GIS RGYAGS PA DANG PHRAL NAS DGE BA'I LAM LA RAB TU BKOD DE, DE NAS YANG SLAR DZAMBU'I GLING DU GSHEGS SO ZHES BSTAN TO, ,LHA DE LAS BDAG GIS DE SKAD THOS TE THOS NAS KYANG GCIG TU 'GA' LA LHA DE DAG NGO TSA BA DANG BCAS TE LHAGS SO, ,DE DAG GI NGO TSA BA BSAL BA'I PHYIR DANG, BAG MED PA DANG, DREGS PA BSAL BA'I PHYIR LAS KYI ME LONG GI RTZIG NGOS LA BRIS PA THA MA DANG, 'BRING DANG, MCHOG 'DI KHYED CAG LA RAB TU BSTAN PA YIN NO, ,GZHAN YANG SHING S'A LA ZUNG GNYIS PA 'DI NYID DU 'JUG PAR BYA'O, ,DE YANG DE BZHIN DU BCOM LDAN 'DAS 'OD SRUNG DE NYID KYIS LHA RNAMS LA PHAN PAR MDZAD PA'I PHYIR LAS KYI DRA BA SKYE BA DANG, 'CHI BA LTA BUR SPRUL PA MDZAD PA DE'ANG BDAG GIS KHYED CAG LA RAB TU BSTAN PAR BYA'O, ,DE NAS DE SKAD SMRAS NAS, YANG BRGYA BYIN GYIS LHA DE DAG LA; 'DI SKAD DU, BCOM LDAN 'DAS 'OD SRUNG DE LA SPYI BOS PHYAG 'TSAL LO ZHES SMRAS NAS, DE NAS YANG DE LTAR SGO DE NYID NAS PHYIR BYUNG BA DANG, SGO'ANG DE BZHIN DU BCAD DO, ,DE NAS LHA YID RAB TU DGA' BA, PHYI ROL GYI SKYED MOS TSAL NA DGA' SPYOD BYED PAR ZHUGS PA, SIL SNYAN GYI SGRA RNAM PA SNA TSOGS 'BYIN PA RAB TU MYOS PA BRO RDUNG ZHING DGOD PA GANG
YIN PA DE DAG GIS BRGYA BYIN NYE BA NA 'DUG PAR RIG NAS MGO BOS SO SOR PHYAG BTZAL NAS, YANG YID SHIN TU CHAGS PA DAG BRO RDUNG BAR BYED, RGOD PAR BYED, PHAN TSUN PADMA DAG BLANGS NAS RDEG PAR BYED DO, ,DE NAS BRGYA BYIN DANG LHAN CIG SHING S'A LA ZUNG DER ZHUGS PA'I LHA GANG YIN PA DE DAG GIS LHA DE RNAMS LA RMAD DU BYUNG BA DE DAG STON PAR BYED KYANG, BAG MED PA'I DBANG DU GYUR PA DE DAG NYAN PAR YANG MI BYED LA RMAD DU BYUNG BA DE LA GANG YANG DAD PA MI SKYED DO, ,DE NAS BRGYA BYIN YANG LHA DE RNAMS KYI SEMS BSRUNG BA'I PHYIR SPYOD PA DE DAG NYID DANG LHAN CIG PADMA'I TSAL DE RNAMS NA DGA' BAR BYED CING SIL SNYAN DANG, ROL MO'I SGRA SNA TSOGS 'BYIN PA, PHAN TSUN GROGS SU GYUR PA, RGYAGS PA 'BA' ZHIG DON DU BYED PA; LHA'I PHRENG BA DANG, RGYAN DANG LDAN PA, SHIN TU BDE BA DANG LDAN PA, 'DOD PA'I YID LA RAB TU MYOS PA, RANG GI LEGS PAR BYAS PA LA CHAGS PA RNAMS TSAL DANG, NYE BA'I TSAL DAG NA YONGS SU SPYOD PAR BYED, DGA' BAR BYED, MCHOG TU DGA' BAR BYED DO, ,DE RNAMS KYI NANG NA LAS BYAS PA'I ME LONG GI GNAS RMAD DU BYUNG BA MTHONG BA'I LHA GANG YIN PA DE DAG BYA BA BYAS PA BZHIN DU RGYAGS PA'I SPYOD LAM LA GNAS PA DANG BRAL ZHING SEMS SNYING RJE CAN DU GYUR NAS LHA DE DAG LA MNGON PAR RTOG PA NA, KYE MA, LHA RAB TU MYOS PA GNAS PA
, ,'DI DAG GIS NI 'DI LTAR NGES PAR LTUNG BAR 'GYUR ZHING LHUNG NAS KYANG, SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR LA; 'KHOR BA'I MTHAR GTUGS PA'I BAR DU LAS LA RTON PA LAS KYI RANG BZHIN CAN DAG JI LTAR LAS DGE BA'AM, SDIG PA BYED PA DE DE BZHIN DU LAS KYI SKAL BAR 'GYUR BA DAG MI SHES SO SNYAM NAS, DE LTAR LHA DE RNAMS LHA DE DAG LA SNYING RJE BAR BYED DO, ,DE NAS CHOS BZANG NA GNAS PA'I LHA PHYI MA DE DAG KYANG BRGYA BYIN LA 'DI LTAR LHA'I RGYAL PO KHYOD KYI BKA' DRIN LA BDAG CAG 'DOD PA'I YON TAN LNGA 'BYOR CING LDAN PAR GYUR PA RNAMS KYIS LHA'I TSAL DANG, NYE BA'I TSAL DAG NA DGA' BAR BGYID, DGA' MGUR SPYOD PAR BGYID NA, LHA'I RGYAL PO, BDAG CAG LA DGONGS PAR MI MDZAD DAM ZHES SMRAS SO, ,DE NAS BRGYA BYIN GYIS 'DI LTAR TSIGS SU BCAD DE 'DI SKAD SMRAS PA, LHA DAG BDAG NI BYED PA MANG, , BAG MED PA LA GNAS PA MED, ,GANG ZAG BAG MED DBANG GYUR PA, ,DE NYID RAB TU MI MTHONG NGO, ,RTAG TU BAG MED DBANG GYUR GANG, ,DE NI DGE BA'I 'OS MIN TE, ,DGE BA SPANGS BA'I GANG ZAG NI, ,SEMS CAN DU DMYAL BAR NYE BAR 'DREN, ,DGA' ZHING YID DU 'ONG BA KUN, ,RAB TU 'BRAL BAR 'GYUR SRID KYANG, ,'TSO BA'I MTHA' NI 'CHI BA DAG, LHA YIS SHIN
TU MI MTHONG NGO, ,'CHI BA'I TSE NA 'BYUNG BA GANG, ,DBANG PO SEMS NI BLONG BA DAG, NGES PAR 'BYUNG BAR 'GYUR BA GANG, ,SDUG BSNGAL MI BZAD DE SHES KYI, ,SRID GSUM 'DUS BYAS THAMS CAD NI, ,MGAL ME'I 'KHOR LO LTA BU DANG, ,DRI ZA'I GRONG KHYER LTA BU DANG, ,DBU BA CHU BUR LTA BU STE, ,RMONGS PA DBU BA'I PHUNG PO LA, ,MAL STAN 'DING BAR BYED PA GANG, ,RMONGS PA 'DUS BYAS BYED PA DE, ,MI BRTEN BDAG NYID MNGON PAR CHAGS, ,LAS KYIS YONGS SU SBREL BA NI, ,'CHI BA'I TSE NA LHA DANG MI, ,DE BZHIN GNOD SBYIN LHA MA YIN, ,KLU DANG MKHA' LDING SKYOB MI BYED, ,'CHI BA'I RGYAL PO MI BZAD PA, ,JI SRID MA 'ONGS PAR DU NI, ,DE SRID LEGS PAR BYAS SPYOD PA, ,PHYI NAS GDUNG BAR MA BYED CIG, SRID PAS DE DAG YANG DRANGS PA, ,YUL RNAMS LA NI RGYUG PAR BYED, ,KHYED LA DU MAR BSGO BA YIN, ,BAG MED RNAMS LA MA CHAGS SHIG, YUL GYIS DAM DU BCINGS PA NI, ,SEMS CAN DMYAL BA KUN GYI RGYU, ,DE BAS GTAN DU SPANGS NAS SU, ,NGES PAR LEGS PAR YID LA BYOS, ,DE LTAR BRGYA BYIN DES LHA DE RNAMS LA RJES SU BSTAN PA DANG, 'DI LTAR BDE BA DE'I DBANG DU GYUR PA RNAMS CUNG ZAD KYANG SEMS LA MI 'JOG GO, LAS KYI ME LONG MNGON SUM DU MTHONG BA'I LHA GANG YIN PA DE DAG NI MA GTOGS TE, DE RNAMS NI SHIN TU YID CHED NAS BRGYA BYIN LA 'DI SKAD SMRAS SO, ,LHA'I
, ,DBANG PO, 'DI LTAR SHING S'A LA ZUNG GNYIS PAR GSHEGS DANG, DE NAS YANG BCOM LDAN 'DAS 'OD SRUNG DES LHA BAG MED PAS RMONGS PA RNAMS LA PHAN PAR BGYI BA'I SLAD DU, LAS KYI DRA BA SKYE BA DANG, 'CHI BAR MTHUN PA'I SPRUL PA GANG LAGS PA DE DAG LHA'I RGYAL POS BDAG CAG LA RAB TU BSTAN DU GSOL, DE NAS BRGYA BYIN GYIS LHA SHIN TU BAG MED PAS GNAS PA DAG RIG NAS TSAL DANG, NYE BA'I TSAL RNAMS SU RTZER DONG NGO, ,DE NAS YANG LHA RNAM PAR G-YENGS PA DE RNAMS DANG, SHIN TU YI CHAD PA DAG DANG YANG LHAN CIG SHING S'A LA ZUNG GNYIS PA GA LA BA DER DONG STE PHYIN NAS, DE BZHIN DU DES SDONG PO DE NYID KYI SGO 'BYED PAR BYED DO, ,'BYED PA DANG, DE BZHIN DU SGO BYE STE, BRGYA BYIN DE LHA DE RNAMS DANG LHAN CIG DE NYID DU ZHUGS PA DANG LHA RNAMS KYIS TSAL DANG, NYE BA'I TSAL NYAMS DGA' BA, SNGON CHAD GAR YANG MA MTHONG BA'I DGA' BA GANG YIN PA DE DAG DANG 'DOD PA THAMS CAD 'BYOR BA, BYA RNAM PA SNA TSOGS KUN NAS LONG LONG POR 'KHOD PA, PADMA'I TSAL GYIS BRGYAN PA, GSER BTZO MA'I SHING LJON PAS KUN NAS 'KHRIGS PA THAMS CAD DU MTHONG NA DGA' ZHING YID DU 'ONG BA, 'JIG RTEN GYI BDE BA'I MCHOG BLTA NA SDUG PA, RLUNG BSTEN NA BDE BA, RI'I ZOM YANG RIN PO CHE'I RDO SNA BDUN GYIS RNAM PAR BRGYAN PA, BYA RNAM PA SNA
TSOGS SKAD 'BYIN PA MTHONG NGO, ,DPAG BSAM GYI SHING NYI MA LTAR GZI CHE BAS KUN NAS GSAL BA YIN TE, NYI MA LTA BU DE RNAMS KYIS SHING S'A LA'I NANG DE DAG THAMS CAD RNAM PAR GSAL BA, BZA' BA DANG, BTUNG BA'I CHU BO'ANG DRI DANG, RO DANG, MDOG SNA TSOGS SU 'BAB PA RNAMS MTHU RAB TU CHE BAR 'BAB PA, DE'I NANG NA DRI SHIN TU MI BZAD PAR ZHIM PO YOD DE, YON TAN SNA TSOGS PHUN SUM TSOGS PA DE RNAMS SNAS RIM GYIS SHIN TU MYONG BAR BYED DO, ,DE LTAR DBANG PO LNGA RNAMS KYI YUL LNGA SEMS DANG LDAN PA LTAR SDUG PAR STON PA, NYI MA NUB PA LTAR MI RTAG STE, PHRAL 'PHRAL LA BYUNG BA'I STOBS KYIS, DBANG DU GYUR PA'I LHA GANG YIN PA DE RNAMS KYIS DBANG PO'ANG SHIN TU BDE BA NYID YIN NA, GANG LAS BAR MAS NYE BAR 'GRO BA RNAMS LTA SMOS KYANG CI DGOS, DE NAS LHA'I RGYAL PO BRGYA BYIN TSAL DANG, NYE BA'I TSAL SHIN TU NYAMS DGA' BA GANG YIN PA DE DAG THAMS CAD DE RNAMS LA YANG DAG PAR BSTAN TE, DE DAG GI KHYAD PAR NI PHYIR ROL NA GNAS PA RNAMS KYI TSAL DANG, NYE BA'I TSAL NYAMS DGA' BA GANG YIN PA DE DAG DE'I BCU DRUG GI CHAR YANG MI PHOD DO, ,DE NAS LHA'I DBANG POS THAMS CAD MA LUS PAR BSTAN NAS RDO SHIN TU GSAL BA LAS SA GZHI BYAS PA, LHAG PAR NYAMS DGA' BA BSTAN PAR BYA BA'I PHYIR GA LA BA DER 'DONG BAR BYED
, ,DO; ;BEE d'URYA'I KHANG BZANG KA BA STONG YOD LA PADMA R'A GA'I LAN KAN BRES PA, SA GZHI GSER LAS BYAS PA, CHUR DPAG TSAD LNGA YOD PA, ZHENG DU DPAG TSAD GSUM YOD PA, BCOM LDAN 'DAS 'OD SRUNG DE'I RDZU 'PHRUL GYIS MDZAD PA YIN NO, ,DE NAS BRGYA BYIN KHANG BZANG RIN PO CHE SNA BDUN GYI THEM SKAS KYIS BRGYAN PA DE LA LHA DE RNAMS DANG LHAN CIG DER 'DZEGS PA DANG, KHANG BZANG DE LA BCOM LDAN 'DAS DE NYID KYI GZUGS BRNYAN SPRUL PA GANG YIN PA DE LA, 'DI NI BCOM LDAN 'DAS NYID CHOS STON PA YIN NO SNYAM DU SEMS SO, ,DE NAS BRGYA BYIN GYIS BCOM LDAN 'DAS KYI GZUGS BRNYAN DE LA MGO BOS PHYAG BTZAL TE, LHA'I TSOGS RNAMS DANG LHAN CIG SHIN TU GUS PAR GYUR PA'I YID KYIS PHYAG BTZAL NAS, 'DI LTAR TSIGS SU BCAD DE SMRAS PA, RAB TU GROL BA SKYOB MDZAD CING, ,ZHI BA DANG NI THAR PA'I SGO, ,'BYED PAR MDZAD PA 'JIG RTEN MGON, , DE YI GZUGS BRNYAN 'DI BZHUGS SO, ,MI GANG ZHI BA'I YID KYIS SU, ,'DI LA RTAG TU PHYAG BTZAL NA, ,DE NI SRID PA'I 'JIG LAS MTHAR, ,MYA NGAN 'DAS PA'ANG RTOGS PAR 'GYUR, ,MYA NGAN 'DAS GRONG STON MDZAD PA, ,CHOS 'DI GSUNG BA GANG YIN PA, ,DE NI ZHI BA MCHOG TU DGA', ,DE NI MTHA' LAS BYUNG ZHES BYA, ,SKYES BU BRTAN PO RTZAL PO CHES, ,DE
YI BKA' LA BRTEN NA NI, ,GTAN DU BDE BA 'BYUNG BA GANG, ,RTAG PA'I GNAS NI 'THOB PAR 'GYUR, ,SKYES BU DE NYID SEMS PA PO, ,SGROL BYED 'DI LA BRTEN NAS SU, ,SRID GSUM RGYA MTSO CHU BO'I KLONG, ,MI BZAD 'JIGS LAS SGROL BAR BYED, ,'DI NI 'JIG RTEN BCAS PA'I MIG, KUN NAS 'BRAL BA'I MIG RNAMS YIN, ,SHING LAS BYUNG BA ME MIN GYI, ,'DI NI ME YI NANG NA MCHOG, 'DOD CHAGS LA SOGS DRI MA YIS, ,MI RNAMS SEMS LA SDIG BCAS PA, ,KHYU MCHOG DE'I BKA' YE SHES CHUS, ,DAG PA NYID TU 'KHRU BAR MDZAD, ,MU STEGS SHES PA'I NGA RGYAL CAN, ,KUN GYIS GNAS GANG MA MTHONG BA, ,GNAS DE KHYOD KYI DRI MA MED, ,GSUNG RNAMS KYIS NI MI LA BSTAN, ,SKYE BO SHIN TU BAG MED PA, ,'DI DAG MGON PO KHYED KYIS BSGRAL [?] , MGON PO BRGAL NAS PHA ROL GSHEGS, ,SKYE BO GZHAN YANG SGROL BAR MDZAD, ,SKYE BO KUN LA SMAN SLAD DU, ,KHYOD NYID GCIG PUR ZHUGS PAR BAS, ,PHAN MED RNAMS LA PHAN MDZAD PHYIR; ;KHYOD NYID KHO NA MI MCHOG LAGS, ,DE LTAR BRGYA BYIN DES GZUGS BRNYAN DE LA BSTOD CING, GUS PAR PHYAG BTZAL, LHA THAMS CAD DANG BCAS PAS KYANG BCOM LDAN 'DAS KYIS GZUGS BRNYAN SPRUL PA DE LA MNGON PAR PHYAG BTZAL, NA BZA' CHOS GOS BYIN GYIS BRLABS PA THAGS SU MA BTAGS PA GANG YIN PA DE LA'ANG LHA RNAMS MGO BOS PHYAG
, ,BTZAL TE, GZUGS BRNYAN DE MTHONG NAS YANG RGYAGS PA NYID YONGS SU NYAMS PAR GYUR TO, ,DE'I RDZU 'PHRUL GYIS MDZAD PA'I GZUGS BRNYAN GYI RNAM PA JI LTA BUR BZHUGS PA DE LTA BUR BRGYA BYIN GYIS 'BUM GYI CHAR YANG MI PHOD NA, LHA GZHAN GYIS LTA SMOS KYANG CI DGOS, DE NAS BRGYA BYIN GYIS RDZU 'PHRUL MDZAD PA'I GZUGS BRNYAN DE MTHONG NAS; ;DE NAS YANG LHA DE RNAMS LA PHAN PAR BYA BA DANG, LHA BAG MED PAS MYOS PA RNAMS BAG MED PA DANG DBRAL BAR BYA BA'I PHYIR, LAS KYI DRA BA SKYE BA DANG, 'CHI BA'I NGO BO RDZU 'PHRUL BYAS PA DE BSTAN TO, ,DE NAS LHA DE RNAMS KYIS BRGYA BYIN LA SMRAS PA, LHA'I DBANG PO, 'DI LTAR BCOM LDAN 'DAS DES SHING S'A LA ZUNG 'DI'I NANG DU LAS KYI DRA BA SKYE BA DANG, 'CHI BA'I NGO BO 'DI SPRUL PA MDZAD LA, SLAD ROL DU CI'I SLAD DU MA MDZAD, 'DI LTAR NGA'ANG DE LA NGO MTSAR CHER SKYES TE, DE NAS LHA DES NGA RGYAGS PA DANG DBRAL BAR BYA BA'I PHYIR 'DI BSTAN TO,, DE NYID LA NGAS DRIS PA DANG DES SMRAS PA, 'DI LTAR 'DI RTAG TU MTHONG BA DANG, SKYE BO THAMS CAD NGO MTSAR CHER SKYES TE, DE NGO MTSAR CHE BAR RIG NAS 'JIGS PAR BYA BA DANG, DAD PAR BYA BA DANG, DAD PAR BYA BA'I PHYIR RGYU 'DIS NA BCOM LDAN 'DAS DES PHYI ROL DU SPRUL PA MA MDZAD DO, ,PHYI ROL DU SPRUL PA MDZAD NA NI SKYE BO KUN GYIS YANG DANG, YANG DU MTHONG
ZHING, PHAN MA THOGS LA GZUGS BRNYAN DE ZHIG PAR YANG 'GYUR TE, RGYU 'DIS NA SHING S'A LA ZUNG GI NANG DU SPRUL PA 'DI MDZAD CING, SHING S'A LA ZUNG GI NANG DU NGO MTSAR CHE BA'I SPRUL PA GNYIS MDZAD DO, ,GANG SKYE BO KUN GYIS BLTA BAR MI BYA BA'I RGYU 'DIS NA BCOM LDAN 'DAS DES SHING LJON PA'I NANG DU SKYE BA DANG, 'CHI BA'I NGO BO LAS KYI DRA BA'I SPRUL PA 'DI MDZAD DO, ,DE NAS BRGYA BYIN LAS LHA RNAMS KYIS DE SKAD THOS NAS NGO MTSAR CHE'O SNYAM PA DANG BRAL NAS, DE NAS YANG SKYE BA DANG, 'CHI BA'I NGO BO LAS KYI DRA BA DE KHANG BZANG DPAG TSAD LNGA PA'I RTZIG NGOS DAG LA BRIS PA DE DAG RAB TU BSTAN PAR BRTZAMS SO, ,DE LA RE ZHIG DANG POR SROG GCOD PA RNAMS KYI GNAS KYANG SNGAR BSTAN PA BZHIN, GNOD PA'ANG SNGAR BSTAN PA BZHIN DU SBYAR TE, SEMS CAN DMYAL BA YANG SOS 'KHOR BCU DRUG PA SPRUL TO, ,DE NAS THAR NAS GAL TE YI DVAGS RNAMS KYI NANG DU SKYES NA, SHIN TU PHRAG DOG CAN DANG, SHIN TU KHRO BAR 'GYUR LA, DE GZHAN GYIS MTSON CHA RNAM PA DU MA DAG GIS GSOD PAR BYED DO, ,DE NAS LAS KYI DRA BAS 'BREL BA DUD 'GRO RNAMS KYI NANG DU SKYES NA, DE SHA ZA BA'I SKYE GNAS SU SKYE BAR 'GYUR LA; DE SHA'I DON DU MTSON CHA DAG GIS BSAD NAS ZA BAR BYED DO, ,DE BZHIN DU SHA RJEN ZA BA SENG GE DANG, STAG DAG GI SKYE GNAS SU SKYE BAR 'GYUR LA SHIN TU MI SDUG PA DE
, ,MTSON CHAS GSOD PAR 'GYUR RO, ,DE NAS SHI NAS GAL TE MI RNAMS KYI NANG DU SKYES NA, DE SHIN TU 'THAB MO BYED PA 'KHRUG PA LA DGA' LA SEMS BDE BAR MI GNAS PA KHO NA YIN TE, DE MTSON GYIS BSAD NAS TSE THUNG BAR 'GYUR RO, ,GAL TE LAN GRANGS GZHAN LA MYONG BAR 'GYUR BA'I LAS 'GA' ZHIG GIS LHA RNAMS KYI NANG DU SKYES NA, DE BONG SKYED DANG, MDOG DANG, DBYIBS RNAMS NYAMS PAR 'GYUR LA TSE THUNG BAR 'GYUR TE, LHA DANG, LHA MA YIN GYI YUL DU GSOD PAR 'GYUR BA DE DAG GI RNAM PA RTZIG NGOS DAG LA SNANG NGO, ,DE NAS SROG GCOD PA DANG, MA BYIN PAR LEN PA'I RGYU LAS BYUNG BA'I SEMS CAN DMYAL BA CHEN PO GZHAN THIG NAG 'KHOR BCU DRUG PA SNGAR BSTAN PA BZHIN MTHONG NGO, ,DE NAS SHI NAS GAL TE YI DVAGS RNAMS KYI NANG DU SKYES NA, DE SNGA MA BZHIN DU MTSON GYIS GSOD PAR 'GYUR RO, ,GAL TE RES 'GA' YANG MI GSOD PA'AM, GZHAN ZHIG GAM, DE DANG MTHUN PA ZHIG SROG 'TSO BA'I DON DU RNYED NA, DE YI DVAGS GZHAN GYIS YAN LAG DANG, NYING LAG THAMS CAD PHYE MAR BRLAGS NAS 'PHROG PAR BYED DO, ,DE RGYU DES SHI NAS GAL TE DUD 'GRO RNAMS KYI NANG DU SKYES NA DE BYA KHUG RTA'AM, 'BROG DGON PA CHU DANG BRAL BA RNAMS SU SKYE BAR 'GYUR RO, ,BKRES PA DANG, SKOM PAS GDUNGS PA'I LUS DE NAS KYANG SHI NAS GAL TE MI
RNAMS KYI NANG DU SKYES NA, DBUL PO DE YUL MTSON GYIS 'KHRUG PA'AM, LO NYES BYUNG BAR SKYE BAR 'GYUR TE, MTSON GYIS 'CHI BA'AM, LTOGS TE 'CHI BAR 'GYUR RO, ,GANG GI TSE RES 'GA' YANG BZA' BA ZHIG RNYED NA DE GZHAN GYIS 'PHROG PAR BYED LA ZOS NA'ANG 'JU BAR MI 'GYUR RO, ,DE NAS SHI NAS KYANG GAL TE LHA RNAMS KYI NANG DU SKYES NA, DE'I LUS DANG, BONG SKYED DANG, MDOG DANG, DBYIBS DE DAG DMAN PAR 'GYUR RO, ,BDUD RTZI'ANG SKYON DANG BCAS PAR LAS KYIS 'BYUNG STE, DE LHA GZHAN RNAMS KYI DRUNG DU SHIN TU NGO TSA BAS SKYENGS PAR 'GYUR RO, ,SIL SNYAN YAN LAG LNGA DANG LDAN PA'ANG MI SNYAN PAR 'GYUR LA TSE THUNG BAR YANG 'GYUR TE, DE LTAR LHA RNAMS KYIS LAS KYIS BYAS PA'I SPRUL PA DE MTHONG NGO, ,DE NAS YANG BRGYA BYIN DANG LHA RNAMS KYIS, SEMS CAN DMYAL BA BSDUS GZHOM DER LAS KYI RNAM PA SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA SPYAD PAS SKYE BAR 'GYUR BA 'KHOR BCU DRUG PA SNGAR BSTAN PA BZHIN MTHONG NGO, ,DE NAS THAR NAS GAL TE YI DVAGS RNAMS KYI NANG DU SKYES NA, DE TSE RING BAR 'GYUR ZHING RES 'GA' SROG GZUNGS KYI ZAS RNYED PA GANG YIN PA DE DAG KYANG GZHAN GYIS PHROGS LA, YI DVAGS SKYUGS PA ZA BA RNAMS KYI NANG DU SKYE BAR 'GYUR RO, ,DE'I CHUNG MA GANG YIN PA DE DE'I MNGON SUM DU YI DVAGS GZHAN DAG GIS 'PHROG PAR BYED LA,
, ,DE MTSON CHA BLANGS NAS MTSON GYIS BTAB STE GSOD PAR BYED DO, ,DE NAS THAR NAS KYANG GAL TE DUD 'GRO RNAMS KYI NANG DU SKYES NA DE MA HE DANG, RTA DANG, BA LANG DANG, SKYUGS BA ZA BA LA SOGS PA'I NANG DU SKYE ZHING TSE RING BAR 'GYUR, BDOG PA GZHAN GANG YIN PA DE DAG KYANG MTHU CHUNG NGUR GYUR PAS GZHAN DAG GIS 'PHROG PAR BYED DO, , DE NAS THAR NAS KYANG GAL TE MI RNAMS DANG SKAL PA MNYAM PAR MI'I NANG DU SKYES NA, DE TSE THUNG ZHING DBUL BA DANG, DE'I CHUNG MA'ANG GZHAN GYIS 'PHROG PAR 'GYUR RO, ,DE'I LAS KYI RTZIG NGOS DAG LA GZUGS BRNYAN BRIS PA 'DI LTA BU'ANG SNANG STE, 'DI LTA STE, SEMS CAN DMYAL BA CHEN PO NGU 'BOD 'KHOR DANG BCAS PA'I LAS KYI 'BRAS BU SNGAR BSTAN PA BZHIN SNANG NGO, ,DE NAS THAR NAS KYANG GAL TE YI DVAGS RNAMS KYI NANG DU SKYES NA, DE RTAG TU TSE RING BA NYID DU 'GYUR ZHING LAS DE SMIN PAR 'GYUR BA JI LTA BA BZHIN DAM PA CHAD PA'I SA'AM; KHAB MGRIN RNAMS KYI NANG DU SKYE BAR 'GYUR RO, ,DE RANG BZHIN GYIS BKRES PAS NYAM THAG CING RANG GI CHUNG MA GANG YIN PA DE GZHAN DAG GIS 'PHROG PAR BYED DO, , DE GAL TE'ANG RGYAGS PA'I TSUL DANG, RGYAGS PA'I RGYUS DUG ZA BAR BYED LA, DE DUG GI ME MI BZAD PAS SREG PAR BYED DO, ,DE LAS THAR NAS KYANG GAL TE DUD 'GRO RNAMS KYI
NANG DU SKYES NA, DE PHAN TSUN ZA BA'I SDUG BSNGAL GYIS MNGON PAR NYAMS PAR 'GYUR, DE NAS THAR NAS KYANG GAL TE LHA RNAMS KYI NANG DU SKYES NA, DE LAS DE DANG RGYU MTHUN PAR BONG SKYED DANG, MDOG DANG, DBYIBS DMAN ZHING TSE THUNG PA DANG, LHA DANG, LHA MA YIN GYI G-YUL 'GYED PAR 'CHI BA DANG, DE'I LUS LA RIN PO CHE BTAGS PA'ANG 'OD MI GSAL BA DANG, DE'I LHA MO'ANG GUS PAR MI NYAN ZHING GZHAN DU 'GRO BA DANG, DE'I BDUD RTZI'ANG RO CHUNG BA DANG, BLO ZHAN PA DANG, SEMS G-YENGS PA DANG, DE LA LHA GZHAN RNAMS KYIS GNOD PAR BYED DO, ,DE NAS YANG BRGYA BYIN DE DANG, LHA DE RNAMS DANG LHAN CIG LAS KYI RTZIG NGOS DE DAG NYID LA RTOG PAR BYED DE, 'DI LTAR SEMS CAN DMYAL BA NGU 'BOD 'KHOR DANG BCAS PA'I LAS KYI 'BRAS BU SNGAR BSTAN PA BZHIN MTHONG NGO, ,DE NAS THAR NAS KYANG GAL TE YI DVAGS RNAMS KYI NANG DU SKYES NA SNGA MA BZHIN DU 'GYUR LA, KHYAD PAR DU 'BYUNG BA NI, DE GANG DANG, GANG DU 'GRO BA DE DANG, DER LCE BCAD CING BCAD CING SKYE BAR 'GYUR RO, ,DE NAS THAR NAS KYANG GAL TE DUD 'GRO RNAMS KYI NANG DU SKYES NA, DE BYA GONG MA SREG DANG, SREG PA DANG, KA RA KA BHA RNAMS KYI NANG DU SKYE BAR 'GYUR LA, BRDZUN DU SMRA BA DE DANG RGYU MTHUN PAR RANG GI SKAD PHYUNG PA NYID KYIS GSOD PAR BYED DO, ,DE NAS THAR NAS KYANG GAL TE MI RNAMS KYI NANG DU SKYES NA, DE'I LAS KYI 'BRAS BU SNGA MA DANG MTHUN
, ,PAR TSIGS GZUNG BAR 'OS PAR MI 'GYUR RO, ,DE NAS THAR NAS KYANG GAL TE LEGS PAR BYAS PA'I LAS KYIS LHA RNAMS KYI NANG DU SKYES NA, DE BRDZUN DU SMRAS PA'I LAS DE DANG RGYU MTHUN PAR SGRA MI SNYAN PA'AM, GLU BLANG BAR MI NUS PA'AM, SKAD GAG GAG PO'AM, LHA KUN GYI NANG NA TSIGS BZUNG BAR MI 'OS PA DANG, JI LTAR LHA GZHAN DAG SMRA BA DE LTAR MNGON PAR BRJOD PA LEGS PAR SBYAR BA SHIN TU YID DU 'ONG BAR SMRA MI NUS PAR 'GYUR RO, ,DE NAS YANG BRGYA BYIN DE SEMS CAN DMYAL BA TSA BA'I LAS KYI 'BRAS BU LA SNGAR BSTAN PA BZHIN RTOG PAR BYED DO, ,DE LAS THAR NAS GAL TE YI DVAGS RNAMS KYI NANG DU SKYES NA LJAN LJIN SPYOD PA RNAMS KYI NANG DU SKYE BAR 'GYUR TE, DE SNGA MA BZHIN DU LNGA 'GYUR GYIS SDUG BSNGAL BAR 'GYUR RO, ,GAL TE DUD 'GRO RNAMS KYI NANG DU SKYES NA DE RGYA MTSO'I CHU SRIN DU 'GYUR RO, ,GAL TE MI RNAMS KYI NANG DU SKYES NA BZHIN MI SDUG PAR 'GYUR RO, ,DE NAS YANG THAR NAS GAL TE LHA RNAMS KYI NANG DU SKYES NA DE SNGA MA BZHIN SMAD PAR 'GYUR RO, ,RAB TU TSA BA DANG, MNAR MED PA'I LAS KYI RNAM PAR SMIN PA DAG NI LHA RNAMS MTHONG BA TZAM NYID KYIS SHI BAR GYUR NA MI RUNG NGO SNYAM NAS, SEMS CAN DMYAL BA CHEN PO DE GNYIS KYI 'JIGS PA DAG SBRUL PA MA MDZAD DE, LHA YUL RNAMS SU SEMS CAN DMYAL BA DE
GNYIS KYI SKYE BA SPRUL PA MA MDZAD DO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO SUM CU RTZA DGU PA, DE NAS BRGYA BYIN GYIS LHA DE RNAMS MNGON PAR MTHONG NAS 'DI LTAR TSIGS SU BCAD DE SMRAS PA, JI LTAR PHYAG DAR RNAMS LA RLUNG, ,BAB NA YANG DAG 'THOR BYED CING, ,DBANG MED MKHA' LA 'KHYAMS PA LTAR, ,LAS 'GRO SKYE DGU DE BZHIN NO, , DBYE BA DANG NI 'BRAL BA DANG, ,BDE DANG DE BZHIN SDUG BSNGAL DAG, LAS LA RAG LAS DE MED PAR, ,DE BAS CUNG ZAD 'JUG MI 'GYUR, ,THUB PA DE NYID GZIGS PA YIS, ,LAS KYI PHYOGS 'DI SPRUL PA MDZAD, ,SEMS KYI SA BON LAS RNAMS NI, ,'DI LTAR KUN NAS MTHA' MED DO, ,LAS RNAMS KYANG NI SNA TSOGS LA, ,DE YIS 'GRO 'DI SNA TSOGS BYAS, ,DE BZHIN GSHEGS PA MA GTOGS PAR, ,SEMS DANG LDAN PAS SHES PAR DKA', ,GCIG DANG BRGYA DANG STONG DANG NI, ,KHRI PHRAG DANG NI 'BUM RNAMS KYI, ,SNA TSOGS SU NI SKYED BYED PA, ,LAS KYI DRA BA 'DI CHE'O, ,JI LTAR SKUD PAS BTAGS PA YI, ,BYA DAG THAG RING GNAS PA YANG, ,KUN TU DRANGS NAS 'CHING BYED LTAR, ,LAS SKUD 'DI YANG DE DANG 'DRA, ,DE LTAR BRGYA BYIN DES LHA DE RNAMS LA SEMS CAN RNAMS KYI TSE 'DI LA MYONG BAR 'GYUR BA DANG, MYENG BAR 'GYUR BAR MA NGES PA DANG, SKYES NAS MYONG BAR 'GYUR BA DANG, LAN GRANGS GZHAN LA MYONG BAR 'GYUR BA'I
, ,NGO MTSAR CHE BA RNAM PA DU MA DE DAG BSTAN CING, DE NAS YANG DGE BA DANG, MI DGE BA DANG, LUNG DU MA BSTAN PA RNAM PA MTHA' YAS PA DANG, LAS KYI DRA BA MTHA' YAS PA BSTAN NAS, BCOM LDAN 'DAS KYI GZUGS BRNYAN SANGS RGYAS KYI MDZAD PA DE DAG LA, LHA DE RNAMS DANG LHAN CIG MGO BOS PHYAG BTZAL NAS, DE NAS YANG 'KHOR BA LA YID SKYO BA'I LHA DE RNAMS DANG LHAN CIG SHING S'A LA ZUNG DE NAS BYUNG NGO, ,DE NAS SGO DE BRGYA BYIN DES JI LTAR SNGAR BCAD PA DE LTAR BCAD DO, ,DE NAS BRGYA BYIN PHYIR BYUNG NAS LHA DE RNAMS LA RTOG PAR BYED DE, BAG MED PAR GNAS PA RNAMS PHAN TSUN RTZE ZHING DGA' MGUR SPYOD PA MTHONG BA DANG, LHA'I RGYAL PO DE SNYING RJE SKYES NAS 'DI LTAR TSIGS SU BCAD DE SMRAS PA, BAG MED PA YIS YONGS BSLUS PA, ,DE YI BLO LA 'KHRIG PA DANG, ,ZAS LA RTAG TU DGA' BA RNAMS, ,LHA YI LUS MDOG DUD 'GROR ZAD, ,GANG TSE LEGS PAR SPYAD PA'I LAS, , LHA YI GNAS NAS ZAD 'GYUR NA, ,DE TSE PHYIR YANG KHYOD NYID KO, ,BAG MED PA LA SPYOD PAR 'GYUR, ,BAG MED DGRA YIS ZIN PA DANG, ,LAS KYI RLUNG GIS BDAS PA RNAMS, ,'GRO BA DE DANG DE DAG TU, ,LHA RNAMS SHING BZHIN LTUNG BAR 'GYUR, ,LHA YI GNAS NAS LAN BRGYA'AM, ,KHRI PHRAG NYID DU SKYE 'CHI YANG, ,SKYO BA SKYED PAR MI BYED PA, ,SNYING LA MYA NGAN
RAB TU SKYE, ,DE LTAR BRGYA BYIN DE LHA DAG GI DRUNG DU 'GRO BAR BYED LA, DE DAG KYANG LHA'I RGYAL PO DE NYID MTHONG NAS YID RAB TU DGA' ZHING GUS PA DANG BCAS PAS RINGS PAR DONG NGO, ,DE NAS BRGYA BYIN LHA DE DAG NYID DANG LHAN CIG SEMS GZUNG BAR BYA BA'I DON DU SIL SNYAN YAN LAG LNGA DANG LDAN PA TSAL DANG, NYE BA'I TSAL NYAMS DGA' BA RNAMS SU BRO GAR BYED, DGA' MGUR SPYOD PAR BYED DO, ,SHING S'A LA ZUNG GI PHYI ROL DAG NA GNAS PA'I LHA GANG YIN PA DE DAG KYANG 'BAB CHU DANG, TSAL DANG, NYE BA'I TSAL DANG LDAN PA DE RNAMS NA DGA' BAR BYED DO, , BRGYA BYIN YANG CHOS BZANG NA 'KHOD PA'I LHA THAMS CAD DANG LHAN CIG CHOS BZANG DE NYID DE DONG NGO, ,SHING S'A LA ZUNG GI NANG NA 'KHOD PA'I LHA DE DAG KYANG JI SRID DU 'DOD PA SDUG PA YID DU 'ONG BA'I LAS BYAS SHING BSAGS PA DE ZAD CING MTHAR THUG PAR MA GYUR PA DE SRID DU DGA' BAR BYED DO, ,DE NAS PHYIS LHA'I 'JIG RTEN DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE MI DANG SO SO YANG DAG PAR MYONG BAR 'GYUR BA'I LAS KYIS MI'I NANG DU SKYES NAS, DE LAS DE DANG RGYU MTHUN PAR RTAG TU BDE BA DANG LDAN ZHING TSAL GYI BDAG PO TSAL GYIS 'TSO BA DANG, TSAL GYI NANG NA 'TSO BA'AM, RI MA LA YA
, ,NA GNAS SHING RTAG TU BDE BA DANG LDAN PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS SUM CU RTZA GSUM PA'I LHA RNAMS KYI GNAS MIG PHYE ZHING 'GRO BA DANG, BTZUMS NAS 'GRO BA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, LEGS PAR BYAS PA'I LAS KYI MTHA' SPYAD PA, DRANG PO'I RANG BZHIN CAN, G-YO SGYU MED PA, GZHAN LA MI GNOD PA, LAS DANG, 'BRAS BU LA DAD PA YANG DAG PA'I LTA BA DANG, YANG DAG PA'I LAS KYI MTHA' DANG LDAN PA GANG ZHIG NOR RDZAS MANG PO DANG LDAN PAR GYUR NAS SBYIN PA BYIN ZHING, RGYA MTSOR 'JUG PA'I TSONG PA'I CHED DU CHOS KYI STEGS GRU PHYIN LA TSONG PA DE'ANG DER ZHUGS TE, SHIN TU 'BYOR BA DANG LDAN PAS SBYIN PA BYIN, BSOD NAMS DAG BYED LA DE'ANG DE LAS 'TSO BAR MI BYED NA, DE LTAR SBYIN PA BYIN ZHING BSOD NAMS BYED PA YIN NO, ,MA BYIN PAR LEN PA SPANGS PA JI LTA BU YIN ZHE NA, RES 'GA' SDE GZHAN GYIS 'JIGS SAM, RGYAL POS 'JIGS NAS GRONG MED PAR GYUR PAR LAM DU ZHUGS PA GANG YIN PA DE 'JUG PAR BYED
LA; ZHUGS NAS KYANG LAS KYI 'BRAS BUS 'JIGS PA, DAD PA DANG LDAN PA, RGYAL PO'I CHAD PAS 'JIGS PA MA YIN PAS, DE NAS CUNG ZAD PHUB MA TZAM YANG LEN PAR MI BYED NA DE MA BYIN PAR LEN PA SPANGS PA YIN NO, ,SROG GCOD PA SPANGS PA JI LTA BU ZHE NA, 'DI LA SROG CHAGS RKANG BRGYA BA KHA GNYIS YOD PA RGYAS BZUNG BDAG GSOD PAR MI BYED LA, YID LA'ANG SDIG PA SEMS PAR MI BYED PA DANG, SENG GE DANG, STAG RGYU BA'I SA DAG TU DE DAG GSAD PAR BYA BA'I PHYIR, RNGON PA DE RNAMS KYIS RNYI BTZUGS NA RNGON PA DE RNAMS LA NOR RDZAS BYIN NAS, RNYI DE DAG LAS THAR PAR BYAS LA DE LA RUNG BAR MI BRJOD KYI, YID LA GCUGS PAR BYED CING GZHAN DAG KYANG DGE BA DE NYID LA SBYOR BAR BYED, RAB TU 'JOG PAR BYED, YANG DANG, YANG DU LEGS PAR BYAS PA GZHAN DANG, GZHAN DAG SHIN TU LEGS PAR SPYAD PAR BYED NA, DE LTAR SROG GCOD PA DANG, MA BYIN PAR LEN PA SPANGS PA'I SKYES BU DE NI DGE BA'I LAS RNAMS LA DMIGS SHING, DE'I LAS KYI MTHA' YANG 'GRUB PA DANG, DE'I BSAM PA THAMS CAD KYANG LHA RNAMS SGRUB PA DANG, DE'I BZHIN GYI MDOG KYANG GSAL BA DANG, DE LA LHA RNAMS KYIS KYANG MCHOD PAR 'GYUR TE, DE DAG NI DE'I LAS KYI 'BRAS BU TSE 'DI LA 'BYUNG BA YIN NO, ,PHYIS LUS DANG BRAL NAS SHI BA'I 'OG TU BDE 'GRO MTHO RIS KYI 'JIG RTEN SUM CU RTZA GSUM GYI LHA RNAMS KYI NANG DU SKYE BAR 'GYUR TE, LEGS PAR BYAS
, ,PA'I LAS KYI MTHA' SPYAD PA SUM CU RTZA GSUM PA'I LHA MIG PHYE BA DANG BTZUMS TE 'GRO BA'I GNAS SU SKYE BAR 'GYUR RO, ,DER SKYES NAS KYANG LEGS PAR BYAS PA'I LAS KYIS MTHA' SHIN TU BRGYAN PA DE'I NYAMS DGA' BA'I GNAS GANG YIN PA DE NI, MI THAMS CAD KYI BSAM PAS BSAM PAR YANG MI NUS TE, DER SKYE BAR 'GYUR RO, ,LHA DE RANG GI 'OD DANG, BDE BA MCHOG DANG LDAN LA, SHA DANG, RUS PA DANG, CHU SER DANG BRAL BA, 'GRAN ZLA 'JIGS PA GZHAN DANG BRAL BA, KUN TU 'TSOL BA'I 'JIGS PA DAG BRAL BA, SER SNA DANG BRAL BA, MI MDZA' BA DANG PHRAD PA DANG BRAL BA, 'CHI BA'I DUS DE MA GTOGS PAR DUS DE LA NAD KYI 'JIGS PA DANG BRAL BA, GNOD PA'I 'JIG PA DAG BRAL BA, NAD DANG 'CHI BA'I 'JIGS PA DANG BRAL BA, RGA BA'I 'JIGS PA DANG BRAL BA, RAB TU BAG MED PA DUS DE SRID DU SHIN TU NYAMS DGA' BA THAMS CAD MTHONG STE, MTHO RIS KYI BDE BA LA 'CHUMS PAS 'DOD PA'I YON TAN LNGA GCIG TU YID DU 'ONG BA, YUL GYI BDE BA RNAM PA DU MA RNAMS KYIS GZHAL MED KHANG GSER DANG, BEEd'URYA DANG, NOR BU'I LAN KAN BRES PA'I GZHAL MED KHANG DKRIGS PA, GZHAN DAG NA SHING LJON PA DANG, NYE BA'I TSAL RNAM PA SNA TSOGS YOD PA, RIN PO CHE SNA BDUN GYI PADMA'I RDZING RNAMS KYI NANG NA BYA NGANG PA DANG, DUR PA DANG, KA RAndA PAS BRGYAN CING RMA BYA MYOS PA SGRA 'BYIN PA RI'I SMAN LJONGS RNAMS
NA BYA SNA TSOGS KYIS BSTAN PA, RI RAB KYI RI'I RTZE MO RNAMS NA'ANG RIN PO CHE SNA BDUN GYI 'BYUNG KHUNGS KYIS BRGYAN PA, LTENG KA RNAMS KYI NANG NA GSER DANG, DNGUL DANG, MU TIG GI BYE MA BDAL BA DANG, RI RAB KYI SMAN LJONGS RNAMS KYI NANG NA'ANG RIN PO CHE SNA TSOGS KYI SHING LJON PA RNAMS KYIS BRGYAN PA, SHING LJON PA RNAMS KYANG NYI MA LTAR GSAL BA, RI KHROD TSANG TSING DAG NA'ANG GSER DANG, BEE d'URYA'I LCUG MA'I TSOGS 'PHYANG ZHING, ME TOG GI LCUG MA 'PHYANG BAS BRGYAN PA, BYUNG BA'I BUM GYIS BRGYAN PA, RI RAB KYI PHUG PA NAMS KYANG RIN PO CHE BZANG POS BRGYAN PA, RDO LEB DANG, SA'I PHYOGS CHA MTHO DMA' RAN PA, RI'I ZOM RNAMS KYANG RIN PO CHE SNA TSOGS KYIS BRGYAN CING RDO LEB KYIS BRGYAN PA, ME TOG DRI ZHIM PO RGYA CHER DBYANGS PA DANG LDAN PA, RANG GI BSAM PAS BRGYAN PA BAS KYANG CHES LHAG CING, NYAMS DGA' BA'I SA PHYOGS SNYING DGA' BA RNAMS DANG, GZHAN YANG, GAD KA DANG, DGON PA DAG NA SHING LJON PA RAB TU 'BAR BA LTA BUS BRGYAN PA, DPAG BSAM GYI SHING LJON PA 'BUM GYIS MDZES PAR BYAS PA, RANG GIS BYAS PA'I LAS KYI MTHA' LA SPYOD PA, LHA DANG, LHA MO 'BUM SNYED KYIS YONGS SU BSKOR BA , ROL MO DANG, SIL SNYAN GYI SGRAS RNA BA TSIM PAR BYED CING, PI WANG GI SGRA YONGS SU 'BYIN PAR BYED PA DE RNAMS NA RTZE BAR BYED DO, ,DES GANG DANG, GANG MTHONG BA DE DANG, DE NYID YID DU 'ONG
, ,LA; GANG MNYAM PA DE NYID SNYAN CING 'DZEBS LA YID DU 'ONG BA, GANG BSNAMS PA DE NYID DRI SHIN TU ZHIM ZHING YON TAN DU MA DANG LDAN PA, GANG MYANGS PA'I RO DE NYID YON TAN DU MA DANG LDAN PA, GANG REG PA DE NYID BDE ZHING 'JAM LA 'DOD CING YID DU 'ONG BA, GANG YID LA BSAMS PA DE NYID MYUR DU THOB CING 'GYUR BA MED LA YON TAN THAMS CAD DANG LDAN PA, THUN MONG MA YIN PA GZHAN GYIS 'PHROG PAR MI NUS PA YIN NO, ,DE NAS LHA 'BUM SNYED KYIS YONGS SU BSKOR BA DE, LHA'I TSOGS GZHAN RNAMS KYI NANG NA YONGS SU SPYOD PA NA; RES DGA' DE DUS STON GYI TSIGS ZHES BYA BA 'DOD PA KUN LAS BYUNG BA'I SHING LJON PA RNAMS KYIS BRGYAN PA, 'BAB CHU'I TSOGS BRGYA SNYED KYIS GANG BA, PADMA'I RDZING DU MAS RNAM PAR BRGYAN PA, LHA 'BUM SNYED DU MAS BSTEN BSTEN PA, BEE d'URYA'I LCUG MA 'PHYANG BAS BSKOR BA, GZHAL MED KHANG GI RTZE MO LA BYA SKAD 'BYIN PA 'BUM SNYED KYIS BSKOR CING NYAMS DGA' BAR BYED PA'I RI DE LA 'DZEG PAR BYED DO, ,DE NAS LEGS PAR BYAS PA'I LAS KYI MTHA' SPYAD PA DE NYAMS DGA' BA'I RI'I ZOM DE NA BDE BA MYONG BAR BYED DE, LEGS PAR BYAS PA'I LAS KYI RIN GYIS NYOS PA RNAMS NI 'DOD RGYAL LAS MA BYUNG, GZHAN GYIS MA BYAS, GZHAN NAS MA 'ONGS, NYAMS PA MA YIN, DBANG PHYUG LA SOGS PA
MGU NAS BYIN PA MA YIN PA DE DAG LA DE 'DZEGS NAS RI'I ZOM DE NA, BDAG NYID DANG MTSUNGS PA'I 'OD DANG LDAN PA'I LHA DANG, LHA MO'I TSOGS RNAM PA DU MA 'BUM SNYED KYIS KUN TU GANG ZHING, SIL SNYAN YAN LAG LNGA DANG LDAN PAS DGA' BAR BYED PA GANG YIN PA DE DAG DGA' BAR BYED CING, DGA' MGUR SPYOD PAR BYED LA LHA DE DAG KYANG DE BZHIN DU RANG GI 'OD DANG, DE BZHIN GZUGS DANG, DBANG PHYUG GI MTHU DANG LDAN ZHING, DE DAG KYANG DE BZHIN DU MIG MI 'DZUM PAR LTA BA, DE DAG KYANG DE BZHIN DU PADMA'I PHRENG BA THOGS PA, DE DAG KYANG DE BZHIN DU THAGS SU MA BTAGS PA'I GOS GYON PA YIN TE, DE LTAR LHA MTHU BO CHE DE THAMS CAD MTHONG NGO, ,DE NAS LHA'I BU DE RI'I ZOM DE LA 'DZEGS NAS SA PHYOGS DAG LA RTOG PAR BYED DE, LEGS PAR BYAS PA'I LAS KYI MTHA' SPYAD PA'I LHA DE'I GNAS SU GYUR PA GNAS GNYIS NA GNAS PA, CHU BO DANG, RI RAB 'OD KYI PHRENG BA 'BAR BA, RNAM PA SNA TSOGS KYIS YANG DAG PAR GANG BA'I SA PHYOGS RNAMS MNGON PAR MTHONG NAS SNGA MA BZHIN SNYING SHIN TU DGA' STE LHA'I BDE BA MCHOG MYONG NGO, ,LHA DE RNAMS KYI MTHU NI 'DI LTA BU YIN TE, GANG GI TSE LHA DANG, LHA MA YIN G-YUL 'GYED PAR 'GYUR BA NA, DE MIG PHYE BA TZAM GYIS BRGYAL BAR 'GYUR LA, GANG GI TSE LHA MA YIN MIG TSUMS KYIS BYAS PA DE'I TSE, SUM CU RTZA GSUM GYI BAR DU 'GRO STE, DE LTAR MGYOGS PA YIN
, ,NO; ;RGYU DANG MTSUNGS PAR 'BRAS BU 'BYUNG STE, JI LTAR RGYA MTSO LAS SGROL BAR BYED PA'I GRU MYUR DU SBYIN PAR BYA BA DE DAG BYIN PA DES, SEMS CAN DAG SGROL BAR BYED PA DE LTAR DE DAG GI MGYOGS PAR 'GYUR BA DE NI MIG PHYE BA TZAM GYIS 'GRO LA, BTZUMS PA TZAM GYIS SLAR LDOG STE, SNGON BYAS PA'I RGYU DES NA MYUR BAR 'GRO BA YIN NO, ,DE NAS YUN RING MO ZHIG TU LHA'I BDE BA DE MYONG BAR BYED DO, ,DE NAS GAL TE LEGS PAR BYAS PA'I LAS ZAD NAS LHA'I BU 'CHI BAR 'GYUR LA, DE 'CHI BA'I LTAS LNGA PO 'BRU MAR ZAD NA MAR ME'I SNANG BA ZAD PA 'DI LTA BU DAG 'BYUNG BAR 'GYUR TE, DE DANG PO RNGUL 'BYUNG BAR 'GYUR BA DANG, DBANG PO THAMS CAD NYAMS PA DANG, 'DOD PA'I YON TAN LNGA THAMS CAD DU RO MI BRO BA MYONG STE, LHA GZHAN DAG GIS MTHONG NAS NGO TSA BA DANG, RANG GI LHA MO LHA GZHAN GYI DRUNG DU 'GRO BA DANG, DE YANG MTHONG NAS PHRAG DOG DANG, SER SNAS BSKYED PA 'BRAL BA'I SDUG BSNGAL SNA TSOGS GANG RAB TU TSA BA'I ME LTA BU 'BYUNG NGO, ,GAL TE GZHAN DU MA BYIN PAR LEN PA ZHIG BLANGS NA, DE LAN GRANGS GZHAN LA MYONG BAR 'GYUR BA'I LAS KYIS DUS DE'I TSE SNON DU 'GYUR TE, DE'I RGYAN DE DAG THAMS CAD LHA MO DE DAG GIS 'PHROG PAR BYED LA, PHROGS NAS KYANG LHA'I BU GZHAN LA 'DOGS PAR BYED DO, ,GAL TE RDZUN SMRAS PA ZHIG YIN NA, DE
DAG GZHAN DU SMRA BAR BYED CING GZHAN DU 'GRO BAR BYED LA, LHA MO DE DAG GZHAN DU NYAN PAR BYED DE, TSIG BRLANG POS DE LA MNGON PAR SPYO BAR BYED DO, ,GAL TE SKYE BA GZHAN DAG TU SDOM PA BLANGS PA RNAMS LA, BTUNG BA CHANG BLUD DAM, BDAG NYID KYI BSLAB PA BSHIG GAM, CHANG 'THUNGS NA, DE LAN GRANGS GZHAN LA MYONG BAR 'GYUR BA'I LAS KYIS DUS DE'I TSE SNON DU 'GYUR TE, DE 'CHI BA'I DUS DE NA SEMS 'KHRUG PA'AM, DRAN PA NYAMS PA'AM, DE BZHIN DU NYIS 'GYUR DU KUN TU GDUNG BAR BYED LA, DE SEMS CAN DMYAL BAR 'GRO BAR 'GYUR RO, ,GAL TE SROG GCOD PA ZHIG YIN NA, DE TSE THUNG NGUR GYUR NAS MYUR DU 'CHI BAR 'GYUR RO, ,'DOD PAS LOG PAR G-YEM PAS NI CHUNG MA GZHAN GYI DRUNG DU 'GRO BAR 'GYUR TE, DE LTAR SDOM PA LNGA BRAL BA, LAN GRANGS GZHAN LA MYONG BAR 'GYUR BA'I LAS KYI ZHAGS PAS BCINGS PA, 'CHI LTAS LNGAS RNAM PAR DKRUGS PA, BAG MED PAR GNAS PA, DE 'CHI BDAG GI RGYAL POS 'DREN PAR BYED DO; ;DE LTAR GNAS SKABS THAMS CAD DU TSUL KHRIMS KYI MTHA' LEGS PAR MA SPYAD DE, MTHO RIS KYI RGYUR SPYOD PA GANG YIN PA DE NI SRED PA YIN NO, ,DE NAS LAS KYI ZHAGS PAS BCINGS PA DE SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,LEGS PA'I MTHA' MA YIN PA, MTHO RIS KYI BDE BA DE DAG NYID DGE SLONG DES MTHONG
, ,STE; 'DUS BYAS KYI CHOS THAMS CAD KYI NANG NA PHYOGS GCIG TU GYUR PA NYAMS DGA' BA RNAMS KYI NANG NA, NYAMS PAR BYED CING NYES PA KHO NAR GYUR PA, NGES PAR GZHAN DU GYUR CING GNAS PA MA YIN LA, GLOG LTAR 'BRAS BU MI BRTAN PA 'DOD PA THAMS CAD KYI NANG NA, NYES PA DANG BCAS PA'I G-YO BA NYID RTOGS NAS, 'DI LTAR TSIGS SU BCAD DE SMRAS PA, RMONGS PA BAG MED LHA YUL DU, ,MI BZAD ME YIS YONGS SU BSKOR, ,BTUNG BA RNYOG CAN 'THUNGS NAS SU, ,SEMS CAN DMYAL BAR LTUNG BAR BYED, ,DANG POR 'DOD CHAGS NYID KYIS BSGYUR, ,ZHE SDANG GIS KYANG ZIL GYIS NON, ,GTI MUG NYID KYIS RMONGS BYAS PA, ,DE YIS BYA BA STONGS PAR BYAS, ,SIL SNYAN YAN LAG LNGA DAG GIS, ,KUN NAS RAB TU BSLUS PA RNAMS, ,GANG DAG NGES PAR 'BYUNG 'GYUR BA, ,'CHI BA'I SDUG BSNGAL MI RIG GO ,KHYOD KYIS GANG LA 'DOD CHAGS SPYAD, ,LHA MO 'DI DAG MI BRTAN TE, ,DE DAG GIS NI KHYOD SPANGS NAS, ,DE NAS GZHAN DU 'GRO BAR BYED, ,SKYES PA DAR NA BSTEN BYED LA, ,RGUD PAR GYUR NA SPONG BYED PA, ,BUD MED LHAN CIG SPYAD PA YI, ,'DI DAG GI NI RANG BZHIN MTHONG, ,'DOD CHAGS RMONGS PA'I SKYES PA 'DI, ,RI DVAGS BZHIN DU RMONGS PAR BYED, ,PHYI NAS RGUD PAR GYUR PA DANG, ,YA NGA'I SEMS KYIS GTONG BAR BYED, ,DE NI NYON
MONGS MI BZAD LA, ,NYE BAR GNAS TSE BUD MED NI, ,PHAN DANG BKUR STI DGA' BA DANG, ,RGYUN RINGS BSHES PA'ANG DRAN MI BYED, ,JI LTAR ME TOG RNYINGS GYUR NA, ,BUNG BAS BTANG STE GZHAN DU 'GRO, DE LTAR NYON MONGS GYUR PA'I TSE, ,BUD MED RNAMS KYIS BTANG NAS 'GRO, ,DUG DANG SBRANG RTZIR 'DRES PA LTAR, ,BUD MED THAMS CAD MA BRTAGS NA, ,DGA' BA RNAMS KYI RGYUR 'GYUR ZHING, ,SNYING DU SDUG KYANG BRTAN PA MED, ,MI DAG 'DOD PA RNAMS KYIS RMONGS, ,TSIG RNAMS KYIS KYANG KHYAD PAR DU, ,SKYES BU BRTAN PO KHONG BRTAN PA, ,YID LA DE DANG GCUGS MA BYED, ,'DI RNAMS KYIS NI MI DAG RMONGS, ,KHYAD PAR DU NI 'DOD PAS BSGYUR, ,PHA ROL TU NI 'GRO BA GANG, ,BDAG LA PHAN PAR MI BYED DO, ,LHA DANG MI DANG LHA MA YIN, ,GNOD SBYIN SHA ZA LTO 'PHYE SRIN, ,MIG 'PHRUL LTA BU'I BUD MED KYIS, ,KHYAD PAR DU NI SLU BAR BYED, ,'DOD LAS SKYES PA'I BDE BA GANG, ,PHAL PA YUL LAS BYUNG GYUR PA, ,'CHI BA'I DUS LA BAB PA NA, ,THA CHAD LHA RNAMS NYAMS PAR BYED; ;'CHI BA'I ZHAGS PAS DAM BCINGS PA, ,KHYOD NI DUS SU KHYER 'GYUR GYI, ,SA GZHI 'DI DAG THAMS CAD DANG, ,TSAL DANG NYE TSAL BRGYAN MI KHYER, ,KUN NAS LHA YI 'JIG RTEN NAS,, 'CHI BDAG GIS NI DRANGS PA NA, ,BUD MED CI BYED GNYEN RNAMS CI, ,BDE BA DAG GIS ZHI CIG 'GYUR, ,DE LTAR DGE SLONG DE LHA DE'I 'CHI BA MNGON PAR MTHONG NAS SNYING RJE BAR BYED CING
, ,YUL RNAMS LA'ANG SMOD PAR BYED DO, ,RANG GIS BYAS PA SPYAD PA'I LHA'I BU DE'ANG, LAS KYI ZHAGS PAS GANG DU 'DREN PA DER KHRID PAR BYED DE, LHA BAG MED PA LA GNAS PA 'DOD PA LNGA LA RNAM PAR CHAGS PA DE DAG KYANG DE NAS YANG DGA' BAR BYED, DGA' MGUR SPYOD PAR BYED DE, YUL GNYIS KYIS KUN TU DRANGS PA NA, JI SRID DU 'DOD PA SDUG PA YID DU 'ONG BA NGES PAR MYONG BAR 'GYUR BA'I BDE BA DE ZAD PAR MA GYUR BA DE SRID DU TSAL DANG, NAGS TSAL THAMS CAD NA DGA' BAR BYED, DGA' MGUR SPYOD PAR BYED DO, ,DE PHYIS NGES PAR BSGOMS PA'I DUS BYED PA CHOS DANG YANG DAG PAR LDAN PAS LAS NYE BAR 'GRO BA JI LTA BA BZHIN, SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE MI RNAMS DANG SKAL PA MNYAM PAR MI'I NANG DU SKYES NA, DE LAS DE DANG RGYU MTHUN PAR RTAG TU BDE BA DANG LDAN ZHING NOR BZANG PO DANG LDAN PA DANG, LAM DU 'GRO BA NA RKANG GIS MI 'GRO STE, RTA DANG, GLANG PO CHE DANG, DRE'U YI BZHON PA LA ZHON PA DANG, RGYAL PO'AM, BLON PO CHEN POR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS BRTAGS NA, SUM CU RTZA GSUM PA'I LHA RNAMS KYI
GNAS; LUS KYI MDOG BZANG ZHING CHE BA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA; SKYES BU DAM PA SEMS TSUL KHRIMS DANG LDAN PA GANG GIS TSUL KHRIMS RNAM PA BDUN DANG MTHUN PA'AM, GZHAN NAM, PHYOGS 'GA' LEGS PAR BSRUNGS NA, DE RGYU DANG MTHUN PAR 'BRAS BU MYONG BAR 'GYUR LA, SEMS KYIS BSGOMS PA KHO NA'AM, LTA BA DANG LDAN PA DE SROG GCOD PA DANG, MA BYIN PAR LEN PA DAG NI SHIN TU BSRUNGS, SDOM PA SKYON MED PA NI BLANGS, GCIG TU SKYES BU DAM PA 'DOD CING BDE BA'I NGES PA'I RGYUR GYUR BA, 'JIG RTEN 'DI'I SDOM PA LEGS PA ZHES BYA BA RNAM PA DE LTA BU'I LAS LEGS PAR BYAS PA, 'PHAGS PA MA YIN PA'I SKYES BU DAM PA, MA BYIN PAR LEN PA NYID SPONG BA NI, 'DI LA MA BYIN PAR LEN PA CHUNG NGU'ANG LEN PAR MI BYED DE, 'DI LTA STE, RGYA MTSO DANG NYE BA NA'AM, 'BAB CHU DANG NYE BAR GNAS PA NA; GZHAN GYIS PHYOGS GANG YIN PA DAG LA GZHAN GYI RGYA MTSO'I RLABS KYIS BDAS TE 'ONGS PA, DUNG NGAM, BHA LA L'A TA KA'AM, SHA BHA RI KA'AM, DE DANG MTHUN PA DE DAG KYANG LEN PAR MI BYED; GZHAN GYI NOR RDZAS KYI RNAM PA GZHAN DAG KYANG LEN PAR MI BYED LA NOR RDZAS KYI RNAM PA RTZA'ANG LAS KYI 'BRAS BU LA 'JIGS LA, RGYAL PO'I CHAD PAS 'JIGS PA MA YIN PA, RKU
, ,PA'I SEMS KYIS MA BYIN PAR LEN PAR MI BYED PA YIN TE, RNAM PA DE LTA BU NI MA BYIN PAR LEN PA SPANGS PA YIN NO, ,SROG GCOD PA SPANGS PA'I RNAM PA JI LTA BU YIN ZHE NA; 'DI NI LEGS PAR BYAS PA'I LAS KYI MTHA' SPYAD PA, 'JIG RTEN PHA ROL LA 'JIGS PAR SEMS PA, LAS KYI 'BRAS BU LA SEMS DAD PA DRANG PO DRANG PO'I RANG BZHIN CAN, GZHAN LA MI GNOD PA, SDIG PA'I GROGS PO SPANGS PA, BDE BA TSOL BA DE LCUG MA'I NANG DU 'GRO BA'AM, CHU RGAL BA NA GRIB GNON GYI GDON GYIS ZIN TAM, SROG CHAGS TAN TUS ZIN TE SHI LA THUG KYANG GRIB GNON GYI GDON DE GSAD 'DOD PA'I PHYIR DUG GIS 'THOR BAR MI BYED DE, 'DI LA GANG GI TSE GRIB MA LA DUG GTOR NA, DE'I TSE RANG GI GRIB GNON DE'I GRIB MA DE LA BAB PAS 'CHI BAR 'GYUR TE, DE PHYIR GNOD PA BYA BA SHES KYANG GRIB GNON GYI GDON DE GSOD PAR MI BYED DO, ,SROG CHAGS TAN TU LA SLAR GNOD PAR BYA BA SHES KYANG GSOD PAR MI BYED DE, DE LA CHU MED PAR BYAS NA 'CHI BAR 'GYUR BA'AM, ME LONG BSTAN PA'AM, ME LONG RTAG TU BSTAN PAS 'CHI BAR 'GYUR TE, DE PHYIR GNOD PAR BYA BA'I RGYU SHES KYANG GSOD PAR MI BYED LA, RANG GI SROG CHAD LA THUG KYANG NYES PAR BYA BA MI BYED DE, DE LTAR LEGS PAR BYA BA'I LAS KYI MTHA' BYED PA DE, LUS DANG,
BRAL TE SHI NAS BDE 'GRO MTHO RIS KYI 'JIG RTEN SUM CU RTZA GSUM PA'I LHA RNAMS KYI GNAS LUS DANG, MDOG BZANG ZHING CHE BA'I NANG DU SKYE BAR 'GYUR RO, ,DER SKYES NAS KYANG LEGS PAR BYAS PA'I LAS KYI MTHA' SPYAD PA DE, RANG GI 'OD DANG NI LDAN, SIL SNYAN YAN LAG LNGA DANG LDAN PA'I SGRA NI 'BYIN, YID SHIN TU BDE BA DANG NI LDAN, 'DOD PA THAMS CAD NI 'BYOR, DE LHA MO STONG GIS BSKOR TE RI RAB KYI SA GZHI LA NI RGYU, SA PHYOGS DZAMBU N'A DA'I GSER GYIS BRGYAN PA'I 'JIG RTEN GYI KHAMS NYAMS DGA' BA DANG, RI'I ZOM GYI BAR BAR DAG NA DGA' ZHING BDE BA NI MYONG BAR BYED DO, ,'DOD PA'I LONGS SPYOD THAMS CAD DANG LDAN PA, DPAG BSAM GYI SHING LA BSAMS PAS 'DOD PA THAMS CAD 'GRUB PA DE YUN RING DU BDE BA MYONG BAR BYED DO, , 'KHOR DANG BCAS PA YONGS SU SPYOD PA DE, PHYI ROL GYI GRIB MA ZHES BYA BA'I TSAL DER 'DONG BAR BYED DE, DZAMBU N'A DA'I GSER GYI SHING LJON PAS BRGYAN PA, DE BZHIN DU DNGUL GYI SHING LJON PA LA GSER GYI 'DAB MA DANG, BEE d'URYA'I 'BRAS BUS MDZES PA YIN NO, ,PHYI ROL GYI GRIB MA'I TSAL DE'I PHYOGS GZHAN DU'ANG, DE RES 'GA' YONGS SU RGYU BA NA LUS RIN PO CHE SNA BDUN GYIS BRGYAN ZHING, THIG LE SNA TSOGS KYIS SPRAS PA, RTOG PA SNA TSOGS CAN TE, RMA BYA'I TSOGS DE DAG MTHONG NAS LEGS PAR BLTA ZHING RTZE BA'I PHYIR DER 'GRO BAR
, ,BYED DO, ,DE DE DAG GI NANG DU PHYIN NAS RMA BYA MTHONG NA YID 'PHROG PAR BYED PA DE RNAMS KYI NANG NA DGA' BAR BYED DO, ,RMA BYA DE DAG GIS DE MTHONG NAS SIL SNYAN THAMS CAD PAS CHES LHAG PA'I SGRA NYAMS DGA' BA CHAGS SU RUNG BA RNAM PA SNA TSOGS DU MA 'BYIN TO, ,RMA BYA DE'I SGRA RNAM PA DE LTA BU 'BYIN PA DE'I KHYAD PAR NI LHA'I ROL MO'I SGRA DAG BCU DRUG GI CHAR YANG MI PHOD DE, RMA BYA DE'I SGRA'I DRUNG NA LHA MO DE'I GLU DBYANGS DAG BONG SKAD 'BYIN PA DANG MTSUNGS SO, ,DE NAS LHA DE 'DI SNYAM DU SEMS TE, BDAG KYANG MTHU 'DI LTA BUR GYUR PAS DA NI RMA BYA DE DAG LA ZHON TE, GNAS NAS GNAS DANG, TSANG TSING NAS TSANG TSING DANG, RI RAB KYI RI'I RTZE MO NAS RI RAB KYI RI'I RTZE MOR LHA MO'I TSOGS KYIS BSKOR BA DANG LHAN CIG YONGS SU RGYU ZHING DE LTAR RMA BYA'I STENG DU ZHON NAS, RE ZHIG 'JIG RTEN GYI DGA' BA 'DI DAG THAMS CAD LA BLTA BAR BYA'O SNYAM MO, LAS BYA BA LEGS PAR BYAS PA DE BSAMS MA THAG TU BONG SKYED DANG, MDOG DANG, STOBS DANG, BRTZON 'GRUS PHUN SUM TSOGS PA, LUS RIN PO CHE THAMS CAD KYIS BRGYAN PA'I RMA BYA BZHON DU RUNG BAR RKED PA STOD PA DE DAG NYE BAR LHAGS SO, ,DES DE DAG MTHONG NAS DE LA ZHON PA DANG, RMA BYA DE'ANG DES ZHON PAR RIG NAS NAM MKHA'I DKYIL NA RGYU BAR BYED DO, ,DE LTAR LHA DE DAG KUN GYIS KYANG SO SOR ZHON NAS,
DE'I RI RAB KYI RI'I RTZE MO NAS RI'I RTZE MO DANG, PADMA'I TSAL NAS PADMA'I TSAL DANG, TSAL NAS TSAL TE, RI RAB KYIS PHYOGS DE DAG THAMS CAD DU DE SKYE BO DANG LHAN CIG MTHONG NA DGA' BA RNAMS LA LTA BAR BYED DO, ,DE NAS DE LTAR DE YONGS SU RGYU BA NA RES 'GA' 'JIG RTEN SKYONG BA DAG DZAMBU'I GLING GI BYA BA, CHOS DANG, CHOS MA YIN PA DAG SPRAN PA'I PHYIR, RGYAL CHEN BZHI PA'AM, SUM RTZA GSUM DU GCIG NAS GCIG TU SBRON PAR BYED DO, ,DE NAS LHA DE DANG 'JIG RTEN SKYONG BA DE DAG NAM MKHA' LA GLO BUR DU 'ONGS TE PHRAD PA DANG, LHA DES DE DAG LA SMRAS PA, KHYOD GANG NAS 'ONGS, DE DAG GIS LHA DE LA 'DI SKAD SMRAS SO, ,BDAG CAG NI CHOS DANG, CHOS MA YIN PA SBRAN PA'I PHYIR, DZAMBU'I GLING LEGS PAR BYAS PA'I LAS KYI GZHI SHIN TU NYAMS DGA' BA, CHU BO DANG, 'BAB CHU DANG, LTENG KA DANG, NYE BA'I TSAL DANG, KUN DGA' RA BA MANG PO PHUN SUM TSOGS PA NAS MCHIS SO, ,DE NAS LHA'I BU DES 'JIG RTEN SKYONG BA DE DAG LAS THOS NAS NGO MTSAR SKYES TE, MTHU CHEN PO DANG LDAN PA, RMA BYA MTHU CHEN PO LA 'ANG ZHON PA, 'GRO BA THAMS CAD DU STOBS THOGS PA MED PA'I LHA, NGO MTSAR SKYES PA DE DZAMBU'I GLING GA LA BA DER 'BAB PAR BYED DE; NYI MA GNYIS PA LTAR GSAL ZHING LHA'I PHRENG BA DANG, GOS GYON PA DE DZAMBU'I GLING GI TSAL DANG, NYE BA'I TSAL DANG, CHU BO DANG, LTENG KA DANG, PADMA'I TSAL DANG, SHING LJON PA DANG, GRONG
, ,DANG, GRONG KHYER DANG, TSONG 'DUS DANG LDAN PA 'DI THAMS CAD LA DE LTAD MO LTA BAR BYED DO, ,DE NAS BRAM ZE DAG GIS DE RNAMS MTHONG NAS RTOG PAR BYED DE, 'DI LTAR BYA KHYUNG LA ZHON PA 'DI NI GTOGS 'DOD YIN NO, ,GZHAN DAG KYANG RTOG PAR BYED DE, 'DI LTAR RMA BYA LA ZHON PA 'DI NI GZHON NU YIN TE, 'JIG RTEN DANG, BRAM ZE DAG SRUNG BAR BYED DO, , GZHAN MU STEGS PA DAG KYANG RTOG PAR BYED DE, 'DI LTAR KHYU MCHOG LA ZHON PA 'DI NI DBANG PHYUG CHEN PO LHA DANG BCAS PA YIN TE, 'JIG RTEN SKYONG BAR BYED, SRUNG BAR BYED, 'DZIN PAR BYED, SKYED PAR BYED CING, 'JIG PAR YANG BYED DO, ,DE NAS YANG 'JIG RTEN RNAMS SKYED PA DANG, GNAS PA DANG, 'BYIN PAR BYED PA YIN NO ZHES RTOG STE, DE LTAR LHA DE RNAMS LA BRAM ZE DAG RNAM PA DU MAR YONGS SU RTOG PAR BYED LA, BSTOD RA DAG BYED, BSTAN BCOS DAG BYED, DE KHO NA NYID MA YIN PA LA DE KHO NA NYID LTAR LTA, TSIG 'KHYAL BA SMRA BA YID SHIN TU RNAM PAR RMONGS PA DE DAG GZHAN DAG LA'ANG LOG PA NYID KYIS SBYOR BAR BYED DO, ,LHA'I BU DE RNAMS KYIS LTAD MO BLTAS NAS, DE NAS YANG RANG GI GNAS DE NYID DU SLAR 'DOD NGO, ,DE LTAR LTA BAR GYUR PA'I BYIS PA RNAMS DE KHO NA NYID MA YIN PA DE KHO NA LTAR LTA'O, ,LHA DE RNAMS LA LTA BA DE'ANG 'JIG PA'I DUS SU 'BYUNG BA'AM, RES 'GA' CHA
GNYIS LDAN PA'AM, GSUM LDAN GYI DUS NA 'BYUNG STE, LHA DE RNAMS LA LTA BA NI LTA BA NGAN PA DANG MTSUNGS SO, ,DE LTAR BDAG NYID RAB TU RTOG PAR BYED LA, BDAG NYID KYIS RAB TU BRTAGS NA GZHAN DAG LA'ANG SGROGS PAR BYED DE, 'DI DAG NI BRAM ZE RNAMS KYI LTA BAR GYUR PA YIN NO, ,DE NAS LHA DE RNAMS SLAR 'ONGS NAS LHA GZHAN DE DAG LA, KYE MA GROGS PO DAG ,'DI LTAR BDAG CAG SA'I STENG DU BABS TE, SA PHYOGS SHIN TU RNAM PAR PHYE BA NYAMS DGA' BA DE DAG BDAG CAG GIS MTHONG NGO ZHES SMRAS SO, ,DE SKAD THOS NAS LHA GZHAN DAG KYANG BZHON PA SNA TSOGS LA ZHON TE, RGYAN DANG, CHA BYAD SNA TSOGS BTAGS NAS DZAMBU'I GLING GAL BA DER 'BAB PAR BYED DE, KHA CIG NI GLANG PO CHE LA ZHON, KHA CIG NI MA HE LA ZHON, KHA CIG NI RMA BYA LA ZHON; KHA CIG NI BZHON PA MED PAR NAM MKHA' LA 'DUG STE, DE RNAMS KYIS SA PHYOGS NYAMS DGA' BA THAMS CAD LA LTA BAR BYED DO, ,DE DAG BLTAS NAS SA PHYOGS NYAMS DGA' PA LTENG KA DANG, NYE BA'I TSAL DANG, NE'U GSING GA LA YOD PA DER 'BAB PAR BYED DO, ,TSAL GYI PHYOGS DE DAG GI NANG NA BRAM ZE KHA CIG DKA' THUB DRAG PO SPYOD PA YOD DE, DE LTAR THOS PA NGAN PA DANG MTSUNGS SHING THOS PA NGAN PA DANG 'BREL BA DAG ,GANG GI CHE PHAN TSUN GROGS DANG BCAS PA DE DAG SA PHYOGS DE LA LTA BA DE'I TSE, TSAL GYI NANG NA SPYOD PA'I BRAM ZE
, ,DE DAG GIS LHA DE RNAMS MNGON SUM DU MTHONG NAS GZHAN DAG LA SGROGS PAR BYED DO, ,GANG SA PHYOGS 'DIR SKYES PA DE NI RANG DGAR KUN TU BRTAGS PA ZHES BYA BA YIN LA, SNGON THOS PA DANG 'BREL PAS RJOD PAR BYED DE, 'DI LTAR 'DI NI BRAM ZE'O, ,'DI NI GTOGS 'DOD DO, ,'DI NI DBANG PHYUG CHEN PO'O, ,'DI NI GZHON NU'I ZHES DE LTAR SO SOR RTOG PAR BYED DO, ,SA PHYOGS 'DI NI LHA CHEN PO'I GNAS YIN NO, ,'DI NI GTOGS 'DOD KYI'O, ,'DI NI GZHON NU'I'O, ,'DI NI TSANGS PA'I YIN NO ZHES DE LTAR RAB TU BRTAGS NAS, GTAN TSIGS DANG, NYE BAR SBYOR BA DANG, MJUG BSDU BA LTA BA NGAN PA DANG 'BREL PA'I BSTAN BCOS DAG KYANG BYED DO, ,DE NYID LA DE DAG GIS GZHAN DANG, GZHAN DAG KYANG 'JOG PAR BYED DO, ,DE LTAR DE BDAG NYID KYIS LTA BA NGAN PA MNGON PAR BRTAGS NAS GZHAN DAG LA'ANG SGROGS PAR BYED LA, DE DAG KYANG GZHAN LA SGROGS, DE DAG KYANG YANG GZHAN LA SGROGS PAR BYED DE, DE LTAR RIM PA DE DAG GIS LTA BAR GYUR PA YIN NO, ,GANG GI TSE LHA DE RNAMS MTHO RIS KYI DGA' BA DANG MTHUN PAR MTSO DANG NYE BAR 'KHOD DAM, DE BZHIN DU MTSO'I NANG DU ZHUGS PA DE LA TSAL GYI NANG NA SPYOD PAR RANG DGAR GOMS PA DE DAG GZHAN LA SGROGS PAR BYED DE, 'DI LTAR MTSO 'DI NI TSANGS
BA'I YIN NO, ,'DI NI SKAL LDAN SRED MED KYI BU'I YIN NO, ,'DI NI DBANG PHYUG CHEN PO'I YIN NO, ,'DI NI GZHON NU'I YIN NO ZHES DE LTAR LTA BA NGAN PA'I DBANG DU GYUR PA'I SEMS KYIS GTAN TSIGS DANG, DPE DANG, NYE BAR SBYOR BA DANG, MJUG BSDU BA DANG LDAN PA'I BSTAN BCOS DAG BYED LA, DE LTAR GZHAN DAG LA BSTAN BCOS RAB TU GRAGS PAR 'GYUR TE, DE LTAR GZHAN DANG, GZHAN DU LTA BAR GYUR PA YIN NO, ,DE NAS YANG RNAM PA GZHAN GYIS RAB TU RTOG PAR BYED DE, DE KHO NA NYID KHONG DU CHUD PAR NI MI 'GYUR RO, ,TSAL GYI NANG NA SPYOD PA DE DAG GIS LHA DE RNAMS GSAL BAR MI MTHONG STE, BYAD GZUGS MA NOR BAR SHES PAR MI 'GYUR RO, ,DE NAS KYANG LHA DE RNAMS ME LTAR GZI BRJID 'BAR ZHING YUL NAS YUL DU 'DONG BAR BYED; TSAL NAS TSAL DU 'DONG BAR BYED PA DANG, TSAL GYI NANG NA SPYOD PA'I BRAM ZE GANG YIN PA DE DAG GZHAN DU RTOG PAR BYED DE, 'DI LTAR BDAG NYID ME'I NANG DU MNGON PAR BCUG PA DE DAG NI RGYU DE DANG, RKYEN DES LUS DANG BRAL NAS BDE 'GRO MTHO RIS KYI 'JIG RTEN LHA RNAMS KYI NANG DU SKYE BAR 'GYUR RO ZHES DE LTAR GZHAN DU BRTAGS NAS LTA BA'I RNAM PA SKYED BAR BYED LA, GTAN TSIGS DANG, DPE DANG, NYE BAR SBYOR BA DANG, MJUG BSDU BA NGAN PA DANG 'BREL PA'I BSTAN BCOS DAG KYANG BYED DO, ,DE NAS GZHAN DAG GIS BSTAN BCOS DE DAG THOS
, ,NAS BDAG NYID ME'I NANG DU 'JUG PAR BYED DE, DE LTAR YANG DAG PA MA YIN PA'I LTA BAR GYUR TO, ,DE RNAMS NI LAS KYI 'BRAS BU SPONG BAR BYED PA YIN TE, DE SPANGS PAS NGAN 'GRO LOG PAR LTUNG BA SEMS CAN DMYAL BAR SKYE BAR 'GYUR RO, ,DE NAS GZHAN YANG YANG DAG PA MA YIN PA'I LTA BA'I RNAM PA SGRUB PA NI TSAL GYI NANG NA SPYOD PA'I BRAM ZE DAG GIS LHA DE RNAMS RGYANG RING PO ZHIG NA LTA BA MI GSAL BAR MTHONG STE, 'DI LTAR RI'I RTZE MO ME TOG DANG, LTENG KA PHUN SUM TSOGS PA GANG YIN PA DE DAG LA LHA 'DZEGS NAS GZI BRJID 'BAR ZHING NAM MKHA' LA 'GRO BA DANG, DE NAS TSAL GYI NANG NA SPYOD PA'I BRAM ZE DAG GIS MTHONG NAS RANG DGAR RTOG BAR BYED DE, 'DI LTAR MIR GYUR PA 'DI RNAMS KYIS RI LAS G-YANG DU LTUNG BAR BYAS NA RGYU DE DANG, RKYEN DES BDE 'GRO MTHO RIS KYI 'JIG RTEN LHA RNAMS KYI NANG DU SKYE BAR 'GYUR BAS, BDAG CAG KYANG RI RTZE NAS THAR BAR BYA'O ZHES DE LTAR GZHAN DAG LA'ANG STON PAR BYED LA, BSTAN BCOS NGAN PA DAG KYANG BYED CING LAS KYI 'BRAS BU LA'ANG SKUR PA 'DEBS SO, ,LAS KYI 'BRAS BU LA SKUR PA 'DEBS PA BDAG DANG, GZHAN LOG PAR LTA BA RNAMS NI LUS DANG BRAL NAS NGAN 'GRO LOG PAR LTUNG BA, SEMS CAN DMYAL BA'I NANG DU SKYE BAR 'GYUR TE, DE LTAR YANG LTA BA'I RNAM PA GZHAN YIN
NO; ;DE NAS YANG TSAL GYI NANG NA SPYOD PA'I BRAM ZE DE DAG GIS, LHA DE RNAMS GZHAN DU MTHONG NAS RANG DGAR GZHAN DU RTOG PAR BYED DE, 'DI LTA STE, LHA RNAMS HA CANG YANG MI NYE, HA CANG YANG MI RING BA ZHIG NA 'KHOD PA DE RNAMS KYI CHA BYAD GZUGS CUNG ZAD CIG SHES PA DANG, DE BZHIN DU MTHONG NAS GZUGS DE RNAMS GZHAN NYID DU RTOG PAR BYED DE, 'DI LTAR LHA RNAMS KYI ZHAL NI ME YIN PAS, DE LTAR RNAM PA GZHAN GYIS ME'I NANG DU SBYIN SREG BYED PA GANG YIN PA DE NI LUS DANG BRAL NAS DE BDE 'GRO MTHO RIS KYI 'JIG RTEN LHA RNAMS KYI NANG DU SKYE BAR 'GYUR RO ZHES DE LTAR DE KHO NA NYID MA MTHONG BA RNAMS NI, GTAN TSIGS DANG, DPE NGAN PA DANG SBYAR BA'I BSTAN BCOS DAG KYANG BYED DO, ,DE LTAR GTAN TSIGS DANG, DPE NGAN PA DANG SBYAR BA'I LTA BA'I RNAM PHA GZHAN YANG BYED LA, PHA ROL DAG KYANG DE NYID LA 'DZIN DU 'JUG PAR BYED DE, BDAG LA PHAN PA DANG, GZHAN LA PHAN PAR ZHUGS PA MA YIN PA DE LUS DANG BRAL NAS, NGAN 'GRO LOG PAR LTUNG BA, SEMS CAN DMYAL BA'I NANG DU SKYE BAR 'GYUR RO, ,DE NAS YANG TSAL GYI NANG NA SPYOD PA'I BRAM ZE GZHAN DAG GIS LHA DE RNAMS MTHONG NAS GZUGS SAM, SPYOD PA NI SHES LA, DE DAG GIS DE RNAMS ZAS ZA BA MA MTHONG, SBYIN PA BYED PA MA MTHONG BA DANG 'DI SNYAM DU SEMS TE, 'DI LTAR LHA 'DI RNAMS ZAS MI ZA, SKOM MI 'THUNG BA LAS NA, GOR
, ,MA CHAG PAR BDAG CAG GIS KYANG ZAS MA ZOS KYANG DE LUS DANG BRAL NAS BDE 'GRO MTHO RIS KYI 'JIG RTEN LHA RNAMS KYI NANG DU SKYE BAR 'GYUR RO SNYAM NAS DE DAG LAS KYI 'BRAS BU LA SKUR BA 'DEBS SHING, 'DI LTAR ZAS MA ZOS PA'AM, ZAS ZHI MA PO MA ZOS PAS MTHO RIS 'THOB PAR 'GYUR RO ZHES BSTAN BCOS NGAN PA DAG KYANG BYED LA, DE GZHAN DAG KYANG GTAN TSIGS DANG, DPE NGAN PA STON PA'I TSIG RNAMS KYIS DE NYID 'DZIN DU 'JUG PAR BYED DE, DE LTAR BDAG DANG, GZHAN LOG PAR LTA BA, LAS KYI 'BRAS BU LA SKUR BA 'DEBS PA NI LUS DANG BRAL NAS NGAN 'GRO LOG PAR LTUNG BA, SEMS CAN DMYAL BA'I NANG DU SKYE BAR 'GYUR RO, ,DE LTAR DE KHO NA NYID MA MTHONG BA NI NGAN 'GRO THAMS CAD KYI SGOR GYUR BA YIN NO, ,LHA DE RNAMS KYI SKAD CIG TZAM MAM, THANG CIG TZAM MAM, DE TZAM GANG YIN PA DE LA MI RNAMS KYI LOR BGRANGS NA YUN RING STE, DE LA BRAM ZE DE DAG 'DI LTAR LHA 'DI DAG NI RTAG PA, BRTAN PA, THER ZUG PA, MI 'GYUR BA'I CHOS CAN YIN LA, DE DAG 'JIG RTEN SKYED PAR YANG BYED LA 'JIG PAR BYED PA YIN NO ZHES DE LTAR BSTAN BCOS BYED CING GZHAN DAG KYANG DE NYID LA 'DZIN DU 'JUG PAR BYED PA, RGYU DANG, 'BRAS BU LA SKUR BA 'DEBS PA DE NI LUS DANG BRAL NAS NGAN 'GRO LOG PAR LTUNG BA SEMS CAN
DMYAL BA'I NANG DU SKYE BAR 'GYUR RO, ,DE LTAR SEMS KYI DGRAS YONGS SU BSLUS PA'I SEMS CAN RNAMS RNAM PA DU MAR DE KHO NA NYID LA MI LTA BA, DE KHO NA NYID MA MTHONG BA NI LTA BAR GYUR BA'I BSTAN BCOS DAG BYED DO, ,DE NAS DE LTAR DE KHO NA NYID MA YIN PAS SEMS YONGS SU BSLUS PA'I SEMS CAN RNAMS, DGE SLONG DES MNGON PAR MTHONG NAS TSIGS SU BCAD DE SMRAS PA, SEMS KYI SBRUL NI MI BZAD DANG, ,SRED PA'I DUG DANG RNAM 'DRES PA, ,MGO LNGA PA YIS ZIN PA DAG, DON MED CI ZHIG YONGS SU GDUNG, ,SRED PA'I CHU BO CHEN PO 'DI, ,MU LNGA LAS NI KUN TU BYUNG, ,DE YI TSU ROL 'GRAM DAG NA, ,DOGS DANG BCAS LA PHA ROL ZHI, ,MA MTHONG BAR NI SHI YANG SLA, ,LTA BA NGAN PA GA LA RUNG, ,LTA BA NGAN PAS RMONGS PA YI, ,MI RNAMS SEMS CAN DMYAL BAR 'GRO, ,LOG PAR SMRA BAS BSLUS PA YI, ,MI RNAMS LOG PAR LTA DANG LDAN, ,RGYU MA YIN LA RGYU LTAR LTA, ,MI BZAD SEMS CAN DMYAL BAR 'GRO, ,RGYU 'BRAS DAG LA RMONGS GYUR CING, ,DE NYID LTA LA RNAM RMONGS PA, ,SEMS CAN SDUG BSNGAL SKAL BA CAN, ,SRID PA'I BTZON RAR SHIN TU CHAGS, ,LAS DANG 'BRAS BU RNAM SMIN DANG, ,DE BZHIN SKYE DANG 'CHI BA DANG, ,'GRO BA DE NYID MTHONG BA NI, ,MI DE PHA ROL 'GRO BA YIN, ,BYIS PA 'DOD PA TSOL BYED PA, ,PHYI PHYIR 'DOD PA RNAMS KYIS RMONGS, ,PHYE MA LEB LTAR RMONGS PA DE, ,SEMS CAN
, ,DMYAL BA'I ME YIS SREG, DKA' THUB NGAN PA MI SPYOD CING, ,TSUL KHRIMS SPYOD LA BRTEN NAS SU, ,YANG DAG LTA BA LHUR LEN RNAMS, ,MI YUL LAS NI LHA YUL 'GRO; KHYED CAG DKA' THUB NGAN PAS GDUNGS, ,LOG PAR LTA BA LHUR LEN RNAMS, ,SHES PAS LHAG PA'I NGA RGYAL RMONGS, ,SKYE BO GZHAN YANG RMONGS PAR BYED, ,GTI MUG MUN RUM THIBS PO YI, ,CHU BO CHEN POR 'JUG BYED PA, ,SKYE BO 'DI DAG RGYUR GYUR TE, ,'JIG RTEN RANG BZHIN SDUG BSNGAL LO, ,LUS KYI DKA' THUB MI BZAD CES, ,MKHAS BA RNAMS NI DE SKAD GSUNG, ,SEMS KYI DKA' THUB NYID KYIS NI, ,NYON MONGS RI KUN SREG BAR BYED, ,YANG DAG YE SHES SNGON 'DREN PA, ,NYON MONGS ZAD LAS RNAM THAR 'DI, ,SKYES BU DE NYID MTHONG BA'O, ,DGON DANG BRAL BAS THOB PAR 'GYUR, ,BLO GROS GZHAN DANG GZHAN RNAMS KYIS, ,'JIG RTEN 'DI KUN RNAM PAR BSLUS, ,GANG LA LOG PAR SMRA BA DAG, MCHOG TU ZHI BAR 'GRO MI 'GYUR, ,'JIG RTEN PA LA LOG PA'I TSIG, SHIN TU MANG POR RAB TU GRAGS, ,'JIG RTEN 'DAS PA'I BSKAL PA BRGYAR, ,NAM YANG GRAGS PAR MI 'GYUR RO; ;DE BAS 'JIG RTEN 'DAS TSIG GZUNG, ,'JIG RTEN PA LTA GA LA ZHIG, 'JIG RTEN PA YI TSIG DAG NI, ,DUG 'DRA'I 'KHOR BAR 'CHING BAR MTHONG, ,SRED LA MI DGA'
RTAG BDE BA, ,NGES PAR BSOD NAMS BYED PA PO, ,'JIG RTEN 'DAS TSIG DGE BA ZHES, ,MKHAS PA RNAMS NI YANG DAG GSUNG, ,LTA BA DANG NI GTAN TSIGS NGAN PAS BSGYUR, ,GSOB DANG GSOG DANG SDIG DANG 'DRES PA YI, ,TSIG GIS KUN NAS BSLUS PA'I MI RNAMS NI, ,MUN NAG CHEN PO'I NGAN SONG RNAMS SU LTUNG, ,DE LTAR DGE SLONG DES DE KHO NA NYID MA MTHONG BAR 'GYUR BA'I SEMS CAN RNAMS LA, DE KHO NA NYID BSTAN PAR BYA BA'I PHYIR TSIGS SU BCAD DE SMRAS PA, SEMS CAN 'DI KUN DE NYID KHONG MA CHUD, ,DON MED DPE DANG GTEN TSIGS NGAN PA YIS,, GZHAN YANG RMONGS PAR BYED LA BDAG NYID KYANG, ,DMYAL BAR LTUNG BYED GZHAN YANG BYED DU 'JUG, LHA DE RNAMS KYIS MI'I 'JIG RTEN 'DI THAMS CAD RIG NAS, BZHON PA DE RNAMS DANG LHAN CIG TU SUM CU RTZA GSUM PA RNAMS KYI RANG GI GNAS GA LA BA DER DONG STE, LHA GZHAN RNAMS LA'ANG SNGA MA BZHIN DU BSNYAD DO, ,SIL SNYAN RNAM PA SNA TSOGS SGRA 'BYIN PA'I TSAL DANG, NYE BA'I TSAL LHA'I YON TAN PHUN SUM TSOGS PA RIN PO CHE THAMS CAD 'BAR BA'I 'OD KYIS BRGYAN PA RNAMS NA, JI SRID DU 'DOD PA SDUG PA YID DU 'ONG BA BYAS SHING BSAGS PA, BDE BA NGES PAR 'GRUB PA'I LAS DE ZAD PAR MA GYUR PA DE SRID DU DGA' BAR BYED, DGA' MGUR SPYOD PAR BYED DO, ,DE ZAD NAS LHA'I RIS DE NAS 'CHI BAR GYUR TE,
, ,SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE MI RNAMS DANG SKAL PA MNYAM PAR MI'I NANG DU SKYES NA, DE LAS DE DANG RGYU MTHUN PAR RTAG TU BDE BA DANG LDAN ZHING SHIN TU NAD MED PA DANG LDAN PA DANG, GNOD PA THAMS CAD DANG BRAL BA DANG, YUL DANG, LJONGS SHIN TU LO LEGS PAR NAMS SU SKYE LA, DER SKYES NAS KYANG BYAD GZUGS BZANG POR 'GYUR TE, SHIN TU BYAD GZUGS BZANG PO DANG LDAN PA DANG, SKYE BO THAMS CAD YANG DAG PAR DGA' BA DANG, DBANG PO TSANGS PA DANG, NOR RDZAS DAM PA DANG LDAN TE, RGYAL PO'AM, BLON PO CHEN POR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS SUM CU RTZA GSUM PA'I LHA RNAMS KYI GNAS KYI NOR BU 'PHYANG BA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, BLO RGYA CHE ZHING TSUL KHRIMS DANG LDAN PAR GYUR LA, LEGS PAR BYAS PA'I LAS KYI MTHA' SPYAD PA, RTAG TU LAS DANG, 'BRAS BU'I DE KHO NA NYID LA LTA BA SEMS DAM PA DANG LDAN PA, YANG
DANG, YANG DU LAS DANG, 'BRAS BU LA DAD PAR GYUR BA GANG GIS, DGE BA'I LAS BYAS LA MI DGE BA SPANGS PA, DRANG PO DRANG PO'I RANG BZHIN CAN, SDIG PA'I GROGS PO DAG MI BSTEN CING, DE DAG DANG LHAN CIG DGA' BAR YANG MI BYED LA, LAM DU 'GROGS PA NA TSIGS KYANG SMRA BAR MI BYED LA, MIG ZUR GYIS KYANG LTA BAR MI BYED DE, DE LTAR KUN NAS DGE BA'I LAS KYI MTHA' SPYOD PA , GSER SBYANGS PA DANG MTSUNGS PA DE LEGS PAR BYA BA BYAS PA DE, TSE 'DI LA GZHAN YANG DGA' BAR 'GYUR RO, ,LEGS PAR BYA BA BYAS PA JI LTA BU ZHIG, RNAM PA NI DU ZHE NA, 'DI NI MDO SDE DANG, 'DUL BA DANG, CHOS MNGON PA KHA TON SLOB PA LA ZHUGS PA'I DGE SLONG NYIN MTSAN DU BRTZON PA GANG DAG MAR ME MED PA'I GZHIS, SANGS RGYAS KYI GSUNG RAB SLOB MA NUS PA DE MAR ME MED NAS KHA TON SLOB PA BTANG STE 'DUG PA LA, SANGS RGYAS KYI GSUNG RAB LA GUS SHING, DGE SLONG DE RNAMS LA'ANG SEMS DAD PAS BSGOMS PA'I SNYING DANG LDAN PA, CHOS DANG, DGE 'DUN LA GUS PA, DKON MCHOG GSUM LA DAD PA SKYES PA DE DGE 'DUN ZHING CHEN PO DE LA MAR ME DAG 'BUL BAR BYED LA, GZHAN YANG DGE BA NYIS 'GYUR DU BYED DU 'JUG PA DANG, DE LTAR DGE SLONG DE RNAMS BRTZON 'GRUS BYA BA'I DON DU YUL LAS TSA BAR ZHUGS PA RNAMS LA BSIL YAB SBYIN PAR BYED DO, ,DES DGE SLONG RNAMS DGE BA'I PHYOGS
, ,BYED DE; TSA BA BSAL BA DANG, MAR ME BYIN PAS, DE DAG MUN PA'I MI BDE BA DANG BRAL ZHIG TSA BA'I GNOD PA DANG BRAL TE, KUN NAS SHIN TU BDE BA DANG LDAN LA, NGAL SOR YOD PA TSANGS PAR SPYOD PA DE, THAMS CAD MKHYEN PA'I BKA' BDE BAR SLOB PAR BYED, SEMS PAR BYED LA THAMS CAD MKHYEN PA'I BKA' 'DRI BA DANG, LAN GLA NA PA LA PHAN TSUN KHA TON SLOB PAR BYED DE, MAR ME'I YON TAN DE DANG, BSIL YAB KYI RLUNG BSIL BA DES DGE SLONG RNAMS MUN PA'I MI BDE BA DANG BRAL ZHING TSA BA'I GNOD PA DANG BRAL TE, SBYIN BDAG DE'I MTHUS BDE BA LAG TU KHA TON SLOB PAR BYED, YANG DAG PAR SEMS PAR BYED, YID SHIN TU BRTZON PAR GYUR NA, DE LTAR BDAG DANG, GZHAN LA PHAN PAR ZHUGS PA'I SKYES BU DGE BA DANG, TSUL KHRIMS DANG LDAN PAR GYUR BA DE, LUS DANG BRAL NAS SHI BA'I 'OG TU BDE 'GRO MTHO RIS KYI 'JIG RTEN NOR BU 'PHYANG BA'I LHA RNAMS KYI NANG DU SKYE BAR 'GYUR RO, ,DER SKYES NAS KYANG LEGS PAR BYAS PA'I LAS KYI MTHA' MNGON SUM DU GYUR PA DE SHIN TU BDE BA'I RGYU LEGS PAR BYAS PA'I LAS KYI 'BRAS BU'I SKAL PA LA NI SPYOD,, JI LTAR NYI MA RANG LAS 'OD 'BYUNG BA DE BAS BCU 'GYUR GYIS LHAG PA'I 'OD KYI PHRENG BA NI 'BYUNG, LHA'I TSOGS THAMS CAD KYIS SHIN TU BKUR PA NA LHA MO DU MA 'BUM SNYED RIM
GRO BYA BA'I PHYIR NI 'ONG, LHA MO GUS PA SKYES PA DE RNAMS JI LTAR SNGA NAS BSHES PA LTAR YID GCUGS PAR GYUR CING, BZHIN 'DZUM LA RGYAN THAMS CAD KYIS KLUBS PAS GANG BA RNAMS NI, BYAD GZUGS DANG, CHA BYAD DANG, RGYAN LHAG PAR BZANG BA DANG, GZUGS BZANG BA DANG, DBYIBS LEGS PA DANG, LUS LEGS PA YIN LA, PHUN TSUN 'THAB MO DANG, PHRAG DOG DANG, 'JIGS PA'I NGO BO NI MED, GCIG LA GCIG YID GCUGS PA NI SKYES, GNOD PA MED PA'I SNYING DANG LDAN PA RNAMS PHAN TSUN 'BRAL BAR DGA' BA SKAD CIG TZAM YANG MED DE, DE SKAD CIG KYANG NYAMS PA MED DO, ,YON TAN DE LTA BU DANG LDAN PA KUN YID RAB TU DGA' BAR GYUR NAS THAMS CAD KYIS KYANG PADMA DAG BLANGS TE LHA DE'I DRUNG DU 'DONG BAR BYED DO, ,KHA CIG GIS NI GSER GYI PADMA BLANGS, KHA CIG GIS NI DNGUL GYI PADMA, KHA CIG GIS NI BEE d'URYA'I PADMA, KHA CIG GIS NI SHEL GYI PADMA, KHA CIG GIS NI RIN PO CHE DANG 'DRES PA DAG BLANGS TE, 'DI LTAR GANG GI LAG NA DNGUL GYI PADMA YOD PA DE'I PADMA'I SDONG BU NI GSER, ZE BA NI PADMA R'A GA'I MDOG YIN NO, ,GANG GI PADMA BEE d'URYA'I PADMA YIN NA DE'I SDONG BU NI GSER YIN NO, ,GANG GI PADMA GSER YIN NA DE'I ME TOG AANDA RNYIL YIN NO, ,GANG GI PADMA SPUG YIN NA DE'I SDONG BU AANDA RNYIL YIN NO, ,GANG GI LAG NA PADMA DMAR PO THOGS NA DE'I ZE BA NI RDO RJE'I MDOG LTA BU
, ,YIN TE, DE LTAR LHA MO DE RNAMS LHA DE'I DRUNG DU 'DONG BAR BYED DO, ,DONG NAS KYANG YID GCUGS PA DE LA KUN NAS PADMA CHAR LTAR 'BEBS TE, JI LTAR DBYAR GYI DUS RNAMS SU SPRIN GYI RGYAL PO DAG LAS CHAR KYI RGYUN MNGON PAR 'BAB PA DE LTAR LHA DE LA LHA MO DE RNAMS KYIS PADMA'I CHAR 'BEBS PAR BYED DO, ,LHA DE SKYES MA THAG NYID DU DANG POR LHA MO DE RNAMS MTHONG NAS, LHA RNAMS KYI NGO BO NYID KYI SNYING G-YO BAR BYED NA YID SHIN TU DGA' BAR GYUR PA LTA SMOS KYANG CI DGOS, DE SKYES MA THAG TU DANG POR DE RNAMS MTHONG NAS 'DOD CHAGS KYIS 'PHANGS PA'I YID DANG, NGO MTSAR DU GYUR PA'I SNYING RAB TU DGA' BA DANG, YAN LAG DANG, NYING LAG THAMS CAD KYANG DGA' BAR GYUR NAS, MOD NYID LA STAN DE NAS LHA MO DE RNAMS GA LA BA DE RGYUG PAR BYED DO, ,'DOD CHAGS SKYES PA DE DAG PHAN TSUN 'DRES PAR GYUR NAS, DE NAS YANG LHA MO DE RNAMS DANG LHA DE YANG DANG, YANG DU DGA' BA NYID LHAG PAR BSKYED PAR BYA BA'I PHYIR, SHIN TU BRO GAR BYED, RGOD PAR BYED, GLU LEN PAR BYED DO, ,DE NAS LHA DE LHA MO DE RNAMS KYIS YONGS SU BSKOR NAS, TSAL DANG, NYE BA'I TSAL RIN PO CHE SNA TSOGS 'BAR BA, 'DOD PA'I YON TAN THAMS CAD DANG LDAN PA, SHING LJON PA RNAMS DANG, SHING LJON PA'I DRUNG RNAMS DANG LDAN PA, BYA SNA TSOGS 'DRES SHING
SGRA 'BYIN PA THOS NA SNYAN PA, ME TOG DANG, 'BRAS BU'I PHYOGS JI LTAR 'DOD PA BZHIN 'GRUB PA, CHU BO DANG, 'BAB CHU DANG, LTENG KA RNAMS 'BUM SNYED KYIS GANG BA'I TSAL DANG, NYE BA'I TSAL DE RNAMS SU, LHA DE LHA MO DE RNAMS DANG LHAN CIG GNAS PAR BYA BA'I PHYIR 'DONG BAR BYED DE, RANG GIS BYAS PA'I LAS MNGON SUM DU GYUR PA DES, BDE BA DPE MED PA RNAMS PA DU MA DAG MYONG NGO, ,DE NAS DE DE RNAMS KYIS YONGS SU BSKOR NAS SIL SNYAN YAN LAG LNGA DANG LDAN PAS RTZE ZHING, 'DOD PA THAMS CAD BSAMS NA 'GRUB PA LUS KYI MTHA' RGYA CHEN PO BYED PA'I LHA DE; 'PHAGS PA'I TSUL KHRIMS DE LA BRTEN PA'I 'BRAS BU LA SPYOD PAR BYED DO, ,DE NAS DE LTAR LHA DE DE RNAMS KYIS YONGS SU BSKOR NAS, LHA DE RNAMS DANG YANG NOR BU 'PHYANG BA'I TSAL GA LA BA DER 'DONG BAR BYED DO, ,LHA GZHAN RNAMS KYIS DE DAG MTHONG NAS, YID RAB TU DGA' BA GUS PA DANG BCAS PA, LHA DANG, LHA MO'I TSOGS KYIS YONGS SU BSKOR BA RNAMS, LHA GSAR DU BYUNG BA DE GA LA BA DER 'DONG BAR BYED DO, ,GUS PA DANG BCAS PA'I YID KYIS DE LA GNYEN LTAR SEMS SHING THAMS CAD YID RAB TU DGA' BAS LHA DE'I DRUNG DU DONG NGO, ,LHA GSAR DU BYUNG BA DE 'ANG YID DGA' BA SKYES NAS LHA DE RNAMS 'ONG BA GA LA BA DE 'GRO BAR BYED DO, ,DE NAS YANG LHA DE RNAMS DANG, LHA GSAR DU BYUNG BA DE DANG, NOR BU 'PHYANG BA'I TSAL 'DOD PA LNGA
, ,'GRUB PA DE NA DGA' BAR BYED, DGA' MGUR SPYOD PAR BYED CING DGA' BA DANG MTHUN PA'I SIL SNYAN YAN LAG LNGA DANG LDAN PA THOS NA SHIN TU YID DU 'ONG LA, DE BZHIN DU RNAR SNYAN PA DAG GIS LHA DE RNAMS DGA' BAR BYED, RTZE BAR BYED, DGA' MGUR SPYOD PAR BYED DO, ,DE NAS YANG LHA RNAMS NOR BU 'PHYANG BA'I TSAL NA, LHA MO SGEG MO RAB TU DGA' BA RNAM PA DU MA ROL MO'I SGRA 'BYIN ZHING SHIN TU NYAMS DGA' BAR BYED PA'I NANG NA, LHA RNAMS LTA BAS BDE BA MYONG BAR BYED DE, 'DI LTA STE, TSAL GYI NANG GIS GZHI RIN PO CHE SNA BDUN GYIS BRGYAN PA, KUN NAS KHA DOG DANG, MDOG GSER GYI GOS BGOS PA LTAR MDZES PA YIN TE, DE LTAR DGA' BAR BYED PA'I SHING LJON PA SKYES PA RNAMS PHAN TSUN 'GRAN PA LTAR ME TOG RAB TU RGYAS PA, RIN PO CHE SNA TSOGS KYI SHING LJON PA RNAMS KYIS BRGYAN PA, TSAL DANG, NYE BA'I TSAL GYI SA GZHI MTHO DMA' RAN PA, BZA' BA'I TSOGS DANG, BTUNG BA'I TSOGS MANG POS GANG BA KUN NAS BLTA NA SDUG CING NYAMS DGA' LA LHAG PAR MDZES PA YIN NO, ,DE NAS YANG LHA DE LHA DE RNAMS DANG LHAN CIG SIL SNYAN SNA TSOGS DANG BCAS PAS DGA' BAR BYED, DGA' MGUR SPYOD PAR BYED LA, SHIN TU BDE BA DANG LDAN PA DAG 'PHYANG BA'I TSAL LAS TEN PAR BYED DO, ,LHA DANG, LHA MO'I TSOGS
KYIS YONGS SU BSKOR BA DE, BEE d'URYA'I RDO LE BA CES BYA BA'I SA PHYOGS DE LA'ANG STEN PAR BYED DE, DES SA PHYOGS DE NA NOR BU LAS BYAS PA'I GOS KYI NGO BO NYID SHING LJON PA RNAMS LAS 'PHYANG PA MTHONG STE, NYI MA SHAR BA LTA BUR SHIN TU GZI BRJID DANG LDAN PA, SKYE BO THAMS CAD KYIS MTHONG NA BDE BA YIN LA RLUNG GIS BSKYOD NA MTHO DMAN DU 'PHAR BA YIN NO,, ,, 'PHAGS PA DAM PA'I CHOS DRAN PA NYE BAR GZHAG PA, BAM PO BZHI BCU THAM PA, BUNG BA 'BUM SNYED KYIS KYANG KHYAB PA YIN LA, BUNG KHA DOG MDZES PA RNAM PA SNA TSOGS DAG GIS BRGYAN PA, KUN NAS SHING LJON PA 'BUM SNYED 'OD 'BAR BA LTAR GSAL BA YIN NO, ,LHA DE RNAMS KYIS SHING LJON PA DE DAG MTHONG NAS NGO MTSAR CHER SKYES PA'I MIG PHYE STE, SHING LJON PA DE DAG RLUNG GIS BSKYOD PA'I LO MA 'PHYANG BA KUN NAS MDZES PA GA LA BA DER LHA MO'I TSOGS THAMS CAD DANG LHAN CIG 'DONG BAR BYED DO, ,DE DAG KUN NAS RGYA CHE BA DE RNAMS KYI NANG NA SIL SNYAN YAN LAG LNGA DANG LDAN PAS DGA' BAR BYED, RTZE BAR BYED, DGA' MGUR SPYOD PAR BYED DO, ,DE NAS TSAL 'PHYANG BA'I NANG DE NA SEMS NGO MTSAR DU DGA' BA'I LHA DE RNAMS LCANG LO 'PHRUGS PA DE DAG RTZE BA'I DON DU SBYANG BAR BYED DO, ,SBYANGS PA DAG LA RTZE BA NA LCANG LO 'PHRUGS PA LA LTA BAS CHOG NAS DE DAG 'DI SNYAM DU SEMS TE, DA NI LCANG LO 'PHRUGS
, ,PA DAG LAS RGUN CHANG YON TAN THAMS CAD DANG LDAN PA 'BYUNG BAR GYUR CIG SNYAM DU SEMS BSKYED MA THAG NYID DU LCANG LO 'PHRUGS PA DE DAG LAS LHA DE RNAMS KYI RGUN CHANG BYUNG NGO, ,DE DAG KYANG LHA DE RNAMS KYIS SNGON MA MTHONG BA YIN TE, SNGON MA BYUNG BA'I BTUNG BA MDOG DANG, DRI DANG, RO DANG, REG PA BYUNG BAR GYUR PA DAG LA DE RNAMS NGO MTSAR CHER SKYES SHING, MIG DANG, BZHIN 'DZUM LA YID BRGYA 'GYUR DU RAB TU DGA' BSKYES SO, ,RGUN CHANG NGO MTSAR CHE BA MDOG DANG, DRI DANG, RO PHUN SUM TSOGS PA, SHING LO 'PHRUGS PA RNAMS LAS BYUNG BA DE DAG 'THUNGS NAS BDAG CAG BCU 'GYUR DU RAB TU DGA' BAR BYA'O SNYAM MO, ,DE NAS LHA DE RNAMS BEE d'URYA'I SNOD THOGS TE RGUN CHANG DE DAG BCUS NAS, RGUN CHANG 'DI CI BA DER GSOL CIG CES PHAN TSUN 'BRIM PAR BYED DO, ,DE LTAR DE RNAMS 'THUNG BA NI GANG GIS JI SRID DU SBYIN PA BYIN NAM, TSUL KHRIMS BSRUNGS PA DE NI DE SRID DU CHANG DE MDOG DANG, DRI DANG, RO DANG LDAN PA'I YON TAN KHYAD PAR CHE BAR 'BYUNG NGO, ,DE NAS CHANG DE LHAG PAR ZHIM PAR RIG NAS, DE NA LHA SBYIN PA DANG, TSUL KHRIMS CHUNG DU DANG LDAN PA GANG YIN PA DE'I CHANG DE DAG MI ZHIM PAR SHES NAS SHIN TU NGO TSA BA SKYES SO, ,SHIN TU NGO TSA BAR RIG NAS BYA LO MA DANG, RGUN CHANG GI NANG NA SPYOD PA ZHES BYA BA GANG SHING LJON PA DE RNAMS KYI LO MA'I
NANG DU SONG STE, RGUN CHANG RTAG TU 'THUNG BA DAG GIS 'DI LTAR TSIGS SU BCAD DE SMRAS PA, CHANG 'THUNG RGYAS PAS MYOS PA YI, ,SEMS CAN GTI MUG DBANG GYUR RNAMS, ,GTI MUG ZHAGS PAS MNGON SUM DU, ,SRED PA'I ROS NI 'THUNG BAR BYED, ,GTI MUG ZHAGS PA CHANG YIN TE, ,'THUNGS NAS GSHIN RJES SKUL BAR BYED, ,MTHO RIS NAS NI DMYAL BAR LTUNG, ,DE BAS CHANG LA MA REG CIG, MTHONG DANG REG DANG BSNAMS PA LAS, ,CHANG GIS MI NI RMONGS PAR BYED, ,DE BAS KUN TU ZHUGS PA YIN, ,DE NI RING BAR YONGS SU SPONGS, ,MTHONG BA LAS NI CHAGS PA SKYE, ,REG PA LAS NI DRI 'BYUNG LA, ,DRI LAS RO LA CHAGS PA 'BYUNG, ,RO RNAMS KYIS NI THA MAR 'GRO, ,JI LTAR CHANG LA NGES BRTEN NA, ,DE LTAR MING DANG GZUGS 'JIG STE, ,ZHAGS PA'I NANG NA THA MA NI, ,CHANG ZHES MKHAS PA RNAMS GSUNG NGO, ,NGAG DANG MIG DANG 'GRO BA NYID, ,TSABS PO CHER NI 'KHRUL BYED LA, ,BLO BRAL RMONGS PA 'KHRUL PA NI, ,CI YANG SGRUB PAR MI BYED DO, ,SA LA LTUNG BA'I MI DE LA, ,BUD MED RNAMS KYANG 'PHYA BAR BYED, ,'GUL BA MED PA SHING SKAM 'DRA, ,G-YO BA MED PAS LA LTUNG, ,CHANG 'THUNG BA LA GOMS PA NI, ,'CHI BAR 'GYUR ZHES GRAGS PAR BYED, , HA LA HA LA'I DUG PAS LHAG, 'CHI ZHAGS PAS KYANG DE LHAG GO, CHANG 'THUNG BA LA RTAG TU NI, ,NYES DMIGS SUM CU RTZA DRUG YOD, ,DE BAS NYES DMIGS SHES PA GANG, ,DE YIS CHANG NI
, ,RNAM PAR SPONGS, ,RIGS BTZUN MKHAS PA DAG LA NI, ,DRI MA CHEN POR BYED PA YIN, ,SKYE BO KA SA'I ME TOG LTAR, ,YANG BA KHO NAR BYED PA YIN, ,DE LTAR BYA DE DAG DUD 'GROR GYUR GYIS KYANG LHA DE DAG LA SMOD PAR BYED NA, LHA GZHAN DAG LTA SMOS KYANG CI DGOS, DE NAS LAS LEGS PAR BYAS PA'I SA BON GYIS JI LTA BA BZHIN GYUR PA'I LHA RNAMS, SBRANG RTZI'I CHANG MDOG DANG, DRI DANG, RO PHUN SUM TSOGS PA DANG, THA MA DANG, 'BRING DANG KHYAD ZHUGS PA DE DAG 'THUNGS NAS, TSAL RGYUN GYI GNAS ZHES BYA BA GA LA BA DER GNAS PAR BYA BA'I DON DU 'DONG BAR BYED LA, RNA GUNG DU SIL SNYAN GYI SGRAS 'DAR CING YID RAB TU DGA' LA, ME TOG AUTPAL SNGON PO'I PHRENG BA BRGYUS PAS MDZES PA DAG DONG NGO, ,RGYUN GYI GNAS DE NAS KYANG LHA DANG, LHA MO'I TSOGS KYIS GANG BA RAB TU DGA' LA, PHAN TSUN SHIN TU MGU BAR GNAS PA, LUS GSER GYI 'OD KYIS BRGYAN PA RNAMS SPRIN GYI TSAL DER MYUR BAR DONG NGO, ,DE NAS SPRIN GYI TSAL DU DONG BA'I LHA DGA' BA LA GNAS PA, BAG MED PA DE RNAMS LA BSKUL BAR BYA BA'I PHYIR, BRGYA BYIN GLANG PO CHES SRUNG GI BU RNAM PAR RGYAL BYED CES BYA BA DE NYID RGYAN 'BUM SNYED KYIS BRGYAN PA LA ZHON NAS, LHA DANG, LHA MO'I TSOGS RAB TU DGA' BAS GANG BA DANG, SPRIN GYI TSAL ZHES BYA BA DER DONG NGO, ,DE NAS LHA DE RNAMS KYIS LHA'I RGYAL PO BRGYA
BYIN MTHONG NAS, ,SEMS GUS PA DANG BCAS SHING THOR TSUGS DANG, ME TOG PHRENG BA DANG, RGYUN PHRENG THOGS PA THAMS CAD KYIS BRGYA BYIN LA BSTOD CING, SIL SNYAN SNA TSOGS KYI SGRA DANG, DBYANGS NYE BAR 'BYIN PA BRGYA BYIN GYI MDUN DU BRO GAR DANG, TSUL SDUG GUS 'GRO BAR BYED DO, ,LHA'I RGYAL PO BRGYA BYIN YANG DE BZHIN DU GLANG PO CHES SRUNG GI BU LA ZHON BZHIN DU, LHA DE RNAMS LA TSIG SNYAN PA RNAMS KYIS MNGON PAR DGA' BAR BYED DO, ,DE NAS BRGYA BYIN LHA DE RNAMS KYI NANG NA CUNG ZAD CIG DGA' BAR GNAS PAR RTZE BAR BYAS NAS, LHA DE RNAMS LA 'DI SKAD SMRAS SO, ,'DI LTAR LEGS PAR BYAS PA'I LAS KYI MTHA' SPYAD PA'I LHA KHYED RNAMS NGA LHA MA YIN RGYAGS SHING KHRO BAR GYUR PA RGYAGS PA DANG BRAL BAR BYA BA'I PHYIR, DGA' DE'I TSAL DU 'GRO BA'I BAR DU DGA' BAR GYIS SHIG, DE NAS BRGYA BYIN GYI TSIG DE SKAD THOS NAS LHA RNAMS KYIS SMRAS PA, 'DI LTAR, LHA, BDAG CAG KYANG LHA MA YIN DE RGYAGS PA DANG DBRAL BAR BGYI BA'I SLAD DU MCHI'O, ,DE NAS BRGYA BYIN GYIS LHA DE RNAMS ZLOG PAR BYED DE, DON 'DI NGA 'BA' ZHIG GIS NUS KYI KHYED SPRO BAR MA BYED CIG ,DE NAS LHA DE RNAMS BZLOG NAS, LHA'I RGYAL PO BRGYA BYIN DE DGA' BA'I TSAL GA LA BA DANG, RANG GI KUN DGA' RA BA GA LA BA DER SONG BA DANG, GANG NA NYAL MAL BCAS PA'I NYAL MAL DE NA, LHA MA YIN SPRIN GYI PHUNG PO LTA BUR 'PHEL BA ZHUGS PA DAG LA LHA
, ,MANG POS SPYO BAR BYED DE, JI LTA JI LTAR SPYOS PA DE LTA DE LTAR 'PHEL BAR 'GYUR RO, ,DE LTAR DE 'PHEL BAR GYUR PA MTHONG NAS LHA MI BZOD PAR GYUR PA DE RNAMS YANG SBYO BAR BYED DO, ,DE NAS YANG LHA MA YIN RGYAGS SHING KHRO BAR GYUR PA, RAB TU 'PHEL CING MNGON PAR 'PHEL LA, DE LTAR BZOD PA MED PA'I GZUGS MTHONG NAS, BRGYA BYIN GYIS SMRAS PA , 'DI LTAR KHRO BAS MNGON PAR 'PHEL BA 'DI LA NI GANG GIS DE'I RGYAGS PA BSAL BA'I GNYEN PO BYA DGOS SO SNYAM NAS, DE NAS DE'I TSE BRGYA BYIN GYIS 'DI LTAR TSIGS SU BCAD DE SMRAS PA; KHRO BAS NYAMS PA'I KHRO BA NI, ,BZOD PAS KHRO BA NYID LAS RGYAL, ,CHOS MIN CHOS KYIS NGES PAR RGYAL, ,MUN PA 'OD KYIS RNAM PAR RGYAL, ,BDEN PA RNAMS KYIS RDZUN TSIG BCOM,, PHRA MA'ANG TING NGE 'DZIN GYIS BCOM, ,TSIG RTZUB MNYEN PA RNAMS GYIS RGYAL, ,SDANG BA MNYEN PA NYID KYIS RGYAL, ,SROG GCOD BYAMS PA RNAMS KYIS RGYAL, ,RKU SEMS RTAG TU SBYIN PAS RGYAL, ,TSUL BZHIN YID LA MI BYED PA, ,TSUL BZHIN GYIS NI RTAG TU RGYAL, ,MA RIG PA NI RIG PAS RGYAL, ,DE BZHIN MUN PA SNANG BAS SO, ,MUN PA'I PHYOGS KYI DE NYID NI, , SNANG BA'I PHYOGS KYIS RGYAL BAR GYUR, ,LOG PA'I 'DOD PA MI GTZANG BA, ,DPYOD CING RIG PAS RNAM PAR RGYAL, ,LAM NGAN ZHUGS PA'I 'PHAGS PA'I LAM, ,YAN LAG BRGYAD PAS
RTAG TU RGYAL, ,SNGAR MA 'DI NI MI 'JIGS PA, ,BZHI RNAMS KHO NAS RGYAL BA YIN, ,BRJOD NGAS PA NI DRAN PAS BCOM, ,MI SHES PA NI SHES NYID KYIS, ,'DOD CHAGS BDO BA'I MI RNAMS NI, , DGON GNAS BRTZON PA RNAMS KYIS RGYAL, ,TSAL RNAMS DKRIGS PA THAMS CAD NI, ,RI RAB RI YIS RNAM PAR RGYAL, ,SA LAS BYUNG BA'I CHU KUN NI, ,RGYA MTSO YIS NI RGYAL BAR GYUR, ,KUN NAS GZA' DANG SKAR MA RNAMS, ,NYI MA'I 'OD KYIS RNAM PAR RGYAL, ,LUGS MIN DE BZHIN LUGS KYIS RGYAL, ,DBUL BA SBYIN PA TSOGS PAS RGYAL, ,NGOR SGYU DRANG PO RNAMS KYIS RGYAL, ,RDZUN ZER BA NI BDEN PAS BCOM, ,LOG PA YANG DAG NYID KYIS RGYAL, ,GRANG BA 'BYUNG BA ME YIS RGYAL, ,SKOM PA CHU YIS RNAM PAR RGYAL, ,BKRES PA DE BZHIN STON MOS RGYAL, ,RI DVAGS SNYING STOBS YOD PA GANG, ,THAMS CAD SENG GES RNAM PAR RGYAL, ,'DOD CHEN CHE BA CHOG SHES PAS, ,RTAG TU RGYAL BAR RAB TU GRAGS, ,SNYING RJE RTAG TU BSNGAGS PA YIN, ,SNYING RJE MED PA BSNGAGS PA MIN,, SHES PA CHE LA RTAG TU DUL, ,SKYES BU DE NYID SMRA RNAMS KYIS, ,LAS NGAN RNAMS KYI LOG PA NYID, ,LHAG PAR SMRA BA'I MI RNAMS BCOM, ,YON POR SMRA BA'I MU STEGS KUN, ,SANGS RGYAS KYIS NI RNAM PAR RGYAL, ,LHA MA YIN NI LHA YIS RGYAL, ,CHOS NYID 'DI NI RNAM PAR GNAS, ,BRGYA BYIN LTAR NI BCOS PA BYED, ,KUN LAS NGAS KYANG RNAM RGYAL NA, ,'OG MA KHYED CAG GANG YIN
, ,PA; ;'DI DAG 'ONGS PA SMOS CI DGOS, ,MAL GZHI 'DI DAG THAMS CAD NI, ,CHOS LHUR LEN PA RNAMS BSTEN GYI, ,CHOS MIN PA LA BRTZON PA YI, ,RMONGS PA'I BLO YIS BSTEN BYA MIN, ,DE NAS BRGYA BYIN GYI KHA NAS TSIG DE DAG THOS NAS GANG GI TSE, JI LTA JI LTAR SPYOS PA DANG DE LTA DE LTAR 'PHEL BA'I LHA MA YIN GANG YIN PA DE DAG LA BDEN PA'I TSIG 'DIS PHOG PA DANG 'PHEL BA MED LA, STOBS DANG, MDOG DANG, SNYING STOBS DAG BRI BAR GYUR TO, ,SEMS CAN DMAN PA DE DAG MTHONG NAS BRGYA BYIN GYI ZHABS 'BRING PA GANG YIN PA DE RNAMS KYIS, SEMS CAN DMAN PA'I RKANG PA DAG NAS BZUNG STE PHYUNG NAS DGA' BA'I TSAL DE NAS BSKRAD DO, ,BRGYA BYIN YID RAB TU DGA' BA'ANG GLANG PO CHES SRUNG GI BU LA ZHON NAS NOR BU 'PHYANG BA'I LHA RNAMS KYI GNAS GA LA BA DER 'GRO BAR BYED DE, BYA BA BYAS PA LHA'I TSOGS THAMS CAD KYIS YONGS SU BSKOR BA SHIN TU DPE MED PA'I LHA'I 'DOD PA THAMS CAD GRUB CING LDAN PA DE NAS YANG LHA DE DAG GI DRUNG DU PHYIN TO, ,NOR BU 'PHYANG BA NA GNAS PA'I LHA DE RNAMS KYANG BRGYA BYIN DANG PHRAD NAS MNGON PAR PAR BSTOD DO, ,YANG THAMS CAD SPRIN GYI TSAL GA LA BA DE NYID DU DONG NGO, ,DE LTAR BRGYA BYIN GYI MDUN NA 'DON PA YID SHIN TU MGU BA 'DOD PA THAMS CAD DANG LDAN PA RNAMS,
TSAL DANG, NYE BA'I TSAL GYIS GZHI MTHO DMA' RIN PA, SA PHYOGS SHIN TU RNAM PAR PHYE BA, ME TOG MANG BO BSAGS PA, TSAL DKRIGS PA, ME TOG GI LDUM BU 'PHYANG BA'I LJID KYIS LDUM BU 'PHYANG BA'I KHYIM NYAMS DGA' BA, KUN NAS SHIN TU DGA' BA RNAMS SU DGA' BAR BYED DO, ,BRGYA BYIN GYI MDUN NA LHA MO'I TSOGS YID RAB TU DGA' BA RNAMS KYANG PI WANG DANG, RDZA RNGA DANG, 'KHAR RNGA DANG, GLING BU DANG, PI LDIR DAG KHYER NAS GLU LEN PAR BYED, DGA' BAR BYED, DGA' MGUR SPYOD PAR BYED DO, ,BRGYA BYIN YANG GLANG PO CHE SA SRUNG GI BU LA ZHON TE, ROL MO'I KHA DPON GZHAN RNAMS KYIS BSKOR BA LA BSTOD CING, SIL SNYAN YAN LAG LNGA DANG LDAN PAS LHAN CIG RTZE BAR BYED DE, 'DI LTA STE, RDZA RNGA DANG, KHAR DKROL DANG, GLING PU DANG, GLU DBYANGS KYIS MDUN DU BSKOR NAS RTZE BAR BYED, DGA' BAR BYED DO, ,GLANG PO CHE'I RGYAL PO DE'ANG GZUGS RI BAS CHE STE, RI CHEN PO 'GUL BA LTA BUR 'DUG PA'I GLANG PO CHE DE LA ZHON PA NI, JI LTAR GANGS RI KHA BAS YOG PA'I RI'I RTZE MO'I STENG NA SOS KA'I DUS SU NYI MA'I 'OD ZER SPRIN DANG MUN PA DANG BRAL BA SHIN TU GSAL BAR SHAR BA DE LTAR MDZES PA YIN NO,, DE LTAR BRGYA BYIN LHA DANG LHA MO'I TSOGS NGAN SONG GI SGO GCOD PA YID SHIN TU MGU BA, BLO GROS BZANG PO DANG MTHUN PAS YONGS SU BSKOR BA DANG LHAN CIG BEE d'URYA DANG, DNGUL DANG,
, ,SHEL DANG, AANDA RNYIL DANG, MTHON KA CHEN PO DANG, PADMA R'A GA DANG, GSER BTZO MA DANG, SPUG PAS CHES LHAG PA'I TSAL DANG, NYE BA'I TSAL NYAMS DGA' BA RNAMS NA RGYU BAR BYED, RTZE BAR BYED, DGA' BAR BYED DE, GANG DE KHO NA NYID SHIN TU PHUN SUM TSOGS PA LHAG PAR BDE BA MYONG NGO, ,DE LTA MOD KYI NGES 'DOD PA YANG DAG PAR GRUB PA, 'JIG RTEN GYI PHUN SUM TSOGS PA 'BYUNG BA 'JIG PAR RIG NAS, DGA' BA'ANG MED LA 'KHRUG PA'ANG MED DO, ,PHUN SUM TSOGS PA THAMS CAD KYI MTHA' NI RGUD PAR 'GYUR RO SNYAM DU RIG NAS; 'DI LTAR RANG GI LAS LA SPYOD PA, LAS KYI RLUNG GIS GTOR BA RNAMS SEMS CAN DMYAL BA DANG, YI DVAGS DANG, DUD 'GRO RNAMS KYI NANG NA 'KHYAM ZHING, LHA DANG, LHA MO'I TSOGS 'GROGS PA 'DI THAMS CAD DANG BRAL BA'I LHA RNAMS SHI NAS GAR 'GRO, KYE MA, BYIS PA SO SO'I SKYE BO BSLUS PA 'DI DAG THAMS CAD NI LAS BYAS PA CHEN PO MYONG NGO SNYAM DU NANG DU YID LA SEMS PAR BYED DO, ,DE NAS DE'I TSE BRGYA BYIN GYIS 'DI LTAR TSIGS SU BCAD DE SMRAS PA, NAM MKHA' LA NI SPRIN CHAGS PA, ,RLUNG GIS KUN TU GTOR BA RNAMS, ,'DUS PA DAG KYANG 'GYES PA LTAR, ,'KHOR PA'I SROG CHAGS DE BZHIN NO, ,JI LTAR DUS TSIGS DUS TSIGS SU, ,ME TOG BYUNG BA MI YIS MTHONG, ,DUS TSIGS THAMS CAD THAL GYUR NA, ,JI
LTAR BYUNG BA SO SOR 'JIG ,DE LTAR LEGS PAR BYAS PA'I LHA, ,DUS SU BYUNG NA DGA' BYED LA, ,DGE BA'I DUS NI THAL GYUR NA, ,JI LTAR BYUNG BA SO SOR 'JIG, JI LTAR DUS TSIGS DUS TSIGS SU,, SHING LO DU MA SKYE 'GYUR BA, ,DUS TSIGS DUS NI THAL 'GYUR NA, ,DE DAG KUN NAS 'JIG PAR 'GYUR, ,DE LTAR LHA RNAMS LO MA 'DRA, ,SRID PA 'DI NI SHING LTA BU, ,BDE BA RTAG TU 'JIG 'GYUR TE, BRTAN PA DANG NI RTAG PA MED, ,JI LTAR CHAR PA 'BAB DUS NA, ,MKHA' LA CHAR 'BAB LDOG PA MED, ,DE LTAR BDE BA 'DI DAG KUN, ,'GRO BAR 'GYUR TE LOG PA MED, ,JI LTAR RMA BYA'I SGRO DAG NI; ;RLUNG GIS KUN TU KHYER GYUR PA, ,DE NI ZAD PAR BYA PHYIR 'JIG, BDE BA'I GZHI NI DE DANG 'DRA, ,JI LTAR MER NI SHING BCUG NA, ,NGES PAR RAB TU SREG PAR BYED, ,DE LTAR DUS NI ME DANG 'DRA, ,MI RNAMS SHING SKAM LTA BU YIN, ,BRGYA'AM YANG NA STONG DAG TU, ,'DI DAG 'ONG DANG 'GRO 'GYUR YANG, ,DE LTAR SRED PAS RMONGS PA 'DI, ,YANG DAG RIG PAR MI 'GYUR RO, ,SRED DANG RMONGS PA'I MIG 'PHRUL GYIS, ,THAMS CAD DU NI RNAM PAR GANG, ,JI LTAR DGE SKAL MA YIN PA, ,DE LTAR LHA RNAMS RAB TU BSLUS, ,DE LTAR BRGYA BYIN DES LHA DE RNAMS LA SNYING RJE BSKYED NAS, DE NAS YANG GLANG PO CHE SA SRUNG GI BU DE LA ZHON TE, LHA'I TSOGS KYIS YONGS SU BSKOR BA, SIL SNYAN DANG, ROL MO'I SGRA DBYANGS SNA TSOGS LEN BZHIN DU LHA'I 'DUN SA CHOS BZANG DE NYID DU 'DONG
, ,BAR BYED DE, CHOS BZANG NA GNAS PA RGYAL BA THOB PA DAG LA LHA GZHAN RNAMS KYIS MCHOD CING SPYIN TE, NOR BA 'PHYANG BA NA GNAS PA'I LHA 'DOD PAS TSIM PA MED PA RNAMS JI SRID DU 'DOD PA SDUG PA YID DU 'ONG BA BYAS SHING BSAGS PA, SO SO YANG DAG PAR MYONG BAR 'GYUR BA'I LAS DE ZAD PA DANG, SPANGS PA DANG, ZHIG PAR MA GYUR BA DE SRID DU GZUGS DANG, SGRA DANG, DRI DANG, RO RNAMS KYIS TSAL DANG, NYE BA'I TSAL RNAMS KYI NANG NA RTZE BAR BYED, DGA' MGUR SPYOD PAR BYED DO, ,DE DE NAS SHI NAS KYANG LAS NYE BAR 'GRO BA JI LTA BA BZHIN, SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR 'GYUR RO, ,GAL TE MI RNAMS DANG SKAL PA MNYAM PAR MI'I NANG DU SKYES NA, DE LAS DE DANG RGYU MTHUN PAR RIGS RGYA CHEN PO'I NANG DU SKYE LA, SHIN TU BDE BA DANG LDAN PA DANG, BONG TSOD CHE ZHING BZANG BA DANG, YUL DBUS SU SKYE BA DANG, CHOS BZANG PO DANG LDAN PA DANG, SHIN TU 'BYOR PA DANG, BU DANG, TSA BO DANG, LDAN PA DANG, YUN RING DU GNAS PA DANG, GNOD PA MED PA'I BRAN KHOL BDOG PA DANG, SKYE BO THAMS CAD DGA' BA DANG YANG DAG PAR LDAN PA DANG, RGYAL PO'AM, BLON PO CHEN POR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, SUM CU RTZA GSUM PA'I LHA RNAMS KYI GNAS LA RTOG
PAR BYED DE, DES THOS PA LAS BYUNG BA'I SHES PAS LHA RNAMS KYI GNAS RIS MTHUN PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS DES THOS PA LAS BYUNG BA'I SHES PAS BRTAGS NA, LEGS PAR BYAS PA'I LAS KYI MTHA' SPYAD PA, LUS DANG, NGAG DANG, YID KYI MTHA' YANG DAG PAR BSDAMS PA, G-YO SGYU MED PA, GZHAN LA MI GNOD PA, BLO GROS RTAG TU RGYA CHE BA, DRANG PO DRANG PO'I RANG BZHIN CAN SDIG PA'I GROGS PO SPONG BA, GANG THABS KUN GYIS SDIG PA'I GROGS PO SPONG BAR BYED LA, DE DANG LHAN CIG 'DRE BAR MI BYED, DE DANG TSIG KYANG MI SMRA, DE LA MIG ZUR TZAM YANG MI LTA, LAM DU YANG LHAN CIG MI 'GROGS, DE MTHONG NAS KYANG RTAG TU SPONG BAR BYED LA, DE'I GROGS PO GANG YIN PA DE'ANG SPONG BAR BYED, BTZUN PA DAG LA RTEN PAR BYED CING, RTAG TU DAM PA'I CHOS NYAN PA'I NGANG TSUL CAN YIN LA, DE THOS NAS DGE BA DANG, MI DGE BA DANG, LUNG DU MA BSTAN PA'I CHOS RNAMS KYANG RNAM PAR SHES, SPANG BAR BYA BA SPONG BAR BYED LA, SPANG BAR MI BYA BA'ANG SPANG BAR MI BYA BA RAB TU SHES NAS YID LA LEGS PAR BYED PA DANG, SHIN TU MNYAM PAR BZHAG PA DANG, DRAN PA DANG, SEMS KYI DBANG DU MI 'GRO BAR DRAN PA NYE BAR GNAS PA DANG, BRKAM CHAGS MED PA DANG, TSUL KHRIMS RNAM PA BDUN RJES SU SKYONG LA RDUL TZAM YANG 'KHRUL BA MED PA DANG, KHA NA MA THO BA PHRA MO RDUL TZAM LA'ANG 'JIGS PAR LTA BA DANG KUN NAS LAS DAG LA
, ,DRI MA MED PA YIN TE, GSER BTZO MA LTAR SKYON MED PA SROG GCOD PA DANG, MA BYIN PAR LEN PA DE DANG, DE DAG SPONG BAR BYED LA, SBYIN PA'ANG BYIN, BSOD NAMS KYANG BYED DO, , SROG CHAGS DAG THAR BAR BYED PA JI LTA BU YIN ZHE NA, 'DI NI RGYAL PO'AM, BLON POS SKYES PA DANG, BUD MED BYA BA BYED LA LHAN CIG BZUNG NAS BCINGS TE, GRONG KHYER GYI LHO PHYOGS KYI SGOR KHRID LA; RNGA BRDUNGS NAS MING DANG, RUS KYANG BSGRAGS TE, GROGS BYED PA SU'ANG MED, MI DGA' LA 'JIGS, BZHIN MOG MOG PAR GYUR PA DUR KHROD LOGS SU KHA BSTAN TE KHRID PA DANG, DES NOR RDZAS KYIS BSLUS TE THAR PAR BYED PA DANG, GZHAN YANG SBYIN PA GTONG, BSOD NAMS DAG BYED PA YIN NO, ,DGE BA DAG JI LTA BU YIN ZHE NA, DE LTAR DE GAL TE CHU NYUNG BA MYA NGAM GYI PHYOGS SU DGE 'DUN GNAS PAR GYUR LA, DE YANG DGE SLONG DAG SKOM GYIS SROG CHAD LA THUG STE, SHIN TU SDUG BSNGAL BAR GYUR PA DANG, DES GNAS PA DE RNAMS KYI DON DU KUN DGA' RA BA'I DBUS SU RDZING BU'AM, KHRON PA DAG BYAS LA, CHU PHYUNG BA DE DAG GI NANG 'DAM RDZAB KYIS GANG NGAM, SRIN BU RNAMS KYIS YOG PA DANG, DE DAG LA DE LAS BYED DE, SRIN BU DE DAG SA SKAM PO DAG LA 'CHI BAR MI 'GYUR BAR BYA BA'I PHYIR, GSHER SA'I PHYOGS GZHAN DU 'JOG PAR BYED DO, ,DE LTAR SROG GCOD PA CHUNG NGU'ANG SRUNG BAR BYED DO, ,GZHAN DU'ANG 'BAB CHU DAG GI NANG NA SRIN BU GNAS PA
DE DAG KYANG BLANGS NAS DE NAS YANG SROG BTZA' BAR BYA BA'I PHYIR, CHU YOD PA'I PHYOGS RNAMS SU 'JOG PAR BYED DE, DE LTAR KUN NAS DGE BA'I LAS KYI MTHA' SPYOD PA NI SROG GCOD PAR MI BYED DO,, MA BYIN PAR LEN PA SPANGS PA JI LTA BU YIN ZHE NA, 'DI NI RKU SEMS KYIS RTZA BA'ANG LEN PAR MI BYED PA YIN TE, PHYOGS DAG NA SHING DANG, SMYIG MA'I LDUM BU SKYES PA'ANG LEN PAR MI BYED, GZHAN DU 'PHOS PA'I GRONG DANG, KUN DGA' RA BA RNYING PA DAG GZHAN GYIS YONGS SU BZUNG BA MED LA, DA DUNG DU SUS KYANG 'DZIN PAR MI 'GYUR GYIS KYANG, SNGON GZHAN GYIS BSGRUBS PA ZHIG YIN NO SNYAM DU YID LA SEMS PAR BYED LA, DE BSAM PA DES LEN PAR MI BYED DE, DE LTAR MA BYIN PAR LEN PA SPANGS PA YIN NO, ,KUN NAS LEGS PAR BYAS PA'I LAS KYI MTHA' SPYAD PA DE; LUS DANG BRAL NAS SHI BA'I 'OG TU RIS MTHUN PA'I LHA RNAMS KYI GNAS KYI NANG DU SKYE BAR 'GYUR RO, ,DER SKYES NAS KYANG DE PHYIR PHYOGS PA NYID DU SKYE STE, GAL TE GSER GYI STAN NAM; GAL TE DNGUL GYI'AM, GAL TE SHEL GYI'AM, GAL TE GSER BTZO MA'I 'AM, GAL TE AANDA RNYIL GYI'AM, GAL TE MTHON KA CHEN PO'AM, GAL TE MU TIG GI'AM, GAL TE SPUG GI STAN GYI STENG DU SKYE BAR 'GYUR RO, ,DE SKYES MA THAG TU 'DI SNYAM DU SEMS TE, LAS DGE BA GANG ZHIG GIS BDAG 'DIR SKYES SNYAM MO, ,DES SNGON GYI LAS RJES SU DRAN TE, 'DI
, ,LTAR DGE BA'I RNAM PA PHA MA LTAR BYAMS PA, RNAM PAR SMIN PA BSIL BA, BDE BA NGES PAR MYONG BAR 'GYUR BA'I RNAM PA JI SNYED PA DES LHA RNAMS KYI NANG DU SKYES SO SNYAM STE, DES LAS DE DAG RJES SU DRAN ZHING LAS KYI 'BRAS BU'ANG MNGON SUM NYID DU MTHONG NAS, DGE BA'I LAS RNAMS LA NI BSTOD PAR BYED LA, MI DGE BA DAG LA NI SMOD PAR BYED DO, ,TSE RABS DRAN ZHING LAS KYI GZHIR GYUR PA, DGE BA PHA MA LTA BU DU MA'I LAS KYI GZHI MI'I RJES SU DRAN NAS, DE NAS DE'I TSE 'DI LTAR TSIGS SU BCAD DE SMRAS PA, GANG ZHIG BAG YOD THOB NAS SU, MI YI TSE NI LEGS PAR THOB, ,LEGS PAR BYA BA'I LAS BYAS NA, ,LHA YI 'JIG RTEN NYE BAR 'GRO, MI YI TSE NI RNYED DKA' STE, ,DE NI RNYED NAS BAG MED GANG, ,MI DE BAG MED MUN PA LAS,, 'KHYAMS NAS SEMS CAN DMYAL BAR LTUNG, ,LEGS BYAS RNAM PA GSUM BYAS SHING, ,RNAM PA BDUN YANG GOMS BYAS LA, ,DGRA GSUM BSAD PA'I MI DAG NI, ,LHA RNAMS KYI NI NANG DU 'GRO, NYON MONGS NGES PAR SEL BYED LA, ,DGA' BAS SEL BAR MI BYED GANG, ,DGA' BA BSAL BA'I DAG PA DE, ,LHA RNAMS KYI NI NANG DU 'GRO, SDUG BSNGAL CHEN PO'I SGOR GYUR PA, , SER SNA NGES PAR BSAL BYAS SHING, ,SBYIN PA'ANG SNA TSOGS BYIN PA NI, ,LHA RNAMS KYI NI NANG DU 'GRO, SROG CHAGS DAG NI SROG BZHIN DU, ,SNYING BRTZES RTAG TU BSRUNG BYAS SHING, ,
BYAMS SEMS RTAG TU DUL BA DAG, LHA RNAMS KYI NI NANG DU 'GRO, MA BYIN ME LTAR RIG NAS SU, ,KUN NAS BYIN PA BYAS GYUR CING, ,SEMS DANG BLO GROS BSGOMS PA NI, ,LHA RNAMS KYI NI NANG DU 'GRO, DE NYID DON LA SEMS PA PO, ,GZHAN GYI CHUNG MA'ANG MA LTAR LTA, ,'DOD SKYES NYES PAS MA GOS PA, ,LHA RNAMS KYI NI NANG DU 'GRO, GANG ZHIG RANG SEMS ME 'DI DANG, ,LCE YI GTZUB SHING YANG DAG BYUNG,, BRDZUN DU SMRA BRJOD BYED GANG, ,DE NI BCOM NA BDE 'GROR 'GRO, BSHES GROGS RTAG TU DON MED BYED, ,PHRA MA RTAG TU BCOM NAS SU, ,'JAM POR SMRA BAR DGA' BA NI, ,LHA RNAMS KYI NI NANG DU 'GRO, MTSON CHA LTA BU'I TSIG RTZUB DAG ,BRTAN POS YONG YE SPONG BYED LA, ,RTAG TU TSIG 'JAM RAB TU SMRA, ,DE NI BDE 'GROR 'GRO BAR 'GYUR, ,GANG GI LCE YI RTZE MO LA, ,'BREL MED MI SMRA SMRA MI 'GYUR,, YANG DAG SMRA LA DUS NYID SHES, ,LHA RNAMS KYI NI NANG DU 'GRO, SANGS RGYAS GSUNG PA'I RNAM PA BDUN, ,GANG GIS TSUL KHRIMS 'DI BSRUNGS PA, ,BRTAN PO TSUL NYID SHES PA DE, ,LHA RNAMS KYI NI NANG DU 'GRO, DE LTAR LHA GSAR DU SKYES PA DE PHYIR PHYOGS PA SKYES MA THAG NYID DU TSE RABS DRAN NAS YUL RNAMS KYI DBANG DU BLO GROS GYUR KYANG, SNGON BSGOMS SHING GOMS PA'I BLOS SMRAS SO; ;DE NAS GSAR DU SKYES PA DE SHIN TU GZHON LA GTZANG GTZANG LTAR 'DUG PAR MTHONG ZHING RTOGS NAS, LHA MO DE RNAMS LHA DE'I DRUNG DU RGYUG PAR BYED DE, JI LTAR ME TOG GI RO 'THUNG BAR
, ,'DOD PA'I BUNG BA RNAMS ME TOG NYID LA RGYUG PAR BYED PA DE LTAR LHA MO LAG NA SIL SNYAN DANG, ROL MO RNAM PA SNA TSOGS THOGS PA, GZHAN DAG GI LAG NA GLING BU DANG, RDZA RNGA THOGS PA, LUS LA ME TOG PHRENG BA DANG, PHYE MA DANG, BYUG PAS BSKUS PA, ME TOG GI PHRENG BA RNAMS THOGS PA DANG, GZHAN DAG NI ME TOG GI CHAR MNGON PAR 'BEBS, GZHAN DAG NI GLU LEN ZHING GAR MKHAN LTAR MDZES PA DE RNAMS, LHA DE'I DRUNG DU KUN TU RGYUG PAR BYED DO, ,DE LTAR RGYAN DANG, CHA BYAD RNAM PA SNA TSOGS THOGS PA, GZUGS RNAM PA SNA TSOGS DANG LDAN PA, CHO GA RNAM PA SNA TSOGS LA MKHAS PA, CHA BYAD RNAM PA SNA TSOGS 'CHANG BA RNAM PA SNA TSOGS BDOG PA, GZUGS GCIG PAS GCIG BZANG ZHING BYAD GZUGS MCHOG DANG LDAN PA RNAMS, LHA GSAR DU SKYES PA DE LA LAN BRGYA'AM, LAN STONG DU MNGON PAR BRTAGS NAS SNGON GYI LHA 'CHI BA DAG POR TE, LHA GSAR DU SKYES PA YID DU SDUG PA'I DRUNG DU, LHA MO DE RNAMS JI LTAR SHIN TU SKOM PA DAG MTSO BSKAMS PA BOR NAS, MTSO CHU BSIL ZHING DANG BAS KUN TU GANG BA'I DRUNG DU RGYUG PA DE LTAR GSAR DU SKYES PA LA 'DOD PA NGOMS MI MYONG BA'I LHA MO DE DAG THAMS CAD KYIS RAB TU BRGYUGS SO, ,DE NAS LHA GSAR DU SKYES PA DES DE RNAMS KYI RGYAN GYI SGRA NYID THOS NAS, SEMS 'DOD CHAGS KYIS G-YENGS PAR 'GYUR
NA; DE RNAMS KYI BYAD GZUGS DE DANG, SPYOD PA DE DAG MTHONG NA LTA SMOS KYANG CI DGOS, DE BZHIN DU DE'I SEMS SIL SNYAN YAN LAG LNGA DANG LDAN PA DANG, YO BYAD DE DAG GIS G-YENGS PA DANG, JI LTAR TSE RABS 'BUM LON PA LTAR BRJED DE, 'DI LTAR LHA RNAMS KYI NGO BO NI 'DI LTA STE, LHA NYID BAG MED PA'I GNAS YIN NO, ,DE NAS LHA GSAR DU SKYES PA DE LHA MO SGEG CHOS MKHAS PA DE RNAMS KYIS KUN NAS 'KHOR BAR BSKOR NAS, TSUL BZHIN MA YIN PA'I SEMS 'DOD CHAGS KUN TU STEN PA'I TSIG RNAMS KYIS DE LTAR G-YENGS TE, 'DI LTAR DE LTAR DE DAG GI DBANG KHO NAR GYUR NAS SHIN TU BAG MED PAR GNAS SO, ,DE DE RNAMS KYIS BSKOR NAS 'DOD PA THAMS CAD 'BYOR BA, SNGON MA MYONG BA'I BDE BA THOB STE, YID SHIN TU MGU BAS LHA MO DE DAG GA LA BA DER 'GRO BAR BYED DO, ,DE'ANG DE RNAMS KYIS NYE BAR BSTAN TE, DGOD DGOD, RTZE RTZE, SMRA SMRA, 'BUR 'BUR BA'I BLOS LAM DE NYID NAS 'DONG BAR BYED DO, ,BYA RNYIS BZUNG BA LTAR KUN TU 'DOD CHAGS KYI RNYIS BZUNG BA DE, RNYI DE RNAMS KYIS KUN NAS BZUNG NAS MNGON PAR MDZES PA DE DAG GA LA BA DER KHRID PA DANG, DES SNGON MA MTHONG BA SHIN TU NYAMS DGA' BA RIN PO CHE SNA BDUN GYI SA PHYOGS MTHONG NA SHIN TU YID 'PHROGS PA, RIN PO CHE SNA BDUN 'BAR BA'I SA PHYOGS DAG MTHONG NGO, ,DE NAS YANG DE DAG TU LHA'I PHRENG BA DANG, GOS RNAM PA DU MA GYON PA, BDE
, ,BA DANG, NYAMS DGA' BA RNAM PA DU MA YUN RING DU MYONG NAS, TSAL DGON PA DGA' BA ZHES BYA BA GA LA BA DER SIL SNYAN YAN LAG LNGA DANG LDAN PA'I GLU DBYANGS LEN ZHING 'DONG BAR BYED DO, ,LHA DE LHA MO DE RNAMS DANG LHAN CIG MNGON PAR RTZE ZHING TSAL DER PHYIN PA DANG, BYA KHA DOG DANG, DBYIBS DANG, 'GROS DANG, GZUGS SNA TSOGS SU 'DUG PA, SGRA SHIN TU SNYAN PA 'BYIN PA; BYAD GZUGS RNAM PA SNA TSOGS SU 'DUG PA DAG MTHONG NGO, ,DE DAG KYANG BYA MO RNAMS KYI DBANG DU GYUR PA YIN TE, DE RNAMS GAR 'GRO BA DER BYA DE DAG KYANG DE RNAMS KYI DBANG DU GYUR NAS 'GRO'O, ,DE BZHIN DU LDUM BU'I NANG GA LA BA DE RNAMS 'DUG PA DANG DER YANG BYA DE DAG 'DUG PAR BYED DO, ,ME TOG GI CHAR GANG NA YOD PAR DE RNAMS 'THUNG BA DANG BYA DE DAG KYANG DE NA 'THUNG BAR BYED DO, ,ME TOG GI DOG PA DAG GI NANG GA LA BAR LUS ZHUGS PA DANG DER YANG BYA DE DAG DE BZHIN DU 'JUG PAR BYED DO, ,YUL GANG DAG BTAD NAS NAM MKHA' LA 'GRO BA DANG DER YANG BYA DE DAG 'GRO BAR BYED DO, ,'BRAS BU GANG YIN PA DAG LA DE RNAMS KYI MCHUS ZA BA DANG, DE DAG KYANG DE BZHIN DU 'BRAS BU DE NYID LA ZA BAR BYED DO, ,PADMA'I TSAL GA LA BAR DE RNAMS LA GNAS PAR BYA BA'I PHYIR 'DONG BA DANG DE DAG KYANG DE BZHIN DU DE RNAMS DANG LHAN CIG PHYOGS DE'I PADMA'I RDZING NYID DU 'DONG BAR BYED DO, ,LHAN CIG SPYOD PA BYA MO RNAMS RI'I
RTZE MO GA LA BAR 'DONG BA DANG DE DAG KYANG MGUL DU SKUD PAS BTAGS PA BZHIN DU DE RNAMS KYI DBANG DU GYUR NAS 'DONG BAR BYED DO, ,DE BZHIN DU BUNG BA MO DAG PADMA'I GSAB GSEB TU 'DONG BA DANG, BUNG BA RNAMS KYANG 'DONG LA, RI DVAGS MO RNAMS KYIS KYANG RI DVAGS DAG DBANG DU BYAS, LHA MO RNAMS KYIS KYANG LHA DAG DBANG DU BYAS TE, DE DAG NI DBYAR GYI DUS SU MTSO GCIG TU CHUS GANG BAR GYUR PA LTAR SHIN TU LHOD PO LHOD PO THAR BAR DKA' BA'I BCING BAS BSDAMS PA, 'DI DAG THAMS CAD NI BUD MED KYI DBANG DU GYUR PAR RIG NAS, DGE SLONG DES 'DI LTAR TSIGS SU BCAD DE SMRAS PA; ZHAGS PA'I NANG NA 'DI DAM STE, ,'DI LTAR BUD MED ZHAGS PA DAM, ,'DI YIS BCINGS PA'I MI RNAMS NI, ,SRID PA'I BRTZON RAR RGYUG PAR BYED, ,ZHAGS PAS MGUL BCINGS ZHAGS MIN GYI, ,SNYING ZHAGS BUD MED 'DI MI BZAD, ,SNYING GI ZHAGS PAS BCINGS PA YI, ,MI RNAMS SDUG BSNGAL SKAL BA CAN, ,ZHAGS PA BSREG CING GTUB TU RUNG, ,BUD MED ZHAGS PA SREG MI RUNG, ,DMYAL BA YI DVAGS DUD 'GRO'I NANG, ,'GRO ZHING RJES SU 'GRO BAR BYED, ,LUS CAN TSOGS SU LDAN PA LA, ,ZHAGS PA CHEN POS 'CHING BAR BYED, ,DE BZHIN LUS MED SEMS 'DI LA,, BUD MED ZHAGS PAS 'CHING BAR BYED, ,GANG GIS SKYE BO 'CHING BYED PA, ,ZHAGS PA DE NI TSAD GZUNG RUNG, ,BUD MED KYI NI 'CHING BA'I TSE, ,DE NI TSAD GZUNG MI RIG GO, 'DIS NI RE ZHIG DGA'
, ,BA DANG, ,KUN NAS THAR BAR DKA' BA YI, ,ZHAGS PAS BCINGS PA'I MI RNAMS NI, ,SRID PA'I MTSO LAS MI 'GROL LO, ,ZHAGS PAS MGUL LAM LUS GCIG CIG , 'CHING BYED GAL TE 'CHING MI BYED, ,BUD MED ZHAGS PA CHEN PO 'DI, ,DBANG PO DRUG RNAMS 'CHING BAR BYED, ,LCAGS SAM SHING NGAM GSER MA GANG YIN PA, 'CHING BA 'DI NI DAM PAR 'PHAGS MI GSUNG, ,BLO ZHAN BU SMAD RNAMS LA LTA BA GANG, ,KUN TU CHAGS PA'I SEMS NI DAM ZHES GSUNG, ,DE LTAR DGE SLONG DE 'DOD PA LA SMOD PAR BYED DO, ,DE NAS LHA DE BUD MED MCHOG DE RNAMS KYIS KUN NAS DGA' BA NYID KYI ZHAGS PAS BCINGS NAS, TSAL DANG, NYE BA'I TSAL MTHONG NA YID 'PHROG PA RNAM PA SNA TSOGS GANG DAG DPE BYA BAR YANG SLA BA MA YIN PA DE DAG TU KHRID DO, ,DE NAS DE LTAR LHA DE DGA' MGUR SPYOD PA NA RES 'GA' PADMA'I TSAL, NGANG PA'I PADMA'I TSAL ZHES BYA BA DER DE LHA MO'I TSOGS KYIS YONGS SU BSKOR NAS 'GRO BAR BYED DO, ,PADMA'I TSAL DE'ANG LHA DANG, LHA MO'I TSOGS MANG POS YONGS SU BSKOR NAS DGA' BAR BYED PA, 'DOD PA'I YON TAN LNGA 'BYOR CING LDAN PAR GYUR PA RNAMS KYIS DGA' BAR BYED, RTZE BAR BYED, DGA' MGUR SPYOD PAR BYED DO, ,LHA MOS YONGS SU BSKOR BA RIS MTHUN PA'I LHA RNAMS SIL SNYAN YAN LAG LNGA DANG LDAN PA'I SGRA 'BYUNG BA CHAGS SU
RUNG BA SNYAN PA LHA THAMS CAD MTHUN PAR YID 'PHROG PAR BYED PA, SHIN TU 'DOD PA STON PAR BYED PAS LHAN CIG DGA' BAR BYED DO, ,DE RNAMS GSER GYI RI LAS GSER GYI RI GZHAN LA 'DZEG PAR BYED DE, THAMS CAD KYANG NYAMS DGA' BA RGYA CHE ZHING DGA' BAR BYED PA'I YUL GYI RJES SU 'JUG GO ,DE DAG DE LTAR DGA' BA NA BLO 'DI LTA BU SKYE STE, BDAG CAG KUN PHAN TSUN GROGS SU GYUR PA YIN TE, LHA'I 'DUN SA CHOS BZANG GI SKYED MOS TSAL DU DGA' STON BYA BA'I PHYIR 'DONG NGO SNYAM MO, ,DE NAS LHA DANG, LHA MO'I TSOGS KYIS YONGS SU BSKOR BA DE DAG THAMS CAD KHA CIG NI NAM MKHA' LA 'DZEGS NAS 'GRO, KHA CIG NI NGANG PA'I SHING RTA LA ZHON, KHA CIG NI RMA BYA'I SHING RTA LA ZHON, KHA CIG NI NAM MKHA' LA BKAD SA PHUB PA'I NANG DU ZHUGS, KHA CIG NI GZHAL MED KHANG DANG, RA BA RNAM PA SNA TSOGS SU PHYE BA'I NANG DU ZHUGS NAS, BRGYA BYIN BLTA BA'I PHYIR LHA'I 'DUN SA CHOS BZANG GA LA BA DER DONG NGO, ,SIL SNYAN DANG, ROL MO'I SGRA DANG, GLU DBYANGS RNAM PA SNA TSOGS KYIS PHYOGS THAMS CAD RAB TU 'GENGS SHING BRGYA BYIN GYI GNAS SU PHYIN TO, ,DE RNAMS KYI GLU DBYANGS KYI SGRA SNYAN PA DPE MED PA DE THOS NAS, LHA'I RGYAL PO BRGYA BYIN GYIS CHOS BZANG NA GNAS PA'I LHA RNAMS LA SMRAS PA, KYE GROGS PO DAG, DGA' BAR GNAS PA'I LHA 'DI DAG GANG YIN, GNAS NI GANG NA GNAS, DE NAS LHA DE DAG GIS DE SKAD
, ,THOS NAS, LHA DE RNAMS MYUR DU SHES PAR BYA BA'I PHYIR DE NAS YANG LHA DE RNAMS LA MYUR DU BRTAGS NAS, BRGYA BYIN LA SMRAS PA, BRGYA BYIN, 'DI LTAR LHA 'DI RNAMS NI GNAS RIS MTHUN PA NA GNAS PA LAGS TE, 'DIR BRGYA BYIN GYI ZHAL MTHONG BAR BGYI BA'I SLAD DU MCHI'O, ,DE NAS BRGYA BYIN GYIS DE DAG LA 'DI SKAD SMRAS SO, ,'DI LTAR YID RAB TU DGA' BA SIL SNYAN DANG, ROL MO'I SGRA DANG, YO BYAD RNAM PA SNA TSOGS DANG LDAN PA'I LHA KHYED RNAMS KYANG RIS MTHUN PA'I LHA RNAMS GANG NAS 'ONG BA DE DGA' BAR GNAS PAR BYA BA'I PHYIR BSUR DENGS SHIG, BRGYA BYIN GYIS DE SKAD BSGO BA DANG, CHOS BZANG NA GNAS PA'I LHA LAG NA SIL SNYAN DANG, ROL MO RNAM PA SNA TSOGS THOGS PA, ME TOG PHRENG BA DANG, PHYE MA DANG, BYUG PA DANG, DO SHAL DANG, NOR BU DANG, RGYAN PHRENG 'PHYANG BA, DPUNG PA RNAMS LA DPUNG RGYAN BTAGS PA, THOR TSUGS DANG, YID G-YOS PA, RIN PO CHE 'OD GSAL PA SNA TSOGS KYIS LUS BRGYAN PA, NGO BO NYID KYIS LUS DKAR SHAM NYID DU 'DUG PA, RIN PO CHE SNA TSOGS KYIS LUS GSAL BAR BYAS PA RNAMS RIS MTHUN PA'I LHA DAG GA LA BA DER DONG NGO, ,YID LHAG PAR RAB TU DGA' BA DE RNAMS PHAN TSUN RDZU 'PHRUL GYIS 'GRAN CING SIL SNYAN DANG, ROL MO'I SGRA DANG, GLU DBYANGS RNAM PA SNA TSOGS LA MNGON PAR DGA' BA DAG
LHA'I RGYAL PO BRGYA BYIN GA LA BA DER 'DONG BAR BYED DE, BRGYA BYIN DE'I GNAS SU DONG NGO, ,DE NAS LHA'I RGYAL PO BRGYA BYIN KHANG BZANG KA BA 'BUM SNYED YOD PA'I NANG NA RGYAL BA THOB PA ZHES BYA BA'I SENG GE'I KHRIL 'DUG GO, BDE BAR 'DUG PA GZI BRJID 'BAR ZHING LHA 'BUM SNYED KYIS BSKOR, SHIN TU LEGS PAR BYAS PA RNAMS KYI LAS DAG LA NI NYE BAR SPYOD, ,GZI BRJID NI NYI MA BRGYA BAS LHAG, LHA'I RGYAL POR GYUR GYIS KYANG BAG YOD PA LA NI GNAS TE, LHA'I RGYAL PO DE LTA BU DE MTHONG NAS, LHA DE DAG THAMS CAD YID BCU 'GYUR TU RAB TU DGA' NAS, BRGYA BYIN LA GSONG POR SMRA ZHING BRO GAR BYED, RGOD BAR BYED LA, 'DI LTAR BRGYA BYIN LA MNGON PAR BSTOD PA'I TSIGS SU BCAD PA SMRAS PA, CHOS SPYOD RTAG TU ZHI BA DANG, ,GANG DAG YUL GYIS MI GTZE BA, ,LHA RNAMS DANG NI 'JIG RTEN BCAS, ,LHA RGYAL BRGYA BYIN RTAG TU SKYONGS, ,CHOS KYIS 'JIG RTEN RNAMS 'CHOS KYIS, ,CHOS MA YIN PA GA LA ZHIG, CHOS SPYOD RTAG TU BDE DANG LDAN, ,DE LAS BZLOG NA BDE LDAN MIN, ,CHOS SPYOD PA DANG YE SHES LA, ,NGES PAR BSTEN PA BDE BA LAGS, ,'TSE BA MED CING BDEN TSIG SMRA, ,DE YANG GCIG TU BDE BA LAGS, ,'JIG RTEN YON TAN GANG LAGS DANG, ,'JIG RTEN 'DAS PA'I YON TAN GANG, ,DE DAG THAMS CAD MA LUS PAR, ,SUM CU GSUM DBANG BRGYA BYIN MNGA', ,'JIGS PA RNAMS KYI SKYABS MDZAD CING, ,SDUG BSNGAL RNAMS KYI RTAG TU RTEN, ,LHA
, ,DANG LHA MIR BCAS PA'I, ,'JIG RTEN DE YANG 'DZIN MDZAD PA, ,DE NI RGYAL PO BRGYA BYIN LAGS, ,DRI MA DANG NI SKYON RNAMS BSAL, ,BDAG NYID SDIG PA GSUM BSAL CING, ,DKON MCHOG GSUM LA SKYABS SU GSHEGS, ,LAS 'BRAS GSUM GYI DE NYID MKHYEN, ,BYANG CHUB GSUM NI RAB TU RTOGS, ,BAG MED GNAS SU SKYES GYUR KYANG, ,BAG MED RNAMS LA CHAGS MI MNGA', ,DGRA LAS RGYAL ZHING MDZAD PA TSOL, ,BRGYA BYIN SKYE DGU 'DZIN PAR MDZAD, ,DE LTAR LHA GANG YIN PA DE RNAMS KYI NANG NA BLO GROS MCHOG DANG LDAN PA BRGYA BYIN DE LA RIS MTHUN PA'I LHA DE RNAMS KYIS MNGON PAR BSTOD PAR BYED DO, ,DE NAS BRGYA BYIN GYIS LHA DE RNAMS MTHONG NAS TSIG 'JAM PO BZANG POS BSTOD PAR BYED CING STON PAR BYED DE, 'DI LTAR LHA KHYED RNAMS NI BAG MED PA LA GNAS PA YIN NO, ,LEGS PA THAMS CAD KYI NANG NA NI BAG YOD PA NI GTER YIN LA, BAG MED PA NI DON MED PA YIN NO, ,DE NAS LHA DE RNAMS KYIS YUN RING MO ZHIG TU BRGYA BYIN LA MNGON PAR BSTOD NAS GANG NAS 'ONGS PA DE NYID NAS NAM MKHA' LA 'GRO BAR BYED DE, SNGAR JI LTAR 'ONGS PA BZHIN BRGYA BYIN SNGA LA LHA DE RNAMS PHYI NAS DONG NGO, ,DE NAS BRGYA BYIN 'DI SNYAM DU SEMS TE, KYE MA, BAG MED PA LA GNAS PA'I LHA RNAMS NI 'CHI BA'I SDUG BSNGAL KHONG DU MA CHUD DE, 'DI RNAMS SKYO BA BSKYED
PAR BYA BA'I PHYIR, BDAG GIS GOR MA CHAGS PAR SPRUL PA ZHIG BYA'O SNYAM MO, ,DE NAS BRGYA BYIN GYI RDZU 'PHRUL GYIS SRID PA BAR MA PA'I SPRUL PA BYAS PA GANG YIN PA DE DAG LHA DE RNAMS LA BSTAN TE, TSAL DANG, NYE BA'I TSAL DANG, RI'I ZOM DANG, PADMA'I TSAL RNAMS SU YO BYAD MKHO BA NYE BAR BSTEN PA GANG YIN PA DE DAG GIS LHAN CIG RTZES, GLU BLANGS, DGA' BAR BYAS SHING DGA' MGUR SPYAD PA DANG, BYAD GZUGS CHE ZHING 'OD LHAG PAR BZANG BA DE DAG 'CHI ZHING DBANG PHYUG DANG, LHA MO'I 'KHOR RNAMS KYIS NI BTANG, DBANG THANG THAMS CAD DANG, SKAL BA BZANG PO THAMS CAD NI ZAD; ;BZHIN NI MOG MOG POR GYUR, SEMS CAN DMYAL BAR SKYE BAR 'GYUR BA GANG DAG LAG RIS NI LAG PA RGYAB TU BCINGS, RTAG TU DUS PA'I MIG DANG, BZHIN MCHIMS NI GSHER, DU BA 'THUL BA'I MUN PA DANG, MES NI YONGS SU BSKOR, GSHIN RJE'I MI RNAMS KYIS SPYO BRGYAD CING, SHIN TU BKRES PA DANG, SKOM PAS GDUNGS PA'I BZHIN 'JIGS PA NYAM NGA BA CHEN POR NI BDAS, LUS TSAL SHING BSREGS PA LTA BU DAG, MI SHIN TU 'JIGS 'JIGS LTAR 'DUG PA RNAMS KYIS DED PAR BYED PA NA, MI SDUG PAR SGYUR BA CHA BYAD SNA TSOGS NI THOGS, LUS DANG, GZUGS RNAM PA SNA TSOGS SU 'DUG PA'I LAG PA DAG NA RAL GRI DANG, DBYUG PA DANG, ZHAGS PA NI THOGS, GZHAN DANG, NI LHA'I 'JIG RTEN DER 'GRO BAR BYED LA, GZHAN DAG NI 'BABS PAR BYED
, ,PA DE RNAMS KYIS RI RAB DE LA KUN NAS KHYAB PAR LHAGS NAS, DE RNAMS KUN NAS 'ONG BAR BYED CING 'JUG PAR BYED DO, ,ZHUGS PA GANG YIN PA DE DAG GIS LHA RNAMS BZUNG NAS, ZHAGS PA RNAM PA SNA TSOGS KYIS BCINGS TE THUR DU KHRID PAR BYED LA, RGYA LCAG RNAMS KYIS KYANG RDZOB PAR BYED, SPYO BAR BYED, ME'I PHRENG BA 'BAR BA 'KHRIGS PA'I TSOGS KYIS GDUNG BAR BYED PA DE BZHIN DU SEMS CAN DMYAL BA GA LA BA DER 'DREN PAR BYED DO, ,GSHIN RJE'I MI LAG NA ZHAGS PA THOGS SHING, KHRO BA DE DAG PHAN TSUN DU 'DI LTAR GSHIN RJE'I PHO NYA RNAMS RINGS PAR SHOG, RINGS PAR SHOG, BAG MED CING BAG MED PAR GNAS PA'I LHA 'DI DAG JI LTAR YANG YANG BAG MED PAR MI 'GYUR BA'AM, BAG MED PAR MI GNAS PA DE LTAR SEMS CAN DMYAL BA RNAMS KYI NANG DU BDAG CAG GIS GDUL BAR BYA'O ZHES SMRA STE, DE LTAR HA HA ZHES SGRA 'DON CING, RI'I RGYAL PO RI RAB KYI NAM MKHA' LAS 'BABS PAR BYED DO, ,DE NAS STENG DANG, 'OG DANG, NGOS KYI GNAS DE DAG THAMS CAD BRGYA'AM, STONG NGAM, KHRI'AM, BYE BAR 'JOMS SHING KUN GYIS NAM MKHA' DE BAR 'TSAMS MED PAR KHYAB PAR 'KHOD NAS 'PHEL BA DANG, 'GRIB PAR BYED CING 'DI LTAR KHYED RNAMS KYIS 'DOD PA MYONG BA DANG, YAN LAG LNGA DANG LDAN PA GANG YIN PA DE DAG GSHI'I RJE'I MI'I
ZHAGS PA RNAMS KYIS BCINGS NAS, GSHIN RJE'I 'JIG RTEN DU RTA'I SHUGS BZHIN DU KHRID PA NA, KHYED LA PHAN PA CI BYED CES KUN NAS SPYO PAR BYED DO, ,DE LTAR SEMS CAN DMYAL BAR SKYE BA GANG YIN PA DE DAG DE BZHIN DU RIS MTHUN PA'I LHA LEGS PAR BYAS PA'I SEMS DANG LDAN PA DE RNAMS KYIS MTHONG NGO, ,DE NAS SRID PA BAR MA PA'I LHA GANG YIN PA DE DAG LA 'DI LTAR GSHIN RJE'I MI RNAMS KYIS TSIGS SU BCAD DE SMRAS PA, 'DOD PA RNAMS LA CHAGS PA'I BLOS, ,KHYED KYIS LEGS BYAS MA SPYAD PA, ,GANG YIN BDE DANG BRAL BA DE'I, ,'BRAS BU 'DI NI NYE BAR GNAS,, BAG MED PA LA DGA' BA'I LHA, ,BYA BA RNAMS LA 'JUG BYED GANG, ,DE NI PHYI NAS 'CHI BA'I TSE, ,RANG GI SEMS KYIS GDUNG BAR BYED, ,JI LTAR DBANG PO LNGA DAG LAS, ,BYUNG BA'I BAG MED SROG BYED PA, ,DE LTAR ME YIS SREG MI BYED, ,MTSON CHAS KYANG NI GCOD MI BYED, ,JI LTAR BDE GZHI SDUG BSNGAL LA, ,DE LTAR BSHES GZHI DGRAR 'GYUR BA, ,BAG MED BSTEN LAS 'BYUNG 'GYUR TE; ;DE BAS DE NI YONGS SU SPONGS, ,BAG MED SRED DANG 'DRES PA DANG, ,'DOD CHAGS DE YI RJES 'BREL BA, ,DGRA GSUM 'DI NI MI BZAD DE, ,MI YI BDE BA 'JIG PAR BYED, ,RGOD PA DANG NI SDIG PAR 'DRE, ,LE LO DE BZHIN RKAM CHAGS NYID, ,TSUL KHRIMS DAG KYANG SPONG BYED PA, ,DE DAG SEMS CAN DMYAL BA'I RGYU, ,TSUL KHRIMS GANG ZHIG BDE LA BSIL, ,YONGS SU GYUR
, ,PA'ANG BSIL BA LA, ,RTAG TU RMONGS PA MI STEN NA, ,DE NI PHYIS NAS YONGS SU GDUNG, ,CHANG 'THUNG DE BZHIN 'TSE BA DANG, ,GZHAN GYI BUD MED MNGON PAR DGA', , CHAGS SHING BLO GROS 'THAS PA NYID, ,DE NI SEMS CAN DMYAL BA'I RGYU, ,PHRA MA SDIG DANG 'DRE BA DANG, ,YANG DAG SDOM MED LOG PAR LTA, ,SEMS LA CAL COL MANG BA NYID, ,MI NI RTAG TU 'JIGS PAR BYED, ,BRNAB SEMS TSIG RTZUB BCAS PA DANG, ,MNGON PA'I NGA RGYAL LOG PAR SMRA, ,DE NI 'JIG RTEN 'DIR MI PHAN, ,PHA ROL TU YANG PHAN MI 'GYUR, ,DGE BA RNAMS KYIS RTAG TU SPONG, ,MI DGE RNAMS KYIS STEN BYED PA, ,LAS 'DI LA NI MA DAD NA, ,DON MED RNAMS KYI GZHI 'DI YIN, ,SEMS CAN RNAMS KYI BDE SDUG GANG, ,LAS KYI 'BRAS BU MA RIG LA; ; RGYU 'BRAS LA NI RMONGS PA DE, ,PHYI NAS GDUNG BAS GDUNGS PAR 'GYUR, ,GANG ZHIG LOG PAR SMRA LA BRTZON, ,RTAG TU MKHAS LTAR NGA RGYAL CAN, ,PHYI NAS NYON MONGS BYUNG BA'I TSE, ,DE YIS LAS KYI 'BRAS BU RTOGS, ,GANG ZHIG 'JIG RTEN 'DIR 'KHYAM ZHING, ,GANG ZHIG SDUG BSNGAL DES BYING BA, ,MA RIG PA YIS DE BSKYOD CES, ,DE BZHIN GSHEGS PA RNAMS GSUNG NGO, ,DE LTAR BRGYA BYIN GYIS SPRUL PA'I GSHIN RJE'I MI DE RNAMS SRID PA BAR MA DE DAG LA GTAM BRJOD CING SPYO BAR BYED DO, ,DE NAS YANG BRGYA BYIN DE LHA DE RNAMS LA GANG DUD
'GRO RNAMS KYI NANG DU SKYE BA'I SPRUL PA STON PAR BYED DO, ,DE RNAMS KYI SRID PA BAR MA BAR DE DAG DANG TSUL MTHUN PA GZUGS BRNYAN DU GYUR PA, DE DANG MTHUN PA RGYA'I 'BUR LTAR GYUR PA, SRID PA BAR MA PA'I GZUGS RNAM PA DU MA DAG BYUNG STE, DE DAG GCIG LA GCIG ZA BA DANG, GSOD PA DANG, NGO BO YOD PA DANG, NGO BO MED PAR BYED PA DANG, 'JIGS PA CHEN PO SKYED PA NA, DER LHA YID RMONGS PA GANG YIN PA DE DAG GIS MTHONG NGO, ,DE NAS YANG BRGYA BYIN DE LHA DE RNAMS LA GANG YI DVAGS RNAMS KYI NANG DU SKYE BA'I SPRUL PA STON PAR BYED DE, 'DI LTA STE, LUS BKRES PA DANG, SKOM PAS GDUNGS PA,, BZHIN RTAG TU SKRAS MUN PAR KHEBS PA, BZHIN SHIN TU 'JIGS 'JIGS LTAR 'DUG PA, LUS TSAL SHING BSREGS PA LTAR 'DUG PAR BYA ROG DANG, 'UG PA RNAMS KYIS MIG DANG, RNA BA DANG, SNA DANG, LCE BTOGS PA DAG LHA'I 'JIG RTEN DE NAS 'OG GI NAM MKHA' DE LA LHUNG BAR MTHONG NGO, ,DE LTAR LHA DE RNAMS KYIS SPRUL PA SHIN TU 'JIGS 'JIGS LTAR 'DUG PA, RAB TU DNGANGS PAR BYED PA DE DAG MTHONG BA DANG, DE RNAMS KYIS BRGYA BYIN DE LA BLTAS NAS SMRAS PA, BRGYA BYIN SNGON MA MTHONG BA'I LHA MA YIN NAM, DE DANG TSUL MTHUN PA GZHAN RNAMS KYIS LHA 'DI DAG LA LAG RIS PHYIN CI LOG TU BCINGS NAS KHRID NA CI STE BTANG SNYOMS SU BZHUGS, RI RAB MA LUS PAR KHYAB PA LHA MA YIN GYI GZUGS 'DI DAG NI, SNGON CHAD LHA DANG, LHA MA YIN THAMS CAD G-YUL 'GYED PA NA BDAG
, ,CAG GIS MA MTHONG STE, GNAS 'DIR NI SNGON CHAD LHA MA YIN KUN LAN 'GA' YANG MA MCHIS PA LAGS NA, BRGYA BYIN CI, CHOS NYAMS PHAGS SAM, 'DI LTAR 'JIG RTEN SKYONG BA DAG SUM CU RTZA GSUM GYI DBANG PHYUG KHYOD DANG, BDAG CAG LA DUS DUS SU SGROL BA LAGS NA, 'JIG RTEN NA BAR 'DZIN PA DANG, MAR 'DZIN PA DANG, DGE SBYONG DU 'DZIN PA DANG, BRAM ZER 'DZIN PA DANG, RIGS KYI RGAN RABS LA RI MO BGYID PA DAG MA MCHIS SAM, BRGYA BYIN, 'JIG RTEN NA SANGS RGYAS MCHOD PA MA MCHIS SAM, CHOS MCHOD PA MA MCHIS SAM, DGE 'DUN MCHOD PA MA MCHIS SAM, RGYU DANG, 'BRAS BU'I DE KHO NA NYID 'CHOL BA MA MCHIS SAM, CI NA LHA 'DI RNAMS SHIN TU 'JIGS PAR BGYID, SUM CU RTZA GSUM GYI DBANG PHYUG GLANG PO CHE'I RGYAL POS SRUNG GI BUR BCIBS LA G-YUL BSHAM DU GSOL, LHA MTSON CHA SNA TSOGS THOGS PA RNAMS GO BSKON DU GSOL, RNGA BO CHE BRDUNG DU GSOL, KHYOD DANG, BDAG CAG G-YUL DU CHA BAR BGYI'O ZHES RIS MTHUN PA'I LHA KHA CIG BRGYA BYIN LA DE SKAD SMRA LA, GZHAN KHA CIG NI NGO MTSAR CHE BA 'DI DAG MTHONG NAS YID SHIN TU MI DGA' LA, RAB TU 'JIGS PA'I MIG DANG, BZHIN MOG MOG POR GYUR NAS BRGYA BYIN NYID LA SKYABS SU SONG STE, LHA'I DBANG PO, BDAG CAG GI GNAS 'DIR SNGON MA MTHONG BA'I LHA MA YIN RNAMS MCHIS KYI, BDAG CAG BSKYAB
TU GSOL, BDAG CAG BSKYAB TU GSOL ZHES SMRA'O, ,DE LTAR 'JIGS PAS DKRUGS PA GZHAN DAG BRGYA BYIN GYI DRUNG DU DONG NAS SMRAS SO, ,LHA GZHAN DAG PHYIS DGE BAR 'GYUR BA GANG YIN PA DE DAG GIS SPRUL PA DE MTHONG NAS, DE NAS YANG SNYING 'JIGS PA RNAMS LHA'I 'DUN SA CHOS BZANG GA LA BA DER BRGYUGS SO, ,YANG MTSON CHA DON DU GNYER BA GZHAN DAG GIS NI TSAL DANG, NYE BA'I TSAL RNAMS SU BRGYUGS SO, ,DER MTSON CHA DON DU GNYER BA GANG YIN PA DE DAG GIS SPRUL PA DE MTHONG YANG BRGAL BA'AM, GZUNG BAR MI NUS TE, MTHONG BA KHO NAR ZAD DO, ,DPER NA, ME LONG GI NANG NA GZUGS BRNYAN MTHONG YANG GZUNG BA'AM, BRGAL BAR MI NUS PA BZHIN NO, ,BRGYA BYIN DES SPRUL PA GZHAN BYAS PA NI JI LTAR LHA MA YIN GYI GTZO BO SGRA GCAN DANG, BRTAN PA LA SOGS PA DE LTAR 'DREN PA BYAS TE, GTZO BO THAMS CAD LAG RIS LAG PA PHYIN CI LOG TU BCINGS NAS RGYAL CAG RNAMS KYIS 'JU BAR BYED, MTSON CHA RNAMS KYIS GSHEG PAR BYED CING SPYO BAR BYED DO, , LAG RIS LAG PA PHYIN CI LOG TU BCINGS PA DE DAG SNYING RJE RJE SKAD DU NGU SKAD 'BYIN CING SMRE SNGAGS 'DON TE, LHA MA YIN RNAMS LA'ANG LHA RNAMS KYIS SDUG BSNGAL SPRUL PA DE'I NANG NA SNANG BA GANG YIN PA DE DAG STONG 'GYUR DU SNANG NGO, ,DE DAG GIS KYANG SPRUL PA GANG YIN PA DE MTHONG BA DANG, YANG DANG YANG SHIN TU 'JIGS SKRAG CING NGO MTSAR DANG 'DRES PA RNAMS, DE NAS YANG
, ,LHA'I RGYAL PO BRGYA BYIN DE GA LA BA DER DONG NAS, DE DAG GIS YANG BRGYA BYIN LA SMRAS PA, BRGYA BYIN, SHIN TU DPUNG CHE BA 'DI DAG SU LAGS, SHIN TU SPRO BA CHE BA 'DI DAG SU LAGS, 'DI LTAR LHA DANG, LHA MA YIN GTZO BO GANG LAGS PA DE DAG GI LAG RIS LAG PA PHYIN CI LOG TU BCINGS NAS KHRID PAR BGYID LA, RDEG PAR BGYID, GSOD PAR BGYID, SPYO BAR BGYID PA DANG, SHIN TU SPU ZING ZHES BGYID PA NGO MTSAR CHE BA 'DI DAG CI LAGS, BRGYA BYIN, BDAG CAG DANG NYE BA NA MCHIS PA 'DI DAG SU LAGS MKHYEN TAM, LHA DANG, LHA MA YIN GZHIG PAR BGYI BA'I SLAD DU LHAGS PA 'JIG RTEN THAMS CAD GZHOM PAR BGYI BA LA BRTZON PA, 'DI DAG BDAG CAG YONG YE GLO BAR MA CHUD NA SU LAGS, GAL TE MKHYEN NA DE DAG BDAG CAG LA BKA' STZAL DU GSOL, JI STE MI MKHYEN NA DE DAG LA LAN CI BGYI BA DGONGS SU GSOL,, ,,'PHAGS PA DAM PA'I CHOS DRAN PA NYE BAR GZHAG PA, BAM PO BZHI BCU GCIG PA, DE NAS BRGYA BYIN 'DI SNYAM DU SEMS TE, BAG MED PA LA GNAS PA'I LHA 'DI DAG NI DE KHO NA NYID KHOD DU MA CHUD LA CHOS LA SKYABS SU 'GRO BA LA'ANG BRTZON PA MA YIN NO, ,DE RNAMS KYI DREGS PA BSAL BAR BYA BA'I PHYIR NGAS SPRUL PA 'DI DAG BYAS PAR ZAD DE, DA 'DI RNAMS YID BYUNG BA DANG, SEMS LAS SU RUNG BAR
'GYUR LA, SEMS SHIN TU LAS SU RUNG BA'I LHA GANG YIN PA DE RNAMS LA DE BDAG GIS BSHAD PAR BYA'O SNYAM MO, ,DE NAS SEMS LAS SU RUNG BAR RIG NAS BRGYA BYIN DES SMRAS PA, 'DI LTAR NYON CIG, SHIN TU DPUNG CHE BA, GZUGS SHIN TU BZOD PAR DKA' BA, KUN NAS GZHAN 'JOMS PAR BYED PA GANG YIN PA 'DI DAG NI, LHA 'DI DAG THAMS CAD KYIS DPUNG RNAMS KYIS PHYIR GZHIL BA'AM, SNGAGS RNAMS KYIS KYANG PHYIR BZLOG PAR MI NUS SO, ,KHYED PAS KHYAD PAR DU 'PHAGS PA GZHAN GANG YIN PA DE DAG GIS KYANG 'DI DAG LA MI BZOD NA, GANG BYAD GZUGS DANG, MDOG DANG, DBANG PHYUG DMAN PA KHYED LTA SMOS KYANG CI DGOS, GSHIN RJE'I PHO NYA 'DI DAG NI PHO NYA NAG PO ZHES BYA STE, GANG 'CHI BA'I DUS LA NYE BAR GNAS PA LAS DANG, NYON MONGS PAS SPREL BA'I SROG CHAGS RNAMS BCINGS NAS, SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU KHRID PAR BYED DO, ,'DI NI 'KHOR BA THAMS CAD DU GTOGS PA'I SEMS CAN THAMS CAD KYI CHOS NYID DU GNAS PA YIN NO, ,'KHOR BAR GTOGS PA'I SEMS CAN RNAMS KYI CHOS BRGYAD YOD DE, BRGYAD GANG ZHE NA, SKYES NAS 'CHI BA NI GNAS DANG PO YIN NO, ,NAD MED PA NA BA NI GNAS GNYIS PA YIN NO, ,LANG TSO RGA BA NI GNAS GSUM PA YIN NO, ,LDAN PA LAS MI LDAN PA NI GNAS BZHI PA YIN NO, ,'JIG RTEN 'DI NI
, ,LAS BDAG GIR BYA BA, LAS KYI BGO SKAL LA SPYOD PA, LAS LA RTON PA YIN TE, JI LTA JI LTAR DGE BA'AM, SDIG PA BYED PA DE LTA DE LTAR LAS DAG LA SPYOD PAR 'GYUR BA NI GNAS LNGA PA YIN NO, ,DGA' BA DANG, YID DU 'ONG BA 'DI DAG THAMS CAD LAS DNGOS PO THA DAD PA DANG, DNGOS PO MED PA DANG, DAMS PA DANG, MI LDAN PA DANG, BRAL BA 'DI NI GNAS DRUG PA YIN NO, ,'JIG RTEN NA MI SLU BA NI GZHAN GYIS BSOD NAMS SAM, SDIG PA BYAS PA GZHAN LA 'GRO BAR 'GYUR RO ZHES BYA BA 'DI NI GNAS MED LA CHOS NYID 'DI NI 'GRO BA LA MI SLU BA YIN TE, 'DI NI GNAS BDUN PA YIN NO, ,'GRO BA BAG MED PA DAG RES 'GA' DGE BAR 'GYUR RO ZHES ZER BA 'DI NI GNAS MED DE, GNAS BRGYAD PO GANG RNAMS KYIS 'KHOR BA 'DIR 'JUG PA'I GNAS NI BRGYAD PO 'DI DAG YIN NO, ,'DI LTAR CHOS 'DI RNAMS NI NGO BO NYID DU GNAS PA YIN TE, RGYU RKYEN LAS BYUNG BA 'DI DAG NI MGYOGS PAS BZLOG PA'AM, DPUNG GIS PHYIR BZLOG PAR MI NUS SO, ,DE BZHIN DU GSHIN RJE'I MI 'DI DAG DPUNG NGAM, MGYOGS PAS BZLOG PAR MI NUS LA GZUNG BAR YANG MI NUS TE, 'DI NI 'KHOR BA THAMS CAD KYI CHOS NYID YIN NO, ,GANG DAG SDIG PA BYED PA DE DAG LA 'DI DAG GIS GSHIN RJE'I 'JIG RTEN DU CHAD PAS GCOD PAR BYED DE, LHA DANG, LHA MA YIN DANG, SEMS
CAN DMYAL BA DANG, GNOD SBYIN DANG, SRIN PO DANG, SHA ZA DANG, KLU LA SOGS PA SEMS CAN DMYAL BA DANG, YI DVAGS DANG, DUD 'GRO'I NANG DU SKYES PA'I SEMS CAN RNAMS LA 'DI DAG RNAM PA DU MAR CHAD PAS GCOD PAR BYED DO, ,DE NAS LHA RNAMS KYIS BRGYA BYIN LA 'DI SKAD SMRAS SO, ,BRGYA BYIN, 'DI LTAR THABS KUN GYIS BDAG CAG 'DI DAG GI DBANG DU MCHI BAR MI 'GYUR BA'I THABS BSGRUB PA DE MKHYEN LAGS SAM, DE NAS BRGYA BYIN GYIS DE'I TSE LHA DE RNAMS LA 'DI SKAD SMRAS SO, ,THABS YOD DE, THABS GANG GIS LHA RNAMS LA 'DI DAG GIS CUNG ZAD KYANG BYAR MI NUS SO, , LHA RNAMS KYI THABS DE'ANG GANG ZHE NA, 'DI LTA STE, CHOS GCIG CIG SPANG BAR BYA STE, 'DI LTA STE, BAG MED PA'O, ,CHOS GNYIS SHIG BSGOM PAR BYA STE, ZHI GNAS DANG, LHAG MTHONG NGO, , SKYON GSUM ZHIG SPANG BAR BYA STE, 'DI LTA STE, 'DOD CHAGS DANG, ZHE SDANG DANG, GTI MUG RNAMS SO, ,'PHAGS PA'I BDEN PA BZHI SHES PAR BYA STE, SDUG BSNGAL DANG, KUN 'BYUNG DANG, LAM DANG, 'GOG PA NI SDUG BSNGAL 'GOG PA'O, ,LNGA ZHIG DON DU LEGS PAR SRUNG ZHING DE KHO NA NYID YONGS SU SHES PAR BYA BA NI, 'DI LTA STE, GZUGS LA SOGS PA YUL LNGA'O, ,DRUG CIG LEGS PAR BSRUNG BAR BYA BA NI, 'DI LTA STE, DBANG PO DRUG GO ,BDUN ZHIG LEGS PAR SHES PAR BYA STE, BYANG CHUB KYI YAN LAG BDUN NO, ,LAM BRGYAD KYIS 'GRO BAR BYA STE, YANG DAG
, ,PA'I RTOG PA LA SOGS PAS SO, ,SEMS CAN DGU'I GNAS YONGS SU SHES PAR BYA STE, DE RNAMS KYI LAS KYI 'BRAS BU THOB PA'O, ,SA CHEN PO BCU SHES PAR BYA ZHING, BSGOM PA BCU GCIG SHES PAR BYA, SKYE MCHED BCU GNYIS SHES PAR BYA, DRAN PA BCU GSUM DRAN PAR BYA, SEMS KYI RNAM PA BCU BZHI BSGOM PAR BYA, DNGOS PO BCO LNGA YONGS SU SHES PAR BYA, DBUGS 'BYUNG BA DANG, RDUB PA DRAN PA RNAM PA BCU DRUG SHES PAR BYA, SRID PA BAR MA PA'I 'GRO BA DANG 'BREL BA ZAG PA BCU BDUN SPANG BAR BYA, KHAMS BCO BRGYAD KYI MTSAN NYID YONGS SU SHES PAR BYA, SRID PA BAR MA PA'I BCU DGU YONGS SU SHES PAR BYA, 'DOD PA'I KHAMS SU NYE BAR 'GRO BAR SEMS CAN GYI GNAS NYI SHU DANG, DE DAG GI 'GRO BA DANG, RIS DANG, NYON MONGS PA 'BYUNG BA RNAMS YONGS SU SHES PAR BYA STE, DE DAG SHES NA LHA'AM, MI DAG NGAN SONG GI GNAS GSUM DU DE RNAMS KYI DBANG DU MI 'GYUR TE, DE DAG 'JUG PA'I YUL MA YIN NO, ,DGE BA'I CHOS THAMS CAD BSKYED PAR BYA BA'I PHYIR, LHA'AM, MI'I DGE BA'I RTZA BA YANG DAG PAR BZUNG BA LA NGAN SONG GI 'JIGS PA MI 'BYUNG BA LA 'CHI BA'I TSE'ANG GSHIN RJE'I MI BYAD MI SDUG PAR BSGYUR BA 'JIGS PA BSKYED PAR MI BYED DO, ,DE LTA BAS NA DANG PO KHO NAR BAG MED PA YONGS SU SPANG BAR BYA STE, DE NI PHYOGS DKAR PO THAMS CAD
KYI BGEGS SU 'GYUR BA YIN NO, ,SKYES BU'I 'JIG RTEN PA'I DON YANG MA YIN LA, 'JIG RTEN LAS 'DAS PA'I BDE BA'I SKAL BAR YANG MI 'GYUR RO, ,SEMS BAG MED PA'I DBANG DU 'GYUR BA'I MI PHYUGS DANG MTSUNGS TE, GNYID MA LOG KYANG GNYID LOG PA NYID DANG MTSUNGS SO, ,DON DANG, DON MA YIN PA DANG, BSOD NAMS DANG, BSOD NAMS MA YIN PA DANG, BSHES GNYEN DANG, BSHES GNYEN MA YIN PA DANG, ZHING DANG, ZHING MA YIN PA DANG, BRJOD PAR BYA BA DANG, BRJOD PAR BYA BA MA YIN PA DANG, ZAS DANG, ZAS MA YIN PA DANG, YON TAN DANG, SKYON YIN PA MI SHES PA YIN TE, DE LTA BAS NA THAMS CAD DON MED PAR BYED PA'I GZHIR GYUR PA, DANG PO KHO NAR BAG MED PA YONGS SU SPANG BAR BYA'O, ,SHIN TU BAG MED PA'I LHA DE DAG GSHIN RJE MI'I DBANG DU CI STE MI 'GYUR, DE NAS DE'I TSE BRGYA BYIN GYIS 'DI LTAR TSIGS SU BCAD DE SMRAS PA, BLUN PO CHOS LA MI DGA' ZHING, ,RTAG TU BAG MED DGA' BA GANG, ,DE NI 'CHI BA'I DUS BAB TSE, ,GSHIN RJE'I PHO NYA'I DBANG DU 'GRO, BAG MED PA YI DUG LTA BUR, ,MKHAS PA YONGS SU SRUNG BA GANG, ,DE NI 'CHI BA'I DUS BAB TSE, ,SKAL BA LDAN PA BDE BAR 'GYUR, ,BAG MED SHIN TU 'CHI BAR BYED, ,BAG YOD PA NI BDE BA CHE, ,DE LTA BAS NA BDE 'DOD PAS, ,YID LA RTAG TU BAG YOD BYOS, ,DE LA LHA DAG CHOS GCIG SPANG BAR BYA STE, 'DI LTA STE, BAG
, ,MED PA'O ZHES GANG SMRAS PA, BAG MED PA LA ZHUGS PA DE NI RNAM PA DRUG YOD DO, ,DRUG GANG ZHE NA, 'DI NI MIG GIS GZUGS MTHONG NAS BAG MED PAS PHROGS PA'I SEMS KYIS GZUGS BZANG PO'AM, GZUGS NGAN PA'AM, NAG PO'AM, DKAR PO'AM, DMAR PO'AM, RING PO'AM, THUNG DU'AM, GRU BZHI'AM, ZLUM PO DAG GI DE KHO NA NYID KHONG DU MI CHUD DO, ,DE BZHIN DU BAG MED PAS PHROGS PA'I BLOS, 'JIG RTEN PA'I DE KHO NA NYID KYANG KHONG DU MI CHUD LA, BAG MED PAS PHROGS PA'I BLOS 'JIG RTEN LAS 'DAS PA'I YANG KHONG DU MI CHUD DO, ,DE BZHIN DU BAG MED PAS PHROGS PA'I BLOS GZUGS DE NYID MTHONG NAS JI LTA BA BZHIN KHONG DU MI CHUD LA, LUS LA LUS KYI RJES SU LTA BUR YANG MI 'GYUR RO, ,'PHAGS PA'I BDEN PA BZHI LA MNGON PAR ZHUGS PA'I YID KYI GZUGS DE LA DPYOD PAR MI BYED, DE KHO NA TSOL BAR MI BYED DO, ,DE BZHIN DU BAG MED PAS 'JIG RTEN PA'I DON YANG MI MTHONG LA, 'JIG RTEN LAS 'DAS PA YANG MI MTHONG NGO, ,YANG DE BZHIN DU DE BAG MED PAS PHROGS PA'I BLOS RNA PAS SGRA THOS KYANG, GLU BLANGS PA'AM, SMRAS PA 'DI'I DON GANG YIN PA'AM, RANG GI DON NAM, DON MED PA MI SHES TE, DE LTAR 'JIG RTEN PA'I DON MI SHES SO, ,CHOS MDO'I SDE DANG, TSIGS SU BCAD PA'I SDE DANG, DBYANGS KYIS BSNYAD PA'I SDE
DANG, LUNG DU BSTAN PA'I SDE DANG, CHED DU BRJOD PA'I SDE DANG, GLENG GZHI'I SDE DANG, RTOGS PA BRJOD PA'I SDE DANG, DE LTA BU BYUNG BA'I SDE DANG, SKYES PA RABS KYI SDE DANG, SHIN TU RGYAS PA'I SDE DANG, RMAD DU BYUNG BA'I SDE DANG, RNAM PAR GTAN LA DBAB PA BSTAN PA'I SDE 'CHAD PA 'DI NI MI SHES LA, DES BSHAD PA DE'I DON YANG SHES PAR MI 'GYUR RO, ,BAG MED PAS PHROGS PA DE 'CHI BA'I DUS NA GSHIN RJE'I MI'I DBANG DU 'GYUR RO, ,YANG BAG MED PAS PHROGS PA'I SEMS KYI SNAS DRI SNOM PA NA DRI ZHIM PA'AM, DRI NGA BA'AM, ME TOG GI DRI MI SHES SO, ,DE BZHIN DU 'JIG RTEN PA'I DRI'ANG MI SHES LA, 'JIG RTEN LAS 'DAS PA'I YANG MI SHES SO, ,BDUG SPOS KYI DRI'ANG MI SHES LA, DE'I TSE BAG MED PA DES DKON MCHOG GSUM LA RES 'GA' YANG BDUG SPOS DBUL BA MA PHUL TE, DE LTAR BAG MED PA DAG DRI MI SHES SO, ,YANG BAG MED PAS PHROGS PA DAG RO SHES PAR MI 'GYUR TE, RO MYONG BAR BYED PA NA'ANG BLO GZHAN DU ZHUGS PAS RO 'DI MNGAR BA'AM, SKYUR BA'AM, LAN TSVA'AM, TSA BA'AM, KHA BA'AM, BSKA BA'AM, BA TSVA GANG YIN PA MI SHES PA NI DE LTAR GZHAN DU PHROGS PA'I BLOS MI SHES SO; ;BAG MED PAS PHROGS PA'I BLOS 'JIG RTEN LAS 'DAS PA'I RO'ANG MI SHES LA CHOS KYI RO'ANG MI SHES SO, ,YANG BAG MED PAS PHROGS PA'I BLOS LUS KYIS REG PA'ANG MI
, ,SHES LA, LUS LA RTEN PA'I LAS KYANG MI BYED, KHYIM GYI LAS KYANG MI SHES, LAS KYI MTHA' LA YANG MI RTEN, LEGS PAR BYA BA'ANG MA BYAS, DE'I KHYIM GYI YO BYAD KYANG MI GSOG PAS DE'I KHYIM DBUL BAR 'GYUR RO, ,'JIG RTEN LAS 'DAS PA'I LAS KYANG MI BYED, BLA MA RNAMS YANG MI STEN CING, GSONG POR SMRA BA DANG, PHYAG 'TSAL BA'I NGO BO NYID MA YIN TE, BAG MED PAS PHROGS PA'I BLOS NI REG PA'ANG MI SHES SO, ,DE BZHIN DU YID KYIS KYANG GTZANG BA DANG, MI GTZANG BA DANG, DGE BA DANG, MI DGE BA DANG, LUNG DU BSTAN PA DANG, LUNG DU MA BSTAN PA'I CHOS RNAMS MI SHES LA, DE SHI BA'I TSE 'CHI BA'I CHAD PAS NYEN NAS SHIN TU SDUG BSNGAL TE, GSHIN RJE'I MI'I DBANG DU 'GYUR RO, ,DE LTA BAS NA CHOS GCIG CIG SPANG BAR BYA BA NI, 'DI LTA STE, BAG MED PA YIN NO, ,CHOS GNYIS BSGOM PAR BYA STE, ZHI GNAS DANG, LHAG MTHONG NGO ZHES GANG SMRAS PA, DE GNYIS NI MYA NGAN LAS 'DAS PA'I LAM STON PA SHIN TU GYA NOM PA'O, ,DE LA ZHI GNAS ZHES BYA BA NI CHOS SKYES PA DANG, MA SKYES PA RNAMS ZHI BAR BYED PA YIN NO, ,LUS DANG, CHOS DANG, SEMS DANG, SEMS KYI CHOS DANG, SEMS MED PA'I CHOS DANG, PHYOGS DKAR PO DANG, PHYOGS NAG PO MTHONG BAS LHAG MTHONG NGO, ,SKYON GSUM SPANG BAR BYA'O ZHES GANG SMRAS PA, DE LA MI
GTZANG BAS NI 'DOD CHAGS SPANG BAR BYA'O, ,BYAMS PAS NI ZHE SDANG SPANG BAR BYA'O, ,YE SHES KYIS NI GTI MUG SPANG BAR BYA STE DE LTAR PHYOGS GSUM MO, ,PHYOGS GSUM GYI GNYEN PO'ANG GSUM STE, DE DAG KYANG BAG MED PAS SPONG BAR MI BYED DO, ,DE PHYIS 'CHI BA'I DUS YANG DAG PAR BYUNG BA NA GSHIN RJE'I MI'I DBANG DU 'GYUR RO, ,'PHAGS PA'I BDEN PA BZHI GANG ZHE NA, 'DI LTA STE, SDUG BSNGAL BA DANG, KUN 'BYUNG BA DANG, 'GOG PA DANG, LAM MO ZHES GANG SMRAS PA, DE LA SDUG BSNGAL BA NI LUS DANG, SEMS KYI'O, ,KUN 'BYUNG BA NI PHUNG PO DANG, KHAMS DANG, SKYE MCHED RNAMS KYI KUN 'BYUNG BA'O, ,'GOG PA NI ZHI BA'O, ,LAM NI YAN LAG BRGYAD DE, 'PHAGS PA'I BDEN PA BZHI PO 'DI DAG BSGOM PAR BYA'O, ,LNGA ZHIG LEGS PAR BSRUNG BAR BYA'O ZHES GANG SMRAS PA YUL LNGA STE, GZUGS DANG, SGRA DANG, DRI DANG, RO DANG, REG BYA 'DI LNGA BSRUNG BAR BYA BA YIN NO, ,DE KHO NA NYID YONGS SU SHES PAR BYA BA GANG YIN ZHE NA, BSRUNG BAR BYA BA DRUG PO, 'DI LTA STE, MIG LA SOGS PA DBANG PO DRUG YUL RNAMS LA BSRUNG BAR BYA BA YIN NO, ,BDUN ZHIG LEGS PAR SHES PAR BYA BA GANG SMRAS PA, GANG ZHE NA 'DI LTA STE, BYANG CHUB KYI YAN LAG BDUN YIN TE, BDUN PO DE BYANG CHUB KYI YAN LAG TU 'GYUR RO, ,DPER NA, LUS KYI YAN LAG DANG, GRONG KHYER GYI YAN LAG DANG, GNAS KYI YAN LAG TU 'GYUR
, ,BA DE BZHIN DU 'DI DAG BYANG CHUB KYI YAN LAG TU 'GYUR RO, ,DE DAG KYANG GANG ZHE NA, 'DI LTA STE, DRAN PA YANG DAG BYANG CHUB KYI YAN LAG DANG, CHOS RNAM PAR 'BYED PA YANG DAG BYANG CHUB KYI YAN LAG DANG, BRTZON 'GRUS YANG DAG BYANG CHUB KYI YAN LAG DANG, DGA' BA YANG DAG BYANG CHUB KYI YAN LAG DANG, SHIN TU SBYANGS PA YANG DAG BYANG CHUB KYI YAN LAG DANG, TING NGE 'DZIN YANG DAG BYANG CHUB KYI YAN LAG DANG, BTANG SNYOMS YANG DAG BYANG CHUB KYI YAN LAG GO, DE LA DRAN PA YANG DAG BYANG CHUB KYI YAN LAG GI MTSAN NYID CI YIN ZHE NA, 'DI LTA STE, 'DUS BYAS KYI CHOS KYI NYES DMIGS KYI CHOS DE KHO NA NYID BDEN PA BDEN PAR DRAN PA DANG, MYA NGAN LAS 'DAS PA ZHI BA BSAGS PAR DRAN PA YIN TE, DE NI DRAN PA YANG DAG BYANG CHUB KYI YAN LAG DE'I DANG PO YIN NO, ,CHOS RNAM PAR 'BYED PA YANG DAG BYANG CHUB KYI YAN LAG GNYIS PA DE'I MTSAN NYID CI YIN ZHE NA, 'DI LTA STE, SHES RAB KYIS DON DAM PAR 'BYED PAR BYED DO, ,'BYED PA ZHES BYA BA NI CHOS RNAMS KYI DE KHO NA'I MTSAN NYID YIN TE, 'DI NI CHOS RNAM PAR 'BYED PA YANG DAG BYANG CHUB KYI YAN LAG YIN NO, ,DON DE DAG NYID YANG DANG, YANG YID LA BYED CING 'BAD PA DANG, 'GRUS PA DANG, BRTZON PAR 'GYUR TE, DE NI BRTZON 'GRUS YANG DAG BYANG CHUB KYI YAN LAG YIN NO, ,YANG YID LA BYED
PAR MNGON PAR 'DOD CING DGA' BA NYID DU 'GYUR BA NI DGA' BA YANG DAG BYANG CHUB KYI YAN LAG YIN NO, ,YANG DON DE DAG NYID YID LA BYED CING LUS KYI CHOS DANG, SEMS KYI CHOS NYID JI LTAR DE LAS SU RU NGA BA NYID DANG, 'JAM PA DANG, YANG BA DE LTAR RNAL 'BYOR LA BDE BA 'DU BA NYID DU 'GYUR BA NI, SHIN TU SBYANGS PA YANG DAG BYANG CHUB KYI YAN LAG YIN NO, ,YANG DON DE DAG NYID YID LA BYED CING DMIGS PA LAS GZHAN DU MI GNAS PA DES SEMS 'DZIN PAR 'GYUR BA NI TING NGE 'DZIN YANG DAG BYANG CHUB KYI YAN LAG YIN NO, ,YANG TING NGE 'DZIN DE DAG NYID BTANG SNYOMS SU BLO GZHAN DU MI 'GYUR BA NI BTANG SNYOMS YANG DAG BYANG CHUB KYI YAN LAG YIN NO, ,BYANG CHUB KYI YAN LAG GI 'BRAS BU SNA TSOGS SU 'BYUNG STE, YE SHES SNA TSOGS DANG, TSUL KHRIMS SNA TSOGS DANG, NYON MONGS PA SPONG BA SNA TSOGS 'BYUNG NGO, ,BYANG CHUB KYI YAN LAG 'DI RNAMS DMIGS PA GCIG LA GONG NAS GONG DU RIM PAR 'PHEL LA 'BRAS BU NI THA DAD PAR 'BYUNG NGO, ,LHA DAG, DE LTAR BYANG CHUB KYI YAN LAG BDUN LA BAG YOD PAS BLTA BAR BYA ZHING YID LA BYA'O, ,'DI LA MYOS PA MED PA'I BDE BA TSOL BA 'JIG RTEN PHA ROL LA 'JIGS SKRAG PA, MYA NGAN 'DAS PA'I GRONG GI LAM TSOL BA'I 'PHAGS PA'I LAM YAN LAG BRGYAD PA NI, 'PHAGS PA'I BDEN PA YANG DAG PA'I LTA BA DANG, 'PHAGS PA'I
, ,BDEN PA YANG DAG PA'I RTOG PA DANG, 'PHAGS PA'I BDEN PA YANG DAG PA'I NGAG DANG, 'PHAGS PA'I BDEN PA YANG DAG PA'I LAS KYI MTHA' DANG, 'PHAGS PA'I BDEN PA YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN TO, ,LHA DAG, DE LA 'PHAGS PA'I BDEN PA'I DE DAG THAMS CAD CI YIN ZHE NA, 'BRAS BU NI CI YOD, MTSAN NYID NI GANG YIN, 'PHAGS PA'I LAM YAN LAG BRGYAD PA CI ZHIG DANG LDAN ZHE NA, DE LA 'PHAGS PA'I BDEN PA YANG DAG PA'I LTA BA NI YANG DAG PA JI LTA BA BZHIN LTA BA YIN TE; CHOS RNAMS KYI RANG GI MTSAN NYID DANG SPYI'I MTSAN NYID LA YANG DAG PA JI LTA BA BZHIN LTA BA YIN NO, ,CHOS DE DAG NYID LA SEMS SKYED PA NI YANG DAG PA'I RTOG PA'O, ,YANG DAG PA'I NGAG BSDU BA NI YANG DAG PAR RTOG PAS NGAG GI SNGOM PA RDZUN LA SOGS PA RNAM PA BZHI LDOG PA'I SDOM PA 'DI NI YANG DAG PA'I NGAG YIN NO, ,LUS KYIS NYES PAR SPYAD PA RNAM PA GSUM LDOG CING YANG DAG PAR LEN PA 'DI NI YANG DAG PA'I LAS KYI MTHA' YIN NO, ,MI DGE BA'I CHOS KYI 'TSO BA LDOG CING SDOM PA 'DI NI YANG DAG PA'I 'TSO BA YIN NO, ,DON DE DAG NYID YID LA BYED CING BRTZON 'GRUS 'JUG PA GANG YIN PA 'DI NI YANG DAG PA'I RTZOL BA YIN NO, ,CHOS KYI DON DE DAG NYID YID LA BYED CING JI LTAR SKYES BU DAM PA'I BRJED PA MED PA 'DI NI YANG
DAG PA'I DRAN PA YIN NO, ,CHOS KYI DON YANG DAG PA DE DAG NYID YID LA BYED CING, SEMS RTZE GCIG PA NYID DANG NGES PAR NYID DU BYED PA GANG YIN PA DE DAG NI YANG DAG PA'I TING NGE 'DZIN YIN NO; ;'PHAGS PA'I LAM YAN LAG BRGYAD PA 'DI DAG LA DMIGS PAR BYED PA GANG YIN PA DE NI, 'CHI BA'I TSE GSHIN RJE'I MI RNAMS KYI DBANG DU MI 'GYUR RO, ,YANG SEMS CAN DGU'I NAS RGYA CHER BLTA BAR BYA STE, 'DI LTA STE, TSOR BA DANG, 'DU SHES DANG, SEMS PA DANG, REG PA DANG, YID LA BYED PA DANG, 'DUN PA DANG, MOS PA DANG, DRAN PA DANG, TING NGE 'DZIN DANG, DAD PA STE, SA CHEN PO PA CHOS GTZO BO BCU PO 'DI DAG NI SEMS DANG LHAN CIG KHO NA SKYES BAR 'GYUR RO, ,DE RNAMS KYI MTSAN NYID YONGS SU SHES PAR BYA BA NI CHOS DE'I MTSAN NYID GANG YIN PA'I MTSAN NYID NI THA DAD PA YIN LA, CHOS DE DAG NI NYI MA'I 'OD ZER LTAR DUS GCIG TU 'BYUNG STE, CHOS DE DAG GI MTSAN NYID NI MI MANG MI NYUNG BAR SEMS DANG LHAN CIG 'BYUNG NGO, ,DE LA 'DU SHES NI YAN DAG PAR SHES PAR BYED PA'I MTSAN NYID YIN TE; CHOS RNAMS SO SO'I NGO BO'I MTSAN NYID DANG LDAN PA YANG DAG PAR SHES PA GANG YIN PA DE 'DU SHES YIN NO, ,SEMS PA ZHES BYA BA NI DGE BA DANG MI DGE BA DANG LUNG DU MA BSTAN PA RNAM PA GSUM LA YID KYI G-YO BA'O, ,YANG RNAM PA GSUM STE, LUS LA RTEN PA'AM DAG LA RTEN PA'AM YID LA RTEN PA'I MTSAN NYID YIN NO, ,GSUM 'DUS PA LAS REG PA MYONG BAR 'GYUR BA GSUM 'BYUNG NGO, ,MYONG
, ,BAR 'GYUR BA GSUM GYI GTZO BO JI LTA BU YIN ZHE NA, BDE BA MYONG BAR 'GYUR BA DANG, SDUG BSNGAL MYONG BAR 'GYUR BA DANG, SDUG BSNGAL YANG MA YIN BDE BA'ANG MA YIN PA MYONG BAR 'GYUR BA'O, ,GTZO BO YID LA BYED PA ZHES BYA BA NI CHOS RNAMS LA 'JUG PA YIN NO, ,'DUN PA ZHES BYA BA NI BYA BA'I BSAM PA GANG YIN PA'O, ,GTZO BO MOS PA ZHES BYA BA NI GANG GIS SPONGS PA SKYE BAR 'GYUR BA'I SPOBS PA YIN NO, ,DAD PA ZHES BYA BA NI DAD PA CAN NYID DO, ,GTZO BO BRTZON 'GRUS ZHES BYA BA NI SPRO BA'O, ,DRAN PA ZHES BYA BA NI DMIGS PA MNGON PAR MA BRJED PA NYID DE, SEMS RMONGS PA MED PA'O, ,GTZO BO, TING NGE 'DZIN CES BYA BA NI SEMS RTZE GCIG PA NYID DO, ,SHES RAB CES BYA BA NI CHOS RNAM PAR 'BYED PA YIN TE, GANG GIS CHOS RNAMS RAB TU RNAM PAR 'BYED PAR BYED PA'O, ,GZHAN YANG SA CHEN PO PA GZHAN BCU YOD LA, CHOS DE DAG SGRUB PA GANG YIN PA DE NI 'CHI BA'I TSE GSHIN RJE'I MI'I DBANG DU 'GYUR TE, 'DI LTA STE, MA DAD PA DANG, 'GYOD PA DANG, BRJED PA DANG, SEMS G-YENGS PA DANG, SHES RAB 'CHAL PA DANG, TSUL BZHIN MA YIN PA YID LA BYED PA DANG, LOG PAR MOS PA DANG, RGOD PA DANG, MA RIG PA DANG, BAG MED PA'O, ,CHOS BCU BO 'DI DAG NI NYON MONGS PA'I SA CHEN PO RNAMS YIN TE, NYON MONGS PA'I SRID PA SKYED PA GSHIN RJE'I MIS THOB PA'I RGYU DAG YIN NO, ,DE NI, GTZO BO JI SKAD BSHAD PA BSTAN PA
'DI RNAMS KYI MTSAN NYID BSHAD PAR BYA'O, ,DE LA MA DAD PA ZHES BYA BA NI MOS PA MED PA YIN TE, GANG GIS CHOS RNAMS LA MOS PA MED PA'O, ,LE LO ZHES BYA BA NI BRTZON 'GRUS GTONG BA LE LO NYID YIN NO, ,BRJED NGAS PA ZHES BYA BA NI CHOS RNAMS LA MI DRAN PA GANG YIN PA'O, ,SEMS G-YENGS PA ZHES BYA BA NI DMIGS PA DU MAR 'GYUR BA'O, ,SHES RAB 'CHAL PA ZHES BYA BA NI SEMS MI MKHAS PA'O; ;TSUL BZHIN YID LA MI BYED PA NI LAM MA YIN PAS CHOS RNAMS LA TSUL BZHIN DU SEMS PAR MI BYED CING MI GTZANG BA LA GTZANG NGO SNYAM DU SEMS PA'O, ,GTZO BO LOG PAR MOS PA ZHES BYA BA NI LOG PAR 'DZIN PA LOG PAR GZUNG NAS DAM DU BYED PA'O, ,GTZO BO RGOD PA ZHES BYA BA NI SEMS RNAM PAR MA ZHI BA'O, ,MA RIG PA ZHES BYA BA NI KHAMS GSUM PA'I CHOS MI SHES PA'O, ,BAG MED PA ZHES BYA BA NI GANG GIS DGE BA'I CHOS RNAMS MI BSGRUB PA YIN TE, NYON MONGS PA DE RNAMS NI SA CHEN PO PA'I CHOS DMAD PAR BYA BA YIN NO, ,CHOS BCU PO GZHAN SA CHUNG DU BA ZHES BYA BA GANG YIN PA 'BYUNG STE, DE DAG GANG ZHE NA, 'DI LTA STE, KHRO BA DANG, 'KHON DU 'DZIN PA DANG, STON PA DANG, 'TSIG PA DANG, SGYU DANG, G-YO DANG, PHRAG DOG DANG, SER SNA DANG, NGA RGYAL DANG, LHAG PA'I NGA RGYAL YIN NO,, GTZO BO, CHOS BCU PO 'DI DAG NYIS CHUNG DUS BSDUS PA YIN LA MA 'ONGS PA DANG LDAN PA'I RKYEN SA CHUNG NGU BA YIN NO, ,DE LA KHRO BA ZHES BYA BA NI SEMS 'KHRUGS SHING KHROS PA NYID YIN NO, ,'KHON DU
, ,'DZIN PA ZHES BYA BA NI DGRA LA DAM DU SEMS PA NYID YIN NO, ,STON PA ZHES BYA BA NI SDIG PA GSUM GYI 'CHI BA'O, ,RAB TU 'TSIG PA ZHES BYA BA NI CHOS MA YIN PA LA DAM DU 'DZIN PA'O, ,SGYU ZHES BYA BA NI SLU BA YIN TE GANG GIS SLU BAR BYED PA'O, ,SKYE MCHED BCU GNYIS SHES PAR BYA ZHES 'BYUNG BA DE DAG GTZO BO GANG YIN ZHE NA, MIG DANG, RNA BA DANG, SNA DANG, LCE DANG, LUS DANG, YID DE NANG GI SKYE MCHED RNAMS DANG, DE DAG GI GZUGS DANG, SGRA DANG, DRI DANG, RO DANG, REG BYA DANG, CHOS TE PHYI'I SKYE MCHED RNAMS YONGS SU SHES PAR BYA ZHING, MTSAN NYID DANG, NGO BO NYID DANG, 'BYUNG BA SHAS CHE BA RNAM PA GSUM YONGS SU SHES PAR BYA'O, ,DE LA MIG GI MTSAN NYID NI 'BYUNG BA CHEN PO DANG BA, GZUGS SO SOR RIG PAR BYED PA YIN TE, DE'I RGYU NI MIG YIN NO, ,DE BZHIN DU RNA BA LA SOGS PA RANG GI MTSAN NYID YUL GYI PHYOGS KYIS KHONG DU CHUD PAR BYA STE, DE NI MTSAN NYID YIN NO; ;GTZO BO'I NGO BO NYID JI LTAR SHES PAR BYA ZHE NA, NGO BO NYID CES BYA BA NI PHYIN CI MA LOG PA YIN TE, RGYU DANG, RKYEN LNGA DAG LAS MIG GI RNAM PAR SHES PA 'BYUNG NGO, ,GANG DAG LAS 'BYUNG ZHE NA, MIG DANG, GZUGS DANG, SNANG BA DANG, NAM MKHA' DANG, YID LA BYED PA DAG LAS 'BYUNG LA, RNA BA'I RNAM PAR SHES PA NI DE LTAR MI 'BYUNG STE, MUN
PA'AM, MUN PA MA YIN PA LA'ANG SGRA THOS PAR RUNG NGO, ,DE LA SNANG BA GTZO BO MA YIN TE, CUNG ZAD KYANG BYED PA MED DO, ,SNA DANG, LCE DANG, LUS DANG, YID LA'ANG DE BZHIN DU SNANG BA GTZO BO MA YIN TE, CUNG ZAD KYANG BYED PA MED DO, ,YID KYI RNAM PAR SHES PA LA NI SNANG BA 'BYUNG BAR YANG 'GYUR BA MI 'BYUNG BAR 'GYUR RO, ,JI LTAR 'BYUNG BAR 'GYUR LA JI LTAR 'BYUNG BAR MI 'GYUR ZHE NA; MIG GI RNAM PAR SHES PAS DON MYONG BA'I YID KYI RNAM PAR SHES PA 'BYUNG BA GANG YIN PA'I DMIGS PA DE LA SNANG BA MED NA 'BYUNG BAR MI 'GYUR RO, ,LHAG MA RNAMS LA NI MED KYANG 'BYUNG BAR 'GYUR RO, ,YANG SKYE MCHED RNAMS LA 'BYUNG BA SHAS CHE BA MED NA MI 'BYUNG BA YONGS SU SHES PAR BYA'O, ,MED NA MI 'BYUNG BA JI LTAR SHES PAR BYA ZHE NA, 'BYUNG BA CHEN PO BZHI DAG GI PHAN TSUN GNAS SU GYUR PA, MNGON PAR 'PHEL BA DANG, ZAD PAR 'GYUR RO, ,DE LA MIG LA NI MED DANG, SA'I KHAMS KYI SHAS CHE'O, ,SNA DANG, LUS LA NI RLUNG GI KHAMS KYI SHAS CHE'O, ,LCE LA NI CHU'I KHAMS KYI SHAS CHE'O, ,RNA BA LA NI NAM MKHA'I KHAMS KYI SHAS CHE STE, DE YANG GANG NA MGUL BA DANG, BU GA'I NAM MKHA' SHAS CHE BAS ZIL GYIS GNON PAR MTHONG NGO, ,DE LTAR RNA BA DE'I 'DZIN PA 'BYUNG STE, DE LTAR SKYE MCHED RNAMS KYI SHAS CHE BA DANG, CHUNG BA SO SOR SHES PAR BYA'O, ,YANG SKYE MCHED DE RNAMS LA RTOG PAR BYED DE, NYE BAR 'DZIN
, ,PA NI GANG ZHIG YIN, RING BAR 'DZIN PA NI GANG ZHIG YIN ZHE NA, DE LA SNA DANG, LCE DANG, LUS NI NYE BAR 'DZIN PA YIN NO, ,MIG NI HA CANG RING BA'ANG MA YIN, HA CANG NYE BAR YANG MA YIN PAR 'DZIN PA YIN NO, ,RNA BA NI HA CANG RING BAR 'DZIN PA MA YIN NO, ,SNA NI SHIN TU NYE BAR 'DZIN PA YIN TE, SHIN TU NYE BA NANG NA YOD PA'I SNA CHU DRI MI ZHIM PA JI LTAR MYONG BA RNAMS LA SNOM PAR BYED DO, ,DE BZHIN DU RNA BA'ANG NANG DU ZHUGS PA'I RLUNG GI SGRA THOS SO, ,RNAM PAR SHES PA DE DAG THAMS CAD KYANG RNAM PAR SHES PA GNYIS KYIS SHES TE, MIG GI RNAM PAR SHES PA DANG, YID KYI RNAM PAR SHES PA'O, ,YANG DAG PAR 'BREL BA DE DAG THAMS CAD NI JI LTAR MI GANG ZHIG LA BUD SHING THA DAD PA LAS ME THA DAD PAR 'GYUR BA DE LTAR NA RNAM PAR SHES PA RNAMS KYANG RGYU DANG, RKYEN THA DAD PA LA RTEN PA LAS RNAM PAR SHES PA THA DAD PAR 'BYUNG NGO, ,DE LTAR SKYE MCHED RNAMS KYI GTZO BO SHES PA GANG YIN PA DE NI BAG MED PA LA GNAS PAR MI 'GYUR ZHING, DE DE RNAMS LA CHAGS PAR MI 'GYUR, SLONG BAR MI 'GYUR, ZHE SDANG 'BYUNG BAR MI 'GYUR RO, ,SKYES BU DAM PA NI 'CHI BA'I TSE GSHIN RJE'I MI RNAMS KYIS 'JIGS BAR MI 'GYUR ZHING, BZHIN MI SDUG PAR BSGYUR BA RNAMS KYIS 'JIGS PAR MI 'GYUR, LAG RIS LAG PA PHYIN CI LOG TU BCINGS PAR MI 'GYUR, GSHIN RJE'I 'JIG RTEN MTHONG
BAR MI 'GYUR, SEMS CAN DMYAL BA DANG, YI DVAGS DANG, DUD 'GRO'I NANG DU SKYE BAR MI 'GYUR RO, ,DE BZHIN DU BDE BA DANG LDAN PAR 'GYUR ZHING, MTHA' LAS BYUNG BA'I SHIN TU BDE BA MYONG BAR 'GYUR LA BAG MED PAS PHROGS PAR MI 'GYUR RO, ,YANG SKYE MCHED DE DAG NYID LA MI RTAG PA DANG, SDUG BSNGAL BA DANG, STONG PA DANG, BDAG MED PA'I GNAS DANG, RTEN ZIL GYIS GNON CING SO SOR RTOG PAR BYED PA NI BAG MED PA'I DBANG DU MI 'GYUR RO, ,MIG GI RNAM PAR SHES PA BYUNG BA LA'ANG GSOB GSOG SNYING PO MED PA SGYU MA LTA BUR RTOG GO, DE ZHIG NAS GZHAN RNA BA'I RNAM PAR SHES PA 'BYUNG BA DE NYID LA'ANG GSOB GSOG SNYING PO MED PA DANG, DE BZHIN DU NANG GI SKYE MCHED DRUG DANG, PHYI'I SKYE MCHED DRUG LA SO SOR RTOG PAR BYED DO, ,SKYE BA DANG, 'JIG PA DAG NA 'DZIN PAR BYED PA, RO MYANG BA DANG BCAS PA RNAMS LA MI BRTAN PA DANG, GNOD PA DANG BCAS PA DANG, RGYU DANG, RKYEN GZHAN DANG, GZHAN DAG LAS SKYES PA YANG DAG PA JI LTA BA BZHIN RAB TU SHES PA DE NI GZUGS RNAMS KYIS 'PHROGS PAR MI 'GYUR RO, ,DE BZHIN DU MYOS PA MED PA NI LHA'I 'DOD PA RNAMS LA SEMS KUN TU G-YENG BAR MI 'GYUR NA, MI'I 'DOD PA RNAMS LTA ZHIG GA LA 'GYUR, DE NAS BRGYA BYIN GYIS DE'I TSE 'DI LTAR TSIGS SU BCAD DE SMRAS PA, DGE BA RNAMS LA BGEGS BYED PA, ,SKYE MCHED KHAMS
, ,LA RMONGS PA YIN, ,CHOS RNAMS KUN LA PAG MED PA, ,RAB TU 'JUG PA YOD PA YIN, ,NYES PA GSUM LA RNAM CHAGS PA, ,NGAN SONG SGOR NI NYE BA GANG, ,SHIN TU RMONGS PA SDIG PA'I MCHOG, BAG MED RAB TU 'JUG PAR BYED, ,BYIS PA BAG MED DGA' BA GANG, ,DE NI 'CHI BA'I LAG NA GNAS, ,BAG MED PA LA RTEN PA GANG, ,DE DAG THAMS CAD 'JIGS PAR BYED, ,CHOS GCIG LAS NI RNAM 'DAS SHING, ,CHOS GNYIS LA NI SEMS PA PO, ,GNAS GSUM MTSAN NYID RIG PA GANG, ,SKYE BO DE NI BDE SKAL LDAN, ,GANG TSE LHA RNAMS BSOD NAMS ZAD, ,BAG MED PA YIS RNAM PAR GTZES, ,BDE BAS RMONGS PA LTUNG BA GANG, ,DE TSE DE LA SU ZHIG SKYOB, ,DE TSE CHOS GCIG DGE BA NI, ,BZOD PA RGYA CHER YANG DAG LDAN, ,GANG TSE KUN NAS 'BYUNG PO LA, ,BZOD DANG SNYING RJER LDAN PA NI, ,'DI DAG 'CHI BA'I DUS KYI TSE, ,'JIGS PA CHE LA DPUNG DU 'GYUR, ,DE BAS BAG MED BRAL RNAMS KYIS, ,RAB TU BSGRIMS TE BSTEN PAR BYA, ,MA RIG PA NI SPANGS NA DGE, RIG PA RNAMS NI RTAG TU BSRUNG, ,RIG PA MA RIG RNAM SHES PA, ,MI DE DE YIS GTZE MI 'GYUR, ,'DI LTAR SKYES BU'I DON NGES TE, ,GANG ZHIG BAG MED SPONG BA YIN, ,BAG YOD PA LA DGA' BA NYID, ,DE NI SKYES BU'I DON 'DOD DO, ,BAG MED 'CHING BA'I ZHAGS YIN LA, ,DE LAS GROL BA BAG YOD PA, ,DE DAG MTSAN
NYID MDOR BSDU NA, ,'CHING BA DANG NI THAR BAR 'GYUR, ,'DI DAG RIG NAS RTAG TU LHA, ,BAG MED RNAMS LA CHAGS PA GANG, ,DE NI PHYI NAS 'CHI BA'I TSE, ,DE YI 'BRAS BU DE SHES 'GYUR, ,DE LTAR BRGYA BYIN GYIS SKYE MCHED BCU GNYIS KYI MTSAN NYID BAG MED PAR 'GYUR BAR BA RGYA CHER LHA RNAMS LA STON TE, GANG SNGON DGE BA'I RTZA BA SKYED PA, BAG MED PA CHUNG BA GANG YIN PA DE DAG NI BAG MED PA LA SHIN TU GNAS PAR MI BYED DE, CHOS BSHAD PA DON YOD PAR BYA'O SNYAM NAS DE DAG NYID KHONG DU CHUD PAR BYED DO, ,DBANG PO YONGS SU MA SMIN PA RNAMS NI, CHU BUR MA SMIN PA BRTOL BA DANG, GZEG PA DANG, BSKAM PA DANG, GSO BA BZHIN DU GA LA ZHIG KHONG DU CHUD PAR 'GYUR TE MI 'GYUR RO, ,LHA'I RGYAL PO BRGYA BYIN DES GONG NAS GONG DU TSIG GI RIM PA RE RES SKYE MCHED BCU GNYIS DAG GI MTSAN NYID JI LTA BA BZHIN BSHAD CING, LHA DE RNAMS LA RDZU 'PHRUL RMAD DU BYUNG BA DE DAG KYANG BSTAN NAS, DE NAS YANG RIM GYIS BYUNG BA DRAN PA DANG, 'BREL PA RNAMS KYI MTSAN NYID DANG, DMIGS PA DANG, RGYU DANG, RKYEN DAG BAG MED PA DANG BRAL BAR BYA BA'I DON DU KHONG DU CHUD PAR BYED DO, ,BRGYA BYIN DE SROG CHAGS GSOD PA SPRUL PA BSTAN PAS 'JIGS SHING MI DGA' BA'I LHA DE DAG NYID NGES PAR 'BYUNG BA'I THABS KYI DON DANG, PHAN PAR BYA BA'I PHYIR YANG DANG, YANG DU CHOS STON PAR BYED DO, ,GTZO BO, SEMS LAS BYUNG BA'I G-YO ZHES BYA BA
, ,NI DRANG PO MA YIN PA NYID DE, 'KHOR BAR SHIN TU 'CHING BAR BYED PA MA RUNGS PA NYID YIN NO, ,PHRAG DOG CES BYA BA NI GZHAN LA GNOD PAR BYED PA'I NGO BO NYID YIN NO; ;GTZO BO SER SNA ZHES BYA BA NI NOR RDZAS ZAD DU DGOS PAS 'JIGS PA NYID DANG, SEMS LAS BYUNG BA BRKAM PA NYID YIN TE, 'DI DAG NI KHAMS GSUM KUN GYIS LAS BYUNG BA CHUNG DU YIN NO, ,DE DAG KYANG KHAMS GSUM DU SO SOR DBYE NA DU YOD CE NA, KHRO BA DANG, 'KHON DU 'DZIN PA DANG, PHRAG DOG DANG, SER SNA DANG, STON PA DANG, SGYU DANG, 'TSIG BA NI 'DOD PA'I KHAMS SU 'JUG LA, G-YO GCIG PU NI, 'DOD PA'I KHAMS DANG, TSANGS PA'I 'JIG RTEN DU'ANG 'GYUR RO, ,NGA RGYAL DANG, LHAG PA'I NGA RGYAL NI KHAMS GSUM CAR DU 'BYUNG STE, GTZO BO CHOS BCU PO 'DI DAG NI SA CHUNG DU LAS BYUNG BA YIN NO, ,GZHAN YANG, GTZO BO DGE BA CHOS BCU PO SA CHEN PO LAS BYUNG BA YOD DE, GANG ZHE NA, 'DI LTA STE, CHAGS PA MED PA DANG, ZHE SDANG MED PA DANG, NGO TSA SHES PA DANG, KHREL YOD PA DANG, DAD PA DANG, SHIN TU SBYANGS PA DANG, BAG YOD PA DANG, BRTZON 'GRUS DANG, BTANG SNYOMS DANG, 'TSE BA MED PA YIN TE, DGE BA 'DI DAG NI SA CHEN PO LAS BYUNG BA YIN NO, ,DE LA 'DI DAG GI SO SO'I MTSAN NYID, 'DI LTA STE, DGE BA'I CHOS DE DAG THAMS CAD KYI GZHIR GYUR BA
NI CHAGS PA MED PA 'DI YIN TE, DE DAG THAMS CAD KYI RTZA BAR GYUR PA YIN NO, ,DE BZHIN DU ZHE SDANG MED PA'ANG YIN NO, ,NGO TSA SHES PA ZHES BYA BA NI BDAG NYID DBEN PAR 'DUG CING BDAG NYID 'JIGS PAR SEMS PA'O, ,KHREL YOD PA ZHES BYA BA NI PHA ROL GYI KHREL YOD PA'O, ,DAD PA ZHES BYA BA NI 'GRO BA'I DANG BA'O, ,SHIN TU SBYANGS PA ZHES BYA BA NI DGE BA'I SEMS DANG, LUS KYI SEMS KYI GNAS NGAN LEN SEL BA'I GNAS YIN TE, RAB TU SIM PAR BYED PA'O, ,BAG YOD BA ZHES BYA BA NI DGE BA'I CHOS RNAMS SGRUB PA'O, ,BTANG SNYOMS ZHES BYA BA NI BYA BA DANG, MI BYA BA DANG, RGYU DANG, RKYEN DAG LA SNYOMS PAR 'JUG PA GANG YIN PA'O, ,GTZO BO MI 'TSE BA ZHES BYA BA NI SEMS CAN RNAMS LA GNOD PA MED PA YIN NO, ,DGE BA 'DI DAG NI SA CHEN PO LAS BYUNG BA YIN TE, DE DAG BSHAD PA YIN NO, ,'DI DAG LA SEMS MI 'JUG PA DE DAG NI 'CHI BA'I TSE GSHIN RJE'I MI RNAMS KYI DBANG DU 'GRO LA, DE DAG 'CHI BA'I DUS DE'I TSE KUN TU DNGANG BAR 'GYUR RO, ,DE CI'I PHYIR ZHE NA, DGE BAS YANG DAG PAR MA ZIN PA'I PHYIR RO, ,JI SKAD BSTAN PA'I SEMS DANG, SEMS LAS BYUNG BA'I CHOS SA CHEN PO LAS BYUNG BA NI RNAMS DANG, DGE BA SA CHEN PO LAS BYUNG BA RNAMS DANG, CHUNG DUS CHEN PO LAS BYUNG BA RNAMS KYI RANG GI MTSAN NYID BSDUS PA'I MING NI BCU PA ZHES BYA'O, ,YANG GTZO BO BCU GCIG BSGOM PA ZHES BYA BA GANG YIN
, ,ZHE NA, 'DI LA DGE SLONG LUS DANG, LUS LA RTOG PAR BYED DO, ,BRTAGS NAS KUN TU CHAGS PAR MI BYED, RMONGS PAR MI BYED LA DE SEMS LA DAM DU 'DZIN PAR MI BYED DE; 'DI NI BSGOM PA DANG PO YIN NO, ,GZHAN YANG, DGE SLONG DE BSGOM PA LA GOMS PAR BYED DE, SNGON 'DOD PA NYE BAR SPYAD PA GANG YIN PA DE DAG LA SMOD PAR BYED, RO MYANG BAR MI BYED, YID LA MI BYED, 'GYOD PAR BYED, SKYON DU 'GRANG BAR BYED PA 'DI NI BSGOM PA GNYIS PA YIN NO, ,GZHAN YANG, DGE SLONG DE BSGOMS PA GOMS PAR BYED DE, 'DI LTAR BDAG BAG YOD NA, YUL KUN DANG LDAN PA'I YUL RNAMS KYIS MI 'PHROGS LA, PAG LA NYAL GYI SBYOR BA THAMS CAD ZAD PAR 'GYUR TE, DE LTAR BAG YOD PA LA GNAS PA NI, BAG YOD PA DE SGOM PAR BYED CING, GOMS PAR BYED PA 'DI NI BSGOM PA GSUM PA YIN NO, ,GZHAN YANG, DGE SLONG DE BSGOM PA GOMS PAR BYED DE, DGE BA'I CHOS RNAMS YID LA BYED CING DE DAG KYANG GOMS PAR BYED PA NI, 'DI LTAR BDAG GI DGE BA'I CHOS SKYES PA 'DI DAG NI RNAM PAR SMIN PA BDE BA, RGYU BDE BA, RKYEN BDE BA YIN TE, BDAG LA RNAM PAR SMIN PA BDE BA DE DAG 'BYUNG BAR 'GYUR RO SNYAM MO, ,DE BZHIN DU MI DGE BA RNAMS LA'ANG RTOG PAR BYED LA, DE'I BSGOM PA DE NI YANG DAG PAR 'GYUR TE, 'DI NI BSGOM PA BZHIN PA YIN
NO; ;GZHAN YANG DGE SLONG DE BSGOM PA GOMS PAR BYED DE, 'DI LTAR BDAG LA TSOR BA BDE BA SKYES PA DE CI LAS BYUNG, RANG BZHIN CI YIN, RGYU CI YIN, RKYEN CI YIN, GZHI CI YIN, SKYES PA DES BDAG GI SEMS G-YENGS PAR MI BYED DAM ZHES TSOR BA DE DAG LA YANG DAG PA JI LTA BA BZHIN GOMS PAR BYED LA, DE DAG LA'ANG SNYING PO MED PAR LTA STE, GSOB DANG, GSOG DANG, SNYING PO MED PAR GOMS PAR BYED PA 'DI NI BSGOM PA LNGA PA YIN NO, ,YANG DGE SLONG DE BSGOM PA GOMS PAR BYED DE, 'DI LTAR 'DU BYED GANG YIN PA DE RNAMS NI MI RTAG PA DANG, SDUG BSNGAL BA DANG, STONG PA DANG, BDAG MED PA DANG, GSOG PHAN TSUN GYI STOBS KYIS BYUNG BA RNAMS 'BYUNG STE, STOBS GCIG GIS SKYID PA MA YIN NO ZHES DE LTAR GOMS PAR BYED DO, ,DE DE RNAMS LA CHAGS PAR MA BYED PA 'DI NI BSGOM PA DRUG PA YIN NO, ,GZHAN YANG, DGE SLONG DE BSGOM PA BDUN PA GOMS PAR BYED DE, 'DI LTAR BDAG GI YID LA BYED PA DGE BA DAG SKYES SO, , DGE BA'I RGYUS SKYES PA DE YID LA BYED PA GZHAN GYIS NYAMS TE, BDAG GI DMIGS PA DE BRJED DO, ,DE BZHIN DU BDAG GI YID LA BYED PA MI DGE BA SKYES LA, DE YANG YID LA BYED PA DGE BAS NYAMS TE, BDAG GI DGE BA'I CHOS DE RNAMS KYI BAR CHAD BYUNG NGO SNYAM MO, ,DE LTAR RTAG TU DMIGS PA YID LA BYED PA 'DI NI BSGOM PA BDUN PA YIN NO, ,
, ,GZHAN YANG, DGE SLONG DE BSGOM PA BRGYAD PA GOMS PAR BYED DE, 'DI LTAR CHOS NI RANG GI MTSAN NYID DANG SBYI'I MTSAN NYID YIN LA CHOS 'DI DAG RANG GI MTSAN NYID PHYIN CI MA LOG PAR 'DZIN TE, CHOS THAMS CAD KYI 'DRES PA MED PA 'DI NYID NI CHOS NYID DU GNAS PA YIN NO, ,BDAG SKYES PA DANG, GOR MA CHAGS PAR 'CHI BA NYE BAR GNAS PAR 'GYUR TE, 'DUS BYAS KYI CHOS LA GANG MTSAN NYID GSUM MED PAR GYUR PA GANG YANG MED DO SNYAM DU DE LTAR SGOM PA NI CHOS THAMS CAD KYI MI RTAG PA NYID BSGOM PA YIN TE, DE LTAR BSGOM PA'I DGE SLONG DE NI BSGOM PA BRGYAD PA BSGOM PA YIN NO, ,GZHAN YANG, DGE SLONG DE BSGOM PA DGU PA GOMS PAR BYED DE, 'DI LTAR KUN NAS NYON MONGS PA'I RTZA BA 'DOD CHAGS DANG, ZHE SDANG DANG, GTI MUG GSUM GYI GNYEN PO MI GTZANG BA DANG, BYAMS PA DANG, RTEN CING 'BREL BAR 'BYUNG BA DE DAG GNYEN PO YIN TE, DE LTAR GOMS PAR BYED, RTAG TU YID LA BYED PA 'DI'ANG BSGOM PA DGU PA YIN NO, ,GZHAN YANG, DGE SLONG DE BSGOM PA BCU PA GOMS PAR BYED DE, 'DI LTAR SANGS RGYAS KYI YON TAN RJES SU DRAN PA BSGOM STE, DE YANG 'JIG RTEN LA PHAN PA DANG, BDE BAR BYA BA'I PHYIR RO, ,DE LTA BAS NA BDAG NYID LA RTAG TU PHAN PAR 'DOD PA RNAMS KYIS DE NYID BSGOM
PAR BYA'O ZHES YANG DAG PAR DRAN PAR BYED PA NI BSGOM PA BCU PA YIN NO, ,GZHAN YANG, DGE SLONG DE BSGOM PA BCU GCIG PA GOMS PAR BYED DE, 'DI LTAR GCIG NAS GCIG TU BRGYUD DE THOS PA SKAD CIG RE RE LA GOMS PAR BYED DO, ,'DI LTAR GCIG NAS GCIG TU BRGYUD PA SKAD CIG RE RE NI MNGAL NAS BYUNG BA DANG, SKYES PA DANG, SHI BA'I BAR DANG, MNGAL NA GNAS BA DANG, GZHON NU DANG, LANG TSO NAS RGA BA'I MTHAR THUG GI BAR DU DE LTAR GOMS PAR BYED PA DGE SLONG DE'AM, GZHAN YANG RUNG STE, 'CHI BA'I TSE GSHIN RJE'I MI'I DBANG DU MI 'GRO ZHING, BZHIN MI SDUG PAR BSKYUR BA SDIG PA BYED PA GZHAN DE DAG KYANG MTHONG BAR MI 'GYUR RO, ,DRAN PA BCU GSUM DANG 'BREL PA LEGS PAR BSGOM PA GANG YIN PA DE DAG NI PHAN PA DANG, BDE BA DANG, MTHAR MYA NGAN LAS 'DAS PAR 'GYUR RO, ,BCU GSUM GANG ZHE NA, 'DI LA BAG YOD PA DRAN PA DANG, NYE BAR GNAS PA DRAN PA DANG, G-YENG BA MED PA DRAN PA YIN TE, DRAN PA DE DAG LA NYE BAR GNAS NAS 'DI LTA STE, BUD MED CES BYA BA'I LUS KHA DOG BZANG PO'AM, KHA DOG NGAN PA MTHONG BA DE'I NANG MI GTZANG BA MNAM PA'I GZHI DANG, MI BRTAN PA PHYI SA'I KHUNG LTAR DRAN PA NYE BAR GNAS PA DANG, DRAN PA MI G-YO BA NI GRONG KHYER GYI PHYOGS SAM, GRONG GI PHYOGS DAG TU BSOD SNYOMS KYI PHYIR RGYU BA'AM, YUL DAG TU 'GRO
, ,BA NA BUD MED KYI 'DU SHES KYI DBANG DU MI 'GYUR RO, ,DE CI'I PHYIR ZHE NA, DRAN PA NYE BAR GNAS PA'I PHYIR TE, 'DI NI DRAN PA DANG 'BREL BA DANG PO YIN NO, , GZHAN YANG, DRAN PA DANG 'BREL PA NI PHYI ROL GYI TSAL NYAMS DGA' BA DANG, CHU BO NYAMS DGA' BA DANG, LTENG KA NYAMS DGA' BA DANG, SKYED MOS TSAL NYAMS DGA' BA RNAMS MTHONG NAS KYANG 'DI LTAR DRAN PA NYE BAR 'JOG STE, NYAMS DGA' BA'I NGO BO GANG YIN PA DE DAG GIS DUS NI PHYIS 'BYUNG STE, BYIS PA'I SEMS RAB TU CHAGS PAR BYED PA DE DAG NI RNYI RNYI POR 'GYUR, LHAGS PAR 'GYUR, MI SDUG PAR 'GYUR, 'DAB MA RNYIS SHING LO MA SIL SIL POR LHAGS PAR 'GYUR RO, ,DE DAG DE LTAR GYUR KYIS KYANG THAMS CAD DU 'BYUNG BAR MI 'GYUR LA, KYE MA, 'DI DAG LA NYAMS DGA' BA CI ZHIG YOD SNYAM STE, DE LTAR DRAN PA DANG 'BREL BAR BYED DO, ,DE LTAR DRAN PA NYE BAR GNAS PA BRGAM PA MED PA DE NI PHYI NANG GI YUL GYI GZUGS KYIS NYAMS PA MED CING BDUD KYIS KYANG GNOD PA MED DO, ,GZHAN YANG DE'I DON DANG, PHAN PAR BYA BA'I PHYIR DRAN PA DANG 'BREL PA GSUM PA DE DRAN PAR BYED DO, ,JI LTAR DRAN PAR BYED, DRAN PA DANG 'BREL PA'I DMIGS PA NI GANG YIN ZHE NA, 'DIS SNGON ZOS PA'AM, NYAL BA'AM, DGA' BAR BYAS PA'AM,
DMIGS PA BSTEN PA GANG YIN PA DE DAG DRAN NAS RTOG PAR MI BYED CING YID LA DAM DU 'DZIN PAR MI BYED DE, DE LTAR DE BYIS PA SO SO'I SKYE BO RNAMS KYI DBANG PO DAG NI TSIM PA MED DO SNYAM STE, DE LTAR DRAN PA DANG 'BREL PAR BYED DO, ,GZHAN YANG, DRAN PA DANG 'BREL PA BZHI PA DRAN PAR BYED DE, GANG DU RNYED PA DANG, BKUR STI DANG, MAL STAN DANG, NA BA'I GSOS SMAN GYI RKYEN GYI YO BYAD RAB TU MANG PO THOB PA DER DGA' BA DANG 'BREL BAR MI BYED CING KUN TU CHAGS PAR MI BYED DO, ,'DI LTAR RNYED PA DANG, BKUR STI LHUR BYED PAS DGE SBYONG NYAMS PAR 'GYUR LA, GANG ZAG DE'ANG PAGS PA RAL NAS SHA RAL BAR 'GYUR, SHA RAL NAS CHU RGYUS CHAD PAR 'GYUR, CHU RGYUS CHAD NAS RUS PA CHAG PAR 'GYUR, RUS PA CHAG NAS RKANG YANG ZAD PAR 'GYUR TE, RNYED PA DANG, BKUR STIS NI DE LTAR BYED PAR 'GYUR RO, ,RNYED PA DANG, BKUR STI 'DI NI DGE BA'I CHOS THAMS CAD KYI BAR CHAD BYED PA'I RGYU YIN TE, LEGS PAR DRAN PA NYE BAR GNAS PA NI PHYOGS GCIG LA GNAS PA YIN NO, ,GZHAN YANG, DRAN PA DANG 'BREL PA LNGA PA DRAN PAR BYED DO, ,GRONG DANG, GRONG KHYER DANG, LJONGS SU RAB TU RGYU BAR MI BYED, GRONG KHYER DAG LA BSTEN PAR MI BYED, YUL MI DAG DANG 'BREL PA'I GTAM SMRA BA'I NGO BOR MI BYED, 'DU 'DZI DANG DGA' BAR GNAS PAR MI BYED DO, ,'DI LTAR GRONG DANG, GRONG
, ,KHYER DANG, LJONGS SU GNAS PAR BYED PA GANG YIN PA DE DAG NI BLO G-YENGS PAR 'GYUR LA, RANG GI DON KYANG BYED BAR MI NUS SO, ,DE LTAR DE DAG GI DON JI LTA BA BZHIN MTHONG BA NYID KYIS DRAN PA SKYE BAR 'GYUR RO, ,GZHAN YANG, DRAN PA DANG 'BREL PA DRUG PA DRAN PAR BYED DE, DE LTAR SKYON DU LTA BA DE NI DUR KHROD DANG, SHING DRUNG DANG, SOG KHROD DANG, RI'I GSAB GSEB DANG, KHANG STONG DU BSTEN PAR BYED CING SU DANG YANG LHAN CIG GNAS PAR MI BYED, 'DRE BAR MI BYED DO, ,'DI LTAR 'DRE BAR MI BYED PA'I DGE SLONG DE NI DGE BA'I CHOS RNAMS THOB PAR 'GYUR LA, SPANG BAR BYA BA'ANG SPONG BAR 'GYUR RO, ,GZHAN YANG DRAN PA DANG 'BREL PA BDUN PA DRAN PAR BYED DE, LHA'I GTAM RNAMS LA'ANG CHAGS PA MI SKYED LA, SEMS CAN DMYAL BA'I GTAM RNAMS LA'ANG YID 'BYUNG BAR MI BYED DO, ,DE 'DI SNYAM DU DRAN PAR BYED DE, LHA RNAMS KYI MTHA' NI LTUNG ZHING GNOD PA DANG BCAS LA GSHIN RJE'I MI'I DBANG DU GYUR PA YIN NO, ,SEMS CAN DMYAL BA PA'ANG LAS KYIS DRANGS PA YIN TE, RJES SU DGA' BAR MI BYA ZHING GZHAN BYED PA'ANG PHYIR BZLOG PAR BYA'O SNYAM STE, DE MTHO RIS LA'ANG MI DGA', SEMS CAN DMYAL BA LA'ANG 'JIGS PA MED DE, DGA' BA DANG, 'JIGS PA SPANGS PA DE NI DGE BA DRAN PA'I NGO
BOR 'GYUR TE, DRAN PA NYE BAR GNAS PA YIN NO, ,GZHAN YANG, DRAN PA DANG 'BREL PA BRGYAD PA DRAN PAR BYED DE, BDAG GI DRAN PA NYE BAR GNAS PA NI LEGS PA YIN TE, MI DGE BA'I CHOS SNANG BA RNAMS NYAMS SHING ZAD LA BCOM ZHING SPANGS PAR GYUR TO, ,GZHAN YANG, YID LA MI DGE PA SKYES PA DES, BDAG GI DGE PA DRAN PA NYAMS SHING BDAG GI KUN NAS BAR CHAD BYUNG STE, DE LA BDAG GIS YANG DGE BA'I DRAN PA NYID BSKYED PAR BYA'O SNYAM NAS, DE LTAR DMIGS PA DANG, MTSAN NYID DRAN PA DE GCIG NAS GCIG TU 'GRANG BAR BYED DO, ,YID LA GCIG TU GYUR CING GCIG TU 'DUS PA NI DRAN PA LAS SU RUNG BAR 'GYUR RO, ,DE NI CHU BO'I SHUGS KYI RLABS MI BRTAN PA, YUL NOR BA NGAG LTA BU DAG LAS SEMS 'DZIN PAR NUS SO; ;GZHAN YANG, DRAN PA DANG 'BREL PA DGU PA DRAN PAR BYED DE, NYIN GCIG BZHIN SANGS RGYAS KYI YON TAN RJES SU DRAN PAR BYED, DAM PA'I CHOS LA RTAG TU GUS PAR BYED, BLA MA RNAMS LA DAD PAR BYED CING DE'I BSGRUB PA LA'ANG GNAS PAR BYED, BLO SHIN TU MNYAM PAR GZHOG PAR BYED, GNYA' SHING GANG TZAM DU LTA BAR BYED, SEMS CAN THAMS CAD LA PHAN PAR MOS PA DRAN PAR BYED DE, DE'I DRAN PA DANG 'BREL PA DE NI 'BRAS BU DANG BCAS PA MTHA' MYA NGAN LAS 'DAS PAR 'GYUR RO, ,GZHAN YANG, DRAN PA DANG 'BREL PA BCU
, ,PA DRAN PAR BYED DE, BLO GROS SHIN TU MNYAM PAR GZHOG PAR BYED LA, 'DI LTAR 'JIGS PA CHEN PO BZHI PO 'DI DAG 'ONG STE, RGA BA DANG, NA BA DANG, 'CHI BA DANG, RGUD PA DANG, BZHI'O, ,DE DGRA CHEN PO DAG GIS RTAG TU RNAM PAR 'JIGS TE, DGA' BAR MI SEMS SO, ,BZHI ZHIG KYANG SHIN TU MI BRTAN PAR MTHONG STE, TSE DANG, NAD MED PA DANG, LANG TSO DANG, PHUN SUM TSOGS PA BZHI'O, ,DE SNGAR BSTAN PA BZHI PO DE DAG LA RTAG TU 'JIGS SHING MI BRTAN PA GZHAN YANG GOMS PAR BYED PA NI YUL RNAMS KYIS 'PHROGS PAR MI 'GYUR ZHING, DGA' BA'I 'DOD CHAGS KYI DBANG DU MI 'GRO LA, DRAN PA NYE BAR GNAS PAR 'GYUR TE, NYON MONGS PA'I RI ZAD PAR NUS SO, ,GZHAN YANG, DRAN PA DANG 'BREL PA BCU GCIG PA DRAN PAR BYED DE, DGE 'DUN LA GANG ZAG GIS 'BYED PAR MI BYED PA, LE LO LA BRTZON ZHING SPYOD PAR MI BYED, GANG ZAG GIS GANG ZAG RAB TU 'BYED PAR BYED PA NI NYAMS PAR 'GYUR BAS, GNOD PAR MI BYED LA PHAN PAR YANG MI BYED PA DE NI, DE LTAR SEMS DANG BAR 'GYUR ZHING DE'I DRAN PA YANG LAS SU RUNG BAR 'GYUR TE; GNOD PA MED PA LHUR LEN PAR BYED DO, ,GZHAN YANG, DRAN PA DANG 'BREL PA BCU GNYIS PA DRAN PAR BYED DE, RTAG TU DAM PA'I CHOS NYAN PA LHUR LEN PAR BYED DO, ,DE LHUR
LEN PA DANG LDAN PA DES CHOS 'DZIN PAR BYED PA GANG YIN PA DE DAG PHYIR ZHING DAM DU 'DZIN PAR BYED DO, ,KHA NA MA THO BA DANG BCAS PA DANG, KHA NA MTHO BA MED PA'I CHOS RNAMS RNAM PAR SHES PAR BYED DE, DE MAR MES MU NA NAG GI GZUGS DAG MTHONG BA LTAR BCOM LDAN 'DAS KYIS GSUNGS PA'I CHOS KYI SGRON MAS KHA NA MA THO BA DANG BCAS PA DANG, KHA NA MA THO BA MED PA DAG MTHONG NGO, ,DE LTAR SHIN TU MNYAM PAR BZHAG PA'I DRAN PA 'BYUNG BA DE NI NYON MONGS PA'I DRA BA'I DBANG DU MI 'GRO ZHING BDUD KYI DBANG DU MI 'GRO STE, DE LTAR DRAN PA DANG 'BREL BA BCU GNYIS PA'ANG DRAN PAR BYED DO, ,GZHAN YANG, DRAN PA DANG 'BREL PA BCU GSUM PA DRAN PAR BYED DE, SKAD CIG SKAD CIG LA LUS DANG, SEMS DANG, TSOR BA'I RANG GI MTSAN NYID SGRUB PA'I DRAN PA 'BYUNG STE, DRAN PA NYE BAR BZHAG PA 'DI DAG SO SOR SHES PAR BYED CING YID LA'ANG DAM DU 'DZIN PAR BYED DO, ,YID LA BYAS PA DE RNAMS KYANG BAG MED PA STEN PAR MI 'GYUR ZHING, BAG YOD PA LA STEN PAR BYED PA DE NI GSHIN RJE'I MI'I DBANG DU 'GRO BAR MI 'GYUR LA RANG DBANG DU 'GYUR, DRAN PA NYAMS PAR MI 'GYUR BA DANG, DUS MA YIN PA LA SPYOD PAR MI 'GYUR BA DANG, YUL MA YIN PAR SPYOD BAR MI 'GYUR BA DANG, SPYOD YUL MA YIN PAR SPYOD PAR MI 'GYUR TE, 'BREL PA 'DI DAG NI DRAN PA
, ,THAMS CAD KYI NANG DU 'BREL BA YIN NO, ,GZHAN YANG, SEMS KYI KHAMS BCU BZHI BSGOM PAR BYA ZHES GANG SMRAS PA, LEGS PAR BSGOM NA SHIN TU SPYANG BA BYAS SHING SHIN TU DUL, SHIN TU DAG PAR 'GYUR LA, BAG MED PAS PHROGS PAR YANG MI 'GYUR RO, ,'DI LTA STE, MOS PA DANG, BRTZON 'GRUS DANG, RAB TU ZHI BA DANG, SLOB DPON LA BSNYEN BKUR BA DANG, SDIG PA'I GROGS PO YONGS SU SPANGS PA DANG, SANGS RGYAS KYI GSUNG LA GOMS PA DANG, TSUL BZHIN YID LA BYED PA LA GOMS PA DANG, RGOD PA YONGS SU SPANGS PA DANG, CHOS DANG, CHOS MA YIN PA'I RGYU DANG, 'BRAS BU LA DAD PA DANG, SNGON GYI 'DOD PA BRJED PA DANG, BUNG MED LA LTA BA YONGS SU SPANGS PA DANG, GNYEN LA LTA ZHING LHAG PAR SPYOD PA MED PA DANG, YUL THAMS CAD YANG DAG PAR BZUNG BA DANG, SKYE BA DANG, 'CHI BA'I 'JIGS PA YIN TE, BCU BZHI PO 'DI RNAMS KYIS SEMS YONGS SU BSGOMS PA DE NI SHIN TU YONGS SU BSGOMS PA YIN LA, RGYU 'DI RNAMS KYIS SHIN TU YONGS SU SBYANG BA BYAS PA NI 'CHI BA'I TSE 'GRO BA NGAN PA'I PHO NYA MI 'BYUNG LA, NGAN SONG GI SGO'ANG 'BYE BAR MI 'GYUR, DAM PA'I CHOS LA BLUN PAR MI 'GYUR, MI MGUL DU THAG PAS BCINGS PA LTAR GANG DGA' MGUR 'GRO BA
RGYU BA RNAMS SU KHRID PAR MI 'GYUR, MI NGAN PA YID CHES PA'I BYA MA RTA LTA BU'I LAS BYED PAR MI 'GYUR RO, ,'DI DAG THAMS CAD NI DAM PA'I CHOS THOB PA NA, 'DI LTA STE, SEMS SHIN TU DUL ZHING SHIN TU SBYANG PA BYAS LA, SHIN TU MTHAR PHYIN PA NI LHA DANG, MI RNAMS KYI NANG DU KHRID PAR BYED DO, ,PHYIS KYANG MYA NGAN LAS 'DAS PA'I GRONG KHYER GYI SGO 'BYED PAR 'GYUR RO, ,DE LTA BAS NA GTZO BO 'DI DAG LA SEMS YONGS SU SBYANG BA BYAS PA DE NI SHIN TU SBYANG BA BYAS PA YIN TE, GSHIN RJE'I MI'I DBANG DU 'GRO BAR MI 'GYUR RO, ,YANG BRGYA BYIN DE NGAN SONG GI 'JIGS PAS NYEN CING GSHIN RJE'I MI MTHONG BAS NYAM THAG PA'I LHA RNAMS LA CHOS STON PAR BYED DO, ,'DI LTAR BDAG GIS KHYED CAG LA CHOS GCIG NAS BZUNG STE, RIM PA RE RE LAS BCU BZHI'I BAR DU CHOS BSTAN PA RIM PA DE LA BAB STE DNGOS PO BCO LNGA BSHAD PAR BYA'O, ,BCOM LDAN 'DAS LAS BDAG GIS JI LTAR THOS PA DE LTAR KHYED CAG LA'ANG BSHAD PAR BYA'O, ,DNGOS PO BCO LNGA GANG ZHE NA, KHYIM GYI GNAS NAS BYUNG NAS DGE SBYONG DU DAM BCAS PAS SPANG BAR BYA ZHING DAM PAR BYA BA DANG, GZHAN BYED PA'ANG PHYIR BZLOG PAR BYA BA GANG YIN PA DE DAG YIN NO, ,'DI LTA STE, DANG PO KHO NAR DNGOS PO GOS DUR SMRIG NYID YONGS SU SHES PAR BYA STE, GANG RGYAGS PA
, ,YANG DAG PAR SKYED PAR MI BYED PA'I GOS DUR SMRIG GI RNAM PA DE LTA BU BGO BAR BYA'O, ,DE CI'I PHYIR ZHE NA, GOS DUR SMRIG GI RGYAGS PAS MYOS PA NI LUS BONG LTAR SPYOD CING 'GRO BA 'BYED PAR BYED PA YIN LA, RGYAGS PA'I LUS DE SGEG BA LHUR LEN PAR 'GYUR RO, ,DE NI DGE BA'I CHOS SGRUB PAR MI BYED LA, BUD MED LA LTA BA LHUR LEN PAR BYED DO, ,DE RGOD PA LA 'JUG PAR BYED DE, DE LTAR SEMS YANG BA GZHAN GANG YIN PA DE'ANG GOS KYIS RGYAGS PAR 'GYUR RO, ,DE LTA BAS NA BGO BAR BYA BA DE NI GANG GIS DRO BA DANG, GRANG BA'I 'JIGS PAR MI 'GYUR ZHING, GANG GIS LUS G-YOG PA TZAM DU GYIS SHIG DANG, DE NI BAG MED PA'I 'GRO BA'I DBANG DU MI 'GYUR ZHING, 'CHI BA'I DUS NA'ANG 'GYOD PA YOD PAR MI 'GYUR RO, ,DNGOS PO YONGS SU SHES PAR BYA BA'I 'DI NI YONGS SU SHES PAR BYA BA DANG PO YIN NO, ,GZHAN YANG, DNGOS PO GANG YONGS SU SHES PAR BYA BA GNYIS PA NI DGE SBYONG CHOG SHES PAR GNAS PAS SHES PAR BYA BA YIN TE, BDAG SHES PA'AM, RAB TU BYUNG BA GANG GIS TSUL KHRIMS DANG LDAN PAR 'GYUR SNYAM NAS, DE'I RJES SU 'JUG PAR BYED LA SBYIN PA DAG DANG, SBYIN PA PO LAS MA LA STON DANG, NA BA'I GSOS SMAN GYI RKYEN GYI YO BYAD DANG, DE DANG MTHUN PA DANG, DE DANG 'DRA BA
DAG LEN PAR MI BYED PA DE NI, DE LTAR BAR CHAD 'BYUNG BAR MI 'GYUR TE, 'DI NI YONGS SU SHES PAR BYA BA'I DNGOS PO GNYIS PA YIN NO, ,GZHAN YANG YONGS SU SHES PAR BYA BA'I DNGOS PO GSUM PA NI DE'I CHAGS PAS MAL STAN YID LA MI BYA BA DANG, DGON PA DANG, TSAL DE DAG NA GNAS PA BTANG NAS, GANG DU YON TAN DANG LDAN PAR 'GYUR BA MA YIN PA BSOD SNYOMS SAM, THUG PA MANG PO SBYIN PA DE DAG 'DOD PAS GRONG GI NANG NGAM, GRONG KHYER GYI NANG DU GNAS PA DE NI DE'I BAR CHAD CHEN PO 'BYUNG LA, DGE BA'I CHOS MI SGRUB PA DE DANG, CHOG MI SHES PA DE DANG YANG DAG LDAN PAR 'GYUR RO, ,DGE SBYONG GI MCHOG NI 'DI YIN TE, 'DI LTA STE, CHOG SHES PA DANG, BAG YOD PA'O, ,CHOG MI SHES PA DE DAG NYID LA DGA' BA GANG YIN PA DE NI BSLUS PAR 'GYUR ZHING, MI NGAN PA DAG LA BAR CHAD 'BYUNG STE, NGAN SKYUGS ZA BA DANG MTSUNGS SO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO BZHI BCU GNYIS PA, DE NAS GZHAN YANG, DNGOS PO BZHI PA YONGS SU SHES PAR BYA STE, DE YANG GANG ZHE NA, 'DI LTA STE, KHA TON RAB TU SHES LA, KHA TON 'DON PA DANG, YANG DAG PAR LDAN PA SHES PA DE TZAM GYIS CHOG STE LHAG PAR MI BSLAB BO, ,BDAG GIS LHAG PAR SO SOR SHES NA, SBYIN BDAG DANG, SBYIN PA PO DAG GIS
, ,RNA LAM DU THOS PA YIN NO SNYAM NAS, NA BA'I GSOS SMAN RKYEN GYI YO BYAD RNAMS BDAG LA SBYIN PAR BYED DO, ,DE BDAG LA BAR CHAD DANG LDAN PAR 'GYUR BAS, DE NI BDAG LA 'OS PA MA YIN NO SNYAM PA'I BDAG NYID DE NI CHOG SHES PA YIN TE, DGE SLONG DE LTA BU NI CHOG SHES PA YIN NO, ,GZHAN YANG, DNGOS PO LNGA PA YONGS SU SHES PAR BYA BA NI GANG GIS 'DOD PA CHUNG BA DANG, CHOG SHES PA DANG, BAG YONG BA LA GNAS PA YIN TE, DNGOS PO DE GANG ZHE NA, 'DI LA DGE SBYONG GANG ZHIG DGE 'DUN GYIS MNGAGS SAM, NAD BA'I PHYIR RAM, NOR RDZAS KYI PHYIR MNGAGS PA'AM, SBYIN PA PO DANG, SBYIN BDAG GIS DRUNG DU MNGAGS PA LAS KHYIM LA NYE BAR STEN PAR BYED LA; DE SBYIN BDAG DE DAG GIS DRUNG NA BTUNG BA DAG KYANG 'THUNG ZHING 'DUG NA, DE NI DE'I KUN 'BYUNG BA'I BAR CHAD DON MED PAR GYUR LA, LUS YONGS SU NGAL BA DON MED PA DANG, RTZOL BA DON MED PAR 'GYUR RO, ,DE CI'I PHYIR ZHE NA, DE'ANG DE MNGON PAR 'DOD CING RO LA 'CHUMS PAS NYAMS PA KHYIM DE NYID DU 'GRO STE, DE DER YANG BA NYID KYIS 'GRO BAR BYED DO, ,DE NI BDAG LA PHAN PAR MI BYED LA, NAD PA LA'ANG PHAN PAR MI BYED CING, DGE 'DUN GYI BYA BA'ANG SGRUB PAR MI BYED DO, ,RGYU YANG BA RNAMS KYI
NANG NA MCHOG NI 'DI YIN TE, 'DI LTA STE, KHYIM GCIG TU 'JUG CING BZA' BTUNG LA DGA' PA NYID DANG, GANG CUNG ZAD SMRA BA DANG 'CHAL PA YIN TE, CHOS GSUM PO DE DAG NI 'JIG RTEN PA DANG, 'JIG RTEN LAS 'DAS PAS SMAD PAR BYA BA'I GNAS YIN NO, ,DE LTA BAS NA DE DAG NI CHOG SHES PA DANG, BAG YOD PA LA GNAS PA DAG GIS YONGS SU SPANG BAR BYA'O, , GZHAN YANG, DNGOS PO DRUG PA YONGS SU SHES PAR BYA BA NI, DGE SBYONG 'DOD CHEN CHUNG BAS SAM, RAB TU BYUNG BA BSOD SNYOMS LA YANG DAG PAR GNAS PAS, JI TZAM DU NYIN GCIG 'GRANGS PA'I BSOD SNYOMS DE TZAM ZHIG BLANG BAR BYA YI, SANG DAG GI NI SO SOR BSAGS PAR MI BYA'O, ,DE LA MNGON PAR CHAGS PAR GYUR NA DE'I SEMS DE YANG BAR 'GYUR TE, BSAM GTAN DANG, 'DON PA DAG LA SEMS DANG BA MED PAR 'GYUR RO, ,BSOD SNYOMS 'DI DAG ZAD PAR MA GYUR CIG SNYAM NAS, DE LTAR CHUNG DU LA CHAGS PA'ANG BAR CHAD DU 'GYUR NA, RNYED PA DANG, BKUR STI DE DAG LA MNGON PAR CHAGS PA LTA SMOS KYANG CI DGOS TE DNGOS PO YONGS SU 'DZIN PA GANG YIN PA DE DAG NI SRED PAS LHAG PAR BCINGS PA YIN NO, ,GZHAN YANG, DNGOS PO BDUN PA YONGS SU SHES PAR BYA BA DE GANG YIN ZHE NA, 'DI LA MA THOS PA DANG, MA MTHONG BA'I YUL DANG, YONGS SU RGYU BA RNAMS RGYU BA NA, RIGS
, ,CHEN PO LAS RAB TU 'BYUNG BA'I DGE SBYONG 'DOD CHEN CHUNG BAS SMRA BAR MI BYA STE, 'DI LTAR BDAG RIGS CHE GE MO ZHIG LAS RAB TU BYUNG NGO ZHE'AM, BDAG RIGS CHEN PO LAS RAB TU BYUNG NGO ZHES DE SKAD BDAG NYID KYIS SMRA BAR MI BYA'O, ,GZHAN YANG LHAN CIG GNAS PA'AM, NYE GNAS SHIG SMRA NA'ANG PHYIR BZLOG PAR BYA'O, ,'DI LTAR DGE SBYONG GI DNGOS PO TZAM NYID LAS SBYIN PA DAG DANG, SBYIN PA PO DAG MAL STAN DANG, NA BA'I GSOS SMAN GYI RKYEN GYI YO BYAD RNAMS BDAG LA SBYIN PAR BYED DE, DES NI BDAG DNGOS PO YONGS SU 'DZIN PA DANG LDAN PAR 'GYUR LA, JI STE MA BLANGS NA BDAG GI NYE GNAS DE'I YID MI DGA' BAR 'GYUR RO, ,DE GAL TE BDAG LA YID MI DGA' BAR BYED NA DE DE DAG GI BAR CHAD DU 'GYUR TE, 'JIG RTEN PHA ROL LA PHAN PAR MI 'GYUR RO, ,DNGOS PO YONGS SU BZUNG BA'ANG DE LTAR YONGS SU SHES PAR BYA STE, DGE SLONG DE LTA BU NI 'DOD CHEN CHUNG BAR 'GYUR, SRID PAS MI ZIN PAR 'GYUR, SEMS G-YENGS PAR MI 'GYUR, DRAN PA NYE BAR GNAS PAR 'GYUR, DAM PA'I CHOS DANG, BSAM GTAN LA GNAS PA'I KUN DGA' BA LA MNGON PAR DGA' BAR 'GYUR, LUS LA LUS KYI RJES SU BLTA BA DANG, SEMS LA SEMS KYI RJES SU BLTA BA DANG,
TSOR BA LA TSOR BA'I RJES SU BLTA BA DANG, CHOS LA CHOS KYI RJES SU BLTA BAR 'GYUR TE, 'DOD CHEN CHUNG BA DE NI SRID PA'I BTZON RA LAS 'BROS PAR NUS SO, ,GZHAN YANG, 'DI LA DGE SLONG 'DOD CHEN CHUNG BA CHOG SHES PA, RNYED PA DANG, BKUR STI'I 'JIGS PA DANG BRAL BAS DNGOS PO BRGYAD PA YONGS SU SHES PAR BYA STE, DNGOS PO YONGS SU SHES PAR BYA BA DE GANG ZHE NA, 'DI LA SKYE BO MANG PO 'DZIN PA SNOD SPYAD DANG, YO BYAD MANG BA, LHAN CIG GNAS PA MANG BA, RNYED PA DANG, BKUR STI LA MNGON PAR DGA' BA MANG BA, RO LA 'CHUMS PA, SPYAN 'DREN PA LA SHIN TU YID ZHUGS PA, GNYEN 'DUN LTA 'DOD PA'I DGE SBYONG GI YUL RGYU BA'I BYA BA'AM, LHAN CIG GNAS PA'AM, 'GRO BAR MI BYA'O, ,DE CI'I PHYIR ZHE NA, BAG MED PAS PHROGS PA'I DGE SLONG DE JI LTAR RNYED PA DANG, BKUR STI LA MNGON PAR DGA' BA DE LTAR DE'ANG SKYE BOS SHES PAR 'GYUR LA, DE LTAR 'GROGS PA DE LA'ANG RNYED PA DANG BKUR STIS GOS PAR 'GYUR RO, ,GAL TE BLANG BA DAG JI STE LAN PAR MI BYED NA, SNOD SPYAD DANG, YO BYAD MANG BA DANG, SPYAN 'DREN PA LA MNGON PAR DGA' BA DE'I YID KYI 'DUN PA LA MNGON PAR GNOD PAR 'GYUR RO, ,SBYIN BDAG DANG, SBYIN PA PO RNAMS KYI DRUNG DU'ANG SONG NAS, DGE SLONG 'DOD CHEN CHUNG BA DE LA SMOD PAR BYED DE, 'DI LTAR DGE
, ,SLONG 'DI NI TSUL 'CHOS PA, SKYE BO THAMS CAD SLU BAR BYED PA YIN LA NANG GI YID NI SDIG PA CAN YIN NO ZHES DE LTAR DE LA'ANG GNOD PAR BYED LA, BDAG NYID LA'ANG GNOD PAR BYED DO, ,DE LTA BAS NA 'DOD CHEN CHUNG BA'I DGE SLONG DANG, 'DOD CHEN CHE BA DANG LHAN CIG YID KYI NYES PAS GNAS PAR MI BYA'O, ,GZHAN YANG, 'DI LTAR 'DOD CHEN CHUNG BA'I DGE SLONG 'KHOR BAS 'JIGS SHING SKRAG PA, RNYED PA DANG, BKUR STI DANG BRAL BA, RTAG TU SEMS MNYAM PAR BZHAG PAS DNGOS PO DGU PA YONGS SU SHES PAR BYA'O, ,DNGOS PO YONGS SU SHES PAR BYA BA GANG ZHE NA, 'DI LTAR KHYIM NA GNAS PA RIG PA'I GNAS RNAMS LA GOMS PA GANG YIN PA DE DAG RAB TU BYUNG BAR GYUR NAS, DE RNAMS BSGRAGS PAR MI BYA STE, 'DI LTA STE, SMAN PA'AM, RI MO MKHAN NAM, GAR MKHAN NAM, GTAR MKHAN NAM, RNAM PA DE LTA BU DANG MTHUN PA'AM, RIG PA'I GNAS GZHAN DAG KYANG RUNG BSGRAGS PAR MI BYA'O, ,DE CI'I PHYIR ZHE NA, BDAG RNYED PA DANG, BKUR STI LA MNGON PAR DGA' BAR SBYIN BDAG DANG SBYIN PA POS MNGON PAR SHES PAR GYUR NA, DE NI BDAG GI BAR CHAD DU 'GYUR ZHING DE LA RNAM PAR CHAGS NA, DGE BA'I CHOS RNAMS SGRUB PAR MI 'GYUR, SEMS RTZE GCIG TU MI 'GYUR, BSAM GTAN GYI ZAS RNAMS LA
BDAG GI SEMS DANG BAR MI 'GYUR, DE BDAG GI BAR CHAD DU 'GYUR, BDAG DANG GZHAN LA PHAN PA NYAMS PAR 'GYUR RO, ,LHAN CIG GNAS PA LHUR MI BYA STE, YID DE DANG CHAGS PA DE NI PHAN PAR MI 'GYUR BAS DE LTA BAS NA YONGS SU SPANG BAR BYA'O, ,GZHAN YANG DGE SLONG 'DOD CHEN CHUNG BA BLO DANG LDAN PA RNYED PA DANG BKUR STI SPONG BAR 'DOD PAS, DNGOS PO BCU PA YONGS SU SHES PAR BYA STE, 'DI LTAR GRONG KHYER DANG NYE BA NA'AM, GRONG DANG NYE BA NA'AM, RI'I BOR DANG, NYE BA NA'AM, TSONG 'DUS DANG NYE BA'I GTZUG LAG KHANG NA GNAS PA GANG YIN PA 'DI DAG MTHONG STE, DGE SLONG DANG DGE SLONG MA RNAMS KYIS GANG BA DANG, KHA ZAS KYIS GANG BA DANG, CHANG 'THUNG BAS GANG BA DANG, NYO TSONG BYED PAS GANG BA DANG, SBYOR BA BYED PAS GANG BA DANG, KHANG PA CHUNG NGU'I NANG NA GNAS PA'I STEN GROGS RNAMS DANG DGE SLONG DAG LHAN CIG GNAS PA MTHONG NA, DGE SLONG 'DOD CHEN CHUNG BA, YID ZHI BA, BDUD KYI 'CHING BA GCOD PAR 'DOD PAS GNAS PAR MI BYA'O, ,DE CI'I PHYIR ZHE NA, GRONG KHYER PA'AM, GRONG MI'AM, RI BRAGS NA GNAS PA'AM, TSONG 'DUS NA GNAS PA DE DAG GIS DGE SLONG MI BRTAN PA DE DAG TSUL KHRIMS 'CHAL PAR KHONG DU CHUD CING RIG NAS, DGE SLONG GCIG PO DE LA RNYED PA DANG BKUR STI BYED DO, ,DE GAL TE SO SOR BLANGS NA NI, 'DOD CHEN CHUNG BAR MI 'GYUR LA,
[MISSING PAGE]
[MISSING PAGE]
, ,CHOG SHES PA NI SHIN TU BDE BA DANG LDAN ZHING 'CHI BA'I TSE 'ANG GSHIN RJE'I MI'I DBANG DU 'GRO BAR MI 'GYUR RO, ,GSHIN RJE'I PHO NYA GZUGS DANG, BZHIN DANG, MIG MI SDUG PAR BSGYUR BA RNAMS MTHONG BAR MI 'GYUR LA, SHIN TU 'JIGS PA MED PAR 'GYUR RO, ,DE NAS BRGYA BYIN GYIS 'DI LTAR TSIGS SU BCAD DE SMRAS PA, JI LTA JI LTAR CHOG SHES LA, ,SDOM BRTZON RTAG TU STEN BYED PA, ,DE LTA DE LTAR ZHI BA YI, ,DRUNG DU DE NI 'JUG PAR BYED, ,BYA BA RNAMS LA BYED MED CING, ,MYA NGAN 'DAS LA 'BAD LDAN PA, ,DE NI BDUD KYI YUL DAG LA, ,NAM YANG 'JUG PAR MI 'GYUR RO; ;GANG GI YID LA 'DOD CHAGS BRAL, ,RTAG TU 'BAD PA NYID DAG DANG, ,YE SHES LA NI RGYUN DU BRTZON, ,DE NI SDUG BSNGAL GA LA 'DOD, ,'DAS PA'I 'JIGS PA YANG DAG DRAN, ,DA LTAR BYUNG NA'ANG BLO DANG LDAN, ,MA 'ONGS CHOG SHES LDAN PA GANG, ,DE NI NYON MONGS 'CHING LAS GROL, ,BAG YOD PA LA RTAG TU DGA', ,SNGAR MA DANG NI GCUGS PA MED, ,DRI MED SHES LA BSTEN PA DE, ,MYA NGAN 'DAS PA'I MTHA' LA GNAS, ,BAG MED PA YANG NYAMS GYUR NA, ,LHA RNAMS BDE BA CHEN PO 'THOB, ,BAG MED PA LA GNAS PA GANG, ,SKYES BU DE NI 'CHI 'GYUR NA, ,MI GANG RMONGS PA BAG MED PA'I, ,DBANG DU BSTEN PA SMOS CI DGOS, ,GANG ZHIG RTAG TU YE SHES CHUS, ,'TSO BA RAB TU MYOS PA MED, ,BAG MED PA LAS BAG YOD PA, ,'DI NI MCHOG TU 'DOD PA YIN, ,BAG MED
SDUG BSNGAL RTZA BA STE, ,NYES PA 'CHI BA BZHIN DU SPONGS, ,DE LTAR BRGYA BYIN GYIS SPRUL PA'I GSHIN RJE'I MIS 'JIGS SHING SKRAG PA'I LHA DE RNAMS LA CHOS STON PAR BYED DO, ,GANG SEMS RAB TU DANG ZHING MNGON PAR 'DOD PA'I LHA DE RNAMS KYIS GSHIN RJE'I MI DE RNAMS DANG, DE RNAMS KYI GZUGS MI SNANG BAR BLOS MNGON SUM DU MTHONG NAS, LHA DE RNAMS SEMS RANGS PAR GYUR TO; ,DE NAS YANG 'JIGS SHING SKRAG NAS TSAL DANG, NYE BA'I TSAL RNAMS SU GAB PA'I LHA GANG YIN PA DE DAG GIS KYANG BRGYA BYIN MTHONG NAS GA LA BA DER DONG STE PHYIN PA DANG, BRGYA BYIN CHOS DE STON PAR BYED DO, ,BRGYA BYIN GYIS DE RNAMS KYI SEMS DE DAG RIG NAS, JI LTA JI LTAR LHA DE RNAMS KYI SEMS DE DAG DGA' BAR 'GYUR BA DE LTA DE LTAR MTHAR GYIS SPRUL PA DE RNAMS MI SNANG BAR BYED DO, ,DE NAS YANG CHOS LA GUS PA SKYES PA RNAMS CHOS NYAN PAR BYED CING BRGYA BYIN LA'ANG GSOL BA 'DEBS TE, 'DI LTAR CHOS KYI MTHU 'DI NI BDAG CAG GI MNGON SUM DU GYUR TO,, JI LTA JI LTAR KHYOD KYIS BDAG CAG LA CHOS 'DI DAG STON PAR MDZAD PA DE LTA DE LTAR GSHIN RJE'I MI 'DI DAG 'BROS SHING MI SNANG BAR BGYID DO, ,BCOM LDAN 'DAS KYIS GSUNGS PA'I CHOS 'DUL BA'I MTHU 'DI THOS PA TZAM GYIS DE LTAR BGYID NA, SGRUB PA GANG LAGS PA DE DAG LTA SMOS KYANG CI 'TSAL TE 'CHI BA MED PA'I GNAS SU MCHI'O, ,DE NAS BRGYA BYIN YID RAB TU DGA' NAS
, ,BDAG GIS THAMS CAD DU BYA BA BYAS PAR GYUR TO, ,BDAG GIS SHIN TU BAG MED PA LA GNAS PA GANG YIN PA DE DAG BAG YOD PA'I RNYIL BTZUD DO SNYAM MO, ,YANG YID RAB TU DGA' BA 'DI RNAMS LA BDAG GIS CHOS ZAB MO BLA MA GZHAN DAG LAS JI LTAR THOS PA BZHIN BSHAD PAR BYA'O, ,THAR PA'I GRONG KHYER GYI SGO 'BYED PA NI DBUGS RDUGS DANG, 'BYUNG BA DRAN PA YIN TE, DE NI BDAG GIS SNGON GYI LHA RNAMS LAS BRGYUD DE THOS SO, ,BCOM LDAN 'DAS LAS KYANG DE BZHIN DU THOS TE, BDAG GIS JI LTAR THOS PA DE DE BZHIN DU LHA DE RNAMS LA BSHAD PAR BYA'O, ,'PHAGS PA'I BDEN PA BZHI'I GTAM DANG 'DRES PAR GYUR PA RNAMS, 'PHAGS PA'I BDEN PA RE RE LA RNAM PA BZHI BZHIR PHYE STE BSHAD PA DANG, DE BZHIN DU LHA DE RNAMS LA SHIN TU PHAN PA BYAS PAR 'GYUR RO, ,THABS GANG YIN PA DES CHOS BSHAD DE, SHIN TU PHAN PAR BYAS PA DANG, 'KHOR BAR CHUD PA'I SEMS CAN RNAMS KYI YID GNYIS LA RTAG TU 'JOG PAR BYED DO, ,DE LA DNGOS PO BCO LNGA NI BSTAN ZIN TO, ,DA NI DBUGS RDUB PA DANG, 'BYUNG BA DRAN PA RNAM PA BCU DRUG PO DAG RIM PA DANG MTHUN PA DANG SBYOR BA DANG, 'PHAGS PA'I BDEN PA'I PHYOGS DBYE BA DANG, RANG GI MTSAN NYID DANG, RGYU'I MTSAN NYID KYIS LHA 'DI DAG LA BSHAD PAR BYA'O, ,DE LA RIM PA JI LTA BU YIN ZHE NA, 'DI LA RNAL 'BYOR PA RANG GI LUS KYI CHA
SHAS LA SEMS SPRE'U LTA BU 'DOGS PAR BYED DO, ,RNAM PAR SHES PA DGAG PA'I DON DU GTZO BO GANG GI 'DOGS PAR BYED CE NA, DE NI YID RTZE GCIG PAS SO, ,DE NAS LUS KYI MTSAN NYID RIM GYIS SPYOD PAR BYED DE, DE NYON MONGS PA DANG, NYON MONGS PA MA YIN PA DANG, LUNG DU BSTAN PA DANG, LUNG DU MA BSTAN PA'I LUS LA LUS KYI RJES SU LTA ZHING GNAS SO, ,BDE BA DANG, SDUG BSNGAL BA DANG, SDUG BSNGAL YANG MA YIN BDE BA'ANG MA YIN PA'I MTSAN NYID DE DAG GI TSOR BA LA TSOR BA'I RJES SU LTA ZHING GNAS SO, ,DGE BA DANG, MI DGE BA DANG, LUNG DU MA BSTAN PA'I CHOS LA CHOS KYI RJES SU LTA ZHING GNAS TE, DRAN PA NYE BAR GZHAG PA BZHI PO DE DAG GI RANG GI MTSAN NYID JI LTA BA BZHIN DU LTA BAR BYED DO, ,DE LTAR RNAL 'BYOR PA DE CHOS ZHES BYA BA LA ZHUGS TE ZHI BA DANG, RTOGS PAR CHUD PA, 'DU BYED THAMS CAD KYI RANG GI MTSAN NYID LA LTA BAR BYED CING 'PHAGS PA'I BDEN PA BZHI'I MTSAN NYID DRAN PA NYE BAR GZHAG PA BZHI RNAMS LA LTA BAR BYED DO, ,DRAN PA NYE BAR GZHAG PA NI 'DI DAG THAMS CAD YIN TE, 'DI LTA STE, SKAD CIG MA GCIG NAS GCIG TU 'JUG PA MI RTAG PA DANG, DBANG PHYUG RTAG PA DANG BRAL BA NYID KYIS STONG PA DANG, DBANG PHYUG DANG BRAL BA NYID KYIS BDAG MED PA DANG, NYON MONGS PA 'JIG PA PHA ROL TU 'GRO BA NYID KYIS SDUG BSNGAL BA YIN TE, DE LTAR DE DRAN PA
, ,NYE BAR GZHAG PA BZHI DAG LA LTA BAR BYED DO, ,'PHAGS PA'I BDEN PA BZHI'I RANG GI MTSAN NYID JI LTA BA BZHIN MTHONG BA DANG, DRO BA ZHES BYA BA CHOS KYI BLO SKYE TE, JI LTAR ME 'BYUNG BA NA SNGAR DU BA 'BYUNG LA PHYIS ME 'BYUNG BA DANG JI LTAR GTZUB SHING GIS GTZUBS PA NA DRO BA SNGAR 'BYUNG LA, PHYIS ME 'BYUNG BAR 'GYUR BA DE LTAR NYON MONGS PA DANG, MI SHES PA THAMS CAD KYI GNYEN PO'I RTAGS DRO BA 'BYUNG BAR 'GYUR RO, ,'PHAGS PA'I CHOS 'DUL BA LA 'PHAGS PA'I BDEN PA BZHI DPYOD PA RNAM PA BCU DRUG TU CHUD PA, DGA' BA DANG, DANG BA TZAM YIN NO, ,DRO BAR GYUR PA'I CHOS DE JI LTAR 'BYUNG, GTZO BO 'PHAGS PA'I BDEN PA BZHI LA JI LTAR 'BYED CE NA, 'DI LTA STE, 'PHAGS PA'I BDEN PA SDUG BSNGAL BA NI 'DI DAG YIN TE, RGYU DANG, RKYEN NYID KYIS MI RTAG PA DANG, GNOD PA NYID KYIS SDUG BSNGAL BA DANG, SKYES BU DANG BRAL BA NYID KYIS STONG PA DANG, RANG DBANG DU MI 'JUG PA NYID KYIS BDAG MED PA YIN TE, DE LTAR RNAL 'BYOR PA DE 'PHAGS PA'I BDEN PA SDUG BSNGAL BA LA RNAM PA BZHIR 'BYED DO, ,'PHAGS PA'I BDEN PA SDUG BSNGAL BA'I 'OG TU KUN 'BYUNG BA 'BYUNG NGO, ,KUN 'BYUNG BA DE LA YANG RNAM PA BZHIR 'BYED DE, 'DI LTA STE, 'DU BYED 'BREL BAR 'JUG PA NYID KYIS KUN 'BYUNG BA DANG, DE 'BRAS BU DANG MTHUN PA NYID KYIS RGYU DANG, RAB TU 'BYED PA'I RNAM PA KUN NYID KYIS
RAB TU SKYE PA DANG, 'BRAS BU DANG MI MTHUN PAR 'BREL PA NYID KYIS RKYEN YIN NO, ,'GOG PA LA'ANG RNAM PA BZHIR 'BYED DE, GTZO BO RNAL 'BYOR PA DE JI LTAR 'BYED CE NA, 'DI LTA STE, NYON MONGS PA KUN MED PA NYID KYIS 'GOG PA DANG, NYON MONGS PA'I ME SPANGS PA NYID KYIS ZHI BA DANG, CHOS KUN GYI GTZO BO NYID KYIS GYA NOM PA DANG, 'KHOR BA LAS NGES PAR 'BYIN PA NYID KYIS NGES PAR 'BYUNG BA YIN NO; ;GTZO BO RNAL 'BYOR PA DE LAM LA YANG RNAM PA BZHIR BYED DE, 'DI LTA STE, BYANG GROL 'THOB PA NYID KYIS LAM DANG, PHYIN CI MA LOG PA NYID KYIS RIGS PA DANG, 'PHAGS PA'I SKYE BO THAMS CAD GNAS PA NYID KYIS SGRUB PA DANG, 'KHOR BA'I NYON MONGS PA 'GOG PA NYID KYIS NGES PAR 'BYIN PA YIN NO, ,DE LTAR BDAG GIS RNAL 'BYOR RGYA CHEN PO RNAM PA BCU DRUG KHYED LA BSTAN PA YIN TE, DRO BA NI DE LTA BU YIN NO, ,DES NA DE'I DRO BAR GYUR PA ZHES BYA BA'I CHOS 'PHEL BAR GYUR NA, SPYI BO ZHES BYA BA'I CHOS SKYE BAR 'GYUR TE, YON TAN DANG LDAN PA'I DKON MCHOG GSUM DANG PHUNG PO'I NYES DMIGS LA MNGON PAR DAD PA'I RNAL 'BYOR PA DE, DE LAS GZHAN PA KHYAD PAR DU 'PHAGS PA SPYI BO LA DPYOD PAR BYED DO, ,SPYI BOR GYUR PA ZHES PA'I CHOS DE MDOR BSDU NA RI'I SPYI BO LTA BU YIN NO, ,DE'I 'OG TU GTZO BO'I SPYI BO 'PHEL BA DANG RJES SU MTHUN PA'I BZOD PA ZHES BYA BA DGE BA'I RTZA BA SKYE BAR 'GYUR TE, GSUM GYI SKABS BDEN PA DE BZOD PA NYID KYIS SPYI BO'I RNAM PA DANG MI MTHUN
, ,PA'I BZOD PA ZHES BYA BA'I CHOS 'BYUNG STE, DE NI BZOD PA NYID KYIS BZOD PA ZHES BYA BA'I CHOS 'BYUNG NGO, ,BZOD PA 'PHEL BAS SKAD CIG GCIG LA 'JIG RTEN PA'I CHOS KYI MCHOG 'BYUNG STE, SEMS DANG, SEMS LAS BYUNG BA DE DAG DUS DE LA 'BYUNG NGO, ,'JIG RTEN PA'I CHOS KYI MCHOG THOB PA DANG, DE'I 'OG TU RGYUN DU ZHUGS PAR 'GYUR LA DER NI BDAG GI LUS DBANG DU YOD DE, DE NI GSHIN RJE'I MI RNAMS MI MTHONG ZHING DE DAG LA 'JIGS PA MED DO, ,GTZO BO DE DAG, THAMS CAD NI BAG YOD PAS THOB PAR 'GYUR TE, DE LTA BAS NA BAG YOD PA LA GOMS PAR BYA'O, ,DE NAS BRGYA BYIN GYIS DE'I TSE 'DI LTAR TSIGS SU BCAD DE SMRAS PA, DBUGS 'BYUNG RDUB PA'I CHO GA SHES, ,RNAM PA BCU DRUG DE NYID RIG, DRO BAR GYUR PA'I TSUL SHES GANG, ,BZOD PA'I DE NYID TSUL LA MKHAS, ,'JIG RTEN MCHOG GI CHOS SHES PA, ,DE YI 'OG TU DE NYID RIG, CHOS NYID RIM BZHIN RIG PA DE, ,YANG DAG LAM LAS G-YO BA MED, ,SBYOR BA GSUM LAS NGES GROL ZHING, ,'JIG PA NYAM NGA BRGYAD MED LA, ,BRTAN PO NGAN 'GRO BRGYAD MED PA, ,RGYUN DU ZHUGS ZHES NGES PAR BRJOD, ,NGES PAR NGAN 'GROR 'GRO BA YI, ,MI DGE CHOS RNAMS BSAL BA DANG, ,THAR PA'I RGYUN DU 'GRO BA YI, ,RGYUN DU ZHUGS ZHES BYA BA YIN, ,DE LTAR BDAG GIS DBUGS 'BYUNG BA DANG, RDUB PA DRAN PA RNAM BA BCU
DRUG KHYOD RNAMS LA BSTAN PA YIN GYI DE GZUNG BAR GYIS SHIG, LAM DE DAG NI ZHI ZHING THAR PA'I GRONG KHYER DU 'JUG PAR BYED LA 'JIGS PA MED PA 'PHAGS PA'I SKYE BO THAMS CAD DGYES PA YIN NO, ,DE LTA BAS NA LAM DE DAG NI KHYED RNAMS KYIS NGES PAR BSTEN PAR BYA'O, ,'DI LTAR GSHIN RJE'I MI RNAMS KYIS 'JIGS PA KHYED LA DBUGS 'BYUNG BA DANG RDUB PA DRAN PA BCU DRUG RIM BZHIN BSTAN PA YIN NO,, GTZO BO DAG, GSHIN RJE'I MIS 'JIGS SHING SKRAG PA LHA'AM, MIS SRID PA BAR MA'I 'GRO BA DANG 'BREL PA BCU BDUN SPANG BAR BYA STE, SRID PA BAR MA DE DAG GANG ZHES NA, 'DI LTA STE, 'CHI BA'I TSE GANG GZUGS SNANG BAR 'GYUR BA DAG YIN NO, ,'DI LTA STE, MI GANG MI'I 'JIGS RTEN NAS 'CHI LA, LHA RNAMS KYI NANG DU SKYE BA DE NI SRID PA BAR MAR MTSAN MA SDUG GU DAG MTHONG BAR 'GYUR TE, 'DI LTA STE, SNAM BU DKAR PO'AM, SKYA SNANG SHIN TU SRAB CING 'JAM PA DAG 'BAB STE, DE MA THAG TU DE'I SNYING RAB TU DGA' ZHING BZHIN GYI MDOG GSAL BAR 'GYUR RO, ,DE'I 'OG TU DES GNAS KUN DGA' RA BA NYAMS DGA' BA DANG, LTENG KA NYAMS DGA' BA DANG, CHU BO NYAMS DGA' BA DANG, YUL DANG, NYE BAR TSAL NYAMS DGA' BA DAG MTHONG NGO, ,DE'I 'OG TU RGOD PA DANG, RTZE BA DANG, GLU DBYANGS SHIN TU YID DU 'ONG BA DAG THOS SO, ,DE'I 'OG TU SNGON MA MYONG BA'I DRI SKYE BO THAMS CAD KYI YID DU 'THAD PA RDZAS DU MA DAG SBYAR BA LA SNOM MO, ,DE'I 'OG TU REG BYA SHIN TU 'JAM PA
, ,DAG LA REG PAR BYED DO, ,DE'I 'OG TU LHA DANG, LHA MO DAG 'BYUNG STE, DE'I LEGS PAR BYAS PA'I LAS RNAMS KYANG MNGON DU 'BYUNG NGO, ,GNAD CHAD BAR GYUR PA DANG, PHYIS MTSAN MA 'DI DAG 'BYUNG BAR 'GYUR TE, DE'I BZHIN RAB TU 'DZUM LA BZHIN GYI MDOG RNAM PAR DAG PAR 'GYUR RO, ,RANG GI GNYEN 'DAB DANG, RTZA LA GA DU ZHING SMRE SNGAGS 'DON PA GANG YIN PA DE DAG MTSAN MA DE RNAMS KYIS PHROGS PAS MI THOS MI MTHONG LA DER YID MI 'JUG STE, SHIN TU BDE BA'I CHOS KYIS ZHUGS PA DE 'CHI BA'I DUS BYED DO, ,DE'I SRID PA BAR MAR SHIN TU BDE BA 'BYUNG BA DANG MTHUN PA LHA'I RIS DANG MTSUNGS PA, SO SO'I MTSAN MA RGYA'I 'BUR LTA BUR 'BYUNG BAR 'GYUR RO, ,LHA'I RIS KYI GZUGS BNYAN 'DOD PA'I KHAMS KYI GNAS DRUG DANG MTSUNGS PA BDE BA LA GNAS PA DE DANG MTHUN PA, YUL DE DANG MTHUN PA, REG BYA DE DANG MTHUN PA, MTHONG BA DE DANG MTHUN PA DAG 'BYUNG NGO, ,DE PHYIS DE'I 'OG TU SRID PA LA GNAS LA LHA'I RIS GANG DU SKYE BAR 'GYUR BA DE SHIN TU BZANG POR MTHONG STE, YUL LA SRED PAS DE DAG LEN PAR BYED DO, ,DE DER SKYE BAR 'GYUR ZHING SRID PA BAR MA DANG PO MTHONG BAR 'GYUR RO, ,LHA GTZO BO DANG, ,GZHAN YANG, SRID PA BAR MAR GNAS PA DE GANG YIN ZHE NA, GAL TE DZAMBU GLING NAS MI DAG 'CHI LA, DE GAL TE BYANG GI SGRA MI SNYAN DU SKYE BAR 'GYUR NA DES SNAM BU DMAR PO BU GA DKAR PO YOD PA YANG ZHING 'JAM LA SHIN TU YID DU
'ONG BA MTHONG NGO, ,DE DE LA CHAGS PAR 'GYUR ZHING DE DE LA 'DZIN PAR BYED DO, ,DE 'CHI BA NA NAM MKHA' LA LAG PA G-YO BAR BYED DO, ,GNYEN 'DUN DE DAG NA RE, NAM MKHA' NYID LA NYUG PAR BYED DO, ZHES BRJOD DO, ,DE'I 'OG TU YANG RLUNG 'BYUNG LA 'CHI BA GANG YIN PA'I DUS SU GRANG BAR 'GYUR TE, DRO BA 'DOD PA'I 'DU SHES 'BYUNG NGO, ,DE NAS DRO BA BYUNG BA DANG, DE'I GRANG BA LDOG PAR 'GYUR RO, ,REG PA DES DE'I BDE BA 'BYUNG LA DE SEMS BDE BA DE LA DMIGS PA'I SEMS KYIS 'PHROG PAR BYED DE, DU BA DANG, CHO NGES 'DEBS PA DANG, SKRA 'BAL BA'I SGRA MI THOS SO, ,BRGYA LA LAS MI BRTAN PA NYID KYIS THOS NA'ANG, DE LAS KYI RLUNG GZHAN RNAMS KYIS GZHAN DU KHYER BAR BYED DE, DE LTAR GNYEN 'DUN DAG 'CHI BA DUS SU BAR CHAD BYED PA YIN NO, ,DE NAS BYANG GI SGRA MI SNYAN DE NYID DU SKYE BAR 'GYUR RO, ,DE'I 'OG TU DE'I DGE BA'I MTSAN MA RNAMS 'BYUNG BAR 'GYUR TE, MTSO SNGON PO BYA DANG PA DANG, KA RAndA PA DANG, DRU PAS GANG ZHING ME TOG GIS YOG PA GCIG MTHONG NAS DE DER RGYUG PAR BYED DO, ,DE'I 'OG TU DE'I SRID PA THA MA PA'I SEMS 'BYUNG STE, DE SHI NAS MTSO DE NYID MTHONG BA DANG, DE NA PADMA'I KHROD KYI NANG RNAMS NA RTZE BAR BYED DO, ,DE GANG GI TSE BYANG GI SGRA MI SNYAN DU MA'I MNGAL DU SKYE BAR 'GYUR NA; DE MTSO DE NAS THANG LA 'BYUNG NGO, ,DES DER 'KHRIG PA MI GTZANG BAS PHA MA SBYOR BAR MTHONG BA DANG LOG PAR MTHONG STE, PHA NI BYA NGANG PAR MTHONG, MA NI BYA NGANG MOR MTHONG NGO, ,GAL TE BDAG NYID
, ,BUD MED DU 'GYUR NA NI BDAG NYID NGANG MOR MTHONG NGO, ,JI STE SKYES PAR 'GYUR NA NI BDAG NYID DANG PHOR MTHONG STE, DES NGAN PA DE BSKRAD NAS MA DANG 'KHRIG PA'I CHOS KYI SBYOR BAR BYED DE, DE LTAR BYANG GI SGRA MI SNYAN DU SKYE BAR 'GYUR RO, ,SRID PA BAR MA GNYIS PA NI DE LTAR BU YIN NO, ,DE NAS DZAM BU GLING DE NAS SHI NAS, GAL TE NUB KYI BA LANG SPYOD KYI MI RNAMS KYI NANG DU SKYE BAR 'GYUR NA, DE'I MTSAN MA 'DI DAG 'BYUNG BAR 'GYUR TE, 'DI LTA STE, 'CHI BA'I TSE DE'I KHYIM THAMS CAD SER PO MTHONG LA, SNAM BU SER PO KHA DOG BZANG PO SER POR SNANG ZHING KUN NAS SPRIN LTA BUR MTHONG NGO, ,DE SNAM BU DE NYID LA NYUG PAR BYED PA DANG, NAM MKHA' LA NYUG PAR BYED DO ZHES MA DE DU BAR BYED DO, ,DE'I 'OG TU DE'I SRID PA THA MA PA'I SEMS 'BYUNG STE, DES BDAG NYID BA LANG GI GZUGS DANG, BA LANG LONG LONG POR 'KHOD PA KUN RMI LAM LTA BUR MTHONG NGO, ,DE GANG GI TSE PHA MA DAG SBYOR BAR BYED PA DANG DE GAL TE SKYES PAR 'GYUR NA NI, DE BDAG NYID PHO KHYU MCHOG BYAD GZUGS CHEN PO KHYU MCHOG GI ZLA LTA BUR MTHONG NGO, ,PHA DE 'ONG BA DANG DES BSKRAD NAS DE DANG LHAN CIG SBYOR BAR BYED DE, DE LTAR NUB KYI BA LANG SPYOD DU SKYE BAR 'GYUR RO, ,JI STE BUD MED DU 'GYUR NA NI BDAG NYID BA GLANG MOR MTHONG STE DE SNYAM DU SEMS SO, ,KHYU MCHOG 'DI KO 'DI LA CI PHYIR ZHE NA, 'DI DANG BDAG TU SBYOR BAR BYA'O SNYAM PA DE NI
NUB KYI BA LANG SPYOD DU BUD MED DU 'GYUR RO, ,SRID PA BAR MA GSUM PA NI DE LTA BU YIN NO, ,GZHAN YANG SRID PA BAR MA BZHI PA NI 'DI LTAR GAL TE SHAR PHYOGS KYI LUS 'PHAGS GLING GI MI RNAMS KYI NANG DU SKYE BAR 'GYUR NA, DE'I 'CHI BA'I DUS NA SRID PA THA MA DANG NYE BA'I SEMS LA SNAM BU SNGON PO MTHONG STE, DES KHYIM GYI NANG NA GNAS BZHIN DU NAM MKHA' DE LA KUN NAS SHIN TU SNGO BAR SNANG ZHING SDUG PA GCIG PA MTHONG NGO, ,DE DE LA NOM PAR BYED CING BDAG GI STENG DU LHUNG BAR MA GYUR CIG SNYAM BYED PA LA, GNYEN 'DUN DE DAG NA RE, 'DI LTAR NAM MKHA' LA REG PAR BYED DO ZHES BRJOD DO; ;DE'I 'OG TU DE'I SRID PA THA MA'I SEMS 'BYUNG STE, DE SRID PA BAR MA LA BDAG NYID RTA LTA BUR MTHONG NGO, ,DE SHAR GYI LUS 'PHAGS GLING DE NA PHA MA NI RTA GSEB DANG RGOD MAR SBYOR BA LTA BUR SNANG LA; DE GAL TE SKYES PAR 'GYUR NA NI 'DI SNYAM DU SEMS TE, RGOD MA 'DI DANG BDAG SBYOR BA BYA'O SNYAM PA'I SEMS 'BYUNG NGO, ,GAL TE BUD MED DU 'GYUR NA NI 'DI SNYAM DU SEMS TE, 'DI LTAR GSEB 'DI BDAG LA BRGAL DU GZHUG PAR BYA'O SNYAM PA DE NI BUD MED DU 'GYUR TE, SRID PA BAR MA BZHI PA YIN NO, ,GZHAN YANG, SRID PA BAR MA LNGA PA NI 'DI LTAR GANG GI TSE BYANG GI SGRA MI SNYAN DAG NAS 'CHI BAR 'GYUR BA DE'I TSE, DE'I 'CHI BA'I YUL GYI DUS LA GONG MA'I CHA DANG MTHUN PA'I MTSAN MA NGES PAR RNAM PA DU ZHIG 'BYUNG ZHE NA, GTZO BO DAG, DE GANG GI TSE 'CHI BAR 'GYUR BA
, ,DE'I TSE, GAL TE LAS CHEN PO DANG SEMS KYI DBANG GI LAS KHYAD PAR CHEN POS LHA'I 'JIG RTEN DER SKYE NA, DE'I MTSAN MA 'DI DAG 'BYUNG BAR 'GYUR TE, 'DI LTA STE, GCIG PU SEMS RMI LAM LTA BU NAM MKHA' LA NYUG PAR BYED CING RMI LAM LTA BUR LTA BA, ME TOG NYAMS DGA' BA, DRI SHIN TU ZHIM PA, MDOG PHUN SUM TSOGS PA, SHIN TU RGYA CHE BA KHA DOG SNGON PO DANG, SER PO DANG, DMAR PO DANG, DKAR PO 'DUG PA ZHIG MTHONG LA, DE DAG LAG TU 'ONG BAR MTHONG BA DANG DE DE RNAMS LA CHAGS PAR BYED DO, ,DE 'DI SNYAM DU SEMS TE, DA NI BDAG GI ME TOG 'DI DAG GI SHING LJON PA GANG YIN PA DE DAG BLTA ZHING 'DZEG PAR BYA'O SNYAM MO, ,DE DE'I 'OG TU DE LA DMIGS PA'I SEMS LAS BYUNG BA SRID PA PHYI MA'I SEMS 'BYUNG NGO; ;DE SRID PA BAR MA LA SHING LJON PA SNGON PO DANG, SER PO DANG, DKAR PO DANG, ME TOG RNAM PA DU MA YOD PA DE DAG MTHONG BA DANG DE 'DI SNYAM DU SEMS TE, 'DI LTAR BDAG GIS SHING LJON PA RNAMS LA 'DZEG PAR BYA'O SNYAM NAS, DE SHING LJON PA DE DAG LA 'DZEG PA SHES PA'AM, GAL TE RI RAB DE LA 'DZEG PAR BYED DO, ,DES LHA'I 'JIG RTEN ME TO DANG, 'BRAS BUS MDZES PAR BYAS PA SNA TSOGS DE DAG MTHONG NAS 'DI SNYAM SEMS SO, ,DA NI BDAG 'DIR 'GRO BAR BYA STE, BDAG ME TOG DANG, 'BRAS BU PHUN SUM TSOGS PA'I YUL GANG YIN PA DE DAG TU GNAS
PAR BYA'O SNYAM PA DE NI SKYE BA CHUNG DUR 'GYUR BA LNGA PA YIN NO, ,GZHAN YANG SRID PA BAR MA 'BRING PO DRUG PA NI, BYANG GI SGRA MI SNYAM GYI MI TSE 'DAS PA'I LAS 'BRING BOS DE'I SRID PA BAR MA PA'I MTSAN MA 'DI DAG 'BYUNG BAR 'GYUR RO, ,'DI LTA STE, 'CHI BA'I TSE 'DI LTAR PADMA SHIN TU NYAMS DGA' BA BUNG BA DAG GIS MDZES PAR BYAS PA DE DAG NGES PAR MTHONG LA, KUN NAS SHIN TU DRI ZHIM PA LA YID CHAGS PAR GYUR PAS 'DZEG PAR BYED DO, ,GANG GI TSE 'DZEGS PAR GYUR PA DE'I TSE, 'DZEGS MA THAG TU PADMA DE NAM MKHA'I DKYIL DU 'PHAR BAR BYED DO, ,YANG NAM MKHA' DE NYID LA 'PHAR BA NA RMI LAM LTA BUR SHES SO, ,GZHAN YANG, SKYE BA'I TSE PADMA NYAMS DGA' BA BUNG BAS MDZES PAR BYAS PA THAMS CAD DU LHAG PAR NYAMS DGA' BAR MTHONG BA DANG; DE 'DZIN PAR BYED LA DA NI BDAG GIS GNAS 'DI DAG THOB STE, PADMA 'DI RNAMS BDAG GIR GYUR CIG SNYAM MO, ,DE'I SEMS BSKYED MA THAG NYID DU SKYE BA 'GYUR TE, SRID PA'I YAN LAG NI DE LTA BU YIN NO, ,DE LTAR LHA'I 'JIG RTEN LHA RNAMS KYI NANG DU LAS BAR MAS SKYE BA BAR MA 'BYUNG BAR 'GYUR RO, ,GZHAN YANG, SRID PA BAR MA PA'I 'GRO BA DANG 'BREL PA BDUN PA NI, 'DI LTA STE, GAL TE LAS BZANG PO ZHIG YIN NA MTHO RIS SUM CU RTZA GSUM GYI GNAS RNAMS SU MCHOG TU SKYE BAR 'GYUR RO, ,DE BYANG GI SGRA MI SNYAN DAG NAS 'CHI BA NA, 'CHI BA'I YUL GYI DUS SU GZHAL
, ,MED KHANG SHIN TU NYAMS DGA' BA DANG, TSAL DANG, NYE BA'I TSAL SDUG PA SHIN TU NYAMS DGA' BA DAG MTHONG BA DANG, DE RANG GI BZHIN DU DE DE DAG LA 'DZEG PAR BYED DO, ,DE DE DAG LA 'DZEGS NAS NAM MKHA' LA 'DZEG PAR BYED DO, ,DE 'DZEG PA NA RNAM PA THAMS CAD DU NYAMS DGA' BA MTHONG BA DANG DE 'DI SNYAM DU SEMS TE, DA NI BDAG GNAS 'DIR 'GRO'I SNYAM MO, ,DES SEMS BSKYED MA THAG NYID DU DER SKYE BAR 'GYUR RO, ,DE LTAR BYANG GI SGRA MI SNYAN DAG NAS LAS MCHOG GIS SKYE BAR 'GYUR TE, DE NI 'GRO BA DANG 'BREL BA BDUN PA YIN NO, ,GZHAN YANG, 'GRO BA DANG 'BREL BA BRGYAD PA NI GAL TE BYANG GI SGRA MI SNYAN DE DAG NYID NA, 'CHI BA DE 'CHI BA'I YUL GYI DUS SU MTSAN MA RNAM PA DU 'BYUNG ZHE NA, GTZO BO DAG, DES SKYED MOS TSAL DKRIGS PA RIN PO CHES MDZES PAR BYAS PA SHIN TU NYAMS DGA' BA RNAMS MTHONG NGO, ,DE RNAMS DRI SHIN TU ZHIM PA LA'ANG SNOM PAR BYED DO, ,DE 'CHI BA'I YUL GYI DUS SU TSOR BA MI BZAD PA MI 'BYUNG STE, DE'I TSOR BA ZHAN PA NYID KYIS SEMS RNYOG PA CAN DU MI 'GYUR LA DE BLO GSAL BAS 'CHI BA'I DUS BYED DO, ,DES SRID PA THA MA THOB NAS DE NAS YANG DE BZHIN DU GZHAL MED KHANG DANG, RA BA DE DAG MTHONG BA DANG DE 'DI SNYAM DU SEMS TE, DA NI BDAG GZHAL MED KHANG 'DI DAG GI NANG DU 'JUG PAR BYA'O, ,SNYAM NAS DE DAG GI
NANG DU ZHUGS PA DANG SRID PA BAR MA LA GNAS PA DES KUN TU RGYU'I LHA RNAMS RNAM PAR RGYU BA DANG, RGYUG PA DANG, RI BO'I GSAB GSEB KYI NANG DANG, ZOM DAG LA LA 'KHOD PA DANG, PHAN TSUN PHRAD PA DANG, GZHAN DU 'GRO BA DAG MTHONG NGO, ,DE'I 'OG TU BDAG NYID MTHONG NGO, ,MTHONG BA DANG DE NAS 'JUG PAR BYED DE, THAMS CAD KYANG RMI LAM LTA BUR PHYOD POR MTHONG NGO, ,DE'I 'OG TU MTHO RIS KYI NYAMS DGA' BA GZHAL MED KHANG NYAMS DGA' BA DU MA DANG, 'DOD PA 'BYOR PA DE DAG THAMS CAD MTHONG NGO, ,DE DAG MTHONG PA DANG DE 'DI SNYAM DU SEMS TE, DA NI BDAG 'DI'I NANG DU 'JUG PAR BYA'O SNYAM MO, ,DE SEMS BSKYED MA THAG NYID DU DER SKYE BAR 'GYUR TE, SRID PA'I YAN LAG LA LEN PA'I RKYEN GYIS SRID PA 'BYUNG BAR 'GYUR RO, ,DE LTAR 'DI NI MCHOG DANG, 'BRING DANG, CHUNG DU DANG GSUM GYIS SKYE BAR 'GYUR RO, ,DE SKYE BA NA TSAL DANG, NYE BA'I TSAL DANG, SKYED MOS TSAL KHYAD PAR DU 'PHAGS PA DAG MTHONG BA DANG DE DAG LA 'DOD PA BYED DO, ,DE LTAR BYANG GI SGRA MI SNYAN DAG NAS 'DIR SKYE BAR 'GYUR RO, ,BYANG GI SGRA MI SNYAN NA GNAS PA 'DIR SKYES PA DE DAG THAMS CAD KYI RGYU MTHUN PA'I 'BRAS BUS BLO 'BYUNG BA NI SHIN TU 'DONG BA LA CHAGS PA YIN TE, DE DAG YUL LA LHAG PAR CHAGS PA, BRO GAR DANG, GLU DBYANGS DANG, RGOD PA DANG, RTZE BA DANG, KHA ZAS DANG, GNAS MAL LA LHAG PAR DGA' BA DANG, RI'I RTZO MO LA LHAG PAR RGYU BA, GLU LEN PA LAHAG PAR DGA' BA YID
, ,SHIN TU MYOS PA YIN TE, THAMS CAD DE LTA BU YIN NO, ,DE CI'I PHYIR ZHE NA, DE LA GNAS PA'I NGO BO NYID KYIS GOMS PA'I MI RNAMS YANG GOMS PAR BYED PA NA, SRED PA'I STOBS RAB TU CHE BA YIN NO, ,GTZO BO DAG ,BYANG GI SGRA MI SNYAN DAG NAS MI 'DIR SKYES PA RNAMS 'CHI BA'I DUS SU MTSAN MA 'BYUNG BA DANG, BSIL BA DANG, GNAS NI DE LTA BU YIN NO, ,'DI LTAR NUB KYI BA GLANG SPYOD KYI GLING NAS MI DGE 'CHI BA NA, GAL TE LAN GRANGS GZHAN LA MYONG BAR 'GYUR BA'I LAS DANG, SKYES NAS MYONG BAR 'GYUR BAS LHA RNAMS KYI NANG DU JI LTAR SKYE BAR 'GYUR, DE 'CHI BA NA DE'I 'GRO BA BAR MA NI JI LTA BU YIN, SRID PA PHYIR MAR 'GROGS PA DANG MTSAN MA NI CI DAG 'BYUNG, SRID PA BAR MA'I MTSAN MA RMI LAM LTA BU PHYOD PHYOD PO DAG JI LTAR MTHONG ZHE NA, GTZO BO DAG ,'DI LA NUB KYI BA LANG SPYOD KYI GLING NAS 'CHI STE, NGES PAR 'CHI BA'I DUS BYED LA, LEGS PAR BYAS PA'I LAS KYIS RKYEN RNAMS KHYER BA NA, SGRA NGAR NGAR POR LHAG PAR 'GYUR BAR MI 'GYUR, GNAD KYI SDUG BSNGAL MI 'BYUNG, DE'I DBANG PO YANG GSAL BAR 'GYUR RO, ,DE'I 'OG TU CHU KLUNG SNGON PO GSAL BA BEE d'URYA'I MDOG LTAR 'DUG PA ZHIG MTHONG BA DANG DE DER GNAS PAR BYA BA'I PHYIR 'JUG PAR BYED CING DE LAG RGYAL BYED DO, ,CHU KLUNG DE'ANG
REG NA HA CANG GRANG BA'ANG MA YIN LA HA CANG DRO BA'ANG MA YIN NO, ,DE CHU DES KHYER BA DANG JI LTA JI LTAR 'GRAM DU RGYUG PA DE LTA DE LTAR SKYE BA DANG NYE BAR 'GYUR RO, ,NYON MONGS PA DAG GIS SKYE BA DES THANG LA BUD MED SHIN TU BLTA NA SDUG PA CHA BYAD DANG, RGYAN BTAGS PA, GLU LEN BRO RDUNG BA RNAMS MTHONG NGO, ,DE DAG MTHONG NAS 'KHRIG PAR BYA BA'I BLO 'BYUNG STE, DE 'KHRIG PAR BYA BA'I DON DU DER 'GRO BAR BYED DO, ,DE GANG GI TSE ZHON PA DANG DE'I TSE DE SKYE BAR 'GYUR TE, LHA'I BDE BA RNAMS KYANG MYONG NGO, ,GANG SRID PA BAR MA RMI LAM LTA BU PHYOD PHYOD PO RNAM PA DU MA LAS SAD NAS GZUGS GSAL BAR MTHONG BA LTAR DE SKYE BAR 'GYUR TE, DE NI 'GRO BA BAR MA BCU PA YIN LA, LAS BAR MA DANG, CHUNG DUS SKYE BA NUB KYI BA LANG SPYOD RNAMS KYI SNANG BA GCIG YIN NO, ,SRID PA BAR MAR MTHONG BA GCIG DANG, SKYE BA GCIG GI RIM PA NI THAMS CAD MTHUN PA, BYANG GI SGRA MI SNYAN DAG GI LTAR MI 'BYUNG STE, MTSAN NYID GSUM KUN MTHUN NO, ,GTZO BO DAG ,SHAR GYI LUS 'PHAGS GLING GI MI RNAMS 'CHI BA'I DUS KYI TSE, MTSAN MA'AM, 'JIG RTEN GYI KHAMS SAM, 'CHI BA'I YUL GYI DUS SU SKYE BAR 'GYUR BA NA; RANG GI MTSAN MA DAG JI LTAR MTHONG BAR 'GYUR ZHE NA, SRID PA THA MA'I SEMS LA LAN KAN BRES PA'I GNAS DE NYID NYAMS DGA' LA, BA DAN DANG, RGYAL MTSAN BSGRENG BA ZHIG KYANG
, ,MTHONG LA, DE SRID PA BAR MA'I KHYIM DER DGA' BA SKYES NAS, YUL NAS YUL DU RGYUG PAR BYED PA DE'I TSE SKYE BA'I SRID PA DANG LHAN CIG NYE BAR 'GYUR RO,, DES GNAS DE'I PHYI ROL NA GLU DBYANGS KYI SGRA DANG YANG DAG PAR LDAN PA'I BUD MED CHA BYAD MANG PO THOGS PA RTAG TU GLU LEN ZHING BRO RDUNG BA RMI LAM LTA BU ZHIG DANG, DE BZHIN DU SKYES PA GLU LEN BRO RDUNG BA ZHIG MTHONG BA DANG DE 'DI SNYAM DU SEMS TE, 'DI LTAR BDAG GNAS 'DIR SONG BA SKYES PA DANG, BUD MED DE DAG LA BLTA ZHING DE BZHIN DU LHAN CIG GLU BLANG BRO RDUNG NGO, ,'DI LTAR SKYES PA GLU LEN BRO RDUNG BA 'DI DAG NI SHIN TU YID DU 'ONG ZHING SHIN TU RNAR SNYAN PA YIN TE, BDAG SONG LA DE RNAMS DANG LHAN CIG 'DRE BAR BYA'O SNYAM MO, ,DES 'DI LTAR BDAG 'DRES PAR GYUR TO SNYAM DU SHES PA DANG JI LTAR GNYID LAS SAD PA DE LTAR DE DER SKYE BAR 'GYUR LA, DE'I SKYES PA DE DAG DANG BUD MED DE DAG KYANG MI SNANG BAR GYUR TO; ;MTHO RIS KYI TSAL DANG, NYE BA'I TSAL PHUN SUM TSOGS PAR BDAG NYID SKYES PAR MTHONG STE, DE DE LTAR SKYE BAR 'GYUR RO, ,GNAS GZHAN BCU GCIG PA NI DE LTA BU YIN TE, DE LTAR MI'I GNAS BZHI PA DANG, GZHAN YANG 'JIG RTEN MTHA' YAS PA'I SKYE BA 'BYUNG BAR 'GYUR RO, ,GTZO BO DAG ,'GRO BA BAR MI 'BYED PA 'DI NI PHRA BA STE, PHYI ROL
PA'I SHES PA 'JIG RTEN PA'I LTA BA DANG YANG DAG PAR LDAN PA GANG YANG RUNG BA DAG GIS DE DAG SHES PAR MI NUS SO, ,LAS MI DGE BAS YI DVAGS RNAMS KYI NANG DU SKYES PA MI DGE BA DE ZAD PAR 'GYUR LA, NYES PAR BYAS PA'I LAS KYI MTHA' SPYAD PA DE ZAD NAS 'GRO BA GZHAN DU SPYAD PA LEGS PAR BYAS PA, LAN GRANGS GZHAN LA MYONG BAR 'GYUR BA, PHA MA LTA BUR SHIN TU YID DU 'ONG BA, SO SO YANG DAG PAR MYONG BAR 'GYUR BAS GANG GI TSE LHA RNAMS KYI NANG DU SKYE BAR 'GYUR BA DE'I TSE, MTSAN MA 'DI CI DAG CI 'BYUNG SRID PA THA MA'I SEMS LA MTSAN MA JI LTA BU DAG 'BYUNG BAR 'GYUR ZHE NA, GTZO BO DAG ,DE LA GANG GI TSE YI DVAGS 'CHI ZHING MTHO RIS SU SKYE BAR 'GYUR BA DE'I TSE, DE'I LUS BKRES PA DANG, SKOM PAS GDUNGS PA, SEMS RTAG TU PHRAG DOG DANG, SER SNAS NYAMS PA, RTAG TU KHA ZAS LA BRKAM PAR GYUR PA, RTAG TU BTUNG BA LA CHAGS PA GANG YIN PA DE BZA' BA DANG BTUNG BA LA MA GTOGS PAR GZHAN DU RGYUG PA DE NYUNG BAR 'GYUR, DE'I LUS BSIL BAR 'GYUR ZHING LHAG PAR SRA BAR MI 'GYUR LA, DE'I SPU'ANG RING ZHING SDUG PAR MI 'GYUR, SRIN BUS GANG BA DE DAG THAMS CAD ZHIGS PAR 'GYUR, DE'I BZHIN GYI MDOG KYANG GSAL BAR 'GYUR, DE LA RLUNG BSIL ZHING BDE BA RNAMS REG PAR 'GYUR RO, ,DE'I 'OG TU SRID PA THA MA PA'I MTSAN
, ,MA DANG NYE BAR GYUR CING, BKRES PA DANG, SKOM PA SHIN TU CHUNG BAR GYUR PA DANG 'PHRAL LA DBANG PO RNAMS TSIM PAR 'GYUR LA, BYA ROG DANG, 'UG PA GANG DAG GIS RTAG TU MIG RNAMS ZA BAR BYED PA DE RNAMS MI SNANG BAR GYUR TO, ,DE'I 'OG TU SRID PA BAR MA LA ZAS DANG SKOM GYI TSOGS MTHONG BA DANG DE'I BLO SNGON GOMS PA'I 'PHEN PA SKYES PAS RGYUG PAR BYED KYANG, SEMS KYIS MTHONG BA ZAD KYI, ZA BAR YANG MI BYED LA 'THUNG BAR YANG MI BYED DE, DE NI MTHONG BA KHO NA TZAM DU ZAD DO, ,JI LTAR RMI LAM NA DNGOS PO MTHONG BA LA MKHO BA MED LA, 'THUNGS KYANG NGOMS PA MED PA DE BZHIN DU DES DE MTHONG ZHING DES BLTAS KYANG DE TSIM PAR MI 'GYUR TE, MTHONG BA KHO NAS DE SNYING DGA' BAR MTHONG NGO, ,JI LTAR SAD PA'I DUS SU GZUGS BDEN PA RNAMS KHONG DU CHUD PA DE LTAR MTHO RIS KYI NGO BO SHIN TU NYAMS DGA' BA RNAMS MTHONG BA DANG DE NAS YANG YID DU 'ONG BA DE RNAMS LA DE RGYUG PAR BYED DO, ,DE LTAR LEN PA YANG BYED DE, DA NI BDAG GIS YUL 'DI DAG THOB PAR BYA'O SNYAM NAS DE DAG LEN PAR BYED DO, ,NYE BAR BLANGS MA THAG TU LHA RNAMS KYI NANG DU SKYE BAR 'GYUR TE, 'GRO BA BAR MA BCU GNYIS PHA NI DE LTA BU YIN NO, ,GTZO BO DAG ,GZHAN YANG, GTI MUG ZAD NAS NGO MTSAR CHE BA'I 'GRO BA BAR MA BCU
GSUM PA JI LTA BU YIN ZHE NA, GTI MUG KUN TU MANG BA DUD 'GRO RNAM PA DU MA DAG LAN GRANGS GZHAN LA MYONG BAR 'GYUR BA'I LAS KYIS TSE RABS 'BUM PHRAG BYE BA DU MAR SEMS CAN DMYAL BA DANG, YI DVAGS DANG, DUD 'GRO NYES PAR BYAS PA'I LAS DAG NYE BAR SPYAD NAS, 'DI LTAR YANG BSKAL PA DU MAR LAS KYI 'KHOR BA MI BZAD PA SHIN TU SPYAD PAR DKA' BA THOG MA MED PA'I DUS NAS YA YOR 'DUG PA PHAN PAR MI BYED PAS SEMS CAN RNAMS 'KHYAMS PAR BYED DO, ,DUD 'GRO RNAM PA DU MA DAG NI ZAS DU MA DANG, 'GRO BA DU MA DANG, LUS DU MA DANG, GNAS DU MA DANG, SEMS KYI SA BON DU MA DANG, LAS DU MA BYED PA GANG YIN PA DE DAG GI NYES PAR BYAS PA'I LAS ZAD PA NI YID CHES PAR DKA' STE, JI LTAR CHU THIGS PAR BCUS PAS RGYA MTSO SKAMS PAR 'GYUR BA YID CHES PAR DKA' BA DE LTAR LAS KYI RGYA MTSO'I THIGS PAR BCUS PA'ANG NGO MTSAR CHE BA YIN NO, ,DE GANG GI TSE DUD 'GRO DAG LAS YONGS SU THAR NA, DE LHA'I RIS GNYIS PO RGYAL CHEN BZHI PA'AM, SUM CU RTZA GSUM PA GANG YANG RUNG BAR SKYE BAR 'GYUR RO, ,DE DUD 'GRO'I NYAM NGA BA CHEN PO LAS 'CHI ZHING THAR BAR 'GYUR BA DE'I TSE, BDE BA CHEN PO NYE BAR GNAS PA'I MTSAN MA RNAM PA DU MA DANG, DNGOS PO DU MA DANG LDAN PA'I MTSAN MA LA DMIGS PA BSHAD PAR
, ,MI NUS SO, ,SEMS CAN DMYAL BA PA MTHO RIS SU SKYE BAR 'GYUR BA NI NGO MTSAR MI CHE YI, YI DVAGS DANG, DUD 'GRO DAG MTHO RIS SU SKYE BA NI NGO MTSAR CHE'O; ;DE CI'I PHYIR ZHE NA, YI DVAGS PAS DUD 'GRO GTI MUG MANG BA'I PHYIR TE, GZHAN LA NYES PA MANG PO BYED LA, DE DAG TSE GCIG GIS 'BUM PHRAG TU SBYOR BA DANG, BSKAL PA'AM, BSKAL PA BRGYA'AM, BSKAL PA 'BUM PHRAG TU SBYOR BAR BYED PA, LAS KYI LU GU RGYUD KYIS TSE GCIG NAS GCIG TU BRGYUD PA DE DAG PAS NI SEMS CAN DMYAL BAR SKYES PA CHES SLA'I, YI DVAGS DANG, DUD 'GRO RNAMS KYI NANG DU SKYES PA NI MI RUNG STE, RGYU DES NA SEMS CAN DMYAL BAR SKYES PA CHES RUNG GI DUD 'GRO NI MI RUNG NGO, ,DE LTAR DE SDUG BSNGAL SHIN TU MI BZAD PA LAS GAL TE THAR NA, DE DAG GIS 'DI DAG PHAL CHER MTHONG NAS SKYE BAR 'GYUR TE, 'DI LTA STE, 'CHI BA'I DUS SU GTI MUG SRABS PAR 'GYUR ZHING SHES PA CHUNG DU 'BYUNG BAR 'GYUR BA NI, 'DI LTAR SNGON BYUNG BA BAS DE BAS KHYAD PAR DU 'BYUNG BA'AM RNO BAR 'BYUNG NGO, ,DE 'CHI BA'I DUS KYI TSE, RI SNANG BAR GYUR PA MTHONG BA DANG; LCUG MA 'PHYANG BA DANG, 'BAB CHUS GANG BA RNAM PA SNA TSOGS DAG MTHONG NGO, ,KHA ZAS 'BYUNG BA GANG YIN PA'I KHA ZAS DE'ANG RI DE LA MTHONG NGO, ,KUN RDZOB KYI SHES PAS DE'I
'DOD PA BDE BA GANG YIN PA DE DAG TSAL DE NA'AM RI DE LA MTHONG NGO, ,DE'I TSE DE KHA ZAS KYI DON DU'AM, DER 'GRO BA'AM, DE LA RTEN PA'I PHYIR RGYUG PAR BYED PA DE'ANG RMI LAM LTA BU MTHONG STE, DE JI LTA JI LTAR RGYUG PA DE LTA DE LTAR DE'I SKYE BA'I SRID PA NYE BAR 'GYUR RO, ,DE GANG GI TSE SKYE BA NYE BAR GNAS PAR 'GYUR BA DE'I TSE, GZUGS GU LU LU BYED PA DAG MTHONG NGO, ,SNGON TSE RABS 'BUM DU MA MTHONG BA GANG YIN PA DE DAG LA 'DI CI ZHIG ,'DI GANG ZHIG YIN SNYAM DU DE'I RNAM PAR SHES PA LA NGO MTSAR CHER 'BYUNG STE, DE CI'I PHYIR ZHE NA, NGO BO GZHAN PA NYID KYIS MA GOMS PA'I PHYIR RO, ,NGO MTSAR DU GYUR PA DE NI BDAG 'DIR 'GRO BAR BYA BA'AM, 'GRO BAR MI BYA SNYAM DU DE LA DMIGS PAR YANG BYED LA, 'DI DAG THAMS CAD BDAG DBANG BAR BYA'O SNYAM DU YANG SEMS TE, LEGS PAR BYAS PA'I LAS DE DANG, RKYEN DES DE LTAR BLO SKYED DO, ,SEMS BSKYED MA THAG NYID DU LHA'I 'JIG RTEN DER SKYE BAR 'GYUR TE, SRID PA BAR MAR 'GRO BA DANG 'BREL BA BCU GSUM PA NI DE LTA BU YIN NO, ,GAR MKHAN RNAMS KYI NANG NA SHIN TU DKA' BA, SHIN TU RMAD DU BYUNG BA, SHIN TU RNAM PAR RIG PAR DKA' BA 'DI YIN TE, 'DI LTA STE, LAS KYI GAR MKHAN LAS GZHI SNA TSOGS KYI GAR CHEN PO SEMS KYI GAR DAG LTAD MO'I GZHI'I 'KHOR BA NA GAR BYED DO, ,BRGYA BYIN DES DE SKAD SMRAS
, ,PA DANG LHA RNAMS SHIN TU GUS PA'I YID SKYES NAS DE SKAD SMRA'O, ,'DI LTAR BRGYA BYIN BDAG CAG LA, ,'JIG RTEN 'DI DANG PHA ROL TU, ,SKYE DGU RNAMS LA PHAN MDZAD PA, ,RGYAL PO PHA DANG MA DANG MTSUNGS, ,GANG GIS BAG MED RNAM BRAL ZHING, ,THAMS CAD DU NI 'BYUNG MI 'GYUR, ,MTHA' LAS BYUNG BA THAR PAR 'GRO, ,BDAG CAG LA NI CHOS STON MDZAD, ,KHYOD KYI LAS DANG 'BRAS BUR BCAS, ,MNGON SUM YANG DAG RAB TU BSTAN, ,SKYE DANG 'CHI BA'I NGO BO DAG ,BRGYA BYIN 'JIG RTEN BKA' MCHID STON, ,KHYOD KYIS DE NYID RNAM PAR BSTAN, ,BDAG CAG LA NI LEGS PAR MDZAD, ,BDAG CAG GANG DAG YID RMONGS PA, ,YE SHES MKHAS PA NYID DU MDZAD, ,BUD MED 'DOD CHAGS YID ZHE NA CING; ;RTAG TU 'DOD PA TSOL RNAMS LA, ,RGYU DANG 'BRAS BU YANG DAG 'BYUNG, ,DE NI KHYOD KYIS RAB TU BSTAN, ,BRGYA BYIN LONG BA'I MIG DANG 'DRA, ,NAD PA RNAMS LA SMAN PA LTAR; ;KHYOD KYIS CHOS LA MA BSTAN PA GANG, ,BDAG CAG LA NI SMAN PAR MDZAD, ,JI LTA JI LTAR BRGYA BYIN KHYOD, ,PHAN PA'I CHOS NI STON MDZAD PA, ,DE LTA DE LTAR GSHIN RJE'I MI; ;PHAN MED MIG CAN NYAMS PAR 'GYUR, ,DE LTAR BRGYA BYIN NGES, ,DUD 'GRO RNAMS KYI SRID PA BAR MA BSHAD NAS, YANG SRID PA BAR MAR 'GRO BA DANG 'BREL PA BCU BZHI
PA STON PAR BYED DO, ,'DI LTAR SEMS CAN DMYAL BA PA DAG RES 'GA' LEGS PAR BYAS PA'I LAS KYI RKYEN DANG, LEGS PAR BYAS PA'I LAS KYI RGYU LAN GRANGS GZHAN LA MYONG BAR 'GYUR BA, SHIN TU BSIL BA, SHIN TU PHAN PAR 'DOD PA, DMA' BA DANG MTHO BAR 'GYUR BA'I RGYU GANG GIS GAL TE SDUG BSNGAL DPE MED PA LAS GROL NAS, BDE BA DPE MED PAR JI LTAR SKYE BAR 'GYUR, DE'I YANG SOS DANG, THIG NAG DANG, BSDUS GZHOM DANG, DUD 'BOD DANG, DU 'BOD CHEN PO DANG, TSA BA LA SOGS PA SEMS CAN DMYAL BA CHEN PO DANG, 'DI LTAR SEMS CAN DMYAL BA'I 'KHOR DU GTOGS PA'I RNAM PAR SMIN PA SHIN TU TSA BA SHIN TU SPU ZING ZHES BYED PA ME 'BAR BA 'KHRUGS PA DANG BCAS PA DAG NAS, SEMS CAN DMYAL BA PA 'CHI BA RNAMS DANG, 'CHI BA DE DAG GIS LAS ZAD NAS 'CHI BA RNAMS KYI MTSAN MA JI LTAR 'BYUNG BAR 'GYUR, SRID PA BAR MA NAS SRID PA BAR MAR JI LTAR SKYE BA DANG 'CHI BAR 'GYUR, JI LTAR NA LAS KYI RKYEN GYI DBANG GIS SHIN TU SDUG BSNGAL DANG LDAN PA'AM, SHIN TU BDE BA DANG LDAN PAR 'GYUR ZHE NA, GTZO BO DAG ,SEMS CAN DMYAL BA PA NGAN SONG ZAD PA DE'I 'CHI BA NI, DE GANG GI TSE RDZA MA'I NANG DU BCUG STE 'CHI BAR BYED DO, ,DE BCUG PA TZAM NYID KYIS DBU BA BZHIN DU SO SOR ZHU BAR BYED KYANG LUS
, ,GZHAN DU SKYE BAR MI 'GYUR RO, ,GAL TE DE LAN GCIG KHO NAR THOBS GSOD CING 'CHI BA'I DUS BYED KYANG LUS GZHAN DU SKYE BAR MI 'GYUR RO, ,GAL TE LUNG PA'I NANG DU 'JUG PAR BYED LA, DE BCUG PA TZAM PA NYID KYIS SROG 'JIG PAR BYED KYANG LUS GZHAN DU SKYE BAR MI 'GYUR RO, ,GAL TE BA TSVA'I CHU BO'I NANG DU 'JUG PAR BYED LA, DE LAN GCIG KHO NAR RAB TU ZHU BAR BYED KYANG DE'I LUS GZHAN DU SKYE BAR MI 'GYUR RO, ,GAL TE PHUR BU RNAMS KYIS BTAB LA DE PHUR BU RNAMS KYIS BTAB STE, NYAMS PA NYID KYIS 'CHI BAR 'GYUR YANG DE'I LUS YANG SKYE BAR MI 'GYUR RO, ,GAL TE BYA RGOD DAM, KHVA RNAMS KYIS BZUNG NAS ZA BAR BYED KYANG DE'ANG 'BYUNG BAR MI 'GYUR RO, ,GAL TE SENGGE DANG, STAG DANG, DRED DANG, GUNG DANG, GZIG RNAMS KYIS 'DZIN PAR BYED LA, BZUNG NAS KYANG GAL TE ZA BAR BYED NA DE'ANG 'BYUNG BAR MI 'GYUR TE, DE LTAR SEMS CAN DMYAL BA PA DE LAS RNAM PAR ZAD NAS 'CHI BAR 'GYUR RO, ,DE 'CHI BA'I DUS LA BAB PA'I TSE, GSHIN RJE'I MI GNOD PAR BYED PA GANG YIN PA DE DAG THAMS CAD MI SNANG BAR 'GYUR RO, ,SEMS CAN DU BGRANG BA MA YIN PA DE DAG JI LTAR MAR DANG SNYING PO ZAD NA MAR ME MED PAR 'GYUR BA DE BZHIN DU LAS ZAD NA, SEMS CAN DMYAL
BA LA GNOD PA BYED PA GSHIN RJE'I MI RNAMS 'BYUNG BAR MI 'GYUR RO, ,JI LTAR DZAMBU GLING DU NYI MA NUB NA DE'I TSE MUN PA'ANG 'BYUNG BA DE LTAR LAS BYAS PA ZAD NA, BZHIN GYI MDOG DANG, MIG MI SDUG PAR BSGYUR BA GZUGS DE DAG THAMS CAD KYANG MI SNANG BAR 'GYUR RO, ,JI LTAR GANG GI TSE RTZIG PA ZHIG NA DE'I TSE RI MO YANG 'JIG PAR 'GYUR BA DE BZHIN DU, GANG GI TSE LAS KYI RTZIG PA ZHIG NA, DE'I TSE SEMS CAN DU BGRANG BA MA YIN PA, GSHIN RJE'I MI GZUGS MI SDUG PAR BSGYUR BA DE DAG KYANG 'JIG PAR 'GYUR RO, ,DE DAG NI BCOM LDAN 'DAS KYIS GSUNGS PA YIN TE, DE LTAR SEMS CAN DMYAL BA DE DAG SEMS CAN DMYAL BA ZAD NAS THAR BAR 'GYUR RO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO BZHI BCU GSUM PA, DE NAS BRGYA BYIN GYIS DE'I TSE LHA DE RNAMS LA 'DI LTAR TSIGS SU BCAD DE SMRAS PA, JI LTAR MI DAG SROG GCOD PA, , DGRA RNAMS LAS NI THAR PA RNAMS, ,BDE BA 'DOD PA THABS KUN GYIS, ,MDZA' BSHES MANG POS MNGON DU 'PHRAD, ,DE LTAR DMYAL BA STOBS PO CHE, ,LAS 'DI DAG LAS NGES GROL BA, ,LHA YUL ZHI BAR 'GRO BA YI, ,LAS RNAMS LEGS PAR BYAS PAS THOB, ,DE NI YON TAN DU MAS BRGYAN, ,LHA YI GNAS SU KHRID BYED LA, ,JI LTAR LEGS PAR BYAS PA'I
, ,LAS; ;DE MA ZAD PAR DGA' BAR BYED, ,DE NI DE NAS ZAD DANG PHYIR, ,DBANG MED MI DAG LHUNG BAR 'GYUR, ,MAR ME'I SNYING PO ZAD PA GANG, ,MAR ME 'CHI BAR 'GYUR BA LTAR, ,LAS KYI RLUNG LAS YANG DAG BYUNG, ,DE NI DMA' DANG MTHON POR MTHONG, ,RLUNG ZHUGS DBANG GIS 'KHRUL PA YI, ,'JIG RTEN 'DI NI YONGS SU 'KHOR, ,SHES PA'I DBANG DU GYUR PA GANG, ,DE NI 'KHOR BAR MI 'JUG GO ,JI LTAR PADMA'I RTZA RGYUD KYIS, ,RI MCHOG RI RAB MI 'GUL LTAR, ,DE NI LAS KYI ZHAGS PA YIS; ;NAM YANG 'DREN PAR MI 'GYUR RO, ,DE LTAR DE NI MGON BRAL ZHING, ,MYA NGAN BRAL LA NYON MONGS BRAL, ,RI RAB KYI NI RTZE MO LTAR, ,BRTAN PO DAG TU 'KHOR MI 'GYUR, , DE LTAR BRGYA BYIN DES LHA DE RNAMS LA TSIGS SU BCAD PA SMRAS NAS, SEMS CAN DMYAL BA PA SEMS CAN DMYAL BA LAS THAR PA DE'I SRID PA BAR MA'I MTSAN MA SNGON CHAD MA MTHONG BA RNAMS LA BRTAGS NA, NAM MKHA' LA RLUNG SHIN TU BSIL BA LUS LA REG PAR BYED DE, REG NA SHIN TU BDE BA, SHIN TU DRI ZHIM PA, BRTEN NA SHIN TU BDE BA SGRA SNYAN PA THOS TE, 'DI LTA STE, PI WANG GI SGRA'AM, DE LAS GZHAN PA'I RGYUD LAS BYUNG BA'I SGRA DE LTAR RLUNG DAG GI SGRA THOS SO, ,DRI'ANG SHIN TU YID DU 'ONG BA LA
SNOM MO, ,GZUGS KYANG SHIN TU YID DU 'ONG BA DAG MTHONG STE, 'DI LTA STE, TSAL DANG, NYE BA'I TSAL DANG, LTENG KA DANG, 'BAB CHU'I DONG [?] DANG, PADMA'I TSAL SHIN TU DRI ZHIM ZHING RGYA CHE BA DAG MTHONG NGO, ,RNA BAS KYANG GLU DBYANGS KYI SGRA SHIN TU YID DU 'ONG BA DAG THOS SO, ,BDAG NYID KYI BYAD GZUGS SHIN TU CHE BA RAB TU GZI BRJID DANG LDAN PA, LHAG PAR DRI ZHIM PA PHRENG BAS BRGYAN PA MTHONG NGO, ,KUN TU THOGS PA MED CING NAM MKHA' SHIN TU DRI MA MED PA THAMS CAD LA, GZA' DANG, SKAR MA DANG, RGYU SKAR GSAL BA RNAMS KYIS KHYAB PAR MTHONG NGO, ,MTSO DAG NA YANG BYA NGANG PA DANG, KA RANDA PAR 'DRES PA'I SGRA DAG THOS SO, ,DE NAS YANG SRID PA BAR MAR ZHUGS TE, SRID PA 'BYUNG BA'I PI WANG DANG, GLING BU DANG, RNGA DANG, GLU DBYANGS KYI SGRA DAG THOS PA DANG, LO BYE BA PHRAG DU MAR MA MYONG BA'I DE'I YID LA RAB TU DGA' BAR 'GYUR BA, THAMS CAD DU MTSAN MA BZANG PO RNAMS 'BYUNG BAR 'GYUR BA DANG, MDZA' BSHES DANG, GNYEN 'DAB DANG, RTZA LAG DAG DANG PHRAD PA LTA BUR BDAG NYID SEMS LA NYIN GCIG BZHIN SNYING RAB TU DGA' BAR 'GYUR RO, , JI LTA JI LTAR SRID PAR SKYE BAR 'GYUR BA DE 'DI'AM, GZHAN RGYAL CHEN BZHI'I LHA'I RIGS SU SKYES PA DANG, TSAL DANG, NYE BA'I TSAL SHIN TU NYAMS DGA' BA DANG, DRI SHIN TU
, ,ZHIM PA DANG, TSAL DANG, RIN PO CHE SNA BDUN GYI TSAL DANG, BUD MED KYANG NGO BO NYID KYIS YID DU 'ONG BA GANG YIN PA DAG MTHONG NGO, ,DE 'DI SNYAM DU SEMS TE, DA NI BDAG 'DIR SKYE BAR BYA'AM, THOB PAR BYA'O SNYAM MO, ,DES SEMS BSKYED MA THAG NYID DU SKYE BAR 'GYUR LA, SRID PA'I YAN LAG GI RIM PA NI 'DI LTA STE; NYE BAR LEN PA'I RKYEN GYIS SRID PA 'BYUNG NGO, ,DE LTAR SROG CHAGS DAG SEMS CAN DMYAL BA LAS THAR CING NGAN PA BYAS PA LAS YONGS SU THAR NAS BDE BA DPE MED PA THOB PAR 'GYUR TE, SRID PA BAR MA'I 'GRO BA BCU BZHI PA NI DE LTA BU YIN NO, ,SRID PA BAR MAR 'GRO BA DANG 'BREL PA BCO LNGA PA JI LTAR SHES PAR BYA, GANG GI TSE MI DAG LAS SHI NAS GAL TE MI RNAMS KYI NANG DU SKYE BA DE'I MTSAN MA CI DAG 'BYUNG, MNGON PAR 'DOD PA DE JI LTA BU YIN ZHE NA, 'DI LA GANG GI TSE 'CHI BA'I DUS SU MI DAG NYID LAS SHI NAS GAL TE MI RNAMS KYI NANG DU SKYE NA, DE'I MTSAN MA 'DI LTA BU DAG 'BYUNG BAR 'GYUR TE, JI LTAR RI BRTZEGS PA CHEN PO'I GRIB MA RDO THAL GYIS BSKUS PA'I THANG LA 'BAB PA DE LTAR GRIB MA LTA BU ZHIG BAB PA DANG 'DI SNYAM DU SEMS TE, BDAG GI STENG DU THAMS CAD 'BAB PO SNYAM NAS, DE LAG PA GNYIS KAS RI 'BAB PA PHYIR 'PHUL
BAR BYED LA, 'BAB PA NA LAG PA GNYIS KAS 'DZIN PAR BYED CING LAG PA G-YOB PAR BYED PA DANG, DE'I GNYEN 'DUN DAG NA RE, 'DI LTAR NAM MKHA' LA REG PAR BYED DO ZHES BRJOD DO, ,DE'I 'OG TU SNAM BU DKAR PO ZHIG MTHONG NAS, DE'I STENG NA YANG SNAM BU DMAR PO ZHIG YOD PAR MTHONG NGO, ,DE'I 'OG TU SRID PA THA MA PA'I MI SEMS LA JI LTAR SNANG BA MTHONG BA DE'I MI GSAL BA DE DAG LAS RMONGS PAR 'GYUR TE, JI LTAR RMI LAM NA GZUGS DAG LA BLO RMONGS PA JI LTAR DE RMONGS PAR 'GYUR RO, ,DE PHA MA GNYIS 'KHRIG PA'I CHOS DANG LDAN PAR GYUR PA NA, GAL TE SKYES PAR 'GYUR NA NI DE LOG PAR MTHONG BAR 'GYUR TE, MA LA NI CHUNG MA'I 'DU SHES SKYE'O, ,PHA LA NI DGRA'I 'DU SHES SKYE'O, ,DE 'DI SNYAM DU SEMS TE, BDAG 'DI'I DRUNG DU 'GRO'O SNYAM NAS DE MA DE LA 'KHRIG PA'I PHYIR PHRAD PAR BYED DO, ,JI STE BUD MED DU 'GYUR NA NI 'DI SNYAM DU SEMS TE, BDAG GI KHYIM THAB 'DI 'DIS PHROGS SO SNYAM NAS, DE LA ZHE SDANG SKYED PAR BYED DO, ,DE MA DE SKYES PA DE DANG 'BYED PAR 'DOD CING BDAG NYID DE DANG PHRAD PAR BYED DO, ,DE'I TSE SRID PA BAR MA PA'I RNAM PAR SHES PA 'GAG CING SKYE BA'I SRID PA'I RNAM PAR SHES PA 'BYUNG STE, DE MA THAG PA'I RKYEN GYIS RGYA'I 'BUR LTAR RNAM PAR SHES PA 'BYUNG BAR 'GYUR RO, ,MI DAG
, ,LAS SHI NAS MI RNAMS KYI NANG DU SKYE BA'I MTSAN NYID NI DE LTA BU YIN NO, ,GZHAN YANG, 'GRO BA DANG 'BREL PA BCU DRUG PA NI 'DI LTAR LHA DAG NYID LAS 'CHI BA NA, GTZO BO DAG ,GANG GI TSE LHA LAS SHI NAS LHA RNAMS KYI NANG DU SKYE BAR 'GYUR BA DE'I TSE, DE LA 'DI LTAR LHA GZHAN SEMS CAN DMYAL BA DANG, YI DVAGS DANG, DUD 'GRO'I NANG DU SKYE BA RNAMS KYI SDUG BSNGAL DE DAG 'BYUNG BAR MI 'GYUR LA, CHUNG MAS 'DOR BA'I SDUG BSNGAL MI 'BYUNG, RGYAN 'PHROG PAR MI BYED, LHA'I BU GZHAN STAN DE LA 'DUG PAR MI MTHONG STE, SDUG BSNGAL MI BZAD PA DE DAG MTHONG BAR MI 'GYUR RO, ,DE SHI BA'I STAN DE LA LHA GZHAN DAG SKYE BAR 'GYUR LA, DE'I 'GRO BA LHA'I NANG DU SKYE BA CHES BZANG BAR 'GYUR RO, ,'DI LTAR GAL TE RGYAL CHEN BZHI PA DAG LAS SHI NAS SUM CU RTZA GSUM DU SKYE BAR 'GYUR BA DE'I MTSAN MA SHIN TU NYAMS DGA' BA BZANG PO DAG MTHONG BAR 'GYUR TE, 'DI LTAR DES SNGON GAR YANG MA THOS PA'I RNAM PA GANG YIN PA'I RNAM PA DE LTA BU'I GLU DBYANGS THOS LA, DE BZHIN DU YUL LNGA'I MTSAN MA BZANG PO MTHONG NGO, ,DE'I 'OG TU DE'I SRID PA THA MA PA'I SEMS 'BYUNG STE, DES SRID PA BAR MA LA BUD MED SHIN TU BZANG MO LHAG PAR BLTA NA SDUG PA, BYAD GZUGS RAB
TU BZANG BA RNAMS KYI LAG NA ROL MO RNAM PA SNA TSOGS THOGS PA MTHONG NGO, ,'BAB CHU DANG, SKYED MOS TSAL YON TAN SNA TSOGS DANG LDAN ZHING, DE LTAR YID DU 'ONG BA SNGON GAR YANG MA MTHONG BA SRID PA BAR MA'I GANG YIN PA DE DAG DES RMI LAM LTA BUR MTHONG NGO, ,DE GANG GI TSE SKYE BA'I SRID PA DANG NYE ZHING PHRAD PAR 'GYUR PA DE'I TSE, SAD PA'I DUS LTAR 'DOD PA, SHIN TU NYAMS DGA' BA, 'DOD PA'I YON TAN LNGA 'BYOR PA DES SNGON NAM YANG MA MTHONG BA DE RNAMS GSAL BAR MTHONG NGO, ,DE NAS 'DI SNYAM DU SEMS TE, KYE; AE MA NGO MTSAR CHE BA RNAM PA 'DI LTA BU SNGON BDAG GIS GAR YANG MA MTHONG STE, DE NI BDAG 'DIR 'JUG PAR BYA'O SNYAM DU SEMS SO, ,DES SEMS BSKYED MA THAG NYID DU DER SKYE BAR 'GYUR TE, SRID PA BAR MAR 'GRO BA DANG 'BREL PA BCU DRUG PA NI DE LTA BU YIN NO, ,GTZO BO DAG ,GZHAN YANG, SRID PA BAR MAR 'GRO BA DANG 'BREL PA BCU BDUN PA JI LTAR 'BYUNG ZHE NA, DE LTAR LHA'I RIS GZHAN GANG DANG, GANG DAG NAS CHES DMA' BAR SKYE BAR 'GYUR BA DE NI LTENG KA DANG, CHU DNGO DANG, 'BAB CHU CHUNG BA DAG MTHONG BA DANG, JI LTAR DE LA 'DOD PA DE LTAR BKRES PAS MNGON PAR NYAMS PAR 'GYUR ZHING DE DER SKYE BAR 'GYUR RO, ,DE LTAR LHA RNAMS KYI SRID PA'I YAN LAG LA RNAM
, ,PA GNYIS SAM, RNAM PA GCIG TU 'GRO BA LHA RNAMS KYI NANG DU SKYE BAR 'GYUR RO, ,GZHAN YANG, SRID PA BAR MAR 'GRO BA DANG 'BREL PA NI GAL TE SHAR GYI LUS 'PHAGS PO'I MI DAG NUB KYI BA LANG SPYOD RNAMS KYI NANG DU SKYE BAR 'GYUR BA DE'I 'CHI BA'I DUS GANG ZHIG LA MTSAN MA RNAM PA JI LTA BU DAG 'BYUNG BAR 'GYUR, GAL TE NUB KYI BA LANG SPYOD KYI MI SHAR GYI LUS 'PHAGS SU SKYE BAR 'GYUR NA, DE GNYIS 'CHI BA'I DUS SU MTSAN MA RNAM PA JI LTA BU ZHIG 'BYUNG BAR 'GYUR ZHE NA, GTZO BO DAG ,PHAN TSUN SKYE BA DAG GIS MTSAN MA NI DE BZHIN DU 'BYUNG STE, 'DI LTA STE, SRID PA THA MA PA'I DUS SU PHUG GI SGO CHEN PO RIB RIB POR BSGRIGS PA ZHIG MTHONG LA; DE NAS BA DAN SKAR MDA' LTA BUR SHIN TU BZANG BA, LA LA NI DMAR PO, LA LA NI DMAR SKYA DAG CIG BYUNG BA DANG, DE LAG PA GNYIS KYIS DE LA 'DZIN PAR BYED DO, ,DES JI LTA JI LTAR BA DAN DE LA BZUNG BA DE LTA DE LTAR MI DE YANG PHUG GI NANG DU 'JUG PAR BYED LA, SRID PA THA MA PA BTANG STE, SHI NAS SRID PA BAR MA LA GNAS TE, BA DAN DE NYID LA 'DZIN PAR 'DOD PA KUN TU RGYUG PAR BYED DO, ,DE JI LTA JI LTAR RGYUG PA DE LTA DE LTAR DE'I SKYE BA'I SRID PA'I NYE BAR GNAS PAR 'GYUR LA, DES SNGA MA BZHIN DU KHYU MCHOG
PA DANG LHAN CIG 'KHOD PA DANG, GSEB DANG RGOD MAR LHAN CIG 'KHOD PAR MTHONG BA DANG, DE DER KUN TU 'DOD CHAGS SKYED PAR BYED DO, ,GTZO BO DAG ,'GRO BA DANG 'BREL PA BCU BDUN PA NI DE LTA BUR SHES PAR BYA'O, ,DE LTAR SHES PAS SHIN TU BAG YOD PAR BYA'O, ,DE CI'I PHYIR ZHE NA, BAG MED PA NI GANG YANG 'KHOR BA LAS 'GROL BA MED LA, 'JIG RTEN PA'I LEGS PA GANG YANG 'THOB PAR MI 'GYUR RO, ,BAG MED PA NI LEGS PA THAMS CAD DON MED PAR BYED PA NYID YIN TE, DE LTA BAS NA LEGS PA THAMS CAD DON DU GNYER BA'I LHA'AM, MI SHES RAB DANG LDAN PAR 'GYUR BAS YONGS SU SPANG BAR BYED PA DE RAB TU 'BAD PAS YONGS SU SPONGS SHIG ,GTZO BO DAG ,DE LTAR SRID PA BAR MAR 'GRO BA DANG 'BREL PA BCU BDUN PA DAG SRID PA'I NGO BO NYID LA RTOG PAR 'DOD CING DE KHO NA TSOL BAR 'DOD PA'I LHA'AM, MIS SHES PAR BYA, DPYAD BAR BYA, BRTAG PAR BYA'O, ,GTZO BO DAG ,GZHAN YANG, RIM PA BRGYUD PA GCIG NAS CHOS NYI SHU'I BAR DU BSTAN PA GANG YIN PA DE DAG GI NANG NAS BCU BDUN GYI BAR NI BSTAN ZIN TO, ,GTZO BO DAG ,DA NI 'GRO BA DANG 'BREL PA DAG LAS GZHAN PA'I KHAMS BCO BRGYAD BSTAN PA KHAMS DE DAG GI RIM PA LA BAB PAS RIM PA DE BSTAN PAR BYA'O, ,DE LA KHAMS ZHES PA BSTAN PA GANG YIN PA DE GANG ZHE NA, DE LA MOS PA RNAM PA DU MA DAG GI
, ,KHAMS RNAM PA DU MAR 'GYUR RO, ,SKYON GSUM GYIS BSGRIBS PA'I SEMS NI PHUNG PO GSUM LA GNAS LA, GSUM GYIS SO SOR DBANG BSGYUR TO; ;PHRA MO LA MOS PA'I SEMS CAN BYED PA SNA TSOGS, RANG BZHIN SNA TSOGS, LAS SNA TSOGS, 'GRO BA SNA TSOGS, BDE BA DANG, SDUG BSNGAL MYONG BA SNA TSOGS, BYAD GZUGS SNA TSOGS; DBANG SNA TSOGS PA DE DAG THAMS CAD NI SEMS KYI RANG BZHIN SEMS KYI KHAMS LA RAG LAS PA YIN LA, SRID PA'I RIS SU SRID PA SNA TSOGS NYID 'BYUNG BA YIN TE, DE LTAR SEMS CAN RNAMS KYI KHAMS NI MTHA' YAS SO, ,LHA DANG, MI DANG, DUD 'GRO DANG, YI DVAGS DANG, SEMS CAN DMYAL BA RNAMS KYI 'GRO BA RAGS RIM GYIS MDOR BSDU NA, BGRANG BAR GTOGS PA'I KHAMS BCO BRGYAD NI SEMS KYI SKYON LA RAG LAS PA YIN TE, KHAMS BCO BRGYAD DU BSDU BA DE DAG THAMS CAD NI MDOR BSDUS PA YIN NO, ,DE LA KHAMS DANG PO NI 'DOD CHAGS KYI SHAS CHE BA'I KHAMS YIN NO, ,DE LA 'DOD CHAGS KYI SHAS CHE BA'I KHAMS DAG NI, LHA DANG, MI DANG, YI DVAGS DANG; DUD 'GRO RNAMS KYI BUD MED NGA RGYAL SPYOD PA KUN YIN LA, DE DAG GI ZHE SDANG DE NI CHUNG BA YIN TE, 'DI NI KHAMS DANG PO YIN NO, ,DUD 'GRO SPYI RNAMS KYI NANG NA RMA
BYA DANG, MCHIL PA DANG, KHU BYUG DANG, PHUG RON DANG, P'A NA PI KA DANG, PU SHUD DANG, BUNG BA DANG, NYA DANG, KHYIM BYA DANG, PA LINDA KA LA SOGS PA'I DUD 'GROR GTOGS PA NI 'DOD CHAGS KYI KHAMS SHAS CHE BA YIN NO, ,DUD 'GROR GTOGS PA'I 'DOD CHAGS KYI KHAMS 'BRING PO'I SHAS YOD PA GANG ZHE NA, 'DI LTA STE, RTA DANG, BYI LA DANG, SKYUGS PA ZA BA DANG, BONG BU DANG, MA HE DANG, PHAG DANG, GLANG PO CHE DANG, RNGA MO DANG, KHYI DANG, DA RA DANG, BYA ROG DANG, BYA NE'U LE DANG, 'UG PA DANG, TSAD PA BYE'U DANG, YA TI KA LA SOGS PA DAG NI 'DOD CHAGS 'BRING POR SPYOD PA YIN TE, SEMS KYI KHAMS GNYIS PA YIN NO, ,DE LA DUD 'GRO DE DAG GI 'DOD CHAGS KYI KHAMS CHUNG BA GANG ZHE NA, 'DI LTA STE, SENGGE DANG, STAG DANG, DRED DANG, GUNG DANG, RA DANG, GLA BA DANG, BYA KA LANDA KA DANG, WA DANG, SA KO'U SHI DANG, SA LI LE DANG, MDZO DANG, CHU SRIN DANG, CHU SRIN DHAN DHU GSOD DANG, TZU LUN DA LA SOGS DUS SU 'KHRIG PAR BYED PA DE DAG NI, DUS SU 'KHRIG TU 'GRO BA YIN NO, ,DUS MA YIN PAR 'DOD CHAGS SPYOD PA CHUNG BA YIN TE, DE DAG NI DUD 'GRO'I KHAMS GSUM PA YIN NO, ,DE DAG MA GTOGS PA GZHAN RNAM PA DU MA, TSE DU MA, MING DU MA GANG YIN PA DE DAG NI BSHAD PAR MI NUS SHING BGRANG BAR MI NUS
, ,SO; ;YANG DUD 'GRO DE DAG GI NANG NYID NA ZHE SDANG CHE BA GANG YIN ZHE NA, GANG ZHE SDANG LHAG PAR CHE BA NYID YIN LA 'DOD CHAGS CHE BA MA YIN TE, 'DI NI KHAMS BZHI PA YIN NO, ,'DI LTA STE, SENGGE DANG, STAG DANG, GUNG DANG, SBRUL DANG, NE'U LE DANG, SROG CHAGS RLUNG 'GAM DANG, KA BA TAB BYA DANG, SRIN GYI ME DA DANG, KA KO DA RA DA DANG, TZI LI NA DA KA DANG, 'OL PA DANG, PRA RO TI NA DANG, CHU SRIN NA KRA DANG, CHU SRIN BYIS PA GSOD DANG, PHAG LA SOGS PA NI ZHE SDANG GI KHAMS LHAG PAR CHE BA YIN NO, ,KHAMS LNGA PA NI GANG YIN, DUD 'GRO DE DAG NYID KYI NANG NA ZHE SDANG 'BRING DU SPYOD PA GANG ZHE NA, BA LANG DANG, YU BA BIN TA KA DANG, KA PA LING KA DANG; SA LIN DHA KA DANG, K'A dO DA RA DANG, AID KYA HA KA DANG, RMA BYA DANG, KHYIM BYA DANG, BYI LA DANG, BYI BA LA SOGS PA NI ZHE SDANG 'BRING DU SPYOD PA YIN NO, ,DE LA KHAMS LNGA PA DUD 'GRO DE DAG NYID KYI NANG NA ZHE SDANG CHUNG NGU SPYOD PA GANG YIN ZHE NA, 'DI LTA STE, NGANG PA DANG, CHU SKYAR DANG, SROG CHAGS KANG TYA DANG, SHA BA DANG, KHU BYUG DANG, MCHIL PA DANG, BZHAD DANG, BONG BU DANG, RU SBAL DANG, RI BONG GSOD DANG, SROG CHAGS S'U KshMA TZA RA DANG, AU TZA TZA KA DANG, RA SHA SHA KA DANG, SBAL PA LA SOGS PA NI
ZHE SDANG CHUNG NGU SPYOD PA YIN NO, ,DE LA KHAMS DRUG PA GANG ZHE NA, YI DVAGS RNAMS KYI NANG NA YI DVAGS RDZU 'PHRUL CHEN PO 'DOD CHAGS SPYOD PA GANG YIN PA DE DAG YIN NO, , KHAMS BDUN PA NI DUD 'GRO'I NANG DU GTOGS PA LHA MA YIN 'DOD CHAGS KYI KHAMS LHAG PAR CHE BA GANG YIN PA DE DAG YIN NO, ,KHAMS BRGYAD PA NI 'DOD CHAGS 'BRING DU SPYOD PA DUD PA ZA BA GANG YIN PA DE DAG YIN NO, ,KHAMS DGU PA NI 'DOD CHAGS CHUNG NGUR SPYOD PA GTOR MA ZA BA GANG YIN PA DE DAG YIN NO, ,KHAMS BCU PA NI LHA RIL PA SPYI BLUGS NAS 'THUNG BA GANG YIN PA DE DAG NI LHA GZHAN DAG PAS 'DOD CHAGS SPYOD PA CHUNG BA YIN LA, ZHE SDANG CHE BA YIN TE, G-YUL 'GYED PA LA RKAM ZHING RTAG TU BRTZON PA, LHA MA YIN GYI G-YUL 'GYED PAR 'DOD PA DE DAG NI 'DOD CHAGS LHAG PAR CHUNG BA YIN NO, ,KHAMS BCU PA NI 'DI LTAR PHRENG THOGS RNAMS NI 'DOD CHAGS 'BRING DU SPYOD, ZHE SDANG 'BRING DU SPYOD PA YIN TE, KHAMS 'BRING PO YIN NO, ,RTAG TU MYOS GNAS PA RNAMS NI 'DOD CHAGS KYI KHAMS LHAG PAR CHE BA YIN, ZHE SDANG GI KHAMS CHUNG BA YIN TE, THAMS CAD DU MNGON PAR BRTZON PA YIN NO, ,KHAMS BCU GCIG PA KUN TU RGYU BA DAG NI ZHE SDANG GI KHAMS LHAG PAR CHE LA 'DOD CHAGS CHUNG BA YIN NO, ,KHAMS BCU GNYIS PA NI SUM CU
, ,RTZA GSUM PA 'DOD CHAGS SPYOD PA KUN YIN LA, ZHE SDANG CHUNG NGU SPYOD PA RNAMS YIN NO, ,KHAMS BCU GSUM PA NI BYANG SGRA MI SNYAN PA 'DOD CHAGS KYI KHAMS CHE BA KUN YIN NO, ,KHAMS BCU BZHI PA NI NUB KYI BA LANG SPYOD PA ZHE SDANG SPYOD PA KUN YIN NO, ,KHAMS BCO LNGA PA NI SHAR GYI LUS 'PHAGS PO RNAMS 'DOD CHAGS DANG, ZHE SDANG 'DRES PA CHE STE, KHAMS MNYAM PA YIN NO, ,KHAMS BCU DRUG PA NI DZAMBU'I GLING GI MI RANG BZHIN SNA TSOGS, SPYOD PA SNA TSOGS, MOS PA SNA TSOGS PA RNAMS YIN NO, ,KHAMS BCU BDUN PA NI LHA GZHAN DANG, SEMS CAN DMYAL BA 'DOD CHAGS SPYOD PA THAMS CAD YIN TE, 'DI LTAR DE'I GNAS DAG NA YANG SEMS CAN DMYAL BA PA RNAMS BUD MED DAG LA MNGON PAR 'DOD DO, ,'DI LTAR LAS BYAS PA'I SEMS CAN DMYAL BA PA RNAMS DANG, LHA'I GNAS BZHI RNAMS NI 'DOD CHAGS LHAG PAR CHE BA YIN NO, ,SEMS CAN RNAMS KYI RANG BZHIN GANG YIN PA DE NYID KHAMS YIN PA DE NYID GNAS YIN, DE NYID MOS PA YIN TE, THAMS CAD MDOR BSDU NA, DE DAG NYID KHAMS BCO BRGYAD YIN NO, ,GANG NA 'DOD CHAGS DANG, ZHE SDANG SPYOD PA DE NA GTI MUG LA GNAS LA, DE LTAR 'DOD CHAGS DANG, ZHE SDANG
DAG NI GTI MUG LA RAG LAS PA YIN TE, RMONGS PA MED NA CHAGS PA'AM, G-YO BA MED DO, ,GTZO BO DAG ,DE LTAR SKYON GSUM GYI BYE BRAG THA DAD PA BZHI'I SKYON GYIS KHAMS 'BYUNG BAR 'GYUR RO, ,GTZO BO DAG ,YANG KHAMS BCO BRGYAD YOD DE, 'DI LTA STE, MIG GI KHAMS DANG, GZUGS KYI KHAMS DANG, MIG GI RNAM PAR SHES PA'I KHAMS DANG, RNA BA'I KHAMS DANG, SGRA'I KHAMS DANG, RNA BA'I RNAM PAR SHES PA'I KHAMS DANG, SNA'I KHAMS DANG, DRI'I KHAMS DANG, SNA'I RNAM PAR SHES PA'I KHAMS DANG, LCE'I KHAMS DANG, RO'I KHAMS DANG, LCE'I RNAM PAR SHES PA'I KHAMS DANG, LUS KYI KHAMS DANG, REG BYA'I KHAMS DANG, LUS KYI RNAM PAR SHES PA'I KHAMS DANG, YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS TE, GTZO BO DAG ,GZHAN 'DI DAG KYANG KHAMS YIN NO, ,'DI DAG NI GNOD PA THAMS CAD KYI RGYUR GYUR CING, BYIS PA SO SO'I SKYE BO THAMS CAD RMONGS PAR BYED PA YIN TE, LHA'AM, MI BAG YOD PAS YUL DE DAG LA BSAMS NAS BSRUNG BAR BYA'O, ,GANG GNYIS KA 'DZIN PA BAG MED PA'I MI RNAMS KYI SRID PA BAR MA PA BCU DGU NI 'DI LTA STE, BSAM GTAN BZHIR NYE BAR 'GRO BA GNAS GTZANG MA DANG BCAS PA BCU DRUG DANG, 'DOD PA'I KHAMS SU NYE BAR
, ,'GRO BA GSUM STE, 'DI LTA STE, SEMS CAN DMYAL PA DANG, DUD 'GRO DANG, MI RNAMS SO, ,YI DVAGS RNAMS NI DE DAG DANG 'BREL PA YIN TE, SEMS CAN DMYAL BA MYONG BAR BYED PA, SDUG BSNGAL MANG PO LHAG PAR MYONG BA YIN NO, ,'DOD PA'I KHAMS NA GNAS THA DAD PA NYI SHU YOD DE, KHA CIG DAG RNAM PA BCUR YANG 'CHAD DO, ,GTZO BO DAG ,DNGOS PO THA DAD PA DE DAG THAMS CAD KHONG DU CHUD PAR BYA'O, ,DE NAS LHA DE RNAMS KYIS BRGYA BYIN GYI KHA NAS CHOS DE DAG THOS NAS, YANG BRGYA BYIN, LA MNGON PAR BSTOD CING 'DI LTAR TSIGS SU BCAD DE SMRAS PA, THAMS CAD MGON DU ZHI BYED PA, ,BRGYA BYIN KHYOD KYI CHOS 'DI BSHAD, ,'JIGS DANG DNGANGS PA BYUNG BA'I TSE,, SGRUB LA BDAG CAG GNAS PAR BGYI, ,CHOS GANG 'CHAD PAR MDZAD PA NI, ,GZHAN LA PHAN PAR BZHED PA LAGS, ,MYA NGAN 'DAS 'GRO STON PA PO, ,DE NI PHA DANG DE NI MA, ,LEGS PAR GSUNGS PA'I TSIG GCIG PO, ,STON PA GANG ZHIG STON MDZAD PA, ,DE NI 'GRO GZHAN LAM SHES SHING, ,LUS CAN RNAMS KYI MGON DU 'GYUR, ,LEGS PAR GSUNGS PA'I TSIG LA NI, ,BRGYA BYIN RIN THANG MA MCHIS TE, ,GANG ZHIG NOR GYIS MI RNYED PA, ,ZHI BA'I TSIG DE RNYED PA LAGS, ,NOR RDZAS THUN MONG SPYOD PAR MTHONG, ,CHOS DAG GI NI BLO MI
'PHEL, ,MI YI NOR RDZAS ZAD 'GYUR GYI, ,CHOS KYI NOR RDZAS RNAMS MI ZAD, ,SKYE BA'I TSE RABS STONG DAG TU, ,CHOS GCIG RJES SU 'GRO BAR BYED, ,GOM PA GCIG TU 'GRO BYED KYANG, , NOR NI RJES SU 'GRO MI 'GYUR, ,RGYAL PO CHOM RKUN CHU RNAMS KYI, ,MI RNAMS KYI NI NOR RDZAS 'PHROG ,CHOS KYI NOR NI DE RNAMS KYIS, ,NAM YANG DBROG BAR MI NUS SO, ,DE LTAR BRGYA BYIN DE LA LHA DE RNAMS KYIS MNGON PAR MCHOD DO, ,MCHOD NAS KYANG DE NAS YANG BRGYA BYIN GYI MDUN DU 'KHOD DO, ,BRGYA BYIN GYIS KYANG SNYING GI LAS GYA NOM PA DE DAG BYAS NAS, LHA'I BDE BA DE DAG THAMS CAD KYANG MI RTAG PA DANG, MI BRTAN PA DANG, BDAG MED PA BSTAN CING SPRUL PA DE YANG MI SNANG BAR BYAS SO, ,DE NAS YANG LHA YID MYA NGAN LAS 'DAS PA RIS MTHUN PAR SPYOD PA'I GNAS DE DAG NYID DU PHYIN PA DE THAMS CAD JI SRID DU 'DOD PA SDUG PA, YID DU 'ONG BA SO SO YANG DAG PAR MYONG BA, BDE BA 'GRUB PA'I LAS DE DAG ZAD PA DANG, SPANGS PA DANG, GTUGS PAR MA GYUR PA DE SRID DGA' BAR BYED DO, ,DE PHYIS LHA'I RIS DE NAS 'CHI BAR 'GYUR TE, SHI NAS KYANG LAS SNGAR BSTAN PA DE DANG RGYU MTHUN PAR DE DAG PHAL CHER NGAN SONG DU 'GRO BAR MI 'GYUR RO, ,GANG DAG MI RNAMS KYI NANG DU SKYES PA DE DAG CHOS BZANG PO DANG LDAN ZHING CHOS KYI RJES SU 'JUG PAR
, ,'GYUR LA, RTAG TU DGON PAR GNAS PA DANG, RTAG TU 'JIG RTEN PHA ROL LA 'JIGS PAR LTA BA YIN NO, DE DAG CHOS THOS NAS KYANG RAB TU 'BYUNG BAR BYED DO, ,KHA CIG NI RGYUN DU ZHUGS PAR 'GYUR BA NAS DGRA BCOM PA'I BAR DU 'GYUR BAR MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE, SUM CU RTZA GSUM PA'I LHA RNAMS LA RTOG PAR BYED DE, DES THOS PA LAS BYUNG BA'I SHES PAS SUM CU RTZA GSUM PA'I LHA RNAMS KYI GNAS 'KHOR NA GNAS PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, SKYES BU DAM PA CHOS DANG LDAN ZHING CHOS KYI RJES SU 'JUG PA, DRANG PO DRANG PO'I RANG BZHIN CAN GZHAN LA GNOD PA MED PA, RTAG TU LAS KYI 'BRAS BU'I DE KHO NA NYID LA LTA BA, TSUL KHRIMS THAMS CAD DU YONGS SU DAG PA, RTAG PAR SHIN TU DGA' BA, G-YO SGYU RNAM PAR SPANGS PA, GSER BTZOM LTAR KUN NAS SKYON MED PA, YANG DAG PAR LTA BA, ,YANG DAG PAR LTA BAS SNGON 'DREN PA TSUL KHRIMS GTZANG BA, 'JIG RTEN PHA ROL LA 'JIGS PAR LTA BA GANG GIS SBYIN PA DAG BYIN ZHING BSOD NAMS
DAG BYAS PAS SKYE BAR 'GYUR TE, 'DI LTA STE, DGON PA DAG NA DGE SLONG MANG PO BDUD KYI 'CHING BA RTAG TU GCOD PAR 'DOD PA RNAMS BSAM GTAN BYED LA, DE DAG TSA BAS GDUNGS PAR GYUR TE, TSABS GDUNGS PA RNAMS SAM, SKOM GYIS GDUNGS PA RNAMS LA SHA KHA RA DANG, CHU BYIN NAM, RNGA MA BYIN NAM, RNGA MA'I BSIL YAB YU BA CAN SBYIN PAR BYED PA DE LTA BU NI SBYIN PA BYIN PA YIN NO, ,SROG GCOD PA SPANGS PA RNAM PA GANG YIN ZHE NA, 'DI LA KHYIM LA STEN PA GANG GIS 'BYOR PA DANG LDAN PA DAG GI DON DU 'DI LTAR DE DAG RTZED MO BYED PAR 'GYUR RO SNYAM NAS, STEN PA POS KHU BYUG GAM, RMA BYA TSAL NA 'DRIS PA DE DAG DE NAS BZUNG STE, MI MTHONG BA DANG, 'CHI BAR 'GYUR BA'I BYA DE DAG ZONG GIS BLUS NAS THAR BAR BYED LA, DE DAG KYANG SLAR TSAL GYI NANG NYID DU DONG STE, DE NA GNAS LA DE NAS YANG 'TSO BAR BYED CING BDE BA DAG LA NYE BAR SPYOD DU 'JUG PA YIN TE, DE LTA BU NI SROG GCOD PA SPANGS PA YIN NO, ,JI LTAR NA MA BYIN PAR LEN PA DAG LAS LDOG PA YIN, ,JI LTAR NA MA BYIN PA LEN PA YONGS SU SPONG BA YIN ZHE NA, 'DI LA LAS KYI 'BRAS BU CHUNG NGU LA 'JIGS PAR LTA BA YIN TE, 'DI LTAR DE NI RDZING DAM, LTENG KA'AM, CHU KLUNG GI NGOGS SAM, RNAM PA DE LTA BU GZHAN GANG YANG RUNG BA
, ,DAG TU TSANGS PA MTSUNGS PAR SPYOD PA SDOM BRTZON CAN GZHAN LA PHAN PAR BYA BA'I PHYIR SO SHING NGAM, SBRANG RTZI'I CHUR SBYAR BA DE DAG DES SPONG BAR BYED CING RGU SEMS DANG LDAN PAR GYUR NAS LEN PAR MI BYED PA YIN TE, RNAM PA DE LTA BU NI MA BYIN PAR LEN PA LAS LDOG PA YIN NO, ,DE LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM PA RNAMS KYI NANG DU LHA 'KHOR NA GNAS PA ZHES BYA BA DE RNAMS KYI NANG DU SKYE BAR 'GYUR RO, ,DER SKYES NAS 'DOD PA THAMS CAD 'BYOR TE; SIL SNYAN YAN LAG LNGA DANG LDAN PAS TSAL DANG, NYE BA'I TSAL RNAMS KYI NANG NA BYA RNAM PA SNA TSOGS SGRA 'BYIN PA RNAMS DANG, PADMA'I RDZING RNAMS KYI NANG NA BUNG BA'I TSOGS SGRA 'BYIN PA RNAMS DANG, BYA K'A RAndA PA DANG, NGANG PA SGRA SKAD 'BYIN PA RNAMS DANG, TSAL RNAMS KYI NANG NA YANG RIN PO CHE SNA BDUN GYI SHING LJON PAS BRGYAN PA RNAMS DANG, LTENG KA RNAMS KYI NANG NA YANG BEE d'URYA SNGON PO BDAG 'PHRO LTA BU'I CHUS SHIN TU GANG BA RNAMS DANG, RI'I RTZE MO RNAMS KYANG RIN PO CHE SNA BDUN GYI RDO RAB TU GSAL LA GSER DANG, DNGUL DANG, SHEL DANG, AANDA RNYIL GYI RI'I PHUG RNAMS KYI NANG DANG, BYA RNAM PA SNA TSOGS SGRA RNAM PAR 'BYIN PA RNAMS KYI NANG NA RTZE BAR BYED
DO; ;DE DAG GI KHA DOG DANG, SGRO GSHOG KYANG RIN PO CHE SNA BDUN LTAR 'DUG PA YIN TE, SGRA RNAM PA SNA TSOGS 'BYIN CING NYAMS DGA' BA RNAMS RNA KHUNG DU SGRA 'BYIN PA, PHAN TSUN MTHUN PA RNAM PA DU MA SNYAN PAR 'BYIN PA, DE DAG THAMS CAD RNAR SNYAN PAR 'BYIN TE, GANG GIS TSAL DANG, NYE BA'I TSAL DE DAG NYID SGRA 'BYIN PA LTA BUR 'BYIN TO, ,TSAL DANG; NYE BA'I TSAL DE DAG KHA CIG NA KUN NAS SGRA DI RI RIR 'BYIN TE, SHIN TU NYAMS DGA' BA'ANG YIN NO, ,TSAL DE RNAMS KYI NANG NA ZAS KYI TSOGS DANG, SKOM GYI TSOGS KUN LAS SHIN TU ZHIM PA RAB TU 'BAB STE, LHA DE RNAMS KYANG RAB TU DGA' BA SKYED NA MI GZHAN DAG LTA SMOS KYANG CI DGOS, RNAM PA DE LTA BU'I TSAL DANG, NYE BA'I TSAL DE RNAMS KYI NANG NA, BYAD GZUGS SNA TSOGS, CHA BYAD SNA TSOGS, LUS LA RGYAN RNAM PA SNA TSOGS THOGS PA RNAMS LAN BRGYA'AM, STONG DU DGA' BAR BYED, DGA' MGUR SPYOD PAR BYED DO, ,DE DAG GI NANG NA LAS BZANG PO LEGS PAR BYAS PA, RANG GI 'OD DANG, GZI BRJID MCHOG DANG LDAN PA BDE BA SNA TSOGS KYIS YONGS SU BSKOR BA DGA' BAR BYED, DGA' MGUR SPYOD PAR BYED LA 'DOD PA RNAM PA THAMS CAD MYONG BAR BYED DO, ,DE BDE BA'I RNAM PA DE LTA BU'I MYOS PAS MYOS PA MNGON PAR MTHONG NAS, YID DU DGA' BA DE
, ,RNAMS KYIS LHA DE YONGS SU BSKOR TE, DGA' BAR BYED, DGA' MGUR SPYOD PAR BYED DO, ,DE LTAR DE DAG DE BZHIN DU DGA' ZHING RTZE LA DGA' MGUR SPYOD PA NA, 'DI SNYAM SEMS TE BDAG CAG BEE d'URYA'I NOR BUS LAN KAN BRES PA'I TSAL, KUN NAS NOR BU'I SHING LJON PA BKRA BA SNA TSOGS SU PHYE BA RNAMS KYIS YONGS SU BSKOR BA BYA SNA TSOGS SGRA 'BYIN LAS KUN TU GANG BA RNAMS SU 'DONG BAR BYA'O SNYAM MO, ,TSAL DE NA LHA RAB TU DGA' BA, LHA DANG, LHA MO'I TSOGS KYIS GANG BA RNAMS SIL SNYAN YAN LAG LNGA DANG LDAN PAS DGA' BAR BYED, DGA' MGUR SPYOD PAR BYED DO, ,TSAL DE'I NANG NA CHU GNAS PA ZHES BYA BA'I RDZING YOD DE, SHIN TU NYAMS DGA' LA CHU RAB TU DANG BA YIN TE, DE'I 'GRAM NA LHA DE RNAMS RTZE BAR BYED, DGA' BAR BYED DO, ,DE NAS LHA'I BU GSAR DU SKYES PA DE LHA DE RNAMS DANG LHAN CIG RDZING DE NYID KYI DRUNG DU 'GRO BAR BYED DO, ,DE NAS LHA DE RNAMS KYIS KYANG DE RIG NAS RGOD CING RTZE LA 'GROS 'CHOS PAS LHA DE DAG GA LA BA DER 'DONG BAR BYED DE, DE'I RDZING CHU GNAS PA DAG NA PHAN TSUN GROGS SU GYUR PA DAG DANG DGA' BAR BYED, DGA' MGUR SPYOD PAR BYED DO, ,RDZING DE LA YANG MTHU 'DI LTA BU YOD DE, JI LTAR 'DOD PA DANG CHU'I RNAM PA JI TZAM DU 'DOD PA
RNAM PA DE TZAM DU DE 'GYUR RO, ,GAL TE 'DOD NA DE CHANG MDOG DANG, DRI DANG, RO GSAL ZHING SHIN TU ZHIM LA BUNG BA'I TSOGS DANG LDAN PAR 'GYUR TE, 'DOD PA JI LTA BA BZHIN DU 'GYUR ZHING, BDUD RTZI DANG MTHUN PAR 'GYUR RO, ,MDOG DANG, RO DANG, DRI SHIN TU ZHIM PO DANG LDAN PA CHU GNAS PA'I RDZING DE, BDUD RTZI SHIN TU ZHIM PA SHIN TU 'JAM PA MDOG ZLA BA LTA BUS KUN TU GANG BA YIN NO, ,DE NAS 'DI SNYAM SEMS TE, 'DI LTAR RDZING 'DI SHING LJON PAS GANG BAR GYUR CIG SNYAM NA, DE SHING LJON PA YON TAN MCHOG DANG LDAN PA DANG, SHING LJON PA DRIL BU G-YER KHA'I DRVA BAS GTIBS SHING LO MA LAS ROL MO 'BYUNG BA RNAMS KYIS DE BZHIN DU GANG BAR 'GYUR RO, ,RLUNG GI SHUGS KYIS RAB TU BSKYOD PA'I SHING LJON PA DE RNAMS LAS SIL SNYAN YAN LAG DANG LDAN PA'I RNAM PA JI SNYED PA, RNAM PA DE SNYED KYI SGRA 'BYIN PAR 'GYUR RO, ,DE NAS YANG LHA DE RNAMS 'DI SNYAM DU SEMS TE, 'DI LTAR BDAG CAG RDZING DE DAG GI NANG DU 'JUG PAR BYA'O SNYAM PA DANG, LHA DE DAG GIS SEMS BSKYED MA THAG TU DER 'JUG PAR BYED DO, , DE DAG ZHUGS PA DANG NANG DU CHU 'BYUNG BAR 'GYUR LA, NANG DU ZHUGS PA RNAMS KYIS RDZING DE NYID KYI NANG NA NOR BU'I LAN KAN RNAM PA SNA TSOGS KYIS BRGYAN CING LO MA RNAMS
, ,KYIS KHEBS PA'I GZHAL MED KHANG LA LA NI BEE d'URYA LAS BYAS, LA LA NI GSER LAS BYAS, LA LA NI DNGUL LAS BYAS, LA LA NI SHEL LAS BYAS, LA LA NI AANDA RNYIL LAS BYAS, LA LA NI 'DREN MAR BYAS PA DAG MTHONG NGO, ,KHANG PA DANG, TSAL DE RNAMS KYI NANG NA THAGS SU MA BTAGS PA'I STAN KHRA BO SHIN TU YID DU 'ONG BA; BSAM PA BZHIN DU SDUG PA'I MAL STAN SNA TSOGS BTING BA'I STENG NA, LHA DANG, LHA MO DANG, LHA'I BU MO'I TSOGS DE RNAMS DANG LHAN CIG DGA' BAR BYED, DGA' MGUR SPYOD PAR BYED DO, ,DE RNAMS SA PHYOGS DER YANG DGA' ZHING SHIN TU SDUG PA RNAM PA DU MA, 'DOD PA'I YON TAN NGOMS MI MYONG BA, 'THAB MO DANG, PHRAG DOG GI SKYON RNAMS KYIS SKYO BA MED PA, SHIN TU SNYING DU SDUG CING YON TAN DANG LDAN PA, PHAN TSUN GROGS SU GYUR PA RNAMS DANG DGA' BAR BYED, DGA' MGUR SPYOD PAR BYED DE, 'DOD PA'I YON TAN LNGA RNAMS KYIS LHAN CIG DGA' BAR BYED DO, ,DE DAG KYANG DE NAS LANGS NAS TSAL SHIN TU SDUG PA ZHES BYA BA GA LA BA DER 'DONG BAR BYED DO, , TSAL DE YANG BYA MAD TA DIN DA SGRA SNYAN PA MANG PO 'BYIN PA, 'BAB CHU DANG, CHU KLUNG DANG, LTENG KA DANG, 'BAB CHU'I NGOS KUN TU GANG BA BYA KHRI SNYED SGRA CA CO 'BYIN PAS KUN
NAS YONGS SU GANG ZHING, SGRA SNYAN PA'I CA COS KUN TU SNYAN PA YIN NO, ,TSAL GANG NA SHING LJON PA NYI MA'I 'OD LTAR RNAM PAR GSAL BA'I TSAL YON TAN SNA TSOGS DANG LDAN PA, BYA'I TSOGS KUN NAS LANG LONG 'PHUR BA, 'BAB CHU 'BUM SNYED KYIS BRGYAN PA DE NA, LHA RANG GI 'OD DANG LDAN PA DE RNAMS LHA MO DAG DANG LHAN CIG LHA'I YON TAN SNA TSOGS PA'I YUL RNAMS KYIS DGA' BAR BYED DO, ,MI SHES PA RNAMS KYI DGA' BA'I NANG NA MCHOG 'DI YIN TE, 'DI LTA STE, BUD MED LA DGA' BA ZHES BYA LA; ZHAGS PA DES BCINGS PA'I BYIS PA SO SO'I SKYE BO THAMS CAD NI 'KHOR BA NA DGA' BAR BYED DO, ,LHA DE DAG DE RNAMS DANG LHAN CIG PHAN TSUN DGA' BA RAB TU MANG PO SNA TSOGS DANG LDAN PAS YUN RING DU SHIN TU DGA' BAR BYAS NAS, RI RAB KYI RTZE MO MAD TA KA tA MA ZHES BYA BA GA LA BA DER, LHA MO RANG GI 'OD DANG LDAN PA BYAD GZUGS CHE ZHING BZANG LA RGYAN SDUG GU THOGS PA 'BRANG BA RNAMS DANG LHAN CIG GZHAL MED KHANG GI NANG DU ZHUGS NAS NAM MKHA'I DKYIL NAS 'DONG BAR BYED DE, NAM MKHA'I DKYIL DU ZHUGS PA GOS RLUNG GIS BUD PA DE RNAMS RI RAB KYI RTZE MO MAD TA KA tA MA DER GZHAL MED KHANG GI DGA' SPYOD BYED DU 'DONG BAR BYED DO, ,DE DAG NA GZHAL MED
, ,KHANG GI DBYIBS SDUG PA LHA'I PADMA'I RDZING DANG, LTENG KAS MDZES PAR BYAS PA, RIN PO CHE SNA BDUN GYI RI'I ZO MA GSAL BA, THAGS SU MA BTAGS PA'I RDZAS KYIS NYE BAR MDZES PAR BYAS PA, KUN NAS MCHOG TU LEGS PA DANG LDAN PA MA DA TA KA tA MA DE'I GNAS DPE MED CING SHIN TU MTHO LA BRTZEGS PA DAG DE RNAMS KYIS MTHONG LA, DE RNAMS KYI NANG NA DGA' BAR BYED, DGA' MGUR SPYOD PAR BYED DO, ,DE LTAR DE DAG RTZE BA NA, RE ZHIG NA GLO BUR DU DE DAG THAMS CAD KYI GZI 'BAR LA, NYI MA'I MDOG DANG MTHUN PA'I 'OD KYI RNAM PA DE LTA BU ZHIG BYUNG STE, DE NAS YANG JI LTAR LHA RNAMS SHIN TU DNGANGS LA KHAS BUB TU GYUR, MIG BTZUMS NAS LHUNG BA YON TAN 'BUM DANG LDAN PA'I 'DOD LTA BU ZHIG BYUNG STE, 'DI LTAR 'OD KYI RNAM PA 'DI LTA BU SNGON NAM YANG MA MTHONG NGO, ,'OD DE'ANG YUD TZAM ZHIG THAL GYIS BYUNG NAS NUB STE; JI LTAR DZAMBU GLING NA SKAR MDA' LTUNG BA YUD TZAM ZHIG TAL GYIS BYUNG NAS NUB PA DANG, SEMS CAN DAG KYANG SHIN TU DNGANGS PAR GYUR PA DE LTAR LHA DE RNAMS KYIS 'OD DE BYUNG BA MTHONG NAS, LHA'I TSOGS RNAMS DANG LHAN CIG DNGAGS PAR GYUR LA, DE NAS YANG YUN RING ZHIG LON PA DANG DBUGS 'BYUNG NGO, ,DBUGS BYUNG BA DE DAG
THAMS CAD YUD TZAM GYIS NGO MTSAR CHER SKYES TE, GANG GIS BDAG CAG THAMS CAD DNGANGS LA DE NAS YANG 'OD DE NYID MI SNANG BAR GYUR PA RNAM PA DE LTA BU'I 'OD DE CI ZHIG SNYAM MO; ;NGO MTSAR CHER SKYES PA DE DAG LHA'I 'DUN SA CHOS BZANG GA LA BA DER DONG STE PHYIN NAS LHA DANG, LHA MO'I TSOGS KYIS YONGS SU BSKOR BA, NGO MTSAR SKYES SHING DNGANGS PA DE DAG BRGYA BYIN GA LA GNAS PA DER DONG NAS DE DAG GIS BRGYA BYIN MNGON PAR MTHONG BA DANG MGO BOS PHYAG 'TSAL TE, KUN NAS YONGS SU BSKOR TE 'KHOD DO, ,DE NAS BRGYA BYIN GYIS MDUN NA 'DON PA'I LHA GANG YIN PA DE RNAMS RTZE BAR BYED PA DGA' BAR BYED, PHRENG BRGYAN DANG, PADMA'I PHRENG BA SNA TSOGS THOGS PA, BZHIN 'DZUM LA NOR BUS LTO SNGO BSANGS SU 'DUG PA, MDOG GSER BTZO MA'I 'OD LTAR GSAL BA'I LHA'I TSOGS DE DAG THAMS CAD BRGYA BYIN GYI MDUN NA RTZE BAR BYED, DGA' BAR BYED, DGA' MGUR SPYOD PAR BYED DO, ,DE NAS 'KHOR NA GNAS PA'I LHA GANG YIN PA DE RNAMS NI DGA' BAR MI BYED, DGA' MGUR SPYOD PAR MI BYED, BRGYA BYIN LA MNGON PAR BSTOD PAR MI BYED, GLU MI LEN, BRO MI RDUNG, LHA GZHAN LA TSIG CUNG ZAD KYANG SMRA BAR MI BYED DO, ,DE NAS LHA'I RGYAL PO BRGYA BYIN GYIS 'KHOR NA GNAS PA DE RNAMS LA 'DI SKAD SMRAS SO, ,KYE, GTZO BO DAG ,CI STE GLU
, ,MI LEN, BRO MI RDUNG, RGOD PAR MI BYED, DE NAS 'KHOR NA GNAS PA'I LHA RNAMS KYIS BRGYA BYIN LA 'DI SKAD SMRAS SO, ,BRGYA BYIN, BDAG CAG GIS GANG SNGON GAR YANG MA MTHONG BA MTHONG, SNGON MA THOS PA THOS SO, ,DE NAS BRGYA BYIN GYIS DE DAG LA 'DI SKAD SMRAS SO, ,'KHOR NA GNAS PA RNAMS KYIS NGO MTSAR ZHIG MTHONG BA DE CI YIN, DE NAS 'KHOR NA GNAS PA'I LHA RNAMS KYIS BRGYA BYIN LA 'DI SKAD SMRAS SO, ,BRGYA BYIN, 'DI NI BDAG CAG SKYED MOS TSAL DU DGA' SPYOD BYED DU RI'I RTZE MO MAD TA KA tA MAR MCHIS PA DANG, BDAG CAG RNAMS KYIS NAM MKHA' LAS JI TZAM DU GANG GIS RI'I RTZE MO DE RAB TU 'BAR BA LTA BU'I 'OD KYI RNAM PA DE LTA BU BYUNG BA ZHIG MTHONG STE, DE LA BDAG CAG NGO MTSAR SKYES NA, BRGYA BYIN, DE CIR 'GYUR, DE NAS BRGYA BYIN GYIS DE THOS NAS YUD TZAM ZHIG BSAMS TE, LHA DE RNAMS LA 'DI SKAD SMRAS SO, ,LHA DAG ,RES 'GA' 'OD DE LTA BU 'BYUNG BA YOD DE, BDAG GIS 'DI'I NGO MTSAR GNYIS PA DE THOS SO, ,GANG GI TSE BDAG GIS NGO MTSAR DANG PO DE THOS PA DES, BDAG GIS DE BZHIN GSHEGS PA LA BCOM LDAN 'DAS NGO MTSAR PA DE CI LAGS ZHES ZHUS SO, ,DE NAS BCOM LDAN 'DAS LA DE SKAD CES ZHUS PA DANG BKA' STZAL PA, KOO SHI KA, ,KHYOD NI NGAN SONG GI SGO BCAD PA
YIN PAS 'JIGS PAR MA BYED CIG ,'KHOR BAR GTOGS PA'I SEMS CAN THAMS CAD KYI CHOS NYID NI 'DI YIN TE, 'DI LTA STE, MI RTAG PA ZHES BYA BA YIN NO, ,GANG YIN PA DE NGAS KHYOD LA BSHAD KYI NYON CIG ,LHA 'THAB BRAL ZHES BYA BA DAG YOD DE, DE DAG GI DRUNG NA SUM CU RTZA GSUM PA RNAMS KYI BONG SKYED DANG, MDOG DANG, DBYIBS DANG, LONGS SPYOD RNAMS 'BUM GYI CHAR YANG MI PHOD DO, ,DE DAG GANG GI TSE LAS YONGS SU ZAD PA DANG DE NAS LTUNG BAR 'GYUR TE, DE DAG DPAG TSANG 'BUM PHRAG DU MA DAG NAS LTUNG BA NA 'OD DE CHUNG DUR 'GYUR RO, ,JI LTAR MAR ME ZAD PA'I DUS SU 'OD CHUNG ZHING MI GSAL BAR 'GYUR BA DE LTAR DE NAM MKHA' LA 'CHI BA'I DUS NA, 'OD DE RNAM PA DE LTA BUR CHUNG BAR 'GYUR RO, ,BRGYA BYIN, GANG GI 'OD RAB TU GSAL BA DE DAG NI BRJOD PAR MI NUS SHING, SUM CU RTZA GSUM PA RNAMS KYIS BLTA BAR YANG MI NUS SO, ,DE CI'I PHYIR ZHE NA, RTOGS PA'I YUL MA YIN PA'I PHYIR 'JUG PA'I YUL MA YIN NO, ,KOO SHI KA ,DE LTAR 'THAB BRAL GYI LHA'I 'OD GANG YIN PA, SUM CU RTZA GSUM PA'I LHAS GANG YANG BLTA BAR YANG MI NUS TE, DE NI GZHAN GYI LAS KYI 'BRAS BU SUM 'GYUR DU 'BYUNG LA, SUM CU RTZA GSUM PA RNAMS KYI 'BRAS BU NI GZHAN GYI NYES 'GYUR DU 'BYUNG NGO, ,DE DAG BDAG GIS DE BZHIN GSHEGS PA LAS DE SKAD THOS
, ,PA 'DI DAG KHYOD LA BSTAN PA YIN NO, ,GTZO BO DAG ,DE'I TSE SKYO BA SKYES TE, LHA DE 'CHI BA NA NAM MKHA' DE DPAG TSAD 'BUM PHRAG DU MA DAG NAS 'OD 'BYUNG BA GANG YIN PA DE DAG LHA KHYOD KYIS MTHONG BA DANG, DE LA 'JIGS PAR MA BYED CIG ,DE NAS BRGYA BYIN GYIS DE'I TSE 'DI LTAR TSIGS SU BCAD DE SMRAS PA, JI LTA JI LTAR BDE CHEN DANG, ,JI LTA JI LTAR LONGS SPYOD PA, ,DE LTA DE LTAR SDUG BSNGAL CHE, ,NGES PAR MTHAR NI LTUNG BAR 'GYUR, ,LAS DANG MTHUN PAR 'BRAS BU NI, ,RTAG TU DE BZHIN GSHEGS PAS GZIGS, ,LAS KYIS LHAG PAR KHYAD 'JUG LA, ,'BRAS BU'ANG DE BZHIN KHYAD 'JUG GO ,JI LTAR GONG NAS GONG DAG TU, ,LAS RNAMS KYI NI 'BREL PA MTHONG, ,DE LTAR GONG NAS GONG DAG TU, ,'BRAS BU'ANG DE LTAR 'BREL PA YIN, ,SKYE BAR 'GYUR BA 'DI RNAMS KYI, ,LAS NI NGES PAR GNAS PA STE, ,SKYE LAS MCHOG NYID LUS DANG MDOG ,STOBS DANG TSE RNAMS 'THOB PAR 'GYUR, ,LAS ZAD NAS NI LTUNG 'GYUR TE, ,'DI DAG THAMS CAD NGES PAR LTUNG, ,SA BON NGES PAR TSIG PA LA, ,NAM YANG SKYE BA YOD MA YIN, ,MAR ME RTAG TU SKAD CIG LTAR, ,SEMS KYANG SKAD CIG 'BREL PAR MTHONG, ,RGYU STE SEMS DANG MTHUN PAR NI, ,LAS KYANG DE BZHIN SKAD CIG GO ,MI RTAG LAS LAS GANG SKYES PA, ,DE NI SKYE 'JIG
CHOS CAN YIN, ,ZAG DANG BCAS PA'I BDE BA DE, ,RTAG TU SNGON MED PHYIS MI 'BYUNG, ,SKYE MED 'JIGS MED BDAG NYID GANG, ,NYON MONGS LAS GROL DE BDE'O, ,GANG ZHIG THOB NAS 'KHOR BA YI, ,YUL LAS GNOD MED NGES PAR 'GRO ,GANG ZHIG SRID BRAL 'DOD MED LA, ,SRID PA'I SKYON LAS RNAM GROL BA, ,LUS CAN GYI NI BDE BA DE, ,PHA ROL GNAS PA'I SKYOB PA YIN, ,CUNG ZAD ZAG BCAS BDE BA GANG, ,DE DAG THAMS CAD SKAD CIG DGONGS, ,GANG ZHIG DE LAS RNAM GROL BA, ,DE DAG THAMS CAD BRTAN PAR BDE, ,DE LTAR BRGYA BYIN DES , 'KHOR NA GNAS PA'I LHA DE RNAMS LA DE KHO NA NYID STON PAR BYED DO, ,BSTAN NAS YANG DE RNAMS DBUGS PHYUNG STE RANG GI GNAS SU GTONG BAR BYED DO, ,CHOS 'DI SKAD KYANG BSTAN TE; 'DI LTAR DUS THAMS CAD DU BAG YOD PAR BYA'O, ,DE NAS LHA DE RNAMS KYANG KHA CIG RANG GI GNAS DER DONG STE, DE NAS YANG YUL GYI DBANG DU GYUR PA RNAMS SIL SNYAN YAN LAG LNGA DANG LDAN PAS DGA' BAR BYED, DGA' MGUR SPYOD PAR BYED DO, ,SIL SNYAN DANG ROL MO'I SGRA RNAM PA SNA TSOGS KYIS SNYAN PAR BYAS PA'I TSAL DANG, GNAS RNAMS NA JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS ZAD PAR MA GYUR PA DE SRID DU DGA' BAR BYED, DGA' MGUR SPYOD PAR BYED DO, ,DE PHYIS LAS DE ZAD NAS
, ,LHA'I 'JIG RTEN DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE KHA CIG MI RNAMS DANG SKAL BA MNYAM PAR MI'I NANG DU SKYE BAR GYUR NA, LAS DE DANG RGYU MTHUN PAR DE RTAG PAR MCHOG TU BDE BA DANG LDAN PAR 'GYUR TE, RDZU 'PHRUL CHE BA DANG, SKYE BO THAMS CAD DGA' BA DANG, NAD MED PA DANG, SDUG BSNGAL MED PA DANG, RIGS BTZUN ZHING CHE BAR SKYE BA DANG, SKYES PHAN CHAD MCHOG TU BDE LA BLTA NA SDUG PAR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS SUM CU RTZA GSUM PA'I LHA RNAMS KYI GNAS MTHO BAR SPYOD PA ZHES BYA BA JI LTAR 'DUG PA MTHONG NGO, ,GNAS DER SEMS CAN DANG, LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, CHOS DANG LDAN ZHING CHOS KYIS RJES SU LTA BA RTAG TU LAS KYI 'BRAS BU LA YANG DAG PAR LTA BA, RTAG TU YANG DAG PA'I LTA BAR SNGON DU 'DREN PA GANG GIS NOR GYI SBYIN PA BYIN PA DANG, BSOD NAMS DAG
BYAS PAS SKYE BAR 'GYUR TE, 'DI LTA STE, TSUL KHRIMS PHYOGS GCIG BSRUNGS LA TSUL KHRIMS KHA CIG SRUNG BA DANG, DE'I 'OG TU TSUL KHRIMS THAMS CAD SRUNG BA'I DGE 'DUN LAM DU ZHUGS PA DAG LA LHAM MAM, SNOD SPYAD DAG SBYIN PAR BYED PA DANG, SROG GCOD PA DANG, MA BYIN PAR LEN PA DAG SPANGS PA YIN TE, 'DI LTA STE, 'GRO LDING BA'AM, RI KHROD PA'AM, SKRA 'PHYANG BAS 'BROG DGON PA DAG TU MI GSAD PA'I PHYIR BZUNG BA DE DAG THAR BAR BYED PA DANG, 'BROG DGON PA DAG TU CHOM RKUN PA RNAMS KYIS BCOM PA'I NOR RDZAS KHYER TE 'ONGS PA DE DAG RGYAL POR GYUR GYIS KYANG MA BYIN PAR LEN PA'I 'JIGS PAS RGYAL PO'I SKAL BA LEN PAR MI BYED PA YIN TE, DE LTAR 'DI NI MA BYIN PAR LEN PA SPONG BA YIN NO, ,JI LTAR NA SROG GCOD PA SPONG BA YIN ZHE NA, 'DI NI 'DI LTAR DE RGYAL POR GYUR LA, NYES BYED BYED PA GZHAN GYIS BZUNG STE PHUL BA DE YANG DE LAS KYI 'BRAS BU LA 'JIGS NAS GSOD PAR MI BYED PA YIN TE, DE NI LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM PA'I LHA RNAMS KYI GNAS MTHO BAR SPYOD PA ZHES BYA BAR SKYE BAR 'GYUR RO, ,DER SKYES NAS KYANG DE'I LAS KYI MTHA' LEGS PAR BYAS SHING SPYAD PAS LHA MO SUM STONG DAG DE'I RIM GRO BYED PAR 'GYUR TE, DE DAG THAMS CAD KYANG
, ,CHA BYAD DANG, RGYAN BTAGS PA, LAG NA SIL SNYAN RNAM PA SNA TSOGS DANG, LAG NA MKHO BA RNAM PA SNA TSOGS DANG, LAG NA ROL MO RNAM PA SNA TSOGS THOGS LA, GLU DBYANGS RNAM PA SNA TSOGS KYIS BSTOD CING LHA DE GA LA BA DER 'DONG BAR BYED DO, ,DES KYANG DE RNAMS MTHONG NAS LHA MO DE RNAMS GA LA BA DER 'GRO BAR BYED DO; ;DE RNAMS KYANG SHIN TU GUS PAS DE'I DRUNG DU 'DONG BAR BYED DO, ,DE LTAR PHAN TSUN SNYING DU SDUG PA DE DAG THAMS CAD SKYED MOS TSAL RTAG TU DGA' BA ZHES BYA BA GA LA BA DER 'DONG BAR BYED DO, ,SKYED MOS TSAL RTAG TU DGA' BA ZHES BYA BA DE'ANG KUN NAS BEE d'URYA DANG, DNGUL DANG, GSER GYI SHING LJON PAS NI BRGYAN, 'BAB CHU DANG, LTENG KA DANG, PADMA'I TSAL GYIS MDZES PAR BYAS SHING, CHU BO DU MA BRGYA SNYED NI LEGS PAR 'BAB, DRIL BU G-YER KHA'I DRA BA RNAM PA SNA TSOGS KYIS NI GTIBS, KUN NAS BYA'I RIGS DU MA LDING ZHING SGRA SNYAN PA'I RNAM PA MANG PO STONG SNYED NI 'BYIN, SKYED MOS TSAL DE LHA'I RNAM PA SNA TSOGS PA RNAMS KYIS NI KHYAB STE, LHA DE RNAMS DANG, TSAL DE PHAN TSUN MDZES PA YIN NO, ,TSAL DE'I DBUS NA RTZE BA'I RI ZHES BYA BA RIN PO CHE SNA BDUN GYI RI YOD DE, DE NA YANG RIN PO CHE'I RI DVAGS RNAM PA DU MA YOD LA, DE DAG 'DI LTA BUR MDZES
PA YIN TE, 'DI LTA STE, RTZIB LOGS NI PADMA R'A GA'I MDOG LTAR DMAR LA, RGYAB NI DNGUL LTAR DKAR, LTO NI GSER LTAR SER, RKANG PA NI BYU RU, RVA NI SHEL LTA BU YIN LA, KHA CIG NI MDOG MTHUN TE, LUS THAMS CAD DNGUL GYI MDOG DANG, DE BZHIN DU GSER GYI MDOG TU 'DUG GO ,DE LTAR TSAL DE NA RI DVAGS RGYU BA RNAMS KYI LUS KYI RNAM PA DAG GIS KUN NAS MDZES PA YIN NO, ,LHA'I TSOGS DE RNAMS DANG LHAN CIG SPYOD PAR BYED LA, RI DVAGS DE RNAMS KYANG LHA MO DE RNAMS DANG LHAN CIG GLU LEN PAR BYED DE, JI LTAR GLU LEN PA DE LTAR LHA MO DE RNAMS KYANG SHIN TU MTHUN ZHING SNYAN LA MCHOG TU YID DU 'THAD PA'I GLU LEN NO, ,DE NI LHA DE RNAMS YUN RING DU RNAM PA DU MA DGA' BAR BYAS NAS, 'BAB CHU 'BAB PA GZHAN GA LA BA DER LHAN CIG RGYU BAR BYED CING, RI RAB KYI RTZE MO CHU SMAN LJONGS ZHES BYA BA DER SHING RTA RNAM PA SNA TSOGS LA ZHON PA, SIL SNYAN YAN LAG LNGA DANG LDAN PAS GLU DBYANGS NYE BAR LEN ZHING 'DOD PA DAM PA DANG LDAN LA, SHIN TU DGA' BA SKYES PA LEGS PA MCHOG DANG LDAN PA RNAMS 'DONG BAR BYED DO, ,DER PHYIN NAS KYANG CHU KLUNG DANG, 'BAB CHU DANG, CHU BO SMAN LJONGS KYI RI RAB KYI RTZE MO DER YANG DGA' BAR BYED DO, ,CHU BO'I NANG RNAMS DANG, 'BAB CHU'I NANG RNAMS DANG, PADMA'I RDZING GI NANG RNAMS ROL MO'I SGRA RNAR GRAG CING SHIN TU RGYAGS
, ,PAR GNAS PA, RTAG TU RTZE BA, RTAG TU RGYA CHE BA, LHA DANG, LHA MO'I TSOGS PHAN TSUN MTHUN PA RNAMS KYIS GANG BA, ME TOG PHRENG BA DANG, PHYE MA DANG, BYUG PAS LUS BSKUS PA, PADMA'I PHRENG BAS MGO DKRIS PA DAG DGA' BAR BYED DE, LAS LEGS PAR BYAS PAS BSGYUR BA RNAMS DE'I STOBS DANG, DE SO SOR 'BRANG BA, LHA DANG MTHUN PA BDE BA DPE MED PAS RTZE BAR BYED DO, ,DER 'DI NI PHYOGS GCIG BSTAN PAR ZAD LA, THAMS CAD NI MI KUN GYIS BRJOD PAR MI NUS TE, 'DI LTAR LHA'I BDE BA DE BRJOD PAR MI NUS SHING, 'DI LHA'I BDE BA DE NI GZHAN DANG MI 'DRA BA DPE MED PA YIN NO, ,LAS LEGS PAR BYAS PA'I RGYU LAS BYUNG BA, RIS MTHUN PA'I DBANG GIS STEN PA DAG BDE BA DU MA MYONG NGO, ,'DOD PA'I YON TAN LNGA LA DGA' BA DE RNAMS JI SRID DU 'DOD PA SDUG PA YID DU 'ONG BA BYAS SHING BSAGS PA'I LAS ZAD PA DANG, SPANGS PA DANG, GTUGS PAR MA GYUR PA DE SRID DU DE NA DGA' BAR BYED DO, ,DE PHYIS LHA'I RIS DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG NA SKYE BAR 'GYUR RO, ,GAL TE MI RNAMS DANG SKAL BA MNYAM PAR MI'I NANG DU SKYES NA, DE LAS DE DANG RGYU MTHUN PAR RTAG TU MCHOG TU BDE BAR 'GYUR
ZHING DBEN PA NA GNAS PA DANG, RI KHROD NA GNAS PA DANG, GZI CHE BA, RGYA CHE BA DANG, RGYAL PO'AM, BLON PO CHEN POR 'GYUR BA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DE SUM CU RTZA GSUM PA'I LHA RNAMS KYIS GNAS LA RTOG PAR BYED DE, DE THOS PA LAS BYUNG BA'I SHES PAS LHA RNAMS KYI GNAS GZI BRJID MCHOG CES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DE THOS PA LAS BYUNG BA'I SHES PAS JI LTAR GNAS PA BRTAGS NA, SEMS CAN DGE BA, BLO GROS RGYA CHE BA GANG GIS SBYIN PA BYIN, BSOD NAMS BYAS, TSUL KHRIMS RNAM PA BDUN YANG BSRUNGS, SDIG PA'I GROGS PO DANG TOM COL DU MI 'DRE, SDIG PA DANG BCAS PA'I TSUL KHRIMS MI BSRUNG, BSOD NAMS KYANG JI LTA BA BZHIN DU BYED, GCIG KHO NAR 'BAD CING YID DRANG BA'I RANG BZHIN CAN, MDOG GSER SBYANGS PA DANG MTHUN PA YIN TE, TSUL KHRIMS RNAM PA DU BSRUNGS ZHE NA, 'DI LTA STE, SROG GCOD PA DANG, MA BYIN PAR LEN PA DAG SPANGS PA YIN NO, ,'DI LA G-YUL CHEN POR ZHUGS PA NA, GANG DRUNG DU 'ONGS PA'I SDOM PA'I 'DZEM PAS DE SROG KYANG BTANG NAS GSOD PAR MI BYED DO, ,DE LTAR SROG GCOD PA SPANGS PA YIN NO, ,JI LTAR NA MA BYIN PA LEN PA SPANGS PA YIN ZHE NA, 'DI
, ,NI RI'I RTZE MO'ANG RNYIL BAR BYED PA, PHA ROL GYI DPUNG 'JOMS SHING, SEMS CAN THAMS CAD GZHAN GYI NOR RDZAS 'PHROG PA NA, DE BKRES SHING SKOM LA, SROG CHAD LA THUG GIS KYANG SDOM PA BLANGS PA'I 'DZEM PAS MA BYIN PAR LEN PAR MI BYED DO, ,JI LTAR NA SBYIN PA GTONG BA ZHING GANG LA ZHE NA, 'DI NI SANGS RGYAS MCHOD CING CHOS MNYAN PA'I DON DU SEMS BZANG PO BSGOMS PA'I YID YANG DAG PA'I LTA BA SNGON DU 'GRO BA'I BLOS MAR ME 'BUL BAR BYED NA, DE LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM PA'I LHA RNAMS KYI NANG NA, GZI BRJID MCHOG GI LHA'I GNAS SU SKYE BAR 'GYUR RO, ,DER SKYES NAS KYANG GZI BRJID KYI PHRENG BA CAN BYAD GZUGS CHE LA SHIN TU SDUG PA DE LAS LEGS PAR BYAS PA DES RGYU DANG MTHUN PAR 'BRAS BU MYONG BAR 'GYUR RO, ,RNA BAS SIL SNYAN YAN LAG LNGA DANG LDAN PA YANG DANG YANG DU THOS SO, ,SNAS KYANG ME TOG MAN D'A RA BA DANG, PADMA DANG, AUTPA LA SNGON PO DANG, RIN PO CHE SNA BDUN GYI DRI YANG DANG YANG DU BSNOM MO, ,LCES KYANG BDUD RTZI'I RO ZHIM PO LHA'I CHANG RGYUN DU 'THUNG NGO, ,MIG GIS KYANG RI SUL GYI NGOS SNA TSOGS DANG, RIN PO CHE SNA BDUN GYI GZUGS DAG MTHONG NGO, ,LUS KYIS KYANG LHA'I REG BYA
SHIN TU DRI ZHIM PA'I THAGS SU MA BTAGS PA'I GOS RNAMS GYON LA, PADMA DANG, AUTPA LA'I LO MA ME TOG PHRENG BA DANG, BYUG PA SNA TSOGS DAG LA REG PAR BYED DE, DE LTAR DE LAS LEGS PAR BYAS PA DAG GI 'BRAS BU LA SPYOD PAR BYED DO, ,LHA MO STONG SNYED KYIS YONGS SU BSKOR BA DE GSER BTZOM LTA BU'I TSAL DANG, NAGS TSAL RNAMS DANG, DRIL BU G-YER KHA'I SGRA DRAG TU 'KHROL BA RNAMS DANG, DNGUL GYI LCUG MA'I TSOGS RLUNG GIS BSKYOD PA'I NANG NA BDE BA MCHOG RNAMS MYONG NGO, ,LHA DAG GLU DBYANGS LEN PA NA, ROL MO JENG DANG, RNGA DANG, GLING BU DANG, GLU SNYAN PA DANG 'BREL PA DAG THOS SO, ,SHIN TU BDE BA DANG LDAN PA LHA'I PHRENG BA DANG, GOS GYON PA GSER RNAM PA DU MAS GANG BA'I RI SUL RNAMS DANG, RI RAB DANG, RI BO'I RTZE MO BEE d'URYA DANG, GSER DANG, DNGUL DANG, AANDA RNYIL DANG, RIN PO CHE MTHON KA CHEN PO DANG, SHEL LAS GRUB PA RNAMS KYANG MTHONG NGO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO BZHI BCU RTZA BZHI PA, RI'I RTZE MO ME LONG LTA BUR GYUR PA DE DAG LA, GCIG GI GZUGS BRNYAN GCIG GI NANG DU SNANG NGO, ,LHA DANG, LHA MO'I TSOGS KYIS YONGS SU BSKOR BA DE'ANG RI ME LONG LTA BU DE RNAMS KYI NANG NA LAN BRGYA'AM, STONG DU SNANG NGO, ,DE GZUG
, ,BRNYAN DE RNAMS LA BDAG NYID LTA BAR BYED LA, BLTAS NAS KYANG BRGYA 'GYUR DU RAB TU DGA' BA SKYE'O, ,LHA MO RNAMS KYANG DE BZHIN DU DGA' BA SKYE STE, KYE MA, 'DI LTAR BDAG CAG BYAD GZUGS CHE ZHING BZANG BA DANG LDAN PAR RTAG PAR SHIN TU BDE BA RNAMS SIL SNYAN YAN LAG LNGA DANG LDAN PA RNYED NAS RTZE BAR BYA'O, ,LHA'I 'DOD PA'I YON TAN LNGAS BSKYED PA'I BDE BA LA NYE BAR SPYOD PAR BYA'O SNYAM MO, ,DE LTAR YID G-YENGS PA DE DAG RI NAS RI, RI 'OR NAS RI 'OR DU 'DONG STE, SRED PA'I DUG GIS MYOS PA'I MI LTAR YID RTAG TU MA BSDAMS PA, BAG MED PAS NYAMS PA'I LHA DANG, LHA MO RNAMS DANG LHAN CIG RI'I RGYAL PO DE LA RGYU BAR BYED DO, , BZA' BTUNG BDUD RTZI'I RNAM PA SNA TSOGS KYI MYOS PA PHAN TSUN DGA' BA'I DBANG DU GYUR PA, PHAN TSUN YID GCUGS PA, PHAN TSUN SNYING 'BREL PA DAG TSAL DANG, NAGS TSAL BYA SNA TSOGS SGRA DI RI RI 'BYIN PA RNAM PA DU MA RNAMS KYI NANG NA DGA' BAR BYED DE, DE LTA RTAG PAR RGYU BA CHA BYAD DANG, PHRENG BA DANG, GOS GYON PA MGO LA ME TOG PHRENG BA BTAGS PA, RGYAN PHRENG 'PHYANG BA DE DAG DPAG BSAM GYI SHING GI TSAL NAS, DPAG BSAM GYI SHING GI TSAL RNAMS KYI NANG NA RGYU BAR BYED DO, ,DE LTAR YONGS
SU RGYU BA NA SHIN TU BDE BA DANG LDAN PA DE DAG ,RES 'GA' CHU BO CHANG CHU LTAR 'BAB PA ZHES BYA BAR AUTPA LA DMAR PO DANG, PADMA DANG, ME TOG KU MU DAS KHEBS PA, BYA KA RANDA PA DANG, NGANG PA DANG, DUR PAS MDZES PA DER 'JUG PAR BYED LA, CHU BO'I 'GRAM DE DAG NA LHA PHAN TSUN GROGS SU GYUR PA DE RNAMS CHANG 'THUNG BAR BYED CING, BYA BLTA NA SDUG PA RNAMS DANG YANG LHAN CIG RTZE BAR BYED DO, ,DE NAS SRID PAS MYOS PA'I LHA DE RNAMS KYANG YANG DANG, YANG DU CHANG 'THUNG PA NYID KYIS BRGYA 'GYUR DU MDANGS 'BAR TE, YUL LNGA'I YAM SREG SHING LAS BYUNG BA'I SRID PA'I MES BSREG PAR BYAS KYANG, 'DOD PA'I SRID PAS GDUNGS PA NGOMS MI MYONG NGO, ,KUN NAS 'DOD PA'I ZHAGS PAS BCINGS PA, RGYAL PO LA GNOD PA BYED SKYED [?] PA'I MI BTZON RAR BCUG PA LTA BU DE RNAMS LHA'I 'JIG RTEN 'BUM PHRAG DU MA MTHONG BA NYAMS DGA' BA NA RTAG TU RGYU BAR BYED DO, ,CHANG CHU LTAR 'BAB PA'I NGOGS DE DAG NA RTZE BA'I LHA DE RNAMS DANG, BYA RTAG PAR RAB TU MYOS SHING SNYED SHIN TU DGA' BA GANG YIN PA DE RNAMS PADMA DANG, AUTPA LA'I TSAL DE DAG NA DGA' BAR BYED DO; ;CHU DMAR PO LA SPYOD PA ZHES BYA BA PHAN TSUN GROGS SU GYUR CING, SGRO GSHOG RIN PO CHE SNA BDUN LAS GRUB PA LTA BUR RANG GI 'OD DANG LDAN PA DE RNAMS KYIS LHA RAB TU MYOS PA
, ,DE RNAMS MNGON PAR MTHONG NAS, 'DI LTAR TSIGS SU BCAD DE SMRAS PA, LHA RNAMS RTAG PAR RAB TU DGA', ,BDAG CAG RTAG PAR RAB TU DGA', , LHA RNAMS DANG NI BYA RNAMS KYI, ,BYE BRAG DAG NI MI DMIGS SO, ,DE DAG CHOS SPYOD MA MTHONG STE, ,NAM YANG THAR PA SPYOD PA MED, ,GAL TE DER GYUR LHA RNAMS DANG, ,BYA GYUR DE RNAMS MTSUNGS PA YIN, ,GANG ZHIG BAG MED RNAM GROL ZHING, ,GANG ZHIG CHOS LA RTAG TU DGA', ,'JIG RTEN NA NI LHA DE DAG ,BAG YOD GNAS PA DAM PAS MA BYIN, , GAL TE LHA RNAMS RTZE DGA' DANG, ,GAL TE BDAG CAG RTZE DGA' NA, ,LHA DANG MKHA' LA RGYU BA RNAMS, ,BYE BRAG YOD PAR MI 'GYUR RO, ,LAS RNAMS KYI NI BYE BRAG GIS, ,SKYE BA'I CHOS DAG BYE BRAG 'GYUR, ,CHOS MA YIN PAR LTUNG BA DAG ,GAR YANG SKYE BA LEGS MI 'GYUR, ,GANG ZHIG 'KHOR BA 'DI DAG KUN, ,MTHAR NI ZAD PAR MI RIG PA, ,LHA DE DANG NI BLO RMONGS PA, ,BYA RNAMS DANG NI RTAG TU MTSUNGS, ,SKYE SDUG RGA BA'I SDUG BSNGAL DANG, ,'CHI BA NYID KYI SDUG BSNGAL DANG, ,SDUG DANG BRAL BAR BCAS PA YI, ,SDUG BSNGAL 'DI DAG BRGYUD PA YIN, ,DRI MED CHOS KYI SPYOD YUL LA, ,GANG ZHIG DE LTAR BLO GNAS PA, ,'JIG RTEN NA NI LHA DE DAG ,BAG YOD GNAS PA DAM PAS MKHYEN, ,GANG ZHIG SKYE
BA'I RGYU LAS BYUNG, ,SDUG BSNGAL YIN PAR LEGS RIG PA, ,'DOD PA PHAN MED BYED RNAMS LA, ,LHA DE DAG NI CHAGS MI BYED, ,MDZA' BSHES GNYEN 'DUN RANG GI 'KHOR, ,MANG PO RNAMS DANG BRAL BA NA, ,GANG ZHIG 'KHOR BAR SKYO MI BYED, ,LHA DE DAG NI BYA DANG MTSUNGS, ,BAG MED DE NYID GZIGS PA YIS, ,CHANG 'THUNG CUNG ZAD THA GIR GZIGS, ,CHANG 'THUNG BA NI 'JU 'GYUR GYI, ,BAG MED 'JU BAR MI 'GYUR RO, ,BAG MED NYAMS PA'I MI DAG NI, ,'KHOR BA LNGAR NI 'KHYAM PAR BYED, ,DE BAS CHANG GI BAG MED PAS, ,RNAM PA KUN GYIS KHYAD PAR CHE, ,CHANG ZHIM GYIS NI NYIN GCIG TU, ,LUS CAN RNAMS NI BAG MED BYED, ,BSKAL PA BYE BAR 'KHYAM PA NA, ,BAG MED BYANG BAR MI 'GYUR RO, ,BAG MED PA DANG BRAL BA GANG, ,DE DAG 'CHI MED GNAS SU 'GRO ,GANG ZHIG BAG MED DBANG DU SONG, ,MI DE SRID PAR RTAG TU 'GRO ,PHAN PAR BYED PA MI YIS NI, ,BAG MED PA DAG SPANG BAR GYIS, , 'DI LTAR NYON MONGS BAG MED PA, ,SANGS RGYAS KYIS NI MI ZAD BSGRAGS, ,'DI LTAR SEMS YANG BYA DAG KYANG, ,BAG MED PA LA MI DGA' NA, ,CI PHYIR LHA RNAMS BAG MED PA, ,DE NI KHYAD PAR SPONG MI BYED, ,DE LTAR LEGS PAR BYAS PAS BSKUL BAS, LHA RNAMS LA PHAN PAR BYA BA'I PHYIR DE KHONG DU CHUD PAR BYA BA'I DON DU BYA GANG YIN PA DE DAG PHA MA LTAR
, ,'DOMS PAR BYED KYANG BAG MED PAS SEMS PHROGS PA'I LHA DE RNAMS BDAG LA PHAN PAR STON PA 'DZIN PAR MI BYED DO, ,DE NAS YANG RTZE BA LA GNAS PA'I LHA SHIN TU SKYID PAR GNAS PA, RTAG TU YID RAB TU DGA' BA, SIL SNYAN DANG, ROL MO'I SGRA 'BYIN PA, YID CHAGS SU RUNG BA SNA TSOGS DANG CHAS TE, TSAL GZHAN MA TA LA ZHES BYA BA GA LA BA DER 'DONG BAR BYED DO, ,DE NAS TSAL MA TA LAR PHYIN NAS LHA PHAN TSUN GROGS SU GYUR PA, SHIN TU SKYID CING YID RAB TU DGA' BA DE RNAMS RIN PO CHE SNA BDUN GYI LCUG MA DANG, LO MA PHAN TSUN 'BREL CING ME TOG GI SNYE MA 'PHYANG LA, BUNG BA 'BUM SNYED 'KHOD PA'I NANG DANG, RIN PO CHE SNA BDUN GYI TSAL RNAMS KYI NANG NA RANG GI LHA MO RNAM PA DU MAS GANG BA RNAMS DANG LHAN CIG GLU DBYANGS SHIN TU SNYAN PA GANG GI TSAL DANG, NYE BA'I TSAL THAMS CAD GLU LEN PA LTA BU'I BRAG CA'I SGRAS DGA' BAR BYED, DGA' MGUR SPYOD PAR BYED DO, ,GLU DBYANGS LEN PA'I SGRA DANG, BUNG BA SGRA 'BYIN PA DANG, BYA RNAMS KYANG SGRA 'BYIN PA RNAM PA DE LTA BUR SNYAN CING MTHUN PA'I SGRA DE DAG NYID GCIG TU 'DUS TE 'BYUNG BA DES, RI RAB SHIN TU NYAMS DGA' BA DE YANG RNAS 'THAD PA'I GLU DBYANGS DANG, MTHONG NA DGA' BA DES YANG NYIS 'GYUR
DU DGA' BAR 'GYUR LA, DE LA LHA RNAMS LHA MO'I TSOGS BYAD GZUGS DANG, CHA BYAD DANG, 'DZUM PA DANG, G-YER BAG CAN DANG LHAN CIG 'DOD PA'I TSOGS LA NYE BAR SPYOD, RTZE BAR BYED, DGA' BAR BYED, DGA' MGUR SPYOD PAR BYED DO, ,DE RNAMS GNAS DE DAG NA JI SRID DU 'DOD PA, SDUG PA YID DU 'ONG BA BYAS SHING BSAGS PA SO SO YANG DAG PAR MYONG BAR 'GYUR BA'I LAS ZAD PA DANG, SPANGS PA DANG, GTUGS PAR MA GYUR PA DE SRID DU DGA' BAR BYED, RTZE BAR BYED DO, ,'DI LTA STE, ZAD PAR GYUR NA DE PHYIS LHA'I RIS 'DOD PA DANG, BDE BA'I TSOGS DU MA DE NAS 'CHI BAR 'GYUR TE, SHI NAS KYANG LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO; ;GAL TE MI RNAMS DANG SKAL BA MNYAM PAR MI'I NANG DU SKYES NA DE LAS DE DANG RGYU MTHUN PAR SHIN TU BDE BAR 'GYUR TE, YID RTZE BAR DGA' BA DAG THAMS CAD MGU ZHING RAB TU DGA' BA DANG, BYAD GZUGS SDUG PA DANG, JI LTAR 'DUG PA MTHONG NGO, ,DE NAS YANG DGE SLONG LAS KYI 'BRAS BU RNAM PAR SMIN PA SHES PA DES, SUM CU RTZA GSUM PA'I LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS SUM CU RTZA GSUM PA'I LHA RNAMS KYI GNAS GZI PHRENG 'BAR BA JI LTAR 'DUG PA MTHONG NGO, ,DER SEMS CAN
, ,DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, DGE ZHING LEGS PA'I SKYES BU GANG GIS LHA'I NANG DU NGES PAR SKYE BAR 'GYUR BA'I BSOD NAMS DAG BYAS PAS 'GYUR TE, 'DI LTA STE, SKYES BU DGE BA, G-YO SGYU MED PA, GZHAN LA GNOD PA MED PA, DAM PA'I CHOS RTOGS PA, SEMS CAN THAMS CAD LA PHAN PAR 'DOD PA, YANG DAG PA'I LTA BAS SNGON DU 'DREN PA, SANGS RGYAS DANG, CHOS DANG, DGE 'DUN LA RTAG TU SEMS GUS PAR GYUR PA, RTAG TU YID BRLAN PA GANG GIS BSOD NAMS BYAS PAS 'GYUR RO, ,DE RNAM PA DU ZHE NA, 'DI NI DGE 'DUN GYI GNAS KHANG NGAM, MCHOD RTEN NYAMS PA BCOS TE; GNAS KHANG NGAM, MCHOD RTEN GANG YIN PA DE DAG BRTAN PAR BYED PA'AM, DE BZHIN DU RTZIG RMANG 'CHOS SAM, DE BZHIN DU SANGS RGYAS KYI'AM, MCHOD RTEN GYI'AM, DGE 'DUN GYI NOR RDZAS LA ME SHOR NA SROG LA MI LTA BAR ME'I NANG DU ZHUGS TE ZHI BAR BYAS NAS ME DE LAS THAR PAR BYED PA'AM, DE BZHIN DU MI DAG LA MES SREG PA NA, SEMS CAN LA BRTZE BA'I SNYING RJES THAR PAR BYED PA RNAM PA DE LTA BU NI BSOD NAMS BYED PA YIN NO, ,SROG GCOD PA DANG, MA BYIN PAR LEN PA DAG LAS LOG PA RNAM PA
DU ZHE NA, GANG ZHIG LAM DU ZHUGS PA NA, GSER RAM, DNGUL LAM, RIN PO CHE'AM, GZHAN DE DANG MTHUN PA LHUNG BA GANG YIN PA DAG LAM DU RNYED PA DANG, KYE; SU'I YIN, KYE; 'DI SU'I YIN ZHES DE SGROGS PAR BYED LA, DE GAL TE LA LA ZHIG GIS 'DI NI BDAG GI YIN NO ZHES SMRAS TE, DE YANG RANG GI YIN PAR GYUR NA, DE LA SBYIN PAR BYED DO, ,JI STE SU'ANG 'DOD PA MED LA SU'ANG SMRA BA MED NA, 'DI LTAR 'DI NI BDAG GIS ZHAG BDUN GYI BAR DU BCANGS LA, DE NAS YANG YUL PHYOGS DE NA 'DUG PA, RGYAL PO'AM, BLON PO CHEN PO DAG LA SBRAN NAS 'PHROG PAR MI BYED LA, SGROGS PAR BYED DO, ,DE'I TSE CHOS DANG MI LDAN PAS 'PHROG PAR BYED NA, DE DAG LA SBRAN PAR MI BYA ZHING PHYIS SANGS RGYAS DANG, CHOS DANG, DGE 'DUN DAG LA DBUL BAR BYA, DE BZHIN DU BSTAB PAR BYA STE, DE LTA BU NI MA BYIN PAR LEN PA MI BYED PA YIN NO, ,SROG GCOD PA SPANGS PA JI LTA BU YIN ZHE NA, 'DI NI LAM DU ZHUGS NAS 'GRO BA'I LAM DAG NA, SRIN BU MA KO TA KA DANG, SBAL PA DANG, SDIG SBRUL NGAG GIS KHEBS NA, SEMS CAN LA SNYING BRTZE BAS DE DAG GI STENG DU 'GRO BAR MI BYED DE, LAS KYI 'BRAS BU'I DE KHO NA LA LTA BA, 'KHOR BA'I NYES DMIGS SHES PA, SKYE BA DANG, 'CHI BA LA SPYOD PA DES, DON GYI 'BRAS BU MANG PO DAG KYANG DANG DU BLANGS NAS, LAM GZHAN NAS BSKOR TE
, ,'GRO BA YIN TE, DE LTA BU NI SROG GCOD PA SPANGS PA YIN NO, ,SDOM PA MA SPANGS PA'I MI DE NI LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM PA'I LHA RNAMS KYI GNAS GZI PHRENG 'BAR BA ZHES BYA BA'I NANG DU SKYE BAR 'GYUR RO, ,DER SKYES NAS KYANG SHIN TU BDE BA LA RTEN CING BDE BA DANG LDAN PA, RANG GIS BYAS PA'I LAS LA SPYOD PA DE'I BDE BA GANG YIN PA DE DAG NI BRJOD PAR MI NUS SO, ,PHYOGS 'GA' ZHIG BRJOD NA 'DI LTAR GNAS DE NI KUN NAS 'OD 'BAR BA YIN TE; DE'I KHYAB PAR NYI MA'I 'OD DANG MTHUN LA MTHONG BA MTHUN YANG 'OD DE MI BZOD PA MA YIN PA DE LTAR DE'I LAS BDE BA'I RGYUR GYUR PA'I MTHUS 'BAR BA YIN NO, ,DE NA RANG GI 'OD DANG LDAN PA DE DGA' BAR BYED DE, LHA MO 'BUM SNYED KYIS YONGS SU BSKOR BA DE, GSER DANG, BEE d'URYA DANG, SHEL DANG, AANDA RNYIL GYI GZHAL MED KHANG BZANG PO RNAMS KYI NANG NA, 'DOD PA DU MA LA SEMS GTAD PA RNAMS DGA' BAR BYED DE, RTZE BAR BYED, DGA' MGUR SPYOD PAR BYED DO, ,DE SHING LJON PA RTAG TU ME TOG DANG, LO MA RGYAS PA DANG, RTAG TU BYA'I TSOGS SGRA SNYAN PAR BYIN PAS MDZES PAR BYAS PA'I TSAL GYI NANG DAG NA, RNA BA DANG, MIG GIS BSTEN PA'I YUL NYAMS DGA' BA
DAG MTHONG ZHING THOS SO, ,DE LTAR DE TSAL GYI NANG MIG BTZUMS PA DANG PHYE BA LTA BU ZHAS BYA BA SHING LJON PA DE DAG MIG BTZUMS PA DANG, PHYE BA LTA BU MTHONG STE, MTHU DANG, STOBS SHIN TU CHE BA DES RNAM PA DE LTA BU'I TSAL GYI NANG RNAMS NA DGA' BAR BYED DO, ,DE NAS YANG LHA DANG, LHA MO'I TSOGS DU MAS YONGS SU BSKOR CING, MIG DANG, SNYID LTAD MOS G-YENGS PA DAG TSAL GLU DBYANGS LEN PA'I KUN DGA'I RA BA ZHES BYA BA DER 'GRO BAR BYED DO, ,DE'I PHYI BZHIN DU'ANG LHA 'BUM PHRAG DU MA RI RAB KYI GSHONG DAG NA SIL SNYAN DANG; SGRA DBYANGS SNA TSOGS 'BYIN CING 'DOD PAR BYED DO, ,PHAN TSUN BRAG CA 'BYUNG BA'I SGRA 'BYIN PA DA DAG RI RAB KYI NANG GI KHROD NAS KUN NAS GLU DBYANGS 'GYUR BA LTA BUR BYED CING 'GRO BAR BYED DO, ,DE LTAR DE 'GRO BA NA LHA GZHAN TSAL DANG, NYE BA'I TSAL RNAMS KYI NANG NA RTZE ZHING DGA' BAR BYED PA GANG YIN PA DE DAG SGRA SHIN TU SNYAN ZHING YID 'PHROG PA DE THOS NAS, BRGYA BYIN GNYIS PA LTA BU GZHAN 'DI SU ZHIG YIN SNYAM NAS 'GRO BAR BYED DO, ,SHIN TU MGU BA DES DE MNGON PAR MTHONG NAS YID NGO MTSAR CHER SKYES PA DE'I DRUNG DU RGYUG PAR BYED DO, ,LHA PHAN TSUN DGA' BA SKYES PA DE RNAMS KYIS DE MNGON PAR MTHONG NAS KHYED TSUR SHOG ,KHYED TSUR SHOG ,'DI NI BDA
, ,CAG THAMS CAD PAS LUS SHIN TU CHE LA, BRGYA BYIN LTA BU GZHAN ZHIG BDAG CAG GI GNAS 'DIR BYUNG NGO ZHES BRJOD DO, ,DE NAS LHA GZHAN DAG KYANG RINGS PAR LHA DE DAG GA LA BA DER DONG STE, LHA RNAMS KYIS YONGS SU BSKOR NAS BKUR STI BYAS, BRO DANG, GLU DANG, RGOD PA DANG, SGEG PA DANG, RAB TU DGA' BA'I YID DANG, DE LA MCHOD PA BYAS PA'I YID KYIS TSAL RAB TU DGA' BA ZHES BYA BA GA LA BA DER SKYED MOS TSAL GYI DGA' SPYOD BYED DU 'DONG BAR BYED DO, ,LHA DANG, LHA MO'I TSOGS RAB TU DGA' BA RNAMS RGOD CING BRO RDUNG BZHIN DU DE NAS YANG SNYING BSNYEN BKUR BYA BA LA ZHUGS PA DE DAG SLAR LOG STE DE NYID LA LTA BAR BYED DO, ,DE NAS DES KYANG DE RNAMS MNGON PAR MTHONG NAS YID RAB TU DGA' BAS SMRAS PA, SNYING GCUGS PAR SDUG PA, KHYED RNAMS KYIS BDAG DRANGS TE, KHYED KYIS BDAG GI MDUN DU DGA' BA 'DI LTA BUR SBYAR NA, KYE; BDAG CAG GANG DU 'DONG, DE NAS LHA DE RNAMS KYIS GSAR DU SKYES PA'I LHA DE LA 'DI LTAR BDAG CAG 'DI RNAMS NI TSAL RAB TU DGA' BA'I KUN DGA' RA BA ZHES BYA BA LHA'I MCHOG TU NYAMS DGA'I TSAL DER BDAG CAG 'DONG BAR BYA STE, DER 'DOD PA'I YON TAN LNGA LHAG PAR SPYAD PAR BYA'O, ,DE NAS LHA DES SNGON MA MTHONG BA'I TSAL
DER YANG YID LTAD MO LA ZHUGS PAR YANG DANG, YANG RINGS PAR GYUR PA'I YID KYIS TSAL RAB TU DGA' BA'I KUN DGA' RA BA ZHES BYA BA GA LA BA DER 'DONG BAR BYED DO, ,DE NAS TSAL DE RGYANG RING PO ZHIG NA NYI MA'I TSAL LTA BU KUN NAS 'OD ZER BZANG POS RAB TU 'BAR BA LTA BUR MTHONG NGO, ,DE NAS LHA GSAR DU SKYES PA DES TSAL DE MNGON PAR MTHONG NAS YANG DANG YANG MCHOG TU DGA' BA SKYES PAR GYUR PA'I YID KYIS TSAL DE GA LA BA DER 'DONG BAR BYED DO, ,DE NAS DGA' BA RNAM PA DU MA YOD PA CHAL BZHI DAG DANG MTHUN PA, LEGS PAR 'BYUNG BA'I TSAL DER PHYIN PA DANG, BYA 'BUM SNYED RNAM PAR SGRA SIL LI LI 'BYIN TE, KHA CIG NI SGRA 'BYIN PAR BYED, KHA CIG NI 'BOD PAR BYED, KHA CIG GIS NI RNAM PA DU MAR YONGS SU BSKOR NAS YID RAB TU DGA' BAS SGRA 'BYIN PAR BYED DE, DE LTAR TSAL DE RNAMS NA SGRA 'BYIN PAR BYED DO, ,YANG PHYOGS GZHAN ZHIG NA RI SUL RNAM PA SNA TSOGS YOD PAR GSER GYI RDO LEB RNAM PA DU MA LA CHU 'BAB PAS PHOG PA'I CHU SGRA DE DANG, BYA NGANG PA DANG, NGUR PA DANG, KA RANDA PA DAG CHU 'GRAM RNAMS NA SGRA 'BYIN TE, CHU BO DE RNAMS KYI BYA DAG DE LTAR RNAM PA DU MAR SGRA 'BYIN PA THOS SO, ,DE NAS DE DAG GIS KYANG CHU 'BAB PA'I SGRA MNGON PAR BRTAGS NAS, CHU 'GRAM DE DAG NA LHA DANG, LHA MO'I TSOGS KYIS BSKOR
, ,BA'I LHA DE DAG DGA' BAR BYED, RTZE BAR BYED, DGA' MGUR SPYOD PAR BYED LA, TSAL DANG, NYE BA'I TSAL DAG NA YANG MCHOG TU BDE BA MYONG BAR BYED DO, ,DE NAS YANG 'DOD PA LNGA LAS BYUNG BA'I BDE BA MYONG BAR BYED LA, YANG DPAG BSAM GYI SHING GI DRUNG DU RGYUG PAR BYED DO, ,SHING DE DAG KYANG MNGON PAR MTHONG STE, KHA CIG NI ZLA BA'I 'OD LTAR LHAN PA DANG, KHA CIG NI NYI MA'I 'OD LTAR GSAL BA YIN TE, SHING DE RNAMS KYI DRUNG DAG TU'ANG LHA DE LHA RNAMS KYIS BSKOR NAS DGA' BAR BYED, DGA' MGUR SPYOD PAR BYED, YUL LNGA'I BDE BA RNAM PA DU MA MYONG BAR BYED DE, 'DOD PA'I BDE BA GANG BRJOD PAR YANG MI NUS SO, ,DE DPAG BSAM GYI SHING GI TSAL DER YANG BDE BA RNAM PA MANG PO DU MA MYONG NAS PADMA'I TSAL BYA NGANG PA DANG, NGUR PA DANG, KA RANDA PAS BRGYAN PA GA LA BA DER BRGYA BYIN BZHIN DU MCHOG TU DGA' BA'I LHA THAMS CAD KYIS YONGS SU BSKOR BA'I LHA DE'ANG YID RAB TU DGA' BAS 'DONG BAR BYED DO, ,DE NAS DER YANG LHA'I 'DOD PA'I BDE BA SPYAD NAS, RI'I RTZE MO MTHO BRTZEGS ZHES BYA BA'I RI BO'I RTZE MO GA LA BA DER 'DONG BAR BYED DO, ,GLU LEN, BRO RDUNG, 'DZUM ZHING SGEG PAR LHA DANG LHA MO GROGS SU GYUR PA PHAN TSUN YID GCUGS PA, GCIG LA GCIG
GNOD PA MI BYED CING SNYING DU SDUG PA RNAMS SHIN TU BDE BA MYONG BAR BYED DO, ,RI BO'I RTZE MO MTHO BRTZEGS ZHES BYA BA RTZE MO SNA TSOGS PA DE LA 'DZEGS NAS, YON TAN THAMS CAD DANG LDAN PA, 'BAB CHU DANG, MTSE'U DANG, LTENG KA SNA TSOGS KYIS BRGYAN PA DANG, LHA'I PADMA'I TSAL DANG LDAN ZHING DES KYANG BRGYAN PA, PADMA'I TSAL DE NA YANG PADMA MANG POS MDZES PAR BYAS PA, BYA'I TSOGS 'BUM PHRAG DU MA LDING BA, SHIN TU BDE BA DANG LDAN ZHING YID SHIN TU BDE LA MCHOG TU DGE STE, LEGS PA MCHOG GIS SHIN TU 'BAR BA RNAMS MTHONG NAS, LHA DE RNAMS DANG LHAN CIG SKYED MOS TSAL DANG, NYE BA'I TSAL DANG, BUNG BA SBRANG RTZI 'BYUNG BA'I TSAL DANG, DPAG BSAM GYI SHING GI TSAL DANG, BYA SNA TSOGS SGRA 'BYIN PAR BYED PA RNAMS KYI NANG NA DGA' BAR BYED, RTZE BAR BYED, DGA' MGUR SPYOD PAR BYED DO, ,RI BO'I RTZE MO MTHO BRTZEGS RI ZOM SNA TSOGS YOD PA DE NA LAS LEGS PAR BYAS PA DE DER YANG YUN RING DU RTZES NA, DE NAS YANG LHA DE RNAMS DANG LHAN CIG SKYED MOS TSAL GYI DGA' SPYOD BYED DU RANG GI GNAS DE NYID LA RTOG PAR BYED DE, GSAR DU SKYES PA'I YID LTAD MO LA ZHUGS PA, LHA PHYI BZHIN 'BRANG BA STONG SNYED KYIS BSKOR CING, THAMS CAD DU'ANG DE DAG NYID KYIS YONGS SU BSKOR BA RNAMS BRGYA BYIN BLTA BA'I PHYIR LHA'I
, ,'DUN SA CHOS BZANG GA LA BA DER 'DONG BAR BYED DO, ,DE NAS RIN PO CHE SNA TSOGS KYIS BRGYAN PA, RIN PO CHE'I KHANG BZANG LAN KAN SNA TSOGS KYIS BSKOR BA SNGAR BSTAN PA DANG MTHUN PA CHOS BZANG DU PHYIN PA DANG, DE NAS LHA'I DBANG PO BRGYA BYIN GYIS LHA DE MNGON PAR MTHONG NAS RIM GRO BYAS SHING 'DI LTAR TSIGS SU BCAD DE SMRAS PA, 'DI DAG LEGS BYAS 'BRAS BU STE, ,DA LTAR LEGS PAR GNAS PA YIN, ,DE NI ZAD NAS LHA YUL NAS, ,KHYOD NI LOG PAR LTUNG BAR BYED, ,LAS KYIS NYAMS TE LTUNG BA DAG ,GANG DANG GANG DU SKYE 'GYUR GANG, ,DE NI PHYIS NI GDUNG MED PAR, ,KHYOD KYIS DE LTAR BYA BA YIN, ,BDE LA SEMS NI CHAGS GYUR CING, ,BAG MED PA YIS NYAMS GYUR NAS, ,MA BYAS BDUD KYI DBANG GYUR PA, ,LHA RNAMS SEMS CAN DMYAL BAR 'GRO ,GCIG GIS LTUNG BA MTHONG NAS SU, ,SKYE BO JI STE YID MI 'BYUNG, ,BDAG KYANG LTUNG BA 'DI DAG GIS, ,RNAM PA KUN TU LTUNG DU DOGS, ,GANG ZHIG RING NAS 'JIGS MTHONG STE, ,SGRUB PA DAG LA 'BAD BYED PA, ,DE NI 'CHI BA'I DUS KYI TSE, ,GNOD DANG BRAL TE 'JIGS PA MED, ,GANG ZHIG RING NAS BAG MED PAS, ,BLO NGAN 'JIGS PAR MI SEMS PA, ,PHYI NAS NYON MONGS BYUNG TSE DE, ,PHYI NAS GDUNG BAS SREG PAR 'GYUR, ,LHA YUL NAS
NI NGES PAR GO ,KUN NAS DNGOS PO LHUNG PAR 'GYUR, ,'DOD PA'I DBANG GYUR DE RIG NA, ,'DI LA NAM YANG LTUNG BA MED, ,SEMS CAN 'DOD PAS BSLUS PA DANG, ,'DOD PAS RNAM PAR RMONGS PA DANG, ,'DOD PA'I ZHAGS PAS DRANGS GYUR PA, ,DE DAG RTAG TU DMYAL BAR LTUNG, ,RTAG TU NYON MONGS 'DI RIG NAS, ,BDAG LA PHAN PAR BYED PA'I YID, ,SHIN TU DUL BA'I YID KYIS NI, ,LHA RNAMS GDUNG BAR MI 'GYUR RO, ,YID KYI DUG DANG 'DOD SHUGS KYIS, ,RNAM PA KUN TU ZIN PA GANG, ,'CHI BDAG DBANG GYUR RMONGS PA DE, ,SKYE BO 'DOD PA'I ME YIS NYAMS, ,'CHI BA'I TSE NA GNYEN 'DAB DANG, ,MDZA' BSHES RTZA LAG GNYEN 'DUN DANG, ,'BRAL BA'I SDUG BSNGAL GANG BYUNG BA, ,DE NI BSHAD PAR MI NUS SO, ,DE NI 'CHI BAR NYE GYUR TE, ,RI BO BZHIN DU LTUNG BA NA, ,BZLOG PAR MI NUS STOBS LDAN PA, ,MI RNAMS KYIS NI 'DREN PAR BYED, ,SDUG PA DANG NI 'DI GYUR LA, ,RNAM PA KUN TU'ANG 'BRAL BAR GYUR,, DE NAS RIG NAS LHA MCHOG GIS, ,BAG MED RNAMS LA CHAGS MA BYED, ,DBANG PO RTAG TU 'DOD RNAMS KYIS, ,'DIR NI NAM YANG NGOMS MI MYONG, ,JI LTAR MER NI MAR BLUGS BZHIN,, SRED PA RTAG TU 'PHEL BAR 'GYUR, ,'DI LTAR SGO RNAMS SNA TSOGS KYIS, ,SRED PA'I 'JIG RTEN 'JIG BYED PA, ,MI RNAMS RTAG TU SEMS DMYAL DANG, ,YI DVAGS DUD 'GRO'I NANG
, ,DU 'KHYAM, ,'CHI DANG SKYE BO'I 'PHYANG MO LA, ,MI MKHAS SKYE BO NYON MONGS PA, ,DE NI RIG NAS SRED BRAL TE, ,'GRO BA MCHOG TU DE 'GRO'O, ,BRTAN PO BCING LAS NGES GROL BA, ,MYA NGAN BRAL ZHING GNOD DANG BRAL, ,GANG ZHIG SRED PA'I DBANG MI 'GRO ,DE NI RTAG TU BDE BAR 'DUG ,GANG DAG GNAS SKABS THAMS CAD DU, ,YE SHES LA NI YID NYE BA, ,MKHAS PA DE NI SKYE BA YI, ,SDUG BSNGAL ZHAGS PAS DE MI 'CHING, ,GANG DAG YID LA MTSAN MA MED, ,GANG DAG SRED PAS YID BYUNG BA, ,DE NI DGON PA'I DRI MA BRAL, ,BDE BA 'BYUNG BA'I MCHOG CIG THOB, ,GANG DAG SDUG BSNGAL MI SKYO ZHING, ,GANG DAG BDE LA CHAGS MI BYED, ,BDE SDUG LAS NI GROL BA DE, ,MYA NGAN 'DAS PA'I GRONG KHYER 'GRO ,BYAMS PA DANG NI SNYING RJE YIS, ,MI RNAMS RTAG TU SEMS LDAN PA, ,RGYU 'BRAS DE NYID SHES PA DE, ,SDUG BSNGAL ZHAGS PAS NGES PAR 'BYUNG, ,GANG DAG KUN TU RTOG PA LA, ,YID MI DGA' STE SKYON SPANGS PA, ,DE DAG KHYOD KYI 'JIGS LAS GROL, ,GNAS MCHOG DAM PAR 'GRO BAR 'GYUR, ,'DU BA DAG LA 'BRAL BA YOD, ,LANG TSO LA YANG RTAG TU DGA', ,'TSO BA LA YANG RTAG TU 'CHI, ,BZHI 'DI DAG NI RTAG TU GNAS, ,LHA YUL NAS NI LHUNG BA DE, ,MI BZAD KHAD KYIS MNGON DU 'ONG, ,DE NI BSAMS
TE BAG MED PA, ,KHYOD KYIS NAM YANG BRTEN MI BYA, ,RMONGS PA GANG ZHIG THABS MED PAS, ,BDE BA RTAG TU TSOL BYED PA, ,BYE MA RNAMS LAS 'BRU MAR LTAR, ,DE NI RTAG TU RNYED MI 'GYUR, ,BAG MED RTAG TU DGA' BA GANG, ,DE LA BDE BA'I SKAL BA MED, ,SDUG BSNGAL SHING GI DRUNG GCIG PO, ,SHIN TU MI BZANG BAG MED YIN, ,CHOS DANG CHOS MIN NGES PA NYID, ,'DI STE BDAG GIS KHYOD LA BSTAN, ,KHYOD KYI YID KYIS DE ZUNGS SHIG ,KHYOD NI GDUNG BAR MA BYED CIG ,RMONGS PA GANG ZHIG BLA MA'I TSIG ,PHAN PA NYID NI 'DZIN MI BYED; ;PHYIS DE NYON MONGS 'BYUNG BA'I TSE, ,RANG GI SEMS KYIS GDUNGS PAR BYED, ,BYE BA THER 'BUM STONG PHRAG DANG, ,SA YA DANG NI DUNG PHYUR DAG ,GRANGS MED PA YI LHA RNAMS NI, ,BAG MED PA YIS RNAM PAR BSLUS, ,NGES PAR MI RTAG ME YIS SU, ,BSKAL MTHAR RI MCHOG 'DI SREG NA, ,DBU BA CHU SHING LTA BU YI, ,LHA RNAMS GANG ZHIG SMOS CI DGOS, ,'DU BYAS SKYE DANG G-YO BA GANG, ,DE NI SRID PAR CUNG ZAD MED, ,GANG ZHIG RTAG PA'AM BDE 'GYUR BA, ,DE YI GNAS NI YOD MA YIN, ,JI LTAR BAG MED PA YIS 'PHROGS PA YI, ,GSAR BYUNG LHA DE LA NI THABS DU MAS, ,BRGYA BYIN DES NI DE SKAD PHAN BTAGS KYANG, ,DE LTAR TSIG GCIG TZAM YANG MA ZIN TO, ,DE NAS BRGYA BYIN GYIS DE RIG NAS MI SMRA BAR 'DUG GO ,LHA DES
, ,KYANG BRGYA BYIN DE LA SPYI BOS PHYAG BCAL TE SIL SNYAN DANG, ROL MO'I SGRA DANG, GLU DBYANGS SNA TSOGS LA YID CHAGS PA'I LHA 'BUM SNYED KYIS YONGS SU BSKOR TE, LHA DE RNAMS NYID DANG LHAN CIG RANG GI GNAS GA LA BA DER 'DONG BAR BYED DO, ,NAGS TSAL DANG, PADMA DANG, CHU'I LTENG KA DANG, PADMA'I TSAL RNAMS KYIS BRGYAN PA DANG, LHA'I ROL MO'I SGRA 'BYIN PA SHIN TU NYAMS DGA' BA DANG, 'BAB CHU 'BUM SNYED KYIS BRGYAN PA DANG, BYA SGRA 'BYIN PA SHIN TU YID DU 'ONG BA DAG MTHONG NGO, ,DE LHA RNAMS KYIS MCHOD CING BDE BA DU MA DAG MYONG BA DANG, RI'I GSAB GSEB DE DAG NA RIN PO CHE'I 'OD KYI PHRENG BA LANG LONG 'BAR BA, SHIN TU BDE BA RNAM PA DU MA DAG MTHONG BA DANG, SKYED MOS TSAL DU DGA' SPYOD BYED DU 'DONG BAR BYED DO, ,BAG MED PA RNAM PA DU MAS YID PHROGS PA, 'DOD PA LA SEMS CHAGS PA RNAMS 'DOD PA'I MES BSREGS PA NA, YID 'BYUNG BA'I RTEN DBANG PO LNGA LAS BYUNG BA'I ME LCE LNGA PO DES SREG PAR BYED KYANG MI RIG STE, DGRA LTAR MI MNGON LA, BSHES GNYEN GYI GZUGS CAN DGRA MA RUNGS PA DE DANG YANG LHAN CIG DGA' BAR BYED DO, ,DE LTAR LHA DE JI SRID DU 'DOD PA SDUG PA YID DU 'ONG BA BYAS SHING BSAGS PA SO SO YANG DAG PAR MYONG BAR 'GYUR BA'I LAS ZAD PAR MA GYUR
PA DE SRID DU, LHA DE RNAMS DANG LHAN CIG DGA' BAR BYED, RTZE BAR BYED, DGA' MGUR SPYOD PAR BYED DE, DUG GI CHU BOS DED PAR BYED DO, ,DE DAG ZAD NAS LAS NYE BAR 'GRO BA JI LTA BA BZHIN SEMS CAN DMYAL BA DANG, YI DVAGS DANG, DUD 'GRO RNAMS KYI NANG DU SKYE BAR 'GYUR RO, ,GAL TE BRGYA LA LAS LEGS PAR BYAS PA GZHAN ZHIG GIS MI RNAMS KYI NANG DU SKYES NA; DE LAS DE DANG RGYU MTHUN PAR RTAG TU BDE BA DANG LDAN PAR 'GYUR ZHING, BYAD GZUGS BZANG PO DANG LDAN PA DANG, YON TAN DU MA DANG LDAN PA'I RIGS SU SKYE BA DANG, SKYE PO THAMS CAD KYIS BKUR BA DANG, TSE GCIG GI BAR DU RGYAL PO YANG GNANG CHEN BYED PAR 'GYUR BA MTHONG NGO, ,DE NAS DGE SLONG LAS KYI 'BRAS BU RNAM PAR SMIN PA SHES PA DES, LHA RNAMS KYI GNAS LA RTOG PAR BYED DE, DES THOS PA LAS BYUNG BA'I SHES PAS SUM CU RTZA GSUM PA'I LHA RNAMS KYI GNAS MA 'DRES PA ZHES BYA BA JI LTAR 'DUG PA MTHONG NGO, ,DER SEMS CAN DAG LAS GANG GIS SKYE BAR 'GYUR SNYAM NAS, DES THOS PA LAS BYUNG BA'I SHES PAS BRTAGS NA, DGE BA SEMS BZANG PO DANG LDAN PA RGYU DANG, 'BRAS BU LA SHIN TU YID CHES PA GANG GIS TSUL KHRIMS RNAM PA BDUN BSRUNGS PA, SEMS CAN LA SNYING RJES BRLAN PA'I YID DANG LDAN PA, SDIG PA'I GROGS PO DANG MI 'DRE BA, MI DGE BA SPYOD PA DANG LHAN CIG SMRA
, ,BAR MI BYED PA, DKON MCHOG GSUM LA RTAG TU DAD PA DANG LDAN PA, YID ZHI ZHING YID SHIN TU MNYAM PAR BZHAG PA BLO MA G-YENGS SHING MA 'DRES PAR GNAS PA, YA MTSAN CAN 'DOD NAS RIGS NAS RIGS SU MI 'GRO BA, SEMS CAN THAMS CAD LA SNYAN PAR SMRA BA, DUS SU SMRA BA, BDEN PAR SMRA BA, BLA MA RNAMS LA RIM GROR BYED PA DANG, DAM PA'I CHOS NYAN CING LTA BA'I NGANG TSUL CAN DU GYUR PA, SBYIN PA DANG, TSUL KHRIMS CI NUS SU BSRUNG BAR 'GYUR TE, DE LAM DU 'GRO BA NA GZHAN GYI RTZVA TZAM YANG RKU SEMS DAG GIS LEN PAR MI BYED LA, SBAL PA DANG, SROG CHAGS DUN DHU BHA RNAMS LA'ANG LTA ZHING RTOG PAR BYED DE, 'DI LTAR BDAG GIS DE DAG GSAD PAR MI BYA'O SNYAM NAS GANG GI PHYIR SROG CHAGS THAMS CAD KYIS GCES CHEN DAM PA NI SROG YIN TE, GZHI DE YID LA RTZE GCIG TU BYAS NAS SROG CHAGS RNAMS LA RAB TU 'BAD DE SRUNG BAR BYED DO, ,JI LTAR NA SROG GCOD PA SPANGS PA YIN ZHE NA, KHA ZAS KYI BDE BAR BYA BA'I DON DU GAL TE SHA'AM, KHA ZAS GZHAN ZHIG BLANGS PA DANG, GANG GIS DE'I SROG CHAD DE GZHAN DU 'GYUR BA DE'ANG TSA BA'I RKYEN NAM, YUN RING DU LON PA'I RKYEN GYIS SRIN BUS GANG LA SRIN BU DE DAG DE NAS PHYUNG NA NI GOR MA CHAG PAR 'CHI BAR 'GYUR BAS
BDAG NI SHI YANG SLA YI, SROG CHAGS 'DI DAG NI 'CHI BAR MI 'GYUR ZHING SROG CHAGS RNAMS KYI SROG CHAD PAR MA GYUR CIG SNYAM NAS, DE BDAG NYID KYI SROG YONGS SU GTONG BAR BYED KYI, KHA ZAS DE DAG LAS SRIN BU 'BYIN PAR MI BYED DE, DE LTAR SKYES BU DAM PA DE KHA NA MA THO BA RDUL TZAM LA YANG 'JIGS PAR LTA ZHING RGYU TSOL BA LHUR BYED PA YIN NO, ,JI LTAR NAM BYIN PAR LEN PA SPANGS PA YIN ZHE NA, DE LTAR SKYES BU DGE BA SEMS CAN THAMS CAD LA PHAN PA LHUR BYED PA DE GZHAN GYI BDAG NYID KYI DON DU YONGS SU BZUNG BA DE LAS MA BYIN PAR LEN PAR 'GYUR RO SNYAM NAS, ZHING NGAM, KUN DGA' RA BA'AM, GRONG RDAL DAG LA GDAB PAR BSDOBS PA'I BA LANG GI LCI BA'I THAL BA TZAM YANG LEN PAR MI BYED PA YIN TE, DE LTAR MA BYIN PAR LEN PA SHIN TU PHRA MO'ANG SPONG BAR BYED LA TSUL KHRIMS MA 'DRES PA, MA RNOGS PA SDIG PA MED PA, SKYON MED PA LA SPYOD DO, ,DE DE LTAR SPYOD SPYOD PA LAS LUS DANG BRAL NAS BDE 'GRO MTHO RIS KYI 'JIG RTEN SUM CU RTZA GSUM PA'I LHA RNAMS KYI NANG MA 'DRES PA'I GNAS SU SKYE BAR 'GYUR RO, ,DER SKYES NAS KYANG SHIN TU BDE BA DANG LDAN PA, LUS NYI MA BAS LHAG LA RANG GI 'OD DANG LDAN PA'I LHA DE LAS LEGS PAR BYAS SHING BYAS PA BSAGS PA SO SO YANG DAG PAR MYONG BAR 'GYUR BA'I 'BRAS BUS LHA'I BDE BA DU MA DAG
, ,MYONG BAR BYED DO, ,LHA'I PHRENG BA DANG, GOS GYON PA, LHA 'BUM SNYED KYIS YONGS SU BSKOR BA DE RIN PO CHE SNA BDUN GYI TSAL DANG, NAGS TSAL BSTEN PAR BYA BA RNAMS KYI NANG NA LHA'I TSOGS DANG LHAN CIG DGA' BAR BYED DE, ,DE LTAR SHIN TU BDE BA DANG LDAN PA YONGS SU SPYOD PA DE RES 'GA' TSAL RO BRGYA MCHOG GIS BSTEN PA ZHES BYA BA GA LA BA DER 'DONG BAR BYED DO, ,DES DE MNGON PAR MTHONG NAS LHAG PAR DGA' BA SKYES TE, LHA DE RNAMS KYIS MTHONG BA DANG, KYE, GANG GI TSAL 'DI TSAL GZHAN DAG PAS LHAG PAR MDZES LA, ME TOG DANG, 'BRAS BU DANG, RI SUL DANG, SMAN LJONGS DANG, LTENG KA DANG, 'BAB CHU'I DNGO DANG, BYA SGRA 'BYUNG BA DANG, SA RNAM PAR PHYE BA DANG, RI DVAGS DANG, RI DVAGS LAS KHYAD PAR 'PHAGS PA'I RGYU GANG YIN ZHES SMRAS SO, ,SNGON GYI LHA GZHAN ZHIG GIS TSIG DE THOS NAS SMRAS PA, 'DI LTAR BDAG CAG GIS GZHAN DANG GZHAN DAG LAS 'DI SKAD CES THOS TE, 'DI LTAR 'KHOR LOS BSGYUR BA'I RGYAL PO NGA LAS NU ZHES BYA BA GLING BZHI DANG, GLING BAR RNAMS SU LO 'BUM PHRAG DU MAR SPYOD KYANG 'DOD PA RNAMS KYIS NGOMS PA MED DO, ,'DOD PA RNAMS KYIS NGOMS PA MED PA DE RGYAL CHEN BZHI'I RIS KYI LAM NA 'KHOR LOS DRANGS
NAS LHA'I 'JIG RTEN 'DIR 'ONGS TE, DE MI'I BGRANG BA'I TSUL GYIS LO 'BUM PHRAG DU MAR NYE BAR 'TSO YANG 'DOD PA RNAMS KYIS NGOMS PA MED DO, ,DE GAR YANG 'DOD PAS CHOG MI SHES NAS LHA'I 'JIG RTEN 'DIR 'ONGS TE, BRGYA BYIN GYI STAN GYI PHYED LA 'DUG KYANG 'DOD PA RNAMS KYIS NGOMS PA MED DO, ,DE GANG GI TSE SKYED MOS TSAL DU DGA' SPYOD BYED DU 'GRO LA, DE 'DUG PA'I DGA' SBYONG BYED DU TSAL 'DIR 'GRO STE, TSAL 'DI NI YON TAN DU MA DANG LDAN ZHING BSTEN PA DU MA DANG LDAN PA YIN NO, ,RGYU DES NA YON TAN DU MA DANG LDAN PA'I TSAL 'DI NI DA DUNG DU LHAG PAR NYAMS DGA' BA YIN NO, ,RGYAL PO NGA LAS NU BRGYA BYIN GYI STAN LA 'DUG PA DE YANG RANG GIS BYAS PA'I LAS ZAD PA DANG LHA'I GNAS DE NAS LHUNG NGO ZHES BDAG CAG GIS GZHAN DANG, GZHAN DAG LAS THOS TE, GZHAN DU NA BDAG CAG GIS TSAL 'DI MNGON SUM DU MTHONG BA NI MA YIN NO, ,DE LTAR TSAL 'DI NI DA DUNG DU 'DI LTAR SHIN TU 'BYOR PA YIN NO, ,DE NAS LHA DE RNAMS KYIS TSIG DE THOS PA DANG NGO MTSAR DANG BRAL BA RAB TU DGA' BA'I YID SIL SNYAN YAN LAG LNGA DANG LDAN PAS DGA' BAR BYED, RTZE BAR BYED, DGA' MGUR SPYOD PAR BYED LA, 'DOD PA'I YON TAN RNAM PA LNGA PO DU MA DANG LDAN PA'I YID KYIS TSAL DER 'GRO BAR BYED DO, ,DE LTAR 'GRO BA NA DE'I BYA SHIN
, ,TU RTZE BA ZHES BYA BA LAS LEGS PAR BYAS PAS BSKUL BA DES LHA DE LA 'DI LTAR TSIGS SU BCAD DE SMRAS PA, DE YI RGYU STE SRED PA YIS, ,'DOD PA RNAMS LA NGOMS MI MYONG, ,SRED PAS NGOMS PA SKYED BYED PA, ,YID NYID NGOMS PAR MI BYED DO, ,'CHI BA NYE BAR GNAS PA 'DI, ,SKYE BO KUN GYIS SHES PAR BYA, ,DE BAS DE YI LAN BYA BA, ,THABS RNAMS KUN GYIS MI NUS SO, ,SHIN TU DUS NI RING NAS KYANG, ,BDE BA DU MA DAG SPYAD NAS, ,NGES PAR LHUNG BAR 'GYUR BAS NA, ,DE LTA BAS NA CHOS LA 'BOD, ,CHOS GCIG KHO NA SKYABS KYI MCHOG ,CHOS GCIG KHO NA RTEN GYI MCHOG ,CHOS KYIS SROG NI 'TSO 'GYUR LA, ,CHOS MA YIN PAS 'CHI BAR 'GYUR, ,CHOS SPYOD CHOS LA SPYOD BYED CING, ,CHOS NYID LA NI STEN BYED NA, ,DE NI BDE LAS BDE 'GYUR LA, ,SDUG BSNGAL RJES SU MTHONG MI 'GYUR, ,CHOS MA YIN PAR SPYOD PA'I MI, ,GANG TSE CHOS MIN STEN BYED NA, ,SEMS CAN DMYAL BAR DE RTAG TU, ,YANG DANG YANG DU SDUG BSNGAL 'GYUR, ,JI TZAM GNAS RNAMS BSTAN PA NI, ,DE TZAM BRGYA BYIN LHA YUL LA, ,BRGYA BYIN GNAS NI GZHAN MED DE, ,'DI LTAR DE DAG NGES PA YIN, ,SUM CU RTZA GSUM KUN NAS SU, ,GANG NA LHA RNAMS 'CHI MED DANG, ,LOG PAR LTUNG BA'I LAS MED PA, ,DE NI PHYOGS 'GA' YOD MA YIN, ,RGYU RNAMS DU MAR 'GRO BA DANG, ,
SNYING PO NGES PA SNA TSOGS PA, ,BRGYA BYIN CHOS NI STON BYED KYANG, ,LHA RNAMS STEN PAR MI BYED DO, ,MKHAS PA LAS NI KOO SHI KA ,MDZOD YIN PHYIR NA LUS YIN LA, ,PADMA LA NI DGA' BAS NA; ;SDIG PA'ANG RNAM PAR SPONG BAR BYED, ,DE NI CHOS RNAMS RTAG TU 'CHAD, ,LHA RNAMS KYI NI PHA 'DRA YANG, ,BAG MED PA YIS SEMS 'KHRUGS SHING, ,RMONGS PA DE DAG 'DZIN MI BYED, ,DE LTAR LHA DE DAG DANG, BYA RNAMS KYIS BRJOD PA THOS PAR GYUR DU ZIN KYANG, ,NGO BO NYID KYIS BAG MED PAS KUN NAS PHROGS PA'I SEMS YIN PA'I PHYIR SKYO BA SKYE BAR YANG MI 'GYUR RO, ,DES DE DAG RNAMS LA RTZI BGRANG YANG MA BYAS PAR SLAR NYID KYANG DE LTAR BA'I YUL GYI BDE BA RNAMS KYIS DGA' BAR BYED KYI, GZHAN MTHONG BA NI MA YIN NO, ,JI SRID DU 'DOD PA SDUG PA YID DU 'ONG BA BYAS SHING BSAGS PA SO SOR MYONG BAR 'GYUR BA'I LEGS PAR BYAS PA'I LAS DE DAG RNAMS ZAD PAR MA GYUR PA'I DUS DE SRID DU, LHA'I RIGS DE DAG RNAMS SU 'DOD PA'I YUL LNGA LA DGA' BAR BYED DO, ,PHYI NAS NI LHA'I 'JIG RTEN DE DAG LAS 'CHI 'PHO BAR 'GYUR RO, ,SHI 'PHOS NAS KYANG JI LTAR LAS KYI NYE BAR 'GRO BAR 'GYUR BA'I DMYAL BA DANG, YI DVAGS DANG, DUD 'GRO RNAMS SU SKYE BAR 'GYUR RO, ,GAL TE MI RNAMS DANG SKAL BA MTHUN PAR GYUR PA MI RNAMS KYI NANG DU SKYES PAR GYUR NA, DE RTAG TU YANG MCHOG TU
, ,SKYID PAR 'GYUR BA DANG, MCHOG TU DGE LEGS DANG LDAN PA DANG, LONGS SPYOD MCHOG DANG LDAN PA DANG, SHIN TU GZUGS BZANG BA DANG, SKYE BO RNAMS THAMS CAD BYAMS PAR YANG LAS DE'I RGYU MTHUN PAS 'GYUR RO, ,GZHAN YANG, DGE SLONG LAS KYI 'BRAS BU RNAM PAR SMIN PA SHES PA DE SUM CU RTZA GSUM PA'I LHA RNAMS KYIS LA KUN TU LTA BAR BYED PA NA, SA GCIG GI PHYOGS KYANG RUNG STE, SUM CU RTZA BZHI PAR GYUR PA NI DES MTHONG BA MED DO, ,JI SRID DU LHA DANG BCAS PA'I SA RNAMS NI SUM CU RTZA GSUM PO DE DAG TZAM DANG LDAN PA YIN GYI, 'DI DAG RNAMS KYI SA GZHAN 'GA' ZHIG KYANG YOD PA NI MA YIN NO, ,BRGYA BYIN YANG DE SNYED CIG LA NUS PA DANG LDAN PA YIN ZHING DE TZAM LA STOBS DANG LDAN PA YIN NO, ,DE DAG LAS DGA' BAR 'GYUR BA GZHAN NI MED DO, ,'DI SA DANG POR LHA'I RIGS 'DI DAG RNAMS LA KUN TU LTA BAR BYED DE, RGYU DANG, 'BRAS BU CHA 'DRA BAR RJES SU 'BREL BAR LAS KYI 'BRAS BU MTHONG BA DANG YANG DAG PAR LDAN PA DES RNAMS THAMS CAD SO SO SO LA'ANG KUN TU BLTAS NAS, 'KHOR BA LA KUN NAS YID 'BYUNG BAR 'GYUR TE; 'CHI 'PHO DANG, SKYE BA DANG, SDUG PA RNAMS DANG RNAM PAR 'BRAL BA DANG, MI MTHUN PA RNAMS DANG KUN TU PHRAD PA DANG, RGA BA DANG, NA BA DANG, 'CHI BA RNAMS KYI NGAM GROG
TU GYUR PA, SHIN TU NYAM NGA BA'I 'JIGS PA DU MA RNAMS LA NGES PAR ZHUGS PA YIN PAR MNGON DU LEGS PAR MTHONG BA'I PHYIR RO, ,RNAM PA GCIG LA'ANG SDUG BSNGAL GYI CHU BO DUM RNAMS YIN ZHING SREG BZHIN PA RNAMS KUN NAS MNGON PAR MTHONG BAS NGES PAR SKYO BA SKYE BA YIN TE, KYE MA, BDAG CAG GI 'JIG RTEN NI SHIN TU NYAM THAG PA LA ZHUGS NAS BGROD PA YIN NO, ,'DI LTA STE, SKYE BA DANG, RGA BA DANG, NA BA DANG, 'CHI BA'I 'JIGS PA'I NGAM GROG RNAMS SU BYING BAR GYUR TO, ,'ON KYANG KUN TU RTOGS PA'ANG MA YIN NO, ,'KHOR BA LAS NI NGES PAR 'BYUNG BAR BYA BA'I THABS KYANG YOD PA YIN NO, ,GANG DAG BDE BA DANG, RTAG PA DANG, BRTAN PA DANG, THER ZUG DANG, YONGS SU MI 'GYUR BAR GYUR PA YANG CUNG ZAD KYANG YOD PA MA YIN LA, BYIS PA RNAMS NI PHAL CHER RMONGS PA'I PHYIR NA, KUN TU RIG PA'ANG MA YIN PAS LUS KYI DON DU NYES PAR SPYAD PA MANG PO RNAMS RAB TU 'BYIN PAR BYED DO, , 'ON KYANG LUS NI RNAM PAR 'JIG PAR 'GYUR BA YIN NO, ,NYES PAR SPYOD PA'I LAS DE DAG RNAMS NI PHYI BZHIN KHO NAR RJES SU 'BREL BAR 'GYUR BA YIN NO, ,DE NAS DE'I TSE NA DGE SLONG DES TSIGS SU BCAD PA BRJOD PA JI LTAR, MAL CHA STAN SOGS BSNYEN BKUR GYIS, ,MA LUS BCOM PAR GYUR PA YANG, ,BDAG GIR BYED MKHAN BDAG LUS LAS, ,NAM
, ,YANG 'GA' ZHIG GIS BYAS MIN, ,BYAS PA CHUD GZON MI BZAD PA, ,RTAG PAR GLAGS NI TSOL BYED PA'I, ,LUS PO DGRA BO'I DON DU NI, ,MKHAS RNAMS SDIG PA GA LA BYED, ,NANG GI TSANG DANG DON MED PA, ,MANG PO RNAMS NI RTAG 'BYED CING, ,MI GTZANG PHUNG POR GYUR PA LA, ,LUS SHES MNGON PAR BRJOD PA YIN, ,'CHI BA NYE BAR GNAS PA BZHIN, ,DE NYID DPYOD PA POR RIG BYA, ,GSON PA SKAD CIG LAS GONG DU, ,'GRO BA MED CING 'GAG PA DANG, ,SKAD CIG RE RER LUS 'DI NI, ,RNYING PAR 'GYUR ZHING SLAR LDOG MED, ,DE LTA NA YANG SEMS MED PA'I, ,BYIS PA LANG TSO'I RGYAGS PAS BSLUS, ,NOR STONG RGYAGS PA DREGS PA YIS, ,BDAG LA PHAN PA MI RNAMS BYED, ,DE NI 'CHI BAR NYER PHYOGS NA, ,DE BZHIN DE YANG SDIG PAS SREG ,GANG LA RTAG PAR SBYIN GTONG DANG, ,NYER LONGS SPYOD PA'I SEMS MED PA'I, ,NOR DE 'JUNGS PAS YONGS BSRUNGS NAS, ,DE DAG CHUD NI 'DZA' BA YIN, ,GANG ZHIG DAM PA'I SEMS KYIS ZA, ,BLA MA RNAMS LA'ANG SBYIN BYED PA'I, ,NOR DE RNAMS NI MDZES PAR MTHONG, ,BZLOG PA RNAMS NI RTZVA DANG MTSUNGS, ,SBYIN PA DRI MA MED SBYIN NA, ,'JIG RTEN 'DI DANG PHA ROL TU'ANG, ,NOR DE NYAM CHUNG RNAMS KYI STOBS, ,DMUS LONG RNAMS LA MIG BZHIN NO, ,TSUL KHRIMS RNAM BDUN BZANG PO STE, ,GO
'PHANG SLU BA MED PA YIN, ,TSUL KHRIMS KYIS NI BSRUNGS GYUR PA'I, ,SKYES BU LHA YI NANG DU 'GRO ,MCHOG TU RGYA CHE'I SHES LDAN PA, ,RTAG TU NYON MONGS 'JOMS LA DGA', ,DES NA 'CHI BA KUN BCAD NAS, ,'PHO BA MED PAR 'GRO BA YIN, ,SRID MTSO SHIN TU 'JIGS CHEN LA, ,DE LTAR SA ZAM DE DAG MTHONG, ,BZHON PA DE DAG LA ZHON PAS, ,SEMS LDAN PHA ROL PHA ROL SGROL, ,DE LTAR SBYIN PA DANG, ,TSUL KHRIMS DANG, SHES RAB RNAMS KYI 'BRAS BU MNGON PAR SHES PAR 'GYUR BA DE KHO NA NYID MTHONG BA DANG LDAN PA RAB TU 'GRO BAR 'DOD PA'I DGE SLONG DES, DE DAG RNAMS LEGS PAR MNGON PAR MTHONG BA YIN NO, ,JI LTAR DGE SLONG DES GZHAN BCO BRGYAD PA 'DI LA KUN TU GNAS NAS 'KHOR BA RNAMS THAMS CAD NGES PAR YID 'BYUNG NGO, ,MYA NGAN LAS 'DAS PA LA SPYOD PAR 'GYUR RO, ,BDUD KYI YUL LA 'DOD PAR MI 'GYUR RO, ,GZHI DE DAG RNAMS RIG PAR GYUR NAS KYANG SA BLA BA'I LHA RNAMS KYIS BAR SNANG LA RGYU BA'I LHA RNAMS LA MNGON DU SHES PAR BYED DO, ,DE DAG RNAMS KYIS KYANG 'JIG RTEN SKYONG BAR BYED PA BZHI PO RNAMS LA'O, ,DE DAG GIS KYANG RGYAL CHEN RIGS BZHI PA RNAMS LA'O, ,DE DAG GI RNAMS KYIS KYANG SUM CU RTZA GSUM PA RNAMS LA'O, ,DE DAG RNAMS KYIS KYANG 'THAB BRAL BA RNAMS LA'O, ,DE LTAR JI SRID DU 'OD GSAL BA RNAMS
, ,KYI BAR DU KUN TU RIG PAR BYED DO, ,SUM CU RTZA GSUM PA RNAMS KYI SA RNAMS RDZOGS SO,, ,,SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,LAS KYI 'BRAS BU DANG BCAS PA'I 'THAB BRAL BA RNAMS DANG, 'JIG RTEN SKYONG BA RNAMS GANG YIN PA DON RTAG TU RGYU DANG 'BRAS BU LAS 'GYUR RO, ,GZHAN YANG, DGE SLONG LAS KYI 'BRAS BU RNAM PAR SMIN PA SHES PA DE, SPRO BA MI LDOG PA'I SUM CU RTZA GSUM PA RNAMS LA KUN TU LTA BA NI SUM CU RTZA GSUM GYI LHA RNAMS KYI STENG GI LHA GZI BRJID DANG, BRTZON 'GRUS DANG, SPRO BA DANG, 'OD DANG, TSE TSAD KYIS LHAG PAR GNAS PA RNAMS SU YIN NA, JI LTAR SUM CU RTZA GSUM PA'I LHA RNAMS LAS SNGON GYI THABS KYIS CHES KHYAD PAR DU 'PHAGS PAR GYUR PA, LAS KYI CHOS KYI RNAM PAR SMIN PA, CHES BLA LHAG PA NI 'THAB BRAL BA ZHES BYA BA YIN PAR DES THOS PA LAS BYUNG BA'I SHES RAB KYIS MTHONG NGO, ,DE LTAR YANG TSUL KHRIMS RNAM PA SNA TSOGS KYIS DER SKYES TE, SROG GCOD PA, MA BYIN PAR LEN PA, 'DOD PA LOG PAR G-YEM PA RNAM PAR SPANGS SHING LEGS PAR BSGOMS LA, MA NYAMS PA, MA RAL PA, MA ZAGS PA, BRTAN PA, 'PHAGS PA'I SKYE BO THAMS CAD DGYES PA RTAG TU
TSUL KHRIMS KYI RNAM PAR SMIN PA DANG LDAN PAS DE'I RJES THOGS SU MYA NGAN LAS 'DAS PA'I GRONG KHYER DU 'GRO BA'I RTZA LAG TU GYUR PA, 'KHOR BA'I RGYA MTSO'I ZAM PAR GYUR PA'I TSUL KHRIMS KYI ZAM PA DE LA ZHON PA, SRID PA'I RGYA MTSO'I PHA ROL TU SGROL BA'I RNAL 'BYOR PA DE KHO NA NYID SEMS PA PO RANG GI TSUL KHRIMS RNAM PA BDUN DANG LDAN PA'I DMAN PA DANG, BAR MA DANG, KHYAD DU 'PHAGS PA NI SNGA MA BZHIN TE, LAS DANG, CHOS KYI RNAM PAR SMIN PA'I 'THAB BRAL GYI LHA RNAMS LA, 'DI LTA STE, RI'I RGYAL PO RI RAB LHUN PO'I DRUNG NA 'THAB BRAL GYI LHA RNAMS JI TZAM GYIS 'PHANG DU MTHO BA DANG, DBYIBS CI LTA BU DANG, GZI BRJID CI LTA BU DANG, MTHO BA'I GNAS KYIS KHYAD PAR CI LTA BUS RAB TU GNAS PA DANG, 'THAB BRAL GYI LHA RNAMS KYIS RNAMS KYANG CI TZAM ZHIG YOD PA'ANG DES THOS PA LAS BYUNG BA'I SHES RAB KYIS MTHONG STE, CI LTAR SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA RNAM PAR SPONG BA BSTEN CING BSGOMS LA LAN MANG DU BYAS SHING GZHAN RNAMS LA'ANG BSTEN CING BKOD LA, RANG DANG, GZHAN LA PHAN PA LA RAB TU ZHUGS PA'I SEMS CAN RNAMS KYIS GNAS DE 'THOB BO, ,DE'I 'PHANG DU MTHO BA LA KUN TU LTA BAR BYED PA NA JI LTAR DRUG CU RTZA BRGYAD KYIS LHAG PA'I DPAG TSAD STONG PHRAG
, ,BRGYAR MTHO BAR 'JUG PA YIN TE, 'THAB BRAL NI LHUN PO LAS NYIS 'GYUR GYI TSAD KYIS MTHO BA DE DAG GIS JI SNYED CIG YOD PA DES JI LTA BA BZHIN DU SA RNAMS MTHONG BA NI SA RNAMS KYANG NYI SHU RTZA BDUN TE, DPAG TSAD STONG PHRAG LNGAR 'THAB BRAL DE NAM MKHA' LA KUN TU GNAS TE SPRIN BZHIN DU NYE 'KHOR RLUNG GIS 'DEGS SO, ,JI LTAR SA 'DI 'DEGS PA RTZA BA NAS RLUNG GIS DANG, CHUS KYANG 'DZIN NO, ,CHU KLUNG GIS 'DZIN NO, ,DE KHO NA BZHIN DU RLUNG 'KHRIGS PA ZHES BYA BAS PHYOGS GCIG NAS GANG GIS 'THAB BRAL GYI LHA RNAMS KYI PHUNG PO SPRIN DANG 'DRA BAR 'DEGS PA'I SA NYI SHU RTZA BDUN DU 'GYUR BA NI, 'DI LTA STE, RAB KYI SHUGS KYI BDAG DANG, RGYUN GNAS NA RNAM PAR RGYU BA DANG, BRTZEGS PA RGYU BA DANG, YID KYI RGYAN DANG, RAB TU RNAM PAR 'DRES PA'I KHOR YUG NA RGYU BA DANG, RLUNG RGYU BA DANG, RAB TU MTHO BA DANG, 'BRAS BU DANG LDAN PA DANG, GCIG TU DGA' BA DANG, 'GRO BA DANG, YANG DAG PAR LDAN PA DANG, 'OD ZER BRGYA 'PHRO BA DANG, BSDAMS PAR RGYU BA DANG, RTAG TU BDE BA DANG, BDE BA RAB TU 'PHEL BA DANG LDAN PA DANG, RI'I TSOGS NA RGYU BA DANG, RNAM PA SNA TSOGS PAR RNAM PAR BKRA BA DANG, ZLA BA MTHONG BAR 'DOD PA'I TSAD DANG, KHOR YUG LA GNAS PA DANG, BSAM GTAN
SGRA'I BYA BAS DBEN PA DANG, NGA RGYAL LDOG PA DANG, 'JUG PA'I SPYOD PA DANG, TSOGS PA RGYU BA NA RNAM PAR RGYU BA DANG, RANG GI YUL BAR RGYU BA DANG, RANG GI LUS KYI RGYAGS PA DANG, NGA RGYAL RTAGS KYI GZI BRJID DANG, SKYED MOS TSAL GYI MCHOG DANG, NAGS TSAL GYI 'OD ZER ZHES BYA BA STE, SA NYI SHU RTZA BDUN PO DE DAG GO, ,,'PHAGS PA DAM PA'I CHOS DRAN PA NYE BAR GZHAG PA, BAM PO BZHI BCU RTZA LNGA PA, DE RNAMS SU 'THAB BRAL GYI LHA RNAMS KYI MNGA' BDAG MU SU LUN DHA ZHES BYA BA RGYAL SRID BYED PA NI JI LTAR RGYAL CHEN RIGS BZHI DANG, SUM CU RTZA GSUM PA RNAMS KYI BRGYA BYIN YIN PA DE LTAR MU SU LUN DHA 'THAB BRAL BA RNAMS KYI MNGA' BDAG YIN TE, CHOS LA CHOS KYI RJES SU 'JUG PA BRGYA BYIN PAS STONG 'GYUR GYI CHOS DANG, CHE BA DANG, BDE BAS MTHO BA DE'I LUS KYI TSAD NI DPAG TSAD LNGA PA 'OD KYI RANG BZHIN NO, ,BRGYA BYIN NI RGYANG GRAGS GCIG YIN PAR 'DOD DO, , 'THAB BRAL BA RNAMS KYI RGYAL PO BYED PA RGYAL PO MU SU LUN DHA NI KOO SHI KA LAS KHYAD PAR DU 'PHAGS TE, DE'I LUS GCIG GI LUS KYI YAN LAG DE'ANG BRGYA BYIN STONG GIS KYANG BSGRUN DU MED DE, RGYU'I KHYAD PAR GYIS 'BRAS BU YANG KHYAD PAR DU BYAS PA'I PHYIR RO, ,DE LTAR GYUR PA YANG 'DIR JI LTA BAR DGE SLONG GIS TSIGS SU BCAD PA'I DBYANGS KYIS BSNYAD
, ,PA; JI LTAR KHU RU CHUNG BA'I GRU, ,'PHYO ZHING GTING DU MI NUB PA, ,DE BZHIN SDIG CHUNG SKYES BU NI, ,STENG NAS GTING DU 'BYIN PA MIN, ,JI LTAR LJON SHING BRTEN 'GYUR LTAR, ,LHA YI 'JIG RTEN 'DI YANG YIN, ,DE LTAR DGE SLONG DE 'THAB BRAL GYI LHA RNAMS KYI LAS DANG 'BRAS BU'I RGYU RKYEN GYIS BDE BA THOB PA'I BYA BA LA RNAM PAR LTA BAR BYED PA NI 'THAB BRAL GYI LHA RNAMS NI RI CHEN PO BZHIR JI LTA BAR DES MTHONG STE, RI THAMS CAD KYANG DPAG TSAD STONG PHRAG BCU PA'O, ,DE LA RI RNAMS KYI MING NI 'DI YIN TE, 'DI LTA STE, RAB TU GTZANG BA DANG, RAB TU DANG BA DANG, RAB TU DANG BA CHEN PO DANG, BAR YANGS PA ZHES BYA BA DANG STE, RI CHEN PO DE RNAMS SO, ,SA GZHAN GYI RI NI MA GTOGS PA'O, ,RI RNAMS KYANG RNAM PA DU MAR KHA DOG DANG, DBYIBS DU MA LAS YON TAN DU MA'I BDAG NYID CHEN PO 'DZIN PA'I RI STONG PHRAG DU MA LHA'I ME TOG DANG, LDAN PA NYE 'KHOR 'THAB BRAL BA'I LHAS KUN TU GANG BA'O, ,DE LAS NYI SHU RTZA BDUN PO RNAMS LA RNAM PA SNA TSOGS PA'I RIS GANG BA, SNA TSOGS PA'I 'BAB CHU DANG, CHU KLUNG DANG, RDZING BU DANG, NYE BA'I NAGS DANG, SHING BRGYA STONG PHRAG DU MAS KHYAB PA, DBYIBS DANG, DRI DANG, KHA DOG DANG, RO DU MAR BYA BA PHUN SUM TSOGS PA LJON SHING DANG,
PADMA'I MCHE'U RNAM PA DU MA GANG GI KHYAD PAR GYI SUM CU RTZA GSUM PA RNAMS KYI RI DANG, CHU KLUNG DANG, RDZING BU DANG, NAGS DANG, NYE BA'I NAGS DE DAG DE BZHIN DU CUNG ZAD KYANG KHYAD PAR MED PA NI JI LTAR MI'I SHING DANG, CHU KLUNG DANG, RDZING BU DANG, NAGS DANG, NYE BA'I NAGS KYI DGA' BA DE LTAR SUM CU RTZA GSUM PA RNAMS KYI DGA' BA'ANG KHYAD PAR MED DO, ,'THAB BRAL BA RNAMS DANG GANG CUNG ZAD KHYAD PAR GYI RGYU NI RGYU 'BRAS MANG BA NYID DO, ,DE NI LEGS PAR BYAS PA'I BSOD NAMS DU MA'I RGYU MTHUN PA'I LAS DE'I 'BRAS BU'O, ,GANG YANG DGE BA'I LAS KYI SPRUL PA DE NI BRJOD PAR NUS PA MA YIN NO, ,LAS SNA TSOGS KYI RGYU MTHUN PA LAS BYUNG BA RGYU GANG GIS NGES PAR STON PA'ANG DE SEMS CAN THAMS CAD KYIS BRJOD PAR NUS PA'ANG MA YIN TE, RGYU'I MING YANG MED PA'I LAS RNAMS LAS BYUNG BA DE SEMS CAN THAMS CAD KYIS BRJOD PAR MI NUS PA'I PHYIR RO, ,GANG GI PHYIR LAS RNAMS KYI RGYU'I TSAD KYI MING MED PA'I PHYIR RO, ,GANG GIS SKAL BA MTSUNGS PAR GYUR PA LHA'I RDZAS DANG YANG DAG PAR RAB TU LDAN PAR GYUR PA DE RNAMS KYI BRGYA STONG GI PHYOGS GCIG PHAL CHER BDAG GIS 'DIR BRJOD DE, RGYU GANG GIS TSUL KHRIMS MI SLU BA YIN PA'I GO SKABS KYI 'BRAS BU DE CI NAS KYANG BSTAN PAR BYA BA YIN TE, RGYU GANG GIS PHYIR NA TSUL KHRIMS
, ,SPYOD PA DE DAG RAB TU SPRO BA SKYED PA YIN LA, GANG YANG YE SHES DANG LDAN PA DE DAG BCU 'GYUR GYIS RAB TU SPRO BAR BYED DE, RGYU GANG GIS TSUL KHRIMS DANG SHES RAB DAG KHYAD CHEN PO YOD PA'I PHYIR TE, TSUL KHRIMS KYIS NI LHAR SKYE LA, SHES RAB KYIS NI MYA NGAN LAS 'DAS PA THOB PA YIN PAS, DE LTAR TSUL KHRIMS KYI YON TAN BRJOD NA SHES RAB CAN RNAMS 'DI SNYAM DU SEMS TE, TSUL KHRIMS GANG LA RNAM PA 'DI LTA BU'I 'BRAS BU 'BYUNG NA SHES RAB KYIS BDAG CAG LA CIR YANG 'GYUR RO ZHES SO, ,GZHAN YANG RAB TU SPRO BA BSKYED PAS SHES RAB RTZOM PA'I RTZOL BA BYED LA BYAS PAS KYANG SRID PA LA CHAGS PA'I BSNGAGS PAR MI 'GYUR RO, ,GZHAN YANG RGYU MTSAN GZHAN GYIS KYANG STE, JI LTAR GANG LA RNAM PA 'DI LTA BUR YUN RING DU GNAS PA GNOD PA NYUNG BA RNAMS LA YANG RNAM PAR 'JIG PA 'BYUNG NA, GANG YANG MI RNAMS BRGYAL BA'I 'DOD PA NI NYES DMIGS DANG LDAN PA DANG, MNOG CHUNG BA, G-YO BA NYE BAR 'TSE BA THUN MONG BA RGYA CHEN PO DANG, CHOM RKUN DANG, CHU DANG, RGYAL PO'I CHAD PA LA SOGS PA'I RGUD PA DU MA THABS MA YIN PA'I GZHIR GYUR PA LA LTA SMOS KYANG CI DGOS, DES NA RGYU 'DIS KYANG MTHO RIS KYI GTAM MNGON PAR BRJOD DO, ,GZHAN YANG,
RGYU MTSAN 'DIS YIN TE, GANG DAG RDZU 'PHRUL CHEN PO DANG LDAN PA RNAMS 'DI LTAR RGYU GZHAN NI CI'ANG MED KYI DBANG PHYUG GIS SPRUL PA'O SNYAM DU SEMS PA DE DAG GIS SPRUL PA 'GAG PAR BYA BA'I DON DU 'BRAS BU BSHAD DE, RGYU MED PAR SKYE BAR 'GYUR BA'I LAS RNAMS KYI 'BRAS BU NI YOD PA MA YIN NO, ,GZHAN GYI BKA' DRIN GYIS DANG, RGYU 'BRAS DAG 'DOD RGYAL BA MA YIN GYI 'DRA BA YIN NO, ,GZHAN GYI RGYU GZHAN DU 'GYUR BA MA YIN NO, ,LEGS PAR BYAS PA'I LAS RGYUR GYUR PAS DMYAL BAR SKYE BAR 'GYUR BA NI MED DO, ,MDZES PA MA YIN PA'I LAS RGYUR GYUR PAS MTHO RIS SU SKYE BAR 'GYUR BA NI MED DO, ,DES NA DE LTAR RGYU 'BRAS KYI GZHIR GYUR PAS NI SBYIN PA DANG, TSUL KHRIMS DANG, SHES RAB DANG, BSGOMS PA DANG, DES PA LA GNAS PA'I NGO BO LAS RNAMS KYI MTHO RIS KYI GTAM 'DI YIN NO, ,GNYIS DAG GI GTAM BYA BAR MI NUS TE, BDE BA DANG, SDUG BSNGAL GNYIS KYI'O, ,DMYAL BA'I SDUG BSNGAL DANG, LHA RNAMS KYI BDE BA'O, ,DE LAS 'DI NI DE'I PHYOGS GCIG GI LAS RNAMS KYI DPE BRJOD PA YIN NO, ,GZHAN YANG, DGE SLONG LAS DANG, 'BRAS BU'I RNAM PAR SMIN PA SHES PA DE 'THAB BRAL BA RNAMS KYI SA LA KUN TU LTA BAR BYED PA NA, DES THOS PA LAS BYUNG BA'I RANG BZHIN GYI SHES RAB KYIS
, ,'THAB BRAL BA RNAMS KYIS RAB KYI SHUGS ZHES BYA BA JI LTA BA BZHIN DU YOD PA MTHONG NGO, ,DER LAS GANG GIS SEMS CAN SKYE BA'ANG DES THOS PA LAS BYUNG BA'I RANG BZHIN GYI SHES RAB KYIS MTHONG BA NI JI LTAR SKYES BU DAM PA GANG GIS TSUL KHRIMS LA SPYOD PA DANG, KHA NA MA THO BA CUNG ZAD TZAM LA'ANG 'JIGS PAR LTA BA DANG, SEMS DRANG BA DANG, DRANG PO'I RANG BZHIN CAN DANG, G-YO MED PA DANG, GZHAN GDUNG BAR MI BYED PA DANG, YANG DAG PA'I LTA BA CAN YANG DAG PA'I LTA BA SNGON DU BTANG BAS RTAG TU YANG RMONGS PA MA YIN PA'I BLOS MI RTAG PA DANG, SDUG BSNGAL BA DANG, STONG PA DANG, BDAG MED PAR 'JIG RTEN 'DI LA LTA BA, SANGS RGYAS DANG, CHOS DANG, DGE 'DUN RNAMS RJES SU DRAN PA LA ZHUGS PA, SROG GCOD PA DANG, MA BYIN PAR LEN PA SRUNG BAR GYUR PA NI SNGA MA BZHIN NO, ,'DOD PA LOG PAR G-YEM PA'ANG MI STON TO, ,YID LAS BYAS NAS BYUNG BA NI JI LTAR GZHAN DANG LDAN PAS KUN TU LDAN NAS 'KHRIG PAS RTAG TU MNGON PAR ZHEN CING KUN NAS RAB TU 'JUG PA 'DI NI 'DOD PA LA LOG PAR G-YEM PAR BRJOD DO, ,SKYES BU DAM PA DES DE LTAR THOS NAS GAL TE GZHAN DANG LDAN PAS KUN NAS LDAN PA MTHONG NA DE LA MI
SEMS, KUN TU MI RTOG ,YID LA MI BYED DO, ,YANG GANG DAG GIS SEMS SHING KUN TU RAB TU RTOG PAR BYED PA DE DAG KYANG RAB TU 'GOG PAR BYED CING DE DAG LA YANG LAS KYI 'BRAS BU NYE BAR STON PAR BYED DE, KHYOD KYANG MA BYED CIG ,DES DMYAL BAR SKYE BAR 'GYUR BAS MA BYED CIG CES DE LTAR LAS DANG 'BRAS BU'I DE KHO NA NYID STON PA PO GZHAN GYIS MI 'PHROGS PA GZHAN GYIS MI BKRI BA DE NI LUS ZHIG NAS BDE 'GRO MTHO RIS KYI 'JIG RTEN GYI 'THAB BRAL GYI LHA LAS 'THAB BRAL GYI SA RAB KYI SHUGS KYI LHA RNAMS KYI NANG DU SKYE BA YIN NO, ,DER SKYES PA NI LEGS PAR BYAS PA'I LAS KYI MTHA' LA SPYAD PA 'DOD PA LA LOG PAR G-YEM PA'I 'JIGS PAS 'JIGS PA RNAMS SO, ,DE DER SKYES PA NA LHA DANG LHA MO BRGYA STONG GIS YONGS SU BSKOR NAS SKYES PA TZAM NYID NA DE BZHIN DU GLU LEN PAR BYED DE, JI LTAR LEGS PAR GNYID LOG PAR RNGAS LEGS PAR SLONG BAR BYED PA DE BZHIN DU DE SKYES PA TZAM NYID NA RDZUS TE SKYES PA DE LTAR GLU DANG, RNGA SGRA YAN LAG BRGYAD DANG LDAN PA KUN NAS BSGRAGS PAS DRAN PA RNYED PAR 'GYUR BA LA, 'DI LTA STE, BRJOD PA'I TSAD DANG LDAN PA DANG, SNYAN PAR GYUR PA DANG LDAN PA DANG, DGE LEGS DANG LDAN PA DANG, ZAB PA DANG LDAN PA DANG, SKYES BU THAMS CAD DGA' BAR BYED PA DANG, DPAG TSAD STONG
, ,PHRAG BRGYAD CUR RNAM PAR NYAMS PA MED PAR KUN TU SGROGS PA'I SGRA DANG, CHOS KYI TSIG DANG LDAN PA DANG, KUN NAS MA 'DRES PA DANG STE , SHIN TU BAR YANG LEGS PAR BYAS PA'I LAS SPYAD PA PO RNAM PA DE LTA BU YAN LAG BRGYAD DANG LDAN PA'I GLUS SAD PAR BYED DO, ,DE'I RANG GI LUS LAS BYUNG BA'I 'OD DPAG TSAD LNGAR KHYAB BA'O, ,SNGON PO SER PO DMAR PO DKAR PO 'JA' TSON GYI KHA DOG LTA BU'O, ,DE LANGS PA TZAM NYID NA 'OD DE 'BYUNG NGO, ,DE YANG JI LTAR RANG GI CHA BYAD KYIS NYI MA DANG, ZLA BA LTAR MDZES LA, DE LANGS PA NA LHA BRGYA STONG GIS YONGS SU BSKOR TE RAB TU DGA' BAS GZI BRJID KYI NAGS ZHES BYA BAR DER 'GRO'O, ,LHA DANG, LHA MO'I TSOGS KYIS YONGS SU BSKOR BA 'THAB BRAL BA DE LA'ANG ME TOG GI RIGS MI RNYINGS PA 'DI DAG YOD DE, 'DI LTA STE, MIG GI BDUD RTZI'I ME TOG DANG, DRI'I BDUD RTZI DANG, KHA DOG DANG, DRIR BCAS PA THOS NA DGA' BA 'DI DAG GANG GI NUS PAR 'GYUR BA 'DI NI YUL PHYOGS GANG DANG, GANG DU DE'I MING GZUNG BAR BYAS PA'I YUL DE DANG, DER ME TOG GIS NAM MKHA' LAS DRI 'BYIN NO, ,ZLA BA LAS LHAG PA'I KHA DOG ZHES BYA BA'I ME TOG DANG, THAMS CAD DU RGYU BA ZHES BYA BA'I ME TOG STE, DE DAG RNAMS NI SHING GI 'DAB
MA LA ME TOG DE RNAMS SKYE'O, ,DE BOS PA NA ME TOG DE RNAMS PHYI BZHIN KHO NAR 'ONG STE, GANG LA LHA DE RNAMS KYI 'DOD PAS 'GYUR BA YIN NO, ,ZHON PA'I BZHON PA RNAMS NI LJON SHING GI BZHON PA LA ZHON TE ME TOG GI KHYIM NANG NA GNAS NAS GANG DU 'DOD PA DER LHA RNAMS NAM MKHA' LA 'GRO BAR BYED DO, ,JI LTAR GZHAL YAS KHANG NAS KUN TU RGYU BA'I LHA DE LTAR 'THAB BRAL BA'I LHA RNAMS ME TOG GI KHYIM LA GNAS NAS 'GRO STE, 'JIG RTEN MA LUS PA MIG BTZUM TZAM LA 'OD 'BAR BA DANG BCAS PAR GYUR PAR MTHONG NGO, ,'ON KYANG NGAL BAR MI 'GYUR RO, ,BAR MED PAR 'BREL BA'I KHYIM DGA' BA ZHES BYA BA'I SHING GANG DAG GI NANG YANG DE BZHIN DU DGA' BA YIN TE, GANG LA NANG DU LHA RNAMS RJES SU ZHUGS NAS DGA' BAR BYED PA'I NAGS DANG, NYE BA'I NAGS DANG, RDZING BU DANG NYE BA'I NAGS DE DAG THAMS CAD LAS CHES KHYAD PAR DU DGA' BAR GYUR PA'I LJON SHING GANG DANG, GANG DAG LA GZI BRJID 'DI DAG YOD DE, GAL TE LHA RNAMS 'DOD PAR GYUR NA 'THAB BRAL GYI SA DE THAMS CAD KYI DPAL RNAMS THAMS CAD GNAS DER 'ONG BAR 'GYUR RO, ,SHING DE DAG GI GZI BRJID KYIS DE'ANG LJON SHING LA DGA' STE, LHA DE RNAMS YAN LAG BRGYAD PA'I RNGA SKAD MTSUNGS PA MED PAS LJON SHING DE DAG RNAMS LA DGA' BAR BYED PA NA
, ,YANG DRI 'BYUNG ZHES BYA BA'I SHING GANG DAG LA MTHU 'DI DAG YOD PA YIN TE, LHA RNAMS KYIS MNGON PAR 'DOD PAR GYUR PA'I DRI'I RNAM PA DE SRID KHO NA'I DRI CAN DU SHING DE 'GYUR RO, ,ME TOG GI KHYIM DGA' BA ZHES BYA BA'I SHING GANG LA NANG GI KHYIM DANG LDAN PAR LHA RNAMS DANG, NAGS DANG, NYE BA'I NAGS DANG, RDZING BUR DGA' BAR BYED PA, DE NI SNGON PO SER PO DMAR PO'I MDOG DANG, RNAM PA SNA TSOGS PA'I DRI DANG, KHA DOG PHUN SUM TSOGS PA DE LA GANG GI TSE LHA DE 'JUG PAR BYED PA DE'I TSE SHING DANG, ME TOG GANG DAG RNAMS KHA DOG THAMS CAD PAR 'GYUR RO, ,KHA DOG DER LHA 'GYUR RO, ,DE'I KHA DOG TU LHA 'GYUR RO, ,DE THAMS CAD MI 'GYUR BA'I GOS CAN DU MI 'GYUR TE, SHING DANG ME TOG RNAMS KYI MTHUS SO, ,NAM MKHA' LA RGYU BA ZHES BYA BA'I SHING GANG GIS MIG BTZUM TZAM LA NAM MKHA' LA DPAG TSAD BRGYA STONG DU 'GRO'O, ,'DOD PAS 'GRO BA NYI MA DANG MTSUNGS PA'I GZI BRJID CAN RNAMS SO, ,DE LTAR GSAR DU SKYES PA'I LHA DE LHA DANG, LHA MO BRGYA STONG GIS YONGS SU BSKOR NAS RNAM PA DU MA'I PHRENG BA DANG, PHYE MA DANG, BYUG PA'I DPAL GYIS SHIN TU BRGYAN PAS SHING LA KUN TU 'GRO BAR BYED DO, ,DE'I MDUN NA DE'I TSE NA LHA MO RNAM PA SNA TSOGS KYI GOS RIN PO CHE RNAM PA DU MA 'BAR
BA; RAB TU DGA' BA CHES LHAG PA'I LUS CAN RNAMS MDUN NA GAR DANG, G-YO BA DANG, 'GYING BA DANG, GLU'I SGRA SNA TSOGS PAS DPAG TSAD STONG PHRAG DU MA GANG BAR BYED DO, , DE YANG LEGS PAR BYAS PA'I LAS KYI MTHA' LA SPYAD PA DANG LDAN PAS DE DAG RNAMS KYIS BLO NI DE LTAR RNAM PAR SNANG STE, GANG YANG CUNG ZAD TZAM GYIS 'DRA BA DANG SNGAR MTHONG BA RNAMS DPER BYAS PAR ZAD DO, ,JI LTAR ZLA BA'I PHYI NA SKAR MA RNAMS 'GRO BA DE LTA BU LAS BRGYA STONG GIS LHA 'DI MDZES TE, RNAM PA SNA TSOGS PA'I SGRA 'BYIN PA DANG, GLU DANG, RGOD PA DANG, 'GYING BA DANG, GLU MKHAN DANG BCAS PAS GANG NA NAGS DE YOD PA DER 'GRO'O, ,NAGS DE'I NYE 'KHOR NA BYA BRGYA STONG GIS KUN TU GANG BA 'BAB CHU DANG RDZING BU DU MAS NYE BAR MDZES PAR GYUR PA, NYE 'KHOR MCHOG TU DGA' BA, NYI MA BRGYA STONG BAS LHAG PAR GSAL BAR BYED DO, ,GANG LA DE LTAR CUNG ZAD TZAM 'DRA BA'I SGO NAS DPER BRJOD BYAS TE, JI LTAR MI RNAMS NA NAGS MCHOG TU DGA' BAR GYUR PA DANG, 'BAB CHU DANG, 'JUG NGOGS DANG, RDZING BU 'JUG NGOGS MDZES PA GANG YIN PA DE NI RGYAL CHEN BZHI'I NAGS DANG, NYE BA'I NAGS RNAMS KYI KHYAD PAR GYI BCU DRUG GI CHAR YANG MI PHOD DO, ,YANG DE BZHIN DU GANG RGYAL CHEN RIS BZHI'I NAGS KYIS KYANG GANG YANG
, ,SUM CU RTZA GSUM PA RNAMS KYI NAGS DANG, NYE BA'I NAGS KYI DGA' BAR GYUR PA GANG YIN PA DE'I KHYAD PAR GYI BCU DRUG GI CHAR YANG MI PHOD DO; ;DE LTAR GONG NAS GONG GI KHYAD PAR GYI RIM PAS DGE BA'I LAS DANG, MI DGE BA'I LAS RNAMS LAS GONG NAS GONG GI DGA' BA NI, DGE BA DANG YANG DAG PAR RAB TU LDAN PA'I SEMS RTZE GCIG PAS LAS GZHAN MI BYED PAR MTHONG ZHING DGE LA LEGS PAS RIGS PA GROL BA'I SPOBS PA DANG LDAN PA'I SEMS CAN THAMS CAD KYI SHES RAB KYIS KYANG PHYOGS GCIG KYANG BRJOD PAR BYA MI NUS SO, ,DE CI'I PHYIR ZHE NA, MI RTOG PA'I YUL GYI YUL RTOGS PA MA YIN PA 'DI MI RNAMS THAMS CAD DANG, DE BZHIN DU DBANG PO DANG BCAS PA'I SUM CU RTZA GSUM PA RNAMS THAMS CAD KYIS LO STONG PHRAG BRGYAR YANG MTSE MA'I LHA RNAMS KYIS BDE BA'I PHYOGS GCIG TZAM YANG BRJOD PAR MI NUS SO, ,DE CI'I PHYIR ZHE NA, 'DI DAG RNAMS THAMS CAD NI SUM CU RTZA GSUM PA RNAMS KYI YUL MA YIN PA DANG, MTHONG BA'I YANG MA YIN PA'I PHYIR TE, GANG LA DPER BRJOD DU BYAS PA NI NAM YANG MTHONG BA YANG MA YIN LA CUNG ZAD KYANG THOS PA YANG MA YIN GYI, PHYOGS GCIG TZAM 'DIR BSNGAGS PA BRJOD PA YIN NO, ,DGE BA'I CHOS
LA BRTZON PA'I DON DU BSNGAGS PA BRJOD DE, DGE BA'I CHOS BYAS SHING BSAGS PA MYONG BAR 'GYUR BAR NGES PA BSAM GYIS MI KHYAB PA DGA' BA DANG BDE BA THAMS CAD KYI YANG PHYOGS GCIG TZAM MTHONG LA PHYOGS GCIG PU ZHIG BSNGAGS PAR ZAD DO, ,JI LTAR MKHAS SHING THAMS CAD LA BYANG BA'I RI MO MKHAN NAM RI MO MKHAN GYI SLOB MAS KYANG RUNG STE, ZLA BA DANG MTSUNGS PA'AM, YANG NA NYI MA BRIS LA, DES DE'I 'OD BRI BAR BYA MI NUS LA, ZER MA MA YIN, NAM MKHA' LA 'GRO BA DANG, 'ONG BA'I SPYOD PA YANG MA YIN, GZI BRJID MA YIN LA 'JAM PA DANG, GDUG PA YANG MA YIN GYI, ZLA BA'I RNAM PA TZAM 'BA' ZHIG MNGON PAR BRIS PAR ZAD DO, ,DE BZHIN DU 'DRI YANG 'THAB BRAL GYI LHA RNAMS KYI BSNGAGS PA'ANG BRJOD PAR MI NUS SO, ,DGA' BA'ANG BRJOD PAR MI NUS SO, ,MTHU STOBS DANG, NAGS DANG, NYE BA'I NAGS DANG, DPAL MA YIN NO, ,RI MA YIN, RANG BZHIN MA YIN NO, ,YUL GYI BDE BA RNAMS KYANG MA YIN, 'OD DANG, PHRENG BA DANG, LHA MO DANG MNYAM PAR BGROD PA'I BDE BA'ANG MA YIN GYI, CUNG ZAD MNGON PAR BRJOD PA TZAM ZHIG 'DIR BYAS SO, ,'DRA BA NI CUNG ZAD TZAM ZHIG KYANG MA BYAS SO, ,SLAR YANG LHA DE SKYED MOS TSAL DE DAG NYID KYI LTAD MO RNAM PA DU MAR DGA' BA 'DOD PA DU MA DANG LDAN PA'I PHUN SUM TSOGS PA 'JUG NGOGS DANG,
, ,SKYED MOS TSAL DU MA DANG LDAN PA'I SA'I CHA RNAMS LA RJES SU LTAR 'GRO BAR BYED DO, ,'DOD PA'I YON TAN LNGA LA RNAM PAR CHAGS PA'I YID CAN GNAS PA MED PA'I SHUGS KYIS G-YO BA'I KUN TU RTOG PA'I CHU RLABS KYIS BSKYOD PA'I SRID PA'I CHU BOS KHYER BAR GYUR PAS THAMS CAD LAS MTHONG NA DGA' BAR GYUR PA NI LHA'I RIGS DER RJES SU MTHONG BA LA NAGS DE NI 'DOD PA'I YON TAN DU MA PHUN SUM TSOGS PA STE, CHU KLUNG DANG, 'BAB CHU DANG, SHING DANG, SHING GEL BA DANG, 'KHRIS SHING GI KHANG BUS GANG BA, SGRA DU MA 'BYIN PA'I BYA BRGYA STONG GIS KUN TU GANG BA DER NYE BAR 'GRO'O, ,NYE BAR SONG NAS KYANG NYE 'KHOR DE NA SNGAR MA MTHONG BA'I MCHOG TU PHUN SUM TSOGS PA DE DANG PHRAD NAS KYANG DE'I LHA MO'I TSOGS DANG BCAS PAS YONGS SU BSKOR NAS CHU KLUNG GI GLE'I MU TIG GI PHYE MA'I BYE MA LA GSER DANG, DNGUL DANG, AINdA N'I LA'I MDOG DANG MTSUNGS PA'I SGRO CAN GYI BYAS GANG BA, CHU KLUNG CHEN PO'I NGOS NA RNAM PA SNA TSOGS PA'I SGRA 'BYIN PA'I LJON SHING GIS GANG BA, CHU KLUNG GI 'GRAM GYI GAD PA DGA' BA RAB KYI MCHOG TU SKYID PA'I LHA MO'I TSOGS KYIS YONGS SU BSKOR NAS DGA' ZHING RTZE BAR BYED LA, ZHABS 'BRING DU MA YANG BYED PAS DUS SHIN TU RING BAR DE DE NA DGA' BAR BYAS NAS GANG NA
RIN PO CHE'I 'GRAM ZHES BYA BA'I NAGS YOD PA DER SKYE BO THAMS CAD KYIS YONGS SU BSKOR NAS 'GRO'O, ,DES NAGS DE MTHONG BA LAS GZHI'I CHA NI RIN PO CHE BDUN GYI RANG BZHIN 'OD GSAL BA GANG LA RIN PO CHE'I RANG BZHIN DU GYUR PA THAMS CAD DGA' BA'I RI'I RTZE MO DANG, CHU KLUNG GI 'GRAM DANG, 'BAB CHU DANG, RDZING BU DANG, PADMA'I RDZING BU DU MA DGA' BAR GYUR PA LA BUNG BA BRGYA STONG GIS NYE BAR MDZES PAR BYAS PAS GZHI KUN GYI CHA SHAS NI MCHOG TU DGA' BAR GYUR PA DANG RI'I GSEB DAG MTHONG NGO, ,DES LEGS PAR BYAS PA'I LAS KYI 'BRAS BU'I DBANG PO DANG LDAN PA DE RIN PO CHE'I NYE BA'I GNAS LA LHA MO'I TSOGS KYIS YONGS SU BSKOR BA'I DBUS NA RTZE ZHING DGA' LA KUN TU SPYOD DE, 'THAB BRAL BA RNAMS DANG RJES SU MTHUN PA'I BDE BA DGE BA'I RTZA BAS BSKRUN PA LA NYE BAR LONGS SPYOD PAR RGYU, DGE BA'I RTZA BA DE DANG MTHUN PAR DE'I 'BRAS BU RNAMS KYANG RNAM PA DU MAR DE BZHIN DU 'GYUR RO; ;DE NA YANG RNAM PA BRGYA STONG DU MA'I RNAM PAR RTOG PA'I BDE BA THAMS CAD LAS 'PHAGS PA NYAMS SU MYONG NGO, ,DE LA'ANG 'DOD PA'I YON TAN LNGA SPYAD NAS GANG NA 'JUG NGOGS MED PA MA YIN PA ZHES BYA BA 'THAB BRAL BA RNAMS KYI SA'I CHA DER 'GRO'O, ,DE NA YANG DGA' BA'I YON TAN DU MA PHUN SUM TSOGS PA NYE BAR BGROD DO, ,DE LA'ANG RGYU RNAM
, ,PA SNA TSOGS PA'I LHA'I GLU MKHAN GYI GLU DANG YANG DAG PAR LDAN PA'I BDE BA NYAMS SU MYONG NGO, ,GANG YANG BRJOD PAR MI NUS PA NI SRED PA DANG LDAN PA'I MES SNYING TSIG PA RNAMS KUN TU RTOG PA'I SHUGS KYIS KUN TU 'KHRUL PA'I BLO GAR YANG GNAS PA MED PAS YUL LA GDUNG BAR SMIG RGYU BA'I SEMS SPRE'U YIS LHA'I BDE BA'I 'BRAS BU LA SPYOD PA BAG MED PAS BUD MED LTA BA LA CHED CHER BYED PA DANG, RTAG TU DGA' BA DU MA'I CHU GANG DAG GIS KYANG RTAG TU 'KHOR BAR BYED PA YIN NO, ,'THAB BRAL GYI LHA'I RIS RNAMS KYI NYE 'KHOR DU RIN PO CHE'I PADMA PHUN SUM TSOGS PA 'BYUNG BA NI THUN MONG BA MA YIN PA MCHOG TU DGA' BA'I YUL GYI BDE BA RNAM PA DU MA GZHAN GYI MTHU STOBS KYIS DBROG TU MED PAS KYANG DBANG PO RNAMS MI TSIM MO, ,JI LTA JI LTAR DGA' BA DE LTA DE LTAR YONGS SU SMIN LA DGA' BAR GYUR PA'I PADMA GANG DAG KHO NA BSAMS PA DE LTA DE LTAR NYID DU 'BYUNG STE, LEGS PAR BYAS PA LAS BYAS PA'I PHYIR RO, ,DE NAS MU SU LUN DHA 'DI SNYAM DU SEMS TE, MA LA, BDAG LHA 'DI DAG RNAMS DANG LHAN CIG TU NAM MKHA' LA GNAS PAR BYA'O SNYAM MO, ,DE NAS SEMS BSKYED PA TZAM NYID KYIS 'THAB BRAL BA'I LHA'I MNGA' BDAG MU SU LUN DHA LHA'I TSOGS KYIS YONGS SU
BSKOR NAS LHA'I TSOGS THAMS CAD DANG BCAS PA NAM MKHA'I DKYIL DU 'PHAGS SO, ,DE NAM MKHA' LA DE LTAR 'GRO STE, DE DANG, LHA DE RNAMS DE LTAR CUNG ZAD KYANG MI G-YO ZHING MI BRJOD LA LUS KYI CHA 'GA' ZHIG CUNG ZAD KYANG GZHAN DU 'GYUR BA'ANG MED PAR RO, ,DE NAS LHA THAMS CAD KYANG PADMA LA ZHON NAS NAM MKHA' LA 'GRO'O, ,RNGA SKAD YAN LAG LNGA DANG LDAN PAS YONGS SU BSKOR NAS GAR DANG LDAN PA, RGOD PA DANG LDAN PA, KUN TU SPYOD PA DANG LDAN PA LHA'I BDE BAS YONGS SU RGYAS PAR 'DOD PA'I YON TAN LNGAS LEGS PAR GTAD CING YANG DAG PAR LDAN PAR GYUR PA DE LTAR SKYID PAR GYUR PA'I LHA PADMA'I 'DAB MA DAG LA ZHON NAS 'GRO STE, JI LTAR YANG DAG PA'I GNAS DE LTAR MNAN LA NEM LA BTEG NA 'PHAR BAR GYUR PA'I RIN PO CHE BDUN GYI RANG BZHIN DU GYUR PA'I PADMA'I 'DAB MA RNAMS LA ZHON NAS GONG MA GONG MA'I 'DAB MA RNAMS LHUNG BA DE MDZES PA NI JI LTAR MI RNAMS KYI YUL NA NANG NUB KYI THUN MTSAMS KYI DUS NA THAMS CAD ZANGS BZHIN DU NAM MKHA' SHIN TU RNAM PAR SNANG BA LA PADMA DE'ANG DE LTAR SHIN TU 'BAR RO, ,LHA DE THAMS CAD PHAN TSUN DU BDE BA DANG LDAN PAS GANG NA KU BE RA'I TSOGS KYI NAGS ZHES BYA BA'I NAGS NA SHIN TU 'JAM ZHING MTHO BA'I RI'I RTZE MO DER DGA' BA RGYU RA 'GRO BAR BYED DO, ,DE NAS RI DE'I RTZE MO LA LHA DE DAG GIS
, ,SLEBS NAS RIN PO CHE BDUN GYI 'BAB CHU DANG, CHU KLUNG DANG, RDZING BU DU MAS NYE BAR MDZES PAR GYUR PA PADMA'I NAGS YONGS SU RGYAS PAR MDZES PAR GYUR PA NI NYI MA BRGYA'I 'OD ZER BAS CHES LHAG PAR GYUR PA'I 'OD KYI GZI BRJID CAN DE NA, LHA DANG, LHA MO'I TSOGS KYIS GANG BA, RIN PO CHE'I RANG BZHIN DU MA NYI MA DANG MDOG MTSUNGS PA'I SHING GIS NYE BAR MDZES PAR 'JAM ZHING MTHO BA'I RI DE DANG, PADMA DER LHA DE DAG RNAMS KYIS PHYIN NAS RI DE'I NAGS NA GAR BYED CING PHAN TSUN DU KUN TU SPYOD DO, ,DE NAS YANG 'DAB MA STONG PHRAG BRGYA PA'I PADMA LA'O, ,DE RNAMS PADMA DE DAG RNAMS LA KUN TU ZHUGS NAS PHYIR YANG 'JAM ZHING MTHO BA'I RI DE LA 'DZEG GO ,BDE BA LA SPYAD PA'I DON DU 'THAB BRAL GYI MNGA' BDAG MU SU LUN DHA YANG LHA'I TSOGS KYIS YONGS SU BSKOR BA DANG BCAS NAS GANG NA LHA DE DAG RNAMS DGA' MGUR KUN TU SPYOD PA DER 'GRO'O,, LHA DE DAG RNAMS KYIS KYANG DE MNGON DU LEGS PAR MTHONG NAS YID RAB TU DGA' BAR GYUR PA'I YID DANG LDAN PAS GAR BYED PAR GYUR, DGOD PAR YANG BYED CING KUN TU SPYOD PAR YANG BYED DO, ,'THAB BRAL GYI BDAG PO MU SU LUN DHA DE YANG DE LTAR RAB KYI MCHOG TU YID DGA' STE, LHA RNAMS RANG GI LAS DBANG POR GYUR PA RANG GI LAS KYI 'BRAS
BU'I SKYE GNAS PA DE LAS DE DAG RNAMS KYIS LHA DMAN PA DANG, BAR MA DANG, KHYAD DU 'PHAGS PA DMAN PA DANG, BAR MAR SKYED PA DANG, DMAN PA DANG, BAR MA'I GZUGS, DMAN PA DANG, BAR MA DANG, KHYAD PAR DU 'PHAGS PA'I BDE BA'O, ,'THAB BRAL GYI LHA THAMS CAD PAS DMAN PA'I BDE BA GANG YIN PA DE'ANG BCU DRUG CHAR BGRANG BA'I RIM PAS KYANG BRGYA BYIN LA NAM YANG MI 'GYUR LA, RE ZHIG BRGYA BYIN DE NYID KYI BDE BA'ANG BRJOD PAR MI NUS NA, CI YANG BRGYA PHRAG SUM 'GYUR DU LAS KYI MTHA' LA SPYOD PA'I 'THAB BRAL BA RNAMS KYI RDZOGS PAR NUS SAM, DE NYID NI DGE BA KUN TU RGYAS PA'I LEGS PAR BYAS PA'I LAS RNAMS KYI YANG 'BRAS BU DE 'BA' ZHIG DE LTAR TSUL KHRIMS DANG LDAN PA RNAMS RAB TU DGA' BA BSKYED PAR BYA BA'I DON DU 'THAB BRAL GYI LHA 'DI RNAMS KYI PHUN SUM TSOGS PA'I DGA' BA RNAM PA DU MA'I SGO NAS BSNGAGS PA YIN GYI, SRID PA 'BA' ZHIG MNGON PAR ZHEN PAS NI MA YIN NO, ,GZHAN YANG, 'THAB BRAL GYI MNGA' BDAG MU SU LUN DHA RNAM PA SNA TSOGS PA BRGYA STONG DU MA'I RNAM PAR RTOG PAR YON TAN DU MA DANG LDAN PA'I DPE MED PA'I BDE BA PADMA 'DI RNAMS DANG, 'JAM ZHING MTHO BA RIN PO CHE BDUN GYI RI DE LA RNYED NAS, GZHAN YANG, 'THAB BRAL GYI MNGA' BDAG 'DI LTAR RJES SU RNAM PAR SEMS
, ,PAR BYED DE, MA LA, BDAG GANG YANG PADMA CHEN PO 'DI'I NANG DU 'JUG PAR BYA BA YIN TE, BDE BA'I MCHOG GIS GNAS PAR BYA BA'I DON DU LHA'I TSOGS THAMS CAD KYI SA DANG, BTZUN MO'I 'KHOR RNAMS DANG BCAS PA RNAMS KYIS SO, ,DE NAS 'THAB BRAL GYI MNGA' BDAG MU SU LUN DHA LTE BA LA GNAS PA TZAM KHO NAS DE'I LEGS PAR BYAS PA'I LAS KYIS SNYING PO DE PHYIR ZHING NYID DU KHA BYE'O, ,LTE BA DE'ANG GANG DE'I LTE BA DE THAMS CAD KYI NANG DU 'GYUR RO, ,DE NAS LTE BA DE'I NYE 'KHOR KUN LAS GZHAN DU GYUR PA'I BUG PA BYUNG LA, RNAM PA DE LTA BU'I 'OD RNAMS KYANG PADMA CHEN PO DE'I LTE BA LAS KUN NAS BYUNG BA'I LHA DE DAG RNAMS KYIS RNAM PA JI LTA BU'I GZHAN DU SNGAR MA MTHONG BA DANG, MA THOS PA DAG STE, NYE 'KHOR DU YANG DE DPAG TSAD BRGYA BAS CHES LHAG PA'I 'OD ZER 'BYUNG BA LA 'OD KHA DOG DU MA 'BAR BA LTA BUR SNANG BA'O; ;DE NAS LHA DE RNAMS DANG 'THAB BRAL GYI MNGA' BDAG MU SU LUN DHA YANG GCIG TU NGO MTSAR BA'I CA CO'I SGRA KUN TU 'BYIN PA NI 'OD 'DI DAG RNAMS PADMA GANG GI LTE BA LAS BYUNG BAR GYUR, DE NAS 'THAB BRAL BA RNAMS KYI MNGA' BDAG GIS LHA DE DAG RNAMS LA 'DI SKAD DU BGROS PAR GYUR TE, LHA DAG ,PADMA CHEN PO 'DI'I 'OD ZER RNAM PA
'DI LTA BU KUN NAS BYUNG ZHING 'PHRO BA LA JI LTA BA BZHIN DU LTOS DANG, DES SLAR SMRAS PA, JI LTA BA BZHIN DU BDAG CAG GIS MTHONG STE, 'DI DAG MCHOG TU NGO MTSAR CHE BA'I 'OD BYED PA'O, ,DE NAS YANG 'THAB BRAL BA RNAMS KYI MNGA' BDAG GIS YANG 'GRO BAR BYED DE, JI LTAR GANG YANG NYUNG DU NA BDAG CAG YUL LJONGS DANG BCAS PA'I SKYE BO'I TSOGS THAMS CAD KYIS PADMA CHEN PO 'DI'I NANG GI LTE BA DUS RING DU BLTA BAR BYA'O, ,DE NAS LHA DE DAG RNAMS THAMS CAD YID MTHUN PAR GYUR PAS DE LA GSOL PA, JI LTAR 'THAB BRAL BA'I MNGA' BDAG GIS GSUNGS PA DE LTAR BDAG CAG RNAMS KYIS BYA BA YIN PAS NA DE LTAR BDAG CAG RNAMS KYI 'KHOR DANG BCAS PA PADMA CHEN PO 'DI'I NANG DU LHA DANG, LHA MO'I TSOGS KYIS BSKOR BA MTHUN PAR BDAG CAG 'THAB BRAL GYI MNGA' BDAG DANG BCAS PA PADMA CHEN PO 'DI'I NANG GANG YIN PA DER 'JUG PAR BYA'O, ,DE NAS LHA DE DAG RNAMS DANG, MU SU LUN DHA DE YANG LHA DANG, LHA MO'I TSOGS KYIS YONGS SU BSKOR BA RNAMS GANG NA LTE BA YOD PA DER LEGS PAR SONG STE, PADMA'I NANG LTA BAR BYED PA NI NGO MTSAR BA'I DON DU'O, ,DE NAS SNYING PO DE'I BUG PA DER PHYIN NAS BUG PA DE NYID DU ZHUGS TE, JI LTAR BTZO MA'I GSER MCHOG GI MDOG NYI MA'I 'OD DANG LHAN CIG TU PHAN TSUN SPROS PAR
, ,GYUR PA NAM MKHA' LA NYI MA'I ZLA DANG LDAN PAR GYUR PA DE BZHIN DU PADMA CHEN PO DE'I GZI BRJID KYI KHYAD PAR MTHONG BAS, LHA DE DAG RNAMS KYIS 'OD ZER DE DAG RNAMS MA BZOD NAS MIG KUN NAS BTZUMS PAR GYUR PA DANG, MCHOG TU DGA' BA'I YID KYIS NANG DU ZHUGS PAR YANG GYUR LA, RNAM PA 'DI LTA BU'I 'OD MTSUNGS PA MED PA 'DI NI GANG YANG BDAG CAG RNAMS KYIS SNGAR NAS YANG MTHONG MA MYONG NGO ZHES CA CO'I SGRA YANG SGROGS SO, ,DE NAS YANG LHA DE DAG RNAMS CHES RINGS PAR MU SU LUN DHA DANG POR BYAS NAS RJES SU 'JUG PAR BYED LA, MU SU LUN DHA YANG MCHOG TU RANGS PA'I YID KYIS YID TSIM PA MED PAS LHA DE DAG RNAMS DANG PADMA'I NANG DU 'JUG GO ,DE ZHUGS PA NA MTHONG BA DE'I NANG NA RIN PO CHE BRGYA STONG DU MA 'OD RNAM PA GSAL BAR BYED PA'I SKYED MOS TSAL BRGYA PHRAG DU MA DANG LDAN PA, 'OD DANG LDAN PA'I KHANG BZANG BRGYA STONG DU MA DANG, 'OD 'BAR BA'I LJON SHING BRGYA STONG DU MA DANG LDAN PA, RIN PO CHE BDUN GYI SKYED SHING GI NAGS DANG, NYE BA'I NAGS BRGYA STONG DU MAS NYE BAR MDZES PAR GYUR PA, MDOG DANG, DBYIBS DU MA DANG LDAN PA'I RNAM PAR RTOG PA RGYA CHE BA BRGYA STONG GI BYA'I TSOGS KYIS KYANG GANG BA, RTZED MO'I RI BRGYA PHRAG DU MA
DANG LDAN PA; RDZING BU BRGYA PHRAG DU MA DANG LDAN PA, GZHAL MED KHANG BRGYA PHRAG DU MA DANG LDAN PA, 'BAB CHU BRGYA PHRAG DU MA DANG LDAN PA, CHU MIG DANG, RDZING BU DANG, CHU KLUNG DANG , TSANG TSING DANG, KHRAD KHROD BRGYA PHRAG DU MA DANG LDAN PA, JI SKAD DU BRJOD PA'I DNGOS PO THAMS CAD KYANG RIN PO CHE BDUN GYI RANG BZHIN LAS BYAS PA'I MDOG DANG, DBYIBS DANG, TSAD KYI RNAM PA MNGON PAR DGA' BA, JI LTAR DE YANG 'THAB BRAL GYI BDAG PO MU SU LUN DHAS KYANG SNGAR MA MTHONG NA, 'THAB BRAL GYI LHA GZHAN GYIS LTA SMOS KYANG CI DGOS, DE LAS PADMA GANG GI NANG GI MTSE'U RNAMS NI RAB TU DANG BA'I LHA RDZAS KYI CHU YIN LA DE DAG GI 'GRAM RNAMS LA LA NI SHEL GYI RANG BZHIN NO, ,LA LA NI DNGUL GYI RDO DANG, BYE MA'O, ,'GA' ZHIG NI GSER BTZO MA'I RANG BZHIN NO, ,YANG LA LA NI AIndA N'I LA'I RANG BZHIN NO, ,LA LA NI PADMA R'A GA'I RANG BZHIN NO, ,'GA' ZHIG NI CHU RNAM PA SNA TSOGS KYIS RNAM PAR BKRA BAR BYAS PA RNAMS TE, DE BZHIN DU GANG YANG PADMA'I RDZING BU DE RNAMS RNAM PA SNA TSOGS PA'I RIN PO CHE SNA TSOGS PA'I RANG BZHIN GYI PADMA RNAMS KYIS NYE BAR MDZES PAR GYUR PA RNAMS SO, , 'GA' ZHIG NI KHA DOG GCIG PA'I PADMAS NYE BAR MDZES PAR GYUR PA'O, ,'GA' ZHIG NI RNAM PA DU MA'I MDOG GI 'DAB MA'I PADMAS NYE BAR MDZES PA LA, 'DI LTA STE, SNGON PO
, ,DANG, SER PO DANG, DMAR PO DANG, DKAR PO'I MDOG GI MTSO LAS SKYES PA'I PADMAS NYE BAR MDZES PAR BYAS PA'O, ,DE LA GANG 'DAB MA SNGON PO DE NI DRI MA MED PA'I AIndA N'I LA'I RANG BZHIN NO, ,GANG SER PO DE NI GSER GYI RANG BZHIN NO, ,GANG DKAR PO DE NI DNGUL GYI RANG BZHIN NO, ,GANG DMAR PO DE NI PADMA R'A GA'I RANG BZHIN RNAMS TE, DE LTAR PADMA CHEN PO DE'I NANG NA RNAM PA DU MA'I PADMA YOD DO, ,DE NAS LHA DE RNAMS RAB TU DGA' BA'I YID KYIS BUNG BA BRGYA STONG GIS YONGS SU GANG BA'I PADMA DER NYE BAR BZUNG NAS GZHAN YANG GANG NA DE DAG DGA' BA CHEN POR GYUR PA'I NAGS DANG, NYE BA'I NAGS DE DANG LEGS PAR LDAN PA GANG YIN PA'I DGA' BA CHEN PO DER 'GRO'O, ,RNAM PA SNA TSOGS PA'I RNGA SGRA SGROGS PA'I GLU SGRAS RNAR SNYAN PAS YID TSIM PA MED PAR RAB TU DGA' BA'I LHA DANG, LHA MO'I TSOGS KYIS YONGS SU BSKOR BA, KU CO'I SGRAS YID TSIM PA MED PA DE RNAMS KYIS BGROD PA'I NAGS DE NI RNAM PA SNA TSOGS PA'I BYA BRGYA STONG GIS DGA' BAR GYUR PA'I SGRA SNA TSOGS 'BYIN PA, RIN PO CHE SNA BDUN GYIS NYE BAR MDZES PA'I SA GZHI'I CHA KUN KYANG MNAN NA NEM ZHING BTEG NA 'PHAR BA MCHOG TU 'JAM PA DE DAG RNAMS LA'ANG RNAM PAR
RGYU BAR BYED PA NA, THAMS CAD NAS KYANG YID KUN TU RANGS SHING DGA' BA NI GONG MA GONG MA DE DAG RNAMS MTHONG BA NA DGA' BAR 'GYUR ZHING, PHAN TSUN DU GROGS KYI BYA BA DANG LDAN PA DANG, PHAN TSUN DU KUN NAS CHAGS PA'I YID DANG LDAN PA DAG GIS KYANG DGA' BAR YANG 'GYUR RO, ,NYE BA'I NAGS DE LA'ANG DUS SHIN TU YUN RING DU BAG MED PAR GNAS PA'I PHAN TSUN MCHOG TU KUN DGA' BA'I BAG MED PAR GNAS NAS, GZHAN YANG, GANG NA SKYED MOS TSAL GYI PHRENG BA ZHES BYA BA'I RIN PO CHE SNA TSOGS KYI RANG BZHIN YOD PA DER 'GRO BAR BYED DO, ,RNGA SKAD YAN LAG LNGA DANG LDAN PAS SNA TSOGS PA'I ROL MO DANG, GLUS RAB TU DGA' BA DANG LDAN PA'I YID CAN RNAMS 'DOD PA DRUG LA RNAM PAR CHAGS PAS LTA BA LA BRKAM PAR GYUR PA RGYAGS PA LA DON GCIG PAS BAG MED PAR RNAM PAR SPYOD PAR YANG BYED PA DANG RTZA BAR GYUR CING, KUN TU SPYOD PAR YANG GYUR PA RNAMS KYIS DER NYE BAR PHYIN NAS KYANG 'OD ZER RNAMS MTHONG BAR GYUR PA NI JI LTAR NYI MA'I PHRENG BA RNAMS GANG YIN PA DE LTAR 'OD RNAMS YIN PAR RTOGS SO, ,DE SRID KYI 'OD ZER 'BAR BA NYID YIN PA'I YUL PHYOGS KYI NYE 'KHOR NA YON TAN GZHAN YANG LHA DE DAG GIS MTHONG BA RNAMS LA, 'DI LTA STE, SER PO DANG,
, ,DMAR PO DANG, DKAR PO RNAMS DU MA NYID MTHONG BA'I YUL PHYOGS DE DAG GIS GZHI'I CHA DE DAG RNAMS KUN NAS DGA' BA DE RNAMS LA YANG DE RNAM PA DU MAR MNGON PAR DGA' BAR BYAS NAS GANG NA RTZED MO'I RI YOD PA DER NYE BAR 'GRO BAR BYED DO, ,SLAR YANG YUL GYI BDE BA NGOMS MI SHES PAS DE DAG RNAMS KYANG RTZED MO'I RI RNAMS RIN PO CHE BDUN GYI KHAMS KYIS RNAM PAR BRGYAN PA LA GNAS DU MA YOD PA RNAMS SO, ,DE NA'ANG LJON SHING BRGYA PHRAG DU MA RNAM PAR 'GYUR BA DANG LDAN PA LA BYA'I TSANG DGA' BAR GYUR PA DANG LDAN PA 'BAB CHU DANG, CHU KLUNG DANG, RDZING BU DANG, NAGS DANG, NYE BA'I NAGS DANG, RI DANG, SMAN LJONGS DANG; RI LOGS DANG, RI RTZVA DANG, KLUNG NA RI DVAGS KYI TSOGS DANG, PADMA'I MTSE'US RNAM PAR BRGYAN PA'I RTZED MO'I RI SLEBS NAS 'PHYOS TE LHA RDZAS KYI 'DOD PA'I YON TAN LNGA DANG BCAS SHING LDAN PAR GYUR PA, PHAN TSUN LHAN CIG TU LHA RDZAS KYI CHA BYAD DU MAS RNAM PAR GSAL BA DANG BCAS PA, RGYAN DANG, CHA BYAD KYIS MDZES PA'I LHA'I BU MOS YONGS SU BSKOR BA DE LA'ANG DUS SHIN TU YUN RING POR YUL GYI BDE BA NGOMS MI SHES PA RNAMS KYIS DGA' BAR BYED DO, ,GZHAN YANG, GANG NA
GZHAL YAS KHANG GI KHANG BU'I PHRENG BA YOD PA DER NYE BAR 'GRO'O, ,KHYAD PAR DU NGOMS MI SHES PA'I YUL GYI BDE BA LA DGA' BAR GNAS PAR BYA BA'I PHYIR TE, NGOMS MI SHES PA'I LHA RDZAS KYIS 'DOD PA'I YON TAN LNGA LA RNAM PA DU MA DANG, RNAM PAR RTOG PA DU MAS LHA'I 'DOD PA KUN TU GSAL BAR BYED PA SRID PA'I MES LEGS PAR GSAL BAR BYAS PAS RNAM PA DU MAR DGA' BAR BYED CING, LHA DANG, LHA MO RNAMS KYI TSOGS KYIS RNAM PA DU MAR RAB TU DGA' BAR BYED PA NI 'THAB BRAL BA RNAMS KYI MNGA' BDAG MU SU LUN DHA DANG BCAS PA DE DAG RNAMS PADMA'I NANG NYI MA BRGYA STONG BAS CHES LHAG PA'I GZI BRJID DANG LDAN PA, MCHOG TU ZHI ZHING GDUG PA DANG BRAL BA DE LA PHAN TSUN DU DGA' BAR GYUR PA, MCHOG TU BLTA BAR DGA' BA, MCHOG TU DBANG PO LNGA BDE BAR GNAS PAR GYUR PA RNAMS NI MCHOG TU DGE BA, MCHOG TU MDZES PA; 'PHAGS PA'I SKYE BO RNAMS SHIN TU DGYES PA'I DGE BA'I RTZA BA LEGS PAR RNAM PAR DAG PA'I 'BRAS BUR GYUR PA, RNAM PAR RTOG PA DU MAS YUL DU MA'I BDE BA RNAMS LA NYE BAR LONGS SPYOD DO, ,PHAN TSUN DU 'DUL BAR BYED PA DANG, PHAN TSUN DU SMRA BAR BYED PA LA ZHUGS PA'I YID CAN RNAMS PHAN TSUN DU GUS PAR BYED PA
, ,LEGS PAR SKYES PAS NGOMS PA MED PA'I SEMS KYIS DE RNAMS DE LTAR PADMA 'DI'I NANG NA DUS YUN RING POR DGA' BAR BYED DO, ,DE NAS DUS NAM ZHIG NA YUL GYI BDE BAS MA NGOMS PAR YANG CI DGA' BAR GYUR NAS PHYIR BYUNG NAS, SNYING PO'I SGO DE NYID NAS JI LTA BA'I NANG DU RJES SU ZHUGS TE, DE BZHIN DU PHYIR BYUNG NAS DE MNGON PAR MTHONG NAS DUS YUN RING POR PHYIR MI 'BYUNG NGO, ,YANG DE KHO NA NYID MTHONG BA ZHES BYA BA'I BYA 'JAM ZHING MTHO BA'I RI DE'I STENG NA GNAS PA DES DE MTHONG NAS TSIGS SU BCAD PA SMRAS PA NI JI LTAR, GZUGS RNAMS SKAD CIG 'DI DAG GI ,NA TSOD DE BZHIN SKAD CIG YIN, ,DE BZHIN BDE BA ZAD KYANG NI; ;BLO GROS MED PAS GO BA MIN, ,DGE BA'I MTSAN NYID DU MA DE'I, ,SKYE BA 'DI DAG THAMS CAD DE, ,GANG TSE DUS KYI 'KHOR LO YIS, ,RIM PAR GSHEGS NAS RNAM PAR 'JIG ,BRGYA PHRAG DU MA'I MTSAN NYID KYI, ,JI LTAR SNGON GYI DE NYID DANG, ,DE LTAR SKYE BA 'DI DAG KYANG, ,'CHI BDAG RGYAL POS PHAM PAR BYED, ,RTAG TU BDE BAS GNAS PA YI, ,BAG MED YID CAN DE DAG RNAMS, ,'CHI BDAG BDUD KYI ZHAGS PA 'DIS, ,RTZOM PAS BDE BA 'JOMS BYED YIN, ,BDE BA SNANG BA STOBS DANG SHUGS, ,
MTHUN PA RNAM PAR 'BRAL BYED DO, ,'CHI BDAG RGYAL PO STOBS LDAN PA, ,'DI NI NYE BAR 'DREN PA YIN, ,GANG ZHIG NYE BAR 'ONG BA PO, ,DE DAG BAG MED CES BYA RNAMS, ,GSON PA BDE BA DANG BCAS PA, ,RINGS PAR 'JOMS PAR BYED PA YIN, ,BAG MED PAS NI PHROGS PA'I LHA, ,DUS RING DU NI 'DI NYAMS PA, ,BDE BA DU MAS BSLUS PA YI, ,YONGS SU RTOGS PA MA YIN NO, ,GAL TE NYI MA'I 'OD ZER LAS, ,DBANG PO BRKAM PAR 'GYUR BA'I SEMS, ,GSHIN RJE'I 'JIG RTEN 'ONGS GYUR PA, ,DE TSE DE 'BRAS SHES PAR 'GYUR, ,LUS DANG STOBS DAG SNYING PO DANG, ,DE BZHIN BDE BA'ANG SKAD CIG PA, ,DE LTA NA YANG CHAGS YID CAN, ,LEGS PAR RTOGS MIN MIG MED PAS, ,RTAG TU BDE BAS GNAS PA YI, ,DGA' BA LAS KYANG DGA' BAR 'GRO ,GANG TSE 'DI DAG GAR 'GRO YANG, ,'CHI BDAG RGYAL POS 'JOMS PAR BYED, ,RGAS PAS 'THUNG BA'I RGYAL PO YIS, ,RMONGS PA GANG YANG LUS PA MED, ,PHYIS DE 'CHI BA'I DUS NA NI, ,RANG SEMS ME YIS GDUNG BAR BYED, ,YUL RNAMS KYIS NI DBANG PO RNAMS, ,TSIM PA SKYE BAR 'GYUR MA YIN, ,GAL TE YE SHES GSAL BYED KYIS, ,GANG PHAN PA NI MI 'PHEN NA, ,RNAM RTOG BRGYA YI DRI MA YIS, ,YUL RNAMS KYANG NI BSTEN PA NA, ,RLUNG GIS BSKYOD PA'I ME BZHIN DU, ,KUN TU G-YO BAS RAB TU 'JUG ,
, ,BRTZON PA'I SHUGS KYIS DE RTOGS NAS, ,RTAG TU ME 'BAR 'DOD PA YI, ,YUL SDOM SHES RAB LDAN PA YI, ,DE NYID DPYOD PA PO YIS RTOGS, ,GANG DAG RTAG TU 'KHRUL PA'I YID, ,RTAG TU YUL LA MCHOG 'DZIN TE, ,BLO BRAL DGA' BA DE THAMS CAD, ,THAMS CAD GTI MUG BYED PA YIN, ,LOG PA'I BLO YIS BSTEN 'GYUR BAS, ,YUL GYI ME NI 'PHEL 'GYUR TE, ,JI LTAR BUD SHING DANG LDAN PA'I, ,ME NI RLUNG GIS BUS PA LTAR, ,MI G-YO 'DOD CHAGS DBANG 'GRO BA, ,RTAG TU 'DOD DBANG RJES 'GRO BA'I, ,LHA DE 'DOD CHAGS KYIS BSLUS NAS, ,LHA YI 'JIG RTEN DAG NAS LTUNG, ,DAM PA'I YID LA LEGS YON LDAN, ,BDE GANG DANG POR BYUNG BA 'DI, ,RNAM PAR ZHIG NAS DE GAR SONG, ,GSON PA SKAD CIG G-YO BA STE, ,JI LTAR DE NI NAM 'JIG PA, ,SROG NI G-YO BA SKAD CIG PA, ,GAL TE DE 'JIG GANG GI PHYIR, ,DE BZHIN DU NI SROG 'DI LA, DUS NI RING PO MIN PAR YANG, ,'BYUNG BAR 'GYUR TE THE TSOM MED, ,YUL 'DI DAG GIS MANG DU DGA', ,YID NI DE LA RTAG TU SONG, ,DE DANG BRAL BAR 'GYUR BA YIS, ,SDUG BSNGAL YANG NI RIG PA MIN, ,LHA YI 'DOD YON LDAN PA YI, ,GANG DE BDE BA 'DI DAG RNAMS, ,BRAL BAR 'GYUR BA'I SDUG BSNGAL GYI, ,BCU DRUG CHAR YANG MI PHOD DO, ,DRI
MA GNYIS GSUM BCOM PA'I PHYIR, ,JI LTA NYID DU SKYE BA MIN, ,SRID LDAN DE LTAR TSIM PA MED, ,'DOD PA DAG LAS RGYAL BA MIN, ,MA DPYAD PA YI SEMS KYIS NI, ,RTAG TU 'DOD PA RJES STEN PA, ,DUS RING RJES SU 'BREL BA YI, ,SDUG BSNGAL NYID NI ZHI BA MIN, ,RMONGS PA MYUR DU CHAGS PAR BYED, ,SDUG BSNGAL NYID NI SHES PA MIN, ,PHYI NAS SDUG 'PHONGS GYUR PAS NA, ,GANG 'BRAS BU YIN SHES PAR 'GYUR, ,'DOD PA YUD TZAM BZANG BA STE, ,'DI NI MCHOG TU MI BZAD PA'O, ,'DI DAG PHO NYA 'ONG BA STE, ,'ONG BAS PHAN PA MIN PA BYED, ,GANG DE LONG BA YID CHES PA, ,SHES PA'I MIG MED PAS BYAS SO, ,'OBS DANG G-YANG DANG 'DRA BA YI, ,MI DE DMYAL BAR 'GRO BA YIN, ,RTAG TU MI LA PHAN BYED PA'I, , BAG YOD PA NI GROGS KYI MCHOG ,BAG MED PA NI DGRA YI MCHOG ,DE PHYIR GROGS NYID MCHOG YIN NO, ,THAMS CAD DU NI RJES 'GRO 'DI, ,DE NI MI BZAD DAG GI MCHOG ,NGAN 'GRO RNAMS KYI LAM GYI MCHOG ,'DI NI BAG MED CES BYAR BRJOD, ,BAG MED PAS NI BAG MED PA'I, ,YUL GANG LA NI CHAGS BYED PA, ,RMONGS PA'I YID CAN MI DE NI, ,RTAG TU SDUG BSNGAL SKAL LDAN YIN, ,GANG DAG 'JIGS SDUG YOD MIN ZHING, ,SHES PAS KUN LTA'ANG MED PAR NI, ,BDE BA DON DU GNYER BA'I LHA, ,DE NI PHYUGS DANG MTSUNGS PAR
, ,MTHONG, ,ZAS DANG 'KHRIG PA LA DGA' BA, ,PHYUGS RNAMS KYI NI SNYING DU 'ONG, ,DGA' BA DE YIS LHA RNAMS GANG, ,'GRO BA DE NI PHYUGS DANG MTSUNGS,, SEMS KYIS KHYAD PAR GYUR PA YIS, ,LAS KYI KHYAD PAR DE BZHIN NO, ,LAS NYON NYAMS PA DAG GIS NI, ,KHYAD PAR DMIGS PA MA YIN NO, ,ROL PAS RNAM PAR RTZE BA YIS, , 'CHI BDAG KHA NA GNAS PA YIN, ,'CHI BDAG DUS SU LEGS PHYIN PAS, ,GDUL DKAS 'BRAS BU SHES PAR 'GYUR, ,JI SRID 'CHI BA MA BYUNG ZHING, ,JI SRID BLO NI MA 'KHRUGS PA; ;BLO LDAN YID RAB BRTZON PAS NI, ,DE SRID CHOS LA DGA' BAR GYIS, ,GSON PA THAMS CAD 'JIG BYED DANG, ,BDE BA THAMS CAD ZAD BYED CING, ,SDUG PA KUN DANG 'BRAL BYED PA'I, ,'CHI BDAG 'DI NI 'ONG BA YANG, ,DE TSE SGRA CHEN POS NAS NI, ,'CHI BDAG MCHOG TU MI BZAD PA, ,CHOS SPANGS PA YI SKYABS GZHAN MED, ,DE PHYIR CHOS LA DGA' BAR GYIS, ,BAG MED SNYING GI LUS CAN RNAMS, ,DE DAG 'CHI BDAG RNAMS KYIS KHYER, ,BAG MED PAS NI BCOM GYUR PA, ,SNGA PHYIR 'CHI BDAG GIS RAB 'JOMS, , CHOS KYI 'TSO DANG BDE BA RNAMS, ,DE NYID YANG DAG RAB BRJOD PA, ,MTHO RIS LA NI RAB STON PA'I, ,BAG YOD PA ZHES BRJOD PA YIN, ,DE DAG DON DANG DON MIN DANG, ,BCINGS DANG
THAR [?] PA'ANG DE BZHIN DU, ,BAG YOD BAG MED CES BYA DANG, ,YON TAN SKYON ZHES KYANG MTSUNGS SO, ,RNAM PAR RMONGS PA'I YID KYI LHAS, ,DE LTAR RNAM PAR MI SHES SO, ,DGRA DANG LHAN CIG DGA' BA DANG, ,SHES RAB NYAMS PAR BYED PA YANG, ,DE KHO NA NYID MTHONG BA ZHES BYA BA'I LHA DE RNAMS MNGON PAR KUN TU MTHONG NAS, ,DE LTAR YANG DAG PA RNAM PA DU MA'I SGO NAS RJES SU STON YANG LEGS PAR RTOGS PA YANG MA YIN TE, BAG MED PAS KUN NAS PHROGS PA'I SEMS YUL LA CHED CHER BYED PAS 'DOD PA'I YON TAN LNGAS NYE BAR PHROGS PA'I YID CAN RNAMS KYIS NI DE KHO NA YANG DAG PAR MI SHES LA, GANG DAG CI NAS KYANG SKYE BO THAMS CAD KYIS MYONG BAR 'GYUR BA'I 'CHI 'PHO DANG, SKYE BA'I 'JIGS PA DE NI, NGES PA KHO NAR RAB TU 'JOMS PA CAN GYI 'DUS BYAS THAMS CAD LA 'BYUNG BAR 'GYUR RO, ,GZHAN YANG, LHA DE DAG RNAMS NYID DE'I TSE DE KHO NA LTAR PADMA DE LA GNAS NAS 'JAM ZHING MTHO BA'I RI'I MCHOG DE NYID DANG, DE BZHIN DU SNYING PO'I 'DAB MA DE LA MI G-YO BAR LEGS PAR GNAS TE, GANG NA NANG YANGS PA ZHES BYA BA'I MTSO YOD PA DER NYE BAR 'GRO STE, RNAM PA SNA TSOGS PA'I GLU DANG, RNGA SGRA DANG LDAN PA DANG, ROL CHA 'DZIN PA'I MKHAN PO DANG, GAR DANG, DGOD PA DANG, 'GYING BA DANG, GLU NYE BAR LEN PA DANG BCAS
, ,PAS DE RNAMS NANG YANGS PA ZHES BYA BA'I MTSO DER NYE BAR 'GRO'O, ,MTSO DE'I NYE 'KHOR NA YANG KHANG BZANG LNGA BRGYAS NYE BAR BSKOR BA RIN PO SNA BDUN GYI LAN KAN MANG PO CHES RNAM PAR BKRA BA'I YON TAN GYIS CHES GSAL BAR BYED PA, NYE 'KHOR YANG SHIN TU DGA' BAS LHA RNAMS RTZE BA'I SA DANG MNGON PAR LDAN PAR GYUR PA, , KHANG BZANG RNAM PA DU MA LA KHA CIG NI SKAR KHUNG DANG BCAS PA, STEGS BU DANG BCAS PA, STENG YONGS SU RGYAS PA, MCHOG TU RAB TU DGA' BA'I ZAS DANG, SKOM DANG, STAN RNAMS DU MA DANG BCAS PA RNAMS PHAN TSUN DU KUN NAS CHAGS PA'I YID KYIS RTAG PAR YANG ZAS LA CHED CHER BYED PA'I DGA' BAS GNAS PA DANG, LHA DANG LHA MO'I TSOGS RNAMS RTAG TU RNGA SKAD YAN LAG LNGA DANG LDAN PAS MANG DU DGA' BA DE DAG RNAMS DE LTAR DGA' ZHING BDE BAS GNAS PA RNAMS CHAGS PA'I YID DANG LDAN PAS LHAN CIG KHO NAR PADMA'I SNYING PO'I NANG DU LEGS PAR RAB TU GNAS SHING NAM MKHA' LA KUN TU GNAS TE, 'THAB BRAL GYI MNGA' BDAG MU SU LUN DHA LHA'I TSOGS THAMS CAD KYIS YONGS SU BSKOR TE, GANG NA NANG YANGS PA ZHES BYA BA'I MTSO YOD PA DER NYE BAR 'GRO'O, ,DER NYE BAR PHYIN PA DANG DE LA MANG DU DGA' BAR BYED PA DANG, KUN TU SPYOD PAR BYED PA'I LHA GANG YIN PA
DE DAG RNAMS MNGON PAR MTHONG ZHING, RNAM PA SNA TSOGS PA'I RNGA DANG, ROL MO'I SGRA DANG LDAN PA DE RNAMS KYIS KYANG MU SU LUN DHA DE MTHONG NAS SHIN TU YANG BCU 'GYUR GYIS RAB TU DGA' BAR 'GYUR BA'I YID CAN DE DAG RNAMS KHANG BZANG THAMS CAD NAS DANG, KHANG BU'I PHRENG RAB THAMS CAD NAS DANG, PADMA'I RDZING BU THAMS CAD NAS DANG, GNAS GZHAN THAMS CAD NAS KYANG LHA DE DAG RNAMS LHAN CIG KHO NAR LANGS NAS SNYAN ZHING SGRA DANG RNAM PAR 'GYUR BA DANG LDAN PA'I YID CHOS RAB TU DGA' BAS, GANG NA 'THAB BRAL GYI MNGA' BDAG MU SU LUN DHA NAM MKHA' LA RGYU BAS GNAS PA DER THAMS CAD 'KHOD PAR GYUR LA, THABS GCIG TU LEGS PAR SKYES PA'I GUS PA DANG, DGA' BA DANG LDAN PAS DE DE NA DE LTAR NAM MKHA' LA LEGS PAR GNAS PA MNGON PAR MTHONG NAS THAL MO SPYI BOR SBYAR NAS LUS KUN GYIS PHYAG BTZAL TE, LHA DE DAG RNAMS THAMS CAD KYIS KYANG MU SU LUN DHA DE MDUN DU BYAS NAS GAR DANG LDAN PAS GANG NA MTSO NANG YANGS PA ZHES BYA BA YON TAN THAMS CAD PHUN SUM TSOGS PA, GZHAL YAS KHANG GI PHRENG BA DU MA RNAM PA SNA TSOGS BKRA BAS RNAM PAR BRGYAN PA, CHAGS PAR GYUR PA'I SGRA'I KHYAD PAR SNA TSOGS SGROGS PA, LJON SHING BRGYA STONG DU MA DANG LDAN PA NYI MA
, ,BRGYA STONG PAS CHES LHAG PA'I 'OD 'BAR BA'I LHA'I TSOGS KYIS YONGS SU BSKOR ZHING RTAG TU SPRO BA'I 'THAB BRAL BA'I LHA RNAMS KYIS SA DE DAG TU SLEBS NAS, 'THAB BRAL BA RNAMS KYI MNGA' BDAG MU SU LUN DHA DE SA GZHI LA LEGS PAR BZHUGS PA LA RAB TU DGA' BA MCHOG DANG LDAN PA'I LHA RNAMS KYIS BSTOD PAR 'GYUR ZHING, DES LHA DE RNAMS KYANG TSIG RNAM PA DU MAS MGU BAR BYAS NAS, GANG NA MTSO'I 'JUG NGOGS YOD PA DER DE DAG RNAMS LEGS PAR 'GRO'O, ,DE DAG RNAMS DER NYE BAR SONG NAS DE DAG KYANG MTHONG NA YID 'PHROG PA ZHES BYA BA'I KHANG BZANG YOD PA DER 'JUG GO ,DER ZHUGS PA NA YANG RIN PO CHE SNA BDUN GYI 'OD KYI PHRENG BA DANG LDAN PA'I CHA SHAS RNAM PA SNA TSOGS PAR RNAM PAR BKRA BAS YON TAN DU MA'I DPAL STONG PHRAG DANG LDAN ZHING LHA DANG, LHA MO'I TSOGS THAMS CAD KYIS MTSUNGS PAR MCHOD PAR BYED DE, 'THAB BRAL BA RNAMS KYI MNGA' BDAG DE DER LEGS PAR ZHUGS PA'I TSE NI LHA RDZAS MCHOG GI DPAL MCHOG DANG LDAN PA'I RIN PO CHE SNA BDUN GYIS RNAM PAR BKRA BAR BYAS PA'I SENG GE'I KHRI LA THAMS CAD KYI BDE BA STON PA'I LHA'I RGYAL PO DE LEGS PAR BZHUGS TE, MCHOG TU DGA' BAS LHAG
PAR DGA' BA CHES RGAN PA'I LHA'I TSOGS KYIS YONGS SU BSKOR ZHING MDUN DU BDAR NAS LHA BRGYA STONG DU MAS NYE BAR MDZES PAR GYUR BA NA, DE NAS LHA'I RGYAL PO DE NYID KYIS DE DAG RNAMS NA SO CHES LHAG PAS RGAN PA'I LHA RNAMS LA DRIS PA, BDAG CAG GI BLA MA'I MCHOG DUS RING PO NAS MJAL BA'I 'THAB BRAL GYI MNGA' BDAG CI'I PHYIR PADMA LA LEGS PAR ZHON NAS 'DIR BYON, DE NAS MU SU LUN DHA DES LHA DE DAG LA 'DI SKAD CES SMRAS TE, LHA KHYED RNAMS, NGAS NGO MTSAR CHE BA PADMA'I NANG DU MTHONG NAS NGED LHA DANG, LHA MO'I TSOGS THAMS CAD KYIS KUN TU GANG BA PADMA GANG LA ZHON NAS 'DIR 'ONGS LA, DER YANG RGYA CHER 'THAB BRAL GYI BDAG PO DE LA SHIN TU YON TAN PHUN SUM TSOGS PA PA THAMS CAD RNAM PA DU MA'I SGO NAS MKHYEN PAR BYED DE, RGAN PA'I MCHOG DE DAG THAMS CAD KYIS SNGAR BZHIN NO, ,DE NAS DE THOS PA DANG LHA GANG DAG CHES LHAG PAR BLTA NA SDUG CING MTHONG BA NI CHES DGE LEGS SU 'GYUR BA DE DAG GIS 'THAB BRAL GYI MNGA' BDAG MU SU LUN DHA DE LA SKYES PA'I RABS DE DAG NGES PAR MKHYEN PAR BYED DE, LHA NYID KYI ZHAL SNGA NAS JI LTA BA BZHIN DU GSAN LAGS DANG, GANG GI BDAG NYID CHEN PO DE DANG GANG DAG GI YANG GZI BRJID CHEN PO DANG LDAN PA DE'I NANG YIN LA, PADMA CHEN PO DE'I NANG NI DE SRID GCIG
, ,GI 'DOD PAR BYA BA MCHOG DANG LDAN PA DANG, YON TAN DU MA DE SRID DANG LDAN PA'I RNAM PA DE LTA BU 'THAB BRAL BA RNAMS KYI LHA'I RIS 'DI RNAMS NA RNAM PA DE LTA BU LAS RDZAS GZHAN YOD PA NI MA YIN TE, CI LTAR DE'I NANG DU 'DI LTAR THOS TE, JI LTAR GRAGS PA GSER THUB CES BYA BA'I BCOM LDAN 'DAS, BLA NA MED PA, SKYES BU 'DUL BA; KHA LO SGYUR BA, LHA DANG, MI RNAMS KYI STON PA 'JIG RTEN DU BYUNG BAR GYUR LA, DES BSTAN PAR GYUR PA'I CHOS NI DANG POR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO 'BA' ZHIG PA YONGS SU RDZOGS PA, YONGS SU DAG PA, YONGS SU BYANG BA'I CHOS STON PA MDZAD DE, JI LTAR 'DI NI GZUGS SO, ,'DI NI GZUGS KUN TU 'BYUNG BA'O, ,'DI NI GZUGS 'GOG PA'O, ,'DI NI GZUGS 'GOG PAR 'GRO BA'I LAM MO ZHES DE LTAR RTOGS PAR BYED PA'I CHOS DANG PO DANG, THA MA DANG, BAR DU DGE BA BSTAN PAR GYUR TO, ,DE'I GSUNG RAB KYIS DZAMBU'I GLING GI YUL LJONGS STONG PHRAG BRGYA'I SKYE BO RAB TU MANG PO RNAMS KYIS BDEN PA MTHONG BAR 'GYUR ZHING KHYAD PAR DU 'PHAGS PA'I 'BRAS BU RNAMS LA NYE BAR LONGS SPYOD PA DANG, RIM GYIS JI LTA BA BZHIN DU PHYIR MI LDOG PA DANG, RGYUN DU ZHUGS PA DANG, DE BZHIN DU BSAM GTAN
BZHI PA THOB PA DANG, BSAM GTAN GSUM PA THOB PA DANG, JI SRID DU BSAM GTAN DANG PO THOB PA'I BAR DU SKYES BU'I MDZAD PA DAG MDZAD NAS, SKYE BO LHAG MA RNAMS KYANG DGE BA'I RTZA BA BCU LA SPYOD PAS CHOS PAR GYUR PA'I YUL LJONGS PA BYE BA PHRAG STONG NI LEGS PAR BYAS PA'I LAS KYIS MTHA' LA SPYOD PA LA BKOD NAS GZIGS PA GZHAN GANG ZHIG NI NGA'I GDUL BYAR GYUR PA YIN NA, DES MI LAS SHIN TU 'DAS PA'I LHA'I MIG GIS GZIGS PA NI, JI LTAR 'THAB BRAL GYI LHA RNAMS KYI NANG NA NGA'I GDUL BYA'I LHA YOD PA NI DE DAG GI MNGA' BDAG TU GYUR PA NI SO'U MYO'I MING CAN DE'I YANG DGE BA RNAMS NI NANG DU NUB PAR GYUR CING, BAG MED PAS KYANG BAG MED PAR GNAS PA DE DANG NYE BAR GNAS PA'I LHA GZHAN RNAMS LAS KYANG GANG DAG DBANG PO YONGS SU SMIN PA RNAMS KYANG BAG MED PAS BAG MED PAR GNAS PAR GYUR LA, DE DAG LA THUGS BRTZE BA'I PHYIR BCOM LDAN 'DAS GSER THUB DE 'JIG RTEN 'DIR BZHUGS PAR GYUR TE, LHA RNAMS LA PHAN PAR BZHED PAS DANG MTHUN PAR MDZAD PA'I DON GYI PHYIR DANG, SDUG BSNGAL ZAD PA'I DON DU DANG, BAG MED PAS 'DRE BA DANG BRAL BAR BYA BA'I PHYIR TE, ZAG PA ZAD PA STONG PHRAG LNGAS YONGS SU BSKOR NAS DE 'THAB BRAL NA GNAS PA RNAMS THAMS CAD PAS KYANG MANG
, ,BAS CHES LHAG PA NYID KYI 'OD PHAL PO CHE CHES LHAG PAR 'PHRO BAR MDZAD PAR GYUR TO, ,DE MNGON PAR MTHONG NAS KYANG LHA RNAMS GANG DAG GIS NAM YANG THAMS CAD MKHYEN PA SNGAR MA MTHONG BA DE DAG RNAMS CHES LHAG PAR YANG NGO MTSAR SKYES TE, SNGAR MED PA'I LHA NYID KYI GZUGS 'DI NI YON TAN DU MAS LHAG PA'I GZHAN RNAMS DANG 'DRA BA MA YIN PA'I GZUGS 'DIS NI LHA'I 'JIG RTEN 'DI MA LUS PA 'OD 'DIS KUN TU BKANG NGO, ,DE DANG THAG NYE BAR SONG NAS DE THOS PAS KYANG MNGON PAR MTHONG NAS, LHA DE DAG RNAMS MCHOG TU NGO MTSAR BA SKYES PAR GYUR TO, ,GANG YANG DE'I CHA BYAD NI JI LTA BU ZHIG 'DZIN PA YIN ZHES TE, GANG DAG RNAMS LHA 'DI DANG BSNYEN NAS GNAS PAR GYUR TO, ,DE NAS LHA DE DAG RNAMS KYANG RNAM PA SNA TSOGS PA'I PADMA'I RDZING BU SPANGS NAS GANG NA BCOM LDAN 'DAS GSER THUB YOD PA DER BLTA BAR BYA BA'I DON DU NYE BAR 'GRO'O, ,DE NAS BCOM LDAN 'DAS KYIS KYANG DE DAG MNGON PAR GZIGS PA DANG NAM MKHA' LA 'PHAGS NAS BZHUGS PAR GYUR TO; ;BZHUGS NAS KYANG RNAM PA SNA TSOGS PA'I RDZU 'PHRUL MNGON PAR 'DU MDZAD PAR GYUR TE, YON TAN DU MA'I RNAM PAR RTOG PA 'BYUNG BA RNAMS SO, ,DE YANG LUS
KYI STOD NAS CHU 'BAB PA RNAMS NI MDOG DANG, RO DANG, DRI PHUN SUM TSOGS PA RNAM PA DE SRID DANG LDAN PA'I KHYAD PAR GANG DAG GIS LHA'I CHU GANG YIN PA RNAMS RNAM PA THAMS CAD KYI SGO NAS BCU DRUG GI CHAR YANG MI PHOD DO, ,LUS KYI STOD KYI NYE 'KHOR DAG NAS RNAM PA DU MAR RAB TU 'BAR BAR BYED PA'I KHA DOG DU MA DANG LDAN PA'I MES KHYAB PAR GYUR PA LA, 'DI LTA STE, SNGON PO DANG, SER PO DANG, DMAR PO DANG, LEB RGAN GYI MDOG DANG LDAN PA RNAMS SO, ,YANG RDZU 'PHRUL, GZHAN YANG, BCOM LDAN 'DAS DES MDZAD PAR GYUR PA RNAMS LA, 'DI LTA STE, GCIG TU GYUR NAS BRGYA PHRAG RNAMS SU 'GYUR BA DANG, BRGYA STONG DU 'GYUR ZHING LHA'I 'JIG RTEN 'DI MA LUS PAR GANG BAR BYED DO, ,'OD ZER RNAMS DANG, BDAG GI DNGOS PO YANG SLAR GCIG TU 'GYUR RO, ,GZHAN YANG, BCOM LDAN 'DAS KYIS MCHOG TU GYUR PA'I RDZU 'PHRUL 'DIR MDZAD PAR GYUR PA LA JI LTAR LHA'I SA DE DAG RNAMS GANG YIN PA DE'I PHYAG GCIG GIS BTEG NAS LAG PA'I MTHIL DU 'JOG GO ,NAGS DANG, NYE BA'I NAGS DANG, RDZING BU DANG, 'BAB CHU DANG LDAN PA'I LHA'I TSOGS DANG BCAS PA NAM MKHA' LA 'PHEN PAR BYED CING, JI LTA JI LTAR MIG GI YUL LAS SHIN TU 'DA' BAR BYED DO, ,PHYIR YANG DE KHO NA
, ,BZHIN DU BSHIG NAS SLAR LEGS PAR 'JOG GO ,GZHAN YANG, BCOM LDAN 'DAS DE RDZU 'PHRUL CHEN PO DAG MDZAD PAR GYUR TE, DE YANG RI RNAMS GANG DAG LAS CHES CHE BA'I TSAD DANG LDAN PA DE RNAMS BCOM LDAN 'DAS KYIS RTZA BA NAS BTEG NAS NAM MKHA' LA RNAM PAR 'PHEN PAR BYED DE, NAGS DANG, NYE BA'I NAGS DANG BCAS PA DANG, RDZING BU DANG, 'BAB CHU DANG, SMAN LJONGS DANG LDAN PA DANG, LHA'I TSOGS RNAMS KYIS YONGS SU BSKOR BA DANG BCAS PA RNAMS KYIS JI LTAR GANG DU PHYIN PA'ANG MI SHES PAR BYED DO, ,PHYIR YANG DE KHO NA BZHIN DU 'BEBS PAR BYED NA YANG CI 'DIR RKANG PA'ANG KUN TU BSKYOD PAR GYUR TAM ZHES DE LTAR TSOGS PA RNAMS JI LTA BA BZHIN DU MI SHES PAR BYED DO, ,GZHAN YANG, BCOM LDAN 'DAS 'DIS RDZU 'PHRUL MDZAD PAR GYUR TE, ,RNAM PA DU MA DANG, KHA DOG DU MA DANG, RNAM PAR RTOG PA DU MA DANG, CHA BYAD DU MA DANG, YON TAN SNA TSOGS PA DANG LDAN PA'I GZUGS SU BDAG NYID KYI DNGOS PO BYED PA NI RI'I RTZE MO RNAMS SU MTHONG LA, NAGS GZHAN DANG, GZHAN GYI NANG DU YANG MTHONG LA PADMA'I RDZING BU RNAMS KYI NANG DU'ANG MTHONG NGO, ,KHANG BZANG GI PHRENG BA RNAMS LA'ANG MTHONG NGO, ,LJON SHING GI RTZE MOR YANG MTHONG NGO, ,
GTZANG PO'I 'GRAM DANG, MTSE'U RNAMS LA YANG MTHONG LA, SKYED MOS TSAL DANG, NYE BA'I NAGS SU YANG MTHONG ZHING THAMS CAD DU BSAM GTAN DANG LDAN PAR GYUR PA STE, RNAM PA DU MAR YANG NAM MKHA' LA GZIMS CHA LA LONGS SPYOD PAR MDZAD CING PHYIR YANG BZHUGS PAR MDZAD DE, SLAR YANG NAM MKHA' LA 'CHAG PA LA KUN TU SBYOR BA MDZAD DO; ;PHYIR YANG BZHUD PAR MDZAD CING BZHUGS PAR YANG MDZAD DO, ,GZHAN YANG, BCOM LDAN 'DAS KYIS RDZU 'PHRUL 'DI MDZAD PAR GYUR TE, GANG DAG GI KHYAD PAR GYIS RNGA SKAD YAN LAG LNGA DANG LDAN PA 'DI JI LTA BA BZHIN DU MDZES PA MA YIN PA'I RNAM PA DE SRID KYI GSUNG DBYANGS KYIS CHOS RNAMS BSTAN PAR GYUR LA, CI LTAR MI'I RNGA SGRA'I KHYAD PAR GYIS MI RNAMS KYI NANG NA BYA ROG GI SGRA MI MDZES PA DE LTAR LHA'I TSOGS THAMS CAD MI MDZES PAR GYUR TO, ,DE THOS NAS KYANG LHA GANG DAG RNAMS GLU'I MYOS PAS RGYAGS PA DE THAMS CAD KYANG LEGS PAR MYOS PA DANG BRAL BAR 'GYUR RO, ,GZHAN YANG, BCOM LDAN 'DAS KYIS RDZU 'PHRUL MDZAD PAR GYUR TE, 'DI LTA STE, NAM MKHA' LA LHA'I BU MO DANG; LHA RNAMS RNAM PA DE SRID DAG SPRUL PA GANG DAG GI KHYAD PAR GYIS 'THAB BRAL GYI LHA 'DI DAG RNAMS SRIN BU MO KHYER DANG 'DRA BA TZAM DU'ANG MI 'GYUR TE, TSAD DANG, KHA DOG
, ,DANG, DBYIBS DANG, GZUGS DANG, CHA BYAD DANG, RGYAN DANG, NYE BA'I NAGS RNAMS KYI BDE BA'I KHYAD PAR CAN GYI SPRUL PA'I LHA DE RNAMS MTHONG NAS, BDAG CAG RANG RNAMS RTZVA DANG 'DRA BAR SHES PAR GYUR NAS SPU DU MA LANGS PA DANG, 'THAB BRAL GYI LHA RNAMS NGO TSA BA DANG BCAS PAR GYUR CING KHA NYEN PA DANG BCAS PAR GYUR PA DANG, GZUGS LANG TSO DANG, 'DOD PAS RGYAGS PA DANG BRAL BA LEGS PAR SKYES SO, ,DE LTAR 'THAB BRAL GYI LHA DE DAG GI BCOM LDAN 'DAS DES DBANG PO MCHOG DANG, MCHOG MA YIN PA MKHYEN PA DANG, BSAM PA MKHYEN PA DANG, RGYU 'BRAS KYI RNAM PAR SMIN PA MKHYEN PA DANG, CHAGS PA MED PAR MKHYEN PA PO 'JIG RTEN LA PHAN PAR ZHUGS PA, MCHOG TU THUGS RJE CHEN PO DANG LDAN PAS GANG NA SO'U MYO ZHES BYA BA 'THAB BRAL BA RNAMS KYI MNGA' BDAG YOD PA DER YANG CHO 'PHRUL DE DAG RNAMS MDZAD PAR GYUR PA NA, DE LTAR SO'U MYO ZHES BYA BA'I 'THAB BRAL BA RNAMS KYI MNGA' BDAG KYANG MCHOG TU BAG MED PAR GYUR PA RNAMS JI LTA BA BZHIN DU THAMS CAD DU NYE BAR BCOM PAR 'GYUR RO, ,DUS DE DAG GI TSE NA YANG 'THAB BRAL GYI MNGA' BDAG SO'U MYO ZHES BYA BA DE DANG, LHA'I TSOGS THAMS CAD KYANG PADMA CHEN PO 'DI
LAS BYUNG STE GNAS PA NI JI LTAR 'THAB BRAL GYI MNGA' BDAG MU SU LUN DHA KHYOD SKYED MOS TSAL GYI LTAD MO LA 'GRO BA BZHIN NO, ,DE NAS BCOM LDAN 'DAS KYIS PADMA CHEN PO DE'I NANG DU RDZU 'PHRUL GYI CHO 'PHRUL DE DAG RNAMS KYIS NI SO'U MYO'I RGYAGS PA DANG BRAL BAR BYA BA'I DON DU YIN ZHING, PADMA CHEN PO 'DI'I NANG DU SPRUL PA 'DI DAG RNAMS GANG YIN PA 'DI DAG THAMS CAD NI 'THAB BRAL GYI MNGA' BDAG KHYOD KYIS SNGAR MA MTHONG BA DE DAG RNAMS YIN TE, SKYED MOS TSAL DANG, RDZING BU DANG, CHU KLUNG DANG, RI DANG, KHANG BZANG DANG, SPYOD YUL RNAMS DGA' BA'I RNAM PAR RTOG PA DU MA DANG LDAN PA DE DAG RNAMS NI SO'U MYO DE'I BAG MED PA DANG 'DRE BA BRAL BAR BYA BA'I DON DU'O, ,DE NAS PADMA CHEN PO 'DI'I NANG DU ZHUGS PA RNAMS DANG, SPRUL PA THAMS CAD KYANG BRJOD NAS GANG NA 'THAB BRAL BA RNAMS KYI MNGA' BDAG SO'U MYO YOD PA DE'I PADMA DE STENG DU BRTOL LO, ,BRTOL NAS STENG DU NGES PAR BYUNG BA'I PADMA'I 'DAB MA BYE BA PHRAG BRGYA STONG PA LA GNAS PAR GYUR PA DE'I SNYING PO 'DI LA NI BCOM LDAN 'DAS LEGS PAR BZHUGS SO, ,'DAB MA RNAMS LA YANG NYAN THOS RNAMS RNAM PA SNA TSOGS PA'I RDZU 'PHRUL BYED PA RNAMS DE DAG LA LA NI NAM MKHA'I DKYIL DU 'PHAGS PAR BYED DE, PHYIR YANG PADMA'I NANG DU RJES
, ,SU ZHUGS SO, ,GZHAN YANG, NYAN THOS GZHAN DAG RNAMS NI GLANG PO CHE DANG, RTA'I RGYAB TU ZHON NAS NAM MKHA'I DKYIL DU 'PHAGS TE 'BYUNG NGO; ;GZHAN YANG, MCHOG TU DRI ZHIM PA RNAM PA SNA TSOGS PA'I CHAR GYI RGYUN KUN TU 'BEBS PAR BYED DE, NYAN THOS DE DAG RNAMS RDZU 'PHRUL RNAM PA SNA TSOGS PA BYED DO; ;DE NAS 'THAB BRAL RNAMS KYI MNGA' BDAG SO'U MYO YID RAB TU DANG BA DANG LDAN PA SNGON LEGS PAR BYAS PA'I LAS RNAMS KYIS BSKUL BAS 'DI SNYAM DU SEMS PAR GYUR TE, 'DI LTA BU 'DI DAG RNAMS GANG GI MTHU STOBS YIN NA, GANG DAG GIS KHYAD PAR GYIS BDAG CAG RNAMS GZUGS DANG, MTHU STOBS KYIS KYANG CUNG ZAD KYANG MA YIN ZHES SO, ,DE NAS GANG DU LAS BYAS PA LHA'I SPYAN GYIS KUN NAS GZIGS PA'I BCOM LDAN 'DAS KYIS NYAN THOS RNAMS LA BKA' STZAL PA, SO'U MYO, 'DI NI LHA DANG BCAS PA'I 'JIG RTEN RNAMS DANG, BDUD DANG BCAS PA DANG, DGE SBYONG DANG, BRAM ZE'I RIGS DANG BCAS PA'I SKYE DGU RNAMS KYI DANG STE, LHA DANG, MI DANG, LHA MA YIN DU BCAS PA RNAMS KYI STON PA SANGS RGYAS BCOM LDAN 'DAS ZHES BYA BA JI LTA BA BZHIN DU THAMS CAD MKHYEN PA, THAMS CAD GZIGS PA 'DIS 'JIG RTEN 'DI RNAMS
THAMS CAD LA CHOS STON PAR MDZAD PA YIN TE, DANG POR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO 'BA' ZHIG PA, YONGS SU RDZOGS PA, YONGS SU DAG PA STON PAR BYED PA NI GCIG TU NGES PAR GNAS PA'I MYA NGAN LAS 'DAS PA THOB PAR BYED PA YIN NO, ,GANG DAG ZHE NA, 'DI DAG GZUGS SO, ,'DI DAG NI GZUGS KUN 'BYUNG BA RNAMS SO, ,'DI DAG NI GZUGS 'GOG PA'O, ,'DI DAG NI GZUGS 'GOG PAR 'GRO BA'I LAM RNAMS YIN NO, ,'DI NI KHYED RNAMS LA STON PAR MDZAD PA PO YIN TE, LHA RNAMS KYI CHOS KYI DON DU DANG, PHAN PAR BYA BA'I DON DANG, BDE BAR BYA BA'I DON DU SKU 'DI 'THAB BRAL GYI LHA'I RIS SU BYON PA YIN NO, ,DE NAS GSUNGS PA DE RNAMS LA CUNG ZAD CIG THOS NAS 'THAB BRAL GYI MNGA' BDAG SO'U MYOS PA 'DI SKAD CES GSOL TO, ,BDAG CAG GI BLA MA DAG GIS NYE BAR BSTEN PAR BGYI LAGS NA JI LTAR 'DI'I MCHOD PA RNAMS BGYI, 'DI MCHOD PA'I DBANG DU BYAS PA'I LO RGYUS RNAMS KYANG BDAG CAG GIS MNGON PAR MI 'TSAL LAGS SO, ,DE NAS DGE SBYONG DES SO'U MYO DE LA SMRAS PA, DE BZHIN GSHEGS PA LA NYE BAR BSTEN PAR GYIS SHIG ,SO'U MYO, NYE BAR BSTEN PA NA YANG DBU RGYAN DANG, RGYAN RNAMS DANG BRAL BA DANG, LEGS
, ,PAR DUL BA'I CHA BYAD RNAMS KYIS DANG, DBANG PO RNAMS RAB TU DANG BAR GYUR PA DANG, YID MNYAM PAR BZHAG PAR GYUR PAS, PUS MO DAG GIS LHA NGA SA LA SO SOR BTZUGS TE, MGO BOS RGYAL PO BZHIN DU MNGON PAR PHYAG 'TSOL LA CHOS GOS PHRAG PA'I PHYOGS GCIG TU BYAS TE MGO BOS KUN NAS BTUD PAS BCOM LDAN 'DAS KYIS SPYAN SNGAR GNAS PAR BYA'O, ,DBANG PO LEGS PAR KHA BYE BA DANG LDAN PA'I LHA DE DAG RNAMS THAMS CAD KYIS LHAN CIG TU DGE SBYONG DE'I SPYAN SNGA NAS KUN TU SPYOD PA LEGS PA 'DI DAG RNAMS KYI DON NYE BAR RNYED NAS 'THAB BRAL BA RNAMS KYI MNGA' BDAG LHA BRGYA STONG GIS YONGS SU BSKOR CING DBU RGYAN DANG BRAL BA DANG, RGYAN DANG, MDZES PA'I CHA BYAD KUN NAS SPANGS PA DANG, DBANG PO RNAMS SHIN TU DUL, LEGS PAR DUL BA ZHI BAR GYUR PA'I YID KYIS, BCOM LDAN 'DAS GANG PADMA CHEN PO'I SNYING PO LA NYAN THOS RNAMS KYIS YONGS SU BSKOR BAR GYUR PA NI RGYU SKAR GYI TSOGS KYIS YONGS SU BSKOR BA'I ZLA BA LTA BU DANG, THAMS CAD NAS YONGS SU BSKOR BAR GYUR PA'I RI'I RGYAL PO RI RAB LHUN PO LTA BU DANG, MTSO CHEN PO RNAMS KYIS YONGS SU BSKOR BA'I RGYA MTSO DANG 'DRA BA'I RGYAL PO CHEN PO BRGYAD CU RTZA BZHIS YONGS SU BSKOR
BA'I 'KHOR LOS BSGYUR BA DANG 'DRA BA, 'OD ZER RNAMS KYIS YONGS SU BSKOR BA'I NYI MA DANG 'DRA BA DE LTA BUR BCOM LDAN 'DAS DE NYAN THOS KYI TSOGS RNAMS KYIS YONGS SU BSKOR ZHING MCHOG TU MTSUNGS PA MED PA'I GZI BRJID DANG LDAN PA'I 'OD RNAM PAR 'PHRO BAR GYUR PAS RNAM PAR GSAL BAR PADMA'I SNYING PO LA BZHUGS SO, ,DE NAS SO'U MYO 'THAB BRAL BA RNAMS KYI MNGA' BDAG GANG NA BCOM LDAN 'DAS BZHUGS PA DER THAL MO SPYI BOR SBYAR BA BYAS NAS PHYOGS GCIG TU 'DUG GO ,DE NAS BCOM LDAN 'DAS LA 'DI SKAD CES GSOL TE, BAG MED PA DANG JI LTA BA BZHIN DU BRAL BA MCHIS LAGS SAM, DE NAS STENG NA GNAS PA'I SO'U MYO DE LA BCOM LDAN 'DAS GSER THUB KYI ZAB CING RGYA CHE BA DANG LDAN PA'I GSUNG DBYANGS KYI KHYAD PAR GYIS 'THAB BRAL GYI 'JIG RTEN DE THAMS CAD JI LTA BAR YONGS SU BKANG BAS 'DI SKAD CES BKA' STZAL TE, SO'U MYO, NGAS JI LTA BA BZHIN DU CHOS BSHAD PAR BYA STE, DANG POR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO, 'BA' ZHIG PA YONGS SU RDZOGS PA, YONGS SU DAG PA, YONGS SU BYANG BA TSANGS PAR SPYOD PA LEGS PAR BSHAD PAR BYA'O, ,DE LEGS PAR RAB TU YID LA GYIS LA NYON CIG DANG NGAS BSHAD KYI DE SKAD CES GSUNGS PA
, ,DANG, LHA DE BCOM LDAN 'DAS KYI LTAR NYAN NO, ,BCOM LDAN 'DAS KYIS SO'U MYO LA SOGS PA'I LHA DE DAG RNAMS LA 'DI SKAD CES GSUNGS SO; ;RGYU DGU DANG, RKYEN DGU DANG, RGYU MTSAN DGUS BAG MED PA STEN CING GOMS PAR BYAS LA LAN MANG DU BYAS PAS NI BYIS PA'I SKYE BO THAMS CAD 'JOMS SHING BRLAG PAR 'GYUR LA, LUS ZHIG NAS KYANG THABS MA YIN PA LOG PAR LTUNG BA DMYAL BA DANG, YI DVAGS DANG, DUD 'GROR SKYE BAR 'GYUR BA DANG, RGYU GANG YOD PAS SDUG BSNGAL YANG KUN TU 'PHEL BAR BYED CING 'KHOR BA'I 'CHING BA YIN PA DANG, MYA NGAN LAS 'DAS PA'I MTHAR THUG PAR MI 'GYUR BA DANG, 'DOD CHAGS DANG MI 'BRAL BA DANG, BDE BA MA YIN PA, DON MA YIN NO, ,RGYU DGUS BAG MED PA GANG ZHE NA, 'DI LA BUD MED RNAMS LA LTA BA LA BSTEN PAR GYUR PA YIN TE, DANG BA MA YIN PA'I LUS DANG, NGAG DANG, YID RNAMS KYIS DBANG PO MA BSDAMS PA NYE BAR STEN PAR BYED DO, ,YANG DAG PAS BSKYED PA MA YIN PA'I LUS DANG, NGAG DANG, YID CAN GYIS SPYOD YUL MA YIN PA LA SPYOD PA, DAM PA'I CHOS RNAMS NYAN PA'I RANG BZHIN CAN MA YIN PA RNAMS RGOD PA RNAMS KYI DBANG PO RNAMS RGOD PAS MA BSDAMS PA'I RGYU GCIG LAS BAG
MED PA'I BAG MED PAS BAG MED PA PO'I SEMS CAN RNAMS LUS KYIS LEGS PAR SPYOD PAR MI BYED, NGAG GIS LEGS PAR SPYOD PA MA YIN, YID KYIS LEGS PAR SPYOD PA MA YIN NO, ,LUS DANG, NGAG DANG, YID KYIS LEGS PAR SPYOD PA MA YIN PAS LUS DANG, NGAG DANG, YID KYIS NYES PAR SPYOD PA SPYOD LA, BYAS SHING BSAGS PA'I LAS KYANG BYED PAR 'GYUR RO, ,BLO GROS NGAN PA DE LUS ZHIG PA NA THABS MA YIN PA LOG PAR LTUNG BA DMYAL BA DANG, YI DVAGS DANG, DUD 'GROR SKYE BAR 'GYUR TE, BAG MED PA RNAM PAR NYAMS PA'I PHYIR RO, ,DE'I PHYIR NA SKYES BU DAM PA RTAG TU DGE BA 'DOD PA RNAMS KYI BAG MED PA YONGS SU SPANG BAR BYA STE, 'DI NI BAG MED PA'I RGYU DANG PO'O, ,GZHAN YANG, SO'U MYO, BAG MED PA NI RGYU GANG GIS BAG MED PA RAB TU 'JUG PA DE NI DGE BA'I RTZA BA'I PHYOGS 'JOMS PAR BYED PA'I MI MTHUN PA'I PHYOGS RNAMS YIN TE, DE BZHIN DU SEMS G-YO BAR GYUR PAS MIG GIS GZUGS RNAMS MTHONG NAS KUN TU RTOG PAR BYED LA, YID KYIS KYANG YANG DANG, YANG DU SEMS PAR BYED DE, DE KHO NA LA CHAGS PAR GYUR TE YID GZHAN DU 'JUG PAR MI BYED DO, ,DE'I RANG BZHIN CAN DU YANG 'GYUR TE RTAG TU MI DGE BA SPYOD PAR 'GYUR RO, ,DRAN PA NYE BAR MA BZHAG PAR 'GYUR
, ,RO; ;BLO RNAM PAR G-YENG PAR 'GYUR RO, ,DE LUS ZHIG PA NA THABS MA YIN PA'I LOG PAR LTUNG BA DMYAL BAR SKYE'O, ,BAG MED PA'I RGYU LAS 'DI NI BAG MED PA'I RGYU GNYIS PA'O, ,GZHAN YANG, BAG MED PA'I RGYU NI, 'DI LTA STE, YANG DAG PA MA YIN PA KUN TU 'DRES PA MA YIN ZHING SNGON THOS PA YANG MA YIN PA RNAMS 'BA' ZHIG YID KYIS KUN TU RTOG PAR BYED DO, ,'DOD CHAGS LA RTEN PA'AM, ZHE SDANG LA RTEN PA'AM, GTI MUG LA RTEN PAS KYANG RUNG STE, DES DE DAG RNAMS LA SEMS PAR GYUR PA NA DE LA SONG BA'I YID CAN DE LA SONG BA'I SEMS KYIS CHOS GZHAN RNAMS LA SEMS PAR MI BYED DO, ,DE'I YID RNAM PAR G-YENG PAR 'GYUR TE, BAG MED PA'I RGYU GSUM PA 'DI GANG GIS KUN NAS BCINGS NAS SEMS CAN RNAMS KYI LUS DANG, NGAG DANG, YID NYES PAR SPYAD PA RNAMS LA SPYOD PAR BYED DE, DE LUS ZHIG PA NA THABS MA YIN PA LOG PAR LTUNG BA DMYAL BA RNAMS SU SKYE'O, ,BAG MED PAS RNAM PAR NYAMS PAR BYAS PA 'DI NI RGYU GSUM PA'O, ,GZHAN YANG, BAG MED PA'I RGYU BZHI PAS SEMS CAN GANG DAG BAG MED PA RNAMS NI LUS ZHIG NAS THABS MA YIN PA LOG PAR LTUNG BA DMYAL BA RNAMS SU SKYE BAR 'GYUR RO, ,BAG MED PA'I RGYU 'DI'ANG, SO'U MYO, GANG
ZHE NA, 'DI LTA STE, LHA MO RNAMS LA LTA BA LA CHED CHER BYED PA'O, ,DE'ANG YANG DAG PA MA YIN PAR GYUR PA'I GZUGS MTHONG BAS KYANG DGA' BA DANG, SEMS G-YO BAR GYUR PAS RAB TU RTOG PAR BYED DO, ,KUN TU RTOG PAR BYED DO, ,DE'ANG GLENG BSLANGS LA DGA' BAR KUN TU GNAS PA'I BLOS JI LTA BUR YANG KUN TU RTOG PAR BYED DO, ,LUS DANG, NGAG DANG, YID RNAMS KYIS KYANG LEGS PAR SPYOD PAR MI BYED DO, ,DE LUS ZHIG PA NA THABS MA YIN PA LOG PAR LTUNG BA DMYAL BAR SKYE BAR 'GYUR TE, 'DI NI BAG MED PA'I RGYU BZHI PA'O, ,GZHAN YANG BAG MED PA'I RGYU LNGA PA, 'DI LTA STE, TSAL RAB TU DGA' BA'AM, RDZING BU DGA' BA'AM, NAGS DANG, NYE BA'I NAGS DGA' BAR GYUR PA'AM, PADMA'I RDZING BU DGA' BA RNAMS MTHONG NAS DE DAG RNAMS LA DGA' ZHING DGA' BAS DE DAG RNAMS LA'ANG RTZE DGA' LA MCHOG TU BYED PAR 'GYUR RO, ,DGE BA RNAMS SEMS PAR MI BYED DO, ,MNYAM PAR BZHAG PA'I DRAN PA CAN DU MI 'GYUR TE BAG MED PA RNAMS LA STEN PA'O, ,BAG MED PAS RNAM PAR SAD PAR BYAS PA'I PHYIR LUS ZHIG NAS THABS MA YIN PA LOG PAR LTUNG BA DMYAL BA RNAMS SU SKYE BAR 'GYUR RO, ,GZHAN YANG, BAG MED PA'I RGYU LNGA PA NI, SO'U MYO, 'DI NI SDIG PA'I GROGS PO RNAMS LA STEN PAR 'GYUR LA, DE DANG BSTEN PAS KYANG RNAM PA DE LTA BU KHO NA'I
, ,RANG BZHIN CAN DU SLOB LA SPYOD YUL RNAMS LA LHAN CIG TU SPYOD PAR 'GYUR RO, ,NYES PAR SPYOD PA RNAMS SPYOD PAR 'GYUR RO, ,BYA BA NGAN PA RNAMS RJES SU SGRUB PAR BYED DO, ,SDIG PA'I GROGS PO RNAMS LA STEN PA PO DE BAG MED PAS GNAS PAR GYUR PA RNAMS NI BAG MED PA'I SKYON GYIS LUS ZHIG NAS THABS MA YIN PA LOG PAR LTUNG BAR DMYAL BA RNAMS SU SKYE BAR 'GYUR BA YIN NO, ,GZHAN YANG, SO'U MYO, BAG MED PA'I RGYU NI, 'DI LTA STE, SPYOD PA RNAM PA DU MA BYED PAR 'GYUR LA BLO MANG BA YIN NO, ,LUS KYI LEGS PAR BYA BA RNAMS RTZOM PA MA YIN, NGES PA MED PA DANG, BLO GANG DU'ANG GNAS PA MED PA YIN TE, DES DON GCIG LA'ANG NGES PAR RTZOM PA'ANG MA YIN NO, ,DE'I LUS KYI LAS RNAMS THAMS CAD NGES PA KHO NAR LE LO CAN DU 'GYUR RO, ,'JIG RTEN DANG, 'JIG RTEN LAS 'DAS PA'I LAS KYI MTHA' THAMS CAD NYAMS PAR 'GYUR TE, SBYIN PA MI GTONG, BSOD NAMS MI BYED, LEGS PAR BSAM PAR BYA BA RNAMS MI SEMS SO, ,TSUL KHRIMS NYAMS PA DE BAG MED PA'I RKYEN RNAMS KYIS LUS ZHIG STE SHI BA'I 'OG TU DMYAL PA PA RNAMS SU SKYE BAR 'GYUR RO, ,GZHAN YANG, BAG MED PA'I RGYU DRUG PA RNAMS NI, 'DI LTA STE, YANG DAG PA'I
MTHONG BA 'PHAGS PA'I BDEN PA BZHI PO RNAMS DANG, 'PHAGS PA'I LAM YAN LAG BRGYAD PO RNAMS KYANG SUN BTON NAS, TSUL BZHIN MA YIN PAS LTA BA'I RANG BZHIN CAN DU 'GYUR RO, ,DE BAG MED PA DES DE'I YID BAG MED PAR 'GYUR ZHING RNAM PAR G-YENG BAS LUS ZHIG PA NA THABS MA YIN PA LOG PAR LTUNG BA DMYAL BA RNAMS SU SKYE BAR 'GYUR BA 'DI DAG NI BAG MED PA'I RGYU DRUG PA YIN NO, ,GZHAN YANG, BAG MED PA'I RGYU RNAMS KYIS JI LTAR RTAG PA KHO NAR YANG RO LA GANG DANG, GANG DU'ANG SRED PAR GYUR NAS DE DANG, DER YANG ROS 'CHING BAR 'GYUR ZHING, DE NYID LA CHAGS PAR YANG BYED DO, ,YID DE LA 'GRO BAR 'GYUR BA DANG, DE'I RANG BZHIN CAN DANG, DE LTAR GYUR PA'I YID CAN DU 'GYUR GYI, DE BZHIN DU NI CUNG ZAD KYANG MI SEMS SO, ,LEGS PAR SPYOD PAR MI BYED DO, ,RANG BZHIN GYIS ZHI BAR 'GYUR BA MA YIN, KUN NAS BSDAMS PA'I RANG BZHIN CAN MA YIN NO, ,DE RO RNAMS LA MNGON PAR SRED PA RNAMS KYIS BSLUS PA DE LTAR GYUR PA'I GSHIS CAN LEGS PAR BYA BA MI RTAG PA DANG, SDUG BSNGAL BA DANG, STONG PA DANG, BDAG MED PA DANG BZHI PO RNAMS SKAD CIG TZAM YANG SEMS PAR MI BYED DO, ,RANG LA PHAN PA RNAMS MI BYED DO, ,SO'U MYO, DE NI LUS ZHIG NAS THABS MA
, ,YIN PA LOG PAR LTUNG BA DMYAL BA PA RNAMS SU SKYE BAR 'GYUR TE, DE LTAR NA BAG MED PA'I RGYUR GYUR PA BDUN PA YIN NO, ,SO'U MYO, GZHAN YANG SHIN TU BAG MED PA'I RGYUR GYUR PA BRGYAD PA YOD DE, BDE BA 'DI GANG JI SRID DU THOB PAR GYUR PA RNAMS LA DE SRID NYID DU KUN TU ZHEN PAR BYED DE, DE RTAG PA DANG, BRTAN PA DANG, THER ZUG TU MTHONG LA RNAM PAR 'GYUR BA'I CHOS CAN DU DE MA RTOGS PAS LUS DANG, NGAG DANG, YID KYI LEGS PAR DPYAD PA DPYOD PAR MI 'GYUR RO, ,DON RNAMS DANG, DON MA YIN PA RNAMS SHES PA MA YIN NO, ,CHOS DANG, CHOS MA YIN PA'I RGUD PAR LTUNG BA'I SDUG BSNGAL GYI DBANG DU BYAS BLO 'JUG PAR 'GYUR BA MA YIN NO, ,DMYAL BA DANG, YI DVAGS, DUD 'GRO RNAMS KYI 'GRO BA BRGYA STONG DU MA RNAMS SU SDUG BSNGAL GYI RNAM PAR RTOG PA DU MA SO SOR NYAMS SU MYONG BA YID LA SEMS PAR YANG MI BYED DO; ;SHING BZHIN DU 'CHI BDAG LAS ZLOG PA'I THABS KYANG TSOL BAR MI BYED, 'KHOR BA'I SKYE BO THAMS CAD RAB TU 'JOMS PA'I BDE BA NGAN PA RNAMS LA DE LTAR RAB TU CHAGS PA RNAMS PHYIS 'CHI BDAG GI DUS SU PHYIN NAS LONGS SPYOD NGAN PA RNAMS LA CHAGS PA'I RNAM PAR BRKAM PA DE RJES LA 'GYOD PA'I MES SREG PAR BYED DO, ,LUS ZHIG NAS
KYANG THABS MA YIN PAS NGAN 'GRO LOG PAR LTUNG BA DMYAL BAR SKYE'O, ,SO'U MYO, GZHAN YANG BAG MED PA'I RGYU DGU PA YOD DE, JI LTAR LHA DANG, MI RNAMS SRED PA DANG LDAN PAS RNAM PA SNA TSOGS PA'I BDE BA LA CHAGS PA'I YID KYIS SANGS RGYAS DANG, CHOS DANG, DGE 'DUN RNAMS LA BSGRUB PAR MI BYED, DE'I RANG BZHIN CAN YANG MA YIN LA, DE DAG GI TSIG RNAMS NYAN PAR MI BYED, 'PHAGS PA'I GDUL BYAR RJES SU GNAS PA'ANG MA YIN, DON DANG, DON MA YIN PA RNAMS MI SHES SO, ,DE DAG RJES SU RJOD PAR BYED PA'I RANG BZHIN CAN MA YIN NO, ,SGRUB PA LA 'JUG PAR 'GYUR BA MA YIN, 'JIG RTEN PA RNAMS LA MCHOG TU 'JIGS PAR STON PA YIN, RGUD PA'I SDUG BSNGAL RNAMS RIG PA YANG MA YIN LA, RANG GI DON RNAMS LAS NI NYAMS SHING RANG GI SEMS KYIS BSLUS PA RNAMS NI LUS ZHIG PA NA THABS MA YIN PA LOG PAR LTUNG BA DMYAL BAR SKYE'O, , SO'U MYO, 'DI NI DBANG PHYUG DANG, RTAG PA DANG, BRTAN PA DANG, THER ZUG NI MA YIN GYI RNAM PAR 'GYUR BA'I CHOS CAN RNAMS YIN LA, JI LTAR 'THAB BRAL GYI MNGA' BDAG SO'U MYO KHYOD KHO NA BZHIN DU BRGYA STONG PHRAG DU MA RNAMS BYUNG BA LA DE DAG RNAMS GAR SONG, 'DIR YANG RANG GIS BYAS PA'I LAS RNAMS KYI 'BRAS BU'I BGO SKAL LA
, ,SPYOD PAS LEGS PAR BYAS PA DANG, NYES PAR BYAS PA'I LAS KYI ZHAGS PAS KUN NAS BCINGS NAS 'KHOR BA RNAMS NA 'KHOR TE, LEGS PAR BYAS PA'I LAS RNAMS KYIS NI LHA DANG, MI RNAMS SU'O, ,MI DGE BA RNAMS KYIS NI DMYAL BA DANG, YI DVAGS DANG, DUD 'GRO RNAMS SU SKYE'O, ,DE LTA BAS NA, SO'U MYO, BAG MED PA RNAMS KYIS GNAS PAR 'GYUR BAR MI BYA STE, GAL TE MI THOB PAR 'DOD PA RNAMS KYIS SO, ,DE CI'I PHYIR ZHE NA, SROG DANG, LONGS SPYOD DANG, GSON PA YANG MI RTAG PAS NA DE RNAMS BDAG NYID KYI YID LA BYAS LA BAG MED PAS GNAS PAR MI BYA'O, ,BAG MED PA'I RGYU GANG GIS LHA BRGYA STONG PHRAG DU MA RNAMS LOG PAR LTUNG NGO, ,DE'I PHYIR BAG MED PA JI LTA BAS 'GRO BAR MI BYA STE, 'DI DAG RNAMS NI BLUN PO RNAMS KYI LAM YIN GYI SKYES BU DAM PA RNAMS KYI NI MA YIN TE, GANG GI PHYIR SKYES PA THAMS CAD NI NGES PAR 'CHI BA MDUN NA RNAM PAR GNAS PA KHO NA'O, ,DE BZHIN DU RGA BA DANG, DE BZHIN DU NAD RNAMS DANG, DE BZHIN DU SDUG PA DANG BRAL BA DANG, DE BZHIN DU DGE BA DANG, MI DGE BA'I LAS RNAMS LA NYE BAR LONGS SPYOD PA MI SLU BA 'DI DAG RNAMS NI RTAG TU RJES SU 'BREL BA'I PHYIR NA SROG CHAGS THAMS CAD
RLAG PAR BYED PA'O, ,DE NAS DE'I TSE LHA RNAMS LA BCOM LDAN 'DAS KYIS TSIGS SU BCAD PA GSUNGS PA 'DI LTAR, BAG MED PA YI LJON SHING LA, ,YAL GA RNAM GSUM RAB TU GNAS, ,RGA NAD DANG NI 'CHI BA STE, ,RTAG TU DE YI STENG NA GNAS, ,SKYES BU SPYOD PA DAM LDAN PA, ,RGAS SOGS KYIS NI GNOD PA MED, ,BLO LDAN RTAG PAR BYED GNAS NI, ,NAM YANG BAG MED KYIS MI RGA, ,SKYON RNAMS RTAG TU 'JOMS PA DANG, ,BAG MED MCHOG 'DZIN PA YANG MIN, ,DE NI SKYON DANG 'JIGS GROL NAS, ,BDE BA BLA NA MED PA THOB, ,BAG MED PAS BYAS BDE RNAMS GANG, ,DE NI 'JIGS BCAS MTHAR LEGS MIN, ,GANG YANG DE LAS RNAM GROL BA, ,DE BDE RTAG TU 'GYUR BA MED, ,BRGYA PHRAG THER 'BUM PHRAG TU YANG, ,BAG MED PAS NI RNAM NYAMS BYAS, ,DE LTA NA YANG MI DBANG 'GRO ,DE LA DANG PO KHO NAR GNAS, ,PHYIN CI LOG NI RNAM BZHI'I YANG, ,BAG MED PA NI STENG NA GNAS, ,GNAS PA'I BAG MED PA DES KYANG, ,'JIG RTEN DGRA RNAMS BZHI 'JOMS SO, ,GANG LA RNAM RTOG DU MA YI, ,'JIGS PA DU MA'I G-YANGS YI, ,'KHOR BAR 'KHOR BA'I SDUG BSNGAL DE, , BAG MED PA YI BYA BA YIN, ,BAG MED GCIG DANG BRAL BA YIS, ,BDE BA 'PHO BA MED PA 'THOB, ,CHOS RNAMS KUN DANG ZAG MED PA, ,BAG MED PA YIS RNAM PAR 'JOMS, ,
, ,LHA RNAMS KYI YANG BAG MED PA, ,GONG NAS GONG DU 'PHEL BA YIN, ,BAG MED PA YIS KUN RMONGS LHA, ,JI LTAR MYA NGAN 'DAS PAR 'GRO ,DE LA DE DAG SO'U MYO YID, ,RNAM RTOG DU MAS SOMS LA NI, ,JI LTAR PHYIN NAS MI GDUNG BA, ,DE LTAR BDAG LA PHAN PAS MNOS, ,LHA GANG GI NI BDE BA GANG, ,GZHAN YANG CUNG ZAD GANG PHYIS NI, ,DE KUN MI RTAG SHES BYA STE, ,'DUS BYAS LA NI 'DI DAG 'BYUNG, ,DNGOS GANG 'DUS BYAS NANG 'DUS PA, ,NGES PAR DE NI RNAM PAR 'JIG ,'BYUNG ZHING RNAM 'JIG MI RTAG BDE, ,RTAG TU SDUG BSNGAL SKAL LDAN YIN, ,SKYES BU BAG MED PAS NYAMS PA, ,GANG ZHIG BLO LA DE DAG BYED, ,DE NI 'BRAL BA KUN BYUNG NAS, ,SDUG BSNGAL GYIS NI YONGS SU GDUNG, ,DE LTAR TSUL DU MAS BCOM LDAN 'DAS DES SO'U MYO DE GDUL BAR BYA BA'I DON DU, 'JIG RTEN GYI MIG DE LHA'I TSOGS RNAMS KYIS YONGS SU BSKOR NAS 'DUL BAR MDZAD, BAG MED PA RNAMS YANG GO BAR MDZAD DO, ,MI BZOD PA'I 'CHING BA GANG GIS LHA RNAMS RANG DBANG MED PAR LTUNG NGO, ,DE NAS LHA'I RGYAL POS BCOM LDAN 'DAS DE'I SPYAN SNGA NAS CHOS BSTAN PA DE RNAMS NYE BAR THOS PA DANG, LHA STONG PHRAG NYI SHU DANG BCAS PA RNAMS RGYUN DU ZHUGS PAR GYUR TO, ,DE NAS BCOM
LDAN 'DAS NGAS GDUL BYA'I BYA BA BYAS NA LHAG MA GZHAN LA PHAN PA'I BYA BAR GYUR PA GZHAN CI YOD CES SPYOD PAR MDZAD DE, DE NAS YANG MA 'ONGS PA MKHYEN PA DANG LDAN PA'I BCOM LDAN 'DAS RNAM PAR DPYOD PAR MDZAD DE, BDAG GIS BSGRUB PAR BYA BA SEMS CAN RNAMS LA PHAN PA DANG, BDE BAR GYUR PA DANG, SDUG BSNGAL GYI MTHA' MAR BYED PAR GYUR PA GANG YIN PA MA 'ONGS PA'I DUS NA GZHAN CI ZHIG YOD, DE NAS SLAR YANG PADMA'I NANG GANG YIN PA DER BCOM LDAN 'DAS DES RDZU 'PHRUL GYI DBANG GIS SPRUL PA RNAMS MDZAD DO, ,DE KHO NA LTAR RDZU 'PHRUL GYI CHO 'PHRUL GYIS BZHAG PAR GYUR LA, BYA'I TSOGS RNAMS GANG YIN PA DE DAG GIS KYANG TSIGS SU BCAD PA RNAMS 'CHAD PAR BYED LA, DE RNAMS DE LTAR KUN NAS RDZOGS PAR GYUR PA DANG, RDZU 'PHRUL GYI CHO 'PHRUL DE NYID KYI STOBS KYIS JI LTAR MA 'ONGS PA'I DUS NA SO'U MYO 'CHI 'PHOS NAS, MU SU LUN DHA ZHES BYA BA'I GZUGS SU 'THAB BRAL BA'I MNGA' BDAG 'BYUNG STE, BAG MED PAS GNAS PA 'BYUNG BAR 'GYUR RO, ,DE SEMS CAN BZANG PO 'BYUNG BAR 'GYUR LA, DE NAM ZHIG NA SKYED MOS TSAL GYI SA RNAMS SU 'GRO BAR 'GYUR TE, 'JAM ZHING MTHO BA'I RI DE'I STENG GI PADMA'I CHEN PO DER 'GRO BAR 'GYUR RO, ,DE SNYING PO LA LEGS PAR 'DUG PAR 'GYUR RO, ,DE NGAS SPRUL PA'I 'OD 'DI YOD PA'I NANG DER
, ,'GRO BAR 'GYUR LA, DE CA CO'I SGRA DANG LDAN PAS NANG 'DI LA LEGS PAR BLTA'O, ,DE MCHOG TU DGA' BAR 'GYUR BA'I PADMA CHEN PO 'DI'I NANG NAS 'BYUNG BAR BYED PAR 'GYUR RO, ,PHYIR YANG ZHUGS PAR 'GYUR RO, ,LHA GZHAN RNAMS LA'ANG LEGS PAR GO BAR BYED DO, ,DE LA LHA GANG DAG THOS PA BRGYUD PAS MNGON PAR DGA' BA'I CHOS RNAMS STON PA'I RNAM PAR BSHAD PA RNAMS 'BYUNG BAR 'GYUR TE, DE LA GO BAR BYED PA YIN NO, ,DE RNAMS THOS PA TZAM NYID KYIS MU SU LUN DHA SANGS RGYAS BCOM LDAN 'DAS LA RAB TU DANG BA THOB PAR 'GYUR RO, ,SANGS RGYAS LA RAB TU DAD PA DES MYA NGAN LAS 'DAS PA MTHAR BYED PAR 'GYUR RO, ,GZHAN YANG, RAB TU DANG BA SKYES PAS DUS MI RING BA NA SH'AKYA THUB PA ZHES BYA BA 'BYUNG BAR 'GYUR BA YIN TE, SANGS RGYAS BCOM LDAN 'DAS DE'I DRUNG DU CHOS RNAMS NYAN PAR 'GYUR RO, ,DE LA MU SU LUN DHA THOS PA BRGYUD PA 'DI DAG RNAMS NI BDAG CAG GI SNGON GYI LHA RNAMS KYI DRUNG DU 'DI DAG RNAMS THOS LA DE JI LTA BU KHO NAR BDAG CAG GIS THOS PA DE DE LTA BU KHO NA BZHIN DU 'DI THAMS CAD SHIN TU NGO MTSAR BA SKYES PAR GYUR TO, ,NGED RNAMS KYIS LEGS PAR BSTAN PA 'DI DAG RNAMS KHYOD KYIS PADMA CHEN PO'I NANG DU MTHONG BA LAS KYANG BCOM LDAN
'DAS 'KHRUNGS PAR GYUR PA 'DI NI SH'AKYA THUB PA BLA NA MED PA'O, ,DE'I PHYIR NA THE TSOM MED PAS KHYOD CHOS NYON CIG DANG, BCOM LDAN 'DAS KYIS JI SKAD GSUNGS PA DES DE BZHIN DU KHYOD NGES PAR LEGS PA 'THOB BO, ,LHA DE DAG RNAMS KYIS RTZA NAS MU SU LUN DHAS THOS PAS YANG DAG PAR DGA' BA SKYES PA DANG, GUS PA LEGS PAR SKYES TE, JI LTAR BDAG GIS THOS PA BRGYUD PA GSER THUB KYIS GSUNGS PA'I MDO 'DI DAG GIS KYANG LHA RNAMS KYI NANG DU YID RAB TU TSIM PA SKYES NA, JE DANG PO DNGOS KHO NAR BCOM LDAN 'DAS KYI SPYAN SNGAR GANG CHOS KYI TSIG RNAMS BDAG GIS MNYAN NA LTA BA DAG LA SMOS KYANG CI DGOS ZHES, DES DE LTAR RIG NAS LHA STONG PHRAG BRGYAD CU PO RNAMS DANG, GANG W'A RA n'A SI ZHES BYA BA YOD PA DER 'GRO BAR BYED PA NA, DES BCOM LDAN 'DAS BLTA BAS CHOG MI SHES PA MTHONG BAR GYUR PA NI BYANG CHUB KYI PHYOGS RNAMS KYI CHOS SUM CU RTZA BDUN PO RNAMS KYIS BRGYAN PA'I SKU GSER GYI PHUNG PO'I MDOG 'DRA BAR 'OD 'BAR BAR GYUR PAS 'JIG RTEN GYI KHAMS THAMS CAD DU PHAN PAR MDZAD PA LA RAB TU ZHUGS PA, 'JIG RTEN PA RNAMS KYI MIG TU GYUR PAS 'KHOR BRGYA PHRAG DU MA RNAMS LA 'PHAGS PA'I BDEN PA BZHI'I GTAM DANG YANG DAG PAR LDAN PA STON PAR MDZAD DO, ,DE NAS MU SU LUN DHA GANG NA BCOM LDAN 'DAS BZHUGS PA DER
, ,SONG NGO, ,PHYIN NAS KYANG STONG PHRAG BRGYAD CU DANG BCAS PA'I LHA RNAMS KYIS ZHABS GNYIS LA PHYAG BTZAL LO, ,DE NAS BCOM LDAN 'DAS KYIS MU SU LUN DHA DANG THABS GCIG TU GYUR PA RNAMS LA 'DI SKAD CES BKA' STZAL TE, MU SU LUN DHA, BDE BAR 'ONGS SAM, GANG YANG BCOM LDAN 'DAS GSER THUB KYI CHOS KYIS MDO JI LTA BA BZHIN DU RTOGS SAM, JI LTA BA BZHIN DU MU SU LUN DHA STONG PHRAG PAS LHAG PAR RAB TU DANG BA LAGS PAR SKYES PAR GYUR NAS 'DI SNYAM DU SEMS SO, ,KYE MA'O, , SHIN TU NGO MTSAR TO, ,THAMS CAD MKHYEN PA'I YE SHES SHIN TU PHRA BA'I YE SHES RTOGS PA LA THOGS PA MI MNGA' BA'I GANG ZHIG BDAG LA BYUNG BA DE DAG RNAMS BCOM LDAN 'DAS 'DIS JI LTA BA BZHIN DU LEGS PA MKHYEN NO, ,DE NAS, GZHAN YANG, MU SU LUN DHAS BCOM LDAN 'DAS KYI ZHABS GNYIS LA PHYAG BYAS NAS LHA STONG PHRAG BRGYAD CU PO RNAMS DANG THABS GCIG TU GYUR PAS PHYOGS GCIG TU 'KHOD DO, ,DE NAS BCOM LDAN 'DAS KYIS 'DI SKAD CES BKA' STZAL TE, MU SU LUN DHAS CHOS BSHAD PAR BYA BA RNAMS NI DANG POR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO, 'BA' ZHIG PA, YONGS SU RDZOGS PA, YONGS SU DAG PA, YONGS SU
BYANG BA'I CHOS RNAMS NGAS BSHAD PAR BYA STE, 'DI LTA STE, LHA'I 'GRO BA PA RNAMS MNGON PAR DGA' BA ZHES BYA BA'I CHOS KYI RNAM GRANGS YOD DE, DE LEGS PAR RAB TU YID LA BYAS TE NYON CIG DANG NGAS BSHAD PAR BYA'O, ,DE SKAD CES BKA' STZAL PA DANG, LHA RNAMS BCOM LDAN 'DAS KYI LTAR NYAN PA LA BCOM LDAN 'DAS KYIS 'DI SKAD CES BKA' STZAL TO, ,DGE SLONG DAG ,LHA'I SKYE BO RNAMS MNGON PAR DGA' BA ZHES BYA BA'I CHOS KYI RNAM GRANGS DE DAG RNAMS GANG ZHE NA, 'DI LTAR BCU GNYIS PO 'DI DAG NI, MU SU LUN DHA, LHA RNAMS KYI LAM DU GYUR PA GANG LA MNGON PAR ZHUGS TE RAB TU GNAS PAR GYUR PA'I SKYES BU RNAMS NI LHA'I YUL DU LEGS PAR PHYIN PAR 'GYUR RO, ,DPER NA, LAM RNAMS LA KUN NAS BRTEN CING LAM RNAMS KYI RGYAL POS NI 'JIGS PA DANG BRAL ZHING DOGS PA DANG BRAL BAS NYAMS PA MED PAR LUS DANG, NGAG DANG, YID SNYOMS SHING MI NGAL BAR SKYES BU RNAMS GRONG KHYER DU LEGS PAR 'JUG PAR BYED PA YIN LA, DE BZHIN DU LAM BCU GNYIS PO 'DI RNAMS KYI BZHON PA LA SKYES BU DAM PA RNAMS LEGS PAR ZHON NAS LHA RNAMS KYI 'JIG RTEN DU 'GRO'O, ,BCU GNYIS PO RNAMS GANG ZHE NA, 'DI LTA STE, RE ZHIG DANG PO KHO NAR BDEN PA'I LAM MO, ,MU SU LUN DHA, BDEN PA DE LA YANG YON TAN LNGA STE, GANG GI
, ,PHYIR BDEN PAR SMRA BA'I SKYES BU RNAMS LA YANG SKYE BO THAMS CAD KYIS YID CHES PA'I GNAS SU BYED PAR 'GYUR RO, ,RTAG TU DBANG CHE BAR YANG 'GYUR RO, ,BZHIN DANG, MDOG KYANG RTAG PAR RAB TU DANG BAR 'GYUR RO, ,LHA RNAMS KYIS KYANG SMOD PAR MI BYED DO, ,DE DAG NI MTHONG BA'I CHOS KYI 'BRAS BU RNAMS YIN LA, LUS ZHIG NAS BDE 'GRO MTHO RIS PA LHA RNAMS KYI NANG DU SKYES PAR 'GYUR RO, ,TSIGS SU BCAD PA YANG 'DI YIN TE, BDEN PAR SMRA BA RTAG TU DUL, ,LHA RNAMS KYIS KYANG YONGS BSKOR DANG, ,'JIG RTEN DGA' BAR 'GYUR BA DANG, ,PHYI NAS LHA NI RANGS PAR 'GYUR, ,MU SU LUN DHA, 'DI DAG RNAMS NI MTHO RIS KYI LAM DANG PO YIN NO, ,GZHAN YANG, MU SU LUN DHA, MTHO RIS KYI LAM RNAMS LA, 'DI LTA STE, SBYIN PA MA NYAMS PA DANG, NYES PA CAN MA YIN PA DANG, SRID PAR YONGS SU 'JUG PA MA YIN PA SEMS KYIS LEGS PAR BSAMS PA 'DI NI MTHO RIS KYI LAM GNYIS PA YIN PA GANG GIS LHA'I 'JIG RTEN DU SKYE BAR 'GYUR BA NI LEGS PAR BYAS PA'I LAS KYI MTHA' LA SPYOD PA RNAMS YIN LA, MDOR BSDU NA, SBYIN PA'I YON TAN NI RNAM PA GSUM STE, 'DI LTA STE, 'JIG RTEN PA RNAMS MTHUN PAR 'DZIN PAR 'GYUR RO, ,RTAG TU SEMS
BSGOMS PA'I BDAG NYID CAN YIN PA'I PHYIR NA SEMS KYI BDE BA NYAMS SU MYONG BAR BYED DO, ,PHYI MAR YANG LONGS SPYOD CHEN PO DANG LDAN PAR 'GYUR RO, ,'DI NI LHA'I 'JIG RTEN PA RNAMS KYI LAM GNYIS PA'O, ,'DI'ANG TSIGS SU BCAD PA, SBYIN PA BYIN PAS MTHUN GYUR ZHING, ,SEMS KYI RGYUD KYANG TSIM PAR BYED, ,PHYIS DE LONGS SPYOD LDAN PAR 'GYUR, ,SBYIN PA'I 'BRAS BU 'DI 'DRA YIN, ,GZHAN YANG, MU SU LUN DHA, MTHO RIS KYI LAM GSUM PA, 'DI LTA STE, BZOD PA'O, ,BZOD PA DANG LDAN PA'I SKYES BU RNAMS LA NI YON TAN 'DI DAG RNAMS YIN TE, 'DI LTA STE, 'THAB PA DANG, RTZOD PA DANG, 'GYED PAR MI 'GYUR RO, ,'DI NI YON TAN DANG PO YIN NO, ,'DI'I NOR NAMS DBROG PAR BYAR MI NUS SO, ,SKYE BO THAMS CAD DANG MTHUN PAR 'GYUR RO, ,LUS ZHIG NAS BDE 'GRO MTHO RIS KYI 'JIG RTEN DU SKYE'O, ,'DI LA'ANG TSIGS SU BCAD PA, BZOD PA'I SPYOD DANG YANG DAG LDAN, ,GROGS LDAN CIS KYANG 'JIGS PA MED, ,'JIG RTEN 'DIR NI MTHUN 'GYUR ZHING, ,PHYIN NAS LHA RNAMS DAG TU DGA', ,GZHAN YANG, MU SU LUN DHA, MTHO RIS KYI LAM RNAMS LA BZHI PA, 'DI LTA STE, TSIG SNYAN PA'O, ,SNYAN PA LAS KYANG YON TAN DRUG TU 'GYUR BA NI, 'DI LTA STE, SKYE BO RNAMS THAMS CAD DGA' BAR 'GYUR
, ,BA DANG, BDAG NYID SU LA YANG MI 'JIGS PA DANG, RTAG TU BDE BAS DGA' BA DANG, RAB TU DANG BA DANG, DOGS PA RNAMS MED PA DANG, NYE BAR STEN PAR GYUR PA DANG RNAMS TE, YON TAN DRUG PO DE DAG YIN NO, ,TSIG SNYAN PAR GYUR PA 'DI LA YANG TSIGS SU BCAD PA, 'JIG RTEN PA 'DI DGAR GYUR DANG, ,'DIR YANG SNYAN PA MNGON PAR 'PHEL, ,BZHIN NI BLTA BAR 'OS 'GYUR ZHING, ,LHA YI 'JIG RTEN DU YANG 'GRO ,GZHAN YANG, MU SU LUN DHA, LHA'I 'JIG RTEN PA RNAMS KYI LAM LNGA PA, 'DI LTA STE, THAMS CAD LA YANG DE SNYING BRTZE BA DANG LDAN PA'O, ,BRTZE BA DANG LDAN PA'I SKYES BU RNAMS NI MYA NGAN LAS 'DAS PA MTHAR BYED PAR 'GYUR TE, DE'I NYI MA RE RE ZHING 'KHOR MTHA' YAS PA DANG, YON TAN TSAD MED PAR 'GYUR RO, ,TSIGS SU BCAD PA NI 'DI YIN TE, 'JIG RTEN SKYE BO THAMS CAD KYI, ,DE NI PHA 'DRA MA 'DRA NYID, ,RTAG PAR SNYING RJE RIN CHEN NI, ,GANG DAG YID LA GNAS PA'I MCHOG ,GZHAN YANG, MU SU LUN DHA, LHA'I LAM DRUG PA GANG DAG GIS SKYES BU RNAMS LHA'I 'JIG RTEN DU SKYED MOS TSAL GYI LTAD MO BZHIN DU 'GRO BAR 'GYUR BA NI, 'DI LTA STE, SEMS RAB TU MNYAM PAR BZHAG PA'I PHYIR NA SKYES BU RNAMS LEGS PAR BYA
BA RNAMS BYED PAR 'GYUR BA YIN ZHING, LEGS PAR BSAMS PA SEMS PAR BYED PA YIN, NGAG RNAMS LEGS PA 'GYUR BA YIN NO, ,DE DAG RNAMS NI MDOR BSDU NA, LEGS PAR SEMS MNYAM PAR BZHAG PA RNAMS KYI YON TAN YIN NO, ,'DI LA YANG TSIGS SU BCAD PA, SEMS NI RAB TU MNYAM BZHAG PA, ,RTAG TU CHOS NI RJES MTHONG ZHING, ,NYES PA'I DBANG GIS MI 'GRO STE, ,NYI LA MUN PA SKYE MIN BZHIN, ,MU SU LUN DHA, DE DAG RNAMS NI DGE BA'I CHOS THAMS CAD KYI RTZA BAR GYUR PA YIN TE , 'DI LTA STE, SEMS RAB TU MNYAM PAR BZHAG PA'O, ,GZHAN YANG, LHA'I LAM BDUN PA RNAMS GANG LA ZHUGS NAS SKYES BU RNAMS LHA'I 'JIG RTEN DU PHYIN PAR BYED PA RNAMS NI; 'DI LTA STE, YANG DAG PA'I LTA BA LA GNAS PA'I SKYES BU RNAMS MYA NGAN LAS 'DAS PA NYID LA YANG GNAS PAR GYUR NA LHA'I 'JIG RTEN DU 'GYUR BA LA LTA SMOS KYANG CI DGOS, DE'I LUS DANG, NGAG DANG, YID KYI LAS KYI MTHA' CUNG ZAD GANG BYED PA DE DAG RNAMS THAMS CAD KYANG PHAN PA'I DON KHO NA YIN PAS MYA NGAN LAS 'DAS PA RTOGS PA'I DON DU 'GYUR RO, ,LHA'I 'JIG RTEN DU SKYE BAR 'GYUR RO, ,YANG 'DI LA TSIGS SU BCAD PAR GYUR PA NI, YANG DAG LTA BAS PHUL BYUNG BA, ,GANG GI SEMS LA
, ,'BYUNG 'GYUR BA, ,KHYIM PA YIN YANG 'KHOR BA YI, ,'CHING BA LAS GROL DE SHES BYA, ,GZHAN YANG, LHA'I LAM BRGYAD PA RNAMS, 'DI LTA STE, SDIG PA'I GROGS PO YONGS SU SPANGS PA RNAMS LA MDOR BSDU NA SKYON GSUM MI 'BYUNG STE, SKYES BU DAM PA RNAMS SPONG BAR MI 'GYUR BA DANG, BSLAB PA MTSUNGS PA YIN ZHES BYAS NAS ZHAL SNGA NAS YID CHES PA'I GNAS SU YANG 'GYUR RO, ,GZHAN YANG, SKYON KHYAD PAR CAN RNAMS 'BYUNG BAR MI 'GYUR BA YIN NO, ,'DI LA YANG TSIGS SU BCAD PA NI, SDIG PA'I GROGS PO MI BSTEN PA'I, ,SKYES BU BDE BA'I SKAL LDAN YIN, ,SDIG PA'I GROGS PO LEGS BSTEN PAS, ,DON MIN KUN GYI MCHOG TU 'GYUR, ,GZHAN YANG, MU SU LUN DHA, LAM DGU PA 'DI LTA STE, DAM PA'I CHOS NYAN PAR BYED PA'O, ,DAM PA'I CHOS LA YANG MDOR BSDU NA YON TAN BDUN YOD DE, 'DI LTAR MA THOS PA RNAMS THOS PAR BYED, THOS PA RNAMS RTAS PAR BYED, GANG YANG THA MAL BA'I SDIG PAR GYUR PA DE DAG RNAMS SPONG BAR BYED DO, ,'PHAGS PA RNAMS LA LTA BA'I RANG BZHIN CAN DU 'GYUR RO, ,SANGS RGYAS LA PHYIR ZHING NYID DU RAB TU DANG BA SKYE BAR 'GYUR BA YIN NO, ,'DI'I TSE DAG KYANG 'PHEL BAR 'GYUR BA YIN NO, ,LUS ZHIG NAS KYANG LHA RNAMS SU
SKYE BAR 'GYUR BA YIN NO, ,'DI LTAR YIN PA LA YANG TSIGS SU BCAD PA, SKYES BUS MA THOS THOS PAR BYED, ,THOS PA YANG NI BRTAN PAR 'GYUR, ,SDIG PA SPONG BAR BYED PA YIN, ,PHYI MAR LHAR NI SKYE BA YIN, ,GZHAN YANG, MU SU LUN DHA, LHA'I LAM BCU PA NI, 'DI LTA STE, SEMS 'JAM POR 'GYUR BA'O, ,DE LA YANG YON TAN BZHI NI, 'DI LTA STE, ZHE SDANG BAR MI BYED DO, , GAL TE BRGYA LA ZHIG BYAS NA YANG DE BRTAN PAR MI BYED DO, ,KHRO BAS SHIN TU GNOD PAR MI 'GYUR RO, ,LUS ZHIG NAS KYANG LHA RNAMS KYI NANG DU SKYE BAR 'GYUR RO, ,TSIGS SU BCAD PA'ANG 'DI YIN TE, SEMS GANG DGE BA DRI MED LDAN, ,ZHE SDANG GIS NI GNOD BYED MIN, ,BRNAB SEMS DRI MA 'BYUNG MIN TE, ,LHA YI 'JIG RTEN DU YANG SKYE, ,GZHAN YANG, MU SU LUN DHA, LHA'I LAM RNAMS LAS BCU GCIG PA NI, 'DI LTA STE, LAS DANG, 'BRAS BU LA DANG BA'I STOBS SKYED PA'O, ,LAS KYI 'BRAS BU RNAMS LA DAD PA'I STOBS SKYED PA'I SKYES BU RNAMS NI SDIG PA THAMS CAD RNAM PAR SPANGS PAR 'GYUR RO, ,KHA NA MA THO BA CUNG ZAD TZAM RNAMS LA YANG 'JIGS PAR LTA BAR 'GYUR RO, ,DES LEGS PAR BYAS PA DANG, NYES PAR BYAS PA'I LAS RNAMS KYI 'BRAS BU YANG KUN NAS RIG PAR 'GYUR RO, ,'DI LTA STE, 'DUS BYAS RNAMS 'BYED PAR MI 'GYUR RO, ,DE LEGS PAR BYAS PA'I LAS LA GOMS PA'I DBANG
, ,GIS LUS ZHIG NAS BDE 'GRO MTHO RIS KYI LHA RNAMS KYI NANG DU SKYE BAR 'GYUR RO, ,TSIGS SU BCAD PA YANG 'DI YIN TE, GANG GI LAS 'BRAS RNAM SMIN SHES,, RTAG TU PHRA MO LEGS MTHONG BA, ,'DI NI SDIG PAS GOS MIN TE, ,'DAM GYI PADMA JI BZHIN NO, ,GZHAN YANG, MU SU LUN DHA, MTHO RIS KYI LAM GANG DAG LA MNGON PAR ZHUGS NAS SKYES BU LHA RNAMS KYI 'JIG RTEN DU SKYE BAR 'GYUR BA NI, 'DI LTA STE, DKON MCHOG GSUM LA RAB TU DANG BA PHYIN CI MA LOG PA'O, ,DKON MCHOG GSUM LA RAB TU DANG BA'I PHYIN CI MA LOG PA DE NI YON TAN BRGYA PHRAG DU MA DANG LDAN PA YIN PA GANG GI PHYIR NA YON TAN DU MA DANG LDAN PA DES KYANG YON TAN RNAMS ZIL GYIS MNAN NAS RNAM PAR RGYAL BAS GSAL ZHING MDZES SO, ,'DI LTA STE, SKYES BU DE DAG RNAMS NI MYA NGAN LAS 'DAS PA'I MTHAR PHYIN PAR 'GYUR RO, ,SNGON DU LHA DANG, MI RNAMS KYI BDE BA NYAMS SU MYONG BAR 'GYUR TE, LAM BCU GNYIS PO 'DIS SKYES BU RNAMS SAM, LHA GANG DAG BAG MED PA DANG LDAN PA MA YIN PA DE DAG RNAMS KYANG MTHO RIS SU 'GRO'O, ,BAG MED PA LA ZHUGS PA'I SKYES BU RNAMS NI 'JIG RTEN DANG, 'JIG RTEN LAS 'DAS PA'I BDE BA RNAMS KYANG MI THOB PA'O, ,DE LTA BAS NA, MU SU LUN DHA, JI LTA BU KHO NAR
SNGON GYI DRANG SRONG GSER THUB DES 'THAB BRAL BA RNAMS KYI BDAG PO SO'U MYO DE LA CHOS BSTAN PA'I CHOS DE NYID KHO NA DE BZHIN GSHEGS PA RNAMS THAMS CAD KYI YIN PA YANG JI LTA BA BZHIN DU KHYOD KYI TSE CHES RGAN PA RNAMS KYI DRUNG NAS THOS PA YIN NO, ,'DI LA YANG TSIGS SU BCAD PAR GYUR PA NI, DKON MCHOG GSUM LA RAB DAD PA, ,'BYUNG 'GYUR 'BRAS BU DU MA DANG, ,MYA NGAN 'DA' BAR 'GYUR BA STE, ,SNGON DU NYE BAR MTHO RIS SKYE, ,LAM BCU GNYIS PO DE DAG RNAMS BAR MA CHAD PAS DER RTAG TU 'GRO BAR 'GYUR GYI GZHAN DU NI MA YIN NO; ;DE NAS MU SU LUN DHAS BCOM LDAN 'DAS KYI SPYAN SNGA NAS CHOS KYI RNAM GRANGS 'DI THOS PAS LHA BRGYA STONG PHRAG BRGYAD CU PO RNAMS DANG RGYUN DU ZHUGS PA'I 'BRAS BU THOB PAR GYUR TO; ;DE NAS 'THAB BRAL BA RNAMS KYI MNGA' BDAG MU SU LUN DHAS BCOM LDAN 'DAS KYI ZHABS GNYIS LA PHYAG BTZAL NAS TSIGS SU BCAD PA 'DI DAG RNAMS SMRAS TE, JI LTAR, DE BZHIN GSHEGS PA KHYOD DRIN GYIS, ,NGAN SONG 'JIGS PA LAS BDAG GROL, ,LHA NI 'DI RNAMS THAMS CAD KYANG, ,MGON PO KHYOD KYIS CHOS KYIS BSGRAL, ,SRID PA'I BTZON RA RGYA CHEN LA, ,LHA DANG BCAS PA RAB ZHUGS PA, ,BDER GSHEGS BSTAN PA GANG LA BDAG ,BDAG GI SKYE BA DENG 'BRAS BCAS, ,DE SKAD CES SMRAS NAS MU SU LUN DHA W'A RA n'A SI NAS
, ,'PHAGS NAS LHA'I TSOGS DANG BCAS PA RNAMS NAM MKHA'I DKYIL DU 'PHAGS TE, DE RNAMS GANG NA 'THAB BRAL BA RNAMS KYI SA RNAMS YOD PA DER LHA DE THAMS CAD NYID RAB TU ZHUGS NAS DE RNAMS DE RE ZHIG GI TSE DGA' MGUR GYUR PAS KYANG KUN TU SPYOD DE, JI SRID DU DE DAG RNAMS SKYE BA GCIG GI DBANG DU BYAS PA'I TSE MA ZAD KYI BAR DU'O, ,DE ZAD NAS PHYIS KYANG GANG GIS SDIG PA'I SGO RNAMS BCAD PA'I MI RNAMS SU DE SKYE'O, ,SKYES NAS KYANG MCHOG TU GZHON SHA CHAGS PA DANG, GZUGS DANG, LANG TSO PHUL DU PHYIN PA DANG, 'BYOR CING YANG YUL LJONGS LA DBANG BAR 'GYUR RO, ,GANG DAG RGYUN DU ZHUGS PA MA YIN PA DE DAG RNAMS NI TSE 'PHOS NAS JI LTAR CHOS RNAMS KYIS NYE BAR 'GRO BAR 'GYUR BA DMYAL BA DANG, YI DVAGS DANG, DUD 'GRO RNAMS SU SKYE'O, ,DE DAG RNAMS NAS 'PHOS NAS GAL TE YANG MI RNAMS DANG SKAL BA MTSUNGS PA MIR SKYES NA YANG DE RNAMS DE BZHIN DU GZHON SHA CAN DU 'GYUR ZHING RGYAN DANG CHA LUGS LA MCHOG TU DGA' BAR YANG 'GYUR TE, DE'I RGYU MTHUN PA'I LAS RNAMS KYIS SO,, ,,
, ,'PHAGS PA DAM PA'I CHOS DRAN PA NYE BAR GZHAG PA, BAM PO BZHI BCU RTZA DRUG PA, GZHAN YANG DGE SLONG LAS KYI 'BRAS BU RNAM PAR SMIN PA SHES PA DE 'THAB BRAL BA'I SA RNAMS LA RNAM PAR LTA BAR BYED PA NA; DES THOS PA LAS BYUNG BA'I SHES RAB KYIS MTHONG BAR GYUR PA NI,
, ,'THAB BRAL BA'I LHA RNAMS KYI SA JI LTA BA BZHIN DU YOD PA BZHON PA RGYA CHE BA LA RNAM PAR RGYU BA ZHES BYA'O, ,DER YANG LAS GANG GIS SEMS CAN SKYE BAR 'GYUR BA'ANG DES THOS PA LAS BYUNG BA'I SHES PAS MTHONG STE, SKYES BU DAM PA GANG DAG GIS DGE BA'I BDAG NYID LA BDE LEGS STON PAR BYED PAS NI, DPE MED PA'I YON TAN DANG LDAN PA'ANG GANG KHO NA BDAG GIS GZUGS MTHONG BA DE NYID NI, 'DOD PA, SDUG
PA; YID DU 'ONG BA GZHAN RNAMS DANG 'DRA BA MA YIN PA RNAMS MTHONG NGO, ,GANG YANG RNA BAS THOS PA RNAMS NI, RNAM PAR SNA TSOGS PA'I GLU RNAMS DANG, BYA'I SGRA DANG, CHU KLUNG DANG, 'BAB CHU DANG, MTSE'U LA SOGS PA'I SGRA RNAMS TE, DE RNAMS NI, 'DOD PA, SDUG PA, YID DU 'ONG BA GZHAN RNAMS DANG MI 'DRA BA MTSUNGS PA MED PAR GYUR PAS YID TSIM PA MED PAR BYED PA RNAMS YIN NO, , DE BZHIN DU BDAG GIS SNAS SNOM PA RNAMS GANG YIN PA DE RNAMS KYANG 'DOD PA, SDUG PA, YID DU 'ONG BA RNAM PA DU MAR GZHAN RNAMS DANG 'DRA BA MA YIN PAR GYUR PA SNGA NA MED PA YID TSIM PA MED PAR
, ,BYED PA RNAMS BDAG GIS SNOM MO, ,GZHAN YANG BDAG GI LCES RO RNAM PA DU MA MYONG BAR BYED PA NA DE RNAMS KYANG RNAM PA DU MAR GZHAN DANG MI 'DRA BA YID NGOMS PA MED PAR BYED PA RNAMS SO, ,GANG YANG BDAG GI LUS KYIS REG BYA RNAMS LA REG PAR BYED NA RNAM PA SNA TSOGS SHING RNAM PA DU MAR GZHAN DANG MTSUNGS PA MA YIN PA YUL GYI BDE BA GANG CUNG ZAD KYANG MA LUS PA THAMS CAD NAGS 'DI DAG RNAMS NA MED PA MA YIN TE, LHA RDZAS KYI 'DOD PA'I YON TAN LNGA PO RNAMS RNAM PA DU MAR PHUN SUM TSOGS PA RNAM PAR BRTAG PAR BYA BA DU MAR GZHAN RNAMS DANG MTSUNGS PA MA
YIN PA'I LHA RNAMS SU SKYE'O, ,LHA RNAMS KYIS NAGS RNAMS MTHONG BAS NI, MA YIN GYI, NAGS 'DI DAG TU ZHUGS PA TZAM NYID NA LHA KHYED RNAMS 'DIR SHIN TU NGO MTSAR BAR GYUR PAR MTHONG BA YIN LA, GANG YANG LHA RNAMS KYI MNGA' BDAG MU SU LUNDHA SNGON DU BYAS NAS LHA 'DI DAG RNAMS NANG RNAMS SU 'JUG PAR GYUR PA, LTA SMOS KYANG CI DGOS, DE LA'ANG BYE BA STONG PHRAG SA YA PHRAG DGU'I RGYAN DANG CHA BYAD RNAM PA SNA TSOGS PA'I GZUGS PA DANG, LANG TSO DANG, GLU DANG, ROL MO'I YON TAN RNAMS DANG LDAN PA'I LHA'I BU MO RAB TU DGA' BAR GYUR PA'I BZHIN MNGON DU BSTAN PAR GYUR PA BYE BA STONG PHRAG SA YA PHRAG DGUS MNGON PAR MCHOD PAR BYED PAR GYUR PA'I 'DOD PA YON TAN LNGA PHUN SUM TSOGS PA'I DPAL LA SPYOD PAR BYED PA RNAMS YIN ZHING, LHA DE DAG RNAMS KYIS MNGA' BDAG MU SU LUNDHA DE LA NI; CI NAS KYANG LHA RNAMS KYIS LEGS PAR LTA BAR BYED PA YIN TE, RGYU GANG GIS YIN NA YUL RNAMS DE'I YIN PA'I PHYIR DANG, DE'ANG BDAG CAG THAMS CAD KYI MNGA' BDAG TU GYUR PA PHA BZHIN DANG MA BZHIN DU 'THAB BRAL GYIS RNAMS SU LEGS PAR SLOB PAR BYED PA YIN NO, ,DE DAG RNAMS THOS NAS LHA GSAR DU SKYES PA DE DAG
, ,PHYIR YANG LHA'I BU MO DE DAG GIS YONGS SU BSKOR BA'I LHA NYID LA LTA BAR BYED DE, DMAN PA DANG, BAR MA'I GZUGS DANG, CHA BYAD DANG; RGYAN CAN SKYE'O, ,RE RE ZHING 'DOD PA'I YON TAN DANG BDE BA'I ZAS KYIS GNAS PA, 'DOD PA'I YON TAN LNGA'I ZAS DANG LDAN PA RNAMS KYIS MNGON PAR MTHONG NAS RTZE BAR BYED PAR 'GYUR BA DANG, LHA MO DE DAG RNAMS DANG, LHA GZHAN RNAMS KYIS KYANG NGAG SNYAN PAS MNYES PAR BYED PAR 'GYUR LA, DE NA YON TAN STONG PHRAG DU MA DANG LDAN PA RIN PO CHEN BDUN GYI RANG BZHIN GYI LJON SHING RNAMS KYIS NYE BAR MDZES PAR GYUR PA SHING GI PHRENG BA BRGYA STONG PHRAG DU MAS YONGS SU MDZES PAR BYAS PA DPAG BSAM GYI SHING GI NAGS LA GZHAN RNAMS LA GANG DANG GANG DAG BSAM PA DE DANG DE DAG RNAMS DPAG BSAM GYI SHING DE RNAMS LAS BYUNG NGO, ,DE LTAR YON TAN PHUN SUM TSOGS PA'I SHING DE DAG RNAMS LA GSAR DU SKYES PA'I LHAS SHING DE DAG YON TAN PHUL DU BYUNG BA RNAMS DU MAR PHUN SUM TSOGS PA'I YUL GYI LONGS SPYOD RNAMS GANG YIN PA KHO NAS DGA' BA'I NAGS RNAMS MNGON PAR MTHONG NAS MIG GI
RGYU BA PHYIR MI LDOG PA'I SHIN TU BAR YANG DGA' BA 'DI DAG RNAMS LA RTAG PAR RGYUN MI CHAD PAR RAB TU LTA BAR GYUR PAS DE DAG RNAMS DANG BCAS PA NAGS CHEN PO DE'I NANG DU LEGS PAR GZHUGS PAR BYED LA, BZA' BA DANG BTUNG BA'I CHU KLUNG BRGYA STONG PHRAG MANG PO DANG LDAN PA KHA DOG SNA TSOGS PA'I BYA RNAMS KYIS NYE 'KHOR NA CA CO'I SGRA RAB TU 'BYIN PA DANG, SHIN TU MNYAN PAR 'OS PA'I LHA MO'I TSOGS KYIS GLU MCHOG GI SGRA RNAMS KYIS KUN TU GANG BAR GYUR PA BYA'O SGRA RNAMS DANG 'DRES PAS YID 'PHROG PAR BYED DO, ,GZHAN YANG LHA GZHAN RNAMS GZHUGS PAR GYUR PA NA LHA GSAR DU SKYES PA DES MTHONG BA NI, SHIN TU NGO MTSAR BAR GYUR PA'I PADMA'I TSAL RING DU NI, DPAG TSAD GSUM MO, ,RGYAR NI, DPAG TSAD GNYIS PA'I PADMA CHEN PO'I NAGS RNAMS NI, DBYIBS DU MA DANG, GZUGS DU MAS NYE BAR MDZES PAR GYUR PA LA 'DI LTA STE, STON KA'I DUS NA NAM MKHA' DRI MA DANG BRAL BA LA RAB TU 'BAR BA'I GZA' DANG SKAR MAS MDZES PA BZHIN DU DE'I NYE 'KHOR RNAMS NA'ANG LHA DANG LHA MO'I TSOGS PHAL CHE BAR GYUR PA BRGYA STONG GIS YONGS SU GANG BAR GYUR PA DANG, RAB TU DGA' BA'I LHA DANG LHA MO'I TSOGS RNAMS KYIS NI, GAR RNAMS DANG,
, ,RGOD PAR BYED PA RNAMS KYIS KYANG RNGA SGRA YAN LAG LNGA DANG LDAN PAS PHAN TSUN THABS CIG TU DGA' BAR GYUR CING PHAN TSUN DU LEGS PAR GTAM 'DRE BA 'BYUNG BA'I YID CAN RNAMS PHAN TSUN DU YUD TZAM GCIG KYANG KUN TU CHAGS PA DANG, DGA' BA DANG YANG BRAL BAR 'GYUR BA MA YIN NO,, DE LTAR GYUR PA'I YID DE LTA BUR GYUR PA'I SEMS KYIS NGAL BAR GYUR PA'ANG MED PA, BLO'ANG DE DAG SKYE BA'I YID DES KUN TU DRANGS PA RNAMS KYI NYE 'KHOR NA CHES RAB TU DGA' BA'I LHA'I TSOGS KYIS YONGS SU BSKOR BA'O, ,GZHAN YANG LHA DES MTHONG BA NI, PADMA'I NAGS DE DAG RNAMS NA RNAM PA SNA TSOGS PA'I BYA RNAMS CHU LA RGYU BA DAG KYANG PHAN TSUN DU DGA' ZHING KUN TU SPYOD PAR YANG BYED DO, ,PHAN TSUN DU CHAGS PA'I YID CAN DE DAG RNAMS KYANG DE BZHIN DU PHAN TSUN DU GROGS KYI BYA BA'ANG RJES SU BYED DO, ,DE DAG RNAMS KYI RJES SU BYA BA'ANG BYED LA LHA RNAMS JI LTA BA BZHIN DU DE DAG RNAMS DE LTA BA BZHIN DU DUR PA DANG, BYA KA DAM PA DANG, BYA KA RAntA PA DANG, DE DAG RNAMS LHAN CIG TU PADMA'I NAGS DE LA RNAM PA DU MA DGA'O, ,DE MCHOG TU DGA' BA'I DANG BAR GYUR PA CAN GYI CHU DE
'JUG DOG RNAMS NA LHA DE RNAMS LA LA NI, GSER GYI 'DAB MA CAN GYI PADMA BLANGS NAS BDUD RTZI 'THUNG ZHING GLU YANG LEN PAR BYED DE, LHA MO'I TSOGS RNAMS KYIS YONGS SU BSKOR NAS RNAM PA SNA TSOGS PA'I LHA'I BDE BA RNAMS DANG YANG DAG PAR LDAN NO, ,YANG GZHAN RNAMS NI, DNGUL GYI RANG BZHIN GYI BDUD RTZI BLANGS NAS SO PADMA R'A GA DANG MTSUNGS PA'I MDOG CAN RANG GI LAS RNAMS DANG RJES SU MTHUN PA RNAMS 'THUNG BAR BYED DE, DGA' BA DANG LDAN PAS JI SRID DU SER PO RNAMS KYANG NGO, ,YANG LHA GZHAN NI, SHEL GYI RANG BZHIN GYI PADMA'I 'DAB MA RNAMS LA BDUD RTZI MCHOG TU DRI ZHIM PA DANG LDAN PA, MCHOG TU PHUN SUM TSOGS PA, MCHOG TU BSIL BAR GYUR PA LHAN CIG SPYOD PA RNAMS DANG LHAN CIG TU RANG GI LAS DANG 'DRA BA'I RTZI RNAMS 'THUNG BAR BYED DO, ,YANG LHA GZHAN RNAMS NI, PADMA'I NAGS DE DAG NYID KHO NA NA BLTA BAR BYA BA'I CHOS MCHOG TU DGA' BA'I YUL LNGA'I YON TAN RNAMS DANG YANG DAG PAR LDAN PA AINDRA N'I LA'I RANG BZHIN GYI MDOG DANG LDAN PA'I ME TOG PADMA'I 'DAB PA LA GNAS PA'I BDUD RTZI BLANGS NAS 'KHOR DGA' BA RNAMS DANG DGA' BAR BYED DO, ,LHA GZHAN RNAMS KYANG LHA'I ME TOG RNAMS KYIS LEGS PAR RGYAS PA, LHA'I BDUD
, ,RTZI DANG LDAN PA'I SHING RNAMS KYI NANG DU SONG BAR GYUR PA DANG RGYAGS SHING BAG MED PAS RNAM PAR RGYU BAS NAGS GZHAN GYI GSEB TU RNAM PAR RGYU BA RNAM PA SNA TSOGS PAR DGA' BA'I 'KHOR RNAMS DANG BCAS PA'I LHA RDZAS KYI RO DANG, DRI DANG, KHA DOG DU MA PHUN SUM TSOGS PA DANG LDAN PA'I 'BRAS BU GZHIBS NAS DE'I NANG DU SONG NAS RO GZHAN 'THUNG BAR BYED CING, GLU'ANG LEN PAR BYED DE, MCHOG TU DGA' BA'I YID DANG LDAN PAS SO, ,YANG LHA GZHAN RNAMS NI, GSER DANG, DNGUL DANG, SHEL DANG, AINDRA N'I LA'I RANG BZHIN DE DAG RNAMS LA RNAM PA SNA TSOGS PA'I ME TOG GIS GANG BAS G-YOGS PA 'KHRI SHING GI PHUG TU GYUR PA LA, 'KHRI SHING GI BLA BRE BRES PA'I KHANG PA LA 'KHOR DANG BCAS PA RNAMS DGA' ZHING LHA MO RNAMS DANG BCAS PA GLU LEN PAR YANG BYED DO, ,YANG LHA GZHAN DAG RNAMS NI, CHU KLUNG GI 'GRAM RNAMS LA BRTEN NAS BYAS KUN TU SGRA SGROG PA DANG LDAN PA, MNAN NA NEM LA BTEG NA 'PHAR BA'I SA GZHI'I CHA REG NA 'JAM PAR GYUR PA LA SKYES PA SHING RNAMS KYI ME TOG KHA DOG LNGA DANG YANG DAG PAR LDAN PA'I PHRENG BAR BYA BA'I PHRENG BA RNAMS LEN LA, KHA CIG NI
SIL MA DANG YANG DAG PAR LDAN PA'I ME TOG RNAMS YONGS SU BLANGS NAS LHAN CIG TU SPYOD PA RNAMS DANG, BDAG NYID KYANG SNOM PA BYED DO, ,LHA GZHAN RNAMS NI, DE DANG NYE BA NA ROL MO'I SGRA DAG BYED DO, ,YANG LHA GZHAN DAG RNAMS NI, RNAM PA SNA TSOGS PA'I RIN PO CHE'I RDO BA SNA TSOGS PAR GYUR PA RNAMS LA 'DI LTA STE, AINDRA N'I LA DANG, SHEL DANG, GSER DANG, DNGUL GYI RANG BZHIN RNAMS LA DGA' BAR BYED CING KUN TU SPYOD PAR YANG BYED DE, JI SRID DU 'DOD CING SDUG LA YID DU 'ONG BAR 'GYUR BA'I LAS BYAS SHING BSAGS PA RNAMS LA ZAD PAR MA GYUR GYI BAR DU'O, ,DE DAG RNAMS ZAD NAS SLAR YANG DMYAL BA DANG, YID DVAGS DANG, DUD 'GRO RNAMS SU SKYE BA YIN; DE RNAMS NAS 'PHOS NAS LAN GRANGS GZHAN LA MYONG BAR 'GYUR BA'I LAS RNAMS KYIS GAL TE MI RNAM DANG SKAL BA MTSUNGS PAR GYUR PA'I MIR SKYES NA YANG DE DAG TU GZHON SHA CAN DANG, MCHOG TU GZUGS DANG, LANG TSO DANG LDAN PA DANG, YID DGA' BA DANG, LONGS SPYOD DANG, YUL LJONGS RNAMS LA'ANG DBANG PAR 'GYUR BA YIN TE, LAS DE RNAMS KYI RGYU MTHUN PA'I DBANG GIS SO, ,GZHAN YANG DGE SLONG LAS KYI 'BRAS BU RNAMS PAR SMIN PA SHES PA DE, 'THAB BRAL GYI LHA RNAMS
, ,KYI SA LA RNAM PAR LTA BAR BYED PA NA, DES THOS PA LAS BYUNG BA'I SHES RAB KYIS 'THAB BRAL RNAMS KYI RGYUN GNAS NA RNAM PAR RGYU BA ZHES BYA BA YOD PA JI LTA BA BZHIN DU MTHONG NGO, ,DER YANG LAS GANG GIS SEMS CAN RNAMS SKYE BAR 'GYUR BA YIN NA, DES THOS PA LAS BYUNG BA'I SHES RAB KYIS MTHONG BA GANG DAG DRANG POR GYUR CING DRANG PO'I RANG BZHIN CAN DAD PA'I STOBS CAN DU GYUR PAS SROG GCOD PA DANG, MA BYIN PAR LEN PA RNAMS RNAM PAR SPANGS SHING KUN NAS YONGS SU DAG PAR GYUR LA, 'DOD PAS LOG PAR G-YEM PA'ANG MI STEN CING, GOMS PAR MI BYED LA LAN MANG DU BYED PAR MI 'GYUR BA NI , 'DI LTA STE, BUD MED RNAMS KYI MIG LA BRTEN NAS MA YIN ZHING, MIG GIS GZUGS LA'ANG 'DOD PA'I 'DOD CHAGS KYIS KUN TU LTA BAR MI BYED DO, ,SEMS RGYUD TSUL BZHIN MA YIN PA YID LA BYED PAS ZIL GYIS NON PAR GYUR NA DE'ANG PHYIR SPONGS BAR BYED DO, ,KUN TU RTOG PAR MI BYED DO, ,DUG BZHIN DU YONGS SU SPONG BAR BYED DO, ,SKYES BU DAM PA DE DAG RNAMS LUS ZHIG NAS MTHO RIS BDE 'GRO'I 'JIG RTEN RNAMS LAS 'THAB BRAL BA RNAMS KYI NANG RGYUN GNAS NA RGYU BA ZHES BYA BA
LHA DE'I SAR SKYE BA'O, ,DER SKYES PA 'DI'I YANG NYI MA DANG MTSUNGS PA'I GZI BRJID KYI DGE BA SHAR BA'I 'BRAS BU LA LONGS SPYOD PA DPE MED PA'I BDE BA DANG LDAN PA DE LHA RDZAS KYI YUL DU MA NYE BAR STAN PA RNAMS TE, DANG PO KHO NA NYID DU SKYES PA'I SEMS KUN TU DGA' ZHING RAB TU DGA' BA'I YID KYIS JI LTAR BDAG GCIG PU GNAS ZHES DE'I SEMS BSKYED PA TZAM NYID NA NAGS DE DAG RNAMS KYI NANG KUN NAS 'ONG PA NA, RNAM PA DU MA RNAM PA SNA TSOGS PA'I RGYAN DANG CHA BYA DANG LDAN PA MGO LA PADMA'I PHRENG BA'I 'OD RNAM PAR 'BAR BA RNAM PA SNA TSOGS PA'I GOS KHA DOG SNA TSOGS CAN BGOS PA RNAMS GANG NA LHA DE YOD PA DER MYUR BAR 'ONG BAR 'GYUR RO, ,'ONGS NAS KYANG SGRIN POR GYUR PA RGYAN DANG CHA LUGS STONG PHRAG BRGYAS MNGON PAR BRGYAN PA RNAMS LHA GSAR DU SKYES PA DE DAG NYE BAR 'ONGS TE, DE YONGS SU BSKOR NAS ROL MOS BREL BA'I YID CAN DANG, MCHOG TU GLU LA CHAGS PA'I YID CAN GYIS LHA DE NYE BAR SGYUR ZHING RNAM PA DU MAR YID KYI RJES SU MTHUN PAS SHIN TU YON TAN PHUN SUM TSOGS PA GZHAN GYI SNYING DBANG DU GYUR PA'I LHA MCHOG LA LHA'I BU MO DE DAG NYE BAR STEN PAR BYED DO, ,DES KYANG LHA'I BU MO DE DAG RNAMS MTHONG BA DANG SNGA NAS MA MTHONG BA'I KUN
, ,TU 'DOD CHAGS PA SKYES NAS DPYOD PAR BYED DE, 'DI DAG SU YIN, CI LAS 'ONGS ZHES SO, ,DE NAS DE'I DRUNG DU 'ONGS PA MNGON PAR MTHONG NAS RNAM PA SNA TSOGS PA'I RNAM PAR 'DOD CHAGS PA'I BAG CHAGS STONG PHRAG DU MA'I RNAM PAR RTOG PA DANG, RGYAN RNAM PA SNA TSOGS PA RNAM PAR GSAL BA'I RIN PO CHES LUS LA LAM MER GYUR PA GSER BTZO MA'I RNA GDUB KYIS 'GRAM PA'I NGOS LA THUG PAR GYUR PA, RNAM PAR RTOG PA DU MA DANG LDAN PA'I RAL CHAS LAG PA BREL BA RNAMS TE, DPE RNAM PA DE LTA BU RNAMS GANG YIN PA DE SRID KYIS NI, SUM CU RTZA GSUM PA'I LANG TSO LA BAB PA'I GLU MKHAN MA RNAMS KYANG DPE MED PA YIN NA, GANG YANG YON TAN RNAM PA SUM 'GYUR GYI YON TAN DANG LDAN PA'I DGE BA'I LAS DU MA YONGS SU DAG PA LAS LEGS PAR SKYE PA'I 'THAB BRAL GYI LHA MO RNAMS LA LTA SMOS KYANG CI DGOS, SUM CU RTZA GSUM PA'I LHA MO RNAMS DANG, MI RNAMS KYI GLU MKHAN GYI KHYAD PAR GANG YIN PAS JI LTAR GLU LEN PA'I KHYAD PAR YOD PA DE LTAR GZUGS DANG, LANG TSO LA BAB PA DANG, TSAD DANG, ROL MO'I BDE BA RNAMS DANG, NAGS DANG, NAGS 'DABS DANG, PADMA'I BDUD
RTZI DANG, 'BAB CHU DANG, KHANG PA DANG, MTSE'U DANG, GZHAL YAS KHANG RNAMS KYIS DE LTAR KHYAD PAR GONG NAS GONG DU 'PHAGS PAS, JI SRID DU GZHAN 'PHRUL DBANG BYED KYI LHA RNAMS KYI GONG DU 'PHAGS PA'I GZUGS DANG, LANG TSO DANG, SPRO BAS CHES DGA' BAR GYUR BA YIN NO, ,DE CI'I PHYIR ZHE NA, LAS KYI 'BRAS BU LCI BAR GYUR PAS DANG, SEMS DANG TSUL KHRIMS DRI MA MED PA'I KHYAD PAR RNAMS LAS YIN NO, ,DE LTAR YIN DANG 'THAB BRAL GYI LHA MO RNAMS NI, DPE MED PA YIN NO, ,DE RNAMS THAMS CAD KYANG 'DIR MI RTAG PA 'BA' ZHIG GI DBANG DU BYAS PA YIN LA 'DOD PA LAS SOGS PA RNAMS KYI DBANG DU BYAS PA'ANG DE DAG GI BDE BA'I PHYOGS GCIG LA GNAS PAR BYA BA'I DON DU MNGON PAR BSNGAGS PA YIN ZHING, DE'I RGYUS KYANG GANG DAG BLO GROS DMAN PA RNAMS SRID PA LA MNGON PAR ZHEN PAS TSUL KHRIMS LA SPYOD PAR BYED DE, RGYU GANG GIS GANG DAG SRID PA LA SRED PA'I BLO DMAN PA TSUL KHRIMS LA SPYOD LA, JI LTAR TSUL KHRIMS DES BDAG CAG RNAMS LHAR SKYE BAR 'GYUR RO, ,ZHES SNYAM PA'I BLO DE BZLOG PAR BYA BA'I DON DU 'DI DAG RNAMS MI RTAG PA DANG, 'PHO BAR 'GYUR BA DANG, MTHUN PA RNAMS DANG RNAM PAR
, ,'BRAL BAR 'GYUR BA'I SKYON RNAMS BRJOD DO, ,SRID PA LA MNGON PAR SRID BA'I RGYU CUNG ZAD TZAM BO GANG YIN PAS KYANG DGE BA'I CHOS RNAMS THAMS CAD KYI BAR CHAD BYED PAR 'GYUR RO, ,STENG DANG 'OG DANG THAD KAR BSDUS PA NI, GNAS RNAMS GANG DAG RTAG PA DANG, THER ZUG DANG, RNAM PAR MI RTOG PAR 'GYUR BA'I GO SKABS DE NI, YOD PA MA YIN NO, ,RGYU 'DIS KYANG MTHO RIS 'DI DAG RNAMS KYI BSNGAGS PA BRJOD KYI, SRID PA LA SRED PA 'BA' ZHIG GIS NI, MA YIN NO; ;DE NAS YANG LHA'I BU MO DE DAG LHA DE DAG LA NYE BAR BRTEN NAS RNAM PAR RTOG PA DU MAS GLU LEN CING 'JO ZHING SGEG PAR YANG BYED DO, ,DE NAS GSAR DU SKYES PAS SNGAR MA MTHONG BA RNAMS MTHONG NAS 'DI SNYAM DU SEMS PAR GYUR TE, 'DI RNAMS NI, GANG YIN CI ZHIG RTOGS NAS 'DIR 'ONGS TE, GANG DAG GIS BDAG LA BRTEN PAR BYED, DE NAS SEMS BSKYED PA TZAM NYID NA DE LTAR LEGS PAR BYAS PA'I LAS KYIS BSKUL NAS GZHON NU MA DES 'DI SKAD CES SMRAS TE, JI LTAR KHYOD BDAG CAG LA DBANG CHE BA DANG KHA DRAG PAR YANG GYUR TE GSAR PA KHYOD LA PHAN PA DANG, BDE BA LA GNAS PAR BYA BA'I DON DU RJES SU SPYOD CING ZHABS 'BRING
BYED PA YIN LA, KHYOD NI, BDAG GI JO BO YIN NA, BDAG CAG CI'I PHYIR SMRA BAR MI BYED, DE NAS DES KYANG DE BZHIN DU DE DAG RNAMS GO NAS SMRAS PA, GAL TE JI LTAR BYED PA RNAMS JI LTA BA BZHIN DU GAL TE NGA'I YIN PAR GYUR NA, DE DAG RNAMS KYIS CIS KYANG BDAG NAGS DANG, NYE BA'I NAGS RNAMS KUN TU BLTA BA'I DON DU 'BAD PAR BYED PAR 'GYUR BA YIN LA, YIN PA'I RGYU MTSAN YANG GANG YIN NA, BDE BA'I RGYUR 'GYUR BAS NA MTHO RIS KYI 'JIG RTEN 'DIR SKYES PA YIN NO, ,DE NAS GZHON NU MA DE DAG GIS DE RJES SU 'PHYANGS SHING 'KHYUD DE RNAM PA DU MAR NYE BAR BSKYOD NAS SLAR YANG DES LHA LA 'DI SKAD SMRA ZHING GNAS TE, GZHON NU NAGS DANG, NYE BA'I NAGS RNAM PA DU MA DAG RNAMS RNAM PA SNA TSOGS PA'I LHA'I TSOGS KYIS LEGS PAR GANG BA MTHONG NA, DGA' BA RNAM PA SNA TSOGS PA DANG, BYA RNAM PA SNA TSOGS PA RNAMS KYIS SGRA THOS NA YID 'PHROG PA DANG, SNA TSOGS PA'I 'BAB CHU DANG, MTSE'U PHUN SUM TSOGS PA DANG LDAN PAS MDZES PA, RIN PO CHE SNA BDUN GYI RI SNA TSOGS PA BRGYA STONG GI PHUNG PO MTHON PO 'BAR BA DANG, SMAN LJONGS DANG, RI KHROD KYI CHA SHAS MDZES PA SNA TSOGS PA DANG, BYA RNAM PA SNA TSOGS PA'I SKAD KUN TU 'BYIN PA DANG, RDZING BU RNAMS KYI SA
, ,GZHI'I CHA SHAS LEGS PA RNAMS DANG, DE DAG YON TAN DE LTA BU DANG LDAN PA RNAMS SU LHA KHYOD NYID BDAG CAG RNAMS DANG LHAN CIG DGA' ZHING KUN TU SPYOD PA DANG, RNAM PA DU MAR RGYAGS PAS GNAS NYE BAR BSTEN PAR GYIS SHIG ,DE NAS GSAR DU SKYES PA'I LHAS DE DAG RNAMS KYI DRUNG NAS DE LTAR THOS NAS 'DI SKAD SMRAS TE, JI LTAR 'DOD PAR DE DAG RNAMS BYA LA RAG MOD DE, DE SKAD SMRAS NAS DE'I RJES LA STAN LAS LANGS TE BDE BA THAMS CAD LA SPYAD PA'I DON DU RANG DBANG DU GYUR PA'I LHA MO DE DAG RNAMS NAGS DANG, NYE BA'I NAGS THAMS CAD DU 'GRO BAR BYED DE, GLU DANG, RNGA SGRA DANG, ROL MO SNA TSOGS PA LAG NA THOGS PA BAG MED PA'I SA PA RNAMS BAG MED PA'I SA'I DON DU NYE BAR 'GRO BAR BYED DO, ,DE NAS DE DAG NYID KYI SNGON DU BDE BAS GNAS PA'I DBANG DU BYAS NAS 'GRO BAR GYUR PA RNAMS DE NAS MNYAM DU 'GROGS PA'I LHA'I BU MO RNAMS LHA MO GZHAN DANG LHAN CIG RTZE BAR BYED LA, DE DAG PHAN TSUN DU BRNGOS PAR GYUR PAS LHA DE DANG YANG PHAN TSUN DU LEGS PAR MTHONG NAS LHA DE DGA' BA NYID SKYES LA, MTHUN PA KUN TU SKYE ZHING DE DAG RNAMS KYANG PHAN TSUN LHAN CIG TU STE, LHA DANG LHA MO
DE DAG KYANG PHAN TSUN LHAN CIG TU YID KUN TU 'DRES PA'I TSOGS DE DAG THAMS CAD MA LUS PA RNAMS GANG NA RTZED MO'I NAGS ZHES BYA BA'I NAGS DPAG TSAD STONG PHRAG GSUM YOD PA DER 'GRO'O, ,NAGS DE NA YANG BRGYA STONG BYE BA KHRAG KHRIG DU MA'I TSOGS PA RNAMS KYIS LEGS PAR GANG BA, GANG GI DGA' BA'I KHYAD PAR GYI DBANG DU BYAS NA NI, DGE BA'I TSAL ZHES BYA BA'I NAGS CHES 'JIGS PA'I 'BROG DGON PA DANG 'DRA BA YIN NO, ,RGYUN GNAS NA RNAM PAR RGYU BA'I LHA RNAMS KYI SA'I RTZED MO'I NAGS NI, DE LTAR DGA' BA YIN NO, ,DE NAS LHA DE SNGA NAS MA MTHONG BA'I DGA' BA DE DAG RNAMS DANG, SNGAR MA MTHONG BA RNAMS DANG, SNGAR MA THOS PA RNAMS RNAM PAR RTAG TU MED PA DANG, DPE MED PAR RJES SU MNGON PAR MTHONG NAS BZHIN RAB TU DGA' BA'I MIG DANG LDAN PA LA LHA GSAR DU SKYES PA DE LA LHA MO DES SMRAS PA; JI LTAR BDAG CAG LHAN CIG SPYOD PA DANG BCAS PA'I SNGA NA MED PA 'DI DAG RNAMS CI YIN, GZHAN YANG LHA DE LHA'I PHRENG BA'I MCHOG RNAMS 'CHANG BA LHA RDZAS KYI TZANDAN GYI GZUGS KYI LUS NAM MKHA' LA KHANG BU LA LHAN CIG SPYOD PA DANG BCAS PAS GLU LEN PAR BYED PA DANG, RGOD PAR GYUR PA DANG, 'GYING BAR GYUR
, ,PAS GLU DANG BCAS PAS ROL MO'I SGRA RNAMS BYED PAS GANG NA RGYAL PO MU SU LUNDHA'I GNAS DER SONG NGO, ,GZHAN YANG LHA GZHAN RNAMS NI, NAM MKHA'I KHUNG BU'I SPYOD YUL NA LHA RNAMS KYI PADMA LAG NA THOGS PA LHA RDZAS KYI STAN LAS 'DUG PA NAM MKHA' LA DGA' BAR GYUR PAS 'GYING ZHING 'GRO BAR BYED DO; ;LHA GZHAN DAG KYANG LAG NA PI WANG THOGS NAS THAMS CAD DU 'GRO BA DANG, RGYU BA SHIN TU PHRA BA BRGYA PHRAG DU MA RNAMS BRTOL ZHING NYAMS PA MED PAR DE DAG RNAMS GANG NAS RGYAL PO MU SU LUNDHA'I GNAS DER RAB TU DGA' BA'I YID KYIS LEGS PAR NYE BAR 'GRO BAR BYED DO, ,YANG LHA GZHAN RNAMS NI, NAM MKHA' LA LEGS PAR GNAS NAS LHA RDZAS KYI ME TOG GI CHAR 'BEBS SHING GLU LEN PA DANG YANG LDAN PAS LHAN CIG SPYOD PA RNAMS DANG BCAS PA GANG NA MU SU LUNDHA'I GNAS YOD PA DER NYE BAR BDE BAR 'GRO'O, ,DE LTAR RNAM PA DU MAR YANG RNAM PAR RTOG PA DU MA DAG GIS DGA' BA DU MA RNAMS CHER NYE BAR SKYES PA MTHONG BA NA LHA GSAR DU SKYES PA DER 'GRO BAR BYED DE, LHA MO DE DAG GI TSOGS DE DAG RNAMS DANG LHA DU MAS MTHUN PA DANG SNYAN PA'I TSIG RNAM PA DU MA BRJOD PAR BYED CING 'GRO'O, ,DE
NAS LHA GSAR DU SKYES PA DES SHIN TU RING BA NAS NYI MA BRGYA STONG DANG MTSUNGS PA'I 'OD RNAMS GANG DAG MTHONG BA NI, GANG DAG LHA YIN PA DE DAG RNAMS KYIS KYANG MIG DAG GIS BLTA BAR BYA MI NUS PA RNAMS DANG, MNYAN PAR BYA BA BRGYA CHEN PO'I SGRA RNAMS KYANG THOS PAR GYUR TE DGA' BA DANG, GSAL BA DANG, MA 'DRES PA DANG MTSUNGS PA'I SGRA RNAMS PHYOGS BZHIR NYE BAR RNYED NAS LHA DE YID CHES SHIN TU DGA' BA DES LHAN CIG SPYOD PA RNAMS LA 'DI SKAD CES SMRAS SO, ,'DIR CHES LHAG PAR DGA' BAR GYUR PA'I GNAS 'OD MNGON PAR GSAL BA DANG LDAN PAR MTHONG BA 'DI CI YIN, GANG YANG 'DIR RNAM PA 'DI LTA BU'I CA CO RGYA CHEN PO SNYAN ZHING SNYOMS LA RNAM PAR 'DRES PA'I SGRA'I TSOGS RNAMS DANG GAR YANG THOS PAR 'GYUR RO, ,DE NAS LHAN CIG SPYOD PA DE DAG GIS LHA DE LA 'DI SKAD CES SMRAS TE, JI LTAR 'THAB BRAL BA'I LHA RNAMS KYI MNGA' BDAG 'DI NI, MDUN DU BRGYA STONG PHRAG DU MAS YONGS SU BSKOR NAS DGA' BAR BYED CING, PADMA BRGYA PHRAG DANG LHA'I BU MO DU MA'I TSOGS KYIS YONGS SU BSKOR NAS LHA'I TSOGS THAMS CAD KYIS MNGON PAR BSTOD PAR BYED PA NI, DGA' LDAN GYI MNGA' BDAG RAB TU ZHI BA BZHIN DU RTZE ZHING DGA' LA KUN TU SPYOD PAR YANG BYED
, ,DO; ;DE NAS YANG LHA GSAR DU SKYES BA DE NGO MTSAR BA GZHAN YID LA SKYES TE, GZHAN RAB TU ZHI BA ZHES BYA BA GZHAN GANG LA RNAM PA 'DI LTA BU'I SA DAG YOD PAR GYUR PA'I DE GANG YIN NA ZHES LHA DES LHAN CIG SPYOD PA DE DAG RNAMS LA SLAR SMRAS PA, GANG LA RNAM PA 'DI LTA BU'I SA YOD PA'I RAB TU ZHI BA ZHES BYA BA DE NI, GANG YIN PA NGES PAR DE GANG NA GNAS PA YIN, DES NI, BDAG CAG RNAMS 'DIR KUN NAS MNGON PAR MTHONG BA YIN PA BDAG CAG GIS MTHONG NGO, ,DES TSIG DE DAG RNAMS THOS SHING DRAN PAR YANG BYAS NAS GSAR DU SKYES PA 'DIS BDAG NYID CHEN PO JI LTA BA BZHIN DU KUN NAS SHES PAR BYAS NAS SMRAS PAR GYUR PA, RAB TU ZHI BA BDAG CAG RNAMS KYIS BLTA BAR BYA'O, ,DE LA SLAR NYID BOS NAS 'DI SKAD CES BRJOD DE, JI LTAR DGA' LDAN ZHES BYA BA'I LHA RNAMS GANG DAG BDAG GI STENG NA GNAS PA YIN TE, GANG DAG GI KHYAD PAR GYIS KYANG BDAG CAG RNAMS BRGYA STONG GI CHA TZAM DU'ANG MI 'GYUR ZHING RIM PA THAMS CAD DANG, BDE BA RNAMS THAMS CAD LAS DANG 'BRAS BU'I 'BREL BA THAMS CAD KYIS KYANG DE 'THAB BRAL GYI LHA DE RNAMS CUNG
ZAD TZAM YANG MA YIN NO, ,'DI DAG RNAMS KYANG 'THAB BRAL BA RNAMS KYI MNGA' BDAG BAS KYANG CHES LHAG PA'I GZI BRJID CAN NO, ,DE YANG BDAG CAG RNAMS KYI GONG NA GNAS SO, ,LHA GANG DAG RNAMS SAM, DE DAG RNAMS KYIS KYANG RUNG DE LA 'GRO BAR BYA BA'I YUL MA YIN GYI, LHA GANG DAG GTZO BOR GYUR PA, SHIN TU STOBS CHE BA DE DAG RNAMS LAS 'GA' ZHIG GNAS DER 'GRO BAR BYED DO, ,THAMS CAD KYIS NI, GNAS DER 'GRO NUS PA MA YIN NO, ,DE NAS LHA GSAR DU SKYES PA DE 'DI SNYAM DU SEMS PAR GYUR TE, AEM BDAG CAG RNAMS KYI BDE BA NI, CI LTA BU ZHIG YIN NA, LHA DE DAG RNAMS NI, 'THAB BRAL BA'I LHA RNAMS KYI MNGA' BDAG GI DRUNG NA'ANG BLA LHAG PAR GYUR RO, ,DE NAS DE LTAR 'DI DAG RNAMS YUD TZAM ZHIG BSAM NAS YANG SLAR YANG G-YO BA'I SEMS DANG LDAN PA'I PHYIR DANG, YUL LA SHIN TU KHA PHYOGS PAS 'PHROG PA'I YID KYIS KYANG DGA' BA DE DAG RNAMS LA LHA DE DAG RNAMS MNGON PAR LTA BAR RTZOM PAR BYED PA NA, KUN NAS MCHOG TU SNYING CHES DGA' BA'I RNAM PA GANG DANG GANG GIS DE LTAR RNAM PA THAMS CAD MTHONG BAR GYUR PA NA DAL BUS RIM GYIS YUL DER PHYIN PAR GYUR TO, ,YUL GANG NA RGYAL PO MU SU LUNDHA DE DGA'
, ,BAR BYED DE LHA BRGYA STONG PHRAG BYE BA DU MA RNAMS KYIS YONGS SU BSKOR BA PADMA BRGYA PHRAG DANG, LHA'I BU MO MANG PO RNAMS KYIS KYANG DPAL SHIN TU 'BAR BAR GYUR PA, MTSUNGS PA MED PA'I GZUGS DANG CHA BYAD DGA' ZHING 'TSER LA GZHON PA, GZI BRJID KYI YON TAN PHUN SUM TSOGS PA DE BZHIN DU DPE MED PAR RNAM PAR 'BAR RO, ,LHA DE DAG RNAMS THAMS CAD KYANG DE'I 'OD KYIS MNGON PAR ZIL GYIS GNON PAR BYED DE, DPER NA, NYI MAS GZA' DANG, SKAR MA DANG, RGYU SKAR THAMS CAD KYI 'OD ZIL GYIS MNAN NAS RNAM PAR SNANG BAR BYED DO, ,'THAB BRAL GYI MNGA' BDAG DE GZI BRJID MCHOG DANG LDAN PA'I SENGGE'I KHRI CHE ZHING SHIN TU BZANG BA, REG PAR 'JAM PAR GYUR PA, 'OD MTHA' YAS PA DANG LDAN PA'I RIN PO CHE'I RANG BZHIN LA 'DUG PAR GYUR NAS SHIN TU NGO MTSAR BA'I GZUGS DANG, CHA BYAD DANG, GZI BRJID PHUN SUM TSOGS PA'I SHIN TU RNAM PAR SNYAN PAR GYUR PA'I GLU RNAMS DANG, RNGA SGRA RNAMS DANG, 'JO SGEG GI KHYAD PAR DU MAS SHIN TU LHAG PAR YANG SNYING DANG RNA BA'I KHUNG RGYAS PAS YUL DE NA GNAS PA RNAMS 'DOD PA'I YON TAN LNGA LA LONGS SPYOD
PA'I RNAM PA JI LTA BU RNAMS NI, 'GA' LA YANG YOD MA YIN NO, ,JI LTAR BRGYA BYIN GYI DPAL RNAMS YANG CUNG ZAD KYANG MA YIN TE, DE'I LUS GANG YIN PA LAS 'OD ZER GYI RGYAL PO LNGA BRGYA KUN NAS 'PHRO BAS MCHOG TU GSAL BAR BYED PA DANG LDAN LA, BRGYA BYIN GYI NI, PHRAG PA GNYIS LAS MCHOG GNYIS 'PHRO BA'O, ,DE'I DBANG PO DRUG PO RNAMS NI, RIS MTHUN PA RNAMS SU SKAL BA MNYAM PA LAS DANG DGE BA'I CHOS RNAMS KYI MTHA' LAS BYUNG BA YIN PAS BRGYA BYIN GYI DRUNG NA YON TAN RNAMS BRGYA LOG TU 'GYUR RO, ,DES NA BRGYA BYIN GYIS DPER MI BZOD DO, ,DE'I GZUGS DANG, DE'I BDE BA DANG, DE'I YUL DANG, DE'I 'KHOR DPE MED PA RNAMS YIN PA'I GANG DAG GZI BRJID DMAN PA'I LHA DE DAG THAMS CAD KYI KHYAD PAR GYIS KYANG BRGYA BYIN CUNG ZAD KYANG MA YIN NA, MU SU LUNDHA NI, 'OD ZER GYI PHUNG PO RANG GI NANG GI NANG DANG PHYI ROL RNAMS KYANG MCHOG TU GTZANG BAR 'GYUR BA DE LTA BU LA JI LTAR DPER BYA BAR NUS TE, MI NUS SO, ,DE NAS LHA GSAR DU SKYES PA DE'I GZUGS DANG, DBANG PHYUG DANG, RGYUGS PA DANG, 'OD KYI RANG BZHIN RNAMS RGYANG RING GNAS DANG LHAN CIG TU MTHONG BA NYID KYIS DE 'DI LTAR NYAMS DMA' BAR
, ,GYUR TE, KYE MA MA LA BDAG CAG RNAMS LA 'OD YOD YOD PA 'DIS NI 'DI LA YOD PA'I KHYED PAR GYIS NI BRGYA'I CHAR YANG, STONG GI CHAR YANG, BRGYA STONG GI CHAR YANG MI PHOD DE, MCHOG TU DGE BA'I LAS KYI MTHA' LA SPYAD PA 'DI NI NGES PA KHO NAR LHA RNAMS KYI MNGA' BDAG MU SU LUNDHA YIN NO, ,'DI'I YANG GZI BRJID RNAMS 'DI YIN NA, RAB TU ZHI BA ZHES BYA BA GZHAN GZI BRJID MCHOG DANG LDAN PA, GZUGS PHUN SUM TSOGS PA GANG YIN PA BDAG GIS THOS PA LA LTA SMOS KYANG CI DGOS TE, LHA 'DI DAG RNAMS KYI LAS KYI LAM GONG NAS GONG DU CHES KHYAD PAR DU 'PHAGS PA RNAMS LA 'JUG PA'I PHYIR RO, ,DE NAS DE LTAR NGES PAR BZUNG NAS GZHAN YANG DAL BUS GLU DANG, RNGA SGRA DANG, ROL MO'I SGRA SGROG PA LHAG MA RNAMS NYAN PAR BYED DO, ,DE NAS LHA GSAR DU SKYES PA DE BRGYA LA ZHIG NA'ANG 'THAB BRAL GYI MNGA' BDAG DE DANG NYE BAR RIM GYIS SLEB PAR GYUR PA NA JI LTAR DE DAG GTZO BOR GYUR PA RNAMS DANG, GZUGS DANG, CHA BYAD DANG; MDANGS DANG, 'OD DANG, TSAD DANG, SHIN TU SNYAN PA BLA LHAG PA JI LTA BU DANG LDAN PA'I LHA'I BU MO BDUN STONG GIS GANG DANG THAG NYE BA NA LHAG PAR
SNYAN PA'I GLU LEN CING 'JO SGEG PA DANG, BZHAD GAD DANG, G-YOG GI BYA BA RNAMS KYANG BYED LA LHA'I BU MO'I TSOGS GZHAN RNAMS NI GRANGS YOD PA MA YIN NO,, SHES BZHIN DU'ANG THAG NYE BA DANG, RING BA'I YUL DU DGA' ZHING BDUD RTZI RNAMS KYANG 'THUNG BAR BYED DO, ,PHAN TSUN LHAN CIG TU RGYAGS PA LA DON GCIG PA RNAMS THAMS CAD KYANG 'DI SNYAM DU SEMS TE, BDAG GCIG PU MU SU LUNDHA DANG LHAN CIG TU DGA' BAR BYA'I, GZHAN RNAMS NI MA YIN NO, ,GZHAN RNAMS 'GA' ZHIG GIS KYANG 'GAL BAR MI BYED PAR BDAG GCIG PU KHO NA TSUL THAMS CAD KYIS MTHUN PAR BYA'O, ,JI LTAR BDAG GIS GRONG PA'I CHOS KYI'ANG THA MAL PA'I KUN TU SBYOR BA'I CHOS KYIS 'THAB BRAL BA'I BRJOD PA DANG LDAN PAS KUN TU SBYOR BA THOB PAR 'GYUR NA ZHES BRGYU 'DIS LHA'I BU MO RNAMS KUN TU RTOG PAS NGES PAR 'ONG BAR 'GYUR TE, RE RE ZHING THAMS CAD KYANG JI LTAR BDAG KHO NAS THAMS CAD KYIS MTHUN PAR BYA'O, ,BDAG NYID THAMS CAD KYIS NGAS LHA NYID DANG LHAN CIG TU DGA' BAR BYA'O, ,RGYU 'DIS BDAG MU SU LUNDHA DANG LHAN CIG TU DGA' BAR BYA'I, GZHAN RNAMS DANG NI MA YIN LA, BDAG GCIG PUS SDUG PAR LTA'I, GZHAN 'GA' ZHIG GIS KYANG DE LTAR RJES
, ,SU MTHUN PAS NI MA YIN NO, ,BDAG GIS GRONG BA'I CHOS KYI YANG THA MAL PA'I KUN TU SBYOR BA'I CHOS KYIS 'THAB KHRAL BA'I BRJOD PA, DANG LDAN PAS KUN NAS SBYOR BA JI LTA BA 'THOB PAR 'GYUR BA YIN NO, ,RGYU 'DIS DE DAG RNAMS THAMS CAD DE BZHIN DU KUN NAS 'ONG BAR 'GYUR RO, ,RE RE ZHING THAMS CAD KYANG NGAS 'DI LA MTHUN PA THAMS CAD BYA'O, ,NGAS BDAG NYID THAMS CAD KYIS LHA DANG GNYIS RGYU 'DIS LHAN CIG TU DGA' BAR BYA'O, ,SLAR YANG LHA GSAR DU SKYES PA DE GANG NA MU SU LUNDHA LHA RNAMS KYI BDAG PO YOD PA DER NYE BAR LEGS PAR 'GRO'O, ,DE DANG SHIN TU THAG NYE BAR PHYIN NAS MTHONG BA LHA BRGYA STONG PHRAG DU MAS YONGS SU BSKOR BA'I DBUS NA YANG CHES GSAL BAR GYUR PA'I DPAL DANG LDAN PA RNAM PA DU MA NAS YON TAN THAMS CAD PHUN SUM TSOGS PA'I TSIG RNAMS KYIS DGA' BAR BYED DO, ,DES LHA RNAMS DANG GSAR DU SKYES PA'ANG MI RTOGS PA NI 'GA' YANG YOD PA MA YIN NA, ,DES BRGYA LA ZHIG NA LHA GSAR DU SKYES PA DE MTHONG NA GANG NA LHA GSAR DU SKYES PA YOD PA DER BZHIN MNGON DU BSGYUR NAS MIG GTOD PAR BYED DO, ,LHA GZHAN RNAMS KYIS TSIG SNYAN PA
JI LTA BU DANG LDAN PAS GSAR DU SKYES PA'I LHA DE LA SKUL BAR BYED DE, GZIGS PAR MDZAD PA 'DI NI JI LTA BA BZHIN DU LHA RNAMS KYI RGYAL PO YIN NO, ,DE YIN PAS NA PHYAG LEGS PAR 'TSAL BAR GYIS SHIG ,DE LTAR DE BZHIN DU LHA GSAR DU SKYES PA DE DANG NYE BAR SONG NAS DE'I SPYAN SNGAR RAB TU LEGS PAR BSKUL BA DANG, PHYAG 'TSAL BAR BYED DO; ;DE NAS DES DE LTAR SHES NAS MU SU LUNDHAS PHYIR LA SMRAS PA, GSAR DU SKYES PA JO BO KHYOD 'THAB BRAL GYIS RNAMS SU SONG DANG 'THAB BRAL GYI LHA 'DI RNAMS NI DGA' BAR 'GYUR BA YIN TE, CHES RAB TU SEMS DGA' BA RNAMS DGE BA'I LAS KYI TSOGS RNAMS KYI LAS KYI SA 'DIR SKYES PA YIN PAS NA NGES NA BDE BAR 'ONGS SAM, DE LTAR YIN PA YANG RANG GI LAS KYI 'BRAS BU LA LONGS SPYOD PAS DUS SHIN TU RING POR BAG YOD PAS LHA'I 'JIG RTEN 'DI NA GNAS PA YIN NO, ,DE NAS DE'I DUS NA 'THAB BRAL GYI MNGA' BDAG GIS TSIGS SU BCAD PA JI LTA BA BZHIN DU BRJOD PA, LHA NI SKYES PAR 'GYUR BA YI, ,DGA' BA GANG NA SKYES PA DES, ,'CHI 'PHO BA YI SDUG BSNGAL GYI, ,BCU DRUG CHAR YANG MI CHOG GO ,MNOG CHUNG 'BRAS BU DU MA YIS, ,RTAG TU SKYES BU SLU BA PO, ,DRI ZA'I GRONG KHYER DANG 'DRA BA, ,
, ,'DOD PA MYANG BA TZAM BZANG BA'I, ,GANG DE SEMS CAN 'JOMS DE DAG ,BLO LDAN GYIS NI YID MA RTON, ,DE LTAR 'THAB BRAL GYI BDAG PO DES LHA GSAR DU SKYES PA DE LA BRJOD PAR BYED DO, ,DE NAS LHA GSAR DU SKYES PA DES DE LA 'DI SKAD CES SMRAS TE, LHA LAGS, BDAG GIS 'DIR NYES DMIGS JI LTA BAR MI SHES, DON DANG PHAN TSUN GYI DGOS PA'ANG RIG CING SHES PA MA YIN PA 'DI JI LTA BAR LHA RNAMS THAMS CAD LA 'GYUR BA YIN LA, DE LTAR BDAG KYANG YIN NO, ,DE NAS 'THAB BRAL GYI BDAG PO MU SU LUNDHAS TSIGS SU BCAD PAS 'DI SKAD CES SMRAS PA, JI LTAR, 'CHI BDAG DUS NI 'BYUNG BA NA; ;'GA' ZHIG 'GAR YANG BDE BA MIN, ,DE BZHIN DU NI 'GRO NA YANG, ,'GA' ZHIG RJES SU 'GRO BA MIN, ,SEMS SNA TSOGS SHING SEMS CAN GZHAN, ,KHAMS SNA TSOGS DANG DE BZHIN GZHAN, ,DES NA RNAM PA SNA TSOGS PA'I, ,SRID PA'I 'CHI BA'I LAS RNAMS BYED, ,GANG TSE SKYES PA DE TSE NAS, ,MI NI 'CHI BDAG DBANG DU 'GRO, ,SNA TSOGS RMONGS PAR LHUNG BA YI, ,'JIGS PA DE YANG MA RIG GO ,GANG TSE 'CHI 'PHO BYUNG BA NI, ,SRID PA 'JIG PAR BYED PA'I MCHOG ,'JIGS GANG 'CHI
BDAG CHE 'ONGS PA, ,RMONGS PA BDAG GIS DE TSE RTOGS, ,BAG YOD LA DGA' SKYE BA NI, ,YANG DANG YANG DU 'BYUNG BA MIN, ,LHA NI YUL RNAMS KYIS RMONGS PA, ,YID MED PAS KYANG RTOGS PA MIN, ,YUL GYI CHAGS PAS KUN LTA BA'I, ,SRED PA'I DUG GIS RMONGS BYAS PA, ,RTOGS MIN RTAG TU LHA YI NI, ,'CHI 'PHO DE NI 'JIGS CHEN YIN; ;'CHI BAS THA MAR DE BZHIN DU, ,SDUG BSNGAL LUS CAN RNAMS LA SKYED, ,JI LTAR SKYES PAS LHA RNAMS LA, ,'CHI 'PHO KUN TU NGES PAR 'BYUNG, ,LAS KYI RLUNG GIS KUN TU 'KHOR, ,SBYOR BAS KYANG NI SDUG BSNGAL NAS, ,SKYES BU LHUNG BYED 'CHI BDAG SGRAS, ,SEMS NI KUN TU BSLUS PA YIN, ,PHA MED MA YANG MED PA DANG, , BSHES MED GNYEN 'DUN MED PAR NI, ,LHAN CIG RANG DBANG MED CES SMRA, ,DE LTAR SKYES BU DUS KYIS BSKUL, ,LHAN CIG 'GROGS MIN SKYE BO 'DI, ,SKYE BO THA MAL PA YIS BSLUS, ,YID KYI ZHAGS PA 'BA' ZHIG GIS, ,SKYE BO SLU BAR BYED PA YIN, ,SKYE BO RANG GI SKYE BO 'DIR, ,SPUN NAM SKYOB BYED 'GA' YOD MIN, ,'CHI BDAG DUS NI BYUNG BA NA, ,RANG SKYE'ANG JI LTAR SKYE BO YIN, ,LHA RNAMS GANG GIS MTHONG BA YIN, ,BDE BA 'DI DAG BDE 'BYUNG BA, ,DE NI RAB KYI SHUGS 'GRO BA'I, ,'CHI BDAG
, ,RGYAL POS 'PHROG PAR BYED, ,RTAG TU 'DOD PA'I RJES 'GRO BA, ,YUL GYI 'KHRUL BAS BRKAM PA YIN, ,NGES PAR SDUG BSNGAL CHE 'BYUNG BA; ;GANG YANG RTOG PAR 'GYUR MA YIN, ,DE LTAR LHA GSAR DU SKYES PA DE MU SU LUNDHA DES YANG DAG PA JI LTA BAS CHOS NYID LA RJES SU BZUNG NGO, ,DE NAS LHA DES DE DAG RNAMS THOS NAS YUD TZAM ZHIG SKYO BAS GNAS PAR GYUR NAS PHYI NAS SLAR YANG GAR DANG, GLU DANG, RGOD PAR BYED PA DANG, RGYAGS PA RNAMS KYIS KUN NAS KHRID PAR BYED DE, RGYU GANG GI PHYIR NA BYIS PA SO SO'I SKYE BO RNAMS THAMS CAD KYI SNYING MI RTAG PA YIN PA'I PHYIR TE, KHYAD PAR DU YANG GANG GI TSE BDE BAR GYUR PA RNAMS DANG, SRID PA RNAMS KYI DBANG GIS RJES SU 'JUG PAR 'GYUR BA DE'I BRGYA 'GYUR GYIS KYANG CHES TZA BA PHRAL CAN DU 'GYUR BA YIN NO, ,RGYU 'DI DAG GIS NA BAG MED PAS GNAS PA'I LHA RNAMS KYI SNYING LA CHOS KYI CHA SHAS CUNG ZAD TZAM YANG LEGS PAR 'JUG PAR MI 'GYUR RO, ,DE NAS LHA GSAR DU SKYES PA DE MU SU LUNDHA'I GNAS DE LAS PHYIR YANG RTZED MO'I NAGS SU BDAG NYID KYI SKYE BO DE DAG RNAMS NYID KUN DANG BCAS PA RNAMS DANG, DE BZHIN DU GAR BYED PAR
'GYUR BA DANG, DGA' BAR GYUR PAS 'DOD PA'I YON TAN LNGA DANG LDAN PA'I YUL GYIS BDE BA RNAMS DANG YANG DAG PAR LDAN PAS DE KHO NA BZHIN DU PHYIR YANG RGYUN GNAS NA RNAM PAR RGYU BA'I SA DE DAG RNAMS KUN TU 'GRO BAR BYED DO, ,DES BDE BA'I SA DE DAG RNAMS RJES SU THOB NAS KYANG DE DAG NYID DU LHA GZHAN DAG RNAMS DANG LHAN CIG DGA' BAR BYED PA DANG KUN TU SPYOD PAR YANG BYED DO, ,DE LHA GZHAN DE DAG RNAMS DANG LHAN CIG DGA' BAR GYUR PA LAS KHYOGS KYI KHANG BU YANGS PA ZHES BYA BA'I SKYED MOS TSAL GYIS LA RIM GYIS 'GRO BAR BYED DO, ,DE NA NI, DGA' BA 'DI DAG RNAMS YOD DE, JI LTAR KHRAG KHRIG PHRAG NYI SHUR RNAM PA SNA TSOGS PA DANG, KHA DOG DANG DBYIBS SNA TSOGS PA'I SKYED MOS TSAL DANG, PADMA'I RDZING BU DANG, MTSE'U DANG, NAGS DANG, NAGS 'DABS DANG, BYA'I TSOGS DANG, 'BAB CHU DANG, RI'I RTZE MO RIN PO CHE SNA BDUN GYI RANG BZHIN DANG, DE 'DRA BA'I RNAM PAR RTOG PA'I KHYOGS KYI KHAG BU RNAMS YIN TE, LHA DE DAG RNAMS KYIS LEGS PA BYAS PA'I LAS KYIS GAL TE LHA RNAMS KYI YID KYIS KUN TU RTOG PAR BYED PA NI, KHYOGS KYI KHANG BU DE DAG DANG, NAGS TSAL DANG, NAGS 'DABS DANG, MTSE'U DANG,
, ,BCAS PA RNAMS JI LTA BA BZHIN DU NAM MKHA'I DKYIL DU 'PHAGS NA CI MA RUNG, DE DAG GI SEMS BSKYED PA TZAM NYID NA KHANG BU DE DAG RNAMS DANG, NAGS TSAL DANG, NAGS 'DABS DANG, MTSE'U DANG, 'BAB CHU DANG, LJON SHING DANG, PADMA'I RDZING BU RNAMS DANG YANG DAG PAR LDAN PA RNAMS NAM MKHA' LA KUN KYANG 'PHAGS PA NI, BYA BZHIN NO, ,DE NAS 'DI BZHIN DU LHA RNAMS YID LA KUN TU SEMS PAR BYED DE, JI LTAR KHYOGS KYI KHANG PA CHEN PO 'DI DAG RNAMS BDAG CAG BDE BAS GNAS PA'I DON DU MI G-YO BAR GNAS PAR GYUR MOD, DE DAG GI SEMS BSKYED PA TZAM NYID KYIS DE BZHIN DU 'GYUR RO, ,GAL TE GZHAN YANG 'DI LTAR SO SOR KUN TU RTOG PAR BYED DE, ZAS DANG SKOM GYI CHU BO RNAM PA DU MA RAB TU 'BAB PAR GYUR LA RAG ,DES DE BZHIN DU SEMS BSKYED PA TZAM NYID KYIS RO DANG, KHA DOG DANG, DRI YONGS SU GANG BA LHA DE DAG RNAMS KYIS LEGS PAR BYAS PA'I LAS KYI DBANG GIS 'BAB PAR GYUR TE LEGS PAR BYAS PA'I LAS RNAMS YUL DU GYUR PA'I MI RNAMS KYANG RTOGS PAR 'GYUR BA NI, MA YIN NO, ,GZHAN YANG GAL TE LHA DE DAG RNAMS 'DI
SNYAM DU SEMS PAR 'GYUR TE, JI LTAR DPAG TSAD BRGYAR YANG GZHAL YAS KHANG DE DAG RNAMS KHA 'BYE BAR 'GYUR GRANG, DE DAG RNAMS KYI SEMS BSKYED PA TZAM KHO NAS KHA 'BYED PAR 'GYUR TE, RNAM PA DU MAR DGA' BA'I MTSE'U SPRO BA DANG, 'BAB CHU DANG, CHU KLUNG DANG, TSANG TSING DANG, KHANG PA DANG, STENG KHANG DANG BCAS PA'I KHANG BAS KYANG PHUN SUM TSOGS PAR GYUR BA DANG, SNA TSOGS BA'I NAGS TSAL DANG, NAGS 'DABS DANG, PADMA'I TSAL RNAMS DANG, LJON SHING PHUN SUM TSOGS PA YANG DE BZHIN DU KHA 'BYE BAR 'GYUR LA, LHA DE DAG RNAMS KYANG JI LTA BA BZHIN DU YID CHES MCHOG GI RAB TU DGA' BAR 'GYUR TE, JI LTAR BDE BAR GNAS PA RNAMS KYIS BDAG CAG RNAMS KYANG JI LTA BA BZHIN DU YID CHES MCHOG GI RAB TU DGA' BAR 'GYUR BA DE NI, JI LTAR BDE BAR GNAS PA RNAMS KYIS BDAG CAG RNAMS GNAS PAR BYA'O, ,ZHES MCHOG TU YID RAB TU DGA' BA RNAMS LHA GZHAN RNAMS DANG LHAN CIG TU GANG NA KHANG BU DE DAG RNAMS YOD PA LA RNAM PA DU MAS BDAG CAG RNAMS DANG THABS CIG TU DGA' BAR BYA'O, ,'DIR NI, RNAM PA DU MAR LHA GANG YIN PA 'THAB BRAL GYI MNGA' BDAG MU SU LUNDHA DE'I SRID PAR RTZED MO'I NAGS SU
, ,RNAM PA DU MAR DGA' BAR BYED PAR 'GYUR BA'I LHA DE DAG RNAMS KYANG 'DIR NI, KHANG BU 'DI DAG RNAMS SU ZHUGS PAR GYUR NA CI MA RUNG, DE NAS SEMS BSKYED PA TZAM KHO NAS RGYUN GYI NAGS NA RNAM PAR RGYU BA'I LHA DE DAG RNAMS NAM MKHA' LA RNAM PA SNA TSOGS PA'I BZHON PA RNAMS KYIS 'GRO BAR BYED PA LA 'DI LTA STE, NGANG PA'I BZHON PA DANG, RMA BYA'I BZHON PA DANG, KHU BYUG GI BZHON PA DANG, ME TOG GI BZHON PA DANG, NGANG NGUR GYI BZHON PA DANG, SHANG SHANG TE'U'I BZHON PA DANG, LJON SHING GI BZHON PA RNAMS TE, RNAM PA DE LTA BU'I BZHON PAS GANG NA KHANG BU DE DAG RNAMS YOD PA DER 'GRO BAR 'GYUR TE, MCHOG TU RAB TU DGA' BA'I YID KYIS ROL MO DANG, RNGA SGRA DANG, GLU RNAMS KYIS DGA' BAR GYUR PA RNAM PA SNA TSOGS PA'I CHA BYAD CAN GYI LHA'I BU MO SGRIN PA RNAMS KYIS RJES SU 'BRANG BAR BYED PA'I RGOD PAR BYED PA DANG, 'GYING BAR BYED PA DANG, DO SHAL DANG PADMA 'PHYANG BA RNAMS KYI MTSAN KHUNG LCONG PA DANG BCAS PAS PHYI BZHIN 'BRANG BAR GYUR BA, MCHOG TU GZHON SHA CAN, MCHOG TU DGA' BA DANG LDAN PAS GAR DANG, RNGA SGRA DANG, ROL CHA DANG,
GLU MCHOG LEN PA DANG LDAN PA'I LHA'I SA BAS MNGON PAR BSTOD PA DANG LDAN PAS GANG NA KHYOGS KYI KHANG BU YOD PA DER LEGS PAR NYE BAR 'GRO BA'O, ,NAM MKHA'I DKYIL DU MNGON PAR BYUNG NAS GANG NA RTZE DGA' CHEN PO'I KHANG BU RNAMS LEGS PAR GNAS NAS LHA RNAMS RTZE DGA' BAR BYED PA DER 'ONGS PAR GYUR TO, ,DE NAS DE DAG PHAN TSUN DU RAB TU DGA' BA'I YID CAN RNAMS DE LTAR RTZE BAR GYUR PA RNAMS BAG MED PAR GNAS PA RNAMS SEMS RNAL DU MI GNAS PA RNAMS NI, BAG MED PAS GNAS PA RNAMS LA 'THAB BRAL GYI MNGA' BDAG MU SU LUNDHA 'DI LTAR KUN TU LTA BAR BYED DE, LHA BAG MED PAS BAG MED PAR GNAS PA RNAMS LA JI LTA BA BZHIN GYI THABS SU GYUR PA CI ZHIG YOD NA, GANG BDAG GIS DMAN PA LA KHA PHYOGS PA BAG MED PAS GNAS PA'I LHA DE DAG RNAMS LA RJES SU MTHUN PA'I THABS GANG YIN PA BDAG GIS BYA'O, ,DE NAS BRTAGS PA'I BLO DANG LDAN PA DES RNAM PAR DPYAD NAS LHA GZHAN RNAMS LAS GANG DAG DE DANG LHAN CIG RJES SU SPYOD PA'I RGYUN DU ZHUGS PA DE DAG RNAMS DANG LHAN CIG TU LEGS PAR 'GRO BAR BYED DE, JI LTAR LHA RGYUN GYI GNAS NA RGYU BA 'DI DAG RNAMS LA JI LTA BA BZHIN DU JI LTAR PHAN PAR 'GYUR BA YIN, BLA NA
, ,MED PA'I DGE BA'I CHOS RNAMS KYIS JI LTAR BDAG DANG GZHAN LA PHAN PA BYAS PAR 'GYUR BA YIN PA DANG, GANG YANG BDAG GIS BAR CHAD DU MI 'GYUR BA DANG, GAL TE YANG LHA DE DAG RNAMS GROGS PO'I MCHOG TU 'GYUR BA NI, GANG DAG GIS SGROL BA LA NGES PAR SBYOR BA'O, ,YANG GANG DAG GIS SDIG PA NYE BAR STON PA DE DAG RNAMS NI, DGRA BO YIN TE, GANG GIS DMYAL BA KUN NAS SGRUB PA'I LAS RNAMS BYED PA'I PHYIR RO, ,LHA DE NYID KYIS DE LTAR RGYUN DU ZHUGS PA RNAMS DANG LHAN CIG TU GROS BYAS NAS GANG NA KHYOGS KYI KHANG BU YOD PA DER NYE BAR LEGS PAR 'GRO BAR BYED DE, RDZU 'PHRUL GYI GZHAL YAS KHANG GZHAN ZHIG BZUNG BA NA NI, CHU KLUNG DANG, MTSE'U DANG, LJON SHING DANG, 'BAB CHU DANG, NAGS DANG, NYE BA'I GNAS RNAMS MCHOG TU PHUN SUM TSOGS PA DGA' BA DU MA NYID DANG YANG DAG PAR LDAN PA DE 'DRA BA'I DGA' BA'I KHYAD PAR GYIS RGYUN GYI GNAS NA SPYOD PA RNAMS KYI RNAM PAR GSAL BA GANG DAG YIN PA DE DAG RNAMS NI, BRGYA'I CHA DANG, STONG GI CHAR YANG MI PHOD DO, ,DE CI'I PHYIR ZHE NA, LEGS PAR BYAS PA'I LAS CAN RNAMS KYI MNGA'
BDAG YIN PA'I PHYIR TE, LEGS PAR SPYOD PA'I LAS KYI MTHA' LA SPYOD PA'I 'THAB BREL BA'I LHA RNAMS THAMS CAD KYI NANG NA GANG YANG 'THAB BRAL GYI MNGA' BDAG MU SU LUNDHA NI, LEGS PAR BYAS PA'I LAS KYI MNGA' BDAG YIN PA'I PHYIR DANG, GANG YANG LEGS PAR BYAS PA'I LAS RNAMS CHES BLA LHAG PAR GYUR PA YIN PA'I PHYIR RO; ;DE'I RDZU 'PHRUL RNAMS KYANG LHAG PA YIN NO, ,RGYU 'DI DAG RNAMS KYI PHYIR NA 'THAB BRAL BA'I GZHAL YAS KHANG THAMS CAD LAS KHANG BU DE'I STENG NA DGA' BAS RNAM PAR GSAL TE LHAM ME'O, ,DPER NA, NYI MA'I DRUNG DU NI, GZHAL YAS KHANG THAMS CAD KYIS CHAR MI PHOD CING MDZES PA YANG MA YIN NO, ,KHANG BU DE'I KHYAD PAR RNAMS LAS NI, KHANG PA GZHAN DE DAG RNAMS KYIS CHAR YANG MI CHOG GO ,DE SNA TSOGS PA'I YON TAN GYI RNAM PA PHUN SUM TSOGS PA DE SRID DANG LDAN PA'I KHANG BA DES NAM MKHA'I DBYINGS GANG NA RGYUN GYI GNAS NA RNAM PAR RGYU BA'I LHA DAG DGA' BAR BYED PA DES NYE BAR LEGS PAR 'GRO BAR BYED PA NA, LHA GANG DAG RGYUN DU ZHUGS PA DE DAG RNAMS NI, 'THAB BRAL BA'I MNGA' BDAG LEGS PAR MNGON SUM DU MTHONG NAS BAG MED PA RNAMS DGA' BA DMAN PAR 'GYUR RO, ,LHA GANG DAG
, ,BAG MED PAS BAG MED PAR RGYU BA DE DAG RNAMS NI, KHANG BA DE DAG RNAMS SU KUN NAS RINGS PAR ZHUGS NAS DE DAG RNAMS GANG NA RGYAL PO MU SU LUNDHA YOD PA DER NYE BAR LEGS PAR 'GRO BA'O, ,DE NAS STONG PHRAG BRGYAR YANG DE RDZU 'PHRUL BYED PAR 'GYUR TE, DE JI LTAR LHAG GANG DAG KHANG BUR ZHUGS PA RNAMS KHO NAS THAMS CAD DU MI MTHONG BA NYID DU BYAS TE DE KHO NA GZHAL YAS KHANG NA GNAS PA THAMS CAD DU'ANG MI MTHONG BAR 'GYUR TO, ,LHA NYID KYIS RANG GI RDZU 'PHRUL LA RNAMS KYIS DE DAG RNAMS DE LTAR BKAG NAS PHAN TSUN DU MI MTHONG NGO, ,BGAD PA DANG, 'JO SGEG DANG, RTZED MO RTZE BA RNAMS LAS CUNG ZAD TZAM YANG THOS PAR MI 'GYUR TE, RDZU 'PHRUL DE DAG RNAMS KYI MTHU STOBS KYIS DE DAG RANG BZHIN DE BZHIN DU GYUR NAS PHAN TSUN DU DE DAG RNAMS DE LTA BUR GYUR TE DE DAG THAMS CAD JI LTAR KHANG BU GANG YIN PA 'DIR SU DAG LHA DE DAG RNAMS JI LTA BAR THAG NYE BAR 'GYUR BA RNAMS DANG, GANG YANG BDAG CAG DANG LHAN CIG TU GZHAL YAS KHANG 'DIR ZHUGS PAR GYUR PA DE DAG THAMS CAD GANG DU SONG BAR GYUR BA ZHES THAMS CAD DU BYAS KYANG MTHONG BAR MI 'GYUR BA DE LTAR GONG NAS LHA DE
GANG NA 'THAB BRAL GYI BDAG PO MU SU LUDHA YOD PA DER LEGS PAR NYE BAR SONG BA NA DE GCIG PU ZHIG MTHONG BAR GYUR TO, ,GANG YANG LHA DES RGYUN DU ZHUGS PAR GYUR PA DE RNAMS MTHONG BAR 'GYUR GYI, LHA GZHAN RGYUN DU ZHUGS PA MA YIN PA RNAMS PHAN TSUN DU MI MTHONG NGO, ,DE LTAR RDZU 'PHRUL GYIS BKAB PAS DE NGO MTSAR BA DANG, BCAS SHING 'JIGS PA DANG YANG BCAS PAR GYUR NAS MU SU LUNDHA LA 'DI SKAD SMRAS SO, ,LHA, JI LTAR GANG DAG GZHAL YAS KHANG DU ZHUGS PA'I LHA DE DAG RNAMS THAMS CAD 'KHOR DANG BCAS PA MA MTHONG BA DE DAG RNAMS GAR SONG, DE NAS MU SU LUNDHAS DE LA 'DI SKAD CES SMRAS TE, LHA GANG DAG BAG MED PAS BAG MED PAR RGYU PA DE DAG RNAMS THAMS CAD LAS KYI BYA BAS SHI 'PHOS NAS JI LTAR LAS KYIS NYE BAR 'GRO BA KUN TU 'BYUNG STE, DMYAL BA DANG, YI DVAGS DANG, DUD 'GRO DANG, MI'I 'GRO BA RNAMS SU SKYES SO, ,GZHAN YANG GANG DAG BAG MED PAR GYUR BA RNAMS BAG MED PAS GNAS PA RNAMS KYANG RUNG STE, DE DAG RNAMS NI, PHYIR ZHING BAG MED PAS NYE BAR BCOM PA DANG YUL RNAMS KYI SRED PAS KYANG NYE BAR BRLAG PAR 'GYUR RO, ,GANG DAG 'DOD PA'I YON TAN LNGA LA RAB TU ZHEN PAR GYUR PA
, ,RNAMS NI, KUN TU RTOG PA'I RTZED MO CAN GYI YUL GYI MI RNAMS RANG GI SEMS KYI SRUB SHING LAS KUN TU BYUNG BA LAS KYI RLUNG GIS BTAB NAS SRID PA'I RTZE MO LNGA 'BAR BAS 'THAB BRAL GYI SRID PA RNAMS SU BSAGS NAS PHYI NAS NI, RNAM PA SNA TSOGS PA'I ZER ZUG GIS DMYAL BA RNAMS SU SREG PAR BYED DE, BZANG PO MA YIN PA'I SEMS KYIS YONGS SU BSLUS PA, SHIN TU RNAM PAR NYAMS PA RNAMS LUS ZHIG NAS DER SKYE'O, ,DES NA DE LTAR BAG MED PA'I SKYON RNAMS NI, SKYON THAMS CAD KYI STENG NA BLA LHAG PA YIN NO, ,BAG MED PA'I SKYON GYIS RNAM PAR NYAMS PA'I RGYU GANG GIS DGE BA'I CHOS THAMS CAD MI MTHONG BA'I LHA GANG DAG RNAMS KYIS SEMS BZANG POS BDAG NYID KYIS BDAG NYID 'DUL BAR MI BYED PA DE DAG RNAMS NI, RANG GI SEMS KYIS BSLUS NAS PHYIR NAS DE NI, GDUNG BAR 'GYUR BA KHO NA YIN NO, ,DE NAS 'THAB BRAL GYI MNGA' BDAG MU SU LUNDHA DE'I SPYAN SNGAR DES GTAM DE DAG RNAMS RNYED NAS LHA DE DAG PHAN TSUN DU SKYO BA DANG BCAS PA DANG, 'JIGS PA DANG LDAN PAS 'DI SKAD CES SMRAS TE, LHA DBANG, SKAD CIG KHO NA LA JI LTAR LHA DE DAG DANG BRAL ZHING THAMS
CAD 'CHI 'PHOS TE LHA DE DAG RNAMS THAMS CAD LA 'DIR CI ZHIG BYUNG NAS MED PAR GYUR NA, RGYUN GYI GNAS NA RNAMS PAR RGYU BA'I LHA RNAMS KYIS 'DI DAG THAMS CAD KUN TU STONG BAR 'GYUR, SDUG BSNGAL RNAMS LAS 'CHI 'PHO BA ZHES BYA BA'I SDUG BSNGAL RNAMS NI, CHEN PO YIN PAS THABS MA YIN PAR MI 'GYUR BA GANG YIN PA DANG, BDAG CAG RNAMS SDUG BSNGAL GYI SKAL BA CAN DU MI 'GYUR BA DANG, SDUG BSNGAL BA RNAMS DANG BRAL BA LAS BYUNG BA'I SDUG BSNGAL GYIS KYANG BDAG CAG RNAMS LA GNOD PAR MI 'GYUR BA DANG, DMYAL BA RNAMS DANG, YI DVAGS RNAMS DANG, DUD 'GRO RNAMS SU'ANG BDAG CAG RNAMS SKYE BAR MI 'GYUR BA DE SKAL BA CHEN PO DANG LDAN PAS NYE BAR BSTAN DU GSOL, DE NAS DE'I TSE LHA RNAMS KYI BDAG POS JI LTA BA BZHIN DU TSIGS SU BCAD PAS BRJOD PA, KYOG PO'I LAM LA SPYOD PA YI; ;MIS NI BZANG PO MTHONG BA MIN, ,CHU NI BSRUBS PAR GYUR NA YANG, ,MAR NI NAM YANG SRID PA MIN, ,RGYU MED DE LA 'BRAS BU NI, ,NAM YANG CUNG ZAD 'BYUNG BA MIN; ;BAG MED YON TAN GYIS 'GA' ZHIG ,MTHAR THUG LEGS PAR 'JUG PA MIN, ,LHA GANG SKYE BA BAG MED PAS, ,NYE BAR 'JOMS PAR 'JUG BYED PA, ,DE
, ,NI LEGS BYAS ZAD NAS NI, ,RMONGS PA LOG PAR LTUNG BAR SKYE, ,DGA' BAR GYUR BA'I 'DOD PA LA, ,GANG ZHIG DE LTA'I BLO SKYE PA, ,PHYIS DE SDUG BSNGAL DANG PHRAD NAS, ,RMONGS PA SEMS NI GDUNG BAR BYED, ,'DOD PA'I ME YIS BSREGS PA DANG, ,YUL RNAMS KYIS NI RMONGS PAS KYANG, ,GANG ZHIG BDE RNAMS BLA MED PA, ,MTHAR THUG BDE BAR 'GYUR BA MIN, ,'JIG RTEN 'DOD PAS BDE GANG DANG, ,GANG YANG SRED BYUNG BDE BAS NI, ,NANG GI BDAG NYID 'DI GCIG GI ,BCU DRUG CHAR YANG MI CHOG STE, ,CHU CHEN SHIN TU SBYANGS LAS SKYE, ,DKAR ZHING 'KHOR BA LAS THAR BYED, ,SRED ZAD BDE BA MTHONG BA PO, ,DPAG MED BDE BA SGRUB BYED YIN, ,BDE BA DOGS PA MED PA YI, ,SKYON MED NGES PAR SBYAR LDAN PA, ,BDE GANG BSAM GTAN LAS SKYES YIN, ,GANG YANG SRED PAS MI 'CHING ZHING, ,RTOG PA YIS KYIS MI 'TSE BAR, ,DE YI MING GIS SMROS CI DGOS, ,DE THOB SRID PA'I PHA ROL TU, ,RTAG TU BDE BAR 'GYUR BA YIN, , GANG GI SNYING LA 'DOD GNAS PAS, ,DE SRID BDE BAR 'GYUR MIN TE, ,DE NI SDUG BSNGAL KUN SKAL 'OS, ,DMYAL BAR NYE BAR RGYUG PA YIN, ,LAS KYI ZHAGS
BAS DE DRANGS NAS, ,LHAN CIG SBYOR BAR BYED PA YI, ,SDUG BSNGAL DE LAS RNAM GROL DU, ,SKYE BO 'GAS KYANG NUS MA YIN, ,'KHOR BAR 'GRO DANG 'ONG BA RNAMS, , MTHONG BA LAS KYI RGYU LAS BYUNG, ,'GRO DANG 'ONG BA RTAG TU YANG, ,LAS SKYES RGYU LAS BYUNG BA YIN, ,'DOD PA LA NI CHAGS BYED PA'I, ,BYIS PAS 'CHI 'PHO LEGS RTOGS MIN, ,SKYE BA LAS KUN 'BYUNG BA YI, ,'CHI 'PHO'I MTHA' DE DAM PAS GZIGS, ,BDE BA RJES SU BSTEN PA YIS, ,BYIS PA RNAMS NI NGOMS PA MED, ,BYIS PA RTAG TU NGOMS MED PAS, ,RTAG TU RANG NYID 'JOMS SU 'GRO ,THOG MA BAR DANG MTHAR DGE MIN, ,'JIG RTEN 'DI DANG PHYI MAR MIN, ,SKYON RNAMS STEN PA MA RIG LAS; ;KUN NAS RAB TU 'JUG PAR MTHONG, ,GANG TSE LAS ZAD MI MTHONG BAS, ,'JIG RTEN 'DI NAS 'OG LTUNG BA, ,RMONGS PA'I BDAG NYID BAG MED PAS, ,YUL RNAMS STEN PAS DE TSE RIG ,TSE 'DI SHIN TU MYUR 'GRO BA, ,BYIS PA RNAMS KYIS RTAGS PA MIN, ,PHYI NAS SDUG BSNGAL BYUNG BA YIS, ,SO SOR RIG 'GYUR SDUG BSNGAL BAS; ;GAL TE SDUG BSNGAL LA KHYOD 'JIGS, ,GAL TE 'CHI BDAG LA 'JIGS NA'ANG, ,BLO LDAN RTAG TU DAM CHOS KYIS, ,DE BZHIN BDE BA'ANG 'THOB PAR 'GYUR, ,
, ,DE LTAR MU SU LUNDHA'I KHA NAS BRJOD PA RNAMS LHA DE DAG RNAMS KYIS THOS NAS BAG MED PAS GNAS PAR GYUR PA'I DUS DE DAG KYANG 'DAS PA DANG, GZHAN YANG MU SU LUNDHA LA DE DAG RNAMS KYIS 'DI SKAD CES SLAR BRJOD DE, LHA'I DBANG PO, ,JI LTAR RNAMS PA THAMS CAD DU'ANG MA YIN PAR LHA RNAMS THAMS CAD NYID MTHONG BAR MA GYUR LAGS NA, DE DAG RNAMS SKAD CIG GCIG LA THAMS CAD KYANG 'CHI 'PHOS SAM, SHI BAR GYUR TAM, GZHAN DAG TU SONG BAR GYUR BA DE CI NAS KYANG BDAG CAG RNAMS LA LHA'I DBANG POS BSHAD DU GSOL, DE NAS GZHAN YANG LHA DE DAG RNAMS LA MU SU LUNDHAS PHYIR LA SMRAS PA, JI LTA BA BZHIN DU 'DIR LAS KYI DBANG GIS 'ONGS PA DE LTA BA BZHIN DU CIS KYANG SLAR 'GRO BAR BYA DGOS SO, ,LAS ZAD PA NA NGES PAR MYONG BAR BYA BA'I DON YIN PAS NA; SROG CHAGS SU GTOGS PA THAMS CAD KYIS PHAN TSUN DU 'DUS PA DANG 'BRAL BA LAS BYUNG BA'I SDUG BSNGAL NI, NGES PAR MYONG BAR 'GYUR BA RGA BA DANG, NAD RNAMS DANG, 'CHI BA DANG GSUM PO DE DAG RNAMS RE RE ZHING YANG PHUN SUM TSOGS PAR 'GYUR BA RNAMS 'BYUNG BAR 'GYUR TE, GSON PA RNAMS KYI SROG DANG, NAD
MED PA DANG, LANG TSOL BAB PA RNAMS LA'O, ,DE LA GANG DAG SKYES BU'AM, LHA RNAMS KYANG RUNG STE BAG MED PAR MA GYUR PA DANG, BAG MED PAS GNAS PA MA YIN PA DANG, GANG DAG DANG PO NAS BAG MED PA DE DAG GIS GNAS PA MA YIN PA DANG, GANG DAG DANG PO NYID NAS 'JIGS PA DE DAG RNAMS SO SOR RIG PAR BYA'O, ,JI LTAR DE DAG RNAMS KYIS GSON PA DANG, NAD MED PA DANG, LANG TSO RNAMS 'JOMS PAR BYED PA NGES PA KHO NAR 'BYUNG BAR 'GYUR RO, ,MA 'ONGS PA NA 'CHI BDAG GI DUS DE BYUNG BAR GYUR BA NA, ZLOG PA'I THABS NI, RNAM PA GSUM YIN PA LAS 'DI LTA STE, SBYIN BAS DANG, TSUL KHRIMS KYIS DANG, SHES RAB KYIS DANG STE, ZLOG PA'I THABS NI, GSUM PO DE DAG RNAMS YIN NO, ,'JIGS PA CHEN PO RNAMS PA GSUM PO DE DAG RNAMS NI, RNAM PAR RTOG PA DU MA'I RNAM PAR RTOG PA'I RANG BZHIN RNAMS RTAG PAR RGYUN DU PHYI BZHIN RJES SU 'BRANG BA RNAMS GANG DAG GIS MI SPONG BA DE DAG RNAMS PHYIS 'CHI BA'I DUS SU PHYIN PA NA YONGS SU DAG PA'I DBANG PO THAMS CAD BZHIN DANG MIG RA RA POR GYUR BAS RANG GI SKYE BO DANG, GNYEN DANG, 'KHOR DANG, SDE TSAN THAMS CAD YONGS SU SPANGS NAS 'CHI 'PHO BAR 'GYUR BA NA
, ,SDUG PA RNAM PA DU MA DANG 'BREL BA'I MES SREG PAR GYUR PAS MCHOG TU SDUG BSNGAL BAR 'CHI BDAG GIS NGES PAR 'KHRID PAR BYED DO; ;GANG GI TSE 'DOD PA'I YON TAN LNGA KUN TU 'BYUNG BA'I RNAM PAR RTOG PA DU MA DE DANG DE DAG RNAMS KYIS RAB TU GAR BYED PA DANG, RGOD PA DANG, 'GYING BAG DANG KUN TU SPYOD PA DANG, NAGS TSAL DANG, SKYED MOS TSAL RNAMS KYI LONGS SPYOD BAG MED PA DUG GI GROGS PO'I BDE BA RNAMS KYIS DE DAG GI TSE DGRA BZHIN DU 'BIGS PAR BYED DO, ,GANG DAG GI 'BRAS BU DES PHYIS 'GYOD PA'I MES GDUNG BAR BYED DE, CI ZHIG BDAG GIS BSGRUBS PAR GYUR NA GANG YANG SHES RAB DANG, SBYIN PA DKA' THUB KYI TSUL KHRIMS RNAMS KYIS NI, RJES SU MA BSGRUBS SHING BAG MED PAS BDAG BAG MED PAR GNAS PAR GYUR PAS MCHOG RNAMS NI, RJES SU MA BSGRUBS SO, ,RANG GI SKYE BO DANG, GNYEN BSHES KYI TSOGS RNAMS KYIS NGA GCIG PU ZHIG SPANGS SHING MCHOG TU DGA' BAR GYUR BA BDAG CAG GI LHA'I 'JIG RTEN GYI DGA' BAR GYUR BA'I YUL DU MA DE DAG RNAMS DANG BDAG 'BRAL BAR 'GYUR BA ZHES DE DE LTAR RJES SU GDUNG BAR BYED DO, ,PHYI NAS JI SRID DU STOBS DANG LDAN
PA'I 'CHI BDAG RGYAL PO GZHAN 'DIS LHA RNAMS THAMS CAD RAB TU MA BCOM ZHING DUS DE MA YIN PA DE SRID DU NAD RNAMS DANG, RGUD PA DU MA RNAMS NGES PAR RTOGS PAR BYAS LA CI NAS KYANG BAG MED PA GZHOM PAR BYA STE, DE LTAR BAG MED PA SPANGS PA RNAMS NI, BDE LEGS KYI MCHOG TU 'GYUR RO, ,PHYI NAS 'CHI BDAG GI DUS NA GDUNG BA'I MES SREG PAR YANG MI 'GYUR TE, RGUD PA THAMS CAD 'BYUNG BA'I DUS SU LAM 'DI DAG NI, MCHOG TU MDZES PA'O, ,'DI LTA STE, SBYIN PA DANG, TSUL KHRIMS DANG, SHES RAB KYANG GZHAN DU BSTEN CING BSGOMS LA LAN MANG DU BYAS PA RNAMS NI, DUS DE'I TSE NA SKYABS SU 'GYUR RO, ,JI SRID DU 'DI SLU BAR MI BYED PA YIN PA DANG SRAN MI NUS PA DANG, THABS MED PAR GYUR BA NI, SKYE BO THAMS CAD KYIS SROG 'PHROG PA'I 'CHI BDAG YIN LA, CI'I PHYIR NA DE ZLOG PA LA LHA DAG BRTZON PAR MI BYED PA YIN, GANG DAG PHAN PA MA YIN PA BYED PAS BZUNG BA, G-YANG SA DANG, DUG CHEN PO DANG, ME DANG MTSUNGS PA YANG GANG BAG MED PA RNAMS YIN NO, ,DE NAS LHA GZHAN YANG LHA GANG DAG BAG MED PA'I DBANG GIS 'GRO BA'I LHA DE DAG RNAMS NI, BAG MED PA'I DGRA DES SHIN TU LEGS PA'I BUD MED LA LTA BA LA CHED CHER BYED PAS
, ,NAGS TSAL DANG, NAGS 'DABS DANG, MTSE'U RNAMS LA RTZE BA LA CHES DGA' BA, RI'I RTZE MO LA RNAM PAR RGYU BAR BYED PA RNAMS NI; DNGOS PO THAMS CAD MI RTAG PA LA RTAG PA'I BLO SKYED PAR BYED DE, JI LTAR RTAG PAR BDAG CAG LHA'I BU MO 'DI DAG RNAMS DANG LHAN CIG TU DGA' BAR BDAG GIS BYA'O, ,RTAG TU YANG LANG TSO 'DI DAG 'BYUNG BAR 'GYUR ZHING BDAG CAG RNAMS LA NAM YANG 'BRAL BA 'BYUNG BAR MI 'GYUR RO, ,DE DE LTAR YUL RNAMS KYI BDE BA LA SHIN TU 'CHUMS PA LA RTAG PAR RAB TU 'JOMS PAR BYED PA RNAMS KYI MCHOG THOGS PA MED PA'I 'GROS DANG LDAN PA LDOG TU MED PA'I 'CHI BDAG LHAN CIG TU 'BYUNG BAR 'GYUR BA LA DE'I TSE LHA'I BU MO RNAMS KYIS YONGS SU SKYOB PAR 'GYUR BA MA YIN NO, ,GANG YANG 'DI DAG RNAMS BLOS YONGS SU MA BRTAGS PAR RTAG TU MNYAM PAR BGROD PAR BYED LA, DE'I TSE GANG RJES SU SPYAD PAR 'GYUR BA DE DAG THAMS CAD NI, GSOG DANG, GSOB DANG, SNYING PO MED PA YIN NO, ,DE BAG MED PAS RNAM PAR BCOS NAS DMYAL BA DANG, YI DVAGS DANG, DUD 'GRO RNAMS SU SKYE BA'O, ,GZHAN YANG GTI MUG GIS BCOM PA'I
LHA RNAMS THOG MA MED PA NAS 'JUG PA'I 'CHI 'PHO BA DANG, SKYE BA'I SDUG BSNGAL GYIS LAN GCIG MA YIN PAR RAB TU BCOM YANG BLO GROS MED PAS 'DOD CHAGS DANG BRAL BAR YANG MI 'GYUR RO, ,DE NAS LHA'I BDAG PO MU SU LUNDHA DE SKAD CES LHA RNAMS LA CHOS KYI DON DANG YANG DAG PAR LDAN PA'I TSIG BRJOD PAS DE LA GANG DAG RANG GI BLO SKYON MED PAS DE DAG RNAMS TSIGS GI BDUD RTZI'I RI DE LA DMIGS PAS KYANG CHAGS PA DANG BRAL BA'I BLO SKYES PAR GYUR NAS DE DAG GIS LHA'I RGYAL PO DE LA 'DI SKAD CES GSOL BA NI, JI LTAR, PHAN PA GANG YANG DE BZHIN YANG, ,GANG YANG RNAM GSUM DANG LDAN PA, ,DE KHO NA YI TSIG GANG NI, ,PHAN PA MDZAD PA'I LHA YIS GSUNGS, ,GANG ZHIG ZHI BDAG 'DZIN BYED PA, ,BDE BA DAM PA RAB TU 'THOB, ,BDE BA LAS KYANG CHES BDE BA, ,NGES PAS RTAG TU 'GRUB PAR 'GYUR, ,GANG DAG DE LAS LDOG PA YANG, ,BAG MED PA YIS NYER BCOM LHA, ,RMONGS PA YI NI BDAG NYID DE, ,DMYAL BAR SKYE BAR 'GYUR BA YIN, ,DE LTAR LHA DES LHA GZHAN LA BRJOD NAS GZHAN YANG LHA DE KUN NAS SKYO BA'I YID KYIS LHA'I RGYAL PO DE LA 'DI SKAD CES SMRAS PA, JI LTAR LHA DBANG RNAM PA THAMS CAD DU BDAG CAG THE TSOM DU GYUR TE KHANG BUR
, ,ZHUGS PA'I LHA DE RNAMS CI ZHIG NONGS, ,DE LTAR KUN NAS SKYO BA'I YID MNGON PAR MTHONG BA DANG, BAG YOD PAR GNAS PA'ANG YID KYIS KUN TU MTHONG NAS DE BZHIN DU RTOGS PAS DE'I DBANG DU BYAS PA SPANGS TE SLAR YANG LHA DE DE DAG NYID PHAN TSUN DU LEGS PAR STON PAR BYED DO, ,DE NAS DE DAG RNAMS PHAN TSUN DU MNGON PAR MTHONG NAS RJES SU MTHUN PAR SPYOD PA'I TSOGS KUN DANG, MCHOG TU DGA' BA DANG LDAN PAR GYUR TO, ,DE NAS DE DAG NYID KHO NA YID RAB TU DGA' BA RNAMS LA GZHAN YANG MU SU LUNDAS BRJOD PA, JI LTAR LHA RNAMS PHAN TSUN DU MA MTHONG BA NI, NGA'I RDZU 'PHRUL GANG DAG GI STOBS KYIS BKAG PAR GYUR PA YIN LA, YANG GANG GI TSE SHUGS CHEN PO DANG LDAN PA RAB TU 'JIGS PA RAB TU 'JOMS PA'I 'CHI BDAG RGYAL PO DE 'ONGS PAR GYUR NAS DMYAL BA DANG, YI DVAGS DANG, DUD 'GROR SKYES PAR GYUR PA DE'I TSE 'GA' ZHIG KYANG PHAN TSUN DU BSKAL BA BYE BA PHRAG BRGYA STONG DU'ANG MI MTHONG NGO, ,DES NA DE DAG RNAMS RTOGS PAR GYIS LA BDAG NYID BAG MED PAR GNAS PAR MA BYED, SEMS BREL DOG CAN DU MA BYED, BAG YOD PAR GNAS PAR GYIS, YUL RNAMS
LA YID MCHOG TU SONG BAR MA BYED PAR DE LTA BU'I BLOS RJES SU BSGRUB PAR GYIS SHIG ,DE BZHIN DU JI LTA BAR BSHAD PA DANG LHA RAB TU MANG PO RNAMS YID MCHOG TU SKYO BA'I DBANG GIS RGYUN DU ZHUGS PA THOB PAR GYUR TO, ,DE NAS MU SU LUNDHA DE LTAR RIG NAS RAB TU DGA' BA'I YID KYIS BYA BA NI, BYAS SO, ,ZHES YID LA BSAM PA YONGS SU RDZOGS NAS SLAR YANG RTZED MO'I NAGS GANG NA YOD PA DER NYE BAR LEGS PAR 'GRO BAR BYED DO, ,GANG LA RGYUN GNAS NA RNAM PAR RGYU BA ZHES BYA BA'I LHA MCHOG TU BAG MED PAS GNAS PA RNAMS TE, MCHOG TU DGE BA'I YID CAN NI, GANG DAG DE NA RGYUN DU ZHUGS PA RNAMS GNAS SO, ,GANG YANG RNAM PA THAMS CAD DU SEMS YANG BAR GYUR PA BAG MED PAS MCHOG TU BAG MED PA LA RJES SU CHAGS PA BAG MED PAS MYOS PA RNAMS DE BZHIN DU NAGS DANG, NYE BA'I NAGS DANG, MTSE'U DANG, SKYED MOS TSAL DANG, NAGS KHROD RNAMS SU LHAN CIG SPYOD PA DANG BCAS PA RNAMS DGA' BAR BYED DO, ,'CHI BDAG GI 'JIGS PA RNAMS MI 'GRENG BAR DE DAG RNAMS DE SRID DU DGA' BAR BYED CING RTZE BAR YANG BYED DO, ,PADMA'I TSAL NAS PADMA'I TSAL, RI'I RTZE MO GNAS RNAMS NAS GNAS RNAMS SU DGA' ZHING RTZE BAR YANG BYED DE, PHAN TSUN LHAN CIG TU
, ,RGYAGS PA LA DON MTHUN PAS JI SRID DU 'DOD PA SDUG PA YID DU 'ONG BA BYAS SHING BSAGS PA'I DGE BA'I LAS RNAMS ZAD PAR MA GYUR PA DE SRID DU'O, ,DES DE DAG RNAMS ZAD PA DANG, GZHAN YANG DON BYAS PA MA YIN PA'I DMYAL BA DANG, YI DVAGS DANG, DUD 'GRO RNAMS SU SKYE'O, ,GAL TE YANG LAS GZHAN GYIS MI RNAMS DANG SKAL BA MTHUN PAR MIR SKYE BAR GYUR NA YANG DE RTAG TU SKYID CING DON CHEN POR 'GYUR RO, ,MCHOG TU GZUGS BZANG BA, MCHOG TU LONGS SPYOD CHE BA, SKYE BO THAMS CAD DGA' ZHING SNYING DU SDUG LA YID DU 'ONG BA, RANG BZHIN GYIS CHOS LA DGA' BA, YID GAR DANG, GLU DANG, 'JO SGEG DANG, SKYE BO RNAMS LA DGA' BAR GYUR PAS LHA KHANG DANG, SKYED MOS TSAL DANG, MTSE'U DANG, PADMA'I TSAL RNAMS LA SPYOD CING RGYU BAR 'GYUR RO, ,RGYAL POR GYUR PA'AM, DE DAG DANG 'DRA BA'I PHUN SUM TSOGS PA DANG LDAN PA DANG, 'TSE BA MED PA DANG, THAMS CAD DU GROGS PO DANG, GNYEN BSHES DANG, RANG GI SKYE BO RNAMS BYAMS PAR YANG 'GYUR RO, ,RTAG TU BDEN PAR SMRA BA DANG, RTAG TU SEMS KYI RGYUD DRANG BA DANG, RTAG PAR YANG DGA' BA'I SKYES BU DE RNAMS DANG LHAN CIG
TU DGA' BAR 'GYUR ZHING SEMS DRANG POS SPYOD PA THAMS CAD MA NYAMS PAR 'GYUR RO, ,YON TAN THAMS CAD PHUN SUM TSOGS PA DE LTAR DE SKAL BA MTHUN PA RNAMS SU 'GRO BA NI, DE'I RGYU MTHUN PA'I LAS KYIS YIN NO, ,GZHAN YANG DGE SLONG LAS KYI 'BRAS BU RNAM PAR SMIN PA SHES PA DE RNAMS 'THAB BRAL GYIS RNAMS LA KUN TU LTA BAR BYED DE, JI LTAR YOD PA DES THOS PA LAS BYUNG BA'I SHES RAB KYIS MTHONG BA 'THAB BRAL BA RNAMS KYIS BRTZEGS PA RGYU BA ZHES BYA'O, ,DER LAS GANG GIS SEMS CAN SKYE BAR 'GYUR BA YANG THOS PA LAS BYUNG BA'I SHES RAB KYIS DE MTHONG STE, JI LTAR SKYES BU DAM PA GANG DAG RTAG TU YANG LAS KYI 'BRAS BUS 'JIGS PAR GYUR PA, DRANG POR GYUR PA, DRANG PO'I RANG BZHIN CAN, YANG DAG PA'I LTA BAS YANG DAG PA'I LAS BYED PA, SDIG PA'I GROGS PO YONGS SU SPONG BAS RTAG TU YANG SANGS RGYAS DANG, CHOS DANG, DGE 'DUN RNAMS RJES SU DRAN PA, KHA NA MA THO BA CUNG ZAD TZAM LA'ANG 'JIGS PAR LTA BAS SROG GCOD PA DANG MA BYIN PAR LEN PA RNAM PAR SPANGS PAR GYUR PA RNAMS KYIS 'DOD PA LA LOG PAR G-YEM PA'ANG SPANGS PA YIN TE, DE BZHIN DU'ANG JI LTAR 'GRO BAR GYUR PA NA BUD MED RNAMS KYI GAR DANG,
, ,GLU'AM; RGYAN NAM, SGRA RNAMS THOS NAS MYANG BAR BYED CING TSUL BZHIN MA YIN PA'I YID LA BYED PAS DE LA BLO RJES SU SONG NAS YANG DAG PA'I SEMS MA YIN PA'I SKYON DE DAG RNAMS DES DE BZHIN DU RTOGS NAS RNAM PA THAMS CAD DU KUN TU RTOG PAR MI BYED DO, ,DE DE BZHIN DU 'DOD PA LA LOG PAR G-YEM PA YONGS SU SPONG BA LA ZHUGS PA RNAMS NI, LUS ZHIG NAS MTHO RIS BDE 'GRO'I 'JIG RTEN LAS BRTZEGS PA RGYU BA'I LHA RNAMS KYI NANG DU SKYE'O, ,DER SKYES PA NA'ANG 'DI'I LEGS PAR BYAS PA'I LAS LA SPYAD PAS BDE BA RGYA CHEN PO MYONG BA'I SKAL PA CAN, RANG GI 'OD DANG LDAN PA, YUL LNGA'I 'DOD PA'I BDE BA LA RNAM PAR CHAGS PA'I KLUNG NA BRTZEGS PA ZHES BYA BA'I RI NI, RIN PO CHE SNA BDUN GYI RANG BZHIN GYI LJON SHING RNAMS KYI GNAS LA MCHOG TU DGA' BAS GANG BA NI; BYA'I TSOGS RTZE ZHING LEGS PAR RGYU BA'I RKANG PA BSTEN PAR 'OS PA, SPYOD PA DANG CHA BYAD DANG DBYIBS DU MA DANG LDAN PA BRGYA STONG GIS KUN TU GANG BA, MCHOG TU BLTA BAR DGA' BA, RNAM PA DU MAR KHA DOG DU MA, SPYOD YUL DU MA, DBYIBS DU MA'I RI DVAGS RNAMS KYIS YONGS SU GANG BA'I RI DE MCHOG TU DGA' BA'I 'BAB CHU
DANG, CHU KLUNG DANG, MTSE'U DANG, TSANG TSING DANG, 'KHRI SHING GI KHANG BU DANG, 'BRAS BU DANG, ME TOG GI SHING GIS KUN TU GANG ZHING DPAG BSAM GYI SHING GIS NYE BAR MDZES PAR GYUR PA, NYE 'KHOR DU DPAG TSAD SUM BRGYA PA, LHA DANG LHA MO'I TSOGS RNAMS KYIS NYE 'KHOR KUN TU GANG BA, NYE 'KHOR NA MCHOG TU YID 'PHROG PA'I LHA MCHOG GI TSOGS RNAMS GNAS PA'I RI DE LA KUN TU RTOG PA NA NAGS DANG, NYE BA'I NAGS RNAMS NI, CHA SHAS RNAM PAR PHYE ZHING RNAM PAR BKRA BA'O, ,RI DE'I NYE 'KHOR NA RIN PO CHE SNA BDUN GYI GZHI RAB TU RNAM PAR PHYE BA NGOS GCIG NI, AINDRA N'I LA'I RANG BZHIN TE, NYE 'KHOR DE LAS BYUNG BA'I 'OD RNAMS NI, DPAG TSAD STONG PHRAG DRUG CUR NGES PAR 'PHRO'O, ,JI LTAR 'OD 'BYIN PAS NAM MKHA' THAMS CAD SNGON POR MNGON PAR 'GYUR RO, ,LHA GANG DAG RGYAN DANG CHA BYAD RNAM PA SNA TSOGS PA, RNAM PA SNA TSOGS PA'I RIN PO CHE LA SOGS PA'I CHA SHAS RNAM PAR BKRA BA'I LUS DANG LDAN PA YIN TE, DE DAG RNAMS NAM MKHA' LAS KLUNG NA BRTZEGS PA'I RI'I NGOS LA 'GRO BAR BYED DE, DE'I TSE DE DAG RNAMS THAMS CAD ZIL GYIS MNAN PA'I PHYIR NA RNAM PA SNA TSOGS PAR MI 'GYUR RO, ,LHA DE DAG RNAMS THAMS CAD KHA DOG GCIG PA
, ,MCHOG TU SNGO BA'I MDOG TU 'GYUR RO, ,RI DE'I NGOS GCIG DE LTA BUR 'GYUR RO, ,GZHAN YANG KLUNG NA BRTZEGS PA'I RI DE'I NGOS GZHAN GNYIS PA NI, 'DI LTA STE, SHEL GYI RANG BZHIN NO, ,DE DAG RNAMS THAMS CAD LA'ANG RNAM PA SNA TSOGS PA'I RGYAN DANG LDAN PA'I LHA RNAMS YOD DE, CHA SHAS RNAM PAR BKRA BA RNAMS GANG GI TSE RI DE'I LOGS LA 'BREL BAR 'GYUR RO, ,DE'I TSE THAMS CAD KYANG SHEL GYI KHA DOG TU 'GYUR TE, DE DAG MTHUN PA'I GZUGS RNAMS DANG, DE DANG MNYAM PA'I CHA SHAS RNAMS SU 'GYUR RO, ,YANG KLUNG NA BRTZEGS PA'I RI DE'I LOGS GZHAN GSUM PA NI, DNGUL GYI RANG BZHIN YIN TE, DE'I 'OD RNAMS NI, DPAG TSAD LNGA BRGYAR NGES PAR 'PHRO BA'O, ,MCHOG TU DKAR BA DANG, MCHOG TU 'BAR BA DANG LDAN PA, BLTA BAR MCHOG TU SDUG PA'I LOGS DE LA'ANG LHA GANG DAG NYE BAR 'GRO BA RNAMS DE KHO NA BZHIN DU RNAM PAR BKRA BA'I RGYAN DANG CHA BYAD DU GYUR PA LAS KHA DOG GCIG TU 'BAR TE MCHOG TU DKAR BA DANG, MDOG MCHOG TU 'OD GSAL BA'I RI DE DANG KHA DOG MTSUNGS PAR 'GYUR RO, ,YANG RI DE'I LOGS GZHAN BZHI PA NI, DZAMBU'I CHU BO'I GSER GYI RANG BZHIN NYE
'KHOR NA NYI MA LTAR SNANG BA SHIN TU'ANG GZI BRJID DANG LDAN PAR DE'I 'OD DPAG TSAD STONG DU 'GRO BA NI, GCIG TU 'BAR ZHING 'KHRIGS PA BZHIN DU STE, DES NAM MKHA' RNAM PAR GSAL BAR BYED DO, ,LHA GANG YANG DE'I NGOS KYI NAM MKHA' LA KUN NAS GNAS NAS 'GRO BAR BYED PA DE DAG THAMS CAD DE'I 'OD KYIS GSER BTZO MA'I RANG BZHIN GYI MDOG CAN DU 'GYUR RO, ,GZHAN YANG KLUNG NA BRTZEGS PA'I RI DE'I NGOS LNGA PA NI, PADMA R'A GA'I 'OD DANG MTSUNGS PAR SNANG BA STE, LOGS DE'I NYE 'KHOR RNAMS NI; MCHOG TU DMAR BA RNAM PAR SNANG BAR BYED PAS DE'I 'OD ZER RNAMS NI, DPAG TSAD STONG DU NGES PAR 'PHRO BA'O, ,NGOS DE LA'ANG LHA GANG DAG 'GRO BAR BYED PA DE DAG THAMS CAD RNAM PA SNA TSOGS PA'I GZUGS SU YANG GYUR NAS KHA DOG SHIN TU DMAR POR SNANG BAR 'GYUR RO, ,GANG YANG RIN PO CHE DMAR PO GANG DAG LUS LA LEGS PAR BTAGS PAR GYUR PA DE DAG RNAMS NI, BRGYA 'GYUR GYIS KYANG CHES LHAG PA'I RIN PO CHE RNAMS SU 'GYUR TE, RI DE'I LOGS KYI 'OD KYI KHYAD PAR GYIS YIN NO, ,GZHAN YANG RI DE'I NGOS DRUG PA NI, RDO RJE DANG MTSUNGS PA'I KHA DOG RNAMS TE, DE'I 'OD RNAMS KYANG DPAG TSAD STONG DU KHYAB PAR 'GRO BA'O, ,
, ,NYE 'KHOR KUN NAS KYANG 'JA' TSON LTA BU'I 'OD BYE BA PHRAG 'PHRO BAR 'GYUR RO, ,NGOS DE LA LHA GANG ZHIG 'GRO BAR BYED PA DE DAG KYANG DE BZHIN DU 'JA' TSON DANG MTSUNGS PA'I KHA DOG TU 'GYUR TE, KLUNG NA BRTZEGS PA'I RI DE'I GZI BRJID KYIS YIN NO, ,GZHAN YANG RI DE'I NGOS BDUN PA NI, RIN PO CHE BDUN GYI RANG BZHIN YIN TE, SNA BDUN NYID KHO NA'I RIN PO CHES RNAM PAR BKRA BA'I NGOS DER LHA GANG DAG 'GRO BAR BYED PA DE DAG THAMS CAD RNAM PA SNA TSOGS PA RNAMS KYIS LUS BRGYAN PAR 'GYUR RO, ,GOS RNAMS KYANG RNAM PA SNA TSOGS PAR 'GYUR RO, ,NGOS DE'I 'OD RNAMS KYANG DPAG TSAD STONG DU YIN TE, DE LTAR NA KLUNG NA BRTZEGS PA'I RI DE'I NYE 'KHOR NA DPAL GYIS RNAM PAR GSAL BA YIN NO, ,DE BZHIN DU RI RNAMS KYI RGYAL PO STENG GI RI RAB LHUN PO'ANG DE LTAR YIN LA, RI RNAMS KYI RGYAL PO RI RAB LHUN PO DES KYANG RI KLUNG NA BRTZEGS PA'I 'OD ZER RNAMS SAM, DGA' BAR 'GYUR BA'AM, RIN PO CHE'I 'OD RNAMS SAM, DGA' BAR GYUR PA RIN PO CHE'I 'OD RNAMS KYANG RUNG STE, BRGYA'I CHAR YANG MI PHOD LA STONG GI CHAR YANG MI PHOD DO, ,RI DE NI, DE SRID DU DGA' BA YIN NO, ,DE CI'I PHYIR ZHE NA,
DGE BA'I LAS KYI STOBS GYIS TE, 'THAB BRAL BA RNAMS LEGS PAR BYAS PA CHES LHAG PA DANG, YONGS SU DAG PA'I LAS CAN YIN PA'I PHYIR TE, RGYU 'DIS NA THAMS CAD LAS NYE 'KHOR KUN TU CHES DGA' BA YIN NO, ,GZHAN YANG RI DE'I NYE 'KHOR NA MCHOG TU RNAM PAR DAG PA'I GZI BRJID MCHOG DANG LDAN PA THAMS CAD DANG BCAS PAS MU TIG MCHOG GI DRA BAS YONGS SU G-YOGS PA'I RI DE NI, LEGS PAR BYAS PA'I LAS LAS KUN TU BYUNG BAS MU TIG GI PHRENG BA'I TSOGS BRES PAS DE BZHIN DU RNAM PAR MDZES PA NI, JI LTAR YID SMON GYIS KUN NAS BSAM PA'I GRONG KHYER CHEN PO MU TIG GI PHRENG BAS BRES PAS DE BZHIN DU SGRA 'BYIN TO, , DRA BA DE RGYA CHEN POR GYUR PA'I LOGS LA'ANG RNAM PA SNA TSOGS PA'I BYA'I TSOGS BRGYA STONG GNAS LA LOGS DE LA GNAS PA'I BYA RNAMS KYIS KYANG LHA GANG DAG BAG MED PAR GYUR PA DANG, BAG MED PAR SPYOD PA'I LHA DE RNAMS LA BYA DES 'BOD PAR BYED DE, BYA DE RNAMS KYANG BRJOD PA RNAM PA SNA TSOGS PA ZHES BYA BA'I TSIGS SU BCAD PA LHA DE DAG RNAMS LA RJOD PAR BYED PA, JI LTAR, RNAM PA SNA TSOGS LAS DBANG GIS, ,'GRO BA'I SKYE BA 'DI LHAS THOB, ,DE THOB GANG ZHIG CHOS MI
, ,SHES; ;PHYIS NAS DE NI GDUNG BAR 'GYUR, ,TSAL DANG SKYED TSAL DGA' BA 'DIR, ,'KHRI SHING STEGS BU DKYIL 'KHOR DU, ,GANG 'DI 'JIG RTEN RNAM BKRA BA, ,DE KUN DGE BA LAS SKYES 'BRAS, ,GANG DANG GANG GIS JI LTAR YANG, ,MDZES PAR 'GYUR BA'I LAS BYAS PA, ,DE DANG DE YIS DE BZHIN DU, ,'BRAS RNAMS DE RJES 'JUG PAR MTHONG, ,LHA RNAMS LA NI SO SOR YANG, ,DMAN PAR MCHOG GI BDE BA MTHONG, ,GANG DANG GANG GIS BYAS JI LTAR; ;DE DANG DE 'BRAS DE BZHIN NO, ,GTI MUG DBANG GIS 'GRO BA'I LHA, ,RMONGS PA SNA TSOGS CHA BYAD CAN, ,YID NI SHIN TU 'KHRUL BA YI, ,RMONGS PAS 'JIG CHEN MA MTHONG NGO, ,RNAM RMONGS BAG MED PA YIS GANG, ,RANG LA PHAN PA BYED MA YIN, ,'DOD DGA' RNAM PA SNA TSOGS PA'I, ,RNAM PA SNA TSOGS 'BRAS 'DOD PA, ,LAS RNAMS KYANG NI MI BYED PA'I, ,LHA DE'I SEMS NI RMONGS PA YIN, ,'BRAS BU GANG DAG YID 'ONG BA'I, ,SNA TSOGS NGES PAR 'BYUNG 'GYUR GANG, ,DE YIS MAR ME SPANGS NAS NI, ,'OD LA MCHOG TU LTA BAR BYED, ,GANG YANG 'BRAS BU DANG 'DRA BAR, ,'DOD PA'I LHA NI DAM PA'I
MCHOG ,GANG YANG RGYU 'BRAS DE NYID SHES, ,BDE BA YI NI SKAL LDAN YIN, ,SA BON MED PA'I 'BRAS BU MIN, ,MAR ME MED PAR GANG LA 'ONG, ,TSUL KHRIMS MED LA MTHO RIS MED, ,SHES RAB MED LA GROL LAM CI, ,GAL TE GROL NA DE BDE YIN, ,'DOD PA SPANGS PA SKYOB PA YIN, ,'DOD PA'I SRED LAS RNAM GROL DANG, , NGA YI ME LA'ANG BLO LDAN YIN, ,GAL TE LAS SKYES BDE 'DI RNAMS, ,DE KUN RNYOG DANG BCAS PA YIN, ,MTHAR THUG PA NI GANG YIN PA, ,DE KUN DRI MA MED PAR DRAN, , MI RNAMS BSKAL PA BRGYAR YANG NI, ,YUL GYIS NGOMS PA YOD MA YIN, ,BDE BA GANG YIN DE RNAMS LA, ,YUL RNAMS STEN LA NGOMS YOD MIN, ,BSTEN PAR GYUR NA RTAG PAR 'DOD, ,PHYIR ZHING PHYIR ZHING 'PHEL BAR 'GYUR, ,DE 'PHEL BA NI DUG DANG MTSUNGS, ,LOG PAR LTA BAR GYUR PA YIN, ,RGUD PA LA MKHAS 'JIGS RUNG BA; ;RTAG PAR LTUNG BA'I RGYU DU MA, ,DE DAG YONGS SU MA SPANGS NA'ANG, ,MIG BRAL PHAL CHER LHUNG BA YIN, ,SKYON DANG YON TAN YONGS SHES PA, ,DE DAG MKHAS PA'I MTSAN NYID YIN, ,SKYON YOD YONGS SU MI SHES PA, ,DE DAG RMONGS PA'I BYED PA YIN, ,YON TAN LA NI YON TAN BLO, ,SKYON RNAMS LA YANG DE
, ,BZHIN NO, ,SKYON YON DE NYID SHES PA DE, ,RTAG TU BDE BA'I SKAL LDAN YIN, ,DE LA DE DAG YUL RNAMS KYI, ,SKYON YON SHES PAR DE 'DIR 'DONG, ,SHES RAB YONGS SU SPANGS NAS NI, ,YUL RNAMS LHA YIS JI LTAR STEN, ,DE LTAR BYA DE DAG RNAMS MU TIG GI DRA BA'I GSEB TU SONG NAS PHAN PA'I DON DU RJOD PAR BYED DE, LHA DE DAG RNAMS NYID LA PHAN PA'I DON DU'O, ,GZHAN YANG RI DE NYID KYI NYE 'KHOR GYI STENG NA 'OD KYI PHRENG BA RNAM PAR BKRA BA'I CHUN PO SBREL BAR GYUR PA RNAMS NI, DU MAR MDZES PA DANG, NYE 'KHOR NA 'BAR BA DE BZHIN DU STENG DU'ANG GSAL BAR BYED DE, JI LTAR DZAMBU'I GLING PAS KHA DOG GSUM PA RNAMS DBANG PO'I GZHU ZHES MNGON PAR BRJOD PA YIN LA, DE'I LOGS RNAMS LA'ANG GAL TE LHA RNAMS LTA BAR BYED NA RIN PO CHE RNAM PA SNA TSOGS PA'I 'OD KYI GZI BRJID KYIS DE LA'ANG RAB TU DGA' BAR 'GYUR RO, DE NAS LOGS DE DAG LAS LHA GANG DAG GIS RI DE'I LOGS RE RE ZHING BLTAS PA NA RIN PO CHE DU MA 'OD 'BYIN PA SHIN TU DGA' BA NGO MTSAR SHIN TU CHE BA RNAMS MTHONG NGO, ,LOGS RE RER LHA DE DAG RNAMS LOGS RE RER ZHING YANG DGA' BAR BYED DE, RNAM PA DU MAR LAS SNA TSOGS PA BYAS PA'I
BDE BA CHEN PO NYAMS SU MYONG BAR BYED DO, ,RI DE NA RI RAB LHUN PO BZHIN DU GZHAN YANG NAGS 'DI DAG RNAMS YOD DE, 'DI LTA STE, MDZES PA'I RGYAN ZHES BYA BA'I NAGS TSAL DANG, RTZED MO DGA' BA ZHES BYA BA'I NAGS TSAL DANG, NYIN MOR BYED PAS DGA' BA ZHES BYA BA'I NAGS TSAL DANG, BDUD RTZIS MDZES PA ZHES BYA BA'I NAGS TSAL DANG, NAGS BZHI PO DE RNAMS DANG, NYE BA'I NAGS DANG, 'BAB CHU DANG, MTSE'U DANG, PADMA'I TSAL DANG, CHU KLUNG DANG, TSAD CHING DANG, KHRAD KHROD RNAMS NA BYA RNAM PAR SGRA 'DON PA DANG, RNAM PAR BKRA BA'I ME TOG LEGS PAR BKRAM PA, LJON SHING LA BYA'I TSOGS RNAM PAR SGROG PA DANG, KHANG BZANG DANG KHYOGS KYI KHANG BU'I PHRENG BA RNAMS DANG KUN LDAN PA YIN NO, ,RI DE DANG, NAGS DE DAG RNAMS SU RGYUN GNAS NA RGYU BA'I LHA DE DAG RNAMS CI NAS 'KHOR DANG BCAS PA RNAMS RTAG PAR LHA RDZAS KYI 'DOD PA'I YON TAN LNGA DPE MED PA RNAMS LA DGA' ZHING MGU BAR KUN TU SBYOD DE, NAGS BZHI PO DE DAG GI NYE 'KHOR RNAMS NI, MCHOG TU DGA' BAR GYUR PA'O; ;DE LA NAGS [?] NI, DZAMBU'I CHU BO'I GSER GYI RANG BZHIN TE, NAGS DE'I 'DAB MA RNAMS NI, BEE d'URYA'I RANG BZHIN LA ME TOG RNAMS KYANG PADMA R'A GA'I MDOG DANG
, ,'DRA BA'O, ,YANG NAGS GZHAN 'DI NI, DNGUL GYI RANG BZHIN YIN LA DE'I 'DAB MA RNAMS NI, GSER BZANG PO'I MDOG CAN YIN ZHING ME TOG KYANG RNAM PA DU MAR MCHOG TU DRI ZHIM POR GYUR PA GANG DAG DPAG TSANG BRGYAR DRI RNAMS 'GRO BAR 'GYUR TE, DRI RNAMS GANG DAG BSNAMS PAR GYUR PA'I LHA DE DAG RNAMS DE SHIN TU CHE BA'I MCHOG TU RAB TU DGA' BA LHAG PAR 'GYUR RO, ,NAGS GSUM PA NI, BEE d'URYA'I RANG BZHIN NO, ,DE'I LO MA RNAMS NI, DNGUL GYI RANG BZHIN YIN LA ME TOG KYANG DRI DU MA DANG LDAN PA RNAM PA SNA TSOGS PA'I KHA DOG GO ,NAGS BZHI PA NA RNAM PA DU MAR 'BAB CHU DANG, CHU KLUNG DANG, RDZING BU DANG, BYA RNAM PAR SGRA 'BYIN PA STONG PHRAG BRGYA'I YON TAN PHUN SUM TSOGS PA'I NAGS DE RNAMS NA'ANG SNA TSOGS PA'I BYA RNAM PAR BKRA BA RNAMS KUN NAS SGRA SGROG PA NI, JI LTAR SUM CU RTZA GSUM PA RNAMS KYI DBUS KYI BRGYA BYIN BZHIN TE, DE LTAR YANG SHIN TU 'THAB BRAL ZHES BYA BA CHES LHAG PA'I MDOG DANG, STOBS DANG, GZI BRJID KYI YON TAN PHUN SUM TSOGS PA DGE BA'I LAS KYI MTHA' DU MA LA SBYAD PA'I PHYIR MCHOG TU GZI BRJID CHE BA DANG LDAN PA RI DE NYID LHA BRGYA STONG DU MAS YONGS SU BSKOR NAS
YUL MANG PO'I YON TAN PHUN SUM TSOGS PA RNAMS LA RNAM PA DU MAR DGA' BAR BYED DE, LHA SHIN TU 'THAB BRAL NI, MCHOG TU RDZU 'PHRUL CHE BA DANG, MTHU STOBS MCHOG DANG LDAN PA YIN NO, ,DE RANG GI LAS KYIS SPRUL PA'I 'DOD BA'I YON TAN LNGA PHUN SUM TSOGS PA DGA' BAR GYUR PA'I YUL LNGA PO DE RNAMS KYI DBANG PO DRUG GI BDE BA LA DE NYE BAR LONGS SPYOD DO, ,SHIN TU 'THAB BRAL GYI LHA RNAMS NI, CHES CHE BA YIN TE, DE'I LEGS PAR BYAS PA'I LAS RNAMS KYIS RI DE RNAM PA DE SRID DU DGA' BAR 'GYUR BA YIN NO, ,DGA' BAR 'GYUR BA DE DAG RNAMS MNGON PAR MTHONG NAS KYANG DUS THAMS CAD DU RAB TU DGA' BA ZHES BYA BA'I BYA'I TSOGS RNAMS KYIS DE DAG DANG LHAN CIG SKYES PA'I DBYANGS LAS KYIS BYAS PA'I MNGON PAR DGA' BAR 'GYUR BA'I TSIGS SU BCAD PA DANG LDAN PAS TSIGS SU BCAD PA RNAMS BRJOD PA NI, JI LTAR, SEMS LDAN MI YI SHES RAB KYIS, ,YID LA SMON RGU BRGYA YIS KYANG, ,BDE DE BYA BAR MI NUS TE, ,JI LTAR LAS BYUNG BDAG NYID CHE, ,SHIN TU CHE DANG MCHOG TU CHE, ,DGA' BA LAS KYANG MCHOG DGA' DE; ;RNYED PA SKYES BU BYED 'BRAS TE, ,DE NI TSUL KHRIMS MDZES PA YIN, ,CHU BO 'GYUR LDOG 'GRO BA YI, ,YUL GYI SGO YI 'GYUR LDOG LAS, ,GANG DAG 'DI LAS SEMS
, ,'DUL BA'I, ,LHA DE BDE BA'I SKAL LDAN YIN, ,BSOD NAMS BDAG NYID KYIS BYAS PA, ,BDAG NYID LA NI SGRUB PAR BYED, ,BDE BA'AM GAL TE SDUG BSNGAL GANG, ,BDAG NYID KHO NAS NYER LONGS SPYOD, ,SKYES BU RTAG TU SDIG BYED PA, ,DGRA BZHIN DU YANG BDAG NYID GNAS, ,DGE BA BYED PA DE BZHIN DU; ;BDAG LA GROGS BZHIN RAB TU SGRUB, ,CHU BO YI NI RGYUN BZHIN DU, ,SKYE BAS SKYES BU LA RAB 'JUG ,GANG YID TSUL KHRIMS LA DGA' BA, ,BSOD NAMS GZI BRJID DRI MED LDAN, ,PHUN TSOGS PHAL CHEN LA GNAS NAS, ,DON MIN PA NI RAB SGRUB PA, ,GANG ZHIG SDIG LA DGA' BA'I BLOS, ,RTAG TU YUL LA CHED CHER 'DZIN, , YUL NA DGA' BA'I 'GYUR LDOG GIS, ,RTAG TU CHAGS PA'I RJES SU 'BRANG, ,GANG BLO CHOS LA MI GNAS PA, ,MI DE SDUG BSNGAL SKAL LDAN YIN, ,GANG PHYIR BDE CHOS NYE 'KHOR LAS, ,SDUG BSNGAL BDUD KYI CHOS 'DI YIN, ,SKYE BO DE NYID SHES PA YIS, ,BDE SDUG MTSAN NYID DER SHES BYA, ,GANG YANG BDE BA DE 'DOD PAS, ,DAM CHOS RJES SU SPYAD PAR GYIS, ,SDUG BSNGAL GANG ZHIG MNGON ZHEN 'DIS, ,CHOS DE BYED LAS YIN PAR 'DOD, ,SDUG BSNGAL RNAM PA SNA TSOGS DANG, ,RGYU MED BDE BA MTHONG
BA MIN; ;BDE SDUG THA DAD GYUR DE LTAR, ,RTZOL BAS RANG PHAN CHOS LA SPYOD, ,GANG GI RNAM RTOG DU MA DANG, ,GANG YANG RNAM PA DU MA YI, ,SKYE BA RAB TU THOB PA 'DI, ,DE KUN LAS LAS SKYES PA'I 'BRAS, ,GANG ZHIG CHOS RNAMS MI 'DOD PA, ,SKYE BA 'BRAS BUS STONG PA YIN, ,CHOS KYIS MTHO RIS DAG TU 'BAB, ,CHOS SPYOD PA NI BDE DANG LDAN; ;DE LTAR DE KUN 'THOB NUS PA, ,DAM CHOS DBANG BYAS 'BRAS BU YIN, ,SKYES BU NGAN PA CHOS MI 'DZIN, ,DMYAL BAR NYE BAR 'GRO BA YIN, ,SHI BAR GYUR PA MCHOG YIN GYI, ,LUS LA SMON PA DE LTAR MIN, ,CHOS SPANGS PA YI SKYES BU NI, ,RTAG TU 'KHOR BAR 'KHYAMS PAR 'GYUR, ,CHOS KYI MIG DANG MI LDAN PA'I, ,GTI MUG GIS KYANG NON PA'I SEMS, ,SA SGREN LA 'BAB CHAR JI BZHIN, ,BDE BAR MTHONG BA 'DI DON MED, ,CHOS KYI MYU GU YID ZHING LA, ,SKYE BA MIN TE SEMS MED PAS, , GANG GI RANG BZHIN BLUN PA'I BLO, ,CHOS MIN SPYOD PA LA DGA' 'O, ,CHOS MIN LAM LA BRTEN NAS NI, ,SKYE BO SDIG DBANG RJES SU 'GRO ,SEMS KYIS YONGS SU DED PA NI, , YUN RING 'KHOR BAR 'KHYAMS PA YIN, ,SEMS 'DI SKAD CIG SKAD CIG LA, ,RNAM PA DU MAR YONGS SU 'JUG ,YANG MO'I RANG BZHIN TZAB HRAL CAN, ,SGYU MA DRI ZA LTAR SNANG BA, ,
, ,SEMS DANG RNAM SHES LEGS BSDAMS PAS, ,GANG NYID 'CHING BA YIN PAR 'DOD, ,'CHING BA NGAN PA SHUGS CHEN DE, ,RNAM PA DU MAR YONGS SU RGYUG ,'DOD PA DANG BCAS YUL LA YANG, ,SRED PA'I DBANG DANG LDAN DES KYANG, ,LHA DE RNAMS NI DE BSLUS SO, ,BAG MED DBANG DU GYUR PA YIS, ,GSON PA RNAM PAR BCOM NAS KYANG, ,LOG PAR LTUNG BA'ANG MA RTOGS SO, ,RNAM PAR 'JOMS DANG ZAD PA DANG, ,BDE BA MI RTAG G-YO BAR NI, ,BDE NYID THAMS CAD GYUR PA YANG, ,RMONGS PAS RIG PA MA YIN NO, ,SRED PA RMONGS PA BAG MED GANG, ,RO BDE RNAMS KYANG DE BZHIN DU, ,LHA YI TSOGS NI RNAM RMONGS PAS, ,SRID NAS SRID PAR 'KHYAMS PA YIN, ,MED GYUR NAS NI YOD PAR 'GYUR, ,YOD PA NGES PAR G-YO BA'ANG YIN, ,LHA RNAMS LTUNG BAR GYUR PA YI, ,CHOS DE 'DI LA RNAM PAR GNAS; ;ZHES BYA BA'O, ,DE LTAR BYA DE DAG GIS RI DE LA RGYU BA RNAMS LA DAM PA'I CHOS DANG LDAN PA RNAM PA DU MAR RJOD PAR BYED DO, ,DE NAS LHA GANG DAG SNGON LEGS PAR BYAS PA'I LAS LA SPYAD PAR GYUR PA DE DAG RNAMS NI, BYA DE DAG GIS RNAM PAR BRJOD PA NYE BAR 'DZIN TO, ,NYE BAR BZUNG NAS KYANG YID LA BYED DO, ,GANG DAG
CHOS RNAMS LA RJES SU MA SPYAD PA DE DAG RNAMS KYIS NI, TSIG GCIG KYANG MI GO'O, ,DE'I PHYIR NA RANG LA PHAN PA DANG, GZHAN RNAMS LA PHAN PAR 'DOD PAS BRTZON PA DU MAS KYANG YE SHES KYI SNANG BA LA CHED CHER 'GYUR BAR BYA'I, SKYABS KYI RNAM PA DE LTA BU SMAN RNAMS SAM, NGAN 'GRO THAMS CAD LAS NGES PAR SGROL BAR 'GYUR BA GZHAN NI, YOD PA MA YIN NO, ,YE SHES KYIS NI, JI LTA BA BZHIN DU BDE BA MCHOG GI SA BON DU 'GYUR TE, BSTEN PA DANG, BSAM PA DANG, BSNYEN BKUR BYAS PA DE DAG GIS SHES RAB DE LTA YON TAN DANG LDAN PAS NA, NGES PA KHO NAR MYA NGAN LAS 'DAS PA MTHAR BYED PAR 'GYUR RO, ,LHA GANG DAG BAG MED PAR RNAM PAR RGYU BA RNAMS KYIS BYA DE DAG RNAMS KYI RNAM PAR BRJOD PA NYE BAR BZUNG NAS DE DAG RNAMS YUD TZAM ZHIG BAG MED PA NYE BAR ZHI BAR 'GYUR RO, ,GZHAN YANG LHA DE DAG RNAMS DE NYID KYIS NAGS DANG, NYE BA'I NAGS DGA' BA DE NA RIN PO CHE DU MAS RNAM PAR GSAL BA'I RTZE MOR LHA DE DAG 'DOD PA'I YON TAN LNGA YANG DAG PAR LDAN PAR GYUR PAS RNAM PA DU MAR DGA' ZHING KUN TU YANG SPYOD DE, JI SRID DU 'DOD PA DANG, SDUG PA DANG, YID DU 'ONG BA BYAS SHING BSAGS PA'I LAS RNAMS ZAD PAR MA GYUR BAR DU'O, ,DES DE DAG
, ,RNAMS ZAD NAS GZHAN YANG RNAM PAR 'JUG CING RAB TU YANG LTUNG STE, JI LTAR LAS RNAMS KYIS NYE BAR 'GRO BA DMYAL BA DANG, YI DVAGS DANG, DUD 'GRO RNAMS SU SKYE'O, ,LHAG MA RNAMS KYIS GAL TE MI RNAMS DANG SKAL BA MNYAM PA MIR SKYES NA DE RTAG TU SKYID PA'I MCHOG TU 'GYUR RO, ,SKYES PA NAS BZUNG NAS GZHAN RNAMS KYIS KYANG BKA' MI SGO BA DANG, RANG CI 'DOD PA BZHIN DU BYED PA DANG, MCHOG TU LONGS SPYOD DANG LDAN PA DANG, SHES RAB LA MCHOG TU DGA' BA DANG, MCHOG TU YON TAN DANG GZUGS PHUN SUM TSOGS PA DANG, SKYE BO THAMS CAD KYIS BYAMS SHING SNYING DU SDUG LA YID DU 'ONG ZHING MTHUN PAR 'DZIN PA DANG, SKYE BO THAMS CAD KYIS MCHOD PAR BYED PA DANG, DGA' ZHING 'DOD PA'I YUL RNAMS SAM, TSONG 'DUS DANG, GRONG KHYER RNAMS SU SKYE BAR 'GYUR RO, ,RANG GI SKYE BO DANG, GROGS DANG, GNYEN 'DUN RNAMS KYIS KYANG MCHOD PAR 'GYUR RO, ,RGYAL PO'AM, RGYAL PO'I BLON PO RNAMS SU'AM, SEMS DRANG PO'I RANG BZHIN CAN; CHOS DANG LDAN PA, CHOS KYI RJES SU 'JUG PA'I YANG DAG PA'I LTA BA CAN DU LAS DE'I RGYU MTHUN PAR 'GYUR RO, ,'PHAGS PA DAM PA'I CHOS
DRAN PA NYE BAR GZHAG PA, BAM PO BZHI BCU RTZA BDUN PA, GZHAN YANG DGE SLONG LAS KYI 'BRAS BU RNAM PAR SMIN PA SHES PA DE 'THAB BRAL GYI LHA RNAMS KYI SA LA RNAM PAR LTA BAR BYED PA NA JI LTAR YOD PA DES THOS PA LAS BYUNG BA'I SHES RAB KYIS SHES PA NI, 'THAB BRAL BA'I LHA RNAMS KYIS BRTZEGS PA RGYU BA ZHES BYA'O, ,SA DER LAS GANG GIS SEMS CAN RNAMS SKYE BAR 'GYUR BA'ANG DES THOS PA LAS BYUNG BA'I SHES RAB KYIS MTHONG BA NI, JI LTAR GANG DAG GIS LEGS PAR BYAS PA'I LAS KYI MTHA' LA SPYOD PA RNAMS MCHOG TU TSUL KHRIMS DANG LDAN PAR GYUR NAS RTAG TU GZHAN LA GDUNG PAR MI BYED PAR GYUR CING 'PHAGS PA BZHED PA'I TSUL KHRIMS KYI MCHOG BYAS SHING BSAGS PAR GYUR PA, MA NYAMS PA, SKYON MED PA, MA SMAD PA, BRTAN PA, BDE 'GRO THAMS CAD KYI SGO 'BYED PAR BYED CING NGAN SONG GI SGO THAMS CAD GCOD PAS MCHOG TU BSIL BA'I RNAM PAR SMIN PA CAN PA DANG MA LTA BUR GYUR PAS SHIN TU BAR YANG SKYABS 'OS SU GYUR PA MCHOG TU 'JIG RTEN LA PHAN PAR GYUR PA'I YON TAN GSUM DANG LDAN PAS SKYE BAR 'GYUR RO, ,YON TAN GSUM PO RNAMS GANG ZHE NA, 'DI LTA STE, SROG GCOD PA DANG, MA BYIN PAR LEN PA DANG, 'DOD PAS LOG
, ,PAR G-YEM PA SPONG BA'O, ,DE LA SROG GCOD PA DANG, MA BYIN PAR THEN PA NI, BSHAD ZIN TO, ,'DOD PAS LOG PAR G-YEM PA RNAM PA 'DI LTA BU RNAMS KYANG SPONG STE, DPER NA YANG JI LTAR RINGS PA RINGS PAR 'GRO BAR 'GYUR BA NA RTZIG PA'I PHAG GAM RAB TU RGYU BA MTHONG BA NA'ANG RUNG STE, BUD MED KYI GAR RAM RGYAN RNAMS KYI SGRA THOS NAS KYANG RO MYANG BAR MI BYED DO, ,KUN TU RTOG PAR MI BYED DO, ,DE LA YID KYIS RAB TU SMON PAR MI BYED DO, ,GZHAN DAG RNAMS BYED PA NA'ANG RJES SU YI RANG BAR MI BYED DO, ,BYED PA RNAMS KYANG RAB TU 'GOG PAR BYED DE, BSHAGS SU 'JUG GO ,NYES DMIGS RNAMS STON PAR BYED DO, ,NYES DMIGS RNAMS KYI ZHING JI LTA BA 'DI NI, 'DI LTA STE, 'DOD PA LA LOG PAR G-YEM PA'O, ,RGYU DES NI, SEMS CAN RNAMS DMYAL BAR RJES SU RGYUG PAR BYED DO, , ZHES DE LTAR GZHAN RNAMS LEGS PAR 'GOG PAR BYED CING SO SOR GO BAR BYED DO, ,DGE BA'I LAS RNAMS KYI MTHA' LA SPYOD PA DE DE LTAR BYED PAR 'GYUR ZHING DE LTA BU'I TSUL KHRIMS LA RAB TU GNAS PAS DE LTAR YANG YONGS SU DAG PAR TSANGS PAR SPYAD PA SPYOD PA DE DAG RNAMS NI, LUS ZHIG NAS BDE 'GRO MTHO RIS KYI 'JIG RTEN LAS
'THAB BRAL GYI LHA'I SA BRTZEGS PA RGYU BA ZHES BYA BA DER SKYE'O, ,DER NGES PAR SKYES PA 'DIS DGE BA'I LAS KYI MTHA' LA SPYAD PAS BDE BA 'DI DAG RNAMS 'BYUNG STE, 'DI LTA STE; BRTZEGS PA RGYU BA'I RI NI, NYE 'KHOR DU DPAG TSAD LNGA BRGYA'O, ,BYA'I SGRA YID DU 'ONG BA RNAM PAR SGROG PA DGA' BAR 'GYUR BA BRGYA PHRAG GIS NYE 'KHOR KUN TU GANG BA GTING DU SONG BA DANG LDAN PA'I NANG GI GDANGS KYI SGRAS KHYAB PAS GLU SNYAN PA DANG 'DRA BA NYE 'KHOR NA RNAM PAR GSAL BAR BYED DO, ,DE YANG GANG GI TSE DANG PO KHO NA SKYE BAR GYUR PA NA DE RIN PO CHE SNA BDUN GYI RANG BZHIN GYI LJON SHING DANG NYE BAR SKYE'O, ,DE JI LTAR MI RNAMS GNYID LOG PA NYID NA THO RANGS KYI GLU DBYANGS KYIS RAB TU SAD PAR BYED PA DE BZHIN DU DE BYA'I SGRA THOS NA, YID 'PHROG PAS RAB TU SAD PAR BYED DO, ,JI LTAR RI RNAMS KYI RTZE MO LA STON KA'I NYI MA DANG PO SHAR BAR GYUR PA DE BZHIN DU DE'I BDAG NYID KYI DNGOS PO RNAM PAR GSAL BA YIN NO, ,DE LTAR CUNG ZAD KYANG 'DRA BA TZAM ZHIG DPER BYAS PAR ZAD DO, ,GANG GI TSE DE RNAM PA THAMS CAD DU BLO RNYED PAR 'GYUR BA DE'I TSE DE'I LEGS PAR BYAS PA'I LAS KYI BYA DES DRAN PAR BYA BA'I DON DU LEGS PAR BYAS PA'I LAS KHO NA'I TSIGS SU BCAD PA BRJOD PA NI, JI LTAR, 'KHRUL 'KHOR
, ,RGYUS PAS SBREL BYAS SHING, ,BSHANG GCI MCHIL MAS SA GZHI GANG, ,BUD MED LAS KHYOD 'DI NAS NI, ,PHA ROL 'GRO BAS MI NUS PAS; ;SLU BYED THANG GI RI BO STE, ,SHIN TU BRTZON PA'I KHYAD PAR GYIS, ,TZAB HRAL SHIN TU SEMS 'KHRUL PA'I, ,BUD MED NGAN LA KHYOD MA 'KHRUL, ,RGYAN RNAMS DANG NI DE BZHIN SGRAS, ,RNAM 'KHRUL SHIN TU 'KHRUL BAR BRJOD, ,BUD MED BRJOD PA'I THABS LAG GIS, ,SKYES BU MYUR DU 'PHROG PAR BYED, ,RNAM PA SNA TSOGS ME TOG LA; ;RKANG DRUG JI LTAR RGYU BYED PA, ,DE BZHIN DE NI MI RNAMS LA, ,BUD MED RNAM PA DU MAS RGYU, ,JI LTAR ME TOG RTZI 'THUNGS NAS, ,ME TOG GZHAN LA 'GRO BAR 'GYUR; ;DE BZHIN SKYES PA 'THUNGS NAS NI, ,BUD MED MYUR DU 'GRO BAR 'GYUR, ,NOR DANG SGOM LA SPYAD PA DANG, ,KHRON MA RTAG TU BSTEN DKA' BA, ,MI NI BSLUS NAS MYUR BAR YANG, ,GZHAN DU YANG NI 'GRO BA YIN, ,G-YO DANG SGYU DANG RI DANG NI, ,K'A LA KU tA'I DUG DANG MTSUNGS, ,BUD MED SKYES PA'I 'JOMS BYED YIN, , DON MIN BYED PAR RNAM PAR GNAS, ,JI LTAR RLUNG DANG NAM MKHA' DANG, ,ME RNAMS MI YIS SBREL MI NUS, ,DE BZHIN THABS BRGYAS BUD MED RNAMS, ,MI YIS
BSRUNG BAR NUS PA MIN, ,DON MIN NAD DANG 'CHI BDAG DANG, ,NYES PAR BYAS PA'I LAS RNAMS KYI'ANG, ,RGYUR 'GYUR MCHOG NI BUD MED YIN, ,THAR PA'I SPYOD LAS 'CHING BA YANG, ,GANG YANG RNAM PA DU MAR YANG, ,'JIGS PA'I G-YANG SA DAG TU YANG, ,ME YI 'JIG RTEN 'KHRID BYED PA'I, ,DE RGYU MCHOG KYANG BUD MED YIN, ,STOBS MIN LANG TSOS KYANG MA YIN, ,MKHAS PAS KYANG NI ZHI MI NUS, ,NYI MA'I 'OD ZER JI LTA BAR, ,MO RNAMS TZA BA HRAL LHAN CIG SKYES, ,MAR ME'I 'OD RNAMS JI LTAR 'DIR, ,DE DAG RNAMS KYI SNYING MI RTAG ,DE RNAMS ZHE SDANG RTAG PAR YANG, ,RTA RNAMS 'THAB MO JI BZHIN NO, ,NOR ZAD NAS NI CHAGS DANG BRAL, ,NOR ZOS NAS NI 'JOMS PAR BYED, ,CI SRID NOR YOD DE SRID MOD, ,NOR NYAMS BUD MED GA LA RNYED, ,STEN DANG SBYIN DANG NYER LONGS SPYOD, ,RNAM PA THA DAD THABS KYIS KYANG,, SEMS NI 'BAR BA DANG MTSUNGS PA'I, ,BUD MED GZUNG BAR NUS MIN TE, ,JI LTAR SKYES BUS RJES MTHUN PAR, ,JI LTA JI LTAR 'DU BYED PA, ,DE LTA DE LTAR BUD MED KYIS, ,MI DE RNAMS NI RTAG TU SLU, ,JI LTAR MI LA ME TOG BRGYAN, ,DE BZHIN GZUGS KYIS BRGYAN PA YI, ,BUD MED RNAMS KYIS SEMS 'DI YIN, ,DUG GI ME TOG
, ,MTHONG JI BZHIN, ,BLTA DGA' ZHI BYED MA YIN NO, ,BUD MED DUG GI ME TOG MTSUNGS, ,RAB TU BRTZON PAS YONGS SU SPANGS, ,MI RNAMS RTAG PAR 'DOD PA DANG, ,YUL RNAMS LA YANG CHED CHER 'DZIN, ,'JIG RTEN 'DI DANG GZHAN DU YANG, ,MI NI BDE BA'I SKAL LDAN MIN, ,BDE LA CHAGS DANG BAG MED GANG, ,LE LO DANG NI TZAB HRAL G-YO, ,SDIG PA STEN BYED ZHIM PO ZA, ,MIS NI BZANG PO MTHONG BA MIN, ,SBYOR LDAN BRTAN PO BRTZON 'GRUS CAN, ,CHOS PA BUD MED RNAM SPANGS PA, ,MKHAS PA RGYU 'BRAS LA DAD PA'I, ,MIS NI BZANG PO 'THOB PA YIN, ,SKYON GYI DRA BA 'DI DAG KUN, ,BUD MED SGYU YIS SA 'DIR SPYOD, , THOS LDAN BUD MED RNAM SPANGS PA, ,'THAB BRAL 'JIG RTEN MNGA' BDAG CHE, ,DE LTAR LHA DES RMI LAM GYI NANG BZHIN DU GNYID SAD PA NA THOS SO, ,BYA DE'I SGRA RNAM PAR SGROG PA'I BYA DE DAG NI, RNAM PA DU MAR YON TAN SHIN TU PHUN SUM TSOGS PA GSHOG PA GNYIS PHAN PAR 'GYUR BA'I LAS BYAS PA'I BYA BA DE DAG GIS BSTAN PAR GYUR PA NA, LHA GSAR DU SKYES PA DES THOS PAR GYUR LA THOS NAS KYANG LHA DE DAG RNAMS YID CHES PA SKYE BA'O, ,SHES RAB DE SKYE BA GZHAN DU RJES SU ZHUGS PA'I SHES
PA RNAMS DRAN PAR 'GYUR BAS GANG YANG YON TAN GSUM DANG LDAN PA'I 'DOD PA SDUG PA YID DU 'ONG BA'I TSUL KHRIMS BSRUNGS PA DE RJES SU DRAN NO, ,RJES SU DRAN NAS KYANG TSIGS SU BCAD PA BRJOD PA, JI LTAR, GANG PHYIR BUD MED RNAM SPANGS PA, ,GCIG LAS TSUL KHRIMS THAMS CAD YIN, ,BUD MED RNAM SPANGS BLO LDAN RNAMS, , MYA NGAN 'DAS GRONG 'GRO BA RNAMS, ,MES MIN MTSON CHAS KYANG MA YIN, ,STOBS MIN SROG CHAGS DAG GIS KYANG, ,BUD MED RGYU YIS 'CHING BA NI, ,GCAD PAR MI NUS SGRUB DKA' DE, ,DE RGYU RTAG TU SPANG BA DANG, ,SMAD PAR YANG NI BRTZON PAR GYIS, ,DE SPANGS PAS NI 'THAB BRAL GYI, ,BDE BA BLA NA MED 'DI 'THOB, ,BDE BA GZHAN LAS CHES BDE BA; ;'GYUR MED GO 'PHANG NGA YIS THOB, ,DE LTAR BYA DE DAG RNAMS KYI GZUGS DANG, RTZE DGA' BA MNGON PAR MTHONG ZHING SGRA RNAM PAR BRJOD PA RNAMS KYANG THOS NAS RAB TU DGA' BA'I YID KYIS DE LTA'I 'JIG RTEN RNAMS LA MNGON PAR LTA BAR BYED PA NA DES MTHONG BA NI, BRTZEGS PA RGYU BA'I RI DE KUN TU KHYAB PAR LJON SHING BRGYA STONG PHRAG DU MA RNAMS 'OD KYI PHRENG BA DANG LDAN PA RNAMS MTHONG BA DANG 'BAB CHU BRGYA STONG DANG RAB TU LDAN PA BYA'I TSOGS RNAMS KYIS SGRA KUN NAS SGROG PA'I SGRA RNAMS
, ,THOS PAR 'GYUR RO, ,RNAM PA SNA TSOGS PA'I RIN PO CHE'I SGROS SPRAS PA RNAM PA SNA TSOGS PAR DGA' BAR 'GYUR BA'I PADMA'I RDZING BU BRGYA STONG DANG LDAN PA LA BUNG BA'I TSOGS SGRA 'BYIN PAS NYE BAR MDZES PAR GYUR PA SNGA NA MTHONG BA SHIN TU DGA' BAR GYUR PA'I RI GZHAN DANG MI 'DRA BA 'THAB BRAL GYI 'JIG RTEN RNAMS DES MNGON PAR MTHONG NAS DE DANG 'DRA BA'I NGO BO'I DGA' BA THOB PAR GYUR TO, ,DE SHING GI DRUNG DE LAS LANGS NAS DE RANG GI LUS LA KUN TU LTA'O, ,DES LEGS PAR MNGON PAR MTHONG BA NI, RANG GI 'OD RNAMS KYIS GSAL BAR GYUR PA, 'OD ZER BRGYA PHRAG DU MA RNAMS KYIS RAB TU GSAL BAR BYED PA; MCHOG TU GYUR PA'I DPAL GYIS CHES SNANG BAR GYUR PAS MTHONG NA, SHIN TU NGO MTSAR BAR RANG GI LUS MNGON PAR MTHONG NAS GZUGS KYI RGYAGS PAS DREGS PAR 'GYUR RO, ,DE'I RJES LA RGYAGS PA GNYIS PA 'DI DE'I SNYING LA 'JUG PAR 'GYUR BA NI, 'DI LTA STE, DE 'DI SNYAM DU SEMS PAR 'GYUR RO, ,NGA LTA BU 'GA' ZHIG YOD PA MA YIN ZHES DE'I SEMS BSKYED PA TZAM NYID NA LHA GANG DAG GIS GANG DAG RNAMS LAS SEMS PAR BYED PA DE DAG RNAMS NYID PHUN SUM TSOGS
PAR 'GYUR RO, ,DE'I NANG DU'ANG RGYAGS PA GSUM PA SNYING LA 'JUG PAR 'GYUR TE, DE'I RJES LA 'DI'I DBANG PO LNGA YUL LNGA PO RNAMS LA DE'I SNYING DANG SEMS DGA' BAR 'GYUR RO, ,DE DE LTAR RNAM PA BDUN DU YID 'PHROG PA GANG YIN PA DE'I DGE BA'I CHOS LA BRTZON PAR BYA BA DE DAG RNAMS THAMS CAD KYANG DE BZHIN DU BRJED PAR 'GYUR TE; SEMS YANG BAR GYUR PA'I PHYIR DANG, BAG MED PA MANG BAR GYUR PA'I PHYIR DANG, RTAG TU BAG MED PAS BAG MED PAR GNAS PA'I PHYIR YANG STE, YUL LNGA'I ZHAGS PAS BCINGS SHING SRID PA'I 'CHUMS RDUL RNAMS KYIS KYANG 'GUL BAR CHAGS PAR GYUR PAS DE BRTZEGS PA RGYU BA'I RI DE LA 'KHOD DE BDE BAS GNAS PAR BYA BA'I PHYIR RO, ,RI DE LA'ANG SA GSUM YOD DE, 'OG GIS DANG, STENG GI SA STE, DE LA 'OG GIS LA NAGS TSAL LNGA YOD PA RNAMS LA 'DI LTA STE, DRI RGYU BA DANG, 'OD ZER GYI RTZE MO DANG, 'OD 'PHRO BA DANG, RTAG TU MNGON PAR DGA' BA DANG, MTHO BAR BRTZEGS PA'O, ,DE LA DRI RGYU BA'I NAGS NA NI, GANG CUNG ZAD CIG SKYE BA DE DAG THAMS CAD DRI CHES LHAG PAR 'GYUR RO, ,DRI DE DAG KYANG DPAG TSAD LNGA STONG DU 'GRO BAR 'GYUR RO, ,'OD ZER GYI RTZE MO'I NAGS NA NI, MTSUNGS PA MED PA'I RNAM PA DU MA'I
, ,'OD ZER RIN PO CHE LAS BYUNG BA RNAMS KYIS MNGON PAR GSAL BAR GYUR PA'O, ,NYI MA BRGYA STONG PAS LHAG PA'I 'OD 'PHRO BA'I NAGS NA NI; SHIN TU BAR YANG 'OD 'BAR BA DANG LDAN PA'I LHA RNAMS GNAS SO, ,'DOD PA'I YON TAN LNGA PHUN SUM TSOGS PA'I RTAG TU MNGON PAR DGA' BA'I NAGS NA NI; MTSO BRAN DANG, 'BAB CHU RNAMS KYANG BRGYA STONG PHRAG DU MAR LHA RDZAS KYI RO DANG, DRI DANG, KHA DOG RNAMS PHUN SUM TSOGS PA RNAM PA DU MA RNAMS SO, , MTHO BAR BRTZEGS PA'I NAGS NA NI, MCHOG TU MTHO BA'I RTZE MO RIN PO CHE SNA BDUN GYI RANG BZHIN GSAL BAR GYUR PA'I RTZE MO RNAMS YIN NO, ,SA GNYIS PA 'DI DAG RNAMS NA'ANG RIN PO CHE BDUN GYI RANG BZHIN DU GYUR PA'I STENG KHANG BRGYA STONG DU MA YOD DO, ,PADMA'I RDZING BU NA BYA'I TSOGS DGA' BAR 'GYUR BA BRGYA STONG DANG, GZHAN YANG SGRA DANG, REG BYA DANG, RO DANG, GZUGS DANG, DRI RNAMS 'DOD PA, SDUG PA, YID DU 'ONG BA, MTHUN PA, YID RTAG TU 'DRE BAR BYED PA RNAMS KYIS KUN TU GANG BA'O; ;STENG GI SA 'DI'I SA GZHI DE'I GZHI LA DPAG TSAD BRGYAR LHA MTHU STOBS CHE BAS KUN TU GANG BA'O, ,GZHI DE DAG LA'ANG RIN PO CHE'I NAGS ZHES BYA BA RNAM PA SNA
TSEGS PA'I 'BAB CHU DANG, ZAS KYI CHU KLUNG DANG, SKOM GYI CHU KLUNG DANG, LJON SHING DANG, MCHE'U DANG, PADMA'I RDZING DANG, TSAL DANG, SKYED MOS TSAL DANG, DPAG BSAM GYI SHING DANG, LHA RDZAS KYI ME TOG DANG, 'BRAS BU'I YON TAN LHAG PA BRGYA STONG DANG LDAN PAR GYUR PA RAB TU DGA' BA'I LHA DANG LHA MO BRGYA STONG PHRAG GIS KUN TU GANG BA DE DAG LA SONG NAS KYANG SHIN TU 'THAB BRAL NI, MU SU LUNDHA DANG LHAN CIG 'ONGS NAS LHA RDZAS KYI 'DOD PA'I YON TAN LNGA PO 'DOD PA'I SGRA DANG, REG BYA DANG, RO DANG, GZUGS DANG, DRI DANG YANG DAG PAR LDAN PA SRED PA'I MI RNAMS SKYED PAR BYED PA LA DGA' ZHING KUN TU SPYOD PAR YANG BYED DO, ,DE LTAR LHA DE BRTZEGS PA RGYU BA'I RI DE LA RNAM PA SNA TSOGS PA'I YUL GYI BDE BA'I RGYU 'BRAS SO SOR RNAM PA THA DAD PA RNAMS LA DGA' BZHIN DU KUN TU SPYOD PAR BYED DO, ,DE NAS LHA GSAR DU SKYES PA DE YUL GYI BDE BAS NGES PAR BSKUL NAS GANG NA RI YOD PA DE DAG NYID DU PHAL CHE BA KHO NAR NYE BAR 'GRO BA NA DE GCIG PUR MTHONG NAS LHA GZHAN DE DANG NYE BAR BSNYEN NAS 'GRO BAR BYED, MIG DGA' BAS KUN TU RGYAS PAS DE'I DRUNG DU NYE BAR 'GRO NA JI LTAR LHA 'DI NI, GSAR DU SKYES PA YIN NO, ,ZHES SO, ,DE BZHIN DU LHA GZHAN GYIS KYANG DE LA
, ,'DI SKAD CES SMRA STE, JI LTAR GSAR DU SKYES PA YIN NO, ,ZHES BYA BA JI LTA BA BZHIN DU 'DI'I SRID PA JI LTAR SHES, DE NAS LHA DES 'DI SKAD CES SMRA STE, JI LTAR RTAGS LNGA PO DE DAG NI, LHA GSAR DU SKYES PA DE'I YIN PA LA 'DI LTA STE, 'OD RNAMS 'PHRO BAR 'GYUR RO, ,GOS RNAMS NI, RANG GI LUS LAS 'PHROS PA'I 'OD ZER GYIS LUS RNAMS RAB TU 'GEBS PAR 'GYUR GYI, 'DI LA GOS NI, YOD PA'ANG MA YIN NO, ,'DI NI, LHA'I RTAGS DANG PO YIN NO, ,GZHAN YANG LHA GSAR DU SKYES PA'I RTAGS 'DI LTA STE, NGO MTSAR BAR GYUR PAS MIG GI RGYU BA KUN TU GTOD PAR BYED DE, DE SHIN TU NGO MTSAR BAR GYUR PAS NAGS DANG, NYE BA'I NAGS SNGAR MA MTHONG BA RNAMS LA LTA BAR BYED PA 'DI NI, GSAR DU SKYES PA'I RGYU MTSAN GNYIS PA'O, ,GZHAN YANG GSAR DU SKYES PA'I RGYU MTSAN 'DI LTA STE; BUD MED RNAMS MTHONG NAS NGO TSA DANG BCAS PAR 'GYUR RO, ,SHES CHUNG BA DANG, DOGS PA DANG BCAS PAR 'GYUR RO, ,GZHAN YANG GSAR DU SKYES PA'I LHA'I RGYU MTSAN NI, SNGA NA MED PA'I LHA MTHONG NAS DOGS PA DANG BCAS PAS RTZAR BSNYEN NO, ,GZHAN YANG GSAR DU SKYES PA'I RTAGS NI, JI LTAR NAM MKHA' LA 'PHAGS
NA 'JIGS PAR 'GYUR ZHING NYAM NGA BAR 'GYUR RO, ,DE'ANG CUNG ZAD DANG, THUNG NGU NA DANG, DAL BUS KYI DBANG GIS SA GZHI DANG THAG NYE BAR GYUR PAS PHAN TSUN LA BRTEN NAS 'GRO'O, ,RGYU MTSAN LNGA PO DE DAG NI, GSAR DU SKYES PA RNAMS KYI YIN NO, ,DE LA 'DIR NI, RTAGS 'DI DAG RNAMS THAMS CAD KYIS KYANG GSAR DU SKYES PA DE MNGON PAR MTSON PAR BYED DO, ,GSAR DU SKYES PA DE BDAG GIS 'DIR BSTEN PAR BYA'O, ,DE NAS LHA DE LHA DE DAG RNAMS KYIS NYE BAR BSNYEN CING YONGS SU BSKOR NAS BRJOD PA JI LTA BA BZHIN DU LTOS DANG, SKAL PA CHEN PO DANG LDAN PA KHYOD NYE BAR SKYES PA NI, RANG GIS BYAS PA'I MDZES PA'I LAS DU MA'I TSUL KHRIMS RAB TU BSRUNGS SHING BSGOMS TE NYAMS SHING SMRAS PA DANG, THUN TSAGS MA YIN PAS KHYOD 'DIR SKYES SO, ,DE LTAR LHA GANG DAG SHIN TU BAG MED PA'I YID CAN MA YIN PA DES LHA DE LA DE SKAD CES THAMS CAD SMRAS NAS GANG NA BRTZEGS PA RGYU BA DE'I SA NYE BAR 'PHEL BA DER 'KHOD DO, ,SRID PA'I GZHI LA 'DUG NAS KYANG SNA TSOGS PA'I GLU DANG, ROL MO'I SGRA YID RAB TU DGA' BA PHAN TSUN LHAN CIG TU RGYAGS PA LA DON GCIG PA DE DAG MNGON PAR MTHONG NAS LHA GSAR DU SKYES PA DE RAB TU DPYOD PAR BYED
, ,DE; JI LTAR BDAG GCIG PU RI'I GSEB DE DAG TU ZHUGS PAR BYA'O, ,ZHES SA DE DAG RNAMS SU'ANG BRGYUS PAR GYUR NAS GANG NA BRTZEGS PA RGYU BA'I RI DE YOD PA DER ZHUGS SO, ,DE NAS DES LHA'I BU MO'I TSOGS CHES CHE BA RNAMS RGYAN DANG CHA BYAD DU MA DANG, BCA' BDAR DU MAS NYE BAR BRGYAN PA, RNAM PA DU MA'I ROL MO DANG, RNGA SGRA DANG, GLU DBYANGS KYIS RAB TU DGA' BAR GYUR PA RNAMS MTHONG NGO, ,DE NAS LHA MO DE DAG RNAMS KYIS LHA MNGON PAR GSAR BAR MTHONG NAS KUN TU BSKOR NAS MCHOG TU RAB TU DGA' BA, MCHOG TU RGYA CHE BA'I CHA BYAD DANG RGYAN CAN NGO MTSAR BAR GYUR PA'I MIG DAG GIS LHA DE MCHOD PAR BYA'O, ,ZHES BYAS NAS NYE BAR GNAS PAR GYUR TO, ,DE NAS THAG NYE BAR BSNYEN TE BYIN NAS KYANG LHA MO DE DAG RNAMS DE DANG POR MTHONG BA TSIM ZHING MCHOG TU DGA' BA'I YID KYIS LHA DE LA 'DI SKAD CES SMRAS SO, ,JI LTAR LHA KHYOD NYID MTHONG BAS CHED DU BYAS TE NGES 'DIR 'ONGS KYI, RANG GI LAS KYI 'BRAS BU, DGE BA'I 'BRAS BU NAGS DANG, NYE BA'I NAGS RNAMS DANG, RNAM PA SNA TSOGS PA'I RI'I SUL DANG, GAD LOGS DANG, RI ZHOL RNAMS SU DGA' BAR MDZOD, GZHAN YANG MTHO RIS KYIS GNAS
RIN PO CHE BDUN GYI RANG BZHIN RNAM PA SNA TSOGS PA'I 'OD ZER GYI PHRENG BA RNAMS DANG, RI DU MA RNAMS LA RNAM PA SNA TSOGS PA'I ME TOG GI SHING GI TSOGS KUN NAS 'DUD PA MI G-YO BA RNAMS DANG, RI RNAMS KYI NAGS KHROD RNAMS LA 'KHRI SHING GI KHANG BU RNAMS DANG, GZHAN YANG MTHO RIS RNAMS KYI SA PHYOGS RNAMS LA'ANG RNAM PA SNA TSOGS PA'I ROL MO'I SGRA DANG, RNGA SGRA DANG, GLU SGRA KUN NAS BSGRAGS PA RNAMS DANG, 'TSER BA'I GSER BDUN SPRAS PAS RNAM PAR GSAL BA RNAMS DANG, GZHAN YANG YUL PHYOGS GZHAN RNAMS LA 'BAB CHU DANG, CHU KLUNG DANG, TSANG TSING DANG, PADMA'I TSAL RNAM PA DU MA RNAMS DANG, GZHAN YANG NAM MKHA'I DKYIL NA GZHAL YAS KHANG BRGYA STONG DANG RAB TU LDAN PAR MCHOG TU DGA' BA RNAMS LA BDAG CAG RNAMS DANG LHAN CIG TU LHA DGA' BAR MDZOD, DE NAS DGE BA'I LAS RNAMS THAMS CAD LAS BYUNG BAR GYUR PA'I LHA DES DE DAG RNAMS LA 'DI SKAD CES SMRAS SO, ,'DOD PA THAMS CAD KYIS NGOMS PAR BYED PA'I MTHO RIS KYIS RNAMS SU BDAG CAG RNAMS JI LTA BA BZHIN DU DGA' BAR BYA'O, ,DE NAS PHAN TSUN LHAN CIG TU SNA TSOGS PA'I RNGA SGRA SGROG PAR GYUR PAS RAB TU DGA' BA DANG LDAN PA'I YID CAN RNAMS
, ,LEGS PAR BYAS PA'I LAS MA LUS PA'I 'BRAS BU LA NYE BAR LONGS SPYOD PAR GYUR PAS GZHAN GANG DANG GANG NA SHING RTA SNA TSOGS PA ZHES BYA BA'I NAGS YOD PA DER LEGS PAR NYE BAR 'GRO BAR BYED LA, NAGS DE NA NI, BLTA BAR SDUG PA'I GZUGS DU MA'I YUL RNAMS DANG, DE BZHIN DU RO RNAM PA SNA TSOGS PA'I DGA' BAR 'GYUR BA'I RO DU MA RNAMS DANG, DE BZHIN DU DGA' BAR 'GYUR BA'I DRI DU MA RNAM PA SNA TSOGS PA'I DRI RNAMS DANG, DE BZHIN DU DGA' BAR 'GYUR BA'I REG BYA DU MA RNAM PA SNA TSOGS PA, MNAN NA NE MA LA BTEG NA 'PHAR BA'I SA PHYOGS DANG, MA BTAGS PA'I GOS 'JAM ZHING SRAB LA TSAGS DAM PA DUM RNAMS DANG, DE BZHIN DU DGA' BA RNAMS PA DU MA SNA TSOGS PA'I BYA RNAMS KYI SGRA DANG, GLU DANG, PHEG RDOB PA'I GLU MKHAN GYI SGRA CHAGS PAR 'GYUR BA'I DBYANGS KYI SGRA DU MA RNAMS SO, ,DE LAM DE NYID NAS YUL RNAMS LA NYE BAR BYED CING RGYAN DANG CHA BYAD SNA TSOGS PA'I LHA'I BU MO RNAMS DANG RNAM PA DU MAR LHAN CIG TU DGA' BAR BYED DO, ,DE NAS NAGS DE DAG NA YON TAN DE DAG RNAMS SHIN TU PHUN SUM TSOGS PA LHA DANG LHA MO DU MAS KUN TU GANG BA YID SHIN TU
NGO MTSAR CHE BA RNAMS KYI DBANG DU GYUR PAS LEGS PAR MTHONG BA DANG, RNAM PA DU MAR YANG MIG GI RGYU BA LEGS PAR GTOD PAR BYED DO, ,NAGS DANG, NYE BA'I NAGS DE DAG RNAMS KYI YUL PHYOGS RNAMS LA MAR GA TA'I SDONG BU RNAMS KYI RTZE MO SNGON PO'I PHRENG BA RNAMS DANG, SA GZHI RNAMS LA'ANG THANG LA RGYU BA'I BYA RNAM PA SNA TSOGS PA RNAM PAR BKRA BA RIN PO CHE SNA BDUN GYI RANG BZHIN GYI THIG LES RNAM PAR BKRA BAR BYAS PA'I BYA RNAMS PHAN TSUN LHAN CIG TU TSIG GDANGS SNYAN PA RNAMS KYIS LHAN CIG TU DGA' BAR BYED PAR MTHONG NGO, ,DE LTAR THANG RNAMS LA RNAM PAR MTHONG BAR GYUR NAS DE DAG RNAMS MTHONG NAS CHU RNAMS LA YANG MTHONG BAR 'GYUR BA NI, RGYAGS PA'I KA RAndA PA DANG, DUR PA DANG, DANG PA'I SGRA'I KHYAD PAR CAN MCHOG TU RGYA CHE BA'I CHA SHAS RNAM PA SNA TSOGS PA SNGON PO'I NAGS KYI PHRENG BA RNAMS SU MIG RIG RIG POR GYUR PAS RNAM PAR BKRA BA'I GZUGS RNAMS NYE BAR 'DZIN TO, ,GZHAN YANG 'DIS RNAM PA SNA TSOGS PA'I 'DOD PA'I BDE BA DANG LDAN PAS NAM MKHA'I DKYIL DU RNAM PAR LTA BAR BYED PA NA LHA MO'I TSOGS BRGYA STONG DU MAS KUN TU GANG BA DANG, MCHOG TU RNAM PAR BKRA BA'I RGYAN DANG CHA BYAD CAN GYI LHA'I BU MO'I
, ,TSOGS RNAMS KYIS NYE 'KHOR KUN TU GANG BA'I DE LTAR RNAM PAR BKRA BA RNAMS DES MTHONG BA YIN TE, JI LTAR KHA DOG RNAM PAR BKRA BA'AM, RTZIG PA'I LOGS SAM, TSON GYIS BRIS PA'I THANG GA BZHIN DU NAM MKHA'I DKYIL DE DAG DE BZHIN DU RNAM PAR BKRA BA RNAMS MTHONG BAR 'GYUR RO, ,GLU DANG GAR DANG RNGA'I SGRA KUN NAS SGROG PA DE DAG RNAMS DES MTHONG NAS MTHONG BA'I SKYON RNAMS RTZOM PAR 'GYUR TE, NAM MKHA' NAS NAM MKHAR RNAM PAR RTOG PA RNAM PA DU MAR G-YO ZHING 'GYUR BA'I SKYE GNAS BRGYAS KYANG NAM MKHA'I DKYIL DU BLTAS NAS PHYIR YANG GANG PADMA'I TSAL ME TOG GI TSOGS RNAMS KYIS RNAM PAR BKRA BAR BYAS PA AINDRA N'I LA DANG, SER PO DANG, DMAR PO RNAMS KYIS DBYIBS SNA TSOGS PA GSAL BAR BYAS PAS RNAM PAR BKRA BAR GYUR PA'I BYA CHU LA RGYU BA RNAMS KYIS KYANG THAN KOR RNAMS YONGS SU BSKOR BA DE DAG RNAMS KYANG LHA DES MCHOG TU DGA' BA'I YID KYIS LTA BAR BYED DO, ,DE NAS THAMS CAD DU LHA'I TSOGS MTHONG BA NI, RGYU NA MI 'CHAD PAR CHU LA 'JUG PA RNAMS DANG, RGYUN MI 'CHAD PA RNAM MKHA' LA RGYU BA RNAMS DANG, RTAG TU CHU LA RGYU BA'I BYA RNAMS DANG, LHA'I TSOGS RNAMS DANG,
CHU'I NGAN NA RGYU BA MCHOG TU DPE MED PA'I GZUGS RNAMS LA LTA BAR BYED PA DANG, SNGON GYI DGE BA'I 'BRAS BU RNAMS YIN PAR RJOD PAR YANG BYED DE, DE YANG JI LTAR, LTA BYED RGYA MTSO 'DI LA NI, ,GZUGS KYIS NGOMS PA YOD MA YIN, ,DE BZHIN YID DU 'ONG BA'I RO, ,ROS KYANG NGOMS PA YOD MA YIN, ,SNA YANG RTAG TU DRA YIS NI, ,NGOMS PAR 'GRO BA MA YIN NO, ,REG BYA BA DE DANG LDAN PA YI, ,REG BYAS LUS KYANG NGOMS YOD MIN, ,SHIN TU SNYAN CING DGA' BA'I SGRAS, ,'DI YIN RNA BA NGOMS LDAN MIN, , YID KYANG NGOMS PAR MTHONG MIN TE, ,DE BZHIN CHOS KYIS KYANG NGOMS MIN, ,DBANG PO DRUG KYANG 'GYUR LDOG GI ,THAG PAS BZUNG ZHING DKRIS NAS NI, ,'DOD PA'I SA LA RNAM MANG DU, ,RTAG TU SKRAG CING 'KHOR BAR BYED, ,'BAR BA LA NI RTZVA BZHIN DU, ,LHA RNAMS LA NI NGOMS YOD MIN, ,MI RNAMS KYI NI RANG BZHIN 'DI, ,GANG ZHIG NGOMS PA MED PA YI, ,DBANG PO DRUG MI GDUG PA NI, ,RNAM RTOG RLUNG GIS BRGYAL BA YIN, ,GANG YANG 'JIG RTEN 'DI TSIG PA, ,BLO GROS MED PAS MA RIG GO ,BAG MED RNAMS KYI SA 'DI NA, ,CHOS KYI LAM LA MI STEN RNAMS, ,DGA' BA'I YUL GYI SPYOD YUL LAS, ,RANG NYID BAG MED CHAGS BRAL GYIS, ,DE LTAR LHA DE DAG RNAMS KYIS SNGON BYAS
, ,PA RNAMS DRAN PAS SKYE BA GZHAN DRAN NAS JI LTA BA BZHIN DU TSIGS SU BCAD PA BRJOD PA YIN NO, ,SLAR YANG RANG BZHIN GYIS YUL RNAMS LA SRED PAS 'KHRID PAR 'GYUR TE, 'DOD PA'I YUL RNAMS SHIN TU G-YO BAR GYUR PA'I SGRA DANG, REG BYA DANG, RO DANG, GZUGS DANG, DRI RNAMS YON TAN DU MA DANG LEGS PAR LDAN PA NYIR NYI MA RE RE ZHING RAB TU 'PHEL BA GYUR PA BRGYA PHRAG RNAMS KYIS 'KHRID PAR 'GYUR LA, GZHAN YANG LHA DE DAG NYID DANG LHAN CIG TU DGA' BAR BYED CING 'DOD PA'I YON TAN LNGA LA RNAM PA DU MA DANG RNAM PAR RTOG PA DU MAS YONGS SU 'PHROG NAS KUN TU SPYOD PAR BYED DO, ,GZHAN YANG LHA DU MA RNAMS DANG LHAN CIG TU NAGS DANG, NYE BA'I NAGS KHROD DANG, CHU BSHAL LA BYA'I TSOGS BRGYA STONG SGRA 'BYIN PA RIN PO CHE BDUN GYI KHYAMS DANG LDAN PA DE LA DGA' BAR YANG BYED DO, ,GZHAN YANG DGA' BAR GYUR BA DE DAG RNAMS GANG LA LHA LHAG MA DE DAG RNAMS DGA' BAR BYED PA DER LHA'I TSOGS RNAMS DANG BCAS PA DGA' BAS GNAS PAR BYA BA'I DON DU LEGS PAR NYE BAR 'GRO BA'O, ,DE DAG RNAMS DER LEGS PAR NYE BAR SONG NAS DE DAG PHAN TSUN DU'ANG MCHOG TU
SNYAN PA; THOS NA DGA' BA DANG YANG DAG PAR LDAN PA SMRAS PAR GYUR CING DUS YUN RING POR YANG BRJOD NAS DE DAG LA SONG BA'I YID CAN RNAMS JI LTAR GNOD PA MED PA DANG PHAN TSUN GROGS SU'ANG GYUR PAS RTZE ZHING 'JO SGEG GO ,RIM PA 'DI DAG GIS LHA GANG DAG THAMS CAD PAS NYUNG BA DE DAG LA'ANG LHA'I BU MO PHYIR 'BRANG BAR BYED PA NI, STONG PHRAG BCU YIN TE, RTAG TU 'DOD PA LA RNAM PAR CHAGS PA'I SEMS RTAG TU 'DOD PA'I YON TAN RNAMS KYIS MI NGOMS PAR RTAG TU 'JO SGEG GIS RGYU BA BRGYA STONG DU MAS RTAG TU SEMS KUN TU CHAGS PA DE LTAR RTAG TU BUD MED RNAMS YUL DE LA MCHOG TU DGA' BAR BYED PA DE'I RGYU GANG YIN, RKYEN GANG YIN, GANG YANG MTHO RIS KYI 'JIG RTEN NA MO RNAMS PHAL CHE BAR GYUR GYI, DE NA SKYES PA DE DAG RNAMS DE NA LHAG MA YIN ZHE NA, RGYU YOD PA YIN TE, 'DI LTAR 'DOD CHAGS CHES STOBS CHE BA DANG BAR MA RNAMS ZHE SDANG BAR MA RNAMS DANG CHUNG BA RNAMS LHA'I 'JIG RTEN DU YIN PAS TE, DE LA GANG DAG LHA'I 'JIG RTEN DU SKYE BAR 'GYUR BA NA SRID PA PAR MA DO BA DES SRID PA BAR MDO LA GNAS PA NA 'DOD PA PHUN SUM TSOGS PA'I BUD MED RNAMS MTHONG BAR GYUR LA DES KYANG 'DOD CHAGS BLA LHAG PAR 'GYUR
, ,ZHING, DE BUD MED RNAMS GTZOR BYED PAR 'GYUR RO, ,BDE BA LA MNGON PAR ZHEN PA'I DBANG GIS DE SRID PA BAR MA DO BAR GYUR PA NA'ANG DE BUD MED RNAMS NYE BAR LEN PAR BYED DO, ,RGYU 'DI DAG GIS NA MTHO RIS NA BUD MED RNAMS CHES PHAL CHE'I, SKYE BA NI, MA YIN NO, ,DE DAG RNAMS LHA 'GA' ZHIG LA NI, STONG PHRAG BCU YOD DO, ,'GA' ZHIG LA NI, NYI SHU'O, ,'GA' ZHIG LA NI, SUM CU'O, ,'GA' ZHIG LA NI, BZHI BCU'O, ,'GA' ZHIG LA NI, LNGA BCU'O, ,'GA' ZHIG LA NI, DRUG CU NAS DE LTAR JI SRID DU RIM PAS STONG PHRAG BRGYA'AM, PHAL CHE LA LHAG PAR 'GYUR RO, ,BUD MED DE RNAMS 'DOD PA BSTEN PA RNAMS KYIS NGOMS PA MED PA'I SA LA SKYES PA YIN TE, GRONG BA'I CHOS RNAMS KYI RIM PA LA RGYAL CHEN RIS BZHI PA RNAMS NI, MI RNAMS BZHIN NO, ,'KHRIG PA MI RNAMS DANG MTSUNGS PA NI, SUM CU RTZA GSUM PA RNAMS SO, ,'THAB BRAL BA RNAMS NI, REG PAS SO, ,DGA' LDAN PA RNAMS NI, SMRAS PAS SO, ,'PHRUL DGA' BA RNAMS KYI NI, BLTAS PAS SO, ,DRI DANG BRJOD PA RNAMS NYAN PAS TE, GAL TE RING BA NAS DRI RNAMS 'DZIN PAR BYED DAM, GAL TE YANG MNYAN PAR GYUR NA
GZHAN 'PHRUL DBANG BYED PA RNAMS NGOMS PAR MI 'GYUR RO, ,RIM PA 'DI DAG GIS LHA GCIG KYANG LHA MO RNAMS THAMS CAD DANG MTHUN PAR 'GYUR RO, ,MANG PO RNAMS BLO MTHUN PA DANG, MIG SNGAR SDUG PA DANG, LHA RNAMS NI, SHA DANG, RUS PA DANG, SRIN RNAMS DANG SHIN TU BRAL BA DANG, LHA RNAMS NI, RING BA DANG THUNG BA RNAMS PAR SPANGS SHING STOBS DANG LDAN PA YIN NO, ,DE RTAG TU'ANG STOBS NYAMS PA MED PA DANG, PHA ROL GNON PA DANG, GZI BRJID CHE BAR YANG 'GYUR RO, ,RIM PA 'DIS LHA GCIG KYANG LHA'I BU MO BRGYA STONG MANG PO RNAMS DANG YANG MTHUN PAR 'GYUR RO, ,MDANGS GSAL BA RNAMS KYIS KYANG RTAG TU KUN NAS GANG BAS LEGS PAR RGYU BAS DANG, SNYING LA BDE BA RGYA CHEN PO DANG LDAN PAS KYANG DE DAG RNAMS MTHO RIS DER 'JUG STE, JI LTAR 'DOD PAR 'GRO BA DANG, 'ONG BA RGYU BAR BYED DO, ,RIM PA 'DIS MTHO RIS KYI LHA MO RNAMS THAMS CAD MCHOG TU GYUR PA GZHAN DANG, GZHAN RNAMS LA DGA' BAR BYED DE, DE BZHIN DU SEMS 'DOD PA LA DGA' BAR 'GYUR PA YIN NO, , GZHAN YANG LHA DE LHAN CIG SPYOD PA RNAMS DANG 'DOD PA'I 'DOD PA RNAMS LA JI LTAR 'DOD PA BZHIN DU DGA' MGUR KUN TU SPYOD PAR BYED DE, RNAM PA MANG PO DANG, RNAM
, ,PAR RTOG PA DU MAR MTHO RIS DANG RJES SU MTHUN PA RNAMS DANG, RANG GI LAS DANG 'DRA BA RNAMS KYIS BRTZEGS PA RGYU BA'I 'THAB BRAL GYI SA LA DUS SHIN TU RING POR RNAM PA DU MAR 'DOD PA'I YON TAN LNGA LA DGA' BAR BYED DO, ,LHA DANG LHA MO'I TSOGS KYIS GANG BA DE GSHED NA KUN TU RGYU BA NA RLUNG GTUM POS G-YOS PA ZHES BYA BA'I NAGS DER RIM GYIS PHYIN PA DANG DGA' BAS GNAS PA'I DON DU RTZE BAR GYUR TE, JI SRID DU SNGON GYI LAS KYI RGYU RNAMS KYIS SO, ,DE LA LAS RNAMS GCIG KYANG MA MTHONG NAS LHA MO'I TSOGS RNAMS KYIS YONGS SU BSKOR BA LAS PHYIR LA SPANGS PAR 'GYUR ZHING LHA MO RNAMS KYIS BOR BAR GYUR PA DANG DE 'CHI 'PHO BAR 'GYUR BA NAD KYI GZUGS SU RTAGS 'DI DAG RNAMS 'BYUNG STE, 'DI LTA STE, PADMA RNAMS GANG GI RTZAR NYE BAR PHYIN PA'I PADMA KHA BYE BA DANG BCAS PA DE DAG RNAMS KHA 'DZUM PAR 'GYUR TE, DE NI, SNGA LTAS RNAMS KYI DANG PO YIN NO, ,GZHAN YANG 'CHI 'PHO BA'I RTAGS NI, PADMA'I RDZING BU'I YUL PHYOGS DE DAG RNAMS SAM; SHING RNAMS KYI GSEB TU NYE BAR PHYIN PA NA YUL DE BUNG BA RNAMS KYIS YONGS SU BOR NAS YUL GZHAN DU 'GRO BAR 'GYUR BA NI, RTAGS GNYIS PA'O, ,GZHAN YANG
RTAGS GSUM PA NI, GANG DAG LHA MO RNAMS DANG LHAN CIG TU RTZE BA DE DAG GI ROL MO DE DAG RNAMS LA DE 'DOD CHAGS DANG BRAL BAR 'GYUR RO, ,GZHAN YANG RTAGS NI LJON SHING GANG LA BSNYEN PA'I LJON SHING DE'I ME TOG THAMS CAD RNYING PAR 'GYUR TE, DE DANG NI, RTAGS BZHI BA'O, ,GZHAN YANG RTAGS LNGA PA NI, SHING RTA GANG GIS SKYED MOS TSAL GYI LTAD ME LA NAM MKHA' NAS 'GRO BAR BYED PA NA NAM MKHA' LA 'PHAGS PAR MI NUS SO, ,RTAGS DE DAG RNAMS NI, 'THAB BRAL BA RNAMS KYI YIN NO, , JI LTAR SUM CU RTZA GSUM PA RNAMS KYI NI, MCHEN KHUNG LA SOGS PA RNAMS NAS RDUL RGYA CHEN POR 'BYUNG BA RNAMS YIN TE, DE LAS KYANG NGES PAR 'CHI 'PHO BAR 'GYUR BA'I RTAGS KYI THA MA DGE BA'I LAS YONGS SU ZAD PA'I RJES THOGS SU SDIG PA GANG GIS 'CHI BA'I DUS BYED PAR 'GYUR BA RNAMS YIN NO, ,DE DAG RNAMS KYANG 'CHI BA'I RTAGS CHEN PO BCU GNYIS YIN LA, DE'I SKAD CIG LA 'CHI BA'I RTAGS RNAMS RIM GYIS MTHONG BAR 'GYUR TE, SNGON GYI RGYU DANG BCAS PA'I LHA DE MI NYID DU 'CHI 'PHO BAR 'GYUR BA'I LHA DE MYUR DU 'CHI 'PHO BA'I RTAGS NI, 'DI LTA STE, GANG GI LUS LAS 'OD RNAMS 'BYUNG BAR 'GYUR BA DE RANG GI LUS KYI RJES SU 'JUG STE, JI LTAR
, ,NUB PAR 'GYUR BA'I NYI MA BZHIN NO, ,GZHAN YANG 'CHI 'PHO BA'I LTAS YOD PA NI, JI LTAR ME TOG GI PHRENG BA DANG, 'BRAS BU RNAMS RAB TU MI SDUG PAR 'GYUR RO, ,GZHAN YANG DE KHO NA 'CHI 'PHO BA'I RTAGS SU GYUR PA NI, 'DI LTA STE, MGO BO LA ME TOG GANG DAG BTAGS PAR GYUR BA DE NAS RAB TU NYI LA NAS 'GRO'O, ,GZHAN YANG DE'I DUS NA 'CHI 'PHO BAR 'GYUR BA'I LTAS YOD PA NI, 'DI LTA STE, CHU'I NANG DU SONG BA'I BDAG GI GZUGS BRNYAN GANG DANG GANG DU SKYE BAR 'GYUR BA DE DAG NYID KYI LUS KYI GZUGS BRNYAN MTHONG BAR 'GYUR TE, DMYAL BA DANG, YI DVAGS DANG, DUD 'GRO DANG, MI RNAMS KYI RNAM BA DE SRID KHO NAS NANG DU SONG BAR BDAG NYID KYI GZUGS BRNYA MTHONG BAR 'GYUR RO, ,MTHONG BA 'DI DAG NI, DE'I RJES LA 'CHI 'PHO BA'I RTAGS LNGA PA YIN TE; GANG DAG GIS DE'I GZUGS BRNYAN CAN RNAMS SAM, RNAM PA DE 'DRA BA NYID MTHONG NAS KYANG SHIN TU SKRAG PAR 'GYUR RO, ,DE'I BA SPU RNAMS KYANG TSER MA LTAR LDANG NGO, ,GZHAN YANG DE'I SKAD CIG LA 'CHI 'PHO BA'I RTAGS SU GYUR PA NI, 'DI LTA STE, GNAS LA RNAM PAR 'BYUNG BAR 'GYUR TE, GAL TE BEE d'URYA'I
RANG BZHIN GYI STAN LA GNAS PAR 'GYUR RAM, GAL TE NA DNGUL GYI RANG BZHIN NAM, GAL TE NA GSER GYI RANG BZHIN NAM, GAL TE NA AINDRA N'I LA'I RANG BZHIN GYI STAN DE DAG RNAMS THAMS CAD KYANG ZANGS MAR 'GYUR RO, ,GZHAN YANG DE DANG 'BREL NAS 'CHI 'PHO BAR 'GYUR BA'I LTAS LA 'DI LTA STE, RLUNG GIS 'DI'I GOS KUN TU SKYOD PAR BYED DE, ,REG BYA CHE MO RNAMS KYIS STAN LAS RDO RJE BAB BA BZHIN DU TSOR RO, ,DE DAG RNAMS KYIS 'DI'I YID RNAMS PAR 'GYUR BA SKYED DO, ,DE YID RNAM PAR 'GYUR BAR GYUR PAS SGRA DANG, REG BYA DANG, RO DANG, GZUGS DANG, DRI 'DOD PA MA YIN PA RNAMS LA SGRUB PAR BYED DO, ,DE'I RJES LA 'DI'I MI RTAG PA'I ME RNAMS NYE BAR 'ONG BAR 'GYUR RO, ,DE'I RJES THOGS SU PHAN TSUN DU 'CHI 'PHO BA'I RTAGS RAB TU 'BYUNG BAR 'GYUR TE, BEE d'URYA'I RANG BZHIN GYI RDO LA JI LTA BA BZHIN DU GZHAN RNAMS LA'ANG MI MTHONG NGO, ,MGO PO MA LUS PAR LHUNG BAR MTHONG NGO, ,DE'I RJES THOGS LA 'DI MYUR BAR 'BYUNG BAR 'GYUR TE, RNAM PA DE SRID KYI 'CHI BA'I RTAGS DE RNAMS KYIS 'CHI BA DE RAB TU RTOGS NAS BUD MED RNAMS KYIS DE YONGS SU SPANGS SO, ,KHA DRAG PAR YANG 'GYUR BAS DE'I SEMS LA MYA NGAN KUN TU
, ,'BYUNG BAR 'GYUR RO, ,'DUS PA DANG BRAL BAS BSKYED PA'I MYA NGAN GYI RNAM PA 'DI LTA BU DAG SKYE STE, GANG DAG GI KHYAD PAR GYIS GANG DAG DES NYE BAR LONGS SPYOD PA DE DAG RNAMS THAMS CAD KYIS BCU DRUG CHAR YANG MI PHOD PAR RO, ,DE'I RJES THOGS LA 'DI'I DE DANG 'BREL PAR 'CHI 'PHO BA'I RTAGS BCU LAS 'BYUNG STE, 'DI LTAR DBANG PO THAMS CAD NYAMS PAR 'GYUR RO, ,MIG LA SOGS PA RNAMS KYIS KUN NAS 'KHOR BA BZHIN SKYES BU'I GZUGS MTHONG NGO, ,DE'I RJES LA 'CHI 'PHO BA'I RTAGS BCU GCIG PA YIN TE, 'DI LTA STE, YID KYANG GNAS PA MED PA NYID DU 'BYUNG BAR 'GYUR TE, ZO CHUN GYI 'KHOR LO BZHIN DU DE GCIG TU'ANG GNAS PA MI 'THOB BO, ,'CHI 'PHO BA'I RANG BZHIN GYI SDUG BSNGAL RNAMS MTHONG NAS MCHOG TU G-YO BA'I YID CAN DU 'GYUR RO, ,DE'I RJES THOGS LA 'DI'I SROG GI DBANG PO 'GAGS PAR 'GRO BAR 'GYUR TE, DE NI, SDONG BU ZAD PA DANG, SNUM MED PA DANG, 'OD NYAMS NAS 'GAG PAR 'GYUR BA BZHIN DU DE LTAR 'GAGS NAS 'GRO BAR 'GYUR BAR LHA DES MTHONG NGO, ,'CHI MA 'PHOS NAS YANG GANG LA DE RJES SU SPYOD PA'I LJON SHING DE NYID TSIG PAR 'GYUR BAR MDON PAR MTHONG NGO, ,
JI LTAR BYA RNAMS KYIS KYANG BTANG NAS NAGS GZHAN DAG TU 'GRO BAR BYED DO, ,PHYI NAS SNGAR GYI YON TAN RNAMS MTHONG BAR 'GYUR RO, ,DE BZHIN DU LHA MO DE BTANG NAS GZHAN DU 'GRO BA'O, ,DE NAS LHA DE'I SEMS KYI THAMS RANG RANG GI RGYUD PA CHEN PO MNGON PA MTHONG NAS SHIN TU MI BZOD PA'I YID KYIS TSIGS SU BCAD PA, JI LTAR, JI LTAR GYUR PA'I MI RNAMS KYI, ,RANG GI LAS KYI GNAS RNAMS DANG, ,YUL LA GNAS PA GTONG BA DANG, ,DE TSE BUD MED RNAMS CHAGS BRAL, ,'GRO BAS 'BYOR PA SHIN TU GTONG, ,RANG GI LAS KYIS SPANGS PA YI, ,LHA MTHONG NAS NI TZA BA HRAL CAN, ,BUD MED RNAMS NI GZHAN DU RGYUG ,BDE BA BTZOG PA YI GTZANG BA, ,TZA BA HRAL SEMS NI MI GNAS PA, ,BUD MED RNAMS BTZOG 'DOD PA 'DI, ,GNAS PA MED PA'I GROGS DE BTZOG ,SDUG BSNGAL BZHI PO 'DI DAG NI, ,MI YIS RTAG TU BSTEN PA YIN, ,GANG PHYIR YUL NI MI 'DRAR NGES, ,DE PHYIR NGES PAR RNAM PAR SPONGS, ,LAS RNAMS KYIS NI BDE BA DANG, ,SDUG BSNGAL BAR YANG 'GYUR BA YIN, ,LAS RNAMS KYIS NI SROG CHAGS 'KHRID, ,LAS RNAMS KYIS NI NYAM THAG BYED, ,GANG LA YON TAN LNGAS GTAD PA'I, ,LHA RNAMS BDE BA MCHOG THOB PA, ,PHYI NAS LTUNG 'GYUR RGUD DBANG GIS, ,LHAG
, ,NAS SKAL PA NYAMS PA YIN, ,SANGS RGYAS DE NYID LEGS STON PA, ,THAR PA'I LAM NI STON PA BO, ,LAS RNAMS SGYU MAS KUN BSLANG 'DI,, 'KHOR BA YIN PAR YONGS SU BSGRAGS, ,GZANG ZHIG TZA BA HRAL GYUR PA DANG, ,GANG TSE GANG YANG SKYON SGRUB PA, ,BUD MED DGOS PAS MNYES GSHIN TU RNAMS, ,DE YI STENG NA LEGS PAR GNAS, ,MUN PA RNAMS RGYU NYI MA MIN, ,MO NI GRANG BA'I RGYU MA YIN, ,SNYING BA DE SNYING LA GNAS PA YANG, ,CUNG ZAD BUD MED RNAMS LA MED, ,JI LTAR BZHIN DU SA 'DI BRTAN, ,RLUNG NI JI BZHIN RTAG TU G-YOS, ,DE BZHIN BUD MED BYAS SHES MIN, ,SKYON RNAMS BUD MED LA RTAG YOD, ,SKYES PAS DUS RING RAB BRTZON PAS, BUD MED BSGYUR BZLOG MANG BYAS PA, ,SDUG BSNGAL BYUNG NAS SPONG BYED DE, ,SKAM PO'I MTSO LA SGONG SKYES BZHIN, ,GYEN LA CHU 'GRO MTHONG BA MED, ,LHA RGYAL RTAG TU 'DOD PA MIN, ,RI RNAMS 'GRO BA YOD PA MIN, ,SNYING YANG ME YIS BDE BYED MIN, ,MI RNAMS CHOS NOR SNYAN PA YI, ,RTAG TU GEGS BYED PAR YANG DRAN,, DON MIN DRA BA SKYE GNAS DANG, ,SKYON RNAMS 'BYUNG BAR 'GYUR BA YANG, ,RDO RJE YANG NI 'JAM 'GYUR RAM, MES KYANG TSA BA 'DOR RAB CI,, DE YI RANG BZHIN KHYAD PAR
CAN; ;G-YO NI BUD MED KYIS SPONG MIN, ,SPYOD PA DANG NI KHRIMS KYIS MIN, ,SBYIN PA GANG SNYAN BSGYUR BZLOG GIS, ,SEMS NI 'BAR BA LTA BU YI, ,PUD MED DANG DU BLANG MI NUS; ;BDE BA NA NI MTSUNGS PAR 'GRO ,SDUG BSNGAL BA NI SPONG BAR BYED, ,PHAN PA RNAMS NI BRJED GYUR NAS, ,SKYON GCIG PU NI DRAN PA YIN, ,NAGS DANG NYE NAGS RI YI RTZE; ;BDE BA DU MA KUN SPYAD NAS, ,NYAM NGA DRAG PO KUN BYUNG NAS, ,BUD MED RNAMS KYIS YONGS SU 'DOR, ,DE LTAR NA LHA DES LHA MO DE DAG RNAMS MNGON PAR MTHONG NAS LHA DE YONGS SU SPANGS PAR GYUR PA NA 'JIG RTEN LA DPYOD PA'I RNAM PAR DPYOD PAS DE LTAR TSIGS SU BCAD PA BRJOD DO, ,DE YANG KHRON MA'I RAB BZHIN YIN PAS DE'I DUS NYID NA DE BRJED NAS LHA GZHAN LA NYE BAR STEN PAR BYED DE, JI LTAR SBRANG RTZI 'DREN BYED KYIS BA MO DANG LHAGS PAS BCOM PA'I PADMA 'DAB MA RNYING PA YONGS SU SPANGS NAS MTSO SKYES GZHAN RNAMS LA STEN PAR BYED PA DE BZHIN DU LHA MO DE DAG LHA DE YONGS SU SPANGS NAS GZHAN LA BSTEN NAS DE SLAR YANG YANG LAG LNGA DANG LDAN PA'I RNGA SGRA DANG YANG DAG PAR LDAN PAS DGA' MGUR KUN TU SPYOD DE NAGS TSAL DANG, SKYED MOS TSAL DANG, MTSE'U DANG, PADMA'I TSAL RNAMS LA RNAM PA SNA
, ,TSOGS PAR RNAM PAR BKRA BA'I GZUGS DANG, RNAM PA SNA TSOGS PA'I BYA SKAD RNAM PA SNA TSOGS PA KUN TU SGROG PA DPAG BSAM GYI SHING BRGYA STONG DANG LDAN PA RNAMS LA DE LTAR DES SNGON DU BRGYUS PA'I LHA DRAN NAS BDE BA NYAMS SU MYONG BAR 'GYUR RO, ,JI LTAR SKYE BA BRGYA STONG RNAM PAR BRJED CING SKAD CIG LA MIG LTA BA DE LTAR SNGON GYI YON TAN DRAN PA'I BYAS PA SHES PA RNAMS 'JOMS PAR BYED PA BUD MED 'DI DAG RNAMS THAMS CAD LA MTHUN PA ZHES BYA BA'I MING CAN NI, NGES PAR 'GA' ZHIG KYANG MED KYI, RDZAS KYI RGU'I DON 'BA' ZHIG GAM, DGOS PA GZHAN GYIS KYANG SO SO LA NYE BAR GNAS PA DANG, SKYES BU 'JOMS PAR BYED PA'ANG YIN NO, ,NGO BO NYID KYIS KYANG 'GA' ZHIG LA'ANG MTHAR THUG PAR GNAS PA MA YIN TE, GANG YANG 'DI DAG GI RANG BZHIN YANG SNGON GYI BYAS PA 'DI 'GA' ZHIG KYANG SHES PA MA YIN NO, ,DE CI'I PHYIR ZHE NA, SEMS G-YO BA'I RANG BZHIN YIN PA'I PHYI ZO CHUN 'KHOR MO DANG, DRI ZA'I GRONG KHYER DANG, SMIG RGYU DENG MTSUNGS PA'I NGO BO NI, BUD MED THAMS CAD YIN TE, 'DI DAG GI RANG BZHIN NO, ,DE NAS LHA DES DE LTAR MNGON SUM NYID DU LHA GZHAN
GYI 'CHI 'PHO MTHONG NAS SNGON BSGOMS PA'I SEMS KYI GZHAN YANG TSIGS SU BCAD PA BRJOD PA, JI LTAR, LHA GANG G-YO BA'I YID KYIS NI, 'DOD LA LONGS SPYOD BAG MED PAS, ,'CHI 'PHO'I SROG GI THA MA YI, ,'JIGS PA DRAG PO MA MTHONG NGO, ,GANG TSE KHO NA LHA 'GRO BA, ,DE TSE 'CHI BA'I NGAL BA NYID, ,NYIN MO ZAD PA JI BZHIN DU, , MTSAN MO NGES PAR 'BYUNG BA YIN, ,NYIN MO GSON PAR SHES PAR BYA, ,MTSAN MO 'CHI BA DANG MTSUNGS SO, ,DE PHYIR DE GNYIS RTOGS BYAS LA, ,YID KYIS NGES PAR LEGS PA GYIS, ,DE LTAR LHA DES SNGON GYI SKYE BA DRAN PAS DRAN PAR GYUR NAS MI'I DUS RTZI BAS 'JAL BAR BYED DE, DE LA LHA RNAMS KYI GNAS NA NI, RTAG TU NYIN MO NYID YIN GYI, LHA RNAMS RANG GI 'OD KYI MTHUS MTSAN MO YOD PA MA YIN PA'I RGYU GANG GIS LHA RNAMS DUS 'GRANG PAR BYED PA YIN NO, ,DE NAS LHA DES RNAM PA DE LTA BU RNAMS RIG NAS SLAR YANG LHA RNAMS KYI RANG BZHIN YIN PA'I PHYIR DANG, LAS BYAS PA RNAMS KYI 'BRAS BU LA NYE BAR LONGS SPYAD PAR BYA BA YIN PA'I GNAS NYID NI; NGES PAR MI SLU BA YIN PAR BYAS NAS PHYIS YANG DE NAGS TSAL DANG, NYE BA'I NAGS TSAL DU RTZE DGA' BA DANG KUN TU'ANG SPYOD DO, ,RNGA SKAD YAN LAG LNGA DANG LDAN
, ,PAS CHU KLUNG DANG, CHANG CHING DANG, PA DRA'I TSAL DANG, RI RNAMS KYI KHROD RNAMS LA'ANG LHA'I TSOGS GZHAN RNAMS DANG LHAN CIG TU DGA' BAR BYED DE, LHA DE DAG RNAMS KYI YANG RNAM PA DU MAR GCIG NAS GCIG TU BRGYUD PA'I 'JIG RTEN PA'I GTAM GYI BDE BA NYE BAR STON PAR BYED DO, ,CHOS RNAMS KYI RANG BZHIN YANG RJES SU 'JUG PAR BYED DO, ,JI SRID DU 'DOD PA, SDUG PA, YID DU 'ONG BA BYAS SHING BSAGS PA'I LAS RNAMS ZAD PAR MA GYUR GYI BAR DE SRID DU STE, DE DAG RNAMS ZAD NAS KYANG LHA'I RIS DE DAG RNAMS NAS 'CHI 'PHO BAR 'GYUR RO, ,SHI 'PHOS NAS KYANG JI LTAR LAS KYIS NYE BAR 'GRO BA'I DMYAL BA DANG, YI DVAGS DANG, DUD 'GRO RNAMS SU SKYE'O, ,GANG YANG GZHAN RNAMS SU MI RNAMS DANG SKAL BA MTSUNGS PA'I MIR SKYES PAR GYUR NA YANG DE RTAG TU SKYID DE BAR 'GYUR RO, ,CHOS DANG LDAN PA'I YUL DANG, LHAR YANG SKYE'O, ,RIG PAS SBYANGS PA'I BLO RGYAS PA DANG, SKYE BO THAMS CAD BYAMS PAR YANG 'GYUR RO, , RGYAL PO DAG TU YANG 'GYUR RO, ,DES BRGYA LA PHA ROL GYI DPUNG RNAMS DANG G-YUL 'GYED PAR BYED NA'ANG 'DI'I YUL RNAMS SU NAM YANG PHA ROL GYI DPUNG GIS
'JIGS PAR MI 'GYUR RO, ,MCHOG TU SKYID PA DANG, 'DI RJES SU SGOM PA'I RANG BZHIN CAN DU YANG 'GYUR RO, ,DE'I RJES SU BSGOMS PAS CI STE NA RGYAL PO'AM RGYAL PO'I BLON POR YANG 'GYUR RO; ;LAS 'DI'I RGYU MTHUN PAS RTAG TU SKYID PA'I MCHOG TU YANG 'GYUR RO, ,GZHAN YANG DGE SLONG LAS KYI 'BRAS BU RNAM PAR SMIN PA RNAMS SHES PA DES 'THAB BRAL BA'I LHA RNAMS KYI SA LA LTA BAR BYED PA LAS, DES THOS PA LAS BYUNG BA'I SHES RAB KYIS 'THAB BRAL BA RNAMS KYIS YID KYI RGYAN ZHES BYA BA YOD PA JI LTA BA BZHIN DU MTHONG NGO, ,DE LAS GANG GIS SEMS CAN RNAMS SKYE BAR 'GYUR BA YANG DES THOS PA LAS BYUNG BA'I SHES RAB KYIS MTHONG BA JI LTAR DGE BA'I SKYES BU GANG GIS DE BLO DANG LDAN PAR 'GYUR ZHING, DRANG PO, DRANG PO'I RANG BZHIN CAN, YANG DAG PA'I LTA BA CAN, RTAG TU LAS DANG 'BRAS BU'I DE KHO NA NYID SHES PAS SROG GCOD PA DANG, MA BYIN PAR LEN PA BYIN CHAD RAB TU BSDAMS PAR GYUR LA, SNGAR BZHIN DU 'DOD PA LA LOG PAR G-YEM PA'ANG MI BYED PAR 'GYUR ZHING, YID KYIS KYANG DE RNAM PAR RTOG PAR MI BYED LA RJES SU YI RANG BAR MI 'GYUR BA NI, 'DI LTA STE, CUNG ZAD CIG TZAM YANG BUD MED RNAMS LA TSUL BZHIN MA YIN PA'I YID LA BYED PAS LTA
, ,BAR MI BYED DO, ,RAB TU RTOG PAR MI BYED DO, ,RO MYANG BAR MI BYED DO, ,DGA' BA'I 'DOD CHAGS RNAM PAR RTOG PA DANG LHAN CIG 'GROGS PA'I 'DOD CHAGS KYIS KUN NAS 'CHI BAS DE LTA BAR MI BYED DO, ,RNAM PA THAMS CAD DU'ANG 'KHRIG PA LAS BYUNG BA'I TSUL BZHIN MA YIN PA YID LA BYED PAS SEMS PAR MI BYED DO, ,RAB TU 'GOG PAR BYED CING GO BAR BYED DE, JI LTAR MI 'DOD PA, MI SDUG PA, YID DU MI 'ONG BA, 'DOD PA LA LOG PAR G-YEM PA 'DI'I RNAM PAR SMIN PA RNAMS YIN ZHES TE, DE THAMS CAD DU RNAM PA THAMS CAD KYIS BA DAG NYID MI BYED CING GZHAN RNAMS LA'ANG RJES SU YI RANG BAR MI BYED DO; ;BDAG GZHAN THAMS CAD LA PHAN PAR BYED PA, RTAG TU YANG NGES PAR LEGS PA LA ZHUGS PA, SDOM PA 'DZIN PA CHEN PO, 'JIGS PAR BYED PA'I KUN TU SBYOR BA CHEN PO LAS RNAM PAR GROL BA, MCHOG TU DKA' BA SPYOD PA LA MCHOG TU 'DZIN PAR GYUR PA, RTAG TU'ANG DGOS PA'I RJES SU SONG BA'I DRAN PA CAN, LUS RNAMS LA MI SDUG PAR LTA BA, DNGOS PO RNAMS LA MNYAM PAR LTA BA, RTAG TU MNYAM PAR LTA BA'I DRAN PA CAN, CHAGS ZHEN MED PA, BUD MED KYI G-YO
RGYU'I ZHAGS PA LAS GROL BA, BUD MED DANG SKYES PA'I RGYU LAS RAB TU RGAL BA, SKYE BO THAMS CAD KYI BLO GTAD SA, THAMS CAD YID CHES PA'I GNAS SU GYUR PA, TSUL KHRIMS DANG LDAN PA'I MTHONG BA'I CHOS KYI 'BRAS BU NI, 'DI DAG RNAMS YIN NO, ,'DOD PA LA LOG PAR SPYOD PA LA'ANG SHIN TU BSTEN CING BSGOMS LA MANG DU BYAS TE YID KYIS RNAM PAR BSAM PA'I 'DOD PA'I ME DE RNAMS NYE BAR BCOM PA, MCHOG TU BRTAN BAR GYUR PA, MCHOG TU DGA' BAR GYUR PA, MCHOG TU BDE BAS GNAS PA; SHIN TU DGA' BA RNAM PAR SPYOD PA, YONGS SU DAG PA'I SEMS CAN DE LUS ZHIG NAS SHI BA'I 'OG TU MTHONG RIS BDE 'GRO 'JIG RTEN LAS 'THAB BRAL BA RNAMS KYI NANG SA YID KYI RGYAN ZHES BYA BAR SKYE BAR 'GYUR RO, ,DE DE LA SKYES PA NA'ANG 'DI'I BDE BA'I LAS BYED PA POR GYUR PAS LHA'I BDE BA DU MAS GNAS PA YIN TE, SHA DANG, RUS PA DANG, CHU SER RNAMS DANG BRAL BA DANG, RANG NYID KYI 'DOD DANG LDAN PAS RTAG TU'ANG BA DE BAR GNAS SO, ,'DOD PA'I YON TAN RGYA CHEN PO LA RTAG PAR GYUR DU 'DOD PA THAMS CAD NYAMS SU MYONG NGO, ,DES DE LTA BU'I YON TAN DANG LDAN PA'I LHA RDZAS KYI BDE BA NYI BAR SLONGS SPYOD PAR GYUR PA NA LHA MO BRGYA STONG GIS YONGS
, ,SU BSKOR BA NI, GZA' DANG SKAR MA'I TSOGS KYIS JI LTA BAR GSAL ZHING 'TSER LA JI LTA BA BZHIN DU RI RAB LHUN BO RNAM PAR MDZES PAR GYUR PA DE BZHIN DU LHA DE LEGS PAR BYAS PA'I LAS RNAMS KYIS SPRUL PA'I 'OD KYI PHRENG BA RNAMS KYIS RNAM PAR MDZES SO, ,RTAG TU GCIG PU MNGON PAR GSAL BAR BYAS SHING DE LHA RNAMS KYIS YONGS SU BSKOR NAS DGA' BAR BYED DE, 'DOD PA'I YON TAN LNGA RNAM PA DU MAR YAN LAG LNGAS YID DU 'ONG BAR GYUR PA SGRA DANG, REG BYA DANG, RO DANG, GZUGS DANG, DRI'I BDE BA RNAMS KYIS NYE BAR 'TSO BAR BYAS NAS DE 'DI SNYAM DU SEMS TE, YUL CHES DGA' BA GZHAN GANG DAG TU BDAG GIS NYE BAR 'GRO BAR BYA, DE'I SEMS BSKYED PA DANG DUS GCIG TU DGE BA'I LAS KYIS DE YID SONG BA'I LHA MO RNAMS KYIS MNGON PAR MTHONG NAS SMRAS PA; JI LTAR LHA YUL GCIG GI BDE BAS NYE BAR GNAS PA 'DIR BDAG CAG CI LA SDOD, YUL GZHAN RNAMS SU 'GRO BAR BYA STE, MTHA' YANG GANG KHANG BU STONG YOD PA ZHES BYA BA'I RTZE MO RIN PO CHE SNA TSOGS KYI RNAM PAR BRGYAN PA, LHA BRGYA STONG PHRAG DU MAS BSTEN PA DER BDAG CAG RNAMS 'GRO BAR BYA'O, ,DES TSIG 'DI NYE BAR BZUNG
NAS DANG, GANG YANG NYE BAR 'GRO BA'I NAGS DANG, GANG YANG DES MNGON PAR BRJOD PA LA LHA DE MCHOG TU DGA' BA'I YID KYIS BRJOD PA JI LTAR 'DOD PA DE LTAR BDAG CAG 'GRO BA'O, ,DE NAS LHA DE DAG NAM MKHA'I DKYIL DU 'PHAGS NAS GANG NA KHANG BU STONG GI RTZE MO RIN PO CHE'I KHAMS DU MA DANG LDAN PA, LHA MO BRGYA STONG DU MA SGRA SGROG PA GANG LA DPAG TSAD LNGA BRGYA SHIN TU DGA' BA DU MA'I GLU SNYAN PA LEN PA, GAR GYIS CHAGS PAR BYED PA'I DGA' BA'I RANG BZHIN GYI SGRA THOS SO, ,NAM MKHA'I DKYIL DU SONG BA'I LHA DANG LHA MO'I TSOGS KYIS YONGS SU BSKOR NAS GLU DE DAG LEN PAR 'GYUR ZHING RAB TU DGA' BAR GYUR PA'I YID KYIS GANG NA KHANG BU STONG ZHES BYA BA'I RTZE MO DER RINGS PAR GYUR PAS NYE BAR 'GRO BA'O, ,LHA MO RNAMS KYANG GLU DANG GAR DANG 'JO SGEG GIS RNAM PAR BRGYAN PA'I SGRA THOS NAS NGO MTSAR ZHING RAB TU DGA' BA LHAG PAS PHYI BZHIN KHO NAR NYE BAR 'GRO'O, ,DE DAG RNAMS GANG GI TSE KHANG BU STONG GI RTZE MO DE'I DRUNG DU PHYIN PAR GYUR PA NA DE'I TSE DE'I 'BYOR PA DU MA RNAMS MTHONG BA LA 'DI LTA STE; RIN PO CHE BDUN GYI RANG BZHIN PHUN SUM TSOGS PA RNAMS DANG, PADMA'I RDZING BU DGA' BA PHUN SUM TSOGS PA RNAMS DANG, BYA SGRA SNYAN CING ZHI BA BLTA NA SDUG PA DE 'GRA
, ,BA NA PHAN TSUN 'DRE ZHING GNAS PA'I DGA' BA PHUN SUM TSOGS PA RNAMS DANG, 'BAB CHU DANG, MTSE'U'I CHU BSIL BA'I SGRA PHUN SUM TSOGS PA RNAMS DANG, NAGS NA SGRA DANG MTHONG NA DGA' BA'I BYA'I RNAM PAR 'GYUR BA RNAM PA SNA TSOGS PA PHUN SUM TSOGS PA RNAMS DANG, RIN PO CHE BDUN GYI RANG BZHIN RNAM PA SNA TSOGS PA RNAMS DANG, KHANG BU'I GRAL RIM BLTA NA SDUG PA RNAMS DANG, RIN PO CHE'I SA GZHI RNAM PA SNA TSOGS SHING RNAM PA DU MAR MJES PA PHUN SUM TSOGS PA RNAMS DANG, SO SOR LHA DANG LHA MO DGA' BAR GNAS PA'I 'DZUM PA BLTA BAR MDZES PA RNAM PAR RGYU BA'I DGA' BA PHUN SUM TSOGS PA RNAMS DANG, RI DANG CHU BSHAL DANG GANG BA'I BANG RIM DANG NAGS KYI PHRENG BA RNAM PA SNA TSOGS PAS SPRAS PA'I MDZES PA SHIN TU NGO MTSAR BA DU MA MTHONG NA MDZES PA PHUN SUM TSOGS PA RNAMS DANG, DANG PA DANG K'A RAndA PA DANG NGANG NGUR CHU LA 'GRO BA DANG 'ONG BA DGA' ZHING CHAGS PAR 'GYUR BA'I SGRA 'BYIN PA RNAM PA DU MA SNA TSOGS PA'I DGA' BA KUN TU SKYED PA'I RANG BZHIN PHUN SUM TSOGS PA RNAMS DANG, BA DAN DANG RGYAL MTSAN RNAM PAR BKRA BA DU MAS RNAM PAR SPRAS PA RLUNG GIS LEGS PAR BSKYOD PAS
BLTA NA MDZES PA PHUN SUM TSOGS PA RNAMS DANG, NAM MKHA' LA KHANG BU'I PHRENG BA 'GRO BA RNAMS STUG CING 'KHRIGS PA'I RIN PO CHE RNAMS SHIN TU DRUD PA'I GZI BRJID KYI NGO BO RNAMS KUN NAS BLTA BAR MDZES PA PHUN SUM TSOGS PA RNAMS DANG, PHAN TSUN DU REG CING BSNYES PA'I CA TZO'I SGRAS YONGS SU RGOD PA'I LHA'I TSOGS PHUN SUM TSOGS PA RNAMS DANG, SGRA SGROG PA MNYAM PA DANG MI MNYAM PA'I RIN PO CHE'I GZHI LA BRTZEGS PA'I PHUNG PO LEGS PAR TSOGS PA'I DBANG PO'I RDO RJE PHAL PO CHE BYUNG BA'I RI'I RTZE MO DANG BANG RIM DANG NYE BA'I NAGS KYI KHYAD PAR BLTA NA SDUG PA DU MA PHUN SUM TSOGS PA DANG, BANG RIM GYI ME TOG GI RIGS BRGYA STONG DU MA DBYIBS DANG KHA DOG DANG DRI'I RIGS DU MA DANG 'DAB MA LA RNAM PAR RGYU ZHING NYE BAR 'GRO BA LA STEN CING YONGS SU RGYUG PA'I SGRA PHUN SUM TSOGS PA RNAMS TE, KHANG BU STONG YOD PA'I RI'I RTZE MO DE NI, DE LTAR PHUN SUM TSOGS PA YIN NO, ,LHA DANG LHA MO'I TSOGS RNAMS KYIS YONGS SU BSKOR NAS RNAM PA DU MAR NAM MKHA' LA 'GRO BA NYID LA YANG KUN TU LTA BAR BYED DO, ,RNAM PA DE LTA BU DAG GI PHUN SUM TSOGS PA DE DAG RNAMS MNGON PAR MTHONG NAS LHA DES RAB KYI MCHOG TU DGA' BA'I BLOS LHA MO RNAMS LA 'DI
, ,SKAD CES SMRAS SO, ,KHANG BU STONG YOD PA'I RTZE MO 'DI LA KHYED RNAMS JI LTA BA BZHIN DU LTOS DANG, RTZE MO 'DI NI, PHUN SUM TSOGS PA CHEN POS DGA' BAR GYUR PA'O, ,ZHES RNAM PA DE LTA BU RNAM PA DU MA'I TSIG DE DAG RNAMS NYE BAR BZUNG NAS LHA MO DES LHA DE LA 'DI SKAD CES SMRAS SO, ,BDAG CAG RNAMS KYIS MJES PA 'DI DAG RNAMS MTHONG LAGS KYI, RTAG PAR RGYUN DU BDAG CAG RNAMS KYIS YUL PHYOGS 'DI BRGYA PHRAG DANG, STONG PHRAG DANG, RNAM PA MANG POR YANG MTHONG GI, LHA NYID KYIS NAM YANG MTHONG MA MYONG BAS NA, DE DAG RNAMS LHAS LEGS PAR BLTA BAR GYIS SHIG ,DE DE LTAR RANG BZHIN DES RJES SU ZHUGS TE RANG GI SKYE BO DANG BCAS PA DANG, RANG GI TSOGS PA DANG BCAS PA RNAMS KYIS KYANG GZHAL YAS KHANG STONG GI RTZE MO DE MNGON PAR MTHONG BAR GYUR TE NAM MKHA' LA BYUNG BAR GYUR NAS GSAR DU SKYES PA GANG DAG LHAN CIG NA LHA RNAMS KYI TSOGS RTZE BA'I PHAN TSUN GYI CA CO'I SGRAS MIG RNAM PAR GDANGS PA DANG, RAB TU YANG DGA' BA'I LHA DE MNGON PAR MTHONG NAS DGA' ZHIG NI, LHA DE RJES SU 'ONGS PA LA LTA'O, ,'GA' ZHIG NI, 'DI NI, GSAR DU SKYES PA YIN ZHES BYAS NAS
RAB TU DGA' NAS DES DE'I MGUL PA NAS 'KHYUD PAR BYED DE, JI LTAR 'PHEL BAS BDAG CAG GI PHYOGS RAB TU MANG BAR 'GYUR TE LHA'I TSOGS SHIN TU PHAL PO CHE RNAMS KYIS ROL MO'I SGRA KUN TU BSGRAGS PA'I RTZE MO BDAG CAG LA 'BYUNG BAR 'GYUR TE, CHES MANG ZHING SHIN TU MANG BA'I STOBS CAN LHA RNAMS KYI MNGA' BDAG MU SU LUNDHA 'DI'I SPYAN SNGAR BDAG CAG RTZED MO BYA'O, ,DE LHA'I TSOGS KYIS YONGS SU BSKOR BA LAS LHA GZHAN GYIS THAG RING BA NYID NAS LHA DE NYID MNGON PAR MTHONG NAS THAL MO SPYI BOR SBYAR TE SO SO NAS MCHOD PAR BYED DO, ,RTZE MO 'DIR KHYOD KYIS PHYIN GYI, 'DI JI LTA BA BZHIN DU LTOS DANG, GANG LA LHA SHIN TU 'THAB BRAL DANG, LHA'I MNGA' BDAG KYANG LHA'I TSOGS DU MAS YONGS SU BSKOR NAS RTZE BAR BYED DE, LEGS PAR BYAS PA'I LAS KYI MTHA' LA SPYAD PA'I LHA RNAMS PADMA DU MAS YONGS SU BSKOR NAS RTZE BAR BYED DE, LEGS PAR BYAS PA'I LAS KYIS RTZED MO'I NAGS LA SOGS PA'I GNAS DER 'ONGS PAR GYUR LA, DE LA LHA SNGA NA MED PA 'DI RTZED MO'I DON DU 'ONGS SO, ,ZHES BYA BA'I 'THAB BRAL BA'I TSIG DE THOS NAS LHA GSAR DU SKYES PA DE 'DI SNYAM DU SEMS TE, GANG NA 'THAB BRAL BA RNAMS KYI RGYAL PO 'DI 'DOD PA'I
, ,YON TAN LNGA LA RTZED MO RTZA, DE SKAD CES SMRAS NAS DES LHAN CIG TU ZHABS 'BRING BYED PA LA 'DI SKAD CES BOS TE, GANG NA RGYAL PO MU SU LUNDHA RTZED MO RTZE BA DER BDAG CAG 'GRO BAR BYA'O, ,DE LTAR TSIG 'DI BZUNG NAS GANG NA RGYAL BO RTZED MO RTZE BA DAR GLU DANG, RNGA SGRA DANG, ROL MO DANG, RAB TU DGA' BA'I GLU MKHAN DANG BCAS PA 'GRO BA'O, ,DE NAS MU SU LUNDHA AUTPA LA DMAR PO'I NANG DU SONG ZHING GSEB TU SANG NGA RGYANG RING PO NAS MTHONG NGO, ,AUTPA LA DMAR PO DE'I MDZES PA NI, 'DI DAG RNAMS YIN TE, 'DI LTA STE, STONG PHRAG BRGYA PA'I 'DAB MA'I AUTPA LA DE'I 'DAB MA DE LA PHUG TU ZHUGS PA DANG 'DRA BA'I KHANG PA JI LTAR MCHOG TU DRI ZHIM PA NA LHA MOS BYA'I TSOGS RNAMS DANG LHAN CIG TU RTZE BAR BYED DO, ,BYA'I TSOGS GANG DAG CHU'I RGYUN LA RGYU BA DE DAG RNAMS NI, RNAM PA DU MAR SNYAN PA'I SGRA KUN NAS SGROG GO ,YANG AUTPA LA DMAR PO DE'I 'OD NI, RNAM PA 'DI LTA BU YIN TE, RIN PO CHE RNAM PA SNA TSOGS PA'I 'OD GANG DAG DE KUN NAS 'BREL PAR 'GYUR RO, ,RNAM PA SNA TSOGS PA'I 'OD DE DAG RNAMS THAMS CAD 'OD DES ZIL GYIS GNON TE, AUTPA LA RIN PO CHE YIN PA'I PHYIR RO, ,AUTPA LA DE GANG GIS
RIN PO CHE THAMS CAD KYI 'OD KYI KHYAD PAR RNAMS ZIL GYIS GNON PAR 'GYUR BA'I RNAM PA DE SRID KYI DMAR POR 'GYUR RO, ,RNAM PA JI SRID KYI MCHOG TU DMAR BA'I PADMA R'A GA'I 'AM, STON KA'I NYI MA SHAR BAR GYUR PA'ANG RUNG STE, RNAM PA DE SRID KYI DMAR POR BSKYED PA BAS DE DAG CHES LHAG PAR DMAR BA YIN NO, ,GZHAN YANG AUTPA LA DMAR PO DE'I 'DAB MA'I NANG NA LHA MO DE DAG RNAMS NANG DU SONG BA'I BUNG BA'I TSOGS DANG LHAN CIG TU DAM PAR 'TSER BA'I 'DAB MA'I NANG DU SONG NAS LHA RDZAS KYI 'DOD PA'I YON TAN LNGA LA DGA' BAR BYED DE, AUTPA LA DMAR PO DE DAG GI NANG DU SONG BA'I LHA DE DAG RNAMS KYANG 'DI SNYAM DU SEMS TE, GANG CHUNG DU NA BDAG CAG BDUD RTZI BTUNG BAR BYA'O, ,ZHES DE DAG GI SEMS BSKYED PA TZAM NYID NA 'DAB MA DE DAG GI GSEB KYI NANG NAS MCHOG GI DRI DANG, REG PA BSIL BA RNAM PA DU MA YONGS SU 'BAB PA'O; ;LHA DE DAG DANG, LHA RNAMS KYI MNGA' BDAG MU SU LUNDHA DE YANG YUL GYI BDE BA MCHOG TU RGYA CHA BA NYAMS SU MYONG BAR BYED DO, ,DE DAG 'DI SNYAM DU SEMS TE, MA LA BDAG CAG AUTPA LA'I NANG DU ZHUGS PA RNAMS KYI 'DI LTA BU'I GLU DBYANGS RNAMS SU GYUR MOD, DE DAG GI SEMS BSKYED PA TZAM NYID NA REG NA BDE BA'I RLUNG RNAMS RAB TU
, ,'PHYUR LA RLUNG DES RAB TU BTAB PA NA SEMS BSKYED PA DANG DUS GCIG TU AUTPA LA DMAR PO DE'I AUTPA LA'I 'DAB MA RNAMS PHAN TSUN DU DRUD PA'I SGRA RNAMS 'DI LTA BU RAB TU 'BYUNG STE, GANG GI KHYAD BAR GYIS RNGA SKAD YAN LAG LNGA PA DE'I BCU DRUG CHAR YANG MI PHOD DO, ,DE DAG GIS SNGAR MA BYUNG BA'I SGRA THOS NAS MCHOG TU RAB TU DGA' BA'I YID KYIS SHIN TU RTAG PAR RNA BA'I RNAM PAR SHES PA AUTPA LA DMAR PO'I 'DA' MA'I GSEB TU SONG BAS 'THAB BRAL GYI MNGA' BDAG MU SU LUNDHA DANG LHAN CIG TU DE DAG RNAMS DGA' BAR 'GYUR RO, ,GZHAN YANG 'DI LTA BU'I RTZED MO RNAMS DE DAG RNAMS KYI SEMS LA 'BYUNG STE; MA LA BDAG CAG 'DIR GNAS NAS RTZED MO RNAM PAR RGYU BA RNAMS KYI BDAG CAG RNAMS 'DI NA KUN NAS GNAS PA NYID KYIS AUTPA LA 'DI NAM MKHA' LA 'PHAGS NA RUNG, DE DAG RNAMS SEMS BSKYED PA DANG LHAN CIG KHO NAR AUTPA LA DE NAM MKHA' LA KUN NAS NGANG PA BZHIN DU 'PHAGS SO, ,DE DAG LA GNAS NAS MTHONG BA NAGS DANG, NYE BA'I NAGS DGA' BA RNAMS LA LHA GZHAN RANG GI LAS DANG 'DRA BA'I LONGS SPYAD PAR BYA BA MTSUNGS PA LA RTZE ZHING NYE BAR LONGS SPYOD PAR
BYED DO; ;DE DAG RNAMS DE'I NANG DER SONG NAS DPE MED PA SHIN TU RNAM PAR DAG PA'I TSUL KHRIMS DE'I MTHUS DE LTAR RGYAL PO MU SU LUNDHA DANG LHAN CIG TU RNAM PA DU MA DANG, RNAM PAR RTOG PA DU MAR RTZE DGA' ZHING YONGS SU SPYOD DO, ,DE DANG MTSUNGS PAR 'BRAS BU LA NYE BAR LONGS SPYOD DE, DMAN PA DANG, 'BRING DANG, BAR MA DANG, KHYAD PAR DU 'PHAGS PA'I DBANG DU BYAS NAS DE DAG NAGS DANG, NYE BA'I NAGS DANG, MTSE'U DANG, DPAL PHAL PO CHE DE DAG RNAMS LA YUN RING POR DE BZHIN DU BLTAS NAS GZHAN YANG YID KYI RTAGS KYIS GANG YIN PA DE DANG, RTZE MO KHANG BU STONG YOD PA RTZE MO DER NYE BAR 'GRO BA'O, ,BSAM GYIS MI KHYAB PA'I LAS KYIS BYAS PA'I SA DER GSAR DU SKYES PA DES SLEB NAS MCHOG TU RAB TU DGA' BA'I YID KYIS GANG NA AUTPA LA DMAR PO'I ZE'U 'BRU'I GSEB NA MU SU LUNDHA SONG NAS LHA MO DU MAS YONGS SU BSKOR NAS DGA' ZHING KUN TU SPYOD PAR BYED DE, GAR DANG, RNGA SGRA DANG, ROL MO'I SGRA DANG, GLU NYE BAR LEN PAR GYUR BAS MCHOG TU RGYA CHE BA 'THAB BRAL BA RNAMS KYI SA LA 'DOD PA'I YON TAN LNGA PHUN SUM TSOGS PA'I YUL GYI BDE BA RNAMS NYAMS SU MYONG NGO, ,MU SU LUNDHA DE'I AUTPAL DMAR PO'I
, ,'OD DE RNAMS KYANG NYE 'KHOR NA MCHOG TU DPE MED PA'I DMAR POS SNANG BAS KUN NAS BSKOR BA BZHIN DU SNANG NGO, ,DE LTAR NA, JI LTAR MYA NGAN MED DMAR BA'I MDOG KUN NAS 'BAR BAS KYANG BCU DRUG GI CHAR YANG MI PHOD DO, ,DE KHO NA BZHIN DU 'DI DAG RNAMS DE LA RNAM PA DU MAR LHA'I BDE BA NYAMS SU MYONG BAR BYED LA DE NAS SLAR YANG LHA GSAR DU SKYES PA DE GANG NA 'THAB BRAL GYI MNGA' BDAG YOD PA DER LHAN CIG SPYOD PA'I 'KHOR DANG BCAS PA RNAMS NYE BAR LEGS PAR 'GRO BA'O, ,PHYIN NAS KYANG SPYI BO'I STENG DU THAL MO SBYAR BA BYAS NAS PHYAG 'TSAL LO, ,DE NAS PHYAG 'TSAL BA'I GSAR DU SKYES PA DE LA MU SU LUNDHA SA TSIGS SU BCAD PA SMRAS PA, JI LTAR, TSUL KHRIMS YON TAN GSUM LDAN PA, ,GANG ZHIG SNGON BYAS PA YI LAS, ,LAS DE'I RNAM PAR SMIN PA NI; ;BDE BA 'DI DAG NYE BAR GNAS, ,BAG MED DBANG DU 'GRO BA YIS, ,DE ZAD PAR NI MI BYA'O, ,PHYIR ZHING DGE BA'I LAS GZHAN YANG, ,RAB TU BRTZON PAS DE DAG BYA; ;DGE BA'I LAS RNAMS BZANG PO YIN, ,MI DGE BA YANG SPANG BAR BYA, ,DGE DANG RJES 'BREL BDE BA'I MCHOG ,MI DGES JI BZHIN DON MIN YIN, ,STOBS DANG
SPRO BA MA LOG PAR, ,MI GANG DGE BA'I LAS BYED PA, ,DE NI RTAG TU BDE 'GYUR DANG, ,MYA NGAN 'DA' BAR 'GRO BA YANG, ,GANG ZHIG BAG MED KUN RNYED NAS, ,MI GANG DGE LA MI 'JUG PA, ,DE NI DGE BA'I LAS KYI MTHA', ,ZAD NAS DMYAL BAR RGYUG PA YIN, ,RAB TU BRTZON PAS LEGS BYAS PA'I, ,DGE BA SHIN TU RNAM DAG GIS, ,GANG LA SDUG BSNGAL MI DMIGS PA'I, ,BSOD NAMS GO 'PHANG DE 'THOB BO, ,GANG YANG DBANG RNAMS DBANG GIS DANG, ,YUL RNAMS LA YANG DE BZHIN TE, ,'CHING BA KUN GYIS DE BCINGS NAS, ,'KHOR BA'I LAM DU 'JUG PA YIN, ,SDIG PA'I CHOS KYIS MA GOS PA'I, ,LEGS PAR SBYANGS PA'I GSER 'DRA BA, ,SRID PA'I DGON PA LAS GROL NAS, ,DE NI KUN NAS BDE BAR GNAS, ,DON MIN 'DI RNAMS RTZA BA NI, ,GANG ZHIG BAG MED RJES BSTEN PA'O, ,DE NYID SPANGS PA MCHOG YIN TE, ,SKYID CHEN THAMS CAD BYED PA YIN, ,BDE DANG YANG DAG LDAN PA YIN, ,GSAR SKYES DE NI KHYOD YIN PAS, ,JI LTAR CHU LA NYE RJES 'GRO, ,DE BZHIN BLO YIS RJES SU BSGRUBS, , MTHO RIS BAG MED DBANG 'GRO DANG, ,LHA GANG BUD MED DBANG SONG BAS, ,DE NA BUD MED MES BSREGS NAS, ,RTAG TU SDUG BSNGAL SKAL LDAN YIN, ,DE PHYIR RAB TU
, ,BRTZON PA YIS, ,LHAS NI BUD MED YONGS SPANG BAR, ,BYA 'O 'DOD PA 'JIG RTEN GYI, ,YID RNAMS 'DZIN PA'I 'CHING BA YIN, ,DON DANG DON MIN LA RNAM RMONGS, ,CHOS DANG CHOS MIN YANG DE BZHIN, ,SKYES BU SKAL BA CHUNG BA LA, ,MYA NGAN 'DAS PA DE LA RING, ,LCI BA YANG BA DE NYID SHES, ,BRTAGS PA CHOS KYI SPYOD YUL CAN, ,CHOS 'DOD 'BRAS BU 'DONG BA NI, ,BDE BA DE 'DRA 'THOB PA YIN, ,DBANG PO RNAMS KYIS RTAG TU YANG, ,KHRID BYED SEMS NI GDUL DKA' BA; ;LEGS PAR 'DZIN BYED GANG 'DZIN PA, ,RTEN DE PHA ROL 'GRO BA PO, ,YUL RNAMS LA NI KHYAB PA'I YID, ,THAG PAS G-YO BA'I YID 'DZIN PA, ,BLO LDAN LEGS PAR 'DZIN BYED GANG, ,LHA DE 'JIG RTEN MKHAS PA YIN, ,NYE BAR LONGS SPYOD YID DGA' BA'O, ,BDE BA DU MA THOB PA LA, ,GANG ZHIG 'DOD LA CHAGS MIN PA'I, , MI DES BDE LEGS THOB PAR 'GRO, ,DGE BA'I LAS DE KHYOD KYIS BYAS, ,DGA' BA'I YUL GYI NGAM GROG GI ,'THAB BRAL SRID PA KHYOD KYIS THOB, ,YID NI BAG MED MA BYED CIG ,DE LTAR SKYES PA DE YANG NI, ,BYE BRAG DE BZHIN THOR 'BUM PHRAG ,LHA DANG LHA MO TSOGS NYID KYIS, ,LAS 'BRAS SKAL BA DANG LDAN PA, ,SEMS KYIS
YONGS SU SBRUL PA YI, ,LAS KYI 'PHYANG MO RTOGS PAR DKA', ,GANG LA BRTEN NAS 'KHOR BA 'DI, ,SROG CHAGS GTI MUG GIS BSLUS SO, ,SKYE DANG 'CHI BA'I 'KHOR LO NI, ,YAN LAG BCU GNYIS LA SPYOD PAS, ,'JIG RTEN 'KHOR ZHING 'KHOR BA STE, ,'KHOR BA 'DI NI SEMS KYIS BSLUS, ,LHA RNAMS 'DI DAG THAMS CAD NYID; ;SONG ZHING 'GRO DANG 'GRO BA YIN, ,BEE d'URYA RTZE DGA' BA DANG, RTZE MO DGA' BA GNAS PA YIN, ,DE BZHIN NAGS KYI PHRENG GZHAN YANG, ,RI RNAMS DE DANG 'DRA BA YIN; ;SKYE BO RNAMS NI BRJE BAR 'GYUR, ,TSAL DANG SKYED TSAL DGA' BA DANG, ,SA GZHI'I CHA SHAS THAMS CAD NI, ,'GYUR BA MED PA NYID DU GNAS, ,SKYE BO RNAMS NI SNOR BA YIN, ,YU BA BEE d'URYA RANG BZHIN, ,GSER GYI KHYAD PAR CAN DAG GI ,PADMA'I RDZING RNAMS DE KHO NAS, ,SKYE GU RNAMS NI BRJE BA YIN, ,MTSO DANG CHU KLUNG DGA' BA LA; ;BYA YI TSOGS KYIS LEGS BSTEN PA, ,DE NYID BZHIN DU RNAM 'GYUR MED, ,SKYE BO 'DI RNAMS NGES PAR BRJE, ,DE BZHIN GZHAL MED KHANG RNAMS DANG, ,YANG THOG RTZE YANG DE BZHIN DU, ,'GYUR BA MED PAR GNAS PA NYID, ,SKYE BO RNAMS NI BRJE BA YIN, ,BRJE BAR BYED PA'I 'PHYANG MO DANG, ,YUL RNAMS KYIS KYANG BSLUS PA LA, ,DE LTAR
, ,NA YANG 'JIG RTEN GYI, ,SNYING LA SKYO BA'I MING MI SKYE, ,'KHOR BA LA NI RGYU BA'I SEMS, ,GOMS PA'I DBANG GIS RTZUB 'GYUR BA'I, ,SDUG BSNGAL CHEN PO GZHAN GANG NI, ,SNYING GIS TSOR BA MA YIN TE, ,PHYUGS ZHAGS KHRIMS KYI KHOG CHE YIN, ,'CHING BA JI BZHIN 'GA' MED PAS, ,RE RE ZHING NI KUN GSOD PA, ,LHAG MA RNAMS LA 'KHRUL PA MED, ,CES SO, ,DE LTAR MU SU LUNDHA DES CHOS KYIS KHONG BA RNANGS PA'I YID KYIS RJES SU GDAMS SO, ,GDAMS NAS KYANG SLAR YANG LHA BRGYA STONG DU MAS RJES SU 'BRANG BAR GYUR PAS AUTPAL DMAR PO DE LAS GZHAN 'JIG RTEN THAMS CAD PA ZHES BYA BA'I RI'I RTZE MO DER RJES SU 'GRO BAR BYED DO, ,RTZE MO 'JIG RTEN PA THAMS CAD PA DE YANG DPAG TSAD LNGA BRGYAR RIN PO CHE BDUN GYI RANG BZHIN GYI RIGS DANG LDAN PA, 'BAB CHU DANG MTSE'U DANG PADMA'I RDZING BU DANG NAGS TSAL DANG SKYED MOS TSAL DANG ME TOG DANG BYA'I TSOGS RNAMS KYIS KUN TU GANG PA YON TAN DU MA PHUN SUM TSOGS PA DANG, RI'I YAN LAG DANG NYING LAG RNAMS YON TAN THAMS CAD DANG LDAN PA, 'BAB CHU DANG MTSE'U DU MA PHUN SUM TSOGS PA DER MU SUNDHA 'DIS SLAB PA DANG DGA' BAS RNAM PAR RGYU
BAR BYED DO, ,'JIG RTEN THAMS CAD KYI RI'I RTZE MO DE NA YANG DPAG TSAD LNGA BRGYAR DGA' BA 'DI LTA BU RNAMS YOD PA LA 'DI LTA STE, RTZE MO DE'I RTZA BA'I NYE 'KHOR RNAMS NA MTHONG NA DGA' BA ZHES BYA BA'I RDZING BU DE RNAMS KYIS RTZE MO DE YONGS SU BSKOR NAS DE'I DBUS NA RVA BZHIN DU RTZE MO 'DI LEGS PAR GNAS SO, ,'DI LA RIN PO CHE SNA BDUN GYI RANG BZHIN KHOR YUG TU BYAS PA'I BANG RIM RNAMS YOD DO, ,DES RTZE MO 'DI'I MCHOG DE KUN NAS SNANG BAR 'GYUR RO, ,NYE 'KHOR KUN LAS DBUNG BA LTAR MTHO BAR GYUR PAS LTA'I 'JIG RTEN LAS DE DPAG TSAD LNGA BRGYAS MTHO BA, RTZE MO DE'I NYE 'KHOR RNAMS NA'ANG STEGS BDUN RGYAN GYI RANG BZHIN SNANG BAR BYAS TE BRTOL BAR GYUR NAS RNAM PAR GNAS PAR GYUR PA LA 'DI LTA STE, GSER GYI RANG BZHIN GYI STEGS BU DANG, DNGUL GYI RANG BZHIN GYI STEGS BU DANG, BEE d'URYA'I RANG BZHIN GYI STEGS BU DANG, AINDRA N'I LA'I RANG BZHIN GYI STEGS BU DANG, SPUG GI RANG BZHIN GYI STEGS BU DANG, PADMA DMAR PO'I RANG BZHIN GYI STEGS BU DANG, DBYIG GI RANG BZHIN GYIS YONGS SU BSKOR BA'I STEGS BU DE RNAMS KYIS DE'I NYE 'KHOR YONGS SU KHYAB PA, MCHOG TU RGYA CHE ZHING MDZES PA'I MCHOG TU DGA' BAR GYUR PA'I LHA DANG LHA MO'I TSOGS KYIS
, ,GANG BA; MTHONG ZHING THOS NA MCHOG TU YID 'PHROG PA RIN PO CHE'I MCHOG DANG LDAN PAS SHIN TU RNAM PAR GSAL LO, ,DE NAS 'THAB BRAL BA'I LHA RNAMS KYI MNGA' BDAG MU SU LUNDHA GANG NA 'JIG RTEN THAMS CAD BA DER LHA BRGYA STONG DU MAS YONGS SU BSKOR NAS SONG NGO, ,LHA KHRAG KHRIG DU MAS RTZE MO KUN NAS MTHONG NGO, ,MTHONG NAS KYANG 'DI SKAD BRJOD DE, 'THAB BRAL 'JIG RTEN MA LUS LAS, ,DBUNG PA BZHIN 'DIR MTHON POR SNANG, ,'JIG RTEN THAMS CAD LA RTAG TU, ,LHA TSOGS 'JIG RTEN RNAMS KYIS BRTEN, ,RNAM PAR SNANG BYED RI YI MCHOG ,RIN CHEN LDAN PA BZHIN DU SNANG, ,RAB TU DANG PA'I CHU DANG NI, ,PADMA'I RDZING BU YANG DAG LDAN, ,NAGS DANG NYE NAGS DGA' BA LA, ,BYA DANG RI DVAGS DAG GIS BSTEN, ,DGA' LDAN RI PHUG RGYA CHEN CAN, ,NAM MKHA' BRTOL NAS MTHON POR GNAS, ,LHA RDZAS PHRENG BAS BRGYAN PA YI, ,LHA RNAMS RTAG TU BSTEN GYUR TE, ,GLU GAR RAB TU DGA' BA DANG, ,LHA RNAMS DAG NI THAMS CAD KYIS, ,RNGA SKAD YAN LAG LNGA PAS NI, ,DGA' BA BZHIN DU MTSON PAR BYED, ,DGA' CHEN PO YI RTZE MO 'DI, ,'OD KYI PHRENG BAS KUN TU KHYAB, ,LAS RNAMS YON TAN GSUM LDAN
PA'I; ;LEGS PAR BYAS PA MDZES PA 'DI, ,NYE 'KHOR GANG LA KUN BRTEN NAS, ,LHA YI TSOGS NI RTZE BYED PAR, ,BDAG CAG KYANG NI DE RA BRTEN LA, ,RNAM MANG BDE LA BDAG DGA' BYA, ,'DOD LDAN RNAM NYID BDE DON DU, ,SA 'DI KUN NAS GNAS PA YIN, ,'CHI 'PHO NYID KYANG SKYE BA RNAMS, ,DE BZHIN LHA 'DI RNAMS BYIS PA, ,BAG MED PAS 'PHROG SEMS CAN RNAMS, ,'CHI BDAG SHAN BA'I DBANG GIS 'GRO, ,NGES PAR 'KHRUL PA DANG BRAL BAR, ,'CHI BA PHYUGS BZHIN RTOGS PA MIN, ,DE LTAR MU SU LUNDHA DES 'JIG RTEN THAMS CAD PA'I RTZE MO MTHONG BA DANG, MCHOG TU DGA' BA'I LHA DANG LHA MO BRGYA STONG BYE BA KHRAG KHRIG PHRAG DU MAS LEGS PAR GANG BA, YUL DU MA LA RAB TU CHAGS PA'I YID CAN RNAMS MTHONG BA DANG LAS KYI 'BRAS BU'I DE KHO NA NYID MA MTHONG BA'I LHA RNAMS MTHONG BA DANG, BAG MED PAS GNAS PAS SRED PA'I SBYOR BA DANG LDAN PA NI, NGOMS PA MED PAS 'DOD PA'I MES TSIG PAR GYUR PA RNAMS MNGON PAR MTHONG NAS THUGS RJES RJES SU BRTZE BAS KYANG TSIGS SU BCAD PA RNAMS BRJOD DO, ,BRJOD NAS KYANG PHYIR YANG GANG NA 'JIG RTEN THAMS CAD PA YOD PA DER NYE BAR LEGS PAR SONG NGO, ,YANG NGES PA KHO NAR LAS KYI 'BRAS BU LA NYE
, ,BAR LONGS SPYOD PAS MYONG BAR 'GYUR BA NGES PAS KHRID NAS DGA' BA'I G-YO BAR GYUR PAS DE'ANG LHA BRGYA STONG DU MAS YONGS SU BSKOR NAS GZHAN YANG DE NYID KYI SKYED MOS TSAL GYI LTAD MO LA 'JUG CING RTZE MO LA 'KHOD DO, ,DE DAG RNAMS MTHONG NAS KYANG LHA GANG DAG 'DOD PA'I YON TAN LNGA DANG LDAN PAS DE'I TSE RTZE MO DE LA DGA' MGUR KUN TU SPYOD CING DGA' BA'I ZAS KYIS RNAM PAR RGYU BA RNAMS 'GA' ZHIG NI, NAM MKHA'I DKYIL DU BYUNG NAS RAB TU GNAS SO, ,GZHAN NI, RNAM PA SNA TSOGS PA'I PHRENG BA DANG BYUG PAS LUS BYUG GO ,GZHAN NI, BYA'I RANG BZHIN GYI GZHAL YAS KHANG GI NAM MKHA' LA'O, , GZHAN NI, LHAN CIG SPYOD PAS YONGS SU BSKOR NAS GANG NA 'THAB BRAL GYI MNGA' BDAG YOD PA DER 'GRO BAR 'GYUR RO, ,GZHAN NI, RNGA SKAD YAN LAG LNGA PA RJES SU CHAGS PAS DE GANG GIS 'DOD PA KUN TU BSKYED PAS YONGS SU BSKOR ZHING LHAN CIG SPYOD PA RNAMS KYANG RGYAN DANG CHA LUGS DU MA'I GZUGS 'DZIN PA MANG PO RNAMS KYIS YONGS SU BSKOR NAS GANG NA RGYAL PO DE 'ONG BAR GYUR PA DER 'GRO BAR 'GYUR RO, ,LHA GZHAN NI, RANG NYID KHO NA LHA'I RNYING PA MED PA ME TOG LHA
RDZAS KYI DRI DANG LDAN PA'I ME TOG GI CHAR 'BEBS PAR 'GYUR ZHING GANG NA 'THAB BRAL BA'I MNGA' BDAG 'ONG BAR GYUR PA DER NYE BAR LEGS PAR 'GRO'O, ,YANG LHA GZHAN NI, GSER GYI RNGA CHEN PO DANG, PI WA NGA DANG, KHAR RNGA DANG, SIL SNYAN GZHAN GYI SGRA SNYAN PA DANG, GLU LEN PA DANG LDAN PAS GANG NA 'THAB BRAL BA'I BDAG PO MU SU LUNDHA 'ONG BA DER NYE BAR 'GRO'O, ,YANG LHA GZHAN NI, ME TOG DRIR LDAN CHEN PO'I CHANG GIS MIG RNAM PAR 'GYUR BA RNAMS LHA RDZAS KYI PHRENG BA THOGS NAS NAM MKHA' LA GNAS PA'I GOS RLUNG GIS RNAM PAR G-YO BAR GYUR PAS GANG NA 'THAB BRAL GYI BDAG PO DE YOD PAR NYE PAR 'GRO BAR 'GYUR RO,, YANG LHA GZHAN NI, NAM MKHA'I DBYINGS SU 'PHAGS NAS 'THAB BRAL GYI LHA MNGA' BDAG MU SU LUNDHA GANG NA BA DER 'GRO BA'O, ,DE LTAR LHA DU MA RNAMS RGYAN DANG CHA BYAD DU MA DANG GZUGS DU MA RNAMS KYIS TE, JI LTAR LAS DMAN PA DANG, 'BRING BA DANG, KHYAD PAR DU 'PHAGS PAS GZUGS DANG CHA BYAD DANG RGYAN DANG LDAN PAS GANG NA 'THAB BRAL GYI MNGA' BDAG DE YOD PA DER MCHOD PA RNAMS BYA BA'I RGYU MTSAN GYIS SO SO NAS NYE BAR LEGS PAR 'GRO BA'O, ,DE NAS LHA'I RGYAL PO DE LHA'I
, ,TSOGS THAMS CAD KYIS MNGON PAR BSTOD PAR GYUR CING GANG NA RTZE MO DE YOD PA DER LEGS PAR PHYIN TO, ,RTZE MO DE'ANG PHYIR ZHING NYID DU SHIN TU DGA' BAR LHA'I RGYAL PO DES MNGON PAR MTHONG BAR 'GYUR RO, ,MNGA' BDAG DES SEMS CAN RNAMS LA 'DOD PA'I YON TAN DANG LDAN PA'I YUL LNGA'I BDE BA LA NYE BAR LONGS SPYOD PAR BYED DE, DPE MED PA RNAM PA DU MA'I LHA RDZAS RNAMS LEGS PAR BYAS PA'I LAS KYI MTHUS NYI MA RE RE LA 'PHEL BAR 'GYUR BA'I NAGS DANG, NYE BA'I NAGS DANG, MTSE'U DANG, PADMA'I NAGS LA 'DOD PA DU MA LONGS SPYAD NAS LHA RNAMS DANG LHAN CIG RTZES PAR GYUR PAS 'THAB BRAL GYI MNGA' BDAG DE GANG NA 'JIG RTEN THAMS CAD PA'I RTZE MO'I STENG GI SA YOD PA DER NYE BAR LEGS PAR 'GRO BAR 'GYUR RO, ,LHA'I TSOGS CHEN POS YONGS SU BSKOR NAS LEGS PAR BYAS PA'I LAS KYI STOBS KYIS DANG, THABS MA YIN PA'I SGO KUN TU 'BYUNG BA'I STOBS KYIS KYANG JI SRID KYI BAR DU LHA'I BU MO RNAMS 'CHI 'PHO BAR 'GYUR BA MTHONG BA DE DAG GI SNGA RTAGS GSAR BAR GYUR PA NI, 'CHI BA'I DUS NA 'DI LTA STE, NU MA DAG RNYING PAR 'GYUR RO, ,GNYER MA SKYE BA'I NGO BOS MTSON
PAR BYED PA DANG, G-YO BAR GYUR PAS KYANG YIN GYI, REG PAS ME TOG BCINGS PA RNAM PAR NYIL BA 'BA' ZHIG TU NI, MA ZAD DE, MGO LA ME TOG DMAR PO GANG DAG BCINGS NAS YOD PA DE DAG SER POR 'GYUR RO, ,GZHAN YANG 'CHI 'PHO BA'I RTAGS SU GYUR PA LA 'DI LTA STE, YANG DAG PA MA YIN PA'I 'GRO BA'O, ,GZHAN YANG 'CHI 'PHO BA'I RTAGS YOD PA NI, 'DI LTA STE, RLUNG GIS GOS 'DEGS SHING MA BTAGS PA'I GOS RNAMS KYANG BTAGS PAR 'GYUR BA DANG, REG BYA RTZU BA POR YANG 'GYUR RO; ;GZHAN YANG LHA'I BU MO RNAMS 'CHI 'PHO BA'I RTAGS YOD PA NI, 'DI LTA STE, NAM MKHA' LA 'GRO BAR BYED PA NA NGAL BAR 'GYUR RO, ,JI LTAR CHU LUS KYI STENG DU 'BYUNG BAR BYED DO, ,RAB TU DANG BA'ANG SHIN TU RNYOG PAR 'GYUR RO, ,GZHAN YANG 'CHI 'PHO BA'I LTAS SU GYUR PA NI, DPER NA, SHING LA ME TOG 'GA' ZHIG GI DON DU'AM 'BRAS BU'I DON DU NYE BAR REG PA NA SHING DE SHIN TU RING BAR 'GYUR RO, ,REG PAR NUS PA'ANG MA YIN NO, ,LHA GANG ZHIG LA RNA BA GTOD PA'I RJES SU CHAGS PAR GYUR PA DE LAS 'DOD CHAGS DANG BRAL BAR 'GYUR RO, ,GZUGS NGAN PAR YANG MTHONG NGO, ,GZHAN YANG 'CHI 'PHO BA'I RTAGS SU GYUR PA NI, LHA MO'I SKRA RNAMS RLUNG GIS
, ,KUN NAS BSKYOD PAR BYED PA DANG RTZUB PAR YANG 'GYUR RO, ,'CHI BA'I RTAGS DE DAG RNAMS NI MI RNAMS KYI RTZIS KYIS JI SRID LO STONG GI BAR DU 'GYUR RO, ,DE NI DE DAG RNAMS KYI RTZIS KYIS NYI MA BCU'O, ,DE'I RJES THOGS SU 'CHI 'PHO BA'I RTAGS SU GYUR PA RNAMS NI LHA DE DAG RNAMS KYI DE DAG LAS NYIS 'GYUR DU 'CHI 'PHO BA'I RTAGS GANG DAG GI RJES LA 'CHI BAR 'GYUR BA STE, LHA RNAMS RTAG TU 'DOD PA LA SHIN TU RNAM PAR CHAGS PAS YID KUN TU GNAS PA'I SEMS PA'I YID CAN DU 'GYUR BA RNAMS KYI RTAGS NI 'DI LTA STE, LHA DE DAG RNAMS KYIS SA LA 'GRO BA NA SA RTZUB PAR GYUR TE, MNAN NA NEM LA BTEG NA 'PHAR BAR SA GZHI MI 'GYUR RO, ,GCIG PU ZHIG MNGON PAR DGA' BA'I LHA MO GNYIS DANG NYE BAR 'DRE BAR MI BYED DO, ,GZHAN YANG DE'I SKAD CIG LA 'CHI 'PHO BA SHIN TU NYE BA'I LTAS YOD DE, DPER NA; MI 'DOD BZHIN DU SA GZHI 'GUL BAR 'GYUR RO, ,GZHAN YANG NYE BAR 'CHI 'PHO BA'I RTAGS YOD DE, DPER NA, GLU RTZED KYI GLU BRJED PA DANG JI LTA BA BZHIN DU ZHUGS PA RNAMS 'GA' ZHIG KYANG NYE BAR MTHONG BAR MI 'GYUR RO, ,GLU MKHAN DANG GAR DANG GLU RNAMS CI STE LAS KYI KHYAD PAR LAS LHA
MO RNAMS KYIS LEGS PAR SHES PAR GYUR PA DE KHO NA BZHIN LAS YONGS SU ZAD PAS BRJED PAR YANG 'GYUR RO, ,GZHAN YANG DE DANG 'BREL BAR 'CHI 'PHO BA'I RTAGS SU GYUR PA NI GAL TE PADMA'I RDZING BU'AM, MTSE'U'AM, 'BAB CHU LA'ANG BSNYEN PA NA DE LA SKYE BA GANG DU SKYE BAR 'GYUR BA'I RNAM PA DE LTA BU NYID KYI GZUGS CHU LA MTHONG NGO, ,GZHAN YANG DE MA THAG TU 'CHI 'PHO BA'I LTAS YOD DE, GANG YANG 'DI RGYAN BTAGS PAR GYUR PA RNAMS LA DPUNG RGYAN DANG MGUL RGYAN DANG RTZIBS LOGS KYI RGYAN LA SOGS PA KUN LCI BAR 'GYUR RO, ,GZHAN YANG DE MA THAG TU 'CHI 'PHO BA'I RTAGS YOD PA LA 'DI LTAR, GANG NA 'DUG PA'I STAN GYI MCHOG DE KHA DOG RNAMS NYAMS PA'I RNAM PAR 'GYUR BA 'BYUNG STE, GAL TE GSER RAM, GAL TE BEE d'URYA'I RANG BZHIN NAM, AINDRA N'I LA'I RANG BZHIN YIN PA LAS DE DAG THAMS CAD SHING GI RANG BZHIN DU 'GYUR RO, ,GZHAN YANG DE MA THAG TU 'CHI 'PHO BA'I MTSAN MAR GYUR PA LA 'DI LTAR, GSAR DU SKYES PA'I MTSE'U NI PHYIN CI LOG TU MTHONG NGO, ,GZHAN YANG RJES NYID DU 'CHI BA'I DUS KYI YIN PA'I 'CHI 'PHO DANG 'GYUR BA'I RTAGS NI MCHOG TU 'JIGS SU RUNG BA 'DI LTA STE, RNGUL LUS PO THAMS CAD NAS 'DZAG PA NI JI LTAR MI RNAMS
, ,BZHIN NO, ,GZHAN YANG 'CHI 'PHO BA'I RTAGS SU GYUR PA LA DPER NA, LHA'I RIGS 'DI DAG RNAMS MA LUS PA 'KHOR BAR BYED DO, , 'KHOR LO LA ZHON PA BZHIN DU 'KHOR BAR GYUR NAS STONG PAR MTHONG NGO, ,DBANG PO THAMS CAD LA'ANG YUL DES GNOD PAR 'GYUR RO, ,DGA' BA MED PAR YANG 'GYUR BA DANG, SNYING MI DGA' BA RNAMS LA DMIGS PAR 'GYUR RO, ,'DI'I SROG GI SGO LTA BUR GYUR PA'I LAS RNAMS GANG GI TSE YANG SKYE BA GZHAN DU SKYE BAR 'GYUR BA NA, DE DANG RJES SU MTHUN PA'I SNANG BA'ANG KUN TU 'BYUNG STE, SNGAR BZHIN NO, ,LHA'I BU MO DE'ANG SEMS MCHOG DANG BCAS PA'I DBANG GIS DE BZHIN DU SRID PA BAR MA DO YIN TE, DE LTAR LHA'I BU MO RNAMS 'CHI 'PHO BA MNGON PAR MTHONG ZHING MCHOG TU YID KYANG BYUNG LA LHA'I BU MO DAG LOG PAR LTUNG BA'ANG MNGON PAR MTHONG NAS TSIGS SU BCAD PA BRJOD PA, JI LTAR, BUD MED 'JIG RTEN 'CHING BYED YIN, ,SLU BYED 'THAB MO 'PHEL BYED YIN, , CHOS MIN LOG PAR LTUNG RNAMS KYI, ,SKYON RNAMS GZHI YANG RTAG TU YIN, ,MI RNAMS 'CHING BA GANG DE RNAMS, ,BUD MED CHAGS DBANG 'GRO BAS YIN, ,DE
LTAR 'CHI BDAG DMAG GI SDES, ,STOBS RAB KYIS NI SHIN TU 'JOMS, ,'JO SGEG SMIN MA BSKYOD SOGS PAS, ,MI RMONGS MO RNAMS KYIS BSLUS NAS, ,RANG GI LAS 'BRAS SKAL PA YIS, ,'CHI BDAG DUS SU 'BROS PA YIN, ,BAD RDZING NYE NAGS BRAG RNAMS DANG, ,CHU KLUNG DANG NI CHU BSHAL DANG, ,RTZED MO MANG DU RTZES BYAS NAS; ;BUD MED SDUG KUN DE GAR SONG, ,NGES PAR YANG NI 'CHI BA DANG, ,NGES PAR YANG NI RNAM PAR BRAL, ,DE LTAR YIN YANG SKYES BU RNAMS, ,RTAG TU CHAGS PA'I DBANG GIS 'GRO ,SRED PA RNAMS KYIS LAN MANG RU, ,'JIG RTEE THAMS CAD RNAM NYAMS BYAS, ,GANG DAG BUD MED 'CHING BA 'DI, ,RMAS CHEN BZOD PAR DKA' BA YIN, , GANG YANG 'JIG RTEN 'CHING BA 'DI, ,'DOD PA'I 'DOD CHAGS RANG BZHIN CHE, ,DE LTANG GZHAN YANG RTZOL BAS NI, ,RNAM PAR DPYAD NA RNYED 'GYUR BA, ,'DOD PA'I MDA' YIS RNAM DU MAR, ,MI BCOS NAS NI DE GAR SONG, ,BUD MED 'DOD PA'I DBANG 'GRO BAS, ,RANG NYID KYIS NI GZHAN RGYAL BYED, ,DE LTAR 'THAB BRAL GYI MNGA' BDAG MU SU LUNDHA DES MNGON PAR MTHONG ZHING 'CHI 'PHO BA'I 'JIGS PA LDOG PAR MI NUS PA DU MA KHA NAS BRJOD NAS NGES PAR 'GYUR BA'I SKAL BA CAN MNGON PAR MTHONG LA, GANG LHA DE
, ,LHA DE DAG 'DOD PA'I YON TAN LNGA DANG LDAN PA RNAM PA DU MAR RTZE DGA' LA 'CHI 'PHO BA'I 'JIGS PA RTOGS PAR MI 'GYUR BA RNAMS PHYUGS DANG MTSUNGS PAR RTOGS NAS KYE MA 'CHI BA DANG NYE BA LA JI LTAR 'DI DAG RNAMS 'JIGS PA KUN TU SKYE BAR MI 'GYUR, DES DE LTAR YID LA BSAM NAS 'JIGS PA'I YID KYANG DRAG POR BYAS KYANG GZHAN DAG RNAMS LA 'CHI 'PHO BA'I 'JIGS PA DE GO BAR BYED NUS PA'ANG MA YIN NO, ,YUL DANG DUS MA YIN PAR CHOS BSHAD PA'I RGYU MTSAN GYIS KYANG MANG BAR 'GYUR BA'I PHYIR TE, LHA DE DAG THAMS CAD KYANG YUL RNAMS LA MCHOG TU 'DZIN PA DANG, YID KYANG DE LA SONG BA STE, DUS MA YIN PAR DE DAG RNAMS LA GZHUG PAR BYA BAR MI NUS PA'I PHYIR RO, ,DE NAS DE'I NANG 'JIGS PAR BYAS NAS PHYIR YANG LHA DE DAG RNAMS RJES SU 'JUG PAR BYA BA'I DON DU RNAM PA DU MAR RTZE DGA' ZHING KUN TU YANG SPYOD DO, ,DE NAS LHA DE 'JIG RTEN THAMS CAD PA'I RTZE MO DE LA LHA GANG DAG CHES MNGON PAR DGA' BAR GYUR PA'I PADMA DANG, ME TOG GI TSAL DANG, NYE BA'I TSAL DGA' BA DE DAG LA LHA DANG LHA MO PHAN TSUN LHAN CIG 'GROGS PAR GYUR PA DE LA SONG BA'I YID KYIS MYOS PA LA DON
GCIG PA YUL GYI SRED PA'I TSOGS KYIS DUG GI YUL LA CHED CHER 'DZIN PAS NAGS DANG, NYE BA'I NAGS DANG, MTSE'U DANG, SA'I CHA SHAS LA RNAM PA DU MAR DGA' BA DANG [?], GLU LEN PA DANG, BDUD RTZI YANG MCHOG TU DRI DANG, REG BYA PHUN SUM TSOGS PA RNAMS 'THUNG NGO, ,RNAM PAR RTOG PA DU MAS GLU'I SGRAS KYANG DGA' BAR BYED DE, DE DE LTAR DGA' BAR GYUR PAS RTZE MO DE'I NANG NA DBUS KYI STEGS BU YOD PA DER RTZE MO DANG BCAS PAS RI LA NYE BAR LEGS PAR 'GRO'O, ,STEGS BU DE'ANG BEE d'URYA'I RANG BZHIN DU GYUR PAR MTHONG NGO, ,LHA RNAMS LA NYAMS SHING RNAM PAR 'GYUR BAR BYED PA GANG ZHIG SKYED DE, DE DAG RNAMS KYI RIN PO CHE RNAM PA SNA TSOGS PA GANG YIN PA DE DAG THAMS CAD BEE d'URYA DE'I 'OD KYIS DE GCIG TU SNGON PO'I GZUGS SU MNGON PAR 'GYUR RO, ,THAMS CAD GCIG TU SNGON PO'I TSOGS SU SKYES SO, ,LHA DE DAG GIS RNAM PA DE LTA BU'I SNGON PO DE RNAMS NYE BAR RTOGS NAS MCHOG TU NGO MTSAR SKYES NAS 'DI SKAD CES BRJOD PAR GYUR TE, JI LTAR GZHAL YAS KHANG BRGYA STONG MANG PO BDAG CAG GIS MTHONG BA LA BEE d'URYA'I 'OD 'DI NI, BDAG CAG GIS MTHONG BA'I 'OD RNAMS MA YIN NA, JI LTAR DE DAG RI 'DI GANG ZHIG GI GZI BRJID YIN
, ,PAR GYUR, DE NAS DE DAG DE LTAR BRJOD PA DANG, DE LAS SNGON GYI LHA ZHIG GIS SNGON THOS PA'I GTAM RGYUD BRJOD PA 'DI'I RGYU GANG YIN PA RNAMS JI LTA BA BZHIN DU NYON DANG, LHA RNAMS 'OD SNGO ZHING CHE BA GANG YIN PA 'DI DANG 'DI LTA BU'I GZI BRJID KYANG 'DI LTAR RJES SU THOS TE, JI LTAR 'GA' ZHIG GI DUS SU YANG DAG PAR RDZOGS PA'I SANGS RGYAS 'OD SRUNG DU GRAGS PA LA MCHOD PA BYED NAS DGA' LDAN GYI MNGA' BDAG RAB TU ZHI BA DZAMBU'I GLING DU BABS PAR 'GYUR LA DES 'JIG RTEN THAMS CAD PA'I RTZE MO 'DI'I NOR BU BEE d'URYA 'DI DAG TU LHA DE DAG RNAMS NGO MTSAR BA DANG, DGA' BAR 'GYUR BA'I NOR BU ZHIG 'DIR BCUG GO ,JI LTAR 'DI'I GZI BRJID KYIS 'THAB BRAL BA RNAMS KYI LAS KYI 'BRAS BU'I LCI BA NYID DANG, YANG BA NYID SHES PA DANG, NGA RGYAL YANG CHAGS PAR 'GYUR RO, ,GANG DAG GIS CHOS KYI GSHIS DANG LDAN PAR 'GYUR RO, ,'THAB BRAL BA RNAMS DANG, DGA' LDAN PA RNAMS KYI KHYAD PAR GANG YIN PA DE YANG 'THAB BRAL BA RNAMS KYI NOR BU 'DIS KHYAD PAR DU SHES PAR 'GYUR TE, DE DAG RNAMS RNAM PA DE SRID KYI BDE BA DANG YANG DAG PAR LDAN PA, DE DAG GI KHYAD PAR GYIS BDAG CAG RNAMS
GANG YIN PA NI, CUNG ZAD TZAM DANG, 'OD KYI TSAD DANG, MDOG DANG, DBYIBS SHIN TU CHUNG BA DANG, STOBS SHIN TU CHUNG BA DANG, SA RNAMS SHIN TU CHUNG BAS CI YANG MA YIN NO, ,LAS KYI MTHA' RNAMS KYIS DES NOR BU DE'I GZI BRJID NYE BAR DMIGS NAS YID MCHOG TU KUN NAS RANGS PAR 'GYUR RO, ,GANG DAG BAG MED PAS BAG MED PAR GNAS PA 'BYUNG BAR 'GYUR BA DE DAG GI RGYAGS PA DANG BRAL BAR 'GYUR RO, ,YANG GANG DAG CHOS PA CHOS KYI RJES SU 'JUG PA 'BYUNG BAR 'GYUR TE, DE DAG RNAMS PHYIR ZHING YANG DE NYID KYI RIGS SU JE BAS JE CHOS KYI RJES SU 'JUG PA'I RANG BZHIN DU 'GYUR RO, ,RGYU 'DIS DGA' LDAN GYI MNGA' BDAG DES NOR BU 'DI BCUG PA YIN NO; ;DE NAS LTA RAB TU MANG PO DE DAG LHA DE'I DRUNG NAS TSIG 'DI DAG RNAMS NYE BAR THOS NAS MCHOG TU RANGS PA'I YID KYIS NOR BU DE LTA BA LA NGO MTSAR BA KUN TU SKYES NAS 'JIG RTEN THAMS CAD PA'I RTZE MO DE'I NYE 'KHOR LA DE TSOL LO, ,NOR BU DE JI LTA BAR PHYOGS GCIG NA MTHONG NGO, ,JI LTAR GANG GIS BRGYA 'GYUR DU 'OD ZER KUN NAS SPRO BAR BYED DE, NOR BU GZHAN DAG GZI BRJID CHE BA DE DAG LA'ANG NOR BU 'DIS ZIL GYIS GNON NA, GAL TE GZI BRJID MED PA RNAMS LA LTA SMOS
, ,KYANG CI DGOS, DE NAS GZHAN 'THAB BRAL NAS 'BYUNG BA'I NOR BU GZI BRJID CAN 'OD DANG LDAN PA'I NOR BU GANG YIN PA DE RNAMS SPANGS NAS NOR BU DE GCIG PU NYE BAR LEN PAR BYED DO, ,NYE BAR BLANGS PA'I NOR BU DES KYANG 'OD KYIS DPAG TSAD STONG PHRAG BCU KHYAB PAR BYAS NAS GNAS SO, , 'THAB BRAL BA RNAMS KYI NOR BU RNAMS GANG DANG GANG YIN PA DE DANG DE DAG RNAMS THAMS CAD 'DI'I 'OD KYIS ZIL GYIS GNON PAR 'GYUR RO, ,JI LTAR NYI MA SHAR BAS GZA' DANG, SKAR MA DANG, SGYU SKAR RNAMS KYI 'OD ZIL GYIS GNON NO, ,DE BZHIN DU 'THAB BRAL NAS 'BYUNG BA'I NOR BU RNAMS THAMS CAD ZIL KYIS GNON PAR 'GYUR RO, ,DE NAS DE'I GZI BRJID DE 'DRA BAR MTHONG NAS LHA DE DAG THAMS CAD KYI NGA RGYAL ZHI BAR GYUR PA DANG, PHYIR ZHING 'OD KYI ZIL GYIS MNAN PAS DMAN PAR GYUR PAS LHA DAG NOR BU DE NYID KHO NA LA LTA'O, ,GANG YANG DE LA CHAGS PA DANG BRAL BAR BYED PA'I TSIGS SU BCAD PA GSER BZANG PO'I YI GES BRIS PA; JI LTAR, BAG MED PAS NI MI GNAS PAR, ,RNYOG PA'I DRI MA SBYANGS PA YI, ,LAS RJES RTAG TU GANG 'JUG PA'I, ,BDE BA DES NI RTAG TU MTHONG, ,SKYID DE PA DANG SDUG
PA DANG, ,'KHOGS DANG RTZE MO LANG TSO YANG, ,'CHI BDAG RGYAL POS RAB TU 'JOMS, ,GZUGS BZANG BA DANG GZUGS NGAN DANG, ,STOBS LDAN DE BZHIN STOBS MED DANG MGON MED PA DANG MGON NYAMS DANG, ,'CHI BDAG RGYAL POS SHIN TU 'JOMS, ,RGYAL PO RNAMS SAM DE BZHIN BRAN, ,RANG BYUNG DE BZHIN KHYIM PA RNAMS, ,KHRON MA RNAMS SAM 'JAM PO YANG, ,'CHI BDAG RGYAL POS RAB TU 'JOMS, ,DBUL PO MIN DANG NOR MED DANG, ,YON TAN DE BZHIN YON TAN MED, ,BUD MED RNAMS DANG SKYES PA YANG, ,'CHI BDAG RGYAL POS KUN NAS 'JOMS, ,BYAS NA GNAS DANG KHYIM GNAS DANG, ,CHU 'AM GAL TE THANG LA GNAS, ,RI YI RTZE LA GNAS PA YANG, ,'CHI BDAG RGYAL POS RNAM PAR 'JOMS, ,MA NYAL BA DANG DE BZHIN NYAL, ,ZA BA DANG NI DE BZHIN 'DUG ,'JIG RTEN THAMS CAD RAB 'JOMS PA, ,'CHI BDAG RGYAL POS RAB TU 'JOMS, ,SA GNAS NAM MKHA'I KHANG BUR GNAS, ,DUS KYI 'KHOR LO 'DI YI NI, ,'CHI BDAG RGYAL POS RNAM PAR 'JOMS, ,SKAL LDAN DE BZHIN BZANG PO DANG, ,GSOD BYED DE BZHIN CHOS PA DANG, ,NAD PA RANG BZHIN GNAS LUS KYANG, ,'CHI BDAG RGYAL POS RNAM PAR 'JOMS, ,GTUM PO RANG BZHIN
, ,BZANG RNAMS DANG, ,NOR LDAN DE BZHIN 'JUNGS PA DANG, ,BAG MED PA DANG BAG YOD KYANG, ,'CHI BDAG RGYAL POS 'JOMS PAR BYED, ,DMYAL PA DE BZHIN YI DAGS DANG, ,DUD 'GRO DE BZHIN MI RNAMS DANG, ,STOBS LDAN SPRO BA MA LOG PA'ANG, ,'CHI BDAG RGYAL POS KUN NAS 'JOMS, , LHA GANG 'DOD PA'I KHAMS NA DANG, ,GZUGS KYI KHAMS NA GANG GNAS PA, ,DE KUN PHYIR LDOG MI NUS PA'I, ,'CHI BDAG RGYAL POS KUN NAS 'JOMS, ,GZUGS YOD MED PA'I LHA GANG YANG, ,SNYOMS 'JUG NYER LEN LAS SKYES PA, ,DE KUN PHYIR LDOG STOBS MED PA'I, ,'CHI BDAG RGYAL POS KUN NAS 'JOMS, ,'DUS BYAS CUNG ZAD GANG SKYES PA, ,RTAG PAR YANG DE RNAM PAR 'JIG ,GANG LA 'JIGS PA YOD MIN PA'I, ,'DUS BYAS CUNG ZAD MA MTHONG NGO, ,'CHI BDAG STOBS 'DI SHES BYAS NAS, ,'DOD PA'I SKYON YANG THAMS CAD DANG, ,SRED PA'I SLU BYED RNAMS LAS DANG, ,SRID PA'I MTSO LAS CHAGS BRAL GYIS, ,MYANG BAR DGA' BA 'DI DAG KYANG, ,DMYAL BA YI YANG RGYU RNAMS YIN, ,'DOD PA'I YUL GYIS 'GYUR LDOG DES, ,LDOG PAR BYED PAS SPRUL DANG 'DRA, ,DE LA SDUG BSNGAL 'DI RTOGS
NAS; ;'CHI BDAG STOBS LAS STOBS MED PA'I, ,SEMS 'DI LEGS PAR 'DUL BAR GYIS, ,DE YIS 'GRO BA 'DI 'KHOR BYED, ,NAGS DANG NYE NAGS BRAG RNAMS DANG, ,GZHAL YAS KHANG YANG THAMS CAD LAS, ,DUS KYI ME YIS RNAM LTUNG BA'I, ,LHA RNAMS THAMS CAD LTUNG BAR 'GYUR, ,BAG MED YID CAN RMONGS PA YIS, , PHYIR ZHING YUL RNAMS DAG GIS SLU, ,SRID PA'I ZHAGS PAS DAM BCINGS NAS, ,LHA RNAMS NGAN 'GRO DAG TU LTUNG, ,DE NAS LHA DE BEE d'URYA CHEN PO DER TSIGS SU BCAD PA 'DI DAG RNAMS THOS NAS GANG DGE BA GOMS PA'I SEMS DANG LDAN PA DE THOS PA DANG DE LTAR MCHOG TU SKYO BAR 'GYUR RO, ,GANG YANG YUL LA KUN TU RMONGS PA DE YUL DE NYID KYIS RMONGS PAS SLAR YANG DE NYID LA DGA' ZHING KUN TU SPYOD DO, ,DE NAS DE DAG 'JIG RTEN THAMS CAD PAR SONG NAS NOR BU NYE BAR BSKOR NAS GZHAN YANG NOR BU 'DI'I 'OD RNAMS DE SRID DU GYUR PA LA LHA MCHOG TU NGO MTSAR SKYES TE, DE NAS LHA DE RNAMS RANG BZHIN KHO NAS BAG MED PAR GNAS PAR 'GYUR BAS YUL DU MA'I BDE BA LA RNAM PAR RTOG PA DU MA RNAM PA DU MAR DGA' BAR BYED DO, ,BDE BA GANG YIN PA'I BDE BA'ANG DPE BRJOD PAR BYA BAR NUS PA MA YIN NO, ,DE NAS
, ,LHA DE DAG RNAMS PHYIR YANG BAG MED PAR GNAS PAR GYUR PAS SNA TSOGS PA'I RNGA SGRA DANG, ROL MO'I SGRA NYE BAR BSGRAGS PAR GYUR PAS GANG NA CHU CHEN PO ZHES BYA BA'I CHU KLUNG DER NYE BAR 'GRO'O, ,BAG MED PA BRTAN PO'I SRED PA'I ZHAGS PAS SHIN TU DRANGS PAR GYUR PA, YUL LA LTA BA BRTAN PO THOG MA MED PA'I DUS NAS GOMS PA DES DRANGS PAR GYUR PAS GANG NA CHU CHEN PO'I CHU KLUNG YOD PA DER NYE BAR LEGS PAR 'GRO'O, ,RNAM PA SNA TSOGS PA'I RNGA SGRA DANG GLUS SBREL BA'I SNYING PHAN TSUN LHAN CIG TU DGA' BAR BYED DO, ,CHU CHEN PO'I CHU KLUNG DE YANG LJON SHING DANG PADMA DU MAS KHYAB PA, RNAM PA SNA TSOGS PA'I BYAS SGRA KUN TU SGROG BA, THOS NA DGA' BA, PADMA'I DRI MCHOG GIS BSGOS PA'I CHU'I NGOGS GNYIS KA NAS MCHOG TU RANGS PA'I LHA'I TSOGS KYIS GLU LEN PAS YONGS SU BSKOR NAS LHA DE DAG SRID PA CHUNG BA NAS NYE BAR LEGS PAR 'GRO'O, ,DE NAS PHAN TSUN LHAN CIG TU MCHOG TU DGA' BA'I YID KYIS DE DAG RNAMS NGOS DER DGA' BAR BYED DE, RNGA SKAD YAN LAG LNGA DANG LDAN PA STE, CHAGS PA DANG MTSUNGS PAS DANG, SNYAN PAS KYANG LHA DE DAG 'DOD PA'I YON TAN LDAS RNAM PA DU MAR
DGA' BAR BYED DO, ,CHU KLUNG DE'ANG MGYOGS PA'I CHU MCHOG TU MGYOGS PAR 'GROGS PA YIN NO, ,DE'I 'OD GNYIS KA LA BYA LO 'DAB GZHON NU LA GNAS PA ZHES BYA BA DE LEGS PAR BYA BA'I LAS KYIS BSKUL NAS MCHOG TU DGA' BA'I YID KYIS LHA DE DAG RNAMS LA PHAN PA'I DON DU TSIGS SU BCAD PA BRJOD PA, RI GZAR CHU 'BAB MYUR BA LTAR, ,BDE BA THAMS CAD RAB NYAMS 'GYUR, ,BAG MED DBANG GIS 'JUG PAS NA, ,BLO DANG BRAL BAS RIG PA'ANG MIN, ,NGES PAR LUS CAN RNAMS KYI NI, ,SROG DANG BDE BA YUD TZAM YIN, ,DMUS LONG BZHIN DU DAM PA'I LAM, ,BLO BRAL BAS KYANG RIG PA MED, ,MIG BRAL LONG BA MCHOG YIN GYI, , 'DOD PAS RMONGS PA MA YIN NO, ,BDE BA'I RJES SU 'BRANG BYED PA'I, ,MI NI DMYAL BAR NYE BAR RGYUG ,SPYOD PA DAM PA DANG LDAN PA'I, ,MIG MED DMYAL BAR LTUNG MA YIN; ;DE PHYIR MIG MED MCHOG YIN GYI, ,'DOD DBANG MI NI MA YIN NO, ,'DOD PA PHAN PA BYED MIN PAS, ,LAN GCIG MIN PAR SEMS RMONGS PA, ,'DOD PA RNAMS KYIS RMUGS PAS NA, ,RANG SEMS SKYO BAR 'GYUR BA YIN, ,'DOD PA SPYOD PA RNAMS LA NI, ,SHES RAB RNAM PAR SHES KYANG MED, ,'DOD PA LAS SKYES
, ,SDUG BSNGAL GANG, ,BTANG NAS SLAR YANG 'DOD RJES 'BRANG, ,KIM PA'I 'BRAS BU DANG 'DRA BA'I, ,'DOD PA'I DGRA BO GROGS PO'I GZUGS, ,'CHI BDAG SRID PA'I LTUNG BA DANG, ,NGAN 'GROR YANG NI YANG DANG YANG, ,RNAM PA DU MAR 'GRO 'ONG BA, ,LDOG PA MED PA'I CHU JI LTAR, ,DE BZHIN MI RNAMS BDE BA BRGYA, ,THAMS CAD DU NI LDOG PA MIN, ,DE LTAR LO 'DAB GZHON NU LA GNAS PA'I BYA DES YANG DAG PA'I LAS KYIS BSKUL NAS TSIGS BCAD BRJOD DO, ,DE NAS LHA DE DAG LEGS PAR BYAMS PA'I SEMS DANG LDAN PA DES TSIGS BCAD DE THOS NAS MCHOG TU SKYO BA'I YID KYIS SPYOD PAR BYED DE, JI LTAR KHYED DUD 'GROR GYUR PA RNAMS LA'ANG DE LTA BU'I CHOS KYI RJES SU SONG BA'I BLO YOD NA, BDAG CAG RNAMS NI, MA YIN PAS DE LTA BU LA 'JUG PA'I YID LA NI, LOG PAR LTUNG BAR 'GYUR RO, ,DE NAS DE LTAR LHA DE DAG GIS KYANG RIG NAS 'GA' ZHIG GIS KYANG CHU KLUNG DE YONGS SU BTANG NAS PHYOGS GCIG NA 'DI LTAR TSIGS SU BCAD PA 'DON PA, JI LTAR, LUS CAN KUN GYI GSON PA NI, ,CHU YI CHU BUR 'DRA BA YIN, ,CHU BO'I RLABS BZHIN G-YO BA YI, ,LANG TSO RNAMS NI
RNAM PAR 'GYUR, ,SEMS CAN LHAG MA MA LUS KUN, ,'CHI BDAG RGYAL PO'I DBANG YIN LA, ,SRID MTHAR BYED PA'I THABS DAG PA'I, ,BLO SNYING SEMS KYANG MI SKYED DO; ;JI SRID LUS NI MA RMAS SHING, ,JI SRID SKYE BO LEGS 'DRI MED, ,DE SRID CHOS KYI YID DANG GANG, ,NGAN SONG RNAMS KYIS 'JIGS PAR GYIS, ,DE LTAR LHA DE DAG PHAN TSUN DU CHOS KYI RJES SU 'BRANGS PA'I 'DOD PA DAG RJOD CING DE LTAR YUD TZAM ZHIG DAM PA'I CHOS YID LA BYAS NAS DBANG PO RNAMS NI, RNYED BAR DKA' BA YIN PA'I PHYIR NA SLAR YANG BSAM GYIS MI KHYAB PA'I RNAM PA DU MAR 'DOD PA, SDUG PA, YID DU 'ONG BA'I YUL GYI BDE BA RNAMS MTHONG NAS GANG NA LHA DE DAG DGA' MGU ZHING KUN TU'ANG SPYOD PA DER DGA' BAS GNAS PAR BYED PAS NYE BAR 'GRO STE, DE LTAR YUL GYIS KUN TU RMONGS PAS NYI MA RE RE ZHING 'PHEL BAR 'GYUR TE , LHA RDZAS KYI 'DOD PA'I YON TAN LNGA'I YUL LA KUN NAS 'JUG PA'I RGYUS MCHOG TU DGA' BA RNAMS LA DE JI SRID DU 'DOD PA, SDUG PA, LEGS PAR BYAS PA'I LAS DU MA RNAMS ZAD PAR MA GYUR GYI BAR DE SRID DU DE LA DGA' BAR BYED DO, ,MCHOG TU DGA' BAR 'GYUR BA'I LHA RDZAS KYI YUL LNGA DANG YANG DAG PAR LDAN PA DE LA
, ,DGA' BAR BYED DO, ,DE ZAD NAS SLAR YANG LAS KYI DBANG GIS 'GRO BAS DMYAL BA DANG, YI DVAGS DANG, DUD 'GRO RNAMS SU SKYE BA'O; ;GAL TE YANG GZHAN RNAMS NAS 'CHI 'PHOS NAS KYANG MI RNAMS DANG SKAL BA MNYAM PAR MIR SKYES NA YANG DE MCHOG TU LONGS SPYOD DANG LDAN PAR 'GYUR RO, ,MCHOG TU GNOD PA MED PA DANG, LONGS SPYOD CAN DANG, RIGS MCHOG TU SKYE BA DANG, YUL LJONGS KYI MI THAMS CAD DANG MTHUN PA DANG , YUL LJONGS KYI MI THAMS CAD KYIS MCHOD PA DANG, 'TSE BA MED PA DANG, NAD MED PA MCHOG TU YID GZHUNGS PA DANG, MCHOG TU'ANG BRAN PHO DANG, BRAN MO DANG, LAS BYED PA DANG, ZHO SHAS 'TSO BA RNAMS MTHUN PAR 'GYUR RO, ,RJES SU CHAGS PAR 'GYUR BA'I GRONG KHYER PHUN SUM TSOGS PA DANG LDAN PA DANG, YUL LJONGS SU SKYE BAR 'GYUR RO, ,GANG NA CHOS MA YIN PA MI SHES PA'I KLA KLOR GYUR PA'I YUL DER SKYE BAR MI 'GYUR RO, ,DBANG PO YONGS SU RDZOGS PAR YANG 'GYUR RO, ,YID RGYAS PA DANG, SEMS DANG BCAS PA DANG, MCHOG TU DBANG DU GYUR PA'I BLO DANG YANG LDAN PAR 'GYUR TE, DES LEGS PAR BYAS
SHING BSAGS LA MCHOG TU 'PHAGS PA'I SKYE BO LEGS PA'I YON TAN GSUM DANG LDAN PA NI, NGES PAR LHAR SKYE BAR 'GYUR BA'I LAS KYI RGYU MTHUN PAS YIN NO, , 'PHAGS PA DAM PA'I CHOS DRAN PA NYE BAR GZHAG PA, BAM PO BZHI BCU RTZA BRGYAD PA, GZHAN YANG DGE SLONG LAS KYI 'BRAS BU RNAM PAR SMIN PA SHES PA DE 'THAB BRAL PA'I LHA RNAMS KYIS LA KUN TU LTA BAR BYED PA NA, DES THOS PA LAS BYUNG BA'I SHES RAB KYIS 'THAB BRAL BA'I LHA RNAMS KYIS JI LTA BA BZHIN DU YOD PA MTHONG BA NI, RGYUN GYIS RGYU BA ZHES BYA BA'O, ,DES LAS GANG DAG GIS SEMS CAN RNAMS SKYE BAR 'GYUR BA DES THOS PA LAS BYUNG BA'I SHES RAB KYIS MTHONG BA, LEGS PAR BYAS PA'I LAS KYI MTHA' LA SPYOD PA, DRANG PO DRANG PO'I SEMS DANG LDAN PA, CHOS PA CHOS KYI RJES SU 'BRANG BA, MA NYAMS SHING MA SMRAS PAR SPYOD PA, SDIG PA YONGS SU SPANGS PA DES 'DOD PA RNAMS YONGS SU SPANGS PA'I DGE BA'I BSHES GNYEN GYI SEMS DANG LDAN PA, KHA NA MA THO BA RDUL PHRA RAB TZAM LA YANG 'JIGS PAR LTA BA, YANG DAG PA'I LTA BA MNGON DU BYAS PA, SDIG PA'I GROGS PO YONGS SU SPANGS PA, RTAG TU YANG LAS DANG 'BRAS BU LA DAD PA DANG LDAN PA, SEMS SHIN TU MNYAM PAR BZHAG
, ,BAS GANG GIS LUS KYI LEGS PAR SPYOD PA DANG, NGAG GI LEGS PAR SPYOD PA BYAS PAR GYUR PA, TSUL KHRIMS YON TAN GSUM DANG LDAN PA'I TSUL KHRIMS BSRUNGS PAR GYUR PA LA 'DI LTA STE, SROG GCOD PA DANG, MA BYIN PAR LEN PA DANG, 'DOD PA LOG PAR G-YEM PA LAS DE LA SROG GCOD PA DANG, MA BYIN PAR LEN PA NI, SNGA MA BZHIN NO, ,'DOD PAS LOG PAR G-YEM PA SPANGS PAR GYUR PA YANG JI LTAR BUD MED LA DAR TZAM ZHIG KYANG SO SOR LTA BA DANG, RO MYANG BAR MI BYED LA, MTSAN MO'ANG YID KYIS MIG GI GZUGS DANG LHAN CIG TU RNAM PAR RTOG PAR MI BYED DO, ,'DOD PA CHUNG BAR 'GYUR ZHING MCHOG TU CHOG SHES PA DANG, NYIN MO SPYOD PA'I SAR 'GRO BA NA'ANG YID SHIN TU MNYAM PAR BZHAG PAR 'GYUR RO, ,SEMS SHIN TU LEGS PAR GZUNG BA'I THAG PAS 'DZIN PAS DBANG PO RNAMS MYUR DU 'DZIN PAR BYED DO, ,LUS KYI RJES SU 'BRANGS PA'I BLO DANG LDAN PAR 'GYUR RO, ,SEMS LEGS PAR SRUNG BA LA KUN NAS DGA' BAR 'GYUR RO, ,KHAMS DANG SKYE MCHED DANG PHUNG PO RNAMS LA RAB TU DPYOD PA LA DGA' BAR 'GYUR RO, ,TSOGS PA DANG 'DUS PA LA DGA' BAR MI 'GYUR RO, ,NYI MA
PHYED KYANG SPYOD YUL LA 'DRE BAR MI BYED DO, ,MI G-YO CAN NAM, GTUM MO'AM, KHYIM LA'ANG STEN PAR MI BYED DO, ,GRONG DU 'JUG PA'I RANG BZHIN CAN DU MI 'GYUR RO, , GRONG KHYER DANG LAM PO CHE DANG BZHI MDO RNAMS SU 'GRO BA DANG, 'ONG BA'I NGANG TSUL CAN DU MI 'GYUR RO, ,GNYEN DANG GROGS LTA BA LA BRTZON PAR MI 'GYUR, DE LA MYUR PA'I BLO DANG LDAN PAR 'GYUR RO, ,RTAG TU BRTZON PA DANG LDAN PAR 'GYUR RO, ,SHES PA DANG RNAM PAR SHES PA'I SPYOD YUL LA RTAG TU BRTZON PAR 'GYUR RO, ,TSUL BZHIN YID LA BYED PAS RTAG TU YANG BLA MA LA STEN PAR BYED DO, ,RNAM PA DE LTA BU'I TSUL KHRIMS BYED PA BO DE LUS ZHIG NAS SHI BA'I PHA ROL TU 'THAB BRAL GYI LHA RNAMS KYIS LAS TSOGS PA RGYUN GYIS RGYU BA'I LHA RNAMS KYI NANG DU SKYE'O, ,SKYES PA NA YANG 'DI NI, MCHOG TU ROL MO DANG LDAN PA, MCHOG TU SKYID PAR GYUR PA DE'I RGYA'I RJES DANG 'DRA BA'I BDE BA RNAM PA DU MA DANG LDAN PAR 'GYUR RO, ,SA DE'ANG RI GNYIS DAG GIS YONGS SU BSKOR BA YIN ZHING DE LA RGYUN GYIS RGYU BA'I RI LA NAGS BZHI YOD PA RNAMS LA 'DI LTA STE, GRIB MA SNUM ZHING NAG PA DANG, RNAM PA DU MAR 'GRO BA DANG, THAMS CAD SKYE BA DANG, RAB TU DANG BAR 'GRO BA'O, ,DE LA SNUM ZHING NAG PA'I ZHAD
, ,CAN NI; AINDRA N'I LA 'BA' ZHIG DANG MTSUNGS PA'I KHA DOG GI SHING RNAMS LA GSER DANG DNGUL GYI 'DAB MA CAN GANG GI MDZES PA BSTAN PAR MI NUS PA'I PHUN SUM TSOGS PA GANG GI YAL GA DANG GRIB MA DPAG TSAD LNGA BRGYA PA BRTOL NAS 'GRO STE, CHES NAG PA'I CHAR SPRIN BZHIN NO, ,DU MA 'GRO BA'I NAGS GZHAN DANG, THAMS CAD SKYE BA'ANG NAGS GZHAN YIN TE, DE DAG NA NI, SHING GI RIGS DU MA RNAMS YOD DE, LJON SHING DE RNAMS NI, KHA DOG DU MA DANG, DBYIBS DU MA DANG, TSAD DU MA DANG, SDONG BU DANG, BYA'I TSOGS DU MAS BSTEN PAR GYUR PA LA 'DI LTA STE, GSER GYI SDONG BU LA DNGUL GYI 'DAB MA DANG; BEE d'URYA'I SDONG BU LA BYI RU'I 'DAB MA DANG, BYI RU'I SDONG BU LA DNGUL GYI 'DAB MA DANG, 'DREN MA'I GRIB MA DANG 'KHRI SHING GIS KHYAB PA'I SHING RNAMS TE, SA GZHI'I CHA'ANG 'KHRI SHING GI KHANG PAS NYE BAR DBEN PA, SA PHYOGS KYI CHA DE'ANG THAMS CAD LAS MCHOG TU RGYA CHE BA DANG, MCHOG TU DGA' BA'I BUNG BA'I TSOGS RNAMS SGRA RNAMS 'BYIN PAS MDZES PA DANG LDAN PA YIN LA, RNAM PA DE LTA BU NI, NAGS GNYIS PA YANG YIN TE, NAGS GZHAN THAMS CAD NGES PAR SKYE BA NA NI,
RNAM PA DU MA'I 'BAB CHU DANG CHU KLUNG GI SGRA GHA GHA RA'I GDANGS KYI SGRA RNAM PA DU MA DANG LDAN PA'I CHU KLUNG GI SGRAS SA PHYOGS KYI CHA KHYAD PAR GYUR PA'O, ,RMA BYA DANG KHU BYUG GI SGRA MNYAN PAR SNYAN PAS KUN NAS GANG BA'O, ,GZHAN YANG RAB TU DANG BAR 'GRO BA NI, BSTEN PAR MI NUS PAR DGA' ZHING GSAL BA'I SHING GI GZUGS RNAMS YIN TE, NAGS DANG, NYE BA'I NAGS DANG, PADMA'I TSAL RNAMS KYI GRIB MA'I TSOGS KYI TSOGS PA DE DAG THAMS CAD SHIN TU GSAL BAR MTHONG NGO, ,YANG LHA GANG DAG RGYUN DE LA GNAS PA'AM 'DRE BAR BYED PA RNAMS KYANG KA TZA 'AM, LHANG CHER SRAB MOS BAR DU CHOD PA'I GZUGS BZHIN DU MTHONG NGO, ,GZHAN YANG RI DE'I GZI BRJID KYIS 'CHI 'PHO BA'I DUS SU RNAM PA GANG GIS LHA RNAMS DUS BYED PAR 'GYUR BA'I RNAM PA DE DANG DE DAG NYAMS PA MED PA DANG, MA LUS PAR YANG RGYUN GYI RI DE LA MTHONG BAR 'GYUR RO, ,DES 'GYUR BA MED PAR 'CHI 'PHO BA DE MTHONG NAS KYANG SRID PA LA YID 'BYUNG BAR 'GYUR RO, ,BAG MED PA SPYOD PAR YANG MI 'GYUR RO, ,DES BDAG NYID RNAM PAR 'JIG BAR RIG PAR 'GYUR RO, ,DE LTA BU'I YON TAN DANG LDAN PA'I SAR SKYE BA NI, DGE BA'I LAS RNAM PA DU MA RNAMS KYIS YIN NO, ,DES NA DER SKYE BA'I LHA DE DAG
, ,RNAMS NI, DANG PO KHO NA RGYUN GYI RI LA SKYE BAR 'GYUR RO, ,BAG MED PAS GNAS PAR YANG MI 'GYUR TE, BDAG NYID LOG PAR LTUNG BAS SO; ;DE GSAR DU SKYES PAR GYUR PA NA NAGS DANG, RDZING BU DANG, SPRO BA'I PADMA'I NAGS LA RNAM PA SNA TSOGS BAR MCHOG TU DGA' BA'I 'DOD PA'I YON TAN LNGA PHUN SUM TSOGS PAS RNGA SGRA DANG, LHA'I BU MO'I TSOGS KYIS YONGS SU BSKOR NAS DGA' ZHING KUN TU SPYOD PAR BYED DE, RNAM PA DU MA DANG, RNAM PAR RTOG PA DU MAS RGYUN GYI RI'I NAGS RNAMS LA SNGAR BSHAD PA'I LHA DES SNGON DGE BA'I LAS KYI MTHA' RNAMS LA SPYOD PAS RNAM PA DU MA'I RNAM PAR RTOG PA RNAM PA MANG PO RANG BZHIN DU MAR YANG DGA' BAR BYED DO, ,LEGS PAR BYAS PA'I LAS KYI MTHA' DES MCHOG TU STOBS DANG LDAN PA DANG, GZI BRJID MCHOG DANG LDAN PA DE'I 'DI LTAR DGA' BA YIN TE, RI DE DAG LAS SHIN TU NGO MTSAR BAR GYUR PA'I RANG BZHIN GYI RGYU MTSAN LNGA MTHONG NGO, ,GANG DAG CE NA, 'DI LTA STE, SKYE BA GZHAN GANG LAS 'CHI 'PHO BA DE MTHONG NGO, ,SKYE BA GZHAN GYI LAS GANG GIS DER SKYES PA DANG, LHA'I RIS DE NAS JI SRID CIG NA 'CHI BAR 'GYUR ZHING 'CHI 'PHOS PA NAS KYANG
GANG DU SKYE BA DANG, DER YANG BDE BA JI SRID CIG LA NYE BAR LONGS SPYOD PAR BYED PA'O, ,GZHAN GYI LA YANG DE BZHIN DU MTHONG STE, YANG LHA'I RIS DER DUS GZHAN LA'ANG JI SRID DU BSKAL PA BRGYA'AM, BSKAL PA BYE BA PHRAG BRGYA NA'ANG SKYE BAR 'GYUR BA DES MTHONG LA, JI LTAR BDAG LHA'I RIS 'DIR SKYE BAR NI, 'GYUR GYI, 'ON KYANG DUS KYI 'GRIB PA NI, MA GTOGS TE, SHES PAS GZHAL BAR MI NUS PA'I RANG BZHIN YIN PA'I PHYIR RO, ,DE DAG RNAMS NI, DGE BA'I LAS RNAMS KYIS RI DE'I GZI BRJID KYIS NGO MTSAR BA 'DI DAG MTHONG NGO, ,DES NGO MTSAR BA RNAM PA DU MA YANG DAG PAR MNGON PAR MTHONG NAS KYANG RANG GI LEGS PAR BYAS PA'I LAS KYIS KYANG YID 'BYUNG NGO, ,SKYE BA DANG 'CHI 'PHO BA'I SRID PA'I NGAM GROG GI SKYON GYIS DANG PO KHO NAR BSOD NAMS KYI LAS RNAMS LA'ANG YID 'BYUNG BAR 'GYUR RO, ,GZER ZUG MI BZAD PA RNAMS KYIS 'JIGS PA'I SKYON GYIS 'DREN MA RNAMS KYIS KYANG YID 'BYUNG STE, 'DREN MA SRID PA'I NGAM GROG GI SKYON RNAMS DES DE LTAR MTHONG NAS RI LA SONG NAS KYANG MNGON PAR LTA BAR BYED DO, ,SLAR YANG DE 'KHOR BAR SONG BA'I 'CHI 'PHO DANG SKYE BA'I SRID PA'I NGAM GROG GI SKYON GYI NGAM GROG MI LDOG PA NYIN MTSAN DU SHIN TU 'PHEL BAR 'GYUR
, ,BAS SDUG BSNGAL RNAM PA DU MA'I 'PHYANG MO RNAMS MNGON PAR MTHONG BAR GYUR PAS GZHAN RNAMS LA YANG DGA' BAR MI 'GYUR RO, ,LHA RDZAS KYI 'DOD PA'I YON TAN SHIN TU YID DU 'ONG BA SGRA DANG, REG BYA DANG, RO DANG, GZUGS DANG, DRI RNAMS PHUL DU PHYIN PA'I 'BRAS BU DUG DANG 'DRES PA JI LTA BA YIN PA'I PHYIR DE'I TSE BDE BA MA YIN TE, DE RNAM PA DU MAS LHA RDZAS KYI YUL GYI BDE BA RNAMS LA RAB TU ZHE SDANG BAR 'GYUR RO, ,DE LTAR RAB TU ZHE SDANG BA DES LHA GZHAN DANG GZHAN RNAMS LA'ANG PHAN PA DANG BDE BA 'DOD PAS RAB TU STON PAR BYED DO, ,DE LA LHA GANG DAG LUS DANG NGAG DANG YID BSGOMS PA RNAMS LEGS PAR BYED PA'I LAS CAN DU 'GYUR TE, JI LTAR GANG DAG CHOS SMRA BA PO DAM PA'I CHOS STON PA DES SEMS CAN GZHAN DAG RNAMS BAG MED PAS BAG MED PAR GNAS PA RNAMS LA RNAM PA DU MAR SHIN TU GSAL BAR SANGS RGYAS KYI GSUNG LEGS PAR STON PAR BYED DO, ,SEMS CAN BAG MED PA RNAMS KYIS BAG MED PA LA GNAS PA RNAMS YUL GYI NGAM GROG DU MAR BYANG BAR GYUR PA DE DAG RNAMS LA 'JIGS PA LNGA STON PAR BYED PA NI, 'DI LTA STE, SKYE BA'I 'JIGS PA DANG, RGAS PA'I
'JIGS PA DANG, NAD KYI 'JIGS PA DANG, 'CHI BA'I 'JIGS PA DANG, RANG GI LAS KYI 'JIGS PA STE, JI LTAR LAS KYIS SEMS CAN 'DI DAG RNAMS 'BYUNG BAR 'GYUR LA, DE'I [?] LA [?] PA CAN DE LTA BUR 'BYUNG BAR 'GYUR RO, ,MTHUN PA YID DU 'ONG BA DANG 'BRAL BA'I 'JIGS PA DANG, 'DUS PA DAD 'BRAL BA'I 'JIGS PA DANG, 'JIGS PA DE BZHI [?] GANG DAG GIS RAB TU STON PAR BYED DO, ,'DOD PA'I SEMS KYIS MA YIN NO, ,BSNYEN BKUR 'DOD PAS MA YIN, DREGS PAS DANG BSGYING BA'I RGYUS MA YIN ZHING MA 'DRES PAR SANGS RGYAS KYI GSUNG STON TO, ,GZHAN DAG GIS GZHAN DU MA THOS PA'I DPE DANG LDAN PA RNAMS THOS PA NYUNG BA'I 'JIGS PAS 'DIR SANGS RGYAS KYI GSUNG BAG TZAM ZHIG BRJOD PA YIN LA, DES DUS 'DA' BAR 'GYUR BA'I PHYIR NA RGYU MTSAN DANG, DPE GZHAN RNAMS NI, MA YIN TE, MA THOS PA RNAMS PHYI NAS RJOD PAR BYED DO, ,RNAM PA SNA TSOGS PA RNAMS 'DOD PAS NI, DES 'DA' BAR 'GYUR BAS NA, DES DE LTAR CHOS 'CHAD PAR 'GYUR RO, ,DE'I RGYUS DES KYANG 'CHI 'PHO DANG SKYE BAS BYAS PA'I 'JIGS PA RNAMS 'KHOR BAR BYAS PAR MTHONG NGO, ,CHOS STON PA THAMS CAD LAS 'BRAS BU MANG BAR 'GYUR BA NI, 'DI
, ,LTA STE; MA DANG, PHA DANG, NAD PA DANG, LTA BA LOG PA CAN ZHI [?] BA'I LTA BA SKYE BAR BYED PA DANG, 'CHI BA'I YUL DANG DUS KYI SEMS CAN RNAMS LA CHOS STON PAR BYED PA DANG, GANG 'DOD RGYAL BA RGYU MED PAR 'KHOR BAR 'JUG PAR 'GYUR BA RGYU MED PA'I 'JUG PA NI, MED DO, , CHOS MA THOS PA RNAMS LA STE, GANG GIS NAM YANG CHOS THOS PAR MA GYUR PA 'BROG DGON PAR ZHUGS PA RNAMS DANG, LAM DU 'GRO BA RNAMS DANG, DE'ANG RGYA MTSOR RAB TU 'GRO BA RNAMS DANG, BAG MED PA RNAMS DANG, RGYAL PO'AM, RGYAL PO'I BU'AM, LANG TSOS BAG MED PAR GYUR PA RNAMS KYI RGYAGS PA ZHI BAR BYED PA DANG, GANG DAG SROG GCOD PA LHAG PAR GYUR PA RNAMS DANG, BAG MED PA RNAMS LA'ANG SROG GCOD PA'I NYES DMIGS STON PA'I DON DU CHOS STON PAR BYED PA DANG, DES DE SROG GCOD PA LAS ZLOG PAR BYED DO, ,'KHRUG PA LA DGA' BA'I SEMS CAN RNAMS MTHO RIS KYI LAM DANG, THOS PA NYAMS PA RNAMS RTAG TU DE LA MNGON PAR BRTZON PAR BYA BA DANG STE, CHOS RAB TU BRTZON PA DU MAS DE LTAR BSTAN PAR BYA'O, ,BUD MED RNAMS KYANG PHRAG DOG GIS
BCOM PA DANG, SER SNA'I 'JIGS PA'I SKYON GYIS MA BGRUNGS PA RNAMS LA'ANG SER SNA DGAG PA'I DON DU'ANG CHOS STON PAR BYED DO, ,DE ZLOG PAR BYED DO, ,GANG ZAG BCU GNYIS PO DE DAG RNAMS LA GANG GIS CHOS BSTAN PAR GYUR PA DE YANG DAG PA JI LTA BAS CHOS STON PA PO LUS ZHIG NAS 'THAB BRAL GYI LHA RNAMS KYI RGYUN GYI SAR SKYE'O, ,LAS KYIS BYAS PA'I SKYE BA DANG 'CHI 'PHO 'DIR MTHONG NGO, ,'KHOR BA THAMS CAD LA YID 'BYUNG BAR 'GYUR RO, ,YANG GANG DAG GIS CHOS BSTAN PAR MA GYUR PA DE DAG GIS NI, BSTAN PAR BYAS PA DE THAMS CAD MA MTHONG BAR GYUR NAS DGA' ZHING KUN TU SPYAD PAR YANG BYED DE, 'DOD PA'I YON TAN DU MA PHUN SUM TSOGS PA RNAM PA DU MAR 'DRUD PA'I DBYANGS SNYAN PA, NGAL SOS PA'I BYA'I SGRA LEGS PAR 'BYIN PA, DRIL BU G-YER KHA'I SGRA 'BYUNG BA, SNA TSOGS PA'I KHA DOG DANG DRI PHUN SUM TSOGS PA'I PADMA'I RDZING BU LA BUNG BA'I TSOGS BRGYA STONG PHRAG GI SGRA'I RNAM PA 'DRES PA SGROG PA RNAMS LA DGA' BAR BYAS NAS GZHAN YANG GANG NA RGYUN GYI RI'I ZHOL DANG RANG [?] RIM YOD PA RNAMS LA DE DGA' BAR BYED DO, ,MCHOG TU GZUGS DANG YON TAN PHUN SUM TSOGS PAS YON TAN GYI MCHOG DANG LDAN PA'I
, ,LHA'I BU MO RNAMS LHAN CIG TU GLU LEN PAR BYED, DGA' BAR GYUR PA DANG, MCHOG GI RO DANG, DRI DANG, MCHOG PHUN SUM TSOGS PAS MCHOG TU DGA' BA SKYED PA'I BDUD RTZI 'THUNG BAR BYED DO, ,GANG 'THUNGS NAS YANG PHYIS BAG MED PAR GNAS PA'I LHA RNAMS CHES LHAG PAR RGYAGS PA KUN TU SKYED DO; ;GZHAN YANG RGYAGS PAS GNAS PA RNAMS GANG NA RI DE'I BYA RNAM PAR DGA' BA ZHES BYA BA'I NAGS NYE 'KHOR DU BEE d'URYA'I STEGS BU BYI DOR BYAS PA GSER GYIS BRGYAN PA'I STEGS BU'I NYE 'KHOR NA RIN PO CHE SNA BDUN GYIS NYE BAR MDZES PA DE LA NYE BAR STEN PAR BYED DO, ,NYE 'KHOR DU BYAS BSKOR BA NI, MCHOG TU MDZES PA SHIN TU YON TAN PHUN SUM TSOGS PAS YONGS SU BSKOR BA DER GNAS PAR BYED DO, ,LHA DE DAG 'DOD PA'I YON TAN LNGAS RTZE BAR GYUR PAS MI NGOMS PAS RTAG TU'ANG GDUNG BA DE DAG TSIM PA'I MTHA' 'BYUNG BA MED DO, ,JI LTAR BUD SHING RLUNG DANG RNAM PAR 'DRES PA'I MES NI, NGOMS PA NAM YANG 'BYUNG BAR MI 'GYUR RO; ;DE BZHIN DU SRED PA DANG BCAS PA BYIS PA NAM YANG TSIM PA'I MTHA' 'BYUNG BA MED DE, DE CI'I PHYIR ZHE NA, THOG MA MED PA'I DUS NAS BZUNG NAS 'JUG
BA'I SRED PAS BSLUS PA'I BYIS PA SO SO SKYE BO'I SRED PA NGOMS PA MED PA'I SRED PAS NYE BAR SONG BA'I YID DANG, RANG GI YUL LA YANG NGOMS PA MED PA RNAMS BDE BA'I DBANG POS NAM YANG TSIM PA SKYE BA MA YIN NO, ,DGA' BAR GYUR PA'I STEGS BU DE LA KHANG BU MCHOG TU DGA' BA, MCHOG TU RGYA CHE BAR DGA' BAR GYUR PA , MCHOG TU YON TAN PHUN SUM TSOGS PA LHA DE 'DOD PA'I YON TAN LNGA LA RNAM PA DU MA DANG, RNAM PAR RTOG PA DU MAS 'DOD PA DU MA DANG LDAN PAS LHAN CIG TU DGA' BAR BYED DO, ,DE NAS BAG MED PAS RGYU BA DE DAG DE LTAR RJES SU TSOL BAR GYUR PA GANG YIN PA'I LHA DE DAG RNAMS BAG YOD PAS BAG YOD PAR GNAS PA DE DAG GIS DE RNAMS MTHONG NAS RJES SU BRTZE BAS KYANG TSIGS SU BCAD PA BRJOD PA, JI LTAR, GANG ZHIG JI LTAR SEMS BYED PA, ,DE LTAR DES NI 'DOD PAR MTHONG, ,DGE BA YIS NI 'DOD PA 'JIG ,MI DGE BAS NI RAB TU 'PHEL, ,SEMS ZHI BA YI YID KYIS NI, ,'DOD PA MTSON DANG DUG BZHIN MTHONG, ,BLO RAB MA ZHI BYIS RNAMS KYIS, DGA' BAR GYUR PA MTHONG BA YIN, ,DBANG PO RNAMS DANG YUL RNAMS KYANG, ,RANG SEMS 'DI LA RAG LAS YIN, ,SEMS NI KUN NAS 'DRER SBYOR BAS, ,YONGS SU
, ,SMIN PAR 'GRO BA YIN, ,DE NYID RING BAR GYUR PA YIS, ,BRTAN PAS LEGS PAR 'CHING BA YIN, ,GZUGS KYI SPYI NI MA MTHONG NA, ,YONGS SMIN JI LTAR SO SO YIN, ,GZUGS CI 'DRA BA DE 'DRA KUN, ,YUL NI SEMS KYI RGYU LAS YIN, ,SEMS DUL BA NI RTAG TU ZHI, ,SKYON DANG 'DRES PA RNAM PAR SMAD, ,JI LTAR CHU NI GCIG NYID LA, ,MDOG GZUGS RNAM PA THA DAD YIN, ,KUN NYON MONGS SOGS SNA TSOGS NYID, ,DE BZHIN SEMS LA RAB TU 'JUG ,GANG LA SKYED PA'I DBANG GIS NA, ,PHYI YI 'KHRUL 'KHOR BYA BA BYED, ,SEMS KYI G-YO BAS DE YI DAG ,'JIG RTEN 'DI NI RAB TU 'JUG ,SEMS CAN BAG MED NYER BCOM PA, ,'DOD PA'I RO LA DE MCHOG 'DZIN, ,GZUGS RNAMS LA NI RTAG TU CHAGS, ,YONGS SU 'GYUR BA MI SHES SO, ,RGYUN GYI GRIB MA'I GZUGS LEGS LA, ,LAS KYI RNAM SMIN GANG YIN PA, ,DE NI MTHONG NAS JI LTAR LTA, ,'DOD SPYOD YUL LA DAM PAR 'GRO, ,GAL TE 'DOD PA RTAG YIN NA, ,DE LAS 'BRAL BAR 'GYUR MA YIN, ,DE LTA YIN DANG 'DOD SRID LA, ,DAM PAR 'GRO MIN SPYAD PA NI, ,DANG POR MI RTAG SDUG BSNGAL DANG, ,STONG DANG BDAG MED NYID KYANG STE, ,SDUG BSNGAL RNAM SMIN CAN DE
LA; ;JI LTAR CHAGS 'GYUR BLO LDAN RNAMS, ,MTHO RIS LAS NI RAB NYAMS NAS, ,LAS KYIS KHRID PAR GYUR PA YIS, ,YUL RNAMS KYIS NI BSLUS PA'I YANG, ,LAS DE DMIGS PA MA YIN NO, ,DE LTAR LHA DE NI, BAG MED PA MA YIN, BAG MED PAS GNAS PA MA YIN PA DES LHA GZHAN DE DAG LA TSUL DU MAS RJES SU STON TO, ,YANG DAG BAR GYUR BA'I LAS KYI RANG BZHIN SO SO'I LAS KYIS BYAS PA'I RANG BZHIN YANG DAG PAR MTHONG NAS SO SO'I LAS KYI 'JIGS PAS RJES SU BRTZE BAR GYUR NAS 'CHAD PAR BYED DO, ,DE LTAR RGYUN GYIS RNAM PAR RGYU BA'I LHA RNAMS RGYUN GYI RI LA DGA' BAR 'GYUR RO, ,RNAM PA DU MAS DE KHO NA NYID NGES PAR BYED PA MTHONG NGO, ,GZHAN YANG LHA GANG DAG RGYUN GYI RI LA GNAS PA DE DAG GI NAGS DANG, NYE BA'I NAGS DE DAG MCHOG TU DGA' BAR GYUR PA PHAL CHER NAGS DE DAG NI, BEE d'URYA'I RANG BZHIN DANG, DNGUL GYI RANG BZHIN YIN LA, JI LTAR DE DAG GI GTZO BO RNAMS KYI MING DU GYUR PA NI, 'DI LTA STE, GRIB MA GCIG PU PA DANG, DE LA GRIB MA GCIG PU PA NI, GRIB MA MED PA YIN TE, DE LA GRIB MA GCIG PA'I NAGS KYANG BEE d'URYA'I RANG BZHIN, MCHOG TU DGA' BA, MNAN NA NEM LA BTEG NA 'PHAR BA'I SA'I CHA LA BYA'I TSOGS KYIS SGRA
, ,KUN TU SGROG PA, PADMA'I RDZING BU BRGYA PHRAG DANG LDAN PA, 'BAB CHU DANG, RDZING BU DANG, MTSE'U BRGYA PHRAG DANG LDAN PA RNAMS NA LHA DE DAG DGA' BAS GNAS PAS RNAM PA DU MAR DGA' BAR BYED DO, ,DE LA GRIB MA GCIG PU PA NYID KYI NAGS NA RDZING CHEN PO LNGA LA NGANG PA DANG, K'A RAndA PA DANG, NGUR PA RNAMS PHAN TSUN DU MCHOG TU RANGS PAR GYUR PAS RNAM PA SNA TSOGS PA'I SKAD GDANGS KYI SGRA THOS NA CHES DGA' BA RNAM PA DU MA LEGS PAR BSGOS PAS SGROG PA'I SGRA RNAMS KYIS DGA' BAR BYED DE, CHU LAS SKYES PA DU MA CHU LAS YANG DAG PAR BYUNG BA RNAMS LA RLUNG GIS BSKYOD PA'I RLABS KYI SHUGS CHEN POS 'DAM GYI DRI MA DANG RNAM PAR BRAL BA, MCHOG TU DRI MA MED PA'I RDZING BU'I PADMA'I BU GA DANG, 'DAB MA GZHAN GYI BU GA LA PHAN TSUN GCIG GROGS SU GYUR PAS DGA' ZHING KUN TU SPYOD PAR YANG BYED DO, ,DE LA RDZING BU LNGA PO 'DI RNAMS KYANG YOD DE, DE BZHIN DU MTHONG NA DGA' BA DANG, NGOMS PA MED PA'I CHU DANG, BYA MNGON PAR DGA' BA DANG, RTAG TU KUN DGA' BA DANG, LHA RNAMS DGA' BA'O, ,DE DAG LA DBYIBS DU MA DANG, KHA DOG DU MAR GYUR PA'I BUNG BA BRGYA STONG DU MA BKRA BAS
MCHOG TU DGA' BAR GYUR PA'I BDUD RTZI GCIG TU RO LA SRED PA'I BUNG BA RNAMS 'THUNG BAR BYED CING MCHOG TU RGYA CHE BA'I SGRA 'BYIN PAR GYUR LA, DE DAG DER KUN TU SGROG PA THOS PAS YID 'PHROG PA LEGS PAR MTHONG NAS LHA RGYUN NA SPYOD PA DE RNAMS RAB TU RGYUG PAR BYED DO, ,RDZING BU DE DAG RNAMS KYI CHU NI, SHIN TU DANG BA, MDOG DANG, DBYIBS DANG, MCHOG TU DRI ZHIM PA'I CHU RNAMS LHA DE DAG GIS YANG DAG PAR MTHONG NAS RDZING BU DE DAG RNAMS SU RIM GYIS ZHUGS TE LHAN CIG SPYOD PA DANG BCAS NA SA CHU'I RTZED MO RNAMS BYED PAR 'GYUR BAS 'DOD PA'I YON TAN LNGAS CHES PHUN SUM TSOGS PA LA NYE BAR LONGS SPYOD PA DE DAG RNAM PA DE LTA BU'I DGA' BA YANG DAG PAR SKYE ZHING RNAM PA DU MAR DGA' BAR BYAS NA, GZHAN YANG MCHOG TU YID 'PHROG PA'I SGRA 'BYUNG BAR 'GYUR TE, RNAM PAR 'DRES PA RNAM PA SNA TSOGS PA RNAMS SU 'DI LTA STE, KLU'I SGRA DANG, DRI ZA'I SGRA DANG, CHU'I SGRA DANG, RNAM PA SNA TSOGS PAR BYA SGRA 'BYIN TE, SGRA DE DAG RNAMS PHAN TSUN DU RNAM PAR 'DRES PA DANG, PHAN TSUN DU TSIG THA MI DAD PA RNAMS KYIS DGA' BAR GYUR PA'I TSIG DANG, GCIG TU RGYUN NA SGRA SGROG PA KUN NAS 'DRES PA RNAMS KYANG DE BZHIN DU MDZES PA DANG, DE LTA MA YIN PA'O, ,
, ,PA DANG BCAS PA'I LHA DE DAG RNAMS DANG, BYA RNAM PAR SGRA 'BYIN PA KUN TU 'DRES PA RNAMS DANG, DE BZHIN DU DE DAG RNAMS KYI GLU'I SGRA DU MA RNAM PAR 'DRES PA'I TSIG RNAMS THOS NA YID 'PHROG PAR 'BYUNG NGO, ,GANG DAG RI'I GSEB GZHAN RNAMS LA LHA RNAMS RTZE DGA' BA DE DAG RNAMS KYI DON 'DOD PA THAMS CAD MCHOG TU PHUN SUM TSOGS PA LA RTZE BA RNAMS LA GTZO BOR MI BYED DO, ,GANG YANG PHYOGS GZHAN NA RI DVAGS DANG BYA RNAMS DGA' BAR BYED CING, RNAM PA SNA TSOGS PAR MCHOG TU DGA' BAR GYUR PA'I BZA' BA GANG YIN PA RNAMS ZA BAR BYED PA DE RJES SU BTANG NAS RNA BA DANG MIG G-YO BA MED PAR GANG RNAM PAR 'DRES PA'I BYA'I RNAM PAR BRJOD PA DANG, LEGS PAR 'DRES PA'I GLU'I SGRA RNAMS NYAN PAR BYED DO, ,DE LTAR BLANGS PA'I MI RTAG PA MCHOG TU DGA' BA GANG DAG LAN GCIG DANG, LAN GCIG MA YIN PAR YANG GLU'I SGRA RNAMS NYAN PAR BYED DO, ,DE LTAR GLU 'DI'I SGRA DGA' BAR GYUR PA YIN TE, GANG LAS GZHAN NA GNAS PA'I LHA'I TSOGS RNAMS KYANG SPRO BAR 'GYUR BA YIN NO, ,DE NAS DE LTAR RGYUN NA RAB TU RNAM PAR RGYU BA'I LHA RNAMS DUS
SHIN TU RING POR MCHOG TU DGA' BAR GYUR PA'I GZHI RDZID BU LNGA LA BDE BA LA LONGS SPYAD NAS GANG NA BTUNG BA DGA' BA ZHES BYA BA'I NAGS BTUNG BAS YANG DAG PAR GANG BAR BGROD NA DGA' BAR GYUR PA DER 'GRO'O, ,BTUNG BA'I DON DANG RGYAGS PAS GNAS PA'I DON DU DE GANG GI TSE BTUNG BA'I DON DU DGA' BA DER RIM GYIS PHYIN PAR 'GYUR RO, ,DE'I TSE LEGS PAR BYAS PA'I LAS KYIS BTUNG BA GZHAL DU MED PA THAMS CAD KYIS CHU KLUNG RAB TU DANG BA'I TSUL DE DAG RNAMS CHU DE'I NANG DU NUB PAR ZHUGS SO, ,MCHOG TU DRI DANG, RO DANG, KHA DOG PHUN SUM TSOGS PA'I RTZI DAG 'BYUNG BAR 'GYUR RO, ,BTUNG BA GANG GI RE ZHIG DRI NYID KYANG DPAG TSAD LDAR 'GRO BAR 'GYUR RO, ,RJES SU MTHUN PA DANG LDOG PAR YANG LNGAS 'GRO BAR 'GYUR RO, ,JI LTAR YANG LHA RNAMS JI LTAR 'DOD PA DE KHO NA BZHIN DU 'THUNG BA DE DAG RNAMS 'GRUB PAR 'GYUR RO, ,RJES SU CHAGS PA'I SEMS KYI DBANG GIS MCHOG TU 'JIGS PA RNAMS KYI BDE BA'I RTZE MO DE DAG RNAMS YIN NO, ,'DI LTA STE, JI LTAR 'DOD PAR GNAS PA RNAMS SU RGYU BA'I SKYES BU NI, RANG GNAS DANG BRAL BAR GYUR NA YANG RANG GI SEMS BDE BAR KUN TU RGYU BAS BDE BA 'PHEL NA, GANG YANG 'DOD PA'I YON TAN
, ,LNGA PHUN SUM TSOGS PA RNGA SKAD YAN LAG LNGA PA DANG BCAS PA DANG, RNAM PA DU MAR RANG DBANG DU GYUR PA RNAMS DGA' BA LA LTA SMOS KYANG CI DGOS, DE DAG DE LTAR RTZE BAR GYUR PA RNAMS BTUNG BA GANG BTUNG BA'I SKYON RNAMS THAMS CAD DANG BRAL BA, SNYING LA KUN NAS LEGS PAR LDAN PA GANG YANG DRI ZHIM PO PHUN SUM TSOGS PA RNAMS 'THUNG BAR BYED DE, RNAM PA DE LTA BU'I DGA' BA SKYE BAR 'GYUR BA DE NI, GANG BRJOD PAR YANG MI NUS SO, ,DE LTAR RGYAGS PAS RNAM PAR RGYU BA'I LHA DE DAG RNAMS RTZI 'THUNG BAR BYED LA LHAN CIG SPYOD PA DANG BCAS PA RNAMS DUS YUN RING DU RJES SU 'JUG GO ,SRED PAS RNAM PAR ZHEN PA'I YID THOG MA MED PA'I DUS NA 'JUG PA NYAMS SU MYONG BA RNAMS DE KHO NA BZHIN DU GOMS PAR BYED PAS SRED PA'I DUG GIS RNAM PAR RGYAGS PA DE LTAR NGOMS PA MED PA'I RGYUN NA GNAS PA'I LHA DE DAG RNAMS 'DI SNYAM DU SEMS TE, MA MTHONG NA'ANG BDAG CAG RNAMS RGYUN GYI RI 'DI'I RGYAB TU MNGON PAR 'JOG PAR BYA'O, ,ZHES DE LTAR DE DAG RNAMS PHAN TSUN MTHUN PAR RJES SU 'JUG PA'I YID GCIG PA NYID DU 'DUN PA SKYES PAR GYUR NAS DE LTAR YIN NO, ,ZHES
BYAS NAS THAMS CAD KYANG YID MTHUN PAR BYAS TE GANG NA RI DE YOD PAR RAB TU DGA' BA'I YID KYIS MCHOG TU GSAL BA DANG LDAN PA DE'I GZI BRJID 'BAR BAR GYUR BA RANG GI LAS LA LONGS SPYOD PAS GANG NA RGYUN GYI RI'I STENG DER 'PHYO BA'I SEMS KYIS 'BAB PAR BYED DO, ,PHYIN NAS KYANG MCHOG TU RDZU 'PHRUL CHE BAS YAN LAG LNGA DANG LDAN PA'I RNGA SKAD DANG YANG DAG PAR LDAN PAS PHYOGS 'JIG PAR BYED PA DRI MCHOG GIS KYANG GSAL BAR BYED DO, ,NAM MKHA'I DKYIL NA SKAR MA BAS CHES LHAG PA'I LUS RTZE BA DANG LDAN PAS 'KHOD PAR BYED DO, ,'KHOD NAS RDZU 'PHRUL DANG LDAN PAS MCHOG TU LEGS PAR BYAS PA'I LAS DANG LDAN PAS GANG NAS DE MTHONG BAR 'GYUR BA'I RI'I RGYAB NA DRIL BU G-YER KHA RNAMS DANG, 'BAB CHU DANG, CHU KLUNG DANG, RDZING BU DANG, TSAL DANG, 'JUG NGOGS DANG, ME TOG DANG, BYA'I SGRA SKAD PHUN SUM TSOGS PA DANG, LHA RDZAS MCHOG GI DRI DANG, RAB TU DANG BA DANG, NYE 'KHOR YANG KUN TU MNYAM PA DANG, 'OD DANG LDAN PA'I RI DE'I RGYAB TU PHYIN NAS SLAR NYID KYANG NAM MKHA' LA 'KHOD DO, ,MCHOG TU SKYID PA'I LHAN CIG SPYOD PA'I GROGS RNAMS DANG BCAS PA LA LHA KHA CIG GI NI, BRGYA KHO NA'O, ,GZHAN GYI
, ,NI; NYIS BRGYA'O, ,DE MIN RNAMS KYI NI, SUM BRGYA'O, ,DE BZHIN DU RANG GI LAS KYI KHYAD PAR GYIS KHYAD PAR DU GYUR PA YIN NO, ,LHAN CIG SPYOD PA'I 'KHOR 'PHEL BA DANG 'GRIB PA NI, GZHAN KHA CIG GI NI, STONG NGO, ,GZHAN GYI NI, STONG PHRAG GNYIS SO, ,GZHAN RNAMS KYI NI, STONG PHRAG GSUM STE; DE LTAR JI SRID DU STONG PHRAG NYI SHUR 'GYUR RO, ,RNAM PA SNA TSOGS PA'I GAN DANG, RNGA SKAD KYI SGRAS BSGRAGS PAR GYUR PA NA DGA' ZHING GLU'ANG LEN PAS NAGS NAS NAGS GZHAN NYE BAR BSTEN TO, ,DE BZHIN DU PADMA'I NAGS NAS RTZI BYED PADMA'I NAGS RNAMS SU 'GRO LA, RTZI 'BYUNG BA DANG YANG DAG PAR LDAN PA RNAMS NAS RTZI'I NAGS SU 'GRO BAR 'GYUR TE, LHA DE DAG RNAMS RNGA SKAD YIN LAG LNGA NYE BAR SGROG PAR GYUR PA'I RI DE'I RGYAB DE NA GZHAN DGA' BA LHAG PAR GYUR PA'I KHAMS MCHOG DANG RAB TU LDAN PAR GYUR PA RNAMS LA 'DI LTA STE, GANG DAG RDO YIN PA DE DAG RNAMS NI, THAMS CAD KYANG RIN PO CHE'I RANG BZHIN MCHOG TU RNAM PAR BKRA BA'I CHA SHAS KYI SA'I CHA RNAMS YIN NO, ,NYI MA BAS CHES LHAG PA'I 'OD RNAMS DANG LDAN PA, MNAN NA NEM LA BTEG NA 'PHAR
BA NI, JI LTAR DZAMBU'I GLING PA RNAMS KYI GO NA K'A'I MCHOG TU 'JAM PA'I RAS BAL GYIS BKANG BA'AM, GANG NANG TSANGS CAN DU GYUR PA MNAN NA NEM LA BTEG NA 'PHAR BA RNAMS SAM, 'JAM POR GYUR PA GZHAN YANG RUNG STE, RKANG PA BZHAG GAM MA BZHAG PA NA'ANG NEM PAR BYED PA RNAMS YIN NO, ,DE BZHIN DU RGYUN GYI RI GANG YIN BA DE'I RGYAB NA GANG CUNG ZAD RIN PO CHER GYUR PA'AM, SA'I CHA'AM, LJON SHING GI YAL GA'AM, RI'I RTZE MO'AM, AUTPA LA'AM, NOR BU'I RANG BZHIN RNAMS KYANG RUNG STE; DE THAMS CAD MCHOG TU 'JAM PA DANG, MCHOG TU REG NA BDE BA DANG, MCHOG TU MTHONG NA YID 'PHROG PAS DGA' BA NI, JI LTAR RNAM PAR BKRA BA RNAMS DANG 'DRA BA YIN NO, ,RNAM PAR BKRA BAR GYUR BA'I RI DE'I RGYAB TU PHYIN NAS LHA DE RNAMS DGA' BAR BYED CING YONGS SU SPYOD DO, ,RNAM PA SNA TSOGS BDE BA'I SKAL PA CAN RNAMS LHAN CIG SPYOD PA'I 'KHOR BA DANG BCAS PA PHAN TSUN DU DE LA RJES SU SONG BAS CHAGS PA'I YID CAN 'DOD PA'I YON TAN THAMS CAD PHUN SUM TSOGS PA'I REG BYA'I BDE BA NYAMS SU MYONG BAR BYED DO, ,RGYUN GYI RI'I RGYAB TU PHYIN NAS MCHOG TU DGA' BAR GYUR PA'I LHA BRGYA STONG PHRAG DU MA'I TSOGS KYIS GANG BA THAMS CAD
, ,NAS KYANG GLU DANG GAR MCHOG DANG LDAN PA'I LHA'I BU MOS YONGS SU BSKOR BAS LHA DE DAG LHA'I YUL GYI BDE BA RNAMS NYAMS SU MYONG BAR BYED DO, ,DE DAG RNAMS DE LTAR DGA' BAS DUS YUN RING POR YAN LAG LNGA DANG LDAN PA'I RNGA SKAD DANG, YUL LNGA'I BDE BA RNAMS KYANG NYAMS SU MYONG BAS DUS RING PO 'DAS PAR BYAS NAS TSOGS PA RNAMS DANG, 'DUS PA RNAMS DGA' BAR BYED CING GLU MCHOG GI SGRA RNAMS LA YANG RAB TU CHAGS PAR GYUR PA LAS NAM ZHIG GI TSE NA 'THAB BRAL BA'I 'JIG RTEN PA RNAMS KYIS MTHONG MA MYONG BA MCHOG TU MING DU BYA BA'I 'OD CHEN PO MCHOG TU PHAL CHE BA GZHAN ZHIG DE DAG RNAMS KYIS MTHONG NAS LHA GANG DAG SEMS STOBS CHUNG BA DE DAG RNAMS LAS KHA CIG NI, MA BZOD PAR GYUR PAS MIG GNYIS LAG PAS BKAB NAS SA LA 'GYEL BAR GYUR TO, ,LHA GZHAN KHA CIG NI, 'OD MA BZOD NAS SHING GI GO SKABS RNAMS SU BZHA' BAR GYUR TO, ,RIN PO CHE'I RANG BZHIN GYI PHUG GI NANG DU'ANG LHAN CIG SPYOD PA'I 'KHOR DANG BCAS TE GAB PAR GYUR TO, ,LHA GZHAN GANG DAG SEMS STOBS LHAG PAR GYUR PA DE DAG NI, SEMS STOBS DANG LDAN PAS
TSOGS PA RNAMS DE KHO NA BZHIN DU BYAS NAS SHIN TU NGO MTSAR BAS YID TSIM PAR PHYIR NYID KYANG DES 'GAL BAR BYED PAR YANG MI RTZI BAR LTA BAR PHYED PAR RTZOM STE, 'DI CI ZHIG YIN PAR GYUR NA, DE LTA BU 'DI GANG GI YIN, RNAM PA DE LTA BU GANG YIN PA'I 'OD GANG GIS RI 'DI'I RGYAB TU DE LTA BU'I 'OD KYIS DGA' BA DE LTA BU'I RIN PO CHE DANG LDAN PA, DE LTAR KUN NAS 'BAR BA DANG LDAN PAR GYUR PA, DE SKAD DU'ANG BRJOD NAS JI LTAR BDAG CAG RNAMS KYIS SNGAR NAM YANG MA MTHONG NGO, ,ZHES DE LTAR YID LA BYAS TE NAM MKHA' LA BLTA BAR BRTZAMS PA NA JI SRID DU 'OD CHEN POR GYUR PA LHUNG BA MTHONG STE, MCHOG TU GYUR PA'I 'OD 'BAR BA DANG LDAN PA DANG, G-YO BAR GYUR PA LTAR NAM MKHA' LAS LHUNG NGO, ,LHUNG BAR GYUR PA'I 'OD DE LA KUN TU LTA BAR BYED CING 'OD LHUNG BA 'DI'I 'OD KYI TSAD NI, CI TZAM ZHIG YIN PAR GYUR NA ZHES DE'I TSAD TZAM 'BA' ZHIG RNAM PAR BRTAGS PA TZAM GYIS BLTAS NAS GLENG BRJOD KYANG BYED DE, JI LTAR DPAG TSAD LNGA STONG RNAMS SU 'THAB BRAL GYI NAM MKHA' LA RAB TU 'BAR BA BZHIN DU 'OD 'BAB CING RAB TU LHUNG STE, RNAM PA DE LTA BU'I 'OD BYED PA 'DI GZHAL BAR YANG MI NUS SO, ,DE NAS JI LTAR 'OD DE DANG NYE
, ,PAR GYUR PA DE LTAR MCHOG TU SEMS STOBS DANG LDAN PAR GYUR PA'I LHA DES KYANG LTA BAR MI NUS PAS MIG DAG 'DZUM PAR BYED DO; ;DE CI'I PHYIR ZHE NA, GZI BRJID GANG MA BZOD PAS MIG RNAMS KYIS RTOGS PA'I YUL MA YIN PA'I PHYIR TE, SLAR YANG MIG 'GEBS PAR BYED DO, ,LAG PAS YUD TZAM ZHIG BKAB NAS SLAR YANG CA CO LEGS PAR SKYED PA'I YID CAN RNAMS PHYIR MIG RNAM PAR PHYE NAS SLAR YANG NAM MKHA' DE NYID LA YANG DAG PAR LTA BAR BYED DO, ,DE NAS SLAR YANG NAM MKHA' DE NYID LA LTA'O, ,DE NAS PHYIS YANG NYE BAR SONG NAS LTA BAR BYED DO, ,DE'I TSE DE LTAR GYUR PA'I 'OD DE LA THE TSOM DU GYUR PA'I YID KYIS PHAN TSUN DU GA TAM BYED PA NI, DE LTAR NGO MTSAR SKYES PA NAM MKHA' LAS RAB TU LHUNG BAR GYUR PA 'DI DAG CI YIN, CHEN PO RNAMS KYIS KYANG BZLA BAR NUS PA MA YIN PA GANG GIS LHA'I 'JIG RTEN 'DI THAMS CAD RAB TU 'BAR BAR GYUR PA NYID KYI RNAM PA DE LTA BU NGO MTSAR BA 'DI CI YIN, DE NAS 'OD BAB PAR GYUR CING RAB TU LHUNG BAR GYUR PA'I 'OD DE NYID DUS SHIN TU RING BA NA NAM MKHA' RAB TU ZHI ZHING NUB LA NGES PAR 'GAGS PAR GYUR TO, ,NAM MKHA' LA
GNAS NAS RAB TU BAB PAR GYUR PA DE LEGS PAR 'GAGS PA DANG, DE NAS LHA GANG DAG SHIN TU SEMS STOBS DMAN PAR GYUR PA DE DAG RNAMS DE 'GAGS PAR GYUR PA'I TSE NA PHYIR YANG PHUG GI SGO RNAMS NAS BYUNG NAS RJES SU SPYOD PA'I 'KHOR DANG BCAS PA RNAMS 'JIGS PA DANG BRAL NAS DE DAG PHAN TSUN DU GTAM BYED PA; RMAD DU BYUNG BAR GYUR PA DANG, NGO MTSAR BA SKYED PA DANG, BDAG CAG RNAMS 'JIGS PAR BYED PA PO 'BYUNG BA 'DI DAG CI YIN ZHES SO, ,DE NAS DE SKAD SMRAS NAS KYANG DE NAS DE KHO NA SKAD PHAN TSUN DU BRJOD KYANG LEGS PAR SHES PA'ANG MA YIN NO, ,DE NAS NGO MTSAR BA ZHIG BYUNG BA DE DAG CI YIN ZHES DE LTAR DUS RING DU SO SOR RTOG PAR BYED DE, CUNG ZAD CIG NI, NGO MTSAR BAS YIN LA, RMAD DU BYUNG BA DE DAG CI BYUNG BA YIN ZHES DE NAS DE LTAR DUS YUN RING DU RTOG PA CUNG ZAD CIG NI , 'JIGS PAS YIN NO, ,DE NAS DE LTAR RGYUN GYI RGYAB NA GNAS PA'I LHA RNAMS DGA' BA DANG, KUN TU SPYOD PAR YANG BYED PA LAS GZHAN YANG G-YO BA'I SEMS YIN PAS DANG, YUL GYIS KUN NAS 'PHROG PA'I PHYIR RNAM PA DU MA SPYOD CING KUN TU SPYOD PAR YANG BYED DE, RNAM PA MANG PO DANG, RNAM PAR RTOG PA DU MAR RNGA SKAD YAN
, ,LAG LNGA PAS NAGS DANG TSAL RNAMS SU DUS YUN RING PO 'DA' BAR LHA DANG LHA MO BRGYA STONG PHRAG KHRAG KHRIG DU MAS YONGS SU BSKOR NAS LHA SHIN TU 'THAB BRAL DANG, SHIN TU 'THAB BRAL GYI MNGA' BDAG MU SU LUNDHA RGYUN GYI BRGYA BA DE NYID NA GNAS TE RNGA SKAD YAN LAG LNGA PAS NYE BAR SGROG PAR BYED DO, ,DUS RING DU 'DA' BAR YANG LHA DANG, LHA MO KHRAG KHRIG BRGYA STONG DU MAS YONGS SU BSKOR TE SHIN TU 'THAB BRAL GYI MNGA' BDAG MU SU LUNDHA DANG, DE KHO NA BZHIN DU RGYUN GYI RGYAB TU GNAS NAS RNGA SKAD YAN LAG LNGA PA BSGRAGS PAR GYUR PA DANG, YID KYANG RAB KYI MCHOG TU DGA' BAS PADMA'I STAN RNAMS LA'ANG LEGS PAR GNAS PA RNAMS LA LHA BRGYA STONG DU MAS RGYAN DANG CHA BYAD SNA TSOGS PA DANG LDAN PA, 'OD ZER YANG DU MA DANG LDAN PA RNAMS KYIS GLU DANG ROL MO BRGYA STONG NYE BAR BSGRAGS PAR GYUR PA MCHOG TU SNYAN PAR RJES SU ZHUGS PA, YID SHIN TU DGA' BAS RI DE LA RTAG TU NAM MKHA' GANG BA BZHIN DU STE, DE NA GNAS PA'I TSOGS PA THAMS CAD KYIS RNAM PA DU MA DANG, RGYAN DANG, CHA BYAD DU MA DANG, GZUGS DU MA DANG, YON TAN BRGYA
STONG DU MA RNAMS DANG LDAN PA'I LHA'I BU MO RNAMS KYIS YONGS SU BSKOR TE RI DE'I RGYAB NA LHA'I TSOGS RNAMS GNAS NAS 'DOD PA'I YON TAN LNGAS DGA' BAR BYED PA RNAMS MTHONG NGO, ,DE DAG RNAMS 'THAB BRAL GYI MNGA' BDAG GIS MNGON PAR MTHONG NAS SHIN TU MCHOG TU RANGS PAS LHAN CIG RJES SU SPYOD PA DANG BCAS PA RNAMS RINGS PA DANG BCAS PA NYID KYIS TSOGS PA'I RGYUN GANG LA SO SOR GNAS PAR NYE BAR RGYUG PAR BYED LA, DE DAG RNAMS KYIS KYANG MU SU LUNDHA DE MNGON PAR MTHONG NAS RINGS PA DANG BCAS PAS GANG NA LHA'I BDAG PO YOD PA DER PHYI BZHIN 'BRANG BA'I 'KHOR DANG BCAS PA RNAMS NYE BAR RGYUG PAR BYED DE, ROL MO DANG GLU DANG BCAS PA LA GLU LA RAB TU RJES SU DGA' BA'I YID CAN DE DAG RNAMS PHAN TSUN 'DRE BAR GYUR PAS GNAS ZHING DU RTAG TU NAM MKHA' LA DANG, RI DE'I RGYAB LA YANG GAR BYED PAR 'GYUR BA DANG, GLU LEN PAR 'GYUR BAS KYANG MU SU LUNDHA MNGON PAR BSTOD PAR BYED CING, RNGA SKAD YAN LAG LNGA DANG LEGS PAR LDAN ZHING YANG DAG PAR LDAN PAS DUS YUN RING POR RTZED MO DU MA BYED DO, ,DE DAG RNAMS DE LTAR RTZE BAR BYED PA DANG DGA' BAR YANG BYED PA LAS, GZHAN YANG DUS RING DU 'DA'
, ,BAR GYUR PA NA RNAM PA DE SRID KHO NA'I 'OD KUN TU BYUNG BAR GYUR PA NI, SNGA MA KHO NA BZHIN TE, DE NAS GZHAN YANG LHA RNAMS SKYES PA NI, MCHOG TU NGO MTSAR BA YANG DAG PAR SKYES PA STE, GZHAN 'GA' ZHIG NI, SHIN TU 'JIGS PA'I YID KYIS GANG NA LHA'I BDAG PO YOD PA DER YANG DAG PAR 'KHYUD PAR BYED DE, SHIN TU SKRAG PA SNYING LA RJES SU ZHUGS PA'I PHYIR RO, ,GZHAN NI, NAM MKHA'I DKYIL DU LTA BAR GYUR PAS DKYIL DE LA CHED CHE BA SKYE'O, , GZHAN 'OD DE LHUNG BA'I DON GANG YIN PA THOS PA RNAMS NI, LHUNG BA DE NGES PAR SHES PA PO LHA MU SU LUNDHA LA SOGS PA BAG MED PA DANG BRAL BA RNAMS DE'I TSE GUS PA DANG MA BRAL BAS SANGS RGYAS LA RAB TU PHYAG 'TSAL BAR BYED DO, ,GZHAN DAG NI, SEMS STOBS NYAMS PA DANG, BRTAN PAR GNAS PA BCOM PAS PHUG GI SGO DANG SHING GSEB RNAMS SU GA BA PAR 'GYUR RO, ,GZHAN NO, SLAR YANG GANG NA 'THAB BRAL GYI BDAG PO YOD PA DER BSKYAB PA'I DON DU RGYUG PAR BYED DE, SKYABS BTZAL PA'I DON DU'O, ,DE DAG DE LTAR MCHOG TU NGO MTSAR RMAD DU BYUNG BA'I SHES PA PO MNGON PAR MTHONG NAS THAMS CAD KYIS MU SU LUDHA LA GSOL
PA; 'OD NAM MKHA' LA GNAS NAS LHUNG BA GANG YIN PA DE DAG JI LTA BA BZHIN DU LHAS SHES PAR MDZAD DU GSOL, LHA, LEGS PAR SHES PAR MDZOD DANG RNAM PA DE LTA BU LHUNG BA DE CI LAGS, DE NAS LHA DE DAG RNAMS GANG YIN PAS MI SHES PA'I DON DE DAG RNAMS KYIS LHA'I BDAG PO DE LA 'DI SKAD CES SMRAS SO, ,JI LTA BAR BDAG CAG RNAMS KYIS MI 'TSAL NA, LHA RNAMS KYI BDAG PO, ,NGO MTSAR BA DE DAG CI LAGS, 'DI DAG BDAG CAG GIS MTHONG LAGS KYANG RTOGS PA NI, MA LAGS, RNAM PA DE LTA BU 'DI CI LAGS, DE NAS LHA'I TSOGS THAMS CAD 'DUS PA LA 'THAB BRAL BA RNAMS KYI BDAG POS 'DI SKAD CES BRJOD DO, ,RLUNG GI GANG ZHIG BDAG NYID THAMS CAD KHO NAS NAM MKHA' LAS LHUNG BA DE DAG NI, MCHOG TU NGES PAR 'BAR BA GANG YIN PA DE NI, MIG LAS 'DAS NAS LHAG PAR GNAS PA, KHYED RNAMS KUN NAS SKRAG PAR BYED PA DANG, NGO MTSAR SKYED PAR BYED PA RNAMS NYON CIG ,DE NAS NGO MTSAR BAS YID TSIM PA MED PA'I KUN NAS 'DUS PA DE DAG RNAMS NYID THAMS CAD LA 'THAB BRAL GYI BDAG PO DES 'DI SKAD BRJOD DE, NYON CIG DANG GANG YANG LHUNG BA DE DAG NI, RNAM PA THAMS CAD DU TSAD DANG,
, ,MDOG DANG, DBYIBS DANG, TSE'I TSAD RING BA DANG, SO SO'I LAS RNAMS KYANG RE RE ZHING BRGYA 'GYUR GYIS LHAG PAR GYUR PA'I LHA'I RIGS BDAG CAG GI STENG NA GNAS PA NI, BYANG CHUB SEMS DPA' RNAMS KYI GZHAL YAS KHANG STE, MCHOG TU RNAM PAR DAG PA'I TSUL KHRIMS RNAM PA LNGA MA NYAMS PA, MA BRTOL BA, MA ZAGS PA, BRTAN PA, SNYING PO DANG LDAN PA DANG, RNAM PA DU MAR YANG STE, MIR GYUR PA GANG DAG LUS ZHIG NAS MTHO RIS BDE 'GRO'I 'JIG RTEN DGA' LDAN GYI LHA ZHES BYA BA DE DAG RNAMS KYI NANG DU SKYE BAR 'GYUR RO, ,DE DAG GI YANG RTZED MO GANG YIN PA DANG, DGA' BA GANG YIN PA DANG, NAGS TSAL GANG YIN PA DANG, LHA'I BU MO GANG YIN PA DANG, 'OD ZER GYI RNAM PA JI LTA BU GANG YIN PA DANG, GANG YANG GZUGS DANG, GZI BRJID GANG YIN PA DANG, GANG YANG SHES RAB DANG, GANG YANG TSE RING BA DANG, JI SRID DU RNAM PA DU MA RNAMS DANG, GANG YANG BDE BA RNAMS DANG, LUS DANG, YID DANG, GANG YANG LONGS SPYOD DANG, RNAM PA JI LTA BU'I GZUGS KYI LHA MO RNAMS KYI YANG KHYAD PAR LA 'THAB BRAL GYI LHAS BCU DRUG CHAR YANG MI
PHONG NGO; ;DE DAG RNAMS KYI GZI BRJID GANG YIN PA 'DI BDAG CAG RNAMS KYIS BRJOD PAR MI NUS SO, ,DE DAG RNAMS KYI KHYAD PAR GYIS BDAG CAG RNAMS SRIN BU ME KHYER TZAM DU'ANG GZI BRJID KYIS MI PHOD LA, LONGS SPYOD KYIS KYANG MI CHOG GI ,CUNG ZAD TZAM CHA 'DRA BAR ZAD DO, ,DE DUS RING POR RNAM PA DU MAR BDE BA RNAMS LA LONGS SPYAD NAS LHA'I MCHOG TU DGA' BAR GYUR PA'I BDE BA MCHOG 'DOD BA'I YON TAN LNGA DANG LDAN PAR GYUR BA RNAM PA SNA TSOGS PA'I YUL LA LONGS SPYOD PA DGA' BAR GYUR PA NI, 'THAB BRAL GYI LHA RNAMS LAS RIM PA THAMS CAD KYIS SHIN TU 'DAS PA YIN ZHING, DUS YUN RING DU 'DAS PA'I PHYIR DANG, DE'I LAS RNAMS KYANG ZAD PAS DANG, MI RTAG PA'I THOG NGES PAR BAB PAS DANG, NGES PAR MYONG BAR 'GYUR PA YIN PAS TE, SEMS CAN THAMS CAD KYIS NGES PAR MYONG BAR 'GYUR BAR NGES PA NI, GANG LONGS SPYOD DANG, NA TSOD DANG, SHES PA RNAMS SEMS CAN THAMS CAD KYIS NGES PAR MYONG BAR 'GYUR BA NI, MI RTAG PA'I DBANG GIS NA TSE YONGS SU ZAD PAS DANG, LEGS PAR BYAS PA'I LAS RNAMS KYANG YONGS SU ZAD PAR GYUR NAS 'CHI 'PHOS NAS DGA' LDAN GYI LHA'I RIGS DE LAS LHUNG
, ,BA YIN NO, ,'BYUNG BAR 'GYUR BA'I 'DUS BYAS DE NI, SNA TSOGS PA'I BUD SHING DANG, CHU DANG YANG DAG PAR LDAN PAS 'DI LTA STE, SKYE BA DANG LDAN PA'I YAN LAG RNAMS KYANG GANG SKYES PA'I 'DUS BYAS RNAMS NI, STOBS KYIS MI 'JIGS PA DE NI, KHAMS GSUM NA YOD PA MA YIN TE, MI ZAD PA DANG MTHAR THUG PAR MI 'GYUR NA NI, DE DAG RTAG PAR 'GYUR BA ZHIG NA, SEMS DANG BCAS PA RNAMS LA GNAS SKABS 'DI NI, DMIGS PA'ANG MA YIN TE, 'DUS BYAS RNAMS NI, 'JIG PAR 'GYUR BA'I NGO BO YIN PA'I PHYIR RO, ,SEMS CAN NGES PAR LHUNG BA'I MTHA' MA YIN PAS BDAG CAG GI LHA'I RIGS SU DE DGA' LDAN NAS LHUNG NGO, ,DE'I YANG LEGS PAR BYAS PA'I LAS ZAD NAS DE'I RJES NYID LA 'CHI 'PHO BAR 'GYUR RO, ,SNUM DANG SDONG BU ZAD PA NA SGRON MA SGRON MA'I YUL PHYOGS SU DUS KYI RLUNG GIS YID RNAMS RAB TU NYAMS PAR 'GYUR RO, ,JI LTAR SA BON GYI RNAM PA NYAMS PA'I DUS KYI RJES THOGS LA MYU GU SKYE BAR 'GYUR PA DE BZHIN DU LAS DANG BCAS PAR LKOG TU GYUR PA'I TSE YONGS SU ZAD PAR GYUR PA DE DAG DE'I RJES LA DE LTAR 'CHI 'PHO'O, ,DE'I
'OD DE DAG KHYED KYIS MTHONG BAR ZAD DO, ,LAS YONGS SU ZAD NAS SHI BA'I RO DE'I LUS RNAM PAR NYAMS PA DE'I 'OD KYANG 'DI YIN NA, GANG YANG GZHAN LAS GCIG GIS YONGS SU SPRUL PA'I MCHOG TU RGYA CHE BAS MCHOG TU RGYA CHE BAR GYUR PA NGES PAR 'BYUNG BA'I LAS KYI 'BRAS BU DGE BAS SPRUL PA MCHOG TU 'OD KYI RANG BZHIN YIN PA DE'I DPE BRJOD PA 'DIS NI, KYE 'THAB BRAL BA RNAMS DPE BRJOD PA GO BAR BGYIS SHIG DANG, GANG LA RNAM PA 'DI LTA BU'I 'OD YOD NA, 'OD DANG RGYAN DU MAS MNGON PAR BRGYAN PA MCHOG TU YID DU 'ONG BA GANG YIN PA'I DPE BRJOD PAR BYA BAR MI NUS TE, DE RNAM PA 'DI LTA BU'I DGE BA'I LAS KYIS BZHI 'GYUR DU SPRUL PA DE YANG YONGS SU NYAMS PAR GYUR NA, SUM 'GYUR GYIS SHIN TU CHUNG BA'I LAS KYIS SPRUL PA 'THAB BRAL PA RNAMS SU SKYES PA KHYED CAG RNAMS KYI BDAG GI DNGOS PO RNYOG MA DANG BCAS PA DMAN PA'I LUS RNAMS LA LTA CI SMOS, DE NAS DE'I TSE MU SU LUNDHA SA TSIGS SU BCAD PA BRJOD PA, JI LTAR, MI RTAG MIG BZLOG 'OD KYIS NI, ,RAB TU BSREGS PA DGA' LDAN LHA, ,DE DBANG LTOS NAS NGES PAR 'GAG ,MAR ME SNUM NI ZAD PA BZHIN, ,LAS KYI 'PHEN PAS 'PHANGS
, ,PA YIN; ;BCU GNYIS RTZIBS NI STOBS PO CHE, ,LAS KYI 'KHOR LO 'KHOR BA 'DI, ,LTUNG ZHING SKYE BAS G-YO BA YIN, ,RNAM PA SNA TSOGS YUL RTZOM PA, ,DU MA'I KHA DANG LDAN PA YI, ,DGA' LDAN LTUNG 'GYUR RANG DBANG MED, ,DUS KYI DBANG GIS 'ONG BA YIN, ,DUS KYI DBANG GIS ZHUGS PA NI; ;JI LTAR SHING RNAMS SKYE BA YIN, ,DE YANG DUS DANG PHRAD NAS NI, ,'OD NI 'DIR NI 'ONGS PA YIN, ,JI LTAR DUS SU LEGS PHYIN NAS, ,LHA NI BDE BAR 'GYUR BA YIN, ,PHYI NAS DE NYID KUN BTANG NAS, ,DBANG DANG BRAL BAS DE LHUNG NGO, ,LAS KYI DUS NI YONGS THOB NAS, ,'JIG RTEN 'DI NI YONGS SU 'PHEL; ;BDE LDAN SDUG BSNGAL LDAN 'GYUR BA, ,DUS KYI DBANG GIS 'ONG BA YIN, ,GAL TE BDE 'AM SDUG KYANG RUNG, ,'JIG RTEN RTAG PAR YID BRTAN MIN; ;RGYU DANG RKYEN GYIS BSKYED PA YI, ,BDE SDUG RNAM PA THA DAD DE, ,YOD MIN BDE BA 'GA' ZHIG NI, ,DE DAG LAS DBANG RJES SU 'GRO, ,DE LTAR SDUG BSNGAL MI 'DOD KYANG, ,SKYES BU LAS KYI RGYU CAN YIN, ,PHAN TSUN 'BRAS BU KUN BYUNG NAS, ,'DUS BYAS KUN NI RAB TU 'JUG ,DE NYID RGYUR NI SHES BYAS
PAS; ;'PHAGS PA'I BDEN PA BZHI YIN TE, 'PHAGS PA'I BDEN PA RTOGS PA YI, ,SKYES BU RTAG TU GROL BA YIN, ,YUL LA SHIN TU RMONGS PA YI, ,SKYE RGU 'KHOR BA 'KHOR LO BZHIN, ,DON RIG DE NYID LA MKHAS PA'I, ,SKYE BO YANG NI GROL BA YIN, ,DE DE LTAR RTOGS SEMS CAN NI, ,SKYE RGU THAMS CAD RTAG PA MIN, ,BLO LDAN LEGS PAR BYA BA GYIS, ,SKYON RNAMS KYANG NI SPANG BAR GYIS, ,DE LTAR 'JIGS PA DANG BCAS PA'I 'THAB BRAL GYI LHA SHIN TU 'THAB BRAL LA SOGS PA DE DAG RNAMS LA RNAM PAR RTOG PA DU MAS KYANG LAM DE STON PA PO CHOS NYID DANG NYE BAR 'BREL PA'I 'THAB BRAL GYI MNGA' BDAG DES CHOS BSTAN TO, ,DE NAS LHA DE RNAMS BSAM PA THA DAD PA SKYES PA'I YID CAN RNAMS LA 'GA' ZHIG NI, SKYO BAR GYUR PA'I YID CAN DU GYUR TO, ,KHA CIG NI, 'KHOR BA LA MNGON PAR PHYOGS PAR GYUR PA'I YID CAN DU GYUR TO, ,GZHAN NI, RAB TU 'JIGS PA'I YID [?] SKYES SO, ,GZHAN NI, MI BSLU BA'I TSIG THOS NAS SLAR YANG 'JUG PAR BYED PA'I YID KYIS YUL DE RNAMS LA CHED DU BYED PAS NAGS DANG, NYE BA'I NAGS DANG YANG DAG PAR LDAN PA'I RNAM PA SNA TSOGS PA'I SKYED MOS TSAL DANG, 'BAB
, ,CHU DANG, RDZING BU DANG LDAN PA, 'KHRI SHING DANG, LJON PAS GANG BA DANG, RIN PO CHE'I KHROD DGA' BA RNAMS NA BYA'I SKAD RNAM PA SNA TSOGS PA THOS NA YID 'PHROG PA, PADMA'I RDZING BU BRGYAS BRGYAN PAS DGA' BAR GYUR PA NA RIN PO CHE SNA BDUN DANG LDAN PA DE LA SGRA DANG, REG BYA DANG, RO DANG, GZUGS DANG, DRI RNAMS KYI YUL DANG, GLU MKHAN DU MA YID DU 'ONG BAS BSTEN PAS RGYUN GYI RI'I RGYAB DGA' BA NA RJES BZHIN 'BRANG BA'I 'KHOR DANG BCAS PA YUL LA 'CHUMS PA'I SKYE BO DE MCHOG TU MA BGRANGS PAR PHYIR YANG DGA' BA'I YUL GYI DBANG DU GYUR NAS LHAN CIG SPYOD PA'I 'KHOR GYIS BSKOR NAS DGA' ZHING KUN TU SPYOD DO, ,RNAM PA SNA TSOGS PA'I YUL GYI BDE BA RNAM PA DU MA LA BRTEN NAS SGRUB PAR DKA' BA'I RI LAS GYUR PA'I SEMS SPRE'U DE RNAM PA DE LTA BU'I BDE BA DANG YANG DAG PAR LDAN PA'I LHA RDZAS KYI BDE BA NYAMS SU MYONG BAR GYUR PA LAS, GZHAN YANG GANG NA RTZED MO'I NAGS LEGS PAR GNAS PAR DE DAG NYID DANG, MU SU LUNDHA DANG BCAS PA RNAMS KHA CIG NI, NAM MKHA' LAS SO, ,KHA CIG NI, BZHON PA CHEN PO RNAMS
KYIS SO; ;KHA CIG NI, RNAM PAR RTOG PA DU MA DANG LDAN PA'I SHING RTA'I BZHON PA LA ZHON PA LA 'DI LTA STE, RMA BYA'I RGYAB TU DANG, KHA CIG NI, GLANG PO CHE'I BZHON PAS SO; ;KHA CIG NI, NGANG BA'I BZHON PAS SO, ,KHA CIG NI, K'A RAndA PA'I RANG BZHIN GYI BZHON PAS SO, ,KHA CIG NI, BUD MED KYI TSOGS KYIS YONGS SU BSKOR NAS GLU LEN PAR BYED DE, GLU DANG, RNGA SGRA DANG, ROL MO'I SGRA KUN TU SGROG PAS MTHO RIS KYI NYE BA'I NAGS SU BYED PAS MU SU LUNDHA SDUN DU BYAS NAS GANG NA RTZE MO'I NAGS ZHES BYA BA'I NAGS MU SU LUNDHA'I GNAS YOD PA DER NYE BAR 'GRO'O, ,RNAM PA SNA TSOGS PAS BSKYED PA'I BLOS GNAS DE LHA DGA' ZHIG NI, YID 'BYUNG BAR 'GYUR RO, ,KHA CIG NI, BAG MED PA LA GNAS PAS DE BZHIN DU DGA' BAR BYED DE, RNAM PAR RTOG PA DU MAS YUL GYI BDE BA RNAMS LA'O, ,DE LTAR GANG RTZED MO'I NAGS NA RGYUN DU GNAS PA'I 'THAB BRAL GYI LHA RNAMS DANG, GZHAN YANG TSOGS PA RGYU BA NA GNAS PA DE DAG RNAMS YANG RGYUN GYI RI'I RGYAB TU RNAM PA SNA TSOGS PA'I BSAM PA CAN RNAM BA DU MA'I BLO DANG LDAN PA RNAMS DGA' BAR BYED, KUN TU DGA' BAR YANG BYED DO, ,KHA CIG NI, SKYO BA'I YID CAN DU 'GYUR
, ,RO; ;DE LTAR RNAM BA DU MA DANG, RNAM PAR RTOG PA DANG, YUL DU MA LA DGA' BAR BYED DE, RGYUN NA GNAS PA'I LHA DE RNAMS DUS DE SRID DU DGA' BAR BYED, KUN TU SPYOD PAR YANG BYED DE, JI SRID DU 'DOD PA'I SDUG BA YID DU 'ONG BA'I RGYUR GYUR PA'I YID DU 'ONG BA'I LAS RNAMS ZAD PA DANG, RUL PA DANG, RNAM PAR MA GYUR GYI BAR DU'O, ,DE DAG DE LTAR YANG YUL DU MA'I BDE BAS RNAM PAR MI NGOMS PA'I LHA'I RIGS DE LAS 'CHI 'PHO'O, ,'CHI 'PHOS NAS KYANG BSGRUBS PA BZHIN DU LAS KYI ZHAGS PAS NYE BAR BCINGS NAS DMYAL BA DANG, YI DVAGS DANG, DUD 'GRO RNAMS SU SKYE BAR 'GYUR RO, , DE DAG RNAMS GAL TE GNAS GZHAN DU MI RNAMS DANG SKAL BA MTHUN PAR MIR SKYES NA DE RTAG TU GZHON SHA CAN GYI MCHOG TU 'GYUR RO, ,DBANG PO MA NYAMS PA DANG, BLO DANG LDAN PA DANG, MCHOG TU BLO RGYA CHE BA DANG, MCHOG TU PHUN SUM TSOGS PA DANG, YUL LJONGS THAMS CAD KYIS MCHOD PAR 'GYUR BA DANG, GZUGS DANG LDAN PA DANG, 'JIGS PA DANG BRAL BA DANG, RGYAL PO'AM, RGYAL PO'I BKA' BLON PAR YANG LAS DE DAG GI RGYU MTHUN PAS 'GYUR RO, ,GZHAN
YANG DGE SLONG LAS KYI 'BRAS BU RNAM PAR SMIN PA RNAMS SHES PA DE 'THAB BRAL GYI LHA RNAMS KYIS LA RNAM PAR LTA BAR BYED PA NA, 'THAB BRAL BA'I LHA RNAMS KYI SA RGYA CHEN PO'I KHOR YUG NA RGYU BA ZHES BYA BA JI LTA BA BZHIN DU YOD PA DES THOS PA LAS BYUNG BA'I SHES RAB KYIS MTHONG LA, DER LAS GANG GIS SEMS CAN RNAMS SKYE BAR 'GYUR BA DES THOS PA LAS BYUNG BA'I SHES RAB KYIS MTHONG BA NI, SKYES BU DAM PA'I RJES SU BSTEN PA LAS DANG, 'BRAS BU LA DAD PA DANG LDAN PA; DRANG PO DRANG PO'I RANG BZHIN CAN, CHOS KYI RJES SU 'JUG PAS TSUL KHRIMS DANG LDAN PAR GYUR NAS DAD PA'I STOBS KYIS RTAG TU'ANG LAS RNAMS LA SEMS PAR GYUR PA, YANG DAG PA'I LTA BA CAN, YANG DAG PA'I LTA BA SNGON DU 'GRO BAS SEMS LAS SU RUNG BA DANG, RTAG TU YANG RGAN PO RNAMS KYIS RJES SU GDAMS PAR BYED PA, DGE BA'I BSHES GNYEN LA STEN PA, SANGS RGYAS DANG, CHOS DANG, DGE 'DUN LA RTAG TU DANG BAR GYUR PA'I RANG BZHIN CAN, 'CHI 'PHO DANG SKYE BA'I RGYUN LA DAD PA DANG LDAN PA, RTAG PAR YANG LEGS PAR RAB TU BZUNG BA'I DBANG PO CAN YUL RNAMS KYIS BSDUS PA'I 'KHOR BA'I 'JIGS PAS 'JIGS
, ,PA DANG LDAN PA, RNAM PAR 'BREL BA'I SDUG BSNGAL GSAL BAR SHES PA SKYE BA DANG, RGAS PA DANG, 'CHI BA DANG, MI MTHUN PA DANG PHRAD PA DANG, MTHUN PA DANG BRAL BA'I SDUG BSNGAL MNGON PAR SHES PA NYE BAR LEN PA'I PHUNG PO LNGA'I NYES DMIGS RNAMS SHES PA RTAG TU YANG DAG PAR BRTZON PAS DGE BA'I LAS RNAMS LA SPYOD PA, SDIG PA'I GROGS PO YONGS SU SPANGS PA, RTAG TU YANG DAM PA'I CHOS NYAN PA LA BRJOD PAR GYUR PA, DER GTOGS PA RNAMS LA DPYOD PAR BYED PA, THOS PA'I DON DE KHO NA NYID LA BLO GZHOL BA DE'I SGO NAS DE LA CHED CHER BYED PA, 'DOD PA'I RO MYANG BA RNAMS SNYING PO MED PAR SHES PAS RTAG TU YANG DBANG PO LNGA LEGS PAR SDOM PAR GYUR NAS SROG GCOD PA DANG, MA BYIN PAR LEN PA SPANGS PAR GYUR PA NI, SNGA MA BZHIN TE, 'DOD PA LA LOG PAR G-YEM PA'ANG YONGS SU SPANGS PAR GYUR PA NI, BUD MED RNAMS DANG LHAN CIG TU MIG KYANG LEGS PAR LTA BAR MI BYED DO, ,DE DAG GI GAR RAM, GLU'AM, RGYAN GYI SGRA THOS NA'ANG RO MYANG BAR MI BYED DO, ,CUNG ZAD TZAM ZHIG MTHONG BA'AM THOS PAS KYANG TSUL BZHIN MA YIN PA YID LA BYED PAS LHAN CIG DGA' BAR
BYAS NAS RANGS PAR BYED PA DANG, DE LA SONG BAR 'GYUR BA'I YID CAN YANG MA YIN NO, ,RMI LAM NA'ANG BUD MED DANG STEN PAR BYED PA DANG, NYIN MO'ANG RNAM PAR ZHEN PAR BYED PA DANG, DE LA SONG BA'I BLOS TSUL BZHIN MA YIN PA YID LA BYED PA'ANG MA YIN NO, ,RTAG PAR LDAN PAR RAB TU 'JUG PAR MI BYED DO, ,RTAG PAR YANG TSUL BZHIN DU YID LA BYED PA RGYU BAR BYED DO, ,DUG BZHIN DU'ANG 'DOD PA LA LOG PAR G-YEM PA YONGS SU SPONG BAR BYED DO, ,DE DE LTA BU'I YON TAN RNAMS DANG LDAN PA DE DGE BAR SPYOD PA RTAG PAR YANG DGE BA LA 'JUG PAS BLO RNAM PA DU MAR DRI MA'I RNYOG PA LEGS PAR SBYANGS PA, DRANG PO DRANG PO'I RIGS CAN, KUN NAS YONGS SU DAG PA'I TSUL KHRIMS SPYOD PAR GYUR PAS LUS ZHIG PA, MTHO RIS BDE 'GRO'I 'JIG RTEN LAS 'THAB BRAL GYI LHA RNAMS KYIS RGYA CHE BA'I KHOR YUG NA SPYOD PAR SKYE'O, ,YON TAN GSUM DANG LDAN PA DES BSTEN CING BSGOMS LA LAN MANG DU BYAS PA'I 'DOD PA SDUG PA YID DU 'ONG BA'I TSUL KHRIMS LA SPYAD PA'I 'BRAS BUS DER SKYES PA NA LHA'I BYA MTHONG ZHING SGRA LEGS PAR 'DON PA'ANG THOS TE, MCHOG TU THOS NA YID 'PHROG PA DANG, MDOG BLTA BAR SDUG PA DANG,
, ,BYA DE RNAMS KYIS KYANG SNOM PAR BYA BA DE DAG RJES SU LONGS SPYOD PAR BYED DE, DANG PO KHO NA REG PAR BYED PA'ANG MCHOG TU BDE BA'I RE BYA CAN BDE BA BYED PA'I REG BYA GANG YIN PA SNGON NAM YANG MA REG PA RNAMS SO, ,YID KYANG SHIN TU RAB TU DANG BA, RNYOG PA MED PA, RAB KYI MCHOG TU RANGS PA, MCHOG TU YID DU 'ONG BAR SBYOR BA'I YID DANG YANG DAG PAR LDAN PAS YID RAB TU RANGS PA YIN NO, ,RO RNAMS KYANG RNAM PA SNA TSOGS MYONG BAR BYED DO, ,GANG YANG SNGON NAM YANG MA MYANGS PA DE LTAR RNAM PAR SHES PA DRUG GI TSOGS RNAM PAR CHAGS SHING DGA' BA DE LTAR SNGON MED PA NYE BAR LONGS SPYOD PAR GYUR PA NA 'DI SNYAM DU SEMS TE, 'JIG RTEN 'DI NI, GANG YIN, GANG ZHIG TU BDAG BYUNG BAR GYUR NA DE LA BDAG GIS THAMS CAD SHIN TU DGA' BAR GYUR PA DANG, 'JIG RTEN 'DI THAMS CAD KYANG 'DOD PA SDUG PA YID DU 'ONG BA'I GZUGS GCIG TU BDAG GIS MTHONG NGO, ,GZHAN YANG RANG GI LUS KYI BKOD PA MTHONG BA NA RANG GI 'OD NYI MA PAS CHES LHAG PAS RNAM PAR RGYAL BAR GYUR PA, SHA DANG, RUS PA DANG, CHU SER DANG BRAL BA, MI GTZANG BA RNAMS DANG BRAL BA, GRIB MA DANG BRAL BA,
MIG 'DZUM PA DANG 'BYED PA DANG BRAL BA, RTZA DANG, RGYUS PA DANG, RUS PA RNAMS DANG BRAL BA, TSIGS DANG, GNAD RNAMS DANG DE KUN NAS 'DZIN PA DANG BRAL BA; SA GZHI DANG, GRIB MA DANG BRAL BA, RTZUB MO BRAL BAS LUS DANG, YUL DANG, YUL PHYOGS SO SO'I SHIN TU 'JAM PA RDUL DANG 'GRO BA LAS KYIS DUB PA DANG BRAL BA, BLON PO DANG 'DOD PA'I THOG RDUNGS DANG, 'GRO 'ONG DON DU GNYER BA'I THOG RDUNGS DANG BRAL BA, CHU SER RDO RJE'I KYI GYOG DANG PHAN TSUN DU 'GAL BA'I 'KHOR LO SPU'I KYI GYOG GCIG TU SKYES PA'I SPU DANG SKRA RNAMS DANG BRAL BA, PAGS PA DANG, MIG GI SA MTHONG BA THOGS PA DANG BRAL BA, SGRA DANG, REG BYA DANG, RO DANG, GZUGS DANG, DRI RNAMS KYI YUL RNAMS LA DOG PA DANG BRAL BA, LUS KYI RING BA DANG, THUNG BA DANG BRAL BA, GSAR PA DANG GSAR PA MA YIN PA LAS 'DAS PA NYID KYI LUS DE'I DUS NA BUD MED LA LTA BA'I SER SNA DANG, PHRAG DOG DANG, 'JIGS PA DANG, ZHEN PA DANG BRAL BA, 'DUS PA LA DGA' BA DANG BRAL BA SLONG BA DON DU GNYER BA'I 'JIGS PA DANG BRAL BA, NGAR 'DZIN PA 'KHOR LO'I RDZAS DANG, 'GRO BA DANG 'ONG BA NA PHYIR RGOL BA'I 'JIGS PA DANG, SPRUL PA'I GNAS
, ,LA 'JIGS PA DANG, RANG GIS BUD MED YONGS SU 'DZIN PA'I SKYON RNAMS DANG BRAL BA, KHA CIG NI, NAGS NA KUN TU RGYU BA'I 'JIGS PA DANG, DGRA'I 'JIGS PA DANG BRAL BA, DOG PA'I 'JIGS PA DANG BRAL BA, YONGS SU MGU BAR BYED PA DANG, RANG GI LTA BA 'DOD PA NYAMS PA DANG BRAL BA'O, , RNAM PA DU MA'I LHA RDZAS KYI YUL STEN PAS RAB TU 'PHEL BAS CHED CHER BYED PA MNGON PAR ZHEN PAS BDE BA LA MNGON PAR 'CHUMS PA BLO DMAN PAR GYUR PAS 'DI LTAR SEMS KYIS BSAM NAS RAB TU RTOG PAR BYED DE, NGA NI, GANG YIN, GANG NAS 'DIR 'ONGS, GNAS 'DI'I MING NI, CI YIN ZHES DE LTAR DE'I BLOS RAB TU RTOG PAR 'GYUR BA NI, DPER NA, RA RO BAR GYUR PA'I SKYES BU NYAL BA'AM, GNYID 'GAGS NAS THUN GSUM LA RAB TU SAD PA NA YID KYIS RAB TU RTOG PAR BYED DE, BDAG NI, GANG YIN, GANG NA GNAS PA YIN, RA RO BA DES BSAM PAS BSAM NAS SO SOR SHES PAR 'GYUR BA DE BZHIN DU 'DIR LHA GSAR DU SKYES PA DES KYANG DUS SHIN TU RING BAR BSAM NAS SO SOR SHES PAR GYUR TE, JI LTAR BDAG MI NAS 'CHI 'PHOS NAS 'DIR SKYES SO, ,DE'I SEMS
CI 'DRA BA NI, BDAG MIR GYUR PA NA MA YIN LA, RNAM PA DE 'DRA BA'I YID KYIS BSGOS PA'I RGYUD CAN YANG LHA'I 'JIG RTEN DE NA YOD PA RNAMS YIN NO, ,YUL LNGA PO RNAMS LA 'DI NA ZHEN PAR BYED DE, DE DE LTAR BSGOS PA'I RGYUD CAN YIN PAS LHA'I 'JIG RTEN DE LA SO SOR DE KHO NA BZHIN DU MNGON PAR ZHEN PAR 'GYUR RO, , SNGON DE'I RGYUN LA BSGOS PAR GYUR PAS DUS SHIN TU RING BA NI, LEGS PAR SHES TE, BDAG NI, LHA'I NANG 'DIR SKYES TE, LEGS PAR BYAS PA'I LAS KYIS LHA'I 'JIG RTEN DU SKYES SO, ,DE LTA BU GANG YIN PA NI, 'THAB BRAL NAS 'CHI 'PHOS NAS LHAR SKYES PA MA YIN PAR BLTA STE, DE NI, RNAM PA DE LTA BU'I ROL MO'I RANG BZHIN CAN YIN PA'I PHYIR RO, ,JI LTAR LHA NYID NAS 'CHI 'PHOS NAS MIR SKYE BA NI, SNGON DES BSGOS PA'I RGYUD YIN PAS DE 'DRA BA'I RANG BZHIN DU 'GYUR RO, , 'DI BZHIN DU MI RNAMS NAS 'CHI 'PHOS NAS YANG DES BSGOS PA'I RGYUD YIN PAS DE KHO NA 'DRA BA'I RANG BZHIN DU 'GYUR RO, ,LHAR YANG RANG BZHIN DES SPYOD PAR 'GYUR TE, RANG BZHIN SEMS KYI RGYU MTHUN PA YIN PA'I PHYIR RO, ,GAL TE DMYAL BA NAS 'CHI 'PHOS NAS LHAR SKYES PAR 'GYUR NA, DE DMYAL BAR NI, SKYES NAS
, ,MYONG BAR 'GYUR BA'I LAS KYIS GAL TE SHED NA'O, ,CUNG ZAD CIG GANG ZHIG TU SPYAD PA DE LAN GRANGS GZHAN NYID LA YIN PA GANG GI PHYIR DMYAL BA RNAMS DMYAL BAR GNAS NAS DAM PA'I LAS CUNG ZAD KYIS DE LAN GRANGS GZHAN LA DER SKYE BAR 'GYUR TE, DE DER SKYES PA DES RNAM PA DE SRID KYI DE DANG CHOS MTHUN PA'I SDUG BSNGAL DE SO SOR MYONG BAR GYUR NAS RNAM PA DE SRID NYID KYI BDE BA RNAMS NYE BAR DMIGS PAS PHYIR YANG YID MCHOG TU RANGS PAR 'GYUR RO, ,KHRO BA CHES LHAG PAR 'GYUR RO, ,CHES LHAG PAR BSIL BA'I NAGS DANG, NYE BA'I NAGS DANG, 'BAB CHU DANG, RDZING BU LA BRTEN PA'I RANG BZHIN CAN DU 'GYUR RO, ,SHIN TU LHAG PAR RNAM PAR RGYU BA'I RANG BZHIN CAN DU 'GYUR RO, ,SHIN TU LHAG PAR ZAS LA SPYOD PAR BYED PAR 'GYUR BA'I RANG BZHIN CAN DU 'GYUR TE, DES BSGOS PA'I RGYUD YIN PA'I PHYIR RO, ,GAL TE YI DVAGS LAS 'CHE 'PHOS PA YIN NA, DE'I SPYOD PA CHES MANG BA YIN TE, DES RTAG TU BSGOS PA'I PHYIR CHES LHAG PAR ZAS DANG SKOM LA SPYOD PAR 'GYUR RO, ,RTAG TU YANG SHIN TU BSIL BA LA DGA' BAR 'GYUR RO, ,BUD MED LA BRTEN PA
CHED CHER BYED PAR 'GYUR RO, ,DES LHAG PAR BSGOS PA'I SEMS DANG LDAN PAR 'GYUR RO, ,GAL TE MA YIN NA DUD 'GRO RNAM PA DU MA RNAMS LAS 'CHI 'PHOS NAS LAN GRANGS GZHAN LA MYONG BAR 'GYUR BA'I LAS KYIS LHA RNAMS SU SKYES NA, DE SKOM DANG ZAS LA SPYOD PA'I RANG BZHIN CAN DU 'GYUR RO, ,DE LHA RNAMS KYI NANG DER SKYES PA NA DUD 'GRO'I RIGS DU MA YIN PA'I PHYIR, RNAM PA DE SRID NYID DU 'GYUR TE, MDOR BSDU NA ZAS KYIS DMAN PA DANG MCHOG TU 'GYUR RO, ,SHIN TU LHAG PAR YANG 'DOD PA RNAMS LA RMONGS PA TSABS CHE BAR 'GYUR TE, RGYUD DES BSGOS PA YIN PA'I PHYIR RO, ,GAL TE LHA RNAMS NAS LHA 'CHI 'PHOS NAS SLAR YANG LHA RNAMS NYID DU SKYE BA RNAMS LAS DE GAL TE GZUGS MED PA BZHI PO RNAMS KYI SNYOMS PAR 'JUG PA THOB NAS 'CHI 'PHO LA DE 'CHI 'PHOS NAS KYANG DE KHO NA BZHIN DU DES BSGOS PA'I RGYUD YIN PAS DE KHO NA BZHIN DU 'DOD PA'I SGRA DANG, REG BYA DANG, RO DANG, GZUGS DANG, DRI RNAMS LA'ANG RAB TU 'JUG PAR GYUR NA SHIN TU BAR SEMS RNAM PAR G-YENG BAR MI 'GYUR TE, DES BSGOS PA'I PHYIR RO, ,GAL TE GZUGS LA SPYOD PA BSAM GTAN DANG PO LA KUN NAS BRTEN PA NAS JI SRID DU BSAM
, ,GTAN BZHI PA LA BRTEN PA RNAMS DANG, JI SRID DU BZHI PA LA BRTEN PA'I DBANG DU BYAS TE, DE BZHIN DU 'DOD PA'I KHAMS PA 'DI SKYES PA'I YANG SEMS RGYUD DE BZHIN DU DMAN PA DANG, BAR MA DANG, MCHOG TU GYUR PA BSAM GTAN LA MOS PAR 'GYUR RO, ,YUL RNAMS LA DGA' BA DMAN PAR 'GYUR RO, ,GAL TE 'DOD PA NA SPYOD PA'I LHA NYID LAS 'CHI 'PHOS TE 'DOD PA NA SPYOD PA NYID DU SKYES NA BRGYA LAM NA SKYES NAS MYONG BAR 'GYUR BA GANG GIS GANG GI PHYIR LHA DANG MI RNAMS KYI 'GRO BA'I RIGS GNYIS PO DAG TU DKAR PO BYAS PAR GYUR PA'O, ,DE NAS LAS RNAM PA GNYIS BYAS PA'I NYE BAR LONGS SPYOD PA DANG , YANG DAG PA'I SBYOR BA'I LHA RNAMS THAMS CAD LHA RNAMS NYID DU SKYE BAR 'GYUR TE, GNAS GTZANG MA BA RNAMS NI, MA GTOGS PA'O, ,DE DAG RNAMS NA NI, SKYES NAS MYONG BAR 'GYUR BA'I LAS KYANG MED LA LAN GRANGS GZHAN LA MYONG BAR 'GYUR BA'I LAS KYANG MI BYED DO, ,DE LTAR LAS KYI RLUNG GIS YONGS SU 'KHYAM BA'I 'JIG RTEN MA LUS PA 'DI DAG YONGS SU 'KHYAMS TE, SNA TSOGS SKUD PA'I 'KHRUL 'KHOR DE RNAM PA SNA TSOGS PA'I ZHAGS PAS BCINGS NAS SEMS
KYI MOS PA BRGYA STONG PHRAG DU MA DANG LDAN PA, RNAM PAR RTOG PA DU MA DANG, RGYUD DU MA 'GRO BA LNGAR YONGS SU 'KHYAMS SO, ,RGYU 'DIS LHA GSAR DU SKYES PA GO BAR BYA STE; DE LTAR SO SOR YID LA BYED PA RNAMS SKYE'O, ,DE NAS DE LTAR RIG NAS LHA DES JI LTA BA BZHIN DU SO SOR SHES PAR 'GYUR TE, SKYE BA GZHAN CHE GE MO ZHIG NAS 'CHI 'PHOS NAS 'DIR SKYES SO, ,DE GAL TE MI NYID LAS 'CHI 'PHOS NAS SAM, SLAR YANG LHAR SKYES PAR GYUR NA'ANG SKYES NAS MYONG BAR 'GYUR BA'I LAS YIN NA; DES LAS DE RNAM PAR SHES SO, ,GAL TE LAN GRANGS GZHAN LA MYONG BAR 'GYUR BA'I LAS YIN NA, DE DAG NI, 'DIS SHES PA KHO NA MA YIN TE, RGYU DE DAG LHA DE'I RTOGS PA'I YUL MA YIN PA'I PHYIR RO, ,LAN GRANGS GZHAN LA MYONG BAR 'GYUR BA RNAMS NI, GAL TE SHED NA BSKAL PA BRGYA RKYEN DANG PHRAD NAS 'BRAS BU 'BYIN PAR BYED DO, ,GAL TE NA BSKAL PA BRGYA STONG NA'O, ,GAL TE BSKAL PA BRGYA STONG PHRAG GZHAL DU MED PA RNAMS NA STE, RANG NYID SKYE BA'I RGYU LHA'I MIG GIS MI MTHONG NGO, ,DE DE LTAR SKYE BA'I RGYU MNGON PAR MA MTHONG BAR GYUR NAS GNAS PAR 'GYUR TE, JI SRID DU DE RJES THOGS NYID LA DE DGE BA GOMS PA'I YUL RNAM PA DU MA
, ,RAB TU 'BYUNG BAR 'GYUR BA RNAMS KYANG DE BZHIN DU 'GYUR RO, ,JI LTAR BDAG 'THAB BRAL GYI LHA RNAMS KYI NANG LAS RGYA CHEN PO'I KHOR YUG NA SPYOD PA'I SA LA SKYES SO, ,DE'I SEMS BSKYED PA TZAM NYID NA DGE BA'I LAS KYI MTHUS SHIN TU LHA'I BU MO'I TSOGS SHIN TU MANG BA RNAMS RAB TU 'BYUNG BAR 'GYUR ZHING NYE BAR BRGYUGS NAS 'ONG NGO, ,LHA DE'I DGE BA'I RKYEN GANG YIN PA DES 'BYUNG BAR 'GYUR BA YIN TE, DUS NYE BA NA SKYES PA YIN NO, ,ZHES BYAS NAS MYUR DU RGYUG PA YIN LA GANG YANG SKYES NAS RING DU LON PA DE DAG NI, RNAM PAR 'GRIB PA'I PHYIR RO, ,DE NAS LHA DE DE DAG GIS BSKOR NAS MCHOG TU YID DGA' BA'I NAGS DANG, NYE BA'I NAGS RNAMS SU BDE BA NYAMS SU MYONG BAR 'GYUR RO, ,LAS RNAMS KYI RIN GYIS NYOS PA'I YON TAN MCHOG DANG LDAN PAS MCHOG TU DGA' BAR GYUR PA RNAMS LA RJES SU LONGS SPYOD PAR BYED DO, ,SA DE LA YANG RI DANG, NAGS DANG, NYE BA'I NAGS DANG, RDZING BU DANG, TSANG TSING DANG, 'BAB CHU DANG, PADMA'I MTSE'U DANG, RI NGOS DANG, NAGS LHAM ME BA DANG, PHUG DANG, 'KHRI SHING GIS LEGS PAR G-YOGS PA'I KHANG BU DANG,
BYA'I TSOGS BRGYA STONG RNAM PAR CHAGS PAR 'GYUR BA'I SKAD 'DON PAS YID DGA' BA DANG, RING DU SKYONG BAS DGA' BAR 'GYUR BA'I LHA'I BU MO BRGYA STONG GI GLUS RNAM PAR GSAL BAR BYED PA DGA' BA SKYED PA'I GAR GYIS DGA' BAR GYUR PA DANG, NYE BA'I NAGS RNAMS NA RIN PO CHE SNA BDUN GYI RANG BZHIN GYIS RNAM PAR GSAL ZHING 'BAR BA MTHONG NA MCHOG TU YID 'PHROG PA'I RI DVAGS DANG, RIN PO CHE SNA BDUN GYI RANG BZHIN GYI RDO BRGYA PHRAG 'OD 'BYIN PA'I RTZE MO RGYA CHEN PO ZHES BYA BA DE GANG YIN PA'I RI DE LA KHAMS DU MA DANG LDAN PA'I RTZE MO RIN PO CHES NYE BAR GSAL BAR BYED PA'I RTZE MO LA 'KHRI SHING GI KHANG BU YOD PA DANG, RGYA CHE BA'I RDOS DGA' BA BTING BA DANG, TSANG TSING DANG, PADMA'I NAGS DANG, SKYED MOS TSAL DANG, MTSE'U DANG, 'BAB CHU DANG, CHU KLUNG GI 'GRAM DANG, LJONGS DANG, RI'I RTZE MOS KYANG DBYIBS DANG YON TAN DU MA DANG LDAN PA RNAMS LA DANG, BSIL BA'I CHU RDUL GYI 'BAB CHU STONG PHRAG BRGYAR BSIL BA RNAMS LA LHA DE DGE BA'I LAS RNAM PA SNA TSOGS PA DANG LDAN PA'I GZUGS KYIS DGA' BAR BYED, KUN TU SBYOR BAR YANG BYED PAS RNAM PA SNA TSOGS PA'I BDE BA RNAMS NYAMS SU MYONG BAR BYED DO, ,LHA'I TSOGS
, ,DE DAG RNAMS DE LTAR DGA' BAR GYUR CING RTZE BAR GYUR PA NI, RNAM PAR RTOG PA DU MA RNAMS KYIS YIN LA, MDOR BSDU NA GANG DAG CHU LA RTZE BA LA DGA' BA DE DAG RNAMS NI, CHU LA RTZE BAS DGA' BAR BYED PA STE, PHAL CHER DMYAL BA DANG, YI DVAGS DANG, DUD 'GRO RNAMS NAS YIN PAS SHIN TU CHAGS PA'I YID KYIS LHAN CIG TU DGA' BAR BYED KYI, LAS LEGS PAR BYAS PA RNAMS KYANG NI, YONGS SU SPYOD PAR BYED PA'ANG MA YIN LA LHA DE DAG RNAMS KYI RANG GI LUS RNAMS DANG LHAN CIG TU RIGS THAMS CAD LA 'DI DAG GI LAS NGO SHES PAR BYED PA'I MING RNAMS LEGS PAR SKYE BAR 'GYUR RO, ,LHA GANG DAG GIS DANG, LEGS PAR BYAS PA'I LAS GANG GIS DANG, RNAM PA JI SRID CIG GIS DANG, TSUL GANG GIS BYAS PA DANG, DUS NAM GYI TSE NA BYAS PA DANG, RKYEN GANG GIS DANG, SKYE BA GZHAN DU SKYES PA GANG GI TSE NA BYAS PA DANG, DMAN PA DANG, BAR MA DANG, KHYAD DU 'PHAGS PA'I ZHING DANG, DNGOS PO RNAMS RNAM PA JI SNYED CIG GI YON TAN PHUN SUM TSOGS PAS DGE BA BYAS PAR GYUR PA RNAMS DE DAG THAMS CAD DUS DANG BCAS PA MNGON SUM DU SHES PA DANG BCAS PAR STENG DU MING DANG KHA
BYANG RNAMS YI GER BRIS PA LHAN CIG TU SKYES PA SKYE BAR 'GYUR RO, ,DPER NA, SGRIN PA DANG MIG CHES RNO BA'I YI GE MKHAN GYIS CHA SHAS RAB TU RNAM PAR PHYE BA'I YI GE MNGON PAR BRIS PAR GYUR PA DE BZHIN DU LHA DE'I YIG MKHAN SBYANG POS LEGS PAR BYAS PA'I LAS KYI RTZIG PA'I LOGS DE LA LEGS PAR BYAS PA'I LAS DE DAG THAMS CAD MNGON PAR BRIS PAR 'GYUR RO, ,MCHOG DANG, KHA DOG GANG GIS MCHOG TU MDZES PAR BYED PA DANG, MCHOG TU YID 'PHROG PAR 'GYUR BA'I KHA DOG DE LEGS PAR BYAS PA'I LAS DES LHA DE RDZOGS PAR BYED DO, ,DE RNAM PA SNA TSOGS PA DANG, KHYAD PAR DU 'PHAGS PA'I MTSAN NYID KYI KHA DOG GIS MNGON PAR BRIS PA DES BRGYA 'GYUR DU RNAM PAR MDZES SO, ,DPER NA, MCHOG TU DGA' BA LAN BRGYAR BTUL BA'I GSER GSAL BA LA PADMA R'A GA NYE BAR BCUG PA'AM, AINDRA N'I LA'AM, MCHOG TU MDZES PAR GYUR PA'I RNAM PA DE LTA BU'I RIN PO CHE'I RIGS SU GYUR PA GZHAN YANG RUNG STE, DE BZHIN DU LHA DE LAS KYIS BYAS PA MNGON SUM DU SHES PAR BRIS PA DES RNAM PAR MDZES SHING GSAL LO, ,BRIS PA DE YANG RANG NYID KYI MIG GIS MI MTHONG LA RGYU GANG GIS MGRIN PA DANG MIG PHOR DANG LAS DE NYE BAR SKYE'O, ,BRANG LA
, ,YANG STE, RGYU DES NA RANG NYID KYIS MNGON PAR BRIS PA DE MI MTHONG NGO, ,PHAN TSUN DU NI, MTHONG BAR 'GYUR TE, GANG GI TSE LHA DE SHIN TU'ANG BAG MED PA'I YID CAN DU MI 'GYUR RO, ,DE'I TSE THAMS CAD JI LTA BA BZHIN DU MTHONG NGO, ,'DI NYID NI, RGYA CHEN PO'I KHOR YUG NA SPYOD PA'I LHA RNAMS KYI SA'I MCHOG TU RMAD DU BYUNG BA ZHIG YIN NO, ,GZHAN YANG NGO MTSAR BAR GYUR PA NI, JI LTAR LEGS PAR BYAS PA'I LAS KYIS BYAS PA'I BRANG NA YOD PA DE LTAR DPRAL BAR YANG BRIS PA YIN NO, ,GANG GI TSE RNAM PA GANG GIS DUS GANG DU 'CHI 'PHO BAR 'GYUR BA DANG, 'CHI 'PHOS NAS KYANG GANG DU CIR SKYE BAR 'GYUR BA DANG, DER YANG DUS RING DU 'GRO BA DANG BCAS PA DANG, KHA DOG DU MAR 'GYUR BA YANG MNGON PAR BRIS PA NI, LHA DE DAG GI NGO MTSAR LA GZHAN YIN TE, DE DAG NI; LAS KYIS BSKYED PA YIN NO, ,YI GE'I PHRENG DE DAG RNAMS DE LTAR RNAM PAR BKRA BAS RNAM PAR MDZES PA CHES LHAG PA NI, JI LTAR RNAM PA DU MA SNA TSOGS PA'I ME TOG LEGS PAR SPEL BA'I PHRENG BA RNAMS KYIS SA GZHAN RNAMS NA GNAS PA'I LHA RNAMS MDZES PA YIN LA, GZHAN RNAMS LA RNAM PAR GSAL BAR BYED DO, ,DE BZHIN
DU RNAM PAR MDZES PA YIN TE, KHUG GIS LEGS PAR BYAS PA'I LAS GZHAN BYAS PA LHA RNAMS YIN PA'I PHYIR RO, ,DE NAS LHA DE DAG RNAMS DE LTAR RANG GI LAS KYIS LUS KHA BYANG DU BTAB PA RNAMS NI, RTOGS PA'ANG MA YIN PAR MTHO RIS KYI NYE BA'I NAGS RNAMS LA SNA TSOGS PA'I CHA BYAD DANG RGYAN 'CHANG BA RNAMS DANG LHAN CIG TU RNAM PA DU MAR DGA' BAR BYED DO, RGYA CHEN PO'I KHOR YUG NA SPYOD PA RNAMS SU DE DE LTAR DGA' BAR 'GYUR ZHING RTZE BAR GYUR NAS GANG NA DUS SHIN TU RING PA RNAM PAR BKRA BA'I CHU ZHES BYA BA'I CHU KLUNG NGOS RNAM PA SNA TSOGS PAR DGA' BA, RTZE MO NAS RTZE MOR 'BAB PA, RIN PO CHE'I KHAMS RNAM PA SNA TSOGS PA DANG LDAN PA, BYA'I TSOGS DU MAS BRJOD PA'I SGRA KUN TU SGROG PA, SHING GI TSAL 'THUG PO DU MA DANG LDAN PA, ME TOG RNAM PA MANG PO STONG PHRAG BRGYAS CHA SHAS RNAM PAR BKRA BAR BYAS PAS RNAM PAR BKRA BA'I NGOS NA LHA'I BU MO'I TSOGS KYIS BSTEN PA'O, ,GZHAN YANG RNAM PAR BKRA BA'I RTZE MO'I NGOS KYI NGO MTSAR CHE BAR GYUR PA NI, RGYAR JI LTA BAR RTZE MO'I NGOS NAS RAB TU 'BAB PA'I CHU KLUNG DUS SHIN TU RING BAR RNAM PAR BKRA BA'I CHU ZHES BYA BA'I DE'I NGOS GANG GI TSE RAB TU DANG BAR GYUR PA NA LHA GANG DAG CHU KLUNG DER DMYAL
, ,BA NAS 'CHI 'PHOS PAR GYUR PA CHU KLUNG DE'I NGOS SU PHYIN NAS DE'I LAS KYIS BSKYED PA'I KHYAD PAR GYIS SKYE BA GZHAN RJES SU DRAN NO, , DES DE RJES SU DRAN NAS KYANG MCHOG TU DGA' BA'I 'DOD PA'I YON TAN LNGA PHUN SUM TSOGS PA LA SPYOD PA RTAG TU RANGS PA'I LHA DANG LHA MO'I TSOGS KYIS GANG BAS DE CHED CHER RNAM PA DU MAR RNAM PAR CHAGS PAR BYAS NAS GRANGS MED PA'I DUS KYI BAR DU LONGS SPYOD PAR BYED PA NA SDUG BSNGAL RNAMS DRAN PAR GYUR NAS BDE BDE DAG THAMS CAD BRJED PAR 'GYUR RO, ,SLAR YANG SKYO BA DANG BCAS PA'I YID KYIS TSIGS SU BCAD PA BRJOD PA, JI LTAR, RGYU CHEN SDUG BSNGAL CHEN PO YI, ,DMYAL BA'I ME DANG YANG DAG LDAN, ,BDAG GIS SDIG PA KUN BYANG NAS, ,SLAR YANG 'JIG RTEN 'DIR 'ONGS SO, ,LEGS PAR BYAS PA'I 'BRAS BU BZANG, ,YON TAN DU MA DANG LDAN PA, ,NYES PAR BYAS 'BRAS BSDUG BSNGAL NI, ,SLU BA MED LDAN CHEN PO YIN, ,BDE DANG SDUG BSNGAL DE DAG GIS, ,SRID PA'I G-YANG SAR 'KHOR 'GYUR PA, ,RGYA MTSO'I RLABS NI JI LTA BAR, ,LAS KYI RLUNG GIS KUN NAS BSKOR, ,BYAS PA'I SDIG CAN YID KYIS TE, ,SDIG LA DGA' BA'I MI DAG NI, ,MI
DGE BA LA SPYAD PA YIS, ,DE RGYUS DE NI DMYAL BAR 'GRO, ,DE PHYIR YANG NI MI 'GRO LA, ,LHA YUL DU NI 'GRO 'GYUR BA, ,DES NI SDUG BSNGAL DE BSRINGS NAS, ,SLAR YANG 'DOD PA'I DBANG RJES 'GRO, ,RTZUB PAR 'GYUR BA'I SEMS 'DIS NI, ,'PHYANG MO 'PHYANG MIN BDE MIN BDE, ,YUL 'DI RNAMS LA YONGS 'KHYAMS KYANG, ,SDUG BSNGAL GYIS NI SKYO BA MED, ,TSU ROL PHA ROL LEGS LDAN PA'I, ,DBANG PO YONGS SU BSLUS PA YIS, ,SKYE RGU 'KHOR BAR 'KHOR BA STE, ,SRID PA'I ZHAGS PA'I DBANG RJES 'GRO, ,DMYAL GNAS YI DVAGS SRID PAR TE, ,YI DVAGS LAS NI DUD 'GRO'I SKYE, ,KLU YI SRID PAR DUD 'GRO LAS, ,DMYAL LAS PHAL CHER BUD MED SKYE, ,DE LTAR LAS KYIS YONGS 'KHOR BA'I, ,'JIG RTEN 'KHOR BA 'KHOR LO BZHIN, ,SKYO DBANG DU NI MI 'GRO YANG, ,GOMS PA'I DBANG DU 'GRO PHYIR RO, ,KLU YI SRID PAR DGA' 'GYUR BA, ,BDE BA JI LTAR RNAM SPRAS PA, ,SRID PA NA NI SPYOD PA RNAMS, ,BDE LAS BDE BA YONGS NYAMS 'GYUR, ,SDUG BSNGAL PADMA STONG DANG NI, ,PADMA BYE BA BRGYAR YANG NI; ;SDUG BSNGAL YONGS SU LONGS SPYAD KYANG, ,BYIS RNAMS SKYO BAR YANG MI 'GYUR, ,BDE BA MI DMIGS SRID GSUM NA, ,THAMS CAD SDUG BSNGAL GYIS YONG
, ,BSLAD; ;SKYE BA SKYE BAR MI 'GYUR LA, ,SROG CHAGS SDUG BSNGAL GYIS GZIR RNAMS, ,BYIS PA SDUG BSNGAL GYIS DUB KYANG, ,SDUG BSNGAL RGYU LA 'JUG PAR BYED, ,RGYU RING 'BRAS BU 'BRAL MIN TE, ,SA BON BRTAN DBANG 'BRAS CI BZHIN, ,YUL RNAMS KYIS NI YANGS 'KHRUL YID, ,YID KYI SHUGS NI STOBS PO CHE, ,SEMS NI RJES 'BRANGS BCAS 'DUL BA, ,LUS CAN RNAMS NI SHES PAR 'GYUR, ,DE 'DUL BYED PAR MYUR BAR NI, ,KHAMS RNAMS THAMS CAD SPYOD PA STE, ,SRID GSUM THAMS CAD BSKOR BYAS KYANG, ,DE NYID RAB TU MTHONG BA'ANG MED, ,KUN TU G-YO BYED DBANG GIS G-YO, ,JI LTAR 'KHOR BA RGYA MTSO BZHIN, ,SEMS KYI DBANG PHYUG YANG DAG LDAN, ,'JIG RTEN 'DI NI RTAG TU 'KHOR, ,BDE SDUG DUS KYI RJES 'BREL BA, ,SROG CHAGS SRID GSUM RJES SU 'GRO, ,SDUG BSNGAL THAMS CAD SPANGS PA YI, ,LEGS PA'I MCHOG TU 'BAB PAR BYED, ,'KHOR BYED RTAG TU SDUG BSNGAL GYIS, ,DE TSE LUS CAN RNAMS DUB 'GYUR; ;BRJED PAR GYUR NAS PHYI NAS KYANG, ,RNAM PAR GDUNG BYED SDUG BSNGAL SPYOD, ,DMYAL BA'I GANG TSE LUS CAN GYIS, ,SDUG BSNGAL DRAN PAR GYUR NA NI, ,DE
TSE MA LUS BDE 'DI RNAMS, ,RDUL PHRAN TZAM DU NGES PAR GNAS, ,DE DUS JI SRID DU RNAM PAR BKRA BA'I RTZE MO'I NGOS DE NA NYE BAR GNAS PAR GYUR GYI BAR DE SRID DU SKYE BA GZHAN RJES SU DRAN PAR BYED DO, ,GANG GI TSE BTANG BAR GYUR PA DE'I TSE SKYE BA GZHAN RJES SU DRAN PA THAMS CAD BRJED PAR 'GYUR RO, ,DE SKYE BA GZHAN LA NYAMS SU MYONG BA'I SDUG BSNGAL GZHAN LA BRJED NAS BRJED PAS KYANG PHA ROL LA YUL LA 'CHUMS PAS RNAM PA DU MAR GZHAN DANG MI 'DRA BA DANG, SDUG PA'I SGRA DANG, REG BYA DANG, RO DANG, GZUGS DANG, DRI 'DOD PAR GYUR PA'I LHA'I RDZAS KYI YUL RNAMS LA LHAN CIG TU DGA' BAR BYED DO, ,DE GZHAN YANG GANG NA CHU KLUNG 'OD 'BYIN ZHES BYA BA'I RI YOD PA DER NYE BAR 'GRO'O, ,RI DE'ANG NYE 'KHOR KUN TU DGA' BA'I SHING MCHOG GIS SHIN TU GANG BA RAB TU DANG BA'I CHU LA NGANG PA DANG, K'A RAndA PA DANG, NGANG NGUR GYIS YONGS SU GANG BA RNAM PA SNA TSOGS PA'I GSER 'BAR BA SGRA'I MCHOG GIS YID DGA' BA'I CA COS GANG BA'I CHU KLUNG 'BAB PAR 'GYUR LA, CHU KLUNG DE YANG SHIN TU MANG BA'I BYUNG BAR 'GYUR BA NI, STONG PHRAG BCUS LEGS PAR GANG BA STE, TSAD DANG SHUGS DANG DBYIBS RNAMS MTSUNGS PA, SHING DANG BYA'I TSOGS KYIS
, ,DGA' BAR GYUR PA'O, ,RAB TU MANG BA BYUNG BA DE DAG RNAMS LAS KYANG THAMS CAD LAS CHES LHAG PA'I CHU KLUNG NI, BZHI YOD PA LA 'DI LTA STE, MDZES PAR 'BAB PA DANG, GSER GYI PHRENG BA DANG, BEE d'URYA'I CHU DANG, BDE BAR 'BAB PA DANG BZHI'O, ,DE NAS LHA DE RANG GI LAS KYI 'BRAS BU LA SPYOD PAS THAMS CAD KYANG RAB TU DGA' BA'I YID CAN MCHOG TU RGYA CHE BA'I RGYAN DANG CHA BYAD PHRENG BAR 'DZIN PA RNAMS RTZE BAR GYUR PAS GANG NA MDZES PAR 'BAB PA'I CHU KLUNG YOD PA DER NYE BAR LEGS PAR 'GRO BAR BYED DO, ,CHU KLUNG DE'I NGOS NA YANG DKAR LA RING BA'I ME TOG GI NAGS CHEN PO NA DGA' BA DU MA ZHES BYA BA'I MTSO DE NA ME TOG GI 'KHRI SHING THEN PA MCHOG GIS RAB TU G-YENGS PA, ME TOG GI BYE BRAG STONG PHRAG RNAMS KYIS RNAM PAR DGA' BA, TSAD DANG DBYIBS DU MA DANG LDAN PA'I BYA RNAM PA DU MAS RNAM PA SNA TSOGS PA'I RGYAN DANG CHA BYAD CAN GYI BYAS SGRA'I RNAM PA RGYA CHE BAS LEGS PAR GNEMS PAS MCHOG TU DGA' BAR GYUR PA'O; ;CHU KLUNG MDZES PAR 'BAB PA DE'I NGOS GNYIS PA NA'ANG BUNG BA RKANG DRUG RJES SU RGYU BA ZHES BYA BA'I PADMA'I RDZING BU NANG PAR GYI NYI MA DANG MNYAM PA'I 'OD MCHOG TU
ZHIM PO'I PADMAS RTAG TU LEGS PAR GANG BA'I PADMA'I RDZING BU'I NAGS DE NI, RNAM PA DU MAR DGA' BA, RING DU NI, DPAG TSAD LNGA BRGYA'I RGYAR GYUR PA'I NGO BO NI, DPAG TSAD LNGA'O; ;NYE 'KHOR NA'ANG MCHOG TU DRI MA MED PA'I CHU NI, CHU SKYES DANG ME TOG GZHAN GYIS KYANG YANG DAG PAR GANG BA KHA DOG RNAM PA SNA TSOGS PA'I 'DAB MA RNAMS DRI GANG DAG NYE 'KHOR DPAG TSAD LNGAR 'GRO BAS MCHOG TU DRI ZHIM PA'O, ,DE NAS DE JI LTAR 'DOD PAS KHA CIG NI, NAGS RNAMS SU, KHA CIG NI, PADMA'I RDZING BUR JI LTAR 'DOD PA RGYU BAS RAB TU DGA' BA LHA DANG LHA MO'I TSOGS KYIS GANG BA RANG GI GZI BRJID DANG LDAN PA LAS KYIS BYAS SHING BSAGS PAS DER SKYE'O, ,DE DAG RNAMS DRI MCHOG TU MDZES PA'I DRI'I ME TOG GIS MDZES PAR 'BAB PA DE MTHONG NA CHES YID SPRO BA'I NGOS LA RGYA CHEN PO'I KHOR YUG NA RGYU BA'I LHA RNAMS DGA' BAR BYED LA YONGS SU SBYONG BAR YANG BYED DO, ,RNAM PA DU MA DE DAG GCIG TU CHU KLUNG 'OD 'BYIN GYI RI'I RTZE MO LA RAB TU 'BAB BO, ,GZHAN YANG 'OD 'BYUNG GI RI YOD PA LA CHU KLUNG GZHAN LEGS PAR 'BAB STE, GSER GYI PHRENG BA ZHES BYA BA'I CHU KLUNG 'OD 'BYUNG YIN NO, ,CHU KLUNG DE LA BRTEN NAS CHU KLUNG DE 'BAB PA'O, ,DE NYID KYI MING GIS CHU KLUNG DE
, ,GSER GYI PHRENG BA ZHES BRJOD DO, ,DE NA DGA' BA 'DI DAG YOD DE, 'DI LTA STE, CHU DE'I SKYON RNAMS 'GAGS PAS BTUNG BA BZHIN DU 'GYUR RO, ,SHIN TU DRI ZHIM PA'I DRIS CI LTAR 'DOD PA'I RO DANG, KHA DOG DANG, DRI DANG, REG BYA DRAN PAR GYUR PAS RGYAGS PA SKYE BA THAMS CAD DANG BRAL BA'O, , DE NAS LHA DE DAG GIS BTUNG BA'I KHYAD PAR DE 'THUNGS NAS KYANG CHES LHAG PAR BAG MED PAS GNAS PAS GANG DAG DGA' BAR BYED DO, ,LHAN CIG RGYU BA CHEN PO DANG BCAS PA'I THAMS CAD TSOGS CHEN POS BSKOR BA YUL LNGA LA RNAM PAR CHAGS PA'I YID CAN RNGA SKAD YAN LAG LNGA DANG LDAN PAR GYUR PA MNYAM PA DANG, SNYAN PA DANG, CHAGS PA'I SGRAS MCHOG TU RJES SU MTHUN PA'I YANG RGYAN DANG, CHA BYAD DANG, MCHOG TU BLTA NA SDUG PA RNAMS ZHABS 'BRING DU GYUR PAS NI CI, DGA' BAR 'DOD PAS BYAS PA'I RANG DBANG DU 'JUG PA LHA DE DAG RNAMS GSER GYI PHRENG BA'I NGOS SNA TSOGS PA'I SGRA DANG, REG BYA DANG, RO DANG, GZUGS DANG, DRI YIS RGYAGS PAS RGYAGS PA RNAMS RNAM PA DU MAR RGYU BA DES CHU KLUNG MCHOG TU DGA' BA MTHONG NA GZUGS KYI YUL GYIS NGOMS PA MED PA DE'ANG NYE BAR
LONGS SPYOD NAS GZHAN YANG GAR DANG LDAN PA'I GLU'I SGRAS RNA BA'I KHUNG BU 'PHROG PA'I YUL LNGA LA MNGON PAR CHAGS PA'I YID KYIS DGA' BAR GYUR PAS RI DANG, LJONGS NAS LJONGS DANG, RI'I RTZE MO NAS RI'I RTZE MO DANG, CHU KLUNG GI NGOS NAS CHU KLUNG GI NGOS DANG, PADMA'I RDZING BU NAS PADMA'I RDZING BU DANG, NAGS NAS NAGS SU DANG, BANG RIM NAS BANG RIM DANG, SHING DRUNG NAS SHING DRUNG DU DGA' BAR GYUR PAS RNAM PA SNA TSOGS PA'I BDE BA'I RGYAGS PAS MYOS PA RNAMS RGYU BAR GYUR PA NA DUS GZHAN ZHIG GI TSE BEE d'URYA'I CHU ZHES BYA BA'I CHU KLUNG DE DANG NYE BAR RAB TU DGA' BA'I RGYAGS PAS RNAM PAR RGYU ZHING 'GRO'O, ,CHU KLUNG DE LA'ANG MDZES PA 'DI DAG RNAMS YIN LA 'DI LTA STE; BEE d'URYA'I RANG BZHIN DU GYUR PA'I CHU KLUNG DRI MA MED PA'I RGYU'O, ,RDO BA RNAMS BEE d'URYA'I RANG BZHIN NO, ,BEE d'URYA'I RANG BZHIN GYI LJON SHING GIS LEGS PAR GANG BA, BEE d'URYA'I RANG BZHIN DANG MDOG MTSUNGS PA'I LJON SHING LA BYA'I SGRAS NANG NA GANG BA, 'BRAS BU RNAMS LTA BAS CHER RGOD PA LTAR GYUR PA, GTZANG ZHING DRI MA MED PA'I CHU BDE BAR 'BAB PA ZAB CING SNYAN PA'I SGRA LEGS PAR BYAS PA'I LAS KYIS DBANG POR GYUR BA'I BEE d'URYA'I CHU ZHES BYA BA'I CHU KLUNG RAB TU 'BAB PA'O, ,DE LTAR LHA DE DAG RNAMS
, ,DGA' BAS RGYU BA'I DON DU 'GRO BAR BYED DO, ,YUL LA SRED PAS RNAM PA DU MAR RAB TU RNAM PAR ZHEN PAS LHA DE RNAMS RNAM PAR RGYU'O, , KHA CIG NI, CHU KLUNG GI NGOS DAG NA DGA', KHA CIG NI, CHU'I NANG NA LHAN CIG SPYOD PA DANG BCAS NAS SO, ,KHA CIG NI, MCHOG TU 'GYING BAS BYA GZHAN RNAMS KYI RGYAB TU DE DAG MNGON PAR ZHEN NAS RLABS NAS RLABS LA 'GRO'O, ,CHU LA DKYI LI KUD 'KHOR BA NAS 'KHOR BA, PHYI 'KHOR NAS PHYI 'KHOR DU, CHU MI MNYAM PA NAS CHU MI MNYAM PAR, PADMA'I STAN NAS PADMA'I STAN LA, AUTPA LA'I NAGS NAS AUTPA LA'I NAGS SU YONGS SU SPYOD DO, ,BRGYA PHRAG DANG BRGYA STONG PHRAG TU DPE MED PA'I BDE BA DANG YANG DAG PAR LDAN PA'I LHA DE DAG RNAMS LA GAL TE SHED NA LEGS PAR BYAS PA'I LAS RNAMS KYIS DANG, YUL RNAMS KYANG ZHI BA DANG, DE'I TSE BEE d'URYA'ANG DRI MA MED PA LA MTHONG BA NI, GANG DAG TSUL KHRIMS DANG SHES RAB KYIS LHAG PAR GYUR PA DE DAG RNAMS KYIS DE LA LAS KYI 'BRAS BU'I RTAGS GYI GZUGS BRNYAN MTHONG BAR 'GYUR TE, DE'I RGYU GANG YIN PA DANG, DE'I GLENG GZHI DANG, DE DANG MA BRAL BAS DANG, RKYEN DES LHA'I RIS DER SKYE BAR 'GYUR BA DANG,
'DI DAG THAMS CAD MNGON SUM DU SHES PA DANG BCAS PA, DMIGS PA DANG BCAS PA DANG, SEMS BSKYED PA'I GLENG GZHI DANG BCAS PA, ZHING LA RAB TU DANG BAR GYUR PA RNAMS MNGON PAR MTHONG NAS DE RNAMS DMIGS PAR BYAS NAS SKYE BA GZHAN DRAN PA'I DBANG DU BYAS PA'I BLO SKYE'O, ,KYE MA BDAG YUL GYI SHUGS KYI LIM LOG CAN GYI CHU'I RLABS SKYO BA SKYE BAR 'GYUR BA'I SHUGS DANG LDAN PA'I SRED PA'I CHU KLUNG GIS BDAG JI LTA BAR RAB TU KHYER BAR GYUR PA, GANG GI DBANG GIS 'BYUNG BAR GYUR BA LOG PAR LHUNG BAR 'GYUR PA YANG BDAG GIS MA RTOGS TE, GANG GI RGYUS 'DI JI LTA BA BZHIN DU MNGON SUM DU RTOGS PAR 'GYUR BA MNGON GYI DUS DANG LDAN PA'I LO RGYUS DE DAG RNAM PA DU MAR MNGON PAR BRIS PA'I RGYU DES RNYED PAS SKYE BA GZHAN GYI LO RABS RNAMS BDAG GIS RNYED PAR 'GYUR RO, ,LEGS PAR BYAS PA 'DI RNAMS LA LONGS SPYOD PAR YANG BYED DE, YANG GANG GI TSE ZAD PAR BYED PA DE'I TSE PHYIR YANG RNAM PA DU MAR LOG PAR LHUNG BA LHA'I RIGS DE LAS 'BYUNG BAR 'GYUR RO, ,DE LTAR PHAN TSUN DU BRJOD PAR 'GYUR BA DANG, 'GRO BA LNGA'I 'JIGS PA YANG MTHONG BAR GYUR BAS THAMS CAD SO SO LA BRTEN NAS SKYES PA'I YID 'BYUNG BAS BEE d'URYA'I CHU KLUNG GI CHU 'GRAM
, ,DE NYID NA TSIGS SU BCAD PA BRJOD PA, JI LTAR, SNGON DGE'I LAS KYIS BYUNG BA GANG, ,LEGS PA DANG LDAN CHE 'BYUNG BA, ,MTHO RIS 'DI DE SPYOD BYED DANG, ,YANG DANG YANG DU ZAD PA DANG, ,MTHO RIS LEGS BYAS LAS BYUNG BA, ,DE ZAD PAS NI LHUNG BAR MTHONG, ,MTHO RIS RGYU DANG BCAS PA NI, ,SKAD CIG PA YI KHYAD PAR GYIS, ,MI RTAG 'BYUNG GNAS GTZUG LAG LAS, ,THAMS CAD 'JIG PAR 'GYUR BA YIN, ,DNGOS GANG 'DUS BYAS MI RTAG PA, ,DE KUN RNAM PAR 'JIG PA YIN, ,SKYE KUN RAB TU RNAM 'JIG PA, ,CHOS NYID KYIS 'DI RNAM PAR GNAS, ,'DOD PA'I RO LA CHAGS BYED PA, ,BYIS PA BLO DMAN RNAMS YIN NO; ;KIM PA KA YI 'BRAS MTSUNGS PA'I, ,NYES DMIGS GO BA MA YIN NO, ,GZUGS LA SOGS PA'I DGRA 'DIS KYANG, ,SRID PA'I RANG BZHIN PHYIR LOG SKYE, , LAS NGAN 'BRAS LA RMONGS PA YI, ,SROG CHAGS LOG PA'I DBANG 'GRO NYAMS, ,'DOD PA DUG GI 'BRAS 'DRA RNAMS, ,SKYES BUS JI SRID MYANGS PA YIS, ,DE DAG NYID LA NGOMS MED YIN, ,PHYIR YANG DMYAL BAR LHUNG BA YIN, ,SBYIN DANG TSUL KHRIMS DGA' SPYOD SPEL, ,RTAG TU DE LA ZHUGS PA'I YID, ,RTAG TU GANG
LA DE YOD PA, SKYE BO DE NI MTHO RIS 'GRO, ,RTAG TU TSUL KHRIMS BSGOMS PA DANG, ,MI DGE BA YANG SPANGS PA NI, ,SBYANG PO 'OD LDAN BRTAN PO STE, ,SKYE BO DE NI MTHO RIS 'GRO, , DGRA BO RNAMS LA'ANG RTAG TU GANG, ,'KHON DANG BRAL BA BYAMS PA'I SEMS, ,RTAG TU RAB TU ZHI BA'I YID, ,SKYE BO DE NI MTHO RIS 'GRO, ,YID KYI SGOM PA DRAG PO YIS; ;SDOM PAR BYED PA'I LEGS PA GANG, ,RTAG TU SDOM BRTZON GCIG LA DGA', ,SHIN TU MANG BA MI SMRA BA, ,SNYING PO SNYING MED RNAM PAR SHES, ,GANG DE SKYE BO MTHO RIS 'GRO, ,'KHOR BAR CHAGS PAR GYUR PA GANG, ,RGA SHI DAG GIS BSLUS PA YIN, ,RTAG TU MYA NGAN 'DAS MNGON DGA', ,'GRO 'GYUR SKYE DE MTHO RIS SU, ,SHING DRUNG 'AM NI DUR KHROD DU, ,DE BZHIN NYID DU RI KHROD DU, ,SGOM PA'I YID LDAN SEMS DPA' DE, ,MTHO RIS 'GRO BA'I SKYE BO YIN, ,TSONG SHES YUL SHES DUS SHES DANG,, SDIG PA'I GROGS PO RNAM SPANGS PA, ,GANG LA BYAMS PA'I SEMS YOD DE, ,SKYE BO MTHO RIS 'GRO BA YIN, ,GRONG LTA BA LA MI DGA' ZHING, ,TSAL DANG SRANG DU MI RGYU BA, , GCIG PU GNAS DANG ZHI BA YI, ,SKYE BO DE NI MTHO RIS 'GRO, ,GANG ZHIG ZHI BAS RTAG TU LUS, ,MI GTZANG LAS BYUNG LTA BYED PA, ,LUS DANG LAS KYI CHO GA SHES, ,GANG DE SKYE BO
, ,MTHO RIS 'GRO, ,CHOS RNAMS LAS KYI DRA BAR NI, ,GANG GIS RNAM MANG SKYE BO MTHONG, ,'KHOR BA LA YANG DGA' BA MED, ,MTHO RIS 'GRO BA'I SKYE BO DE, ,DE NYID KYANG NI JI BZHIN RIG ,RNAM PA DU MA LAS BYUNG BA'I, ,MTHONG YANG DGA' BA MA YIN NO, ,MTHO RIS 'GRO BA'I SKYE BO DE, ,SKAD CIG PA DANG SGYU MA BZHIN, ,DRI ZA SGYU MA LTA BUR YANG, ,GANG ZHIG RTAG TU SEMS 'DUL BA, ,SKYE BO DE NI MTHO RIS 'GRO, ,DE NYID SKAD CIG LA SHES DANG, ,MTSAN NYID BRAL BA SHES GANG DANG, ,BDE CHAGS KYIS NI SKYO BA'I YID, ,SKYE BO DE NI MTHO RIS 'GRO, ,BUD MED GZHAN LA MA BZHIN DANG, ,PHA BZHIN DU YANG LUS CAN KUN, ,'JIG RTEN MTSUNGS PAR LTA BYED GANG, ,MTHO RIS 'GRO BA SKYE BO DE, ,RTAG TU PHRA MA SPONG BYED CING, ,SEMS CAN RNAMS LA'ANG RTAG TU DGA', ,KHRO MED DRANG POR GYUR PA'I YID, ,SKYE BO DE NI MTHO RIS 'GRO, ,THAMS CAD SHING BZHIN RDO BZHIN DU, ,GZHAN GYI SEMS LA SPYOD PA PO, ,RANG GI SEMS KYI CHOG SHES PA, ,SKYE BO DE NI MTHO RIS 'GRO, ,NYIN DANG MTSAN DU GANG DAG GI ,SNYING LA LE LO MI 'JUG PA, ,RTAG TU BRTZON PAS RNAM PAR RGYU, ,GANG DE SKYE BO MTHO RIS 'GRO, ,RGOD DANG RMUGS
DANG GNYID DANG NI, ,LE LO YANG NI KHYAD PAR DU, ,SPONG BAR BYED PA RTAG TU BZANG, ,SKYE BO DE NI MTHO RIS 'GRO, ,SGO LNGA LAS NI TSUL KHRIMS 'CHAL, ,GCIG TU YONGS SU MTHOL BA DANG, ,RTAG TU SPONG BYED BLO LDAN PA, ,SKYE BO DE NI MTHO RIS 'GRO, ,NYE BAR LEN PA RNAM BZHI SHES, ,BDEN PA YANG NI DE BZHIN DE, ,CHO GA SHES PAS LTA BA'I YANG, ,SKYE BO DE NI MTHO RIS 'GRO, ,SDUG BSNGAL SDUG BSNGAL RNAM SMIN DANG, ,GANG YANG SDUG BSNGAL 'GOG PA DANG, ,RTAG TU DE NYID KHA LTA GANG, ,SKYE BO DE NI MTHO RIS 'GRO, ,RTAG TU SDUG BSNGAL LA ZHUGS PA, ,CHOS NI RNAM PAR MI 'DOR GANG, ,CHOS KYI BLO NI ZHI BA DANG, ,SKYE BO DE NI MTHO RIS 'GRO, ,RAS KYANG DKAR DANG SHIN TU PHRA; ;DE BZHIN DU YANG PHYAG DAR KHROD, ,GTUM MIN YID NI ZHI BA DANG, ,RTAG TU BSAM GTAN GYIS GNAS PA, ,RTAG TU NGES 'BYUNG LA DGA' BA'I, ,SKYE BO DE NI MTHO RIS 'GRO, ,ZHIM MAM GAL TE MI ZHIM PA, ,JI LTAR 'DOD PA'I TSUL GYIS 'ONGS, ,CHO GA SHES DANG NI KHRO MIN PA'I, ,SKYE BO DE NI MTHO RIS 'GRO, ,GOS GANG 'JAM ZHING DKAR BA DANG, ,PHYAG DAR KHROD KYANG DE BZHIN TE, ,LEGS SDOM BYED PA CHO GA SHES MCHOG ,SKYE BO DE NI MTHO RIS 'GRO, ,MAL STAN GZHI DANG DE BZHIN SA, ,KHANG
, ,BZANG RTZE'AM DE BZHIN GZHAN, ,DGA' BA'AM KHRO BA MED PA YI, ,SKYE BO DE NI MTHO RIS 'GRO, ,GZUGS GANG MIG GI YUL DU NI, ,GTOG DANG GZHAN DU GYUR PA YANG, ,DE KHO NAR NI RAB LTA GANG, ,SKYE BO DE NI MTHO RIS 'GRO, ,SNYAN PA'AM NI MI SNYAN PA, ,GANG GIS THOS NAS 'KHRUL BRAL BA, ,MIG DANG BLO DANG LDAN PA YI, ,SKYE BO DE NI MTHO RIS 'GRO, ,DBANG PO DRUG PO THAMS CAD DANG, ,YUL RNAMS KYANG NI DE BZHIN DU, ,SPONG BAR BYED CING MI DGA' BA, ,SKYE BO DE MTHO RIS 'GRO, ,BYA BA 'DI RNAMS DON CHEN DANG, ,RTAG TU BDE BA BYED PA YANG, ,DE DAG THAMS CAD CHO GA BZHIN, ,BYED PA'I SKYE DE MTHO RIS 'GRO, ,JI LTAR LA RNAMS BYAS PA KUN, ,DE NYID DU NI BYED MED PAR, ,LTA BYED DRI BRAL BZANG PO'I YI, ,SKYE BO DE NI MTHO RIS 'GRO, ,LAS RNAMS KYI YANG RNAM SMIN DES, ,LAS RNAMS SMIN GYIS BYAS PA'I YANG, ,SDUG BSNGAL RTAG TU RNAM PAR 'BYED, ,SKYE DE MTHO RIS 'GRO BA'O, ,DE LTAR LHA DE DE'I MGRIN PAR BYAS PA DE YANG DAG PAR MTHONG NAS MCHOG TU SKRAG PA'I YID KYIS TSIGS SU BCAD PA SMRAS TE, SHIN TU BRJOD NAS KYANG CHU KLUNG GI 'GRAM DU LHA DE DAG NYID DANG LHAN CIG TU RANG BZHIN YIN PAS
SLAR YANG BAG MED PAS RGYU BAR BYED DO, ,GAL TE GANG DAG DE'I MGRIN PA NA BYAS PA YOD PAR GYUR DU ZIN KYANG RKYEN MED PAR MI MTHONG STE, GANG GIS RTEN CING 'BREL BAR 'BYUNG BA'I DNGOS PO'I RKYEN MED PAR MI 'GYUR LA, LHA GANG GI YANG RANG BZHIN YIN PAS SLAR YANG BAG MED PAR SPYOD PAS GANG NA CHU KLUNG 'OD 'GYUR GI RI LA RIN PO CHE 'OD 'BYIN ZHES BYA BA'I RI DE YOD PA DER 'GRO STE, RGYAN DANG CHA BYAD DU MAS RAB TU DGA' BA'I YID CAN YUL DE LTAR BA LA CHAGS PAS KUN NAS KHRID PAR GYUR PAS DUS TSOD PAR GYUR PA'I 'JIGS PA'ANG MA RTZIS PA DANG, DBANG PO 'GYUR LDOG CAN RNAMS KYIS KYANG DRANGS PA DANG, MTHO RIS PA DE RNAMS MCHOG TU YANG BDE BA'I PHYIR NA PHYIR ZHING YANG GAR BYED PAR GYUR, RAB TU RGOD PAR GYUR PAS RNAM PAR RGYU BAR BYED PAS CHU KLUNG GI 'GRAM NA RNAM PA DU MAR DGA' BA'I ME TOG GI TSOGS RNAM PA DU MA PHUN SUM TSOGS PA 'KHRI SHING SHIN TU 'GYUS PAS KHEBS PA'I NGOS NA RTAG TU YANG RAB TU DGA' BA'I TSOGS KYIS 'KHRIGS PAR RO, ,GZHAN YANG KHYAD PAR LTA BAR 'DOD PAS RIN PO CHE 'OD 'BYIN GYI RI LA RIN PO CHE'I RNAM PA BRGYAD STONG DU MA CHA SHAS RNAM PAR BKRA BA YOD PAR 'GRO'O, ,LTA BA LA MA TSOR RNGAMS PAS DES DE
, ,RING BA NYID NAS MTHONG STE, 'OD 'BAR BA NAM MKHA' BRTOL BZHIN DU GNAS PA LNGAR MA MTHONG BA DE YID LA SMON PAS BYAS PA BZHIN DU SKYON GZHAN MED PA DE'I 'OD DPAG TSAD STONG PHRAG BCUR 'GYUR TE, SNGON PO DANG, SER PO DANG, DMAR PO DANG, LJANG KHU'I KHA DOG GO ,GZHAN YANG RNAM PAR 'DRES PA'I 'OD RNAMS SO, ,GZHAN YANG NGOS DE NA RIN PO CHE'I 'OD KYI PHRENG BA CAN GYI RI GZHAN GANG DAG YOD PA DE DAG RNAMS KYANG BRTOL ZHING RIN PO CHE 'OD 'BYIN GYI RI DE'I 'OD DE DAG GIS RI DE DAG RNAMS THAMS CAD KYI 'OD NGES PAR BCOM NAS GNAS SO, ,DPER NA, RI'I RGYAL PO RI RAB LHUN PO'I 'OD KYIS NI, RI RNAMS THAMS CAD KYI 'OD ZIL GYIS GNON NO, ,DE BZHIN DU RIN PO CHE 'OD 'BYIN DE'I 'OD MCHOG TU RGYA CHE BA, DGA' BAR GYUR PA, MCHOG TU RANGS PA YID 'PHROG PA YIN NO, ,DE BZHIN DU RNA BA'I DBANG PO GCIG TSIM PAR BYED LA RIN PO CHE DES RNA BA'I DBANG PO GNYIS PA'ANG SGRA RNAM PA DU MAS LEGS PA BSGO BAR BYED LA; RIN PO CHE 'OD 'BYIN GYI RI DE NYID NA 'DI LTA STE, THOS NA YID 'PHROG PA'I SGRA DANG LDAN PA'I CHU KLUNG 'BAB PAS KYANG KUN TU SGRA SGROG PAS MCHOG TU THOS NA YID
'PHROG PA DANG, DE DAG NA RNAM PA DU MA'I BYA RNAMS NI, RIN PO CHE SNA BDUN GYIS RNAM PAR BKRA BA'I SGRO DANG LDAN PA, KHYAD PAR MED PA'I RLUNG GIS RAB TU BSKYOD PA'I DRIL BU G-YER KHA'I RANG BZHIN GYI LJON SHING RNAMS KYI SGRA GANG YIN PAS SO, ,DE DAG GI DPE BYA BAR MI NUS SO, ,YID RNAMS DANG 'DRA BA YIN PA'I PHYIR RO, ,RIN PO CHE 'OD 'BYIN GYI RI CHEN PO 'DI LAS DE BZHIN DU LHA DE DAG RNAMS KYI RNA BA'I DBANG PO LA'ANG TSIM PAR BYED DO, ,GZHAN YANG LHA DE DAG GI DBANG PO GSUM PA RING BA NYID NAS RI CHEN POS TSIM PAR BYED PA'ANG 'DI LTA STE, SNA LA DRI DU MA RNAMS KYIS ME TOG GI TSOGS MANG PO LAS 'BYUNG BAR 'GYUR BA LA CHU KLUNG DU MA LAS NYE BAR SKYES PA'I ME TOG GIS LEGS PAR BSKYED PA'I DRI DE DAG GIS LHA RNAMS TSIM PAR BYED DO, ,GZHAN YANG RI CHEN PO DES LHA DE DAG RNAMS KYI DBANG PO BZHI PA KUN NAS CHIM PAR BYED DE, LCE'ANG RO DANG, MDOG DANG, GZUGS DANG, DRI RNAMS MCHOG TU GYUR PA'I RNAM PA DU MA'I 'BRAS BU RNAMS KYIS KYANG TSIM PAR BYED DO; ;LUS LA'ANG REG NA DGA' BAR 'GYUR BA'I GOS RGYU KUN MED PA DU MA RNAMS DANG, REG NA BDE BA'I RLUNG RNAMS KYIS KYANG TSIM PAR BYED DO, ,RI CHEN PO DE GANG LA
, ,LHA DE DAG RNAMS KYI DBANG PO LNGA PO RNAMS RANG GI YUL BDE BA NYAMS SU MYONG BAR BYED DO, ,DES TSIM PAR BYED PA PO'I NGO BOS YID KYANG MCHOG TU TSIM PAR 'GYUR RO, ,DE LTAR RIN PO CHE 'OD 'BYIN GYI RI 'DIS DBANG PO LNGA'I BDE BA RAB TU SBYIN PAS LHA DE RNAMS SHIN TU BDE BA LA GNAS SO, , DE NAS LHA DE RNAMS KYIS RIN PO CHE 'OD 'BYIN GYI RI DER SLEB NAS RIN PO CHE DU MA 'BAR BA'I PHRENG BA'I RNAM PA DU MAR YANG 'OD 'BAR BA NYE BAR 'BYIN NO, ,DE NAS LHA DE RIN PO CHE DE LA CHU KLUNG STONG PHRAG RNAM PA DU MA DANG, 'BAB CHU DANG, RDZING BU DANG, PADMA'I RDZING BRGYA STONG GIS NYE BAR MDZES PA GSER DANG, BEE d'URYA DANG, AINDRA N'I LA DANG, DNGUL DANG, 'DAB MA RNAM PAR BKRA BA 'DREN MA STONG PHRAG BRGYAS MDZES PAR MNGON PAR MTHONG NAS LHA DE RANG BZHIN NYID KYIS BDE BAR RGYU BA BRGYA 'GYUR THOB NAS RI DE LA NYE BAR LONGS SPYOD DE, RAB TU DGA' BA'I 'KHOR DANG BCAS NAS PHAN TSUN DU GNOD PA MED PAR GTAD PAS TSIM PAR BYED PA'I YID CAN RNAMS DE DAG DE BZHIN DU CHES RAB TU DGA' BA'I YID KYIS RIN PO CHE 'OD 'BYIN GYI RI DE'I KHYAD PAR LTA BAR 'DOD PAS PHUG DANG RI KHROD LA DPYOD DE,
PADMA'I RDZING BU NAS PADMA'I RDZING BU, RTZE MO NAS RTZE MO, ,CHU KLUNG GI NGOS NAS CHU KLUNG GI NGOS, GNAS KYI TSOGS NAS GNAS KYI TSOGS, RIN PO CHE'I NAGS NAS RIN PO CHE'I NAGS LA BYA'I TSOGS MANG PO MNGON PAR MTHONG BA'I RNAM PA DES MTHONG BA DANG THOS PAS DGA' BA BYA'I TSOGS GZHAN LTA BAR 'DOD PA RNGA SKAD YAN LAG LNGA DANG LDAN PAS LHAN CIG TU DGA' BAR BYED CING YONGS SU SPYOD PAR YANG BYED DO, ,DE RANG BZHIN GYIS MTHONG BA DANG, THOS PA DANG, SNA DANG, LCE DANG, LUS KYI YUL LNGA PO RNAMS DGA' STE, DBANG PO DE DAG RNAMS SGRA DANG, REG BYA DANG, RO DANG, GZUGS DANG, DRI RNAMS SO SO DANG, GCIG LA YANG DGA' BAR BYED DO, ,YUL RNAMS LA'ANG DBANG PO RNAMS DANG, YUL DE LA DBANG PO LNGA RNAM PAR ROL BA'I DBANG PO'I YID DO, ,MCHOG TU BDE BA DPE MED PA NYE BAR LONGS SPYOD DO, ,RNAM PA DU MA DANG, RNAM PAR RTOG PA DU MAR MTHONG BA DANG, SGRA DANG, RO DANG, CHOS KYI YUL YANG ZLOS PA MA YIN PA'I LHA'I BDE BA NYE BAR LONGS SPYOD DO, ,DA LTAR BA'I BDE BA DANG SDUG BSNGAL GYIS NYE BAR 'JOMS PAR BYED DO, ,DE LTAR DE YUL LA RNAM PAR CHAGS PA'I YID KYIS DE 'DRA BA'I BAG MED PAR 'GYUR RO, ,JI LTAR GANG LAS KYI 'BRAS BU RNAM
, ,PAR BKRA BA SNGON PHYOGS NA MNGON PAR BRIS PA YOD KYANG DE THAMS CAD MI DRAN NO, ,DE RNAMS KYIS GZHAN YANG DES SNGON LEGS PAR BYAS PA'I PHYIR KUN TU SPYAD PAR GYUR PA DANG, RTZE BAR GYUR PAS KYANG GAL TE SHED NA RI CHEN PO LA RIN PO CHE 'OD 'BYIN PA DE NYID KYI RTZE MO DU MA MCHOG TU SNGO BA DRI MA MED PA ME LONG GI MTHIL DRI MA MED PA ZHES BYA BA GANG YIN PA 'DI DRI MA MED PAS GANG LA SHING RTA'I RDUL YANG MTHONG STE, LHA DE RNAMS KYI BRTZON PA LHAG PAS GANG YANG SBOM PO MCHOG TU RNAM PAR BKRA BA DANG, MTHONG NA MCHOG TU DGA' BA DANG, LUS KYI MDOG RNAM PA MI 'DRA BA'I PHAN TSUN GYI RNAM PA LAS KYIS BYAS PA MNGON PAR BRIS PA LA LTA SMOS CI DGOS, 'GRO BA'I RIS GANG DANG GANG LAS 'CHI 'PHO BA DANG, RNAM PA GANG GIS BYAS PAR GYUR PA DE YANG BRANG DANG MGRIN PA'I DBUS SU BRIS PAR 'GYUR RO, ,LEGS PAR BYAS PA'I LAS KYIS DES DE'I NYES DMIGS RTOGS NAS SKYO BA SKYE BAR 'GYUR RO, ,'DOD PA'I RO THOB PA'I RGYU DES KYANG BYIS PA RNAMS SKYO BA MI SKYE'O, ,YANG GANG GI TSE, DE RNAMS NYID LA 'DOD PA RNAMS KYI NYES DMIGS LEGS PAR BSTAN PAR GYUR PA'AM, RANG NYID KYIS GO BAR
GYUR PA DE LAS KYANG 'DOD PA'I NYES DMIGS NYE BAR DMIGS PAR 'GYUR RO, ,DE'I TSE BYIS PA RMONGS PA'I BLO CAN RNAMS KYIS RAB TU RTAGS TE GANG THOB NAS DE 'DOD PA'I RO LA CHAGS PAR MI BYED PA DANG, NYES DMIGS KYANG LEGS PAR MTHONG BA YIN NO, ,DE 'DOD PA RNAMS LA PHYIR 'GYOD PA'I MES SREG PAR BYED DE, GANG GI PHYIR THA MI DAD PA'I LUS YONGS SU 'DOR BA'I PHYIR RO, ,GANG YUL GYI ME MTSON CHA DMYAL BA'I MTHAR GTUGS PA'I RGYU BDAG CAG RNAMS SO, ,PHYI NAS 'GYOD PA'I MES SREG PAR BYED DO, ,GANG YANG LUS BSGOMS PA YID BSGOMS PAR GYUR PA DE 'DOD PA'I RO LA MI DGA' BA DANG NYES DMIGS KYANG MTHONG BA YIN NO, ,DE 'DOD PA RNAMS KYI RO LA YANG DGA' BA MA YIN NO, ,'DOD PA RNAMS YOD KYANG ZHABS 'BRING DANG MNGON PAR RTOG PAR BYED PAR MI 'GYUR RO, ,DE'I TSE 'DOD PA RNAMS KYI KHA 'OG TU 'DU BAR MI 'GYUR RO, ,GZHAN YANG 'DOD PA RNAMS KYI GNYEN PO 'DI LTA STE, GANG GIS GZUGS DE MTHONG BA NA DE RNAM PAR 'JIG PA'I CHOS CAN DES GZUGS LA GZUGS KYI RJES SU LTA BA DANG, JI LTA BA BZHIN DU TSUL BZHIN NYID YID LA BYED PAS LTA BA DES 'DUN PA'I 'DOD CHAGS RNAM PAR 'JOMS SO, ,DE LTAR YUL LNGA LA JI LTA BA BZHIN
, ,DU NYES DMIGS MTHONG BA'I RANG BZHIN DU 'GYUR LA, DE DGA' BA'I 'DOD CHAGS DANG LDAN PA'I SRED PA 'KHOR BA'I SA BON DU GYUR PA LAS PHYI ROL TU GYUR BA'O, ,DE LTAR YANG 'DOD PA RNAMS KYI NYES DMIGS RTOGS SHING DE DAG NYES DMIGS SHES NAS PHYIS 'GYOD PAR 'GYUR RO, ,'DOD PA'I YUL GYI 'DOD CHAGS DANG PHRAD PAS MI GNOD DO, ,SNGON GYI 'BYUNG BA LAS BYUNG BAS LHA RNAMS YONGS SU SPYOD PAS GAL TE SHED NA RE DE'I RTZE MO LA MNGON PAR 'KHOD DO, ,MCHOG TU DRI MA MED PA'I ME LONG GI MTHIL JI LTA BAR LHA DE RNAMS KYI YAN LAG DE RNAMS KYANG MTHONG NGO, ,DE NAS LUS BSGOMS PA YID BSGOMS PA'I LHA DES MTHONG BAR GYUR PA LAS THAMS CAD KYI 'BRAS BU DANG, 'CHI 'PHO DANG, GLENG GZHI DANG, SKYE BA YANG DPRAL BA NA BRIS PA DE RNAMS BDAG NYID KYIS RAB TU MTHONG BAR 'GYUR RO, ,JI LTAR CHE GE MO ZHIG GI DUS CHE GE MO ZHIG NA GNAS CHE GE MO ZHIG GI YUL NA RNAM PA CHE GE MOS 'CHI 'PHO BA'I RGYU MTSAN CHE GE MOS LHA CHE GE MO 'CHI 'PHO BAR 'GYUR RO, ,GANG DPRAL BAR MNGON PAR BRIS PA 'DI SHES PAR GYUR PA DE LHA'I RIGS DE LAS 'CHI 'PHOS NAS LAN
GRANGS GZHAN LA MYONG BAR 'GYUR BA'I LAS KYIS SAM, SKYES NAS MYONG BAR 'GYUR BAS SAM, LUS KYI NYES PAR SPYOD PAS SAM, NGAG GI NYES PAR SPYOD PAS SAM, YID KYI NYES PAR SPYOD PA'I RGYUS 'CHI 'PHOS NAS DMYAL BAR CHE GE MO ZHIG TU SKYE BA DANG, CHE GE MO ZHIG YI DVAGS SU SKYE BA DANG, 'DIR DUD 'GRO'I LUS SU SKYE BAR 'GYUR BA DANG, DE DUD 'GRO'I RIGS DE LAS YONGS SU GROL NAS 'DOD PA'I BAG MED PAS BSLUS SHING LAS KYI RLUNG GIS BSKOR NAS SLAR YANG CHE GE MO ZHIG TU 'KHOR BAR 'GYUR RO, ,DE LTAR 'DOD PA RNAMS KYI NYES DMIGS DANG SNYING PO MED PA YANG DPRAL BA DE NYID LA MNGON PAR BRIS PA MTHONG NGO, ,JI LTAR CHE GE MO ZHIG GI GNYEN PO CHE GE MO ZHIG GIS TE, 'DI LTA STE, 'DOD PA RNAMS NI, MI RTAG PA, SNYING PO MED PAR DPRAL BAR MNGON PAR BRIS PA GANG YIN PA THAMS CAD MTHONG NGO,, DE MTHONG NAS KYANG GANG CHES BSGOMS PA'I LUS DANG YID BSGOMS PAR GYUR PA DES 'DOD PA RNAMS YONGS SU SPONG NGO, ,NYES DMIGS DANG BCAS PA ZHES RIG NAS [?] GANG GI [?] PHYIR DUG DANG 'DRA BAR JI LTAR PHRA MO RNAMS KYANG DE BZHIN DU YUL RTEN PA RNAMS KYANG DUG BZHIN ZOS NAS LOG PAR LHUNG BAR 'GYUR RO, ,DE DAG RNAMS DA LTAR
, ,MTHONG BA DANG, BSTEN PA DANG, YUL RNAMS YONGS SU SPONG BA PO RNAMS GANG YIN PA DE DAG GI YANG DBRAL BAR BRIS PA YIN NO, ,NGAN 'GROR SKYE BA DMYAL BA YI DVAGS DUD 'GRO'I SKYE BA BLANGS NAS DE ZAD PA'ANG LEGS PAR BYAS PA'I LAS KYIS RTAG TU YANG DAG PAR MNGON PAR MTHONG NAS GZHAN YANG LAS KYI DBANG DU BYAS NAS YID CHES PA SKYE BA DE NI, LEGS PAR BYAS PA'I LAS KYI MTHA' LA SPYAD PA YIN TE, JI SRID DU MYA NGAN LAS 'DAS PA'I SA BON DU GYUR PA LAS ZAD PAR 'GYUR PA'O, ,DE NAS LHA GZHAN GANG DAG BLO DMAN PAR GYUR PA RNAMS 'DOD PA STEN PA LA CHED CHER BYED CING DE SNGON GYI LEGS PAR BYAS PA'I DBANG DU GYUR PA'I NGOS NGOS KYANG MNGON PAR BRIS PA LEGS PAR MTHONG STE, JI LTAR BDAG 'DI LAS 'CHI 'PHOS NAS MI RNAMS SU SKYES LA PHYIR YANG LHA RNAMS SU SKYE BA STE, RTAG TU'AM, MNGON PAR MTHONG YANG KUN NAS SKRAG PA DANG LDAN PAR YANG MI 'GYUR RO, ,PHYIR YANG YUL LNGA'I RLABS KYI SRID PA'I CHU KLUNG DU BAG MED PA BAG MED PAS SPYOD PAS LHA KHRUS BYED DO, ,DE'I THOS PA'I SHES PA DE'ANG 'GAGS NAS SKYE BAR BYAS PA GZHAN YANG RAB TU 'BYUNG BAR 'GYUR TE, 'DOD PAS BSLUS NAS
LAS ZAD PAR BYAS PA'I DMYAL BA DANG, YI DVAGS DANG, DUD 'GROR SKYE'O, ,PHYIS YANG DMYAL BA YI DVAGS DUD 'GROR SKYE BA RNAM PAR 'JIG GO ,DE NAS DE LTAR BAG MED PA LA LTA BA'I LHA DE DAG RNAMS RTOGS NAS DBANG PHYUG LA GNAS PA ZHES BYA BA'I BYAS DGE BA'I LAS KYI DBANG GIS TSIG BRJOD PA, JI LTAR, DGE BA YIS NI SEMS KHRID CING, ,DGE BA KHO NAS RJES SU KHRID, ,DE BZHIN MI DGE RJES SPYAD PAS, ,MI DGE NYID LA RGYUG PA YIN, ,BDE LEGS RGYU BA MI YI SEMS, ,CHU KLUNG NYID DANG DE DAG MTSUNGS, ,JI LTA BAR NI RKYEN THOB NAS, ,DE BZHIN DE NI YONGS SU RGYUG ,MYUR BAR RAB TU RGYUG BYED SEMS, ,MYUR BAR YANG NI YONGS SU LDOG ,MYUR BAR 'BAB PA LHA RNAMS DANG, ,MYUR BAR THABS MIN SAR YANG NGO, ,GANG LA SEMS NI RJES CHAGS PA, ,MYUR BA MYUR BAR CHES 'GYUR RO, ,CHOS RNAMS THAMS CAD BYED PO DANG, , LAS RNAMS THAMS CAD GCOD BYED YIN, ,CHOS RNAMS THAMS CAD KHRID BYED NI, ,SEMS 'DI YIN ZHES BRJOD PA YIN, ,RTAG TU GLAGS NI GCOD BYED PA'I, ,SEMS LA YID CHES MI BYA YI, ,GZUNG BAR DKA' DANG SHUGS DRAG DANG, ,LIM LOG GI NI KHYAD PAR GYIS, ,DES NA YUD TZAM DGER 'GYUR ZHING, ,DE BZHIN MI DGER YUD TZAM
, ,DES; ;DE BZHIN LUNG MA BSTAN PAR 'GYUR, ,'DI LA 'GRO GNAS YOD MA YIN, ,'ONG BA NYID KYANG MTHONG BA MED, ,MED PAR GYUR NAS 'BYUNG 'GYUR DE, ,BYUNG NAS KYANG NI 'GRO BAR 'GYUR, ,DE YIS MI BYED PA MED CING, ,BSAGS PA YANG NI YOD MA YIN, ,DE LA GZUNG BA NYID YOD MIN, ,DE NI THAMS CAD DU LUS MED, ,RGYU DANG RKYEN NI TSOGS PA LAS, ,SO SOR KUN NAS SLAR SKYE 'O, ,NOR BU BA LCI'I RKYEN DAG GIS, ,MI SKYE BA NI JI BZHIN DU, ,DE BZHIN KHO NAR DBANG GZUGS SOGS; ;GSUM LAS RNAM PAR SHES PA 'BYUNG, ,'DONG RGYAL DU NI SKYE MIN TE, ,SEMS NI TSOGS PA LAS BYUNG NGO, ,THAMS CAD DU NI SPANG DKA' BA, ,DE NYID YUL DU RIGS NAS NI, ,DAM PA'I CHOS LA BLO NGOS GZHAG ,'DOD PA RNAMS LA NAM YANG MIN, ,DE LTAR LHA GANG DAG LUS BSGOMS PAR GYUR PA DANG, YID BSGOMS PAR GYUR PA GNYIS KA LA'ANG NGES PAR 'BYUNG BA'I YID CAN RNAMS 'DUL BAR YANG DKA'O, ,DE 'DUL BA LA GUS PAS LHA NYID LAS 'CHI 'PHOS NAS KYANG SLAR YANG LHA GZHAN LAS CHES KHYAD DU 'PHAGS PA RNAMS KYI NANG DU SKYE'O, ,RGYAL POR YANG 'GYUR LA RGYAL PO'I BLON PO'AM, GANG YANG THAR PA'I CHA DANG MTHUN PA'I LAS BYED DO, ,
GANG YANG SEMS BRTZON PA NI, BYANG CHUB GSUM LAS GZHAN GANG RUNG ZHIG 'THOB PA DE'I YANG NA RGYAL PO 'KHOR LOS BSGYUR BAR YANG DANG YANG DU 'GYUR TE, DGE BA'I LAS BSAGS PA DE'I DGE BA'I LAS KYIS SO, ,GAL TE DE NYID KYIS YANG GANG DAG SER SNAR GYUR PA'I LAS BYAS PA NYE BAR MA BRTAGS PAR DANG, SEMS BSGRUBS PAR DKA' BAS DGE BA RJES SU MI SGRUB PAS DE SLAR YANG DMYAL BA YI DVAGS DUD 'GRO RNAMS SU SKYE'O, ,GZHAN YANG DGE SLONG DE SHIN TU NGO MTSAR BAR GYUR PA'I LAS RMAD DU KHYER BA'I RNAM PAR SMIN PA 'DI LA RJES SU DPYOD PAR BYED PA NA DES MTHONG BAR GYUR PA NI, GANG ZHIG RAB TU DANG BAR GYUR PAS BCOM LDAN 'DAS KYI SKU BRIS PA DANG, DANG PA DANG LDAN PAS RIG CING RAB TU DANG BA'I SEMS KYIS DAM PA'I CHOS KYI PO TI BRIS PAR GYUR PAS KYANG BYANG CHUB 'THOB PAR 'GYUR RO, ,RAB TU MA DAD PA'I SEMS KYIS KYANG MGRIN PA DANG, BRANG GI DBUS SU THAMS CAD BRIS PA DE MTHONG NAS DE DAD PA DANG LDAN PAR 'GYUR RO, ,DE YANG DPRAL BA'I YUL DU MTHONG NAS KYANG DAD PA DANG LDAN NO, ,RAB TU MA DAD PA'I SEMS KYIS SAM RGYAL PO'I ZHABS 'BRING BYED PA'I 'JIGS PAS DANG, DE LAS GZHAN GYIS KYANG BRTZON PA MED PAS DANG,
, ,YANG DE 'TSO BA'I DON DU YANG PO TI 'BRI BAR GYUR PA DANG, SKU GZUGS KYANG STE, MTHO RIS SU SKYES PA NA YANG DE'I LAS MNGON PAR BRIS PA MNGON PAR MTHONG NAS DAD PAR 'GYUR RO, ,SLAR YANG BAG MED PA MANG BAR 'GYUR ZHING DE'I DGE LEGS KYI SA BON DU GYUR PA'I LAS RNAMS ZAD PAR 'GYUR TE; BAG MED PA DANG BRAL BA'I SEMS DANG BRAL BAR GYUR PAS KYANG STE, DE LTAR NA, LAS KYIS BYAS PA RGYU MED PAR 'GYUR BA NI CUNG ZAD KYANG YOD PA MA YIN NO; ;DE NAS GZHAN YANG LHA DE GANG BAG MED PA LA MNGON PAR DGA' BA DANG, BAG MED PA LA SPYOD PAS KYANG DE RDZAS KYI YUL GYI RGYAGS PAS RTAG TU NGOMS PA MED DO; ;GZHAN YANG DE LA 'DOD PA DU MA 'PHEL BAS NI RIN PO CHE 'OD 'BYUNG GI RI LA DUS YUN RING POR 'DOD PA'I YON TAN LNGA LA SPYAD NAS LHAN CIG SPYOD PA'I 'KHOR DANG BCAS PA 'GYING BAR BYED PA DANG, YONGS SU SPYOD PAR GYUR PAS 'DOD PA'I YON TAN LNGA DANG LDAN PA'I GANG NA 'OD 'BYIN ZHES BYA BA'I RI GSUM PA YOD PA DER NYE BAR 'GRO STE, RAB TU RANGS PA MCHOG GI YID KYIS RNGA SKAD YAN LAG LNGA DANG BCAS PAS DE 'GYING BAR 'GYUR, YONGS SU SPYOD PAR 'GYUR RO, ,NYE
'KHOR NA MCHOG TU GYUR PA'I DPAL DANG YANG DAG PAR LDAN PAR LHA DE YANG DANG YANG DU RNAM PA DU MA'I BDE BA KUN TU RTOG PA DU MAS TSUL BZANG PO DANG, CHA BYAD BZANG PO MCHOG TU YID 'PHROG PA YUL MCHOG TU GYUR PA GZHAN RNAM PA DU MA RNAMS RI DE DAG LA NYE BAR LONGS SPYAD NAS CHU KLUNG GI NGOS DER NOR BU 'BAR BA NYID KYI RI CHEN PO GSUM PA NOR BU 'OD 'BYIN ZHES BYA BA'I LAM DU SONG STE, JI LTA JI LTAR LHA RNAMS DGA' BAR GYUR PA'I YUL RNAMS BSTEN PA DE LTA DE LTAR DGA' BA'I 'DOD CHAGS DANG LDAN PA'I SRED PA MNGON PAR 'PHEL BAR 'GYUR TE, BSAM PA RNAM PAR MA GROL BAS DE 'DOD CHAGS KYI MES SREG BZHIN PA NGOMS PA MED PA'I SGRA REG BYA RO GZUGS DRI'I YUL GYI CHU BOS MI NGOMS PAS NYA BZHIN DU NOR BU 'OD 'BYIN PA ZHES BYA BA DE'I RI GSUM PA YID 'PHROG PA DE LA'O, ,NOR BU 'OD 'BYIN PA'I RI DE'I NGOS GCIG NI AINDRA N'I LA'I RANG BZHIN NO, ,GZHAN NI PADMA DMAR PO'I RANG BZHIN NO, ,GZHAN NI MU S'A RA GAL BA'I RANG BZHIN NO, ,GZHAN NI PADMA DNGUL GYI RANG BZHIN NO, ,DE DAG MTHONG NAS KYANG LHA DE DAG RNAMS RAB KYI MCHOG TU RANGS PA'I YID KYIS RI RAB MCHOG DE LEGS PAR MTHONG NAS PHAN TSUN DU BRJOD PA, LHA RNAMS RI 'DI RNAM PA DU MAR MDZES PA LA JI LTA BA
, ,BZHIN DU LTOS DANG, 'DI NOR BU LAS BYAS PA DPAG TSAD STONG PHRAG BCU'I NYE 'KHOR KHYAB NAS SHIN TU GNAS SO, ,GANG GI 'OD KYI DKYIL NA LHA RNAMS NUB PAR NGES PAR KUN TU MTSON TE, SNGON PO DANG, SER PO DANG, DKAR PO 'OD 'DI'ANG NYE 'KHOR NA RNAM PA DU MAR KUN TU GSAL LO, ,DE DE LTAR BRJOD PAR GYUR NAS GANG NA SHING 'GYING BA YOD PA ZHES BYA BA'I RI DER NYE BAR 'GRO STE, RAB TU DGA' BA'I LHA DANG LHA MOS GANG BA RAB TU DGA' BA'I ROL MO'I YAB CHA DANG, GLU DANG, RAB TU DGA' BA DANG, 'GYING BA DANG BCAS PAS RNAM PA DU MA LA LTA BA LA CHED CHER BYED PA'I NYE 'KHOR RNGA SKAD YAN LAG LNGA PA SNYAN PAR GYUR PA 'DRA BA'I CHAGS PA DGA' BAR GYUR PAS LHA DE SHING 'GYING BA ZHES BYA BA'I NAGS DER LEGS PAR BYAS PA LA SPYOD PA RGYAN DANG CHA BYANG MCHOG DANG LDAN PA RNAMS NYE BAR LEGS PAR 'GRO BAR BYED DO, ,DE NAS LHA DE DAG DE LTAR SPYOD PAR GYUR PA RNAMS BAG MED PA LA SPYOD PA SRED PA'I DBANG DU SONG BA RNAMS SU SONG BA RNAMS DUS YUN RING POR 'DA'O, ,DE NAS LHA DES SHING 'GYING BA'I NAGS CHEN POR MTHONG BA NI, RIN PO CHE BDUN GYI RANG BZHIN GYI SHING DU DBUS NA CHU KLUNG GNYIS RGYUN MCHOG
GIS 'BAB PA'I MDOG DANG, RO DANG, REG BYA CAN JI LTAR 'DOD PAR RNAM PAR SMIN PAR 'GYUR BA'I 'O MAS YONGS SU GANG BA, MU MEN GYI RDO LA KUN TU BAG MED PAS RNAM PAR RGYU BA, SRED PA'I YUL RNAMS KYIS GANG BA, NGANG NGUR GYIS KUN TU GANG BA, SHIN TU MCHOG TU BSIL BA'I CHU KLUNG DAG GO ,DE LA CHU KLUNG GCIG NI, RNAM PA SNA TSOGS PA ZHES BYA BA'O, ,GZHAN NI, JI LTAR 'DOD PA'I CHU ZHES BYA'O, ,DE LA BTUNG BA LA SOGS PA RNAM PA SNA TSOGS PA'I CHU ZHES BYA BA'I DE RANG BZHIN NYID KYIS BKRA BA MCHOG TU GTZANG BA RAB TU 'BAB STE, CHU DANG BTUNG BA'ANG RUNG STE, SKYON DANG BRAL BA KHA DOG RNAM PA SNA TSOGS PA STE, RGYU 'DI DAG GIS NA RNAM PA SNA TSOGS PA'I CHU ZHES BYA BA'I CHU KLUNG GI MING DE 'THOB PA'O, ,GZHAN JI LTAR 'DOD PA'I CHU NI, RNAM PA DU MA'I 'DOD PA 'BYUNG NGO, ,LHA DE DAG RNAMS RNAM PA DE SRID NYID DU CHU DE LAS PHUN SUM TSOGS PAR 'GYUR TE, GAL TE 'DOD PAR GYUR TE, GAL TE 'DOD PAR GYUR NA JI LTAR RNAM PA STONG PHRAG GI CHU RLUNG RAB TU 'BAB PA DE RNAMS MCHOG TU DKAR BA'I MDOG MCHOG TU DRI ZHIM PAR DE DAG RAB TU 'BAB PA'O, ,GANG YANG JI LTAR 'DOD PAR JI LTA BU'I RTZI RNAMS 'BAB BO, ,DE DAG RNAMS NI, SNA TSOGS PA'I MDOG DANG, RO DANG, DRI DANG,
, ,REG BYA PHUN SUM TSOGS PA'I RTZI DAG RAB TU 'BAB BO, ,DE NAS 'DI LTAR 'GYUR TE, JI LTAR ME TOG KHRA BOR SNANG BA RAB TU 'BAB PA YIN LA DE DAG DANG, GZHAN YANG ME TOG RNAM PA SNA TSOGS PA'I MDOG DANG DRI RNAM PA SNA TSOGS PA DE DAG THAMS CAD RAB TU 'BAB BO, ,BUNG BA BRGYA STONG LEGS PAR 'DU BA GANG DAG GIS MING GZUNG BAR YANG SLA BA MA YIN NO, ,DE BZHIN DU CHU KLUNG GI CHU LAS GZHAN JI LTAR 'DOD PA RNAMS RAB TU 'BAB BO, ,LJON SHING 'GYING BA'I NAGS DE NA RNAM PA SNA TSOGS PA'I ME TOG NYE BAR 'PHEL BAS MCHOG TU DGA' BA'O, ,DE NAS LHA RNAMS CHU KLUNG DE DAG GI NANG NA RAB TU 'JUG PAR GYUR PAS 'GYING BAR BYED DE, SGRA DANG, REG BYA DANG, RO DANG, GZUGS DANG, DRI 'DOD PA RNAM PA SNA TSOGS DANG BCAS PA LA SPYOD DO, ,LEGS PAR BYAS PA'I LAS KYI MTHA' LA SPYAD PA RNAMS LEGS PAR BYAS PA'I LAS LA LONGS SPYOD DE, DE NAS DGA' BAR BYED PA'I RNAM PA DU MAR RTZI YANG 'THUNG NGO, ,RNA BA'I KHUNG BUR SIL SNYAN GYIS GTAD PA'I KUN DGA' BA RNAM PA DU MAS SNYING LEGS PAR GANG BA, MYA NGAN DANG, ZUG RNGU DANG, PHYIR RGOL BA'I 'JIGS PA DANG RTAG TU BRAL BA'I YUL RNAMS KYIS RTAG TU'ANG YUL GYIS NGOMS PA
PA MED PA'O, ,YUL RNAMS KYIS NGOMS PA MED PA NI, TSVA CHU TSAN MO BZHIN DU RNAM PA DU MA DANG, RNAM PAR RTOG PA DU MA DANG, RNAM PA SNA TSOGS PA'I MTHO RIS LA NYE BAR LONGS SPYOD DO, ,DE LTAR GYUR PA'I BDE BAS RNAM PAR RGYU BA'I LHA DE DAG RNAMS LA CHU KLUNG LA SPYOD PA'I BYAS TSIGS SU BCAD PA BRJOD PA, JI LTAR, JI LTAR 'DI NA CHU 'GRO BA; ;DE BZHIN BDE BA LUS LA SKYES, ,GSON PA THAMS CAD SKAD CIG KYANG, ,BYIS PA RNAMS KYIS MI RTOGS SO, ,RGA DANG NA DANG 'CHI BA DANG, ,RGUD PA'I LAS SU BGRANG PA RNAMS, ,'GYUR YIN LHA RNAMS DE DAG KUN, ,RTAG TU 'DOD PA'I RJES SPYOD RNAMS, ,GSON PA RTAG PA YOD MA YIN, ,KHAMS GSUM KUN KYANG BDE BA MIN, , RTAG TU 'DOD PA YIS MYOS PA'I, ,LOG PA'I DBANG GIS LHAS MI RTOGS, ,JI LTAR CHAR RGYUN NAM MKHA' LAS, ,THAMS CAD DU NI MYUR 'BAB PA, ,DE BZHIN BDE BA 'DI DAG KUN, ,CHAR GYI RGYUN NI JI BZHIN NO, ,RLUNG GIS RDUL RNAMS JI BZHIN DU, ,PHAN TSUN DU NI YONGS BSKYOD PA'I, ,'KHOR 'GYUR NAM MKHA' THAMS CAD DU, ,DE BZHIN 'DUS PA'I LUS 'DI YIN, ,LHA RDZAS BDE BA RTAG YOD MIN, ,MI BRTAN PA DANG RNAM PAR 'JIG ,SRID PA'I DUG GIS LEGS 'DRES PA, ,DUG DANG 'DRES PA'I ZAS BZHIN
, ,NO; ;DE BDE BA DANG RTAG PAR MDZES, ,GANG LA 'CHI BA MI DMIGS PA, ,SDUG PA DANG YANG RNAM MI 'BRAL, ,NAM YANG TSA DANG GRANG BA MIN; ;RTAG PAR GO 'PHANG DE MTHONG NAS, ,DE LA BRTEN ZHES MKHAS RNAMS BRJOD, ,GANG LA SKYE DANG 'CHI BA DANG, ,SDUG BSNGAL 'BYUNG BA MI DMIGS PA, ,GANG DE BUD MED G-YOS SDUG BSNGAL, ,DE DAG BDE ZHES RTOG PAR BYED, ,DE NI SA BON RGYUR MTHONG STE, ,GANG PHYIR DMYAL BA SKYED BYED PHYIR, ,SDUG BSNGAL SKYED BYED BDE BA GANG, ,JI LTAR DE NI BDE BAR 'DOD, ,DE NI YONGS SMIN DBANG GIS NA, ,SDUG BSNGAL CHES SDUG BSNGAL ZHES BYA, ,GANG LA SEMS CAN 'DI SKYE BA, ,LAS KYIS KUN NAS G-YOS PA YIN, ,CHAGS BYED LOG PA'I DBANG DE LA, ,LAS KYI DRA BAS RMONGS PA YIN, ,RAB TU ZHI BAR RJES RTOGS NI, ,RGYAB KYIS PHYOGS PAR LHAN CIG SPYOD, ,DGE DANG MI DGE'I LAS RNAMS NI, ,ME TOG DRI BZHIN RJES SU 'GRO, ,GANG LONGS SPYOD PA DE DE NI, ,BDE BA DE DAG DUS KYIS 'GAG ,NYIN DANG LHAN CIG SPYOD PA YI, ,'OD RNAMS NYIN MO'I MTHAR THUG GO ,DE LTAR CHU LA SPYOD PA'I BYA LEGS PAR BYAS PA'I LAS KYIS BSKUL NAS LHA DE DAG RNAMS LA SMRA BAR
BYED; THAMS CAD KYANG BAG MED PAS BAG MED PAR SPYOD PA LA'O, ,DE NAS LHA GANG BAG MED PAR GYUR PA DE DAG RNAMS KYIS CHU LA SPYOD PA DE DAG LAS TSIGS SU BCAD PA DE DAG THOS NAS KYANG BRJOD PA, JI LTAR BYA DE DAG GIS LEGS PAR DAG GIS GO BAR BYAS TE, JI LTA BA NYID DU DE DAG BDEN PAR 'BYUNG BAR 'GYUR NA, BDAG CAG RNAMS BAG MED PAS BAG MED PA LA SPYOD PAS NGES PAR RTOGS PA'ANG MA YIN NO, ,BDAG CAG LAS MCHOG MA YIN PA'I DUD 'GRO DE DAG RNAMS KYIS KYANG STE, BDAG CAG BAG MED PA BAG MED PAS NGES PAR RTOGS PA'ANG MA YIN NO, ,GANG NGES PA KHO NAR 'BYUNG BAR 'GYUR BA 'DOD PA THAMS CAD RNAM PAR 'JOMS PA'I SDUG BSNGAL CHEN PO DE BDAG CAG RNAMS KYIS BZLOG PA'I DON DU AE MA BRTZON PAR BYA NA, DUS SHIN TU RING POR DGE BAR GYUR PA'I BLO 'DI DAG GIS NGES PAR GNAS NAS 'DOD PA RNAMS RAB TU 'JOMS PA'I CHED DU RAB TU SGRUB BO, ,DE DUS SHIN TU RING BAR YANG BLO DE GCIG TU BYAS NAS MDZES PAR GCIG TU SPYOD PA 'DOD PA RNAMS KYI RO MYANG BA'I NYES DMIGS DANG, NGES PAR 'BYUNG BA BSAM NAS SLAR YANG SEMS 'GYUR LDOG CHE BAS RAB TU G-YO BA DANG, 'DOD PA LA'ANG DUS SHIN TU RING BAR GOMS PA'I PHYIR
, ,NA; DE NAS LHA DE DAG RNAMS SLAR NYID KYANG 'KHRID PAR 'GYUR TE, LHA DE DAG RNAMS YUL GYI RNAM PA DU MA DANG, RNAM PAR RTOG PA DU MA DANG; DU MAR BSKYAR NAS KYANG 'PHROG PAR BYED DO, ,DE NGES PAR 'PHROG PAS DE SLAR YANG RNAM PA DU MAR DGA' BAR BYED PA DANG, RTZE BA DANG, YONGS SU SPYOD PAR YANG BYED DE, RNAM PA SNA TSOGS PAR 'DOD PA PHUN SUM TSOGS PA LA BYA SNA TSOGS PA SGRA RNAM PAR SGROG PAS DGA' BA LA DANG, NAGS DANG, SKYED MOS TSAL DANG, MTSE'U DGA' BA LA DANG, RI'I RTZE MO RIN PO CHE BDUN GYI RANG BZHIN LA DANG, PADMA'I RDZING BU BRGYA STONG DANG LDAN PA LA BUNG BA STONG PHRAG BRGYA RNAM PAR SGROG PAS DGA' BA LA DANG, BYA RNAMS DANG, ZAS DANG, SKOM GYI KLUNG DANG, SHING STONG PHRAG BRGYA RNAM PAR BTAGS PA'I GEL PA'I DRA BAS KHYAB PA LA ME TOG PHUN SUM TSOGS PA LA'ANG 'KHRI SHING SPRAS PA'I KHANG BU'I 'KHRI SHING GI KHYIM NA 'OD ZER GYI PHRENG BA RANG GI 'OD DANG, GNOD PA MED PA DAG GIS RIMS NAD MED PA, MYA NGAN DANG RNAM PAR BRAL BA, RANG GIS BYAS PA'I YANG LAS DMAN PA DANG, BAR MA DANG, KHYAD PAR DU 'PHAGS PA RNAMS DANG YANG PHRAG DOG DANG, 'THAB RTZOD KYI SKYON
GYIS NAM YANG NYAMS DMA' BA NI, MA YIN GYI, GZHAN DU NA PHAN TSUN DU GNOD PA MED PA DANG, GNOD PA MED PAR BYAS NAS BDAG NYID RGYU'O, ,DE NAS DE DAG DE LTAR DGA' BA RNAM PA DU MAR DGA' BA LAS RNAM PA 'DI LTA BU'I BLOS ZHUGS PAR GYUR TE, JI LTAR BDAG CAG GIS THOS PA LHA 'DI DAG RNAMS THAMS CAD KYI YANG JI LTA BA BZHIN LHA'I MNGA' BDAG TU GYUR PA MU SU LUNDHA ZHES BYA BA RAB TU DGA' BAS GANG LEGS PAR GNAS PA 'PHEL BAR GYUR NA, MTHONG YANG BDAG CAG RNAMS DGA' BAR GYUR PAS 'THAB BRAL BA'I MNGA' BDAG DE'I SRID PAS LEGS PAR 'GRO BAR BYA NA, JI LTAR 'DI'I SGRA DPAG TSAD STONG PHRAG LNGAR LEGS PAR THOS PA YIN TE, SNYAN PA THOS PAR DGA' BA DANG RING BA NAS KYANG ZIN TE SGRA RNAMS RNA BA'I RJES SU MTHUN PA'I GLU DANG, BYA RNAMS KYI SGRAS KYANG LHA'I 'JIG RTEN 'DI THAMS CAD MA LUS PAR SGROG PAR BYED DO, ,DE DAG GIS RANG BZHIN GYI CAB HRAL CAN GYI BLO YON TAN THAMS CAD DANG LDAN PA DES 'PHROG PAR BYED DO, ,GLU'I SGRA DE DES NYE BAR THOS NAS SLAR YANG RNA BA SGRAS NGOMS PA MED PAS THAMS CAD DU DER 'GRO BA'I BLO SKYED DO, ,RKYEN JI LTA BAS BDAG CAG GANG NA YON TAN THAMS CAD PHUN SUM TSOGS PA NA LHA DE DAG RNAMS LHA'I MNGA' BDAG MU SU
, ,LUNDHA DANG LHAN CIG TU DGA' BAR BYED PAR 'GRO BAR BYA'O, ,LHA'I TSOGS DE DAG THAMS CAD MTHUN PAR LHAN CIG SPYOD PAS YONGS SU BSKOR NAS RNAM PA SNA TSOGS RGYAN DANG CHA BYAD CAN RNAM PA SNA TSOGS PA'I 'BAB CHU YON TAN THAMS CAD PHUN SUM TSOGS PA LA BTAGS PA'I GOS BGOS PA DE NI, RGYA CHE BA DAM PA LA SONG BA DANG, LEGS PAR LDAN PA'I LAG PA GLU LA RJES SU CHAGS PA'I YID CAN PHAN TSUN DU GNOD PA MED PAS 'DOD PA'I SNYING GIS KHA CIG NI; NAM MKHA' LA 'GRO'O, ,KHA CIG NI, PADMA'I BZHON PAS SO, ,KHA CIG NI, AUTPA LA'I BZHON PAS MCHOG TU DRI ZHIM PA BUNG BA KHA NAS SGRA 'BYIN PA'I AUTPA LA NYID LA MNGON PAR ZHON NAS SO, ,KHA CIG NI, KU MU DA'I 'DAB MA KU MU DA'I TSOGS DKAR PA ZLA BA'I DKYIL 'KHOR DKAR PO DANG 'DRA BA LA ZHON NAS 'GRO'O, , LHAN CIG SPYOD PAS YONGS SU BSKOR NAS GLUS RJES SU 'BREL PA'I SNYING GIS YUL LNGA LA NYE BAR LONGS SPYOD PAR GYUR PAS DE NYID LA SRED PA'I YID KYIS DE LA SEMS RJES SU SPYOD PA RNAM PAR RTOG PAS SPRUL PA'I RANG GI DGE BA'I BZHON PA MCHOG TU GSAL BAR GYUR PA RANG GI LAS KYIS SPRUL PA DMAN PA DANG, BAR MA DANG,
KHYAD PAR DU 'PHAGS PA RNAMS DMAN PA DANG, BAR MA'I GZUGS DMAN PA DANG, BAR MA DANG, KHYAD PAR DU 'PHAGS PA'I LONGS SPYOD PA DANG, DMAN PA DANG, BAR MA DANG, MCHOG GI BLO DMAN PA DANG, BAR MA DANG, MCHOG GI TSE THAMS CAD KYANG NAM MKHA'I DKYIL GANG BAR BYAS NAS GANG RTZED MO'I NAGS ZHES BYA BA 'DOD PA DU MA PHUN SUM TSOGS PA'I MU SU LUNDHA'I GNAS DER PHAN TSUN LHAN CIG TU NYE BAR 'GRO'O, ,DE DAG RNAMS DE LTAR RGYU BAS PHYIN PA NA DMAN PA MA YIN PA'I GNAS RTZED MO'I NAGS NA GZHAN NI, MA RNYED KYI, JI SRID DU NAM MKHA'I PHYOGS GCIG NI, MAR ME BZHIN DU MTHONG NGO, ,JI SRID DU PHYOGS GZHAN NA AINDRA N'I LA DANG MTSUNGS PA'I MDOG GO ,JI SRID DU PHYOGS GZHAN NA SNGON PO DANG, SER PO DANG, DKAR PO'I MDOG GO ,JI SRID DU PHYOGS GZHAN NA ME DANG MTSUNGS PA'I MDOG GO ,DE DAG GIS DE'I TSE NA RNAM PA DE LTA BUR NAM MKHA' LAS MNGON PAR MTHONG NAS MCHOG TU NGO MTSAR BA KUN TU SKYES TE, KYE LHA DANG, DE LTAR NGO MTSAR BAR GYUR PAR NAM MKHA' MTHONG STE; KHA DOG SNA TSOGS PA'I GOS RNAMS BKRAM PA'I KHA DOG DU MA DE DAG RNAMS NI, BDAG CAG RNAMS KYIS SNGAR MA MTHONG NA 'DI DAG CI YIN, DE DAG THAMS CAD PHAN
, ,TSUN DU DE SKAD SMRAS NAS NGO MTSAR BAS YID NGOMS PA MED PAR GNAS PA LAS, JI SRID DU DUS MI RING BA ZHIG NA THOS PA JI LTAR MCHOG TU SNYAN PAR GYUR PA'I GLU'I SGRA DU MA RNAM BAR SNYAN PA DE'ANG DES THOS NAS SLAR YANG NGO MTSAR BAR GYUR PA KUN TU SKYES PA'I YID KYIS SLAR NYID KYANG THAMS CAD NAM MKHA'I DKYIL BKANG NAS SA'I GZHI LA YANG DGA' BAR GYUR PA'I RGYAN DANG CHA BYAD CAN GYI LHAN CIG SPYOD PA DANG BCAS PA GNAS SO, ,LTA BAR 'DOD PA DE SU ZHIG 'ONG BAR 'GYUR, DES RING BA NAS MTHONG BA NI, TSOGS PA RGYU BA NA RGYU BA, RIN PO CHE SNA TSOGS PA'I RGYAN DANG, CHA BYAD DANG, RIN PO CHE RNAM PA SNA TSOGS PAS BRGYAN PA'I LUS CAN DE DAG GI DBUS NA LHA SHIN TU 'THAB BRAL BA RIN PO CHE BDUN GYI RANG BZHIN GYI STAN CHEN PO LA GNAS PA, RIN PO CHE BDUN GYI RANG BZHIN GYI PHUG GI NANG DU CHUD PHAR GNAS PA, SNGON PO CHEN PO'I RANG BZHIN GYIS RNA BA'I GDU BU ZHIG GO ,GZHAN NI, PADMA R'A GA'I RANG BZHIN GYI RIN PO CHE CHEN PO DANG YANG DAG BAR LDAN NO, ,RIN PO CHE'I RANG BZHIN 'OD MCHOG DANG LDAN PA RNAM PA DU MA'I BA DAN NGES PAR BCINGS PAS NYE 'KHOR 'OD DANG LDAN PAS DPAG TSAD BRGYA PHRAG BCUR
'OD KYIS 'BAR ZHING 'THUL BAR BYED PAS SKYE BO BZHIN DU NAM MKHA' 'OD KYIS BYED DE, SNA TSOGS PA'I GOS BZHIN DU NAM MKHA' LA 'BYUNG BAR BYED DO, ,DE'I 'OD 'DI DAG MNGON PAR MTHONG NAS RGYA CHEN PO'I KHOR YUG NA RGYU BA'I LHA DE RNAMS MCHOG TU NGO MTSAR NAS LHAG PAR GNAS PAR 'GYUR RO, ,DE NAS TSOGS PA RGYU BA NA RNAM PAR RGYU BA DE DAG RNAMS GSAL BAR DES MTHONG NAS LHA 'DI DAG RNAMS GANG NA MU SU LUNDHA'I RTZED MO'I NAGS GANG YOD PA DER NYE BAR LEGS PAR 'GRO STE, JI LTAR BDAG CAG RNAMS KYANG NYE BAR LEGS PAR 'GRO BAR BYA'O, ,ZHES BYA BA'I BLO LA LEGS PAR BZHAG NAS KHYAD PAR DU 'PHAGS PA'I LHA BDAG CAG THAMS CAD NYID KYANG JI LTA BA BZHIN DU MTHUN BAS DANG, PHAN TSUN LHAN CIG TU MDZES PA DANG LDAN PAS 'GRO BAR BYA ZHES DE DAG GIS DE LTAR BLO BYAS TE, JI SRID DU YANG TSOGS PA RGYU BA NA RNAM PAR RGYU BA'I LHA DE DAG RNAMS KYIS LHA RNAMS MNGON SUM DU MTHONG BAR GYUR NAS DE BZHIN DU DE DAG SU YIN ZHES SNGAR NGO MTSAR BA KUN TU SKYES PA'I YID DANG LDAN PAR GYUR PA DANG, DE NAS SEMS CAN LEGS PAR MTHONG NAS DE DAG KYANG 'DI LTAR SEMS PAR GYUR TE, RGYA CHEN PO'I KHOR YUG TU RGYU BA'I LHA 'DI DAG NYID NI, JI LTA BAR GANG NA 'THAB BRAL GYI MNGAL BDAG
, ,GI PHO BRANG DU NYE BAR LEGS PAR 'GRO BAR 'GYUR GYI, GANG CHUNG DU NA BDAG CAG KYANG DE DAG DANG LHAN CIG TU GANG NA RTZED MO'I GNAS DER NYE BAR 'GRO BAR BYA'O, ,THAMS CAD KYANG PHAN TSUN LHAN CIG TU DANG, PHAN TSUN DU GNOD PA MED PAS GTOD PA'I YID KYIS DE NAS SHIN TU 'THAB BRAL GYIS MGO BYAS PA'I TSOGS PA RGYU BA NA RGYU BA DE THAMS CAD DANG, YANGS PA ZLUM PA NA SPYOD PA'I RGYA CHEN PO 'KHOR YUG NA RGYU BA MA LUS PA DE DAG RNAMS KYIS DE KHYAB PAR BYAS NAS KYANG GNAS SO, ,BA DAN DANG, RGYAL MTSAN DANG, SHING RTA DANG, BYA'I TSOGS KYI RGYAB TU LEGS PAR ZHON NAS RNGA SKAD YAN LAG LNGA DANG LDAN PAS 'DOD PA'I YON TAN LNGA PHUN SUM TSOGS PA GANG GIS SKYED MOS TSAL GYI LTAD MO'I DBANG DU BYAS PA DE RTZED MO'I NAGS CHEN PO'I 'DOD PA DU MA PHUN SUM TSOGS PA DPE MED PA DER NYE BAR 'GRO'O, ,MCHOG TU NGO MTSAR BAS GDUNGS PA TSIM PA MED PA'I 'DOD PA'I YON TAN LAS MI NGOMS PA NGO MTSAR BAS TSIM PA, YON TAN DANG NYE BAR SPYOD PA THAMS CAD KYIS NGOMS PA MED PA, PHAN TSUN DU 'GRO BAR NGOMS PA MED PA TSE RNAMS DANG, DE DAG GIS DE LTAR 'DOD PA THAMS CAD KYIS NGOMS PA MED
PA'I YID DE DGE SLONG GIS LEGS PAR MTHONG NAS LAS KYI 'BRAS BU'I DE KHO NA DU MA STON PA'I DE LTAR TSIGS SU BCAD PA BRJOD PA, JI LTAR, JI LTAR CHAR NI 'BAB PA'I CHUS; ;MTSO NI 'PHEL BA DE BZHIN DU, ,DE BZHIN SHIN TU 'DOD PA'I CHAR, ,LHA RNAMS KYI NI MI 'PHEL LO, ,NYA 'BYUNG BA YI CHUS KYANG NI, ,SRED PA RTAG TU MTSUNGS PA MED,, DE BZHIN BDE BA 'PHEL BAS KYANG, ,LHA RNAMS NGOMS PAR 'GYUR MA YIN, ,JI LTAR NAM MKHA'I MTHA' MI DMIGS, ,GRANGS KYANG MA YIN PA DE LTAR, ,'DOD LDAN RNAMS KYI 'DOD MTHA' MED, ,GRANGS KYANG YOD PA MA YIN NO, ,RGYA MTSO RLABS KYI PHRENG BA CAN, ,CHU YIS NGOMS PAR 'GYUR MA YIN, ,SRED LDAN 'DOD PA RNAMS KYIS KYANG, ,TSIM PA NAM YANG YOD MA YIN, ,YUL MA THOB PAS LHA RNAMS NI, ,BYIS RNAMS SRID DANG BRAL MI 'GYUR, ,THOB PAS KYANG NI NGOMS PA MED, ,BDE LA SRED PA CHED CHER BYED, ,'CHI 'PHO'I SDUG BSNGAL MI BZAD PAR, ,GYUR PA DU MA DES THOB NAS, ,YUL GZHAN GYIS NI GDUNG BYED GANG, ,DE PHYIR 'DOD PA ZHI BA MIN; ;SKYES BU RNAM PAR 'JIG PHYIR TE, ,'DOD PA BLO GTAD 'JOMS BYED YIN, ,SDUG BSNGAL BYUNG NAS SPONG PAS KYANG, ,LHA DE RGUD PAR 'GYUR BA YIN, ,NGOMS PA
, ,MED LA BDE BA MED, ,YUL RNAMS KYIS KYANG RNAM MI NGOMS, ,GANG YANG NGOMS MED PHYIR MTHONG NAS, ,BLO LDAN GYIS NI DE YONGS SPONGS; ;GANG TSE ZHI BA'I GZHI LAS BDE, ,YUL NI BDE BA MIN PAR 'DOD, ,DE PHYIR ZHI BA RTAG TU STEN, ,YUL RNAMS LA NI CHAGS PA SPONGS, ,RTAG TU NYON MONGS SPANG BAR GYIS, ,BLA MED SHES PA RTAG TU STEN, ,MYA NGAN 'DA' BYED YE SHES YIN, ,NYON MONGS 'CHING BAR 'DIR BRJOD DO, ,GSOD DANG 'CHI DANG NAD LA SOGS,, YUL RNAMS LAS NI 'JIGS BA CHE, ,'KHOR BA NA YANG KUN NAS 'KHOR, ,YUL NYID LAS NI SKYE BA YIN, ,'DU DANG 'BRAL BA BRGYA PHRAG DANG, ,LAS DE STONG PHRAG DU MA NI, ,SKYE ZHING SKYE BA LEGS MTHONG BA, ,BDE 'GRO DE KHO NA MTHONG BAS, ,BDE BA DU MA LEGS THOB PA, ,'JIGS PA GANG 'BYUNG 'JIGS PA NI, ,DE KUN YUL NYID KHO NAS SKYED, ,SKYE BA SKYE BAR RAB TU SKYED, ,SDUG BSNGAL GANG NYID YUL YIN PA, ,RMONGS PA'I SEMS KYIS BZOD PAR BYED, ,RMONGS PA DE NYID SLAR STEN PA, ,LONG BA'I BLO YIS BYAS PA YIN, ,DGRA YI TSIG GIS DOGS PA LAS, ,MI YIS RTAG TU YONGS SPONG NGO, ,DGRAR GYUR BA YI YUL RNAMS KYANG, ,MI SPONG BA NA SU ZHIG YOD, ,BYIS PA
RNAMS NI RTAG PAR YANG, ,YUL GYIS NGES PAR SREG PA YIN, ,KUN NAS RMONGS PAS MI SPONG LA, ,RANG GI LAS KYIS RMONGS PA YIN, ,JI LTAR KHA CIG MES 'JIGS PA; ;ME NYID LA NI NYE BAR STEN, ,DE BZHIN YUL GYIS RMONGS PA YANG, ,YUL NYID LA NI STEN PAR BYED, ,YUL DUG LONGS SPYOD GANG TSE LA, ,BDAG NYID BDE BAR BYANG MA YIN, ,SRED PA STEN PA DE BZHIN BYIS, ,THAMS CAD DU NI YONGS SU RTOG ,SRED PAS NYEN PA TSVA YI CHU, ,JI BZHIN LDAG BYED NGOMS PA MED, ,YUL GYI LJONGS PA'I DE BZHIN MI, ,SRED PA NYID KYIS TSIM PA MED, ,NGOMS MED YUL LA LHA RNAMS NI, ,'DOD CHAGS KYIS GDUNGS BAG MED PA, ,LAS KYI RLUNG GIS BSKYOD NAS NI; ;THAMS CAD 'CHI BAR 'GRO BA YIN, ,DE LTAR DGE SLONG SKYE BA DU MAS SKYE BA'I LAS KYI SKYE BA GCIG NAS GCIG TU BRGYUD PA'I DE KHO NA SHES PAS LHA DE RNAMS LA RJES SU BRTZE'O, ,GZHAN YANG LTA BAR BYED PA DANG, ,LHA DE DAG PHAN TSUN KUN TU 'DRE BAR GYUR NA 'GRO BAR BYED DE, RAB TU DGA' BA'I YID KYIS GANG NA RTZED MO'I NAGS MU SU LUNDHA'I PHO BRANG DER RO, ,DE NAS DE DAG SHUGS KYIS 'GRO BA NA RGYAN DANG, CHA BYAD DU MA DANG, BDE BAS RGYU BA DU MA DANG, LAS KYIS SPRUL BA'I BDE BA LA GNAS PA DU
, ,MA DANG, SKYED MOS TSAL DANG, NAGS DANG, RDZING BU DU MA LEGS PAR RAB TU BSTEN PA BUD MED STONG PHRAG BRGYAS YONGS SU BSKOR BAR 'GRO'O, ,JI SRID DU LHA GZHAN RNAMS KYANG KHANG BU BRGYA STONG DU MNGON PAR ZHUGS NAS 'GRO STE, THAMS CAD NAM MKHA'I KHAMS LA 'OD KYIS RNAM PAR SNANG BAR GYUR PAS GLU DANG GAR GYIS RGYU BA RDA SKAD YAN LAG LNGA PA KUN TU SGROG PA LA RJES SU CHAGS PA'I YID PHRENG BA DANG, PHYE MA DANG, BYUG PA RNAMS 'PHYANG BA, CHUN PO'I PHRENG BA DANG COD PA NA DAG RNAM PAR 'PHYANG BA, ME TOG GI PHRENG BA GZHAN RNAMS 'PHYANG BA, PHYOGS GCIG NA BA DAN RLUNG GIS RNAM PAR BSKYOD PA, RNA GDUB KYIS MKHUR TSOS LA NGES PAR 'DRUD PA, RANG GI 'OD KYIS RNAM PAR SNANG BAR BYED PA'I 'OD DANG LDAN PA, SNAL MA'I CHUN PO GZHAN RNAM PAR 'PHYANG BA, RAB TU DGA' BA'I BU dI NA BCINGS PA'I PHRENG BA DANG, RLUNG GI SHUGS KYIS THAD KAR GYUR PA LA BRIS PA'I GZHON NU MA LANG TSO LA BAB PA RNAMS KYIS LAG PA DANG RKANG PA LA GTAD PA'I YID CAN RNAMS SO, ,LHA GZHAN NI, PI WANG GI SGRAS BSKYED PA'I KUN TU CHAGS PA DE LA SONG BA'I YID KYIS GANG NA RTZED MO'I NAGS YOD PA DER
DGA' BAS GNAS PAR BYA BA'I PHYIR NYE BAR LEGS PAR 'GRO BA'O, ,DE LTAR NA 'THAB BRAL GYI LHA'I 'JIG RTEN PA'I SA NA GNAS PA DE'I LHA'I 'JIG RTEN PA DE DAG RNAMS GANG NA 'THAB BRAL GYI BDAG PO MU SU LUNDHA'I PHO BRANG YOD PA DER NYE BAR LEGS PAR 'GRO'O, ,MDOR BSDU NA LAS JI LTA BA DANG 'DRA BA'I 'GYING BA GA GIS RGYU BA DANG, RGYAN NI; PHYOGS BCU THAMS CAD KHYAB PAR SGROG PA BZHIN DU GLU SNYEN PA'I SGRA CAN GYI BUD MED KYI TSOGS KYIS YONGS SU BSKOR BAS PHYOGS BCUR KHYAB PAR GYUR NAS THAG NYE BAR BSNYEN TE, LHA DE DANG BDAG NYE BA YIN NO SNYAM NAS GNAS SO, ,DE NAS LHA DE DAG RNAMS THAMS CAD KYIS KYANG 'THAB BRAL GYI MNGA' BDAG GI GNAS MA LUS PA LHAG PAR BKANG BAR 'GYUR TE, MU SU LUNDHA NI, JI LTAR LAS RNAMS KYIS BLA LHAG PA YIN LA DE BZHIN DU 'BRAS BUS KYANG STE, RGYU DANG 'BRAS BU DAG GI CI 'DRA BAR 'GYUR BA NI, SA BON DANG MYU GU DAG GI DPE 'DIS RJES SU RTOGS PA YIN NO, ,GNAS DER SONG BA DE DAG MA LUS PA RNAMS ZIL GYIS NON PAR 'GYUR TE, 'DOD PA THAMS CAD LHAG PA YIN PA'I PHYIR RO, ,DE LA DPE MED PA'I DGA' BA RNAMS YOD PA YIN LA PHYOGS TZAM ZHIG BRJOD PAR BYA STE, JI LTAR NYE 'KHOR DE SRID KYI
, ,NAM MKHA' LAS NAGS DE YONGS SU BSKOR NAS PHYI ROL GYI PHRENG BA SA'I YONGS SU 'KHOR BA NI, RIN PO CHE BDUN GYI RANG BZHIN GYI RIN PO CHE BRGYUS PA'I PHRENG BA BZUNG BAS MCHU LA 'PHYANG BA'O, ,DE'I YUL PHYOGS GZHAN NA DRIL BU G-YER KHA'I SGRA DE NI, RNAM PA 'DI LTA BU'I SGRA YIN TE, SGRA SNYAN PA GANG GIS GSO BAS LHA 'ONG BAR 'GYUR LA, DE MYUR BA NYID DU KUN TU RTOG PAS RNAM PAR SPYOD PA DANG BSKOR BAR BYED PA'ANG BYA'I KHAR BCUG NAS SO, , BYA RNAMS KYANG RIN PO CHE BDUN GYI RANG BZHIN GYIS RNAM PAR BKRA BA'I SGRO CAN NAGS DE'I NYE 'KHOR NA DE DAG RNAMS RNAM PA DU MAR G-YAS BSKOR BYED DE, DE LTAR NAGS CHEN PO'I DE'I PHYI ROL GYI PHRENG BA LA YONGS SU 'KHOR RO, ,DE DAG NA RMA BYA RNAMS KYANG KHA DOG DU MA RIN PO CHE BDUN GYI PHRENG BA MCHUN 'PHYANG BA RNAMS SO, ,GZHAN YANG NGO MTSAR BAR GYUR BA NI, THAMS CAD KYI PHYI ROL GYI RGYAB NA PADMA'I RDZING BU YOD DE, BYA RNAM PA SNA TSOGS PA SGRA SGROG PA, BUNG BA BRGYA STONG BRJOD PA DGA' BAR GYUR PA'I SGRA RAB TU DANG BA ZHES BYA BA'I CHU LA PEE d'URYA'I 'DAB MA DANG, GZHAN MTSO SKYES RNAMS NI, RIN PO CHE BDUN GYI RANG BZHIN GYI
'DAB MA'O, ,DE BZHIN DU MTSO SKYES GZHAN YANG MCHOG TU DRI ZHIM PA DANG LDAN PA GANG DAG GI DRI NI, DPAG TSAD LNGAR 'GRO'O, ,DE LTAR DE DAG GI PHYI ROL GYI RGYA BA RNAMS NA NI; SHIN TU PAR YANG RNAM PAR MDZES SHING GSAL LO, ,GZHAN YANG NGO MTSAR BAR GYUR PA CHEN PO GZHAN NA DE DAG RNAMS NYID KYI GTZUG LA YOD DE, ZE BA LA LEGS PAR GNAS NAS PADMA DANG, PADMA LA LHA RNAMS RTZE BAR BYED DO, ,LHA MO BRGYAS YONGS SU BSKOR NAS MCHOG TU SNYAN PA LEN PAR GYUR PAS LHA MO DANG LHAN CIG TU 'DOD PAS BYAS PA'I RNAM 'GYUR GCAM GSOG DANG YANG DAG PAR LDAN PAS GLING BU DANG, RDZA RNGA DANG, 'KHAR RNGA DANG, DUNG DANG, GLU KUN NAS LEN PAS LHAN CIG TU RTZE BA DANG, RANG LAS 'OD 'BYUNG BRGYAN DANG LDAN PA RNAMS YONGS SU SPYOD PAR YANG BYED DO, ,GZHAN YANG GTZUG DE DAG NYID KYI PHRENG BA RNAMS LA NGO MTSAR BA CHEN POR GYUR PA RANG GI LAS KYIS BYAS PAS SPRUL PAR GYUR PA RNAMS LA 'DI LTA STE, RE RES PHYI ROL GYI MGO BO LA DPAG BSAM GYI SHING LEGS PAR SKYES PAR GYUR PA, ME TOG DU MAS KUN TU GANG BA, MCHOG TU RNAM PAR BKRA BA, RIN PO CHE BDUN GYIS RNAM PAR BKRA BAR BYAS PA'I SGRO DANG YANG DAG PAR LDAN PA'O, ,
, ,LJON SHING DE LA'ANG LHA LEGS PAR GNAS NAS BDUD RTZI DAG 'THUNG ZHING GLU YANG LEN LA, GZHAN YANG LHA RDZAS KYI BDE BA RNAMS NYAMS SU MYONG NGO, ,GZHAN YANG DE'I MDONGS KYI PHRENG BA NYID LA NGO MTSAR BA 'DI LTA STE, RE RE'I PHYI ROL NA DBAG BSAM GYI SHING RNAM PAR BKRA BA DGA' BAR GYUR PA'I BDE BAR NYE BAR GNAS NAS LHA DGA' BAR BYED PA RNAMS DANG YANG DAG PAR LDAN NO, ,PHAN TSUN GNON PAS MNGA' BA MED PAR GLU LEN PA DANG LIM LOG BYED DO, , LHA RDZAS KYI BDE BA LA'ANG NYE BAR LONGS SPYOD PAR BYED DE, DANG PO NGO MTSAR BA CHEN PO DE DAG MTHONG NAS RGYAN DANG CHA BYAD MCHOG DANG LDAN PA'I LHA DE RNAMS DGA' BAR 'GYUR BAS KYANG GZHAN NGO MTSAR CHE BA RNAMS SU 'GRO'O, ,DE NAS PHRENG BA DE DAG RNAMS LA LHA RNAMS NGO MTSAR BA RNAM PA DU MA'I BLO SKYE BAR 'GYUR RO; ;GZHAN YANG NGO MTSAR BA GNYIS PA MTHONG BA NI, 'DI LTA STE, PADMA'I RDZING BU'I PHRENG BA ZHES BYA BA PADMA'I RDZING BU STONG PHRAG NYI SHU STE, 'DAM MED PA RNAMS GSER DANG, DNGUL GYI BYE MA RNAMS KYIS 'DAM DU BYAS PA DANG, YAN LAG BRGYAD DANG LDAN PA'I CHUS LEGS PAR GANG BA DANG, NGANG PA DANG,
KA RAndA PA DANG, NGANG NGUR RNAMS KYIS YONGS SU BSKOR BA, RGYAGS PA'I DANG BA DGE BA'I LAS KYIS YONGS SU BSKUL NAS TSIGS BCAD BRJOD PA, JI LTAR , SHIN TU YUN RING KUN DGA' YANG, ,LUS CAN RNAMS LA RTAG PA MED, ,MI RTAG PA YI BDE DE YANG, ,LHA RNAMS KYIS KYANG RTOGS PA MIN, ,BDE BA YIS NI LAM 'DI YANG, ,RNAM PAR 'JIG PAR 'GYUR BA YIN, ,'DOD PA YIS NI SEMS BSLUS PA, ,RNAM PAR 'JIG PA RTOGS MA YIN, ,SDUG BSNGAL GYIS 'DRES BDE RIG PA; ;RAB TU G-YOGS PAS MTHONG BA MIN, ,PADMA'I PHRENG BAS YONGS BKAB PA'I, ,DUG GIS GANG BZHIN 'DOD CHAGS YIN, ,'BRAS CAN DUG GIS LEGS BSRES PA, ,JI BZHIN DU NI 'CHI BA'I MTHA', ,DE BZHIN BDE BA 'DI DAG KUN, ,MTHAR NI DMYAL BAR 'GYUR BA YIN, ,RGYUS PA YIS NI KUN SBREL PHYUGS, , BA LTA BAR DGA' BA JI LTA BAR, ,DE BZHIN DGA' BA'I LUS 'DI YANG, ,PHYUGS YIN MCHOG TU MI BZAD PA, ,JI LTAR KIMPA KA YI BRO, ,DNGAR BA'I TSOGS CHEN BYUNG PA NI; ;PHYI NAS 'JIG PAR 'GYUR BA YIN, ,DE BZHIN MI RNAMS KYI YANG BDE, ,MAR ME'I RTZE MO JI LTA BAR, ,PHYI LE BA RMONGS PAS BRGYAL BAR 'GYUR, ,'TSED PA
, ,DANG NI SREG PAR BYED, ,DE BZHIN BDE BA 'DI BRJOD DO, ,PHYIS RNAMS MI SHES PAS JI LTAR, ,DGA' BA DOGS MED BDE 'DOD PA, ,SHI NAS 'BAR RNAMS DE BZHIN DU, ,BDE BA DE RNAMS 'BYUNG BAR 'GYUR, ,RI DVAGS SRED LA JI LTAR NI, ,SRED GDUNGS RI DVAGS NYER RGYUG PA, ,SRED PA RNAM PAR CHOM MIN TE; ;DE BZHIN 'DI YIS BDE 'DI BRJOD, ,SRED PAS KYANG NI NGOMS PA MIN, ,NGOMS PA 'BYUNG BAR 'GYUR BA'ANG MED, ,YUL GYI LHA RNAMS THAMS CAD KYANG, ,DE'I PHYIR 'DOD PA ZHI NYID MIN, ,BDE BA YI YANG RTZA BA'I MCHOG ,ZHI BA GCIG PUR RAB TU GRAGS, ,GANG GI SNYING LA DE MED PA, ,DE NI SDUG BSNGAL CAN RAB GRAGS, ,GCIG TU BDE BA TSANGS PA'I MCHOG ,GCIG TU BZOD PA ZHI BA'I MCHOG ,RIG PA GCIG NI PHA ROL 'GRO, ,BYAMS PA GCIG PU LAS BDE 'BAB; ;'TSE BA MED PA RTAG TU BZANG, ,LTA BA DAM PA MCHOG TU DGE ,SEMS DRANG BA NI RGYUN DU MDZES, ,SDIG RNAMS RTAG TU SPONG BA YANG, ,RGAN PO STEN DANG MANG BLO MTHUN, ,RTAG TU CHOS LA GUS PA DANG, ,SLOB DPON GUS NYAN BDE RNAMS DANG, ,LAS LA'ANG DAD PAR LDAN PA'O, ,RTAG TU DKON MCHOG GSUM MCHOD
DANG, ,GANG PHYIR DGE BA'I BLO DRI MED, ,MA DANG PHA DAG MCHOD PA YANG, ,MYANG 'DAS GRONG KHYER 'GRO BA PO, ,CHOS RNAMS THAMS CAD MA LUS PA, ,RAB TU 'BYUNG BA YIN PAR BRJOD, ,BDE BA KUN GYI MCHOG BYED PA'I, ,TSANGS PAR SPYOD PA SPYOD PA'I MCHOG ,SBYIN PA RNAMS KYI SBYIN PA'I MCHOG ,CHOS KYI SBYIN PA RAB TU BRJOD, ,BRTZON RNAMS LAS KYANG BSAM GTAN RGYUN, ,GANG GIS MYA NGAN 'DAS 'GRO BA'I, ,SBYIN DANG TSUL KHRIMS DKA' THUB SHES, ,SHES RAB NYID NI MCHOG TU BRJOD, ,THAR PA YANG NI YE SHES LAS, ,SHES DANG TSUL KHRIMS LAS BDE 'BYUNG, ,MIG RNAMS KYIS KYANG YONGS MTHONG BA, ,SHIN TU DRI MED YE SHES MIG ,LAM RNAMS LAS KYANG YAN BRGYAD LAM, ,SHIS PAR DE BZHIN GSHEGS PAS GSUNGS, ,BZHI PO YANG NI BDEN RNAMS KYI, ,MCHOG TU LEGS PAR GSUNGS PA YIN, ,STOBS RNAMS KYI YANG LEGS MTHONG BA, ,SHES RAB STOBS NI MCHOG YIN NO, ,STENG 'OG BAR GYI 'JIG RTEN 'DIR, ,DU MA YI NI LAS RNAMS KYI, ,CHOS RNAMS DE NYID GZIGS PA PO, , MCHOG GYUR DE BZHIN GSHEGS PA BRJOD, ,TSOGS RNAMS LAS KYANG 'PHAGS PA YI, ,DGE 'DUN MCHOG DANG ZHI BAR BRJOD, ,ZHING RNAMS KYI YANG RNAM GSUM SKYON, ,
, ,YON TAN SDUG BSNGAL 'JIGS PA DE, ,PHA MA LEGS PAR MCHOD PA DANG, ,MKHAN PO YANG NI RTAG PAR TE, ,DE NI MIG BTZUM GYUR PA NA; ;CHOS KYI SPYOD YUL DE DBANG GIS, ,THUB PA DE NYID GZIGS RNAMS KYIS, ,MCHOG TU DE DAG RTAG TU GZIGS, ,BDE BA'I YUL NI DE DAG RNAMS, ,YUL NI BDE BA MIN PAR DRAN, ,GANG ZHIG DE RNAMS BYED PA NI, ,DRI MED CHOS KYI LAM MTHONG YIN, ,DE SPONG BDE BA RTAG TU MTHONG, ,SA RNAMS KUN NI BDE BA MIN, ,DE LTAR DE DGE BA'I LAS KYI CHOS DON DU GNYER BAR DGE BAS NYE BAR 'TSO BA DER SKYES PA NA SNGON GYI DGE BA'I LAS KYI SKYE BA GZHAN RJES SU DRAN PAR GYUR PAS TSIGS SU BCAD PA BRJOD DO, ,DE LTA BAS NA, RAB TU DANG BAS DAM PA'I CHOS MA YENGS PAR BKLAG PAR BYA'O, ,GANG GI RGYUS DUD 'GRO'I SKYE GNAS SU SKYES PA RNAMS KYANG DAM PA'I CHOS BKLAGS PA'I 'BRAS BU MED PAR MI 'GYUR BA'I PHYIR RO, ,SLAR YANG LHA THAMS CAD NYID GANG NA 'THAB BRAL GYI PADMA'I RDZING BU DER 'GRO'O, ,PADMA'I RDZING BU BRGYA STONG PHRAG NYI SHU PA DGA' BA'I SGO NAS DE BRTZON PA DANG LDAN PAR GYUR NAS RGYU BA RGYAN DANG CHA BYAD CAN THAMS CAD SO SOR GZUGS DANG CHA BYAD 'DZIN PA'I LHA'I
BU MOS YONGS SU BSKOR BA MTHONG STE, LHA'I TSOGS PADMA'I RDZING BU'I DBUS SU SONG NAS RGYAN DANG CHA BYAD MCHOG DANG LDAN PA KHRI PHRAG BRGYA DANG, BYE BA PHRAG DU MA NYID DANG YANG DGA' BAR BYED DO, ,YONGS SU RGYU BAR YANG BYED DE, RNGA SKAD YAN LAG LNGA DANG LDAN PAS YUL LNGA LA LHA'I BU MO'I TSOGS DANG LHAN CIG TU KHA CIG NI , PADMA'I GSEB TU 'GRO'O, ,KHA CIG NI, DRIL BU G-YER KHA DKROL BA LA ZAD DO, ,KHA CIG NI, 'DAB MA LA ZHON NO, ,KHA CIG NI, SNYING PO LA RNAM PAR GNAS NAS JI LTAR 'DOD PAS SHIN TU PHRA BA DANG, RGYA CHE BA'I LUS KYIS MIG BTZUM NAS PHYE BA'I BAR LA 'GRO BA MA PHYOGS PAS DPAG TSAD STONG PHRAG BRGYAR PHYIN NAS SLAR YANG PHYIR 'ONG NGO, ,MTHONG BA 'JUG PA BZHIN DU DE DAG KUN NAS GNOD PA MED PAR 'GYUR TE, JI LTAR SOR MO GCIG GI RTZE MO LA LA MIG BRGYA'I LTA BA 'JUG PA NA YANG MTHONG PA RNAMS DOG PA YANG MA YIN PA DE BZHIN DU LHA RNAMS BRGYA STONG YANG PADMA'I SNYING PO GCIG LA SO SOR NGES PAR GNAS SO, ,'ON KYANG DOG PA'ANG MA YIN NO, ,LHA DE DAG RNAMS KYI LEGS PAR BYAS PA'I LAS KYIS SHIN TU PHRA BA'I DNGOS PO DANG, DU MA'I DNGOS PO'I DNGOS PO MANG PO'I LAS BYAS PA DANG, YANG BAR 'GYUR BA DANG, PHRA
, ,BAR GYUR PA STE, GNOD PA YANG MA YIN NO, ,DE BZHIN DU LHA RNAMS KYANG GNOD PA MA YIN PA NI, LEGS PAR BYAS PA'I LAS KYIS STE; LHA DE DAG RNAMS RANG NYID KYI LAS KYIS DE LTA BU'I GZI BRJID DANG LDAN PA'I PADMA'I RDZING BU DER RTZED MO LA CHED CHER BYED CING LHA RNAMS JI LTAR 'DOD PA BZHIN DU DGA' BAR 'GYUR BA RO MCHOG DANG LDAN PA'I RTZI RNAMS KYANG 'THUNG BAR BYED CING 'GYING BAR YANG SHIN TU MANG BA'I TSOGS KYIS DANG, STONG PHRAG RNAMS KYIS KYANG BYED DO, ,DE NAS DE'I TSE LHA SA GZHAN DAG NA GNAS PA'I LHA DE DAG RNAMS RTZE BA LA CHED CHER MI BYED PAR SA GZHAN NA GNAS PA'I LHA DE DAG RNAMS KYANG PHAN TSUN LHAN CIG GROGS SU GYUR PAS DANG, GANG KHA NA MA THO BA MED PA'I GZUGS RANG NYID KYI 'OD NYI MA BRGYA STONG GI 'OD PAS CHES LHAG PA'I LUS 'DOD PAS RGYAGS PA'I RANG BZHIN GYI YUL GYI BDE BAS SNYING DGA' BAR BYED PA DANG, RTZI'ANG 'THUNG BAR BYED LA DUS SHIN TU RING BAS DE LA GNAS NAS SLAR YANG MU SU LUNDHA BLTA 'DOD PAS 'JUG PAR BYED DO, ,NAGS DE NA GZUGS DU MA DGA' BAR GYUR PA JI LTAR 'DOD PAS SPRUL PA DANG, JI LTAR RANG NYID 'DOD PAR GYUR PA
'THAB BRAL GYI MNGA' BDAG MU SU LUNDHA'I NAGS DE LTAR MTHONG STE, GZUGS DU MA PHAN TSUN DU DGA' BA RNAMS NI, 'THAB BRAL GYI BDAG PO DE'I MDZES PA SNGA NA MED PA YIN NO; ;DE NAS LHA DE SNGA NA MED PA'I GZUGS MTHONG BA BZHIN DU NAGS DE LTA ZHING 'JUG PAR YANG BYED DE, LHA DE DAG DGA' BAR 'GYUR BA'I RGYAN DANG CHA BYAD DGA' BAR GYUR PA, STENG DU SKYES PA'I LHA RDZAS KYI TZANDAN GYIS NYE BAR BYUGS PA'I LUS CAN RNAMS DE BZHIN DU GOS MCHOG BGOS PA MTHO RIS DANG RJES SU MTHUN PA'I RGYAN DANG CHA BYAD CAN GYIS RNAM PAR BKRA BA'I NAGS DE'ANG DES YANG DAG PAR MNGON PAR MTHONG NAS DE NGO MTSAR BA KUN TU SKYE'O, ,LAS RNAM PA SNA TSOGS PA'ANG RJES SU MTHONG BAR 'GYUR LA RNAM PA SNA TSOGS PA MTHONG NAS KYANG SNGA NA MED PAR DGA' BA'I YANG NAGS RNAMS DAL BUS NYE 'KHOR BLTAS NAS PHYI NAS DGA' BAR BYED PA DANG, RNAM PAR LTA BAR BYED PA DANG, PHAN TSUN DU BRGYAN PAR GYUR PA DANG, PHAN TSUN DU PADMA'I RDZING BU DER 'JUG PAR YANG BYED DE, SHIN TU 'DAS PAR ZHUGS NAS MANG DU LTA'O, ,NE TZO'ANG TSANG GI SGO NAS MNYAM PAR RNAM PA SNA TSOGS PA'I RIN PO CHE'I PHRENG BA LA SOGS PA 'DZIN PAR GYUR PAS NYE 'KHOR NA PHAN TSUN DU SHIN TU CHAGS
, ,PAR GYUR PAS MCHU LA MU TIG GI PHRENG BA RNAMS RGYAGS PAS G-YAS PHYOGS NAS BSKOR BAR BYED DO, ,NAGS DE DAG NA TSIGS SU BCAD PA'ANG BRJOD PA, JI LTAR, RANG GI LAS KYIS BSKUL BA YIS, ,'KHOR LO 'DI DAG THAMS CAD 'KHOR, ,'DI NI RGA SHI 'PHYANG MO YANG, ,SKYO BAR 'GYUR BA MA YIN NO, ,'GRO BA DANG NI 'GRO GZHAN 'GRO, ,LHA DANG LHA MIN DE BZHIN MI, ,RANG SEMS YONGS SU ZLOG PA YI, ,DE NYID MKHYEN PA LTOS PA MED, ,DE BZHIN 'KHOR LO 'KHOR BA MIN, ,GANG 'DI KUN TU 'KHOR BYED NI, ,LAS KYI LAG PAS YONGS BSKUL BA, ,SEMS CAN 'KHOR LO MYUR BA'ANG YIN, ,'BYUNG GNAS BCU GNYIS YAN LAG LDAN, ,RMONGS PA DANG YANG KUN NAS LDAN, ,RTEN 'BREL 'KHOR LO 'KHOR BA YANG, ,'JIG RTEN GYIS NI RTOGS PA MIN, ,DE LTAR NE TZO'I KHA NAS NGES PAR 'BYUNG BA'I TSIGS SU BCAD PA BRJOD PA LHA DE DAG RNAMS KYIS THOS NAS SHIN TU MNYAM PAR BZHAG PAS RANG GI LAS BDAG GIR BYA BA LA RAB TU RTOG PAR BYED PA DANG, GUS PA MANG BAR YANG 'GYUR RO, ,JI LTAR NE TZO'I MCHOG DE NI, LAS BDAG GIR BYA BA GANG YIN PA LA DPYOD PAR BYED PA LA, AE MA BDAG
CAG RNAMS SRED PA DANG LHAN CIG TU DGA' BAR BYED PA BDAG BDE BA DANG LDAN PAR YANG GYUR NAS YONGS SU SPYOD PAR YANG BDAG CAG RNAMS BYED PA, SLAR YANG MU SU LUNDHA BLTA BAR 'DOD PAS GANG NA DE'I 'GYING BA'I NAGS YOD PA DER NYE BAR LEGS PAR 'GRO'O, ,DE DAG RNAMS NAGS DE'I NANG DU LEGS PAR SONG NAS MTHONG BA NI, MAND'A RA BA'I NAGS STONG PHRAG BRGYA KHA DOG DANG ME TOG GIS RGYAS PAR GYUR PA, RNAM PA SNA TSOGS PA'I BYA'I TSOGS KYIS LEGS PAR GANG BA, NYI MA STONG DANG 'DRA BAR LHAM ME BAR 'OD 'BAR BAS SREG PA'I SKYON DANG RNAM PAR BRAL BA, ,SNANG BA 'BA' ZHIG BYED PA, SHING DE MTHONG NAS RAB TU DGA' BA'ANG SKYED PAR BYED DO, ,RTAG TU RNAM PAR DBEN PA'I SGRA SNYAN PA RNAMS KYIS RNA BAR RAB TU DGA' BA SKYED PAR BYED DO, ,SNA'ANG RAB TU DGA' BA RNAMS SKYED PAR BYED DO, ,DBANG PO LNGA GA'ANG ME TOG SHIN TU DRI ZHIM POS TE; LCE RAB TU DGA' BA'ANG SKYED PAR BYED PA NI, LHA RDZAS KYI 'BRAS BU'I RO RAB TU DGA' BA RNAMS KYIS SO, ,LUS KYANG RAB TU DGA' BA SKYED PAR BYED DE, MA BTAGS PA'I GOS [?] MCHOG 'BYUNG BA RNAMS KYIS SO, ,YID KYANG RAB KYI MCHOG TU DGA' BA SKYED PAR BYED DE, DBANG PO LNGA MCHOG TU TSIM PAR GYUR PA'I PHYIR RO, ,DE DANG RAB TU 'BREL BAS
, ,KYANG YID CHOS RNAMS RAB TU DPYOD PAR BYED DO, ,DES RNAM PAR SHES PA NYAMS SU MYONG BA'I DON DU BYAS PAS DE DAG RNAMS KYIS MAND'A RA PA DE DAG KYANG MTHONG NGO, ,MAND'A RA BA ZHES BYA BA'I LJON SHING YOD PA LA SHIN TU RAB TU DGA' BAR GYUR PA'I LHA DANG LHA MO'I TSOGS KYIS KUN NAS GANG BA, SNGA NA 'THOD PA'I RGYAN DANG CHA BYAD CAN DU GYUR PAS GZHAL DU MED PA'I 'GYING BAG RNAMS DANG NYE BAR SPYOD PA DANG LDAN PA DANG, DE LTAR SA DE NA SPYOD PA'I LHA THAMS CAD MTHONG BAR 'GYUR RO, ,DE NAS DPE MED PA BRGYA STONG PHRAG BYE BA DU MA'I YON TAN GYIS YONGS SU GANG BA, NAGS DE'I NYE 'KHOR RNAMS BEEd'URYAS KHYAB PA NA LHA GANG DAG GIS 'THAB BRAL GYI MNGA' BDAG MU SU LUNDHA'I RJES SU MI 'BRANG BA'I LHA DE NI, YOD PA MA YIN TE, RANG GI NGOS CHAGS PA DANG, RJES SU YANG CHAGS SHING MCHOG TU CHOS BYED DU'ANG RIG PA'I PHYIR RO, ,DE NAS LHA DE DAG RTAG TU YANG JI LTAR BSHAD PA'I BZHON PA RNAMS KYIS DANG, DE'I TSIG BLA DVAGS KYI 'BAB CHU DANG, CHU KLUNG DANG , RDZING BU DANG, PADMA'I NAGS DANG, SHING PHUN SUM TSOGS PAS SA'I CHA NYE BAR MDZES PA MNAN NA NEM LA BTEG NA 'PHAR BA GSER GYI GOS DANG 'DRA BA'I SA GZHI RNAM PAR
BKRA BA MTHONG BAR GYUR PA NA RNAM PA SNA TSOGS PA'I 'DOD PA'I LONGS SPYOD RNAMS KYIS SO, ,GZHAN YANG RTZE GCIG TU LTA BA LA CHED CHER BYED PAR GYUR PA'I YID CAN RNAMS THAMS CAD KYANG RJES SU SPYOD PA RNAMS DANG BCAS NAS GANG NA 'THAB BRAL GYI MNGA' BDAG YOD PA DER NYE BAR 'GRO'O, ,PHYIN NAS YANG SA DE DAG LAS SHIN TU 'DAS NAS 'JUG PAR BYED DE, LHA DE DAG RNAMS JI SKAD DU BSHAD PA'I BZHON PA DE DAG RNAMS KYIS SNGAR BZHIN NYID DU LHA DE DAG RNAMS 'JUG GO ,SA GZHAN SNGA MA BAS CHES LHAG PAR DGA' BAR GYUR PA'I SA DE DAG RNAMS KYANG LNGA BRGYA YOD DE, RTZED MO'I RI'I BEE d'URYA'I RANG BZHIN CAN RNAMS LA PADMA R'A GA'I RANG BZHIN GYI LJON SHING LA GSER BTZO MA'I RANG BZHIN 'DAB MA RNAMS DANG, DNGUL GYI RANG BZHIN RNAMS KYIS KYANG BRGYAN PA'O, ,GZHAN DAG RNAMS KYANG GSER BTZO MA'I LJON SHING NGO, ,GZHAN DAG RNAMS KYANG BYU RU'I YIN TE, BYA RNAMS KYIS YONGS SU BSKOR BA'O, ,YANG MDZES PA GZHAN RNAMS LA RIN PO CHE'I KHAMS DU MA RNAM PAR 'DRES PAS BRGYAN DU BYAS PA LA RNAMS SNA TSOGS PA'I RI DVAGS DANG BYA RNAMS KYIS NYE BAR MDZES PAR GYUR PA RNAMS RNAM PA SNA TSOGS PA'I 'BAB CHU DANG, RDZING BU DANG, CHU KLUNG DANG, TSANG TSING GIS NYE BAR MDZES
, ,PA RNAMS 'KHRI SHING GI RTZA MO'ANG 'KHRI SHING RNAM PAR 'PHYANG BA NYE BAR MDZES PA'I 'KHRI SHING GI KHANG PA RNAMS DANG, GSER GYI MDOG CAN GYI 'BRAS BU RNAMS DANG, GSER GYI 'KHRI SHING RNAM PAR 'PHYANG BA RNAMS DANG, GZHAN YANG BEE d'URYA'I DANG 'DRA BA'I KHA DOG GI 'BRAS BU RNAMS DANG, GSER GYI 'DAB MAS NYE BAR MDZES PA'I 'BRAS BU RNAMS LA BUNG BA BRGYA STONG SGRA' DON PA RNAMS KYIS RNA BA LA GTOD PA RNAM PA SNA TSOGS PA'I RO DANG, DRI DANG, REG BYAS KUN TU GANG BA DANG, BZA' BA DANG, BTUNG BA'I CHU KLUNG RAB TU PHAL RNAMS DANG, RIN PO CHE BDUN GYI RANG BZHIN GYI BYA'I TSOGS KYIS NYE BAR MDZES PA RNAMS DANG, MCHOG TU REG NA BDE BA'I SA'I CHA RNAMS SO, ,GZHAN YANG LHA RNAMS KYIS RTZED MO'I RI DE NYID KYIS MDZES PA RNAMS MTHONG BA NI, RI NGOS DANG, TSANG TSING DANG, RTZE MO RNAMS DANG, PHUG GI SGO DANG, 'KHRI SHING GI KHANG PA DANG, PADMA'I RDZING BU DANG, THAMS CAD LA'ANG RAB TU DGA' BA'I LHA DANG LHA MO'I TSOGS KYIS LEGS PAR GANG BA, LHA DE DAG RNAMS LAS KHA CIG NI, LHAN CIG SPYOD PAS YONGS SU BSKOR NAS GAR BYED CING ROL CHA DANG BCAS PAS GLU LEN PAR
'GYUR RO, ,KHA CIG NI, PADMA'I NAGS SU ZHUGS NAS CHU'I RTZED MO LHAN CIG SPYOD PA DANG LHAN CIG TU RTZE'O, ,KHA CIG NI, RANG GI YID MCHOG TU DGA' BAS BTUNG BA RNAMS 'THUNG NGO, ,KHA CIG NI, RI'I NGOS GZHAN LA ME TOG RNAMS SPUNG BAR BYED DO, ,KHA CIG NI, PADMA'I PHRENG BA MCHOG GIS DE LA CHED DU BYED PAS 'PHYANG BA NI, COD PAN GYI PHRENG BA RNAMS 'PHYANG BAR BYED DE, LHAN CIG SPYOD PAS YONGS SU BSKOR NAS MCHOG GI RGYAN DANG, CHA BYAD CAN RNAMS RANG NYID KYI 'OD KYIS RJES SU BYUGS PA'I LUS CAN NO, ,KHA CIG NI, NAM MKHA' LA LHAN CIG SPYOD PAS YONGS SU BSKOR NAS SO, ,LHA GZHAN DAG RNAMS NI, GLING BU DANG, 'KHAR RNGA DANG, RNAM PA SNA TSOGS PA'I ROL CHA LAG NA THOGS PAS GLU LEN PAR BYED PAS KYANG RI NGOS DANG, TSANG TSING DU GNAS SO, ,BRGYA PHRAG DU MA DANG YANG NI, STONG PHRAG DU MA YANG LHA DE DAG RNAMS DE LTAR 'OD SNA TSOGS KYIS LUS BRGYAN CING SNGON PO DANG, SER PO DANG, DMAR PO DANG, 'DREN MA'I 'OD LUS LAS 'BYUNG BA RNAMS YIN TE, DE LTAR CUNG ZAD TZAM ZHIG DPER BYAS PAR ZAD KYI, CHUNG BA RNAMS NI, DPER NA, NYI MA LAS 'OD KHA DOG DU MA 'BYUNG BA'O, ,DE NAS LHA DE DAG RNAMS KYIS RTZED MO'I RI DE
, ,RNAMS MNGON PAR MTHONG STE, BRGYA STONG PHRAG DU MAS MDZES PAR GYUR PAS CHES LHAG PAR NYE BAR MDZES PA RNAM PAR BKRA BA'I LEGS PAR BYAS PA'I LAS KYIS SPRUL PA RNAM PA DU MA MTHONG NAS MCHOG TU DGA' BA SKYES SO, ,DE DAG RNAMS KYIS PHYIR ZHING RTZE MO'I RI RNAMS KYIS MNGON PAR MTHONG NAS LHA RNAMS KYI MNGA' BA DAG BLTA BAR 'DOD PAS SLAR YANG NANG GZHAN DU SONG ZHING ZHUGS NAS DE DAG RNAMS KYIS NYE 'KHOR NA KHANG BZANG GI PHRENG BA ZHES BYA BA'I SA GZHAN NA 'THAB BRAL GYI BDAG PO DE MTHONG NAS LHA DE DAG RNAMS 'JUG PAR BYED DE, RGYAN DANG CHA BYAD MCHOG DANG LDAN PAS SHIN TU 'THAB BRAL GYIS MGO BYAS PA TSOGS PA RGYU BA NA GNAS PA RNAMS DANG, RGYA CHEN PO'I KHOR YUG NA RGYU BA RNAMS DANG, GANG YANG SA DE NA GNAS PA RNAMS KYIS KYANG KHANG BZANG GI KHOR YUG RNAMS KUN NAS LEGS PAR GANG BA CHA SHAS RNAMS PAR BKRA BAR GYUR PA NI, MU SU LUNDHA'I LEGS PAR BYAS PA'I LAS RNAMS DU MAR BYAS SHING BSAGS LA SO SOR MYONG BAR 'GYUR BA'I RNAM PA DU MA RNAMS YIN LA, KHANG BZANG DE DAG RNAMS KYANG STONG PHRAG BCUR RNAM PA DU MAR KHA DOG DU MA SNA TSOGS PAR
BKRA BA; GSER 'BAR BA RNAMS KYIS DE DAG RNAM PA SNA TSOGS PAR LEGS PAR BRGYAN PAR GYUR PA DE RNAMS KYI DGA' BAR GYUR PA 'DI DAG RNAMS KYANG 'DI LTA STE, RTZIG PA GANG YIN PA RNAMS NI, GSER GYI RANG BZHIN NO, ,DE DAG GI STEGS PHU RNAMS NI, BEE d'URYA'I RANG BZHIN NO, ,GLO SKAR RNAMS NI, AINDRA N'I LA'I RANG BZHIN NO, ,KANG RNAMS NI, CHA SHAS RNAM PAR BKRA BA RNAMS SO, ,GZHAN YANG KHANG BZANG GZHAN RNAMS KYI NI, BEE d'URYA'I RANG BZHIN NO, ,SGOR RNAMS NI, GSER 'BAR BA'I RANG BZHIN NO, ,BEE d'URYA'I RANG BZHIN DANG, GSER BTZO MA'I RANG BZHIN GYI SGO GLEGS KUN NAS 'DUD PAS MCHOG TU CHA SHAS RNAM PAR BKRA BA'O, ,GZHAN YANG CHES MCHOG TU GYUR PA'I GNAS DGA' BA DE DAG RNAMS LA 'DI LTA STE , RTZIG PA RNAMS NI, PADMA R'A GA'I RANG BZHIN NO, ,DNGUL GYI RANG BZHIN GYI KA BA RNAMS SO, ,SGO RNAMS NI, GSER GYI'O, ,GLO SKAR RNAMS NI, BYU RU'I RANG BZHIN LAS SO, ,SA RNAMS KYANG RNAM PAR BKRA BAS RNAM PAR BKRA BAR GYUR PA'I LAS KYIS DGA' BAR GYUR PA'O; ;GZHAN YANG RNAM PAR BKRA BAR BYAS PA'I YUL PHYOGS BLA NA MED PA YOD DE, 'DI LTA STE, AINDRA N'I LA'I RANG BZHIN GYI RTZIG PA RNAMS SO, ,SGO RNAMS NI, GSER
, ,BTZO MA'I RANG BZHIN RNAMS SO, ,DNGUL GYI RANG BZHIN DU GYUR BA'I KA BA DANG, RI RNAMS KYANG 'OD 'BAR BA'I PHRENG BAS DKRIGS PA'O,, GZHAN YANG MDZES PA MCHOG TU GYUR PA YOD DE, MU SU LUNDHA'I PHO BRANG 'DI'I RNAM PA SNA TSOGS PA'I LAS KYIS SPRUL PA RNAMS LA JI LTAR RDO RJE PHA LAM GYI PHYE MAS BRTAN PAR GYUR LA, DNGUL GYI RANG BZHIN MCHOG TU DRI MA MED PA RNAMS DANG, GSER 'BAR BA RNAMS KYI SGO DANG, KA BA DANG, GLO SKAR RNAMS NI, PADMA R'A GA RNAMS LAS SO, ,GZHAN YANG GZHAN RNAMS YOD PA NI, RIN PO CHE SNA BDUN GYI RANG BZHIN PHAN TSUN DU GSAL BAR BYED PA 'OD MCHOG DANG LDAN PA'I KHANG BZANG RNAMS KYI TSOGS RNAM PA DE LTA BU RNAM PAR BKRA BAR GYUR PAS 'KHRIL PA'I KHANG BZANG DE DAG RNAMS KYIS MDZES PA MTHONG NGO, ,LHA DE DAG RNAMS PHRENG BA'I GOS RNAMS 'CHANG BAR GYUR BA'I THAMS CAD DU'ANG MIG GI RGYU BA GTOD PAR BYED DE, MU SU LUNDHA BLTA BA LA CHED CHER BYED DO, ,SHIN TU 'THAB BRAL GYIS RNAM PA DU MA SNA TSOGS PA'I RGYAN DANG CHA BYAD CAN PHAN TSUN DU SEMS BSTUN PA'I BSAM PA CAN DE DAG RNAMS DE LTAR LEGS PAR MTHONG BAR GYUR NAS PHYIR ZHING YANG
'JUG PAR BYED DE, MU SU LUNDHA'I PHO BRANG RNAMS SU LHA DE DAG JI LTA JI LTAR RAB TU 'JUG PA DE LTA DE LTAR CHES DGA' BAR 'GYUR BA RNAMS MTHONG NGO, ,RNAM PAR BKRA BA SHIN TU LHAG PA RNAMS KYANG MTHONG NGO, ,MCHOG TU NGO MTSAR SHIN TU RMAD DU GYUR PA YON TAN DU MAS RNAM PAR BKRA BAR BYAS PA'I KHANG BRANG DE DAG GI NYE 'KHOR RNAMS DE DAG RNAMS KYIS KUN TU BLTAS NAS SLAR YANG 'THAB BRAL GYI BDAG PO LA BLTA BAR 'DOD PAS GUS PA DANG BCAS PAS LHA RNAMS 'JUG PA NA DE DAG GIS GZHAN YANG GANG LA RGYAL PO DE RNAM PAR SPYOD PAR BYED PA'I LHA'I BU MO GZHAN RNAMS MTHONG BA LA LHA DE NI, LUS LA DKRIGS MA STONG PHRAG BDUN GYIS YONGS SU BSKOR BA'I LHA MO RNAMS NI, RGYAN DANG CHA BYAD MCHOG GIS RAB TU SNANG BAR BYAS PA'I LUS RNAMS 'OD KYI PHUNG PO GOS KYI PHRENG BA 'PHYANG BA DANG, COD PAN 'PHYANG BA, DPUNG RGYAN DANG, GDUB KOR LEGS PAR BCUG PA, ME TOG GI PHRENG BA RNAMS LUS LA BTAGS PA'I LHA'I LUS KYIS RNAM PAR RGYU BA DE DAG RNAMS KYIS KUN NAS KHYAB PAR 'THAB BRAL BA'I MNGA' BDAG DE YONGS SU BSKOR NAS LEGS PAR GNAS PA NI, RI RNAMS KYIS RI'I RGYAL PO RI RAB LHUN PO BZHIN DU DANG, MTSO RNAMS KYIS RGYA MTSO BZHIN
, ,DU DANG, GZA' DANG, SKAR MA DANG, RGYU SKAR RNAMS KYIS ZLA BA BZHIN DU GYUR PAS DE LTAR LHA DE RNAMS KYIS 'THAB BRAL GYI MNGA' BDAG YONGS SU BSKOR NAS SHIN TU GNAS SO, ,MDZES PAR GYUR PA DE DAG RNAMS THAMS CAD KYI 'OD DE DAG KYANG ZLA BA BZHIN DU DE'ANG LEGS PAR GNAS SO, ,'OD KYI PHUNG PO AINDRA N'I LA'I RANG BZHIN GYI MCHOG TU GYUR PA'I STAN CHEN PO LA GNAS SO, ,STONG PHRAG BRGYA'I KA BA RAB TU GSAL BA'I RIN PO CHE BDUN GYI RANG BZHIN KA BA RNAM PAR BKRA BA RIN PO CHE 'BAR BA 'DRA BAS MDZES PA'I KHANG BZANG LA GNAS PAR BYED PA NA KHANG BZANG DE'I GZI BRJID NI, JI LTA JI LTAR LHA GNAS PA DE LTA DE LTAR YANGS PAR 'GYUR TE, KHANG BZANG 'DI RIN PO CHE SNA TSOGS KYIS RNAM PAR BRGYAN PA'I KHANG BZANG DE DAG GI YANG NA SHING GANG DAG GI YANG NANG NA SHING GANG DAG YOD PA DE DAG RNAMS KYI YAL GA DE DAG RNAMS LA RTAG TU ME TOG RAB TU RGYAS PAS DUS DRUG TU CHES MCHOG TU 'DZIN PA DANG, SHIN TU LEGS PAR 'BREL BAS 'BRAS BU RNAMS RTAG PAR RGYUN DU 'DZIN PA'I MTHONG NA MDZES PA'I RTZIG LOGS RNAMS NI, RIN PO CHE BDUN GYI TSON GYIS RNAM PAR BKRA BAR BYAS SO, ,DE NAS
LHA SHIN TU 'THAB BRAL LA SOGS PA LHA DE DAG RNAMS GANG NA MU SU LUNDHA YOD PA DE DANG NYE BA NYE BAR 'GRO STE, GAR DANG, GLU DANG, ROL MO'I SGRA RNAMS KYANG RJES SU SGROG PAS DGA' BA'I RJES SU BRTZON PAS GCIG TU RGYA CHE BA'I LAS KYI 'BRAS BU LA SHIN TU LONGS SPYOD PA, 'OD DU MA'I PHUNG PO 'THAB BRAL GYI MNGA' BDAG MU SU LUNDHA DE DAG RNAMS THAMS CAD KYIS MNGON PAR MCHOD NAS GNAS JI LTA BA'I STAN LA GNAS PAR GYUR CING KUN NAS 'DUN PA DE DAG RNAMS LA KUN DGA' BA DANG, LEGS PAR DGA' BA SKYED PA'I GTAM YANG BYAS NAS LHA'I TSOGS 'ONGS PA THAMS CAD LA 'DI SKAD DU SMRAS TE, BDE BA'I PHYIR NA BAG MED PAR 'GYUR BA GSON PA RNAMS KYANG LEGS PAR SRUNG BAR GYIS DANG, CHOS KYANG LEGS PAR SRUNGS DANG, LHA RNAMS RAB TU LHUNG BAR GYUR TA RE, DE LTAR NA YANG BDE BA MCHOG GI MTHAR THUG PA'I BDE BA RNAMS 'BYUNG BAR 'GYUR BA YIN NO, ,BDE BAS RNAM PAR GNAS NAS KYANG MYA NGAN LAS 'DAS PA'I MTHAR YANG THUG PA YIN NO, ,KYE LUS ZHIG NAS KYANG NAM YANG SDUG BSNGAL 'BYUNG BAR MI 'GYUR RO, ,LHA RNAMS BDE BAR GNAS PAR YANG 'GYUR RO, ,DE NAS LHA DE DAG RNAMS THAMS CAD LHAG MA MA LUS PA DANG YANG DAG PAR
, ,LDAN PA RNAMS LA MNGA' BDAG GIS TSIGS SU BCAD PA BRJOD PA, JI LTAR, SNA TSOGS KHAMS KYI 'JIG RTEN 'DI, ,SNA TSOGS LAS KYI DBANG RJES 'GRO, ,SNA TSOGS 'GRO LAS 'PHO BA'I LHA, ,GNAS 'DIR KUN NAS 'ONGS PA YIN, ,JI LTAR 'ONGS PA DE LTAR SLAR, ,SRID PA GZHAN DU 'GRO BAR 'GYUR; ;JI SRID SKYE BA 'DI KUN YOD, ,JI SRID BLO NI MI NYAMS PA, ,DE SRID BDE LEGS RA BA BRTZON PAS, ,BYA BA RAB TU BRTZON PA YIS, ,RING DU LONGS SPYOD BDE BA'I MCHOG ,NGES PA KHO NAR LHUNG BA'I 'JIGS, ,LTUNG BA LAS KYANG RTAG PAR NI, ,SDUG BSNGAL 'BYUNG BAR THE TSOM MED, ,DE BZHIN BDAG GIS KHYED RNAMS LA; ;'DIR NI CHOS LDAN BSHAD PA RNAMS, ,DE DAG THAMS CAD 'DIR NYON LA, ,JI SKAD DE BZHIN GSHEGS GSUNGS KYI, ,DE LTAR 'THAB BRAL GYI BDAG POS LHA DE DAG RNAMS YO LA PHAN PAR 'DOD PA'I PHYIR 'DI DAG BRJOD DO, ,JI LTAR BDE BA RNAMS KYI RJES SU 'GRO BA DANG, YUL GYI KUN NAS RMONGS PA'I YANG PHYIR LHA RNAMS RNAM PAR NGOMS PA MED PAS JI LTA BAR YONGS SU NYAMS NAS LHA RNAMS 'JUG PAR MI 'GYUR RO, ,GAL TE YUL 'DI DAG BDE BA RNAMS YIN NA NI, 'DI DAG RNAMS
MI RTAG PA DANG, MI BRTAN PA DANG, SHIS PA MA YIN PAR YANG MI 'GYUR BA ZHIG NA, JI LTA BA BZHIN DU RJES SU NYON DANG, GANG DAG YIN PA 'DI DAG RNAMS MTHONG BAR GYUR PA RNAMS LA YANG DAG PAR RDZOGS PA'I SANGS RGYAS DRUG PO RNAMS KYI MCHOD RTEN DRUG RIN PO CHE RNAM PA SNA TSOGS PAS NYE BAR MDZES PA LAS BYAS PA RNAMS SO, , DE DAG RNAMS NI, DE BZHIN GSHEGS PA DRUG GIR BYAS PA YIN LA BYAS PA DE DAG RNAMS KYANG 'DI LTA STE, YANG DAG PAR RDZOGS PA'I SANGS RGYAS GTZUG TOR CAN DANG, YANG DAG PAR RDZOGS PA'I SANGS RGYAS RNAM PAR GZIGS DANG, YANG DAG PAR RDZOGS PA'I SANGS RGYAS GSER THUB DANG, YANG DAG PAR RDZOGS PA'I SANGS RGYAS THAMS CAD SKYOB DANG, YANG DAG PAR RDZOGS PA'I SANGS RGYAS 'KHOR BA'I 'JIG DANG, YANG DAG PAR RDZOGS PA'I SANGS RGYAS 'OD SRUNG STE, SKU GDUNG DE DAG RNAMS SNGON GYI LHA RNAMS KYIS BYAS PAR GZHAN LA BDAG CAG GIS RNA BAS THOS NAS KYANG MCHOD PAR BYED DE, BDAG CAG RNAMS TSE SHIN TU THUNG BA'I RGYU GANG GIS DE BZHIN GSHEGS PA RNAMS DE DAG THAMS CAD KYIS MA MTHONG NGO, ,'ON KYANG BCOM LDAN 'DAS DE RNAMS 'JIG RTEN LA PHAN PA MDZAD PAS BRTZON PAR GYUR PA DANG, DON
, ,BZHED PAS LHA DE RNAMS LA PHAN PA'I DON DU LHA'I 'JIG RTEN 'DIR BZHUGS PAR GYUR TO, ,DE LTAR THOS PA BRGYUD PAS YIN GYI, CHOS 'DI RJES SU RTOGS PA NI, MA YIN NO, ,DE LA BCOM LDAN 'DAS 'KHOR BA 'JIG GCIG PUS KYANG 'THAB BRAL BA LA SHIN TU BAR YANG PHAN PA MDZAD PA 'DI LTA STE, SKU GDUNG GCIG LAS KYANG RGYU MTSAN SHIN TU NGO MTSAR CHE BAR GYUR BA'I BLO'I YUL LA NGES PAR GNAS PA RNAMS JI LTAR GANG GI CHE DGE SBYONG RNAMS LA MA YIN ZHING BRAM ZE DANG SKYE RGYU RNAMS LA'ANG 'BYUNG BAR MI 'GYUR BA STE, DE'I TSE LHA'I PHYOGS RNAM YONGS SU NYAMS TE, YONGS SU NYAMS NAS YANG SKU GDUNG 'DIR SPRUL BA RNAMS MNGON SUM DU MTHONG BA NI, LHA 'CHI 'PHO BAR 'GYUR BA DANG YONGS SU NYAMS PAR GYUR NAS DE RNAMS KYIS BDAG NYID GCIG PUR MTHONG STE, JI LTAR 'JOMS PA YANG BAG MED PAS BAG MED PAR RNAM PAR GNAS PA RNAMS LA 'GYUR LA, 'GYUR BA'ANG YUL LA RNAM PAR CHAGS PA'I PHYIR MTHONG BA MA YIN LA , DE DAG BDAG NYID LA GLU'I SGRA KUN NAS BSGRAGS PAS PHAN PA MA YIN PA RNAMS PHAN PAR 'DOD PA'I PHYIR NA, JI LTAR BAG MED PA KHYED RNAMS BAG MED PAS RGYU BAS
KYANG DUS BYED PAR GYUR TA RE, LEGS PAR BYAS PA 'DI ZAD PAR 'GYUR BAS DE DON MED PAR GYUR TA RE, JI LTAR DE'I RGYU MTSAN DU RTZOM PA 'DI DAG BYED PA'I DE BZHIN GSHEGS PA DRUG GI MDO GANG DAG YIN PA LUS CAN RNAMS LA PHAN PA'I DON DU GSUNGS PA DE DAG RNAMS THAMS CAD KYANG SKU GDUNG DE DAG RNAMS NYID LA DE BZHIN GSHEGS PA RNAMS KYIS RJES SU BRIS PA DE LAS BLO DANG LDAN PA RNAMS KYIS MNYAN PAR GYIS DANG, LHA RNAMS PHYIS 'CHI BA'I DUS NA 'GYOD PAR GYUR TA RE, DE NAS LHA DE DAG RNAMS KYI GTZO BO RNAMS YID TSIM PA MED PA DANG LDAN PA'I GUS PAS THAMS CAD NYID KYANG NGES PAR GNAS PAR GYUR LA, GANG GI PHYIR GUS PA NI, LHA'I BDAG PO LA GUS PA DANG CHOS 'DUL BA YANG GUS PAS BDEN PA MTHONG BA BZHIN DU DE DAG RNAMS GNAS TE, MI G-YO BA'I YID KYIS SO, ,DES DE LTAR GDUL BYA RNAMS LEGS PAR MNGON PAR MTHONG NAS THAMS CAD LA 'DI SKAD CES SMRAS SO, ,KHYED RNAMS JI LTA BA BZHIN DU RAB TU ZHUGS PA RNAMS KUN GYI DANG PO NYID DU DE BZHIN GSHEGS PA DANG PO'I MCHOD RTEN GTZUG TOR CAN DES RTZIG NGOS LA MNGON PAR BRIS PA NI ,JI LTAR DGE SLONG DAG ,CHOS BRGYAD PO 'DI DAG RNAMS DGE'O, ,ZHES BYA BA'I MDOS LHA
, ,RNAMS LA PHAN PA'I DON DANG, BDE BA DANG, DON BZHED PA DANG, PHAN PAR GNANG BA'O, ,DE NAS DANG PO KHO NAR LHA GANG NYE BAR 'GRO BA DE GTZO BOR GYUR PA'I MU SU LUNDHA DE DANG LHAN CIG TU LEGS PAR ZHUGS NAS DES MTHONG BA, BCOM LDAN 'DAS GTZUG TOR CAN GYI SKU GZUGS BEE d'URYA'I RANG BZHIN DANG, AINDRA N'I LA'I YANG RANG BZHIN GYI GDAN CHEN PO LA NYE BAR ZHUGS PA SKYIL MOD KRUNG LEGS PAR BCAS PA DE'I RTZIG NGOS LA YANG MDO MNGON PAR BRIS PA, JI LTAR BRGYAD PA 'DI NI, DGE SLONG DAG ,LHA DANG MI RNAMS KYI YANG DGE BA'I CHOS RNAMS KYI BAR DU GCOD PA YIN TE, DE LA BRGYAD PO GANG ZHE NA, 'DI LTA STE, DGE SLONG DAG ,DANG PO NYID DU BAG MED PA BAG MED PAS NYE BAR BCOM PA'I LHA 'AM MI RNAMS KYANG RUNG STE, GANG DGE BA RJES SU SGRUB PA NA 'JIG RTEN GYI'ANG MA YIN LA 'JIG RTEN LAS 'DAS PA'I YANG MA YIN TE, 'JIG RTEN PA'I NI, LE LOS BAG MED PA BAG MED PAR GNAS PAS LAS KYI MTHA' RNAMS 'GRIB PAR 'GYUR TE, GANG MDZA' BO YIN PA DE DAG RNAMS LA MA BLTAS PAS DE DAG NI, BAR MAR GNAS PAR 'GYUR RO, ,GANG YANG DGRA BO YIN PA DE DAG RNAMS NI, CHES
MI BZAD PAR GYUR NAS GO SKABS DAG TSOL ZHING GLAGS RNAMS GCOD PAR 'GYUR BAS BAG MED PA DANG BAG MED PAR RGYU BA DE DAG RNAMS KYI'ANG 'JIG RTEN PA'I CHOS KYI LAS KYI MTHA' RNAMS DE BZHIN DU 'GYUR RO, ,DE LAS KYI MTHA' NYAMS PA DANG, DGRA BO RNAMS PHAL CHE BA DANG, GNYEN SHES PA RNAMS YONGS SU NYAMS PA DANG, DBUL PO DANG, GZHAN KHA DRAG PAR YANG 'GYUR RO, ,KHA NYEN PA RNAMS MTHAR THUG PA NI, 'DI YIN TE, 'DI LTAR DBUL PO ZHES BYA BA'O, ,DBUL BAS DNGANGS PA'I SKYES BU NI, GROGS BSHES DANG, GNYEN BSHES DANG, RTZA LAG RNAMS DBANG CHE BAR 'GYUR RO, ,BRNAB SEMS DANG, GNOD SEMS DANG, LOG PAR LTA BA RNAMS RAB TU PHAL CHE BAR 'GYUR RO, ,DE MI DGE BA SPYOD PA PO ZHES ZER NAS BLO GROS NGAN PA DE LA LHA RNAMS SDANG BAR 'GYUR TE, LHA RNAMS THAMS CAD KYIS MI DGE BA SPYOD PA DE YONGS SU SPONG BAR 'GYUR LA SEMS CAN 'TSO BA PO RNAMS KYIS DE GTZES PAS DUS BYED PAR 'GYUR, TSONG PA YIN PAR GYUR NA YANG BAG MED PAS BAG MED PA'I SPYOD PAR SKABS SU NOR NYAMS PAR GYUR RO, ,'DI NA BDAG MED PAS DGE SLONG NGAM GZHAN YANG RUNG STE, DGE BSNYEN RNAMS KYANG BSAM GTAN BYED PA NA BRTZON PA DANG LDAN
, ,PAR MI 'GYUR RO, ,LUNG DU BSTAN PA'I BSAM GTAN GYIS ZAG PA RNAMS ZAD PAR BYED PA NI, MA YIN GYI, ZAS KYI RO RNAMS 'BA' ZHIG LA CHAGS PAS ZAS KYI DUS LA SHIN TU'ANG LTA'O, ,YID DBEN PAR 'GYUR BA MA YIN GYI, BAG MED PA BAG MED PAR RGYU BA DE DAG RNAMS BRGYA ZHIG LA YANG SEMS RAB TU DANG BA YOD PA MA YIN NO, ,RO LA SHIN TU BRKAM PA DANG LDAN PA KHVA TA DANG SEMS MTSUNGS PA DANG, NGANG TSUL MTSUNGS PAR GYUR PA GANG GI TSE DE DAG BAG MED PA RNAMS SEMS PA LA RAB TU BRTZON PA DANG LDAN PAR 'GYUR RO, ,DE 'KHOR RNAMS 'DUS PA'I NANG DU SONG NGAM MANG DU THOS PA RNAMS KYI NANG DU SONG NA SHES RAB CHUNG BAS KHA NYON PAR 'GYUR RO, ,SBYIN PA PO DANG SBYIN BDAG RNAMS LA GZI BRJID CHUNG BAR YANG 'GYUR RO, ,MI 'JIGS PA RNAMS KYI MCHOG NI, 'DI LTAR CHOS RNAMS RNAM PAR 'BYED PA'O, ,DBANG CHUNG BA RNAMS KYI THA MA NI, 'DI LTA STE, THOS PA NYUNG BA'O, ,KHA NYEN PA DE BDAG NYID KYI NYES PA RNAMS KYANG NGES PAR MI SHES SO; ;GZHAN LA'ANG BRNAB SEMS DANG, GNOD SEMS MANG BAR 'GYUR TE, DE'ANG MANG DU THOS PA RNAMS LA'AM, BLA MA RNAMS LA'AM, DE YANG NA SBYIN PA PO
DANG SBYIN BDAG SEMS RAB TU DANG BA DANG, DBANG PO RAB TU RGYAS PA RNAMS LA STE, BLO DMAN PA DE BAG MED PA'I LAS MANG PO RNAMS BYAS PAS LUS ZHIG PA NA THABS MA YIN PAR RNAM PAR LHUNG NAS DMYAL BA RNAMS SU SKYE'O, ,BAG MED PA BAG MED PAS GNAS PA RNAMS DE LTAR MI RNAMS BAG MED PAS 'JIG RTEN DANG 'JIG RTEN LAS 'DAS PA'I DON RNAMS KYI BAR CHAD BYED PAR 'GYUR RO, ,YANG DGE SLONG DAG, JI LTAR NA, LHA RNAMS KYI BAG MED PAS BAR CHAD PAR 'GYUR NA, 'DI'I RANG BZHIN NYID KYIS LHA 'DI DAG RNAMS BAG MED PAS BAG MED PAR RGYU BA'I LHA SGRA DANG, REG BYA DANG, RO DANG, GZUGS DANG, DRI 'DOD PA, SDUG PA, YID DU 'ONG BA DE DAG GIS BAG MED PAS BAG MED PAR 'GYUR BA RGAS PA 'ONG BAR 'GYUR BA MI MTHONG NGO, ,RGUD PA'ANG MI MTHONG NGO, ,LEGS PAR BYAS PA'I LAS RNAMS ZAD PA RNAM PAR MI DRAN NO, ,CHOS LA GOMS PAR MI BYED DO, ,SANGS RGYAS DANG, CHOS DANG, DGE 'DUN RNAMS LA GUS PA DANG BCAS PA MA YIN NO, ,DE DANG BRAL BA'I YID KYIS BAG MED PA BAG MED PAR RGYU BA SANGS RGYAS 'BYUNG BA DANG BRAL BAR GYUR PA MTHONG BA, BAG MED PA GOMS PAR GYUR PA, SRID PA'I GDUNG BA'I SDUG BSNGAL CHEN PO NYE BAR GNAS PA RNAMS LA
, ,'CHI BA'I LTAS BYUNG BA'I 'BRAL BAR 'GYUR BA'I SDUG BSNGAL RAB TU 'BYUNG BAS BUD MED RNAMS KYI TSOGS KYIS YONGS SU SPANGS PAR GYUR PA'I 'JIGS PA CHEN PO NYE BAR GNAS PA 'OBS BZHIN DU RAB TU LHUNG BAR GYUR PA NA GANG DAG BSHAD PA'I YUL LA NYE BAR SPYOD PA DE DAG GI TSOGS PA DE RNAMS KYANG LAN BRGYAR YANG MI MTHONG BAR DE 'JIG RTEN GZHAN DU 'GRO BAR 'GYUR LA DE DAG RNAMS RJES SU 'GRO BA MA YIN PA DANG, 'CHI BA'I DUS NA BDE BA RNAMS SHES PA'ANG MA YIN NO, ,DBUGS 'BYIN PAR YANG MI 'GYUR RO, ,YUL DE DAG RNAMS NI, NYAMS PA YIN ZHING YUL RNAMS NI, SKYUG PA DANG, RNAG TU GYUR PA'O, , YANG SRID PAR KUN TU SKYED PA DANG, DE LAS 'BYUNG BAR 'GYUR BA GANG YIN PA DE NI, BAG MED PAS BAG MED PAR GNAS PAS BYAS PA'I LAS DES KUN NAS GNAS PAS SRID PA GZHAN DU 'GRO ZHING RJES SU 'GRO STE, DE YUL GYI SRED BA'I ZUG GZER GYI BAG MED PAS DUS BYED PAR 'GYUR RO, ,YONGS SU BTANG ZHING LHA THAMS CAD KYI YONGS SU BTANG BA DANG, KUN NAS SKRAG PA DANG, YUL GYIS KUN NAS RMONGS PAS KYANG DUS BYED DE, DUS KYI CHOS DANG LDAN PAS DMYAL BA DANG, YI DVAGS
DANG, DUD 'GRO RNAMS SU SKYE'O, ,DE LTA BAS NI, MI'AM, LHA'ANG RUNG STE, BAG MED PA MI BYA'O, ,DE NAS DE'I TSE BCOM LDAN 'DAS GTZUG TOR CAN DES TSIGS SU BCAD PA BRJOD PA, JI LTAR, LHA RNAMS YUL GANG BDE BA YI, ,RTAG PA NYID DU'ANG STEN BYED PA, ,DE NI NYAMS DANG DE NAS KYANG, ,LAS RNAMS 'GRO ZHING RJES SU 'GRO , BDE BA RNAMS LA BSAGS PA MED, ,LAS RNAMS LA NI BSAGS PA YOD, ,BDE BA YIS NI RMONGS PA'I LHA, ,LAS RNAMS KYI NI DBANG GIS 'GRO, ,DA LTAR BA YI YUL GYI BDE; ;DE NI DGE BA BYED MIN PAS, ,YUL RNAMS KYIS NI LEGS SKOM LHA, ,DE BZHIN RNAM PAR G-YENG YID CAN, ,'KHOR BA'I NAD KYI SMAN GYUR PA, ,BDE BA'I LAS NI RTOGS MA YIN, ,GLING NYID DANG NI SKYOB BZHIN DANG, ,DE BZHIN DU NI SKYABS NYID BZHIN, ,LEGS PAR BYAS PA SKYE GZHAN DU, ,LUS CAN RNAMS KYI RGYAB NA GNAS, ,DE PHYIR RTAG PAR RAB 'BAD PAS, ,LHA RNAMS KYIS NI RTAG BSTAN BYA, ,YUL RNAMS SPONG BAR BYED PA DANG, ,BSOD NAMS BSTEN PA BZANG PO YIN, ,GANG YANG MA 'ONGS PA YI SRID; ;BLO YI MIG GIS MTHONG BA NI, ,DE NI MKHAS YIN RTAG TU MDZES, ,LHUNG BA 'JIGS PA'I RTZA BA PO, ,RNAM PAR 'PHRUL SKYES 'JIGS RTAG 'DI, ,LEGS PAR
, ,BLO LDAN GYIS NI MTHONG, ,DES NI BRAL BA'I DMAN THOB NAS, ,MI BZAD PAS NI 'CHING BA YIN, ,'ON KYANG RTAG TU BLO RMONGS PAS, ,YUL NYID KHO NA STEN PAR BYED, ,YUL RNAMS KYIS NI RNAM RMONGS PA, ,PHYI NAS GDUNG BAS SREG PAR BYED, ,JI SRID SKYE BA 'DI KUN DANG, ,JI SRID SHES PA MA NYAMS PA, , DE SRID DU NI BSOD NAMS KYIS, ,BSOD NAMS MA BYAS SDUG BSNGAL YIN, ,DE LTAR MU SU LUNDHA DE LHA DE RNAMS LA BCOM LDAN 'DAS GTZUG TOR CAN GYIS GSUNGS PA'I RTZIG LOGS LA BRIS PA'I TSIGS SU BCAD PA BSHAD DO, ,GZHAN YANG RAB TU STON PAR BYED DO, ,GANG RTZIG LOGS LA CHOS BRGYAD PO 'DI RNAMS TE, DE DAG GIS BAG MED PA RAB TU BRJOD NAS CHOS BDUN BDAG GIS BSHAD PAR BYA STE, BDUN PO RNAMS GANG ZHE NA, BAG MED PAR GYUR PA DE NI, RGYUN MI 'CHAD PAR RGYAGS PAR 'GYUR RO, ,BAG MED PA LA SPYOD PA'I SKYES BU RNAMS NI, SMYON PAR 'GYUR TE, BAG MED PA'I LHA DANG MI RNAMS NI, RTAG TU'ANG 'JIG RTEN PA DANG 'JIG RTEN LAS 'DAS PA THAMS CAD KYI BAR CHAD BYED PAR 'GYUR RO, ,DE LA JI LTAR NA, 'JIG RTEN PA'I DON RNAMS KYI BAR CHAD BYED PAR 'GYUR BA
DANG, 'JIG RTEN LAS 'DAS PA RNAMS LA'ANG STE, 'DI NA BAG MED PA'I SKYES BU RNAMS NI, RNAM PAR G-YENG BA'I BLO CAN DU 'GYUR RO, ,BLO SNGON DU BTANG BAS KYANG DON THAMS CAD LA LOG PAR 'JUG PA YIN NO, ,DE LTAR RGYAGS PA'I SKYON RNAMS KYIS RNAM PA THAMS CAD DU RAB TU MDZES PA MA YIN NO, ,CHES MAR BAR PHAN PA MA YIN PA RNAMS DANG, BDE BA MA YIN PA RNAMS DANG, DON 'GA' ZHIG DANG YANG LDAN PAR 'GYUR BA MA YIN NO, ,JI LTAR 'JIG RTEN LAS 'DAS PA'I CHOS 'DUL BA LA RGYAGS PA NYES DMIGS CHEN PO DANG LDAN PAR 'GYUR BA YIN ZHING JI LTAR GZHAN YANG RGYAGS PAS 'DI NA MI RNAMS KYI BAR CHAD BYED PAR 'GYUR NA, DE LA MI RNAMS DANG, RAB TU BYUNG BA RNAMS LA'ANG SHIN TU BAR YANG BAG MED PA RNAM PA THAMS CAD DU YANG RNAM PAR SMAD PAR BYA BAR 'GYUR BA YIN PA NI, 'DI LTA STE, 'DIR CHOS 'DUL BA 'DI LA RGYAGS PA DANG BRAL BA RNAM PA THAMS CAD DU RNAM PAR MDZES LA, BAG MED PA DANG KUN NAS LDAN PA NI, MA YIN NO, ,RGYAGS PA'I SKYON DANG KUN TU LDAN PA DE BSAM GTAN MI BYED DO, ,BYA BZHAG GI BYA BAR GYUR PA 'GRO BA DANG 'ONG BA'I GNAS LA LEGS PAR SPYOD PA MA YIN NO, ,SPYOD YUL LA MI BRTEN, ,SBYIN BDAG DANG SBYIN PA PO
, ,RNAMS RJES SU SGRUB PA LA BRTZON PA MA YIN GYI, STAN DANG MAL STAN RNAMS 'BA' ZHIG LA GNAS PA'I RANG BZHIN CAN DU 'GYUR RO, ,DE TSUL BZHIN MA YIN PA YID LA BYED PA 'BA' ZHIG GIS 'KHYER BAR BYED DO, ,DE LUS ZHIG PA NA SHI BA'I 'OG TU DMYAL BA RNAMS SU SKYE'O, ,DE LTAR MI RNAMS KYI 'JIG RTEN PA'I LAM MAM, 'JIG RTEN LAS 'DAS PA'I LAM LA'ANG RAB TU MDZES PA MA YIN PA'I RGYAGS PA BDUN PO 'DI DAG RNAMS YIN PA LA 'DI LTA STE; GZUGS KYIS RGYAGS PA DANG, NOR GYIS RGYAGS PA DANG, RIGS KYIS RGYAGS PA DANG, RGYAN DANG CHA BYAD KYIS RGYAGS PA DANG, RGYAL POS MCHOD PAS RGYAGS PA DANG, BLAD MED DANG 'KHYUG 'PHYANG GIS RGYAGS PA DANG, GZHAN GYI BU MO'I DBANG DU BYAS NAS SEMS RNAM PAR G-YENG BAS RGYAGS PA RNAMS SO, ,RGYAGS PA DE DAG NI; RGYAS [?] PA RNAMS MDOR BSDUS PA YIN NO, ,RGYAGS PA RNAMS NI, DGRA YIN NO, ,RGYAGS PA NI, LHAG MA YIN NO, ,RGYAGS PA NI, CHOS RNAMS THAMS CAD KYI'ANG BAR DU GCOD PAR 'GYUR BA YIN NO, ,'DI NA MI RNAMS RGYAGS PA NI, TSAD DANG LDAN PA'I LONGS SPYOD DANG GSON PA RNAMS NYUNG ZAD KYI RANG BZHIN LA RNAM
PAR SPYOD KYANG RGYAGS PA YIN NO, ,YANG LHA RNAMS KYI RGYAGS PA 'DI DAG CI 'DRA BAR 'GYUR, ,DE RNAMS 'DOD PA'I SGRA DANG, REG BYA DANG, RO DANG, ZUGS DANG, DRI LA SPYOD PA 'DI MTSAN DU RAB TU 'PHEL BA NI, RGYAGS PA BAG MED PA'I RANG BZHIN CAN DE DAG RNAMS TSE'I 'DU BYED RNAMS YONGS SU NYAMS PAR 'GYUR BA'I BLO NI, MED KYI; RGYAGS 'BA' ZHIG DANG, RGYAGS PA'I LHAG MA CAN DANG, RGYAGS PAS CHOS RNAMS THAMS CAD KYI BAR DU GCOD PAR 'GYUR RO, ,LUS 'JIG PA LA SHES PA RAB TU MI 'JUG PA DANG, TSE'I 'DU BYED RNAMS ZAD PA LA'ANG STE, DE DAG DGE BA DANG MI DGE BA'I LAS RNAMS KYIS DUS DE SRID DU RGYAGS PAR 'GYUR RO, ,SGRUB PAR BYED PA'ANG MA YIN NO, ,DE DE DAG RNAMS ZAD PAR 'GYUR BAR PHYIS NGES PAR LTUNG BAR 'GYUR BA NA NGES PAR RTOGS PAR 'GYUR TE, KYE MA YUL KYIS BDAG BSLUS SO, , KUN NAS NYON MONGS PA RNAMS KYIS RTAG TU BSLUS PA RNAMS NI, LUS ZHIG NAS THABS MA YIN PAS LOG PAR LHUNG BA DMYAL BA'AM, YI DVAGS KYI LUS DANG, DUD 'GRO'I SKYE GNAS RNAMS SU SKYE BAR 'GYUR TE, DE LTAR 'JIG RTEN PA'I LAS LA BAG MED PA RNAMS SMAD PAR BYA BAR 'GYUR RO, ,JI LTAR YANG LHA DAG 'JIG RTEN
, ,LAS 'DAS PA'I LAM LA RGYAGS PA RNAMS PAR SMAD PA YIN ZHE NA, LHA GANG DAG YIN PA'I LHA RNAMS THAMS CAD KYANG 'DOD PA DAG SDUG PA DANG, YID DU 'ONG BAS LEGS PAR BYAS PA'I LAS KYI RGYU RNAMS KYIS 'THAB BRAL GYI LHA 'DI RNAMS KYI NANG DU SKYES LA DAM PA'I CHOS 'DUL BA LA DE BAG MED PAR GYUR NAS DES RANG GIS BYAS PA'I LAS RNAMS MI RTOGS SO, ,GANG DAG CHES LHAG PAR RGYAGS PAR GNAS PAR MA GYUR PA RNAMS DE'ANG MI BRTAN PA DANG, GANG DAG RNAMS PA THAMS CAD DU BAG MED PAS RNAM PAR RGYU BA MA YIN PA DE DAG RNAMS LA'ANG BRTEN PAR MI BYED LA SANGS RGYAS DANG, CHOS DANG, DGE 'DUN RNAMS LA'ANG LTA BAR BYED PA'I RANG BZHIN CAN DU MI 'GYUR ZHING DAM PA'I CHOS 'DUL BA RNAMS LA SGRUB PAR MI BYED PA DANG, JI LTA BA BZHIN DU 'JUG PAR YANG MI BYED DO; ;DE LTAR DE LAM RNAM LA SLOB PA'I RANG BZHIN CAN DU MI 'GYUR RO, ,RTEN CING 'BREL BAR 'BYUNG BA RNAMS LA RNAM PAR LTA BA LA GTZO BOR BYED PAR MI 'GYUR RO; ;BLA MA LA NYE BAR BRTEN PAR MI BYED DO, ,LHA YE SHES LA GOMS PAR BYED PA'I RANG BZHIN CAN DANG NYE BAR BRTEN PAR YANG MA YIN NO, ,DE NI, 'DOD PA RNAMS KYIS
BSLUS NAS YUL GYIS RNAM PAR NYAMS PAR BYAS TE, BDAG CAG GI LHA'I RIS NAS 'CHI 'PHO BAR 'GYUR LA 'CHI 'PHO BA'I DUS NA'ANG SHIN TU RAB TU 'GYOD PAR 'GYUR RO; ;DE'I PHYIR NA ME BZHIN DANG, SBRUL BZHIN DU LHA DANG MI RNAMS KYI RGYAGS PA RNAMS YONGS SU SPANG BAR BYA'O, ,DE NAS DE'I TSE BCOM LDAN 'DAS GTZUG TOR CAN DES TSIGS SU BCAD PA GSUNGS PA, JI LTAR, DANG PO BAG MED PAS NYER BCOM, ,RGYAGS PA YIS KYANG RNAM PAR RMONGS, ,LHA RNAMS SAM NI SKYES BU YANG, ,DE NI ZHI BA'I THAMS MA YIN, ,GANG ZHIG RGYAGS PA MI SGRUB PA, ,SKYES BU 'CHI BA MED PA YIN, ,RGYAGS PA'I SKYON GYIS DES ZIN PA'I, ,MI RNAMS THAMS CAD DMYAL BAR LTUNG, , DAM PA MIN PA'I LAM SPYOD SKYON, ,RGYAGS PA ZHES BYAR 'DIR BRJOD DO, ,RGYAGS PA YIS NI RMONGS PA'I BLO, ,LHA NI DMYAL BAR 'GRO BA YIN, ,YANG DAG MIN LA DGA' BAR BYED, ,YANG DAG 'GYUR BA NAM YANG MIN, ,RGYAGS PA'I MUN PAS BSKOR BA YIN, ,LHA RNAMS 'DOD PAS RMONGS PA YIN, ,'DOD PA YIS NI LHA RNAMS RMONGS, , RGYAGS PA YIS KYANG DE BZHIN TE, ,DMUS LONG BZHIN DU DAM PA'I LAS, ,DE NYID RJES SU MTHONG BA MIN, ,DE LTAR BCOM LDAN 'DAS GTZUG TOR CAN GYIS BAG MED PA DAN G
, ,RGYAGS PA'ANG 'JIG RTEN PA DANG 'JIG RTEN LAS 'DAS PA'I TSIG RNAMS KYIS BSTAN NAS GZHAN 'DI'I GSUM PA SDOM PA MA YIN PA'I SKYON YANG DAG PAR STON PA SKU GDUNG LA GNAS PA RNAMS LA, DE NAS THAB BRAL GYI BDAG PO MU SU LUNDHAS LHA DE RNAMS LA GANG DAG LUS KYIS BYAS PA'I MCHOD RTEN LAS STON NO, ,'DI LTA STE, SDOM PA MA YIN PA RNAMS SO, ,SDOM PA MA YIN PA'ANG SKYON CHEN PO GSUM GYIS LHA RNAMS DANG MI RNAMS LA'ANG PHAN PAR 'GYUR BA MA YIN NO, ,'JIG RTEN PA'I LAS DANG, 'JIG RTEN LAS 'DAS PA'I LAS LA'ANG RNAM PA THAMS CAD DU MA YIN NO, ,DE LA SDOM PA MA YIN PAS MI RNAMS KYI BAR DU GCOD PAR 'GYUR BA GANG YIN NA, 'DIR 'JIG RTEN PA'I SDOM PA RNAMS BLANGS NAS RANG BZHIN GYIS MCHOG TU RMONGS PAS DON DANG DON MA YIN PA MI SHES LA, GNAS DANG GNAS MA YIN PA RNAMS KYANG MI SHES SO, ,LEGS PAR GNAS PAR BYAS NAS KYANG RANG GI SKYE BO DANG, GNYEN 'DUN DANG LHAN CIG TU DGA' BAR BYED DO, ,RTZI BA GRANG MED PAR RANG GI SKYE BO DANG, GNYEN 'BREL RNAMS DANG LHAN CIG DU BRTAN PAR GNAS PAR BYED DO, ,BYAS NAS KYANG SDOM PA
YONGS SU 'DZIN PAR MI 'GYUR RO, ,DE LEGS PAR GNAS PA LAS NYAMS PAS KHA NYEN PAR 'GYUR RO, ,RANG GI SKYE BO DANG GNYEN 'BREL THAMS CAD KYIS SKYUG BRO BAR LTA BAR BYED DO, ,GANG GI MING GIS LEGS PAR GNAS PA SDOM PA BRTAN PO RNAMS JI LTA BA BZHIN DU YOD DE ZHES RJOD PAR YANG BYED DO, ,SNGAGS KYI SDOM PA RNAMS SAM, LEGS PAR GNAS PAR BYA BA RNAMS LA YANG RUNG STE, DE NYID KYI BLOS RANG GI SKYE BA RNAMS MI 'JUG GO ,RANG GI PHA DANG RANG GI KHYIM DU BYA BA DAG GIS LEGS PAR 'DRES PAR BYAS PA GANG YIN PAS NGAL SOS PAR GYUR PA ZHES GNAS SO, ,SEMS STOBS YANG BDE RGYU DE DANG, GZHI DE LAS DANG, DE YONGS SU 'DZIN PAS GANG YANG 'DI'I GROGS POR GYUR PA DE DAG RNAMS THAMS CAD KYANG KHA PHYIR PHYOGS PAR 'GYUR RO, ,GZHAN PA RNAMS LAS GANG DAG GROGS PO MA YIN PA DE DAG RNAMS NI, BZANG POR GYUR PA RJES SU RTOGS SO, ,GANG DAG PAR MA'I TSOGS SU GNAS PAR GYUR PA'I SKYES BU DE DAG RNAMS NI, RTAG TU'ANG PHYOGS MA YIN PAR 'GYUR RO, ,RLUNG GIS NYE BAR BCOM PA'I LJON PA RTZA GTAN NAS BCAD PA BZHIN DU LHUNG LA, DE LHUNG BAS KYANG RDZAS RNAMS DANG, PHUN SUM TSOGS PA DANG, RANG GI SKYE BO RNAMS DANG, GNYEN 'BREL RNAMS GTONG
, ,NGO, ,RANG BZHIN GYIS KYANG 'GYUR LDOG CAN, ,TZAB HRAL LA GNAS PA'I SEMS MI BSGRUNGS PAR 'GYUR RO, ,DE SKYE BO THAMS CAD LA BRNAB SEMS DANG, GNOD SEMS MANG BAR 'GYUR RO, ,PHYIN CI LOG TU DGOS PA 'CHAL BA DANG, YONGS SU RTOGS PA DANG, BLO GDUG RTZUB CAN DU 'GYUR RO, ,DE SEMS CAN THAMS CAD LA ZHE 'GRAS PA DANG, GNOD SEMS DANG, NGA RGYAL DANG, BZHIN RNAM PAR 'GYUR ZHING GDUG PA DANG, RANG GI YID RNAM PAR G-YENG BA DANG, DBUL BAR 'GYUR RO, ,DE SDOM PA MA YIN PA'I RGYUS DE DAG RNAMS KYI LUS ZHIG NAS SHI BA'I 'OG TU THABS MA YIN PAR LHUNG NAS DMYAL BAR SKYE BAR 'GYUR RO, ,DE'I PHYIR NA RTAG TU PHAN PAR 'DOD PA'I SKYES BUS SDOM PA 'JIG RTEN PA RNAMS KYANG BSRUNG BAR BYA'O, ,SDOM PA LA GNAS PA'I RGYU DES YID SHIN TU BRTAN PAR 'GYUR RO, , SEMS KYI RGYUD SHIN TU BZANG BAR SHES NAS KYANG GROGS PO RNAMS KYIS KYANG YID CHES PAR 'GYUR RO, ,MCHOG TU GSANG BAR GYUR PA'I RGYAL PO'I DON MCHOG TU RGYA CHE BA'I RIN PO CHE RNAMS SAM, GSER DANG RDZAS KYI RIGS GZHAN RNAMS LA'ANG RUNG STE, SDOM PA'I SEMS DANG LDAN PA LA KUN GTOD PAR BYED DO, ,BYAS NAS
KYANG ZHE SDANG BA RNAMS KYIS DE DAG JI LTA BA BZHIN DU SDOM PAR BYED PA RNAMS LA GNOD PA BYA BAR YANG MI NUS SO, ,GROS BLO RNAMS KYIS KYANG SDOM PA 'JIGS PAR MI BYED LA; RANG GI SKYE BO DANG, GROGS PO DANG, YID MTHUN PA RNAMS KYIS KYANG 'JIGS PAR MI BYED KYI, LEGS PAR GNAS PA DANG LDAN PA DE LA GNYEN BSHES KYI SKYE BO RNAMS KYIS MCHOD PAR BYED DO, ,YID CHES PA'I GNAS SU 'GYUR RO, ,SLOB DPON BZHIN DU YANG SLOB DPON RNAMS KYIS KYANG LEGS PAR SGRUB PAR BYED DO, ,SDOM PA BDUN 'DZIN PA RNAMS NI, RGYAL POS KYANG MCHOD PAR BYED DO, ,GROGS PO DANG, SKYE BO DANG, GNYEN BSHES RNAMS KYIS KYANG DE BZHIN TE, DE LA SKYE BO THAMS CAD KYIS PHUN SUM TSOGS PAR RDZAS SGRUB PAR BYED DO, ,'DI LA'ANG DON MA YIN PA CUNG ZAD TZAM YANG BYA BAR MI NUS SO, ,BDE MCHOG TU NOR DANG LDAN PAR 'GYUR RO, ,DE RDZAS RNAMS PHUN SUM TSOGS PAS SBYIN PA NI, GTONG BAR BYED DO, ,BSOD NAMS DAG NI, BYED DO, ,GCIG TU LEGS PAR GNAS PA'I BLO NYAMS PA MED PA'I RGYU DE DAG DANG, GLENG GZHI DE LAS LUS ZHIG NAS SHI BA'I 'OG TU MTHO RIS BDE 'GRO'I 'JIG RTEN LHA RNAMS SU SKYE'O, ,DE DE LTAR RANG BZHIN GYIS KYANG MA BSDAMS PAR GYUR
, ,CING GZHAN RNAMS KYIS KYANG RNAM PAR SMAD PA RNAMS NI, PHAL CHE BAR YANG 'JIG RTEN LAS 'DAS PA'I LAS BLO G-YO BA DANG BCAS PA'I BLO GAR YANG GNAS PA MED PA, LAS DANG 'BRAS BU'I RNAM PAR SMIN PA RNAMS LA SDONGS PA RNAMS NI, SDOM PA MED PA'I KHYIM RNAMS SU SKYE BAR 'GYUR BA'AM DE YANG NA RKYEN DES SDOM PA GCIG KYANG MED PAR GYUR LA, JI LTAR DGE SLONG GI CHA BYAD 'BA' ZHIG TZAM 'DZIN PA DUNG GI SGRA DANG MTSUNGS PAR KUN NAS SPYOD PA, SDOM PA LA BSNYAD NAS SBYIN PA PO DANG SBYIN BDAG RNAMS SLU BAR BYED DO, ,SANGS RGYAS BCOM LDAN 'DAS KYI SDOM PA JI LTA BAR BDAG 'DZIN PA YIN ZER LA, DE SDOM PA 'DZIN PA'ANG MA YIN NO, ,DE'I LUS TSUL KHRIMS DANG YANG DAG PAR LDAN PA'ANG MA YIN NO, ,DE NI, SLU BA PO DANG, RKUN MA, LHA DANG BCAS PA'I 'JIG RTEN DANG, BDUD DANG BCAS PA'I 'JIG RTEN DANG, DGE SBYONG DANG BRAM ZER BCAS PA'I RIGS KYI SKYE RGU DANG, LHA DANG, MI DANG, LHA MA YIN DANG BCAS PA'I 'JIG RTEN PA RNAMS SLU BAR BYED PA PO YIN TE, GZHAN RNAMS SLU BA PO JI LTAR SHES PAR GYUR PA DE LTAR SGRUB PAR MI BYED PA DE NI, DE LTAR STONG PA, NANG LA CI'ANG MED PA,
SNYING PO MED PA, DBU BA'I PHUNG PO DANG 'DRA BAR JI SKAD DU SMRA BA DE LTAR MI BYED PA'I SKYE BO THAMS CAD SLU BA PO, ,G-YO CHE BA'I MCHOG TU GYUR PA, TSUL 'CHOS 'BA' ZHIG PA DE RAB TU PHAL CHE BA'I GNAS MAL DANG NAD KYI RKYEN SMAN RNAMS GZHAN GYIS BYIN PAS 'KHOR BAR RTAG TU BYING ZHING NUB PAR 'GYUR RO, ,DMYAL BA RNAMS NAS DMYAL BA RNAMS SU [?] SKYE STE, GZHAN RNAMS SU'ANG SDIG PAS BGROD PA YIN NO, ,TSUL KHRIMS 'CHAL BA, SDIG PA CAN, MI SHIS PA'I SKAL BA CAN DE LA 'OS MA YIN PAR GYUR PAS GANG DAG DGE 'DUN DBANG BAR GYUR PA'I SA GZHI RNAMS KYIS KYANG BAR CHAD BYED PAR 'GYUR BA NI, TSUL KHRIMS DANG LDAN PA'I DGE SLONG RNAMS KYIR SA DE DAG SBYIN PA PO SBYIN BDAG RNAMS KYIS NYE BAR SPEL BA'I RGYU GANG DAG GI PHYIR TE, SDOM PA DANG MI LDAN PA RNAMS KYIS KYANG MA YIN NA, TSUL KHRIMS 'CHAL BA'I SDIG PA CAN DE DAG RNAMS KYIS NI, GOM PA 'BOR BA DANG KUN 'DRE BAR BYED PA TZAM GYIS KYANG BRGYA PHRAG TU'ANG BAR CHAD DU 'GYUR ZHING, YANG LUS KYIS GNAS MAL DANG, NAD KYI RKYEN SMAN DANG, LONGS SPYOD GZHAN RNAMS LTA SMOS KYANG CI DGOS, DE NAS DE'I DUS NA BCOM LDAN 'DAS KYIS TSIGS SU BCAD PA GSUNGS PA ,
, ,JI LTAR; GANG 'DI DGE SLONG MA BSDAMS PA, ,RKUN MA RNAMS LAS 'DI KUN MCHOG ,NANG NAS RNAG GI KHU BA 'BAB, ,CHOS GOS KYIS NI PHYI ROL BSDAMS, ,SNYING PO THAMS CAD DANG BRAL BA, ,DBU BA'I PHUNG PO'I RANG BZHIN LTAR, ,DE BZHIN 'KHOR BA CHANG STONG 'DI, ,DE BZHIN LOG PAR DGE SLONG SMRA; ;DGE 'DUN DKON MCHOG PHYIR BYAS NAS, ,TSUL 'CHAL DE NI DMYAL BA STE, ,LUS ZHIG NAS NI DMYAL RNAMS SU, ,'KHRID PA SEMS KYIS BSLUS PA YIN; ;CHOS 'DUL BA NI BSLU BYAS NAS, ,LTUNG BAR RANG GI LAS KYIS YIN, ,DRI MA'I MUN PA RNAM DKRIGS NAS, ,SDUG BSNGAL SKAL BA CAN DU 'GYUR, , DGE BA'I LAS KYIS GOS MED PA'I, ,GCER BU LA NI BZANG SKYUG BRO, ,JI LTAR CHOS NI PHYIR BYAS NAS, ,DMYAL BA 'JIGS PAR 'KHRID PAR BYED, ,MDZES PA MIN PA'I DMYAL RNAMS KYIS, ,SDUG BSNGAL SGO NA MA BSDAMS PA, ,'KHOR BA'I 'CHID PA MI BZAD PA, ,TSUL 'CHAL ZHES BYA 'DI LA BRJOD, ,GANG GIS MA BSDAMS PA BSREGS NA, ,DE NI ME YIS SHIN TU BSREGS, ,SPYOD PA NYAMS PA DE YI NI, ,LOG PAR LTUNG BA RTAG PAR GNAS, ,YID RNAMS BSDAMS PA MED
GNAS PAS, ,DE SRID DU NI SPYOD SDOM PA, ,DE NI RMONGS PA SPYOD TSUL 'CHOS, ,DMYAL BA RNAMS SU NYE BAR 'ONGS, ,DE NI NYIN MTSAN THAMS CAD DU, ,MI DGE BA RNAMS 'PHEL BAR BYED, ,GANG YANG TSUL KHRIMS RIN CHEN 'DI, ,TSUL KHRIMS 'CHAL PAS NGES PAR LTUNG, ,STONG PA'I CHOS LA CHAGS PA DANG, ,MUN PAS KYANG NI KUN BSGRIBS PA, ,SNA TSOGS BSAM PAS NANG RTOG PA'I, ,DE LA SKABS NI DMIGS MA YIN, ,BSDAMS MIN RANG BZHIN ZHAGS PA YIS, ,DRI MA MKHAS PAS NAM SPANGS PA; ;TSUL KHRIMS 'CHAL BA SDIG PA CAN, ,TSUL KHRIMS SPANGS PAS 'DREN PAR BYED, ,BSDAMS PA MED PAR TSUL 'CHAL BA, ,SDIG PA DANG NI LHAN CIG 'GROGS, 'DOD PA RNAMS NI BSTEN PA YANG, ,'DI DAG DMYAL BA'I PHO NYA YIN, ,MA BSDAMS PA DANG RMONGS PA DANG, ,TZAB HRAL GYI NI KHYAD PAR GYIS, ,SDIG PA'I LAS DANG MNGON LDAN PA, ,DMYAL BA SHIN TU RING BA MIN, ,LAS RNAMS CI 'DRA'I 'BRAS YIN NA, ,CI YI PHYIR NA DER MI 'GRO, ,BDAG NYID 'JOMS BYED KUN RMONGS PA, , GANG LA DGA' BAS RNAM PAR RMONGS, ,SDIG PA'I CHU BO BZOD DKA' BA, ,NYIN DANG MTSAN DU 'PHEL BA YIN, ,SDUG BSNGAL RLABS PHRENG RBA RLABS CAN, ,DES KYANG RANG
, ,GI SKYE BO 'PHROG ,GANG DAG GIS NI CHOS BSLUS PA'I, ,DE RNAMS YID NI BDE MA YIN, ,SDOM PA MED GNAS SKYES BU NI, ,DGE BA'I CHOS RNAMS RNAM PAR SPANGS, ,DGE BA'I LAM 'DI BDE LEGS YIN, ,CHOS GANG GO 'PHANG BDAG NYID CAN, ,GO 'PHANG DE THOB RJES SKYES PA, ,'GYUR MED GO 'PHANG RAB TU 'GRO, ,RANG 'BYUNG BSNYEN GNAS BSAM GTAN DANG, ,GANG ZHIG DAM PA'I SPYOD MNGON DGA', ,SDOM PA LA GNAS RTAG TU DUL, ,DE RNAMS LA NI SDUG BSNGAL MED, ,SDOM MIN DRI MA 'DI DAG GIS, ,DRI MA BYED PA'I MI GANG NI, ,BSLAB PA'I GZHI LAS YONGS NYAMS PA, ,DE NI DMYAL BA'I SKAL LDAN YIN, , DE LTAR RTOGS NAS MI RNAMS KYIS, ,SDOM PA THAMS CAD RAB TU BSGRUBS, ,SRID PA'I RGYA MTSO THAMS CAD DU, ,GANG PHYIR SDOM DE NYAMS MYONG 'GYUR, ,DE LTAR MI RNAMS THAMS CAD LA MA BSDAMS PAS 'JIG RTEN LAS 'DAS PA'I LAM LA BAR CHAD BYED PAR 'GYUR RO, ,JI LTAR SDOM PA MA YIN PAS LHA RNAMS KYI BAR CHAD BYED PAR 'GYUR NA, 'DI NA LAS DANG 'BRAS BU'I SA PA'I 'JIG RTEN 'DIR TSUL KHRIMS RNAM PA BDUN PO RNAMS KYIS NYE BAR BSKYED PA'I BDE BA GANG YIN
PA DE MTHO RIS 'DIR BAG MED PAR GNAS PAS ZAD PAR BYED DO, ,DE DAG RNAMS KYI DE ZAD PA DANG SLAR YANG MI 'GYUR STE, JI LTAR MAR ME'I SNUM DANG SDONG BU ZAD PAS 'OD ZER ZAD PAR 'GYUR RO, ,DE BZHIN DU JI LTAR SDOM PA MED PA 'JIG RTEN LAS 'DAS PA'I LAM GYI BAR CHAD BYED PAR 'GYUR NA, 'DI LTA STE, TSUL KHRIMS LA SPYAD PA'I SKYES BU RNAMS NI, MTHO RIS SU SKYE BAR 'GYUR RO, ,DER SKYES PA NA 'DI LTAR SEMS PAR BYED DE, JI LTAR BDAG MI RNAMS SU SDOM PA RNAM PA BDUN GYIS 'DIR SKYES PA LHA RNAMS DANG MNYAM PA'I NANG DU SKYES PAR GYUR TO, ,DE LA LHA DE NI, SDOM PA GANG LA RTZE GCIG TU SPYOD PAR BYED DE, LAS DANG 'BRAS BU RNAMS MTHONG BA DANG STON PAR YANG BYED DO, ,JI LTAR 'DIR SKYES PA THAMS CAD NI, SDOM PA LAS RAB TU BYUNG NGO, ,ZHES BYA BA STE, DE TZAB HRAL CAN DU GYUR PA'I YID DANG YUL RNAMS DGA' BAR GYUR PAS KYANG 'PHROG PA'I BLOS THOS PAR MI 'GYUR RO, ,RAB TU SGRUB PAR MI BYED DO, ,SDOM PA LA DAD PA SKYE BA MA YIN, LAS DANG 'BRAS BU'I RNAM PAR SMIN PA RNAMS LA 'DI STE, YUL RNAMS LA RGOD PA DANG LDAN PA'I BLOR GYUR PAS DES SDOM PA DE DAG RNAMS NYE BAR 'JOMS PA DANG, CHOS RNAMS LA'ANG SPYOD PAR
, ,MI 'GYUR RO, ,DE DGE BA LAS NYAMS PAS NGES PAR LTUNG STE, RNAM BDE LTA BU'I DANG TSUL GYIS MTHO RIS SU SKYE BAR MI 'GYUR RO, ,'JIG RTEN PA DANG 'JIG RTEN LAS 'DAS PA'ANG MA YIN NO, ,DE LTAR CHOS GSUM PA SDOM PA MED PA ZHES BYA BA BAR CHAD BYED PAR 'GYUR BA YIN NO, ,DE LA LHA RNAMS KYI CHOS BZHI PA GANG DAG GIS LHA DANG MI RNAMS KYI BAR CHAD BYED PAR 'GYUR NA, 'DI LTA STE, LE LO'O, ,LE LO LA MNGON PAR DGA' BA RNAMS KYANG DE KHO NA BZHIN DU MI RNAMS LA THAMS CAD DANG, RNAM PA THAMS CAD 'JIG RTEN PA'I CHOS THAMS CAD MI 'BYUNG NGO, ,LE LO LA DGA' BA DE CHOS BDUN DANG YONGS SU 'BRAL TE, BDUN GANG ZHE NA, JI LTAR KUN NAS NGA RGYAL BAS LE LOS BRTZON 'GRUS MI RTZOM MO, ,GANG DBANG BYED PA DANG MI LDAN PAS YONGS SU NYAMS SO, ,KUN NAS NGA RGYAL PA LAS KYANG YONGS SU NYAMS PAR 'GYUR RO, ,LONGS SPYOD RNAMS LAS YONGS SU NYAMS PAR 'GYUR RO, ,YUL SHES PA LAS YONGS SU NYAMS PAR 'GYUR RO, ,'JIG RTEN PA'I THAMS CAD LAS DE NYAMS PAR 'GYUR RO, ,SKYES BU DAM PA LA BRTEN PA DANG 'JIG RTEN PA'I GTAM DANG 'BREL BA LAS KYANG YONGS
SU NYAMS SO, ,DE'I 'JIG RTEN PA'I DON THAMS CAD LAS YONGS SU NYAMS PAS KUN TU RMONGS PAR 'GYUR RO, ,DON LHAG MA DU MA CHUD ZOS PAR 'GYUR RO, ,DE LTAR MI RNAMS KYI 'JIG RTEN PA'I DON THAMS CAD KYI BAR DU GCOD PAR 'GYUR RO, ,LE LO JI LTAR MI RNAMS KYI 'JIG RTEN LAS 'DAS PA'I CHOS RNAMS KYI BAR CHAD BYED PAR 'GYUR NA, 'DI NA LE LOS LE LOR GYUR PA'I SKYES BU RNAMS NI, SHA SHIS KHYIM GYI LAS KYIS 'JIGS PAS RAB TU 'BYUNG STE, JI LTAR BDAG RAB TU BYUNG LA RAB TU MANG BA'I GNAS MAL DANG, NAD KYI RKYEN GYI YO BYAD RNAMS LA LONGS SPYOD PAR BYA'O, ,BDAG NUB MO'ANG LAS BYA MI DGOS LA NYIN MO'ANG MA YIN TE, SGYU SNYOM DES RAB TU 'BYUNG NGO, ,RAB TU BYUNG BA DE DAM PAR BYAS TE GSOL BA 'DEBS PAR MI BYED, DON DANG BYA BA MI BYED, BSAM GTAN LA MNGON PAR BRTZON PA'I RANG BZHIN CAN MA YIN NO, ,MTHAR THUG PA NYID NI, MA YIN GYI, LE LO'I SKYON GYIS NYAMS SMAD PA YIN NO, ,GANG GI TSE BRGYA LA RAB TU MANG BA'I RNYED PA DANG BKUR STI LA NYE BAR LONGS SPYOD DO, ,TSUL KHRIMS DANG SHES RAB LA MNGON PAR DGA' BAR MI 'GYUR RO, ,BLO DMAN PA DE SKYON DES LUS ZHIG PA NA THABS MA YIN PA LOG
, ,PAR LTUNG BA DMYAL BAR SKYE'O, ,DE NAS DE'I TSE BCOM LDAN 'DAS GTZUG TOR CAN DES TSIGS SU BCAD PA GSUNGS PA, JI LTAR, LE LO'I LAS NI SKAL PA CHUNG, ,GTI MUG GIS NI BCOM PA'I SEMS, ,SKYE BO SNYOM LAS CAN THAMS CAD, ,SHES PA'I SKYE BA YOD MA YIN, ,SGYU SNYOM SDIG PA CAN GYI CHOS, ,RMUGS DANG GNYID KYANG DE BZHIN TE, ,THAR PA'I SGO NI RNAM 'JOMS PAR, ,'GYUR BA 'DI NI 'BRAS BU CHE, ,KHREL MED NGO TSA MED PA DANG, ,SDIG PA'I GROGS DANG RGOD PA NI, ,SDUG BSNGAL GYI NI RGYU DE DAG ,DE LA CHAGS MED MKHAS PA YIN, ,LOG PA'I NGA RGYAL MNGON NGA RGYAL, ,NGA SNYAM NGA RGYAL BA THAMS CAD; ;SDUG BSNGAL GYI NI LJON SHING RGYU, ,DE DAG RTAG TU YONGS SU SPONGS, ,LE LO YI NI DBANG GYUR NAS, ,LHA YI 'GRO GANG DMYAL BAR RTZOM, ,DBUGS RGYU YANG NI SHI BA YIN, ,DE DAG GSON DON YANG 'BRAS MED, ,LE LOS NYE BAR BCOM PA'I MI, ,GSON PA NA YANG GSON PA MIN, ,RO LAS KYANG NI LHA DE DAG, 'DI NI RGYU SNYOM YIN PAR SHES, ,LE LO'I 'DAM DU BYING BA GANG, ,DE NI SDUG BSNGAL RGYA MTSOR BYING, ,GANG LA BRTZON 'GRUS BRTZAMS YOD PA, ,SRID PA'I RGYA
MTSO LAS DE RGAL, ,LE LO BRTZON 'GRUS DMAN PA GANG, ,ZAS LA RTAG TU DGA' NGA PHYUGS, ,DE NI GSON YANG SHI BA YIN, ,SHI NAS KYANG NI DMYAL BAR 'GRO, ,MI GANG SDUG BSNGAL SKAL LDAN PA'I, ,MI DE PHYUGS DANG MTSUNGS PA YIN, ,GZHAN GYI GONG BU ZA BA'I LHA, ,DE YI RGYU NI LE LO YIN, ,PHAL CHER LE LO CAN RNAMS NI,, GZHAN GYI BU MOS NYE BAR 'TSO, ,ROL LHAG PAR CHAGS PA DANG, ,'KHRIG PA LA YANG RTAG TU DGA', ,DE NI DE NYID DPYOD BRAL NAS, ,ZAS 'BA' ZHIG LA CHED DU BYED; ;'CHI BA'I DUS NI BYUNG BA NA, ,RANG GI SEMS NI SREG PAR BYED, ,JI SRID TSA GRANG LHAN CIG DANG, ,DE BZHIN BKRES SKOM LHAN CIG TU, ,DE SRID LUS KYIS BYA BA GYIS; ;GANG PHYIR RTAG TU MTSUNGS GYUR PA, ,LE LO'I BLO NI BYA MIN TE, ,LE LO SNYOM PA'I BDAG NYID CAN, ,RTAG TU 'KHOR BAR DE LAS GNAS, ,SDUG BSNGAL LAS KYANG LEGS GROL MIN, ,BRGYA YI NANG NA KHA NYEN ZHING, ,LE LO CAN DE 'JIG RTEN 'BRING, ,THA MAR YANG NI CO 'DRIR 'GYUR, ,LEGS PA'I BLO YANG YOD MA YIN, , SKYON NI DE DAG RNAMS DANG YANG, ,GZHAN RNAMS DANG YANG YANG DAG LDAN, ,'JIG RTEN 'DAS PA'I LAM LAS NI, ,PHYI ROL NYID DANG BRAL BA YIN, ,LE LO CAN GYI SKYES BU NI,
, ,'JIG RTEN 'DAS LAS YONGS NYAMS 'GYUR, ,LHA RNAMS JI LTAR NA 'JIG RTEN PA DANG 'JIG RTEN LAS 'DAS PA'I CHOS 'DUL BA LAS NYAMS PAR 'GYUR ZHING, JI LTAR LHA RNAMS KYI BAR CHAD DU 'GYUR NA, 'DI NA LE LO CAN 'JIG RTEN PA'I LAM GYIS GAL TE NA LAN GRANGS GZHAN LA MYONG BAR 'GYUR BA'I LAS KYIS SAM, GAL TE LEGS PAR BYAS PA RNAMS LA DMIGS PAR GYUR PAS SAM, GAL TE DE LTAR SKYES PAR GYUR LA DE LE LO DE NYID KYIS NYE BAR BCOM PAS THAMS CAD DU 'DOD PA'I SGRA DANG, RO DANG, REG BYA DANG, GZUGS DANG, DRI RNAMS LA'ANG KUN DGA' BAR MI 'GYUR RO, ,SKYED MOS TSAL DGA' BAR GYUR PA RNAMS DANG, RGYUG PA DANG SNYONG BA'I RANG BZHIN CAN DU MI 'GYUR RO, ,GLU'I SGRA'I RANG BZHIN LA MI DGA'O, ,GLU LEN PAR MI BYED DO, ,NAM MKHA'I DKYIL DU 'PHAGS PAR MI BYED DO, ,RI'I RTZE MO NAS RI'I RTZE MOR MI 'GRO'O, ,RLABS KYI PHRENG BA NAS RLABS KYI PHRENG BA RNAMS LA BYA'I RGYAB TU ZHON NAS RTZE BAR MI BYED DO, ,BDE BA NYID KYIS NYE BAR BCOM PA DE'I DRUNG DU'ANG 'THAB BRAL GYI BDAG PO 'GRO BAR 'GYUR LA, DES YUL THAMS CAD LA YANG LEGS PAR SBYOR BAR MI BYED NGO, ,DE LA YAL
DE DAG THAMS CAD DGRA'I TSOGS SU GYUR PA'I LE LO 'JIG RTEN PA RNAMS YIN NO, ,JI LTAR 'JIG RTEN LAS 'DAS PA'I LAM GYI BAR CHAD YIN NA, LE LO CAN RNAMS 'DI NA LHA GZHAN GANG DAG DAM PA'I CHOS NYAN PA'I RANG BZHIN CAN DU GYUR PA RNAMS DANG, DE DAM PA'I CHOS LA DGA' BAR GYUR PA RNAMS LA'ANG DE DAG LEGS PAR STEN PAR MI BYED DO, ,DE DAM PA'I CHOS LA KHA PHYIR PHYOGS PAR 'GYUR RO, ,DES MA THOS PA'I CHOS RNAMS MI NYAN NO, ,THOS PA RNAMS KYANG 'DZIN PAR MI BYED DO, , GOMS PAR YANG MI BYED DO, ,BLA MA LA NYE BAR STEN PAR MI BYED DO, ,SHES PA DANG RNAM PAR SHES PA DANG LDAN PA'I RANG BZHIN CAN MA YIN NO, ,DE DAM PA'I CHOS LAS PHYI ROL TU GYUR PA, DGE BA THAMS CAD DANG RNAM PAR BRAL BA, 'KHOR BA NA RTAG TU'ANG 'KHOR BAR GYUR PA STE, RTAG TU'ANG SDUG BSNGAL GYI SKAL PA CAN DU 'GYUR RO, ,DE CI'I PHYIR ZHE NA, YANG DAG PA'I LAM DANG BRAL BA'I PHYIR NA MI RTOGS SHING YONGS SU MI 'GROL LO, ,DE LE LOS NYE BAR NYAMS PAS DMYAL BA DANG, YI DVAGS DANG, DUD 'GRO DANG, MI RNAMS SU SKYE BAR 'GYUR RO, ,DE RGA BA DANG 'CHI BA'I KHOG TZES BCINGS PAS SHIN TU SDUG BSNGAL BAS YONGS SU 'KHYAMS SO, ,DE
, ,LA LE LO GCIG PO DE NYID KYIS DON MA YIN PAR BYED PA, NGAN 'GRO THAMS CAD KYI RTZA BA, 'KHOR BA THAMS CAD KYI SA BON DU GYUR PA RAB TU 'BYUNG BA YIN NO, ,DE'I PHYIR NA GANG DAG 'KHOR BA LAS LDOG PAR 'DOD PA DES RAB TU BRTZON PAS LE LO YONGS SU SPANG BAR GYIS DANG, DE'I RTZA BA LAS GYUR PA MA YIN PA'I RI RGAL BAR MI NUS SO, ,SKYON GCIG GIS GOS PAS SDUG BSNGAL GYI RGYA MTSO LAS RGAL BAR YANG MI NUS SO, ,GZHAN YANG SKYON BZHI PA LAS SHIN TU 'DAS NAS GZHAN CHOS LNGA PA LHA DANG MI RNAMS KYI BAR DU GCOD PAR 'GYUR BA RNAMS GANG ZHE NA, 'JIG RTEN PA DANG 'JIG RTEN LAS 'DAS PA'I LAM NI; 'DI LTA STE, MI BZAD PA'I 'DOD PA NI, LHA DANG MI RNAMS KYI 'JIG RTEN PA DANG 'JIG RTEN LAS 'DAS PA THAMS CAD KYI BAR DU GCOD PAR BYED PAR 'GYUR RO, ,JI LTAR LHA DANG MI RNAMS KYI 'JIG RTEN PA'I LAM LA RNAM PAR SMAD PAR BYA BA MI BZAD PA'I 'DOD PA YIN NA, 'DI LTA STE, KHYIM LA GNAS NAS SKYES BU 'DOD PAS ZIL GYIS GNON PAR 'GYUR TE, DE NI, CHOS LA NGES PAR MI DGA' BA, RTAG TU'ANG NOR LA CHED CHER BYED PA YIN TE, GZHI DES NYIN MTSAN
MED PAR YANG NOR RNAMS KYI SRED PA SNYING LA 'JUG PAR BYED DO, ,DE JI LTA JI LTAR RDZAS RNAMS 'BYUNG BA DE LTA DE LTAR PHYIR ZHING YUL GZHAN RNAMS 'DOD PA SNYING LA 'JUG GO ,DE NI, 'DI LTAR 'GYUR TE, BDAG GIS SGYUS NYE BAR 'TSO BA'I RNAM GRANGS GANG GIS GZHAN BSLU BAR BYA ZHES TE, RTAG TU YANG GYI GYU'I DPYAD RA BAR 'GYUR RO, , DES GZHAN RNAMS LA'ANG DE BZHIN DU YUL DE DAG LA 'DOD PA SKYED PAR BYED DO, ,G-YO SGYU RNAMS NYE BAR BSTEN NO, ,CHOS MA YIN PA PHAL PO CHES GNAS PAR 'GYUR BA'I LAS KYI BYA BA RNAMS LA 'JUG PAR BYED DO, ,DE DAG DE BZHIN DU BA RNAB SEMS MANG BAR 'GYUR RO, ,JI LTAR GANG DAG GZHAN GYI RDZAS YIN PA DE RNAMS NGA'I YIN PAR GYUR NA ZHES DES DE LTAR YID KYIS BSAM NAS KYANG GZHAN RNAMS LA'ANG DE BZHIN DU DGA' BAR BYAS NAS DES GZHAN RNAMS DANG YANG LHAN CIG TU G-YO SGYU BYAS PAS GZHAN RNAMS SLU BAR BYED DO, ,BSLUS NAS KYANG RAB TU DGA' BAR 'GYUR RO, ,JI LTA BU'I LEGS PA ZHIG BDAG GIS BYA STE, YUL DE'I NYO TSONG GIS G-YO ZIL DANG LDAN PAS GZHAN RNAMS KYANG BSLUS NAS NOR 'PHROG PAS BDAG LA 'DI SNYED CIG 'PHEL BA ZHES DE LTAR DE RO MYANG BAR BYED DO, ,SGOM PAR BYED DO, ,LAN MANG DU BYED
, ,DO; ;GZHAN RNAMS KYANG DES SDUG BSNGAL BAR BYED PAR 'GYUR RO, ,'DOD PA MI BZAD PAS ZIL GYIS MNAN NAS DE YUL LJONGS RNAMS 'JOMS PAR BYED PAR 'GYUR RO, ,GRONG KHYER RNAMS DANG, YUL LJONGS RNAMS PHUNG PAR BYED PA POR 'GYUR RO, ,SKYE BO THAMS CAD KYIS YONGS SU SPANGS PA POR 'GYUR RO, ,DE BZANG PO RNAMS THAMS CAD KYIS RNAM PAR GSHES BA DANG YONGS SU SPANGS PAR YANG 'GYUR TE, YUL GYI TSER MA, GRONG GI TSER MA, GRONG KHYER GYI TSER MA; YUL 'JOMS PA PO DANG, GRONG 'JOMS PA PO DANG, KHYIM 'JOMS PA PO DANG, RIGS 'JOMS PA PO DANG YANG RTAG TU YANG DAG PAR LDAN PA GZHAN RNAMS LA GNOD PAR BYED PA PO LUS ZHIG PA DANG NGAN SONG LOG PAR LTUNG BA DMYAL BA RNAMS SU SKYE BAR 'GYUR RO, ,DE LTAR 'JIG RTEN PA'I YUL RNAMS LA 'DOD PA DANG LDAN PAS MI RNAMS KYI BAR DU GCOD PAR GYUR TO, ,'DOD PA MI BZAD PA GOMS PAR BYAS PA NI, SLAR YANG RAB TU 'PHEL BAR 'GYUR TE, JI LTAR ME RNAMS LA SHING BSNAN PA DE LTA DE LTAR RNAM PAR 'PHEL LO, ,DE KHO NA BZHIN MI BZAD PA'I 'DOD PA JI LTA JI LTAR RDZAS RNAMS RNYED PA DE LTA DE LTAR PHYIR ZHING RAB TU 'PHEL TE, BRNAB
SEMS PAR GYUR PA DANG LHAN CIG TU SPYOD PA'I PHYIR RO, ,DE'I PHYIR NA SKYES BU CHOS BYED PA RNAMS KYIS RAB TU BRTZON PAS KYANG 'DOD PA MI BZAD PA RNAMS RAB TU GZHOM PAR BYA'O, , RGYU GANG GIS 'DOD PA 'DI DRI MA RNAMS KYI MCHOG YIN PA NI, ,'DI LTA STE, NOR SKYED PA'I DRI MA RNAMS SO, ,DRI MA DE DAG GIS NYE BAR BCOM PA'I SKYES BU RNAMS KYANG DMYAL BAR NYE BAR RGYUG PA YIN NO, ,DE NAS DE'I TSE BCOM LDAN 'DAS GTZUG TOR CAN DES TSIGS SU BCAD PA GSUNGS PA, JI LTAR, G-YO SKYED PA YI NYO TSONG GIS, ,GANG ZHIG GZHAN GYI NOR 'PHROG PA, ,DE NI BRNAB SEMS MANG GYUR NAS, ,RTAG TU GNOD PA BYA BAR SEMS, ,NYIN MTSAN MED PAR DE DAG GIS, ,SNYING NI BDE BAR GNAS MA YIN,, YID NI 'DOD PA'I DBANG GYUR NAS, ,GZHAN GYI NOR LA 'DOD BYED PA, ,MI BZAD RNAMS KYI RANG BZHIN NI, ,DE DAG ME DANG 'GROGS PAR RUNG, ,MI RNAMS THAMS CAD RNAM 'JIGS PA, ,MI BZANG DUG CAN SPRUL BZHIN NO, ,'DOD GANG MI BZAD PA 'DI YIS, ,DBANG DU BSDUS PA'I MI RNAMS NI, ,DE SHI NAS NI DMYAL BAR 'GRO, ,YI DVAGS SKYE GNAS DE BZHIN TE, ,DE LAS KYANG NI RNAM GROL NAS, ,DMYAL BA'I MES NI KUN GANG BAR, ,SKYE BA LNGA BRGYA RNAMS SU NI, ,GZHAN GYI 'DOD PA DER 'GRO'O, ,NYI MA RGYA CHE'I
, ,RI BZHIN RNAMS NI, ,RTAG TU SDUG BSNGAL SKAL LDAN YIN, ,SEMS NI 'DOD PAS NYER BCOM PAR, ,MI RNAMS THAMS CAD GYUR PA YIN; ;RGYU GANG 'DOD PAR BA SPANGS PA, ,RTAG TU YE SHES LA DGA' BA, ,RDZU 'PHRUL DANG LDAN RTAG TU ZHI, ,DE NI 'GRO BA'I MCHOG TU 'GRO, ,MI BZAD SBRUL GYI BZHIN 'DRA BA; ;NGES PAR SNYING LAS 'DOD PA GANG, ,'DOD PA MTHONG BA DUG CAN SBRUL, ,LOG PAR LTUNG LA RTAG TU GNAS, ,'DOD PA RTAG TU BYAS GYUR NA, DE DAG YANG DANG YANG DU 'PHEL, ,SHING SKAM DANG NI LEGS PHRAD NAS, ,ME NI RAB TU 'PHEL BA LTAR, ,SKYES BU NOR GYIS SRED GDUNGS PA, ,NOR SKYED PA LA CHED CHER BYED, ,NGES PAR 'CHI BA'I DUS BYUNG NA, ,DBANG BYAR MED PAR NOR RNAMS GTONG, ,GANG PHYIR DE 'BYUNG GZHON PA NI, ,'PHEL BAR 'GYUR BAS RNAM PAR 'JIG ,GANG PHYIR 'DOD DES BDAG BCINGS PAS, ,MI NI DMYAL BAR KHRID PA YIN, ,NOR DE GZHAN GYIS ZA BA YIN, ,DE NI SDIG GIS GOS PA YIN, ,DON MIN DON GYI GZUGS KYI DANG, , BDE BA'I GZUGS KYI BDE MIN YANG, ,DGRA BO GROGS PO'I GZUGS KYIS KYANG, ,'DOD PA'I SNYING LA 'JUG PA YIN, ,'DOD GOMS MA BYED SHES RAB CAN, ,
'DOD PA'I DE YIS RTAG TU SREG ,DE YIS SKYES BU RAB BSREGS PAS, ,PHYI NAS DMYAL BAR 'GRO BA YIN, ,'DOD PA MTSUNGS PA GANG PHYIR 'DI, ,MI RTAG RI YI 'JIG PA YIN, ,GLO GROS NGAN PAS SDIG BYAS PA, ,DE DAG DON NI GA LA YOD, ,DE LTAR 'DOD PA MI BZAD PA RNAM PA THAMS CAD DU DON MA YIN ZHING DGOS PA RNAMS MI SGRUB PA'O; ;DE LTAR 'JIG RTEN PA'I MI BZAD PA'I 'DOD PA RNAMS KYIS MI RNAMS LA BAR DU GCOD PAR 'GYUR TE, MI BZAD PA'I 'DOD PA GOMS PAR BYAS PA'I PHYIR RO, , GZHAN YANG RAB TU 'PHEL BA NYID DE, JI LTAR ME SHING DANG PHRAD PA DE LTA DE LTAR RNAM PAR 'PHEL BA YIN LA, DE KHO NA BZHIN DU 'DOD PA MI BZAD PA JI LTA JI LTAR NOR RNAMS RNYED PA DE LTA DE LTAR PHYIR ZHING RAB TU 'PHEL TE, BRNAB SEMS DANG YANG LHAN CIG TU SPYOD PAR 'GYUR BAS NA, DE'I PHYIR NA SKYES BU CHOS BYED PA RNAMS KYI RAB TU BRTZON PA DU MAS KYANG MI BZAD PA'I 'DOD PA RNAMS RAB TU GZHOM PAR BYA'O, ,LHA DAG 'DI NA SKYES BU GANG ZHIG SBYIN PA LA MNGON PAR DGA' BAS TSONG BAR GYUR TE, DE DAG DGE SBYONG DANG BRAM ZE RNAMS LA RIN CHUNG DUS ZAS DANG SKOM DAG BLANGS NAS SBYIN PA'I SNYAD KYI TSONG GIS YID RAB TU DANG BAS TSONG BYED DO, ,YON TAN GYI KHYAD PAR GYI
, ,GONG GIS RIN THANG MED PA 'TSONG NGO, ,DE'ANG BZHI LOG GAM BRGYAD LOG TU BYED DO, ,SNGAR LAS LHAG PAR BCU LOG TU'ANG BYED DE, , 'DI NI; 'DOD PA MI BZAD PA SMAD PAR BYA BA RNAMS LAS GCIG YIN NO, ,GZHAN YANG MI BZAD PA'I 'DOD PA NI, 'DI LTA STE, CHOS SMRA BA BO RNAMS KYIS CHOS BSTAN NAS RDZAS LEN NO, ,NOR DE'ANG DKON MCHOG GSUM LA BSNGO BAR MI BYED DO, ,GZHAN YANG RNAM PAR SMAD PAR BYA BA'I 'DOD PA NI, GANG DAG YE SHES LA GOMS PA BSKYED PAR GYUR NAS KYANG RIG PA LHAG PA GSUM BO RNAMS 'DZIN PAR BYED PA STE, RAB TU BYUNG BAR GYUR CING RE BA MED PA DANG, KUN NAS DGA' BA MED PAR GYUR PA DE DAG RNAMS NYID KYI 'DOD PA 'DI NI, RNAM PAR SMAD PAR BYA BA YIN NO, ,YANG RNAM PAR SMAD PAR BYA BA'I 'DOD PA GZHAN NI, 'DI LTA STE, GANG ZHIG RAB TU BYUNG BAR GYUR NAS KYANG SA LAS BYAS PA'AM, BA SO LAS BYAS PA'AM, SHING LAS BYAS PA'AM, DNGUL LAS BYAS PA'I BCOM LDAN 'DAS KYI SKU GZUGS 'TSONG BAR BYED PA'O, ,DE DAG RNAMS KYI 'DOD PA 'DI NI, RNAM PAR SMAD PAR BYA'O, ,NOR DE'ANG CHOS LA SNGO BAR MI
BYED DO; ;DE LTAR MI RNAMS KYI'ANG 'JIG RTEN LAS 'DAS PA'I CHOS RNAMS THOB PA LA 'DOD PA MI BZAD PA RNAM PAR SMAD PAR BYA BA SGYUG BRO BAR GYUR PA RTAG PAR RGYUN DU MDZES PAR GYUR PA MA YIN NO, ,JI LTAR LHA RNAMS KYI 'DOD PA YIN NA, DE DAG GI RNAM PA SNA TSOGS PA'I BDE BA RNAMS KYIS RNAM PAR RGYU BA RNAMS YIN TE; DE'ANG DE LTAR KHYED RNAMS 'DOD PA MI BZAD PA MNGON SUM NYID DU GYUR PA NI, JI LTAR GSER DANG, DNGUL DANG, BEE d'URYA DANG, AINDRA N'I LA DANG, MA H'A NI LA DANG, SHEL GYI RANG BZHIN RNAMS KYI RI GANG DAG YIN PA DE DAG LA RTZED MO NYAMS SU MYONG BAR BYED DO, ,DE LA RI GCIG LAS RI GZHAN RNAMS LA RTZED MO LI 'GRO BA RNAMS PHO MO'I TSOGS KYIS YONGS SU BSKOR BA DE DAG THAMS CAD NI, 'DOD PAS BYAS KYI, GZHAN GYIS NI, MA BYAS LA, LHA KHYED RNAMS YUL GYI SRED PA DANG LHAN CIG TU 'DOD PA GANG YIN PA DE DAG GIS BCINGS NAS RNAM PAR LHUNG BA'ANG RTOGS PAR MI BYED CING NGAN 'GRO'I 'JIGS PA RNAMS MA YIN LA, MI 'DOD PA YID DU MI 'ONG BA YUL LJONGS DANG BRAL BA'I 'JIGS PA'ANG MED PA DANG, NAD KYIS BYAS PA'I 'CHI BA'I DUS KYI SDUG BSNGAL GYI 'JIGS PA RNAMS KYANG
, ,RTOGS PAR GYUR TA RE, LHA KHYED RNAMS KYANG 'DOD PAS ZIL GYIS MNAN PA'I YID DE DANG, SPYOD PA DE DAG NYID KYIS RAB TU BZOD DKA' PA'I RIS RNAM PAR 'JOMS PAR 'GYUR RO, ,DE LTAR LHA DE DAG RNAMS RNAM PAR 'BRAL BA DANG, NAD KYI 'JIGS PA'ANG MED PAR 'CHI 'PHO BAR GYUR PA NA'ANG 'DOD PA RNAMS KYIS YID MI TSIM MO, ,DE LTAR LHA RNAMS KYIS 'JIG RTEN PA'I LAM YANG MI BZOD PA'I 'DOD PA RNAMS KYIS PAR DU GCOD PAR BYED PAR 'GYUR RO, ,JI LTAR 'JIG RTEN LAS 'DAS PA'I LAM GYI LHA'I 'JIG RTEN PA RNAMS KYI BAR CHAD BYED PAR 'GYUR NA, 'DI NA 'DOD PA'I SGRA DANG, REG BYA DANG, RO DANG, GZUGS DANG, DRI LA RAB TU 'JUG PAR BYED PA SPYOD PA DAM PA MA YIN PA LA MNGON PAR DGA' BAR 'GYUR RO, ,'DOD PA CAN GYI LHA RNAMS NI LHA GZHAN 'DOD PA CHUNG BAR GYUR PA CHOS 'DUL BA LA PHYING BA PAR RJES SU SLOB PA RNAMS LA THOS PAS DGA' BAR BYAS PA'I YID CAN MA YIN NO, ,RTZA BA LA CHU LDUGS PA BZHIN DU DGE BA'I CHOS RNAMS THAMS CAD LA'ANG 'DI LTA STE, CHOS KYI RTOGS PA'O, ,CHOS KYI RTOGS PA DE'ANG THOS PA MED PAR MI 'GYUR RO, ,DE KHO NA NYID THOS PA'ANG JI LTAR RTOGS
PAR MI 'GYUR BA DANG, BAG MED PAS BAG MED PA DE'ANG CI'I RTZA BA LAS YIN, GANG GI PHYIR 'DOD PA'I RTZA BA LAS YIN, GANG GI PHYIR 'DOD PA'I RTZA BA'O, ,DE'I PHYIR NA 'DOD PA SPONG BA PO GANG YIN PA DE THAMS CAD MYA NGAN LAS 'DAS PA'I GRONG KHYER DU 'JUG PA YIN NO, ,GANG YANG 'DOD PAS BTZIR BA'I YID CAN DE DAG RNAMS THAMS CAD 'KHOR BA'I LAM LA RGYU BA YIN NO, ,DE LTAR NA LHA RNAMS 'JIG RTEN LAS 'DAS PA'I LAM LA'ANG LHA DANG MI RNAMS KYIS BAR CHAD BYED PAR 'GYUR RO, ,DE'I PHYIR BLO DANG LDAN PAR GYUR PAS RAB TU BRTZON PAS 'DOD PA MI BZAD PA RNAMS SPANG BAR BYA'O, ,'DI NAS THAMS CAD ZANG ZING GI SBYIN PA LA RAB TU BRTZON PA DE'I RGYU MTHUN PA'I 'BRAS BU'O, ,SBYIN PA'I LAM DE DAG RNAMS NYID NI LHA RNAMS KYIS BYA BAR MI NUS PAR 'DOD DE, MI GZI BRJID CHE BA RNAMS KYIS BYAS KYI, LHAS NI MA YIN NO, ,LHA DE MIR GYUR PA NA RAB TU RNYED DKA' BA'I SBYIN PA GANG YIN PA LA MNGON PAR DGA' BA DE GZHAN GYIS BSLUS PAR GYUR PA STE, RIN PO CHE'I GLING LAS NYAMS PA'I TSONG PA NGAN PA BZHIN TE, 'DI LTAR YANG ZANG ZING GI SBYIN PA RNAM PA DU MA YOD DO, ,DE LA MI 'JIGS PA'I SBYIN PA GANG ZHE NA, RNAM PA YANG DU ZHIG MI 'JIGS PA'I SBYIN PA YIN ZHE NA, MI 'JIGS
, ,PA'I SBYIN PA RNAM PA GSUM YIN TE, SROG YONGS SU SKYOB PA DANG, NOR 'PHROG PA RNAMS YONGS SU SKYOB PA DANG, DE BZHIN DU GZHAN GYI BU DANG BU MO 'PHROG PA YONGS SU SKYOB PAR BYED PA'O, ,DE LA SROG BYIN PAS NI, LHA DANG MI RNAMS SU TSE RING BAR 'GYUR RO, ,NOR 'PHROG PA RNAMS YONGS SU BSKYABS PA LAS RKUN MA LAS LEGS PAR BSRUNGS PAR 'GYUR RO, ,NOR RNAMS DANG YANG LDAN PAR YANG 'GYUR RO, ,RGYAL PO DANG, RKUN MA DANG, CHU LA SOGS PAS 'DI'I NAM YANG RDZAS RNAMS 'PHROG PAR MI 'GYUR RO, ,RGYAL POR 'GYUR BA DANG, RGYAL PO'I BLON PO RNAMS SU 'GYUR BA DANG, LAS DE'I 'BRAS BUS RDZU 'PHRUL CHE BAR 'GYUR BA DANG, DBANG CHE BA DANG, SKYE BA GZHAN THAMS CAD DU'ANG NOR DANG LDAN PAR 'GYUR RO, ,BU DANG BU MO RNAMS KYI MI 'JIGS PA BYIN PAS NI, BU DANG BU MO RNAMS LEGS PAR BZUNG BAR 'GYUR RO, ,LHA DANG MI RNAMS SU 'CHI 'PHO BA'I DUS KYI TSE NA'ANG DE LTAR RNAM PAR MI SPONG NGO, ,LHA DAG ,DE LA CHOS KYI SBYIN PA GANG ZHE NA, DE LA RNAM PA GNYIS TE, 'JIG RTEN PA DANG, 'JIG RTEN LAS 'DAS PA'O, ,DE LA 'JIG RTEN PA NI, BSAM
GTAN BZHIR NYE BAR 'GRO BA'I 'JIG RTEN PA'I SHES PA DANG YANG DAG PAR LDAN PA BYIN PAS LHA DANG MI RNAMS SU BDE BAR 'GYUR TE, LHA DANG MI RNAMS KYI NANG DU STE ,GAL TE LOG PAR LTA BAR MA GYUR NA'O, ,'JIG RTEN LAS 'DAS PA'I CHOS KYI SBYIN PA RNAMS BTANG BAS RNAM PAR BYANG BA'I LHAR 'DOD PA NA SPYOD PA RNAMS SAM, GZUGS NA SPYOD PA RNAMS SU'O, ,DE GAL TE 'DOD PA NA SPYOD PAR SKYES NA DE DGU BCU RTZA BRGYAD KYI SA LA SPYOD PA'I 'DOD PA NA SPYOD PA'I LHA'I RIS DRUG JI LTA BA'I GTZO BO RNAMS SU SKYE'O; ;GZUGS NA SPYOD PA RNAMS SU'ANG SKYE STE, MYA NGAN LAS 'DAS PA RTOGS PAR YANG 'GYUR RO, ,'BRAS BU'I KHYAD PAR CHE BA RNAMS NI, BLO'I KHYAD PAR RNAMS KYIS MYA NGAN LAS 'DAS PA LHAG PAR RTOGS PAR 'GYUR RO, ,GNAS GTZANG MA'I RNAMS SU SKYE'O, ,YONGS SU BSNGO BA'I KHYAD PAR GYIS RGYAL POR YANG 'GYUR TE, 'KHOR LOS GLING BZHI LA BSGYUR BA GSER GYI 'KHOR LO CAN RIN PO CHE DANG NYE BA BCU BZHI DANG YANG YANG DAG PAR LDAN PA'O, ,YONGS SU BSNGO BA'I KHYAD PAR GYIS KHA DOG DANG LDAN PAR 'GYUR RO, ,YONGS SU BSNGO BA'I KHYAD PAR GYIS ZAG PA RNAMS ZAD PA DANG, RANG SANGS RGYAS DANG, BRTZON 'GRUS DANG LDAN PAR YANG SEMS KYI BSNGO BA'I KHYAD PAR
, ,GYIS 'GYUR RO, ,SANGS RGYAS BCOM LDAN 'DAS DGRA BCOM PA, RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, BLA NA MED PA, SKYES BU 'DUL BA KHA LO SGYUR BA, LHA DANG MI RNAMS KYI STON PA SANGS RGYAS BCOM LDAN 'DAS SU'ANG CHOS KYI SBYIN PA DE'I KHYAD PAR GYIS 'GYUR RO, ,DE LA LHA DE RNAMS NI, SBYIN PA RNAM PA GSUM PO 'DI DAG RNAMS DANG BRAL BA YIN NO, ,DE LTAR BYAS PAS LHA RNAMS KYI DRUNG NA MI RNAMS LHAG PA YIN NO, ,LHA RNAMS NI, RNAM PAR SMAN PA'I SA BA YIN NO, ,LAS KYI SA PA NI, MI RNAMS YIN TE, LAS RGYA CHE BA LAS 'BRAS BU RGYA CHE BA YIN PA'I PHYIR NA LHA DANG MI DE RNAMS YIN NO, ,LAS DANG 'BRAS BU'I KHYAD PAR 'DIS MI RNAMS KYI DRUNG NA LHA RNAMS CHUNG BAR GYUR BA YIN NO, ,GZHAN YANG LAS KYI RNAM PAR DBYE BAS SKYE BAR GYUR PA RNAMS NI, GANG DAG SBYIN PA DANG BRAL BA 'BA' ZHIG GI TSUL KHRIMS 'BA' ZHIG LA SGRUB PAR BYED PA DE DAG NI, YON TAN GCIG PU ZHIG DANG LDAN PAS NI, 'DOD PA'I YON TAN LNGA SHIN TU CHUNG BAR 'GYUR RO, ,DE LA LAS KYI RKYEN BSTAN PA 'DIS NI, MI MCHOG RNAMS SU 'GYUR GYI, LHA RNAMS
SU NI; MA YIN NO, ,DE NAS DE'I TSE NA BCOM LDAN 'DAS RNAM PAR GZIGS DES TSIGS SU BCAD PA GSUNGS PA, JI LTAR, MI YI SA LA SKYES BYIN 'DIS, ,DGE BA'I 'GRO BAS 'GRO BA YIN, ,LHA RNAMS DGA' BA MIN PAR 'DOD, ,GANG PHYIR 'BRAS BU'I SA 'DIR 'DOD, ,LAS KYI SAR NI MI RNAMS YIN, ,'BRAS BU'I SA NI LHA YI GNAS; ;'BRAS KUN LAS KYI LAM LAS YIN, ,'BRAS BU ZAD PAS RGYU MED YIN, ,SKAD CIG DBANG GIS MYUR BAR YANG, SROG NA ZOG PAR NUS MA YIN, ,LAS RNAMS KYANG NI ZAD PAR GYUR, ,DE PHYIR YID NI LEGS PAR GYIS, ,SEMS KYI SHUGS NI MTSUNGS PAR KUN, ,GSON PA RNAMS NI 'GOD PA YIN, ,DE PHYIR GSON PA'I DON DU NI, ,MKHAS PAS SDIG PA MA BYED CIG ,MA 'ONGS PA YI SDUG BSNGAL NI, ,SKYE BO'I TSOGS KYIS MI RTOGS SO, ,'DI NA 'JIG RTEN 'TSED PA RNAMS, , GTI MUG PHYUGS KYI TSOGS RNAMS YIN, ,SBYIN DANG TSUL KHRIMS DKA' THUB NI, ,RIN CHEN GANG DAG SNYING LA STEN, ,LHA 'AM YANG NA MI YANG RUNG, ,DE NI 'GRO BA'I MCHOG TU 'GRO, ,SKYE DANG GNAS DANG 'JIG PA NI, ,'DUS BYAS THAMS CAD YIN PAR BRJOD, ,'DUS BYAS THAMS CAD BDE BA MIN, ,DE DAG 'JIG PA KHO NA YIN, ,'JIG
, ,PAR 'GYUR DANG RNAM NYAMS DANG, ,'BRAL DANG SKAD CID DE LTA BU, ,GSON PA KUN GYI BDE BA YIN, ,DE PHYIR DE NI SPANG BAR GYIS, ,DE LTAR 'DUS BYAS DE DAG THAMS CAD MI RTAG PA, SDUG BSNGAL BA, STONG PA, BDAG MED PA STE, SKYE BO DAG SDUG BSNGAL RNAM PA DU MA'I KHUR GYIS NON PA, 'CHING BA LNGAS BCINGS KYANG SKYO BAR MI 'GYUR BAR LHA DANG MI RNAMS GTI MUG GIS ZUM PA'I MIG DANG, 'DOD CHAGS SNYING LA SEMS PA'I YANG DAG PA MA YIN PA'I 'CHING BAS BCINGS PA, GCIG TU NA DON DU KUN NAS MNGON PAR ZHEN PA'I YID CAN NI, BYIS PA SO SO'I SKYE BO THAMS CAD YIN TE, PHAN TSUN DU SRED PA BRGYUD PAS BCINGS PA'I BYA BZHIN DU 'KHOR BAR 'KHOR BA DE RNAMS LA LHA'AM MI RNAMS KYIS KYANG BDE BA RTAG PA'I BLO NI, MI BYA'I, 'JIG RTEN 'DI THAMS CAD NI, RNAM PA MANG PO DANG, RNAM PAR RTOG PA DU MAS MI RTAG PAR THAMS CAD DU 'GYUR RO, ,GANG YANG SBYIN PA YON TAN BCU GNYIS DANG LDAN PA'I SBYIN PA GANG YIN PA NI, LHA RNAMS LA MI DMIGS TE, 'BRAS BU 'BA' ZHIG GIS 'TSO BA RNAMS GANG GI TSE 'BRAS BU ZAD PAR 'GYUR BA DANG, RUL PAR 'GYUR BA DANG, RNAGS PAR GYUR PA DE'I TSE LHA'I RIS DE
RNAMS LAS LTUNG BAR 'GYUR TE, DE DAG GANG GI TSE BSOD NAMS ZAD PAR GYUR PA NA NGES PAR LTUNG BAR YANG 'GYUR RO, ,DE LA YON TAN BCU GNYIS DANG LDAN PA'I SBYIN PA RNAMS GANG ZHE NA, 'DI LTA STE, YUL PHUN SUM TSOGS PA DANG, DUS PHUN SUM TSOGS PA DANG, YON TAN PHUN SUM TSOGS PA DANG, DGA' BA PHUN SUM TSOGS PA GANG LA DGA' BAR 'GYUR BAR DE RAB TU STER BA DANG, ZHING PHUN SUM TSOGS PAR GYUR PA DANG, BKRES PA DANG, SKOM PAS 'ONGS PA RNAMS LA GANG DAG STER BA DANG, DAD PA DANG GUS PAS RAB TU STER BA DANG, NYON MONGS PA MED PA YON TAN PHUN SUM TSOGS PA LA RAB TU STER BA DANG, RGYA CHEN POS RAB TU BSGRAGS PAS STER BA DANG, GUS PAS DANG GANG ZAG MA YIN PA'I TSOGS LA RAB TU STER BA DANG, PHRAG DOG DANG BRAL BAS RAB TU STER BA DANG, NYAMS PA MED PAR GUS PA'I BKUR STIS STER BA STE, DE LA YON TAN BCU GNYIS PO DE DAG DANG LDAN PA'I SBYIN PA BYIN LA TSUL KHRIMS PHUN SUM TSOGS NA LHA RNAMS SU SKYE'O, ,LHA NI, DE DAG ZAD NAS NGES PAR LTUNG BAR 'GYUR RO; ;DE'I PHYIR NA LHA DAG GIS BAG MED PAR GNAS PAR MI BYA'O, ,PHYI MA'ANG DRI MA BCU GNYIS DANG RNAM PAR BRAL BAR BYAS NAS SBYIN PA BYIN PAR GYUR NA NI, CHEN
, ,PO LA 'OS PAR 'GYUR TE, 'KHOR LOS BSGYUR BA'I RGYAL PO'AM, LHA RNAMS SAM, LHA GZHAN RNAMS LAS LHAG PAR YANG 'GYUR RO, ,DRI MA BCU GNYIS PO RNAMS NI, 'DI LTA STE, GCIG GI NANG DU GTOGS PA RNAMS DGE 'DUN GYI GTOGS PA RNAMS DANG, BSLAB PA MTSUNGS PA RNAMS DANG, SHES RAB DANG, YON TAN PHUN SUM TSOGS PA RNAMS LA MNYAM POR SBYIN PA BYIN PA NI, DRI MA MI BZAD PA'I SBYIN PAS DE DAG RNAMS KYI 'BRAS BU NI, CHUNG BAR 'GYUR RO, ,'DOD CHAGS KYIS STER BAR GYUR PA GANG LA 'DOD CHAGS PAR GYUR PA BUD MED DAM SKYED PAR GYUR PA LA'ANG RUNG STE, DE LA STER BA'O, ,DE LA DE DAG NI, DRI MA YIN NO, ,DGE SBYONG NGAM BRAM ZE GANG DAG RGYAL POS MCHOD PAR BYED PA DE LA DANG, SBYIN PA PO RAB TU MANG PO CAN RNAMS LA SBYIN PA DANG, JI LTAR SDUG BSNGAL 'DI DAG LAS 'DIS YONGS SU SKYONG SNYAM PA DANG, SEMS KYIS BSGOMS PA'ANG MA YIN PA DANG, DE LA DGONGS PA DE DAG RNAMS KYI RGYU MTSAN GYIS SBYIN PA DRI MA CAN DU 'GYUR RO, ,GANG DAG GIS DE LAS BZLOG PAR SBYIN PAR BYA'O, ,GZHAN YANG SBYIN PA DRI MA CAN RNAMS YOD
DO; ;DE DAG GANG ZHE NA, 'DI LTA STE, GTI MUG GIS SBYIN PA DANG, GYA GYU LA SOGS PAS SO, ,GZHAN YANG SBYIN PA DRI MA CAN RNAMS YOD DO, ,MCHOD PAS KYANG MCHOD PA PO ZHES BYA BA GANG GIS TSUL KHRIMS DANG SHES RAB DANG RAB TU ZHI BA'I BSAM GTAN RNAMS NI, MI SGOM GYI, GZHAN MCHOD PA 'BA' ZHIG BYED DE, DE NI, GZHAN GYI RKYEN GYIS 'DIR KUN MCHOD PAR BYED DE, DE SEMS PA DANG YANG BRAL BA YIN NO, ,DE'I TSE 'DI DAG YANG DRI MA CAN YIN NO, ,GZHAN YANG SBYIN PA DRI MA CAN RNAMS YOD DE, 'DI LTAR NGOR BYAS NAS STER BAR BYED PA'O, ,DE LA 'DI DAG KYANG DRI MA CAN YIN NO, ,GZHAN YANG SBYIN PA DRI MA CAN RNAMS YOD DE, NOR GYI THABS KYI DBANG DU BYAS NAS STER BA'O, ,JI LTAR SBYIN PA DES BDAG GI NOR GYI THABS KYIS NOR NYE BAR 'DZIN TE, 'DI YID CHES PA BSKYED LA BDAG GIS GZHOM PAR BYA'O, , DE LA 'DI'ANG SBYIN PA'I DRI MA YIN NO, ,GZHAN YANG SBYIN PA DRI MA CAN YOD DE, 'DI LTA STE, BYED PA'I DON DU STER BA'O, ,JI LTAR 'DI NA BDAG GI BUD MED DU BYAS PAS DE DANG DE'I RTZA LAG TU SNGON GYUR BA ZHES BYAS LA DE GZHOM PAR BYA'O SNYAM PA'O, ,DE LA 'BYED PAR BYED PA DE DAG RNAMS NI, DRI MA'I DBANG DU GYUR PAR MTHONG BA YIN NO, ,
, ,GZHAN YANG DRI MAS NYE BAR BCOM PAR GYUR PA'I SBYIN PA YOD DE, 'DI LTA STE, 'BREL BA'I DON GYI SBYIN PA BUD MED GANG DAG SKYES PA'I DON DU 'BREL BAR BYED PAS SKYES PAS SKYES PA RNAMS LA SBYIN PAR BYED DO, ,DE LA DE DAG NI, DRI MAS NYE BAR BCOM PA'I SBYIN PA YIN NO, ,GZHAN YANG DRI MAS NYE BAR BCOM PAR GYUR PA'I SBYIN PA RNAMS NI, DPER NA, GANG DAG TSONG GI RGYU MTSAN GYIS GZHAN DU'ANG ZAS 'DZIN NAM, RGYU MTSAN GZHAN DU'ANG ZAS 'DZIN NAM; RGYU MTSAN GZHAN LO LNGA BAR YANG RUNG STE, ZAS DE DAG RNAMS NYID KYANG GOD CHEN POS STER BAR BYED DE, BSDU BA'I DON DU'O, ,DE DAG RNAMS LA NYE BAR BYIN NAS KYANG RDZAS KYIS KHYIM BYED DO, ,DE LAS DE DAG RNAMS SOG PA'I TSONG GI SBYIN PA DRI MAS NYE BAR BSLANG BA YIN NO, ,GZHAN YANG DRI MAS NYE BAR BSLANG PA'I SBYIN PA YOD DE, DPER NA, GRAGS PA'I SBYIN PA RNAMS SO, ,BU DANG, RANG GI SKYE BO DANG, GNYEN 'BREL RNAMS SDUG PHONGS SU GYUR PA RNAMS LA STE; DE'ANG 'DI DAG RNAMS LA SEMS DANG BRAL BA, DREGS PA KHO NAS SBYIN PA GTONG BAS NA, GRAGS PA'I SBYIN PA DE NI, DRI MAS NYE BAR BCOM PA YIN NO, ,DE
DAG RNAMS THAMS CAD KYANG GAL TE SEMS DANG BRAL BAR GYUR NA DE DANG 'DRA BAR 'GYUR RO, ,GAL TE SEMS KHYAD DU 'PHAGS PA LAS KYANG DRI MA DANG BRAL BAR 'GYUR RO; ;DPER NA, GOS DRI MA CAN RNAMS THAL BAS DRI MA MED PAR BYED PA DE BZHIN DU SEMS KYIS BSGOMS PAR 'GYUR BAS SO, ,YANG DE'I TSE BCOM LDAN 'DAS RNAM PAR GZIGS KYIS TSIGS SU BCAD PA GSUNGS PA, JI LTAR, YON TAN BCU GNYIS YANG DAG LDAN, ,DRI MA BCU GNYIS DANG BRAL BA, ,SBYIN PA YONGS SU DAG PAR 'GYUR, , DE LAS BZLOG PA'I KUN RTOG PA, ,LHA RNAMS GANG DANG SKYES BU YIN, ,SBYIN PA'I 'BRAS BU BLA MED MIN, ,SBYIN PA DANG NI BRAL SDIG GIS, ,SKYES BU THA CHAD LHUNG BA YIN, , 'DOD PA SER SNA'I DRI MA DANG, ,BU DANG BU MO'I DBANG GIS 'GRO, ,ZAS 'BA' ZHIG LA 'DOD PA YI, ,MI NI 'CHI BAR 'GRO BA YIN, ,'DOD PA'I MDUD PAS GROL MIN DANG, , YID KYI LJON SHING ZAD PA YIN, ,MUN PA'I TSOGS NI 'JOMS BYED PA, ,RAB SBYIN 'DIR NI SBYIN BYED PA, ,MCHOG LA SPYOD PA SBYIN PA DANG, ,SBYIN PA PO YANG DE RJES LA, , SBYIN PA LEGS PA'I LAM STON PO, ,'JIG RTEN PHA ROL TU 'GRO'O, ,SBYIN PA'I CHU YIS BKRUS PA'I MI, ,TSUL KHRIMS RLABS KYIS YONGS BSGOS PA, ,SHES RAB RGYA CHEN DRI
, ,MED PA; ;SBYIN PAS SDUG BSNGAL ZAD PAR BYED, ,SKYES BU PHAN PAR 'DOD PA YIS, ,MAR ME GSUM NI SBAR BAR BYA, ,SBYIN DANG TSUL KHRIMS DE BZHIN SHES, ,DE DAG SKYON RNAMS 'JOMS BYED YIN, ,SRED PA RGYA CHE'I NGAN SONG NI, ,RNAM RTOG RLABS KYIS KUN TU GANG, ,SDUG BSNGAL RGYA MTSO'I GZHIR RGYUR TE, ,SHES DANG TSUL KHRIMS KYIS BSDRUNGS YIN, ,SMYO BA DANG NI MYUNG BA YANG, ,GANG DANG DE LA NGES PAR LTUNG, ,SEMS KYI 'CHING BA DE DAG RNAMS, ,SBYIN TSUL GNYIS KYIS LEGS PAR BSRUNGS, ,NYON MONGS NAD NI NGES 'DZOMS PO, ,GSUM PO 'DI NI SMAD DU GNAS, ,SBYIN DANG TSUL KHRIMS DE BZHIN SHES, ,DE DAG RTAG TU BDE BAR 'GRO, ,BAG MED MI BZAD PA YI SEMS, ,KUN RTOG GYA GYU MYUR 'JUG PA, ,SHES RAB LA SOGS GSUM PO 'DIS, ,MI YI 'CHING BA 'JIGS PAR BYED, ,SKYON GANG MER YANG MA MTHONG BAS; ;GANG GIS 'JIG RTEN 'DI SREG GO ,ME DE YE SHES CHU YIS NI, ,BCOM NAS MYA NGAN 'DAS PAR 'GRO, ,DE LTAR BCOM LDAN 'DAS RNAM PAR GZIGS DES MCHOD RTEN DE LA TSIGS SU BCAD PA'I MDO MNGON PAR BRIS SO, ,DE LA SBYIN PA DE DAG NI, LHA RNAMS KYI MA YIN GYI, ,MI RNAMS KYI'O, ,RGYU MTSAN 'DIS NI, CHES
MCHOG TU GYUR PA NI, MI'I YIN GYI, LHA RNAMS KYI NI, MA YIN NO, ,DE LA SBYIN PA DE DAG NYE BAR GO BAR GYIS LA THAMS CAD KYIS YUL THAMS CAD BKYIGS TE RTAG TU THABS MED PA'I SEMS LEGS PAR GZUNG BAR BYA'O, ,GANG GI PHYIR DE BZUNG BAS KYANG SHING CHEN PO 'DI 'GAG PAR 'GYUR RO, ,YE SHES KYI ME RNAMS KYIS SREG PAR BYED DO; ;DE BSREGS PAS MCHOG TU DGA' BA'I BAG MED PA'I 'CHING BA MED PA 'DZAD PA MED PA'I GO 'PHANG THOB PAR 'GYUR GYI, DE'I PHYIR NA BAG MED PA RAB TU BRTZON PAS KYANG DGRA BO BZHIN DU RAB TU SPANG BAR GYIS SHIG ,GZHAN YANG CHOS BRGYAD PO LHA RNAMS LA SPANG BAR BYA BA MCHOG TU NGO TSAR BAR BYED PA'O, ,'DI'ANG GZHE NA, 'DI LTA STE, LAS RNAMS RAB TU BSTAN PAS RAB TU STON NA'ANG ZAS KYI DUS NA'ANG NGO TSA BAR 'GYUR BA STE, LAS RNAMS RNAM PA GSUM PO CHUNG DU DANG BAR MA DANG CHEN PO RNAMS KYI CHUNG DU DANG BAR MA DANG CHEN POR 'GYUR RO, ,DE LA GZHAN YANG CUNG ZAD KYANG SBYIN PAR LHA RNAMS KYIS MI NUS SO, ,LAS RNAMS LA 'PHO BA'ANG YOD PA MA YIN NO; ;DE LA GANG GI TSE LHA RNAMS ZAS KYI BYA BA'I LAS BYED PA DE'I TSE GANG GIS RNAM PA JI LTA BU'I SBYIN PA DAG BYIN PAR GYUR PA DANG, TSUL KHRIMS BSRUNGS PAR GYUR
, ,PA DE'I RNAMS DE LTA BU NYID KHO NA'I ZAS RAB TU 'BYUNG NGO, ,DES GZHAN GYI ZAS CHES LHAG PA DRI DANG, RO DANG, REG BYA PHUN SUM TSOGS PA DE MTHONG NAS MCHOG TU NGO TSA BA SNYING LA 'ONG NGO, ,GANG GI TSE NAGS DANG, NYE BA'I NAGS DANG, RDZING BU DANG, PADMA'I TSANG TSING DU RTZE BAR BYED PA DE'I TSE BDE BA DE DAG THAMS CAD LAS CI 'DRA BAR SOR NYE BAR GNAS SO, ,DE LA LHA GZHAN RNAMS LHA GZHAN RNAMS KYI CHES LHAG PA'I BDE BA MNGON PAR MTHONG NAS MCHOG TU NGO TSA BA DANG LDAN PAR GYUR TE, RANG GI LUS LA ZHUM PAR 'GYUR RO, ,LHA RNAMS KYI LNGA PO 'DI RNAMS NI, NGO TSA BA'I RGYU YIN TE, LNGA GANG DAG CE NA, 'DI NI, ZAS KYI DUS NA LHA GZHAN DAG GI BDUD RTZI DRI MA MED PA RNAMS MNGON PAR MTHONG LA RANG GI DRI MA CAN DANG DMAN PAR YANG GYUR PA KUN NAS NYE BA NA GNAS NAS ZA BAR BYED PA NA MCHOG TU NGO TSA BA LTA BU SKYE'O, ,'DI NI, LHA RNAMS KYI NGO TSA BA'I RGYU DANG PO YIN NO, ,GZUGS SHIN TU BZANG BA, RGYAN DANG CHA BYAD MCHOG TU BZANG BA MANG PA, LHA GZUGS BZANG BA'I LHA GZHAN NYE BAR GNAS PA DE DAG MNGON PAR MTHONG NAS LHA GZHAN RNAMS NGO TSA BAR 'GYUR RO, ,'DI NI, NGO TSA BA'I RGYU GNYIS
PA'O; ;GZHAN YANG NGO TSA BA'I RGYU GSUM PA NI, GANG GI TSE NAM MKHA' LA PADMA'I NAGS DANG, NYE BA'I NAGS DANG, RI'I RTZE MO GSER DANG, BEE d'URYA'I RANG BZHIN RNAMS LA RTZED MO RTZE BA'I DON DU LHA RNAMS GANG DAG 'GRO BAR BYED PA DE'I TSE LAS KYI KHYAD PAR GYIS SHIN TU MYUR BAR 'GRO BAR 'GYUR RO, ,LHA GANG DAG LAS SHIN TU CHUNG BA DE 'GRO BA BUL BAR 'GYUR RO, ,DE SHUGS DANG LDAN PAR 'GROS KYIS RJES SU 'GRO BA'ANG MA YIN NO, ,DE RANG GI GNAS KYI LHA MO'I TSOGS DE RNAMS KYI MDUN DU NGO TSA BAR 'GYUR RO, ,GZHAN YANG NGO TSA BA'I RGYU BZHI PA NI, DPER NA, GANG GI TSE LHA PADMA'I RDZING BU LA BRTAN PA DE'I TSE LHA GANG GIS RNAM PA JI SRID KYI LAS BYAS PAR GYUR PA DE'I RNAM PA DE SRID KYI PADMA 'BYUNG BAR 'GYUR RO, ,KHA DOG DANG, DRI DANG, REG BYA SHIN TU CHE BA DE DAG RNAMS MNGON DU LEGS PAR MTHONG NAS KYANG JI LTAR 'KHOR GYI NANG DU 'JUG PA NA GTZO BOR GYUR PA'I LHA RNAMS SHIN TU NGO TSAR BAR 'GYUR RO, ,GZHAN YANG NGO TSA BA'I RGYU LNGA PA NI, LHA RNAMS SO SO LA NGO TSA BAR 'GYUR BA'O, ,GANG DAG ZHE NA, 'DI LTA STE, STAN RNAMS NI, GANG DAG GIS RNAM PA JI LTA BU DAG GI LAS BYAS PAR GYUR PA'I LHA DE DANG DE DAG GI RNAM PA DE LTA BU RNAMS
, ,SU STE; RNAM PA DE LTA BU KHO NA'I STAN RNAMS 'BYUNG BAR 'GYUR RO, ,DE LA GANG GIS SHIN TU LEGS PAR BYAS PA'I LAS BYAS PAR GYUR BA DE DAG RNAMS LA NI, BEE d'URYA'I RANG BZHIN DANG, AINDRA N'I LA'I RANG BZHIN NAM, PADMA R'A GA'I RANG BZHIN GYI STAN RNAMS RAB TU 'BYUNG BAR 'GYUR RO, ,STAN DE DAG LA LHA GZHAN GANG DAG 'DUG PAR BYED PA NA LAS RNAMS NYUNG BA'I PHYIR NA DE'I TSE NA STAN DE'ANG GSER DU 'GYUR BA'AM, DE YANG NA DNGUL GYI RANG BZHIN DU 'GYUR BA'AM, DE YANG NA SHEL GYI RANG BZHIN DU 'GYUR RO, ,DE'I TSE STAN RNAMS PAR GYUR PA DE MNGON PAR MTHONG NAS LCI MO DANG YANG MO RNAM PA SNA TSOGS PA YIN PA KHO NAS LHA DE DAG KUN NAS SHIN TU NGO TSAR BAR 'GYUR RO, ,DE RNAMS NGO TSA BAS SHIN TU GZI BRJID RNAMS YONGS SU NYAMS PAR 'GYUR RO, ,DE DAG DE LTAR KUN NAS NYAMS PAS BZHIN GYI MDANGS YONGS SU NYAMS PAR 'GYUR BA DANG, GZHAN YANG SHIN TU RAB GYI STOBS DANG LDAN PA DANG, CHES LHAG PA'I LHA RNAMS MNGON BAR MTHONG NAS LHA LAS RNAMS SHIN TU DMAN PA'I LHA DE DAG LHA MO RNAMS KYIS YONGS SU SPONG NGO, ,LHA MO DES LHA DE DAG YONGS SU SPANGS
NAS LHA GZHAN RNAMS LA RTEN NO, ,LUGS GCIG TU NGES PA'I LHA MO DE DAG RNAMS THAMS CAD KYANG LHA GZHAN DAG RNAMS LA KUN NAS 'PHOS NAS KHYAD PAR DU 'PHAGS PA'I LHA DAG DGA' BAR BYED DO, ,LAS DMAN PA'I LHA DE RNAMS MCHOG TU NGO TSA BA THOB PAR 'GYUR RO, ,'DI NI, LHA RNAMS KYI NGO TSA BA'I RGYU LNGA PA YIN NO, ,'KHOR GYI NANG DU 'GRO BA NA NGO TSAR BYED PA YIN PA DE'I PHYIR NA RNAM PAR 'JIG PAR 'GYUR BA'I CHOS CAN GYI 'DUS BYAS KYI CHOS RNAMS THAMS CAD LA SHIN TU MYUR BA MYUR BAR TE, GANG LA RNAM PA DE LTA BU KHO NA'I MNGAR BA DANG 'DRES SHING BCAS PA'I LO MA MED PA'I ROS KYANG SDUG BSNGAL SKYED DE, BDE BAR MNGON PAR NGA RGYAL BA SDUG BSNGAL DANG 'DRES PA YIN NA, SKYE BA GZHAN RNAMS SU DE SKYES PA'I SEMS CAN DMYAL BA DANG, YI DVAGS DANG, DUD 'GRO'I SKYE BA RNAMS SU SO SOR NGES PAR SDUG BSNGAL CHEN PO RNAM BA DU MA RAB TU PHAL CHE BA SKYE BA RNAMS LA SMOS KYANG CI DGOS, DPER NA, RGYA MTSOR RNAM PA SNA TSOGS PA RNAM PA DU MA'I CHU KLUNG RNAMS, 'BAB PA'O, ,DE BZHIN DU SEMS CAN RNAMS KYI SEMS KYI RGYUD KYI 'JUG NGOGS RNAMS LA'ANG RNAM PA SNA TSOGS PA'I RGYUD RNAMS KYIS NYE BAR BZHAG PA'I SDUG,
, ,BSNGAL DU MA RAB TU DRAG PA RNAMS SKYE BA'O, ,LHA RNAMS DE DAG LA RJES SU DPAG PA 'DIS NI, SDUG BSNGAL GZHAN RNAMS KYANG BSTAN NA, ,'DI DAG THAMS CAD NYID DANG, THAMS CAD DU RNAM PA THAMS CAD KYIS KYANG DUS GSUM DANG LDAN PAR SDUG BSNGAL RNAM PA GSUM GYIS GANG BAR GYUR PA YIN NO, ,SDUG BSNGAL RNAMS 'JOMS PAR BYED PAR RNAM PAR 'JIG PAR BYED PA PO RNAMS NI, SHES RAB DANG, TSUL KHRIMS DANG, SBYIN PA DANG GSUM YIN NO, ,DE NAS DE'I DUS NA BCOM LDAN 'DAS DES TSIGS SU BCAD PA GSUNGS PA, JI LTAR, SBYIN DANG SHES RAB TSUL KHRIMS LA, GANG DAG BLO NI LEGS MI RTEN, ,SEMS CAN DE NI RTAG SDUG BSNGAL, ,BDE BA DE DAG RNAMS LA MED, ,RNAM PA SNA TSOGS RGYU RNAMS KYIS, ,GANG TSE'ANG GANG GANG JI JI LTAR; ;LAS RNAMS BYED PA'I SKYE DE DAG ,'BRAS BU'ANG RNAM PA DE 'DRA YIN, ,'DI DAG THAMS CAD RGYU LDAN YIN, ,'DI LA RGYU NI YOD MIN PA'I, ,GANG PHYIR 'DUS BYAS MI 'JIG PA'I, ,RGYU NI MTHONG BA MA YIN NO, ,THOG MED DUS NAS NGO TSA'I BZHIN, ,SEMS KYI SKYON GYIS BSLUS PA YIN, ,MTHO RIS BLO GROS DMAN
GYUR PAS, ,DE PHYIR SBYIN PA MDZES PA YIN, ,SBYIN PA KHYAD PAR 'GRO RIM LDAN, ,SER SNA'I DRI MA SPANGS PA RNAMS, ,RTZED MO'I CHED DU BYED PA'I LHA, ,CHUD ZOS YID KYIS ZAD BYAS NAS, ,MI GANG BKRES SKOM RANG BZHIN GYI, ,YI DVAGS RNAMS SU RGYUG PA YIN, ,SER SNA'I 'BRAS BU DE DAG KUN, ,DE NYID GZIGS PAS GSUNGS PA YIN, ,GANG DAG BDE BA'I DON DU STE, ,DES NI NGES PAR BDE BAR 'GRO, ,GCIG TU SBYIN PAS BDE BAR 'GYUR, ,DE PHYIR SBYIN PA BSNGAGS PA YIN, , SBYIN PA 'JIG RTEN 'JIG RTEN GZHAN, ,'GRO ZHING RJES SU 'GRO BA YIN, ,DE LA SBYIN PAS SONG NAS KYANG, ,RGYAS BYED BZHIN DU LHA MCHOD DO, ,SLU BA MED PA'I GNAS DE DAG, DE BZHIN GSHEGS PAS GSUNGS PA YIN, ,SLU BA MED PA YIN PHYIR YANG, ,RTEN DU SBYIN PA CHED CHER GYIS, ,SER SNA'I DGRA LAS RNAM RGYAL DANG, ,SEMS KYANG LEGS PAR SGOM PAR GYIS, ,GANG ZHIG RTAG TU SBYIN PA GTONG, ,DE NI SRID PA'I MTSO LAS RGAL, ,YUL LAS KYANG NI SBYIN RNAMS GSUM, ,RNAM GSUM BLO GSUM LAS SKYES DANG, ,DUS DANG NAM ZLA NGES PA DE'I, ,'BRAS BU GZIGS PA SPYAN GSUM PA, ,SBYIN 'DI DANG PO RTAG
, ,TU BTANG, ,TSUL KHRIMS RAB TU BRTZON PAS BSRUNGS, ,SRED PA YE SHES KYIS GZHOM BYA, ,LAM 'DI RNAMS LAS BDE BA 'BYUNG, ,MI RTAG SBYIN BYED SRED PA NI, ,'JIG RTEN PHAN MI BYED PA YIN, ,MTHAR THUG BLA NA MED PA YI, ,GO 'PHANG MCHOG KYANG 'THOB NUS MIN, ,'DI YI YID KYI LUS KYI NI, ,RTAG TU SBYIN LA DGA' BAR BYA, ,SBYIN PA MED NA BKRES SKOM GYIS, ,YI DVAGS SA LA SREG PAR BYED, ,LHA DANG DRI ZA'I SA RNAMS LA,, SBYIN PAS LONGS SPYOD LDAN PAR 'GYUR, ,SBYIN PA YIS NI RGYAL POR 'GYUR, ,LEGS PAR CHOS BYED 'KHOR LOS BSGYUR, ,SBYIN PA'I SA LA LEGS BRTEN NAS; ;MKHAS PA YIS NI TSUL KHRIMS SRUNGS, ,TSUL KHRIMS LDAN PAS DUS SHES SHING, ,SHES RAB KYIS NI YONGS SU GROL, ,SDUG BSNGAL LAS NI NGES 'BYUNG LAM, ,THUB PA SKYES MCHOG GIS 'DI BSNGAGS, ,DE NI BRTAN PAS RTAG BRTZON PAR, ,RGYUN DU SBYIN LA DGA' BAR GYIS, ,SBYIN PA MED PAR LHAR YANG NI, ,LHA RNAMS BDE BA DMAN PAR 'DOD, ,MI GANG BDAG NYID SBYIN PA NI, ,BDE BA'I SKAL LDAN 'GYUR BA YIN, ,GANG PHYIR SBYIN PA'I 'BRAS BU DE, ,
THAMS CAD SEMS KYIS ZIN PA'I PHYIR, ,DUD 'GRO RNAMS SU SKYES NA YANG, ,BDE BA'I SKAL LDAN 'GYUR BA YIN, ,SBYIN PA LAS SKYES BDE DE KUN, ,MKHAS PA YIS NI GSUNGS PA YIN, ,YI DVAGS SRID NA YI DVAGS GANG, ,ZAS RNAMS ZA BAR 'GYUR BA YIN, ,TSER MA MED PA'I SHING RNAMS KYIS, ,'BRAS BU DE DANG 'DRA BAR 'GYUR, ,DMYAL BAR BKRES DANG SKOM RAB KYIS, ,LUS CAN GANG ZHIG MI SREG PA, ,DE DAG THAMS CAD SBYIN DKA' THUB, ,'BRAS BCAS GYUR PA DE 'DRA YIN, ,SEMS CAN RANG GI LAS RNAMS KYIS, ,'GRO BA'I 'DAM DU BYING RNAMS LA, ,SBYIN PAS RTAG TU BDE 'BAB PA, ,PHA BZHIN DANG NI MA BZHIN MTHONG, ,SA DE RNAMS KYI GNAS SKABS SU, ,RTAG TU SBYIN LA DGA' BAR GYIS, ,SBYIN DANG TSUL KHRIMS LA DGA' BA, ,NGAM GROG KUN LAS RTAG TU GROL; ;DE LTAR MU SU LUNDHAS BAG MED SPYOD PA'I LHA DE DAG RNAMS LA LEGS PAR BSTAN NO, ,DE RIG NAS KYANG LHA DE DAG RNAMS DAD PAS MNGON SUM DU DMIGS NAS SBYIN PA DANG, TSUL KHRIMS KYI 'BRAS BU DES PAR RTOGS SO, ,GZHAN YANG LHA RNAMS KYIS DBANG CHUNG BA'I GNAS YOD DO, ,'DI LTA STE, LAS
, ,RNAMS KYI SO SOR BSTAN PA'I NGO TSA BAR 'GYUR BA'I ZAS RNAMS SO, ,GANG GI NAGS DANG, SKYED MOS TSAL DANG, RDZING BU DANG, CHU MIG DANG, PADMA'I NAGS KYI GSEB TU RGYU BA NA RAB TU MANG BA'I BUD MED KYI TSOGS KYIS YONGS SU BSKOR BA RNAMS RNGA DANG ROL MO SNA TSOGS RNAMS KUN TU SGROG PA'I NAGS KYI SA RNAMS LA RNAM PAR RGYU STE, YUL RNAM PA SNA TSOGS PA LA RNAM PAR CHAGS PA'I YID CAN RNAMS MCHOG TU RGYA CHE BA'I BDE BA DPE MED PA DAG DANG YANG DAG PAR LDAN PAS RGYU BAR GYUR PA LAS DE'I TSE NA ZAS DANG SKOM GYI SA PHYOGS SU NYE BAR LEGS PAR 'GRO'O, ,DE DAG RNAMS NYE BAR LEGS PAR SONG BA NA'ANG RGYAN DANG CHA BYAD MCHOG DANG LDAN PAR GYUR PA'I LHA MO RNAMS RJES SU SONG STE, SNA TSOGS PA'I GZUGS RGYAN DANG CHA BYAD CAN DE RNAMS KYIS LHA DGA' BAR BYAS NAS BSNYEN NAS LEGS PAR GNAS SHING YANG GAR BYED, RGOD PAR BYED, 'GYING BAR BYED, GLU LEN PAR BYED DE, RNGA SKAD YAN LAG LNGA DANG LDAN PA'I CHAGS PAS DANG, MTSUNGS
PAS DANG, SNYAN PA DANG BCAS PA DE LTAR NA'ANG LHA RNAMS KYI RNA BA'I RNAM PAR SHES PA NGOMS PA MED PA'O, ,SRED PA'I YUL GYIS RNAM PAR RGYU BAS MNAR BA RNAMS NGOMS PAR MA GYUR PAS GZHAN YANG LHA RNAMS RNAM PA SNA TSOGS PA'I GZUGS RNAMS LA LTA BAR BYED PAR GYUR PA RNAMS LA DGA' BAR GYUR PA DANG, MTHONG NA SDUG PA DANG, JI LTAR 'DOD PAS 'GRO BA RNAMS RTAG TU YID 'JOMS PAR BYED PA RNAM PA SNA TSOGS PA DANG, RGYA CHE BA'I 'OD 'BAR BA RNAMS KHA DOG DANG DBYIBS DU MA CAN DANG, RGYANG RING BA DANG, THAG NYE BA NA GNAS PA RNAMS TE, DE LA GAL TE LHA RNAMS 'DI SNYAM DU SEMS PAR GYUR TE, JI LTAR GZUGS GANG DAG YIN PA DE DAG RING BA NA GNAS PA DE DAG RNAMS THAG NYE BAR 'GRO BAR BYA NA, DE'I SEMS BSKYED PA TZAM NYID NA GZUGS MCHOG TU DGA' BAR GYUR PA DE RNAMS THAG NYE BAR GNAS PAR 'GYUR RO, ,BDUD RTZIR GYUR PA LA'ANG JI LTAR 'DOD PA DE LTAR 'GYUR RO, ,GAL TE YANG NYE BAR GYUR PAR 'DOD NA, DE DAG RNAMS NYE BAR RO, ,GAL TE YANG RING BAR 'DOD NA'ANG DE YANG RING BAR 'GYUR RO, ,LAS
, ,KYI 'BRAS BU'I KHYAD PAR RNAMS KYIS 'GYUR TE, DMAN PA DANG, BAR MA DANG, MCHOG RNAMS RGYU DANG BCAS PA YIN NO; ;DE BZHIN DU YANG SRED PA'I SPRUL MTHONG BA'I DUG CAN GYIS BLTAS PA'I LHA RNAMS LA NGOMS PA SKYE BA MA YIN NO, ,BUD SHING RNAMS BCUG PAR GYUR PA'I ME BZHIN DU SRED PA DANG BCAS PA RNAMS DGA' BAR GYUR PA'I YUL RNAMS KYIS MTHAR THUG PA SKYE BA MED DO, ,DE BZHIN DU LHA RNAMS NI; TSUL DU MAR YANG NGOMS PA MED DO, ,GZHAN YANG LHA DE DAG RNAMS NYID DRI LA DRI'I RNAM PAR SHES PA GTONG PAR BYED DO, ,DE DAG RNAMS KYIS RNAM PA MANG POR BSGO BAR BYED PA'I DRI RNAMS LA 'DI LTA STE, NAGS DANG NAGS SU GYUR PA'I ME TOG RNAMS SO, ,ME TOG DE DAG RNAMS KYANG 'KHRI SHING DANG TSANG TSED LAS SKYES PA DANG, SHING LAS SKYES PA DANG, SA PHYOGS KYI CHA KUN LAS SKYES PA'I MDOG DANG, DBYIBS RNAM PA DU MA RNAMS DANG, RNAM PA SNA TSOGS PA'I CHA SHAS RNAM PAR BKRA BA RNAMS TE, THAMS CAD KYANG DUS DUS KHA BYE BA RNAMS LA LHA'I BU MO RNAMS 'ONGS NAS STEN
PA'I DON DU 'GA' ZHIG LA SNOM PAR BYED DO, ,ME TOG RNAMS 'GA' ZHIG LA NI, RLUNG DANG NYE BA LA BRTEN NAS DRI RNAMS SNOM PAR BYED DO, ,MTSUNGS PAR 'DOD PA'I YON TAN PHUN SUM TSOGS PA'I DRI MA RNAMS LA'ANG LHA RNAMS SNOM PAR BYED DE, DE DAG BSNAMS NAS GZHAN YANG GANG GI TSE LHAG MAR GYUR PA RNAMS LA LUS LA RNAM PA JI SRID KYI RGYAN DU GYUR PA LAS MTHO RIS DANG RJES SU MTHUN PA'I RNA GDUB DANG DPUNG RGYAN LA SOGS PA RNAMS LTA 'DOD PA DE RNAMS KYI SEMS BSKYED PA TZAM NYID NA RANG 'BYUNG NGO, ,LUS LA GOS BGOS PA RNAMS NI, KHA DOG RNAM PA SNA TSOGS PAR BCOS PA, RNAM PA SNA TSOGS PAR DRI DANG LDAN PA'I MA BTAGS PA'I TSAD MCHOG DANG LDAN PA DE DAG RNAMS KYIS LHA SRED PA DANG BCAS PA RNAMS NGOMS PAR MI 'GYUR RO, ,GZHAN YANG LHA RNAMS YID KYIS DON 'DI DAG DPYOD PAR BYAD PA NA DE DANG DE RANG GI LAS DANG 'DRA BAR PHUN SUM TSOGS PAR 'GYUR TE, MCHOG TU DGA' BAS JI LTAR ZAS DANG BTUNG BA'I SA RNAMS LA SONG NAS LHA BDUD RTZI ZA BAR BYED DO, ,DE DAG GIS ZOS PA DE DAG RNAMS NI, SBYIN PA RNAMS DANG 'DRA BAR DMAN PA DANG, BAR MA DANG, MCHOG TU GYUR PA'I
, ,ZAS RNAMS 'BYUNG NGO, ,LHA RNAMS KYANG RNAM PA SNA TSOGS PA'I BTUNG BA DAG 'THUNG PAR BYED PA DE DAG RNAMS KYANG DMAN PA DANG, BAR MA'I LTUNG BA DANG, BZA' BA RNAMS KYANG 'BYUNG STE, RANG GI LAS KYI RGYU'I RJES DANG 'DRA BA'I PHYIR RO, ,JI LTAR GANG DAG GIS LUS KYI TSAD KYI RNAM PA JI SRID DU 'GYUR BA'I RNAM PA DE SRID KHO NAR SKYES BU DE'I GRIB MA NYI MA RANG BZHIN DU GNAS PA NA 'BYUNG BAR 'GYUR RO, ,DE KHO NA BZHIN DU LHA RNAMS KYI YANG GANG GIS JI SRID KYI RNAM PA'I LAS RNAMS BYAS PAR 'GYUR BA DE DAG GI RNAM PA DE SRID KHO NA'I ZAS KYI RIGS RNAMS SKYE'O, ,DE ZA BAR BYED PA NA'ANG LHA DE DAG RNAMS TSOGS PA NA ZA BAR BYED PAS DE DAG MCHOG TU NGO TSA BA SKYE'O, ,DE LA LHA RNAMS RGYU BA'I DUS SU NYE BAR GNAS PA RNAMS SHIN TU RGYA CHE BA'I SDUG BSNGAL CHEN PO DANG LDAN PAR 'GYUR RO, ,KHYAD PAR DU'ANG LHA MO'I TSOGS KYI MDUN DU NGO TSA BAR GYUR PA'I SDUG BSNGAL GYI MCHOG DE 'DRA BA NI, SRID PA GZHAN NA CUNG ZAD KYANG MED DO, ,SLU BA MED PA PO'I BDE BAR GYUR PA'I DE LTAR SO SOR BSTAN PA DE DAG RNAMS KYIS KYANG JI LTAR GZHAN DU'ANG 'KHOR BA THAMS CAD DU DES 'GRO
BAR BYA DGOS SO, ,GZHAN YANG LHA RNAMS KYI THA MA'I DUS LEGS PAR BYAS PA ZAD NAS 'CHI PO BA'I DUS NA SDUG BSNGAL RNAMS SKYE BAR 'GYUR TE, GANG GI CHE BAG MED PAR SPYOD PA'I LHA RNAMS RTAG TU 'DOD PA LA RNAM PAR CHAGS PA LAS GANG GI TSE 'CHI 'PHO BAR 'GYUR LA, 'CHI 'PHO BA DE'I CHA'ANG 'DOD PA SDUG PA YID DU 'ONG BAR GYUR PA GANG DAG RNAMS DANG BRAL BAR 'GYUR PA NI, SNUM ZAD PA'I DBANG GIS MAR ME BZHIN DU 'GAG PAR GYUR PA NA 'GRO BA GZHAN GANG YIN PA DANG 'DRA BA'I RTAGS RNAMS SNGON BYUNG BAR GYUR PA DANG, 'CHI 'PHO BA'I DUS KYI SDUG BSNGAL DE DAG RNAMS KYIS LUS DANG YID MNGON PAR BCOM PAR GYUR PA'I RNAMS LA SDUG BSNGAL GANG DAG SKYE BAR GYUR PA DE NI, DPER BRJOD PAR SLA BA YANG MA YIN NO; ;DE NAS DE'I TSE BCOM LDAN 'DAS KYIS TSIGS SU BCAD PA GSUNGS PA, JI LTAR, SNA TSOGS BDE DANG BAG MED DANG, ,YUL RNAMS KYIS KYANG BSLUS PAS KYANG, ,TSE ZAD 'CHI BA'I DUS SU NI, ,LHAN CIG GNAS PA YOD MA YIN, ,SNGON CHAD BAG MED SPYAD PA YIS, ,SBYIN LA SOGS LA MI 'JUG GO ,PHYI NAS 'CHI BA'I DUS NA DE, ,RANG GI SEMS NI SREG PA YIN, ,DANG PO BAR DANG DE BZHIN MTHAR, ,LEGS
, ,PA'I YID NI BYA BA YIN, ,LEGS PAR SPYOD DANG RTAG TU DUL, ,'CHI BA'I DUS NA ZHUM PA MED, ,NGES PAR 'GYUR BA 'CHI BA STE, , SDUG PA DANG YANG BRAL BA YIN, ,YUL RNAMS KYIS NI RAB BCOM PAS, ,BYIS PA RNAMS NI SPYOD PA'ANG MED, ,DE NI RIM GYIS RTOGS 'GYUR GYI, ,'DI NI KHONG DU CHUNG PA MIN, ,YUL GYIS RNAM PAR NYAMS PA'I LHA, ,'DOD PA LA NI RNAM ZHEN BLO, ,'DUS BRAL SDUG BSNGAL GANG SKYES PA'I, ,LHA GANG GANG DU SKYE BA YIN, ,YUD TZAM GCIG KYANG DE DAG LA, ,BLO NI GNAS PAR MI BYA'O, ,MI RTAG PA DANG 'JIGS DANG BCAS, ,'DOD PAS RTAG TU 'KHOL BYED PO; ;DE LTA NA YANG RMONGS PAS BYIS, ,PHYIR ZHING DE NYID STEN PAR BYED, ,'DOD CHAGS ME YIS RTAG TU SREG ,LHA NI RNAM PAR RMONGS PA YIN, ,BSREGS PAR GYUR NAS PHYIS KYANG DE, ,YANG DANG YANG DU BSNGAGS PAR BYED, ,YUL RNAMS LA NI CHAGS MED PAR, ,RGYU GANG DE NYID LA GZHOL PA, ,GANG YANG DE NI RAB BSNGAGS PA, ,DE DAG SDUG BSNGAL RTAG PAR GNAS, ,KHAMS GSUM 'DI DAG THAMS CAD NI, ,ZO CHUN KHOR MO BZHIN DU 'KHOR, ,LAS KYI ZHAGS
PAS KUN BZUNG YANG, ,DE NYID MTHONG BA YANG MA YIN, ,SKYE BA DANG NI 'CHI BA RNAMS, ,SKYE DANG SKYE BAR YANG YANG NGO, ,SEMS CAN RNAM PAR RMONGS DGA' BA, ,RTAG TU SDUG BSNGAL SKAL LDAN YIN, ,GLOG DANG ZO CHUN 'KHOR LO DANG, ,MTSUNGS PAR 'DOD PA RAB TU BSGRAGS, ,RMI LAM DRI ZA'I GRONG KHYER LTAR, ,RAB TU RNAM PAR 'JIG PA YIN, ,RNAM PA DE LTA'I 'DOD PA RNAMS, ,KHYAD PAR 'JIGS DANG BCAS PA YIN, ,MI RTAG SDUG BSNGAL STONG BA'I PHYIR, ,BDAG GI BLO NI MI BYA'O, , RGA DANG 'CHI BA'I 'KHOR LO 'DI, ,RAB TU MI BZAD BZOD MI NUS, ,NGES PAR THAMS CAD LTUNG BA YANG, ,MIG MED PAS NI MTHONG BA'ANG MED, ,'DOD PA LNGA NI THUB MCHOG GIS, ,STONG PA'I NGO BOR RAB TU GSUNGS, ,'DOD CHAGS KHYIM GYI RANG BZHIN NI, ,MI RTAG PA DANG SDUG BSNGAL MANG, ,GZHAN DU MIN PAR RTOGS LDAN PAS, ,GANG GANG 'DOD PA LA MI CHAGS, ,DE NI PHA ROL 'GRO RTAG ZHI, ,MYA NGAN 'DAS PA'I MTHA' LA GNAS, ,'CHI 'PHO 'BYUNG BA'I LHA YI NI, ,DBANG PO BRLAMS PAR GYUR PA'I SEMS, ,SDUG BSNGAL BRJOD PAR SLA MIN GANG, ,DE LA 'DI NA DPE YOD MIN, ,JI LTA JI LTAR BDE CHEN PO, ,SEMS NI SRED PAS NYER BCOM PA, ,DE
, ,LTA DE LTAR 'CHI 'PHO BA'I, ,SDUG BSNGAL CHEN PO BZOD PAR DKA', ,LEGS BYAS LAS NI MA BYAS DANG, ,LAS KYI GNAS LUGS MI SHES PA, , SDUG BSNGAL CHEN PO KUN 'BYUNG BAS, ,PHYIS NI GDUNG BAS SREG PAR BYED, ,JI SRID 'CHI BA MA 'ONGS DANG, ,JI SRID DAL 'BYOR PHUN SUM TSOGS, ,DE SRID RANG LA PHAN PAR MA NOS, ,LAM 'DI RNAMS NI BDE BA 'BYUNG, ,LHA YI 'JIG RTEN RNAMS 'CHI 'PHO, ,'CHI BA MI YI SA RNAMS LA, ,RIG NAS NYE BAR 'TSE BCAS PA'I, ,SRID NA SKYES BU SU GNAS BYED, ,DE LTAR YANG 'CHI 'PHO BAR GYUR PA'I LHA RNAMS LAS KYI THAG PAS DRANGS PAR GYUR PA SO SOR NYE BAR BSTAN PAS 'JIGS PA CHEN PO DANG BCAS PA RAB TU SKYE'O, ,DE'I PHYIR NA LHA DE DAG DUD 'GRO DANG 'DRA BAR GYUR PA YIN TE, GANG DAG YUL RNAMS RNAM PAR 'CHUMS PA'I YID KYIS RANG NYID LA LEGS PAR MI BYED DO; ;DE LTA BAS NA BAG MED PAR YANG MA BYED, PHYI NAS 'GYOD PAR 'GYUR BAR MA BYED CIG ,DE LTAR LHA MU SU LUNDHAS TSOGS PA RGYU BA NA RNAM PAR RGYU BA'I LHA RNAMS LA RNAM PAR GZIGS KYI MDZAD PA'I MCHOD RTEN MTHONG BAR BYAS NAS DE LA RJES SU BSNGAGS PAR BYED DO, ,NGES PAR LEGS PA LA SBYOR BAR BYED DO, ,'DOD PA RNAMS KYI
NYES DMIGS RNAMS KYANG RAB TU STON PAR BYED DO, ,RNAM PAR SMAD PAR BYA BA'I PHYIN CI LOG BZHI YANG DAG PAR STON PAR BYED DO, ,'CHI BA'I DUS MA 'ONGS PA'ANG LEGS PAR STON PAR BYED DO, ,KUN TU SKRAG PAR BYED DO, ,DE'I PHYIR 'JIGS SU RUNG BA'I 'CHI BA LAS SDUG BSNGAL CHUS TSANG CHING DU GYUR PA'I LAM LHA DE DAG RNAMS LA BSTAN PAR GYUR PA NA, DES RAB TU DAD PAS YID 'PHROG PAR BYED PA'I BDE BA SKYED PAR BYED PA'I PHYIR NA LHA RNAMS RJES SU STON NO, ,MDO DRUG PA LAS, RNAM PAR GZIGS KYIS MDZAD PA'I MDO SDE GNYIS PA RDZOGS SO,, ,,'PHAGS PA DAM PA'I CHOS DRAN PA NYE BAR GZHAG PA, BAM PO BZHI BCU RTZA DGU PA, GZHAN YANG MU SU LUNDHA DE NYID KYIS LHA DE DAG RNAMS NYID KHRID DE TSOGS PA RGYU BA'I SA LA GNAS PA'I GANG DAG SEMS BSGOMS PAR GYUR PA DANG, GANG YANG YID BSGOMS PAR GYUR PA DANG, RGYUD BSGOMS PAR GYUR PA DE DAG RNAMS KHRID NAS GZHAN LA PHAN PAR BYED PA DANG, GZHAN LA PHAN PA SBYOR BA LA BRTZON PAS LHA DE DAG RNAMS KYI GZHAN YANG BAG MED BA DE DAG GZHOM PAR 'DOD PAS KYANG LAS DANG 'BRAS BU'I DE KHO NA NYID MTHONG BA DANG DRAN PAR YANG BYAS LA, SEMS KYI RGYUD DANG BAR YANG BYAS SHING, GZHAN YANG DE
, ,DE DAG RNAMS KYI RGYUD SHIN TU RAB KYI MCHOG LA SBYOR BAS 'DOD PA RNAMS KYI NYES DMIGS RNAMS KYANG LEGS PAR BSTAN CING GSON PA RNAMS KYANG MI RTAG PA NYID KYI RTOGS PA 'PHANGS SHING 'KHOR BA'I RGUD PA RNAMS KYANG BRJOD NAS LHA DE DAG RNAMS LA 'DI SKAD CES BRJOD DO, ,LHA KHYED RNAMS LTOS DANG MCHOD RTEN GSUM PA GANG DE KHO NA MTHONG BA DE NI, THUB PA CHEN PO GZHAN 'KHOR BA 'JIG DGRA BCOM PA YANG DAG PAR RDZOGS PA'I SANGS RGYAS, RIG PA DANG ZHABS SU LDAN PA; BLA NA MED PA, SKYES BU 'DUL BA'I KHA LO SGYUR BA STON PA'I YIN TE, RIN PO CHE RNAMS KYIS LEGS PAR GANG BA, 'OD ZER GYI PHRENG BA GSER DANG NOR BU'I STEGS SU NAM MKHA' 'BUGS PA BZHIN DU SHIN TU MTHO BAR GNAS PA, SKYE BO THAMS CAD RAB TU DGA' BA, 'THAB BRAL GYI 'JIG RTEN 'DI DAG THAMS CAD ZIL GYIS MNAN NAS NGES PAR GNAS PA, MCHOG TU ZHI BAR GYUR PA DANG MCHOG TU DGA' BAR GYUR PA, SEMS KYI RGYUD RLAN PA BZHIN DU LHA RNAMS THAMS CAD KYI LHA'I 'JIG RTEN 'DI'I RGYAL MTSAN DU GYUR PA, SNYING POR GYUR PA, BSAM GTAN DANG LDAN PA BZHIN DU RNAM PAR GNAS SO, ,RNAM PAR BKRA BA, DGE BA, RIN PO CHE SHIN TU 'BAR
BA; RIN PO CHE'I 'OD LHAM ME BAR GYUR PA, DAM PA'I CHOS STON PAR MDZAD PA BZHIN DU MCHOG TU RGYA CHE BA, DGA' BAR GYUR PAR MTHONG BA 'DI LA BDAG CAG GIS KHRUS GSOL BAR BYA'O, ,BDAG CAG GIS MCHOD PAR BYA'O, ,TZANDAN YANG BDAG GIS DBUL BAR BYA'O, ,ME TOG DANG SPOS LA SOGS PA RNAMS KYIS MCHOD NAS RIM GYIS BDAG GIS BLTA BAR BYA'O, ,CI 'DIR DRANG SRONG CHEN POR GYUR PA DE SHIN TU NGO MTSAR BAR GYUR PA 'DIS CI ZHIG NYE BAR MTSON PA MDZAD NA, GANG GIS BDAG CAG RNAMS NGES PAR LEGS PA DANG, MTHAR PHYIN PA DANG, PHAN PA DANG, BDE BAR YANG 'GYUR BA STE, RGYU GANG GI PHYIR SEMS CAN RNAMS THAMS CAD LA PHAN PAR MI 'GYUR BA DANG, BDE BAR MI 'GYUR BA'I BCOM LDAN 'DAS KYI MDZAD PA NI, GANG CUNG ZAD KYANG MI MNGA' BA'I PHYIR TE, BDAG NYID LA PHAN PA'I DON NYID KYIS NI, 'DI DAG TU BYON PA'ANG MA YIN NO; ;DE NAS LHA DE DAG RNAMS KYIS LHA'I BDAG PO DE'I TSIG NYE BAR BZUNG NAS DGE BAR BYAS PA'I YID KYIS 'DI SKAD CES SMRAS SO, ,MCHOD PA'I DON DU BDAG CAG RNAMS MCHI BAR BGYI ZHING BDAG NYID RJES SU GZUNG BA'I DON DU DANG; BDAG NYID LA PHAN PA'I DON DU BDAG RNAMS 'GRO BAR BYA'O, ,DE NAS TSOGS PA RGYU BA'I SA NA GNAS PA'I LHA
, ,DE DAG RNAMS KYIS LHA'I BDAG PO MU SU LUNDHA SNGON DU BYAS NAS GANG NA BCOM LDAN 'DAS DRANG SRONG GI MCHOG DE'I MCHOD RTEN YOD PA DER NYE BAR LEGS PAR 'GRO'O, ,SONG NAS KYANG BCOM LDAN 'DAS 'KHOR BA 'JIG GI MCHOD RTEN LA GUS PA DANG BCAS PA'I YID KYIS PHYAG 'TSAL BAR BYED DO, ,G-YAS PHYOGS NAS BSKOR BAR YANG BYED DO, ,DE NAS DE'I TSE MCHOD RTEN GYI NANG NA RIN PO CHE'I 'OD SHIN TU 'BAR BA RIN PO CHE DE DAG RNAMS GANG GI KHYAD PAR GYIS NI, NYI MA'I 'OD ZER YANG SRIN BU ME KHYER GYI 'OD DANG 'DRA BAR 'GYUR RO, ,MCHOD RTEN DE'I NANG NA'ANG GSER GYI RANG BZHIN GYI BYANG BU LA BRIS NAS NAM MKHA' LA 'PHYANG BA YIN TE, RAB TU 'BAR BA'I YI GER MNGON PAR BRIS PA'I MDO YIN NO, ,DE YANG RDZU 'PHRUL MDZAD PA'I CHOS 'PHRUL GYIS BRLAG PAR MI 'GYUR ZHING NYE BAR BRLAG PAR MI 'GYUR TE, DE RGYU GANG GIS LHA DANG MI RNAMS LA PHAN PA'I DON DU MDO SDE BSTAN PA'I PHYIR RO, ,THUB PA BCOM LDAN 'DAS 'KHOR BA 'JIG DES LHA DANG MI RNAMS LA CHOS STON PAR MDZAD PA NI; 'DI LTA STE, RGYU GANG GIS LHA RNAMS 'GRO BA DRUG NAS DANG, MI RNAMS MI RNAMS NAS 'CHI 'PHO BA DANG, LHA RNAMS LHA YUL DU STE, DE LTAR PHAN TSUN DU 'GRO BA DRUG
PO RNAMS PHAN TSUN DU DPUNG GNYEN DU GYUR PA YIN LA, DE LA LHA DANG MI RNAMS KYANG TSUL KHRIMS KYIS MTHO RIS SU SKYE BA NI, SLU BA MED PA'I GNAS YIN NO, ,DE LA TSUL KHRIMS DE NI; RNAM PA GNYIS YIN TE, SDOM PA SNGAR BYAS PA DANG, THAR PAR BYAS PA'O, ,DE LA DON YOD PA ZHES BYA BA'I TSUL KHRIMS GANG ZHIG DON YOD PA 'BA' ZHIG KHO NAS 'JUG PA'I RAB TU DANG BAS SEMS RAB TU DANG BA'I DBANG GIS SANGS RGYAS LA SOGS PA RNAMS LA RAB TU DANG BAR 'GYUR RO, ,LUS KYI LEGS PAR SPYOD PA DANG, NGAG GI LE PAR SPYOD PA DANG, YID KYI LEGS PAR SPYOD PA RNAMS BYED PAR 'GYUR RO, ,LOG PAR LTA BA CAN DU'ANG MI 'GYUR RO, ,JI SRID 'TSO'I BAR DU'ANG LAS DANG 'BRAS BU RNAMS LA RGYUD DAD PA DANG LDAN PAR 'GYUR RO, ,CHOS DANG LDAN PA'I LONGS SPYOD RNAMS KYANG CHOS KYIS LONGS SPYOD PAR BYED KYI, GZHAN RNAMS GDUNG BAR BYED PA NI, MA YIN NO, , MA DANG PHA LA GUS PAR 'GYUR RO, ,DGE SBYONG DANG BRAM ZE RNAMS NYE BAR 'ONG BA'I RANG BZHIN CAN DU 'GYUR RO, ,DAM PA'I CHOS NYAN PA'I RANG BZHIN DU 'GYUR RO, ,MTHUN PA 'GRO BA'I RANG BZHIN CAN DU 'GYUR RO, ,YONGS SU 'DRI BA'I RANG BZHIN CAN DU 'GYUR TE, DE LTAR DON DANG LDAN PA 'BA' ZHIG PA KHO NAS RAB TU DANG BA NGANG YANG DAG PAR
, ,LDAN PAR 'GYUR RO, ,DON DANG LDAN PA THAMS CAD LEGS PAR GANG BAR SPYOD PA YIN TE, LUS KYI LEGS PAR SPYAD PA RNAMS SPYOD PAR BYED, YID KYI LEGS PAR SPYAD PA RNAMS SPYOD PAR BYED KYI, SDOM PA 'DZIN PA NI, MA YIN YANG DE LUS ZHIG NAS BDE 'GRO MTHO RIS KYI 'JIG RTEN DU STE, SEMS KYI SPYOD PA NYAMS SU MYONG BA'I DBANG GIS DGE BAS GAL TE 'THAB BRAL GYI LHA RNAMS SU SKYE'O, ,DE LHA GZHAN RNAMS KYI KHYAD PAR GYIS GZUGS DANG, CHA BYAD DANG, RGYAN DANG, BUD MED DANG, YUL LJONGS DANG, ZAS DMAN PA RNAMS LA SPYOD PAR 'GYUR RO, ,DE ZAS LA LONGS SPYOD PA'I DUS NA NGO TSA BAR 'GYUR RO, ,'DI'I 'OD RNAMS SHIN TU DMAN PAR YANG 'GYUR; 'DOD PA'I LONGS SPYOD PHUN SUM TSOGS PA RNAMS THAMS CAD KYANG SHIN TU DMAN PAR 'GYUR RO, ,DON YOD PA DE LEGS PAR YONGS SU RDZOGS PA'I TSUL KHRIMS KYI 'BRAS BU DANG, GZHAN SDOM PA LA GNAS PA'I TSUL KHRIMS 'DZIN PA'I LHA RNAMS KYI KHYAD PAR RO, ,GZHAN YANG DON YOD PAR GYUR BA'I TSUL KHRIMS SU GYUR PA NI, SANGS RGYAS LA SOGS PA LA RAB TU DANG BA DANG LDAN PA, SDOM PA NI, NYI MA GCIG KYANG NGES PAR 'DZIN PAR MI BYED DE, LUS KYI LEGS PAR SPYOD PA DANG YANG DAG PAR LDAN
PAR 'GYUR LA, NGAG GI LEGS PAR SPYOD PA DANG YANG YANG DAG PAR LDAN PAR 'GYUR RO, ,MA LUS PA MA YIN PAR RO, ,GANG ZHE NA, MA LUS PHA MA YIN PAS LUS KYI LEGS PAR SPYOD PAS SROG GCOD PA DANG, 'DOD PA LA LOG PAR SPYOD PA GNYIS RAB TU SPONG BAR BYED LA, YANG MA BYIN PAR LEN PA RNAMS NI, MA YIN NO, ,DE DAG NI, MA LUS PAR LEGS PAR SPYOD PAR BYED PAS SPYOD PA NI, MA YIN NO, ,NGAG GI LEGS PAR SPYOD PA RNAMS KYANG THAMS CAD DU LEGS PAR SPYAD PA SPYOD PA MA YIN TE, RDZUN 'BA' ZHIG TZAM SMRA BAR MI BYED LA, NGAG GI DRI MA RNAMS NI, MI SPONG NGO, ,DE'ANG DON YOD PA GCIG LEGS PAR SPYAD PA SPYOD DE, ,GAL TE DE SRID PA THA MA'I SEMS RAB TU DANG BA'I DBANG GIS LAN GRANGS GZHAN LA MYONG BAR 'GYUR BA'I LEGS PAR BYAS PA'I LAS RNAMS KYI RKYEN GYIS 'THAB BRAL BA RNAMS SU SKYE LA SHIN TU DMAN PAR YANG MI 'GYUR TE, SNGAR GYI DON YOD PAR LEGS PAR SPYAD PA SPYOD PA DE'I DRUNG NA TSAD DANG, MDOG DANG, GZUGS DANG, CHA BYAD RGYAN DANG, ZAS DANG, SPYOD PAS GNAS PA RNAMS DANG, 'DOD PA'I BUD MED DANG, YUL LJONGS RNAMS LA RIM GYIS SGRA REG RO GZUGS DRI RNAMS LA'ANG STE, SDOM PA DGE BA SPYAD PA'I KHYAD PAR CAN GYI LHA GZHAN RNAMS KYI KHYAD PAR GYIS NI, DES RANG NYID DMAN
, ,PAR MNGON PAR MTHONG NAS NGO TSA BAR 'GYUR RO, ,GZHAN YANG DON YOD PAR GYUR PA'I TSUL KHRIMS DANG YANG DAG PAR LDAN PA YOD DE, YANG DAG PA'I LTA BA CAN DU GYUR PA DANG, THOS PA'I RIGS DANG LDAN PA DANG, SANGS RGYAS LA SOGS PA LA GUS PA'I RIGS CAN DU 'GYUR BA'O, ,SDOM PA NI, GCIG KYANG 'DZIN PA'ANG MA YIN NO; ;'ON KYANG TSUL KHRIMS 'CHAL BA'I THA SNYAD KYIS 'JIGS NAS MA BYIN PAR LEN PAR MI BYED DO, ,SANGS RGYAS NYID KYIS GSUNGS PA'I RGYU MTHUN PA'I 'BRAS BUS DBUL PO SGRUB PAR BYED PA DANG, MA BYIN PAR LEN PAS DMYAL BA RNAMS SU 'ANG SKYE BAR 'GYUR BA THOS PAS KYANG STE, 'DOD PA CAN YIN YANG 'JIGS PA LA SOGS PAS LUS KYIS RTAG TU MA BYIN PAR LEN PA MI LEN TO, ,NGAG GIS KYANG PHRA MA BYED PA'I RANG BZHIN CAN MA YIN NO, ,PHAN TSUN DU 'BYED PAR MI BYED PA DANG, BYE BA'I SEMS CAN RNAMS KYANG 'BYED PAR MI BYED DO, ,LEGS PAR 'DZIN PAR YANG BYED DE, NGANG TSUL NGAN PA'I 'JIGS PA DANG, SANGS RGYAS DANG, SANGS RGYAS MA YIN PA'I GSUNG YANG NYAN PAR MI BYED DO, ,JI LTAR PHRA MA'I RGYU MTHUN PA'I 'BRAS BU NI, GROGS PO DANG, BRAN PHO DANG, BRAN MO DANG, CHUNG MA RNAMS DANG 'BYED PAR 'GYUR RO, ,LUS ZHIG NAS
KYANG NGAN SONG LOG PAR LTUNG BAR DMYAL BAR SKYE BAR 'GYUR ZHES SANGS RGYAS DANG, SANGS RGYAS MA YIN PA RNAMS KYI TSIG THOS PA DANG, RGYU GNYIS PO 'DI DAG GIS DE PHRA [?] BYED PA'I NGANG TSUL CAN MA YIN NO, ,DE LUS ZHIG NAS SEMS THA MA'I DBANG GIS DANG, LUS LAN GRANGS GZHAN LA LEGS PAR BYAS PA'I DBANG GIS KYANG RUNG, GAL TE BRGYAL NA ZHING LA RAB TU DANG BA MED PAR YANG BRGYAL NA 'THAB BRAL GYI LHA RNAMS KYI NANG DU SKYES NA DE CHES DMAN PA'I TSAD DANG, KHA DOG DANG, DBYIBS SU 'GYUR RO, ,BUD MED DANG, YUL LJONGS DANG, ZAS DMAN PA RNAMS LA SPYOD PAR 'GYUR RO, ,SGRA DANG, REG BYA DANG, GZUGS DANG, RO DANG, DRI RNAMS DMAN PAR 'GYUR RO, ,TSE SHIN TU DMAN PAR 'GYUR RO, ,'OD DMAN PAR 'GYUR RO, ,LHA GZHAN RNAMS KYI DRUNG DU SHIN TU'ANG NGO TSA BA 'BYUNG BAR 'GYUR RO, ,DON YOD PA DE DAG GI RAB TU DANG BA'I DBANG GIS LHA'I SKYE BA GSUM DU 'GYUR TE, SANGS RGYAS LA SOGS PA LA RAB TU DANG BA 'BA' ZHIG GIS DANG, DE LTAR SEMS KYI YON TAN GYI KHYAD PAR RNAMS KYIS SAM, SEMS 'JAM POR GYUR PA'I KHYAD PAR GYIS SAM, YANG DAG PA'I LTA BA LA RAB TU DANG BA'I KHYAD PAR GYIS SAM, BSAM PA NYE BAR SKYES PA'I SEMS KYI KHYAD PAR RNAMS KYANG 'DI
, ,LTA STE; MA DANG PHA LA SHIN TU GUS PA DANG, LEGS PAR NYAN PA'AM, YON TAN GYI KHYAD PAR DAG GIS SAM, SMON LAM GYI KHYAD PAR DAG GIS KYANG STE, JI LTAR DE'I SEMS KYI RGYUD DANG, ZHING LA RAB TU DANG BA'I DBANG GI SEMS KYI YON TAN DMAN PA DANG, PAR MA DANG, KHYAD PAR 'PHAGS PA'I LAS KYI KHYAD PAR GYIS RNAM PA DE LTA BU NYID DU SKYE BAR 'GYUR RO, ,GANG GI PHYIR DON DANG LDAN PA'I TSUL KHRIMS SLU BA MED PA'I 'BRAS BU'ANG LAS RNAMS DANG 'DRA BA YIN NA; SDOM PA 'DZIN PA BZUNG BAS MYA NGAN LAS 'DAS PA'I MTHAR THUG PAR 'GYUR BA DE'I DE LTAR 'DIR SKYE BAR 'GYUR BA LA LTA SMOS KYANG CI DGOS, SDOM PA'I TSUL KHRIMS DE DAG KYANG RNAM PA DU ZHIG YOD PA YIN ZHE NA, DE LA MDOR BSDU NA 'KHOR BZHI'I SDOM PA'O, ,DE DER GTOGS PA'I BZHI NI, DGE SBYONG DANG, DGE SBYONG MA DANG, DGE BSNYEN DANG, DGE BSNYEN MA'I STE, DE DAG NI, 'KHOR RNAM PA BZHI YIN NO, ,DE LA'ANG DE DAG GI SDOM PA NI, GANG YIN, RNAM PA NI, DU ZHIG YOD, DE DAG GI SDOM PA RNAMS PA [?] NI, JI LTAR 'GYUR BA YIN NA, DE LA DGE BSNYEN MDOR BSDU NA RNAM PA BZHI'O, ,BZHI PO RNAMS GANG ZHE NA, PHYOGS GCIG LA SPYOD PAR GYUR PA
DANG, MTHAR THUG PAR SPYOD PA DANG, THAMS CAD LA SPYOD PA DANG, BSLAB PA'I GZHI RNAMS LAS SDOM PA GCIG BLANGS PA'O, ,MTHAR THUG PAR SPYOD PA NI, BSLAB PA'I GZHI SDOM PA BLANGS PA LA SPYOD PA'AM PHAL CHER LA GNAS NAS SPYOD PA STE, SDOM PA'I GZHI DE'ANG YANG DAG PAR 'DZIN TO, ,THAMS CAD LA SPYOD PA NI, BSLAB PA'I GZHI LNGA YANG DAG PAR 'DZIN PA'O, ,GZHAN YANG RNAM PA BZHI STE, SNGA PHYIR BSLAB PA'I GZHI LA SPYOD PA DANG, KUN TU NYAMS PA MED PAR SPYOD PA DANG, 'GYOD NAS SPYOD PA DANG, THAMS CAD KUN TU NYAMS PAR SPYOD PA'O, ,DE LA DGE BSNYEN BSLAB PA'I GZHI LA SNGA PHYIR SPYOD PA NI, GANG BSLAB PA'I GZHI RGYA MTSO LA SNGA PHYIR BGROD PAR BYED PAS SNGA PHYIR BGROD PAR BYED DO, ,DE DANG PO KHO NAR GSUM LA SKYABS SU 'GRO BA'I DGE BSNYEN DU 'GYUR RO, ,PHYI NAS DUS SNGA PHYIR SEMS KYIS BSGOMS NAS YON TAN LEGS PA DANG LDAN PAR BYAS TE; BSLAB PA'I GZHI GCIG LEGS PAR 'DZIN NO, ,DE YANG MA NYAMS PA, MA CHAD PA, MA ZAGS PAR 'DZIN PAR BYED DO, ,DE LAM NYAMS PA'I RNAM PA 'DI LTA BU [?] GANG YIN, MA CHAD PA'I RNAM PA 'DI LTA BU GANG YIN, MA ZAGS PA'I RNAM PA DE LTA BU GANG YIN NA, MA NYAMS PA ZHES BYA BA JI SRID 'TSO'I BAR DU BDAG NYID KYIS 'DZIN PA STE,
, ,SEMS KYIS KYANG SDOM PA LAS 'DA' BAR 'GYUR BA SEMS PAR MI BYED DO, ,GZHAN BYED PA NA'ANG RJES SU YI RANG PAR MI BYED DO, ,BYED PA'ANG 'GOG PAR BYED DO, ,DE DAG RNAMS CHOS LA'ANG 'GOD PAR BYED DO, ,'DI NI, MA NYAMS PA ZHES BRJOD DO, ,DE LA MA CHAD PA GANG ZHE NA, DE NYID KYIS 'DIR BRGYAL NA BSLAB PA'I GZHI RNAMS GTONG BAR BYED DO, ,GAL TE NA 'DZIN PAR BYED DO, ,YANG DANG YANG DU BTANG NAS SLAR YANG LEN PAR BYED DO, ,RNAM PA 'DI LTA BU NI, CHAD PA YIN NO, ,DE LA 'DIS NI, CHAD PA DANG BRAL BAR BYAS SHING 'DZIN PAR BYED DO, ,JI LTAR NAM ZAGS PA 'DZIN PA YIN ZHING ZAGS PA'ANG JI LTAR YIN NA, 'DI NI, BSLAB PA'I GZHI LA DANG PO NYID DU RAB TU DANG BA'I SEMS KYIS DGE BA'I BSHES GNYEN GYI DRUNG NAS BZUNG BA LAS DE PHYI NAS 'GYOD PA DANG BCAS PAR GYUR NAS MI 'DZIN NO, ,RNAM PAR RTOG PA'I CHU BOS KHYER RO, ,DE SEMS RNYOG PA DANG BCAS PAS SPYOD PAR BYED DO, ,SEMS LA RNYOG PA MED PAR 'GYUR RO, ,DE PHYI NAS 'GYOD PA'I MES SREG PAR BYED LA, BSREGS PAR GYUR NAS KYANG YONGS SU GTONG NGO, ,YONGS SU BTANG NAS PHYIR MI 'DZIN TO, ,'DI NI, ZAGS PA ZHES BRJOD DO, ,DES 'DI
NI; DE BZHIN DU MI 'DZIN TO, ,GZHAN YANG SNGA PHYI BAR SBYONG BA'I DGE BSNYEN DE NYID MA NYAMS PA DANG, MA CHAD BA DANG, MA ZAGS PAR BSLAB PA'I GZHI RNAMS 'DZIN PAR BYED PA LA, JI LTAR MA NYAMS PA YIN NA, 'DI'I SEMS LA DRI MA MED PA RKO TOG MA YIN PA'I DGE BAR GYUR NAS KYANG MI DGE BAR 'GYUR RO, ,CHU SHING GI LO MA DANG GLOG DANG 'DRA BAR DE RAB TU RNGAM PAR GYUR PA'I SEMS KYIS DGE BA'I SEMS SU GYUR NAS SDOM PA 'DI 'DZIN PAR BYED LA, DE RAB TU DANG BA DANG, GUS PA DANG BCAS PAR YANG GYUR NAS DE PHYIS GAL TE SHED NA MU STEGS PA'I GNAS NAS THOS NA 'GYOD PAR GYUR TE RNYOG PA'I BDAG NYID DU GYUR NAS GTONG NGO, ,PHYIS YANG DAM PA'I CHOS THOS NAS 'DZIN PAR BYED DO, ,'DI NI, NYAMS PA YIN NO, ,GZHAN YANG CHAD PA JI LTAR CHAD PAR 'GYUR BA YIN, 'DI NI, DGE BSNYEN DAG GYA GYUS BSLAB PA'I GZHI 'DZIN PAS GAL TE NA LHA RNAMS MCHOD PAR BYED PA NA GAL TE JI LTAR SANGS RGYAS KYIS GSUNGS PA'I CHOS DES DGA' BAR 'GYUR BA'AM, YANG NA LHA DE'I TSIG GIS BDAG LA BDE 'GROR 'BYUNG BAR 'GYUR RO, ,DE LTA BU DES DOGS PAR BYAS NAS CHOS SPYOD PAR BYED DE, 'DI NI, CHAD PA ZHES BRJOD DO, ,GZHAN YANG ZAGS PA GANG ZHE NA,
, ,'DI NA NANG STONG PAR GYUR PA RNAMS PHYI ROL NA SEMS DGE BZHIN DU GZHAN RNAMS LA MTSON PAR BYED DO, ,DE YANG NA RUL BAR GYUR KYANG YOD CHES PA BSKYED PA'I DON DU BSLAB PA'I GZHI RNAMS 'DZIN PAR BYED DO, ,'DI NI, NANG STONG PA YIN NO, ,SNGA PHYIR BSLAB PA'I GZHI LA SPYOD PA'I DGE BSNYEN DES 'DI SPONG BAR BYED PA YIN NO, ,DE LA JI LTAR NA THUN TSAGS SU SPYOD PA'I DGE BSNYEN YIN NA, 'DI LA BSLAB PA'I GZHI GCIG BLANGS NAS DUS PAR CHOD PAR GYUR NA DE RNAM PAR SPYOD PA POR GYUR NAS BSLAB PA'I GZHI GZHAN 'DZIN PAR BYED DO, ,DE LTAR SNGA PHYI RIM PAS DE'I DUS KYI SEMS BSKYED PA GCIG GIS BLA MA GCIG MA YIN PA'I DRUNG NAS DE LTAR THUN TSAGS SU GYUR PA'I BSLAB PA'I GZHI RNAMS SNGA PHYI'I DUS SU 'DZIN NO, ,'DI NI, SNGA PHYIR BSLAB PA SPYOD PA'I DGE BSNYEN ZHES BYA'O, ,GZHAN YANG DGE BSNYEN GNYIS MA YOD DE, PHYED NYAMS PAR SPYOD PA ZHES BYA'O, ,PHYED NYAMS PAR SPYOD PA GANG ZHE NA, 'DI NA BSLAB PA'I BZHI RNAMS DUS GCIG TU NI, MI 'DZIN LA CI STE NA GNYIS STE [?]; SNGAR RO, ,DUS BAR DU CHOD PAR GYUR PAS GSUM NI, PHYI NAS SO, ,CI STE NA GSUM NI, SNGAR RO, ,PHYI NAS GNYIS 'DZIN NO, ,LEN PAR YANG BYED DO, ,'DI LA NI, PHYED
NYAMS PA SPYOD PA ZHES BYA STE, BSLAB PA'I GZHI PHYED NYAMS PAR GYUR PA'I RGYU GANG YIN PAS SO, ,PHYED NYAMS PA RNAM PAR YANG 'DZIN TO, ,'DI LA NI, PHYED NYAMS PAR SPYOD PA'I DGE BSNYEN ZHES BRJOD DE, GNYIS PA'O, ,'GYOD PA DANG BCAS NAS 'DZIN PAR 'GYUR BA'I DGE BSNYEN GSUM PA GANG ZHE NA, SNGAR BSLAB PA'I GZHI 'DZIN PA MI BYED LA DON YOD PA'I RAB TU DANG BA 'BA' ZHIG GIS SANGS RGYAS LA SOGS PA LA RAB TU DANG BAR 'GYUR RO, ,DE GAL TE SHED NA DGE SLONG RNAMS KYI DRUNG NAS SDOM PA'I 'BRAS BU MYA NGAN LAS 'DAS PA'I MTHAR THUG PAR 'GYUR BA THOS PAR 'GYUR LA 'BRAS BU DE THOS NAS KYANG 'GYOD PA'I MES SREG PAR GYUR PAS GUS PA DANG BCAS PAR GYUR NAS JI SRID 'TSO'I BAR DU BSLAB PA'I GZHI RNAMS 'DZIN PAR BYED DO, ,'GYOD PA DANG BCAS PA'I DGE BSNYEN ZHES BYA BA NI, 'DI LA BRJOD PA YIN NO, ,GZHAN YANG DGE BSNYEN BZHI PA YOD DE, THAMS CAD KUN NAS TSOGS PAR SPYOD PA'O, ,THAMS CAD KUN NAS TSOGS PAR SPYOD PAR GYUR PA'I DGE BSNYEN GANG ZHE NA, 'DI NI, DAM PA'I CHOS RNAMS LA THOS PA DANG LDAN PAR GYUR NAS TSIG DANG TSIG TU GYUR PA RNAMS DANG, GNAS RNAMS DANG, MDO DANG MDO RNAMS LAS RTEN CING 'BREL BAR 'BYUNG BA'I
, ,CHOS RNAMS KYANG RTOGS NAS SEMS 'JOG PAR BYED CING DAD PA DANG LDAN PAR GYUR PA DANG, DBANG PO DUL BAS SDOM PA THAMS CAD 'DZIN PAR BYED DE, DUS 'DIR BSLAB PA'I GZHI LNGA YONGS SU RDZOGS PAR 'DZIN PAR BYED DO, ,LEGS PAR 'DZIN PAR BYED DO, ,MA NYAMS PA DANG, MA CHAD PA DANG, MA ZAGS PAR JI SRID 'TSO'I BAR DU 'DZIN PAR BYED DO, ,DE LA SNGAR BSHAD PA'I DGE BSNYEN BZHI PO DE DAG RNAMS DANG, PHYIS KYI BZHI PO RNAMS TE, DE LAS DE DAG RNAMS KYI DMAN PA DANG, BAR MA DANG, KHYAD PAR DU 'PHAGS PA NI, RIM PA JI LTA BA BZHIN DU SNGAR GYI MCHOG DANG, 'DIR NI, KUN NAS TSOGS PAR SPYOD PA YIN NO; ;THAMS CAD LAS NYUNG BA NI, SNGA PHYIR BSLAB PA'I GZHI LA SPYOD PA'O, ,THAMS CAD LAS NYUNG BAR GYUR BA'I DGE BSNYEN SKAD CIG TZAM SDOM PA 'DZIN PAR BYED PA DE'I YANG GZHAL DU MED PA YIN PAS GZHAN LHA RNAMS DANG, BDUD LA SOGS PA DANG, DBANG PO RNAMS KYIS KYANG MTSUNGS PAR 'GYUR BA NI, MA YIN NO, ,DE CI'I PHYIR ZHE NA, MYA NGAN LAS 'DAS PAS YONGS SU BSDUS PA'I NGO BO YIN PA'I PHYIR RO, ,LHA DE DAG RNAMS THAMS CAD KYANG MYA NGAN LAS 'DAS PA'I GRONG KHYER DU 'GRO
BA MA YIN PA'I PHYIR RO, ,SDOM PA SNGON DU 'DZIN PA NI, SA'I GNOD SBYIN GYIS SNGON LA LEGS PAR MNGON PAR MTHONG NAS MCHOD PAR BYED DO, ,PHYAG 'TSAL PAR BYED DO, ,BAR SNANG LA RGYU BA'I GNOD SBYIN GYIS MNGON PAR MTHONG NAS MCHOD PAR BYED DO, ,PHYAG 'TSAL BAR BYED DO, ,CHOS DANG LDAN PA'I BSAM PAS KYANG 'DI LA LHAN CIG ZHABS 'BRING BYED CING 'GRO'O, ,LHA RNAMS LA YANG GO BAR BYED DO, ,MTHONG BA'I CHOS KYI 'BRAS BU'ANG RGYAL PO'I BLON PO RNAMS YUL GYI BDAG PO DAG GIS KYANG MCHOD PAR BYED DO, , DE DAG RNAMS KYIS YANG LEGS PAR SBYOR BAR BYED DO, ,GANG YANG 'DI PHYI BZHIN DU LHA RNAMS NYE BAR GNAS PAR GYUR PAS DE RDZU 'PHRUL CHE BAR 'GYUR BA DANG, STOBS CHE BAR 'GYUR RO, ,GNOD SBYIN CHOS BYED PA MA YIN PA GZHAN RNAMS KYIS KYANG MTHO BRTZAM PAR MI NUS SO, ,GANG GI TSE SEMS PHRA LA MANG PO SNA TSOGS PA YOD PAR GYUR PA DE DAG RNAMS KYANG 'DIS BDE BAR 'GRUB PAR 'GYUR RO, ,'DI'I LAS KYI MTHA' RNAMS KYANG TSEGS MED PAR 'GRUB PAR 'GYUR RO, ,NAD RNAMS KYIS KYANG SHIN TU BAR NYON MONGS PAR MI 'GYUR RO, ,'DI'I BZHIN GYI MDANGS KYANG GSAL BAR 'GYUR RO, ,BDE BAR GNYID LOG NAS SANGS PAR 'GYUR RO, ,BU DANG, BRAN PHO DANG, BRAN MO
, ,DANG, LAS BYED PA RNAMS DANG, ZHO SHAS 'TSO BA RNAMS KYANG LEGS PAR 'DZIN PAR 'GYUR RO, ,LUS ZHIG NAS KYANG MTHO RIS BDE 'GRO LHA'I 'JIG RTEN RNAMS SU SKYE'O, ,LHA RNAMS KYI NANG NA YANG TSAD DANG, MDOG DANG, DBYIBS RNAMS JI LTAR SDOM PA BZUNG BA DE CHES GTZO BOR 'GYUR RO, ,DE LTAR SDOM PA BZUNG BA'I LAS KYI DBANG GIS 'BRAS BU SHIN TU CHE BAR GYUR PA GANG DAG GIS DGE BA NYE BAR BSKYED NAS KYANG BAG MED PAR GYUR PAS 'THAB BRAL DU ZAD PAR BYED PA RNAMS NI, SEMS LAS KYI DRA BAS KUN NAS NYE BAR BCINGS PA'I SEMS CAN RNAMS LAS KYI DBANG GIS DMYAL BA DANG, YI DVAGS DANG, DUD 'GRO RNAMS SU SKYE'O, ,DE'I PHYIR DE NYID LA JI SRID DU 'PHAGS PA'I PHYAG RGYAR RGYUD MA CHUD KYI BAR DU BSAM PAR BYA'O, ,GANG YANG SEMS KYI DBANG GIS BAG MED PAR BSTEN PA'I LHA RNAMS NI, 'CHI 'PHO'I DUS NA SHIN TU 'GYOD PAR 'GYUR RO, ,DGE BA'I LAS RNAMS YONGS SU ZAD NAS DMYAL BA DANG, YI DVAGS DANG, DUD 'GRO RNAMS SU 'GRO'O, ,DE'I PHYIR NA RINGS PA RINGS PAR BAG MED PA NYID DU MA BYED CIG ,DGE BSNYEN RNAMS MTHONG BA'I CHOS LA SKYO BA BSKYED PA'I SDUG BSNGAL NI, BZHI
PA'O; ;GANG YANG BYA BA RNAMS LA SPRO BAR GYUR PA DE NI, MYA NGAN LAS 'DAS PA'I MTHAR THUG PAR 'GYUR RO, ,DE LTAR 'KHOR RNAM PA GCIG YIN TE, SANGS RGYAS RNAMS KYI DGE BSNYEN GYI 'KHOR RO, ,DGE BSNYEN MA'I 'KHOR RO, ,DGE BSNYEN MA'I 'KHOR RNAMS NI, GANG YIN, DGE BSNYEN MA'I 'KHOR YANG RNAM PA NI, DU YIN NA, SANGS RGYAS RNAMS KYI DGE BSNYEN MA NI, RNAM PA BZHI STE, DE NI, DAD PA CAN DANG, RIGS SU RIM GYIS SKYES PA DANG, BTUL BA DANG, GNAS LHAN CIG TU BYAS PA DANG RNAMS SO, ,DE LA DAD PA DANG LDAN PA'I DGE BSNYEN MA DE GANG ZHE NA, DE SKYE BA GZHAN DU LEGS PAR BSGOS PA'I RGYUD DANG, BSGOS PA'I SEMS DANG, 'JAM POR SEMS BSGOS PA DANG, LEGS PAR BSGOS PA'I RGYUD DANG LDAN PAS SANGS RGYAS KYI GSUNG RAB CUNG ZAD TZAM YANG THOS NAS LEGS PAR RTOGS SO, ,YONGS SU RIG PAR 'GYUR RO, ,RO MYANG BAR BYED DO, ,'JUG PAR YANG BYED DO, ,DE'I SEMS CHOS 'DUL BA DE LA SHIN TU LEGS PAR GNAS PAR BYAS NAS SDOM PA LEN LA 'DZIN BAR YANG BYED DO, ,BUD MED KYI SEMS KYIS KYANG MI 'PHROG GO ,GZHAN MU STEGS CAN GYI TSIG NYE BAR RNYED PAS KYANG SEMS MI 'PHROG GO ,GZHAN MU STEGS CAN RNAMS
, ,DANG LHAN CIG TU GLENG BSLAB YANG MI BYED DO, ,SANGS RGYAS LA SOGS PA 'BA' ZHIG LA SEMS SHIN TU RAB TU DANG BAR 'GYUR RO, , BSLAB PA'I GZHI LNGA GA'ANG DUS GCIG NYID DU PUS MO BTZUGS NAS LEN NO, ,DGE BSNYEN MA 'DI NI, DAD PA CAN ZHES BYA'O, ,DE LA DGE BSNYEN MA RIGS SU RIM GYIS SKYES PA GANG ZHE NA, 'DI NA RIGS SU GYUR PA NI, BZANG PO, CHOS BYED, CHOS SKYABS GNAS SU BYED PA, CHOS SKYOB PAR BYED PA, CHOS DPUNG GNYEN DU BYED PA, CHOS KYI RIGS RGYUD CAN, CHOS LA SNYING POR BYED PA, NEM NUR MED PAR SPYOD PA, RGOL BA GZHAN RNAMS KYIS NAM YANG NYE BAR 'JOMS PAR MI 'GYUR BA, RTAG TU DGE BSNYEN GYI KHYIM DU 'GYUR BA DANG, SANGS RGYAS LA SOGS PA RNAMS LA'ANG SHIN TU BAR RAB TU DANG BAR 'GYUR RO, ,DE DAG GI RIGS SU BU MO GANG SKYES PA DE RIGS SU RIM GYIS SKYES PA NAS DE SANGS RGYAS KYI GSUNG RNAMS NYAN NO, ,NYAN PA LAS RNYED NAS DE'I DON DU GCIG TU DE LA NYAN NO; ;DE RTAG TU LUS BSGOMS PAR GYUR PA'I RGYUD CAN, RGYUD YONGS SU BSGOMS PAR GYUR PA'I DGE BSNYEN MA'O, ,DE LA BA TUL BA ZHES BYA BA'I DGE
BSNYEN MA GANG ZHE NA, GANG DANG PO NYID NAS DAD PA DANG LDAN PAR GYUR PA LA SANGS RGYAS LA SOGS PA LA NI, RAB TU DAD PAR MA GYUR PA'O, ,DE GAL TE DGE BA'I BSHES GNYEN DANG BSTEN PAS DAD PA SKYED PAR BYED LA BSTEN PAS BYAS PA'I YON TAN GYIS SDOM PA YANG YONGS SU RDZOGS PA'AM, PHYOGS GCIG PA'AM, SNA 'GA' SPYOD PA RNAMS KYANG 'DZIN PAR BYED DO, ,DGE BSNYEN MA BTUL BA ZHES BYA BA NI, DE YIN NO, ,DE LA DGE BSNYEN MA GNAS LHAN CIG TU BYAS PA ZHES BYA BA DE GANG YIN NA, 'DI NA GANG YANG GZHAN MU STEGS CAN DANG LHAN CIG TU BRJOD PAR GYUR LA DE DAG DANG YANG LHAN CIG TU GNAS PAR BYED LA DE DAG GI SPYOD LAM RNAMS KYANG NYE BAR 'DZIN PAR BYED DO, ,NYE BAR BZUNG NAS KYANG GAL TE DGE SBYONG NYE BAR 'ONGS PAR GYUR NA DE DE DAG RNAMS KYI SPYOD LAM YANG NYE BAR 'DZIN PAR BYED DO, ,DE YANG KHYAD PAR DU GYUR PA KHO NA'I DBYIBS SU GYUR PA DANG, ZAS LA SPYOD PA, CHOS GOS GYON PA DANG, 'GRO BA DANG 'ONG BA'I YON TAN RNAMS RAB TU ZHI BA'I SPYOD LAM MTHONG NAS SKYABS SU 'GRO BA'I RIM GYIS GZHAN MU STEGS CAN RNAMS DANG, DGE SBYONG RNAMS LAS KHYAD PAR DU 'PHAGS PA LEGS PAR GYUR PAS SANGS RGYAS
, ,LA SOGS PA LA RAB TU DANG BA DANG, DES GDUL BA'ANG YIN LA SDOM PA'ANG 'DZIN PAR BYED DO, ,'DI NI, GNAS LHAN CIG TU BYAS PA ZHES BYA BA'I DGE BSNYEN MA YIN NO, ,DE RNAMS KYANG BZHI BZHI DGE BSNYEN DANG, DGE BSNYEN MA RNAMS YIN LA, DGE BSNYEN MA BZHI MDOR BSDUS NAS NI; RNAM PAR BZHAG PA YIN LA, GAL TE SHED NA MOS PA'I DBANG DANG MOS PA'I DBANG GIS DANG, SEMS KYI RGYUD KYI DBANG GIS DANG, RKYEN GYI DBANG GIS KYANG GANG KHO NA SNGAR BRJOD PA'I DGE BSNYEN GYI RNAMS RKYEN GYIS DGE BSNYEN MA LA'ANG 'GYUR RO, ,CHOS 'DUL BA'I RKYEN GYIS DGE BSNYEN MA YIN PA NI, SNGAR BSHAD PA'I DGE BSNYEN LA YANG 'JUG PA YIN NO, ,SEMS KYI RGYUD KYI DBANG GIS DE'ANG 'DREN MAR SPYOD PA ZHES BYA'O, ,DGE BSNYEN DANG DGE BSNYEN MA DE DAG THAMS CAD KYANG DGE BA'I SKAL PA CAN, YANG DAG PA'I LTA BA CAN, YANG DAG PA'I LTA BA SNGON DU BTANG BA RNAMS DMAN PA DANG, BAR MA DANG, KHYAD BAR DU 'PHAGS PA'I SEMS KYI RGYUD KYIS LUS ZHIG PA NA MTHO RIS BDE 'GRO LHA'I RIS RNAMS KYI 'JIG RTEN DMAN PA DANG, BAR MA DANG, KHYAD PAR DU 'PHAGS
PA RNAMS SU SKYE'O, ,DE LA 'GA' ZHIG NI, 'THAB BRAL GYI LHA RNAMS GANG DAG GI NANG DU SKYE STE, DE JI LTAR TSUL KHRIMS KUN TU SPYAD CING NYE BAR BSAGS PAR GYUR PA'I RNAM PA DE LTA BUR 'GYUR RO, ,DE BZHIN DU LHA RNAMS KYI RIS GZHAN DU'ANG TSUL KHRIMS DGE BAR GYUR PA GANG DAG KHO NAS NYE BAR BSKYOD PAR GYUR NAS LHA RNAMS BAG MED PAR SPYOD PAR 'GYUR TE, CI SRID THA MAR 'PHAGS PA'I PHYAG RGYA THOB PAR GYUR PA DE SRID NA PHYIR YANG SPYOD PA NI, MA YIN NO, ,DE DAG RNAMS BSOD NAMS ZAD NAS PHYIS YANG DMYAL BA DANG, YI DVAGS DANG, DUD 'GRO RNAMS SU SKYE'O, ,BSOD NAMS ZAD PAR GYUR PA YANG YANG BAG MED PA'I SKYON GYIS YIN LA, GANG YANG BAG MED PAR SPYOD PA MA YIN PA DE NI, BDE BA NAS BDE BA'I GO 'PHANG DU 'GRO STE, DE'I TSUL KHRIMS DE LEGS PAR BSGOMS PA DANG, SHIN TU RNAM PAR DAG PAR GYUR PA'I GZI BRJID KYIS YIN NO, ,DE'I PHYIR NA BAG MED PAS CUNG ZAD KYANG MA GNAS SHIG ,BAG MED PA RNAMS NI, DUG DANG 'DRA BA'O, ,BYIS PA'I SKYE BO THAMS CAD RAB TU 'JOMS PAR BYED PA, DON THAMS CAD BRLAG PAR BYED PA, 'KHOR BA THAMS CAD DU 'CHING BAR BYED PA YIN NO, ,DE LTA BAS NA, BAG MED PA RNAMS
, ,NI; LHA'AM MI RNAMS KYIS KYANG MI BYA'O, ,GANG YANG LHA DANG MI RNAMS KYANG RUNG STE, RNAM PA DE LTA BU'I TSUL KHRIMS KYIS MDZES PAR GYUR NAS SKYE BO RNAMS BAG MED PA'I SKYON GYIS 'DA' BAR BYED PA DE NI, SHIN TU BSLUS PA'I RNYED PA CAN DU GYUR NAS NGAN 'GROR GYUR PA'I 'KHOR BAR YANG DUS YUN RING DU YANG 'KHOR BAR YONGS SU 'KHYAMS PAR 'GYUR RO, ,DE LTAR MU SU LUNDHA 'DIS LHA DE DAG RNAMS LA STON PAR BYED DO, ,GANG SEMS CAN RNAMS LA THUGS BRTZE BA PO BCOM LDAN 'DAS DES LHA DANG MI RNAMS LA PHAN PA'I DON DU RDZU 'PHRUL MDZAD NAS SPRUL PA'I MCHOD RTEN NI, BYANG BU LA BRIS PA DE THOS NAS KYANG LHA RNAMS SHIN TU YID BYUNG BAR GYUR PAS KYANG 'KHOR BA LA SKYO BA SKYE'O, ,BAG MED PA RNAMS KYANG DUG BZHIN DU SPONG NGO, ,DGE BSNYEN DANG DGE BSNYEN MA'I RNAM GRANG RNAMS NI, BSHAD NAS DGE SBYONG GI 'KHOR RNAMS NI, GANG DAG YIN, RNAM PA NI, DU YOD, YON TAN NI, CI YIN, CIS GNAS PA YIN, SDOM PA JI LTA BU YIN; DGE SBYONG RNAMS KYI SDOM PA SKYE BA'I RNAM PA RNAMS NI, DU ZHIG YOD CE NA, BCOM LDAN 'DAS KYI DGE SBYONG MA DANG, DGE SBYONG GANG DAG KYANG MYA NGAN
LAS 'DAS PA'I DON DU SPYOD PAR BYED PA NYIN DANG MTSAN DU BSAM GTAN BYED PA DANG, BRTZON 'GRUS RTZOM PAS BDUD KYI 'KHOR RNAMS RNAM PAR SKRAG PAR BYED PAR GYUR PA DE DAG RNAMS LA DGE SBYONG MA RNAM PA DU YOD NA, MKHAS PA, GSAL BA, DUL BA, 'JIGS PA MED PA, MYA NGAN LAS 'DAS PA'I GRONG KHYER DU 'GRO BA PO, DE KHO NA NYID LA RJES SU DPYOD PAR GYUR PA RNAMS KYIS KYANG TSUL KHRIMS DANG LDAN PAR GYUR NAS RJES SU DPYOD PAR GYUR NA NI, MYA NGAN LAS 'DAS PA'I GRONG KHYER DU 'JUG PAR NUS PA'ANG MA YIN NO, ,'DI NA BUD MED YON TAN JI LTA BU RNAMS DANG LDAN PA YIN NA, SBYOR BA RNAMS THAMS CAD NYID LA MCHOG TU GYUR PA THAMS CAD DU MUN PA RNAMS SO, ,DE BZHIN DU GYUR PA LAS DANG PO KHO NA THAMS CAD NYID NAS DE KHO NA NYID LA SO SOR RTOG PAR BYED DE, SKYES PA DANG BDAG NYID KYI LUS LA'ANG STE, DES SKYES PA NA SO MNYAM PA RNAMS DANG, MNYAM PA BAS LHAG PA RNAMS MTHONG NAS SPUN DANG BU'I 'DU SHES KYIS SGOM PAR BYED DO, ,DE LA DE DAG RNAMS NI, DGE SBYONG GI RTZA BA RNAM PA GSUM YIN PA LA 'DI LTA STE, SBYOR BA LAS BAR DU GCOD PAR BYED PA'I BLO'O, ,NYIN MO DANG MTSAN MOR RAM, GNYID LOG PA DANG SAD PA RNAMS SAM,
, ,DON GZHAN LA RAB TU CHAGS PA'I BYIS PA RNAMS SAM, GZHON NU RNAMS SAM, RGAN PO RNAMS SAM, MNYAM PAR GNAS PA RNAMS SAM; MI MNYAM PAR GNAS PA RNAMS SAM, SKYID PAR GYUR PA RNAMS SAM, NAD MED PA RNAMS SAM, NAD PA RNAMS SAM, 'BAD PA DANG BCAS PA RNAMS SAM; BRTZON 'GRUS DMAN PA RNAMS SAM, BSRUNGS PA RNAMS SAM, RIGS LA LEGS PAR GNAS PA RNAMS SAM, BSRUNGS PA DANG RIGS MNYAM PA RNAMS SAM; GZUGS BZANG BA RNAMS SAM, GZUGS NGAN PA RNAMS SAM, LAM NA GNAS PA RNAMS SAM, KHYIM NA GNAS PA RNAMS SAM, YUL LJONGS GANG BA'I GSEB TU SONG BA RNAMS SAM, KHANG PA STONG PA NA GNAS PA RNAMS SAM, CHA BYAD BZANG BA RNAMS SAM, CHA BYAD NGAN PA RNAMS SAM, BAG YANGS SU GNAS PA RNAMS SAM, BTZON KHANG NA BCINGS PA RNAMS SAM, BDAG POS BSKYANGS PA RNAMS SAM, BYIS PA NAS BSKYANGS PA RNAMS SAM, BLA MA DANG NYE BA'AM, 'OG MA RNAMS DANG NYE BA'ANG RUNG, DE BZHIN DU NA TSOD MNYAM PAS RJES SU MTHUN PA RNAMS DANG NYE BA'AM, NAD KYIS LHAG PAR GZIR BA RNAMS KYANG RUNG STE, DE DAG
RNAMS NYID THAMS CAD LA'ANG BUD MED RNAMS NYID RTAG TU BDAG NYID THAMS CAD KYIS DANG, DUS THAMS CAD DANG, GNAS SKABS THAMS CAD DU RTAG PA KHO NAR 'DOD CHAGS SNYING LA KUN TU BCINGS PAS RJES SU 'JUG PAR BYED DO,, DPER NA, NYI MA NI, 'OD DANG LDAN LA MES NI, SREG ,SA GZHI NI, SRA, RLUNG NI, YANG ZHING G-YO BA NYID; CHU NI, RLAN ZHING GSHER BAR GYUR PA RNAMS LA'ANG JI LTAR 'BYUNG BA CHEN PO BZHI'I RANG GI MTSAN NYID MTHAR THUG PA'I BLO 'BYUNG BAR 'GYUR RO, ,DE LTAR BUD MED RNAMS THAMS CAD DU'ANG DUS THAMS CAD DU RTAG PAR 'DOD CHAGS RJES SU 'BREL BA, 'DOD CHAGS PHYI BZHIN RJES SU 'BRANG BA YIN NO, ,DE NYID LAS DRI MA GZHAN GNYIS 'BYUNG STE, 'DI LTAR PHRAG DOG DANG, SER SNA'O, ,DE DAG GNYIS LAS RJES SU 'BRANG BA NI, DRI MA LHAN CIG SKYES PA GCIG YIN TE, 'DI LTA STE, G-YO'O, , DE'I RJES SU 'GRO BA DRI MA GZHAN 'DI LTA STE, SLU BAR BYED PA'O, ,DE'I RJES SU 'BRANG BA DRI MA GZHAN RNAMS NI, 'DI LTA STE, SRID PA LAS MI 'BRAL BA'O, ,DE'I RJES SU 'BRANG BA DRI MA GZHAN RNAMS NI, DBYIBS LEGS PA LA RJES SU CHAGS PAR 'GYUR ZHING MI MNYAM PAR GNAS PA RNAMS SPONG BA'O, ,DE'I RJES SU 'BRANG BA DRI MA
, ,GZHAN RNAMS NI, TZAB HRAL CAN NO, ,DE'I RJES SU 'GRO BA DRI MA GZHAN RNAMS NI, RTAG TU RANG GI SKYE BO DANG RTZA LAG RNAMS DANG LHAN CIG TU 'THAB RTZOD BYED PA'O, ,DE'I RJES SU 'GRO BA DRI MA GZHAN RNAMS NI, RTAG TU 'BYED PA'I SPYOD PA LA NGES PAR SPRO BA'O, ,DE'I RJES SU 'BRANG BA DRI MA GZHAN RNAMS NI, RGYAB KYI SHA ZA BAR BYED PA'O, ,DE'I RJES SU 'GROGS PA'I DRI MA RNAMS NI, BGROD PAR BYA BA MA YIN PA BGROD PA'O, ,DE'I RJES SU 'BRANG BA DRI MA GZHAN RNAMS NI, YID CHES PA MI SKYE BA'O, ,DE'I RJES SU 'BRANG BA DRI MA GZHAN RNAMS NI, BUD MED GZHAN RNAMS LA DBYE BA'I SPYOD PA SLOB PAR BYED PA'O; ;DE'I RJES SU SONG BA'I DRI MA GZHAN RNAMS NI, GANG LA'ANG DGA' BA MED PA'O, ,DE'I RJES SU 'JUG PA'I DRI MA GZHAN RNAMS NI, GSUS PA SKYONG BAR BYED PA'O, ,DE'I RJES SU 'JUG PA'I DRI MA GZHAN RNAMS NI, YUL LJONGS RNAMS 'JIG PAR BYED PA'O, ,DE'I RJES SU 'JUG PA'I DRI MA GZHAN RNAMS NI, MUN PA NAS MUN PA'I KHROD DU GYUR PA DMYAL BA RNAMS KHO NAR 'GRO BA YIN PA'I PHYIR NA 'CHING BA DANG, DUG DANG, MTSON DANG, G-YANG SA DANG, NGAM GROG DANG,
SPRUL LA SOGS PA DANG 'DRA BA NI, BUD MED RNAMS YIN NO, ,GAL TE SHED NA DKON MCHOG GSUM MTHONG BA DANG, BSNYAD PA DANG, SANGS RGYAS KYI CHOS BSGRAGS PAS KYANG SEMS 'JAM POR BYAS PAR GYUR NA DE'I GNYEN PO RNAMS NI, 'DIR SHIN TU NGO MTSAR BA YIN TE, RNAM PA DE LTA BUR MA BGRUNGS PA'I SKYE BO RNAMS KYANG GANG GI PHYIR THABS KYI RIM PA RNAMS KYIS RANG GI RGYUD SBYONG BAR 'GYUR ZHING GZHAN RNAMS KYI RGYUD KYANG SBYONG BAR BYED PAR 'GYUR RO, ,DAD PAS RAB TU BYUNG BAS LEGS PAR SPREL BAR GYUR PAS DGE BA BSGOMS PA'I RGYUD KYI NGO BOR GYUR PA'AM, DE YANG NA DGE BA'I BSHES GNYEN RNAMS LA BSTEN PAS KYANG RUNG STE, DE JI SKAD BSHAD PA'I SKYON GYI MUN PA'I TSOGS RNAMS THOG MA MED PA'I DUS NAS SEMS KYI RJES SU 'BREL BA RNAMS RNAM PAR 'JIG PAR 'GYUR BA NI, JI LTAR NYI MA SHAR BAR GYUR PA NA RI'I PHUG DANG GSEB RNAMS SU ZHUGS PA'I MUN PA'I TSOGS GNAS DU MA RNAMS NA GNAS PA RNAMS 'JOMS PAR 'GYUR RO, ,DE BZHIN DU DAM PA'I CHOS KYI NYI MA'I GTAM RNAMS GLENG BSLANGS PAR GYUR NA SKYON GYI RI BOR RNAMS NGES PAR RNAM PAR 'JIG PAR 'GYUR RO, ,DE'I PHYIR NA RNAM PA DE LTA BU RNAMS RAB TU 'BYUNG BAR 'DOD PA DANG,
, ,DGE SBYONG MA RNAMS KYIS DANG PO KHO NAR SKYES BU DAM PA MA YIN PA RNAMS LA BSTEN PAR MI BYA'O, ,GANG JI SKAD DU BSTAN PA'I YANG DAG PA'I GNYEN POR GYUR PA DE DAG RNAMS NI, DGE BA'I BSHES GNYEN DES STON PA YIN PA'I RGYU'I PHYIR RO, ,LAM DAM PAR RAB TU 'JOG PAR YANG BYED DO; ;SDUG BSNGAL RNAMS LAS RNAM PAR GROL BAR BYAS NAS BDE BA LA 'JOG PAR BYED DO, ,LEGS PA'I LAM YANG RAB TU STON PAR BYED DO, ,THOG MA MED PA'I DUS NAS 'JUG PA CAN GYI MUN PA RNAMS KYANG 'JOMS PAR BYED DO, ,DGE BA'I LAM SRANG RNAMS KYANG NYE BAR 'DOMS PAR BYED DO, ,DUS RING PO NAS RANG NYID DAM PA'I ZUG PA'I 'DOD CHAGS LA SOGS PA'I ZUG RDU RNAMS GTAN NAS 'DON NO, ,SRED PA'I NGAM GROG TU SONG BA RNAMS LAS YONGS SU SKYOB PAR BYED DO; ;RTAG PAR RGA BA MED PA 'CHI BA MED PA'I GRONG KHYER GYI BDE BA'I GO 'PHANG YANG LEGS PAR STON NO, ,DE'I PHYIR NA DRI MA DE DAG RNAMS LAS GO BZLOG PA'I TSIG DE RNAMS BDAG GIS BSTAN PAR BYA'O, ,SNGA PHYI'I RIM PA JI LTA BA BZHIN DU YONGS SU BSGRAGS PA RNAMS GO RIM JI LTA BA BZHIN DU DRI MA RNAMS DE LAS BZLOG
PA RNAMS RAB TU 'JOMS PAR 'GYUR RO, ,'DI DAG RNAMS THAMS CAD NI, DE KHO NA BZHIN DU BUD MED RNAMS LA YIN GYI, SKYES PA RNAMS LA PHAL CHER MA YIN NO; ;BUD MED RNAMS LA NI, PHRAG DOG DANG SER SNA DAG PHAL CHE BA YIN NO, ,DE DAG RNAMS LA NI, LUGS DANG MTHUN PA LA LUGS LAS LDOG PAS GNYEN POR 'GYUR BA DANG, 'KHOR BA LA NGES PAR 'BYIN PAR YANG 'GYUR RO, ,'DOD CHAGS LHAG PA'I BUD MED DE RNAMS LA MI SDUG PA'I GNYEN POS YANG DAG PA JI LTA BA BZHIN DU LUS LA LTA BA NI, NAD KYI GNAS MI GTZANG BA RNAMS KYI PHUNG PO THAMS CAD KYANG BSHAD PA'I GNAS KYI PHUNG POR GYUR PA DE LA LUS DE NYID LA RE ZHIG RANG GI'AM GZHAN GYI YANG RUNG STE, LUS KYI RANG GI MTSAN NYID LA RAB TU DPYOD PAR BYED DE, LUS 'DI CI LAS BYUNG BAR 'GYUR NA, KHU CHU DANG KHRAG GNYIS KYI MI GTZANG BA'I PHUNG PO LAS BSKYED CING YONGS SU GYUR PA GNYIS KYIS BDAG GI LUS BSKYED PA YIN PAR DES MTHONG NGO, ,DES KYANG LUS GZUGS NGAN PA DANG MI GTZANG BA STE, DES YANG LUS DE NYID LA SO SOR RTOG PAR BYED DO, ,GSON PA'I LUS 'DI NI, MI GTZANG BA YIN NA GAL TE BDAG CAG GI LUS DE LA GTZANG
, ,MAR GYUR PA CUNG ZAD TZAM ZHIG YOD DAM BYA BAR RO, ,GZHAN YANG DES DE KHO NA NYID TSOL ZHING LTA BAR BYED PA NA LUS 'DI NI, RMA DGU NAS MI GTZANG BA RNAMS YONGS SU 'DZAG PA YIN NO, ,BUD MED RNAMS DANG SKYES PA RNAMS LA'ANG DGU YIN NO, ,DGU PO RNAMS KYANG GANG ZHE NA, NYE BAR 'BYUNG BA LHAG PAR GYUR PA NI, BUD MED RNAMS YIN PA 'DI LTA STE, NYE BAR GNAS PA'I NUM GNYIS PO LAS SO, ,BSHANG BA DANG GCI BA DANG SNA'I BU GA DAG LAS SNA BAS YONGS SU 'BAB BO, ,MIG GNYIS LAS NI, MCHI MA'O, ,RNA BA GNYIS LAS NI, DRI MA'O, ,KHA NAS NI, KHRAG DANG RNAG GO ,DRI NGA NA PA DANG LDAN PA RLUNG DANG, MKHRIS PA DANG, BAD KAN DANG, KHRAG DANG, BSHANG BA RNAMS DANG, DE LTA BU LA SOGS PA MI GTZANG BA GZHAN YANG BRGYA PHRAG LUS LAS YONGS SU 'BAB PA RNAMS DE KHO NA NYID BSGOMS PA YANG DAG PA JI LTA BA BZHIN DU MTHONG NGO, ,BDAG CAG GI LUS LA GTZANG MAR GYUR PA NI, CUNG ZAD DAM BAG TZAM YANG MI 'BAB NA, DE LA SU ZHIG LUS 'DI LEGS PAR 'DZIN PAR BYED, GANG YANG RTEN 'DI DANG PHRAD NAS GTZANG MA DE DAG RNAMS
KYANG LUS 'DI MI GTZANG BA'I DBANG GIS GZHAN NYID KHO NAR 'GYUR BAR DES YANG DAG PAR SO SOR RTOG PAR BYED PA NA GANG DE DAG RNAMS KHO NA LUS 'DI DANG 'BREL PAR GYUR PA GTZANG MA RNAMS THAMS CAD KYANG DE KHO NA BZHIN DU MI GTZANG BAR 'GYUR BAR MTHONG NGO, ,DPER NA, GAL TE 'DIS ZAS DANG SKOM BSOD PA RNAMS THAMS CAD MED PAR GYUR LA, LUS DE DANG 'GROGS PAS PHYI SAR 'BYUNG BAR 'GYUR RO, ,DE BZHIN DU ZOS PA RNAMS KYANG DE LTAR NANG DU THAMS CAD DU MI GTZANG BAR BYED PA YIN NO; ;PHYI ROL DU'ANG LUS 'DI DANG SPRAD PA LAS GTZANG BA DE RNAMS 'DIS MI GTZANG BAR BYED DE, DPER NA, DRIS BSGO BAR BYED PA'I DRI RNAMS THAMS CAD KYANG LUS DANG BRTEN PA NA RDUL GYI SKYON GYIS DRI MI ZHIM PAR 'GYUR RO, ,DE BZHIN DU DRI ZHIM PO'I ME TOG RNAMS THAMS CAD KYANG LUS DANG BRTEN PAS RNYING PA DANG DRI MI ZHIM PAR YANG 'GYUR RO, ,DGE SLONG MA DE DE LTAR GZHAN YANG DE KHO NA LTAR LUS LA SO SOR RTOG PAR BYED PA GANG GIS LUS 'DI NGES PAR 'DZIN PA MA'I THA SNYAD KYIS KYANG LUS 'DI GTZANG NGAM, CI STE MI GTZANG BA ZHIG YIN, DE NAS DGE SLONG MA SO SOR DPYAD PAR GYUR PA NA RIGS RGYUD RNAMS KYI MA GANG YIN PA DE'ANG LUS SPYIR MI GTZANG
, ,PA YIN PAR MTHONG NGO, ,GZHAN YANG DGE SLONG MA DES GANG LA'ANG LUS 'DI GNAS PA'AM 'DUG PA'I SA PHYOGS RNAMS DANG, YUL PHYOGS DAG CIG GTZANG BAR 'GYUR RAM, MI GTZANG BA YIN ZHES LUS DE NYID LA SO SOR RTOG PAR BYED DO, ,DES YANG DE LTAR SO SOR BRTAGS PAR GYUR PA NA MCHOG TU GTZANG BA SHIN TU KHYAD PAR DU 'PHAGS PA'I YUL PHYOGS GANG DAG LA LUS 'DI SHI BA'AM, GSON PA'ANG RUNG STE BZHAG PAR GYUR PA NA SRIN BU DANG, DRI MA DANG, SKRA DANG, RUS PA DANG BCAS PA YIN PAS YUL PHYOGS THAMS CAD KYANG DRI MI ZHIM PAR LUS DANG 'BREL BAS 'GYUR BAR YANG DAG PA JI LTA BA BZHIN DU MTHONG, GZHAN YANG LUS DE NYID LA DGE SLONG MA DES 'DOD CHAGS SPANG BAR BYA BA'I CHED DU SO SOR RTOG PAR BYED DE, LUS 'DI GANG GIS ZA BAR BYED; BYA RNAM PA DE LTA BU DAG GIS DE SO SOR RTOG PAR GYUR PA LAS SRIN PO DANG SHA ZA LA SOGS PA MI GTZANG BAR GYUR PA RNAMS NYID LAS GZHAN RNAMS GANG ZHIG GIS 'DI ZA BAR BYED, NGANG PA DANG, K'A RAndA BA DANG, NGANG DUR PADMA GTZANG MA LA BRTEN PA RNAMS KYIS NI, MA YIN NO, ,ZHES YANG DAG PA JI LTA BA BZHIN DU
MTHONG NGO, ,DE'ANG LUS 'DI NYID LA YANG DAG PA JI LTA BA BZHIN DU SO SOR BRTAGS PA NA MTHONG BA 'DI NI, YANG DAG PA MA YIN PAR 'DZIN PA 'BA' ZHIG PA PHYIN CI LOG TU GYUR PA'I RTOG PA TSUL BZHIN MA YIN PA YID LA BYED PAS LONG BAR 'GYUR ZHING SKYES PA DANG BUD MED CES BYA BA'I MING TZAM 'DI LAS KYANG DE BDEN PA YIN PAR SNYING LA SKYE BAR MTHONG NGO, ,DES DE LTAR NGES PAR RTOGS NAS TSUL BZHIN YID LA BYED PA SO SOR RTOG PAR BYED DO, ,DE'I TSE 'DI'I 'DOD CHAGS THAMS CAD KYANG SPONG BAR 'GYUR RO, ,CHUNG BAR 'GYUR RO, ,RTZA BA NAS RLAG PAR 'GYUR TE, GANG GI PHYIR 'DI THAMS CAD KYI RTZA BA'ANG 'DI LTA STE, BUD MED KYI 'DOD CHAGS ZHES BYA BA YIN LA; DRI MA GZHAN RNAMS DE LAS 'BYUNG BA SPONG BA'ANG DE SPANGS PA GNYEN POR GYUR PAS SPONG BA YIN NO, ,NYI MA 'DI GNAS PAR GYUR PA'I DUS NA MI RNAMS KYI 'JIG RTEN GYI 'OD RNAMS KYANG NUB PAR 'GYUR LA, DE BZHIN DU 'DI YANG SHIN TU LHAG PAR GYUR PA'I RTZA BA YIN TE, DRI MA DE BCOM PA LAS KYANG DRI MA GZHAN RNAMS KYANG RAB TU BCOM PAR 'GYUR RO, ,DE LA GANG YANG DGE SLONG MA 'DIS LAM 'DI NAS 'DOD CHAGS RAB TU 'JOMS PAR BYED DO, ,DE'I TSE 'DI'I DE RAB TU
, ,BCOM PA LAS GZHAN LHAN CIG SKYES PA RNAMS RAB TU BCOM PA GANG ZHE NA, 'DI LTA STE, PHRAG DOG DANG, SER SNA'O, ,PHRAG DOG DANG, SER SNA NI, 'DOD CHAGS CAN LA 'BYUNG BA YIN NO, ,SKYES PA'AM BUD MED KYANG RUNG STE, 'DOD CHAGS KYI RTZA BA LAS CHOS DE DAG GNYIS SO, ,DE YANG 'DOD CHAGS RAB TU SPANGS PA'AM BSRABS PAR BYAS PAS KYANG DE DAG GNYIS KYANG BSRABS PAR 'GYUR RO, ,DE DAG GNYIS LAS KYANG DRI MA GZHAN PHYI BZHIN KHO NAR RJES SU 'BREL PA 'DI'ANG GANG ZHE NA, 'DI LTA STE, G-YO'O, ,G-YO NI, PHRAG DOG DANG SER SNA GNYIS KYI RGYU DAG GIS BSKYED PA YIN TE; DE DAG MED PAR GYUR NA DE YANG MED PAR 'GYUR RO, ,G-YO'I STENG DU DRI MA GZHAN 'DI LTA STE, SLU BAR BYED PA'O, ,PHRAG DOG DANG SER SNA MED PAR GYUR NA SLU BAR MI BYED PAR 'GYUR RO, ,SLU BA'I PHYI BZHIN DU DRI MA GZHAN YOD PA NI, 'DI LTA STE, SRID PAR GNAS PA'O, ,DE BCOM PAR GYUR NA MI 'BYUNG STE, DE LAS SRID PAR GNAS PA NYID MI 'BYUNG NGO, ,DE MED PAR GYUR PAS MNYAM PAR GNAS PA RNAMS 'DOD CHAGS PAR BYED PA DANG, MI MNYAM PAR GNAS PA RNAMS
SPONG BAR BYED PA MI 'BYUNG NGO, ,DE MED PAS GANG GI PHYI BZHIN 'BRANG BA'I DRI MA GZHAN DE YANG MI 'BYUNG NGO, ,'DI LTA STE, TZA BA HRAL DU GYUR PA'O, ,TZA BA HRAL MED PAR GYUR PA NI, 'DI LTA STE, RTZOD PA DANG, RNAM PAR 'BYED PA RNAMS TE, BUD MED RNAMS NI, PHAL CHER YANG DBYEN BYA BA'I BSAM PA CAN RNAMS YIN NO, ,BUD MED RNAMS KYI DE MED PAS DRI MA GZHAN PHYI BZHIN RJES SU 'BRANG BA'ANG MED PAR 'GYUR RO, ,GANG ZHE NA, 'DI LTA STE, RGYAB KYI SHA ZA BA'O, ,BUD MED RNAMS PHYI BZHIN RNAM BAR DBYE BA'I BSAM PA CAN YIN PA GANG GI PHYIR DE DAG RNAMS THAMS CAD KYIS KYANG RGYAB KYI SHA ZA BAR BYED, ,GANG GI TSE RNAM PAR 'BYED PA DE SPANGS PAR GYUR PA DE'I TSE RGYAB KYI SHA ZA SPANGS PAR 'GYUR RO, ,DE MED PAR GYUR PAS GZHAN PHYI BZHIN RJES SU 'BREL PA'ANG MED PAR 'GYUR RO, ,GANG ZHE NA, 'DI LTA STE, GSUS PA SKYONG BAR BYED PA'O, ,BUD MED RNAMS NI, GSUS PA 'GENGS PA DANG, GNYIS SBYOR BA LA CHED DU BYED PAR 'GYUR RO, ,'DI LTA STE, GSUS PA 'GENGS PA'I DRI MA RAB TU ZHI BAR GYUR PA NA DE'I TSE BGROD PAR BYA BA MA YIN PA BGROD PA'I DRI MA RAB TU SPANGS PAR 'GYUR RO, ,GANG GI PHYIR GSUS PA 'GENGS PA'I SKYON GYIS BUD MED DAG BGROD
, ,PAR BYA BA MA YIN PA'I SKYES PA RNAMS LA'ANG BGROD PAR BYED DO, ,'DI LTA STE, GSUS PA 'GENGS PA'I 'DOD CHAGS DANG RAB TU BRAL NA, DE'I TSE BGROD PAR BYA BA MA YIN PA'I DRI MA DE YANG RAB TU ZHI BAR 'GYUR RO, ,DE MED PAS KYANG DRI MA GZHAN YANG MED PAR 'GYUR BA NI, 'DI LTA STE, YID CHES PA'I GNAS MA YIN PA'O, ,BGROD PAR BYA BA MA YIN PA BGROD PA GANG GI PHYIR NA BUD MED DE DAG RNAMS LA NI, SKYE BO THAMS CAD DOGS PA SKYE BAR 'GYUR TE, SKYE BO THAMS CAD KYANG DGA' BAR 'DZIN PA DANG BRAL BAR 'GYUR RO, ,BGROD PAR BYA BA MA YIN PA DE'I RJES SU 'BREL PA'I DRI MA LHAN CIG SKYES PAR PHYI BZHIN RJES SU SPEL BA GZHAN NI, SPYOD PA 'BYED PA'O, ,SPYOD PA 'BYED PA'ANG GZHAN MED PAS MED PAR 'GYUR RO, ,GANG ZHE NA, 'DI LTA STE, RTZOD PA LA DGA' BAS SO, ,RTZOD PA LA DGA' BA MED PAS DE'I RJES SU 'BREL BA'I DRI MA GZHAN RNAMS KYANG MED PAR 'GYUR BA NI, 'DI LTA STE, YUL LJONGS 'JOMS PA'O, ,RTZOD PA LA DGA' BA DANG BRAL BAS YUL LJONGS 'JIG PA RNAMS KYANG DE MED PAS MED PAR 'GYUR RO, ,GANG YANG PHAN TSUN DU ZHES 'GRAS PAS MTSON CHAS GTUB PA LA DGA' BA DANG, SKYES PA RNAMS PHAN TSUN DU
RNAM PA SNA TSOGS PAR GYUR PA DE DAG RNAMS KYANG GANG GI PHYIR PHAL CHER NI, BUD MED KYI RGYU LAS YIN PA'I PHYIR TE, RGYU GZHAN RNAMS KYIS NI, MA YIN NO, ,DE'I PHYIR DES DE LTAR 'DOD CHAGS RAB TU BCOM PA'I PHYIR GCIG GI STENG NA GCIG GNAS PA'I DRI MA DE DAG RNAMS THAMS CAD KYANG MED PAR 'GYUR RO, ,DE DANG RAB TU 'BREL PA DANG, DES GANG BAR GYUR PA DE LTA BU'I RANG BZHIN CAN GYI BUD MED RNAMS KYI SEMS NI, DGE BA'I BSHES GNYEN GYI KHA NAS THOS PA'I SANGS RGYAS KYI BKA' MA GTOGS PA GZHAN RNAMS KYIS NI, 'JAM POR BYA BAR NUS PA'ANG MA YIN TE, GZHAN DU NI, BUD MED GANG DAG DE BZHIN DU MI 'GYUR RO, ,DE'I TSE KHYIM GYI GNAS SHIN TU SPANG BAR DGA' BA SPANGS NAS DAD PAS KHYIM NAS KHYIM MED PAR RAB TU 'BYUNG STE, GANG GI TSE NA ZAG PA RNAMS ZAD PAR BYA MI NUS PA'ANG DE'I TSE LEGS PAR BSGOMS PA'I TSUL KHRIMS DES TE, DE LTAR YANG SROG GCOD PA DANG, MA BYIN PAR LEN PA DANG, MI TSANGS PAR SPYOD PA DANG, RDZUN DANG, TSIG RTZUB DANG, PHRA MA DANG, KUN TU 'BREL BA MED PA RNAMS RNAM PAR SPANGS SHING LEGS PAR BSGOMS LA YANG DANG YANG DU BSTEN CING BSGOMS LA LAN MANG DU BYAS PA'I BUD MED RNAMS NI, LUS ZHIG
, ,NAS MTHO RIS BDE 'GRO'I 'JIG RTEN GYI LHA RNAMS SU SKYE'O, ,GANG DAG 'DOD PA RNAMS LA 'DOD CHAGS DANG BRAL BA'I LAM MA THOB PA RNAMS NI; LAS DANG SEMS KYI DBANG GIS 'DOD PA NA SPYOD PA RNAMS LAS 'THAB BRAL BA RNAMS KYI NANG GI TSOGS PA RGYU BA NA RNAM PAR SPYOD PA GANG YIN PA'I SAR SKYE'O, ,GANG GI TSE SKYES PA NYID 'ONGS PAR GYUR NA DE RNAM PA DE LTA BU MCHOG TU LEGS PA'I TSUL KHRIMS KYIS MA'I TSUL DU RJES SU GNAS SO, ,DE RNAM PA DE LTA BU'I SKYE BA THOB PA'I LHA GANG YIN PA DE YANG BAG MED PAS BAG MED PAR SPYOD PAR 'GYUR RO, ,DE DE DAG RNAMS ZAD NAS SLAR YANG DMYAL BA'AM, YI DVAGS SAM, DUD 'GRO RNAMS SU SKYE'O; ;GZHAN YANG LHA'I TSOGS RNAMS SU GONG NAS GONG DU 'JUG PAR BYED BAS BUD MED KYI SRID PA SGRUB PAR BYED DO, ,DE NAS DE'I TSE BCOM LDAN 'DAS DES TSIGS SU BCAD PA GSUNGS PA JI LTAR, 'DOD CHAGS PHRAG DOG G-YO RNAMS KYI, ,SA GZHI'I SEMS NI ZO CHUN GLOG ,LCAGS BSREGS NGA RGYAL SKYE GNAS RNAMS, ,BLO GTAD NAM YANG YOD MA YIN, ,MTSON CHA ME DANG MTSUNGS PAR RNO BA RNAMS, ,GZUGS KYI ZHAGS PAS BDAG DANG GZHAN RNAMS KYIS, ,DONG DANG G-YANG SA MI BZAD
PA RNAMS DANG, ,ZAB PAR MTSUNGS PA'I SEMS DANG LDAN PA YI, ,DANG PO NYID NAS GZHAN LA DGRA NI BYED PA YIN, ,SGYU MA MIG 'PHRUL DE LA SONG BA'I SEMS, ,DUS MIN 'CHI BDAG DANG NI RDO RJE ME, ,DUS KYI RI BO DANG MTSUNGS BDAG NYID RNAMS, ,SEMS NI RNAM PA DU MA DAG GIS KYANG, ,SKYON RNAMS DU MA KUN TU SPYOD BYED PA, ,GAL TE BUD MED RNAMS NI 'GA' ZHIG GIS, ,TSUL KHRIMS YUD TZAM YID LA SGOM BYED PA, ,DE NI SANGS RGYAS NYI MA'I GSUNG RNAMS KYI, ,'OD ZER RNAMS KYIS RNAM PAR MDZES PA YIN, DE LTAR MU SU LUNDHA DES LHA DE DAG RNAMS LA LHA KHYED RNAMS MI'I BUD MED DU GYUR PA NA SPYOD PAS 'DIR SKYES PA YIN NO, ,ZHES DE LTAR SKYE BA GZHAN DU SPYAD PA'I TSUL KHRIMS DE RAB TU STON PAR BYED DO, ,DE GAL TE BUD MED KYI DNGOS POR GYUR PAS BSKYED PA'I TSUL KHRIMS GAL TE MIR GYUR PA'AM, LHAR GYUR PA NA'ANG BAG MED PAS ZAD PAR BYED PA'I LHA DE RNAMS NI, SHIN TU BSLUS PAR GYUR PA YIN NO, ,DES NI, RINGS PA RINGS PAR BAG MED PAR MA BYED CES BCOM LDAN 'DAS DES LHA RNAMS LA PHAN PAR BZHED PAS DE LTAR RJES SU GDAMS PAR 'GYUR RO, ,YANG DAG PAR RDZOGS PA'I SANGS RGYAS RNAMS THAMS CAD KYI YANG 'KHOR RNAM PA BZHIR 'GYUR BA DE
, ,NYID KYIS NI, SRING MO'I 'KHOR RNAMS KYI GTING DE LA DGE SLONG GI 'KHOR RNAMS YIN NO, ,DE LA SNGA PHYI RIM PAS DGE SLONG GI SDOM PA RNAMS LA ZHUGS PA, MCHOG TU RGYA CHE BA'I DGE BAS BSGOS PA'I RGYUD RANG LA YANG SDUG BSNGAL 'BYUNG BAS 'JIGS PAR LTA BA, 'JIG RTEN GZHAN DU 'GRO BAS SKRAG PA 'KHOR BA THAMS CAD LA YID 'BYUNG BAS KHA NA MA THO BA PHRA RAB TZAM LA YANG 'JIGS PAR LTA BA, GNYA' SHING GANG TZAM DU LTA BA, SNYING LAS CHUNG BA, MCHOG TU ZAB PA MCHOG TU RGYA CHE BA'I DGE BA TSUL KHRIMS DANG SBYIN PA LA RGYUD GOMS PA, 'PHAGS PA'I BDEN PA BZHI LA SPYOD PA LA CHED CHER BYED PA'I DGE SLONG DE NI, RNAM PA DU YOD PA DANG, RNAM PA YANG DU YOD NA, GANG DGE SLONG RNAMS KYIS 'DA' BAR MI BYA BA NI, RNAM PA BZHI'O, ,BZHI PO GANG ZHE NA, DE LTAR GCIG PU RGYU BAR BYED PA'I RNAM PA LAS DGE SLONG DANG GCIG PU LAM DU 'GRO BAR MI BYA'O, ,DE CI'I PHYIR ZHE NA, DGE SLONG GCIG PU ZHIG LJONGS RGYUR 'GRO BA NA 'PHYA BAR 'GYUR RO, ,RANG DGAR YANG 'GYUR RO, ,RANG DGAR GYUR PAS KYANG BSLAB PA'I GZHI RNAMS LAS 'DA' BAR BYED DO, ,GRONG DANG, GRONG KHYER DANG, GRONG RDAL DANG, YUL LJONGS SU'ANG 'DOD RGYAL DU
SDOM PA GTONG BAR BYED PA STE, DGE SLONG GZHAN LA 'JIGS PA MED PA'I PHYIR RO, ,DES YUL LJONGS KYI BUD MED DAG MNGON DU MTHONG NAS REG DOGS KYI SEMS G-YO BAR GYUR PA'I RANG BZHIN GYIS MIG GTOD PAR BYED DO, ,DE'I MIG GIS BLTAS PAR GYUR PAS MNGON PAR MTHONG NAS KHYIM PA DANG, YUL LJONGS PA RNAMS KYIS DGE SLONG DE RMONGS PAR BYED DO, ,DE LA SMAD PAR GYUR PA NA KUN TU ZHE SDANG BA SKYE'O, ,DE LAS DGE SLONG 'DI'I SNYING LA SKYON GNYIS PA KUN TU SKYE STE ZHE SDANG NGO, ,DE 'DOD CHAGS DANG ZHE SDANG GI DBANG DU GYUR PAS GTI MUG GIS SHIN TU BAR RMONGS PAR 'GYUR RO, ,DE LTAR DGE SLONG GCIG PU ZHIG LJONGS RGYU BAR BYED PAS RGYU BA NA SKYON GSUM RAB TU 'PHEL BA YIN NO; ;DE'I PHYIR NA GCIG PU ZHIG GIS LJONGS RGYU BAR MI BYA'O, ,'DI NI, RNAM PA GCIG YIN NO, ,RNAM PA GZHAN YANG DGE SLONG RNAMS KYIS RGAL BAR MI BYA BA 'DI LTA STE, LUS DRAN PA'I RNAM PA'O, ,'DI NA DGE SLONG LAM DU 'GRO BA NA LUS SU GTOGS PA LA 'GRO BA'I DUS SU DRAN PA BSKYED PAR BYA STE, DPER NA BDAG GI RKANG PA 'DEGS PA LA SEMS DANG SEMS LAS BYUNG BAS KUN TU RTOG CING YID LA BYED PAS DE RKANG PA NAS LUS MA LUS PA LA DPYOD PAR BYED DO, ,DE LA RKANG PA G-YAS PA DANG G-YON PA BTEG
, ,PA'I G-YAS PA DANG G-YON PA DE DAG RGYUS PA'I DRA BAS KUN NAS SBREL BA, RUS PA LA TSIL DANG PAGS PAS G-YOGS PA'I TSIGS PA RGYUS PA'I 'BREL BAS SBREL BAR GYUR PA LAS KYI RLUNG GIS RGYU BA'I SEMS KYI BYA BA'I RJES SU 'JUG PA DANG, BTEG CING 'DOR BA NA 'KHUM PA LTAR 'GYUR BA, GZHI LA BZHAG PA NA RNAM PAR DBYE BAR 'GYUR BA, CHU RGYUS KYI STOBS KYIS SBREL BA'I RKANG PA DE SOR MO LNGA PO THAMS CAD KUN TU SBREL BA, SEN MO DANG NYE BA'I SEN MO RNAMS NYE BAR SKYES PA MNGON PAR MTHONG NAS PUS MO LA SO SOR RTOG PAR BYED DE, GZHONG BA RING PO DANG 'DRA BAR GYUR PA SHA'I 'DAM DANG SHA'I 'DAM RNAMS KYIS DE KUN TU BYUGS PA, RGYUS PAS KUN NAS SBREL BA, RUS PA'I SBUBS DANG BCAS PA, CHU RGYUS RING BAS KUN NAS SBREL BA, SNGON BYAS PA'I RGYU RKYEN GYIS BSKYED PA, BA SPU'I KHUNG BUS YONGS SU KHYAB PA'I PHYI ROL NA SBRANG BU RNAMS 'BAB PA, PAGS PA 'THUG POS G-YOGS PA GANG YIN PA'I PUS MO GCIG DES YANG DAG PA JI LTA BAR SO SOR LEGS PAR RIG PAR BYED DO, ,DES LUS 'DI 'CHAG PAR GYUR PA NA RAB TU G-YO BAR GYUR PA DE DAG RNAMS RIM PA SO SOR RTOG PAR BYED DE, PUS MO DANG, BRLA DANG, BYIN PAR
GTOGS PA'I CHU RGYUS DANG, KHRAG DANG, SHA DANG, TSIL DANG, RUS PA LA'ANG SO SOR RTOG PAR BYED DO, ,SEMS DANG SEMS LAS BYUNG BA RNAMS LAS KYI RLUNG GIS BSKYOD NAS 'GRO BAR BYED PA YIN NO, ,GZHAN YANG LUS DE NYID KYI 'DU SHES CAN GYIS JI SRID DU STENG NAS DMYAL BA'I BAR DU SO SOR RTOG PAR BYED DE, SHA DANG CHU RGYUS PHAN TSUN DU SBREL BAR GYUR PA SHA'I BYUG PAS KUN TU BYUGS PAS CHES SBOM PAR GYUR PA CHU SER KUN NAS 'DZAG PA, KHRAG DANG, TSIL RNAMS KYIS GANG, MDANGS 'BA' ZHIG TZAM GYIS YID 'PHROG PA RNAMS DES RNAM PAR DPYOD PAR GYUR PAS RTZA SBUBS GCIG LA YANG DAG PA JI LTA BAR SO SOR RTOG PAR BYED DO, ,BTEG PAR GYUR PA NA GZHAN YANG DE KHO NA LTAR SO SOR RAB TU RIG PAR BYED DO, ,BSKUM PA DANG BRKYANG BAR GYUR PA NA'ANG JI LTA BU'I RANG BZHIN GYI RTZA PHRA BAR GYUR PA RNAM PA DU MA LA KUN TU LTA BAR BYED DO, , RAB TU G-YO BAR BYED PA DANG, 'GRO BAR GYUR PA YANG RNAM PA DU MAR GYUR PA'I RLUNG GIS KUN NAS G-YO BA DANG, DE'I 'BREL BA STENG DU GZHIR GYUR PA PHO BA'I THA SNYAD DU BYA BA BSHANG PA DANG GCI PA'I GNAS DE RNAM PA THAMS CAD DU MI GTZANG BA'I SNGAR GYI GZHI LA RGYU BAS RGYU BA'I CHA SHAS RNAMS RAB TU 'BYUNG BAR GYUR PA NA YANG DAG PA
, ,KHO NAR LUS KYI RJES SU SONG BA'I DRAN PA DGE SLONG GIS CHES STENG NYID DU RAB TU G-YO BAR GYUR PA'I RANG GI LUS 'GRO BA NYE BAR RTOGS PAR BYED DO; ;JI LTAR ZHE NA, BDAG LAM DU 'GRO BAR GYUR PA NA BDAG GI RGYU MA DANG GNYE MA DAG RAB TU G-YO BAR GYUR PA RNAMS LA DES LTA BA NI, RKANG PA BTEG PA NA DBUGS RDUB PA DANG LHAN CIG TU 'GROGS PA RAB TU G-YO BA'O, ,BDAG GIS RGYU MA RAB TU G-YO BA DE DAG THAMS CAD G-YON LOGS NAS G-YAS LOGS SU RAB TU G-YO BAR 'GYUR LA G-YAS NAS KYANG G-YON DU'O, ,RGYU MA DE DAG RNAMS RLUNG DANG, MKHRIS PA DANG, BAD KAN DANG, BSHANG BA DANG, GCI BA DANG, SRIN BUS RAB TU GANG BA RNAMS G-YO BAR MNGON PAR MTHONG NAS JI LTA BA BZHIN DU RJES SU LTA BAR BYED DO, ,LUS DE'I RGYU MA DANG GNYER MA DANG BCAS PA RNAMS DGE SLONG GIS YANG DAG PAR MNGON PAR MTHONG NAS GZHAN YANG SHIN TU MTHO BAR GYUR PA'I LUS DAG LA RNAM PAR LTA BAR BYED DO, ,LONG GAR GYUR PA LA RGYUS PA'I 'KHRUL 'KHOR GYIS KUN NAS SBREL BA JI LTAR MTHONG BA'I LOGS LA RGYUS PA'I DRA BAS KUN NAS SBREL BA NANG NA ZAS KYI RO RNAMS RUL PA NI, DE MA THAG TU SKYUG PA LTA BU'I BAD
KAN RNAMS DANG LDAN PAS NAD RNAMS GANG BAR GYUR PA SHIN TU 'JIGS SU RUNG BA SHIN TU DRI MI ZHIM PA RNAMS KYIS MGRIN PA DANG, MIG MCHU RGYUS PA DANG, GNAD DANG, RUS PA KUN TU BKANG ZHING KUN NAS 'DZIN PA NI, LAS KYIS BSKYED PA'I RLUNG 'BA' ZHIG GIS SEMS DANG SEMS LAS BYUNG BA RNAMS LHAN CIG TU 'DZIN PAR GYUR PA DANG, 'GRO BAR GYUR PA NA'ANG LUS LA SO SOR RTOG PAR BYED DO, ,GZHAN YANG LUS DE NYID RAB TU G-YO BAR GYUR PA NA YANG SO SOR RTOG PAR BYED DO, ,DGE SLONG DES JI LTA BAR KHA DANG, 'GRAM RUS DANG, KLAD PHOR GYI TSOGS 'DUS PA DANG, MIG PHOR GNYIS DANG GCIG LHAG PA 'DZUM PA DANG, 'BYED PA DANG, 'BRAS GNYIS DANG, BDAG GI DE DAG RNAMS SHING GI 'KHRUL 'KHOR GYI BUD MED BZHIN DU RGYUS PA'I 'KHOR GYIS KUN TU SBREL BA, SKAD CIG DANG SKAD CIG LA SKYE BAR 'GYUR ZHING 'CHI BAR 'GYUR LA 'PHO BAR 'GYUR BAS GRONG DANG, GRONG KHYER DANG, GRONG CHUNG RNAMS SU BDAG 'GRO BAR BYED PA, LUS KYI GONG BU'I KHOG TZE SBRUL DUG CAN GYI KHOG PA NYID GCES PAR 'DZIN PA YIN PAS RGYAGS PAS RGYU BAR MA BYED, ZAS KYI DON DU KUN TU 'CHUMS PAR MI BYA BA DANG, BDAG GIS RAB TU BGAD PAR YANG MI BYA'O, ,'GRO BA'I DBANG DU BYAS
, ,NAS DES DE LTAR BGROD PAR BYED PA'I DGE SLONG NI, RNAM PA GNYIS PA RGAL BAR MI 'GYUR RO, ,GRONG DANG, GRONG KHYER DANG, GRONG CHUNG RNAMS SU BSOD SNYOMS LA ZHUGS PAR GYUR PA LA JI LTA BA BZHIN DU BDAG NYID KYI LUS LAS SO SOR DPYOD PAR BYED DE, DE LTAR DE LUS LEGS PAR BSGOMS PA DANG, BRTZON 'GRUS BRTZAMS PAR GYUR PAS BUD MED RNAMS NYID DANG, SKYES PA RNAMS THAMS CAD LA YANG DE DE LTAR 'DOD CHAGS LA SOGS PA'I DRI MA RNAMS SNYING LA MI 'JUG GO ,RNAM PA DE LTA BU RNAMS LAS NI, DES SROG GI DBANG PO'I PHYIR YANG RGAL BAR MI BYA STE, RNAM PA 'DI RNAMS NI, DGE SLONG NGES PAR LEGS PAR 'DOD PA RNAMS KYIS RGAL BAR MI BYA'O, ,GZHAN YANG RNAM PA GSUM PA DGE SLONG GIS RGAL BAR MI BYA'O, ,'DI LTA STE, DGE SLONG RNAMS KYI NI RTAG PA NYID DU DRAN PA NYE BAR GNAS PAR BYA'O, ,DRAN PA NYE BAR GNAS PA LAS KYANG DGE SLONG SHES BZHIN DANG LDAN PAR 'GYUR RO, ,DGE BA'I BSHES GNYEN GYIS DGE BA'I YID CAN BLO RNAM PAR MI G-YENG BA DE LTA BUR GYUR PA'I DGE SLONG DE LA NI, RTAG PAR YANG LHA RNAMS PHYI BZHIN NYE BAR GNAS PAR 'GYUR RO, ,DE LA BDUD KYI
RIS KYI LHA DAG GIS KYANG MA THO BA TZAM PAR MI NUS SO, ,JI LTAR NA DRAN PA NYE BAR GNAS PA YIN ZHE NA, 'DUN PA SNGON DU 'GRO BAS SEMS DANG SEMS LAS BYUNG BA'I CHOS RNAMS 'JUG PA YIN TE, SKYES PA DANG MA SKYES PAR GYUR PA DANG, MA SKYES PA RNAMS BAG DANG LDAN PA'I BLO SHES BZHIN DANG LDAN PAR GYUR PAS YANG DMIGS PA LAS SEMS DANG SEMS LAS BYUNG BA'I CHOS 'DI DAG RNAMS NYID SKYE BAR 'GYUR TE, DGE BA DANG, MI DGE BA DANG, LUNG DU MA BSTAN PA RNAMS SO, ,RKYEN GYI KHYAD PAR GYIS BDAG LA DGE BA'I CHOS PHAN PA DANG, BDE BA DANG, MYA NGAN LAS 'DAS PA'I MTHAR THUG PAR 'GYUR BA RNAMS SKYES PA DANG, DE NYAMS PA NA CHOS GZHAN SEMS DANG SEMS LAS BYUNG BA'I RKYEN GYI KHYAD PAR LAS SKYES PA MI DGE BA DANG, MNYAM PAR MA BZHAG PA DANG, BDE BA MA YIN PA 'BYUNG BAR 'GYUR BA RNAMS TE, DES DGE BA 'DI DAG RNAMS KYANG YANG DAG PA JI LTA BA BZHIN DU RAB TU SHES SO, ,SO SOR LEGS PAR RIG PAR BYED DO, ,SEMS KYIS RNAM PAR DRAN PAR BYED DO, ,DE BZHIN DU YID DU MI 'ONG BA'I CHOS RNAMS LA CHA SHAS SO SOR BYED DO, ,DRAN PA LNGA'I RO RNAMS KYANG MYANG BAR MI BYED DO, ,SEMS KYIS KUN TU RTOG PAR MI BYED DO, ,DA LTAR BA RNAMS SPONG BAR
, ,BYED DO, ,DRAN PA LNGA GANG ZHE NA, 'DI LTA STE, GZUGS GANG YID DU 'ONG BA MIG GI YUL NYAMS SU MYONG BAR GYUR PA LA 'DU SHES SNGON DU SONG BAS THAG NYE BA DANG, THAG RING BA DANG, MDOG BZANG PO'AM, MDOG NGAN PA'AM, RING BAR GNAS PA'AM, DUS TSES SNGA MA NAS NYAMS SU MYONG BA'AM, RANG NYID LA GYUR PA RNAMS SAM, GZHAN GYIS NYE BAR LONGS SPYOD PA'I GZUGS RNAM PA SNA TSOGS PA DE DAG RNAMS LA YANG DGE SLONG 'DIS RO MYANG BAR MI BYED DO, ,DPYOD PAR MI BYED DO, ,RKYEN GYI DBANG GIS 'ONGS PA RNAMS KYANG YONGS SU SPONG BAR BYED DO, ,JI LTAR 'GA' ZHIG SREG PAR BYED PA'I SKYON GYI 'JIGS PAS 'JIGS NAS ME SPONG BAR BYED PA DE BZHIN DU DGE SLONG 'DI YANG 'DOD CHAGS KYIS SREG PA'I 'JIGS PAS 'JIGS NAS 'DAS PA'I NYON MONGS PA'I ME DGA' PA'I 'DOD CHAGS SDUG BSNGAL MANG PO'I MTHAR THUG PA 'BYUNG BAR 'GYUR BA'I GZUGS NYAMS SU MYONG BA DE DAG DRAN PAR MI BYED DO, ,KUN TU RTOG PAR MI BYED DO, ,SEMS GNAS PAR MI BYED DO, ,DE LTAR GANG DAG 'DAS PA NYAMS SU MYONG BA RANG DANG GZHAN RNAMS KYIS NYES PAR SPYAD PAR GYUR PA SNA TSOGS PA RNAMS LA DE LTA DE LTAR
KUN TU RTOG PAR MI BYED DO, ,DON DU GNYER BAR MI BYED DO, ,GZHAN YANG LHAN CIG 'GROGS PA RNAMS DANG NYE GNAS RNAMS KYANG MYANG BAR BYED PA NA 'GOG PAR BYED DO; ;RJES SU YI RANG BAR MI BYED DO, ,LAM LA RAB TU 'GOD PAR BYED DO, ,'GYUR PA MED PA'I DGE SLONG MI BRKAM PAR 'DOD PA LA 'CHUMS PA MA YIN PA, ,DRAN PA NYE BAR GNAS PA, KUN NAS NYON MONGS PA'I CHOS RNAMS DANG MI LDAN PA, LEGS PAR SDOM PAR BYED PA'I MIG GI RNAM PAR SHES PA GZUGS RNAMS KYIS KHRID PAR MI BYED DO; ;GZHAN YANG DRAN PA GNYIS PAS LEGS PAR BZUNG BAR GYUR PA NI, RNA BA GANG DAG GIS SGRA RNAMS THOS PAS YID 'PHROG PAR BYED PA GANG GLU DANG, ROL MO'I SGRA DANG, GAD MO RNAMS DANG, RTZED MO DANG, SNGON NYE BAR LONGS SPYAD PA DE DAG RNAMS 'DIS DRAN PAR MI BYED, SEMS KYIS SEMS PAR MI BYED, KUN TU RTOG PAR MI BYED DO, ,RKYEN LAS BYUNG BA GZHAL DU MED PA RNAMS KYANG RKYEN LAS SPONG BAR BYED DO, ,JI LTAR 'GA' ZHIG SREG PA'I RKYEN GYIS 'JIGS PAS 'JIGS NAS ME YONGS SU SPONG BAR BYED PA DE BZHIN DU DGE SLONG 'DI YANG RKYEN RNAMS KYIS YONGS SU SPONG BAR BYED DO, ,GZHAN RNAMS KYANG RNA BA'I RNAM PAR SHES PAS SGRA NYAN PAR BYED PAR
, ,GYUR PAS NYE GNAS SAM, LHAN CIG 'GROGS PA RNAMS LAM LA RAB TU 'GOD PAR BYED DO, ,RJES SU YI RANG BAR MI BYED DO, MCHOG TU DGE BA'I LAS KYI MTHA' LA SPYOD PA'I DGE SLONG DE'I 'DOD PA RNAMS LA DAD CHE BA MA YIN ZHING SKRA LA BRKAM PAS MI 'KHRID DO, ,DE'I DRAN PA NI, BRTEN PAR 'GYUR RO, ,SGRA RNAMS KYIS 'PHROG PA MA YIN NO, ,DRAN PA GNYIS PA DANG LDAN PA'I DGE SLONG RNAMS NI, BRTZON 'GRUS YANG DAG PAR BRTZAMS PAR 'GYUR RO; ;SHES BZHIN DANG LDAN PA, TSANGS PAR SPYOD PA LA GOMS PA'I TSUL KHRIMS LA RAB TU GNAS PA YIN NO, ,GZHAN YANG DGE SLONG DRAN PA DANG LDAN PAS SGOM PAR MI BYED, RO MYANG BAR MI BYED, SEMS KYIS RAB TU RTOGS PAR MI BYED PA RNAMS NI, GANG DAG 'DIS SNGON BSNAMS PAR GYUR PA DRI RNAMS DRI ZHIM PA DANG, DRI NGA BA DANG, DMAN PA DANG, MCHOG DANG, YUL THAG NYE BA NA GNAS PA DE DAG RNAMS KYANG 'DIS KUN TU DRAN PAR MI BYED DO, ,SEMS LA RAB TU 'JOG PAR MI BYED DO, ,RKYEN GYIS NANG GI BDAG NYID DU SON PA RNAMS KYANG YONGS SU SPONG BAR BYED DO, ,GZHAN YANG NYE BAR GNAS SAM, LHAN CIG RGYU BA RNAMS LA'ANG
SNA'I RNAM PAR SHES PA DRI SNOM DU MI 'JUG ,SEMS KYIS RAB TU DPYOD PAR MI BYED, GANG DANG PO NYID NAS 'DIS YID RAB TU ZLOG PAR BYED DO, ,RJES SU YI RANG BAR MI BYED DO; ;DGE SLONG DE BDAG DANG GZHAN DGE BA LA SPYOD PAR BYED PA, DGE BA'I CHOS DANG LDAN PA, DRAN PA NYE BAR GNAS PA, ZHEN PA MED PAR SHES BZHIN DANG LDAN PA YIN NO, ,'CHUMS PAR GYUR PAS SNA 'PHROG PAR MI 'GYUR RO, ,DGE SLONG DE NI, SDIG PA RNAMS SBYANGS PAR GYUR PA YIN ZHING LEGS PA'I TSUL KHRIMS DANG LDAN PA; DRAN PA NYE BAR BZHAG PA'O, ,GZHAN YANG DRAN PAS DRAN PAR MI BYED PA NI, GANG 'DIS SNGON MYANGS PAR GYUR PA DE DAG RNAMS TE, YID DU 'ONG BA RNAMS DUS RAB TU CHOD PA NA MYANGS PA'AM, DUS NYE BA NA MYANGS PAR GYUR PA YANG RUNG STE, DE DAG RNAMS 'DIS MYANG BAR MI BYED PA, KUN TU RTOG PAR MI BYED DO, ,RKYEN GYIS 'ONGS PA RNAMS KYANG ME BZHIN DU YONGS SU SPONG NGO, ,GZHAN YANG ROS KHRID PAR GYUR PA'I NYE GNAS DANG LHAN CIG 'GROGS PA RNAMS RO LA 'CHUMS PAS KUN TU DRANGS PAR GYUR PA RNAMS KYANG RAB TU 'GOG PAR BYED DO, ,RJES SU YI RANG BAR MI BYED DO, ,'DI NI, DGE SLONG ZHEN PA MED PA, DRAN PA NYE BAR GNAS PA, SHES BZHIN DANG
, ,LDAN PA, SDIG PA BCOM PA, DGE BA'I TSUL KHRIMS CAN, BDAG DANG GZHAN LA NGAN PA LA ZHUGS BA ZHES BRJOD DO, ,GZHAN YANG DGE SLONG GIS DRAN PA NGAN PA RNAMS SGOM PAR MI BYED CING SEMS RAB TU GNAS PAR MI BYED PA NI, GANG REG PAR BYA BA RE LA REG PAR MI BYED DO, ,KUN NAS NYON MONGS PA CAN GYI BDE BA YIN PA'I PHYIR 'THUG PA DANG, SRAB PA DANG, 'JAM PAR GYUR PA'I DNGOS PO 'DI'I CHOS DE RNAMS YANG 'DIS RO MYANG BAR YANG MI BYED DO; ;KUN TU RTOG PAR YANG MI BYED DO, ,RKYEN GYIS BYUNG BA RNAMS KYANG ME BZHIN DU SPONG BAR BYED DO, ,GZHAN RNAMS LA YANG DE BZHIN DU SPONG DU 'JUG GO ,LUS SU GTOGS PA'I REG BYAR GYUR PA LA BRKAM BAS DRANG BAR GYUR PA RNAMS LA RJES SU YI RANG BAR MI BYED DO, ,GANG 'DI LA DGE SLONG RO DANG REG BYA RNAMS SPANGS PA, SHES BZHIN DANG LDAN PA, TSUL KHRIMS DAG PA DANG GTZANG MA LA SPYOD PA, DGE BA'I CHOS LA LEGS PAR KUN NAS GNAS PA, MYA NGAN LAS 'DAS PA'I MTHAR THUG PA ZHES BRJOD DO, ,YANG DRAN PA LNGA PO 'DI DAG RNAMS DGE SLONG GIS RTAG TU BSGOM PAR BYA ZHING YID LA BYA'O, ,LNGA GANG ZHE NA, 'DI LTA STE, DUS DRAN PA DANG, NA TSOD
RNAMS DRAN PA DANG, MYA NGAN LAS 'DAS PA DANG, 'GRO BA DANG, GNAS PA'O, ,DE LA JI LTAR DGE SLONG GIS DUS DRAN PA BSGOM PAR BYA NA, 'DI NA DGE SLONG RTAG PA KHO NAR LUS DRAN PA NYE BAR GZHAG PA BSGOMS PAR GYUR PAS MI RMONGS SHING YUL GYIS MI 'JOMS SO, ,RNAM PAR NYAMS PAR MI BYED DE, DGE SLONG DAG GIS SHES PAR BYA STE, 'DI NI NYIN DANG MTSAN DU YANG DE BZHIN DU DGE BA RNAMS SO SOR RIG PAR BYA STE, MI NYAL BAR DBUGS 'JUG PA DANG 'BYUNG BA LA MNGON PAR BRTZON PA DANG LDAN PA ZHES BYA BA GANG GI PHYIR DBUGS 'BYUNG BA DANG 'JUG PA SKAD CIG PA, RKYEN GYIS NGES PAR MYONG BAR 'GYUR BA DMA' BA DANG MTHO BAR BYED PA PO 'DIS DE LTAR BDAG GIS GSUS PA RGYAS PAR BYED PA, KHAMS DANG, SKYE MCHED RNAMS 'THOB PA, SKAD CIG LA STENG DU 'GOR BA MED PAR BYED PAR GYUR PA'I 'DUS BYAS KYI CHOS 'DI DAG RNAMS THAMS CAD NI, KHAMS DANG, PHUNG PO DANG, SKYE MCHED RNAMS KYIS NGES PAR BSDUS PA MIG BTZUMS PA DANG, 'BYED PAR BYED PA DANG, DBUGS 'BYUNG BA ZHES PA'I THA SNYAD DU BYA BA'I RLUNG RNAMS GANG DAG YIN PA 'DUS BYAS SU GYUR PA DE DAG RNAMS NI, 'GAG PA, 'JIG PA, RUL BAR GYUR PA YIN NO, ,GZHAN YANG
, ,DE'I RJES THOGS LA RKYEN GZHAN LAS RAB TU 'BYUNG BAR 'GYUR PA SKAD CIG TU'ANG MI 'GOR BAR LHAN CIG TU DBUGS RDUB PAR BYED PA'I DE LTAR DGE SLONG 'DI DUS KYI RJES SU ZHUGS PA'I DRAN PA DANG LDAN PA DES RAB TU BSGRAL BAR GYUR PA'I YID LA BYED PA'I BYA BA DANG LDAN PAR GYUR PAS BDAG NYID KYIS SO SOR RIG PAR BYED DO, ,KHAMS DANG SKYE MCHED KYI TSOM BUR GYUR PA'I LUS 'DI NI, SKAD CIG GI KHOG TZE LAS NYE BAR 'TSE BA DANG BCAS PA LUS 'DI THAMS CAD KYIS STONG PA LTA BUR GYUR PA LA NI, BYED PA PO DANG, TSOR BA MO RNAMS NI, YOD PA MA YIN GYI, RGYU DANG RKYEN PHAN TSUN GYI DBANG GIS THA SNYAD KYI LUS 'DI KUN NAS BSKYED PAS RAB TU 'JUG PAR 'GYUR BA YIN NO, ,SKAD CIG DANG SKAD CIG LA SKYE ZHING 'CHI LA, TSOR BA PO RNAMS NI, YOD PA MA YIN, RGAS PAR GYUR ZHING 'CHI 'PHO DANG SKYE BA'I PHUNG PO 'BA' ZHIG TU GYUR PA NI, 'KHOR BA'I PHUNG PO THAMS CAD YIN NO, ,DE LTAR SGOM PA'I DGE SLONG DUS RNAMS 'BRAS BU MED PA MA YIN PAR BYED PA DE NI, RAB TU DANG PA BZHI DANG LEGS PAR LDAN PAR SEMS KYIS SEMS RAB TU DANG PAS 'DI'I BZHIN GYI KHA DOG RAB TU DANG BAR 'GYUR RO, ,'DI'I DGE
BA DANG MI DGE BA'I LAS RNAMS KYANG RAB TU DANG BAR 'GYUR RO, ,'JIG RTEN PHA ROL TU PHAN PAR BYED PA PO NYID DANG, MYA NGAN LAS 'DAS PA'I YANG MTHAR THUG PA'I DGE SLONG 'DI'I TSUL KHRIMS LA RNAM PAR DPYAD NAS SBYIN PA PO DANG SBYIN BDAG GANG YIN PA RNAMS KYANG MCHOG GI RAB TU RANGS PAS YID RAB TU DANG BAR 'GYUR RO, ,TSUL KHRIMS DANG LDAN PA MCHOG TU DGE BA YANG DAG PA'I DON LA SPYOD PA PO DGE SLONG RNAMS NI, BZHI PO DE DAG RNAMS RAB TU DANG BAR 'GYUR RO, ,THAMS CAD DU SHIN TU RAB TU DANG BAS BDE BAR NYAL LO, ,DE NYAL BA NA CHOS DANG LDAN ZHING CHOS DANG RAB TU 'BREL BA'I RMI LAM BZANG PO MTHONG BAR 'GYUR RO, ,DE BZHIN DU DE RGYAGS PA MA YIN PA BAG DANG LDAN PAR RGYU BAS CHOS BDUN 'PHEL BAR 'GYUR TE, BDUN GANG ZHE NA, 'DI LTA STE, DGE BA'I CHOS RNAMS DPYOD PA'I DBANG DU BYAS PA'I CHOS KYI SPOBS PA DANG DE DGE BA'I LAS KYI MTHA' RNAMS LA SPYOD PA'I DGA' BA DANG LDAN PAR 'GYUR RO, ,DE'I DGA' BA YANG MNGON PAR 'PHEL BAR 'GYUR RO, ,DGA' BRGYA CHE BAR GYUR PA GANG GI PHYIR MING DANG GZUGS DAG PHAN TSUN GYI DBANG GIS 'PHEL BAR 'GYUR RO, ,'PHEL ZHING RGYAS PA'I RGYU 'DIS LUS KYI NAD MED PA'I LUS DANG SEMS DAG KYANG PHAN TSUN
, ,GYI DBANG GIS BDE LEGS SU GYUR PAS YID GZHUNGS PAR GYUR TE, YID GZHUNGS PA'I MING NI, SNGON BYAS PA'I DGE BA'I CHOS RNAMS RJES SU DRAN PA YIN TE, 'DI'I YID GZHUNGS PA DE YANG 'PHEL LO, ,DGE BA'I CHOS RNAMS LA RTAG TU YANG DRAN PA 'PHEL LO, ,DGE BA'I CHOS RJES SU DRAN PA RNAMS 'PHEL BA BSAM NAS KYANG 'DI'I BDE BA RNAMS KYANG 'PHEL LO, ,BDE BAR GYUR PA RNAMS KYI YANG STOBS 'PHEL BAR 'GYUR RO, ,CHOS BDUN 'PHEL BA RNAMS NI, BDE BAS MTSAN MO 'DA' BAR BYED LA NYAL BA NA YANG MTSAN MO LUS SGOM PA DANG, SEMS KYANG SGOM PAR 'GYUR RO, ,DE LTAR DUS RNAMS DRAN PA YIN NO, ,JI LTAR NA DGE SLONG NYIN MO DANG MTSAN MO DUS DRAN PA DANG YANG DAG PAR LDAN PA YIN ZHE NA, DGE SLONG DAG ,'DI NA DGE SLONG GIS MIG BTZUMS PA DANG PHYE BA RTOGS PAR BYED DE, SKAD CIG PA'I MIG BTZUMS PA DANG LHAN CIG TU BDAG GIS DUS SU GYUR PA GANG ZHIG LEGS PAR RAB TU THOB PA DANG, DE DANG LHAN CIG 'GROGS PA'I SEMS DANG SEMS LAS BYUNG BA'I NGO BO DE RNAMS NI, DUS MI RING BA NA ZHIG CING RUL BAR 'GYUR BA'O, ,DE LA DUS 'DI GANG DAG RIM GYIS 'GAG PA DANG SKYE BA'ANG YIN ZHE NA,
RAB TU SKYE BA RNAMS LA'ANG TSE ZAD PA SGRUB PA YIN PA GANG GI PHYIR BDAG GI LANG TSO RNAMS NI, RGAS PAS ZAD PAR 'GYUR RO, ,GANG SKYE BO THAMS CAD KYIS KYANG BZLOG PAR BYA BA'I THABS MED PA'I 'CHI BDAG GSON PA THAMS CAD RAB TU 'JOMS PAR BYED PAS SHIN TU MYUR ZHING MGYOGS PAR 'BAB PAS SRID PA GZHAN DU BDAG 'GAG PAR 'GYUR RO, ,BDAG BAG CHAGS SU GYUR PA THAMS CAD KYI GSON PA 'DI NI, SHIN TU MYUR BAR 'JUG PA'I PHYIR NA RGYU MED PAR 'CHI MA 'BYUNG NGO, ,DPER NA, MAR MER GNAS PAR GYUR PA'I MES SNUM RNAMS 'THUNG BAR BYED DO, ,DE KHO NA BZHIN DU ZHEN PA'I RANG BZHIN DU GYUR PA'I BDAG RNAMS KYIS KYANG SNUM 'DRA BA'I TSE 'THUNG BAR BYED PA 'DI DGE SLONG DAG GIS BSAM PAR BYA'O, ,NGES PAR LEGS PA LA RAB TU BRTZON PAR BYA'O, ,DE LTAR YANG NANG GI BDAG NYID DNGOS PO 'DI RNAMS NI, RAB TU NYAMS PAR BYED PA'I CHOS BZHIS ZAD PAR BYED PA YIN PA DE BZHIN DU PHYI ROL GYI 'DUS BYAS KYI DNGOS PO RNAMS THAMS CAD KYANG BZHIS 'JOMS PAR BYED DE, RI DANG, NAGS DANG, CHU KLUNG DANG, GRONG KHYER DANG, GRONG DANG, GRONG RDAL DANG, SMAN GYI LJONGS DANG, SKYID MOS TSAL RNAMS MI'I 'GRO BAS BSDUS PA RNAMS DANG, LHA'I 'JIG RTEN GYI YANG STE,
, ,'JOMS ZHING ZAD PAR 'GYUR RO, ,NAGS DANG, NYE PA'I NAGS DANG, RDZING BU DANG, LJON SHING GI NAGS RNAMS KYANG LHA RNAMS THAMS CAD BAG MED PAR SPYOD PAS NYAMS SHING NYAMS PAR YANG 'GYUR RO, ,DE DAG RNAMS THAMS CAD MED PAS YANG DANG YANG DU DMYAL BA DANG, YI DVAGS DANG, DUD 'GRO RNAMS SU SKYE'O, ,'JIG RTEN 'DI DAG THAMS CAD RANG GI LAS LA LONGS SPYOD PA RNAM PA DU MAR KUN TU GNAS PA MED PA RNAMS LA G-YENG BA MED PA'I BLOS LTA BAR BYED DO, ,GCIG TU NGES PA'I BLOS DRAN PA BRTAN PA, RNAM PAR MA G-YENGS PA'I DRAN PA DANG LDAN PA, GCIG TU DE KHO NA NYID LA LTA BAR GYUR PAS RTOGS NAS GZHAN YANG DUS DE NYID LA SO SOR DRAN PA DANG, SHES BZHIN DANG LDAN PA YIN TE, DGE SLONG DE NI, CI LTA BU'I SPYOD LAM GYIS GNAS PA'I RAB TU BYAS PA DANG, SDOM PA LA GNAS PA'I DBANG DU BYAS PA DANG, JI LTA BA BZHIN DU DRI MA LAS LDANG BA'I DUS NI, 'DI YIN NO, ,BSAM GTAN GYI GNAS PAS NYE BAR 'PHEL BAR BYA BA'I DUS NI, 'DI YIN NO, ,NYE BAR BCAG PA'I DBANG DU BYAS PA'I DUS NI, 'DI YIN NO, ,BLA MA'I DUS NI, 'DI YIN NO, ,BDAG GI ZAS KYI DUS NI, 'DI
YIN NO; ;BDAG GI CHOS GOS BSDU ZHING BYI DOR BYA BA'I DUS NI, 'DI YIN NO, ,BDAG SBYIN PA PO DANG SBYIN BDAG RNAMS KYI DRUNG DU SONG LA CHOS BSTAN PA'I DBANG DU BYA BA'I DUS NI, 'DI YIN NO, ,DE LAS BDAG PHYIR 'GRO BAR BYA BA'I DUS NI, 'DI YIN NO, ,DGE SLONG DES DUS THAMS CAD NYID DU DUS KYI RJES SU RTOGS PA'I DRAN PA YIN NO; ;DE LTAR NA DGE SLONG DUS KYI RJES SU ZHUGS PA'I DRAN PA CAN YIN NO, ,GZHAN YANG JI LTAR NA TSOD DRAN PA YIN NA NI, 'DI NA DGE SLONG DAG DGE SLONG BDAG NYID KYI JI SRID MNGAL NAS BZUNG NAS NA TSOD KYI RJES SU 'BREL PA RNAMS DRAN PAR BYED DO, ,LUS KYI NA TSOD RNAMS KYANG GANG GI PHYIR SKAD CIG PA NYID YIN TE, NUR NUR PO DANG, LTAR LTAR PO DANG, MKHRANG 'GYUR DANG, GOR GOR PO DANG, GONG PO DANG, YAN LAG DANG NYING LAG 'GYUS PA RNAMS DANG, BYIS PA DANG, GZHON NU DANG, DAR MA DANG, RGAS PAR GYUR PA LA SOGS PA LUS KYI NA TSOD SNGA PHYI'I RIM PA RNAMS SHIN TU MYUR ZHING GAR YANG GNAS PA MED PA'I LUS SKAD CIG PA 'DI LA LTA BAR BYED DO; ;BYIS PA'I SKYE BO BAG MED PAS NYE BAR BCOM PA RNAM PAR RTOG PA'I RGYAS BCUS PA, SRID PA'I CHU BOS KHYER BA 'DI DAG RNAMS KYIS NI, SO SOR RIG PA'ANG MA YIN
, ,LA SKAL PA MTHUN PA'I RIGS GZHAN RNAMS NAS 'CHI 'PHOS NAS LAS KYI LCAGS SGROG GIS RGYUD KUN TU BCINGS SHING SLAR YANG SKYE BA GZHAN GANG YANG RUNG BA ZHIG TU SKYE BAR 'GYUR RO, ,GZHAN YANG DE RANG GI LAS KYIS NYE BAR 'GRO BAR GYUR PAS LUS DANG SEMS KYI RGYUD KYI RJES SU 'BREL BA'I NUR NUR PO DANG, LTAR LTAR PO DANG, MKHRANG 'GYUR DANG, GOR GOR PO DANG, SHA'I GONG BU DANG, YAN LAG DANG NYING LAG DANG LDAN PAR MI'I 'GRO BAR SKYE BAR 'GYUR BAS BYIS PA DANG, GZHON NU BOD BA DANG, BAR MA NA GNAS PA'I GNAS SKABS DE DAG NYID RIM GYIS 'CHI BA'I MTHAR THUG PAR 'GYUR RO, ,GCIG JI LTAR DE BZHIN DU 'DOD PA'I KHAMS PA RNAMS THAMS CAD KYANG SO SO SO SOR SNGON GYI LAS KYIS KUN NAS SBREL BAS JI LTAR RJES SU MTHUN PA'I LUS KYIS BSDUS PA DANG, LUS DANG LHAN CIG 'GROGS PA'I LAS RNAMS KYIS NA TSOD DANG RJES SU MTHUN PA'I LUGS RNAMS NI, CI NAS KYANG SEMS CAN RNAMS THAMS CAD LA 'GYUR BA YIN NO; ;DE LTA BU LA NI, NA TSOD RNAMS DRAN PA'I DGE SLONG ZHES BRJOD DO, ,GZHAN YANG DRAN PA GSUM PA DGE SLONG GIS BSTEN PAR BYA ZHING BSGOM PAR BYA LA
MTHAR THUG PAR YANG BYA'O, ,GANG DAG CE NA, 'DI LTA STE, 'CHI 'PHO DANG, SKYE BA'O, ,MTSAN MO YANG BSGOM PAR BYA STE, SEMS CAN 'DI DAG THAM CAD NI, MTHAR 'CHI BAR GYUR PA STE, GSON PA RNAMS KYI MTHA' NI, 'CHI BAS MTHAR THUG PAR BYED DO, ,KHAMS GSUM DU SKYES PA'I SEMS CAN RNAMS THAMS CAD KYANG MI RTAG PA DANG, SKYE BA DANG, 'GAG PA'I CHOS CAN, KUN NAS 'DUS BYAS PA, NYE BAR 'TSE BA DANG BCAS PA, 'DUS PA MTHAR 'BRAL PAR 'GYUR BAS NA, LHA RNAMS NAS 'CHI 'PHOS NAS DMYAL BA RNAMS SU SKYE BAR 'GYUR RO, ,DMYAL BA RNAMS NAS 'CHI 'PHOS NAS KYANG DMYAL BA RNAMS SU SKYE BAR 'GYUR BA DANG, DMYAL BA RNAMS NAS 'CHI 'PHOS NAS LHAR SKYE BA DANG, MI RNAMS NAS SHI NAS DMYAL BA DANG, YI DVAGS DANG, DUD 'GRO DANG, LHA DANG, MI RNAMS SU YANG SKYE'O, ,YI DVAGS RNAMS NAS SHI NAS DMYAL BA DANG, YI DVAGS DANG, DUD 'GRO DANG, LHA DANG, MI RNAMS SU SKYE'O, ,DE LTAR NA 'OG DANG, THAD KA DANG, STENG GI 'KHOR PA 'DI DAG RNAMS SU LAS KYI RLUNG GIS YONGS SU 'KHOR RO, ,RANG GI LAS RNAMS LA LONGS SPYOD PAS YONGS SU 'KHYAMS SO, ,'KHOR BA'I RGYA MTSO CHEN PO NA YONGS SU 'KHOR RO, ,DE BZHIN DU
, ,DES NAM NANGS PA DANG, NUB PA DANG, NYIN MO DANG, MTSAN MA'ANG GCIG TU 'CHI 'PHO DANG SKYE BA DRAN PA GANG YIN PA SGOM PAR BYED DO, , DE'I DGE SLONG 'DI'I GANG DAG GSON PA'I RGYAGS PAR GYUR PAS GCIG TU CHAGS PAR BYED PA'I LOG PAR YONGS SU ZHEN PAS BYAS PA DE BSKUNGS PAR GYUR PA'AM RNAM PA THAMS CAD DU YANG MED PAR 'GYUR RO, ,DRAN PA RNAMS KYI NANG NA MCHOG NI, 'DI YIN TE, 'DI LTAR 'CHI 'PHO DANG, SKYE BA DRAN PA'O, ,DE'I PHYIR MYA NGAN LAS 'DAS PA'I GRONG KHYER DU 'JUG PAR 'DOD PA RNAMS KYIS 'DI BSTEN PAR BYA'O, ,YID LA BYA'O, ,RGYU GANG GIS SEMS CAN 'DI DAG RNAMS DRIN MED PAR 'GYUR PA NI, RTAG PA'I GO 'PHANG TSOL BAR BYED PA DON MED DO, ,GANG GI PHYIR SRED PA'I ZHAGS PAS KUN TU BCINGS NAS 'KHOR BA NA YONGS SU 'KHYAMS PA RNAMS KYIS RTAG PA'I GO 'PHANG 'THOB PAR 'GYUR RAM, DE NAS DE'I TSE TSIGS SU BCAD PA GSUNGS PA JI LTAR, SRID PA'I 'JIGS LAS RNAM GROL ZHING, ,THAMS CAD LA YANG CHAGS MED PAS, ,'DOD DANG BRAL BA'I BRTAN PA NI, ,GO 'PHANG MYA NGAN 'DAS LA GNAS, ,SRID PA'I SKYON DU BYING BA LA, ,DKA' THUB SPYOD BAS DGA'
BA YI; ;DE YI YID RNAMS NGAL SOS KYANG, ,ZHI BAR 'GYUR BA YIN NAM CI, ,GANG GI YID KYANG RNAM 'KHRUL BAS, ,LUS RNAMS LA NI RAB TU RGYUGS, ,DE NI CHOS KYI LAM NOR PAS, ,DMYAL BAR SKYE BAR 'GYUR BA YIN, ,BAG MED PAS NI SEMS DKRUGS PAS, ,DE NYID RJES SU MTHONG BA MIN, ,BAG MED PA YANG ME DANG 'DRA, ,DE PHYIR 'BAD BAS YONGS SU SPONGS, ,BAG MED PAS NI RNAM 'JOMS PA'I, ,SKYES BU LAS KYI SKYE GNAS SKYES, ,LAM YANG RNAM BRGYAD NGES LEGS PA, ,THAMS CAD NYID DU MI MTHONG NGO, ,BAG MED YUL NI BRTEN PA YIS, ,CHOS BCU RNAM PAR NYAMS PA YIN, ,DE NI RTAG TU BAG MED PAS, ,BSAM GTAN YANG NI RAB TU NYAMS, ,BAG MED SEMS CAN THAMS CAD KYI, ,'CHING BA RNAMS KYI MCHOG YIN NO, ,BDE BA'I GO 'PHANG RTAG PAR YANG, ,BAG YOD PAR NI RAB BRJOD DO, ,'KHOR BA'I 'JIGS PA STON PA LAS; ;GANG GI BLO NI RMONGS MED PA, ,DE NI NGAN SONG 'JIGS GROL NAS, ,RAB ZHI LEGS PAR GNAS ZHES BRJOD, ,DE LTAR 'CHI 'PHO DANG, SKYE BA DRAN PA ZHES KYANG BSGOM PAR BYA'O, ,DE BSGOMS PA'I PHYIR RTAG TU DGA' BAR 'GYUR RO, ,DE 'DUS BYAS KYI DNGOS PO RNAMS THAMS CAD LA 'CHI 'PHO DANG, SKYE BA LEGS PAR MNGON
, ,PAR MTHONG NAS 'KHOR BA'I SDUG BSNGAL MANG PO RNAMS LA SO SOR RTOG PAR BYED DO, ,GANG ZHIG 'JIG RTEN 'DIR RNAM PA DU MAR SGRUB PAR BYED PA'I BAG MED PA DE DAG RNAMS KYANG JI LTA BA BZHIN DU SPONG BAR BYED PA'I DGE SLONG DE RTAG TU'ANG MI RTAG PA LA RJES SU LTA ZHING GNAS SO, ,ZAD CING 'GOD PA RJES SU LTA BA BLO DANG LDAN PA DRAN PA NYE BAR BZHAG CING YID LA BYED PA DANG LDAN PA DES NI, SDUG BSNGAL RNAMS MTHAR BYED PAR NUS SO, ,GZHAN YANG DGE SLONG GIS DRAN PA BZHI PA YID LA BYA BA NI, 'DI LTA STE, PHUN SUM TSOGS PA DANG RGUD PA RNAMS DRAN PA YID LA BYED PA'O, ,'DI LTAR PHUN SUM TSOGS PA DANG RGUD PA DRAN PAS PHUN SUM TSOGS PA DANG RGUD PA YID LA BYED PA'I DGE SLONG RNAMS NI, RNYED PA DANG BKUR STI LA MNGON PAR DGA' BAR MI 'GYUR RO, ,'DOD PA'I DBANG DU GYUR PAS SBYIN PA PO DANG SBYIN BDAG RNAMS LA RTEN PAR MI BYED DO, ,DES RGYAL PO'AM RGYAL PO'I BLON PO GANG YIN PA RNAMS MTHONG ZHING DE'I BDE BA DE DAG RNAMS KYANG YANG DAG PAR MNGON PAR MTHONG BAR GYUR PA DE'I TSE YANG BDE BAR SEMS KYIS KUN TU 'DZIN PAR MI BYED DO, ,SRED PAS MI 'CHING NGO, ,NYIN MOR KUN TU RTOG PAR
MI BYED CING MTSAN MOR YANG MA YIN NO, ,SHIN TU LEGS PAR BRTAG PAR BYA BA'I LONGS SPYOD GZHAN RNAMS KYANG BDAG GIR MI BYED DO, ,GZHAN RNAMS LA'ANG MTHUN PA'I SEMS KYIS KUN TU LTA BAR BYED DO, ,'DI LTAR YANG YID KYIS SGOM PAR BYED DE, JI LTAR SEMS CAN 'DI DAG RNAMS NI, RGUD PA MTHAR THUG PA 'BYUNG BAR 'GYUR TE, GANG GI PHYIR PHUN SUM TSOGS PA THAMS CAD KYANG RGUD PA'I MTHAR THUG PA YIN PA'I PHYIR RO, ,JI LTA JI LTAR PHUN SUM TSOGS PA SHIN TU CHES LHAG PAR GYUR PA DA LTA DE LTAR SRED PA RNAMS STOBS CHES SHIN TU LHAG PAR 'GYUR BA YIN NO, ,DE RNAMS RAB TU NYAMS PAR GYUR PA LAS KYANG DE LA MNGON PAR ZHEN PAS PHYIS YANG RNAM PAR BRAL BAR BYAS PA'I RNAM PA DU MA DANG RNAM PAR RTOG PA DU MA JI SNYED KYI YID KYI SDUG BSNGAL RNAMS KYIS SKYE BAR 'GYUR TE, DE'I DPE RNAMS KYANG BYA BAR SLA BA MA YIN NO; ;DE DE LTAR GANG GI TSE PHUN SUM TSOGS PA DANG RGUD PA RNAMS LA LEGS PAR MNGON PAR LTA BAR BYED PA DE'I TSE LHA'I RGYAL PO RNAMS KYANG 'DOD PAR MI BYED NA, CI YANG MI'I RGYAL PO RNAMS SAM, 'KHOR LOS BSGYUR BA'I RGYAL PO RNAMS 'DOD PAR 'GYUR NGAM, DE CI'I PHYIR ZHE NA, DE DAG RNAMS LA RGUD PA'I SDUG BSNGAL RNAM PA DU MA
, ,KUN NAS MNGON PAR MTHONG BA'I PHYIR TE, GZHAN YANG RGYAL PO'AM, RGYAL PO'I BLON PO RNAMS SAM, KHYIM BDAG RNAMS SAM, RGYAL RIGS RNAMS DANG, SHIN TU STOBS DANG LDAN PA GZHAN RNAMS KYI, MCHOG TU PHUN SUM TSOGS PA RNAMS KYANG RUNG STE, SKYES NAS LAN GCIG DANG LAN GCIG MA YIN PAR RGUD PAR BYED PAR 'GYUR BA YIN NO, ,BU DANG, BRAN PHO DANG, BRAN MO RNAMS DANG, LAS BYED PA RNAMS DANG, ZHO SHAS 'TSO BA RNAMS DANG BRAL BAR 'GYUR RO, ,RGUD PA'I BREL DOG TU LTUNG BA RNAMS LA NI, GZHAN SDANG BAR 'GYUR RO, ,GZHAN RNAMS KYIS BSDANGS PAR GYUR PA NI, LAM SRANG RNAMS DANG, BZHI MDO RNAMS KYI SGO RNAMS NA LAG PA DANG RKANG PA ZAD NAS KHRAG 'THIG PAR GYUR PA, GOS RAL BAR GYUR PA, BKRES PA DANG, SKOM PAS GDUNGS PAS BSKAMS PA, SKAD CHANG BAR GYUR PAS GRONG KHYER NAS GRONG KHYER DANG, GRONG NAS GRONG DANG, RI NAS RI, YUL CHUNG NAS YUL CHUNG RNAMS GANG DAG YIN PAR RNAM PA DU MAR MCHOG TU MI BZAD PA'I SDUG BSNGAL GANG YIN PA RNAMS LA NYE BAR LONGS SPYOD PAR BYED DO, ,DE'I TSE DGE SLONG 'DIS
LEGS PAR MNGON PAR MTHONG NAS YID LA BYED PAR GYUR PA NA SHIN TU'ANG YUL GYI NGAM GROG RNAM PA DU MAR LTUNG BA'I 'PHOR BA LA SKYO BA SKYE'O, ,GZHAN YANG DGE SLONG 'DIS MI RNAMS KYI PHUN SUM TSOGS PA RNAMS RGUD PA LA LTA BAR BYED PA DE'I TSE LHA RNAMS LA'ANG RJES SU DPAG PA DE NYID KYIS RJES SU DPOG PAR BYED DO; ;DE LA RE ZHIG MI RNAMS GANG YIN PA RNAMS GZHAN GYI DBANG DU GYUR PA DANG, ME DANG, CHU DANG, CHOM RKUN DANG, RGYAL PO'I SGO DAG NAS KYANG NYE BAR TSE BAR BYED PAS RGUD PA'I GNAS SKABS RNAMS NA SDUG BSNGAL BA'I 'JIGS PA DU MAR 'GYUR BA RNAMS LA LTA BRJOD DU YANG CI YOD NAS LHA RNAMS SHA DANG, RUS PA DANG, CHU SER DANG BRAL BA, LHA'I BDE BA PHUN SUM TSOGS PA, LHA RDZAS KYI PADMA'I PHRENG BAS KUN TU DKRIS PA, LHA BRGYA STONG DU MAS YONGS SU BSKOR BA, DPE MED PA'I YON TAN RNAMS PHUN SUM TSOGS PA'I BUD MED KYI 'GRO BA RNAMS KYIS YONGS SU BSKOR NAS RGOD PA DANG, 'GYING BRTZE BA'I BDE BA RNAMS DANG LDAN PA RNAMS LA LHA RDZAS KYI SKYED MOS TSAL DANG, RDZING BU DANG, RI'I RTZE MO RIN PO CHE SNA BDUN GYIS SHIN TU 'BAR BAS NYE BAR GSAL BA RNAMS LA RNGA SKAD YAN
, ,LAG LNGA DANG LDAN PA RTAG TU NYE BAR BSGRAGS PA DANG LDAN PAS BDE BAR RGYU BA RNAMS RIN PO CHE BDUN DANG LDAN PA'I KHANG BUN 'OD KYIS GSAL BA'I LUS CAN RNAMS SHIN TU RNAM PA DU MAR DPE MED PA'I YUL GYI BDE BA RNAMS RTAG PAR BRTEN PAR GYUR PA RNAMS PHAN TSUN DU GNOD PA MED CING 'THAB PA DANG RTZOD PA RNAM PAR SPANGS PA RNAMS LA NI, GANG DAG KHO NA YID KYIS BSAM PA DE DAG KHO NA 'THOB PAR 'GYUR BA RNAMS RNGA SKAD YAN LAG LNGA PAS RTAG TU BSGRAGS PAR GYUR PA'I YID BDE BA'I LHA RNAMS LA YANG GANG GI TSE RGUD PAS BYAS PA'I RGUD PA'I SDUG BSNGAL RNAMS 'BYUNG BAR 'GYUR TE, LAS ZAD PA NA SLAR YANG DMYAL BA DANG, YI DVAGS DANG, DUD 'GRO'I SKYE BA RNAMS SU SKYE BA 'GYUR BA LA MNGON DU PHYOGS PA RNAMS KYIS PHYIR NYID SKYE BA GZHAN DU SKYE BAR 'GYUR BAS BYAS PA'I RNAM PA DU MA SKYE BA GZHAN SO SO THA DAD PA RNAM PA SNA TSOGS PAR 'PHO BAR 'GYUR BA RNAMS GANG GI TSE 'CHI 'PHO BA NA MTHONG NGO, ,DE LA GANG GI PHYIR DMYAL BA RNAMS SU SKYE BAR 'GYUR NA NI, DE'I TSE DMYAL BA RNAMS NA RAB KYI SHUGS KYIS 'BAR BAS 'KHRIGS PA DANG, BKRES
PA DANG SKOM PAS BYAS PA'I SDUG BSNGAL RNAMS LA DPE MED PA'I GZER ZUG DANG LDAN PA'I DMYAL BA YANG SOS DANG, THIG NAG DANG, BSDUS 'JOMS DANG, DU 'BOD DANG; DU 'BOD CHEN PO DANG, TSA BA DANG, RAB TU TSA BA DANG STE, MNAR MED PA SPANGS PA'I DMYAL BA CHEN PO BDUN PO RNAMS SU JI LTAR LAS BYAS PA BZHIN BDAG NYID RAB TU LTUNG BAR 'GYUR BA MTHONG NGO, ,DE'I TSE RNAM PAR 'BRAL BAS BYAS PA GANG YIN PA'I SDUG BSNGAL CHEN PO DE DAG RNAMS MNGON PAR MTHONG NAS LUS DANG YID GANG YIN PA'I SDUG BSNGAL SKYE BAR 'GYUR RO, ,'DI BSHAD PAR SLA BA YANG MA YIN NO, ,DRAN PA 'DI DAG RNAMS NI, 'DIR DGE SLONG GIS LAN GCIG MA YIN ZHING LAN GCIG MA YIN PAR DANG, NYIN DANG MTSAN DU'ANG BSGOM PAR BYA'O, ,GZHAN YANG DGE SLONG DE LHA DANG MI RNAMS KYI PHUN SUM TSOGS PA DE NYID KYIS BYAS PA'I DRAN PA RJES SU SGOM PAR BYED DE, 'GRO BA GSUM PO RNAMS LA NI, RGUD PA KHO NA YIN GYI, DMYAL BA RNAMS DANG, YI DVAGS RNAMS DANG, DUD 'GRO'I 'GRO BA RNAMS LA GANG LA PHUN SUM TSOGS PA 'BYUNG BAR 'GYUR, LHA DANG MI RNAMS LA NI, BDE BA'I RJES SU MTHUN PA'I THA SNYAD DU BYA BA CUNG
, ,ZAD TZAM YOD KYANG THAG PA'I RNAL MA 'CHUGS DANG 'DRA BAR RANG DBANG MED PAR PHUN SUM TSOGS PA RGUD PAR BYED PA YIN NO, , MI RNAMS KYI LNGA GANG ZHE NA, 'DI LTA STE, GANG GI TSE MIG GIS GZUGS YID DU 'ONG BA, MTHUN PA, SDUG PA MNGON PAR MTHONG NAS ZHEN PAR LTA'O, ,DE'I TSE RO MYANG BAR BYED DO, ,'DOD PAR BYED DO, ,BDE BA'I SKAL PA CAN DU 'GYUR RO, ,YANG GANG GI TSE DE LAS LDOG PA GZHAN MI PHAN PA, MI MTHUN PA, YID DU MI 'ONG BA RNAMS MTHONG NA, DE'I TSE DE NYID LA 'DOD CHAGS DANG BRAL LO, ,SDUG BSNGAL BAR 'GYUR TE, DE DAG RNAMS DBANG PO GCIG GI DBANG DU BYES PA'I PHUN SUM TSOGS PA DANG RGUD PA YIN NO, ,GZHAN YANG DGE SLONG DE NYID RGUD PA DANG PHUN SUM TSOGS PA GZHAN DRAN PA LA RJES SU 'BREL BAR BYED DE, GANG ZHE NA, 'DI LTA STE, RNA BAS DGA' BA, MTHUN PA, YID DU 'ONG BA, RJES SU MTHUN PA, RAB TU DGA' BAR BYED PA'I SGRA RNAMS RNA BAS THOS NA YID RAB TU RANGS PA SKYED PAR BYED PA DE NI, 'DI'I PHUN SUM TSOGS PA YIN NO, ,YANG GANG GI TSE THA DAD PAR GYUR PA'I RKYEN GZHAN GYIS SGRA DE NYID NYAN PAR BYED PA NA MI
'DOD PA, MI SDUG PA, YID DU MI 'ONG BAR GYUR PA DE'I TSE 'DI'I YID MI BDE BA SKYED PAR 'GYUR TE, RJES SU MI MTHUN PA, SEMS LA MI PHAN PA DE NI, 'DI MI RGUD PA MIN NO, ,GZHAN YANG DGE SLONG DE GANG GI TSE ME TOG GI TSOGS RNAMS DANG, PHYE MA'I SBYOR BAR BYAS PA'I DRI RNAMS DANG, GZHAN YANG RNAM PA SNA TSOGS PA'I DRI YID KYI RJES SU MTHUN PA'I DRI RNAMS SNOM PAR BYED DO, ,DE'I TSE RGYU DE DAG RNAMS KYIS 'DI LA DGA' BA DANG LHAN CIG 'GROGS PA'I YID BDE BA SKYE BAR 'GYUR RO, ,GZHAN YANG GANG GI TSE DGE SLONG DE NYID GANG SHIN TU BSTAN PA'I DRAN PA DE DAG KHO NAS RJES SU 'BREL BAR BYED DE, GZHAN YANG JI LTAR GANG GI TSE MI DE DAG RNAMS NYID SNA DE NYID KYIS DRI RNAM PA DU MA SNOM PAR BYED DE, BRNAGS PA RNAMS DANG, YID KYI RJES SU MI MTHUN PA MI GTZANG BA'I RIGS MANG POR GYUR PA'I DRI MI ZHIM PA RNAMS SNOM PAR BYED PA NA, DE'I TSE 'DI YID MI BDE BA SKYE BAR 'GYUR RO, ,DE NI, 'DI'I RGUD PA YIN NO, ,GZHAN YANG DGE SLONG DE NYID RNAM PA GZHAN GYIS KYANG MI'I 'JIG RTEN DE NYID KYI PHUN SUM TSOGS PA DANG RGUD BA LA DRAN PA RJES SU 'BREL BAR BYED DE, GANG GI TSE MI'I 'JIG RTEN PA RNAMS LCES RO
, ,RNAMS JI LTAR MYANG BAR BYED PA YIN NA, MTHUN PA'I YID DU 'ONG BA BSAM PA'I RJES SU MTHUN PA'I TSIM PAR BYAS PAS YONGS SU SMIN PA NA BDE BAR BYED PA TSE DANG, STOBS DANG, MDOG DANG, BDE BA RNAMS SNA TSOGS PAR RAB TU RGYAS PAS BYED PA DE'I TSE YID BDE BA 'BYUNG BAR 'GYUR RO, , DE NI; 'DI'I PHUN SUM TSOGS PA YIN NO, ,DE BZHIN DU GANG GI TSE LUS KYIS KYANG REG BYA RNAMS LA REG PAR BYED PA NI, MTHUN PA, YID DU 'ONG BA, GRANG BA'I DUS SU DRO BA RNAMS LA YANG RGUD PA DRAN PA RJES SU 'BREL BAR BYED LA DRO BA'I DUS RNAMS SU NI, BSIL BA STE, JI LTAR YID KYI RJES SU MTHUN PAR BYED PA DE NI, MI RNAMS SU GYUR PA'I MI'I 'JIG RTEN PA RNAMS KYI PHUN SUM TSOGS PA YIN NO, ,YANG GZHAN GANG DAG GI TSE NA RGYU GZHAN DAG DANG RKYEN GZHAN RNAMS KYIS LUS DE NYID LA'ANG REG BYA DE NYID KYANG MI 'DOD PAR 'GYUR TE, YUL GZHAN RNAMS KYI DBANG GIS KYANG MI 'DOD PAR 'GYUR RO, ,GZHAN YANG YUL RNAMS DANG DBANG PO DANG PHRAD PA LAS SKYES PA DE'I RNAM PAR RTOG PA BRTAN POS BYAS PA LAN GCIG MA YIN ZHING PHYOGS GCIG MA YIN PAR RAB TU 'PHEL BAR GYUR
PAS SRED PA'I MES BSREGS PAR GYUR PA RNAMS GANG YIN PA NI, RANG BZHIN GYIS 'JIG RTEN PA RNAMS THAMS CAD CHAGS PA YIN NO, ,JI LTA BU'I BDE BA RNAMS DANG LDAN PA'I 'JIG RTEN YUL RNAMS LA SRED PAS CHAGS PA'I BLO CAN DE DAG RNAMS KYI RGUD PA DANG RJES SU 'BREL BA'I DRAN PAS RNAM PAR DPYOD PAR BYED DO, ,MCHOG TU DGE BAR GYUR PA'I DGE SLONG DES 'DOD PA NA SPYOD PA'I LHA DRUG PO RNAMS KYI RGUD PA RNAMS MTHONG STE, DE LA RGYAL CHEN BZHI'I RIGS KYI LHA RNAMS LA NI, RGUD PA RNAM PA BCU GNYIS YIN NO, ,'DI LTA STE, LHA DANG LHA MA YIN RNAMS KYIS 'THAB MO'I DUS NA BANG NYAMS PA DANG LHA MA YIN GYIS BRGYAB PAS LHAN CIG KHO NAR 'GYEL BA DANG, RGYA MTSOR LHUNG BA DANG, GO CHA RNAMS LHUNG BA DANG, CHAGS PA RNAMS DANG LHAN CIG KHO NAR 'BYE BA DANG, CHAGS SHING NGO TSA BA RNAMS DANG LHAN CIG TU MGO RGYAN LHUNG BO DANG, SGRA GCAN MTHONG BAS BRGYAL PA DANG, 'CHI 'PHO BA'I DUS NA TSAD DANG DBYIBS DANG RGYAN RNAMS DANG LDAN PA'I LHA'I BU MO DE DAG RNAMS PHYIR GSAR DU SKYES PA'I DRUNG DU SONG NAS RTZED MO CHEN PO RTZED MO TSAD MED PA BYED PAR GYUR NAS YONGS SU SPANGS PA DANG, RTZED MO'I DUS NA DE RANG GI LAS DANG MTHUN
, ,PA'I DMAN PAR 'GYUR BA DANG, RTZED MO'I DUS NA DUD 'GROR SKYES PA'I LAS BYAS KYANG SMAD PAR BYED PA DANG, PADMA RNAMS LA BSDAD PA DANG REG PA KHO NAS NYAMS TE RANG GI LAS DANG MTHUN PAR 'GYUR BA DANG, RGYAN RNAMS DANG GZHAN CHES GTZO BOR GYUR PA DAG GI RGYAN RNAMS MNGON PAR MTHONG NAS NGO TSA BA DANG STE, RGUD PA RNAM PA BCU GNYIS PO DE DAG NI, RGYAL CHEN BZHI'I RIS KYI LHA RNAMS KYI YIN NO, ,DGE LEGS SU RJES SU SPYOD PA'I DGE SLONG 'DIS MTHO RIS KYI BDE BA LA MA 'CHUMS PA DRI MA MED PA'I BLOS DE DAG RNAMS LA KUN NAS LTA BAR BYED DO, ,DES MTHONG NAS KYANG GSHI ZHING MTHO RIS KYI BDE BA RNAMS LA SMOD PAR YANG BYED DO, ,GANG DAG MTHO RIS 'DOD PAS TSANGS PAR SPYOD PA DE DAG RNAMS KYI TSANGS PAR SPYOD PA NI, MI TSANGS PAR SPYOD PA'I DON DU SPYOD PA YIN NO, ,DE RNAMS LA'ANG LA PHYA BAR BYED CING SKYUG BRO BAR LTA'O, ,DE CI'I PHYIR ZHE NA, RANG DBANG MED PA YIN PA'I PHYIR RO, ,GZHAN YANG DGE SLONG DE NYID SUM CU RTZA GSUM PA'I LHA RNAMS KYI RGUD PA LA KUN TU LTA BAR BYED DO, ,DES SUM CU RTZA GSUM PA'I LHA RNAMS KYI RGUD PA BRGYAD PO MTHONG BA 'DI LTA STE, LHA DANG LHA MA YIN RNAMS
KYI RTZOD PAS GO CHA RNAMS MED PAS 'GYUR BA DANG, GANG GI TSE RAB BRTAN GYI GSHUL NAS LTUNG BA DANG, MI GTZANG BAS RJES SU 'BREL BA'I DUS SU 'JUG NGOS RNAMS MI MTHONG BA DANG, MTHONG BAS SEMS STOBS 'TSOR BA DANG, ZAS DANG RTZED MO DAG LA 'JUG PA'I DUS SU KHA DOG DANG GZUGS DANG STOBS KYI NGO BO RNAMS GZHAN PA DANG, SGRA DANG REG BYA DANG RO DANG GZUGS DANG DRI RNAMS LA'ANG MI MNYAM PAR BRGYA BYIN YONGS SU SHES PA DANG, 'CHI 'PHO BA'I DUS NA BUD MED RNAMS 'PHOS PAR 'GYUR BA DANG, RTZED MO'I LTAD MO KHANG BU RNAMS KYI BANG BUL PAR GYUR PA RNAMS SO, ,RGUD PA BRGYAD PO 'DI DAG RNAMS NI, SUM CU RTZA GSUM PA RNAMS KYI YIN NO, ,'THAB BRAL BA RNAMS KYI RGUD PA RNAMS NI; 'DI LTA STE, BUD MED RNAMS KYIS SHES PAR 'GYUR BAS ZAS KYI DUS NA NGO TSA BAR 'GYUR RO, ,DE'I LAS RNAMS NYUNG BA YIN PA'I PHYIR NA LHA 'DI LA LHA GZHAN RNAMS KYIS G-YOG GI BYA BA MI BYED DE, DPER NA LHA GZHAN LA LHA GZHAN DAG RNAMS KYIS SPYOD PAR BYED CING RGYAL POR YANG BYED PAR 'GYUR RO, ,MU SU LUNDHA'I CHOS STON PA'I DUS NA SHIN TU 'JIGS PAR 'GYUR BA NI, MTHAR THUG PA'I RGUD PA YIN NO, ,LAS RNAMS DMAN PA YIN PA'I PHYIR NA 'OD RNAMS 'JOMS PAR 'GYUR TE, LHA GZHAN DGE BA'I
, ,LAS KYI MTHA' LA SPYOD PA RNAMS KYI 'OD KYIS 'DI ZIL GYIS GNON PAR 'GYUR TE, DE 'JOMS PA'ANG MI'I 'JIG RTEN NA NYI MAS GZA' DANG SKAR MA DANG RGYU SKAR RNAMS BZHIN NO, ,LAS DMAN PA YIN PA'I PHYIR NA STAN LA NYE BAR 'DUG PA'I RIN PO CHE RNAMS GZHAN NYID DU NYE BAR 'GYUR TE, GANG GI TSE DGE BA'I LAS KYI MTHA' LA SPYAD PA'I LHA RNAMS 'DUG PAR 'GYUR NA, DE'I TSE LHA DE'I STAN RNAMS DNGUL GYI RANG BZHIN DU GRUB PAR GYUR PA NI, LAS RNAM PA SNA TSOGS PA'I PHYIR RO, ,DE DAG RNAMS NI, 'DI'I RGUD PA YIN TE, 'DI'I TSAD KYANG CHUNG BAR 'GYUR RO, ,RGUD PA DRUG PO DE DAG RNAMS NI, 'THAB BRAL BA'I YIN NO, ,DGA' LDAN PA RNAMS LA NI, RGUD PA BZHI YOD DE, 'DI LTAR NGANG PA'I SGRA KUN NAS SGROG PA MNYAN PAR 'OS PA'I DAM PA'I CHOS SGROG PA NYAN PAR BYED PA'I RGYUS DGA' LDAN PA RNAMS KYIS THOS NA MI DGA' BA MED PA NAM MKHA' LA 'GRO BA'I RGYAL PO NGANG PAS RANG GI GZUGS 'DOD PA BZHIN DU BSGYUR BAS RIN PO CHE BDUN GYIS SHIN TU 'BAR BA'I CHA BYAD KYIS GZUGS DPE MED PA 'DZIN PA'I GZUGS KYIS DPAG TSAD LNGA STONG DU RANG GI LUS RNAM PAR BSRINGS PA'I 'OD KHA DOG SNA TSOGS
BA RNAMS KYIS DGA' LDAN KUN TU SNANG BAR BYAS PAR GYUR CING MCHOG TU NGO MTSAR BAR GYUR PA'I SKAD KYIS LHA DE DAG RNAMS LA NYI MA RE RE BZHIN DU 'GRO BAR BYED PAS NAM MKHA' LA BGROD PA'I RGYAL PO NGANG PA BYANG CHUB SEMS DPA' DES TSIGS SU BCAD PA BRJOD PA JI LTAR, GANG PHYIR BSOD NAMS RNAMS MI ZAD, ,TSE YANG MYUR BAR 'GRO BA YIN, ,DGA' LDAN GYI NI DBANG PHYUG GIS, ,CHOS LEGS BSDU LA 'BAD PAR GYIS, ,GANG YANG CHOS NI YONGS BTANG NAS, ,RGYAGS PAS MCHOG TU NYER BCOM PA; ;BSOD NAMS GSOG PA MA YIN TE, ,DE NI PHYI NAS GDUNG BAR 'GYUR, ,JI SRID DU NI RGAS DANG NAD, ,'CHI BDAG BCAS TE MA 'ONGS PA, ,DE SRID DU NI BSOD NAMS KYIS; ;PHYI NAS 'GYOD PAR GYUR TA RE, ,BSOD NAMS KUN NAS MA BSDUS DANG, ,BAG MED PAS KYANG NYER BCOM PA, ,DMYAL BA'I RGYU YI SDUG BSNGAL LA, ,BAG MED PA NI BZHAD GAD BYED, ,GSON PA'I DON DES CI ZHIG BYA, ,LONGS SPYOD KYIS CI GNYEN GYIS CI, ,DBANG PO TSANG BA DE RNYED NAS, ,GANG ZHIG CHOS LA RTAG MI DGA', ,CHOS NI LEGS PAR BSDU BA'I YID, ,NYI MA RE RE BZHIN DU BYA, ,SDIG PA RNAMS NI RNAM SPANGS DANG, ,BZANG PO RNAMS DANG PHRAD PAR BYA, ,YE SHES MTSON CHA RNON PO YIS, ,RGYAN
, ,RGYUN GDUL DKA' BCAD PAR GYIS, ,SKYON GYI PHUNG PO GZHOM BYA ZHING, ,SKYON GYI LAM NI BCAD PAR GYIS, ,SHES DANG TSUL KHRIMS DKA' THUB SPEL; ;'DOD PA DANG BRAL SPRO BA SPANGS, ,DE NYID LAM NI RNAM STON PO, ,ZHI BA RTAG TU BSTEN PAR BYA, ,TSUL KHRIMS GANG GIS LHA SKYE BA, ,THOB PA'I 'BRAS LA RMONGS PA YIS; ;BSOD NAMS GSOG PAR MI BYED CING, ,SRID PA'I MTHA' NI ZLOG MI BYED, ,YE SHES RTZOL LA MNGON DGA' GANG, ,TSUL KHRIMS RIN PO CHE YIS BRGYAN, , 'DOD CHAGS KYIS NI GANG 'JIGS PA, ,LHA RNAMS LHAR NI 'DOD PA YIN, ,GANG ZHIG RTAG TU CHOS LA DGA', ,LHA RNAMS RTAG TU DE PHYAG 'TSAL, ,GANG YANG DE LAS PHYIN CI LOG ,DE DAG THAMS CAD NYAMS PAR 'GYUR, ,CHOS KYI ZAB PA 'DI RNYED NAS, ,PHA ROL MCHOG TU SGROL BA CHE, ,GANG ZHIG LEGS PAR ZAM MI RGAL, ,DE NI SRID PA LAS MI GROL, ,NYON MONGS SHING NI MA LUS PA, ,YE SHES ME YIS MI SREG PA, ,CI'I DON NYON MONGS YUL GYI NI, ,DRA BAS MI RNAMS BSDAMS PHYIR RO,, 'THUG PO'I RANG BZHIN MIG SPRIN TSOGS, ,RAB TU YE SHES MIG SBYONG ZHING, ,DE LAS SGROL BA RDZOGS SANGS RGYAS, ,GSUNG GI RANG BZHIN SMAN GYI ZAS, ,DAM
CHOS DMAG GI DPON GYIS NI, ,'DOD CHAGS DMAG NI NGES PAR 'JOMS, ,DGE MNGA' SHIN TU BSGRAGS PAS TE, ,DE NI RAB TU 'BAD PAS MNYAN, ,PHYIN CI LOG NI RNAM PA BZHI, ,DES KYANG DE SRID NYID DU KLU, ,DE BZHIN 'JIG RTEN CHOS BRGYAD KYANG, ,SKYE RGU MA LUS 'JOMS PAR BYED, ,SRID DRA MI BZAD CHU BO NI, ,RNAM RTOG BRGYA PHRAG RGAL BAR DKA', ,SHES PA'I ZAM PA LEGS ZHON NAS, ,THUB RNAMS ZHI BAR RGAL BA YIN, ,'DOD PAS KUN TU RMONGS PA'I YID, ,LHA GANG 'DOD PA STEN PA RNAMS, ,RTAG PAR YANG NI GNAS LNGA RU, ,DE DAG RNAMS LA 'GROL BA MED, ,LAN GCIG MIN PAR THOB NYAMS PA'I, ,KIMPA KA DANG DUG DANG MTSON, ,ME DANG MTSUNGS PA'I SDUG BSNGAL RGYU, ,'DOD PA GLOG 'DRA CI ZHIG BYA, ,JI LTA JI LTAR BSTEN BYAS PA, ,DE LTA DE LTAR RAB TU 'PHEL, ,NGOMS MED BYED PHYIR DE DAG NI, ,SRED ME'I RGYU YI ME BZHIN NO,, SREG SKYON 'JIGS PAS NGES BRGYAL BA'I, ,LHA GANG BDE BA 'DOD PA RNAMS, ,'DI LAS BDE BA KUN 'BYUNG GI ,'DOD PA MI DGE RNAM SPANGS KYI, ,SKYE BO RMONGS PA CHAGS GYUR CING, ,'CHING BA'ANG DAM POR BSDAMS NAS NI, ,TZAB PHRAL CAN NI GZHAN DU 'GRO, ,'DOD PA GLOG GI YON TAN BZHIN, ,GANG ZHIG 'DOD CHAGS
, ,SRED PA YIS, ,GONG NAS GONG DU 'DOD PA STEN, ,DE NI 'DOD CHAGS MES BSREGS NAS, ,BSREGS BZHIN BSREGS PA THOB PAR 'GYUR, , LHA GANG 'DOD PA STEN BYED RNAMS, ,DE DAG GANG PHYIR SHIN TU RMONGS, ,MED PAR BYA PHYIR 'JUG BYED PA, ,GANG DE BDE NAS BDE BA YIN, ,MYANG 'DAS 'DOD LDAN RNAMS LA MED, ,GROL MED BDE BA CI LA YOD, ,DE PHYIR 'DOD PA BSTEN MI BYA, ,'DOD DANG SDUG BSNGAL MNYAM DU BYUNG, ,YUL GYI CHAGS PA STEN PA RNAMS, ,DBANG PO RNAMS KYANG NGOMS PA MED, ,THAMS CAD DU NI LEGS 'PHEL BA'I, ,NGOMS MED BDE BA'ANG GA LA YOD, ,DE PHYIR YID BYUNG 'JIGS BCAS PA'I, ,'KHOR BA'I SDUG BSNGAL RGYA MTSO LAS, ,'DOD PA'I SRED PA MI BZAD PA, ,YONGS SU SPONGS SHIG SDIG CAN DE, ,RI YI TSOGS NI DE DAG GI ,DGA' BA'I LJON SHING RNAM SNANG TSOGS; ;DE DAG LA YANG YONGS BRTEN NAS, ,'DOD RNAMS SKYE 'JIG SGOM PAR BYED, ,SHES PA'I BDEN PA BZHI PO NI, ,DE DAG MKHAS PAS RAB LEGS MTHONG, , BSAM PA MED LDAN SKYE DANG RGA BA'I 'JIGS PA LAS, ,RAB TU GROL BA MCHOG TU ZHI BA DANG LDAN PA, ,BSAM PA MED LDAN GANG YANG RNAM PAR RMONGS PA'I BLO, ,'DOD
PA LA CHAGS SRID PA'I LONGS SPYOD DAG GIS BCINGS, ,DE NI 'DOD PA'I RANG BZHIN 'CHING RNAMS LAS MA GROL, ,SKYE DANG RGA BA'I 'JIGS PA RNAMS LAS 'GROL BA MIN; ;GANG GI SDUG BSNGAL RGYA CHE 'DI NI RNAM BSAM NAS, ,SRID PA'I RGYA MTSO LAS NI SKYO BAR MI 'GYUR BA, ,DE NI 'DOD PA'I DUG GI MDA' YI SHUGS KYIS RMONGS, , SDUG BSNGAL GYI NI GNAS SKABS DMYAL BA THOB PAR 'GYUR, ,THOG MA THA MA'I 'DOD PA'I BDE BA RNAMS KYANG SPONGS, ,BYIS RNAMS CI PHYIR 'DOD PA'I LONGS SPYOD RNAMS LA DGA', ,SHIN TU MI BZAD 'JIGS PA DE DAG RNAMS KYANG NI, ,'CHI BDAG 'BAR BAS GSAL BAR MA 'ONGS MI SHES PA, ,GSON PA 'DI DAG 'DIS NI 'JOMS PAR BYED PA YI, ,JI SRID 'CHI BDAG 'JIG RTEN THAMS CAD MI 'JOMS PA, ,DE SRID DU NI PHAN DANG SKYID DANG BDE BA DANG, ,MYA NGAN MED KYIS DE DAG SKYES BU RNAMS KYIS BYOS, ,CHUD GZON KUN GDUNG BYED PA PO, ,'DOD PA'I SKYE GNAS KUN THOB PA, ,RNAM DUR RMONGS PAS DE LTA NA'ANG, ,'DOD PA'I SPYOD PA TSIM PAR BYED, ,DE LTAR NAM MKHA' LDING GI RGYAL PO NGANG PAS 'GRO BAR YANG BYED PA DANG RJES SU STON PAR YANG BYED DO, ,LHA GANG DAG BAG MED PAR GYUR PAS CHOS SGROG PA RNAMS LA CHED
, ,CHER BYAS NAS NYAN PAR MI BYED PA DANG, GANG YANG DAM PA'I CHOS NYAN PA LAS CHED CHER BYED PA DE DAG RNAMS NYID LA LHAN CIG TU NGANG PA DES RJES SU BSTAN PA'I TSIGS SU BCAD PA DE DAG RNAMS SGROG PA YIN TE, DE RNAMS DAM PA'I CHOS NYAN PA LA GUS PA LEGS PAR SKYES NAS RINGS PAR GYUR PAS GANG NA THOS NA MI DGA' BA MED PA ZHES BYA BA'I SA YOD PA DER NYE BAR LEGS PAR 'GRO BAR BYED LA, DAM PA'I CHOS NYAN PA LA GUS PA SKYED PA'I YID CAN GYI LHA DE DAG RNAMS RGYUG PAR BYED PA NA KHANG BU'I PHYI BZHIN GYIS LAM RNAMS SU YON TAN STONG PHRAG BRGYAS YANG DE DAG RNAMS KYI 'OD ZER RNAMS RAB TU DANG BAR 'GYUR RO, ,RGYUG PA DE DAG RNAMS LAS GZHAN PA'I LHA BAG MED PAS RNAM PAR RGYU BA DE DAG RNAMS KYI GZI BRJID RNAMS NI, DMAN PAR 'GYUR RO, ,'DI RNAMS NI; NYE BAR BCOM PAR 'GYUR RO, ,DE'I MTHU STOBS RNAMS KYANG NYE BAR BCOM PAR 'GYUR RO, ,DE LA 'DI DAG RNAMS NI, LHA DAG GI MTHONG BA'I CHOS KYI 'BRAS BU YIN NO; ;'DOD PA LA MNGON PAR DGA' BA'I LHA GANG DAG YIN PA DE DAG RNAMS YANG MDOG DANG, GZUGS DANG, CHA BYAD DANG, RGYAN DMAN PAR 'GYUR RO,,
DE DAG NI, DGA' LDAN PA 'DI RNAMS KYI RGUD PA DANG PO YIN NO, ,GZHAN YANG DGA' LDAN GYI LHA RNAMS KYI RGUD PA GNYIS PA YOD DE, NYE BAR LONGS SPYOD PAS BSDUD PA DANG, DAM PA'I CHOS NYAN PA'I DBANG DU BYAS NAS BRGYA STONG BYE BA PHRAG DU MA'I 'KHOR RNAMS BYANG CHUB SEMS DPA' LNGA BRGYAS RNAM PAR BRGYAN PA LA GANG YANG DGA' LDAN GYI MNGA' BDAG NYE BAR ZHI BAS DAM PA'I CHOS STON PAR BYED DO, ,'DI LTA STE, MA RIG PA'I RKYEN GYIS 'DU BYED RNAMS ZHES BYA BA RGYAS PAR RO, ,DAM PA'I CHOS DE DAG THOS NAS KYANG LHA GANG DAG YID LEGS PAR GTOD PA DANG RAB TU DANG BA'I YID KYIS NYAN PAR BYED PA DE DAG RNAMS KYI GZI BRJID DANG, CHA BYAD DANG, RGYAN DANG, GZUGS DE DAG RNAMS BRGYA STONG 'GYUR DU SHIN TU LHAG PAR 'PHEL BAR 'GYUR RO, ,GANG YANG SEMS KYIS RKO RTOG TU GYUR PA GLOG DANG ZO CHUN LTAR KUN TU 'KHOR BA DE DAG RNAMS NI, SRED PA'I YUL GYI DBANG GIS KUN TU KHRID PAR GYUR PA DE DAG RNAMS KYI GZI BRJID DE DAG DANG, CHA BYAD DANG, RGYAN DANG, GZUGS KYANG ZIL GYIS GNON PAR 'GYUR TE, 'DI NI, RGUD PA GNYIS PA YIN NO, ,RTZED MO BYED PA'I LHA RNAMS KYI GZHAN YANG LTUNG BA GSUM PA YOD DE, LHA DE DAG RNAMS
, ,NYID LAS LHA GANG DAG NYAN PA LA GUS PA'I YID CAN RNAMS KYIS CHOS KYI MTSAN NYID RNAMS JI LTA BA BZHIN DU RTOGS PAR 'GYUR BA DE'I DUS NA YID DE LA SONG BAR GYUR PA DE DAG RNAMS KYI 'OD KUN TU GANG BA DANG, PHYIR ZHING CHES LHAG PAR GYUR PAS MNGON PAR ZIL GYIS GNON PAR BYED DO,, LHAG MA RNAMS KYI NI, DE BZHIN DU MNGON PAR RGYAS PAR MI 'GYUR RO, ,JI LTAR LHA DE DAG RNAMS CHOS KYI MTSAN NYID RTOGS PAR BYED PA'I DUS DE DAG TU CHA BYAD DANG, RGYAN RNAMS DANG, GZUGS KYANG MNGON PAR RGYAS PAR MI 'GYUR RO, ,'DI NI, LHA DE DAG RNAMS KYI RGUD PA GSUM PA'O, ,GZHAN YANG LHA RNAMS KYI RGUD PA BZHI PA NI, DE'I TSE NYID LA LHA GANG DAG DAM PA'I CHOS NYAN PA LA GUS PA LEGS PAR SKYES PAR GYUR CING RNA BA'I KHUNG BU SHIN TU PHYOGS PA YID RTZE GCIG TU GYUR PAS CHOS KYI MTSAN NYID KUN SHES PAR BYED PA LA CHED CHER BYED PA CHOS DE DAG RNAMS 'DZIN PAR BYED DO, ,YID LA RAB TU 'JOG PAR BYED DO; ;DE KHO NA BZHIN DU RJES SU 'JOG GO ,DUS YUN RING DU YID LA KUN TU BZUNG NAS RAB TU SGRUB PAR BYED DO, ,CHOS LA JI LTA BA BZHIN DU GUS PA SKYES PA DE
DAG RNAMS CHOS NYAN PA'I MTHU STOBS KYIS PHYIR ZHING SHIN TU LHAG PA NYID DU GZI BRJID DANG, CHA BYAD DANG, RGYAN 'GYUR TE, THAMS CAD KYANG BRGYA LOG TU 'GYUR RO,, DE DAG RNAMS KYI GZI BRJID DE DAG MNGON PAR 'PHEL BAR GYUR PA RNAMS YANG DAG PAR MNGON PAR MTHONG NAS LHA GANG DAG SHIN TU YANG LHAG PAR MOS PA DMAN PA'I YID CAN DE DAG RNAMS NGO TSA BAR 'GYUR RO, ,DE NI, DGA' LDAN GYI LHA DE DAG RNAMS KYI RGUD PA BZHI PA YIN NO, ,DE LTAR DGE SLONG DES DGA' LDAN PA'I LHA RNAMS KYI RGUD PA RNAM PA BZHI SO SOR RAB TU RIG PAR BYAS NAS 'PHRUL DGA'I LHA RNAMS KYANG SO SOR RIG PAR BYED DO, ,DE SRID DU BDE BAR GYUR BA 'DI DAG 'PHRUL DGA'I LHA RNAMS LA'ANG RGUD PA RNAM PA BZHI YOD PA RNAMS DES MTHONG BA NI, JI LTAR LEGS PAR BYAS PA'I LAS RNAMS ZAD PA NA NGES PAR RKANG PA DAG LA GRIB MA 'BAB PA'O; ;LUS THAMS CAD LAS NI, 'OD NGES PAR 'BYUNG BAR 'GYUR LA RKANG PA DAG GI NI, YONGS SU NYAMS PAR 'GYUR BA'I RGYU 'DIS NA RKANG PA LA GRIB MA 'ONG NGO,, THAMS CAD NAS 'OD KYI PHRENG BA DANG LDAN PA'I LHA GZHAN GANG DAG GIS GRIB MA DE DAG RNAMS MTHONG BAR 'GYUR RO, ,DE DAG GIS GRIB MAS MNGON PAR NYAMS PA'I LHA
, ,DMAN PA DE DAG MNGON PAR MTHONG NAS KYANG YONGS SU SPONG BAR BYED CING BZHAD GAD DU YANG BYED DE, LHA 'DI DAG LA YONGS SU CO DRIS BAR GYUR TO, ,LEGS PAR BYAS PA'I LAM RNAMS YONGS SU ZAD PA NGES PAR 'BYUNG NGO, ,JI LTAR LEGS PAR BYAS PA'I LAS YONGS SU ZAD PA KUN NAS 'BYUNG BA'I DBANG DU GYUR PA RKANG PA LA TSA YAS MNAR BA'I LHA DE DAG RNAMS KYIS DE LTAR DE SKAD THOS NAS SHIN TU NGO TSA BA'I RNYED PA DANG LDAN PAR 'GYUR RO, ,LEGS PAR BYAS PA'I LAS RNAMS YONGS SU ZAD PAR BDAG LA JI LTA BA BZHIN DU SKYES PAR GYUR TO, ,PHUN SUM TSOGS PA THAMS CAD KYI MTHA' NI, MTHAR GUD PAR 'GYUR RO, ,DPER NA, GANG GI PHYIR MI RNAMS KYI MI'I 'JIG RTEN GANG LA NYIN MO YOD PA DE LA CIS KYANG MTSAN MO NGES PA KHO NAR 'BYUNG NGO, ,DE BZHIN DU PHUN SUM TSOGS PA THAMS CAD KYI MTHA' LA NI; RGUD PA YIN TE, YANG JI LTAR GANG 'GA' ZHIG GSON PA YIN PA DE DAG RNAMS LA NGES PA KHO NAR 'CHI BAR 'GYUR RO, ,DE BZHIN DU PHUN SUM TSOGS PA THAMS CAD KYANG RGUD PA'I MTHAR THUG PAR 'GYUR BA YIN TE, PHUN SUM TSOGS PA RNAMS NI, 'GA' ZHIG KYANG RGUD PAR MI 'GYUR BA GANG YIN PA NI, YOD PA MA YIN NO,,
DE LTA BU RNAMS NI, RGUD PAR GYUR PA DANG PO YIN NO, ,'PHRUL DGA' BA'I LHA DE DAG RNAMS KYI GZHAN YANG RGUD PA GNYIS PA YOD DE, JI LTA JI LTAR LHA DE DAG RNAMS NYID KYI MI'I 'JIG RTEN NA RAS BAL GYI DANG, GLO STAN NANG TSANGS CAN GANG RNAMS MNAN NA NEM LA BTEG NA 'PHAR BA YIN PA DE BZHIN DU LHA'I 'JIG RTEN PA 'PHRUL DGA' BA RNAMS KYI MNAN NA NEM LA, BTEG NA 'PHAR BAR 'GYUR RO, ,DE LA LHA GANG DAG LEGS PAR BYAS PA'I LAS RNAMS SHIN TU ZAD PAR GYUR PA DE'I SA GZHI 'DI DAG RNAMS MNAN NA NEM LA BTEG NA 'PHAR BA ZAD PAR 'GYUR RO, ,DE RKANG PA BZHAG PA NA DMA' BAR 'GYUR LA 'PHAR BAR NI, MI 'GYUR RO, ,DE BZHIN DU BTEG PA NA STE, DE DAG DE LTAR MNGON PAR MTHONG NAS LHA GZHAN RNAMS KYIS RNAM PAR SHES PA YIN TE, JI LTAR LHA DE DAG GI LEGS PAR BYAS PA'I LAS KYI MTHA' LA SPYAD PA RNAMS NI, GDON MI ZA BA KHO NAR ZAD PAR BYUNG NGO, ,ZHES KYANG KHA CIG ZER RO, ,'DI'I LEGS PAR BYAS PA'I LAS RNAMS NI, YONGS SU ZAD PAR GYUR LA YONGS SU LTUNG BAR 'GYUR BA NI; 'ONGS PA YIN NO, ,ZHES NI, GZHAN DAG RNAMS SDOD PAR BYED DO, ,DE LA DE DAG RNAMS NI, 'PHRUL DGA'I LHA RNAMS KYI RGUD PA'I GNAS SU GYUR PA GZHAN GNYIS
, ,PA YIN NO, ,GZHAN YANG LHA DE DAG GI RGUD PA'I GNAS 'DI LTA BU DAG YIN TE, LHA DE DAG YANG SHING GANG DAG NYID KHO NA'I DRUNG DU NYE BAR 'GRO BAR BYED PA NA DANG, LHA DE DAG RNAMS YONGS SU RTZE BAR GYUR BA NA DANG, NAGS DANG NYE BA'I NAGS RNAMS SU RTZE BAR GYUR PA'I LHA DE DAG RNAMS NYID LA SHING DE DAG RNAMS NYID KYIS ME TOG GI CHAR MNGON PAR 'BEBS PAR 'GYUR RO, ,LHA GANG DAG LEGS PAR BYAS PA'I LAS KYI MTHA' LA SPYAD PA ZAD PAR GYUR BA DE DAG RNAMS LA DE BZHIN DU SHING RNAMS KYIS ME TOG GI CHAR GYIS MNGON PAR 'GENGS PAR MI BYED DO, ,NYID RTZE BAR GYUR NA LHA GANG LEGS PAR BYAS PA'I LAS KYI MTHA' LA SPYAD PA ZAD PAR GYUR PA'I LHA DE LA SHING ME TOG GIS MNGON PAR GANG BAR MI BYED DO, ,LHA DE DAG RNAMS LA LHA GZHAN DAG RNAMS KYIS DE LTAR ME TOG GI CHAR GYIS STONG PAR MNGON PAR MTHONG BAR GYUR NAS KYE MA LHA 'DI DAG RNAMS NI, LEGS PAR BYAS PA'I LAS KYI MTHA' LA SPYAD PA RNAMS NI, JI LTA BA BZHIN DU ZAD LA LTUNG BAR 'GYUR BA NI, 'ONGS SO, ,DE'I DE DAG RNAMS THOS PAR GYUR PA DANG LHA DE SHIN TU NGO TSA BA DANG LDAN PAR 'GYUR RO, ,MTHONG BAS BYAS PA 'DI DAG RNAMS NI, 'PHRUL
DGA' BA RNAMS KYI RGUD PA GSUM PA YIN NO, ,GNAS DE DAG RNAMS NI, SLU BA MED PA YIN TE, PHUN SUM TSOGS PA'I MTHA' THAMS CAD NI, RGUD PAR GYUR PA YIN NO; ;GZHAN YANG 'PHRUL DGA'I LHA DE DAG RNAMS NYID KYI RGUD PAR 'GYUR BA RNAMS GANG ZHE NA, 'DI LTA STE, RE RE ZHING RIN PO CHE'I SA GZHI LA NYE BAR 'GRO BAR BYED PA NA RIN PO CHE'I RANG BZHIN DE DAG RNAMS KYI SA GZHI DRI MA MED PA RNAMS DANG, RTZIG PA LA ME LONG BZHIN DU GZUGS KYI GZUGS BRNYAN RNAM PA SNA TSOGS PA'I GRIB MA RNAMS KYI GZUGS DANG, CHA BYAD DANG, RGYAN SNA TSOGS PA RNAMS MTHONG BAR 'GYUR TE, JI LTAR MI RNAMS KYI MI'I 'JIG RTEN NA NYI MA'I DKYIL 'KHOR GCIG NYID MTSO DANG, RDZING BU DANG, PADMA'I RDZING BU DU MAR YANG BRGYA STONG DU MAR MTHONG NGO, ,DE BZHIN DU LHA RNAMS LAS GCIG GI GZUGS BRNYAN YANG BRGYA STONG DU MA RNAMS SU RIN PO CHE'I RANG BZHIN GYI SA GZHI DE DAG RNAMS LA SHIN TU YONGS SU GSAL BAR MTHONG NGO, ,DE LA LHA GANG DAG LEGS PAR BYAS PA'I LAS RNAMS ZAD PAR GYUR PA RNAMS KYI NI, DE'I GZUGS BRNYAN GCIG KHO NA RIN PO CHE'I SA GZHI GCIG KHO NA LA MTHONG GI ,GZHAN DU NI, MA YIN NO, ,LHA GANG DAG YID CHES
, ,RAB TU GSAL BAR GYUR PA RNAMS KYIS RNAM PA DE LTA BU'I RGUD PA RNAMS JI LTA BA BZHIN DU MTHONG NAS LEGS PAR BYAS PA'I LAS RNAMS YONGS SU ZAD PA NI, LHA 'DI DAG LA NGES PAR 'BYUNG NGO, ,'DI DAG GI RGUD PA RNAMS NI, 'ONGS PAR GYUR TO, ,ZHES BRJOD PAR BYED DO, ,DE LA 'DI DAG NI, 'PHRUL DGA' BA'I LHA RNAMS KYI RGUD PA BZHI BA YIN NO, ,DE NAS DE'I TSE BCOM LDAN 'DAS DES TSIGS SU BCAD PA GSUNGS PA JI LTAR, 'JIG RTEN PHUN SUM TSOGS RGYU BA; ;RGUD PA RTOGS PA MA YIN NO, ,JI LTAR NYIN MO'I MTHA' NI 'DZAD, ,PHUN TSOGS MTHA' NI RGUD PA YIN, ,JI LTA JI LTAR PHUN TSOGS PA, ,DE LTAR RGUD PA'ANG SDIG PA CAN; ;'DOD PA'I LAS NI NGOMS PA MED, ,NGOMS PA MED PAS YONGS SU SREG ,GANG ZHIG RTAG TU PHYAN TSOGS 'DOD, ,BDE BA RTAG PAR 'DOD BYED PA, , DE NI SRED PAS BCOM NAS KYANG, ,GANG PHYIR DE LA BDE BLAG 'BAB, ,'DOD PA SPYAD PAS TSIM MED PA'I, ,LHA GANG DMYAL BAR LTUNG BA NI, ,THAMS CAD ME YIS BSKOR YIN PAR, ,DE NI DE BZHIN GSHEGS PAS GSUNGS, ,MI GANG DMYAL BAR RAB TU 'GRO, ,DE BZHIN BRGYA PHRAG TU YANG STE, ,DE NI RNAM YANGS
SDIG CAN GYI, ,BYA BAR MKHAS PAS SHES PAR GYIS, ,DE LTAR 'PHRUL DGA' BA'I LHA RNAMS KYI RGUD PA BZHI PA YIN NO, ,GZHAN YANG GZHAN 'PHRUL DBANG BYED KYI LHA RNAMS KYI RGUD PA BZHI KHO NA YOD DE, JI LTAR GANG GI TSE LHA RNAMS KYI LEGS PAR BYAS PA ZAD PAR GYUR PA NA DE DE LA GOMS PAR GYUR PAS 'CHI 'PHO BA'I DUS DE'I TSE NA'ANG DE RNAMS LA PHRENG BA RNAMS KYIS KHYAB PA RAB TU 'BYUNG BAR 'GYUR RO, ,'DI LTA STE, RNAM PA SNA TSOGS PA'I ME TOG GI PHRENG BA DANG LDAN PAR 'GYUR TE, LHA RNAMS LHA RDZAS KYI MA RNYING PA'I ME TOG RNAMS KYIS NYE BAR BRGYAN PAR GYUR TO, ,MCHOG TU DRI ZHIM PA RNAMS GANG DAG GI DPER BYA BAR SLA BA YANG MA YIN PA'I ME TOG GI PHRENG BAS KHA DOG SNA TSOGS PA'I 'OD KYIS SHIN TU GSAL BAR BYAS PAR GYUR PA RNAMS GANG GI KHYAD PAR GYIS NYI MA'I DKYIL 'KHOR GYIS KYANG BCU DRUG CHAR YANG MI PHOD DO, ,PHRENG BA DE DAG RNAMS LA YANG RIN PO CHE BDUN GYIS SPRAS PAR GYUR PA'I BYA RNAMS DANG, BUNG BAS RTAG TU SGRA 'BYIN PA RNAMS KYIS KHYAB PAR GYUR PA'O, ,DE LA GANG GI TSE GZHAN 'PHRUL DBANG BYED KYI LHA RNAMS LA RGUD PA 'BYUNG BA'I DUS SU GYUR PA NA DE'I TSE RNAM PA SNA TSOGS PA'I ME TOG GI PHRENG BA
, ,MCHOG TU DRI ZHIM PO DE DAG RNAMS BUNG BA DE DAG GIS YONGS SU BTANG NAS GZHAN DAG TU 'GRO BAR BYED DO, ,YID 'BYUNG BA'I SGRA RNAMS KYANG 'DON TO, ,DE'I RGUD PA DE DAG RNAMS YID RAB TU GSAL BAR GYUR PA'I LHA GZHAN DAG RNAMS KYIS LEGS PAR MNGON PAR MTHONG NAS DE DAG LA 'GRO BAR BYED DE, BSOD NAMS ZAD PAR GYUR PA'I LHA'I BAR DU GCOD PAR BYED PA RNAMS JI LTA BA BZHIN DU 'DIR 'ONGS SO, ,DE NI, BAG MED PA RNAMS BAG MED PAR SPYOD PA'I RGUD PA DANG PO STE, DE BUNG BA RNAMS KYIS YONGS SU SPANGS NAS GZHAN DU SONG BAR GYUR PA DE'ANG THOS NAS BSOD NAMS ZAD PAR GYUR PA'I LHA DE DAG RANG NYID SO SOR RAB TU RIG PAR BYED DO, ,DPE MED PA'I YUL GYI BDE BA RNAMS MTHONG NAS BDAG NYID LA YONGS SU GDUNG BA CHEN PO DANG LDAN PAR 'GYUR TE; YID GDUNG BAR BYED PA GANG DAG GI KHYAD PAR RNAMS KYIS DMYAL BA RNAMS KYI ME DANG YANG 'DRA BAR 'GYUR RO, ,'DI NI, GZHAN 'PHRUL DBANG BYED KYI LHA RNAMS KYI RGUD PA'I GNAS DANG PO'O, ,GZHAN YANG THAG NYE BAR GYUR PA GZHAN GNYIS PA 'BYUNG BAR 'GYUR BA DE DAG NI, LHA RNAMS 'CHI 'PHO BAR 'GYUR BA'I
DUS NA 'DI LTA STE, MCHOG TU 'JAM ZHING DKAR POR GYUR PA'I 'OD KYI PHRENG BAR GYUR PA'I LHA GANG DAG GI KHYAD PAR GYIS NYI MA NI, SRIN BU ME KHYER TZAM DU SNANG BAR 'GYUR LA; LHA DE DAG RNAMS KYI LUS LA NI, CHEN POR GYUR PA NYID KYI BLO 'BYUNG BA YIN TE, RAB TU GSAL BA'I RI'I RTZE MO RNAMS DANG, RTZIG PA'I LOGS RNAMS LA DE DAG ME LONG BZHIN DU MTHONG BAR 'GYUR RO, ,'DI LTA STE, 'CHI 'PHO BA'I DUS SU RGUD PA RNAMS DANG THAG NYE BAR GYUR PA DE'I TSE LHA RNAMS KYI LUS DE DANG DE DAG RNAMS DANG GZUGS BRNYAN YANG MTHONG BAR MI 'GYUR RO, ,LHA GZHAN GANG DAG CHES SHIN TU SHES RAB RNO BAR GYUR PA RNAMS KYIS DE DAG RNAMS MNGON PAR MTHONG NAS DES LHA DE DAG LA SPRON BAR BYED DE, BAG MED PAS BAG MED PAR SPYOD PA RNAMS LA KYE MA BAR CHAD 'DI DAG RNAMS JI LTA BA BZHIN DU 'ONG BAR 'GYUR TE, DO SHAL RNAMS DANG GZUGS DE SRID PA RNAMS LUS LA MTHONG STE, JI LTAR SNGON GYI LHA GZHAN RNAMS 'CHI 'PHO BA'I RGUD PA'I RGYU RNAMS SNGAR MTHONG BA DE DAG RNAMS KHO NA BZHIN NO; ;'DI DAG RNAMS NI, GZHAN 'PHRUL DBANG BYED KYI LHA RNAMS KYI RGUD PA'I RGYU GNYIS PA YIN NO, ,GZHAN YANG GZHAN 'PHRUL DBANG BYED PA'I LHA RNAMS LA RGYU
, ,GSUM PA RNAMS 'CHI 'PHO BA DANG NYE BA NA 'BYUNG BAR 'GYUR BA LA 'DI LTA STE, SKAL PA YONGS SU MA ZAD PA RNAMS NI, RNAM PA SNA TSOGS PA'I RIN PO CHE KUN TU 'BAR BA'I KHANG BU RNAMS KYIS GNAS GSUM DU MTSUNGS PAR 'GRO BAR BYED PA LA 'DI LTA STE, NAM MKHA' LA 'GRO BAR BYED PA NA THANG LA JI LTA BAR RO, ,DE BZHIN DU LHA'I BU MO RNAMS KYANG NYAMS PA MED PA'I SHUGS KYIS 'GRO'O, ,'ON KYANG NYAMS PAR 'GYUR BA'ANG MA YIN TE, 'DI LTAR LHA GZHAN DAG BSOD NAMS ZAD PA RNAMS YIN PAR GYUR NA DE'I TSE DE DAG RNAMS SHING RTA LAS NYAMS PAR 'GYUR BA DANG CHUR YANG 'BYING NGO, ,RNAM PA THAMS CAD DU 'GRO BAR 'GYUR BA YANG MA YIN NO, ,DE NAS LHA DE DAG GI KHANG BU NUB PA DE DAG RNAMS MNGON PAR MTHONG BA DANG, JI LTA BU'I BAR CHAD BDAG CAG LA NYE BAR 'ONGS BAR GYUR TE 'CHI BA'I DUS SU GYUR PA LAS GZHAN RNAMS KYANG RGUD PA'I RGYU 'DI NYID KYIS 'CHI 'PHOS SO, ,ZHES RJOD PAR BYED PA DE'ANG THOS NAS BSOD NAMS ZAD PA'I LHA DE LHA RDZAS KYI YUL GZHAN DAG RNAMS BTANG BAS BYAS PA'I SEMS KYI GDUNG BAS KUN NAS SREG PAR GYUR BA NA JI LTAR DMYAL BA RNAMS KYI ME YIN PA DE BZHIN
DU LUS SREG PAR BYED DO, ,GZHAN 'PHRUL DBANG BYED KYI LHA RNAMS KYI RGUD PA'I RGYU GSUM PA YIN NO, ,GZHAN YANG LHA DE DAG RNAMS KYI RGUD PA'I RGYU YOD DO, ,'DI LTA STE, LHA GANG LEGS PAR BYAS PA'I LAS KYI MTHA' LA SPYAD PA RNAMS ZAD PAR GYUR PA DE DAG RNAMS KYI RGYAN RNAMS GANG DAG YIN PA DE DAG RNAMS NI, YAN LAG LNGA PO RNAMS DANG MTSUNGS PAR 'GYUR ZHING 'ONG STE, SNYAN PA'I RANG BZHIN DANG, DGA' BAR 'GYUR BA'I SGRA DANG, YID RAB TU RANGS PAR BYED PA DE DAG RNAMS GZHI DANG BCAS PA SGRUB PAR BYED DO, ,SGRA 'GA' ZHIG NI, RNAM PAR GYUR PA DANG LDAN PA YIN NO, ,SGRA RNAMS NI, LAS KYIS BYAS PA YIN NO, ,SGRA RNAMS KYANG DE'I LEGS PAR BYAS PA'I LAS RNAMS JI LTA BA BZHIN DU ZAD PAS RAB TU 'JUG PA RNAMS KYIS TSIM PA MED PAR GANG GI PHYIR LAS RNAMS KYIS BCINGS PA'I LUS CAN RNAMS 'JIG RTEN PHYI MAR 'GRO BAR BYA DGOS SO, ,DE LTAR LAS KYIS BYAS PA'I RGYAN RNAMS KYI SGRA DE DAG THOS NAS SHIN TU YID MI BDE BAR 'GYUR RO, ,YUL RNAMS KYIS NYE BAR BCOM PA DANG, BDAG GIS BSOD NAMS RNAMS KYANG ZAD PAS 'DI RIN PO CHE RNAM PA SNA TSOGS PAS BRGYAN PA'I COD PAN LTUNG BAR 'GYUR RO, ,DE MNGON PAR MTHONG NAS KYANG LHA DE
, ,DAG GI YID SHIN TU SKYO BA DANG LDAN PAR 'GYUR RO, ,DE LTA BU RNAMS NYID NI, GZHAN 'PHRUL DBANG BYED KYI LHA RNAMS KYI RGUD PA'I GNAS BZHI BA YIN NO, ,GANG DAG 'DUS BYAS SU GYUR PA RNAMS GANG ZHIG 'JIG PAR MI 'GYUR BA DANG, GANG ZHIG ZAD PAR MI 'GYUR BA'I GNAS DE NI, KHAMS GSUM NA YOD PA MA YIN NO, ,DE LTAR LHA DRUG PO RNAMS KYI RGUD PA'I GNAS RNAMS LEGS PAR BYAS PA'I LAS ZAD PA NA YANG NGES PAR LTUNG BAR 'GYUR BA YIN NO, ,RGUD PAR GYUR PA'I LHA RNAMS LHA'I 'JIG RTEN GYIS GDUNGS NAS TSUL KHRIMS LA SPYOD PA'I LHA DE RNAMS NGES PA KHO NAR DE DAG RNAMS ZAD PA NA LTUNG BAR 'GYUR BAS CO DRIS PAR MTHONG NGO, ,DE LTAR TSOGS PA RGYU BA NA SPYOD PA'I LHA RNAMS 'THAB BRAL KYI SAR SEMS PA RNAMS LA 'THAB BRAL BA'I BDAG PO MU SU LUNDHA DES BCOM LDAN 'DAS 'KHOR BA 'JIG DE'I GDUNG RTEN LA BRGYAN PA'I BYANG BU RNAM PAR BKRA BA'I TSIG DE DAG GIS 'DOD PA RNAMS THAMS CAD NI, DMYAL BA'I ME RNAM PAR SMIN PA MYANG BAR RTZUB PA YIN GYI, SHIN TU RINGS PAR BAG MED PA RNAMS YONGS SU SPONG BAR GYIS ZHES LHA DE DAG RNAMS LA LEGS PAR STON PAR BYED DO, ,DE
LA DE BZHIN GSHEGS PA'I MDO GSUM PA DE DAG RNAMS THOS PAR GYUR PA DANG, LHA GANG DAG BAG MED PAS GDUNGS PA DE DAG RNAMS KYI BAG MED PA RNAMS 'DIR MCHOG TU ZHI PAR 'GYUR RO, ,STONG PHRAG SUM CU RTZA DRUG PA'I MDO LAS, 'KHOR BA 'JIG RTEN MDO SDE GSUM PA RDZOGS SO,, ,,DE NAS 'THAB BRAL GYI BDAG PO DES LHA DE DAG RNAMS SKYO BA DANG BCAS PA'I YID MNGON PAR MTHONG PAR GYUR NAS PA'ANG [?] BRAL BA RNAMS KYI BDAG PO MU SU LUNDHA DES 'DI SKAD CES BRJOD DO, , JI LTAR THOS PA'I CHOS 'DI DAG RNAMS NI, DRANG SRONG CHEN PO MCHOG GIS BSTAN PA YIN TE, SDUG BSNGAL THAMS CAD ZAD PAR BYED PA, BAG MED PA RNAMS 'JOMS PAR BYED PA, LHA DANG MI RNAMS LA PHAN PAR MDZAD PA, BKRA SHIS PA MTHAR THUG PAR GYUR PA RNAMS NI, BSTAN PA YIN NO, ,DE LA KHYED KYIS DE DAG RNAMS NI, THOS PAR GYUR NA DE LA DE BZHIN GSHEGS PA GSUM PA'I DAM PA'I CHOS 'DUL BA DE DAG NYID NYAN PAR 'DOD PA RNAMS GANG YIN PA DE DAG RNAMS LA MTHA' YAS PAR SHIS PAR 'GYUR BA DE DAG RNAMS NI, KHYED KYIS NYAN NA, GZHAN YANG DE BZHIN GSHEGS PA GZHAN GYI CHOS NYON DANG DES PHYIR ZHING KHO NA CHOS RNAMS 'PHEL BA DANG BDE LEGS
, ,SU BYED PAR YANG 'GYUR RO, ,DE BZHIN DU DMYAL BA DANG, YI DVAGS DANG, DUD 'GRO'I SKYE GNAS RNAMS SU BDAG CAG GI LHA RIS NAS SHI 'PHOS NAS 'GRO BAR 'GYUR BA NA'ANG STE, DE LTAR DE SKAD DU BRJOD PA DANG, LHA DE DAG RNAMS THAMS CAD KYIS MU SU LUNDHA LA 'DI SKAD CES BRJOD PA, JI LTAR BDAG CAG RNAMS LA PHAN PAR 'GYUR BA DANG, BDE BAR 'GYUR BA DE LTAR MDZOD CIG ,DE NAS LHA'I BDAG POS LHA DE DAG RNAMS LA 'DI SKAD CES BRJOD DO,, KHYED RNAMS THAMS CAD NYID KYIS KYANG MCHOD RTEN BZHI PA 'DI LA LTA BAR GYIS DANG, RIN PO CHE SNA TSOGS KUN TU 'BAR BA 'OD ZER BRGYA STONG PHRAG DU MAS RNAM PAR SNANG BAR BYAS PA RIN PO CHE 'BAR BA RNAM PA SNA TSOGS PA RNAMS KYIS SPRAS PAS SHIN TU BAR YANG MDZES PAR GYUR BA'I YON TAN RNAMS KYIS BRGYAN PA, LHA'I 'JIG RTEN 'DI DAG THAMS CAD 'OD KYIS KHYAB PAR BYAS NAS GNAS PA YIN NO, ,DE NAS LHA'I BDAG PO DES YANG 'DI SKAD CES SMRAS TE, JI LTA BA BZHIN DU NGAS NI; MTHONG NGO, ,DE NAS LHA DE DAG RNAMS KYIS 'DI SKAD CES BRJOD DE, BDAG CAG RNAMS THAMS CAD NYID 'CHI BAR BGYI'O, ,MU SU LUNDHA THOG MAR GYUR PA'I
LHA DE DAG RNAMS THAMS CAD KYANG GANG NA DE BZHIN GSHEGS PA'I MCHOD RTEN BZHUGS PAR SNGAR BZHIN DU DER NYE BAR SONG NGO, ,NYE BAR SONG NAS KYANG DAD PAS MGO KUN NAS BTUD PAS PHYAG 'TSAL BAR BYED PA YANG GCIG TU DAD PAS KHYAB PA'I YID KYIS DE LA RAB TU PHYAG BTZAL NAS LANGS TE, KHYED RNAMS KYIS THAMS CAD SKYOB PA'I MCHOD RTEN SNA TSOGS PA'I RIN PO CHE RNAMS SHIN TU 'BAR BA LA LTOS ZHES BYA BA RNAMS NI, SNGA MA BZHIN NO, ,DE NAS MCHOD RTEN DE'I RTZIG PA'I LOGS LA RIN PO CHE 'BAR BA MCHOG GI YI GE RNAM PA SNA TSOGS PA RNAMS KYI MDO MNGON PAR BRIS PA YOD PA LA DE DAG THAMS CAD KYANG MCHOG TU DGE LEGS SU GYUR PA, LHA DANG MI RNAMS LA PHAN PAR GYUR PA NI, 'DI LTA STE, CHOS BDUN DANG YANG DAG PAR LDAN PA'I SKYES BU RNAMS NI, LHAR SKYE BAR 'GYUR RO, ,BDUN PO RNAMS GANG ZHE NA, 'DI NI; RIGS KYI BU DAG THOS PA DANG LDAN PAR GYUR PA DAG THOS PA'I DON DANG LDAN PA DANG, THOS PA'I CHOS RNAMS LA SPYOD PAR BYED PA DANG, BLO THOS PAS LEGS PAR SBYANGS PA DANG, THOS PA LA SKYABS SU BYED PA DANG, THOS PA LA SNYING POR BYED PA'I BLOS GCIG TU SNYING POR GYUR PA'I THOS PA RNAMS CHED DU 'DZIN PA DANG, DE DAG
, ,GIS DGE BA'I BSHES GNYEN LA DGA' BA'I SKYES BU RNAMS NI, YON TAN BDUN DANG LDAN PAR 'GYUR RO, ,'DI LTA STE, JI SKAD SMRAS PA DE LTAR BYED PA DANG, JI SKAD SMRAS PA BRTAN POR 'DZIN PA DANG, DE BRTAN POR 'DZIN PA DE SNYING POR BYED PA DANG, SO SOR RNAM PAR DPYOD PA'I BLO GROS DANG, DE KHO NA NYID LA MNGON PAR 'JUG PA DANG, BLO GROS BRTAN PAS MANG PO RNAMS CHUNG 'DZA' BAR MI 'GYUR BA DANG, GZHAN RNAMS KYANG DE DANG NGANG TSUL MTSUNGS NA RJES SU STEN PAR BYED PA YIN TE, GZHAN GYI CHOS KYIS MI 'PHROG CING, DE BZHIN DU YON TAN BDUN DANG LDAN PA'I GROGS PO RNAMS LA RTEN PAR BYED PA'O, ,JI LTAR NA JI SKAD SMRAS PA DE BZHIN BYED PA YIN ZHE NA, 'DI NA DE BZHIN DU DGE BA'I BSHES GNYEN DGE BA'I RANG BZHIN CAN DE DAG GIS GANG DANG GANG DAG KHO NA RIG PAR GYUR PA RNAMS 'DIR RJOD PAR BYED PA DANG, PHAN PA DANG, DUS DANG LDAN PAR GYUR PA DANG, YUL DANG RIGS PA RNAMS BRJOD PA DANG, SHIN TU MYUR BA DANG, BUL BA MA YIN PA DANG, DON MANG PO RNAMS YI GE NYUNG NGU DANG, SNYAN PA DANG, GO BA DANG, CHOS KYI SBYIN PA DANG LDAN PA DANG, RANG DANG GZHAN RNAMS LA PHAN
PA'I DON DU NYER BAR GNAS PA RNAMS DGE LEGS SU RJOD PAR BYED PA RNAMS KYIS GAR GNAS PA LA PHAN PAR SMRA BAR BYED DO, ,'DI LTA STE, JI LTAR BRJOD PA DE KHO NA BZHIN DU SGRUB PAR BYED PA'O, ,GZHAN DAG DE DANG LHAN CIG TU SPYOD PA RNAMS LA'ANG DE DAG RNAMS SDOM DU 'JUG GO ,RTAG PAR RGYUN DU YANG LUS DANG, NGAG DANG, YID RNAMS LEGS PAR SPYOD PAR BYED DO, ,PHYI ROL DANG NANG KUN NAS YONGS SU DAG PA'I GSER DANG MTSUNGS PAR GYUR PA STE, DE LTAR NA JI SKAD SMRAS PA DE BZHIN BYED PA YIN NO, ,JI LTAR NA, JI SKAD SMRAS PA DE BRTAN POR 'DZIN PA YIN ZHE NA, 'DI GANG DAG BYED PA DE KUN NAS MCHOG TU RNAM PAR DAG PAR BYED DO, ,CHOS RNAM PA GSUM PO DE DAG RNAMS MCHOG TU RNAM PAR DAG PAR MNGON PAR MTHONG ZHING LHA DANG MI RNAMS KYI SKYE BA SKYED PA PO THA MAR MYA NGAN LAS 'DAS PA'I MTHAR THUG PA YIN PA BDAG NYID RANG GIS KYANG RTOGS PA DANG, GZHAN RNAMS LAS KYANG THOS NAS RNAM PAR SMIN PA BDE BA LA BRTAN PAS MNGON PAR 'JUG GO ,DE BRTAN POR 'DZIN PAR BYED DE, DE LTAR BRTAN POR 'DZIN PAR BYED PA YIN LA, DE NI, DGE BA'I BSHES GNYEN LA NYE BAR STEN PAR YANG BYED DO, ,JI LTAR GANG DAG BRTAN POR
, ,BZUNG BA DE DAG SNYING POR MNGON PAR 'JUG PA YIN NA, 'JUG PA'ANG DGE BA'I 'BRAS BU RNAMS GANG GI PHYIR GTZANG MA BRTAN BOR 'DZIN PA YIN NO, ,'JIG RTEN GNYIS LA PHAN PAR 'GYUR BA'I DON DU'ANG MNGON PAR MTHONG NAS RTOG MI BZHIN DU BLOS RNAM PAR DPYOD PAR BYED DO, ,DE LTAR DE NI, SNYING PO RAB TU RNAM PAR DPYOD PA'I BLO YIN NO, ,DGE BA'I LAS KYI 'BRAS BU'I SNYING PO DE DAG GZHAN LAS THOS PA'AM, DE GAL TE SHES NA RANG NYID KYIS KYANG RAB TU RNAM PAR DPYAD NAS DE KHO NA NYID LA MNGON PAR 'JUG GO ,DE LTA BU NI, DE KHO NA NYID LA MNGON PAR 'JUG PA LA SPYOD PA YIN NO, ,BLO GROS BRTAN PA RNAMS NI, 'DIR MANG DU THOS PAR GYUR NAS SNYING POR MED PAS MI KHRID DO, ,DE LTAR NA BLO GROS BRTAN PA YIN NO, ,'DI NA YON TAN DE DAG DANG MTSUNGS PA'I BDAG NYID CAN GZHAN RNAMS LA'ANG RTEN PAR BYED LA, GZHAN DAG RNAMS KYI CHOS SU GYUR PA CHOS LTAR 'CHOS PAS KHRID PAR MI BYED DO, ,DE LTAR YON TAN BDUN DANG LDAN PA'I GROGS PO BSTEN PA'I SKYES BU RNAMS NI, BDAG CAG GI 'JIG RTEN LAS SHI 'PHOS NAS LHA'I 'JIG RTEN DAG TU SKYE BAR 'GYUR RO, ,CHOS 'DI DAG NI, DANG POR BSTEN PA YIN NO, ,
YANG LHA DAG CHOS GZHAN BDUN PO GANG DAG GIS LHA'I 'JIG RTEN RNAMS 'PHEL BAR BYED PA YIN ZHE NA, 'DI LTA STE, DGE BSHES STEN PA DANG, THOS PA DANG LDAN PAR GYUR PA DANG, SGRUB PA DANG LDAN PAR GYUR BA DANG, LE LO MED PAR GYUR PA DANG, DRAN PA DANG LDAN PA DANG, GZHAN LA GDUNG BAR MI BYED PA DANG, TSUL 'CHOS PA MED PA DANG STE; JI LTAR BSTAN PA'I CHOS BDUN PO DE DAG RNAMS KYIS SKYES BU LUS ZHIG BA NA BDE 'GRO MTHO RIS KYI 'JIG RTEN LAS LHA RNAMS KYI NANG DU SKYE'O, ,'DI LTA STE, SHING RTA CHEN PO BDUN DANG LDAN PAS NI, RGYAL PO'AM, RGYAL PO'I BLON PO'ANG RUNG STE, BDE BAS SKYED MOS TSAL GYI LTAD MO LA GLU DANG, RNGA SGRA DANG, PHRENG BA DANG BCAS PAS JI LTA BA BZHIN 'GRO BAR BYED DO, ,DE BZHIN DU CHOS BDUN PO DE DAG DANG YANG DAG PAR LDAN PA'I SKYES BU RNAMS NI, LHA'I 'JIG RTEN DU 'GRO BAR 'GYUR RO, ,RNAM PA DE LTA BUR GYUR PA'I THOS PA DE'ANG GANG YIN ZHE NA, 'DI NA THOS PA DANG LDAN PAR GYUR BA'I MI NI, GANG SNYING POR GYUR PA NYAN PA'O, ,DE DAG THOS NAS RGOD BAG DANG LDAN PAR MI 'GYUR RO, ,JI LTA JI LTAR THOS PA DE LTAR DE LTAR CHES RAB TU CHOS LA RTON PAS BAG DANG LDAN PAR 'GYUR RO, ,SHES PA RNAMS KYIS CHOG SHES PAR MI BYED PAR
, ,'GYUR RO, ,GZHAN DAG RNAMS LA'ANG LAN GCIG MA YIN ZHING LAN GCIG MA YIN PAR 'DRI'O, ,RANG NYID KYIS KYANG GZHAN RNAMS LA MNYAN PA'I DON DU RAB TU BRJOD DO, ,DE LTA BU'I THOS PA DANG LDAN PA'I SKYES BU RNAMS NI, LUS ZHIG NAS MTHO RIS PA DE 'GRO LHA'I 'JIG RTEN DU SKYE'O, ,GNYIS PA NI; CHOS LA SGRUB PA DANG LDAN PA YIN TE, JI LTAR SGRUB PA DANG LDAN PA YIN ZHE NA, 'DIR CHOS RNAMS THOS NAS 'DUL BA LA DE KHO NA BZHIN DU SGRUB PAR BYED DO, ,THOS PA DANG LDAN PAR GYUR NAS KYANG CHOS 'DUL BA LA SGRUB PAR MI BYED PA DE NI, THOS PA RNAMS KHUR 'BA' ZHIG YIN PA KHO NAR ZAD DO, ,'BRAS BU LA RTEN PAR BYED PA MA YIN, SHES RAB DANG, DGE BA LA SBYOR BA DANG, TSUL KHRIMS DANG, SHES RAB RNAMS YID LA 'BAB PA'ANG MA YIN NO, ,DE'I TSE NI, 'OD DANG RNAM PAR BRAL BA'I RI MO'I MAR ME'I BZHIN DU SNYING PO MED PA YIN NO, ,GANG YANG SHES RAB DANG, TSUL KHRIMS LA SBYOR BAR BYED PA DE NI, ME'I MAR ME RNAMS 'OD BYED PA BZHIN NO, ,THOS PA DE DAG RNAMS NI, DON YOD PA YIN NO, ,SGRUB PA'I CHOS RNAMS KYI SNYING PO YIN GYI, NGAG NI, SNYING PO MA YIN NO,,
LUS DANG NGAG GIS LAS KYI MTHA' RNAMS ZHI BA DE DAG NI, LUS ZHIG NAS MTHO RIS BDE 'GRO LHA'I 'JIG RTEN DU SKYE'O, ,CHOS GSUM PAR GYUR PA LE LO JI LTA BU YIN ZHE NA, 'DI NA SNYOM LAS SU GYUR PAS SGRUB PA MA YIN NO, ,SGRUB PA ZHES BYA BA NI, JI SKAD BSHAD PA'I DON RNAMS BYED PA'AM, GTAN LA 'BEBS PA'O, ,DE'ANG NYE BAR RTZOM PA DANG SPRO BAR MI BYED DE, RGYU SNYOM DANG, BRTZON 'GRUS DMAN PA DANG, RTZOM PA GZHAN PAR GYUR PA'I SKYES BU RNAMS KYIS NI, 'JIG RTEN PA'I DON THAMS CAD LA'ANG NUS PA MED PAR 'GYUR RO, ,'JIG RTEN LAS 'DAS PA LA'ANG BRTZON 'GRUS DMAN PA RNAMS DANG, SPRO BA MED PA RNAMS KYIS NI, DGOS PA THAMS CAD LAS YONGS SU NYAMS PAR 'GYUR RO, ,'JIG RTEN PA RNAMS KYIS KYANG MTHO BRTZAM PA'I GNAS SU 'GYUR RO, ,BDAG NYID RANG YANG SKYED PAR 'GYUR BA'ANG MA YIN NO; ;LE LOS NYE BAR BCOM PA'I MI RNAMS NI, LUS ZHIG NAS KYANG NGAN SONG LOG PAR LTUNG BA DMYAL BAR SKYE BAR 'GYUR RO, ,DE'I PHYIR NA LE LO RNAMS THAMS CAD NAS GNAS SKABS THAMS CAD DU DUG DANG, ME DANG, MTSON CHA DANG, G-YANG SA DANG 'DRA BAR YANG YONGS SU SPANG BAR GYIS SHIG ,BDAG NYID THAMS CAD KYIS GNAS
, ,SKABS THAMS CAD DU SNYOM LAS KYIS NYE BAR BCOM PA'I SKYES BU BRTZON 'GRUS DMAN PA RNAMS NI, GZI BRJID KYANG PHYUGS RNAMS DANG MTSUNGS PAR 'GYUR RO, ,SHES PA DANG, RNAM PAR SHES PA DANG, CHOS DANG, CHOS MA YIN PA DANG, BGROD PAR BYA BA DANG, BGROD PAR MI BYA BA RNAMS KYANG RNAM PAR MI SHES SO, ,DE CI'I PHYIR ZHE NA, DPYAD PAR BYA BA LE LO'I SKYON GYIS BSTAN BCOS LA BLO ZUM PAR GYUR PA'I SKYES BU NI, CHOS THAMS CAD RNAM PAR MI SHES, DON DANG DON MA YIN PA RNAMS LA'ANG DE KHO NA BZHIN TE, DE LTAR YANG MAR ME LTA BU'I SHES RAB KYIS THAMS CAD RTOGS PAR 'GYUR BA YIN NO, ,SHES PA DE'ANG BRTZON 'GRUS DMAN PA RNAMS DANG, LE LO CAN RNAMS LA MED PA YIN NO, ,DMUS LONG DANG MTSUNGS PAR GYUR BA DE LUS ZHIG PA NA NGAN SONG LOG PAR LTUNG BA SEMS CAN DMYAL BA RNAMS SU SKYE BA'O, ,DE BZHIN DU 'JIG RTEN PA'I DON RNAMS THAMS CAD LA YANG STE, DON THAMS CAD NYAMS PAR BYED PAR 'GYUR RO, ,DE DON RNAMS THAMS CAD NYAMS PAS MCHOG TU SDUG BSNGAL BAR 'GYUR RO, ,GZHAN GYI KHYIM LA NYE BAR RTEN PAR BYED PA, GZHAN GYI LUS NYE BAR 'DOD PA, GZHAN GYI BDE BA
RNAMS NYE BAR RTOGS PA LA CHED CHER BYED PA, MCHOG TU GOS HRAL BA, SKRA RNAMS KYIS MIG G-YOGS PA, KHA DANG MIG KYANG BSKAMS PAR GYUR PAS BZHI MDO NAS BZHI MDO RNAMS SU DANG, SUM MDO NAS SUM MDOR DANG, KHYIM NAS KHYIM DU SLONG MOS 'TSO BAR GYUR PA, SHIN TU RID PA, GSON PA LA'ANG SKYE BO RNAMS THAMS CAD SKYUG BRO BAR GYUR PA'O, ,RGYU 'DI DAG GIS NA SKYES BU RNAMS THAMS CAD KYIS KYANG GNAS SKABS THAMS CAD DU'ANG LE LO YONGS SU SPANG BAR BYA'O, ,GZHAN DU NI, BRTZON 'GRUS BRTZAMS PA'I BRTZON 'GRUS DANG LDAN PA, SPONG BA DANG LDAN PA RNAMS NI, DON THAMS CAD PHUN SUM TSOGS PAR 'GYUR RO, ,MYA NGAN LAS 'DAS PA'I MTHAR THUG PAR YANG 'GYUR NA, GZHAN 'JIG RTEN PA'I RNAMS DANG, LUS ZHIG NAS KYANG MTHO RIS KYI 'JIG RTEN BDE 'GRO LHAR SKYE BAR 'GYUR BA LA LTA SMOS KYANG CI DGOS, ,DE'I PHYIR LHA'AM MI RNAMS KYIS KYANG RUNG STE, GNAS SKABS THAMS CAD DU LE LO YONGS SU SPANG BAR BYA'O, ,DE NAS DE'I TSE BCOM LDAN 'DAS THAMS CAD SKYOB DES TSIGS SU BCAD PA GSUNGS PA JI LTAR, BLO NI LE LO'I RANG BZHIN DANG, ,DREGS PA DANG NI RTZUB PA DANG, ,SHES RAB YONGS SU SPANGS PHYIR YANG, ,LOG PAR LTUNG
, ,BA'I SA MI MTHONG, ,DAM PA RNAMS DANG 'DIR 'GROGS SHING, ,DAM PA MIN PA SPANG PAR BYA, ,CHUD GSON RGYUR NI RAB TU BSHAD, ,LOG PAR LTA BA NYID KYANG STE, ,YUL DUS LEGS PAR RTZOM MIN ZHING, ,BRJOD DANG MA BRJOD RNAM MI SHES, ,PHYIR ZHING DON MED 'GYUR DE DAG ,NGA LA BSO BA YANG BUD MED RNAMS; ;GANG DANG DE YIS MTHUN 'DZIN PA'I, ,ZAS RNAMS DE DANG DE LA'O, ,DE DAG YANG MOR BYED PA DANG, ,BDAG NYID ZHOR 'PHYANG DANG DE BZHIN, ,BRTAN PA 'JIG DANG DRAN PA NYAMS, ,SA BDAG DANG YANG 'GAL BAR BYED, ,DE DAG DUS MIN 'CHI BA DANG, ,DE BZHIN DU NI KHRO BA'I YID, ,LAS 'BRAS DE KHO NA MI SHES, ,CHOS DANG CHOS MIN PHYI ROL BYAS, ,LEGS PA'I SKYES BU RNAMS KYIS SPANGS, ,KUN TU 'GRO BAS 'GROS KYIS NGAL, ,LE LO'I BLO NI GNYID DANG YANG, ,DE BZHIN RO RNAMS LA YANG BRKAM, ,RNAM PAR SPANGS PAS GANG LA YANG, ,SKYE GNAS LA NI RAB SDANG BRJOD, ,'DOD CHEN DANG NI MNGON NGA RGYAL, ,RKO TROG CAN DANG CHOS SPANGS PO, ,'DOD PA LA NI LEGS RTEN NYID, ,LUS LA YONGS SU GDUNG BYED YIN, ,SKYON NI GSUM PO 'DI RNAMS KYI, ,RTZA BA LE LO YIN PAR BRJOD, ,MI RNAMS SKYON NI RJES
'BREL BCAS, ,BRTZON 'GRUS BRTZAMS PAS 'JOMS PA YIN, ,BRTZON 'GRUS BRTZAMS PA CI NAS KYANG, ,'BRAS BU THAMS CAD NYER LONGS SPYOD, ,RIGS PA DE NYID BRTZAMS PA NI, ,CHOS BZHIN DU NI 'BRAS BU MTHONG, ,LAS RNAM GSUM PO 'DI LA NI, ,'BRAS BU RNAM PA GSUM DU 'DOD, ,PHUNG PO GSUM DANG NGES DE YANG, , GSUM RTZAS SRID GSUM RJES SU 'GRO ,DE LTAR BCOM LDAN 'DAS THAMS CAD SKYOB PA DE'I MCHOD RTEN DE LA LE LO LA RNAM PAR SMOD PA'I TSIGS SU BCAD PA RNAMS MNGON PAR BRIS PA'I RNAM PA DE SRID PA NYID LEGS PAR MNGON PAR MTHONG BAS NGES PAR GCIG TU LE LO SPANG BAR BYA'O, ,GANG GI PHYIR JI SKAD DU BSHAD PA'I LE LO GCIG PU ZHIG LAS KYANG YAN LAG DE RNAMS TZAM ZHIG YIN NO, ,LE LO MED PA BRTZON 'GRUS BRTZAMS PAR GYUR PA'I LHA'AM MI RNAMS KYANG RUNG STE, DON RNAMS THAMS CAD MED PAR MI 'GYUR RO, ,THAMS CAD DUS THAMS CAD KYI TSE THAMS CAD DU YONGS SU NYAMS PAR MI 'GYUR RO, ,LE LO MED PAR GYUR PA'I SEMS CAN RNAMS NI; MYA NGAN LAS 'DAS PA'I MTHAR 'GRO BA DE KHO NA'O, ,DE LA GCES PAR GYUR PA'I CHOS BZHI NI, BSTAN NO, ,CHOS GZHAN GANG DAG MI RNAMS LA GCES PAR GYUR PA
, ,YIN ZHE NA, 'DI LTA STE, DRAN PA'O, ,DE LTAR YANG CHOS THAMS CAD KYI BAR CHAD BYED PA LE LO YIN PA DE BZHIN DU CHOS THAMS CAD KYANG STE, MYA NGAN LAS 'DAS PA'I RNAM PAR SMIN PA CAN YANG DRAN PA GCIG TU BSGOMS SHING LEGS PAR BSGOMS PA'I RTZA BA LAS BSGOM PAR BYA BA'I DON THOB PAR 'GYUR RO, ,KHYIM PA'AM RAB TU BYUNG BA YANG RUNG STE, DRAN PA DANG LDAN PA RNAMS NI, BAG MED PAR MI 'GYUR RO, ,BAG DANG LDAN PA YANG DON BRTZAMS PA RNAMS CHUD MI ZA'O, ,DE YANG NAS YANG DU YANG DON GZHAN RNAMS RTZOM PAR BYED DO, ,RIGS PA DANG, RAB TU BRTZON PA DANG, MNGON PAR 'DOD PAS KYANG DE RTAG TU DRAN PA DANG SHES BZHIN DANG LDAN PAS SHES BZHIN GYIS GNAS PAR 'GYUR RO, ,DBANG PO LNGA PO RNAMS YANG SPYOD YUL LNGA LAS SRUNG LA 'PHO BA DANG GTONG BA'ANG MA YIN TE; RTAG TU YANG RKYEN RNAMS LAS MIG GIS GZUGS MTHONG BA NA DE'I TSE 'DUN PA'I 'DOD CHAGS KYIS DGA' BAR MI BYED DO, ,RANG BZHIN RNAMS MTHONG BAR 'GYUR RO; ;RKYEN GYI RTZA BA CAN DU MTHONG BAR 'GYUR RO, ,RGYU LAS KUN 'BYUNG BA'I GZUGS RNAMS MTHONG BA NA RNYOG PA CAN DU MI BYED DO, ,DE LAS SKYES PA'I YID LA BYED
PAS KHRID PAR MI 'GYUR RO, ,DGA' BA'I 'DOD CHAGS DRAN PA NYAMS PAS KUN NAS BCINGS NAS SKYES BU'AM, RAB TU BYUNG BA RNAMS SAM, LHA'AM, LHA GZHAN DAG GANG YANG RUNG BA RNAMS KYANG RUNG STE, NYON MONGS PA BDUD KYI SPYOD YUL RNAMS LA DGA' BAR MI 'GYUR RO, ,DES SKYES PA'I 'JIGS PA RNAMS KYANG KUN NAS SHES SO, , SKYON LAS SKYE BAR 'GYUR BAR GYUR PA RNAMS KYANG SHES SO, ,'GAGS PA RNAMS KYANG DRAN PAS YONGS SU SHES TE, LEGS PAR DRAN NAS JI LTAR CHE GE MO ZHIG GI YUL NA DMIGS PA 'DI DAG GIS DANG, RGYU 'DIS DANG, RKYEN 'DIS DANG, RNAM PA DE 'DRA BA'I YUL LAS KUN TU BYUNG BA'I MIG GI RNAM PAR SHES PA DANG LHAN CIG TU 'GROGS PA'I YUL GYI RLAN GYIS KUN TU BSKYED PAR GYUR PA'I DUS DE'I YID LA BYED PA'I NYON MONGS PA NGES PAR 'JOMS PA PO RANG GI NGANG GIS NUS PA DANG LDAN PAS NYON MONGS PA NGES PAR 'JOMS, RAB TU 'JOMS PAR GYUR PA, RGYU DANG RKYEN RNAMS LAS KUN TU 'BYUNG BA YUL DES SHIN TU'ANG CHAGS PA SKYED PAR BYED PAS DES ZHEN PA DRAN PAR GYUR NA DRAN PA NYE BAR GNAS PA'I PHYIR NA SLAR YANG RAB TU 'JOMS PAR BYED DO, ,DE GZUGS DMIGS PAS ZIL GYIS MNAN NA DRAN PAS
, ,'JIGS PA DANG BCAS PAS RNAM PA DU MAR RAB TU SPONG BAR BYED DO, ,DAL BUS DAL BUS LAS BYED PA SPYANG POR GYUR PA'I LCAGS MGAR MER BCUG NAS DROS PAR GYUR PAS LCAGS KYI SNOD RDUNG BA DE BZHIN DU LUS DBEN PA LA SPRO BA RNAMS KYANG DAL BUS DAL BUS DRI MA RNAMS SPYOD PAR BYED DO, ,ZHIB MOR PHYED CING DRI MA MED PAR BYED DO, ,DE BZHIN DU 'DI NA MDZES PAR GYUR PA RNAMS KYIS DRAN PAS SEMS KYI RGYUD DAL BUS DAL BUS DRI MA RNAMS MED DO, , JI LTAR MDZES PA'I RDZA MKHAN BRTZON 'GRUS BRTZAMS PAR GYUR PA RGYU RKYEN DANG GOMS PA RNAMS KYIS 'JIM PA'I GONG BU BUM PAR SGYUR BAR BYED DE, GZUGS BZANG PO RTZOM PA'I DRAN PAS BRTZAMS PA'I PHYIR RO, ,DE BZHIN DU DRAN PA DANG LDAN PA'I SKYES BUS 'DIR YANG 'JIM PA'I GONG BU LTA BUR GYUR PA'I DMIGS PA DANG, RGYU RKYEN GNYIS DANG, YID KYI DRAN PA MDZES PA STEN PA NGES PAR RDZOGS PA LAS GANG YONGS SU RDZOGS NA DRAN PA BRTZAMS PAS TSUL BZHIN YID LA BYED PA BUM PA BZHIN DU SKYED DO, ,LHA DAG ,JI LTAR BDAG CAG RNAMS KYI GOS RNAMS GSAR BA GYON PAR GYUR PA'I DUS DE NYID NAS BZUNG NAS DE DAG RNAMS RIM GYIS
ZAD PAR 'GYUR RO, ,YANG GANG GI TSE SHES PAR GYUR PA DE'I TSE NAS SKAD CIG PA RNAMS SHES PAR 'GYUR RO, ,DE KHO NA BZHIN DU GANG KHO NA'I TSE NAS MDZES PA'I DRAN PA NYE BAR 'JOG PAR GYUR PA DE'I DUS DE NAS SKYON THAMS CAD ZAD PAR 'GYUR RO, ,DE NYID MNGON PAR RTOGS PAR 'GYUR BA YANG GANG GI TSE 'PHAGS PA'I RGYAS BTAB PAR GYUR PA'I SEMS KYI RGYUD LA SKYON RNAMS ZAD PA MTSON PAR 'GYUR ZHING DE'I TSE NA YONGS SU SHES SO, ,DE'I PHYIR NA SKYES BU DAM PA RNAMS DGE BA 'DOD PAS RTAG PA NYID DU MIG DANG PHRAD PA'I GZUGS DMIGS PAR GYUR PA NA'ANG JI LTA BA'I DRAN PA'I THAG PAS YONGS SU BCINGS NA SEMS YONGS SU 'KHYAMS PAR MI 'GYUR RO, ,RTA RGOD BZHIN DU BSRINGS NAS 'DZIN PAR BYED DO, ,'DAS PA DRAN PA DANG LDAN PA'I SKYES BU RNAMS NI, DGA' BA'I 'DOD CHAGS MI BZAD PA RNAMS DMIGS PA SPANGS NAS GNAS SO, ,DRAN PAS DE BZHIN DU DA LTAR GYI YUL RNAMS LA MIG RGYU BAR BYED PA NA SGRUB PAS ZLOG PAR BYED DO, ,DRAN PA DANG DRAN PA MA YIN PA DAG LA RJES SU SGRUB PAS JI LTAR LEGS PAR RTOGS PAR BYA ZHE NA, 'DI LTA STE, SKYES PAR GYUR PA'I DGA' BA'I 'DOD CHAGS LA TSUL BZHIN MA YIN PA'I RLUNG GIS KUN NAS KHYER BA NA DRAN PAS
, ,KUN TU 'DZIN PAR BYED DO, ,'DIR GANG GI TSE SDUG BSNGAL DANG, KUN 'BYUNG BA DANG, 'GOG PA DANG, LAM GANG YIN PA'I 'PHAGS PA'I BDEN PA BZHI PO RNAMS KYIS GZUGS DE NYID LA YANG DAG PA JI LTA BA BZHIN DU RNAM PA DU MA DANG, DBYIBS DU MAR RNAM PAR DPYOD PAR BYED PA DE'I TSE 'DUN PA'I 'DOD CHAGS 'DI THAMS CAD DU'AM, GNAS SKABS THAMS CAD DU'ANG RAB TU NYAMS PAR 'GYUR RO, ,GAL TE SHED NA'ANG CHUNG NGUR 'GYUR RO, ,'DI NI, DE'I DGE BA'I CHOS KYI GZI BRJID YIN TE 'DI LTA STE, DRAN PAS RJES SU SPREL BA'I RTZA BA YIN NO, ,DGE BA'I CHOS RNAMS THAMS CAD NI, DE'I GZHIS RAB TU 'JUG GO ,DE LTA BU NI; DA LTAR BYUNG BA'I DRAN PA YIN NO, ,JI LTAR NA MA 'ONGS PA'I YUL NYAMS SU MA MYONG BA RGYU MTSAN GYI DBANG DU BYAS PAS YUL NYE BAR DMIGS PA'I DRAN PA YIN ZHE NA, DRAN PAS MA 'ONGS PA RNAMS LA'ANG LEGS PAR DRAN TE, 'BRAS BU'I RGYU MTSAN DMIGS PAS MA 'ONGS PA RNAMS KYANG DRAN ZHING KUN TU DRAN NO, ,'DI LTA STE, LUS DANG, NGAG DANG, YID LEGS PAR SPYAD PA SPYOD PA'I SKYES BU RNAMS MNGON PAR MTHONG BAR GYUR NAS LHA DANG LHA TZAM DU 'BYUNG BAR 'GYUR RO, ,ZHES 'DI DAG DRAN
NO; ;DE LTAR DAM PAR BYAS PA'I LAS RNAMS MNGON PAR MTHONG NAS LEGS PAR DRAN NO, ,NYES PAR SPYAD PA'I LAS KYI MTHA' SPYAD PA RNAMS LAS DMYAL BA RNAMS 'BYUNG BA'ANG KUN TU DRAN NO, ,DE LA DRAN PA ZHES BYA BA'I CHOS LNGA PA 'DI DE LTAR LHA DANG MI RNAMS LA GCES PAR GYUR PA YIN NO, ,GZHAN YANG CHOS DRUG PA LHA DANG MI RNAMS LA GCES PAR BYA BA YOD DE, GANG ZHE NA, 'DI LTA STE, GZHAN LA GDUNG BAR MI BYED PA'O, ,'DI NA GZHAN LA NYE BAR GDUNG BAR MI BYED PAR GYUR PA BLO SHIN TU RAB TU DANG BA; GANG ZAG RNAMS LA RAB TU DPYOD PAR YANG MI BYED LA TSANGS PAR SPYOD PA RNAMS LA RAB TU DPYOD PAR YANG MI BYED PA DANG, SEMS 'DUL BAR MI BYED PA MA YIN PA, GNAS MAL DANG, NAD KYI RKYEN SMAN DANG, YO BYAD RAB TU MANG PO MNGON PAR MTHONG BA NA GZHAN LA SMOD PAR MI BYED, BDAG LA BSTOD PAR MI BYED DO; ;RANG GI DBANG DU BYAS PA'I TSUL KHRIMS BSNGAGS PAR MI BYED CING, ,GZHAN GYI TSUL KHRIMS KYANG DGE BA MA YIN PAR THOS NAS SBYIN PA PO DANG SBYIN BDAG RNAMS LA SO SOR GO BAR MI BYED, GROGS PO DANG GROGS PO MA YIN PA RNAMS DANG BRAL BAS MTSUNGS PA'I BLOR GYUR PA, DE'I YID DKON MCHOG GSUM LA SONG BAR
, ,GYUR PA'I DON GYIS TSUL KHRIMS 'CHAL BAR MI BYED, TSUL KHRIMS DANG BCAS PA LA SKUR PAR MI BYED DO, ,ZHABS 'BRING PAR KUN TU STON PA MA YIN GYI, SNYING RJES SEMS 'JUG PAR 'GYUR RO, ,'DRI BAR BYED PA'I RANG BZHIN CAN MA YIN LA DGON PA DANG DRI KHROD DANG PHUG RNAMS SU MNGON PAR DGA' BAR 'GYUR RO, ,KUN NAS 'DRE BAS NYE BAR 'GRO BAR NI, TSANGS PA MTSUNGS PAR SPYOD PA DAG DANG LHAN CIG TU'O, ,SHIN TU NGO MTSAR SKYE BA'I YON TAN DE LTA BU RNAMS DANG LDAN PA'I SKYES BU NI, GZHAN LA NYE BAR GDUNG BAR BYED PA MA YIN NO, ,DE'I PHYIR NA GZHAN RNAMS LA NYE BAR GDUNG BAR MI BYED PA NI, LHA DANG MI RNAMS LA GCES PAR GYUR PA YIN NO, ,GZHAN YANG GCES PAR GYUR PA'I CHOS BDUN PA LHA DANG MI RNAMS KYI BAR DU GCOD PAR BYED PA NI, 'DI LTA STE, TSUL 'CHOS PAS RAB TU 'CHAB PAR BYED PA'I PHYIR TE, DGE BAR GYUR PA RNAMS BCOM PA, YID SHIN TU RNAM PAR DAG PA, LHUNG BZED DANG CHOS GOS KYIS CHOG SHES PA, BSLANGS NAS ZA BA, RI KHROD DANG RI PHUG DAG TU STEN PA, CHOG SHES PA, DBEN PAR GNAS PAR DGA' BA, BSTOD PA DANG, SMAD PAS
MTHO BA DANG DMA' BA'I BLO MED PA, DON DANG DON MA YIN PA RNAMS LA LTOS PA MED PAS LJONGS RGYU BAR BYED PAS LEGS PAR RGYU'O, ,MI RNAMS KYANG SRIN BU'I GNAS YIN PA'I PHYIR DANG, LTENG KA'I CHUR GYUR PA'I CHU TZAM LA'ANG 'JIGS PAS NYE BAR MI 'GRO STE, SRIN BU GSOD PA'I SKYON GYI 'JIGS PAS 'JIGS PA'I PHYIR RO, ,RI LU DANG RI LU'I PHRENG BA DANG GLOG 'KHYUG PA LA LTA BAR MI BYED DO, ,SA G-YO BA DANG ZLA BA GZAS 'DZIN PA'ANG STON PAR MI BYED DO, ,RNYED PA DANG BKUR STI'I DON DU GCIG PU ZHIG KHYIM NAS KHYIM DU NYE BAR 'TSO BAR BYED PA'ANG MA YIN NO, ,MGO GCOG PAS SA GZHI G-YO BA'I RANG BZHIN MA YIN NO, ,SHIN TU DMAN PA DANG CHE BAR SMRA BA MA YIN NO, , BKRA BAR BYAS PA'I MCHIL LHAM DANG SHING LEB KYI STAN BZANG PO DANG SNGAS NANG TSANGS CAN ZLUM PO 'DZIN PA MA YIN NO, ,TSUL KHRIMS DANG YON TAN MTSUNGS PA'I GONG MA DAG RNYED KYANG NYE BAR STEN PA MA YIN NO, ,GZHAN GYI RJES SU 'TSO BA NI, MA YIN GYI, DE BZHIN DU GRONG DANG, GRONG KHYER DANG, TSONG DUS DAG TU SONG NAS RNYED PA DANG BKUR STI'I RGYU DAG GI TSUL KHRIMS DANG YON TAN SNYING POR BYAS TE BRJOD PAR NI, MI BYED DO, ,BLO RNAM PA SNA TSOGS PAR G-YENG BAR BYED PA'ANG MA YIN NO, ,BRKAM ZHING CHAGS PA'ANG
, ,MA YIN NO, ,GRONG DANG THAG NYE BAR GNAS PAR BYED PAS DGA' BAR 'GYUR BA MA YIN NO, ,SNGON GYI GNYEN BSHES DANG MDZA' BO RNAMS DANG MCHOG CING BLTA BA'I DON DANG, DE'I KHYIM DU 'JUG PA BLO LA MANG DU RGYU BAR MI 'GYUR RO, ,YOD PA MA YIN PA'I YON TAN RNAMS RJOD PAR MI BYED LA YOD PA'I YON TAN RNAMS KYANG RJOD PAR MI BYED DO, ,YOD PA'I YON TAN RNAMS SPANG BAR YANG MI BYED DO, ,YANG DAG PA JI LTA BA BZHIN DU YON TAN DANG SKYON RNAMS STON PAR GYUR NAS RGYAB KYI SHA SBYIN PAR BYED PA'ANG MA YIN NO, ,MTHONG BA'I DUG CAN BZHIN DU RNAM PA DU MAR YANG BUD MED KYI 'GRO BA RNAMS YONGS SU SPONG BAR BYED DO; ;DE DANG LHAN CIG TU SMRA GLENG BYED PAS GNAS PA'I RANG BZHIN CAN YANG MA YIN NO, ,LJON SHING DANG, NAG SA DANG, ME TOG KUN TU RGYAS PA RNAMS SU RGYA BA'I RANG BZHIN CAN MA YIN NO, ,BDAG DGA' BAR 'GYUR BA'I YID DON DU GNYER BAS NYE BAR BGROD PA MA YIN NO, ,DGA' BAR 'GYUR BA'I BYA'I SGRA KUN TU SGROG PA RNAMS LA NYAN PA'I 'DOD CHAGS KYI SKYON KYI 'JIGS PAS GANG GI PHYIR DE'I SNYING GIS SEMS PA DANG RNA BA DANG YID GTOD PAR BYED PA MA YIN
NO; ;SGRA DE DAG RNAMS GANG YIN PA'I SKYON GYIS 'JIGS PAS BYA RNAMS KYI SGRA DANG, GZHAN GYI SGRA RNAMS KYANG NYAN PAR MI BYED, CHU KLUNG GI SGRAS GANG BA'I YUL PHYOGS SGOM PAR MI BYED, SGRA'I SKYON GYIS YID 'PHROG PAR MI 'GYUR RO, ,DRI DANG LDAN PA'I ME TOG MANG BA DANG, 'KHRI SHING RNAMS DANG, LJON SHING RNAMS SHIN TU PHAL CHE BA DANG, NYE BAR BSAM GTAN BYED PA DANG, NYE BAR 'GRO BA DANG, NYE BAR 'GRO BA'ANG MA YIN TE, YID DU 'ONG ZHING YID DU 'ONG BAR GYUR PA'I DRI RNAMS LA'ANG SNA PHYOGS PAR 'GYUR BA'I SKYON GYIS YID KHYER BA'I PHYIR RO, ,SGRO RNAMS RNAM PAR BKRA BAR GYUR PAS DGA' BA'I KHA DOG SNA TSOGS PA'I BYA RNAMS 'DOD CHAGS LA CHED CHER BYED PAR GYUR PA'I NGANG NGUR DANG, SHANG SHANG TE'U DANG, RMA BYA RNAMS KYANG LTA BAR BYED PAS RNAM PAR RGYU BA MA YIN NO, , GANG GI PHYIR YID 'PHROG PAR BYED PA DUD 'GRO'I SKYE GNAS PA RNAMS SAM, BUD MED DAG GAM, SHING TOG N'A dI KE RA DANG, PA NA SA DANG, CHU SHING GI 'BRAS BU DANG, AA MRA DANG, DPAL 'BRAS DANG, KA PI TTHA DANG, BA RU shA DANG, KHA RDZU RA'I NAGS RNAMS SU'ANG BSAM GTAN MI BYED DE, YID ROS 'PHROG PA MA YIN PA'I
, ,PHYIR RO, ,DE BZHIN DU DBANG BA'I DON RNAMS LA MTHONG BA DANG BRAL BAR GYUR PA'I ZHI BA'I NYE BA'I NAGS RNAMS LA BRKAM CHAGS MED PAS MA 'DRES PA'I BDE BAR RGYU BA'I DGA' TSAL LA GCIG TU PHYOGS PA'I YID KYIS BSAM GTAN DU BYED DE, DES RTAG TU BRTZON 'GRUS BRTZAMS PA PHYIR RGOL PA LTA BUR GYUR PA DANG LHAN CIG TU G-YUL 'GYED DO, ,SKYON CHUNG DU YANG MA YIN PA YANG BAR DU GCOD PAR 'GYUR BA'I YID KYIS RAB TU 'BAD BAR BYED DO, ,TZAB HRAL CAN RNAMS KYIS THONG GSHOL GYIS RLOG PA MA YIN PA'I SA PHYOGS KYI PHYAG DAR KHROD PA RNAMS KYANG RNAM 'GYUR BSTAN PA'I DON DU MI LEN NO, ,SRED PA LA SOGS PA RNAMS KYI BZHIN BDE BAR GNAS PAR 'GYUR BA NI, MA YIN NO, ,'DI NI, GTZANG BA DANG BCAS PA'I LHUNG BZED KYIS RGYU BA DE'ANG ZAS SKOM RNAMS MI 'DZIN TO, ,DNGUL DANG GSER LA SOGS PA RNAMS KYANG YID KYIS SEMS PAR MI BYED DO, ,DGA' BAR 'GYUR BA'I LHUNG BZED 'DZIN PAR 'GYUR RO, ,BRJE BSOR CAN KYI CHOS GOS RNAMS 'DZIN PAR MI 'GYUR RO, ,SGRA BRDA DANG BRAL BAS GOM PA GCIG KYANG RJES SU MI 'GRO'O, ,SROG
CHAGS 'CHI BA'I SKYEN DOGS PAR BYAS PA MI GTOGS PAR TSUL 'CHOS STEN PA PO THAMS CAD DU 'GRO BAR MI BYED DO, ,LGANG BU DANG, 'BRAS SO BA DANG, RUL PAR GYUR PA'I 'BRAS BU BA DA RA DANG, SHIN DZI T'A DANG, 'BRAS BU PA RU shA KA DANG, KHA RDZU RA DANG, KA d'A PA DANG, RGYAL PO'I 'BRAS SO BA DANG, MON SRAN GRE'U RNAMS MA BTAGS PAR ZA BAR MI BYED DE, SRIN BU DAG 'DI DAG GI NANG NA GNAS PA YIN PA'I PHYIR RO, ,SKRA BSHAD PA'I SO MANG MA YIN, RDUL BA LAS BYUNG ZHING RANG GI LUS LAS LANGS PA'I SRIN BU RNAMS SPONG BAR MI BYED DO, ,CHOS GOS DAG LA'ANG GNOD PA'I 'JIGS PAS KYANG GOM PA GCIG TZAM DANG, STAN GCIG LA 'DUG PA DANG, GZHAN GYI LHUNG BZED LA LTA BAR YANG MI BYED DO, ,ZAS LA BRKAM ZHING CHAGS PAS DANG, BSOD PA'I 'BRAS SO BA LA'ANG LTA BAR MI BYED DE, RANG GI DON LUS KYI NGO BOR BYED PA KUN TU SPONG NGO, ,SRIN BUS KUN TU GANG BAS BSLAD PA'I SA PHYOGS SU GCIN DANG GCI BA GTONG BAR MI BYED DE, SRIN BU LA GNOD PA'I 'JIGS PAS 'JIGS PA'I PHYIR RO, ,BSOD SNYOMS LA 'JUG PAR BYED PA NA'ANG GNYA' SHING GANG TZAM DU LTA BAR 'GYUR RO, ,DRANG PO DANG DRANG PO LA RTEN PAR GYUR PA'I DGE SLONG 'DUS PA RNAMS
, ,LA MI STEN PA, ZHEN PA MED PA, SNYING LAS CHUNG BAR GYUR PA, RTAG TU BSAM GTAN GYI DBANG DU BYAS TE DGA' BAS BRTZON 'GRUS BRTZAMS BAR GYUR PA'O, ,DE LA 'DI NYID NI, TSUL 'CHOS PA MED PA DANG, DE NYID TSUL KHRIMS RNAM PAR DAG PA DANG, DE NYID 'TSO BA RNAM PAR DAG PA DANG, GCIG TU PHAN PA GTZANG ZHING DAG PAR GYUR PA YIN TE, DE NYID JI SKAD DU BSHAD PA'I BSLAB PA'I GZHI LA GNAS PA RNAMS KYI YIN NO, ,DE JI LTA JI LTAR BDAG NYID KYI 'GRO BA 'DOD PAR GYUR PA DE KHO NA BZHIN DU SKYE BAR 'GYUR RO, ,THAMS CAD DU'ANG 'TSO BA DAG PA 'DI'I RNAM PAR RTOG PA RNAMS KYANG DGE BA'I SEMS KYIS KUN NAS BSLANG PA RNAMS SKYE BAR 'GYUR RO, ,DE NAS DE'I DUS NA BCOM LDAN 'DAS THAMS CAD SKYO BA DES TSIGS SU BCAD PA GSUNGS PAR GYUR PA JI LTAR, 'TSO BA DAG PA RNAM DAG PA'I, ,LUS NGAG LAS NI ZHI BA YIN, ,RAB TU DBEN PA'I BSAM GTAN PA'I, ,SHIN TU MYA NGAN 'DAS RING MIN, ,BAG MED PAS NI GZUNG DKA' BA'I, ,DUR KHROD DANG NI NAGS RNAMS STEN, ,RTAG TU SA GZHI'I MAL STEN CAN, SHIN TU MYA NGAN 'DAS RING MIN, ,GOS HRUL PHYAG DAR KHROD KYI MAL, ,LHUNG BZED GOG PO GCIG
DE DANG, ,'BRAS BU RTZA BAS CHOG SHES PA, ,DE NI BDE BAR SANGS RGYAS BZHED, ,'DOD PA LDAN PA MI RNAMS KYIS, ,CHOG SHES DANG NI MNGON DGA' BA, ,BRTAN PA LEGS PAR DPYOD PA PO, ,SHIN TU MYA NGAN 'DAS RING MIN, ,TSUL 'CHOS DRI MA DANG BRAL BA'I, ,RDUL GYI 'CHING PA LAS SKYOB PA, ,SEMS NI NAM MKHA' DANG MTSUNGS PA'I,, MYA NGAN 'DAS PA RING BA MIN, ,DE LTAR BCOM LDAN 'DAS DES TSUL 'CHOS PA MED PA'I DGE SLONG LA RAB TU BSNGAGS PAR MDZAD DO, ,DE LA CHOS BDUN PO DE DAG RNAMS DANG GANG YANG DAG PAR LDAN PA'I SKYES BU DE DAG NI, SKYES BU DAM PA YIN NO, ,GANG YANG 'DOD PA RNAMS BSTEN PAS RNAM PAR RGYU BAR GYUR PA 'KHOR BAR BYING PA RNAMS LA NI; DUD 'GRO DANG MTSUNGS PAR GYUR PA'I MI'I MING CAN NO, ,DE LA CHOS BDUN PO DE DAG RNAMS DANG YANG DAG PAR LDAN PA'I SKYES BU DE NI, RAB TU BSNGAGS PA YIN NO; ;LUS ZHIG NAS MTHO RIS BDE 'GRO'I 'JIG RTEN GYI LHA RNAMS SU SKYE BAR 'GYUR RO, ,YONGS SU LHAG PAR GYUR PA RNAMS KYIS KYANG MYA NGAN LAS 'DAS PA THOB PAR 'GYUR RO, ,MCHOG TU DGE BAR GYUR PA'I CHOS BDUN PO DE DAG RNAMS KYANG 'DI LTA STE, DGE BA'I BSHES GNYEN BSTEN PA DANG, THOS PA DANG LDAN PA DANG,
, ,SGRUB PA DANG LDAN PA DANG, LE LO MED PA DANG, DRAN PA DANG LDAN PA DANG, GZHAN RNAMS LA GDUNG PAR MI BYED PA DANG, TSUL 'CHOS PA MED PA DANG STE, RIN PO CHE CHEN PO DE BDUN GYI NOR RNAMS KYIS LHA NYID 'THOB PAR YANG 'GYUR RO, ,DGA' BA RNAMS THOB NAS BAG MED PAS ZAD PAR BYED DO; ;DE RNAMS SLAR YANG 'KHOR BA KHO NAR KHA MNGON DU PHYOGS PAR 'GYUR LA, DMYAL BA DANG, YI DVAGS DANG, DUD 'GRO RNAMS NYID DU PHAL CHER SKYE BAR 'GYUR RO, ,DE'I PHYIR NA LHAS BAG MED PAR BYA BAR MI 'OS TE, BDAG NYID KYIS LEGS PAR GO BAR GYIS, SRID PA RNAMS NA NAM YANG BAG MED PA RNAMS KYIS BDE BAR 'GYUR BA NI, 'GA' YANG MED DO, ,DE LA CHOS CHEN PO BDUN PO DE RNAMS KYIS MI RNAMS LHAR SKYE'O, ,RGYU RNAM PA GSUM GYIS LHA'I 'JIG RTEN PA RNAMS LAS SHI 'PHOS NAS DMYAL BA DANG, YI DVAGS DANG, DUD 'GRO RNAMS SU SKYE BAR 'GYUR TE, GSUM PO RNAMS GANG ZHE NA, 'DI LTA STE, DAM PA'I CHOS BSGRAGS PA NA MI NYAN PA DANG, SDIG PA LA BSNYEN PA DANG, DGE BA'I BSHES GNYEN MA YIN PAR DGE BA'I BSHES GNYEN LTAR 'CHOS PA DE DAG
RNAMS LA DAD PAR BYED PA STE, CHOS DE DAG RNAMS KYIS LHA'I 'JIG RTEN RNAMS NAS SHI 'PHOS NAS DMYAL BA YI DVAGS DUD 'GRO RNAMS SU SKYE'O, ,'THAB BRAL BA RNAMS KYI MNGA' BDAG MU SU LUNDHA DES LHA DE DAG RNAMS LA 'DI SKAD CES BRJOD DO, ,GANG BCOM LDAN 'DAS DES GSUNGS PA DE DAG THAMS CAD KHYED KYIS THOS SAM; DE NAS LHA DE DAG RNAMS THAMS CAD KYIS BRJOD PAR GYUR PA NI, JI LTA BA BZHIN DU MDO DE DAG RNAMS THOS SO, ,BCOM LDAN 'DAS THUGS BRTZE BA DANG LDAN PA 'JIG RTEN LA PHAN PAR MDZAD PAS BAG MED PA RNAMS GDUL BAR BYA BA'I DON DU MDO 'DI BSTAN PA YIN LA, DE DAG THOS NAS KYANG JI LTAR DMYAL BA DANG, YI DVAGS DANG, DUD 'GRO RNAMS SU SLAR YANG SKYE BAR MI 'GYUR BA DE LTAR GYIS SHIG ,NOR CHEN PO RNAMS GANG GI RGYUS LHA'I SKYE BAR GYUR PA KHYED KYI RTZED MO 'DI DAG YIN GYI, DE NI; BAG MED PAS 'DA' BAR MI 'OS SO, ,RAB TU LHUNG BAR GYUR TA RE, BCOM LDAN 'DAS DES LHA'I MCHOG RNAMS LA MDO 'DI JI LTA BA BZHIN DU BSTAN PA YIN NO, , STONG PHRAG SUM CU RTZA DRUG PA'I MDO LAS, BCOM LDAN 'DAS THAMS CAD SKYOB KYIS GSUNGS PA STE, BZHI PA RDZOGS SO,, ,,DE NAS LHA RNAMS KYI
, ,MNGA' BDAG MU SU LUNDHAS DE LTAR LHA RNAMS LA BSTAN ZHING SKYO BA YANG NGES PAR BSKYED NAS GZHAN YANG 'KHOR BA NA SDUG BSNGAL BRGYA STONG DU MA RNAMS KYIS YONGS SU GANG BAR GYUR PA, SDUG PA DANG RNAM PAR BRAL BA RNAMS DANG, MI SDUG PA DANG PHRAD PA RNAMS DANG, RGA BA DANG, 'CHI BA DANG MYA NGAN DANG, SMRE SNGAGS 'DON PA DU MA RNAMS KYIS KUN TU GANG BAR GYUR BA DANG, PHUN SUM TSOGS PA DANG, RGUD PA'I MI LAM LOG GI SDUG BSNGAL GYI RANG BZHIN RNAMS KYIS GANG BAR GYUR PA'I PHYIR NA, DE NAS YANG LHA DE DAG RNAMS KYI YID LAS SU RUNG BAR GYUR BA LEGS PAR MNGON PAR MTHONG BAR GYUR NAS GZHAN YANG PHAN PAR BYED PAS RJES SU 'DZIN PA'I PHYIR NA 'DI SKAD BRJOD PA, SBYIN PAR 'GRO BAR 'DOD PA'I LHA RNAMS BAG MED PAS BAG MED PAR GNAS PA RNAMS SRID PA GZHAN GYI DUS KYI GNAS SKABS STENG DU GNAS PAR GYUR PA NA, 'GYOD PA'I DUS SU PHYIN PA SDUG BSNGAL CHEN PO SKYES PAR GYUR PA KUN TU NYE BAR GNAS PA RNAMS LA CI'ANG BYAR MED PA'I DUS SU SONG BA NA LAS KYI THAG PAS KUN NAS BCINGS NAS GCIG PU ZHIG GROGS MED PAR KHRID PAR GYUR PA NA
LHA'AM; MI'AM, KLU'AM, DMYAL BA PA RNAMS KYANG RUNG STE, 'CHI BDAG GI ZHAGS PAS KHRID PAR GYUR PA LA CHOS MA GTOGS PA'I GROGS SU GYUR PA NI, 'GA' ZHIG KYANG YOD PA MA YIN NO, ,LHA'I BDAG PO, CHOS RNAMS NI, SEMS CAN GYI RGYA MTSO THAMS CAD LAGS SO, ,SLAR YANG 'THAB BRAL GYI BDAG PO DE NYID KYIS 'DI SKAD CES BRJOD DO, ,DE DE BZHIN TE, CHOS DANG CHOS MA YIN PA RNAMS MA GTOGS PA 'GA' ZHIG KYANG 'GA' ZHIG GI GROGS SU MI 'GYUR RO, ,DE DAG GANG YIN PA LHA DAG GIS NGES PAR GO BAR GYIS SHIG ,DE LA GZHAN LA DAD PA'I SA BON 'PHEL BAR BYA BA'I RGYU MTSAN DU DANG, BDE LEGS THOB PAR BYA ZHING THOB PA'I DON DU DANG, SDUG BSNGAL MTHAR THUG PAR GZHOM PA'I DON DU DZAMBU CHU BO'I GSER GYI RANG BZHIN GZHAN 'DI MU TIG GI DRA BAS G-YOGS PA, RIN PO CHE BDUN GYI GA BAS NYE BAR MDZES PAR GYUR PA, RIN PO CHE SNA TSOGS PAS RAB TU GSAL BAR BYAS PA DE'I DER BDAG CAG RNAMS THAMS CAD NYID NYE BAR LEGS PAR 'GRO BAR BYA STE, BCOM LDAN 'DAS GSER THUB 'DI'I MCHOD RTEN DER 'JUG PAR BYA BA DANG, JI LTA BA BZHIN DU BDAG CAG GIS BLTA BAR BYA'O, ,DE DAG THAMS
, ,CAD JI LTA BA BZHIN DU BDAG CAG GIS BYA STE, RANG NYID LA PHAN PA DANG, 'KHOR BA LAS NGES PAR 'BYUNG BA DANG, MYA NGAN LAS 'DAS PA THOB PAR BYA'O, ,DE NAS LHA DE DAG RNAMS KYIS 'THAB BRAL GYI BDAG PO'I TSIG NYE BAR THOS PA DANG GUS PA LEGS PAR SKYES PAR GYUR PAS RGYAGS PA DANG NGA RGYAL RNAM DANG RNAM PAR BRAL BA, DBANG PO RAB TU GSAL BAR GYUR PAS GANG NA BCOM LDAN 'DAS DRANG SRONG GI MCHOG GSER THUB DE'I MCHOD RTEN 'DI KUN TU LHAM ME BA BZHUGS PA DER TE, SNGAR BZHIN NO, ,DE NAS LHA DE DAG NYID THAMS CAD MU SU LUNDHA DANG BCAS PA RNAMS GANG GI TSE DRANG SRONG MCHOG GI SKU GDUNG DE'I DRUNG DU NYE BAR LEGS PAR 'GRO BA'O, ,NYE BAR LEGS PAR PHYIN PA DE DAG RNAMS LA GZHAN YANG 'THAB BRAL BA'I BDAG PO DES 'DI SKAD CES SMRAS SO, ,MCHOD RTEN 'DI'I NANG DU YANG DE BZHIN GSHEGS PA GSER THUB DES 'JIG RTEN PA RNAMS LA PHAN PA DANG, 'JIG RTEN LA BYAMS SHING RJES SU BRTZE BAR GYUR PAS MI RTAG PA NYID RNAM PA THAMS CAD KYI SGO NAS BSTAN PA YIN LA, DE MNGON SUM DU LEGS PAR MTHONG NAS KYANG LHA KHYOD RNAMS
THAMS CAD SHIN TU YID 'BYUNG BAR 'GYUR BA DANG, RTZIG PA 'DI DAG GI LOGS LA GANG DAG DE BZHIN GSHEGS PA DES BSTAN CING SPRUL PA MDZAD PA RNAMS LA RTAG PAR RGYUN DU BLTA BAR YANG GYIS SHIG ,DES DE SKAD CES SMRAS NAS LHA RNAMS KHRID NAS MCHOD RTEN DU ZHUGS SO, ,MCHOD RTEN DE'ANG RGYAR DPAG TSAD BCU PA'O, ,MCHOD RTEN DE'I NANG NA YANG 'DUS BYAS MA LUS PA MI RTAG PA DANG, PHUN SUM TSOGS PA RNAMS RGUD PAR 'GYUR BA DANG, LAS BDAG GIR BYA BA DANG, RANG DBANG MED PA STE; SO SO SO SOR 'GRO BA LNGA PO RNAMS YONGS SU SPRUL PA RNAMS SHIN TU DRI MA MED PA GZUGS BRNYAN GYI GZUGS RNAMS SO SOR MTHONG BA YIN TE, MCHOD RTEN, GYI RTZIG LOGS LA GZUGS DE DAG YONGS SU RDZOGS PA DANG BCAS PA SHIN TU GSAL BA SO SO SO SOR GYUR BA DANG, RNAM PA SNA TSOGS PAR GYUR PA RNAMS GSAL BAR MTHONG NGO, ,DE DAG RNAMS LAS YUL PHYOGS GCIG NA DMYAL BA BRGYAD MTHONG BA 'DI LTA STE, YANG SOS DANG, THIG NAG DANG, BSDUS 'JOMS DANG, NGU 'BOD DANG, NGU 'BOD CHEN PO DANG, TSA BA DANG, RAB TU TSA BA DANG, MNAR MED PA'I DMYAL BA RNAMS SU YANG RAB TU LTUNG BAR 'GYUR PA'I LHA RNAMS
, ,MNGON PAR MTHONG BA LA RANG GI LAS KYI RLUNG GIS RAB TU LTUNG BAR GYUR PA MGO BO NI, THUR LA, RKANG PA NI, GYEN LA BSTAN PA, NYE 'KHOR KUN NAS RAB TU 'BAR BA'I LUS CAN RNAMS THAMS CAD DU KYI DSHU KA'I SHING 'DRA BAR GYUR PA DE SRID DU MTHONG BAR GYUR PA, LHA'I RIS NAS DE SRID DU 'OG TU RAB TU LTUNG BAR GYUR PA, RNAM PAR KHROS PA'I YID KYIS KUN TU DU BAR BYED PA, RANG GI SEMS KYIS YONGS SU BSLUS PA, LEGS PAR BYAS PA'I LAS RNAMS YONGS SU ZAD PA, BAG MED PAS RNAM PAR RGYU BAS BSLUS PAR GYUR PA, BDE BA'I MCHOG RNAMS LA LONGS SPYOD NAS SDUG BSNGAL GYI MCHOG LA LONGS SPYOD PA LA GCIG PU ZHIG GROGS DANG GNYEN RNAMS KYIS YONGS SU SPANGS NAS SKYABS MED PA'I DMYAL BAR LTUNG NGO, ,'DI LA DANG PO KHO NAR RE ZHIG RGYAL CHEN BZHI'I RIS KYI LHA RNAMS RAB TU LTUNG BAR GYUR PA RNAMS MNGON PAR MTHONG STE, DE DAG LA SROG GCOD PA'ANG YOD DE, SROG GCOD PA'I SKYON DANG MA BYIN PAR LEN PAS KYANG NGO, ,JI LTAR SROG GCOD PAR BYED PA YIN NA, RGYAL CHEN RIS BZHI'I LHA DE DAG RNAMS KYANG LHA DANG LHA MA YIN RNAMS KYI 'KHRUG PA LA SROG GCOD
PAR BYED DE, ,RTAG TU'ANG RNAM PAR RGYAL BAR 'GYUR TE, COD PA NA 'PHROG PA DANG, MTSON RNAMS 'PHEN PAR BYED DO, ,LAS DU MA'I RKYEN RNAMS KYIS KYANG STE, LAN GRANGS GZHAN LA MYONG BAR 'GYUR BA'AM, LAS GZHAN RNAMS KYIS KYANG LHA RANG GI SEMS KYIS BSLUS PA RNAMS NI, CI NAS KYANG LTUNG BAR 'GYUR RO, ,GANG GI TSE LHA RNAMS 'CHI 'PHO BAR 'GYUR BA NA PHUNG PO RNAMS 'GAG PAR 'GYUR RO, ,DE'I TSE NA DMIGS PA RNAMS 'JUG PA DANG, DMYAL BA PA RNAMS KYI SRID PA BAR MA DOR RAB TU 'BYUNG BAR 'GYUR TE, DES BDE BA LAS SDUG BSNGAL LA MTSAMS SBYOR BA THOB PAR 'GYUR NA, 'KHOR BA PA GZHAN RNAMS GANG DAG RNAM PA DU MA'I SGO NAS DMYAL BAR 'GYUR BA'I ZUG GZER GYI SDUG BSNGAL DU GYUR PA RNAMS LA SMOS KYANG CI ZHIG DGOS, DE LA LAS CHEN PO 'DIS SHIN TU MNAR BA GANG YIN PA'I SEMS CAN RNAMS LHA RNAMS NAS SHI 'PHOS NAS DMYAL BA RNAMS SU SKYE'O, ,DE LTAR LHA DE DAG RNAMS KYIS BCOM LDAN 'DAS DES SPRUL PA GANG YIN PA'I SPRUL PA RNAMS MTHONG NGO, ,GZHAN YANG YUL PHYOGS GZHAN NA RGYAL CHEN BZHI'I RIS KYI LHA RNAMS LHA'I 'JIG RTEN NAS SHI 'PHOS NAS YI
, ,DVAGS SKYES PA RNAMS MTHONG STE, RNAM PA DE SRID KYI ZAS BDE BA DE DAG RNAMS LAS RNAM PA DE SRID KYI BKRES PA DANG SKOM PA SHIN TU CHE BA'I DGON PA RNAMS SU SKYE BAR 'GYUR RO, ,RNAM PA DE SRID KYI GOS RNAMS KYIS BKAB PAR GYUR PA'I RNAM PA DE SRID KYI SKRAS GDONG MI MNGON PA MUN PAR GYUR PA KUN TU SKYED DO, ,DE NAGS KYI SHING DA BA TSIG PA DANG 'DRA BAR GYUR NAS KHA CIG NI, KUN NAS SREG LA, KHA CIG NI, RAB TU 'BAR BA'I LCAGS BSREGS GCAL DU BKRAM PA'I DGON PAR BKRES PA DANG SKOM PA DAG GI MYA NGAN GYIS GDUNGS PAR GYUR YANG 'BAB PAR GYUR PA'I RLAN GYI TSAD TZAM GYI CHU YANG MI RNYED DO, ,LHA'I 'JIG RTEN LA RNAM PAR RGYU BAR GYUR PA LAS SHI 'PHOS NAS YI DVAGS KYIS GZHI RNAMS PA SUM CU RTZA DRUG NA NYE BAR TSED BAR 'GYUR PA RNAMS LEGS PAR MTHONG BA NA BYA ROG DANG, 'UG PA DANG, BYA RGOD RNAMS KYIS KHA GDONG DANG MIG DAG KUN NAS ZA BA RNAMS MTHONG PAR 'GYUR TE; MNAN NA NEM PA BTEG NA 'PHAR BAS RAB TU LTEM PA, MNYEN PA SHIN TU 'JAM PAR GYUR BA'I RNAM PA DE SRID KYI MTHO RIS KYIS LAS SPYAD NAS SLAR YANG YI
DVAGS KYI SRID PAR SKYE BAR GYUR NAS ME MA MUR BDUN GYIS SHIN TU RTZUB PA DANG LDAN PA, RDO RJE'I MCHU RNAMS KYIS RKO BAR BYED PAR GYUR LA, RTZA DU RBHA'I TSER MA RGYA CHEN PO RNAMS KYIS KUN NAS GANG BAR GYUR PA MTHONG NGO, ,GZHAN YANG RNAM PA DE SRID KYI DRI RNAMS BSNAMS PAR GYUR PA LA MAND'A RA BA DANG, KU SHE SHA KO DANG, DRI'I 'BYUNG GNAS RGYA CHEN POR GYUR PA RNAM PA BRGYA STONG PHRAG DU MA RNAMS BSNAMS NAS PHYIS YANG MI GTZANG BA RNAM PAR SME BAR GYUR PA'I BSHANG GCI DANG MI RO'I DKYIL DU NGUR KHROD NA RGYU BA'I YI DVAGS SU GYUR NAS RNAM PA DU MA DE SRID KYIS MI GTZANG BA'I DRI RNAMS SNOM PAR BYED DO, ,DE DAG RNAMS KYI SNA BUG NA NI, RAB TU 'BAR BAR GYUR BA'I GROGS MA RNAMS KYIS KUN TU GANG BAR 'GYUR TE, YI DVAGS DE DAG RNAMS YI DVAGS KYI SKYE GNAS SU SKYE PAR GYUR PA RNAMS LA YIN NO, ,DE BZHIN DU'ANG SNGON GYI SKYE GNAS SU SKYES PA RNAMS RNAM PA SNA TSOGS PA'I BDE BA'I YO BYAD KYI ZAS DAG 'DOD PAR GYUR PA'I MDOG DANG, RO DANG, DRI DANG, BDE BA'I REG PA RNAMS PHUN SUM TSOGS PAR GYUR PA LAS, YANG PHYIS YI DVAGS KYI SKYE GNAS SU SKYES PA RNAMS LA MTHO BRTZAMS PA LAS KYANG MTHO BRTZAMS PAR GYUR PA'I SHIN
, ,TU YANG MI GTZANG BAR GYUR BA RO DANG DRI RNAMS BLA LHAG PAR DMAN PAR GYUR PA LA, GAL TE SHED NA LO BRGYA PHRAG DU MA'I SHIN TU MI GTZANG BA'I BSHAD PA RNAMS SO, ,YANG NA LUS SHIN TU RING BAR GYUR PA NYID KYIS RTUG PA RNAMS ZA BAR BYED PA DE BZHIN DU MCHOD RTEN GYI LOGS LA MTHONG BAR GYUR LA LUS LA'ANG MCHOG TU 'JAM PAR GYUR PA, MCHOG TU SRAB PA, MA BRTAGS PA, RIN PO CHE DU MAS NYE BAR MDZES PAR GYUR PA, MTHO RIS KYI RJES SU MTHUN PA MCHOG TU DGA' BAR GYUR PA'I GOS RNAMS GYON PAR GYUR PA NA'ANG RLUNG GIS BSKYOD PA, ME TOG SNA TSOGS PA'I KU SU MA'I DRI DANG YANG DAG PAR LDAN PA RNAMS LA NYE BAR BSTEN PAR BYAS PA'I LAS RNAMS YONGS SU ZAD NAS PHYIS YANG YI DVAGS KYI 'JIG RTEN DU SKYES PA NA SHIN TU'ANG GCER BUR GYUR PAS LANGS PA'I LUS SHIN TU 'THUG CING RTZUB PA, SER PO'I SKRAS KUN TU BKAB PA'I LUS LA SRIN BU BRGYA STONG GIS BSKOR BAR GYUR PA DANG BCAS PAS GANG BAR GYUR PA RNAMS KYIS RAB RAB KRUM KRUM ZA BAR BYED PAS SNUM KHUR 'DRA BAR ZA BAR BYED PA'I YI DVAGS KYI 'JIG RTEN DU SKYES PA'I
BKRES PA DANG, SKOM PAS BSREGS PA'I LUS CAN RNAMS NYI MA RE RE ZHING DU BA MCHI MA 'DZAG PAS DU BAR BYED PA'I BZHIN GYIS DUS RING DU RNAM PA DU MAR SHIN TU RTZUB PA'I YI DVAGS KYI SDUG BSNGAL RNAMS NYE BAR LONGS SPYOD PA YIN TE, BAG MED PAS BSLUS NAS LHA'I 'GRO BA NAS YONGS SU NYAMS PAR GYUR PAS YI DVAGS KYI SRID PAR SONG BA YIN NO, ,GZHAN YANG MCHOD RTEN GYI RTZIG LOGS KYI YUL PHYOGS GZHAN ZHIG NA TSOGS PA RGYU BA NA RNAM PAR RGYU BA'I LHA DANG, RGYAL CHEN BZHI'I RIS KYI LHA RNAMS 'CHI 'PHO BAR GYUR PA NA DUD 'GRO'I SKYE GNAS PA RNAM PA DU MAR NYE BAR SKYE BAR 'GYUR BA SNA TSOGS PA'I YUL DANG, SA DANG, RIGS RNAMS DANG, GNAS GSUM DU 'GRO BA LA 'DI LTA STE, CHU NA NI, CHU LA RGYU BA RNAMS PHAN TSUN ZA BAR GYUR PA SHIN TU 'JIGS PAR GYUR PA'I GRANG BA DANG TSA BAS BYAS PA'I SHIN TU RTZUB PAR GYUR PA'I GNAS SKABS RNAMS LA NYE BAR LONGS SPYOD PAR GYUR BA'O, ,THANG LA NI, THANG LA 'GRO BA RNAMS NYI MA'I 'OD KYIS BSREGS PAR GYUR PAS YONGS SU NYAM THAG PAR BYED PA'I BKRES SKOM GYIS LUS RNAM PAR BSREGS PAR GYUR PA RNAMS PHAN TSUN DU GSOD CING 'CHING BAR BYED PA'I 'JIGS PA RNAMS KYI 'JIGS
, ,PAR GYUR PA, MCHOG TU SDUG BSNGAL BAR GYUR PA RNAM PA BRGYA STONG DU MA'I GNAS SKABS NYE BAR LONGS SPYOD PA LA BYED PA, MI DGE BA'I LAS RNAMS KYIS YONGS SU BSKUL NAS RNAM PA DE SRID DU NAGS DANG NYE BA'I NAGS RNAMS NA DUD 'GRO RNAMS NYE BAR LONGS SPYOD PAR BYED PA RNAMS BRJOD PAR SLA BA YANG MA YIN NO, ,DE BZHIN DU NAM MKHA' LA YANG NAM MKHA' LA 'GRO BAR GYUR PA'I CHEN PO RNAMS DANG, SHIN TU PHRA BA RNAMS DANG, TSOGS PAR GYUR PA DANG, TSOGS PA MA YIN PA RNAMS KYI LUS CAN GYI BYA RNAMS PHAN TSUN DU GNOD PA BYA BAR SEMS PAS BSKYED PA'I SHIN TU SDUG BSNGAL BAR GYUR PA'I MI BZAD PA'I GNAS SKABS RNAMS LA NYE BAR LONGS SPYOD DE, LHA BAG MED PAS YONGS SU BSLUS NAS DUD 'GROR SKYES PAR GYUR PA RNAMS YIN NO, ,DE BZHIN DU GZHAN GANG DAG MNGON PAR BAG MED PAS NYE BAR BCOM PA RNAMS LAS KHYAD PAR DU 'PHAGS PA DGE BA'I LAS CAN DE DAG RNAMS NI, LHA'I 'JIG RTEN NAS RAB TU SHI 'BOS NAS MI RNAMS KYI 'JIG RTEN DU SKYES PAR GYUR NAS LEGS PAR BYAS PA'I LAS RNAMS ZAD PAS JI LTA BA'I DGE BA'I LAS RNAMS LA
LONGS SPYOD PAR BYED DO, ,DGE BA DANG MI DGE BA'I LAS RNAMS LA LONGS SPYOD PAR BYED PAS MI'I 'JIG RTEN DU SKYES PA NI, THAMS CAD NYID KYANG YONGS SU TSOL BA'I SDUG BSNGAL DU BYING BAR GYUR PA DMAN PA DANG, BAR MA DANG, KHYAD DU 'PHAGS PA RNAMS 'BYOR BA JI LTA BA BZHIN DU YUL DANG DUS RNAMS SU CHOS SGRUB PA DANG RJES SU MTHUN PAR GYUR PA'I 'PHEL BA DANG 'GRIB PA RNAMS MCHOD RTEN GYI RTZIG LOGS LA GSAL BAR MTHONG BAR GYUR TO, ,DE LA GAL TE SHED NA LEGS PAR BYAS PA'I LAS DE DAG RNAMS BSTEN CING BSGOMS LA LAN MANG DU BYAS PAR GYUR PA'I BSNYEN GNAS 'PHAGS PA'I LAM YAN LAG BRGYAD KYI LAS BYAS PAR GYUR PA MA CHAD PA, MA GOL BA, MA ZAGS PA DANG, BRTAN PA DANG, SEMS KYIS SHIN TU LEGS PAR SBYANGS PA'I LAS DE DAG RNAMS SAM, GZHAN YANG LAS RNAM PA GSUM MCHOG TU PHAL CHE BA'I LEGS PAR BYAS PA'I LAS KYIS 'PHANGS PA NGES PAR 'DOD PA'I RNAM PAR SMIN PA DKON MCHOG GSUM LA SKYABS SU 'GRO BAS 'PHANGS PAR GYUR PA'AM, SEMS CAN RNAMS LA'ANG MI 'JIGS PA'I SBYIN PA DANG, CHOS KYI SBYIN PA DAG GIS 'PHANGS PAR GYUR PA'AM, GZHAN
, ,YANG DE DAG DANG RJES SU MTHUN PAR GYUR PA RNAMS KYANG RUNG STE, RNAM PA 'DI LTA BU DAG GIS LEGS PAR BYAS PA SHIN TU RNAM PAR DAG PA'I SEMS KYIS BSGOMS PAR GYUR PA'I YID RAB TU DANG BAS 'BANGS PAR GYUR PAS SAM, LAS DE DAG RNAMS KYIS KYANG GCIG TU RAB TU DANG BA'I YID KYIS PHA DANG MA DAG LA'AM, SBYIN PA DANG, TSUL KHRIMS DANG, SHES RAB RNAMS LA LEGS PAR SPYAD CING LEGS PAR BYAS PA'I LAS RNAMS SAM, DE YANG NA NAD PA DANG, MGON MED PA DANG, DBUL BA RNAMS DANG, NAD KYIS NYE BAR GTZES PA RNAMS LA SMAN PA DANG, SMAN DANG, G-YOG BYED PA DANG BRAL BA RNAMS LA DUS YUN RING DU NAD KYI RKYEN SMAN DAG BYIN PAS 'PHANGS PAR GYUR PA'AM, YANG NA DES SROG GCOD PA DANG, MA BYIN PAR LEN PA DANG, 'DOD PA LA LOG PAR SPYOD PA DANG, CHANG 'THUNG BA LA SOGS PA RNAMS RNAM PAR SPANGS PAS SAM, YANG NA DES G-YANG SA DANG DONG RNAMS LAS 'BROG DGON PA RNAMS SU RDZING BU DANG CHU MIG RNAMS RAB TU SBYIN PA'I DGE BA'I LAS KYIS 'PHANGS PAS SAM, YANG NA DES DKON MCHOG GSUM MCHOD PA DANG, PHYAG
'TSAL BA THAL MO SBYOR BA'I LAS LEGS PAR BYAS PAS SAM, RGYA CHEN POR 'BAR BA DANG, RKANG DRUG GI 'JIGS PA CHEN PO DANG BCAS PA DGON PA RNAMS DANG, GSOD PAR GYUR PA DANG, MTSON CHA'I 'JIGS PAS 'JIGS PAR GYUR PA RNAMS LA RAB TU MI 'JIGS PA BYIN PAS SAM, YANG NA DES RANG SANGS RGYAS RNAMS DANG DGRA BCOM PA RNAMS LA GNAS MAL DANG, NAD KYI RKYEN SMAN DANG, NYE BAR MKHO BA RNAMS BYIN PAS SAM, DES YANG NA BU DANG BU MO RNAMS YANG DAG PA'I BDE BAS YONGS SU BSKYANGS PAR GYUR PAS SAM, MU GE'I 'JIGS PAS GZIR BA'I TSOGS RNAMS LA YANG STE, MCHOG TU DGA' BAR GYUR BA MYA NGAN LAS 'DAS PA MTHAR THUG PAR BYED PA'I LAS DE DAG RNAMS NI, JI LTAR BSNGOS PA'I 'BRAS BU RNAMS 'BYUNG BAR 'GYUR TE, JI SRID DU BYANG CHUB KYI BAR DU'ANG 'GYUR NA LHA'I SKYE GNAS RNAMS SU LTA SMOS KYANG CI DGOS, DE GAL TE LHA RNAMS NYID DU SKYE BAR GYUR NA, DE YANG LHA'I SKYE GNAS LAS NYAMS NAS SKYE GNAS 'DIR YANG SKYE BAR MTHONG NGO, ,DE LTAR SONG BA'I LHA DE DAG RNAMS KYIS RNAM PA SNA TSOGS PA'I LAS KYI DRA BAR RGYU DU MA SNA TSOGS PA'I THAG PAS STENG
, ,DU BCINGS PAR GYUR PA, SEMS CAN DU MA NYE BAR BSDUS PA'I 'KHOR BAR SEMS KYI 'KHOR LO DES SEMS CAN RNAMS NGES PAR MNAN CING NYE BAR SPREL BAR GYUR PA RNAMS JI LTA BA BZHIN DU MTHONG NGO, ,DE NAS 'THAB BRAL BA'I LHA RNAMS DANG, RGYAL CHEN RIS BZHI PA'I DE DAG RNAMS KYI LHA RNAMS 'CHI 'PHO BA DANG SKYE BA'I RANG BZHIN GYI SDUG BSNGAL CHEN PO RNAM PA DU MAR GYUR PA DE DAG RNAMS MTHONG STE, GANG BCOM LDAN 'DAS GSER THUB DES SPRUL PA RNAMS MNGON PAR MTHONG BAR GYUR NAS SUM CU RTZA GSUM PA'I LHA RNAMS KYANG DE BZHIN DU LTA BAR BYED DE, DE LA CI 'DIR YANG RGYAL CHEN BZHI'I RIS KYI SDUG BSNGAL 'DI DAG RNAMS JI LTA BA KHO NAR MCHOD RTEN GYI LOGS LA MTHONG BA YIN LA, DE KHO NA BZHIN DU SUM CU RTZA GSUM PA RNAMS KYI YANG YIN NO, ,DE NAS RAB TU BLTA BAR BYA BA'I DON DU LHA DE DAG RNAMS YUL PHYOGS GZHAN DU NYE BAR 'GRO BAR BYED DO, ,DE NAS BCOM LDAN 'DAS DE NYID KYIS YANG DAG PA JI LTA BAR 'KHOR BA'I NYON MONGS PA DANG, LAS DANG SKYE BA RGYA CHE BAR BRGYUD MAR SPREL BA RNAMS MTHONG BAR GYUR LA LONGS SPYOD RNAMS GZHAN 'PHRUL DBANG BYED
PA RNAMS DANG, SUM CU RTZA GSUM PA'I LHA RNAMS NI, JI LTAR PADMA RNAMS LA NYE BAR LONGS SPYOD PAR BYED PA, RANG GI LAS LA RNAM PAR SPYAD PA, DGE BA DANG, MI DGE BA'I LAS RNAMS LA NYE BAR LONGS SPYOD PAR BYED DO, ,DE DAG RNAMS JI LTAR LAS LA SPYOD PA YANG BDE BA DANG BDE BA MA YIN PA RNAMS KYI SKAL BA CAN DU 'GYUR TE, DMYAL BA DANG, YI DVAGS DANG, DUD 'GRO DANG, LHA DANG, MI RNAMS KYI SKYE GNAS RNAMS SU LAS KYI ZHAGS PAS KUN NAS BCINGS NAS SO SO THA DAD PA DU MAR RNAM PAR RGYU BA YIN LA SUM CU RTZA GSUM PA'I LHA RNAMS KYANG LAS KYI RLUNG GIS BSKYOD NAS 'KHOR BA NA KUN TU 'KHYAMS PA YIN PA'I PHYIR DANG, GANG NA SKYE GNAS GSUM PA RNAMS NA DMYAL BA'I LAS KYI 'BRAS BU LA YONGS SU LONGS MA SPYAD PAR GYUR PA NI, 'GA' ZHIG KYANG YOD PA MA YIN NA DE DAG RNAMS 'GRO BA LNGAR 'GRO BAR 'GYUR BA RNAMS MTHONG BA LA LTA SMOS KYANG CI DGOS, LEGS PAR BYAS PA'I LAS KYI ZHAGS PAS SBREL DU ZIN KYANG DE DAG RNAMS YANG SOS DANG, THIG NAG DANG, BSDUS 'JOMS DANG, NGU 'BOD DANG, TSA BA LA SOGS PA'I MNAR MED PA MA GTOGS PA'I DMYAL BA CHEN PO BDUN PO RNAMS
, ,SU SKYE BAR 'GYUR RO, ,MNAR MED PA'I LAS RNAMS GANG YIN PA'I RGYU RNAMS LHA RNAMS LA MED PA'I RGYU 'DI'I PHYIR NA LHA RNAMS MNAR MED PA PAR 'GYUR BA NI, MA YIN NO, ,DMYAL BA BDUN PO RNAMS SU NI, SKYE BAR 'GYUR BA'ANG YIN NO, ,SUM CU RTZA GSUM PA'I LHA RNAMS YANG SOS DER SKYE BAR MI 'GYUR BA'ANG MA YIN TE, LAN GRANGS GZHAN LA MYONG BAR 'GYUR BA'I SROG GCOD PA'I LAS RNAMS KYIS SAM, LHA DANG LHA MA YIN RNAMS KYI 'KHRUG PAS GSOD PA'I LAS KYIS KYANG RUNG STE, YUL GYI LAS KYIS RNAMS LA GNAS PA'I LHA RNAMS THAMS CAD LA YANG SROG GCOD PA DANG MA BYIN PAR LEN PA YOD LA; RGYAL CHEN BZHI'I RIS KYI LHA RNAMS DANG, SUM CU RTZA GSUM PA RNAMS LA NI, SHIN TU PHAL CHE BA YIN LA, DE BZHIN DU LHA RNAMS KYI GNAS GZHAN BZHI PO GZHAN RNAMS NA YANG YIN NO, ,DE LA SUM CU RTZA GSUM PA RNAMS KYI LAS KYI 'GROS PHRA MO 'DI DAG RNAMS KYANG 'THAB BRAL BA RNAMS KYIS SHES PAR BYED LA SUM CU RTZA GSUM PA RNAMS KYI 'CHI 'PHO BA DANG SKYE BAS BYAS PA'I LAS KYI 'BRAS BU RNAMS YUL PHYOGS 'DIR TSOGS PA RGYU BA NA SPYOD PA'I LHA
RNAMS KYIS MTHONG NGO, ,DGA' BA'I TSAL DANG, YONGS 'DU DANG, RTZUB 'GYUR DANG, SHING RTA SNA TSOGS RNAMS SU KHANG BUR RTZED MO RTZE BA LA CHED CHED BYED PAR 'GYUR ZHING YUL RNAMS LA YONGS SU LONGS SPYOD PAS NGOMS PA MED PA RNAMS LEGS PAR BYAS PA'I LAS ZAD NAS MI'I ZHAGS PAS NGES PAR BCINGS NAS DMYAL BA RNAMS SU LTUNG NGO, ,RGYU GANG DAG GIS RGYAL CHEN RIS BZHI BA RNAMS LA 'GYUR BA'I ZUG GZER DE DAG RNAMS BCU 'GYUR GYIS SUM CU RTZA GSUM PA RNAMS 'GYUR RO, ,RGYU GANG GIS SHE NA, 'DI LTA STE, KHA NA MA THO BA GANG DANG LDAN PAS LHA YUL GYI BDE BA RNAMS PHAL CHE BAR 'GYUR BA DE SRID DU 'BRAL BA'I SDUG BSNGAL CHEN PO SHIN TU MI BZAD PAR 'GYUR RO, ,LAS RNAMS NI, DPAG TU MED PA'I PHYIR DANG, SHIN TU YANG RNAM PA SNA TSOGS PA'I PHYIR RO, ,JI LTAR LUS 'DI NYID KYI MIG LA SOGS PA'I GNAS GANG DAG YIN PA RNAMS SHIN TU GZHON SHA DANG LDAN PAR GYUR PA RNAMS NI, CHES GZHON SHA DANG LDAN PA'I PHYIR NA GZER ZUG CHES DE DAG RNAMS LA LHAG PAR 'GYUR RO, ,DE BZHIN DU RGYAL CHEN BZHI'I RIS KYI LHA RNAMS KYI KHYAD PAR GYIS SUM CU RTZA GSUM PA RNAMS CHES LHAG PAR BSKYED PA YIN ZHING DE DAG RNAMS YUL DE
, ,YONGS SU BTANG BAS BYAS PA'I YID MI BDE BA RNAMS KYANG CHES LHAG PAR 'GYUR RO, ,YID DANG LHAN CIG TU SDUG BSNGAL BAR 'GYUR RO, , DE LA GNYIS PO 'DI DAG LA NI, DPE MED PA YIN TE, BDE BA DANG, SDUG BSNGAL DAG GO ,LHA RNAMS KYI BDE BA DANG, DMYAL BA BA RNAMS KYI SDUG BSNGAL LO, , DE DE LTAR LAS KYI ZHAGS PAS MNAR BAR GYUR NAS RAB TU LTUNG BAR GYUR PAS RAB TU LHUNG BA RNAMS RNAM PA DU MAR SHIN TU MI BZAD PA'I LHANG KYOG GI SDUG BSNGAL RNAMS 'KHYER BAR BYED PA MCHOD RTEN GYI RTZIG LOGS LA MTHONG NGO, ,DE NAS LHA DE DAG RNAMS KYIS SUM CU RTZA GSUM PA DE DAG RNAMS RAB TU LHUNG BAR GYUR CING RNAM PAR BCOM PA RNAMS MTHONG BAS MCHOG TU YID ZUG GZER DANG LDAN PAR 'GYUR RO, ,GZHAN YANG SUM CU RTZA GSUM PA DE DAG NYID YUL PHYOGS GZHAN ZHIG NA YI DVAGS KYI SKYE GNAS SU SKYE BAR 'GYUR BA RNAMS MTHONG BAR 'GYUR TE, DGA' TSAL DANG, RTZUB 'GYUR DANG, SHING RTA SNA TSOGS DANG, YONGS 'DU STE, DE DAG RNAMS SU KHYOGS GANG DAG STEN PAR BYED PA LHA RDZAS KYI BDUD RTZIS TSIM PAR BYED PA, MCHOG TU SKYID PAR GYUR NAS PHYIS KYANG DE LTAR BSHAD PA DANG, MI RO MI GTZANG BA
RNAMS DANG, SRIN BU'I RIGS RNAMS KYIS NYAMS PAR GYUR PA YID KYIS BSAM BLU MED PA'I SDUG BSNGAL GYI MCHOG RNAMS DANG LDAN PAS LUS LA KHYAB PAR GYUR PA DE LTA BU RNAMS MTHONG NGO, ,TSOGS PA RGYU BA'I SA DAG NA RNAM PAR RGYU BA'I LHA RNAMS KYIS SUM CU RTZA GSUM PA RNAMS KYI LOG PAR LTUNG BA'I GNAS SKABS SU GYUR PA'I YI DVAGS KYI SKYE GNAS DE DAG RNAMS LA KUN TU BLTAS NAS DUD 'GRO'I 'GRO BA RNAMS LA KUN TU LTA BAR BYED DO, ,SUM CU RTZA GSUM PA'I LHA RNAMS LTUNG BAR GYUR NAS RGYA MTSO CHEN POR NYA RNAMS DANG, CHU SRIN DANG, MU TIG DANG, SI SU M'A RA DANG, CHU SRIN NA KRA LA SOGS PAR NYE BAR SKYE BAR 'GYUR BA NA PHAN TSUN DU GSOD PAS BYAS PA'I KUN TU BRED PAR 'GYUR BA, BKRES PA DANG SKOM PAS LUS SHIN TU BSREGS PA, ZUG RNGU'I MCHOG RNAM PA DU MA KUN NAS 'BAB PAR 'GYUR RO, ,DE BZHIN DU NAM MKHA' LA DUD 'GRO'I 'GRO BA GRANGS MED PA BYA LA SOGS PA PHAN TSUN DU GNOD PAR BYED PAS BRGYAL BAR GYUR PA, GSOD PA'I MTHAR THUG PA'I 'JIGS PA'I GNAS SKABS RNAMS SU GYUR PA RNAMS NYAMS SU MYONG BAR BYED DO, ,DE BZHIN DU GANG 'DA' ZHIG SHIN TU LEGS PAR BYAS PA'I LAS DES KYANG GROL BAR 'GYUR BA
, ,SNGAR BZHIN TE, RGYAL CHEN RIS BZHI'I LHA RNAMS JI LTA BA DE KHO NA BZHIN DU'O, ,GAL TE MI RNAMS SU SKYES PAR GYUR NA'ANG DE DAG RNAMS KYI GZHAN LA MYONG BAR GYUR PA'I LAS RNAL MA RNAMS YIN GYI, SNGA NA MED PA NI, MA YIN NO, ,RIGS MTHUN PAR SKYE BAR 'GYUR BAS BYAS PA DANG, SKYE BA DANG, RAB TU 'BREL BA'I 'CHI BAS BYAS PA RNAMS DANG, LHA RNAMS 'CHI 'PHO BA'I DUS KYI 'BRAL BA'I SDUG BSNGAL RNAM PA DU MAR GYUR PA GANG DAG YIN PA DE SRID PA DE DAG RNAMS NYID KYANG BRJOD PAR SLA BA'ANG MA YIN NA, GANG YANG MNGAL GYI SDUG BSNGAL NYE BAR SPYOD PA RNAMS LTA CI SMOS, ,MI'I 'JIG RTEN DU SKYES PA RNAMS LA YANG GANG DAG BYIS PAR GYUR PA NAS RTAG TU SDUG BSNGAL BAR 'GYUR TE, GOG PAR BYED PA DANG, SMIN PA DANG, KUN TU 'GRO BA DANG, MA RIG PAR GYUR PA; RTZOD PA BYED PA, DON DANG DON MA YIN PA LA RNAM PAR ZHE NA PA DANG, NGU BA LA SOGS PA'I SDUG BSNGAL RNAMS YIN NO, ,DE DAG GI YAN LAG SO SOR GYES PA RNAMS NI, BRJOD PAR SLA BA YANG MA YIN NO, ,DE LTAR GZUGS BRNYAN LTA BUR GYUR PA DE DAG RNAMS THAMS CAD NYID KYANG TSOGS PA RGYU BA'I SAR SKYES
PA'I 'THAB BRAL GYI LHA DE RNAMS KYI MCHOD RTEN GYI LOGS LA RAB TU MTHONG NGO, ,RNAM PA DU MA RNAMS SU SHIN TU SDUG BSNGAL ZHING SHIN TU RNAM PA SNA TSOGS PAR GYUR PA'I 'KHOR BA'I GAR MKHAN RNAMS DES MTHONG BAR GYUR CING RNAM PA SNA TSOGS PA CHES NGO MTSAR BAR GYUR PA RNAMS MNGON PAR MTHONG NAS LHA DE DAG RNAMS SHIN TU YID BYUNG BAR 'GYUR TE, MI RNAMS NI, 'GRO BA GZHAN DAG TU 'GYUR BA LA 'DI LTA STE, LHA'I 'GRO BAR RO, ,LHA RNAMS KYANG MI'I 'GRO BA RNAMS SU'O, ,DE LA GANG DAG BDE 'GROR SKYES PA RNAMS KYI GNAS SKABS KYANG 'DI 'DRA BAR 'GYUR NA, CI'ANG LAS KYIS MNAR NAS NGAN SONG DU SONG BAR GYUR PA RNAMS KYI GNAS SKABS CI 'DRA BAR 'GYUR, GZHAN YANG TSOGS PA RGYU BA'I SAR SKYES PA'I 'THAB BRAL BA'I LHA DE DAG RNAMS KYIS RTZIG PA'I LOGS DE DAG NYID LA LAS RNAMS MTHONG BAR GYUR PA NI, CHOS BZANG NA GNAS PA'I LHA RNAMS 'CHI 'PHO BAR 'GYUR BA STE, JI LTA BAR LAS KYI DBANG GIS 'GRO BA RNAMS 'GRO BA LNGAR SKYE BAR 'GYUR BA'O, ,'CHI 'PHO BAR 'GYUR BA'I LHA DE DAG RNAMS KYIS GAL TE SHED NA GANG DAG TU GANG ZHIG BYAS PA'I LAS RNAMS KYI RKYEN GYIS 'GYUR BA RNAMS SNGAR BSHAD PA BZHIN NO, ,GAL TE LHA RNAMS
, ,NYID LAS SHI 'PHOS NAS LHA RNAMS NYID DU SKYES NA, DE NA GNAS PA NYID NA SDUG BSNGAL YIN NO, ,'DI LTA STE, 'CHI 'PHO BA DANG SKYE BAS BYAS PA RNAMS DANG, RNAM PAR BRAL BAR BYAS PA RNAMS DANG, 'CHI 'PHO BA'I 'JIGS PA RNAMS KYANG STE, 'CHI BAS BYAS PA'I SDUG BSNGAL RNAMS NI; CHE BA DANG, RNAM PA YANG MANG BA YIN NO, ,DE DAG RNAMS BZHIN DU 'CHI 'PHO BA'I 'JIGS PA RNAM PA DU MA RNAMS DANG, 'CHI 'PHO BA RNAMS KYANG YANG DAG PAR MNGON PAR MTHONG NAS GZHAN YUL PHYOGS GZHAN RNAMS SU KUN TU LTA BAR BYED DO, ,JI SRID DU RTZIG PA DE NYID KYI LOGS LA BRGYA BYIN 'CHI 'PHO BAR GYUR PA, LHA RDZAS KYI PHRENG BA MCHOG DANG LDAN PA, 'OD 'BAR BAR GYUR PA'I RNA RGYAN BCUG PA, 'DOD PA LNGA'I PHUN SUM TSOGS PA DPE MED PAR GYUR PA'I BDE BA RNAMS DANG RNAM PAR BRAL BAR GYUR BA, RANG GI LAS KYI DBANG GIS YANG 'GRO BAR 'GYUR BA BAG MED PA LA ZHUGS PAR GYUR PA'I DBANG GIS NGAN SONG GI SA RNAMS KHYAB PAR GYUR PAR DMYAL BA DANG, YI DVAGS DANG, DUD 'GRO'I SKYE GNAS RNAMS SU LTUNG BAR GYUR PA RNAMS MTHONG NGO, ,RANG GI SA
BYAS PA'I LAS KYIS TE, DE LA DBANG PO'I MING NI, 'DI DAG RNAMS YIN TE, DE LA SUM CU RTZA GSUM NA GNAS PA'I DBANG PO RNAMS 'CHI 'PHO BA'I MING NI, 'DI DAG RNAMS YIN TE, 'DI LTAR 'OD DANG LDAN PA ZHES BYA BA'I BRGYA BYIN GYIS LHA YUL GYI RGYAL PO BYAS NAS RANG GI LAS KYI BSOD NAMS ZAD PAR GYUR NAS RGYA MTSOR CHU SRIN GYI SKYE GNAS SU SKYES SO, ,DES KYANG MIR GYUR PA NA BYA BAR GYUR TE, SROG CHAGS MANG PO RNAMS BSAD PAR GYUR PA'I PHYIR DANG, SANGS RGYAS LA PHYAG KYANG BYAS PAR GYUR TE, DE PHYAG BYAS PAR GYUR PA DE'I RGYUS DE DBANG POR GYUR TO, ,DE ZAD PA'I PHYI NAS YANG SROG GCOD PA'I SDIG PA'I LHAG MA RNAMS KYIS SLAR YANG DUD 'GROR SKYES SO, ,DBANG POR GYUR PA NA DES LEGS PA'I LAS BYAS PA NAD PA RNAMS DANG, MGON MED PA RNAMS DANG, DGE SLONG DAG LA'ANG BSOD SNYOMS RAB TU DANG BA'I YID KYIS BYIN PA DE'I RGYUS SUM CU RTZA GSUM GYI DBANG POR GYUR TO, ,SLAR YANG DE ZAD NAS LAN GRANGS GZHAN LA MYONG BAR 'GYUR BA'I LAS NYES PAR BYAS PAS KRI KA L'A SHAR SKYES SO, ,DES SKYE BA GZHAN GANG YANG RUNG BA ZHIG TU LOG PAR LTA BAS NYAMS PAR GYUR BAS KRI KA
, ,L'A SHA MCHOD SBYIN DU BSREGS SO, ,DE RGYU DE DANG RKYEN DES DMYAL BAR SKYES SO, ,DE'I LHAG MA RNAMS KYIS SLAR YANG KRI KA L'A SHA'I SKYE GNAS SU SKYES PAR GYUR TO, ,DE'I RJES LA LHA RDZAS KYI YUL RNAMS LA NYE BAR LONGS SPYOD NAS RAB TU GSAL BA ZHES BYA BA'I DBANG PO GZHAN 'CHI 'PHO BAR GYUR NAS RAB TU LTUNG BAR 'GYUR BA MTHONG BA LA DES MA DANG PHA DAG NAD PAR GYUR PA'I G-YOG BYAS SO, ,RGYU DES DE SUM CU RTZA GSUM GYI DBANG PHYUG DANG LDAN PA'I DBANG POR LEGS PAR SKYES SO, ,YANG LAS DE ZAD NAS YI DVAGS SU SKYES SO, ,DES SKYE BA GZHAN GANG YANG RUNG BA DOG TU DGON PAR SHIN TU MI RIGS PA CHEN POS 'BRU BTZONGS NAS BSLUS PAR GYUR PA GANG YIN PA DANG, YID KYIS KYANG SLAR YANG DE BZHIN DU MU GE DRAG PO BSAM PAR GYUR TO, , DE RGYU DE DAG RNAMS KYIS DMYAL BA THIG NAG TU SKYES SO, ,DE'I LHAG MA RNAMS KYIS KYANG YI DVAGS KHAB KYI MGRIN PA LTA BUR SKYES SO, ,GZHAN YANG 'THAB BRAL GYI LHA DE RNAMS NYID KYIS MTHONG BAR GYUR PA RNAMS LAS GZHAN PA RNAM PA DU MAR GYUR PA'I 'KHOR BA'I SDUG BSNGAL RNAM PA MANG PO RNAMS SHIN TU LEGS
PAR SKYES PA'I YID MTHONG BAR GYUR PA LAS JI SRID DU MTHUN PAR BYED PA ZHES BYA BA'I BRGYA BYIN MTHO RIS NAS 'CHI 'PHOS NAS PHAG MO'I SKYE GNAS SU SKYES PAR GYUR PA MTHONG NGO, ,DE'I LEGS PAR BYAS PA'I LAS RNAMS KYANG MTHONG STE, GANG BRGYA BYIN DU SKYES PAR GYUR PA DES SKYE BA GZHAN GANG DAG TU SHIN TU NGA RGYAL CAN GYI BRAM ZE LOG PAR LTA BA'I MCHOG GIS NYE BAR SMRAS PAR GYUR PA LA MTHUN PAR SMRAS NAS ZAS DANG SMAN DAG BYIN NO, ,SROG GCOD PA LAS KYANG BSLAB PA'I GZHI BLANGS PAR GYUR TO, ,RGYU DE DAG DANG, RKYEN DE DAG DANG, GZHI DE DAG LAS DE LUS ZHIG PA NA MTHO RIS BDE 'GRO SUM CU RTZA GSUM PA'I 'JIG RTEN DU SKYES SO, ,DE LAS DE DAG RNAMS YONGS SU ZAD CING NYAMS PAR GYUR NAS PHAG GI MNGAL DU SKYES SO, ,DE'I LEGS PAR BYAS PA'I LAS RNAMS NI, GANG DAG YIN ZHING LEGS PAR BYAS PA'I LAS KYIS KYANG DER SKYES PA DANG, MING YANG CIR BTAGS SHE NA, SU MA N+YU MA ZHES BYA BA'I DBANG PO DES SKYE BA GZHAN GANG YANG RUNG BA ZHIG LA GZHAN GANG YANG RUNG BA ZHIG SENGGE'I LAG TU SONG ZHING SROG THE TSOM DU GYUR PA LA SNYING RJE'I SNOD DU GYUR PA'I YID KYIS RAB TU GROL BAR
, ,BYAS NAS DUS PHAL PO CHER ZAS DANG SKOM RNAMS KYIS LEGS PAR GSOS PAR GYUR PA DE RGYU DANG RKYEN DES SU MA N+YU MA ZHES BYA BA'I DBANG POR GYUR TO, ,DE LAS KYANG 'PHOS NAS RAB TU TSA BA'I DMYAL BAR SKYES SO, ,DES SKYE BA GZHAN ZHIG LA RGYAL PO'I NANG DU SONG BAR GYUR PA NA BRDZUN DU SMRAS PA'I RGYU DE DANG RKYEN DE DAG RNAMS KYIS DMYAL BAR SKYES SO, ,DE 'CHI 'PHOS PAR GYUR NAS SPRUL PA'I BRGYA BYIN ZHES BYA BA DBANG PO GZHAN MTHONG BAR GYUR TO; ;DE'I YANG LEGS PAR BYAS PA'I LAS RNAMS LA KUN TU LTA BAR BYED PA LA SHES RAB CAN DES MNYAM PAR BYAS NAS MCHOD SBYIN KYI GNAS SU BLA MA RNAMS LA SBYIN PA BYIN NO, ,DE RGYU DES KOO SHI KA ZHES BYA BA'I DBANG POR GYUR TO, ,GZHAN DU'ANG 'DIS LEGS PAR BYAS PA'I LAS RNAMS LA 'DU BYAS TE; DE LAS DE DAG RNAMS KYI RKYEN GYIS DBANG PO 'BYUNG BAR 'GYUR TE, RIGS GNYIS PA'I DBANG PO'O, ,SLAR YANG, BSTAN DE NYID LA DBANG POR 'BYUNG BAR 'GYUR TE, BCOM LDAN 'DAS SH'AKYA THUB PA'I BSTAN PA'I MTHUS DE NGAN 'GRO RNAMS SU 'GRO BAR 'GYUR PAR MA MTHONG NGO, ,LHA LAS 'CHI 'PHOS NAS
MIR SKYE BAR 'GYUR RO, ,'DI NI, LAN BDUN BSKOR BA YIN GYI, DE'I 'GRO BA 'DI DAG LAS MED PA YIN PAR MCHOD RTEN GYI LOGS DE LA 'THAB BRAL GYI LHA RNAMS KYIS MTHONG NGO, ,DE NAS DE DAG RNAMS MCHOG TU NGO MTSAR BA SKYES PAR GYUR PA YIN NO, ,BRGYA BYIN DE DAG RNAMS THAMS CAD LHAG MA MA LUS PA'I 'GRO BA MCHOD RTEN 'DI'I RTZIG PA LA MTHONG BA LA KOO SHI KA GCIG PU'I NGAN 'GRO MA DMIGS SO, ,'DI'I RGYU CI ZHIG YIN NA, DE NAS 'THAB BRAL GYI LHA DE DAG RNAMS THAMS CAD 'THAB BRAL GYI BDAG PO MU SU LUNDHA DE LA LTA'O, ,JI LTAR DBANG PO DE DAG RNAMS THAMS CAD LHAG MA MA LUS PA RNAMS KYI YANG NGAN SONG DU 'GRO BA'I 'GRO BA GZHAN RNAMS MTHONG BA LA KOO SHI KA LA NI, SKYE BA BDUN GYI MTHAR THUG PAR MTHONG NGO, ,BRGYAD PA NI, YONGS SU SHES PA MA YIN NO, ,DE LA 'DI'I RGYU NI, CI YIN, RKYEN NI, ,CI ZHIG YIN, GLENG GZHI NI, GANG YIN, DE NAS LHA DE RNAMS KYI DRUNG NAS NYE BAR THOS PAR GYUR PA DANG, 'THAB BRAL GYI MNGA' BDAG DES 'DI SKAD CES SMRAS SO, ,KOO SHI KA 'DI'I 'GRO BA GANG 'BYUNG BAR 'GYUR BA DANG, RGYU 'DI DAG RNAMS KYIS YIN PA DE DAG RNAMS NYON CIG
, ,DANG, BDAG GIS KHYED CAG RNAMS THAMS CAD LA DE BZHIN GSHEGS PA'I MCHOD RTEN LA RAB TU BSTAN PAR BYA ZHING DAM PA'I CHOS KYANG BSHAD PAR BYA'O, ,RGYU GANG GIS DE DAG THAMS CAD 'BYUNG BA BAG MED PAS BAG MED PAR GNAS PAS LHA RDZAS KYI 'DOD PAS KUN TU RMONGS PAS DAM PA'I CHOS NGO MTSAR BA RNAMS JI LTA BA BZHIN DU MI NYAN NO, ,DES NA BDAG GIS KHYED RNAMS NYID LA PHAN PA'I DON DU DANG, BDAG NYID MCHOD RTEN LA 'JUG PA'I RGYU MTSAN DU KHENGS PA LA SO SOR BRTAG PAR BYA'O, ,KYE BAG MED PAR MA BYED, SKYE BA SKYES PA DON MED PAR BSKYAL BAR GYUR TA RE, PHYI NAS 'GYOD PAR 'GYUR BAR MA BYED CIG ,'CHI BA'I YUL DANG KUN NAS NYE BAR GNAS PAR GYUR PA'I RGYU GNYIS KYI DNGOS PO GNYIS YIN PAR BDAG GIS THOS TE, RGYU GANG GIS KOO SHI KA 'DI RIGS GNYIS BAR SKYE BAR 'GYUR BA RAB TU MTHONG BA DANG, 'DI LA LOG PAR LTUNG BA'ANG 'BYUNG BAR MI 'GYUR BA DANG, MCHOD RTEN GYI LOGS LA SKYE BA BRGYAD PA YANG MA MTHONG BA NI, KOO SHI KA 'DI SNGON BAG MED PAS BAG MED PAR RGYU BAR GYUR PA'I BAG MED PAS
RGYU BA'I PHYIR NA SKYE BA THAMS CAD 'DAS PAR GYUR NAS LEGS PAR BYAS PA'I LAS RNAMS ZAD PA GO BAR BYED PA'I 'CHI 'PHO BA'I RTAGS RNAMS 'DI LA NYE BAR BYUNG NAS GNAS PA NA, YANG DGE BA'I BSHES GNYEN GYIS NYE BAR GNAS BZHIN PA DE DAG RNAMS KYANG RIG PAR BYAS TE, KOO SHI KA ,'CHI 'PHO BA'I MTSAN MA BAR DU GCOD PAR BYED PA DE DAG 'BYUNG BAR 'GYUR GYI, BDE LEGS LA YID ZHOG CIG ,CES DE SKAD BRJOD PA DANG, KOO SHI KAS 'DI SKAD BRJOD DE, BDAG GI RKANG PA PADMA 'DI DAG LAS DANG BDAG GI STAN LAS 'CHI 'PHO BAR MI 'GYUR BA'I LAM JI LTA BU YIN, DE SKAD SMRAS PA DANG, DRANG SRONG GIS KOO SHI KA DE LA 'DI SKAD BRJOD DE; JI LTAR NYON DANG THABS GANG GIS KOO SHI KA KHYOD BDAG CAG RANG GI STAN LAS 'PHO BAR MI 'GYUR BA NI, SH'AKYA THUB PA 'DI DRANG SRONG BU RAM SHING BA'I RIGS LAS SKYES PAR 'GYUR TE, THAMS CAD MKHYEN PA, THAMS CAD GZIGS PA, 'KHOR BA THAMS CAD KYI LAS DANG 'BRAS BU'I DBANG POR GYUR PA, SEMS CAN THAMS CAD LA LAM DAM PA NYE BAR STON PA PO, BLA NA MED PA'I CHOS KYI RGYAL PO DES GANG GIS BDAG CAG GI STAN LAS 'PHO BAR MI 'GYUR BA'I CHOS DE DAG RNAMS DES STON
, ,PAR 'GYUR RO, ,DE NAS DE'I DRUNG NAS KOO SHI KA RINGS PA DANG BCAS PAR GANG NA DZAMBU'I GLING YOD PA DER BCOM LDAN 'DAS DE'I DRUNG DU CHOS NYAN 'DOD PAR GYUR PAS LEGS PAR NYE BAR SONG NGO, ,DE NAS KOO SHI KA DES BCOM LDAN 'DAS MIG GCIG TU GYUR PA LAM DAM PA STON PA POS CHOS STON PAR GYUR PA MTHONG STE, BDE LEGS SU GYUR PA, THABS SU GYUR PA, MYA NGAN LAS 'DAS PA'I GRONG KHYER LEGS PAR STON PA'O, ,DANG POR DGE BA, BAR DU DGE BA, THA MAR DGE BA, DON BZANG PO, ,TSIG 'BRU BZANG PO, ,MA 'DRES PA, YONGS SU RDZOGS PA, YONGS SU BYANG BA'I CHOS RNAMS STON PAR MDZAD PA LA 'DI LTA STE, SDUG BSNGAL DANG SDUG BSNGAL GYI RNAM PAR SMIN PA CAN SDUG BSNGAL KUN TU 'GAGS PA RNAM PAR 'GYUR BA'I DBANG DU BYAS PA RNAMS LHA RNAMS KYIS KYANG THOS PAR 'PHAGS PA'I BDEN PA BZHI STON PAR MDZAD DE, SDUG BSNGAL DANG, KUN 'BYUNG BA DANG, 'GOG PA DANG, LAM MO, ,DE NAS KOO SHI KA DES BCOM LDAN 'DAS SH'AKYA THUB PA LA DRIS PA, KYEE GOO TA MA LAGS, 'DIR BDAG CAG GI BDAG LA BAR CHAD RAB TU 'BYUNG BAR 'GYUR BA 'CHI 'PHO BA'I
RTAGS RNAMS 'BYUNG BAR GYUR LA, BDAG GI BAR CHAD RNAMS ZHES DE SKAD CES GSOL PA DANG, BCOM LDAN 'DAS DES BKA' STZAL PA, DE DE BZHIN NO, ,DE DE BZHIN TE, KOO SHI KA ,JI LTA BA BZHIN DU GO BAR GYIS SHIG ,RGYU MTSAN DANG RGYU MTSAN MA YIN PA RNAMS RAB TU 'BYUNG BAR 'GYUR ZHING TSE PHA ROL DE DAG RAB TU 'BYUNG BAR 'GYUR BA NI, BAG MED PA BAG MED PAR RGYU BAS LEGS PAR BYAS PA'I LAS RNAMS ZAD PAR GYUR PA, LUS SRED PA'I DBANG DU SONG BA DE DAG RNAMS NI, SHIN TU GZHAN DU 'GRO BAR BYA DGOS PA YIN TE, 'KHOR BA'I DGON PA CHEN PO 'DI DAG GI PHA ROL THOB PAR DKA' BA DUS THAMS CAD DU SKYE BO RNAMS KYI MNGA' BDAG TU GYUR PA'I SKYE BO DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA RNAMS DANG, MI SDUG PA RNAMS DANG PHRAD PA DANG, SDUG PA RNAMS DANG BRAL BA, GCAN GZAN KHRO BO DANG, SENGGE'I 'JIGS PA'I NYES PA RNAMS KYIS KUN TU GANG BAR GYUR PA, NYI MA'I GDUNG PAS SREG PAR BYED PA, ,GTI MUG GI MUN NAG GIS MUN PAR GYUR CING KUN LA CHAGS PA SKYE BAS NYE BAR 'TSE BAR GYUR PA NI, BYIS PA SO SO'I SKYE BO RNAMS YIN TE, SRED PA'I RI DVAGS
, ,KYIS KUN NAS GANG BAR GYUR PA DE'I GROGS SU GYUR PA KUN TU RTOG PA BRGYA STONG GI SHING GIS KUN NAS GANG BAR GYUR PA LA DAM PA'I CHOS SKYES PAR GYUR PA'I CHU DANG BRAL BA, LEGS PAR RNAM PAR 'CHAD PA'I DGE BA'I BSHES GNYEN LAM STON PAR BYED PA RNAMS DANG BRAL BA, LTA BA NGAN PA DU MA MU STEGS CAN GYI 'DOD PA'I LAM SNGON GYI MTHA' DANG, PHYI MA'I MTHA' RGYA CHE BAR GYUR PA, 'GRO BA LNGA SNYING PO DANG BRAL BA'I MUN PA'I SDUG BSNGAL RGYA CHE BA'I 'KHOR BA'I DGON PA 'DI LA, KOO SHI KA, 'KHOR BA LAS KHYOD YID MI 'BYUNG NGAM, 'DOD PAS RMONGS PA RNAMS DES GZHAN DU 'GRO BAR BYA DGOS PA YIN ZHING, DE'I SKYE BA DE DAG DANG YANG 'BRAL BAR 'GYUR BA YIN NO, ,DE DAG RNAMS KYI SDOM PA DANG SKYE BAS KYANG CI ZHIG BYA, DE DAG RNAMS KYI DKA' THUB KYIS KYANG CI BYED PAR 'GYUR NA, 'DOD PA RNAMS 'CHI 'PHO BA'I DUS NA 'ONG BAR 'GYUR RAM, KHYOD NI, GZHAN DAG TU 'GRO BAR BYA DGOS SO, ,DE SKAD CES BKA' STZAL PA DANG, KOO SHI KAS BCOM LDAN 'DAS DE LA CHOS GOS PHRAG PA GCIG TU BYAS TE COD PA NA 'DUD PAR GYUR PAS MGO BOS ZHABS LA PHYAG BTZAL NAS PHYOGS GCIG TU 'DUG
NAS DRIS SO, ,BCOM LDAN 'DAS, BDAG CAG GI STAN 'DI LAS BDAG SDUG BSNGAL BAR MI 'GYUR BA'I THABS BDAG CAG LA MCHIS SAM, DE LTAR NGAN BU SUM CU RTZA GSUM PA RNAMS KYI RGYAL PO BYED PAR 'GYUR BA RGYU 'DI DAG KHYOD KYIS GZIGS SAM, BDAG GI STAN DANG, LHAG PA'I STAN DANG, RGYU GZHAN RNAMS KYIS KYANG BYED PAR 'GYUR LAGS, DE SKAD CES GSOL PA DANG, BCOM LDAN 'DAS KYIS BKA' STZAL PA, KOO SHI KA ,GANG NAS SHI 'PHOS PAR GYUR PA SLAR YANG STAN DE NYID LA SKYE BAR 'GYUR BA YOD DE, RNAM PA DE LTA BU MYONG BAR NGES PA'I LAS GZHAN RNAMS 'GA' ZHIG GIS KYANG MI BYED PA'I RGYU GANG GIS GANG GI TSE KHYOD STON LA SKYE BAR 'GYUR ZHING SUM CU RTZA GSUM PA RNAMS KYI RGYAL PO BYED PAR 'GYUR RO, ,RGYU 'DI DAG GIS NGAS MTHONG BA YIN ZHING KHYOD KYI STAN DANG, LHAG PA'I STAN DANG, RGYU GZHAN RNAMS KYANG NGAS MTHONG BA YIN TE, GAL TE NGA'I CHOS NYAN PAR BYED NA JI LTA BAR KHYOD NYAMS PAR 'GYUR BA MA YIN NO, ,DE LA DE SKAD CES BKA' STZAL PA DANG, KOO SHI KAS SLAR YANG THAL MO SBYAR BA BYAS TE 'JIG RTEN MGON PO BCOM LDAN 'DAS KYI CHOS DE BDAG GIS MNYAN PAR 'TSAL LO, ,DE NAS DE SKAD CES GSOL PA DANG, BCOM LDAN 'DAS KYIS
, ,'DOD PA RNAMS KYI NYE SA DMIGS DANG, MYANG BAR NGAN PA DANG, NGES PAR 'BYUNG BAR 'GYUR BA'I YANG DBANG DU BYAS NAS GANG GIS KOO SHI KA ,RGYUN DU ZHUGS PA'I 'BRAS BU THOB PAR 'GYUR BA DE BZHIN DU MDO RNAMS RGYAS PAR BSTAN NO, ,DE NAS KOO SHI KAS 'BRAS BU THOB PAR GYUR PAS 'CHI 'PHO DANG, SKYE BA DANG, NGAN SONG GI SGO RNAMS YANG BCAD DO, ,LEGS PAR BSKYED PA'I RGYU 'DIS LHA 'THAB BRAL BA RNAMS KYIS MCHOD RTEN GYI LOGS LA KOO SHI KA'I SKYE BA BRGYAD PA GZHAN MA MTHONG BA YIN NO, ,DE NI, MYA NGAN LAS 'DA' BAR 'GYUR BA YIN GYI, DE'I THAMS CAD KYI PHA ROL YIN PA'I PHYIR SKYE BA GZHAN BRGYAD PA NI, 'BYUNG BAR MI 'GYUR RO, ,RGYU DE DAG RNAMS KYI PHYIR NA NGAS KHYED RNAMS LA BRJOD PA YIN NO, ,DE NAS DE'I DUS NA MU SU LUNDHAS TSIGS SU BCAD PA BRJOD PA JI LTAR, 'DOD PA LAS SKYES NOR MI MTHONG, ,GANG PHYIR 'DOD SKYES DE NOR MED, ,MTHAR THUG DGE LEGS BYED PA PO, ,TSUL KHRIMS DAD PA NOR MCHOG YIN, ,'DOD PA LAS SKYES NOR DES KYANG, ,SRID PA'I DGON PA STON BYED YIN, ,GANG YANG 'DOD PA LAS RNAM GROL, ,GTER SPRUL PA ZHES BRJOD PA YIN, ,GO 'PHANG LAS GANG LEGS MI
SKYOB, ,GANG LAS BDE BA DE 'BYUNG MED, ,NOR RNAMS NOR CHUD ZOS PA NI, ,GCIG TU SHES CHEN MIN PAR BRJOD, ,'DOD PA RNAMS NI RAB BSTEN PA'I, ,NOR DE DAG NI NOR MIN MTHONG, ,LAM STON PA DE MCHOG YIN NO, ,LAM 'CHAD GANG YIN SHIS PA YIN, ,LAM GANG GIS NI GO 'PHANG MCHOG ,MKHAS PA DER NI 'GRO BA YIN, ,'DOD PA GANG ZHIG RAB MA CHAGS, ,GANG ZHIG 'DOD NAS 'DOD CHEN MIN, ,DE NI SHES PA'I GNAS SU ZHUGS, ,'DOD PA'I ME RAB BSTEN PA MIN, ,'DOD PAS RTAG TU NGOMS PA MED, , 'DOD PAS ZHI BA DRAN PA MIN, ,SRID DANG LHAN CIG YANG DAG LDAN, ,'BAR BA LTA BUR 'BAR BAR BYED, ,DE BZHIN LHA MI CHAGS SPRUL GYIS, ,NGOMS PA MED PAR RNAM PAR 'JOMS, ,RNAM PAR CHUD ZOS DE RTAG TU, ,CHUD ZOS DMYAL BA'I ME RAB LTA, ,DE LTAR MU SU LUNDHA DES LHA DE DAG RNAMS LA RNAM PA DU MA BRGYAR 'DZIN PAR BYED DO, , YANG DAG PAR YANG YONGS SU SKYONG BAR BYED DO, ,DE NAS SLAR YANG LHA DE DAG RNAMS MCHOG TU SKYO BAR GYUR PA'I YID KYIS SHIN TU YID BYUNG BAR GYUR NAS GZHAN YANG MU SU LUNDHA DE LA 'DI SKAD CES BRJOD DE, BDAG CAG RNAMS 'GRO BA GANG ZHIG TU 'GYUR BA LHA'I ZHAL SNGA NAS RE ZHIG BDAG CAG LA SO SOR BSTAN DU GSOL, ,DE BZHIN
, ,DU BYA'O, ,ZHES BRJOD NAS SLAR YANG MCHOD RTEN DE NYID KYI RTZIG LOGS DE NYID LA SO SOR RTOG PAR BYED DO, ,DE NAS 'THAB BRAL GYI LHA DE DAG RNAMS NYID 'CHI 'PHOS PAR GYUR NAS YANG SOS DANG, THIG NAG DANG, BSDUS 'JOMS DANG, NGU 'BOD DANG, NGU 'BOD CHEN PO DANG, TSA BA DANG, RAB TU TSA BA DANG, DMYAL BA RNAMS SU SKYE BAR 'GYUR BA RNAMS SU RNAM PA DU MAR RAB TU LTUNG BA'I LHA MGO BO 'PHYANG BA RKANG PA GYEN DU BLTAS PA DANG, 'GAG PAR 'GYUR BA'I LHA'I LUS MANG PO RNAMS MTHONG BAR GYUR TO, ,'GA' ZHIG NI, SKYE BAR 'GYUR ZHING DE NA 'TSED PAR BYED DO, ,KHA CIG NI, RAB TU 'BAR BA'I LCAGS BSREGS KYI RANG BZHIN DE LA BYA RGOD DANG KHVA TA RNAMS KYIS KUN TU GANG BAR GYUR PA, 'JIGS SU RUNG BA DU MA RNAMS KYIS 'DI NA GANG BAR GYUR PA, RAB TU 'BAR BA'I BYE MAS 'DIR YONGS SU GANG BA, MGO BO THUR DU BSTAN PA'I LHA RNAMS DMYAL BA'I SA GZHI 'DI LA 'TSED PAR GYUR PA, SHIN TU RTZUB PAR GYUR PA, SHIN TU MI BZOD PAR GYUR PA, MCHOG TU GDUG PA RNAM PA DU MA'I TSOR BA RNAMS NYAMS SU MYONG BAR BYED DO, ,GSHIN RJE'I SKYES BU RNAMS KYIS LAN GCIG MA YIN PAR PHYIR ZLOG CING RJES SU SMRA
BAR YANG BYED DO, ,BDAG NYID DE LTA BU RNAM PA DU MAR MTHONG BAR GYUR TO, ,JI LTAR GZHAN YANG 'THAB BRAL BA RNAMS KYI BDAG POR GYUR PA GZHAN GANG YIN PA MANG PO RNAMS YUL PHYOGS 'DI DAG NYID NA DE DAG RNAMS KYANG DMYAL BAR SKYE BAR GYUR PA MTHONG NGO, ,SHIN TU KHRO BAR GYUR PAS RNAM PA DU MAR 'BIGS PAR BYED PA'I TSOR BA'I ZUG GZER RNAMS BYED CING 'DOD PAS RNAM PAR G-YENG BA'I YID KYIS BYAS PA GANG YIN PA DANG, YUL RNAMS KYIS NYE BAR BCOM PAR GYUR PA NAS JI SRID DU DOGS PA DANG BCAS PA RNAMS DANG, MTSAN NYID DANG BCAS PA RNAMS DANG, MNGON DU SHES PA DANG BCAS PA DE DAG RNAMS THAMS CAD DANG, YUL RNAMS LA DAD PA CHE BAR GYUR PA KHYED RNAMS KYIS GANG BYAS PA DE RNAMS KYI 'BRAS BU GANG DAG YIN PA RNAMS LONGS SPYOD CIG CES KYANG GSHIN RJE'I SKYES BUS RJOD PAR BYED DO, ,DE LA 'THAB BRAL GYI MNGA' BDAG RNAMS KYI MING NI, 'DI DAG RNAMS YIN TE, LAS CHEN PO DANG, PHUN SUM TSOGS PAR BYED PA'I SDE BZANG PO DANG, GZI BRJID DANG LDAN PA DANG, DBANG DU MA GYUR PA MA YIN PAS YID MNGON PAR DGA' BA DANG, RAB TU GTUM PA MA YIN PA DANG, GZUGS KUN NAS MNGON PAR DGA' BA'O, ,'THAB BRAL GYI MNGA' BDAG DE DAG
, ,RNAMS DMYAL BA BDUN DU LTUNG NAS JI LTAR LAS KYI ZHAGS PAS LEGS PAR BYAS PA DANG, NYES PAR BYAS PA'I LAS KYIS 'BRAS BU LA LONGS SPYOD PAR GYUR PA RNAMS DE DAG YUL GYI MCHOG RNAMS LA NYE BAR LONGS SPYAD NAS NGOMS PA MED PAS SRED PAS NYE BAR BCOM NAS LHUNG BA YIN NO, ,RE ZHIG LAS CHEN POS NI, RANG SANGS RGYAS LA SEMS BAG DANG LDAN ZHING BSGOMS PAR GYUR PAS, ZHAL ZAS NYE BAR BYIN PAS LUS ZHIG NAS MTHO RIS BDE 'GRO RNAMS LAS 'THAB BRAL GYI MNGA' BDAG NYID THOB PAR GYUR TO, ,DES DE LA LHA RDZAS KYI 'DOD PA RNAM PA DU MA RNAMS RJES SU LONGS SPYAD NAS YUL RNAMS LA SRID PAR GYUR PA NYID KYIS LHA'I RIS DE NAS DMYAL BA THIG NAG TU MA BYIN PAR LEN PAS LTUNG BAR GYUR TE, DES YANG SKYE BA GZHAN DAG CIG TU SMAN PAR GYUR NAS NAD PA LA YANG DAG PA MA YIN PAS NOR BLANGS PAR GYUR PA LAS DE'I RNAM PAR SMIN PAS THIG NAG TU SKYES PAR GYUR TO, ,LHA DE DAG RNAMS KYIS 'THAB BRAL GYI BDAG PO LAS CHEN PO'I LAS BYAS PA RNAMS MNGON PAR MTHONG BAR GYUR NAS PHUN SUM TSOGS PAR BYED PA'I SDE BZANG PO'I DGE BA DANG MI DGE BA'I LAS BYAS PA RNAMS LA KUN TU
LTA BAR BYED DO, ,DGE BA'I LAS GANG DAG RNAMS KYIS DE 'THAB BRAL GYI MNGA' BDAG TU GYUR PA YANG JI LTA BAR MTHONG BA 'DAS PA'I DUS NA DES DGE SLONG NAG PA LA RDZAS KYI SBYIN PA RAB TU BYIN ZHING, RAB TU MA DAD PA'I YID KYIS SNYING LA BSGOMS PAR NI, MA GYUR TO, ,RGYU DE DANG RKYEN DES LUS ZHIG NAS MTHO RIS BDE 'GRO 'THAB BRAL GYI MNGA' BDAG BYAS PAR GYUR TO, ,DE SLAR YANG SRID PA'I YUL GYI SRED PA'I CHU KLUNG GIS KHYER BAS LEGS PAR BYAS PA'I LAS RNAMS ZAD PAR GYUR NAS DMYAL BA DU 'BOD DU LHUNG NGO, ,DE'ANG BAG MED PAR GYUR PAS TE, RGYAL PO'I RGYAGS PAS ZIN PAR GYUR PAS MI'I 'JIG RTEN DU SKYES PA NA 'GRON PO 'ONGS PAR GYUR PA MCHOG TU SKOM PAS GDUNGS PA 'ONGS PA RNAMS LA DREGS PAS BUR CHAD BLUD DO, ,DES DE DAD PAS BSKYED PA'I TSUL KHRIMS 'CHAL BAR SKYES PAR RANG GI DON RNAMS LAS NYAMS PAR GYUR TO; ;MI DGE BA'I LAS DES LHUNG BAR GYUR NAS LUS ZHIG PA DANG LDAN GRANGS GZHAN LA MYONG BAR GYUR BA'I LAS KYIS NGU 'BOD KYI DMYAL BA CHEN POR SKYES SO, ,DE LTAR RTOGS PAR GYUR CING GZHAN 'THAB BRAL GYI MNGA' BDAG GNYIS PA'I LAS DANG, CHOS DANG, SDIG PA DANG, NGAN SONG RNAMS KYANG MNGON PAR LEGS PAR MTHONG NAS
, ,'KHOR BA 'DI THAMS CAD 'BAR BAR MTHONG BAR GYUR TO, ,ZHES DE LTAR YANG PHAN TSUN DU RJOD PAR BYED DE, GANG BDAG CAG RNAMS LA NI, PHA MA DANG MTSUNGS PAR GYUR PA'I GZHAN RNAMS 'GA' ZHIG GIS KYANG MA BYAS PA DE 'THAB BRAL GYI MNGA' BDAG MU SU LUNDHA 'DIS BYAS TE, DMYAL BA RNAMS DANG, LEGS PAR BYAS PA DANG, NYES PAR BYAS PA'I LAS RNAM PA DU MA RNAMS GANG YIN PA'I 'BRAS BU RNAM PAR SMIN PA DE DAG RNAMS JI LTA BA BZHIN DU LEGS PAR BSTAN NO, , PHAN TSUN DU DE SKAD CES SMRAS NAS YANG GZHAN 'THAB BRAL GYI BDAG PO RNAMS SHI 'PHOS PA RNAMS BLTA BAR BYA BA'I DON DU DE DAG DANG THAG NYE BAR 'GRO BAR BYED DE, LAS DANG 'BRAS BU LEGS PAR BLTA BA'I DON DU MCHOD RTEN GYI LOGS DE DAG RNAMS LA BCOM LDAN 'DAS GSER THUB DES 'THAB BRAL GYI MNGA' BDAG GZI BRJID DANG LDAN PA'I LAS DANG 'BRAS BU SPRUL PAR GYUR PA RNAMS JI LTA JI LTA BA BZHIN DU MTHONG BAR GYUR TO, ,GZI BZID DANG LDAN PA DE SNGON GYI DUS NA 'THAB BRAL GYI MNGA' BDAG DER GYUR PA NI, DES SNGON YID RAB TU DANG BAR GYUR PAS MCHOG TU BCOM PA'I MTSAN MO DAM PA'I CHOS NYAN PA RNAMS DANG, SANGS RGYAS BCOM
LDAN 'DAS DANG, CHOS DANG, DGE 'DUN LA'ANG MAR ME RAB TU SPAR RO, ,DE RGYU DE DAG DANG, RKYEN DE DAG DANG, GZHI DE DAG GIS LUS ZHIG PAR GYUR NAS MTHO RIS BDE 'GRO'I 'JIG RTEN RNAMS LAS 'THAB BRAL BA RNAMS KYI NANG DU 'THAB BRAL BA'I MNGA' BDAG GZI BRJID DANG LDAN PA ZHES BYA BAR GYUR TO, ,DE RING DU RGYAL PO BYAS TE JI SRID DU TSE ZAD NAS LUS ZHIG STE, GZHAN YANG RGYAL PO RIGS BZHI'I LHAR SKYES SO, ,DE DE LAS SHI 'PHOS NAS BYANG PHYOGS SGRA MI SNYAN DU SKYES SO, ,DE LAS SHI 'PHOS NAS GZHAN YANG SUM CU RTZA GSUM GYI LHAR SKYES SO, ,DE LAS DE SHI 'PHOS NAS KYANG DZAMBU'I GLING GI RGYAL PO RDZU 'PHRUL DANG LDAN PA MTHU CHEN POR GYUR PAR SKYES SO, , DE LA SKYES PAR GYUR PA DES BAG MED PAR GYUR NAS 'DOD PA'I DBANG GIS RMONGS PAS SROG GCOD PA DANG, MA BYIN PAR LEN PA DANG, 'DOD PA LA LOG PAR G-YEM PA LA SOGS PA MI DGE BAR GYUR BA'I MI DGE BA RNAMS BSGOMS PA'I SEMS RKO TROG TU GYUR PA'I PHYIR NA, DE LUS ZHIG PAR GYUR NAS RAB TU TSA BA'I DMYAL BA CHEN POR SKYES SO, ,DE LA YANG DMYAL BA'I LAS KYIS KUN NAS BSLANGS PA'I SDUG BSNGAL DPE MED PA RNAM PA DU MA DANG LDAN PA RNAM PAR RTOG PA BRGYA STONG DU GYUR
, ,PA RNAMS NYE BAR 'BYUNG NGO, ,DE'ANG DE'I SEMS DGAR GYUR PAS BSLUS PA YIN NO, ,DE NAS LHA DE DAG GZHAN YANG DE'I PHUN SUM TSOGS PA DANG, RGUD PAS BYAS PA'I BDE BA DANG SDUG BSNGAL DU MA RNAMS MTHONG BAR GYUR NAS DE DAG RNAMS PHAN TSUN 'DI BZHIN DU GTAM BYED DE, SHIN TU MI BZAD SNYING PO'I STOBS, ,STOBS CHEN SRAN PAR MI BZOD PA, ,GANG GIS BYIS PA RNAM 'TSED PA'I, ,LAS RNAMS SEMS KYIS BYED PA YIN, ,LAS RNAMS THAMS CAD SEMS KYI RGYUS, ,SRID PA NAS NI SRID PAR 'BYUNG, ,GANG GIS BYIS PA RNAM 'TSED PA'I, ,SRED RAB 'JUG BYED SDUG BSNGAL NI, ,SNA TSOGS SDUG BSNGAL RANG BZHIN GYI, ,DRAG PO SRAN DKA' STOBS PO CHE, ,LAS KYIS 'JIG RTEN 'PHEL BYED KYANG, ,SKYO BAR 'GYUR BA'ANG MA YIN NO, ,LHA YI 'JIG RTEN NAS NI MIR, ,MI NAS PHYIS KYANG DMYAL BAR RO, ,DMYAL NAS DUD 'GRO'I SKYE GNAS LA, ,DUD 'GRO'I 'GRO LAS YI DVAGS SKYE, ,DE LTAR LAS BYUNG 'KHOR BA'I PHUG ,SKYE RGU LAS NI RLUNG BSKYOD NAS, ,'KHOR YANG 'GRO BA KUN RMONGS PAS, , 'DI YANG RTOGS PA MA YIN NO, ,DE LTAR TSOGS PA RGYU BA NA RNAM PAR RGYU BA'I LHA RNAMS PHAN TSUN DU GTAM BYED DO, ,RNAM PA DU MAR RNAM PA SNA TSOGS PA'I LAS KYIS
BYAS PA GANG YIN PA DE DAG RNAMS KYANG YANG DAG PA JI LTA BA BZHIN DU MCHOD RTEN DE'I LOGS LA BCOM LDAN 'DAS GSER THUB KYIS SPRUL PAR GYUR PA DE LA LAS DU MAS BYAS PA RNAMS GSAL BAR MNGON DU MTHONG NAS GZHAN YANG DE LAS GZHAN PA'I 'THAB BRAL GYI BDAG PO'I DGE BA DANG MI DGE BAS BYAS PA'I SKYE BA RNAM PA DU MA RNAMS LTA BAR RTZOM MO, ,GZHAN YANG RTZIG PA'I LOGS GZHAN ZHIG LA KUN TU BLTA BAR BRTZAMS PA NA, DE NAS GA TUM PA MA YIN PA'I GZUGS ZHES BYA BA'I 'THAB BRAL GYI MNGA' BDAG MTHONG BAR GYUR TO, ,DE LAS GANG GIS 'THAB BRAL BA RNAMS KYI MNGA' BDAG BYAS PAR GYUR NAS DE DAG MTHONG BAR GYUR PA JI LTAR SNGON GYI DUS NA MI'I 'JIG RTEN DU MANG POR BRAM ZER GYUR NAS YANG DAG PA'I LTA BAS TSUL KHRIMS BZANG PO DANG LDAN PAR GYUR PAS BTZON KHANG DU BCINGS PA RNAMS DANG, SHIN TU SDUG BSNGAL BA RNAMS DANG, MGON MED PA RNAMS DANG, MU GES MNAR BA RNAMS LA SEMS KYIS ZIN PAR BYAS, RAB TU DANG BAR GYUR PA'I YID KYIS ZAS BSOD PAR GYUR PA RAB TU MANG PO RNAMS BYIN LA SDOM PA YANG DUS TSIGS LA BZUNG NGO, ,DE RGYU DE DANG, RKYEN DE DANG, BTZON RA NA BCINGS PA'I MI RNAMS BKROL BA'I GZHI DE
, ,DAG RNAMS KYIS DE LUS ZHIG NAS MTHO RIS BDE 'GRO'I LHAR SKYES SO, ,DE LTAR SBYIN BDAG BRAM ZE DE LUS ZHIG NAS MTHO RIS BDE 'GRO'I 'JIG RTEN RNAMS LAS 'THAB BRAL BA'I BDAG POR GYUR TO, ,RAB TU GTUM PA MA YIN PA'I GZUGS ZHES BYA BA DES 'THAB BRAL BA RNAMS KYI MNGA' BDAG BYAS NAS LAS BYAS PAR GYUR NAS RAB TU SHI 'PHOS TE MIR SKYES PAR GYUR PA LA RDZU 'PHRUL CHEN PO DANG LDAN PA MCHOG TU GZI BRJID CHE BA'I RGYAL POR GYUR TO, ,DE DER RGYAL POR BYAS PAR GYUR, LUS ZHIG PA NA PHYIS YANG SUM CU RTZA GSUM PA RNAMS KYI LHAR SKYES SO, ,DA DE LA RNAM PA DU MAR BDE BA CHEN PO RNAMS LA NYE BAR LONGS SPYAD NAS DUS RNAMS 'DAS PA DANG, RAB TU SHI 'PHOS PAR GYUR TE LHA MA YIN DU SKYES PAR GYUR NAS RDZU 'PHRUL CHE BA DANG, STOBS CHEN PO DANG LDAN PAR GYUR TO, ,DE DE LAS KYANG SHI 'PHOS PAR GYUR TE SLAR YANG MIR SKYES NAS STOBS CHEN PO DANG LDAN PA'I KHYIM BDAG NOR CHE BAR GYUR TO, ,DE LAS KYANG SHI 'PHOS PAR GYUR NAS PHYIS YANG BA LANG SPYOD PA RNAMS KYI GLING GI MIR SKYES SO, ,DE LAS KYANG SHI 'PHOS PAR GYUR NAS SLAR YANG MI RNAMS LAS YUL CHUNG GI SKYE BOR SKYES SO, ,DES SEMS YANG
MOR GYUR PAS SROG GCOD PA BYAS TE RI DVAGS BSHOR BAR GYUR NAS RI DVAGS RNAMS MTSON CHA DANG, RDZOGS KYIS RMAS SHING RMAS PAR BYAS SHING BSAD DO, ,DE RGYU DE DANG, RKYEN DE DANG, GZHI DE RNAMS KYIS LUS ZHIG PA NA NGAN SONG DU LTUNG BAR GYUR NAS DMYAL BA YANG SOS SU SKYES TE, ME PHAL CHEN PO RNAMS KYIS SREG PAR BYED DO; ;GZER ZUG RNAMS KYANG RNAM PA DU MAR DRAG PA DANG, RTZUB PA DANG, TSA BA NYAMS SU MYONG BAR GYUR TE, DES MI DGE BA'I LAS DRAG PO RNAMS BYAS PA'I PHYIR RO, , DE'I LAS KYI RNAM PAR SMIN PA DE DAG LEGS PAR MNGON PAR MTHONG NAS GZHAN YANG TSOGS PAR GYU BA'I SA NA SPYOD PA'I LHA DE DAG RNAMS KYIS BCOM LDAN 'DAS GSER THUB DES MDZAD PA'I MCHOD RTEN DE'I NANG GANG YIN PAR RNAM PA DU MA DANG, RNAM PAR RTOG PA DU MAR LAS DE DAG RNAMS DMIGS PA DER NYE BAR PHYIN NAS SLAR NYID KYANG LAS KYIS BYAS PA DE DAG RNAMS LTA BAR 'DOD PAS DE DER PHYIN PAR GYUR PA NI, SHIN TU NGO MTSAR BAR GYUR PA RTZIG PA'I LOGS LA SKYES PA RNAMS RAB TU MTHONG BAR GYUR BA NI; KUN NAS MNGON PAR DGA' BA ZHES BYA BA 'THAB BRAL BA RNAMS KYI MNGA' BDAG TU GYUR BA'O, ,LAS KYI RNAM PAR SMIN PA GANG DAG GIS DER SKYES PAR GYUR PA YANG DE
, ,NYID LA LEGS PAR MTHONG BA, JI LTAR SKYE BA GZHAN ZHIG LA MIR GYUR PA NA DGE BA'I SEMS SU GYUR PAS RTAG TU BLA MA RNAMS MNGON PAR BRJOD PAS PHYAG 'TSAL BA DANG, MNGON DU LDANG BA DANG, THAL MO SBYAR BA'I LAS RNAMS 'JIGS SHING ZHUM PAR 'GYUR BAS BYED PA DANG, RTAG PAR YANG MCHOD RTEN RNAMS LA LEGS PAR BYI DOR DANG, BYUG PA DANG, SKYE BA RNAMS LEGS PAR BYAS PA DANG, RTAG TU YANG DGE SBYONG DANG BRAM ZE RNAMS LA DAD PAS JI LTA BA BZHIN DU SBYIN PA BYIN PA DANG, RTAG PAR YANG 'DIS GLO BUR DU 'ONGS PA DANG, NAD PA RNAMS LA SEMS RAB TU DAD PA DANG, BKUR STI DANG BCAS PAS RKYEN NYE BAR BZHAG PAR GYUR PA'I LAS DES LUS ZHIG PA NA MTHO RIS BDE 'GRO RNAMS LAS 'THAB BRAL BA'I MNGA' BDAG TU SKYES PAR GYUR TE, KUN NAS MNGON PAR DGA' BA ZHES BYA BA'I RANG BZHIN NO, ,DE LTAR KUN NAS MNGON PAR DGA' BA DE'I LUS LAS KHA DOG RNAM PA SNA TSOGS PA'I 'OD RNAMS GZUGS RNAM PA SNA TSOGS PAR GYUR PAS SKYE BO SNA TSOGS RAB TU TSEM PAR BYED PA BRGYA PHRAG RNAMS KYANG KUN TU 'PHRO'O, ,RIN PO CHE RNAMS THAMS CAD KYANG ZIL GYIS MNAN CING GZUGS DPE MED PAS LHA'I
TSOGS THAMS CAD ZIL GYIS MNAN NAS KUN DU SNANG BAR BYED DO, ,JI LTAR GANG GI PHYIR YANG DZAMBU'I GLING GI MI RNAMS KYI DRUNG NA ZLA BAS NI, KUN NAS GSAL BAR BYED DO; ;DE BZHIN DU 'THAB BRAL GYI LHA RNAMS THAMS CAD KYI NANG NA KUN NAS MNGON PAR DGA' BA 'DI MDZES PAR GYUR PA YIN TE, GZI BRJID DANG LDAN PAR DUS YUN RING DU 'DOD PA'I YON TAN LNGA DANG YANG DAG PAR LDAN PAS BDE BA RNAMS NYE BAR LONGS SPYAD NAS SHI 'PHOS SO, ,DE LAS DE DAG NYID KYI LHAG MA RNAMS KYIS DZAMBU'I GLING DU RGYAL BOR GYUR TE, YUL LJONGS BRGYA LA MNGA' BSGYUR BAR GYUR TO, ,DE DER SKYES PAR GYUR BA NA SEMS G-YO BAR GYUR PAS RI DVAGS BSHOR RO, ,DE RGYU DE DAG GIS DMYAL BA YANG SOS SU SKYES SO, ,DE LAS SHI 'PHOS NAS KYANG BYA NGANG PAR SKYE BAR 'GYUR RO, ,DE DAG RNAMS DE'I LAS KYIS BYAS PA RNAMS NYE BAR RTOGS NAS GZHAN YANG LAS KYIS BYAS PA'I NGO MTSAR BAR GYUR PA GZHAN CI ZHIG 'BYUNG BAR 'GYUR SNYAM NAS DE DAG RNAMS RTZIG LOGS DE NYID KYI YUL PHYOGS GZHAN LA MNGON PAR RTOGS PAR BYED DO,, DE NAS SLAR YANG LHA DE DAG RNAMS MCHOD RTEN DE'I RTZIG LOGS LA RJES SU SONG NAS LTA BAR BYED PA NA, DE LA MU SU LUNDHA ZHES BYA BA 'THAB BRAL GYI BDAG PO CHOS DANG
, ,LDAN PA, CHOS KYI RJES SU KUN NAS 'JUG PA, 'DOD PA RNAMS KUN TU STEN PAR MI BYED PA, CHOS KYI MCHOG GIS SEMS CAN RNAMS THAMS CAD LA PHAN PAR RJES SU 'JUG PAR BYED PA MTHONG BAR GYUR TE, LAS KYIS BYAS PA RNAMS KUN TU RIG PA'I PHYIR NA LHA RNAMS KYI BDAG POR GYUR NAS KYANG BAG MED PAS RNAM PAR RGYU BAR MI BYED DO, ,DE'I LAS KYI RNAM PAR SMIN PA RNAMS KYANG RJES SU MTHONG BAR GYUR PA LA DAD PA DANG LDAN PAS KHYIM NAS KHYIM MED PAR RAB TU BYUNG BAR GYUR LA, DE RAB TU BYUNG BAR GYUR NAS KYANG PHYIR ZHING NYID DU KHA NA MA THO BA PHRA RAB TZAM LA YANG 'JIGS PAR LTA BAR GYUR NAS TSANGS PAR SPYOD PA YONGS SU RDZOGS PAR SPYAD PA DE'I LUS ZHIG PAR GYUR PA NA BDE 'GRO MTHO RIS KYI 'JIG RTEN LAS GZHAN 'PHRUL DBANG BYED PA RNAMS KYI RGYAL PO ZIL GYIS MI NON PA ZHES BYA BAR GYUR TO, ,DE DE LAS RAB TU SHI 'PHOS PAR GYUR NAS KYANG GLING BZHI PA'I 'KHOR LOS BSGYUR BA'I RGYAL POR GYUR TO, ,DE LAS KYANG RAB TU 'PHOS PAR GYUR NAS GZHAN YANG RGYAL CHEN RIS BZHI'I LHAR SKYES SO, ,DE LAS RAB TU SHI 'PHOS PAR GYUR NAS GZHAN YANG SKYID PA CHEN PO DANG LDAN PA, NOR CHEN PO DANG LDAN PA'I KHYIM
BDAG TU GYUR PA DANG, DPAG TSAD STONG LA DBANG BA'I RGYAL POR GYUR TO, ,DE DE LAS KYANG RAB TU 'PHOS NAS GZHAN YANG SHAR GYI LUS 'PHAGS PO'I GLING GI RGYAL POR GYUR TE; MTHU STOBS MCHOG TU CHE BA DANG LDAN PAR GYUR TO, ,DE DE LAS KYANG RAB TU SHI 'PHOS NAS SLAR YANG MCHOG TU RDZU 'PHRUL CHE BA DANG, MCHOG TU STOBS DANG LDAN PA'I LHAR SKYES PAR GYUR TO, ,DE LAS KYANG RAB TU SHI 'PHOS NAS SLAR YANG BDE BA CHE BAR GYUR PA, NOR CHE BAR GYUR PA'I KHYIM BDAG MCHOG TU SBYIN PA DANG, TSUL KHRIMS DANG, SHES RAB RNAMS PHUN SUM TSOGS PAR GYUR TO, ,SKYE BA GZHAN DAG RNAMS GANG DANG GANG DAG TU SKYES PAR GYUR PA NA DE DE DAG RNAMS SU'ANG SBYIN PA DANG, TSUL KHRIMS DANG, SHES PA DANG LDAN PAR KUN TU GNAS SO, ,DE NAS DE LAS RAB TU SHI 'PHOS PAR GYUR NAS KYANG SBYIN PA DANG, TSUL KHRIMS DANG, SHES RAB KYI RGYUD DE DAG NYID KYIS RNAM PAR LANGS PAR GYUR CING LUS ZHIG NAS KYANG MTHO RIS BDE 'GRO'I 'JIG RTEN 'THAB BRAL BA RNAMS KYI BDAG POR NYE BAR SKYES PAR GYUR TE, MING NI MU SU LUNDHA YIN NO, ,DE LAS DE DAG RNAMS NYID KYI RGYUN RNAMS LEGS PAR BSGOMS PAR GYUR CING SEMS KYIS KYANG LAS RNAMS LEGS PAR YONGS SU SBYANGS PA BYAS PAR GYUR PAS BAG DANG LDAN
, ,PAR GYUR TO, ,'DOD PA RNAMS KYIS 'PHROG PAR MI 'GYUR BA DANG, YUL RNAMS KYIS KYANG SEMS NYE BAR BCOM PA MA YIN LA, MCHOG TU BDAG DANG GZHAN LA PHAN PAR BYED PAR GYUR PA DE'I DGE BA'I LAS KYI MTHA' RNAMS LA SPYAD PAR GYUR PA 'DI'I BKA' DRIN 'DI DAG GI LHA MANG PO RNAMS KYANG 'DOD PA'I DBANG DU DANG, 'DOD PAS ZIL GYIS GNON PAR YANG MI 'GYUR RO, ,DE NAS DE'I TSE LHA DE DAG TSIGS SU BCAD PA BRJOD PA JI LTAR, DGE BA'I RJES SU SPYOD PA NI; ;DGE NAS DGE BAR RTAG TU 'GYUR, ,BSKAL PA BYE BA STONG DU YANG, ,DGE BA YONGS SU CHUD MI 'DZA', ,TSUL KHRIMS RTAG TU LEGS BSDAMS DANG, SHES RAB KYANG NI RJES SU 'PHEL, ,DE NI SRID LAS NGES 'BYIN PA'I, ,SBYIN PA YANG NI RTAG TU BYIN, ,MI YI SBYIN LA SOGS GSUM GYIS, ,SKYON GSUM RAB TU 'JOMS PAR BYED, ,DE PHYIR SKYON RNAMS YONGS SPONG LA, ,RAB TU BRTZON PAS YON TAN BSTEN, ,LHA RDZAS 'DOD PA PHUN TSOGS KYANG, ,YUL GYIS GANG ZHIG 'JOMS MIN DANG, ,DMYAL BA KUN TU SKYE 'GYUR YANG, ,GANG PHYIR CHOS LAS LDOG PA YIN, ,'DI NI CHOS LDAN SHES PAR GYIS, ,BYIS PA RNAMS NI LDOG PA YIN, ,CHOS DANG TSUL KHRIMS LEGS PAR BSTEN,,
RAB TU BRTZON PAS SHES RAB RTZOM, ,SRID SKYES SDUG BSNGAL RNAM 'JOMS PAR, ,JI BZHIN NYI MA'I ZHABS BZHED DO, ,SHIN TU MTHONG BA'I CHOS LDAN GANG, ,DE LA LHAS KYANG PHYAG BYED DO, ,SKYE BA GZHAN NI THOB NAS KYANG, ,MYUR DU'ANG MYA NGAN 'DA' BAR 'GYUR, ,DE LTAR LHA YI CHOS GANG GI ,MTSAN NYID DE NYID SHES GYUR GANG, ,SKYES BU DE NI SRID GROL NAS; ;PHA ROL 'GRO BA 'GRO BAR 'GYUR, ,BZOD DANG SMAN PAR SMRAS NAS NI, ,'BYUNG PO THAMS CAD SNYING RJES 'DZIN, ,SBYIN PA YANG NI GTONG BA YI, ,LAM DE DAG NI ZHI BA YIN, , RAB GTUM SDIG PA BSTEN PA GANG, ,LE LO SHIN TU BSTEN PA DANG, ,KHRON MA CHOS LA RNAM ZHE SDANG, ,DMYAL BAR NYE BAR 'GRO BA YIN, ,LAS KUN DES KYANG MGU MI 'GYUR, , GANG DANG DES KYANG MGU MI 'GYUR, ,GANG DANG DE LA'ANG KHRO BAR BYED, ,GANG DANG DE LA KUN TU CHAGS, ,RMONGS PA ZHES NI DE LA BRJOD, ,DGE BA SPANGS PA'I MI DGE BA, ,SDIG PA'I CHOS KYIS RMONGS PA YIN, ,GANG LA SDIG PAS RNAM 'TSED PA'I, ,RMONGS PA DMYAL BAR KHRID PA YIN, ,CHOS SPYOD DGE BA RJES SU TSOL, ,RTAG TU 'DOD PA RNAMS SPONG BA, , MU SU LUNDHA 'THAB BRAL SRID, ,NYON MONGS ZAD PAR SPYOD PA YIN, ,DE LTAR TSOGS PA RGYU BA NA RNAM PAR SPYOD PA'I LHA DE DAG RNAMS PHAN TSUN DU GTAM BYED DO, ,YUL GYI SRED
, ,PA'I 'JIGS PA 'JIGS SU RUNG BA SDUG BSNGAL DE DAG RNAMS THAMS CAD MNGON SUM DU GYUR PAR MNGON PAR MTHONG BAR GYUR PA DANG, GZHAN YANG MU SU LUNDHA DE NYID DANG BCAS PA'I TSOGS PA RGYU BA'I SA NA RNAM PAR SPYOD PA'I LHA DE DAG MCHOD RTEN DE NYID KYI RTZIG LOGS LA LTA BAR RTZOM PAR GYUR CING SHI 'PHOS NAS KYANG 'THAB BRAL GYI MNGA' BDAG 'DI GANG DU SKYE BAR 'GYUR, 'DI'I 'GRO BA NI, GANG DU 'GYUR SNYAM PAS DE DAG RNAMS SLAR YANG RTZIG PA'I YUL PHYOGS DE LA LTA BAR RTZOM MO, ,DE NAS LHA DE DAG RNAMS LHA'I RIGS DE LAS SHI 'PHOS PAR GYUR NAS MU SU LUNDHA DE DANG LHAN CIG TU THAMS CAD KYANG BYAMS PA'I GSUNG RAB LA DZAMBU'I GLING DU SKYE BAR 'GYUR BA MTHONG STE, THAMS CAD KYANG DBANG PO TSANG BA DANG, THAMS CAD KYANG RIGS CHEN POR SKYE BA DANG, THAMS CAD KYANG PHAN TSUN LHAN CIG TU YUL GCIG TU SKYE BA DANG, THAMS CAD KYANG PHAN TSUN DU MCHOG TU SNYING DGA' BAR 'GYUR BA DANG YANG DAG PAR LDAN PA DANG, KHYIM CHEN POR LEGS PAR SKYE BA DANG, NOR CHEN PO'I KHYIM DANG, YON TAN CHEN PO DANG LDAN PA DANG, BDAG NYID KYI SKYE BA BZANG POR GYUR PAR MTHONG NGO, ,MU SU LUNDHA NI, YUL DE NYID KYI
RGYAL RIGS SHING S'A LA CHEN POR SKYE BAR 'GYUR ZHING NOR CHEN PO DANG LDAN PA DANG, MTHU STOBS CHE BAR GYUR PA DANG, SKYE BO THAMS CAD KYIS MCHOD PA DANG, BYE BA PHRAG BRGYA STONG GI RIN PO CHES GANG BAR GYUR PA DER SKYES PA'I BU THU BO 'DI'I MING YANG TSUL KHRIMS BZANG PO'O, ,DUS DE'I CHE NA BCOM LDAN 'DAS BYAMS PA'I ZHAL SNGA NAS CHOS STON PAR MDZAD DE, THABS SU GYUR PA'I MYA NGAN LAS 'DAS PA'I GRONG KHYER DU 'GRO BAR BYED PA, 'PHAGS PA'I BDEN PA BZHI'I YON TAN DANG LDAN PA, DANG POR DGE BA, BAR DU DGE BA; THA MAR DGE BA, DON BZANG PO, TSIG 'BRU BZANG PO, MA 'DRES PA DANG, YONGS SU RDZOGS PA, YONGS SU DAG PA, YONGS SU BYANG BA'I CHOS STON PAR MDZAD PA NI, 'DI LTA STE, 'DI NI, GZUGS SO, ,'DI NI, GZUGS KUN 'BYUNG BA'O, ,'DI NI, GZUGS 'GOG PA'O, ,'DI NI, GZUGS 'GOG PAR 'GRO BA'I LAM MO, ,DE BZHIN DU TSOR BA DANG, 'DU SHES DANG, 'DU BYED DANG, RNAM PAR SHES PA RNAMS LA'ANG RGYA CHER MTSAN NYID STON PAR MDZAD DO, ,SEMS CAN THAMS CAD BDE LEGS SU BYED PA; ;NYON MONGS PA MED PA, MYA NGAN LAS 'DAS PA'I GRONG KHYER DU LEGS PAR 'JUG PAR BYED PA, 'GRO BA THAMS CAD SGRIB PA MED PAR MDZAD PA'I CHOS STON PAR MDZAD
, ,DO; ;DE NAS TSUL KHRIMS BZANG POS DE LTAR BCOM LDAN 'DAS BYAMS PA CHOS STON PAR MDZAD PA THOS PAR GYUR PA NAS SNGA MA BZHIN TE, DE DAG RNAMS KYIS KYANG DE DANG LHAN CIG TU DE KHO NA BZHIN THOS PAR GYUR TO, ,DE NAS DE DAG RNAMS SNGON GOMS PA'I DGE BA'I LAS RNAMS KYIS LEGS PAR BSKUL BAR GYUR PAS PHAN TSUN DU GTAM SKAD BSTUN NAS DE DAG THAMS CAD KYANG GANG NA TSUL KHRIMS BZANG PO YOD PA DER NYE BAR 'ONGS PAR GYUR TO, ,STONG PHRAG NYI SHU PO DE DAG RNAMS THAMS CAD KYANG TSUL KHRIMS BZANG PO LA GROS BYED PAR 'GYUR TE, RGYAS PAR NI, SNGA MA BZHIN NO, ,DE NAS DE DAG RNAMS KYIS GTZO BOS THOS PAR GYUR CING SNGON GYI DGE BA'I LAS KYIS LEGS PAR BSKUL NAS THABS CIG KHO NAR LANGS TE YID RANGS PAR GYUR PAS LEGS PAR GUS PA SKYES SHING DGA' BAR GYUR PAS BZHIN GYI MDANGS RAB TU TU DANG BA DANG LDAN PAR GYUR NAS THAMS CAD DANG YANG DAG PAR LDAN PA RNAMS GANG NA BCOM LDAN 'DAS BYAMS PA BZHUGS PA DER BLO RNAM PAR RGYAS PA RNAMS KYIS BRGYA BYIN YONGS SU BSKOR BA BZHIN DU NYE BAR LEGS PAR 'GRO BA'O, ,DE NAS BCOM LDAN 'DAS SKYES BU CHEN PO'I MTSAN SUM CU RTZA GNYIS
KYIS NYE BAR MDZES PAR GYUR PA'I SKU BYA BA NI, RGYAS PAR TE, CHOS STON PAR MDZAD PAR RGYANG RING BA NYID NAS MTHONG STE, LHA DANG MIR BCAS PA'I SKYE RGU RNAMS LA PHAN PA, DGE SBYONG DANG BRAM ZER BCAS PA'I TSOGS KYI SKYE RGU RNAMS KYIS YONGS SU BSKOR CING MDUN DU BDAR TE, THOG MA BAR DANG THA MAR DGE BA'I CHOS STON PAR MDZAD PA NI, MTSO BZHIN DU RAB TU DANG BAR GYUR PA, SHIN TU RLOG PA MED PA, SDUG BSNGAL THAMS CAD ZAD PAR BYED PA, 'KHOR BA THAMS CAD KYI BCING BA RNAMS GTAN NAS GROL BAR BYED PA, MYA NGAN LAS 'DAS PA'I MTHAR THUG PAR GYUR PA'I CHOS RNAMS STON PAR MDZAD DO, 'KHOR 'DI DAG RNAMS NI, SHIN TU ZAB PAR GYUR PAS RGYA MTSO LTA BU'O; ;DE NAS BCOM LDAN 'DAS KYIS RING BA NYID NAS SKYE BO'I TSOGS KYIS YONGS SU BSKOR BA MNGON PAR GZIGS NAS 'DI SKAD CES BKA' STZAL TO, ,'THAB BRAL GYI BDAG PO MU SU LUNDHA, MGO BOS ZHABS DAG LA LEGS PAR PHYAG 'TSAL CIG ,'KHOR DANG BCAS PA RNAMS KUN NAS 'ONGS PAR LEGS PAR 'ONGS SAM, TSANGS PAR SPYOD PA LEGS PAR SPYOD DAM, CHOS LA KHYOD KYI DBANG PO YONGS SU SMIN PAR GYUR TAM, MI DGE BA'I LAS MANG PO RNAMS BSRABS PAR BYAS SHING GTAN NAS ZAD
, ,PAR BYAS SAM, 'DOD PA BSTEN PA RNAMS YONGS SU SPANGS PAR GYUR TAM, DA NI, SDUG BSNGAL DE DAG RNAMS MTHAR BYED PA'I DUS SU PHYIN NO, ,DES DE BZHIN DU DE BZHIN GSHEGS PAS BKA' STZAL PA RNAMS DE LTAR THOS NAS YID RAB TU DGA' ZHING GUS PA LEGS PAR SKYES PAR GYUR TE, ,DE LTAR GYUR PAS 'KHOR BA THAMS CAD KYI ZAM PAR GYUR PA'I DE BZHIN GSHEGS PA'I GZUGS DPE MED PAR GYUR PA LEGS PAR MNGON PAR MTHONG NAS ,MGO BOS ZHABS LA LEGS PAR GTUGS SHING MNGON PAR MTHONG BA'I MTHA' GCIG TU 'DUG NAS 'DI SKAD CES GSOL TO, ,BCOM LDAN 'DAS, BDAG GI 'KHOR BAR 'JUG PA NI ZANG LAGS SO; ;DE NAS BCOM LDAN 'DAS KYIS GANG GIS STONG PHRAG NYI SHU PO 'DI DAG RNAMS ZAG PA ZAD PAR 'KHRID PAR BYED PA'I RNAM PA DES CHOS BSTAN TE, GANG DAG LHA'I 'JIG RTEN DU DE'I LHAN CIG SPYOD PAR GYUR PA RNAMS SO, ,DE LTAR MU SU LUNDHA DANG BCAS PA RNAMS KYIS BCOM LDAN 'DAS GSER THUB KYIS YONGS SU SPRUL PA'I MA 'ONGS PA THAMS CAD JI LTA BA BZHIN DU RJES SU MTHONG BAR GYUR TO, ,DE NAS NGO MTSAR BAR GYUR PA RNAM PA DU MA LEGS PAR MNGON PAR MTHONG BA DE DAG RNAMS NI, THAMS CAD MKHYEN PA NYID KYIS SPRUL
PAR GYUR PA YIN GYI, GZHAN DAG RNAMS KYIS NI, RTOGS PA'I YUL MA YIN PA'I PHYIR NA LHA DANG BCAS PA'I 'JIG RTEN RNAMS DANG, BDUD DANG BCAS PA RNAMS DANG, DGE SBYONG DANG BRAM ZE'I RIGS DANG BCAS PA'I SKYE RGU RNAMS DE BZHIN GSHEGS PA MA GTOGS PA GZHAN RNAMS LA NI, MA DAD PAR 'GYUR RO, ,DE LA SKYES BU RNAMS STEN PAR BYED PA'I MCHOG NI 'KHOR BA 'DI LAS NGES PAR 'BYUNG BAR BYED PA 'DI LTA STE, DGE BA'I BSHES GNYEN LA RTEN PA'O, ,DE NAS LHA DE DAG RNAMS NYID KHRID NAS YID SHIN TU RANGS PAR GYUR PAS SANGS RGYAS LA GUS PA LEGS PAR SKYES PA DE BZHIN DU CHOS DANG 'PHAGS PA'I DGE 'DUN RNAMS LA YANG NGO, ,GZHAN YANG LHA'I TSOGS DANG BCAS PA RNAMS KYIS ZHABS GNYIS LA MGO BOS KUN NAS PHYAG BYAS TE THAMS CAD KYANG MCHOD RTEN DE LAS PHYIR BYUNG BAR GYUR PA YIN NO, ,MDO DRUG PA LAS, GSER THUB KYI SPRUL PAS 'GRO BA'I MDO SDE LNGA PA RDZOGS SO;; ,,DE NAS GZHAN YANG MU SU LUNDHA RAB TU DGA' BA'I YID KYIS 'DOD PA'I 'JIGS PA'I SKYON STON PAR BYED PAS LHA DE DAG RNAMS NYID DANG LHAN CIG TU TSOGS PA RGYU BA NA SPYOD PA'I SA RNAMS LA KUN TU LTA BAR BYED DE, RAB TU DGA' BAR GYUR PAS DES DPYOD PAR BYED PA NA SNA TSOGS PA'I LHA'I TSOGS RNAMS KYIS GANG LA NAGS DANG, SKYED
, ,MOS TSAL DANG, MTSE 'U DANG, RDZING BU DANG, NAGS KYI TSOGS DANG, CHU KLUNG PHAL PO CHE RNAMS KYIS GANG BAR GYUR PA PADMA'I RDZING BU DU MA RNAMS LA RNAM PA THAMS CAD DU BYA NANG NA GNAS PA RNAMS KYIS RNAM PAR BRJOD PA DGA' BAR GYUR PA SGRA 'BYIN PAR BYED PA DANG, TSOGS PA RGYU BA'I SA RNAMS NA LHA'I BU MO BRGYA STONG DU MAS GLU DANG GAR LEGS PAR BYED PA DANG, RGOD PA DANG, 'GYING BA RNAMS KYIS BSTEN PA YON TAN DU MA DANG LDAN PA'I LHA RDZAS SMOS SU RUNG BA'I RIN PO CHE BDUN GYI RANG BZHIN GYI LJON SHING RNAMS LA 'BRAS BUS GANG BA, NOR BU'I RANG BZHIN GYI RI RAB TU MANG BA, NAGS RNAMS KYIS MDZES PAR GYUR PA RNAMS NA LAS KYI 'BRAS BU DMAN PA DANG, BAR MA DANG, KHYAD PAR DU 'PHAGS PA'I LAS KYIS LHA'I TSOGS RNAMS GCIG TU SRED PAS STEN PAR BYED PAS KUN TU DAD PA DANG PHAN TSUN LHAN CIG TU GNOD PA MED PAS NGAL BSO BAS BSKYED PA'I LHA DANG LHA MO'I TSOGS KYIS 'KHRIGS PAR GYUR PA DANG, GTUM PA'I CHU KLUNG DGA' BAR GYUR PA RNAMS SHIN TU PHAL CHE BA, GZHAN YANG RIN PO CHE SNA TSOGS PA'I KHANG BU'I PHRENG BA NGO MTSAR BAR DGA' BAR GYUR PAS 'DOD PA'I YON TAN LNGAS PHUN SUM TSOGS PA, PHAN TSUN DU RIN PO CHE'I 'OD KYIS
BRGYAN PA, GSER SHIN TU 'BAR BAR GYUR PA DANG, BYU RU DANG, MU SA RA GARBHA DANG, AI NDRA N'I LA'I RI'I RTZE MO PHAN TSUN KUN TU 'BAR BAS NYE BAR MDZES PAR GYUR PA'I TSOGS PA RGYU BA NA SPYOD PA'I SA DE DAG RNAMS LA KUN TU BLTAS NAS MU SU LUNDHA DES 'DI SKAD CES SMRAS SO, ,KHYED RNAMS LHA'I TSOGS 'DI DAG RNAMS RAB TU DGA' BAS YID CHES, DGA' BAR GYUR BAS MTHON PO RNAMS NAS MTHON PO RNAMS DANG, RI'I RTZE MO NAS RI'I RTZE MOR RTZE BAR BYED PA, RAB TU RANGS PAS RDA SKAD YAN LAG LNGA PA SHIN TU BSGRAGS PAR GYUR CING, RAB TU RGYU BAR BYED PA RNAMS LTOS DANG, BRJOD PA, LHA, BDAG CAG GIS MTHONG LAGS SO, ,LHA'I TSOGS DE DAG RNAMS THAMS CAD NYID NI, CHU DANG BRAL BA'I MCHOD RTEN NO, ,DE NAS GZHAN YANG LHA DE DAG RNAMS LA 'DI SKAD CES SMRAS TE, LHA DAG ,DE BZHIN GSHEGS PAS 'DI DAG NGES PAR SDUG BSNGAL DU GSUNGS PA NI; GNAS YIN NO, ,BAG MED PAS RNAM PAR RGYU BA'I LHA RNAMS NI, MNGON PAR RIGS PAR 'GRO BA YIN TE, SKYE BU RNAMS KYI LEGS PAR BYAS PA'I LAS RNAMS KYANG ZAD NAS 'CHI 'PHO BA'I DUS SU PHYIN PA DANG PHYI MA LA MYUR DU LTUNG NGO, ,'DU BYED KYI LAS RGYU MA LTA BU RNAMS KYANG BYIS PA RNAMS KYIS GO BAR 'GYUR BA 'ANG MA YIN
, ,NO; ;DMYAL BA DANG, YI DVAGS DANG, DUD 'GRO'I SKYE BAR LOG PAR LTUNG BA RNAMS KYANG BAG MED PAR RGYU BA'I LHAS GO BA MA YIN NO, ,GANG GI PHYIR LAS RNAMS LAS YIN PA 'DI'ANG SGO GCIG GIS SDUG BSNGAL BAR 'GYUR BA'I SKYE BA MA BZLOG PA LAS YIN TE, DE CI'I PHYIR ZHE NA, SKYE BA DANG, GNAS PA DANG, 'JIG PA'I MTSAN NYID GSUM DANG LDAN PA 'DUS BYAS RNAMS KYIS RAB KYI MCHOG TU GYUR PA'I LAS 'DI DAG RNAMS THAMS CAD KYANG BSDUS PA DANG, SKYES BU RNAMS SHIN TU LHAN CIG TU 'JUG PA'I PHYIR RO, ,DE LA NI, SKYON GSUM GYIS MA RUNGS PAR GYUR PA, SDUG BSNGAL DU MA PHAL PO CHE'I GNAS SU GYUR PA, MYANG BA'I RO NI, 'GA' ZHIG KYANG RTOGS PA MA YIN NO, ,MCHOG TU SKYID PAR GYUR PA'I TSOGS BDAG CAG RNAMS GANG YIN PA LA YANG 'CHI BA'ANG SBYANGS PAR GYUR PAS SKAD CIG RE RE ZHING STEN PAR BYED DO; ;'CHI BDAG GI KHAS KYANG 'BIGS PAR BYED DO, ,'DU BYED 'DI DAG THAMS CAD KYANG SKAD CIG PA, GSON PA 'DI THAMS CAD NI, MYUR BAR LTUNG BA, LANG TSO'ANG GCIG TU DGA' BA MA YIN NO, ,PHUN SUM TSOGS PA RNAMS KYANG MYUR BAR 'JIG GO ,'BRAL BAR 'GYUR BA MTHA'I SDUG BSNGAL RNAM PA MANG PO MCHOG TU MI BZANG
PA'I 'CHI BDAG GANG GI CHE 'DI DAG RNAMS NGES PAR RTOGS PAR 'GYUR RO, ,DE NAS LHA DE DAG RNAMS KYIS LHA'I BDAG PO MNGON PAR MTHONG NAS RAB TU RANGS PA'I YID KYIS RINGS PA RINGS PAR COD PAN RNAM PAR 'PHYANG BA'I PHRENG BA DANG DO SHAL DAG RNAM PAR DPYANGS PAS 'PHYANG BA, RANG GI LUS KYI 'OD 'PHRO BAS 'OD DANG LDAN PAR GYUR PA, MCHOG TU RGYA CHE BA'I RGYAN DANG CHA BYAD CAN GYI BUD MED KYI 'GRO BA STONG GIS YONGS SU BSKOR NAS RNAM PA SNA TSOGS PA'I RNGA SKAD RNAMS DANG, GLU DANG, GAR DANG, RGOD PA DANG, 'GYING PA RTZE BAR BYED PAS LHAN CIG TU MCHOG TU SKYID PAR GYUR PA, RANG GIS BYAS PA'I DGE BA'I LAS RNAMS DANG LDAN PA RNAM PA BRGYA STONG DU MA'I GZUGS KYI DPAL RNAMS 'DZIN PAR GYUR PAS GANG NA LHA'I MNGA' BDAG MU SU LUNDHA 'DI YOD PA DE DANG DER RINGS PA RINGS PAR THAG BSNYEN PAR GYUR TO, ,DE NAS RGYAL POR DE DAG RNAMS RJES SU GZHUG PA'I DON GANG NA DE DAG RNAMS YOD PAR 'GRO'O, ,DE DAG RNAMS KYANG NYE BAR 'ONGS PAR GYUR TO, ,DE DAG RNAMS KYI RTZED MO LA LTOS PA'I PHYIR RO, ,DE NAS DE DAG RNAMS DANG, LHA GZHAN RNAMS KYI'ANG NANG DU SONG NAS 'THAB BRAL GYI MNGA' BDAG DE MNGON PAR RTZE BAR BYED DO, ,RGOD PAR BYED DE, ,'GYING
, ,BAR BYED DO, ,YONGS SU SPYOD PAR YANG BYED DO, ,DE RNAMS RJES SU GZHUG PA'I DON DU YIN GYI, RANG BZHIN NI, MA YIN NO, ,DE DE DAG RNAMS KYI NANG DU SONG NAS YUD TZAM ZHIG RGOD CING 'GYING BA DANG RTZED MO RTZE BA DAG BYAS SO, ,DE DAG RNAMS NI, RANG BZHIN GYIS SEMS TZA BA HRAL CAN YIN PAS DANG, LHA RNAMS NI, 'DOD PA DU MA LA RNAM PAR CHAGS PA'I SEMS YIN PAS KYANG GZHAN DU RI'I RTZE MO RNAMS LA RJES SU STON PAR BYED PA RNAMS DANG, BYU RU'I RANG BZHIN GYI LJON SHING SNA TSOGS PA RNAMS DANG LDAN PA, RNAM PA BRGYA STONG DU MA'I SGRA DANG, DBYIBS DANG, 'OD ZER DU MAS GSAL BAR GYUR PA , KHAMS DU MAS RNAM PAR BKRA BA'I RI'I RTZE MO RNAMS LA RJES SU STEN PA RNAMS NI, BLO MANG BAR GYUR PA YIN NO, ,'THAB BRAL GYI BDAG PO 'DI DANG LHA DE DAG RNAMS NYID NI; PHYOGS GCIG TU STE, YUL DU MA RNAMS LA RNAM PAR CHAGS PA'I YID DANG JI LTA BAR BRAL BA'I LHA GANG YIN PA DE DAG RNAMS LHAN CIG TU GYUR PA DE DAG LA 'THAB BRAL GYI MNGA' BDAG GIS 'DI SKAD CES BRJOD DO, ,LHA DAG ,BDAG CAG RNAMS LHA DE DAG RNAMS CAN DU 'GRO BAR BYA STE, RANG GI DON LAS LDOG PAR 'GYUR
PA'I YUL RNAMS KYI DON GANG YIN PA LAS LDOG PA NYID KYIS BDE LEGS BYAS PAR 'GYUR RO, ,'DI DAG RNAMS MI 'JUG CING CHOS LA RJES SU SGRUB PAR NI, BDAG CAG RNAMS KYIS CI NAS KYANG BYA BA YIN NO, ,BDE LEGS GZHAN RNAMS DE LTAR NYE BAR GO NAS LHA DE DAG RNAMS NYID DANG BCAS TE, LHA RNAMS KYI BDAG PO DE YID RAB TU ZHI BAR GYUR BAS GZHAN YANG GANG NA TSOGS PA RGYU BA NA RNAM PAR SPYOD PA'I LHA DE DAG RNAMS KYI SA'I YUL PHYOGS GZHAN ZHIG YOD PA DER NYE BAR LEGS PAR 'GRO STE, 'BAB CHU DANG, RDZING BU DANG, PADMA'I TSAL SNA TSOGS PA RNAMS LA BYA'I TSOGS RNAMS KYIS RNAM PAR BRGYAN PA, RNAM PA SNA TSOGS PA'I RTZE MO NYE BAR DUD PAR GYUR PA, RIN PO CHE RNAMS KYI DPAL NYE 'KHOR NA RAB TU 'BAR BA LTA BUR GYUR PA DE NA YOD PA'I SA PHYOGS KYI CHA YID 'PHROG PAR BYED PA, RNAM PA DE SRID PA RNAMS KYIS NI, 'THAB BRAL GYI BDAG POS KYANG NGO MTSAR BAR BYED PA, RIN PO CHE THAMS CAD KYI DPAL ZIL GYIS MNAN NAS NAM MKHA' BRTOL BA BZHIN DU MTHO BAR GNAS PA, RIN PO CHE SNA TSOGS KYI 'OD DANG LDAN PA DANG, NYI MA BRGYA STONG DANG LDAN PA, MNGON PAR GSAL BA'I GZI BRJID DANG LDAN PA, MCHOG TU ZHI ZHING NYE BAR GSAL BAR GYUR PA, MCHOG TU RNAM PAR DBEN PA'I SA'I CHA SHAS NA GNAS
, ,PA'I MCHOD RTEN MTHONG NGO, ,DE NAS LHA'I BDAG POS 'DI SKAD CES SMRAS SO, ,RIN PO CHE SNA TSOGS PA RNAMS 'BAR BAR MTHONG BA 'DI NI, CI ZHIG BYA BA STE, SNGA MA BZHIN NO, ,DE NAS LHA DE DAG GI DRUNG NAS RNAM PA DE LTA BU'I TSIG RNAMS THOS NAS 'THAB BRAL GYI BDAG PO DES 'DI SKAD CES BRJOD DE, KHYED RNAMS NYON DANG, GANG 'DIR MTHONG BA'I RIN PO CHE SNA TSOGS 'BAR BAR GYUR BA ZHES BYA BA RNAMS NI, SNGA MA BZHIN NO, ,'DI DAG NI, BCOM LDAN 'DAS DRUG PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BLA NA MED PA, SKYES BU 'DUL BA KHA LO SGYUR BA, LHA'I LHAR GYUR PA 'OD SRUNG GI GDUNG RTEN LHAM ME BAR GYUR BA'O, ,MCHOD RTEN GZHAN RNAMS LA NI, TSANGS PAS GSON PA'I LHA RNAMS NYID KYIS BRGYUS PAR GYUR LA, SNGON BSGOMS PA'I SEMS DANG LDAN PA RNAMS LA PHAN PA'I DON DU DANG, RJES SU 'JUG PAR BYA BA'I PHYIR MCHOD RTEN 'DI'I RTZIG LOGS LA BYAS PA RNAMS YIN NO, ,DE BZHIN GSHEGS PA DGRA BCOM PA DE DAG RNAMS DANG, GZHAN DAG RNAMS KYI MCHOD RTEN DE DAG LA'ANG NGA DANG KHYED CAG RNAMS KYANG SANGS RGYAS DANG CHOS LA GUS PA DANG, BDAG NYID
LA'ANG PHAN PAR 'DOD PAS LEGS PAR 'GRO BAR BYA'O, ,DE SKAD CES BRJOD NAS 'THAB BRAL BA'I BDAG PO DE LHA'I TSOGS DANG BCAS PA RNAMS GANG NA DRANG SRONG DANG MCHOG GI GDUNG RTEN DE YOD PA YIN PA DER NYE BAR SONG BA NA RIN PO CHE SNA TSOGS 'BAR BAR GYUR BA DE NYID DE DAG RNAMS KYIS MTHONG BA NI, SNGA MA BZHIN NO, ,DE NAS LHA DE DAG MCHOD RTEN DU BZHUGS PAR GYUR PA NA LHA'I TSOGS RNAMS KYIS MTHONG BAR GYUR BA NI, DRANG SRONG GI MCHOG 'OD SRUNG GI SKU GZUGS DZAMBU'I CHU BO'I GSER GYI RANG BZHIN RIN PO CHE SNA TSOGS KUN TU 'BAR BA'I NA BZA' DANG, BEE d'URYA'I RANG BZHIN GYI SENGGE'I KHRI LA BZHUGS PA DNGOS KHO NA BZHIN DU CHOS STON PAR MDZAD PA'I GZUGS KYI DNGOS PO DPE MED PAR GYUR PA'I RNAM PA GANG GI KHYAD PAR GYIS NI, LHA DE DAG RNAMS DANG, SRIN BU ME KHYER DANG NYI MA'I KHYAD PAR BZHIN DU DE'I DPAL RNAMS LA DPE MED PA YIN NO, ,DE NAS BCOM LDAN 'DAS DE'I SKU DE DAG GIS MNGON PAR MTHONG BAR GYUR BA DANG, YID CHES RAB TU BDE BSKYES NAS GUS PA DANG, GDUNG BAS KUN NAS MGO BTUD DE COD PAN DANG PHRENG BA DANG BRAL BA, ME TOG GI PHRENG BA DANG BRAL BA, GZUGS DANG, DBANG PHYUG DANG, 'OD KYI RGYAGS PA RNAMS DANG BRAL BA, DRI DANG BRAL BA, 'DOD PA DANG BRAL BAS BCOM LDAN 'DAS DE'I ZHABS GNYIS LA RAB TU BTUD DO, ,GUS PAS MGO BO BTUD PAS DES DE BZHIN DU MNGON PAR PHYAG BTZAL NAS GZHAN YANG RGYAGS PA RNAMS DANG
, ,BRAL BAS BCOM LDAN 'DAS DE LA PHYAG 'TSAL LA PHYAG BTZAL NAS LANGS TE THAMS CAD KYANG YID RTZE GCIG PAR GYUR CING RANG BZHIN GYIS MI G-YO BA YANG MA YIN PAS RIN PO CHE DU MAS RNAM PAR BRGYAN PA, GZUGS DPE MED PA DANG LDAN PAS BCOM LDAN 'DAS KYI SKU GZUGS KYI MCHOD RTEN DE'I NANG DU SONG NAS LAS KYIS BYAS PA RNAMS LA SEMS PAS LTA BAR BYED DO, ,DE NAS DE NYID KYIS LOGS LA RDZU 'PHRUL GYIS BRTZIGS PA'I STENG DU LEGS PAR GSAL BAR GYUR BA'I YI GER BRIS PA'I MDO SDE LHA DANG MI RNAMS LA PHAN PA'I DON DANG, 'GRO BA THAMS CAD LA MCHOG TU PHAN PA'I DON DU 'GYUR BAR YANG MDO SHIN TU GSAL BA'I YI GER GYUR PA, TSIG DANG DON BZANG POR GYUR PA, MYA NGAN LAS 'DAS PAR 'GRO BA STON PA; BYIS PA'I BLO DANG LDAN PA'I BYIS PA'I SKYE BO RNAMS THAMS CAD LA SGRON MAR GYUR PA YIN NO, ,DE NAS MDO 'DI'I STENG DU [?] YIN TE, 'DUL BAR BYED PA, BDE LEGS SU BYED PA; MAR ME LTA BUR GYUR PA, GDAMS NGAG TU GYUR PA, MYA NGAN LAS 'DAS PA'I GRONG KHYER LEGS PAR STON PAR BYED PAR GYUR BA, RAB TU BYUNG BA RNAMS THAMS CAD KYI MKHAN PO LTA BUR GYUR PA BSLAB PA'I GZHI RNAMS YIN NO, ,'DI LTA STE, CHOS BCU GSUM PO 'DI DAG RNAMS KYIS NI, GANG DAG DGE SLONG YIN PA RNAMS KYI BAR CHAD BYED PAR 'GYUR RO, ,BSAM GTAN
LA SNYOMS PAR 'JUG PA DANG, MYA NGAN LAS 'DAS PAR 'GRO BA DANG, RANG GI BYA BA RNAMS KYANG YONGS SU BCOM PAR 'GYUR RO, ,CHOS BCU GSUM PO 'DI DAG RNAMS RJES SU SGRUB PAR BYED PA'I DGE SLONG DE DAG NI, NAD DANG, RGA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, NGAL DUB RNAMS LAS DE YONGS SU MI 'GROL LO, ,BRGYA PHRAG TU'ANG 'PHYA BAR BYA BA'I GNAS SU 'GYUR RO, ,'DI'I RAB TU BYUNG BA DON MED PA YIN NO, ,LUS DANG, NGAG DANG, YID KYANG BSNGAMS PAR 'GYUR BA MA YIN NO, ,BRTZON 'GRUS MA BRTZAMS PA GANG YIN PA RNAMS LA NI, GNAS MAL DANG, NAD KYI GSOS SMAN GYI YO BYAD RNAMS LAS GCIG KYANG NGAS SBYIN DU MA GNANG NGO, ,DE DAG GIS DE'I BAR DU GCOD PAR 'GYUR RO, ,'DI LTA STE, MDOG NGAN PA DANG, LE LO CAN DANG, SNGAR MAR GYUR BA DANG, MNGON PAR MI SHES PA'I SKYES BU RNAMS KYIS NI, RGYAGS PA'I SHUGS KYIS ZAB PAR GYUR BA BZOD PAR DKA' BA RNAMS LAS RGAL BAR MI NUS SO,, DE KHO NA BZHIN DU RANG BZHIN GYI BRTZON 'GRUS NYE MA CHUNG BAR GYUR PA, SEMS BSDAMS PA MA YIN PA, LE LO CAN, BSAM GTAN LA SNYOMS PAR 'JUG PA NA DGE BA LA 'JIGS PA, BLUN PAR GYUR BA DANG, RANG BZHIN GYIS MA RIG PAS G-YOGS PA RNAMS KYIS NI, CHU BO LNGA LEGS PAR RGAL NUS PA'ANG MA YIN NO, ,YUL GYI CHU MI BZAD PA'I RTZE MOR GYUR PA RNAMS LEGS PAR RGAL NUS PA,
, ,MA YIN NO, ,DE DES KUN NAS 'KHRID PA YIN TE, SNYING YANG SRED PA'I CHU KLUNG GIS KHYER NAS 'KHOR BA'I RGYA MTSOR YONGS SU 'KHYAMS SO, ,CHOS BCU GSUM PO DE DAG RNAMS GANG ZHE NA, 'DI LTA STE, TSOGS PA 'DUS PA DANG, SMAN PA DANG, RI MO'I LAS DANG, THOS PA NGAN PA SNYAN DNGAGS SDEB PA DANG, RGYU SKAR BGRANG BA DANG, RGYU MTSAN GYI SEMS DANG, RJES SU RNYED PA DANG BKUR STIR KHAS LEN PA DANG, GSER 'GYUR LA SEMS RTZE GCIG PA'I SHA ZA DANG, RGYAL PO'I ZHABS 'BRING BYED PA DANG, BDE BAR PHE'U BTAB PA KHAS LEN PA DANG, MI 'DRI BA DANG, GROGS PO MANG PO DANG 'DRE BAR GNAS PA STE, CHOS BCU GSUM PO DE DAG RNAMS KYIS DGE SBYONG DAG BSAM GTAN BYED PAR GYUR PA NA BAR DU GCOD PAR BYED PAR 'GYUR RO, ,DE STENG NAS LHUNG NAS RANG GI DON LAS NYAMS PAR 'GYUR RO, ,DMYAL BA DANG, YI DVAGS DANG, DUD 'GRO RNAMS SU YANG SKYE'O, ,'DIS RAB TU BYUNG BA NI, DON MED PAR 'GYUR RO; ;DE KHYIM PA MA YIN NO, ,RAB TU BYUNG BA YANG MA YIN NO, ,DGE BA'I LAS RNAMS YONGS SU SPANGS PAR GYUR PA, GROGS TSANGS PA MTSUNGS PAR SPYOD PA RNAMS KYIS SMAD PAR GYUR PA, DUNG GI SGRA DANG MTSUNGS PAR SPYOD PA YIN NO, ,THOS PA MED PA DANG SHES PA MED PA'I PHYIR NA 'DI'I YID KYIS BSAM PA'I MYA NGAN 'DAS PAR 'GRO BA'ANG 'GRUB PAR MI 'GYUR RO, ,LHA RNAMS
KYIS KYANG SPONG BAR BYED DO, ,DE LA 'DI DANG PO KHO NAR BSAM GTAN LA SNYOMS PAR ZHUGS PA NA RNAM PAR SREG PAR GYUR NAS MCHOG TU YANG YID RNAM PAR G-YENG BAR BYED PA, LTUNG BA RNAMS LA SHIN TU DGA' BAR GYUR PA, PHYI NAS 'GYOD PAR BYED PA PO RAB TU BYUNG BA THAMS CAD KYIS RNAM PAR SPANG BAR BYA BA 'DI LTA STE, TSOGS PA 'DUS PA LA DGA' BA'O, ,TSOGS PA 'DUS PA LA DGA' BA'ANG SEMS MA BSDAMS PA YIN NO, ,MA BSDAMS PAR SPYOD PA RNAMS KYANG RANG BZHIN GYIS RGOD PAR 'GYUR BA'I PHYIR NA RTAG TU YANG YID KYIS KUN BRJOD PAR 'GYUR RO, ,SEMS SHIN TU RNAM PAR G-YENG BA RAB TU G-YO BA'I RTOG PA RAB TU G-YO BA'I BLO DANG RNAM PA DE LTA BU NYID LA RTEN PAR BYED PA DANG, GANG DAG LA YOD PA GANG YIN PA'I SEMS RNAM PAR G-YENG BAR GYUR BA NA , GANG RTAG TU'ANG GAR DANG BRO LA DGA' BAS KUN TU BLTAR 'GRO BA LA SOGS PAS DE MA BSDAMS PA KHO NAR RTAG PAR SPYOD PAR 'GYUR TE, GRONG KHYER DANG, YUL CHUNG DANG, GRONG DANG, GRONG RDAL DU 'GRO BAR BYED DO, ,RTAG TU'ANG SPRO BAS LTA BA POR 'GYUR RO, ,TSOGS PA 'DUS PA RNAMS LA KUN TU LTA BA DE DAG RNAMS LHAN CIG TU 'GROGS NAS RGYUN DU YUL DU 'GRO BAR BYED DO, ,THAMS CAD DU 'GRO BAR BYED CING MA BSDAMS PAR GYUR BAS RTAG TU'ANG KHA NA MA THO BA'I TSIG BRJOD PA LA MNGON PAR DGA' BA LA GCIG TU ZHUGS PA'I BLO NI, NYIN MO DANG MTSAN MOR YANG SNGOD
, ,PA MA YIN NO, ,DE NI, BLO RNAM PAR G-YENG BAR GYUR PA, THOS PA DANG MI LDAN PA YIN TE, GZHAN GROGS TSANGS PA MTSUNGS PAR SPYOD PA RNAMS KYIS RNAM PAR SMOD PAR BYED DO, ,DE LA GSHES PAR GYUR PA'ANG BDAG NYID RANG GIS KUN TU MI RTOGS SO, ,DE DAG TSUL KHRIMS DANG LDAN PA RNAMS KYI DRUNG NA YID KYI BYA BA BYED DO, ,DE LUS ZHIG PAR GYUR PA NA NGAN SONG LOG PAR LTUNG BAR LHUNG NAS DMYAL BAR SKYE'O, ,GZHAN YANG TSOGS PA 'DUS PA LA SKYON CHEN PO RNAMS YOD DE, TSOGS PA 'DUS PA LA MNGON PAR DGA' BA'I DGE SLONG NGAN PA TSUL KHRIMS 'CHAL PA, RTAG TU TSOGS PA 'DUS PA LA MNGON PAR DGA' BA'I SGRA RNAMS NYAN PAR BYED PA NI, RGOD PAR 'GYUR RO, ,MA BSDAMS PA BLO RAB TU MA ZHI BA DE'I BLO LA LTOS NAS SBYIN BDAG DANG SBYIN PA PO RNAMS DBANG CHE BAR 'GYUR TE, RNYED PA DANG BKUR STIS ZIL GYIS MNAN PAR GYUR PA'I PHYIR RO, ,GZHAN YANG RAB TU BYUNG BAS GZHAN DAG RNAMS KHA DRAG PA'I SKYON YOD DO, ,GZHAN YANG TSOGS PA 'DUS PA'I SKYON RNAMS GANG ZHE NA, 'DI LTA STE, BDAG NYID RANG SHIN TU TSOGS PA 'DUS PA PO YIN PAS RAB TU BYUNG BA GZHAN DAG RNAMS KYANG TSOGS PA 'DUS PA DE LA DGA' BA KHO NAR BYED DO, ,DAM PA'I CHOS LAS YONGS SU NYAMS PAR BYED DO, ,DE LA 'DIS BDAG NYID RANG CHUD
GZAN NAS GZHAN RNAMS KYANG CHUD GZON PAR BYED DO, ,BDAG NYID RANG YONGS SU NYAMS PAR 'GYUR BA'I BSAM PA LA SBYOR RO, ,RNAM PA DE LTA BU'I SEMS CAN DE NI, DGE 'DUN THAMS CAD KYIS SPANG BAR BYA STE, 'DIS NI, DGE SLONG TSUL KHRIMS DANG LDAN PA RNAMS KYANG CHUD GZON PAR BYED DO, ,TSUL KHRIMS CAN GYIS 'DI YONGS SU SPANG BAR BYA STE, SDIG PA'I GROGS PO'I RANG BZHIN CAN 'DI NI, TSANGS PA MTSUNGS PAR SPYOD PA THAMS CAD KYIS RNAM PAR SMAD PA YIN NO, ,GZHAN YANG TSOGS PA 'DUS PA'I SKYON RNAMS NI, GANG GI PHYIR TSOGS PA 'DUS PA RNAMS NI, RNAM PA SNA TSOGS PA YIN NO, ,GANG GI PHYIR TSOGS PA 'DUS PA RNAMS NI, SGRA SNA TSOGS PA YIN NO, ,RNAM PAR BKRA BA SNA TSOGS PA'I SGRA RNAMS KYIS SEMS DGA' BAR BYED PA'ANG YIN TE, SGRA LA SHIN TU CHAGS PAS DE DAG LA YID BRTEN PAR GYUR NAS CHES RAB TU G-YO BAR GYUR PA'I YID KYIS DGA' BA MNGON PAR RDZOGS PAR BYED DO, ,CHAGS PAR GYUR PA'I BLO DAD PA MED PA DE NI, DON GANG LA'ANG DAD PAR MI 'GYUR RO, ,GANG DAG CHOS MA YIN PA'I CHOS RNAMS LA 'JUG PAR BYED DO, ,DE DE LA YANG DAD PAR MI BYED DO, ,DE BDE BAS RKYEN DANG BCAS PA'I LOG PAR LTUNG BA KUN TU SPYOD PAR BYED PA YIN NO, ,DE DE LA'ANG LOG PAR SMRA BAR 'GYUR RO, ,DE LUS ZHIG NAS SHI BAR GYUR PA'I 'OG TU NGAN SONG DU LOG PAR LHUNG NAS DMYAL
, ,BA RNAMS SU SKYE BAR 'GYUR TE, TSOGS PA 'DUS PA 'DI'I YAL GA GYES PA RNAMS NI, SKYON CHEN PO MANG BAR 'GYUR RO, ,DE NAS DE'I DUS NA BCOM LDAN 'DAS 'OD SRUNG DES TSIGS SU BCAD PA GSUNGS PA JI LTAR, 'CHING BA DU MA'I TSIG RKANG LDAN, ,YID NI RNAM PAR G-YENG BYED PA, ,TSANGS PAR SPYOD PA CHUD GZON PA'O, ,MYA NGAN 'DAS 'GRO SUN 'DON PA'O, ,RTEN CING RTAG TU SBYOR BYED PA, ,RANG BZHIN GYIS NI TSUL KHRIMS SPANGS, ,BSAM GTAN MNGON DGA' DE NYID MTHONG, ,RTAG TU DE NI YONGS SU SPONGS, ,GOD PA'I RTZA BA GCIG LAS NI, ,YID LA BYED PA RAB CHUD GZON, ,MYA NGAN 'DAS PA GSAL STON PA'I, ,TSANGS PAR SPYOD PA CHUD GZON PA'O, ,SDUG BSNGAL LAS NI ZLOG BYED PA, ,MTHO RIS LAM LAS NYAMS BYED PA, ,PHO NYA YI DVAGS 'JIG RTEN GYIS, ,DUD 'GRO'I SKYE GNAS SU BSKYUR BA, ,'KHOR BA MA LUS KUN GYI MA, ,TSOGS PA 'DUS PA'I MING YANG SPONGS, ,BSAM GTAN SNYOMS 'JUG YANG DAG LDAN, ,DGE SLONG YID NI DAG RNAMS KYIS, ,DE LTAR BCOM LDAN 'DAS 'OD SRUNG DRANG SRONG GI MCHOG DES TSOGS PA 'DUS PA'I SKYON 'DI DAG RNAMS GSUNGS SO; ;GZHAN TSOGS PA 'DUS PA MA YIN PA'I YON TAN RNAMS STON PAR MDZAD DE, DGE SLONG GANG DAG SEMS SHIN TU MNYAM PAR BZHAG PAR GYUR PA, DAM PA'I CHOS 'BA' ZHIG LA
MNGON PAR DGA' BA, DAM PA'I CHOS 'BA' ZHIG STON PAR BYED PA, DAM PA'I CHOS NYID SEMS PAR BYED PA, DAM PA'I CHOS RTOGS PAR GYUR LA, SANGS RGYAS LA RAB TU 'DUD PAR BYED PA'I RANG BZHIN CAN DU GYUR PA DE DAG RNAMS KYIS NI, GANG BLTA BAR BYA BA'I ZHABS DRUNG DE DAG NYID MTHONG BAR 'GYUR RO, ,TSOGS PA 'DUS PA'I SRID PA RNAMS LAS GROL BA, RTZE GCIG TU DGA' BAR GYUR PA, GCIG TU 'KHOR BA'I 'JIGS PA RNAMS KYIS SKRAG PA, GZHAN DU NA DE DAG RNAMS KYI NGAG GI NGAL BA 'BRAS BU DANG BCAS PA NI, GANG 'PHAGS PA'I BDEN PA BZHI'O, ,'PHAGS PA'I BDEN PA BZHI PO RNAMS KYI GTAM YANG RJOD PAR BYED DO, ,DE DAG RNAMS KYI LUS NGAL BA DON YOD PA NI, GANG SANGS RGYAS DANG, CHOS DANG, DGE 'DUN RNAMS LA THAL MO SBYOR BA'I LAS KYIS RAB TU BTUD DE LUS KYIS KYANG SKYO BA SKYE BA'O, ,DE DAG RNAMS BDAG NYID NGAL BA'I YID KYI NGAL BA 'BRAS BU DANG BCAS PAR GYUR BA NI, RANG GI MTSAN NYID DANG, SEMS KYI SPYI'I MTSAN NYID RNAMS LA YID 'BYUNG BAR BYED PA'O, ,DE DAG RNAMS KYI YONGS SU NGAL BA 'BRAS BU DANG BCAS PA RNAM PA GSUM PO RNAMS KYIS JI LTAR NA MYA NGAN LAS 'DAS PA DANG NYE BAR 'JUG PA YIN ZHE NA, GANG DAG YONGS SU GOMS PAR BYED PA'I THABS THAMS CAD KYIS TSOGS PA 'DUS PA LA DGA' BAR MI BYED CING SDIG PA'I GROGS PO RNAMS STEN PAR MI BYED PA, YID LEGS PAR SDOM PAR
, ,BYED PA DANG, YID SHIN TU BAR YANG MNYAM PAR BZHAG PAR YANG GSUM GYIS TE, 'DI DAG RNAMS KYIS NI, JI LTA BA BZHIN DU MYA NGAN LAS 'DA'I, GSUM PO RNAMS GANG ZHE NA, 'DI LTA STE, DBUGS RDUB PA DANG 'BYUNG BA DRAN PA DANG, MI SDUG PA DANG, KHAMS KYI RAB TU DBYE BA'O, ,DE LA THAMS CAD NYID KYANG LAM DE DAG RNAMS LAS SEMS MNYAM PAR BZHAG PAR 'GYUR RO, ,SEMS MNYAM PAR BZHAG PA MA YIN PA RNAMS DANG, SEMS MNYAM PAR 'JOG PAR MI BYED PA'ANG TSOGS PA 'DUS PA STE, LAM GSUM SUN 'DON PAR BYED PA'ANG YIN NO,, DMYAL BA DANG, YI DVAGS DANG, DUD 'GRO RNAMS SU 'GRO BAR BYED PA'I ZHAGS PAR GYUR PA, THABS MA YIN PAS KUN NAS BCINGS NAS SKYES BU DMYAL BA RNAMS SU RGYUG PAR BYED DO, ,YI DVAGS DANG, DUD 'GRO'I 'GRO BA YANG STE, DE DAG RNAMS NI, TSOGS PA 'DUS PA LA DGA' BAS BSLUS PA YIN NO, ,DE'I PHYIR TSOGS PA 'DUS PA NI, DUG DANG, MTSON CHA DANG, ME DANG, GCAN GZAN KHRO BO DANG, G-YANGS RNAMS BZHIN DU BLO DANG LDAN PA'I DGE SLONG BSAM GTAN LA SNYOMS PAR 'JUG PA RNAMS KYIS RTAG TU YONGS SU SPANG BAR BYA'O, ,BAG MED PA'I SKYES BU MANG PO RNAMS TSOGS PA 'DUS PA GANG YIN PAS BSLUS TE, DMYAL BA DANG, YI DVAGS DANG, DUD 'GRO RNAMS SU SKYE BAR 'GYUR RO, ,DE DAG RNAMS BAG MED PAR GYUR PA YANG LAN
GRANGS GZHAN LA MYONG BAR 'GYUR BA'I LAS KYIS GAR DANG GAR BYED PA RDA DZHA LLA KA DANG, GLU MKHAN DU GYUR PA GZHAN GYI KHYIM GYI SGOR BKREN PAR GYUR PA'I SLONG MO NAN DANG BRAL BAS SRANG DANG SGOR YON GYIS 'TSO BAR 'GYUR BA YIN PAS NA TSOGS PA 'DUS PA NI, SPRUL MTHONG BA'I DUG CAN DANG, TSOGS PA 'DUS PA NI, MES SREG PA DANG, TSOGS PA 'DUS PA NI, DONG DU LHUNG BA DANG, TSOGS PA 'DUS PA NI, GTI MUG GIS RNAM PAR RMONGS PA DANG, TSOGS PA 'DUS PA NI, 'DOD CHAGS KYIS KUN TU 'DOD CHAGS PA DANG, TSOGS PA 'DUS PA NI, ZO CHUN RGYUD MO RNAM PAR 'PHRUL PA DANG, TSOGS PA 'DUS PA NI, RNAM PAR RMONGS PAR BYED PA DANG, TSOGS PA 'DI NI, MUN PA'I PHUNG PO BZHIN DU DU MAR RNAM PAR RGYAL BA MA YIN PAR BYED PA YIN PAS 'JIGS PA GCIG PO DANG, GCIG TU SRID PAS 'JIGS PAR GYUR BA RNAMS DANG, GCIG TU DE KHO NA LA LTA BA LA MNGON PAR BRTZON PA RNAMS KYIS DE'I PHYIR 'DI LTAR BSLAB PAR BYA STE, RAB TU ZHI BA'I DGON PA RNAMS LA DANG, SGRA'I CA CO RNAMS SPANGS PAS RAB TU ZHI BAR GYUR BA RNAMS SU DANG, SHES BYA NYI MA STEN PAR BYED PA RNAMS SU DANG, RI'I MTHONGS RNAMS SU DANG, SHING GI DRUNG RNAMS SU DANG, PHUG GI SGO RNAMS LA DANG, BSOD NAMS SU GYUR CING BSOD NAMS SU GYUR PA'I SGRA MED PA RNAMS SU GCIG PU ZHIG DBEN PAR SONG LA, KUN NAS GCUM PA'I YID RTZE GCIG GIS NYON MONGS
, ,PA'I MCHOG RNAMS LAS KYANG NGES PAR RNAM PAR RGYAL BAR GYIS SHIG ,DE LTAR KHYED RNAMS YID LEGS PAR LAS SU RUNG BAR GYIS, YID SHIN TU RAB TU ZHI BAR GYUR PA DANG, TSOGS PA 'DUS PA THAMS CAD LAS RNAM PAR GROL BA DANG, RANG GI SKYE BO DANG, GROGS BSHES DANG, GNYEN 'BREL RNAMS 'GRO BA DANG, 'ONG BAS KUN TU PHRAD PA'I TSOGS PA 'DUS PA'I ZHEN PA DANG RNAM PAR BRAL BA DANG, SPRO BA MED PAR GCIG PU DGA' BA DANG, BSAM GTAN LA BSAM PA GTAN PAR DANG, GNAS PAS PHYIN CI LOG BZHI DANG BRAL BA, DBUGS 'BYUNG BA DANG RGYU BA RNAM PA BCU DRUG DRAN PA'I NGANG TSUL GYIS NYIN MED MTSAN MED DU'ANG SHIN TU LEGS PAR BRTZAMS PAS 'KHOR BA'I 'CHING BA LAS 'BROS PAR BYED PA'I PHYIR YANG STE, DE LTA BU DES GO 'PHANG GI MCHOG THOB PAR GYUR PA NI, GANG SHIN TU SNGA BA NAS KYANG MTHONG MA MYONG BA'I BDE LEGS SU GYUR PA YIN LA, TSOGS PA 'DUS PA LA MNGON PAR DGA' BAS KYANG NI, MA YIN NO, ,THOS PA DANG MI LDAN PA, BLO BRTAN PO MA YIN PA, BRTAN POR RGYU BA MA YIN PA, DGE SBYONG MA YIN PAR DGE SBYONG DU KHAS 'CHES PA, LE LO CAN DU GYUR PA RNAMS DE LTAR CHOS GCIG PO 'DI GZHOM PAR GYIS DANG, 'DI LTA STE, TSOGS PA 'DUS PA ZHES BYA BA'O, ,GNYIS PA'ANG RAB TU SPANG BAR BYA ZHING SPYAD PAR NI, MI BYA'O, ,'DI'ANG
GANG ZHE NA, 'DI LTA STE, SMAN PA BYED PA'O, ,DGE SBYONG DAG BSAM GTAN BYED PAR GYUR PA NA BAR DU GCOD PAR 'GYUR RO, ,DE SMAN PA BYED PAR GYUR PA NA GZHAN DU BYED CING GZHAN DU SMRA BAR 'GYUR RO; ;DE NAD PA RNAMS LA SEMS STER BAR MI BYED DO, ,BLO DE LA SONG BA YIN NO, ,DE DE LTAR BYED PA NA 'DOD PA RAB STOBS DANG LDAN PAR 'GYUR RO, ,DE 'DOD PAS ZIL GYIS MNAN PAR GYUR NAS SEMS KYIS SBYONG BAR BYED PA STE, JI LTAR PHYIR ZHING NYID KYANG NAD RNAM PA DU MAR STOBS DANG LDAN PAR GYUR NA DES SEMS CAN RNAMS LA GZER ZUG BYED DO, ,GZHAN YANG RNAM PA MANG DU NGA LA RNYED PA DANG BKUR STI 'ONG BAR 'GYUR RO, ,DES BDAG GIS GRONG RNAMS NAS GRONG DU DANG, GRONG KHYER RNAMS NAS GRONG KHYER DU DANG, YUL CHUNG RNAMS NAS YUL GYI LJONGS RGYU BA'I SGO NAS MANG DU BSDU BAR BYA'O, ,ZHES DE LTAR BSAM PAR GYUR PAS BRNAB SEMS 'PHEL BAR 'GYUR RO, ,DE BRNAB SEMS GYIS ZIL GYIS MNAN PAR GYUR PA'I YID CAN DRI MA RNAMS SHIN TU DPYOD PAR BYED PA PO YIN GYI, BSAM GTAN LA SNYOMS PAR 'JUG PA SEMS PA POR NI, MI 'GYUR RO, ,DGE BA RNAMS LA SPYOD PAR MI 'GYUR RO, ,GZHAN YANG SMAN PA BYED PA NA SKYON CHEN PO RNAMS YOD DE; DGE SLONG MA YIN PA DGE SLONG DU DAM 'CHA' BA GANG GI TSE RLUNG LA SOGS PA'I NAD RNAMS KYIS SROG CHAGS RNAMS ZIL GYIS MNAN PAR GYUR PA NA DE'I TSE RDZAS LUNG 'BOGS PAR BYED DE,
, ,JI LTAR MYUR BAR GYUR PAR MAR NAG LA MAR NAG GI SKOL SBYOR BYED DO, ,GAL TE MED PAR GYUR NA DES TIL KUN NAS BTZIR ZHING TIL RNAMS KUN TU 'TSIR BAR BYED DO; ;TIL KUN TU BTZIL BAR GYUR PA LAS KYANG SROG GCOD PA CHEN PO 'BYUNG BAR 'GYUR TE, SRIN BU'I TSOGS CHEN PO KHA BTAGS PAR 'GYUR RO, ,'DI NI, SKYON GZHAN YIN TE, DGE SBYONG NGAN PA DGE SBYONG DU KHAS 'CHES PA POS NAD RNAMS MA GTOGS PAR SHA BKA' BSGO BAR BYED DO, ,GSAL BAR GYUR PA, MTSON GYIS BSAD PA, SHIN TU TSIL CAN MA YIN PA, SHI BA MA YIN PA; NAD DANG GCONG GIS SHIN TU BCOM PA MA YIN PA, NAD DANG GCONG GIS NYE BAR NYAMS PA MA YIN PA, DUG GIS SHI BA MA YIN PA, GCAN GZAN GYIS BSAD PA MA YIN PA, SKAM PO MA YIN PA, RDZUD PA MA YIN PA DE LTA BU RNAMS SU BSGO BAR BYED DO, ,BKA' BSGO BAR BYED PA'I DON GYIS SROG GCOD PA BDAG LA 'BYUNG NGO, ,BDAG GIS SROG GCOD PA BKA' BSGO BAR BYED PA DANG, GANG BYED PA DANG, DE GNYIS KA'ANG LAS MNYAM PA'I PHYIR NA DANG, BRNAB SEMS DANG, GNOD SEMS KYI SKYON GYIS DMYAL BA YANG SOS SU 'GRO BAR 'GYUR BA YIN NO; ;DE LTAR YIN PAS KYANG SMAN PAR MI BYA'O, ,YANG DGE SBYONG NGAN PA DGE SBYONG DU KHAS 'CHES PA, GDON DU GYUR PA, RKUN MA, SKYES BU SDIG CAN SMAN PA'I SKYON GZHAN NI, GANG
NAD RNAMS SHIN TU STOBS DANG LDAN PAR GYUR PA NA DE'I TSE GANG YANG GRONG GZHAN DANG GZHAN SO SO THA DAD PA RNAMS KYI SHING LJON PA DANG, 'KHRI SHING DANG, SHING GEL BA RNAMS KYANG DES NOR GYI DON DU STE; SEMS CAN GYI GNAS KYIS KUN TU BSDUS PA, NANG NA NYE BAR GNAS PA'I SRIN BU RNAMS KYI RTEN DU GYUR PA RNAMS NOR GYI DON DU DANG PO KHO NAR RKO BAR BYED PA'AM, GCOD PAR YANG BYED DO, , DES BRKOS PAR GYUR PA NAS LA GNAS PAR GYUR PA'I SROG CHAGS SHUN PA DANG RTZA BA LA BRTEN PA RNAMS 'DZIN PAR BYED PA DANG, TSAD RNAMS KYANG RAB TU BSHIG PAR BYED DO, ,GCOD PAS NI, DE'I NANG NA GNAS PA'I SRIN BU RNAMS KYANG GSOD PAR BYED DO, ,DE'I TSE RTEN PAR GYUR PA'I SROG CHAGS RNAMS KYANG GSOD PAR 'GYUR RO, ,'DI NI, SMAN PA BYED PA RNAMS KYI SKYON GZHAN YIN NO, ,DE DE LTAR 'TSO BA NGAN PAR GYUR PA, CHOS MA YIN PA DANG, YANG DAG PAR LDAN PA'I YID CAN RNAMS NI, BSAM GTAN LA SNYOMS PAR 'JUG PA LA JI LTAR DGA' BAR 'BYUNG BAR 'GYUR TE, DE NI, RJES SU CHAGS PA'I YID CAN YIN NO, ,GZHAN YANG SEMS NGAN PA LA SKYON STOBS DANG LDAN PAR 'GYUR TE, DE BZHIN DU BSAM PA NGAN PA LA SEMS PA'I SDIG PA CAN DE'ANG CHOS MA YIN PA, YUL 'KHOR 'JOMS PA SEMS PAR BYED DO, ,JI LTAR SEMS CAN RNAMS YUL LJONGS RNAMS 'JOMS PAR 'BYUNG BAR 'GYUR BA DE'I TSE DE LAS BDAG LA MCHOD PAR 'GYUR BA DANG, RDZAS DANG, ZAS DANG
, ,SKOM DANG, STAN DANG, GNAS MAL DANG, RAB TU PHAL CHE BA'I RNYED PA DANG BKUR STI 'BYUNG BAR 'GYUR RO, ,'DOD PAS NYE BAR BCOM PAR GYUR PA'I BLO DE DGE BA RNAMS LA SEMS PAR MI BYED DO, ,BSAM GTAN LA SNYOMS PAR 'JUG PA'I RANG BZHIN CAN YANG MA YIN NO, ,BLA MA DAG LA NYE BAR STEN PAR MI BYED DO, ,DGE BA'I BSHES GNYEN RNAMS DANG 'GROGS PAR MI BYED DO, ,SANGS RGYAS LA PHYAG 'TSAL BA'I RANG BZHIN CAN MA YIN NO, ,BYA BA NGAN PA BYED PA DE LUS ZHIG NAS NGAN SONG NGAN 'GRO LOG PAR LTUNG BA DMYAL BA RNAMS SU SKYE BAR 'GYUR RO, ,DE DE LAS 'CHI 'PHOS NAS GAL TE LAN GRANGS GZHAN LA MYONG BAR 'GYUR BA'I LAS LEGS PAR BYAS PA RNAMS KYIS MIR SKYES NA YANG SMAN PA NGAN PA'I DE'I LAS RNAMS KYI MTHUS DE RTAG TU NAD PA DBUL PO DANG TSE THUNG BAR YANG 'GYUR RO, ,SMAN PA BYED PA'I SKYON GZHAN RNAMS NI, YANG RLUNG DANG, MKHRIS PA DANG, BAD KAN DE DAG RNAMS NI, GANG GI PHYIR THA MAL PA YIN PA'I PHYIR NA BSGRUB PAR SLA BA YIN LA THOG MA MED PA'I DUS NAS 'JUG PAR 'GYUR BA LUS DANG LHAN CIG TU 'GROGS PAR GYUR PA'I NGAN SONG DU 'GRO BA RNAMS NI, RTOGS PAR YANG MI 'GYUR RO, ,SO SO'I SKYE BO THOS PA DANG MI LDAN PA, DGE SBYONG NGAN PA, DGE SBYONG DU KHAS 'CHES PA DE NI, 'JIG PAR 'GYUR BA'I LUS 'CHOS PAR BYED KYI, SKRA DANG KHA SPU BREGS
NAS GOS NGUR SMRIG BGOS TE RAB TU BYUNG BAR GYUR PA, GANG GI DON DU RAB TU BYUNG BAR GYUR NAS KUN NAS SPONG BAS 'DOD CHAGS ZHE SDANG GTI MUG GIS THOG MA MED PA'I DUS 'JUG PA'I LUS SREG PA 'CHOS PAR MI BYED DO, ,GANG GIS KYANG 'DI DAG SREG PAR 'GYUR BA DES KYANG GANG GI PHYIR LUS RNAMS BSREGS PAS SHIN TU SREG PAR BYED PA DANG, RNAM PAR CHUD GZON ZHING RNAM PAR CHUD GZON PAR BYED DO, ,PHYI BZHIN RJES SU 'BREL NAS LAM DU 'GRO BA NA 'GROGS PAR BYED PA'I SKYON CHEN PO GSUM PO 'DOD CHAGS ZHE SDANG GTI MUG DE DAG RNAMS YONGS SU BTANG NAS GZHAN RNAMS LA KUN TU 'PHO BAR BYED PA DE'I RAB TU BYUNG BA DON MED PAR 'GYUR RO, ,GSO BA NGAN PA'I SKYES BU RANG GI SEMS KYIS YONGS SU BSLUS PA SKYES BU GTI MUG CAN BSLUS PAR GYUR PA YANG YIN TE, DPER NA, BLO GROS DMAN PA'I SKYES BU 'GA' ZHIG RTZA BA MED PA, GROGS MED PA, NOR MED PAR STOBS DANG LDAN PA'I DGRA ZHIG 'ONGS PAR GYUR NA DGRA DE NI, 'DIS BRTZOD PAR BYA BA DAG GIS BYA BAR MI NUS SO, ,STOBS KYIS KYANG BZLOG PAR MI NUS TE, DGRA BO 'DI NI, SHIN TU STOBS DANG LDAN PAS DE BRTAN PA DANG LDAN PAR 'GYUR RO, ,THOS PA DANG MI LDAN PA'I BYIS PA SO SO'I SKYE BO DE RNAMS KYIS DGRA DE'I 'JIGS PA MA BRTZIS PAR DMAN PA'I SKYES BU GZHAN DGRA 'JIGS PAS SKRAG CING LHAN CIG TU DBANG DU GYUR NAS 'GROGS PAR BYED
, ,DO; ;DE DE LTAR DRAN PA NGAN PA, SHES RAB 'CHAL BA, LE LO CAN, SKYES BU BAG MED PAR GYUR PA, SONG ZHING 'THUNG BAR BYED PA JI SRID DU GZHAN GYI CHUNG MA DANG BAG MED PA RNAMS STEN PAR BYED PA 'DI DAG NI, DGE SLONG NGAN PA DGE SLONG DU KHAS 'CHES PA RANG GI DGRA RNAMS BZOD PAR BYED DO, ,STOBS CHEN POS BRTZON PA DU MAS KYANG 'JIG RTEN LAS 'DAS PA'I PHYI BZHIN RJES SU 'BRANG BAR 'GYUR BAS ZIL GYIS MNAN NAS DES SHIN TU SPRO BA'I GNAS LA 'DRIS PAR BYED CING RNAM PAR RTOG PA DANG MNYAM PAR 'JUG PA GANG CHES STOBS DANG LDAN PAS RJES SU 'BRANG BA, 'DOD CHAGS ZHE SDANG GTI MUG RNAMS BZOD PAR BYAS NAS GANG DAG LUS RAB TU BYUNG BAR GYUR PA, RANG GI SKYE BO DANG, GROGS PO DANG, BU MO RNAMS YONGS SU SPANGS PAS RAB TU BYUNG BA'I YID BOR TE RDZAS KYI RGYUS GZHAN DAG GI DBANG GIS LHAN CIG TU 'GOR BAR BYED DO, ,JI LTAR NGA NI, KHYED RNAMS LA RLUNG DANG, BAD KA NA DANG, MKHRIS PA RNAMS DGRAR 'DOD DO, ,DE DAG RNAMS BDAG CAG GIS 'DI LTAR GO BAR BYA STE, YID RNAM PAR DKRUG PAR BYED PA DANG, 'CHI BDAG GI RGYAL PO YANG GSUM DU 'GRO BA'I DGRA GSUM PO 'DI DAG RNAMS YIN TE, BZLOG PAR DGA' BA'I 'DOD CHAGS ZHE SDANG GTI MUG GANG YIN PA 'DIS 'DOD PA'I THAG PAS BCINGS NAS SHIN TU BAG MED PAR 'JIG RTEN PHA ROL TU 'KHRID
BAR BYED DO, ,DON GYI MCHOG LA BAG MED PA NOR GYI 'DOD PA RAB TU STOBS CHE BA RNAMS KYIS BLO SDUG BSNGAL BAR BYED PA YIN PA DE'I PHYIR SKYON DE DAG RNAMS GO BAR GYIS LA SMAN PA MA BYED CIG, GAL TE 'GA' ZHIG 'CHOS PA'I SMAN PA BYED NA GANG GZHAN DAG RNAMS SU DE BDE BAR MI 'GYUR RO, ,DE NAS DE'I TSE BCOM LDAN 'DAS DES TSIGS SU BCAD PA GSUNGS PA JI LTAR, BAD KA NA LA SOGS SKYON MA YIN, ,SKYON GZHAN 'DOD CHAGS LA SOGS 'DOD, ,BAD KAN SOGS KYIS NGAN SONG DU, ,YID CAN SKYI BAR 'GYUR MA YIN, ,SEMS KYI SKYON RNAMS 'DI DAG GIS, , NGAN SONG STON PAR BYED PA YIN, ,DE PHYIR DE DAG ZHI BA NYID, ,MCHOG MIN BAD KAN SOGS 'DIR MIN, ,THOG MTHANG MCHOG TU LEGS PAR NI, ,CHAGS LA KUN BSTAN THOB PA MIN, ,GANG SEMS SMAN PA DE SMAN PA, ,LUS KYI SMAN PA SMAN PA MIN, ,YID 'CHOS PA NA SHES PAR DKA', ,DE BZHIN MIN 'DOD 'JIG RTEN PA'I, ,DE LTAR BCOM LDAN 'DAS 'OD SRUNG GIS RGYU 'DIS NA RAB TU BYUNG BAS SMAN PA MA BYED CIG CES GSUNGS SO, ,SMAN PA BYED PA LA SKYON GZHAN YANG YOD PA NI, 'DI LTA STE, SMAN PA BYED PA NA SKYON DU MA 'PHEL BAR 'GYUR TE, 'DOD PAS ZIL GYIS GNON PAR BYED DO, ,PHYIR RTZOD PAR BYED PAR 'GYUR LA SMAN PA GZHAN DE LA SMAD NA'ANG SMRA BAR BYED DO, ,'TSO BA RNAMS KYANG NYE BAR 'JOMS SO, ,DE LA 'DI DAG RAB TU SKYE STE, SHIN TU'ANG YI
, ,DVAGS SU SKYE BA'I RGYU BYED DO, ,DE LTAR DRI MA RNAMS KYIS ZIL GYIS GNON PAR 'GYUR BA'I SEMS G-YO BAS GTI MUG STOBS CHE BAR 'GYUR RO, ,DE GTI MUG GIS ZIL GYIS MNAN PAS BUD MED KYI 'GRO BA LEGS PAR MNGON PAR MTHONG NA TSUL BZHIN MA YIN PA YID LA BYED BAS 'KHRID PAR 'GYUR RO, ,BLO GROS RMONGS PA DE BUD MED DAG MNGON PAR MTHONG NAS 'DOD CHAGS KYIS ZIL GYIS GNON NO, ,SKYON DE DAG RNAMS BAD KAN LA SOGS PA DE DAG LA MED DO, ,'DOD CHAGS LA SOGS PA'I SKYON RNAMS LA BCOS GYIS DANG, DMYAL BA DANG, YI DVAGS DANG, DUD 'GRO'I 'GRO BA RNAMS KYI RGYUR GYUR PA'I STOBS CHE BA YIN GYI, DE'ANG DE LTAR GYUR BAS BUD MED KYIS 'GRO BA MTHONG NAS TSUL BZHIN MA YIN PA YID LA BYED PAS 'KHRID PAR 'GYUR RO, ,DRAN PA RMONGS PA DE BUD MED DAG MTHONG NAS 'DOD CHAGS KYI ZIL GYIS GNON PAR 'GYUR RO, ,RAB TU BYUNG BA RNAMS KYIS 'DOD CHAGS LA SOGS PA RNAMS RTAG TU RTOGS PA LA RAB TU BRTZON PAR BYA'I, BAD KAN LA SOGS PA RNAMS NI, MA YIN NO, ,'DI DAG NI, CHOS GZHAN GNYIS PA YIN TE, DGE SBYONG MYA NGAN LAS 'DAS PA LA KHA PHYOGS PAS MI BYA STE, BSAM GTAN LA SNYOMS PAR ZHUGS PA NA RNAM PAR SREG BAR BYED PA'I PHYIR RO, ,GZHAN YANG CHOS GSUM PA YONGS SU SPANG BAR BYA'O, ,'DI'ANG GANG ZHE NA, 'DI LTA STE,
RI MO'I LAS BYED PA'O, ,RI MO'I LAS BYED PA'I RAB TU BYUNG BA RNAMS NI, 'DOD CHAGS KYIS RAB TU BYUNG BAR BYA BA YIN TE, KHA DOG GI 'DU SHES CAN GYIS 'DOD CHAGS GZHAN SKYED PAR BYED PA YIN NO; ;LAS RNAM PA SNA TSOGS PA RNAMS KYIS 'JIG RTEN 'DIR POR NAS KHA DOG SNA TSOGS PAR GYUR PA GZHAN RNAMS BYED DO, ,SEMS RNAM PAR BKRA BA RNAMS MNGON PAR MI SHES PAR GZHAN KHA DOG RNAM PA SNA TSOGS PA RNAMS DE BYED DO, ,DE LA RAB TU BYUNG BA RNAMS KYIS RTAG PA KHO NAR LAS RNAM PA SNA TSOGS PA RNAMS SHES PAR BYA STE, SEMS RI MO MKHAN GYIS DON DAM PA'I TSON CHEN PO LNGAS 'GRO BA LNGA TSON GYIS BSGO BAR BYED DO, ,JI LTAR SEMS RI MO MKHAN DANG, TSON CHEN PO LNGA PO RNAMS GANG ZHE NA, MCHOG TU RGYA CHE BA'I DAD PA LA SOGS PA DKAR PO'I LAS RNAMS SHIN TU SBYANGS PA'I KHA NAS DANG, 'DUN PAS RAB TU SBYIN PA 'DUN DU BYAS PAS MCHOG TU RGYA CHE BAR GYUR PA DRI MA RNAMS DANG, SER SNA'I DRI MA DANG RNAM PAR BRAL BAR GYUR PA, MCHOG TU DGA' BA'I YID KYIS TSUL KHRIMS KYI RI LA LEGS PAR LANGS PA'I TSUL KHRIMS KYIS LHA RNAMS RNAM PAR BKRA BAR SEMS RI MO MKHAN GYIS BRIS PA'O, ,GZHAN YANG DGE SBYONG GIS SEMS KYI LAS 'DI DAG NYE BAR GZUNG BAR BYA'O, ,'DI LTA STE, MI RNAMS NI, DMAN PA DANG, BAR MA DANG, KHYAD PAR DU 'PHAGS PA'I LAS RNAMS KYI TSON MANG POS RNAM PAR BKRA BAR BYAS SO, ,DE LA GANG DAG NOR RNAMS DANG LDAN PA DANG,
, ,MCHOG TU TSUL KHRIMS DANG LDAN PA DE DAG RNAMS KYANG MCHOG TU DKAR BA'I LAS KYI TSON RNAMS KYIS RNAM PAR BKRA BAR BYAS SO, ,GANG YANG MCHOG TU NOR RNAMS DANG LDAN PA; TSUL KHRIMS DANG LDAN PA DE DAG NI, NAG PO DANG DKAR PO GNYIS KYI TSON GYIS RNAM PAR BKRA BAR BYAS SO, ,GANG DAG NOR CHUNG BA TSUL KHRIMS DANG LDAN PA DE DAG NI, DKAR PO DANG DMAR PO'I TSON GNYIS KYIS RNAM PAR BKRA BAR BYAS SO, ,GANG DAG DBUL PO TSUL KHRIMS 'CHAL BA DE NI, NAG PO'I TSON GYIS BKRA BAR BYAS SO, ,GANG DAG BRTZON 'GRUS DMAN PA 'DOD CHAGS STOBS CHE BA DE NI, NAG PO DANG DBUL PO'I TSON DAG GIS RNAM PAR BKRA BAR BYAS SO, ,GANG DAG GZUGS DANG LDAN PA MCHOG TU RIGS BZANG POR GYUR PA DE RAB TU DANG BA'I TSON DKAR POS MNGON PAR BRIS SO, ,GANG DAG BAR MA'I RIGS SU SKYES PA DE DAG NI, DMAR PO'I TSON GYIS MNGON PAR BRIS SO, ,GANG DAG NYUNG BAR GYUR PA DE DAG NI, NAG PO'I LAS RNAMS KYI TSON GYIS SEMS RI MO MKHAN GYIS MNGON PAR BRIS SO, ,GANG YANG RGYAL PO'AM RGYAL PO'I BLON PO LEGS PAR BYAS PA'I LAS RNAMS 'DAS NAS MDUN DU MI DGE BA MANG PO RNAMS BYED PAR GYUR PA DE DAG RNAMS KYI DKAR PO'I MDOG 'DI DAG RNAMS NI, NYAMS NAS KYANG NAG PO NYE BAR 'PHEL BAR 'GYUR RO, ,GANG YANG DBUL POR GYUR BA RIGS SHIN TU DMAN PAR SKYES PA DE'I KHA DOG NAG PO'I LAS
BYAS PA RNAMS NI, NUB PAR GYUR NAS KYANG DKAR PO'I MDOG RNAMS KYANG RAB TU 'BYUNG BAR 'GYUR RO, ,GANG YANG BAR MA'I RIGS SU GYUR PA GZUGS PHUN SUM TSOGS PA DANG, LAS KYANG BAR MA RNAMS BYED PAR GYUR PA DE DAG RNAMS NI, SEMS RI MO MKHAN GYIS DKAR PO DANG DMAR PO DAG GIS BKRA BAR BYAS SO, ,DE LTAR TSON DU MA RNAMS KYIS MI'I 'JIG RTEN MCHOG TU BKRA BAR GYUR PAS MCHOG TU BKRA BAR MNGON PAR BRIS SO, ,GZHAN YANG 'GRO BA GZHAN LA RNAM PAR BLTA BAR BYA STE, GANG DAG CE NA, 'DI LTA STE, DMYAL BA'I 'O, ,DMYAL BA RNAMS KYANG SEMS RI MO MKHAN GYIS GNYIS KYIS MNGON PAR BRIS PAR GYUR PA LA 'DI LTA STE, SER PO DANG, NAG POS KYANG NGO, ,DE LA JI LTAR SER POS YIN NA, 'DI LTA STE, TSON NAG PO YANG 'DI LTA STE, PHRAG DOG GO ,DMAN PA DANG BAR MAR GYUR PA'I DMYAL BAR SKYES PA RNAMS NI, MDOG GNYIS NYID KHO NAS RNAM PAR BKRA BAR BYAS PAR GYUR PA 'DI LTA STE, SNGON PO DANG, NAG PO DAG GIS SO, ,DE LTAR DMYAL BA RNAMS TSON RNAMS KYIS RNAM PAR BKRA BAR BYAS PA NGES PAR RTOGS PAR GYUR PA DANG, YANG 'GRO BA GZHAN LA RNAM PAR BLTA BAR BYA STE, GANG ZHE NA, 'DI LTA STE, YI DVAGS RNAMS SO, , YI DVAGS RNAMS KYANG MCHOG TU SDUG BSNGAL BAR GYUR PA STE, PHRAG DOG DANG SER SNA DAG GIS RNAM PAR BKRA BAR GYUR PA'O, ,DE DAG RNAMS NI, NAG PO'I TSON RNAMS NYID KYIS KYANG RNAM PAR BKRA
, ,BAR BYAS TE, KHA DOG NAG POR GYUR PA'I MUN PA RNAMS NA RGYU ZHING SPYOD PAR 'GYUR RO, ,BKRES PA DANG SKOM PAS BSREGS PA'I YI DVAGS RNAMS NI, LAS NAG PO DANG NAG PO'I LUS DE DAG THAMS CAD NYID KYANG LAS GCIG GI TSON GYIS RNAM PAR BKRA BAR BYAS PA'O, ,GZHAN YANG DUD 'GRO RNAMS KYANG LAS GANG DAG GI TSON GYIS RNAM PAR BKRA BAR BYAS PA YIN NA, , NAG PO DANG, DMAR PO'O, ,DE LA GANG DAG MCHOG TU SDUG BSNGAL BAR GYUR PA, PHAN TSUN DU 'JIGS PAS 'JIGS PAR GYUR PA DE DAG RNAMS NI, NAG PO'I TSON NYID KYIS RNAM PAR BKRA BAR BYAS SO; ;GANG YANG PHAN TSUN DU 'JIGS PAS 'JIGS PAR GYUR PA DE NA DMAR PO'I TSON RNAMS NYID KYIS SEMS RI MO MKHAN GYIS BKRA BAR BRIS SO, ,DE DAG RNAMS KYANG GZHAL DU MED PA'I DUD 'GRO RNAMS YIN TE, PHAN TSUN DU GSOD PA DANG 'CHING BAS 'JIGS PAR GYUR PA DE DAG RNAMS KYANG MDOR BSDU BA NAM MKHA' LA RGYU BAR GYUR PA RNAMS LAS GANG DAG SHA ZA BAR BYED PA YANG 'DI LTA STE; RMA BYA DANG BYE'U L'A BA KA DANG, DANG PA LA SOGS PA'O, ,SA GZHI LA SPYOD PA YANG BA LANG DANG, MA HE sh'A DANG, PHAG PA DANG, GANG PHYUGS LA SOGS PA'O, ,CHU LA RGYU BA YANG NYA LA SOGS PA STE; DE DAG RNAMS NI, NAG PO'I TSON GYIS RNAM PAR BKRA BAR BYAS SO, ,GANG DAG GSOD PA'I 'JIGS PA CAN MA YIN PA DE DAG RNAMS NI, DMAR PO'I TSON GYIS BKRA BAR BYAS TE,
DPER NA, MTHO RIS KYI BYA RNAMS SO, ,DE LTAR 'GRO BA LNGA PO DE DAG PHAL CHER TSON SNA LNGAS BKRA BAR BYAS SO, ,KYE MA DE NYID DPYOD PAR BYED PAS NYAM THAG PAR CHUD PA'I MCHOG TU SDUG BSNGAL BA SDUG BSNGAL LNGAR NUB PAR GYUR PA, BAG MED PAR RJES SU TSOL BAR GYUR PAS PHAN TSUN DU GNOD PAR BYED PAS, BKRES PA DANG SKOM PAS BYAS PA'I SDUG BSNGAL RNAMS KYIS NYE BAR BCOM PAR GYUR PA'O, ,DES DE LTAR RNAM PAR NGO MTSAR BA RNAMS LA MA SPYOD PAR NYAMS SMAD PA DANG, LE LO CAN DU GYUR PA, BSAM GTAN SGOM PA'I RANG BZHIN CAN MA YIN LA, SEMS RI MO MKHAN MI SHES PAR RANG GI SKYE BA LAS GZHAN DU GYUR PA'I RI MO RNAMS SEMS PAR BYED DO, ,RAB TU BYED DO, ,DE LA MCHOG TU 'ANG [?] RNAM PAR BKRA BAR GYUR PA DE DAG NYID NI, 'DI LTA STE, 'KHOR BA'I SKYE BA DANG, RGA BA DANG, 'CHI BA DANG, MI SDUG PA RNAMS DANG, PHRAD PA DANG, SDUG PA RNAMS DANG BRAL BA DANG, GRANG BA DANG, CHA BA DANG, BKRES PA DANG, SKOM PA DANG, PHAN TSUN MI DGA' BAR BYED PA DANG, DGA' BAR BYED PA'I RTAG TU GAR BYED PAR GYUR PA'I BDE BA DANG SDUG BSNGAL RNAMS DMYAL BA DANG, YI DVAGS DANG, DUD 'GRO DANG, LHA DANG, MI RNAMS SU SNA TSOGS PA'I LAS KYI GO 'PHANG BRIS PAR GYUR PA'I 'KHOR BA NGO MTSAR BA DE DON DU GNYER BA YANG MA YIN NO, ,YID LA MI BYED PAS SKYO BA MI SKYE'O, ,JI SRID DU GZHAN BSAM GTAN LA SNYOMS PAR 'JUG PA NA RNAM PAR 'TSIG PAR 'GYUR BA'I RI MO GZHAN BYED
, ,DO; ;DGE SBYONG RNAM PAR 'TSIG PAR GYUR PA'O, ,GZHAN YANG RIM PA GZHAN DAG GIS MCHOG TU RNAM PAR BKRA BA'I 'KHOR BA LA DPYOD PAR BYED DE, JI SRID TSON GZHAN RNAMS KYIS RNAM PAR BKRA BAR BYAS PA LA DPYOD PAR BYED DO, ,'DI LTA STE, RNAM PAR BKRA BAR GYUR PA'I YUL RNAMS DANG NYE BAR 'BREL PAR GYUR PA GANG GIS BCINGS PA'I SEMS DUS YUN RING DU DMYAL BA DANG, YI DVAGS DANG, DUD 'GRO'I 'GRO BA RNAMS LA YONGS SU 'KHYAMS SO, ,JI LTAR ZHE NA, 'DI LTA STE, GANG GI TSE MIG GIS GZUGS SDUG PA, YID DU 'ONG BAR GYUR PA, YUL GYI 'DOD CHAGS SKYED PAR BYED PA RNAMS MTHONG BAR GYUR NA DE DE DAG RNAMS LA CHAGS PAR 'GYUR RO, ,DE DAG NI, NAG PO'I TSON GYIS BYUGS PA YIN NO, ,DMYAL BA DANG, YI DVAGS DANG, DUD 'GRO RNAMS SU SKYE BAR 'GYUR RO, ,GANG GI TSE GZUGS DE DAG NYID MIG GIS MNGON PAR MTHONG BAR GYUR NAS 'DI LTAR SEMS PAR BYED DE, JI LTAR GZUGS 'DI DAG RNAMS NI, MI RTAG PA, MI BTAN PA, YONGS SU MI 'GYUR BA'I CHOS MA YIN PAS NA, CHOS TZAM DU GYUR PA'I 'KHOR BA 'DI LA 'DOD CHAGS PAR MI BYA'O, ,DE'I TSE DKAR PO'I TSON RNAMS KYIS BSKUL NAS LHA DANG MIR SKYE BAR 'GYUR BA DANG, GANG MYA NGAN LAS 'DAS PAR 'GRO BAR YANG 'GYUR RO, ,DE LTAR MIG GIS RNAM
PAR SHES PAR BYA BA RNAMS LA MI CHAGS SO, ,RAB TU RTOG PAR MI BYED DO, ,SPRO BAR MI BYED DO, ,'DUN PA'I 'DOD CHAGS SU MI BYED DO, ,MCHOG TU DKAR POR GYUR PA'I LAS RNAMS KYIS LHA LAS KYANG CHES LHAR GYUR PA RNAMS DANG, MI RNAMS SU BDE BAR 'GYUR RO, ,DE LTAR YANG DGE SBYONG NGAN PAR GYUR PA 'DIS SPYOD PAR MI BYED DO, ,BSAM GTAN DU MI BYED DO, ,DE BZHIN DU MIG GIS RNAM PAR SHES PAR BYA BA'I YUL RNAMS LA GANG GI TSE 'DI CHAGS PAR GYUR NAS YANG DAG PA JI LTA BA YIN PAR GO BAR BYED PAR GYUR PA DE'I TSE NAG PO'I LAS RNAMS BYED PAR 'GYUR RO; ;DES NAG PO'I LAS RNAMS MA RTOGS PAR BLO DMAN PA DE TSON RNAMS KYIS RNAM PAR BKRA BAR BYED DO, ,DE'I PHYIR NA BSAM GTAN LA SNYOMS PAR 'JUG PA NA RNAM PAR SREG PAR 'GYUR BA'I LAS RNAMS MI BYA'O, ,BYAS PAR GYUR PA RNAMS KYANG DGE SBYONG GIS YID LA MI BYA'O, ,GANG DAG CE NA, 'DI LTA STE, RNA BAS RNAM PAR SHES PAR BYA BA'I SGRA YID DU 'ONG BA RNAMS KYANG STE, DE LA YID DU 'ONG BA RNAMS LA GANG GI TSE CHAGS PAR GYUR PA NA YANG DAG PA JI LTA BA BZHIN KUN NAS LTA BAR BYED DE, JI LTAR SGRA 'DI DAG RNAMS NI, MI BRTAN PA, MI RTAG PA, RAB TU RNAM PAR NYAMS PAR 'GYUR BA'I CHOS CAN NO, ,ZHES DE LTAR RNAM PAR SHES PA CHAGS PAR MI BYED DO, ,KUN TU SPRO BAR MI BYED DO, ,RAB TU RTOG PAR MI BYED DO, ,DE'I TSE 'DIS DKAR PO'I MTHA' RNAMS
, ,BYAS PAR GYUR PA YIN NO, ,MCHOG TU RGYA CHE BA'I TSON DES KYANG LHA DANG MI RNAMS SU SKYE BAR 'GYUR BAR MCHOG TU RNAM PAR BKRA BAR BYAS PAR GYUR PA YIN NO, ,DE LA DGE SBYONG NGAN PA DGE SBYONG DU KHAS 'CHES PA 'DIS SGRA RNAM PAR BKRA BA DE LA DPYOD PAR MI BYED PA NAS JI SRID DU RI MO'I LAS GZHAN RNAMS BYED PAS BSAM GTAN LA SNYOMS PAR ZHUGS PA NA RAB TU SREG PAR 'GYUR RO, ,GZHAN YANG SGRA DE NYID THOS PAR GYUR NAS SMAN PA BLO RAB TU DMAN PA, THOS PA DANG MA LDAN PA, BYIS PA SO SO'I SKYE BO DE LTAR RAB TU 'JUG PAR BYED DO, , JI LTAR YID DU 'ONG BA'I SGRA TSIM PA SKYED PAR BYED PA, YID 'PHROG PAR GYUR PA DE NYID KYI DE TSUL BZHIN MA YIN PA YID LA BYED PAS RAB TU RTOG PAR BYED DO, ,'DUN PA SKYED PAR BYED DO, DE LA CHAGS PA DANG LDAN PAR 'GYUR RO, ,DE DAG NI, NAG PO'I TSON DANG LDAN PAS SEMS RI MO MKHAN GYIS DMYAL BA DANG, YI DVAGS DANG, DUD 'GRO RNAMS NYE BAR BRIS PA YIN NO, , DGE SBYONG NGAN PA 'DI LAS RNAM PAR BKRA BA DE DAG BTANG NAS GZHAN DAG NYID DU RI MO BKRA BAR BYED DO, ,BSAM GTAN LA SNYOMS PAR 'JUG PA NA RNAM PAR SREG PAR 'GYUR RO, ,GZHAN YANG 'KHOR BA RNAM PAR BKRA BAR GYUR PA DE MA BSAM PAR DGE SBYONG NGAN PA GZHAN NYID DU RI MO BKRA BAR BYED DO, ,GANG ZHE NA, 'DI LTAR DBANG PO'I YUL GYIS NYE BAR KUN NAS BCINGS PAR
GYUR PA'I 'KHOR BA 'DI YID DU 'ONG BAR BYED PA'I YID KYIS 'JOMS PAR BYED DO, ,JI LTAR ZHE NA, 'DI LTAR SNA'I RNAM PAR SHES PAS DRI RNAMS LA'O, ,DE GANG GI TSE SKYES BU DAM PA RNAMS NI, SNAS DRI ZHIM PO'AM MI ZHIM PA RNAMS KYANG MI 'DZIN NO, ,DE MI MDZES PA RNAMS LA'ANG KUN TU MI CHAGS SO, ,TSUL BZHIN MA YIN PA YID LA BYED PAS MI 'PHROG GO ,DE BZHIN DU DRI 'DI DAG RNAMS NI, MI RTAG PA, MI BRTAN PA, THER ZUG MA YIN PA, YONGS SU 'GYUR BA'I CHOS CAN DANG, CHOS RNAMS 'BYUNG BAR MI 'GYUR BA DANG, BYUNG NAS KYANG PHYIR LDOG PAR 'GYUR RO, ,DE LTAR GANG GI TSA YANG DAG PA JI LTA BAR GYUR PA NA DRI RNAMS SNOM PAS DE LTAR CHAGS PAR MI 'GYUR RO, ,KUN TU SPRO BAR MI BYED DO, ,DE'I TSE DKAR PO'I CHOS RNAMS YANG DAG PAR 'PHEL BAR 'GYUR RO, ,KHA DOG GIS SHIN TU 'BAR BAR YANG MI 'GYUR RO, ,YANG DAG PA JI LTA BAS DANG, YONGS SU SHES PAR GYUR PA DE DAG GIS LHA DANG MI RNAMS SU STE, DE DGE SBYONG NGAN PA 'DIS LAS RNAM PAR BKRA BA DE DAG BOR NAS GZHAN DAG RNAMS NYID DU RI MO'I LAS RNAMS BYED PAS BSAM GTAN SGOM PA NA RNAM PAR SREG PAR BYED DO, ,GZHAN YANG DRI ZHIM PA DANG MI ZHIM PA'I DRI DE DAG RNAMS NYID SNOM PAR BYED PA NA DRI DE DAG RNAMS NYID LA CHAGS PAR MI BYED DO, ,SBYOR BAR BYED DO, ,SPRO BAR BYED DO, ,TSUL BZHIN MA YIN PA YID LA BYED PAS 'DI 'PHROG BAR 'GYUR RO, ,GSHE BAR BYA BA'I GNAS
, ,SU GYUR PA DE DANG BO'I LAS RNAMS KYIS BYUGS PAR GYUR NAS DMYAL BA DANG, YI DVAGS DANG, DUD 'GROR 'KHOR BAR BYED PA GANG YIN PA'I LAS RNAM PAR BKRA BA GZHAN DE DAG RNAMS NYID DGE SBYONG NGAN PA 'DIS SPANGS NAS RI MOS RNAM PAR BKRA BA'I LAS RNAMS BYED DO, ,BSAM GTAN SGOM PA NA RNAM PAR SREG PAR 'GYUR RO, ,GZHAN YANG LAS RNAM PAR BKRA BA RNAMS LA 'DI LTA STE, LCE'I RNAM PAR SHES PAS RO YID DU 'ONG BAS YID DU 'ONG BAR 'GYUR BA'I RO RNAMS MYANGS PAR GYUR NA'ANG DGA' BAR MI BYED DO, ,KHRO BAR MI BYED DO, ,'CHING BAR MI 'GYUR RO, ,TSUL BZHIN DU YID LA BYED PA DANG LDAN PAS RO DE NYID RNAM PAR 'BYED PAR BYED PA STE, JI LTAR RO 'DI DAG RNAMS NI, BYUNG NAS KYANG MED PAR 'GYUR RO, ,LAG PA'I MTHIL GYIS BCUG PAR GYUR PA'I ZAS 'DI DAG RNAMS NI, LCE LA 'BAB BO, ,DE RNAMS LA MNGAR MYOS ZHES BYA BA'I SRIN RNAMS KYIS KYANG REG NAS LHAN CIG TU MYANG BAR BYED PA NYID NA KLAD PA LAS SNABS ZHES BYA BA'I BLO 'BYUNG BA'I KLAD PA RNAMS RAB TU ZAGS NAS SNA'I SBUBS NANG NA MAR RAB TU 'BAB PAR 'GYUR LA, RAB TU ZAGS PA'I RANG GI THIGS PA DE DAG RNAMS DANG LHAN CIG TU LCES G-YUGS SHING 'GRAM SO'I RANG THAG GI DBUS SU PHYE MAR BTAGS PA RNAMS LCES MYANG BAR BYED BA GANG GIS BYIS PA 'DI DAG RNAMS 'CHING BAR BYED PA YIN NO, ,RO DE DAG RNAMS NYID
YANG DAG PA JI LTA BA BZHIN DU 'DIS SEMS PAR BYED DO, ,DES TSUL BZHIN YID LA BYED PAS RNAM PAR 'BYED PAR YANG BYED DO, ,'DI NI, DKAR PO'I KHA DOG RNAMS DANG YANG DAG PAR LDAN PAS LHA DANG MI RNAMS SU MCHOG TU SKYID PAR 'GYUR RO, ,DGE SBYONG NGAN PA DGE SBYONG DU KHAS 'CHES PA 'DIS DE LTAR LAS RNAM PA SNA TSOGS PA RNAMS KYIS 'JIG RTEN 'DI RNAM PAR BKRA BAR BYAS PA DE DAG RNAMS MI RIG PAR BSAM GTAN BSAM PAR BYED PA NA BAR DU GCOD PA'I RI MO BKRA BA GZHAN DAG RNAMS NYID BYED PA YIN NO, ,GZHAN YANG LCE LA BABS PAR GYUR PA'I RO DE DAG NYID LA SRIN MNGAR MYOS KYIS REG PAR GYUR PA RNAMS LA MYANG BAR BYED PA NA BLO GROS DMAN PA'I PHYIR NA, KYE MA ZAS 'DI DAG NI, SHIN TU DGA' BAR GYUR PA, MCHOG TU BSOD PA, MCHOG TU MDZES PA, MCHOG TU RGYA CHE BA'I MDOG DANG, RO DANG DRI DANG LDAN PAR GYUR PA, MCHOG TU GTZANG BAR GYUR PA ZHES ZAS DE'I RGYAGS PAS RGYAGS NAS LUS DANG, NGAG DANG, YID KYIS NYES PAR SPYAD PA RNAMS SPYOD PA 'DI DAG RNAMS NI, TSON NAG POS RNAM PA SNA TSOGS PAR BYAS NAS DUD 'GROR SKYE BAR 'GYUR RO, ,TSUL BZHIN MA YIN PA NYID LA BYED PAR KUN NAS 'KHRID PAR BYED DO, ,DE DGE SBYONG NGAN PA DGE SBYONG DU KHAS 'CHES PA 'DIS LAS RNAM PA SNA TSOGS PA DE DAG RNAMS BOR NAS BSAM GTAN SGOM PA NA BAR CHAD BYED PAR 'GYUR BA'I THA MAL PA'I LAS GZHAN RNAMS NYID BYED DO, ,GZHAN YANG RNAM PAR BKRA BAR BYED DO, ,LAS GANG DAG GIS 'JIG RTEN 'DI
, ,DAG RNAMS RNAM PAR BKRA BAR BYAS PA YIN NO, ,DPER NA, 'JIG RTEN DBANG PO RTUL PO RNAMS NI, YUL RNAMS KYIS 'KHRID PAR BYED DO, ,'DI LTA STE, LUS KYI RNAM PAR SHES PAR BYA BA REG BYA'O, ,DE LA GANG DAG YANG DAG PA JI LTA BA KHO NAR TSUL BZHIN YID LA BYED PAS 'KHRID PAR BYED DE, JI LTAR YANG REG BYA ZHES BYA BA'I DON 'DI YANG REG BYA NI, GSUM 'DUS PA'I KUN TU SKYES PA YIN TE, 'DI NI, RTAG PA MA YIN, BRTAN PA MA YIN, THER ZUG MA YIN, BYED PA PO MA YIN GYI, 'DI NI, MDOG TZAM 'BA' ZHIG GIS YID DGA' BAR GYUR PA DANG, LUS 'DI NI; DBANG PO'I RJES SU MTHUN PA TZAM 'BA' ZHIG TU GTZANG BA YIN GYI, RTAG PA MA YIN NO, ,BDE BA MA YIN, BDAG DANG BCAS PA YANG MA YIN GYI, 'DI NI, TSOGS PA 'DUS PA TZAM 'BA' ZHIG YIN TE, 'BYUNG A CHEN PO BZHI LAS BYUNG BA'I ZA MA TOG TU GYUR PA'O, ,ZUG RDUR GYUR PA, RTAG TU NYE BAR 'TSE BAR BYED PA, RTAG PA KHO NAR YANG NAD KYIS NYE BAR 'TSE BAR BYED PA, NYE BAR 'TSE BA THAMS CAD KYIS 'KHRID PAR BYED PA YIN NO, ,DE GANG DAG KHO NAS YANG DAG PA JI LTA BAR LUS DE NYID DANG, REG BYA LA'ANG SO SOR RTOG PAR BYED DO, ,DE'I TSE 'DI REG BYAS 'DI 'KHRID PAR MI 'GYUR RO, ,REG BYA 'DI NI, GZHAN MA YIN GYI, REG BYA 'DI NI, GLO BUR 'BA' ZHIG GO ,'DI NI, NYE BAR 'TSE BA DANG BCAS PA'O, ,RANG DBANG MED PA YIN NO, ,ZHES GANG DAG DE BZHIN
DU TSUL BZHIN YID LA BYED PAS DPYOD PAR BYED DO, ,DE DAG RNAMS NI, DKAR PO'I TSON GYIS RNAM PAR BKRA BAR BYAS NAS LHA DANG MIR SKYE BAR 'GYUR BA DE DGE SBYONG NGAN PA DGE SBYONG DU KHAS 'CHES PA 'DIS DPYOD PAR MI BYED DO, ,SEMS RI MO MKHAN GYIS 'JIG RTEN PA 'DI'I LAS RNAMS RNAM PAR BKRA BAR BYAS PAR GYUR PA DE 'DIS BTANG NAS PAS MI GTAN LA SNYOMS PAR 'JUG PA NA BAR CHAD BYED PA'I THA MAL PA'I TSON RNAMS KYI RI MOS BKRA BA'I LAS GZHAN RNAMS NYID BYED DO, ,GZHAN YANG REG BYA DE NYID LA THOS PA DANG MI LDAN PA'I BYIS PA SO SO SKYE BO BLO GROS DMAN PA RNAMS KYIS REG BYA DE GZHAN NYID DU RNAM PAR RTOG PAR BYED DO, ,TSUL BZHIN MA YIN PA'I YID LA BYED PAR GYUR PAS JI LTAR BDAG GI REG BYA 'DI DAG NI, MCHOG TU BDE BAR GYUR PA, MCHOG TU LUS RGYAS PA'I RGYU 'DIS BDAG TSIM PAR BYAS PA DAG GIS BDAG BDE BAR GNAS PAR BYA'O, ,DE BZHIN DU THOS PA DANG MI LDAN PA'I BYIS PA SO SO SKYE BO GANG YIN PA DE DAG RNAMS KYIS REG BYA LA TSUL BZHIN MA YIN PA'I YID LA BYED PAS DPYOD PAR BYED DO, ,'DI DAG RNAMS NI, TSON NAG PO DANG KUN NAS LDAN PAR GYUR PAS DMYAL BA DANG, YI DVAGS DANG, DUD 'GRO RNAMS SU SKYE BAR 'GYUR RO, ,DE NI, TSON NAG POS RNAM PAR BKRA BAR BYAS PA YIN NO, ,DE DGE SBYONG NGAN PA DGE SBYONG DU KHAS 'CHES PA 'DIS DPYOD PAR MI BYED CING LAS RNAM PAR BKRA BA DE DAG SPANGS NAS BSAM GTAN SGOM PA NA BAR CHAD BYED PAR 'GYUR BA'I RNAM PAR
, ,BKRA BA GZHAN NYID DU GYUR PA 'JIG RTEN PA'I TSON GZHAN NYID KYIS RNAM PAR BKRA BAR BYED DO, ,GZHAN YANG DGE SBYONG DU KHAS 'CHES PA 'JIG RTEN PA'I LAS RNAMS LA MNGON PAR DGA' BAR GYUR PAS YID KYIS DAM PA'I CHOS RNAMS SEMS PAR MI BYED DO, ,'PHAGS PA'I BDEN PA BZHIR 'GOG PA DANG LAM RNAM PA BCU DRUG DBUGS 'BYUNG BA DANG RDUB PA DRAN PA DANG, BSAM GTAN BZHI DANG, TSANGS PA'I GNAS PA BZHI DANG, 'BRAS BU BZHI DANG, CHOS DE DAG RNAMS SPANGS NAS RANG BZHIN GYIS MI SHES PAR GYUR PA, CHAGS PAS BDAG GI SEMS KUN NAS BSGO BAR BYED PA 'BA' ZHIG TU GYUR PA GZHAN NYID BYED DE, BSAM GTAN SGOM PA NA BAR DU GCOD PAR BYED PAR GYUR PA GZHAN DU NA KUN NAS NYON MONGS PAR GYUR PA SHES PA MA YIN PA'I RNAM PAR BKRA BA'I LAS GZHAN RNAMS NYID BYED DO, ,GANG GI RGYUS TSUL BZHIN MA YIN PA'I YID LA BYED PA RNAMS 'PHEN PAR GYUR PAS LUS ZHIG PAR GYUR PA DANG, NGAN SONG LOG PAR LTUNG BA DMYAL BA RNAMS SU SKYE BAR 'GYUR RO, ,GZHAN YANG SKYON CHEN POR GYUR PA GANG GI TSE BUD MED RNAMS MNGON PAR 'DRID PAR BYED PA NI, DMYAL BAR 'GRO BAR 'GYUR BA'I RGYU YIN TE, MDZES PAR GYUR PA, RGYAN DANG CHA BYAD SNA TSOGS PA DANG LDAN PA, MTHONG NA SDUG PAR GYUR PA'I GZUGS BYIS PA SO SO'I SKYE BO RNAMS YID 'PHROG PAR BYED PA'I LUS MNGON PAR MTHONG NAS KYANG DE DAG RNAMS YID 'PHROG PAR 'GYUR BA
DANG, YID 'DOD CHAGS SU CHUD PAR YANG 'PHYUR NA, GANG DAG 'DIR BUD MED DNGOS SU YOD PA RNAMS LA LTA CI SMOS, GZHAN DAG RNAMS DANG BDAG NYID KYANG KUN TU 'DOD CHAGS PAR BYED PA PO'I LUS ZHIG PAR GYUR PA NA NGAN SONG LOG PAR LTUNG BAR DMYAL BA RNAMS SU SKYE'O, ,DE NAS DE'I TSE BCOM LDAN 'DAS 'OD SRUNG DES TSIGS SU BCAD PA GSUNGS PA JI LTAR, LAS KYIS BKRA BA MA BSAM PAR, ,GANG ZHIG RI MO LA 'JUG PA, ,RI MO'I LAS KYIS DE BSREGS NAS, ,DMYAL BA'I RJES SU RGYUG PA YIN, ,GANG ZHIG BDE LEGS MI SEMS PAR, ,ZAG BCAS LA NI NYER CHAGS PA, ,SNYING LA CHAGS CAN RMONGS PA DE, , G-YANG BA'I RJES SU RGYUG PA YIN, ,LONG BA LA BRTEN SKYES BU GANG, ,BSAM GTAN SGOM PAR BYED PA NA, ,RANG NYID BKRA BA DE BTANG NAS, ,DE LA BYIS RNAMS RAB TU CHAGS, ,RI MO'I LAS LA RNAM SPYOD PA'I, ,RI MO'I ZHAGS PAS BYIS PA DE, ,RI MO'I LAS KYIS RMONGS PA YIS, ,DBANG MED PAR NI DMYAL PAR KHRID, ,TSON GYI RI MO BKRAR GYUR KYANG, ,SEMS KYI RI MO'I DPER MI PHOD, ,CHAR GYIS RI MO DE RAB 'JIG ,LAS KYI RI MO 'DI 'JIG MIN, ,SHIN TU BKRA BA'I RI MO GANG, ,RI MO DAM PAR DE MI 'DOD, ,LAS KYI RI MO'I RI MO CHE, ,KHAMS GSUM GO 'PHANG BKRA BAR BYAS, ,SNA TSOGS RI MO'I GZUGS KYIS GANG, ,SEMS CAN 'GRO BA LNGA 'KHYAMS, ,LAS RNAMS SNA TSOGS DE DAG KUN, ,RI MO MKHAN GYIS RNAM PAR BRIS, ,RI MO MKHAN GYI SEMS 'DIS NI, ,LAS KYI DRA BA RNAM BKRAR BYAS, ,GANG 'DI DRA BAS BCINGS NAS NI,
, ,'GRO BA 'KHRUL PA RNAM PAR RMONGS, ,CHAR TSAD RDUL DANG DU BA YIS, ,TSON SKYES RI MO 'JIG PA YIN, ,BSKAL PA BYE BA STONG DU YANG, ,SEMS KYI RI MO 'JIG MI 'GYUR, ,SA GZHI RNAMS NI 'JIG 'GYUR ZHING, ,RGYA MTSO YANG NI SKAM 'GYUR YANG, ,SEMS KYIS BYAS PA'I RI MO GANG, ,DE NI NYAMS SU MYONG BAR GNAS, ,RANG GI LAS KYI RI MO YANG, ,RNAM PAR RMONGS PAS MA MTHONG NGO, , JI SRID DU NI NOR 'DOD PAS, ,RI MO GZHAN NI RAB TU BYED, ,DE'I PHYIR NA BSAM GTAN SGOM PAR BYED PA NA BAR DU GCOD PAR GYUR PA SKYON DU MA KUN TU RTOGS PAR 'GYUR BA MA GUS PAR 'GYUR BA LA STEN PAR BYED PA'I RI MO'I LAS RNAMS DGE SLONG GIS MI BYA'O, ,DE DAG LA RNAM PAR G-YENG BAR GYUR PA'I YID KYIS BDE LEGS THOB PAR MI 'GYUR RO, ,DGE BA'I LAS RNAMS LAS GCIG KYANG YID LA BYAS TE SGOM PAR MI BYED DO, ,DE'I PHYIR NA BDE LEGS LAG TU 'ONG PAR 'DOD PA RNAMS DANG, LAS KYI 'JIGS PAS 'JIGS PAR GYUR PA RNAMS KYIS 'DI LTAR BSLAB BAR BYA STE, TSON GYIS BSGO BAR MI BYED PA'O, ,RJES SU GZUNG BA STE, 'DI NI, BDAG CAG RNAMS LA RJES SU GDAMS PA'O, ,SKYON DE DAG RNAMS RIG PAR BYAS LA CHOS GSUM PA 'DI DGE SBYONG GIS MI BYA'O, ,GZHAN YANG CHOS BZHI PA DGE SBYONG GIS MI BYA STE, 'DI'ANG GANG ZHE NA, THOS PA NGAN PA SNYAN DNGAGS SDEB PA'O, ,'DI NA DGE SLONG GANG DAG BU DANG, BU MO DANG, RANG GI SKYE BO RNAMS DANG, SPUN DANG, PHA DANG, GNYEN BSHES
RNAMS KYANG SPANGS NAS RAB TU BYUNG STE NYON MONGS PA SPANG PA'I DON DU BSAM GTAN SGOM PAS BYED PAR 'GYUR ZHING NYON MONGS PA RNAMS KYANG YID RTZE GCIG PAS GZHOM PAR BYA BA YIN GYI, RNAM PAR G-YENG BA'I YID KYIS NI, MA YIN NO, ,GANG DAG SNYAN DNGAGS BYED PAR GYUR PA DE DAG RNAMS NI, SNA TSOGS PA RNAMS LA BRTEN NAS BLO RNAM PAR G-YENG BAR 'GYUR RO, ,DE'I YID RNAM PAR G-YENG BAR GYUR PAS NI, DGE BA'I CHOS RNAMS KYI BAR DU GCOD PAR BYED PAR 'GYUR BAS BSAM GTAN SGOM PAR MI BYED DO, ,BSAM GTAN DU MI BYED DO, ,BLA MA LA STEN PAR MI BYED DO, ,DAM PA'I CHOS NYAN PA LA MNGON PAR DGA' BAR MI 'GYUR RO, ,DKON MCHOG GSUM MCHOD PA LA MNGON PAR DGA' BAR MI 'GYUR RO, ,NGES PAR 'BYUNG BA'I LAM LA MNGON PAR DGA' BA'I RANG BZHIN CAN DU MI 'GYUR RO, ,RTAG PAR RGYUN DU'ANG SNYAN DNGAGS SDEB PA LA MNGON PAR DGA' BAR 'GYUR RO, ,DE SNYAN DNGAGS DE'I RTEN GYI DON DU THOS PA NGAN PA RNAM PA SNA TSOGS PA RNAMS NYAN PAR BYED DO, ,GANG DAG CHOS NYID LAS 'DAS PAR GYUR PA NYAN PA LA DGA' BAR 'GYUR BA TZAM 'BA' ZHIG PA TSUL BZHIN MA YIN PA'I YID LA BYED PA KUN TU SKYED PAR BYED PA 'BREL PA MED PA RNAMS RJOD PAR BYED PA DANG LDAN PAR GYUR PA DE DAG LA'ANG DGE SBYONG NGAN PA 'DI DAD PAR BYED DO, ,DE YANG DANG YANG DU NYAN PAR BYED PAS THOS PA NGAN PA'I LAM DE NYID KYIS 'KHRID PAR BYED DO, ,DES KHRID PAR GYUR PAS SLAR NYID KYANG KHYIM PAR 'GYUR RO, ,DE'ANG DAM
, ,PA'I CHOS LAS KYANG YONGS SU NYAMS PAR 'GYUR RO, ,DE NI, SNYAN DNGAGS LA MNGON PAR DGA' BA NYID KYIS DGA' BAR GYUR PAR DE SDEB BYED PAR GYUR GYI, DE BSAM GTAN SGOM PA LA NI, LE LO CAN DU 'GYUR ZHING DGE 'DUN GYI NANG DU 'JUG PA DANG LDAN PA'ANG MA YIN NO, ,ZAS DANG GNAS LA LONGS SPYOD PA RNAMS THAMS CAD KYIS KYANG DE'I BAR DU GCOD PAR 'GYUR RO, ,GANG DAG LE LO CAN DU GYUR PA RNAMS DANG PO KHO NAR TSUL KHRIMS 'CHAL PAS NI, DGE 'DUN GYI NANG DU 'JUG PAR MI BYA NA GNAS MAL RNAMS DANG, NAD KYI RKYEN SMAN GYI TSAD DU GYUR PA DANG, GZHAN RNAMS LTA BRJOD KYANG CI DGOS NAS GSONG POR SMRAS PA DANG, PHYAG BYAS PAS KYANG LE LO CAN GYI BAR CHAD BYED PAR 'GYUR RO, ,BSAM GTAN DU BYA BA LAS SNYAN DNGAGS GANG BSDEBS PAR GYUR PA LA CHED CHER BYED PAS BRTZAM PAR 'OS PA'I SNYAN DNGAGS DE DAG BYED LA DE DAG 'BA' ZHIG TU NI, MA ZAD KYI, YANG DANG YANG DU DE LA 'GRO BA KHO NA DANG, DE'I TSE DE LA BRTEN PA LA SEMS MNGON PAR DGA' BA DANG, RNAM PA SNA TSOGS PA'I THABS RNAMS KYI BLO RNAM PA SNA TSOGS PA DANG, RNAM PAR RTOG PA DU MA RNAMS KYIS KUN NAS BCOM PA DANG, RNAM PA SNA TSOGS PA'I RO RNAMS SKYED PAR BYED PA'I SNYAN DNGAGS BYED DO, ,DES DE'I YID RNAM PAR DKRUGS PAR GYUR PAS TSE'I 'DU BYED RNAMS NI, ZAD PAR GYUR LA, 'CHI BDAG GI RGYAL PO NA, NYE BAR 'ONGS PAR GYUR
PAS BYA BA RNAMS MA BYAS PAR YANG GROGS MED CING 'JIG RTEN LAS 'DAS PA'I LAM DANG RNAM PAR BRAL BA GANG YIN PA'I PHYOGS SU 'GRO BAR BYA DGOS SO, ,DE'ANG SNYAN DNGAGS KUN TU SDEB PA DE LA BLO SONG BAR GYUR PA YIN NO, ,SKYES BU 'DI NI, DES RMONGS PAR GYUR NAS BAR DU GCOD PA CHEN PO RNAMS KYIS BSLUS PA'I MCHOG THOB PAR 'GYUR RO, ,GYA RGUD KYIS MI THOB PAR GYUR CING DBANG PO RNAMS TSANG PA DANG, RAB TU BYUNG BAR GYUR PA DANG, MCHOG TU DKA' BA DE DAG THOB NAS KYANG CI'I PHYIR SNYAN DNGAGS SDEB PAS BSLUS NAS DUS BYED PAR 'GYUR BA NI, RANG GI DON LAS NYAMS PA YIN NO, ,SNYAN DNGAGS BYED PAR GYUR PA NA SKYON GZHAN YANG YOD DE, DE'ANG PHAL CHER RNAM PAR RTOG PAS NYE BAR BCOM PA'I SEMS DRI MA CAN DRI MA CAN GYI KUN TU SPYOD PA DAG GIS SNYAN DNGAGS BYED DO, ,RNAM PAR RTOG PA DE NYID LAS GZHAN RNAM PAR RTOG PA DE LTA BU'I RNAM PA NI, 'GA' YANG MI 'BYUNG NGO, ,JI LTAR BUD MED KYI RNAM PAR RTOG PA RNAMS NI, DGE SLONG GIS MI BYA'O, ,RNAM PAR RTOG PA DES KYANG RANG NYID SREG PAR BYED DO, , ME JI LTA BAR RANG GI RNAM PAR RTOG PAS SREG PAR 'GYUR RO, ,DE LTAR BUD MED KYI RNAM PAR RTOG PA RNAMS KYANG BYIS PA'I SKYE BO'I TSOGS RNAMS THAMS CAD NYID LA SKYE BA GZHAN BRGYA STONG GI BAR DU'ANG MTHONG BA YIN NO; ;SNYAN DNGAGS RNAMS KYANG DANG PO KHO NA BUD MED RNAMS LA CI NAS KYANG 'BAB PA YIN NO, ,DE BUD MED KYI RNAM PAR RTOG PAS NYE BAR BCOM PAR GYUR PAS JI SRID DU RKANG PA NAS GO BO'I BAR RNAMS LA DE
, ,SRID DU RNAM PA DU MA'I TSUL BZHIN MA YIN PA YID LA BYED PA SKYED PAR 'GYUR BA BYIS PO'I SKYE BO RNAMS THAMS CAD KYI YID 'PHROG PAR BYED PAR SNYAN DNGAGS KYIS BUD MED KYI LUS KYI CHA RNAMS DES RAB TU BSNGAGS PAR BYED DO, ,MCHOD PAR BYED DO, ,YID LA'ANG RAB TU 'JOG PAR BYED DO, ,GTZANG MA YIN PAR RAB TU STON NO, ,DE BDAG NYID THAMS CAD KYIS TSUL BZHIN MA YIN PA YID LA BYED PAS 'KHRID PAR 'GYUR LA, GZHAN DAG RNAMS KYANG TSUL BZHIN MA YIN PA YID LA BYED PA DE LA RAB TU 'GOD PAR BYED DO, ,RANG DANG GZHAN YONGS SU NYAMS PAR BYED PA PO DE NI, SHI BAR GYUR NAS LUS ZHIG PA'I 'OG TU NGAN SONG LOG PAR LTUNG BA THABS MA YIN PAS KUN TU BCOM PA'I DMYAL BAR SKYE'O, ,THOS PA NGAN PA SNYAN DNGAGS SDEB PAR BYED PA DE'I SKYON NI; 'DI YIN NO, ,GZHAN YANG THOS PA NGAN PA SNYAN DNGAGS RNAMS SDEB PAR BYED PA'I SKYON CHEN PO NI, 'DI LTA STE, DGE SBYONG NGAN PA DE SNYAN DNGAGS SDEB PAR BYED PA LA RGYAGS SHING MUN PAR GYUR TE; BLO SHIN TU LONG BAR GYUR PA'I PHYIR THOS PA MA YIN, MTHONG BA MA YIN, GZHAN DAG RNAMS KYI DRUNG NA NYAN PA'ANG MA YIN NO, ,DE LA 'DI SNYAN DNGAGS SDEB PAR BYED PAR 'DOD PAS KYANG NGES PAR 'CHING BAR 'GYUR RO, ,RAB TU GNAS PAR BYED DO, ,GZHAN DAG RNAMS KYANG RNAM PA SNA TSOGS PA'I TSIG GI RKANG PA BRJOD PA RNAMS KYIS NYE BAR 'BREL PAR BYED DO, ,JI LTAR SKYE BAR 'GYUR BA DE
BZHIN DU DE NYID KYIS DON DE DAG RNAMS DNGOS MTHONG BAR GYUR NAS DE DAG GIS SKYES BU NGAN PA DE DE BZHIN DU 'JOMS PAR 'GYUR RO, ,RANG GI SEMS KYI KUN NAS SLONG BAS YONGS SU BSDEBS PA'I RDZUN DE DAG RNAMS KYI SKYON DES LUS ZHIG NAS SHI BA'I 'OG TU THABS MIN PA'I LOG PAR LTUNG BA DMYAL BA RNAMS SU SKYE BAR 'GYUR RO, ,SNYAN DNGAGS SDEB PAR BYED PA'I SKYON GYIS GZHAN YANG SKYON CHEN POR 'GYUR RO, ,THOS PA NGAN PA SNYAN DNGAGS SDEB PAR BYED PA RNAMS KYI NI, 'DI LTA STE, THOS PA NGAN PA SNYAN DNGAGS SDEB PA LA MNGON PAR DGA' BAR GYUR PAS SNYAN DNGAGS GZHAN DAG RNAMS RNYED PA YANG NYAN PAR BYED DO, ,DES DE DAG RNAMS THOS NAS KYANG RANG GI RNAMS SGRUB PA'I DON DU RAB TU ZHE SDANG BAR BYED PA DANG, SNGON GYI SNYAN DNGAGS PA RNAMS LA 'PHYA BAR BYED DO, ,MDZES PAR GYUR PA'I SNYAN DNGAGS LA RAB TU ZHE SDANG BAR BYED PA'I DGE SBYONG NGAN PA DE NI, DE LTAR BSAM GTAN SGOM PAS STONG PAR GYUR NAS GNOD SEMS MNGON PAR 'PHEL BAR 'GYUR RO, ,DRI MA CAN GYIS LAS RNAMS NI, KUN NAS RAB TU BSAGS PAR 'GYUR LA, 'DI'I DKAR PO'I CHOS RNAMS NI, ZAD PAR 'GYUR BAS 'JIG RTEN PHA ROL TU BDE BAR BYED PA'I GROGS TSANGS PA MTSUNGS PAR SPYOD PA RNAMS DE LTAR GSHE BAR BYED DO, ,THOS PA NGAN PA SNYAN DNGAGS SDEB PAR BYED PA RTAG TU PAG MED PA LA SEMS PA RNAMS LA NI, GZHAN YANG SKYON CHEN PO YOD DE, THOS PA NGAN PA SNYAN DNGAGS RNAMS SDEB PA LA CHED
, ,CHER BYED PA RNAMS NI, NYIN MED MTSAN MED DU DE LA BLO BZOD GLAGS MED PAR GYUR NAS SNYAN DNGAGS SDEB PA LA SHIN TU CHED CHE BAR 'GYUR RO, ,DE DAM PA'I CHOS SEMS PAR BYED PA NYID MA YIN NO, ,SGOM PAR MI BYED DO, ,NYON MONGS PA RAB TU ZHI BAR BYA BA'I CHED DU MI 'JUG GO ,DE NYAN PA LA BLO ZHUGS PAR GYUR NA'ANG DAM PA'I CHOS 'BYUNG BAR DON MED DE, PHYIR LOG NAS 'GRO'O, ,GANG BSKAL PA STONG PHRAG BRGYAR YANG YANG RNYED PAR MI 'GYUR BA GANG YIN PA DE DAG RNAMS DGE SBYONG NGAN PA DGE SBYONG DU KHAS 'CHES PA 'DIS DE LTAR NYAMS PAR BYED DO, ,THOS PA NGAN PA SNYAN DNGAGS SDEB PAR BYED PA LA NI, GZHAN YANG SKYON CHEN PO YOD DE, SKYES PA NGAN PA DE SNYAN DNGAGS KYI 'DOD PA DANG, THOS PA NGAN PA DAG GI BSTOD PAS KYANG PHYIN CI LOG TU SMRA BAR BYED DO, ,DE KUN TU SPYOD PAR GYUR PA RNAMS LA RTEN PAR BYED DO, ,SMYON PA BZHIN DU GNAS RNAMS THAMS CAD LA RAB TU G-YO BA'I BLO DANG LDAN PAR 'GYUR RO, ,LOG PAR RJOD PAR BYED PA RNAMS KYIS BCINGS PAR GYUR PA'I STOD PA BSDEBS PA RNAMS LA NI, DON MED PA YIN NO, ,'DU BYED THAMS CAD YONGS SU ZAD PAR 'GYUR BA YIN PA'I PHYIR YANG 'DI LA DON MED PA YIN NO, ,SNYAN DNGAGS KYI RGYAGS PAS ZIN PAR GYUR PA DE DAG RNAMS NI, HA CANG THAL CHES PAR SHIN TU NYAMS PAR GYUR
NAS CHANG GI BTUNG BA STEN PAR BYED DO, ,DE LA STEN PAR GYUR PAR BLO RNAM PAR G-YENG BAS KYANG PHAN TSUN DU DON BYED DO, ,CHANG GIS KUN NAS G-YENGS PAR GYUR PA'I BLOS DON CUNG ZAD CIG BYED PAR 'GYUR BA'ANG MA YIN NO, ,SEMS KYANG RNAM PAR G-YENG BAR BYED PAR 'GYUR BA YIN PA'I PHYIR DANG, DON MA YIN PA RNAMS LA 'JUG PA PO NGAN SONG GI SGOR GYUR PA'I CHANG STON PAR BYED PA YIN NO, ,DE CHANG GIS ZIN PAS MI DGE BA RNAMS THAMS CAD BYED DO, ,BUD MED DAG MNGON PAR MTHONG NAS TSUL BZHIN MA YIN PA'I YID LA BYED PAS 'KHRID PAR 'GYUR RO, , DE NYE BAR KHRID PAR GYUR NAS DGE SBYONG NGAN PA MI TSANGS PAR SPYOD PAR BYED DO, ,DE NI, RGYUD TSIG PAR GYUR PA, NANG RUL BAR GYUR BA, THOS PA DANG MI LDAN PA, SRED PA'I RIGS SU GYUR PA, BI DU LA'I ME TOG BZHIN DU 'BRAS BU MED PA'O, ,BRIS PA'I MAR ME BZHIN DU 'OD MED PA, BRIS PA'I ZLA BA BZHIN DU GYUR PA, GRANG PA BZHIN DU RNAM PAR SMAD PAR BYA BA DE NI, DE DAG RNAMS KHO NA BZHIN DU GYUR PAS 'DI NI, GOS KYIS G-YOGS PA TZAM 'BA' ZHIG YIN NO, ,DGE SBYONG GI GZUGS DGE SBYONG MA YIN NO, ,THOS PA NGAN PA SNYAN DNGAGS BSDEBS PAR GYUR PA'I SKYON GYI RTZA BA DE LAS LUS ZHIG PAR GYUR NAS NGAN SONG LOG PAR LTUNG BA DMYAL BAR SKYE'O, ,DE'I PHYIR GANG DAG DGE SBYONG YIN PAR GYUR PA DE DAG RNAMS KYIS THOS PA NGAN PA
, ,SNYAN DNGAGS BSDEB PAR MI BYA'O, ,GAL TE BYED PAR GYUR NA'ANG DES DAM PA'I CHOS GSAL BAR BYED PAR 'GYUR BA RNAMS GANG YIN PA DANG, CI STE YANG DAM PA'I CHOS RNAMS YONGS SU RTOGS PAR 'GYUR BA SANGS RGYAS KYI BSTOD PA BYA'O, ,DKON MCHOG GSUM LA BSTOD PAR BYA'O, ,DAM PA'I CHOS SHIN TU GSAL BAR BYED PA'I SNYAN DNGAGS BYA'O, ,DE LAS MYA NGAN LAS 'DAS PA'I MTHAR THUG PAR 'GYUR RO, ,NGAL BA 'BRAS BU DANG BCAS PAR 'GYUR RO, ,DE DAG GIS DE RAB TU BSNGAGS PAR YANG 'GYUR RO, ,LUS ZHIG PAR GYUR NAS SHI BA'I 'OG TU LHA RNAMS SU SKYE BAR 'GYUR, ,YANG DAG PA'I SNYAN DNGAGS BSDEBS PAR GYUR PA DANG, DAM PA'I CHOS GSAL BAR 'GYUR BA BSDEBS PA DAG GIS TE, DES KYANG DE LTAR BYA BA YIN GYI, GZHAN DU NA BAR CHAD BYED PAR 'GYUR RO, ,GZHAN YANG CHOS LNGA BA DGE SBYONG DAG BSAM GTAN SGOM PA NA BAR DU GCOD PAR BYED PA YIN TE; 'DI DAG RNAMS KYANG GANG ZHE NA, 'DI LTA STE, RGYU SKAR BGRANG BA DANG, SEMS PAR BYED PA'O, ,DGE SBYONG DAG DGE SBYONG DU KHAS 'CHES PA RNAMS KYIS GNAS SKABS THAMS CAD DU'ANG RGYU SKAR BGRANG BA DANG, BSAM PAR YANG MI BYA'O, ,DE LAS KYANG DGE SBYONG LA 'JIG RTEN PA RNAMS KYIS RNAM PAR SMROD PAR 'GYUR RO, ,BSAM GTAN SGOM PAR BYED
PA NA BAR DU GCOD PAR 'GYUR RO, ,DE BSAM PAS KYANG BSOD NAMS DANG TSE'I 'DU BYED RNAMS NUB PAR 'GYUR RO, ,BDE LEGS RNAMS KYANG 'THOB PAR MI 'GYUR RO, ,TSE ZAD PAR GYUR PA DE BYA BA MA YIN PA BYED PA'I PHYIR NAD LAS DANG, RGA BA LAS DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, NGAL BA RNAMS LAS YONGS SU GROL BAR MI 'GYUR RO, ,DUS YUN RING POR 'KHOR BAR YONGS SU 'KHYAMS PAR 'GYUR RO, ,'DI LA RGYU SKAR BGRANGS PA RNAMS KYIS KYANG CUNG ZAD KYANG MI BYED DO, ,BDAG LA MA YIN ZHING GZHAN RNAMS LA'ANG SKYOB PA NI, RGYU SKAR RNAMS MA YIN NO, ,DE CI'I PHYIR ZHE NA, LAS KYIS DE DAG RNAMS 'JUG PAR BYED PA YIN GYI, RGYU SKAR RNAMS NI, SKYABS MA YIN NO, ,DE CI'I PHYIR ZHE NA, RGYU SKAR GCIG NYID LA YANG BDE BA CAN RNAMS DANG, SDUG BSNGAL CAN RNAMS DANG, SKYE BA GZUGS NGAN PA DANG, GZUGS BZANG BA DANG, RIGS DANG LDAN PA DANG, RIGS DMAN PA DANG, CHOS PA DANG, CHOS MA YIN PA DANG, DBUL PO DANG, PHYUG PO DANG, RKUN MA DANG, RGYAL PO DANG, CHOM RKUN DANG, MKHAS PA DANG, RMONGS PA DANG, BUD MED DANG, SKYES PA DANG, TSUL KHRIMS DANG LDAN PA DANG, TSUL KHRIMS 'CHAL BA DANG, BRTZON 'GRUS BRTZAMS PA DANG, LE LO CAN DANG, 'JIG RTEN PA SDUG PAR 'DZIN PA DANG, DE DAG LA SOGS PA GZHAN RNAMS KYANG
, ,RGYU SKAR GCIG LA SKYE'O, ,GAL TE YANG RGYU SKAR RNAMS RGYU MTSAN YIN PAR GYUR NA, DE LA GANG DAG RGYU SKAR GCIG LA SKYES PAR GYUR PA DE DAG RNAMS THAMS CAD KYANG MTSUNGS PAR 'GYUR RO, ,SKYES BU RNAMS KYIS JI SKAD BSHAD PA'I RGYU SKAR RNAMS NI, BGRANG BAR MI BYA STE, SNGON GYI SKYON DANG YON TAN DANG BCAS PA RNAMS MNGON PAR MI SHES PA'I PHYIR RO; ,DGE BA DANG MI DGE BAR GYUR PA'I DUS RNAMS SU SKAR MAR GYUR PA'I RGYU SKAR RNAMS BGRANG BAR BYED DO, ,GZHAN YANG RGYU SKAR 'DI DAG RNAMS BGRANG BA DANG, DPYOD PAR BYED PA NI, 'DI LTA STE, RGYU SKAR RNAMS MA SHAR BA DANG, GANG GI PHYIR MDUN DU BYAS PAR GYUR PAS RNAM PAR DAG PA RNAMS KYANG NYUNG BA DANG, LHAG PAR 'GYUR BAG DANG, MNGON PAR GSAR BA YIN PA DANG, RGYU SKAR GYIS RGYU SKAR GZHAN RNAMS ZIL GYIS KYANG GNON [?] NO, ,GZHAN YANG GZA' SKAR DE NYID KYANG DUS GZHAN NA ZIL GYIS GNON PAR 'GYUR RO, ,DE DAG RNAMS LAS RGYU SKAR MI MDZES PA DANG MDZES PA MA YIN PA RNAMS DPYOD PAR BYED PA YIN NO, ,GANG SEMS PAR BYED PA DANG BGRANG BAR BYED PA'I RGYU SKAR RNAMS KYI DBANG GIS BDE BA DANG SDUG BSNGAL BA YIN NA, GANG GIS JI LTAR BDAG NYID LA STOBS DANG LDAN PAR 'GYUR ZHING BDE BA DANG, SDUG BSNGAL GYI DBANG DU BYAS NAS GANG GIS ZIL GYIS GNON PAR 'GYUR, JI LTAR NA GZHAN RNAMS KYIS SDUG
BSNGAL DANG BDE BA BYED PAR 'GYUR BA YIN, DE'I PHYIR LAS RNAMS NYID KHO NA LAS DGE LEGS DANG DGE LEGS MA YIN PA'I 'BRAS BU RNAMS YIN NO, ,RGYU SKAR RNAMS DANG GZA' RNAMS KYANG GANG GI TSE GZA' GZHAN DANG 'KHRUGS PAR GYUR PA NA DE'I TSE DE DAG RNAMS LA'ANG GZER ZUG 'BYUNG NGO, ,JI LTAR NYI MA DANG ZLA BA DAG KYANG GZA' SGRA GCAN 'DZIN GYIS SDUG BSNGAL BAR BYED DO; ,DE LA GANG DAG BDAG NYID KYI LA NUS PA MED PA DE JI LTAR GZHAN RNAMS KYI LA NUS PA 'BYUNG BAR 'GYUR, ,DE'I PHYIR GZA' DGU PO RNAMS KYI DPYAD PA NI, DGE SBYONG GIS MI BYA'O, , DGE SBYONG DU KHAS 'CHES PA RNAMS KYIS MI BYA'O, ,'DZIN PAR BYED PA GZA' CHEN PO RNAMS NI, GSUM PA 'DI DAG RNAMS YIN NO, ,'DI LTA STE, RGA BA DANG, NA BA DANG, 'CHI BA RNAMS YIN TE, GANG ZHIG RTAG TU 'JIG RTEN PA RNAMS LA GNAS PAR GYUR BA THA MAR 'DZIN PAR BYED PA'I GZA' CHEN PO GSUM PO RNAMS SEMS PAR MA BYED PAR NI, JI SRID DU DGE SBYONG NGAN PA DGE SBYONG DU DAM BCA' BAS GZA' GZHAN 'JIG RTEN PA RNAMS NYID DPYOD PAR BYED DO, ,BLO GROS MED PA THOS PA DANG MI LDAN PA'I BYIS PAR GYUR PAR SKYON DANG BCAS PAR GYUR PA'I 'JIG RTEN PA'I RGYU SKAR NYI SHU RTZA BRGYAD PO RNAMS DPYOD PAR BYED DO, ,GANG ZHIG RNAM PAR DPYAD PAR 'GYUR ZHING YANG DAG PA JI LTA BA BZHIN DU SO SOR BRTAGS PA'I GYUR NA MYANG
, ,NGAN LAS 'DAS PA'I GRONG KHYER DU LEGS PAR 'JUG PAR BYED PA'I 'JIG RTEN LAS 'DAS PA'I RGYU SKAR NYI SHU RTZA BRGYAD PO RNAMS NI, DPYOD PAR MI BYED DO; ;DE DAG RNAMS KYANG GANG ZHE NA, 'DI LTA STE, PHUNG PO LNGA PO RNAMS DANG, NYE BAR LEN PA'I PHUNG PO LNGA PO RNAMS DANG, KHAMS BCO BRGYAD PO RNAMS SO, ,DE DAG RNAMS DPYOD PAR GYUR PAS NI, MYA NGAN LAS 'DA' BAR 'GYUR RO, ,YANG DAG PA JI LTA BAR 'DOD CHAGS 'GOG PAR BYED PA DANG, KUN NAS SDOM PA DANG, 'DUL BAR BYED PAS KYANG MYA NGAN LAS 'DA' BA YIN NO, ,DGE SLONG RGYU SKAR SEMS PAR BYED PA RNAMS NI, YANG RIM PA GZHAN GYIS DGE SBYONG NGAN PA DGE SBYONG DU KHAS 'CHES PA RNAMS KYIS ZLA BA BCU GNYIS BGRANG BAR BYED DO, ,DE DAG RNAMS BGRANGS PA LAS KYANG DON MA YIN PAR 'GYUR RO, ,NYON MONGS PA RNAMS SPONG BAR MI BYED PA DANG, MYA NGAN LAS 'DA' BAR YANG MI 'GYUR RO, ,'KHOR BA'I SKYE MCHED BCU GNYIS BGRANG BAR BYED PA RNAMS KYIS GANG DAG LEGS PAR SDOM PA DANG, YANG DAG PA'I DON YONGS SU SHES PAR BYED PA DANG, 'DOD CHAGS DANG BRAL BA DANG; LEGS PAR KUN NAS SDOM PAR GYUR PA RNAMS KYIS KYANG MYA NGAN LAS 'DA' BA YIN NO, ,DGE SBYONG NGAN PA DGE SBYONG DU KHAS 'CHES PAS DE DAG RNAMS MA RTZES PAR KUN
NAS NYON MONGS PAR GYUR PA GZHAN RNAMS DPYOD PAR BYED DO, ,YANG GANG ZHIG DPYAD PAR GYUR NAS NAD DANG, RGAS PA DANG, 'CHI BA RNAMS LAS YONGS SU 'GROL BAR MI 'GYUR BA'I RIM PA GZHAN GYIS NGAN PA RNAMS SEMS PAR BYED PA'I DGE SBYONG NGAN PA DGE SBYONG DU KHAS 'CHES PA KUN NAS NYON MONGS PA CAN DU GYUR PA'I DUS DRUG PO RNAMS DPYOD PAR BYED DO; ;GANG DAG RNAMS DPYAD PAR GYUR CING YANG DAG PA JI LTA BAR SO SOR RNAM PAR DPYAD CING RNAM PAR GNAS PAR GYUR NAS DE DAG RNAMS MYA NGAN LAS 'DA' BAR 'GYUR PA'I MCHOG PAR DGOS PA DANG, BCAS PAS KUN NAS NYON MONGS PA CAN NYE BAR 'TSE BA DANG BCAS PAR GYUR BA'I SUM CU RTZA DRUG GIS LUS DPYOD PAR MI BYED DO, ,YANG RIM PA GZHAN GYIS DGE SBYONG NGAN PA DGE SBYONG DU KHAS 'CHES PA RNAMS 'JIG RTEN PA'I DUS KYIS BYAS PA'I LTAS SU GYUR PA RNAMS LA DPYOD PAR BYED DO, ,JI LTAR DKAR PO'I DUS KYI LTAS RNAMS NI; MDZES PA'O, ,DKAR PO MA YIN PA NI, MI MDZES PA'O, ,CHE GE MO ZHIG GI DUS NA LTAS 'DI DAG RNAMS 'BYUNG LA, CHE GE MO ZHIG GI DUS NA NI, MA YIN NO, ,RNAM PA DE LTA BUR GYUR BA'I BSAM KHRAL NGAN PA RNAMS SEMS PAR BYED KYI, GANG DAG SHES PAR GYUR PA RNAMS DANG, PHA ROL TU BDE BAR GYUR PA RNAMS DANG, MYA NGAN LAS 'DA' BAR 'GYUR BA DANG, MYA
, ,NGAN LAS 'DA' BA'I MTHAR THUG PAR 'GYUR BA SEMS KYI DMIGS PA'I MTSAN NYID DU GYUR PA'I DGE BA DANG, MI DGE BA DANG, LUNG DU MA BSTAN PAR GYUR PA'I LTAS DANG LTAS MA YIN PA RNAMS KYI DPYAD PA DPYOD PAR MI BYED DO, ,JI LTAR DGE BA'I SEMS DANG LDAN PAR GYUR PA'I DGE BA DMIGS PA'I LTAS LAS MDZES PAR GYUR BA'I BDE BAR 'GRO BA'I 'GRO BA BDAG LA 'BYUNG BAR 'GYUR RO, ,MYA NGAN LAS 'DA' BAR 'GRO BAR 'GYUR BA'I DGE BA'I SEMS CHE GE MO ZHIG LA DMIGS PA BDAG LA SKYES SO, ,MI DGE BA KUN NAS NYON MONGS PA CAN DES NI, BDE BA MA YIN ZHING SHES PA MA YIN NO, ,BDAG BDE 'GROR 'GRO BAR YANG MI 'GYUR RO, ,LUNG DU MA BSTAN PA LA DMIGS PA'I BDAG GI SEMS CHE GE MO ZHIG SKYES PAR GYUR TE, DE NI, RNAM PAR SMIN PA LUNG DU MA BSTAN PA YIN NO, ,GZHAN YANG DGE SBYONG NGAN PA DGE SBYONG GI GZUGS BRNYAN DE 'JIG RTEN PA'I LAM GYIS SKAD CIG DANG, THANG GCIG DANG, YUD TZAM DANG, NYI MA DANG, ZLA BA PHYED DANG, ZLA BA DANG YANG DAG PAR LDAN PA'I DGE BA DANG, MI DGE BA'I DUS KYI MI RNAMS KYI TSE'I DUS RNAMS SEMS PAR BYED KYI; BDAG GI TSE'I 'DU BYED RNAMS NI, SKAD CIG PA YIN TE, JI LTAR 'DI DAG RNAMS NI, SKAD CIG PA, THANG GCIG DANG, YUD TZAM DANG, NYI MA DANG, ZLA BA DANG, ZLA BA PHYED
PAR 'GOR BA MED PAR ZAD PAR 'GYUR BAS CIS KYANG BZLOG TU MED PA STOBS CHEN PO DANG LDAN PA'I 'CHI BA'I DUS SU GYUR PA'I 'DU BYED RNAMS MDZAD PAR 'GYUR BA'I DUS LA NI, DPYOD PAR MI 'GYUR RO, ,BSAM GTAN BYED PA NA BAR DU GCOD PAR GYUR PA 'JIG RTEN PA'I RIM PA'I RIM PA GZHAN KUN NAS NYON MONGS PA CAN RNAMS KYIS KYANG RGYU SKAR GYI DPYAD RA RNAMS DPYOD PAR BYED DO, , SGOM PAR BYED DO, ,LAN MANG DU BYED DO, ,SEMS KYIS RAB TU SGOM PAR BYED DO, ,RAB TU 'JOG PAR BYED DO, ,GZHAN DAG RNAMS LA'ANG SBYIN PAR STON NO, ,JI LTAR RGYU SKAR CHE GE MO GZA' CHE GE MO NYE BAR GZIR BAR GYUR NAS MNAR BAR BYED DO, ,'DOD PAR GYUR PA'I KUN TU SBYOR BA'I RGYU SKAR GZIR BAR BYED DO, ,DE BSAM PAR GYUR NA NAD DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA RNAMS LAS SGROL BAR BYED PA PO 'KHOR BA LAS 'DREN PAR BYED PA PO RNAMS NI, DE LTAR DPYOD PAR NI MI BYED NA, RGYU SKAR LA JI LTA BA BZHIN DU DE NYID NI, CHOS KYI GZAR GYUR PA'I CHOS GZHAN RNAMS KYIS ZIL GYIS GNON PAR 'GYUR RO, ,'DI LTA STE, SKYE BA'I RGYU SKAR RNAMS NI, 'CHI BA'I GZA' RNAMS KYIS NYE BAR 'DZIN NO, ,NAD MED PA'I RGYU SKAR RNAMS NI, NAD KYI GZA' RNAMS KYIS NYE BAR 'DZIN NO, ,LANG TSO'I RGYU SKAR RNAMS NI, RGAS PA'I GZA' RNAMS KYIS NYE BAR 'DZIN NO, ,MTHUN PA DANG KUN TU PHRAD PA'I RGYU SKAR RNAMS NI, MTHUN
, ,PA DANG BRAL BA'I GZA' RNAMS KYIS NYE BAR ZIN TO, ,LHA'I 'JIG RTEN DU SKYES PA'I RGYU SKAR RNAMS NI, 'CHI 'PHO PA'I GZA' RNAMS KYIS NYE BAR ZIN TO, ,MAR SKYES PA'I RGYU SKAR RNAMS NI, TSOL KHRO'I SDUG BSNGAL GYI GZA' RNAMS KYIS NYE BAR ZIN TO, ,BDE BA'I TSOR BA'I RGYU SKAR RNAMS NI, SDUG BSNGAL GYI TSOR BA'I GZA' RNAMS KYIS NYE BAR ZIN TO; ;DGE BA'I SEMS BSKYED PA'I RGYU SKAR RNAMS NI, MI DGE BA'I SEMS BSKYED PA'I GZA' RNAMS KYIS NYE BAR ZIN TO, ,MI SDUG PA'I RGYU SKAR RNAMS NI, ZHE SDANG GI GZA' RNAMS KYIS NYE BAR ZIN TO, ,SHES PA'I RGYU SKAR RNAMS NI, GTI MUG GI GZA' RNAMS KYIS NYE BAR ZIN TO, ,DGE SBYONG NGAN PA DGE SBYONG DU KHAS 'CHES PAR GYUR PA DE RANG NYID KYI BSAM KHRAL RNAMS SEMS PAR MI BYED DO, ,'JIG RTEN LAS 'DAS PA'I YONGS SU DPYAD PAR BYA BA'I DPYOD PA RNAMS SEMS PAR MI BYED DO, ,'JIG RTEN PA'I DE DAG RNAMS DANG, 'JIG RTEN LAS 'DAS PA'I YANG JI SKAD DU BSHAD PA'I RGYU SKAR DPYAD PAR BYA STE, SNGA MA BZHIN NO, ,TSUL BZHIN YID LA BYED PAS YANG DAG PA JI LTA BA BZHIN SO SOR BRTAG PAR BYA'O, ,DE SKAD DU BSHAD BA'I GZA' RNAMS KYANG SNGAR BZHIN DU YANG DAG PAR JI LTA BAR GZA' RNAMS BSAM PAR BYA'O, ,BSGOM PAR BYA'O, ,YANG DAG PA JI LTA BA BZHIN DU GYUR PA SHES PA'I LAM YAN LAG
BRGYAD KYIS SO SOR BRTAGS NA NI, GZA' DANG RGYU SKAR GYI DPYAD RA RNAMS 'BRAS BU DANG BCAS PAR 'GYUR RO, ,MYA NGAN LAS 'DA' BAR YANG 'GYUR BA DANG, SHIS PAR 'GYUR BA DANG, BDE BAR 'GYUR BA'ANG YIN NO, ,THA MAL BA'I 'JIG RTEN PA'I GZA' RNAMS DPYAD PA DANG, RGYU SKAR RNAMS KYANG SPYAD PAR GYUR PA'I SKYES BU NI, BRGYA STONG DU MA RNAMS SU 'GROS NOR NAS DMYAL BA DANG, YI DVAGS DANG, DUD 'GRO RNAMS SU SKYE BAR 'GYUR RO, ,'JIG RTEN PA DE DAG RNAMS NI, 'KHOR BA KUN NAS 'JUG PAR BYED PA, 'DOD CHAGS ZHE SDANG GTI MUG RNAMS KUN NAS SKYES PAR BYED PA YIN NO, ,GANG YANG DUS DANG, GZA' DANG, RGYU SKAR DE DAG RNAMS 'JIG RTEN LAS 'DAS PA'I LAM GYIS BSAM PAR BYA BAR BSHAD PA DE DAG RNAMS RNAL 'BYOR DPYOD PAS BSAM ZHING BSGOMS TE YANG DAG PA JI LTA BA BZHIN DU SO SOR BRTAGS PAS RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA STONG PHRAG BRGYA LAS RNAM PAR GROL BA'I GO 'PHANG 'THOB PAR 'GYUR TE, RTAG TU RGAS PA MED PA DANG, 'CHI BA MED PA DANG, ZAG PA MED PA'I MYA NGAN LAS 'DAS PA'I MCHOG DE LTA BU DE DAG RNAMS LA BSLAB PAR BYA'O, ,DGE SBYONG RNAMS DANG, DGE SBYONG DU DAM BCAS PA RNAMS DANG, SDUG BSNGAL ZAD PAR 'DOD PA RNAMS KYIS 'KHOR BA'I SDUG BSNGAL ZAD PAR
, ,'GYUR BA'I RGYU SKAR RNAMS LA DPYAD PA BSGOM PAR BYA'O, ,DUS DPYOD PA'ANG RANG BZHIN JI LTA BU MA YIN PA'I KUN NAS NYON MONGS PA CAN GYI SHES PA RNAMS DANG BDE BA'I MTHAR THUG PAR 'GYUR BA MA YIN NO, ,SHES PAR 'GYUR BA MA YIN, MYA NGAN LAS 'DAS PA'I MTHAR THUG PAR 'GYUR BA YANG MA YIN GYI, DGE SLONG DES BSAM GTAN BSGOMS PAR GYUR PA NA RNAM PAR SREG PAR BYED PA 'BA' ZHIG TU GYUR PA DANG, RGYU SKAR BGRANG BA DANG SEMS PAR BYED PA NA DGE SLONG LA RNAM PAR GSHE PAR BYED PAR YANG 'GYUR RO, ,GZHAN YANG CHOS DRUG PAR GYUR PA BSAM GTAN SGOM PA NA BAR DU GCOD PAR BYED PA RNAMS NI, DGE SLONG DANG DGE SLONG DU KHAS 'CHES PA RNAMS KYIS BSAM PAR YANG MI BYA'O, ,'DI YANG GANG ZHE NA; 'DI LTA STE, RGYU MTSAN SEMS PA DGE SBYONG GIS MI BYA'O, ,'JIG RTEN PA KUN NAS NYON MONGS PA 'DOD CHAGS DANG, ZHE SDANG DANG, GTI MUG RNAMS KUN TU GSAL BAR BYED PAR GYUR PA DGE BA'I CHOS RNAMS KYI BAR DU GCOD PAR BYED PA RNAMS KUN TU 'PHEL BAR BYED PA'I RGYU MTSAN SEMS PA LAS YIN TE, DE LAS G-YO BA 'BYUNG BA RNAMS NYIN MO DANG, MTSAN MO YANG DGE SBYONG NGAN PA DGE SBYONG DU KHAS 'CHES PA RNAMS NI, KUN NAS NYON MONGS PA'I SA GZHI LAS KYI RGYU MTSAN NYE BAR MTSON PAR BYED DO, ,JI LTA BAR RGYU MTSAN 'DI DAG RNAMS
'BYUNG BAR 'GYUR TE, 'DI LTAR CHU KUN TU GNAS PA'I RDZING BU DAG RLUNG GIS DKRUGS PAR BYED LA, JI SRID DU RAB TU G-YOS PAR GYUR PAS RNYOG PA CAN DU 'GYUR RO, ,LHA'I CHAR 'BAB NA GROG MA RNAMS GZER ZUG GIS PHYIR 'BYUNG BAR 'GYUR RO, ,ZLA BA GZAS 'DZIN PAR GYUR NA CHUR MAR NAG 'BYING BAR 'GYUR RO, ,BYA RNAMS DMA' BA NAS 'GRO NA'ANG NAM MKHA' LA NYI MA GZAS 'DZIN PAR 'GYUR RO, ,PHYOGS RNAMS LA 'DOD CHAGS DANG BRAL BAR NYE BAR DMIGS PAR 'GYUR RO, ,DGE BA LA NI, 'DI DAG RNAMS 'BYUNG BAR 'GYUR TE, JI LTAR 'JAM POR GYUR PA'I RLUNG RNAMS RAB TU RGYU BAR 'GYUR RO, ,PHYOGS RNAMS SHIN TU DRI MA MED PAR GYUR PA DANG, MDZES PA'I BYA DAG G-YAS PHYOGS NAS BSKOR BAR KUN TU MTHONG BAR 'GYUR RO, ,MI DGE BA 'BYUNG PAR GYUR NA DMAR RANGS DANG PHYOGS KYI MDOG RNAMS RTZUB PAR MTHONG NGO, ,RLUNG RTZUB MO DAG RAB TU RGYU BAR 'GYUR RO, ,SKYE RENGS DMAR PO KHRAG GI MDOG TU 'GYUR BA DANG, KUN NAS DE'I CHA BYAD KYIS NYI MA NAM MKHA' LA SHAR NAS GNAS SO, ,DE LTAR DGE SBYONG NGAN PA DGE SBYONG DU KHAS 'CHES PAR BYED PA 'DIS BSAM GTAN SGOM PA'I BAR DU GCOD PAR BYED PA'I RGYU MTSAN RNAMS MTSON PAR BYED DO, ,RGYAL PO DAG LA'ANG STON PAR BYED DO, ,RNYED PA DANG BKUR STI'I DON DU RGYAL BA DANG PHAM PAR 'GYUR BA RNAM PAR DPYOD PAR BYED DO, ,DES DE BZHIN
, ,DU RGYAL PO RGYAL BA DANG PHAM PA 'DOD PAR GYUR PAS 'DOD CHAGS DANG, ZHE SDANG DANG, GTI MUG RNAMS YID LA KUN TU SKYE STE, DE DAG GI RTZA BA LAS NI, GTI MUG YIN PAS SKYON GSUM PO 'DIS G-YOGS PAR GYUR PA DE NI, DGE SBYONG MA YIN LA KHYIM PA'ANG MA YIN NO, ,DE'I PHYIR DGE SBYONG DANG DGE SBYONG DU DAM BCAS PAR GYUR PA RNAMS KYI RGYU MTSAN GYI DPYAD RA MI BYA'O, ,'DI DAG NI, KUN NAS NYON MONGS PA YIN NO, ,YANG RIM PA GZHAN GYIS MA RUNGS PA'I RGYU MTSAN 'DI DPYOD PAR GYUR PA LA, JI LTAR GANG 'GA' ZHIG RGYU MTSAN CAN YIN PAR GYUR PA DE RGYAL POS CI NAS KYANG LTAD MO'I DUS NA LTAD MO 'DZUGS PAR 'GYUR RO, ,RGYAL PO DAG PHAN TSUN DU KUN TU 'JOMS PAR GYUR PA, SKYE BO THAMS CAD 'KHRUG PAR BYED PA'I 'KHRUG PA'I LTAD MO LAS SEMS CAN BRGYA STONG DU MA RNAM PAR NYAMS PAR 'GYUR RO, ,GSOD PAR BYED PA DANG, 'DZIN PAR BYED PAS KYANG YUL LJONGS DANG, YUL 'KHOR DANG, GRONG CHUNG RNAMS PHAN TSUN DU STONGS PAR BYED DO, ,SROG CHAGS BRGYA STONG DU MA RNAMS KYANG SDUG BSNGAL BAR 'GYUR RO, ,DE'I TSE RGYAL PO DAG PHAN TSUN DU 'BRAS PAR GYUR PA STE, DE LA MDOR BSDU NA SKYE BO'I TSOGS CHEN PO 'DI DAG RNAMS KYI NI, DGE SBYONG NGAN PA DGE SBYONG DU KHAS 'CHES PAS LTAD MO BTZUGS PA YIN NO, ,RGYAL PO GCIG RNAM PAR RGYAL
PAR GYUR PAS RGYAL PO GZHAN LA DBANG CHE BA'I RGYU MTSAN NYE BAR MTSON PAR BYAS NAS DE 'DI SNYAM DU NYE BAR SEMS TE, GAL TE RGYAL PO 'DI RNAM PAR RGYAL BAR GYUR NA DE LAS BDAG CHEN POR 'GYUR BA DANG, RGYAL PO'I SPYAN SNGA NAS RNYED PA DANG BKUR STI YANG BDAG LA CHEN PO 'BYUNG BAR 'GYUR RO, ,DGE SBYONG NGAN PA DGE SBYONG DU KHAS 'CHES PA DEN YID KYI DGE BA GANG YIN PA'I CHOS DE NUB PAR 'GYUR RO, ,BSAM GTAN LA SNYOMS PAR ZHUGS PA NA'ANG DGE BA MNGON PAR MI 'PHEL LO, ,RGYAL BA DANG MI RGYAL BA RNAMS KUN TU RTOGS PAR BYED PA PO ZHI BAR GYUR PA'I CHOS RNAMS KYANG MA BSAM PAS LUS ZHIG PAR GYUR PA NA SHI BA'I 'OG TU NGAN SONG LOG PAR LTUNG BA DMYAL BAR SKYE'O, ,RGYU MTSAN 'DI DAG GI PHYIR NA DGE SBYONG RNAMS DANG DGE SBYONG DU KHAS 'CHES PAS RGYU MTSAN GYI DPYAD RA 'JIG RTEN PA MI BYA'O, ,'JIG RTEN PA'I DPYAD RA GANG YIN PA 'DI NI, SKYON GSUM SKYED PAR BYED PA'ANG 'DI YIN TE, DGE BA'I CHOS RNAMS KYI BAR DU GCOD PAR BYED PA YIN NO, ,DE LA SBYON GSUM PO DE DAG RNAMS LA RIM GYIS NGES PAR RNAM PAR GROL BAR 'GYUR BA'I 'JIG RTEN LAS 'DAS PA'I SGRUB PA DPYAD PAR BYA'O, ,GANG ZHE NA, 'DI LTA STE, JI LTAR 'DIS SA GZHI G-YO NYE BAR MTSON PAR BYED PA, NYIN MO DANG MTSAN MOR YANG JI LTAR SA G-YO PA 'BYUNG BAR 'GYUR RO, ,ZHES DE KHO NA LTAR NI, NAM YANG DPYOD
, ,PAR MI BYED DE, NYIN DANG MTSAN DU'ANG SEMS KYIS SA GZHI G-YO BAR 'BYUNG BAR 'GYUR BA'I PHYIR RO, ,DPER NA, SA GZHI 'DI KUN NAS G-YO BAR GYUR NA NAGS DANG, NYE BA'I NAGS DANG, RI DANG, CHU RLUNG DANG, SHING DANG, GRONG DANG, TSONG DUS SU BCAS PA'I 'JIG RTEN 'DI DAG RNAMS 'JIG PAR 'BYUNG BAR 'GYUR RO, ,DE KHO NA BZHIN DU SEMS KYI SA GZHI 'DI RAB TU G-YOS PAR GYUR NA, DE LA BRTEN PA DE DAG RNAMS THAMS CAD LAS 'JIG RTEN LAS 'DAS PA SGRUB PAR BYED PA'I CHOS DGE BA'I SA CHEN PO DANG BCAS PA RNAMS MA GTOGS PA GZHAN DAG RNAMS NI, RAB TU G-YO BAR 'GYUR RO, ,DE'I PHYIR DANG PO KHO NA RA DGE SBYONG DGE SBYONG DU DAM BCAS PA RNAMS KYIS SA GZHI BZHIN DU SEMS KYI SA GZHI G-YO BA RNAMS LA SO SOR BRTAG PAR BYA'O, ,GANG GI PHYIR 'KHOR BAR BYED PA DANG, SEMS KYIS GZHI RAB TU G-YO BAR YANG BYED DO, ,GSUM GYIS SEMS KYI SA GZHI RNAMS RAB TU G-YO BAR YANG BYED DO, ,'DI LTA STE, 'DOD CHAGS DANG, ,ZHE SDANG DANG, GTI MUG GIS RAB TU G-YO BAR BYED DE, JI LTAR YANG SA GZHI DAG G-YO BA 'BYUNG BAR 'GYUR BA NA CHU MNYAM PA DANG LDAN PA RNAMS RLUNG GIS DKRUGS PAR BYED DO, ,SO SO'I SKYE BO'I SEMS KYANG DE KHO NA BZHIN DU 'BYUNG BAR 'GYUR TE, 'DOD CHAGS SAM, ZHE SDANG NGAM, GTI MUG
KYANG SKYES PAR GYUR PA NA SNYOMS PAR GNAS PA LAS SNYING RANG BZHIN GYIS MDANGS KYANG DMAR BA'AM, BZHIN GYI MDANGS MI GSAL BA 'BYUNG BAR 'GYUR RO, ,DE'I PHYIR DGE SBYONG RNAMS DANG, DGE SBYONG DU KHAS 'CHES PA MYA NGAN LAS 'DAS PA LA MNGON DU PHYOGS PA RNAMS DANG, DGE SBYONG DU KHAS 'CHES PA RNAMS KYIS RGYU MTSAN DE DAG RNAMS NYE BAR GZUNG BAR BYA'O, ,RGYU MTSAN DE DAG RNAMS KYI RGYU MTSAN GYIS NYE BAR RTOG PA RNAMS NI, NAM YANG SDUG BSNGAL PAR MI 'GYUR RO, ,SEMS KYI SA GZHI'I RGYU MTSAN DU GYUR PA 'DI DAG RNAMS NI, 'JIG RTEN LAS 'DAS PA YIN NO, ,GZHAN YANG GAL TE THA MAL PA'I RGYU MTSAN 'DI DAG GIS NYE BAR MTSON PAR BYED DE, JI LTAR GROG MA RNAMS TSANG NAS PHYIR 'BYUNG PAR 'GYUR BA DE BZHIN DU LHA'I CHAR 'BAB PAR 'GYUR LA, DE KHO NA BZHIN DU DGE SBYONG DGE SBYONG DU KHAS 'CHES PA RNAMS KYIS 'JIG RTEN LAS 'DAS PA 'DI DAG BRTAG PAR BYA STE, JI LTAR GRONG DANG, GRONG KHYER DANG, TSONG DUS DAG LAS SBYIN PA PO DANG, SBYIN BDAG RNAMS DANG, DGE SBYONG DANG, BRAM ZE RNAMS KYIS DANG, KHYIM BDAG RNAMS KYI KHYIM YANG BSHIG NAS GANG NA SANGS RGYAS BZHUGS PA DER 'ONG NGO, , DE'I TSE YANG DAG PA'I RGYU MTSAN DU GYUR PA STON PAR MDZAD PA'I RGYU MTSAN RNAMS KYANG DGE SBYONG DANG BRAM ZE RNAMS KYIS 'DI LTAR NYE BAR MTSON PAR 'GYUR RO, ,JI LTAR CHUNG DU NA 'DIR
, ,SANGS RGYAS BCOM LDAN 'DAS KYI LEGS PAR BSTAN PA'I GSUNG GIS DAM PA'I CHOS DAG GI CHAR 'BEBS PAR 'GYUR TE, SBYIN PA PO DANG, SBYIN BDAG RNAM DANG, DGE SBYONG DANG ,BRAM ZE DANG, KHYIM BDAG RNAMS GANG DAG YIN PA DE DAG RNAMS GANG NA BCOM LDAN 'DAS SPRIN DANG LDAN PAR GYUR PAS CHAR MNGON PAR 'BEBS PAR MDZAD PA DER NYE BAR LEGS PAR 'GRO BAR BYED DO, ,ZHES PA'I RGYU MTSAN 'DI DAG NI, MCHOG YIN GYI, THA MAL PA'I CHAR 'BAB PAR 'GYUR BA'I RGYU MTSAN NI, MA YIN NO, ,GZHAN YANG DGE SBYONG NGAN PA DGE SBYONG DU KHAS 'CHES PA 'DI DAG GIS ZLA BA GZAS 'DZIN PA'I RGYU MTSAN NYE BAR RTOG PAR BYED DO, ,MA THA YANG ZLA BA GZAS 'DZIN PA 'BYUNG BAR 'GYUR TE, JI LTAR CHUR MAR NAG NUB PAR 'GYUR RO, ,RGYU MTSAN DE DAG RNAMS NI, MDZES PA MA YIN ZHING ZHI BAR 'GYUR BA'ANG MA YIN NO, ,DGE SBYONG GIS GANG MDZES PAR GYUR PA'I RGYU MTSAN 'JIG RTEN LAS 'DAS PA 'DI DU MA RNAMS DPYAD PAR BYA'O, ,CHUNG DU NA DUS THA MAR GYUR PA RTZOD LDAN GYI DUS NA DAM PA'I CHOS ZLA BA GZAS 'DZIN PA 'BYUNG BAR 'GYUR TE, JI LTAR DAM PA'I CHOS KYI MAR NAG 'DI DAG RNAMS LOG PAR LTA BA'I SKYE BO RNAMS KYI SNYING LA NUB PAR 'GYUR RO, ,'BYIN PAR MI BYED DO, ,RGYU MTSAN 'DI DAG RNAMS MCHOG YIN GYI, 'JIG RTEN
PA'I ZLA BA GZAS 'DZIN PA'I RGYU MTSAN NI, MA YIN NO, ,GZHAN YANG GAL TE DGE SBYONG NGAN PA DGE SBYONG DU KHAS 'CHES PA 'DI 'JIG RTEN PA'I ZLA BA GZAS 'DZIN PA MCHOG MA YIN PA'I RGYU MTSAN RNAMS NYE BAR MTSON PAR BYED DO, ,JI LTAR ZLA BA GZAS 'DZIN PAR 'GYUR TE, JI LTAR BYA 'DI DAG RNAMS KYANG NAM MKHA' LA DMA' BA NAS 'PHUR RO, ,ZHES NYE BAR 'DZIN PA'I RGYU MTSAN 'DI NI, MDZES PA MA YIN NO, ,DGE SBYONG RNAMS DANG DGE SBYONG DU KHAS 'CHES PA RNAMS KYIS MDZES PAR GYUR PA 'JIG RTEN LAS 'DAS PA'I RGYU MTSAN 'DI DAG NYE BAR BRTAG PAR BYA STE, JI LTAR DUS KYIS DAM PA'I CHOS KYI ZLA BA GZAS 'DZIN PA JI LTA BAR 'BYUNG BAR 'GYUR BA NA JI LTAR DAM PA'I CHOS KYI LAM DU ZHUGS PAR GYUR PA MCHOG TU DGE BA DANG LDAN PA'I DGE SBYONG RNAMS DMA' BAR 'GRO BAR 'GYUR RO, ,BYA BZHIN DU DMA' BA NAS KUN TU SPYOD PAR BYED PA'I LOG PAR LTA BA CAN RNAMS KYI SGO NAM MKHA' LTA BUR GYUR PA NAS DMAN PA DMAN PA'I TSIG RNAMS BRJOD PAR 'GYUR RO, ,DUS KYI SKYON DU GYUR PA RGYU MTSAN GYI MCHOG 'DI DAG RNAMS NYE BAR GZUNG BAR BYA'O, ,DGE SBYONG DGE SBYONG DU KHAS 'CHES PA RNAMS KYIS THA MAL BA'I ZLA BA GZAS 'DZIN PA NI, MA YIN NO, ,GZHAN YANG RGYU MTSAN GANG GI PHYIR DGE SBYONG NGAN PA DGE SBYONG DU KHAS 'CHES PA 'DI NYI MA GZAS 'DZIN PA'I RGYU MTSAN NYE BAR RTOG PAR BYED DE, 'JIG RTEN
, ,BA'I JI LTAR 'BYUNG BAR 'GYUR BA RNAMS LA NYI MA GZAS BZUNG BAR GYUR PA NA PHYOGS RNAMS LE BRGAN GYI MDOG TU RTOGS PAR GYUR NA 'DIR DGE BDAG 'BYUNG BAR 'GYUR RO, ,RLUNG 'JAM PO RNAMS RAB TU 'BYUNG BAR 'GYUR RO, ,PHYOGS RNAMS DVANGS PA DANG LDAN PA DANG, MDZES PA DAG GIS G-YAS PHYOGS NAS BSKOR BAR 'GYUR BA MTHONG NGO, ,BSAM GTAN SGOM PA LA BAR DU GCOD PAR 'GYUR BAS DGE SBYONG DGE SBYONG DU KHAS 'CHES PA RNAMS KYI RGYU MTSAN 'DI DAG NI, MDZES PA MA YIN NO, ,'JIG RTEN PA 'DI DAG RNAMS NI, 'DIR SHES PA MA YIN NO, ,BDE BAR GYUR PA'ANG MA YIN NO, ,DE KHO NA BZHIN DU DGE SBYONG DGE SBYONG DU KHAS 'CHES PA RNAMS KYIS SHIS PAR BYED PA'I RGYU MTSAN GZHAN RNAMS BZUNG BAS 'JIG RTEN LAS 'DAS PA RNAMS NYE BAR MTSON PAR BYA'O, ,JI LTAR CHUNG DU NA BYANG CHUB SEMS DPA'I NYI MA LA THAMS CAD MKHYEN PA NYID DU BYANG CHUB PA'I GZAS 'DZIN PAR 'GYUR BA 'BYUNG STE, BSKAL PA GCIG GAM, BSKAL PA GNYIS SAM, BSKAL PA GSUM NYID KYIS KYANG STE, BYANG CHUB SEMS DPA' 'BYUNG BA 'DI NI, DGE SBYONG DAG 'JIG RTEN LAS 'DAS PA'I RGYU MTSAN YIN NO, ,JI LTAR 'DI'I BRTZON 'GRUS DANG, SBYIN PA DANG, THOS PA DANG, YE SHES RNAMS LA CHAGS PA CHAGS PAR GYUR PA'I MDOG
GIS SEMS CAN THAMS CAD LA SNYING RJE DANG BYAMS PAS CHAGS PA DANG LDAN PA'I LUS KYI PHYOGS RNAMS KYIS MTSON PAR GYUR PA NA DGE BA 'DI DAG RNAMS 'BYUNG BAR 'GYUR RO, ,GAL TE YON TAN RAB KYI PHUL DANG LDAN PA'I BYANG CHUB SEMS DPA' 'DI 'BYUNG BAR GYUR PA NA MA 'ONGS PA NA BYA'I LTAS GYUR PA'I NYAN THOS DANG, RANG SANGS RGYAS DANG, DGRA BCOM PAR GYUR PA'I BYA RNAMS 'JUG PAR 'GYUR BA'I RTAGS RNAMS KYANG MTHONG BAR 'GYUR RO, ,G-YAS PHYOGS NAS BSKOR BA NI, YANG DAG PA'I GO 'PHANG YID LA BYED PA G-YAS NAS BSKOR BA DE'I TSIG BLA DVAGS YIN NO, ,GZHAN YANG 'DI'I JI LTA BA NYID DU 'JIG RTEN PA'I RGYU MTSAN RNAMS LA RAB TU LTA BAR BYED DO, ,JI LTA BAR DGE BAR 'BYUNG BAR MI 'GYUR BA NI, SKYA RENGS DMAR PO DANG, PHYOGS RNAMS KYANG RTZUB BAR RAB TU MTHONG NGO, ,RLUNG RTZUB MOR GYUR PAS RLUNG RNAMS RAB TU RGYU'O, ,SKYA RENGS DMAR PO DE'I KUN TU CHA BYAD KYIS NYI MA NA MKHA' LA SHAR NAS GNAS PAR 'GYUR RO, ,JI LTAR DGE SBYONG NGAN PA 'DI BSAM GTAN SGOM PA NA BAR CHAD BYED PAR 'GYUR BA'I 'JIG RTEN PA'I RGYU MTSAN NYE BAR RTOG PAR BYED DO, ,DE BZHIN DU DGE SBYONG BZANG POS 'JIG RTEN LAS 'DAS PA'I RGYU MTSAN DAD PA CAN THAMS CAD LA KUN TU STON PAR BYED PAR 'GYUR TE, JI LTAR MI MDZES PAR GYUR PA RNAMS 'BYUNG BAR 'GYUR NA, DE LA CI
, ,ZHIG MI MDZES PAR 'BYUNG BAR 'GYUR BA 'DI LTA STE, DAM PA'I CHOS RNAMS NUB PAR 'GYUR PA'O, ,JI LTAR RGYU MTSAN 'DI DAG RNAMS MTHONG BA YIN TE, PHYOGS KYI KHA DOG RTZUB PA ZHES BYA BA NI, DAM PA'I CHOS NUB PAR 'GYUR BA'I TSIG RTZUB DANG, RDZUN DU SMRA BA DANG, PHRA MA BYED PA DANG, SROG GCOD PA DANG, MA BYIN PAR LEN PAR 'GYUR BA RNAMS LA DGA' BA'I SKYES BU DAG PHYOGS SU 'BYUNG BAR 'GYUR RO, ,RLUNG RTZUB MO RNAMS RAB TU RGYU BA ZHES BYA BA NI, MI SNYAN PA'I TSIG BLA DVAGS YIN NO, ,GANG GI TSE DAM PA'I CHOS RNAMS NUB PAR GYUR PA NA SEMS CAN CHOS DANG LDAN PA MA YIN PA RNAMS 'BYUNG BAR 'GYUR RO, ,DE'I TSE MI SNYAN PAR GYUR PA'I RLUNG RNAMS PHYOGS DAG TU 'BYUNG NGAR 'GYUR RO, ,JI LTAR SEMS CAN 'DI DAG RNAMS MDZES PA MA YIN PAR GYUR PA'I SDIG PA RNAMS BYED PAR GYUR PA DE DAG MI SNYAN PA'I RLUNG RNAMS RGYU BAR 'GYUR RO, ,GZHAN YANG DE KHO NA LTAR 'JIG RTEN PA'I RGYU MTSAN DU GYUR PA DMAR RENGS KYI MDOG GI KUN TU CHA BYAD KYIS NYI MA NAM MKHA' LA SHAR NAS GNAS PAR RAB TU MTHONG BAR GYUR PA DE BZHIN DU 'JIG RTEN LAS 'DAS PA'I RGYU MTSAN 'DI DAG RNAMS KYANG PHYIS KYI RGYU MTSAN DU MTHONG BA YIN TE, DMAR RENGS KYI MDOG NI, DGE SBYONG NGAN PA DANG BRAM ZE NGAN PA'I 'KHOR RNAMS
KYI KUN TU CHA BYAD CAN GYI THAMS CAD MKHYEN PA MA YIN PAR THAMS CAD MKHYEN PAR MNGON PAR NGA RGYAL BA'I LOG PAR LTA BA CAN RNAMS KYI NYI MNGAN PA YIN LA, THAMS CAD MKHYEN PA MA YIN PAR THAMS CAD MKHYEN PAR KHAS 'CHES PA RIGS NGAN PA'I RIGS SU GYUR PA RNAMS NAM MKHA' LA SHAR NAS GNAS PA YIN NO, ,DE LA RNAM PA 'DI LTA BU'I LOG PAR LTA BA'I NYI MA SHAR BAR GYUR PAS RTZVA DANG, NAGS DANG, NAGS TSANG TSING DANG, SMAN RNAMS THAMS CAD SKAM PAR 'GYUR RO, ,'DIS NI, SKYES BU RNAMS KYI DGE BA THAMS CAD DANG, YANG DAG PA'I LTA BA'I SMAN RNAMS RTZVA BZHIN DU SKAM PAR 'GYUR RO, ,DE BZHIN DU 'DI YANG 'JIG RTEN LAS 'DAS PA'I BSAM GTAN SGOM PA NA KUN TU GSAL BAR BYED PA, DON DAM PA'I DE KHO NA NYID GSAL BAR BYED PA, MCHOG TU GYUR PA'I BLO GROS 'JIG RTEN LAS 'DAS PA'I RGYU MTSAN MTSON PAR BYED DO, ,NYE BAR MCHON NAS KYANG STON PAR BYED DO, ,DE DAG TU GYUR PA GANG YIN PA RNAMS KYANG GANG DAG CE NA, DAD PA CAN GYI BRAM ZE DANG KHYIM BDAG DE DAG RNAMS LA STON PAR BYED DO, ,JI SRID DU DAM PA'I CHOS NYI MA SHAR BAR GYUR PA DE SRID DU BDE BA'I LAS RNAMS RAB TU 'BAD PAR BYA'O, ,PHYI NAS CHOS THAMS CAD NUB PAR GYUR NAS LOG PAR LTA BA'I NYI MA SHAR BAR GYUR PA NA DGE SBYONG DGE SBYONG DU KHAS 'CHES PA RNAMS DANG,
, ,BRAM ZE BRAM ZER KHAS 'CHES PA RNAMS THAMS CAD MKHYEN PA DANG THAMS CAD MKHYEN PAR KHAS 'CHES PA'I DGE SBYONG NGAN PA DANG BRAM ZE'I CHA BYAD CAN RNAMS KYIS SDUG BSNGAL BAR BYAS PAR GYUR TA RE, BLO MCHOG RGYA CHE BAR GYUR PA RNAMS KYI DE KHO NA NYID KYI RGYU MTSAN RNAMS NI, THAMS CAD MKHYEN PA'I BSTAN PA'I MCHOG 'DI YIN NO, ,ZHES DE DAG GIS DE LTAR STON PAR BYED DO, ,DE BZHIN DU RGYU MTSAN GYI SEMS RNAMS NI, BAR DU GCOD PAR BYED PA YIN NO, ,BSAM GTAN BSGOMS PAR GYUR PA NA 'DI DAG RNAMS DANG, GZHAN YANG 'JIG RTEN PA RNAMS KYIS NI, BAR CHAD BYED PAR 'GYUR RO, ,DE LA 'JIG RTEN PA'I BAR CHAD 'DI YIN TE, 'JIG RTEN LAS 'DAS PA'I LAM 'DI LAS 'KHOR BAR MNGON PAR 'JUG PAR BYED PA NI, 'JIG RTEN PA'O, ,'JIG RTEN LAS 'DAS PAS NI, MYA NGAN LAS 'DAS PA'I MTHAR THUG PAR BYED PA YIN NO, ,DE NAS DE'I TSE BCOM LDAN 'DAS 'OD SRUNG DES TSIGS SU BCAD PA GSUNGS PA JI LTAR, BSAM GTAN SGOM DANG RNAM PAR BRAL, ,RGYU MTSAN LA NI RTAG TU DGA', ,DGE BA'I CHOS NI RNAM PAR SPANGS, ,NGAN 'GROR 'GRO BAR RINGS PA YIN, ,DE NI RANG GI CHOS SPANGS NAS, ,GZHAN GYI CHOS LA DGA' BAR BYED, ,DE NI CHOS GNYIS LAS NYAMS NAS, ,LOG PAR LTUNG BA'I 'OS YIN NO, ,RANG GI
KHYIM NI YONGS SPANGS NAS, ,GZHAN GYI KHYIM NI SRUNG PA YIN, ,DE NI RGOD DANG YANG MOR 'GYUR, ,NOR MED PAR YANG MYUR DU 'GYUR, ,JI LTAR BLO NGAN RMONGS PA GANG, ,RGYAL 'DOD MKHAS PA'I NGA RGYAL CAN, ,RANG GI CHOS NI RNAM SPANGS NAS, ,GZHAN GYI CHOS KYIS 'PHEL BAR BYED, ,CHOS MIN PA DANG SNYAN MIN PA'I, ,GZHAN GYI RTAGS KYIS NYE BAR 'TSO, ,RTZA BZHIN 'GRO BA'I 'JIG RTEN YANG, ,PHYI MAR NGAN 'GROR 'TSED PA YIN, ,GANG ZHIG ZHI BA'I YUL LA GNAS, ,SDIG PA'I LAS LAS LDOG BYED PA, ,SDUG BSNGAL TSOGS NI DES MI MTHONG, ,ZHI BA'I MTHA' LA 'JUG PA NI, SPRO MED ZHE SDANG SPANGS PA DANG, ,'DOD PA SPYOD LAS SHIN TU 'DAS, ,BRTZON 'GRUS BRTZAMS DANG CHOS SHES DANG, ,BSAM GTAN PA 'DIR DGE SLONG BRJOD, ,'DOD LAS GROL MIN CHAGS CAN GANG, ,RTAG TU ZAS LA SPYOD LDAN PA, ,LUS NGAG BSDAMS PA'I RKUN MA 'DI, ,'DIR NI DGE SLONG MIN PAR BRJOD, ,RGYU MTSAN STON PA'I SBYIN PA DANG, , RGYU SKAR BGRANG BA'I SEMS BRAL CAN, ,RGYAL PO STEN DANG BAG MED DANG, ,'DIR NI 'DI LA NAGS 'OS MIN, ,SMAN PA RI MO'I LAS DENG DANG, ,DE BZHIN THOS NGAN SNYAN DNGAGS SDEB; ;'DRES PAR GNAS DANG ZHABS 'BRING BYED, ,DGE SLONG RAB TU NYAMS PAR 'GYUR, ,BSAM GTAN SGOM LA ZHE SDANG ZHING, ,TSOGS PA 'DUS LA DGA' BA DANG, ,RNYED DANG
, ,BKUR STI LA CHAGS PAR, ,BYED PA'I DGE SLONG RAB CHUD 'DZA', ,GSENG GYI KHAMS DANG YANG DAG LDAN; ,GROGS MNGAL YANG DAG DGA' BA GANG, ,GZHAN GYI RNYED LA CHAGS PAS KYANG, ,DGE SLONG BSTAN PA LAS LTUNG NGO, ,GANG YANG TSOGS PA RNAMS SPANGS SHING, ,SDIG PA'I TSOGS PA MI STEN PAR, ,PHYE DANG CHUD KYANG CHOG SHES PA, ,DGE SLONG DE NI NAD MED YIN, ,'BAR BA LTA BU'I YUL RNAMS NI, ,'ONGS PA THAMS CAD SPONG BAR BYED, ,NOR BU BZHIN DU SKYON RNAMS DAG ,DGE SLONG 'DI NI DGE SLONG BRJOD, ,NANG YANG RNAM PAR DAG PA DANG, ,YE SHES SNANG BAS MNGON PAR BRGYAN, ,DE NA TSUL KHRIMS GOS KYIS G-YOGS, ,SPYOD LDAN DGE SLONG YIN PAR BRJOD, ,'JIG RTEN CHOS LAS RNAM 'DAS GANG,, BSTAN PAS RI RAB BZHIN MI G-YO, ,ZHI BA 'JIG RTEN THAMS CAD BYAMS, ,MCHOG 'GRO DGE SLONG YIN PAR BRJOD, ,GRONG KHYER RAM NI TSONG DUS SU, ,MTSAN MO GSUM GNAS GCIG PU GNAS; ;RI PHUG STEN PAR BYED PA YANG, ,RNAM GROL DGE SLONG YIN PAR BRJOD, ,SDIG PAS 'JIGS DANG 'DU 'DZI MED, ,SHIN TU MNYAM GZHAG LEGS PAR BSDAMS, ,YE SHES STEN DANG RGYUD BRTAN PA, ,GCIG PA DGE SLONG YIN PAR BRJOD, ,MI G-YO SNYAN PAR SMRA BA DANG, ,SDIG PA'I GROGS PO RNAMS SPANGS PA, ,BYA BA KUN LA CHAGS MED PA'I, ,GROL BA
DGE SLONG YIN ZHES BRJOD, ,DE LA DGE SLONG 'DI NI SRID PA'I SKYON LAS GROL, ,MCHOG DANG MCHOG MIN RNAM SHES TING 'DZIN LA CHAGS MED, ,YE SHES DE LA MNGON DGA' DGE BA RNAM PAR DAG SKYE RGA'I 'JIGS PA LAS NI RNAM PAR GROL BA YIN, ,DE LTAR DE DAG NI, DGE SLONG DU 'OS PA YIN NO, ,LDOG PA RNAMS NI, MING TZAM DGE SLONG DU GYUR PA YIN TE, BAR DU GCOD PAR BYED PA NYID KYIS BDAG NYID RAB TU LTUNG BAS RAB TU LTUNG BAR GYUR PA YIN NO, ,BSAM GTAN BYED PA NA BAR DU GCOD PAR BYED PA'I CHOS DRUG PA 'DI NI, 'DIR DGE SBYONG GIS MI BYA'O, ,GZHAN YANG DGE SBYONG DANG DGE SBYONG DU DAM BCAS PA RNAMS KYIS CHOS BDUN PA MI BYA'O, ,'DI DAG GANG ZHE NA, 'DI LTA STE, 'JIG RTEN PA GZHAN RNAMS KYI RNYED BKUR DANG DU LEN PA'O, 'DI NI, BRNAB SEMS NGANG, GNOD SEMS MANG BAR GYUR PA BSAM GTAN SGOM PA RNAMS THAMS CAD DANG BRAL BAR GYUR PA, STAN 'BA' ZHIG NYED PAR BYED PA, DGE SLONG GI RTAGS TZAM GYIS DGE 'DUN GYI MAL STAN DANG, NAD KYI RKYEN SMAN DANG, YO BYAD RNAMS LA LONGS SPYAD PA, KHYIM GYI LAS RNAMS KYI 'JIGS PAS 'JIGS PAR GYUR PA, LE LO CAN ZAS 'BA' ZHIG LA MNGON PAR DGA' BA GZHAN RNAMS KYIS DGA' BA LTA BA LA CHED CHER BYED PA, YUL LA CHED CHER BYED PAR GYUR BA'I DGE SLONG LA DE SRID CIG NA 'BYUNG BAR 'GYUR BA NI, 'CHI BDAG
, ,'ONG BAR 'GYUR TE, BSAM GTAN BSGOM PAR BYA BA LAS DE LTAR DGE SLONG 'CHI BAR NI, TSUL KHRIMS LAS YONGS SU NYAMS PA BZHIN DU LUS RNAM PAR 'JIG PA'I 'CHI BA'ANG KHYAD PAR MA YIN NO, ,TSUL KHRIMS 'CHAL BA DES NI, DGE BA'I CHOS RNAMS THAMS CAD YONGS SU BTANG BAR GYUR NAS STAN 'BA' ZHIG NYED PAR BYED PA, DGE SLONG GI RTAGS 'BA' ZHIG 'DZIN PAR GYUR PA, SDOM PA DANG RNAM PAR BRAL BAR GYUR PA YIN NO, ,SDOM PA BYA BA'ANG YID KYIS LEGS PAR SDOM PA'O, ,DE'ANG 'DIS BYA BAR MI NUS SO,, DE LA SDOM PA NI, RNAM PA BDUN NO, ,'DI LTA STE, NGAG SDOM PAR GYUR PA STE, DGE SLONG DUS GCIG TU BDAG GIS DGE SLONG GZHAN DANG NGAM, KHYIM PA DANG YANG RUNG STE, LHAN CIG TU GLENG BRJOD PAR MI BYA'O, ,BUD MED KYI SKYE BA RNAMS DANG RNAM PA THAMS CAD DU DGE SLONG GIS MNGON PAR BRJOD PAS MNGON PAR BRJOD PA SPANG BAR BYA'O, ,BSOD SNYOMS PA RNAMS KYIS KYANG GZHAN SBYIN PAR BYED PA RNAMS DANG PHRAL BAR GYUR NAS YANG DE DAG LA MA'AM SRING MO ZHES BYA STE, RANG GI RKANG RTZE GNYIS LA MIG PHAB STE'O, ,DE'I BDE BA'AM, CHA BYAD DU GTOGS PA RNAMS SAM, RGYAN RNAMS KYANG RUNG STE, DGE SLONG GIS BUD MED DE DAG RNAMS LA BLTA BAR YANG MI BYA'O, ,DE NAS DE'I DUS NA BCOM LDAN 'DAS 'OD SRUNG DES TSIGS SU BCAD
PA GSUNGS PA JI LTAR, RLUNG GIS THAR LA LEGS BRTEN NAS, ,DUS RING ZHI GNAS ME YIS SREG ,BUD MED LTA BAS KUN BSLANG BA'I, ,ME 'DIS MYUR BAR SREG PAR BYED, ,DE'I PHYIR 'DOD CHAGS KYI ME SREG PAR 'GYUR BA'I SKYON GYIS 'JIGS PA RNAMS KYIS 'JIGS PA'I DGE SLONG GIS BUD MED KYI SKYE BO RNAMS DANG MNGON PAR MA SMRA ZHIG ,'DI NI, SDOM PA GCIG YIN NO, ,GZHAN YANG SDOM PA GNYIS PAR GYUR PA NI, 'DI LTA STE, SDIG PA'I GROGS PO DANG 'GROGS PA'O, ,GNAS GCIG TU DUS RING BA DANG LDAN PAR MNGON PAR DGA' BAR BYA BA MA YIN PA, RNYED PA DANG BKUR STI PHAL CHE BAR GYUR PA RNAMS SPANG BAR BYA BA DANG, NAD PA RNAMS YONGS SU MI GTONG BA DANG, BU DANG BU MO RNAMS BLTA BA DANG, GANG NA SHIN TU YANG RTZIS CHE BAR BYED PA'I SA DE SPANG PA DANG, 'DRE BAR 'GYUR BA'I 'JIGS PA'I DON DU TSUL KHRIMS 'CHAL PA RNAMS DANG LHAN CIG GNAS PAR STEN PA DANG, PHRAD PAR BYED PA YANG RAB TU DGAG PAR BYA BA YIN NO; ;DE SDOM PA RNAM PA BDUN PO RNAMS SPANGS NAS GCIG TU ZAS LA CHED DU BYED PAR GYUR PA, PHA ROL GZHAN RNAMS KYI RNYED PA DANG BKUR STI MTHONG BAR GYUR NAS SAM, DE THOS NAS KYANG MCHOG TU YID MI BDE BA SKYE BAR 'GYUR RO, ,DE'I THABS RNAMS KYANG SEMS PAR BYED DE, GANG ZHIG 'DI'I RNYED PA DANG BKUR STIR GYUR PA DE DAG RNAMS NGAS THABS GANG ZHIG
, ,BYAS PAS BDE DAG RNAMS KYI SKAL BA CAN DU 'GYUR NA ZHES DE LTAR SEMS KYIS SEMS PAR BYED CING RNAM PAR RTOG PAR BYED PAS DE'I SEMS KUN NAS RNYOG PA CAN DU 'GYUR RO, ,RTZOM PA DE DAG GIS BRNAB SEMS MANG BA RNAM PAR RGYU BAR 'GYUR RO, ,DGE SBYONG NGAN PA DE'I THOS PA THAMS CAD KYANG NGAN PAS NYIN MO BDE BAR GNAS PA MA YIN ZHING MTSAN MO'ANG MA YIN NO, ,DGE SLONG TSUL KHRIMS DANG LDAN PAR YANG SBYIN PA PO DANG, SBYIN BDAG RNAMS KYI KHYIM DU SONG NAS TSUL 'CHOS PA'I CHA BYAD 'DZIN PAR 'GYUR TE; DAL BUS SMRA BAR BYED, KHAD KYIS 'GRO BAR BYED, NANG NA MA ZHI BAR YANG PHYI ROL ZHI BAR RANG NYID KYIS RAB TU STON NO, ,GOS SU TSEM BER GYON PAR BYED, LHAN CIG SKYES PA'I TSUL KHRIMS KYIS YONGS SU KHYAB PAR GYUR, DUNG GI SGRA DANG MTSUNGS PAR SPYOD PA'I SDIG PA'I CHOS CAN DE DAG DANG LHAN CIG TU DE KHYIM DAG TU SONG NAS BDAG NYID KYI TSUL KHRIMS RAB TU STON NO, ,JI LTA JI LTAR KUN TU 'GRO BAR BYED PAS DE LA SBYIN PA PO DANG, SBYIN BDAG RNAMS KYIS KYE MA DGE SLONG 'DI NI, MCHOG TU TSUL KHRIMS DANG LDAN PA ZHES BYA BA DE LTAR BDAG NYID RAB TU GNAS PAR BYED PAS SPYOD PA DE DAG DANG, DE'I RJES SU SPYOD PA RNAMS DANG LHAN CIG TU YANG DANG YANG DU KHYIM DE NYID DU LEGS PAR 'GRO'O, ,GAL
TE GANG ZHIG NAS PHYIN NAS DAM PA'I CHOS KYI TSIG THOS PAR GYUR NA SBYIN BDAG DANG SBYIN PA PO DE DAG RNAMS KYI 'KHOR G-YOG DANG BCAS PA LA DE 'CHAD DO, ,JI LTA JI LTAR BDAG GI 'DI DAG RNAMS KYIS DGE SLONG GANG DE'I RNYED PA DANG BKUR STI DE RNAMS BDAG LA 'GYUR RO, ,SDIG PA 'DI DAG GIS DE NI, DGE SLONG GI GZUGS KYI RKUN MA GZHAN GYI RNYED PA DANG BKUR STI RJES SU 'PHROG PAS KHYIM RNAMS SU 'GRO BAR BYED PA, GZHAN RNAMS LA GNOD PAR BYED PA LA MNGON PAR DGA' BA DE NYID KYI GANG BAR CHAD BYED PAR MI 'GYUR BA NI, MIG PHYE BA DANG BTZUMS PA TZAM YANG YOD PA MA YIN NO, ,GAL TE MED PAS KYANG THANG GCIG MA YIN PA DANG, YUD TZAM DU MA YIN PA DANG, MTSAN MOR MA YIN PA DANG, NYIN MO MA YIN PA YANG TSUL KHRIMS 'CHAL BA GANG YIN PA'I BSAM GTAN SGOM PA SPANGS PA'I DGE SLONG NGAN PA DE DAG DMYAL BAR YANG MA YIN PA'AM, YI DVAGS SU MI SKYE BA'AM, DUD 'GRO'I SKYE GNAS RNAMS SU MI 'GRO PAR 'GYUR BA NI, MA YIN NO, ,GZHAN YANG DGE SLONG 'DI LHAN CIG PA'I SKYA BA'I SKYE BO KUN DANG BCAS NAS KYANG SNGON DGE SLONG TSUL KHRIMS DANG LDAN PA GZHAN DES NYE BAR PHYIN PA'I KHYIM DER 'KHOR RNAMS LA RJOD PAR BYED PA'AM, YANG NA DES 'DI'I TSUL KHRIMS SUN 'DOD PAR BYED DO, ,YANG NA DES 'DI SPYO BA STE, DE LTAR YANG 'DIS DGE SLONG GANG KHYOD CAG GI
, ,KHYIM 'DIR ZHUGS PAR GYUR PA DE NI, TSUL KHRIMS 'CHAL PAR GYUR PA, LE LO CAN, SHIN TU DMAN PAR GYUR PA, BYA BZHIN DU RMONGS PA, BLO GROS DMAN PAR GYUR PA'O, ,ZHES DE LTAR SHIN TU SPYOD PAR BYED PA LA MNGON PAR DGA' BAR GYUR CING RTAG TU BRTZON PA DANG LDAN PA RNAMS RNAM PA DE LTA BUR GYUR PA'I CHOS KYI SPYOD YUL CAN RNAMS LA JI LTAR NA BSAM GTAN SGOM PA LA 'JUG PAR 'GYUR BA DE NI, GSOG TU GYUR PA, GSO BA, SNYING PO MED PA YIN PA GANG GI PHYIR DE'I LUS ZHIG NAS SHI BA'I 'OG TU NGAN SONG NGAN 'GRO LOG PAR LTUNG BA DMYAL BA RNAMS SU SKYE BAR 'GYUR RO, ,DE NAS DE'I TSE BCOM LDAN 'DAS 'OD SRUNG DES TSIGS SU BCAD PA GSUNGS PA JI LTAR, SKYES BU YANG DAG MIN BRJOD PA, ,SEMS CAN THAMS CAD NYER 'JOMS PO, ,MUN PA'I TSOGS DANG 'DRA BA STE, ,GSON DAG TU YANG SHI DANG MTSUNGS, ,JI LTAR LTUNG MIN LCE LA NI, ,NGAG GIS MTSON NI BYED PA PO, ,GANG ZHIG BRDZUN DU SMRA BYED PAS, ,YANG DAG YON TAN 'JIG BYED DO, ,KHA NI GCAN GZAN NYE BA DANG, ,KHA NI DRI LA NYE BA YIN, ,GANG ZHIG BRDZUN DU SMRA BYED PA, KHA NAS ME NI RAB TU 'BAR, ,NGAG DUS 'DI NI DUG TU BRJOD, ,ZHING DANG 'GRO BA DUG MA YIN, ,NGAG DUG GIS BCOM SEMS CAN RNAMS, ,DMYAL BA'I MCHOG TU 'GRO BA YIN, ,RANG GI KHA
NAS RNAG LHUNG BA, ,LCE YI LAS KYI DBYUG PA YIN, ,GANG ZHIG BRDZUN DU SMRA BYED PA, ,PHYI SA DANG NI YANG NA MED, ,DE DAG LEGS BSDAMS ZHAGS PA YIS, ,DMYAL BA'I PHO NYA'I MCHOG YIN NO, , CHOS KYI ZAB PA GCOD PA LA'ANG, ,RDZUN GYI TSIG NI RAB TU 'JUG ,DE LAM MED PHA YANG MED, ,SANGS RGYAS RNAMS DANG SDOM PA'ANG MED, ,SDIG PA'I LAS KYIS GANG LHUNG NAS, ,BRDZUN DU SMRA BA'I TSIG BRJOD PA, ,SKABS MIN PAR NI YANG MOR 'GRO, ,DAM PA YANG NI YONGS SU SPONG, ,GANG DAG RDZUN GYI TSIG SMRA PA, ,LHA RNAMS KYIS KYANG SPONG BA YIN, ,NGAG RNAMS YONGS SU 'DZIN MED DANG, , MYUR BAR YANG NI KHRO BA DANG, ,MI BRTAN PA DANG SKAL BA CHUNG, ,SDUG BSNGAL MTHA' NI YAS PAR GNAS, ,SEMS CAN THAMS CAD NYER 'JOMS PA'I, ,GZHAN GYI BDE BA SU ZHES SDANG, ,GZHAN GYI SDUG BSNGAL SKABS TSOL BA'I, ,SKYES BU DMYAL BAR 'GRO BA YIN, ,DE LTAR BCOM LDAN 'DAS 'OD SRUNG 'DIS BSAM GTAN SGOM PA NA BAR CHAD BYED PAR 'GYUR BA'I CHOS BDUN PA BSTAN NO, ,GANG GI TSE SDIG PA CAN GYI SKYES BU DE GZHAN TSUL KHRIMS DANG LDAN PA DE'I RNYED PA DANG BKUR STI RNAMS DANG DU BLANG BA'I DON DU NYE BAR 'JOMS PAR BYED PAR GYUR PA DE'I TSE LHA DAG GIS YONGS SU SPONG NGO, ,GANG ZHIG GZHAN GYI YANG DAG PA'I YON TAN RNAMS CHUD GZAN NAS YANG DAG PA MA YIN PA'I SKYON GYI TSIG RNAMS BDAG NYID KYI PHYIR RJOD PAR BYED PA DE
, ,DAG RNAMS KYI KHA NAS NI, SPU GRI NGES PAR 'BYUNG BA YIN NO, ,RNYED PA DANG BKUR STI RNAMS BDAG RANG LA 'ONG BAR BYED PA'I RGYUS DE DE LTAR SEMS PAR BYED PA'I DGE SBYONG NGAN BA DGE SBYONG DU KHAS 'CHES PA GANG RDZUN SMRA BA'I BSAM PA DE YIN NO, ,DE NI, SDIG PA CAN GYI SPYOD PA YIN PAR GYUR KYANG SDIG PA'I SPYOD PA YIN PAR MGO ZHING CHOS MA MTHONG BAR SBYIN PA PO DANG SBYIN BDAG RNAMS KYI KHYIM DU MYUR BAR 'GRO'O, ,DE'I PHYIR NA DGE SLONG RNAMS KYIS CHOS BDUN PO 'DI SPANG BAR BYA'O, ,'DI LTA STE, GZHAN GYI RNYED PA DANG BKUR STI DANG DU LEN PA'O, ,GZHAN YANG DGE SLONG RNAMS BSAM GTAN BSGOMS PAR GYUR PA NA BAR DU GCOD PAR BYED PA'I CHOS BRGYAN PA YOD DE, 'DI DAG KYANG GANG ZHE NA, 'DI LTA STE; GSER 'GYUR GYI SHA ZA ZHES BYA BA'O, ,'DI NA DGE SLONG DAG GIS SKRA DANG KHA SPU RNAMS BREGS NAS GOS DUR SMRIG DGOS TE, YANG DAG PA KHO NA'I DAD PAS KYANG KHYIM NAS KHYIM MED PAR RAB TU BYUNG BAR GYUR PA NI, 'KHOR BA'I 'JIGS PA RNAMS KYIS 'JIGS PAR GYUR PA'I PHYIR YIN LA, DE LA 'KHOR BA RNAMS NA NI, SDUG BSNGAL MANG BAR GYUR PA LAS MDOR BSDU NA SDUG BSNGAL GNYIS YIN TE, PHUNG PO KHAMS DANG SKYE MCHED LA BRTEN PA'I KHAMS GSUM PA YIN NO, ,RGYAS PAR BYA NA NI, 'GRO BA LNGA PO RNAMS SU YIN NO, ,
GZHAN YANG RGYAS PAR BYA NA NI, DMYAL BA BRGYAD PO RNAMS DANG, YI DVAGS RNAMS DANG, DUD 'GRO'I 'GRO BA RNAMS DANG, 'DOD PA NA SPYOD PA'I LHA'I RIS DRUG PO RNAMS DANG STE, 'DOD PA'I KHAMS PA RNAMS LA'ANG DE LTAR RNAM PA DU MAR BSRAN PAR MI NUS PA'I RAB TU DBYE BA YOD DO, ,GZUGS KYI KHAMS RNAMS KYANG SDUG BSNGAL BA YIN TE, 'CHI 'PHO BA'I DUS NA YID SDUG BSNGAL BAR 'GYUR RO, ,'CHI 'PHO BAR 'GYUR BA'I DUS KYI TSE NA TING NGE 'DZIN RNAM PAR 'KHRUG PAR 'GYUR BA'I PHYIR NA GZUGS MED PA'I KHAMS PA RNAMS KYANG YIN NO, ,DE LTA BU'I YID KYIS RNAM PA MANG POR DANG, RNAM PAR RTOG PA DU MAR YANG BSRAN PAR MI NUS PA'I SDUG BSNGAL KUN NAS MTHONG BAS NGAL BAR GYUR NAS RIGS KYI BU DAG SKRA DANG KHA SPU BREGS NAS YANG DAG PA'I DAD PAS KHYIM NAS KHYIM MED PAR RAB TU BYUNG NGO, ,DE LTAR GYUR PA NI, PHYOGS GCIG GIS 'JIGS PA YIN NO, ,GZHAN YANG SDUG BSNGAL RNAMS MTHONG BAR GYUR PAS DGE SBYONG GIS DNGOS POR 'GYUR BA RNAMS GANG DAG CE NA, DE BZHIN DU 'DI LTA STE, LUS KYANG 'DOD PA'I KHAMS DANG, GZUGS KYI KHAMS DANG GNYIS NA YOD PA YIN LA, GANG GI PHYIR GANG LA LUS YOD PA DE NI, TSOR BA'O, ,DE LA KUN NAS SLONG BA PO'I TSOR BA JI LTAR GZUGS KYI KHAMS NA YOD NA, SDUG BSNGAL NI, GANG GI TSE BSAM GTAN GYIS DUB PAR GYUR PA DE'I TSE SKYO BAS
, ,LDANG BAR 'GYUR TE, LUS KYANG NYON MONGS PAR 'GYUR RO, ,'CHI 'PHO BA'I DUS NA YANG LUS KYI 'OD RNAMS YONGS SU NYAMS PAR 'GYUR RO, ,RLUNG DAG GIS KYANG NANG DU KUN NAS REG PAR 'GYUR RO, ,DES REG PAR GYUR PAS KYANG SNGON MED PA'I TSOR BA RNAMS 'DI'I LUS LA SKYE BAR 'GYUR TE, MIG GI 'DUS TE REG PA'I RKYEN GYIS TSOR BA NI, MA GTOGS TE; BDE BA LUNG DU BSTAN PA DE BZHIN DU SGRUB PAR BYED PA YIN NO, ,TSOR BA GZUGS LAS KUN 'BYUNG BA YIN PAR RIGS KYI BU DES THOS PAR GYUR NAS 'KHOR BA 'DI MTHA' DAG SDUG BSNGAL GYI RANG BZHIN DU GYUR PA'I KHAMS DANG, SKYE MCHED DANG, PHUNG PO DANG KUN TU LDAN PA'I SDUG BSNGAL MANG PO RNAMS KYIS RTAG PAR ZIL GYIS MNAN PAR GYUR PA'I 'KHOR BA'I SDUG BSNGAL RNAMS KUN TU MTHONG BAS RAB TU 'BYUNG NGO, ,RAB TU BYUNG BA DE LA GAL TE SHED NA SKYES BU DAM PA RNAMS DANG 'GROGS PAR BYED DO, ,GAL TE DAM PA MA YIN PA DANG STE, DE DANG 'GROGS PAS KYANG DE'I RANG BZHIN DU GYUR NAS KHAMS RNAMS BSKYED PA LA BRTZON PAR 'GYUR RO, ,KHAMS GZHAN GANG DAG GI 'JIGS PA RNAMS THOS NAS DES RAB TU BYUNG BA LA KHAMS GZHAN RNAMS 'BYUNG BA THOS PAR GYUR NAS TE, DE YANG GSER GYI KHAMS RNAMS DANG, DAG BA'I DNGUL GYI KHAMS RNAMS SAM, DE'ANG RIN PO CHE'I KHAMS RNAMS
KUN TU RKO BAR GYUR PA DE DAG RNAMS DES DE LTAR THOS NAS 'DOD PA CHE BAR GYUR CING 'DOD PA'I MES SREG PAR BYED DO, ,DE BSREGS PAR GYUR PAS SDIG PA'I GROGS PO DE DANG LHAN CIG TU RI RNAMS NAS RI RNAMS DANG, RI BO'I RTZE MO NAS RTZE MO DANG, RING BA RNAMS NAS RING BAR 'GRO'O, ,'DOD PA'I ME DAG GIS DE BSREGS PAR GYUR PAS NYIN MO BDE BA RNYED PAR MI 'GYUR LA MTSAN POR YANG MA YIN NO, ,DE'I SEMS BRGYA LA ZHIG NA 'DI LTAR 'GYUR TE, KHAMS 'DI DAG RNAMS NI, DPYAD PAR MI BYA'O, ,ZHES SO, ,GANG DAG GI DON DU RAB TU BYUNG BA'I KHAMS DE DAG RNAMS NI, BOR BAR GYUR NAS KYANG KHAMS GZHAN DAG RNAMS DPYOD PAR BYED DO, ,'DI LTA STE, LUS KYI KHAMS RNAMS LA SEMS PAR BYED DO, ,SNGON BZHIN NO, ,DE NI, 'DI LTAR SEMS LEGS PAR MA BSDAMS PA DANG, RNAM PAR G-YENG BA'I SEMS SU GYUR PAS BSAM GTAN SGOM PAR BYED PA LAS YONGS SU NYAMS PAR 'GYUR RO, ,DGE BA'I CHOS RNAMS LAS KYANG YONGS SU NYAMS PAR 'GYUR RO, ,DE NI, DGE SBYONG MA YIN NO, ,KHYIM BA'ANG MA YIN TE, MYA NGAN LAS 'DAS PA THOB PAR BYA BA LAS RAB TU BYUNG BA DE SHA ZA'I 'DOD PAS KHRID PAR GYUR CING 'DOD PA'I ZHAGS PAS BCINGS NAS 'DOD PAS DMYAL BAR 'GRO'O, ,DE NAS DE'I DUS NA BCOM LDAN 'DAS KYIS TSIGS SU BCAD PA GSUNGS PA JI LTAR, KHAMS RNAMS 'BYUNG GNAS 'DI THAMS
, ,CAD; ;LUS YIN PA NI SPONG BAR BYED, ,LUS KYI KHAMS KYI TSOGS NI 'DI, ,DE BSGRAL BA LAS THAR BA YIN, ,LUS KYI KHAMS RNAMS SPANGS BYAS NAS, KHAMS GZHAN LA NI DGA' BYED PA, KHAMS LA SEMS CAN DE RMONGS NAS, ,SHIN TU SDUG BSNGAL LAS 'GROL MIN, ,DBYIG GI KHAMS NI DE BZHIN DU, ,SDUG BSNGAL 'JOMS PAR 'JUG PA YIN, ,LUS KHAMS DE NYID JI BZHIN SHES, ,SDUG BSNGAL LAS NI RAB TU 'GROL, ,SDUG BSNGAL SDUG BSNGAL 'BYUNG BA KUN, ,SDUG BSNGAL LAS NI YONGS SU 'GROL, ,RDZAS LA RGYAL PO CHOM RKUN CHU, , ME 'JIGS THAMS CAD KYIS NYER 'TSE, ,DE PHYIR DON MIN LDAN RTAG TU, ,RING DU DE NI YONGS SU SPONGS, ,BDE LAS MI BZAD KUN STON PA, ,SKYES BU SDUG BSNGAL LDAN PAR BRJOD, ,LUS KHAMS DE NYID SHES PA NI, KHAMS KYI MTSAN NYID DE NYID SHES, ,BSAM GTAN SGOM DANG LEGS LDAN PA, ,NYON MONGS RI BOS SREG PAR BYED, ,DE PHYIR LUS SKYES PA YI KHAMS, ,MKHAS PA YIS NI SO SOR RTOGS, ,DE DAG NANG MTSAN SHES NAS NI, ,LUS CAN RNAMS NI GROL BAR 'GYUR, ,DE KHO NA BZHIN DU KHAMS DE DAG RNAMS RAB TU BRTZON PAR RIG PAR BYA STE, MKHAS PA RNAMS KYI DBYIG DANG, DNGUL DANG, RIN PO CHE'I KHAMS RNAMS 'BYUNG BA'I DON DU BSAM PAR NI MI BYA STE, GANG GI RTZAB LAS SDUG BSNGAL THAMS CAD 'BYUNG BAR 'GYUR
BA'I PHYIR RO, ,RAB TU BYUNG BA BRTZON PA MED PA RNAMS LA YIN NA NI, KHYIM PA RNAMS LA LTA CI SMOS, ,DE'I PHYIR NA DE LA RAB TU 'BREL BAR GYUR PA LAS 'JIGS PA THAMS CAD BYED PAR 'GYUR RO, , JI LTAR DON MA YIN PA'I BYA BA RNAMS BYED PAR 'GYUR BA YIN NO, ,JI LTAR THA MAL BA'I DON 'DIS NI, BDE BA THAMS CAD RAB TU 'BYUNG BAR 'GYUR BA RNAMS KYANG DON MED PAR BYED PA YIN NO, GSER 'GYUR GYI NOR RJES SU TSOR BAR BYED PA RNAMS LTA SMOS KYANG CI DGOS, 'DI LA CHAGS PAR GYUR PA GANG YIN PA RNAMS NI, BSAM GTAN DANG, 'DOD BRTZE GCIG PA DAG LA RAB TU BRTZON PAR MI BYED DO, ,DE LUS ZHIG PAR GYUR NAS NGAN SONG LOG PAR LTUNG BA DMYAL BA RNAMS SU SKYE BAR 'GYUR RO, ,DE'I PHYIR RAB TU BYUNG BA RNAMS KYIS BSAM GTAN BSGOM PAR BYA'I, NOR BSGRUB PAR MI BYA'O, ,DE'I TSE RGYA CHEN PO'I SRED PA 'PHEL BAR 'GYUR BA'I PHYIR RO, ,DE'I PHYIR NOR LA CHOG SHES PAR GYIS DANG, NOR RNAMS KYI MCHOG YIN GYI, SEMS CAN RNAMS NI; RDZAS KYI NOR RNAMS KYI DON MED PAR 'GYUR BA YIN NO, ,BSAM GTAN SGOM PA NA BAR DU GCOD PAR BYED PA'I CHOS BRGYAD PA GZHAN 'DI NI, DGE SBYONG GIS YONGS SU SPANG BAR BYA'O, , GZHAN YANG BSAM GTAN LA BSAM GTAN DU BYED PA NA BAR DU GCOD PA'I CHOS DGU BA YONGS SU SPANG BAR BYA'O, ,'DI GANG ZHE NA, 'DI LTA STE, DGE SBYONG GIS RGYAL PO'I ZHABS 'BRING
, ,NI; GNAS SKABS THAMS CAD DU MI BYA'O, ,DE CI'I PHYIR ZHE NA, RGYAL PO LA BRTEN PAR GYUR NA YUL LJONGS BA RNAMS THAMS CAD KYIS MCHOD PAR MI 'GYUR RO; ;RGYAL PO LA BRTEN PA DANG YANG DAG PAR LDAN PA'I DGE SBYONG NGAN PAS NAGS KYI RIGS RNAMS SAM, GRONG KHYER RAM, GRONG NGAM, TSONG DUS SAM, GZHAN YANG RNAM PA DE LTA BU RNAMS DES GAL TE NGES DON DU GNYER BAR BYED PA YIN NA, GZHAN CI ZHIG TSOL BAR MI BYED, DE LTAR NA'ANG DGE SLONG 'DOD PA CHE BAR MI 'GYUR RAM, GAL TE TSOL BAR MI BYED NA'ANG SBYANG BA RNAMS DON MED PAR NYON MONGS PAR 'GYUR RO, ,BSAM GTAN LA BSAM GTAN DU BYED PA LAS KYANG YONGS SU NYAMS PAR 'GYUR RO, ,DE'I THAR BA'I LAM LA YANG DAG PAR GNAS PA LAS 'CHING BA'I LAM RNAMS LA RJES SU 'GRO'O, ,DE LTAR NA DGE SLONG RNAMS KYIS RGYAL PO LA BRTEN PAR MI BYA'O, ,YANG JI LTAR BRTEN PAR MI BYA ZHE NA, DE LA RTEN PAR MI BYED PA RNAMS KYIS KYANG YANG DAG PA MA YIN PA'I 'DU 'DZI RNAMS YONGS SU SPANG BAR BYA'O, ,'DU 'DZI RNAMS YONGS SU SPANG BA'ANG GANG DAG TU BYA ZHE NA, 'DI LTA STE, SDIG PA'I GROGS PO DANG, KUN NAS NYON MONGS PA'I YUL LNGA PO SGRA DANG, REG BYA DANG, RO DANG, DRI DANG, GZUGS RNAMS LA TSUL BZHIN MA YIN PAR YID LA BYED PA DANG, GNYID DANG, RMUGS
PA DANG, MTHA' 'KHOB KYI GRONG DU GNAS PA BSTEN PAR MI BYA'O, ,LE LO CAN DANG LHAN CIG GNAS PAR MI BYA'O, ,TSUL 'TSOS CAN RNAMS DANG 'GROGS PAR MI BYA'O, ,STAN BZANG PO CAN DANG LHAN CIG GNAS PAR MI BYA'O, ,TSONG PA DANG LHAN CIG 'DRI MED KYANG MI BYA'O, ,GZHAN SDUG BSNGAL BAR BYAS PAS 'TSO BA RNAMS DANG MA YIN, RANG BZHIN GYIS DRI MA CAN DANG MA YIN, LTA BA LOG , PA DANG MA YIN, RKO TROG CAN DANG MA YIN, NGA RGYAL CAN DANG MA YIN, KHENGS PA DANG MA YIN, LHUNG BAR GYUR NAS LANGS PA DANG MA YIN, RGYAN POS 'TSO BA DANG MA YIN, CHANG TSONG BA DANG MA YIN; 'THAB KROL CAN DANG MA YIN, BUD MED LA DAD CHE BA DANG MA YIN, NYO TSONG GIS NYE BAR 'TSO BA DANG MA YIN, DUD PA'I MIG CAN DANG MA YIN, SKYES BU NYUL MA DANG MA YIN, BYA BA DANG MA YIN; SPROS PA CAN RNAMS DANG MA YIN, MU STEGS CAN ZHUGS PA DANG MA YIN, SKYE BO THAMS CAD DANG ZHE 'GRAS PA RNAMS DANG MA YIN TE, LHAN CIG TU 'GROGS PA DANG, NGAG BRJOD PA'AM; LAM DU 'GROGS PA'ANG DGE SLONG GIS MI BYA'O, ,DE CI'I PHYIR ZHE NA, RNAM PAR DAG PA'I SKYES BU LA'ANG GANG GI PHYIR GZHAN GYI SKYON RNAMS SRID PAR 'GYUR BAR SKYE BO MANG PO DOGS TE, JI LTAR CHUNG DU NA 'DI'ANG DE LTA BU'I RANG BZHIN CAN RNAMS DANG BSTEN PA'AM, 'GROGS PAR BYED DO, ,ZHES DE GZHAN GYI SKYON DES NYE BAR GOS PAR 'GYUR RO, ,DE'I PHYIR
, ,DE NYID KYIS DE DAG RNAMS MI BYA'O, ,RGYAL PO BSTEN PA DES KYANG CI ZHIG BYA, RNAM PA THAMS CAD DU GSHE BAR BYA BA YIN NO, ,DE NAS DUS DE'I TSE BCOM LDAN 'DAS 'OD SRUNG DES TSIGS SU BCAD PA GSUNGS PA JI LTAR, DGE SLONG NAGS NA GNAS RNAMS LA, RGYAL PO BSTEN PAS GSHE BA YIN, ,NGUR SMRIG CI YIN GSOD GSAL CI, ,MI GTZANG BAS 'TSE SPANGS PAR GYIS, ,LHA DANG LHA MOS YANG BSTEN GANG, ,DGE SLONG ZHABS 'BRING 'OS MA YIN, ,DAD PA RO DANG 'GROGS MIN TE, MI GTZANG STEN LA 'PHYA BAR 'GYUR,, NGA YI ME DANG SNYING PO MED, ,SPRO BA'ANG MED PA'I LUS CAN RNAMS, ,'KHOR BA'I 'JIGS PAS SKRAG PA YIS, ,RGYAL PO BSTEN PA MDZES MA YIN, ,NAGS DANG DGON PA DUR KHROD DANG, , RTZVA YI BAN BUN SA PHYOGS RING, ,GNAS PA'I DGE SLONG RAB TU MDZES, ,RGYAL PO'I KHYIM SGO BSTEN PA MIN, ,RGYAL PO BSTEN PA NI, DE LTAR THABS DU MAS SMAD PA YIN LA, GROGS TSANGS PA MTSUNGS PAR SPYOD PA RNAMS THAMS CAD KYIS KYANG RNAM PAR GSHE'O, ,GAL TE NA DGE SLONG RNAMS KYIS BYED NA YE SHES KYI RGYAL PO LA BRTEN PAR BYA'O, ,DE BSTEN PAS NI, SHES PA MTHAR THUG PAR 'GYUR BA YIN NO, ,GANG DAG YE SHES BSTEN PAR 'GYUR BA 'DIS NI, BDE LEGS KYI MCHOG THOB PAR 'GYUR BA YIN NO, ,DE BSTEN PA NI, THABS SU 'GYUR
BA'ANG YIN TE, 'DI LTAR BRTZON 'GRUS BRTAN PAR 'GYUR BA DANG, LAS GZHAN MI BYED PA NYID DANG, BLA MA LA STEN PAR BYED PA DANG, CHOG SHES PAR 'GYUR PA DANG, DE LA RAB TU RTEN PA DANG, RTAG TU SEMS 'DOD PA LA SRED DAD MED PA DANG, DE LAS KYANG DE BLA MA LA 'DRI BA LA RAB TU RTEN PA DANG, 'DZIN PA DANG, LEGS PAR BGRANG BA DANG, SNYING LAS CHUNG BA DANG, GROGS TSANGS PA MTSUNGS PAR SPYOD PA DANG STEN PAR BYED PA STE, DGE SLONG YE SHES KYI RGYAL PO BSTEN PA RNAMS KYI THABS DE SNYED CIG TU 'GYUR RO, ,DE NAS DE'I TSE BCOM LDAN 'DAS 'OD SRUNG GIS TSIGS SU BCAD PA GSUNGS PA JI LTAR, GOMS PA BLA MA LAS LEGS NYAN, ,DE BZHIN SDOM PA RGYA CHEN YIN, ,YE SHES RGYAL PO BSTEN PAS NI, ,BRAN BZHIN DU NI TSUL KHRIMS STER, ,LHA DANG BCAS PA'I 'JIG RTEN GYIS, ,RGYAL GANG BDE LEGS STON PA PO, ,THA MAL RGYAL MIN SHES BYA STE, ,SRID PA'I 'CHING BA'I SDUG BSNGAL CAN, ,GANG LA SDUG BSNGAL MI DMIGS PA, ,DE NI 'DIR NI RGYAL PO YIN, ,GANG YANG SDUG BSNGAL GYIS G-YOGS DE, ,RGYAL SGRA JI LTAR 'DIR 'OS YIN, ,DE LTAR YE SHES KYI RGYAL PO DGE SLONG GIS BSTEN PAR BYA'I, THA MAL PA NI, MA YIN NO, ,KUN TU STEN PAR BYED PA LAS BSAM GTAN SGOM PA NA YONGS SU NYAMS PAR 'GYUR RO, ,DE YONGS SU NYAMS PAR GYUR PAS SLAR YANG
, ,DMYAL BA DANG, YI DVAGS DANG, DUD 'GROR SKYE BAR 'GYUR RO, ,GANG LA RGYAL PO DE LAS GYUR PA'I YUL GYI SKYON DE DAG SEMS CAN RNAMS LA YIN PA GANG GI PHYIR DGE SLONG GIS GNAS SKABS THAMS CAD DU RGYAL PO LA BRTEN PAR MI BYA'O, ,NAGS NA GNAS PA 'DI DAG RNAMS LA RNAM PAR GSHE BA'I PHYIR RO, ,DE'I PHYIR CHOS DGU PA 'DI RNAM PAR SMAD PAR BYA BA BSAM GTAN SEMS PA NA BAR CHAD BYED PA YIN NO, ,GZHAN YANG CHOS BCU PO RNAM PAR SMAD PA BSAM GTAN SGOM PA NA BAR DU GCOD PAR BYED PA 'DI YANG GANG ZHE NA, 'DI LTA STE, BDE BAR BE'U 'DEBS PA ZHES BYA BA RO RNAMS BYED PA PO YIN NO, ,GAL TE DUS RING BA NAS YUL LA 'GRO BAS RAB TU RGYU BA SPANGS PAR GYUR PA RNAMS LJONGS RGYU BAS NYE BAR 'GRO BAR BYED PA NA DGA' BAR 'GYUR BA'I NAGS SAM, GNAS KYANG KUN TU BTANG NAS YUL DAG TU RGYUN MI 'CHAD PAR NYE BAR KUN TU 'GRO'O, ,DE DE DAG RNAMS KUN TU 'GRO BA NA BAG MED PA'I SPYOD PAS STEN PAR BYED PAS DE KHYIM NAS KHYIM RNAMS SU DANG, GRONG NAS GRONG DANG, TSONG 'DUS NAS TSONG 'DUS, GRONG CHUNG NAS GRONG CHUNG, GRONG KHYER NAS GRONG KHYER RNAMS SU KUN TU 'GRO BAR BYED DE, JI LTAR YUL LJONGS RNAMS SU TSOGS PA 'DU BAR BYED PA PO RANG GI SKYE BO RNAMS LTA BA LA DGA' BAR GYUR PA, GTAM RNAMS LA BDAG DANG, DGRA
DANG, GNYEN DANG, GROGS BSHES DANG, RANG GI SKYE BO RNAMS KYI PHE'U 'DEBS SO, ,DE RO LA SRED PAR GYUR PAS GANG DAG RNAMS LA GANG DANG CI YANG RUNG STE, ROL SRED PAR GYUR PAS ZA BAR BYED DO; ;NAGS KYI BDE BA RNAMS DES BRJED PAR GYUR CING BSAM GTAN SGOM PA DANG YANG RNAM PAR BRAL BAR GYUR NAS BAG MED PA PO BAG MED PAR GYUR BAS, ZAS LA RNAM PAR RGYU BAR BYED PA LA CO 'DRI BAR GYUR NAS LHA RNAMS KYIS STEN PAR MI BYED DO, ,GSON PA'I ZHING SA RNAMS ZAD PAR 'GYUR YANG BDE BAR PHE'U 'DEBS PAR BYED PA DE DAG RNAMS ZHEN PAR GYUR PA GANG GI TSE YANG DGE SLONG DE MA BSDAMS PAR RGYU BAS SPYOD PA YIN, DGE SLONG DE YANG MIG GI GZUGS RNAMS MNGON PAR MTHONG BAR GYUR NAS CHAGS PAR 'GYUR ZHING 'DUN PA SKYED PAR BYED DO; ;GNOD SEMS SKYED PAR BYED DO, ,DE NYID LA PHYIR ZHING NYID KYANG CHAGS PAR GYUR RO, ,DE RGYUN DU LJONGS RGYU BAR BYED PAS RGYU BAR GYUR PA NA RANG GI DON LAS YONGS SU NYAMS PAR 'GYUR RO, ,BSAM GTAN SGOM PA LAS YONGS SU NYAMS PAR 'GYUR RO, ,YONGS SU NYAMS PA DE MCHOG TU RO LA ZHEN PAR 'GYUR RO, ,GZHAN GYI KHYIM RNAMS SU'ANG LAN GCIG MA YIN PHYOGS GCIG MA YIN PAR NYE BAR 'GRO BAR BYED DO, ,DE'I MIG GIS GZUGS RNAMS MNGON PAR MTHONG BAR GYUR NAS 'DUN PA SKYED PAR 'GYUR RO, ,GNOD SEMS SKYED PAR
, ,BYED DO; ;DE KHO NA BZHIN DU RNA BAS SGRA RNAMS THOS PAR GYUR PA NA 'DUN PA SKYED PAR 'GYUR, GNOD SEMS SKYED PAR 'GYUR RO, ,DE BZHIN DU SNAS DRI RNAMS MNAMS PAR GYUR PA NA 'DUN PA SKYED PAR 'GYUR, ,GNOD SEMS SKYED PAR 'GYUR RO, ,DE NI, YUL RNAMS THAMS CAD LA RAB TU 'JUG PAR GYUR PAS 'CHI BA THAMS CAD KYIS BCINGS PA, ZHAGS PA'I 'CHING BA THAMS CAD KYIS BCINGS PAR GYUR PA DE 'DOD PA THAMS CAD KYI RJES SU 'BRANG BAS KHYIM PAR 'GYUR GYI, RAB TU BYUNG BA NI, MA YIN NO, ,DE LUS ZHIG PAR GYUR NAS SHI BA'I 'OG TU NGAN SONG NGAN 'GRO LOG PAR LTUNG BA DMYAL BA RNAMS SU SKYE BAR 'GYUR TE, BDE BAR PHE'U 'DEBS PAR GYUR PA'I SKYON DANG POS SO, ,DE'I PHYIR SKYON 'DI MNGON PAR MTHONG BAR BYAS LA DGE SLONG GIS LAN GCIG MA YIN ZHING 'OR GCIG MA YIN PAR LJONGS RGYU BAR MI BYA'O, ,DES YUL LJONGS RNAMS CHUD GZON PAR 'GYUR RO; ;GAL TE YANG RGYUN DE 'DOD PA'I YON TAN LNGA LA RGYU'O, ,'DI LTA STE, NAD KYI RKYEN SMAN DANG, YO BYAD RNAMS DANG, DE BZHIN DU BLA MA'I DON DU LJONGS YUL RGYU BAS RGYU BAR BYA'O, , DE BZHIN DU GAL TE MCHOD RTEN GYIR RAM, DGE SLONG RNAMS KYI GOS HRUL BAR GYUR PA DE'I 'OG TU YANG YUL LJONGS SU RGYU BAR BYA LA RAG GO ,DE BZHIN DU DGE 'DUN GYI DBANG DU
BYAS NAS LJONGS RGYU BA RNAMS KYIS RGYU BAR BYA STE, GANG DAG GIS DGE 'DUN LA PHAN PAR 'GYUR BA RNAMS SO, ,DE BZHIN DU GAL TE RGYU BAR GZHAN DAG GI YUL 'KHOR RNAMS 'JOMS PAR BYED PA'AM, LJONGS BCOM PAR GYUR PA NA RGYAL PO'I DRUNG DU LJONGS RGYU BAS 'GRO BAR BYA'O, ,DE LTA BU RNAMS NI, 'BRAS BU DANG BCAS PAR 'GYUR GYI, GZHAN DU GAL TE RGYAL PO RGYU BAR GYUR NA DE DON MED PAR RGYU BAR BYED PA YIN NO, ,BSAM GTAN SGOM PA DANG BRAL BAR GYUR NAS RGYU'O, ,DE RGYU BAR GYUR PAS NAD DANG, RGA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA RNAMS LAS YONGS SU MI 'GROL LO, ,DGE SBYONG NGAN PA DGE SBYONG DU KHAS 'CHES PAR GYUR PA 'DI'I RAB TU BYUNG BA NI, DON MED PA YIN NO, ,DE'I PHYIR GANG DAG SRED PA'I 'DUN PA RNAMS ZHI BAR 'GYUR BAR RTZOM PAR 'DOD NA DE LA DES YID MNYAM PAR BZHAG PAR 'GYUR ZHING DBANG PO RNAMS RAB TU DANG BAR GYUR PAS DKON MCHOG GSUM PO DE LA YID BTANG BAR GYUR NA, DE DAG GI RTZA BA LAS GYUR PA'I NYON MONGS PA RNAMS BAG LA NYAL DANG BCAS NAS RTZA BA NAS BCAD NAS 'DON PAR BYA'O,, DE NAS DE'I TSE BCOM LDAN 'DAS 'OD SRUNG DES TSIGS SU BCAD PA GSUNGS PA JI LTAR, BSAM GTAN SGOM PA RNAM PAR SPANG, ,ZAS 'BA' ZHIG GI BLO DANG LDAN, ,DGE SLONG 'DI NI
, ,'DIR SHES BYA, ,SHA ZA DANG NI MTSUNGS PA'I YID, ,BSAM GTAN LAS NI SBYIN BDE MIN, ,ZHES NI MKHAS PAS RAB TU GSUNGS, ,BSAM GTAN BDE BA LAS GZHAN NA, ,BDE BA NAM YANG YOD MA YIN, ,BSAM GTAN BDE BA BLA MED GANG, ,SKYE BO THA SHAL DE SPANGS NAS, ,BYIS PA ROL DGA' BYED PA, ,RMONGS PA DE NI RNAM PAR BCOM, , YUL LA KUN NAS 'KHYAMS PA YI, ,'DI YID RTAG TU DE LA SONG, ,'JIG RTEN PHA ROL 'DREN BYED PA'I, ,MI DGA'I CHOS NI 'PHEL BAR BYED, ,BSAM GTAN SGOM DANG NGES PAR BRAL, , SBYIN DANG TSUL KHRIMS RNAM SPANGS PA, ,RGOD BAG RTZUB DANG RMONGS PA NI, ,GSON PA NA YANG SHI DANG MTSUNGS, ,'JIG RTEN 'DIR NI GSON PA NA'ANG, ,CHOS GZHAN LA NI RJES SU 'JUG ,CHOS SPANGS RTAG TU RMONGS PA NI, ,GSON PA NA YANG SHI DANG MTSUNGS, ,MI YI PAGS PAS G-YOGS PA YIS, ,BYIS PA RNAMS NI PHYUGS YIN NO, ,GANG GI YE SHES MAR ME YIS; ;SNYING NI GSAL BAR MA BYAS PA'I, ,SKYES BU 'DI SRID DU YIN TE, ,GANG ZHIG TSUL KHRIMS RJES 'JUG PA'O, ,TSUL KHRIMS KYIS DGA' SKYES PA KUN, ,RANG DANG MTSUNGS PAR PHA ROL GNON, ,SKYES BU SBYIN NYAMS 'DOD LDAN DANG, ,SDIG LAS KYANG NI DBANG RKYAL MIN, ,'DI NI MI MIN SHES BYA STE, ,'DI NI YI DVAGS LUS DANG LDAN, ,SHES DANG
TSUL KHRIMS RNAM BRAL ZHING, ,SBYIN PA RIN CHEN RNAM PAR SPANGS, ,SKYES BU GSON PA NYID NA YANG, ,SHI BA YIN PAR MNGON PAR BRJOD, ,SBYIN DANG TSUL KHRIMS DKA' BSAM GTAN, , BRTAN DANG DRAN PA TING 'DZIN LDAN, ,SKYES BU'I SKYES BUR GYUR PA STE, ,LHA RNAMS KYIS KYANG PHYAG BYED DO, ,YON TAN LDAN PA SKYES BU YIN, ,YON TAN MED PA PHYUGS DANG MTSUNGS, ,YON TAN YOD MED RNAM PA SHES, ,GANG DE LHA YIN ZHES BRJOD DO, ,DE BZHIN YON TAN YON TAN MIN RNAM SHES, ,SKYES BU THAMS CAD DU NI BA DE BAR 'GYUR, ,GANG YANG RTAG TU BLO DANG NAM BRAL BA; ;'DIR NI SDUG BSNGAL CAN DU 'GYUR BA YIN, ,DE'I PHYIR YON TAN DE DAG RNAMS NYAN LA DGE SLONG GIS BKRAM ZHING CHAGS PAR MI BYA'O, ,DE LTAR BSAM GTAN SGOM PA NA BAR DU GCOD PAR BYED PA'I CHOS BCU PO 'DI RNAMS GAL TE DGE SBYONG 'KHOR BA'I 'JIGS PAS 'JIGS PAR GYUR NA YONGS SU SPANG BAR BYA'O, ,GZHAN YANG CHOS BCU GCIG PAS NI, BSAM GTAN SGOM PA NA BAR DU GCOD PAR BYED PA DANG, DGE SLONG RNAMS KYANG SHIN TU SDUG BSNGAL BAR 'GYUR BA YIN NO, ,'DI GANG ZHE NA, 'DI LTA STE, 'DRI BAR MI BYED PA'O, ,'DIS 'DIR BLO DMAN PA RNAMS LA BAR DU GCOD PAR 'GYUR RO, ,KHA ZUM PA MA YIN PA'I BLO GROS CAN DU YANG BDAG NYID PHYI ROL TU STON PAR BYED LA, DE BZHIN DU YANG BDAG NI, BSTAN
, ,BCOS THAMS CAD 'DZIN PA YIN PA DANG, NGA NI, RJOD PAR BYED PA NYID DANG, DON RNAMS KYIS DANG, NGA DANG MTSUNGS PA NI, 'GA' YANG YOD PA MA YIN NO, ,NGA NI; MA LUS PAR SHES PA'I TSOGS RNAMS KHA TON DU BYED PA YIN NO, ,ZHES DON CHEN PO BRGYA STONG PHRAG DU MA RNAMS KYIS LHAN CIG TU 'GROGS PA RNAMS DANG, NYE BAR GNAS RNAMS LA'ANG NGES PAR STON PAR BYED DO, ,DE BZHIN DU GZHAN DAG RNAMS LA'ANG BGRO BAR BYED DO, ,NGES PAR RTOGS PAR 'GYUR BAR BYED DO, ,SEMS LA RAB TU GNAS PAR BYED DE; DE NI, SHES PA'I MNGON PA'I NGA RGYAL 'BA' ZHIG TU ZAD PAR GYUR PA, SEMS CAN RNAMS THAMS CAD LA RANG GI YON TAN RIG PAR BYED PA, SKYE BO THAMS CAD KYIS LEGS PAR GO BAR 'GYUR BA DE KHO NA BZHIN DU 'DI SHES PA THAMS CAD LAS PHA ROL TU SON PA DE DANG BGRANG BAR MTSUNGS PA RNAMS 'GA' YANG YOD PA MA YIN PA DE LTAR 'JIG RTEN PA RNAMS LA RJOD PAR BYED DO, ,DE YANG SHIN TU THOS PA CHUNG BAR GYUR PA; NAD RNAMS NI, STONG PAR GYUR PA DANG, GSOG TU GYUR PA, GSOB TU GYUR PA, SNOD STONG PA RNAMS DANG, MTSUNGS SHING 'DRA BAR GYUR PA, STON KA'I SPRIN DAG DANG 'DRA BA, BSAM GTAN LA BSAM GTAN DU BYED PA PHYI ROL TU BYAS PA, MI THAMS CAD KYIS MCHOD PA DE NI, GANG GI
TSE BSAM GTAN SGOM PA'I RANG BZHIN SPANGS PA YIN NO, ,BRTZON 'GRUS BRTZAMS PAR GYUR PA DMIGS PA'I RANG BZHIN CAN THOS PA RGYA CHEN POR GYUR PA, RIG PA RAB TU BSTEN PA, SHIN TU SBYANGS PA'I RGYAN GYIS BRGYAN PA, SANGS RGYAS KYI BSTAN PA LA SHIN TU GCES PAR 'DZIN PA, SPRO BA LDOG PA MED PAR GYUR PA, SHES RAB CHEN PO'I DRIS RGYUD BSGOS PAR GYUR PAS DGA' BAR GNAS PA'I DGE SBYONG GZHAN DE DAG RNAMS LA'ANG NANG STONG PAR GYUR PA GSOG DANG GSOB TU GYUR PA 'DI SNYAM DU SEMS TE, GAL TE BDAG DGE SLONG DE DAG DANG SMRAS PAR GYUR NA 'DI DAG GIS JI LTA BAR NYE BAR BSTAN PAS BDAG ZIL GYIS GNON PAR 'GYUR RO, ,GANG YANG SBYIN PA PO DANG SBYIN BDAG DE RNAMS KYIS BDAG LA MCHOD PAR BYED PA LAS DE DAG GI DRUNG NAS DE DAG RNAMS KYANG 'BYUNG BAR MI 'GYUR RO, ,BDAG LA DBANG CHE BAR BYED PAR YANG 'GYUR RO, ,SBYIN PA PO DANG SBYIN BDAG RNAMS NI, BDAG NGA RGYAL GYIS BZUNG BAS RANG NYID KYI SHES RAB KYIS DON RNAMS GO BAR MI 'GYUR RO, ,GZHAN GYIS ZIL GYIS MNAN PAR 'GYUR BA'I 'JIGS PAS 'DRI BAR MI BYED DO, ,GAL TE YIN MOD, 'DI DAG RNAMS KHA CIG NI; SANGS RGYAS BCOM LDAN 'DAS RANG NYID LA THOS PA YIN PA'AM, MA YIN PA'AM ZHES DE NI, DE DAG RNAMS KYIS NANG STONG PAR GYUR PA, GZHAN GYIS ZIL GYIS NON PAS
, ,'JIGS PA STE, DE RANG NYID PHAM PAR 'GYUR BA'I 'JIGS PAS SKRAG PA'I PHYIR 'DRI BAR MI BYED DO, ,DE DE LTAR LOG PAR SMRA BAR BYED PAS BSLAB PA'I GZHI LNGA LAS 'DAS PAR 'GYUR TE, 'DI LTA STE, BRDZUN DU SMRA BAR 'GYUR BA NI, DE LA SHES GNYEN GYI RTOGS PA'ANG YOD PA MA YIN LA, 'ON KYANG SMRA BAR YANG BYED PA'I PHYIR NA BSLAB PA'I GZHI DANG PO LAS 'DAS SO, ,YANG BSLAB PA'I GZHI GZHAN LAS 'DAS PA GANG ZHE NA, 'DI LTA STE, MA BYIN PAR LEN PA'O, ,GANG SHES RAB DANG LDAN PA ZHES BYAS NAS SBYIN PA PO DANG SBYIN BDAG RNAMS KYIS BYED PA'I MCHOD PA 'OS PA'ANG MA YIN NO, ,NYE 'KHOR NA NYAN PA RNAMS LAS DES LEN PAR BYED PAS NI, BLO DMAN PA DE LA BAR DU GCOD PAR BYED PAR 'GYUR RO, ,MA BYIN PAR LEN PA 'DIS NI, BSLAB PA'I GZHI GZHAN RNAM PAR 'DAS PA'O, ,GZHAN YANG BSLAB PA'I GZHI LAS 'DAS PA 'DI GANG ZHE NA, 'DI LTA STE, GANG GI TSE DGE SLONG RAB TU BYUNG BAR GYUR PA DE'I TSE BSLAB PA'I GZHI YONGS SU BZUNG BAR GYUR BA RNAMS JI LTAR TSUL KHRIMS LA KUN NAS BRTEN ZHING TSUL KHRIMS RAB TU GNAS PAR BYA BA DANG, TSUL KHRIMS DMIGS PAR BYAS NAS NGAS KHYIM GYI GNAS YONGS SU GTANG BAR BYA'O, ,ZHES BYAS PA'I YANG DAG PA'I TSUL KHRIMS GANG YIN PA RNAMS
KYANG DES THOS PA YOD PA'ANG MA YIN NO, ,NGAS THOS PA YIN NO, ,ZHES GZHAN DAG RNAMS LA'ANG GO BAR BYED DO, ,'DI NI, BSLAB PA'I GZHI LAS SHIN TU 'DAS PA GZHAN YIN NO, ,GZHAN YANG BSLAB PA'I GZHI LAS 'DAS PAR GYUR PA NI, 'DI LTA STE, GZHAN GYIS DRI BA DANG PHYIR ZHING 'DRI BAS 'PHAGS PAR GYUR PA'I ZIL GYIS GNON PAR 'GYUR BA'I 'JIGS PAS 'JIGS NAS JI SRID DU CHOS GZHAN RNAMS BRJOD PAR BYED DO, ,CHOS 'DI NI, MCHOG TU SDUG BSNGAL BAR GYUR PA DANG, 'DI NI, SHIN TU SDIG PA CAN NO, ,GZHAN YANG BSLAB PA'I GZHI LAS RNAM PAR 'DAS PAR GYUR PA MCHOG TU DKA' BLAS CHE BA 'DI GANG ZHE NA, 'DI LTA STE, GANG GI TSE DAM PA'I CHOS MI SHES PAR GYUR BA DES GZHAN DAG DAM PA'I CHOS LA DPYAD PAR GYUR PA RNAMS LA RJOD PAR BYED PA NI, DE'I DON RNAMS ZAD [?] PA YIN PAS YANG DAG PA JI LTA BA BZHIN DU SANGS RGYAS KYI GSUNG GI TSIG RNAMS KHYOD KYIS THOS PA MA YIN NO, ,ZHES DES DGE 'DUN LA BRNYAS PAR BYED DO, ,NGA KHO NAS 'DI'I TSIG RNAMS JI LTA BA BZHIN DU SHES PA YIN GYI, BTZUN PA RNAMS KYIS NI, MA YIN NO, ,ZHES DGE 'DUN LA SKUR PA 'DEBS PAR BYED DO,, KHA ZHAN PAR 'GYUR BA'I 'JIGS PAS SKRAG NAS CHOS KYANG 'CHAD PAR BYED DO, ,JI LTAR CHOS 'DI NI, DAM PA'I CHOS MA YIN NO, ,DAM PA'I CHOS KYI YON TAN RNAMS 'JIG PAR BYED
, ,PA PO RDZUN MCHOG TU SMRA BA NI, LUS ZHIG NAS NGAN SONG LOG PAR LTUNG BA DMYAL BA RNAMS SU SKYE BAR 'GYUR RO, ,'DIR BAR MI BYED PA LAS GZHAN YANG SKYON MCHOG TU CHE BA YOD DO, ,'DRI BAR MI BYED PA 'DI NYID LA 'DI LTAR GAL TE JI LTAR NGA RGYAL DE KHO NA NYID KYIS ZIL GYIS GNON PAR 'GYUR BA'I 'JIGS PAS 'JIGS NAS NAGS SU, 'JUG PAR BYED DO, ,LAM DAM PA'I GDAMS NGAG STON PAR BYED PA PO RNAMS LA MA DRIS PAR YANG 'DIR LAM JI LTAR 'BYUNG BAR 'GYUR, ,DMIGS PA YANG JI LTA BUR YID LA BYA BA YIN; RNAM PA GANG DAG GIS DMIGS PA LAS NYAMS PAR 'GYUR BA YIN, PHYIR YANG YID 'JOG PAR NI, BYED DE, NGA RGYAL GYI SKYON GYIS DE LTA NA'ANG GZHAN RNAMS LA MI 'DRI'O, , DES DE LTAR LAM RNYED PAR MA GYUR PAS YID SHIN TU SKYO BAR 'GYUR RO, ,DE SLAR YANG SKYIL MO KRUNG LAS LDANG BAR GYUR NAS 'DI SNYAM DU SEMS TE, JI LTAR BDAG GIS KHENGS PAR BYAS PA DE DAG RNAMS NI, DON MED DO, ,ZHES SKYO BA SKYE BAR GYUR NAS 'DI NA LAM MED DO, ,BSAM GTAN MED DO, ,SNYOMS PAR 'JUG PA MED DO, ,ZHES DE BSAM GTAN GYI 'BRAS BU DANG, TING NGE 'DZIN GYI 'BRAS BU RNAMS LA NGA RGYAL GYI SKYON GYIS DANG, ZIL GYIS GNON PA'I 'JIGS PAS SKRAG PAS SKUR PA 'DEBS PAR BYED DE, YONGS SU MA
DRIS PA'I PHYIR RO, ,LOG PAR LTA BA CAN DE LUS ZHIG PAR GYUR NAS SHI BA'I 'OG TU NGAN SONG LOG PAR LTUNG BA DMYAL PA RNAMS SU SKYE BAR 'GYUR RO, ,DE NAS DE'I TSE BCOM LDAN 'DAS 'OD SRUNG DES TSIGS SU BCAD PA GSUNGS PA JI LTAR, BDAG NYID SHES SHING NGA RGYAL BRAL, ,DE BZHIN BLA MA LA 'DRI BA, ,DGE SLONG SHIN TU BRTZON LDAN PA, ,MYA NGAN 'DAS PA RTOGS PA YIN, ,DE LTAR JI TZAM THOS GYUR PA, ,DE TZAM ZHIG NI 'CHAD PAR BYED, ,BDAG NYID SHES DANG NGA RGYAL BRAL, ,DE NYID RIG PA'I DGE SLONG YIN, ,NGA RGYAL SHIN TU NGA RGYAL BRAL,, GANG DAG YE SHES LAM LA MKHAS, ,RANG GZHAN BDAG NYID THABS SHES PAS, ,CHOG SHES GANG YIN DGE SLONG BRJOD, ,NGA RGYAL CAN DANG KHRO BA'I YID, ,RKO RTOG CAN DANG BLO CHUNG BA, , RNYED DANG BKUR STI YID CAN LA, ,CI PHYIR ZHI BA 'BYUNG BAR 'GYUR, ,'DRI BAR MI BYED PA NYID KYI NGA RGYAL CAN KHRO BA'I YID DU GYUR PA BSAM GTAN SGOM PAR MI BYED PA RNAMS NI, GZHAN GYI ZAS ZA BAR BYED PA RNAMS BU LON DU 'GYUR RO, ,CHA BYAD 'BA' ZHIG TZAM 'DZIN PAR GYUR PA RNAMS KYIS DGE SLONG GI BDAG NYID CI ZHIG THOB PAR GYUR NAS LUS ZHIG PAR GYUR CING SHI BA'I 'OG TU NGA RGYAL GYI SKYON DANG 'DRI BAR MI BYED PA'I PHYIR NA NGAN SONG LOG PAR LTUNG BA DMYAL BAR SKYE BAR 'GYUR RO, ,DE'I PHYIR NA 'DI LTAR BSLAB PAR BYA STE, JI SRID 'TSO'I
, ,BAR DU YONGS SU 'DRI BA'I RANG BZHIN CAN GYI DGE SLONG RNAMS NI, BDE BA DANG, YID BDE BAR 'GYUR RO, ,LUS ZHIG PAR GYUR NAS SHI BA'I 'OG TU'ANG BDE 'GRO MTHO RIS LHA RNAMS KYI NANG DU SKYE BAR 'GYUR RO, ,NGA RGYAL DE BCOM PAR GYUR PA'I YON TAN GYIS DE LAS PHYI MAR YANG MYA NGAN LAS 'DAS PA 'BYUNG BAR 'GYUR RO, ,GZHAN YANG CHOS BCU GNYIS PA BSAM GTAN SGOM PA NA BAR DU GCOD PAR BYED PA 'DI 'ANG GANG ZHE NA, 'DI LTA STE, GROGS PO MANG BAR GYUR BA ZHES BYA BAS DON MA YIN PA THAMS CAD BYED PAR 'GYUR RO, ,DGE SLONG RNAMS NGES PAR SREG PA 'BA' ZHIG LA 'JUG PAR BYED PA YIN NO, ,GANG GI TSE GROGS PO MANG PO YOD PAR GYUR PA DE'I TSE DGE SLONG RNAMS PAR G-YENG BA MANG BAR 'GYUR LA BYA BA MANG BAS RNAM PAR G-YENG BAR 'GYUR BA'I BLO LA'ANG BSAM GTAN MED CING BSAM GTAN DU BYA BA'ANG MED PAR 'GYUR RO, ,KHYIM GYI GNAS NAS NGES PAR BYUNG BAR GYUR PA RNAMS KYI GROGS PO DANG, DGRA BO MA YIN PA RAB TU SPANGS PA RNAMS KYIS DE ZHIG GROGS PO GCIG NYID KYANG BYA BA MA YIN NA, GROGS PO MANG PO RNAMS LA LTA SMOS KYANG CI DGOS TE, GANG GI TSE LE LO CAN MING TZAM GYI DGE SLONG DU GYUR NAS GZHAN GYI KHYIM RNAMS SU RJES SU RGYU BAR BYED PA YIN TE, DE'I TSE NA 'DIS MTHONG BA TZAM
NYID KYIS BLO RNAM PAR G-YENG BAR 'GYUR RO, ,MIG GIS GZUGS RNAMS MTHONG BAR 'GYUR BAS GZHAN DU 'GYUR RO, ,MIG GI RNAM PAR SHES PA ZHI BAR 'GYUR RO, ,DMIGS PA LA ZHI BAR MI 'GYUR RO, ,YID LA BYED PA NYE BAR GNAS PA MA YIN NO, ,MNYAM PAR GZHAG PA MA YIN NO, ,DUS RNAMS THUNG BAR BYED PA MA YIN NO, ,GROGS PO RNAMS LA LTA BA LA CHED CHE BA YIN NO; ;DE BZHIN DU SGRA RNAMS THOS NAS KYANG MNYAM PAR BZHAG PAR MI 'GYUR TE, MI DMIGS PAR MI BYED DO, ,DE YID LA BYED PA GZHAN RNAMS LA ZHUGS PA NA ZHI BAR MI 'GYUR RO, ,MA ZHI BA'I YID LA BYED PA RNAMS LA DMIGS PA NI, ZAD CING LTUNG BAR 'GYUR LA, GANG GI TSE GROGS PO DE DAG LA LTA BAR BYED PA DES MI DMIGS PA'I BAR DU GCOD PAR BYED PAR 'GYUR RO, ,DE'I PHYIR DGE SBYONG GIS GROGS PO GCIG KYANG MI BYA NA, GROGS PO MANG PO NI, DANG POR MA YIN NO, ,GROGS PO LA 'CHEL BAR GYUR PA'I DGE SLONG YUL LJONGS RNAMS NAS YUL LJONGS SU RGYU BAR, GYUR PAS NYE BAR 'GRO BAR BYED PA NA TSE'I 'DU BYED RNAMS NI, ZAD PAR 'GYUR BA DANG ,DGE BA'I PHYOGS YONGS SU NYAMS PAR 'GYUR TE, DGE BA'I PHYOGS NYAMS PAR GYUR PA RNAMS KYIS KYANG 'GRO BA'I MCHOG THOB PA MA YIN NO, ,SKAD CIG TZAM YANG BSAM GTAN DANG 'DOD PA RTZE GCIG PA GNYIS YID LA BYA BAR NUS PA'ANG MA YIN NO, ,DE'I PHYIR 'DI LTAR BSLAB PAR
, ,BYA STE, DGE SLONG GIS KUN NAS NYON MONGS PA CAN GYI SRED PA RNAMS 'PHEL BAR BYED PA PO'I KHYIM PA'I GROGS PO MI BYA'O, ,'DI DANG PHA ROL TU MYA NGAN LAS 'DAS PA'I LAM LA STON PAR BYED PA DANG, MYA NGAN LAS 'DAS PA'I LAM NYE BAR STON PAR BYED PA DANG, BSAM GTAN GYI GROGS BYED PAR 'GYUR BA'I DGE BA'I GROGS PO BYA BAR BYA'O,, GANG DANG LHAN CIG TU GYUR PAS NYON MONGS PA RNAMS ZAD PAR BYAS NAS MYA NGAN LAS 'DAS PA'I GRONG KHYER DU 'JUG PAR BYED PA DE DAG NI, GROGS PO'I MCHOG YIN NO, ,GZHAN DU NA NI; GROGS PO'I GZUGS BRNYAN GYI DGRA BO YIN TE, GANG DAG DON DAM PA MA YIN PA DE DAG GIS NI, GROGS POR 'GYUR BA MA YIN NO, ,GANG DANG PHRAD NAS KUN BRJOD PA DANG GNAS PA'I LAS SU GYUR PAS GANG YANG 'JIG RTEN PHA ROL GYIR 'GYUR BA DE NI, GROGS PO YIN TE, GANG YANG TSANGS PA MTSUNGS PAR SPYOD PA RNAMS KYIS NYE BAR STON PA DANG, BYED DU 'JUG PA'AM, 'JIG RTEN PHA ROL GYI 'JIGS PA STON PAR BYED PA'AM, DMYAL BA DANG, YI DVAGS DANG, DUD 'GRO'I 'GRO BAR SKYE BA'I 'JIGS PA LEGS PAR STON PA RNAMS KYANG RUNG STE, JI LTAR LUS DANG, NGAG DANG, YID KYIS NYES PAR SPYOD PA RNAMS KYIS NGAN SONG DU 'JUG PAR 'GYUR BA RNAMS MI BYA'O, ,DE NAS DE'I TSE'I BCOM LDAN 'DAS 'OD
SRUNG DES TSIGS SU BCAD PA GSUNGS PA JI LTAR, GROGS GANG 'JIG RTEN PHA ROL GYI, ,GROGS PO DE NI GROGS POR BRJOD, ,GANG ZHIG SDIG LAS ZLOG PA DANG, ,'CHI 'PHO LAS KYANG SRUNG BYED PA; ;PHA ROL TU NI GANG PHAN PA'I, ,PHAN PA RTAG TU RAB TU BRJOD, ,MI RNAMS GROGS NI DE YIN TE, ,GROGS GANG GIS NI 'DOD PA THOB, ,DE NI GROGS PO RNAMS KYI MCHOG YIN TE, ,GANG GIS RNAM PA DU MA DANG, ,RNAM PAR RTOG PA DU MAS KYANG, ,CHOS NYE BAR STON PAR BYED PA'O, ,'ON KYANG GANG DAG ZAS PHAL PO CHE RNAMS MNGON PAR BRJOD PAR BYED PA DANG, KHYIM RNAMS SU 'JUG PAR BYED PA DANG, SDUG PA'I SGRA DANG, REG BYA DANG, RO DANG, GZUGS DANG, DRI RNAMS STEN PA NYE BAR STON PAR BYED PA RNAMS NI, MA YIN TE, RNAM PA DE SRID KYI GROGS PO 'DI DAG NI; GCIG KYANG GROGS POR BYA BA MA YIN NA, SKYON DU MA RNAMS SKYED PAR BYED PA'I GROGS PO MANG PO MI BYA BA LTA CI SMOS, GANG DAG GIS 'JIGS PA DANG BCAS PAR 'GYUR BA 'JIG RTEN PHA ROL TU PHAN PA MA YIN PA BYED PAR 'GYUR BA DE DAG RNAMS NI, GROGS PO'I GZUGS KYI DGRA BO RNAMS YIN NO, ,DGE SLONG GANG DAG RAB TU CHAGS PAR GYUR PA RNAMS NI, RANG GI BYA BA LAS YONGS SU NYAMS PAR BYED PA DANG, DGE SBYONG BSAM GTAN SGOM PAR BYED PA NA BAR DU GCOD PAR BYED PAR 'GYUR BA YIN NO, ,GZHAN YANG CHOS BCU GSUM BA BSAM
, ,GTAN SGOM PAR BYED PA NA NYAMS PAR BYED PA YIN NO, ,'DI'ANG GANG DAG YIN ZHE NA, 'DI LTA STE, KUN TU 'DRES PAR GNAS PA'O, ,DGE SLONG RNAMS THAMS CAD KYANG BSAM GTAN SGOM PA NA NYAMS PAR BYED PAR 'GYUR BA'O, ,KUN TU 'DRE BAR GNAS PA DE'ANG RNAM PA LNGA YIN NO, ,'DI GANG DAG YIN ZHE NA, 'DI LTA STE, TSUL KHRIMS DANG LDAN PA MCHOG TU DGE BA'I CHOS CAN DRANG POR GYUR PA DRANG PO'I RANG BZHIN CAN RNAMS MCHOG TU CHU KHA KHRIMS 'CHAL PA RNAMS DANG LHAN CIG TU GNAS PAR 'GYUR BA STE, GZHAN GYI DBANG DU GYUR PA'I SKYON 'DI NI, KUN TU 'DRE BAR GNAS PA GCIG YIN NO, ,GZHAN YANG 'DRE BAR GNAS PA'I SKYON GNYIS PA YOD DO, ,'DI LTA STE, GZHAN GYI DBANG DU GYUR PA'I SKYON GYIS SAM, RANG 'DOD PAR GYUR BAS KYANG LOG PAR LTA BA CAD RNAMS DANG, LHAN CIG TU GRONG DANG, GRONG KHYER DANG, GRONG RDAL DANG, TSONG 'DUS RNAMS SU GNAS PAR BYED PA 'DI NI; KUN TU 'DRE BAR GNAS PA GNYIS PA YIN NO, ,GZHAN YANG KUN TU 'DRE BAR GNAS PA GSUM PA YOD DO, ,'DI LTA STE, GNYEN BSHES DANG, GROGS PO DANG, RANG GI SKYE BO RNAMS DANG PHRAD PAR 'DOD PAR GYUR CING LTA BA LA SRED PAR GYUR BAS NYE BAR 'GRO'O, ,DES DE DANG LHAN CIG TU SNGON GYI KHYIM LA GOMS PAS SLAR YANG DE KHO NA BZHIN DU GNAS PAR BYED
DO; ;'DI NI, KUN TU 'DRE BAR GNAS PA GSUM PA YIN NO, ,GZHAN YANG KUN TU 'DRE BAR GNAS PA BZHI PA YOD PA NI, 'DI LTA STE, KUN TU DGA' BAR GYUR PAS PHAN TSUN DU BSTAN BCOS KYIS KUN TU BRJOD PA DAG GIS DGA' BAR GYUR PAS RGYAL PO'I KHYIM DU CHUD PAR DGE SLONG GNAS PAR BYED DO, ,GZHAN ZIL GYIS MNAN BAR BYA BA'I BSAM PAS SO, ,'DI NI, KUN TU 'DRE BAR GNAS PA BZHI PA YIN NO, ,GZHAN YANG KUN TU 'DRE BAR GNAS PA LNGA PA YOD DE, 'DI LTA STE, BLO RNAM PAR G-YENG BAR GYUR PA'I DGE SLONG SPYOD PA KUN TU MA BSNGAMS PA, SDON GANG DAG ZOS PA DANG, 'THUNGS PA DANG, GRONG PA'I CHOS BSTEN PAR GYUR PA'AM, SGRA DANG, REG BYA DANG, RO DANG, GZUGS DANG, DRIS BYAS PAR GYUR PA DE DAG RNAMS KYANG RJES SU DREN PAR BYED DO, , DE DAG RNAMS LA RNAM PAR RTOG PAR BYED DO, ,DE RNAM PAR RTOG PAS NYE BAR BCOM PAR GYUR PAS MCHOG TU KUN TU 'DRES PAR GYUR NAS SHIN TU RTZUB BAR GYUR PA RNAMS KYI SHIN TU SDUG BSNGAL BAR GYUR BA DANG LHAN CIG PA'I YUL MI 'DOD PA MI SDUG PA YID DU MI 'ONG BA RNAMS DANG LHAN CIG TU GNAS PAR BYED DO, ,'DI NI, KUN TU 'DRE BAR GNAS PA LNGA PA YIN TE, YUL GYI RNAM PAR RTOG PA RNAMS KYIS NYE BAR BCOM PAR GYUR NAS KUN TU 'DRE BAR GNAS PA YIN NO, ,KUN TU 'DRE BAR GNAS PA RNAMS THAMS CAD YONGS SU SPANG BAR NUS KYI YID
, ,KYI RNAM PAR RTOG PA RNAMS NI, YONGS SU SPANG BAR MI NUS SO, ,YUL DANG KUN NAS 'DRES PAR GYUR PA NI, BSAM GTAN SGOM PAR BYED PA RNAMS THAMS CAD LA SHIN TU BAR DU GCOD PAR BYED PA YIN NO, ,GANG GI PHYIR KUN TU 'DRES PAR GNAS PA THAMS CAD NI, YONGS SU SPANG BAR NUS LA, YUL GYI NYE BAR LONGS SPYOD PA LA RANG GI SEMS TZA BA HRAL CAN GYIS BSLAD PA'I KUN TU RTOG PA RNAMS KYIS KUN TU 'DRE BAR GNAS PA RNAMS NI, SPANG BAR MI NUS TE, BSAM GTAN DANG, SNYOMS PAR 'JUG PA DANG, SHIN TU SBYANGS PA DANG, LEGS PAR SDOM PA DANG, TSUL BZHIN DU YID LA BYED PA RNAMS KYIS RJES SU DRAN PAR BYED PA RNAMS KYIS NI, MA GTOGS PA'O, ,DE NAS DE'I TSE BCOM LDAN 'DAS 'OD SRUNG DE SA TSIGS SU BCAD PA GSUNGS PA JI LTAR, TSUL BZHIN MA YIN YID BYED PAS, ,ME GANG KUN TU SPANGS GYUR PA, ,TSUL BZHIN MA YIN YID BYED DE'I, ,CHAR GYIS RAB TU 'JOMS PAR BYED, ,MUN PA YUN RING GIS BSLANG GANG, ,MA RIG LAS BYUNG MI RNAMS KYI, ,DE NI CUNG ZAD DU SKYES PA'I, ,SHES RAB MAR MES 'JIG PAR BYED, ,BLO GROS RMONGS PA DMYAL BA BAR NI; ;CHAGS DANG RMONGS PAS SREG PAR BYED, ,SHES RAB CAN NI 'JOMS MIN TE, ,MYA NGAN 'DAS PA'I LAM DU 'GRO, ,SHES RAB SNANG BAS LUS CAN GYI, ,BCU GSUM PO RNAMS
'DZOMS PAR BYED, ,DE PHYIR SKYEN GZHOM RJES SU BTZAL, ,SHES DANG TSUL KHRIMS RTAG BSGOMS PAS, ,LUS CAN RNAMS KYI BCU GSUM PO, ,RTZA BA MED PAR KUN RAB 'JOMS, , YE SHES MES NI NYON MONGS PA'I, ,BUD SHING CHEN PO CHER 'BAR BYED, ,DE LTAR KUN TU 'DRE BAR GNAS PA RNAMS NI, THABS THAMS CAD KYIS GNAS SKABS THAMS CAD DU MI BYA'O; ;KHYIM GYI GNAS LAS NGES PAR BYUNG BA GCIG PU RGYU BAR GYUR PA'I DGE SBYONG RNAMS KYIS KUN TU RTOG PA'I RANG BZHIN CAN DU MI BYA'O, ,LE LO CAN DU MI BYA'O, ,GRONG DANG, GRONG KHYER DANG, GRONG CHUNG DANG, TSONG 'DUS RNAMS NYAMS SU MYONG BAR BYED PA'I RNAM PAR RTOG PA'I RANG BZHIN CAN DU MI BYA'O, ,SPRO BA CHEN POR GYUR PAS LHAN CIG TU GNAS PA DANG, LTA BA LA CHED CHER MI BYA, SLOB MA SDUD PA LA CHED CHER MI BYA'O, ,SDIG PA'I GROGS PO DANG 'GROGS PA'I RANG BZHIN CAN DU MI BYA'O, ,SGRA DANG, REG BYA DANG, RO DANG, GZUGS DANG, DI RNAMS LA CHED CHE BAR GYUR NAS MNGON PAR ZHEN PAS KUN TU CHAGS PAR GYUR PA'I SEMS SU MI BYA'O, ,'GRO BA DANG SPYOD PA RNAMS KUN TU MA BSDAMS PAR MI BYA'O, ,SEMS SHIN TU MYUR BAR BSKAM PAR MI BYA'O, ,BSOD SNYOMS DANG, MAL CHA DANG, STAN DANG, NAD KYI RKYEN SMAN DANG, YO BYAD RNAMS LA MNGON PAR DGA' BAR MI BYA'O, ,CHOS GOS
, ,BKRA BA DANG, 'JO SGEG DANG, KHRUS DANG, MNYE BSUG DANG, SGEG CHOS SU BRJOD PA'I RANG BZHIN CAN DU MI BYA'O, ,THOG MA MED PA'I DUS NAS MUN PA'I TSOGS SU GYUR PA'I NYON MONGS PA'I TSOGS 'DI DAG RNAMS BSREG PAR BYA NUS PA MA YIN NO, KYE MA SHIN TU SDUG BSNGAL BAR 'GYUR BA'I 'KHOR BA GANG YIN PA 'DIR 'GRO BA LNGA'I SGOR YUL DRUG GI 'OD ZER GYI RNAM PAR RTOG PAS SDUG BSNGAL 'BYUNG BAR 'GYUR BAS DE DAG RNAMS DMYAL BA DANG, YI DVAGS DANG, DUD 'GRO RNAMS SU NYI MA RE RE ZHING BYIS PA'I SKYE BO 'DI DAG THAMS CAD 'TSED PAR BYED, SREG PAR BYED, RNAM PAR RLAG PAR BYED PA'I SDUG BSNGAL GYI RGYA MTSO RNAMS SU LHUNG BAR GYUR CING YANG DANG YANG DU DE LTAR 'JUG PAR 'GYUR YANG SKYO BA SKYE BAR 'GYUR BA'ANG MA YIN NO, ,DE LA RNAM PA DE LTA BU'I TSUL KHRIMS RNAMS YONGS SU SPANGS NAS GANG LHAR SKYES PAR GYUR PA RNAMS NI, MCHOG TU BAG MED PAR RGYU BAR 'GYUR RO, , DE'ANG LHA'I 'JIG RTEN RNAMS LAS NYAMS NAS DED DPON GYI MCHOG LAS DE BZHIN DU DED DPON DMYAL BA DANG, YI DVAGS DANG, DUD 'GRO'I 'GRO BA RNAMS SU SKYE BAR 'GYUR BAS SHIN TU SDUG BSNGAL BAR GYUR PA'I 'GYOD PA'I MES SREG PAR BYED DO, ,'DI LA SKYOB PAR BYED PA RNAMS KYANG 'GA' ZHIG KYANG MED DO, ,BAG MED PAR GYUR PA BRGYA'I BAG MED PA
RNAMS KYIS NYE BAR BCOM PAR GYUR PAS 'GYOD PA'I MES BSREGS PAR GYUR NAS DMYAL BA DANG, YI DVAGS KYIS GZHIR SKYE BAR 'GYUR RO, ,DE'I PHYIR JI SRID DU 'CHI 'PHO BA'I DUS KYI SNANG BA MA 'ONGS PAR MA GYUR PA DE SRID DU DAM PA'I CHOS YID LA BYA BA'I STENG DU'ANG SANGS RGYAS DGRA BCOM PA RNAMS THAMS CAD KYI BSTAN PA GANG YIN PA 'DI LA DE DAG RNAMS THAMS CAD NYI MA RE RE ZHING LAN GCIG MA YIN, PHYOGS GCIG MRA YIN PAR BYA BA KHO NA'O, ,BAG MED PAS MCHOG TU BAG MED PAR GYUR PA GANG YIN PA'I LHA DE DAG RNAMS LHAR SKYES PAR GYUR PA NI, MIR GYUR PA THAMS CAD KYIS KYANG TSUL KHRIMS LEGS PAR BSGOMS ZHING LEGS PAR LAS SU BYAS PA DANG, SEMS BZANG POR BYAS PAR GYUR PAS DE SHI NAS SKYES BU LUS ZHIG BAR GYUR TE SHI BA'I 'OG TU LHA RNAMS SU SKYE'O, ,CI BDAG CAG RNAMS LAS CHUNG DUS SKYES PA ZHIG YIN NAM ZHES DE LHAN RNAMS KYIS SHES PA MA YIN PA DE DAG BSTAN PAR BYA BA'I DON DU CHOS BCU GSUM PO 'DI GSUNGS PA YIN NO, ,MI'I 'JIG RTEN PA'I SKYES BU RNAMS DANG LHA RNAMS PHAN TSUN DU RGYUR GYUR PA YIN TE, LHA RNAMS DANG SKYES BU RNAMS KYANG TSUL KHRIMS DANG LDAN PA NI, SHI NAS LHAR SKYE'O, ,LHA'I BAG MED PA RNAMS SHI 'PHOS NAS MI RNAMS SU SKYE'O, ,DE LA RGYU 'DI DAG RNAMS KYIS LHA DANG MI RNAMS LA PHAN PA DANG, BDE BA
, ,DANG, MTHAR MYA NGAN LAS 'DA' BAR 'GYUR BA DANG, 'JIG RTEN PA'I PHAN PA RNAMS KYANG MDZAD PA'I BCOM LDAN 'DAS 'OD SRUNG DES MDO 'DI DAG GSUNGS PA YIN NO, ,DE NAS MU SU LUNDHA LA SOGS PA'I LHA DE DAG RNAMS 'DOD PA LA MCHOG TU YID BYUNG BAR GYUR PAS 'DOD PA RNAMS MI YIN ZHING 'DOD PA'I MTHA' LA'ANG MI 'JUG GO, BCOM LDAN 'DAS DANG BCOM LDAN 'DAS KYI MCHOD RTEN DE LA'ANG RAB TU DANG BA'I YID DANG LDAN PA'I MGO BOS PHYAG BTZAL NAS THAMS CAD JI LTAR 'ONG BA DE LTAR PHYIR SONG NGO, , BCOM LDAN 'DAS 'OD SRUNG GI MDO RDZOGS SO, ,MDO DRUG PA DANG TSOGS PA RGYU BA NA RNAM PAR RGYU BA'I SA'ANG RDZOGS SO,, ,,DE NAS LHA DE DAG RNAMS BCOM LDAN 'DAS 'OD SRUNG GI MCHOD RTEN DE LAS PHYIR 'ONGS BAR GYUR PA GANG GI TSE DE MU SU LUNDHA LA 'DRI'O, ,LHA JI LTAR RNAM PA GANG GIS KHYOD KYIS MCHOD RTEN DE MTHONG, DE NAS LHA DE RNAMS KYI DRUNG NAS THOS PAR GYUR NAS MU SU LUNDHA DE SA 'DI SKAD CES SMRAS TE, NGAS RNAM PA GANG DAG DANG RGYU MTSAN DANG BCAS PAS MCHOD RTEN DE DAG MTHONG BAR GYUR PA JI LTA BA BZHIN DU MNYAN PAR GYIS SHIG ,DE LA SNGON LHA'I 'JIG RTEN DU NGA SNGON SKYES NAS BAG MED PA SPYOD PA YUL LA CHED CHER BYED PA 'DOD PA LNGA'I ZHAGS PAS KUN NAS BCINGS PAR GYUR
PAS NGAS 'THAB BRAL DE DAG RNAMS THAMS CAD PHYIR ZHING LTA BAR BYED DE, RTZE BAR GYUR CING 'DOD PA'I YON TAN LNGA DANG BCAS SHING YANG DAG PAR LDAN PAS RTZE BA DANG KUN TU SPYOD PAR BYED DE; NAGS NAS NAGS DANG, RI BO'I NGOS NAS RI BO'I NGOS RNAMS DANG, PADMA'I RDZING BU NAS PADMA'I RDZING BU DANG, BUNG BRGYA CHE BA NAS BUNG BRGYA CHE BAR LHA MO BRGYA STONG DU MAS YONGS SU BSKOR BA DE BZHIN DU RGYAN DANG CHA BYAD DANG LDAN PA'I LHA BRGYA STONG GIS KUN TU GANG BAR GYUR PAS MDUN NA GAR BYED PAR GYUR, GLU LEN PAR GYUR, RGOD PAR BYED PAR GYUR, 'GYING PAR BYED PAR GYUR PAS YONGS SU BSKOR BAS LHA'I 'JIG RTEN 'DI THAMS CAD DU BDAG CAG 'GRO STE, YUL RNAMS LA DANG CHE BAR GYUR PA, 'DOD PA'I YON TAN LNGA LA DGA' PA'I SRED PAS 'KHRID PAR GYUR PA STE, DE LA BDAG NGOMS PA MED PAR GYUR NAS 'GRO BA DANG, SPYOD PAR BYED PA'I 'GROS THOGS PA MED PAR GYUR PA LA 'DI LTA STE, CHU LA DANG PA'I RGYAB NAS DANG PA'I RGYAB DANG, K'A RAndA BA'I RGYAB NAS K'A RAndA BA'I RGYAB DANG, BAL LA'I NI'I RGYAB NAS BAL LA'I NI'I RGYAB DANG, PADMA'I NANG NAS PADMA'I NANG DANG, RLABS NAS RLABS GZHAN RNAMS LA'ANG RTZE BAR BYED DE, JI LTAR 'DOD PAR 'DOD PA RNAMS LA SPYOD PA THAMS CAD DU 'BYING BA MED PAR 'GRO BA THAMS CAD 'GYING BA DANG, RGOD PA DANG BCAS PA
, ,MCHOG TU DGA' BA'I YID KYIS BDAG RGYU'O, ,DE BZHIN DU 'ANG BDAG GAL TE DGA' BA BRGYAS RTZA BA'I DBANG DU BYAS NAS BDAG NYID RANG THANG GI GSHONG NA LEGS PAR GNAS PAR GYUR PA LA LHA BRGYA STONG GIS YONGS SU BSKOR NAS BDAG RTZE STE, RI NAS RI, RI BO'I RTZE NAS RI BO'I RTZE, PHUG NAS PHUG TU, SKYED MOS TSAL NAS SKYED MOS TSAL DU, RI KHROD NAS RI KHROD DU'O, ,DE KHO NA BZHIN DU NGA THAMS CAD DU THOGS PA MED PAR 'GRO BAS RNAM PAR SBYONG PA YIN NO, ,DE BZHIN DU NAM MKHA' LA YANG KHANG PA BRGYA STONG GIS YONGS SU BSKOR BAR GYUR NAS LHA BRGYA STONG GIS GANG BAS ROL MO'I SGRA DANG, GAR DANG, GLU DANG, DGOD PA DANG, 'GYING BA DANG LHAN CIG TU LHA'I 'JIG RTEN 'DI MA LUS PAR RTZE BAR GYUR PAS MTHONG STE, YUL GYI CHA DPE MED PAR GYUR PA RIN PO CHE BDUN DANG LDAN PA DE'I 'OD KYIS NYE BAR MDZES PAR GYUR PA'I YUL GYI CHA DANG, DE BZHIN DU RI'I RTZE MO RNAMS LAS GZHAN DU'ANG MTHONG BA PADMA BRGYA STONG DU MA SKYES PA'I KLUNG RNAMS KYIS LEGS PAR RNAM PAR PHYE BA'I PHYOGS KYI CHA DANG, DE KHO NA BZHIN DU NGAS KYANG MTHONG BA LHA'I TSOGS KYIS YONGS SU BSKOR BAR GYUR NAS NAM MKHA'I DKYIL NA LEGS PAR GNAS PA, 'DOD PA'I YON TAN THAMS CAD DANG LDAN PA, LHA'I
'JIG RTEN 'DI RGYA CHEN POR KHANG BU BRGYA STONG GIS YONGS SU BSKOR BAR GYUR BAS THAMS CAD LA KUN TU THOGS PA MED PA RANG 'GRO BAR BYED DE, CHU DANG, THANG DANG, DE BZHIN DU NAM MKHA' DANG GSUM LA'ANG DE LTAR RTZE BAR GYUR PA NA 'GA' ZHIG NA BDAG GIS RING BA NAS MTHONG BAR GYUR PA LA 'OD ZER DE DAG RNAMS THAMS CAD ZIL GYIS GNON PAR SKYED PA'I 'OD ZER DRUG GI RANG BZHIN GYI RIR GYUR PA, NAM MKHA'I DKYIL BRTOL BAR GYUR NAS RAB TU 'BAR BAR BYED DE, DE LAS NGA'I NGO MTSAR BA 'PHANGS PA'I YID MNYAM PAR MA BZHAG PAR GYUR PAS 'DI SNYAM DU SEMS PAR GYUR TE, RMAD DU BYUNG BA GZHAN 'DI DAG RNAMS CI ZHIG MTHONG BAR GYUR NANG RANG KHANG BU'I PHRENG BA RNAMS KYIS YONGS SU BSKOR BAR GYUR PAS RINGS PA NYID DU NAM MKHA' LAS GANG NAS 'OD ZER DRUG PA DE DAG MTHONG BAR GYUR PA DANG PHYIN PAR 'GYUR RO, ,PHYIN PAR GYUR NAS KYANG 'OD DE DAG RNAMS KYI DRUNG DU BDAG CAG KHANG PA THAMS CAD DANG BCAS MA RNAMS LHAN CIG TU NAM MKHA'I DBYINGS LAS LHUNG BAR GYUR NAS SA GZHI LA RAB TU LTUNG NGO, ,'ON KYANG NYAMS PAR GYUR NAS DE LA NGA 'DI SNYAM DU SEMS PAR GYUR TE, 'DI CI ZHIG YIN PAR GYUR NA, CI RANG NYID KYI GZI BRJID YIN PAR 'GYUR RAM, GANG GIS BDAG CAG LHA'I TSOGS RNAMS THAMS CAD DANG BCAS PA NAM MKHA'I
, ,DKYIL NAS LHUNG BAR GYUR CING 'OD KYANG KUN NAS NYAMS PAR BYAS PAR GYUR TO, ,DE LA BDAG GIS DE LTAR BSAM PA DANG, 'DUL BAR GYUR PA YANG RNAM PAR YANGS PA ZHES BYA BA'I MING CAN GYI LHA SHIN TU SNGA BA NA SKYES PAR GYUR PA DE LA'ANG DON 'DI DAG RNAMS DRIS SO, ,DES BRJOD PAR GYUR PA, 'DI DAG NI, LHA'I ZHAL SNGA NAS KYANG MA YIN LA; 'DI DAG NI, YUL GYI SKYON YANG MA YIN ZHING BAR CHAD RNAMS 'BYUNG BAR 'GYUR BA'ANG MA YIN GYI, GANG GIS KHYOD LHA'I TSOGS RNAMS THAMS CAD KYIS YONGS SU BSKOR BA RNAMS NAM MKHA'I DKYIL NAS LHUNG BAR GYUR PA GANG YIN PA DE DAG GI RGYU MTSAN RNAMS NYON MDZOD DANG, GZHAN YANG SNGON LHA RNAMS KYI BDAG POR GYUR PA GANG YIN PA DE DAG RNAMS KYANG GNAS 'DIR CHUD ZOS PAR GYUR TE, SHIN TU YANG NAM MKHA'I DKYIL NAS LHUNG BAR GYUR TO, ,KHYOD KYANG THOS PA DANG MI LDAN PA'I RGYUS KHYOD KYIS MI SHES PAS YUL PHYOGS 'DI DAG TU 'OD ZER DE DAG RNAMS LAS RGYAL BAR MI NUS PAS LHUNG BAR GYUR PA YIN NO, ,DE NYID KYI RGYU MTSAN DE DAG RNAMS BDAG GIS MNGON PAR BRJOD PAR BYA'O, , DE DAG GI RNAMS KYI RGYU GANG YIN PA DANG, GNAS DE DAG NI, DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA GANG DAG LHA RNAMS KYI YANG LHAR,
GYUR PA 'JIG RTEN THAMS CAD KYI DE KHO NA RIG PAR GYUR PA DE DAG RNAMS KYIS TSOGS PA RGYU BA NA RNAM PAR RGYU BA'I LHA RNAMS KYIS 'DIR LHA DANG MI RNAMS LA PHAN PAR 'GYUR BA'I MCHOD RTEN DRUG MDZAD PA YIN LA, MCHOD RTEN DGE SBYONG RNAMS KYIS SGRUB PAR MI NUS PA DE DAG RNAMS KYI RIM PA SGRUB PA DE DAG NI, RGYU GANG GI PHYIR DE DAG RNAMS KYI DRUNG NA CHES KHYAD PAR DU 'PHAGS PAR GYUR PA GZHAN NI, 'GA' ZHIG KYANG MED PA'I PHYIR NA DE DAG RNAMS KYI MCHOD RTEN 'DI DAG RNAMS NI, 'GONG BAR BYAR MI NUS SO, ,RGYU 'DIS NA KHYOD KYANG LHUNG BAR 'GYUR BA YIN ZHES NGA LA RAB TU RNAM PAR YANGS PA DES BRJOD DO, ,DE NA CI ZHIG KUN TU GNAS PAR GYUR PA YIN, DES NGA LA YANG BRJOD PA, DE DAG RNAMS DANG MTSUNGS PAR GYUR PA'I DKA' THUB NI; 'KHOR BA NA 'GA' ZHIG KYANG YOD PA MA YIN TE, DE DAG RNAMS NI, THAMS CAD MKHYEN PA, THAMS CAD GZIGS PAR GYUR PA, DE DAG GIS 'DOD PA RNAMS KYI NYES DMIGS MNGON PAR MKHYEN CING, 'KHOR BA'I SDUG BSNGAL RNAMS KYANG MKHYEN PAR GYUR NAS BSKAL PA GRANGS MED BA GSUM DU PHA ROL TU PHYIN PA DRUG PO RNAMS LA DKA' THUB SPYAD PAS, THAMS CAD MKHYEN PA THOB PAR GYUR NAS YONGS SU MYA NGAN LAS 'DAS PAR GYUR PA NI, SHIN TU MDOR BSDUS PA YIN NO, ,GAL TE KHYED RNAMS NYAN PAR 'DOD
, ,NA TSOGS PA RGYU BA NA RGYU BA'I SA NA GNAS PA'I MCHOD RTEN DE DAG BLTA BAR GYIS, DE NAS RNAM PAR YANGS PA DE'I DRUNG NAS TSIG 'DI DAG RNAMS THOS PAR GYUR NAS NGA NGO MTSAR BAS CHED CHE BAR GYUR PA LA MA MTHONG BA DANG, ZIL GYIS MNAN PAR YANG GYUR NAS RNAM PAR YANGS PA DE DANG LHAN CIG TU DANG, LHA GZHAN RNAMS DANG YANG MCHOD RTEN DE DAG RNAMS SU RAB TU BRGYUS PAR GYUR CING GANG GIS BDAG CAG 'KHOR BA LAS SGROL BA'I CHOS KYANG THOS SO, ,THABS 'DI DAG RNAMS KYI MCHOD RTEN 'DI MTHONG BAR GYUR PA DANG, GANG BCOM LDAN 'DAS DE DAG GIS BSTAN PA'I LHA DANG MI RNAMS LA PHAN PAR GYUR PA 'DI DAG RNAMS KYANG THOS SO, ,DE NAS LHA DE DAG RNAMS KYIS 'THAB BRAL BA'I MNGA' BDAG DE'I TSIG RNAMS THOS PAR GYUR NAS GANG YANG SA GZHAN DAG PA RNAMS NI, DE DAG RNAMS SU LEGS PAR NYE BAR SONG NGO, ,MU SU LUNDHA YANG RANG GIS LA RAB TU ZHUGS PAR GYUR TO, ,MCHOD RTEN RTOGS PA RDZOGS SO,, ,,GZHAN YANG DGE SLONG LAS KYI 'BRAS BU RNAM PAR SMIN PA SHES PA DES 'THAB BRAL BA RNAMS KYI LAS LA KUN TU LTA BAR BYED DO, ,DES 'THAB BRAL BA RNAMS KYIS RAB TU RNAM PAR 'DRES PA'I KHOR YUG NA RGYU BA ZHES BYA BA JI LTA BA BZHIN DU YOD PA THOS PA LAS BYUNG BA'I SHES RAB KYIS
MTHONG BAR GYUR TE, DER LAS GANG DAG GIS SEMS CAN RNAMS SKYE BAR 'GYUR BA YANG DES THOS PA LAS BYUNG BA'I SHES RAB KYIS MTHONG BA JI LTAR GANG DAG GIS SHES RAB KYI DGE BA RNAMS LA SPYOD PA DGE ZHING BDE LEGS SU GYUR PAS SROG GCOD PA DANG, MA BYIN PAR LEN PA'ANG SPANGS PAR GYUR PA RNAMS NI, SNGAR BZHIN TE, 'DOD PA LAS LOG PAR G-YEM PA'ANG RNAM PA THAMS CAD DU YONGS SU SPANGS PAR GYUR PA LA 'DI LTA STE, NAGS SU SONG BAR GYUR PA NA'ANG GANG GI TSE BYA RNAMS 'DOD PA GSAL BAR BYED PA SNYAN PAR 'GROGS PA PO SGRA SNYAN PA DANG LDAN PA RNAMS MTHONG BAR GYUR LA, DE'ANG MCHOG TU 'DOD PA SKYED PAR BYED PAR TSIG RNAMS 'DON PAR BYED PA DANG PHYI BZHIN 'BRANG BAR YANG DANG MO DAG RNAM PAR RGYU'O, ,RNAM PA SNA TSOGS PA'I KHA DOG GI SGRO DANG LDAN PA SKYE BO THAMS CAD KYI YID 'PHROG PAR GYUR PA'I 'DOD PA SKYED PAR BYED PA DE DAG RNAMS KUN TU MTHONG BAR GYUR NAS KYANG YID LA SGOM PAR MI BYED DO; ;RNAM PAR RTOG PAR MI BYED DO, ,DE RNAM PA DE SRID DU TSUL KHRIMS RNAM PAR DAG PAR GYUR PA YIN NA, 'DOD PA LA LOG PAR G-YEM PA NYID CI'I PHYIR NA BYED PAR 'GYUR RO, , 'DOD PA LA LOG PAR G-YEM PA RNAMS RNAM PAR SPONG BAR BYED PA PO YONGS SU DAG PA'I TSUL KHRIMS RNAMS DANG LDAN PA RNAMS NI, LUS ZHIG NAS SHI BA'I 'OG TU MTHO RIS BDE 'GRO'I
, ,'JIG RTEN RNAM PAR 'DRES PA'I 'KHOR YUG NA RGYU BA'I SA 'DIR SKYE'O, ,DER SKYES PA YANG 'DOD PA'I YON TAN THAMS CAD KYIS CHES STOB PAR GYUR PA BDE BA'I CHU BO RGYA CHEN PO RNAMS 'JUG PAR GYUR PA, GANG YANG DGA' BAR 'GYUR BA'I GSER DANG, RIN PO CHE BEE d'URYA DANG, AINDRA N'I LA DANG, PADMA DMAR PO'I LJON SHING GIS NYE BAR MDZES PA, 'BAB CHU DANG CHU RLUNG DANG RDZING BU SNA TSOGS PAS KUN TU GANG BAR GYUR PA GANG GIS LEGS PAR BYAS PA'I LAS KYI MTHA'I LAS SPYAD PA RNAMS 'DI STEN PAR BYED PA, NAGS DMAR PO ZHES BYA BA'I NAGS YIN TE, NAGS GANG LA LHA RNAMS RAB TU DGA' BAR 'GYUR BA'O, ,DE'I TSE LJON SHING DE DAG RNAMS KYI 'OD KYIS SNA TSOGS PA'I KHA DOG TU GYUR CING RIN PO CHE SNA TSOGS PA RNAMS KYI 'OD KYIS BRGYAN PA DANG, CHA BYAD SNA TSOGS 'DZIN PAR YANG GYUR NAS GANG GI TSE NAGS DE NA RAB TU DGA' BAR 'GYUR RO, ,SHING DE DAG RNAMS KYI 'OD DE DAG GIS KYANG NYE 'KHOR DU RIN PO CHE MCHOG RNAMS DANG LDAN PAR 'GYUR RO, ,NAGS DE'ANG PADMA R'A GA'I NAGS DANG, KAR KE TE'I NAGS SU GYUR PA KHA DOG DANG REG BYA'ANG BDE BAR GYUR PA DANG KHA DOG DE DAG DANG LDAN PA'I SHING DE DAG RNAMS LA DRIL BU G-YER KHA'I SGRA SGROG PA DANG, MU TIG GI DRA BAS G-YOGS PAR GYUR PA, SHING DE DAG RNAMS
LA JI LTAR 'DOD PA'I 'BRAS BU DANG LDAN PA, JI LTAR 'DOD PA'I BTUNG BA 'BAB PA JI LTAR 'DOD PAS 'GRO BAR 'GYUR RO, ,GANG LA LHA DE DAG RNAMS DGA' BAR 'GYUR BA DE LA SEMS BSKYED PA DANG LHAN CIG NYID DU SHING DE DAG RNAMS NYID LAS 'BYUNG BAR 'GYUR TE, SNA TSOGS PA'I RNGA DANG ROL MO'I SGRA KUN TU SGROG PA'I YAL GA RNAMS LA 'GRO'O, ,NYE 'KHOR KUN TU SNANG BAR BYED PA'I 'DAB MA DANG YAL GA DANG LO MA DANG TSI'U PA RNAMS LA LHA'I BU MO'I TSIGS KYIS YONGS SU BSKOR BAR GYUR NAS DE DAG RNAMS NAM MKHA' LA NYE BAR 'PHAGS PA'I SHING DE DAG RNAMS NYI MA MANG PO RNAMS BZHIN DU NAM MKHA' THAMS CAD DE DAG GIS RNAM PAR SNANG BAR BYED DO, ,GZHAN YANG MDOG DMAR POR GYUR PA'I SHING DE DAG RNAMS NYID LAS BZHON PA 'BAB PA'I CHAR RNAMS KYIS DE DAG CHAR BZHIN DU NAM MKHA'I YUL MA LUS PA RNAM PAR MDZES PAR BYED DO, ,DRIL BU G-YER KHA'I SGRA SGROG PA DANG, MTHO RIS KYI BYA YANG RGYU ZHING SGRA 'DON PAR GYUR PA RNAMS DANG, 'JO SGEG PA'I RMA BYA'I SGRAS NYE BAR BSGOS PA RNAMS KYIS LEGS PAR RTOGS PA BZHIN DU NAM MKHA' MA LUS PA RNAMS RNAM PAR MDZES PAR BYED DO; ;DE NAS LHA DE DAG RNAMS SHING DE DAG RNAMS MNGON DU BYAS PA LA LEGS PAR BRTEN PAR GYUR NAS MNGON DU LEGS PAR MTHONG BA SNA TSOGS KYIS YONGS SU BSKOR BA, PHAN
, ,TSUN DU GROGS KYI BYA BA DANG LDAN PA RGYAGS PA LA DON GCIG BAR GYUR PA JI LTAR PHAN PAR 'GYUR BA'I LAS RNAMS LA LONGS SPYOD PAR BYED DO, ,RGYAGS PAR GYUR PA'I BU MO BRGYA STONG DU MA'I TSOGS KYIS YONGS SU BSKOR NAS GLU DANG RNGA SGRA DANG ROL CHA DANG LHAN CIG RANG DBANG DU LHA DE NAM MKHA'I DKYIL DU 'PHAGS PAR GYUR PA NA, DE DAG GI SNGON NA LJON SHING DE DAG RNAMS LAM STON PAR BYED PA PO BZHIN DU 'GRO'O, ,DE NAS LHA DE DAG 'DI SNYAM DU SEMS TE, LJON SHING DE DAG RNAMS GANG LA YANG BDAG GIS ZHON PAR NI, MA GYUR TO, ,SEMS SKYES PAR GYUR PA TZAM NYID NA LJON SHING DE DAG RNAMS LHA RNAMS ZHON PA'I DBANG DU BYAS NAS LJON SHING DE DAG RNAMS SDOD PAR GYUR TO, ,DE NAS LHA DE DAG RNAMS LJON SHING DE DAG RNAMS LA ZHON PAR BYED DE, KHA CIG NI, YAL GA LA LEGS PAR GNAS NAS DGA' BAR BYED LA DE DAG JI LTAR 'DOD PA BZHIN DU 'GYUR RO, ,JI LTAR YANG YAL GA DAG LA PADMA'I RDZING BU RAB TU 'BYUNG BAR 'GYUR TE DE DAG SEMS BSKYED PA TZAM NYID NA PADMA'I RDZING BU DE DAG RNAMS RAB TU 'BYUNG BAR 'GYUR BA GANG LA LHA DE DAG RNAMS 'KHOR DANG BCAS PA DGA' BAR BYED PA DANG, KUN TU SPYOD PAR BYED PAR YANG BYED DO, ,DE DAG 'KHOR DANG BCAS
PA RNAMS RGYAGS SHING 'DOD PA THAMS CAD KYIS BDE BAR GYUR PAS LHA RNAMS YAL GA LA SONG BAR GYUR NAS NAGS DMAR PO NA DGA' BAR BYED DO, ,GZHAN YANG LHA GANG DAG GANG LA GSEB TU SONG BAR GYUR PA DE DAG RNAMS KYANG GANG DE KHO NA BZHIN DU 'GYUR RO, ,DE BZHIN DU KHA DOG DE DAG RNAMS LA KHYIM DANG KHANG BU 'DI DAG RAB TU 'BYUNG BAR 'GYUR RO, ,DES SEMS BSKYED PA TZAM NYID NA KHYIM DE DAG RAB TU RAB TU 'BYUNG BA YIN TE, RIN PO CHE SNA TSOGS PA RNAMS KYIS RNAM PAR BKRA BAR GYUR PA'I CHA SHAS DGA' BAR GYUR PA'I DRIL BU G-YER KHA'I DRA BA RNAMS KYIS KHYAB PAR GYUR PA THAMS CAD DU'ANG PADMA'I RDZING BU RNAMS KYIS NYE BAR MDZES PAR GYUR PA, MU TIG GI DRA BA RNAMS KYIS MTHONGS G-YOG PA DANG, NOR BU'I RTA BABS KYIS MDZES PAR GYUR PA DANG, RIN PO CHE SNA TSOGS PA RNAMS KYI SGROS MDZES PAR GYUR PA, RNAM PA SNA TSOGS PA'I STAN RNAMS DANG, NANG GI NYE BAR MKHO BA RNAMS KYIS NYE BAR MDZES PA, KHYIM GYI NANG NA SEMS GANG LA MDZES PAR GYUR PA DE DAG LA LHA RNAMS DGA' BAR BYED PA DANG PHAN TSUN G-YOG TU GYUR PAS RTZE BAR YANG BYED DO, ,PHAN TSUN GNON PA MED PAR GYUR PA'I LHA RNAMS NYID KYI PHUNG PO 'DI LTA STE, MDZA' BO'I PHUNG PO NYID DANG, KHA CIG NI, 'GA' ZHIG DANG MDZA' BO MA YIN PAR 'GYUR BA'AM, BAR MAR
, ,GNAS PAR YANG 'GYUR TE, LAS RNAMS SHIN TU NGAN PA'I PHYIR RO, ,LAS CHEN PO DAG RNAMS NYID NI, MED LA LEGS PAR BYAS PA'I LAS KYI 'BRAS BU 'DI LTA STE; THAMS CAD DU MANG BA ZHES BYA BA'O, ,DES NA LHA DE DAG PHAN TSUN DU PHUNG PO GCIG TU GYUR NAS DGA' BAR BYED DO, ,NAGS DMAR POR RTZE BAR BYED DO, ,LAS RNAMS MCHOG TU RGYA CHE BAR GYUR PAS 'DOD PA THAMS CAD PHUN SUM TSOGS PA LA RANG JI LTAR 'DOD PAR SPYOD PAR GYUR PAS NAM MKHA'I DKYIL KUN TU RGYU BAR GYUR PA NA BDE BA MANG PO DU MA RNAMS KYIS MNGON PAR DGA' BA DE DE LTAR GNOD PA MED PAR GYUR PA RNAMS NAM MKHA'I DKYIL DU MNGON PAR DGA'O, ,GZHAN YANG GANG DAG NAM MKHA'I PHYOGS GCIG TU 'ONGS PAR GYUR NAS DE NYID GZHAN YANG GNAS DE NYID DU 'GRO BAR BYED DO, ,'BAB CHU DANG RDZING BU SNA TSOGS PAS KUN TU GANG BAR GYUR PA DE BZHIN DU LHA'I BU MO'I TSOGS RNAMS KYIS YONGS SU BSKOR BA'O, ,GZHAN YANG DGA' BAR GYUR PAS GANG NA LJON SHING KUN TU 'KHRIS PA'I NAGS ZHES BYA BA GZHAN DER 'GRO BAR BYED DO, ,NAGS DE'I NYE 'KHOR RNAMS NA'ANG MCHOG TU DGA' BAR GYUR PA'I 'BAB CHU DANG 'O MA'I KLUNG RNAMS KYIS NYE BAR MDZES PAR GYUR PA'O, ,'O MA DE'I YANG GZI BRJID 'DI DAG YIN TE, LHA GANG DAG GAL TE
GSHER MA 'THUNG PAR BYED PA RNAMS DES SKYE BA GZHAN DRAN PAR 'GYUR RO, ,JI LTAR BDAG CAG SKYE BA GZHAN DAG NAS SHI 'PHOS PAR GYUR NAS DE DAG LA SKYES PA 'DI GAL TE BAG MED PAR GYUR NA DE'I SDUG BSNGAL RNAMS KYANG RNAM PA DU MAR 'GYUR BAR THOS NAS MCHOG TU NYAM NGA BAR 'GYUR RO, ,DE NYAM NGA BAR GYUR PAS BAG MED PA RNAMS SPANGS NAS CHOS RJES SU SGRUB PAR BYED PAR 'GYUR TE, 'O MA DE MYANGS PAR GYUR PA LAS DE DAG RNAMS KYI DON CHEN PO RDZOGS PAR 'GYUR RO, ,DE LTAR 'O MA DE 'THUNGS NAS SLAR YANG SHING 'KHRIL BA'I NAGS DE NYID DU 'JUG NA, 'BAB CHU DANG RDZING BU RNAMS DANG PADMA'I TSAL SNA TSOGS PA PHUN SUM TSOGS PA BYA'I TSOGS DU MAS YONGS SU GANG BAR GYUR PA ME TOG GI TSOGS RNAMS DANG NYE BAR RUNG BAR GYUR PA'I 'KHRI SHING RNAMS KYIS NYE BAR MDZES PA DANG, BUNG BA RNAMS KYANG RIN PO CHE SNA BDUN GYI RANG BZHIN DANG LDAN PA'I MCHOG TU GYUR PA RNAMS PHAN TSUN GYI NYE 'KHOR RNAMS KYI PADMA'I TSAL NAS PADMA'I TSAL RNAMS DANG LJON SHING GI GSEB NAS LJON SHING GI GSEB TU'O, ,SHING DE DAG RNAMS KYANG MCHOG TU LEGS PAR GNAS PAR GYUR PA; BEE d'URYA'I SDONG BU DANG, PADMA R'A GA'I 'DAB MA, 'BRAS BU RNAMS NI, GSER BTZO MA'I MDOG DANG MTSUNGS PAR GYUR PA, RO RNAMS KYANG RNAM PA DE SRID NYID DE, 'BRAS
, ,BU DE DAG RNAMS KYI RO GANG YIN PA NI, GZHAN RNAMS THAMS CAD KYI DRUNG NA BLA LHAG PAR GYUR PA YIN NO, ,RLA RNAMS JI LTAR 'DOD PA BZHIN DU'ANG 'BRAS BU DE DAG RNAMS LAS 'BYUNG NGO, ,RO GANG DANG GANG LA SRED PAR GYUR PA DE KHO NA BZHIN DU RNAM PA DE SRID DU RO RNAMS 'BYUNG BAR 'GYUR RO, ,DE DAG MED PAR GYUR NAS SLAR YANG DE DAG GAR BYED PAR 'GYUR ZHING MCHOG TU DGA' BAR GYUR PA'I YID KYIS GANG NA BTUNG BA'I NAGS ZHES BYA BA'I NAGS YOD PA DER KUN TU 'GRO'O, ,SHING DE DAG RNAMS LAS KYANG LHA RDZAS KYI RO DANG DRI DANG KHA DOG MCHOG TU YID DU 'ONG ZHING MCHOG TU PHAN PAR GYUR PA GANG RJOD PA DE DAG RNAMS YONGS SU 'BAB PAR 'GYUR RO, ,JI LTAR GANG DANG GANG DAG LA CHAR RNAMS YONGS SU SMIN PAR BYED PA DE BZHIN DU BTUNG BA RNAMS KYANG SHING DE DAG LAS 'BAB PA'O, ,BTUNG BA DE 'THUNGS NAS DE SLAR YANG RAB TU RANGS PA CHES LHAG PA'I YID DU 'GYUR RO, ,BTUNG BAS RGYAGS PAR GYUR PA'I LHA SNA TSOGS PA'I RNGA DANG GLU SGROG PAR BYED DO, ,GZHAN DANG RANG NYID KYI 'OD DANG LDAN PA, 'OD DANG CHA BYAD DU MA RNAMS KYIS RGYAN DU BYAS PA'I LUS CAN GYI LHA'I BU MO DAG GIS PHYI BZHIN 'BRANG BAR GYUR PAS 'GYING BAR GYUR PA, RGOD PAR GYUR NA GANG NA PADMA R'A GA'I NAGS YOD PA DER
NYE BAR LEGS PAR 'GRO'O, ,NAGS DE YANG DPAG TSAD LNGA BRGYAR RIN PO CHE LNGA RNAM PA SNA TSOGS PA'I RANG BZHIN GYI DRI SHIN TU ZHIM PA'I PADMAS NYE BAR MDZES PAR GYUR PA, PADMA GLANG PO'I NAGS DE NA'ANG GZHAN NI, CUNG ZAD KYANG YOD PA MA YIN GYI, PADMA DE DAG RNAMS LAS MA GTOGS PA STE, DE DAG RNAMS LAS SEMS SHIN TU CHAGS PAR GYUR PA'I GLANG PO RNAMS PADMA ZA BAR GYUR PA DE DAG RNAMS PHAN TSUN DU LHAN CIG PAR GLANG MO RNAMS KYIS YONGS SU BSKOR NAS SHIN TU GTZANG BAR GYUR PA'I CHU YANG YON TAN BDUN DANG LDAN PA CHU BAL GYI SKYON RNAMS DANG BRAL BA, 'DAM GYI DRI MA'I SKYON [?] RNAMS DANG BRAL BA, RING BA DANG THUNG BA'I SKYON DANG BRAL BA, DANG BAR GYUR PA REG NA BDE BAR GYUR PA STE, JI LTA JI LTAR GLANG PO DE DAG 'DOD PAR 'GYUR PBA'I RNAM PA DE LTA BU'I REG BYAR 'GYUR RO, ,GANG L GLANG PO DE DAG RNAMS DE LTAR GLANG MO RNAMS DANG BCAS NAS RTZE BAR GYUR PA NA LHA DANG LHA MO 'DI DAG RNAMS KYIS KYANG RTZE BAR GYUR PA'I GLANG PO DE DAG RNAMS MNGON PAR MTHONG NAS GZHAN YANG LHA DE DAG RNAMS RAB TU RANGS PAR GYUR PA'I YID KYIS NAM MKHA'I DKYIL NAS GLANG PO'I NAGS DANG PADMA'I NAGS SU YANG 'JUG GO ,PADMA'I NAGS DE NA LHA MO RNAMS KYI GLU DANG, LHA DE DAG RNAMS KYI GLU'I SGRA RNAMS KYANG RNAM PAR SUN 'DON PAR BYED PA'I SGRA GLANG PO RNAMS KYI NANG
, ,NA NGAR BSKYE [?] MA PA LTA BUR GYUR PA'I SGRAS NYE 'KHOR KUN NA LEGS PAR GLU LEN PA BZHIN DU MTHO RIS NYE BAR RNYED PAR GYUR TE, RI DANG TSANG CHING RNAMS LAS KYANG SGRA BRNYAN GYI SGRA RNAMS THOS PAR GYUR NAS LHA DE DAG RNAMS KYANG GANG NA PADMA'I NAGS ZHES BYA BA'I NAGS YOD PA DER RNAM PA SNA TSOGS PA'I RGYAN GYIS RNAM PAR 'BAR BAR GYUR PA'I LUS CAN RNAMS NYE BAR 'GRO'O, ,LHA'I BU MO'I TSOGS RNAMS KYIS YONGS SU BSKOR NAS DE KHO NA BZHIN DU LHA DE DAG RNAMS PADMA'I NAGS SU RTZE BAR BYED DO, , GANG YANG GZHAN DAG RI'I PHUG DANG TSANG TSING RNAMS LAS 'ONGS PA DE DAG RNAMS THAMS CAD PHAN TSUN DU MNGON PAR MTHONG NAS RAB TU CHES DGA' BAR GYUR PA'I YID CAN RNAMS LHA DANG LHA MO'I TSOGS KYIS GANG BAR GYUR PA RNAMS GLANG PO CHE RNAMS DANG LHAN CIG TU CHU'I RTZED MO LA DGA' BAR BYED DO, ,DE DAG DE LTAR DGA' BAR GYUR PA'I LHA DANG LHA MO'I TSOGS KYIS GANG BA RNAMS DUS YUN RING BAR DGA' BAR BYED CING GAR YANG BYED DO, ,DE LTAR DE DAG RNAMS BAG MED PAR GYUR PAS LEGS PAR BYAS PA'I LAS RNAMS ZAD PAR 'GYUR RO, ,SHIN TU MYUR BAR TSE ZAD PAR 'GYUR BA'I JI LTAR GANG DAG LHA'AM LHA MO YANG LEGS PAR BYAS PA'I BSOD NAMS RNAMS SHIN TU ZAD PAR GYUR
PA NA DE GANG GI TSE PADMA LA ZHON PAR BYED PA DE'I TSE PADMA'I NAGS DE CHUR 'BYING BAR 'GYUR ZHING 'CHAG PAR YANG 'GYUR BA NI, LHA'AM LHA MO'I YANG BSOD NAMS ZAD PA'I MTSAN NYID GCIG YIN NO, ,LHA'AM LHA MO'ANG RUNG STE BSOD NAMS ZAD PAR GYUR PA'I MTSAN NYID GZHAN YANG YOD DE, GANG ZHE NA, DE 'DI LTA STE, LHA'AM LHA MO YANG RUNG STE, GAR BYED PAR GYUR PA'I GLANG PO CHE'I RGYAB TU ZHON PAR BYED DO, ,DE'I TSE GLANG PO CHE DES MI BZOD PAR 'GYUR BA'AM DE'I RGYAB LAS LHUNG BAR 'GYUR RO, ,DE DAG NI, LHA DANG LHA MO RNAMS KYANG RUNG STE, BSOD NAMS ZAD PA'I RGYU MTSAN GZHAN YIN NO, ,DE LA LHA'AM LHA MO YANG RUNG STE, BSOD NAMS ZAD PA'I RGYU MTSAN BYUNG BAR GYUR CING DE LA BAG MED PAR RGYU MTSAN GYI SKYON GYIS GLANG PO CHE RNAMS 'GROR MI NYAN NO, ,DE NAS GANG DAG CHES BAG MED PAR GYUR PA DE DAG GI YID LHA RNAMS KYIS RTOGS PAR GYUR TO, ,RGYU MTSAN DAG BYUNG BAR GYUR NAS TSIGS SU BCAD PA BRJOD PA JI LTAR, RAB TU LHUNG NGO DUS CHEN PO, ,GSON PA YANG NI RNAM PAR BZLOG ,TSE YANG YONGS SU ZAD BYED PA, ,BYIS PAS KYANG NI GO BA YIN, ,YUL RNAMS SGRUB PAR BYED PA LA, ,YID NI NGOMS PA MA YIN NO, ,DBANG PO YANG MIN YUL GYIS NI, ,'DOD PA'I 'CHING BAS GDUNG BAR BYED, ,DBANG PO LNGA NI RNAM PAR CHAGS, ,SEMS NI 'DOD PAS NYE
, ,BAR BCOM, ,BSOD NAMS YONGS SU ZAD PA YANG, ,BYIS PAS GO BA MA YIN NO, ,MI RNAMS GSON PA'I BAR CHAD NI, ,RJES TSOL DUS 'KHOR CHEN PO YIN; ;DE 'DIR RINGS PAR 'GRO BA YANG, ,BYIS PAS SHES PA MA YIN NO, ,LAS KYI RLUNG GIS KUN SBYAR BA'I, ,'CHI BA'I ME 'DI SDUG BSNGAL YIN, ,GANG GI TSE NA SROG 'JOMS 'DIS; ;BYIS PAS SHIN TU MA GO'O, ,'KHOR BA NA NI SEMS LDAN PA'I, ,'CHI BDAG PHYIR RGOL 'JIGS SOGS KYIS, ,ZHAGS PA GAL TE RNAM GROL BAR, ,BYED NUS SKYES BU 'GA' YOD MIN, ,JI SRID 'CHI BA MA BYUNG ZHING, ,JI SRID ME NI MA BCOM PA, ,BAG MED PA NI SPANGS BYAS TE, ,DE SRID BDE LEGS MCHOG TU SOMS, ,MI RNAMS GSON PA'I BAR GCOD PA'I, ,'CHI BDAG DBYUG PA 'DI RING MIN, ,GSON PA RNAMS NI 'JOMS BYED PA'I, ,SHUGS KYIS NYE BAR GNAS PAR 'GYUR, ,DMUS LONG YUL GYIS KUN RMONGS PA, ,CHOS KYI MAR ME RNAM PAR SPANGS, ,'CHI BDAG SGRON CHEN MI BZAD PA, ,'DI MIN PAR NI CI ZHIG SHES, ,GANG 'DI 'JIGS GANG 'CHI BDAG DUS, ,SHES PAR GYIS DANG BYIS PA GANG, ,YUL RNAMS KYIS NI DRANGS PA'I YID, ,MUN PA MA LUS PA YIS RMONGS, ,'CHI 'PHOS 'CHI 'PHOS SKYE BA MIN, ,'GRO GZHAN 'GRO GZHAN YANG DANG YANG, ,RANG GI LAS 'BRAS SPYOD PA LA, ,
[?], ,SROG CHAGS RNAMS NI RMONGS PAS BCOM, ,RAB GTUM SHIN TU MYUR BA YIS, ,'JIG RTEN THAMS CAD 'PHROG PA PO, ,'CHI BDAG DUS NI THAMS CAD KYI, ,CI PHYIR SKYE BOS RNAMS MI BYED; ;THA NA SNYING GIS YANG MI RIG ,SEMS KYIS KYANG NI MI DMIGS SO, ,KUN RMONGS GANG ZHIG MI RTOGS PA, ,'CHI BDAG DUS KYI 'JIGS PAS 'JIGS, ,'CHI 'PHO'I YANG NI RGYU MTSAN RNAMS, ,JI LTA BAR NI RTAG TU MTHONG, ,NGES PAR DUS NI THUNG DU NA, ,LHA YI GNAS NAS LHUNG BAR 'GYUR, ,DE LTAR 'CHI 'PHO'I RGYU MTSAN MNGON PAR LEGS PAR MTHONG BAR GYUR NAS LHA DE 'CHI 'PHO BAR 'GYUR BA'I RGYU MTSAN GYI DE NYID RIG PA'I YID YONGS SU SKYO BA SKYE BAR 'GYUR RO, ,'DIS CUNG ZAD RTOGS PAR 'GYUR BA'ANG MA YIN TE, JI LTAR BAG MED PAR RGYU BA DE DAG YUL LNGA LA RNAM PAR CHAGS PA RNAMS KYIS MI RTOGS SO, ,JI LTAR 'CHI 'PHO BAR 'GYUR BA LA DAD PA DANG LDAN PAR 'GYUR BA'ANG MA YIN TE, DE CI'I PHYIR ZHE NA, BAG MED PAR GYUR PAS YUL LA KUN TU RMONGS PA'I PHYIR DANG, BYIS PA'I BLO YIN PA'I YANG PHYIN TE, DE LA DE DAG RNAMS KYI SO SOR BSTAN PAR BYA BA'ANG BRJOD PAR MI BYA'O, ,DE NAS LHA DANG BCAS PA RNAMS NYID KYI YID KYIS SHES PAR GYUR NAS CANG MI SMRA BAR GYUR TE, PADMA'I NAGS DE LAS PHYIR SONG NGO, ,LHA DE DAG RNAMS KYANG SLAR YANG YUL GYI BDE BA RNAMS LA DON DAM DU BYED
, ,PAS PHAN TSUN DU RTZE BAR BYED DE, SHIN TU MI ZAD PA MCHOG TU 'JIGS PAR GYUR PA DE DAG RNAMS 'PHYUNG BAR 'GYUR BA NI, DE RMONGS PA'I PHYIR DE DAG GIS RTOGS PA'ANG MA YIN NO, ,JI SRID DUS RTZIS SU'ANG 'JUG PAR MI BYED PAR RMONGS PAR 'GYUR BA'I PHYIR NA 'JIGS PA DANG BRAL BAS DGA' BAR BYA STE, GLANG PO'I GSEB TU SONG ZHING; PADMA'I GSEB TU SONG NAS LHAN CIG SPYOD PA DANG BCAS PA DE DAG RNAMS YUL DER DUS SHIN TU RING BAR RTZE BAR GYUR NAS GZHAN YANG DE KHO NA BZHIN DU GZUGS BRGYA STONG DU MAR GYUR PA'I LHA RDZAS KYI GSER DANG BEE d'URYA DANG DNGUL DANG PADMA R'A GA RNAMS KYI LEGS PAR RNAM PAR PHYE BAR GYUR PA'I CHA SHAS DANG RTA BABS DANG KHANG BU BRGYA STONG DANG LDAN PA, PADMA BRGYA STONG GIS NYE BAR MDZES PAR GYUR PA, RGYA CHEN PO'I BDE BA LA DMIGS PA ZHES BYA BA'I RIL 'DZEG PAR BYED DO, ,RI THAMS CAD LA'ANG MCHOG TU BDE BAR GYUR BA'I 'DOD PA RNAMS KYIS YONGS SU KHYAB PA RNGA SKAD BRGYA STONG SGROG PAR GYUR PAS GANG BA, SGRA 'BYIN PA'I SGRA RNAM PA SNA TSOGS PA RNAMS DANG, KHA DOG SNA TSOGS PA NANG DU REG BYAR SNANG BA'I GZI BRJID CAN DE DAG GIS STOD G-YOGS BSGOS PAR GYUR PA, PHAN TSUN DU BZHIN KUN TU LTA BA LA CHED CHER BYED PA, SGRA DANG, REG BYA DANG, RO DANG, GZUGS
DANG, DRI'I YUL RNAMS JI LTAR 'DOD PA BZHIN DU RJES SU MYONG BAR BYED PA, RANG 'DOD PA BZHIN DU 'GRO ZHING RAB TU RNAM PAR RGYU BAR BYED PA, DPE MED PA'I BDE BA RNAMS LA CHAGS PAR GYUR PAS SPYOD PA RNAM PA SNA TSOGS PA'I CHU KLUNG DANG 'BAB CHU DANG NAGS DANG NYE BA'I NAGS RNAMS LEGS PAR LTA BAR BYED CING BDE BAR RGYU BAR GYUR PAS, KHA CIG NI, KHYOGS KYI KHANG BU'I STENG NAS, KHA CIG NI, NGANG BA'I RGYAB NAS, KHA CIG NI, PADMA'I NANG DU ZHUGS NAS, KHA CIG LA NI, SNYING PO LA LHA MO RNAMS DANG BCAS PAR NYE BAR GNAS NAS, KHA CIG NI, ME TOG KU BA LA YA'I 'DAB MA'I NANG DU SONG NAS DGA' BAR BYED CING, GLU LEN PAR GYUR PAS MCHOG TU SNYAN PA'I RNGA SKAD YAN LAG LNGA PA RNAMS KYIS BDE BAR NYE BAR GNAS PAR GYUR NAS NAM MKHA'I DKYIL NAS 'GRO BAR BYED PA LA SPRO BAR GYUR PAS BDE BA'I PHRENG BA RGYA CHE BA'I RI LA 'KHOD PAR GYUR NAS LHA YUL GYI GNAS DPE MED PAR GYUR PA RNAMS LA LTA BAR BYED DO, MCHOG TU DGA' BAR GYUR PA'I MTHO RIS KYI YUL PHYOGS KHA CIG NI, RAB TU 'BAR BA BZHIN DU 'BAR BAR GYUR PA, GSER MDOG BZANG PO DANG, PADMA R'A GA'I 'OD DANG LDAN PA DANG, YUL PHYOGS KHA CIG NI, AUTPA LA'I 'DAB MA SNGON PO'I GRIB MA SNUM PAR GYUR PAS MCHOG TU YID 'PHROG PAR BYED PA'I BEE d'URYA DANG, AINDRA N'I LA'I 'OD DANG LDAN PA'O, ,YUL PHYOGS
, ,KHA CIG NI, DNGUL DANG SHEL DANG MU TIG GI 'OD RNAMS KYI MCHOG TU YID DU 'ONG BAR GYUR PA DE DAG RNAMS KYI 'OD KYIS SHIN TU DKAR BAR SNANG NGO, ,RI'I RTZE MO RNAMS DANG 'BAB CHU RNAMS KYANG MCHOG TU GTZANG BA, DRI MA MED PAR GYUR PA, YON TAN BDUN DANG LDAN PA'I CHU GRANG MO RNAMS RAB TU 'BAB PAR BYED PA RNAMS MTHONG NGO, ,RTZE MO MU TIG GI TSOGS DANG LDAN PAR GYUR PA DE BZHIN DU YUL PHYOGS DE NA MNGON PAR MTHONG NGO, ,GZHAN YANG LHA DE DAG RNAMS NAM MKHA'I DKYIL NA LEGS PAR GNAS PAR GYUR NAS LTA BAR BYED PA, RIN PO CHE BDUN GYIS NYE BAR MDZES PAR GYUR PA'I PADMA'I RDZING BU RNAMS LA BUNG BA'I TSOGS RNAMS KYIS NYE BAR BSGRAGS PAR GYUR PAS MCHOG TU YID 'PHROG PAR GYUR PA'I SGRA RAB TU SNYAN PA RNAMS KYI GLUS PADMA'I TSAL DU NYE BAR MTSON PAR BYED DO, ,PHAL CHE BAR GYUR PA NYID DU'ANG NYE BAR RTOGS PAR BYED DO, ,SHIN TU RING BAR MA YIN PA NAS BUNG BA'I TSOGS DE DAG MNGON PAR MTHONG NAS YUL PHYOGS GZHAN DANG GZHAN RNAMS NYE BAR MTSON PAR BYED DE, NAGS DANG NYE BA'I NAGS DANG RDZING BU DAG DGA' BAR GYUR PA RNAMS SO, ,DE LA DGA' BAR GYUR PA'I NAGS DE DAG RNAMS LA RI DVAGS DANG BYA RNAMS RAB TU MTHONG BAR GYUR BA 'DI LTA STE, RNAM PA
SNA TSOGS PA'I RI DVAGS KYI TSOGS KHA DOG MI 'DRA BAR GYUR PA RNAMS LA 'GA' ZHIG NI, BLTA BAR SDUG PA'I DNGUL GYI RANG BZHIN GYI MDOG LA RVA DANG MIG DAG NI, PADMA R'A GA'O, ,KHA CIG NI; RGYAB GSER GYI RANG BZHIN DU GYUR PA LA LOGS DAG DNGUL LO, ,RIN PO CHE KARKE TA NA'I RVA, SHEL GYI RANG BZHIN GYI MDOG GI SMIG PA'O, ,KHA CIG GI GZHUNG NI, LEGS PAR RNAM PAR PHYE BAR GYUR PA LA 'PHONGS DANG RKANG PA RNAMS RIN PO CHE BDUN GYI RANG BZHIN MDOG DANG LDAN PA'I TSOGS RNAMS 'JIGS PA DANG NGAL DUB DANG BRAL BAR GYUR BA'I TSOGS RNAMS LA DGA' BAR BYED DO, ,KHA CIG NI, MCHOG TU MDZES PAR GYUR PA, MCHOG GI LAS BYAS PA'I ZAS RNAMS NYE BAR ZA BAR BYED DO, ,GZHAN YANG NAGS DANG NYE BA'I NAGS DE DAG RNAMS MTHONG BAR GYUR NAS PHYOGS KYI CHA GZHAN DAG RNAMS SU NGES PAR SONG NAS RAB TU MTHONG BAR GYUR PA LAS RMA BYA DANG, SHANG SHANG TE'U DANG, NI T'A NA T'A DANG, PRA BA NA DZU dA DANG, MIG DRUG DANG LDAN PA DANG, RAB TU G-YO BA'I SGROS CAN GYI BYA'I TSOGS KYIS KHYAB PA RNAMS RI'I RTZE MO DANG NAGS DANG NYE BA'I NAGS DAG LAS 'BYUNG BA RNAMS MTHONG STE, BDE BA'I PHRENG BRGYA CHEN PO'I RI LA LHA RNAMS 'KHOD PAR GYUR PA NI, RI DE'I YANG NGOS GCIG NI, AINDRA N'I LA'I RANG BZHIN YIN NO, ,GZHAN NI, PADMA R'A GA'I RANG BZHIN NO, ,GZHAN NI,
, ,GSER BTZO MA'I RANG BZHIN NO, ,GZHAN NI, DNGUL GYI RANG BZHIN NO, ,DE LA GCIG AINDRA N'I LA'I RANG BZHIN GANG YIN PA'I LOGS DE LA GRIB MA MED PA ZHES BYA BA'I NAGS YOD DO, ,NAGS DE NA BEE d'URYA'I RANG BZHIN GYI LJON SHING RNAMS LA ME TOG GI TSAN KA RNAMS KYIS RGU BAR GYUR NAS RNAM PAR BKOD PAS NYE BAR MDZES PAR GYUR PA; 'BAB CHU DANG CHU KLUNG DANG RDZING BU RNAMS BRGYA STONG DANG LDAN PA, PADMA'I NAGS BRGYA PHRAG RNAMS NA NAGS NA RGYU BA'I BYA RNAMS KYI GSUNG GSAL GYI SGRA RNAMS RNAM PA SNA TSOGS PA DANG, NYE 'KHOR KUN NAS MNGON PAR DGA' BA RNAMS NA LHA DAG GIS GANG BAR GYUR PAS NYE BAR MDZES PA YIN NO, ,LOGS GNYIS PA NI, PADMA R'A GA'I RANG BZHIN TE, LOGS DE LA RAB TU DGOD PAR GYUR PA'I NAGS YOD DO, ,NAGS GANG DAG NI, DNGUL GYI RANG BZHIN GYI LJON SHING RNAMS LA GSER BTZO MA'I RANG BZHIN GYI 'KHRIL SHING GIS YONGS SU 'KHRIL BA BUNG BA BRGYA'I TSOGS KYIS YONGS SU BSKOR BA, BYA'I TSOGS KUN NAS SGROG PAR BYED PA, ME TOG DRI ZHIM PA RNAMS RLUNG 'JAM POS SKYOD PAR BYED PA, NYE 'KHOR RNAMS NA'ANG 'BAB CHU BRGYA STONG DANG LDAN PAR GYUR PA DE NI, RAB TU DGOD PAR GYUR PA'I NAGS YIN NO, ,GANG YANG DE'I NGOS GSUM PA GSER BTZO MA'I RANG BZHIN YIN PA LA, LOGS DE NA
YANG BDE BA RIN PO CHE'I RANG BZHIN ZHES BYA BA'I NAGS YOD DE, SHEL GYI RANG BZHIN GYI LJON SHING RNAMS KYIS MDZES PAR GYUR PA, 'KHRI SHING GI DRA BAS KUN NAS SBREL BA, NYE 'KHOR KUN NAS GSER 'BAR BA'I 'KHRI SHING GIS YONGS SU GANG BA, BYA BRGYA STONG GIS DE NA RTZE BAR GYUR CING SGRA SGROG PAR GYUR PA, 'BAB CHU DANG CHU KLUNG DANG PADMA'I NAGS RNAMS KYIS NYE BAR MDZES PA; NYE 'KHOR NA'ANG RAB TU DGA' BA'I LHA DANG LHA MO'I TSOGS RNAMS KYIS GANG BAS RAB TU GLU LEN PAR GYUR PA, 'DOD PA THAMS CAD PHUN SUM TSOGS PA RNAMS KYIS NYE BAR MDZES PAR GYUR PA'O, ,LOGS BZHI PA NI, DNGUL GYI RANG BZHIN YIN TE, DE LA NI, PADMA R'A GA'I MDOG GI LJON SHING RNAMS LA AINDRA N'I LA'I KHA DOG GI 'KHRI SHING GIS NYE BAR MDZES PAR GYUR PA; SKAD DBYANGS SNA TSOGS PA GDANG ZHING SNYAN PA'I SGRAS KUN TU SGROG PA'I RIGS RNAMS KYIS NGES PAR SGROG PAR GYUR PA'I NAGS RNAMS NA LHA DANG LHA MO'I TSOGS KYIS GANG BA; PADMA'I NAGS BRGYA STONG GIS MDZES PAR BYAS PA, RNAM PAR RTOG PA DU MA RNAMS DANG, BLTA NA DGA' BA DU MA DE DAG RNAMS DANG, LJON SHING DE DAG DANG, CHU KLUNG DE DAG DANG, 'KHRI SHING DE DAG DANG, MTSO DANG RI DVAGS DANG BYA'I TSOGS DE DAG RNAMS DANG, DRI DANG DBYIBS SNA TSOGS PAR GYUR PA'I ME TOG DE DAG RNAMS KYIS BDE BA'I PHRENG BA RGYA CHEN
, ,POR GYUR BA'I RI'I NYE 'KHOR RNAMS NA RAB TU 'BAR BAR GYUR PAS GSAL BAR SNANG NGO, ,DE LTAR LHA DE DAG RNAMS NAM MKHA'I DKYIL NA KUN TU GNAS PAR GYUR CING BDE BA'I PHRENG BA RGYA CHEN PO'I RI LA GNAS PAR GYUR NAS LTA BAR BYED DO, ,NYE 'KHOR RNAMS THAMS CAD LAS KYANG KUN TU RTOGS PA SHIN TU LHAG PAR GYUR PA'I RNAM PAR BKRA BA RNAMS KUN TU GSAL BAR BYED DO, ,SMIG RGYU BSGYUR BA DANG LDAN PAS LHA DE DAG RNAMS DE LTAR NGES PAR RTOG PAR BYED DO, ,NYE 'KHOR KUN TU'ANG DE KHO NA BZHIN DU MNGON PAR 'KHOR BAR GYUR CING RI'I MCHOG DE LA GNAS PAR BYED DE, LHAN CIG SPYOD PA'I 'KHOR DANG BCAS PA RNAMS RNGA SKAD YAN LAG LNGA DANG LDAN PA NYE BAR BSGRAGS PAR GYUR PAS; 'DOD PA'I YON TAN LNGA LA LONGS SPYOD PA DANG LDAN PA NI, LEGS PAR BYAS PA RNAMS BSTEN CING BSGOMS LA LAN MANG DU BYAS PA, 'DOD PA SDUG PA YID DU 'ONG BA'I TSUL KHRIMS 'PHAGS PA'I SKYE BO RNAMS KYIS BSTEN PA'I RNAM PAR SMIN PA'I 'BRAS BU RNAMS NYE BAR LONGS SPYOD PAR GYUR PAS RI BDE BA'I PHRENG BA DE LA 'KHOD PAR BYED DO, ,DE DAG RNAMS 'KHOD PAR GYUR PA DANG DE NI, BDEN PA LA 'JUG PA ZHES BYA BA'I BYA DES TSIGS SU BCAD PA BRJOD PA JI LTAR, LEGS PAR BYAS 'BRAS TSOR BA BCAS, ,MYUR BAR 'GRO ZHING
RAB TU 'GRO, ,YUL RNAMS KYIS NI RAB BCOM PA'I, ,KUN TU RMONGS PAS GO BA'ANG YIN, ,DUS GANG NYID NI LHUNG GYUR PA, ,DE NYID 'CHI BA'I MTHA' YIN NO, ,DE LA RMONGS PA'I RGYAGS PA YIS, , LHA RNAMS KYIS NI DE MIG GO ,GSON PAR MYUR BAR 'GRO BA YANG, ,RNAM PAR RMONGS PAS MI GO'O, ,LEGS BYAS RNAMS NI MTHONG BA'ANG YIN, ,SRED PA RNAM PAR 'JOMS PA'ANG YIN, ,SRID NAS SRID PAR LUS CAN GYI, ,SRED PA PHYI BZHIN 'BRANG BA YIN, ,SEMS CAN RNAM PAR RMONGS PA YIS, ,DGE DANG MI DGE DE MI RIG ,DGE BA'I 'BRAS NYID YID 'ONG BA, ,GANG GIS SNGON DU NYER LONGS SPYOD, ,MI DGE BA'ANG DE BZHIN MTHONG, ,MI DGE LOG PAR LTUNG BAR SKYE, ,DGE DANG MI DGE RAB TU BRAL, ,GANG GIS 'DU 'DZI'I SKYON RNAMS SPANGS, ,RGA SHI SPANGS PAR GYUR PA DE; ;DE NI GNAS KYI MCHOG TU SONG, ,DE NI RNAM GROL BDE BAR 'GRO, ,'DOD LAS BDE BA SRID MA YIN, ,LHA GANG DE BZHIN GZHAN YANG RUNG, ,LAS ZAD PAS NA GROL BAR 'GYUR, ,MI RTAG 'GYUR BAR DE DAG KYANG, ,RTAG PA MDZES PAR 'GYUR BA YIN, ,SRED PA MNGON ZHEN LAS SKYES BDE, ,LOG PAR LTUNG MTHA' SMAD PA YIN, ,DE LTAR BDEN PAR SMRA BAR BYED PA'I BYA DE DAG GIS 'KHOD PAR GYUR PA'I LHA DE DAG RNAMS LA RJOD PAR BYED DO, ,DE DAG GI DRUNG NAS THOS PAR GYUR NAS KYANG LHA GANG DAG SHIN TU BAG MED PAS RGYU BA MA YIN PA DE DAG RNAMS KYIS NI,
, ,THOS PAR 'GYUR RO, ,GANG YANG BAG MED PAR RGYU BA DE DAG RNAMS NI, BAG MED PA'I SKYON GYIS THOS PAR MI 'GYUR BA NYID DO, ,LHA DE DAG RNAMS KYI YID YUL GYIS NYE BAR 'PHROG PAR GYUR PA'I PHYIR NA PHAN PAR GYUR PA DANG, DE KHO NA NYID DU GYUR PA'I BYA RNAMS KYIS BRJOD PA DE DAG RNAMS THAMS CAD LA BRTZIS BGRANG DU MI BYED PAR SLAR YANG DE KHO NA BZHIN DU CHES RAB TU DGA' BAR GYUR PAS, GANG NA RI'I MCHOG DE'I RTZE MO MTHO BA YOD PA DES MTHONG BA LA LEGS PAR BRTEN NAS KHANG BU'I PHRENG BA LA ZHON TE SNGA MA BZHIN NO, ,RI DE'I RTZE MO LA YANG KUN NAS MTHONG NA DGA' BA ZHES BYA BA'I RI YOD DE, GANG GI PHYIR STONG PHRAG DU MA'I RI 'DI DAG THAMS CAD KYI NANG NA NYE 'KHOR KUN LAS KYANG CHES MTHO BA NI, RI'I RTZE MO DE YIN PAR 'DOD DE KUN LAS LEGS PAR MTHONG NGO, ,LHAN CIG SPYOD PA'I 'KHOR DANG BCAS PA'I LHA RNAMS KYIS SNA TSOGS PA'I GLU DANG ROL MO'I SGRA DANG GAR DANG BCAS PA DE LA 'KHOD PAR GYUR TO, ,LHA DANG LHA MO'I TSOGS RNAMS RI DE'I RTZE MO LA 'KHOD PAS KYANG MTHONG BAR GYUR PA RNAMS LA LEGS PAR BYAS PA'I LAS DU MA RNAMS KYIS SPRUL PAR GYUR PA CHE ZHING KHA DOG DU MA DANG LDAN PA'I MCHOG GSAL BAR SNANG BA ZHES BYA BA'I MTSO DE GSAL BAR GYUR PAS MCHOG TU DGA' BAR GYUR PA, RAB TU DAD PAR
GYUR CING GTZANG BA'I CHU NA GSER NYA RNAMS KYIS GANG BAR GYUR PA, RLABS KYI DGRAM NA MCHOG TU YID 'PHROG PA'I NGANG BA DANG, K'A RAndA PA DANG, NGANG NGUR GYI TSOGS KYIS KUN TU GANG BA BYA'I SKAD RNAM PA SNA TSOGS PA RNAMS THOS PAR BREL BA'I SGRA SNYAN PAS GANG BA, PADMA DANG AUTPAL DANG KU MU DA DANG NI NAD DANG PADMA DMAR PO'I ME TOG GI DBYIBS LEGS PA RNAM PA SNA TSOGS PA'I BUNG BA'I TSOGS RNAMS KYIS SBIR BAR 'BYED PA'I SGRA YID 'PHROG PAR GYUR PA RNAMS PAR MANDA RA BA'I SHING GIS YONGS SU KHYAB PA, GSER DANG NOR BU'I STEGS BU RNAMS KYIS YONGS SU GANG BAR GYUR PA STE, RNAM PA DE LTAR GYUR PA'I RAB TU DANG BA'I CHU MCHOG TU DGA' BAR GYUR PA DE DAG NA MTSO'I DBU BA ZHES BYA BA'I PADMA 'DAB MA STONG PHRAG BRGYA DANG LDAN PA, 'DAB MA DE DAG RNAMS KYANG KHA DOG DU MA STE, KHA CIG NI, AINDRA N'I LA DANG MTSUNGS PA'I KHA DOG GO ,KHA CIG NI, SHEL DANG MCHUNGS PA'I KHA DOG GO ,KHA CIG NI, GSER GYI'O, ,KHA CIG NI, DNGUL GYI RANG BZHIN NO, ,KHA CIG NI, MU S'A RA'I RANG BZHIN NO, ,KHA CIG NI, KAR GE TA NA'I RANG BZHIN NO, ,KHA CIG NI, RDO RJE'I RANG BZHIN NO, ,'DAB MA DE DAG RNAMS NI, MCHOG GI DRI DANG YANG LDAN NO, ,MDOG DU MAR GYUR PA'I 'DAB MA DE DAG RNAMS KYI DBUS KYI SNYING PO NI, NYI MA DMAR PO DANG MTSUNGS PA'I KHA DOG TU RNAM PAR
, ,SNANG NGO, ,DE'ANG RNAM PA SNA TSOGS PA NYID KYIS RNAM PA SNA TSOGS PA'I KHA DOG GI SNYING PO'I GONG BU LA KHYAB PA'O, ,'DI LTA STE, SNGON PO DANG SER PO DANG DMAR PO DANG DKAR PO DANG SKYA BO DANG NAG PO DANG SKYE RENGS KYI MDOG RNAMS SO, ,ZE 'BRU'I DBUS KYI SNYING PO LA NI, YID DU 'ONG BAR GYUR PA'I DRI RNAMS KYIS LEGS PAR GANG BA YIN NO; ;DE NAS LHA DE DAG RNAMS NAM MKHA'I DKYIL DU MNGON PAR 'PHAGS NAS MTSO GSAL BA DER 'JUG GO ,ZHUGS NAS KYANG DE DAG RNAMS LAS KHA CIG NI, GSER GYI STENG DU SDOD DO, ,KHA CIG NI, PADMA LA 'DUG PAR GYUR NAS LHA MO DANG BCAS PAS YONGS SU BSKOR NAS RTZE BAR BYED DO, ,KHA CIG NI, AUTPA LA LA LHAG PAR GNAS TE LHA MO'I TSOGS RNAMS DANG BCAS PAS RTZE BAR BYED DO, ,KHA CIG NI, AUTPA LA LA GNAS GNAS PAR GYUR NAS CHU DE NYID KYI NANG DU RTZE BAR BYED DO, ,KHA CIG NI, NGANG PA'I RGYAB TU ZHON NAS CHU'I RLABS RNAMS LA RTZE BAR BYED DO, ,KHA CIG NI, THANG LA GNAS PA'I PHUG MCHOG RNAMS SU SONG NAS RJES SU SPYOD PA DANG BCAS PA 'DOD PA'I YON TAN LNGA PHUN SUM TSOGS PA RNAMS LA GLU DANG RGOD PA DANG 'GYING BAR GYUR PAS KHANG BU RNAMS SU DGA' BAR BYED DO, ,KHA CIG NI, YUL PHYOGS GZHAN DU LHA MO'I TSOGS RNAMS KYIS YONGS SU BSKOR
NAS RA RO BA'I SKYON DANG BRAL BA'I BTUNG BA PHUNG PO CHE RNAMS 'THUNG BAR BYED DE, RGYAGS PA'I YON TAN RNAMS RAB TU NYE BAR GNAS PA'I MDOG DANG RO DANG REG BYA PHUN SUM TSOGS PA'O; ;KHA CIG NI, NOR BU'I RANG BZHIN GYI SNOD RNAMS SU 'THUNG BAR BYED PA LA 'DI LTA STE, AINDRA N'I LA DANG, DNGUL DANG, GSER DANG, BEE d'URYA DANG, PADMA R'A GA DANG, SHEL GYI RANG BZHIN RNAMS SU'O, ,KHA CIG NI, YANG 'KHOR GZHAN RNAMS KYIS YONGS SU BSKOR NAS PADMA'I 'DAB MAR GSER GYI RANG BZHIN GYI RTZI 'THUNG NGO, ,KHA CIG NI, AUTPA LA KHA ZUM PAR GYUR PA RNAMS PHAN TSUN DU LEGS PAR BRTEN NAS 'DAB MA MA RDOL BA RNAMS SU RTZI 'THUNG STE, GLU LEN PAR GYUR CING ROL MO'I SGRA RNAMS KYIS KYANG RAB TU DGA' BA'I YID CAN NO, ,KHA CIG NI, YANG GZHAN DAG DANG BDUD RTZI'I RANG BZHIN GYI ZAS RNAMS MID PAR BYED DO, ,DE RANG GI SKYE BO'I TSOGS DANG BCAS PAS MDOG DANG DRI DANG RO DANG REG BYA PHUN SUM TSOGS BA LA'O, ,KHA CIG NI, GZHAN NA RNGA SKAD YAN LAG LNGA DANG LDAN PAS LHAN CIG RJES SU 'GROGS PAR GYUR BA'I LHA MO'I TSOGS DANG BCAS PAS DGA' BAR BYED PA DANG, RTZE BAR YANG BYED, GLU'ANG LEN PAR BYED CING GAR YANG BYED DE, GSAL BAR BYED PA'I MTSO DE YONGS SU BSKOR NAS SO, ,KHA CIG NI, MTSO DE NYID LA LHAN CIG SPYOD PA
, ,RNAMS DANG BCAS NAS CHU'I RTZED MO BYED DO, ,CHU DE LA'ANG JI LTAR 'DOD PA RNAMS 'BYUNG NGO, ,GANG DAG LHA RNAMS 'DOD PAR GYUR NA JI LTA BAR CHU 'DI DE LTAR MDOG DANG RO DANG DRI DANG REG BYA DANG LDAN PAR 'GYUR RO, ,JI LTAR 'DOD PA BZHIN DU BSIL BA DANG DRO BA'I REG BYA DE'I SEMS BSKYED PA DANG DUS GCIG NYID DU CHU DE LTA BU NYID RAB TU GSAL BAR BYED PAR 'GYUR BA NI, LAS KYI RANG BZHIN GYIS YIN TE, LEGS PAR BYAS PA RNAMS KYANG RUNG STE, LAS RNAMS KYIS MI BYED PA NI, MED PAS DE DAG RNAMS KYANG DE LTAR 'GYUR RO, ,GZHAN YANG JI LTAR CHU 'DI MYOS BYED NYID DU GYUR PAR BDAG CAG RNAMS KYIS MTHONG NA RUNG NGO, ,DE DAG GI SEMS BSKYED PA DANG LHAN CIG NYID DU MDOG DANG RO DANG REG BYA DANG DRI DANG LDAN PAR 'GYUR TE, MYOS PAR BYED PA'I SKYON DANG BRAL BA DANG, YID SHIN TU RAB TU DGA' BA DANG BDE BA YANG RGYA CHEN PO BYED PAR 'GYUR RO, ,GZHAN YANG LEGS PAR BYAS PA'I LAS RNAMS KYIS LHA RNAMS RAB TU DGA' BAR BYED PAR 'GYUR RO, ,RANG LEGS PAR BYAS PA'I LAS KYIS RNAM PAR SPRUL PA LA DE LTAR LHA DGA' BA DANG RTZE BAR YANG BYED DO, ,LEGS PAR BYAS PA DE DAG RNAMS THAMS CAD KYANG LEGS PAR BYAS PA'I LAS LA LONGS SPYOD PAR BYED KYI, MA
BYAS PA NI, NYE BAR LONGS SPYOD PAR MI BYED DO, ,LEGS PAR BYAS PA'I LAS RNAMS LA NI, RNAM PAR CHUD ZA BA YANG YOD PA MA YIN NO, ,LAS KYI 'KHRUL 'KHOR PHUNG PO KHAMS, , SBYIN PA MI 'GRAN KHAMS GSUM 'DI, ,MA LUS THAMS CAD 'THUNG BAR BYED, ,'ON KYANG 'JIG RTEN GYIS MA RIG ,LHA DE DE BZHIN 'DOD YON LNGA'I, ,KUN TU BDE BAR 'BYUNG 'GYUR BA, ,BDE BAR GNAS PA RNAMS MTHONG BAR GYUR NAS BYA DE KHO NA NYID BRJOD PAS SLAR YANG TSIGS SU BCAD PA BRJOD PA JI LTAR, MAR NAG 'JUG PA'I RAB 'JIGS PAS, , JI LTAR MAR ME RTAG 'JIG PA, ,DE BZHIN LAS ZAD DBANG GIS NI, ,LHA YI GNAS NAS LOG PAR LTUNG, ,RTZIG PA ZHIG PA'I DBANG GIS NI, ,JI LTAR RI MO RTAG GNAS 'JIG , DE BZHIN LAS ZHIG BDE BA YANG, ,DES PAR LOG PAR LTUNG BA YIN, ,LHA GNAS LHA NI THAMS CAD KYANG, ,BSOD NAMS ZAD NAS RGUD PA'I MTHA', ,SEMS CAN DE DAG LTUNG BA PO, ,DE DAG THAMS CAD MI RTAG GO ,MI RTAG MI BRTAN THAMS CAD KYANG, ,GSON PA YUD KYIS 'GRO BA YI, ,BDUD KYI STOBS NI CHEN PO 'DI, ,'JIG RTEN 'DIS KYANG GO BA MIN; ;DE LTAR GZHAN YANG BYA DE KHO NA NYID SMRA BA DES LHA DE DAG RNAMS NYID LA PHAN PAR 'DOD PAS LEGS PAR BYAS PA'I LAS KYANG BSKUL LA, DE DAG DE LTAR RTAG TU BRJOD
, ,KYANG LHA GANG DAG SHIN TU BAG MED PA MA YIN PA DE DAG RNAMS NYAN PAR BYED CING NYE BAR 'DZIN PAR YANG BYED DO, ,YUD TZAM ZHIG KYANG YID SHIN TU MNYAM PAR GZHAG PAR YANG 'GYUR RO, ,GANG YANG BAG MED PAR SPYOD PA DE DAG RNAMS KYIS NI, MI THOS PA STE, RNAM PAR G-YENG BAR GYUR BA'I YID KYIS DE DUS YUN RING DU MTSO DER RTZED MO BYED PAR 'GYUR LA, YUL GYI BDE BA LA SRED PA'I TSVAS NGOMS PA MED PAR GYUR NAS RNAM PAR RGYU BAR GYUR PAS, SLAR YANG GANG NA RI DE LA SNGAR BZHIN DU DE KHO NA LTAR BZHON PA LA MNGON PAR ZHON TE NAM MKHA' LA SLAR YANG 'PHAGS SO, ,THAMS CAD DANG BCAS PA'I LHAN CIG SPYOD PA'I 'KHOR RNAMS DANG BCAS PAR GYUR PAS BAR SNANG GI NAM MKHA' LA 'PHAGS NAS KYANG LHA DE DAG RNAMS KYIS RI GZHAN MTHONG BAR GYUR PA LA RNAM PA DU MA'I NOR BU'I RANG BZHIN DU MAR GYUR PA'I DBYIBS DU MAR NAM MKHA'I DBYINGS NAS 'PHYAR BA DE DAG THAMS CAD KYI STENG NA DE DAG THAMS CAD LAS LHAG PAR GYUR BA'I BDE BA'I PHRENG BA RGYA CHEN PO 'DI DAG KUN TU BRTZEGS PA DANG NYE 'KHOR MTHONG NA DGA' BA RNAMS LTAR BAR BYED DO, ,DE GSUM NI, 'THAB BRAL GYI RI RNAMS KYI TSAD LAS KYANG CHES LHAG PA YIN NO, ,DE BZHIN DU LHA RNAMS RI DE DAG KUN TU LTA BAR
BYED DO; ;RI GANG DAG GI 'OD ZER GYIS YAN LAG NYE BAR RGYAS PA BZHIN DU NAM MKHA' THAMS CAD RNAM PAR SNANG BAR BYED PAS CHES LHAG PAR YANG DGA' PAR GYUR PA RNAMS MTHONG BAR GYUR CING, GZHAN RNAMS SU DE LTAR KUN TU BLTAS PAR GYUR NAS BDE BA'I PHRENG BA BRGYA CHEN PO'I RI'I RGYAB TU NGANG BA LAS 'KHOD PAR GYUR TO, ,RNAM PAR 'KHOD PAR GYUR PA DE'I RJES LA LHA DE DAG RNAMS KYIS MTHONG BAR GYUR PA RNAMS LA RI DE'I STENG NI, RNAM PAR BKRA BA'I CHA SHAS RNAM PA SNA TSOGS PA'I RIN PO CHE'I 'OD RNAMS KYIS KUN NAS BRGYAN PA LA BEE d'URYA'I RANG BZHIN LA GSER GYI RANG BZHIN GYI LO MA DANG LDAN PA'I LJON SHING RNAMS KYIS NYE BAR MDZES PAR BYAS PA, DE BZHIN DU GSER GYI RANG BZHIN DANG BEE d'URYA'I RANG BZHIN LA GSER GYI RANG BZHIN GYI 'DAB MAS NYE BAR MDZES PAR BYAS PA, DE BZHIN DU SDONG PO'I SHING GZHAN RNAMS KYIS NYE BAR MDZES PAR GYUR PA STE, RI DE'I RGYAB NA SDONG BU'I SHING ZHES BYA BA GANG DAG GI RTZA BA DANG SDONG PO DANG YAL GA DANG LO MA DANG RTZE MO RNAMS SDONG BU DANG SDONG BUR GYUR PA RNAMS KYANG RIN PO CHE CHEN PO BDUN GYIS RAB TU RNAM PAR PHYE BAS KUN TU BRGYAN PAR GYUR BA DANG, RTZA BA LA SOGS PA RNAMS KYANG DE DAG GI RANG BZHIN DU GYUR PA'I SDONG BU YIN NO, ,SHING DE DAG RNAMS KYI SDONG BU GCIG NI, BEE d'URYA'I 'O, ,GZHAN NI, PADMA R'A GA'I 'O, ,
, ,GZHAN NI, GSER GYI'O, ,GZHAN NI, SHEL GYI'O, ,GZHAN NI, MU S'A RA'I 'O, ,GZHAN NI, KAR KE TA NA'I STE, DE LTAR SHING DE DAG RNAMS NI, SDONG BU DANG SDONG BUR CHA SHAS RNAM PAR PHYE BAS MDZES PA YIN NO, ,RTZA BA NAS BZUNG NAS JI SRID DU YAL GA DANG LO MA DANG RTZE MO DE DAG RNAMS DANG, 'DAB MA'ANG DE KHO NA BZHIN DU RIN PO CHE BDUN GYI RANG BZHIN GYIS RNAM PAR GSAL BAR GYUR PA'O, ,SDONG BU'I SHING DE DAG RNAMS MNGON PAR LEGS PAR MTHONG BAR GYUR PA DANG, LHA DE DAG RNAMS RTZE BAR GYUR PAS 'JUG PAR BYED DO, ,SHING DE DAG LAS HA CANG MI RING BA NA KHANG BU'I PHRENG BA YOD PA NI, MI'I 'JIG RTEN NA NYI MAS KUN TU GSAL BAR BYED PA DANG KHA DOG MTSUNGS PA'O, ,DE NAS LHA DE DAG RNAMS PA GANG NA KHANG BU'I PHRENG BA YOD PA DER NYE BAR BYED DO, KHANG BU DE DAG RNAMS KYI GRANGS NI, 'BUM PHRAG TU BRJOD PA YIN NO, ,JI LTAR 'DOD PAS 'GRO BAR GYUR PA RNAMS KYI JI LTAR 'DOD PA'I TSAD DANG, JI LTAR 'DOD PAR GYUR BA YIN NO, ,KHANG BU DE DAG RNAMS KYIS LHA DE DAG RNAMS LA 'DOD PA RNAMS JI LTAR 'DOD PA BZHIN DU BYED PAR 'GYUR RO, ,PADMA'I RDZING BU RNAMS KYANG DE KHO NA BZHIN DU SDONG BU CAN GYI PADMA RNAMS RIN PO CHES NYE BAR BRGYAN PA'I PADMA'I RDZING BU RNAMS RNAM PAR GSAL BAR BYED DO, ,
DE KHO NA BZHIN DU SDONG BU CAN GYI RANG BZHIN DANG, DE KHO NA BZHIN DU RIN PO CHE BDUN GYIS NYE BAR MDZES PAR GYUR PA'I LUS CAN GYI BUNG BA RNAMS DANG, BYA RNAMS KYANG RNAMS PA GSUM DU YON TAN DANG LDAN PAR RNAM BAR RGYU BA NI, 'DI LTA STE, CHU LA RGYU BA DANG PA DANG, KA RAndA DANG, NGANG NGUR DANG, NI LUN TA NA DANG, MA KU LA DANG, HA SHUN DA LA SOGS PA RNAMS NI; CHU LA RGYU BA'O, ,THANG LA RGYU BA LA BYA DE DAG RNAMS KYANG RI DE'I RGYAB NA RTZE BAR BYED PA RNAMS LA 'DI LTA STE, BI SH'A KHA DANG, KUN DGA' BAR BRJOD PA DANG, BYA THAMS CAD DANG LHAN CIG TU KUN SGROG PA DANG, DUS THAMS CAD DU DGA' BAR 'JUG PA DANG, ,RNAM PA DE LTA BU RNAMS NI, THANG LA RGYU BAR GYUR BA'I BYA MTHO RIS SU SKYES PA RNAMS KUN TU SGRA 'BYIN PAR BYED DO; ;RMA BYA YANG SGRA SNYAN PAR 'BYIN PAR BYED DO, ,NAGS NA RGYU BA'I BYA MTHO RIS NA YOD PA RNAMS KYANG 'DI LTA STE, SHANG SHANG TE'U DANG, RMA BYA DANG, YAshtI DANG, KUN TU MIG DANG, MIG MI 'DZUM PA DANG, NYE 'KHOR NA RGYU BA DANG, DE KHO NA NYID BRJOD PA DANG, DUS KUN TU BRJOD PA LA SOGS PA RNAMS MI DANG MTHO RIS 'DRES PAR GYUR PA'I BYA DAG SGRA KUN TU 'DON PAR BYED DO, ,MNYAN PAR 'OS PA'I RNAM PA DU MA DANG, NAGS NA RGYU BA'I BYA RNAMS RTZE BAR YANG BYED DO, ,DE BZHIN DU RI'I BYA RNAMS KYIS KYANG MCHOG TU MDZES PAR RJOD PAR
, ,BYED DO, ,GZHAN YANG BDE BA'I PHRENG PA'I RGYA CHEN PO'I RI'I RTZE MO'I NAM MKHA' LA RNAM PAR RGYU BA'I BYA RNAMS KYIS RIN PO CHE BDUN GYI RANG BZHIN RNAM PA SNA TSOGS PA'I TSIG GIS RNAM PAR RTOG PA RAB TU BCOM PA'I LHA RNAMS LA RJOD PAR BYED DE, JI LTAR, RNAM PAR RTOG PAS NYER BCOM DANG, ,'DI NI YUL GYIS BSLUS PA'ANG YIN SRED PA YIS NI RMONGS 'DI DAG ,'CHI BDAG RGYAL PO SHIN TU GNAS, ,'DOD LONGS SPYOD LA KUN TU CHAGS, ,LAM DANG LAM MI RIG PA YI, ,'DOD PA'I MING CAN YUL RNAMS KYIS, , SKYE BO RNAM PAR RMONGS THAMS CAD, ,SNA TSOGS 'GRO KUN TU 'GYUR BA, ,SNA TSOGS LAS KYI RJES SU 'GRO, ,SNA TSOGS SEMS KYI DBANG GIS NI, ,SEMS CAN 'GRO BA LNGA NA 'KHYAMS, ,DE LTAR BYA DES MCHOG TU BAG MED PA'I LHA RNAMS MTHONG NAS RJES SU 'DOMS PAR BYED DE, SNGA MA BZHIN NO, ,DE NAS LHA DE DAG GIS DE MA BRTZIS PAR SLAR YANG DE KHO NA BZHIN DU YUL RNAMS LA BAG MED PAR GYUR CING 'DOD PA LNGAS YID 'PHROG PAS DE KHO NA BZHIN DU DGA' BAR BYED PA DANG, RTZE BAR YANG BYED DO, ,DUS DE SRID DU STE, JI SRID DU DGE BA'I LAS RNAMS BYAS SHING BSAGS PA ZAD PAR MA GYUR GYI BAR DU'O, ,DE'I GTING LA NAM ZHIG NA LHA'I 'JIG RTEN NAS 'CHI 'PHO BAR 'GYUR RO, ,SHI 'PHOS NAS KYANG JI LTAR LAS RNAMS
[?] NYE PAR 'GRO BAR GYUR BA'I DMYAL BA DANG, YI DVAGS DANG, DUD 'GRO'I 'GRO BAR SKYE PAR 'GYUR RO, ,GAL TE MI RNAMS DANG SKAL BA MTHUN PAR MIR SKYE PAR GYUR NA'ANG LAN GRANGS GZHAN LA MYONG BAR 'GYUR BA'I LAS RNAMS KYIS DE MCHOG TU SKYID PA DANG, MCHOG TU BLO RGYA CHE BAR 'GYUR RO, ,MCHOG TU RAB TU DGA' BA'I YID KYIS RTZE BA LA CHED CHE BAR BYED PA'AM; RAB TU DGA' BAR GYUR PA'I LHA RNAMS SU'AM, DE YANG NA GSER GLING DU'AM, DE YANG NA SINGGA LA'I GLING DU LONGS SPYOD DANG LDAN PAR 'GYUR RO, ,KHYIM BDAG TU YANG LAS DE'I RGYU MTHUN PAR 'GYUR RO, ,RNAM PAR 'DRES PA'I KHOR YUG NA RGYU BA'I LHA RNAMS KYIS STE, LNGA PA RDZOGS SO,, ,,GZHAN YANG DGE SLONG LAS DANG 'BRAS BU'I RNAM PAR SMIN PA SHES PA DE 'THAB BRAL BA RNAMS KYIS LA KUN TU LTA BAR BYED DO, ,DES THOS PA LAS BYUNG BA'I SHES RAB KYIS 'THAB BRAL BA'I LHA RNAMS KYI SA YANG DAG PAR LDAN PA ZHES BYA BA MTHONG NGO, ,DER LAS GANG GIS SEMS CAN RNAMS SKYE BAR 'GYUR BA'ANG DES MTHONG BA GANG TSUL KHRIMS DAG CING SHIN TU RNAM PAR DAG PA DGE BA'I BSAM PA DANG LDAN PA'I SEMS CAN DU GYUR NAS SROG GCOD PA DANG MA BYIN PAR LEN PA YONGS SU SPANGS PAR GYUR PA RNAMS NI, SNGA MA BZHIN NO, ,'DOD PA LA LOG PAR G-YEM
, ,PA'ANG YONGS SU SPANGS PAR GYUR BA'ANG JI LTAR SNGON GYI BUD MED KYI SKYE BO RNAMS LTA BA RJES SU DRAN PAR MI BYED DO, ,DE NI, DGE BA DANG LDAN PA'I SKYES BU TSUL KHRIMS DANG LDAN PA YONGS SU DAG PA'I BLO YONGS SU BSGOMS PA'I SEMS DANG LDAN PA RNAMS LUS ZHIG PA NA MTHO RIS BDE 'GRO'I 'JIG RTEN PA 'THAB BRAL GYI LHA RNAMS KYI NANG NAS 'GRO BA DANG YANG DAG PAR LDAN PA ZHES BYA BA'I SAR SKYE BAR 'GYUR RO, ,DE LA 'DI SKYES PAR GYUR PA NA'ANG RANG NYID KYI LEGS PAR BYAS PA'I LAS DANG 'DRA BA'I 'BRAS BUR 'GYUR TE, 'DI LTA STE, NAGS DANG NYE BA'I NAGS DANG RDZING BU DANG PADMA'I NAGS RNAMS LA BYA SNA TSOGS PA RNAMS RTZE BAR GYUR PA'I SGRA GDANGS SNYAN PA KUN NAS SGROG PA RNAMS NI GZUGS DANG RGYAN DANG CHA BYAD MCHOG DANG LDAN PA RNAMS KYIS YONGS SU BSKOR BA'I LHA RDZAS KYI BDE BA DANG LDAN PAS RNGA SKAD YAN LAG LNGA DANG LDAN PAR GYUR NAS RTZED MO RTZE BAR 'GYUR ZHING, DGA' BAR 'GYUR BA DPE MED PA'I SGRA DANG REG BYA DANG RO DANG GZUGS DANG DRIS RGYAGS PA LA 'DI LTA STE, LNGA'I BYUNG BAR 'GYUR BA'I SBUBS MTSO'I BU GAR MNGON PAR ZHUGS PA LAS BAR CHAD MED PAR CHU LNGAR 'DZEG CING LHUNG NGO, ,DE BZHIN DU DBANG PO LNGA LAS SRED PA DANG LDAN PA RNAMS KYI SRED PA LNGA PO RNAMS NYI MA RE RE ZHING LOG PAR LTUNG
BAR 'GYUR RO, ,'ON KYANG DBANG PO LNGA PO 'DI DAG RNAMS LA TSIM PA SKYE BA YANG MA YIN NO, ,YANG 'DI LTA STE, ME LNGA 'BAR BA LA RLUNG GIS BSKYOD PAR GYUR BAS RI RAB TU 'BAR BAR BYED PAS MCHOG TU SREG PAR BYED PA'I SHUGS DANG LDAN PA LA SHING SKAM PO JI LTA JI LTAR RAB TU BCUG PA DE LTA DE LTAR ME CHES PHAL CHE BAR 'GYUR TE, BUD SHING RNAMS SREG PAR 'GYUR BA'I PHYIR RO; ;DE BZHIN DU DBANG PO 'DI DAG RNAMS KYANG RTAG TU SRED PA DANG LDAN PA RNAMS NI, ME DANG MTSUNGS PA YIN LA RNAM PAR RTOG PA'I RLUNG GIS BSKYOD PAR GYUR CING, TSUL BZHIN MA YIN PA YID LA BYED PA'I RI'I RTZE MO RNAMS SU YUL GYI BUD SHING RNAMS RAB TU 'BAR BAR GYUR PAS, DBANG PO LNGA'I 'DOD PA'I ME RNAMS RAB TU 'BAR BAR GYUR RO, ,DE DBANG PO 'DI DAG RNAMS KYI YUL GYI SHING RNAMS DANG PHRAD PAR GYUR NA, DE LTA DE LTAR ME BZHIN DU RAB TU 'BAR BAR 'GYUR RO, ,JI LTA JI LTAR YANG ME DANG MAR MER PHYE MA LEB RAB TU LTUNG BAR GYUR NA DE LTA DE LTAR SREG PAR BYED DO, ,DE KHO NA BZHIN DU SRED PA DANG LDAN PA RNAMS YUL GYI MES RAB TU LTUNG BAR GYUR BAS KYANG 'CHI BAR 'GYUR BA YIN NO, ,DE'I PHYIR NA PHYE MA LEB LTA BUR GYUR PA NI, SRED PA DANG LDAN PA RNAMS THAMS CAD YIN NO, ,DE'I BDAG NYID DU GYUR PA DE GO BAR GYUR PA'ANG MA YIN NO, ,PHYE MA LEB LTA BUR GYUR PA'I LHA DE DAG RNAMS RAB TU SREG
, ,PAR GYUR PAS YUL LNGA'I MER RAB TU LHUNG BAR GYUR NAS NAGS DANG NYE BA'I NAGS RNAMS SU'ANG 'GRO BAR BYED DO, LHA'I BU MO'I TSOGS DANG BCAS PAS BSKOR BAR GYUR NAS PADMA'I TSAL NAS PADMA'I TSAL RNAMS DANG, DE BZHIN DU BDUD RTZI'I YUL PHYOGS NAS GZHAN BDUD RTZI'I YUL PHYOGS RNAMS SU DANG, DE BZHIN DU BTUNG BA'I BUM PA NAS YUL PHYOGS GZHAN BTUNG BA'I BUM PA RNAMS SU DANG MAR GYIS KUN TU BTAB PAR GYUR PA'I ME BZHIN DU YUL KYI [?] ME RNAMS KYIS DE BZHIN DU DE KHO NA LTAR RAB TU 'BAR BAR 'GYUR RO, ,LHA DE SKYES PA NAS YUL PHYOGS DE RIN PO CHE BDUN GYIS RNAM PAR BRGYAN PAR GYUR PA GANG YIN PA RNAMS RNAM PA DU MAR SHIN TU YID 'PHROG PAR BYED PA'I LHA DANG LHA MO'I TSOGS BRGYA STONG DU MAS GANG BA MTHONG NGO, ,RAB TU DGA' BAR GYUR PA'I RGYAN DANG CHA BYANG DU MA'I GZUGS 'DZIN PA GANG YIN PA RNAMS KYIS YONGS SU GANG BAR MA GYUR PA NI, YUL PHYOGS 'DI NA YOD PA NI, MA YIN NO, ,YUL PHYOGS DE'ANG GAR RGYUN MI 'CHAD PAR LHA'I TSOGS DANG LDAN PAR MI 'GYUR BA YANG NI, MA YIN TE, DE LTAR PHAN CHUN LHAN CIG TU DGA' BAR BYED PA DANG RTZE BAR YANG BYED DO, ,RAB TU 'DRES PAR GYUR PA SNA TSOGS PA'I RGYAN DANG CHA BYAD DANG LDAN PAR RGYAN DANG MNGON PAR DGA'
BA'ANG YIN NO, ,LHA RNAMS LHA'I GNAS RNAMS NAS RNGA SKAD YAN LAG LNGA DANG LDAN PAS NYE BAR BSGRAGS PAR GYUR PA'I LHA GANG YIN PA 'DI DAG RNAMS LAS SHIN TU NYUNG BA'I LAS GANG YIN PA LA NI, RGYAN DANG CHA BYAD THAMS CAD 'DZIN PAR GYUR PAS LHA'I RJES SU 'BRANG BAR BYED PA'I 'KHOR STONG PHRAG BCUR 'GYUR RO, ,DE LTA BU'I RIM PAS KHA CIG LA NI, STONG PHRAG SUM CU GNYIS SO, ,DE BZHIN DU JI SRID DU STONG PHRAG BZHI BCU DANG, DE BZHIN DU JI SRID DU STONG PHRAG LNGA BCU DANG, DE BZHIN DU RJES SU 'JUG PA'I RIM PAS LHA RNAMS KYI 'KHOR JI SRID DU STONG PHRAG BRGYAR 'GYUR RO, ,GAL TE DE'I 'KHOR DE DAG RNAMS KYANG YONGS SU SKYO BAR YANG MI 'GYUR TE, LHA DE DAG RNAMS DANG LHAN CIG KUN TU SBYOR BAR BYED PA NA LHA MO RNAMS THAMS CAD KYANG 'DI LTAR SEMS PAR 'GYUR TE, LHA DANG NGA GCIG PU KHO NAR KUN DGA' BAR BYA'O, ,GZHAN RNAMS DANG NI, LHAN CIG TU MA YIN NO, ,DE LTAR NGOMS PA MED PA'I LHA RNAMS 'DOD PA'I SRED PA DANG LDAN BZHIN DUS BYED DO, ,DE DAG LA NGOMS PA SKYE BA'ANG MA YIN NO, ,'DI DAG NI, GCUGS PAR GYUR BZHIN DU 'BAR BAR GYUR PA YIN NO, ,DE NAS DE LTAR BAG MED PAR GYUR PA RNAMS RNAM PAR 'PHYO BAR BYED PAS NAGS DANG NYE BA'I NAGS DANG RDZING BU DANG SHING DANG TSANG TSING DANG CHU KLUNG DANG RDZING BU RNAMS SU LHAN CIG DGA' BAR BYED
, ,DE; LHA MO MED PAR LHA'I TSOGS KYIS NI, MA YIN NO, ,DE LTAR RGYU BAR GYUR PA LAS DE DAG RNAMS GAL TE SHED NA NGANG PA'I NAGS ZHES BYA BA'I NAGS RJES SU SLOB PAR 'GYUR RO, ,DE NA'ANG DE SRID KHO NAR LHA MO DANG BCAS NAS TE, NAGS DE NI, DGA' BA CHEN PO DANG LDAN PAS LHA RNAMS KYANG NGO MTSAR BAR GYUR PA'I DGA' BA YIN NO; ;DE'I DGA' BA RNAMS NI, 'DI LTA BUR GYUR PA YIN TE, 'DI LTAR NAGS DE'I NYE 'KHOR RNAMS NA NGANG BA DE DAG GI RNAM PAR GSAL BAR BYED DO, ,KUN TU GNAS PAR GYUR PA RNAMS KYANG KHA CIG NI, DNGUL GYI RANG BZHIN GYI SGRO DANG, GSER 'BAB PA'I RANG BZHIN GYI SGRO DANG, PADMA R'A GA'I MDOG GI RKANG PA DANG, PADMA R'A GA DANG MDOG MTSUNGS PA'I KHA DOG DANG, GSUS PA SHIN TU BKRA BA 'BAR BA GANG YIN PA RNAMS SO, ,KHA CIG GSER 'BAR BA'I RANG BZHIN GYI RGYAB DNGUL GYI MDOG DANG LDAN PA'I LOGS KAR KE TA NA'I RKANG PA STE, PHUG RNAMS KYANG DE BZHIN NO, ,KHA CIG NI, SHEL GYI RANG BZHIN GYI RGYAB MU S'A RA'I RANG BZHIN GYI LOGS, GSER BTZO MA'I MIG ,DE DANG 'DRA BA'I MCHU, AINDRA N'I LA'I RANG BZHIN GYI RKANG PA'O, ,KHA CIG NI, RNAM PAR 'DRES PA'I CHA SHAS KYI SGRO RNAM PAR BKRA BAR GYUR PA'I RIN PO CHE BDUN GYI RANG BZHIN RNAM PAR BKRA BA'O, ,KHA DOG GCIG PA RNAMS NI,
'DI LTA STE, DNGUL GYI MDOG DANG, SHEL GYI MDOG DANG, GSER 'BAR BA'I KHA DOG DANG, MU S'A RA'I KHA DOG DANG, KA RA KE TA NA'I KHA DOG RNAMS TE, JI LTA BU'I LAS SEMS DANG SEMS KYIS RNAM PAR BKRA BAR GYUR PA RNAMS DGA' BAR BYED BA DANG, RNAM PAR DPYOD PAR YANG BYED DO, ,DE DAG RNAMS KYANG JI LTAR RJES SU MTHUN PAR MCHOG TU RNAM PAR BKRA BA BYAS PA'I SGRO'I CHA SHAS RNAM PAR BKRA BAR GYUR PA'I NGANG MO RNAMS DANG LHAN CIG TU RTZE BAR BYED DO, ,MTSO DAG DANG RDZING BU RNAMS DANG JI LTAR PADMA'I NAGS RNAMS LA YANG NGO, , LEGS PAR 'BAB PA'I RI CHU KLUNG GI RLABS RNAMS LA DANG, DE BZHIN DU PADMA'I TSAL RNAMS LA DANG, DE BZHIN DU YANG 'JAM PA MNAN NA NEM PA'I SA GZHI CHA KUN LA DANG, ME TOG DANG LDAN PA RNAMS LA'ANG DGA' BAR BYED DO, ,YONGS SU SPYOD PAR BYED DO, ,NGANG PA RNAMS KYANG LHA BZHIN DU LHAN CIG SPYOD PA DU MA DANG LDAN PA YIN NO, ,DE NAS SNA TSOGS PA'I LHA MO'I TSOGS RNAMS KYIS YONGS SU BSKOR BA'I LHA DE DAG DANG, NGANG PA DE DAG NI, NAGS DER ZHUGS PAR GYUR PA NYID NA NGANG PA DE DAG RNAMS MNGON PAR MTHONG BAR GYUR PA NA SLAR NYID KYANG NGO MTSAR BAR GYUR CING YID CHES RAB TU DGA' BAR GYUR TE MIG GI RGYU BA G-YO BA DANG LDAN PAS NAGS DE'I YUL PHYOGS KYI NYE 'KHOR KUN LA RNAM PAR LTA BAR BYED DE,
, ,DE DAG RNAMS KYIS KYANG LHA MO DE DAG RNAMS KYI YID KYI RJES SU MTHUN PAR GYUR NAS YID CHES RAB TU DGA' BAR GYUR PAS 'DI LTAR RTOG PAR BYED DO, JI LTAR LHA RNAMS 'DI NA NGANG PA'I NAGS ZHES BYA BA'I NGANG PA RNAMS KYI NAGS MCHOG TU DGA' BAR GYUR PA JI LTA BA KHO NA BZHIN DU RNAM PAR MDZES PAR GYUR PA RNAMS LA JI LTAR 'DI NA LHA'I NGANG PA'I NAGS ZHES BYA BA NAGS CHEN PO MCHOG TU DGA' BAR GYUR PA JI LTA BA BZHIN DU DE DAG GIS RAB TU MDZES TE, RNAM PA SNA TSOGS PA'I LJON SHING GI TSOGS RNAMS KYIS DE DAG YONGS SU KHYAB PAR GYUR PA, RIN PO CHE KHAMS DU MA RNAMS KYI 'BYUNG KHUNGS DANG LDAN PA DE DAG NI, SHIN TU BAR YANG YON TAN RNAMS PHUN SUM TSOGS PA, RNAM PA SNA TSOGS PA'I PADMA'I RDZING BU DANG LDAN PA'I RI'I RTZE MO NYE BAR DUD PAR GYUR PA RNAM PA BRGYA STONG DU MAR MING BTAGS PAR GYUR KYANG GANG DAG RNAMS KYI MING YANG SHES PAR MI 'GYUR BA'I ME TOG RNAMS DANG NYE BAR LDAN PA, PADMA'I 'BYUNG GNAS BRGYA STONG DU MA RNAMS DANG LDAN PA YIN TE, NAGS DE NA NI, NGANG PA'I RGYAL PO DUS BZANG ZHES BYA BA GNAS SO; ;DE NI, JI LTAR BDAG CAG 'THAB BRAL BA RNAMS KYI MNGA' BDAG MU SU LUNDHA YIN PA DE BZHIN DU NGANG PA RNAMS THAMS CAD KYI 'ANG DUS BZANG 'DI YIN TE, SHIN TU YANGS
PA ZHES BYA BA'I PADMA'I RDZING BU DE NI 'DI RTZE BAR BYED PA DANG, DGA' BAR BYED PA DANG, KUN TU SPYOD PAR YANG BYED DO, ,DRUNG DU YANG 'THAB BRAL GYI MNGA' BDAG MU SU LUNDHA 'ONG NGO, ,DE DANG LHAN CIG TU BYA BA CHEN PO DGA' BAR BYED, KUN TU SPYOD PAR YANG BYED PA NI, JI LTAR LHA'I TSOGS GZHAN DAG RNAMS KYIS DE YONGS SU SHES PAR 'GYUR BA'ANG MA YIN PA DE LTAR DGA' BAR BYED DO, ,DUS BZANG GANG YIN PA DE DANG, 'THAB BRAL BA'I BDAG PO LHAN CIG TU DGA' BAR BYED PA'I RGYU DE CI YIN PA'I RGYU DE'ANG LHA'I TSOGS RNAMS THAMS CAD KYIS KYANG MI SHES SO, ,DE LA RGYU MTSAN DE DAG RNAMS YID LA GYIS LA LHA KHYOD NYID KYANG BDAG CAG RNAMS KYIS YONGS SU BSKOR NAS 'GRO BAR GYIS DANG, DE LA TSIG DE DAG RNAMS LHAG MA MA LUS PAR MTHONG BAR 'GYUR GYI, LHA DE DAG DANG, BYA'I RGYAL PO YANG JI LTA BA BZHIN DU THOS PAR GYUR NAS LHA GSAR DU SKYES BA DES LHA DE DAG RNAMS KYI NANG NAS ZHABS 'BRING BYED PA LA 'DI SKAD CES BRJOD DE, GANG NA NGANG PA'I RGYAL PO DE DANG, 'THAB BRAL GYI BDAG PO MU SU LUNDHA'ANG YOD PA DER BDAG CAG RNAMS JI LTA BA BZHIN DU 'GRO BAR BYA'O,, DE NAS DE BZHIN DU LHA MO DE DAG RNAMS DANG, LHA DE DAG GANG NANG NAGS DE'I NANG NA YOD PA DER NYE BAR LEGS PAR PHYIN NO, ,ZHUGS PAR GYUR PA NA MTHONG BA RNAMS LA LJON
, ,SHING GI TSAL RNAM PA SNA TSOGS PA RNAM PA DU MA DANG, RNAM PA SNA TSOGS PA'I RI DVAGS RNAMS DANG, BYA RNAMS KYIS KUN TU GANG BAR GYUR CING RI DVAGS KYI KHYU RNAMS KUN TU RGYU BA RNAMS LA KHA DOG RNAM PA DU MA RNAMS DANG, RIGS SNA TSOGS PA RNAMS LHAN CIG SPYOD PA RNAMS DANG BCAS NAS DE DAG LA SPYOD PAR BYED DO; ;SPYAD PAR 'OS PA'I ZAS RNAMS LHAN CIG TU ZA BAR BYED CING LHA RDZAS KYI NAGS RNAMS KYI RTZA BA'I ZAS KYANG STE, RIN PO CHE BDUN GYIS SPRAS PA'I LUS CAN RNAMS NA NAGS RNAMS KYI NANG DU DANG, NAGS KYI TSANG TSING RNAMS SU DANG, CHU KLUNG GI NGOGS RNAMS SU DANG, PADMA'I TSAL GYI 'GRAM RNAMS LA DANG, MTSE'U GZHAN RNAMS LA DANG, SMAN LJONGS RNAMS SU DANG, RI'I KHONG GSENG RNAMS LA'ANG KHYU RNAMS DGA' BAR BYED CING KUN RJOD PAR YANG BYED DO, ,DE DAG RNAMS MNGON DU LEGS PAR MTHONG BAS KYANG LHA RNAMS KYI MIG DANG YID MCHOG TU 'PHROG PAR 'GYUR ZHING RNAM PA DU MAR YANG RAB KYI MCHOG TU DGA' BAR GYUR NAS GZHAN YANG MIG NGO MTSAR BAS MIG KUN TU BSKYOD PAR 'GYUR ZHING DE DANG DE DAG RNAMS MIG GTOD PAR BYED CING LHA'I BU MO'I TSOGS RNAMS KYIS YONGS SU BSKOR BAR GYUR NAS KYANG NYE BAR LEN PAR BYED CING SLAR YANG NGANG PA'I NAGS DE NYID
DU RAB TU 'JUG GO ,RAB TU ZHUGS PAR GYUR PA NYID NA KUN TU LTA BAR BYED DO, ,BRGYA PHRAG DU MAR GYUR PA'I RMA BYA'I KHYU RNAMS KYANG LJON SHING GI TSANG TSING DANG NYE BAR GYUR PA RNAMS NA NYE BAR RTOG STE, KHA CIG NI, MGRIN PA NAS DBYANGS SGROG PA'O, ,KHA CIG NI, PHAN TSUN DU MDONGS PHYI ROL TU BYAS NAS KYANG RTZE BAR BYED PAS LHAN CIG SPYOD PA RNAMS KYI SNGON DU GAR BYED DO, , KHA CIG NI, GCIG PU ZHIG TU GYUR NAS SHING 'THUG PO RNAMS KYI NANG DU NOR BU BDUN GYIS SPRAS PA'I THIG LES RNAM PAR BKRA BA RNAMS LJON SHING GI 'DAB MA RNAMS DANG LHAN CIG TU RTZE BAR BYED DO, ,LHAN CIG SPYOD PA RNAMS KYIS RJES SU 'BRANG BAR GYUR PAS NAGS DE'I PHYI ROL NA'ANG MTHO RIS KYI RJES SU MTHUN PA RNAMS DU MA DANG LDAN PAR MTHONG BA NYID DO, ,NGANG PA'I NAGS DER DGA' BAR GYUR PA'I LHA BRGYA STONG BYE BA RNAMS DE LTAR LEGS PAR 'JUG PAR BYED DO, ,GZHAN YANG LHA RNAMS KYI NAGS GZHAN DAG RNAMS LHA GSAR DU SKYES PA DES MTHONG BAR GYUR PA'I NAGS DE DAG RNAMS KYI DGA' BAR GYUR PA NI, 'DI LTA STE, CHU KLUNG MCHOG TU DANG BAR GYUR PA SHES PA'I CHU BO'I NGOS GNYI GA'I NYE 'KHOR NA LHA RNAMS KYIS YONGS SU BSKOR BAR GYUR PAS RNAM PAR GSAL BA DANG, CHU KLUNG DE DAG RNAMS KYANG YON TAN BDUN DANG LDAN PA'I 'O MAS YONGS SU GANG BA RNAMS KYI MING DU GYUR PA LA
, ,'DI LTA STE, 'DOD PA'I CHU DANG, SHES PA'I CHU DANG, KUN DGA' BAR 'BAB PA DANG MYOS PA MED PA ZHES BYA BA'I CHU DANG, MNGAR GYUR PA DANG 'DOD PA THAMS CAD KYI CHU DANG, BYA DANG LDAN PAS MNGON PAR DGA' BA'O, ,RNAM PA DE LTA BUR GYUR PA'I CHU KLUNG RNAMS 'BAB PA'O, ,DGA' BAR GYUR PA'I NAGS CHEN PO DE'I CHU KLUNG DE DAG RNAMS LA'ANG CHU LA RGYU BAR GYUR PA'I BYA RNAMS GRANG MOR GYUR PA'I CHU 'THUNG BAR BYED DO, ,'THUNGS NAS KYANG TSIGS SU BCAD PA RJOD PAR BYED PA JI LTAR, LEGS PAR SNGON GYI THAR PA YI, ,LAM RTOGS NAS NI GSAR PA YANG, ,RMA BYA ZAD NA SKYE BA NI, ,LHA YI 'JIG RTEN DU 'BAB 'GYUR, ,GYIS DANG GANG YANG GSAR PA'I LAS, ,RNAM GSUM RNAM PA GSUM 'BYUNG BA, ,RNYING BCAS GSAR BA RJES SU TSOL, ,'THAB BRAL DAG TU SKYE BAR 'GYUR, ,MA 'ONGS PA YI 'JIG SHES DANG, ,DE LTAR BA LA 'CHUMS MED GANG, ,'DAS PA LA YANG CHAGS PA MED, ,RING MIN PA NA DE CHAGS BRAL, ,BDE DANG SDUG BSNGAL DAG GIS KYANG, ,GANG GI YANG NI RNAM MI 'GYUR, ,BLO GROS BZANG LDAN LHA YI NI, ,'JIG RTEN BDAG CAG 'BAB PA BDE, ,GANG YANG RNYING PA ZOS NAS NI, ,GSAR PA YANG NI MI BYED PA, ,SNGON GYI LEGS BYAS ZAD PA NI, ,'CHI BA'I DUS SU RNAM PAR RIG ,YUL RNAMS KYIS NI 'KHRID
BYED PA, ,LHA GANG SEMS NI RMONGS PA YIN, ,GANG GI BLO NI YON TAN LDAN, ,'DOD PA'I DBANG RJES DE MI 'GRO, ,DA LTAR BA YI 'DOD PA LA, ,KHYAD PAR DU NI SKYON CAN LA, ,GANG ZHIG BDE BAS MI RMONGS PA, ,DE NI BRTAN PA ZHES BRJOD DO, ,SKYON GYIS 'JIGS PAS BRKAM CHAGS MED, ,'DOD RNAMS DBANG DU 'DI MI 'GRO, ,DES NI SDIG KYANG RNAM 'JIG BYED, ,DE NI BRTAN PA ZHES BRJOD DO, ,BDE BA YIS NI 'PHANGS PA'I YID, ,SDIG PA'I 'JIGS PA MA MTHONG BA, ,DGA' BA SHIN TU NGES BSTEN PA, ,RMONGS PA GANG NI RAB TU 'JOMS, ,DGA' BA RNYED NUS THOB GYUR NAS, ,CI PHYIR 'DOD PAS NYAMS PAR BYED, ,RTEN PA DE DAG SHIS PA MIN, ,NGAN SONG SHIN TU CHEN POR 'GYUR, ,'JIG RTEN GLOG DANG SMIG RGYU BZHIN, ,DRI ZA'I GRONG KHYER DANG MTSUNGS BAR, ,THAMS CAD SLU BA'I BDAG NYID CAN, ,'DOD PA MI ZAD PAR RAB BRJOD, ,DE LTAR NGOS NA SPYOD PA'I BYAS, ,SHIN TU BAG MED PAR GYUR PA'I LHA GSAR DU SKYES PA DE DAG MNGON PAR MTHONG NAS TSIGS SU BCAD PA DE DAG BRJOD DO, ,GSAR PA DE'ANG YUL GYIS KUN NAS 'PHROG PAR GYUR PA'I PHYIR NA BYA DE DAG GIS CI BRJOD CES ZER NAS GO BAR MI 'GYUR RO, ,DE NAS PHAN PA DE DAG RNAMS MA BGRANGS PAR SLAR YANG DE KHO NA BZHIN DU NGANG PA'I NAGS KYI CHES NANG DU ZHUGS PAR GYUR PA NA, YUL GZHAN MANG
, ,PO RNAMS LAS 'DOD PA'I RGYAGS PAS ZIN PA RNAMS KYIS NGANG PA'I NAGS SU CHES MCHOG TU DGA' BAR GYUR PA'I KHYAD PAR GYI DNGOS PO PHAL BA NYID LAS DANG POR 'KHRI SHING GI DRA BAS G-YOGS PAR GYUR PA RNAMS RTOGS SO, ,DE LTA DE LTAR MCHOG TU BLA NA MED PA RNAMS DANG LEGS PAR LDAN PA LAS DES RGYANG RING BA NYID NAS NOR BU'I NAGS ZHES BYA BA MTHONG STE, NGANG PA'I NAGS DE NYID KYI 'OD ZER GYI PHRENG BA BRGYA STONG DANG LDAN PA'I NOR BU RNAMS GANG YIN PA'I KHYAD PAR GYIS LHA RNAM [?] NYID KYIS NGES PAR BLTA BAR NUS PA'ANG MA YIN TE, 'OG GI SA NA GNAS PAR GYUR PA'I LHA SUM CU RTZA GSUM PA'AM RGYAL CHEN RIS BZHI PA RNAMS KYANG RUNG STE, GZHAN 'GA' ZHIG NA'ANG RNAM PA DE SRID KYI GZI BRJID CAN NI, YOD PA MA YIN NO, ,NOR BU DE DAG RNAMS JI LTAR 'DOD PA'I DBANG GIS 'GRO BAR GYUR PA GANG YIN PA'I LHA RNAMS 'DOD PAR GYUR NA, DES NOR BU DE DAG RNAMS KHANG BUR GYUR NAS NAM MKHA' LA 'PHAGS PAR BYED DE, KHONG GSENG CAN DU GYUR CING DE DAG GIS KYANG NANG DU SONG NAS KYANG LHA RNAMS RAB TU RTZE BAR 'DOD PAS NAM MKHA' LA 'PHAGS PAR BYED LA, NOR BU DE DAG RNAMS KYANG SEMS BSKYED PA DANG LHAN CIG NYID DU KHANG BUR GYUR
NAS NAM MKHA' LA 'PHAGS PAR GYUR TO, ,LEGS PAR BYAS PA'I LAS RNAMS KYIS NOR BU DE DAG RNAMS KYI NANG DU'ANG CHU KLUNG DANG 'BAB CHU DANG RDZING BU DANG NAGS DANG SKYED MOS TSOL DANG PADMA'I RDZING BU DANG LJON SHING GI TSOGS DANG NAGS TSANG TSING DANG SA GZHI CHA SHAS RNAMS DANG LDAN PA DANG RI'I RTZE MO RNAMS DANG BYA'I SGRA DGA' BA RNAMS DANG LDAN PAR GYUR PA YIN NO, ,JI LTAR YANG BDE BAR GYUR PAS LHA DE DAG RNAMS NAM MKHA' LA BDE BAR RAB TU RGYU BA RNGA SKAD YAN LAG LNGA DANG LDAN PA DANG 'DOD PA'I YON TAN DRUG DANG LDAN PAS DGA' BAR BYED DO, ,JI LTAR GZHAN YANG LHA DE DAG RNAMS NYID 'DOD PAR 'GYUR NA, JI LTAR LHA'I 'JIG RTEN DE DAG RNAMS NYID KHO NAR RTAG TU BDAG CAG RNAMS 'KHOD PAR BYA NA ZHES DE DAG RNAMS KYI SEMS BSKYED PA TZAM NYID NA NOR BU DE DAG RNAMS NYID 'THAB BRAL BA'I LHA'I RIS DE DAG RNAMS NYID DU 'GYUR RO, ,SLAR NYID KYANG DE DAG RNAMS NYID YID BZHIN DU GYUR NAS 'OD ZER GYI PHUNG PO RNAMS RAB TU 'BAR BAR BYED DO, ,RANG GI 'OD ZER RNAMS NYID LHA MO DE DAG GIS LHA GSAR DU SKYES PA DE LA RJOD PAR BYED DO, ,DE NAS DE DAG RNAMS MCHOG TU DGA' BAR GYUR PA'I NGANG PA'I NAGS DE LAS KYANG 'DOD PA'I ZHAGS PA GZHAN RNAMS KYIS KUN NAS DRANGS PAR GYUR TO, ,
, ,SLAR YANG YUL GYIS DRANGS PAR GYUR NAS NOR BU'I NAGS DER GLU NYE BAR LEN PAR GYUR CING RAB TU BRTEN NAS DE DAG RNAMS KYIS HA CANG MI RING BA NAS LTA BAR BYED DO, ,SNGON PO DANG SER PO DANG DMAR PO DANG DKAR PO DAG GI 'OD ZER BRGYA STONG GIS BSKOR NAS NAGS DANG BCAS PA'I YUL GYI NOR BU'I NAGS DE DANG HA CANG MI RING BA'I NGANG BA'I NAGS KYI NYE 'KHOR KUN TU SNANG BAR BYED DO, ,DE NAS LHA DE DAG LHA DE DAG RNAMS KYI DRUNG NAS NAGS DE DAG NYE BAR BSKOR BAR GYUR NAS NOR BU'I KHANG BUR GNAS TE, GANG NA NOR BU'I NAGS DE YOD PAR GYUR PA DER NYE BAR 'GRO'O, ,LHA MO DE DAG NYID DANG LHAN CIG TU DER NYE BAR LEGS PAR PHYIN NAS NOR BU DU MA RNAMS 'BAR BA'I PHRENG BA DANG, RNAM PAR SNANG BAR GYUR PA'I NOR BU'I 'OD RNAMS LA'ANG LTA BAR BYED DO, ,DE NAS LHA DE DAG RNAMS 'DI SNYAM DU SEMS SO, ,CI STE YANG BDAG CAG RNAMS LHA'I NOR BU GZHAN RNAMS GANG YIN PA'I NANG DU JI LTA BAR SONG LA NAM MKHA'I DKYIL DU 'KHOD NAS RNAM PAR RGYU BAR BYA STE, MTHO RIS LA BLTA BA'I DON DU DE BZHIN DU BDAG NYE BAR 'GRO BAR BYA'O, ,DE NAS LHA GSAR DU SKYES PA DE'I SEMS BSKYED PA DANG LHAN CIG TU GANG YID LA BSAM PA'I NOR BU 'DI LTAR DE KHANG BUR DER GYUR TO,,
GYUR NAS KYANG NAM MKHA'I KHAMS SU 'PHAGS SO, ,DE 'PHAGS PAR GYUR PA'ANG LEGS PAR MNGON PAR MTHONG NAS LHA DE LHAN CIG SPYOD PA'I 'KHOR DE DAG RNAMS NYID KUN NAS NOR BU'I RANG BZHIN GYI KHANG BU DER MNGON PAR ZHUGS PA DE DAG GIS MTHONG BAR GYUR TE, JI LTAR RANG GIS BYAS PA'I LAS DANG 'DRA BAR DGA' BA DE'I NANG DE NA 'DI DAG YOD DE; CHU KLUNG DANG 'BAB CHU DANG RDZING BU DANG NAGS SKYED MOS TSAL DANG PADMA'I TSAL DANG DGA' TSAL DANG RI DANG RI'I RTZE MO DANG TSANG TSING DAG GIS LEGS PAR GANG BAR GYUR PA MTHONG NA DGA' BA DU MA RNAMS PHYOGS GZHAN DANG GZHAN NA MTHONG BAR GYUR PA RNAMS LA BYA RNAMS DGA' BAR 'GYUR BA'I KRA KRI'I SGRA RJOD PAR BYED PA DANG, KHA DOG DANG DBYIBS SNA TSOGS PA'I SA'I CHA RNAMS DANG DRI DANG LDAN PAR GYUR PA'I ME TOG GIS KUN TU KHEBS PAS CHAGS PAR BYED DO, ,DE BZHIN DU YUL GZHAN RNAMS NA'ANG MTHONG BAR GYUR PA LA RI DVAGS DANG, BYA RNAMS CHU KLUNG MNYAM PA DANG MI MNYAM PA'I DGA' BAR GYUR PA'O, ,GZHAN YANG LHAS YUL PHYOGS GZHAN RNAMS SU MTHONG BAR GYUR PA LA GANG DAG JI LTAR 'DOD PA BZHIN DU LHA DANG LHA MO'I TSOGS RNAMS KYIS LEGS PAR GANG BAS RGOD PA DANG 'GYING BA DANG RTZE 'JO RNAM PA SNA TSOGS PA'I BDE
, ,BA BLTA BAR DGA' BA RNAMS SO, ,JI SKAD DU BSHAD PA'I YUL PHYOGS DE DAG RNAMS THAMS CAD LA GSAR DU SKYES PA'I LHA DES DANG PO MTHONG BA YIN PAS LHA MO DE DAG RNAMS DANG LHAN CIG TU RTZE BAR BYED CING BAG MED PAS RGYU BAR BYED DO, ,GZHAN YANG YUL PHYOGS GZHAN DAG RNAMS SU'ANG MI NGOMS PA'I 'DOD PA'I SRED PA RNAMS KYIS NYE BAR 'GRO STE, GANG NA BDUD RTZI'I RANG BZHIN GYIS PHYOGS YOD PA DER ZAS DON DU GNYER BAR BYA BA'I PHYIR NYE BAR 'GRO BAR BYED DO, ,DE DER JI LTAR LEGS PAR BYAS PA'I LAS DANG 'DRA BAR ZA BAR BYED DO, ,DE NYE BAR ZOS NAS KYANG YUL GYI MES BSREGS PAR GYUR BAS GANG NA BTUNG BA'I CHU KLUNG YOD PA DER LHAN CIG SPYOD PA'I 'KHOR DANG BCAS NAS NYE BAR 'GRO'O, ,DE'I 'KHOR DE DAG RNAMS NYID DANG, RGYA CHEN PO'I SRED PA'I RLABS RNAMS KYIS KHYER BAR GYUR PA NA BDUD RTZI 'DI DAG RNAMS DANG PHRAD PAR GYUR TE, DE NAS DE DAG BTUNG BA'I SA GZHIR SONG NAS RNAM PA SNA TSOGS PA'I NOR BU'I SNOD RNAMS SU MYOS BYED DE DAG 'THUNG BAR BYED DO, ,DE PHYIR ZHING NYID KYANG MYOS BYED KYIS RANGS PAR GYUR PA NI, MAR KUN TU BLUGS PAR GYUR PA NYID KYI ME 'GRAN ZLA MED PAR GYUR PA BZHIN DU 'DI'I YUL GYI SRED PA RNAMS KYANG RAB TU
'BAR BAR 'GYUR RO, ,DE'ANG YUL DE DAG RNAMS KYIS KUN TU RMONGS PAR GYUR NAS PHYIR ZHING NYID KYANG LHA'I BU MO DE DAG NYID DANG LHAN CIG TU GAR DANG RAB TU DGA' BAR YANG BYED DO; ;DE DAG DE BZHIN DU GNAS DER RTZED MO RNAMS BYAS NAS SLAR YANG GANG NA PADMA'I RDZING BU YOD PAR GYUR PA DER NYE BAR 'GRO BAR BYED DO, ,CHU LA RTZE BAR BYA BAR 'DOD PA'I DBANG DU BYAS NAS THAMS CAD LA'ANG RIG PAR BYAS TE, GANG NA PADMA'I RDZING BU DE YOD PA DER KUN TU NYE BAR 'GRO'O, ,GZHAN YANG DE YUL RNAMS KYIS RGYAGS PAR GYUR NAS DE DAG RNAMS DANG LHAN CIG TU CHU'I RTZED MO BYED PAR 'GYUR RO, ,LHA'I BU MO DE DAG RNAMS NYID DANG LHA'I BDE BA MCHOG TU DPE MED PA RNAMS MNGON SUM DU NYE BAR LONGS SPYOD PAR BYED DO; ;DE GZHAN YANG DE KHO NA BZHIN DU RGYAGS PAS RGYAGS PAR GYUR NAS RNA BA TSIM PAR BYA 'DOD PAS 'GRAN GYI DO MED PA'I YUL GYIS KUN TU KHRID PA'I PHYIR RNGA SKAD YAN LAG LNGA PA NYAN PAR 'DOD DO, ,DE NAS GZHAN YANG DE DAG RNAMS NYID KYI DKYIL DU SONG NAS LHA DE GCIG PU GLU LEN NO, ,GLU NYAN PAR YANG BYED DO, ,RNGA SKAD YAN LAG LNGA DANG LDAN PA THAMS CAD KYI RNA BA DANG YID 'PHROG PAR BYED PA GANG YIN PA NI, DNGOS PO GZHAN RNAMS KYI DPE BYA BAR YANG SLA BA MA YIN NO, ,DE DE LTAR 'DOD PA'I YON TAN LNGA LA NYE BAR LONGS SPYOD
, ,PAR 'GYUR BAS KYANG NGOMS PAR 'GYUR BA MA YIN NO, ,SRED PAS RNAM PAR GDUNGS PAR GYUR PA'I BSAM PA CAN RNAMS NI, SRED PAS RNAM PAR NGOMS PAR 'GYUR BA'ANG MA YIN TE, ,JI LTAR ME NI, BUD SHING RNAMS KYIS NGOMS PAR MI 'GYUR LA DE BZHIN DU 'DOD PA DANG BCAS PAS 'DOD PA DANG LDAN PA RNAMS RNAM PAR NGOMS PA MI SKYE'O, ,DE DE NA RNAM PA DU MA DANG, RNAM PAR RTOG PA DU MA'I BDE BA RNAMS NYE BAR LONGS SPYOD PAR GYUR PAS DUS RING DU RTZE 'JO BYAS NAS GZHAN YANG NOR BU'I RANG BZHIN GYI KHANG BU DE NYID KYI NGANG PA'I NAGS DE NYID DU SLAR YANG RAB TU 'JUG PAR BYED DE, PHYI BZHIN 'BRANG BAR GYUR BA'I 'KHOR RNAMS THAMS CAD DANG DE SONG NAS PHYIR ZHING NYID KYANG SNGA NA MA MTHONG BA'I YUL PHYOGS GZHAN RNAMS SU 'JUG PAR BYED DO, ,NAGS DE'I DGA' BAR GYUR PA'ANG 'DI DAG YIN TE, JI LTAR BLTAS PAR GYUR PA DE LTAR NAGS DE NI; CHES DGA' BAR GYUR PA YIN NO, ,DBANG PO RNAMS KYANG YUL RNAMS KYIS NGOMS PA YANG MED DO, ,DE LTAR BYAS PAS NAGS DE DAG NI, BLTA BAR NUS PA'ANG MA YIN NO; ;DE BZHIN DU 'BAB CHU DANG RDZING BU DANG NAGS DANG NYE BA'I NAGS DANG SHING GI TSOGS RNAMS DANG LHA DANG LHA MO'I TSOGS RNAM PA DU MA RNAMS KYANG DE NA MTHONG NGO, ,DE
KHO NA BZHIN DU RNGA SKAD YAN LAG LNGA DANG LDAN PAS RTZE BAR GYUR PAS GZHAN YANG MKHA' LDING GI RGYAL PO DUS BZANG DE RNAM PAR YANGS PA'I PADMA'I RDZING BU GANG NA GNAS PAR GYUR PA DER LHA'I BU MO'I TSOGS KYIS YONGS SU BSKOR BA DANG BCAS NAS DE DAG RNAMS LEGS PAR 'GRO BAR BYED DO, ,DE LTAR DES MANG DU MTHONG NGO, ,DE LTAR DE'I LHA'I TSOGS BRGYA STONG DU MA RNAMS GLU LEN PAR GYUR PA DANG, LHA RDZAS KYI RIM PAS BDE BA DANG YANG DAG PAR LDAN PAR GYUR PA RNAMS MTHONG BAR 'GYUR RO, ,GANG DAG LA DPES GZHAL BAR BYA BA RNAMS NI, CUNG ZAD KYANG YOD PA MA YIN LA, GANG GIS DPER BYED PAR 'GYUR BA'I 'JIG RTEN KUN TU GSAL BAR BYED PA'I NYI MA'ANG GANG DAG GI KHYAD PAR GYIS SRIN BU ME KHYER TZAM DU'ANG MA YIN NO, ,'OD ZER GYI DBANG DU BYAS NAS DE LAS GZHAN PA RNAMS GANG DAG GIS DPER BYED PA YIN, DE LTAR LHA RNAMS NI, DPE MED PA'I YUL RNAMS KYIS NYE BAR 'TSO BA YIN NO, ,RO RNAMS KYI'ANG DPE BYA BAR NUS PA MA YIN TE, MI RNAMS KYI'ANG GANG GI PHYIR RO'I MCHOG TU GYUR PA RNAMS LA 'DI LTA STE, SBRANG RTZI DANG BCOS PA'I CHANG DANG BU RAM SHING DANG SHA'I RIGS SU GYUR PA RNAMS DANG STE, SHIN TU LEGS PAR SBYAR BA'I RO DE RNAMS THAMS CAD DANG YANG DAG PAR LDAN PAS KYANG BDUD RTZI
, ,DMAR PO DAG GI KHYAD PAR GYIS BIM PA'I 'BRAS BU TZAM DANG YANG 'DRA BA MA YIN NO, ,MI RNAMS KYI RO THAMS CAD DANG YANG DAG PAR LDAN PA DE GANG GIS DPER BYED PAR 'GYUR, ,RO'I DBANG DU BYAS NAS LHA RNAMS KYI BCU DRUG CHAR YANG MI PHOD DO, ,DRI RNAMS KYI'ANG DPER BYA BAR NUS PA MA YIN TE, 'DI NA MI RNAMS KYI DRI ZHIM PAR GYUR PA RNAMS THAMS CAD LA 'DI LTA STE, TZANDAN DANG, AA GA RU DANG, PHYE MA DANG, BYUG PA DANG, NI KHU STI DANG, TZAMPA KA DANG, KE TA KE DANG, YID BDE BA'I ME TOG DANG, DZ'A TI'I DRI DANG, DBYAR GYI DUS PA DANG, AUTPA LA DANG, KU SU MA DANG, NIR TZU LA LA SOGS PA'I 'O, ,DE DAG RNAMS BSDOMS NAS GCIG TU BYAS PAS KYANG LHA RNAMS KYI ME TOG THAMS CAD KYI THA MAR GYUR PA NIM PA'I LO MA'I BCU DRUG GI CHAR YANG MI CHOG GO ,DE LTAR BYAS NAS DRI RNAMS KYI DPER BYA BAR YANG MI NUS SO, ,LHA RNAMS KYI REG BYA NI, DPE MED PA DANG YANG DAG PAR LDAN PA YIN TE, LHA RNAMS KYI GANG YIN PA LA NI, MI RNAMS KYIS RTOGS PA'I YUL MA YIN NO, ,MI RNAMS KYI REG BYA RNAMS THAMS CAD KYI MCHOG TU GYUR PA RNAMS KYANG 'DI LTA STE, SRIN BAL DANG MON DAR DANG NGU GU LA DANG BAL DANG RAS BAL LA SOGS PA DANG, GZHAN YANG MI RNAMS
KYI GANG DAG RNAM PA DE LTA BUR GYUR PA DE DAG THAMS CAD BSDOMS PAR GYUR PAS KYANG LHA RNAMS KYI REG BYA THAMS CAD LAS THA MAR GYUR PA 'DI LTA STE, LHA RDZAS KYI RDO RJER GYUR PA SRID PA'I SDUG BSNGAL BYED PA RNAMS KYI'ANG BCU DRUG CHAR PHYE BA TZAM DU 'ANG MI CHOG PAR 'DOD DO, ,RGYU DES NA LHA RNAMS KYI REG BYA'ANG DPE MED PA YIN LA DE DAG LA'ANG DPE BYA BAR NUS PA MA YIN NA, ,SGRA RNAMS KYANG DPE MED PA DANG YANG DAG PAR LDAN PAS LHA RNAMS RGYU BA YIN NO, ,'DI NA MI RNAMS KYI MCHOG TU GYUR PA'I SGRA NI, 'DI LTA STE, PI WANG DANG SA KshA SHA DANG GLING BU DANG RDZA RNGA DANG GLU LA SOGS PA RNAMS YIN NO, ,CHAGS PAR GYUR PA DE DAG RNAMS THAMS CAD BSDOMS PAS KYANG LHA RNAMS KYI RGYAN GYI MCHOG GI BCU DRUG CHAR YANG MI CHOG PAR 'DOD DE, LHA RNAMS KYI SGRA RNAMS KYANG DPE MED PA DANG YANG DAG PAR LDAN PA YIN NO, ,DPER BYA BA NI, 'DI DAG RNAMS YIN TE, RGYAL CHEN RIS BZHI'I LHA RNAMS DANG MI'O, ,SUM CU RTZA GSUM PA RNAMS KYIS NI, 'THAB BRAL BA LA MA YIN NO, ,DE'I KHYAD PAR YANG MI RNAMS KYI 'DOD PA DANG RGYAL CHEN RIS BZHI'O, ,DE'I KHYAD PAR GYIS SUM CU RTZA GSUM PA DANG RGYAL CHEN RIS BZHI'O, ,RGYAL CHEN RIS BZHI'I YUL DANG SUM CU RTZA GSUM PA'I KHYAD PAR GANG YIN PA'I KHYAD PAR 'DI DAG GIS KYANG SUM
, ,CU RTZA GSUM PA RNAMS KYI 'DOD PA'I RIM PA RNAMS DANG, LAS KYI KHYAD PAR RNAMS KYIS 'DOD PA NA SPYOD PA'I LHA DRUG PO RNAMS KYI'ANG LHA RDZAS KYI YUL RNAMS KYI YON TAN KHYAD PAR DU 'PHAGS PA YIN NO, ,DE'I PHYIR YANG LHA RNAMS NI, BDE BA DPE MED PA DU MA RNAMS DANG YANG DAG PAR LDAN PA YIN NO, ,LHA DE DAG DANG PA'I NAGS DE NA RTZED MO RTZE BAR GYUR PA LAS BAR SNANG LA 'GRO BA'I RGYAL PO DE DANG NYE BAR PHYIN PAR GYUR TO, ,GANG LA 'DI RTZE BAR GYUR PA RNAM PAR YANGS PA'I PADMA'I RDZING BUR LHAN CIG RJES SU SPYOD PA RNAMS KYIS YONGS SU BSKOR ZHING PADMA'I NAGS LA LEGS PAR GNAS TE NYE 'KHOR NA LHA'I TSOGS KYIS YONGS SU BSKOR TO, ,DE DAG RNAMS GANG YIN PA DE'I PADMA GCIG PO GANG LA 'DI RTZE BAR BYED PA DE NI, TSAD DPAG TSAD TZAM MO, ,RIN PO CHE SNA BDUN GYI DPER BYA BAR GYUR PA, RDO RJE'I ZE'U 'BRU RNAMS KYIS REG NA BZOD PAR GYUR PA, BLA NA MED PA'I DRI DANG KHA DOG RNAMS DANG LDAN PA, DPE MED PAR GYUR PA, 'OD ZER DU MA RNAMS KYIS RNAM PAR SNANG BAR BYAS PA, 'DAB MA STONG PHRAG BRGYA PA GANG YIN PA 'DI'I DBUS SU GNAS PAR GYUR NAS PADMA'I RDZING BUR MU SU LUNDHA LA SOGS PA RNAMS LA CHOS STON PAR BYED DO, ,DE'ANG SMON LAM GYI DBANG GIS 'THAB BRAL
PA'I LHA RNAMS KYI NANG DU SKYE BO RNAMS LA PHAN PA'I DON DANG BDE LEGS SU 'GYUR BA'I DON DU STE, PHAN PAR 'DOD PA DAG GIS DER SKYES SO, ,DE DAG RNAMS LA CHOS STON PAR BYED DE; BAG MED PA SPANG BA'I DON DU'O, ,LHA GSAR DU SKYES PA DE MTHAR GYIS RNAM PAR YANGS PA'I PADMA'I RDZING DER SLEB PAR GYUR TO, ,DE MNGON PAR MTHONG NAS KYANG DUS BZANG DES TSIGS SU BCAD PA RJOD PAR BYED PA JI LTAR, 'DOD PAS NGOMS PA MED PA DANG, ,SRID PAS KYANG NI GDUNGS PA YI, ,SEMS DANG DBANG PO G-YO BA YI, ,DUS 'DI YONGS SU 'DA' BA YIN, ,'CHING BA LNGA YIS BCINGS 'GYUR ZHING, ,DRUG GIS RNAM PAR RMONGS PA YANG, ,DUS GSUM LA YANG RNAM RMONGS PA'I, ,DUS 'DI YONGS SU 'DA' BA YIN, 'GRO BA'I BTZON RAR BCINGS NA YANG, ,SKYO BA'I DBANG DU 'GRO MIN PA, ,BAG MED YUL GYIS RMONGS PAS KYANG, ,DUS 'DI YONGS SU SKYEL BA YIN, ,RGOD DANG KHREL MED CHAGS PA DANG, ,LUS KYI MDZES PA LA DGA' ZHING, ,'DOD PAS YID NI NGOMS MED PA'I, ,DUS 'DI KUN NI 'GAG PA YIN, ,MI RTAG SGRUB PAR MI NUS PA'I, ,BDE LA CHAGS PA'I LUS CAN RNAMS, ,BUD MED MTHONG BAS BRGYAL BA YI, ,DUS 'DI YONGS SU 'DA' BA YIN, ,SKYE DANG 'CHI BA'I DBANG NYID DANG, ,SRED PAS KYANG NI RMONGS PA YI, ,BYIS PA'I SKYE BO RNAMS
, ,KYI YANG, ,DUS 'DI YONGS SU 'DA' BA YIN, ,GTI MUG MUN PAR BYING BA DANG, ,KUN NAS 'DOD CHAGS KYI 'PHROG PA'I, ,SRED PAS NGOMS PA MED PA YI, ,ZHE SDANG 'CHING BAS BCINGS NAS NI, ,DUS 'DI YONGS SU 'DA' BAR BYED, ,LOG PAR LTUNG BA MNGON MI SHES, ,RNAM PAR RTOG PAS NYER BCOM PA'I, ,SKYE BO CHAGS PA'I YID CAN RNAMS, ,DUS 'DI YONGS SU 'GAG PA YIN, ,DUS DE TZAM DU DGA' 'GYUR YANG, ,YONGS SU SMIN NAS PHAN MIN PA'I, ,'DOD PA LA NI CHAGS PA'I YIN, ,DUS 'DI YONGS SU SKYEL PA YIN, ,SNGON GYI SDUG BSNGAL MNGON MI SHES, ,LHA YI BDE BA DGA' BA YANG, ,RNAM BRAL DE NI MI SHES PAR, ,DUS 'DI YONGS SU 'DA' BA YIN; ;LAS KYI DRA BAS KUN NAS BCINGS, ,BKREN PA NYID KYI BYED PA YIS, ,DAM PA'I LAM LAS YONGS NYAMS NAS, ,DUS 'DI YONGS SU 'DA' BAR BYED, ,RNAM RMONGS SEMS DANG BRAL BAS NI, ,SRID PA'I SKYON NI SHES PA MIN, ,GTI MUG MUN PAR NUB PA YIS, ,DUS 'DI YONGS SU 'DA' BAR BYED, ,LAS ZHAGS GCIG GIS BCINGS NAS NI; ;GROGS MED GCIG BU'I LUS CAN RNAMS, ,LHA MO'I TSOGS KYIS RNAM RMONGS PAS, ,DUS 'DI YONGS SU 'GAG PAR BYED, ,DBANG PO RNAMS KYIS KHRID PA
DANG, ,DAM PA'I LAM LA 'KHRUL PAS KYANG, ,BUD MED DE NI SHES MIN PAS, ,DUS 'DI YONGS SU 'DA' BAR BYED, ,SDOM DANG SDOM MIN SHES MIN DANG, ,GNOD SEMS MANG POR GYUR PA DANG, ,LEGS PAR BSDAMS PA'I LAM ZHIG PA, ,DUS 'DI YONGS SU SKYEL BAR BYED, ,PHAN DANG PHAN MIN PHYI ROL DANG, ,DON DANG DON MIN LA RMONGS PA'I, ,RTZED MOD BYAS PA DANG MTSUNGS PA'I, ,DUS 'DI YONGS SU 'DA' BAR 'GYUR, ,CHU KLUNG 'BAB CHU LTENG KA DANG, ,NAGS DANG SKYED TSAL SA GZHI LA, ,RTZE DGA' LA NI CHED CHE 'DI'I; ;DUS 'DI YONGS SU ZAD PA YIN, ,KHANG BU DANG ZHI RI STENG DANG, ,PADMA'I TSAL GYI RDZING BUR YANG, ,DGA' BAR 'DOD PA'I LONGS SPYOD LA, ,DUS 'DI YONGS SU 'DA' BAR BYED, ,LAS DANG LAS KYI RNAM SMIN LA, ,SNANG BA MED PA'I LUS CAN RNAMS, ,ZAS LA CHAGS PA 'BA' ZHIG GIS, ,DUS 'DI YONGS SU ZAD PAR BYED, ,KHAMS GSUM 'DI NI RTAG TU YANG, ,LAS KYI RLUNG GIS YONGS SU BSKOR, ,'KHRUL 'KHOR BZHIN DU RTAG TU 'KHOR, ,BYIS PA RNAMS KYIS GO BA'ANG MIN, ,MTHON PO'I RANG BZHIN 'PHYANG MO ZHON; ;SKYES BU LOG PAR LTUNG BA YIN, ,RNAM PAR RMONGS PAS SKYON RNAMS NI, ,BZLOG LA RAB TU 'BAD MI BYED, ,DE DAG DANG NI DE LAS GZHAN, ,'DOD PA'I BDE BA YONGS
, ,SPONG BA; ;'DOD DANG BRAL BA BRTAN PA YI, ,SKYOB PA MYA NGAN 'DAS PA YI, ,DE NI THOG MA BAR THA MAR, ,DGE BA'I BDE LEGS BLA NA MED, ,GANG ZHIG THOB NAS THUB PA RNAMS, ,YAMS DANG BRAL BA'I ZHI BAR RGYU, ,'DOD SKYES SRID BDE DAM PA NI, ,DE NI LOG LTUNG NANG DU CHUD, ,SDUG BSNGAL RNAMS SMIN SKYES MIN PA'I, , 'DOD PA'I KHYAD PAR 'GA' ZHIG MED, ,DE PHYIR 'DOD PA ZHES BYA'I BLO, ,NAM YANG BSKYOD PAR MI BYA'O, ,DE YANG SDUG BSNGAL RNAM 'KHOR BA'I, ,RGYUR GYUR SHIN TU MI BZAD PA'O; ;DE LTAR NGANG PA DES LHA GSAR DU SKYES PA DE MNGON PAR LEGS PAR MTHONG NAS TSIGS SU BCAD PA BRJOD LA, YUL RNAMS LA SMAD RA YANG BYAS SO, ,DES DE LTA BU RNAMS KHO NA BSHAD PAR GYUR PA NA LHA DE MTHA' MA NYID 'THOB PAR 'GYUR RO, ,LHA DES LEGS PAR BSHAD PA DE DAG RNAMS LA BRTZI BGRANG MA BYAS PAS DE BZHIN DU YUL GYIS KUN TU RMONGS PAR GYUR NAS SLAR YANG DE NYID KYI MDUN DU RTZE BA DANG DGA' BA DANG YONGS SU SPYOD PAR YANG BYED CING, CHU LA RTZE BAR BYED DO, ,PADMA'I RDZING BUR ZHUGS PAR GYUR NAS PADMA DAG BCAD DE LHA'I BU MO DE DAG DANG LHAN CIG TU RTZED MO'ANG RTZE BAR BYED DE, LHA RDZAS KYI BDE BA DANG LDAN PA'I YUL GYIS RNAM PAR RMONGS PA'I PHYIR RO, ,PHAN
PA'I TSIG DE DAG RNAMS NYE BAR THOS PAR GYUR NAS KYANG DGA' BAR BYED PA NYID NI, 'DOD PA'I DBANG DU SONG BA'I PHYIR RO, ,DE NAS YANG NAM MKHA' LDING GI RGYAL PO DE MUN PA'I SNOD KYI LHA DE DAG RNAMS LA GZHAN YANG RJOD PAR BYED PA, JI LTAR YUL 'DI DAG GIS RNAM PAR RMONGS PAR GYUR PA DES NA PHAN PA'I TSIG 'DI DAG RNAMS MI THOS SO, ,MA THOS PAR GYUR YANG SONG DANG DA SHES PAR BYED PA 'BYUNG BAR 'GYUR GYI, DE LTAR NAM MKHA' LDING GI RGYAL PO DES RJOD PA DANG, LHA RDZAS KYI CHES GTZO BOR GYUR PA MCHOG TU YANG RNA BA DANG YID 'PHROG PAR BYED PA'I SGRA DAG RING BA NAS THOS PAR GYUR TO, ,LEGS PAR BYAS PA'I LAS CHES LHAG PAR GYUR PA'I SGRA GANG YIN PA DES RNGA PA tA HA DANG GLING BU DANG PI WANG DANG RNGA MU RA BA'I CHOGS DANG, CHAGS PAR 'GYUR BA'I GLU DANG ROL MO'I SGRA THAMS CAD NYAMS PAR BYED DO, ,DE NAS LHA GANG DAG RNAM PAR YANGS PA'I PADMA'I RDZING BU NA RTZED MO RTZE BAR BYED PA DE DAG LAS DE RNAMS THAMS CAD KYANG GANG NAS SGRA THOS PAR GYUR PA DER KHA PHYOGS TE GNAS SO, ,DE NAS RING BA NYID NAD 'ONGS PAR GYUR PA NI, KHANG BU BRGYA STONG GIS YONGS SU BSKOR CING LHA RDZAS KYI GLU MKHAN GYI SGRAS CHAGS PA SKYED PAR BYED PA'I SGRA RNAMS NYE BAR BSGRAGS PAR GYUR PA STE, JI LTAR GZA' DANG SKAR MA DANG RGYU SKAR RNAMS
, ,KYIS YONGS SU BSKOR BA'I ZLA BA RNAM PAR MDZES PA BZHIN DU DE LTAR RNAM PAR MDZES SHING GSAL BA YIN NO, ,DE LTAR YANG KHANG BU'I PHRENG BA BRGYA STONG GIS YONGS SU BSKOR BAR GYUR PA DANG, DE'I LUS LAS KUN NAS 'PHRO BA'I 'OD ZER GYI PHRENG BA RNAMS KYIS LHA'I TSOGS THAMS CAD KYI YID 'PHROG PAR GYUR PAS, MCHOG TU GSAL BAR BYED PA DANG, LHA MO BRGYA STONG GIS KYANG NYE BAR GLU LEN PAR GYUR PAS SHIN TU 'THAB BRAL BA RNAMS KYI BDAG PO 'ONGS PAR GYUR TE, 'DAB MA STONG PHRAG BRGYA PA RIN PO CHE SNA BDUN GYIS NYE BAR SNANG BAR BYED PA MCHOG TU MDZES PAR GYUR CING, DGA' BA'I PADMA'I DBUS KYI SNYING PO GANG YIN PA DE LA NYE BAR GNAS SHING CHOS NYAN PAR 'DOD PAS LHAN CIG SPYOD PAS YONGS SU BSKOR NAS GANG NAS BYANG CHUB SEMS DPA' DUS BZANG NAM MKHA' LDING GI RGYAL PO YOD PA DER 'ONGS PA YIN NO, ,DE NAS MKHA' LDING GI RGYAL PO BYANG CHUB SEMS DPA' DES DE DAG NYE BAR MTHONG BAR GYUR NAS RTZOM PA CHEN POS DE RINGS PAR 'GRO BAR BYED DE, DE YANG NGANG MO GZHAN DAG RNAMS KYIS YONGS SU BSKOR CING, NGANG PA'ANG RIN PO CHE BDUN GYI NOR BU'I THIG LE RNAMS KYIS RNAM PAR BKRA BAR GYUR PA BRGYA STONG DU MAS YONGS SU BSKOR NAS NAM MKHA'I
DKYIL DU 'PHAGS PAR GYUR NAS GANG NA 'THAB BRAL GYI MNGA' BDAG YOD PA DER NYE BAR PHYIN TO, ,NGANG PA DE DAG GIS KYANG DGA' BA'I DBYANGS DAG KYANG NYE BAR BSGRAGS SO, ,DE BZHIN DU LHA DANG BYA'I RGYAL PO DAG PHAN TSUN DU GUS PA DANG BCAS PA DANG, RAB TU 'DUD PAS PHYAG BYAS NAS SMON LAM GYI DBANG GIS 'THAB BRAL GYI LHA RNAMS KYI BAG MED PA GDUL BA'I DON DU SKYES PAR GYUR PA'I BYANG CHUB SEMS DPA' DUS BZANG DES LHA RNAMS KYI MNGA' BDAG DE LA BRJOD PA, RNAM PAR YANGS PA'I PADMA'I RDZING BU GANG YIN PA 'DIR 'THAB BRAL GYI BDAG PO DUS SHIN TU RING BA NAS CI LA 'ONGS PA LAGS, NGAS KYANG LHA GZHAN GYI DRUNG NAS THOS PA'ANG JI LTAR MU SU LUNDHA NI, BAG MED PAS BAG MED PAR MI RGYU BA DANG TSOGS PA RGYU BA RNAM PAR RGYU BA'I SA DAG TU DE BZHIN GSHEGS PA DRUG GI MCHOD RTEN DE DAG RNAMS LA 'DIS PHYAG BYAS SHING LHA'I TSOGS DANG BCAS PA RNAMS KYIS GANG RDZU 'PHRUL GYI STOBS KYIS MNGON PAR BRIS PAR GYUR PA'I MDO DE DAG KYANG BKLAGS SHING LHA RNAMS LA'ANG NYE BAR BSTAN NO, ,LHA RNAMS KYANG NGES PAR BDEN PA YIN PA'I RGYU 'DIS PA KHYED KYI DRUNG DU MA 'ONGS SO, ,NGAS RNAM PAR YANGS PA'I PADMA'I RDZING BUR 'ONGS NAS RTZED MO RTZE BAR BYED PA'I LHA GZHAN DAG RNAMS LA CHOS BSTAN TE, DON DAM PAR GYUR PA NYE
, ,BAR 'PHEL BAR BYED PA DGE BAR GYUR PA BAG MED PA DANG BRAL BAR BYED PA PA THAMS CAD LA MTHAR THUG PAR BYED PAR GYUR PA'O, ,DE LA RGYU 'DI DAG GIS KYANG NGA LHA KHYOD NYID KYI BUR NGA MA 'ONGS PA YIN PAR SHES PAR GYIS LA MI DGA' BAR MI BYA BA DANG, RJES SU MTHUN PAR BYA BA DANG, CHOS LA GUS PAR BYA BA RNAMS BYA'O, , DE NAS DE'I TSIG 'DI DAG RNAMS THOS NAS MU SU LUNDHA SA 'DI SKAD CES SMRAS SO, ,DAM PA KHYOD KYI YON TAN 'DI DAG KYANG SHES LAGS KYI, 'JIGS PAR MA MDZAD CIG ,KHYOD NYID NI; 'THAB BRAL NA GNAS PA'I LHA 'DI RNAMS THAMS CAD KYI NYE BAR GNAS PA'I DGE BA'I BSHES BCOM LDAN 'DAS LAGS KYI, MKHA' LDING LA MNGA' MDZAD PA'I RGYAL PO GSHEGS MDZOD, GANG NA RNAM PAR YANGS PA'I RDZING BU YOD PA DER BDAG CAG GSHEGS SO, ,'DIR DE SKAD CES PHAN TSUN DU BRJOD NAS MKHA' LDING GI RGYAL PO DE'ANG 'THAB BRAL GYI BDAG PO DANG, LHA BRGYA STONG DU MAS KHANG BU RNAMS DANG, NGANG BA DU MA RNAMS KYIS KYANG YONGS SU BSKOR BAR GYUR NAS GANG NA RNAM PAR YANGS PA'I PADMA'I RDZING BU DER NYE BAR LEGS PAR 'GRO STE, NAM MKHA'I DKYIL NAS ROL MO'I SGRA DANG RNGA SGRA DANG GLU DANG BCAS PAS MCHOG TU DGE BAR GYUR PA LA SEMS KYIS KUN NAS BDE BAR
GTOGS PA'I YID DRI MA MED PAR GYUR PAS BAG DANG LDAN PAR RGYU BA DANG, DE BZHIN DU RNAM PA DE SRID KYI BAG MED PA'I SA RNAMS LA 'JUG PAR 'GYUR BA'I 'OD ZER GYI MCHOG DANG LDAN PAR GYUR PA RNAMS RNGA SGRA DANG LDAN PAR SONG NAS RNAM PAR YANGS PA'I MING CAN GYI RDZING 'DIR ZHUGS PAR GYUR TO, ,DE NAS PHYIN PAR GYUR PA DANG LHA GZHAN CHES RAB TU DGA' BA'I YID KYIS PADMA'I RDZING BU DER RTZED MO RTZE BA RNAMS KUN NAS LEGS PAR MTHONG BAR GYUR PAS RTZED MO RAB TU RTZE BAR RTZOM MO, ,RTZE BAR GYUR PA'I LHA DE DAG RNAMS THAMS CAD KYIS KYANG SGRA 'THUG PO'I SGRA KUN NAS SGROG PAR BYED PA BZHIN DU NAM MKHA'I DKYIL DE DAG RNAMS THAMS CAD NAS THOS PAR GYUR TE, THOS NAS YID 'PHROG PAR BYED PA DANG, DES KHRO BA MED PAR BYED PA DANG, RNA BA DANG YID 'PHROG PAR BYED PA RNAMS SO, ,DE NAS PHYIN PAR GYUR PA DE DAG RNAMS THAMS CAD PADMA'I RDZING BU'I BDE BA 'DOD PA DANG YAD YUD TZAM ZHIG NYE BAR BRAL ZHING DE DAG RNAMS THAMS CAD SGRA'ANG MED PAR GYUR PA DANG, RNAM PA DE SRID KYI LHA RDZAS KYI YUL RNAMS KYIS KYANG KHRID PAR MA GYUR CING G-YO BAR GYUR BA'I SEMS KYANG CHOS LA GUS PAS KUN TU GNAS PAS G-YO BA MED PA'I SEMS SU GYUR CING, CHU'I RTZED MO LA RNAM PAR DGA' BA DANG, PADMA'I RTZE MO LA RNAM PAR DGA' BA RNAMS DANG YANG BRAL BAR GYUR PA
, ,DANG, BYAS PAR GYUR PA'I LAS RNAMS CHUD MI 'DZA' BA LA KUN TU BLTAS NAS NAM MKHA' LA 'GRO BA'I RGYAL PO DE LA 'THAB BRAL GYI BDAG PO DES 'DI SKAD CES SMRAS SO, ,JI LTAR DUS BZANG LAGS PAS CHOS BSTAN PAR BYED PA'I DUS 'DI BZANG PO YIN TE, LHA 'DI DAG RNAMS RGYAGS PA DANG BRAL BAR GYUR PAS 'DIR LHA DANG BCAS PA 'DI DAG RNAMS LA CHOS BSTAN PAR BYA BA'I DUS 'DI NI, BZANG PO LAGS SO, ,DE NAS MKHA' LDING GI RGYAL PO SKYE BA GZHAN DRAN PAR GYUR PA DES BCOM LDAN 'DAS 'KHOR BA 'JIG GANG YIN PA DE'I SPYAN SNGAR THOS PAR GYUR PA'I MDO DE BSTAN PA'I DON DU DMIGS SHING, YUD TZAM ZHIG SGRA MED PAR BYAS TE, DE NAS DE LTAR MDO STON PAR RTZOM MO, ,LHA RNAMS NYON DANG CHOS LNGA PO 'DI DAG RNAMS NI, RNAM PAR SMAD PAR BYA BA YIN TE, BAG MED PAR STEN PAR BYED PA GANG YIN PA'I LHA RNAMS SAM, MI'ANG RUNG STE; MI RIGS PAR GYUR PA'I SKYON YIN NO, ,LNGA GANG ZHE NA, 'DI LTA STE, BAG MED PAR GYUR PAS BAG MED PAR SPYOD PA, RNAM PAR G-YENG BA'I YID KYIS GZHAN NYID BSAM PA NA GZHAN NYID RJOD PAR BYED DO, ,DE'ANG SNYING PO MED PA DON MED PAR BYED PA PO SNGA MA DANG PHYI MA 'GAL BA YE YE'O, ,GZHAN RNAMS LA'ANG SEMS 'DZIN PAR 'GYUR BA MA YIN
NO; ;DE CI'I PHYIR ZHE NA, BAG MED PAS RNAM PAR G-YENGS PAR GYUR PA'I BLOS RIG PA MA YIN NO, ,BDAG GIS GTAM 'DI CI SMRAS PA DANG RNAM PA JI LTA BU ZHIG KYANG BDAG GIS SMRAS BYA BA DANG, BDAG GIS GANG LA SMRA BAR BYA BA YANG STE, DE'I BLO RNAM PAR G-YENG BAR 'GYUR ZHING RNAM PAR MI GNAS PAS GANG RUNG BA LA DE SMRA BAR BYED DO, ,DE DE LTAR YANG MOR 'GYUR RO; ;YONGS LAS KHA NYEN PAR 'GYUR RO, ,YID DU MI 'ONG BAR 'GYUR RO, ,GZHAN DAG RNAMS KYIS KYANG RNAM PAR GSHE BAR BYED DO, ,DE THAMS CAD LA RTZVA BZHIN DU BDAG NYID 'DUD PAR BYED DO, ,'DI DAG NI, SKYON DANG PO YIN TE, BAG MED PAS KUN TU BCINGS PA'I SKYON RNAMS KYIS KYANG LOG PAR LTUNG BA RNAMS SU SKYE BAR 'GYUR BA NI, 'GRO BA GSUM PO RNAMS PHAN TSUN DU GANG YANG RUNG BA RNAMS SU'O, ,'DI NI, BAG MED PA RNAMS KYI SKYON GYI DANG PO YIN NO, ,GZHAN YANG BAG MED PA RNAMS LA SKYON GNYIS PA YOD DE, GANG ZHE NA, 'DI LTA STE, DGOS PA DANG DGOS PA MA YIN PA RNAMS KYANG MI SHES PA'O, ,BAG MED PAS NYAMS PAR GYUR PA'I BLOS RTOGS PAR MI 'GYUR TE, BDAG GI LEGS PAR BYAS PA'I DON RNAMS NI, CI YIN, CI NI, BYA BA MA YIN PA YIN, DE'I LAS DE DAG RNAMS KYI 'BRAS BU NI, RNAM PA CI 'DRA BZHIG TU 'GYUR, DE JI LTAR LAS RNAMS SHES PA MA YIN PA DE DE
, ,LTAR RNAM PAR SMIN PA RNAMS KYANG MI SHES SO, ,DE LAS DANG 'BRAS BU RNAMS LA RNAM PAR RMONGS PAR GYUR CING RMONGS PA NI, LUS ZHIG PAR GYUR NAS BAG MED PA DE'I SKYON GYIS NGAN SONG LOG PAR LTUNG BAR GYUR PA DMYAL BA RNAMS SU SKYE BAR 'GYUR RO, ,GZHAN YANG SKYON GSUM PA BAG MED PA LA YOD DE, BAG MED PA LA KUN TU 'KHRID PAR GYUR PA'I LHA'AM MI RNAMS KYANG RUNG STE, GROGS PO DAM PA MA YIN PA STEN PAR BYED LA, DKON MCHOG GSUM LA BSNYEN PAR MI BYED PA DANG, SHES RAB DANG TSUL KHRIMS LA'ANG MA YIN, BLA MA RNAMS LA STEN PAR MI BYED DO, ,SKYON DANG YON TAN GYI KHYAD PAR RNAMS KYANG KUN TU MI SHES SO, ,'KHOR BA'I SDUG BSNGAL RNAMS KYANG SHES PAR MI 'GYUR RO, ,LAS RNAM PA SNA TSOGS PA RNAMS KYANG KUN TU MI RTOGS SO, ,SROD DANG THO RANGS MI NYAL BAR BRTZON PAR GNAS PA'I RANG BZHIN CAN MA YIN NO,, DE SHI BAR GYUR PA'I 'OG TU BAG MED PA DE'I SKYON GYIS NGAN SONG LOG PAR LTUNG BA DMYAL BAR SKYE'O, ,GZHAN YANG SKYON BZHI PA BAG MED PA LA YOD DE, DE GANG ZHE NA, 'DI LTA STE, DE KHO NAR SKYES PAR GYUR PA'I SKYES BU RNAMS DANG, LHA RNAMS KYANG DE KHO NA BZHIN DU TSE'I 'DU BYED RNAMS ZAD PAR 'GYUR ZHING LEGS PAR BYAS PA'I LAS
RNAMS ZAD PAR GYUR NAS NI, 'CHI BDAG GI RGYAL PO 'ONG BAR 'GYUR LA, GANG DANG LHAN CIG TU SKYES PAR GYUR PA'I BAG MED PA STEN PAR BYED PA RNAMS LA DE DANG LHAN CIG TU RNAM PAR 'BRAL BAR 'BYUNG BAR 'GYUR RO, ,BZHI PO 'DI DAG RNAMS GANG YIN PA DANG NI, NGES PA KHO NAR LHAN CIG TU 'BRAL BAR 'BYUNG BAR 'GYUR RO, ,BZHI GANG ZHE NA, 'DI LTA STE; LANG TSO DANG, NANG MED PA DANG, SROG DANG, PHUN SUM TSOGS PA RNAMS SO, ,BZHI PO 'DI DAG RNAMS DANG NI, NGES PA KHO NAR LHAN CIG TU 'BRAL BAR BYA DGOS SO; ;DE DAG RNAMS LA'ANG MKHAS PA RNAMS KYIS SKABS DBYE BAR MI BYA BA DANG, BAG MED PA DE'ANG 'DIR BSTEN PAR MI BYA'O, ,JI LTAR BAG MED PA DES KYANG 'DIR DGRA BZHIN DU 'BYUNG BAR 'GYUR BAS, 'DI NI, BSTEN PAR MI BYA'O, ,BAG MED PAS ZIL GYIS MNAN PAR GYUR BA RNAMS NI, LHA'AM MI RNAMS KYANG RUNG STE, BRLAG PAR 'GYUR RO, , DE'I PHYIR NA 'DI YONGS SU SPANG BAR BYA'O, ,GZHAN YANG BAG MED PAR GYUR PA RNAMS KYI SKYON LNGA PA'O, ,'DI GANG ZHE NA, 'DI LTA STE, GANG LA 'JIGS PA'I GNAS SU GYUR PA DE DAG KHO NA LA YID CHES PAR BYED DE, 'JIGS PA'I GNAS SU GYUR CING YID MI CHES PA JI LTAR BUD MED RNAMS DANG MTSUNGS PA GZHAN NYID NI, YOD PA MA YIN NO, ,BAG MED
, ,PA'I DBANG DU GYUR PA'I SKYES BU NGAN PA RNAMS NI, DE DAG RNAMS NYID LA YID CHES PA SKYES PAR BYED CING GANG 'GA' ZHIG LA YID CHES PAR MI BYED PA RNAMS KYANG DE JI SRID SHI BAR MA GYUR GYI BAR DU SNYING LA 'GEBS PAR BYED DE, JI LTAR ME'I LHAN CIG SKYES PA TSA BA YIN PA DE BZHIN DU BUD MED RNAMS KYI YANG G-YO DANG 'DOD PA CAN DANG SGYU DANG PHRAG DOG DANG MNGON PAR 'KHU BAR 'GYUR BA DANG, NGA RGYAL DANG MI SNYAN PAR BYED PA DANG LOG PAR SGRUB PA DANG KUN TU 'DRES PA'I SEMS DANG SKYON DE RNAMS BUD MED DANG LHAN CIG SKYES PA YIN TE, BAG MED PAS KUN NAS 'KHRID PAR GYUR PA'I SKYES BU NGAN PA DE TSIG TZAM 'BA' ZHIG GIS RAB TU RNAM PAR BCOM PAR GYUR NAS DE DAG NYID LA YID CHES PAR BYED DO, ,DE DAG NYID KYIS KUN NAS 'CHUMS PAR GYUR CING BLO RAB TU SAD PAR BYED DO, ,DE LTAR MDOR BSDUS PAR GYUR NA BAG MED PA RJES SU 'BRANG BA DANG BCAS PA RNAMS LA SKYON CHEN PO LNGA YOD DO, ,RAB TU DBYE BA LAS NI, TSAD MED PAR 'GYUR RO, ,DE'I PHYIR LHA'AM MI RNAMS KYIS KYANG RUNG STE, RAB TU BRTZON PAR CHOG GIS BAG MED PA YONGS SU SPANG BAR GYIS SHIG ,DE DAG NI, MYA NGAN LAS 'DAS PA'I SGO GTAN YIN NO, ,'DI LTA STE, BAG MED PA BSTEN CING BSGOMS LA LAN MANG DU BYAS PAS
NI; DMYAL BAR 'GYUR RO, ,BAG MED PA BSTEN PA RNAMS NI, YI DVAGS SAM DUD 'GRO RNAMS SU'ANG SKYE BAR 'GYUR RO, ,BAG YOD PAS GNAS PA RNAMS LA NI, YON TAN LNGA PO 'DI DAG RNAMS YOD DE, BAG YOD PA RNAMS KYI BSNGAGS PA'O, ,LNGA GANG ZHE NA, 'DI LTA STE, SPYOD PA KUN NAS BSDAMS PAR 'GYUR BA DANG, BLO KUN TU LEGS PAR GNAS PA DANG, BYA BA BYED PA DANG BLO MNYAM PAR ZHAG PA DANG GCIG TU PHAN PA BYED PA DANG, DUG RNAMS BZHIN DU BAG MED PA YONGS SU SPONG BAR BYED DO, ,DES RNAM PA GSUM KUN TU RIG GO ,'DI NI, BAG YOD PA LA MNGON PAR DGA' BAR GYUR PA RNAMS KYI YON TAN DANG PO'O, ,GZHAN YANG BAG YOD PA LA MNGON PAR DGA' BAR GYUR PA'I YON TAN GNYIS PA YOD PA LA, 'DI GANG ZHE NA; 'DI LTA STE, LAS RNAMS KYI LCI BA NYID KUN TU SHES PA'O, ,DE SKYES BU DAM PA LA BRTEN PAR GYUR PAS LAS DANG BCAS PA'I 'BRAS BU RIG NAS BYA BA DAG BYED DO, ,SKYES BU DAM PA MA YIN PA LA MI RTEN NO, ,DMAN PA'I LAS RNAMS MI BYED DO, ,GANG LA'ANG RTAG TU RNAM PAR SMOD PAR 'GYUR BA DANG GANG LAS SKYON MTHONG BA DE DAG RNAMS YONGS SU SPONG BAR BYED DO, , GANG LA YON TAN MTHONG BAR GYUR PA DE DAG LA NYE BAR BSTEN NO, ,YON TAN DANG LDAN PA DANG YON TAN SHES PAR GYUR PA'I BLO GROS BZANG PO RNAMS LA SDIG PA MI 'BYUNG NGO, ,
, ,GZHAN YANG BAG MED PA SPANGS PAR GYUR PA DANG BAG YOD PA STEN PAR BYED PA'I YON TAN GSUM PA YOD DE, GANG ZHE NA, DE BZHIN DU SROG GI MTHAR THUG PAR GYUR KYANG BUD MED RNAMS KYI DBANG DU 'GRO BA MA YIN NO, ,TSIG RNAMS LA YANG DAD PAR MI BYED DO, ,RTAG TU DE'I RANG BZHIN LA RJES SU RTOG GO ,'JIG RTEN GNYIS SU 'CHING BAR BYED PA'ANG GANG GI PHYIR BUD MED DAG YIN PAR GYUR PA DE BZHIN DU'ANG RIG LA GZUGS KYI 'KHRUL PAR YANG MI 'GYUR RO, ,TSIG LA'ANG DAD PAR MI BYED DO, ,DE DE BZHIN DU YANG DAG PA JI LTA BA KHO NA BZHIN DU SO SOR RTOG PAR BYED DO, ,DE'I GAR DANG GLU DANG RGOD PA DANG 'GYING BAG DANG RGYAN CHAS KYANG KUN NAS 'KHRID PAR MI BYED DO, ,BAG YOD PA DANG BAG YOD PAR GYUR PA'I SKYES BU DE RNAMS KYIS KYANG GZHAN RNAM PA DE LTA BU'I BAG MED PA'I GNAS RNAMS MI BYED DO, ,DE'I 'KHOR YANG BSRABS PAR 'GYUR TE, GANG DAG BUD MED KYI BAG MED PAS KUN TU KHRID PAR MI 'GYUR BA RNAMS SO, ,DE'ANG DES SPONG DU 'JUG LA BAG YOD PA'ANG RJOD PAR BYED DO, ,GZHAN YANG BAG YOD PA'I YON TAN BZHI PA YOD DE, 'DI'ANG GANG ZHE NA, 'DI LTA STE, BAG YOD PA NI, LONGS SPYOD RNAMS LA MA YIN, 'DOD PA RNAMS LA MA YIN NO, ,BRGYA LA NA DBUGS 'BYIN PAR BYED
KYI; RTAG TU BLO LA MI BYED DO, ,SEMS KYIS RAB TU RTOG PAR MI BYED DO, ,JI LTAR 'DOD PA DE DAG RNAMS NI, RTAG PA DANG BRTAN PA DANG YID CHES PA'I SA YANG MA YIN LA 'DI DAG RNAMS NI, RGUD PA'I MTHAR THUG PAR 'GYUR BA DANG, SHIN TU MYUR BAR RAB TU 'JIG PAR 'GYUR BA'I CHOS CAN NO, ,DE BZHIN DU NAD MED PA LA'ANG BAG YOD PA RNAMS KYIS NAM YANG YID CHES PA SKYED PAR NI, MI BYED STE, NAD MED PA RNAMS THAMS CAD KYANG NAD KYIS ZIL GYIS GNON NO, ,DE BZHIN DU LANG TSO LA NAM YANG YID CHES BSKYED PAR MI BYED DO, ,LANG TSO 'DI DAG RNAMS THAMS CAD KYANG RGA BAS NYE BAR ZIL GYIS GNON PAR 'GYUR BAS DE LANG TSOS SGRUB PAR MI BYED DO, ,KHENGS PAR MI 'GYUR RO, ,JI LTAR GSON PAS KYANG SGRUB PAR MI BYED DO, ,RANGS PAR MI BYED DO, ,DKA' LAS RNAMS KYANG MI BYED DO, ,DE CI'I PHYIR ZHE NA, NAM YANG 'CHI BDAG GI RGYAL POS 'PHROG PAR BYED PAR 'GYUR BA'I PHYIR RO, ,DE LTAR BAG YOD PAR SPYOD PA RNAMS YID CHES PAR MI BYED DO, ,'DUS BYAS KYI CHOS RNAMS LA BAG MED PAR SPYAD PAR GYUR TA RE, BAG YOD PAR 'GYUR BAS BAG YOD PA SPYAD PA LA YON TAN GZHAN YANG LNGA PA YOD PA NI, 'DI LTA STE, THOS PA DANG LDAN PAR 'GYUR RO, ,'PHAGS PA RNAMS LA RJES SU STEN PAR BYED DO, ,YE SHES LA MNGON PAR DGA' BAR 'GYUR RO, ,DKON MCHOG
, ,GSUM KHYAD PAR DU BYED PA'I RANG BZHIN CAN DU 'GYUR RO, ,MA THOS PA DANG LDAN PA'I DON RNAMS RNAM PAR DPYAD PA MKHAS PAR 'GYUR RO, ,DES 'CHI BDAG GI DUS KUN TU SHES SO, ,SDUG BSNGAL DANG 'CHI BA'I RGYU MTSAN RNAMS RNAM PAR SHES SO, ,DE LA LHA RNAMS KYI 'CHI 'PHO BA'I RGYU MTSAN RNAMS NI, THOS PA'I DON GYIS SHES SO; ;SKYES BU 'CHI BA'I RGYU MTSAN DANG, DE NGAN SONG DU 'GRO BA'I RGYU MTSAN RAB TU 'ONG BA RNAMS KYANG SHES TE, JI LTAR BDAG NGAN SONG DU 'GRO BAR 'GYUR RO, ,DE'I RAB TU BYA BA RNAMS KYANG KUN TU RIG GO ,DE LA'ANG SEMS RAB TU DANG NGO, ,DE'I SEMS BSKYED PAR GYUR PA TZAM GYIS NGAN SONG DU 'GRO BA'I RGYU MTSAN DE DAG NUB PAR 'GYUR RO, ,BDE 'GRO'I RGYU MTSAN YANG RAB TU 'BYUNG BAR 'GYUR RO, ,MCHOG TU GYUR PA'I 'BRAS BU DE DAG RNAMS NI, BAG YOD PA YIN NO, ,MCHOG TU SDUG BSNGAL BAR GYUR PA'I 'CHING BA RNAMS THAMS CAD KYI DRUNG NA'ANG LHAG PA RGYUR PA'I 'BRAS BU YIN NO, ,DE DAG NI, BAG MED PA'I SKYON LNGA DANG, BAG YOD PA'I YON TAN LNGA YIN NO, ,DE NAS DE'I TSE DUS BZANG DES 'KHOR BA 'JIG GIS GSUNGS PA'I TSIGS SU BCAD BRJOD PAR BYED PA, 'DOD PA RNAM PAR SPANGS PA YIN, ,BAG YOD SANGS RGYAS BSNGAGS PAR MDZAD, ,
RGA DANG 'CHI BA'I KHOG RTZE YI, ,BAG MED PA NI BTZOG PA YIN, ,BAG YOD SKYE BO GROL BA YIN, ,BAG MED SDUG BSNGAL SKAL LDAN YIN, ,BAG MED 'CHI BA DE DAG GI ,BLO DMAN RNAMS NI GCOD PAR BYED, ,BAG YOD PAS NI DGE RNAMS KYI, ,LHA RNAMS KYI NI GNAS SU 'GRO ,DE PHYIR GANG ZHIG BAG MED PA, ,RJES STEN SLAR YANG LTUNG BA YIN, ,BAG MED SKYES BU THAMS CAD NI, ,DE LTAR 'KHOR BA LAS SGROL MIN, ,GANG GIS LUS CAN RNAMS BSDAMS PA'I, ,BAG MED ZHAGS PAS NYER 'GRO RNAMS, ,DON MIN DON DANG 'DRA BA DANG, ,DON YANG RTAG TU DON MIN BZHIN, ,BAG MED PA YI SKYES BU NI, ,THAMS CAD PHYIN CI LOG TU MTHONG, ,'JIG RTEN DON YANG MED PA LA, ,NGES PAR LEGS PA GA LA YOD, ,MKHAS PA BLO YI PHA ROL 'GRO, ,BAG MED KUN TU RANG MI BSNGAGS, DE PHYIR BAG MED PA NI MI YIS BSTEN MI BYA, ,DE NI NGAN SONG RNAMS KYI DANG PO'I RTZE MO YIN, ,SKYE GNAS STONG DU 'GRO BAR BYED PA'I SDUG BSNGAL DE, ,BRTAN PA SRID PA'I PHA ROL MCHOG TU 'GRO BAS SPONGS, ,DE LTAR DUS BZANG 'DIS LHA BRGYA STONG DU MA RNAMS KYIS YONGS SU BSKOR BAR GYUR PA'I MU SU LUNDHA DE'I MDUN DU CHOS BSHAD PAR GYUR TE, GZHAN YANG PHAN PA LA RAB TU ZHUGS PAR GYUR CING LHA DANG MI RNAMS LA PHAN PAR 'DOD PA'I PHYIR RO, ,GZHAN YANG MKHA' LDING GI RGYAL PO DE NYID KYIS MU SU LUNDHA LA CHOS KYI MCHOG RNAMS STON PAR BYED DO, ,JI LTAR
, ,LNGA PO 'DI DAG RNAMS NI, BAG MED BSKYES PA'I GNYEN POR GYUR PA LA 'DI LTA STE, 'DI NA BAG MED PA'I SKYES BU RNAMS NI, THAMS CAD LAS KHYAD PAR DU SDUG BSNGAL BAR 'GYUR RO, ,DE BAG MED PA'I SKYON RNAMS GANG DANG GANG GIS SDUG BSNGAL DANG LDAN PAR 'GYUR RO, ,DE SKYON DANG BCAS PA YIN PAR SHES PAR GYUR NAS YONGS SU SPANG BAR BYA STE, YON TAN DANG SKYON DAG SHES PAR GYUR CING YON TAN DANG SKYON DAG MTHONG BAR GYUR PA RNAMS KYIS DE YONGS SU SPANGS PAR GYUR PA LAS NI, 'DI DAG DON MA YIN PAR MI 'GYUR RO, ,SDUG BSNGAL BAR YANG MI 'GYUR RO, ,MI DGE BA MNGON PAR 'PHEL BAR YANG MI 'GYUR RO, ,SHES BZHIN DU'ANG RGYU BAR 'GYUR RO, ,'DI NI, BAG MED PA'I GNYEN POR GYUR PA GCIG YIN NO, ,GZHAN YANG BAG MED PA'I GNYEN POR GYUR PA GNYIS PA GANG ZHE NA, YANG DAG PA JI LTA BA'I DON MTHONG BA'O, ,YANG DAG PA MTHONG BAR GYUR PAS KYANG SKYES BU RNAMS KYIS THAMS CAD NGES PAR LEGS PAR RTOGS PAR 'GYUR TE, DE KHO NA NYID BZHIN KHO NAR MTHONG BAR 'GYUR RO, ,DE KHO NA NYID RIG PA DE NI, BAG MED PA'I SKYON RNAMS SHES PAR GYUR NAS BAG MED PAS KUN TU BKRI BAR MI NUS SO, ,GZHAN YANG BAG MED PA'I GNYEN PO GSUM PAR GYUR PA RNAMS 'DI LTA STE, BAG YOD
BSTEN PAR BYED PA GANG YIN PA DE DAG RNAMS LA STEN PAR BYED DO, ,DE DAG RNAMS KYI DRUNG NAS TSUL KHRIMS SRUNG BAR BYED DO, ,SPYOD PA RNAMS RNAM PAR BGRANG BAR BYED DO, ,LUS NGAG GI BYA BA RNAMS KYANG SLOB PAR BYED DO, ,TSUL KHRIMS DE DANG MNYAM PA YOD PA RNAMS DANG LHAN CIG TU GNAS PAR BYED DO, ,BAG MED PA DE DAG NYID KYI SKYON RNAMS SHES PAR GYUR NAS YONGS SU SPONG BAR BYED PA RNAMS KYI NI, MTHAR 'BRAL BAR 'GYUR RO, ,GZHAN YANG BAG MED PA'I GNYEN POR GYUR PA BZHI PA 'DI DAG KYANG GANG ZHE NA, 'DI LTA STE, YE SHES DANG TSUL KHRIMS DANG LDAN PAR GYUR PA'I SKYES BU RNAMS NI, RTAG TU'ANG DE NYID LA MNGON PAR DGA' BAR GYUR PAS BAG MED PA RAB TU 'JOMS SO, ,BAG YOD PA RAB TU STEN PAR BYED DO, , BAG MED PA RAB TU BCOM PAR GYUR PA DE'I BDE BA RNAMS NYE BAR 'GYUR RO, ,SDUG BSNGAL RING DU BYAS PAR 'GYUR RO, ,GZHAN YANG DES BAG MED PA'I SKYON RNAMS MTHONG BAR GYUR CING DE DE KHO NA BZHIN DU BAG MED PA RNAMS SPONG BAR BYED DO, ,'DI NI, BAG MED PA'I GNYEN PO BZHI PA YIN NO, ,GZHAN YANG BAG MED PA'I GNYEN PO LNGA PA 'DI LTA STE, SKYES BU BAG MED PA'I NYES DMIGS CAN RNAMS LA RGYAL PO'AM RGYAL PO'I BLON PO RNAMS KYIS KYANG RUNG STE, CHAD PA GCOD PAR BYED PA RNAMS JI LTA BA BZHIN DU MTHONG BA'O, ,DE'I SROG
, ,GI CHAD PA'AM, DE'I RANG GI THAMS CAD 'PHROG PAR BYED PA'I CHAD PA'AM, DE'I LUS SGYUR BAR BYED PA'AM, DE'I LAG PA GCOD PAR BYED PA'AM, RNAM PA DE LTA BU'I CHAD PA RNAMS BAG MED PA LAS 'BYUNG BAR GYUR BA GANG GI TSE MTHONG BA DE'I TSE DE LAS GZHAN PA'I BAG MED PA RNAMS LA'ANG 'JIGS PAR 'GYUR RO, ,DE 'JIGS PA DANG BCAS PAR GYUR PA NYID KYIS DRI MA CAN BAG MED PA RNAMS YONGS SU SPONG BAR BYED DO, ,DE BZHIN DU BAG MED PA RNAMS RAB TU 'JOMS PAR YANG BYED DO, ,BAG YOD PA'ANG KUN NAS STEN PAR BYED DO, ,DE LAS RJES SU DPAG NAS DE SDIG PA RNAMS MI BYED DE, BDAG DMYAL BAR SKYE BAR MA GYUR CIG SNYAM DU BSAM PA'I PHYIR RO, ,BAG MED PA BSTEN PAR GYUR PA'I LHA DE DAG RNAMS NI, SDIG PA BYED DO, ,'DI NI, BAG MED PA'I GNYEN PO LNGA PA'O, ,DE LTAR BDAG MED PA DE DAG RNAMS NI, LHA RNAMS LA MDZES PA MA YIN LA MI RNAMS LA'ANG MA YIN NO, ,MDO DE DAG THOS NAS KYANG LHA MANG PO RNAMS MCHOG TU YID BYUNG BAR GYUR NAS BAG MED PA YONGS SU SPONG BAR BYED DO, ,MU SU LUNDHAS KYANG MKHA' LDING GI RGYAL PO DES BSHAD PA DE RNAMS LA MNGON PAR DGA' ZHING RJES SU YI RANG BAR YANG GYUR NAS SLAR YANG LHA'I TSOGS DE DAG RNAMS NYID DANG, JI LTAR 'ONGS PAR GYUR PA
LTAR NAM MKHA' LA 'PHAGS TE DONG NGO, ,DE DAG RNAMS LAS KYANG GZHAN DU GYUR PA'I LHA LHAG MA RNAMS KHA CIG NI, RNAM PAR YANGS PA DE NYID KYI NANG NA RTZED MO RTZE BAR BYED DO, ,KHA CIG NI; JI LTAR 'ONGS PAR GYUR PA DE BZHIN DU SLAR YANG NAGS DANG NYE BA'I NAGS RNAMS SU ZHUGS PAR GYUR CING LHA DAG RAB TU RTZE BAR YANG BYED DE, DE SRID DU 'DOD PA SDUG PA YID DU 'ONG BA BYAS SHING BSAGS PAR GYUR PA'I LEGS PAR BYAS PA'I LAS RNAMS ZAD PAR MA GYUR PA'I DUS DE SRID DU LHA'I RIGS DER RTZE BAR YANG BYED CING DGA' BAR BYED DO, ,DE DE DAG RNAMS ZAD PAR GYUR CING LHA'I RIGS DE LAS SHI 'PHOS PAR GYUR NAS KYANG JI LTAR LAS KYIS NYE BAR 'GRO BA DMYAL BA DANG YI DVAGS DANG DUD 'GRO RNAMS SU SKYE BAR 'GYUR RO, , GAL TE 'GA' ZHIG MI RNAMS DANG SKAL BA MTHUN PAR GYUR PA MIR SKYES NA, DE MCHOG TU SKYID PA NYID DU 'GYUR TE, LAS DE'I RGYU MTHUN PAS YID GZHUNGS PA DANG, SHES RAB KYIS 'TSO BA DANG, RGYAL PO MNGON PAR 'DOD PA DANG, SHIN TU PHUN SUM TSOGS PAR 'GYUR RO, ,'GRO BA DANG YANG DAG PAR LDAN PA'I SA RDZOGS SO,, ,,GZHAN YANG DGE SLONG LAS KYI 'BRAS BU RNAM PAR SMIN PA SHES PA DE 'THAB BRAL BA'I LHA RNAMS KYI SAL KUN TU LTA BAR BYED DO, ,JI LTAR YOD PA'I 'THAB BRAL BA RNAMS KYI 'OD ZER 'PHRO BA ZHES BYA BA DES
, ,THOS PA LAS BYUNG BA'I SHES RAB KYIS MTHONG NGO, ,DER LAS GANG GIS SEMS CAN RNAMS SKYE BAR 'GYUR BA'ANG DES MTHONG BAR GYUR BA NI, SKYES BU DAM PA GANG GIS THOS PA'I DON DANG LDAN ZHING TSUL KHRIMS DANG LDAN PAR 'GYUR TE, MCHOG TU GYUR PA'I YANG DAG PA'I LTA BA DANG LDAN PA GANG GIS PHA ROL LA YID GDUNG BAR MI BYED PA DANG, DRANG PO DANG, YID DRANG POR GYUR PAS SROG GCOD PA DANG MA BYIN PAR LEN PA'ANG SPANGS PAR GYUR PA RNAMS NI, SNGAR BZHIN NO, ,'DOD PA LA LOG PAR G-YEM PA'ANG RNAM PAR SPANGS PAR GYUR PA'O, ,DE LTAR YANG CUNG ZAD CIG KYANG BUD MED DAG LA TSUL BZHIN MA YIN PA YID LA BYED PAR GYUR PAS LTA BAR MI BYED DE, ,'DOD PA LA LOG PAR G-YEM PAR GYUR PA'I 'JIGS PA RNAMS KYIS 'JIGS PA'I PHYIR RO, ,SHIN TU RNAM PAR DAG PA'I LAS SHIN TU RNAM PAR DAG PA'I 'TSO BA LAS KYI MTHA' RNAMS SHIN TU RNAM PAR DAG PAR GYUR PA DE LUS ZHIG NAS MTHO RIS BDE 'GRO'I 'JIG RTEN 'OD ZER 'PHRO BA CAN GYI SAR SKYE BAR 'GYUR RO, ,DE LA SKYES PAR GYUR BA NI, LHA RDZAS KYI YUL RNAMS LA LONGS SPYOD BAR GYUR PA'I BUD MED BRGYA STONG GIS YONGS SU BSKOR BA, LAS KYI MTHA' RNAMS YONGS SU DAG PA, 'DOD PA'I YON TAN LNGA'I RGYAGS PAS DBANG PO DRUG GI DBANG DU SONG
ZHES GYUR NAS DE NAGS DANG NYE BA'I NAGS KUN TU BLTA BA LA BAG MED PA RNAMS JI LTA JI LTAR LHA DES LHA RDZAS KYI SRID PA DU MA RNAMS RNAM PA DU MAR MTHONG BAR GYUR PA DE LTAR BAG MED PAR RGYU BAR 'GYUR RO, ,'DI LTAR GYUR PA YIN TE, LHA DE LHA RDZAS KYI YUL DE DAG RNAMS NYID SGRUB PA LA CHED CHE BA YONGS SU SGRUB PA LHAG PAR 'GYUR RO, ,DE DGA' BAR GYUR PA'I MA GZHI MNYAM PA, MNAN NA NEM PA, BTEG NA 'PHAR PA, 'JAM POR GYUR PA, RIN PO CHE BDUN DANG LDAN PAS SHIN TU RNAM PAR PHYE BA'I SA GZHI CHA MCHOG TU DGA' BAR GYUR PA LA RAB TU 'JUG PAR BYED DO, ,SA GZHI DE NI, RNAM PA DE LTA BU RNAMS YIN TE, SHING GANG DAG LA ZHON PAR GYUR PA DE DAG RNAMS KYANG DE KHO NA BZHIN DU REG PAR BZOD PAR 'GYUR RO, , MCHOG TU MNYEN PAR GYUR PA SBYANGS PA 'JAM PO'I GSER GYI 'DAB MA DANG 'BRAS BU RNAMS JI LTAR 'DOD PAR GYUR PA'I RO DANG DRI DANG KHA DOG DANG LDAN PAS SHIN TU'ANG LHA RNAMS KYI ZAS KYI RGYUR 'GYUR RO, ,DE LTAR LHA DA DAG RNAMS NYID 'DI LTAR 'GYUR TE, GANG GI TSE BDAG CAG RNAMS 'BRAS BU 'DI DAG RNAMS LAS MCHOG TU RO DANG DRI DANG KHA DOG DANG REG BYA RNAMS PHUN SUM TSOGS PA'I BTUNG BA 'BRAS BU DE DAG LAS 'BAB PAR 'GYUR MOD, DE NAS SEMS BSKYED PA TZAM NYID NA LHA DE RNAMS NYID KYI DRUNG DU 'BRAS BU BZANG PO DE
, ,DAG LAS BTUNG BA SNGA NA MED PA RO DANG KHA DOG GI YON TAN DANG LDAN PA RAB TU 'BAB PA'O, ,DE'ANG LHAS NOR BU'I RANG BZHIN GYI SNOD LEGS PAR BZHAG NAS LHA MO DANG BCAS PA RNAMS 'THUNG BAR BYED DO, ,DE DAG RNAMS KYI BTUNG BA DE'ANG DMAN PA DANG BAR MA DANG MCHOG TU GYUR PA'I KHA DOG DANG RO DANG DRIR 'GYUR TE, LAS DU MA RNAMS DANG 'DRA BA YIN PAS JI LTAR LEGS PAR BYAS PAR GYUR PA'I LAS RNAMS NI, ROS KYANG SO SOR STON PAR BYED PA LTA BUR 'GYUR RO, ,DE NAS LHA DE DAG RNAMS BTUNG BA DE 'THUNGS PAR GYUR NAS GZHAN YANG RGYAGS PA DU MAS RGYU BAR BYED CING BAG MED PAR RGYU BAS BSREGS NAS NAGS DANG NYE BA'I NAGS RNAMS LTA BA'I G-YO 'GUL GYIS BSREGS PAS RAB TU GAR BYED PA DANG GLU DANG GAR DANG RGOD PA DANG PHAN TSUN DU LHAN CIG TU BSKYOD PAR BYED PAS GANG NA NAGS DANG NYE BA'I NAGS RNAMS YOD PA DER NYE BAR 'GRO BAR BYED DE, BLTA BAR BYA BA'I DON DU'O, ,DE GANG KHO NA NAS JI LTAR 'GRO BAR BYED PA DES DE DE KHO NA NAS RNAM PA DU MAR DPE MED PA'I LHA RDZAS KYI GZUGS RNAMS MTHONG BAR 'GYUR RO, ,SO SOR STON PAR BYED PA LTA BUR GYUR PA'I RO'ANG MYANG BAR BYED DO, ,DE LA DES RNAM PA DU MA DANG RNAM PAR RTOG PA DU MAR GYUR PA'I RO RNAMS MYANG BAR BYED DO, ,DE BZHIN DU YID 'PHROG PAR BYED PA GANG YIN
PA KHO NA'I DRI RNAMS SNOM PAR BYED DE, ,DE LA DES RNAM PA DU MA DANG RNAM PAR RTOG PA DU MAR GYUR PA RNAMS SNOM PAR BYED DO, ,YID KYI RJES SU MTHUN PA'I REG BYA 'DOD PAR GYUR PA RNAMS GANG DAG KHO NA YIN PA LHA RNAMS KYIS REG BYA REG PAR 'DOD PA DE NYID RNAM PA DU MA DANG MCHOG TU BDE BA'I RJES SU MTHUN PA RNAMS LA REG PAR BYED DO, ,LHA SGRA GANG DANG GANG DAG NYAN PAR 'DOD PA DE NYID RNAM PAR RTOG PA DU MA DANG MNYAM PAR DGA' BA'I SGRA DU MA RNAMS KYIS YID KYI RJES SU MTHUN PAR GYUR PA'I RNAM PAR RTOG PA DU MAS NYAN PAR BYED DO, ,LHA MCHOG TU DGE BA'I TSUL KHRIMS KYI 'BRAS BU LA NYE BAR LONGS SPYOD PAR GYUR PAS, YON TAN RNAMS PHUN SUM TSOGS PAR GYUR PA'I YUL LNGA PO RNAMS LA RNAM PAR SPYOD DO, ,DE DAG DE LTAR RNAM PAR RGYU ZHING RTZED MO RTZE BA LA BLOS LHUNG BAR GYUR PAS DUS YUN RING POR YUL GYI BDE BAS NGOMS PA MED PA RNAMS KYIS DE NAS MNGON PAR DGA' BA'I NAGS ZHES BYA BA'I NAGS MTHONG BAR GYUR PA LA SHING LJON PA BRGYA STONG DU MA DANG LDAN PA NYE 'KHOR NA'ANG NYI BA'I NAGS KYIS KUN TU BRGYAN PA'O, ,MNGON PAR DGA' BA'I NAGS DE NA'ANG DGA' BA 'DI DAG RNAMS YOD DE, DE DAG RNAMS NI, JI LTAR SO SO THA DAD PAR RTZA BA DANG YAL GA DANG YAL GA PHRA MO DAG DANG LDAN PAR GYUR PA YIN LA, DE LA NGOS GCIG GI NYE 'KHOR KUN
, ,NAS MCHOG TU DKAR BA DANG, MCHOG TU DKAR BAR SNANG BAR 'GYUR BAS GANGS KYI MDOG DANG ZHAD 'DRA BA'I NAGS NI, DNGUL GYI LJON SHING GI NAGS ZHES BYA BA YIN TE, NYE 'KHOR DE NI, DE BZHIN DU KUN TU SNANG BAR BYED DO, ,JI LTAR DZAMBU'I GLING DU ZLA BA RGYAS PAR GYUR PA DE BZHIN DU 'OD ZER RNAMS YIN NO, ,NAGS DER GTOGS PA'I SHING RE RE'I 'OD KYANG DE BZHIN DU 'GYUR TE, YUL THAMS CAD LAS KYANG MCHOG TU DGA' BAR GYUR PA DES MIG SNGAR DGA' BAR GYUR PA'I 'OD KYIS SDUG PHAR 'DZIN PA SKYED PA'O, ,GZHAN YANG LOGS GZHAN NI, GAR KE TA NA BZHIN DU NYE BAR MDZES PAR GYUR PA STE, MCHOG TU DMAR BA'I TSOGS SU GYUR PA, 'OD DMAR PO RNAMS KYIS RNAM PAR BRGYAN PA, 'DAB MA DMAR PO RNAMS LA BYA DMAR PO'I TSOGS KYIS KUN TU BRJOD PAR GYUR PAS MNGON PAR DGA' ZHING RNAM PAR SNANG STE, RNAM PAR RTOG PA DU MAR GYUR PA RNAMS THAMS CAD LAS MCHOG TU DMAR BAR SNANG BAS DMAR BAR GYUR PA'I NAGS DES NAM MKHA' RNAM PAR GSAL BAR BYED DO, ,RTAG TU MNGON PAR DGA' BA'I LOGS GZHAN GSUM PA DE'I LOGS KYI NYE 'KHOR NA NYE BA'I NAGS DAG DANG LDAN PA KHA DOG GCIG TU GYUR PAS KYANG SHIN TU KHYAD PAR DU 'BAR BAR
BYED BAR GYUR PA NI, MTHING GA RAB TU DAD PA'I MDOG DANG LDAN PAS NYE 'KHOR KUN TU 'OD ZER GYIS SNANG BAR BYED DO, ,DE'I 'OG RNAMS KYIS KYANG DE LAS GZHAN BA'I NAM MKHA'I DKYIL RNAMS KYANG DE BZHIN DU SNGON POS SHIN TU BAR YANG MDZES SO, ,DZAMBU GLING BA'I NAM MKHAR JI LTA BA BZHIN DU BEE d'URYA DE'I 'OD RNAMS KYIS DE DAG RNAMS MDZES PAR BYED DO, ,RTAG TU MNGON PAR DGA' BA'I NAGS DE NA PHAL CHE BA NYID DU GZHAN YOD PA NI, MA YIN GYI, NYE BA'I NAGS SHEL GYI RANG BZHIN DU GYUR PA NYE 'KHOR NA MCHOG TU DANG BAR GYUR PA'I 'OD RNAMS KYIS RNAM PAR SNANG BAR BYED DO, ,RTZA BA DANG 'DAB MA DANG YAL GA DANG YAL GA PHRA MO DANG LDAN PAS CHEN POR GYUR PA CHU KLUNG DANG 'BAB CHU DANG RDZING BU PHUN SUM TSOGS PA DU MA DANG LDAN PAR GYUR PA'O, ,NAGS CHEN PO DE NYID KYI LOGS GZHAN LA YANG NAGS RNAM PAR SNANG BAR BYED PA NI, AINDRA N'I LA'I LJON SHING GI NAGS YIN TE, RTZA BA DANG YAL GA DANG 'DAB MA DANG ZE BA DANG LDAN PAR GYUR PA, NYE 'KHOR RNAMS NI, MCHOG TU SNGO BA DANG LDAN PAS YID 'PHROG BAR GYUR PA'I 'KHRI SHING GI SHING RNAMS DANG LDAN PA LA RNAM PA SNA TSOGS PAR YID 'PHROG BAR BYED BA'I BDE BA'I SGRA DANG LDAN PAR GYUR PA'I BYA RNAMS KYIS GANG BA, PADMA'I RDZING BU RNAM PA DU MA DAG GIS KYANG NYE BAR MDZES PAR GYUR PA'I NYE BA'I NAGS RNAMS KYI RNAM PAR SNANG BAR BYED
, ,DO; ;DE NA 'OD ZER 'PHRO BA'I LHA DE RANG GIS LAS RNAM PAR 'PHRO BA'I 'OD KYIS KUN NAS BRGYAN PA'I LUS CAN RNAMS GANG NA RTAG TU MNGON PAR DGA' BA'I NAGS YOD PA DER NYE BAR LEGS PAR 'GRO BAR BYED LA, BLTA BAR 'DOD PA DANG RTZE BAR 'DOD PA'I PHYIR TE, NAGS DANG NYE BA'I NAGS DE DAG RNAMS SU RTZED MOS RGYU BAR 'DOD PA RNAMS SRED PA'I RGYAN RGYUN GYIS KUN NAS BCINGS SHING 'DOD PA'I YON TAN LDAS NGOMS PA MED PAS KUN NAS DRANGS NAS LHA DE SLAR YANG KUN TU DGA' BAR GYUR PA DANG RTZE BAR GYUR PAS GANG NA RTAG TU MNGON PAR DGA' BA'I NAGS ZHES BYA BA'I MING CAN DER DE NYE BAR 'GRO BAR BYED DO, ,NAGS DE'I NANG NA YANG THAMS CAD RNAM PAR BKRA BAR GYUR PA STE; RNAM PA SNA TSOGS PA'I KHA DOG GI ME TOG DU MA RNAMS DANG LDAN PA DANG 'BRAS BUS GANG BAR GYUR PA'I NAGS DE'ANG LJON SHING MCHOG TU DRI ZHIM PA DANG LDAN PA RNAMS KYIS KHYAB PAR GYUR PA'O, ,DUNG BA RNAMS 'BAB PAR GYUR PAS KYANG ME TOG GI 'KHRI SHING RNAMS MNGON PAR KHYAB PA DANG, RTAG TU YID 'PHROG PAR BYED PA'I BYA'I TSOGS DAG GIS KYANG BSTEN PAR GYUR PA'I 'KHRI SHING KUN NAS DUD PA RNAMS KYIS NYE BAR MDZES PA DANG, 'OD ZER GYI PHRENG BA KUN TU 'DRES PAR GYUR PA 'BAB CHU DANG, CHU GSHER
DANG, RDZING BU DANG, KHANG BU DANG, CHU TSAG TSIG DANG, SHING GI TSANG TSING DANG, 'KHRI SHING GI KHANG PA DANG, ME TOG GI 'BYUNG GNAS RNAMS KYIS NYE BAR MDZES PAR GYUR PA STE, RNAM PAR RTOG PA DU MAS NAGS KYI RGYAL PO RNAM PAR BKRA BA 'KHRI SHING KUN NAS 'KHRIS PAS DGA' BA'I SA GZHI SHIN TU DGA' BAR GYUR PAS SHIN TU BAR RNAM PAR SNANG NGO, ,LHA'I TSOGS GZHAN DAG BRGYA PHRAG RNAMS KYIS KYANG LAN GCIG MA YIN PAR BSTEN PAR GYUR PA, 'KHRI SHING GI KHANG PA DANG PADMA'I RDZING BU DANG CHU KLUNG GI NGOS DANG 'BAB CHU DANG SMAN LJONGS DANG LJON SHING GI TSANG TSING RNAMS BSTEN PAR GYUR PAS CHES DGA' BAR GYUR PA, GLU DANG GAR DANG RGOD PA DANG 'GYING BA DANG RGYAN CHA'I SGRAS YID 'PHROG PAR GYUR PAS RAB TU GLU LEN PA BZHIN DU NAGS DE NYE BAR RNAM PAR SNANG NGO, ,BDE BA'I DON DU NAGS KYI ME TOG RNAMS RAB TU G-YO BAR GYUR PA NI, RLUNG LEGS PAR RAB TU G-YO BAS ME TOG GI RGYAN RGYUN RNAMS 'BYANG ZHING RAB TU BSKYOD PAR BYED PAR GYUR PA RNAMS NI, RAB TU GAR BYED PA BZHIN DU NAGS DE DAG RNAMS THAMS CAD CHES LHAG PAR RNAM PAR SNANG BAR GYUR PAS LHAM ME'O,, DE NAS LHA DE DAG RNAMS NAGS DER ZHUGS PAR GYUR PA DANG YID BZHIN DU NGO MTSAR ZHING YID CHES RAB TU RANGS BAR YANG GYUR NAS PHYIR ZHING NYID KYANG KUN TU RTZOM PA LTA BUR
, ,GYUR PA'I YID KYIS PHAN TSUN GROGS BYAS PAR GYUR NAS RGYAGS PA LA DON GCIG PA RNAMS GAR BYED DO, ,RGOD PAR BYED DO, ,GLU LEN PAR BYED DO, ,RTAG TU YANG YUL RNAMS LA PHYOGS PAR GYUR PA'I YID DANG, BAG MED PA LA 'GRO BAR BYED PA'I YID KYIS NAGS KYI GSEB RNAMS SU RTAG TU LHA MO RNAMS DANG RTZE BAR BYED DO, ,DE DE LTAR RTZE BAR GYUR PAS NAGS NAS NAGS RNAMS SU DGA' BAR GYUR PA LAS GAL TE SHED NA MAND'A RA BA'I TSAL DU PHYIN TE, RIN PO CHE BDUN GYIS NYE BAR SPRAS PAR GYUR PA'I BCUD DU GYUR CING SNYING POR GYUR PA NAGS DE'I RGYAL PO LTA BUR GYUR PA, NYI MA BRGYA BAS LHAG PA'I 'OD ZER RNAMS KYIS RNAM PAR MDZES PAR GYUR PA'I PADMA'I RDZING BU'I DBUS SU 'GRO BAR BYED DE, DE NAS YANG MAND'A RA BA'I SHING LJON PA LA RNAM PAR BKRA BA ZHES BYA BA'I RMA BYA'I RGYAL PO RAB TU GNAS SO, ,THIG LE BDUN GYIS RNAM PAR BKRA BAR GYUR PA'I SGRO MGRIN PA'I DBYANGS SHIN TU SNYAN PA DANG LDAN PAS NAGS MA LUS PA RNAMS GANG BAR BYED DE, BAG MED PA'I LHA RNAMS KYI BAG MED PA GDUL BAR BYA BA'I DON DU SMON LAM GYI DBANG GIS BYANG CHUB SEMS DPA' DER SKYES PA YIN TE, LHA DE DAG RNAMS NI, YUL LNGA'I MI RNAMS KYI DBUS SU SONG BA'I PHYIR NA 'DOD CHAGS KYI MES 'DI NA BSREGS
BAR GYUR PA RNAMS KUN TU MNGON PAR MTHONG NAS LJON SHING GI YAL GA'I BAR DU SONG NAS RAB TU BRTAN PA'I 'GROS KYIS RJES SU THUGS BRTZE BAR GYUR PAS LHA DE DAG LA 'DI SKAD CES SMRAS SO, ,LHA 'DI DAG RNAMS NI, NGES PA KHO NAR SHIN TU BAG MED PA RNAMS KYI 'ANG MCHOG TU GYUR PAS LTUNG BAR 'GYUR BA NI, SHIN TU MA GO BA YIN NO, ,DE DAG RNAMS KYI BDE BA 'DI DAG RNAMS LAS SHIN TU 'DA' BAR 'GYUR TE, 'DI DAG RNAMS SKAD CIG PA YIN ZHING BRTAN PA MA YIN PA'I LHA RNAMS KYI BDE BA THAMS CAD NI, RAB TU LTUNG BAR 'GYUR TE, RI GZAR PO'I CHU'I BANG DANG 'DRA BAR SHIN TU 'JUG PAR 'GYUR BA YIN NO, ,DE DAG RNAMS RNAM PA THAMS CAD DU'ANG MI GO BAR BAG MED PA'I PHYIR NA CHES LHAG PAR SRED PA RNAMS DON DU GNYER BAR BYED DO, ,DE NAS DE'I TSE RNAM PAR BKRA BA'I RMA BYA'I RGYAL PO DES TSIGS SU BCAD PA BRJOD PA JI LTAR, RNAM PA SNA TSOGS RMI LAM DON, ,CHU YI CHU BUR DANG 'DRA BA, ,DRI ZA'I GRONG KHYER DANG MTSUNGS PA'I, ,LAS LA LHA RNAMS LHUNG BA YIN, ,SRED PA SKYED BYED LTAR GYUR PA, ,MTHAR NI RNAM PAR 'JOMS BYED DANG, ,'OD BYED RNAM PAR YANGS PA YIN, ,'DOD PA LA NI LHA LTUNG NGO, ,SHIN TU MYUR BAR BRAG PAR CHU, ,SHUGS KYIS 'BAB PAR GYUR LTA BU'I, ,NGAN SONG RNAM PA LNGA POR YANG, ,LHA NI 'DOD PAS
, ,SGYUR PA YIN, ,SHIN TU G-YO BA'I RLUNG SHUGS KYIS, ,G-YO BA'I RLABS KYI CHU ZLA DANG, ,ZO CHUN 'KHOR MO'I LIM LOG LTA'I, ,'DOD PA LA NI LHA RNAMS LHUNG, ,GLOG DANG ZO CHUN 'KHOR LO MTSUNGS, ,SMIG RGYU DANG YANG MTSUNGS PA DANG, ,DBU BA BZHIN YANG SNYING PO MED, ,'DOD PA LA NI LHA RNAMS LTUNG, ,GLANG CHEN RNA BA G-YO BA DANG, ,CHU SHING LO MA MTSUNGS PA YI, ,'PHAGS MIN SKYE BO KUN DGA' BA'I, ,RNGA SGRA LA NI LHA RNAMS LTUNG, ,KIMPA KA YI 'BRAS BU MTSUNGS, ,NYA MCHIL ZAS KYI RIGS CAN DANG, ,SGYU MA BZHIN DANG MI RTAG PA'I, ,'DOD PA LA NI LHA RNAMS ZHUGS, ,DGA' BAR GYUR PA'I BUD MED KYANG, ,'JIGS BCAS NYE BAR 'TSE BA DANG, ,LNGA RNAMS SHIN TU STONG PA DANG,, G-YO BAR BYED PA'I KHYAD PAR CAN, ,BTUNG BA MNGAR PO DE DAG GI ,'DOD PA LA NI LHA RNAMS LTUNG, ,SRID PA'I 'CHING BA'I RGYUR GYUR PA'I, ,BAG MED GCIG PU'I RO SHES PA'I, , NGAN SONG MYUR DANG MI BZAD PA'I, ,'DOD PA LA NI LHA RNAMS LTUNG, ,DGA' BAR GYUR PA'I BUD MED NI, ,'JIGS BCAS NYE BAR 'TSE BA DANG, ,DUG DANG MED DANG MTSON 'DRA BA'I, ,'DOD PA LA NI LHA RNAMS LTUNG, ,DE RTAG TU MNGON PAR DGA' BA'I NAGS SU ZHUGS PAR GYUR PA'I LHA DE DAG RNAMS LA DES RJES SU STON PAR BYED DO, ,RNAM PAR BKRA
BA'I RMA BYA'I RGYAL PO DE MCHOG TU DGE BA'I KUN TU RTOG PA DANG YANG DAG PAR LDAN PAR GYUR PA'I SMON LAM GYI DBANG GIS LHA'I RIS DE NYID DU SKYES PAR GYUR LA, DES DE DAG RNAMS MIR GYUR PA GANG YIN PA NA DE DAG GIS MTHONG BA'I DNGOS PO 'DRA BA DE RNAMS KYI DPES 'JAL BAR BYED KYI, LHA RDZAS RNAMS KYIS NI, MA YIN TE, RGYU GANG GIS LHA DE DAG RNAMS KYIS CUNG ZAD THOS PAR GYUR PAS SKYE BA GZHAN RNAMS RJES SU DRAN PAR GYUR CING, DE LAS KYI 'BRAS BU DE DAG RNAMS RJES SU DRAN PAR GYUR NAS RTAG TU SGOM PAR BYED PA DANG, DE SHIN TU LHAG PAR YANG 'DOD PA RNAMS LA SGRUB PAR MI BYED PA DANG, DE LTAR BYAS PAS KYANG MI BZHIN DU RTAG TU SO SOR 'GYOD PA DANG LDAN PA DANG, 'DOD PA'I NYES DMIGS RNAMS KYANG STE; LEGS PAR BSHAD PA RNAMS LHA DE DAG KHA CIG GIS THOS PAR GYUR NAS SKYE BA GZHAN DAG DRAN PA DANG LDAN PAR GYUR TO, ,DE LAS DE LAS RNAMS KYI 'BRAS BU RJES SU DRAN PAR GYUR NAS YUD TZAM ZHIG 'DOD PA RNAMS LA BAG MED PA DANG LDAN PAR MI BYED DO, ,DGE BA RJES SU DRAN PA'ANG KUN TU SKYES PAR 'GYUR RO, ,DE DAG RNAMS KYIS 'DIR YUD TZAM ZHIG PHAN PAR 'GYUR BA DANG, BDE BAR 'GYUR PA DANG, SKYE BA GZHAN BRGYA STONG 'PHEN PAR BYED PA RNAMS KYANG KUN TU BYUNG BAR GYUR PA NI, GZHAN LA PHAN PA LA RAB TU ZHUGS
, ,PA'I BYANG CHUB SEMS DPAS RNAM PAR BKRA BA DES TSIGS SU BCAD PA DE DAG RNAMS BSHAD PA'I RGYUS BYAS PA YIN NO, ,DE NAS SLAR YANG DBANG PO DE NYID KYIS KUN NAS KHRID PAR GYUR NAS NAGS DE NYID KUN TU LTA BAR RTZOM PAR BYED DE, DE DAG RNAMS KYI MGO BO LA PADMA'I PHRENG BA CAN RANG GI 'OD DANG LDAN PA LHA RDZAS KYI RGYAN GYIS KUN NAS BRGYAN PA RNGA SKAD YAN LAG LNGA DANG LDAN PAS KUN NAS BSGRAGS PA'I SGRA'I RGYAGS PAS RGYAGS PA RNAMS SO, ,NAGS DE NA NI, RAB TU PHAL CHE BAR GYUR PA'I SHING LJON PA DANG, 'BRAS BU DANG CHU KLUNG DANG 'BAB CHU DANG RDZING BU DANG CHU MIG RNAMS PHUN SUM TSOGS PAR GYUR PA RNAMS SHIN TU KHYAD PAR DU 'PHAGS PAR YID DGA' BAR GYUR PA RNAMS MTHONG NGO, ,LHA RNAMS BAG MED PAR GYUR PA LA RO GCIG TU BYAS NAS SKYE BA DANG RGA BA DANG 'CHI BA'I 'JIGS PA DANG RNAM PAR BRAL BAR GYUR PAS, DE DAG RNAMS DE LTAR GAR BYED PAR GYUR CING, ME TOG GI PHRENG BA'I NAGS ZHES BYA BA'I NAGS GZHAN DU LEGS PAR RJES SU PHYIN PAR GYUR TO, ,NAGS DE NA'ANG SHING SH'A LI'I 'KHRI SHING BRGYA STONG DU MA DANG LDAN PA SHING DANG ME TOG DU MA KUN TU 'BYUNG BAR 'GYUR BA RNAMS KYI MDOG DANG DRI DANG DBYIBS DANG 'DAB MA DANG MYU GU DANG ZE'U 'BRUR GYUR PA'I ME TOG
RNAMS KYIS NYE BAR MDZES PAR BYAS PA, ME TOG DE DAG RNAMS THAMS CAD NI, 'KHRI SHING LA LEGS PAR RAB TU BRGYUS PA RNAMS YIN NO, ,DE DAG RNAMS KYI NAGS DAG CIG NA YOD PA RNAMS NI, RIN PO CHE BDUN GYI RANG BZHIN DU GYUR PA'I RNAM PAR BKRA BA'I GZUGS DANG SGRA MCHOG TU SNYAN PAR GYUR PA'I DBYANGS RNAM PA DU MA DANG LDAN PA'I BUNG BA RNAMS KYIS NYE BAR MDZES PA DANG, ME TOG GI PHRENG BA'I NAGS DE NA RNAM PAR 'GYUR BA DU MA'I ME TOG GI PHRENG BA RNAMS KYIS LHA DE DAG RNAMS RNAM PA SNA TSOGS PA'I RTZED MO RTZE BAR BYED DO,, DE DE LTAR MDZES PAR GYUR PA LAS KYANG SLAR YANG BCU 'GYUR BAS KYANG CHES LHAG PAR MTSUNGS PA'I LHA MO RNAMS KYIS MDZES PAR GYUR TO, ,LHA MO RNAMS KYANG ME TOG GI PHRENG BA'I NAGS NA CHE CHER GYUR PAS PHAN TSUN DU GNOD PA DANG BRAL BAR GYUR NAS DON GCIG TU GYUR PA'I NAGS DANG NYE BA'I NAGS KYI 'OD KYI RANG BZHIN SGRON MA'I SHING GI GSEB RNAMS KYI ME TOG 'THOG PAR BYED DO, ,RNAM PA DU MAR GYUR PA'I ME TOG RNAMS KYI GANG 'GA' ZHIG GI DRI NI, DPAG TSAD LNGAR 'GRO'O, ,KHA CIG GI BCUG 'GYUR RO, ,KHA CIG GI NI, NYI SHUR RO, , KHA CIG GI NI, DPAG TSAD SUM CU RTZA GNYIS SU DRI RAB TU RGYU'O, ,DE LTAR NAGS DE NA MCHOG TU DRI PHUN SUM TSOGS PAR GYUR PA'I RNAM PA DU MA'I ME TOG RNAMS DANG YANG NYE BAR LDAN
, ,PAS LHA MO DANG LHA DAG RGYAGS PAS THAMS CAD RTZE BAR GYUR CING RGOD PAR GYUR PAS GANG NA BAG MED PA'I CHU ZHES BYA BA'I CHU KLUNG DER 'GRO'O, ,BTUNG BA DE'ANG SGRA DANG REG BYA DANG RO DANG GZUGS PHUN SUM TSOGS PAR 'BAB BO, ,DE MTHONG BAR GYUR NAS LHA DE DAG RAB TU DGA' BA'I YID KYIS 'THUNG BAR 'DOD PAR GYUR NAS CHU KLUNG GI 'GRAM DU 'KHOD DO, ,SKOM PAR GYUR NAS KYANG DE DAG RNAMS KYIS 'THUNGS PAR YANG GYUR TO, ,RTAG PAR RGYAGS PA ZHES BYA BA'I BYA BAG MED PA'I CHU KLUNG DE NYID KYI 'GRAM NA RAB TU GNAS SO,, DES TSIGS SU BCAD PA BRJOD PA JI LTAR, BAG MED CHU BOR KUN TU NUB, ,YUL RNAMS KYIS NI KUN TU KHRID, ,YID NI RNAM PAR RMONGS BYED PA, ,MYOS BYED BTUNG BAS YANG CI BYA, ,YUL GYI ME YIS BSREGS PA YIS, ,DON DANG DON MIN MI SHES PHYIR, ,NAGS DANG NYE NAGS SU BKRAM PA, ,MYOS BYED BTUNG BAS KYANG CI BYAS, ,DE LTAR RTAG PAR RGYAGS PA'I BYA DES MCHOG TU MYOS BYED KYI BTUNG BA LA KUN TU CHAGS PAR GYUR PA RNAMS MNGON PAR MTHONG NAS RJES SU 'DOMS PAR BYED PA'I TSIGS SU BCAD PA BRJOD DE, DE DAG RNAMS KYIS THOS NAS SLAR YANG MYOS BYED DE NYID 'THUNG BAR BYED DO, ,MCHOG TU RANGS PA'I YID CAN 'OD KYI PHRENG BA MCHOG DANG LDAN PA RNAMS DE ME TOG GI PHRENG BA'I NAGS DER YANG DUS RING DU
RNAM PA DU MA RNAMS DANG, GZHAN DANG MI 'DRA BA RNAMS KYI MYOS BYED KYI BYA BA DAG BYAS NAS SLAR NYID KYANG YUL GYIS NGOMS PA MED PAS 'DOD PA'I YON TAN LNGA PO DES KYANG BAG MED PAR GYUR NAS RNGA SKAD YAN LAG LNGA DANG LDAN PAS LHAN CIG TU GAR BYED PAR GYUR CING, GANG NA ME TOG GI KHANG PA ZHES BYA BA YOD PA DER NYE BAR LEGS PAR 'GRO BAR BYED DE, BRO GAR DANG GLU DANG ROL MO'I SGRA DANG BCAS NAS RGYAGS PAS RNAM PAR RGYU BA RNAMS 'GYING BAG GIS 'GRO BAR BYED DO, ,DE NAS ME TOG CHEN PO PHUN SUM TSOGS PA'I NAGS DE KUN NAS LHAG PAR BYED DE; LHA RNAMS SNGA NA MED PA'I LTABS GDUNGS PA'I PHYIR RO, ,LHA DE DAG RNAMS KYANG DE LTAR DGA' BA'I NAGS DANG NYE BA'I NAGS DANG PADMA'I TSAL DANG RIN PO CHE BDUN GYI RI'I RTZE MO DANG LDAN PA'I LHA'I RIS DE DAG RNAMS MNGON PAR MTHONG NAS MCHOG TU NGO MTSAR BA SKYES PAR GYUR TE CA CO DANG MIG KYANG RIG RIG POR GYUR CING, NYE 'KHOR KUN TU MIG SGYUR PAR BYED PAS KYANG NGOMS PAR 'GYUR BA NI, MA YIN NO, ,LHA DE DAG DANG, LHA MO RNAMS KYANG DE KHO NA BZHIN DU SNGA NA MED PA MTHONG BAS G-YO ZHING ZHEN PAS DE RIM GYIS RNAM PAR RTOG PA BRGYA STONG DU MAS ME TOG DANG NYE BAR LDAN PA'I ME TOG GI KHANG PA KUN TU MNGON PAR MTHONG BAR GYUR PA DES SLAR NYID KYANG YID CHES BRTZOM PA DANG LDAN PA BZHIN DU GAR
, ,BYED PA DANG RGOD PAR BYED PA DANG GLU LEN PAR YANG BYED DE, DE DAG RNAMS DE KHO NA BZHIN DU BAG MED PAS MCHOG TU SDUG PAR GYUR PAS 'KHRI SHING GI KHANG BU RNAMS SU ZHUGS SO, ,KHYIM DE DAG RNAMS KYANG 'KHRI SHING GI SHING LJON PA RNAMS NYE BAR DUD PAR GYUR PA 'DAB MA RNAM PAR BKRA BAR MDZES PAR GYUR PA'I RIN PO CHE'I RANG BZHIN RNAM PA SNA TSOGS PA'I 'KHRI SHING GIS NYE BAR BSGRUBS PA RNAMS LA 'DI LTA STE, BEE d'URYA'I 'KHRI SHING GI KHANG BU GANG YIN PA DE LA NI, GSER 'BAR BA'I MDOG GI 'DAB MAS KUN TU KHYAB PAR GYUR PA'O, ,GANG YANG GSER GYI 'KHRI SHING NYE BAR SGRUB PA'I KHANG BU GANG YIN PA DE DAG RNAMS LA NI, BEE d'URYA'I 'DAB MA RNAMS KYIS GANG BAR GYUR CING KAR KE TA NA'I MDOG GI 'BRAS BUS NYE BAR MDZES PAR BYAS PA'O, ,AINDRA N'I LA'I RANG BZHIN GYI 'KHRI SHING GIS MDZES PAR BYAS PA'I 'KHRI SHING GI KHYIM GANG YIN PA DE LA NI, DNGUL GYI RANG BZHIN GYI 'DAB MA RNAMS KYIS PHUBS SU GYUR PAR BYAS SHING, SHEL GYI RANG BZHIN CAN RNAMS LA NI, GSER GYI 'BRAS BU DANG LDAN PA'O, ,KAR KE TA NA'I SHING 'KHRIL BA RNAMS GANG YIN PA DE LA NI, AINDRA N'I LA'I RANG BZHIN GYI 'DAB MA RNAMS KYIS NYE BAR MDZES PAR GYUR CING GSER GYI RANG BZHIN GYI 'BRAS BUS MDZES PAR BYAS
PA'O; ;SHEL GYI 'KHRI SHING RNAM PAR BRGYANGS PA NYE BAR PHUB PAR GYUR PA'I 'KHRI SHING GI KHANG PA GANG YIN PA DE'I TSE NI, DE LA GSER GYI 'DAB MA RNAMS KYIS NYE BAR MDZES PAR GYUR PA DANG, SNGON PO CHEN PO'I KHA DOG GI 'BRAS BUS MDZES PAR GYUR PA'O, ,DE NA'ANG RNAM PAR RTAG PAR MDZES PA'I BUNG BA'I TSOGS RNAMS KYIS YID 'PHROG PAR BYED PA'I SGRA'I MCHOG RNAMS NYE BAR SGROG PAR BYED PA, ME TOG CHEN PO'I KHANG PA ZHES BYA BA'I NAGS DE NA NI, NANG RNAMS KYANG DE LTAR MCHOG TU DGA' BAR GYUR PA YIN TE, GANG NA LHA DAG MYOS PA LA DON GCIG PAS DGA' BAR BYED PA'O, ,NAGS DE'I PHYI RO LA RNAMS NA'ANG MCHOG TU DGA' BAR GYUR PA RNAMS YOD PA LA 'DI LTA STE, PADMA'I RDZING BU DAG NA GSER GYI 'DAB MA RNAMS DANG, BEE d'URYA SNGON PO RNAMS DANG, AINDRA N'I LA'I ZE'U 'BRU DANG, DNGUL GYI RANG BZHIN GYI SNYING PO CAN GYI NYE 'KHOR RNAMS KHYAB PAR GYUR PA DANG, BUNG BA'I TSOGS RNAMS KYIS KYANG NAGS DE NYE BAR MDZES PAR BYAS PA, NGANG PA DANG KA RAndA PA DANG NGANG NGUR DANG KA DAM PA'I SGRA KUN TU SGROG PAR BYED PAS SGRA YID 'PHROG PAR GYUR PA RNAMS KYIS NYE BAR MDZES PAR GYUR CING YONGS SU BSKAR NAS NAGS DE CHES LHAG PAR RNAM PAR MDZES SO, ,ME TOG GI PHRENG BA RNAMS NYID KYI PADMA'I NAGS DE'I NYE 'KHOR KUN NAS 'KHOR BAR GYUR PA LA DES
, ,KYANG ME TOG GI KHANG BA'I NAGS CHEN PO YONGS SU BSKOR NAS MDZES SO, ,PADMA'I PHRENG BA DE DAG RNAMS KYI PHYI ROL GYI SHING GI NAGS GANG DAG LA RI DVAGS DANG BYA'I TSOGS RNAMS MCHOG GI RAB TU DGA' BAR GYUR PAS KHA CIG NI, SHING GI RTZA BA NAS BYUNG NAS SDOD DO, ,KHA CIG NI, PADMA DANG NYE BA NA ZA BAR BYED DE, LHA RDZAS KYI NAGS KYI 'BRAS BU DANG ME TOG DANG RTZA BA RNAMS MCHOG TU DRI ZHIM PA'I MDOG DANG RO DANG DRI DANG YANG DAG PAR LDAN PA RNAMS LA STE, LHAN CIG SPYOD PA'I 'KHOR DANG BCAS PA RNAMS SONG NAS LHA'I MCHOG DE DAG DGA' BAR BYED DO, ,RI DVAGS DANG, BYA DE DAG RNAMS KHA CIG NI, MCHOG TU DGA' BAR GYUR PA'I LHA RDZAS KYI SGRA THOS PAS YID 'PHROG PAR 'GYUR ZHING, CHAGS PA DANG MTSUNGS PA DANG DPE MED PA'I LHA RDZAS KYI GLU RNAMS NYAN PAR BYED DO, ,RNA BA DANG MIG DANGS PA NGO MTSAR ZHING RGYAGS PA'I RI DVAGS RNAMS DGA' BAR BYED DO, ,KHA CIG NI, GZHAN RI DVAGS MO DANG PHAN TSUN LHAN CIG MNGON DU PHYOGS PA NYID KYIS SHING GI RTZA BAR BYUNG ZHING GNAS NAS SKYUG LNGAD BYED PAR GYUR PAS MNAN NA NEM PA BTEG NA 'PHAR BA'I SA GZHI DGA' BAR GYUR PA RNAMS SU NYE BAR GNAS NAS PHAN TSUN DU LTA BAR BYED DO, ,KUN RJOD PAR YANG BYED DO, ,RI DVAGS RI DVAGS MO DANG
LHAN CIG TU RIN PO CHE SNA BDUN GYIS RNAM PAR BKRA ZHING NYE BAR 'BAR BAR GYUR PA'I THIG LES NYE BAR BKRA BAR BYAS PA'I LUS CAN GYI NAGS KYI NANG RNAMS SU DGA' BAR BYED PA, BYA RNAMS DANG RI DVAGS RNAMS KYANG RNAM PA SNA TSOGS PA'I KHA DOG DANG DBYIBS DANG RIGS RNAMS SO, ,MCHOG TU ZHI BAR GYUR PA RNAM PAR RTOG PA SNA TSOGS PA RNAMS KYIS DGA' BAR BYED PA RNAMS LA 'DI LTA STE, KHA CIG NI, PADMA KHAS BLANGS NAS GLU'I SGRA RNAMS NYAN NO, ,YONGS SU 'CHAM PAR BYED DE, 'KHOR LO'I 'GROS KYIS RTZED MO RTZE BAR BYED PA'I GROS CAN RNAMS LHAN CIG SPYOD PA DANG BCAS NAS BZHAD GAD BYED PA YIN NO, ,KHA CIG NI, KHYUR GYUR PAR NYE BAR GNAS NAS SGRO DAG KUN TU GYON PAS LUS GONG BUR BYAS SHING KUN BLO MTHUN PAR GYUR PAS DE DAG RNAMS SONG STE NAGS KYI GSEB LA BRTEN NAS SGRA NYAN PAR BYED DO, ,KHA CIG NI, RIN PO CHE GZHAN DAG RNAMS KHA NA BZUNG NAS 'OD ZER GYI PHRENG BA DANG LDAN PA'I YUL PHYOGS GZHAN DANG GZHAN RNAMS SU NYE BAR 'DRE BAR BYED DO, ,KHA CIG NI, GZHAN RI RNAMS KYI RTZE MO RIN PO CHE BDUN GYI 'OD KYIS SNANG BAR BYAS PA LA BSNYER ZHING SPRUGS TE SGRO'I PHRENG BA STENG DU RNAM PAR BRKYANGS NAS GLU LEN PAR GYUR PA DES THOS PAR KUN TU KHRID DE, GANG NA GLU'I SGRA DE YOD PAR
, ,GYUR PA'I ME TOG GI KHANG PA DER 'GRO STE, NAM MKHA' LA MDZES PAR GYUR PA'I SGRO'I SGRA RNAMS KYIS MCHOG TU YID RAB TU DGA' BAR GYUR PAR RO, , LJON PA'I NAGS KYI NAGS GZHAN RNAMS NAS KYANG SNA TSOGS PA'I SGRO RNAM PAR BKRA BA'I LUS CAN GYI BYA GANG DAG GIS ME TOG RAB TU RGYAS PA'I 'KHRI SHING DAG KHA NAS KHYER NAS GANG NA DE ME TOG GI KHANG PA'I NAGS YOD PA DER BSNYEN TE 'ONG BAR BYED DO, ,GZHAN YANG PHYOGS KYI CHA GZHAN RNAMS NAS KYANG GLU LEN PA DE MNGON PAR THOS PAR GYUR NAS NGANG PA DANG NGANG MO RNAMS PHAN TSUN DU PHAN PAR GYUR PA DANG PHAN TSUN DU KHA NAS RIN PO CHE'I PHRENG BA RNAMS YONGS SU KHYER BA, KHA DOG SNA TSOGS PA'I 'OD KYIS RGYAN DU BYAS PA RNAMS GANG NA ME TOG GI KHANG PA YOD PAR NAM MKHA'I DKYIL NA MDZES PAR GYUR PAS DER 'BAB PAR BYED DO, ,DE LTAR NA NANG DANG PHYI ROL RNAMS NA RNAM PA DU MAR GYUR PA'I RI DVAGS DANG BYA SNA TSOGS PA'I GZUGS DANG CHA BYAD DANG DBYIBS MCHOG TU MDZES PA DANG YANG DAG PAR LDAN PA'O, ,NAGS DE NA'ANG RNAM PA DE SRID KYI LHA'I RIGS DE DAG RNAMS KYIS KYANG MDZES PAR BYED PAR 'GYUR RO, ,DE NAS LHA DE DAG RNGA SKAD YAN LAG LNGA DANG LDAN PAS NAGS DER ZHEN PAR BYAS NAS SLAR YANG
DE'I SRED PAS BSREGS PAR GYUR PA DANG RNAM PAR NGOMS PA MED PAR GYUR PAS KYANG GANG NA DE BYA'I SGRA MNGON PAR DGA' BA ZHES BYA BA'I NAGS DER NYE BAR 'GRO BAR BYED DE, LHAN CIG SPYOD PA DU MAS YONGS SU BSKOR BAR GYUR NAS DE DE KHO NA BZHIN DU GAR BYED PAR GYUR CING NGO, ,KHA CIG NI, NAM MKHA'I KHAMS GZHAN DU GROGS MED PAR 'GRO BAR BYED DO, ,GZHAN DAG RNAMS NI, NGANG PA RNAMS KYI RGYAB TU KUN NAS ZHON NAS SO, ,GZHAN DAG RNAMS NI, RMA BYA DAG GI RGYAB TU ZHON NAS SO, ,GZHAN DAG RNAMS NI, PADMA'I NANG NYID KYI SNYING PO LA NYE BAR GNAS PAR GYUR CING NAM MKHA'I DKYIL DU 'PHAGS NAS SO, ,GZHAN DAG RNAMS NI, RIN PO CHE BDUN GYI RANG BZHIN GYI BYA'I RGYAB TU LEGS PAR ZHON PAR GYUR NAS NAM MKHA'I DBYINGS NA MDZES PAS GYUR PAS GANG NA BYA'I NAGS YOD PA DER NYE BAR LEGS PAR 'GRO'O, ,DE LTAR RNAM PAR 'GYUR BA DU MAR GYUR PA'I RNAM PAR RTOG PA'I DON DU MDZES PA DANG YANG DAG PAR LDAN PAS LEGS PAR 'ONGS PA'I LHA DE DAG RNAMS LA JI LTA BA BZHIN DU DE KHO NA NYID BRJOD PA ZHES BYA BA'I BYA DE DAG GIS TSIGS SU BCAD PA BRJOD PA JI LTAR, LAS KYI RANG BZHIN BZHON PA LAS, ,BZHON PAS KHYAD PAR BYED GZHAN MED, ,LAS KYI BZHON PAS SKYES BU RNAMS, ,KHAMS GSUM DU NI RNAM PAR RGYU, ,GANG GIS GANG LA JI LTA BZHIN, ,MDZES
, ,PA BYAS PAR GYUR PAS NI, ,DE YI DE LA DE BZHIN LAS, ,LUS CAN RNAMS LA SMIN PAR 'GYUR, ,LAS KYI BLO YI MO NI, ,SEMS KYI RGYU YIS RAB TU BCUG DUS RING BAR YANG ZHUGS RNAMS KYI, ,BSGRUB BYA CUNG ZAD DMIGS PA MIN, ,LAS KYI RGYU YIS KUN BSLANGS PA'I, ,BDE BA RNAM PA SNA TSOGS RNAMS, ,BDE BA'ANG RNAM PA SNA TSOGS KYANG, ,LAS ZAD PA YIS RAB TU 'JIG ,DE PHYIR LAS KYI BDE BA NI, ,JI SRID ZAD PA MA MTHONG BA, ,DE SRID BDE BA'I SKAL LDAN PA'I, ,LAS GZHAN DAG NI KHYED KYIS GYIS, ,LE LO DANG NI LDAN PA'I YID, ,BAG MED PAS NI RNAM PAR BRGYAL, ,SLU BA MED PA'I ZHABS KYIS NI, ,RAB TU LTUNG BAR RAB NYAMS 'GYUR, ,'DAS PA'I BDE RNAMS THAMS CAD BRAL, SDUG BSNGAL CHEN PO'I 'BYUNG GNAS RNAMS, ,KHAMS DANG PHUNG PO 'GAG PA LA, ,'CHI BDAG CES NI DE LA BRJOD, ,DE 'DIR MYUR DU 'ONG 'GYUR TE, ,GSON BA'I BAR CHAD CHER BYED DO; ;'DI YANG LEGS PAR MTHONG MIN TE, ,YUL GYIS SHIN TU RMONGS PAS SO, ,DE LTAR BYA DE LEGS PAR BYAS PA'I LAS DANG RAB TU 'BREL BA LHA DE DAG RNAMS LA RJES SU 'DOMS SO, ,DE NAS DE DAG LA MA DPYAD PA DANG DE KHO NA'I TSIG KYANG SPANGS PAR GYUR TE, SLAR YANG YUL GYI SRED PAS GDUNGS PAR GYUR NAS NAGS DANG NYE BA'I
NAGS RNAMS SU RNAM PAR RGYU BA RNAMS RAB KYI MCHOG TU RANGS PAR GYUR PA'I YID CAN, PHYIR YANG BYA'I SGRAS MNGON PAR DGA' BAR GYUR PA'I NAGS DE NYID DU RAB TU ZHUGS PAR 'DOD PAR GYUR CING THAMS CAD KYANG LTA BA LA MCHOG TU BYED PAS NAGS DE RAB TU LTA'O, ,DE NAS ZHUGS PAR GYUR PA NA NAGS DE'I RANG BZHIN NYID KYIS BYA'I KUN NAS BRJOD PA RNAMS KYIS MNGON PAR DGA' BA, LJON SHING THAMS CAD GSER GYI RANG BZHIN DANG, BEE d'URYA'I RANG BZHIN DANG, DNGUL GYI RANG BZHIN DANG, SHEL GYI RANG BZHIN DANG, AINDRA N'I LA'I RANG BZHIN DANG, PADMA'I SDONG PO'I RANG BZHIN GYI SHING RNAMS KYIS MAR ME DANG 'DRA BAR THAMS CAD RNAM PA SNA TSOGS PAR MDZES PAR GYUR PA DANG LDAN PA'I KHA DOG DANG DBYIBS DU MA CAN GYI BYA'I SGRO RNAM PAR BKRA BAR BYAS PA RNAMS LA GANG DAG GI MDOG DANG DBYIBS BRJOD PAR SLA BA'ANG MA YIN PA RNAMS SO, ,DE CI'I PHYIR ZHE NA, LAS DU MA SNA TSOGS PA RNAMS KYIS RNAM PAR BKRA BAR BYAS PA'I RNAM PAR BKRA BA'ANG RNAM PA SNA TSOGS PA'I LAS KYIS BYAS PA YIN LA, LAS DE'I 'BRAS BU RNAMS RNAM PA DU MAR RNAM PAR BKRA BA YIN NO, ,DE DAG RNAMS NI, BRJOD PAR SLA BA MA YIN NO, ,SEMS YANG MOR YONGS SU 'JUG PA'I RGYUR 'GYUR BA'I RGYU 'DIS DE 'DIR RNAM PAR BKRA BA NYID BRJOD PAR BYA BAR
, ,YANG MI NUS SO, ,MTHO RIS KYI SRID PA RNAMS THAMS CAD DU CUNG ZAD CIG RJES SU DPAG PAR GYUR PAS KYANG LAS DANG 'BRAS BU RNAMS KUN TU BSTAN PA'I DON DU 'DI DAG BRJOD PAR ZAD DO, ,JI LTAR MCHOG TU BAG MED PAS NAGS DANG NYE BA'I NAGS DANG 'BAB CHU DANG RDZING BU DANG RI DANG RI BO'I RTZE MO DANG PADMA'I TSAL DANG BYA DANG RIN PO CHE LA SOGS PA'I TSOGS DANG BUD MED KYI TSOGS YID 'PHROG PA'I YUL RNAMS LA LEGS PAR BYAS PA'I LAS RNAMS KYIS BYAS PA'I 'BRAS BU NYE BAR SPRUL PA'I LHA'I 'JIG RTEN DE YIN PA'I RGYU 'DIS NA DGA' BAR BRJOD DO, ,JI LTAR LEGS PAR BYAS PA'I LAS RNAMS KYI 'BRAS BU RNAM PAR SMIN PA RAB TU MA BSTAN NA, BYAS PA'I 'BRAS BU RNAM PAR SMIN PA RNAMS KYANG THOB PA MA YIN PAR 'GYUR RO, ,'DI NI, 'DIR BDE BA STON PAR BYED PA'I RGYU GZHAN GNYIS PA YIN NO, ,SLAR YANG DE KHO NA BZHIN DU LHA DE DAG RNAMS SNA TSOGS BA'I ME TOG GI PHRENG BA DANG, PHYE MA DANG, BYUG PAS BYUGS PA'I LUS CAN RANG LAS 'OD 'BYUNG BAS GTAD PAS MCHOG TU DGA' BA'I YID KYIS LHA DE BYA'I SGRAS MNGON PAR DGA' BA'I NAGS LTA BAR BYED DO, ,JI LTAR BLTAS PAR GYUR PA NA RIN PO CHE BDUN GYI RANG BZHIN GYIS RNAM PAR BRGYAN PAR GYUR PA'I SHING LJON PA'I 'OD 'BAR BA
DANG 'DRA BA'I NAGS DE'I NYE 'KHOR RNAMS NA RNAM PA SNA TSOGS PA'I BYA DANG LDAN PA LA BYA DE DAG RNAMS KYI BYAS KUN TU BSNGAGS PA SDUG PA DANG LDAN PA'I RNAM PA RNAMS THOS SO, ,LHA DES GAL TE SHES NA THOS PA GANG YIN PA DE DAG NI, DE SRID KYI SNYAN PA MNYAM PA'I CHA SHAS RGYA CHE BA NYAMS PA MED PAR GYUR PA THOS NA YID 'PHROG PAR BYED PA RNAM PAR RTOG PA DU MA DANG LDAN BA SLU BAR MI BYED PA LHA'I TSOGS THAMS CAD RAB TU TSIM PAR BYED PA'I BYA DE SHING RNAMS KYI GSEB TU 'GRO BA DANG, PADMA'I RDZING BU'I GSEB TU 'GRO BA DANG, ME TOG GI NAGS RNAMS KYI NANG DU 'GRO BA DANG, RDZING BU'I GSEB RNAMS SU'ANG SONG BAR GYUR NAS KYANG LHAN CIG TU GLU LEN NO, ,RNAM PA SNA TSOGS PA'I SGRA RNAMS THOS PAS YID 'PHROG PAR BYED PA GANG YANG DES LHA MO DE DAG GI GLU LEN PAR BYED PA RNAMS BOR NAS LANGS TE BYA DE'I RNAM PAR LEGS PA RNAMS NYAN PAR BYED DO, ,GLU LEN PAR BYED PA DE NI, RNAM PA DE SRID DU YID 'PHROG PAR BYED PA YIN TE, GANG GIS RI'I RTZE MO RNAMS THAMS CAD KUN TU BSGRAGS PAR GYUR PA DES KUN TU GANG BAR BYED PA BZHIN DU'O, ,DE THOS NAS RI GZHAN DAG RNAMS KYI RTZE MO'I RI DVAGS DE DAG RNAMS NI, RANG BZHIN KHO NAR GLU LA DGA' BAS DES GLU DE THOS PAR GYUR NAS BRGYA PHRAG RNAMS DANG, GAL TE NA STONG PHRAG RNAMS SU YANG NGO, ,'ONGS PAR GYUR NAS
, ,KYANG DE LAS KHA CIG NI, 'ONGS PA DANG RNA BA DANG MIG MI G-YO BAR NYAN NO, ,KHA CIG NI, SHING GZHAN GYI GSEB TU SONG NAS NYAN NO, ,RNAM PAR BSGRAGS PA DES KHA CIG NI, LEGS PAR BYED PA'I PADMA DU MA RNAMS YONGS SU BTAD NA GLU DE LA NYAN PAR BYED DO, ,BYA RNAMS KYI SGRA DE LTAR DGA' BA DE NI, BYA'I SGRAS MNGON PAR DGA' BA'I NAGS NA YIN NO, ,SNA'I BLO 'PHROG PAR BYED PA'ANG NAGS DE NA RNAM PA SNA TSOGS PA'I ME TOG GI NYE BAR MKHO BA RNAMS MTHONG BAS RNAM PAR MDZES SO, ,NAGS DE GZUGS RNAM PAR BKRA BAR GYUR PA RNAMS DANG, DRI'ANG RNAM PA SNA TSOGS PA'I RNAM PAR RTOG PA DANG LHAN CIG TU SGRA'I TSOGS KYIS RNAM PAR BRJOD PAS TE, DE LTAR YANG NAGS DE MDZES PAR GYUR PA'I DRI DANG GZUGS DANG SGRA RNAMS KYANG STE, ,GLING BU DANG RDZA RNGA DANG PI WANG GI SGRA DANG GLU SNYAN PA'I SGRA DANG BYA RNAMS KYI'ANG SGRA DANG SGRA CHEN POR GYUR PA YID 'PHROG PA RNAMS SO, ,DBANG PO GCIG GI YUL RNAMS KYIS KYANG NAGS DE NI, SHIN TU RNAM PAR MDZES PA YIN NO, ,GZHAN YANG DBANG PO GZHAN RNAMS KYI DON RNAMS DANG YANG DAG PAR LDAN PAS KYANG NAGS DE SHIN TU RNAM PAR MDZES PAR BYED PA LA 'DI LTA STE, RNAM PA SNA TSOGS PA'I RO MNGON PAR 'DOD PAR GYUR PA RNAMS LA'ANG DPER NA, 'BRAS
BU'I RO DANG BTUNG BA'I RO DANG LHA RDZAS KYI SMAN GYI RO RNAMS KYIS KYANG JI LTAR 'DOD PA NYID KYI LHA RDZAS KYI RO RNAMS DANG YANG DAG BAR LDAN NO, ,DGA' BA DU MA DANG LDAN PA'I NAGS DE NI, CHES LHAG PAR GYUR PA'I GZI BRJID DANG LDAN PAS DGA'O, ,GZHAN YANG DE NYID NA RNAM PA GZHAN GYI CHES LHAG PAR MNGON PAR SNANG BAR BYED DO, ,'DI LTA STE, RTZED MO'I RI DAG LA 'KHRI SHING GI DRA BA RNAMS KYIS KUN NAS 'DUD PA DANG, NYE 'KHOR KUN NA'ANG RIN PO CHE BDUN GYI KHANG BZANG RNAM PA DU MA RNAMS KUN NAS 'BAR BAR GYUR PA'I RTZIG LOGS LA YON TAN DU MA BRIS PA RNAMS KYIS SPRAS PAS LEGS PAR GANG BAR GYUR PAS GNYIS KAR SDUG PAR GYUR PA RNAMS KYIS KUN NAS BRGYAN PA THAMS CAD DU'ANG RAB TU DGOD PAR GYUR PA BZHIN DU CHES LHAG PA'I DPAL RNAM PA SNA TSOGS PAS NAGS DE NA LHAM ME BAR GYUR TO, ,GZHAN YANG NAGS DANG NYE BA'I NAGS RNAMS DANG LDAN PAR GYUR PA YIN LA, DE LA YON TAN RNAMS KYIS YON TAN PHUN SUM TSOGS PAR GYUR PA NI, BRJOD ZIN TO, ,RI DE'I DGA' BAR GYUR PA NI, 'DI DAG RNAMS YIN TE, BEE d'URYA'I 'BYUNG GNAS RNAMS DANG LDAN PAR GYUR PA LA 'DI LTA STE, YON TAN CHEN PO RNAMS PHUN SUM TSOGS PAR GYUR PA'I YON TAN BDUN DANG LDAN PA'I SGRA DANG REG BYA DANG RO RNAMS 'DOD PAR GYUR PA, KUN TU RTOG PA'I YON TAN RNAMS PHUN SUM
, ,TSOGS PA RNAMS DANG, SGRA'I YON TAN PHUN SUM TSOGS PA RNAMS KYANG KUN TU MTHONG NGO, ,SHIN TU YID DU 'ONG BA'I RI DE'I YON TAN DE DAG RNAMS SKYE BO DAG GTI MUG GIS LHAN CIG TU ZIN PAR GYUR PAS KYANG LHA DE DAG GIS MTHONG BA YIN NO, ,DE LTAR LHA DE DAG RNAMS LA MA DANG PHA DANG MTSUNGS PAR GYUR PA'I BYA DE DAG RNAMS KYIS DE KHO NA DANG PHAN PAR 'GYUR BA'ANG MTHONG NAS BRTAGS PAR GYUR PA'I TSIG RNAMS STON PAR BYED DO, ,LHA DE DAG RNAMS YUL GYIS KHRID PAR GYUR PAS KUN TU RTOG PAR 'GYUR BA'ANG MA YIN NO, ,DE LTAR DE YUL RNAMS KYIS RNAM PAR RMONGS PAR GYUR NAS DES DE DAG RNAMS MA BRTZIS PAR SLAR YANG YUL GYI DGA' BA RNAMS SU BYING BAR GYUR PAS SRED PA'I DGON PA RGAL BAR MI NUS PA GZHAN RNAMS RJES SU THOB PAR GYUR NAS MTSON CHA RNAMS KYIS BSREGS PAR GYUR CING, DGA' BA'I 'DOD CHAGS KYI DGRA BO BRGYA PHRAG LNGAS RAB TU RNAM PAR NYAMS PAR 'GYUR BA, DAM PA'I LAM RNAMS LAS NYAMS PA, BDE BA DANG RJES SU MI MTHUN PAR GYUR PA'I BDE BA GANG YIN PA RNAMS 'BA' ZHIG GIS KYANG KUN DU 'KHRID PAR GYUR PA RNAMS KYIS KUN NAS RIG PA'ANG MA YIN NO, ,DE LA PHAN PAR GYUR PA RNAM PA DU MA RNAMS BRJOD PAR GYUR KYANG DE SLAR YANG GNAS GSUM DU GTOGS PA'I BYA
GZHAN DAG RNAMS KYI SHIN TU SNYAN PAR GYUR PA'I GLU DE DAG RNAMS NYAN PAR BYED DO, ,'DI LTA STE, CHU LA NI, CHU LA RGYU BA RNAMS LHA RDZAS KYI MDOG DANG DBYIBS LDAN PA RNAMS RIN PO CHE BDUN GYIS SPRAS PAR GYUR PA'I LUS THIG LE BKRA BAS BYAS PA RNAMS LA NGANG PA DANG, KA RAndA PA DANG, NGANG NGUR LA SOGS PA RNAMS LHAN CIG TU CHU LA SGRA KUN NAS GCOD PAR GYUR PAS 'DRES PA RNAMS NYAN PAR BYED DO, ,MCHOG TU SNYAN PA'I GLU'I SGRAS RTAG TU GAR BYED PAR GYUR CING DUS THAMS CAD DU RGYAGS PA'I BDE BA SHIN TU RGYA CHEN PO DANG LDAN PAS THAMS CAD NYID LAS KYANG DGA' BAR GYUR PAR MTHONG BA RNAMS KYI BYA 'DI DAG DANG, DE DAG DANG, GZHAN DAG RNAMS KYI SNYAN PA KUN NAS BRJOD PA'I RNAR SNYAN PA'I GLU RNAMS NYAN PAR BYED DO, ,DE BZHIN DU NAGS KYI NANG NA RGYU BA RNAMS LA RMA BYA DANG, P'A R'A B'A DA DANG, SHING GI RGYAN DANG, RI KHROD KYI GSEB DANG, TSANG TSING NA GNAS PA RNAMS KYANG SHIN TU SNYAN PAR GYUR PA'I GRE BAR BYA RNAMS THAMS CAD KYANG 'DRA BAR GYUR PA'I SGRA'I SPRIN TSOGS RNAMS TSANG TSING DANG, RI'I RGYAN DANG, RIN PO CHE BDUN GYIS RNAM PAR BKRA BAR BYAS PA'I LUS MTHONG NA SHIN TU TSAD MED PAR LHA RNAMS KYI YID DU 'ONG BA THOS NA SHIN TU DGA' BAR 'GYUR BA'I SGRA CAN GYI 'OD ZER GYI RGYUN RNAMS SKYED PAR BYED PA SO SOR MDZES PA RNAMS SKYED PAR BYED PAS MTHONG NA
, ,DGA' BAR GYUR PA'I RTAG PAR RGYAGS PA LA SOGS PA'I MTHONG BAR GYUR PA DANG THOS PAR GYUR PA LAS MCHOG TU DGA' BAR 'GYUR BA RGYAN GSAR PA RNAMS KYIS BRGYAN PA RNAMS LAS, JI LTAR GTZO BOR GYUR PA'I BYA RNAMS DAG GI SGRA 'GA' ZHIG TZAM NYAN PAR BYED DO, ,KHA CIG NI, CA CO 'DON NO, ,KHA CIG NI, GLU LEN NO, ,KHA CIG NI; GNAS PAR BYED DO, ,KHA CIG NI, SGRA'I SPRIN RNAMS NYID DE, DE LTAR RNAM PA DU MA DANG RNAM PAR RTOG PA DU MA DANG LDAN PAR RTAG TU RGYUN MI 'CHAD PAR YANG BRJOD PA DANG DBYANGS DANG LDAN PAS KUN TU RJOD PAR BYED DO, ,BYA DE DAG RNAMS KYIS MCHOG TU DGA' BAR GYUR PA'I BRJOD PA RNAMS 'BYIN PAR BYED DO, ,LHA DE DAG CHAGS PA'I SEMS KYIS THAMS CAD NYAN PAR BYED DO, ,LHA DAG GIS YONGS SU BSKOR BAR GYUR NAS CHES RAB TU DGA' BAR GYUR BA'I YID KYIS TE, DE RNAMS KYIS DE LTAR THOS NAS DUS SHIN TU RING BAR YANG CHES PHAL CHE BAR GYUR PA'I SRED PA RNAMS KYIS NON PAR GYUR PAS RTZI DAG 'THUNG BA RTZOM PAR BYED DO, ,RO DANG DRI MCHOG TU PHUN SUM TSOGS PAR GYUR PA LHA'I 'JIG RTEN DANG 'DRA BAR GYUR PA RI KHROD KYI PHUG GI GSEB NAS 'BAB PA RNAMS LA THUNG BA'I TSOGS KYIS NYE BAR MDZES PAR GYUR PA RNAMS 'THUNG BAR RTZOM MO, ,LHA DE DAG PHAN TSUN DU RGYAGS PA LA DON
GCIG TU GYUR PAS PADMA'I BDUD RTZI'I NAGS GZHAN RNAMS SU NYE BAR 'GRO BAR BYED DO, ,PADMA'I KHA ZUM PA NYID LAS KUN TU BYUNG BAR GYUR BA'I BDUD RTZI GANG DAG NI, MCHOG TU LHA RDZAS KYI RO DANG DRI DANG REG BYA PHUN SUM TSOGS PA ZAD PA MED PA JI TZAM 'DOD PAR GYUR PA'I RO RNAMS YOD DE, DE LTAR LHA DE LHA MO'I TSOGS KYIS YONGS SU BSKOR NAS DGA' BAR BYED PA DANG GLU'ANG LEN PAR BYED, RGOD PAR YANG BYED DO, ,'GYING BAR YANG BYED DO, ,TSOGS PA PHAN TSUN GROGS BYED PAR GYUR NAS RGYAGS PA LA DON GCIG PAS DE DE LTAR DE NYID KHO NA'I GZHIS NAGS RNAMS NA RAB TU RGYU ZHING RNAM PA SNA TSOGS PA'I RTZED MO RNAMS BYAS NAS SLAR YANG YUL DE NYID KYIS NGOMS PA MED PAS GANG NA BEE d'URYA DANG LDAN PAR GYUR PA'I RI DER NYE BAR 'GRO BAR BYED DO, ,RI DE'ANG RIN PO CHE RNAMS DANG LDAN PAR GYUR PA NYE 'KHOR KUN NA SNGON PO RAB TU DANG PA'I MDOG TU GYUR PA NAGS DANG NYE BA'I NAGS RNAMS KYANG NYE 'KHOR DU DPAG TSAD STONG PHRAG BCUR GRIB MA RNAMS KYI KHA DOG SNGON POR RAB TU BYED DO, ,NYE 'KHOR DPAG TSAD SUM BRGYAR 'PHANG DU MTHO BA'O, ,NAGS DANG NYE BA'I NAGS RDZING BU DANG 'BAB CHU RAB TU GANG BAR GYUR PA RNAMS THAMS CAD KYANG MTHONG NA SHIN TU YID 'PHROG PAR BYED PA'O, ,BYA RNAMS KYI GNAS MCHOG TU DGA' BAR GYUR PA RNAMS LA RI'I BANG RIM DANG RI KHROD
, ,DANG PHUG DANG RI BONG DANG TSANG TSING DANG MDZES PA'I NAGS DANG MTSO DANG PADMA'I TSAL DANG ME TOG GI THANG PHUN SUM TSOGS PA RNAMS LA RNAM PA GSUM GYI NGANG PA KUN NAS SGRA 'BYIN PAR BYED PA'I NGOS RNAMS LA 'DI LTA STE, RIN PO CHE SHEL DANG MTSUNGS PA'I MDOG RIN PO CHE BDUN GYI THIG LES SPRAS PAR GYUR PA RNAMS RANG BZHIN GYIS KYANG DKAR BAR GYUR PA'I NGANG PA'I RIGS DE DAG GIS BRGYAN PA DANG, BEE d'URYA'I MDOG DANG LDAN PA'I RI'I NYE 'KHOR RNAMS NA RAB TU 'BAB PAR GYUR PAS RAB TU 'BAB PA'I 'BAB CHU RNAMS LA NOR BU'I 'OD 'BYUNG BAR GYUR PAS KHYAB PAR GYUR CING YONGS SU BSKOR BA DANG, RAB TU KHA BYE BAR GYUR PA'I ME TOG DRI MCHOG DANG LDAN BA RNAMS KYIS KYANG THAMS CAD NAS YONGS SU BSKOR NAS GSAR BAR SNANG NGO, ,BYA BRGYA PHRAG STONG RNAMS KYIS RTZE BAR BYED PA SGRA 'KHROL BAR GYUR PA GSER GYI MDOG DANG LDAN PA PADMA'I NAGS RNAMS KYIS KYANG NYE BAR MDZES PAR GYUR PA RNAMS SU MCHOG TU RNAM PAR RGYU BA NA NGO MTSAR BA SKYE BAR BYED PA GONG NAS GONG DU DGA' BAR GYUR PA MCHOG GI GZUGS RNAMS DANG LDAN PAR GYUR CING LDAN PA LAS KYANG RNAM PAR SNANG BAR BYED DO, ,SGRA DANG RO DANG GZUGS DANG DRI RNAMS KYANG DNGOS PO DU MA RNAMS DANG LDAN
PAR GYUR PAS RNAM PAR GSAL BAR SNANG NGO, ,DBANG PO DRUG GI BDE BA RNAMS DANG NYE 'KHOR NA LDAN PAS RI'I MCHOG DE RNAM PAR GSAL BAR GYUR TO, ,LHA DE DGA' BA'I 'DOD SRED GYIS GDUNGS PAR GYUR NAS DE DAG TU NYE BAR LEGS PAR 'GRO'O, ,NYE 'KHOR KUN TU'ANG [?] GLU DANG GAR DANG LDAN PAR GYUR PA PADMA'I PHRENG BAS KUN TU BCINGS PAS CHES LHAG PAR DGA' BAR GYUR PA RTAG TU RGYAGS PAR GYUR PA RTAG PAR YANG RAB TU RANGS PA YUL LNGA LA RNAM PAR CHAGS PAS 'DOD PA RNAMS LA DGA' BAR GYUR PAS, ME LNGA BZHIN DU SREG PAR GYUR PAS RNAM PAR RGYU BAR BYED PA, SRED PA'I RDUL RNAMS KYIS KUN NAS BCINGS PAR GYUR NAS GANG NA RI DE'I MTHO BA PO YOD PA DER NYE BAR 'GRO'O, ,YUL LA 'CHUMS PAR GYUR PAS LTA BA LA CHED CHER BYED PA'I YID KYIS KYANG RI DE MTHONG BAR GYUR TO, ,KUN TU RTOG PA RNAM PA SNA TSOGS RNAM PA DU MAR DGA' BAR GYUR PA'I RI DE'I CUNG ZAD MTHO BA LA KUN TU 'DZEGS PAR GYUR NAS LTA BAR BYED DO, ,THO 'KHOR KUN NA'ANG BEE d'URYA'I RANG BZHIN GYI PHUG MCHOG TU DGA' BAR GYUR PA RNAMS SO, ,DE DAG GI GRANGS NI, 'DI YIN TE; 'DI LTAR STONG PHRAG BCU'O, ,'OD SNGON PO RNAMS KYIS BRGYAN PAR GYUR PA NYE 'KHOR RNAMS NA BDE BA MCHOG GI SGRON MA RNAMS NI, MCHOD PA LTA BUR GYUR PA'I 'OD RNAMS
, ,MCHOG TU DGA' BAR GYUR PA NI, PHUG DE DAG RNAMS NA'O, ,GANG NA RI'I MCHOG DE LA KUN TU GNAS PA'I LHA DE DAG PHUG DE DAG TU ZHUGS NAS DGA' BAR BYED DO, ,JI LTA JI LTAR LHA DE DAG RAB TU ZHUGS PA DE LTA DE LTAR YANG PHUG DE DAG G-YO BAR 'GYUR RO, ,JI LTAR YANG LHA DE DAG YID KYIS SGOM PAR BYED PAR GYUR PA DE BZHIN DU BSAM PA DE DAG THAMS CAD PHUG DE DAG RNAMS NYID LAS THOB PAR 'GYUR RO, ,PHUG DE DAG KYANG GANG 'DOD PAR GYUR PA RNAMS BYED PA YIN NO, ,DE DAG RNAMS KYI MING GIS KYANG LHA DE DAG 'DOD PA'I YON TAN GYIS NGOMS PA MED PAR DGA' BAR BYED PAR 'GYUR TE, LHAN CIG SPYOD PA DANG BCAS PA RNAMS DGA' BA'I RGYAN DANG CHA BYAD KYI MCHOG 'DZIN PAR GYUR PA LA GCIG TU DGE BA'I LAS KYIS KHA CIG NI, SHIN TU BAR YANG YID 'PHROG PAR BYED PA'I RGYAN DANG CHA BYAD DANG LANG TSO DANG 'GYING BA DANG RGOD PA DANG GLU DANG GAR RNAMS KYIS RNAM PAR CHAGS PAR GYUR PAS LHAN CIG TU DGA' BAR BYED DO, ,JI SRID DU DGA' BAR GYUR PA'I PHUG DE DAG RNAMS THAMS CAD KYI SGO NA'ANG LHA RNAMS LA PHAN PAR 'DOD PAS 'THAB BRAL BA RNAMS KYI MNGA' BDAG MU SU LUNDHAS GTZUG LAG GI TSIGS SU BCAD PA MNGON PAR BRIS PA JI LTAR, 'CHI BDAG GIS NI SKYE BA
'THUNG, ,RGA BA YIS NI LANG TSO 'THUNG, ,NAD RNAMS KYIS NI NAD MED 'THUNG, ,'JIG RTEN PAS KYANG MI GO 'O, ,SKYES PA YANG NI DU MA RNAMS, ,LHUNG BA YANG NI DU MA YIN, ,'DI NYID SKYE 'BYUNG RGAN 'GYUR DANG, ,'CHI 'PHO DANG NI SKYE BAR 'GYUR, ,SKYES BU THAMS CAD BSTAN PA YANG, ,'JIG RTEN GYIS NI MI GO 'O, ,BRJE BSOR JI LTA BA YI YANG, ,SKAD CIG YUD TZAM SKABS YOD MIN, ,NGAG GIS GROL BA DER MNAR BA, ,'JIG RTEN GYIS NI GO BA'ANG MIN, SKYE BA YANG NI RNAM MANG PO, ,LHA NI YUL GYIS RNAM RMONGS PA, ,'JIG RTEN GYIS NI MI GO'O,, SRID PA'I 'KHOR LO'I KHOG TSE 'DI, ,SRED PA YIS NI SNGON DU BCUG ,DGA' BA'I 'DOD CHAGS KYIS YONGS BSKOR, ,'ON KYANG 'JIG RTEN PAS MI GO ,RNAM RTOG MKHA' LDING GIS GANG PA'I; ;SKYON RNAMS CHES 'JUG SHES PAR GYIS, ,SRID PA'I CHU KLUNG RNAMS KYANG 'DI, ,'JIG RTEN PAS KYANG GO BA MIN, ,DE LTAR PHUG GI SGO DE DAG RNAMS LA LHA RNAMS LA PHAN PAR 'DOD PA'I PHYIR NA DE BZHIN DU BRIS PAR GYUR TO, ,DE LA LHA KHA CIG GIS MNGON PAR BRJOD NAS SNGON GYI SKYE BA DRAN PAR BYAS PAR GYUR NAS YID BYUNG BAS YUD TZAM ZHIG TU BAG MED PAS RNAM PAR MI RGYU BAR 'GYUR RO, ,LEGS PAR BYAS PA'I LAS KYIS LEGS PAR BSGOS PAR GYUR PA'I SEMS YUD TZAM DES KYANG SKYE BA GZHAN BRGYA STONG DU BDE BAR
, ,GYUR BA'I SKAL BA CAN DU 'GYUR RO, ,GANG GI PHYIR STOBS DANG LDAN PA RNAMS NI, DKAR PO'I PHYOGS YIN LA, STOBS CHUNG BA NI, NAGS PO'I PHYOGS YIN NO; ;DE DAG GI DE LTAR YUD TZAM DES KYANG SKYE BA GZHAN BRGYA STONG RNAMS CHUD GZAN PAR MA GYUR TO, ,PHUG GANG GIS DE DAG GI SGO LA TSIGS SU BCAD PA MTHONG ZHING YING BYUNG BAR GYUR NAS BAG MED PAS RNAM PAR MI RGYU BAR GYUR PA RNAMS DANG, LHA GANG DAG GIS NA DES MA MTHONG BA NYID DU ZHUGS PAR YANG GYUR TE, DE NAS GANG DAG GIS TSIGS SU BCAD PA DE MTHONG BA RNAMS DANG, YANG GANG DAG GIS MA MTHONG BA DE DAG RNAMS THAMS CAD KYANG SGO DE NAS ZHUGS TE NANG DU GYUR BA'I DGA' BA'I YAN LAG RNAMS PHYIR ZHING NYID KYANG BAG MED PAS ZIN PAR GYUR NAS RAB TU LTA BAR BYED DO, ,RNAM PA JI LTA BU'I NOR BU'I PHUNG PO RNAMS LA 'DI LTA STE, RDO RJE'I PHUNG PO DANG, AINDRA N'I LA'I PHUNG PO DANG, N'I LA CHEN PO'I PHUNG PO DANG, NOR BU'I PHUNG PO RNAMS DANG RNAM PA DU MAR NYE 'KHOR NA KUN TU SNANG BAR BYED DO, ,RNAM PA DE DAG RNAMS KYIS RNAM PA DU MAR YANG PHUG DE DAG RANG BZHIN NYID KYIS GZI BRJID DANG LDAN PAR GYUR PA LAS PHYIR ZHING NYID KYANG DE DAG SHIN TU'ANG 'BAR BAR 'GYUR BA YIN NO, ,'OD GSUM PAR GYUR PA NA LHA RNAMS RANG NYID KYI
LUS LAS KUN TU BYUNG BA'I 'OD ZER RNAMS KYIS TE, DE LTAR PHUG DE CHES DGA' BAR GYUR PA YIN NO, ,DE DAG LA'ANG LHA DE DAG RNAMS RANGS PAR GYUR NAS DGA' BAR BYED CING GAR BYED DO; ;RGOD PAR BYED DO, ,PHA ROL RGYA CHEN POS ZIN PAR GYUR PA'I 'JIGS PA DANG MYA NGAN DANG BRAL BA, LHA RNAMS KYI 'DOD PA'I YON TAN LNGA DANG BCAS SHING YANG DAG PAR LDAN PAR GYUR NAS DE DGA' BAR BYED DE LHAN CIG SPYOD PA'I 'KHOR DANG BCAS PA RNAMS GZER ZUG DANG RNAM PAR BRAL BA, RIMS NAD MED PA, MYA NGAN MED PA, RANG GI LAS KYI BGO SKAL LA SPYOD PA RNAMS RNAM PA DU MAR DGA' BAR BYED DE, DES RIN PO CHE'I SA GZHI DE NYID MNGON PAR MTHONG NAS RAB TU RANGS PA MCHOG GI YID KYIS RAB TU GAR BYED PA DANG GLU DANG CA CO'I SGRA DANG RNGA SGRA RNAMS KYIS SMYOS PAR GYUR PA'I YID KYIS SLAR YANG PHUG DE DAG NYID KYI NANG DU ZHUGS PAR GYUR TO, ,ZHUGS NAS KYANG MTHONG BAR GYUR PA RNAMS LA CHU KLUNG SHIN TU DRI ZHIM PA REG BYAS YONGS SU GANG BA MYOS BYED KYIS YONGS SU GANG BAR GYUR PA DE LA STEN PAR BYED PA'I BYAS NYE BAR MDZES PA'O, ,DE LA BYA'I RIGS NI, 'DI DAG RNAMS YOD DE; RAB TU DGA' BA PO DE RTAG TU MYOS PA DANG KUN TU DGA' BA DANG GZHAN DU MA YIN PA DANG RO LA DGA' BAR BYED PA DANG RANG BZHIN GYIS NGA RGYAL CAN DANG GZHAN LA MI DGA' BA
, ,DANG DRI'I BTUNG BAS MYOS PA STE, DE DAG DANG BYA GZHAN DAG RNAMS KYANG MCHOG TU RAB TU RANGS BAR GYUR NAS MYOS BYED KYI CHU KLUNG DER DGA' BAR BYED CING DE LEGS PAR BYAS PA'I LAS KYIS KYANG BSKUL NAS TSIGS SU BCAD PA RNAMS RJOD PAR BYED PA JI LTAR, RO YIS MDZES PA'I MYOS BYED NI, ,YONGS SU SMIN NAS SHIN TU GDUG, YONGS SU SMIN PA'I SDIG PA YIS, ,DMYAL BAR SKYE BAR 'GYUR BA YIN, ,'THUNGS PAS RMONGS PA SKYED PAR BYED, ,RMONGS PAS SDIG LA DGA' BAR 'GYUR, ,SNYING LA KUN NAS CHAGS LDAN PA'I, ,BYIS RNAMS DMYAL BA'I RJES SU RGYUG ,DANG POR RAB TU DGA' BA SKYED, ,RNAM SMIN BKREN PA BLA NA MED, ,SRED PAS DANG POR 'KHOL BAR BYED, ,PHYI NAS MI BZAD PAR NI SREG ,DANG POR NGAG DANG BLO NYAMS BYED, ,PHYI NAS BDE BA NYAMS PAR BYED, ,DE PHYIR SKYES BU BRTAN LDAN PA, ,GANG ZHIG MYOS BYED BSTEN MI BYA, ,SKYES BU MYOS BYED BSTEN RNAMS NI, ,MKHA' LDING DANG NI MTSUNGS 'PHYO BA'I, ,MTSUNGS PAR RNAM PAR RMONGS BSKYED PA, ,CHANG NI SPONGS DANG DUG CHEN PO, ,GANG GIS CHANG NI DUG MTSUNGS MTHONG, ,DES NI BLA MED GO 'PHANG MTHONG, ,GANG YANG DE NI RNAM CHAGS 'THUNG, ,ZANGS ZHU'I KHU BA DMAR PO 'THUNGS, ,GCIG LAS SDIG PA THAMS CAD PA, ,GCIG PO
CHANG 'THUNG BA 'DI YIN, ,DE YI SEMS NI SUN 'BYIN BYED, ,SDOM PAS SEMS KYI RTZA BA CAN, ,GANG PHYIR SEMS NI RTZE GCIG YIN, ,CHOS RNAMS DPYOD BYED PA YANG MIN, ,DGE SLONG CHANG NI BSTEN PA NA, ,DGON PAR DGA' BAR 'GYUR MA YIN, ,CHANG GIS YID NI G-YENG BAR BYED, ,SNYING YANG RGOD BAG DANG BCAS 'GYUR, ,CHOS LA'ANG DGA' BAR 'GYUR MA YIN,, 'JIG RTEN 'DI MED PHA ROL MED, ,SPYOD LAM SHES PA MA YIN LA, ,STON PA'I DUS KYANG SHES MA YIN, ,DAM PA'I CHOS NYID DANG 'GAL ZHING, ,STON PAS KYANG NI CI ZHIG BSHAD, ,RE ZHIG RANG GIS MI SHES NA, ,BDAG GIS 'DIR NI CI ZHIG SMRA, ,MDZES MIN NGAG GI SPU GRI'I MTSON, ,GZHAN GYIS JI LTAR YONGS SU SHES, ,'JIG RTEN DON LA YANG 'GYUR ZHING, , CHOS LAS KYANG NI YONGS SU NYAMS, ,'BAR BA'I CHANG NI BSTEN PA NA, ,SKYES BU NOR MED MTHONG BA YIN, ,'DAS PA'I DON KUN DRAN MIN DANG, ,DA LTAR BA LA RMONGS PAR 'GYUR, , MA 'ONGS BSAM PA CI LA YOD, ,CHANG GIS DUS GSUM CHUD GZON BYED, ,SNA TSOGS GZUGS KYANG RNAM PAR 'JOMS, ,LUS CAN RNAMS KYI SEMS KYANG 'JOMS, ,SKYES PA'I SKYON NI SKYED BYED PA'I, ,CHANG GIS CHOS NI RAB SUN 'DON, ,DE LTAR PHUG GI NANG NA GNAS PAR GYUR PA'I BYA DE DAG RNAMS RTAG PAR RAB TU DGA' BA DANG LDAN ZHING STON PAR BYED PA'I
, ,RTZA BAR GYUR PA LAS DAM PA RNAMS KYIS LEGS PAR BSKUL BAS LHA RNAMS LA 'CHAD DO, ,DE THOS NAS KYANG LHA GANG DAG LEGS PAR BYAS PA'I LAS RNAM CHES LHAG PAR GYUR PA DE DAG RNAMS KYIS SKYE BA GZHAN RJES SU DRAN PAR 'GYUR BA DANG, CHANG GI SKYON RNAMS KYANG SHES SO, ,RGYU DES KYANG CHANG MI 'THUNG NGO, ,DE DAG RNAMS 'DIR BAG MED PAR YANG MI 'GYUR RO, ,DE LTA DE LTAR MYOS BYED 'THUNG BAR BYED PA DE DAG RNAMS SLAR YANG LHA DE DAG RAB TU DGA' BA'I YID KYIS RAB TU RTZE BAR BYED DE, RNGA SKAD YAN LAG LNGA DANG LDAN PA SHIN TU CHAGS PA DANG SHIN TU SNYAN PA DANG RGYUN DU DGA' BAR GYUR PA DAG GIS DGA' BAR BYED DO, ,DE DAG RNAMS DUS YUN RING PO PHUG DE DAG TU LHA RDZAS KYI MCHOG RNAMS PA SNA TSOGS PA YID 'PHROG PAR BYED PA RNAMS KYIS RTZED MO RTZES PAR GYUR NAS GANG KHO NAS JI LTAR ZHUGS PAR GYUR PA DE KHO NA BZHIN DU PHYIR 'GRO'O, , PHYIR SONG NAS KYANG GZHAN YANG YUL RNAMS LA SRED PAR GYUR PAS BAG MED PAR RNAM PAR RGYU BA RNAMS NAGS DANG NYE BA'I NAGS DAG LTA BA LA DGA' BA'I YID KYIS LHAN CIG SPYOD PA DANG BCAS PAS PADMA'I TSAL GYI NANG DANG CHU KLUNG DANG TSANG TSING DAG TU DGA' BAR BYED DO, ,LHA DE DAG LEGS PAR BYAS PA'I LAS KYI 'BRAS BU LA LONGS SPYOD PAS
DE DAG RNAM PA DE SRID KYI DPE MED PA'I LHA RDZAS KYI BDE BA RNAMS PHUN SUM TSOGS PAR 'GYUR BA RNAMS LA YUL GYIS NGOMS PA SKYE BA MED DE, RNAM PAR YANGS PA'I SKYON GYIS RNAM PAR YANGS PA'I MUN PA'I RANG BZHIN KHO NAS TE, DE DAG GI RANG BZHIN NI, NAM YANG KUN NAS 'KHUM PAR MI 'GYUR RO, ,YUL GYI BDE BA RNAMS KYIS NGOMS PAR 'GYUR BA'AM RNAM PAR YANGS PAR GYUR PA'I NGO BOS KYANG DBANG PO RNAMS NI, NAM YANG SRED PA DANG BRAL BAR MI 'GYUR RO, ,LHA RNAMS LHA RDZAS KYI 'DOD PA'I YON TAN LNGAS NYI MA RE RE ZHING RAB TU 'PHEL BAR GYUR PA'I SNGA PHYI RIM PAS NGO MTSAR BA RNAMS SKYED PAR BYED PA DANG, YID KYI RJES SU MTHUN PAR BYED PA DANG, DPE MED PA DANG, YON TAN DANG LDAN PAR GYUR BAS KYANG DES DE DAG NAM YANG NGOMS PA SKYE BA MA YIN NO, ,JI LTAR CHU RNAMS KYIS NI, RGYA MTSO NGOMS PA YOD PA MA YIN NO, ,DE BZHIN DU LHA RNAMS KYANG STE, DE DAG DUS DE SRID DU RIGS DE NYID LA DGA' BAR YANG BYED CING RNAM PA SNA TSOGS PA'I BDE BA RNAMS KYIS RGYU BA RGYAGS PAS NAGS DANG NYE BA'I NAGS RNAMS LA RNAM PAR RGYU BAR BYED PAS 'DOD PA'I CHU BOS KUN NAS KHYER BAR GYUR PA RNAMS LHAN CIG SPYOD PA DANG BCAS NAS DGA' BAR BYED DO, JI SRID DU 'DOD PA SDUG PA'I LAS BYAS SHING BSAGS PAR GYUR PA DE DAG RNAMS ZAD PAR MA GYUR GYI BAR DU'O, ,
, ,DE ZAD NAS LHA'I RIGS DE LAS 'CHI 'PHO BAR 'GYUR RO, ,'PHOS NAS KYANG JI LTAR LAS KYIS NYE BAR 'GRO BAR BYED PA JI LTAR LAS KYI THAG PA DAG GIS KUN NAS LHA DE BCINGS PAR GYUR CING RNAM PA DE LTA BU'I BDE BA LAS KYANG YONGS SU NYAMS NAS SLAR YANG DMYAL BA DANG, YI DVAGS DANG, DUD 'GRO RNAMS SU SKYE BO, ,DE DAG GI GAL TE LEGS PAR BYAS PA'I LAS SU GYUR PA LAN GRANGS GZHAN LA MYONG BAR 'GYUR BA'I LAS KYIS MI RNAMS SU SKYES NAS DE DZAMBU'I GLING DU MCHOG TU SKYID DE BAR 'GYUR TE, SHIN TU MTHO BA'I RIGS SU GAR DANG GLU DANG RGOD PA DANG 'GYING BAG DANG BCAS PAR SKYE'O, ,MCHOG TU SKYID DE BAR 'GYUR TE, SKYES BU'ANG ME TOG PHRENG DANG, PI WANG DANG, RGYAN DANG, CHA BYAD BZANG PO DANG, MCHOG TU 'PHAGS PA'I GZUGS DANG LDAN PA, PHUN SUM TSOGS PA MCHOG DANG LDAN PA, YUL LJONGS KYI MCHOG DAG TU NYE BAR SKYE BAR 'GYUR TE, RGYAL PO'AM RGYAL PO'I BLON PO'ANG RUNG STE, YUL KA SHI'AM, KOO SHA LA'AM, GLING PHRAN DAG TU'ANG LAS DE'I RGYU MTHUN PA'I 'BRAS BU DAG GIS SO, ,'OD ZER 'PHRO BA CAN GYI LHA RNAMS KYI LHA'I RIGS JI SRID PA RNAMS YONGS SU BSDUS PA STE, SA BDUN PA RDZOGS SO,, ,,YANG DGE SLONG LAS KYI 'BRAS BU RNAM PAR SMIN PA SHES PA DES 'THAB BRAL BA'I LHA RNAMS KYIS
GZHAN LA KUN TU LTA BAR BYED DO, ,DE THOS PA LAS BYUNG BA'I SHES RAB KYIS 'THAB BRAL BA'I LHA RNAMS KYIS JI LTAR YOD PA BSDAMS PAR RGYU BA ZHES BYA BA MTHONG NGO, ,SA DE LA LAS GANG GIS SEMS CAN RNAMS SKYE BAR 'GYUR BA DES MTHONG BA MCHOG TU RNAM PAR DAG PAR GYUR PA'I RNAM PAR SMIN PA DKAR BA BDE BA SKYED PAR BYED PA'I LAS DE'I 'BRAS BU LA SLU BA MED PA, 'PHAGS PA DGYES PA'I SBYIN PA DANG SHES RAB LHAG PA DES 'DOD PA SDUG PA YID DU 'ONG BA'I 'BRAS BUR 'GYUR BA LA 'DI LTA STE, LHAR SKYE BAR BYED PA'O, ,RNAM PA JI LTA BU'I 'DOD PA SDUG PA YID DU 'ONG BAS LHAR SKYE BA'I 'BRAS BU YIN NA 'DI LTA STE, GANG GIS MCHOG TU DGE BA'I SEMS SU GYUR NAS SHIN TU RNAM PAR DAG PAR SPYOD PAR GYUR TE GUS PA LEGS PAR SKYES PA'I YID ZHU BAR GYUR PAS SROG GCOD PA DANG MA BYIN PAR LEN PA DAG RNAM PAR SPANGS PAR GYUR PA NI, SNGA MA BZHIN TE, 'DOD PA LA LOG PAR G-YEM PA'ANG RNAM PAR SPONG BAR BYED PA LA 'DI LTA STE, GANG GIS SNGON SKYE BA GZHAN DU NYAMS SU MYONG BAR GYUR PA'I 'KHRIG PA THOS NAS CHAGS PAR BYED PA DANG, 'DOD CHAGS LA SPYAD PA'I YID KYIS KYANG RAB TU NYAMS PAR GYUR NAS YUL GYI SRED PAS 'KHRID PAR GYUR PA'I 'DOD PA RNAMS KYANG MYONG BAR MI BYED DO, ,DE DAG RNAMS LA SEMS PAR YANG MI BYED DO, ,RAB TU RTOG PAR MI BYED DO, ,GZHAN
, ,RNAMS KUN TU RTOG PAR BYED PA NA RAB TU 'GOG PAR BYED DO, ,DE LTAR YONGS SU DAG PA'I LAS BYED PA DE LUS ZHIG PAR GYUR PA NA MTHO RIS BDE 'GRO'I 'JIG RTEN 'THAB BRAL BA RNAMS KYIS BSDAMS PAR RGYU BA'I SAR SKYE'O, ,DGE BA'I LAS DE DAG GI 'BRAS BU DE LAS SKYES PAR GYUR PA NA'ANG 'DI'I RNAM PA SNA TSOGS PA'I DRI DANG RO DANG REG BYA RNAMS DANG DE YUL DU MA RNAMS LA DGA' BAR GYUR PAS NAGS KYI NANG RNAMS SU RGYU BAR BYED CING LHA RDZAS KYI LTI LTO CAN RNAMS 'GYING BAR GYUR PA LHA MO BRGYA STONG GIS NYE BAR BSGYUR BZLOG BYED PAS NAGS DANG NYE BA'I NAGS DANG RDZING BU DANG 'BAB CHU DAG LA STEN PAR BYED PA YUD TZAM ZHIG KYANG GNAS GCIG NA DGA' BAR MI BYED PAR DE SNGA NA MA MTHONG BA'I BDE BA DPE MED PA RNAMS LA LONGS SPYOD PAR GYUR PA, BDE BA DU MA PA DU MA RNAMS KYIS DE'I DBANG PO RNAMS DANG YID KYANG NGOMS PA MED PAR DE'ANG NAGS DANG NYE BA'I NAGS SU YID LA SMON PA'I LHA MO'I TSOGS KYIS YONGS SU BSKOR BAR GYUR PA NAS LHA GZHAN DAG RNAMS NAGS RNAMS KYI NANG DU RTZE BAR GYUR BA RNAMS MNGON PAR MTHONG LA DE DAG RNAMS KYIS KYANG LHA GSAR DU SKYES PA DE MNGON PAR MTHONG BAR GYUR TE 'DOD CHAGS KYIS GZIR BA'I RGYAGS PAS RTZE BA'I 'GROS DANG LDAN PA LHA RDZAS KYI
PHRENG BA'I RGYAN CAN DE DAG RNAMS LA GSAR DU SKYES PAR GYUR PA LA NYE BAR RTEN PAR BYED DO, ,DES KYANG DE DAG RNAMS MNGON PAR MTHONG BAR GYUR NAS YON TAN DANG LDAN PA'I 'DOD PA LNGAS RNAM PAR ZIN PAR GYUR PAS DE DAG RNAMS NYID KYANG THAG NYE BAR GYUR PAR LEGS PAR NYE BAR BSNYEN NAS 'GRO BAR BYED DO, ,LHA MO DE DAG RNAMS DANG LHA GSAR DU SKYES PAR GYUR PA DE'ANG PHAN TSUN DU LHAN CIG TU RGYAGS PA LA DON GCIG PAR GYUR PAS DE THAMS CAD GAR BYED PAR GYUR PA DANG RGOD PAR GYUR PA LAS DE DAG RNAMS 'DI BZHIN DU SEMS PAR GYUR TE, 'DI DAG NI, BDAG CAG RGYAS PAR BYED PA PO'O, ,ZHES DE BZHIN DU BSAM NAS JI LTAR DE DAG DANG BDAG TU 'DZIN PAR GYUR PAS DE DAG RNAMS PHAN TSUN DU MNGON PAR CHAGS SHING ZHE NA PAS NGAL SOS PA SKYED PAR BYED PA, PHAN TSUN DU GNON PA MED PAR GYUR NAS RGOD PA DANG BSKYOD PA DANG RTZE DGA' BA LA DON DAM DU BYED PAR GYUR PAS NAGS NAS NAGS GZHAN RNAMS SU DANG, RI'I RTZE MO NAS RI'I RTZE MO RNAMS SU DANG, RDZING BU NAS RDZING BU RNAMS SU DANG, PADMA'I RDZING BU NAS PADMA'I RDZING BU RNAMS SU DANG, 'KHRI SHING GI KHANG PA NAS 'KHRI SHING GI KHANG PAR DANG, SHING LJON PA'I TSAL NAS SHING LJON PA'I TSAL DAG TU DANG, MTSO GZHAN NAS MTSO GZHAN RNAMS BA STE, DE DAG NA RNAM PA DU MAR GYUR PA'I BEE d'URYA SNGON PO DANG 'DRA BAR GYUR PA'I NGANG PA
, ,DANG NGANG DUR GZHAL DU MED PA'I BYA DU MAS SGRA KUN NAS BSGRAGS PAR GYUR PAS RNAM PAR SNYAN PAR BYED PA KUN BSAM PAS 'DOD PA RNAMS 'BYUNG BA'I CHU YIN TE; JI LTAR LHA DE DAG RNAMS KYI SEMS MNGON PAR RGYAN PAR BYED PA'I RNAM PA DE SRID DU 'GYUR RO, ,DE LTAR GYUR PA'I CHU GANG YIN PA NI, RNAM PA DU MAR RO DANG DRI DANG LDAN PA YIN NO; ;DE MTSO DE DAG TU RTZED MO BYAS NAS SLAR NYID KYANG GANG NA LHA GZHAN DAG RNAMS MCHOG TU DGA' BA'I YID KYIS 'GRO BAR BYED PA DER LHA GSAR DU SKYES PA DE LHA MO'I TSOGS DE DAG RNAMS KYIS YONGS SU BSKOR NAS GAR DANG GLU DANG ROL MO'I SGRA DANG BCAS NAS 'GRO BAR BYED DO, ,LHA DE DAG GIS KYANG LHA GSAR DU SKYES PA DE KUN NAS MNGON PAR MTHONG NAS TSIGS SU BCAD PA BRJOD PA JI LTAR, GSAR DU SKYES PA'I BRAG RNAMS DANG, ,RDZING BU'I PADMA'I TSAL DANG NI, KHANG BZANG RTZE MO DGA' BA LAS, ,RANG 'KHOR LHA DANG BCAS NAS DGA', , GSER LAS GYUR PA'I BRAG DANG NI, ,BEE d'URYA YI RTZE MO LA, ,NAGS KYI TSAL DANG GZHAN RNAMS KYANG, ,RANG GI LHA 'KHOR BCAS TE DGA', ,DGA' BA'I DPAG BSAM SHING DAG DANG, ,CHU KLUNG DANG NI 'BAB CHU DANG, ,MTSO BRAN YANG NI RNAM SPANGS PA, ,LHA RANG 'KHOR DANG BCAS TE DGA', ,RIN CHEN BDUN GYIS RNAM BKRA BA'I, ,RI RNAMS DAG DANG CHU KLUNG DANG, ,RI LOGS GANG
NI CHER 'OS LA, ,DGA' BO RANG BCAS LHA RNAMS DANG, ,MAND'A RA SHING TSANG TSING DANG, ,AUTPAL SNGON PO'I TSAL RNAMS LA, ,BYA YI DBYANGS SNYAN DGA' BA NA, ,RANG 'KHOR LHA DANG BCAS NAS DGA', ,SA GZHI'I CHA NI GZHAN DAG DANG, ,RIN CHEN 'BYUNG GNAS TSAL RNAMS DANG, ,KHYOGS KYI KHANG BU DGA' BAR NI, ,LHA NI RANG 'KHOR BCAS TE DGA', ,YID NI MNYEN ZHING RLAN BYED PA'I, ,RNGA SKAD YAN LAG LNGA PA YIS, ,GAR DANG LDAN PA RTAG BDE BAS, ,LHA NI RANG 'KHOR BCAS TE DGA', ,DE LTAR LHA DE DAG GIS LHA GSAR DU SKYES PA'I LHA DE LA 'GRO BAR BYED DO, ,DE DAG GI TSIGS SU BCAD PA RNAMS KUN TU ZHI BAR GYUR NAS DE KHO NA NYID RJOD PAR BYED PA'I BYA DE DAG RNAMS KYIS KYANG TSIGS SU BCAD PA'I DBYANGS DANG ZHAD 'DRA BA'I KUN BRJOD PA DAG BSNYAD PA JI LTAR; NAGS DANG NYE BA'I NAGS RNAMS DANG, ,PADMA'I 'BYUNG GNAS NAGS RNAMS LA, ,BYIS PA SRED PAS RNAM PAR 'KHRUL, ,RANG GI LHA 'KHOR BCAS TE LTUNG, ,GSER LAS GYUR PA'I BRAG RNAMS KYI, ,RTZE MO BEE d'URYA RNAMS LA, ,DGE BA'I LAS KYIS 'PHANGS PA DE, ,RANG GI 'KHOR GYI LHAR BCAS LTUNG, ,DPAG BSAM SHING NI DGAR 'GYUR DANG, ,CHU KLUNG DANG NI 'BAB CHU LA; ;SPYOD PA DE MIS DGE ZAD NAS, ,RANG 'KHOR LHA DANG BCAS PAS LTUNG, ,SA GZHI'I CHA NI GZHAN DAG DANG, ,RIN CHEN 'BYUNG GNAS NAGS LA YANG, ,RTAG TU DGE MIN ZHUGS LA
, ,LA; ;RANG 'KHOR LHA DANG BCAS PA LTUNG, ,YID NI KUN NAS TSIM BYED PA'I, ,RNGA SKAD YAN LAG LNGA PA YIS, ,'PHROG PAS DE YI DUS 'DAS NAS, ,RANG 'KHOR LHA DANG BCAS RNAMS 'BAB, ,DE LTAR YANG BYA DE DAG GIS PHAN PAR 'GYUR BA DANG KUN TU SKYO BAR BYED PA DANG 'DRA BA'I TSIGS SU BCAD PA JI LTA BAR BRJOD DO, ,RAB TU BSHAD PA'I RJES LA RNA BA LA LAM BYUNG BAR GYUR NAS BAG MED PAS KUN TU KHRID PA'I PHYIR LHA SKYES NAS YUN RING DU LON PA RNAMS KYIS KYANG TSIGS SU BCAD PA'I MING TZAM YANG THOS PAR MI 'GYUR NA, GANG DAG SKYES PAR GYUR NAS DUS THUNG DU LON PA SHIN TU BAG MED PAS RNAM PAR RGYU BAR BYED PA'I LHA DE DAG RNAMS KYIS DE BRTZI BGRANG MI BYED PA LA LHA CI SMOS, CHES BAG MED PAS RNAM PAR RGYU BA'I LHA DE DAG RNAMS KYIS DE LA BRTZI BGRANG MA BYAS PAR PAG MED PA'I DUG GI SHUGS KYIS KUN TU RMONGS PAR GYUR NAS NYE 'KHOR KUN NA RAB TU GAR BYED PAR GYUR PA DANG, CHES RAB TU DGA' BAR GYUR PA'I YID KYIS NAGS GZHAN DAG GIS GZHI RNAMS LA RAB TU GAR DANG GLU DANG RNGA SGRA LHAN CIG TU YUL RNAMS KYI RGYAGS PAS RGYAGS PAR GYUR PA'I YID CAN RNAMS RANG GI 'OD DANG LDAN PA THAMS CAD KYANG DGA' BAR GYUR NAS LHA RDZAS KYI BDE BA LA LONGS SPYOD PA GANG NA RI'I PHRENG BA ZHES BYA
BA'I RI BO DER NYE BAR LEGS PAR 'GRO'O, ,RI'I PHRENG BA ZHES BYA BA'I RI BO DE'ANG KHAMS DU MA DANG LDAN PAR RNAM PA SNA TSOGS PA'I RIN PO CHE'I 'BYUNG KHUNGS RNAMS KYIS RNAMS PAR BRGYAN PAR GYUR PAS NYE 'KHOR KUN TU SHIN TU MDZES PAR BYED DO, ,NYI MA DMAR SER DANG 'DRA BA'I PADMA BRGYA STONG GIS NYE BAR MDZES PAR GYUR PA'O, ,'BAB CHU BRGYA STONG BYE BA RNAMS KYIS KYANG NYE BAR MDZES PAR GYUR PA STE, DGA' BAR GYUR PA'I RI BO RI'I PHRENG BA DE'I LOGS BZHI LA GNAS PA BZHI YOD DO, ,'DI LTA STE, MTSO BRGYA RAB TU 'BAB PA DANG, RAB TU DANG BAR SNANG BA CHEN PO DANG, RI MDZES PA DANG, RI'I NYE 'KHOR ZHES BYA BA DANG NAGS CHEN PO BZHI PO DE DAG RNAMS RI'I PHRENG BA'I RI BO'I MCHOG DE LA YOD DO, ,MTSO BRGYA 'BAB PA NI, DPAG BSAM GYI SHING RNAMS KYIS NYE BAR MNYAM [?] BAR GYUR PA'I MTSO BRAN BRGYA STONG YOD DE, GSER DANG DNGUL DANG AINDRA N'I LA DANG KAR KE TA NA RNAMS DANG MDOG MTSUNGS PA'I NOR BUS NYE 'KHOR KUN TU KHYAB PAR GYUR PAS MTSO DE DAG RNAMS RAB TU GSAL BAR GYUR PA DANG RAB TU DANG BAR GYUR PA DANG CHU GRANG BAR GYUR PA DANG JI LTAR 'DOD PA'I CHUR YANG MTSO DE DAG 'GYUR BA YIN NO; ;MCHOG TU MDZES PAR GYUR PA'I NAGS DANG NYE BA'I NAGS RNAMS KYI TSOGS PA DANG LEGS PAR LDAN PA SNGO ZHING RAB TU DANG BA'I CHU LA NGANG PA DANG NGANG NGUR DANG KA RAndA PA
, ,DANG KA DAM PA RNAMS KYI SGRA THOS NA DGA' BAR 'GYUR BA YIN TE, BYIS PA THAMS CAD RAB TU DGA' BAR BYED PA'I BYAS KYANG LHA DE DAG KUN TU MNGON PAR MTHONG NAS TSIGS SU BCAD PA BRJOD PA JI LTAR, GSON TSE THAMS CAD RTAG PA MIN, ,LANG TSO YANG NI 'GRO BA MIN, ,'JIG RTEN THAMS CAD MI RTAG PA, ,'JIG RTEN 'DI YIS GO BA MIN; ;LAS KYI SKUD PAS SBREL BYAS PA'I, ,DNGOS PO SKAD CIG TZAM 'GOR BA, ,SNGA MA'I RIM GYIS 'JIG 'GYUR BA, ,'JIG RTEN PAS KYANG GO BA MIN, ,NAGS DANG NYE NAGS BSTEN PA YI; ;LHA RNAMS BYE BA PHRAG STONG YANG, ,MIG BTZUMS TZAM GYI DUS YIN PA, ,'JIG RTEN PAS KYANG MI RTOGS SO, ,'DOD NA SPYOD PA'I LHA RIS DRUG ,BAG MED LONGS SPYOD SRED PA YIS; ;THAMS CAD RLAG PAR 'GRO BA YANG, ,'JIG RTEN PAS NI MI GO'O, ,DBU BA RDOS PA DANG 'DRA BA'I, ,BDE BA RMI LAM RDZAS DANG MTSUNGS, ,MYUR DU ZAD PAR 'GYUR BA STE, ,'JIG RTEN PAS KYANG MI RTOGS SO, ,DE LTAR RI'I MCHOG DE LA MDZES PAR GYUR PA'I LHA DE DAG RNAMS LA PHAN PAR BYED PAR GYUR PA'I BYA DES LEGS PAR BYAS PA'I LAS KYIS BSKUL BAR GYUR NAS RJOD PAR BYED DO, ,GZHAN DU NA LHA YUL RNAMS LA CHED CHER BYED PAR GYUR PAS DE BLO LA BYED PAR MI 'GYUR RO, ,DAM PA'I LAM RNAMS LA DMUS LONG BZHIN DU GYUR PA
DANG DE KHO NA NYID KYANG MI MTHONG NGO, ,DE NAS GZHAN YANG NAGS CHEN PO GNYIS PAR GYUR PA RAB TU DANG BAR SNANG BA CHEN PO ZHES BYA BA'I NAGS SU LHA DE DAG RNAMS RTZED MO DANG BCAS NAS SO; ;RAB TU DANG BAR SNANG BA CHEN PO'I NAGS DE DAG NI, RNAM PA 'DI LTA BU YIN TE, NYI MA BRGYA DANG YANG DAG PAR LDAN PA RNAMS PAS KYANG CHES LHAG PAR GYUR PA DPAG BSAM GYI SHING RNAMS DANG, RIN PO CHE RNAMS DANG, DE DAG RNAMS KYI 'OD ZER GYI 'OD RNAMS KYIS KYANG NAGS DER SHIN TU LHAG PAR YANG YON TAN RNAMS PHUN SUM TSOGS PAR GYUR CING RAB TU 'BAR BAR GYUR NAS RNAM PAR SNANG NGO, ,RAB TU DANG BA CHEN PO SNANG BA'I NAGS KYI NYE 'KHOR RNAMS NI, 'OD ZER RNAM PA GSUM GYIS SHIN TU GSAL SHING RNAM PAR MDZES SO, ,DE NA RNAM PA DE SRID KYI THAMS CAD LAS KYANG MNGON PAR DGA' BAR GYUR PA'I CHU KLUNG DANG 'BAB CHU DANG MTSO BRAN RNAMS KYIS RNAM PAR BRGYAN PAR GYUR PA DANG, DPAG BSAM GYI SHING RNAMS DANG LDAN PAR GYUR PA'I RNAM PA DE SRID RNAMS KYI NAGS KYI MCHOG DER LHA DE DAG RNAMS 'DUS PA RNAMS DANG, CI STE NA PHUNG PO RNAMS DANG, TSOGS PA RNAMS KYIS SGRA DANG ROL MO'I SA DANG GAR DANG GLU DANG BCAS PAS DGA' BAR BYED PA DANG RTZED MO RTZE BAR YANG BYED PAR GYUR PAS NI, LEGS PAR BYAS PA'I LAS RNAMS KYANG ZAD
, ,PAR 'GYUR RO, ,RI BO'I MCHOG DE NYID KYI SA'I CHA RNAMS LA YUL GYI CHAGS PAS MYOS PAR GYUR PA GLANG PO CHEN PO BZHIN DU DE DAG RNAMS NAGS DE NA DUS RING DU RTZED MO RTZES NAS GZHAN YANG RANG BZHIN GYIS YID TZAB HRAL CAN DU GYUR PAS RI'I PHRENG BA'I RI BO DE NYID KYI NAGS GZHAN RI MDZES PA ZHES BYA BA'I NAGS GANG YIN PA DER NYE BAR 'GRO'O, ,YUL LNGA'I RGYAGS PAS RGYAGS PAR GYUR BA RNAMS BAG MED PA'I DGRAS SHIN TU RMONGS PAR BYAS PA'I LHA RNAMS KYIS NI, BZLOG PAR MI NUS PA'I 'JIGS PA CHEN POR GYUR PA'I 'CHI 'PHO BA'I 'JIGS PA KUN TU GO BAR 'GYUR BA MA YIN GYI, DGA' BA RGYA CHEN PO'I SGRA DANG REG BYA DANG RO DANG GZUGS DANG DRI RNAMS 'BA' ZHIG GIS BAG MED PAR GYUR NAS GANG DANG DES KYANG KUN TU 'KHRID PAR BYED DO, ,SRED PAR YONGS SU CHUD PAR GYUR PA'I YID CAN DES DE NA NAGS GZHAN DAG MTHONG BAR GYUR PA LA NYE 'KHOR NA PADMA'I TSAL GYIS BSKOR BAR GYUR PA, DPAG BSAM GYI SHING RNAMS KYIS RNAM PAR BKRA BA, ME TOG BRGYA STONG GIS NYE BAR MDZES PAR GYUR PA, LJON SHING DRI DANG LDAN PAR GYUR PA'I SHING GZHAN RNAMS KYIS KYANG NYE BAR MDZES PA, CHU RLUNG DANG 'BAB CHUS RNAM PAR BRGYAN PA, LJON SHING GI NAGS DU MAS NYE BAR RGYAS PA
RNAMS LA RI DVAGS DANG BYA'I TSOGS RNAM PA SNA TSOGS PA RNAM PAR BKRA BAR GYUR PAS SPRAS PA'I RIN PO CHE BDUN GYI RANG BZHIN GYI SHING 'KHYIL PA BRGYANGS PA'I KHANG PA RNAMS KYIS NYE BAR MDZES PAR GYUR PA, KU HA RA DANG SKAD SNYAN PA DANG BYA'I TSOGS GZHAN RNAMS KYI SKAD RNAMS KYIS KYANG THOS NA DGA' BAR 'GYUR BA DANG RIN PO CHE'I BZHON PAS KYANG CHU KLUNG BRGYAN PAR GYUR PA STE, DES RNAM PA DE LTA BU'I NAGS LEGS PA RJES SU THOB NAS LHA DE DAG RI DE LA LAN BRGYA PHRAG RNAMS DANG, GAL TE NA LAN STONG PHRAG TU'ANG GAR BYED PAR GYUR PA DANG GLU LEN PAR GYUR PA PHAN TSUN LHAN CIG TU DE DAG GIS NAGS DER MTHAR GYIS SLEB PAR GYUR NAS DUS YUN RING POR DGA' BAR BYED DO, ,LHAN CIG SPYOD PA DANG BCAS PA DANG PHAN TSUN G-YOG BYED PAR GYUR PAS KYANG YUL RNAMS KYI 'DOD PA LAS PHYIR ZHING NGOMS PA MED PAR GYUR NAS LHA DE DAG RNAMS RI'I PHRENG BA'I RI BO DE NYID LA LAN GRANGS DU MAR RNAM PAR SPYOD PAR BYED DO, ,BAG MED PAR GYUR PAS DE DAG GI GZHAN YANG MTHONG BAR GYUR PA, MCHOG TU DGA' BAR GYUR PA'I RI BO NYID KYI NAGS RI'I NYE 'KHOR ZHES BYA BA'O, ,NAGS DE NA DRI ZHIM PO 'DI DAG RNAMS YOD DO, SHING 'KHRIL BA DUD PA RNAMS KYI ME TOG DANG GSER GYI SHING 'KHRIL BA RNAM PAR BRGYANGS PA LAS
, ,KUN TU BYUNG BA DANG PADMA'I BZHON PA RNAMS DANG, MCHOG TU DRI ZHIM PA RNAMS DANG, MANDA RA BA'I LJON SHING RNAMS DANG, LHA RDZAS KYI ME TOG GZHAN RNAMS KYANG STE; DRI RNAMS NI, NYE 'KHOR KHOR YUG TU DPAG TSAD BRGYAR RLUNG GIS 'DEBS SO, ,LHA RNAMS KYANG NGO MTSAR BAR BYED PA'I DRI BLA NA MED PA RNAMS DANG, MCHOG TU DRI ZHIM PAR GYUR PA'ANG RNAM PA DU MA RNAMS SO, ,DE DAG RNAMS SMON PAR BYED PAS LHA DE DAG NAGS DER RAB TU 'JUG PAR BYED DE, MCHOG TU MDZES PAR GYUR PA RNAMS PHAN TSUN LHAN CIG TU RGYAGS PA LA DON GCIG PA YUL GYI BDE BAR NGOMS PA MED PAR GYUR PAS YONGS SU BSKOR BAR BYED DO, ,RNAM GRANGS DU MAR DE DAG RNAMS DE LTAR RNAM PAR RGYU BAR GYUR PA DANG RTZE BAR GYUR PAS GANG NA RI'I PHRENG BA'I RI BO DE NYID KYI MGO BO YOD PA DE LA NYE BAR 'GRO BAR BYED DO, ,LAN BRGYA DANG, YANG NA LAN STONG PHRAG TU DE DAG NA DE'I STENG DU LTA BAR BYED PA NA SHIN TU CHEN POR GYUR PA'I GNAS PAR BYA BA'I GZHI RNAMS TE, RGYAR NI, DPAG TSAD LNGA BRGYA PA NYE 'KHOR KUN NA KHANG BZANG GIS YONGS SU GANG BAR GYUR PA LA GSER GYI RANG BZHIN GYI KHANG PA DANG, DNGUL GYI RANG BZHIN GYI KHANG PA DANG, BEE d'URYA'I RANG BZHIN GYI KHANG PA DANG, GSER BTZO MA'I RANG BZHIN GYI KHANG PA DANG, MU S'A RA'I RANG BZHIN
GYI KHANG PA DANG, DE NA RNAM PA DE LTA BU'I MCHOG TU DGA' BAR GYUR PA'I KHANG PA RNAMS KYIS NYE BAR MDZES PAR BYAS PA DANG, LAM SRANG DANG BCAS PA'I BZHI MDO'I STENG KHANG GI CHA SHAS RNAM PAR MDZES PA DANG, RAB TU RNAM PAR PHYE BA'I CHA SHAS DANG LDAN PA'I KHANG PA'I RTA BABS DGA' BAR GYUR PA DANG, NYE 'KHOR NA'ANG PADMA'I TSAL GYIS YONGS SU BSKOR BA STE, RNAM PA DE LTA BU'I GRONG KHYER DER LHA RNAMS RAB TU ZHUGS NAS SHIN TU RAB TU DGA' BAR GYUR PA'I YID KYIS RNAM PA SNA TSOGS PA'I 'DOD PA'I YON TAN RNAMS PHUN SUM TSOGS PA'I PHUG DANG NYE BA'I NAGS DANG RDZING BU DANG LDAN PA SHING 'KHRIL PA KUN TU DUD PA'I KHANG PA DANG ME TOG GI NAGS DANG PADMA'I NAGS DANG GZHI'I RNAM PAR MDZES PA'I CHA SHAS DANG ME TOG GI TSAL GYIS GZHI DANG PHUG DANG RI'I KHROD DANG TSANG TSING DANG RI'I KHONG GSANG RNAMS LA DGA' BAR BYED DO, ,DE LTAR RI DE'I GRONG KHYER GANG YIN PA DE DAG NI, GNAS SU GYUR PA YIN NO, ,DE'I RGYAB LA RNAM PA DU MAR YONGS SU BSKOR NAS LHA RNAMS DGA' BAR BYED DO, ,RNGA SKAD YAN LAG LNGA DANG LDAN PAS YONGS SU BSKOR CING RNGA SKAD YAN LAG LNGA DANG LDAN PA THOS PAR GYUR NAS SGRA YON TAN PHUN SUM TSOGS PA DE DANG LHAN CIG TU DGA' BAR BYED DO, ,KHYIM LA MNGON PAR DGA' BAR GYUR PA DE DAG RNAMS LA BYAS TSIGS SU BCAD PA BRJOD PA JI LTAR, GANG
, ,TSE LHA RNAMS DGE BA NI, ,YONGS SU ZAD PAR 'GYUR BA NA, ,DE TSE BAG MED PA YI 'BRAS, ,RTZUB MO STEN PA SHES PAR 'GYUR, ,'DOD PA KUN TU CHAGS PA'I YID, ,DE TZAM GYI NI BDE BSTEN PA, ,BDE LAS NYAMS PA 'BYUNG 'GYUR TE, ,LOG PAR LTUNG BA'I 'JIGS CHEN PO, ,YUL GYI BDE LA BDE DON GNYER, ,RTAG TU BSAM PA SONG BDAG RNAMS, ,BUD MED LTA BAS MYOS PA RNAMS, ,LOG PAR LTUNG BAR 'BYUNG 'GYUR GYI, ,LOG PAR LTUNG BYAS SDUG BSNGAL NI, ,DE TSE RIG 'GYUR MI BZAD PA, ,GANG DANG LHAN CIG BSTEN BYAS PA, ,BAG MED 'DOD CHAGS BSTEN PA RNAMS, ,BUD MED DE DAG THAMS CAD KYIS, ,'CHI BA'I DUS NA YONGS SU 'DOR, ,'CHI 'GYUR LHA RNAMS THAMS CAD LA,, 'GA' ZHIG RJES SU 'GRO BA MIN, ,LAS RNAMS NYID NI RGYAB NAS KYANG, ,'GRO ZHING RJES SU 'GRO BAR 'GYUR, ,LEGS BYAS RTAG TU STEN PAR GYIS, ,SPANG BAR GYIS DANG NYES BYAS RNAMS; ;BAG MED RTAG TU BSAL BA DANG, ,BAG YOD LA YANG DGA' BAR GYIS, ,SRING PA'I RTZA BA BAG MED 'DI, ,BAG YOD PAS NI ZHI BAR 'GYUR, ,BAG MED PA DANG BAG YOD PA'I, ,'DIS NI RANG GI MTSAN NYID BRJOD, ,RTAG TU BSTEN PAS DE RNAMS SO, ,BDE BA LEGS PAR SPYAD PA SPYOD, ,CHOS LA SPYOD PA'I SKYES BU NI, ,SDUG BSNGAL NAM
YANG 'BYUNG BA MIN, ,DE LTAR BYA DES LHA RNAMS LA RTAG PAR RGYUN DU'ANG PHAN PAR GYUR PA BSHAD DE, JI LTAR BAG MED PAR GYUR PAS RNAM PAR 'PHROG NAS LHA RNAMS KYIS MI THOS PAR GZHAN YANG YUL GYI DMUS LONG DU GYUR PAS NAGS DANG NYE BA'I NAGS RNAMS NYID LA BSNYEN PAR BYED DO, ,GRONG KHYER GYI MCHOG DE LA DGA' BAR BYED DO, ,RI'I PHRENG BA DE LA DUS YUN RING DU RTZED MO BYAS NAS GZHAN YANG GANG NA RI'I RTZE MO STONG YOD PA DER NYE BAR 'GRO BAR BYED DO, ,LTA BAR 'DOD PA'I PHYIR DANG LHA RDZAS KYI YUL RNAMS LA DGA' BAR GYUR PA DANG LHA RDZAS KYI LAS RNAMS BYAS PA'I RGYUS BDE BA LA NYE BAR LONGS SPYOD PAR GYUR PAS, 'DOD PA THAMS CAD PHUN SUM TSOGS PA DUS THAMS CAD DU ME TOG DANG 'BRAS BU DANG 'BAB CHU DANG CHU KLUNG DANG RDZING BU DANG PADMA'I NAGS PHUN SUM TSOGS PAR GYUR PA'I RI DE'I DGA' BA'I KHYAD PAR GONG MA GONG MA RNAMS LA DE LTA BAR BYED DO, ,DGA' BAR GYUR PA DU MA LA LTA BAR BYED PAS RNAM PAR RGYU BA'I LHA DE DAG RNAMS THAMS CAD KYANG NGO MTSAR BAR BYED PA'I RI BLA NA MED PA MTHONG BAR GYUR TO, ,RI'I PHRENG BAR GYUR PA'I RIN CHEN PO DE NI, GANG GI PHYIR RANG BZHIN KHO NAS RI'I PHRENG BA BA'I NYE 'KHOR KUN NA RIN PO CHE SNA TSOGS PA'I RANG BZHIN GYI RI RNAMS LA SNA TSOGS PA'I NAGS DANG NYE BA'I NAGS DANG RDZING BU DANG PADMA'I NAGS
, ,DANG CHU KLUNG DANG BTUNG BA'I KLUNG DANG BTUNG BA LA DGA' BAR GYUR PA RNAMS YOD PA YIN NO, ,RIN PO CHE'I RANG BZHIN GYI RTZE MO RNAMS LA BYA'I TSOGS RNAMS KYI SGRAS KUN NAS BSGRAGS PAR GYUR PA DANG, SNA TSOGS PA'I SGRA DANG CHA BYAD DANG DBYIBS 'DZIN PA'I MCHOG TU YID 'PHROG PAR BYED PA'I BYAS NYE BAR MDZES PAR BYAS PA'I RI DE DAG RNAMS KYI NYE 'KHOR KUN NA RIN PO CHE'I 'OD BRGYA STONG GI 'OD ZER RNAMS KYIS KYANG RNAM PAR SNANG BAR BYED CING MCHOG TU GSAL BAR 'BAR BAR GYUR PAS LHAM ME BAR GYUR TO; ;RIN PO CHE SNA TSOGS PA'I RANG BZHIN GYI RI DE DAG RNAMS KYI DKYIL NA'ANG RI CHEN PO NYID RNAM PAR GSAL BA YIN TE, NAM MKHA' BRTOL ZHING BRIS PA BZHIN DU DE LTAR RNAM PAR SNANG NGO, ,'OD ZER GYIS RNAM PAR GSAL BAR GYUR PA'I DPAL DANG LDAN PA'I DE'I GZHI LA LHA RNAMS GNAS PAR GYUR NAS RTZE BAS RGYU'O, ,MCHOG TU SKYID PAR GYUR PA DAL BUS RTZE BAR BYED PA'I 'GRO BA DANG LDAN PA RNAMS PHAN TSUN LHAN CIG TU RGYAGS PA LA DON GCIG PAR GYUR CING, JI SKAD YAN LAG LNGA DANG LDAN PA'I RGYAGS PAS SMYOS PAR DGA' BAR BYED DE, LHA MO DAG KYANG LHA DANG LHAN CIG TU RGYAGS PAS RAB TU DGA' BA'I YID KYIS DE LA 'KHOD PAR BYED DO, ,JI LTAR 'DOD PAS 'GRO BAR BYED PA RNAMS
KHA CIG NI, NAM MKHA' LAS SO, ,KHA CIG NI, BUD MED KYI 'KHOR NANG GI BTZUN MO'I 'KHOR GYIS YONGS SU BSKOR CING, YID DE LA SONG BAR GYUR PAS YUL LNGA LA RNAM PAR CHAGS PA'I SEMS NGAN PAR GYUR PA RNAMS SRED PA'I CHU KLUNG GIS KHYER PAR GYUR PA NA YUD TZAM GCIG KYANG BZLOG PAR 'GYUR BA NI, MA YIN NO, ,SNYOMS PAR BDE BA DANG GCIG TU BDE BAR GYUR PA GANG YIN PA DE'ANG 'JIG RTEN PHA ROL TU 'GRO BA NA BDE BAR 'GYUR PA DANG PHAN PA'I DON DU 'GYUR BA YIN NO, ,DE'ANG DES YONGS SU SPANGS NAS BDE BA GZHAN NYID LA KUN TU CHAGS PA'I YID CAN NI, SBRANG RTZI DANG 'DRES PA'I DUG DANG 'DRA BA RNAMS LA KUN TU CHAGS PA YIN TE, LTUNG BAR BYED PAR BZANG PO'I BDE BA'I GZUGS BRNYAN DU GYUR PA'I BDE BA RNAMS LA KUN NAS 'DOD CHAGS PAR GYUR PAS DGA' BAR BYED PA STE, RNGA SKAD YAN LAG LNGA DANG LDAN PAR LHAN CIG TU RTZE BAR GYUR PAS DE LA 'KHOD DO, ,JI LTA JI LTAR 'KHOR BAR GYUR PA DE LTA DE LTAR DGA' BA LHAG PAR GYUR PAR RI'I MCHOG DE MTHONG NGO, ,NYE 'KHOR KUN NA'ANG MCHOG TU DGA' BAR GYUR PA'I LJON SHING DANG CHU KLUNG DANG BYA DANG MTSO DANG NAGS DANG NYE BA'I NAGS DANG RDZING BU RNAMS KYIS YONGS SU GANG BA DANG NAGS BRGYA STONG DU MA RNAMS DANG LDAN PA RIN PO CHE BDUN GYIS RAB TU KUN NAS GSAL BAR
, ,BYAS PA'I PHRENG BA'I 'OD KYI PHRENG BAS KYANG KHYAD PAR DU BYAS PA, DE'I NYE 'KHOR NA LHA DE DAG LHA MO'I TSOGS DANG LHAN CIG TU DGA' BAR GYUR CING RTZE PAR BYED PAS 'GRO BAR BYED DO, ,RGYAN DANG CHA BYAD SNA TSOGS PA DANG PHRENG BA 'DZIN PAR GYUR PAS BSAM PA GZHAN MED PAR BAG MED PAS BRAL BAR GYUR BA'I YID CAN BAG MED PA MA SPANGS PA'I SEMS RANG GI 'OD DANG LDAN ZHING RANG GI 'OD KYI RGYAN DANG CHA BYAD DU MA DANG LDAN PA'I BUD MED KYI MCHOG RNAMS KYIS YONGS SU BSKOR NAS DAL BU DAL BUS JI LTA JI LTAR 'DOD PAR 'DOD PA'I YID KYIS RI MCHOG DE LA GNAS PAR BYED DO, ,RANG GIS BYAS PAR GYUR PA'I LEGS PAR BYAS PA'I LAS THUN MONG MA YIN PA'I TSUL KHRIMS KYI RNAM PAR SMIN PAR GYUR PA NGES PAR MYONG BAR 'GYUR BAS KHA BSGYUR BAS DGA' BAR BYED CING RTZE BAR YANG BYED DO, ,NAGS DANG NYE BA'I NAGS DANG RDZING BU DANG CHU KLUNG DANG 'BAB CHU RNAMS KYANG RNAM PA DU MAR STEN PAR BYED DO, ,DE LTAR RI'I PHRENG BA'I RI BO'I RTZE MO DE LA 'KHOD PAR GYUR NAS RI'I MCHOG DE LA RNAM PAR RGYU BAR BYED PA NA MCHOG TU SRED PAS GDUNGS PAS RNGA SKAD YAN LAG LNGA PA NYAN PAR GYUR CING NAD RNAMS DANG BRAL BA DANG 'JIGS PA RNAMS DANG BRAL BA MCHOG TU RGYAGS PAS YID KUN NAS BCINGS PAR GYUR
PAS LHA DAG RTZE BAR BYED DO, ,DE DAG RNAMS DE LTAR RGYU BAR GYUR PA NA DE DAG GIS LAN MANG DU RI'I MCHOG LA KUN TU BLTAS NAS SO SO SO SOR RANG GI BDUN PAS RGYU BAR GYUR PA DANG RANG GI 'DUN PAS 'GRO BAR BYED PA RNAMS GANG DU 'DOD PAR LUS NGAG GI SPYOD PA NGAL BSO BAR GYUR PAS RNAM PAR RGYU ZHING GNAS PAR BYED DO, ,DE NAS RIN PO CHE'I 'OD KYI DPAL THAMS CAD LAS RAB TU RGOD PAR GYUR PA'I RI'I PHRENG BA'I RI BO'I MCHOG DE NA LHA RNAMS BSAM PAR BYED CING DE LTAR BAG MED PAR GYUR PA RNAMS KUN NAS MNGON PAR MTHONG BAR GYUR PAS LEGS PAR BYAS PA'I LAS RNAMS KYI LHAG MA NI, MYUR DU 'GOD PA'I GSON PA'I THA MAR GYUR PA'I 'JIGS PA'I DUS RAB TU RGOD PAR GYUR PA NA LHA'I TSOGS THAMS CAD PHAN PA LA RAB TU ZHUGS PA'I BYANG CHUB SEMS DPA'I DGE LEGS MCHOG DANG LDAN ZHING DGE BA'I LAS KYI MTHA' LA SPYOD PA DE RI BO'I RTZE MO LA GNAS NAS BRTEN ZHING RGYA CHE LA GSAL BAR GYUR PA DANG, LHA'I TSOGS THAMS CAD KYI YID 'PHROG PAR GYUR PA'I YID KYI MUN PA RNAMS SHIN TU 'PHROG PAR BYED PAS RI'I RTZE MO'I SGRA DE DAG RNAMS THAMS CAD NYE BAR BCOM NAS BAG MED PA'I SNYING CAN GYI LHA RNAMS KYI BAG MED PA SPANG BAR BYA BA'I DON DU NGANG PA DUS BZANG DES TSIGS SU BCAD PA BRJOD PA JI LTAR, SNYING NI 'DOD LA KUN TU CHAGS, ,RTAG TU
, ,YUL LA DON DAM DU, ,GANG ZHIG MTHAR THUG PHAN GYUR PA'I, ,PHAN PA'I LHA YIS MI SHES SO, ,BSOD NAMS LHAG MA 'DI CUNG ZAD, ,'CHI 'PHO KUN TU NYE BAR GNAS, ,RANG GI LAS 'BRAS SPYAD NAS NI, ,LHA NI GZHAN DU 'GRO BA YIN, ,SKYE BA GZHAN DANG STONG PHRAG NI, ,THIG 'DEBS LAM GYI 'KHRUL 'KHOR 'DI, ,LUS CAN RTAG TU LAS BCINGS PA, ,PHAN PA'I ZAS ZA SHES PAR GYIS, ,GANG ZHIG BDE LA RTAG KUN CHAGS, ,DGE BA'I LAS KYANG RTAG TU BYED, ,MI MTHUN PA YI RGYU DE DAG ,RMONGS PA RNAMS KYI SNYING LA 'JUG ,SKYE BO 'DOD PAS RMONGS DE DAG ,LONGS SPYOD 'CHI BDAG RAB TU LTA, ,GANG DAG TSUL KHRIMS DKA' THUB SHES, ,BDEN DANG SBYIN LA MI PHYOGS PA, ,SPYAD NAS 'CHI BDAG GIS RTOG PA'I, ,SKYE BO DE NI 'DOD PAS RMONGS, ,LAS KYI RNAM SMIN MI SHES GANG, ,SKYON YANG 'GOG LA MI DGA' BA, ,LONGS SPYOD NAS NI 'CHI BDAG DPYOD, ,SKYE BO DE NI 'DOD PAS RMONGS, ,'BRAL BAS BYAS PA'I SDUG BSNGAL NI, ,MI BZAD PA GANG MA MTHONG BA, ,ZOS NAS 'CHI BDAG GIS RTOG STE, ,SKYE BO DE NI 'DOD PAS RMONGS, ,SNYING NI BUD MED 'GRO LA CHAGS, ,YANG SRID PA NI SHES MIN PA'I, ,ZOS NAS 'CHI BDAG GIS RTOG PA'I, ,SKYE BO DE NI 'DOD PAS RMONGS, ,RGUD DANG MYA NGAN NAD RNAMS LA, ,NAM
YANG SKYE BA SKYE MIN PA'I, ,ZOS NAS 'CHI BDAG GIS RTOG PA, ,SKYE BO DE NI 'DOD PAS RMONGS, ,GANG ZHIG SDIG PA'I GROGS PO DANG, ,STEN PA'I 'JIGS PA CHE BYED PA, ,SPYAD NAS 'CHI BDAG GIS RTOG PA'I, ,SKYE BO DE NI 'DOD PAS RMONGS, ,GANG GI SEMS NI SGOM MIN DANG, ,DE NYID DON LA MI SEMS PA, ,LONGS SPYAD NAS NI 'CHI BDAG SPYOD, ,SKYE BO DE NI 'DOD PAS RMONGS, ,GANG ZHIG GNAS SKABS THAMS CAD DU, ,'KHOR BA'I 'JIGS PAS 'JIGS MIN PA, ,SPYAD NAS 'CHI BDAG GIS LTA BA'I, ,SKYE BO DE NI 'DOD PAS RMONGS, ,DON DANG DON MIN LA RTAG TU, ,SEMS KYIS SEMS PAR SEMS MIN PA, ,LONGS SPYAD NAS NI 'CHI BDAG SPYOD, ,SKYE BO DE NI 'DOD PAS RMONGS, ,GANG ZHIG DE NYID BLO DANG RTAG PAR NI, , 'BYUNG PO KUN LA PHAN PAR DGA' MIN PA, ,LONGS SPYAD NAS NI 'CHI BDAG RAB RTOG PA'I, ,SKYE BO DE NI 'DOD PAS RMONGS PA YIN, ,GANG ZHIG LUS BDE'I DON DU NI, ,RMONGS PA YIS NI CHOS NYAMS BYED, ,YID NI RTAG TU RTZE GCIG PAS, ,RAB TU BRTZON PAS DGE BA GYIS, ,MI DGE BA YANG RTAG TU SPONGS, ,DE DAG MKHAS PA'I MTSAN NYID YIN, ,SBYIN DANG TSUL KHRIMS DKA' THUB BRAL, ,LAS LA CHED CHER BYED PA MED, ,NGAG MED PAS NI YONGS BSLUS PA, ,RING PO MIN PAR LOG PAR LTUNG, ,DE NI PHYI NAS DUS RING YID, ,DUS KYI DBANG
, ,GIS KUN 'GRO BA'I, ,PHYI NAS BZLOG TU MED PA YI, ,GDUNG BA'I RANG BZHIN ME YIS SREG ,MI BZAD BZLOG PAR BYAR MED PA, ,NGES PAR MYONG BAR LUS CAN RNAMS, ,'CHI BA'I DUS KYI DBANG DU 'GRO ,DE RIG GYIS LA LEGS PAR SPYOD, ,DE LTAR NGANG BA DES RING PA MI DMAN ZHING RGYA CHE BA'I RANG BZHIN GYIS MCHOG TU SNYAN PAR GYUR PAS LHA DE DAG RNAMS LA STON PAR BYED DE, BYANG CHUB SEMS DPA' DE NI, DBYANGS SNYAN PA YIN LA LHA DE DAG RNAMS THAMS CAD LA DES RNAM PA MANG PO DANG LDAN PA'I DBYANGS DU MA RNAMS BRJOD PA DANG LDAN PA'I LHA RDZAS KYI SGRA RNAMS NYE BAR BCOM NAS RNAM PAR GSAL ZHING MDZES PAR BYED PA YIN TE, SNYAN PAR GYUR PA DANG, PHAL CHE BAR GYUR PA DANG, BRTAN PAR GYUR PA DANG, RGYA CHE BAR GYUR PA'I PHYIR YANG STE, RI BO DE LA THOS PAR GYUR NAS LHA'I TSOGS DU MA RNAMS KYIS YONGS SU BSKOR BA DUS THAMS CAD DU ME TOG DANG 'BRAS BU RNAMS PHUN SUM TSOGS PA, PADMA'I TSAL DU MAS KUN TU KHYAB PAR GYUR PA, LHA'I BU MO'I TSOGS PHAL PO CHES RAB TU DGA' BAR GYUR PA'I GLU LEGS PAR LEN PA, RIN PO CHE'I PHRENG BA'I 'OD KYIS NYE BAR MDZES PAR GYUR PA, RIN PO CHE SNA BDUN GYIS RNAM PAR BKRA BAR BYAS PA'I CHA SHAS KYIS MDZES PA, RIN PO CHE BDUN GYI NAGS DANG NYE BA'I NAGS DANG RDZING BU DGA'
BA; RGYAL MTSAN GYI 'DUG PA'I STEGS BU RNAMS KYIS RNAM PAR BRGYAN PA NA LHA DANG LHA MO BRGYA STONG GIS NYE BAR DBYANGS SGROG PAR GYUR PA RNAMS NI, SNYAN PA DANG MNYAN PAR 'OS BA'I RNGA SKAD YAN LAG LNGA PA KUN TU SGROG PAR GYUR PA THOS NA DGA' BA BEE d'URYA DANG AINDRA N'I LA DANG DNGUL DANG GSER GYI KA BA BRGYA STONG GIS NYE BAR MDZES PAR GYUR PA CHEN PO LA 'OS PA'I SENGGE'I KHRIS NYE BAR MDZES PA, NAM MKHA' LA RGYU BAR BYED PA'I GZHAL YAS KHANG DPE MED PA LA GNAS NAS 'THAB BRAL GYI MNGA' BDAG RNAM PAR MDZES PAR GYUR CING BLA NA MED PA'I DPAL DANG LDAN PAR LHA BRGYA STONG GIS KYANG GLU NYE BAR BLANGS PAR GYUR CING THAL MO SBYAR BA STONG PHRAG BRGYAS MCHOD PAR GYUR PA DANG BSTOD PAR YANG GYUR PAS RNAM PAR BRTOL BA BZHIN DU NAM MKHA' LAS GANG NA RI'I PHRENG BA'I RI BO DER NYE BAR LEGS PAR 'ONGS TE, MCHOG TU RANGS PAR GYUR PAS NGANG PA'I RGYAL PO DUS BZANG BLTA BAR 'DOD PA'I PHYIR RO, ,SMON LAM GYI DBANG GIS DANG, LHA RNAMS LA'ANG PHAN PAR 'DOD PAS KYANG DER SKYES PA YIN LA SKYE BA DRAN PA'I DBANG DU BYAS NAS KYANG GUS PA LEGS PAR SKYES PAR GYUR PAS DE LHA 'THAB BRAL GYI MNGA' BDAG LEGS PAR NYE BAR 'ONG NGO, ,JI LTAR 'OS PA BZHIN DU 'DI'I DRUNG NAS NGAS DAM PA'I CHOS MNYAN PAR BYED DE, LHA RNAMS DANG BDAG NYID LA PHAN PA DANG BDE BA'I DON
, ,DU DANG, BAG MED PAS LOG PAR LHUNG BAR 'GYUR BA RNAMS RNAM PAR ZHI BAR BYA BA'I DON DU YANG NGO, ,DE NAS RI'I PHRENG BA'I RI BO GANG YIN PA DE'I RNAM PA SNA TSOGS PA'I GNAS DANG KUN DGA' RA BA DANG SKYED MOS TSAL DANG NAGS DANG NYE BA'I NAGS DANG RI LOGS DANG SMAN LJONGS DANG PADMA'I TSAL DANG MTSO BRAN DANG YANG THOG GI RTZE MO DANG KHANG BU'I RGYAB DANG RIN PO CHE'I KHANG BU DANG RI'I RTZE MO DANG CHU KLUNG DANG TSANG TSING DANG RI'I RGYAB DANG ME TOG GI NAGS DANG 'BRAS BU'I NAGS DANG SKYED MOS TSAL DANG DPAG BSAM GYI SHING DANG DNGUL DANG BEE d'URYA'I RANG BZHIN DANG GSER BTZE MA'I RANG BZHIN GYI RNAM PA DU MAR MTHONG NA DGA' BAR GYUR PA LJON SHING RNAMS LA'ANG LHAN CIG SPYOD PA RNAMS DANG BCAS PA'I LHA DE RNAMS DGA' BAR BYED CING RTZE BAR YANG BYED PA LAS, YUL LJONGS MANG POS KUN TU GANG BAR GYUR PA'I LHA'I TSOGS DE DAG THAMS CAD RAB TU RINGS BA DANG BCAS PAS CHES RAB TU DGA' BA'I YID KYIS GANG BYED PAR GYUR, BSKYOD PAR GYUR, RGOD PA DANG CHES RAB TU RGOD PA'I YID KYIS KHANG BZANG GI MCHOG NA BZHUGS PAR GYUR PA'I LHA'I MNGA' BDAG DE KUN DU LEGS PAR MTHONG BAR GYUR TE, LHA RDZAS KYI DPE MED PA'I BDE BA RNAMS DANG YANG DAG PAR LDAN PAR GYUR PA MNGON PAR MTHONG ZHING THAMS CAD KYIS KYANG BDAG NYID THAMS CAD KYIS MU SU
LUNDHA DE NYID MNGON PAR MTHONG BAR GYUR NAS RAB TU DGA' BAS LTA BA LA CHED CHER GYUR PA'I YID KYIS DE NYID MTHONG BAR GYUR PA NA BRJOD PAR GYUR PA JI LTAR 'THAB BRAL BA'I MNGA' BDAG MU SU LUNDHA YIN LA, DAM PA'I CHOS NYAN 'DOD PA YIN TE, NGANG PA'I MNGA' BDAG DUS BZANG GI DRUNG DU DAM PA'I CHOS NYAN 'DOD PA YIN NA, NGANG PA'I RGYAL PO DUS BZANG MA MTHONG BAS DE'I DRUNG DU BDAG CAG RNAMS KYIS MNGON PAR BLTA BAR BYA BA DANG MCHOD PA'ANG DON DU GNYER BAR BYED DO, ,LHA DE DAG RNAMS KYIS DE LTAR RIG PAR GYUR NAS 'DOD PA'I YON TAN LNGA DANG LDAN PA'I BDE BA YANG DAG PAR LDAN PA LHA RDZAS KYI PHRENG BA'I RGYAN DANG LDAN PA RNAMS THAMS CAD KYIS LHA'I MNGA' BDAG LA RAB TU BSNYEN PAR GYUR TO, ,DE NAS GANG YANG MU SU LUNDHA DANG LHAN CIG TU NAM MKHA'I DKYIL NAS 'ONGS PA'I LHA DE DAG THAMS CAD DANG, GANG YANG RI'I PHRENG BA'I RTZE MO STONG BA NA DGA' ZHING RTZE BAR BYED PA'I LHA RDZAS KYI PHRENG BA'I RGYAN DANG YANG DAG PAR LDAN PA DE DAG RNAMS THAMS CAD KYIS KYANG 'THAB BRAL GYI BDAG PO'I DRUNG DU MCHOD PA BYAS NAS RAB TU DGA' BA'I YID KYIS MDUN DU GAR BYED PAR GYUR CING GLU LEN PAR YANG BYED DO, ,THAMS CAD DANG YANG DAG PAR LDAN PAR GYUR PA DE DAG RNAMS 'THAB BRAL GYI BDAG PO DANG LHAN CIG TU GYUR PAS GANG NA BYANG CHUB SEMS DPA' MCHOG TU RNO BA'I
, ,SHES RAB DANG LDAN PA SMON LAM GYI DBANG GIS LHA RNAMS KYI BAG MED PA BSAL BAR BYA BA'I DON DU 'THAB BRAL DU SKYES PAR GYUR PAS DER THAMS CAD NYID NYE BAR LEGS PAR SONG NGO, ,DE NAS RING BA NYID NAS 'THAB BRAL GYI BDAG PO MTHONG BA'I CHOS LA GUS PAS GUS PA LEGS PAR SKYES PA DANG, KHANG BZANG DE LAS BABS NAS DE LHA'I TSOGS DANG LHAN CIG TU CHOS CHEN PO RAB TU 'CHANG BA PO'I CHOS LA SGRA 'BYIN PA'I MNGON SUM DU DER BSNYEN PA'I DAD PA'I GZI BRJID KYIS LHA RNAMS THAMS CAD KYI DRUNG NA CHES LHAG PAR CHOS KYI DPAL RNAM PAR MDZES SO, ,DE NAS DE RING BA NYID NAS MTHONG BAR GYUR PAS 'THAB BRAL GYI MNGA' BDAG GUS PA SHIN TU LEGS PAR SKYES PAR GYUR CING CHOS LA'ANG GUS PAR GYUR PAS KHANG PA ZANG DE LAS KUN NAS BABS PAR GYUR TE, LHA'I TSOGS DE DAG RNAMS DANG BCAS PA RNAMS CHOS RAB TU SMRA BAR BYED PA CHOS KYI SGRA SGROG PAR BYED PA DE LA KHA MNGON DU PHYOGS PAR BYED PA LA NYE BAR BRTEN PAR GYUR TO, ,NGANG PA DE'ANG CHOS KYI GZI BRJID DE DAG GIS LHA RNAMS THAMS CAD KYI DRUNG NA CHOS KYI DPAL GYIS SHIN TU BLA LHAG PAR MDZES PAR GYUR TO, ,DE NAS MU SU LUNDHA MNGON PAR MTHONG NAS BYANG CHUB SEMS DPA' DAD PA DES LEGS PAR 'ONGS SAM GYI TSIG GIS MNGON PAR
MCHOD DE, 'THAB BRAL GYI BDAG PO GANG DANG DE DAG DE LTAR BDE BAR 'ONGS SAM, DE LTAR BAG MED PAS KHYOD BAG MED PAR MA GYUR SAM, BDE BA'I SA GZHI RNAMS KYI MCHOG 'DI THOB PAR GYUR NAS KYANG GANG ZHIG 'PHROG PAR MI 'GYUR BA DE NI, SHIN TU NGO MTSAR TO, ,PHYIR ZHING KHO NA LHA RNAMS KYI MNGA' BDAG BYED PAR GYUR PA GANG GI PHYIR LHA RNAMS LAS KYANG BRGYA 'GYUR DU BDE BA RNAMS LA NYE BAR LONGS SPYOD PAR GYUR PA'I RNAM PA DE LTA BU'I BDE BA GANG YIN PA RNAMS KYIS KYANG 'KHRID PAR MI BYED PA DE DAG NI, SHIN TU NGO MTSAR BA GZHAN YIN NO, ,GANG GI PHYIR LEGS PAR BYED PA'I RKYEN RNAMS DANG SDUG BSNGAL GYI RKYEN GYI SHUGS RNAMS KYIS KYANG 'DZIN PAR BYED PA YIN NO, ,DE LTAR SKYE BA GZHAN RJES SU DRAN PAR BYED DE, SANGS RGYAS GTZUG TOR CAN GANG GI SPYAN SNGA NAS DES CHOS 'DUL BA THOS PAR GYUR PA'I MDO SDE DRAN PAR BYAS NAS MU SU LUNDHA DE LA 'CHAD DO, ,NGANG PA RNAMS KYI MNGA' BDAG DUS BZANG 'DIS MU SU LUNDHA DE LA 'DI SKAD CES SMRAS SO, ,JI LTAR MU SU LUNDHA, KHYOD NI, RNYED PA DANG LDAN TE, GANG BAG MED PAR GYUR PAS KHYOD NI, RGYU BA DANG NGA'I YANG CHOS KYI SGRA THOS PAR GYUR NAS 'DIR 'ONGS PA DE DAG NI, 'DIR NGO MTSAR CHE BA YIN NO, ,DE LTAR YIN PA DE'I PHYIR 'THAB BRAL GYI BDAG PO MNYAN PAR GYIS DANG, BCOM LDAN 'DAS GTZUG TOR CAN DES NGA
, ,MIR GYUR PA'I RGYAL POR GYUR PA NA BSTAN PA RGYAL PO CHOS LA SPYOD PA ZHES BYA BA'I CHOS KYI RNAM GRANGS KYI MDO GANG YIN PA DE LEGS PAR RAB TU YID LA GYIS LA NYON CIG DANG BSHAD PAR BYA'O, ,RGYAL RIGS RGYAL POR SPYI BO NAS DBANG BSKUR BAS YANG DAG PAR SKYE RGU RNAMS SKYONG BAR BYED PA GANG GIS PHAN PA DANG BDE BA LA SBYAR BAR 'GYUR RO; ;DE'ANG DES RAB TU BSNGAGS PAR 'GYUR RO, ,LUS ZHIG NAS KYANG MTHO RIS BDE 'GRO'I 'JIG RTEN 'THAB BRAL GYI LHA RNAMS KYI MNGA' BDAG TU 'GYUR RO, ,CHOS GANG DAG DANG YANG DAG PAR LDAN PAR GYUR PA'I RGYAL RIGS RGYAL POR SPYI PO NAS DBANG BSKUR BAS SKYE RGU RNAMS SKYONG BAR BYED PA YIN ZHE NA, MTHONG BA'I CHOS NYID LA YANG DE DES RAB TU BSNGAGS PAR 'GYUR RO, ,LUS ZHIG NAS KYANG MTHO RIS BDE 'GRO'I 'JIG RTEN 'THAB BRAL BA RNAMS KYI MNGA' BDAG TU 'GYUR TE, RDZU 'PHRUL CHE BA DANG STOBS CHE BA DANG NOR CHE BAR YANG 'GYUR RO, ,'DI NA RGYAL PO CHOS SUM CU RTZA LNGA DANG YANG DAG PAR LDAN PA'I RGYAL POS SKYE RGU RNAMS SKYONG BAR BYED LA, SKYONG BAR BYED PAR GYUR PAS KYANG NOR CHEN POR 'GYUR RO, ,STOBS CHE BA DANG PHAS KYI RGOL BA'I DPUNG THAMS CAD KYIS MI THUB PAR 'GYUR RO, ,LUS ZHIG NAS KYANG MTHO RIS BDE 'GRO 'THAB BRAL BA RNAMS KYI MNGA' BDAG TU 'GYUR RO, ,SUM CU
RTZA LNGA PO GANG DAG ZHE NA, 'DI LTA STE, 'DI'I RANG GI SKYE BO GTZANG BAR GYUR BA DANG, DPYA RNAMS NGES PAR BYAS NAS ZA BAR BYED PA DANG, BZOD PA DANG LDAN PA DANG, LUGS LAS PHYOGS 'DZIN MED PA DANG, BLA MA MCHOD PAR BYED PA DANG, SNGAR NYID STER BAR BYED PA YIN, SNGAR BYIN PAR GYUR NAS PHYIS KYANG STER BAR BYED PA YIN, CHOS LA YIN PA 'DZIN PAR MI BYED PA YIN, SDIG PA'I GROGS PO DANG STEN PAR BYED PA MA YIN, BUD MED KYI DBANG DU 'GRO BA MA YIN, THAMS CAD KYI TSIG LA DAD PAR BYED PA MA YIN, SNYAN PAR GRAGS PA LA 'DOD PA SKYED PA YIN GYI NOR LA 'DOD PA CAN MA YIN NO, ,LOG PAR LTA BA DANG LDAN PA MA YIN, GTONG BA CAN YIN, MTHUN PAR BYED PA DANG NGAG SNYAN PAR GYUR BA YIN, BDEN PAR SMRA BA YIN, NOR GZHIS RNAMS 'PHEL BA DANG 'GRIB PAR GLO BUR DU MI BYED PA YIN, MI'I KHYAD PAR SHES PA YIN, DUS NGES PAR LEGS PAR STON PAR BYED PA PO YIN, GNYID CHE BA MA YIN, LE LO MED PA YIN, GROGS PO BRTAN PA YIN, MI PHAN PA RJES SU STEN PAR BYED PA MA YIN, KHRO BA'I SHUGS DANG DGA' BA LA YA BO SDOM PAR BYED PA YIN, ZAS DANG SGOM LA SHIN TU KUN NAS CHAGS PA'I RANG BZHIN CAN MA YIN, LEGS PAR BSAM PAR BYA BA RNAMS SEMS PA'I YIN, DON DUS RING DU BSKOR BAR BYED PA MA YIN, CHOS
, ,LA SKYE RGU RAB TU 'GOD PAR BYED PA YIN, DGE BA BCU'I LAS KYI LAM GYI DGE BA RNAMS BYED PAR 'GYUR BA YIN, RGYU DANG RKYEN LEGS PAR STON PAR BYED PA YIN; LHA DAG MCHOD PAR BYED PA YIN, BU DANG BU MO YANG DAG PAS BDE BAR YONGS SU SKYONG BAR BYED PA YIN, RTAG PAR YANG SHES RAB GOMS PAR BYED PA'I RANG BZHIN CAN YIN, YUL GYIS DKRI BAR 'GYUR BA MA YIN, RIGS PA DANG LDAN PA'I RANG BZHIN RNAMS KYI RIGS KYIS GZHI SBYIN PAR GTONG NGO, ,DE LTA BU'I CHOS SUM CU RTZA LNGA DANG YANG DAG PAR LDAN PA'I RGYAL RIGS RGYAL PO SPYI BO NAS DBANG BSKUR BA DE DES RAB TU BSNGAGS PAR 'GYUR RO, ,SHIN TU NOR CHE BA DANG RAB TU PHAL CHE BA'I DKOR DANG NYE BAR MKHO BA DANG LDAN PAR 'GYUR RO, ,LUS ZHIG NAS KYANG MTHO RIS BDE 'GRO'I 'JIG RTEN 'THAB BRAL BA RNAMS KYI LHA'I MNGA' BDAG TU 'GYUR TE, LEGS PAR BYAS PAR GYUR PA DE'I RGYU LAS SO, ,DE LA GTZANG BA'I RANG GI SKYE BO DANG YANG DAG PAR LDAN PA'I RGYAL PO NYUNG ZAD KYI RANG BZHIN CAN MA YIN PAR 'GYUR BA'I RNAM PA JI LTA BUS SKYE BO DE GTZANG BA LA SBYOR BAS GZHAN LA PHAN PA RAB TU ZHUGS PA YIN ZHE NA, CHOS LUGS RNAM PAR GZHAG PA LA SHIN TU BAR YANG SA MTSAMS SRUNG BAR 'GYUR RO, ,DAM TSIG SRUNG BAR 'GYUR BA DANG TZAB HRAL CAN DU MA GYUR PA
DANG, RJED DPON LA PHAN PA MA YIN PAR BTU 'GOG PAR BYED PAR 'GYUR RO, ,'DIS PHAN PAR GYUR PA DAG LA KUN TU SBYOR BAR BYED PA DANG, RGYAL SRID KYANG CHOS KYIS LEGS PAR SRUNG NGO,, PHAN PA DANG GROGS SU 'GYUR BA RNAMS SMRA BAR BYED PA DANG, DUS SU NYE BAR GNAS PA DANG DRANG PO'I RANG BZHIN CAN GZHAN LA BZHAD GANG DU BYED PA MA YIN PA DANG, ZHABS 'BRING BYED PA'I DBANG GIS PHAN PA MA YIN PA RNAMS RJE BO LA BYED PAR MI 'GYUR BA DANG, 'DOD PA DANG NGA RGYAL DAG GIS KYANG 'KHRID PAR 'GYUR BA MA YIN PA DANG, GNAS SKABS THAMS CAD DU CHOS RNAMS LA NYAMS PAR GYUR PA YOD PA MA YIN PA DANG, 'JIG RTEN PHA ROL GYI DON KUN NAS GLENG SLONG BAR BYED PA DANG LDAN PA'O, ,'KHOR BA LA 'JIGS PAR 'GYUR PA DANG, LAS KYI 'BRAS BU RNAM PAR SMIN PA LA SKUR BA MI 'DEBS PA DANG, NYES PAR SPYOD PA RNAM PA GSUM YANG YONGS SU SPONG BAR BYED DO, ,GOMS PAR YANG MI BYED DO, ,CHAD PA LA DGA' BA MA YIN NO; ;BLO GZHAN DANG LDAN PA MA YIN PA DANG STE, DE RNAM PA DE LTA BU DAG GIS SKYE BO GZHAN DANG BDAG NYID KYANG LEGS PAR 'JUG PAR BYED DE, ,RGYAS PAR YANG BYED DO, ,'JIG RTEN GNYIS SU PHAN PA BYED PAR GYUR BA'I SKYE BO RNAM PA DE LTA BU DE DAG GI SKYE BO DANG LDAN PA'I RGYAL POS RGYAL KHAMS KYANG SKYONG BAR BYED CING RANG DANG GZHAN YANG 'DZIN PAR BYED PA
, ,RNAMS NI; LUS ZHIG NAS MTHO RIS BDE 'GRO'I 'JIG RTEN 'THAB BRAL GYI LHA RNAMS KYI MNGA' BDAG TU 'GYUR RO, ,YANG CHOS GZHAN DANG YANG DAG PAR LDAN PAR GYUR PA'I RGYAL POS RGYAL KHAMS LEGS PAR SKYONG BAR BYED PA NI, LUS ZHIG NAS KYANG MTHO RIS BDE 'GRO'I 'THAB BRAL GYI LHA RNAMS KYI MNGA' BDAG TU 'GYUR RO, ,GANG DAG ZHE NA; 'DI LTA STE, NGES PA DANG LDAN PA'I 'BRAS BU RNAMS ZA BAR 'GYUR BA'O, ,NGES PA MED PA ZHES BYA BA NI, DE'I YUL LAM GRONG KHYER RAM GRONG NGAM TSONG DUS RNAMS KYANG RUNG STE; DUS THAMS CAD DANG GNAS SKABS THAMS CAD DU NGES PAR BYAS PA'I DPYA RNAMS YOD PAR GYUR PA LAS DE DAG RNAMS DE KHO NA BZHIN DU RGYAL PO 'DIS NYAMS PAR MA GYUR BA'ANG DUS KYI SKYON GYIS SAM, MA NOR BAR GYUR NAS RIM GYIS 'PHEL BAR GYUR PA'I RANG GI DNGOS PO RNAMS RIGS PA MA YIN PAS 'PHROG PAR BYED NA, 'JAL BYED LA 'JAL BAR MI BYED PA DANG, G-YOS BDEN PAR 'GYUR PA YOD DAM CI, DE LTAR RGYAL PO NGES PA'I 'BRAS BU ZAD PAR BYED PA YIN NO, ,DES SKYE RGU RNAMS 'TSE BAR MI BYED DO, ,YUL 'KHOR YANG YONGS SU SRUNG BAR BYED DO, ,SKYE BO THAMS CAD LA RJES SU BRTZE BA PO DE LUS ZHIG PAR GYUR NAS MTHO RIS BDE 'GRO'I 'JIG RTEN 'THAB BRAL BA RNAMS KYI BDAG POR 'GYUR RO, ,
YANG CHOS GZHAN DANG YANG DAG PAR LDAN PA'I RGYAL POS YUL 'KHOR YONGS SU SKYONG BAR BYED DO, ,SKYE RGU KUN TU DGA' BAR YANG BYED DO, ,GANG DAG ZHE NA, 'DI LTA STE, BZOD PA DANG LDAN PAR GYUR PA'O, ,'DI LA RKYEN GYI DBANG GIS KHRO BA 'BYUNG BAR GYUR NA'ANG YONGS SU SPONG BAR BYED DO, ,RJED DPON YIN PAR GYUR NAS KYANG GNANG LA BSGO BAR MI BYED DO, ,GZHAN GYI 'BYOR BAS MI BZOD PAR MI BYED DO, ,GRONG KHYER NYES PA CAN RNAMS LA'ANG GTZE BA SKYED PAR YANG MI BYED DO, ,GROGS PO'I DRUNG DU TSIG RTZUB MO RNAMS SMRA BAR YANG MI BYED DO, ,KHRO BA SKYES PAR GYUR NA'ANG BZOD PAS RAB TU ZHI BAR BYED DO, ,'DIS SNYAN PA RJOD PAR BYED DO, ,BRJOD PAR GYUR PA NA YANG JI LTAR 'DIS GRONG KHYER BA 'DI RNAMS YID BDE BAR GYUR CING 'KHRUG PAR BYED PA MA YIN NO, ,DE LTAR GNAS SKABS THAMS CAD DANG, RNAM PA THAMS CAD DANG, DUS THAMS CAD DU SNYING RJE DANG LDAN PAR 'GYUR TE, RANG BZHIN GYIS YIN GYI, DGOS PA RNAMS KYI RGYU GANG LAS KYANG NI, MA YIN NO, ,RGYAL PO DE BZOD PA DANG LDAN PAR GYUR PA'I RGYU DE DAG DANG RKYEN DE DAG GIS LUS ZHIG NAS MTHO RIS BDE 'GRO'I 'JIG RTEN 'THAB BRAL BA'I LHA RNAMS KYI MNGA' BDAG TU 'GYUR RO, ,RGYAL RIGS RGYAL POR SPYI BO NAS DBANG BSKUR BAR GYUR PA 'JIG RTEN 'DI DANG PHA ROL TU'ANG PHAN PAR 'GYUR BA'I PHYOGS
, ,'DZIN MED PAR LUGS LEGS PAR SKYONG BAR BYED PA 'DI'ANG GANG ZHE NA, BLA NA MED PA'I DGE BA'I BSAM PA MTSUNGS PAS RGYAL PO YUL LJONGS PA RNAMS THAMS CAD KYI MA DANG PHA DANG 'DRA BAR 'GYUR RO, ,GCIG TU NOR GYI RGYUS DANG, PHAN 'DOGS PA'I RGYUS DANG, RANG GI SKYE BO YIN PA'I RGYUS DANG, SNGON PHAN BTAGS PA'I RGYUS DANG, 'BREL PAR GYUR PA'I RGYUS DANG, SKYE RGU'I BDAG POR GYUR PA DANG DMAG GI DPON PO YIN PA'I RGYUS KYANG MA YIN TE, GNAS SKABS THAMS CAD DU'ANG PHYOGS 'DZIN PAR MI BYED DO, ,DE LUGS RNAM PAR GZHAG PA BYED PA'I DUS NA GROGS PO DANG GROGS PO MA YIN PA LA BLO MNYAM PAR 'GYUR RO, ,DE DAG RNAMS BYED PAR GYUR PA NA RGYAL PO DE'I YUL LJONGS YONGS SU NYAMS PAR MI 'GYUR RO, ,SNYAN GRAGS KYANG YONGS SU NYAMS PAR MI 'GYUR RO, ,RGYAL PO MED PA'I GRONG KHYER DU MI 'GYUR RO, ,GZHAN GYI DPUNG GIS 'JIGS PAR MI 'GYUR RO, ,RGYAL PO GZHAN KHA DRAG PAR MI 'GYUR RO, ,DE DUS YUN RING DU RGYAL PO BYED PAR 'GYUR RO, ,LUS ZHIG PAR GYUR NAS KYANG MTHO RIS BDE 'GRO'I 'JIG RTEN 'THAB BRAL GYI LHA RNAMS KYI MNGA' BDAG TU 'GYUR RO, ,GZHAN YANG RGYAL RIGS RGYAL POR SPYI BO NAS DBANG BSKUR BA LA GCES PAR 'GYUR BA'I CHOS
YOD PA NI, 'JIG RTEN GNYIS LA PHAN PA DANG, MYA NGAN LAS 'DAS PA'I MTHAR THUG PAR YANG BYED DO, ,'DI'ANG GANG ZHE NA, 'DI LTA STE, BLA MA MCHOD PAR BYED PA'O, ,BLA MA ZHES BYA BA'ANG JI LTA BA BZHIN DU DE KHO NA STON PAR BYED PA'O, ,DE'ANG TSUL KHRIMS DANG SHES RAB DANG DKA' THUB DANG LDAN ZHING SEMS CAN RNAMS LA PHAN PA LA LEGS PAR ZHUGS PAR GYUR PA; GCIG TU NGES PAR DGE BAR BYED PA PO, ,LUS DANG NGAG GI LAS KYI MTHA' RAB TU ZHI BA, DRI MA RNAMS DANG BRAL BAR GYUR PA DE GZHAN RJES SU 'DZIN PA LA ZHUGS PA DE LA RJES SU RTEN PAR BYED DO, ,DE DAG GI DRUNG NAS NGAG 'DZIN PAR BYED DO, ,DE JI LTAR SPYOD PAR BYED PA DE LTAR DE'ANG SPYOD PAR BYED DO, ,RGYAL RIGS RGYAL POR SPYI PO NAS DBANG BSKUR BA DAG DE MCHOD PAR BYED PAS 'DI LA RTAG TU PHAN PAR 'GYUR BA DANG, LUS ZHIG NAS KYANG MTHO RIS BDE 'GRO'I 'JIG RTEN 'THAB BRAL BA'I MNGA' BDAG TU 'GYUR TE, DGE BA'I LAS DE'I RKYEN RNAMS DANG, DGE BA DE DAG GI RGYU LAS SO, ,GZHAN YANG RGYAL RIGS RGYAL POR SPYI BO NAS DBANG BSKUR BA LA GCES PAR 'GYUR BA'I CHOS SU GYUR PA DAG GIS 'JIG RTEN GNYIS SU PHAN PAR GYUR PA NI, 'DI LTA STE, SNGAR BYIN NAS PHYIS KYANG STER BAR GYUR PA'O, ,GANG YANG PHAS SAM, MES POS SAM, YANG MES POS SAM,
, ,GZHAN GYIS SAM, DE DAG DANG DE LAS GZHAN PA RNAMS KYIS KYANG RUNG STE, RTAG TU GANG PHYIN PAR GYUR PA LAS GZHI'AM DBYIG LA SOGS PA RNAMS 'DREN MA DANG RNYOG MA CAN DU GYUR PA'I SEMS MA YIN PAS DANG, PHAN PA DANG MCHOG TU DAD PAS DE DAG LA RJES SU YI RANG BAR BYED CING DE DAG NYID LA DGA' BA DANG, SLAR NYID YANG SBYIN PA BSNGAGS PAR BYED DO, ,GZHAN YANG SBYIN PA RJES SU GTONG BA LA RAB TU 'JUG PAR BYED DO, ,DE NYID KYANG DE BZHIN DU RAB TU GNAS PA DANG RAB TU 'JUG PAR BYED PA GANG YIN PA'I RGYAL RIGS RGYAL POR SPYI BO NAS DBANG BSKUR BA 'DI'I LUS ZHIG NAS LAS DE DAG RNAMS KYI RGYU DANG, RKYEN DE DAG GIS KYANG MTHO RIS BDE 'GRO'I 'JIG RTEN 'THAB BRAL BA'I MNGA' BDAG TU SKYE BAR 'GYUR RO, ,CHOS GZHAN YANG RGYAL RIGS SPYI BO NAS DBANG BSKUR BA'I 'JIG RTEN GNYIS SU DON DANG, PHAN PA DANG, BDE BAR 'GYUR BA 'DI YANG GANG ZHE NA, 'DI LTA STE, SBYIN PA'O, ,SBYIN PA ZHES BYA BA'ANG GNAS SKABS THAMS CAD DANG, THAMS CAD NYID LA DANG, RNAM PA THAMS CAD DU DANG, DUS THAMS CAD DU DANG, BLO GROS THAMS CAD LA'ANG PHAN BAR 'GYUR BA DANG, BDE BAR 'GYUR BA DANG, THAMS CAD NAS 'GRO BA THAMS CAD DU'ANG DMYAL BA DANG, YI DVAGS
DANG, DUD 'GROR SKYES PA RNAMS LA'ANG BKRES PA RNAM PAR 'JOMS PA DANG, SKOM PA RNAM PAR 'JOMS PAR BYED PA YIN NA, LHA DANG MI RNAMS LA 'BYUNG BAR 'GYUR BA LA LTA SMOS KYANG CI DGOS, GTONG PA CAN GYI RGYAL PO NI, MTHONG BA'I TSE'I 'BRAS BU DANG YANG LDAN PA YIN NO, ,GANG DAG ZHE NA, 'DI LTA STE, GRAGS PAS RJES SU DGA' BAR GYUR NAS GRONG KHYER DANG YUL LJONGS PHUN SUM TSOGS PAR 'GYUR BA DANG, DE DAG RNAMS KYIS YONGS SU SPONG BAR YANG MI 'GYUR RO, ,DES YUL LJONGS GZHAN GYI MCHOD PA'ANG BLA NA MED PA 'THOB BO, ,DE NYID MNGON PAR KUN TU MTHONG NAS KYANG PHAS KYI DPUNG RNAMS KYIS KYANG ZIL GYIS MI NON NO, ,'DI LA DGRA RNAMS KYIS BAR DU GCOD PA PHRA MO TZAM YANG BYA BAR GLAGS MI THOD DO, ,DE YUL DANG GRONG KHYER GYI MCHOG RNAMS DANG LDAN PAR 'GYUR BA NI, GOMS PAR MA GYUR PA RNAMS LA'ANG MA THONG BA'I CHOS KYI SBYIN PA'I 'BRAS BU YIN NO, ,GANG YANG ZHING DANG, DNGOS PO DANG, BSAM PA PHUN SUM TSOGS PAS SBYIN PA BYIN PAR GYUR PA RNAMS LA LTA CI SMOS, DES NI, GCIG TU DGA' BAR GYUR PA DANG, GCIG TU NGAN SONG GI SGO RNAM PAR SDOM PA DANG, GCIG TU RNAM PAR SMIN PA BDE BAR 'GYUR RO, ,DE LA SBYIN PA SBYIN PAR BYA BA RNAMS NI, RNAM PA DU MA YOD DO, ,RNAM PA DU MA DE'ANG GANG ZHE NA, 'DI LTA STE, ZANG ZING GI SBYIN PA DANG, MI 'JIGS
, ,PA'I SBYIN PA DANG, CHOS KYI SBYIN PA'O, ,RNAM PA DE LTA BU'I SBYIN PA RNAMS GANG GI TSE RGYAL PO DES DGE SBYONG DANG BRAM ZE RNAMS LA GTONG BAR BYED PA DE'ANG LUS ZHIG NAS MTHO RIS BDE 'GRO'I 'JIG RTEN 'THAB BRAL BA'I LHA RNAMS KYI BDAG POR LAS DE'I RGYU DANG RKYEN RNAMS KYIS 'GYUR RO, ,GZHAN YANG RGYAL PO RGYAL RIGS SPYI BO NAS DBANG BSKUR BA LA GCES PAR 'GYUR BA'I CHOS 'JIG RTEN GNYIS LA PHAN PAR BYED PA YOD DO, ,'DI'ANG GANG ZHE NA, CHOS BYED PA MA YIN PA RNAMS MI 'DZIN PA'O, ,RGYAL PO RGYAL RIGS RNAMS KYANG GANG GI PHYIR CHOS DANG LDAN PA DANG, CHOS KYI RJES SU 'JUG PA YIN NO, ,CHOS BYED PA MA YIN PA'I SKYE BO RNAMS NGES PAR 'GEGS PAR MI BYED PA DANG, 'DZIN PAR BYED PA DANG, CHOS BYED PA MA YIN PA RNAMS KYI MGRIN PA MI GTZANG BAR BYED PA PO LOG PAR LTA BAS RI DVAGS KYI 'KHOR BA 'GROL BAR BYED PA, MCHOD SBYIN DANG PHYUGS GSOD PAR BYED PA, SKYES BU THA CHAD DU GYUR PA, SKYES BU PHYIN CI LOG TU 'DZIN PA, PHA MA LA GUS PA MED PA DANG RNAM BA DE LTA BUR GYUR PA RNAMS YUL DU 'DZIN PAR MI BYED DO, , DE DANG BSTEN 'GROGS BYAS PAR GYUR PA'I SKYON GYIS SKYES BU GZHAN DAG DGE BA'I SEMS DANG LDAN PA RNAMS KYANG RAB TU CHUD GZON PAR BYED DO, ,DE DAG RNAMS LA BSTEN
BA'I SKYON GYIS DE DAG CHUD GZAN PAS 'DI'I MNGA' BYED PA RNAMS YONGS SU NYAMS PAR 'GYUR RO, ,DUS MA YIN PAR CHAR 'BAB PAR 'GYUR RO, ,DUS MA YIN PAR LHAS SHIN TU TSA BAR BYED DO, ,DUS MA YIN PAR LO TOG RDZOGS PAR BYED DO, ,YUL LJONGS BRLAG PAR YANG 'GYUR TE, SDIG PA BYED PA PO DE RNAMS KYI NYES DMIGS CHEN POS SO, ,RGYU DES NA CHOS BYED PA RNAMS 'DZIN PA YIN NO, ,SKYES BU CHOS BYED PA KUN TU BZUNG BAS KYANG LHAS DUS SU CHAR 'BEBS SO, ,DUS SU RLUNG RGYU'O, ,DUS SU LO TOG RDZOGS PAR BYED DO, ,YUL LJONGS BRLAG PAR YANG MI 'GYUR RO, ,'JIGS PA DANG, MYA NGAN DANG, YANG BA DANG, SKYE RGU RNAMS BRAL BAR 'GYUR RO, ,SKYES BU CHOS DE DAG MNGA' BYED PAR GYUR PAS 'DU BYED RNAMS THAMS CAD KYI SDUG BSNGAL RNAM PAR CHAD PAR BYED DO, ,SKYES BU CHOS BYED LEGS PAR 'DZIN CING STEN PAR BYED PA 'DI'I SNYING PO'I MCHOG NI, TSANGS PAR SPYOD PA'O, ,'DI LTA STE, SKYES BU CHOS BYED RNAMS STEN PA'AM LEGS PAR 'DZIN PAR BYED PA'O, ,DE'I PHYIR NA BLO DANG LDAN PAR GYUR PA'I RGYAL RIGS RGYAL PO SPYI BO NAS DBANG BSKUR BAS SKYES BU CHOS BYED PA LA KUN TU BSTEN PAR BYA'O, ,DE LAS KYANG 'JIG RTEN GNYIS SU PHAN PAR 'GYUR RO, ,LUS ZHIG PAR GYUR NAS KYANG MTHO RIS BDE 'GRO'I 'JIG RTEN 'THAB BRAL GYI LHA RNAMS KYI
, ,MNGA' BDAG TU 'GYUR TE, LAS DE'I RGYU DANG RKYEN GYIS SO, ,GANG GIS SDIG PA'I GROGS PO DANG STEN PAR MI 'GYUR BA LA SDIG PA'I GROGS PO'ANG RNAM PA BRGYAD SPANG BAR BYA STE, 'DI LTA STE, MED PAR SMRA BAR GYUR PA GANG GIS SBYIN SREG MED DO, ,SBYIN PA MED DO, ,'JIG RTEN 'DI MED DO, ,PHA ROL MED DO, ,ZHES ZER BA 'DI NI, SDIG PA'I GROGS PO GCIG YIN NO, ,SDIG PA'I GROGS PO GNYIS PA YOD DE, ,'DI LTAR BGROD PAR BYA BA MA YIN PA YOD PA NI, MA YIN NO, ,TSANGS PAR SPYOD PA MED DO, ,NAM ZLA DANG DUS KYIS BUD MED DAG LA THAMS CAD KYIS BGROD PAR BYA BA'O, ,SKYES BU GSUM PA SDIG PA'I GROGS POR GYUR PA NI, 'DI LTA STE, JI LTAR GANG DAG SEMS CAN RNAMS LA BYIN PA DANG MER BCUG PA DE DAG RNAMS KYI BCUG PAR GYUR BA NI, MA BCUG PA YIN NO, ,SDIG PA'I GROGS PO BZHI PA NI, 'DI NA JI SRID 'TSO BA'I BAR DE SRID CIG KHO NAR SKYES BU DAG 'GYUR GYI DE SHI BAR GYUR NA, DE'I PHYIR DE'I LEGS PAR BYAS PA DANG NYES PAR BYAS PA DE DAG RNAMS THAMS CAD KYANG JI LTAR SPRIN DANG KHUG RNA RNAMS RNAM PAR RNAMS NAS SLAR YANG MI 'JUG PA DE BZHIN DU LUS CAN DE DAG RNAMS KYI BSOD NAMS DANG, SDIG PA'ANG YIN NO, ,SDIG PA'I GROGS PO LNGA BAR GYUR PA NI, PHA
DANG MA'I RTZA NAS 'BYED PAR BYED DO, ,GUS PA DANG RNAM PAR 'BRAL BAR BYED DO, ,SDIG PA'I GROGS PO DRUG PA YOD DO, ,'DI LTA STE, SROG GCOD PA BYA BAR BYAS TE RGAN PO DANG, LONG BA DANG, MGON MED PA DANG, BKREN PA RNAMS SO, ,DE DAG KYANG SHI NAS 'JIG RTEN GZHAN DU BDE BAR 'GYUR RO, ,SDIG PA'I GROGS PO BDUN PA NI, 'DI LTA STE, GANG DAG RLUNG GIS SAM; DE'I TSE MES BSREG PA DANG, RLUNG ZA BA DANG, GDUNG BA LNGAS DUS BYED PA NI, DE DAG GI 'JIG RTEN ZAD PAR 'GYUR TE, GZHAN DAG TU BRJE BAR 'GYUR BAS SO, ,SDIG PA'I GROGS PO BRGYAD PA NI, 'DI DAG THAMS CAD NI, LHAS BYAS KYI, LAS DANG 'BRAS BU'I MTSAN NYID NI, MA YIN NO, ,SDIG PA'I GROGS PO BRGYAD PO DE DAG RNAMS LEGS PAR YONGS SU SPANG BAR BYA'O, ,KUN SPANG BAR BYA'O, ,YUL DU 'JOG PAR MI BYED DO, ,PHRAD PAR YANG MI BYED DO, ,GANG DAG GIS RGYU DANG 'BRAS BU YANG DAG PAR JI LTA BAR BRJOD PA DE DAG RJES SU 'DZIN PAR BYED DO, ,DE DAG RNAMS KYI DRUNG NAS DAM PA'I CHOS RJES SU 'DZIN PAR BYED DO, ,'JIG RTEN GNYIS LA PHAN PA LA RAB TU ZHUGS PA'I RGYAL PO 'DI NI, LUS ZHIG NAS SHI BA'I 'OG TU 'THAB BRAL BA'I LHA RNAMS KYI MNGA' BDAG TU 'GYUR RO, ,GZHAN YANG RGYAL POS CHOS RAB TU GZHOL BAR BYA BA 'DI'ANG GANG ZHE NA, 'DI LTA STE, BUD MED KYI DBANG
, ,DU 'GRO BAR MI 'GYUR BA'O, ,SKYES BU THA MAL BA RNAMS BUD MED KYI DBANG DU 'GRO BA THAMS CAD LA'ANG 'JIG RTEN PA RNAMS THAMS CAD KYIS GSHE BAR 'GYUR RO, ,CI YANG MCHOG TU RGYA CHE BA'I RIGS RGYUD DU LEGS PAR SKYES PA'I RGYAL PO LTA CI SMOS, BUD MED THAMS CAD NI, RNAM PAR 'BYED PA'I RANG BZHIN CAN YIN NO, ,DES YUL 'KHOR DANG, YUL LJONGS RGYA CHEN PO RNAMS THAMS CAD LAS RGYAL PO RNAM PAR 'BYED PAR BYED DO, ,'DOD PAS ZIL GYIS MNAN PAR GYUR PAS LHAN CIG TU 'GROGS PA RNAMS SUN 'DON PAR 'GYUR RO, ,NOR GYI CHOS KYI RJES SU 'JUG PAR BYED LA SBYIN PA 'GOG PAR BYED DO, ,'DOD PAS ZIL GYIS MNAN PAR GYUR PA GANG GI PHYIR LE LO CAN RNAMS THAMS CAD KYANG BUD MED 'DZIN PAR BYED DO, ,'DOD CHAGS KYI BSAM PAS GLOR KUN NAS BSKOR BAR BYED DO, ,SKYES BU RANG GI DON RNAMS LAS YONGS SU NYAMS PAR BYED DO, ,SKYES PA CHOS KYI BSAM PA YANG DAG PAR BYUNG BA'ANG BUD MED THAMS CAD KYIS RNAM PAR 'BYED PAR BYED PA DANG, PHRA MA'I BSAM PA DANG, NGA RGYAL DANG, PHRAG DOG GI SKYE GNAS CAN DE DAG RNAMS KYIS SKYE BA RNAMS RANG BZHIN MTSUNGS PAR BYED DO, ,BUD MED KYIS 'TSO BAR GYUR PA DE DAG NI, SBRUL NAG PO
MTHONG BA'I DUG CAN DE DAG GIS YONGS SU NYAMS PAR BYED DO, ,DE'I PHYIR BUD MED KYIS 'TSO BAR GYUR PA'I RGYAL PO ZHE LDOG GO ,DE DAG GI GZHI'ANG 'DI LTA STE, BUD MED CES BYA BA'O; ;GZHI DES 'TSO BAR GYUR PAS DE CHES BTZOG PAR 'GYUR RO, ,KUN GYI LAM DU GYUR PA CHOS KYI DUS LAS LHUNG NAS YONGS SU NYAMS PAR 'GYUR RO, ,SKYES BU BUD MED LA GTZOR BYED PA RNAMS NI, SDUG BSNGAL DANG LANG TSO DAG KYANG KUN TU 'JUG PAR 'GYUR RO, ,'DOD CHAGS LA MCHOG TU 'DZIN PA'I SKYON GYIS RTAG TU'ANG THAMS CAD KYIS DE YONGS SU SPONG BAR 'GYUR RO, ,DE'ANG BUD MED DE NYID RANG GIS SLU BAR BYED DO, ,DKRIG MA 'DI DAG RNAMS THAMS CAD NI, RANG BZHIN KHO NAS 'DI LTA STE, GSAR PA LA ZHON PAR BYED PA DANG, BYAS PA CHUD GZON PA DANG, SDUG BSNGAL BAR GYUR NA YONGS SU SPONG BA LA MKHAS PA DANG, 'DOD PA DANG PHRAG DOG PHAL CHE BAR GNAS PAS KYANG DE DAG RNAMS NI, SKYES PA LA NGAL SOS PAR 'GYUR BA MED DO, ,GANG YANG BUD MED KYI DBANG GIS 'GRO BAR GYUR PA NI, GRONG KHYER DANG, GRONG RDAL DANG, LJONGS DANG, TSONG 'DUS RNAMS THAMS CAD DU'ANG 'DI LA SKYE BO DAG GIS SHIN TU BAR YANG GSHE BAR 'GYUR RO, ,KHYAD PAR DU'ANG RGYAL PO LA'O, ,DE'I PHYIR BUD MED BSGRUB PAR MI BYA'O, ,BUD MED KYIS 'JIGS SHING SKYON DU LTA
, ,BA DE NI; LUS ZHIG NAS MTHO RIS BDE 'GRO'I 'JIG RTEN 'THAB BRAL GYI LHA RNAMS KYI MNGA' BDAG TU 'GYUR RO, ,YANG CHOS GZHAN RGYAL POS MI BYA'O,, 'DI'ANG GANG ZHE NA, 'DI LTA STE, THAMS CAD KYI TSIG LA DAD PAR MI BYA'O, ,GSON PA'I 'JIG RTEN PA 'DI DAG THAMS CAD NI, RGYUD THA DAD PAR GNAS PA PHAL CHER YANG PHAN TSUN DU SEMS KUN NAS THA DAD PA DANG, RANG BZHIN RNAM PAR THA DAD PA DANG, ,DGOS PA RNAMS RNAM PAR THA DAD PA DANG, RGYU RNAM PAR THA DAD PA DANG, RANG BZHIN GYI GSHIS KYIS DRI MA'I DNGOS PO RNAMS RNAM PAR THA DAD PA, RTAG TU 'THAB PA DANG, RTZOD PA DANG, RGYU MTHUN PA'I SEMS THA DAD PA DANG, STEN GROGS RNAM PAR THA DAD PA DANG, RANG BZHIN RNAM PAR THA DAD PA DANG, YUL LJONGS LA SKYON BYED PA RNAM PAR THA DAD PA RKYEN DANG BCAS PA'I SEMS YANG MOR GYUR PAS KYANG PHUN TSUN DU RGYAB KYI SHA ZA BAR BYED DO, , PHAN TSUN MNGON SUM DU THAL 'OG TU 'JUG GO ,DE DAG RNAMS THAMS CAD KYI TSIG LA RGYAL POS THA DAD PAR MI BYA STE, DE LTAR GANG DAG RIGS PA DANG, RNAM PAR THA DAD PAR GYUR PA DANG, SNGA PHYI RNAM PAR 'GAL BA DANG, BSAM PA PHAN TSUN MA RUNGS PAR SONG BAR GYUR PA DANG, PHYOGS CHA 'DZIN PAR GYUR PAS KYANG SMRAS PAR GYUR PA DANG, NYE BAR
BSKYED 'DOD PA'I DNGOS POS SMRAS PAR GYUR PA DANG, SNGON PHAN PAR BYAS PA DANG, GNOD PAR BYAS PAR GYUR PAS SMRA BAR 'GYUR BA DANG, PHAN TSUN DU NOR DANG DBRAL BAR 'DOD PAS RGYAL PO LA RJOD PAR BYED PA DE DAG SNGAR BRJOD PAR GYUR PA'I RGYUS PHAN TSUN DU RAB TU SDANG PAR ZHUGS PAS RJOD PAR BYED DO, ,DE DAG LA RGYAL POS DAD PAR MI BYA'O, ,DE LTAR NA 'DI'I YUL LJONGS RNAMS 'JIG PAR MI 'GYUR RO, ,RANG BZHIN GYIS KYANG MI SKYE LA GNAS MA YIN PA LA'ANG KHRO BAR MI BYED DO, ,'BYED PAR BYED PA RNAMS LA DAD PAR BYED PA'ANG MA YIN NO, ,RGYAL PO DE NI, YON TAN DANG LDAN PAR GYUR PA GZHAN GYI RKYEN GYIS MI 'GRO BAR RANG GI 'DUN PAR GYUR PA, 'JUG PAR GYUR PA, KHRO BA SHAS CHUNG BA, SKYE BO RNAMS THAMS CAD DANG LHA RNAMS KYANG BLO MTHUN PA STE, LEGS PAR DPYAD NAS BYED PA PO CHOS BYED DRANG POR GYUR PA GRONG KHYER LA GTZOS SHING 'DOD PA NI, LUS ZHIG PA NA MTHO RIS 'THAB BRAL BA'I LHA RNAMS KYI NANG DU SKYE'O,, GZHAN YANG CHOS GZHAN DANG YANG DAG PAR LDAN PA'I RGYAL RIGS RGYAL PO SPYI BO NAS DBANG BSKUR BA LUS ZHIG NAS MTHO RIS BDE 'GRO'I 'JIG RTEN 'THAB BRAL BA'I LHA RNAMS KYI MNGA' BDAG TU 'GYUR RO, ,'DI'ANG GANG ZHE NA, 'DI LTA STE, SNYAN GRAGS LA SRED PA SKYED PAR BYED PA'O, ,RGYAL PO GANG RDZAS KYIS NI, MA YIN LA BRKAM CHAGS CAN DU GYUR PA'ANG MA
, ,YIN TE, LAG PA RAB TU 'KHUMS PA NI, MA YIN LA BZHIN RNAM PAR BSDUS PAR 'GYUR BA'I NGA MA YIN ZHING MIG CHUNG BA'ANG MA YIN NO, ,GDONG CHUNG BA MA YIN NO; ;GLO BAR DU KHRO BA MA YIN PA DANG, GLO BUR DU DAD PAR 'GYUR BA'ANG MA YIN PA DANG, SHIN TU BRTAN PA'I 'KHOR GYUR PA DANG, DE NI, SNYAN GRAGS DANG YANG DAG PAR LDAN PAR 'GYUR LA, NOR RDZAS RNAMS DANG YANG LDAN PAR 'GYUR RO, ,'ON KYANG DE BZHIN DU NOR LA 'DOD PA MI SKYED DE, JI LTAR SKYE RGU RNAMS LA SNYAN GRAGS SU 'GYUR BAR RGYAL PO DES SGYUR BAR BYED DO, ,DGRA RNAMS KYIS KYANG MI THUB PA DANG 'JU BAR YANG 'GYUR RO, ,RGYU BCUS SNYAN GRAGS CAN 'THOB PAR 'GYUR TE, BCU PO GANG ZHE NA, 'DI LTA STE, TSIG SNYAN PAR GYUR PA DANG, RGYAL PO'ANG KUN 'GYED PA'I RANG BZHIN CAN DANG, RKO TROG CAN MA YIN PA DANG, SHIN TU RING DU RTOGS PAR GYUR BA'I BDE BAR STAN PA DANG, DUS SU RAB TU SBYIN PA GTONG BA DANG, BRAN DANG NOR BLA MA DANG, SKYE BO BZANG PO DANG, MGON MED PA RNAMS LA CHA SHAS 'GOD PAR BYED PA DANG, GTZANG MA'I RAB TU SPYOD PA DANG LDAN PA DANG, GNOD PAR MI BYED PA DANG LOG LTA CAN MA YIN PA DANG RGYU BCU PO DES SNYAN PA THOB PAR 'GYUR RO, ,RGYU DE DAG THAMS CAD 'DIS RAB TU BYED PAR 'GYUR ZHING GZHAN YANG BYED DU 'JUG PA DANG, DES RGYU DE DAG
BYED PAR GYUR PA NA SNYAN PA'ANG 'THOB PO, ,RGYAL 'BANGS KYANG YANG DAG PAR SKYONG BAR BYED DO, ,CHOS BYED DU'ANG 'GYUR RO, ,GZHAN GYIS KYANG GDUL BAR MI NUS SO, ,BDE BAR STEG PAR YANG 'GYUR RO, ,MI'I 'JIG RTEN DU DUS SHIN TU RING BAR RGYAL PO BYAS NAS RGYU DE DANG RKYEN DES LUS ZHIG PAR GYUR PA NA MTHO RIS BDE 'GRO'I 'JIG RTEN 'THAB BRAL GYI LHA RNAMS KYI MNGA' BDAG TU 'GYUR RO, ,CHOS GZHAN YANG RAB TU SPANGS PAR GYUR PA NA RGYAL PO RGYAL RIGS SPYI BO NAS DBANG BSKUR BA YANG DAG PAR SKYE RGU SKYONG BAR 'GYUR LA, DE BZHIN DU MTHONG BA'I CHOS LA RTAG PAR RAB TU BSNGAGS PAR YANG 'GYUR RO, ,LUS ZHIG NAS KYANG SHI BA'I 'OG TU MTHO RIS KYI 'JIG RTEN 'THAB BRAL BA'I LHA RNAMS KYI MNGA' BDAG TU 'GYUR RO, ,CHOS 'DI'ANG GANG ZHE NA, 'DI LTA STE, LOG PAR LTA BA'O, ,LOG PAR LTA BA ZHES BYA BA NYES PA THAMS CAD KYI GZHIR GYUR PA, YANG DAG PA MA YIN PA PHYIN CI LOG GI LTA BA RGYU DANG RKYEN THAMS CAD LA GSHE BAR BYED PA, MI DAD PAR BYED PA'O, ,DE GZHI DE LA RAB TU GNAS PAR MI BYED PA DANG, DE LA RAB TU ZHE SDANG BAR BYED PA DANG, DE LA RNAM PAR GSHE BAR BYED PA DANG, DE YONGS SU SPONG BAR 'GYUR RO, ,LOG PAR LTA BA DANG LDAN PAR GYUR PA'I RGYAL PO NI, SKYE BO THAMS CAD KYI RJES SU MI MTHUN PAR 'GYUR RO, ,MI MTHUN PAS DUS THAMS CAD DU YUL LJONGS PA RNAMS THAMS CAD KYIS YONGS SU SPONG BAR
, ,BYED DE; 'DI MI BZOD DO, ,CHOS DANG LDAN PA'I LHA DAG GIS KYANG YONGS SU SPONG BAR 'GYUR RO, ,YONGS SU SPANGS PAR GYUR PA DE MOS PA MANG PO DANG MA LDAN PAR 'GYUR RO, ,DE'I PHYIR RGYAL PO LOG PAR LTA BA CAN MA YIN PA YANG DAG PAR LTA BA CAN GYI RGYAL PO NI, YANG DAG PAR SKYE RGUL PHAN PAR GNAS PAR 'GYUR RO, ,YUL PA RNAMS THAMS CAD KYIS MCHOD PAR 'GYUR RO, ,LHA CHOS PA DAG GIS KYANG YONGS SU MI GTONG NGO, ,YUL LJONGS THAMS CAD KYI RJES SU MI MTHUN PA MA YIN PAR 'GYUR RO, ,'DIS KUN TU BRTAGS PA THAMS CAD KYANG PHUN SUM TSOGS PAR 'GYUR RO, ,'DI'I YID LA BSAM PA THAMS CAD KYANG PHUN SUM TSOGS PAR 'GYUR RO, ,RANG BZHIN GYIS KYANG PHYIS 'GYOD PA CAN DU MI 'GYUR RO, ,DE DUS RING BAR NYIS PA MED PA'I RGYAL SRID BYAS PAR GYUR NAS LUS ZHIG STE MTHO RIS BDE 'GRO'I 'JIG RTEN 'THAB BRAL BA'I LHA RNAMS KYI MNGA' BDAG TU RGYU DE DAG DANG, RKYEN DES 'GYUR RO; ;YANG GZHAN RGYAL PO RGYAL RIGS SPYI BO NAS DBANG BSKUR BAS BYA BAR BYA STE, 'DI'ANG GANG ZHE NA, 'DI LTA STE, GTONG PA CAN DU GYUR PA'O, ,RGYAL PO 'DI'I MCHOG TU KHREL YOD PA'I RTZA BA DE NI; GANG SBYIN PA ZHES BYA BA DES 'JIG RTEN PA'I PHAN PA'I LAM RAB TU SGRUB BO, ,'JIG RTEN LAS 'DAS PA DANG 'JIG RTEN PA'ANG RE ZHIG SBYIN PA LAS YIN TE, GTONG BAR BYED PA NA
RGYAL PO'AM RGYAL PO'I BLON PO LA'ANG RUNG STE, STER BA'I SKYE BO DE LA YUL LJONGS PA THAMS CAD RANG BZHIN GYIS MCHOG TU DGA' BAR 'GYUR RO, ,YONGS SU SPONG BAR MI BYED DO, ,GSHE BA DANG, SMOD PAR YANG MI BYED DO, ,YUL 'KHOR GZHAN DU NYE BAR 'PHOS NAS MI 'GRO'O, ,GANG LUS GZHAN NAS SONG BAR GYUR PA DE DAG YANG GTONG BA CAN GYI RGYAL PO ZHES BYAS NAS 'ONG BAR 'GYUR RO; ;NGA'I YUL LJONGS KYI TSOGS KUN TU 'PHEL BAR 'GYUR RO, ,YUL LJONGS KYI TSOGS DES KYANG RGYAL PO BSRUNGS PAR GYUR PAS GZHAN GYIS MI THUB PAR 'GYUR RO, ,GANG RANG BZHIN GYIS KYANG 'DI RNAM PAR 'PHEL BA DANG LDAN PAR 'GYUR RO, ,DE RANG BZHIN GYIS RNAM PAR 'PHEL BAR GYUR PAS 'DZIN PA DANG, SO SOR SKYOB PA LA NUS PA MCHOG DANG LDAN PAR 'GYUR RO, ,DE LTAR 'JIG RTEN PA'I DON LA'ANG SBYIN PA RAB TU BSNGAGS SO, ,SBYIN PA NI, 'JIG RTEN LAS 'DAS PA'I DON LA'ANG RAB TU BSNGAGS TE, DE LTAR SBYIN PA PO DANG SBYIN BDAG GI SBYIN PA GTONG BAR GYUR PA NA LHA RNAMS KYIS YONGS SU 'DZIN NO, ,GZI BRJID CHE BAR 'GYUR RO, ,BTZAN PHYUG CHEN PO DANG LDAN PA DANG, MTHU STOBS CHE BAR 'GYUR RO, ,DGE SBYONG DANG, BRAM ZE DANG, NYON MONGS PAR GYUR PA DANG, LONG BA DAG RNAMS LA SBYIN PA DAG GTONG BAS 'JIG RTEN PHA ROL TU KHYAD PAR DU BYED PAR 'GYUR LA MTHONG BA'I TSE LA'ANG KHA DOG DANG LDAN PAR 'GYUR RO, ,DE CI'I
, ,PHYIR ZHE NA, GANG GI PHYIR SEMS RAB TU DAD PA DANG LDAN PAR GYUR PAS 'GRO BA YANG RAB TU DANG BAR 'GYUR RO, ,RJES SU RAB TU DANG BAS KYANG BZHIN GYI KHA DOG RAB TU DANG PAR 'GYUR RO, ,DE RAB TU DANG PAR GYUR PAS DE'I GZUGS SHIN TU BZANG BA NYID DANG LDAN PAR 'GYUR RO, ,SBYIN BDAG RNAMS KYIS SBYIN PA GTONG BAR BYED PA NA 'DI NI, GZI BRJID GCIG YIN NO, ,YANG MTHONG BA'I CHOS LA SBYIN PA LAS BYUNG BA'I CHOS GZHAN YOD DO, 'DI'ANG GANG ZHE NA, 'DI LTA STE, SBYIN PA GTONG BA NA NGA RGYAL RAB TU 'JOMS PAR BYED DO, ,'DOD SRED RAB TU 'JOMS SO, ,PHRAG DOG RAB TU 'JOMS SO, ,MA RIG PA RAB TU 'JOMS PAR BYED DO, ,RGYU DANG RKYEN DAG LA DAD PA DANG LDAN PAR 'GYUR RO, ,RNAM PAR SMIN PA LA YID CHES PA CAN DU 'GYUR RO, ,'JIG RTEN PHA ROL LA SKUR PA MI 'DEBS SO, ,BLA MA RNAMS MCHOD PAR BYED DO, ,SEMS 'JAM PAR 'GYUR RO, ,BLO GROS MNYAM PAR BZHAG PAR 'GYUR RO, ,SEMS KYIS KUN TU SGOM PAR BYED DO, ,DNGOS PO RNAMS YONGS SU GTONG BAR BYED DO, ,LONGS SPYOD CHEN POR 'GYUR BA'I RGYU KUN TU 'PHEN PAR BYED DO, ,SEMS RNAMS RAB TU 'JOMS BAR BYED DO, ,ZHING RNAM PA GSUM PO YON TAN DANG, TSUL KHRIMS DANG, GNYIS KA SRID PA
RNAMS LA SBYIN PA'I SA BON CHAD PAS 'DEBS PAR BYED DO, ,DE DE LTAR LEGS PAR BSGOMS PAR GYUR PA'I YID CAN MCHOG TU RNAM PAR DAG PA'I YID DANG LDAN PA NI, DUS RING DU MNGA' BDAG BYED PAR 'GYUR RO, ,DUS RING DU 'TSE BA MED PA DANG SKYON MED PAR GYUR PA'I LONGS SPYOD RNAMS DANG LDAN ZHING 'JIGS PA DANG MYA NGAN DANG RNAM PAR BRAL BA DANG LUS ZHIG PAR GYUR NAS SHI BA'I 'OG TU'ANG MTHO RIS BDE 'GRO'I 'JIG RTEN 'THAB BRAL BA RNAMS KYI MNGA' BDAG TU 'GYUR TE, DES SNGON BYAS PAR GYUR PA'I LAS RNAMS KYI RGYU DANG RKYEN GYIS SO; ;CHOS GZHAN YANG RGYAL POS RAB TU BRTZON PAR BYA'O, ,'DI'ANG GANG ZHE NA, 'DI LTA STE, MTHUN PAR BYED PA DANG SNYAN PA'I NGAG GO ,RGYAL PO MTHUN PAR SNYAN PAR SMRA BA NI, GANG GI PHYIR CHOS LUGS LEGS PA DANG LDAN PAR 'GYUR RO, ,RANG BZHIN GYIS THAMS CAD KYANG SHIN TU SDUG PAR 'DZIN PAR 'GYUR RO, ,GANG MTHUN PAR 'DZIN PA'I SNYAN PA'I NGAG GIS BYED PA LTAR NI, YO BYAD KYIS KYANG BYA BAR NUS PA MA YIN NO, ,JI LTAR SNYAN PA'I TSIG GIS YUL LJONGS PA DE DAG RNAMS THAMS CAD DGA' BAR 'GYUR BA LTAR RNAM PA DE LTA BUR RAB TU DGA' BAR BYED PA DANG, YUL LJONGS KYI SKYE BO RNAMS THAMS CAD SHIN TU MYUR BAR YID RAB TU TSIM PAR BYED PA NI, YOD PA MA YIN NO, ,RGYU MTSAN 'DI DAG GI PHYIR NA
, ,SNYAN PA'I TSIG DE BYA'O, ,YANG NA MTHUN PAR SMRA BA SNGON DU BTANG BAS NI, SEMS RAB TU DANG PAR GYUR NAS SKYE BO RNAMS KYIS GZHAN RNAMS KYI GO BAR BYED PAR 'GYUR RO, ,SNYAN PAR SMRA BA'I TSIG GI RGYU DES DE LA DGA' BAR 'GYUR RO, ,SNYAN PAR SMRA BA'I RGYU DE DANG YANG DAG PAR LDAN PA'I RGYAL RIGS RGYAL POR SPYI BO NAS DBANG BSKUR BA GZHAN GYI MDUN DU RNAM PAR RGYAL BAR 'GYUR RO, ,RANG BZHIN GYIS KYANG DGA' BAR 'GYUR BA LA, BDEN PA DANG SBYIN PA DANG BSRES PA'I SNYAN PA'I TSIG GIS PHYIR YANG DGA' BAR BYED DO, ,SNYAN PAR SMRA BAR BYED PA'I RANG BZHIN CAN GYI RGYAL PO LA NI, DGRA RNAMS KYANG GROGS POR 'DUD PAR BYED NA BAR MAR GNAS PA DANG, GROGS PO RNAMS LTA SMOS KYANG CI DGOS, DE LTAR SNYAN PAR SMRA BAR GYUR PA'I RANG BZHIN CAN DE LA TSOMS GCIG TU 'GYUR RO, ,'DI LTA STE, GROGS PO NYID KYI TSOMS SU 'GYUR GYI, ,BAR MAR GNAS PA NI, MA YIN TE, RANG BZHIN GYIS SKYE BO THAMS CAD DGA' BA DANG, MCHOG TU MCHOD PA DANG, DUS RING DU'ANG RGYAL PO BYED PAR 'GYUR RO, ,SNYAN PAR SMRAS PA'I RGYU DANG RKYEN GYIS LUS ZHIG PAR GYUR NAS SHI BA'I 'OG TU 'THAB BRAL GYI LHA RNAMS KYI MNGA' BDAG TU 'GYUR RO, ,CHOS GZHAN YANG RGYAL POS RAB TU BRTZON PA MANG POS
CHOS RNAMS SHIN TU BSTEN PAR BYA'O, ,'DI'ANG GANG ZHE NA, 'DI LTA STE, BDEN PAR SMRA BA ZHES BYA BA 'KHOR BA NA KUN NAS BCINGS PA'I SKYE BO RNAMS THAMS CAD NGES PAR 'BYIN PA'I RGYU NGES PAR 'BYUNG BA'I RGYUR GYUR PA, NYO BA'I RIN THANG BYAR MED PA'I ZAD PA MED PA'I NOR GTER DU BRDUNGS NAS BSKYED PA, THUN MONG MA YIN PA'I NOR RNYING GI RGYUR GYUR PAR GNAS PA, MCHOG TU LTA BAR MDZES PA'I RIN PO CHE CHEN PO DAM PA'I SKYE BO THAMS CAD KYIS BSTEN PA'I 'JIG RTEN PHA ROL DANG 'JIG RTEN 'DIR YANG SKYABS SU GYUR PA, MYA NGAN LAS 'DAS PA LA BRTZON PA DANG LDAN PA RNAMS KYI SGO GNYER BAR GYUR PA, YON TAN DANG KUN TU 'BREL BA RNAMS ZAD PAR MI 'GRO BA, RKYEN RNAMS 'JIG PAR BYED PA PO, YID CHES SKYED PAR BYED PA PO, DBUL BA 'JIG PAR BYED PA PO BDEN PAR SMRA BA NI, GZUGS THAMS CAD DANG BRAL BA YIN YANG GZUGS DANG LDAN PA THAMS CAD LAS LHAG PA YIN TE; BDEN PA'I 'OD ZER GYIS KUN NAS SNANG BAR BYAS PA'I PHYIR RO, ,RIGS THAMS CAD LAS DMAN PA YIN NA'ANG RIGS RGYUD THAMS CAD KYI GTZO BOR GYUR PA RNAMS KYI DRUNG NA LHAG PAR 'GYUR TE, BDEN PA'I DGE BA DES KUN NAS GSAL BAR BYAS PA'I RIGS CAN RNAMS LA NI, YUL LJONGS THAMS CAD KYI RJES SU 'JUG PAR 'GYUR
, ,BA YIN NO, ,SKYE BO THAMS CAD KYIS GNYEN BZHIN DU MTHONG BAR 'GYUR RO, ,GANG DANG GANG DU 'GRO BA DE DANG DE NYID DU RGYAL PO BZHIN DANG MA BZHIN DU MCHOD PA BYED DO, ,NGAN 'GRO THAMS CAD DU RAB TU ZHUGS NAS MCHOG TU SKYID PAR 'GYUR RO, ,RGYAL POS KYANG SA GZHIR MCHOG GIS PHAN PAR BYED PA BZHIN DU MCHOD PAR BYED DO, ,GRONG DANG GRONG KHYER DANG GRONG RDAL DANG TSONG 'DUS DAG TU SONG NA'ANG GRONG PA DANG GRONG KHYER DAG GIS MCHOD PA BYED DO, ,GRONG CHUNG BA DAG GIS MCHOG TU'ANG MCHOD PAR BYED DO, ,MA MTHONG BA DAG TU'ANG LHA DAG GIS SNYAN GRAGS RAB TU SGROG PAR BYED DO, ,JI LTAR NA YUL 'DIR RGYAL PO DANG RGYAL PO'I BLON PO'ANG RUNG STE, BDEN PAR SMRA BA DGE BA BYED PAR GYUR PA DE'I SNYAN PA'I BA DAN YUL RNAMS SU DAM PAR BYAS NAS 'DZIN PAR BYED DO, ,DGE BA BYED PA PO LA NI, LHA DAG GIS KYANG RTAG TU PHYI BZHIN RJES SU 'BRANG ZHING MCHOD PAR BYED DO, ,RMI LAM NGAN PA'ANG 'JIG PAR BYED DO, ,LHA RNAMS KYI GTZO BOR GYUR PA RNAMS KYIS KYANG LHA BZHIN DU MCHOD PAR BYED DO, ,BDEN PAR SMRA BA DE NYID KYI GNAS SKABS DER YANG MCHOG TU RJES SU 'JUG PA DANG SLAR YANG LEGS PAR LANGS NAS 'GRO'O, ,'DI'I YID LA BSAM PA THAMS CAD PHUN SUM TSOGS
PAR 'GYUR RO, ,DAL BUS KYANG RIMS NAD DE DAG RNAMS LEGS PAR ZHI BSKYED PAR 'GYUR TE, BDEN PA'I BCUD KYI LEN GYIS DBANG PO RNAMS TSIM PAR YANG BYED PAR 'GYUR RO; ;RDZU 'PHRUL CHE BAR YANG 'GYUR RO, ,MTHU STOBS CHE BA DANG TSE RING BA KUN TU 'PHEL BAR BYED PA'I LAS RNAMS KYANG 'GEGS BYED DO, ,SKYE BO RNAMS THAMS CAD KYIS KYANG CHOS LUGS RNAM PAR BZHAG PA LA GCIG TU TSAD MAR BYED DO, ,RNAM PAR MA BCOS PA'I SKYES BU RNAMS KYIS KYANG NOR CHEN PO'I SBAS DANG SBAS PA'ANG RGYAL PO LA STON PAR BYED DO, , BDEN PAR SMRA BA ZHES ZER NAS THAMS CAD LAS MIG G-YO BA BZHIN DU'O, ,THAMS CAD LAS KYANG G-YO BA MED PAR 'GYUR RO, ,GROGS POS 'KHRID PAR MI BYED DO, ,GROGS PO MA YIN PAS 'KHRID PAR MI BYED DO, ,RNAM PAR G-YO BAR MI BYED DO, ,GANG BDEN PAR SMRA BA'I MGRIN PA RAB TU RTZE DGA' BAR GYUR TE BDEN PA'I TSIG GIS BLO DE TSIM PAR BYAS PA LTA BUR GYUR NAS DGA' BAR 'GYUR RO, ,BDEN PA'I NOR DE LA DGA' BAR GYUR PA'I RGYUS YANG DANG YANG DU BSAM PAR BYED PA NA YID KHRO BA DANG DGA' BA YA YA BOS MI KHRID DO, ,DRANG SRONG GI MCHOG 'JIG RTEN GNYIS SU PHAN PAR BYED PA RNAMS KYI BCUD DU GYUR PA'I BDEN PA'I MTSAMS DE LAS NAM YANG 'DA' BAR MI 'GYUR RO, ,CHU
, ,MED PAR YANG BDEN PA'I RANG BZHIN GYIS MCHOG TU GTZANG BA'I BDEN PA'I 'JUG NGOGS SU 'KHRU BA RNAMS NI, MCHOG TU GTZANG BAR 'GYUR RO; ;GOS MED PAR GYUR KYANG MCHOG TU DKAR BA MA BTAGS PA BDEN PA'I GOS MCHOG TU RGYA CHE BA SKAD CIG MA YIN PAR RTAG TU LEGS PAR GYON PAR 'GYUR RO, ,DRI MED PAR GYUR NA'ANG 'DI'I SNYAN PA'I TSUL KHRIMS KYI DRIS PHYOGS DANG PHYOGS MTSAMS RNAMS SU RAB TU 'GRO'O, ,'DI MA MTHONG BAR GYUR PA'I SKYE BO THAMS CAD KYANG GROGS PO NYID DU 'GYUR RO, ,MTHONG BA RNAMS NI, DANG POR YIN NO, ,RI RAB LHUN PO'I RTZE MO'ANG 'DIS NGES PAR RGAL NAS 'GRO BAR 'GYUR TE, JI LTAR 'OD ZER MCHOG GIS BRTOL ZHING PHUG PAR 'GYUR BA BZHIN DU RAB TU 'PHRO BAR 'GYUR RO, ,RGAN PO RNAMS KYIS PHA BZHIN DU MCHOD PAR BYED DE, BDEN PAS RGAN PAR GYUR PA ZHES BYAS SO; ;TSE RING BAR GYUR PA 'PHEN PAR BYED PA'I LAS RNAMS KYANG 'PHEN PAR BYED DO, ,JI SRID DU BLA NA MED PA YANG DAG PAR RDZOGS PA'I SANGS RGYAS KYI YE SHES KYI LAS 'PHEN PAR BYED NA 'THAB BRAL GYI MNGA' BDAG LA LTA SMOS KYANG MI DGOS, ,BDEN PAR SMRA BA DANG LDAN PA'I RGYAL RIGS SPYI BO NAS DBANG BSKUR BA DE LUS ZHIG PAR
GYUR NAS SHI BA'I 'OG TU MTHO RIS BDE 'GRO 'THAB BRAL BA RNAMS KYI MNGA' BDAG TU 'GYUR RO, ,YANG CHOS GZHAN DANG LDAN PA RGYAL RIGS SPYI BO NAS DBANG BSKUR BA DE 'THAB BRAL BA'I LHA RNAMS KYI MNGA' BDAG TU 'GYUR RO, ,GANG DAG CE NA, 'DI LTA STE, NOR GZHIS RNAMS GLO BUR BU 'PHEL 'GRIB MI BYED PA'O, ,RGYAL PO 'DI NI, BLO BRTAN PAR GYUR PA STE, DES DE SHES PAR GYUR NAS NGANG TSUL DANG CHOS LUGS RNAM PAR GZHAG PA'ANG BLO GROS NGAL SOS PA DANG LDAN PAR 'GYUR RO, ,SHIN TU RNAM PAR DPYAD NAS BYED PA RNAMS NI, RGYAL POR 'GYUR RO, ,MA BRTAGS PAR BYED PA NI, MA YIN NO, ,GANG YANG RGYAL POS RNAM PAR DPYAD NAS NOR GZHIS RNAMS 'PHEL BA DANG 'GRIB PAR BYED PA'I RGYAL PO DE NI, RGYAL POR MI 'GYUR RO, ,GAL TE GYUR NA'ANG DE YANG YUN RING POR MI 'GYUR RO, ,RGYAL PO'I MING TZAM DU 'GYUR RO, ,LEGS PAR RAB TU BRTAGS NAS BYED PA MA YIN NO; ;BLO CHUNG ZHING TZAB HRAL CAN DU GYUR PA DANG BLO RNAM PAR GNAS PA MED PA'I YANG MOR 'GYUR RO, ,GANG YANG SNGA RABS DAG GIS BRJOD PA NA DE LA YANG DAD PAR MI BYED DO,, CI DGA' BA'I RGYAL PO RDZUN DU SMRA BA DE LA 'DOD CHAGS DANG BRAL BAR GYUR NAS KYANG RGYAL PO GZHAN YANG NYE BAR 'JOG PAR BYED DO, ,DE'I PHYIR SKYON DE DAG RNAMS GO BAR BYAS
, ,LA RDZUN DU SMRA BAR MI BYA'O, ,RDZUN DU SMRA BA NI, 'JIG RTEN 'DIR PHAN PA MA YIN LA 'JIG RTEN PHA ROL TU'ANG MA YIN NO, ,DE'I PHYIR NA MTHONG BA'I TSE LA'ANG SKYON GYI RNAM PA MANG PO DE DAG RNAMS GO BAR BYAS LA RDZUN DU SMRA BAR MI BYA'O, ,THAMS CAD LAS KYANG DANG PO KHO NAR JI LTA JI LTAR RGYAL PO CHOS LA RAB TU GZHOL BAR GYUR PA'I RGYU GANG GIS DE LTA DE LTAR SKYE RGU 'PHEL BAR 'GYUR RO, ,SKYE RGU RNAMS LA NI, RGYAL PO GTZO BOR GYUR PA'I PHYIR RO, ,GANG YANG RGYAL PO GCIG TU RTAG PA KHO NAR BDEN PA SMRA BAR GYUR PA DES NI, SKYE RGU BSGOS NAS NGES PAR GYUR PA'I RGYAL PO'I BRGYUD PA DAG GI TSE YANG DAG PA'I BDE BAS YONGS SU SKYONG BAR BYED DO, ,BDEN PA'I RTZA BA LAS CHOS YIN NO, ,DE'ANG GANG GI TSE BDEN PAR SMRA BAR MI BYED PA DE'I TSE DES GLO BUR DU NOR GZHIS RNAMS LA 'PHEL BA DANG 'GRIB PA BYED PAR 'GYUR RO, ,GANG YANG BDEN PAR SMRA BAR BYED PA, RTAG TU DUL BAR GYUR PA DE NI, NAM YANG NOR GZHIS RNAMS LA GLO BUR DU 'PHEL BA DANG 'GRIB PAR MI BYED DO, ,GNAS RNAMS G-YO BAR MI BYED PA DE'I DRUNG NAS NAM YANG GZHAN DAG TU 'GRO BAR MI 'GYUR RO, ,MI DGA' BAR MI 'GYUR RO, ,DE 'DI MA DANG 'DRA BA DANG PHA DANG 'DRA BAR YANG RJES SU CHAGS PAR 'GYUR
RO, ,RTAG TU'ANG YID BDE BA DANG LDAN PA DANG RTAG TU'ANG BDE SKYID CAN DU 'GYUR RO, ,RGYAL PO DE'ANG BLO BRTAN PAR 'GYUR BA DANG 'GYUR BA MED PA'I BLO DANG BLO GCIG TU NGES PA DANG BDE BA STER BAR BYED PAS LUS ZHIG NAS MTHO RIS BDE 'GRO'I 'JIG RTEN 'THAB BRAL BA'I LHA RNAMS KYI MNGA' BDAG TU RGYU 'DI DANG RKYEN 'DIS 'GYUR RO, ,CHOS GZHAN YANG GANG LAN GCIG DANG LAN GCIG MA YIN PAR RNAM PA DU MAR RGYAL POS RAB TU BRTZON PA SHES PAR BYA ZHING BYA BAR YANG BYA'O, ,'DI'ANG GANG ZHE NA, 'DI LTA STE, MI'I KHYAD PAR SHES PAR BYA BA'O, ,MI'I KHYAD PAR SHES PAR BYA BAR GYUR PA DE'ANG SHES PA CHEN PO YIN TE, GANG YANG RGYAL PO MI'I KHYAD PAR RIG PAR GYUR PA DE NI, SA GZHI THAMS CAD KYI SNOD DU 'GYUR RO, ,GZHAN RNAMS KYIS MI THUB PAR YANG 'GYUR RO, ,LAS RNAMS KYANG JI LTAR RIG PA LA 'JUG PAR BYED DO, ,'DI'I LAS KYI MTHA' DAG KYANG YONGS SU NYAMS PAR MI 'GYUR RO, ,NOR LAS KYANG YONGS SU MI NYAMS SO, ,RTAG PAR YANG CHOS GONG NAS GONG DU BYED PAR 'GYUR RO, ,ME'I KHYAD PAR SHES PAR GYUR PA'I RGYAL PO'ANG SKYES BU CHOS BYED MA YIN PA RNAMS MI 'DZIN TO, ,LAS DANG DGA' BA'I RANG BZHIN CAN MA YIN, STAN LA DAD CHE BA MA YIN, BYAS PA CHUD GZON PA MA YIN, 'JIG
, ,RTEN PA LA ZHE SDANG BA MA YIN, LOG PAR LTA BA CAN MA YIN, G-YO SGYU CAN DANG MA YIN, GZHAN GYI YON TAN DANG KUN TU SO SOR 'BREL BAS DON BYED PA DANG MA YIN TE, DE NI, RGYAL PO GZHAN GYIS NYE BAR 'TSO BAR 'GYUR RO, ,'DRA BA MA YIN PA MA YIN, YUL DUS MI SHES PA MA YIN, SGRUB PAR DKA' BA MA YIN, RTAG TU SDIG PA DROG PO BYED PA MA YIN, YUL GYIS RAB TU DKRUGS PA RNAMS KYANG MA YIN, G-YO SGYU'I RGYU SMRA BA'ANG MA YIN, NGO BO NYID KYI BSHES KYIS CHOG SHES PA MA YIN, 'JIG RTEN LA MI PHAN PA MA YIN, GZHAN DU SDIG PA BYAS PA MA YIN, MNGON PA'I NGA RGYAL CAN MA YIN, DGRA BO MA YIN, SDUG BSNGAL CAN MA YIN, NGAG TZA BA HRAL CAN MA YIN, YID TZA BA HRAL CAN MA YIN PA STE, RNAM PA DE LTA BU'I SKYES BU DAM PA 'DZIN PAR MI BYED DO, ,RGYAL POS RNAM PA JI LTA BA RNAMS 'DZIN PAR BYED NA 'DI LTA STE, CHOS PA DANG, TSUL NGA CHOS CAN MA YIN PA DANG, NGA RGYAL CAN MA YIN PA DANG, BDEN PAR SMRA BA DANG, SHES RAB CAN DANG, YID GZHUNGS PA DANG, BRTAN PA DANG, GZHAN LA GDUNG BAR MI BYED PA DANG, DRANG PO DANG, G-YO RNAMS SPANGS PA DANG, CHOS MCHOG TU DKON MCHOG GSUM MCHOD PAR BYED PA DANG, SEMS CHOG SHES PA THOB PA DANG, DBANG DU GYUR PA DANG, RGYUN DU
LAS KYI RANG BZHIN CAN DANG, 'JIG RTEN PA RNAMS BLO MTHUN PA DANG, SNYING RJE DANG LDAN PA DANG, MI RNAMS KYIS BSNGAGS PA LA RJES SU CHAGS PAR 'GYUR BA DANG, YANG DAG PA'I LTA BA CAN DANG, SHES NYEN DANG, DUL BA DANG, SKYES PA NAS BZUNG NAS LUS DANG NGAG DANG YID DAG PAR BYED PA PO MED PAR SMRA BA MA YIN PA DANG, RGYU RKYEN LA SHIN TU BAR YANG RTEN PA DANG, LAS KYI 'BRAS BU RNAM PAR SMIN PA SHES PA DANG, BAG MED PA MA YIN PA DANG, GNYID KYI DBANG DU SONG BA'I RANG BZHIN CAN MA YIN PA DANG, DGE BA'I BSHES GNYEN LA STEN PAR BYED PA PO DANG, GTONG BA CAN DANG, TSUL KHRIMS DANG LDAN PA DANG, SHES RAB DANG LDAN PA DANG, RNAM PA DE LTA BU'I SKYES BU RNAMS RTAG PA KHO NAR RGYAL PO GANG DAG GIS 'DZIN PAR BYED PA DE DAG NI, KHYAD PAR SHES PA YIN NO, ,GANG LAS GANG LA NGES PAR SBYOR BAR BYED PA'I RGYAL PO DE NI, GZHAN DAG GIS RGYAL SRID LAS NYAMS PAR BYA BAR MI NUS SO,, GDUL BAR MI THUB PAR YANG 'GYUR RO, ,NOR DANG LDAN PAR YANG 'GYUR RO, ,DE NOR DANG LDAN PAR 'GYUR ZHING CHOS PA CHOS KYI RJES SU 'JUG PAR GYUR NAS SBYIN PA DAG GTONG BAR BYED DO, ,BSOD NAMS DAG BYED DO, ,DKON MCHOG GSUM MCHOD PAR BYED DO, ,DE'I LUS ZHIG PAR GYUR NAS KYANG MTHO RIS BDE 'GRO'I 'JIG RTEN 'THAB BRAL GYI
, ,LHA RNAMS KYI MNGA' BDAG TU 'GYUR TE, LAS DE DAG GI RGYU DANG RKYEN GYIS SO, ,YANG CHOS GZHAN RGYAL PO THAMS CAD KYIS BYA BAR BYA BA 'DI'ANG GANG ZHE NA, 'DI LTA STE, DUS NGES PAR LEGS PAR STON PAR GYUR PA'O, ,RGYAL PO GANG DAG DUS NGES PAR STON PAR BYED PA DE NI, DUS YUN RING DU RGYAL SRID BYED PAR 'GYUR RO; ;'DI'I RANG BZHIN LA SKYO BA SKYE BAR MI 'GYUR RO, ,DES MI'I KHYAD PAR RIG PAR 'GYUR RO, ,'DI CHOS MA YIN PA RNAMS LA MI 'JUG GO ,YUL JI SRID DU STOBS DANG LDAN PAR GYUR NAS RGUD PA ZIL GYIS GNON PAR BYED DO, ,DE DE'I RGYUR LTA BA LA CHED CHER BYED PA'I RGYAL PO RDZAS DANG LDAN PAR 'GYUR RO, ,NOR GYI THABS KYIS PHUN SUM TSOGS PAR 'GYUR RO, ,DE TSUL DANG NOR DANG LDAN PAR GYUR NAS GZHAN RNAMS KYI DBANG DU 'GYUR BA MA YIN NO, ,CHOS PAR YANG 'GYUR RO, ,CHOS KYI RJES SU 'JUG PAR BYED PA DANG DGE SBYONG DANG BRAM ZE RNAMS MCHOD PAR BYED DO, ,DE DAG RNAMS KYI DRUNG NAS CHOS NYAN PAR BYED PAS DE LTA DE LTAR CHES LHAG PAR CHOS BYED DU 'GYUR RO; ;NGES PAR LEGS PAR STON PAR BYED PAS DE JI LTA JI LTAR CHOS BYED DU 'GYUR BA DE LTA DE LTAR LONGS SPYOD CHEN PO DANG LDAN PAR 'GYUR RO, ,DE LONGS SPYOD CHEN
PO DANG LDAN PAR GYUR NAS PHYIR ZHING NYID DU SBYIN BDAG GTONG BAR BYED DO, ,BSOD NAMS DAG BYED DO, ,TSUL KHRIMS DANG LDAN PAR 'GYUR RO, ,GANG GIS KYANG GDUL BAR MI NUS PAR 'GYUR RO, ,DE LA YON TAN DE DAG RNAMS SRID PAR 'GYUR RO, ,DE'I PHYIR RGYAL POS RTAG TU NGES PAR LEGS PAR STON PAR BYA'O, ,NGES PAR LEGS PAR STON PAR BYED PA'I RGYAL PO CHOS PA GANG GI PHYIR LUS ZHIG PAR GYUR NAS SHI BA'I 'OG TU MTHO RIS BDE 'GRO'I 'JIG RTEN 'THAB BRAL BA'I LHA RNAMS KYI MNGA' BDAG TU LAS DE'I RGYU DANG, RKYEN GYIS 'GYUR RO, ,YANG CHOS GZHAN RGYAL POS CIS KYANG BSTEN PAR BYA BA LA 'DI LTA STE, GNYID LA DGA' BAR MI BYA BA'O, ,GNYID KYI DBANG DU MI 'GRO BA'I RGYAL PO NI, LEGS PAR BSAM PAR BYA BA RNAMS SEMS PAR 'GYUR RO, ,BLO SHIN TU RNAM PAR CHAGS PA DANG LDAN PAR MI 'GYUR RO, ,KUN TU RMONGS PA'I BLOR YANG MI 'GYUR RO; ;DGRA BOS BRGAL BAR MI NUS SO, ,BLO RTZE GCIG PAR 'GYUR RO, ,DON NGES PAR LDAN PA DANG, DON NGES PA DANG LDAN PAR GYUR NAS LEGS PAR RNAM PAR DPYAD PA'I DON DAG BYED PAR 'GYUR RO, ,DE LA LEGS PAR RNAM PAR DPYAD NAS BYED PA PO 'DI'I LEGS PA DON RNAMS SMIN PAR 'GYUR RO, ,LEGS PAR 'GRUB PAR DUS YUN RING
, ,PO MA YIN PA NA 'GYUR ZHING DUS SNGA BAR RDZOGS PAR 'GYUR BA YIN NO, ,BAG DANG LDAN PAR 'GYUR RO, ,BAG YOD PAS RGYU BA DANG DE'I TSE RING BAR 'GYUR RO, ,LEGS PAR BSAM PA RNAMS SEMS PAR GYUR PAS LEGS PAR SEMS PA PO DE'I RANG BZHIN GYIS YID BYUNG BAR MI 'GYUR RO, ,DE SKYE BO RNAMS DANG GRONG KHYER RNAMS DANG BLON PO DAG GIS YONGS SU BSKOR BAR 'GYUR RO, ,NOR DANG LDAN PAR YANG 'GYUR RO, ,SKYE BO MANG PO LA'ANG RGYAL PO'I NOR GNAS PA NYID KYIS NOR DANG LDAN PA'I DPAL KUN TU GNAS PAS DPAL DANG LDAN PAR GYUR NAS SBYIN PA GTONG BAR YANG BYED DO, ,TSUL KHRIMS KYANG SRUNG BAR BYED DO, ,DE LUS ZHIG PAR GYUR NAS SHI BA'I 'OG TU DE'I RGYU DANG RKYEN GYIS MTHO RIS BDE 'GRO'I 'JIG RTEN 'THAB BRAL BA'I LHA RNAMS KYI MNGA' BDAG TU 'GYUR RO, ,CHOS GZHAN YANG RGYAL POS RAB TU BRTZON PAS BYA BAR BYA'O, ,'DI 'ANG GANG ZHE NA, 'DI LTA STE, LE LO MED PA'O, ,LE LO MED PAR GYUR PA'I RGYAL PO NI, BRTZON 'GRUS BRTAN PAR GYUR PA'I RIGS PAS BRTZAMS PA'I PHYIR NA LAS THAMS CAD KYANG RGYAL BAR BYED DO, ,NGES PAR RDZOGS PAR BYED CING SGRUB PAR BYED DO, ,DBANG DU 'GYUR BAR BYED DO, ,THUB PAR MI NUS PAR 'GYUR BA DANG THAMS
CAD DU RANG BZHIN GYIS DGA' ZHING RJES SU DGA' ZHING RJES SU CHAGS PA DANG GCES PA'I BLOR 'GYUR RO, ,'DI'I YUL 'KHOR DANG GRONG KHYER DANG GRONG DANG GRONG RDAL DANG TSONG 'DUS RNAMS KYANG SHIN TU PHUN SUM TSOGS PAR 'GYUR RO, ,LE LO MED PAR RGYAL PO'ANG BRTZON 'GRUS BRTAN PA DANG LDAN ZHING PHA ROL GNON PAR GYUR PA NI, LAS RNAMS GANG KHO NA RTZOM PAR BYED PA DE DAG NYID THAMS CAD SGRUB PAR BYED DO, ,DE CI'I PHYIR ZHE NA, LE LO MED PAR GYUR BA DAG NI, RIGS PAS YUL DANG DUS RNAMS LA LEGS PAR 'DRE BAR GNAS PA'I PHYIR NA LE LO MED PA DAG NI, 'JIG RTEN PA DANG 'JIG RTEN LAS 'DAS PA'I JI SRID DU MYA NGAN LAS 'DAS PA'I MTHAR THUG PAR DGONGS PA RNAMS THAMS CAD PHUN SUM TSOGS PAR 'GYUR RO, ,GAL TE YANG DES BRTZAMS PAR GYUR BA'I DON GZHAN YUL DANG DUS GNYIS KA LA CHAGS PA DANG BRAL BAR BYED PAR GYUR PA RNAMS LTA CI SMOS; ;DES THAMS CAD KYANG GZHAN RNAMS DANG THUN MONG MA YIN PAR 'GRUB PAR 'GYUR RO, ,DE JI LTAR 'JIG RTEN PA'I DON BYED PAR 'GYUR BA'I DON DE'ANG PHUN SUM TSOGS PAR 'GYUR BA DANG, DE BZHIN DU SHES RAB DANG LHAN CIG TU GANG GIS 'JIG RTEN LAS 'DAS PA'ANG BYED PA YIN TE, SBYIN PA DANG TSUL KHRIMS DANG SHES RAB RNAMS SO, ,
, ,'DI DE DAG GI DRI TZAM GYIS KYANG LUS ZHIG PAR GYUR NAS SHI BA'I 'OG TU MTHO RIS BDE 'GRO'I 'THAB BRAL GYA LHA RNAMS KYI MNGA' BDAG TU 'GYUR TE; RGYU DE DANG RKYEN DES SO, ,CHOS GZHAN YANG RGYAL POS BYA'O, ,'DI'ANG GANG ZHE NA, 'DI LTA STE, GROGS PO BRTAN PA'O, ,RGYAL PO GROGS PO BRTAN POR GYUR PA NI, SHIN TU LEGS PAR MTHONG BAR BYED PAS RGYAL SRID DUS RING DU LONGS SPYOD PAR BYED DO, ,GOS PA MED PAR DANG GZHAN GYIS MI RDZI BA YIN TE, SHING BZHIN DU GANG DAG CHES MANG DU LEGS PAR RAB TU GNAS PAS G-YO BAR MI 'GYUR ZHING NGAN PA RNAMS KYIS KYANG MI G-YO BA, RLUNG GIS KYANG NAGS KYI TSAL 'DI LA JI LTA BA DE BZHIN DU RGYAL PO 'DI'I GROGS PO NI, SHIN TU BRTAN PA YIN NO, ,RANG BZHIN SHIN TU BZANG BAR GYUR PAS SKYE BO THAMS CAD KYIS MNGON PAR BGROD PAR BYA BAR GYUR PA MCHOG TU DGA' BAR GYUR PA YIN NO, ,SHIN TU GROGS PO BRTAN PAR GYUR PA'I YON TAN DANG LDAN PA LA'ANG 'JIG RTEN PA'I YON TAN BCU GSUM DANG LDAN PAR 'GYUR BA RNAMS 'DI LTA STE, GANG DU 'DI LA BUG RDOL BYUNG BAR GYUR PA NA DE'I TSE 'DIS RAB TU 'GEBS PAR BYED PA YIN TE, DKA' BAR SPYAD PA THAMS CAD DANG MCHOG TU RGUD PA'I DON DAG LA'O, ,DE CI'I PHYIR
BYED PA YIN ZHE NA, GROGS PO GANG YIN PA'I GROGS PO GZHAN YANG DE'I GROGS POR 'GYUR TE, DES KYANG NGA'I GROGS PO 'DI'I GROGS PO YIN ZHES BYAS NAS DE DANG LHAN CIG TU MDZA' BAR 'GYUR RO, ,KHYIM NA NOR GYI RIGS GANG DAG YOD PA 'DI LA SHES PAR BYED DO, ,GANG DANG GANG YANG PHAN PA'I LHAG MA GZHAN DU GYUR PA'ANG DE DAG RNAMS 'DIS BDAG NYID THAMS CAD KYIS BYED DO, ,RNAM PA THAMS CAD DANG BDAG NYID THAMS CAD KYIS KYANG STEN PAR BYED DO, ,GAL TE'ANG 'DI GANG DAG GIS DKA' BAR GYUR BA THAMS CAD DU GYUR PA DANG SROG 'CHAD PAR GYUR KYANG DES BRGYA LA'ANG YONGS SU MI GTONG NGO, ,'DI'ANG JI LTA JI LTAR DON GYI RIGS RNAMS LA BZOD PAR 'GYUR BA DE LTAR BYED DE, ,GANG YANG 'DI'I KHYIM NA CUNG ZAD YOD PA DE RNAMS THAMS CAD BSNGO BAR BYED DO, ,GANG GI TSE 'DI PHUN SUM TSOGS PAR GYUR PA DE'I TSE SHIN TU DGA' BAR 'GYUR RO, ,GANG GI TSE 'DI LA SDUG BSNGAL DAG BYUNG BAR GYUR PA DE'I TSE MNYAM POR SDUG BSNGAL BAR 'GYUR RO, ,THAMS CAD NAS KHROS PA SKYES PAR GYUR KYANG RNAM PAR 'GYUR BAR MI 'GYUR RO, ,DE DANG YANG GANG LHAN CIG TU GYUR PA DE DAG BZA' ZA BAS KYANG DE DANG LHAN CIG TU DGA' BAR 'GYUR RO, ,GANG 'DI'I KHYIM NA YOD PAR GYUR PA DE DAG KYANG DBANG PO LA GNOD PA MED PAR DON DU GNYER BAR BYED PA DANG, GANG YANG BDAG
, ,RANG GI KHYIM NA YOD PA DE THAMS CAD SKYO BA MED PAR YANG 'DI LA STER BAR BYED DO, ,GANG YANG CUNG ZAD KHYIM NA YOD PA DE THAMS CAD GROGS PO LA RJOD PAR BYED DO; ;RANG GI GTAM RNAMS DAG KYANG RANG GIS RJOD PAR BYED DO, ,RNAM PA BCU GSUM PO DE DAG RNAMS DANG LDAN PA NI, GROGS PO YIN NO, ,'JIG RTEN PA'I GROGS PO YON TAN RNAM PA DE LTA BU DANG LDAN PA DANG RGYAL PO YANG DAG PAR LDAN PAS NI, GCIG GIS KYANG STOBS DANG LDAN PA DANG YANG DAG PAR LDAN PA'I RGYAL PO NI, STOBS CHEN PO DANG LDAN PAR 'GYUR RO, ,CI YANG MANG PO DANG LDAN PAR GYUR PA MI RDZIB LA LTA CI SMOS, ,DE'I PHYIR RAB TU BRTZON PAS RGYAL POS SMYUG MA'I GROGS PO BYA'O, ,'JIG RTEN LAS 'DAS PA'I LAM DGA' BAR GYUR BAS DON SGRUB PAR BYED PA'O, ,DE GROGS PO'I YON TAN MDOR BSDU NA BCU YIN NO, ,'DI LTA STE, GANG GIS CHOS MA YIN PA BYED PAR 'GYUR BA NA, DE 'GOG PAR BYED PA DANG SBYIN PA GTONG DU 'JUG PA DANG TSUL KHRIMS LA GOMS PAR BYED DU 'JUG GO ,GROGS PO NGAN PA LAS RAB TU ZLOG PAR BYED DO, ,LAS KYI 'BRAS BU RNAM PAR SMIN PA LEGS PAR STON PAR BYED DO, ,LAM NGAN PAR ZHUGS PAR GYUR PA LAM LA RAB TU 'GOD PAR BYED DO, ,GANG YANG 'DI LAS TSUL KHRIMS 'CHAL PA CUNG ZAD YOD PA DE DANG BRAL BAR BYED
DO, ,PHA DANG MA DAG GING GNYEN PAR BYED DU 'JUG GO ,DUS THAMS CAD PAR RAB TU BRTZON PAS NGES PAR LEGS PA LA KUN NAS SBYOR BAR BYED DO, KHYED DU 'JUG PA DANG RNAM PA DE LTA BU'I GROGS PO NI, 'JIG RTEN LAS 'DAS PA'I YIN NO, ,THABS MA YIN PA THAMS CAD LAS KYANG SKYOB PAR 'GYUR RO, ,PHA DANG MA DANG 'DRA BAR 'GYUR RO, ,BRTAN PO KHO NAR GROGS PO 'DI DAG RNAMS NI, THAMS CAD KHO NAR YANG SDIG PA ZAD PAR BYED PAR 'GYUR RO, ,DE DANG NYE BA LAS NYES PA 'BYUNG BAR YANG MI 'GYUR RO, ,PHA ROL GYI GROGS PO'I MCHOG YIN GYI, 'DI'I NI, MA YIN NO,, DE'I PHYIR RGYAL POS GROGS PO BRTAN PO BYA'O, ,GANG DAG DGE BA'I BSHES GNYEN LA NYE BAR STEN PAR BYED CING DGE BA'I RNAMS KYANG BYED PA DE NI, LUS ZHIG NAS SHI BAR GYUR PA'I 'OG TU MTHO RIS BDE 'GRO'I 'JIG RTEN 'THAB BRAL GYI LHA RNAMS KYI MNGA' BDAG TU 'GYUR RO, ,GZHAN YANG GROGS PO MA YIN PA BDE LEGS SU 'GYUR BAR MI BYED KUN TU STEN PAR MI BYED DO, , DPER NA, SKYE BO THAMS CAD SLU BAR BYED PA 'BA' ZHIG PA SHIN TU LAM LOG PA STON PAR BYED PA DANG, BSAM PA NGAN PA SEMS PAR BYED PA NYE BAR STEN PAR BYED PA DES NI, DON MA YIN PA CHEN PO DANG KUN TU SBYOR RO, ,RLAG PAR BYED PA'I RTZA BA DE'ANG RNAM PA GNYIS YIN TE, RAB TU 'GEGS PAR BYED PA DANG NGES PAR SPYOD PAR BYED PA'O, ,DE LA RAB TU 'GEGS PAR BYED PA
, ,ZHES BYA BA NI, 'JIG RTEN BSLU BAR BYED PA, RAB TU DANG BA MA YIN PAR GYUR PA TSUL 'CHOS PA'I RTAGS 'DZIN PAR BYED PA LAS CI'ANG MED PA, ZONG BCOS MA DANG 'DRA BA'I MU STEGS KYI TSER MAS RANG GZHAN SLU BAR BYED PA, 'JIG RTEN PHA ROL SPANGS PA, BZANG PO'I CHA BYAD CHES 'DZIN PAR BYED PA, DON MA YIN PA RNAMS BYED PAR GYUR PA PO RKUN MA DE DAG RNAMS LA LEGS PAR PHRAD PAR BYA BA DANG KUN BRJOD PAR YANG SLA BAR SBYIN PAR MI BYA NA, LHAN CIG TU 'GROGS PAR BYA BA LTA SMOS KYANG MI DGOS, DE DAG DANG LHAN CIG PAR GYUR PA NI, DES SHIN TU BAR YANG SPANG BAR BYA'O, ,DE DAG LA NI, BDAG NYID LA'ANG YOD PA MA YIN NA GZHAN DAG LA CI LA 'BYUNG BAR 'GYUR, GANG SDIG PA'I GROGS PO SPONG BAR GYUR PA RNAMS KYIS NI, SGYU CAN LA RJES SU BSTEN PAR MI BYA'O, ,TSUL 'CHOS PAR BYED PA DANG YANG MA YIN LA DE DAG DANG GROGS PO MI BYED PAS YANG DAG PA'I LEGS PAR GZIGS NAS BYED PAR 'GYUR RO, ,DES GROGS PO TZAB HRAL CAN LA BSTEN PAR MI BYA'O, ,DE DE NYID KYIS BAG CHAGS KYIS BSGOS PAR GYUR PA NI, LUS ZHIG NAS KYANG MTHO RIS BDE 'GRO'I 'JIG RTEN DU 'THAB BRAL GYI LHA RNAMS KYI MNGA' BDAG RGYU RKYEN DES BYED PAR 'GYUR RO, ,GZHAN YANG CHOS GNYIS RGYAL POS CI NAS KYANG SPANG BAR BYA STE, GNYIS PO GANG ZHE NA, 'DI
LTA STE; KHRO BA DANG RGOD PA CHES SDOM PAR BYED PA'O, ,KHRO BA DANG RGOD PA'ANG GANG DAG SHUGS SDOM PAR BYED PA'I RGYAL PO DE NI, RGYAL SRID BRTAN PAR 'GYUR ZHING RANG BZHIN BSGO BAR BYED PA YIN PAS PHAN TSUN GYIS KYANG MNGON PAR GDUL BAR MI NUS SO, ,'DI LA 'GA' ZHIG GIS KYANG GLAGS MI RNYED DO, ,KHRO BA SDOM PAR BYED PA'I RGYAL PO DE DAG NI, MA BSAM PAR BYA BA RNAMS BYED PAR MI 'GYUR RO, ,GLO BUR DU GNAS NAS 'PHO BAR MI BYED DO, ,BRAN LA GLO BUR DU RDEG PAR MI BYED DO, ,GSANG BAR BYA BA RNAMS NI, PHYI ROL TU MI BYED DO, ,GLO BUR DU 'PHEL BA DANG 'GRIB PA DAG SKYED PAR MI BYED DO, ,DGA' BA'I GNAS SU 'PHAR BAR MI 'GYUR RO, ,'DI'I SEMS DMA' BAR GYUR PAS KYANG DON DAG PAR 'GYUR BA NI, MA YIN NO, ,SKYES BU DAM PA MA YIN PA DAG RJES SU 'DZIN PAR MI BYED DO, ,DE NI, BLO BRTAN PAR 'GYUR RO, ,DE LTAR RGYAL PO DE KHRO BA DANG RGOD PA'I TSAN KA SDOM PAR BYED PA NYID NI, 'JIG RTEN PA'I DON LA'ANG RAB TU BSNGAGS PAR 'GYUR RO, ,JI LTAR 'JIG RTEN LAS 'DAS PA'I LAM LA SMOD PA'I SHUGS SDOM PA DANG GANG KHRO BA SDOM PAR BYED PA DAG 'DIR BSNGAGS PA YIN ZHE NA, KHRO BA SDOM PAR BYED PA DES NI, 'KHOR BA'I DRI MA GCIG BSDAMS PA YIN NO, ,GANG GIS YANG RGOD PA'I SHUGS MDZES PAS RNAM PAR SDOM PAR BYED PAR GYUR PA DES NI, 'DOD CHAGS KYI SHUGS RNAM PAR BSDAMS
, ,BA YIN NO, ,GANG GIS SHUGS DANG LDAN PA'I DRI MA GNYIS PO DAG BSDAMS PAR BYED PA NYID DU 'GYUR BA DES GTI MUG GIS SHUGS BSDAMS PAR 'GYUR RO, ,DRI MA GSUM GYI SHUGS SDOM PAR BYED PA PO DE NI, SHES PA DANG LDAN PA DANG, BZOD PA DANG LDAN PA DANG, BLO GROS BRTAN PA DANG, GCIG TU NGES PAR GYUR PA'I BLO GROS CAN DAG NI, SNGON GYI RGYU RKYEN DE DAG GIS RNAM PAR SMIN PAS LUS ZHIG PAR GYUR PA NA MTHO RIS BDE 'GRO'I 'JIG RTEN 'THAB BRAL GYI LHA RNAMS KYI MNGA' BDAG TU 'GYUR RO, ,GZHAN YANG CHOS GNYIS SHIN TU'ANG DGAG PAR BYA'O, ,GNYIS PO GANG DAG ZHE NA, 'DI LTA STE, RGYAL PO SHIN TU'ANG ZAS DANG SKOM RNAMS LA SRED PA'I RANG BZHIN CAN DU MI BYA'O, ,DE CI'I PHYIR ZHE NA, RGYAL PO SHIN TU ZAS SKOM GYI RANG BZHIN CAN NI, 'CHUMS NAS G-YENG BAR 'GYUR RO, ,GSUM PA 'GENGS PAR BYED PA LA SHIN TU PHYOGS PAR 'GYUR RO, ,DE RANG BZHIN GYIS NYE BAR CHAGS PAR GYUR NAS PHYUGS BZHIN DU BLO GCIG TU 'GYUR RO, ,ZAS DANG SKOM GNYIS LAS MA GTOGS PA DON GZHAN RNAMS LA DE'I BLO 'JUG PAR MI 'GYUR RO, ,DE LTAR KUN TU CHAGS PAR GYUR PA'I BLO DANG SPYOD PAR DANG LDAN PA BLO DE LA SONG BAR GYUR PAS CHOS DANG CHOS MA YIN PAR DPYOD PAR MI BYED DO, ,YUL 'KHOR RJES SU SGRUB PAR MI BYED DO, ,YUL LJONGS KYI DON DAG DPYOD PAR MI BYED DO, ,RANG
BZHIN LEGS PAR BSGO BAR MI BYED DO, ,BKA' BLON PA RNAMS KHUR LA SBYOR BAR MI BYED DO, ,DON DAG LCI MO DANG YANG MO RNAMS RTOGS PA MA YIN NO, ,DE RTAG PAR YANG DON RNAMS LAS NYAMS PAR 'GYUR RO, ,DE YONGS SU NYAMS PA LAS KYANG 'BYOR BA DMAN PAR 'GYUR LA DES KYANG ZAS DANG SKOM MING MED PAR 'GYUR RO, ,DE DE LAS YONGS SU NYAMS PAR GYUR PAS KYANG 'JIG RTEN PA RNAMS THAMS CAD KYI SKYUG BRO BA'I GNAS SU GYUR PA MCHOG TU DBUL BAR 'GYUR RO, ,SRED PA'I RNAM PAR G-YENG BA DES 'JIG RTEN PA'I DON RNAMS KYI'ANG BAR DU GCOD PAR BYED PAR 'GYUR BA YIN PA DANG, ZAS DANG SKOM NYE BAR STEN PAR GYUR PAS JI LTAR 'JIG RTEN LAS 'DAS PA RNAMS LA YANG RNAM PAR GSHE BAR GYUR PA YIN NO, ,'DI LTA STE, SHIN TU KHO NA'ANG ZAS SKOM LA SRED PAR GYUR PA'I RANG BZHIN DANG LDAN PA DE LA YID SRONG BAR GYUR PA DE'I NGANG TSUL CAN DAG NI RTAG PAR YANG RO'I SRED PAS KUN TU KHRID PAR BYED PAS YID MNYAM PAR BZHAG PA MA YIN PAR 'GYUR RO, ,LUS SU GTOGS PA'I DRAN PA DAG MED PAR 'GYUR RO, ,TSOR BAR GTOGS PA'ANG MED DO, ,SEMS SU GTOGS PA DAG KYANG MED DO, ,CHOS SU GTOGS PA DAG KYANG MED DO, ,SDUG BSNGAL DANG KUN 'BYUNG DANG 'GOG PA DANG LAM GYIS BSDUS PA RNAMS KYANG MED DO, ,ZAS DANG SKOM LA GUD PAR 'GYUR BA LAS MA GTOGS PA 'DI DAG DON GZHAN RNAMS 'GA' ZHIG LA'ANG BLO LAS SU RUNG
, ,BAR MI 'GYUR RO, ,DE NI, DUD 'GRO DANG RANG BZHIN MTSUNGS PAR 'GYUR BA YIN NO, ,DE ZAS DANG SKOM GYI SPYOD YUL RNAMS LAS ZAS LA RNAM PAR SPYOD PA'I BRTZON PA DE DAG LAS GROL BA NI, LUS NGAG GI SPYOD PAS BSDUS PA DANG DBANG PO RNAMS KYANG YANG DAG PAR YONGS SU SMIN PAR 'GYUR RO, ,YANG DAG PA'I LAM RNAMS SPYOD PAR BYED DO, ,DE'I SEMS LAS SU RUNG BAR 'GYUR RO, ,LUS DANG SEMS DANG TSOR BA DANG CHOS RNAMS DANG SDUG BSNGAL DANG KUN 'BYUNG DANG 'GOG PA DANG LAM RNAMS MA LUS PA SHES PA DANG LDAN PAR 'GYUR RO, ,DE'I YID SHIN TU MNYAM PAR 'GYUR BA DANG SEMS DANG DBANG PO RNAMS KYANG RAB TU DANG BAR 'GYUR RO, ,ZAS DANG SKOM DANG LDAN PA'I LUS NI, YANG DAG PAR 'GYUR TE, LUS RANG BZHIN DU GNAS PA DANG SEMS RANG BZHIN DU GNAS PA DANG, SEMS RANG BZHIN DU GNAS PAR GYUR PA YIN PA GANG GI PHYIR YANG DGE BA'I CHOS RNAMS BSAM PAR NUS PA YIN NO, ,DE'I PHYIR NA ROL SRED PA LA CHED CHER 'GYUR BAR MI BYA'O, ,GAL TE ZAS SAM SKOM MAM LUS LA 'JUG PAR BYED PA DE'I TSE 'GRANGS PA TZAM DANG PHAN PA TZAM ZHIG GOMS PAR BYAS PAS DE LTAR 'DI'I YID LAS SU RUNG BA DANG SEMS MNYAM PAR BZHAG PAR YANG 'GYUR RO, ,SEMS SHIN TU MNYAM PAR BZHAG PAR GYUR PA RNAMS NI, DGE BA'I LAS LA DPYOD PAR BYED DO, ,DGE
PA'I LAS RNAMS KYI MTHA' LA SPYOD PA NI, LUS ZHIG PAR GYUR NAS SHI BA'I 'OG TU LAS DE DANG DE DAG GI DRI TZAM GYIS KYANG 'THAB BRAL BA'I LHA RNAMS KYI MNGA' BDAG TU 'GYUR TE, LAS DE'I RGYU DANG RKYEN GYIS SO; ;CHOS GZHAN YANG RGYAL POS BYAS PAR BYA'O, ,'DI'ANG GANG ZHE NA, 'DI LTA STE, LEGS PAR SPYOD PAR BYA BA RNAMS SEMS PAR BYED PA'O, ,LEGS PAR BSAM PAR BYA BA RNAMS SEMS PAR BYED PA'ANG GANG GI PHYIR 'JIG RTEN 'DI DANG PHYI MA MA YIN YANG SEMS CAN RNAMS KYI DON SGRUB PAR BYED DO, ,DE CI'I PHYIR ZHE NA, SEMS KYI YON TAN YIN PA'I PHYIR TE, GANG DAG GIS 'DI DANG PHA ROL TU'ANG LEGS PAR BSAM PAR BYA BA RNAMS SEMS PA PO NI, MCHOG TU BDE BAR 'GYUR RO, ,'ON KYANG SKYON RNAMS RAB TU GZHOM PAR BYA ZHING DES LEGS PAR BSAM PAR BYA BA RNAMS BSAM PAR BYA'O, ,YID LA'ANG GZHAG PAR BYA'O, ,'DOD CHAGS LA SOGS PA'I DRI MA RNAMS KYANG RTAG PAR NGAN SONG DU RNAM PAR 'JUG PAR BYED PA YIN PAR BRJOD PAR BYA'O, ,'DOD CHAGS LA NI; MI SDUG PAS SO, ,ZHE SDANG LA NI, BYAMS PAS SO, ,GTI MUG LA NI, SHES RAB KYIS SO, ,DE LA DRI MA RNAM PA GSUM PO DE DAG RNAMS NI, LEGS PAR BSAM PA SEMS PAS ZAD PAR BYA BAR NUS SO, ,NGAN PAR BSAM PA SEMS PAR BYED PA DE DAG RNAMS KYIS NI, MA YIN NO, ,'JIG RTEN GYI CHOS RNAMS KYANG DE KHO NA BZHIN DU LEGS PAR BSAM PA SEMS PAR BYED PA RNAMS
, ,KYIS 'GRUB PAR 'GYUR RO, ,NGAN PAR BSAM PA SEMS PAR BYED PA NI, MI YIN NO, ,DE'I PHYIR THAMS CAD KYIS GNAS SKABS THAMS CAD DU DON THAMS CAD LEGS PAR BSAM LA BYA'O, ,DE LAS 'DI'I DON KUN 'GRUB PAR 'GYUR BA DANG, CHOS PA'I LUS ZHIG PAR GYUR NAS KYANG MTHO RIS BDE 'GRO'I 'JIG RTEN 'THAB BRAL GYI LHA RNAMS KYI BDAG POR 'GYUR TE; ;LAS BZANG PO DE'I RGYU DANG RKYEN RNAMS KYIS SO, ,CHOS GZHAN YANG RGYAL POS MI BYA'O, ,'DI'ANG GANG ZHE NA, 'DI LTA STE, DON THAG RING BAR GYUR BA ZHES BYA BA 'JIG RTEN PA'I DON RNAMS SGRUB PA PA; ;'JIG RTEN 'DAS PA'I YANG STE, PHAN PA'I DON GANG BYED PAR GYUR PA DANG, GZHAN DAG RNAMS KYANG BYED PAR GYUR PA NA DUS RING POS KYANG BYA BAR MI NUS PA'O, ,DE DAG LA MI BZOD PAR 'GYUR RO, ,'DI LTA STE, NAD KYIS KYANG MYUR BAR KUN TU BCOM PAR GYUR BA NA DON THAG RING BAR GYUR PA'I SKYON GYIS BSGRUB BYAR GYUR PA RNAMS KYANG BSGRUB BYA MA YIN PAR BYAS NAS CHUD GZON PAR BYED DO, ,DE BZHIN DU DON GZHAN DAG DU MA RNAMS KYANG MYUR BAR MA BYAS PAS DUS GZHAN DU SHIN TU'ANG BZOD PAR MI NUS PAR 'GYUR RO, ,DE LTAR NGES PAR LEGS PAR LAM CUNG ZAD TZAM YANG MED DE, NAD LTA BUR GYUR PA'I NYON MONGS PAS RJES SU BCOM PAR GYUR PAS NGAN SONG DU 'GRO BAR 'GYUR TE, DON THAG RING BAR 'GYUR BA'I SKYON GYIS YIN TE, DE'I TSE 'JIG
RTEN LAS 'DAS PA'I LAM CUNG ZAD TZAM YANG MED DO, ,LAM RNAMS RJES SU NYE BAR 'JOMS PAR 'GYUR BAS DUG GI MYUG GU DANG CHA 'DRA BAR GYUR PA RNAM PAR 'PHEL BAR GYUR NAS DUS GZHAN DU RAB TU 'PHEL BAR ZHUGS NAS RGYUD MA RUNGS PA SREG PAR BYED DE, GANG GIS SROG CHAGS RNAMS DMYAL BA DANG YI DVAGS DUD 'GRO'I SKYE BAR 'GYUR BAR BYED DO, ,DE'I PHYIR DON THAG RING BA NI RGYAL PO'AM DE MA YIN PA DGE SLONG RNAMS SAM, NOR CAN RNAMS SAM, 'GA' ZHIG LA'ANG SNYAN PA MA YIN NO, ,THAMS CAD LA SHIN TU BAR YANG BSNGAGS PA MA YIN NO, ,GANG YANG DON THAG RING BAR GYUR PA MA YIN PA DE DAG NI, SKYON SKYES PAR GYUR PA DAG SKAD CIG GI DUS DER SGYUR BAR BYED DO, ,GTONG BAR BYED DO, ,KUN NAS 'JOMS PAR BYED DO, ,RAB TU 'JOMS PAR BYED DO, ,RTZA BA NAS RLAG PAR BYED DO, ,DES SKYON DE DAG RNAMS KUN NAS BCOM PAR GYUR PAS MTHAR THUG PAR BDE BAR 'GYUR RO, ,SKYES BU 'JIG RTEN PA 'AM 'JIG RTEN LAS 'DAS PA'I LAM LA'ANG GNAS NAS KUN TU SKYES PA'I SKYON RNAMS 'JOMS PAR BYED DO, ,DUG GI MYUG GU DANG 'DRA BA'I SKYON YANG DUS GZHAN DU 'PHEL NAS SKYON MANG POR 'GYUR RO, ,DE'I PHYIR GANG DAG GIS SKAD CIG DE LA SKYON RNAMS GZHOM PAR BYAS LA RINGS PAR BYAS TE YANG BDE LEGS KYI GNAS LA LEGS PAR SBYAR BAR BYA'O, ,MNGON SUM DU 'GYUR BA'I LUS ZHIG NAS SHI BA'I 'OG TU MTHO RIS BDE 'GRO'I 'JIG RTEN
, ,'THAB BRAL BA RNAMS LA DBANG BAR 'GYUR BA YIN TE, DES SNGON BYAS PA'I LEGS PAR BYAS PA'I LAS DE NYID KYI RGYU DANG RKYEN RNAMS LAS YIN NO, ,CHOS GZHAN YANG RGYAL POS BYA BAR BYA'O, ,'DI'ANG GANG DAG ZHE NA, 'DI LTA STE, CHOS KYIS SKYE RGU RNAMS BSKYANG BAR BYA'O, ,GANG GI PHYIR RGYAL PO GANG DAG CHOS KYIS SKYE RGU RNAMS BSKYANG BAR BYA'O, ,CHOS MA YIN PAS NI; MA YIN NO, ,CHOS KYIS LHAG PA'I RGYAL PO'I YANG BDAG DANG GZHAN LA PHAN PAR BYED PAR 'GYUR RO, ,BDAG LA PHAN PA MA YIN PA MI BYED DO, ,JI SRID DU TSUL KHRIMS DANG LDAN PAR 'GYUR RO, ,TSUL KHRIMS DANG LDAN PAR GYUR PA RNAMS NI, CHOS MA YIN PAS NAM YANG SKYE RGU SKYONG BAR MI BYED DO, ,DE LTAR BDAG LA PHAN PA BYED DO, ,JI LTAR YANG GZHAN LA PHAN PA BYED PA YIN NA; SROG CHAGS SU GYUR PA GANG DAG KYANG CHOS PA MA YIN ZHING CHOS KYI RJES SU YONGS SU 'JUG PA'ANG MA YIN PA, DE DAG RNAMS 'DIS BDE LEGS LA RAB TU SBYOR BAR BYED DO, ,DE LTAR YANG DAG PA SKYE RGU SKYONG BAR BYED PA NYID DU 'GYUR RO, ,BSKYANGS PAR GYUR PA LAS KYANG CHOS DANG DON DANG SNYAN PA RNAMS DANG YANG DAG PAR LDAN PAR 'GYUR RO, ,RE ZHIG DANG POR CHOS KYIS NI, MCHOG TU NGES PAR LEGS PA LA YANG DAG PAR SBYOR BAR GYUR PA YIN NA, JI LTAR NA CHOS MA YIN PA DANG KUN NAS LDAN PAR GYUR, RGYAL PO DON DANG YANG DAG PAR LDAN PAR 'GYUR TE, JI
LTA BU'I DON GYIS SHE NA, 'DI LTA STE, GANG GI TSE 'BRAS BU NGES PAR BYAS NAS ZA BA'I RGYAL POR GYUR PA NA DRUG CHA LEN PAR BYED PA YIN LA DE'I TSE SKYE RGU RNAMS PHUN SUM TSOGS PAR BYED PAR 'GYUR RO; ;LEGS PAR YONGS SU BSKYANGS PAS TE, SKYE RGU PHUN SUM TSOGS PA DE YANG RGYAL PO'I SEMS DGA' BA'I DBANG GIS RJES SU CHAGS PAR GYUR NAS SGROL BAR BYED PA YIN NO, ,DE LAS YON TAN GNYIS PA DANG YANG DAG PAR LDAN PA PHUN SUM TSOGS PAR 'GYUR BA NI, RGYAL PO SNYAN GRAGS DANG YANG DAG PAR LDAN PAR 'GYUR RO, ,RGYAL POS YANG DAG PAR SKYE RGU BSKYANGS PAR GYUR PA NA GRONG KHYER PA GANG DAG RJES SU CHAGS BAR GYUR PA DES PHYOGS THAMS CAD DU SNYAN PA SGROG PAR BYED PAR 'GYUR RO, ,DE LTAR CHOS DANG DON DANG SNYAN PA RNAMS DANG YANG LDAN PAR 'GYUR RO, ,RGYAL PO LEGS PAR SKYE RGU RNAMS BSKYANGS PAR GYUR PA LAS LUS ZHIG PAR GYUR NAS SHI BA'I 'OG TU MTHO RIS BDE 'GRO'I 'JIG RTEN 'THAB BRAL GYI LHA RNAMS KYI BDAG POR 'GYUR RO, ,DES SNGON BYAS PA'I RGYU LAS KYI RNAM PAR SMIN PA LAS YIN NO, ,YANG CHOS GZHAN RGYAL PO'AM GZHAN GYIS KYANG RAB TU BRTZON PA MANG PO RNAMS KYIS BYA BAR BYA STE, 'DI'ANG GANG ZHE NA, 'DI LTA STE, DGE BA BCU'I LAS KYI LAM RNAMS BYA BA'O, ,DE MA LUS PA RNAMS KYIS KYANG MCHOG TU BDE BA'I RNAM PAR SMIN PA DANG LDAN PAR 'GYUR RO, ,DE LA DGE BA'I LAS KYI
, ,LAM DE NYID KYANG RNAM PA GSUM STE, LUS KYI DANG, NGAG GI DANG, YID KYI'O, ,LUS KYI RNAMS NI, SROG GCOD PA DANG MA BYIN PAR LEN PA DANG 'DOD PA LOG PAR G-YEM PA SPONG BA'O; ;NGAG GI RNAMS NI, RDZUN DANG PHRA MA DANG TSIG RTZUB PO DANG 'BREL BA MED PAR BRJOD PA SPONG BA'O, ,YID KYI RNAMS NI, BRNAB SEMS DANG GNOD SEMS DANG LOG PAR LTA BA RNAMS SO, ,DE LA DE DAG NI, JI LTAR LAS KYI LAM SNA TSOGS PA RNAMS SU GYUR PA'I MI DGE BA BCU PO DE DAG RNAMS NI, MI DGE BA'I LAS KYI LAM ZHES BYA'O, ,SHES RAB JI LTAR PHYIN CI MA LOG PAR GYUR PA'I YANG DAG PA'I DGE BA'I LAM ZHES BYA BA'I MING NI, SHES RAB DE LA BRJOD PA YIN NO, ,SHES RAB DE DAG GANG YIN PA DE DAG GIS KYANG JI LTA BA BZHIN DU MYA NGAN LAS 'DAS PA'I MTHAR THUG PAR 'GYUR BA YIN NO, ,MI DANG LHA RNAMS 'BYUNG BAR 'GYUR BA GANG DAG JI LTAR 'DOD PA BZHIN 'GYUR TE, DE DAG RGYAL PO 'DI RANG NYID KYIS 'DZIN PAR NUS PA DANG, GRONG KHYER PA RNAMS LA'ANG RGYAL PO DES PHA DANG MA DANG 'DRA BAR 'GYUR ZHING MYA NGAN LAS 'DAS PA RAB TU 'THOB PAR BYED PA DANG, MTHO RIS RAB TU 'THOB PAR BYED PA YIN NO, ,DE'I BSAM PA RNAMS THAMS CAD MNGON PAR 'GRUB PAR 'GYUR RO, ,LHA RNAMS KYIS KYANG 'DI DAG LA SRUNG BAR 'GYUR RO, ,'DI LA MTSON CHA DANG MU GES [?] BYAS PA'I 'JIGS PA RNAMS DANG YUL 'JIG PAR 'GYUR BA NAM YANG 'BYUNG
PAR MI 'GYUR RO, ,'DI'I YUL DU DUS SU LO TOG RNAMS PHUN SUM TSOGS PAR 'GYUR RO, ,'DI'I YUL DU'ANG DUS SU ZLA BA DANG NYI MA DAG RAB TU 'OD 'BYIN PAR BYED PA DANG, DGOS PA THAMS CAD PHUN SUM TSOGS PAR 'GYUR BA DANG YUL LJONGS RNAMS PHUN SUM TSOGS PAR YANG 'GYUR RO, ,RGYAL PO DE LEGS PAR SKYE RGU RNAMS BSKYANGS PAR GYUR NAS DUS RNAMS YONGS SU SMIN PAR GYUR TE, MI RTAG PA'I RANG BZHIN YIN PAS GAL TE RNAM PAR BRAL BAR GYUR NA GANG GI TSE LHA RNAMS KYI NANG DU SKYE BAR 'GYUR BA DE'I TSE DGE BA'I LAS KYI RNAM PAR SMIN PA GANG GIS BDE BA GANG DAG LA NYE BAR LONGS SPYOD PAR 'GYUR BA YIN NA, DE LA MDOR BSDU NA 'THAB BRAL GYI LHAR SKYE BAR 'GYUR BA RNAMS LAS SROG GCOD PA RNAM PAR SPANGS PAS NI, DMAN PA DANG BAR MA DANG KHYAD PAR DU 'PHAGS BA'I LHA RNAMS TSE RING BAR 'GYUR RO, ,GZHAN YANG DE KHO NA BZHIN DU LHA'I RIS DRUG TU MA BYIN PAR LEN PA RNAM PAR SPANGS PAS NI, NOR BRTAN PAR 'GYUR TE, RIN PO CHE BDUN GYI RANG BZHIN PHUN SUM TSOGS PAR 'GYUR BA'I NAGS DANG NYE BA'I NAGS DANG RI'I RTZE MO SNA TSOGS PAR DGA' BAR GYUR PA RNAMS LA'O, ,'DOD PAS LOG PAR G-YEM PA RNAM PAR SPANGS PAS NI, JI SRID DU 'DI SHI 'PHOS PAR MA GYUR GYI BAR GYI DUS DE SRID DU LHA MO RNAMS LHA'I BU GZHAN DAG RNAMS LA 'PHO BAR MI 'GYUR RO, ,GSON BZHIN DU'ANG LHA'I BU GZHAN DAG RNAMS LA NAM
, ,YANG KUN TU 'PHO BAR MI 'GYUR ZHING KHYUD 'PHYANG YANG MI BYED KYI, DE NYID KHO NA LA GZUGS BZANG PA THAMS CAD KYIS GZI BRJID THAMS CAD KYIS KYANG LTA BAR BYED DO; ;GANG YANG 'DOD PA LOG PAR G-YEM PA LEGS PAR BSRUNGS PA MA YIN PA DE DAG RNAMS KYI LHA MO RNAMS NI, GZHAN DAG LA 'PHO BAR 'GYUR TE, SO SO DANG SO SOR LAS KYI RNAM PAR SMIN PA RNAMS RAB TU STER BAR BYED PA YIN NO, ,DE LTAR LUS KYIS LEGS PAR SPYOD PA RNAMS BSRUNGS SHING BSTEN LA BSGOMS LA LAN MANG DU BYAS PAS NI, LHA RNAMS KYI NANG DU SKYE BAR 'GYUR BA YIN NO, ,RNAM PAR SMIN PA BDE BA DANG LDAN PA GNYIS PAR GYUR PA NGAG GI RNAM PA BZHIS BSTEN CING BSGOMS LA LAN MANG DU BYAS PAS LHA RNAMS KYI NANG DU SKYE'O, ,LAS GANG GI RNAM PAR SMIN PAS LHA RNAMS KYI NANG DU SKYES NAS BDE BA GANG LA LONGS SPYOD PA YIN NA, NGAG LEGS PAR BSNGAMS PA RNAMS KYANG BZHI'O, ,DE LA RDZUN RNAM PAR SPANGS PAS NI, GSAL ZHING SNYAN LA ZUR THON PA'I DAG TU 'GYUR RO, ,RTAG TU'ANG LEGS PAR SBYAR BA'I MCHOG GI SMRA BA POR 'GYUR TE, GANG DANG GANG NYID SMRA BAR BYED PA NA BDE BAS DE DANG DE KHO NA 'DIS LHAN CIG TU RJOD PAR BYED PA NI, LHA 'DI DAG LA NYE BAR GNAS PA YIN TE, DE DAG GIS RDZUN LEGS PAR SPANGS PA YIN PA'I PHYIR RO, ,
PHRA MA RNAM PAR SPANGS PAS NI, YUL LJONGS RNAMS 'JIG PAR MI 'GYUR RO, ,RTAG TU'ANG TSIG RTZUB PO DE DANG DE NYID RNAM PAR SPANGS PAS NI, RTAG TU SNYAN PA'I GLU DANG GAR DANG RGOD PA DANG, 'GYING BAG GI SGRA MCHOG TU RNAM DANG YID 'PHROG PAR BYED PA RNAMS THOS SO, ,'BREL BA MED PAR BRJOD PA RNAM PAR SPANGS PAS NI, RTAG TU LCE GZHAL ZHING LJAGS PHYIN PAR 'GYUR RO, , LHA RNAMS THAMS CAD KYI YID DU 'ONG BAR 'GYUR RO, ,DE LTAR NGAG GI LEGS PAR SPYAD PA'I 'BRAS BU RNAMS LA LONGS SPYOD PAR BYED DO, ,LTA RNAMS SU LHA RNAMS KYI YID KYI RNAMS KYANG GANG DAG GIS 'BRAS BU RNAMS GANG DAG LA LONGS SPYOD PAR BYED NA, BRNAB SEMS RNAM PAR SPANGS PAS NI, 'DI'I 'DOD PA RNAMS THAMS CAD SEMS BSKYED PA TZAM NYID NA NYE BAR 'DU BAR 'GYUR RO, ,DES THOB PA RNAMS KYANG NGES BAR NYAMS PAR MI 'GYUR RO, ,LHA GZHAN 'GA' ZHIG GIS KYANG DANG DU LEN PAR BYED PAR 'DOD PA'ANG MA YIN TE, DES NA BRNAB SEMS RNAM BAR SPANGS PA DE DAG RNAMS KYI DE LTAR 'GYUR PA YIN GYI, RNAM PAR SMIN PA 'DI GZHAN RNAMS KYI NI, MA YIN NO, ,GNOD SEMS RNAM PAR SPANGS PA RNAMS KYI YANG GNOD SEMS SPANGS PAS NA LHA'I SKYE BO RNAMS THAMS CAD DANG MTHUN PAR 'GYUR RO, ,GZUGS MCHOG DANG YANG LDAN PAR 'GYUR RO, ,LOG PAR LTA BA RNAM PAR SPANGS PAS NI, 'DI
, ,LA CUNG ZAD CIG KYANG GZHAN MU STEGS PA RNAMS KYIS RTZOD PA DON DU GNYER BAR MI BYED DO, ,JI LTA BA NYID DU RAB TU SEMS PA DE KHO NA BZHIN DU PHUN SUM TSOGS PAR 'GYUR RO, ,GZHAN DU 'GYUR BA NI, MED DO, ,'DOD BZHIN DU'ANG 'DOD PA RNAMS KYIS STONG PAR NI, NAM YANG CUNG ZAD CIG KYANG MI 'GYUR RO, ,DE LA MDOR BSDUS NAS DE LTAR DGE BA BCU'I LAS KYI LAM RNAMS KYIS RNAM PAR SMIN PA RNAMS SO SOR BSHAD PA YIN NO, ,SBYIN PA'I KHYAD PAR GYIS NI, LONGS SPYOD KYI KHYAD PAR RNAMS 'BYUNG BAR 'GYUR RO, ,SHES RAB KYI KHYAD PAR GYIS NI, THAMS CAD KYANG CHES KHYAD PAR DU 'PHAGS PAR 'GYUR TE, GANG GI PHYIR BDE BA RNAMS THAMS CAD NI, SHES RAB KYI RTZA BA LAS YIN NO; ;BDE BA MA YIN PA RNAMS NI, SRID PA'I RMONGS PA SDON DU 'GRO BA CAN YIN NO, ,SEMS KYI DBANG GIS DANG, DUS KYI DBANG GIS DANG, DNGOS PO'I DBANG GIS DANG, LHAG PAR MOS PA'I DBANG GIS KYANG RUNG STE, DGE BA'I LAS KYI LAM RNAMS LAS GAL TE SHED NA GCIG GIS KYANG LHAR SKYE BAR 'GYUR RO, ,MYA NGAN LAS 'DAS PA'ANG 'PHEN PAR BYED NA, SEMS CAN RNAMS LHA RNAMS SU SKYE BAR 'GYUR BA LA LTA CI SMOS, DE LA DE LTAR LAS KYI RNAM PAR SMIN PA 'DI NI, MCHOG TU PHRA BAR GYUR PA YIN TE, DE GANG GIS MI SHES PA DE DAG RNAMS NI, LAS RNAM PAR
SMIN PA RNAMS LA 'ANG KUN TU RMONGS PAR 'GYUR LA, DE KUN TU RMONGS PAS KYANG DMYAL BAR NYE BAR RGYUG PAR 'GYUR RO, ,DE LA JI SKAD DU BSHAD PA'I DGE BA BCU'I LAS KYI LAM DE DAG RNAMS LA RGYAL PO GANG ZHIG GIS JI SKAD BSHAD PA BZHIN DU SPYOD PAR BYED PA NI, 'DI'I YUL 'KHOR RNAMS DANG, GRONG KHYER RNAMS DES DBANG DU BYED PAR 'GYUR BA YIN NO, ,RGYAL PO DE LUS ZHIG NAS SHI BA'I 'OG TU'ANG LAS DE DAG RNAMS KYI RNAM PAR SMIN PAS MTHO RIS BDE 'GRO'I 'JIG RTEN 'THAB BRAL BA'I LHA RNAMS KYI MNGA' BDAG TU 'GYUR RO, ,CHOS GZHAN YANG RGYAL POS RJES SU BSGRUB PAR BYA'O, ,'DI'ANG GANG ZHE NA; 'DI LTA STE, RGYU DANG 'BRAS BU LA LEGS PAR BLTA'O, ,RGYU DANG 'BRAS BU RNAMS LA LEGS PAR LTA BAR BYED PA'I RGYAL PO'I BLON PO RNAMS KYANG RUNG STE, KUN TU RMONGS BAR MI 'GYUR RO, ,LAS RNAMS DANG LAS KYI RNAM PAR SMIN PA RNAMS LA'ANG RTAG TU MNYAM PAR BZHAG PA'I BLOR 'GYUR ZHING, YUL RNAMS LA BAG MED PAS 'JUG PAR YANG MI 'GYUR RO, ,DE LA RGYU BYA BA'I MING NI, 'BRAS BU'I SA BON NO, ,RKYEN NI, NAM ZLA'I DUS TSOD DANG SA GZHI TSOGS PA'O, ,DE GAL TE DE RGYU RNAMS LA SKUR PA MI 'DEBS PA DANG RKYEN RNAMS LA SKUR PA MI 'DEBS PA DE NI, RGYU DANG 'BRAS BU DAG GI DE KHO NA NYID MTHONG BA, SDIG PA'I LAS RNAMS LA SPYOD PAR MI BYED DO, ,JI LTA BA KHO NAS SA BON DANG, MYU GU DAG RGYU RKYEN DU GTOGS PA GANG YIN PA DE KHO NA BZHIN DU LAS DANG LAS KYI 'BRAS BU RNAM PAR SMIN PA RNAMS
, ,LA'ANG KUN TU RMONGS PAR MI 'GYUR RO, ,DE LA SKYE BA'I LAM DU GYUR PA'I DGE BA DANG MI DGE BA'I LAS RNAMS KYIS NI, RNAM PA SNA TSOGS PA'I BDE BA DANG SDUG BSNGAL RNAMS 'KHOR BA NAS 'KHOR BAR RAB TU 'BAB PAR 'GYUR BA YIN TE, SROG CHAGS RNAMS KYI RGYUD DES BSDUS PA NAS BZUNG NAS DMYAL BA DANG YI DVAGS DANG DUD 'GRO'I 'GRO BA RNAMS DANG LHA DANG MI RNAMS SU KHAMS GSUM DU GTOGS PA RNAMS KYI 'DU BYED DU 'GYUR BA RNAM PA GSUM PO DGE BA RNAMS DANG, MI DGE BA RNAMS DANG, MI G-YO BA RNAMS KYIS SO, ,DE'ANG DGE BA'I LAS KYI 'DU BYED KYI RGYU RNAMS KYIS NI, LHA RNAMS DANG MI RNAMS SU'O; ;MI DGE BA LAS NI, DMYAL BA RNAMS SU'O, ,MI G-YO BA RNAMS KYIS NI, GZUGS MED PA'I KHAMS DAG TU'O, ,KHAMS RNAM PA GSUM DU GTOGS PA DE DAG RNAMS LA'ANG RGYAL PO GANG ZHIG RGYU TZAM DE KHO NA NYID DU MTHONG BA DE NI, 'KHOR BA'I 'BROG DGON PA RNAMS SU RMONGS PAR MI 'GYUR RO, ,DE LTAR RE ZHIG 'DUS BYAS 'DI DAG RNAMS THAMS CAD MDOR BSDUS PA NI, 'DI LTA STE, RGYU DANG, 'BRAS BU'O, ,RGYU DANG, 'BRAS BU KUN NAS MTHONG BA'I RGYAL PO NI, SKYON
RNAMS KYIS MI 'JOMS SO, ,NYES PA'I 'JIGS PA RNAMS KYIS 'JIGS PAS MI DGE BA'I LAS DAG MI BYED DO, ,DGE BA'ANG RTAG TU BYED PAR 'GYUR RO, ,DE NI, LUS ZHIG PAR GYUR NAS MTHO RIS BDE 'GRO'I 'JIG RTEN PA RNAMS KYI LHAR SKYE BAR 'GYUR RO, ,DE LA YID LA 'JUG PAR BYED PA RNAMS THAMS CAD KYI MCHOG NI, 'DI LTA STE, RKYEN LEGS PAR MTHONG BA ZHES BYA BA'O, ,DE'I PHYIR NA CHOS 'DI DAG RAB TU BRTZON PAS RGYAL POS GZUNG BAR BYA BA YIN NO, ,'DI LTA STE, RGYU DANG RKYEN RNAMS LA LEGS PAR BLTA BA'O, ,CHOS GZHAN YANG RAB TU BRTZON PA DU MAS RGYAL POS BYA'O, ,'DI'ANG GANG ZHE NA, 'DI LTA STE, LHA DAG MCHOD PAR BYA'O, ,'DIR LEGS PAR BYAS PA'I LAS KYI MTHA' LA SPYAD PA'I LHA RNAMS NI, LEGS PAR BYAS PA'I LAS RNAMS LA GROGS SU RANG DBANG DU 'GRO BAR 'GYUR RO, ,DGE BA'I CHOS RNAMS LA'ANG BAR CHAD BYED PAR MI 'GYUR RO, ,NYIN MO DANG MTSAN MOR YANG 'DI DAG MCHOD PAS MCHOD PAR BYED PA RNAMS LA NI, LAS RNAMS THAMS CAD LA'ANG LHAN CIG RANG DBANG DU 'GYUR RO, ,RMI LAM YANG BZANG PO DANG NGAN PA MYONG BAR 'GYUR BA RNAMS NGES PAR LEGS PAR STON PAR 'GYUR RO, ,YUL LJONGS 'JIG PAR 'GYUR BA'ANG 'DI DAG GIS SRUNG BAR BYED DO, ,
, ,DGE BA'I LAS RNAMS RTAG TU SKUL BAR BYED DO, ,'DI LTA STE, DGE BA DAG LA SO SOR NGES PAR 'JUG PAR BYED PA NA 'DI DAG GIS NYIN MO DANG MTSAN MOR YANG SRUNG BAR BYED DO, ,PHA DANG MA BZHIN DU THABS DU MAS DGE BAR BYED PA'I LHAS MCHOD PAR BYA BAR 'OS PA'ANG YIN NO, ,DE'I PHYIR NA RGYAL POS RTAG TU LHA DAG MCHOD PAR BYA BA YIN TE, CHOS DANG LDAN PA'I CHO GA DAG GIS KYANG MNGON PAR 'DOD PA RNAMS DANG, DAM TSIG GIS DANG, SDIG PA'I LAS RNAMS DANG RNAM PAR BRAL BAS DANG, 'TSE BA MED PA DANG, LOG PAR LTA BA CAN GYI YI DAM GYIS MA YIN PA DANG, 'GRO BA THAMS CAD KYI LAS DANG SDUG BSNGAL BYED PA POR GYUR PA'I RGYU DE DANG BLO DE DAG DANG JI LTA BAR BRAL BAR GYUR PA DE LTAR LHA DAG MCHOD PAR BYA'O, ,GROGS BYED PA'I YON TAN RNAMS KYIS DE LTAR MCHOD PAR BYED PA'I RGYAL PO NI, DON DAG LAS YONGS SU NYAMS PAR MI 'GYUR RO, ,RGYU DANG 'BRAS BU LA SKUR PA MI 'DEBS SO, ,LOG PAR LTA BA DANG LDAN PAR MI 'GYUR RO, ,RTAG TU'ANG MCHOD PAR BYA BAR 'GYUR RO, ,LUS ZHIG NAS KYANG LAS DE'I RGYU DANG RKYEN DAG GIS BDE 'GRO MTHO RIS KYI 'JIG RTEN GYI LHA RNAMS LAS 'THAB
BRAL GYI NANG DU SKYES NAS 'THAB BRAL GYI LHA RNAMS KYI RGYAL POR 'GYUR RO, ,CHOS GZHAN YANG RGYAL POS BYA BAR BYA'O, ,'DI'ANG GANG ZHE NA, 'DI LTA STE, LEGS PAR SKYE RGU RNAMS BSKYANG BAR BYA'O, ,RGYAL POS YANG DAG PAR SKYE RGU SKYONG BAR BYED PA NI, CHOS BYED, CHOS KYI RJES SU 'JUG PAR GYUR PA, MA DANG PHA DANG MTSUNGS PAR MI 'JIGS PA SBYIN PAR BYED PA YIN NO, ,'JIGS PA RNAMS THAMS CAD LAS DES MI 'JIGS PA SBYIN PAR BYED PAS NYIN DANG MTSAN DU'ANG DGE BA'I CHOS RNAMS KYI CHU KLUNG RAB TU 'JUG PAR 'GYUR BA'I PHYIR RAB TU RGYAS PAR 'GYUR RO, ,'DI LA GRONG KHYER BA RNAMS THAMS CAD RJES SU CHAGS PAR 'GYUR BA DANG, RJES SU CHAGS PA'I YID CAN DE DAG RNAMS LAS DER NOR RNAMS RNYED PAR 'GYUR BA DANG, SNYAN PA LA'ANG SPYOR BAR BYED DO, ,NYIN DANG MTSAN DU'ANG 'DI'I BDE BA SEMS PAR BYED DO, ,DE DE LTAR ZHUGS PAR GYUR PA'I RGYAL PO NI, SEMS CAN RNAMS THAMS CAD LA PHAN PAR RAB TU ZHUGS PAS NA DBANG SGYUR BA'ANG RAB TU 'PHEL BAR 'GYUR TE, MNGA' THANG 'PHEL BAR GYUR PA GANG YIN PA DE DAG GIS YANG DAG PAR JI LTA BA BZHIN DU LO TOG RNAMS SKYE BAR 'GYUR RO, ,LEGS PA NYID DU SKYE RGU RNAMS KYANG 'PHEL BAR 'GYUR RO, ,GRONG KHYER DE 'PHEL BAR GYUR PAS
, ,KYANG PHYIR ZHING YANG RGYAL PO DE NYID MNGON PAR 'PHEL BAR BYED DO, ,DE LTAR RGYAL PO DES SKYE RGU RNAMS BSKYANGS PAR GYUR PA NI CHOS DANG NOR DANG SNYAN GRAGS DANG YANG RTAG TU YANG DAG PAR LDAN PAR 'GYUR RO, ,LEGS PAR LDAN PAS PHYIR ZHING YANG RGYAL 'BANGS RNAMS SKYONG BAR BYED DO, ,DE RTAG TU SKYE RGU RNAMS LA PHAN PAR 'DOD PA DANG, GNOD SEMS MED PA DANG, BRNAB SEMS MED PAR GYUR PAS KYANG LUS ZHIG NAS MTHO RIS BDE 'GRO'I 'JIG RTEN PA RNAMS LAS 'THAB BRAL GYI LHA RNAMS KYI MNGA' BDAG TU 'GYUR BA YIN NO, ,DES SNGON BYAS PA'I RGYU DANG RKYEN RNAMS KYIS SO, ,RGYAL PO CHOS BYED CHOS KYI RJES SU KUN NAS 'JUG PAS CHOS GZHAN YANG BYA BAR BYA'O, ,'DI'ANG GANG ZHE NA, 'DI LTA STE, BU DANG BU MO YANG DAG PAR JI LTA BA'I BDE BAS 'DZIN PA'O, ,BU DANG BU MO'ANG YANG DAG PA'I BDE BAS 'DZIN PAR BYED PAR 'GYUR BA'I RGYAL PO'AM MA RGYAL PO'I BLON PO LA'ANG RUNG STE, RNAM PA DU MA'I BSOD NAMS CHEN PO RGYUN MI 'CHAD PAR RAB TU 'PHEL BAR 'GYUR RO, ,GANG 'DI LA GYUR PA RNAMS DE DAG LA 'GYUR PAR BYED PA DANG, RNAM PA GANG DAG GIS YIN PA DANG, YOD PA RNAMS KYANG JI SRID KYI BAR DU DANG, DUS
GANG GI CHE NA YOD PA DE DAG RNAMS KYANG DE BZHIN DU DES DE LA THAMS CAD NAS STER BAR BYED PA STE, RDZAS DANG ZAS DANG SKOM DANG GOS DANG YONGS SU 'KHYUD PA DANG SNYAN PAR SMRA BA YID CHES PAR BYA BA DANG DGA' BAR BYA BA DANG MI 'JIGS PA SBYIN PA RNAMS KYANG SHUGS BTON NAS RAB TU SBYIN PAR BYA'O, ,BU RNAMS DANG BU MO RNAMS LAS GANG DAG BSOD NAMS CHEN PO 'BYUNG BAR 'GYUR TE, RNAM PA DU MAR BSOD NAMS CHEN POR KHYIM NAS KUN TU 'BYUNG BAR 'GYUR BA 'DI NI, BU DANG BU MO LEGS PAR 'DZIN PA ZHES BYA BA GANG YIN PA, BKREN PAS ZIL GYIS MNAN PAR MA GYUR PA DANG, 'DOD PAS GZIR BAR MA YIN PAS KYANG BU DANG BU MO RNAMS LA SNYING RJE DANG LDAN PAR GYUR PA'O, ,DE'I RDZAS SBYIN PAR GYUR NAS GSOD PA LAS BSRUNGS PA RNAMS KYI DRUNG NA'ANG CHES LHAG PAR 'GYUR RO, ,DE'I PHYIR NA GANG DAG DAD PAS RAB TU 'BYUNG BAR MI NUS PA DE DAG RNAMS KYIS BU DANG BU MO RNAMS YANG DAG PAR BDEN PAS GZUNG BAR BYA'O, ,GANG YANG NUS PA DANG LDAN PAR GYUR KYANG BKREN PAR GYUR PAS NUS PA JI LTA BA BZHIN DU BU DANG BU MO RNAMS 'DZIN PAR MI BYED PA DE NI, KHYIM PA'ANG MA YIN LA DGE SLONG YANG MA YIN NO, ,DE'I PHYIR NA ZANG ZING GI SBYIN PAS SBYIN PA LA LEGS PAR SBYAR
, ,BAR BYA BA DANG, TSUL KHRIMS LA KUN NAS GOMS PAR BYA BAS KYANG RGYAL PO'AM RGYAL PO'I BLON PO RNAMS KYIS KYANG RUNG STE, BU DANG BU MO TSUL KHRIMS LA RAB TU DGOD PAR BYA'O, ,SBYIN PA DAG GTONG DU GZHUG PAR BYA'O, ,SHES RAB LA GOMS PAR BYED DU GZHUG GO ,YANG DAG PA'I BDE BAS YONGS SU BSKYANG BAR BYA BA DANG, RJES SU BSKYANGS PA'I DBANG DU BYAS NAS LHAG MA RNAMS KYIS RIM GYIS NUS PA JI LTA BA BZHIN DU STE, DE LTAR BYED PAR GYUR PA'I RGYAL PO'AM RGYAL PO'I BLON PO DE DAG RNAMS KYANG RUNG STE, SHIN TU RING DU BDE BAR 'TSO'O, ,LUS ZHIG PAR GYUR NAS KYANG MTHO RIS BDE 'GRO'I 'JIG RTEN PA RNAMS LAS 'THAB BRAL GYI LHA RNAMS KYI MNGA' BDAG TU 'GYUR TE, DGE BA'I LAS DE DAG GI RGYU DANG RKYEN RNAMS KYIS SO, ,CHOS GZHAN YANG RGYAL POS RAB TU BRTZON PA DU MAR BYA BA RNAMS LAS 'DI LTA STE, SHES RAB LA CI NAS KYANG GOMS PAR BYA BA'I RANG BZHIN CAN NYID DO, ,SHES RAB LA GOMS PAR BYA BA ZHES BYA BA NI, SDUG BSNGAL THAMS CAD KUN NAS 'JOMS PAR BYED PA 'KHOR BA THAMS CAD LAS NGES PAR 'BYUNG BA'I RGYUR GYUR PA'I PHYIR NA DE LA CI NAS KYANG RGYAL POS GOMS PAR BYA BA YIN, SHES RAB ZHES BYA BA
YIN TE; GANG GI PHYIR MUN PA CHEN POR KUN NAS LHUNG PA'I SDUG BSNGAL DU MA'I MUN PAR 'THOMS PAR GYUR PA RNAMS LA RAB TU GSAL BAR BYED PA'I MAR ME, 'KHOR BA'I DBUL PO RNAMS KYI NOR, MIG MED PAR GYUR PA RNAMS KYI MIG ,STOBS MED PA RNAMS KYI STOBS DANG, GROGS MED PA RNAMS KYI GROGS DANG, SKYOB PA DANG LDAN PA RNAMS KYI SKYOB PAR BYED PA DANG, NAD KYIS SHIN TU GZIR PA'I SROG CHAGS 'DI DAG RNAMS KYI NI, SMAN NO, ,LAM MED PA LA RAB TU GNAS PA RNAMS KYI NI, LAM STON PAR BYED PA'O, ,'KHOR BA'I DGON PAR RAB TU ZHUGS PAR GYUR PAS SRED PAS KUN NAS GDUNGS PA RNAMS KYI NI, SHIN TU BAR YANG BSIL BAR GYUR PA'I CHU RNAM PA DU MA RNAMS SO, ,'KHOR BA'I BTZON BAR KUN NAS BSNGAMS PA RNAMS KYI NGES PAR 'BYIN PA'I RGYUR GYUR PA'O, ,GNYEN BSHES MED PA RNAMS KYI PHAN PAR BYED PA'I GNYEN NO, ,MIG LDONGS PA RNAMS KYI RAB RIB DANG RNAM PAR BRAL BAR BYED PA'I MIG GO ,GSOD PAR BYED PA'I YUL DANG DUS RNAMS SU STOBS DANG LDAN PA'I GROGS PO'O, ,GSHIN RJE'I PHO NYA RNAMS NYE BAR GNAS PA'I 'CHI BA'I DUS NA STOBS DANG LDAN PA'I GROGS PO RNAMS GANG GIS NGAN 'GRO'I 'JIGS PA RNAMS
, ,THAMS CAD LAS KUN TU 'DREN PAR BYED PA'O, ,BGROD DKA' BA RNAMS DANG, NGAM GROGS RNAMS DANG, G-YANGS RNAMS LAS LAG PAS 'DON PAR BYED PA'I STOBS DANG LDAN PA'I GROGS PO RNAMS GANG GIS BDE BA THAMS CAD 'THOB PAR BYED PA'O, ,KUN NAS TSIG PAR GYUR PAR SKYES BU RNAMS KYI RIN THANG MED PA'I GOS RNAMS SO, ,TSUL KHRIMS 'TSAL PA'I ME'I 'JIGS PA'I TSA BAS GDUNGS PA RNAMS KYI SHIN TU CHE BA'I YAL GA DU MA RNAMS KYIS KUN NAS KHYAB PAR GYUR PA'I BSIL BA'I GRIB MA 'JIGS PA MED PA DANG LDAN PA LA YAL GA DU MA STUG PAR GYUR PA YAL GA PHRE'U DANG, TSI'U GZHON NU DANG, 'DAB MA DANG, ZE BA DANG LDAN PA'I LJON SHING SKYE BO RNAMS THAMS CAD KYI MIG DANG REG PA NA SHIN TU DGA' BAR 'GYUR BA YIN NO, ,DE'I PHYIR NA'ANG SHES RAB NI, CHES SHIN TU LHAG PAR GYUR PA YIN NO, ,KYE HO 'JIG RTEN PHA ROL DANG, 'DI DANG, GZHAN LA'ANG RUNG STE, SKYE RGU RNAMS LA THOG MA MED PA'I DUS NAS RAB TU 'JUG PAR GYUR PA'I RGYUR GYUR PA RNAM PA DE LTA BU GZHAN NA YOD PA MA YIN NO, ,SHES RAB KYIS NI, JI LTA BA BZHIN DU GCIG TU YON TAN DANG LDAN PA DANG, DE YONGS SU
SHES PAR BYA BA'I TSUL JI LTA BAR GOMS PAR BYA BA LAS LAM DAM PA RTOGS PAR 'GYUR ZHING, LEGS PAR RNAM PAR SPYAD NAS SEMS LA RAB TU BZHAG STE MTHA' MAR LHAN CIG KUN TU BSKYOD PA DANG, GCIG TU NGES PA DANG, RNAM PA DU MAR RNAM PAR SHES PAR BYA BA YIN PA DANG, DANG PO DANG BAR DANG THA MAR CHES MDZES PAR GYUR PA BRIS PA, NGO BO NYID KYI LAM LEGS PAR STON PAR BYED PA'O, ,DE DAG NYID NI, MNGON PAR 'DOD PA'I DON THAMS CAD LA GCIG TU CHAGS PA MED PAR MYA NGAN LAS 'DAS PA'I GRONG KHYER LEGS PAR STON PA PO DE NI, RTAG TU GOMS PAR BYA'O, ,DE NI, YUN RING DU RGYAL SRID LA LONGS SPYOD PAR GYUR PA DANG, GRONG KHYER BA RNAMS KYANG 'DI LA RJES SU DGA' BAR 'GYUR RO, ,YUL GZHAN RNAMS KYI RGYAL POS KYANG GZHOM PAR MI NUS SO, ,DUS YUN RING DU 'TSO BAR 'GYUR BA DANG, SDUG BSNGAL YANG 'BYUNG BAR MI 'GYUR RO, ,BDE BA RNAMS LA'ANG DUS RING DU NYE BAR LONGS SPYOD PAR BYED PA DES BDE BA NAS BDE BA 'THOB PAR 'GYUR RO, ,LUS KYANG ZHIG PAR GYUR NAS SHI BA'I 'OG TU'ANG MTHO RIS BDE 'GRO'I 'JIG RTEN LAS 'THAB BRAL GYI LHA RNAMS KYI MNGA' BDAG TU 'GYUR TE, DES SNGON BYAS PA'I LAS RNAMS KYI RGYU'I RNAM PAR SMIN
, ,PA'I RKYEN GYIS SO, ,YANG CHOS GZHAN DAG RGYAL POS RAB TU BRTZON PA THAMS CAD KYIS BYA BAR BYA'O, ,'DI'ANG GANG ZHE NA, 'DI LTA STE, YUL GYIS 'KHRID PAR 'GYUR BA DE LTAR MI BYA'O, ,RGYAL PO GANG ZHIG YUL RNAMS MCHOG TU BYED PAR GYUR PA RNAMS THAMS CAD DU DGE LEGS SU 'OS PA'I SGRA DANG REG BYA DANG RO DANG GZUGS DANG DRI RNAMS KYIS KUN TU 'PHROG PA'I RGYAL PO NI, THABS RNAM PA THAMS CAD KYIS KYANG DGE BAR BYA MI NUS SO, ,RNAM PA DE LTA BU DAG GIS YUL RNAMS KYANG DAG PA'I BDE BAS YONGS SU SKYONG BAR MI 'GYUR RO, ,BDAG NYID KYANG YUL DE DAG RNAMS LA MCHOG TU BYED PAR YANG MI 'GYUR ZHING BLO DE LA SONG BAR GYUR PAS KYANG CHOS DANG NOR DANG SNYAN PA RNAMS LAS KYANG YONGS SU NYAMS PAR 'GYUR RO, ,YONGS SU NYAMS PA LAS NI, MI MTHUN PA'I RGYAL PO GZHAN GYIS MNGON PAR 'TSE BAR BYED DO, ,DE DES MNGON PAR GTZES PA LAS NI, DE'I GRONG KHYER PA RNAMS DGA' BA DANG RNAM PAR BRAL BAR GYUR NAS RGYAL SRID 'TSOR BAR 'GYUR RO, ,SDUG BSNGAL CHEN PO RNAMS SU YANG LHUNG NAS SROG KYANG NGAM PA BRGYA LA NA STE MED PAR 'GYUR RO, ,DE'I PHYIR NA YUL RNAMS LA CHED
CHER 'GYUR BAR MI BYA'O, ,GANG YANG RGYAL PO YUL RNAMS LA CHED CHER BYED PA MA YIN PA DANG, RANG GI CHOS YONGS SU SKYONG BAR BYED PA DANG, SEMS KYANG SHIN TU MNYAM PAR BZHAG PA DAG NI, SGRA DANG REG BYA DANG RO DANG GZUGS DANG DRI RNAMS KYIS KUN NAS 'KHRID PAR MI 'GYUR RO, ,DE LTAR RGYAL PO DES SKYE RGU RNAMS BSKYANGS PAR GYUR PA NA CHOS DANG NOR DANG SNYAN GRAGS DANG YANG RTAG TU YANG DAG PAR LDAN PAR 'GYUR RO, ,LEGS PAR LDAN PAS PHYIR ZHING YANG BRGYA LA 'BANGS RNAMS SKYONG BAR BYED DO; ;DE RTAG TU SKYE RGU RNAMS LA PHAN PAR 'DOD PA DANG, GNOD SEMS MED PA DANG, BRNAB SEMS MED PAR GYUR PAS KYANG LUS ZHIG NAS MTHO RIS BDE 'GRO'I 'JIG RTEN PA RNAMS LAS 'THAB BRAL GYI LHA RNAMS KYI MNGA' BDAG TU 'GYUR BA YIN TE, DES SNGON BYAS PA'I RGYU DANG RKYEN RNAMS KYIS SO, ,YANG CHOS GZHAN YANG RGYAL POS MI BYA BAR GYUR PA 'DI'ANG GANG ZHE NA, 'DI LTA STE, GDUL DKA' BA RNAMS YUL DU 'DZIN PAR BYED PA'O, ,GANG YANG RGYAL POR GYUR NAS GDUL DKA' BA'I SDIG PA'I LAS CAN TSUL KHRIMS 'TSAL PA RNAMS YUL DU 'DZIN PAR BYED PA NA DE NI, DUS MI RING BA NYID NA DES BYAS PAR GYUR PA'I SKYON CHEN PO KUN TU
, ,LTUNG BAR 'GYUR RO, ,SKYON CHEN PO DE DAG RNAMS KYIS KYANG YUL LJONGS 'JIG PAR 'GYUR BA DANG, MNGA' BYED PA RNAMS LAS KYANG YONGS SU NYAMS PAR 'GYUR RO, ,LO TOG RNAMS KYANG SMIN PAR MI 'GYUR RO, ,LAS KYI MTHA' DAG MED PAR 'GYUR RO, ,LEGS PAR SKYE RGU RNAMS SKYONG BAR YANG MI BYED, DO; ;DE LA SKYE RGU 'DOD CHAGS DANG BRAL BAR 'GYUR RO, ,GDUL DKA' BA RNAMS YUL DU 'DZIN PAR BYED PA YIN PA'I PHYIR NA YUL NA GNAS PA'I LHA DAG KYANG RJES SU BRTZE BAR MI 'GYUR RO, ,GDUL DKA' BA RNAMS KYIS NI, GANG GI PHYIR SKYE BO MCHOG TU DUL BA RNAMS KYANG GDUL DKA' BAR BYED PA YIN TE, THAMS CAD KYANG BSTEN GROGS KYI DBANG GIS YIN PA'I PHYIR NA YON TAN DANG LDAN PAR GYUR PA RNAMS THAMS CAD DANG GZHAN DANG STEN GROGS BYAS PAR GYUR PA LAS CHUD 'DZA' BAR 'GYUR RO, ,DE'I PHYIR NA RGYAL POS GDUL DKA' BA RNAMS KUN TU GZUNG BAR MI BYA'O, ,GANG YANG SKYES BU NGAN PA GDUL BAR DKA' BA SDIG PA KUN TU SPYOD PA 'DZIN PAR MI BYED BA DE DAG LA NI, SKYON JI LTAR BSHAD PA DE DAG RNAMS MI 'BYUNG NGO, ,YANG DAG PAR SKYE RGU RNAMS SKYONG BAR BYED DO, ,SKYES BU CHOS BYED MA YIN PA RNAMS
NI; 'DI'I YUL NA GNAS PAR YANG MI BYED DO, ,DE SKYES BU CHOS PA RNAMS DANG LDAN PAS CHOS MA YIN PA RNAMS LA DGA' BAR YANG MI BYED DO, ,CHOS PA CHOS KYI RJES SU 'JUG PAR DE'I YID LA BSAM PA 'DI DAG RNAMS THAMS CAD PHUN SUM TSOGS PAR 'GYUR RO, ,DON MA YIN PA GZHAN YANG 'BYUNG BAR MI 'GYUR RO, ,RGYAL PO DE CHOS KHO NA'I SKYABS DANG CHOS KHO NA'I GROGS DANG GZHI DE NYID KYIS LUS ZHIG PAR GYUR NAS KYANG MTHO RIS BDE 'GRO'I 'JIG RTEN 'THAB BRAL GYI LHA RNAMS KYI MNGA' BDAG TU LAS DE'I RGYU DANG RKYEN RNAMS KYIS 'GYUR RO, ,CHOS GZHAN YANG RGYAL POS RAB TU BRTZON PAR GYUR PAS BYED PA NA CHOS DANG LEGS PAR LDAN PAS YIN GYI, 'DI LA'ANG RANG BZHIN CHAGS PA DANG LDAN PAS NI, MA YIN NO, ,'DI'ANG GANG ZHE NA, 'DI LTA STE, BRAN RNAMS LA RANG GI KHYIM DU LONGS SPYOD PAR BYED PA DA LTAR GYUR PA'I SA GZHI DANG NOR SBYIN PAR SBYIN PA RNAMS RGYAL PO GANG GIS BRAN GANG LA 'DI'I KHYIM DU RIGS PA YIN PA RNAMS DES DE RANG LA STER BAR BYED DO,, DE LA RANG BZHIN GYIS MI DGA' BAR MI BYED DO, ,BRAN RNAMS DANG PHAN TSUN DU DGA' RANGS PAR BYED PA'ANG MA YIN NO, ,'DI DAG RNAMS LA YID 'BYUNG BAR MI BYED
, ,DO; ;BGO BSHA' BYED PA'I DBANG DU BYAS PA'I GNAS NAS G-YO BAR YANG MI 'GYUR RO, ,RTOG PAR YANG MI BYED PA'I RGYAL PO NI , SHIN TU LEGS PAR GNAS PA RNAMS KYIS KYANG GNAS PA YIN NO, ,'DI NI, NYO TSONG GI BYA BA'I YUL RNAMS LA'ANG 'JUG PAR MI BYED DO, ,STOBS DANG LDAN PAR GYUR NA'ANG STOBS CHUNG BA RNAMS CI NAS KYANG 'TSE BAR MI BYED DO, ,CHOS RNAMS LA 'DOD PA CAN YANG MA YIN NO, ,CHOG SHES CAN YIN PA'ANG JI LTAR RANG GI LAS KYIS BYAS PA RNAMS KYIS CHOG SHES SO, ,YUL LJONGS RNAMS SU'ANG DUS MA YIN PAR LHAS CHAR MI 'BEBS SO, ,DUS MA YIN PAR NYI MA RAB TU TSA BAR MI 'GYUR RO, ,MU GE 'BYUNG BAR MI 'GYUR RO, ,MTSON CHA 'KHRUGS PAR MI 'GYUR RO, ,KLU RNAMS KUN NAS 'KHRUG BAR MI 'GYUR RO, ,LHA DAG GIS YUL DE YONGS SU SPANGS BAR GYUR NAS YUL GZHAN RNAMS SU NYE BAR 'GRO BAR MI 'GYUR RO, ,YUL DE'ANG LHA GZHAN DAG GIS STONGS PAR BYAS NAS RLAG PAR MI BYED DO; ;MI RNAMS DANG LHA RNAMS KYANG MI RNAMS KYI STOBS KYIS 'PHEL BAR BYED PA YIN NO, ,DE LA DE LTAR SKYON DAG RJES SU RTOGS PAR BYAS LA RGYAL POS MI SDIG CAN
RNAMS GZUNG BAR MI BYA'O, ,GANG YANG DGE BA SPYOD PAR BYED PA, SPYOD PA RNAMS KYI MCHOG ,CHOS BYED KYI MCHOG TU GYUR PA RNAMS YUL DU 'DZIN PAR BYED PA'I YUL DE DAG RNAMS THAMS CAD NI, LHAS YONGS SU SKYONG BAR BYED DO, ,'DZIN PAR BYED DO, ,'DZIN PAR BYED PA'I RGYU MTSAN GYIS KYANG LHA'I TSOGS DANG NYE BA'I YUL LA LHA GZHAN RNAMS KYIS DER BAR CHAD BYA BAR MI NUS SO, ,YUL DE LA'ANG SRUNG BAR 'GYUR RO, ,RGYAL PO DE'ANG RGYAS PAR 'GYUR BA DE'I PHYIR YUL DU SBYIN PA DAG NI, GTONG BAR BYED LA, BSOD NAMS DAG KYANG BYED DO, ,TSUL KHRIMS SRUNG BAR BYED DO, ,SHES PA DANG LDAN PAR 'GYUR RO, ,DE DE LTAR SHIN TU LEGS PA DANG YANG DAG PAR LDAN PAR GYUR PA'I RGYAL PO CHOS BYED KYI MCHOG NI, 'JIG RTEN 'DIR YANG MCHOG TU MDZES PAR 'GYUR LA LUS ZHIG NAS SHI BA'I 'OG TU'ANG MTHO RIS BDE 'GRO'I 'JIG RTEN LAS 'THAB BRAL BA'I LHA RNAMS KYI MNGA' BDAG TU 'GYUR RO, ,RGYAL PO GANG DAG CHOS SUM CU RTZA LNGA PO DE DAG RNAMS 'DZIN PAR BYED PA NI, DE DAG GIS KYANG LEGS PAR GZUNG BAR 'GYUR RO, ,DE NI, YON TAN RNAMS THAMS CAD PHUN SUM TSOGS PAR 'GYUR RO, ,DE LA 'DI NI, BDE BA NAS KYANG CHES BDE BA'I GNAS SU 'GYUR RO, ,DE NAS
, ,DE'I TSE NAM MKHA' LDING GI RGYAL PO DUS BZANG DE GTZUG TOR CAN GYIS GSUNGS PA'I TSIGS SU BCAD PA RNAMS BRJOD PA JI LTAR, GANG GI SKYE BO GTZANG MA'I 'KHOR, ,CHOS LA SPYOD PA DBANG PO THUL, ,RGYAL PO CHOS BYED BLO LDAN DE, ,MTHO RIS 'JIG RTEN SKYE BA YIN, ,DUS NI DES PAR BYED PA GANG, ,CHOS KYIS YONGS SU LONGS SPYOD CING, ,'DOD PA LAS GROL RGYAL PO DE, ,'THAB BRAL RNAMS LAS LHAG PAR 'GYUR, ,BZOD LDAN SNYAN PA'I DAG CAN GANG, ,KHRO DANG RGOD PA'ANG RNAM SDOM PA, ,DES NI SA CHEN BSKYANGS BYAS NAS, ,LHA 'DI RNAMS KYI GTZO BOR 'GYUR, ,DAG PA PHYOGS SU LHUNG MIN PA, ,GROGS DANG GROGS MIN GYIS MI 'JOMS, ,RGYAL PO SHIN TU MNYAM RGYAL PHYIR, ,LHA YI 'JIG RTEN DAG TU RUNG, ,RGAN PO LHA LA SPRO BA CHE, ,BLA MA MCHOD PA PO NYID DANG, ,BRKAM CHAGS MED DANG BRTAN PO'I BLO; ;LHA RNAMS NANG NA LHANG NGE'O, ,PHA YIS SNGON NI PHYIN PA DANG, ,DE NYID SLAR YANG STER BA GANG, ,'BYUNG PO RNAMS KYANG MI CHE BA, ,DE NI LHAR NI SKYE BAR 'GYUR, ,SBYIN DANG TSUL KHRIMS RTAG TU SGRIN, ,CHOS SMRA BA DANG DBANG PO THUL, ,RGYAL DES SA 'DI LEGS BZUNG NAS, ,LHA YI 'JIG RTEN SA BDAG 'GYUR, ,CHOS PA MIN PA 'DZIN,
MI BYED; ;CHOS PA LA YANG DGA' BAR BYED, ,DE NI CHOS TSUL KUN DAG PAS, ,LHA RNAMS KYI NI MNGA' BDAG 'GYUR, ,RGYAL PO BUD MED DBANG MI 'GRO, ,RTAG TU'ANG BZANG PO RNAMS KYI DBANG, ,DRI MED BLO GROS SBYANGS PA STE, ,LHA YI 'JIG RTEN DAG TU SKYE, ,THAMS CAD TSIG NI 'DZIN MI BYED, ,'DZIN BYED BZANG PO RNAMS KYI TSIG ,BDUD RTZI DE NYID LEGS 'THUNG BA, ,LHA YI RGYAB TU GNAS PA PO, ,SNYAN GRAGS LA NI 'DOD BYED CING, ,RDZAS NYID LA NI 'DOD LDAN MIN, ,'DOD PA'I DRI MA LAS GROL TE, ,'THAB BRAL RNAMS KYI MNGA' BDAG 'GYUR, ,LOG PAR LTA BA'I BLO MIN ZHING, ,DE NYID KUN TU LTA LA DGA', ,SHIN TU LHA DAG MI G-YO BA, ,'THAB BRAL RNAMS LAS LHAG PAR 'GYUR, ,SBYIN DANG TSUL KHRIMS RTAG TU LDAN, ,SHES RAB KYIS KYANG RTAG DE 'GRO, ,MA LUS SA CHEN RNAM RGYAL DE, ,PHYI MAR LHA YI MNGA' BDAG 'GYUR, ,RNA BA SPRO BAR BYED PA'I MCHOG ,NGAG NI SNYAN PAR GYUR PA YIS, ,RAB TU TSIM BYED SA BDAG NI, ,THA MAR LHA RNAMS DAG TU SKYE, NGAG GI SLU BA MED PA GANG, ,LHUN PO BZHIN DU MI G-YO BA, ,BDEN PA'I THE MA SKAS LA 'DZEGS NAS, ,THA MAR DE NI LHA RNAMS NANG, ,GZHIS RNAMS LA NI 'PHEL 'GRIB TU, ,GLO BUR DU NI MI BYED GANG, ,MCHOG TU BSGO BYED RGYAL PO DE, ,DES PAR LHA YI 'JIG
, ,RTEN GNAS, ,MI YI KHYAD PAR DE NYID SHES, ,STOBS DANG STOBS MIN SHES PA GANG, ,DE NI BLO STOBS LEGS LDAN PAS, ,'THAB BRAL RNAMS KYI BDAG POR 'GYUR, ,GANG YANG KHAMS GSUM PHA ROL 'GYUR, ,'DIR NI DKON MCHOG GSUM ZHES BRJOD, ,MI BDAG GANG GIS DE MCHOD PA,, DE NI LHA YI NANG DU SKYE, ,DUS NGES PA NI LEGS PAR STON, ,SKYE RGU RNAMS LA PHAN PAR DGA', ,RGYAGS DANG NYAM NGA BRAL BA YI, ,DE NI LHA RNAMS BDAG POR DRAN; ;GNYID KYI DRI MA LAS RNAMS GROL, ,'DU 'DZI'I SKYON NI YONGS SU SPANGS, ,SHES RAB SPYOD YUL YANG DAG LDAN, ,NGES PA KHO NAR LHA NYID YIN, ,LE LO'I SKYON DANG BRAL BA DANG, ,RTAG TU BRTAN PA PHA ROL GNON, ,DES NI NYES PA'I TSOGS BCOM NAS, ,PHA ROL TU DE MTHO RIS 'GRO ,GANG ZHIG GROGS PO BRTAN PA DANG, ,RTAG TU LAS NI BYED RNAMS KYI, ,DAM PA'I GROGS KYIS LEGS YONGS BSKOR, ,RGYAL PO LHA YI BDAG POR 'GYUR, ,GANG GIS G-YO SGYU CAN MI STEN, , G-YO SGYU CAN NI SPANGS PAS KYANG, ,DE NI BSGRUB BYA'I YUL LAS GROL, ,LHA RNAMS LAS NI LHAG PAR 'GYUR, ,KHRO DANG RGOD BAG RNAM PAR SPANGS, ,GANG YANG
SDIG LA DGA' MI 'GYUR, ,DES NI SDIG RDZAB LEGS BKRUS NAS, ,RTAG TU LHA YI BDAG POR 'GYUR, ,ZAS DANG SKOM LA CHAGS PA MIN, ,DGE BA RNAMS LA RTAG TU CHAGS DGE BA CHOS LEGS MTHONG BA DE, ,BLO RAB RGYAL NAS LHAG PAR MDZES, ,LEGS PAR BSAM PA SEMS PAR BYED, ,DAM PA'I CHOS LA 'JUG PAR BYED, ,DAM PA'I CHOS KYI GDAMS NGAG GIS, ,JI BZHIN LHA YI NANG DU 'GRO, ,DON SGOR MIN DANG MYUR BAR YANG, ,GANG ZHIG CHOS KYI RJES SU 'JUG ,SDUG LAS DE NI MYUR GROL NAS, ,LHA YI 'JIG RTEN DU NYER 'GRO, ,MI BDAG GANG YANG CHOS KYIS NI, ,RTAG TU SKYE RGU YONGS SKYONG BA, ,RAB TU BSNGAGS PA'I CHOS BYED BDAG ,LHA YI 'JIG RTEN SA BDAG 'GYUR, ,DGE BA'I CHOS BCU BDAG GIS NI, ,GANG BSHAD DE NYID MTHONG BA YIS, ,GANG DE BYED PA'I BLO LDAN NI, ,LHA LAS LHAG PAR MDZES PA YIN, ,RGYU DANG RKYEN NI LEGS PAR MTHONG, , LAM DANG LAM MIN DE BZHIN TE, ,DE NI LTA BA'I DRI BRAL NAS, ,DE BLO LHAG PAR KHYAD PAR 'GRO, ,JI LTAR 'OS PAR SA BDAG GI ,LHA GANG DAG NI MCHOD BYED PA, ,LHA RNAMS MCHOD PAS DE LTAR YANG, ,LHA RNAMS LAS NI LHAG PAR 'GYUR, ,RLOG PA MED PA'I YID KYIS NI, ,BU DANG BU MO 'DZIN BYED PA, ,RANG GI CHUNG MAS CHOG
, ,SHES DE; ;LHA RNAMS KYI NI BDAG POR 'GYUR, ,BYIS PA THAMS CAD 'PHROG BYED PA'I, ,YUL RNAMS KYIS NI 'PHROG MI 'GYUR, ,RTAG TU TSUL KHRIMS KYIS BSRUNGS PA'I, ,TSUL KHRIMS LDAN DE LHA YUL 'GRO ,GDUL BAR MI NUS RTAG TU SPANGS, ,STEN PA GANG YANG CHOS BYED LA, ,DAM PA'I CHOS SEMS GTZANG MA NI, ,LHAR 'OS PA YI PHUN TSOGS LDAN, ,RIGS PAS BRTZAMS PA'I CHOS KYIS 'DI, ,SA SKYONG BA YI BDAG PO 'DI, ,SA GZHI MA LUS KUN BSNGAGS NAS, ,'THAB BRAL GYI YANG BDAG POR 'GYUR, ,DE LTAR 'THAB BRAL GYI MNGA' BDAG DE MNGON PAR MTHONG NAS NGANG PA'I RGYAL PO DUS BZANG GIS SKYE BA GZHAN DRAN PAR GYUR PAS DANG, SMON LAM GYIS KYANG DER SKYES PAS NA, GTZUG TOR CAN GYIS GSUNGS PA RNAMS MU SU LUNDHA DE KUN TU DGA' BAR BYA BA'I DON DU BSTAN PA YIN NO, ,GNAS 'DI NI, DE LTAR RNYED PA MA YIN GYI, CHOS CHEN PO'I KHYAD PAR GYIS GNAS 'DI 'THOB PAR 'GYUR BA YIN NO, ,DE THOS NAS KYANG GANG DAG BAG MED PAS MI 'PHROG PA DE NI, PHYIS 'GYOD PAS GDUNG BAR MI 'GYUR RO, ,'CHI BA'I DUS NA'ANG DMYAL BA'I PHO NYA BZHIN RNAM PAR
SGYUR BAR BYED PA RNAMS 'DI'I SDUN NA NGES PAR GNAS PAR MI 'GYUR RO, ,DE 'THAB BRAL GYI BDAG PO KHYOD NI, BAG MED PA MA YIN ZHING BAG MED PAS RGYU BA MA YIN PAS KHYOD NGA'I SGRA GANG THOS PAR GYUR NAS YUL RNAMS THAMS CAD YONGS SU SPANGS TE CHOS NYAN 'DOD PAS GDUNGS NAS 'DIR 'ONGS SO, ,GANG DAG SDUG BSNGAL BAS CHOS LA SPYOD PA DE DAG NI, BDE BAR SGRUB PA YIN LA, GANG DAG BAG MED PAS YONGS SU 'PHROG PAS NA, LHA'I YUL RNAMS LA LONGS SPYOD PAR BYED PA DE DAG NI; SDUG BSNGAL BA YIN NO, ,DE LA MU SU LUNDHA KHYOD 'DOD PA'I DBANG GIS MI 'GRO BA GANG YIN PA DE NI, 'DIR BDE BA YIN LA, LHA GZHAN YANG GANG DAG KHYOD LA MTHUN PAS RJES SU 'BREL BA RNAMS NI, MU SU LUNDHA DE DAG RNAMS KYANG SKYE BA 'DI LA DGE BA'I BSHES GNYEN BSTEN PA LAS NA RTAG TU BDE BAR 'GYUR BA YIN NO, ,SDIG PA'I GROGS PO RNAMS STEN PAR MI BYED PA'ANG STE, DE LA MU SU LUNDHA KHYOD NI, DE DAG NYID BYED PA YIN PAS LHA 'DI DAG RNAMS LA GCES PAR BYA BA YIN NO, ,DES DE DAG RNAMS GNYIS KA'ANG JI LTA BA BZHIN DU MYA NGAN LAS 'DAS PA'I MTHAR THUG PA'I BDE BA RNAMS 'BYUNG BAR 'GYUR RO, ,GANG GI PHYIR KHYOD RNAMS THAMS CAD KYANG RANG
, ,GI SA LA 'GRO BAR GYIS SHIG ,KHO BO'ANG LHA GZHAN GANG DAG BAG MED PAR 'GYUR BA DE DAG RNAMS KYI BAG MED PA GDUL BA'I DON DU BDAG GIS BRTZON PA GANG DAG BYA'O, ,DE SKAD CES BRJOD NAS RI'I PHRENG BA DE'I NAM MKHA' LA 'PHAGS PAR GYUR TO, ,MU SU LUNDHA YANG DES BSHAD PA LA MNGON PAR DGA' BAR GYUR NAS LHA RDZAS KYI KHANG BZANG DE NYID LA MNGON PAR ZHON ZHING, LHA DE DAG RNAMS KYIS DE YONGS SU BSKOR NAS NAM MKHA'I DKYIL DU 'PHAGS SO, ,LHA GZHAN DE DAG RNAMS KYANG LHAN CIG RJES SU SPYOD PA'I LHA DE DAG RNAMS NYID KYIS YONGS SU BSKOR NAS RTZE MO STONG PA'I RI'I PHRENG BA'I RI GANG YIN PA'I RI LA RTZE BAR BYED DE, DE DAG KHO NA BZHIN DU BAG MED PA'I DUG GIS KUN TU RMONGS PAR GYUR CING, YUL SRED PAS NYE BAR BCOM PAS NAGS DANG NYE BA'I NAGS DANG RDZING BU DANG PADMA'I NAGS DANG MTSO CHEN PO RNAMS DANG, DE'ANG DPAG BSAM GYI SHING GI NAGS RNAMS LA'ANG DE KHO NA BZHIN DU PHAN TSUN DU GROGS KYI BYA BA DANG LDAN PAS DGA' BAR BYED DO, ,RTZE BAR YANG BYED PA NI, LHA RDZAS RNGA SKAD YAN LAG LNGA DANG LDAN PA DPE MED
PAS ZAS SKOM GYI CHU KLUNG RNAMS LA DGA' BAR BYED DO, ,LHA RNAMS RTZE BA'ANG DUS THAMS CAD KYI ME TOG DANG, 'BRAS BU DANG, BYA DAG SGRA KUN NAS SGROG PA PHUN SUM TSOGS PA RNAMS LA RANG GI LAS KYIS SPRUL PA'I BDE BA MCHOG LA NYE BAR LONGS SPYOD PAR BYED DE, YID DU 'ONG BAR 'GYUR BA BYAS SHING BSAGS PA'I LAS RNAMS JI SRID DU ZAD PAR MA GYUR GYI BAR GYI DUS DE SRID DU'O, ,GANG GI TSE ZAD PAR GYUR PA DE'I TSE JI LTAR BYAS PA'I RANG GI LAS RNAMS KYIS DMYAL BA DANG YI DVAGS DANG DUD 'GROR SKYE BAR 'GYUR RO, ,GANG YANG MI RNAMS DANG SKAL BA MTHUN PAR GYUR PA MI RNAMS KYI NANG DU SKYES NA, DE MCHOG TU SKYID DE BAR 'GYUR RO, ,RGYA MTSO'I NGOS RNAMS SU'AM, 'BAB CHU RNAMS KYI'AM, TSONG PA'AM, SEMS STOBS DANG LDAN PA DANG, RGYAL PO RNAMS THAMS CAD KYIS KYANG RGYA MTSO'I NGOS DE NYID LA RAB TU RGYU BAR MI BYED PA DANG LONGS SPYOD CHE BA'I MCHOG DANG LDAN PA DANG SKYE BO THAMS CAD PHUN SUM TSOGS PAR 'GYUR ZHING MTHUN PA DANG YID DU 'ONG BA DANG LDAN PAR LAS DE'I RGYU MTHUN PAS 'GYUR RO, ,GZHAN YANG DGE SLONG LAS KYI 'BRAS BU RNAM PAR SMIN PA SHES PA DE 'THAB BRAL BA'I LHA RNAMS KYI SA LA KUN TU LTA BAR BYED PA NA,
, ,'THAB BRAL GYI LHA RNAMS KYI SA RTAG TU BDE BA ZHES BYA BA JI LTA BA BZHIN DU YOD PA DES THOS PA LAS BYUNG BA'I SHES RAB KYIS SHES SO; ;DER LAS GANG GIS SEMS CAN RNAMS SKYE BAR 'GYUR BA'ANG DES MTHONG BA NI, GANG GIS SROG GCOD PA DANG MA BYIN PAR LEN PA DAG BYED PAR MA GYUR PA NI, SNGA MA BZHIN TE, 'DOD PA LA LOG PAR G-YEM PA'ANG THAMS CAD DU SPANGS PAR GYUR PAS CUNG ZAD CIG KYANG BUD MED KYI GZUGS LA MNGON DU LTA BA DANG SEMS PAR MI BYED DO, ,YID KYIS KUN TU RTOG PAR MI BYED DO, ,KYE GZUGS 'DI NI, JI LTAR 'DOD CHAGS DANG BCAS PA RNAMS LA MCHOG TU SDUG PA YIN ZHING, BUD MED CHE GE MO NI, MCHOG TU BSTEN PAR MDZES PAR GYUR PA STE, GZUGS 'DI NI, MCHOG TU DGA' BA YIN ZHES PA 'DI NI, TSUL BZHIN MA YIN PA YID LA BYED PAS RAB TU RNAM PAR RTOG PAR BYED PA YIN PA DANG, YID 'DOD CHAGS DANG LHAN CIG TU 'GROGS PAR GYUR PAS DANG, SEMS KUN TU BCOM PAS DANG, LAM DER ZHUGS PA YIN PA'I YID LA BYED PA DE LTA BU RNAMS KYI 'DOD CHAGS DANG LHAN CIG 'GROGS
PA'I SDUG BSNGAL YANG YONGS SU SPONG BAR BYED DO, ,BDAG NYID KYI RNAMS KYANG YONGS SU SPONG BAR BYED PA SKYUG BRO BA YIN PAR LTA BAR BYED DO, ,DGA' BA SKYED PAR MI BYED DO; ;SA RNAMS SKYED PAR MI BYED PA'I BLO SKYED PAR BYED DO, ,GZHAN DAG RNAMS LA'ANG DE LTAR 'DOD PA LOG PAR G-YEM PA NYE BAR STON PAR BYED DO, ,LAM LA RAB TU 'GOD PAR BYED DO, ,'DOD PA RNAMS KYI NYES DMIGS RAB TU STON PAR BYED DO, ,SRED PA RNAMS LA'ANG KUN TU 'DOD CHAGS PAR MI BYED DO, ,DE LTAR 'DOD PA LA LOG PAR G-YEM PA RNAM PAR SPONG BAR BYED PA DE NI, LUS KYI LAS KYI MTHA' RNAMS MCHOG TU DAG PA YANG DAG PA'I LTA BA CAN BRKAM CHAGS MED PAR 'GYUR BA DE'I LUS ZHIG NAS SHI BA'I 'OG TU YANG MTHO RIS BDE 'GRO'I 'JIG RTEN PA 'THAB BRAL GYI LHA RNAMS KYI SA RTAG TU BDE BAR SKYE'O, ,DE LA SKYES PAR GYUR PA DE'ANG SRID PA BAR MA DO NAS BZUNG NAS DBANG PO LNGA PO RNAMS SGRA DANG REG BYA DANG RO DANG GZUGS DANG DRI PHUN SUM TSOGS PAS TSIM PAR BYED DE, DGE BA'I LAS RGYA CHEN PO DANG LAS RGYUN MI 'CHAD PAR BYAS PAS LEGS PAR SKYE BA YIN NO, ,DE'I RJES THOGS LA 'DI SKYE BA'I GNAS RNAMS KYANG GSUM DU SKYE BAR 'GYUR
, ,BA YIN TE, RDZUS TE SKYE BA LA 'DI LTA STE, PADMA'I SNYING PO LA'ANG SKYE BAR 'GYUR BA DANG, AUTPA LA'I ZE BA'I DBUS SU DANG, MAND'A RA'I ME TOG DAG GI'ANG DBUS SU'O, ,DE LA GANG YANG AUTPA LA'I ZE BA'I DBUS SU'AM, MAND'A RA BA'I ME TOG GI DBUS SU'ANG SKYES PAR GYUR PA RNAMS NI, DE DAG GI GZI BRJID KYIS DE DAG GI KHA DOG RNAMS DE DAG DANG ZHAD 'DRA BAR 'GYUR BA YIN PA LA, GAL TE NA LEB RGAN NO, ,GAL TE NA SNGON PO'I 'OD DANG LDAN PAR 'GYUR BA YIN NO, ,DE BZHIN DU KHA DOG SNA TSOGS PA RNAMS SU 'GYUR RO, ,AUTPA LA DE JI LTA BA KHO NA BZHIN DU RIN PO CHE BDUN GYIS RNAM PAR BKRA BAR GYUR PA'I LUS SU'O; ;DE LA JI LTAR NA RIN PO CHE BDUN GYIS RNAM PAR BKRA BAR GYUR PA YIN NA, GANG DAG NI, BEEd'URYA'I MDOG GI SPU DANG, DE BZHIN DU MIG 'BRAS DAG KYANG NGO, , DNGUL GYI MDOG GI SEN MO DANG, DMAR PO DANG LDAN PA'I MDOG CAN MU TIG GI SO DANG DZAMBU CHU BO DAG PA'I GSER GYI MDOG GI LUS DANG, AINDRA N'I LA'I MDOG DANG MTSUNGS PAR GYUR PA'I SPU'I PHRENG BA DANG, SA RA KA 'DRA BA'I BYUG PA DANG LDAN PAR RNAM PA DU MAR 'DI LUS RNAM PAR BKRA BAR BYAS PA NI, LAS
GANG YIN PA DES PADMA'I SNYING PO LAS SKYE'O, ,DE LA DE DAG RNAMS PHAL CHER NI, DE DAG DANG MTSUNGS PA'I KHA DOG DZAMBU'I CHU BO'I GSER SBYANGS PA YIN NO, ,SKRA RNAMS NI; AINDRA N'I LA DANG MTSUNGS PA'I MDOG DANG, PADMA R'A GA CHA 'DRA BA'I MCHU DANG, MU S'A RA DANG 'DRA BA'I MIG 'BRAS DANG, PADMA R'A GA DANG ZHAD 'DRA BA'I SEN MO DANG, MCHOG TU NAG PA'I SPU'I PHRENG BAR GYUR PA MU S'A RA DANG 'DRA BA RNAMS SO, ,DE LA CUNG ZAD KYANG MA MTHONG BA RNAMS DPES GZHAL BA YIN NO, ,GZHAN GANG DAG MAND'A RA BA'I ME TOG GI NANG DU SKYE BAR 'GYUR BA DE DAG RNAMS NI, SNA TSOGS PA'I GZUGS DANG CHA BYAD DAG GIS RNAM PAR BKRA BAR BYAS PAR GYUR PA'ANG DE DAG LA BSTEN PA'I DBANG GIS SO, ,DPER NA, CUNG ZAD TZAM ZHIG 'DRA BAR GYUR PA NI, GANG ZHIG MNGON DU JI LTA BA BZHIN GYI RNAM PAS SRIN BU DAG JI LTAR SNYING POR BRJOD PA LAS SKYE BAR 'GYUR BA NA DE LTA BU NYID KYI KHA DOG TU 'GYUR RO, ,'DI'I YON TAN YANG BSTEN GROGS GYIS BYAS PA KHO NA YIN LA, BSTAN GROGS KYANG DGE BA DANG MI DGE BA YIN NO; ;DE'I PHYIR THAMS CAD DU BSTEN GROGS BYAS PA LAS THAMS CAD 'GYUR RO, ,DE LAS SKYES PA'I LHA DE DAG RNAMS NI, BDE BA RGYA CHEN PO RNAMS KYIS YONGS SU
, ,GANG BA'I MTHO RIS KYI BDE BAS 'PHEL BAR 'GYUR BA NA, RAB TU RGYA CHE BAR GYUR PA'I LHA RDZAS PHAL CHE BA RNAMS KYIS YUD TZAM LA'ANG DU MAR SHIN TU MANG BA'I LHA RDZAS KYI BYE BRAG RNAMS KYI DE DAG RNAMS KYI BDE BA RNAMS NI, RNAM PA THAMS CAD KYI THAMS CAD DU PHYOGS GCIG KYANG RTOGS PAR BYED PA'I DPES GZHAL BAR BYA BA DANG BRAL BA YIN NO, ,DE DAG RNAMS LAS CUNG ZAD CIG MNGON PAR BRJOD PA YIN NO, ,DE'ANG DPER NA, RGYA MTSO'I CHU RNAMS LAS THIGS PA GCIG NYID YIN PA DE BZHIN DU 'DI'ANG YIN NO, ,GANG DAG GIS LEGS PAR BYAS PA'I LAS RNAMS BYAS PAR GYUR PA RNAMS DGE BA'I LAS RNAMS LA DE RTAG PA KHO NAR RAB TU SPRO BAR 'GYUR BA'I RGYU GANG GIS LEGS PAR BYAS PA'I LAS DANG 'BRAS BU DAG RTOGS PAR 'GYUR BA YIN NO, ,NYE BAR LONGS SPYOD PAR BYA BA RNAMS LA MNGON PAR ZHEN PAS KYANG LEGS PAR BYAS PA'I LAS RNAMS BYED PA YIN NO, ,DE BZHIN DU THAR BA LA'ANG BRTZON PA'I BLO'ANG YIN TE, SRID PA RNAMS NA SDUG BSNGAL DU MAS MNGON PAR BCOM PA RNAMS DANG, SRED PA'I YUL DAG GIS NYE BAR BCOM PA RNAMS LA SRID PA NA BDE BA CUNG ZAD CIG TZAM
YANG YOD PA YIN NAM, DE LA RGYU 'DI DAG GIS LEGS PAR BYAS PA'I LAS RNAMS KYI 'BRAS BU BSTAN PA YIN GYI, 'DIR SRID PA LA MNGON PAR ZHEN PAR GYUR PA 'DI LAS NI, LHA RNAMS KYI BDE BA MNGON PAR BSNGAGS PA MA YIN NO, ,DE NAS LHA'I SA DE DAG TU SKYES PA'I LHA RNAMS NI, RTAG PA NYID DU LHA RDZAS KYI 'DOD PA'I YON TAN LNGAS RTZES PAR GYUR PA DANG, LHA MO'I 'GRO BA PA BRGYA STONG RNAMS KYIS GLU NYE BAR BLANGS PAR GYUR PA RNAMS NI, LHA RDZAS KYI NAGS DANG NYE BA'I NAGS MTSO DANG MTSO BRAN DAG TU'ANG NYE BAR LEN PAR BYED DO, ,PHAN TSUN DU GROGS SU GYUR PA RNAMS RANG GI LAS LA LONGS SPYOD PA DANG LDAN PAS RI NGOS RNAMS DANG, RI BO DANG, MTSO BRAN DANG, PADMA'I RDZING BU DANG, NAGS DE DAG RNAMS KYI BDE BA RGYA CHEN PO RNAMS LA LONGS SPYOD PAR BYED PAS LHA DANG LHA MO'I TSOGS KYI BDE BA DANG NYE BAR LDAN PA, RANG GI 'OD DANG LDAN PA'I LHA DANG LHA MO'I TSOGS KYIS YONGS SU BSKOR BA DE DAG RNAMS DANG DGA' BAR BYED DO, ,YUL NAS YUL DANG, NYE BA'I NAGS NAS NYE BA'I NAGS DANG, CHES DGA' BAR GYUR PA NAS CHES DGA' BAR GYUR PA DAG DANG, RIN PO CHE BDUN GYI RANG BZHIN GYI RTZE MO RNAMS NAS RIN PO CHE BDUN GYI RANG BZHIN GYI RTZE MO RNAMS SU
, ,'DOD PA'I SRED PA RNAM PAR NGOMS PA MED PA RNAMS KYIS RNAM PAR RGYU BAR BYED DO, ,DE DAG GIS SNGA NA MED PA'I PADMA'I RDZING BU MDZES PA RNAMS RTAG TU LEGS PAR MTHONG BA DANG, GLU'I SGRA RNAMS LA'ANG SHIN TU CHAGS PA DANG, LHA RDZAS KYI RO LA MYANG BAR BYED PA DANG, LHA RDZAS GI GOS DANG SMAD G-YOGS DAG GIS KHYAB PAR BYAS PA DANG, LHA RDZAS KYI DRI YID KYIS RJES SU MTHUN PA RNAMS SNOM PAR BYED PAS KYANG DUS YUN RING BA LAS RING BAR 'GRO BAR BYED DO, , 'DOD PA KUN NAS SAD PA DE DAG RNAMS NI, PHAN TSUN DU SNYING KUN NAS CHAGS PA RNAMS YIN NO, ,PHAN TSUN DU SNYING KUN NAS CHAGS PA DE DAG RNAMS LA 'DOD PAS LAS LEGS PAR SAD PAR BYED PA ZHES BYA BA'I BYA DAG GIS TSIGS SU BCAD PA BRJOD PA JI LTAR, THAMS CAD THAMS CAD 'BYUNG THAMS CAD, ,PHUNG PO GSUM DU NGES PAR 'GYUR, ,BYIS PA RNAMS KYANG 'KHOR BA LA, ,KUN NAS SKYO BA SKYE BA'ANG MIN, ,THAMS CAD THAMS CAD DU THAMS CAD, ,DU MA'I THABS KYIS RAB BRTZON PAS; ;'CHI BDAG DUS NI MI ZAD PA, ,BYUNG BA LA NI SKYABS YOD MIN, ,RGYUN CHAD BDE BA THAMS CAD RNAMS, ,SDUG BSNGAL 'BYUNG GNAS CHEN PO RNAMS, ,'BREL
BA THAMS CAD 'BRAL BYED PA, ,'CHI BDAG CES NI MNGON PAR BRJOD, ,'BYUNG GNAS 'JIGS PAR NYER KHRID PA'I, ,SDUG BSNGAL RNAMS NI RGYA MTSO MTSUNGS, ,BLO RNAMS RNAM PAR RMONGS BYED PA, ,'CHI BDAG CES NI 'DI LA BRJOD, ,SROG DANG RE THAG KUN NAS GCOD, ,DBANG PO RNAMS KYANG 'JIGS BYED PA, ,SEMS CAN KUN GYIS BZLOG MI NUS, ,'CHI BDAG CES NI MNGON PAR BRJOD, ,'BYUNG PO KUN GYIS THUB MIN DANG, ,LAS RNAMS KUN GYIS RGYAL MIN PAS, ,SEMS CAN THAMS CAD RNAM 'JOMS PA, ,'CHI BDAG CES NI 'DI LA BRJOD, ,NGES PA KHO NAR MYONG 'GYUR DANG, ,LUS CAN THAMS CAD LTUNG BA'I MTHA', ,RIGS MTHUN 'JIG PAR BYED PA 'DI; ;'CHI BDAG CES NI MNGON PAR BRJOD, ,LHAR BCAS GNOD SBYIN DRI ZA DANG, ,SHA ZA KLU DANG SRIN PO YANG, ,DUS KYI 'KHOR LOS RNAM 'JOMS PA, ,'CHI BDAG CES NI BRJOD PA YIN, ,MA BSDAMS PA DANG BAG MED PA, ,LUS CAN KUN LA ME DANG 'DRA, ,KHRO BA YANG NI PHYIR MI ZLOG ,'CHI BDAG CES NI 'DI LA BRJOD, ,PHUNG PO SKYE MCHED 'JIG PA DANG, ,TSE DANG DROD DANG CI STE SEMS, ,DUS KYI CHOS NI SHUGS PO CHE, ,'CHI BDAG CES NI BRJOD PA YIN, ,DE LA 'DI DAG MYUR RGYUG PAS, ,LUS
, ,CAN RNAMS NI LOG PAR 'KHRID, ,DGE LEGS DAG NI 'BAR BAR GYIS, ,YID NI BAG MED PAR MA BYED, ,DE LTAR DUS SU LEGS PAR 'BOD PA ZHES BYA BA'I BYAS BAG MED PA BAG MED PAR SPYOD PAR BYED PA'I LHA DE DAG RNAMS LA 'CHI BDAG GI 'JIGS PA BDEN PAR GYUR PA NGES PAR MYONG BAR BYA BA RNAMS STON PAR BYED DO, ,DE DAG RNAMS DE LTAR THOS PAR GYUR KYANG LHA BAG MED PAR SPYOD PA DE DAG RNAMS JI LTAR MA THOS PA KHO NA BZHIN DU SKYO BAR YANG MI 'GYUR TE; RANG BZHIN GYIS KYANG DBANG PO RNAMS NI, G-YO BA YIN LA, KHYAD PAR DU YANG GANG DAG BDE SKYID CAN DE DAG RNAMS NI, CHOS KYANG G-YO 'GYUR CAN YIN PA'I PHYIR DANG, KHYAD PAR DU'ANG LHA RNAMS NI, RTAG TU BDE BAS RGYU BA YIN PA'I PHYIR RO, ,DE LA RGYU 'DI DAG GIS NA LHA DE RNAMS LA YANG DAG PAR DANG, DE KHO NA DANG PHAN PA DANG SNYING PO DANG JI LTAR BA'I DON RNAMS BRJOD PAR GYUR BA NA'ANG KUN TU RTOGS PA MA YIN NO, ,DE DAG RNAMS LAS NGES PAR RTOGS PA DE DAG RNAMS KYANG MI 'DZIN TE, YUL GYI SRED PA'I DUG GIS RNAM PAR 'KHRUL BAR BYAS PA'I PHYIR RO, ,DE LA RGYU 'DIS KYANG LHA DGU YANG DAG PAR GYUR BA RNAMS MI 'DZIN TO, ,
DE LTAR RTZIS BTAB MA BYAS PAR SLAR YANG DE KHO NA BZHIN DU RGYA CHEN PO MNGAR MO'I YUL GYI BDE BA RNAMS LA DGA' BAR BYED DE, RNAM PA SNA TSOGS PA'I BDE BA'I CHU PO RNAMS LA RGYU BAS DE DE BZHIN DU SLAR YANG RNGA SKAD YAN LAG LNGA DANG LDAN PA'I 'GYING BAS RGOD LA GLU DANG ROL MO'I SGRA RNAMS KYIS RAB TU DGA' BAS NAGS DANG NYE BA'I NAGS KYI SA GZHI RNAMS LA DANG, RDZING BU DANG TSANG TSING GI NAGS RNAMS LA LHA DANG BCAS NAS DGA' BAR BYED DO, ,LEGS PAR BYAS PA'I LAS RNAMS KYIS KYANG 'DIR DGA' BAR BYED DO, ,DE DAG RNAMS RIN PO CHE RNAMS KYI YUL DU MA RNAMS LA DANG, RI'I RGYAB RIN PO CHE BDUN GYIS RNAM PAR BRGYAN PA RNAMS LA DANG, RTAG TU KHYAD PAR DU DGA' BA'I BDE BAS RNAM PAR RGYU BA RNAMS LA DANG, 'DOD PA THAMS CAD PHUN SUM TSOGS PAS BSKYED PA RNAMS LA DANG, MCHOG TU SKYID PA RNAMS LA'ANG RNAM PA SNA TSOGS PAR RNAM PAR BKRA BAR BYAS PA'I SA GZHI'I CHA DGA' BAR GYUR BA RNAMS LA DANG, SA GZHI'I CHA RNAMS LA'ANG RTAG TU SKYED MOS TSAL DU RAB TU DGA' BA'I YID DANG LDAN PA YIN NO, ,LHA MO'I TSOGS RNAMS KYIS YONGS SU BSKOR NAS LHA DE DAG RNAMS KYANG
, ,ZAS DANG SKOM GYI SA RNAMS SU DGA' BAR BYED PAR 'GYUR RO, ,'DOD PA THAMS CAD PHUN SUM TSOGS PA DE DE KHO NA BZHIN DU RNAM PAR ROL PAR GYUR PA NA, SKYED MOS TSAL GYI LTAD MO'I DBANG DU BYAS NAS PHAN TSUN LHAN CIG TU GYUR NAS GNOD PA MED PAR DON GCIG PA RNAMS RTAG TU'ANG PHAN TSUN GYI RJES SU MTHUN PAR BYED PA DE LA SONG BA'I YID CAN RNAMS RNGA SKAD YAN LAG LNGA DANG LEGS PAR LDAN PAR GYUR NAS KUN DGA' BAR BYED DO, ,DE DAG DGA' BAR GYUR BA LAS NAM ZHIG NA RNAM PAR RGYAS PA ZHES BYA BA'I 'JUG NGOS SU NYE BAR 'GRO BAR BYED DE, 'JUG NGOS DE'I YANG NYE 'KHOR NI, DPAG TSAD BRGYA PA'O; ;DE DAG THAMS CAD KYANG RIN PO CHE BDUN GYI RANG BZHIN GYI RNAM PAR BKRA BA'I CHA SHAS KYIS RNAM PAR BKRA BAS RIG PAR MTHONG BA'I BEEd'URYA'I YU BA ZHES RDO RJE SHIN TU PHRA BA RNAMS KYI ZE 'BRU CAN GYI RAB TU KHA BYE BA'I PADMA CHEN PO RNAMS KYIS KUN TU KHYAB PAR GYUR PA STE, DE'ANG SNGA NA MA MTHONG BA DES MNGON PAR MTHONG NAS LHAS MCHOG TU NGO MTSAR BAR GYUR BA'I CHES DGA' BA'I MTHO RIS DE DAG LA LHA DE DAG GIS SNGA NA MA MTHONG BA MNGON PAR MTHONG ZHING DE LAS GZHAN
PA'I NGO MTSAR BA RNAMS DANG, MTHONG NA MCHOG TU DGA' BA RNAMS KYANG MNGON PAR MTHONG NAS LHA DE PHYIR ZHING NYID DU BRGYA 'GYUR GYIS KYANG CHES RAB TU DGA' BA'I YID KYIS PHAN TSUN DU MNGON PAR LTA BAR BYED CING G-YOG KYANG BYED PA NA YUL GCIG NA DGA' BAR GYUR BA DANG, RNAM PAR DGA' BAR GYUR BA SHIN TU KHA BYE BAR GYUR PA'I PADMA CHEN PO DE DAG RNAMS KYIS MTHONG BAR GYUR NAS PHAN TSUN DU RJOD PAR YANG BYED DE, LHA DAG JI LTA BA BZHIN DU 'DI LTA BAR GYIS DANG MTHO RIS MA LUS PA RNAMS LA 'DI NGO MTSAR BAR GYUR BA DANG, MCHOG TU DGA' BAR GYUR PA'ANG YIN LA, GANG DAG SNGAR NAM YANG MTHONG MA MYONG BA RNAMS KYI RNAM PA DE SRID DU MTHONG NA NGO MTSAR BAR GYUR BA 'OD KYI MCHOG DANG LDAN PA DE NA BUNG BA RNAM PA DU MA'I RIN PO CHE BDUN GYIS RNAM PAR BKRA BA'I LUS CAN RNAMS KYIS NYE BAR MDZES PAR BYAS PA'O, ,KHA BYE BAR GYUR BA'I PADMA CHEN PO DE LA'ANG PHAN TSUN DU BLTA BAR SDUG PAS NA PADMA CHEN PO LA RTZED MO RTZE BAR BYED DO, ,MTSO DE'I NYE 'KHOR RNAMS NA RAB TU KHYAB PA NI, JI LTAR CUNG ZAD TZAM PA RNAMS KYANG DGE LEGS SU GYUR PA RNAMS YIN TE, RNAM PAR RGYAS PA'I MTSO CHEN PO DE'I CHUR NI,
, ,CUNG ZAD CIG MTHONG NGO, ,'GRAM GYI NYE 'KHOR RNAMS NA YANG MU TIG GI RANG BZHIN GYIS KHA'I MTSAMS RNAMS BSGRON PA DANG, AINDRA NI LA DANG PADMAR GA DANG DNGUL GYI RANG BZHIN GYI KHA KHYER DANG KHA KHYER RNAMS KYI CHA SHAS RAB TU RNAM PAR PHYE BA SHIN TU BLTA BAR SDUG PA DANG LDAN PA YIN NO, , 'DI DAG GI DBUS NA YANG PADMA CHEN PO GANG YIN PA'I SNYING PO DANG BCAS PA'I 'PHANG DU NI, DPAG TSAD LNGA'O, ,RGYAR NI, DPAG TSAD BCU YIN LA LEGS PAR BYAS PA'I LAS BYAS PA'I LHA RNAMS KYI JI LTA BA 'DOD PA BZHIN DU RGYA CHEN BAR 'GYUR BA NI, MA GTOGS TE, RGYA CHE BA'I DBANG DU BYAS NAS NI, JI LTAR 'DOD PAR LHA DE DAG RTZE BAR 'GYUR BA DE BZHIN DU'ANG PADMA CHEN PO DE KHA DBYE BA DANG 'KHUM BAR YANG 'GYUR RO, ,LHA RNAMS KYIS KYANG JI LTAR KUN TU RTOG PAR BYED PA DANG, GANG YANG KUN TU RTAG PAR BYED PA DANG, RNAM PAR GANG DAG GIS KYANG KUN TU RTOG PAR BYED PA NA DE DAG RNAMS THAMS CAD KYANG MTSO CHEN PO DE DANG, PADMA CHEN PO DGU LAS RNYED PAR 'GYUR RO, ,DE LTAR NA'ANG MTSO CHEN PO DE NI, KUN BRTAGS PAR DGA' BA ZHES BYA BA YIN PA DANG, PADMA DE'ANG KUN BRTAGS PA'I
PADMA ZHES BYA BA YIN TE, DE DAG GNYIS KYI MING YIN NO, ,DES NA LHA DE DAG RNAMS GANG DANG PO NYID KHO NAR MTSO DE DANG PADMA 'DI ZHES DE DAG GNYIS KA'I MING DU BYED PA YIN NO, ,DE NAS LHA DE DAG RNAMS THOG MA NYID KHO NAR MTSO DE GANG YIN PA DE MTHONG BAR GYUR NAS DE BRGYA 'GYUR GYIS LHAG PAR CHES RAB TU DGA' BAR 'GYUR BA'I YID KYIS MTSO DE'I 'GRAM DU GAR BYED PA DANG, 'GYING BAG KYANG BYED DO, ,GLU'ANG LEN PAR BYED DO, ,PHAN TSUN G-YOG BYED PAR GYUR CING RNGA SKAD YAN LAG LNGA DANG LDAN PAS DE LTAR LHA RDZAS KYI 'DOD PA RNAMS LA NYE BAR LONGS SPYOD PAR BYED DO, ,RANG GI LEGS PAR BYAS PA'I LAS BYAS PA DE DAG RNAMS MTSO LA DUS DE SNYED DU RTZED MO BYAS NAS PHYIS NYID KYANG MYOS PA'I SKYON RNAMS DANG BRAL BA DANG, MYOS PA'I YON TAN RNAMS DANG LDAN PA'I BTUNG BA DAG 'THUNG BAR BYED PA RNAMS LA JI LTAR 'DOD PA BZHIN DU BSIL BA DANG, JI LTAR 'DOD PA'I DRI RNAMS DANG, JI LTAR 'DOD PA'I KHA DOG RNAMS DANG, JI LTAR 'DOD PA BZHIN GYI SNOD KYI DBYIBS DANG RIN PO CHE'I RANG BZHIN GYI YON TAN RAB KYI MCHOG GIS KUN NAS GANG BA'I BTUNG BA'I MTSO CHEN PO DE NYID KYI DRUNG NAS BYUNG NAS MA
, ,LUS PA RNAMS LA 'GRO BAR BYED PA DANG GANG DAG YIN PA'I LHA DE DAG RNAMS 'THUNG BAR BYED DO, ,GZHAN YANG THAG NYE BA NA GNAS PA'I LHA GZHAN DAG RNAMS KYANG MTSO CHEN PO DE NYID DU SONG NAS GAR BYED PAR GYUR PA NA BDUD RTZI'I KHU BA DAG LHA RDZAS KYI DRI DANG RO DANG REG BYA DANG KHA DOG MCHOG DANG LDAN PA RNAMS DE DAG GIS MTHONG BAR GYUR NAS DE DAG RNAMS LA DGA' BA'I YID KYIS RTZE BAR BYED DE, ZAS BZA' BAR 'DOD PAS DE DE DAG RNAMS KYI DRUNG DU NYE BAR PHYIN NAS BDUD RTZI DE DAG MID PAR BYED DO, ,DE YANG LAG TU BLANGS NAS SAM, SNOD DU BCUG NAS KYANG RUNG STE, JI LTAR LAS KYI RJES SU MTHUN PA'I CHA 'DRA BA RNAMS YIN NO, ,DE DAG MID PAR GYUR NAS SLAR YANG GANG KHO NA MTSO DE NYID YIN PA DER NYE BAR LEGS PAR PHYIN PA NA, DES MTHONG BA NI, PADMA CHEN PO DE'I 'OD ZER RNAMS DANG LDAN PA'ANG NYI MA BRGYA STONG RNAMS PAS CHES LHAG PAR 'BAR BAR GYUR PA GANG LA MTHO RIS KYI RIN PO CHE'I 'OD RNAMS THAMS CAD KYIS BCU DRUG CHAR YANG MI PHOD PA YIN NO, ,DE NAS LHA DE DAG GIS PADMA CHEN PO DE KUN NAS MNGON PAR MTHONG BAS MCHOG GI RAB
TU DGA' BA'I YID KYIS LHA'I TSOGS RNAMS KYIS YONGS SU BSKOR NAS RNGA SKAD YAN LAG LNGA DANG LDAN PAS GAR BYED PAR GYUR CING MTSO CHEN PO RNAMS PAR RGYAS PA DE'I NYE 'KHOR RNAMS KUN TU YONGS SU 'CHAG GO ,DE DAG RNAMS JI LTA JI LTAR YONGS SU 'CHAG PAR BYED PA DE LTA DE LTAR PHYIR ZHING NYID KYANG MCHOG TU BLTA NA SDUG PA RMAD DU BYUNG BA'I KHYAD PAR GZHAN RNAM PA SNA TSOGS PA RNAMS MTSO DE DAG TU LEGS PAR MTHONG NGO, ,PADMA CHEN PO DE'I RNAM PA DE LTA BU RNAMS GANG ZHE NA, 'DI LTA STE , DGA' BAR GYUR BA DANG, NGO MTSAR BAR GYUR PA RNAMS LA KHA CIG NI, PADMA CHEN PO 'DI'I STENG NA MDOG DANG DBYIBS SNA TSOGS PA'I BUNG BA RNAMS TE, RIN PO CHE BDUN GYI RANG BZHIN GYI GSHOG PA CAN GYI BUNG BA DANG BUNG BA MO DAG LHAN CIG TU DGA' BAR SPYOD DO, ,DE KHO NA BZHIN DU RIN PO CHE BDUN GYI RANG BZHIN GYI BUNG BA MO DE DAG DANG BUNG BA DE DAG RNAMS LHAN CIG TU ME TOG GI RTZI DPE MED PA'I RANG BZHIN GYI PADMA'I RTZI RNAMS 'THUNGS PAR GYUR PA NA TSIGS SU BCAD PA BRJOD PA JI LTAR, RNAM PA SNA TSOGS LAS BSKYED PA'I, ,SNA TSOGS 'BRAS DANG YANG DAG LDAN, ,GANG 'DI BKRA BAR 'GRO BA YI, ,SEMS KYIS JI LTAR LAGS 'DOD BZHIN,,
, ,THAMS CAD SEMS KYIS BKRA BAR BYAS, ,RNAM PAR BKRA BAR RTEN PAR BYED, ,LAS ZHIG NAS NI RNAM 'JIGS PA, ,RING PO MIN PAR 'BYUNG BAR 'GYUR, ,DPE MED PA YI BDE BA 'DI, ,GAL TE LHA RNAMS KYIS MTHONG BA, ,MI RTAG THABS 'OG NYID DU NI, ,RING PO MIN PAR TSUD PAR 'GYUR, , DBU BA DANG NI CHU'I CHU BUR, ,'DI NI SMIG RGYU'I MDOG MTSUNGS PA'O, ,RAB TU RNAM 'JIG BDE BA KUN, ,LOG LTUNG MTHAR NI 'GRO BAR 'DOD, ,ZLOG THABS MED DANG MI BZAD PA'I, ,'BYUNG PO THAMS CAD 'JIG BYED PA, ,BZLOG PAR MI NUS SHUGS CAN 'DIR, ,'CHI BDAG RGYAL PO RGYUG PAR BYED, ,BDE BA THAMS CAD 'JOMS PA DANG, ,GSON PA YANG NI BCOM NAS NI, ,KUN RTOG LAS KYIS BCINGS PA YI, ,'JIG RTEN GZHAN DU 'KHRID PAR 'GYUR, ,MI RNAMS KYI NI 'DAS DE GANG, ,DE NI BDE BAR RTOG PA MED, ,GANG YANG BDE BA 'DOD GYUR BA, ,DE YANG CUNG ZAD BGRANG MI BYED, ,SRED PA'I DUG DANG 'DRES PA YI; ;DE LTA BA YI BDE BA GANG, ,DE KUN LOG PAR LTUNG BA'I MTHAS, ,'DUS BYAS MI RTAG G-YO BA YIN, ,'JIG RTEN GSUM GYI BDE BA GANG, ,DE NYID
GZIGS PAS BSNGAGS MI MDZAD, ,DE YIS JI LTAR LHA RGYAGS 'GYUR, ,DON MED PA DANG BRAL BAR GYIS, ,LUS 'DI RING MIN NA NYAMS PAR, ,'DI NI MYUR BAR RGYUG PAR 'GYUR, ,SHING SKAM LA NI ME BZHIN DU, ,LHA GANG GIS NI CHOS SREG PA, ,BDE BA THAMS CAD SHIN TU LTUNG, ,DGE LEGS YID NI BYA BAR GYIS, ,'CHI BDAG DUS NI BYUNG GYUR NA, ,PHYI NAS 'GYOD PAR MA BYED CIG ,SKYE BA GZHAN YANG STONG PHRAG LA, ,LAS KYIS BDE BA GANG BYUNG BA, ,DE DAG GAR SONG RMI LAM BZHIN, ,BDAG CAG 'JIG BA'I MTHA' MIN NAM, ,SHING SKAM ME NI JI LTA BAR, ,BYA RNAMS BDE BAS TSIM PA MIN, ,DE PHYIR BDE LA CHAGS PA MIN, ,BDE BA MTHAR THUG 'GYUR MA YIN; ;SKOM PA'I SKYON LA CHAGS PA NI, ,'DOD PA'I SKYON RNAMS RJES SU 'DREN, ,BSAM GTAN PA YANG BAG YOD PA'I, ,DE YID BDE GANG RNYOG PA MED, ,DE THOB SHIN TU BDER 'GYUR GYI, ,SRID PA LAS SKYES PA DER MI 'DOD, ,SBRANG RTZI DANG SRED SRED JI LTAR, ,DE LTAR BDE BA SRID BDE YIN, ,DE PHYIR BDE LA CHAGS PA DANG, ,RTAG TU 'DOD PA BTZAL MI BYA, ,BDE BA SHIN TU MTHAR THUG YIN, ,DE PHYIR 'DOD BZHI BA MIN ZHES BYA'O, ,DE LTAR BUNG BA DE DAG RNAMS KYIS MNGON DU PHYOGS NAS LEGS
, ,PAR GNAS PA'I LHA DE DAG RNAMS LA LEGS PAR BYAS PA'I LAS KUN NAS BSKUL BA BRJOD PA YIN NO, ,LHA DE DAG RNAMS KYIS DE DAG GIS BSHAD PA DE LA RTZIS BGRANG MA BYAS PAR SLAR YANG MTSO DE LTA BAR BYED PA LA SHIN TU SPRO BA DANG, DE LA SONG BA'I YID KYIS LHAN CIG SPYOD PA'I 'KHOR RNAMS DANG BCAS NAS DGA' BAR GYUR BA DANG, RTZE DGA' BAR GYUR BA DANG, RGOD PAR GYUR BA DANG, GLU LEN PAR GYUR PAS KYANG YONGS SU SPYOD PAR BYED DO, ,DE DAG RNAMS KYIS DE'I CHE DUS RING DU RTZED MO RTZES NAS GZHAN YANG MTSO DE LTA BAR BYED PA LA KUN NAS MNGON DU PHYOGS PAS PHAN TSUN GROGS SU GYUR PAS MTSO DE RGAL BAR BYED DO, ,PADMA CHEN PO DE GTZANG MAR GYUR PA DANG, 'BYUNG BA CHEN PO YANG BA'I DBANG GIS DANG, LAS RNAMS KYI MTHUS KYANG YONGS SU RNAM PAR RGYU BA YIN NO, ,RANG GI LAS KYIS 'GRO BAR BYED PA DE DAG RNAMS PADMA'I 'DAB MA GZHAN LA 'CHEL ZHING CHAGS PAR GYUR PA'I KHA DOG DU MA RNAMS PAR BKRA BA'I CHA SHAS DU MAS RNAM PAR BKRA BAR BYAS PA RNAMS LA ZHEN PAR GYUR CING LHA
LHA RNAMS DGA' BAR BYED DO, ,LHAN CIG SPYOD PA RNAMS DANG BCAS PA'I PADMA'I 'DAB MA GZHAN DAG GI NAGS RNAMS SU'ANG LHAN CIG RTZE BAR BYED DO; ;KUN TU 'CHAL BA'I LHA DE DAG RNAMS NYID DANG, 'DAB MA RNAMS LA KUN TU 'DZEG PAR BYED PA'I LHA DE DAG RNAMS DANG, LHA DE DAG RNAMS JI LTA BA BZHIN DU DE LTAR YANG PADMA'I 'DAB MA DE DAG KHA 'BYE BAR 'GYUR RO, ,DGE BA'I LAS RNAMS KYI RKYEN GYIS PADMA CHEN PO DE'ANG DE KHO NA BZHIN DU KHA 'BYE'O, , SNYING PO 'ANG DE BZHIN DU JI SRID DPAG TSAD NYIS BRGYAR 'GYUR BA DANG, DE BZHIN DU GSUM DANG, DE BZHIN DU BZHI DANG, DE BZHIN DU LNGA DANG, DE BZHIN DU DRUG TU 'ANG 'GYUR TE, DE BZHIN DU DGU DANG, DE LTAR JI SRID DU DPAG TSAD STONG GI BAR DU'ANG LHA DE DAG RNAMS KYI LEGS PAR BYAS PA'I LAS KYIS 'GYUR RO, ,SNYING PO DE'ANG DE KHO NA BZHIN DU KHA 'BYE STE, JI SRID DU DPAG TSAD BRGYA'I BAR DU KHA 'BYE'O, ,MTHU STOBS 'DI DAG NI, PADMA CHEN PO DE'I YIN NO, ,'DI LA LHAN CIG SPYOD PA DANG BCAS PA'I LHA DE DAG RNAMS THAMS CAD SO SO SO SOR 'DAB MA GZHAN LA SONG NAS DGA' BAR BYED PA DANG RTZE BAR YANG
, ,BYED PA NA DE DAG RNAMS KYANG KHA 'BYE'O, ,DE NAS RTZE BAR BYED PA'I LHA DE DAG RNAMS NYID 'DI SNYAM DU SEMS TE, BDAG CAG RNAMS RTZE BAR BYED PAS 'DI LTAR RNAM PAR RGYU BA'I NYID LA GZHAN YANG GNAS PA 'DI NYID NA BZA' BA'I KLUNG DANG BTUNG BA'I KLUNG RO BZANG PO DANG LDAN PA RNAMS 'BYUNG BAR 'GYUR MOD, DE NAS SEMS BSKYED BA TZAM NYID NA DE DAG RNAMS NYID GNAS PA'I SAR BZA' BA'I KLUNG DANG BTUNG BA'I KLUNG DE DAG KYANG PADMA'I NANG GI 'DAB MA DE NYID LA RAB TU 'BYUNG BAR 'GYUR RO, ,DE DAG NYID 'DI SNYAM DU SEMS PAR GYUR TE, BDAG CAG GI BTUNG BA DANG KHA ZAS 'DI DAG LA LTOS DANG ZER NAS DE DAG LHA DAG DANG LHAN CIG TU BDUD RTZI ZA BAR BYED DO, ,DE NAS LHA DE DAG RNAMS DUS RING DU 'DA' BAR BYED DO; ;'DAS NAS NI, 'DI NYID DU RNAM PAR GNAS PA'I BDAG CAG RNAMS LA'ANG 'DAB MA'I BAR RNAMS NYID LAS RTZED MO'I NAGS 'DI DAG RNAMS KYANG LEGS PAR 'BYUNG BAR GYUR CIG ,DE NAS SEMS BSKYED PA TZAM NYID NA LEGS PAR BYAS PA'I LAS RNAMS KYI NAGS DA DAG RAB TU 'BYUNG BAR GYUR PA NI, RIN PO CHE BDUN GYIS RNAM PAR SPRAS PA'I LJON SHING RNAMS LA SNA TSOGS PA'I BYA RNAMS KYIS SGRA'I KHYAD PAR BRJOD PAS DGA' BAR GYUR BA 'KHRI SHING KUN NAS DUD PA'I KHANG PA RNAM PAR RGYAS PA DANG, ME TOG DANG 'BRAS BU DANG LO
TOG RNAMS PHUN SUM TSOGS BAS DUS DANG NAM ZLA THAMS CAD DU DGA' BAR GYUR PA DANG, KHYAD PAR DU RNAMS PA SNA TSOGS PA DGA' BAR GYUR BA'I CHU KLUR DANG, 'BAB CHU DANG, SHIN TU BLTA BAR MDZES PA'I CHU TSAG TSIG DANG RNAM PA SNA TSOGS PA'I 'BAB CHU DANG CHU BSHAL DAG GI SGRA 'UR 'UR ZAR BA RNAMS CHES DGA' BAR GYUR PA RNAMS DANG, SHIN TU RNAM PAR PHYE BA'I SA GZHI'I CHA SHAS RNAMS LA RNAM PAR DU MA SNA TSOGS PA'I DRI DANG TSAD DANG DBYIBS DANG LDAN PA'I MA TOG RNAMS NYE BAR SKYES PAR GYUR PA LA 'DI LTA STE, CHU LAS GYUR PA'I ME TOG DER SKYES PA NA, 'DI LTA STE, AUTPA LA SNGON PO DANG, KU MU DA DANG, AA MA L'A N'A DANG, N'I T'A NA DANG, LEGS PAR SPRAS PA DANG, 'DAB MA BRGYA PA DANG, G-YO BA MED PA DANG, PHUN SUM TSOGS PA DANG, LA BAL DANG, KHOR YUG DANG 'DRA BA DANG, 'OD SNANG BA DANG, BUNG BA'I MIG DANG MTSUNGS PA RTAG PAR RNAM PAR BKRA BA DANG, AINDRA N'I LA'I MDOG DANG ME TOG RNAMS THAMS CAD THAMS CAD DU SKYES PA DE LTA BU RNAMS LA SOGS PA'I CHU LAS SKYES PAR GYUR PA'I LHA RDZAS KYI ME TOG RNAMS KYIS NYE BAR MDZES PAR BYAS PA'I NAGS RNAMS RAB TU 'BYUNG NGO, ,DE BZHIN DU THANG LAS SKYES PAR GYUR PA'I ME TOG RNAMS MDOG DANG DBYIBS SNA TSOGS PAR DGA' BAR GYUR PA'I ME TOG GIS NYE BAR MDZES BAR
, ,BYAS PA RNAMS PADMA CHEN PO'I 'DAB MA'I GSEB TU ZHUGS PA'I LHA RNAMS LA PADMA CHEN PO NYID KYI NAGS LAS LEGS PAR SKYES PA'I ME TOG RNAMS KHA CIG NI; 'DI LTA STE, BDE BA'I 'OD ZER 'THAB BRAL BA RNAMS KYIS BOS PAR GYUR PA NA 'ONG BA GANG GI TSE PHOS PA NYID NA LHA MO RNAMS KYI DRUNG DU'AM, LHA RNAMS LA'ANG RTAG PAR RAB TU DRANGS BAS KHA BYE BAR GYUR PA'I MDOG GIS 'ONGS BAR GYUR TE DPAG TSAD BRGYAR DRI 'BYUNG BAR BLTA NA SDUG CING DGA' BAR GYUR PA, KHA DOG SNA TSOGS PA RNAMS LEGS PAR KHA BYE BA; DUS THAMS CAD DU RAB TU RANGS SHING GANG BAR BYAS PA, 'DAB MA DANG ZE BA RNAMS 'JAM PAS REG NA SHIN TU BDE BA, 'OD ZER THAMS CAD KYIS RNAM PAR BRGYAN BA; SA GZHI LA BLTA BAS NGOMS PA MED PA, 'DOD PA BZHIN DU DGA' BA RNAM PA DE LTA BU'I THAD LAS SKYES PA'I ME TOG RNAMS RAB TU 'BYUNG NGO, ,YANG NAGS RNAMS LA LJON SHING LAS GYUR PA'I ME TOG RNAMS NI, 'DI LTA STE, MAND'A RA BA'I ME TOG KYANG BTOG PAR SLA BA DANG, REG BYA DANG RO DANG DRI DANG KHA DOG KYANG DGA' BAR GYUR PA DANG, KI TA K'A DANG, TZAMPA KA'I ME TOG DANG, KLU GZHON NU'I LCE DANG, RNYING PA DANG GSAR PA'I MA LI KA DANG, YID BDE BA DANG YOD PA PA DANG, DRAS CHIM PAR BYED PA DANG THAMS CAD LAS
DGA' BAR GYUR PA'I RI'I PHRENG BA DANG RTZE MO DGA' BAR GYUR PA RNAMS LAS, RNAM PA DE LTA BU'I ME TOG DANG SHING LJON PA DANG 'KHRI SHING DANG SHING GEL PA RNAMS LAS RAB TU SKYES SHING LEGS PAR BYUNG BAR GYUR PA NI, PADMA'I NANG GI 'DAB MA RNAMS LA ZHUGS NAS RTZE BAR GYUR PA'I LHA DE DAG RNAMS KYI LEGS PAR BYAS PA'I LAS KYI MTHU LAS YIN NO, ,DE NAS LHA DE DAG LHAN CIG SPYOD PA'I 'KHOR DANG BCAS PA RNAMS NAGS DE DAG RNAMS DANG, PADMA'I TSAL GYI 'DAB MA'I NANG DU SONG NAS DE LTAR DGA' BAR BYED PA DANG, RTZE BAR YANG BYED PA'I MTHU STOBS 'DI NI, PADMA CHEN PO'I NAGS DE DANG PADMA'I NAGS DE DANG RNAM PAR RGYAS PA'I MTSO DE'I YANG YIN TE, KUN BRTAGS PAR RNAM PAR KHA BYE BA DE'I YIN NO, ,DE LTAR LHA DE DAG RNAMS PADMA CHEN PO'I BDE BA MA'I NANG DU SONG NAS DUS RING DU DGA' BAR BYED PA DANG, LHA RDZAS KYI 'DOD PA'I YON TAN LNGA DANG NYE PAR LDAN PAS RTZE BAR YANG BYED DO, ,DE NAS DE LTAR RTZE BAR BYED PA DE DAG RNAMS DE LTAR PADMA CHEN PO'I 'DAB MA'I NANG DU SONG BA RNAMS 'DI SNYAM DU SEMS TE, GANG MA THANG THANG BDAG CAG 'DI RNA GNAS NAS RTZED MOS RGYUB RNAMS LA RI DAG BYUNG BAR GYUR NA RUNG STE, RIN PO CHE SNA TSOGS PA'I RTZE MO CAN 'OD ZER GYIS SNANG BAR BYAS PA DANG, BYA'I TSOGS KYI SGRA RNAM PAR BRJOD PAS MNGON
, ,PAR DGA' BA DANG, RI PHUG DANG KHROD DANG CHU KLUNG DANG NGOS DANG LJONGS DAG GIS DGA' BAR GYUR PA'I SA GZHI CHA SHAS RNAMS LEGS PAR RNAM PAR PHYE BA THAMS CAD NAS RTZED MO RTZE BAR 'OS PA LHA BDAG CAG RNAMS LA BDAG CAG LHA RNAMS KYI YANG LHA BDAG CAG PADMA CHEN PO'I BDAB MA'I GSEB TU ZHUGS PA RNAMS LA DE LTA BU'I RI DAG LEGS PAR BYUNG BAR GYUR NA RUNG NGO, ,DE NAS SEMS BSKYED PA DANG LHAN CIG KHO NAR LHA DE DAG RNAMS LA 'BYUNG BAR 'GYUR TE, LHA DE DAG GI LEGS PAR BYAS PA'I LAS KYI RKYEN GYI DBANG DANG RKYEN GYI DBANG GIS RAB TU PHAL CHE BAR GYUR PA'I NAGS DANG NYE BA'I NAGS DANG RDZING BU DANG RI'I RTZE MO DANG KHONG GSENG GI GSEB DANG DGA' BAR GYUR PA'I RI NGOS RNAMS DANG TSANG TSING DANG PHUG DGA' BAR GYUR PA RIN PO CHE BDUN GYIS RNAM PAR SBRAS PAS KUN TU 'BAR BA, 'OD ZER DANG LDAN PAS DGA' BAR BYED PA DE 'KHRI SHING KUN NAS 'PHYANG BA DANG SMAN LJONGS DANG RI KHROD RNAMS YID KYI RJES SU MTHUN PA, RTAG TU MTHONG BA NA DGA' BAR 'GYUR BA'I RI BRGYA PHRAG RAB TU BYUNG BAR GYUR PA RNAMS LA LHA RDZAS KYI ME TOG DANG 'BRAS BU DANG 'KHRI SHING KUN TU 'PHYANG BAS LEGS PAR 'KHRIL BA RNAMS KYIS DGA' BAR GYUR PA'I PHUG DANG NGOS DANG LJONGS RGYA STONG DANG LDAN
PA RNAMS 'BYUNG BAR 'GYUR RO, ,DE NAS LHA DE DAG RNAMS 'DAB MA'I GONG BU DE YONGS SU SPANGS NAS DE KHO NA BZHIN DU LHA BRGYA STONG GIS YONGS SU BSKOR BAS LHA RDZAS KYI MDOG DANG DRI DANG REG BYA DANG LDAN PA RNAMS KYI RNYING PA MED PA'I ME TOG GI PHRENG BA RNAMS KYIS NYE BAR KHYAB PA, LHA'I KLU MKHAN GYI SKAD SNYAN PA RNAMS DANG BCAS PA'I DAL ZHING BRGYUD PAS YID 'PHROG PA'I SGRA MDZES PA RNAMS KYIS RING DU YANG RNA BA'I BU GA TSIM PA MED PAR LHA RDZAS KYI 'DOD PA'I YON TAN LNGA DANG LDAN PA'I RI DE LA DAL BUS DAL BUS 'GRIM PAR BYED DO, ,THOS PHYI KUN TU RGYA BSKYED NAS MIG LEGS PAR SGYUR ZHING LTA BAR BYED PA'I MIG SNGA NA MNGON PAR DGA' BA RNAMS LHA DE DAG RNAMS DGA' BAR BYED CING G-YOG GI BYA BA RNAMS KYANG BYED DO, , ZAS DANG SKOM GYI KLUNG RNAMS LA'ANG BTUNG BA DANG BZA' BA DGA' BAR GYUR PA DAG LA ZA BA DANG 'THUNG BAR BYED DO, ,DE RNAM PA SNA TSOGS PA RNAM PA DU MA DANG LDAN PA'I BTUNG BA DANG BZA' BA'I BYA BA RNAMS BYAS NAS RI KHROD KYI GSEB RNAMS SU MANDA'A RA BA DANG PADMA KU SHE shA YA MCHOG GIS RANG GI LUS LA'ANG BCINGS PA DANG, DE BZHIN DU LHA MO RNAMS KYIS KYANG LHA RDZAS KYI PHRENG BA MCHOG GIS BYAS NAS GAR BYED PA DANG, GLU LEN PAS KYANG DUS RING DU LHA RDZAS NYID KYI 'DOD PA'I YON TAN LNGA DANG BCAS SHING YANG DAG PAR LDAN PAR GYUR
, ,PAS; SLAR YANG DE KHO NA BZHIN DU YUL RNAMS LA CHAGS PA'I YID KYIS THAMS CAD NYID DU NGOMS PAR MA GYUR NAS SRED PA'I GTZANG POS NGES PAR KHYER BAR GYUR PAS, GZUGS DANG RGYAN DANG CHA LUGS SNA TSOGS PA CAN GYI LHA DE DAG RNAMS LHA MO'I TSOGS KYIS YONGS SU BSKOR NAS LAN BRGYA PHRAG RNAMS SU DANG, YANG DER NYE BAR 'GRO'O, ,PHYIR ZHING YANG MTSO CHEN PO DE NYID DU RGYAS PA'I MTSO CHEN PO LA PADMA CHEN POS LEGS PAR RGYAS PA DER NYE BAR 'GRO'O, ,PHYIR ZHING YANG MTSO CHEN PO DE NYID DU KUN NAS NYE BAR 'JUG PAR BYED PA DANG, KUN TU NYE BAR BGROD PAR YANG BYED LA, SLAR YANG DE KHO NA BZHIN DU DE KHO NA NYID KYI PADMA'I 'DAB MA RNAMS LA DE BZHIN NYID DU SO SO SO SOR CHES DGA' BAR GYUR PA'I RTZED MO RNAMS NYAMS SU MYONG BAR BYED DE, RANG GI LAS RNAMS DANG CHA 'DRA BA RGYAS BTAB PA'I RJES 'DOD PA BZHIN NO, ,DE NAS GZHAN YANG LHA DE DAG RNAMS NYID 'DI SNYAM DU SEMS TE, THA MAR YANG BDAG CAG RNAMS KYI RI SUL SNA TSOGS PA RNAMS NAS RNAM PA DU MA RNAMS PA SNA TSOGS PA'I BYA GZUGS DANG, CHA BYAD DANG, RTZED 'JO DANG, DBYIBS DANG, ZAS DANG, GNAS DANG, SPYOD LAM RNAMS MTHONG NA DGA' BA SNYAN PAR GYUR BA'I SGRA DU MA RNAMS KYIS RTZE SGROG PAS LHAG PAR DGA' BAR GYUR PA,
RIN PO CHE BDUN GYI THIG LES RNAM PAR SPRAS PA'I RIN PO CHE BDUN RNAM PAR BKRA BA'I THIG LE RNAMS SKYES PA'I LUS RGYA CHEN PO THAMS CAD DU THOGS PA MED PA'I 'GROS KYIS LEGS PAR SPYOD PA, CHU DANG THANG DANG BAR SNANG RNAMS LA'ANG BDE BA'I 'GROS KYIS 'GRO BAR BYED PA GANG DAG GIS BDAG CAG RNAMS NUS PAR GYUR PA BLTA NA SDUG PA'I BYA DE DAG RNAMS BYUNG NA RUNG NA, NGED RANG RNAMS KYIS KYANG NAM MKHA'I DKYIL DU 'GRO BAR NI NUS NA, 'ON KYANG BDAG CAG RNAMS 'DOD PA NA THA MAR YANG BDAG CAG BYA DE DAG RNAMS KYI RGYAB TU ZHON LA LHA MO'I TSOGS RNAMS THAMS CAD KYIS YONGS SU BSKOR NAS SHIN TU BDE BAS NAM MKHA'I DKYIL DU RAB TU BGROD PAS BDE BA RGYA CHEN POS SA MA LUS PA 'DI DAG RNAMS KUN NAS GNOD PA MED PA'I 'GROS KYIS KUN TU BLTA BAR BYA'O, ,NYE 'KHOR KUN LA RNAM PAR BLTAS SHING RNAM PAR BLTAS NAS SLAR NYID KYANG CHES LHAG PAR LHAN CIG SPYOD PA'I 'KHOR DANG BCAS NAS RTZED MO BYED PAR GYUR PA NA, DE LTAR LHA DE DANG, RNAMS KYI SEMS BSKYED PA DANG LHAN CIG KHO NAR SNA TSOGS PA'I RI'I KHROD DANG PHUG DANG 'KHRI SHING 'PHYANG PA RNAMS DANG, RI'I RTZE MO RNAMS DANG, RNAM PA SNA TSOGS PA'I TSANG TSING DANG, JI SUL DANG, LJON SHING RNAMS LA GNAS PA'I BYA RNAMS LEGS PA'I LAS KYIS BOS PAR GYUR PA NA 'ONG BAR 'GYUR BA NI, SNA TSOGS PA'I GZUGS
, ,DANG CHA BYAD DANG SNA TSOGS PA'I MDOG DANG SKAD KYI DBYANGS RNAMS DANG LDAN PA DANG, RIN PO CHE BDUN GYI THIG LE RNAMS KYIS SPRAS PAS RNAM PAR BKRA BA; LHA MO RNAMS THAMS CAD KYANG NGO MTSAR BA SKYED PA DANG, YID MNGON PAR DGA' BA DANG, NAM MKHA'I DKYIL MA LUS PA DE DAG RNAMS KUN NAS KHYAB PAR GYUR PA DANG, RTZE SGROG PAS KYANG GANG BAR BYAS NAS PADMA CHEN PO'I 'DAB MA'I GONG BU RNAMS GANG NA LHA DE DAG RNAMS RTZE BA DER KUN KYANG 'ONG BAR 'GYUR RO, ,DE DAG RNAMS NI, NAM MKHA' LA 'GRO BA YIN PAS NAM MKHA' MA LUS PA RNAMS THAMS CAD DU KHYAB PAR BYED DO, ,DE NAS LHA DE DAG GIS BYA DE DAG MNGON PAR MTHONG NAS LHA MO DANG BCAS PA RNAMS SLAR NYID KYANG CHES RAB TU RANGS PAR GYUR PA'I YID KYIS LHAN CIG SPYOD PA DANG BCAS PA RNAMS NAM MKHA'I DKYIL DU 'PHAGS PAR 'DOD PAR GYUR RO, ,DE NAS BYA DE DAG RNAMS GANG GI TSE NYE BAR 'ONGS PA DE'I TSE LHAN CIG SPYOD PA RNAMS DANG BCAS PA DE DAG NYID KYI RGYAB TU NGES PAR ZHON TE NAM MKHA'I DBYINGS KUN TU 'PHAGS PAR GYUR NAS NYE 'KHOR DU'ANG DE DAG GIS KHYAB PAR BYAS SO, ,DE NAS GLU LEN PAR GYUR BAS LAG NA PI WANG DANG, GSER GYI DBU PO RGYUD MANG DANG, GLING BU DANG, RNGA MU RA BA DANG, LHA RDZAS KYI ROL MO
MKHAN DGA' BAR GYUR PA RNAMS KYIS RNA BA'I BU GAR GTAD PAR GYUR PA PHAN TSUN LHAN CIG TU BDE BA'I SA DE DAG RNAMS LA KUN TU LTA BAR BYED DO, ,DGA' BA RNAMS LA NYE BAR LONGS SPYOD PAR BYED DO, ,LHA DE DAG RNAMS BDE BA'I 'DOD CHAGS KYIS CHAGS PAR GYUR PA, DGA' BA'I 'DOD CHAGS KYIS RAB TU RNAM PAR NYAMS PA'I YID CAN RNAMS KYIS PHA ROL TU'ANG LOG PAR LTUNG BAR GYUR PA NI, MTHONG BA MA YIN NO, ,DE NAS DE'I DUS NA LEGS PAR BYAS PA'I LAS RNAMS KYIS LEGS PAR BSKUL BAS, DE KHO NA NYID BRJOD PA ZHES BYA BA'I BYAS LHA BAG MED PA DE DAG RNAMS LA RJES SU 'DOMS PAR BYED PA'I TSIGS SU BCAD PA BSHAD PA JI LTAR, JI LTAR LUS CAN RNAMS KYI NI, ,SROG NI SHIN TU MYUR 'GRO BA, ,BYA RNAMS 'GROS DANG RLUNG PO YANG, ,DE BZHIN MYUR DU 'GRO BA MIN, ,RLUNG DE LAS NI PHYIR BZLOG CING, ,BYA DE RNAMS KYANG PHYIR LA ZLOG ,'GAG PAR 'GYUR BA'I SROG KYANG NI, ,DE NI SLAR YANG 'ONGS PA MED, ,LAS NI MYUR BAR ZAD PA DANG, ,THA MA YANG NI MYUR BAR 'BYUNG, ,CIS KYANG 'BYUNG BA'I 'DU 'BRAL BA, ,LHA RNAMS KYIS KYANG GO BA MIN, ,ZLOG PAR MI NUS SHUGS CHEN PO; ;GTUM PO THAMS CAD BRLAG PAR NUS, ,NGES PAR MYONG BA'I STOBS LDAN PA, ,'CHI BDAG 'DI YANG MA RIG GO ,SHIN TU BAG MED PA YI LHA, ,BDE BAS YONGS SU BSLUS PA
, ,YIN; ;GANG ZHIG NGES PAR 'BYUNG BA YI, ,SDUG BSNGAL CHEN PO MA RIG GO ,'DUS BYAS KYANG NI THAMS CAD KYANG, ,'JIGS DANG BCAS PA'I KHYAD PAR GYIS, ,'DI NI RNAM PAR 'JIG PAR 'GYUR, ,SRID NAS SRID PAR CHOS NYID KYANG, ,'DI NI RGA BAS LANG TSO 'JOMS, ,SROG NA 'CHI BA'I THA MA STE, RGUD PAR GYUR PA'I 'JIGS BYED KYIS, ,GNAS PA RNAMS NI 'JIG PA'I RGYU, ,'JIGS CHEN RNAM PA DE LTA BU, ,SDUG BSNGAL GYIS KYANG 'JIGS PA CHE, ,BAG MED PA YI LHA YANG GANG, ,BSAM PA DE DAG CUNG ZAD MED, ,GANG YANG BLO YI MIG GIS NI, MA 'ONGS PA YI 'JIGS PA MTHONG, ,DE NI MKHAS PA YIN ZHES BYA, ,BYIS PA RNAMS NI LDOG PA YIN, ,RNAM RMONGS YID CAN THAMS CAD NI, ,RANG GI SEMS NI BSLUS PA YIN, ,MAR ME'I SNYAM NI ZAD LTA BU'I, ,LAS ZAD PA NI MA MTHONG NGO, ,DGA' BA'I YUL NI DU MA RNAMS, ,BDE BA BLA NA MED PA 'DI; ;LONGS SPYOD NAS NI LAS ZAD PAS, ,SLAR YANG LOG PAR LTUNG BAR 'GYUR, ,DE LTAR BYA DES LEGS PAR BYAS PA'I LAS KYI TSIG GIS LHA DE DAG RNAMS LA RJES SU STON PAR BYED DO, ,BAG MED PA'I YUL GYIS KUN NAS RMONGS PA'I LHA DE DAG RNAMS KYIS GO BAR MI 'GYUR ZHING, BRJOD PA DE DAG RNAMS LA'ANG RTZIS BTAB MA BYAS PAR
PHYIR NYID KYANG BDE BA RGYA CHEN PO'I SA GZHI MA LUS PA DE DAG RNAMS KUN TU LTA BAR BYED DO, ,THAMS CAD LAS MNGON PAR DGA' BAR GYUR PA'I RI RNAMS DANG, CHU KLUNG DANG, SMAN LJONGS DANG, 'BAB CHU DANG, RDZING BU DANG, LJON SHING DANG, NAGS DANG, NYE BA'I NAGS DANG LEGS PAR 'BREL PA RNAMS DANG, DE LTA DE LTAR PADMA'I TSAL RNAMS DANG, RI BO'I MCHOG RNAMS KYIS YONGS SU GANG BA RNAMS NA LHA'I TSOGS RTZE DGA' BA RNAMS KYIS LEGS PAR 'BREL PA RNAMS DANG, YANG GZHAN RNAMS LA BYA RNAMS KYIS BRJOD PA'I KHYAD PAR DGA' BAR 'GYUR BA RAB TU GLU BLANGS PA LTA BUR THAMS CAD NAS RNA BAS DANG DU LEN PAR BYED PA'I SGRA RNAMS DANG, GZHAN YANG DE MA YIN PA RNAMS MTHONG BAR GYUR PA LA LHA DANG LHA MO'I TSOGS KYIS YONGS SU BA SKOR NAS PADMA'I BAR MTSAMS RNAMS NAS RIN PO CHE'I RTZI DAG 'THUNG BAR BYED DO, ,DPAG BSAM GYI SHING GI NAGS RNAMS LA'ANG RNGA SKAD YAN LAG LNGA DANG LDAN PAS LHAN CIG TU DGA' BAR BYED DO, ,GZHAN YANG GZHAN DAG RNAMS SU RGYU BAR GYUR PA NA, KHANG BU NAM MKHA'I DKYIL DANG 'DRA BA RNAMS LA ZHON PA'I LHA DANG LHA MO RNAMS LHAN CIG TU LHA RDZAS KYI ME TOG GI PHRENG BA'I RGYAN DANG LHA RDZAS KYI YUL LNGA PO RNAMS NYID LHA RDZAS KYI RNGA RNAMS NYID KYIS RTZE BAR GYUR PA RNAMS MTHONG NGO, ,LHA DANG LHA MO DE DAG RNAMS NYID KYIS
, ,KYANG MTHONG NAS PHAN TSUN LHAN CIG TU TSOGS PAR GYUR TE RTZE BAR BYED DO, ,RIN PO CHE BDUN DANG RIN PO CHE MA RA KA TA YIS RNAM PAR BKRA ZHING 'TSER BAG DANG LDAN PAR NAM MKHA'I DKYIL NAS 'ONGS PA'I BYA DE DAG RNAMS KYI RGYAB TU LEGS PAR ZHON PA RNAMS DANG, LHA GZHAN GANG DAG DGA' BA'I TSAL NA KUN TU GNAS PA DE DAG RNAMS KHANG BU'I STENG DU LEGS PAR ZHON PA RNAMS DANG, DE DAG THAMS CAD DANG YANG DAG PAR LDAN PAR GYUR NAS NAM MKHA'I NYID LA RTZE DGA' BAR BYED PA DANG, PHAN TSUN DU GROGS KYI BYA BA DANG LDAN PAS DGA' BAR YANG BYED DO, ,DUS SHIN TU RING BAR 'DOD PA'I MCHOG RNAMS LA DE DAG RNAMS KYIS LHAN CIG TU RTZE DGA' BAR BYAS NAS SLAR YANG RI'I RTZE MO DAG LA 'KHOD PAR BYED DO, ,NAGS DANG NYE BA'I NAGS RNAMS LA DE DAG RNAMS KYIS RNAM PA SNA TSOGS BA'I RTZED 'JO RNAMS BYAS NAS SLAR YANG RNAM PAR RGYAS PA'I MTSO CHEN PO DER 'GRO'O, ,BYA DE DAG RNAMS NYID KYI RGYAB TU LEGS PAR ZHON NAS NAM MKHA' BZHIN DU KHYAB PAR BYAS PAS, LHA RDZAS KYI ROL MO RNAMS LA CHAGS PAR GYUR PA'I YID KYIS NAGS DANG NYE BA'I NAGS RNAMS LAS SLAR YANG RNAM PAR RGYAS PA'I MTSO CHEN PO DE NYID DU LEGS PAR 'GRO BAR BYED DO, ,GZHAN YANG RNAM
PAR RGYAS PA'I MTSO DE NYID THAMS CAD LAS DGA' BAR GYUR PAR GO NAS GZHAN YANG DE DAG RNAMS BYA DE DAG GIS RGYAB DAG LAS MU TIG GI STAN RNAMS LA LEGS PAR BABS SO, , DE NAS YANG THAMS CAD DANG LDAN PAR GYUR PA RNAMS PHYIR ZHING NYID DU DE DAG RNAMS PADMA'I 'DAB MAL RAB TU 'DUG NAS DGA' BAR BYED PA RNAMS NI, SNGA MA BZHIN NO, ,DE NAS PADMA'I 'DAB MA DE LA DUS RING DU DGA' BAR GYUR NAS DUS GZHAN NA 'DI LTA BU'I BLO SKYES PAR 'GYUR TE, GANG BDAG CAG RNAMS 'DI KHO NA LTAR GNAS BZHIN DU MA THANG YANG 'KHRI SHING GI KHANG BU RNAMS LA RGYAGS PA'I KHU BYUG GI SGRA DGA' BAR GYUR PA RNAMS DANG, ME TOG GI CHAR KUN TU 'PHYANG BA RNAMS DANG, RIN PO CHE SNA TSOGS PA RNAM PAR BKRA BA CHES RAB TU PHAL CHE BA SNA TSOGS PA'I LO MA DANG 'DAB MA CHAGS PAR 'GYUR BA RNAMS DANG YANG DAG PAR LDAN PAS NYE BAR BKOD PA'I 'KHRI SHING GI KHANG BU DAG BDAG CAG RNAMS KYI RTZED MO'I DON DU RAB TU 'BYUNG BAR 'GYUR MOD, DE NAS SEMS BSKYED PA DANG LHAN CIG NYID DU LHA DE DAG RNAMS KYI LEGS PAR BYAS PA'I LAS KYIS DE DAG GI 'KHRI SHING GI KHANG BU RNAMS RIN PO CHE SNA TSOGS PA'I 'OD DANG LDAN PA, ME TOG GI MCHOG GIS KUN TU SPUNG BA, GSER BZANG PO'I RANG BZHIN DANG, DNGUL GYI RANG BZHIN DANG, BEE d'URYA'I RANG BZHIN DANG,
, ,SNGON PO CHEN PO'I RANG BZHIN DANG, PADMA R'A GA'I RANG BZHIN DANG, DE BZHIN DU SHEL GYI RANG BZHIN DANG, DE BZHIN DU GSER BTZO MA'I RANG BZHIN GYI MCHOG TU MTHONG NAS DGA' BAR 'GYUR BA RNAMS DANG, DE BZHIN DU RNAM PAR 'DRES PA PO'I RNAM PAR BKRA BA'I 'KHRI SHING GI KHANG BA DE RANG 'BYUNG BAR 'GYUR TE, ,LEGS PAR BYAS PA'I LAS RNAMS KYIS DUS MI RING BA NYID NA 'BYUNG BAR 'GYUR BA YIN NO, ,DE NAS LHA DE DAG RNAMS KYIS 'KHRI SHING GI KHANG PA DE DAG MNGON PAR KUN NAS LEGS PAR MTHONG BAS MCHOG TU RAB TU DGA' BA'I YID KYIS SLAR YANG DE KHO NA BZHIN DU RTZE BAR BYED CING DGA' BAR YANG BYED DE, LHA MO'I TSOGS RNAMS THAMS CAD KYIS YONGS SU BSKOR BA DANG BCAS NAS LHA RDZAS KYI PHRENG BAS BRGYAN PA, 'DOD PA THAMS CAD PHUN SUM TSOGS PA, GNOD PA MED PA DANG LDAN PA'I YID KYIS PHRAG DOG DANG SER SNA DANG BRAL BA, 'THAB MO DANG YID MI BDE BA'I SKYON RNAMS DANG BRAL BA, BDE LEGS SU RNAM PAR RGYU BA LEGS PAR BYAS PA'I LAS RNAMS KYIS DE DAG RNAMS LA DGA' BAR BYED PA'I RNGA SKAD YAN LAG LNGA DANG LDAN PA RNAMS LA MNYAM PA DANG SNYAN PA DANG, DAL ZHING RGYUN CHAGS PA'I DBYANGS KYIS RGYAN DU BYAS PA, 'KHRI SHING GI KHANG BU DE DAG RNAMS SU LHAN CIG SPYOD PA
DE DAG NYID DANG NGOMS PA MED PA'I YID KYIS LHAN CIG TU DGA' BAR BYED PA RNAMS THAMS CAD KYANG SRED PA'I DUG GIS BSREGS PAR GYUR PAS 'DOD PA'I YON TAN LNGA MTSUNGS PA MED PA RNAMS KYIS RNAM PAR NGOMS PA MED PAR GYUR PA, MI RTAG PA DANG CHA 'DRA BA'I DPE MED PA'I 'KHRI SHING GI KHANG PAR DGA' BAR GYUR PAS CHES LHAG PAR CHAGS PAS BSGOS PAR GYUR PA'I DGA' BA RNAMS NYAMS SU MYOD PAR BYED DO, ,'KHRI SHING GI KHANG PA DE DAG KUN YANG RNAM PA SNA TSOGS PA'I 'KHRI SHING 'PHYANG BAS DGA' BAR GYUR PA RNAMS LA 'DI LTA STE, BEE d'URYA'I RANG BZHIN GYI 'KHRI SHING RNAMS LA NI, GSER GYI 'DAB MA RNAMS DANG, PADMA R'A GA DANG MTSUNGS PA'I MDOG GI 'BRAS BU RNAMS SO, ,AINDRA N'I LA'I 'KHRI SHING RNAMS LA NI, DNGUL GYI RANG BZHIN GYI KHA DOG GI 'DAB MA RNAMS DANG, SHEL DANG KHA DOG MTSUNGS PA'I 'BRAS BU RNAMS SO, ,GSER GYI 'KHRI SHING RNAMS LA NI, AINDRA N'I LA DANG MDOG MTSUNGS PA'I LO MA RNAMS DANG, PADMA R'A GA DANG MDOG MNYAM PA'I 'BRAS BU RNAMS SO, ,RIN PO CHE BDUN RNAM PAR 'DRES PA'I 'KHRI SHING RNAMS LA NI, 'DAB MA DANG 'BRAS BU RNAMS KYANG RNAM PAR 'DRES PA'O, , GSER GYI 'KHRI SHING RNAMS LA NI, DNGUL GYI RANG BZHIN GYI 'DAB MA DANG, DNGUL GYI KHA DOG GI 'BRAS BU RNAMS SO, ,RNAM PA DE SRID KYI 'DAB MA RNAMS NYID YIN TE, GSER DE DAG DANG
, ,MTSUNGS PA'I KHA DOG RNAMS LA DE DANG MTSUNGS PA'I 'DAB MA DANG, DE DANG MTSUNGS PA'I 'BRAS BU'O, ,DE LTAR LHA DE DAG RNAMS KYI 'KHRI SHING GI KHANG BU RNAMS DE DAG RNAMS KYI LEGS PAR BYAS PA'I LAS KYIS SEMS BSKYED PA DANG LHAN CIG NYID DU 'BYUNG BAR 'GYUR RO, ,DE NAS LHA DE DAG RAB TU DGA' BA'I BDE BAS 'KHRI SHING GI KHANG BU DE DAG TU LEGS PAR ZHUGS NAS LHA MO RNAMS DANG LHAN CIG TU RTZE BAR BYED PA DANG, DGA' BAR YANG BYED CING G-YOG GI BYA BA RNAMS KYANG BYED DO, ,RNAM PA SNA TSOGS PA'I LHA YUL GYI BDE BA RNAMS KYIS MYOS SHING NGOMS PA'ANG MED LA BDE BA'I TSUL NYA BZHIN DU'O, ,DE DE LTAR LHA DE DAG RNAMS NYID KYANG SHIN TU NGO MTSAR BSKYED PAR BYED PA'I RGYUR GYUR PA'I 'KHRI SHING GI RNAM PAR 'PHYANG BAS KUN NAS G-YOGS PA RNAMS SU LEGS PAR ZHUGS NAS DGA' BAR BYED CING GLU'ANG LEN PAR BYED LA RNGA SKAD YAN LAG LNGA PAS DE LTAR YANG DGA' BAR GYUR PA NA 'DI LTAR SEMS PAR BYED DE, JI LTAR CHUNG NGU NA 'KHRI SHING GI KHANG BU 'DI NYID DU RAB TU BDE BAR ZHUGS PA'I BDAG CAG 'DI DAG RNAMS NYID LA RAB TU MCHOG GI MDOG DANG, DRI DANG, RO DANG, BDE BA'I REG BYA PHUN SUM TSOGS PA'I CHU KLUNG GANG ZHIG 'DAB MA'I GSEB DAG NAS BAB PAR GYUR NA CI MA RUNG, ZHU GSOL BYED PA'I LHAN CIG
DUS SU SPYOD PA DANG BCAS PA RNAMS PHYIR ZHING CHES LHAG PA NYID DU ZHU BAR BYA BA'I DON DU DE BZHIN DU SEMS PAR BYED DO, ,DE DAG RNAMS SEMS BSKYED PA TZAM NYID NA CHU KLUNG DE DAG RO DANG DRI DANG REG BYA RAB KYI MCHOG DANG LDAN PAR YANG LEGS PAR BYAS PA'I LAS RNAMS KYIS BYUNG BAR GYUR PA RNAMS NI, 'DAB MA'I GSEB DAG NAS RGYUN 'BAB PAR GYUR PAS RAB TU RDOL BAR GYUR PA NA, DE DE LTAR LHAN CIG RJES SU SPYOD PA RNAMS DANG BCAS PA RMAD DU GYUR PAS RGYAGS SHING MYOS NAS 'DOD PA'I SRED PA RNAMS KYIS RNAM PAR NGOMS PA MED PAS DUS YUN RING DU GLU LEN PA'I RGYAGS PAS RGYAGS PA'I SEMS KYIS DGA' BAR BYED PA DANG, RTZE 'DZO BAR YANG BYED DE, BAG MED PA'I SA RNAMS SKYES PAR GYUR PA DE DAG RNAMS NI, RANG BZHIN GYIS LEGS PAR BYAS PA'I LAS RNAMS ZAD PAR BYED PA YIN LA, 'CHI 'PHO BA'I DUS NA NI, LEGS PAR MTHONG BAR 'GYUR RO, ,YUL GYI SRED PA RNAMS KYIS NGOMS PA MED PAR DE LTAR RTZE RAB TU 'JO BAR BYED PA RNAMS NI, 'DI LTAR 'GYUR BA YIN TE, GANG CHUNG DU NA BDAG CAG RNAMS LA DRI DANG RO DANG MDOG DANG REG BYA RAB KYI MCHOG DANG LDAN PA'I BDUD RTZI DAG 'DAB MA'I GSEB RNAMS NAS BAR DU GZUGS PAR GYUR MOD, DE NAS LHA DE DAG RNAMS KYI LEGS PAR BYAS PA'I LAS DAG GIS SEMS BSKYED PA TZAM NYID KYIS RO DANG MDOG DANG DRI DANG REG BYA MCHOG GI RAB
, ,TU GYUR PA'I BDUD RTZI DE DAG JI LTAR LAS DANG 'KHOS 'DRA ZHING RJES SU MTHUN PA RNAMS RAB TU BAB PAR GYUR PA NA, DE LTAR DE DAG RNAMS NYID DUS YUN RING POR MID PAR BYED DO, ,DE NAS LHA DE DAG RNAMS 'DI LTAR YANG SEMS PAR BYED DE, GANG MTHONG YANG BDAG CAG RNAMS LA DO SHAL DANG COD PAN NOR BUS SPRAS PA RNAMS DANG, DPUNG RGYAN DANG ME TOG GI PHRENG BA DANG LHA RDZAS RNAMS JI LTAR MTHO RIS KYI RJES SU MTHUN PA CHES LHAG PAR DGA' BAR GYUR PA RNAMS 'KHRI SHING GI GSEB DAG NAS RNYED NA CI MA RUNG SNYAM NA, DE LTAR LHA DE DAG RNAMS KYI SEMS BSKYED PA DANG DUS GCIG NYID DU LEGS PAR BYAS PA'I LAS RNAMS KYIS MTHO RIS KYI RJES SU MTHUN PAR DGA' BAR GYUR PA'I RGYAN DE DAG RNAMS RAB TU 'BYUNG BAR 'GYUR RO, ,DE NAS LHA DE DAG RGYAN DE DAG RNAMS KYIS RGYAN DU BYAS NAS 'DOD PA'I BDE BA RNAMS KYIS DUS RING DU'ANG NGOMS PA MED PAR LHA MO'I TSOGS RNAMS KYIS YONGS SU BSKOR BA DANG BCAS PAS DUS RING POR DGA' BAR BYAS KYANG YUL GYI SRED PA RNAMS KYIS RNAM PAR NGOMS PA NI, MED PA YIN NO, ,DE DAG DE LTAR RNAM PAR GNAS PA RNAMS 'DI LTAR SEMS PAR 'GYUR TE, GANG CHUNG DU NA RAL MO MKHAN RNAMS LAS KYANG LHAG PA'I DBYANGS GZHAN DU GYUR PA RNAM PA SNA TSOGS PA'I ME TOG GI DRI RNAMS DANG YANG DAG PAR
LDAN PA'I YON TAN DE LTA BU DANG LDAN PAR 'DAB MA RLUNG GIS BSKYOD PAR BYED NA RUNG NGO SNYAM NA, DE NAS LHA DE DAG RNAMS KYI LEGS PAR BYAS PA'I LAS DAG GIS SEMS BSKYED PA TZAM NYID NA RNAM PA DE TZAM NYID KYI RLUNG RNAMS KYI KHAMS LEGS PA DAL BUS 'BYUNG BA RTZOM STE, GANG GIS DE DAG RNAMS LA RAB TU BSKYED CING PHAN TSUN DU DKROL BAS BYAS PA'I RNAM PA DE LTA BU'I DBYANGS 'DI DAG RAB TU 'BYUNG BA'I KHYAD PAR GANG GIS GLU MKHAN GYI GLU DE DAG NI, BCU DRUG CHAR YANG CHOG PA MA YIN NO, ,DE NAS LHA DE DAG RNAMS LHA MO DE DAG DANG STABS CIG TU DUS YUN RING POR DGA' BAR BYED PA DANG, 'GYID PAR YANG BYED LA, GLU LEN PA DANG RGOD PAR YANG BYED DE, 'ON KYANG 'DOD PA RNAMS KYIS NI, NGOMS PAR 'GYUR BA LTA GA LA YOD, DE DAG RNAMS NI, GZHAN YANG 'DI SNYAM DU SEMS PAR BYED DO, ,GANG CHUNG DU NA'ANG BDAG CAG RNAM PAR GNAS PA RNAMS NYID LA RNAM PA SNA TSOGS PA'I KHA DOG CAN RIN CHEN SNA BDUN GYIS RNAM PAR SPRAS PA, 'DOD PA THAMS CAD PHUN SUM TSOGS PAR GYUR PA'I KHANG BU DAG RAB TU BYUNG BAR GYUR NA RUNG STE, GANG GIS SLAR YANG BDAG CAG RNAMS MTSO CHEN PO 'DI'I NYE 'KHOR RNAMS SU YONGS SU BSKOR NAS NAM MKHA' LA GNAS PAS DE LTAR RTZED 'JO DAG BYED PAR GYUR PA DANG, BDAG CAG RNAMS YONGS SU SPYOD PAR YANG BYA BA DANG, RGOD
, ,BAR GYUR PA DANG, 'GYING BAR GYUR BA DANG, GLU LEN PAR GYUR PAR YANG NGO SNYAM NA, DE LTAR DE DAG GI SEMS BSKYED PA TZAM NYID DANG LHA RNAMS KYI DRUNG DU KHANG BU DAG RAB TU 'BYUNG BAR 'GYUR BA RNAMS LA RIN PO CHE BDUN GYI RANG BZHIN LAS RNAM PA SNA TSOGS PA'I RIN PO CHE'I CHA SHAS RNAMS KYIS RNAM PAR BKRA BAR GYUR PA, MU TIG GI PHRENG BA DANG BCAS PA LAN KAN DGA' BAR GYUR PA RNAMS CHES MCHOG TU MTHONG NA DGA' BAR GYUR PA YIN TE, KHA CIG NI, NGANG PAS 'DREN PA, KHA CIG NI, SHANG SHANG RTE'US 'DREN PA DANG, LA LA NI, RNAM PAR BKRA BA'I BYA RNAMS THAMS CAD KYIS 'DREN PA YIN ZHING, LHA DE DAG RNAMS KYI MDUN NYID NA JI LTAR 'DOD PA'I BZHON PA DE DAG RNAMS YIN PAR DE DAG LEGS PAR SHES SO, ,DE DAG RNAMS MTHONG BAR GYUR NAS GZHAN YANG LHA DE DAG KHO NA BZHIN DU MNYAM POR ZHON PAR GYUR NAS DE KHO NA BZHIN DU 'GYING BAR YANG GYUR PA DANG, RTZE BAR GYUR PAS KYANG DE DAG THAMS CAD GANG NA RNAM PAR RGYAS PAS MTSO YOD PA DER LEGS PAR 'GRO BAR BYED DO, ,DE DAG RNAMS KYIS MTSO DE MTHA' DAG DANG, PADMA CHEN PO DE'ANG MTHONG BAR GYUR NAS DE DAG RNAMS RGYU BAR BYED PA NA PADMA CHEN PO DE MA LUS PA MTHONG NA SHIN TU NGO MTSAR BAR GYUR PA YIN TE, DE'ANG RNAM PA SNA TSOGS PA'I RIN PO
CHE'I RANG BZHIN GYI 'DAB MA RNAMS RNAM PAR BKRA BA'I 'OD ZER 'PHRO BAR GYUR PAS RNAM PAR GSAL BAR BYAS PA DE'I KHA DOG SNA TSOGS PA RNAMS LA 'DI LTA STE, RDO RJE DANG AINDRA N'I LA DANG MAR KA TA DANG PADMA R'A GA DANG BEE d'URYA DANG SNGON PO CHEN PO DANG DNGUL DANG GSER DANG MTSUNGS PA'I KHA DOG RNAMS DANG, DE DAG RNAMS KYI 'OD KYIS KUN NAS GSAL BAR BYED PA DANG 'DAB MA RNAMS MTSUNGS PA DANG, MCHOG TU BLTA NA SDUG PAR GYUR PA DAG MTHONG NGO, ,NAM MKHA'I DKYIL NA KHANG BU RNAMS LA LEGS PAR GNAS PA'I LHA DE DAG RNAMS DANG, PADMA'I 'DAB MA DE DAG LA LHA GZHAN DAG LHAN CIG SPYOD PA'I 'KHOR DANG BCAS PA GNAS PA RNAMS RTZE BAR BYED PA DANG, PHAN TSUN GROGS SU GYUR PAS MYOS PA LA DON GCIG PA RNAMS MTSO DE'I PADMA'I 'DAB MA RNAMS KYI GSEB TU SONG NAS GLU LEN PA DANG GAR YANG BYED DO, ,DE NAS NAM MKHA'I DKYIL NA RGYU BAR BYED PA'I LHA DE DAG RNAMS DANG GANG YANG PADMA CHEN PO'I 'DAB MA'I NANG NA GNAS PA DE DAG DANG DE DAG RNAMS THAMS CAD KYANG RNAM PA DU MAR RTZE DGA' BA CHEN PO NYID KYIS RNAM PAR RGYU ZHING RTZED 'JOS RNAM PAR RGYU BAR BYED PA GANG YIN PA LA NI, DPE RNAMS KYIS NYE BAR BYA BAR SLA BA'ANG MA YIN NO, ,DE DAG RNAMS DE LTAR RTZE BAR GYUR PA'I GLU DANG ROL MO'I SGRA DBYANGS RNAMS NI, DPAG TSAD LNGA BRGYAR RNAM PAR GNAS PAR GYUR PA DANG, DE DAG NI, 'DOD PA'I YON TAN LNGA
, ,PHUN SUM TSOGS PAR GYUR PA'I RNGA SKAD YAN LAG LNGA DANG LDAN PA'I CHEN PO RNAMS RNAM PA DU MAR NYE BAR LONGS SPYOD PAR BYED DO, ,DE DAG RNAMS NI, RANG GI LAS KYI KHYAD PAR GANG YIN PA RNAMS SPYAD CING BYAS LA YONGS SU BSAGS PA DE SKYEL BAR BYED LA, 'ON KYANG DRAN PAR 'GYUR BA'ANG MA YIN NO, ,JI LTAR NA LAS RNAMS ZAD PAR 'GYUR BA YIN PA DANG, LEGS PAR BYAS PA RNAMS NI, GTUGS PAR 'GYUR BA YIN PA DANG, 'CHI 'PHO BA'I DUS NA GANG DU 'GRO BAR BYA DGOS PA YIN PA DANG, 'GRO BA GANG RJES SU SGRUB PA 'BYUNG BA YIN PA DANG, RNAM PA JI LTA BU'I BDE BA DANG SDUG BSNGAL RNAMS LA NYE BAR LONGS SPYOD PAR BYA BA 'BYUNG BA DANG 'BYUNG BAR MI 'GYUR BA NI, GANG YIN PA DANG, LEGS PAR BYAS PA DANG NYE BAR BYAS PA'I LAS RNAMS KYI LAM LEGS PAR STON PA PO DMYAL BA DANG, YI DVAGS DANG, DUD 'GRO DANG, MI'I GNAS RNAMS SU 'JIGS PA DANG BCAS PA DANG 'JIGS PA MED PAR SGRUB PA'I 'JIGS PA MED PA'I DBANG DU BYAS NAS SKYE BA GZHAN GYI GNAS RNAMS LA DE LTAR KUN TU GO BA MA YIN TE, MUN PAR BYED PA'I BAG MED PAR NUB PAR GYUR PA DE'I TSE GO BA MA YIN NO, ,GANG GI TSE LEGS PAR BYAS PA'I LAS RNAMS YONGS SU ZAD PAR GYUR NAS MI RTAG PA NYID KYI RLUNG GIS NGES PAR LTUNG BAR BYED PA DE'I TSE BAG MED
PA DE BSTEN CING BSGOMS LA LAN MANG DU BYAS PAR GYUR PA RNAMS GROGS PO MA YIN PA GROGS PO'I GZUGS CAN DANG, PHAN PA MA YIN PA PHAN PA'I GZUGS 'DZIN PA RNAMS KYIS RIM PA PHYIN CI LOG TU BYED PA'I 'BRAS BU NYE BAR RIG PAR 'GYUR RO, ,GANG BDAG CAG GIS BAG MED PA RNAMS KUN NAS BSTEN CING BSGOMS LA LAN MANG DU BYAS PA GANG YIN PA RNAMS NI, LEGS PAR BSGRUBS PA'ANG MA YIN PAR DE LTAR 'BRAS BU RNAMS SHES PAR 'GYUR NA, BAG MED PA'I DGRA BOS JI LTAR BYAS PA DE DAG RNAMS LA RTZIS BGRANG MED PAR LHA DE DAG RNAMS PHYIR ZHING NYID KYANG DGA' BAR BYED CING, GLU LEN PAR BYED LA, MTSO DE'ANG LEGS PAR BYAS PA'I LAS RNAMS THAMS CAD KYI SNYING PO DANG 'DRA BAR CHES DGA' BAR GYUR PAR PADMA'I RGYAL PO'I 'DAB MA RNAMS LA RTZE DGA' BAR BYED PA DE DAG RNAMS DANG, GANG YANG NAM MKHA'I DKYIL NA KHANG BU RNAMS KYIS 'GRO BA DAG GI MTSO DE MTSUNGS PAR MTHONG NGO, ,DE NAS DE LTAR BAG MED PA RNAMS LA CHU'I RLABS LA RTZE BA ZHES BYA BA'I BYAS LHA DE DAG RNAMS KYI LEGS PAR BYAS PA'I LAS KYI TSIGS SU BCAD PA RJOD PAR BYED PA RNAMS LA JI LTAR, LUS CAN RNAMS KYI GSON PA NI, ,CHU YI RLABS LTAR G-YO BA YIN, ,SNYING PO MED PA'I CHU'I CHU BUR, ,LHA RNAMS KYIS NI GO BA'ANG MIN, ,DBU BA'I PHUNG PO RING GNAS KYI, ,TSE 'DI YANG NI MDOR SDUD PA'I, ,LHA YI YUN RING GNAS MIN
, ,TE; ;MI RTAG PA YIS SKAL BA SDANGS, ,JI LTAR MAR ME RNAM ZHIG PAS, ,'OD RNAMS ZHIG PAR 'DOD PA YIN, ,DE BZHIN LAS NI RNAM ZAD PAS, ,LHA RNAMS KYI NI BDE BA 'JIG ,BYAS PA'I LAS GANG MI 'JIG PA, ,CUNG ZAD YOD PA MA YIN NO, ,DE LTAR NA YANG RMONGS PA'I RNAMS, ,SKYE 'DI RNAMS NI RTAG NYID MIN, ,DNGOS GANG 'GA' ZHIG SKYE BA NI; ;DE YI 'JIG PA RTAG PAR GNAS, ,'DUS BYAS KYANG NI THAMS CAD KYI, ,CHOS NYID 'DIR NI RNAM PAR GNAS, ,GAL TE 'KHOR BA'I SROG CHAGS RNAMS, ,RANG GI LAS KYIS 'KHOR BYED NA; ;'JIG RTEN 'DI CI'I DON DU RMONGS, ,BAG MED PAS NI RNAM PAR BCOM, ,BAG MED PAS NI BDE LEGS 'JOMS, ,BAG MED PAS NI 'CHING BA'I MCHOG ,BAG MED LOG PAR LTUNG BA DANG, ,BAG MED PAS NI DMYAL BAR 'TSED, ,SDUG BSNGAL 'DI YI RGYU GCIG PU, ,BAG MED YIN PAR YONGS SU BSGRAGS, ,DE PHYIR BDE DON GNYER SKYES BUS, , BAG MED YONGS SU SPANG BAR GYIS, ,GANG GIS BAG MED YONGS SPANGS PA, ,DE YIS GO 'PHANG 'PHO MED 'THOB, ,GANG YANG BAG YOD LA DGA' BA, ,DE NI MYA NGAN 'DAS MTHA' NYID; ;BAG YOD GO 'PHANG DE DAG KYANG, ,MYA NGAN 'DAS MCHOG 'GRO BA YIN, ,BAG MED LOG PAR LTUNG BA YI, ,RGYU DE DAG TU RAB TU BSGRAGS, ,SKYES BU BAG MED THAMS CAD NI,
DE NI SMYON PA BZHIN DU SNANG, ,'JIG RTEN 'DIR NI SLAD SLA ZHING, ,PHYI MA LA NI SDIG PAS 'TSED, ,BAG MED PA YI SKYES BU KUN, ,PHYIN CI LOG LA 'JUG PAR BYED, ,RGYU RNAMS LAS KYI RNAM SMIN DANG, ,'CHI 'PHO SKYE BA DE BZHIN TE, ,BAG MED ME NI GDUG PA 'DIS, ,DMYAL BAR RJES SU 'KHRID PAR BYED, ,DE PHYIR DMYAL LAS GROL DON DU, ,BAG MED RNAM PAR SPANG PAR GYIS, ,GANG GIS BAG MED DES RNAM RGYAL, ,RTAG TU SHES RAB LA DGA'I MI, ,DE NI NYON MONGS 'CHING BCAD NAS, ,BDE BA'I GO 'PHANG 'CHAR BAR 'GRO, ,SGO LNGA NAS NI DRI MA GSUM, ,SKYE BAS KHAMS GSUM RTAG 'JUG PA, ,BAG MED LAS NI RNAM RGYAL BA'I, ,SANGS RGYAS RNAMS KYIS BAG MED GSUNGS, ,BAG MED MUN PA'I SKYE GNAS YIN, ,BAG YOD PA NI BDE BA YIN, ,DE PHYIR BDE DON GNYER SKYES BUS, ,BAG MED RNAM PAR SPANG BAR GYIS, ,DE LTAR CHU'I RLABS LA RTZED MO RTZE BA ZHES BYA BA'I BYAS LHA BAG MED PAR GYUR PA DE DAG RNAMS KYI BAG MED PA KUN TU ZHI BAR BYA BA'I DON DU RJES SU STON PA'I TSIGS SU BCAD PA RNAMS BSHAD DO, ,LHA DE DAG RNAMS KYANG KUN TU RMONGS PAR GYUR PA'I PHYIR NA JI LTAR DE KHO NA NYID DE DAG RNAMS BRJOD PAR GYUR PA NA, DE LTAR KUN TU MI RTOGS SO, ,SLAR YANG DE KHO NA BZHIN DU GANG DAG NAM MKHA'I DKYIL DU SONG BA RNAMS DANG, MTSO CHEN PO RNAM PAR
, ,RGYAS PA'I PADMA'I 'DAB MA RNAMS LA LTA BA GANG YIN PA DE DAG RNAMS PHAN TSUN KUN TU LTA BA LA CHED CHER BYED PAS, RTZE 'JO BAR BYED CING DGA' BAR YANG BYED DO, ,MCHOG TU SNYAN PAR GYUR PA'I LHA RDZAS KYI RNGA SKAD YAN LAG LNGA PA RNAMS KYIS SO, ,YUL GZHAN RNAMS KYI GZUGS DANG DRIS KYANG PHAN TSUN DU YID 'PHROG PAR GYUR PA'I BDE BA RNAMS KYIS KYANG RNAM PAR NGOMS PA MED PA'I YUL RNAMS NI, LAN TSA'I CHU BZHIN DU LAN GCIG MA YIN PA DANG LAN GCIG MA YIN PAR YANG NAGS RNAMS NYID DU RNAM PAR NGOMS PA MED PAR 'GYUR TE, LHA DE DAG RNAMS DE KHO NA BZHIN DU RNAM PA DU MAR DGA' BAR BYED CING BDE BA'ANG NYAMS SU MYONG BAR BYED DO, ,DE NAS DUS SHIN TU RING BAR LHA DE DAG GIS NAM MKHA'I DKYIL DU RTZED SGROG DAG BYAS NAS SLAR YANG GANG NA RNAM PAR RGYAS PA'I MTSO DE DANG, PADMA CHEN PO'I NAGS YOD PA DER LEGS PAR 'BAB PAR BYED DO, ,LHA GANG YANG PADMA CHEN PO DE'I 'DAB MA RNAMS LA LHAN CIG RJES SU SPYOD PA DANG BCAS NAS RNGA SKAD YAN LAG LNGA DANG LDAN PAS GLU LEN PAR BYED PA DANG, DGA' BAR BYED PA DANG, KUN TU G-YOG BYED PA DE DAG RNAMS NI, PHAN TSUN DU G-YOG GI BYA BAS BGROD CING MTHUN PAR 'JUG PAS RGYAGS PA LA DON GCIG PA 'DOD PA DRUG LA
RNAM PAR CHAGS PA'I YID KYIS DU SA RING DU GLU LEN PAR BYED PA DANG, MCHOG TU RTZED MO RTZE BAR YANG BYED DE, ,DE DAG RNAMS RNAM PA DU MA DANG RNAM PAR RTOG PA DU MAS BDE BA RNAMS NYAMS SU MYONG BAR BYED DO, ,DE DAG GI BDE BA DE DAG RNAMS KYANG SEMS BSKYED PA DANG LHAN CIG TU SKYE BA DANG, KUN TU RTOG PA TZAM GYIS RAB TU 'GRUB PAR 'GYUR BA NI, DGE BA'I LAS RNAMS KYIS DE LTAR YANG PHUN SUM TSOGS PAR 'GYUR, LHA DE DAG DE LTAR KUN TU RTOG PA'I CHU'I SHUGS LA RNAM PAR RTOG PA'I RLABS KYI PHRENG BA DANG LDAN PA'I CHU KLUNG CHEN POS KUN TU KHYER BAR GYUR PA DE DAG RNAMS NI, MCHOG TU BAG MED PA'I YID KYIS DUS RING DU 'DA' BAR BYED DO, ,MTSO CHEN PO DE'I PADMA'I 'DAB MA RNAMS LA SONG BA'I LHA RNAMS LA NI, LHA RDZAS KYI BDE BA RNAM PA DU MA RNAMS DANG RNAM PAR 'DRES PA DU MA RNAMS NYAMS SU MYONG BAR BYED DO, ,DE DAG DE LTAR RNAM PAR 'PHYAN PAS BAG MED PAR SPYOD PA DE DAG RNAMS LA RJES SU BA RTZE BA'I DON DANG, BAG MED PA KUN TU SPANG PAR BYA BA'I DON DU 'ANG 'THAB BRAL GYI BDAG PO MU SU LUNDHA DES DES SPRUL PA 'DI DAG RNAMS BYED PA YIN TE, GZUGS DANG LANG TSO'I RGYAGS PA RNAMS KUN TU ZHING, BYA BA'I DON DU'ANG YIN NO, ,DE BZHIN DU'ANG MTSO CHEN PO RNAM PAR RGYAS PA DE'I DRUNG DE NA GRIB MA SNGON PO ZHES BYA BA'I RI THAMS CAD NAS
, ,KYANG SHIN TU RAB TU DANG PA'I BEE d'URYA'I RANG BZHIN LA GSER DANG DNGUL GYI KHAMS KYI 'BYUNG KHUNGS RNAMS DANG LDAN PA THAMS CAD DU BKRA ZHING BKRA BAR GYUR PA'I NAGS 'BAR BA'I PHRENG BA RNAMS DANG LDAN PA, 'BAB CHU STONG PHRAG BRGYA GSER SHIN TU BSIL BA DANG RIN PO CHE'I 'OD KYIS KUN TU SNANG BAR GYUR PA'I RTZE MO THAMS CAD LA'ANG LJON SHING GI TSAL DANG LDAN PA DANG, PADMA'I RDZING BU RNAMS KYIS NYE BAR MDZES PA DANG, ME TOG GI 'BYUNG GNAS RNAM PA DU MA SNA TSOGS PA RNAMS KYIS NYE BAR MDZES PA, 'KHRI SHING GI KHANG PA STONG GIS RNAM PAR BRGYAN PA, NYE 'KHOR RNAM PA DE LTAR BUR RNAM PAR MDZES PA'I RI'I MCHOG DE LA 'THAB BRAL BA'I MNGA' BDAG DES BDE BA RGYA CHEN PO'I SA NA GNAS PA'I LHA RNAMS DANG, LHA GZHAN RNAMS LA'ANG PHAN PAR BYA BA'I DON DU RDZU 'PHRUL BYAS PA RNAMS NI, LHA RDZAS KYI BSAM GYIS MI KHYAB PA'I NGO BO'I SPRUL PA RNAMS YIN TE, BDE BA RGYA CHEN PO'I SA LA GNAS PA'I LHA DE DAG RNAMS LAS THABS THAMS CAD NAS BCU 'GYUR GYIS GZUGS DANG LANG TSO DANG MDANGS DANG MGYOGS PA DANG SPRO BA DANG GAR DANG GLU DANG RGOD PA DANG 'GYING BAG DANG RTZED 'JI LA SBRO BA LA SOGS PA RNAMS KYIS CHES LHAG PA'I LHA RDZAS KYI YUL GYI RNAM PA DE SRID PA RNAMS SBRUL PA GANG YIN
PA 'DI DAG GI KHYAD PAR GYIS LHA GZHAN DE DAG RNAMS NI, BCUR BYAS PA'I CHA TZAM DU'ANG 'GYUR BA MA YIN NO, ,RIM PA THAMS CAD KYIS GZUGS DANG LANG TSO DANG CHAD DANG MDOG DANG DBYIBS DANG RGOD PA DANG 'GYING BAG DANG GLU DANG GAR DANG RTZED MO'I YANG RIM PA RNAMS KYI RIM PA RNAMS THAMS CAD KYIS KYANG CUNG ZAD MDZES PA MA YIN NO, ,RNAM PA DE SRID DU SPRUL PA DE DAG RNAMS PHAL CHER NI, GRIB MA SNGON PO'I RI DE LA STE, NYE 'KHOR KUN NAS BEE d'URYA'I RANG BZHIN YIN PA RNAMS NI, SNGA MA BZHIN NO, ,DE NAS RI'I MCHOG GANG YIN PA DE'I RTZE MO DANG, THAMS CAD MCHOG TU GYUR PA DE DAG RNAMS LAS SPRUL PA'I LHA DE DAG RNAMS DANG, LHA MO DAG KYANG GLU LEN PAR GYUR PAS YAN LAG LNGA DANG LDAN PAR GYUR PA'I ROL MO RNAMS KYANG MNYAM PA DANG, CHAGS PAR BYED PA DANG, SNYAN PAR GYUR PA RNAMS BYED CING GANG NA RANG BZHIN GYI LHA DE DAG RNAMS GAR BYED PA DANG, 'GYING BAR BYED PAS SKYED MOS TSAL GYI LTAD MO BYED PA DER LHA MO DE DAG RNAMS DANG LHA DE DAG RNAMS RIM GYIS 'JUG GO ,DE NAS LHA DE DAG RNAMS KYIS SPRUL BA DE DAG GIS GLU'I SGRA RNAMS THOS PAR GYUR PA DANG BCU 'GYUR GYIS SHIN TU SNYAN PAR GYUR PA NI, SNGA MA BZHIN TE, RANG BZHIN GYI LHA DE DAG RNAMS RTZE DGA' BA LA MCHOG TU'ANG ZHUGS PA DANG, LHA MO DE DAG RNAMS KYIS KYANG DE KHO NA BZHIN DU
, ,RTZES PAR GYUR TO, ,DE NAS SPRUL PA'I LHA DE DAG RNAMS KYIS DAL BUS DAL BUS LEGS PAR BABS TE, DE NAS PHAN TSUN DU GANG GI TSE KHYAD PAR ZHUGS BAR MTHONG BAR GYUR PA DE'I TSE RANG BZHIN GYI LHA DE DAG RNAMS NI, SPRUL PA DE DAG RNAMS KYI KHYAD PAR GYIS TSUL THAMS CAD KYIS MI MDZES SO, ,GZUGS LHAG PAS NI, GZUGS KYI RGYAGS PA NYE BAR BCOM MO, ,DE DAG RNAMS KYIS BYAS PA'I CHA BYAD DU BYAS PA RNAMS BCOM MO, ,'OD RNAMS KYIS NI, RANG GI LUS LAS KUN TU 'BYUNG BA'I 'OD RNAMS BCOM MO, , SPRUL PA'I GLU'I DBYANGS RNAMS KYIS NI, NGO BO NYID KYI GLU'I GDANGS RNAMS NYE BAR BCOM MO, ,DRI RNAMS KYIS NI, DRI RNAMS BCOM MO, ,SPRUL PA'I TSAD DANG KHA DOG DANG DBYIBS RNAMS KYIS NI, LHA DE DAG RNAMS LHA MO DANG LHAN CIG TU BCAS PA RNAMS KYI TSAD DANG KHA DOG DANG DBYIBS RNAMS NYE BAR BCOM MO, ,DE BZHIN DU YAN LAG LNGA DANG LDAN PA'I YUL GYI BDE BA RNAMS KYIS NI, YAN LAG LNGA DANG LDAN PA'I YUL GYI BDE BA RNAMS NYE BAR BCOM MO, ,JI LTA JI LTAR NGO BO NYID KYI LHA RNAMS KYI RGYAGS PA CHEN PO THAMS CAD CHUNG NGUR BYAS PAR 'GYUR TE, THABS RNAMS THAMS CAD KYIS GANG GI TSE LHA DE DAG DANG, NGO BO NYID KYI LHA DE DAG RNAMS RNAM PAR 'DRE BAR 'GYUR BA DE'I TSE NA'O, ,DE LTAR DE DAG RNAMS
KYI SA NGO BO NYID KYI LHA RNAMS KYI GZI BRJID DE DAG DE BZHIN DU ZIL GYIS GNON TE, JI LTAR DZAMBU'I GLING DU NYI MA SHAR BAR GYUR PA NA GZA' DANG SKAR MA DANG RGYU SKAR RNAMS KYI GZI BRJID NYAMS PAR BYED DO, ,DE BZHIN DU SPRUL PA'I LHA DE DAG RNAMS KYIS LHA RNAMS THAMS CAD KYIS 'OD ZER ZIL GYIS GNON NO, ,JI LTAR LHA RDZAS KYI ROL MO RNAMS KYIS MI RNAMS ZIL GYIS GNON PAR BYED PA DE BZHIN DU ROL MO RNAMS KYANG MNGON PAR ZIL GYIS GNON NO, ,GLU RNAMS KYANG DE BZHIN DU ZIL GYIS GNON NO, ,TSAD DANG MDOG DANG DBYIBS RNAMS KYANG DE BZHIN DU ZIL GYIS GNON TE, ,JI LTAR 'THAB BRAL BAS MI RNAMS ZIL GYIS GNON PA BZHIN NO, ,DE NAS NGO BO NYID KYI LHA DE DAG RNAMS NGO TSA BA DANG BCAS PAS GANG NA DE MTSO CHEN PO DE YOD PA'I 'GRAM DER NYE BAR 'GRO BAR BYED DO, NGO TSA BA DANG NGO MTSAR BAR GYUR PA DANG BCAS PA'I YID KYIS SO, ,DE NAS SPRUL PA'I LHA DE DAG RNAMS MTSO DE'I GANG NA PADMA CHEN PO YOD PA YIN PA DE DANG NYE BAR MNGON PAR GNAS NAS GLU LEN PAR BYED PAR GYUR, GAR BYED PAR GYUR, RGOD PAR GYUR PAS KYANG LHA RDZAS KYI 'DOD PA'I YON TAN LNGA PHUN SUM TSOGS PAR GYUR PA'I BDE BA RNAMS DANG YANG DAG PAR LDAN PAS MTSO DE'I STENG GI PADMA CHEN PO'I 'DAB MA RNAMS KYI BAR DU SANG NAS GAR BYED PA DANG, RGOD PAR BYED PA DANG, 'GYING BAR BYED PA DANG, PHUN TSUN GROGS
, ,BYED PAS KYANG RGYAGS PA LA DON GCIG PA RNAMS YIN TE, 'THAB BRAL BA RNAMS LAS CHES LHAG PA'I LUS CAN DE DAG RNAMS KYIS RANG BZHIN GYI LHA RNAMS LA PHAN PAR BYA BA'I DON DU DE'I TSE TSIGS SU BCAD PA MNGON PAR BSNYAD PA GLU DANG LEGS PAR 'DRES PA RNAMS BSHAD PA JI LTAR, LHA YI BDE BA THAMS CAD NI, , LAS DANG CHA 'DRA MTHONG BA YIN, ,GSON PA DANG NI BDE BA YANG, ,LAS ZAD PAS NI 'JIG PA YIN, ,DE PHYIR RNAM PA DU MA'I BDE, ,JI SRID ZAD PAR MA GYUR PA, ,DE SRID DU NI BSOD NAMS KYIS, ,BSOD NAMS MA BYAS LAS SDUG BSNGAL, ,GSON TSE MYUR BA NYID DU 'GRO, ,LANG TSO MYUR BAR 'GRO BA YIN, ,'CHI BDAG MYUR BA NYID 'ONG GIS, ,BAG MED PA LA DGA' MA BYED, ,LUS CAN KUN GYI BDE BA KUN, ,'JIG PA'I RGUD PAR 'GYUR BA YIN, ,GSON PA YANG NI MTHAR 'JOMS NA, ,BAG MED LA NI DGA' MA BYED, ,DBANG PO RNAMS KYI SPYOD YUL LA, ,MI SKYE BAR NI BYA MI NUS, ,DBANG RNAMS RANG GI SPYOD YUL LAS, ,GANG PHYIR SHES PAS ZLOG PAR BYED, ,DE PHYIR RTAG TU SHES PA BSTEN, ,SHES PA YONGS SU SPONG BA DANG, ,SKYON RNAMS RTAG TU SPONG MI 'GYUR, ,DE NI DON MIN MYU GU YIN, ,BAG MED PA LAS 'DOD CHAGS SKYE, ,'DOD CHAGS LAS NI SDUG BSNGAL 'BYUNG, ,SDUG
BSNGAL GYIS BSGRUBS SKYE BA 'DI, ,DE DAG 'KHOR BA'I LAM YIN NO, ,BAG MED YONGS SU SPANGS PA GANG, ,YUL 'DI STON PAR MI BYED PA, ,DE LA SKYON NI MI DMIGS LA, ,SKYON GYI DNGOS PO GROL BA YIN, ,SDUG BSNGAL LJON SHING RTZA BAR NI, ,BAG MED 'DI GCIG RNAMS PAR GNAS, ,BAG MED PA LA MCHOG GYUR PAS, ,SKYE 'DI LAM NI THAMS CAD 'JOMS, , GZUGS NI RTAG PA MTHONG BA MED, ,MNYAM DU 'GRO BA'I BDE BA MED, ,SRID NAS SRID PAR DNGOS PO 'DI'I, ,KUN THOB PA YANG RNAM 'JIG 'GYUR, ,YUL NI 'CHING BA RNAMS KYI RGYU, ,JI LTA JI LTAR BSTAN BYAS PA, ,DE LTA DE LTAR RNAM 'PHEL TE, ,BUD SHING LAS NI ME JI BZHIN, ,NGOMS PA MED PA'I SDUG BSNGAL 'DI, ,'DI NI BDE BAR 'DIR MI BRJOD, ,'KHOR BA LAS NI KHA LOG PA'I, , GANG ZHIG SRED BRAL DE BDE YIN, ,DE PHYIR GANG ZHIG MTHAR THUG BDE, ,BDE BDE DE NI BDE BAR BRJOD, ,'DOD PA 'BYUNG MIN BDE BA NI, ,MTHAR THUG PA YI BDE PA YIN, ,DE LTAR BAG MED PA RNAMS KYIS SHIN TU BCOM PAR MA GYUR PA'I MU SU LUNDHA SA SPRUL PA'I LHA DE DAG RNAMS KYIS LHA DE DAG RNAMS LA GLU LA BSNYAD NAS MCHOG TU SNYAN PA SNGA NA MA THOS PA'I GLU RNAMS LEN PAR BYED LA, ,JI LTAR BSTAN PA DANG KUN TU BSRAS PA'I SPRUL PA'I DE KHO NA NYID RNAMS NGO BO NYID KYI LHA DAG GIS THOS NAS NYAN PAR BYED DO, ,DE NAS LHA DE DAG GIS TSIGS
, ,DBYANGS KYIS BSNYED PA THOS NAS SRID PA SNGA MA LA GOMS PAR BYAS PAR GYUR PA YONGS SU DAG PA'I RGYUD GANG YIN PA JI LTAR LHA DE DAG GIS CHES GTZO BOR GYUR PA RNAMS KYIS GLU DBYANGS KYI DON KUN TU RTOGS NAS SKYO BA SKYE BAR 'GYUR RO, ,DE NAS YANG BDAG CAG RNAMS KYI DRUNG NA RIM PA RNAMS THAMS CAD KYIS KHYAD PAR DU 'PHAGS PAR GYUR PA DE DAG GANG GIS TSIGS SU BCAD PA'I DBYANGS 'DI DAG RNAMS LEGS PAR BSHAD PA YIN YANG DE DAG RNAMS GANG YIN PA'I DRUNG NA BDAG CAG RNAMS CI'I PHYIR THAMS CAD DU SHIN TU DMAN PAR GYUR CES DE LTAR THABS DE DAG RNAMS KYIS 'THAB BRAL GYI BDAG POS SNYING LA LEGS PAR GO BAR BYAS TE BAG MED PA RNAMS DANG BRAL BAR YANG BYED DO, ,THABS GZHAN RNAMS KYIS KYANG PHAN PAR BYED PA YIN LA, DE LTAR LHA DE DAG RNAMS GZUGS LA SOGS PA'I BDE BA'I RGYAGS PA DAG GIS RGYAGS PAR GYUR NAS LOG PAR LTUNG BAR 'GYUR BA RAB TU MA MTHONG BA DE, PHYIS 'CHI 'PHO BA'I DUS NA 'GYOD PA'I MES BSREGS NAS PHYI NAS YANG DMYAL BA'I MES SREG PAR 'GYUR BA YIN NO, ,DE LA THABS 'DI DAG GIS RANG BZHIN PA'I LHA DE DAG RNAMS LA PHAN PAR 'DOD PAS MU SU LU NDHA DES KUN SKYO BA SKYED DO, ,DE NAS LHA DE DAG RNAMS YID BYUNG BAR GYUR PA RTOGS NAS YANG SPRUL PA
GZHAN YANG SHIN TU YID 'BYUNG BA'I RGYUR GYUR PA'I SPRUL PA RNAMS BYED DE, JI LTAR PADMA'I 'DAB MA RNAMS NYID LA RNAM GRANGS DU MA RNAMS KYIS DGA' BAR BYED PA DANG, YONGS SU GLU LEN PAR BYED PA DANG, RNAM GRANGS DU MAR 'GYING BAR YANG BYED PA DE LTAR BYED DO, ,JI LTAR RANG BZHIN GYI LHA DE DAG RNAMS KYIS NAM YANG 'GA' ZHIG TU'ANG MTHONG MA MYONG BA'I RTZED MO DE DAG RNAMS DE LTAR RNAM PAR DU MA RNAMS SU DANG, RNAM PAR RTOG PA DU MA RNAMS SU DANG, CHES DGA' BA DU MA RNAMS SU NGO BO NYID KYI LHA DE DAG RNAMS KYI BAG MED PA DANG NGES PAR BRAL BAR BYA BA'I DON DU DANG, JI LTAR DE DAG RNAMS KYI RGYAGS PA KUN NAS SPANGS PAR 'GYUR BAR RO, ,NGO BO NYID KYI LHA DE DAG RNAMS KYIS SPRUL PA'I LHA DE DAG RNAMS KYI GLU SHIN TU SNYAN PAR GYUR PA RNAMS JI LTA PA BZHIN DU THOS PAS NGO TSA BAR GYUR NAS GLU LEN PAR MI BYED PA DANG, GAR YANG MI BYED, 'GYING BAR YANG MI BYED, DGA' BAR YANG MI BYED, KUN TU SPYOD PAR YANG NI, MI BYED KYI, SPRUL PA DE DAG RNAMS KYI LA LTA BAR 'DOD PA'I YID RTZE GCIG PAS THAMS CAD NYID GNAS PAR GYUR TO, ,DE DAG RNAMS KYIS KYANG RNAM PAR DU MAR GAR DANG GLU DANG RGOD PA DANG 'GYING BAG DANG RNAM PAR RTOG PA DU MAR DANG, DGA' BAR 'GYUR BA DU MAR GZHAN RNAMS DANG 'DRA BA MA YIN PA'I RNAM PA DU MA RNAMS KYANG PADMA'I 'DAB MA RNAMS
, ,LA SONG NAS LHA DE DAG RNAMS GLU LEN PAR BYED PA DANG, GAR YANG BYED DO, ,DE NAS GANG GI TSE RANG BZHIN GYIS LHA DE DAG RNAMS KYI YID LAS SU RUNG BAR BYAS PAR GO NAS MU SU LUNDHA DES SPRUL PA GNYIS PA BYED PA RNAMS NI, JI LTAR PADMA'I 'DAB MA RNAMS LA GNAS NAS GLU LEN PAR BYED PA'I LHA DE DAG RNAMS NYID KYI PADMA'I 'DAB MA GCIG SPRUL PA'I LHA RNAMS KYIS LEGS PAR GANG BA RAB TU LHUNG NGO, ,DE NAS MTSO DE LA LHA DE DAG RNAMS LAS KHA CIG NI, NUB PAR GYUR TO, ,KHA CIG NI, BYUNG NAS YANG NUB BO; ;LA LA DAG NI, LUS RNAMS CHU LA BRTEN NAS RGYAL BAR BYED DO, ,KHA CIG NI, PHAN TSUN KUN TU 'KHYUD PAR BYED PA DANG NUB PAR YANG GYUR NAS JI LTA BA BZHIN DU SKYOBS DANG, BSKYAB PAR GYIS DANG ZHES DE LTAR PHAN TSUN DU 'BOD PAR BYED CING, 'BOD PAR BYED PAS KYANG PHAN TSUN DU RTEN PAR BYED PA DANG, DU BAR YANG BYED PA DANG, LHUNG BA DANG BYING BAR YANG GYUR PA'I NYAM NGA BA CHEN PO DANG 'JIGS PA CHEN PO DANG SDUG BSNGAL CHEN PO RNAM PA DU MA DE DAG RNAMS MTSO CHEN PO DE'I 'GRAM DU SONG BAR GYUR PA'I LHA DE DAG RNAMS KYIS KHYAD PAR DU MTHONG NGO, ,DE NAS 'DAB MA GCIG DE DAG TU ZAGS PA DANG MNYAM PA THABS KYIS RJES THOGS SU 'DAB MA GZHAN SPRUL BA'I LHA RNAMS KYIS KUN
TU GANG BAR GYUR PA'I 'DAB MA DE DANG DE DAG RNAMS ZAGS SHING ZAGS SHING RNAM PAR RGYAS PA'I MTSO CHEN POR LHUNG LA, SPRUL PA'I LHA DE DAG GANG YIN PA DE DAG RNAMS THAMS CAD KYANG 'JIGS PA CHEN PO RNAMS SU LHUNG BAR GYUR TE, KHA CIG NI, CHUR NUB BO, ,KHA CIG 'GYUR LDOG BYAS PAS SMAD PAR GYUR NAS RNAM PAR KHRO BAR BYED DO, ,KHA CIG NI, DE NA GAR SONG BA MTHONG BAR GYUR PA NYID KYANG MA YIN NO, ,KHA CIG NI, CHUR 'GYUR LDOG BYAS PAS SHI BAR GYUR TO, ,KHA CIG NI, RNAM PAR KHRO 'TSIG GO ,DE BZHIN DU LHA'I BU MO RNAMS KYANG SHIN TU RNAM PAR NYAMS PAR GYUR CING RNAM PAR KHROS, 'KHRUGS PA DANG BYING BAR GYUR PAS LHA DE DAG RNAMS LA 'JU SA 'PHYANG NAS NUB PAR 'GYUR RO, ,JI LTAR GANG GI TSE GRU ZHIG PAR GYUR NA DE'I TSE GANG DAG DER ZHUGS PA DE DAG RNAMS MED PA DANG, BYING BAR 'GYUR RO, ,DE BZHIN DU MI DGE BA'I CHU RNAMS KUN TU RGAL BAR BYED PA NA SPRUL PA'I LHA DE DAG RNAMS KYANG 'DAB MA RNAMS LAS LHUNG BAS NGES PAR NUB PAR 'GYUR RO, ,DE'I RJES LA RNAM PAR RGYAS PA'I MTSO CHEN POR PADMA'I 'DAB MA GSUM PA LHUNG BAR GYUR PAS DE NA'ANG LHA GANG DAG GNAS PA DE DAG RNAMS THAMS CAD KYANG RDOB BZHIN DU 'OG TU BYING ZHING NUB NAS THAMS CAD KYANG MA MTHONG BAR SONG NGO, ,DE'I RJES THOGS LA SPRUL PA'I LHAS KUN NAS GANG BA'I 'DAB MA GZHAN DAG KYANG RAB
, ,TU LHUNG BAR GYUR TE, DE DAG NA'ANG DE'I LHA GANG DAG DE LA KUN TU 'DUS SHING LEGS PAR TSOGS PA DE DAG RNAMS KYANG MTSO RNAM PAR RGYAS PA DE DAG TU NGES PAR LHUNG BAR GYUR NAS KYANG PHAN TSUN KUN TU CHAGS PAR GYUR CING RNAM PAR KHROS PAS KYANG PHAN TSUN DU 'BOD PAR BYED CING KUN TU 'BYING BAR GYUR PAS KYANG DUS RING DU RNAM PAR; RJOD PAR BYED CING RNAM PAR BRJOD PAS KYANG MTSO DE'I NANG DU LHUNG BAR 'GYUR BA NI, DE LTAR LAN BRGYA PHRAG RNAMS SU DANG, CI STE NA LAN STONG PHRAG RNAMS SU'ANG BYE BRAG MANG DU RNAM PAR RJOD CING, MTSO DE'I NANG DU NGES PAR LHUNG ZHING NGES PAR BYING BA NI, RDO BA BZHIN TE, LAN DU MAR YANG 'OG GI'ANG SRID PA RNAMS SU 'GRO BAR 'GYUR RO, ,DE'I RJES THOGS LA LHA RNAMS NYID KYIS KUN NAS GANG BA'I PADMA'I 'DAB MA GZHAN RNAMS KUN TU LHUNG BAR GYUR TO, ,DE DAG RNAMS LHUNG BAR GYUR PA DE'I RTZA BA LAS KYANG SGRA CHEN PO RNAM PA DU MAR KUN TU BYUNG BAR GYUR PA RNAMS NI, DPER NA, RI'I RTZE MO KUN TU NYIL PA'AM, SA GZHI G-YOS PA'AM, RGYA MTSO 'KHYOMS PAR GYUR PA RNAMS KYANG KUN TU 'BYUNG BAR GYUR TE, DE LTAR 'DIR TUG COM GYI SGRA DE DAG RNAMS RAB TU BYUNG BAR GYUR TO, ,SGRA DE DAG THOS NAS KYANG GANG DAG RANG BZHIN DU GNAS PA'I LHA DE DAG RTZA BA NAS 'GYEL ZHING GNAS PAR GYUR TE, RNAM PA DU MAR KHYAD PAR DU MI RIG
BDE DAG RNAMS DE DAG GIS MTHONG BAR GYUR NAS SHIN TU YI MUG CING 'JIGS PA DANG MCHOG TU SKYO BA'I YID DU GYUR TO, ,GZHAN YANG GANG NA MTSOR SONG BA'I SPRUL PA'I LHA DE DAG RNAMS RAB TU LTUNG BAR GYUR PA'I DE DAG 'KHOR RNAMS KYIS YONGS SU BSKOR NAS SHIN TU SDUG BSNGAL BA'I YID KYI GNAS PAS GNAS TE, SNGA NA MA MTHONG BA 'DI RNAMS CI YIN, LHA RNAMS THAMS CAD KYIS KYANG SNGAR NAM YANG DE LTAR NYAMS SU MYONG BAR MA GYUR PA, SHIN TU MI BZAD PA'I SDUG BSNGAL BA'I GO 'PHANG LHA RNAMS KYIS NYAMS SU MYONG BA YIN NO, ,ZHES RNAM PA DE LTA BU'I MCHOG TU 'JIGS PAR GYUR PA'I SHIN TU MI RIGS PA RNAMS DE SKAD DU RJOD PAR YANG BYED DO, ,DE LTAR DE DAG RNAMS SEMS PAR BYED PA NYID DANG, PHAN TSUN DU GLENG BAR YANG BYED PA DANG, MCHOG TU SKYO BA'I YID DU'ANG 'GYUR RO, ,'DAB MA GZHAN NYID KYANG RAB TU LHUNG BAR GYUR PAS LHA MO RNAMS THAMS CAD KYANG SHIN TU NYAMS SMAS PAR GYUR NAS PHAN TSUN DU RNAM PAR KHRO BAR BYED PA DANG, H'A YONGS SU SKYOBS DANG ZHES BYA BA DE LTAR PHAN TSUN DU RJOD PAR YANG BYED DO, ,JI LTAR GANG DAG BAG MED PAR GYUR PAS BAG MED PAR RGYU BAR BYED PA DE DAG RNAMS KYI NI, GNAS SKABS 'DI YIN LA, RNAM PAR LHUNG BA'I RNAM PA RNAMS KYANG 'DI 'DRA BA YIN NO, ,DE LTAR DE DAG
, ,PHAN TSUN RNAM PAR KHRO BA RNAMS LAS RANG BZHIN PA'I LHA DE DAG RNAMS KYI YID LAS SU RUNG BAR BYAS TE BAG MED PA NYAMS DMA' BAR GYUR PA RNAMS NI, MYA NGAN LAS 'DES PA'I CHOS RNAMS SGRUB PA LA LAS SU RUNG BA YIN PAR MTHONG NAS MCHOG TU GZHAN LA PHAN PA LA RAB TU ZHUGS PA'I MU SU LUNDHA DES DE DAG RNAMS LA YANG PHAN PA'I DON DU'ANG LHA DE DAG DANG BCAS PA'I PADMA'I SNYING PO DE NYID MI MTHONG BAR BSGYUR RO, ,DES 'GRO BA'I TSOGS CHEN PO BAG MED PAS NA BAG MED PAR RNAM PAR SPYOD PAR BYED PA GANG YIN PA DE DAG RNAMS KYI YID DGE LEGS DANG LDAN PAR GYUR TE, ,DE LTAR LEGS PAR SKYES PAR GYUR NAS DUS 'DI NYID DU NI, 'DI DAG RNAMS DAM PA'I CHOS BSGRAGS PA RAB TU 'DZIN PAR 'GYUR TE, DAM PA'I CHOS BSGRAG PAR BYA'O, ,DE NAS DAR DE LTAR RIG NAS MTSO DER 'JIGS PA CHEN PO'I RIM PA DU MA GZHAN NYID KYANG SPRUL PAR BYED PA YIN TE, 'DAB MA BRGYA'ANG 'JIGS PA DANG SPRUL PA'I LHA RNAMS KYANG 'JIGS PA CHEN PO RNAM PA DU MA DANG, PHUNG NYES RNAMS DANG, MTSO LA YANG 'BYING BAR 'GYUR BA DANG, DE BZHIN DU RNAM PA DU MAR KUN TU RJOD
PAR BYED PA DANG, YID NYAMS SMAS PA KUN TU 'BYUNG BA DANG, 'CHI BAR 'GYUR BA DU MA'ANG SPRUL PAR GYUR TO, ,DE DUS RING DU RTOGS PAR BYED DE, DE DAG GIS KYANG RANG BZHIN GYI LHA DE DAG GI 'GROS BCOM ZHING, JI LTA BA BZHIN DU YID NYAMS SMAD NAS GZHAN DU 'GRO BAR BYED PA NA'ANG DE LTAR BYUNG BA'I 'GROS BCOM NAS JI LTAR DE DAG GIS MTHONG NAS 'GYUR BAR BYED DO, ,MTHONG BA'I RJES THOGS NYID LA YID SHIN TU NYAMS DMAS SHING SKYO BA SKYE BA 'BYUNG BAR 'GYUR RO, ,DE LTAR THAMS CAD BYAS NAS PADMA'I NANG GI SNYING PO LA ZHUGS TE BAG MED PA'I LHA DE DAG RNAMS NYID DANG LHAN CIG TU LTA BAR BYED PA DANG, LHAN CIG TU SPYOD PAR YANG GYUR PA NA'ANG SHAR BAR GYUR PA LEGS PAR MNGON PAR MTHONG BA DANG, GZHAN LA PHAN PA DANG RJES SU 'DZIN PA LA RAB TU ZHUGS PA DANG, MCHOG TU SNYING RJE CHE BA DANG, GZHAN RNAMS LA PHAN PA DANG RAB TU LDAN PAS LEGS PAR ZHUGS PAS KYANG LHA DE DAG RNAMS KYI RJES SU 'BRANG BA DANG BCAS PAS PADMA'I SNYING PO DE KUN TU BTANG BAR GYUR TO, ,SBRUL PA DE DAG RNAMS KYANG MI SNANG BAR BYAS NAS DBUGS 'BYIN PAR BYED DO, ,JI LTAR SHIN TU BAR YANG 'JIGS PA'I GNAS RNAMS SU LHA DAG 'GRO BAR BYED PA, SHIN
, ,TU 'JIGS PAR GYUR PA'I GNAS RNAMS SU RAB TU 'GRO BA NA BAG MED PAS 'JIGS PA'I GNAS RNAMS SU 'GRO BAR MA BYED CIG , BAG MED PAS RNAM PAR RGYU BA RNAMS KYI GNAS SKABS NI, 'DI DAG YIN NO, ,BAG MED PAS RGYU BAR BYED PA RNAMS NI, BAG MED PA'I RTZA BA LAS SHIN TU 'JIGS PAR 'GYUR BA YIN TE, BAG MED PA LA SDUG BSNGAL RNAMS MI 'BYUNG BA NI, 'GA' YANG MED DO, ,DE NAS DUS DE DAG TU MU SU LUNDHAS TSIGS SU BCAD PA'I DBYANGS RNAMS BRJOD PA JI LTAR, BAG MED LA NI MNGON DGA'I BYIS, ,RTAG TU SDUG BSNGAL SKAL LDAN YIN, ,GANG YANG BAG MED RNAM PAR SPANGS, ,RTAG TU BDE BA'I SKAL LDAN DE, ,SDUG BSNGAL LJON SHING THAMS CAD KYI, ,RTZA BA BAG MED PAR BRJOD DO, ,DE PHYIR SDUG BSNGAL YONGS SPONG BAS, ,BAG MED PA NI RNAM PAR SPONGS, ,DE NAS LHA RANG BZHIN PA DE DAG GIS KYANG MU SU LUNDHA DE MNGON PAR MTHONG NAS DE DAG RNAMS YID RNAL DU PHEBS PA DANG CHES RAB TU DGA' BAR GYUR NAS GANG NA 'THAB BRAL GYI MNGA' BDAG DE YOD PA DER THAMS CAD NYID NYE BAR BRGYUGS SO, ,JI LTAR LHA BDAG CAG RNAMS KYI MGON PO BDAG CAG RNAMS
KYI MGON PO BDAG CAG 'THAB BRAL BA RNAMS KYI MNGA' BDAG DE NI, PADMA'I SNYING PO LA LHA'I TSOGS RNAMS THAMS CAD KYIS YONGS SU BSKOR NAS LEGS PAR GNAS TE BDAG CAG RNAMS RJES SU 'DZIN PAR BYED PA'I RGYU MTSAN DU 'DIR BYON TO, ,DE LTAR PHAN TSUN DU RIG PAR GYUR NAS GANG NA PADMA'I SNYING PO YOD PA DER THAMS CAD NYID NYE BAR 'GRO BAR BYED DO, ,DE NAS NYE BAR SONG BA DANG PADMA'I SNYING PO LA RANG NYID LEGS PAR GNAS PA GANG YIN PA 'DI NI, MU SU LUNDHA KUN TU GNAS PA YIN NO; ;PADMA'I SNYING PO'I SENGGE'I KHRI LA KHA DOG MTSUNGS PA'I GZUGS DANG LDAN PA RNAMS KYI LHA GZHAN GYIS ZHABS 'BRING BYAS NAS NYE BAR 'GRO BA NA LHA DE DAG GIS MU SU LUNDHA DE LA 'DI SKAD CES BRJOD DE, LHA LAGS, LHA 'DI DAG RNAMS GANG YIN PA LA DE LTAR MTHO 'TSAM PAR BYED PA 'DI GANG DAG CI LAGS , 'CHING BAR BYED PA DANG, KUN TU BSKOR BAR BYED PA DANG, CHU RNAMS LA'ANG KUN TU NUB PAR BYED PAR GYUR PA DANG, RNAM PAR KHRO BAR YANG BYED PA DANG, RNAM PA MANG PO'I GNAS SKABS RNAMS KYANG BYED DU 'JUG LAGS NA, DE NAS MU SU LUNDHA DES LHA DE DAG RNAMS LA 'DI SKAD CES BRJOD DE JI LTAR, SROG CHAGS SU GYUR PA RNAMS
, ,THAMS CAD KYIS NI, CI NAS KYANG MYONG BAR BYA BA GANG YIN PA NI, BAG MED PA'I SKYON 'DI DAG RNAMS YIN PAR KHYED RNAMS KYIS LEGS PAR MA GO'O, ,DE NAS DE'I DUS NA MU SU LUNDHA SA TSIGS SU BCAD PA'I DBYANGS KYIS BSNYAD PA JI LTAR, 'BYUNG PO THAMS CAD KYIS MI MTHONG, ,LAS RNAMS KUN GYIS RGYAL BA MIN, ,'JIG RTEN THAMS CAD RNAM 'JIG PA, ,'CHI BDAG CES NI MNGON PAR BRJOD, ,DE YIS SKYE BO 'DI DAG 'JOMS, ,PHUNG PO SKYE MCHED 'JOMS BYED PO, ,'JIG RTEN 'DI NAS PHA ROL TU, ,'CHI BDAG RGYAL POS KUN TU 'KHRID, ,'DI YIS KHRID PAR GYUR PA NA, ,DE 'GA' ZHIG LA'ANG STOBS MI DMIGS, ,CHOS MA GTOGS PA DE YI PHYIR, ,CHOS NI SKYOB PA'I MCHOG TU BRJOD, ,GSON PA YANG NI MYUR BAR 'GRO, ,MYUR BAR LANG TSO 'GRO BA YIN; ;'CHI BDAG MYUR BAR 'ONG BA YIN, ,BAG MED PA YIS DGA' MA BYED, ,LUS CAN RNAMS KYI BDER GYUR PA, ,THAMS CAD 'JIG PA'I RGUD PA YIN, , GSON PA YANG NI MTHAR 'JOMS KYI, ,BAG MED PA LA DGA' MA BYED, ,DMYAL BA YI DVAGS DUD 'GROR NI, ,LAS KUN ZAD NAS 'GRO DGOS KYI, ,SHES KYIS
SDUG BSNGAL MI BZAD 'DI, ,DGA' BAR MA BYED BAG MED PA, ,SRID GSUM NGAM GROG SRID 'DI GANG, ,MI RTAG PA YI THABS 'OG YIN, ,SKYE ZHING 'CHI BA DE LTA LA, , BAG MED PA LA DGA' MA BYED, ,'CHI BDAG GIS NI LUS 'JOMS LA, ,RGAS PA YIS NI GZHON BA 'JOMS, ,SO GSOD PA NI NAD KYIS 'JOMS, ,BAG MED PAS NI DGA' MA BYED, ,LAS KYI THAG PAS RNAM BCINGS NAS, ,SEMS KYI 'PHYANG MO LA LEGS BRTEN, ,SEMS CAN SRID PA GSUM NA 'KHYAMS, ,DGA' BAR MA BYED BAG MED LA, ,SKYID DE BA YANG SDUG BSNGAL 'GYUR, ,SDUG BSNGAL CAN YANG RNAL PHEBS GNAS, ,RJE DPON YANG NI BRAN 'GYUR GYI, ,BAG MED PA LA DGA' MA BYED; ;MA YANG CHUNG MAR 'GYUR BA DANG, ,CHUNG MA YANG NI DGRA 'DI NYID, ,'GYUR LDOG CHEN PO 'DI 'DRA LA, ,BAG MED PA LA DGA' MA BYED, ,NAGS DANG NYE NAGS BRAG RNAMS LA, ,LHA YI TSOGS KYIS BRGYAN PA YI, ,'JIG RTEN 'DI NI MED 'GYUR GYI, ,BAG MED PA LA DGA' MA BYED, ,LUS CAN RNAMS KYI BDE BA NI, ,G-YO ZHING 'TSE DANG BCAS PA YIN, ,YID CHES MED DANG STONG PA LA, ,BAG MED PA LA DGA' MA BYED, ,SDUG BSNGAL GYIS GZIR SKYE 'DI YANG, ,RGA DANG NAD KYI SNOD YIN NO, ,
, ,SKYE BA NGES PAR 'CHI BA YANG, ,GANG GIS THAMS CAD DU NUS MIN, ,SKYE BA THAMS CAD 'CHI BA'I MTHA', ,DE BZHIN LANG TSO RGAS PA'I MTHA'; ;RMI LAM LTA BU'I 'DOD PA LA, ,BAG MED PAS NI DGA' MI BYA, ,CHU SHING LO MA DANG MTSUNGS DANG, ,GLOG RNAMS DANG YANG RAB TU MTSUNGS, ,SLU BAR BYED PA THAMS CAD LA, ,BAG MED PAS NI DGA' MA BYED, ,YUL GYI SPYOD YUL CAN DBANG BO, ,RGYAL BAR BYA BAR NUS MA YIN, ,DBANG PO RNAMS KYI RANG YUL LAS, ,GANG PHYIR SHES PAS ZLOG PAR BYED, ,DE LTAR MU SU LUNDHA DES LHA DE DAG RNAMS KYI YID SKYO BAR GYUR BA LA GZHAN LA PHAN PA'I DON DU TSIGS SU BCAD PA RNAMS JI LTA BAR BRJOD DO, ,GZHAN YANG 'THAB BRAL BA'I BDAG PO DE NYID KYIS LHA RNAMS KYI BAG MED PA LA RNAM PAR GSHE'O, ,JI LTAR BAG MED PA'I MUN PAR 'OG TU NUB PA DE DAG MA MTHONG BA RNAMS NI, SDUG BSNGAL CHEN POR GYUR PA DANG RGAS PA DANG 'CHI BA RNAMS 'BYUNG BAR 'GYUR RO; ;JI LTAR LHA DE DAG NI, KHYED RNAMS NYID DANG MTSUNGS PA YIN TE, PHYIN CI LOG RNAMS LA JI LTA BAR ZHUGS NAS BAG MED PA LA MNGON PAR DGA' BA RNAMS
YIN TE; PHYIN CI LOG NYID LA ZHUGS PA RNAMS THAMS CAD LA YONGS SU SKYOB PAR BYED PA NI, 'GA' YANG MED DO, ,GANG KHYED RNAMS KYI KHYAD PAR LAS TSUL THAMS CAD KYIS KHYAD PAR DU 'PHAGS PA RNAMS BAG MED PAS BRLAGS PAR GYUR NAS TSAD DANG MDOG DANG DBYIBS DANG NYE BAR LONGS SPYOD PA DANG KHANG BU DANG 'OD ZER DANG LHA MO DANG SKYE BA RNAMS KYIS YONGS SU SPANGS PA DE DAG RNAMS KHYED RNAMS KYIS MNGON SUM DU 'GYUR PA YIN NA, JI LTAR NA YONGS SU SPYAD PAR 'GYUR BA YIN, JI LTAR NA 'KHOR RNAMS DANG BCAS PA YIN, PHYIN CI LOG LA ZHUGS PA DE'I TSE DE DAG NI, BAG MED PA'I SKYON GYIS YIN PAR MNGON PAR MTHONG BA'I PHYIR NA, THAMS CAD LA DUS THAMS CAD DU THABS RNAMS THAMS CAD KYIS BAG MED PA YONGS SU SPANG BAR BYA'O, ,GANG CUNG ZAD CIG MTSO 'DI 'DZIN PA DANG BCAS PA'I BAG MED PA'I MTSO DE DAG RNAMS NI, DUG GIS ZIN PA RNAMS LAS KYANG SHIN TU KHYAD PAR DU 'PHAGS PA YIN NO, ,GANG 'GA' ZHIG ME RLUNG DANG BCAS PAR GYUR PA DE DAG RNAMS KYI DRUNG NA BAG MED PA'I ME KUN TU RTOG PA'I RLUNG DANG BCAS PA NI, SHIN TU BAR YANG LHAG PA YIN NO, ,GANG CUNG ZAD CIG
, ,MUN PA DUS RING DU 'THIBS PA RNAMS LAS BAG MED PA'I RANG BZHIN GYI MUN PA NI, DE DAG RNAMS LAS ZLA MED PAR KHYAD DU GYUR PA YIN TE; THOG MA MED PA'I DUS NAS KUN LA RING DU 'BYUNG BA YIN PA'I PHYIR RO, ,GANG 'GA' ZHIG DGRA BO GLAGS GCOD PAR BYED PA RNAMS KYI NANG NAS BAG MED PA'I DGRA NI, DE DAG RNAMS KYI DRUNG NA KHYAD PAR DU 'PHAGS PA YIN TE, YUL GYI GROGS KYIS KUN NAS GLAGS GCOD PA YIN PA'I PHYIR RO, ,GANG CUNG ZAD MTSON CHAR BRJOD PAR BYA BA SO RNON PO DE DAG RNAMS KYI NANG NAS BAG MED PA'I MTSON GYI SO RNAMS NI, LHAG PAR RNO BA YIN TE, NGAN SONG DU LOG PAR LTUNG BA'I RTZE MO RNON PO RNAMS YOD PA'I PHYIR RO, ,GANG 'GA' ZHIG SBRUL DUG CAN DU GYUR PA DE DAG RNAMS KYI DRUNG NAS BAG MED PA'I SBRUL GYI DRUG GIS SEMS CAN THAMS CAD KYI SROG NGES PAR 'PHROG PAR BYED PA'I DUG CHEN PO DE NI, KHYAD PAR DU 'PHAGS PA YIN TE, BYIS PA'I SKYE BO RNAMS THAMS CAD KYI SEMS STOBS NGES PAR 'JOMS PA'I PHYIR RO, ,GANG CUNG ZAD GROGS PO'I GZUGS CAN GROGS PO MA YIN PA RNAMS LAS BAG MED PA NI, DE DAG RNAMS KYI NANG NA BLA LHAG PA YIN TE,
DGA' BA'I 'DOD CHAGS DANG KUN TU 'DRES PA'I PHYIR RO, ,GANG CUNG ZAD 'CHING BAR GYUR PA LCAGS SGROG GAM, SHING GDOS SAM, THAG PA LAS BYAS PA DE DAG RNAMS KYI NANG NAS BAG MED PA NI, BLA LHAG PA YIN TE, ZHE SDANG 'THUG PO DANG KUN TU 'DRES PA'I PHYIR RO, ,GANG 'GA' ZHIG PAS BLA LHAG PAR GYUR PA NI, DGON PAR RNAM PAR 'KHYAMS PAR GYUR PA RNAMS LA CHU DAG DANG, SHING LJON PA DANG, 'BRAS BU DANG, GRIB MA DANG, BZHON PA 'ANG MED PAS SEMS CAN RNAMS THAMS CAD SDUG BSNGAL BAR BYED PA PO DE DAG RNAMS KYI NANG NAS BAG MED PA'I DGON PA NI, SHIN TU BLA LHAG PA YIN TE, BDE BA'I CHU DAG DANG SKYES BU DAM PA RNAMS KYI TSUL KHRIMS KYI LJON SHING GI GRIB MA RNAMS LAS THA MAR SEMS CAN RNAMS THAMS CAD SDUG BSNGAL BAR BYED PA'I PHYIR RO, ,GANG 'GA' ZHIG RNAM PAR SLU BAR BYED PA PO'I NGO BO DON MED PAR GYUR PA MTHONG BA RNAMS LAS 'DI DAG GI JI LTA BA'I DON NI, 'DI LTA STE, ZO CHUN 'KHOR MO DANG, DRI ZA'I GRONG KHYER DANG, SMIG RGYU RNAMS SO; ;DE DAG RNAMS KYI DRUNG NA'ANG BAG MED PA NI, SHIN TU LHAG PA YIN TE, YUL GYI NYE BAR LONGS SPYOD PA RNAMS NI, G-YO BAR GYUR PA JI LTA BA'I DON DANG BRAL
, ,BAS NA ZO CHUN 'KHOR MO DANG, DRI ZA'I GRONG KHYER DANG, SMIG RGYU RNAMS LAS KYANG BLA LHAG PAR STONG PA YIN NO, ,GZHAN YANG CUNG ZAD RAB TU LTUNG BAR BYED PA GANG YIN PA'I YUL DU GYUR PA RNAMS CUNG ZAD YOD PA'I NGAM GROG DANG, G-YANG SA DANG 'DRA BA DE DAG RNAMS KYI DRUNG NA'ANG BAG MED PA SHIN TU LHAG PA YIN TE, NGAN SONG DU LOG PAR LTUNG BA RNAMS NGES PAR YANG NYAMS SU MYONG BAR BYED PA'I PHYIR RO, ,DE LTAR BAG MED PA 'DIS NI, LHA RNAMS DANG, SROG CHAGS SU GYUR PA RNAMS THAMS CAD DANG, 'GRO BA LNGAR SKYES PAR GYUR PA RNAMS DANG, KHAMS GSUM DU GTOGS PA RNAMS KYANG LOG PAR LTUNG BAR BYED PA'I PHYIR RO, ,DE'I PHYIR THAMS CAD KYIS THAMS CAD KYANG RAB TU BRTZON PA THAMS CAD KYIS GNAS SKABS THAMS CAD DU SDUG BSNGAL GYI 'JIGS PA RNAMS DANG, BDE BA 'DOD PA RNAMS KYIS KYANG SDUG BSNGAL RNAMS KYI RTZA BA 'DI YONGS SU SPANG BAR GYIS DANG, 'DI LTA STE, BAG MED PA'O, ,DE NAS YANG DE'I TSE NA MU SU LUNDHA DES TSIGS SU BCAD PA BRJOD PA, JI LTAR, BAG YOD PA NI DGA' BAR BRJOD, ,BAG MED SDUG BSNGAL SKAL LDAN YIN, ,BAG YOD
BAG MED PA DAG GI ,'DI NI RANG GI MTSAN NYID BRJOD, ,DE LTAR LHA RNAMS KYI MNGA' BDAG DAM PA'I LAM JI LTA BA BZHIN DU STON PAR BYED PA PO DES LHA DE DAG RNAMS LA RJES SU 'DOMS PAR BYED DO, ,DE LA LHA DE DAG RNAMS THAMS CAD KYANG YID LAS SU RUNG BAR BYAS PA DANG, DBANG PO RNAMS RGYAS PA DANG, DBANG PO RNAMS RAB TU DANG BA DANG, YID RTZE GCIG TU GYUR PAS NYAN PAR BYED CING, MU SU LUNDHA PADMA'I SNYING PO LA SENGGE'I KHRI LA GNAS PA DE LA 'DI LTAR YANG RJOD PAR BYED DE, BDAG CAG RNAMS LA SHIN TU PHAN PAR GYUR PA DANG MTHAR THUG PAR BDE BA GANG YIN PA DE DAG KYANG 'DIR BRJOD LAGS NA, BDAG CAG RNAMS LA PHAN PA DANG BDE BA RNAMS KYANG KHYED NYID KYIS BKA' STZAL DU GSOL, BDAG CAG RNAMS KYIS CI BGYI BA'ANG LHA NYID KYI ZHAL SNGA NAS BKA' STZAL TU GSOL, JI LTAR TSIG 'DI DAG RNAMS BRJOD PA DANG 'THAB BRAL GYI BDAG PO DES 'DI SKAD CES BRJOD DO, ,JI LTAR BCOM LDAN 'DAS GANG YIN PA 'DI NI, THAR PA'I SPYOD PA RNAMS RIG CING RTOGS LA MKHYEN PA, SKYON RNAMS THAMS CAD LAS RNAM PAR GROL BA, YON TAN RNAMS THAMS CAD DANG LDAN PA, SEMS CAN RNAMS THAMS CAD KYI
, ,YANG GTZO BOR GYUR PA'I SANGS RGYAS DE LA SKYABS SU SONG DANG, SDUG BSNGAL RNAMS THAMS CAD DANG BRAL BAR 'GYUR GYI ,DE NI, BAG MED PA RNAMS DANG BRAL BA YIN PAS DE LA SKYABS SU SONG NA GONG NA MED PA'I 'KHOR BA'I 'JIGS PA RNAMS THAMS CAD LAS YONGS SU SKYOB PAR 'GYUR RO; ;DE NAS YANG NGES PAR MU SU LUNDHA'I DRUNG NAS LHA DE DAG RNAMS KYIS TSIG 'DI DAG THOS PA DANG, THAMS CAD NYID KYIS PUS MO RNAMS SA GZHI LA BTZUG TE 'KHOR DANG BCAS PA RNAMS GUS PA LEGS PAR SKYES PA DANG, DON LA DBANG PO RNAMS RGYAS SHING, SANGS RGYAS BCOM LDAN 'DAS LA LEGS PAR GUS PA SKYES PA MGO BO KUN TU BTUD PAR GYUR PAS RAB TU PHYAG 'TSAL TE GSUM LA SKYABS SU 'GRO BAR BYED PAS KYANG SKYABS SU SONG NGO, ,THAMS CAD KYANG SANGS RGYAS DANG CHOS DANG DGE 'DUN RNAMS LA'ANG LEGS PAR SKYABS SU 'GRO BAR BYED DO, ,YID SHIN TU RAB TU DANG BA DANG, BAG MED PA RNAMS LA'ANG RNAM PAR SMOD PAR BYED CING BSHAGS PAR BYED DE, GANG DAG BAG MED PA'I LHA DE DAG RNAMS KYIS BZOD PAR MI NUS PA RNAMS MANG POR MI BZAD PA
RNAM PA DU MA RNAMS THAMS CAD KYIS SHIN TU SDUG BSNGAL BA RNAMS MTHONG BA'I PHYIR RO, ,DE NAS MU SU LUNDHA'ANG LHA DE DAG RNAMS KYI YID KUN TU SKYO PAR GYUR PA DE DAG RNAMS LEGS PAR MTHONG NAS SLAR NYID KYANG CHO 'PHRUL RNAM PA DU MA RNAMS BYED DE, YUD TZAM GCIG LA'ANG RNAM PA DU MAR GCIG TU GYUR NAS BRGYAR 'GYUR RO; ;STONG DU 'GYUR RO, ,STONG PHRAG BRGYAR YANG 'GYUR RO, ,YUL TZAM LA'ANG CHA BYAD DU MA DAG TU BYAS PA'I DBYIBS RNAMS SU 'GYUR RO, ,YUD TZAM GCIG LA RNAM PA DU MA'I CHA BYAD DAG GIS MTSUNGS PAR BYAS PA'I DBYIBS RNAMS SU 'GYUR RO, ,YUL TZAM NYID LA NAM MKHA'I DKYIL DU 'PHAGS NAS RIN PO CHE'I KHANG BU SNA TSOGS PA RNAMS KYIS KUN TU GANG BA RNAMS NA, GZUGS DANG CHA BYAD SNA TSOGS PA RNAMS 'DZIN PAR BYED PAR 'GYUR RO, ,YUD TZAM LA'ANG CHUR 'BYING BAR 'GYUR RO, ,MGO BO STONG DU GYUR NAS KYANG RIN PO CHE SNA TSOGS PA'I DBU RGYAN DANG DPUNG RGYAN 'BAR BA RNAMS KYIS BRGYAN PA DANG, NYI MA STONG BAS LHAG PA'I GZI BRJID CAN LHA'I TSOGS RNAMS THAMS CAD KYIS YONGS SU BSKOR NAS NYE BA'I NAGS RNAMS THAMS CAD DU LEGS PAR MTHONG NGO, ,STONG PHRAG BRGYAR GSAL
, ,BAR BYED PA'I GZI BRJID DANG LDAN PA'I LHA RNAMS KYI TSOGS THAMS CAD KYIS YONGS SU BSKOR NAS PADMA CHEN PO DE NYID KYI STENG DU 'BYUNG BAR BYED PA DANG, RANG GI GZI BRJID RNAMS KYIS LAM MER GYUR PAR LHA DE DAG RNAMS KYIS LUS SHIN TU BLTA BAR DKA' BA YIN NO, ,GZHAN YANG MU SU LUNDHA DE NYID KYIS RDZU 'PHRUL GZHAN YANG BYED PAR GYUR PA NI, LHA DE DAG RNAMS NYID KYIS BAG MED PA KUN NAS BSNYUNG BAR BYA BA'I DON DU 'DI LTA STE; KHA NAS LHA BRGYA STONG KUN TU 'BYUNG BAR BYED DO, ,KHA CIG NI, KHANG BU'I STENG DU ZHON NAS RIN PO CHE SNA TSOGS PA'I 'OD RNAMS KYIS LUS SHIN TU GSAL BAR GYUR PA RNAMS SO, ,KHA CIG NI, RNAM PA SNA TSOGS PA'I CHA BYAD 'DZIN PAR GYUR PAS, GLU'I ROL MO RNAMS NYE BAR LEN PAR BYED PA RNAMS LHA RDZAS KYI RGYAN DANG, CHA BYAD DANG, MCHOG TU LANG TSO LA BAB PA'I LHA MO RNAMS KYIS YONGS SU BSKOR NAS GLU NYE BAR LEN PAS MU SU LUNDHA'I KHA NAS BYUNG NAS 'GRO'O, ,KHA CIG NI, RIN PO CHE BDUN GYI RANG BZHIN GYI PADMA GZHAN DAG RNAMS LA NANG DU ZHEN NAS SNYAN PA'I GLU RNAMS LEN PAR BYED PA DANG, RTZI'ANG
LHA RDZAS KYI RO DANG DRI DANG YANG DAG PAR LDAN PA DAG 'THUNG BAR BYED DE, LHAN CIG SPYOD PA RNAMS KYIS YONGS SU BSKOR NAS LAN BRGYA PHRAG RNAMS SU DANG, GAL TE NA LAN STONG PHRAG TU'ANG MDZES PAR GYUR PA DANG LDAN PA'I LHA RDZAS KYI PHRENG BA'I MCHOG RNAMS KYIS BRGYAN PA, RANG GI 'OD KYI DPAL 'BAR BA DANG LDAN PA RNAMS YIN NO; ;GZHAN YANG LHA GZHAN DAG RNAMS RNAM PA GZHAN GYIS MU SU LUNDHA DE'I KHA NAS KUN TU BYUNG NAS 'GRO NA, RDZU 'PHRUL GYIS SPRUL PA RNAMS LA 'DI LTA STE; BYA'I RGYAB TU ZHON PA RNAMS NI, RIN PO CHE BDUN GYI RANG BZHIN GYI BYA RNAMS LA MNGON PAR ZHON NAS DGA' BAR BYED PA DANG, GLU'ANG LEN PAR BYED PA DANG, LHAN CIG SPYOD PA RNAMS KYIS YONGS SU BSKOR NAS RAB KYI MCHOG TU RANGS PA'I YID KYIS RNGA SKAD YAN LAG LNGA DANG LDAN PA NYAN PAR BYED CING, BAG MED PAS NYE BAR 'TSO BA RNAMS MU SU LUNDHA'I KHA NAS KUN TU 'GRO'O, ,LHA NGO MTSAR BAR GYUR PA MTSUNGS PA MED PA'I GZUGS GSAL ZHING SDUG PA'I YON TAN DANG LDAN PA GZHAN YANG RNAM PA GZHAN GYIS LHA RNAMS SPRUL PAR BYED PA NA, JI LTAR MU SU LUNDHA'I KHA NAS DE DAG NYID 'GRO BA NI, AUTPALA'I ZE BA'I NANG DU ZHON ZHING RGYAN RGYUN PAR
, ,'BREL BA'I DBUS SU SONG NAS LHA RDZAS KYI RNGA SKAD YAN LAG LNGA PA NYAN PAR BYED CING LHA MO'I TSOGS RNAMS KYIS YONGS SU BSKOR NAS LHA RDZAS KYI BTUNG BA DAG 'THUNG BAR BYED DO, ,GLU YANG LEN PAR BYED LA LHAN CIG SPYOD PA'I 'KHOR RNAMS KYIS YONGS SU BSKOR NAS LAN BRGYA PHRAG DANG, CI STE LAN STONG PHRAG DANG, LAN BYE BA PHRAG RNAMS SU'ANG GZUGS DANG KHA DOG DANG DBYIBS DPE MED PA'I LHA'I BU MO MCHOG RNAMS KYIS YONGS SU BSKOR NAS DGA' BAR BYED PA LHA RDZAS KYI NAGS DANG NYE BA'I NAGS SU THABS DU MAR RAB TU SGRUB PAR BYED DO, ,NAM MKHA'I DKYIL DU MNGON PAR 'PHAGS NAS SA GZHI DAG BZHIN DU 'GRO BAR BYED LA, RANG BZHIN PA'I LHA DE DAG KYANG GLU DE DAG RNAMS NYAN PAR BYED DO, ,DE DAG GI DRUNG NA YON TAN BRGYAS LHAG PAR SNYAN PAR GYUR PA, DE DAG GI GLU DANG DE DAG GI GZUGS DANG DE DAG GI BDE BA'ANG RNAM PA SNA TSOGS PA'I YON TAN DANG LDAN PA YIN NO, ,DE NAS RANG BZHIN DU GNAS PA'I LHA DE DAG SNGA NA MA MTHONG BA'I NGO MTSAR CHE BA DE DAG RNAMS KUN TU MNGON PAR MTHONG NAS, KHA CIG NI, NGO MTSAR PA'I MCHOG DANG LDAN PAR GYUR TO,,
KHA CIG NI, RAB TU DGA' BAR GYUR LAS, KHA CIG NI, RMAD DU BYUNG BAR GYUR NAS CI'I PHYIR LHA DE DAG RNAMS JI LTAR NA 'THAB BRAL GYI BDAG PO MU SU LUNDHA'I KHA NAS 'GRO BAR 'GYUR, 'DI DAG NI, SHIN TU'ANG YA MTSAN CHE'O, ,DE LTAR RANG BZHIN GYI LHA DE DAG RNAMS SEMS PAR BYED PA DANG, PHAN TSUN RJOD PAR YANG BYED DE, DE LTAR YANG RANG BZHIN GYI LHA DE DAG RNAMS BYED DO, ,GZHAN YANG MU SU LUNDHAS MCHOG TU GYUR PA'I RDZU 'PHRUL GZHAN DAG BYED PA NI, 'DI LTA STE, KHA NAS BYUNG BA'I LHA DE DAG LAS SNA TSOGS PA'I CHA BYAD 'DZIN PA RAL PA RING PO DANG COD PAN DANG LDAN PA, SHING SHUN GYI GOS CAN, LAG NA RIL BA SPYI BLUGS THOGS PA, LHA RDZAS KYI PHRENG BA'I RGYAN CAN, GZI BRJID KYI DPAL 'BAR BA'I RI DVAGS KYI PAGS PA 'DZIN PA'I RNAM PA SNA TSOGS PA'I DRANG SRONG DAG KUN TU 'BYUNG STE, BRGYA PHRAG RNAMS DANG, DE NAS LAN STONG PHRAG KYANG KUN TU BYUNG NAS NAM MKHA'I DKYIL DU 'KHOD NAS TSIGS SU BCAD PA RNAMS KYANG BAG MED PA RNAMS DANG KUN NAS BRAL BAR BYA BA'I DON DU RJOD PAR BYED PA, JI LTAR, SGYU MA LTA BU'I SRID PA LAS, ,G-YO BA'I SEMS CAN 'DI DAG KYANG, ,THAMS CAD 'CHI BA'I MTHA' CAN GYI, ,DNGOS POS BAG MED PAR MA BYED, ,
, ,SRID PA KUN NAS 'PHEL BA YI, ,DGA' BAR 'GYUR BA THAMS CAD LA, ,THA MAR SMAD PA'I GNAS KYI NI, ,DNGOS POS BAG MED PAR MA BYED; ;GANG ZHIG SKYES PA MI 'JIG PA'I, ,GNAS NI YOD PA MA YIN NO, ,GANG PHYIR BDE KUN 'JIG BCAS KYI, ,BAG MED MA BYED DNGOS RNAMS LA, ,GAL TE YON TAN LDAN PA YI, ,DGA' BAR MTHONG BA 'DI THAMS CAD, ,THAMS CAD RMI LAM 'DRA BA YI, ,SRID PA'I BAG MED PAR MA BYED, ,BAG MED DGRA BO SDIG CAN 'DI, , DGA' BA'I 'DOD CHAGS GDUL DKA' BA, ,DMYAL BAR MYUR DU 'BAB 'GYUR BA'I, ,DNGOS POS BAG MED PAR MA BYED, ,BDE BA 'DI NI YANG DANG YANG, ,YONGS SU NYAMS PA KUN TU 'BYUNG, ,YANG NI THAMS CAD 'JIG 'GYUR BA'I, ,SRID PAS BAG MED PAR MA BYED, ,'OG TU BAR GYI BSKAL BAR NI, ,SKYE RGU SKYON GYIS NYE BAR BCOM, ,LAS KYI LCAGS SGROG GIS BCINGS NAS, ,JI LTAR MCHIL BAS NYA BZHIN DU, ,THABS KYI RNAM PA THA DAD KYIS, ,LCAGS SGROG GCOD PAR NUS MOD KYI; ;LHA DANG LHA MIN THAMS CAD KYIS, ,LAS KYI SGROG NI GCOD MI NUS, ,MTHONG BA MED DANG SHIN TU RING, ,SKYES PA RGYA CHE BA YI SGROG ,SRID PA'I RGYUD NI DAM PO 'DI, ,
GANG YANG 'CHING BA BYIS PA RNAMS, ,BDAG CAG LHA RNAMS THAMS CAD DANG, ,MI DANG DE BZHIN LHA MIN MED, ,MI RTAG NYID LAS RNAM GROL MIN, ,MIG MED PAS KYANG MTHONG BA MIN; ;LAS RGYA CHEN PO'I RGYUN RNAMS NI, ,SHIN TU RING BAR RAB TU 'JUG ,JI SRID SHES PAS RNAM MA BCOM, ,DE SRID DU NI SRED PA YIN, ,LNGA YI GTZUB SHING LAS GYUR PA'I; ;SRED PA'I BUD SHING LAS BYUNG BA, ,RNAM RTOG RLUNG NI STOBS PO CHES, ,DUS KYI MES NI SHIN TU SREG ,BYIS PA BLO GROS CHUNG RTAG TU, ,SDUG BSNGAL DES KYANG KUN TU LDAN; ;PHYIN CI LOG GIS YONGS 'KHRUL BAS, ,DE NI 'GRO BA LNGAR 'KHOR RO, ,LONGS SPYOD RNAM PA SNA TSOGS DANG, ,CHUNG MA BU LA KUN TU CHAGS, ,MI LUS NAD KYIS RNAM BCOM NAS, ,'CHI BDAG RGYAL POS KUN TU 'DREN, ,SPYANG KIS JI LTAR RI DVAGS KUN, ,RAB DANG MIN PAS MNGON PAR 'JOMS, ,DE BZHIN 'CHI BDAG DPUNG TSOGS KYIS; ;DANG BA MIN PAS MI RNAMS 'JOMS, ,MNYAM PA MED DANG KHYAD 'PHAGS PA'I, ,SDUG BSNGAL SRID DANG SRID PAR MTHONG, ,GTI MUG GIS NI YONGS BSLUS PAS, , 'JIG RTEN 'DI NI SKYO BA'ANG MED, ,SHIN TU BDAG LA BYAMS PA GANG, ,DE KUN SDIG LA BRTEN PA'I MI, ,GANG DAG BDAG LA BYAMS MIN PA, ,DE LA 'JIG RTEN SU MI BYAMS, ,
, ,DE LTAR LHA DE DAG GI BAG MED PA KUN NAS ZHI BAR BYA BA'I DON DU MU SU LUNDHA'I KHA NAS 'BYUNG BZHIN PA'I DRANG SRONG RNAMS RDZU 'PHRUL GYIS SBRUL PAS RANG BZHIN GYI LHA RNAMS LA STON PAR BYED DE, DE DAG NI, MTHAR THUG PAR PHAN PA RNAMS YIN NO, ,GZHAN YANG 'THAB BRAL BA'I MNGA' BDAG DES PHAN PA GZHAN GYI SPRUL PA GZHAN RNAMS BYED PA NI, 'DI LTA STE, BRANG DU CHES MCHOG TU DGA' BAR GYUR PA'I NGANG BA DANG KA RAndA PA DANG NGANG NGUR DAG GIS NYE BAR MDZES PAR GYUR PA YAN LAG BRGYAD DANG LDAN PA RAB TU DANG BA MCHOG GI CHU DANG YANG DAG PAR LDAN PA'I PADMA'I RDZING BU SPRUL PAR BYED DO, ,DE'I PADMA'I RDZING BU DE NA BRGYA STONG BYE BA'I PADMA RNAMS LEGS PAR SKYES PA 'DI DAG RNAMS NI, MTSO CHEN POR GYUR PA RNAMS YIN TE, RIN PO CHE BDUN GYI RANG BZHIN DU GYUR PA DANG, DPAG TSAD BRGYAR DRI ZHIM PO RNAMS 'BYUNG BA YIN NO, ,PADMA DE DAG RNAMS KYI NANG DU SONG BA'I SNYING PO RNAMS LA COD BAN DANG LDAN PA'I MGO BO RNAMS RNAM PA SNA TSOGS PA'I 'DAB MA RNAMS KYI 'OD KYIS RAB TU SNANG BAR BYAS PA, RIN PO CHE RAB KYI MCHOG GIS RGYAN DU BYAS PA'I DBUNG RGYAN CAN RNAMS 'DUG PA LA RNAM PA DU MAR SNA TSOGS PAR RAB KYI MCHOG TU LANG TSO
LA BAB PAR MANG PO RNAMS KYI NYE BAR GLU LEN PAR BYED CING, SENGGE'I KHRI LA NYE BAR GNAS PA LA RNGA YAB DKAR PO NYE BAR G-YOB BAR BYED PA DANG, MGO BO LA ME TOG GI MCHOG RNAMS DANG LDAN PA'I RJES SU SPYOD PA GZHAN RNAMS KYIS MNGON PAR BSTOD PAR BYED PAR GYUR PAS RGYAL BAR GYUR CIG ,RGYAL BAR GYUR CIG CES KUN NAS DGA' BA 'PHEL BAR BYED PA RNAMS KYIS MNGON PAR BSTOD PAR GYUR PA NA, BRGYA BYIN LA RAB TU 'GRAN PAR BYED PA'I RGYAL PO BRGYA STONG SPRUL BAR BYED DO, ,GZHAN LA PHAN PA LA RAB TU ZHUGS PAR GYUR PA'I 'THAB BRAL GYI MNGA' BDAG DES RANG BZHIN PA'I LHA RNAMS LA GO BAR BYA BA'I DON DU 'KHOR LOS BSGYUR BA BRGYA PHRAG LA 'GRAN PAR BYED PA'I RGYAL PO BRGYA PHRAG STONG YANG YONGS SU SPRUL PAR BYED DO, ,GZHAN YANG GZHAN LA PHAN PA RNAMS LA ZHUGS PAS RDZU 'PHRUL GZHAN BYED PA NI, MU SU LUNDHA DES RANG GI LUS RNAMS LA SPRUL PAR BYED PA RNAMS LA DPAG TSAD BRGYA PA'I PADMA DE DAG RNAMS NI, BRGYA STONG BYA BA'I 'DAB MA DANG LDAN PA, RIN PO CHE BDUN GYI RANG BZHIN GYI RNAM PAR BKRA BA'I 'DAB MA RNAMS LA LHA'I BUNG BA RNAMS GLU NYE BAR LEN PAR GYUR PA'I SGRA RNAMS KUN TU BRJOD PA, DGA' BAR GYUR CING MNYAN PAR 'OS PA, MTHONG NA CHES DGA' BAR GYUR PA LHA
, ,RNAMS KYI PADMA CHEN PO DE'I SGRA DAG NI, DPAG TSAD LNGA BRGYAR 'GRO BA YIN NO, ,YU BA RNAMS SPRUL PAR BYED PA NI, BEE d'URYA'I RANG BZHIN RDO RJES LEGS PAR GNAS PA, AINDRA N'I LA'I RIN PO CHE DANG LDAN PA MDZES PAS 'JA' TSON RNAMS PAS KYANG CHES LHAG PAR DGA' BA YIN NO, ,PADMA CHEN PO DE'I NANG DU ZHUGS PA NA MI'I RGYAN DANG CHA BYAD SNA TSOGS PAS RNAM PA DU MAR BRGYAN PA'I LUS MCHOG TU SKYID PA RNAMS THONG GSHOL GYIS ZHING LAS KYANG BYED CING, ZHING GI NANG LA TSIGS SU BCAD PA'I DBYANGS BRJOD PA, JI LTAR, 'BRAS 'DOD MI RNAMS THAMS CAD KYIS, ,SA GZHI 'DI LA ZHING LAS BYED, ,'DOD LA CHAGS PA'I MKHAS MIN RNAMS,, 'CHI BA LEGS PAR MTHONG BA MIN, ,SKAD CIG SKAD CIG LA 'GRIB PA, ,SKYE BO 'DOD PA'I BSAM PAS RMONGS, ,SKAD CIG SKAD CIG LA ZAD PA'I, ,'DU BYED GO BA YANG MA YIN, ,MI RNAMS LANG TSO MTHAR BYED PA'I, ,RGAS PAS DBYUG PA 'DI 'BYUNG NGO, ,NAD MED LO THOG 'JOMS PA YI, ,NAD KYI DBYUG PA 'DI 'BYUNG NGO, , 'JIGS PA'I DBYUG PA 'DI GSUM GYIS, ,LHAR BCAS LHA MIN 'JOMS BYED PA'I, ,BYIS PA'I 'JIG RTEN BLUN PO 'DIS, ,'ONG BA MTHONG BA YANG MA YIN, ,LHA DANG
LHA MIN DRI ZA DANG, ,SHA ZA KLU DANG SREN PO LA'ANG, ,GSON PA MTHAR NI BYED PA'I MCHOG ,DUS KYI DBYUG PA 'DI 'BYUNG 'GYUR, ,SKYE BO GZHAN YANG RAB BCOM NAS, ,RANG GI SKYE LA CHAGS SHING 'CHUMS, ,SRID GZHAN 'GRO BA'I SKYE GTONG YANG, ,RMONGS PAS BCINGS PA'I SKYE BO RNAMS, ,BU DANG TSA BO YANG TSA DANG, ,MI GANG DE YI RIGS GNAS PA, , DE DAG THAMS CAD MED GYUR KYANG, ,KHYOD NI CHAGS PAS 'CHING BAR BYED, ,DE LTAR SPRUL PA DE DAG GIS GZHAN LA PHAN PA BSGRUB PA'I DON DU TSIGS SU BCAD PA BRJOD PA YIN NO, ,RANG BZHIN GYI LHA RNAMS KYIS KYANG THOS SHING THOS PAR GYUR NAS KYANG YID KYIS 'THUNG BAR BYED DO, ,YUL RNAMS LA'ANG SHIN TU BAG MED BAR YANG MI 'GYUR RO; ;DE NAS GZHAN YANG RDZU 'PHRUL GZHAN SHIN TU DGA' BA RNAMS GZHAN LA PHAN PA LA RAB TU ZHUGS PA'I 'THAB BRAL GYI MNGA' BDAG DES SPRUL PAR BYED PA RNAMS NI; 'DI LTA STE, YAN LAG DANG NYING LAG RNAMS THAMS CAD LAS RGYAN DANG CHA BYAD SNA TSOGS PA DANG, RNAM PA SNA TSOGS PA'I DBU RGYAN GYIS BRGYAN PA RNAMS NI, KHA CIG YIN NO, ,KHA CIG NI; KHA DOG DU MA RNAMS DANG DBYIBS DU MA RNAMS DANG 'GRO BA DU MA RNAMS DANG LDAN PA'I LHA DANG, DRI ZA DANG, MI DANG, KLU DANG, LHA MA YIN DANG, GZHAN DAG RNAMS KYANG STE, RANG GI SKYE BA
, ,BA GNYUG MAR GNAS PAR GYUR PA'I RGYAN DANG CHA BYAD CAN RNAMS KUN TU 'BYUNG STE, 'THAB BRAL GYI MNGA' BDAG DE'I BA SPU'I KHUNG BU RNAMS THAMS CAD LAS DANG, LUS KYI MTHA' RNAMS MA LUS PA LAS 'BYUNG BA NI, JI LTAR RJES SU MTHUN BA DANG, GNAS SKABS JI LTA BA DANG, DE DAG GI RIGS RNAMS DANG, RJES SU SPYOD PA RNAMS JI LTA BA'I 'KHOR GYIS GLU LEN PAR BYED PA DANG GAR BYED PA DANG RGOD PAR BYE DPA YIN NO, ,MI RNAMS NI, MI RNAMS DANG RJES SU 'TSAM PAR GYUR BA'I LONGS SPYOD MCHOG TU YID 'PHROG BAR BYED PA RNAMS DANG YANG DAG PAR LDAN PAS GAR BYED PA DANG RGOD PAR BYED PAS KYANG MI RNAMS KYIS RGYAL PO BDE BA RNAMS LA NYE BAR LONGS SPYOD PAR BYED PA YIN NO, ,DE BZHIN DU RNAM PA SNA TSOGS PA'I RGYAN DANG, CHA BYAD CAN GYI KLU RNAMS KYANG KHA CIG NI, MGO GCIG PA, KHA CIG NI, MGO GNYIS PA, KHA CIG NI, MGO GSUM PA, KHA CIG NI, MGO BZHI PA; KHA CIG NI, MGO LNGA PA, KHA CIG NI, MGO DRUG PA, KHA CIG NI, MGO BDUN PA RNAMS YIN TE, MDOG DANG DBYIBS SNA TSOGS PA'I COD PAN BCINGS PA'I MGO BO RNAMS YIN NO, ,RIN PO CHE SNA TSOGS PA'I 'OD ZER GYIS MCHOG TU GSAL BAR BYAS PA'I MGO BO CAN RNAMS SNA TSOGS PA'I ROL MO'I SGRA DANG GLU DANG RGOD PA DANG 'GYING BA DANG RTZE DGA'
BAS RJES SU CHAGS PA'I YID KYIS BDE BA RNAMS LA NYE BAR LONGS SPYOD PAR BYED DO, ,DE BZHIN DU LHA MA YIN YANG BRTAN PA LA SOGS PA SGRA GCAN 'DZIN GYI MTHAR THUG PAS GZHIR GTOGS PA RNAMS SPRUL PAR BYED DO, ,'THAB BRAL GYI BDAG PO DES BSKAL PA GZHAN GYI BRGYA BYIN RTZA LAG LHAN CIG RJES SU SPYOD PA RNAMS KYIS RJES SU 'BRANG BAR GYUR PA, MCHOG TU GZUGS DANG RGYAN DANG CHA BYAD DANG RAB TU DANG BA'I LHA MA YIN GYI BU MOS RJES SU 'BRANG BAR GYUR BAS RNGA SKAD YAN LAG LNGA PA RNAMS THOS NAS DGA' BAR 'GYUR BAS YID CHES SU 'BREL PAS MCHOG TU SKYID PA RNAMS DANG, LHA MA YIN GYI MNGA' BDAG RNAMS KYANG KHANG BU NA LEGS PAR GNAS NAS MU SU LUNDHA'I LUS DANG KHA NAS KUN TU 'BYUNG STE, SPRUL PA RNAMS THAMS CAD KYANG RTZE BAR BYED BZHIN PAS MCHOG TU'ANG DBE MED PA'I BDE BA RNAMS LA NYE BAR LONGS SPYOD PAR BYED DO, ,DE BZHIN DU BYANG PHYOGS SGRA MI SNYAN PA'I MI RNAMS KYANG SPRUL PAR BYED DE, SPRIN DANG 'BRES PA LA SOGS PA'I RIN PO CHE BCU LA SO SOR GNAS PA RNAMS SUM CU RTZA GSUM PA'I LHA RNAMS LAS NYE BAR LONGS SPYOD PAR BYA BA RNAMS CUNG ZAD KYIS CHUNG BAR GYUR PA'I NAGS DANG NYE BA'I NAGS DANG RDZING BU DANG PADMA'I TSAL RNAMS DANG RNAM PA SNA TSOGS PA'I BZA' BA'I KLUNG DANG BTUNG BA RNAMS DANG, RNAM PA SNA TSOGS PA'I BDE BA RNAM PA
, ,DU MA RNAMS NYAMS SU MYONG BAR GYUR BAS RTZE BAR BYED PA DANG GAR BYED PA RNAMS KYANG MU SU LUNDHA'I LAS PO NYID LAS KUN TU 'BYUNG NGO, , DE BZHIN DU BA LANG SPYOD PA RNAMS KYI MI RNAMS DANG RANG GI BDE BA DAG DANG YANG DAG PAR LDAN PAR GYUR BAS MCHOG GI RAB TU DGA' BA'I YID KYIS GAR BYED PAR GYUR PA DANG, GLU LEN PAR GYUR PA DANG, RGOD PAR GYUR PAS MU SU LUNDHA'I LUS NYID LAS KUN TU 'BYUNG NGO, ,DE BZHIN DU SHAR PHYOGS LUS 'PHAGS PA'I MI RNAMS KYI RANG GI BDE BA DANG YANG DAG PAR LDAN PA DANG, RAB KYI MCHOG TU RANGS PA'I YID KYIS RTZE BAR GYUR PA RNAMS KYANG RANG BZHIN GYI LHA RNAMS KYIS MTHONG NGO, ,CHO 'PHRUL GYI MCHOG RNAMS DANG YANG DAG PAR LDAN BAR GYUR PA'I 'THAB BRAL BA RNAMS KYI BDAG PO DES DE LTAR RNAM PA DU MA DANG, RNAM PAR RTOG PA DU MAS BAG MED PA RNAMS KUN NAS ZHI BAR BYA BA'I DON DANG, GZHAN RNAMS LA PHAN PAR BYA BA'I DON DU'ANG SPRUL PA DE DAG RNAMS BYED DO, ,BAG MED PAS RNAM PAR RGYU BAR BYED PA'I LHA DE DAG RNAMS JI LTAR NA MI RTAG PA MNGON SUM DU GYUR PAS SEMS KYI RGYU 'JAM POR 'GYUR BA YIN ZHES RGYU 'DI'I PHYIR NA PHUN SUM TSOGS PA RNAMS STON PAR BYED DE, 'DOD PA RNAMS KYI KUN
NAS RO MYANG BA'I DON DANG, PHYI NAS NI, NYES DMIGS RNAMS BSTAN PAR BYA'O, ,RNAM PA JI SRID KYIS 'DOD PA RNAMS LAS NGES PAR 'BYUNG BA YIN PA'I RGYU 'DI DAG GIS LHA RNAMS SPRUL PA BYAS SO, ,DE LA KUN NAS RO MYANG BAR GYUR PA RNAMS NI, JI LTAR THOS PAR GYUR PA BZHIN DU RNAM PA SNA TSOGS PA'I 'DOD PA'I LONGS SPYOD PA RNAMS KYI GANG DANG, RGOD PA DANG, 'GYING BA DANG, GAR DANG, GLU DANG, GOS RNAMS DANG, NYE BAR LONGS SPYOD PAR BYA BA'I BZA' BA DANG BTUNG BA RNAMS MID PAR BYED PA DANG, BUD MED RNAMS KYIS YONGS SU BSNYEN BKUR BA DANG 'KHYUD 'PHYANG BYED BA RNAMS TE, DBANG PO LNGA GA'I NYE BAR LONGS SPYOD PA RNAMS THAMS CAD JI LTAR 'DOD PA BZHIN DU MNGON PAR CHAGS PA PHUN SUM TSOGS PA 'DI NI, 'DOD PA RNAMS KYI RO MYONG BA ZHES BRJOD DO, ,DE LA NYES DMIGS RNAMS GANG DAG ZHE NA, THOB PAR GYUR BA'I 'DOD PA GANG DAG YIN PA RNAMS MNGON PAR 'CHUMS PA SNGON DU 'GRO BAS DON DU GNYER BAR BYED PA NA NYAMS PAR 'GYUR BA DANG, THUN MONG BA RNAMS KYIS DBANG BYAS NAS BRLAG PAR GYUR PA'I BRAL BAS BSKYED PA'I SDUG BSNGAL RNAM PA DU MA RNAMS DANG, GZHAN DAG GIS 'PHROG PAR GYUR PA'AM, RDZAS DANG LDAN PA LAS 'JIG PA LNGAS NGES PAR 'JOMS PA RNAMS KYANG 'DI LTA STE, RGYAL PO
, ,DANG CHU DANG CHOM RKUN PA DANG ME LA SOGS PA RNAMS SO, ,SDUG BSNGAL GZHAN DAG RNAMS KYIS KYANG GZHI BOR 'GYUR BA YIN NO, ,RTAG TU'ANG DGRA RNAMS KYIS MNGON PAR 'TSE BAR 'GYUR BA DANG, BRLAG GIS DOGS PA SRUNG BA'I 'JIGS PA RGYUN MI 'CHAD PA RNAMS KYIS 'JIGS PAR YANG 'GYUR RO, , MNGON BAR ZHEN PA SNGON DU SONG BAS GANG DAG GI YID KYANG MYA NGAN GYIS RTAG TU THER ZUG DANG LDAN PAR 'GYUR RO, ,DE NI, LUS DANG YID KYI 'DOD PA'I NYES DMIGS RNAMS YIN NO, ,'DOD PA RNAMS KYI NYES DMIGS DES NI, 'CHI BA'I MTHAR THUG PA NA'ANG BYIS PA BLO DMAN PA RNAMS LA YI MUG BAS BSKYED PA'I SDUG BSNGAL BA RNAMS SKYE BAR BYED DE, ZUG GZER 'DI DAG RNAMS KYANG 'DOD PA RNAMS KYI NYES DMIGS YIN LA, GZHAN YANG 'DOD PA RNAMS KYI NYES DMIGS YOD DO, ,'DI YANG GANG DAG ZHE NA, 'DI LTA STE, MA DANG BU DAG KYANG LHAN CIG TU 'THAB CING RTZOD PAR BYED DO, ,DKA' BLAS KYIS 'TSO BAR 'GYUR RO, ,'DOD PA DE'I RGYUS GANG DAG LA SPUN DANG SPUN RNAMS LHAN CIG TU 'THAB RTZOD BYED DO, ,GSOD PA DANG 'CHING BA RNAMS KYANG PHUL DU PHYIN PAR BYED DO, ,DE DAG KYANG 'DOD PA'I RGYU LAS YIN, ,
LA; 'DOD PA RNAMS KYI DON GYIS DE BZHIN DU RGYAL PO DANG RGYAL PO'ANG LHAN CIG TU 'THAB CING RTZOD BAR BYED DO, ,G-YUL 'GYED PAR BYED DO, ,YUL LJONG RNAMS 'JOMS PAR BYED DO, ,PHAN TSUN DU GSOD PA DANG 'CHING BA'I SDUG BSNGAL RNAM PA SNA TSOGS PA RNAMS KYI RTZE MOR PHYIN PAR BYED DO, ,DE LA DE DAG NYID THAMS CAD KYANG 'DOD PA RNAMS KYI DON DU YIN PAS NA, 'DOD PA RNAMS KYI NYES DMIGS 'DI DAG RNAMS KYANG SO SOR SHES PAR BYA'O, ,GANG GI PHYIR 'KHOR BA RNAMS THAMS CAD KYI 'CHING BA YIN PA'I 'DOD PA 'DI DAG RNAMS BYE BRAG TU RTOGS PAR BYA BA YIN NO, ,DE LA RGYU 'DI DAG GIS NI, 'THAB BRAL BA RNAMS KYI BDAG PO DES LHA DE DAG RNAMS LA RNAM PA DU MA DANG RNAM PAR RTOG PA DU MAS KYANG RDZU 'PHRUL DE DAG RNAMS BYAS SO, ,DE LTA BU DAG NI, MI RNAMS KYI 'DOD PA'I NYES DMIGS RNAMS YIN TE, GANG GZHAN DAG RNAMS LHA PHAR ZHOG GI ,RGYAL PO'ANG RNAM PA DU MA DANG BCAS PA'I THABS RNAMS BYED DO, ,GANG YANG MI GZHAN DAG 'DOD PA'I DON DU RGYA MTSOR 'JUG PAR BYED PA DANG, 'KHRUG PA LA LHAN CIG TU 'JUG PAR BYED PA DANG, 'CHING BA DANG MYA NGAN DANG NGAL DU BA DANG SEMS KHRAL DANG 'THAB RTZOD DANG 'JIG PA LA SOGS PA'I DON MED PA RNAMS KUN
, ,BZOD PAR BYED DO, ,DE DAG RNAMS THAMS CAD KYANG 'DOD PA'I DON DU YIN LA, DE LTAR MI RNAMS THAMS CAD 'DOD PA RNAMS KYI DON DU NYES DMIGS RNAMS KUN NAS BZOD PAR BYED DO, ,JI LTAR NA YANG LHA RNAMS 'DOD PA'I DON DU NYES DMIGS RNAMS KUN KYANG BZOD PAR BYED PA YIN NA 'DI LTA STE, LHA GANG DAG LHA MA YIN RNAMS DANG LHAN CIG TU G-YUL 'GYED BAR BYED PA DANG, RTZOD PAR BYED PA DANG, DE DAG GI DE DAG RNAMS THAMS CAD KYANG 'DOD PA RNAMS KYI DON DU YIN NO, ,DE BZHIN DU LHA MA YIN PA RNAMS KYANG LHA RNAMS DANG LHAN CIG TU RTZOD PAR BYED PA DANG, G-YUL 'GYED PAR BYED PA GANG YIN PA 'DI DAG KYANG 'DOD PA RNAMS KYI NYES DMIGS YIN NO, ,DNGOS PO RNAMS KHO NA'I RGYAGS PA GANG YIN PA DE DAG RNAMS NI, 'DOD PA RNAMS KYI NYES DMIGS YIN NO, ,DE LA RGYU 'DI RNAMS KYIS KYANG SPRUL PA RNAMS BYAS SO, ,GANG YANG KLU RNAMS KLU RNAMS DANG LHAN CIG G-YUL 'GYED PAR BYED CING YUL GZHAN DAG RNAMS KYANG 'JIG PAR BYED PA DANG, GLOG DANG THOG LA SOGS PA'ANG GTONG BAR BYED PA GANG YIN PA DE DAG RNAMS THAMS CAD KYANG 'DOD PA RNAMS KYI DON DU YIN NO, ,YANG GANG DAG DUD 'GRO RNAMS KYANG PHAN TSUN DU
ZA BAR BYED BA DANG GSOD PA DANG 'CHING BA LA SOGS PAR BYED PA RNAMS DANG, 'THAB PAR YANG BYED PA DE DAG RNAMS THAMS CAD KYANG 'DOD PA RNAMS KYI DON DU YIN TE, 'DI 'ANG 'DOD PA'I NYES DMIGS YIN NO, ,DE BZHIN DU YI DVAGS RNAMS KYANG ZAS KYI RGYU MTSAN GYIS SAM, 'KHRIG PA'I RGYU MTSAN GYIS KYANG PHAN TSUN DU RAL GRIS GCOD PAR BYED PA DANG, DE DAG RNAMS THAMS CAD KYANG 'DOD PA RNAMS KYI DON DU YIN NO, ,GANG YANG 'DOD PA RNAMS KYI NYES DMIGS DE DAG RNAMS YIN PA'I RGYU MTSAN 'DI DAG GIS NI, 'THAB BRAL GYI MNGA' BDAG DES BAG MED PA DANG BRAL BAR BYA BA'I DON DU LHA RNAMS LA SBRUL PAR BYED DO, ,DE BZHIN DU DMYAL BA RNAMS KYANG PHAN TSUN DU MNGON PAR 'JOMS BAR BYED DE, NYES PAR BYED PA'I LAS RNAMS KYIS SKYES PA GZHAN RNAMS SU GANG DAG DANG ZHE 'GRAS PAR GYUR PA DE DAG RNAMS RJES SU DRAN PAR 'GYUR LA, RJES SU DRAN NAS KYANG 'KHON DE DAG RNAMS NI, RAL GRI RNAMS KYIS PHAN TSUN DU LAS BYED PAR 'GYUR BA KHO NA NYE BAR GNAS PAS BDAG NYID DANG GZHAN DAG RNAMS KYANG GSHOG PAR BYED DO, , DE LTAR YANG DMYAL BA RNAMS KYI NYES DMIGS YIN NO, ,DE LA RGYU MTSAN 'DI DAG GIS KYANG 'DOD PA RNAMS YONGS SU SPONG BA'I RGYUR 'THAB BRAL BA RNAMS KYI MNGA' BDAG DE
, ,SPRUL PA GZHAN RNAMS BYED PA YIN NO, ,'GRO BA LNGA PO 'DI DAG RNAMS THAMS CAD NA NI, 'DOD PA RNAMS KYI NYES DMIGS YOD PAR YIN NO; ;GANG YANG 'KHOR BA LAS KHA PHYIR PHYOGS PAR GYUR PA DE DAG RNAMS THAMS CAD NI, GNAS SKABS THAMS CAD DU 'DOD PA RNAMS LAS NGES PAR 'BYUNG BAR STON PAR BYED PA DANG 'CHAD PAR YANG BYED DO, ,DE LA 'THAB BRAL GYI BDAG PO DES 'DOD PA RNAMS KYI RO MYANG BA RNAMS BSTAN PA YIN ZHING, NYES DMIGS RNAMS KYANG PADMA'I 'DAB MA BRGYA PO DANG, LHA RNAMS RAB TU LHUNG BAR GYUR PA RANG BZHIN PA'I LHA RNAMS LA CUNG ZAD CIG BSTAN PA YIN NO, ,RGYAS PAR YANG LHA DANG MI RNAMS KYI NYES DMIGS GZHAN DAG KYANG BDAG GIS BSTAN PAR BYA YI, NYES DMIGS RNAMS LEGS PAR BSTAN NAS NGES PAR 'BYUNG BA 'ANG BDAG GIS BSHAD PAR BYA STE, THAR PA'I SA BON GYI RGYUR GYUR PA RANG BZHIN GYIS LHA RNAMS LA PHAN PA'I DON DU DANG, BDE BA'I DON DU'O, ,GZHAN YANG LHA DE DAG RNAMS LA PHAN PA'I DON DU MU SU LUNDHA DES 'DOD PA RNAMS KYI NYES DMIGS RNAMS MNGON SUM DU BYED DE, 'DOD PA RNAMS KYI NYES DMIGS RNAMS GZHAN RNAMS SU MTHONG BAR GYUR PA DANG, GZHAN DU'ANG THOS
PAR GYUR PA'I RGYU MTSAN GYIS KYANG 'KHOR BA LA YID 'BYUNG BAR 'GYUR BA YIN TE, DE LA RGYU MTSAN 'DIS LHA DE DAG RNAMS LA 'DOD PA RNAMS KYI NYES DMIGS RNAMS SO SOR SPRUL PAR BYED DO, ,DE NAS LHA DE DAG DANG, LHA MA YIN DANG, KLU RNAMS KYI 'DOD PA RNAMS LA RO MYANG BAR BYED PA DE DAG RNAMS BSTAN NAS NYES DMIGS KUN TU STON PAR BYED DE, LHA DANG MI DANG KLU DANG LHA MA YIN DE DAG RNAMS NYID KYANG DUS RNAMS MDOR BSDU PA JI LTA BA BZHIN DU YIN PAS SO, ,DE LA LHA RNAMS NI, RNAM PA SNA TSOGS PA'I 'DOD PA RNAM PA DU MA RNAMS LA LONGS SPYAD NAS 'CHI 'PHO BA'I DUS BYUNG BAR GYUR PA NA DE DAG RNAMS JI LTAR YIN PA DE BZHIN DU STON PAR BYED DE, RNAM PA DU MA SNA TSOGS PA'I TSUL GYIS 'CHI 'PHO BAR 'GYUR BA RNAMS LA 'DI LTA STE, RI'I DRUNG DAG NAS RNAM PA DU MAR GYUR BA BYI LA DANG GUNG DANG GZIG DANG SER BA CAG CAG DANG LCE SPYANG DANG RI BONG DANG SENGGE DANG PHAG PA DANG KLU DANG DOM DANG STAG DANG SRIN BYA DANG RTA DANG STOM RA DANG GLANG PO DANG KHVA TA DANG SU SU KA DANG CHU SRIN DANG RUS SBAL DANG RNGA MO RNAMS KYI GDONG GCIG PA DANG GDONG GNYIS PA DANG GDONG GSUM PA DANG GDONG MANG POR GYUR PA DE DAG RNAMS KHA CIG GI LAG NA NI, THAL BA DANG SOL ME THOGS PA'O, ,KHA CIG GI NI,
, ,THAMS CAD RAB TU 'BAR BAR GYUR PA'O, ,KHA CIG GI NI, ME'I CHAR 'BEBS PAR BYED PA DANG, RDO RJE DANG BCAS PA'I RAL GRI KUN NAS 'PHEN PAR BYED DO, ,THO NA KOR KUN NAS 'JIGS SU RUNG BA'I SGRA MANG PO RNAMS MNGON PAR 'DON PAR GYUR PA NI, RI DANG THOG 'BAB PA DANG MTSUNGS PA'I 'JIGS PA CHEN PO RNAM PA DU MA RNAMS YIN TE, CHAR 'BYUNG BA'I SPRIN MTHING NAG DANG MDOG 'DRA BAR 'JIGS PA CHEN POR GYUR PA'I GZUGS DANG LDAN PA DE'I MGO BO NI, RI DANG MNYAM PAR SKRA RNAMS DANG, LUS RAB TU 'BAR BAR GYUR PA BRGYA PHRAG MANG PO RNAMS DANG DE BZHIN DU STONG PHRAG MANG PO RNAMS KYIS KUN NAS BSKOR NAS LAG NA ZHAGS PA THOGS PA DANG, RAL GRI DANG MDUNG DAR RDO RJE DANG RDZOGS LAG NA THOGS PA 'JIGS BYED CHEN PO'I GZUGS SU STON PAR BYED PA RNAMS RI DE DAG GI KHROD RNAMS NAS BYUNG BA NAS NGES PAR 'ONG BAR BYED DO, ,GANG NA SPRUL PA'I LHA DE DAG RNAMS YOD PA DER NYE BAR RGYUG PAR BYED DO, ,KHROS PAS BZHIN DMAR PO RNAM PAR ROL PA NYE BAR SGYUR PAR BYED PAS SNGON PO DANG SER PO DANG DMAR PO RNAMS KYI MDOG GI ME 'BAR BA RNAM PAR DU MAR CHAR 'BYUNG BA'I SPRIN MTHING NAG GI GSEB RNAMS LAS BZHIN DU GLOG RNAM
PAR 'BYIN PAS NGES PAR RGYUG PAR BYED DO, ,SPRUL PA GZHAN RNAMS KHA CIG NI, 'CHI BDAG LTA BUR GYUR PAS MCHOG TU 'JIGS SU RUNG BA'I GZUGS RNAMS KYIS GANG NA SPRUL PA DE DAG RNAMS YOD PAR RGYUG PAR BYED PA NI, SNA TSOGS PA'I ZHAGS PA DANG LAG CHA THOGS PA RNAMS LA 'DI LTA STE, LCAGS KYI RANG BZHIN LAS LAG PA GYEN DU RAB TU 'BAR BAR GYUR PA 'BRUG BZHIN DU SGRA KUN NAS SGROG PAR BYED PA, LUS RAB TU 'BAR BAR GYUR PA, DPAG TSAD BCU'I TSAD TZAM GYI GZUGS CAN RNAMS SO, ,KHA CIG NI; MIG BRGYA BA RNAMS SO, ,KHA CIG NI, MIG BZHI BRGYA PA RNAMS SO, ,DE BZHIN DU LNGA PA DANG, DRUG PA DANG, BDUN PA DANG, BRGYAD PA DANG, DGU PA DANG, MIG BRGYA PHRAG BCU PA RNAMS TE, MIG RAB TU 'BAR BAR GYUR PA RGYANG GRAGS KYI TSAD TZAM PA RNAMS RAB TU 'ONG BAR BYED DO, ,KHA DOG SNGON PO DANG SER PO DANG DMAR PO DANG SNGO SKYA RNAMS DANG DBYIBS RNAM PA SNA TSOGS PAR GYUR PA, 'BYUNG PO RNAMS THAMS CAD 'JIGS PAR BYED PA, HA HA ZHES SGROG PAR BYED PAS KYANG DE DAG THAMS CAD RI'I RTZE MO 'DUD PA'I SGRA DANG 'DRA BAR SO SOR GSUS PA 'PHYANG BA DANG, GSUS PA GZHAN DAG RNAMS NI, RI DANG MTSUNGS PAR GYUR PA'I GSUS PA DANG, RI DANG MTSUNGS PA'I MGO BO CAN RNAMS YIN NO, ,
, ,MGO BO THUNG NGU DANG LDAN PA DANG, GZHAN RNAMS NI, RING BAR RAB TU 'BAR BAR GYUR BA'I SKRA DANG LAG PA RING POR GYUR PA DANG SEN MO RNAMS RAB TU 'BAR BA DANG, DE BZHIN DU LUS LA SKYES PA'I BA SPU RNAMS KYANG STE, NYE 'KHOR KUN NAS RAB TU 'BAR BAR GYUR BA'I RI DANG MNYAM PA RNAMS DUS KYI RI CHEN PO DE LAS SPRUL PA BYAS PA RNAMS NGES PAR 'ONG PA YIN TE, RDO RJE'I THOG 'BAB PAR BYED PA NYE 'KHOR KUN NAS 'BEBS PAR BYED PA YIN NO, ,YANG RNAM PA GZHAN DAG RNAMS KYIS DE BZHIN DU 'CHI BDAG GI PHO NYA NYE BAR RGYUG PAR BYED PA RNAMS NI, NYE 'KHOR RNAMS NA BYA RGOD DANG KHVA TA DANG KADKA DANG LCE SBYANG DANG RNGA MO'I GDONG CAN RNAMS LUS LA KHRAG GIS RNAM BAR BYUGS PA DANG, GROG MA 'PHUNGS PA'I LUS CAN GYI LHA DE DAG RNAMS MNGON PAR MI DGA' BA RNAMS NGES PAR YOD PAR BYED PA YIN NO; ;DUS KYI RI CHEN PO DE DAG LAS SPRUL PA BYAS PA DE DAG RNAMS THAMS CAD KYANG GANG NA LHA SPRUL PA'I LHA DE RNAMS YOD BAR DER RLUNG GI SHUGS CHEN POS BTAB PA BZHIN DU SPRIN NAG PO GLOG DANG BCAS PAS MYUR BAR RGYUG PAR BYED DO, ,DE NAS 'CHI BDAG LTA BUR BYED BAR GYUR PA DE DAG RNAMS KYIS LHA DE DAG RNAMS DANG NYE BAR 'ONGS PAR GYUR
NAS SPRUL PA'I LHA DE DAG RNAMS MNGON PAR 'DZIN PAR BYED DO, ,DE'I GTING LA KHA CIG NI, RAB TU 'BAR BAR GYUR PA'I LCAGS KYI THAG PA RNAMS KYIS DPUNG PA BCINGS NAS 'DREN PAR BYED DO, ,DE BZHIN DU SPRUL PA'I LHA GZHAN DE DAG RNAMS NYID 'KHRID PAR GYUR PA MNGON PAR MTHONG NAS SHIN TU 'JIGS PAR GYUR PAS PHAN TSUN KUN TU RGYUG PAR BYED DO; ;DE DAG RNAMS KYANG 'DZIN PAR BYED DE, 'CHI BDAG GI PHO NYA NI, MGO LA MNGON PAR DMIGS NAS DE DAG NAM MKHA' LA MNGON PAR 'PHAGS TE 'JIGS PAR BYED PA'I NGA RO DAG KUN TU BTON PAS MIG GI YUL NGES PAR MCHONG BAR BYED DO, ,KHA CIG NI, LHA GZHAN MA DE DAG RNAMS NYID BZUNG NAS LCAGS KYI RANG BZHIN GYI RAB TU BAR BA'I THAG PA RNAMS KYIS MGRIN PA BCINGS SHING KHYER TE SA GZHI'I GSEB TU RJES SU THIM NAS MI MTHONG BAR 'GRO BAR BYED DO, ,'CHI BDAG GI PHO NYA SPRUL PA BYAS PA GZHAN DE DAG RNAMS KHA CIG GIS KYANG SPRUL PA'I LHA RNAMS KHYER NAS CHUR BYING BAR BYED DE, RAB TU PHROS PAR GYUR PAS NANG DU NUB PAR GYUR TO, ,DE LTAR RNAM PA DU MA DANG RNAM PAR RTOG PA DU MA RNAMS SU SPRUL PA DE DAG RNAMS NI, 'JIGS PA CHEN POR GYUR PA RNAMS YIN NO, ,RANG BZHIN GYI LHA DE DAG RNAMS KYIS KYANG DE DAG RNAMS THAMS CAD RMI LAM GYI SNANG BA BZHIN DU MTHONG BAR
, ,GYUR TE, 'DI DANG 'DI DAG RNAMS NI, CI YIN ZHES GO BAR 'GYUR BA YIN NO, ,DE NAS DE DAG GANG GI TSE SPRUL PAR GYUR PA'I LHA RNAMS LA DMIGS PA NA DE'I TSE SPRUL PA'I SKYES BU DE DAG RNAMS KYIS RJES SU GDAMS PAR BYED PA'I TSIGS SU BCAD PA BRJOD PA RNAMS NI, JI LTAR, LONGS SPYOD RGYAGS PAS RGYAGS PA YI, ,BAG MED DBANG GIS 'JUG PA RNAMS, ,RMONGS PA RNAMS KYI DUS SONG NAS, ,'CHI BDAG DUS SU 'ONGS PA YIN, ,NAGS KYI DUS 'DI MTHA' YAS PA; ;DUG GIS GANG BA JI BZHIN NAGS, ,SRED PA'I MYU GU RNAM SPANGS PA, ,DGE BA DON GNYER KUN NAS SPANGS, ,MDZES PA'I LAS NI MA BYAS PAR, ,BAG MED PAS KYANG BAG MED 'GYUR, ,'CHI BDAG 'JIGS PA'I DUS BYUNG NA, ,BLO GROS NGAN PA CI BYAR BYOD, ,SRED PA'I CHUR NI NUB PA GANG, ,SDUG BSNGAL PHA ROL TU PHYIN MIN, ,RGA DANG 'CHI BAR BYING BA GANG, ,BDE BA DE DAG RNAMS LA MED, ,SKYES PA TZAM GYIS THAMS CAD KYI, ,RGYAB NA 'CHI BDAG NGES PAR GNAS, ,CI YI DON DU 'JIG RTEN 'DI, ,BAG MED PAS NI BAG MED BYED, ,NYAMS PA MED DANG RNAM MI SHES, ,RTAG TU GLAGS GCOD STOBS PA CHE, ,'CHI BDAG DMAG DPUNG SHUGS PO CHE, ,'JIG RTEN PAS KYANG GO BA MIN, ,
RTAG TU RNAM PAR 'GAL 'GYUR DANG, ,ZLOG THABS MED PA NYID KYANG YIN, ,SEMS CAN THAMS CAD 'CHI BA YANG, ,BAG MED PAS NI MA GO'O, ,'CHI BDAG GIR GYUR 'JIG RTEN GSUM; ;NYE 'KHOR KUN TU RNAM PAR DPYOD, ,RGA DANG NA DANG RGUD PA YANG, ,BYAS PA RNAMS KYIS RIG PA MIN, ,DE LTAR SPRUL PA 'CHI BDAG GI PHO NYAR GYUR PA DE DAG GIS SPRUL PA'I LHA DE DAG RNAMS LA RJES SU GDAMS PAR BYED PA'I TSIGS SU BCAD PA RNAMS BRJOD NAS LAN BRGYA PHRAG RNAMS SU DANG, LAN STONG PHRAG RNAMS SU'ANG SRID PA RNAMS SU KHRID PAR BYED CING DE BZHIN DU 'DREN PAR BYED DO, ,SDUG BSNGAL CHEN PO DE DAG RNAMS MTHONG BAR GYUR PAS KYANG RANG BZHIN GYI LHA DE DAG GIS BAG MED BA LAS SHIN TU SDUG BSNGAL BAR 'GYUR BA SPANGS NAS YID 'BYUNG BAR 'GYUR ZHING THAMS CAD KYANG RAB TU DANG BA'I YID KYIS DKON MCHOG GSUM LA SKYABS SU SONG BAR GYUR TO, ,DE DAG RTOGS NAS GZHAN YANG 'THAB BRAL GYI BDAG PO DES LHA DE DAG RNAMS KYI YID GZHAN YANG JI LTA BA BZHIN DU LAS SU RUNG BA BYA BA'I PHYIR SLAR NYID KYANG SPRUL PA GZHAN RNAMS SPRUL PAR BYED PA NI, LHA DE DAG RNAMS NYID KYI PHYIR ZHING NYID KYANG KHYAD PAR DU RTOGS NAS DGA' BAR 'GYUR BA RNAMS LA 'DI LTA STE, DBU RGYAN GYIS BRGYAN PA 'DOD PA
, ,RNAMS THAMS CAD PHUN SUM TSOGS PA'I RGYAL PO GANG YIN PA DE DAG RNAMS MU SU LUNDHA'I LUS LAS NGES PAR 'BYUNG STE, LHAN CIG SPYOD PAR BYED PA'I MCHOG TU LANG TSO LA BAB PA RNAMS KYIS PHYI BZHIN 'BRANG BAR GYUR PA RNAMS NI, SNGAR KHO NA BZHIN NO, ,DE DAG THAMS CAD KYANG RNAM PA DE SRID KYI GZUGS DANG PHUN SUM TSOGS PA RNAMS KYIS KYANG PHUN SUM TSOGS PAR GYUR NAS PHYI NAS YANG RGYAL PO RNAMS LUS GOG POR SONG BA, MGO BO KUN SKRA DKAR RNAMS KYIS G-YOGS PAR GYUR PA, LUS PO RNAMS KUN NAS 'KHUMS PA, LUS LA GNYER MA DANG SKRA DKAR RNAMS KYIS KUN TU GANG BA, LUS DBYUG PA LA KUN NAS BRTEN PA, MCHOG TU RJUD PAR GYUR PA'I LUS PO CAN RNAMS LAS RNAM PA THAMS CAD LA NUS PA MED PAR GYUR PA, GZHAN LA KUN NAS BRTEN NAS 'GRO BAR BYED PA; SKYE BO RNAMS THAMS CAD BZHAD GANG DU GYUR PA, SGRA NGAR NGAR POR GYUR PA'I DBUGS PHYIR 'BYUNG BA, LUS KUN LA BSNYE BAS NYAMS PAR BYAS PA, DBANG PO RNAMS SHIN TU RNYING PAR GYUR PA THAMS CAD LA'ANG SPRO BA MED PA, SKYE PO RNAMS THAMS CAD SKYUG ZLOG PAR BYED PA, 'KHYOR ZHING 'GRO BAR GYUR PA, DUS SHIN TU NYE
BAR GYUR PA DE DAG RNAMS MTSO 'DI NYID NA RGYU BAR BYED DE, STOBS SHIN TU'ANG CHUNG BAR GYUR PA GZHAN DAG GI LAG PA LA 'PHYANGS NAS GOM BA RNAMS 'BOR BAR BYED PA SHIN TU'ANG 'JIGS SU RUNG BA'I GZUGS DANG LDAN PA RNAMS YIN NO, ,DE DANG DE LTAR RGYU BAR BYED PA RNAMS KYIS LUS RNAMS LA DUS GZHAN 'GA' ZHIG GI TSE NA GZUGS MANG PO RNAM PA SNA TSOGS PA'I NAD RNAMS KUN TU SKYE BA NI, RIMS TSA BA DANG, HA CANG THAL CHES PAR 'KHRU BA DANG, GLO LU BA DANG, DBUGS MI BDE BA DANG, SKYIGS BU DANG, SKRANG GRO DANG, MDZE SNGON DU 'GRO BAR GYUR PA RNAMS KYI SHIN TU MI BZAD PAR GYUR PA, NYE BAR 'TSE BA RNAMS DANG BCAS PA 'TSI BA'I MTHAR THUG PAR BYED PA, SHIN TU SKYUG BRO BAR GYUR PA'I NAD KHYAD PAR DU DRAG PO DE DAG RNAMS KUN TU 'BYUNG BAR GYUR PA'I STOBS KYIS GSO DPYAD MED PA DANG MI 'DOD PA RNAMS MTHAR THUG PAR BYAS PAS RGYAL PO DE DAG RNAMS THAMS CAD NYID KHRID PAR GYUR NAS SHIN TU SDUG BSNGAL BA KHO NAR 'CHI BAR BYED DO, ,SHI BA DE DAG RNAMS KYI LUS DE DAG RNAMS ZAGS SHING DRI MI ZHIM PAR GYUR PA LA SRIN BU BRGYA STONG GIS KHYAB PAR GYUR PAS ZA BAR BYED BZHIN PA'I LUS DE DAG RNAMS RANG BZHIN PA'I LHA DE DAG RNAMS KYIS MTHONG BAR GYUR TO, ,DE NAS GANG DAG GIS DE DAG GI LUS
, ,RNAMS 'DZIN PAR BYED PA'I SPRUL PA'I BYA RNAMS KYANG KUN TU 'ONGS PAR GYUR NAS KHA CIG GIS NI, ZA BAR BYED DO, ,KHA CIG GIS NI, BZUNG BAR GYUR PA MTHONG NAS 'BROS PAR BYED DE, DE DAG RNAMS KYANG MCHOG TU SKYO BA SKYE BAR 'GYUR BA'I GNAS SU LEGS PAR MTHONG BAS LHA RANG BZHIN PA DE DAG RNAMS SHIN TU LEGS PAR MNYAM PAR BZHAG PA'I YID DU 'GYUR RO, ,GZHAN YANG LHA DE DAG RNAMS NYID LA PHAN PAR BYA BA'I DON DU 'THAB BRAL GYI BDAG PO BRTAN PAS MGO DRANGS PA'I LHA MA YIN GYI RGYAL BO GANG YIN PA DE DAG RNAMS SGRA GCAN 'DZIN GYI MTHAR THUG PAR GYUR PA'I SA 'OG NA GNAS PA DE DAG RNAMS GANG GI TSE MU SU LUNDHA LAS MI RING BA NA KUN NAS GNAS PAR GYUR LA DE'I TSE RNAM PAR KHROS PAR GYUR PAS KYANG THAMS CAD KYI SKAD CHEN PO KUN TU GTONG ZHING PHAN TSUN DU'ANG BOS PAR GYUR NAS SA GZHI LA KUN NAS 'GYEL BA NI, STA RES SHING KA RTZI K'A RA RTZA BA NAS BCAD PA BZHIN DU SA GZHI LA 'GYEL BAR GYUR TO, ,'GYEL NAS KYANG SHI BAR GYUR PAS THAMS CAD SHING DANG RDO BA RNAMS BZHIN DU RNAM PAR 'GYUR BA DANG BRAL BAR 'GYUR RO, ,DE DAG RNAMS MNGON PAR MTHONG NAS LHA MA YIN GYI BU MO DE DAG RNAMS
SHIN TU SDUG BSNGAL GYIS GZIR NAS KYANG RNAM PAR KHRO BAR BYED PA DANG, DU BAR YANG BYED DO, ,YONGS SU BSKOR BAR GYUR NAS DE DAG RNAMS THAMS CAD KYANG DE LTAR NGU BAR BYED PA RNAMS LA BYA DAG KUN TU 'ONGS PAR GYUR NAS DE DAG GIS DE DAG RNAMS KYI LUS SHING SKAM DANG RDO BA DANG SHING BU DANG MTSUNGS PAR BYED PA MED PA RNAMS KUN NAS 'DREN PAR BYED DO, ,SNYING RJE RNAM PAR 'KHRUGS PAR GYUR PA'I LHA MA YIN GYI BU MO DE DAG RNAMS DE NAS DE LTAR RNAM PAR 'KHRUGS PA'I GTING THOGS NYID LA DE DAG RNAMS THAMS CAD KYANG SHI PAR GYUR TO, ,DE DAG RNAMS KYI RO DE DAG RNAMS KYANG BYA RNAMS NYID KYIS 'DZIN PAR BYED DO, ,BZUNG BAR GYUR NAS KYANG KHVA TA DANG 'UG PA DANG BYA RGOD RNAMS NAM MKHA' LA 'PHUR BAR 'GYUR TE, MTHONG BA'I YUL LAS 'DAS NAS 'GRO BAR BYED DO, ,DE LTAR YANG 'THAB BRAL BA RNAMS KYI BDAG PO DES RANG BZHIN GYI LHA RNAMS LA PHAN PAR BYA BA'I DON DU SPRUL PA GZHAN RNAMS KYANG PHUL DU PHYIN PAR BYAS SO, ,DE'I RJES THOGS LA SPRUL PA GZHAN DAG BYED PA RNAMS LA JI LTAR GANG DE KLU'I RGYAL PO RNAMS GANG YIN PA DE DAG GI SPRUL PA RNAMS NI, SNGA MA BZHIN NO, ,YANG DE DAG RNAMS KYI MI RTAG PA 'DI DAG STON PAR BYED PA LAS DE LTAR YANG KLU RNAMS
, ,KHA CIG NI, BYE TSAN DAG GIS SREG PAR BYED DO, ,SOL BA'I ME TSA BA RNAMS KUN TU 'BAB PAR 'GYUR ZHING DE DAG RNAMS BAB PAR GYUR PAS KYANG DE LTAR SREG PAR BYED DO, ,JI LTAR SENG LDENG GI ME SHIN TU CHEN PO RNAMS SU RTZVA 'JAG SKAM PO GCIG LHUNG BA SREG PAR BYED PA DE BZHIN DU LHUNG BAR GYUR PA TZAM NYID NA KLU DE DAG RNAMS BYE TSAN GYIS SREG PAR BYED DO, ,DE DAG RNAMS LAS GZHAN PA'I KLU RNAMS KYANG 'CHI BDAG GIS 'KHRID PAR 'GYUR TE, LHAN CIG SPYOD PAR BYED PA RNAMS KYI NANG NA GNAS PA LAS RNAM PAR KHROS PAR GYUR BZHIN DU DE DAG RNAMS DUS KYI 'KHOR LOS SDUD PAR BYED DO, ,GZHAN RNAMS KHA CIG NI, PHAN TSUN DU 'GYED PAR GYUR PAS PHAN TSUN DU BCINGS NAS SNYING PHAN TSUN DU 'JOMS PAR BYED DO, ,DE LTAR 'CHI BDAG RNAMS KYIS KUN TU KHRID PAR GYUR PA'I SPRUL PA'I KLU DE DAG RNAMS KYANG RANG BZHIN GYI LHA DE DAG RNAMS KYIS MTHONG BAR GYUR TO, ,MTHONG NAS KYANG PHYIR ZHING KHO NA SHIN TU NGES PAR YID 'BYUNG BAR 'GYUR RO, ,GZHAN YANG 'THAB BRAL BA RNAMS KYI BDAG PO DE NYID KYIS SPRUL PA GZHAN DAG BYED PA NI, JI LTAR SHAR GYI LUS 'PHAGS PO RNAMS DANG, BA LANG SPYOD PA RNAMS KYI MI RNAMS KYANG RGAS PA RNAM PA
SNA TSOGS PA RNAMS KYIS ZIL GYIS GNON PAR BYED DO, ,LHAN CIG RJES SU SPYOD PA'I 'KHOR DANG BCAS PA RNAMS LA NA BRGYA DANG STONG DU'ANG BYED DO, ,SHI BA DE DAG RNAMS NYID KYI LUS DE DAG RNAMS LA SRIN BU RNAMS KYIS GANG BAR GYUR PAR SHIN TU 'JIGS SU RUNG BAR SA GZHI LA 'GYEL BAR GYUR PA DAG RANG BZHIN GYI LHA DE DAG RNAMS KYIS MTHO PAR GYUR TO, ,RNAM PA DU MA DANG RNAM PAR RTOG PA DU MAR YANG SRID PA'I SKYON PHUL DU PHYIN PA'I SDUG BSNGAL GYIS 'CHI BA MNGON PAR MTHONG NAS RANG BZHIN GYI LHA DE DAG MCHOG TU YID BYUNG BA DANG LDAN PAR GYUR NAS 'CHI BA'I SDUG BSNGAL 'DI NI, NGES PAR BSLANG BA YIN TE, DE LTAR YANG SROG CHAGS SU GYUR PA GANG YIN PA 'DI DAG RNAMS THAMS CAD KYANG RGA BA DANG NAD DANG 'CHI BA RNAMS KYIS MTHAR THUG PAR BYED PA YIN PA RAB TU MI SHES NA, DE DAG RNAMS KYANG GANG DU SONG GANG GIS KHRID PAR GYUR PA YIN; PHUN SUM TSOGS PA RNAMS THAMS CAD NI, MI RTAG PA YIN PA DANG, BDE BA RNAMS THAMS CAD KYANG SRID PA'I SKYON DANG KUN TU 'DRES PA'I 'DUS BYAS ZHES BYA BA G-YO BA, MTHAR 'JIG PAR 'GYUR BA 'DI LA BLO DANG LDAN PA'I SKYES BU RNAMS KYIS YID CHES PAR MI BYA'O, ,RAB TU RNAM PAR 'JIG PAR 'GYUR BA'I CHOS CAN 'DI DAG
, ,RNAMS THAMS CAD LA 'DI DANG, SRID PA GZHAN DU'ANG BDE BA YOD PA MA YIN NO, ,MCHOG TU SKYO BA SKYES PA'I YID DANG LDAN PA'I LEGS PAR SKYO BA SKYES PA'I BLO DANG LDAN PA'I RANG BZHIN GYI LHA DE DAG RNAMS DE LTAR PHAN TSUN DU RJOD PAR BYED DO, ,DE NAS 'THAB BRAL GYI BDAG PO DES DE DAG RNAMS KYI SEMS DANG SEMS LAS BYUNG BA DE DAG RIG PAR GYUR NAS SPRUL PA GZHAN YANG BYED PAR GYUR PA LAS, DE NAS SKYES BU GANG DAG NGA MED PA, NGA YI BA MED PAR GYUR PA; NGES PAR GONG DU 'GRO BA DE DAG RNAMS NI, 'DI LTA STE, GANG BYANG PHYOGS SGRA MI SNYAN PA GANG YIN PA RNAMS TE, DE DAG RNAMS NI, LHA RNAMS KYI DRUNG NA CUNG ZAD PA ZHIG GIS CHUNG BA'I MCHOG TU SKYID PAR GYUR PA'O, ,DE DAG RNAMS KYANG RGAS PA DANG NAD KYIS GZIR BA'I BAR GYUR NAS 'CHI BDAG GI ZHAGS PAS 'DREN PAR BYED DO; ;SHIN TU 'JIGS SU RUNG BA'I LUS RNAMS LA SRIN BU BRGYA STONG GIS KUN NAS G-YOGS PAR GYUR PA, LUS PO 'DI DAG LA SKYE BO RNAMS THAMS CAD KYIS BLTA BAR RJES SU MI MTHUN PA, BSHANG BA'I PHUNG PO RNAMS KYIS KUN TU GANG BAR GYUR PA'I BYANG PHYOGS SGRA MI SNYAN PA 'DI DAG RNAMS SO, ,DE LTAR BDE BA RGYA CHEN PO'I SA
NA GNAS PA'I 'THAB BRAL BA'I LHA RNAMS LA PHAN PAR BYA BA'I DON DU LHA DANG MI DANG LHA MA YIN RNAMS KYI MI RTAG PA NYID 'THAB BRAL GYI BDAG PO 'DIS BSTAN PA YIN NO, ,DE'I RJES THOGS LA GANG DAG RANG BZHIN GYI LHA DE DAG RNAMS KYIS MTHONG BAR SPRUL PA GZHAN DAG RNAMS BYED PA NI, 'DI LTA STE, SRID PA BAR MDO BA'I TSOGS RNAM PA DU MA RNAMS SO, , JI LTAR SHI BAR GYUR NAS SEMS CAN RNAMS LAS SNA TSOGS PA RNAMS KYI DBANG GIS DMYAL BA DANG YI DVAGS DANG DUD 'GRO DANG LHA DANG MI RNAMS SU SKYE BA DE BZHIN DU SRID PA BAR MDO PA RNAMS SPRUL BA BYED DE, JI LTAR 'GRO BA LNGA PO RNAMS KUN TU RGYU BAR BYED PA RNAMS LHAR NGA BZHIN PAS MNGON SUM NYID DU MTHONG BAR 'GYUR RO, ,DE LA LAS DU MA RNAMS LAS SEMS KYI THA MA'I BSAM PA'I DBANG GIS SKYE BAR 'GYUR RO, ,DE LAS RANG BZHIN GYI LHA DE DAG RNAMS NYID NGES PAR SKYO BAR BYA BA'I DON DU RNAM PA DU MAR LAN BRGYA STONG DU SKYE RGU RNAMS 'GRO BAR LNGAR SKYE BA SPRUL PAR BYED DO, ,MTSO DE NYID DU BSAM GYIS MI KHYAB PA SHIN TU NGO MTSAR BA GZHAN RNAMS DANG MI 'DRA BA DE DAG RNAMS MNGON PAR MTHONG ZHING RANG BZHIN GYI LHA DE DAG GIS MNGON SUM KHO NAR MTHONG BAR 'GYUR RO, ,DE LA'ANG 'GRO BA LNGAR KUN TU RGYU BAR BYED PA'I 'BYUNG PO RNAMS THAMS CAD LAS DANG NYON MONGS PA RNAMS KYI DBANG GIS
, ,'GRANGS PAR GYUR PAS 'GRO BA GZHAN NAS 'GRO BA GZHAN RNAMS SU DMYAL BA DANG YI DVAGS DANG DUD 'GRO DANG LHA DANG MI'I 'GRO BA RNAMS LA YONGS SU 'KHYAMS PAR GYUR PA LA NI, SKYABS MED PA DANG GROGS MED PAR GYUR PAS SRID PA GZHAN RNAMS BRJE BA SOR BYED PA, DMYAL BA DANG YI DVAGS DANG DUD 'GRO DANG LHA DANG MI RNAMS KYI NANG DU BRJE BSOR BYED PA RNAMS MTHONG NGO, ,DE LA SRID PA BAR MA DO BA RNAMS KYI YA MTSAN CHE BAR GYUR PA, SHIN TU 'JIGS SU RUNG BA, KUN NAS SHIN TU 'JIGS PAR BYED PA, MCHOG TU SKYO BA SKYE BAR BYED PA THAMS CAD LA RAB TU 'JIGS PAR BYED PAR GYUR PA DE DAG RNAMS RANG BZHIN GYI LHA RNAMS KYIS MTHONG BAR 'GYUR RO, ,DE LA LHA RNAMS NYID KYI DE LTA BU'I SRID PA BAR MDO BA MTHONG BA LAS, 'THAB BRAL BA'I LHA'I RIGS RNAMS LAS LAS ZAD PAR GYUR NAS RAB TU LHUNG BAR GYUR PA NA 'GYOD PA'I MES SREG PAR BYED PA BAG MED PA RNAMS KYIS DE LTAR SHIN TU BSLUS NAS MGO BO THUR LA DPYANGS PAS RAB TU LHUNG BAR 'GYUR RO, ,DE DAG 'CHI 'PHO BAR GYUR PA NA LHA GANG YIN PA'I RGYUD DES YONGS SU BZUNG BA'I PHUNG PO DE DAG RNAMS NI, NYE BAR NUB PAR 'GYUR RO, ,RGYA'I RJES DANG CHA 'DRA BAR SRID PA BAR
MA DO BA DE'I 'GRO BA RNAMS KYI PHUNG PO RAB TU 'BYUNG BAR 'GYUR RO, ,DMYAL BA RNAMS KYI LAS BYAS BAR GYUR PA DE DANG, 'KHOR BAS BYAS PA'I LAS KYI RNAM PAR SMIN PA KUN NAS SLONG BA'I 'JIGS PA CHEN PO DANG, GZER ZUG CHEN POR YANG GYUR PA RNAMS MNGON PAR MTHONG NAS 'THAB BRAL GYI RANG BZHIN PA DE DAG RNAMS MCHOG TU SKYO BA DANG LDAN PAR 'GYUR RO, ,DE LTAR DMYAL BA PA RNAMS KYI SRID PA BAR MDO NI, MTHONG BAR 'GYUR LA, SKYE BA'I SRID PA RNAMS NI, MU SU LUNDHA 'DIS LEGS PAR STON PAR MI BYED DO,, RGYU GANG GI PHYIR NA LHA DE DAG RNAMS KYIS BZOD PAR MI NUS PA'I PHYIR TE, SEMS SHIN TU 'JAM PA YIN PAS SKAD CIG NYID LA DUS BYED PAR 'GYUR BA'I PHYIR RO, ,LHA DE DAG GIS DPE MED PA'I SDUG BSNGAL 'DI RNAMS MNGON PAR MTHONG BAR BYED PA YIN NO, ,RGYU 'DI DAG GIS SPRUL PA BYAS PAS 'THAB BRAL GYI BDAG PO DE LEGS PAR STON PAR BYED DO; ;DE LTAR LHA DE DAG RNAMS DMYAL BAR RAB TU LHUNG BAR GYUR BA LHA GZHAN RANG BZHIN PA DE DAG RNAMS KYIS RNAM PAR LTA BAR BYED DO, ,GZHAN YANG MU SU LUNDHA DES NGO MTSAR RMAD DU BYUNG BA'I SPRUL PA 'DI DAG RNAMS BYAS PAS SRID PA BAR MA DO PA RNAMS STON PAR BYED PA NI, JI LTAR BAG MED PA GANG KHO NA'I SKYON GYIS NYE BAR BCOM PA'I 'THAB
, ,BRAL GYI RNAMS LAS ZAD NAS 'CHI 'PHO BA NI, YI DVAGS RNAMS SU SKYE'O, ,DE DAG GI SRID PA BAR MA DE DAG RNAMS NI, LAS BYAS PA DE DAG DANG 'DRA BA'I GZUGS BRNYAN DU 'GYUR TE, LAS KYI THAG PA RING PO RNAMS KYIS DRANGS PAR GYUR PAS MGO THUR DU DBYANGS NAS LHUNG BAR 'GYUR BAS GANG LA DES BYAS PA'I LAS KYIS 'TSED PAR BYED PA DE LA DE DAG KUN NAS 'KHRID DO, ,RANG BZHIN GYI LHA DE DAG RNAMS KYIS DE LTAR SRID PA BAR MA DO BA GNYIS PA RNAMS MTHONG NGO, ,GZHAN YANG SPRUL PA PA'I SRID PA BAR MDO PA GSUM PA RNAMS MTHONG BA NI, JI LTA BA KHO NAR 'THAB BRAL BA RNAMS GZHAN YANG LAS ZAD PA NYID BAG MED PAS NYE BAR BCOM NAS MGO THUR DU BLTAS SHING RAB TU LHUNG BAR GYUR PA DANG, SHIN TU NYAMS NYES PA DANG, KUN NAS BCINGS BAS KYANG DUD 'GRO RNAMS SU SKYE'O; ;DE DAG GI SRID PA BAR MA DO PA RNAMS NI, DE DAG GI 'GRO BA'I RGYA'I RJES DANG CHA 'DRA BA'I NYID DU SKYE BAR GYUR PA YIN TE, DUD 'GRO RNAMS KYI RNAM PA MTHA' YAS PA DANG, RNAM PA DU MAR GYUR PA DE DAG RNAMS DANG 'DRA BA'I SRID PA BAR MA DO PA RNAMS SU 'GYUR RO, ,RGYA'I RJES DANG CHA 'DRA BAR GYUR PA DE'ANG 'GRO BA GSUM PA RNAMS
GYIS KUN NAS BSDUS PA'I SRID PA BAR MA DO PA SHIN TU SKRAG PAR BYED PA DE DAG RNAMS MNGON PAR MTHONG NAS SLAR YANG LHA DE DAG RNAMS CHES PHAL CHE BAR SKYO BAR GYUR CING MCHOG TU KUN NAS SKRAG PAR GYUR PAS NYE 'KHOR KUN NA 'JIGS PA DES KHONG DNGANGS PAR GYUR PA'I BZHIN GYIS PHAN TSUN RNAMS SU MNGON PAR MTHONG NAS TSIGS SU BCAD PA BRJOD PA JI LTAR, RNAM PAR SHES DKA' SHIN TU PHRA, ,THAMS CAD DU NI RGYUG PA PO, ,SEMS CAN LAS KYI DBANG 'GRO BA, ,THAMS CAD DU NI YONGS SU RGYUG ,GANG DAG 'PHAGS PA LA SKUR 'DEBS, ,GANG YANG LAS 'BRAS LA SDANG BA, ,DE DAG SHI NAS DMYAL BAR 'GRO, ,GANG YANG LOG PAR 'DUL BA PO, ,GANG ZHIG NANG DU SDIG SBAS NAS, ,GANG YANG CHOS GZHAN GYIS BSLU BA, ,SHIN TU SDIG CAN 'JIG RTEN DE, ,DMYAL BA'I RTZE MO'I SKAL LDAN YIN, ,BDE BA KUN CHAGS GZHAN GANG DANG, ,SKYE BO RTAG TU SDIG DGA' BA, ,RANG GI SEMS KYIS BSLUS NAS NI, ,DE NI BDE NAS SDUG BSNGAL 'GRO, ,GANG ZHIG MTHAR THUG BDER MTHONG BA, ,BDE DE MTSON CHAR BRJOD PA YIN, ,GANG YANG SDUG BSNGAL RNAM SMIN 'GYUR, ,BDE DE SDUG BSNGAL KHO NA NYID, ,BAG MED PA YI LHA RNAMS NI, ,'THAB BRAL SRID PA NAS 'CHI 'PHO, ,DE PHYIR CHOS SROG GANG GI PHYIR, ,MKHAS PAS RAB TU BSNGAGS
, ,PAR BYED, ,KHANG BU SKYED MOS TSAL DGA' ZHING, ,CHED CHER BUD MED RNAMS LA LTA, ,'DOD PA'I YUL GYIS NGOMS MED PAR, ,LHA NI SA LA LTUNG BA YIN, ,JI LTAR BDE BA 'PHEL PA NI, ,SKOM PA 'PHEL BA DE BZHIN NO, ,SKOM PA LAS NI MCHOG TU NI, ,MKHAS PA LAS NI RAB TU BRJOD, ,'JIG RTEN SKYE DANG 'CHI MTHONG NAS, ,MCHOG TU SKYO BA MI SKYE BA, ,DE LA BDE LEGS SKYABS GANG YOD, ,GANG YANG SKYOB PAR MI 'GYUR RO, ,DE LTAR RANG BZHIN GYI LHA DE DAG RNAMS KYIS RNAM PA DU MA'I SRID PA BAR MA DO BA DE DAG RNAMS MNGON PAR MTHONG BAR GYUR PA DANG RAB TU SKYO BA'I YID KUN TU SKYES SO, ,DE DAG RNAMS KYI SEMS DE DAG MNGON PAR MTHONG NAS 'THAB BRAL GYI MNGA' BDAG MU SU LUNDHA DES SPRUL PA'I LHA DE DAG RNAMS THAMS CAD KYIS SNANG BAR BYAS NAS LEGS PAR PHRAD PAR BYED DO, ,ZHI BA RGYAS PA'I CHA BYAD DE MNGON PAR MTHONG NAS LHA DE DAG RNAMS DBUGS PHYIN CING YID PHEBS PAR GYUR NAS 'THAB BRAL BA RNAMS KYI MNGA' BDAG MGON PO DE GANG NA YOD PA DER YONGS SU BSKOR NAS KUN TU GNAS TE, GUS BA LEGS PAR SKYES PAS KHYAB PAR TSIM PA'I YID KYIS THAMS CAD NYID DE NA GNAS SO, ,SKYO BA'I YID KYIS BDAG NYID MGON DANG BCAS PA DE BZHIN DU DE DAG RNAMS KYIS
RTOGS SO, ,DE LA RNAM PA DU MA DANG RNAM PAR RTOG PA DU MAR MTHONG NA NGO MTSAR BAR GYUR PA RNAMS RANG GIS MTHONG BAS TSIM PA MED PA'I YID KYIS KUN DGA' BA MTHONG BA LTA BUR GYUR PA DE YONGS SU BSKOR NAS RANG BZHIN GYI LHA DE DAG RNAMS GNAS SO, ,DE NAS 'THAB BRAL GYI BDAG PO DES LHA DE DAG RNAMS 'DI SKAD CES BRJOD DE, KHYED CAG RNAMS NAGS DANG NYE BA'I NAGS DANG PADMA'I RDZING BU DANG RIN PO CHE'I KHAMS RNAMS DANG LDAN PAS RNAM PAR BRGYAN PA'I RI'I RTZE MO RNAMS NYID LA'ANG GAR GYIS SHIG CES NYAMS SU BLANG BAR BYA BA'I DON DU RJOD PAR BYED KYANG CI'ANG LHA DE DAG RNAMS SKYO BAR GYUR PA'I YID LEGS PAR SKYES PA'I PHYIR DANG, BAG MED PA RNAMS BSNYUNG BAR BYA BA'I YID CAN RNAMS BYED PA YIN NAM; DE NAS RANG BZHIN GYI LHA DE DAG RNAMS KYI 'THAB BRAL GYI BDAG PO'I DRUNG NAS TSIG DE DAG THOS NAS RANG BZHIN GYI LHA DE DAG SEMS RAB TU SKYO BAR GYUR PAS 'DI SKAD CES BRJOD DE; LHA LAGS, NAGS DANG, NYE BA'I NAGS DANG, RIN PO CHE'I KHAMS DANG LDAN PAS BRGYAN PA RNAMS LA BDAG CAG JI LTAR CI'I PHYIR DGA' BAR 'GYUR, LHA RNAMS MTSOR BYING BA BZHIN DU BDAG GIS 'KHOR BA'I BREL TOG RNAMS RNAM PAR RTOG PA DU MAS KYANG BSRAN PAR MI TSUGS PA RNAMS RANG GI MIG SNGAR MTHONG STE, 'DOD PA RNAMS THAMS CAD NI, MI RTAG
, ,PA; SDUG BSNGAL GYI MTHAR GTUGS PAR BYED PA BDAG CAG RNAMS RTAG BA MA YIN, BRTAN PA MA YIN, THER ZUG MA YIN TE, DE DAG RNAMS LA SNYING PO CUNG ZAD KYANG MED DO, ,DE NAS 'THAB BRAL GYI BDAG PO DES LHA DE DAG RNAMS KYI DRUNG NAS TSIG GI CHA 'DI DAG RNAMS THOS NAS 'DI SKAD CES BRJOD DO, ,BCOM LDAN 'DAS KYIS JI LTA BAR 'DI DAG RNAMS THAMS CAD SDUG BSNGAL GYI MTHAR THUG PA YIN PAR GSUNGS SO, ,DE NAS LHA DE DAG THAMS CAD KYIS KYANG 'DI SKAD CES BRJOD DE, BDAG CAG RNAMS THAMS CAD NI, JI LTA BA BZHIN DU DE LA YID SONG BA LAGS NA, JI LTAR SHIN TU SDUG BSNGAL BA RNAMS LHA'I ZHAL SNGA NAS SHES PAR 'TSAL LO, ,DE NAS DE DAG GI DRUNG NAS 'THAB BRAL BA RNAMS KYI MNGA' BDAG DES TSIG DE DAG RNAMS THOS NAS 'DI SKAD CES BRJOD DE, JI LTAR 'KHOR BA'I SDUG BSNGAL MA LUS PA DE DAG RNAMS NGAS BRJOD PAR NUS MOD KYIS KYANG RE ZHIG NGAS KHYED RNAMS LA PHYOGS GCIG TZAM MNGON PAR BRJOD PAR BYA STE, 'KHOR BA RNAMS SU JI LTA BAR BAG MED PA'I DBANG GIS 'GRO BAR MA GYUR NA NI; BSKAL PA BYA BA STONG PHRAG DU MA RNAMS NA, KYE MA DKA' SLAS KYIS BDE 'GRO'I 'GRO BAR 'BYUNG BAR 'GYUR BA YIN TE, 'GRO BA GNYIS PO LHA DANG MI DAG RNYED PA NI, SHIN TU
TU DKA' BA YIN ZHING, GANG DAG BAG MED PA'I DBANG DU 'GRO BAR MI 'GYUR BA DE DAG RNAMS NI, MKHAS PA YIN NO, ,RKYEN GYI DBANG GIS BYUNG BA RNAMS KYANG YONGS SU SPONG BAR BYED DO, ,DE DAG GI DBANG DU 'GRO BAR MI 'GYUR RO, ,DMYAL BA DANG YI DVAGS DANG BYOL SONG RNAMS SU DE DAG SKYE'O, ,DE LA KYE HO LHA RNAMS 'GRO BA GSUM PO RNAMS NGAN SONG ZHES MNGON PAR BRJOD DO, ,LTA DANG MI'I 'GRO BA GNYIS PO NI, BDE 'GRO ZHES MNGON PAR BRJOD DO, ,DE DAG RNAMS NYID RE ZHIG JI LTAR RAB TU STOBS CHE BAR GYUR PA'I SDUG BSNGAL DAG MNGON PAR BRJOD PAR MI NUS SO, , RGYAS PAR NI, STON PAS MNGON PAR BRJOD PAR SPYOD DO, ,MDOR BSDU BAR GYUR NA LHA DANG MI RNAMS KYI SDUG BSNGAL RNAMS NI, RNAM PA BCU DRUG GO ,YANG LHA DANG MI RNAMS KYI DE'ANG BDAG YIN NA; BDE 'GRO'I 'GRO BAS SDUS PA'I SDUG BSNGAL DU GYUR PA RNAMS LA 'DI LTA STE, SRID BA BAR MA DO'I SDUG BSNGAL DANG, MNGAL NA GNAS PA'I YANG BA'I SDUG BSNGAL DANG, MNGAL NAS KUN TU 'BYUNG BA'I SDUG BSNGAL DANG, ZAS KYI SDUG BSNGAL DANG, 'DOD PA'I SDUG BSNGAL DANG, MI MTHUN PA RNAMS DANG KUN TU PHRAD PA'I SDUG BSNGAL DANG, SDUG PA RNAMS DANG BRAL BA'I SDUG BSNGAL DANG, GRANG BA DANG TSA BA LA SOGS PAS BCINGS PA'I SDUG BSNGAL DANG, NAD KYI SDUG BSNGAL DANG, GZHAN GYI DBANG DU GYUR PA'I SDUG BSNGAL DANG, TSOL KHRO'I SDUG
, ,BSNGAL DANG, SDIG PA'I GROGS PO DANG 'DRE BAR BYED PA'I SDUG BSNGAL DANG, BU DANG BU MO DANG GNYEN 'DUN RNAMS GYI BREL DOG GI SDUG BSNGAL DANG, BKRES PA DANG SKOM PA'I SDUG BSNGAL DANG, DBANG CHUNG BA'I SDUG BSNGAL DANG, RGA BA'I SDUG BSNGAL DANG, LHAG PAR GYUR PA'I SDUG BSNGAL SHIN TU SDUG BSNGAL BAS SHIN TU SDUG BSNGAL BA NI, 'CHI BA'I SDUG BSNGAL LO, ,JI LTAR RAB TU STOBS CHE BA'I SDUG BSNGAL CHEN PO BCU DRUG PO DE DAG RNAMS NI, MI'I 'JIG RTEN PA RNAMS KYI YIN TE, 'CHI BA'I MTHAR THUG PA RNAMS MI'I 'JIG RTEN DU SKYES PA RNAMS KYI YIN NO, ,GANG SEMS CAN GZHAN DAG RNAMS LA NI, RNAM PA SNA TSOGS PA'I SDUG BSNGAL GZHAN DAG RNAMS 'BYUNG BAR 'GYUR BA YIN TE, SHIN TU'ANG BSRAN PAR MI BZOD PA RNAMS YIN NO, ,GANG YANG MTHAR THUG PA KHO NAR ZAD PAR MI 'GYUR BA'I CHOS CAN DANG, RAB TU 'JIG PAR MI 'GYUR BA'I CHOS CAN GYI BDE BA NI, 'DI DANG SRID PA GZHAN RNAMS NA'ANG MED DO, ,DE LA RE ZHIG DRANG PO KHO NAR SRID PA BAR MA DOR SKYES PA'I DRI ZA SRID PA BAR MA DO PA'I THA SNYAD CAN RNAMS KYI RNAM PA JI LTA BU'I SDUG BSNGAL YIN NA 'DI LTA STE, LAS KYI RLUNG GIS BTAB PAR GYUR PA RNAMS SHA'I MIG GIS MNGON SUM DU BLTA BAR BYAR MED PAR LHA'I MIG GIS
MTHONG BAR GYUR PA DANG, THOGS PA MED PAR GYUR PA'I RANG BZHIN CAN DE'ANG GANG GI TSE MIR SKYE BAR 'GYUR BA YIN PA DE'I TSE JI LTA BU'I RNAM PAR 'DI SKYE BAR 'GYUR BA RNAMS DANG, RNAMS PA JI LTA BU'I KHYIM DU 'DI SKYE BAR 'GYUR BA RNAMS KYANG STE, DMAN PA DANG BAR MA DANG KHYAD PAR DU 'PHAGS PA'I KHYIM RNAMS SU SBYIN PA DANG TSUL KHRIMS DANG SHES RAB KYI 'BRAS BU CAN RNAMS LA SKYE BAR 'GYUR BA NA, DRI ZA DE'ANG RNAM PA DE LTA BUR 'GYUR BA YIN NO, ,SRID PA BAR MA DO PA 'DI'I ZAS KYI RIGS SU GYUR PA RNAMS NI, GAL TE DBUL PO'I KHYIM RNAMS SU SKYE BAR 'GYUR NA, DE'I ZAS RNAMS HRUD HRUD PO DANG, MDOG NGAN PA DANG, DRI DANG, RO DANG, REG BYA DANG, TSAD RNAMS KYANG DMAN PAR 'GYUR TE, SBYIN PA'I MTHU CHUNG BAR GYUR PA'I PHYIR NA SKYE BA NA'ANG 'THOB PAR MI 'GYUR RO, ,DE LA 'DI NI, MIR SKYE BAR GYUR PA RNAMS KYI SDUG BSNGAL GYI DANG PO YIN NO, ,DE NAS SKYES PAR GYUR NAS LAS DANG NYON MONGS PA'I DBANG GIS MNGAL NA GNAS PAR GYUR TE, DBUL PO'I KHYIM DU SKYE BAR 'GYUR NA MA'I ZAS NGAN PA DANG, GYONG PO DANG, SKYUR MO'I ZAS RNAMS DANG, ZAS CHUNG PAR GYUR NA 'ANG SHA MA LA RAB TU BRTEN PAS LTE BA'I SPUBS NAS RAB TU SPEL BAR BYED PA'I SROG CHAGS MNGAL NA GNAS PA KHA DOG NGAN PA DANG LUS RID PAR 'GYUR PA YIN NO, ,MA'I LUS G-YO BAR
, ,GYUR PA'I SKYON GYIS SHIN TU SDUG BSNGAL BAR GYUR PAS GSUS PA'I GSEB NA RGYUG PAR BYED DO, ,ZAS SU GYUR PA GRANG BA DANG DRO BA DAG GIS BYAS PAS KYANG STE, DE LTAR GZIR BAR BYED PA MNAR BA'I MCHOG TU PHYIN PA LA 'ANG GO SKABS YE MED PA SKABS MED PA, RNAM PAR KHRO BAR BYED NA'ANG SPUNGS MED PA, GCIN DANG RTUG PA'I PHUNG PO CHEN PO'I NANG DU BYING BAR GYUR PA RNAMS KYI SDUG BSNGAL CHEN PO RNAM PA DU MA RNAMS YIN NO, ,DE LA 'DI NI, GZHAN GNYIS PA YIN TE, BDE 'GRO BA RNAMS KYANG DE 'DRA NA DMYAL BA DANG YI DVAGS DANG DUD 'GRO RNAMS LTA SMOS KYANG CI DGOS, GZHAN YANG SDUG BSNGAL GSUM PA YOD DE, DE'I RJES THOGS LA GAL TE MNGAL NAS 'BYUNG BAR 'GYUR BA NA MA'I SKYE GNAS KYI BUG PA'I ZOR MA MIG NAS GZIR BAR GYUR PA NI, JI LTAR BU RAM GYI SHING 'KHRUL DMIG GIS BU GU NAS 'BYUNG BA NA BTZIR BAR GYUR PAS 'BYUNG BAR 'GYUR BA DE BZHIN DU MNGAL GYI DE YANG MA'I SKYE GNAS KYI BU GA NAS KUN TU 'BYUNG BA YIN NO, ,DE LA 'DI NI, MNGAL NAS SKYE BA STE, SDUG BSNGAL GZHAN YIN NO, ,DE DAG GI RJES THOGS LA SDUG BSNGAL BZHI PA YOD DE, MAR GSAR PA DANG CHU SHING GI LO MA LTAR SHIN TU 'JAM PAR GYUR PA'I LUS RAB TU SMIN PA GZHON SHA CAN GYI DPER GYUR PA'I LUS DANG LDAN PA RNAMS GANG
GE TSE BTZAS PA NA MA MAS RTZUB PA DANG ROD ROD POR DANG RDOL PA DANG MDOG NGAN PA DANG LAS SU MI RUNG BA DANG RING BA DANG BAR MIG CAN 'THUG PA DANG RTZE MO DANG SGRA MI SNYAN PA DAG GI LAG PA GNYIS KYIS LEN PAR BYED PA DE'I TSE JI LTAR MES SREG PAR BYED PA'AM, RAL GRIS GTUB PAR BYED PA DE BZHIN DU SHIN TU 'JAM PA'I PHYIR NA 'DI LA'ANG ZUG GZER SKYED DO, ,DE'I LUS SHIN TU 'JAM POR GYUR PA 'DI GAL TE DANG POR GOS 'JAM PO RNAMS BSKON PAR GYUR KYANG DE DAG RNAMS NI, JI LTAR BSLANGS PA DANG 'THUG PA DANG RTZUB PA DANG RDOL BA DANG RAB TU RNYING PA DANG BTZEMS PA DANG BSKUMS PA RNAMS KYI NANG DU LUS BCUG PA BZHIN DU 'GYUR RO, ,GRANG BA'I DUS SU 'DI'ANG SHIN TU GRANG BAR 'GYUR TE, BTZAS PA NA KHYIM GANG YIN PAR NI; GRANG BAS SHIN TU YANG NYEN PAR 'GYUR RO, ,DE BZHIN DU TSAD PA'I DUS SU TSAD PA SHIN TU STOBS CHE BAR 'GYUR TE, GANG GIS SHIN TU SREG PAR BYED PA'I SBYIN PA DMAN PA NYID KYI PHYIR NA MNAR BAR 'GYUR RO, ,NANG DU'ANG BSREGS NAS SDUG BSNGAL GYIS MA'I SKYE GNAS NAS 'BYUNG BAR 'GYUR RO, ,'DI'I SBYIN PA DMAN PA YIN PA'I PHYIR NA DE'I RJES THOGS LA ZAS KYIS SDUG BSNGAL BAR 'GYUR TE, NU MA DAG GI DANG ZAS ZA BAR BYED PA NA'ANG SDUG BSNGAL BAR 'GYUR RO, ,RE ZHIG NU MA DAG NI, MA ZAS NYUNG BAR GYUR PAS DE'I NU ZHO RNAMS
, ,KYANG NYUNG BAR 'GYUR TE, GANG GIS SHIN TU RID PA DANG MDOG NYAMS PA DANG MDOG NGAN PA DANG RDZUD PAR GYUR PA DANG RGYUS PA DANG RUS PA DANG PAGS PA RNAMS KYI LHAG MA TZAM DU GYUR PA'I LUS BKRES PAR GYUR PA NAD RNAMS 'DREN PAR BYED PA'I LUS SU 'GYUR RO, ,DE NAS DUS GZHAN NA ZAS DANG SKOM BAG TZAM YOD PAR GYUR NA'ANG DE DE KHO NA BZHIN DU YONGS SU 'DZIN PAR BYED PA'I RNAM PAR RTOG PAS YONGS SU BCOM PA'I PHYIR DRI DANG RO DANG REG BYA RNAMS CHUNG ZHING DMAN PA DANG GZHAN RNAMS KYI ZAS KYIS TE, GAL TE SHED NA SROG KUN NAS GTONG BA'AM SHIN TU RING PAS 'DZIN PAR 'GYUR RO, ,DE LTAR YIN PAS YANG GAL TE NA NU MA ZAS SU ZA BAR 'GYUR TE, JI LTAR BAR MDZES PA NI, LUS LTAD MOR CHE BAS SROG 'DZIN PAR BYED PA YIN NO, ,DE LTAR 'DI'I SBYIN PA NGAN PA YIN PA'I PHYIR NA 'DI'I MA LUS PA KUN YANG RAB TU ZAD PAR 'GYUR BA YIN NO, ,DES NA YANG ZAS BSOD PAR 'GYUR BA RNAMS KYIS 'DI'I GSUS PA LEGS PAR TSIM PAR GYUR PA YIN NA'ANG DE LTAR NA'ANG ZAS KYIS BYAS PA'I SDUG BSNGAL CHEN PO 'BYUNG BAR 'GYUR RO, ,DE'I RJES THOGS LA 'DI'I SDUG BSNGAL LNGA PA YOD PA RNAMS NI, 'DI LTA STE, 'DOD PAS BYAS PA RNAMS SO, ,DE DE LTAR ZAS KYIS BYAS PA'I SDUG BSNGAL RNAMS
KYIS GZIR BAR GYUR PA NA 'DI LA RNAM PA SNA TSOGS PA RNAMS SU RGYU BAR BYA BA'I 'DOD PA 'BYUNG BAR 'GYUR TE, LTO BKRES PAS NYE BAR BCOM PA YIN PA'I PHYIR RO, ,DE DES GZIR BAR GYUR PA'I PHYIR GAL TE NA RKU BAR BYED DO, ,GAL TE NA PHAN PA MA YIN PA'I LAS GZHAN CUNG ZAD TZAM YANG BYED PAR 'GYUR TE, LHAN CIG TU GNAS PA DE GSOD PAR BYED PAS 'CHI BA'AM 'CHI BA LA THUG PA'I SDUG BSNGAL LHAG PAR 'BYUNG BAR 'GYUR RO, ,SDUG BSNGAL 'DI DAG RNAMS THAMS CAD KYI RANG RTZE MOR PHYIN PAR SDUG BSNGAL NI, 'DI LTA STE, BKRES PA DANG SKOM PAS BYAS PA'I SDUG BSNGAL LO, ,DE LA DUS DE'I TSE NA MU SU LUNDHA DES 'THAB BRAL BA DE DAG RNAMS LA TSIGS SU BCAD PA BRJOD PA JI LTAR, PHAL CHER 'KHOR BA'I SDUG BSNGAL LA, ,BKRES PA'I SDUG DANG MTSUNGS MED PA, ,GANG GIS SEMS CAN 'DI DAG GZIR, ,MI DGE'I BDAG NYID BYAS PA LAS, ,RANG GI LUS LAS LANGS PA'I ME, ,BKRES PA ZHES NI MNGON PAR BRJOD, ,RNAM RTOG MES NI LJON SHING BZHIN, ,'JIG RTEN GSUM GYI LAG MA SREG, 'JIG RTEN GZHAN DU MED 'DI NI, ,'GRO ZHING RJES SU 'GRO BAR 'GYUR, ,BSKAL PA BRGYA YI BAR DU YANG, ,'CHI BAR GYUR PA MTHONG BA MED, ,GANG YANG BYIS RNAMS MI DGE BYED, ,GANG YANG 'GRO
, ,BA NGAN SONG DU, ,DE NI ZAS RNAMS DAG GI NI, ,GZHI LAS YIN PAR MKHAS RNAMS BRJOD, ,LTOGS PA'I 'BRAS BU JI BZHIN DU, ,MI NI RANG DON LA BRTZON YIN, , KHAMS GSUM MA LUS 'DI DAG RNAMS, ,ZAS KYI DBANG GIS 'JUG PA YIN, ,DE DAG GANG PHYIR RNAM SNA TSOGS, ,'JIG RTEN 'DI BKRA MI LAS BYUNG, ,SRID GSUM CHU PO DE THAMS CAD, ,ZAS DON GNYER BA BYED LAS YIN, ,DE LTAR MU SU LUNDHA DES RANG BZHIN GYI LHA DE DAG RNAMS LA RJOD PAR BYED DO, ,GZHAN YANG LHA DAG MI'I 'JIG RTEN DU MI RNAMS KYI SDUG BSNGAL GANG DAG ZHE NA, 'DI LTA STE, MI SDUG PA DANG PHRAD PA ZHES BYA BA'O, ,DE LA DRUG PO 'DI DAG RNAMS NI, MI SDUG PA DANG KUN TU PHRAD PA YIN NO, ,DE LA DE DAG RNAMS KYANG GANG ZHE NA, 'DI LTA STE, MIG GIS GZUGS RNAMS GANG DAG MTHONG BA NAS MDZA' BO MA YIN PA LA SOGS PA DE DAG RNAMS NI, 'DOD PA MA YIN PA DANG, SDUG BA MA YIN PA RNAMS MTHONG BA YIN NO, ,GZUGS 'DI MTHONG BAR GYUR PA LAS KYANG YID KYI RJES SU MI MTHUN ZHING DANG BA MA YIN PAR 'GYUR RO, ,SEMS DANG SEMS LAS BYUNG BA RNAMS RNYOG PA CAN DU BYAS PA LAS KYANG 'JIGS PA DANG BCAS PAR 'GYUR BA DANG, NYE BAR 'TSO BA DANG BCAS PA'I SDUG BSNGAL RNAMS SEMS DANG SEMS LAS BYUNG BA RNAMS LA SKYE BAR BYED DO, ,DE LA GZUGS KYI TSOGS DE DAG
RNAMS KUN LA DANG POR 'DI 'JUG PAR 'GYUR BA NI, 'DI LTA STE, DGRA BO DANG PHRAD PA'AM, SDIG PA'I GROGS PO'I SKYES BU DANG PHRAD PA'O, ,DE BZHIN DU RNA BAS KYANG SGRA RNAMS THOS PA NA MI PHAN PA DANG MI SDUG PA DANG YID DU MI 'ONG ZHING RJES SU MI MTHUN PA RNAMS 'DI LA SKYE BAR BYED PA DANG, YID KYI RGYUN KYANG RNYOG PA CAN DU BYED PA 'DI NI, MI SDUG PA DANG PHRAD PA'I SDUG BSNGAL GZHAN YIN NO, ,DE LA MI MTHUN PA'I SGRA RNAMS KYI PHUL DU PHYIN PA NI, 'DI YIN TE, 'DI LTAR DAM PA MA YIN PA'I CHOS SGROG BA NA'ANG DE NYAN PAR BYED PA'O, ,'DI THOS NAS LUS ZHIG PA NA'ANG NGAN SONG LOG PAR LTUNG BA DMYAL BA RNAMS SU SKYE BAR 'GYUR RO, ,GANG YANG GZHAN CUNG ZAD SGRA MI SNYAN PA DANG MI SDUG PA DANG MI MTHUN PA DANG KUN NAS NYON MONGS PA CAN RNAMS GANG DAG THOS NAS 'DI DAG RNAMS KYI YID MI BDE BA SKYED PAR BYED PA DANG, SEMS KYI RGYUD KYANG RNYOG PA CAN DU BYED PAR 'GYUR BA DANG, MI 'DOD PA MI SDUG PA YID DU MI 'ONG BA 'DI NI, MI'I 'JIG RTEN PA'I MI RNAMS KYI MI SDUG PA DANG PHRAD PA LAS SKYES PA'I SDUG BSNGAL ZHES BRJOD DO, ,LHA DAG GANG MI RNAMS KYI MI'I 'JIG RTEN DU MI MTHUN PA DANG PHRAD PA LAS SKYES PA'I SDUG BSNGAL GSUM PA GZHAN GANG ZHE NA, 'DI LTA STE, SNAS JI SRID DU DRI RNAMS SNOM PAR BYED PA NA MI 'DOD PA MI SDUG PA YID DU MI
, ,'ONG BA RNAMS DANG, GANG YANG 'DIS MNAMS PAR GYUR PAS SEMS KYI RGYUD RNYOG PA CAN DU SKYED PAR BYED PA DANG, YANG YID KYI RJES SU MI MTHUN PAR GYUR PA GANG GIS 'DI KUN NAS NYON MONGS PA CAN GYI SDUG BSNGAL RNAMS SKYED PAR BYED PA'O, ,KYE HE LHA DAG ,DE LA 'DI NI, MI RNAMS KYI MI'I 'JIG RTEN NA MI SDUG PA DANG PHRAD PA RNAMS KYI PHUL DU PHYIN PA YIN TE, DGE LEGS SU GYUR PA'I SKYES BU GZHAN DAG GANG YANG RUNG BA RNAMS KYIS CHOS LA MCHOD PAR BYA BA'I RGYU MTSAN DU'AM DGE 'DUN LA'ANG RUNG STE, BDUG SPOS PHUL BAR GYUR PA LAS BLO GROS DMAN PAR GYUR PA DANG, YID RMONGS RTUL BAR GYUR PA GANG DAG GIS JI LTAR 'GRO BAR GYUR PA NA'AM 'DUG PAR GYUR PA NA'ANG RUNG STE, 'DUN PA'I 'DOD CHAGS SNGON DU 'GRO BAS DANG, MNGON PAR GTZE BA SNGON DU 'GRO BAS DANG, GUS PA MED PA SNGON DU BTANG BAS DANG, THUL 'OG TU 'JUG PA SNGON DU BTANG BAS KYANG RUNG STE, KUN NAS CHAGS PA SNA PHYOGS SU BTANG BAS DE'ANG SNOM PAR BYED DO, ,DE'I RGYU LAS LUS ZHIG PAR GYUR NAS NGAN SONG LOG PAR LTUNG BAR DMYAL BAR SKYE'O, ,SKYES BU NGAN PA RNAMS SNA'I RGYU DANG SNA DANG KUN TU 'BREL BA LAS MI DGE BA'I BLO DANG LDAN PA RNAMS NI, LUS ZHIG PAR GYUR PA DANG, NGAN SONG LOG PAR
LTUNG BA DMYAL BA RNAMS SU SKYE'O, ,KYE LHA DAG ,'DI NI, MI RNAMS KYI MI'I 'JIG RTEN NA MI SDUG PA RNAMS DANG PHRAD PA LAS KUN TU SKYES PA'I SDUG BSNGAL ZHES BRJOD DO, ,GZHAN YANG MI SDUG PA DANG PHRAD PA LAS SKYES PA'I SHIN TU SDUG BSNGAL BA RNAMS YOD DO, ,DE'ANG GANG ZHE NA, 'DI LTA STE MI RNAMS KYI MI'I 'JIG RTEN NA BLO GROS NGAN PA DANG LDAN PA'I SKYES BU NGAN PA RNAMS RO'I DON DU NYES PA BYED PA'I LAS RNAMS BYED PA RNAMS YIN LA, GANG DAG GI RGYUS LUS ZHIG PA NA NGAN SONG LOG PAR LTUNG BA SEMS CAN DMYAL BA RNAMS LA SKYE BAR 'GYUR RO, ,GANG YANG DGE SBYONG MA YIN PAR DGE SBYONG GI CHA BYAD 'DZIN PA NANG RUL BAR GYUR PA THOS PA DANG MI LDAN PA DUNG GI SGRA DANG MTSUNGS PAR SPYOD PA RNAMS, DGE 'DUN GYI NANG DU ZHUGS PAR GYUR PA'AM SBYIN BDAG GI KHYIM DU SONG BAR GYUR PA NA'ANG RUNG STE, LCE DANG RAB TU 'BREL BA DANG DE LA SONG BA'I BLOS DGE SLONG GI CHA BYAD 'DZIN PAS RO DAG MYANG PAR BYED PA NI, RGYU DE DANG RKYEN DE DAG GIS LUS ZHIG PA NAS NGAN SONG LOG PAR LTUNG BA DMYAL BA RNAMS SU SKYE'O, ,GANG YANG LE LO CAN GYI DGE SLONG GZHAN RNAMS NI, BSAM GTAN GYIS BSAM GTAN DU BYED PA'I BYA BA YONGS SU BTANG NAS, YID DE LA SONG BA DANG RANG GI 'DUN PA'I 'DOD CHAGS SNGON DU 'GRO BAS ZAS KYI DON DU GNAS NA GNAS RNAMS SU NYE
, ,BAR 'GRO BAR BYED DO, ,RGYU DE LAS LE LO CAN DE LUS ZHIG PA NA NGAN SONG LOG PAR LTUNG BA DMYAL BAR SKYE BAR 'GYUR RO, ,KYE YE'I LHA DAG DE LA 'DI NI, 'JIG RTEN DU MI RNAMS LA LCE RO DANG KUN TU 'BREL BA'I MI SDUG PA DANG PHRAD PA LAS BYUNG BA'I SDUG BSNGAL YIN NO, ,GZHAN YANG KYE LHA DAG ,MI RNAMS PHAN PA 'DOD PAS BYAS PA'I MI'I 'JIG RTEN DU MI SDUG PA DANG PHRAD PA LAS BYUNG BA'I SDUG BSNGAL GANG ZHE NA, DE 'DI LTA STE, LUS KYIS REG BYA LA REG PAR BYED DE, DE DANG RAB TU 'BREL BA'I BLOR GYUR PA DGE BA RNAMS SEMS PAR MI BYED DO, ,CHOS KYI LAM DU NGES PAR 'JUG PAR MI BYED DO, ,BLO MNYAM PAR BZHAG PAR MI 'GYUR RO, ,'DI NI, SKYES BU NGAN PA YUL NGAN PA DANG RAB TU 'BREL BA'I BLO DANG LDAN PA ZHES BRJOD DE, LUS ZHIG PAR GYUR NAS NGAN SONG LOG PAR LTUNG BA DMYAL BA RNAMS SU SKYE'O, ,KYE LHA DAG ,'DI NI, MI RNAMS LA MI'I 'JIG RTEN DU MI SDUG PA DANG KUN NAS PHRAD PA'I SDUG BSNGAL ZHES BRJOD DO, ,KYE LHA DAG ,GZHAN YANG MI RNAMS LA MI'I 'JIG RTEN DU MI SDUG PA DANG KUN NAS PHRAD PA LAS SKYES PA'I SDUG BSNGAL RNAMS GANG ZHE NA, 'DI LTA STE, GANG 'GA' ZHIG BLO G-YO BA DANG, BLO RNAM PAR GNAS PA MED PA DANG, GCIG TU MA NGES PA'I BLO DANG, BLO RNAM PAR G-YENGS BAR GYUR
PAS RTAG TU'ANG CHOS NGAN PA YID KYIS SEMS PAR BYED PA YIN NO, ,GAL TE CHOS LA DGA' BA DANG DGE BSTEN PAR BYED PA DANG BDAG LA PHAN PAR BYED PA MA YIN PA DE DAG NI, GANG DAG GI RGYUS LUS ZHIG PAR GYUR NAS NGAN SONG LOG PAR LTUNG BA DMYAL BAR SKYES PAR 'GYUR RO, ,KVA'I LHA DAG ,'DI NI, MI RNAMS KYI MI'I 'JIG RTEN NA MI SDUG PA DANG KUN TU PHRAD PA LAS SKYES PA'I SDUG BSNGAL ZHES BRJOD DO, ,RIGS DU MA DANG TSUL LUGS DU MAR RNAM PA SNA TSOGS PA'I SDUG BSNGAL GZHAN DANG GZHAN RNAMS KYANG NYAMS SU MYONG BAR 'GYUR RO; ;DE LA RNAM PA GSUM PO 'DI NI, NGES PAR MI SDUG PA DANG PHRAD PA YIN TE, 'DI LTAR SROG GCOD PAR BYED PA MIG GI TSER MAR GYUR PA RTAG TU MI MTHUN PA'I DGRA RNAMS DANG LHAN CIG KUN TU PHRAD PA 'DI NI, MI SDUG PA DANG KUN TU PHRAD PA GCIG YIN NO, ,GZHAN YANG MI SDUG PA DANG KUN TU PHRAD PAR GYUR PA LAS 'DI LTA STE, SDIG PA'I GROGS PO DANG LAS LHAN CIG SPYOD PAR BYED PA'O, ,NGES PAR 'DIR MI SDUG PA DANG PHRAD PA GSUM PA 'DI LTA STE, 'GRAS PAR GYUR PA NANG DU SBAS NAS DUS GZHAN DU KUN NAS 'JOMS PAR BYED PA'O, , 'DI DAG RNAMS NI, NGES PAR MI SDUG PA DANG PHRAD PA GZHAN RNAM PA GSUM ZHES BRJOD DO, ,KYE LHA DAG ,DE DAG RNAMS NI, MI'I 'JIG RTEN PA'I MI RNAMS KYI SDUG BSNGAL CHEN
, ,PO RNAM PA DU MA GZHAN RNAMS YIN NO, ,GZHAN YANG MU SU LUNDHA DES SDUG BSNGAL LAS LHA DE DAG RNAMS KYI YID SKYO BA BSKYED PAR BYA BA'I DON DU STON PAR BYED PA LA 'DI LTA STE, SDUG PA DANG BRAL BA'O, ,SDUG PA ZHES BYA BA'I MING YANG GANG DAG GIS 'JIG RTEN GNYIS SU PHAN PAR BYED PA YIN NO, ,RTAG TU PHAN PAR 'DOD PA'I DGE BA'I GROGS PO DE DANG LHAN CIG TU BRAL BAR GYUR PA'O, ,DE LA 'DI NI, SDUG BSNGAL CHEN PO YIN NO, ,YANG DE MA DANG PHA DANG SPUN DANG SRIN MO DANG BU DANG BU MO DANG 'BREL BA RNAMS DANG, GZHAN YANG SRED PA'I GNAS SU GYUR PA RNAMS KYE MA GNOD PAR BYED PA TSA BA RTZUB PA MTSON CHA DANG MER LHUNG BA LAS LHAG PAR SEMS SKRAG PA SKYE BAR 'GYUR RO, ,'DI DAG NI, SDUG PA RNAMS DANG BRAL BA LAS GYUR PA'I SDUG BSNGAL ZHES BRJOD DO, ,GZHAN YANG 'THAB BRAL BA'I MNGA' BDAG DES LHA DE DAG RNAMS LA PHAN PAR BYA BA'I DON DU CHOS STON PAR BYED PA NI, 'DI LTA STE, GRANG PA DANG TSA BA GNYIS PO DAG GIS SDUG BSNGAL LO, ,GZHAN YANG 'THAB BRAL GYI BDAG PO DES LHA DE DAG RNAMS NYID LA MNGON PAR BRJOD PA, LHA DAG MI RNAMS KYI MI'I 'JIG RTEN 'DI NA SDUG BSNGAL DE DAG RNAMS GANG DAG ZHE NA, 'DI LTA STE, GRANG BA DANG TSA BA LA SOGS PA GNYIS
DAG GIS SDUG BSNGAL LO, ,DE LA SHIN TU BSTEN PAS KYANG STE, LHA DAG ,GRANG BA HA CANG STEN PAR BYED PA'I MI RNAMS NI, MI'I 'JIG RTEN DU SDUG BSNGAL DE LA'ANG LONGS SPYAD NAS GANG YANG TSA BA RNAMS LA STEN PAR BYED PAS, MI'I 'JIG RTEN PA RNAMS DE LAS KYANG SDUG BSNGAL BAR 'GYUR RO, ,DE BZHIN DU KHA ZAS HA CANG BSTEN PAS KYANG SDUG BSNGAL BAR 'GYUR RO; ;DUS YUN RING DU 'DUG PA STEN PAS KYANG SDUG BSNGAL LO, ,DUS RING DU LANGS PA DANG 'GRO BA'ANG SDUG BSNGAL BA NYID DO, ,DE BZHIN DU BTUNG BA SHIN TU BSTEN PA'I SDUG BSNGAL DANG, RMI LAM GYI SDUG BSNGAL NYID DANG, MTSAN MO MAL STAN LA GZHOGS NGOS GCIG GIS STAN LA NYAL BAS KYANG SHIN TU SDUG BSNGAL BAR 'GYUR RO, ,DE BZHIN DU GZHOGS GNYIS PAS KYANG SHIN TU DUS RING DU NYAL BAR GYUR NA SHIN TU SDUG BSNGAL BA SKYE BAR 'GYUR RO, ,GNYIS GNYIS LAS SKYES PA'I BDE BA LTAR SNANG BA RNAMS KYIS MI RNAMS MI'I 'JIG RTEN DU BSLUS PA'I PHYIR NA SEMS CAN RNAMS LEGS PAR BYAS PA'I LAS RNAMS MI BYED DO, ,BDE BAS SHIN TU RNAM PAR BCOM PA DES DMYAL BAR RGYUG PAR 'GYUR RO, ,LHA DAG, MI RNAMS KYI MI'I 'JIG RTEN NA SHIN TU SDUG BSNGAL PA DE'ANG BDE BA'I GZUGS BRNYAN GYI SDUG BSNGAL RNAMS YIN NO, ,LHA RNAMS DE BZHIN DU MA GYUR CIG ,CES PHAN
, ,BAR BYA BA'I DON DU DE LTAR MU SU LUNDHA DES 'THAB BRAL GYI LHA RNAMS LA CHOS STON PAR BYED DE, MI'I 'JIG RTEN DE LA SKYES PA RNAMS KYI BDE BA JI LTA BA BZHIN DU BDAG CAG RNAMS KYI BDE BA'ANG 'GYUR BA DE DGAG PAR BYA BA'I DON DANG, DE DAG LA SKYO BA BSKYED PAR BYA BA'I DON DU 'KHOR BA LA KHA PHYIR PHYOGS PAR 'GYUR PA'I CHOS STON PAR BYED DO, ,'THAB BRAL GYI BDAG PO DE 'KHOR BA LAS KHA PHYIR PHYOGS PAS PHAN PAR BYA BA'I DON DU BAG MED PAS BAG MED PA RNAMS 'DUL BAR BYA BA'I PHYIR RO; ;GZHAN YANG 'THAB BRAL GYI BDAG PO DE LHA DE DAG RNAMS NYID LA MI RNAMS KYI SDUG BSNGAL GZHAN DAG STON PAR BYED DO, ,JI LTAR MI RNAMS KYI MI'I 'JIG RTEN DU NAD RNAMS 'BYUNG BAR 'GYUR BA DE LA RNAM PA DU MA DANG, RNAM PAR RTOG PA MANG PO DANG, KUN NAS SLONG BA DU MA RNAMS KYIS RIMS NAD DANG SHIN TU 'KHRU BA DANG DBUGS MI BDE BA DANG GLO LU BA LA SOGS PA'I NAD RNAMS TE, NAD BZHI BRGYA RTZA BZHIR 'GYUR BA YIN NO, ,GNYIS GNYIS KYI SDUG BSNGAL GANG DAG GIS MNGON PAR BCOM PAR GYUR PA'I SEMS CAN RNAMS NI, PHYI NAS YANG NAD KYIS NYE BAR 'JOMS PAR 'GYUR RO, ,DE NAS GZHAN YANG GANG DAG DE'I RJES THOGS LA MI RNAMS MI'I 'JIG RTEN
DU GANG GIS 'JOMS PAR BYED PA DE LA'ANG 'DI NI, LUS KYI NAD CES BRJOD DO, ,MI RNAMS KYANG PHAL CHER MYA NGAN DANG YID MI BDE BA LA SOGS PA RNAMS NI, MI RNAMS KYI NAD YIN TE; ,'JIG RTEN PAS KYANG DE SKAD CES BRJOD DO, ,GZHAN YANG MU SU LUNDHA DES LHA DE DAG RNAMS NYID LA PHAN PAR BYA BA'I DON DU CHOS STON PAR BYED PA NI, 'KHOR BA BRI BAR BYA BA'I DON DU DANG, MI'I 'JIG RTEN RNAMS SDUG BSNGAL GYIS KUN TU 'BAR BAR STON PAR BYED PA LA 'DI LTA STE, GZHAN GYIS DBANG DU GYUR PA NYID CES BYA BA NI, MI'I 'JIG RTEN NA MI RNAMS KYI SDUG BSNGAL YIN NO, ,KVA'I LHA RNAMS, MI'I 'JIG RTEN 'DI NA SKYE BA MNYAM PAR GYUR CING RIGS MTSUNGS PA DANG, DBANG PO RNAMS MTSUNGS PA DANG, NA TSOD MTSUNGS PA DANG, DPA' BRTAN MTSUNGS PAR GYUR PA RNAMS KYANG LAS DMAN PAR GYUR BAS GZHAN GYI DBANG NYID DU NYE BAR 'GYUR RO, ,DE NYIN MO DANG MTSAN MO MED PA'I RANG DBANG DU 'GYUR BA YIN NO, ,RTAG PAR YANG SHIN TU SDUG BSNGAL GYI KHUR KHYER BAR BYED DO, ,'DI NI, GZHAN GYI DBANG GI SDUG BSNGAL BA YIN NO, ,GZHAN YANG CHES BZOD PAR DKA' BA GZHAN GYI DBANG DU GYUR PA'I SDUG BSNGAL RNAMS NI, RIGS DANG GZUGS DANG BRTZON 'GRUS DANG SPRO BA RNAMS DANG RIG PA DANG SHES PA DANG RNAM PAR SHES PA
, ,RNAMS KYANG PHUN SUM TSOGS PAR GYUR BA GANG ZHIG DBUL BAR GYUR PAS ZIL GYIS MNAN PA'I PHYIR NA RIM PA RNAMS THAMS CAD KYIS DMAN PA RNAMS KYI BRAN GYI DNGOS POR 'GYUR RO, ,GZHAN YANG MU SU LUNDHA DES LHA DE DAG RNAMS KYI LAS DMAN PA YIN PA'I PHYIR DANG, SBYIN PA SPANGS PA YIN PA'I PHYIR YANG STE, 'THAB BRAL NA SPYOD PA RNAMS NA THUL 'OG TU GZHUG PA'I GLAGS THOD PA YIN LA, NYIN MO DANG MTSAN MO RANG DBANG CAN DU 'GYUR RO, ,SBYIN PA'I STOBS DMAN PAR GYUR PA RNAMS NI, RTAG TU'ANG SDUG PHONGS SU GYUR NAS LAG PA DANG RKANG PA DAG RNAM PAR RDOL BA ZAD CING RDOL LA RNYING PA DRI MA CAN GYI GOS GYON PA, RTAG PAR YANG LTOGS PA DANG SKOM PAS NYE BAR BCOM PA, GRANG BA DANG TSA BA'I SDUG BSNGAL GYI KHUR 'KHYER BAR BYED DO, ,DE LA RNAM PA DU MAR BZOD DKA' BA 'DI DAG RNAMS NI, GZHAN GYI DBANG DU GYUR PA'I SDUG BSNGAL YIN TE, NYIN MO DANG MTSAN MO MED PAR YANG NYE BAR DGA' BA MA YIN NO, ,DE BZHIN DU GZHAN DAG RIGS DANG GZUGS DANG NA TSOD DANG SPRO BA DANG PHA ROL GNON PA LA SOGS PA RNAMS DMAN PA LA TSUL THAMS CAD KYIS KYANG RIGS DANG GZUGS DANG SHES PA DANG RNAM PAR SHES PA CHES LHAG PA RNAMS
RJES SU STEN PAR BYED DO, ,DE THAMS CAD DU NGANG TSUL THAMS CAD KYIS KYANG ZIL GYIS GNON TE, DBUL BA DANG LAS KYIS MTHO BRTZAMS PA'I PHYIR NA SDUG BSNGAL GYI MCHOG RNAMS 'KHYER BAR BYED DO, ,DE LA 'DI DAG NI, LHA DANG MI RNAMS KYI SDUG BSNGAL GYI MCHOG GZHAN YIN NO, ,GZHAN YANG GZHAN GYI DBANG DU GYUR PA'I SDUG BSNGAL RNAMS NI, JI LTAR DBUL PHONGS KYIS MNGON PAR GTZES PA'I SKYES BU CHOS BYED PA RNAMS KYANG SDIG PA BYED PA LA NYE BAR RTEN PAR BYED DO, ,DE ZHABS 'BRING GI DON DU DE DANG STEN GROGS BYAS PAS DE KHO NA BZHIN DU 'GYUR TE, MI 'DOD PA MI SDUG PA YID DU MI 'ONG BA'I SDIG PA RNAMS RJE DPON GYI DBANG GIS DE KHO NA BZHIN DU LAS RNAMS BYED DO, ,DE DAG NI, LUS ZHIG PAR GYUR NAS NGAN SONG LOG PAR LTUNG BA DMYAL BA RNAMS SU SKYE'O, ,DE LA'ANG 'JIG RTEN GNYIS SLU BAR BYED PA SHIN TU'ANG MI DGE BAR GYUR PA NA GZHAN GYI DBANG DU GYUR PA'I SDUG BSNGAL YIN NO, ,KVA'I LHA DAG ,GZHAN YANG MI RNAMS LA MI'I 'JIG RTEN RNAMS SU SHIN TU BZOD PAR DKA' BA'I CHES SDUG BSNGAL BAR GYUR PA RNAMS NI; 'DI LTA STE, TSOL KHRO'I SDUG BSNGAL RNAMS SO, ,KUN TU TSOL BA ZHES BYA BA'I SDUG BSNGAL DE RNAM PA DU MA RNAMS YOD PA LA 'DI LTA STE, RDZAS RNAMS KYI DON DU RGYA
, ,MTSO DANG, G-YANG SA DANG, G-YUL 'GYED PA RNAMS LA 'JUG PAR BYED PA DANG, DGOS PA DANG RGYU MTSAN GYI DBANG GIS GZHAN RNAMS DANG KUN NAS 'BREL BYED PA DANG, DMAN PA RNAMS KYI ZHABS 'BRING BYED PA DANG, ZHING GI LAS DANG TSONG BYED PA DANG, BA LANG GI 'TSO SKYONG DANG, BYED NA GNAS PA DANG, GZHAN GYI DBANG DU 'GYUR BA DANG, MCHOG LA KUN TU 'DZEG PA DANG, BYES SU 'GRO BA DANG, 'GRO BA NA G-YOG BYED PA LA SOGS PA KUN TU DUB PA RNAMS GANG ZHIG 'DI DAG RNAMS BYED PA DE DAG GI TSOL KHRO 'DI DAG RNAMS THAMS CAD PHAL CHER NI, NOR RDZAS DANG BZA' RGYU DANG GOS RNAMS KYI DON DU YIN TE, DBUL ZHING PHONGS PAS DNGOS SU MNAR BA'I PHYIR DANG, SRED PAS ZIL GYIS MNAN PAR GYUR PA'I MI RNAMS KYIS BYAS SO, ,DANG PO SKYES PAR GYUR PA NAS BZUNG NAS JI SRID DU 'CHI BDAG GI SRED PA'I ZHAGS PAS ZIL GYIS MA MNAN GYI BAR DU BYA BA MA YIN PA GZHAN RNAMS KYANG BYED DO, ,DE GZHAN GYI BSAM BA RJES SU TSOL BA DANG MNGON PAR 'TSE BA DANG 'JAL BA LA G-YO BYED PA DANG KHYIM LA G-YO BYED PA DANG CHANG TSONG BA DANG TIL TSONG BA DANG MI RIGS PA'I SBYOR BA RNAMS KYI SNYED PA YUL 'KHOR 'JIGS PAR BYED PA DANG RGYAL SRID BRLAG PAR BYED PA'I YUL RNAMS 'JOMS PAR
BYED PA DANG YUL LJONGS RNAMS 'JOMS PA DANG, 'DI DAG DANG, GZHAN YANG GANG DAG RNAM PA SNA TSOGS PA'I BYA BA MA YIN PA RNAMS MI'I 'JIG RTEN PA'I MI RNAMS KYIS BYED PA NI; BU DANG BU MO DANG BGO BAR BYA BA DANG BZA' BAR BYA BA DANG SKOM RNAMS KYI DON DU YIN NO, ,'DI NI, YONGS SU TSOL BA'I SDUG BSNGAL ZHES BRJOD DO, ,GANG DAG BRGYA PHRAG STONG DU GYUR PA'I RNAM PA DU MA RNAMS SU'ANG LO STONG GIS KYANG BRJOD PAR YANG SLA BA MA YIN NO, ,LHA DAG ,DE LA DE DAG RNAMS MI RNAMS KYI SDUG BSNGAL GYI PHUL DU PHYIN PA YIN NO; ;DE LTAR 'THAB BRAL GYI BDAG PO DE LTA DE DAG RNAMS LA PHAN PAR BYA BA'I DON DU SRID PA LA NGES PAR SKYO BAR BYED PA DANG, NGES PAR 'BYUNG BAR 'GYUR BA'I CHOS STON PAR BYED DO, ,JI LTAR LHA 'DI DAG RNAMS NI, MI DAG 'DOD PA'I BLO SKYE BAR 'GYUR TE, DES NA SRID PA LA MNGON PAR SRED PA'I BLO CAN RNAMS LA PHAN PAR BYA BA GANG GI PHYIR MNGON PAR 'JUG PAR BYED PA YIN NO, ,DE LA RGYU MTSAN 'DI DAG GIS MI RNAMS KYI NYE BAR 'TSE BA THAMS CAD STON PAR BYED PA YIN TE, JI LTAR DE LA DE DAG RNAMS SU SKYE BAR MA BYED CIG ,DE DAG RNAMS NI, SDIG PA'I TSOL KHROS ZIL GYIS MNAN PA RNAMS YIN GYI, DE GCIG PU MNGON PAR DGA' BA'I YID NI, 'BYUNG BAR MI 'GYUR RO, ,RGYU
, ,DE DAG GIS DMYAL BA RNAMS DANG, YI DVAGS KYI YUL RNAMS DANG, DUD 'GRO RNAMS SU'ANG SKYE BAR 'GYUR RO, ,DE LA SKYES PA NA'ANG RNAM PA SNA TSOGS PA'I SDUG BSNGAL RNAMS MYONG BAR 'GYUR RO, ,GZHAN YANG 'THAB BRAL GYI BDAG PO DE NYID KYIS LHA DE DAG RNAMS NYID LA SDUG BSNGAL GZHAN DAG 'CHAD PAR BYED PA NI, 'DI LTA STE, KYE HO LHA DAG ,MI RNAMS KYI MI'I 'JIG RTEN NA SDUG BSNGAL GZHAN RNAMS LAS SDUG BSNGAL DU GYUR PA'O, ,'DI LTA STE, SDIG PA'I GROGS PO LA BRTAN PA ZHES BYA BA SKYES BU NGAN PA RNAMS KYIS BYAS PA, DON MA YIN PA RNAMS THAMS CAD BYED PAR 'GYUR BA DANG, SDUG BSNGAL RNAMS THAMS CAD KYI RGYU'ANG YIN TE, SDIG PA'I GROGS PO LA BRTAN PA'I SKYES BU RNAMS NI, BDAG NYID LA DON MA YIN PA RNAMS CUNG ZAD KYANG MI SGRUB PA MA YIN GYI, SDIG PA RNAMS NI, THAMS CAD BYED DO; ;LUS DANG NGAG DANG YID KYIS NYE BAR SPYOD PA RNAMS BYED PAR 'GYUR RO, ,DE DAG RGYU DE DANG RKYEN DE DAG GIS LUS ZHIG NAS SHI BA'I 'OG TU NGAN SONG NGAN 'GRO LOG PAR LHUNG BA RNAMS LAS DMYAL BA RNAMS SU SKYE'O, ,GZHAN DAG DANG, GSUM GAR YANG MANG PO KHO NAR RNAM PA DU MA'I SDUG BSNGAL RNAMS KUN TU KHYER BAR BYED DE, YI
DVAGS DANG, DUD 'GRO'I 'GRO BA RNAMS SU'ANG 'GYUR RO, ,LHA RNAMS GZHI DE DAG LAS SKYON CHEN PO 'DI DAG RNAMS MI'I 'JIG RTEN PA RNAMS LA 'BYUNG NGO, ,LHA RNAMS NI, YI DVAGS DANG, DUD 'GRO RNAMS SU MA YIN NO, ,SKYON RNAMS MNGON PAR MTHONG BA'I RJES LA MI RNAMS KYI SRID PA LA MNGON PAR DGA' BA RAB TU DGAG PAR BYED DE, MYA NGAN LAS 'DAS PA GCIG PU ZHI BA YIN PA'I GO 'PHANG NYE BAR BSTAN PAR BYA BA'I DON GYI PHYIR RO, ,GZHAN YANG 'THAB BRAL GYI BDAG PO DES LHA DE DAG NYID LA PHAN PAR BYA BA'I DON DU CHOS STON PAR BYED DO, ,MI RNAMS KYI SDUG BSNGAL GANG DAG ZHE NA, 'DI LTA STE, BU DANG BU MO DANG RANG GI SKYE BO DANG GNYEN BSHES RNAMS KYI SDUG BSNGAL LO, ,KYE LHA DAG ,MI'I 'JIG RTEN NA MI RNAMS SHIN TU'ANG SDUG BSNGAL BA RNAMS NI, 'DI LTA STE, BU DANG RANG GI SKYE BO LA SOGS PA RNAMS KYI STE, MI RNAMS KYI MI'I 'JIG RTEN NA RANG GI SKYE BO RNAMS SAM; BU DANG BU MO RNAMS KYANG RUNG STE, GSOD PA DANG 'CHING BA LA SOGS PA RNAMS KYIS BYAS PA'AM, BKRES PA DANG SKOM PA DANG DBUL BA LA SOGS PA RNAMS KYIS BYAS PA'I ZUG GZER RNAMS 'BYUNG NGO, ,DE'I TSE DE DAG RNAMS KYI ZUG GZER GYI RGYU MTSAN GYIS GANG DAG LA DE DAG DGA' BA DANG RJES SU MTHUN PAR GYUR PA'I PHYIR NA DE'I TSE DE
, ,LA'ANG ZUG GZER SHIN TU CHE BAR 'GYUR RO, ,DE LA MTHUN PAR BYAS PAS BYIS PA 'DI YANG GZHAN GYI BREL DOG GIS BYAS PA'I SDUG BSNGAL GZHAN YIN NO, ,MI RNAMS NYID LA YIN GYI, BDE 'GRO GZHAN RNAMS LA NI, MA YIN NO, ,DE LA BU DANG BU MO DANG RANG GI SKYE BO RNAMS KYIS BYAS PA'I SDUG BSNGAL DE DAG RNAMS KYIS MYUR BAR MI RNAMS SU SKYE BAR BYED PA'I BLOS BYAS PAR GYUR TA RO, GANG GI PHYIR RIG PA RNAMS THAMS CAD KYANG LAS BYA DGOS PA'I MTHAR THUG PA DANG, YANG GANG DU 'CHI BAR 'GYUR BA DE DAG RNAMS THAMS CAD KYANG LEGS PA MA YIN NO, ,'KHOR BA NA'ANG SDUG BSNGAL CHE BA RNAMS KYI PHUL DU PHYIN PA NI, 'DI DAG YIN TE; 'DI LTAR SKYE BA DANG RGA BA DANG 'CHI BA RNAMS SO, ,DE'ANG THAMS CAD MI'I 'JIG RTEN RNAMS NA DMIGS SO, ,LHA RNAMS DE'I PHYIR BZOD PAR DKA' BA DE DAG RNAMS GO BAR GYIS LA MI RNAMS KYI BLO MA BYED CIG ,DE LTAR RNAM PA DU MA RNAMS SU SHIS PA'I LAM DU GYUR PA BLA NA MED PA'I DON DE NYID LEGS PAR STON PAR BYED DO, ,GANG LA'ANG NYE BAR LEN PA MED PAR MI'I 'JIG RTEN 'DIR DON GYI DRA BA RNAM PA SNA TSOGS PA RNAMS 'BYUNG NGO, ,YANG DE LA CI ZHIG YOD PA YIN ZHE NA, NGAN SONG GSUM GYI SA GZHI
ZHES BYA BAR BRGYA STONG BYE BA PHRAG DU MA RNAMS DANG BYE BA LAS 'DAS PA RNAMS SU'ANG SDUG BSNGAL DPE MED PA RNAMS SNGON DU SONG BAR GYUR PA'I MI'I 'JIG RTEN PA RNAMS SO, ,YANG 'BRANG BAR BYED, JI LTAR BDE 'GRO LHA'I GO 'PHANG LAS 'CHI 'PHO BAR GYUR PA NA DE LA LHA 'GA' ZHIG BAG MED PA SHAS CHUNG BAR GYUR PA RNAMS LA DE BZHIN DU 'GRO BAR BYED DE, KYE HE LHA DAG ,BDE 'GRO LAS KYIS PA MI RNAMS SU JI LTAR 'GYUR BA DE LTAR 'GRO BAR GYIS DANG, GANG GI TSE MI RNAMS NAS YANG DUS BYED PAR GYUR PA DE'I TSE GNYEN BSHES DANG GROGS PO'I TSAN PA RNAMS KYIS SHIS PA BRJOD PA LEGS PAR SBYIN PAR BYED PA, BDE 'GRO LHA RNAMS KYI 'JIG RTEN DU SONG ZHIG CES BYAS SO, ,DE LTAR NA GNYIS KA LTAR YANG BDE 'GROR 'GYUR BA YIN NO, ,DE DAG NI, 'GRO BA GNYIS YIN NO, ,GZHAN MA 'GRO BA GSUM PO RNAMS KYANG MTSUNGS PAR YANG SDUG BSNGAL BA YIN NO, ,DE LTAR 'DI NI, PHAN PA RNAMS RJES SU TSOL BAR BYED PA, GZHAN RJES SU 'DZIN PAR BYED PA LA RAB TU ZHUGS PAR GYUR PA, RTAG TU'ANG BAG YOD PAS RNAM PAR RGYU BA'I 'THAB BRAL BA RNAMS KYI BDAG BOS RNAM PA DU MA RNAMS DANG, RNAM PAR RTOG PA MANG PO RNAMS DANG, THABS DU MA RNAMS KYIS KYANG RNAM PA SNA TSOGS PA RNAMS DANG, MTHAR THUG PA DANG, BLA NA MED PAR GYUR
, ,PA'I CHOS STON PAR BYED DO, ,DES BU DANG BU MO'I SDUG BSNGAL 'DI DAG RNAMS BSTAN NAS GZHAN YANG LHA DE DAG RNAMS NYID LA MI'I SDUG BSNGAL RNAMS STON PAR BYED DO, ,GANG DAG ZHE NA, DE NI, 'DI LTA STE, BKRES PA DANG SKOM PAS BYAS PA ZHES BYA BA SDUG BSNGAL BA RNAMS KYI PHUL DU PHYIN PA YIN NO, ,DE LA'ANG MI RNAMS KYIS MI RIGS PA RNAM PA DU MA GANG DAG YIN PA DE DAG RNAMS THAMS CAD KYANG BKRES PA DANG SKOM PA'I RANG BZHIN GYI SDUG BSNGAL RNAMS KYIS MNAR PAS YIN NO; ;GZHAN NI, DE LTA BUR RNAM PA SNA TSOGS PA'I SDUG BSNGAL DE BZHIN GSHEGS PA MI GSUNG NGO, ,SDUG BSNGAL JI LTAR BKRES PA DANG SKOM PAS BYAS PA ZHES BYA BA DES 'JIGS PAS KYANG MI RNAMS RNAM PA SNA TSOGS PA'I YANG BA RNAMS SGRUB PAR BYED DO, ,'DI LTA STE, GANG ZHIG DMAN PAR GYUR PA RNAMS LA CHEN PO'I RIGS SU LEGS PAR SKYES PA RNAMS KYANG BKREN PAR GYUR PAS THAL MO SBYOR BAR BYED CING MIG GI MTSIMS GDONG PA KUN TU G-YOGS PA SHUGS NAR NAR BA'I SGRA 'BYIN PAR 'GYUR RO, , YANG GANG DAG RDZUN DU SMRA BAR BYED PA DE DAG RNAMS THAMS CAD KYANG DBUL BAS ZIL GYIS MNAN PAR GYUR PAS BKRES PA DANG SKOM PA'I MI'I 'JIGS PA RNAMS KYIS
GZIR BA RNAMS KYIS YIN NO, ,GANG YANG GZHAN DU NI, GSON PA LA'ANG THE TSOM ZA BAR 'GYUR BA RNAMS KYANG SKYES BU DAG GIS BGRANG BAR MI BYED DE, MTSON CHA'I TSOGS RNAMS KUN TU 'KHRUG PA DANG, GLANG PO CHE'I MCHE BA'I DKRIGS KA YA NGA BA'I SA RNAMS SU G-YUL 'GYED PA LA 'JUG PAR BYED PA DE DAG RNAMS KYIS DE THAMS CAD KYANG BKRES PA DANG SKOM PA'I 'JIGS PAS MNAR BA RNAMS YIN NO, ,DE'ANG GZHAN DAG RNAMS SU DPAG TSAD BRGYA STONG PHRAG DU MA RNAMS KYI CHU SRIN TI MI TI MINGGA DANG, CHU SRIN NA KRA DANG, CHU SRIN MA KA RA DANG, RI RA shO DANG, RLABS KYI NGAM GROG RNAMS SU SROG DANG 'BRAL BA DANG MTSUNGS PA DUM RNAMS LA'ANG ZHUGS NAS SKYES BU DAG RGYA MTSOR RAB TU 'JUG PAR BYED DO; ;DE DAG RNAMS THAMS CAD KYANG BKRES PA DANG SKOM PAS BYAS PA'I SDUG BSNGAL GYIS YIN NO, ,GANG YANG GZHAN DAG RNAMS LA'ANG RNAM PA SNA TSOGS PA DANG, RNAM PAR RTOG PA DU MA RNAMS KYIS KYANG YANG DAG BRJOD PAR MI NUS PA'I RNAM PA DE SRID KYI SDUG BSNGAL RNAMS LA MI DAG RAB TU 'JUG PAR BYED PA YIN NO, ,DE DAG RNAMS THAMS CAD KYANG GSOD PA'I DON DU STE, GSOD DU KHRID PAR GYUR PA RNAMS GSOD PA'I RNGA BA tA HA BRDUNGS PAR GYUR CING ME TOG K'A RA B'I RA'I PHRENG BAS MGO LA GTAGS NAS GSAL SHING
, ,GI MDUN DU KHRID PAR GYUR PA'I SDUG BSNGAL GYI 'JIGS PA RNAMS KYIS SEMS DANG 'DAS PAR GYUR PA'I BZHIN CAN RNAMS SROG GI THA MAR GYUR PA'I 'JIG RTEN DU KHRID PAR BYED PA RNAMS LAS GZHAN LA NI, RNAM PA DE LTA BU'I SDUG BSNGAL RNAMS YOD PA MA YIN NO, ,JI LTAR BKRES PA DANG SKOM PAS BYAS PA LAS GZHAN RNAMS NI, RNAM PA DE LTA BU'I SDUG BSNGAL NYID YOD PA MA YIN NO, ,DE'I PHYIR SO SOR GZHOM PAR BYA BA'I DON DU SBYIN PA SBYIN PAR BYA STE, SEMS DANG ZHING DANG DNGOS PO RNAMS PHUN SUM TSOGS PA DANG, DUS SU RIGS PA DANG YUL DU MKHO BA RNAMS KYANG RAB TU BRTZON PA DANG, RNAM PAR 'GYUR BA MED PAR BYAS LA GTANG BAR BYA'O, , 'KHOR BA'I 'JIGS PA RNAMS KYIS 'JIGS PA DANG, RNAM PAR RTOG PA'I SDUG BSNGAL GANG YIN PA DE DAG LHA RNAMS LA'ANG YOD MOD KYI, 'KHOR BA NA ZAS KYIS BYAS PA RNAMS NI, SHIN TU NYUNG ZAD CIG YIN NO, ,BKRES PA DANG SKOM PA DANG KUN NAS BRAL BAR BYA BA'I DON DU SBYIN PA DAG NI, GTANG BAR GYIS SHIG ,KYE HE LHA DAG ,DE LA 'DI NI, MI RNAMS KYI MI'I 'JIG RTEN GYI BKRES PA DANG SKOM PA'I RANG BZHIN GYI RNAM PAR RTOG PA DU MA'I SDUG BSNGAL GZHAN RNAMS YIN TE, GANG YANG DE DAG RNAMS
NI; SHIN TU 'JAM PAR GYUR PA'I LHA RDZAS KYI BDE BA SHIN TU CHUNG BAS KYANG ZIL GYIS NON, PHAL CHE BAR GYUR BA'I LHA RDZAS KYI ZAS DANG SKOM GYI DNGOS PO RNYED PAR SLA BAR GYUR PA RNAMS KYANG LHA DAG GIS RIG PA'ANG MA YIN NO, ,'DOD PA'I KHAMS 'DI NI, NYE 'KHOR RNAMS THAMS CAD NA'ANG BKRES PA DANG SKOM PAR GYUR PA'I RANG BZHIN GYI 'JIGS PA RNAMS KYI SDUG BSNGAL GYI RLUNG GIS BTAB PAS KUN TU 'BAR BAR GYUR PA YIN GYI, DE LA LHA DAG RINGS PA RINGS PAS MI RNAMS SU SKYE BAR MA BYED CIG ,PHYIR ZHING NYID KYANG YID LA BYAS PAR GYUR TA RE, MI'I 'JIG RTEN PA RNAMS NI, SKYE BA DANG RGA BA DANG NAD RNAMS KYIS PHAL CHE BAR GNAS PA YIN NO, ,GZHAN YANG 'THAB BRAL GYI BDAG PO MU SU LUNDHA DE NYID KYIS LHA DE DAG RNAMS NYID KYI YID DE DAG LA KUN TU BLTAS NAS PHYIR ZHING NYID KYANG SHIN TU LAS SU RUNG BA DANG 'JAM POR GYUR PAS BYED PA GZHAN YANG MI DE DAG RNAMS NYID KYI SDUG BSNGAL RJOD PAR BYED DE, RAB TU BRTZON PA DU MAS GZHAN RNAMS LA PHAN PAR BYED PA YIN LA, BDAG LA PHAN PAR BYED PA NI, SLA BA YIN LA, GZHAN LA PHAN PAR BYED PA NI, DKA' BA YIN NO; ,DE'ANG GZHAN GYI DON 'DZIN PA NI, PHAN TSUN DU PHAN PAR BYED PAS YANG DANG YANG DU DANG, RNAM PA DU MAR YANG 'THAB BRAL GYI LHA RNAMS LA CHOS STON PAR BYED DO, ,
, ,GZHAN YANG MU SU LUNDHA DES NYAMS PA MED PAR GZHAN GYI LA SPRO BAR GYUR CING 'DOD PA'I 'JIGS PAS 'JIGS PA'I LHA DE DAG RNAMS LA MI'I SDUG BSNGAL GZHAN RNAMS KYANG STON PAR BYED PA LA 'DI LTA STE, KYE HE LHA DAG ,MCHOG TU MI'I 'JIG RTEN GYI MI RNAMS CHES SDUG BSNGAL BAR GYUR PA DE DAG RNAMS KYANG 'DI LTA STE, KHA NYEN PA'I SDUG BSNGAL LA MI RNAMS LA MI'I 'JIG RTEN DU YID KYIS BSRAN PAR DKA' BA, YID STOBS MED PAR BYED PA, GZHAN PO DE DAG RNAMS LA'ANG DBANG CHUNG BA'I SDUG BSNGAL 'CHAD PAR BYED PA YIN NO, ,'DI LTA STE, KYE HE LHA DAG ,MI RNAMS NI, RNAM PA SNA TSOGS PA DANG, RNAM PAR RTOG PA SNA TSOGS PA DANG, SHIN TU GZER ZUG CHE BAR GYUR PA DE DANG DE RNAMS LA PHAL CHER NI, DBUL POR GYUR PA RNAMS KHA NYEN PA'I SDUG BSNGAL 'BYUNG BAR 'GYUR TE, GNYEN BSHES DANG, RANG GI SKYE BO RNAMS DANG GROGS PO DANG, RTZA 'BREL PHUN SUM TSOGS PAR GYUR PA RNAMS KYI DRUNG NA DBANG CHUNG BA'I SKYON GYIS G-YOG POR 'GYUR RO, ,PHUN SUM TSOGS PA DAG GI DRUNG NA KHA NYEN PA'I SKYON GNYIS PA RNAMS NI, DBUL BAR GYUR PA NYID KYIS GZHAN RNAMS KYI KHYIM DU ZAD LA RTAG TU MNGON PAR DGA' BA'O, ,GSUM PA NI, KUN NAS 'BREL PA MED PA RNAMS RAB TU
MANG BAR SMRA BAR BYED PA'O, ,BZHI PA NI, RMONGS PA STE, GNYEN BSHES RNAMS KYI MDUN DU SHIN TU RDZUN PAR SMRAS PA'I SKYON GYIS DANG, JI LTA BA BZHIN MA YIN PA DON RNAMS SMRAS PAS DANG, 'DUG PA DANG ZAS NGAN PA DRI MA CAN RNAMS KYIS ZIL GYIS MNAN PA'I PHYIR DANG, 'DI DAG RNAMS NI, SPRO BAR 'GYUR BA'I RKANG RGYAN DANG BCAS NAS MA 'ONGS PA'I SKYON GYIS YIN TE, KYE HE LHA DAG ,MI RNAMS LA MI'I 'JIG RTEN DU DE LTA BU LA SOGS PA MANG PO RNAMS KYI KHA NYEN PA'I SDUG BSNGAL DANG 'BREL BA DAG NI, ME SNYING LA GNAS PA YIN TE; MI RNAMS LA MI'I 'JIG RTEN DU 'DI LTA STE, CHES GZHAN KHA DRAG PAR GYUR PA'I ME PHAL PO CHE RANG GI SKYE BO DANG, GROGS PO DANG, 'BREL BA GDUNG BA RNAMS KYI NANG BCU 'GYUR GYI SKYON GYI CHA DANG LDAN NA'ANG DES NI, LUS THAMS CAD SREG PAR BYED PA YIN, YAN LAG THAMS CAD SREG PAR BYED PA YIN PA DANG, 'JIGS PA CHEN PO DANG 'JIGS SU RUNG BAR GYUR PA; LUS SKEM PAR BYED CING SREG PAR BYED PA'I ME YIN GYI, DBUGS RDUB PA'I DU BA DE LA, KVA'I LHA DAG ,RINGS PA RINGS PAS MIR SKYES PAR GYUR TA RE, MI RNAMS NI, SDUG BSNGAL MANG BA DANG MNOG CHUNG BA DANG NYE BAR 'TSE BA DANG BCAS PA DANG, TSE THUNG BA DANG KHA NYEN PAR GYUR PA'I SKYON RNAMS KYIS DRI MA CAN YANG YIN TE, KHA DRAG PA'ANG MIR SKYES
, ,PA'I SKYES BU RNAMS NYID 'BA' ZHIG LA BLA LHAG TU YIN GYI, DE BZHIN DU 'GRO BA GZHAN BZHI PO RNAMS NA NI, MA MTHONG NGO, ,DE LA 'DI NI, BLA LHAG TU MI RNAMS KYI MI'I 'JIG RTEN PA RNAMS LA YIN NO, ,GZHAN DAG LAS BYUNG BA'I NGA RGYAL DANG KUN TU NGA RGYAL LUS RNAMS THAMS CAD LA NAD MI BZAD PA DANG 'DRA BAR GYUR PA'I KUN TU NGA RGYAL BA RNAMS LA KHA DRAG PA NI, SDUG BSNGAL YIN TE, GANG GI PHYIR SNGAR MNYAM PAR THOB PAR GYUR PA LAS DE'I GTING NYID LA DON PHYIN CI LOG TU GYUR PA BCU CHAR 'GYUR TE, DE LTAR SNGAR MA BYUNG BA'I KHA NYEN PA RNAMS 'BYUNG BAR 'GYUR RO, ,DE LA GANG DAG LAN GCIG RNYED PAR GYUR PA DE YANG KUN NGA RGYAL BAS THUNG NGU'I DUS SU 'GYUR RO, ,SNGON GYI NYID YANG DANG YANG DU RAB TU SPEL NAS RING PO'I DUS NA THOB PA'ANG SNGAR GYI NYID DU 'GYUR RO, ,YONGS SU KHA DRAG PAR BYED PA DE NI, 'CHI BAR GYUR PA BAS KYANG SHIN TU SDUG BSNGAL BA YIN TE, RIGS KYI BU RNAMS SEMS KYI RGYUD BRGYAL BAR 'GYUR BA YIN PA'I PHYIR RO, ,KYE HE LHA RNAMS, DE DAG RNAMS MI'I 'JIG RTEN DU MI RNAMS KYI BZOD PAR MI NUS PA GZHAN YIN TE, SDUG BSNGAL RNAMS RNAM PA DU MAR BSHAD PA YIN NO, ,BDAG GIS KHYED RNAMS LA GZHAN YANG BSHAD PAR BYA STE, KHYED CAG RNAMS GANG DAG ZHE NA, 'DI LTA STE, RGAS PA'I SDUG BSNGAL LO, ,RGAS PA ZHES BYA
BA'ANG 'DU BYED RNAMS THAMS CAD STOBS NYAMS PAR 'GYUR BA'O, ,DES NI, DBANG PO RNAMS YONGS SU RNYING PAR BYED PA, LANG TSO LA BAB PA RNAMS KYI 'GRAN ZLAR GYUR PA, DBYUG PA LA BTUD NAS LHAG PAR GNAS PA, 'GRO BAR BYED MI NUS PA, MING DANG GZUGS DAG STOBS NYAMS PAR BYED PA PO, ,KHA DRAG PA'I SKYES GNAS LUS KYI RGYAB KYI SGAL TSIGS SGUR BAR BYED PA, SKRA RNAMS GZUGS MI 'DRA BAR BYED PA, 'CHI BAR 'GYUR BA'I DANG PO'I PHO NYA, BKREN PA'I SKYES GNAS LUS DANG DBANG PO DANG YID RNAMS RGUD PAR BYED PA STE, MI RNAMS GSON PA NYID NA DE DAG GIS SKYE BA GZHAN NYID DU KHRID PAR BYED PA YIN NO, ,KYE LHA DAG ,DE LA 'DI NI, MI'I 'JIG RTEN DU MI RNAMS LA MING DANG GZUGS GNYIS LA CO 'DRI BAR BYED PAR GYUR PA YIN TE, NGES PAR MYONG BAR 'GYUR BA YIN GYI, DUS RING DU KHYED KYIS YONGS SU GZHIGS DANG, KHYED CAG GIS RTOGS PAR GYUR NAS SDUG BSNGAL BAR MI 'GYUR BA DE DAG RNAMS NI, NGES PAR SEMS MED PA YIN TE, SHING DANG RDOB DANG MTSUNGS PA YID DANG BRAL BAR GYUR PA DANG MI'I GZUGS BRNYAN GYI DUD 'GRO RNAMS YIN NO, ,KYE HE LHA DAG ,DE LAS GZHAN MI RNAMS KYI MI'I 'JIG RTEN NA SDUG BSNGAL CHEN POR GYUR PA NI, SKYE BA'I SDUG BSNGAL ZHES BYA BA YIN TE, SKYE BA NYID LAS RGAS PAR 'GYUR BA'I SDUG BSNGAL 'DI YIN PAR RIG PAR GYIS LA KHYED RNAMS SRID PA LA MNGON PAR ZHEN PAR MA BYED DANG,
, ,KYE HE LHA DAG ,GZHAN YANG RNAM PA MANG PO RNAMS SU DANG, BZOD PAR DKA' BA DU MA RNAMS SU'ANG SHIN TU SDUG BSNGAL SKYE BA NAS SKYE BA RNAMS SU 'GYUR RO, ,DE DAG KYANG GANG ZHE NA, 'DI LTA STE, 'CHI BA'I SDUG BSNGAL ZHES BYA BA SKYE BA DE DAG TU SLAR MI LDOG PA, LUS DANG DBANG PO DANG SKYE MCHED RNAMS 'GAG PAR BYED PA, SROG GI DBANG PO DANG SKYE MCHED RNAMS RNAM PAR 'JIG PA, RANG GI SKYE BO DANG GROGS PO DANG GNYEN 'BREL RNAMS DANG PHYIS MI 'PHRAD PAR 'GYUR BA, SKAL BA MTHUN PA RNAMS RLAG PAR BYED PA, SKYE BA GZHAN DU 'GRO BAR GYUR PAS RANG GI LAS KYI 'BRAS BU'I LAM RNAMS ZA BAR BYED PA'I SKYES BU TSE MTHAR THUG PA NA LUS GTONG BA NI, SEMS CAN RNAMS KYIS NGES PAR MYONG BAR GYUR PA YIN NO, ,DE'I RJES THOGS LA SRID PA BAR MA DO BAR SKYE BAR 'GYUR BA 'DI NI, 'CHI BA ZHES BRJOD DO, KYE LHA DAG, DE LA DE DAG NI, CI NAS KYANG NYAMS SU MYONG BAR 'GYUR BA NI, SKYE BA YIN PA GANG GI PHYIR THAMS CAD LA 'CHI BA NGES PAR 'BYUNG BA YIN NO, ,GAL TE SHED NA MTHAR THUG PAR GYUR NAS 'CHI BAR 'GYUR BA DANG, SHI NAS KYANG MIR SKYE BAR 'GYUR BA DANG, SKYES PA'ANG MI 'CHI BAR 'GYUR BA DE DAG RNAMS NI, GNAS MED DO, , DE'I PHYIR MYUR ZHING RINGS PAS KYANG MIR SKYE BAR 'GYUR BA'I YANG BYAS PAR GYUR TA RE, DE NAS YANG DE'I DUS NA 'THAB BRAL BA RNAMS KYI BDAG PO MU SU LUNDHA DES TSIGS SU BCAD PA'I DBYANGS
RNAMS BRJOD PA JI LTAR, JI SKAD BSHAD PA'I MI'I SDUG BSNGAL, ,SRID PA BAR MA DOR YANG NI, ,SKYES PA RNAMS NI PHYI NAS KYANG, ,NGES PAR 'CHI BAR 'GYUR BA YIN, ,SRID PA BAR MAR KUN GNAS NAS,, LAS RNAMS KYIS NI DRANGS GYUR PA, ,LAM RING 'GRO BAR SDUG BSNGAL GANG, ,DE NI BRJOD PAR MI BZOD DO, ,BSHAD DANG GCI BAR NUB GYUR PA'I, ,TSA BAS KYANG NI MNAR GYUR PA'I, ,MNGAL NA GNAS PA'I SDUG BSNGAL GANG, ,SMRA BAR BZOD PA MA YIN NO, ,ZAS KYI RO LA BRKAM PA DANG, ,RTAG TU DE LA BSOD PA'I SEMS, ,RO LA SRED PA'I SDUG BSNGAL GANG, ,DE NI BRJOD PAR MI BZOD DO, ,YID NI 'DOD PAS BSREGS PA DANG, ,'DOD PA LA NI SRED PA'I SEMS, ,GANG GIS SDUG BSNGAL LHAG GYUR PA, ,DE NI BRJOD PAR MI BZOD DO, ,MI RNAMS DUG DANG ME 'DRA BA'I,, MI SDUG PA DANG LHAN CIG PHRAD, ,DE LAS SDUG BSNGAL SKYE 'GYUR GANG, ,DE NI SMRA BAR BZOD MA YIN, ,SDUG PA DANG BRAL SDUG BSNGAL GANG, ,CHES CHE MI RNAMS LA SKYE BA, ,BZOD PAR DKA' DANG SHIN TU DRAG ,DE NI BRJOD PAR BZOD MA YIN, ,TSA GRANG LA SOGS 'JIGS CHEN PO, ,CHEN PO RNAM PA DU MA RNAMS, ,SDUG BSNGAL DRAG PO KUN TU SKYE, ,DE DAG BRJOD PAR BZOD PA MIN; ;NAD SKYES SROG NI GCOD BYED PO, ,DUS KYI PHO NYA LTA BU GZHAN, ,GANG SDUG SROG CHAGS RNAMS MTHONG NAS, ,DE BRJOD PAR NI BZOD MA YIN, ,RANG DBANG MED PAR BKREN PA YI, ,
, ,RTAG TU GZHAN GYI DBANG 'GRO RNAMS, ,PHAN PA RAB NYAMS SDUG BSNGAL GANG, ,DE NI BRJOD PAR BZOD MA YIN, ,RTAG TU TSOL KHROS BYAS PA YI, ,SRED PA'I DUG GIS BSREGS PA YI, ,LHA RNAMS GANG GIS SDUG BSNGAL NI, ,DE BRJOD BYA BAR BZOD MA YIN, ,RGYUN MI 'CHAD PAR RNAM MANG DU, ,SDIG GROGS BSKYED PA'I SDUG BSNGAL GANG, ,NGAN SONG SKYED PAR BYED PA GANG, ,DE NI BRJOD PAR BZOD MA YIN, ,BREL TOG BU DANG BU MO YI, ,SNYING LA JI LTA BUR SKYE BA, ,DMYAL BA RNAMS KYI RTZED MO 'DI, ,BRJOD PAR BZOD PA DE MA YIN, ,BKRES DANG SKOM PA'I ME DAG GIS, ,SHIN TU BSREGS DANG BSREG 'GYUR BA'I, ,CHUD ZOS YID KYI SDUG BSNGAL GANG, ,DE NI BRJOD PAR BZOD PA MIN, ,RTAG PA NYID DU KHA DRAG PA, ,GNYEN GROGS SKYE BO SNYING BYAMS PA'I MYA NGAN LAS SKYES SDUG BSNGAL GANG, ,DE NI SMRA BAR BZOD MA YIN, ,'KHAR BA LA BRTEN SGUR BAR 'GRO, ,SEMS DANG DBANG PO STOBS CHUNG BA'I, ,LUS RNYING PA YI SDUG BSNGAL GANG, ,DE NI BRJOD PAR BZOD MA YIN, ,YID DGA'I 'JIG RTEN 'DI NAS NI, ,'CHI BDAG GIS NI KHRID GYUR PA'I, ,'GRO LA SDUG BSNGAL GANG SKYE BA, ,DE BRJOD PAR NI BZOD MA YIN, ,'BYUNG PO KUN GYIS MI MTHONG ZHING, ,LAS RNAMS KUN GYIS RGYAL MIN PAR, ,SEMS CAN THAMS CAD RNAM 'JOMS PA, ,'CHI BDAG CES NI BRJOD PA YIN, ,BZOD PAR DKA' BA'I STOBS PO CHE, ,SEMS STOBS
GTUM PAS KUN RGYU BA, ,SO SO'I 'JIG CHEN DU MA NI, ,'CHI BDAG CES NI BRJOD PA YIN, ,ZLOG THABS MED PA'I DUS KYI ME, ,SEMS CAN RNAMS KYIS NGES MYONG BA, ,MI RNAMS GSON PA'I BAR CHAD BYED; ;'CHI BDAG CES 'DI BRJOD PA YIN, ,JI BZHIN DUS KYIS RAB 'JOMS PA, ,GSON PA YANG NI RNAM PAR 'JOMS, ,PHUNG PO KHAMS RNAMS LEGS MDZAD PA, ,'DI NI 'CHI BDAG TU BRJOD DO, ,SKYES NAS YOD PA YANG RTAG PAR, ,GNYEN BSHES GROGS DANG 'BRAL BA YIN, ,SLAR YANG DE DAG DANG PHRAD MED, ,'DI NI 'CHI BDAG CES BRJOD DO, ,BSRAN PAR MI BZOD MI BZOD PA'I; ;'CHI BA JI SRID MA BYUNG BA, ,DE SRID CHOS NI YID LA GYIS, ,DES NI SNYING PO LHA YI GNAS, ,LEGS PAR GSON PA DE YIN TE, ,GANG GI YID LA CHOS GNAS PA'O, ,CHOS DANG RNAM PAR BRAL BA YI, ,GSON PA GSON PAR 'DOD PA MIN, ,GANG GI YID LA SANGS RGYAS GNAS, ,DE NI LEGS PAR GSON PA YIN, ,SANGS RGYAS DANG NI RNAM BRAL BA'I, ,GSON PA GSON PA MIN PAR 'DOD; ;GANG GI YID LA CHOS GNAS PA, ,DE NI LEGS PAR GSON PA YIN, ,CHOS DANG RNAM PAR BRAL BA YI, ,GSON PA GSON PA MIN PAR 'DOD, ,GANG GI YID LA DGE 'DUN GNAS, ,DE NI LEGS PAR GSON PA YIN, ,DGE 'DUN RNAM PAR SPANGS PA YI, ,GSON PA GSON PA MIN PAR 'DOD, ,GANG ZHIG BDEN PA LA GNAS YID, ,DE NI LEGS PAR GSON PA YIN, ,BDEN PA RNAM PAR SPANGS
, ,PA YI; ;GSON PA GSON PA MIN PAR 'DOD, ,GANG ZHIG YID NI LAM LA GNAS, ,DE NI BDE BAR 'TSO BA YIN, ,LAM NI RNAM PAR SPANGS PA YI, ,GSON BA GSON PA MIN PAR 'DOD, ,MYA NGAN 'DAS PAR 'GRO BA LA, ,GANG GI BLO NI RTAG TU GNAS, ,DE NI LHA YI LHA ZHES BRJOD, ,'DI NA GANG RTZE LHA MA YIN, ,RTAG TU SEMS NI RTZE GCIG PAS, ,BSAM GTAN BYED PAS RTZE GYUR GANG, ,DE NI BDE LDAN CHAGS BYED PA'I, ,SRID PA'I RTZED MO MIN, ,RMONGS CHAGS MANG DU NYER RTZE BA'I, ,SRID SKYONG 'DI RNAMS GO GYIS LA, ,MYA NGAN 'DAS LA BRTZON PAR GYIS, , DE DAG SNYING PA DAM PAR 'DOD, ,DE LTAR 'THAB BRAL GYI BDAG PO DES RNAM PA DU MAR GZHAN RNAMS LA PHAN PA SGRUB PAR BYED DE, LHA DE DAG RNAMS KYI YID DE DAG RLAN PAR BYED DO, ,JI LTAR 'THAB BRAL GYI LHA DE DAG RNAMS NGAN SONG DU 'GRO BAR MI 'GYUR BAR BYED DO, ,DE NAS 'THAB BRAL GYI LHA DE DAG RNAMS KYIS MU SU LUNDHA LA 'DI SKAD CES BRJOD DO, ,KYE 'THAB BRAL BA RNAMS KYI BDAG PO, JI LTA BA BZHIN GO LAGS KYI, JI LTAR KHYOD KYIS BSHAD PA DE DAG RNAMS THAMS CAD NI, BDEN PA LAGS TE, BDAG CAG GIS 'DIR MNGON SUM DU BGYIS SO, ,JI LTAR BDAG CAG RNAMS KYI DRUNG NA RIM PA RNAMS THAMS CAD KYIS GLAGS PAR GYUR PA'I LHA RNAMS BZOD PAR DKA' BA'I SHIN TU SDUG BSNGAL BAR GYUR TO, ,DE DAG RNAMS KYI TSAD DANG MDOG DANG DBYIBS DANG RGYA CHE
BAR GYUR BA'I RIM PA GANG DAG GI KHYAD PAR RNAMS NI, BDAG CAG RNAMS KYIS BCU'I CHA YANG CUNG ZAD TZAM DU'ANG MI CHOG PA DE DAG RNAMS THAMS CAD KYANG BAR DU GCOD PA 'BYUNG BAR 'GYUR NA , CI'I PHYIR NA BDAG CAG RNAMS LA 'BYUNG BAR MI 'GYUR LAGS, DE DAG RNAMS KYI DRUNG DU 'THAB BRAL GYI BDAG PO DE TSIG RNAMS RJOD PAR BYED PA, JI LTAR LHA DE DAG RNAMS KYI SDUG BSNGAL KHYED KYIS MTHONG BA DE RNAMS NI, CUNG ZAD TZAM YIN LA, KHYED RNAMS LA NI, DE LAS BRGYA 'GYUR 'BYUNG BAR 'GYUR TE, BAG MED PAS KUN NAS KHRID PAR GYUR NAS GAL TE CHOS MA YIN PA'I RJES SU 'JUG PAR GYUR TE, DMYAL BA DANG YI DVAGS DANG DUD 'GROR SKYES PAR GYUR NA'O, ,CI STE CHOS KYI RJES SU 'JUG PAR GYUR NA NI, DE'I TSE NGAN SONG GI SGO RNAMS NI, BKAG PAR GYUR CING LHA DANG MI RNAMS KYI RNAM PA SNA TSOGS PA'I BDE BA RNAMS LA NYE BAR LONGS SPYAD NAS BYI NAS NI, DE RGAS PA MED PAR 'GYUR PA DANG, GZHAN YANG MYA NGAN MED PAR GYUR PA'I RTAG PA'I GO 'PHANG KUN NAS 'THOB PAR 'GYUR TE; GANG LA JI SKAD DU BSHAD PA'I SDUG BSNGAL DE DAG RNAMS 'BYUNG BAR MI 'GYUR BA YIN NO, ,DE LA RGYU DE DAG GI PHYIR NA BAG MED PA RNAMS LA KUN TU 'JUG PAR MA BYED DANG 'DOD PA DE DAG RNAMS NI, BDE BA MA YIN NO, ,RTAG PA'ANG MA YIN TE, 'DI DAG GIS NI, ZAG PA MED PA'I YE SHES KYI BSAM GTAN GYI BDE BA BLA NA MED PA RNAMS KYI BCU DRUG GI CHAR YANG MI PHOD DO, ,DE
, ,NAS DE DAG GI DRUNG NAS 'THAB BRAL BA RNAMS KYI BDAG PO DES TSIG DE DAG RNAMS THOS NAS GZHAN YANG LHA DE DAG RNAMS NYID KYI MNGON SUM DU NYES DMIGS RNAMS BYED DO, YANG GZHAN BRJOD PA, JI LTAR KHYOD KYIS BDAG CAG RNAMS LA STON PAR BGYID PA DE DAG RNAMS NI, PHAN PAR 'DOD PA LAGS PAS DE LTAR BDAG CAG RNAMS KYIS BGYI LAGS SO, ,LHA LAGS, GZHAN YANG JI LTAR NA, BDAG CAG RNAMS KYIS KUN TU 'DOD CHAGS PAS BYAS PA'I SDUG BSNGAL DE DAG GIS BDAG CAG GIS 'THOB PAR MI 'GYUR BA LAGS, DE NAS DUS DE'I TSE NA MU SU LUNDHA DES TSIGS SU BCAD PA'I DBYANGS BRJOD PA JI LTAR, BDAG NYID BDAG GI MGON PO YIN, ,GZHAN GANG RJES SU MGON POR GYUR, ,GANG PHYIR BDAG NYID LEGS BTUL BAS, RTAG PA'I GO 'PHANG 'THOB PAR 'GYUR, ,LEGS PA'I LAS BYAS MDZES 'GYUR LTAR, ,MGON PO GZHAN NI MA YIN NO, ,SKYE BA GZHAN NI STONG DU YANG, ,DE LA DE DAG RJES SU 'JUG ,RGA DANG 'CHI BA SPANGS PA YI; ;GNAS KYI MCHOG TU 'BAB PAR BYED, ,SHIN TU DGE BA'I RANG LAS 'DI, ,BSAM PA YIS NI LHA YI MCHOG ,LEGS PA'I LAS LA SPYOD PAR GYIS, ,PHAN CHEN ZAS NI DE LAS ZA, ,DE MU SU LUNDHA DES LHA DE DAG RNAMS LA BSTAN NAS GZHAN YANG BRJOD PA, SONG LA NAGS DANG NYE BA'I NAGS RNAMS SU BRGYUS NAS 'DOD PAR GYUR PA'I SGRA DANG RO DANG GZUGS DANG DRI RNAMS
[?] KHRID PAR GYUR KYANG GANG GI PHYIR KHYED RNAMS JI LTA BA BZHIN DU BAG YOD PAR GYIS, DE NAS DE LTAR GYUR PA DANG, DE NAS LHA DE DAG GIS TSIG DE DAG RNAMS THOS PAR GYUR PA DANG 'DI SKAD CES YOD DO, ,JI LTA BA BZHIN DU BDAG CAG RNAMS KYIS SMON LAM GDAB PAR BYA STE, JI LTAR MA 'ONGS PA'I DUS NA 'DI 'BYUNG BAR 'GYUR BA YANG DAG PAR RDZOGS PA'I SANGS RGYAS BLA NA MED PA'I [?] BU 'DUL BA KHA LO SGYUR BA, MTSAN BYAMS PA ZHES BYA BA DE'I GSUNG RAB LA BDAG CAG RNAMS MI'I 'JIG RTEN DU SKYE BAR GYUR CIG, JI LTAR, 'DI MA 'ONGS PA'I DUS NA 'BYUNG BAR 'GYUR BA'I 'DUS PA DANG PO DE BDAG CAG RNAMS BYED PA DANG, CHOS RNAMS NYAN NAS ZAG PA ZAD PAR BYED PAR YANG BDAG CAG GYUR CIG, DE LTAR KHA CIG GIS NI, BLA NA MED PA YANG DAG PAR RDZOGS PA'I BYANG CHUB TU SMON LAM BTAB PAR GYUR TO, ,SMON LAM BTAB NAS SANGS RGYAS DANG CHOS DANG DGE 'DUN RNAMS LA NYE BAR SKYABS SU'ANG SONG PAR GYUR TO, ,DE DAG RNAMS NI, NGES PAR YANG BYAMS PA'I GSUNG RAB LA MI'I 'JIG RTEN DU SKYE BAR 'GYUR RO, ,LHA GZHAN STONG PHRAG BDUN CU PO RNAMS NI, LHAN CIG TU DAM PA'I CHOS THOS NAS ZAG PA RNAMS NI, ZAD PAR BYED DO; ;GANG YANG GZHAN DE DAG RNAMS KYIS NI, DE BZHIN GSHEGS PA DE'I SKU GDUNG NI, MTHONG BAR 'GYUR LA SNGON DANG POR DE DAG RNAMS KYIS GYA NOM PA'I BLA NA MED PA YANG DAG PAR RDZOGS
, ,PA'I BYANG CHUB TU SMON LAM BTAB PA YIN NO, ,GZHAN YANG LHA BRGYA PHRAG GIS RANG SANGS RGYAS KYI SEMS SU YONGS SU BSNGOS SO, ,DE DAG RNAMS THAMS CAD KYIS KYANG SMON LAM RNAMS 'BRAS BU DANG BCAS PAR 'GYUR BA YIN NO, ,DE NAS 'THAB BRAL BA RNAMS KYI BDAG PO DES YID KYIS RTOGS PAR GYUR NAS BDAG GIS GZHAN LA PHAN PA SHIN TU MANG BA BYAS TE, DE DAG RNAMS SLAR YANG BAG MED PAS 'PHROG PAR MI 'GYUR BAR 'THAB BRAL GYI BDAG PO DES RJES SU GNANG NGO, ,LHA DE DAG RNAMS YID LAS SU RUNG BAR BYAS PA DANG, YID LEGS PAR DUL BAR BYAS PAS MU SU LUNDHA DE LA G-YAS PHYOGS NAS BSKOR BA BYAS NAS MTSO DE'I DRUNG DU SONG BAR GYUR TO, ,MU SU LUNDHA YANG GZHAN LA PHAN PA DE DAG RNAMS BYAS NAS PHYIR YANG SA GZHAN RNAMS KYI LHA GZHAN RNAMS LA PHAN PAR BYA BA'I DON DU LEGS PAR SONG BAR GYUR TO, ,'THAB BRAL GYI LHA RNAMS KYI SA LAS; RTAG TU BDE BA'I SA STE BRGYAD PA RDZOGS SO,, ,,MU SU LUNDHA'I RDZU 'PHRUL CHEN PO ZHES BYA BA'ANG RDZOGS SO,,,
, ,GZHAN YANG LAS DANG 'BRAS BU RNAM PAR SMIN PA SHES PA'I DGE SLONG DE MTSE MA PA'I LHA RNAMS LA PHAN PA'I DON DU LHA RNAMS KYIS LA LTA BAR BYED PA NA, DES THOS PA LAS BYUNG BA'I RANG BZHIN GYI SHES RAB KYIS LHA RNAMS KYI SA BDE BA RAB TU 'PHEL BA DANG LDAN PA ZHES BYA BA JI LTAR YOD PA MTHONG BAR GYUR TO, ,SA DER YANG LAS GANG GIS SEMS CAN SKYE BAR 'GYUR BA'ANG DES MTHONG
, ,STE; SKYES BU DAM PA GANG GIS DGE LEGS SU GYUR PA'I SEMS KYIS TSUL KHRIMS DANG LDAN PAR GYUR PAS SROG GCOD PA DANG, MA BYIN PAR LEN RNAMS SPANGS PAR GYUR PA NI, SNGA MA BZHIN NO, ,'DOD PA LA LOG PAR G-YEM PA RNAMS KYANG SHIN TU PHRA BA'ANG SPONG BAR BYED DE, DPER NA, YUD TZAM GCIG KYANG BUD MED SKYES PA DANG BCAS PAR MNGON PAR BRIS PA RNAMS LA'ANG TSUL BZHIN MA YIN PAS YID LA BYED PAS BSKYED PAR GYUR PAS DE LA 'DI RTOGS PAR MI BYED, BRNAB SEMS SU MI BYED DO, ,RO MYANG BAR MI BYED CING TSUL BZHIN MA YIN PA YID LA BYED PA'I
SEMS RNYOG PA CAN DU BYED PA, NYON MONGS PAR BYED PA, 'JIGS PA DANG BCAS PAR GYUR PA, TSANGS PAR SPYOD PA KUN TU SUN 'BYIN PAR BYED PA RNAMS KYIS DANG, GANG YANG GZHAN DAG RAB TU RTOG PAR BYED PA'AM, LTA BAR BYED PA'ANG RUNG STE, TSUL BZHIN MA YIN PA YID LA BYED PAS SEMS KUN NAS SUN 'DON PAR BYED PA DE DAG RNAMS 'DIS RAB TU 'GOG PAR BYED DO, ,PHYIR LA ZLOG PAR BYED DO, ,LAS KYI 'BRAS BU RNAMS KYANG STON PAR BYED PA YIN TE, JI LTAR MI 'DOD PA DANG, MI DGA' BA DANG, YID DU MI 'ONG BAR 'GYUR BA NI, 'DOD PA LA LOG PAR G-YEM PA STEN PA 'DI'I 'BRAS BU YIN PAS DES NA DE LTAR MI BYA'O, ,'DI DAG NI, ZHI BAR 'GYUR BA'I LAM MA YIN NO, ,DGA' BA MA YIN, YID DU 'ONG BA MA YIN, DAM PA RNAMS KYIS MNGON PAR 'DOD PA YANG MA YIN NO, ,SHIN TU PHRA BA'I 'BRAS BU RNAMS STON PAR BYED PA, TSUL KHRIMS
, ,DANG LDAN PA TSANGS PAR SPYOD PA RNAM PAR DAG PA KHA NA MA THO BA PHRA RAB TZAM LA'ANG 'JIGS PAR LTA BA DE DAG NI, LUS ZHIG NAS SHI BA'I 'OG TU BDE 'GRO MTHO RIS MTSE MA'I LHA RNAMS KYI BDE BA RAB TU 'PHEL BA DANG LDAN PA'I SA 'DI LA SKYE BAR 'GYUR RO, ,DE LA SKYES PA RNAMS NI, LEGS PAR BYAS PA'I LAS KYI MTHA' RNAMS SPYAD PAS DE DAG DGA' BA'I LAS KYI 'BRAS BU RNAMS LA SPYOD PAR BYED DO, ,'DI LTA STE; NAGS RNAMS DANG, NYE BA'I NAGS RNAMS DANG, KHRUS KYI RDZING BU RNAMS DANG, GSER GYI RI'I RTZE MO RNAMS DANG, 'BAB CHU DANG, RIN PO CHE'I RANG BZHIN GYI 'BAB CHU RNAMS LA BLTA BAR SDUG PA'I BYA RNAMS KYIS KUN NAS SGRA 'DON PA DANG, GZHAL YAS KHANG GI RTZE MO RNAMS KYANG RIN PO CHE BDUN GYI RANG BZHIN LA NOR BUS CHA SHAS RNAMS RNAM PAR BKRA BAR BYAS PA DANG, PADMA'I RDZING BU RNAMS KYI BEE d'URYA DANG,
AINDRA N'I LA DANG, GSER GYI RANG BZHIN RNAMS KYI CHA SHAS RNAM PA SNA TSOGS PA LA GZUGS DANG, SGRA DANG, KHA DOG DANG, DBYIBS RNAM PA SNA TSOGS PA LTA BAR DGA' BA'I BUNG BA'I TSOGS RNAMS KYI SGRA BDE BA SKYED PA'I KUN TU SGROG PA DANG LDAN PA RNAMS LA MNGON PAR RTZE BAR BYED DO, ,RIG PA DANG LAS RNAMS THAMS CAD KYI BDE BA RAB TU 'PHEL BA DANG LDAN PA'I NAGS TSANG TSING RNAMS DANG, GZHAN YANG RDO RJE DANG, BEE d'URYA DANG, AINDRA N'I LA DANG, SHEL GYI RANG BZHIN GYI BRAG RNAMS CHA SHAS SU PHYE BA'I 'OD ZER RNAMS KYIS RNAM PAR BKRA BAR GYUR PA RNAMS LA DGA' BAR BYED DO, ,'BAB CHU SNA TSOGS PA'I SGRA BDE BA SKYE BAR BYED PA'I SGRA SNYAN PA DANG LDAN PA RNAMS LA DGA' BAR BYED DO, ,JI LTAR 'DOD PA BZHIN DU BYED PA RANG DBANG CAN RNAMS DPE MED PAR GYUR PA'I LHA RDZAS KYI 'DOD PA RNAMS LA STEN PAR BYED DO, ,LHA'I BU MO'I TSOGS BRGYA STONG PHRAG DU MA RNAMS KYIS YONGS SU BSKOR NAS CHES 'PHAGS PAR GYUR PA'I BDE BA RNAMS 'PHEL PA DANG LDAN PA'I 'DOD PA RNAMS LA NYE BAR LONGS SPYOD PA YIN TE, DE'ANG RNAM PAR RTOG PA DU MA RNAMS SU DPE MED PAR GYUR PA'I LHA RDZAS KYI BDE BA RNAMS LA LONGS SPYOD PAR BYED DO, ,RI DANG RTZE MO RNAMS GSER GYI RANG BZHIN DANG BEE d'URYA'I RANG BZHIN RNAMS LA DE DAG
, ,NAM MKHA' LA LAN BRGYA PHRAG DU MAR 'GRO BAR BYED PA, RNAM PA SNA TSOGS PA'I GZUGS DANG CHA BYAD DANG RGYAN RNAMS PHUN SUM TSOGS PA, SGRIN PO RNAMS KYI RGOD PA DANG GLU DANG GAR GYIS KUN NAS BRGYAN PAR GYUR PA'I ZHABS 'BRING RNAMS KYIS RNAM PAR BRGYAN CING ROL PA'I GZUGS DPE MED PA DANG LDAN PA'I LHA'I BU MO'I TSOGS RNAMS KYIS YONGS SU BSKOR NAS NYE 'KHOR KUN NAS RTZE DGA' BAR GYUR PAS RNAM PAR RGYU BAR BYED, RANG GI 'OD DANG LDAN PA'I LHA'I BU MO RNAMS KYIS YONGS SU BSKOR NAS DE LHA RDZAS KYI 'DOD PA'I YON TAN GYI YUL LNGA LA RNAM PAR CHAGS PAS, GZUGS GANG DANG GANG NYID MTHONG BAR GYUR PA DE DANG DE NYID KYANG RNAM PAR RTOG PA DU MA DANG LDAN PA'I LHA RDZAS SNYING 'GUL BAR BYED PA DPE MED PA'I BDE BA RNAMS LEGS PAR STON PAR BYED PA MTHONG NGO, ,JI LTAR 'DOD PA BZHIN DU SPYOD PAR BYED PA DE LTAR MIG GIS GZUGS RNAMS MTHONG BAR 'GYUR RO, ,DE BZHIN DU RNA BAS SGRA RNAMS THOS PAR GYUR PA'ANG THOS NAS BDE BAR 'GYUR BA DANG, JI LTAR 'DOD PA BZHIN DU RNAM PA DU MAR RNAM PA SNA TSOGS PAR GYUR PA DANG KUN TU RTOG PA RNAMS SKYED PAR BYED PA DANG, MCHOG TU GYUR PA'I LHA'I BU MO RNAMS KYIS LEGS PAR BSKYED PA'I RGOD PA DANG 'GYING BAG DANG
RTZED MO RTZE BAR BYED PA RNAMS SO, ,DE BZHIN DU SNAS KYANG LHA RDZAS KYI DPE MED PA DANG LDAN PA'I DRI RNAMS MNOM PAR BYED DE, RNAM PAR RTOG PA DU MAR DPE MED PAR GYUR PA RNAMS LA 'DI LTA STE, PADMA'I RDZING BU RNAMS KYI DRI SHIN TU ZHIM PAR GYUR PA'I DRI RNAMS MNGON PAR 'DOD PA'I RLUNG GIS LEGS PAR BTAB PA RNAMS LA DANG, DRI GZHAN YANG DE KHO NA BZHIN DU DRI SHIN TU ZHIM PA DPE MED PAR GYUR PA'I LHA RDZAS RNAM PA DU MA RNAMS MNGON PAR 'DOD PA'I RLUNG GIS RI DANG, SMAN LJONGS RNAMS DANG, BANG RIM RNAMS DANG, RI KHROD RNAMS DANG, NAGS KYI NANG RNAMS NAS BTAB PAR GYUR PA'I SHIN TU DRI ZHIM PA DANG LDAN PA'I ME TOG DU MA DRI BLA LHAG PAR GYUR PA RNAMS SNOM PAR BYED DO, ,DE BZHIN DU LCES KYANG RO RNAMS MYONG BAR BYED DO, ,DE NI, 'DOD PA'I BDE BA RNAMS THAMS CAD PHUN SUM TSOGS PA YIN TE, LHA RDZAS KYI RO RNAM PA DU MAR GYUR PA SKYUR PA DANG, LAN TSVA DANG, TSA BA DANG, KHA BA DANG, BSKA BA DANG, RTZUB PA RNAMS DANG, RNAM PA DU MA RNAMS DANG, DPE MED PAR GYUR PA RNAMS DANG, RDZAS DU MA RNAMS LAS SKYES PA DANG JI LTA BA NYID DU JI LTAR 'DOD PA'I DUS SU MKHO BA RNAMS DE DAG GIS ZA BAR BYED DO, ,DE LTAR LCES RO RNAMS MYONG BAR BYED DO, ,DE BZHIN DU LUS KYIS KYANG REG BYA RNAM PA DU MA RNAMS LA REG PAR BYED PA NI, BDE BA'I
, ,REG PAR BYA BA BRGYAD DANG LDAN PAR GYUR PA RNAMS LA BSIL BAR GYUR PA DANG, DRO BA DANG, DRO BAR GYUR PA DANG, BSIL BA'I REG BYA RNAMS DANG LDAN PA DE BZHIN DU 'JAM PA DANG, PHRA BA DANG, TSOGS DAM PA DANG, MA BTAGS PA DANG RNAMS TE, KHA DOG DU MA DANG LDAN PA'I GOS RNAMS SO, ,DE BZHIN DU MTHO RIS KYI RJES SU MTHUN PA'I RGYAN GYI RNAM PA RNAMS KYANG STE, RIN PO CHE DU MA'I 'OD ZER SNANG BA BYED PA DANG LDAN PA RNAMS LA DPAG TSAD BCU DANG, NYI SHU DANG, SUM CU DANG, BZHI BCU DANG, LNGA BCU DANG, DRUG CU DANG, DE BZHIN DU DPAG TSAD BRGYA'I BAR DU 'OD DANG LDAN PA'I NOR BU RNAMS KYI REG BYA RNAMS KYANG NYE BAR LONGS SPYOD PAR BYED DO, ,DE BZHIN DU RGYAN GYIS RNAM PAR GYUR PA'I ME TOG BDE BA'I REG BYA DANG DRI DANG LEGS PAR 'BREL PAS BSGOS PAR GYUR PA RNAM PA SNA TSOGS PA RNAMS LHA RDZAS KYI NAGS KYI GSEB NAS RLUNG GIS BDAS PA'I BDE BA'I REG BYA DANG LDAN PA RNAMS KYI REG BYA LA RJES SU LONGS SPYOD PAR BYED PA STE, LUS KYI LEGS PAR BYAS PA'I LAS KYI MTHA' RNAMS LA SPYAD PAR GYUR PA, RANG GIS LEGS PAR BYAS PA'I LAS RNAMS KYIS 'DOD PA SDUG PA YID DU 'ONG BA 'PHAGS PA DGYES PA YIN GYI, MA BYAS PA RNAMS KUN TU 'OD BAR 'GYUR BA NI, MA YIN
NO; ;'DOD RGYAL BA RNAMS NI, MA YIN NO, ,BYAS PA CHUD ZA BAR 'GYUR BA NI, MA YIN NO, ,RGYU MED PA NI, MA YIN NO, ,GZHAN BAG MED PA RNAMS KYIS BYAS PA NI, MA YIN NO, ,LAS DANG 'BRAS BU RNAMS DANG MI 'DRA BAR GYUR PA'I RGYU RKYEN RNAMS KUN TU TSOGS PA NI YIN NO, ,'DI DAG NI, 'BRAS BU DANG BCAS PAR SMIN PAR LEGS PAR MTHONG BA RNAMS DANG CHA 'DRA BA'I LAS RNAMS KYI 'BRAS BU LA NYE BAR LONGS SPYOD PA YIN NO, ,TSUL KHRIMS LA SPYOD PAR GYUR PA DE DE BZHIN DU YID KYIS KYANG GANG 'DOD PA'I 'DOD PA RNAMS LA STE, 'DOD PA'I YID DU 'ONG BA'I LHA RDZAS KYI GZUGS MANG ZHING RGYA CHEN POR GYUR PA RNAMS DANG, PHRA BA RNAMS DANG, BAR MA RNAMS DANG, KUN NAS 'PHEL BAR 'GYUR BA'I DUS SU BYUNG BA RNAMS DANG, DE BZHIN DU MAR 'BRI BA'I DUS SU DANG, BAR MA'I DUS SU THOB PA RNAMS LONGS SPYOD PAR BYED PA NA, DE LTAR YANG SEMS BSKYED PA NYID KYIS MNGON PAR 'DOD PAR GYUR PA'I NYE BAR LONGS SPYAD PAR BYA BA RNAM PA DU MA'I BDE BA'I CHOS RNAMS LA MNGON PAR 'TSAL BAS NYE BAR LONGS SPYOD PAR BYED DO, ,TSUL KHRIMS LA SPYAD PA'I SKYES BU DE DAG RNAMS DE LTAR KHYAD PAR DU'ANG LHA RNAMS NI, YUL DRUG GI ME LA RNAM PAR CHAGS PAR GYUR CING, 'DOD PA'I CHU BO RNAMS KYIS KHYER PAR GYUR PAS DE DAG NAGS NAS NAGS
, ,RNAMS DANG, RI'I RTZE MO NAS RI'I RTZE MO RNAMS LHA RDZAS KYI RIN PO CHE'I KHAMS RNAMS KYI 'BYUNG KHUNGS DANG LDAN PA RNAMS NAS RIN PO CHE'I KHAMS RNAMS KYI 'BYUNG KHUNGS DANG LDAN PA RNAMS SU KUN TU NYE BAR 'GRO BAR BYED CING, NAGS DANG, NYE BA'I NAGS KYI TSAL RNAMS DANG, 'BAB CHU'I SGRA RNAMS KUN NAS LEGS PAR GRAG PA DANG, KHA DOG DANG DBYIBS DANG RIGS DANG, SDE TSAN MI 'DRA BA BRGYA PHRAG GI BYA RNAMS KYI SGRA SNYAN PAR 'BYIN PAS YID DGA' BAR GYUR PA RNA BA GTAD PAS DBYANGS KYIS KUN NAS 'KHRID PA DANG, RGYAN DANG LEGS PAR LDAN PA'I DGA' BAS YID 'PHROG PAR GYUR PA RNAMS DE LTAR DE LEGS PAR BYAS PA'I LAS KYI MTHA' LA SPYAD PA RNAMS LEGS PAR NYE BAR 'GRO'O; ;MANG PO RNAMS NYID KYANG GZUGS DANG, CHA BYAD DANG, RGYAN DANG, LEGS PAR GNAS PA RNAMS KYI YON TAN DU MA RNAMS DANG LDAN PA'I CHA BYAD CAN RNAMS SGRIN PA DANG 'GYING BAS 'DOD PA'I ME RNAMS LEGS PAR SKYED PA'I BYED PA RNAMS KYIS YONGS SU BSKOR NAS GNAS RNAM PA DU MA RNAMS NYE BAR STON PAR BYED DO, ,LHA RDZAS KYI PHRENG BA MCHOG RNAMS KYIS BRGYAN PA DANG, ME TOG GI PHRENG BA DANG PHYE MA DANG BYUG PA RNAMS KYIS RNAM PAR BRGYAN PAS GSER GYI RANG BZHIN DANG BEE d'URYA DANG GSER 'BAR BA'I
RANG BZHIN GYI RTZE MO RNAMS LA STEN PAR BYED DO, ,SEMS BSKYED PA DANG LHAN CIG NYID DU 'DOD PA DU MA RNAMS NYE BAR BSTEN NAS LHAN CIG SPYOD PA RNAMS DANG BCAS PAS, GAL TE SHED NA NYE BA'I NAGS GZHAN RNAMS NYE BAR STEN PAR BYED DO, ,MNYAM PA DANG MI MNYAM PA'I SA'I CHA SHAS RNAMS DGA' BAR GYUR PA'I GSER DANG BEE d'URYA'I RANG BZHIN DANG, GSER BZANG PO'I RANG BZHIN DANG DNGUL DANG AINDRA N'I LA DANG MU S'A RA'I RANG BZHIN RNAMS LA DRIL BU G-YER KHA SGRA SGROG PA'I DRA BA'I SKAD PHUN SUM TSOGS PAS RNAM PAR BRGYAN PA'I SGRA RNAMS DANG, BYA'I TSOGS RNAM PA SNA TSOGS PA RNAMS KYIS RNAM PAR BRGYAN PA RNAMS LA LAN BRGYA PHRAG RNAMS SU RNAM PAR RGYU BAR BYED PA GANG GI TSE BAG MED PAS BAG MED PAR RNAM PAR SPYOD PAR BYED PA DE'I TSE DE DAG RNAMS MNGON PAR KUN TU MTHONG NAS BAG YOD PA ZHES BYA BA'I BYA RJES SU 'DOMS PAR BYED PA'I TSIGS SU BCAD PA 'CHAD PA JI LTAR, GSAR BA'I LAS KYANG ZAD 'GYUR LA, ,RNYING PA YONGS SU SPYOD PA YIN, ,DE ZAD PAS NI RTAG TU LTUNG, ,MTHO RIS LHA YI CHOS 'DI DAG, RTAG TU LAS KYIS LHUNG BA YIN; ;DE BZHIN 'TSO BA SKAD CIG STE, ,'CHI BDAG MYUR BAR 'ONG BA YANG, ,BYAS PA RNAMS KYIS RIG PA'ANG MIN, ,KHYOD KYIS 'DI MIN 'DI YANG KHYOD, ,MIN YANG CHAGS
, ,BAS MA SHES SO, ,DUS 'GRO RTAG PAR SHIN TU MYUR, ,LTUNG 'GYUR DE YANG NYE BAR 'ONG, ,THOB PA DANG NI 'JIG PA'I RGYU, ,YUL DU MA LA CHAGS PA YIN, , GNOD DANG BCAS PA DE LA KHYOD, ,BLO NGAN RTAG TU CI STE 'GRO, ,GANG PHYIR LEGS PAR BYAS PA'I LAS, ,DE LTAR KHYOD KYIS BDE LONGS SPYAD, ,YANG NI CI PHYIR LEGS BYAS PA'I, , LAS RNAMS DAG NI CIS MI BYED, ,YUL RNAMS LA NI GANG CHAGS PA, ,DE NI SRID PA'I RGYA MTSOR NUB, ,GANG YANG DE LAS RNAM GROL BA, ,DE NI SDUG BSNGAL MTSO LAS GROL, , YUL GYI RLABS KYI SHUGS PO CHE, ,SRID PA'I CHU KLUNG LAS KUN BYUNG, ,MYANG 'DAS GRONG KHYER 'GRO BA YIN, ,DPA' BOS DE NI SPANG BAR GYIS, ,BRTAN PA DE NYID TSOL RNAMS KYIS; ;YUL RNAMS NGES PAR ZLOG PAR GYIS, ,DES BSKYED YUL GYI SRID PA RNAMS, ,SRID PA GSUM DU 'JUG CING 'GRO, ,YUL RNAMS NGES PAR ZLOG PAR GYIS, ,BDAG CAG DE YID BYAS LA RE, ,KIMPA KA DANG 'DRA BA DANG, ,PHYI NAS RNAM SMIN RTZUB PA YIN, ,MI SEMS BDE LA KUN TU CHAGS, ,YUL RNAMS LA NI RGYUG PAR BYED, ,DES NI MI DGE LAS RNAMS GSOG, BLO GROS NGAN PAS GANG RGYUG PA'I, ,G-YO BA MI BZAD RTZUB PA LAS, ,DE PHYIR SEMS NI RTAG TU SRUNGS, ,RTAG TU YUL LA KUN CHAGS PA, ,SRID PA'I YUL
KYIS G-YOGS PA YI, ,YUL RNAMS LA NI RGYUG BYED PA, ,BREL PHONGS DE DAG MA GO'O, ,PHYI NAS BREL PHONGS THOB PAS KYANG, ,LAS KYI 'BRAS BU RIG PAR GYUR, ,SHES NAS KYANG NI LAS 'DI DANG, ,RTAG TU YUL RNAMS SKYON DE DANG, ,'GRO BA MA LUS BCINGS GYUR PA'I, ,SKYON GZHAN YANG NI RTAG TU SPONGS, ,DE LTAR BAG YOD PA'I BYA DES BAG MED PAS BAG MED PAR RNAM PAR RGYU BA'I LHA DE DAG RNAMS LA LEGS PAR SGROG GO ,DE GTAN TSIGS KYIS BRJOD KYANG DE DAG RNAMS KUN NAS RTOGS PA'ANG MA YIN TE, YUL LA KUN TU 'CHUMS PAR GYUR PAS DES DE DAG LA RTZIS BGRANG MED PAR SLAR YANG DE KHO NA BZHIN DU YUL RNAMS LA RNAM PAR CHAGS PAR GYUR PA'I BLOS 'KHOR BA'I DGON PA LTA BUR GYUR PA DANG, SHIN TU SDUG BSNGAL SKYED PAR BYED PA'I RGYUR BYED PA DE LTAR SEMS DANG 'GRO BA DANG RAB TU SPYOD PAR BYED PA, RTAG TU'ANG YUL GYI GNAS SKABS RNAMS LA 'GROS BYED PAR MTSUNGS PA'I GNAS SKABS RNAMS RJES SU CHAGS PAR BYED PA, GNAS PA MED PA'I 'GROS DANG, RAB TU RGYU BAS KUN TU GNAS PAR BYED PA, RTAG TU'ANG SKYES PA GCIG CIG TSOL BA LA ZHUGS PA DANG, MTSON CHA DANG ME DANG G-YANG SA RNAMS DANG, YID MTSUNGS PA MI RNAMS THAMS CAD SREG PAR BYED PA'I NAGS KYI MER GYUR PA SDUG BSNGAL RNAMS THAMS CAD KYI RGYU MTSAN DU
, ,GYUR PA'I LHA'I BU MO DE DAG RNAMS NYID DANG DE LHAN CIG TU RTZE DGA' BAR BYED DO, ,GANG ZHIG BDE BA RNAMS THAMS CAD 'DOD PA DANG BLO DANG LDAN PA DANG BDE BA RNAMS RJES SU TSOL BAR BYED PA DANG, 'KHOR BA'I 'JIGS PA RNAMS KYIS 'JIGS PA RNAMS NI, 'DI DAG RNAMS KYI DRUNG NA GNAS PA NI 'JIGS PA YIN PAR BYA'O, ,THAMS CAD KYIS KYANG BRTZON PAR BROS PAR BYA'O, ,DE DAG NYID LA KUN TU RMONGS PA'I YID CAN RNAMS 'DOD CHAGS KYIS DMUS LONG DU BYAS PA'I YID CAN RNAMS NI, DE DAG RNAMS KYI MTHU STOBS LAS BYUNG BA'I SDUG BSNGAL RNAMS SHES KYANG DE DAG RNAMS NYID DANG LHAN CIG TU DGA' BAR BYED DO, ,BYIS PA RNAMS THAMS CAD NI, 'KHOR BA'I 'DAM RDZAB TU GYUR PA'I MTSAN NYID KYIS LONG BA 'DOD CHAGS ZHE SDANG GTI MUG RNAMS KYIS LONG BAR GYUR PA'I 'CHI BDAG RNAMS THAMS CAD DANG RTZE DGA'O, ,DE LTAR DE DAG RNAMS DANG DE YANG LHAN CIG TU SPYOD PAR BYED PA LA'ANG DE BZHIN DU'ANG MI RTZE'O, ,GANG RNAM PA DU MAS PHAN PAR GYUR PA DE KHO NA NYID DANG, NGAN SONG LAS ZLOG PAR BYED PA'I TSIG YIN YANG DE KHO NA BZHIN DU DE'I SEMS YONGS SU BSLUS PAS, DE KHO NA NYID DE MNGON PAR MA SHES PAS NAGS DANG NYE BA'I NAGS DE DAG RNAMS SU DGA'O, ,SRED PA'I ZHAGS
PA LEGS PAR BSKYED PA DE DAG RNAMS NYID DANG LHAN CIG TU STE, 'PHAGS PA MA YIN PA RNAMS DANG LHAN CIG TU DGA' BAR BYED DO, ,DE GSER DANG BEE d'URYA DANG AINDRA N'I LA DANG N'I LA CHEN PO DANG MU S'A RA GALPA LA SOGS PA'I RIN PO CHE RNAMS KYIS YONGS SU GANG BA RNAMS LEGS PAR RNAM PAR PHYE BA'I SA GZHI'I CHA SHAS RNAM PA DU MA RNAMS KUN LA RNAM PAR RGYU BAR GYUR PA NA, BRGYA LA ZHIG NA CHEN POR GYUR PA'I SKAD KYI GDANGS THOS NA BDE ZHING YID DGA' BAR BYED PA, LHA RDZAS KYI YON TAN RNAMS DANG LDAN PA THOS PAR 'GYUR, DES THOS NAS 'DI SNYAM DU SEMS TE, SGRA 'DI DAG GANG GI YIN SNYAM NAS DE NGO MTSAR BAR GYUR PA'I YID KYIS LHAN CIG RJES SU SPYOD PA'I 'KHOR DANG BCAS NAS GANG NA SGRA 'DI YOD PA DER LEGS PAR NYE BAR 'GRO'O, ,DE NAS 'GRO BAR BYED PA NYID NA GANG NA SHIN TU NGAR CHE BAR GYUR PA, YI GE RNAMS GSAL BAR GYUR PA GLU'I SGRA DE DANG DE DAG RNAMS NYID SHIN TU SNYAN PA'I MCHOG TU PHYIN PA YAN LAG LNGA DANG LDAN PA'I RNGA SGRA RNAMS KYIS PHUN SUM TSOGS PA DE DAG RNAMS NI, SHIN TU BAR YANG YON TAN RNAMS PHUN SUM TSOGS PA DPE MED PAR GYUR PA'I SNGAR THOS MA MYONG BA'I SGRA 'DI DAG DE DAG TU THOS PAR GYUR TO, ,LHA GSAR DU SKYES PA DE LHAN CIG SPYOD PA RNAMS DANG BCAS NAS NAGS DER NYE BAR RGYUG
, ,STE; RIN PO CHE'I RANG BZHIN GYI SHING RNAM PA DU MA RNAMS PHUN SUM TSOGS PA, DGA' BA CHEN PO'I NAGS TSAL ZHES BYA BA RGYA KHYON DU DPAG TSAD BRGYA PA, ZHED DU DPAG TSAD NYI SHU PA NAGS DE NA NI, NAGS CHEN POR GYUR PAS SHING RNAMS PHUN SUM TSOGS PA YON TAN CHEN PO DANG LDAN PA BRGYA PHRAG DU MA RNAMS DANG, STONG PHRAG DU MA RNAMS KYI LHA TSOGS RNAMS GNAS PA'ANG GLU LEN PAR BYED PA DANG, RTZE DGA' BAR BYED PA DANG, GAR YANG BYED DO, ,DE NAS LHA GSAR DU SKYES PA DES NAGS DE MTHONG BAR GYUR NAS ZHUGS PAR GYUR PA DANG, NAGS RNAMS THAMS CAD GSER GYI RANG BZHIN GYI SHING BEE d'URYA'I RANG BZHIN GYI LO MA LHA'I RDZAS LAS RAB TU BYUNG BA DRI DANG ME TOG RNAMS SO, ,DE DAG DANG 'DRA BA'I YON TAN GYI BDE BA RNAMS DANG, MDOG DANG DBYIBS RNAM PA DU MAR GYUR PA DE DAG RNAMS DES YANG DAG PAR MTHONG NAS GZHAN YANG GZHAN RNAMS LA LTA BAR BYED DE, SHING BEE d'URYA'I RANG BZHIN LA AINDRA N'I LA'I YAL GA RNAMS DANG GSER GYI RANG BZHIN GYI 'DAB MA RNAMS DANG, DNGUL GYI KHA DOG GI 'BRAS BU RAB TU SMIN PAR GYUR PA RNAMS LHA RDZAS KYI RO'I YON TAN RNAMS PHUN SUM TSOGS PA'O, ,AINDRA N'I LA'I MDOG GI YAL GA RNAMS KYIS MNGON PAR BSKOR BA LA
RNAM PA SNA TSOGS PA'I KHA DOG DANG LDAN PA'I ME TOG RNAMS KYIS MNGON PAR BSKOR BA RNAMS DANG, SHING GZHAN DAG RNAMS KYANG MTHONG BA LA 'DI LTA STE, AINDRA N'I LA'I RTZA BA GSER GYI MDOG GI YAL GA BEE d'URYA'I RANG BZHIN GYI 'DAB MA DANG LDAN PA RNAMS LA MDOG DANG DBYIBS RNAM PA DU MA RNAMS DANG LDAN PA'I BUNG BA'I TSOGS RNAMS KYIS NYE BAR MDZES PAR GYUR PA; SHIN TU SNYAN PA'I SGRA RNAMS KYIS MIG 'PHROG PAR BYED PA RNAMS SO, ,DE BZHIN DU LHA GSAR DU SKYES PA DES GZHAN DAG RNAMS KYANG MTHONG BA LA LHA RDZAS KYI ME TOG KHA BYE BA DANG MIG ZUM PA RNAMS KYANG MTHONG NA DGA' BAR 'GYUR BA'I RIN PO CHE BDUN GYI RANG BZHIN RNAM PAR 'DRES PA'I CHA SHAS RAB TU RNAM PAR PHYE BA MCHOG TU NGO MTSAR BAR GYUR PA; SGRA'I RNAM PA THOS PAR DGA' BA RNAMS KYIS YID MNGON PAR DGA' BAR BYED PA RNAMS SO, ,DE BZHIN DU GZHAN DAG 'KHRI SHING GI KHANG PA RNAMS GSER GYI 'KHRI SHING RNAMS KYI LO MA 'GUL BA RNAMS LA 'DAB MA RNAMS LEGS PAR KHYAB PAR GYUR PA'I BUNG BA'I TSOGS KYI KHYAD PAR BRGYA STONG RNAMS KYI SGRA'I BYE BRAG SNYAN PAR DGA' BA RNAMS MTHONG NGO, , DE BZHIN DU 'KHRI SHING GI KHANG PA GZHAN DAG KYANG BEE d'URYA'I RANG BZHIN GYI YAL GA RNAMS KYIS RNAM PAR BRGYAN PA, AINDRA N'I LA CHEN PO'I 'DAB MA RNAMS KYIS LEGS PAR
, ,G-YOGS PA RAB KYI MCHOG GI NOR BU MDOG RNAM PAR BKRA BA RNAMS KYIS BRGYAN PA LA BYA RNAMS KYIS KUN TU STEN PAR BYED PA RNAMS NAGS DE 'JAM PA MNAN NA NAM LA BTEG NA 'PHAR BA'I SA GZHI'I CHA SHAS LEGS PAR PHYE BA RNAMS DANG, LHA RDZAS KYI DRI RNAMS KYIS BSGOS PA LHA'I BU MO'I TSOGS RNAMS DANG BCAS PA MTHONG BAR GYUR TO, ,DE BZHIN DU GNAS GZHAN DAG RNAMS KYANG MTHONG BAR GYUR PA LA LHA GSAR DU SKYES PA DES GANG 'GA' ZHIG SNGAR MA MTHONG BA SA'I RNAM PA'I CHA KUN YANG YONGS SU TSOGS PA BZHIN DU LHA RDZAS KYI KHA DOG GI RIN PO CHE BDUN GYI RANG BZHIN RNAMS KYIS LEGS PAR RNAM PAR G-YOGS PA, SHIN TU DGA' BA DANG LEGS PAR MNYAM PA'I SA PHYOGS KYI MCHOG TU DGA' BA RNAMS PHYI BZHIN RJES SU 'BRANG BA'I 'KHOR DANG BCAS PA RNAMS MCHOG TU NGO MTSAR BAS RNAM PAR G-YENGS PA'I MIG GIS MTHONG BAR 'GYUR RO, ,NAGS DER LHA DES GANG DAG KHO NA MTHONG BAR GYUR PA DE GA KHO NA 'DOD PA SDUG PA YID DU 'ONG BA MTHONG BAR 'GYUR RO, ,GANG DAG KHO NA THOS PA DE DAG NYID 'DOD PA SDUG PA YID DU 'ONG BA YID MNGON PAR DGA' BA RNAMS THOS PAR 'GYUR RO, ,DES GANG DANG GANG NYID SNOM PAR BYED PA NA DE DANG DE NYID 'DOD PA DGA' BA
YID DU 'ONG BA RNAMS SNOM PAR BYED DO, ,RNAM PA DU MA DE DAG RNAMS LAS DES GANG KHO NA SEMS PAR BYED PA DE DAG NYID 'DOD PA DGA' BA YID DU 'ONG BA RNAMS MYONG BAR BYED PA YIN NO; ;RAB KYI PHUL GYI LHA RDZAS KYI RI'I RO GCIG PHUN SUM TSOGS PA LAS KYANG DE GANG KHO NA NYAN PAR BYED PA DE DANG DE NYID RNAM PAR DU MAR DGA' BA YID DU 'ONG BA RNAMS THOS PAR 'GYUR RO, ,DE DAG DANG GANG LA REG PAR BYED PA'AM GANG DAG GANG NYID SEMS PAR BYED PA DE DANG DE NYID 'DOD PA DGA' BA YID DU 'ONG BA RNAMS 'DI'I SEMS BSKYED PA DANG DUS GCIG KHO NAR 'DI LA PHUN SUM TSOGS PAR 'GYUR RO, ,DE LTAR 'DI 'DOD PA RNAMS THAMS CAD KYI 'CHING BAS BCINGS NAS RAB TU RGYA CHE BA'I BDE BA DANG LDAN PA NI, DE LA PHYI BZHIN RJES SU 'GRO BA'I 'KHOR RNAMS DANG BCAS NAS RNAM PA DU MA DANG RNAM PAR RTOG PA DU MA'I SA'I CHA RNAMS LA LHA YUL GYI BYA'I TSOGS KYIS KHYAD PAR GYI SGRA 'DON PA'I NAGS TSAL CHEN PO DE LA ZHUGS PAR GYUR TO, ,DE ZHUGS PAR GYUR PA NA PADMA'I RDZING BU RNAM PA SNA TSOGS PAR MDZES PA RNAMS DANG, SA GZHI'I CHA SHAS LEGS PAR RNAM PAR PHYE BA RNAMS DANG, DE LAS SHIN TU CHES LHAG PAR BSTAR BA'I SA PHYOGS KYI CHA GZHAN RNAMS NYID KYANG RAB TU MTHONG NGO, ,PADMA'I RDZING BU DE DAG
, ,RNAMS KYI MDZES PAR GYUR PA RNAMS NI, 'DI LTA STE, PADMA LA LA NI, BEE d'URYA'I YU BA LA GSER GYI 'DAB MA RDO RJE'I RANG BZHIN GYI ZE 'BRU DE BZHIN DU AINDRA N'I LA'I RANG BZHIN GYI LTE BA RNAMS YIN TE, SHIN TU 'JAM PA RNAMS YIN NO, ,DE BZHIN DU GZHAN DAG RNAMS KYANG BEE d'URYA'I 'DAB MA DANG, GSER GYI RANG BZHIN GYI YU BA DANG, DNGUL GYI RANG BZHIN GYI SNYING PO DANG, PADMA R'A GA'I ZE BA DANG LDAN PA RNAMS LA RNAM PA SNA TSOGS PA'I BUNG BA'I TSOGS RNAMS KYIS RNAM PAR BRJOD PA'I SGRA 'BYIN PAR NYAN PAR 'OS PAR SNYAN PAS DGA' BAR GYUR PA RNAMS DANG, 'DAB MA RNAM PAR BKRA BAR GYUR PA'I PADMA'I 'DAB MA RNAMS NI, RIN PO CHE BDUN GYIS RNAM PAR SPRAS PA DANG, GSER GYI 'DAB MA RNAMS KYANG LEGS PAR RNAM PAR PHYE BA DANG, LTE BA RNAMS KYANG DE KHO NA BZHIN DU SNA TSOGS PAR LEGS PAR PHYE BA RNAMS KYANG 'DI LTA STE, AINDRA N'I LA DANG, PADMA R'A GA DANG, BEE d'URYA DANG, GSER DANG, MU S'A RA GALPA DANG, SHEL DANG, MA H'A N'I LA RNAMS KYI KHA DOG SNA TSOGS PA'I KHA DOG DE DAG RNAMS DANG CHA 'DRA BA'I 'OD ZER GYIS NYE BAR GSAL BAR BYAS PA'I BDAG NYID CAN RNAMS YIN NO, ,DE LA SNYING PO RNAMS KYANG 'DI LTA STE, GCIG JI LTA BA BZHIN DU MA
RNAMS KYANG DE BZHIN DU RNAM PA SNA TSOGS PA'I KHA DOG DANG DBYIBS DANG LDAN PA'I KHA DOG CAN RNAMS YIN NO, ,DES PADMA'I RDZING BU DE DAG RNAMS MTHONG BA DANG, GZUGS DE DAG RNAMS MTHONG BA DE LTA BAR BYED PA NYID KYIS NGOMS PAR MI 'GYUR RO, ,DES JI LTA JI LTAR YUL DE DAG RNAMS MNGON PAR MTHONG BAR GYUR PA DE LTA DE LTAR 'DI'I SRED PA RNAM PAR 'PHEL BAR 'GYUR TE, MAR BTAB PAR GYUR PA'I MI BZHIN DU NGOMS PA SKYE BAR 'GYUR BA MA YIN NO, ,TSIM PA MED PA RNAMS LA'ANG BDE BA GA LA YOD, BDE BA DANG BRAL BA RNAMS LA'ANG ZHI BA GA LA YOD, SRED PA DANG BCAS PA RNAMS LA NI, GAR YANG ZHI BA SKYE BAR MI 'GYUR RO, ,DE JI LTA JI LTAR BDE BA RNAMS THOB PAR GYUR PA DE LTA DE LTAR 'DI'I SRED PA RNAMS RNAM PAR 'PHEL BAR 'GYUR BA YIN ZHING, DE LTA DE LTAR SRED PA RNAMS GONG DU KHYAD PAR DU 'GYUR RO, ,JI LTA JI LTAR YANG TSIM PA MED PAR GYUR PA DE LTA DE LTAR RNAM PAR NGOMS PA MED PAS KHYAD PAR DU SDUG BSNGAL BAR 'GYUR RO, ,DE SDUG BSNGAL BA LA BDE BAR MNGON PAR NGA RGYAL BA'I 'DOD PA'I ME RNAMS KYIS BSREGS PAR GYUR PAS, PHYIR YANG NAGS DE NYID DU 'JUG PAR BYED PA NA NAGS TSAL GYI NANG NA TSANG TSING GI KHYAD PAR RAB TU MANG PO RNAMS DES MTHONG BAR GYUR PA LA RNAM PAR 'DRES PA'I 'OD ZER KUN NAS 'BAR
, ,BAR GYUR PA RNAMS SO, ,KHA CIG NI, LHA'I, KHA CIG NI, ME TOG GI 'OD KYIS KUN TU GSAL BAR BYED PA STE, KHA DOG RNAMS MNGON PAR MTHONG NAS NYE 'KHOR KUN TU MIG RGYANG BSRINGS PAS DE YUL LNGA'I ME TOG RNAMS KYI NANG DU 'GRO BAR BYED DO, ,'DOD PA'I BDE BA RNAMS KYIS TSIM PA MED PAR SLAR YANG NAGS DE NYID DU 'JUG PAR BYED PA NA, DES NOR BU'I RANG BZHIN GYI GCAL RNAMS DANG, GSER DANG SHEL GYI RANG BZHIN GYI MDOG DANG, DZAMBU CHU BO DANG RNAM PAR BRAL BA'I MDOG DANG, 'JAM PA SHIN TU 'JAM PAR GYUR PA'I MYU GU LNGA 'BYUNG BAR 'GYUR BA'I CHU KLUNG NA RNAM PA SNA TSOGS PA ZAB PA RNAMS MTHONG BAR GYUR TO, ,GZHAN YANG YUL PHYOGS GZHAN DAG RNAMS LA'ANG MTHONG STE, MTSO RAB TU DANG BAR GYUR PA DNGUL GYI RANG BZHIN NYID KYI CHUS YONGS SU GANG BAR GYUR PA RIN PO CHE'I RANG BZHIN GYI GCAL RNAMS LEGS PAR BKRAM PA 'OD ZER RNAMS KYANG RTAG TU 'BYIN PAR GYUR PAS NYE BAR MDZES PAR BYAS PA DE NA NGANG PA DANG K'A RAndA BA DANG TZAKRA B'A KA RNAMS KYIS NYE BAR MDZES PAR BYAS PA DANG, NYE 'KHOR RNAMS NA'ANG PADMA'I RDZING BU RNAMS KYIS NYE BAR MDZES PA, 'GRAM DU SKYES PA'I LJON SHING RNAMS KYIS KYANG NYE 'KHOR RNAMS RAB TU KHYAB PAR GYUR PA'ANG
NAGS KYI GSEB RNAMS RNAM PAR RGYU BAR BYED PA'I RNAM PA SNA TSOGS PA'I RAB KYI PHUL DU PHYIN PA SGRA RNAMS DANG LDAN PA'I BYA RNAMS KYIS NYE BAR MDZES PAR BYAS PAS KYANG MTSO 'DI NI; MDZES PAR GYUR PA YIN NO, ,MDZES PAR GYUR PA DE DAG RNAMS MNGON SUM DU MTHONG BAR GYUR NAS GZHAN YANG RAB TU ZHUGS PAR GYUR PA NA LHA GSAR DU SKYES PAS NAGS DE NA MTHONG BA RNAMS LA AUTPA LA'I TSAL RNAMS LHA'I BUNG BAS NYE BAR MDZES PAR GYUR PA RNAMS DANG, RIN PO CHE BDUN GYI RANG BZHIN GYI SGRO RNAM PAR BKRA BA, CHU LA RNAM PAR SNA TSOGS PA'I BYA RNAMS KYIS BSTEN PAR BYAS PA, LEGS PAR RAB TU BRTZON PA RNAMS KYIS 'DAM DANG NGES PAR BRAL BA'I CHU YAN LAG BDUN GYI YON TAN PHUN SUM TSOGS PA DANG TZAKRA B'A KA'I YON TAN PHUN SUM TSOGS PA DANG TZAKRA B'A KA'I TSOGS RNAMS ZUNG DU GYUR PA RNAMS KYIS YONGS SU GANG BA DANG, NYE 'KHOR NA YANG KLUNG DU SKYES PAR GYUR PA MCHOG TU DRI ZHIM PAR DBYIBS SNA TSOGS RNAMS SU SKYES PA'I 'DAB MA'I SHING GIS NYE BAR MDZES PA STE, DE DAG RNAMS KYIS AUTPA LA'I TSUL 'DI DAG RNAMS MANG POR LHANG NGER GYUR PA YIN NO; ;GZHAN YANG LHA GSAR DU SKYES PA DES NAGS DE NYID DU ZHUGS PAR GYUR PA NA LHA RDZAS KYI BDUD KYIS RAB TU GANG BA'I CHU BO NYE 'KHOR NA LEGS PAR 'BAB PA MTHONG BAR GYUR
, ,TE; GZHAN YANG ZHUGS PAR GYUR PA NA LHA GSAR DU SKYES PAS DE DAG NYID LAS GZHAN PA RNAMS MTHONG BA LA, DE BZHIN DU RNAM PA SNA TSOGS PA'I KHA DOG GI BDUD RTZI DE DAG RNAMS 'DAM GYIS SHIN TU GTZANG BA SGRA SI LI LI SGROG PA'I BTUNG BA'I CHU BO BRGYA PHRAG RNAMS DANG, CI STE NA STONG PHRAG RNAMS KYANG NYE 'KHOR DAG NA RAB TU 'BAB PA DANG, BTUNG BA MYOS PAR 'GYUR BA RNAMS LA KUN TU CHAGS PA'I BYA RNAMS KYIS NYE BAR MDZES PA RNAMS YIN NO, ,GZHAN YANG RAB TU ZHUGS PAR GYUR PA NYID NA LHA GSAR DU SKYES PA DE MA YIN PA RNAMS RAB TU MTHONG BA NI, THANG LA SKYES PAR GYUR PA RNAM PA SNA TSOGS PA GZUGS DANG DBYIBS DANG 'DAB MA DANG SNYING PO DANG DRI DANG KHA DOG RNAMS DANG LDAN PA BUNG BA RNAMS KYIS NYE BAR MDZES PAR BYAS PA'I ME TOG GIS NAGS CHEN PO'I KHYAD PAR DU BRGYAN PA LTA BUR GYUR PA YIN NO, ,NAGS DE DAG NI; RANG BZHIN GYIS KYANG SHIN TU DRI ZHIM PA YIN PA DE DAG RNAMS KYI DRIS PHYIR ZHING SHIN TU LHAG PAR YANG DRI MCHOG TU ZHIM PAR BYED DO, ,GZHAN YANG LHA GSAR DU SKYES PA DE LHAN CIG SPYOD PA RNAMS DANG BCAS PA RNAMS KYIS RAB TU MTHONG BAR GYUR PA DAG LA, NAGS KYI NANG DAG NA MTHON POR GYUR PA RI'I RTZE MO RNAMS RIN PO
CHE SNA TSOGS PA RNAMS KYI 'BYUNG KHUNGS RNAMS KYIS RNAM PAR BKRA BA 'BAB CHU BRGYA STONG PHRAG LEGS PAR 'BYUNG BA RNAMS KYIS SNANG BAR BYED PA DANG LDAN PAS RI'I RTZE MO RNAMS RTAG PAR YANG MDZES PAR GYUR PA DANG SHING GEL BA RNAMS KUN NAS DUNG BAS RNAM PAR GSAL ZHING 'BAR BAR BYED DO, ,KHU BYUG GI SGRA DGA' BAR 'GYUR BA RNAMS DANG, RNA PA SNA TSOGS PA'I RIN PO CHE MCHOG TU 'BAR BA KUN TU SNANG BAR BYED PA'I 'OD ZER DANG LDAN PA'I BYA BRGYA STONG PHRAG DU MA RNAMS BLTA BAR SDUG CING RNAM PAR BRJOD PA'I SGRA MNYAN PAR 'OS PA RNAMS DANG, DE BZHIN DU DRI DANG LDAN PA'I ME TOG BRGYA STONG PHRAG DU MA RNAMS DANG LDAN PA'I RI'I KHROD RNAMS KYIS KYANG JI LTAR DZAMBU'I GLING NA RANG GI 'OD ZER GYI GZI BRJID KYIS NAM MKHA'I DKYIL BRTOL BA BZHIN DU LANGS NAS GNAS PA'I NYI MA DANG ZLA BA 'DI DAG GIS RNAM PAR MDZES PAR BYED PA DE BZHIN DU KUN TU GSAL BAR BYED DE ;'OD ZER RNAMS THAMS CAD KYANG DU MAR RNAM PAR BKRA BA'I 'OD ZER RNAMS YIN PAS 'THAB BRAL BA'I SA RNAMS LAS 'OD ZER GONG DU 'PHEL BA'I KHYAD PAR GYIS PHYIR ZHING NYID DU SHIN TU CHES LHAG PAR GSAL BAR BYED DO, ,RNAM PAR BKRA BA'I 'OD ZER DU MA RNAMS CHA SHAS SU RNAM PAR PHYE BA DE DAG RNAMS KYANG LHA GSAR DU SKYES PA DES
, ,LEGS PAR MTHONG ZHING, RI'I RTZE MO DE DAG RNAMS KYANG LEGS PAR MTHONG NAS PHYIR NYID KYANG LHAN CIG SPYOD PA RNAMS DANG BCAS TE MANG DU RNAM PAR BKRA BA'I NAGS DER 'JUG PAR BYED DO, ,DE NAGS DER JI LTA JI LTAR RAB TU 'JUG PAR BYED PA DE LTA DE LTAR CHES DGA' BAR 'GYUR BA RNAMS MTHONG BAR 'GYUR RO, ,DE NA YANG DE LAS GZHAN PA'I YON TAN GYI TSOGS DU MA RNAMS PHUN SUM TSOGS PA LA SGRA 'PHANG MTHO BAR RUNG BA DANG SNYAN ZHING 'JEM LA 'KHYIM PA DANG MI THON PA LTAR BRGYAL BA LA SOGS PA'I SGRA DBYANGS MANG PO PHUN SUM TSOGS PA RNAMS SO, ,JI LTAR SGRA 'DI DAG RNAMS DANG NYE BAR GYUR CING DES SGRA DE DAG RNAMS THOS PAR GYUR PAS SHIN TU LHAG PAR YID CHES RAB TU DGA' BAR GYUR PAS RINGS PA NYID DU LEGS PAR ZHUGS PA NA LHA'I TSOGS SNGAR MA MTHONG BA RNAMS KYI CA CO'I SGRAS MIG RAB TU RNAM PAR GDANGS NAS DE GANG GI TSE NYE 'KHOR RNAMS SU LEGS PAR ZHUGS PA DE'I TSE NA SHIN TU LHAG PAR GYUR PA'I NAGS TSAL GYI PHRENG BA MDZES PA RNAMS MTHONG BA NI, RAB TU RNAM PAR GYES PA'I BEEd'URYA'I LJON SHING MCHOG TU 'BAR BA RNAMS KYIS NYE BAR MDZES PA DANG, DE BZHIN DU AINDRA N'I LA'I SHING GI TSOGS RNAMS KYIS NYE BAR MDZES PAR BYAS PA
RNAMS KYIS KYANG RI'I TSOGS RNAM PAR MJES PAR BYED PA YIN NO, ,GZHAN YANG LHA DE NYID KYIS LEGS PAR MTHONG BA RNAMS RIN PO CHE BDUN GYIS RNAM PAR BKRA BAR BYAS PA, PADMA'I RDZING BU RNAMS KYIS NYE BAR MDZES PA'I NAGS KYI RGYAL PO RNAM PAR MDZES PA RNAMS SO, ,DE DAG RNAMS THAMS CAD NA'ANG RTAG PAR RGYUN MI 'CHAD PAR KUN TU RTOG PA RNAM PA SNA TSOGS PA'I CHES LHAG PA RNAMS KYI RGYAN DANG CHA BYAD RNAMS DANG LDAN PA, DPE MED PAR GZUGS DANG LANG TSO LA BAB CING RGYAN DANG CHA BYAD RNAMS DANG LDAN PA'I LHA DANG LHA MO'I TSOGS BRGYA STONG GIS YONGS SU GANG BAS RNAM PAR MDZES PA'I TSOGS RNAMS LA LHA RNAMS 'GA' ZHIG NI, KUN NAS GNAS TE MYOS BYED KYI SKYON DANG RNAM PAR BRAL BAR GYUR PA'I LHA RDZAS KYI RO DANG DRI DANG REG BYA'I BDE BA RNAMS SKYED PAR BYED PA'I MYOS BYED DE DAG RNAMS 'THUNG BAR BYED CING RGYAGS PA LA DON GCIG PAR GYUR PA'I LHAN CIG SPYOD PA'I 'KHOR RNAMS DANG BCAS NAS KHA DOG RNAM PA SNA TSOGS PAR GYUR PA'I NAGS KYI PHRENG BA MDZES PA RNAMS LA RTZE DGA' BAR BYED DO, ,TSOGS PA GZHAN RNAMS NYID NI, RNAM PAR 'DRES PA'I 'OD ZER GYIS LEGS PAR GSAL BAR BYAS PA'I NAGS MDZES PA CHA SHAS RNAM PAR BKRA BA RNAMS LA 'TSER BAG DANG LDAN PA'I LUS CAN RNAMS RTZE DGA' BAR BYED DO, ,LHA GZHAN
, ,DAG RNAMS KYANG DE KHO NA BZHIN DU LHAN CIG SPYOD PA RNAMS DANG BCAS PAS RANG DANG GZHAN RNAMS LA'ANG MCHOG TU DGA' BAR 'GYUR BA'I LJON SHING GIS RAB TU GANG BA'I NAGS KYI PHRENG BA MDZES PA RNAMS LA ROL MO'I CHA BYAD RNAMS DANG GAR DANG RNGA SGRA DANG BCAS PA'I LHA RDZAS KYI 'DOD PA'I YON TAN LNGA RNAMS KYI LHA RDZAS RNAMS DANG NYE BAR LDAN NO, ,DE BZHIN DU RIN PO CHE BDUN GYIS RANG BZHIN GYI LJON SHING GZHAN DAG RNAMS KYI TSANG TSING RNAMS DANG, BAR RNAMS SU SONG BAR GYUR NAS DE KHO NA BZHIN DU DGA' BAR BYED DE, RDA SKAD YAN LAG LNGA DANG LDAN PA RNAMS KYIS DE DAG RNAMS LA YID SONG BA DE DAG RNAMS LA RJES SU CHAGS SHING RJES SU 'GRO BA DPE MED PA'I LHA RDZAS KYI BDE BA RNAMS LA KUN NAS CHAGS PAR GYUR PA LHAN CIG RGYU BAR BYED PA'I 'KHOR RNAMS DANG BCAS PAS RNGA SKAD YAN LAG LNGA DANG LDAN PA GLU DANG SBRUGS PA'I ROL MO LA YID KUN NAS CHAGS PAR GYUR PA, BDE BAS SNYING KUN TU GANG BA NYID KYIS RTZE DGA' BAR BYED PAS KYANG TSIM PA MED PA'I 'BRAS BU'I SRED PA RNAMS LA RNAM PAR CHAGS PA'I YID CAN RNAMS MTHUN PAS SNYING KUN TU RGYAS PAR RTZE DGA' BAR BYED PA'I 'DOD PA RNAMS NYID KYIS KYANG NGOMS PA MED PA, SRED PAS RNAM PAR 'CHEL
BA'I YID CAN RNAMS SGO LNGA LA RAB TU RTEN PAR BYED PA GANG YIN PA'I 'DOD PA'I CHU BO RNAMS SU NUB PA YIN NO, ,DE BZHIN DU PADMA'I NAGS GZHAN RNAMS LA LHAN CIG TU SKYES PAR GYUR PA'I PADMA'I 'DAB MA'I LDEBS RNAMS SU LEGS PAR GNAS PAR BYAS NAS MYOS BYED 'THUNG BAR BYED DE, 'ON KYANG MYOS BYED KYI NYES PA RNAMS KYIS KYANG KUN TU GOS PAR NI MI 'GYUR RO, ,DRI ZHIM PO DANG REG BYA DANG KHA DOG RNAMS DPE MED PAR GYUR PA'I BTUNG BA DE DAG RNAMS KYIS YID LEGS PAR CHAGS PAS BSGOS PA YIN NO, ,YANG GZHAN DAG RNAMS NI, SNA TSOGS PA'I 'BAB CHU RNAMS KYI NGOS GNYIS SU LHA DE DAG RNAMS PHAN TSUN DU GROGS SU GYUR PAS DPE MED PA'I LHA RDZAS KYI BDE BA RNAM PA DU MA RNAMS LA NYE BAR LONGS SPYOD PAR BYED DO, ,GZHAN YANG LHA GSAR DU SKYES PA DES MTHONG BAR GYUR PA RNAMS LA GSER DANG BEE d'URYA'I RANG BZHIN RNAMS LA NOR BU'I STEGS BU RNAMS SU DANG, KHANG BU'I PHRENG BA RNAMS LA DGA' BAR BYED DO, ,DGA' BAR BYED PA'ANG PHAN TSUN DU GROGS SU GYUR PA STE, 'DOD PA RNAMS LA DON GCIG PA LEGS PAR BYAS PA'I LAS RNAMS KYIS DMAN PA DANG, BAR MA DANG, KHYAD PAR DU 'PHAGS PAR GYUR PA'I GZUGS DANG LANG TSO DANG BDE BA RNAMS LA LAS RNAMS DBANG POR GYUR PAS MCHOG TU
, ,LEGS PAR ZHUGS PA RNAMS KHYAD PAR MTSUNGS PA MED PA'I YAN LAG LNGA PA'I BDE BA RNAMS KYIS NYE BAR 'TSO BAR BYED DO, ,DE NAS LHA DES SNGAR MTHONG MA MYONG PA'I RNAM PA DU MAR DGA' BAR GYUR PA DE DAG RNAMS NI, SNGAR BZHIN NO, ,YANG LHA DE NYE 'KHOR RNAMS NA RTZE BAR GYUR PA LAS MI MNYAM PA'I BDE BA PHUN SUM TSOGS PA RNAMS DANG LDAN PA'I LHA RNAMS GANG YIN PA DE'I TSOGS DER RAB TU DGA' BAR GYUR PA'I YID KYIS LHAN CIG SPYOD PA RNAMS DANG BCAS PA MYUR BAR 'GRO BAR BYED DO, , LHA RNAMS KYIS KYANG PHUL DU BYUNG BA'I RGYAN DANG CHA LUGS DANG GZUGS PHUN SUM TSOGS PAR GYUR PA'I SNGA NA MA MTHONG BA DE LA NGO MTSAR BAR GYUR PAS MIG SHIN TU KHYAD PAR DU HAR HAR POR BYED DO, ,LHA DE'ANG LHA DE DAG RNAMS LA NYE BAR BRTEN NAS YID CHES RAB TU DGA' BAR 'GYUR RO, ,DE DAG RNAMS KYIS KYANG PHAN TSUN DU NYE BAR RTEN PAR BYED DE, PHAN TSUN DU NGES PAR GNON PA MED PAR NYE BAR 'GRO BA'I YID DANG, LHAN CIG RJES SU SPYOD PA DANG BCAS PA RNAMS KYANG RJES SU CHAGS PAR GYUR PA'I YID KYIS RNAM PAR MDZES PA'I NAGS KYI RGYAL PO RNAMS NAS RNAM PAR MDZES PA'I NAGS KYI RGYAL PO RNAMS DANG, NAGS LAS NAGS RNAMS SU DANG, GSER GYI RANG BZHIN GYI
RI DANG, RI BO'I RTZE MO RNAMS LA RI BO'I RTZE MO RNAMS SU DANG, PADMA'I TSAL RNAMS NAS PADMA'I TSAL RNAMS SU DANG, ZAS KYI CHU BO RNAMS NAS ZAS KYI CHU BO RNAMS LA DANG, DE BZHIN DU 'BAB CHU RNAMS NAS 'BAB CHU RNAMS LA CHU BO DAG TU'ANG KUN NAS NYE BAR 'GRO BAR BYED DE, GZHAN YANG 'DRA BA MA YIN PA RNAMS DPE RNAMS KYIS JI LTA BA BZHIN DU BRJOD PAR SLA BA'ANG MA YIN NO, ,DE LTAR LHA'I TSOGS DE DAG RNAMS THAMS CAD KYANG DGA' RANGS PAR BYED DO, ,DE LTAR DE DAG TU DUS SHIN TU RING BAR RTZES PAR GYUR NAS GANG NA THAMS CAD KYI SNYING PO ZHES BYA BA'I RI YOD PA DER KUN YANG NYE BAR 'GRO BAR BYED DO, ,RI DE'ANG RI THAMS CAD NAS GSER GYI KHAMS DANG LDAN PA 'BAB CHU DANG PADMA'I TSAL DANG KHRUS KYI RDZING BU RNAM PA DU MA RNAMS PHUN SUM TSOGS PA NAGS DANG NYE BA'I NAGS RNAMS DANG LHA DANG LHA MO'I TSOGS RNAMS KYIS YONGS SU BSKOR NAS RTAG TU'ANG ROL MO DANG RNGA SGRA DANG GLU RNAMS KUN BRJOD PA'I SGRA SGROG PA DANG THAMS CAD LAS KYANG YID MNGON PAR DGA' BA'I RI LA CHU KLUNG BRGYA STONG PHRAG DU MA RNAMS KYIS YONGS SU GANG BA, KHANG PA'I PHRENG BA BRGYA STONG PHRAG DU MA RNAMS KYIS MNGON PAR DGA' BA DANG, NYE 'KHOR KUN NAS YANG PADMA'I TSAL RNAMS DANG LEGS PAR LDAN PA DANG 'JUG NGOGS BRGYA STONG GIS BRGYAN PA, RAB
, ,TU GSAL BAR BYED PA'I LJON SHING RNAMS BZHIN DU NYE 'KHOR RNAMS NA DPAG BSAM GYI LJON SHIN RNAMS KYIS NYE BAR MDZES PA BSKYED PA RNAMS KYANG DE LTA BU'I RNAM PA 'DI DAG RNAMS MTHONG NA DGA' BAR 'GYUR BA DANG, NYE 'KHOR RNAMS NA'ANG LHA RNAMS KYIS MTHONG NA SHIN TU NGO MTSAR BSKYE BA'I NAGS DANG, NYE BA'I NAGS RNAMS PHUN SUM TSOGS PA YIN NO, ,DE'I NGOS GCIG NI, BEE d'URYA'I RANG BZHIN NO, ,GZHAN GCIG NI, GSER GYI RANG BZHIN NO, ,GZHAN GCIG NI, AINDRA N'I LA'I RANG BZHIN NO, ,GZHAN GCIG NI, N'I LA CHEN PO'I RANG BZHIN NO, ,RIN PO CHE'I RANG BZHIN GYI LOGS CHA SHAS LEGS PAR RNAM PAR PHYE BA'I RI'I MCHOG DE'I NYE 'KHOR RNAMS NA CHEN PO RNAMS LA 'OS PAR GYUR PA'I BANG RIM RNAMS DANG RI'I PHUG DANG SMAN LJONGS DANG NAGS KYI PHRENG BA PHUN SUM TSOGS PA RNAMS LA REG PAR BYA BA'I DON DU DANG RTZED MO LA RNAM PAR RGYU BAS DANG DE KHO NAR DGA' BAR BYA BA'I CHED DU KUN NAS 'JOG PAR BYED DE, LAN BRGYA PHRAG DANG, CI STE NA STONG PHRAG TU'ANG PHYI BZHIN RJES SU SBYOD PA'I 'KHOR DANG BCAS PAS LHA RDZAS KYI RNGA SKAD YAN LAG LNGA DANG LDAN PA RAB TU CHAGS PA MTSUNGS PA DANG RJES SU CHAGS PAR BYED PA DANG SNYAN PA DANG RNAM PA DU MA RNAMS YANG DAG PAR LDAN PAS
DGA' BAR BYED CING RTZE BAR YANG BYED DE, PHAL CHE BA'I 'DUS PA RNAMS NAGS DANG NYE BA'I NAGS RNAMS DANG KHRUS KYI RDZING BU DANG 'BAB CHU RNAMS SU'O, ,DE NAS LHA DE DAG RNAMS JI LTA JI LTAR MNGON PAR 'DZEG PAR BYED PA DE LTA DE LTAR CHES DGA' BAR RNAMS MTHONG BAR 'GYUR TE, THAMS CAD LAS KYANG 'DOD PA THAMS CAD KYI BDAG NYID KYI LHA RDZAS KYI SHING BRGYA STONG GIS NYE BAR MDZES PAR GYUR PA, 'OD ZER RNAMS MCHOG TU 'BAR BA'I RIN PO CHE'I RANG BZHIN GYIS 'OD ZER DANG LDAN PA'I PADMA'I TSAL RNAMS MCHOG TU 'BAR BA DANG, PADMA'I TSAL GYI PHRENG BAS NYE BAR MDZES PAR GYUR PA RNAMS YIN NO, ,SNGAR JI SKAD DU BSHAD PA DE DAG RNAMS BZHIN DU LHA DE DAG RNAMS RTZE BAR DGA' BA DANG GAR DANG GLU LAN PAR BYED DO, ,GLU LEN PAR BYED PA DANG GAR BYED PAR GYUR PAS KYANG DAL GYI DAL GYIS RI DE LA KUN NAS BGROD PAR BYED DE, PHAN TSUN DU GROGS SU GYUR PA DANG RANG GIS BYAS PA'I LAS RNAMS GROGS SU GYUR PA DE'I LAM NAS 'GRO BAR BYED PA DANG, DES LEGS PAR BYAS PA'I LAS RNAMS KYIS RANG NYID 'OD DANG LDAN PA DANG, SHA DANG RUS PA DANG CHU SER RNAMS NGES PAR MED PA DANG PHAN TSUN DU GNOD PA MED PAR ZAS KYI KLUNG RNAMS LA DANG, BTUNG BA'I KLUNG RNAMS LA DANG, BDUD RTZI'I KLUNG LA'ANG RANG GIS
, ,BYAS PA RNAMS DANG CHA 'DRA BAR MDOG DANG RO DANG DRI DANG REG BYA PHUN SUM TSOGS PA RNAMS SNOD BZANG PO PHUN SUM TSOGS PA RNAMS KYIS 'OS SU GYUR PA RNAMS LA NYE BAR LONGS SPYOD PAR BYED CING YUL LNGA RNAM PAR CHAGS PAR GYUR PA'I YID CAN RNAMS YIN TE, PHAN TSUN RNAMS KYIS KYANG KU NAS CHAGS PA KYED PAR BYED PA DANG, YID KYANG DE LA SONG BAR GYUR PA DANG, RTAG PAR RGYUN TU'ANG BZHIN RAB TU DANG BAR GYUR PAS KYANG RTZE DGA' BAR BYED DO, ,'DOD PA RNAMS THAMS CAD RTAG TU'ANG PHUN SUM TSOGS PAR GYUR PA, SNGA NA MED PA RNAMS DANG MNYAM PA MED PA RNAMS DANG RNAM PA DU MA RNAMS KYI BDE BA RNAMS KYIS NYE BAR 'BAD PAR BYED DO, ,RI DE LA KUN TU 'DZEG PAR GYUR PA DE DAG RNAMS NI, SHIN TU NGO MTSAR BAR GYUR PA'I DGA' BA RGYA CHEN PO RNAMS KYIS DE DAG RNAMS YONGS SU RGYAS PAR GYUR PA NA LUS KYI KHYAD PAR RNAMS MTHONG BAR GYUR PA'I LHA'I TSOGS RAB TU CHAGS SHING BDE BAR GYUR PA RNAMS KYIS NYE 'KHOR RNAMS KUN NA'ANG MTSUNGS PA MED PA RNAMS MTHONG BAR GYUR PA'I RI PO'I MCHOG DE'I RGYAB DE DAG RNAMS SU KUN NAS GNAS PAR GYUR NAS RTZED MO'I RI BO ZHES BYA BA'I RI DE'ANG SHIN TU YANG DGA' BAR GYUR PA YIN TE, RIN PO CHE'I RANG BZHIN
RNAM PA DU MA SNA TSOGS PA'I RTZED MO'I RI LA MTHONG BA RNAMS NI, LJON SHING DANG CHU KLUNG DANG PADMA'I TSAL DANG AUTPA LA'I TSAL RNAMS KYIS KUN TU GANG BA YIN NO, ,DE'I RGYAB NA DPAL RNAMS KUN GYIS YONGS SU GANG BAR GNAS PA YID LA 'DOD PA RNAMS THAMS CAD PHUN SUM TSOGS PA YIN TE, DER GANG DANG GANG KHO NA SEMS PAR BYED PA DE DANG DE DAG RNAMS NYID PHUN SUM TSOGS PAR 'GYUR TE, RNAM PA DU MAR 'DOD PA DGA' BA YID DU 'ONG BA DANG GZAN RNAMS DANG THUN MONG MA YIN PA RNAMS 'BYUNG BA YIN NO, ,YID KYI RJES SU MTHUN PA RNAMS KYANG RNAM PA DU MA NYE BAR GNAS SO, ,YON TAN LHAG MA RNAMS NYID NI, BRJOD ZIN TO, ,BDE BA LA LHA RNAMS DUS SHIN TU RING DU RTZE BAR BYED DO, ,DE LTAR DE DAG RNAMS RTZE BAR GYUR CING DGA' BAR YANG GYUR LA RI DE DAG RNAMS KYANG SO SO DANG SO SOR KUN TU LTA BAR BYED PA NA, GAL TE NAM ZHIG NA 'KHRI SHING LEGS PAR 'KHRIL BA RNAMS KYIS KUN NAS G-YENGS PAR GYUR PA, RIN PO CHE RNAMS KYI RANG BZHIN GYI 'OD ZER GYIS KUN NAS GSAL BAR BYED PA'I RI LEGS PAR LANGS PA RNAMS KYIS NYE 'KHOR RNAMS KUN NAS YONGS SU BSKOR BA, SA GZHI RNAMS RIN PO CHE BDUN GYI RANG BZHIN GYI RAB KYI PHUL DU GYUR PA ZHI BAR GYUR PA'I BYA RNAMS KYI BRJOD PA'I KHYAD PAR CHES DGA' BAR
, ,'GYUR BA'I SGRA RNAMS DANG LDAN PA, RAB TU ZHI BA'I MCHOG TU GYUR PA'I PHUG RNAMS KYIS KYANG NYE BAR 'KHOR BA RNAMS NAS YONGS SU BSKOR BAR GYUR PA'I MTSO RAB TU ZHI BA'I SPYOD PAS RGYU BA RNAMS KYI GNAS ZHES BYA BA'I RI'I KHROD NA GNAS PA YIN NO, ,MTSO DER YANG GANG DAG GIS RAB TU ZHING SKYE BA GZHAN DU SPYOD PAR GYUR PA DANG, 'ON KYANG TSUL KHRIMS RNAMS YO LA'ANG SPYAD PA MA YIN PA DANG, SNYING LA CHOS LEGS PAR 'DZIN PAR BYED PA'I BDAG NYID CAN NI, YIN PA DANG, KHRO BAR GYUR PA DANG, JI SKAD SMRAS PA DE LTAR MI BYED PA DANG GAR MKHAN DANG CHOS MTSUNGS PAR GYUR PA'I CHOS SMRA BA DE DAG RNAMS DMYAL BA DANG YI DVAGS RNAMS NAS DKA' BAS SHI 'PHOS PA RNAMS YIN NO; ;GAL TE ZHIG DE DAG RNAMS LAN GRANGS GZHAN LA MYONG BAR GYUR PA'I LAS KYI RGYAS BCUS PA'I SRED PAS MTSO DER SKYE BAR 'GYUR LA RAB TU ZHI BA SKYE BA GZHAN DANG GZHAN LA SPYAD PA'I DBANG GIS MTSO DE'I YANG NGANG PA RNAMS SU PHAL CHER SKYE BAR 'GYUR TE, BYA DE DAG RNAMS NI, RIN PO CHE BDUN GYI RANG BZHIN GYI SGRO DAG DANG LDAN PAR 'GYUR BA DANG, SKYE BA NYID KYI MTHU STOBS KYIS SGRA SNYAN PAR 'GYUR BA DANG, LHA RDZAS KYI PADMA'I ZAS DANG LDAN PAR LHAN CIG SPYOD PA RNAMS DANG BCAS PA
RTZE DGA' BAR YANG BYED DO, ,NGANG PA'I RGYAL PO BYANG CHUB SEMS DPA' DUS BZANG ZHES BYA BA'ANG PHAL CHER MTSO DE NA GNAS TE, PHUG DE DAG NA 'THAB BRAL BA RNAMS KYI BDAG PO MU SU LANDHA DANG CHOS DANG LDAN PA'I GTAM BYED DO, ,BYA'I TSOGS DE DAG RNAMS CHOS KYI GTAM DE DAG NYAN PAR BYED DO, ,DE NAS LHA DE DAG RNAMS RTZE DGA' ZHING DGA' MGUR SPYOD PAR BYED PA LAS GAL TE SHED NA TSOMS GNYIS SU 'GYUR TE, GANG DAG LEGS PAR BYAS PA'I LAS RNAMS KYIS BSKUL BAR GYUR CING SKYE BA GZHAN LA'ANG LEGS PAR BYAS PA RNAMS SPYAD PA DE RNAMS NI, GANG NA MTSO DE YOD PAR GYUR PA DER 'GRO BAR BYED DO, ,GANG DAG GIS MA SPYAD PA DE DAG RNAMS NI, GANG NA BAG MED PA RNAMS SPYOD PA ZHES BYA BA'I NAGS DER SONG NAS RTZE DGA' BAR GNAS PAR 'GYUR RO, ,JI LTAR SKYE BA GZHAN RNAMS SU RAB TU ZHI BA SPYAD PA DE DAG RNAMS NI, MTSO'I GNAS SU SONG BAR GYUR NAS DE DAG RNAMS DANG KUN NAS 'DRE BAR GYUR PA NYID NA KUN BRJOD PA DANG LDAN PA ZHES BYA BA'I NGANG PA DE DAG GIS TSIGS SU BCAD PA RNAMS BRJOD PA JI LTAR, GANG GIS JI SKAD SMRAS PA'I MIS; ;DE TSE DE LTAR MI BYED PA, ,DE NI RMONGS PA STONG PA SMRA, ,SDUG BSNGAL RNAMS NI MTHAR BYED MIN, ,GANG ZHIG GZHAN LA CHOS SMRA ZHING, ,CHOS LA YANG NI MI 'JUG PA, ,TSIG
, ,GI SNYING PO'I SKYES BU DE, ,RTAG TU SEMS NI STONG PAR 'DOD, ,BAG MED LAS NI 'DOD CHAGS SKYE, ,'DOD CHAGS KYIS NI ZHE SDANG SGRUB, ,DANG PO SKYON DE DANG LDAN PAS, ,DMYAL BA'I RJES SU NYE BAR RGYUG ,'DAS PA'I BDE BA GANG YIN DER, ,DE LA KHYOD NI KUN 'JUG MIN, ,MA 'ONGS PA YI BDE GANG YANG, ,DES NI DE LTAR BDE BA MIN; ;DUS GCIG LA NI BAG MED GANG, ,KUN RMONGS LONGS SPYOD LA 'CHUMS PA, ,RANG GI LAS KYIS BSLUS PA YIS, ,LHA DE DMYAL BAR 'GRO BA YIN, ,SRED PAS DUS GSUM SLU BYED CING, ,RTAG TU MTHUN PAR MI BYED PAS, ,BLO LDAN DE LA YI DAM RTON, ,DE NI 'KHOR BA'I 'CHING BA YIN, ,DGRA NI GNYEN BZHIN BYIS PAS MTHONG, ,DGRA BZHIN DU YANG GCOD PAR BYED, ,SHES LDAN DE LA YID MA RTON, ,DE NI 'JIG RTEN 'CHING BA YIN, ,LCAGS DANG SHING GI 'CHING BA NI, ,GCAD PAR NUS PA DE BZHIN DU, , RTAG TU 'DOD PA LA ZHEN PA'I, ,SRED PA'I 'CHING BA GCAD MI NUS, ,BDE BA ZAD MED 'DOD PA GANG, ,GANG ZHIG 'CHING BA GZHIG 'DOD 'DI, ,DE NI SRED PA'I YUL LAS GROL, , SHES RAB YUL DU 'GRO BA YIN, ,YE SHES SNANG BA'I BDE BA'I 'OD, ,SDUG BSNGAL SRED PA'I MUN PAR BRJOD, ,DE PHYIR SNANG BA LA GNOS LA, ,MKHAS PAS MUN PA RJES SU
SOL; ;SHES RAB MTSON CHA RNON PO YIS, ,SRED PA'I SHING GCOD DE BZHIN DU, ,RTZAD NAS SHING GCOD SKYES BUS NI, ,BDE BA BLA NA MED PA 'THOB, ,RTAG TU 'BAB CHU'I KLUNG GANG PA'I SKYON GYI NAGS NI GCAD PAR GYIS, ,SKYON GYI NAGS DE BCAD PA LAS, ,MKHAS PAS SRED PA LAS GROL 'GYUR, ,SRED PA'I CHU BO LAM GSUM 'GRO, ,BAG MED SPYOD PAS RGAL BAR DKA'; ;SHES RAB GRU LA BRTEN NAS KUN, ,SKYON GYI PHA ROL 'GRO BAR 'GYUR, ,SHES RAB RI YI RTZER SONG NAS, ,TSUL KHRIMS PHUG NI MDZES PA LAS, ,SRID PA'I SKYON NI 'DI DAG KUN; ;GZHAL DU MED PA'I MIG GIS MTHONG, ,SKYES BU CHOS SPANGS PA DE NI, ,PHYI DANG NANG YANG STONG PA YIN, ,GANG DAG CHOS NI MI 'DOD PA, ,DBU BA BZHIN DU SNYING PO MED, ,PHYI DANG NANG YANG SNYING PO DE, ,SKYES BU RDO RJE LTAR BRTAN PA, ,GANG DAG ZHI BA'I CHOS SPYOD PA, ,SEMS CAN GZHAN LA PHAN PA YIN, ,BAG MED 'DAM DU BYING BA YI, ,MI GANG YUL LA SPYOD PA NI, ,RMONGS PA DE NI SRIN BUS ZOS, ,BDE BA MCHOG GI SKAL LDAN MIN, ,DE PHYIR BDE DON GNYER SKYES BUS, ,BAG MED RJES SU BSTEN MI BYA, ,BAG MED 'JIGS PA DANG BRAL BAR, ,GNAS PA'I BDE BA DPAG TU MED, ,DPYOD PA POS NI BAG MED LA, ,RJES SU YID BRTAN MA BYED CIG ,NGES BLTAS PA YI MI RNAMS NI, ,'GRO BA
, ,LNGAR NI 'KHOR BA YIN, ,DE LTAR DE DAG GIS LHA DE DAG RNAMS SU RJES SU GDAMS PAR BYED PA'I TSIGS SU BCAD PA RNAMS KYIS RJES SU 'DOMS PAR BYED DO; ;DE LTAR RTOGS PAR BYED PAR GYUR NA'ANG KUN TU RIG PA'ANG MA YIN TE, DE DAG 'DOD PA'I BDE BA RNAMS KYIS KUN TU MI RTOGS SO, ,DE DAG RNAMS KYIS DE DAG RNAMS LA RTZIS BGRANG MA BYAS PAS PHYIR YANG DE KHO NA LTA DGAR BYED PAR GYUR CING 'DOD PA'I DGA' BA RNAMS LA RNAM PAR CHAGS PAR GYUR TO, ,DE NAS BLO RTAG TU MNYAM PAR BZHAG PA SEMS CAN RNAMS THAMS CAD LA GCIG TU PHAN PA BYED PA, PHAN PA BYED PA GCIG BU LA BLO MNYAM PAR BZHAG PA'I BYANG CHUB SEMS DPA' DUS BZANG DE DANG PA DE DAG GI NANG DU SONG BAR GYUR TO, ,DE GAL TE NA SKAL PA MTHUN PAR GYUR PA NYID KYI PHYIR BYA DE DAG GI DBUS SU DGA' BAR BYED DO, ,GAL TE NA PHUG BZANG PO DER RANG NYID GCIG PU ZHIG BLO LEGS PAR MNYAM PAR BZHAG PAS CHOS SEMS PAR BYED DO, ,DE LTAR BYA'I RGYAL PO DUS BZANG 'DI RTZE DGA' BAR BYED PA NYID DANG LHAN CIG RJES SU SONG BA'I NGANG PA GZHAN RNAMS CHOS KYI GTAM RNAMS KYANG BYED DO, ,BYA'I TSOGS DE DAG RNAMS KYI NANG DU 'ONGS PAR GYUR PA'I LHA DE
DAG RNAMS RAB TU DGA' BA'I YID KYIS PHAN TSUN GROGS SU GYUR PAS DGA' BAR BYA 'DOD NAS 'ONGS PA RNAMS KYIS MTSO DE MNGON PAR MTHONG BAR GYUR PA NA THAMS CAD LAS KYANG MNGON PAR DGA' BAR GYUR PA MCHOG TU YANG MIG DANG YID 'PHROG PAR BYED PA KUN NAS 'PHEL BAR BYED PA'I LJON SHING DANG 'BRAS BU RNAMS KYIS NYE BAR MDZES PAR GYUR PA STE, DE DAG RNAMS MNGON PAR MTHONG NAS LHA DE DAG RAB TU DGA' BAR GYUR PA'I YID KYIS NYE 'KHOR DE DAG RNAMS KYANG LHAN CIG RJES SU SBYOD PA'I 'KHOR DANG BCAS PAS YONGS SU BZUNG ZHING GAR DANG GLU DANG RGOD PA DANG 'GYING BAG GI BYA BA RNAMS BCU 'GYUR LAS KYANG LHAG PAR BYED PAR RTZOM MO, ,DE LTAR MTSO DE LHA DE DAG RNAMS DGA' BAR BYED CING RTZE BAR YANG BYED DO, ,DE NAS DE DAG RNAMS KUN TU MTHONG NAS BYANG CHUB SEMS DPA' MCHOG TU YONGS SU SMIN PA'I BLO DANG LDAN PA DES TSIGS SU BCAD PA 'DI DAG 'CHANG BAR BYED PA JI LTAR, BAG MED PA NI BAG YOD PAS, ,GANG TSE MKHAS PAS SPANG BAR GYIS, ,SHES RAB KHANG BZANG RTZER BYUNG BA, ,BDE LEGS THOB PA BLA NA MED, ,GANG ZHIG BAG MED RNAMS SPONG BA'I, ,LAM 'DI DAG NI ZHI BA MCHOG ,LAM 'DI YIS NI MYA NGAN 'DAS, ,CHEN POR MKHAS PAR 'GRO BA YIN, ,LAM GYI GEGS NI MI BZAD PA, ,SEMS
, ,RGYUD SUN 'BYIN BYED PA PO, ,CHOS KYI ZAM RNAMS GCOD PA NI, ,BAG MED PAR NI YONGS SU BSGRAGS, ,DRAN PA SUN 'BYIN MA BGRUNGS PA, ,THAR PA'I LAM NI 'JIG PA PO, ,PHA ROL NGAN SONG RNAMS SU KHRID, ,BAG MED PAS NI KUN TU 'JUG 'DI YIS YID DKRUGS PA YIS NI, ,BDAG GIS PHAN PA MI SHES SO, ,SHI BA YI NI RO BZHIN DU, ,TSIG MIN DON YANG RIG PA MIN, ,DE PHYIR 'DI NI PHYUGS MTSUNGS PA'I, ,LHA YI LUS NI 'DZIN PA YIN, ,BAG MED PAS NI NYER BCOM PA'I, ,RMONGS PA GAR DANG RGOD PA YANG, ,SKYE DANG 'CHI 'PHO BA GZHAN GYIS, ,'JIG 'GYUR BA DANG DNGANGS PAR BYED, ,GANG ZHIG BAG MED RJES SU RGYUG ,SRID GSUM 'BYUNG PO THAMS CAD RNAMS,, SKYON RNAMS THAMS CAD SKYED BYED PA, ,'CHING DANG SDIG PA'I LAS RNAMS DANG, ,CHOS KUN DRAN PA NYAMS BYED PAR, ,BAG MED DGRA NI RAB TU 'JUG, NANG GI BDAG NYID LAS RNAMS DANG, ,PHYI ROL JI LTAR YANG MIN TE, ,BAG MED NYER BCOM SKYE BO RNAMS, ,CHUD ZOS YID NI SKYED PAR BYED, ,GANG YANG 'DI YI SUS 'DON LAS, ,DE NI BAG MED PAS 'GOGS SO, ,KHRIMS BRAL NGO TSA MED PA YI, ,MIG NI BAG MED PAS NYER BCOM, ,RTZED MO YIS NI YID BREL BAS, ,GAR ROL GLU SNYAN PA YIS G-YENGS,
LHA RDZAS YUL GYIS NGOMS PA MED, ,MTHO RIS GNAS NAS NYAMS PAR 'GYUR, ,'JIGS PA'I GNAS LA DGA' BA DE, ,BAG MED PAS NI RNAM RMONGS SO, ,LAM LA LAM DU MI RI BA'I, , MI NI DMUS LONG DANG MTSUNGS SO, ,DE LTAR GZHAN LA PHAN PA BYED PA'I DUS BZAD DES LHA DE DAG RNAMS MNGON PAR MTHONG NAS KUN NAS BRJOD PA DANG LDAN PA'I BYA DE DAG RNAMS KYI DBUS SU SONG ZHING MCHOG TU MIG DANG YID 'PHROG PAR BYED PA'I NGANG PA DE DAG RNAMS KYI NANG DU PHYIN PAR GYUR NAS KYANG RJES SU 'DOMS PAR BYED PA'I TSIGS SU BCAD PA 'DI RNAMS JI LTA BAR BRJOD KYANG 'GAGS PA'I YID BZHIN DU LHA DE DAG RNAMS KYIS THOS PAR YANG MI 'GYUR RO, ,DE LTAR RTZIS BGRANG YANG MI BYED PAR GAR DANG RGOD PA DANG BCAS NAS RNGA SKAD KYI YAN LAG LNGA DANG LDAN PA MTSUNGS PA DANG SNYAN PA DANG THAMS CAD KYI SEMS PA DANG YID 'PHROG PAR BYED PA RNAMS KYIS KUN NAS 'KHRID PAR 'GYUR TE, YUL GZHAN LNGA PO RNAMS LA'ANG YID SHIN TU RNAM PAR CHAGS PA'I PHYIR NA THOS PAR MI 'GYUR RO, ,DE LTAR YANG MTSO DE KUN TU BSKOR NAS GNAS PAR BYED DO, ,DE KHO NA BZHIN DU YUL RNAMS LA RNAM PAR CHAGS PA'I YID CAN RNAMS BAG MED PAR GNAS PA'I 'THAB BRAL BA'I LHA RNAMS LA CHOS STON PAR BYED PA NI, DGE BA CHEN PO RNAMS DANG LDAN PA'I SEMS CAN
, ,GSUM PO 'DI DAG RNAMS YIN PAS NA, 'DI LTA STE, MU SU LUNDHA DE DANG, NGANG PA'I RGYAL PO DUS BZANG DANG, RMA BYA'I RGYAL PO RNAM PAR BKRA BA GSUM PO DE RNAMS NI; GZHAN RJES SU 'DZIN PA LA RAB TU ZHUGS PAS CHOS STON PAR BYED PA YIN TE, KHA CIG NI, RANG SANGS RGYAS KYI BYANG CHUB LA, KHA CIG NI, NYAN THOS KYI BYANG CHUB LA RAB TU 'GOD PAR BYED PA YIN NO, ,DE LTAR NGES PAR GNAS PA RNAMS NI, DE DAG DGE LEGS DANG LDAN PA RNAMS YIN TE, BDUD KYI YUL LAS BROS PAR 'DOD PA RNAMS YIN NO, ,DE NAS BDUD SDIG CAN DE NYID 'DI SNYAM DU SEMS TE, JI LTAR BDAG GNAS PA'I YUL STONGS PAR BYED PA RNAMS NI, MI'I 'JIG RTEN NA DGE SBYONG GIS SO, ,RGYAL CHEN RIS BZHI NI, RGYAL PO BZHI YIN NO, ,SUM CU RTZA GSUM NA NI, KOO SHI KA YIN NO, ,MTSE MA NA NI, MU SU LUNDHA DANG, DUS BZANG DANG, RNAM PAR BKRA BA RNAMS YIN NO, ,DGA' LDAN NA NI, RAB TU ZHI BA YIN NO; ;LHAN CIG SPYOD PA'I 'KHOR DE DAG RNAMS GANG YIN PA THAMS CAD KYIS KYANG THOS PAR MI 'GYUR BA YUL RNAMS DANG BDAG GI LHA DANG MI RNAMS KYANG GTI MUG GIS RMONGS PAR BYA'O, ,'PHRUL DGA' BA ZHES BYA BA GANG YIN PA RNAMS NI MA GTOGS PA RNAMS KYIS MI THOS PAR BYA'O, ,BDAG GI SA'I SHIN TU STOBS DANG LDAN PA DES KYANG
BDAG GIS PHYIR BZLOG PA'I BKOD PA BYA BA NUS KYI, THA MAR GYUR NA'ANG NGAS GANG NA 'THAB BRAL BA'I LHA RNAMS YOD PA DER SHES RAB DANG PHA ROL GNON PAS MTSUNGS PAR GYUR PA'I 'KHOR BTZAL LA GTANG BAR BYA'O, ,DE NAS DE LTAR BDUD SDIG CAN DES RIG NAS BLON PO DANG LHAN CIG TU BGROS NAS MU SU LUNDHA DE DANG, DUS BZANG DE DANG, RNAM PAR BKRA BA DE DANG YANG BRTZAD PAR BYA BA'I DON DU PHO NYA BTANG BA RNAMS BLO GROS MKHAS PA DANG, SPRUL PA LA MKHAS PA DANG, GZI BRJID CHE BA RNAMS 'DI LTA STE, DGA' BA DANG BAG MED PA DANG RNAM PAR RMONGS PAR BYED PA RNAMS SO, ,KYE KHYED RNAMS MTSE MA'I LHA RNAMS KYI NANG DU SONG LA MU SU LUNDHA DANG, DUS BZANG DANG, RNAM PAR BKRA BA RNAMS CHOS STON PA'I BAR CHAD GYIS SHIG, DE NAS DE'I TSIG THOS PAR GYUR NAS GANG NA 'THAB BRAL BA'I LHA'I RIGS YOD PA DER NGES PAR BABS PAR 'GYUR RO, ,ZHUGS PAR GYUR NAS KYANG GANG NA BYA'I RGYAL PO DUS BZANG YOD PA DER KUN NAS NYE BAR SONG NGO, ,KUN NAS NYE BAR 'ONGS PA'ANG MTHONG BAR GYUR NAS LHA DE DAG RNAMS LA BRTAN PA DANG RNAM PAR GSAL BA DANG RGYA CHE BAR GYUR PA'I RJES SU BSNGAGS PAR BYED PA'I TSIGS SU BCAD PA RNAMS BSHAD PA 'DI LTA STE, BAG MED PA YI DUS 'DI MIN, ,DGA' BA'I DUS NI NAM YANG MIN, ,RNAM RMONGS SKYED PA 'DI DAG
, ,KYANG, ,'CHI BDAG STOBS PO CHE YI DUS, ,DGA' BA 'DU BA BAG MED MIS, ,LHA RNAMS KUN NI SREG PA YIN, ,YUL LA GTI MUG GIS RMONGS PA, ,MIG MED PAS KYANG MA RIG GO ,LUS CAN RNAMS KYI 'DU BYED NI, ,RNAM PAR CHAD PA MED PAR MTHONG, ,DE LTAR YUL LAS KUN RMONGS PAS, ,GANG PHAN PA NI RTOG PA MIN, ,DES DE'I TSIG RNAMS THOS NAS 'THAB BRAL BA'I LHA RNAMS NYID DANG 'DRA BAR BYAS NAS BAG MED PAS SMRAS PA, KUN DGA' MCHOG GI MTHA' YAS PA, ,BAG MED DGA' BSKYED BYED PA; ;BDE KUN RAB TU 'PHEL BYED PA, ,DE KHYOD CI YI PHYIR MI 'CHAD, ,DUS BZANG GIS RAB TU BRJOD PA, KUN DGA' BAG MED PA 'DIS NI, ,BDE BA THAMS CAD 'JOMS PAR BYED,, BAG MED SDUG BSNGAL SKYED PA'O, ,DE PHYIR RTAG TU DE KHYOD 'CHAD, ,BAG MED PAS SMRAS PA, BDE BA YI NI YUL RNAMS DANG, ,BAG MED LHA YI BU MO DANG, ,DE BZHIN DU NI GLU RNAMS KYANG, ,BAG MED BDE BA YIN PAR BSHAD, ,DUS BZANG GIS BRJOD PA, MI RNAMS YUL NI GANG SKYES PA, ,SDUG BSNGAL BA NI SKYES PA YIN, ,DE YI RTZA BA GCOD BYED PA; ;GANG GIS MI NI 'OG TU 'GRO ,BAG MED PAS SMRAS PA, NAGS DANG NYE BA'I NAGS DANG BAG ,KHRUS KYI RDZING BU PADMA'I TSAL, ,KHANG BZANG RTZE DANG KUN DGA' TSAL, ,BDAG
NI BAG MED PA YIS DUS, ,DUS BZANG GIS SMRAS PA, DGON PA DANG NI ZHI BA'I TSAL, ,RI DANG NAGS KYI NANG DU YANG, ,BAG YOD DGA' BA ZHI PA YIS, ,BCINGS LAS THAR BAR 'GRO BA YIN, ,SEMS RMONGS PA YI MI GANG DAG ,BAG MED PAS NI DMYAL BAR 'GRO, ,DE BZHIN DU NI DUD 'GROR YANG, ,YI DVAGS SU YANG SKYE 'GYUR TE, ,DE LTAR DUS BZANG GIS BRJOD PA YIN TE, ,BDUD KYI PHYOGS KYI BAG MED PA DANG DRI BA DANG PHYIR LAN 'DEBS PA RNAMS BRJOD NAS JI SRID DU RIN PO CHE'I 'OD KYIS NYE BAR GSAL BA'I PHUG GANG YIN PA DE'I NANG DU ZHUGS PA'I BAR DU STE, DE NI YANG PHAL CHER NI, MU SU LUNDHA DE BAG MED PA SPANG BAR BYA BSGOM PAR BYED DO, ,GANG YANG LHA GZHAN DAG DE'I LHAN CIG SPYOD PAR GYUR PA DE DAG RNAMS NI, RGYU MTSAN DE DAG GIS LHA NYID KYANG BRGYA STONG PHRAG DU MA RNAMS KYIS YONGS SU BSKOR CING GAR DANG GLU DANG ROL MO RNAMS KYI SGRA DANG LDAN PAS NAM MKHA'I DKYIL MA LUS PA RNAMS KUN TU GANG BAR GYUR PAS MTSO CHEN PO DER 'ONGS PAR GYUR TE, GANG YANG LHA GZHAN DAG RNAMS NI, DE DAG GI RJES SU 'GRO BAR GYUR NAS DE DAG RNAMS DE NA BAG MED PAR BYED DO, ,GANG YANG SEMS MNYAM PAR BZHAG PA DE DAG RNAMS KYANG SHIN TU MYUR BAR 'ONGS PAR GYUR TE, JI SRID DU BYA'I RGYAL PO DUS BZANG DANG,
, ,BDUD KYI PHYOGS KYI BAG MED PA DAG DRI BA DANG LAN BYAS ZIN PAR MA GYUR GYI BAR DU'O, ,DE NA MU SU LUNDHA DES DE DAG RNAMS THAMS CAD DUS BZANG LAS THOS PAR GYUR TE SNGA MA BZHIN NO, ,DE NAS MU SU LUNDHA DE'I YID KYIS RIG PAR GYUR NAS BAG MED PA LA 'DI SKAD BRJOD DO, ,KHYOD NI, GDON MI ZA BAR BDUD SDIG TO CAN GYI PHYOGS SU GYUR PA'I BAG MED PA 'DI YIN TE 'ONG GI ,DE'I YANG PHYOGS BYED PA'I 'KHOR GSUM YIN PAR BDAG CAG GIS LHA GZHAN DAG GI DRUNG NAS THOS SO, ,'DI LTA STE; BAG MED PA DANG RGOD PA DANG RNAM PAR RMONGS PA'O, ,'JIG RTEN RMONGS PA RNAMS PHYIR ZHING NYID DU CHES LHAG PAR RMONG PAR BYED DO, ,GANG CHUNG YANG BDAG GIS 'DI DAG GIS 'DI DAG DANG RGOD PA DANG MA BSDAMS PA LA SOGS PA RNAMS KYI LAN DRI BA DANG PHYIR ZHING DRI BA DANG LAN GYI CHOS KYI RNAM GRANGS CHEN PO BCU GCIG PA ZHES BYA BA CHOS DANG LDAN PAS BRTZAD PAR BYA'O, ,DE NAS 'THAB BRAL BA RNAMS KYI MNGA' BDAG GIS DE LTAR RIG NAS DUS BZANG DE DANG YANG LHAN CIG TU 'GRO BAR BYAS PAR GYUR TE, NAM MKHA'I DKYIL DU 'PHAGS NAS PADMA'I SNYING PO LA NYE BAR GNAS TE BAG MED PA LA MNGON PAR DGA' BA'I LHA BRGYA PHRAG MANG PO RNAMS KYIS YONGS SU BSKOR NAS 'DI SKAD CES
BRJOD DO, ,DRI BA DANG PHYIR ZHING DRI BA DANG LAN ZHES BYA BA'I CHOS KYI RNAM GRANGS BCU GCIG PA ZHES BYA BA'I CHOS BSHAD PAR BYA YI, MNYAN PAR GYIS SHIG ,BAG MED PA GANG BCOM LDAN 'DAS 'OD SRUNG GIS GSUNGS PA RNAMS BAG YOD PA LA MNGON PAR DGA' BA BKRA SHIS ZHES BYA BA'I SNGON GYI LHA LA BDAG GIS THOS PA'I CHOS KYI RNAM GRANGS GANG YIN PA DE LEGS PAR RAB TU YID LA BYAS TE NYON CIG, LHA RNAMS THAMS CAD DANG, DUS BZANG THOG MAR GYUR PA'I KUN NAS BRJOD PA DANG LDAN PA'I BYA RNAMS THAMS CAD DANG BAG MED PAR NYAN NO, ,BDUD KYI PHYOGS RNAMS KYANG NYAN TE PHYIN CIG LOG TU SMRA BA 'JIG RTEN PA RNAMS LA PHAN PA MA YIN PA BYED PA BDUD KYI PHYOGS RNAMS KUN TU GNAS SO, ,DRI BA DANG PHYIR ZHING DRI BA DANG LAN GYI CHOS KYI RNAM GRANGS BCU GCIG PA DE DAG RNAMS KYANG GANG ZHE NA 'DI LTA STE, CHOS BCU GCIG PO 'DI DAG RNAMS NI, CHOS BCU GCIG GIS RAB TU SBANG BAR BYA STE, YANG DAG PA JI LTA BA BZHIN DU 'DOD PA DANG MYA NGAN LAS 'DA' BAR 'GRO BAR BYED PA DANG, BDUD KYI YUL RNAMS LA GNAS PAR MI 'DOD PA DANG, 'KHOR BA'I 'CHING BA RNAMS KYI 'JIGS PAS DANG, DGON PA ZHI BA RNAMS SU GNAS PAS DANG, GCIG TU DGA' BA RNAMS KYIS DANG, YANG DAG PA JI LTA BA LA RE BAR GYUR PA DANG,
, ,GTI MUG GZHOM PAR 'DOD PA DE DAG RNAMS KYIS YIN NO, ,BCU GCIG PO RNAMS KYIS RAB TU SPONG BAR BYED PA DANG CHOS BCU GCIG PO DE DAG RNAMS GANG YIN PA'ANG GANG DAG ZHE NA, 'DI LTA STE, RGOD PA NI, 'DUL BAS SO, ,MA BSDAMS PA NI, SEMS RTZE GCIG PAS SO, ,TSUL KHRIMS 'CHAL PA NI, SKYES BU DAM PA LA RTEN PAS SO; ;LE LO NI, BRTZON 'GRUS BRTZAMS PAS SO, ,GRONG DANG GRONG KHYER RNAMS SU RAB TU 'JUG PA'I SPYOD PA LA DGA' BA NI, GCIG PU DGON PAR GNAS PAS SO, ,'DOD CHEN PO NI, CHOG SHES PAS SO, ,GNYEN 'DUN LTA BA LA MNGON PAR DGA' BA RNAMS NI, MGRON POR YUN RING DU GNAS PA LA MNGON PAR DGA' BAS SO, ,DON MED PAR SMRA BA NI, NGAG YANG DAG PAR BSDAMS PAS SO, ,TZAB HRAL NYID NI, BRTAN PAS SO, ,DBUL PO RNAMS KYANG SBYIN PAS SO, ,MI SHES PA NI, SHES PAS SO, ,CHOS BCU GCIG PO DE DAG RNAMS NI, KUN NAS NYON MONGS PA RNAMS KYI DRI MA DANG KUN NAS NYON MONGS PA CAN GYI 'CHING BAR GYUR PA BAG MED PAR GYUR PA'I LJON SHING RNAMS KYI YAL GA RGYAS PAR GYUR PA YIN PAS BDUD KYI YUL LAS 'DA' BAR 'DOD PA RNAMS DANG, 'KHOR BA'I 'JIGS PAS SKRAG PA RNAMS DANG, BAG MED PA PHAM PAR BYA 'DOD PA RNAMS
KYIS SPANG BAR BYA'O, ,'KHOR BA RNAMS THAMS CAD NI, BAG MED PA'I RTZA BA LAS YIN NO, ,BAG YOD PA'I RTZA BA LAS NI, THAR PA YIN NO, ,'KHOR BA LAS 'BROS PAR 'DOD PA RNAMS THAMS CAD LA 'DI NYID BCOM LDAN 'DAS KYIS GSUNGS PA YIN NO, ,DE LA 'DUL BA LA MNGON PAR DGA' BA RNAMS DANG 'DUL BA 'DOD PA RNAMS DANG SEMS CAN RNAMS THAMS CAD SDUG PA DANG MTHUN PA DANG YID DU 'ONG BAR GYUR PA DE DAG RNAMS THAMS CAD KYIS KYANG ZHE LDOG PAR LTA BA'I CHOS RGOD PA ZHES BYA BA GANG DAG ZHE NA, 'DUL BA LA MNGON PAR DGA' BA DE DAG DANG DE DAG RNAMS KYIS KYANG SDIG PA'I CHOS 'DI DAG RAB TU SPANG BAR BYA'O, ,DE LA RGOD PA'ANG RNAM PA LNGA YIN NO, ,'DI LTA STE, GRONG DANG GRONG KHYER DU 'JUG PA RNAMS LA MGYOGS PAR LAM DU 'GRO BA DANG, 'GRO BAR BYED PA NA'ANG KUN NAS MA BSDAMS PA DANG, KHA CIG NI, LAM DU 'GRO BA NA GOS TSAGS LHOD PA DANG, KHA CIG NI, LAM NA GOS RNAM PAR 'PHYAR BYED PA DANG, 'KHRUL PA YANG DANG YANG DU 'BYUNG BA'AM SEMS MNYAM PAR MA BZHAG PA'O, ,RNAM PA DE LTA BUR DE DAG RNAMS GZHAN GYIS MTHONG BAR GYUR NA, DE MA THAG TU RNAM PAR SDANG BAR 'GYUR RO, ,DE LTAR 'GRO BA BYED PA RNAMS KYI KUN NAS MA BSDAMS PA'I 'GROS 'DI'ANG GANG LAS YIN NA, CHUNG DU NA 'DI
, ,NI; RGYAGS PA'AM YID LA BYED PA DANG BRAL BA YIN TE, DE BZHIN DU RGOD PA RNAMS NI, RNAM PA DU MA LAS YIN NO, ,DE DAG RNAMS KYANG KUN NAS BSDAMS PA'I SPYOD LAM GYI 'GROS GYIS DANG, GNYA' SHING GANG TZAM DU LTA ZHING 'GRO BA DANG, GOS RNAMS KYI TSAGS BSDAMS PA DANG, MI 'PHYAR BAS KYANG STE PUS MO LAS SOR BZHI TZAM GYIS LHAG PAR BLA GOS RUNG BA YIN PA DANG, DPUNG BA GNYIS MI BSKYOD PAS LHA'I 'JIG RTEN GYI BAG MED PA RNAMS NI, BAG YOD PAS 'JOMS PAR 'GYUR RO; ;DGE SLONG NGAM DE LTA BU'I RIGS CAN RNAMS KYIS RAB TU GZHOM PAR BYA BA'I BAG MED PA BZHI LAS GZHAN LHAG PAR GYUR PA YANG GANG ZHE NA, GANG CUNG ZAD CIG SMRA BAR GYUR BA NA'ANG LEGS PAR MA BRTAGS PAR BYED PA YIN NO, ,GANG GI TSOD KAR GYUR PA DE'I TSOD KA RNAMS KYANG KUN NAS RIG PAR MI 'GYUR RO, ,DE SBYIN PA PO DANG SBYIN BDAG GI KHYIM DU SGRAS LEGS PAR 'JUG PAR BYED PA RNAMS NI, SDOM PAR BYED PA YIN TE, SE GOL GYI SGRA MA BYAS PAR 'JUG PAR BYED PA YIN NO, ,STAN YANG NGAN PAR 'DZIN PAR BYED DO, ,BSDAMS PA MED PA DU MA RNAMS SMRA BA YIN GYI, ,SMRA BA DANG MI SMRA BA RNAMS KYI TSOD RIG PAR 'GYUR BA NI, MA YIN NO, ,BDUG PA NYID NA SKAD
'PHANG MTHON POS SMRA BAR 'GYUR BA YIN NO, ,BUD MED RNAMS LA RTOG DPYOD 'JUG PAR BYED DO, ,BAB CHOL DU RGOD PAR BYED DO, ,BAB CHOL DU KHRO BAR BYED DO, ,'KHOR RNAMS LA'ANG SNGA PHYIR LTA BAR MI BYED DO, ,DE LTAR RGOD BAG TU SPYOD PA KUN NAS MA BSDAMS PAR 'JUG PAR BYED PA'I DGE SLONG RNAMS NI, MI SDUG PA DANG YID DU MI 'ONG BAR 'GYUR ZHING 'DI DAG RNAMS LAS GZHAN PA RAB TU ZHI BA'I CHA BYAD DANG SPYOD TSUL CAN YOD DAM ZHES BRJOD PAR YANG BYED DO, ,JI LTAR SKYES PA RNAMS SAM, DE LAS GZHAN DE'I RIGS CAN RNAMS KYANG RUNG STE, KYE MA DGE SLONG 'DI DAG NI, RGOD BAG CAN YIN NO, ,YANG GANG GI TSE NGAG KUN NAS LEGS PAR BSDAMS PAR GYUR PA NA SNGA PHYI TSIG RNAMS KUN LEGS PAR 'BREL BAR RJOD PAR BYED DO, ,SKYES BU GZHAN DAG RNAMS MTHONG BAR GYUR PA'AM DE NYID MTHONG BAR GYUR KYANG RUNG, SBYIN PA PO DANG SBYIN BDAG RNAMS SAM DE'I RIGS CAN GZHAN DAG RNAMS KYANG RUNG STE, YUL DANG DUS SU RIGS PA DANG 'GAL BA MED PA DAL BUS SMRA BAR BYED DO, ,ZHI BA DANG GO BAR GYUR PA DANG CHOS NYID DANG MI 'GAL BA'I NGAG RNAMS JI LTAR RJOD PAR BYED PA DE BZHIN DU SGRUB PAR YANG BYED DO, ,BUD MED RNAMS LA RTOG DPYOD MI BYED DO, ,SE GOL GYI SGRA BYAS NAS LEGS PAR 'JUG PAR
, ,YANG BYED DO, ,DUS KYANG RIG PAR 'GYUR RO, ,PHYIR 'BYUNG BAR 'GYUR BA'I NGO BO'ANG SHES PAR 'GYUR BA DANG, ZUR GYIS GO BAR YANG 'GYUR RO, ,CHOS GOS RNAMS KYANG RTZAM PAR 'PHYAR BAR MI BYED DO, ,DPUNG PA DAG BSKYOD PAR YANG MI BYED DO, ,GLO DRAG POR LU BAR YANG MI BYED DO, ,NGAG GIS 'PHYA BAR YANG MI BYED DO, ,DRIS PA DANG GZHAN DAG GUS PAR GYUR PAS PHYI NAS TSIG RJOD PAR BYED DO, ,NGAL BA DANG SNYAN PA DANG CHOS DANG LDAN PA RNAMS KYIS KYANG RUNG, DE LTAR RGOD BAG NI, 'DUL BAS 'JOMS PAR BYED DO, ,GZHAL YANG 'DUL BAS RGOD PA KUN NAS 'JOMS PAR BYED DO, ,'DI'ANG GANG DAG YIN ZHE NA, 'DI LTA STE, KHYIM RNAMS SU DE 'JUG PAR BYED PA NA DE NA GLU DANG GAR DANG ROL MO'I SGRA RNAMS DANG GAD MO DANG 'GYING BAG DANG YONGS SU SPYOD PA DANG GZHAN DAG GIS RJOD PA DANG PHAN TSUN DU DGOD PA RNAMS LA NYAN PAR MI BYED DO; ;RO MYONG BAR YANG MI BYED DO, ,DE DAG RNAMS LA SEMS RAB TU SMON PAR MI BYED DO, ,TSOGS PA 'DUS PA LA MNGON PAR DGA' BAR MI 'GYUR RO, ,KHYIM GZHAN DAG RNAMS KYI SPYOD TSUL GZHAN DAG TU RJOD PAR MI BYED DO, ,SHIN TU MYUR BAR 'GRO BA DANG 'ONG BA DANG RAB TU 'JUG PA MANG BA MA YIN NO, ,HA CANG SLONG BAR BYED PA'I
RANG BZHIN CAN MA YIN NO, ,DE LTA BUR YANG DGE SLONG DE GZHAN GYI KHYIM DU 'JUG STE, SBYIN PA PO DANG, SBYIN BDAG DANG, GZHAN YANG DE LTA BU'I RIGS CAN RNAMS KYI KHYIM DU 'JUG PA NI RGOD BAG RNAMS NI, 'DUL BAS KUN NAS 'JOMS SO, ,'JIG PAR BYED DO, ,RNAM PAR 'BYED DO, ,GZHAN YANG GAL TE KHYIM RNAMS SU ZHUGS PAR GYUR NAS DGE SLONG GIS SBYIN PA PO DANG SBYIN BDAG RNAMS DANG GTAM LA ZHUGS PAR GYUR PA NA CHOS DANG LDAN PA'I GTAM RNAMS BZHAG NAS 'DOD PA RNAMS KYI GTAM BYED DO, ,YUL LJONGS KYI GTAM RNAMS BYED DO, ,MTHO RIS KYI GTAM BYED DO, ,GAR MKHAN DANG GAR DANG ROL MO BSTAN PA'I GLU'I GTAM RNAMS BYED DO, ,GRONG KHYER RNAMS SAM GZHAN GYI YANG RUNG STE, KUN NAS NYON MONGS PA CAN GYI GTAM RNAMS BYED DO, ,BUD MED RNAMS DANG KUN NAS 'DRE BAR GNAS PAR BYED CING RNAM PAR BKRA BAR BYAS PA'I CHA BYAD KYIS KYANG KHYIM RNAMS SU RGYU BAR BYED DO, ,DGE SLONG RNAMS SAM, GZHAN YANG DE'I RIGS CAN RNAMS LA RGOD BAG DE LTA BU DAG KYANG 'BYUNG BA YIN NO, ,RGOD BAG DE LTA BUS RAB TU ZHUGS PAR GYUR PA RNAMS 'DUL BA JI LTA RNAMS KYIS NYE BAR SPONG BA YIN NA, 'DI LTA STE, DGE SLONG NGAM GZHAN DAG DE'I RIGS CAN RNAMS KYANG RUNG STE, KHYIM DU LEGS PAS NYE BAR ZHUGS
, ,PAR GYUR PA NA LEGS PA LA BRTEN PA'I GTAM RNAMS BYED PAR 'GYUR BA YIN NO, ,DPER BYA NA, SBYIN PA'I GTAM DANG, TSUL KHRIMS KYI GTAM DANG, YE SHES RAB TU BSNGAGS PAR BYA BA'I GTAM RNAMS DANG, LOG PAR LTUNG BA'I GTAM DANG, RGAS PA'I GTAM DANG, NAD KYI GTAM DANG, RNAM PAR 'BRAL BAR 'GYUR BA'I GTAM DANG; LAS BDAG GIR BYA BA'I GTAM DANG, RGUD PAR 'GYUR BA'I GTAM DANG, 'CHI BA'I GTAM RNAMS DANG, YANG DAG PAR MGU BAR BYA BA'I GTAM DANG, LEGS PA LA BRTEN PAR BYA BA'I GTAM DANG, SDUG BSNGAL GYI GTAM DANG, KUN 'BYUNG BA'I GTAM DANG, 'GOG PA'I GTAM DANG, LAM GYI GTAM RNAMS DANG, SA RNAMS KUN TU BGROD PAR BYA BA'I GTAM RNAMS DANG, TSUL KHRIMS RAB TU BSNGAGS PA DANG DANG PO BYUNG BA'I GTAM RNAMS DANG, 'DOD CHAGS DANG BRAL BA'I GTAM RNAMS DANG, SER SNA YONGS SU GZHIG PAR BYA BA'I GTAM RNAMS DANG, GZUGS KYI RGYAGS PAS MYOS PA RNAMS LA GZUGS TSAD MED PA BRJOD PA'I GTAM RNAMS DANG, BSLU BAR GYUR PA'I GTAM RNAMS DANG, LANG TSO LA BAB PA LA SOGS PA RNAMS KYANG RGA BAS NGES PAR SLU BAR BYED PA'I GTAM RNAMS TE, SBYIN PA PO DANG SBYIN BDAG RNAMS KYI BSAM PA KUN TU RIG
PAR BYAS LA DE KHO NA BZHIN DU GTAM BYA'O, ,DE LTAR NA DGE SLONG GIS RGOD BAG RNAMS 'DUL BAS NYE BAR SPONG BA YIN NO, ,GZHAN YANG RGOD PA RNAMS NI, 'DUL BAS NYE BAR 'JOMS PAR BYED DE, GANG LA ZAS DANG SKOM MANG BAR GYUR PA DE DAG GIS PHE'U BTAB PAR GYUR LA DER YANG LEGS PAR NYE BAR PHYIN PA YIN NO, ,GZHAN YANG GANG DAG 'DOD PA CHE BAR GYUR PA RNAMS KYANG RO LA MNGON PAR DGA' BA'I PHYIR NA PHAL CHE BA RNAMS SU RAB TU 'JUG PAR BYED DE, BSTEN GROGS PA DE DAG TU NYE BAR 'GRO BAR BYED LA, BSTEN GROGS BYA BA'I DON DU'ANG GANG DAG GIS NYE BAR SGRUB PAR BYED DO, ,RNAM PA GANG DAG GIS NYE BAR SGRUB PAR BYED PA DANG, JI SRID DU NYE BAR SGRUB PAR BYED PA DE SRID DU CHOS GO DANG BSOD SNYOMS DANG GNAS MAL DANG NAD KYI RKYEN SMAN DANG YO BYAD RNAMS KYIS KUN NAS DGA' BAR BYED DO, ,GANG GIS 'DI'I BDE BA RNAMS LA KUN TU DRAN PAR MI BYED CING RO MYANG BAR YANG MI BYED DO; ;RNAM PAR RTOG PAR YANG MI BYED, DE'ANG DA LTAR GCIG TU RNAM PAR RGYU BA DANG, LEGS PA LA BRTEN NAS RNAM PAR RGYU BA DANG, KUN NAS BSDAMS NAS RNAM PAR RGYU BA NI, 'DUL BA DANG LDAN PA YIN NO, ,DGE SLONG NGAM DE'I RIGS CAN GZHAN DAG RNAMS KYANG RUNG STE, DE LTAR RGOD PA RNAMS 'DUL BAS NYE BAR 'JOMS PA YIN NO, ,RGOD PA RNAMS
, ,THAMS CAD KYANG BAG MED PA LAS RAB TU 'PHEL BAR 'GYUR BA YIN NO, ,DON MA YIN PA'I TSOGS RNAMS THAMS CAD KYANG BAG MED PA'I RTZA BA LAS YIN NO, , DE'I PHYIR NA MYA NGAN LAS 'DAS PA TSOL BAR BYED PA RNAMS THAMS CAD KYIS BAG MED PA KHO NA GZHOM PAR BYA BA YIN NO, ,DE LTAR MU SU LUNDHA 'DIS SNGON GYI LHA'I DRUNG DU THOS PA GANG YIN PA'I CHOS DE DAG DANG, NGANG PA'I RGYAL PO DUS BZANG DE DANG, BDUD KYI PHYOGS SU GYUR PA'I BAG MED PA DE DAG GI MDUN DU STON PAR BYED DO, ,BCOM LDAN 'DAS 'OD SRUNG GIS GSUNGS PA DRI BA BCU GCIG PA'I MDO LAS DRI BA GCIG RDZOGS SO, ,JI LTAR DRI BA GNYIS PA YIN NA, 'DI LTA STE, MA BSDAMS PA RNAMS NI, SEMS RTZE GCIG PA NYID KYIS TE MA BSDAMS PAS KYANG RNAM PA GNYIS YIN TE, 'JIG RTEN PA DANG 'JIG RTEN LAS 'DAS PA'O, ,BSDAMS PA'ANG MDOR BSDU NA SEMS RTZE GCIG PAS 'DZIN PAR BYED PA'O, ,DE LA SDOM PA'ANG RNAM PA DU MA YIN NO, ,MDOR BSDU NA NI, RNAM PA GNYIS YIN TE, RANG BZHIN GYI KHA NA MA THO BA DANG, BCAS PA'I KHA NA MA THO BA'O; ;DE LA RANG BZHIN GYI KHA NA MA THO BA NYAMS PA RNAMS NI, DGE SLONG MA YIN ZHING 'OD SRUNG BA'ANG MA YIN TE, SROG GCOD PA DANG, MI TSANGS PAR SPYOD PA DANG,
MA BYIN PAR LEN PA'ANG YONGS SU RDZOGS PA NI, KARshA PA nA GSUM GYI BLOR GYUR PAS CHOS DANG LDAN NA'ANG RUNG STE 'PHROG NAS YONGS SU LONGS SPYOD NA NI, YUL GYIS DANG GNYEN 'BREL GYI MA YIN PA DANG GNANG LA BSGO BAS KYANG RUNG STE, DGE SLONG MA YIN ZHING 'OD SRUNG PA'I MA YIN NO, ,RUL BAR GYUR PA MA RUNGS PA RDZUN PA RTAGS 'BA' ZHIG 'DZIN BAR BYED PA YIN NO, ,DE LTAR RANG BZHIN GYI KHA NA MA THO PA TSUL KHRIMS 'CHAL BAR GYUR PA DE'ANG BAG MED PAS BYAS PA YIN NO, ,DE'I PHYIR NA 'OD SRUNG, RAB TU BRTZON PA RNAMS KYIS KYANG BAG MED PA YONGS SU SPANG BAR GYIS SHIG ,DE LTAR 'THAB BRAL BA RNAMS KYI MNGA' BDAG MU SU LUNDHA 'OD SRUNG GIS GSUNGS PA'I MDO, BYANG CHUB SEMS DPA' DUS BZANG DANG, SMRA BA POR GYUR PA'I NGANG PA RNAMS DANG, BDUD KYI PHYOGS KYI BAG MED PA RNAMS LA CHOS STON PAR BYED CING PADMA'I SNYING PO LA YANG DAG PAR GNAS NAS BSHAD DO; ;GZHAN YANG BCAS PA'I KHA NA MA THO BA RNAMS NI, MDOR BSDU NA RNAM PA DGU YIN NO, ,MI GTZANG BA RNAM PA DGU PO RNAMS KYANG GANG ZHE NA, GCIG SPYOD PA DANG, BSHAGS PAS LDANG PA SPYOD PA DANG, BAG MED PAS BAG MED PA SPYOD PA DANG, PHYED SPYOD PA DANG, PHAL CHER SPYOD PA DANG, BSHAGS PA DANG LDANG BA YANG BAR SPYOD PA DANG, LAM STON
, ,PAR BYED PA DANG BSGRAGS PAS SPYOD PA DANG, BRLAG PAR SPYOD PA DANG, THAMS CAD SPYOD PA'O, ,DE LTAR DGE SBYONG RNAMS SAM, GZHAN DAG DE'I RIGS CAN RNAMS KYANG RUNG STE, BAG MED PA'I DBANG GIS BYIS PA'I SKYE BO RNAMS THAMS CAD BLO NYAMS PAR GYUR PA DANG, JI SRID DU CHOS 'DUL BA MA BSLABS PA RNAMS KYI MDOR BSDU NA KHA NA MA THO BA RNAM PA DGU YIN NO, ,GCIG SPYOD PA JI LTA BU YIN ZHING JI LTAR NA BCAS PA'I KHA NA MA THO BA YIN NA, 'DI NA BSLAB PA GANG DAG YANG MOR GYUR PA RNAMS DANG, LDANG BA YANG BAR GYUR PA DE DAG RNAMS 'DIS KHYAD PAR DU BSAD PAR GYUR NAS BAG MED PA'I DBANG GIS RGAL BAR BYED DE, JI LTAR BDAG GIS 'DI DAG LAS RGAL BAR BYAS LA PHYI NAS NI, BDAG GIS KUN NAS LDANG BAR BYA'O SNYAM PA'O, ,DPER NA, SA RKO BAR BYED PA DANG, RTZVA GCOD PAR BYED PA'O, ,'DI NI, GCIG SPYOD PA ZHES BRJOD DE, DGE SBYONG NGAM GZHAN YANG DE'I RIGS CAN RNAMS KYANG RUNG NGO, ,YANG JI LTAR NA BAG MED PA SPYOD PA RNAMS BSHAGS PAS LDANG BA SPYOD PA YIN NA, 'DI NA DGE SBYONG DAG BSLAB PA'I GZHI GCIG GAM, BSLAB PA'I GZHI GNYIS SAM, GSUM LA SPYOD PA LAS 'DA' BAR BYED DO, ,JI LTAR DE SNYED CIG LAS 'DAS PAR BYED CING, 'DA'
BAR BYAS NAS KYANG KHO BOS PHYIS YANG LDANG BAR BYA'O ZHES PA STE, DE RIM PA DE NYID KYIS DANG, DE KHYAD DU GSOD PAR BYED PAS KYANG RTAG TU BCAS PA'I KHA NA MA THO BA RNAMS BYED DO, , DE DAG NI, CHOS LA GUS PAR SPYOD PA NYID KYANG MA YIN NO, ,BAG DANG LDAN PA'ANG MA YIN NO, ,RTAG TU'ANG RNAM PAR G-YENG BA DANG BCAS PA'I SEMS SU 'GYUR RO, ,'DI LA NI, BSHAGS PAS LDANG BAR SPYOD PA ZHES BYA'O, ,JI LTAR NA BAG MED PAS BAG MED PA YONGS SU 'PHEL BAR SPYOD PA YIN, 'DI NA SEMS YANG BAR 'GYUR ZHING SEMS STOBS KYANG YANG BA RNAMS KYIS BSLAB PA'I GZHI RNAMS KYI BSHAGS PAR BYA BA RNAMS KYANG MNGON PAR SHES PAR 'GYUR BA MA YIN NO, ,SNYING PO DANG SNYING PO MED PA RNAMS BSHAGS PAR BYA BA DANG, LDANG BA'ANG MNGON PAR MI SHES PA YIN NO, ,DE LA NI, BSLAB PA'I GZHI BCAS PA'I KHA NA MA THO BA BCAS PA RNAMS GANG YIN PA RNAMS SHIN TU YANG MANG BAR 'GYUR RO, ,DE DAG RNAMS KYANG 'DZIN PAR BYED CING YANG GANG DAG DUS SHIN TU RING BA NA DKA' BLAS CHEN POS LDANG BAR 'GYUR TE, DE DAG KYANG 'DZIN PAR BYED PA YIN NO, , YANG GANG DAG KHA NA MA THO BA CHUNG BAR GYUR PA DE DAG NI, LEGS PAR 'DZIN PA'ANG MA YIN NO, ,CHOS LA GUS PAR GNAS PA'I RANG BZHIN CAN MA YIN NO, ,DGE SBYONG RNAMS
, ,SAM RNAM PA DE LTA BU GZHAN DAG RNAMS KYANG RUNG STE, 'DI DAG NI, BAG MED PAS BAG MED PA RAB TU 'PHEL BAR SPYOD PAR BRJOD PA YIN NO, ,YANG JI LTAR NA PHYED LA SPYOD PA YIN NO, ,'DI LA BSLAB PA'I GZHI GANG DAG YANG BA RNAMS SAM LCI BAR GYUR PA RNAMS KYANG RUNG STE, DGE SLONG GIS KUN NAS LDANG BA 'BA' ZHIG BYED DU 'GRO BA'AM, GAL TE NA 'DZIN PAR BYED PA'AM, GAL TE NA SHIN TU BSLABS PAR GYUR TE LDANG BAR 'GYUR BA YID LA BYAS NAS DE RIGS MTHUN PA'I CHA RNAMS MA LUS PA KHO NA PHYIR ZLOG PAR BYED DE, 'DI NI, PHYED LA SPYOD PA ZHES BRJOD DO, ,GANG GI PHYIR PHYED LA NI, SPYOD PAR BYED LA, PHYED LA NI, SPYOD PAR BYED PA NYID KYANG MA YIN TE, RIM PA 'DI DAG GIS NA PHYED LA SPYOD PA BYA BA YIN NO, ,BAG MED PA RNAMS KYIS BAG MED PAR RNAM PAR RGYU BA, BAG MED PA'I DBANG GIS 'GRO BA, BAG MED PA'I YUL LA GNAS PA 'DI NI; DGE SBYONG DANG RNAM PA DE LTA BU GZHAN DAG RNAMS KYANG RUNG STE, PHAL CHER SPYOD PAR BYED PA YIN NO, ,BSLAB PA'I GZHI RNAMS YONGS SU RDZOGS PAR 'DZIN PAR BYED PA, DGE SBYONG MA DANG DGE TSUL DANG DGE BSNYEN RNAMS KYANG RUNG STE, SHIN TU MYUR BAR MYA NGAN LAS 'DAS PAR 'GRO BAR 'GYUR BA 'DI DAG DANG, RNAM PA DE LTA BU RNAMS DANG,
TSUL MI MTHUN PA DE DANG DE DAG LA RGYAB KYIS PHYOGS PAR GYUR PA'I PHAL CHER SPYOD PA RNAMS JI LTA BU ZHE NA, 'DI NI, BCAS PA'I KHA NA MA THO BA'I BSLAB PA'I GZHI RNAMS SHIN TU PHAL CHER 'DZIN PAR BYED PA RNAMS MA NYAMS PA DANG, MA RAL BA DANG, MA ZAGS PA DANG, MI BRTAN PA DANG, SNYING PO MED PA DANG, GCIG TU LHAG MA MED PA MA YIN PAR GAL TE SHED NA 'DZIN PAR BYED DO, ,GAL TE SHED NA MI 'DZIN PAR BYED DO, ,DGE SBYONG DANG RNAM PA DE LTA BU GZHAN DAG RNAMS KYANG RUNG STE, 'DI NI, PHAL CHER SPYOD PA ZHES BRJOD DO, , YANG JI LTAR NA BSHAGS PA DANG LDANG BA YANG BAR SPYOD PA YIN NA, 'DI NA BAG MED PA'I DBANG GIS SAM SDIG PA'I GROGS PO LA RTEN PA'I DBANG GIS KYANG GAL TE NA BSLAB PA'I GZHI RNAMS NYAMS PAR BYED DO, ,DE MYUR BAR SO SOR RIG NAS 'GYOD PAR 'GYUR BA DANG SEMS RAB TU DANG BAR GYUR PAS SAM, DMYAL BA'I 'JIGS PAS 'JIGS PAR GYUR PAS KYANG RUNG STE, BSHAGS PAR BYED, DGE 'DUN LA'ANG MTHOL BAR BYED DO, ,JI LTAR NA BDAG GI BSLAB PA'I GZHI NYAMS PAR BYAS PA NI, BDAG GIS MDZES PA MA BYAS KYI, DGE 'DUN RNAMS KYIS DE LAS LDANG BAR MDZAD DU GSOL ZHES BSHAGS PA LA 'KHOD PAR BYA BA DANG, GNYEN POS KYANG MTHOL ZHING BSHAGS PAR BYED PA
, ,DANG, LDANG BAR BYED PA ZHES BYA BAS KYANG 'JIGS PA YIN NO, ,DE'I PHYIR DGE SLONG 'DI NI, BSHAGS PA DANG LDANG BA YANG BAR SPYOD PA ZHES BRJOD PA YIN NO; ;JI LTAR NA DGE SLONG LAM STON PAR BYED PA DANG BSGRAGS PAS SPYOD PA YIN NA, 'DI NA DGE SLONG NGAM RNAM PA DE LTA BU GZHAN DAG RNAMS KYANG RUNG STE, BRGYA LA ZHIG NA BAG MED PA'I DBANG GIS KHA NA MA THO BA MANG POR GYUR BA SDUG BSNGAL GYI RTZA BA GCOD PAR BYED PA'I BSLAB PA'I GZHI RNAMS LAS 'DA' BAR BYED PA'AM, NYAMS DAMS PAR BYAS PAR GYUR NA'ANG DE DAG BLA MA RNAMS LA RJOD PAR BYED DO, ,DGE 'DUN RNAMS LA'ANG GSO SBYOR GYI DUS KYI TSE NA'O, ,DE LA DGE 'DUN RNAMS KYIS LAM 'DOMS PAR MDZAD CING DKA' BLAS RNAMS KYANG NYE BAR STON PAR MDZAD PA LDANG BA'I 'JIGS PA RNAMS KYANG 'GRO BAR BYED DO, ,DE DAG RNAMS KYANG THOS SHING GO BAR BYAS TE LANGS PA YIN NO; ;ZHES NAS PHYI NAS YANG NI, BSLAB PA'I GZHI RNAMS LAS 'DA' BAR MI BYED DE, DMYAL BA DANG YI DVAGS DANG DUD 'GRO RNAMS KYIS 'JIGS PA'I PHYIR RO, ,DUS BZANG, 'DI NI, LAM STON PAR BYED PA DANG BSGRAGS PAS SPYOD PA ZHES BRJOD DO, ,YANG JI LTAR NA BRLAG PAR SPYOD PA YIN NA, RGA BA DANG 'CHI BA'I DBANG DU SONG NAS
'DI NA CHOS 'DUL BA RNAMS BSLABS PAR GYUR PA BSAM GTAN GYIS BSAM GTAN DU MI BYED PAR BYA BA DANG BYED PA RNAMS LA MNGON PAR DGA' BAR GYUR NAS RTAG TU 'ONG KHYIM NAS KHYIM RNAMS SU DANG, GNAS NAS GNAS RNAMS SU DANG, SBYIN BDAG GI KHYIM RNAMS NAS SBYIN BDAG GI KHYIM RNAMS SU ZAS DANG GOS KYI DON KHO NAR RGYU BAR BYED DO, , LEGS PAR 'GRO LA ZHABS 'BRING YANG BYED DO, ,KHYIM PA RNAMS NYID NYE BAR STEN PAR BYED DO, ,'DI NI, BRLAG PAR SPYOD PA ZHES BRJOD DO, ,RKUN MA DE NI, SHI BA'I 'OG TU DMYAL BA'I MTHAR THUG PAR 'GYUR RO, ,DUS BZANG, YANG JI LTAR NA THAMS CAD SPYOD PA YIN NA, CHOS 'DUL BA RNAMS THAMS CAD LA DAD PAR BYED DO, ,RJOD DO, ,BYED PAR 'GYUR RO, ,GAL TE SHED NA BSLAB PA'I GZHI GCIG GAM GNYIS KYI'ANG RUNG STE, KHA NA MA THO BA CUNG ZAD CIG BYUNG NA'ANG GOMS PA MED PA DANG CHOS LA GUS PA'I DBANG GIS 'DZIN PAR BYED MI NUS PAR GYUR NAS DE DAG LAS LDANG BAR BYED PA YIN NO, ,DUS BZANG, 'DI NI, THAMS CAD BSHAGS SHING SPYOD PA ZHES BRJOD DO, ,DGE SLONG NGAM RNAM PA DE LTA BU GZHAN DAG RNAMS KYANG RUNG STE, KHA NA MA THO BA NYUNG BA RNAMS KYANG PHYI NAS 'DI DAG BSLAB PA'I GZHI GANG DAG LAS 'DA' BAR BYED PA 'DI DAG KYANG BAG MED PA'I NYES
, ,PA YIN NO, ,DE LTAR 'THAB BRAL BA RNAMS KYI MNGA' BDAG DE PADMA'I SNYING PO LA LEGS PAR GNAS NAS SMRA BA PO'I NGANG PA DE DAG RNAMS DANG, BDUD KYI RIGS KYI BAG MED PA DE LA'ANG CHOS BSTAN TO, ,DE NAS DE'I DUS NA MU SU LUNDHA DE TSIGS SU BCAD PA BRJOD PA JI LTAR, SKYES BU BAG MED PAS LONG BA, BAG MED DUG NI STEN PA PO, ,BAG MED ZHAGS PAS BZUNG NAS NI, ,DMYAL BAR RJES SU NYE BAR 'KHRID, ,BAG MED SKYES BU 'JIG RTEN PA'I, ,GSHE BA THAMS CAD THOB PAR 'GYUR, ,NGAG RNAMS DON MED 'GYUR BA DANG, ,DMYAL BAR YANG NI 'DRE BAR BYED, ,RMONGS PA NYID MED MTSAN MED DANG, ,LAM DU 'GRO DANG BJOD PA NA'ANG, ,BAG MED SKYES BU SKAD CIG KYANG, ,BDE BA'I SKAL PA YOD MA YIN, ,'KHOR LO BZHIN DU 'GRO BA LNGAR, ,GANG BAS 'DOD PA'I KHAMS NA 'KHOR, ,GANG YANG BSAM GTAN LAS LTUNG BA, ,DE YANG BAG MED PAS BYAS SO, ,GZUGS MED PA YI GNAS BZHI YANG, ,'JIG RTEN PA NI GANG THOB PA, ,SRED NA 'PHYANG NYUG 'KHOR BA NI, ,DE YANG BAG MED PAS BYAS SO, ,KHAMS GSUM 'DI DAG MA LUS PA, ,BAG MED 'CHING BAS BCINGS PA YI, ,SRED PA'I ZHAGS PAS BSDAMS BYAS PA, ,BLO MED PAS KYANG MI RIG GO ,DE LTAR MU SU LUNDHA DES SNGON GYI LHA
RNAMS KYI DRUNG NAS BCOM LDAN 'DAS 'OD SRUNG GIS GSUNGS PA'I MDO BSHAD PAR BYA BA'I GNAS SKABS SU BAB PAS NGANG PA'I RGYAL PO DUS BZANG DE DANG, SMRA BA POR GYUR PA'I NGANG PA DE DAG RNAMS DANG, BAG MED PA DANG RGOD PA DANG RGYAGS PA DANG BCAS PA'I BDUD KYI RIGS DE DAG RNAMS LA CHOS BCU GCIG PO RNAMS LAS CHOS GSUM PA BSTAN TO,, DA RNAMS GANG DAG ZHE NA, 'DI LTA STE, RGOD PA NA 'DUL BAS RAB TU 'JOMS PAR BYED DO, ,MA BSDAMS PA NI, SEMS RTZE GCIG PAS YIN LA TSUL KHRIMS 'CHAL BA RNAMS PA SNA TSOGS PA RNAMS LAS RANG BZHIN GYI KHA NA MA THO BA NI, SKYES BU DAM PA BSTEN NAS PHYI NAS DGE BA'I RTZA BA RNAMS KYIS TE, TSUL KHRIMS 'CHAL BAR BRJOD PAR BYA BA'I RANG BZHIN GYI KHA NA MA THO BA RNAMS KYANG SKYES BU DAM PA LA LEGS PAR BSTEN GROGS BYAS PAS 'KHOR BA LAS GROL BAR 'GYUR NA, BCAS PA'I KHA NA MA THO BA RNAMS LTA SMOS KYANG CI DGOS, DES NA RAB TU BRTZON PAS KYANG SKYES BU DAM PA LA BSTEN PAR BYA BA YIN NO, ,SPANG BAR BYA BA GANG DAG ZHE NA, 'DI LTA STE, LE LO NI, BRTZON 'GRUS BSKYED PAS SO, ,LE LO RNAMS THAMS CAD KYANG BRTZON 'GRUS BSKYED PAS SPONG BAR 'GYUR TE, YANG JI LTAR BAG MED PA NI, DON MA YIN PA RNAMS THAMS CAD KYI DANG, DGE BA'I BSHES GNYEN
, ,STAN PA NI, CHOS 'DUL BA RNAMS KYI PHUL DU PHYIN PA'I RTZA BA YIN NO, ,GZHAN MANG CHOS BZHI PA CHOS BZHI PAS NGES PAR 'JOMS SHING SPONG LA SPANG BAR BYA BA RNAMS GANG ZHE NA, DE NI, 'DI LTA STE, LE LO NI, BRTZON 'GRUS BSKYED PAS TE, LE LO RNAMS NI, THAMS CAD KYANG BRTZON 'GRUS BSKYED PAS 'JOMS PAR 'GYUR RO, ,DPER NA; SNANG BAS MUN PA 'JOMS PAR BYED PA DE BZHIN DU LE LO RNAMS THAMS CAD KYANG BRTZON 'GRUS BSKYED PAS SPONG BA YIN NO, ,DE LA LE LO NI, CHOS RNAMS THAMS CAD KYI BAR CHAD BYED PA PO YIN TE, DPER NA, JI LTAR BYAS PA DE LTA DE LTAR MNGON PAR 'PHEL BA YIN ZHING 'JIG RTEN PA DANG 'JIG RTEN LAS 'DAS PA'I CHOS RNAMS KYI BAR CHAD BYED PAR 'GYUR RO, ,'JIG RTEN 'DI DANG 'JIG RTEN PHA ROL RNAMS SU'ANG BDE BAR 'GYUR BA MA YIN PA MANG PO DE DAG RNAMS KYI MING YANG GZUNG BAR SLA BA MA YIN NO, , LE LO CAN ZHES BYA BA NI, BRTZON 'GRUS ZHAN PA STE, GZHAN GYIS NYE BAR 'JOMS PAR BYED DO, ,GZHAN RNAMS KYI ZHE LDOG PAR 'GYUR RO, ,GZHAN GYIS PHAM PAR BYED CING TSAR GCOD PAR 'GYUR TE, LE LO CAN RNAMS NI, SHIN TU NYE BAR 'JOMS PA SHIN TU DBUL BAR 'GYUR RO, ,LAS KYI MTHA' RNAMS LA SGRUB PAR MI BYED DO, ,KHE SPOGS
RNAMS MI BYED DO, ,ZHING LAS MI BYED DO, ,KHYIM GYI GZHI'I BYA BA GZHAN RNAMS KYANG MI BYED DO, ,SKYES BU LA STEN PAR MI BYED KYI SNYOM LAS KYI BSAM GTAN GYIS BZUNG BA YIN NO, , SKYE BO RNAMS THAMS CAD KYIS MTSON PAR 'GYUR RO, ,YE SHES LA SBYOR BAR MI BYED DO, ,DE NI, MKHAS PA MA YIN NO, ,MKHAS PA'I RANG BZHIN CAN RNAMS KYANG MA YIN NO, ,YUL DANG DUS SHES PA MA YIN NO, ,BDAG DANG GZHAN RNAMS KYI KHYAD PAR SHES PA MA YIN NO, ,RANG GI STOBS RNAMS DANG GZHAN GYI STOBS RNAMS KYI KHYAD PAR SHES PA MA YIN NO, ,DUS SU LEGS PAR DGOS PA RNAMS SGRUB PA MA YIN TE, DE'I BYA BA RNAMS THAMS CAD LA BAR CHAD 'BYUNG BAR 'GYUR RO, ,GANG GI TSE 'JIG RTEN 'DI DANG 'JIG RTEN PHYI MA RNAMS KYI'ANG LE LO DE DAG RNAMS NYID BRTZON 'GRUS BSKYED PAS BCOM PAR GYUR PA DE'I TSE 'DI LA 'JIG RTEN PA RNAMS KYIS MNGON PAR BGROD PAR BYA BAR 'GYUR RO, ,SNGA BAR LANGS PAR BYED PA DANG NGAL DUB LAS BA RGYAL BA DANG GNYID LAS BRGYAL ZHING LEGS PAR SAD PA DANG, DUS SU LANGS PA DANG DUS SU SKYO BA SKYE BA DANG LTOS PA DANG BRAL BAS BYA BA RNAMS RTZOM PAR BYED DO; ;DE LUS KYI BRTZON 'GRUS BRTAN PA DANG LDAN PAS LE LO'I DRI MA DE DAG RNAMS DAG PAR BKRUS PA'I BRTZON 'GRUS LEGS PAR RTZOM PA DE NI, DON RNAMS THAMS CAD DRI
, ,MA DANG KUN NAS BRAL BAR SGRUB PAR BYED DO, ,DON RNAMS LA BGEGS BYUNG BAR GYUR NA'ANG SKRAG PAR MI 'GYUR LA SKYO BA SKYE BAR MI 'GYUR RO, ,GZHAN RNAMS KYIS BAR CHAD BYED PA'ANG MA YIN NO, ,RAB TU BRTEN PAS BYA BA RNAMS KYANG RTZOM PAR BYED DO, ,BRTZON 'GRUS DANG LDAN PAS GANG DAG SGRUB PAR BYED PA RNAMS NI, KUN NAS NYAMS PAR YANG MI 'GYUR RO, ,GZHAN GYI DBANG GIS BYA BA RNAMS KUN TU RTZOM PA'ANG MA YIN NO, ,MI RNAMS KYI KHYAD PAR YANG SHES PAR 'GYUR RO, ,BDAG GI DPUNG DANG GZHAN GYI DPUNG RNAMS KYI KHYAD PAR SHES PAR 'GYUR RO, ,DE DE DAG RNAMS KYIS KYANG BSNGAGS PAR 'GYUR RO, ,SKYE BO'I TSOGS CHEN PO RNAMS KYIS MCHOD PAR YANG 'GYUR RO; ;RGYAL PO DANG RGYAL PO'I BLON PO DAG GIS KYANG MCHOD PAR BYED DO, ,RTAG TU NOR DANG LDAN PAR YANG 'GYUR RO, ,SEMS STOBS DANG STOBS RNAMS KYANG NYAMS PA MED PAR 'GYUR RO, ,GANG DAG DANG LHAN CIG TU 'GAL BAR GYUR PA DE DAG RNAM PAR PHAM PAR 'GYUR RO, ,GANG GI PHYIR BRTZON 'GRUS DANG LDAN PA RNAMS DANG NI, LHAN CIG TU 'GAL BAR BYA BAR MI NUS SO, ,MDZA' BO DAG KYANG RJES SU SGRUB PAR BYED LA, DES KYANG 'DI'I MDZA' BO RNAMS MNGON PAR 'PHEL BAR 'GYUR RO, ,DE GROGS PO MANG BA DANG MCHOG
TU BDE BA DANG MCHOG TU STOBS DANG LDAN PAR YANG 'GYUR RO, ,GRONG KHYER GZHAN DAG NA'ANG MNGON PAR DGA'O, ,BYES NA'ANG SKYE BO MANG PO RNAMS KYIS MNGON PAR SHES PAR 'GYUR RO; ;DE DE'I PHYIR GANG DAG DANG STEN GROGS BYED PAR GYUR PA DE DAG RNAMS KYIS MCHOD PAR BYED DO, ,'JIG RTEN DAG NA'ANG 'DI KUN GYIS SHES PAR 'GYUR RO, ,LE LO RTZA BA NAS RNAM PAR SPANGS PA'I SKYES BU RNAMS KYIS NI, YON TAN DU MA THOB PAR 'GYUR RO, ,DE NAS BDAG NYID CHEN PO DE NYID KYIS KYANG GO CHA BRTAN PO DE LTA BU RNAMS DANG, RNYOG PA DANG RNAM PAR BRAL BAS BDUD KYI DPUNG RNAMS NGES PAR 'JOMS PAR BYED DO, ,'KHOR BA PHYIR ZLOG PA'I G-YUL SHOM PA SKYE BO DAM PA RNAMS THAMS CAD DGA' BA DANG BRTZON 'GRUS RTZOM PA DANG BCAS PA GANG GIS 'JIG RTEN LAS 'DAS PA ZAG PA MED PA KHA NA MA THO BA MED PA MYA NGAN LAS 'DAS PA'I NAM MKHA' LEGS PAR 'THOB PA'I DGOS PA KUN NAS RTZOM PAR BYED DO, ,DE DANG PO KHO NAR RE ZHIG SHIN TU BRTAN PAS MCHOG TU DGA' BAR GYUR PA, KHYAD PAR DU RO'I GNAS DMAN PA RNAMS DKA' BAS 'GROL BA 'DI NI, 'KHOR BA PA RNAMS THAMS CAD KYI 'CHING BA YIN TE, KHYIM NA GNAS PA BU DANG CHUNG MA DANG SRING MO DANG BRAN PHO DANG BRAN MO DANG ZHING DANG 'BRU DANG BANG
, ,MDZOD RNAMS KYIS GANG BA'I SRED PA'I CHU BO, BRTZON 'GRUS BRTZAMS PA'I GROGS DANG LDAN PA GANG DAG GIS 'KHOR BA'I 'JIGS PAS 'JIGS PA RAB TU 'JOMS PA DE DAG GIS NI, RNAM PA DE LTA BU'I KHYIM GYI GNAS RNAMS BTANG NAS GOS RNAMS DUR SMRIG TU BGOS TE BRTZON 'GRUS DANG LDAN PA GANG YIN PA DE KHYIM GYI GNAS NAS NGES PAR BYUNG NGO, ,KHYIM GYI GNAS KYI 'CHING BA RNAMS LAS GROL BAS THAR BA MTHAR PHYIN PA'I LAM THOB NAS BSAM GTAN DANG KHA TON DAG LA BRTZON PA DANG LDAN PA, BRTZON 'GRUS PHA ROL GNON PA RNAMS MOS PA JI LTA BA BZHIN DU THAR BA LA 'JUG PAR BYED DO, ,DE LA LEGS PAR STON PA, BRTZON 'GRUS DANG LDAN PA, DUS RAB TU SHES PA, LUS DANG NGAG GI DE KHO NA NYID KYI MTSAN NYID DANG SKYE BA DANG 'JIG PA'I DE KHO NA NYID SHES PA, RANG GI MTSAN NYID KYI DE KHO NA NYID SHES PA; PHUNG PO RNAMS KYI SKYE BA DANG 'JIG PA'I DE KHO NA NYID SHES PA, NYIN DANG MTSAN DU'ANG BRTZON PA MI 'DOR BA DES RAB TU BRTZON PAS KYANG SLOB DPON LA LEGS PAR BRTEN PAS DANG YE SHES MANG DU SPEL BAS KYANG KUN NAS RTZOM PAR BYED DO, ,BRTUN PAR BYED, RAB TU 'BAD PAR BYED, LAM GOMS PAR BYED, SKYON SPANG BAR BYED
DE THOG MA MED PA'I DUS NAS ZHUGS PAR GYUR PA 'KHOR BA'I 'CHING BAR GYUR BA DON MED PA RNAMS THAMS CAD BYED PA, MUN PAR BYED PA'I 'OS SU GYUR PA, DON MA YIN PA RNAMS THAMS CAD KYI RGYUR GYUR PA, SROG CHAGS RNAMS LA SHIN TU 'THAS PAR GYUR PA, DE DAG RNAMS KUN NAS BRTZAMS PA'I BRTZON 'GRUS KYIS SPONG BAR BYED DO, ,DE JI LTA JI LTAR LAM RNAMS THOB PAR GYUR PA DE LTA DE LTAR PHYIR ZHING NYID KYANG SPRO BA SKYE BAR BYED PA YIN NO, ,BRTZON 'GRUS SHIN TU BRTZAMS PAS BRAL BA'I 'BRAS BU RNAMS CI NAS KYANG 'BYUNG BAR BYED DO, ,KUN NAS NYON MONGS PA'I CHOS 'CHING BAR GYUR PA, BYIS PA'I SKYE BO RNAMS THAMS CAD KYI YID KUN NAS 'PHROG PAR BYED PA'I YUL RNAMS LA CHAGS PAR MI BYED DO, ,'DI LTA STE, 'DOD PA'I RJES SU MTHUN PAR GYUR PA SGRA DANG REG BYA DANG RO DANG GZUGS DANG DRI RNAMS KYIS DGE BA'I RDZAS GANG YIN PA RNAMS RKU BA, 'DRID PA'I CHOS CAN, RNAM PAR SLU BA'I CHOS CAN, DON MA YIN PA RNAMS THAMS CAD BYED PA, MI 'DOD PA'I RNAM PAR SMIN PAR 'GYUR BA, MI 'DOD PA'I 'CHING BA'I CHOS SU GYUR PA'I BYIS PA SO SO'I SKYE BO YONGS SU MA SPANGS PA RNAMS THAMS CAD KYI SEMS RNAM PAR G-YENG BAR BYED PA DANG, RNAM PAR RMONGS PAR BYED PA'I YUL GYI DGRA DE DAG RNAMS THAMS
, ,CAD SPONG BAR BYED DO, ,RO MYANG BAR MI BYED PA'I THAR PA'I LAM SGOM PAR BYED DO, ,SEMS DRI MA MED PAR BYED DO, ,DE JI LTA JI LTAR DRI MA RNAMS MED PA'I BYED PA DE LTA DE LTAR BRTZON 'GRUS DANG LDAN PA DANG DRAN PA DANG LDAN PA DANG NGO MTSAR BAR GYUR PA SHES BZHIN CAN DGRA RAB TU BCOM PAR 'GYUR RO, ,GZHAN YANG BRTZON 'GRUS DE NYID KYIS SPRO BA DANG BCAS PA GANG YIN PAS 'DOD CHAGS ZHE SDANG GTI MUG RNAMS RAB TU 'JOMS PAR BYED DO, ,RNAM PAR BRAL BAR BYED DO, ,RGYAL BAR BYED DO, ,YANG SRID PA MI 'BYUNG NGO, ,DGRA RNAMS LAS RGYAL BA MI MTHUN PA RNAMS LAS RGYAL BA DE NI, DRI MA MED PA'I NAM MKHA' BZHIN DU DANG, RAB TU DANG BA'I CHU BZHIN DU DANG, SPRIN GYI TSOGS RNAMS DANG BRAL BAR GYUR PAS DRI MA MED PA'I ZLA BA BZHIN DU DANG, NA BUN DANG BRAL BA'I DZAMBU'I GLING GI NYI MA BZHIN DU STE, DE LTA DE LTAR RNAM PAR SNANG NGO, ,JI LTA JI LTAR NAD PA NAD RNAMS GROL BA BZHIN DU DANG, DBUL PO RNAMS KYIS BAR DU NOR RNYED PA BZHIN DU DANG, MIG MED PA RNAMS LAM STOR NAS NAGS KHROD DU ZHUGS PA LAS LAM DU BGROD PAR BYED PA DE DAG RNAMS BZHIN DU 'DIS MTHAR THUG PA'I TSUL KHRIMS SHIS PA GANG YIN PA NYE BAR THOB PA DBANG
DU BYAS NAS BSNYEN PAR RDZOGS PAR BYAS TE GNAS SO, ,JI LTAR BDAG GI SKYE BA RNAMS NI, ZAD DO, ,TSANGS PAR SPYOD PA NI, SPYAD DO, ,BDAG GI 'DI LAS SRID PA GZHAN NI, MI SHES SO; ;DE LTAR 'DI'I SDIG PA RNAMS RNAM PAR BRAL BA 'CHING BA'I ZHAGS PA RNAMS THAMS CAD LAS GROL BA, CHU KLUNG GI PHA ROL TU PHYIN PAR GYUR NAS RNAM PAR RGYAL ZHING MDZES SO, ,BRTZON 'GRUS BRTZAMS PA DANG LDAN PA GANG GIS BRTAN PA RNAMS KYI DE DAG RNAMS THAMS CAD YIN NO, ,DE'I PHYIR NA THAMS CAD KYIS KYANG RAB TU 'BAD PAS BRTZON 'GRUS BRTZAMS PAR BYA'O, ,'KHOR BA'I 'CHING BAR GYUR PA'I LE LO DANG BAG MED PA RNAMS KYANG SPONG BAR GYIS SHIG ,DE NAS DE'I TSE NA MU SU LUNDHA BCOM LDAN 'DAS 'OD SRUNGS GIS GSUNGS PA'I TSIGS SU BCAD PA BRJOD PA JI LTAR, BRTZON 'GRUS BRTZAMS PA DRAN LDAN PA, ,DE TSE GCIG TU MNGON PAR DGA', ,SDIG PA'I CHOS LAS RNAM PAR GROL, , MKHAS PAS THAR PA THOB PAR 'GYUR, ,BRTZON 'GRUS RTZOM PA DANG LDAN PA, ,GANG GIS LE LO'I DRI MA SPONG, ,NGAM GROG 'JIGS LAS RNAM PAR GROL, ,SKYE BO DE NI MTHO RIS 'GRO, ,LE LO CHOS RNAMS THAMS CAD KYI, ,BAR CHAD BYED PA YIN PAR 'DOD, ,SKYON DES NYE BAR BCOM PA YI, ,MI NI SDUG BSNGAL SKAL LDAN YIN, ,'DI DANG PHA ROL BDE DON
, ,GNYER; ;DE YIS DE NI SPANG BAR GYIS, ,DE PHYIR DES ZIN SKYES BU DE, ,BKRA SHIS DANG YANG DE MTSUNGS 'DOD, ,DE LTAR 'THAB BRAL BA RNAMS KYI MNGA' BDAG DES SMRA BA PO'I DANG PA DE DAG RNAMS DANG, NGANG PA'I RGYAL PO DUS BZANG DE DANG, BDUD KYI RIGS KYI BAG MED PA DE DAG RNAMS LA BCOM LDAN 'DAS 'OD SRUNG GIS GSUNGS PA'I MDO GANG YIN PA SNGON GYI LHA LAS DES THOS PA RNAMS STAN PA YIN NO, ,GZHAN YANG NYON MONGS PA DRI MA CAN GYI CHOS RNAMS DKAR PO'I CHOS KYIS RAB TU GZHOM PAR BYA'O, ,'DI YANG GANG ZHE NA, 'DI LTA STE, GRONG DANG GRONG KHYER DU 'JUG PA LA DGA' BA'I SPYOD PA RNAMS SPONG BA NI, THAMS CAD GCIG TU DGON PA NA GNAS PAS SO; ;GRONG DANG GRONG KHYER NA SPYOD PA LA DGA' BAR BYED PA GCIG TU GOMS PAR GYUR PA NI, DGE SLONG LAS GCIG TU BAR CHAD BYED PAR 'GYUR RO, ,JI LTAR GYUR PAS SHE NA; DGE SLONG GI BYA BA NYID DU GYUR PA BSAM GTAN DANG KHA DOG YONGS SU SPANGS NAS GRONG NGAM GRONG KHYER DU 'JUG PAR BYED CING GNAS PAR YANG BYED DO, ,KHYIM DE DANG DE DAG RNAMS LA BLO SHIN TU LHAG PAR CHAGS PAR GYUR NAS BUD MED RNAMS DANG NGAM SKYES PA DANG BCAS PA DANG YANG RUNG STE, RGYUN MI 'CHAD PAR 'DU 'TSOGS KYANG BYED
PAR 'GYUR RO, ,DE GAL TE BUD MED DANG LHAN CIG TU 'CHING BAR 'GYUR BA RNAMS THAMS CAD BYED DO, ,DON THAMS CAD LAS YONGS SU NYAMS PAR 'GYUR ZHING, YID 'DOD CHAGS KYI DBANG DU 'GYUR BAR KUN NAS SKYED PAR BYED DO, ,RGYU GANG GIS BUD MED NI, ME DANG 'DRA BA YIN TE, JI LTAR GANG ME LA NYE BA NYID DU GNAS PA DE NI, NYE BAR SREG PAR 'GYUR RO; ;DE BZHIN DU'ANG GANG BUD MED RNAMS DANG NYE BAR GNAS PAR BYED PA DE'I SEMS RNAM PAR 'KHRUL BAR 'GYUR RO, ,RGYU MTSAN DE'I PHYIR NA DGE SLONG GIS GRONG DANG GRONG KHYER RNAMS SU 'JUG PAR MI BYA'O, ,GAL TE SKYES PA DAG DANG LHAN CIG TU 'DU 'TSOGS PA'AM, GZHAN RNAMS DANG YANG KUN RJOD PAR BYED PA DE DAG NI, BYA BA RNAMS THAMS CAD LAS YONGS SU NYAMS PAR 'GYUR RO, ,'DI'I SEMS ZAG PA MED PA'I CHOS RNAMS LA YANG DAG PAR RAB TU DANG BAR 'GYUR BA'ANG MA YIN NO, ,DGE SLONG GRONG DANG GRONG KHYER RNAMS SU 'JUG PA LA DGA' BA'I SPYOD PA'I DBANG GIS BAR CHAD CHEN POR GYUR PA GZHAN RNAMS NYID KYANG 'BYUNG BAR 'GYUR TE, DE LAS 'DI DAG RNAMS KYANG GANG ZHE NA, 'DI LTA STE, KHYIM NAS KHYIM RNAMS SU 'JUG PA'I DGE SLONG NI, SEMS RNAM PAR G-YOS PAR 'GYUR RO, ,KHYIM RNAMS KYI NYE BAR SPYOD PAR BYA BA RNAMS YONGS SU RTOGS SHING ZAS DANG SKOM GYI LONGS
, ,SPYOD DAG MNGON PAR MTHONG NAS SPANGS KYANG DE NAM ZHIG NA SLAR YANG MI MNYAM PA RNAMS LA 'JUG PAR RTZOM STE, NAGS KYI NANG NAS CI NAS KYANG KHYIM PAR 'GYUR RO, ,NAGS NA GNAS PA'I DGA' BA LAS YONGS SU NYAMS PAR GYUR NAS DE PHYIR YANG KHYIM GYI GNAS KYI 'CHING BA'I SKYON DE NYID KYIS KUN NAS BCINGS PAR GYUR NAS 'DOD CHAGS DANG ZHE SDANG DANG GTI MUG RNAMS LA SPYOD DO, ,DE NYES PA DE DAG RNAMS KYI SKYON GYIS PHYIR YANG DMYAL BA DANG YI DVAGS DANG DUD 'GRO RNAMS SU SKYE BA YIN NO, ,SDUG BSNGAL DE DAG RNAMS KYI RTZA BA'ANG GRONG DANG GRONG KHYER DU 'JUG PA'I SPYOD PA LA DGA' BA YIN NO, ,DE'I PHYIR YANG DAG PA'I DGE SLONG YIN PAR 'DOD PA DE DAG RNAMS YONGS SU SPONGS SHIG ,RNAM PA DE LTA BU'I SKYON DE DAG RNAMS KYANG GANG GIS SPONG NA, GCIG TU DGON PA NA GNAS PAS SO, ,DGON PA NA GNAS PA DE'ANG MTHAR THUG PA'I YON TAN RNAMS THAMS CAD KYI RTEN DU GYUR PA MCHOG TU BZANG BA YIN NO, ,GCIG PU DGON PA NA GNAS PAR DGA' BA'I DGE SLONG NI, DBANG PO RNAMS ZHI BA DANG, SEMS SHIN TU RAB TU DANG BA DANG, BLO LEGS PAR BA TUL BA'I GSER DANG MTSUNGS PA DANG, MCHOG TU ZHI BA DANG, DBANG PO RNAMS MCHOG TU BSDAMS PA DANG, 'JIGS PA'I DRI MA RNAMS DANG RNAM PAR
BRAL BA DANG, MCHOG TU GTZANG BAR GYUR PA'I ZAG PA MED PA'I BDE BA RNAMS GANG YIN PA 'THOB PAR BYED DO, ,BDE BA DE'I KHYAD PAR RNAMS KYIS NA 'DOD PA NA SPYOD PA'I LHA'I RIGS DRUG PO 'DI DAG RNAMS THAMS CAD KYIS KYANG YANG DAG PA'I LEGS PA DANG LDAN PAR GYUR CING KUN GYIS KYANG GANG SNGON LAS RNAMS GCIG TU BYAS PAR GYUR LA, DE'ANG 'DOD PA SDUG PA YID DU 'ONG BA MCHOG TU MTSUNGS PA MED PA'I LHA GCIG GI RNAM PAR SMIN PA'I 'BRAS BUR GYUR CING 'DOD PA NA SPYOD PA 'DI DAG RNAMS KYI BDE BA RNAMS DANG KUN NAS LDAN PAR GYUR PA GANG YIN PA DES KYANG ZAG PA ZAD PA'I BDE BA GCIG GI CHAR YANG MI PHOD CING DPER YANG MI BZOD DO, ,DPYAD PAR GYUR PA NA THAMS CAD DU DPER YANG MI CHOG GO , DE'I PHYIR GANG 'GA' ZHIG DON DAM PA'I BDE BA 'DOD PA DES GRONG KHYER DU 'JUG PA LA DGA' BA'I BDE BA DE DAG RNAMS THONG LA BSAM GTAN DANG SNYOMS PAR 'JUG PA'I BDE BA RNAMS DON DU GNYER ZHING RTAG TU GCIG TU NYID MNGON PAR DGA' BAS RI KHROD DANG RI'I PHUG DANG DGON PA RNAMS SU RTZVA SOG GI STAN LA GCIG TU GNAS PAR 'GYUR BAR GYIS SHIG ,ZAG PA MED PA'I BDE BA LA MNGON PAR DGA' BAS GNAS PA'I DGE SLONG RNAMS NI, GROGS PO DANG GNYEN 'BREL DANG RANG GI SKYE BO RNAMS LTA BAR BYED PAS
, ,RNAM PAR RGYU BA STEN PAR 'GYUR BA NI, MA YIN NO, ,DE RANG GI SKYE BO DANG GROGS PO DANG GNYEN 'BREL RNAMS LA LTA BAS RNAM PAR RGYU BA BSTEN PAR GYUR NA, DE RANG GI SKYE BO DANG GROGS PO DANG GNYEN 'BRAL RNAMS DANG PHRAD PA LAS BYUNG BA'I BDE BA RNAMS NI, 'JIG PA DANG MI BRTAN PA DANG MI RTAG PA DANG MTHAR RNAM PAR 'BRAL BA DE DAG RNAMS NI, MCHOG TU MTHAR PHYIN PA MA YIN NO, ,NYON MONGS PA RNAMS DANG BCAS PA DANG, DE NI, DRI MA DANG SKYON DANG GNOD PA DANG BCAS PA DANG GCIG TU NGES PA MA YIN PA 'JIGS PA DANG BCAS PAR GCIG TU NGES PA DPE MED PA RNAMS LAS RNAM PAR MA GROL BA YIN NO, ,DE'I PHYIR NA BLO GROS DMAN PAR GYUR PA GANG 'GA' ZHIG GIS DON DAM PA'I BDE BA RNAMS KUN NAS DOR NAS ZAG PA DANG BCAS PA'I BDE BA TSUL DANG MTHUN PA MA YIN PA SDUG BSNGAL RNAMS TSOL BAR BYED DO, ,DE NI, 'OD BOR BAR GYUR NAS MUN PA TSOL BAR BYED PA YIN NO, ,DE LAS KYANG 'KHYAMS PAR GYUR TE BLO DANG MI LDAN ZHING YON TAN DANG YON TAN MA YIN PA DANG, SKYON GYI MTSAN NYID LA BLO GROS LDONGS PA'I PHYIR RO, ,DE'I PHYIR GRONG DANG GRONG KHYER DU 'JUG PAR DGA' BA'I SPYOD PA RNAMS SPONGS LA, RTAG PAR GCIG PU DGON PA NA GNAS PA LA MNGON PAR DGA'
BAR 'GYUR BAR GYIS SHIG ,DE LTAR NA KUN NAS NYON MONGS PA RNAMS SPANGS PA SHIN TU MTHAR PHYIN PA'I BDE BA RNAMS 'THOB PA YIN NO, ,CHOS LNGA PA DRI MA DANG BCAS PA 'DI NI, DRI MA MED PA'I CHOS KYIS RAB TU GZHOM PAR BYA'O, ,BDE BA 'DOD PA RNAMS DANG BDUD KYI YUL LA MNGON PAR MI DGA' BA RNAMS DANG, DE'I SA LA 'DUG PAR MI 'DOD PA NYID KYIS DE LTAR DRI MA DANG BCAS PA'I CHOS DE DRI MA MED PA'I CHOS KYIS RAB TU GZHOM PAR BYA'O, ,DE LTAR MU SU LUNDHA 'DIS KUN NAS BRJOD PA DANG LDAN PA'I NGANG PA DE DAG RNAMS KYI BLO YANG RTOGS PAS DANG, DGE BA'I MTHA' DANG LDAN PA MCHOG TU RGYA CHE BA'I BLO GROS CAN GYI BYANG CHUB SEMS DPA' DUS BZANG GZHAN LA PHAN PA LA RAB TU ZHUGS PA DE DANG, BDUD KYI PHYOGS SU 'GYUR BA'I BAG MED PA DE 'KHOR RGYAGS PA DANG SMYO BA DANG BCAS PA DANG, DE DAG RNAMS KYI BSAM PA RIG NAS BCOM LDAN 'DAS 'OD SRUNG GIS GSUNGS PA'I MDO 'DI YUL DANG DUS SU RIGS PAR BSTAN NO, ,DE LA CHOS BCU GCIG PO RNAMS LAS CHOS LNGA PA BSTAN PA YIN NO, ,LHAG MA DRUG PO DE'ANG YUL DANG DUS SU 'OS PAR NGAS BSTAN PAR BYA YI, KHYED RNAMS YID RTZE GCIG PA DANG YANG DAG PAR LDAN PAR GYIS SHIG ,GANG GI PHYIR DAL 'BYOR PHUN SUM TSOGS PA THOB PAR GYUR NAS GANG DAG
, ,CHOS STON PAR MI BYED PA DANG, GANG YANG NYAN PAR MI BYED PA DE DAG NI, SHIN TU MI KHOM PA THOB PA YIN NO, ,DE'I PHYIR NA JI SRID DU DAL 'BYOR PHUN SUM TSOGS PA DANG, DBANG PO KUN TSANG BAR GYUR PA DE SRID DU CHOS BSTAN PAR BYA'O, ,GANG GI PHYIR NGAN SONG GIS GSUM PO DMYAL BA DANG, YI DVAGS DANG, DUD 'GRO RNAMS SHIN TU SDUG BSNGAL BA'I PHYIR RO, ,DMYAL BA NI, JI LTAR CHOS NYAN PAR 'GYUR, DE BZHIN DU YI DVAGS DANG, DUD 'GRO RNAMS NA JI LTAR CHOS 'DUL BA RNAMS YOD, PHAN TSUN DU GSOD PAR BYED PA DANG, SKOM PA DANG, LTOGS PA'I SKYON DANG LDAN PA'I PHYIR RO, ,LHA DANG MI RNAMS KHO NA CHOS SGROG PA YOD PA YIN TE, GANG DAG BAG MED PA MA YIN ZHING BAG MED PAR RGYU BA MA YIN PA RNAMS KYIS SO, ,DE LA BDAG GIS BAG MED PA SPANGS LA, KHYED DAD PA'I MOS PA DANG LDAN PA DGE BA'I BSAM PA CAN RNAMS NYID LA NGAS CHOS BSTAN PAR BYA YI; DE KHYED RNAMS KYIS RAB TU GUS PAR GYIS LA MNYAN PAR GYIS SHIG ,DE LTAR CHOS 'DUL BA NI, SHIN TU DKON PA DANG DAL 'BYOR PHUN SUM TSOGS PA'ANG SHIN TU RNYED PAR DKA' BA YIN NO, ,GZHAN YANG CHOS DRI MA CAN MI GTZANG BA DANG BCAS PA GZHAN RNAMS SLU BAR BYED PA'ANG GANG ZHE NA, 'DI LTA STE, 'DOD PA CHE BA'O, ,CHOS
DE'ANG MCHOG TU DRI MA CAN DU GYUR PA 'DOD PA CHE BAS BYIN GYIS BRLABS PA GANG GIS GZHOM PAR BYA NA, 'DI LTA STE, CHOG SHES PAS SO, ,'DOD PA CHE BA ZHES BYA BA NI, KHYIM PA RNAMS DANG, RAB TU BYUNG BA RNAMS KYANG BDE BAR RGYU BA MA YIN TE, GANG GI PHYIR 'DOD PA CHE BAR GYUR PA RNAMS NI, KHYIM PA'AM RAB TU BYUNG BA'ANG RUNG STE, NYIN MO DANG MTSAN MOR YANG DE DAG RNAMS BDE BAR MI 'GYUR RO, ,RDZAS RNAMS THOB PAR GYUR PAS KYANG ZHI BA THOB PAR MI 'GYUR RO, ,NOR GANG RNYED PAR GYUR KYANG NGES MTHAR THUG PA'I TSIM PA 'BYUNG BAR MI 'GYUR RO; ;'DOD PA CHE BAR GYUR PA DE'ANG KHYIM GYI GNAS NAS NGES PAR 'BYUNG BA'I RAB TU BYUNG BA RNAMS LA JI LTA BA DE LTAR KHYIM PA RNAMS KYI BAR CHAD BYED PAR NI MI 'GYUR RO, , GANG GI PHYIR RAB TU BYUNG BA 'DOD PA CHE BAR GYUR PA GANG YIN PA DE NI, KHYIM PA YIN GYI RAB TU BYUNG BA NI, MA YIN NO, ,RAB TU BYUNG BA ZHES BYA BA NI, RGYAGS PA DANG NGA RGYAL DANG 'GYING PA DANG RMONGS PA DANG PHRAG DOG RNAMS BCOM PA DANG, 'DOD PA CHE BA DANG YANG RNAM PAR BRAL BA YIN NO, ,SPYIR SKYON DE DAG RNAMS NYID LAS KYANG DGE SLONG 'DOD PA CHE BA'I MING CAN RNAMS LA NI, GZHAN THAMS CAD 'PHYA BAR 'GYUR RO, ,GANG YANG 'DOD PA CHE BA'I BLO CAN GYI DGE SLONG NI, RTAG TU BLO NOR LA SONG BAR GYUR PAS NYID MTSAN
, ,MED PAR DE'I SEMS DGE BA'I CHOS RNAMS LA LEGS PAR RAB TU DANG BAR MI 'GYUR RO, ,DE'I BLO RAB TU MA DANG BA DANG, DBANG PO RAB TU MA DANG BA DANG, BYA BA RNAMS RAB TU MA DANG BA GANG YIN PA'I GOM PA 'BOR BAR GYUR PA'AM, DGE 'DUN GYI SA LA 'CHAG PAR BYED KYANG DER DMYAL BAR NYE BAR 'GYUR NA, GNAS MAL DANG NAD KYI RKYEN SMAN DANG YO BYAD RNAMS KYIS NI, DANG PO KHO NAR BAR CHAD BYED PA 'BYUNG BAR 'GYUR BA YIN NO, ,DE DMYAL BA 'BA' ZHIG TU 'TSED PAR BYED DE, GANG TSUL KHRIMS 'CHAL BAR GYUR PA, 'DOD PA CHE BA, SDIG PA'I CHOS CAN, DGE SBYONG MA YIN PAR DGE SBYONG DU KHAS 'CHES PA, SENGGE'I PAGS PA KUN NAS GYON PA'I LCE SBYANG, SGYU MA'I ZONG DANG MTSUNGS PA, DUNG GI SGRA DANG MTSUNGS PAR SPYOD PA, MCHOG TU STONG PA, SHIN TU SLU BA, SHIN TU CHAD PAR GYUR PA YIN NO, ,GANG 'GA' ZHIG 'DOD PA CHE BAR GYUR PA JI LTAR NGA NI; DGE SLONG YIN TE, 'OD SRUNG BA YIN NO, ,'OD SRUNG GI CHOS 'DUL BA LA RAB TU BYUNG BA YIN NO, ,ZHES DE LTAR DAM 'CHA' BRJOD PAR BYED PA NA, 'DOD PA CHE BAR GYUR PA DE LTAR MES NI, MI SREG GO ,JI LTAR 'DOD PA CHE BAS BLO GROS CHUNG BA RNAMS NA BAR BYED PA DE LTAR DUG GIS LHANG KYOG MI BYED DO, ,JI LTAR 'DOD PA CHE BA'I RGAS PAS
RGA BAR BYED PA DE LTAR RGA BAS RGAS PAR MI BYED DO, ,JI LTAR DGE BA'I LJON SHING RNAMS 'DOD PA CHE BA'I MTSON GYIS RTZA BA NAS GCOD PAR BYED PA DE LTAR MTSON GYIS NI, RTZA BA NAS MI GCOD DO, ,JI LTAR 'DOD PA CHE BA'I NAD RNAMS KYIS NYE BAR 'JOMS PAR BYED PA DE LTAR NAD RNAMS KYIS NI, NYE BAR 'JOMS PAR MI BYED DO, ,JI LTAR 'DOD PA CHE BA'I DGRAS NANG DU GSEB TU NYE BAR SONG NAS SNYING LA KUN TU GNAS TE SROG 'JIG PAR BYED PA DE LTAR DGRA BO GLAGS TSOL BA RNAMS NAGS KYI GSEB TU ZHUGS TE RTAG TU NYE BAR GLAGS SKABS TSOL BA RNAMS KYANG SROG GCOD PAR MI BYED DO, ,DE'I PHYIR SKYON DE DAG RTOGS PAR GYIS LA GNYIS 'JIG PAR BYED PA'I SKYON CAN DGE SLONG 'DOD PA CHE BA RNAMS KYIS 'JIG RTEN GNYIS KA 'JIG PAR BYED PA DANG, DRI MA RNAMS DANG LDAN PA DANG, SDIG PA'I RTZE MOR GYUR PA YIN PAS RNAM PAR SPANG BAR GYIS SHIG ,DE SPYAD PAR GYUR PA NA'ANG NYIN MO'AM MTSAN MO YANG RUNG STE, 'GA' ZHIG KYANG BDE BAR MI 'GYUR RO, ,DE NAS DE'I TSE NA 'THAB BRAL BA RNAMS KYI MNGA' BDAG MU SU LUNDHA DE BCOM LDAN 'DAS 'OD SRUNG GIS GSUNGS PA'I TSIGS BCAD PA BRJOD PA JI LTAR, 'DOD PA CHE BA'I MTSON CHEN NI, ,GANG GIS GTUBS PA BYIS PA RNAMS, ,DE PHYIR MTSON CHA BZHIN DE SPONGS, ,MIG MED PA NI DES BCINGS NAS, ,
, ,'DOD CHEN RMA NI MI BZAD PA, ,GANG GI SNYING LA SKYE BAR 'GYUR, ,NYIN DANG MTSAN MO MED PAR YANG, ,'DOD LDAN DE NI BDER MI 'GYUR, ,KUN RTOG BUD SHING LAS BYUNG BA'I, ,SRED PA'I RLUNG GIS KUN TU SPANG, ,'DOD CHEN RANG BZHIN MI YIS NI, ,MI RNAMS SNYING NI SREG PAR BYED, ,'DOD PA YIS NI BSKOR BA'I YID, ,SEMS NI YANG MO'I SKYES BU NI, ,NOR LA SRED PAR GYUR PA YIS, ,GSON PA'I SNYING PO 'JOMS PAR BYED, ,GANG YANG SDIG PA'I LAS RNAMS NI, ,SKYES BU THA SHAL GYIS BYED DO, ,DE KUN NOR SRED LAS YIN PAR, ,MKHAS PAS RAB TU BRJOD PA YIN, ,'BAR BA GANG DU RNAM PAR 'JUG ,GANG GIS MI RIGS PAR BYED PA, ,DE KUN 'DOD PA'I SKYON GYIS NI, ,BDAG LA PHAN MIN BYED PA YIN, ,'KHRUG PA RNAM PA SNA TSOGS DANG, ,MTSON CHA'I SDUG BSNGAL SHIN TU MANG, ,BSTEN PA'I SKYES BU RMONGS PA GANG, ,DE YI RGYU YANG 'DI YIN NO, ,'DOD PA'I SKYON LAS KUN BYUNG BA'I, ,NYER 'TSE 'DI DAG GO BAR GYIS, ,DE BSTEN PHAN PA BYED MIN PAR, ,LAM RIG PAS NI YONGS SU GSUNGS, ,DE LTAR MU SU LUNDHA DES SMRA BA PO'I NGANG PA DE DAG DANG, NGANG PA'I RGYAL PO DUS BZANG DE DANG, BAG MED PAS MGO DRANGS PA'I BDUD KYI RIGS SU GYUR PA GSUM PO RGYAGS PA DANG SMYO BA DANG DE DAG RNAMS LA BSHAD
DO; ;RNAM PA DE LTA BU'I SKYON CHEN PO RNAMS DGE BA'I CHOS GANG DAG GIS RAB TU GZHOM PAR BYA BA YIN NA, 'DI LTA STE, 'DOD PA CHUNG BA ZHES BYA BAS SO, ,'DOD PA CHUNG BA ZHES BYA BA NI, 'DI LTA STE, BDE BA RNAMS THAMS CAD 'BYUNG BA'O, ,DE GANG LA YOD PA'I SKYES BU DE NI, RTAG TU BDE BA'I MCHOG RNAMS DANG LDAN PA YIN LA, DE LA ME DANG RGYAL PO DANG CHOM RKUN DANG CHU LA SOGS PA RNAMS KYI 'JIGS PA MED DO, ,'DI NOR GYI SRED PA RNAMS KYIS RNAM PAR BSREGS NAS KHYIM NAS KHYIM DAG TU BSTEN PAR BYA BA'I DON DU SMRA BAR MI BYED DO, , STEN GROGS RNAMS NI, RKUN MA'I STEN GROGS YIN NO, ,DMAN PA'I GNAS RNAMS KHYIM SGOR GNAS PA YIN NO, ,RDZUN GYIS BSTEN GROGS KYI TSIG DAG KYANG SMRA BAR MI BYED DO, , GAR DANG RGOD PA DANG 'GYING BAG RNAMS ZHABS 'BRING GI DON DU BYED PA'ANG MA YIN NO, ,TSIG RNAMS SMRA BAR MI BYED CING DON DAG KYANG MI BYED DO, ,NOR GYI 'DOD PA'I ME RNAMS KYIS MI SREG GO ,GZHAN DAG DANG MNYAM DU 'GROGS PA LA SPRO BAR GYUR PA RNAMS KYI DBUGS 'BYIN PA MED PA'I SDUG BSNGAL MANG POR MI 'GYUR RO, ,NOR GYI 'DOD PAS SDIG PA'I GROGS PO RNAMS BSTEN PAR MI BYED DO, ,RTAG TU DOGS PA DANG BCAS PAR MI 'GYUR ZHING LAM DU 'GRO BAR GYUR NA CHOM RKUN PA'I 'JIGS PA MED DO, ,GROGS PO MA
, ,YIN PA RNAMS MANG BAR MI 'GYUR ZHING, SKYE BO RNAMS THAMS CAD KYIS RTOG DBYOD BYED PAR MI 'GYUR RO, ,CHAD PA'I 'JIGS PAS KYANG RNAM PAR MI 'JIGS SO; ;DE LTAR KHYIM PAR GYUR KYANG 'JIGS PA RNAMS MED PAR 'GYUR RO, ,SKYON GYI 'JIGS PA RNAMS KUN TU 'GAGS PA DANG, THAMS CAD DU SO GSOD PAR GNAS PA DANG GANG YANG KHYIM PA RNAMS KYANG SKYON LAS KUN TU RGAL BA YIN NA NAGS NA GNAS PA RNAMS LA LTA CI SMOS, DE NYID SLAR YANG 'DOD PA CHE BAR BYED NA NI, DE SKYUG BA ZA BA DANG MTSUNGS PAR 'GYUR RO, ,DGE SBYONG GI MCHOD PA'I MCHOG RNAMS NI, 'DI LTA STE, 'DOD PA CHUNG ZHES BYA BA YIN NO, ,'DOD PA CHUNG ZHING CHOG SHES PA'I DGE SLONG RNAMS NI; GANG GI PHYIR SHIN TU'ANG MDZES SHING GSAL LA RNAM PAR SNANG NGO, ,GDAN GCIG PA 'BA' ZHIG DANG, PHYAG DANG KHROD PA 'BA' ZHIG DANG, GCIG PU KHO NA RGYU BA DANG RI'I KHROD DANG PHUG DAG DANG RTZVA'I PHUNG PO DANG DUR KHROD 'BA' ZHIG TU GNAS PA DANG, GSUS PA'I SUM CHA 'BA' ZHIG GIS CHOG SHES PA DANG, SUS YANG MI SHES PA 'BA' ZHIG GIS YUL LJONGS RGYU BAR BYED PA DANG, GNYEN BSHES DANG GROGS PO DANG RANG GI SKYE BO RNAMS LA'ANG BSOD SNYOMS 'BA' ZHIG PA DANG, LHUNG BZED GOG PO GCIG 'BA'
ZHIG 'CHANG BAR BYED PA DANG, SHES RAB KYIS PHYIN CI LOG 'BA' ZHIG YONGS SU SPONG BAR BYED PA DANG, YUL GANG NA MCHOD PAR BYED PA'I YUL DE YONGS SU SPONG BAR BYED PA DANG, LAM 'BA' ZHIG LA LEGS PAR LTA BA DANG, GNYA' SHING GANG TZAM DU LTA BA DANG, GZHAN DU MIG MI G-YENG BA DANG, RO ZHIM PO 'BA' ZHIG ZA BA LA STEN PA SPONG BA DANG, CHU ZHAG DU MA BSGRANGS PA 'BA' ZHIG GI BTUNG BA 'THUNG BA DANG, YUL LJONGS DANG GRONG DAG TU ZHAG GSUM DANG ZHAG BDUN 'BA' ZHIG GNAS PAR BYED PA DANG, GSER DANG 'KHAR BA DANG DNGUL GYIS MDZES PAR BYAS PA'I NYAL KHRI 'DZIN PAR MI BYED PA KHO NA DANG, SNGON GYI KHYIM DANG GROGS PO DANG GNYEN BSHES KYI LAM KUN TU LTA BAR BYED PA SPONG BA 'BA' ZHIG DANG, MCHOG TU GYUR PA'I RGYAL PO'I BSOD SNYOMS DANG MAL STAN DANG RGYAL PO'I SGOR STEN PAR BYED PA RNAMS SPONG BA KHO NAR SPYOD PA DANG RIGS KYI MCHOG LAS RAB TU BYUNG BAR KUN NAS SGROG PA RNAMS SPONG BA KHO NAR BYED PA DANG, DE DANG RANG BZHIN MTSUNGS PA 'BA' ZHIG DANG BRJOD PA DANG GSOD GSAL DANG KUN RJOD PAR BYED PA YIN NO, ,RNAM PA DE LTA BUR GYUR PA'I DGE SLONG GI SDOM PA DANG DKA' THUB NI, RNYOG PA RNAM PAR SPANGS PA MCHOG TU CHOG SHES PA, MCHOG TU 'DOD PA CHUNG BAS NI, BDUD KYI 'CHING BA RNAMS
, ,GCOD PAR NUS SO, ,'DOD PA CHE BA RNAMS NI, SDUG BSNGAL GYI TSUL KHRIMS DANG LDAN PA DGE SLONG GI CHA BYAD 'DZIN PA NAD DANG 'DRA BA RKUN MA YIN TE, LHA DANG BCAS PA'I MI'I TSOGS KYI SKYE RGU RNAMS NYE BAR MGU BAR MI BYED PA'I SDIG PA CAN YIN NO, ,DGE SLONG RNAMS KYANG CHOG SHES PA DANG LDAN PA DANG 'DOD PA CHUNG BA'I DGE SLONG NI; DGE SLONG YIN NO, ,SGRA DANG REG BYA DANG RO DANG GZUGS DANG DRI DANG YUL RNAMS LA DE'I DBANG PO RNAMS RGYU BAR MI BYED DO, ,PHYI KHYAMS DAG TU NYAL BA DANG SEMS CAN THAMS CAD LA PHAN PAR GNAS PA'I LUS DANG CHOS DANG TSOR BA DANG SEMS RNAMS LA DRAN PA NYE BAR GZHAG PA RJES SU RTOGS PA DANG, KUN NAS MCHOG TU BLO RNAM PAR BSDUS PA DANG, 'KHOR BA'I TSOGS RNAMS LAS DBANG PO GCIG TU BSDAMS PA DANG, CHOG SHES PA NI, DGE SLONG DU BRJOD PA YIN TE, JI SRID DU 'DOD PA CHUNG BAR GYUR PA DE DAG RNAMS NI, KHYIM PA'AM RAB TU BYUNG BA YIN YANG RUNG STE, BAG MED PAR MI 'GYUR RO, ,DE NAS DE'I TSE NA 'THAB BRAL GYI BDAG PO DES TSIGS SU BCAD PA'I DBYANGS BRJOD PA JI LTAR, BAG YOD 'BRAS BU THAR BA YIN, ,DMYAL BAR MI RNAMS BAG MED PAS, ,BAG YOD BAG MED PA DAG GI ,'DIS NI KHYAD PAR BRJOD PA
YIN; ;GANG YANG BCINGS DANG THAR BA YI, ,KHYAD PAR GANG NI ZLA DANG MUN, ,BAG YOD BAG MED DE DAG GI ,KHYAD PAR 'DI NYID KHO NA YIN, ,BDE BA 'DOD PA CHUNG LA MTHONG, ,SDUG BSNGAL 'DOD CHEN MI RNAMS YIN, ,BDE SDUG MTSAN NYID 'DI YIN PAR, ,YONGS SU RTOGS PAR BYED PAS BSHAD, ,RTAG TU 'DOD CHEN MI RNAMS KYI, ,ME NI SNYING GNAS YANG BZHIN YIN, ,GANG DU 'DOD MED KHRUS BYED PA'I, ,'DOD PA CHUNG BA BSIL BA'I MTSO, ,JI LTAR ME NI BUD SHING GIS, ,RAB TU ZHI BAR 'GYUR NA YIN, ,DE BZHIN 'DOD CHEN MI RNAMS NI, ,NOR GYIS GANG BAR 'GYUR MA YIN, ,'DOD PA CAN LA NYID DANG NI, ,MTSAN MO MED PAR BDE MI 'GYUR, ,SKYES BU 'DOD PA CHE BA GANG, ,SRED PA'I ZUG RDUS RNAM PAR GNAS, ,RGYAL PO NOR GYIS NGOMS MED PAR, ,BYE BA PHRAG TU SHI ZHING SONG, ,GZHAN YANG MANG POR 'GRO BAR 'GYUR, ,DE PHYIR 'DOD PA CHUNG BA BDE, ,DE LTAR 'THAB BRAL GYI MNGA' BDAG DE PADMA'I SNYING PO LA LEGS PAR GNAS TE DUS BZANG DE DANG, SMRA BA PO'I NGANG PA DE DAG RNAMS LA 'CHAD PAR BYED DO, ,GZHAN YANG 'THAB BRAL GYI BDAG PO DE NYID KYIS BAG MED PA DE'I SKYON RNAMS GZUNG BAR BYA BA'I DON DU SMRA BA PO'I BYA DE DAG RNAMS KYI MDUN DU DANG, DUS BZANG DE'I SNGON DU'ANG BCOM LDAN 'DAS 'OD
, ,SRUNG GIS GSUNGS PA'I MDO SNGON GYI LHA'I DRUNG NAS THOS PA RNAMS 'CHAD PA NI, JI LTAR CHOS DRI MA CAN RNAMS BSTAN PA GANG YIN PA DE NI, DKAR PO'I CHOS RNAMS KYIS RAB TU GZHOM PAR BYA'O, ,DE LA DRI MA CAN GYI CHOS BDUN PA BSTAN PAR BYA BA RNAMS DANG, DKAR PO'I CHOS RNAMS KYIS GZHOM PAR BYA BA DANG, 'DI DAG KYANG GANG DAG ZHE NA, 'DI LTA STE, GNYEN BSHES BLTA BA LA MNGON BAR DGA' BA NI, BYES SU YUN RING POR GNAS PAS SO, ,DE LTAR YANG GNYEN BSHES DANG GROGS PO DANG RANG GI SKYE BO RNAMS DANG PHRAD PA LA MNGON PAR DGA' BA'I DGE SLONG NI, BLO DE LA SONG BAR GYUR BA DANG, DE RJES SU SGRUB PAR BYED PA DANG, DE LA RAB TU 'BYAMS PAR GYUR PA DANG, DES BREL DOG TU GYUR NAS NYIN MO DANG MTSAN MO MED PAR YANG BSAM GTAN BLO LA BYED PA'ANG MA YIN NO, ,KHA TON YANG MI BYED CING BLA MA LA LEGS PAR BSTEN PA'I DBANG GIS GNAS PA'ANG MA YIN NO, ,DKON MCHOG GSUM LA MCHOD PA RJES SU SGRUB PAR MI BYED DO, ,'JIG RTEN PHA ROL GYI LUS KYI LAS SU BYA BA RNAMS RJES SU DRAN PAR BYED PA DANG, GZHAN LA STON PA DANG, NGAG GI LAS DANG YID KYI LAS DANG RNAM PA GSUM BYED PA MA YIN GYI, BLO DE LA SONG BA 'BA' ZHIG TU ZAD DO, ,JI LTA BA
BZHIN DU NGA DANG NGA'I GNYEN BSHES RNAMS DANG GROGS PO DANG RANG GI SKYE BO RNAMS MA MTHONG NA, DE DAG RNAMS KYI KHYIM GYI BYA BA NI, CI DANG CI LTAR GYUR TAM, YANG DE DAG GI GSON PA RNAMS KYANG JI LTAR GYUR TAM ZHES DE DE LTAR YID LA BYAS NAS MYA NGAN GYIS GZIR BAR 'GYUR TE, GANG GI DON DU DE LTA BU RNAMS LAS NGES PAR GROL BAR BYA BA'I DON DU NAGS SU GNAS PAR GYUR PA LAS DE NYID LA RJES SU 'JUG PAR BYED DO, ,BLO GROS NGAN PAR GYUR PA MI G-YO BA'I MI MYA NGAN CAN, SKYE BA DANG RGA BA DANG NA BA DANG 'CHI BAS BYAS PA'I RANG GI MYA NGAN RNAMS YONGS SU BTANG NAS GZHAN GYI MYA NGAN GYIS MYA NGAN DU BYED PA DANG, DE MI MNYAM PA DANG MNYAM PA'I RANG GI SKYE BO RNAMS DANG, GNYEN BSHES RNAMS DANG PHRAD PA'I DRA BA 'DIR NGES PAR 'JUG PAR BYED DO, ,DE NAS YANG DES GNYEN BSHES DE RNAMS MNGON PAR MTHONG NAS GDUNG BAS GDUNGS SHING GZHAN GYI ZAS BSOD PA RNAMS ZA BAS KHYIM NAS KHYIM RNAMS SU PHE'U 'DEBS PA'I STON MO RNAMS LA MNGON PAR DGA' BAR 'GYUR RO, ,KHYIM DE DANG 'BREL PAR GYUR PA'I DON DAG NI, BYED LA NYAN PAR YANG BYED DO,, DES DE DAG RNAMS YID LA BYAS NAS DE DAG RNAMS LAS GZHAN YANG BYED DO, ,DE KHYIM GYI 'TSO TSIS RNAMS BYED PAS RANG GI DON RNAMS LAS YONGS SU NYAMS PAR 'GYUR RO,,
, ,'JIG RTEN PHA ROL TU GYUR PA RNAMS KYI 'JIGS PA DAG SEMS PAR MI BYED DO, ,DMYAL BA DANG YI DVAGS DANG DUD 'GRO'I 'GRO BA PA RNAMS SU 'CHI 'PHO BA DANG SKYE BA RNAMS SEMS PAR MI BYED DO, ,'DI PA'I 'JIGS PA RNAMS KYANG SEMS PAR MI BYED DE, RGA BA DANG NA BA DANG 'CHI BA DANG SDUG PA RNAMS DANG BRAL BA DANG, MI SDUG PA RNAMS DANG PHRAD PA DANG, SDUG PA DANG YID DU 'ONG BA RNAMS THAMS CAD KYANG THA DAD DU 'GYUR BA MED PAR 'GYUR BA RNAM PAR 'BRAL BA SO SOR GNAS PA RNAMS SEMS PAR MI BYED DO, ,DE SRID PA DE SRID DU GNYEN DANG GROGS PO RNAMS KUN TU STEN PAR BYED DO, ,GNYEN BSHES DANG GROGS PO RNAMS LTA BAR BYED PA MNGON PAR 'DOD PA MTHUN PAR BYED PA GZHAN GYI ZAS ZA BA GZHAN GYI KHYIM SGO STON PAR BYED PA GANG YIN PA RNAMS NI, LUS ZHIG NAS NGAN SONG DANG NGAN 'GRO LOG PAR LTUNG BA DMYAL BA RNAMS SU SKYE BAR 'GYUR RO, ,YI DVAGS KYI YUL RNAMS DANG DUD 'GRO'I SKYE GNAS RNAMS SU'ANG NGAL DU BA DANG BCAS PA'I 'GROS BLA LHAG PAR GYUR PAS DE SRID DU YONGS SU 'KHYAMS SO, ,DMYAL BA RNAMS SU SKYES PA NA'ANG TSOR BA DRAG PO RNAMS KYIS ZIL GYIS MNAN PA RNAMS LA GROGS POS MA YIN ZHING GNYEN BSHES RNAMS KYIS
KYANG BSIL BAR GYUR PA'I DNGOS PO RNAMS NI, CUNG ZAD KYANG MI BYED DO, ,DE'I PHYIR NA DGE SLONG RNAMS THAMS CAD KYIS TSUL RNAMS THAMS CAD NAS DMYAL BA DANG YI DVAGS DANG DUD 'GRO'I 'GRO BA PA'I 'JIGS PAS 'JIGS PA RNAMS KYIS KYANG GNYEN BSHES DANG GROGS PO RNAMS DANG PHRAD PAR 'DOD PAR MI BYA'O, ,DE DAG RNAMS DANG 'DU 'TSOG BYAS PAS KYANG NI DON MA YIN PA DRAG PO RNAMS BYED PAR 'GYUR RO, ,DE LA DMIGS PAR BYED PA DANG, DON DES KYANG GANG GI PHYIR SRED PA RNAMS ZAD PAR BYA BA'I DON DU RAB TU BYUNG BA LAS SRED PA DE NYID LA SRED PAS STON PAR BYED PA NA, DE NI, MCHOG TU YANG BYIS PAR GYUR PA RNAMS KYIS BSTEN PA YIN NO, ,GANG DAG KHO NA BCOM NAS RAB TU BYUNG BA'ANG DRA BA DE NYID DU BLO 'JUG PA NI, BLO GROS DMAN PA YIN TE, YANG 'GA' ZHIG JI LTAR ME'I 'JIGS PA SPANGS PA LAS ME DE NYID DU NYE BAR STEN PAR BYED DO, ,DE BZHIN DU KHYIM GYI GNAS RNAMS 'JIGS NAS SPANGS PA'ANG 'JIGS PA DE NYID DU NYE BAR 'JUG PAR BYED DO, ,DE BZHIN DU GANG 'GA' ZHIG GNYEN BSHES RNAMS KYI KLUNG CHEN POR NYE BAR 'GRO ZHING, SLAR YANG DE DAG RNAMS NYID LA NYE BAR BSTEN PAR BYED PA DE DAG RNAMS NI, MIG MED PA DANG BLO GROS BKAB PA DANG DBANG PO RNAMS KUN NAS MA BSDAMS PA YIN NO, ,DE
, ,LTAR KUN NAS NYON MONGS PA CAN GYI CHOS 'DI DAG CHOS GANG GIS RAB TU GZHOM PAR BYA NA, 'DI LTA STE, GANG SHES RAB CAN RNAMS KYIS KYANG SPANG PA DANG, GZUNG BAR YANG NUS PA MA YIN TE, DE YUN RING DU BYAS NA GNAS PA LA MNGON PAR DGA' BA RNAMS KYIS NI, RAB TU GZHOM PA DANG GZUNG BAR YANG NUS PA YIN NO, ,RING DU 'GRO NA LAM LA GNAS PA'ANG 'DI LTA STE, BLO GROS ZHAN PA RNAMS DANG GNYEN PO GZHAN GYIS KYANG GNYEN BSHES DANG GROGS PO DANG RANG GI SKYE BO RNAMS LA GDUNG SEMS SO SOR BZLOG PAR BYA BAR MI NUS KYI, DE'ANG YUN RING DU 'GRO NA 'GRO BAR GYUR PAS THA MAR NI, GDUNG SEMS DE DAG RNAMS RAB TU 'JOMS TE, BRTZE BA'I SEMS NI, GNAS SKABS RNAMS THAMS CAD DANG THAMS CAD DU MA PHRAD PAS RAB TU 'JOMS PA JE DANG POR NI, GDUNG SEMS DE NYID KYI GNYEN PO RNAMS GNAS SKABS THAMS CAD DU RIG PAR 'GYUR BA 'DI NI, 'DI LTA STE, 'DUS PA RNAMS THAMS CAD KYI MTHA' NI, 'BRAL BA NI, 'CHI BA'I YUL DANG DUS DANG RNAMS SU 'GA' ZHIG GIS KYANG 'GA' ZHIG DMIGS PAR 'GYUR BA'AM, YONGS SU SKYOB PAR 'GYUR BA'ANG MA YIN NO, ,'CHI BA'I YUL DANG DUS RNAMS SU NI, LAS NYID KHO NA GNAS SKABS RNAMS THAMS CAD DU
YONGS SU SKYOB PAR BYED PA YIN NO, ,SKYE BA GZHAN DAG BRGYA STONG DU MA RNAMS SU'ANG LAS NYID SKYABS SU 'GYUR TE, RNAM PA THAMS CAD KYI THAMS CAD DU GNYEN BSHES RNAMS BZHIN DU 'GYUR RO, ,GNYEN BSHES RNAMS KYIS MA YIN ZHING RTZANG 'BREL RNAMS SAM, GZHAN DAG RNAMS KYIS KYANG MA YIN NO, ,GNYEN BSHES RNAMS GANG 'GA' ZHIG GIS KYANG SKYOB PAR BYED PA MA YIN PAS GCIG TU MNGON PAR DGA' ZHING, GNYEN BSHES KYI DBANG DU BYA BA'AM RANG GI SKYE BO RNAMS KYI DBANG DU BYAS NAS DE LTAR DPYOD PAR BYED DO, , DE'I PHYIR NA KUN NAS NYON MONGS PA CAN GYI CHOS GZHAN 'DI NI, GCIG PU MNGON PAR DGA' BA'I DGE SLONG GIS RAB TU GZHOM PAR BYA BA YIN NO, ,'CHI BA'I YUL DANG DUS RNAMS SAM NA BA'I DUS DANG RGAS PA'I DUS NA'ANG 'GA' ZHIG KYANG 'GA' ZHIG LA CUNG ZAD KYANG MI BYED DO, ,YONGS SU SKYOB PAR BYED PA NI, SU DAG KYANG MA YIN NO, ,ZHES DE LTAR SEMS PAR BYED DO, ,DGE SLONG 'DI'I RANG GI SKYE BO RNAMS KYIS BYAS PA'I BRTZE GDUNG GANG YIN PA 'DI LAS DE DAG RNAMS THAMS CAD DU NYAMS PAR 'GYUR BA'AM MGO SMAD PAR 'GYUR RO; ;DE LTAR DGE SLONG GNYEN BSHES LA PHRAD PA'I BRTZE GDUNG RNAMS NI, BYES SU 'GRO BAS RAB TU 'BRAL BAR 'GYUR RO, ,GZHAN YANG KUN NAS NYON MONGS PA CAN GYI CHOS NGES
, ,PAR 'BYUNG BAS RAB TU GZHOM PAR BYA'O, ,'DI'ANG GANG ZHE NA, 'DI LTA STE DON MED PA SMRA BA STE, KHYIM PA YIN YANG RUNG GANG DANG GANG SKYE BO THAMS CAD KYANG RTZVA DANG 'DRA BA KHO NAR 'GYUR RO, ,'DI LTA STE, GANG GI PHYIR NGAG GI TSIG RNAMS NI, NOR YIN GYI, NOR GZHAN NI, THA MA YIN NO, ,SKYES BU RNAMS NI, NGAG GIS SNYING PO CAN DU 'GYUR RO, ,DE DANG RNAM PAR BRAL BA NI, SNYING PO MED PA DANG, NOR DANG KUN NAS BRAL BAR 'GYUR TE, GSOG GSOB SNYING PO MED PA PHYUGS RNAMS DANG MTSUNGS PAR 'GYUR RO; ;NGAG GI NOR RNAMS DANG BRAL BA NGAG DANG BRAL BA'I SKYES BU RNAMS NI, SKYES BU'I MING CAN GYI PHYUGS RNAMS YIN NO, ,MKHAS PA'I SKYE BO RNAMS THAMS CAD KYIS SPANGS PA DANG, GTZOG PAR GYUR PA DANG, SHIN TU'ANG THA SHAL YIN NO, ,RNAM PA DE LTA BU BYED PA'I CHOS RNAMS CHOS GANG DAG GIS RAB TU GZHOM PAR BYA, DON MED PAR SMRA BA'I CHOS DE'ANG RAB TU GZHOM PAR BYA'O, ,CHOS GANG DAG GIS SHE NA, 'DI LTA STE, NGAG BSDAMS PAS SO, ,NGAG BSDAMS PA'ANG RNAM PA GNYIS YIN TE, 'DI LTA STE; GANG YANG CANG MI SMRA BA'AM SDOM PA RNAM PA BZHI DAG PA'O, ,GANG DAG ZHE NA, 'DI LTA STE, RDZUN GYI RANG BZHIN DANG PHRA MA DANG TSIG RTZUB PO DANG 'BREL PA MED PAR SMRA
BAR BYED PA RNAMS RNAM PAR SPANGS PAS NGAG KUN NAS BSDAM PAR BYA'O, ,DE LTAR NA'ANG YANG MOR MI 'GYUR RO, ,DGE SLONG NGAM GZHAN YANG DE'I RIGS CAN RNAMS KYANG RUNG STE; RGYU DRUG GIS SKYES PA RNAMS SKAD CIG LA YANG MO DANG RNAM PAR ZHE SDANG BAR YANG 'GYUR RO, ,GANG DAG ZHE NA, 'DI LTA STE, DON MED PAR SMRA BAR BYED PAS DANG, JI LTAR RAB TU ZHUGS PAR BYED PA DANG, YANG DANG YANG DU ZAS LA DGA' BA DANG, RGAN PA'I STAN CHEN PO LA NYE BAR GNAS PA DANG, GSOD GSAL BRJOD PA DANG, LAB LOB BYED PA DANG, RGYU DE DAG GIS DE LTAR MI RNAMS THAMS CAD KYANG DAR CIG LA YANG MOR 'GYUR ZHING RAB TU DGA' BAR YANG MYUR BAR 'GYUR RO, ,DE'I PHYIR NA DGE SLONG NGAM KHYIM PA RNAMS KYIS KYANG CHOS DE RNAM PAR SPANG BAR BYA'O, ,YANG CHOS GZHAN YANG SHIN TU DRI MA CAN DU GYUR PA KUN NAS NYON MONGS PA CAN RNAMS DKAR PO'I CHOS KYIS RAB TU GZHOM PAR BYA'O, ,'DI DAG KYANG GANG ZHE NA, 'DI LTA STE, RKO TROG NI, BSTAN PAS SO, ,GANG GI PHYIR RKO TROG GI CHOS RNAMS NI, RAB TU GZHOM PAR BYA STE, RKO TROG GIS KYANG CHOS RNAMS THAMS CAD KYI BAR DU GCOD PAR 'GYUR BA'I PHYIR RO, ,RANG BZHIN GYIS KYANG SEMS TZAB HRAL CAN DU GYUR PA DE SLAR YANG CHES G-YO BAR SON PA'I PHYIR NA CHOS 'DI DAG RNAMS THAMS CAD LA'ANG
, ,DE KUN NAS YID CHES PA MA YIN NO, ,SO SOR RTOGS PA MED DO, ,BRTAN PAR 'DZIN PA MED DO, ,RAB TU DGAG PAR BYA BA'ANG MED DO, ,SPYOD PA BSDAM PAR BYA BA'ANG MED DO, ,MNGON PAR BRJOD PAR BYA BA MED DO, ,SDOM PA 'THAB PA MA YIN NO, ,MNGON PAR RTOGS PA DANG 'JIG RTEN PA RNAMS KYANG MED DO, ,'JIG RTEN PA'I LAM RNAMS THAMS CAD BKRA BAR BYED PA LA SO SOR RTOGS PA MED DO, ,LAS SU RUNG BA MA YIN NO, ,TZAB HRAL CAN NI, BAG MED PA YIN PA DE'I PHYIR TZAB HRAL DE SKYON DANG BCAS PAR GO BAR BYAS LA, DON RNAMS THAMS CAD CHUD GZON PAR BYED PA PO 'DI DANG PHYI MAR YANG PHAN PA MA YIN PAR BYED PA'I MCHOG YIN PAS, DGE SLONG NGAM GZHAN YANG DE'I RIGS CAN RNAMS KYIS KYANG RAB TU GZHOM PAR BYA'O, ,GANG GIS DE RAB TU SPONG ZHE NA, 'DI LTAR DGE BA'I CHOS GANG YIN PAS DE 'DI LTAR BRTAN PAR GYUR PAS SO, ,BRTAN PAR GYUR PA NI, DGE SLONG NGAM DE'I RIGS CAN GZHAN DAG RNAMS KYANG RUNG STE, SKYE BO RNAMS THAMS CAD KYIS MCHOG TU YANG MCHOD PAR 'GYUR RO, ,BRTAN PA'I TSUL KHRIMS DANG BRTAN PA'I SHES RAB DANG BLO GROS BRTAN PA DANG BLO BSDAMS PA DANG GCIG TU RGYU BA RNAMS KYIS NI, BDUD KYI YUL RNAMS RAB TU 'JOMS PAR BYED DO, ,MYA NGAN
LAS 'DAS PA'I GRONG KHYER DU PHYIN PAR BYED PA 'DI'I DGE BA'I CHOS RNAMS PHUN SUM TSOGS PAR 'GYUR RO, ,'JIG RTEN PA'I DON RNAMS LA'ANG BRTAN PAR GYUR PA'I SKYES BU NI, MKHAS PA RNAMS KYIS RAB TU BSNGAGS PAR BYED DO, ,DES KYANG 'JIG RTEN PA'I DON DE DAG RNAMS SGRUB PAR NUS PA'ANG YIN NO, ,THAMS CAD DU'ANG SKYE BO RNAMS THAMS CAD KYIS SHIN TU YANG MCHOD PAR 'GYUR RO, ,RAB TU BSTOD PAR YANG 'GYUR RO, ,MING RNAM PAR THOS PAS KYANG THAMS CAD DU'ANG BDE BA DANG LDAN PAR 'GYUR RO, ,DON GANG DANG GANG RTZOM PAR BYED PA DE DANG DE DAG 'GRUB PAR 'GYUR RO, ,DE'I PHYIR BLO GCIG TU NGES PA DANG BLO KUN NAS BSDAMS PA DANG BLO GROS BRTAN PA DANG LDAN PAR GYUR PA'I SKYES BU DE DAG NI, 'JIG RTEN PA LA'ANG RAB TU BSNGAGS PA YIN, DE LTA BAS NA SKYES BU RNAMS SAM DGE SLONG GIS KYANG RUNG STE TZAB HRAL SPANGS LA BLO GROS BRTAN PA DANG DPA' BA DANG SHES RAB DANG LDAN PAR BYA'O, ,GZHAN YANG MU SU LUNDHA DE NYID KYIS SMRA BA PO'I NGANG PA DE DAG RNAMS DANG, NGANG PA'I RGYAL PO DUS BZANG DE DANG, BDUD KYI RIGS KYI BAG MED PA DANG, SMYO BA DE LA YANG BCOM LDAN 'DAS 'OD SRUNG GI MDO 'DI SNGON GYI LHA'I DRUNG NAS THOB PAR GYUR PA PHAN PA'I DON DU STON PAR BYED PA LAS, 'DI LTA STE, SMRE BAR GYUR PA'I CHOS GZHAN DRI MA
, ,CAN MKHAS PA'I SKYE BO THAMS CAD KYIS SPANGS PA DAG RAB TU GZHOM PAR BYA'O, ,'DI'ANG GANG ZHE NA, 'DI LTA STE, DBUL PO'O, ,DBUL POR GYUR PA ZHES BYA BA'ANG RNAM PA GNYIS TE, SHES RAB KYIS DBUL BA DANG, TSUL KHRIMS KYIS DBUL BA'O, ,GZHAN YANG RNAM PA GNYIS TE, SBYIN PAS DBUL BA DANG, BLO GROS KYIS DBUL BA'O; ;GZHAN YANG RNAM PA GNYIS TE, RIGS KYIS DBUL BA DANG, LTA BAS DBUL BA'O, ,GZHAN YANG RNAM PA GNYIS TE, SDOM PA LA BRTZON PAS DBUL BA DANG, BLA MAS DBUL BA'O; ;GNYEN BSHES DANG RANG GI SKYE BO RNAMS KYIS DBUL BA'O, ,DE LA DBUL PO DE DAG RNAMS THAMS CAD KYANG MCHOG TU ZHE LDOG PA YIN TE, RIGS KYI BU'AM, RIGS KYI BU MO'AM, RIGS KYI BU MO'I NYE GNAS KYIS KYANG MA LUS PA RNAMS SPANG BAR BYA'O, ,GANG GIS 'DI DAG THAMS CAD RAB TU 'JOMS PAR BYED CE NA, 'DI LTA STE, SBYIN PAS SO; ;SBYIN PA NYID GCIG PU ZHIG GIS DBUL BA RNAMS THAMS CAD 'JOMS PAR 'GYUR RO, ,DPER NA, MAR ME RNAMS THAMS CAD KYIS KYANG MUN PA RNAMS THAMS CAD RAB TU BSAL BAR BYED PAR 'GYUR RO, ,SHES RAB RNAMS THAMS CAD KYIS KYANG MI SHES PA RNAMS KUN TU 'JOMS PAR 'GYUR RO, ,LTA BA RNAMS THAMS CAD NI,
YANG DAG PA'I LTA BAS NYE BAR 'JOMS PAR BYED DO, ,DE LA MCHOG TU MDZES PAR GYUR PA'I CHOS MCHOG TU RGYA CHE BA DANG LDAN PA, MKHAS PA'I SKYE BO RNAMS THAMS CAD KYIS YONGS SU BZUNG BA, NGAN 'GRO THAMS CAD SPONG BAR BYED PA BDAG CAG GI 'JIG RTEN NAS 'JIG RTEN PHA ROL TU LEGS PAR SGROL BAR BYED PA'I CHOS KYI MCHOG 'DIS 'JOMS PAR BYED DO; ;GANG DAG GIS 'JOMS SHE NA, 'DI LTA STE, SBYIN PAS SO, ,SBYIN PA'ANG RNAM PA MANG DU YOD DO, ,'DI LTA STE, SHES PA'I SBYIN PA DANG, TSUL KHRIMS KYI SBYIN PA DANG, CHOS KYI SBYIN PA DANG, BLO BSRO BA'I SBYIN PA DANG, LAM NYE BAR STON PA'I SBYIN PA DANG, LAM GYIS NYON MONGS PA RNAMS LA KHRUS KYI RDZING BU'I SBYIN PA DANG, BYA BA'I SBYIN PA DANG, SROG GI SBYIN PA DANG, ZANG ZING GI SBYIN PA DANG, MI 'JIGS PA'I SBYIN PA DANG, BDEN PA'I SBYIN PA DANG, THE TSOM GCOD PA'I SBYIN PA DANG, SBYIN PA LNGA LA NYON MONGS PA MED PA'I SBYIN PA DANG, RAB TU DBYUNG BA'I SBYIN PA DANG, DE BSNYEN PAR RDZOGS PA'I SBYIN PA DANG, NAD PA LA SMAN GYI SBYIN PA DANG, MIG GI SBYIN PA STE, RNAM PA DE LTA BU'I SBYIN PA RNAMS NI; 'JIG RTEN PHA ROL LEGS PAR SGROL BAR BYED PA SBYIN BDAG THAMS CAD LA RTAG TU MA DANG PHA DANG 'DRA BA YIN NO, ,DE'ANG SEMS RNAMS KYIS DANG, SEMS KYIS LEGS
, ,PAR BSGOMS NAS BYIN PAR GYUR PAS DBUL BA RNAMS THAMS CAD BCOM ZHING NGAN 'GRO RNAMS THAMS CAD KYANG BCAD NAS LHA DANG MI GNYIS KYI BDE BA LA NYE BAR LONGS SPYOD PAR GYUR NAS THA MAR JI SRID DU MYA NGAN LAS 'DAS PA THOB PAR 'GYUR TE, SKYES BU DES RTAG TU DE LTA BU'I LAS BYA'O, ,DE BAS NA DBUL BA ZHES BYA BA'I CHOS GZHAN 'DI NA MCHOG TU DGE BA RNAMS DANG, MKHAS PA'I SKYE BO RNAMS LA MCHOG TU DGA' BDAG GIS RAB TU GZHOM PAR BYA'O, ,'DI LTA STE, SBYIN PA DANG SEMS DANG DNGOS PO DANG ZHING RNAMS PHUN SUM TSOGS PAS SO, ,GZHAN YANG CHOS THAMS CAD DANG, 'KHOR BA THAMS CAD KYIS 'CHING BA'I RAB TU GYUR PA CHOS RNAMS THAMS CAD KYI MUN PA LTA BUR GYUR PA'O, ,'DI'ANG GANG ZHE NA, 'DI LTA STE, MI SHES PA'O, ,DE LA JI SRID DU MA RIG PA'I MUN PA YIN PA'I BAR DU MI SHES PA RNAM PA DU MA YIN TE, 'KHOR BA THAMS CAD KYI 'CHING BA MUN PA THAMS CAD KYI TSOGS SU GYUR PA'I MUN NAG GI ZHEN PA'I RDUL DU GYUR PA'I 'CHING BA DANG, SHIN TU 'CHING BAR BYED PAS MTSON CHA DANG DUG DANG ME DANG MTSUNGS PA'I MI SHES PA RNAMS THAMS CAD NI, MA RIG PA DANG 'DRA BA THAMS CAD MA RIG PAS KUN NAS BSLANG BA, DMYAL BA DANG YI
DVAGS DANG DUD 'GRO RNAMS THAMS CAD DU YONGS SU 'KHYAMS PA, 'CHING BA GANG KHO NAS NGES PAR BCINGS NAS SEMS CAN 'DI DAG RNAMS 'OBS NA YONGS SU 'KHOR LO, ,RNAM PA DE LTA BU'I DGRAR GYUR PA'I DRI MA 'DI DAG RNAMS RNAM PA CI LTA BU DAG GIS RAB TU 'JOMS PAR 'GYUR NA, 'DI LTA STE, SGRON MAR RUNG BA, SKYABS SU GYUR PA, SKYOB PAR GYUR PA; YONGS SU 'DREN PAR GYUR PA, SEMS CAN RNAMS THAMS CAD KYI YANG MA DANG PHA LTA BUR GYUR PA DANG, SMAN PA DANG, SMAN LTA BUR GYUR PA'I ZAG PA MED PA'I YE SHES SU GYUR PAS 'CHING BA RNAMS THAMS CAD GCOD PAR BYED PAR GYUR PA'I YE SHES KYIS RAB TU 'JOMS PAR 'GYUR RO, ,MA RIG PA RAB TU SPANGS PA RNAMS NI, SLAR NYID KYANG RAB TU 'BYUNG BAR 'GYUR BA NI, MA YIN TE, DPER NA, LJON SHING RTZA BA NAS BTON PA RNAMS NI, SLAR YANG RAB TU SKYE BAR 'GYUR BA NI, MA YIN NO, ,JI LTAR MES TSIG PAR GYUR PA'I SHING RNAMS NI, SLAR YANG LEGS PAR SKYE BAR MI 'GYUR RO, ,JI LTAR CHU KLUNG GI CHUR SONG BA RNAMS SLAR YANG PHYIR LOG NAS 'ONG BA NI, MED DO, ,DE BZHIN DU ZAG PA MED PA'I YE SHES KYIS BSRABS PA RNAMS YANG PHYIR 'BYUNG BAR MI 'GYUR RO, ,DE'I PHYIR NA RAB TU BRTZON PA KHO NA THAMS CAD KYIS GNAS SKABS THAMS CAD DANG DUS THAMS CAD
, ,DU MI SHES PA THAMS CAD KYANG YE SHES THAMS CAD KYIS RAB TU GZHOM PAR BYA'O, ,CHOS BCU GCIG PA DE DAG RNAMS THAMS CAD KYANG BAG MED PA'I RTZA BA CAN DANG, BAG MED PA'I GNAS SKABS DANG, BAG MED PA'I RIGS CAN YIN NO, ,DE'I PHYIR NA GNAS SKABS RNAMS THAMS CAD DU DANG, RNAM PA RNAMS THAMS CAD KYIS BAG MED PA NYID RE ZHIG YONGS SU SPANG BAR BYA BA YIN NO, ,BAG MED PA RNAMS KYI RTZA BA LAS KYANG THAMS CAD GNAS SKABS THAMS CAD DU DON MA YIN PAR 'GYUR TE; DE YOD PA'I LAS 'BYUNG BA YIN NO, ,DE MED PA LAS NI MI 'GYUR RO, ,DPER NA, SA GZHIS NI, SMAN RNAMS THAMS CAD DANG, RTZVA DANG, NAGS TSAL DANG, CHU DANG, 'BRU DANG, CHU KLUNG DANG, RI DANG, MTSO'I MCHOG DANG, GRONG KHYER GYI MCHOG DANG, GRONG DANG, NAGS DANG, NYE BA'I NAGS DANG, RI RAB LHUN PO'ANG KUN TU 'DZIN PAR BYED PA YIN NO, ,DE BZHIN DU DMYAL BA DANG, YI DVAGS DANG, DUD 'GRO'I 'GRO BA'I RIGS RNAMS KYI SDUG BSNGAL THAMS CAD KYI RTZA BA GCIG PA NI BAG MED PA YIN NO; ;DE'I PHYIR NA SKYES BU DAM PA RNAMS KYIS DE NYID RE ZHIG SPANG BAR BYA'O, ,DE NAS DE'I TSE 'THAB BRAL BA RNAMS KYI BDAG PO MU SU LUNDHA DES TSIGS SU BCAD PA RNAMS
BRJOD PA JI LTAR, RGAS PAS MNAN NAS GNYER MAS GANG, ,RJUD PA DBYUG PA LAG NA THOGS, ,GANG ZHIG MCHOG TU CHOS MI SPEL, ,DE NI BAG MED BYED PAS YIN, ,LUS RNAMS NAD KYIS ZHIG PA DANG, ,MAL STAN SPYOD LA CHES CHER BYED, ,SHIN TU SKYO BAR MI 'GYUR BA, ,DE DAG GTI MUG 'DI YI 'BRAS, ,BKRES PA'I SRED PAS 'JIGS MTHONG BAR, ,GANG DE 'OG GI GNAS SU 'GRO; ;SLAR YANG SKYO BA MI SKYE BA, ,BAG MED BYED PAS DE BYAS SO, ,MI RNAMS SDUG PA DANG BRAL BA'I, ,SNYING LA SDUG BSNGAL GANG SKYE BA, ,DE NI BAG MED BSTEN PA LAS, ,YIN PAR DE BZHIN GSHEGS PA GSUNGS, ,SDUG BSNGAL GANG DAG 'GRO BA LDANG, ,DU MA RNAMS NI LONGS SPYOD PA, ,BAG MED PA YI SROG CHAGS KYI, ,RTAG TU DE DAG RMONGS PAS BYAS, ,SKYE RGU 'KHOR BAR RMONGS PA RNAMS, ,KYE MA KYI CHUD SKYO BA SKYE, ,LAS KYI 'KHOR LO CHEN PO YIS, ,'KHOR BAR 'GYUR BA YANG DANG YANG, ,RNYOG PA MED PAR GANG BRTAGS PA'I, ,BDE DE SRID PA GSUM NA MED, ,DE LTA NA YANG KUN RMONGS PAS, ,NGES PAR BYIS RNAMS SKYO MI 'GYUR, ,YUL DGA' BA LA ZHEN PA YI, ,RMI LAM BZHIN DU 'DI DAG G-YO, ,'GRO 'DI THAMS CAD SDUG BSNGAL BA, ,MIG MED PAS KYANG MA MTHONG NGO, ,GANG LA PHYIR BCOS THABS MED PA'I, ,'CHI BDAG 'JIGS PAR SRED PAS 'GYUR, ,DE LTA NA YANG KUN RMONGS PAS, ,BAG
, ,MED PAS NI MI RNAMS BCOM, ,TSUL BZHIN MA YIN YID BYED PAS, ,SEMS NI RNAM PAR G-YENG BYAS PA'I, ,'CHI BDAG RGYAL POS 'DREN PA NA, ,'JIG RTEN PAS KYANG GO BA MIN, ,NOR RNAMS DANG NI BU DAG DANG, ,SHIN TU SDUG PA'I SROG KYANG NI, ,GSON PA DE NI 'PHROG BYED PAS, ,'CHI BDAG RGYAL PO 'DI YID 'DREN, ,BAG MED MYU GU LAS BYUNG BA'I, ,GANG GIS SKYE RGU 'DI 'JOMS PA'I, ,'JIG RTEN DON MIN YANG GSUM STE, ,NAD DANG RGA DANG 'CHI BA'O, ,TSOL KHROS MI RNAMS NYE BAR BCOM, ,LHA RNAMS BAG MED PAS NYER BCOM, ,YI DVAGS BKRES SKOM DAG GIS G-YENGS, ,TSOR BA DRAG POS DMYAL BA RNAMS, ,PHAN TSUN KUN TU GSOD BTZOG PA, ,DUD 'GRO GTI MUG DPUNG GNYEN YIN, ,DE LTAR 'JIG RTEN RNAM DU MAR, ,BREL DOG DE DANG DES DKRUGS SO, ,BAG MED PAS NI RMONGS PA YIN, ,'ON KYANG CHOS LA DGA' BA MIN, ,SMAN DANG RTZVA SOGS THAMS CAD KYANG, ,JI LTAR SA GZHI LAS RAB SKYED, ,DE BZHIN BAG MED LAS NYON MONGS, ,RNAM PA THA DAD RAB 'PHEL BYED, ,DE NI BDUD KYI DMAG TSOGS KYI; ;RJE DPON DBANG PHYUG MCHOG 'DI YIN, ,NYI MA'I 'OD KYIS MUN PA LTAR, ,YE SHES RDO RJES GZHOM PAR BYA, ,SKYON YON YONGS SHES DE DAG NI, ,RE ZHIG DANG POR BSTAN PA
YIN; ;BAG MED PA RNAMS RTAG SDUG BSNGAL, ,BAG YOD 'BRAS BU BDE BA YIN, ,DE LTAR 'THAB BRAL BA RNAMS KYI BDAG PO MU SU LUNDHA DES RNAM PA DU MA RNAMS SU DANG, RNAM PAR RTOG PA DU MA RNAMS KYIS KYANG BAG MED PA DE'I SKYON RNAMS DANG, BAG YOD PA'I YON TAN RNAMS KYANG MNGON PAR BRJOD DO, ,'CHI BDAG NAD DANG RGA SDUG BSNGAL, ,MI MTHUN PA DANG PHRAD PA DANG, ,GZHAN YANG SDUG BSNGAL DRAG PO DANG, ,'KHOR BA 'DI NI LDAN PA YIN, ,MA 'ONGS SDUG BSNGAL 'CHIS PA NI, ,PHAN PA DANG NI BDE BA YIN, ,SDUG BSNGAL SDIG PA'I RGYU LAS SKYE, ,SDIG MED BYED PA BDE YIN NO, ,NYON MONGS ZAD LAS BDE BA'I MCHOG ,YIN PAR MKHAS PAS GSUNGS PA YIN, ,'DI NI MYA NGAN 'DAS 'GRO'I LAM, ,YIN PAR DE NYID GZIGS PAS GSUNGS, ,KUN NAS BSDAMS DANG BAG YOD DANG, ,ZHI BA DANG NI NAGS NA RGYU, ,'DOD LA BRKAM MIN BRTAN PA YI, ,MYA NGAN 'DAS PA RING BA MIN, , GROGS DANG GROGS MIN DANG RAB BRAL, ,SRID PA'I 'DOD CHAGS RNAM PAR SPANGS, ,YUL RNAMS LA YANG BAG YOD PA'I, ,SHIN TU MYA NGAN 'DAS RING MIN, ,DGE DANG SDIG LA CHAGS PA MED, ,BYAMS DANG SNYING RJE SGOM PA PO, ,'KHOR BA'I 'JIGS PAS 'JIGS PA NI, ,SHIN TU MYA NGAN 'DAS RING MIN, ,NYON MONGS ZAD PA'I THABS SHES DANG, ,YE
, ,SHES BTUNG BAS TSIM PA DANG, ,LE LO'I DRI MA DANG BRAL BA'I, ,SHIN TU MYA NGAN 'DAS RING MIN, ,LHAG PAR THEG PA CHE LA MOS, ,SEMS CAN THAMS CAD LA PHAN DANG, ,STONG NYID DON NI RAB RTOGS PA'I, ,SHIN TU MYA NGAN 'DAS RING MIN, ,DE NI SKYON GSUM 'GOG PA YI, ,'PHAGS PA'I BDEN PA BZHI BSTEN PA, ,DBANG GYUR DBANG PO ZHI BA YI, ,MYA NGAN 'DAS PA SHIN RING MIN, ,DBUGS DANG DBUGS 'BYUNG RNAM PA SHES, ,MTSAN NYID 'GAG PA BSTEN PA DANG, ,SHES DANG SHES BYA'I RNAM PA SHES; ;SHIN TU MYA NGAN 'DAS RING MIN, ,RTAG TU BLO DANG LDAN PA DANG, ,NYON MONGS RNAMS KYIS SEMS MI 'TSE, ,SKYON BCAS 'JIGS PA LAS GROL BA'I, ,THUB PA PHA ROL PHYIN PAR BRJOD, ,DE LTAR 'THAB BRAL GYI MNGA' BDAG DES SMRA BA PO DE DAG RNAMS DANG, NGANG PA'I RGYAL PO DUS BZANG DE LA CHOS BSTAN TE BCOM LDAN 'DAS 'OD SRUNG GIS GSUNGS PA'I MDO BAG MED PA'I RNAM PAR GSHE BAR BYED PA RNAMS BSTAN TO, ,DE LTAR RNAM PA DU MAR BCOM LDAN 'DAS KYIS GSUNGS PA'I DAM PA'I CHOS 'DUL BA DE DBYANGS SNYAN PA DANG DUL BA'I BLO RGYA CHEN POS STON PAR BYED DO, ,JI LTAR GCIG TU DAM PA'I CHOS KYI ROR GYUR PA'I TSIG 'DI DAG RNAMS THOS NAS BDUD
KYI RIGS KYI BAG MED PA DE 'DI SNYAM DU SEMS TE, JI LTAR RNAM GRANGS 'GA' ZHIG GI SGO NAS KYANG BDAG GIS 'THAB BRAL BA RNAMS KYI BDAG PO 'DI DAM PA'I CHOS 'DUL BA PA DE DAG LAS G-YO BAR BYA BAR MI NUS TE, DE LTAR DAM PA'I CHOS LA BLO YONGS SU MTHAR THUG PA YIN NO, ,DE LTAR RTOGS NAS BAG MED PA BSKYED PA MKHA' LA 'GRO BAR BYED DO; ;JI LTAR MU SU LUNDHA 'DI NI, BYANG CHUB SEMS DPA' SEMS DPA' CHEN PO YIN PAS BDAG CAG GI CHOS KYI LAM LA BDAG CAG RNAMS KYIS GOM PA BSGUL BAR YANG MI NUS SO; ;DE NAS THAMS CAD KYANG YID GCIG TU GYUR CING PHA ROL GNON PA'I STOBS CHEN PO DANG YID LA SMON PA DANG GZI BRJID RNAMS NYE BAR BCOM PAR GYUR TO, ,YID KYI RGYAL SRID PHAB PAR BYAS PA DANG, NAM MKHA'I DKYIL DU 'PHAGS NAS DE MYUR DU 'GRO BA YIN PAS DUS MI RING BA DANG, GANG NA GZHAN 'PHRUL DBANG BYED NA 'DOD PA'I KHAMS PA RNAMS KYI DBANG PHYUG BDUD SDIG CAN YOD PA DER THAMS CAD KYIS PHYIN NO, ,DE NAS BDUD KYI DE DAG LA 'DI SKAD CES BRJOD DO, ,BDUD RNAMS BYA BA 'GA' ZHIG BYAS SAM; YID LA RE BA DE DAG NYID THAMS CAD YONGS SU RDZOGS NAS NGA'I DRUNG DU KHYED KYIS SLEB PA YIN NAM, DE LTAR THOS NAS DES BDUD DE'I DRUNG DU 'DI SKAD CES BRJOD DE,
, ,LHA LAGS, PHAR LA GNON PA'I STOBS RNAMS NI, JI LTA BA BZHIN DU NYAMS NAS BDAG CAG LHA'I RIGS 'DIR RJES SU SLEB PAR GYUR TO, ,'THAB BRAL GYI BDAG PO DE GOM PA GCIG KYANG BSKYOD PAR BDAG CAG GIS BDAG CAG LA MA NUS TE, DE BZHIN DU 'DI DAM PA'I CHOS LANGS PAR DGA' BA'I BLO DANG LDAN PA'I LHAN CIG SPYOD PA DE LA BDAG CAG GIS CI BYAR YOD, BDUD SDIG CAN GYIS DE LTAR THOS PAR GYUR NAS DE 'DI SNYAM DU SEMS TE, GANG BAG MED PA'I LHA CHOS THAMS CAD LA RAB TU ZHUGS PA RNAMS NGAS 'DOD PA'I SPYOD PA RNAMS LA RAB TU DGOD PAR BYA'O, ,DE LA'ANG BAG YOD PA DE DAG RNAMS KYI DBANG GIS 'DI RNAMS NYID THAMS CAD KYI PHA ROL GNON PA'I STOBS RNAMS NYE BAR BCOM NAS NGA'I DRUNG DU NYE BAR 'ONGS PA YIN NO, ,DE NAS 'DI DAG RNAMS GO NAS 'DI SKAD CES BRJOD DE, DUS 'DAS NAS BYED PA'I TSIG RNAMS JI LTAR DUS GZHAN DU BDAG CAG GIS BAG MED PAR NUS KYI, 'THAB BRAL GYI BDAG PO MU SU LUNDHA DE LA SO SO'I THABS RNAMS BDAG GIS BYA'O; ;DE'I PHYIR NA KHYED MA RINGS SHIG ,BDAG CAG THAMS CAD KYIS DUS GZHAN NA PHYIR BZLOG PAR BYA'O, ,ZHES DE LTAR SDIG CAN DES GZHAN 'PHEN PAR BYED PA'I TSIG
BAMS BRJOD NAS RNAM PAR GNAS TE, MTSUNGS PA MED PA'I LHA RDZAS KYI 'DOD PA RNAMS LA RAB TU CHAGS PAR GYUR PAS BDE BAR GNAS SO, ,BAG MED PA'I SA RNAMS LAS SLAR YANG RAB TU SPEL BAR MI 'GYUR BA'I PHYIR NA RNAM PA DU MAR RGYU BA'I LHA RNAMS DANG, 'THAB BRAL BA RNAMS KYI BDAG PO DANG, DUS BZANG DE DANG, SMRA BA PO'I NGANG PA DE DAG RNAMS DANG, GZHAN NYID KYANG CHOS KYI GTAM RNAM PA DU MA RNAMS BYED DO, ,DE DAG RNAMS NA JI LTAR BDUD KYI RIGS RNAMS KUN NAS BRAL BA DANG DON MED PA RNAMS THAMS CAD KYI RTZA BAR GYUR PA BAG MED PA DE KUN NAS SONG BAS NA, LHA RNAMS DANG BYA DE DAG RNAMS BYA BA BYAS PA BZHIN DU RNAM PAR GNAS SO, ,DE NAS DE LTA DE LTAR BRJOD NAS DE DAG LAS LHA GANG DAG RTZED MOS YID BREL BAR GYUR PA DE DAG RNAMS NI, RAB TU DGA' BAS RTZE BAR BYED DE, SKYED MOS TSAL DANG, KHANG BZANG DANG, KUN DGA' RA BA DANG, NAGS DANG, NYE BA'I NAGS KYI YUL DE DAG RNAMS SU NYE BAR SONG NAS RTZE BAR 'GYUR RO, ,GANG 'THAB BRAL BA RNAMS KYI BDAG PO DE DUS BZANG DANG LHAN CIG TU BRJOD PA DANG LDAN PA'I NGANG PA RNAMS DANG RGYU BAR BYED DO, ,DE NAS 'THAB BRAL BA RNAMS KYI BDAG PO DE LHA DE DAG RNAMS MNGON PAR MTHONG NAS DUS BZANG LA SMRAS PA, JI LTAR NYE BAR
, ,GNAS PA'I LHA GANG YIN PA 'DI DAG RNAMS NI, RTZED MO'I GZHAN DBANG DU SONG NAS BDAG MED PA YIN PAS BDAG CAG KYANG GANG NA NAGS DANG, NYE BA'I NAGS RAB TU ZHI BAR YOD PAR 'GRO BAR BYA'O, ,DE LTAR RIG NAS NAM MKHA'I KHAMS SU 'PHAGS PAR GYUR TO, ,LHA BAG MED PAR SPYOD PA DE DAG KYANG 'DOD PA'I YON TAN LNGA DANG YANG DAG PAR LDAN PA'I NAGS DANG, NYE BA'I NAGS DANG, RDZING BU RNAMS LA JI SRID DU 'DOD PA SDUG PA YID DU 'ONG BA'I LAS BYAS SHING BSAGS PA'I LAS ZAD PAR MA GYUR PA DE SRID DU RTZE DGA' BAR BYED DO, ,GANG GI TSE ZAD PAR GYUR PA DE'I TSE RANG GIS BYAS PA'I ZAS BZANG PO RNAMS ZOS NAS SLAR NYID KYANG DMYAL BA DANG, YI DVAGS DANG, DUD 'GRO RNAMS SU SKYE'O, ,GANG YANG MI RNAMS DANG SKAL PA MTHUN PAR GYUR PA MIR SKYES PAR GYUR NA, DE MCHOG TU PHUN SUM TSOGS PA DANG, MCHOG TU RGYA CHE BAR YANG 'GYUR TE, RGYAL PO RNAMS SAM RGYAL PO'I BLON PO RNAMS SU GYUR NAS SKYE BO THAMS CAD DGA' BA DANG MCHOG TU SKYID PA DANG, LAS DE'I RGYU MTHUN PAS YUL GYI MI RNAMS THAMS CAD BYAMS PAR 'GYUR RO, ,GZHAN YANG DGE SLONG LAS KYI 'BRAS BU RNAM PAR SMIN PA SHES PA DE 'THAB BRAL BA'I LHA RNAMS KYI SA RNAMS LA KUN TU
LTA BAR BYED DO, ,DES THOS PA LAS BYUNG BA'I SHES RAB BAM LHA'I MIG GIS JI LTAR YOD PA'I 'THAB BRAL BA RNAMS KYI LHA'I SA GCIG TU DGA' BA ZHES BYA BA MTHONG NGO, ,DER LAS GANG GIS SEMS CAN RNAMS SKYE BAR 'GYUR BA'ANG, DES THOS PA LAS BYUNG BA'I SHES RAB BAM LHA'I MIG GIS MTHONG NA, JI LTAR SKYES BU DAM PA GANG GIS BYA BAR GYUR PA'I DON BYAS PA TSUL KHRIMS DANG LDAN PAR GYUR NAS SROG GCOD PA DANG MA BYIN PAR LEN PA DAG SPANGS PAR GYUR PA NI, SNGA MA BZHIN NO, ,'DOD PA LA LOG PAR G-YEM PA'ANG MCHOG TU SPANG BAR DKA' BA DANG, KHYAD PAR DU DOR BAR DKA' BA RNAMS KYANG RAB TU 'GOG PAR BYED PA YIN TE, JI LTAR BYA DANG BYA DAG LHAN CIG TU SPYOD PAR GYUR PA RNAMS DANG, RI MO LA PHAN TSUN DU GYUR PA RNAMS DANG, DE BZHIN DU PHAN TSUN DU GYUR PA MTHONG BA DE DAG RNAMS KYANG YONGS SU SPONG BAR BYED DO, ,YID KYIS KYANG KUN TU RTOG PAR MI BYED DO, ,NYE BAR SGOM PAR MI BYED DE, 'DOD PA LA LOG PAR G-YEM PA'I RNAM PAR SMIN PA'I PHYIR RGOL BA RNAMS KYI 'JIGS PAS THAMS CAD KYANG GNAS SKABS RNAMS THAMS CAD DU SPONG BAR BYED DO, ,GZHAN DAG RNAMS BYED PAR GYUR PA NA'ANG RAB TU 'GOG PAR BYED DO, ,CHOS 'DUL BA LA RAB TU 'GOD BAR BYED CING 'DOD PA LA LOG
, ,PAR G-YEM PA'I LAS KYI 'BRAS BU RNAM PAR SMIN PA RNAMS STON PAR BYED DO, ,RNAM PA DU MAR YANG LOG PAR LTUNG BAR GYUR PA'I CHOS RNAMS STON PAR BYED DE; JI LTAR 'DOD PA LA LOG PAR G-YEM PAS NI, THAMS CAD DU'ANG MI 'DOD PA MI SDUG PA YID DU MI 'ONG BA DMYAL BA KUN NAS 'PHEN PAR BYED PA'I 'BRAS BU RNAM PAR SMIN PA CAN DU 'GYUR RO, ,DE BDAG NYID KYIS KYANG MI BYED DO, ,GZHAN DAG RNAMS BYED PA NA'ANG RAB TU 'GOG PAR BYED DO, ,RANG DANG GZHAN LA PHAN PA'I YON LA RAB TU ZHUGS PAR GYUR PA DGE LEGS DANG LDAN PA'I SEMS CAN DE NI, LUS ZHIG PAR GYUR NAS SHI BA'I 'OG TU BDE 'GRO'I MTHO RIS KYI 'JIG RTEN LAS 'THAB BRAL BA RNAMS KYIS GCIG TU DGA' BA LA SKYE BAR 'GYUR RO, ,DER SKYES PA NA'ANG 'DIS LEGS PAR BYAS PA'I LAS KYI MTHA' RNAMS LA SPYAD PAS, BDE BA RGYA CHEN PO LA SOGS PA BDE BA DU MA RAB TU 'PHEL BAR GYUR PA'I SA DER SKYES PA RNAMS NI, NAGS DANG, NYE BA'I NAGS RNAMS NA LHAG PAR GNAS PA, 'DOD PA RNAMS THAMS CAD 'DOD PA BZHIN GYI YON TAN DANG LDAN PA'I BDE BA RNAMS LA NYE BAR LONGS SPYOD PAS NAGS DANG, NYE BA'I NAGS DAG STEN PAR BYED DO, ,DE RGYU BA'I DUS NA NAGS 'DI DAG RNAMS YIN
TE, 'DI LTA STE, 'OD ZER MNGON PAR DGA' BA ZHES BYA BA DANG, 'BAB CHU RNAMS KYIS MNGON PAR DGA' BA ZHES BYA BA DANG, GZHAL YAS KHANG GI RI BO ZHES BYA BA DANG, RNAM PAR BKRA BA'I CHU'I PADMA'I RDZING BU RNAMS ZHES BYA BA DANG, DRI 'THUL BA ZHES BYA BA'O, ,NAGS DANG, NYE BA'I NAGS DANG, RDZING BU RNAMS DANG, GZHAN DAG KYANG RIR GYUR PA RNAMS KYI LHA RDZAS KYI YON TAN GYI PHUN SUM TSOGS PA RNAMS NI, GRANGS KYANG MI DMIGS SO, ,DE LA NAGS GANG DAG DANG, MTSO GANG DAG NI, MCHOG TU DGA' BAR GYUR PA YIN NO, ,GANG DAG LA 'DI DAG RNAMS DGA' BAR BYED PA 'DI DAG RNAMS NI, BYINGS CHE BA DANG LDAN PA YIN NO, ,'DI LTA STE, NOR BU'I STEGS BU ZHES BYA BA'I MTSON BYA PHAL PO CHE RNAMS KYIS MNGON PAR DGA' BA DANG, RTOG PAR YANG SHIN TU RANGS PA'I LHA RNAMS KYIS BSTEN PAR GYUR PA DOGS PA MED PAR GYUR PAS MTHONG BAR 'GYUR BA YIN NO, ,MTSO DE DAG GI NYE 'KHOR RNAMS NA LHA RDZAS KYI SGRA DANG MDOG DANG TSAD DANG MCHOG TU LDAN PA'I BYA DAG GIS YONGS SU GANG BAR GYUR PA DANG, NGOS GNYIS KA NA'ANG DPAG BSAM GYI SHING RNAMS KYIS YONGS SU GANG BAR GYUR PA YIN NO, ,YON TAN DU MA DANG LDAN PA DE DAG RNAMS LA LEGS PAR BYAS PA'I LAS KYI MTHA' LA SPYOD PA NI, 'DOD PA'I YON TAN
, ,LNGA RNAMS LA LHA'I BU MO DU MA RNAMS KYIS KYANG YONGS SU BSKOR NAS DGA' BAR BYED DO, ,LHA RDZAS KYI GZUGS DANG LDAN PA RNAMS DANG, DE'I 'DUN PA'I RJES SU 'JUG PAR BYED PA DANG, RTAG TU RGYUN MI 'CHAD PAR BDE BA LA CHED CHER BYED PA DANG, MCHOG TU BDE BA LA RAB TU CHAGS PA DANG, LHA RDZAS KYI BDE BA GZHAN DANG GZHAN RNAM PA DU MA RNAMS KYIS DE DAG RNAMS MTSO DER LEGS PAR BRTAN NAS PHYIR ZHING NYID KYANG 'DOD PA'I YON TAN LNGA'I NYE BAR LONGS SPYAD PA RNAMS KYIS NGOMS PA MED PAS SRED PA'I ZUG RNGU RNAMS KYIS RAB TU 'BREL BAR GYUR NAS SLAR YANG RJES SU 'BRANG BA DE DAG RNAMS NYID KYIS YONGS SU BSKOR BA RNAMS NOR BU'I CHA SHAS RNAMS KYIS RNAM PAR BKRA BA ZHES BYA BA'I MTSO DANG PADMA'I RDZING BU DAG GIS NYE BAR MDZES PAR BYAS PA'I RI DE LA 'KHOR BAR BYED DE, SKYED MOS TSAL GYI LTAD MO'I DBANG DU BYAS NAS LHA RDZAS KYI BDUD RTZI'I PADMA'I YU BA DAG GIS NYE BAR MDZES PAR GYUR PA DANG, LHA RDZAS KYI GOS RNAMS GYON PA DANG, LHA RDZAS KYI YUL LNGA PO RNAMS STEN PAR BYED PAS KYANG NOR BU'I CHA SHAS SNA TSOGS PAS BKRA BA MTHONG NA, MCHOG TU YID 'PHROG PAR BYED PA'I RI DE LA RTZE DGA' BAR 'DOD PAS MNYAM PAR 'KHOD PAR BYED DO, ,
DE NAS DE'I RTZE MO GZHAN LA RI'I KHROD DGA' BA ZHES BYA BA DE NA DGA' LDAN GYI LHA'I RIGS SU GYUR PA'I LHA GZHAN LHA RDZAS KYI PHRENG BA DANG GOS DANG LDAN PA GSER GYI RANG BZHIN RNAM PA DU MAR DGA' BA'I NAGS SU BRGYA PHRAG DANG, DE NAS STONG PHRAG DANG THAMS CAD NYID BABS NAS RTZED MO'I MCHOG RNAMS BYED DO, ,LHA DE DAG RNAMS MNGON PAR MTHONG BAR GYUR NAS LHA GSAR DU SKYES PA DE LHAN CIG SPYOD PA RNAMS LA BRJOD PA, JI LTAR GANG DAG LHAN CIG SPYOD PA RNAMS KYIS YONGS SU BSKOR NAS RTZE ZHING 'GRO BAR 'GYUR BA'I LHA DE DAG RNAMS DANG, MA THANG YANG GANG BDAG KYANG DE DAG DANG NYE BAR GYUR MOD, DE NAS DE DAG RNAMS THAMS CAD KYIS KYANG DE'I DRUNG NAS TSIG DE NYE BAR THOS NAS 'DI SKAD CES BRJOD DO, ,LHA, DE JI LTAR MNGON PAR 'DOD PAR GYUR PA DE LTAR BDAG CAG RNAMS KYIS DE BZHIN DU BYA'O, ,DE NAS DE LTAR RIG NAS LHA GSAR DU SKYES PA DE LHAN CIG SPYOD PAR BYED PA RNAMS KYIS YONGS SU BSKOR NAS LHA RDZAS KYI RNGA SKAD YAN LAG LNGA DANG LDAN PA RNAMS NYE BAR BSGRAGS PAR GYUR PAS, GANG NA LHA DE DAG RNAMS YOD PA DE DANG NYE BAR GYUR TO, ,DE NAS PHAN TSUN DU 'DRES PAR GYUR PA'I LHA DE DAG RNAMS PHAN TSUN DU RNAM PAR 'DRES PAS RAB TU CHAGS PAR GYUR PA'I SNYING NGOMS PA
, ,MED PA RNAMS LA, RI'I GTZUG NA NOR BU ZHES BYA BA'I BYAS TSIGS SU BCAD PA'I DBYANGS BRJOD PA JI LTAR, LAS KYI SNYING PO'I 'JIG RTEN DANG, ,LHA NI LAS KYI SNYING PO CAN, ,'DUS BYAS LHA YI 'JIG RTEN PA, ,LAS ZAD NAS NI LHUNG BA YIN, ,MTHUN PAR 'GROGS PA'I 'JIG RTEN NI, ,'BRAL BAS RTAG TU MTHUN PA MIN 'DUS PA'I MTHA' NI 'BRAL BA YIN, ,DE BZHIN GSHEGS KYIS CHOS NYID 'DI, ,BDE LA KUN TU CHAGS PA'I YID, ,YUL GYIS BDAG NYID BSLUS PA YID, ,YID SHUGS DANG MTSUNGS RNAMS KYI NI, ,LHA RNAMS TSE NI ZAD PAR 'GYUR, ,RGA DANG NAD DANG SMAD PA DANG, ,'BRAL BAS LUS CAN THAMS CAD LA, ,'BYUNG BA YANG NI KUN RMONGS PAS; ;YUL GYIS KHRID NAS RIG PA MIN, ,RGA BA'I BAR CHAD SNGUN BSAR NAS, ,'CHI BDAG GIS NI KUN TU SREG ,NAD KYI DPUNG GIS 'DI RNAMS 'BRAL, ,BLO GROS MED PAS MTHONG BA'ANG MIN, ,DRUG PA'I 'JIG RTEN RNAM PAR 'JOMS, ,PHYUGS BZHIN DU YANG 'JOMS PAR BYED, ,GOM PA'I LAM DU ZHUGS PA NI, ,'KHRI SHING BZHIN DU YONGS SU BSKOR, ,GANG 'DI'I BLO NI RTAG PAR YANG, ,RGYU DANG 'BRAS LA LEGS POR GNAS, ,DE NI RGYU 'BRAS LEGS LTA BAS, ,PHYI NAS GDUNG BAS MI 'JOMS SO, ,YUL
RNAMS KYIS NI 'JOMS MIN TE, ,DRANG POR LTA BA BRKAM CHAGS MED, ,DES NI SHIN TU MI BZAD PA'I, ,DGA' BA'I YUL KUN MYUR DU 'DOR, ,SKYON LAS RNAM GROL NGAM GROG DANG, DRI MA'I 'JIGS PA LAS RNAM GROL, ,BAG MED ME GANG DES RTOGS NAS, ,THAMS CAD DU NI YONGS SU SPANGS, ,'JIGS PA LNGA PO 'DI YIS GANG, ,DANG POR 'JIG RTEN 'DI GSOD PA, ,RGA DANG NA DANG 'CHI BA DANG, ,RNAM PAR 'BRAL DANG GANG GI LAS, ,DE LTAR RI'I GTZUG NA NOR BU ZHES BYA BA'I BYA NI, RNAM PAR BKRA BA, GTZANG BA DAG GI RMA BYA'I RGYAL PO BYANG CHUB SEMS DPA'I LHAN CIG TU SPYOD PA DANG GNYIS KA'I YANG SMON LAM GYI DBANG GIS RMA BYA'I SKYE GNAS SU SKYES PAR GYUR PA YIN NO, ,DE DAG KYANG RMA BYA RNAMS DANG, 'THAB BRAL GYI LHA RNAMS LA BAG MED PA DANG BRAL BA'I DON DU CHOS STON PAR BYED DO, ,DE NAS LHA DES SNGA NA MED PA'I LHA DE DAG MNGON PAR MTHONG BAR GYUR PAS; SLAR NYID KYANG CHES MCHOG TU DGA' BAR GYUR PA'I YID KYIS LEGS PAR BSHAD PA DE DAG RNAMS LA RTZIS BA GRANG MA BYAS PAR BAG MED PA'I DBANG GIS RAB TU RTZE BAR BYED PA DANG, GAR BYED PA DANG, DGOD PAR YANG BYED CING RNGA SKAD YAN LAG LNGA DANG LDAN PA RNAMS KYIS RNAM PA DU MAR DGA' BAR BYED DE, DPE MED PA'I NAGS DANG
, ,NYE BA'I NAGS RNAMS DANG RI DANG RI'I LJONGS RIN PO CHE KUN TU 'BAR BA'I 'OD ZER GSAL BAR SNANG BA RNAMS DANG DPAG BSAM GYI SHING GI NAGS RNAMS DANG LDAN PA RNAMS DANG, DGA' BA'I BYA DANG LDAN PA RNAMS DANG, RI'I CHU KLUNG BRGYA PHRAG DANG LDAN PA RNAMS DANG, PADMA'I NAGS DANG LDAN PA RNAMS LA LHAN CIG SPYOD PA RNAMS DANG BCAS CING 'DOD PA RNAMS THAMS CAD PHUN SUM TSOGS PA LHA RDAS KYI BDE BA RNAMS DANG LDAN PAS RNAM PA DU MAR LHA RNAMS RTZE DGA' BAR BYED DO, ,DE LTAR RTZE BAR GYUR PA'I LHA DE RNAMS RIM GYIS NOR BU'I CHA SHAS RNAM PAR BKRA BA ZHES BYA BA'I RI DE LA 'KHOD DO, ,RI DE LA'ANG DPAG BSAM GYI SHING GI NAGS RIN PO CHE BDUN GYI RANG BZHIN GYI SHING RNAMS KYIS NYE BAR MDZES PAR GYUR PA STE, DPAG TSAD LNGA BRGYA YOD PA YIN NO, ,NAGS CHEN PO DE NA SHIN TU BKRA BAS RNAM PAR BKRA BAR GYUR PA'I BYA'I RGYAL PO RAB TU GNAS PAS, BAG MED PAR DA BRAL BAR BYA BA'I DON DU LHA RNAMS LA CHOS STON PAR BYED DO, ,LHA RNAMS KYANG CHOS LA RJES SU 'JUG PAR BYA BA'I DON DU'ANG STON PAR CHED CHER BYED DO, ,NAGS DANG, NYE BA'I NAGS RNAMS DANG, PADMA'I RDZING BU RNAM PA SNA TSOGS PA RNAMS DANG, CHU KLUNG DANG, 'BAB CHU RNAM PA SNA TSOGS
PA RNAMS DANG RIN PO CHE'I KHAMS RNAMS DANG LDAN PA'I RTZE MO RNAM PAR BKRA BA RNAMS DANG, BYA BRGYA STONG PHRAG NGOS NA SGRA KUN TU SGROG PAS DGA' BAR GYUR PA RNAMS DANG, LHA'I TSOGS RNAMS KYIS NYE BAR MDZES PA DANG LHA MO'I TSOGS RNAMS KYIS RNAM PA SNA TSOGS PAR CHES DGA' BAR GYUR PA LA LHA DE DAG PHAN TSUN GROGS SU GYUR PAS DGA' BAR BYED DO; ;RNAM PA SNA TSOGS PA'I 'DOD PA'I BDE BA'I RGYAGS PAS MYOS PA DANG, RANG GIS BYAS PA'I LAS KYIS 'BRAS BU RNAMS LONGS SPYOD PAS THAMS CAD NYID DGA' BAR BYED PA DANG RNAM PA DU MA DANG RNAM PAR RTOG PA DU MAS KYANG LHA RDZAS KYI DPE MED PA RNAMS LA RTZED MO DAG KYANG RTZE BAR BYED DO, ,DE NAS LHA DE DAG RNAMS KYIS BAG MED PA'I BDE BA DE DAG NYE BAR RNYED NAS NOR BU'I CHA SHAS RNAMS PAR BKRA BA'I RI DE NAS DGA' BAS RTZE BAR 'GYUR BA RNAMS LA RMA BYA'I RGYAL PO DES TSIGS SU BCAD PA'I DBYANGS BSNYAD PA JI LTAR, GZUGS LA SOGS PA'I YUL RNAMS KYIS, ,TSIM PAR MA GYUR 'GYUR BA MIN, ,SOL ME'I ME YIS BSREGS PA RNAMS, ,SLAR YANG YUL LA 'DOD PA RNAMS, ,YANG DANG YANG DU LHA'I 'JIG RTEN, ,'CHI 'PHO DANG NI SKYE BAR 'GYUR, ,LAS KYI NYA RGYAS BZUNG NAS NI, ,SLAR YANG DMYAL BAR 'GRO BA YIN, ,DMYAL DANG YI DVAGS DUD 'GRO NI, ,SDUG BSNGAL
, ,MANG GNAS SKAL PA CAN, ,RGYU DANG 'BRAS KYI SKAL LDAN PAS, ,SEMS CAN 'GRO BA LNGA NA 'KHYAMS, ,LUS CAN RNAMS KYIS LAS RNAMS NI, ,SNA TSOGS MANG PO 'DIR BYAS NAS, ,'BRAS BU SNA TSOGS DE DAG NYID, ,DU MA'I SGO NAS LHA RNAMS SPYOD, ,BYUNG ZHING 'DZAD PA'I CHOS CAN NI, ,ZAD NAS KYANG NI RTAG TU LTUNG, ,DE NYID BZHIN DU MKHAS PA YIS; ;LHA RNAMS KYI NI 'CHI 'PHO MTHONG, ,'CHI BDAG 'DI NI KUN 'BYUNG BAS, ,MI RNAMS GSON PA'I BAR CHAD BYED, ,THAMS CAD YUL GYIS BAG MED PAS, ,RMONGS PA YIS KYANG RIG PA MIN, ,BDAG NYID TSOL BAR BYED PA'I NGAG ,DU MA RJES SU BSNGAGS PAR 'GYUR, ,LHA RNAMS BDE BAS RMONGS PA YIS, ,'DOD PA RNAMS NI RNAM MI SPONG, , CHOS LDAN DGE BA'I DAG GIS NI, ,'DI DANG PHYI MAR BDE BA 'BYUNG, ,RMONGS DAG GANG ZHIG MI 'DZIN PA, ,DE NI PHYI NAS GDUNG BAR 'GYUR, ,MANG PO RJES SU GDAMS GYUR PA'I, , DE NYID ZHON NI GSAL BYED PA, ,BAG MED PAS 'PHROG LHA YIS NI, ,GANG PHAN PA NI MI RTOGS SO, ,SROG GI BAR CHAD BYED PA'I DGRA, ,BSRAN PAR MI BZOD STOBS PO CHE, ,'GOR BA MED PAR SHUGS PO CHE, ,'DIR NI 'CHI BDAG KHYED LA 'BYUNG, ,LHA KLU DRI ZA SHA ZA DANG, ,LHO 'PHYE DANG NI SRIN POS KYANG, ,DE YI STOBS NI GZHIG NUS PA'I, ,DE STOBS RNAM
PA DE 'DRA MED, ,STOBS DANG STOBS MED RNAM PAR SHES, ,LAS RNAMS DE NYID MTHONG BA PO, ,SDIG PA'I CHOS KYIS MI GOS SHING, ,DE NI NGAN 'GROR 'GRO MI 'GYUR, ,DGE BA GYIS DANG MI DGE'I DUG ,DE NI SPANGS PA NYID DU YANG, ,BYAS NA 'DI YI TSE LA NI, ,SDUG BSNGAL RJES SU RGYUG PA MIN, ,CHOS RJES 'BRANG DANG DAD PA NI, ,BRTZON 'GRUS KYIS NI YONGS SU SPEL; ;THEG CHEN STOBS LA BRTZON DANG LDAN, ,MA BZHIN DU NI PHAN PAR BYED, ,DE NI SKYES BU THAMS CAD KYIS, ,'GRO BA LNGAR NI DBUGS 'BYIN 'GYUR, ,DE LA PHA DANG MA MED PAR; ;'GRO ZHING RJES SU 'GRO BA MIN, ,CHOS RJES 'BRANG DANG DAD PA CAN, ,JI LTAR BDE BA 'BYUNG BAR 'GRO, ,NGAN SONG LAS NI KUN 'DZIN PA'I, ,SDUG BSNGAL STOBS NI CHE BA YI, , MUN PA'I DE YANG MAR ME RUNG, ,NAD PA RNAMS KYI 'DI NI SMAN, ,DMUS LONG RNAMS KYI MIG GYUR DANG, ,DE NI DBUL PO'I NOR CHEN YIN, ,SRID PA'I CHU POS KHYER RNAMS KYI, ,RKYAL BAR GYUR PA'I BDE BA 'KHYER, ,BAG MED RGYAGS PAS RGYAGS RNAMS KYI, ,DE NI BAG MED 'JOMS PA PO, ,'CHI BDAG DUS NI NYER BYUNG LA, ,SRID PA'I CHU BO 'JOMS BYED DE, , GANG YANG GO 'PHANG ZHI GANG DE, ,SNGON GYI THUB PAS RNAM 'DZIN PA, ,YANG DAG LTA BAS BSNGON 'GRO BA, ,DE NI NGAL BA MED PAR 'THOB, ,BAG YOD DE BZHIN DAD PA DANG, ,BRTZON
, ,'GRUS RTZOM PA DE BZHIN 'DZIN, ,YE SHES GOMS PA DAM PA BSTEN, ,THAR PA YI NI SKYE MCHED DRUG ,SBYIN DANG TSUL KHRIMS DUL DANG BZOD, ,BYAMS PAR GYUR PAS 'TSE BA MED, ,SNYING RJE DGA' BA BTANG SNYOMS NI, ,ZHI BA LEGS 'THOB RGYU RNAMS YIN, ,TZAB HRAL CAN DANG SDIG LA 'DRE, ,KHRON MA DE BZHIN MIN PA'I TSIG ,LOG LTA DANG NI BAG MED KYANG, ,DMYAL BA'I RGYU YI RTZE MO RNAMS, ,SER SNA DANG NI PHRAG DOG NGAG RTZUB BAG MED PA, ,BSTEN PA LA NI MNGON PAR DGA' DANG MI DAG DANG, ,SEMS CAN 'TSE LA MNGON PAR DKA' BA YID DANG NI, ,'DI DAG YI DVAGS LAM DU 'PHAGS PA DAG GIS GSUNGS, ,BLO GROS ZLUN PO DANG NI RMONGS PA STEN PA DANG, ,DAM PA'I CHOS LA RGOD DANG 'KHRIG PA LA YANG DGA', ,ZAS LA CHAGS PA DANG NI GNYID LA PHAN CHE BA, ,DUD 'GRO RNAMS SU SKYE BA'I RGYU RNAMS YIN PAR SMRA, ,LUS DANG NGAG DANG YID RNAMS KYIS, ,MI DGE RNAM PA GSUM CHER BYAS, ,SKYES BU BLO GROS DMAN PA NI, ,DMYAL BAR SKYE BAR 'GYUR BA YIN, ,RGYU RNAMS CI 'DRA BA YI NI, ,'BRAS BU DE DANG 'DRA BA MTHONG, ,'BRU 'BRAS 'BRU DANG 'DRA BA GANG, ,DE MED PAR YANG 'BYUNG MA YIN, ,'KHOR BAR SDUG BSNGAL RGYU MANG PO, ,MANG PO LEGS PAR MTHONG BA YIN, ,DE LTA NA
YANG DES RMONGS PAS, ,LHA RNAMS KYIS NI MI GO'O, ,DANG PO BAG MED DE DANG LDAN, ,PHYI NAS SDUG BSNGAL LDAN PAR 'GYUR, ,PHYIS GANG SDUG BSNGAL RGYUR GYUR PA, ,DE NI MKHAS PAS SPONG BAR BYED, ,JI SRID MYA NGAN 'DAS MI GZHOL, ,DE SRED BDE BA THOB MI 'GYUR, ,RNAM GROL SKYES BU THAMS CAD NI, ,RTAG TU BDE DANG LDAN PAR 'GYUR, ,BDE GANG BRTAN PA MIN PA YANG, ,DE NI BDE BAR RAB MA BSGRAGS, ,GANG YANG BRTAN PA DE LA NI, ,DE 'DI BDE BA ZHES BRJOD DO, ,GONG NAS GONG DU LEGS 'BREL BA'I, ,LAS RNAMS LEGS PAR STON PAR BYED, ,'BRAS BU RNAMS KYANG LEGS 'BREL BA, ,DE NI GONG NAS GONG NYID DO, ,DE PHYIR LAS 'BRAS GO BA DANG, ,BAG MED PA YANG RNAM PAR SPONGS, , BDE LEGS KYI NI BLO GYIS DANG, ,DE DAG BDE BA BLA NA MED, ,DE LTAR RMA BYA RNAMS KYI MNGA' BDAG DES DE DAG RNAMS LA BAG MED PA DANG BRAL BAR BYA BA'I DON DU RNAM PA DU MAR CHOS STON PAR BYED DE, BRTAN ZHING GSAL LA SNYAN PA RGYA CHE BA'I SKAD RNAM PA DE LTA BU DAG GIS GANG LHA DE DAG RNAMS KYI GLU DE DAG RNAMS THAMS CAD NYE BAR BCOM NAS DGE BA'I CHOS KYIS DPAG TSAD STONG PHRAG NYI SHUR SGRA DBYANGS BZANG PO RNAMS KYIS KUN TU BSGRAGS SO, ,THOS PA'I BDE BA DANG CHOS YONGS SU SMIN PA'I BDE BA RNAMS
, ,DANG YANG LDAN PA YIN NO, ,DE NAS LHA GANG DAG DGA' LDAN GYI LHA'I RIS NAS 'BAB PAR BYED PA DE DAG RNAMS NI, ,NAM MKHA'I DKYIL NAS RGYU BAR 'GYUR TE, JI LTAR RGYAL CHEN RIS BZHI'I LHA RNAMS RGYU BAR BYED PA DE LTAR DE DAG RNAMS KYANG RGYU PA YIN NO, ,GAL TE SHED NA DE DAG RNAMS KYIS RNAM PAR RTOG PA DU MAR GYUR PA'I DBYANGS SNYAN PA DE THOS PAR 'GYUR RO, ,DE NAS THOS PAR GYUR PA DANG LHA NYID STONG PHRAG BDUN CUS TE, DAM PA'I CHOS LA GUS PA DANG, BAG MED PA'ANG SHAS CHUNG BAR GYUR PAS GANG NA 'THAB BRAL RNAMS KYI LHA'I SA YOD PA'I GANG LA RMA BYA'I RGYAL PO RNAM PAR BKRA BA 'DI'I LEGS PAR BKRA BA DANG BCAS NAS CHOS STON PAR BYED PAR BABS PAR GYUR TO, ,DE NAS DGA' LDAN GYI LHA RNAMS BABS PAR RIG NAS RMA BYA'I RGYAL PO DE CHES RAB TU DGA' BAR GYUR PA'I YID KYIS RJOD PAR BYED PA JI LTA BA BZHIN DU BDE BAR 'ONGS SAM, KYE YE YANG DAG PA'I LHA RNAMS, ,'DIR 'ONGS PA RNAMS NI, BAG MED PA NYAMS CHUNG BAS RNAM PAR RGYU BA DANG, 'DI DANG PHA ROL RJES SU DPYOD PAR BYED PA DANG, CHOS RNAM PA DU MA NYAN PAS BABS PAR GYUR BA YIN MOD KYI, KHYED RNAMS JI LTA BAR BDAG CAG GI CHOS NYON DANG DE BZHIN DU BDAG GIS BSTAN
PAR BYA'O, ,SHIS PA THABS SU GYUR PA MYA NGAN LAS 'DAS PA'I GRONG KHYER LEGS PAR 'THOB PAR BYED PA THAMS CAD KYIS SNGAR MA MTHONG BA GANG BDAG SKYE BA GZHAN ZHIG TU MING GYUR PA NA, BCOM LDAN 'DAS 'KHOR BA 'JIG GI SPYAN SNGA NAS THOS PA DE SKYE BA GZHAN RJES SU DRAN PA DANG, SMON LAM GYI DBANG GIS NGAS DA RUNG DRAN ZHING, GZHAN DAG RNAMS LA NYE BAR STON PAR BYED DO, ,DE NAS DGA' LDAN GYI LHA DE DAG RNAMS KYIS RMA BYA'I RGYAL PO DE'I DRUNG NAS TSIG DAG NYE BAR THOS NAS NAM MKHA'I DKYIL NAS BABS TE DAM PA'I CHOS LA GUS PAS TSIM PAR GYUR PA'I YID KYIS THAMS CAD KYANG RI DE'I RTZE MO 'BAB CHU DANG RDZING BU PHAL CHE BA DANG NAGS DANG NYE BA'I NAGS RNAMS PHUN SUM TSOGS PA DANG PADMA'I RDZING BU DANG RIN PO CHE'I KHAMS RNAMS DANG YANG DAG PAR LDAN PA DANG, BYA BRGYA STONG DU MAS RNAM PAR RJOD PAR BYED PAS MNGON PAR DGA' BA DANG, RIN PO CHE'I KHAMS KYI 'BYUNG KHUNGS RNAMS DANG LDAN PA'I RI NOR BU'I CHA SHAS KYIS RNAM PAR BKRA BA'I RI'I RTZE MO DE LA LHA DE DAG GIS RMA BYA'I RGYAL PO DE YONGS SU BSKOR NAS KUN TU GNAS SO, , GZUGS DANG BRTAN PA DANG RGYA CHEN POR GYUR PA PHUN SUM TSOGS PA'I NGO BO RNAMS THAMS CAD LAS 'DI LHAG PAR GYUR PAS 'THAB BRAL GYI LHA DE DAG GI DRUNG NA CHES LHAG
, ,PAR GYUR PA NI, JI LTAR DZAMBU'I GLING GI MI RNAMS KYI KHYAD PAR GYIS 'THAB BRAL BA RNAMS THABS THAMS CAD KYIS BLA LHAG PA YIN NO, ,DE BZHIN DU DGA' LDAN GYI LHA DE DAG RNAMS 'THAB BRAL BA'I DRUNG NA BLA LHAG PA GYUR PA YIN NO, ,DE NAS 'THAB BRAL BA DE DAG GIS DGA' LDAN PA DE DAG RNAMS MNGON PAR MTHONG NAS GZUGS KYI RGYAGS PA DANG DBANG PHYUG DANG RGYA CHEN PO NYE BAR BCOM PAR GYUR PAS, GANG NA RMA BYA'I MNGA' BDAG YOD PAR GYUR PA DER NYE BAR 'GRO'O, ,'GA' ZHIG DANG 'GA' ZHIG NI; RTZE BA LA DGA' BAR GYUR PAS NAGS DANG NYE BA'I NAGS DAG TU ZHUGS SO, ,JI LTAR DZAMBU'I GLING GI MI RNAMS KYI KHYAD PAR GYIS 'THAB BRAL BA RNAMS TSUL THAMS CAD KYIS KHYAD PAR DU 'PHAGS PA YIN LA, DE LTAR DGA' LDAN GYI LHA DE DAG RNAMS 'THAB BRAL BA DE DAG GI DRUNG NA'ANG BLA LHAG PA YIN NO, ,KHA CIG NI, MA MTHONG BA'I PHYIR DANG, NGO MTSAR BAR GYUR PA'I PHYIR YANG DGA' LDAN GYI LHA DE DAG RNAMS NYID LA KUN NAS MNGON PAR LTA ZHING GNAS PAR GYUR TO, ,KHA CIG NI, SLAR NYID KYANG RI'I RTZE MO DE DAG NYID LA RTZE BA'I DON DU MNGON PAR 'KHOD PAR BYED DO, ,DE NAS DGA' LDAN PA DE DAG DANG 'THAB BRAL BA DE DAG RNAMS KYIS RMA BYA'I RGYAL PO DE LA YONGS SU BSKOR
NAS DE NA GNAS SO, ,DE NAS BYANG CHUB SEMS DPA' DES DE DAG LA 'DI SKAD CES SMRAS SO, ,LHA DAG JI LTAR CHOS LA GUS PA LA GOMS PA'I DBANG GIS LHA DANG MI RNAMS LA PHAN PA'I DON GANG YIN PA DANG, MCHOG TU BDE BA DANG, SEMS CAN RNAMS THAMS CAD LA PHAN PA'I SEMS CAN THAMS CAD LHA DANG MI RNAMS LA YANG DAG PAR 'GOD PA NI, 'DI LTA STE, CHOS NYI SHU RTZA GNYIS PO 'DI DAG RNAMS KYIS NI, LHA DANG MI RNAMS 'JIG RTEN 'DI DANG PHA ROL TU'ANG PHAN PA DANG BDE BA DANG SDUG PA DANG YID DU 'ONG BA GANG YIN PAR 'GYUR RO, , CHOS NYI SHU RTZA GNYIS PO GANG GIS BAG MED PA RNAMS KUN NAS 'DOR BA DANG, CHUD GSON PAR BYED PA DANG MED PAR BYED PA DANG, DE DANG BRAL BAS KYANG BDE BA MTHA' YAS PAR GYUR PA LHA DANG MI RNAMS MYA NGAN LAS 'DAS PA'I MTHAR THUG PAR BYED PA DANG, JI LTAR MAS MA YIN ZHING PHAS KYANG MA YIN PA RNAMS CHOS KYIS DE BZHIN DU PHAN PAR 'GYUR BA DE DAG GANG ZHE NA, 'DI LTA STE, 'GYOD PA DANG, NGAN SONG GI 'JIGS PA DANG, BZOD PA DANG, BRTZON 'GRUS DANG, CHOS STON PA DANG, SNYING RJE DANG, SEMS RAB TU 'DUL BA DANG, RAB TU RTEN BA DANG, LAS LA DAD PA DANG LDAN PA DANG, GRAGS PA MA YIN PAS 'JIGS PA DANG, MNGON PAR ZHEN PA MED PA DANG, GCIG PUR DGA' BA DANG,
, ,SEMS RNAM PAR MA G-YENGS PA DANG, 'CHI BA RJES SU DRAN PA DANG, GZUGS DANG DBANG PHYUG DANG RIGS DANG NAD MED PA'I RGYAGS PA DANG BRAL BA DANG, MI GNAS PAS NYE BAR BCOM PA DANG, BRTAN PO DANG, NGAG 'JAM PO DANG, SEMS CAN THAMS CAD LA MNYAM PA NYID DANG, CHOG SHES PA DANG, YUL RNAMS 'JIGS PAR LTA BA DANG, SEMS LA YID CHES PAR MI BYA BA'O, ,DE LA CHOS NYI SHU RTZA GNYIS PO DE DAG RNAMS JI LTA BA BZHIN DU BSTEN PAR GYUR PA NA LHA'AM MI RNAMS KYANG RUNG STE, NGAN SONG GIS RNAMS LA SKYE BAR MI 'GYUR RO, ,MYA NGAN LAS 'DAS PAR YANG MYUR BAR THOB PAR BYED DO, ,DE LA JI LTAR 'GYOD PAR BYED PAR BYA BA YIN ZHING JI LTAR NA THAMS CAD KYANG BDE LEGS PAR SPYOD PA YIN NA, YID LA GCAGS PA RNAMS RNAM PA THAMS CAD DU BYAS PAR GYUR NA NI, DGE BA'I CHOS RNAMS KUN NAS 'JOMS PAR BYED DO, ,DE LA 'DI JI LTAR BYAS PAR GYUR NAS YIN NA, GAL TE'ANG 'DI NA GZHAN 'GA' ZHIG MI DGE BA RNAMS LUS DANG NGAG DANG YID KYIS KYANG BYED PAR GYUR PA NA NI; DES DGE SLONG 'DI SKYUG BRO BAR BLTA BAR BYA BA DANG, RNAM PAR SMOD PAR BYED PA DANG GANG YID LA GCAGS PAR GYUR PA BYED LA DE DANG LHAN CIG TU
GNAS PAR YANG MI BYED DO, ,DE NAS YANG GAL TE BDAG NYID KYIS JI ZHIG LTAR RKYEN GYI DBANG GIS BYAS PAR GYUR TAM, SEMS LA YANG RNAM PAR RTOG PA KUN TU SKYES PAR GYUR NA; DE SKYES PAR GYUR PA TZAM NYID NA'ANG RAB TU 'JOMS SO, ,PHYIR NYID KYANG RO MYANG PAR MI BYED DO, ,GANG DAG GIS 'PHROG PAR GYUR NA'ANG GZHAN DAG GI DRUNG DU MTHOL BAR BYED DO; ;'DI 'BYUNG BAR MI 'GYUR BA LA'ANG KUN NAS 'BAD PAR BYED CING SEMS KYIS 'BAD PAR BYED DO, ,DE KHO NA BZHIN DU PHYIR ZHING DANG, DE DAG NYID LA SLAR YANG DANG SEMS RAB TU GNAS PAR MI BYED DO, ,DES MI DGE BA'I CHOS RNAM PAR RTOG PA DE LTAR SMRE BAR BYED DO, ,DPER NA RTUG PA DANG, KHYI'I RO MGUL BAR BCINGS PA'AM MI GTZANG BA RNAMS 'GA' ZHIG TU BCUG PAR GYUR NA, MI GTZANG BA DE DAG RNAMS DANG, KHYI'I RO DE DAG LA YANG GTZANG MA 'DOD PA'I SKYES BU RNAMS SKYUG LOG PAR BYED DO, ,DE LTAR DGE SLONG MI DGE BA'I CHOS YID LA BYED PA LA SKYUG BRO BAR BYED DO, ,RNAM PAR GSHE'O, ,'GYOD PAR YANG BYED PA YIN NO, ,DPER NA YANG SKYES BU GZHAN 'GA' ZHIG GTZANG MA 'DOD PA, GTZANG MA LA BSTEN PA, GTZANG MA RNAMS LA SO SOR SKYABS SU SONG BA DAG BRGYA LAM ZHIG NA BA SHANG BA ZA BAR BYED PA YIN TE, GAL TE SHED NA MI SHES PAS SAM, BYIS PAR
, ,GYUR PAS GZHAN GROGS PO MA YIN PA DAG GIS ZAR BCUG PAR GYUR KYANG RUNG STE, DES MI GTZANG BA DE RNAM PAR SMOD PAR BYED CING SME BAR BYED LA PHYIS KYANG KUN NAS ZA BAR MI BYED PAR DES KYANG 'GYOD PAR BYED DO, ,DE KHO NA BZHIN DU DGE SLONG NGAM DE'I RIGS CAN GZHAN DAG RNAMS KYANG RUNG STE GANG 'GA' ZHIG DGE BA RJES SU TSOL BA RNAMS LA CI ZHIG LTAR MI DGE BA'I YID LA BYED PA'I RNAM PAR RTOG PA DAG SKYES PAR GYUR NA'ANG RNAM PAR SMOD PAR BYED DO, ,SME BAR BYED DO, ,GANG DAG GIS KHRID PAR GYUR PA NA DE DAG YANG MI SKYE BAR BYA BA'I DON DU SEMS SKYED PAR BYED CING DGE BA LA'ANG SPYOD PAR BYED DO, ,'DI NI, ,BAG MED PA RNAMS PAR 'JOMS PA DANG, BAG MED PA RLAG PAR BYED PA DANG BAG MED PA RNAMS 'JIG PAR BYED PA'I LHA DANG MI RNAMS KYI CHOS DANG PO YIN NO, ,DE'I PHYI SKYES BU DAM PA DE KHO NA NYID TSOL BA RNAMS DANG, 'KHOR BA'I 'JIGS PAS 'JIGS PA GANG YIN PA RNAMS KYIS 'DI LTAR BSLAB PAR BYA STE, MI DGE BA'I RNAM PAR RTOG PA PHRA BA'I PHRA BA YID LA SKYES PAR GYUR NA'ANG 'GYOD PAR BYA'O, ,'DIR NI, BAG YOD PAR BYA BA YIN TE, SKAD CIG KYANG BAG MED PAR NI MI BYA'O, ,DE LTA BAS NA MI DGE BA'I CHOS RNAMS KYI RTZA BA GCIG BUR GYUR PA NI,
'DI LTA STE, RO MYANG BAR BYED PA DANG YID LA GCAGS PAR BYED PA STE, CHOS DANG PO YIN NO, ,CHOS GZHAN YANG DGE BA KUN TU 'PHEL BAR BYED PA DAG YOD DE, 'DI LTAR NGAN SONG GIS 'JIGS PA'O, ,NGAN SONG GIS 'JIGS PA ZHES BYA BA NI, THEG PA CHEN PO'I CHOS YIN TE, 'DIR NGAN SONG GIS 'JIGS PA'I LHA DANG MI RNAMS THAMS CAD KYI YANG BAG MED PA RNAMS BRLAG PAR BYED PA DANG BAG MED PA RNAM PAR 'JOMS PAR BYED PA YIN PAS, DGE SLONG DAG GAM DE DAG DANG MTSUNGS PAR GYUR PA GZHAN RNAMS KYANG RUNG STE, THABS MA YIN PA LA 'JIGS PA RNAMS NI, MI DGE BA RTZOM PAR MI BYED DO, ,GZHAN DAG RNAMS BYED PA NA'ANG RJES SU YI RANG BAR MI BYED DO, ,MI DGE BA'I LAS 'DI DAG RNAMS KYIS NI, JI LTA BA BZHIN DU DMYAL BA DANG YI DVAGS DANG DUD 'GRO RNAMS SU SEMS CAN RNAMS SKYE BA YIN NO, ,ZHES SHES PA YANG YIN PAS, BDAG GIS MI DGE BA'I CHOS DE BYAS PA MA YIN TE, GANG GI PHYIR SDIG PA'I 'BRAS BU DES KYANG THABS MA YIN PA RNAMS SU LTUNG BAR 'GYUR RO, ,MI DGE BA CHUNG NGU'ANG BSTE CING BSGOMS LA LAN MANG DU BYAS PAR GYUR PA'I RGYU GANG GIS SROG CHAGS RNAMS DMYAL BA DANG YI DVAGS DANG DUD 'GRO RNAMS SU SKYE BAR 'GYUR RO, ,DE'I PHYIR NA DGE SBYONG DANG BRAM ZE DANG GZHAN YANG
, ,DE'I RIGS CAN RNAMS KYIS 'DI LTAR BSLAB PAR BYA STE, NGAN SONG RNAMS KYIS 'JIGS PA RNAMS KYIS RTAG TU'ANG MI DGE BA'I CHOS RNAMS 'JIGS PAR BYA'O,, GANG GI PHYIR MI DGE BA'I LAS MTHA' DAG GI 'BRAS BU RNAM PAR SMIN PA RNAMS NI, DMYAL BA DANG YI DVAGS DANG DUD 'GRO RNAMS SU NYE BAR LONGS SPYOD PAR BYED PA YIN PAS, BAG MED PA RNAMS BAG MED PAR RGYU BAR BYED PA'I LHA BLO DMAN PA RNAMS KYIS DE LTAR NGAN SONG LA 'JIGS PAR BYA'O, ,NGAN SONG RNAMS LA 'JIGS PA'I PHYIR BAG MED PA KUN TU BSTEN PAR MI BYED DO, ,LUS DANG NGAG DANG YID KYI MI DGE BA'I LAS RNAM PA GSUM PO RNAMS MI BYED DO, ,DE NYIN GCIG BZHIN DU RTAG PAR YANG DAG PA RNAMS NI; BYED PA'ANG YIN LA MI DGE BA YANG SPONG BAR BYED DO, ,DE DE LTAR NA NGAN SONG GIS 'JIGS PA RNAMS KYIS RNAM PAR 'JIGS PA YIN NO, ,JI LTAR SKYES BU 'GA' ZHIG RANG GI STOBS DANG GZHAN GYI STOBS RNAMS KYI DE KHO NA NYID MTHONG BA, DUG DANG GCAN GZAN DANG MI DANG MTSON CHA DANG G-YANG SA DAG DANG SROG GI BAR CHAD BYED PAR 'GYUR BA RNAMS LAS RNAM PAR GZHIG PAR BYED PA YIN NO, ,DE BZHIN DU THABS MA YIN PA RNAMS KYIS 'JIGS PA'I PHYIR NI 'BYUNG BAR 'GYUR BA'I CHOS RNAMS LAS
RNAM PAR GZHIG PAR BYED DO, ,RTAG TU YONGS SU SPONG BAR BYED PA DANG, MI DGE BA RNAMS LAS PHRA MO TZAM YANG MI BYED DO, ,BAG MED PA DAG LA'ANG MI BSTEN NA NO, ,DE YONGS SU SPANGS PAR GYUR PA LAS KYANG LHA DANG MI RNAMS SU LONGS SPYOD RNAMS LA RJES SU SPYAD CING MYA NGAN LAS 'DAS PA'I GRONG KHYER RJES SU BTZAL NAS 'DI'ANG MYA NGAN LAS 'DAS PAR CI NAS KYANG 'GRO BAR 'GYUR RO, ,DRI MA MED PA MI G-YO BA ZAG PA MED PA'I BDE BA'I MCHOG RNAMS THOB PAR BYED DO, ,DE'I PHYIR NA RTAG TU'ANG NGAN SONG GIS 'JIGS PAR BYA'O, ,DE LTAR BYAS PAR GYUR NA DGE SBYONG NGAM, BRAM ZE'AM, DE DANG 'DRA BA RNAMS KYANG RUNG STE, GO 'PHANG GI MCHOG THOB PAR 'GYUR RO, ,'DI LA YANG TSIGS SU BCAD PA'I DBYANGS KYIS BSNYAD PA, SKYES BU THABS MIN PAS 'JIGS PA, ,BAG MED STOBS NI SPONG BA PO, ,DGE BA SPYOD CING YON TAN TSOL, ,MYA NGAN 'DAS PA RTOGS PAR 'GYUR,, GANG ZHIG THABS MIN PAS 'JIGS PA, ,DE YI SEMS NI RNAL DU GNAS, ,MNYAM PAR BZHAG PA'I SEMS KYIS NI, ,BDE BA NAS NI BDE BA 'THOB, ,GANG LA NGAN SONG 'JIGS PA MED, ,DE NI SDIG PA MANG PO BYED, ,DE NI SDIG PA'I MES BSREGS NAS, ,PHYI NAS DMYAL BA THOB PAR 'GYUR, ,ME STAG SHIN TU PHRA BAS KYANG, ,JI LTAR RUNG BAR
, ,SREG PA YIN, ,DE BZHIN SDIG PA CHUNG NGUS KYANG, ,SDIG PA'I BLO MED DMYAL BAR 'GRO, ,DE PHYIR BDE BA 'DOD PA YIS, ,NGAN SONG GIS NI 'JIGS PAR BYA, , DES KYANG MI RNAMS KUN TU SKYOB, ,SDIG LAS BDE BA 'BYUNG BA MIN, ,DE LTAR CHOS GZHAN 'DI BYA STE, LHA DANG MI RNAMS SAM, DGE SBYONG DANG BRAM ZE'AM, DE DAG DANG 'DRA BA GZHAN RNAMS KYIS KYANG RUNG STE CHOS GZHAN PO 'DI DAG RNAMS BYA'O, ,GANG DAG 'JIGS PAR GYUR PA RNAMS NI, DE'I YID LAS SKYES PAR GYUR PA'I SDIG PA CHUNG DU NA RNAMS KYANG DUS DE NYID DU BSHAGS PAR BYED DO, ,RJES SU YI RANG MI BYED CING PHYIS KYANG MI BYED DO, ,SEMS PAR YANG MI BYED DE, DE'I 'BRAS BU DMYAL BA DANG YI DVAGS DANG DUD 'GRO'I SDUG BSNGAL RNAMS YID LA BYAS SHING RTOGS PA YIN NO, ,DE LTAR NGAN SONG GIS 'JIGS PA RNAM PA GSUM PO DE DAG RNAMS BCUR BYE BAS NI, MI DGE BA BCU'O; ;RNAM PAR SPONG BAR BYED CING BYED PA'ANG MA YIN NO, ,RJES SU YI RANG BAR MI BYED DO, ,DE BYED PA RNAMS DANG LHAN CIG TU 'DRE BAR MI BYED DO, ,DE NI, SDIG PA RNAMS THAMS CAD RNAM PAR SPANGS PA'I SKYES BU DAM PA DGE BA SPYOD PA RNAM PAR DAG PAR SPYOD PA DRI MA MED PA BAG MED PA RNAM PAR SPANGS PA, SDIG PA RNAMS KYIS
BYAS PA'I SRID PA'I BRJE BSOR MI DGE BA'I LAS RNAMS THAMS CAD NAS SO SOR SPANGS PA SKYON THAMS CAD LAS YONGS SU GROL BA YIN NAM, SKYON THAMS CAD LAS YONGS SU GROL BA RNAMS DANG, NYON MONGS PA RNAMS THAMS CAD LAS RNAM PAR GROL BA RNAMS DANG, RNAL DU GNAS PA'I RNON PO RNAMS NI, SRID PA'I CHU BO'I PHA ROL TU 'GRO BAR 'GYUR RO, , DE'I PHYIR 'DI LTAR BSLAB PAR BYA STE, RTAG TU NGAN SONG GIS 'JIGS PA RNAMS GO BAR BYA'O, ,CHOS GZHAN 'DI NI, 'DOD PA SDUG PA YID DU 'ONG BA SEMS CAN RNAMS THAMS CAD KYANG MYA NGAN LAS 'DAS PA'I MTHAR THUG PAR BYED PA YIN NO, ,GZHAN YANG BCOM LDAN 'DAS DE NYID KYIS LHA DANG MI RNAMS LA PHAN PA DANG BDE BA'I DON DU BAG MED PA RAB TU GZHOM PAR BYA BA DANG, MYA NGAN LAS 'DAS PA THOB PAR BYA BA'I DON DU'ANG CHOS BSTAN PA BDAG MIR GYUR PA NA THOS PA GANG YIN PA DE DAG NGAS DRAN PA DANG RJES SU 'BREL BA RNAMS LHA RNAMS LA BSTAN PAR BYA BA'O, ,'DI YANG GANG ZHE NA, 'DI LTA STE, BZOD PA'O, ,BZOD PA ZHES BYA BA'I CHOS RNAMS NI, MCHOG TU DGE BA DANG, SHIN TU BDE LEGS SU GYUR PA DANG, MCHOG TU SANGS RGYAS KYIS BSNGAGS PA YIN NO, ,BZOD PA DE'ANG RNAM PA GNYIS YIN TE, GANG YANG CHOS MNYAM PA NYID KYI LAM DU 'GRO BA'I BSAM GTAN
, ,PA RNAMS KYIS DKAR PO'I CHOS RNAMS LA NGES PAR BRTAN PAR PHYIR CHOS NYID LA BRTAN PAR GYUR PA RNAMS BSAM GTAN GYI LAM GYI DGE BA'I KHYAD PAR GYIS KYANG BZOD PA BYED PA'I BZOD PA NI, DE LTAR 'DIR YANG BRAG DANG NAGS TSANG TSING DU MA DANG BCAS PA'I 'JIG RTEN MA LUS PA 'DI DAG RNAMS SA GZHI'I STENG NA GNAS PAR GYUR PA YANG BZOD PAR BYED DO, ,'BYING BAR YANG MI 'GYUR RO, ,DE BZHIN DU BZOD PAS KYANG MYA NGAN 'DAS PA'I CHOS RNAMS THOB PAR BYED PA'I CHOS RNAMS THAMS CAD LA BRTAN PA DANG SNYING PO DANG CHOS NYID DANG KHYAD PAR DU DANG, GTZO BO DANG DKAR PO'I CHOS RNAMS DANG MYA NGAN LAS 'DAS PA'I LAM THOB PAR 'GYUR BA RNAMS KYIS KYANG BZOD PAR BYED DO, ,BZOD PA 'DI DAG NYID BRTAN PA DANG LDAN PA'I LAM MDUN DU BSAR BA'I 'JIG RTEN LAS 'DAS PA YIN PA GANG GI PHYIR MYA NGAN LAS 'DAS PA THOB PAR BYED PA YIN NO, ,GZHAN YANG BZOD PA GNYIS PA YOD DO, ,'DI LTA STE, GANG 'GA' ZHIG DGE SBYONG NGAM, BRAM ZE'AM, RNAM PA DE LTA BU GZHAN DAG RNAMS KYANG KHRO BA SKYES BAR GYUR PA'I DUG 'JOMS PAR BYED DO, ,KHRO BA'I 'BRAS BU RIG PAR GYUR NAS KHRO BA DE'I GO SKABS 'BYED PAR MI BYED DO, ,DE LA KHRO BA NYID SKYES PAR
GYUR NA DE SRID DU SKYES BU RANG NYID KYI RTEN SREG PAR BYED DO, ,BZHIN 'GYUR BAR BYED DO, ,KHRAG RNAMS NGOR LDOG PAR BYED DO, ,GZHAN LA BAG MED PA GO BAR BYED DO, ,'JIG RTEN PA 'JIGS PA SKYED PAR BYED DO, ,YUL LJONGS PA RNAMS THAMS CAD DANG YANG MI MTHUN PA DANG, YID DU MI 'ONG BA DANG, SME BAR YANG BYED PAR 'GYUR RO, ,PHYI NAS LUS ZHIG BAR GYUR NAS KYANG NGAN SONG LOG PAR LTUNG BA DMYAL BA RNAMS SU SKYE BA'O, ,GANG DAG KHRO BAS ZIL GYIS MNAN PA'I SKYES BU RNAMS KUN TU SPYOD PAR BYED PA LAS BYA BA MA YIN PA GZHAN DE NI, YOD PA MA YIN ZHING BYED PA'ANG MA YIN NO, ,DE'I PHYIR KHRO BA 'DI DAG ME BZHIN DU BRTAN PA DAG GIS YONGS SU SPANG BAR GYIS SHIG, PHAN PA BYED PA'I SKYES BU DE DAG RNAMS KYIS NI, RNAM PA DE LTAR SKYON GYI 'BRAS BU RNAMS RTOGS NAS RANG LA PHAN PA DANG, GZHAN RNAMS LA PHAN PA LA RAB TU ZHUGS PAS BZOD PA BYED CING 'JIL BAR BYED DE, JI LTAR SKYES BU 'GA' ZHIG GI KHYIM LA ME SHOR BAR GYUR NA ME ZHI BAR BYED PA LTAR, YE SHES KYI CHU DAG GIS BLO DANG LDAN PA RNAMS KHRO BA KUN NAS ZHI BAR BYED PA'I BZOD PA PHUN SUM TSOGS PA MCHOG TU DGE BA'I YID CAN DANG, BZOD PA DANG LDAN PA KHRO BA RNAM PAR SPANGS PA'I SKYES BU LA SKYE BO RNAMS THAMS CAD DANG MTHUN PAR 'GYUR
, ,RO; ;YID DU 'ONG BA DANG MTHONG NA DGA' BAR YANG 'GYUR RO, ,MCHOG TU YID CHES PA'I SA DANG, BZHIN GYI MDANGS RAB TU DANG BA DANG, SEMS RAB TU DANG BAR YANG 'GYUR RO, ,SEMS SHIN TU LEGS PAR GNAS PA DANG, MCHOG TU DGE BA'I BSAM PA DANG LDAN PAR 'GYUR RO, ,LUS KYI NYES PA DANG BRAL BA DANG, NGAG GI SKYON DANG BRAL BA DANG, YID KYI GDUNG BA DANG BRAL BA DANG, NGAN 'GRO'I 'JIGS PA DANG BRAL BA DANG, ZHE 'GRAS PA'I SKYE BO RNAMS DANG BRAL BA DANG, DGRA RNAMS DANG BRAL BA DANG, MI SNYAN PA'I DRI MA RNAMS DANG BRAL BA DANG, GNOD SEMS DANG BRAL BA DANG, SNYING LA KUN TU GCAGS PA DANG BRAL BA DANG, RGYAL PO'I CHAD PA'I 'JIGS PA RNAMS DANG BRAL BA DANG, MA BSRUNGS PA'I TSIG NGAN PA RNAMS BRJOD PA'I 'JIGS PA DANG BRAL BA DANG, KUN NAS 'GYED PA'I 'JIGS PA DANG BRAL BA DANG, KUN NAS BRJOD PA'I 'JIGS PA DANG BRAL BA DANG, RNYED PA'I 'JIGS PA DANG BRAL BA DANG, SDUG BSNGAL GYI 'JIGS PA DANG BRAL BA DANG, RGYAGS PA'I 'JIGS PA RNAMS DANG BRAL BA'I SKYES BU YON TAN THAMS CAD DANG LDAN PAR 'GYUR RO, ,'GRO BA THAMS CAD DU 'DI SNYAN GRAGS DANG YANG MI 'BRAL BAR 'GYUR RO, ,'JIG RTEN 'DI DANG PHA ROL GNYIS KAR
SONG BA NA'ANG SKYID PAR YANG 'GYUR RO, ,SKYE BO RNAMS THAMS CAD KYI YANG MA DANG PHA DAG TU RUNG BAR 'GYUR RO, ,KUN GYIS 'DRUL 'JUG BYA BAR YANG 'GYUR RO, ,SKYES BU DAM PA BZOD PA DANG LDAN PAR YANG 'GYUR RO, ,DE'I PHYIR KHRO BA GZHAN 'DI NI, BTZAN DUG DANG MTSON CHA DANG RLUNG 'TSUB DANG MTSUNGS PA'I KHRO BA GANG YIN PA RNAMS BZOD PAS ZHI BAR BYED DO, ,MTHOL BAR BYED PA DANG BZOD PAR BYED PA DANG SDOM PAR YANG BYED DO, ,BZOD PA DE'ANG SKYES BU DAM PA DGE BAR 'DOD PA RNAMS KYIS YID LA BYA STE, RIN PO, CHE BZHIN DU YONGS SU SKYONGS SHIG ,DE'ANG PHA ROL KHRO BAS RNAM PAR BSREGS PA RNAMS DANG KHRO BA'I MUN PA NA KUN NAS GNAS PA DE DAG RNAMS LA DAM PA'I CHOS KYI SGRON ME RAB TU SPOR BAR BYED PA DANG; DMUS LONG RNAMS KYI NI, MIG TU GYUR PA'O, ,DAM PA'I CHOS KYIS PHONGS PA RNAMS LA NI, CHOS KYI RDZAS SO, ,LOG PAR LTA BAS DBUL BA RNAMS NI; 'JOMS PAR BYED PA YIN NO, ,MA DANG PHAS SPANGS PA RNAMS LA NI, MA DANG PHAR GYUR PA YIN NO, ,KHRO BA'I CHUR RAB TU BYING BAR GYUR PA RNAMS KYI RGYAL BAR GYUR PAS RTAG TU PHAN 'DOGS PAR BYED PA YIN NO, ,NGAN SONG DU RAB TU LTUNG BA RNAMS LA NI, LAG PA BRKYANG BAS SHIN TU BRTAN POS LEGS PAR 'DREN PAR BYED PA'O, ,SEMS CAN KHRO
, ,BAS ZIN PAS DMYAL BA'I ME MDAG TU RAB TU LTUNG BAR GYUR PA RNAMS LA NI, CHU'I BYA BA BYED PA YIN NO, ,YI DVAGS KYI 'JIG RTEN TU RAB TU RGYUGS PAR GYUR PA'I SKYES BU PHRAG DOG DANG LDAN PA RNAMS BKRES PA DANG SKOM PA'I SDUG BSNGAL GYIS RNAM PAR BCOM PA RNAMS LA NI, ZAS DANG SKOM BZHIN DU BYED PA YIN NO, , DUD 'GRO'I 'GRO BA DANG RAB TU 'BREL PA DANG LDAN PA'I SEMS CAN RNAMS PHAN TSUN DU GSOD PAR MNGON PAR DGA' BA RNAMS LA NI, GSON PA LEGS PAR SBYIN PAR BYED PA RNAMS BZOD PA BSTEN CING BSGOMS LA LAN MANG DU BYAS PA LAS YIN PAS, DE'I PHYIR NGAN SONG GI 'JIGS PAS 'JIGS PAR GYUR PA'I SKYES BU DGE BA RNAMS KYIS RAB TU BRTZON PA MCHOG GIS YID LA BYA'O, ,DE NAS DUS DE'I CHE NA RMA BYA'I BDAG PO DE GTZUG LAG GI TSIGS SU BCAD PA BRJOD PA JI LTAR, BZOD PAS BRGYAN PA'I SKYES BU LA, ,NOR GYIS BRGYAN PAS BSGRUN DU MED, ,NOR RNAMS 'PHROG PAR BYED NA YANG, ,BZOD PA NYID NI NAM YANG MIN, ,BZOD PA DANG LDAN SKYES BU LA, ,LUS CAN THAMS CAD DGA' BAR 'GYUR, ,PHYI NAS BDE LEGS LA SBYOR RO, ,DE PHYIR BZOD PA DKA' THUB MCHOG ,BZOD DANG LDAN PA'I SKYES BU NI, ,KHRO BA'I SKYON RNAMS THAMS CAD
SPANGS; ;SKYE BA 'DI DANG GZHAN DU YANG, ,DGE LEGS LA NI RAB TU SBYOR, ,BZOD PA'I NOR DANG TSUL KHRIMS NOR, ,SHES RAB KYANG NI NOR NYID YIN, ,NOR DE RNAMS NI BSNGAGS PA YIN; ;DBYIG LA SOGS PA NAM YANG MIN, ,BZOD DANG LDAN PA'I SKYES BU NI, ,RTAG TU DAM PAS MCHOD PAR BYED, ,SNYAN GRAGS LA YANG SBYOR BAR 'GYUR, ,DE PHYIR KUN NAS BZOD PA MCHOG ,KHRO BA'I DUG GI SMAN MCHOG TU, ,BZOD PA 'DI NI 'DOD PA YIN, ,KHRO BA BZOD PAS DES BCOM PA, ,SLAR YANG SKYE BAR MI 'GYUR RO, ,MUN PAS RAB TU ZIL MNAN PA'I, ,BYIS PA RNAMS LA KHYAD PAR DU, ,BZOD PA'I LAM NI RAB STON PA'I, ,SGRON MA'I BYA BA BYED PA YIN, ,DAM CHOS NOR DANG BRAL BA RNAMS, ,'GRO BA LNGAR NI 'KHYAMS PA YIN; ;GANG DAG BZOD PA 'DI YI RDZAS, ,DE DAG 'JIG RTEN NOR LDAN DRAN, ,KHRO BA YI NI MUN PA'I TSOGS, ,RGAL DKA' BA YI 'BROG DGON PAR, ,BZOD PA'I LAM ZAS ZA MTHONG BA, ,MING CAN RNAMS NI NGES PAR SGROL, ,DAM CHOS LAM NI STON RNAMS LA, ,BSTEN PAR BYED PA BZOD PA MCHOG ,NGAN SONG 'JIGS PAS 'JIGS RNAMS LA, ,'JIGS PA MED PA BZOD PAR BRJOD, ,SDUG BSNGAL RNAM PAR 'JOMS PA DANG, ,MI RNAMS BDE BA RTAG TU 'BYUNG, ,RTAG TU BDE LEGS KUN THOB PA, ,BDE LEGS MIN SPANGS BDE
, ,LEGS YIN, ,DE LA DAM PA RNAMS RTAG DGA', ,YID CHES YON TAN BYED PA YIN, ,DGE BA BZANG PO 'BYUNG BYED DANG, ,MI DGE BA RNAMS RNAM PAR SPONG,, SKYES BU'I THAR PA LEGS STON DANG, ,'KHOR BA'I 'JIGS PAS 'JIGS PAR BYED, ,MTHO RIS THEM SKAS GYUR PA DES, ,DMYAL BA'I ME NI RNAM PAR 'JOMS, ,YI DVAGS 'JIG RTEN LA SKYOB DANG, ,DUD 'GRO'I SKYE GNAS DES DE BZHIN, ,YON TAN TSOGS KYIS RTAG DANG BA'I, ,LUS CAN DE RNAMS SHIS PAR 'GYUR, ,RAB BSNGAGS BDE BA DES THOB PA; ;BZOD PA RAB TU BRTZON PAS THOB, ,DE LTAR BZOD PA ZHES BYA BA'I, ,CHOS GZHAN 'DIR NI BSTEN PAR GYIS, ,MCHOG TU BDE BA 'BYUNG BAR 'GYUR BA DANG, LUS ZHIG PAR GYUR NAS KYANG MTHO RIS BDE 'GRO'I 'JIG RTEN LHA RNAMS SU SKYE BAR 'GYUR RO, ,MYA NGAN LAS 'DAS PA'ANG THOB PA YIN NO, ,DE'I PHYIR BAG MED PA DANG BRAL BAR BYA BA'I DON DU DANG, LHA DANG MI'I 'GRO BA RNAMS SU SKYE BAR BYED PA RNAMS KYIS BZOD PAR BYA'O, ,GZHAN YANG DGE LEGS KYI CHOS BAG MED PA'I DUG RNAM PAR 'JOMS PAR BYED PA RNAMS DGE SBYONG NGAM, BRAM ZE'AM, DE DAG DANG 'DRA BAR GYUR PA GZHAN DAG RNAMS KYIS KYANG BYA'O, ,'DI'ANG GANG ZHE NA, 'DI LTA STE, BRTZON 'GRUS SO, ,
BRTZON 'GRUS NI, MCHOG TU DGE LEGS KYI CHOS DGE BA DANG YANG DAG PAR LDAN PA YIN TE, THAR BA'I LAM DU 'KHRID PA'I BRTZON 'GRUS YANG DAG PAR BYAS NAS YUL DANG DUS SU RIGS PAR BYAS PAR GYUR PA RNAMS KYIS NI, SHIS PAR 'GYUR RO, ,'JIG RTEN DANG 'JIG RTEN LAS 'DAS PAR NAMS LA'ANG RIGS PA DANG 'GAL BA MED PA DANG MTHAR THUG PAR STON PAR GYUR PA'I DGE SBYONG DANG BRAM ZE RNAMS 'JIG RTEN DANG 'JIG RTEN LAS 'DAS PA'I CHOS RNAMS LA YANG DAG PAR BRTZON PA DANG LDAN PAS SHES PAR 'GYUR RO, ,DUS SU LDAN PA DANG DUS SU NGAN SONG BAR BYED PA'I GANG YUL DANG DUS KYI THABS SHES PA GANG YIN PA DE DAG NI, DGE LEGS KYI SKAL PA DANG LDAN PAR 'GYUR RO, ,BRTZON 'GRUS DES SNYOM LAS RNAMS THAMS CAD NYE BAR BCOM NAS NGES PAR GNAS SO, ,NYON MONGS PA GZHOM PA LA BRTZON PA DANG LDAN PA'I DGE SBYONG DANG BRAM ZE DE DAG RNAMS NI, MNYAN BYA DANG REG BYA DANG RO DANG BSNAMS PA DANG BLTA BAR BYA BA DE DAG RNAMS BRTZON 'GRUS DANG LDAN PAR GYUR NAS YID NGES PAR ZLOG PAR BYED DO, ,DE RKYEN RNAMS LAS SKYES PAR GYUR NA'ANG YID KYI RNAM PAR DPYOD PAR BYED CING SDOM PAR BYED DO, ,GROGS GNYIS PA BRTZON 'GRUS DANG LDAN PAR GYUR PAS, YUL RNAMS THAMS CAD LAS SEMS NGES PAR
, ,ZLOG PAR BYED DO, ,CHES SHIN TU MYUR BAR SEMS KYI SHUGS 'BYUNG ZHING 'BYUNG BAR GYUR PA RNAMS DGE BA'I BRTZON 'GRUS SOR SOR RNAM PAR SPONG BAR BYED DO; ;KUN TU SDUD PAR BYED CING RAB TU 'GOG PAR BYED DO, ,NGES PAR SDOM PAR BYED DO, ,GANG GI PHYIR BRTZON 'GRUS NI, CHOS RNAMS THAMS CAD KYI RTZE MOR GYUR PA'I CHOS YIN NO, ,DE DANG 'GROGS PA'I DGE BA'I CHOS GANG YIN PA RNAMS NI, SHIN TU BRTAN PA DANG NYAMS PA MED PA DANG, 'BRAS BU DANG BCAS PAR 'GYUR RO, ,BRTZON 'GRUS MDUN DU BDAR BA'I DGE BA'I SEMS KYI YON TAN NI, YANG DAG PAR RDZOGS PA'I BYANG CHUB MTHAR THUG PAR 'GYUR RO, ,DES NA YON TAN RNAMS RTOGS PAR BYAS LA THEG PA CHEN PO LA YANG DAG PAR GNAS NAS MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR BYANG CHUB PAR 'DOD PA'I DGE SBYONG NGAM; BRAM ZE DE DAG RNAMS KYIS KYANG DE RJES SU MTHUN PA'I BRTZON 'GRUS LA GOMS PAR BYA'O, ,'JIG RTEN DANG 'JIG RTEN LAS 'DAS PA'I DON RNAMS LA'ANG BRTZON 'GRUS NYID LHAG PAR 'GYUR RO, ,SKYES BU 'JIG RTEN PA'I DON GANG DAG RTZOM BAR BYED PA NA'ANG DE DAG RNAMS THAMS CAD KYANG SHIN TU BRTAN PA'I BRTZON 'GRUS KYIS
BRTZAMS PAR BYAS NAS NI, 'BRAS BU MED PAR MI 'GYUR RO, ,DUS RING DU GNAS PA DANG GZHAN RNAMS KYIS NYE BAR MI CHOMS PA DANG 'CHI BA'I MTHAR THUG PAR BYED PA'I 'JIG RTEN PA'I 'JIGS PA CHEN PO DANG BCAS PA MA LUS PA RNAMS BYUNG DU ZIN KYANG BRTZON 'GRUS DANG LDAN PA'I SKYES BU RNAMS NI, SEMS SMRAS PAR MI 'GYUR, G-YOS PAR MI BYED CING NA TSA MED DO, ,RANG DANG GZHAN GYI DON RNAM PAR NYAMS PA CHEN PO RNAMS BYUNG BAR GYUR NA'ANG YI MUG PAR MI 'GYUR ZHING YANG DANG YANG DU DON DE NYID RTZOM PAR BYED DO, ,RGYAGS PAR BYED DO, ,DGRA BO RNAMS KYIS KYANG GDUL DKA' BAR 'GYUR RO, ,'DI DAG GI DON 'GA' ZHIG GRUB PA LA 'JOMS PAR MI 'GYUR RO, ,DON GANG DANG GANG BRTZAMS PA DE DAG RNAMS RGYAS PAR 'GYUR RO, ,DE LTAR RE ZHIG 'JIG RTEN PA'I DON RNAMS LA YANG DE SHES PAR GYUR PA'I MKHAS PA RNAMS KYIS BSNGAGS PAR BYED NA, 'JIG RTEN LAS 'DAS PA'I DON YANG DAG PA'I SHES PA SNGON DU BYED PA RNAMS LA BRTZON 'GRUS GTZO BOR GYUR PA LA LTA CI SMOS, DE'I PHYIR THAMS CAD LA GNAS SKABS THAMS CAD DANG DUS THAMS CAD DU'ANG SHES PA SNGON DU BTANG BAS YUL DANG DUS SU 'TSAMS PA DANG RIGS PA DANG LDAN PAS BRTZON 'GRUS BRTZAM PAR BYA'O, ,DE LAS MTHAR THUG PA'I BDE BA RNAMS
, ,'BYUNG BAR 'GYUR RO, ,BZLOG PA LAS NI, BDE BA MA YIN PA 'BYUNG BA DANG DON MA YIN PA DU MA RNAMS SU 'GYUR RO, ,DE'I PHYIR NA LOG PA'I SHES PA SNGON DU BTANG BA'I BRTZON 'GRUS RNAMS NI, BRTZON 'GRUS MA YIN PAR RIG PAR BYA'O, ,DE NAS DE'I TSE RMA BYA'I MNGA' BDAG DES GTZUG LAG GI TSIGS SU BCAD PA'I DBYANGS KYIS BSNYAD PA JI LTAR, YUL DANG DUS SU RIG PA YI, ,BYA BA'ANG RAB TU BRTZON LDAN PA, ,BRTZON 'GRUS RIG PAS BRTZAMS GYUR PA'I, ,'BRAS BU 'BRAS DANG BCAS PAR 'GYUR; ;RIGS PA YUL DANG BYA BA BRAL, ,CHOS KYIS YONGS SU SPANGS PA YI, ,BYA BA BYED PA NYAMS PAR 'GYUR, ,BRTZON 'GRUS KYIS NI YONGS SPANGS PAS, ,RIGS PAS BRTZON 'GRUS RTZOM PA NI, ,MKHAS PA THAR PAR 'GRO BA YIN, ,NAM MKHA' LA NI MDA' 'PHANGS BZHIN, ,LHA YI 'JIG RTEN DU YANG 'GRO, ,STOBS DANG SKYES BU BRTZON 'GRUS CAN, ,DGOS PA GANG DAG BRTZAMS GYUR PA, ,DE DAG DE NI RAB 'GRUB CING, ,RNAM PAR BYANG BAR YANG 'GYUR BA YIN, ,'JIG RTEN 'DAS PA'I DON 'GA' ZHIG ,LHA YI 'JIG RTEN LAS 'DOD PA, ,DE NI BRTZON 'GRUS KYIS RAB 'GRUB, ,BRTZON 'GRUS BRAL BAS NAM YANG MIN, ,SNYING LAS CHUNG ZHING BRTZON 'GRUS BRAL, ,CHOS KYANG YONGS
SU SPANGS PA YI, ,MI LA DPAL NI RGYAS MIN TE, ,ZHIM POR BA ZHING ZAS KYI BZHIN, ,'PHAGS PA'I LAM NI YAN LAG BRGYAD, ,SHES PA LEGS PAR YONGS SU BSKYANGS, ,BRTZON 'GRUS LDAN PA SPRO BA CHE, ,'GRO BA'I MCHOG TU 'GRO BAR 'GYUR, ,BRTZON 'GRUS KYIS KYANG BYANG CHUB 'THOB, ,BRTZON PAS DE BZHIN MTHO RIS DANG, ,SANGS RGYAS NYID KYANG BRTZON LDAN PAS; ;BRTZON 'GRUS DANG MTSUNGS 'GRO BA MED, ,DE PHYIR YON TAN DE RTOGS LA, ,BRTZON 'GRUS LDAN PAS DBANG PO KHRID, ,BRTZON 'GRUS BRTZAM PA'I BLO GYIS DANG, ,BRTZON 'GRUS MTSUNGS PA'I NOR YOD MIN, ,DE LTAR RNAM PAR BKRA BA ZHES BYA BA'I RMA BYA'I RGYAL PO DES DGA' LDAN PA'I LHA DE DAG RNAMS DANG, 'THAB BRAL GYI LHA DE DAG RNAMS LA SKYES PA GZHAN RJES SU DRAN PAR GYUR PAS GTZUG LAG GI CHOS RNAMS STON PAR BYED DO, ,LHA DE DAG NYID THAMS CAD KYANG GTZUG LAG GI CHOS DE DAG RNAMS THOS PAR GYUR PA DANG, BAG MED PA RNAMS DANG BRAL BA DANG RNA BA KUN NAS LHAGS SHING YID KYANG RTZE GCIG TU GYUR PAS RNAL DU PHEBS PA'I LHA DE DAG RNAMS KYI YID RNAMS RTOGS NAS RMA BYA'I MNGA' BDAG DE GZHAN YANG SHIN TU LEGS PAR BRTZAMS PA'I BLO DANG LDAN PAS SHIN TU RAB TU RANGS PAR GYUR PAS CHOS GZHAN STON PAR BYED PA NI, THABS SU GYUR BA DANG LEGS PA DANG SHIS
, ,PA DANG MYA NGAN LAS 'DAS PAR 'GRO BAR 'GYUR BA RNAMS LHA DE DAG RNAMS LA PHAN PA'I DON DANG BDE BA'I DON DU STE, GZHAN LA PHAN PA LA RAB TU ZHUGS PA'I BYANG CHUB SEMS DPA' GZHAN YANG CHOS CHEN PO GZHAN LNGA PA LHA DANG MI RNAMS KYI DON DANG PHAN PA DANG BDE BAR 'GYUR BA'O, ,'DI'ANG GANG ZHE NA, 'DI LTA STE, CHOS STON PA'O, , CHOS STON PA NI, GANG GI PHYIR SBYIN PA THAMS CAD KYI NANG NAS BLA LHAG PA YIN TE, RGOD PA 'DI DAG THAMS CAD 'JOMS PAR BYED PA NI, 'DI LTA STE, CHOS STON PAR BYED PA'O, , CHOS STON PA DANG NYAN PA DANG, CHOS STON PA LA GUS PA DANG, CHOS STON PA LA DAD PA DANG, CHOS STON PA LA GCES PAR BYED PA DANG, CHOS STON PA LA SGRUB PA DANG, CHOS STON PA RGYUN MI 'CHAD PAR BYED PA DANG, DE BZHIN GSHEGS PAS KYANG CHOS BLA MAR MDZAD PA YIN NA, GZHAN NYAN THOS DANG RANG SANGS RGYAS RNAMS LTA SMOS KYANG CI DGOS, GANG GI PHYIR YON TAN BCU GCIG DANG LDAN PAR GYUR PA'I CHOS STON PA NI, GCES PAR 'GYUR BA YIN NO, ,YON TAN BCU GCIG GANG ZHE NA, 'DI LTA STE, YUL DANG DUS SU RIGS PA DANG, GO BAR 'GYUR BA DANG, 'GAL BA MED PA DANG, GSAL BA DANG, RNYED PA DANG BKUR STI'I RTZA BAS MA YIN PA DANG, GDUL BYA'I SEMS KYI RJES SU MTHUN
PAR CHOS STON PA DANG, SBYIN PA'I 'BRAS BU SLU BA MED PAR STON PA DANG, THEG PA CHEN PO DANG YANG DAG PAR LDAN PA DANG, 'KHOR BA'I NYES DMIGS KYI CHOS STON PA DANG, MTHO RIS SU 'BAB PAR 'GYUR BA'I CHOS STON PA DANG, LAS DANG 'BRAS BU KUN TU STON PAR BYED PAS STON PA STE, DE LTAR RNAM PA BCU GCIG GIS CHOS STON PAR BYED PA NI, NYAN PA PO RNAMS DANG, RAB TU SMRA BAR BYED PA RNAMS LA'ANG GCES PAR 'GYUR BA'I CHOS RNAMS YIN NO, ,DON DU BYED PA DANG YON TAN DU BYED PA DANG BDE BAR BYED PA DANG MYA NGAN LAS 'DAS PA'I MTHAR THUG PAR BYED PA RNAMS JI LTA JI LTAR YONGS SU BSNGO BAR BYED PA DE LTA DE LTAR 'GYUR BA YIN NO, ,CHOS SMRAS BA NI, GANG GI PHYIR RNAM PA SNA TSOGS PA'I SBYIN PA 'DI DAG RNAMS THAMS CAD KYI DRUNG NA YANG DAM PA'I CHOS STON PA'I SBYIN PA NI, SHIN TU LHAG PA YIN NO, ,LUS CAN RNAMS THAMS CAD LA YANG MYA NGAN LAS 'DAS PA'I MTHAR THUG PA'I BDE BA RNAMS DANG LDAN PAR 'GYUR RO, ,DAM PA'I CHOS STON PAR BYED PA DANG NYAN PA'I YON TAN GZHAN YANG YOD DE, GANG 'GA' ZHIG CHOS SGROG PA LA DAD PA DANG RAB TU DAD PA DANG LDAN PA DBANG PO KHA PHYE BA BLO GTZANG BA GCIG TU DKON MCHOG GSUM LA RAB TU DANG BA'I BLOS KHYIM PA'AM RAB TU BYUNG BA'ANG RUNG STE, DAM PA'I
, ,CHOS NYAN PAR 'DOD PAS KHYIM NAS BYUNG NAS LHA KHANG NGAM KUN DGA' RA BAR 'GRO BAR BYED PA NA DE GOM PA 'BOR BA DANG GOM PA 'BOR BA LA TSANGS PA'I BSOD NAMS 'BYUNG BAR 'GYUR RO, ,YANG GANG DAG CHOS DANG CHOS SMRA BA LA NOR DAG GIS MCHOD PAR BYED PA DES NI, DNGOS SU SANGS RGYAS LA MCHOD PAR 'GYUR RO, ,DE JI LTA JI LTAR MCHOD PA DE DAG YONGS SU BSNGO BAR BYED PA NA, DE LTA DE LTAR YONGS SU SMIN PAR 'GYUR RO, ,DE JI SRID DU BLA NA MED PA YANG DAG PAR RDZOGS PA'I BYANG CHUB KYI BAR DU GYUR PA YIN NO, ,CHOS STON PA PO MCHOD PAR BYED PA GANG YIN PA STE, DE CI'I PHYIR ZHE NA, CHOS BSGRAGS PA LAS SEMS LAS SU RUNG BAR 'GYUR BA'I PHYIR RO, ,DE LAS SU RUNG BAR BYAS PA LAS KYANG THOG MA MED PA'I DUS NAS ZHUGS PAR GYUR PA'I MUN PA RNAMS 'JOMS PAR BYED PA'I PHYIR RO, ,DE LAS GZHAN 'GA' ZHIG GIS KYANG SEMS LAS SU RUNG BAR BYED PA NI, MA YIN TE, CHOS SMRA BA RNAMS JI LTA BA BZHI PO RNAMS KYI YANG PHAN PA LA LAN GYIS GLAN PAR SLA BA MA YIN NO, ,BZHI PO GANG DAG ZHE NA, 'DI LTA STE; MA DANG PHA DANG SANGS RGYAS DANG CHOS STON PA PO'O, ,DE DAG RNAMS LA BYIN PA NI, GZHAL DU MED PAR 'GYUR RO, ,RGYU DANG 'BRAS BU LA KUN TU RMONGS PA RNAMS NI, CHOS
BSTAN PA THOS NAS RGYU DANG 'BRAS BU LA DANG BA DANG LDAN PAR 'GYUR RO, ,LOG PA'I LTA BA LA SEMS KUN TU ZHUGS PA RNAMS NI, YANG DAG PA'I LTA BA DANG LDAN PAR 'GYUR RO, , SROG GCOD PA DANG MA BYIN PAR LEN PA DANG MI TSANGS PAR SPYOD PA LA DGA' BA RNAMS NI, CHOS BSTAN PA DAG THOS NAS DE DAG RNAMS SPONG BAR 'GYUR RO, ,DE DAG RNAMS LA CHOS BSTAN PA DES KYANG LAS SU RUNG BAR BYAS NAS MYA NGAN LAS 'DAS PA'I MTHAR THUG PAR 'GYUR RO, ,DE LA RGYU DE DAG GIS NA CHOS STON PAR BYED PA POS PHAN BTAGS PA LA LAN GLAN PAR SLA BA MA YIN NO, ,LUS SBYIN PAR BYED PA PO'I MA DANG PHA DAG LA YANG LAN GLAN PAR BYA MI NUS TE, GSO BSKYED BYED PA PO DE DAG CHOS LA RAB TU BKOD PAR GYUR PA NI, MA GTOGS TE, GANG GI TSE BUS MA DANG PHA DAG CHOS LA RAB TU 'GOD PAR BYED PAR GYUR PA DE LTAR NA CUNG ZAD CIG PHAN BTAGS PAR 'GYUR RO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KHAMS GSUM NA CHES KHYAD PAR DU 'PHAGS PA 'KHOR BA LAS NGES PAR THAR PA'I 'PHAGS PA LA YANG LAN GLAN PAR BYA BAR MI NUS PA STE; DE RTOGS SHING BSGRUB PA LA KUN TU DGA' BA'I RGYUS LAN GLON PA RNAMS NI, MA GTOGS SO, ,DE BZHIN GSHEGS PA LA YANG BYA BA BYAS PAR 'GYUR LA BDAG NYID KYANG
, ,BDE LEGS LA SBYAR BAR 'GYUR RO, ,DE NAS DUS DE'I TSE RMA BYA'I MNGA' BDAG DES GTZUG LAG GI TSIGS SU BCAD PA'I DBYANGS BRJOD PA JI LTAR, BDE LEGS MYA NGAN 'DAS 'GRO BA'I, ,GANG YANG CHOS NI STON BYED PA, ,DE NI 'BREL BA KUN GCOD PA'I, ,LUS CAN RNAMS NI BLA MA YIN, ,GTI MUG RANG BZHIN ZHAGS BCAD NAS, , SHIS PA GZHAN NI STON PAR BYED, ,CHOS RNAMS RAB TU STON PA DANG, ,LAM STON PAR NI DE RAB BRJOD, ,CHOS GANG GIS NI MI RNAMS KYANG, ,SRID PA'I RGYA MTSO LAS GROL BA, , DAM CHOS MCHOG RAB YIN PAR BRJOD, ,GANG YANG 'JIG RTEN CHOS MA YIN, ,GANG YANG LUS CAN RNAMS LA NI, ,ZHING NI BZHI PO 'DI RNAMS YIN, ,THEG PA MCHOG TU BLA MED DANG, ,DBANG PO TSANG BA DE RNYED PA, ,DE YI SKYE 'DI 'BRAS BCAS PAR, ,LAM STON MDZAD PAS GSUNGS PA YIN, ,MI GANG CHOS LA MI DGA' BA, ,DE NI PHYI NAS 'GYOD PAR 'GYUR; ;RTAG TU RNAM PAR CHAGS PA'I YID, ,RTAG TU 'DOD PA RJES SU TSOL, ,BU DANG CHUNG MA LA RAB CHAGS, ,LUS CAN RNAMS LA MTHAR BYED 'BYUNG, ,KUN NAS NYON MONGS RTAG TU 'THUG ,SKYON NI DE DANG DE YIS GANG, ,NGAN SONG LA NI SEMS 'BAB CING, ,LUS CAN RNAMS NI SEMS KYIS BCINGS, ,GDUL BAR DKA' DANG DBYUG PA GSUM, ,
RTAG TU YANG NI GLAGS GCOD PA, ,DE YANG MI RNAMS DGRAR GYUR PA'I, ,SEMS KYI DBANG DU MA 'GRO DANG, ,DGRA BO SHIN TU MIG RNO DES, ,RNAM PA DU MAR SGOM PAR BYED, ,DMU RGOD RTA NI JI LTAR BAR, ,SEMS DE CHOS KYIS YANG DAG BYOS, ,DE LTAR MCHOG TU ZAB PAR GYUR BA'I ZHING GI YON TAN RNAMS RAB TU BSNGAGS TE SHES PAS LHA DE DAG RNAMS LA PHAN PAR 'DOD PA'I BYANG CHUB SEMS DPA' DE SMON LAM GYI DBANG GIS DER SKYES NAS GZHAN LA PHAN PA LA RAB TU ZHUGS PAS, RNAM PA DU MAR CHOS BSTAN PAR GYUR CING CHOS KYI YON TAN RNAMS KYANG RAB TU BSGRAGS PAR GYUR TO, ,CHOS 'DUL BA DE DAG THOS PAR GYUR NAS KYANG LHA DE DAG YID CHES PAR RAB TU DANG BA DANG, THAMS CAD KYANG YID RTZE GCIG TU GYUR PAS NYAN PAR BYED PA DANG, GTAM RJOD PAR YANG BYED DO, ,JI LTAR 'GAL BA MED PAR CHOS 'DI DAG STON PAR BYED DO, ,GANG BYA'I RGYAL PO 'DIS BDAG CAG DGA' LDAN PA RNAMS LA STON PA DE NI, DGA' LDAN GYI MNGA' BDAG NYE BAR ZHI BA'I CHOS DE DANG 'DI LA YANG 'GAL BAR CUNG ZAD KYANG MED CING THA DAD DU BYA BA'ANG CUNG ZAD KYANG MED DO; ;SO SO DANG KHYAD PAR DU BYA BA'ANG CUNG ZAD KYANG MED DO, ,CHOS 'DUL BA 'DI THAMS CAD NAS YONGS SU BRTAGS PAR GYUR PA NI, THOG MA DANG BAR DANG THA MAR DGE BA DANG
, ,MCHOG TU DANG BA DANG MCHOG TU RAB TU DGE LEGS SU GYUR PA DANG MCHOG TU BDE LEGS SU KUN TU 'THOB PA DANG LHA DANG MI RNAMS THAMS CAD LA PHAN PAR BYED PA DANG SHIS PAR BYED PA YIN NO, ,DE NAS LHA DE DAG GIS DE SKAD CES BRJOD NAS SLAR NYID KYANG JI LTAR BDAG CAG RNAMS THAMS CAD LA PHAN PA DANG BDE BA DANG MYA NGAN LAS 'DAS PA'I MTHAR THUG PAR 'GYUR BAR NYI SHU RTZA GNYIS PAR GYUR PA'I CHOS KYI RNAM GRANGS 'DI RMA BYA'I MNGA' BDAG GIS BSHAD DU GSOL, LHA DE DAG GI DRUNG NAS THOS PA DANG, PHYIR ZHING NYID KYANG CHOS RAB TU RANGS PAR GYUR PA'I YID KYIS TE, SEMS RAB TU DANG BA DANG SEMS CAN RNAMS THAMS CAD LA SNYING RJES BRLAN PA'I BLO DANG LDAN PA DANG GZHAN LA PHAN PA LA RAB TU ZHUGS PAR GYUR PAS SLAR NYID KYANG NYI SHU RTZA GNYIS PAR GYUR PA'I CHOS KYI RNAM GRANGS MCHOG TU ZAB PA'I THEG PA CHEN PO MCHOG TU RGYA CHE BA'I BDE LEGS KUN NAS THOB PAR BYED PA LA STON PAR BYED PA LA 'DI LTA STE, CHOS GZHAN 'DI NI, MCHOG TU THAR PAR BYED PA YIN TE, MCHOG TU RGYA CHE BA DANG, SKYE BO RNAMS THAMS CAD DGA' BAR BYED PA NI, 'DI LTA STE, SNYING RJE BA'O, ,SNYING RJE ZHES BYA BA'I CHOS NI, SKYE BO RNAMS THAMS CAD KYI YID DU 'ONG BA DANG, SKYE BO RNAMS
THAMS CAD KYIS YID CHES PAR BYED PA DANG, 'KHOR BA'I 'JIGS PAS 'JIGS PA RNAMS KYI YID CHES PA'I SA GZHI DANG, LEGS PAR BSDAMS PA'I YID CAN RNAMS KYI MYA NGAN LAS 'DAS PA DANG, SKYOB PA MED PA RNAMS KYI SKYABS KYIS YIN NO, ,GANG LA SNYING RJE YOD PA DE LA MYA NGAN LAS 'DAS PA HA CANG RING BA MA YIN NO, ,G-YO YANG YOD PA'ANG MA YIN TE, KHRO BA'I SEMS LAS MNGON PAR 'DAS PA DANG KHRO BA DANG RNA RNAM PAR BRAL BA'I SNYING LA SNYING RJES ZHU BA'I SEMS DANG LDAN PA'I SKYES BU RNAMS NI, SNYING RJE ZHES BYA BA'I RGYAN CHEN PO RNAMS KYIS BRGYAN PA YIN NO, ,SNYING RJE ZHES BYA BA'ANG GANG GI PHYIR GNOD SEMS KYI NYES PA RNAM PAR 'JOMS PAR BYED PA'I CHOS KYI SNYING RJE 'GRO BA LNGAR SKYES PAR GYUR PA'I SEMS CAN RNAMS LA BYA BAR BYA'O, ,DE LA RE ZHIG THEG PA CHEN PO LA RAB TU GNAS PA'I BYANG CHUB SEMS DPAS DMYAL BA PA RNAMS KYI DBANG DU BYAS PA'I SNYING RJE BSGOM PAR BYA'O, ,JI LTAR ZHE NA, SEMS CAN DE DAG RNAMS NI, RANG GI LAS KYIS CO DRIS PA DANG SEMS DGRAR GYUR PAS YONGS SU BSLUS PA DANG, DPE MED PAR GYUR PA RNAM PA DU MA'I PHUR PA DANG, 'GYUR BYED DANG, THO BA DANG, ZANGS KYI KHU BA DMAR PO DANG, GTUN SHING DANG, CHU KLUNG RAB MED DU BYA RGOD DANG BYA ROG GIS 'DREN PAR BYED PA
, ,DANG, NAGS TSAL RAL GRI LO MAR 'JUG PAR BYED PA DANG, 'GYUR BYED KYI CHU KLUNG LA SOGS PA'I TSOR BA DRAG PO RTZUB PA DPE MED PA RNAMS KYIS YANG SOS DANG THIG NAG DANG BSDUS 'JOMS DANG NGU 'BOD DANG NGU 'BOD CHEN PO DANG TSA BA DANG RAB TU TSA BA DANG MNAR MED PA'I MTHAR THUG PA'I NYE 'KHOR GYI DMYAL BA RNAMS DANG, DMYAL BA BRGYA SUM CU RTZA DRUG GI BRGYA PHRAG RNAMS LA 'CHED PAR BYED, GSHEG PAR BYED, 'BYED PAR BYED, 'CHUR BAR BYED DE, RANG GI LAS KYIS BSLUS PA, LAS KYI ZHAGS PAS BZUNG BAR GYUR PA, SRED PA'I MES YONGS SU GANG BA'I PHYIR SKYOB PAR BYED PA RJES SU TSOL BA DANG, SKYABS RTZAD GCOD PAR GYUR PAS THAMS CAD DU KUN NAS RGYUG PAR BYED PA RNAMS LA 'DI LTAR SEMS BSKYED PAR BYA STE, CIS 'DI DAG RNAMS BDE BAR 'GYUR, JI LTAR NA SKYABS SU 'GYUR BA YIN NA, GANG GI TSE 'DI DAG RNAMS KYI MCHOG TU RTZUB PA'I SDUG BSNGAL GYI RGYA MTSO CHEN PO LAS BDAG GIS SGROL BAR BYED PAR 'GYUR TE, SEMS CAN DE DAG LA DE LTAR SNYING RJE BAR BYED DO, ,SNYING RJE DANG LDAN PA DE'ANG GANG GI TSE SHI BAR GYUR PA DE'I TSE LHA RNAMS KYI MNGA' BDAG TU 'GYUR RO, ,MI RNAMS KYI YANG STE, 'KHOR LOS BSGYUR PA'I RGYAL POR 'GYUR RO, ,
SEMS CAN RNAMS THAMS CAD LA'ANG 'DOD PA DANG SDUG PA YID DU 'ONG BA DANG DGE BA'I CHOS RNAMS LA RJES SU DGA' BAR YANG 'GYUR RO, ,DE LTAR DMYAL BAR GYUR BA'I SEMS CAN RNAMS KYI GZER ZUG DE DANG DE DAG RNAMS DMIGS TE SNYING RJE BSKYED PAR BYA'O, ,DE LTAR NA MANG DU CHEN POR GYUR PA DANG RNAM PA DU MA RNAMS SU'ANG TSANGS PA'I BSOD NAMS MNGON PAR 'PHEL BAR 'GYUR RO, ,GZHAN YANG THEG PA CHEN PO LA RAB TU GNAS PA'I BYANG CHUB SEMS DPAR GYUR PA DGE SBYONG NGAM, BRAM ZE'AM, BLO DE DAG DANG MTSUNGS PAR GYUR PA GZHAN YANG RUNG STE, BSKUL BA'I BLOS SEMS CAN RNAMS LA PHAN PA LA GCIG TU MNGON PAR DGA' BAS, YI DVAGS KYI DBANG DU BYAS LA SNYING RJE BSKYED PAR BYA'O, , SEMS KYANG 'DI LTAR BSKYED PAR BYA STE, JI LTAR YI DVAGS 'DI DAG RNAMS NI, YI DVAGS KYI SKYE GNAS SU SKYES PAR GYUR PA, RNAM PA SNA TSOGS PA'I BKRES PA DANG SKOM PAS BSREGS PAR GYUR PA'I LUS CAN, NAGS TSIG PA DANG 'DRA BA'I LUS DANG LDAN PA RNAMS, PHAN TSUN DU KHA MNGON DU PHYOGS PAR GYUR NAS MNGON PAR RGYUG PAR BYED DE, 'BAR BA'I PHRENG BAS RAB TU 'BAR BAR GYUR PA'I LUS CAN RNAMS, THAMS CAD DU SKYABS RTZAD GCOD PAR BYED PAS PHYOGS BCUR RGYUG KYANG DE DAG RNAMS KYI SKYABS NI, 'GA' ZHIG KYANG MED DO, ,
, ,SDUG BSNGAL DE DAG RNAMS LAS DGROL BAR BYA NA, KYE MA 'DI DAG RNAMS BKRES PA DANG, SKOM PA'I RANG BZHIN GYI SDUG BSNGAL RNAM PA SNA TSOGS DE DAG RNAMS LAS NAM ZHIG THAR PA 'BYUNG BAR 'GYUR, DE LTAR YANG YI DVAGS KYI 'JIG RTEN DU SKYES PA'I SEMS CAN RNAMS KYI DBANG DU BYAS NAS SNYING RJE SKYED PAR BYED DO, ,GZHAN YANG THEG PA CHEN PO LA LEGS PAR RAB TU GNAS PA DE NYID KYIS BYANG CHUB KYI SEMS MNGON DU BYED PAS, DUD 'GRO RNAMS MTHONG NAS KYANG SNYING RJE SKYED PAR BYED DO, ,YI DVAGS RNAMS NI, SDUG BSNGAL RNAM PA DU MA DANG LDAN PAS PHAN TSUN CHES LHAG PAR LHANG KYOG GIS GSOD PA LA MNGON PAR DGA' BAR GYUR PA YIN LA, DUD 'GRO'ANG GNAS GSUM DU SONG BA RNAMS LA 'DI LTA STE, BAR SNANG DANG CHU DANG SA GZHI LA RGYU BA'O, ,PHAN TSUN DU ZA BAR BYED PA'I DBANG DU BYAS NAS DE DAG RNAMS KYI SROG GTONG BAR BYED PA'I TSUL NI, RNAM PA DU MA YIN NO; ;KYE MA GANG GI TSE DE DAG RNAMS SDUG BSNGAL RNAM PA DU MA DE DAG LAS GROL BAR 'GYUR ZHES DE LTAR DUD 'GROR SKYES PA'I SEMS CAN RNAMS KYI DBANG DU BYAS NAS SNYING RJE SKYED PAR BYED DO, ,SEMS BSKYED PA DANG LHAN CIG NYID DU TSANGS PA'I BSOD NAMS 'PHEL BAR 'GYUR, BYANG CHUB SEMS DPA' SEMS DPA' CHEN PO MCHOG TU DGE
BAR GYUR PA'I SEMS DANG LDAN PA, SEMS CAN THAMS CAD LA SNYING RJE DANG LDAN PAS DUD 'GRO RNAMS LA SNYING RJE BSKYED PAR GYUR CING, SHIN TU NYES PAR SPYOD PA'I LAS KYI 'BRAS BU'I SA PA RNAMS MCHOG TU SDUG BSNGAL BA MCHOG TU RTZUB PAR GYUR PA'I 'GRO BA GSUM PO RNAMS LA SNYING RJE BSKYED NAS 'DOD PA NA SPYOD PA'I LHA DRUG PO RNAMS KYI DBANG DU BYAS NAS SNYING RJE BSKYED PAR BYA'O, ,LHA RNAMS KYIS KYANG RI DANG SMAN LJONGS RNAMS LA DANG NAGS DANG NYE BA'I NAGS RNAMS LA'ANG DPE MED PA'I MTHO RIS BDE BA RNAM PA DU MA RNAMS NYE BAR LONGS SPYOD CING PADMA'I RDZING BU DANG NAGS RNAMS LA BUD MED DANG LHAN CIG TU RTZE DGA' BRGYA STONG NYE BAR LONGS SPYAD NAS LAS ZAD PAR GYUR PA NA 'CHI 'PHO BA'I SDUG BSNGAL 'BYUNG NGO, ,DE'I RJES THOGS LA DMYAL BA DANG YI DVAGS DANG DUD 'GRO RNAMS SU SKYE BAR 'GYUR RO, ,DE'I PHYIR NA 'KHOR BA 'DI SHIN TU MTHO BRTZAMS PAR GYUR PA DAG SROG CHAGS RNAMS KYIS NYE BAR LONGS SPYOD PAR BYED DE, SRED PA'I 'CHING BA RNAMS KYIS SHIN TU DAM PAR BCINGS NAS SNGON GYI MTHA' DANG PHYI MA'I MTHA' RNAMS SU KUN TU RGYUG PAR BYED KYANG 'DI DAG GIS LAM DAM PA TSOL BAR BYED PA'ANG MA YIN NO, ,DE LTAR LHA RNAMS LA'ANG 'CHI 'BO BA'I SDUG BSNGAL RNAMS LA NYE BAR DMIGS NAS SNYING RJE SKYED PAR BYED DO, ,
, ,DE BZHIN DU MI RNAMS LA'ANG SNYING RJE STE, RNAM PA SNA TSOGS PA'I LAM GYI 'BRAS BUR SKYES PA RNAMS DMAN PA DANG BAR MA DANG KHYAD PAR DU 'PHAGS PA'I BDE BA DANG SDUG BSNGAL GYI 'BRAS BU DAG NYE BAR LONGS SPYOD PAR BYED PA RNAMS DMAN PA DANG, BAR MA DANG KHYAD PAR DU 'PHAGS PA'I LAS LA NYE BAR ZHUGS PA RNAMS SPYOD PA DANG RAB TU RGYU BAR SNA TSOGS PA DANG BSAM PA DANG MOS PA SNA TSOGS PA DANG DBUL BAS GZIR BA RNAMS SKYABS MED PA RNAMS GZHAN GYIS ZIL GYIS MNAN PAS SHIN TU YANG GZIR BAR GYUR PA RNAMS YONGS SU TSOL BA'I SDUG BSNGAL GYI MCHOG TU YONGS SU LONGS SPYOD PAR BYED PA'I MI'I 'JIG RTEN DE MNGON PAR MTHONG NAS SNYING RJE SKYED PAR BYED DO, ,'DI'ANG MCHOG TU DGA' BAR GYUR PA DANG MYA NGAN LAS 'DAS PA'I THAR PAR GYUR PA'I CHOS YIN NO, ,DE LA DE LTAR 'GRO BA LNGA'I SEMS CAN RNAMS LA SDUG BSNGAL LNGA NYE BAR DMIGS PAS NA, THEG PA CHEN PO LA KUN NAS RAB TU GNAS PA GANG YIN PA'I DGE SBYONG NGAM, BRAM ZE DAG GIS KYANG SNYING RJE SKYED PAR BYED PA RNAMS NI, THAMS CAD DU'ANG BDE LEGS SU GYUR PA'I MYA NGAN LAS 'DAS PA 'THOB PAR 'GYUR RO, ,DE NAS DE'I DUS 'DIR RMA BYA'I RGYAL PO DE 'KHOR BA 'JIG GI TSIGS SU BCAD
PA'I DBYANGS BRJOD PA JI LTAR, KVA YE THEG CHEN LA RTAG TU, ,GANG GI SEMS NI LEGS GNAS PA, ,DE YI SNYING RJE RJES 'BREL BA, ,MA LA BU NI JI BZHIN NO, ,GANG GIS SEMS KYANG MYONG MIN PA'I, ,SNYING RJE YIS NI RNAM BRGYAN PA, ,DE YI GROGS POR 'JIG RTEN 'DIR, ,'GYUR RO SNYAN PAS KUN TU KHYAB, ,SNYING RJES BRLAN DANG SKYON DANG BRAL, ,DBANG PO LEGS PAR BTANG BA DANG, ,YANG DAG LTA BA RAB LDAN PA'I, ,SHIN TU MYA NGAN 'DAS MI RING, ,GANG ZHIG SNYING RJES RNAM BRGYAN DANG, ,MI YI 'JIG RTEN NA DE LHA, ,SNYING RJE YIS NI GANG DBUL BA, ,DE NI SHIN TU DBUL POR 'DOD, ,GANG YANG BSAM PA 'JAM PA NI, ,MI BZAD GSER DANG 'DRA BA YIN, ,SNYING RJE RIN PO CHE 'DI NI, ,GANG DAG YID LA 'JUG GYUR PA, ,SEMS CAN GANG YANG RTAG BRTZON LDAN, ,RTAG TU CHOS LA GZHOL GYUR PA, ,DE DAG SNYING RJE'I SGRON MA YIS, ,SNYING NI LEGS PAR RAB GSAL BYA, ,GANG DAG DAM CHOS CHU BO NI, ,NYIN MTSAN MED PAR LDOG PA MED, ,DE DAG GNAS SKABS THAMS CAD DU, ,SNYING RJES MNGON PAR DGA' BA'I YID, ,SNYING RJES BSIL BAR GYUR PA'I YID, ,SEMS CAN KUN LA PHAN DGA' BAS,, BDE BA DPE MED LONGS SPYAD NAS, ,PHYI NAS MYA NGAN 'DAS PAR 'GRO, ,SNYING RJE THUB PAS BSNGAGS PA YIN, ,SNYING RJE DRI MED SNYING PO YIN, ,SNYING RJE SKYON RNAMS 'JOMS PA PO, ,SNYING
, ,RJE ZAD PA MED PA'I GTER, ,YON TAN RGYAN RNAMS KYI YANG MCHOG ,SKYON RNAMS THAMS CAD RNAM 'JOMS SO, ,SNYING RJES BRLAN PHYIR THUB RNAMS KYIS, ,GO 'PHANG BLA NA MED PAR 'GRO, ,SNYING RJE'I BZHON MA GANG LA YOD, ,DE NI MCHOG GI 'O MA LDAN, ,KHRO BAS SREG DANG MI LDAN PAR, ,SNYING LA LEGS PAR RAB TU 'JUG, THEG CHEN RKYAL BA LA ZHON PA'I, ,BRTZE BA'I SNYING RJE LEGS GNAS NAS, ,SKYON GSUM RLABS NI SHUGS PO CHE'I, ,SRID PA'I RGYA MTSO LAS SGROL BYED, ,YON TAN RGYA CHEN RNAMS KYI GTZO,, NOR NI MA YIN PA YI RGYAN, ,BZANG PO RNAMS KYIS RTAG BRTZE BA, ,'DIR NI SNYING RJER BRJOD PA YIN, ,DE LTAR DES LHA DE DAG RNAMS LA CHOS STON PAR BYED DO, ,THOG MA DANG BAR DANG THA MAR DGE BAR GYUR PA DANG, THAMS CAD DU 'GAL BA MED PA DANG RAB TU BSNGAGS PA DANG SHIS PA DANG LHA RNAMS THAMS CAD NYE BAR 'PHEL BAR BYED PAR 'GYUR RO; ;GZHAN YANG BCOM LDAN 'DAS DES BSTAN PAR GYUR PA'I CHOS GZHAN GANG DAG YIN ZHING, THEG PA CHEN PO LA RAB TU GNAS PA'I BYANG CHUB SEMS DPA' SEMS DPA' CHEN PO RNAMS CHOS GANG DANG YANG DAG PAR LDAN PAS SKYES BU MYUR DU BLA NA MED BA YANG DAG BAR RDZOGS PA'I BYANG CHUB TU MNGON PAR RDZOGS PAR SANGS RGYAS PAR 'GYUR BA
'DI'ANG GANG DAG ZHE NA, 'DI LTA STE, DUL BA'O, ,DUL BA'I CHOS KYANG GANG GI PHYIR YANG BAR GYUR PA'I SKYON RNAMS YONGS SU SPANGS PA DANG YON TAN RNAMS 'DZIN PAR BYED PA YIN NO; ;BSAM PA 'JAM PO DANG LDAN PA'I SKYES BU LA YANG DRI MA RNAMS THAMS CAD YONGS SU SPANGS PA'I MYA NGAN LAS 'DAS PA LAG TU 'ONG BAR 'GYUR RO, ,BSAM PA 'JAM PO'I SKYES BU'ANG GCIG TU DGE BA BYED PAR GYUR PA DANG, SKYE BO RNAMS THAMS CAD YID CHES PAR BYED PAR 'GYUR RO, ,SNYING RTZUB PAR 'GYUR BA'I SKYES BU NI, RDO RJE DANG RDO BA DANG MTSUNGS PA MKHREGS PA'I 'KHON DAM PO RNAMS BLO LA BSDAMS PA DANG KUN NAS MA BSDAMS PAR RGYU BA SKYE BO RNAMS THAMS CAD DANG MI MTHUN PAR 'GYUR RO, ,MI SDUG PA DANG YID DU MI 'ONG BAR 'GYUR TE, GANG DANG GANG DAG BZUNG BAR GYUR PA DE DAG 'DI'I SNYING LAS YONGS SU MI 'PHO'O, ,GCIG TU DGA' BAR MI 'GYUR ZHING, ,BSAM GTAN GYIS KUN DGA' RA BA NA RGYU BAR MI 'GYUR RO, ,DAM PA DANG KUN TU 'DRE BAR 'GRO BA MA YIN NO, ,DE LA CHOS 'DUL BA RNAMS LEGS PAR 'DOD PAR MI BYED DE, JI LTAR GZHAN GYI SA BON BZHIN DANG, JI LTAR BYE MA RNAMS LAS 'BRU MAR MI 'BYUNG BA BZHIN DU DE LTAR SKYES BU KHRON MA'I RANG BZHIN CAN SEMS RTZUB PA DE LA CHOS RNAMS DE LTAR MI 'BYUNG NGO, ,JI LTAR
, ,BA LANG GI RVA LAS 'O MA DANG ZLA BA DRO BA DANG MO GSHAM LA BU DANG NAM MKHA' LA ME TOG YOD PA MA YIN NO, ,DE BZHIN DU KHRON MA'I RANG BZHIN CAN DANG, KHRO BA'I LAS CAN MCHOG TU G-YO DANG LDAN PA DANG G-YO CAN GYI RIGS SU GYUR PA, BLO GROS DMAN PA, BDAG NYID NGAL BAR BYED PA, GZHAN DAG SLU BAR BYED PA, SRID PA'I 'DAM DU BYING BA; MI DGE BA RNAMS STEN PAR BYED PA, DKON MCHOG GSUM SPANGS PAR GYUR PA, THEG PA CHEN PO LAS KHA PHYIR PHYOGS PA, DMUS LONG DU GYUR PA DAM PA'I CHOS KYI NYI MA MIG GIS MA MTHONG BA, MCHOG TU MYA NGAN BYED PAR GYUR PA'I SKYE BA DANG RGA BA DANG 'CHI BA DANG MYA NGAN DANG SMRE SNGAGS 'DON PA DANG SDUG BSNGAL BA DANG YID MI BDE BA'I DGON PAR 'KHYAMS PA, MTHA' YAS PA'I SDUG BSNGAL RNAMS 'JOMS PAR BYED PA'I BDUD RTZI SPANGS PA'I SKYES BU NGAN PA SDUG BSNGAL GYI CHU BOR BYING BAR GYUR PA LA NI, MYA NGAN LAS 'DAS PA NYID YOD PAR MI 'GYUR RO, ,DE CI'I PHYIR ZHE NA, GANG GI PHYIR 'DIS MYA NGAN LAS 'DAS PA RTOGS PAR 'GYUR BA LEGS PAR 'THOB PAR BYED PA'I LAM GYI RGYU LA'ANG MI 'JUG PA'I PHYIR RO, ,DE'I PHYIR 'DI BDE BA'I SKAL BA CAN DU MI 'GYUR RO, ,GANG YANG 'DUL BA DANG LDAN PAR GYUR PA 'JAM PO'I YID CAN DE DAG RNAMS THAMS
CAD NI; MYA NGAN LAS 'DAS PA 'THOB PA'I SKAL PA CAN DU GYUR PA RNAMS NI, DE DAG YIN NO, ,DPER NA, TIL LAS NI, TIL MAR RO, ,NYI MA LAS NI, 'OD ZER RO, ,ZLA BA LAS NI, GSAL BA'O, ,ME LAS NI, DRO BA'O, ,SA GZHI NI, BRTAN PA YIN NO, ,RGYA MTSO LAS NI, HA CANG MI G-YO BA'I CHU'O, ,BTUNG CHU NI, BSIL BA'O, ,'BYUNG BA CHEN PO BZHI PO RNAMS NA; BLO KUN TU GNAS PAR 'GYUR BA YIN NO, ,SEMS 'JAM PO RNAMS KYANG DE KHO NA BZHIN DU YIN TE, SEMS LAS SU RUNG BA DANG DAD PA DANG LDAN PA DANG RAB TU BRTZON PA DANG LDAN PA DANG PHYIN CI MA LOG PAR STON PAR BYED PA DANG RGYU DANG 'BRAS BU LA DANG BA DANG LDAN PA LA NI, MYA NGAN LAS 'DAS PA MDUN NYID NA GNAS SO, ,DE NAS DUS DER RMA BYA'I RGYAL PO DE GTZUG LAG GI TSIGS SU BCAD PA'I DBYANGS KYIS BSNYAD PA JI LTAR, GANG GI SNYING NI BTUL BYAS PA, ,ZHU BAR GYUR PA'I GSER BZHIN NO, ,DE NAS NGES PAR PHAN DGE BA'I, ,SDUG BSNGAL LAS NI MYUR DU 'GRO, ,KUN NAS NYON MONGS BTUL BA YIS, ,GANG GI SEMS NI SNOD DU BYAS, ,DE LA BDE LEGS SKYE 'GYUR TE, ,ZHING RNANG GI NI S'A LU BZHIN; ;SEMS KYI KHYIM GYI GTER LDAN PA, ,LUS CAN KUN LA DE MI BZAD, ,MI RNAMS G-YO SGYU CHEN PO YIS, ,DBUL BA KUN NAS 'JOMS PAR BYED, ,DBANG PO RNO ZHING ZHI
, ,BA DANG, ,RTAG TU BSAM GTAN GYIS GNAS SHING, ,YUL RNAMS LA YANG BAG DANG LDAN, ,SDUG BSNGAL DAG GIS GNOD PA'ANG MED, ,DE LTAR RMA BYA'I MNGA' BDAG DES TSIGS SU BCAD PA BRJOD PA LA 'THAB BRAL BA'I LHA DANG, DGA' LDAN PA'I LHA DE DAG RNAMS KYANG NGOMS PA MED PAS SLAR YANG CHOS 'DUL BA DE NYID NYAN PAR 'DOD PAS THAL MO KHA SBYAR TE DAM PA'I CHOS LA GUS PAR 'GYUR ZHING, SLAR YANG CHOS NYAN PAR 'DOD PAS RAB TU SMRAS PA, 'PHAGS PAS BSHAD DU GSOL, RMA BYA'I MNGA' BDAG GIS BSTAN DU GSOL, SEMS DPA' CHEN PO, BDAG CAG RNAMS SLAR NYID KYANG GNYIS KYIS LHAG PA'I CHOS KYI RNAM GRANGS NYI SHU PA 'DI DAG GANG THOS PAR GYUR NAS BDAG CAG RNAMS MCHOG TU BDE LEGS RNAMS THOB PAR 'GYUR LAGS SO, ,DE NAS RMA BYA'I MNGA' BDAG RNAM PAR BKRA BA DE NYID SLAR NYID KYANG LHA DE DAG RNAMS NYID LA CHOS KYI RNAM GRANGS GNYIS KYIS LHAG PA'I NYI SHU PA DE NYID 'CHANG BAR BYED DO, ,'DI LTA STE, CHOS GZHAN 'DI'ANG THEG PA CHEN PO LA LEGS PAR RAB TU GNAS PA'I DGE SBYONG NGAM BRAM ZE'AM DE DAG DANG 'DRA BA RNAMS KYIS KYANG YID LA BYA'O, ,'DI'ANG GANG ZHE NA, 'DI LTA STE, RAB TU RTEN PA'O, ,RAB TU RTEN PA ZHES BYA BA'I CHOS NI, THAMS CAD
NAS THAMS CAD LA MDZES SO, ,DE DANG YANG DAG PAR LDAN PA'I DGE SBYONG NGAM BRAM ZE'AM DE DAG DANG RANG BZHIN MTSUNGS PAR GYUR PA GZHAN RNAMS THAMS CAD DANG, KHYIM PA'AM RAB TU BYUNG BA'AM GZHAN DAG KYANG BYIS PA'AM RGAN PO'ANG RUNG STE, DE DANG YANG DAG PAR LDAN PAR GYUR CING, DES RAB TU G-YOGS PA RNAMS NI, MDZES PA YIN NO, ,DE DANG MI LDAN PA'I SKYES BU RNAMS NI, LCE SPYANG DANG KHVA TA DANG MTSUNGS PA RNAM PAR GYUR PA 'DRA BA MA YIN PA RNAMS YIN NO, ,RE ZHIG RAB TU RTEN PA 'DI'ANG RAB TU BYUNG BAS JI LTAR BYA ZHE NA; RE ZHIG DANG PO KHO NAR RAB TU BYUNG BA RNAMS KYIS RAB TU BSTEN PAR BYA'O, ,DE NI, RNAM PA BDUN TE, RNAM PA BDUN PO 'DI DAG KYANG GANG ZHE NA, 'DI LTA STE, YUL GYI RJES SU MTHUN PAR GYUR PA'I PHYAG DAR KHROD YUL GANG DANG GANG NA JI LTA BU'I GOS DANG KHYIM PA RNAMS GYON PAR BYED PA DE CHED DU BOR BAR GYUR PA DANG, DUR KHROD NA GNAS PA DE DAG KYANG RAB TU BYUNG BAS BLANG BAR BYA'O, ,DE'I PHYIR GANG YANG DRI MA CAN DANG HRUL PO DANG SBOM PA DE DAG BLANG BAR BYA'O, ,'DI NI, CHOS GOS KYI RAB KYI RTEN YIN NO, ,GZHAN YANG LTA BA LA RAB TU RTEN PA NI, MIG RAB TU LTA BAR BYED PA RNAM PA JI LTA BU YIN NA, 'DI NA GANG DGE SLONG DAG GNYA' SHING GANG TZAM DU LAM DU LTA BAR BYED PA DANG, SBYIN PA PO DANG SBYIN BDAG
, ,RNAMS KYI KHYIM DU RJES SU ZHUGS PA NA'ANG SA LA LTA BAR BYED DO, ,DA YANG NA SANGS RGYAS KYI SKU GZUGS LA GCIG TU DRAN PA NYE BAR GNAS PAR BYED DO, ,DBANG PO GCIG TU BSDAMS PA DANG, LUS THAMS CAD SHIN TU LEGS PAR BSDAMS PA DANG, DBUGS DBYUNG BA DANG RDUB PA BGRANG BAR GYUR PAS LUS KYI DBANG DU BYAS NAS KYANG DRAN PA DANG LDAN PAS RGYU BAR BYED KYI, SBYIN BDAG GI KHYIM DU RNAM PA THAMS CAD DU'ANG NYE BAR MKHO BA'I SNOD SPYAD RNAMS YONGS SU SPYAD NAS LTA BAR MI BYED DO, ,MIG RIG RIG POR MI BYED CING BUD MED DAG LA RAB TU RTOG PAR MI BYED DO, ,BYIS PA LA 'KHYUD PAR MI BYED CING YANG DANG YANG DU RKANG PA DAG BSKUM PAR MI BYED DO, ,LAG PA DAG RNAM PAR BSKYOD PAR MI BYED DO, ,STAN LAS RAB TU BSKYOD PAR MI BYED PA DANG, LAG PAS LA RANG GI MGO BO BYI BYED MI BYED LA YANG DANG YANG DU CHOS GOS DAG SKYOD PAR MI BYED DO, ,LAG PAS LAG PA GNON PAR MI BYED CING SOR MO SKYOD PAR MI BYED DO, ,'DI NI, RAB TU RTEN PA GNYIS PA YIN TE, RNAM PA DE LTA BU'I DGE SLONG NI, LTA BAR BYED PA LA RTEN PA RAB YIN NO, ,GZHAN YANG RAB TU RTEN PA GSUM PA YOD DE, DGE SLONG SBYIN PA BA DANG KHYIM BDAG GI KHYIM DU ZHUGS PAR GYUR NAS RKANG PA GNYIS BKRUS
LA LAG PA GTZANG MAR BYAS TE LHUNG BZED BYI DOR BYA'O, ,BYI DOR BYAS NAS KYANG DMAN ZHING DMAN PA'I SEMS KYIS STAN LA 'DUG PAR BYA'O, ,BSDAD NAS KYANG GANG YANG RKANG PA GNYIS KYI BAR TZAM GYI MDUN DU LHUNG BZED LCUG KOR LA LHUNG BZED GZHAG PAR BYA'O, ,LAG PA G-YAS PAS KYANG LHUNG BZED BSRINGS LA LEGS PAR BYA STE, BSOD SNYOMS BYIN LEN BYA'O, ,BLANGS NAS KYANG DE'I RJES LA SMAN BZHIN DU DANG, KHAM YANG HA CANG CHE BAR MI BYA'O, ,DE'ANG KHA HA CANG GDANGS NAS KHAR GZHUG PAR MI BYA'O, ,SGRA CHE BAS BZA' BAR MI BYA ZHING MCHU HA CANG BSKYOD PAR MI BYA'O, ,GSUS PA'I SUM CHA TZAM GYIS CHOG SHES PAR GYUR PAR BYA'O, ,GZHAN DAG GI LHUNG BZED LA KUN TU BLTA BAR MI BYA'O, ,ZAS GANG LA BRKAM CHAGS BSKYED PAR GYUR PA DE'ANG BZA' BAR MI BYA'O, ,DE ZOS PA GANG GIS BAG MED PA GZHAN RNAMS BYED PAR MI 'GYUR BA RNAMS SO, ,STON MO'I YUL DANG DUS NGES PAR RDZOGS PA DANG GANG GIS DBANG PO RAB TU DANG BAR GYUR PA DANG SHIN TU MNYAM PAR BZHAG PAR GYUR PA'I YID KYIS CHOS BSTAN PAR BYA STE, BLO MNYAM PAR BZHAG PAS DANG SHIN TU MYUR BAR MA YIN PA DANG BUL BA MA YIN PA DANG DRANG BA MA YIN PA DANG SKYOG PO MA YIN PA DANG RID PA MA YIN PA DANG YUL DANG DUS MNGON PAR BLTAS TE SBYIN BDAG GI
, ,SEMS RJES SU BSRUNGS PAR 'GYUR BAR BYA'O, ,JI LTAR 'DI BAG MED PA RNAMS KYIS 'JIGS PAR MI 'GYUR BAR BYA'O, ,'DI NI, RAB TU RTEN PA GSUM PA YIN NO, ,GAL TE YANG GANG ZAS THOB PAR 'GYUR BA 'DIS CUNG ZAD CIG MTHONG BAR GYUR PA GRONG NGAM GRONG KHYER RAM TSONG 'DUS RNAMS LA DES DE YID LA MI BYA'O, ,'DOD PAR YANG MI BYA'O, ,DE LA SEMS SPRO BA BSKYED PAR YANG MI BYA'O, ,SA MTSAMS RIGS PA MA YIN PAR KUN TU GO BAR BYED PA'I GNAS MAL RNAMS LA BRTAGS TE 'DUG PAR MI BYA BA 'DI NYID NI, RAB TU BRTEN PA BZHI PA YIN NO, ,GZHAN YANG NGES PAR CHAGS PA MED PA RAB KYI RTEN YOD DE, DON RNAMS THAMS CAD LA LUS DANG SROG GNYIS LA'ANG LTOS PA MED PAR GYUR PA'O, ,YO BYAD DANG SNOD SPYAD MANG PO RNAMS THOGS SHING KHYER BAR GYUR PA NI, DGE SLONG MA YIN PA DANG, KUN TU RTZOM PAS YUL LJONGS RGYU PA LA MNGON PAR DGA' BA MA YIN PA'I DGE SLONG DU GYUR PA DANG, GZHAN GYI RTAGS DANG CHA BYAD 'DZIN PA MA YIN PA DANG, PHE'U BTAB PA LA CHED CHER BYED PA MA YIN PA DANG, KHYIM GCIG TU RAB TU 'JUG PA LA MNGON PAR DGA' BAR GYUR BA MA YIN PA DANG, 'DI NI, RAB TU RTEN PA LNGA PA YIN NO, ,GZHAN YANG NGES PAR CHAGS PA MED PA'I RAB TU RTEN
PA YOD PA NI, SHING DANG RTZVA DANG SA GCOD PAR GYUR PA MA YIN, LHA MA KHRA BO DANG GOS KHRA BO GYON PAR 'GYUR BA MA YIN, SHIN TU TSUL KHRIMS 'CHAL BA RNAMS LA'ANG GSHE BAR BYED PA MA YIN, RGYAL PO'I BSOD SNYOMS LA LTOS PA MCHOG TU BYED PA MA YIN, KUN TU RTZOD PAS GZIR BA DANG LDAN PA'I DGE SLONG LA RJES SU STEN PAR BYED PA MA YIN PA 'DI NI; RAB TU RTEN PA DRUG PA YIN NO, ,GZHAN YANG RAB TU RTEN PA DAG YOD LA JI LTAR DGE SLONG GANG SEMS MNYAM PA LA RTAN PA DE NI, RAB KYI RTEN DE DANG DES RJES SU BSTEN PAS PHAN PA BZHIN DU GYUR PA, BDUD KYI YUL LAS 'BROS PA LA BRTZON PA LA CHED CHER BYED PA DANG, ZHI BA DANG DBANG PO DUL BA RNAMS KYIS RJES SU STEN PAR BYED PA NI, RI KHROD DANG RI'I PHUG DANG BLA GAB MED PA DAG TU RGYU BA DANG, RTAG TU'ANG STONG PA NYID DANG MTSAN MA MED PA DANG SMON PA MED PA LA GNAS PAR GYUR PA 'DI NI, RAB TU RTEN PA BDUN PA YIN NO, ,DE LTAR NA DGE SLONG GIS RNAM PAR 'JOMS PA DANG, 'CHING BA RNAMS THAMS CAD LAS RNAM PAR GROL BAR YANG 'GYUR RO, ,DE NAS DE'I DUS 'DIR RMA BYA'I MNGA' BDAG GIS TSIGS SU BCAD PA GZHAN DAG BSNYAD PA JI LTAR, JI BZHIN RAB TU RTEN SPYOD LDAN, ,YE SHES SPYOD YUL RTEN PA PO, ,'KHOR BA'I SKYON GYIS 'JIGS PA YI, ,RAB
, ,TU BYUNG BA 'BRAS BCAS 'DOD, ,BSLAB PA'I GZHI NI NYAMS MED DANG, ,SDOM BDE BA LA YANG SPRO MED, ,PHUNG PO'I RGYUN GYIS 'JIGS PA YI, ,NAGS SU BSTEN PA 'BRAS DANG LDAN, ,NGAG 'JAM PA DANG ZHI BA DANG, ,MYA NGAN 'DAS LA'ANG KHA PHYOGS PA, ,LUS NI TSUL KHRIMS KYIS BRGYAN PA'I, ,RAB TU BYUNG BA 'BRAS BCAS 'DOD, ,BDAG GI DNGOS DANG GZHAN DNGOS LA, ,GANG GI BLO NI RMONGS MED PA, ,LAS KYI RNAM PAR SMIN PAS MIN, ,LAM DANG LAM MIN DE BZHIN NYID, ,BDE DANG SDUG BSNGAL 'JIGS PA DANG, , SGRIB PA DANG YANG MI LDAN LA, ,KHYIM GYI ZHAGS PA RNAM GROL BAS, ,SDUG BSNGAL NYID NA GNAS PA MIN, ,DE LTAR RAB TU RTEN PA'I YON TAN RNAM PA DU MA RNAMS SU RMA BYA'I MNGA' BDAG 'DIS LHA DE DAG RNAMS LA BRJOD DE, LHA DE DAG RNAMS SLAR YANG DAD PA SKYED PAR BYED PA'I PHYIR RO, ,DE'I TSE LHA DE DAG RNAMS THAMS CAD KYANG CHOS 'DUL BA RNAM PA DU MAR BRJOD PAR GYUR PA NA MNYAM PAR BZHAG PA'I RNA BA'I BUG PAS NYAN PAR BYED DO, ,DE NAS GZHAN YANG RMA BYA'I MNGA' BDAG DE SPRO BA LDOG PA MED PAR GYUR PAS SLAR YANG CHOS DE NYID STON PAR BYED DE, 'THAB BRAL GYI LHA DE DAG RNAMS DANG, KUN TU LHAGS PAR GYUR PA'I DGA' LDAN GYI LHA DE DAG RNAMS LA DAM PA'I CHOS SGROG
PA LA GUS PAS PHYIR YANG RMA BYA'I BDAG PO DE NYID KYIS CHOS STON PAR BYED DO, ,THEG PA CHEN PO LA RAB TU GNAS PA'I DGE SBYONG NGAM BRAM ZE LA'ANG JI LTAR GCES PAR BYA BAR GYUR PA'I CHOS GZHAN DE'ANG GANG ZHE NA, 'DI LTA STE, LAS LA DAD PA DANG LDAN PA'O, ,LAS DANG 'BRAS BU LA DAD PA DANG LDAN PA ZHES BYA BA'I CHOS NI, CHEN POR GYUR PA YIN NO, ,GANG YANG DGE SLONG NGAM BRAM ZE'AM DE DAG DANG MTSUNGS PAR GYUR PA RNAMS KYANG RUNG STE, LAS DANG 'BRAS BU LA DAD PA DANG LDAN PAR GYUR PA'I YID CAN DES NI, LUS KYI NYES PA SPYOD PAR BYED PA NA SHES PAR BYED DE JI LTAR, LUS KYI NYES PAR SPYAD PA 'DI BSTEN CING BSGOMS LA LAN MANG DU BYAS PAS NI, MI 'DOD PA MI SDUG PA YID DU MI 'ONG BA'I RNAM PAR SMIN PA RNAMS BDAG LA 'BYUNG BAR 'GYUR BA YIN TE, DMYAL BA DANG YI DVAGS DANG DUD 'GRO'I 'GRO BA'I YUL RNAMS LA 'BRAS BU MI 'DOD PA MI SDUG PA YID DU MI 'ONG BA'I SDUG BSNGAL BA RNAMS SO SOR MYONG BAR 'GYUR TA RE, DE BZHIN DU RANG NYID NGAG GI NYES PAR SPYOD PA RNAMS SPYOD PA NA'ANG 'DI LTAR YID LA BYED DO, ,JI LTAR BDAG GI NGAG GI NYES PAR SPYOD PA 'DI NYID BSTEN CING SGOM LA LAN MANG DU BYAS PAS NI, MI 'DOD PA MI SDUG PA YID DU MI 'ONG BA'I 'BRAS BU RNAM PAR SMIN PA 'BYUNG BAR 'GYUR TE, DMYAL BA DANG YI DVAGS DANG DUD
, ,'GRO'I 'GRO BA RNAMS SU MI DGE BA'I LAS KYIS SKYE BA RAB TU MYONG BAR 'GYUR RO, ,DE BZHIN DU YID KYIS NYES PAR SPYOD PA'ANG BYED PA DANG BSTEN CING BSGOMS LA LAN MANG DU BYAS PAR GYUR PAS NI, MI SDUG CING YID DU MI 'ONG LA MI 'DOD PA MI SDUG PA YID DU MI 'ONG BA'I 'BRAS BU DMYAL BA DANG YI DVAGS DANG DUD 'GRO'I YUL RNAMS SU 'BYUNG BAR 'GYUR TE, DGE SBYONG NGAM BRAM ZE'AM DE DAG DANG MTSUNGS PAR GYUR PA GZHAN RNAMS SAM, GANG YANG DE DAG DANG 'DRA BAR GYUR PA RNAMS KYIS GANG SNGON GYI DUS NA SDIG PA'I LAS BYAS PAR GYUR PA RNAMS DRAN PAR BYAS NAS BSHAGS PAR BYED DO, ,'GYOD PAR YANG BYED DO, ,SANGS RGYAS LA RJES SU STEN PAR BYED DO, ,JI LTAR BDAG CAG GI LAS KYI 'BRAS BU NYES PAR BYAS PA RNAMS LAS GROL BAR 'GYUR ZHES DE DAG RNAMS NI, YONGS SU 'DRI BA'I RANG BZHIN CAN DU 'GYUR RO, ,DE NAS DE RGAN PO SHES NYEN DANG LDAN PA DUL BA LA SPRO BAR BYAS NAS LTUNG BA 'DI DAG BSHAGS PAR BYED DO, ,'DI LAS LANGS PAS DE SRID KYI SDIG PA'I LAS RNAMS ZAD PAR 'GYUR RO, , DE LTAR RE ZHIG GANG SNGON GYI DUS NA LAS BYAS PAR 'GYUR BA DAM PA MA YIN PA'I LAS NYE BAR BYAS PA DE DAG PHYIS YANG MI BYED DO, ,LDANG BA LA YANG SPYOD PAR BYED DO, ,
DES MI DAG PA'I LAS 'DI DAG THAMS CAD NAS THAMS CAD DU RAB TU BRAL BAR 'GYUR BA'AM, DE DAG MGO SMOD PAR 'GYUR RO, ,DE BZHIN DU DA LTAR BA'I DUS SU NYES PAR BYAS PA'I LAS BYAS PAR GYUR PA LUS KYIS DANG NGAG GIS DANG YID KYIS KYANG STE, RNAM PA GSUM PO SEMS YANG MOR YONGS SU 'JUG PAS GAL TE BYAS PAR GYUR NA'ANG DUS 'JUG PA YUN THUNG DUS DE MA THAG TU GANG DAG SEMS KYIS YONGS SU BTANG NAS BSHAGS PAR BYED DO, ,'GYOD PA SKYED PAR BYAD CING PHYIS YANG MI BYED DO, ,DE DE BZHIN DU RAB TU 'GYOD PAR BYED PAR GYUR PA YIN NA, GANG LA LAS DE'I PHYI BZHIN LTA BAR BYED PAR MI 'GYUR, SDIG PA'I LAS RNAMS YOD PA MA YIN LDAN PA MA YIN NO, ,DE THAMS CAD NAS THAMS CAD DU MED PAR 'GYUR BA'AM, ZAD PAR BYED PA'AM, NYAMS SMOD PAR YANG 'GYUR RO, ,JI LTAR LAS KYI 'BRAS BU RNAM PAR SMIN PAR SHES PA'I DGE SBYONG NGAM, BRAM ZE'AM, GZHAN YANG DE DANG 'DRA BA RNAMS DPYOD PAR BYED DA, JI LTAR GAL TE BDAG GIS LUS KYIS NYES PAR SPYOD PA'AM, NGAG GIS NYES PAR SPYOD PA 'DI DAG RNAMS BYAS SHING GOMS PAR BYAS PAR GYUR NA; DES BDAG DMYAL BA DANG YI DVAGS DANG DUD 'GRO'I 'GRO BA'I YUL RNAMS SU 'BRAS BU RTZUB PO 'BYUNG BAR 'GYUR BAS NA, DE MI DGE BA'I LAS KYI 'BRAS BU MA SKYES PA
, ,DE RNAMS MI SKYE BAR BYA BA'I DON DU 'BAD CING RTZOL LA BRTZON 'GRUS RTZOM PAR BYED DO, ,DE LA DE LTAR 'DAS PA'I DUS KYIS LAS KYI 'BRAS BU RNAMS LA DAD PA'I STOBS DANG LDAN PA'I DGE SBYONG NGAM BRAM ZE RNAMS KYIS KYANG RUNG STE, DE DAG RNAMS KYI DMYAL BA MYONG BAR 'GYUR BA'I LAS DUS RING DU KUN TU MYONG BAR GYUR PA CHES 'JIGS PAR GYUR PA'I TSOR BA GANG YIN PA DE'ANG DUS THUNG BA DANG SHIN TU ZHAN PA'I TSOR BAR GYUR PA'AM, THAMS CAD KYI THAMS CAD DU'ANG MED PAR 'GYUR RO, ,DE DE LTAR GZHAN YANG SPYOD PAR BYED, 'BAD PAR BYED, BRTZON 'GRUS RTZOM PAR BYED PAS NI, GANG DE YI DVAGS SU SKYE BAR BYED PA'I LAS NGAN PA RNAMS DUS RING DU MYONG BAR 'GYUR BA DANG, BKRES PA DANG SKOM PA'I RANG BZHIN GYIS CHES DRAG PA YOD PA DE DAG RNAMS DMAN PAR 'GYUR RO, ,DUS THUNG BAR 'GYUR BA'AM THAMS CAD KYI THAMS CAD DU'ANG MED PAR 'GYUR RO, , DE DE BZHIN DU DGE SBYONG NGAM BRAM ZE RNAMS DANG GANG YANG DE DAG DANG 'DRA BAR LAS DANG 'BRAS BU LA DAD PA DANG LDAN PA RNAMS GANG YIN PA RNAMS DE DAG GIS DUD 'GROR SKYE BAR 'GYUR BA'I LAS CHES 'JIGS PA RNAMS BYAS PAS DE DAG PHAN TSUN DU ZA BAR BYED PA DUS RING BAR MYONG BAR 'GYUR BA DE DAG RNAMS KYANG SHIN TU CHUNG BA DANG, PHAN
TSUN DU ZA BA MI MYONG BAR 'GYUR BA DANG, DUS THUNG BA DANG, THAMS CAD NAS THAMS CAD DU'ANG MED PAR 'GYUR RO, ,GANG BYAS SHING BSAGS LA NGES PA KHO NAR SO SOR MYONG BAR 'GYUR BA'I LAS KYI 'BRAS BU GANG DANG GANG LA 'PHEN PAR BYED PA'I DMYAL BA DANG YI DVAGS DANG DUD 'GRO'I 'GRO BA'I LUS RNAMS NI, MA GTOGS SO, ,GZHAN YANG LAS KYI 'BRAS BU DE NYID LA DAD PA DANG LDAN PA YIN TE, 'DI LTAR LAS DE NI, SHIN TU RTOGS PAR DKA' BA DANG MCHOG TU PHRA BAR GYUR PA'I LAS KYI 'BRAS BU RNAMS LA DPYOD PAR BYED DO, ,DE LA MI DGE BA'I LAS RNAM PA GSUM PO DE DAG BYAS PAR GYUR PA RNAMS DE SO SOR BSHAGS PAR BYED PA DANG KHA NA MA THO BA DE DAG RNAMS RAB TU SPANGS PAR BYED PA DE LA GANG KHO NA NGES PAR MYONG BAR 'GYUR BA RNAMS LAS DUD 'GRO'I 'GRO BA MYONG BAR 'GYUR BA DE DAG 'DI LTAR SEMS KYIS LEGS PAR BSGOMS SHING YONGS SU DAG PAS DE SPONG BAR BYED DO, ,DE LA GANG DMYAL BA MYONG BAR 'GYUR BA DANG, DUD 'GRO'I 'GRO BA MYONG BAR 'GYUR BA DANG, LAN GRANGS GZHAN LA MYONG BAR 'GYUR BA RNAMS SEMS KYIS RNAM PAR 'GYOD PA BYED PA DANG, GNYEN PO DKAR PO'I CHOS RNAMS KYIS NYE BAR BCOM PA'I DBANG GIS KYANG RNAM PA THAMS CAD DU MI 'GYUR BA'AM, NYAMS SMOD PAR MI BYED PA'AM LAS DE NYID
, ,KYIS GANG CHES SDUG BSNGAL PA'I DUD 'GRO'I SKYE GNAS SO SOR RAB TU MYONG BAR 'GYUR BA'ANG RUNG STE, NYES PAR BYAS PA DE BSHAGS PA LAS LANGS BAS SAM CHOS SHIN TU DKAR BAR GYUR BA'I LEGS PAR BYAS PA'I LAS RNAMS KYIS KYANG GANG DUD 'GROR TSE RING BAR 'TSED PAR BYED PA RNAMS NYE BAR BCOM PAS DE TSE THUNG DU DANG SDUG BSNGAL CHUNG BAR YONGS SU 'TSED PA RNAMS THAMS CAD DU MED PAR BYED DO, ,DE LA RGYU BA 'DI DANG MTSAN MA 'DI DAG GIS LAS DANG 'BRAS BU LA DAD PA DANG LDAN PA NYID DU BYA'O, , DGE SBYONG NGAM BRAM ZE'AM DE DAG DANG 'DRA BAR GYUR PA GZHAN RNAMS KYANG RUNG STE, GANG YANG LAS DANG 'BRAS BU LA DAD PA DANG LDAN PA DE NI, CHU KLUNG GI NGOS DANG BCAS NAS TSAD YOD PAR 'KHOR BA NAS 'KHOR BA YIN NO, ,DE CI'I PHYIR ZHE NA, GANG 'GRO BA LDAN DGE BA DANG MI DGE BA'I LAS RNAMS KYIS MA BSKYED PA'I 'BRAS BUR GYUR PA GANG YANG YIN PA'I SKYE BA NI, CUNG ZAD CIG KYANG YOD PA MA YIN NO, ,DE'I PHYIR DE KHO NA BZHIN DU SKYES BU'I SNYING PO NI, GANG LAS DANG 'BRAS BU LA DAD PA DANG LDAN PA ZHES BYA BA YIN TE; SROG CHAGS RNAMS NI, THAMS CAD KYANG LAS RNAMS THAMS CAD KYI 'BRAS BU'I BGO SKAL LA SPYOD PA YIN NO, ,DE'I PHYIR NA BUD MED DAM SKYES PA RNAMS KYIS KYANG
RUNG STE; THAMS CAD KYIS KYANG RAB TU BRTZON PAS NYIN MO DANG MTSAN MOR YANG BDAG NYID THAMS CAD KYIS LAS DANG 'BRAS BU LA DAD PA'I STOBS BSKYED PAR BYA'O, ,'DIR RE ZHIG 'KHOR BA'I SROG CHAGS RNAMS LA DE DAG SNYING POR GYUR PA'O, ,CHOS GZHAN YANG DGE SBYONG NGAM, BRAM ZE'AM, GZHAN YANG DE DANG RANG BZHIN MTSUNGS PA RNAMS KYI YID LA BYA'O; ;'DI'ANG GANG ZHE NA, 'DI LTA STE, MI GNAS PAS NYE BAR BCOM PA NYID DO, ,MI GNAS PAS NYE BAR BCOM PA NI, GANG GI PHYIR DGE SBYONG NGAM BRAM ZE RNAMS GANG DAG YIN YANG RUNG STE DE DAG RNAMS NI, BLO GROS DMAN PA RNAMS YIN NO, ,MI GNAS PAS NYE BAR BCOM PAR GYUR PA'I SKYON DES SEMS CHAGS PAR BYED DO, ,MI GNAS PA DE NYID KYIS KUN TU 'KHOD PAR BYED DE, DGE 'DUN GYI KUN DGA' RA BA DANG GTZUG LAG KHANG DANG GRONG DANG YUL DANG GRONG KHYER DANG GZHAN DAG TU'ANG RUNG STE, RTAG TU'ANG LE LO CAN DU 'GYUR RO, , DE DANG DE NYID LA DGA' BAR 'GYUR RO, ,DE ZHI BA'I DGON PA RNAMS DANG ZHI BA'I GNAS GZHAN DAG RNAMS SU'ANG MNGON PAR DGA' BAR MI 'GYUR RO, ,LEGS PAR 'GRO BA'I RANG BZHIN CAN MA YIN TE, MGRON LAM DU 'GRO BA'I DBANG DU BYAS PA NA'ANG DE NI, RAB TU BYUNG BA'ANG MA YIN LA KHYIM PA'ANG MA YIN NO, ,DE THAMS CAD DU RIGS MTSUNGS
, ,PAR 'GYUR RO, ,YUL PHYOGS GCIG PO DE NYID LA GNAS PAS KYANG DUS 'DA' BAR BYED DO, ,DE GANG GI DON DU RAB TU BYUNG BAR GYUR PA'I BSAM GTAN GYIS BDE BAR GNAS PAR BYA BA DE NYID NI, MI BYED, KUN TU GNAS PA'I SKYON GYIS NYE BAR BCOM PA'I PHYIR RO, ,GANG YANG MI TSUGS PA'I SKYON DE RIG PAR GYUR NAS DGE SBYONG NGAM BRAM ZE'AM GZHAN YANG DE DANG RANG BZHIN 'DRA BA DAG LA SBYIN PA PO DANG SBYIN BDAG RNAMS KHA DRAG PAR 'GYUR RO, ,'DI DANG PHRAD PA'I DON DU THAMS CAD DU NYE BAR 'ONG BAR YANG MI 'GYUR RO, ,'DI LA GANG SBYIN PA PO DANG SBYIN BDAG RNAMS DBANG DU MI 'GYUR BAR DBANG CHEN POR 'GYUR RO, ,'DI DAG GI TSIG NYAN PAR MI 'GYUR ZHING, DE GTZO BOR BYAS NAS SBYIN PA RNAMS GTONG BAR MI BYED DO, ,SHIN TU SEMS STOBS YANG BAR GYUR PA 'DUG PA'I SA MI ZIN PAS NYE BAR BCOM PA RTAG TU 'PHRAD PAR BYED PA RTAG TU ZHABS 'BRING BYED PA YIN NO, ,DE KUN TU GNAS PAS NYE BAR BCOM PA'I SKYON GYIS NYE BAR BCOM PAR GYUR PA LA BZHAD GAD DU BYED DO, ,KHYIM BDAG PHAN TSUN DU GLENG BRJOD KYANG BYED DO, ,JI LTAR DGE SBYONG NGAM BRAM ZE CHE GE MO ZHES BYA BA GAR YANG MI CHAGS NYE BAR BCOM PAS DE DANG DE NYID LA DGA'O, ,DGON PA ZHI BA
RNAMS SU NI, MA YIN GYI, RTAG TU TSOL GSOG BYED PA'I RANG BZHIN CAN RTAG TU KHYIM PA RNAMS LTA BAR 'DOD PA DANG, ZHABS 'BRING GI DNGOS POR YANG 'GRO BA DANG, BRAN BZHIN DU KHYIM PA RNAMS KYI G-YOG BYED DO, ,G-YOG BYED PAR GYUR PAS DE DAG GIS KHA NYEN PAR BYED DO, ,DE NYID KYIS KHYIM PA KUN CHUB PAR MI 'GYUR LA, RAB TU BYUNG BAR YANG MI 'GYUR TE, MI GNAS PA'I SKYON GYIS NYE BAR BCOM PA'I PHYIR RO, ,GANG LA'ANG SKYON 'DI DAG RNAMS MED PA DE NI, SKYE BO RNAMS THAMS CAD KYIS 'BYOR BAR BYED DO, ,GANG KUN TU GNAS PAS NYE BAR BCOM PA'I SKYON GYIS SBYIN PA PO DANG SBYIN BDAG RNAMS KHA MI DRAG PAR MI 'GYUR BA NI, 'GA' YANG YOD PA MA YIN NO, ,GNAS PA MED PAR KUN TU LTA BAR BYED PA'I SKYON GYIS YANG MOR 'GYUR ZHING DGE SBYONG DANG BRAM ZE GANG 'GA' ZHIG KUN TU GNAS PA NYE BAR BCOM PAR GYUR PA RNAMS LA NI, JI SRID DU RNAM PA DE LTA BU DANG SKYON GZHAN DAG RNAMS KYANG 'BYUNG BAR 'GYUR RO, ,DE'I PHYIR DGE SBYONG DANG BRAM ZE RNAMS DANG, DE DAG DANG MTSUNGS PA GZHAN RNAMS KYIS KYANG GCIG BYA BAR BYA STE, RTAG TU CHAGS PA MED PA'I BLO DANG, RTAG TU GCIG PU MNGON PAR DGA' BA DANG SHING DRUNG PA DANG DUR KHROD PA DANG PHUG GI NANG DU BSAM GTAN BYED PA DANG RI KHROD STEN PA DANG GCIG TU RNAM PAR RGYU BAS GNAS SKABS
, ,THAMS CAD DU JI SRID 'TSO BA'I BAR DU MI GNAS PAS NYE BAR BCOM PA NYID YONGS SU SPANG BAR BYA'O, ,GCIG PU ZHIG 'GA' ZHIG DANG YANG MNGON PAR CHAGS PAR MI BYA'O, ,CHAGS PA RNAMS THAMS CAD YONGS SU SPANG BAR BYA'O, ,CHAGS PA RNAMS THAMS CAD YONGS SU SPANGS PA LAS THAR PA THOB PAR 'GYUR RO, ,DE NI, MI GNAS PAS NYE BAR BCOM PA YIN NO, ,DE NAS DUS DE'I TSE RMA BYA'I MNGA' BDAG DES TSIGS SU BCAD PA'I DBYANGS KYIS BSNYAD PA JI LTAR, KUN NAS NYER BCOM DGE SLONG NI, ,MI RNAMS KYI NI BRAN BZHIN MTHONG, ,RTZVA BZHIN DU NI YANG MOR 'GYUR, ,RANG DON LAS KYANG NYAMS PAR 'GYUR, ,GNAS KYIS NYER BCOM DGE SLONG NI, ,KHYIM PA MA YIN NAGS GNAS MIN, ,BSAM GTAN BSGOM PAR BYA BA LA, ,YID CHES NYID NI RAB MI 'JUG ,MI GNAS NYER BCOM DGE SLONG NI, ,RTAG TU TSOL GSOG LA BRTZON NO, ,TSOL GSOG LA NI BREL BA'I YID, ,TSE YANG YONGS SU NYAMS PAR 'GYUR, ,SKAD CIG SHIN TU MYUR 'JUG PA'I, ,GSON PA GO BA NYID MA YIN, ,BDE BA GZHAN DU LONGS SPYAD PA, ,GANG BYAS PA NI RIG PA'ANG MIN, ,GNAS KYIS NYE BAR BCOM DGE SLONG, ,SKYE BO LA LTA CHED CHER BYED, ,RTAG TU SDIG PAS 'GRO BA YIN, ,DES KYANG NGAN SONG GNAS SU 'GRO, ,YID
NI MNGON PAR ZHEN PA MED, ,CHAGS PA MED PA'I LUS CAN RNAMS, ,CHAGS PA KUN LAS RNAM GROL BA, ,DGE SBYONG 'BRAS DANG BCAS PAR 'DOD, ,RI YI KHROD DANG SHING GI DRUNG, ,RTAG TU BSAM GTAN GYIS GNAS PA, ,DGE BA RAB TU DANG BA DANG, ,YE SHES SKYON DE YONGS SU SPANGS, ,CHAGS PA KUN LAS NGES RNAM GROL, ,YUL RNAMS KYIS KYANG BSLUS MIN PA'I, SKAM PO'I SHING LA ME BZHIN DU, ,DGE SLONG DE YIS NYON MONGS SREG ,GCIG PU DGA' BAS DGAR GYUR PA'I, ,DGE SLONG DBANG PO LNGA BSDAMS PA, ,LUS KYI MTSAN NYID DE NYID SHES MYA NGAN 'DAS PA RTOGS PAR 'GYUR, ,BRTZON 'GRUS LDAN ZHING DRAN DANG LDAN, ,RTAG PAR SKYON RNAMS RNAM PAR SPANGS, ,'GYING BAG DON GYI SKYED TSAL BZHIN, ,MYA NGAN 'DAS PA LHAG PAR 'GRO, ,MYA NGAN 'DAS LA RTAG MNGON DGA', ,SRID GSUM CHU BOS KYANG 'JIGS PA, ,KUN GNAS KYIS NI MA BSLUS PA'I, ,DAG PA'I BDAG NYID DGE SLONG YIN, ,DE LTAR MI GNAS PAS NYE BAR BCOM PA'I SKYON RNAMS DANG LDAN PAS DGE SLONG DAG SHIN TU'ANG SO SOR RGYUG PAR BYED DO, ,DE'I PHYIR GCIG PU NYID SNYING POR BYED PA RNAMS KYIS MI GNAS PAR NYE BAR BCOM PA DGE SLONG RNAMS YONGS SU SPANG BAR BYA'O, ,KHYIM PA RNAMS GYIS SHIN TU CHUNG BAR NYE BAR BCOM PA RNAMS DANG, DGE SLONG GNAS KYI NYE BAR BCOM PA
, ,LAS RE ZHIG KHYIM PA LA'ANG SKYON DE DAG RNAMS SU 'GYUR NA, KHYIM GYI GNAS NAS NGES PAR BYUNG BA'I DGE SLONG LA SKYON RNAMS THAMS CAD KYI SKAL PA CAN DU 'GYUR BA LA LTA SMOS KYANG CI DGOS, 'DI LTA STE, BRTAN PAS NI, DGE BA'I CHOS RNAMS THAMS CAD 'THOB PAR 'GYUR RO, ,DE'I PHYIR KUN TU MI GNAS PAS NYE BAR BCOM PA RAB TU BRTZON PAS KYANG SPANG BAR BYA'O, ,GZHAN YANG DGA' LDAN PA DE DAG RNAMS DANG, 'THAB BRAL BA'I LHA DE DAG RNAMS LA RMA BYA'I MNGA' BDAG DES BCOM LDAN 'DAS DE NYID KYI MDO 'CHAD PAR BYED PA LA JI LTAR CHOS GZHAN YANG 'DOD PA SDUG PA YID DU 'ONG BA MYA NGAN LAS 'DAS PA THOB PAR 'GYUR BA YOD DO, ,DE YANG GANG ZHE NA, 'DI LTA STE; BRTAN PA DANG LDAN PA'I DGE SLONG RNAMS NI, RIGS KYI DGE BA'I CHOS KYI KHUR KHYER BAR 'GYUR RO, ,'JIG RTEN PA RNAMS KYIS SHIN TU YANG RAB TU BSNGAGS PAR 'GYUR RO, ,BRTAN PA NI, 'JIG RTEN PA DANG 'JIG RTEN LAS 'DAS PA'I LAM RNAMS LA'ANG RGYAN DU GYUR PA YIN NO, ,SKYON RNAMS THAMS CAD LAS KYANG RNAM PAR GROL LO; ;BRTAN PA SKYON THAMS CAD LAS NGES PAR RNAM PAR GROL BA'ANG GANG GI PHYIR 'DI NI, THOG MA MED PA'I DUS NAS RAB TU 'JUG PA'I SKYON GYI DRA BA RNAM PA DU MA RNAMS RAB TU
'PHRO BA DAM ZHING SHIN TU BRTAN POR SEMS KYI RJES SU 'BREL BA DE DAG RNAMS DUS CUNG ZAD TZAM DANG, BRTZON 'GRUS CHUNG DU DANG, TING NGE 'DZIN DANG BRTAN PA'ANG CUNG ZAD TZAM GYIS GZHOM PAR MI NUS SHING, SEMS KYIS GZHI LA RNAM PAR ZHEN NAS GNAS PA'I SKYON GYI DRA BA DE DAG RNAMS NI, DGE SLONG GIS 'KHOR BA LAS 'GROL BAR BYED PA'I BRTAN PA MA GTOGS PA GZHAN RNAMS KYIS NI, CHOD PA MA YIN NO, ,DE DANG YANG DAG PAR LDAN PA'I RNAL 'BYOR SPYOD PA RNAMS KYIS NI, RKYEN RNAMS LAS NYE BAR SKYES PA'I ZHEN PA MI DGE BA RNAMS BLO GROS BRTAN PO DAG GIS YONGS SU SPONG BAR BYED PA'I PHYIR RO, ,DE LA KUN TU CHAGS PAR YANG MI BYED DO, ,BDAG NYID THAMS CAD KYIS KYANG BRTZON 'GRUS BRTAN POR BYAS NAS MI DGE BA'I CHOS RNAMS KYI 'JIGS PAS 'JIGS PA'I PHYIR YONGS SU SPONG BAR BYED DO, ,'DOD CHAGS SKYES PAR GYUR NA'ANG DGE SLONG DAG BRTAN PA'I BLOS MI SDUG PA SGOM PAR BYED DO, ,DE DE DANG YANG DAG PAR LDAN ZHING DPUNG GNYEN DU GYUR PAS NI, MUN PAR GYUR PA'I 'DOD CHAGS KYI RKYEN GYIS SKYE BAR GYUR PA'I MI DGE BA'I SEMS RNAMS YONGS SU SPONG BAR BYED DO, ,DES KUN TU 'KHRID PAR MI 'GYUR RO, ,DE BZHIN DU ZHE SDANG DANG LHAN CIG 'GROGS PAR GYUR PA'I SEMS SKYES PAR GYUR NA'ANG DES 'PHROG PAR MI 'GYUR
, ,TE; BRTAN PA DANG LDAN PAR GNAS PA'I BYAMS PA'I GNYEN PO GROGS SU GYUR PA'I PHYIR RO, ,DE BZHIN DU GTI MUG DANG LDAN PA'I SEMS KUN TU SKYES PA RNAMS LA'ANG RTEN CING 'BREL BAR 'BYUNG BA'I GNYEN POS SGRUB PAR BYED DO, ,DE NAS DUS 'DIR RMA BYA'I MNGA' BDAG DES TSIGS SU BCAD PA BRJOD PA JI LTAR, KUN GNAS PAS KYANG GANG CHAGS PA, ,DE NI SRED PAS RTAG TU CHAGS, ,SRED PA'I 'CHING LAS GROL MIN RNAMS, ,'JIG RTEN 'DIR MIN PHA ROL MIN, ,DE LTAR RMA BYA'I MNGA' BDAG DES DGA' LDAN GYI LHA DE DAG DANG, 'THAB BRAL BA RTAG TU GCIG TU DGA' BA RNAMS LA KUN TU GNAS PA'I SKYON RNAMS PA DU MA STON PAR BYED DO, ,DE NAS LHA DE DAG RNAMS 'JIG RTEN GNYIS LA PHAN PA'I CHOS DE DAG RNAMS RNAM PA DU MAR NYAN PAR GYUR KYANG RNAM PA THAMS CAD DU NGOMS PA MED PAS, SLAR YANG RMA BYA'I MNGA' BDAG LA BRJOD PA, JI LTAR KHYOD KYIS BDAG CAG LA MCHOG TU NGO MTSAR BAR GYUR PA MCHOG TU ZAB PA'I CHOS DE DAG RNAMS BSTAN PA GANG YIN PA NI, THOG MA DANG BAR DANG THA MAR DGE BA, MYA NGAN LAS 'DAS PA'I THAR THUG PA, RNAM PAR RTOG PA DU MAR 'KHOR BA LA SKYO BAR BYED PA'I LAM GYI MCHOG DE SLAR NYID KYANG BDAG CAG RNAMS LA RJES SU BRJOD PA'I RIM PAS
CHOS BSTAN DU GSOL, BDAG CAG THAMS CAD KYANG SEMS RTZE GCIG PAS MNYAN PAR BGYI'O, ,RANG DANG GZHAN LA PHAN PA LA RAB TU ZHUGS PA'I CHOS KYI LAM DE DAG RNAMS LHA DE DAG GI DRUNG NAS THOS PAR GYUR NAS SLAR NYID KYANG RMA BYA'I BDAG PO DES LHA DE DAG RNAMS THAMS CAD NYID KYANG SEMS RTZE GCIG TU GYUR PAS JI LTA BA BZHIN DU CHOS NYAN PAR BYED PA'I LHA DE DAG RNAMS KYI YID DE DAG KYANG KUN TU RTOGS PAS, BDAG GIS PHYIR ZHING NYID KYANG CHES RAB TU RANGS PAR GYUR PA'I YID DU GYUR PAS SLAR NYID KYANG DE DAG RNAMS LA BSTAN PAR BYA'O; ;DE NAS PHYIR YANG SEMS RTOGS NAS SLAR YANG CHOS DE NYID RNAM PA DU MA RNAMS SU SGRA DBYANGS BRTAN ZHING RGYA CHE BA DANG, MCHOG TU SNYAN PAR GYUR PA DANG, GZHAN LA PHAN PA LA RAB TU ZHUGS PA'I SNYAN PAS STON PAR BYED DE, KYE HE LHA DAG , GZHAN YANG THEG PA CHEN PO LA RAB TU GNAS PA'I DGE SBYONG NGAM, BRAM ZE'AM, DE DAG DANG 'DRA BA RNAMS KYIS CHOS YID LA BYA BAR BYA ZHING, DE LA RAB TU BRTZON PAS KYANG 'JIGS PAR BYA'O, ,'DI'ANG GANG ZHE NA, 'DI LTA STE, GRAGS PA MA YIN PAS 'JIGS PA NYID DO, ,GRAGS PA MA YIN PAS 'JIGS PA'I DGE SLONG NI, GCIG TU NGES PA'I BLOR 'GYUR RO, ,DE SKYON 'DI DAG RNAMS GRAGS PA MA YIN PA LA 'JIGS PAS SPONG BAR BYED DE, JI LTAR TZAB HRAL CAN GYI
, ,BUD MED KYI SKYON GYI DRI MA PHAL CHE BAR GYUR PA'I KHYIM DU 'JUG PAR MI BYED CING 'DRE BAR YANG MI BYED DO, ,CHANG TSONG DANG LHAN CIG KUN RJOD PAR MI BYED CING MI SRUNG PA RNAMS DANG MA YIN NO, ,RKUN MA DANG YANG MA YIN LA SDIG PA BYED PA RNAMS DANG MA YIN NO, ,RGOD BAG CAN DANG MA YIN ZHING KUN TU 'GYOD PA RNAMS DANG YANG MA YIN NO, ,RTAGS GZHAN PA RNAMS DANG, RTAGS GZHAN PA LA SO SOR 'BRANG BA RNAMS DANG MA YIN NO, ,CHO LO BA RNAMS DANG MA YIN ZHING RTOG MI RNAMS DANG YANG MA YIN NO; ;BYIS PA DANG MA YIN ZHING BUD MED KYIS 'TSO BA YANG MA YIN NO, ,RKO TROG CAN RNAMS DANG MA YIN ZHING KHA MI 'TSAM PA RNAMS DANG MA YIN NO, ,SHIN TU BRKAM CHAGS CAN RNAMS DANG MA YIN ZHING 'JAL BA LA SGYU BYED PAS SLU BA RNAMS DANG YANG MA YIN NO, ,'JIG RTEN PA RNAMS DANG 'GAL BAR GYUR PA'I TSONG PA DANG MA YIN ZHING CHU KLUNG GI NGOS LA BCOM NAS SGROL BA RNAMS DANG MA YIN NO, ,MA NING RNAMS DANG MA YIN ZHING LAM DU BUD MED DANG GOM PA GCIG KYANG LHAN CIG TU 'GRO BAR BYED PA MA YIN NO; ;GLANG PO CHE 'DUL BA RNAMS DANG MA YIN NO, ,MI 'DUL BA RNAMS DANG MA YIN NO, ,STAG 'DUL BA RNAMS DANG MA YIN NO, ,MED PAR SMRA BA RNAMS DANG MA
YIN NO; ;DKON MCHOG GSUM LA KHA PHYIR PHYOGS PA RNAMS DANG MA YIN NO, ,THEG PA CHEN PO LA ZHE SDANG BAR GYUR PA RNAMS DANG MA YIN NO, ,SDOM PA MA YIN PA LA GNAS PA RNAMS DANG MA YIN NO, ,RIGS NGAN PA RNAMS DANG MA YIN TE, RNAM PA DE LTA BU'I SDIG PA'I LAS CAN RNAMS DANG LHAN CIG TU DGE SLONG GNAS PAR MI BYED DO, ,DE CI'I PHYIR ZHE NA, LHAN CIG TU GNAS PA'I BYED PAS GANG GI PHYIR DGE SLONG CHUD ZA BAR 'GYUR LA DE BZHIN DU 'JIG RTEN PAS KYANG GO BAR 'GYUR RO, ,JI LTAR 'DI'I DRI MA CAN GYI LAS YIN PA DE KHO NA LTAR DGE SLONG LA'ANG RTOG PAR BYED DO, ,GANG YANG YID CAN RNAMS THAMS CAD RNAMS PA CI LTA BU DANG LHAN CIG TU 'DRE BAR BYED PA NA, DE DAG RNAM PA DE KHO NA BZHIN DU SKYE BO RNAMS KYIS YANG RTOG PAR 'GYUR RO, ,DE'I PHYIR GRAGS PA MA YIN PAS 'JIGS PA RNAMS KYIS DRI MA CAN GYI LAS CAN RNAMS DANG LHAN CIG TU GOM PA GCIG KYANG 'GROGS PAR MI BYA'O, ,DE NAS DE'I DUS 'DIR RMA BYA'I MNGA' BDAG DES BCOM LDAN 'DAS KYIS GSUNGS PA'I TSIGS SU BCAD PA RJOD PAR BYED PA JI LTAR, MA RNAGS RNAG DANG 'DRE BYED PA, ,RANG NYID NYE BAR SKYE BAR 'GYUR, ,DE PHYIR RANG DANG 'DRE MA BYED, ,RANG MED BYA BAR 'OS PA YIN, ,SKYES BU CI 'DRA BA DAG LA, ,MTSUNGS PAR RTEN GROGS
, ,RTAG BYAS NAS, ,DGE DANG GAL TE MI DGE YANG, ,DE DANG 'DRE LAS DE 'DRAR MTHONG, ,SKYES BU BDE DON GNYER KUN GYIS, ,DGE BA KHO NA RJES SU BSTAN, ,DES 'DIR BDE BA 'THOB 'GYUR GYI, ,DGE BAS SDUG BSNGAL BYED PA MIN, ,KUN 'DRES YON TAN SKYE BAR MTHONG, ,'DRE LAS SKYON SKYE DE BZHIN TE, ,YON TAN SKYON GYI MDOR BSDUS PA'I; ;MTSAN NYID 'DIR NI BRJOD PA YIN, ,RTAG TU BZANG PO DANG 'GROGS PA'I, ,DGE SLONG SNYAN GRAGS DANG LEGS LDAN, ,NGAN PA DANG NI 'GROGS PA NI, ,SKYES BU NGAN PAR MYUR DU 'GRO, ,GANG DAG NGAN PA RNAM SPONG BA'I, ,DE DAG SNYING PO RTAG TU GYIS, ,LEGS RTAG LHAN CIG GNAS PA DANG, ,MA RUNGS PA YANG SPANG BAR GYIS, ,DE LTAR RMA BYA'I BDAG PO 'DIS LHA DE DAG RNAMS LA CHOS STON PAR BYED DO, ,GRAGS PA MA YIN PAS 'JIGS PAR GYUR PA'I DGE SLONG RNAMS KYANG YON TAN BDUN DANG YANG DAG PAR LDAN PAR 'GYUR BA LA, 'DI LTA STE, SDIG PA CAN GYI SKYE BO RNAMS LA MI STEN NO, ,RNYED PA DANG BKUR STI RNAMS LA MNGON PAR DGA' BAR MI 'GYUR RO, ,CHOG SHES PA DANG LDAN PA RNAMS LA SBYIN PA PO DANG SBYIN BDAG RNAMS RAB TU DANG BAR 'GYUR RO, ,RI'I KHROD RNAMS SU STEN PAR 'GYUR RO, ,DE DAG NI, DGE LEGS KYI SKAL PA CAN DU 'GYUR RO, ,
MANG DU KUN BRJOD PAR MI 'GYUR RO, ,GRONG DU RGYU BAR MI 'GYUR ZHING, 'THUNG BDAG GI KHANG PAR YANG MI 'JUG GO ,NYO BA DANG 'TSONG PAR YANG MI BYED DO, ,DE DE LTA BU'I YON TAN RNAMS DANG YANG DAG PAR LDAN PA LEGS PAR RGYU BA'I DGE SLONG NI, CHUD 'DZA' BAR MI 'GYUR RO, ,SKYE BO'I TSOGS MANG PO RNAMS KYANG GUS PA DANG BCAS PAR 'GYUR RO, ,DE'I PHYIR BAG MED PA'I RGYU'I RTZE MO NI, 'DI YIN TE, 'DI LTAR DGE SLONG GRAGS PA MA YIN PA RNAMS KYIS 'JIGS PA MED PA'O, ,GANG YANG DGE SLONG GRAGS PA MA YIN NAS 'JIGS PA MED PA DE KHYIM PA RNAMS KYI DRUNG NA'ANG SHIN TU LHAG PA YIN TE, SKYON RNAMS LAS DE CI DGA' BAR SPYOD PAR BYED PA DANG, CI RUNG BAR SMRA BA DANG, NGO TSA MED PA DANG KHREL MED PA DANG, TSUL KHRIMS 'CHAL PA MANG DU BYED PAR 'GYUR RO, ,DE LUS ZHIG PAR GYUR NAS NGAN SONG LOG PAR LTUNG BA DMYAL BA RNAMS SU SKYE'O, ,GRAGS PA MA YIN PAS 'JIGS PA NI, GCIG PU RGYU BAR 'GYUR BA DANG KHYIM RNAMS SU STEN PAR MI BYED DO, ,DE DAG NI, RTAG TU YANG RI DANG DGON PAR GNAS PAR 'GYUR ZHING CHOG SHES PAR YANG 'GYUR RO, ,'DOD PA DANG BRNAB SEMS LA STEN PAR MI BYED DO, ,YUL LJONGS KYI SKYON RNAMS THAMS CAD SPONG BAR BYED DO, ,KHA NA MA THO BA CUNG ZAD TZAM LA'ANG 'JIGS PAR LTA BAR 'GYUR RO, ,DE LTAR 'JIG RTEN
, ,NA GRAGS PA MA YIN PA RNAMS KYIS 'JIGS PAR GYUR PA GANG YIN PA DE NI, DGE SLONG YIN NO, ,DE NI, DGE BA'I SKAL PA CAN YIN NO, ,GZHAN YANG THEG PA CHEN PO LA RAB TU GNAS PA'I DGE SLONG RNAMS LA GCES PAR GYUR PA'I CHOS YOD DO, ,'DI'ANG GANG ZHE NA, 'DI LTA STE, MNGON PAR ZHEN PA MED PA'O, ,MNGON PAR ZHEN PA MED PA ZHES BYA'I CHOS NI, MCHOG TU DGA' BAR GYUR PA YIN NO, ,'DI NI, DGE SLONG DAG MNGON PAR ZHEN PA MED PA NI, DAG PA DANG 'BA' ZHIG PA DANG KUN TU CHAGS PA MED PA'I BLO DANG LDAN PA DANG, GCIG TU NGES PAR RGYU BA DANG, BLO LEGS PAR GNAS PAR GYUR PA DANG, 'TSO BA DAG PA RNAMS MCHOG TU MYA NGAN DANG BRAL BAR 'GYUR BA YIN NO, , MCHOG TU RNAL DU PHEBS PA'I YID 'DZIN PA YIN NO, ,DE SDUG BSNGAL PAS ZHUM PAR MI 'GYUR RO, ,KHRO BA DANG 'KHRUG PA 'BYUNG BAR MI 'GYUR RO, ,DGA' BA YA YA BO'I GNAS RNAMS LA DGA' BAR YANG MI 'GYUR RO, ,'JIGS PA'I GNAS RNAMS LA'ANG RNAM PAR MI 'JIGS SO, ,GNYEN BSHES RNAMS LA SNYING NYE BAR CHAGS PAR GYUR NAS RANG GI DON RNAMS LAS YONGS SU NYAMS PA MA YIN NO, ,GRONG KHYER PA RNAMS KYIS BGYAD PA DANG 'GYING BAG BYAS PA DANG RTZES PA DANG YONGS SU SPYAD PA RNAMS LA'ANG MNGON PAR
ZHEN PAR MI BYED DO, ,NYE BAR 'GRO BA'I RANG BZHIN CAN MA YIN NO, ,GRONG NAS GRONG DANG, GRONG KHYER NAS GRONG KHYER DANG, TSONG 'DUS NAS TSONG 'DUS RNAMS DANG, KHYIM NAS KHYIM KUN TU CHAGS PA MED PA'I BLOS GCIG TU BDE BAR NYAL BA DANG RAB TU SAD PAR YANG 'GYUR RO, ,DE'I BLOS MNGON PAR CHAGS PA MED PA DANG RNAM PAR DAG PA YIN NO, ,KUN TU SPYOD PA RNAM PAR DAG PA DE NI, BDUD DAM SGRA DANG REG BYA DANG, RO DANG GZUGS DANG DRI DANG DE DAG GIS KYANG 'PHROG PAR MI 'GYUR RO, ,RNYED PA DANG BKUR STI RNAMS LA MNGON PAR DGA' BAR MI 'GYUR RO, ,DES THOB PA RNAMS SAM, GZHAN YANG JI LTAR SKYES PA'I YID KYI RNAM PAR RTOG PA RNAMS 'JOMS PAR BYED DO, ,YONGS SU SPONG BAR BYED DO, ,MI DGE BA'I RNAM PAR RTOG PA DE DAG MI SKYE BAR BYA BA'I DON DU RAB TU 'BAD PAR BYED CING BRTZON 'GRUS RTZOM PAR BYED DO, ,JI LTAR LAM 'DI DAG BSKYED PAS NI, MI DGE BA YID LA BYED PA'I RNAM PAR RTOG PA DE RNAMS JI LTAR PHYI NAS YANG BDAG GI SEMS RNAM PAR DKRUG PA'I NGO BOR MI BYED PA DE LTAR BDAG GIS GZHOM PAR BYA'O, ,ZHES DE RE ZHIG RNAM PAR RTOG PA'I RKYEN GYIS SKYES PA'I MI DGE BA GCIG PO DE NYID MI BSKYED PAR BYA BA'I DON DU 'BAD RTZOL BRTZON 'GRUS RTZOM PAR BYED PA YIN NA, MNGON PAR ZHEN PA'I CHOS RAGS
, ,PAR GYUR PA 'JIG RTEN PA RNAMS MI BYED PA LA LTA CI SMOS, GANG DAG RNAL 'BYOR SPYOD PAR GYUR PA RNAMS KYIS CHOS GSUM PO 'DI DAG NI, BYA BA YIN NO, , GSUM GANG ZHE NA, 'DI LTA STE, SEMS KYI RGYUN RAB TU SUN 'BYIN PAR BYED PA SKYES PAR GYUR PA'I MI DGE BA'I CHOS RNAMS RNAM PA THAMS CAD DU MI SKYE BAR BYA BA'I DON DU DANG, MA SKYES PA RNAMS MI BSKYED PAR BYA BA'I DON DU DANG, DE BZHIN DU 'DAS PA'I CHOS MI DGE BA RNAMS DRAN PAR BYAS LA RAB TU BRTZON PAR BYA STE, DGE SLONG YID SHIN TU MNYAM PAR BZHAG PA DANG SPYOD PA RNAM PAR DAG PA RNAMS DANG, RNAM PA THAMS CAD DU BLO MNGON PAR ZHEN PA MED PA RNAMS DANG, RNAM PAR DAG PAR SPYOD PAR BYED PA RNAMS DANG, GCIG TU SRED PA ZAD PAR 'DOD PA RNAMS DANG, 'DOD CHAGS DANG BRAL BAR 'DOD PA RNAMS DANG, BDE BA 'DOD PA RNAMS KYIS KYANG MNGON PAR ZHEN PA MED PA'I BLO BSKYED PAR BYA'O, ,YANG DGE SLONG GANG DAG BLO MNGON PAR CHAGS PA MED PAR GYUR PA RNAMS NI, MCHOG TU BDE BA DANG LDAN PA CHES BDE BA'I GO 'PHANG 'THOB PA YIN NO; ,DE NAS DUS 'DIR RMA BYA'I MNGA' BDAG DE 'KHOR BA 'JIG GIS GSUNGS PA'I TSIGS SU BCAD PA BRJOD PA JI LTAR, RTAG PAR KUN TU CHAGS MED BLO, ,BSAM GTAN
GYIS NI RTAG TU GNAS, ,YID NI RTAG TU RNAM PAR DAG, RTZE GCIG YID LA MNGON PAR DGA', ,SEMS GANG SHIN TU RTZE GCIG PA, ,DE NI SKYON GYIS 'CHING BA MED, ,SKYON BCAS 'JIGS LAS NGES GROL BA, ,'DI LA RANG BZHIN GNAS ZHES BRJOD, ,RTZE GCIG LA NI MNGON DGA'I SEMS, ,RNAM RTOG NYID KYIS BSGRUB PA YIN, ,RNAM PAR RTOG LAS RNAM GROL TE, ,MDZES PAR RANG BZHIN GNAS PAR 'GYUR, ,GANG GI SEMS NI RTAG TU ZHI, ,RGYUN DU MYA NGAN 'DAS MNGON DGA', ,DE NI MI DGE'I RGYU RNAMS KYI, ,DBANG SKYES SKYON NI 'GYUR MA YIN, , GANG YANG BSAM GTAN GYIS BYAS BDE, ,GANG YANG TING 'DZIN LA SKYES PA DE, ,DE KUN RTZE GCIG BLO YI NI, ,RTAG TU LUS CAN RNAMS LA 'GYUR, ,RTZE GCIG DGA' BA'I SDOM BRTZON GYI, ,BDE GANG SNYING LA SKYE BA NI, ,DE 'DIR BDE BAR RNAM SHES KYIS, ,'JIG RTEN PA YI BDEN MIN 'DOD, ,RTZE GCIG SEMS LA MNGON PAR DGA', ,RNAM PAR DAG PA BYAS NYID DE, ,SKYON DRI LAS NI RNAM GROL BA'I, ,DES NI ZHI BA RTOGS PAR 'GYUR, ,RTAG TU YID NI GCIG TU NGES, ,DBANG PO LNGA RNAMS KUN TU BSDUS, ,SRED PA'I MES SREG MI BZAD PA, ,BLO YI YE SHES CHU YIS 'JOMS, ,SRED PA DANG NI LDAN MIN TE, ,RNAM PAR DAG PA'I BDE 'DOD PA, ,ZAD MED 'GRIB PA MED NYID KYI, ,GO 'PHANG MDUN NA
, ,GNAS DANG 'DRA, ,RNAM PAR RTOG PA GYA GYU'I SEMS, ,GANG DANG GANG LA SKYE 'GYUR BA, ,GCIG LA DMIGS PA DANG LDAN PA'I, ,TING 'DZIN DE YIS 'DZIN PAR BYED; ;DE PHYIR CHOS DE DAG GI MCHOG ,MYA NGAN 'DAS GRONG 'GRO BA YI, ,GANG NI RTZE GCIG YID BYAS LA, ,BDUD KYI SGRUB BYED GZHOM PAR GYIS, ,RAB BRTAN YE SHES 'OD ZER GYIS; ;YID KYI RTA NI BRTUL BZUNG NAS, ,MYA NGAN NYON MONGS BCOM PA YI, ,MCHOG GI GNAS SU 'GROR 'GYUR TE, ,SNYING PO DE NI BRTAN RNAMS KYIS, ,RNAL 'BYOR MCHOG TU 'GRO RNAMS KYIS, ,RTZE GCIG YID NI GANG BYAS PAS, ,GO 'PHANG 'PHO BA MED PAR 'GRO ,DE LTAR RMA BYA'I BDAG PO DES RNAM PA DU MAR CHOS STON PAR BYED PA NI, LHA DE DAG RNAMS LA BDE BA'I DON DU DANG, PHAN PAR BYA BA'I DON DU YIN NO, ,DE NAS RMA BYA RNAMS KYANG MNGA' BDAG DES 'THAB BRAL BA DE DANG, DGA' LDAN PA DE DAG RNAMS LA SLAR CHOS DE NYID STON PAR BYED DE, MA SKYES PAS DGA' BAR BYED PA DGE BA DANG MYA NGAN LAS 'DAS PAR 'GRO BA'O, ,YANG CHOS GZHAN YANG STON PAR BYED DE, KYE HE LHA DAG ,JI LTAR CHOS GZHAN DAG NYON DANG JI LTAR DGE BA'I CHOS RNAMS THAMS CAD KYI NYING KHU NI, 'DI YIN TE, 'DI LTAR GCIG PU DGA' BA'O, ,DGE SLONG GCIG PU LA
DGA' BA YANG SHIN TU KUN NAS BSDAMS PAR RGYU BA DANG, SHIN TU KUN NAS BSDAMS PAR SPYOD PA DANG, LEGS PAR BSDAMS PAR RNAM PAR GNAS PA DANG, MCHOG TU ZHI BA DANG MCHOG TU GTZANG BAR 'GYUR RO, ,'DI LTA STE, GCIG PU DGA' BAS MNGON PAR DGA' BA'I DGE SLONG RNAMS NI, GCIG TU KUN NAS BSDAMS PAR LEGS PAR SPYOD PA DANG, ZHI BA DUL BA SHIN TU BRTAN PAS GCIG PU DGA' BAS DGA' BA RNAMS NI, THAMS CAD DU DGA' BAR 'GYUR TE, ZHI BA'I GNAS SU GYUR PA'I RI KHROD DAG DANG RI'I PHUG DANG DUR KHROD DANG SOG MA'I PHUNG PO RNAMS DANG THAMS CAD LA'ANG MTSUNGS PAR BLO KUN BSDAMS PAR 'GYUR RO, ,GCIG PU RNAM PAR RGYU BA GCIG PU DGA' BA'I DGE SLONG LA'ANG CHOS BDUN GCES PAR BYED PAR 'GYUR BA YIN TE, GANG ZHE NA, 'DI LTA STE, RTAG TU YID RAB TU BDE BAR 'GYUR RO, ,RTAG TU'ANG SEMS RAB TU DAD PAR 'GYUR RO, , 'JIG RTEN PA RNAMS KYIS KYANG 'DI MNYAN PAR BYED CING, LHA DAG GIS KYANG 'DI MNGON PAR SRUNG BAR BYED DO, ,DRI MA RNAMS DANG YANG YONGS SU BRAL BAR 'GYUR RO, ,DGE BA'I CHOS RNAMS KYANG MNGON PAR 'PHEL LO, ,DE'I SEMS SHIN TU MNYAM PAR BZHAG PA'I MCHOG TU 'GYUR ZHING, RAB TU DANG BA'I LUS DANG NGAG DANG YID KYI LAS KYI MTHA'
, ,RNAMS KYIS THAR PA'I LAM MNGON SUM DU BYED PAR 'GYUR RO, ,DRI MA RNAMS KYANG 'DIS RING DU BYED PAR 'GYUR RO, ,THA MAR YANG 'DI'I DKAR PO'I CHOS RNAMS KYI THA SNYAD KYIS 'JIG RTEN PA RNAMS DANG LHAN CIG TU MNGON PAR DGA' BAR 'GYUR RO, ,RNAM PA DU MA RNAMS SU THOG MA MED PA'I DUS NAS MANG DU 'JUG PA'I NYON MONGS PA'I DGRA RNAMS KUN NAS 'JOMS PAR BYED DO, ,DE'I PHYIR GCIG PU MNGON PAR DGA' BA'I DGE SLONG NI, SHIN TU LEGS PAR BSDAMS PAS RGYU BA DANG, NYON MONGS PA RNAMS KYIS 'JIGS PAS KHA NA MA THO BA PHRA RAB TZAM RNAMS LA'ANG 'JIGS PAR LTA BA DANG, RTAG TU BRTZON PA DANG LDAN PA DANG, NGES PAR GROL BA DANG KUN TU SPYOD PA RNAMS SHIN TU DRI MA MED PA DANG RAB TU ZHI BA LA DGA' BAR 'GYUR RO, ,DE NAS DUS DE'I TSE RMA BYA'I MNGA' BDAG DES LHA RNAMS LA PHAN PAR BYA'I DON DU TSIGS SU BCAD PA BRJOD PA JI LTAR, MI BZAD PA DANG G-YO DANG DRAG, BZOD PAR DKA' DANG STOBS PO CHE, ,BRTAN GANG SEMS LAS NGES RGYAL BA, ,'JIG RTEN PA DE BDE LDAN 'DOD, ,GANG GIS 'JIG RTEN 'DI SREG PA'I, ,SKYON NI RNAM PA GSUM PO SPANGS, ,MI DE RNAMS NI YE SHES CHUS, ,ZHI BAR BYAS PAS BDE BAR 'GYUR, ,GANG DAG CHOS NI MI 'DOD PA'I, ,
MI DE RNAMS NI MI MA YIN, ,GRONG KHYER MYA NGAN 'DAS 'GRO BA'I, ,DE NYID LAM LA GNAS PA MIN, ,CHEN POR GYUR PA'I BDE LEGS GNAS, ,MI YIS GANG PHYIR THOB PAR 'GYUR, , THEG CHEN RKYAL PA LA ZHON PAS, ,SRID PA'I MTSO LAS SGROL BAR 'GYUR, ,GLOG DANG ZO CHUN RGYUD MO 'DRA, ,DRI ZA'I GRONG KHYER DANG MTSUNGS PAR, ,SHIN TU SDUG PA RTAG MYUR PA, ,LUS CAN KUN GYI GSON PA YIN, ,LUS ZHES BYA BA'I MYU GU NI, ,RTAG TU SKAD CIG 'JIG PA YIN, ,SHIN TU G-YO ZHING SNYING PO MED, ,RGA SHI 'JIGS PA CHEN PO YIS, ,NAD KYIS GRONG KHYER 'DI DAG RNAMS, ,MYA NGAN KHOR YUG CHEN PO STE, ,DGE MI DGE YI ZHING LA YANG, ,LUS SU MNGON PAR BRJOD PA YIN, ,SBYIN DANG TSUL KHRIMS YID KYIS GANG, ,RTAG TU YUL NI RNAM BRGYAN PA; ;SEMS CAN DE NI SNYING PO GCIG, LUS NI 'BRAS BU DANG BCAS 'DOD, ,GANG LA SNYING PO BDUN YOD PA, ,SANGS RGYAS YIN PAR DE YONGS BSGRAGS, ,BRTZON 'GRUS SBYIN PA DE BZHIN KHRIMS; ;YE SHES BYAMS PA BZOD DANG DUL, ,GANG YANG GRANGS MED 'GYUR BA YI, ,THEG CHEN DANG YANG YANG DAG LDAN, ,PHA ROL PHYIN DRUG LAS RGAL BA'I, ,DE NI SANGS RGYAS YIN PAR BSGRAGS, ,'DOD PA YONGS SU SPONG BA GANG, ,DE DAG SA GSUM SNYING PO YIN, ,'DOD PA THAMS CAD YONGS BTANG BA, ,RTAG TU BDE ZHES 'DIR BRJOD DO, ,'DOD PA RNAMS LA
, ,CHAGS YOD GANG, ,DE YI SDUG BSNGAL 'DI MDUN GNAS, ,DE DAG NYES DMIGS SHES BYAS LA, ,DE PHYIR DE DAG YONGS SU SPONGS, ,DE LTAR RMA BYA RNAMS KYI MNGA' BDAG DES DGA' LDAN PA DE DAG RNAMS DANG, 'THAB BRAL GYI LHA DE DAG RNAMS LA CHOS STON PAR BYED DO, ,GZHAN YANG RMA BYA'I MNGA' BDAG DES LHA DE DAG RNAMS LA CHOS STON PAR BYED DE, JI LTAR CHOS GZHAN YANG THEG PA CHEN PO LA RAB TU GNAS PA'I DGE SBYONG DANG BRAM ZE RNAMS LA GCES PAR GYUR PA YOD DO, ,'DI DAG KYANG GANG ZHE NA, 'DI LTA STE, SEMS RNAM PAR G-YENG BA MED PA'O, ,SEMS RNAM PAR MI G-YENG BA'I DGE SLONG YANG BLO SHIN TU MNYAM PAR BZHAG PA DANG, GCIG TU NGES PAR RGYU BAR BYED PA DANG, RTAG TU TSANGS BAR SPYOD PA LA MNGON PAR DGA' BA DANG, RTAG TU BRTZON PA DANG LDAN PAR YANG 'GYUR RO, ,BDE LEGS RNAMS THOB PAR 'GYUR RO, ,NGAN SONG GI 'JIGS PA RNAMS THAMS CAD LAS KYANG GROL BAR 'GYUR RO, ,GCIG PU DGA' BA'I DGE SLONG NI, DBANG PO DRUG LEGS PAR BSDAMS PA DANG, YUL RNAMS THAMS CAD YONGS SU SPANGS PA DANG, 'KHOR BA'I 'JIGS PA RNAMS KYIS SKRAG PAR GYUR PAS DGE BA'I CHOS RNAMS THAMS CAD YONGS SU SPONG BAR MI BYED PA DANG, MI DGE BA RNAMS THAMS CAD YONGS SU SPONG BAR BYED PA
DANG, RTAG PA NYID DU'ANG BDE BAR RGYU BAR 'GYUR RO, ,GANG DAG GI BLO RNAM PAR G-YENG BAR MA GYUR PA RNAMS NI, SGRA DANG REG BYA DANG RO DANG GZUGS DANG DRI RNAMS LA RTAG PA KHO NAR YANG DE'I SEMS MNYAM PAR BZHAG PAR 'GYUR RO, ,DE'I SEMS MNYAM PAR BZHAG PA'I PHYIR NA DGE BA'I CHOS RNAMS MNGON PAR 'PHEL BAR 'GYUR RO, ,DE DAG RNAMS NYID LA DGA' BAR 'GYUR RO, ,'KHOR BA LA NI, DGA' BAR 'GYUR BA MA YIN NO, ,RTAG TU BRTZON PA DANG LDAN PAR GYUR PAS, TING NGE 'DZIN LA MNYAM PAR BZHAG PA'I YID DE LA LAM RAB TU SKYE BAR 'GYUR RO, ,RTAG TU LAM LA STEN PAR BYED CING SGOM PAR YANG BYED DO, ,LAN MANG DU BYED DO, ,DE NI, LAM DE DAG BSTEN CING BSGOMS LA LAN MANG DU BYAS PAR GYUR PA LAS LAM MNGON DU 'GYUR RO, ,RTAG PAR RGYUN DU'ANG LAM DE NYID SGOM PAR BYED PA YIN NO, ,DE LAM GYI RJES SU RTOGS PA'I BLO STEN PAR BYED CING, DE STEN PAR GYUR PA LAS KYANG KUN TU SBYOR BA RNAMS DANG BRAL BAR 'GYUR RO, ,BAG LA NYAL RNAMS NI, 'DRUL BAR 'GYUR RO, ,'DI'I KUN TU SBYOR BA GANG DAG DANG YONGS SU BRAL BAR GYUR NA, 'DI LTA STE, RJES SU CHAGS PA'I KUN TU SBYOR BA DANG, KHONG KHRO BA'I KUN TU SBYOR BA DANG, MA RIG PA'I KUN TU SBYOR BA DANG, NGA RGYAL GYI KUN TU SBYOR BA DANG, PHRAG DOG GI KUN TU SBYOR BA DANG, SER SNA'I KUN TU SBYOR
, ,PA STE; DE'I KUN TU SBYOR BA DE DAG RNAMS DANG RAB TU BRAL BA YIN NO, ,'DI NI, BAG LA NYAL RNAMS GANG DAG RUL BAR 'GYUR BA YIN NA, 'DI LTA STE, 'DOD PA'I 'DOD CHAGS KYI BAG LA NYAL BA DANG, KHONG KHRO BA'I BAG LA NYAL DANG, SRID PA'I 'DOD CHAGS KYI BAG LA NYAL DANG, MA RIG PA'I BAG LA NYAL DANG, NGA RGYAL GYI BAG LA NYAL DANG, LTA BA'I BAG LA NYAL DANG, THE TSOM GYI BAG LA NYAL DANG RNAMS RUL CING MYAGS PAR 'GYUR RO, ,DE LA 'GRO BA RNAMS THAMS CAD DU BRJE BSOR BYED PA POR GYUR PA KHAMS GSUM GYIS BSDUS PA'I STOBS PO CHE DE DAG RNAMS NI, RNAM PAR G-YENG BA MED PA'I SEMS KYIS NI, MI NUS PA YIN TE, MTHONG BA DANG SGOM PA'I LAM DAG GIS SO, ,DE LTAR NA SEMS RTZE GCIG TU BYED PAR GYUR PA NI, DGE SBYONG DANG BRAM ZE RNAMS LA GCES PA YIN TE, GANG GI PHYIR GAL TE NA DGE BAR GYUR PA RNAMS SAM, GAL TE NA MI DGE BAR GYUR PA RNAMS KYANG RUNG STE; CHOS THAMS CAD NI, SEMS KYI RTZA BA LAS YIN PA'I PHYIR RO, ,DE'I PHYIR SRID PA'I 'JIGS PA'I SKYON 'DI DAG RNAMS KYIS 'JIGS PAS DE LTAR RAB TU BRTZON PAS LAM STEN PAR BYED PA RNAMS THAMS CAD KYIS KYANG RAB TU 'BAD PAS SEMS RTZE GCIG TU BYA'O, ,DE LTAR NA NYON MONGS PA RNAMS ZAD PAR BYA BAR NUS PA YIN GYI, GZHAN DU NA THOG MA
MED PA'I DUS NAS 'JUG PA'I NYON MONGS PA'I TSOGS GANG YIN PA RNAMS GZHOM PAR NUS PA'ANG MA YIN NO, ,DE NAS DUS DER RMA BYA'I MNGA' BDAG GIS TSIGS SU BCAD PA THAMS CAD MKHYEN PAS GSUNGS PA 'CHAD PA JI LTAR, YID NI RTZE GCIG GYUR PA YI, ,SKYON GYIS 'JIGS PA'I RNAL 'BYOR PA, ,YID NYID KYI NI PADMA BZHIN, ,YID LA ZAG MED CHOS RNAMS SKYE, ,RTZE GCIG GYUR PA'I YID GYIS NI; ;DGE BA'I LAM NI SGOM PAR BYED, ,NYI MA SHAR BAS MUN BSAL LTAR, ,MI DGE'I CHOS RNAMS 'JOMS PAR BYED, ,GANG GI YID NI RTZE GCIG PA, ,RTAG TU ZHI ZHING MNYAM BZHAG PAS,, DUG LA BYA KHYUNG JI LTA BAR, ,SKYON RNAMS LA NI DE 'JIG MIN, ,G-YO BAR GYUR PA'I SEMS 'DI NI, ,RLUNG CHEN SHUGS DANG 'DRA BA YIN, ,'DUL MKHAN JI BZHIN 'DZIN PA YIS, ,JI LTAR BAR NI BRTAN PAS 'DUL, ,YE SHES TSUL KHRIMS TING 'DZIN GYIS, ,SKYON GYI NAGS NI GTAN NAS SREG ,RLUNG DANG BCAS PA GANG GIS NI, ,NAGS SKAM PA LA ME BZHIN NO, ,DE PHYIR SHES PA RTAG TU STEN, ,MI SHES PA YANG YONGS SU SPONGS, ,SKYE DANG 'CHI BA SPANGS PA YI, ,BLA NA MED PA'I GNAS SU 'GRO ,SEMS GANG RTZE GCIG 'GYUR BA YI, ,DE NI RAB TU BRTZON PAR GYIS, ,DE 'DUL BA'I DBANG GYUR PAS, ,SKYON SKYED BYED PA MIN PAR 'DOD, ,RTAG TU G-YO BA'I YUL RNAMS NI, ,BRTAN PAR YONGS SU BSDUS GYUR NA, ,LAG NA RTEN PA'I DUG 'DRA BA'I, ,CHAGS
, ,SOGS KYIS NI GNOD MI 'GYUR, ,DE PHYIR BRTZON DANG GTAN SOGS PA'I, ,YON TAN GYIS NI YID MYUR KHRID, ,SRED CHU LAM GSUM 'GRO BA LAS, ,'GOR BA MED PAR RGAL BAR GYIS, ,DE LTAR RMA BYA RNAMS KYI MNGA' BDAG DES GCIG TU SPYOD PA'I DGA' LDAN GYI LHA DE DAG RNAMS DANG, 'THANG BRAL BA DE DAG RNAMS LA RNAM PA DU MA RNAMS SU PHAN PAR GYUR PA'I DON DU'ANG CHOS DE STON PAR BYED DO, ,LHA DE DAG RNAMS KYANG YID SHIN TU LEGS PAR BSDAMS PA DANG, YID SHIN TU MNYAM PAR BZHAG PAS BDE BA'I YUL DE DAG RNAMS THAMS CAD YONGS SU SPANGS NAS CHOS DE NYID KHO NA NYAN PAR BYED DE, 'KHOR BAS 'JIGS PAR GYUR PA DE DAG RNAMS KYI YID DE DAG RTOGS NAS SLAR NYID KYANG CHOS DE DAG NYID STON PAR BYED PA NI, JI LTAR 'DOD PA, SDUG PA, YID DU 'ONG BA, BAG MED PA RNAMS THAMS CAD KYI LCAGS KYU LTA BUR GYUR PA'I CHOS GZHAN YANG THEG PA CHEN PO LA LEGS PAR GNAS PA RNAMS KYIS YID LA BYA'O, ,'DI DAG KYANG GANG ZHE NA, 'DI LTA STE, 'CHI BA RJES SU DRAN PA'O, ,GANG GI YID LA 'CHI BA RJES SU DRAN PA YOD PAR GYUR ZHING, RTAG TU'ANG BSTEN CING BSGOMS LA LAN MANG DU BYAS PAR GYUR NA, JI LTAR SDUG BSNGAL 'DI DAG NI, LUS CAN RNAMS THAMS CAD LA SO SOR MTSUNGS PA YIN TE, PHYIR BZLOG TU MED PA SKYES PA RNAMS THAMS CAD LA NI,
CI NAS KYANG 'BYUNG BAR 'GYUR BA, BDEN NGES PAR 'BYUNG BA RNAMS NI, 'DUN ZHING YID DU 'ONG BA THAMS CAD KYANG THA DAD DU 'GYUR BA MED PAR 'GYUR BA RNAM PAR 'GYES PA RNAM PAR BRAL BA RNAM PAR BYE BAR 'GYUR BA YIN NO, ,BDAG CAG NI, 'JIG RTEN 'DI NAS SHI 'PHOS PAR GYUR NAS GZHAN RNAMS SU SKYE BAR 'GYUR BA YIN LA, GAL TE SHED NA BDE BA DANG SDUG BSNGAL RNAMS KUN TU 'THOB PAR 'GYUR TE, LAS LA ZHON PAR GYUR PA'I SEMS CAN DE DAG RNAMS RANG GI LAS KYI 'BRAS BU RNAMS KYI LAM GYI ZAS ZA BAR BYED PAS DMYAL BA DANG YI DVAGS DANG DUD 'GRO RNAMS SU SKYE BAR 'GYUR RO, ,'DI NI, SKYE BA DANG 'CHI BA'I DUS BYUNG BAR GYUR PA NA 'GA' ZHIG LA'ANG 'GA' ZHIG GI'ANG GROGS MED DO, ,DE LA DGE BA DANG MI DGE BA'I LAS DE DAG RNAMS GANG GI PHYIR DUS DE NI, GROGS SU GYUR PA YIN NO, ,GANG GI PHYIR LEGS PAR BYAS PA RNAMS KYIS NI, MA DANG PHA LTA BUR GYUR PA YIN NO, ,NYES PAR BYAS PA RNAMS KYIS NI; DGRA BO LTA BUR GYUR PAS DMYAL BA DANG YI DVAGS DANG DUD 'GRO RNAMS SU SKYE BAR BYED PAR 'GYUR RO, ,DE'I PHYIR LEGS PAR SPYAD PA RNAMS NI, RTAG TU GYIS DANG, NYES PAR SPYAD PA RNAMS NI, SPANG BAR BYA BA YIN NO, ,DES 'CHI BA RJES SU DRAN PA GANG YIN PA DE DE LTAR BSHAD PA NI, DE'I TSE NA 'DI'I YID SKYO BAR GYUR PAS YUL RNAMS LA THOG RDUNGS SU 'JUG
, ,PA MA YIN NO, ,'DOD CHAGS DANG ZHE SDANG DANG GTI MUG RNAMS KYIS KYANG 'PHROG PAR MI 'GYUR RO, ,BU DANG CHUNG MA DANG RANG GI SKYE BO RNAMS KYI DON DU MI DGE BA'I LAS RNAMS MI BYED DO, ,'CHI BA'I 'JIGS PAS SKRAG PAR GYUR PA'I KHYIM PA RNAMS THAMS CAD KYANG YID RAB TU ZHI BAR 'GYUR NA, RAB TU BYUNG BA RNAMS LTA SMOS KYANG CI DGOS, RAB TU BYUNG BA'ANG 'CHI BA RJES SU DRAN PAR BYED PA LAS BRGYA LAM ZHIG LA YANG TSUL KHRIMS 'CHAL PAR MI 'GYUR RO, ,YUL RNAMS LA DGA' BAR MI 'GYUR RO, ,YUL LJONGS RNAMS SU RGYU BAR MI BYED DO, ,LJONGS RNAMS RGYU BAR BYED PAS KYANG SEMS RNAM PAR G-YENG BAR BYED PA YIN PA DANG, 'DU 'DZI DE DAG RNAMS THAMS CAD KYI RTZA BAR GYUR PA'ANG BUD MED KYI 'GRO BA RNAMS YIN PA DANG, THAMS CAD KYI'ANG SKYE MCHED DU GYUR PA DE NI, DGE SLONG 'DIS SPONG BAR BYED DO, ,'CHI BA RJES SU DRAN PA DE LTAR SEMS PAR BYED DO, ,JI LTAR LJONGS RGYU BA LA MNGON PAR DGA' BA RNAMS YANG DGE BA'I CHOS RNAMS LAS 'GA' ZHIG KYANG SEMS LA MED LA, 'CHI BA'I YUL DANG DUS SU'ANG DE DAG RNAMS THAMS CAD BDAG LA PHAN PA MA YIN PA DANG, BDE BA MA YIN PAR 'GYUR RO, ,GANG GI TSE BDAG LA GROG MA PA DANG KHAB LA SOGS PA'I RLUNG RNAMS KYIS 'CHI BA'I YUL DANG DUS SU RAB TU 'DEBS
PAR BYED PA DE'I TSE NA BDAG LA SKYABS SAM SKYOB PA GANG ZHIG 'BYUNG BAR 'GYUR, RANG RANG GI LAS KYI ZHAGS PAS KUN TU BCINGS NAS 'DI NAS 'JIG RTEN PHA ROL TU 'KHRID PAR BYED PA NA; 'DI NI MA'AM, PHA'AM, SPUN ZLA'AM, RANG GI SKYE BO'AM, GROGS PO DANG GNYEN BSHES KYI TSAN PAR GYUR PA'I SKYABS MCHI BA'I YUL DANG DUS BYUNG BAR GYUR PA NI, MED DO, ,DES 'CHI BA RJES SU DRAN PA'ANG DE LTAR SGOM PAR BYED DO, ,DE'I TSE SBYIN PA DANG TSUL KHRIMS DANG SHES RAB RNAMS LA MNGON PAR DGA' BAR 'GYUR RO, ,DE LTAR LEGS PAR BYED PAR GYUR PA DE RNAMS KYI DGE BA'I LAS MNGON PAR 'PHEL BAR 'GYUR RO, ,MI DGE BA'I LAS RNAMS DANG YONGS SU 'BRAL BAR 'GYUR RO, ,DE LAS DE DAG RNAMS KYIS LHA DANG MI RNAMS SU BDE BA LA LONGS SPYAD NAS PHYI NAS MYA NGAN LAS 'DAS PA THOB PAR 'GYUR RO, ,DE'I PHYIR NA YON TAN DE DAG RNAMS GO BAR BYAS LA BUD MED DAM, SKYES PA'AM, KHYIM PA'AM, RAB TU BYUNG BA'AM, DGE SBYONG NGAM, BRAM ZE RNAMS KYIS KYANG RTAG PAR 'CHI BA RJES SU DRAN PA SGOM PAR GYIS SHIG ,RJES SU DRAN PAR GYUR NA NI, 'CHI BDAG GI 'JIGS PAS 'JIGS PA'I SKYES BU NI, MI DGE BA'I LAS RNAMS THAMS CAD MI BYED DO, ,YID KYIS KYANG SGOM PAR BYED PA LA DE BZHIN DU, SEMS CAN THAMS CAD 'CHI BAR 'GYUR TE, LHA DANG MI DANG DMYAL BA DANG YI DVAGS KYI
, ,YUL DANG DUD 'GRO RNAMS NA'ANG GANG DAG 'CHI BDAG GI DBANG DU MI 'GRO BA'I GNAS DE NI, YOD PA MA YIN NO, ,DE DE LTAR SGOM PAR BYED PA NA 'JIG RTEN PHA ROL GYI 'JIGS PAS 'JIGS PA'I SEMS SGRA DANG REG BYA DANG RO DANG GZUGS DANG DRI LA RAB TU RGYUG BAR MI 'GYUR RO, ,RTAG PA DANG BRTAN PA DANG THER ZUG GI BLOR YANG MI 'GYUR RO, ,DE MI RTAG PA DANG SDUG BSNGAL BA DANG STONG PA NYID DANG BDAG MED PA RNAMS KYI YANG BLOR 'GYUR RO, ,DE GANG GI TSE 'CHI BA RJES SU DRAN PAR GYUR PA DE LA NI, SKYON RNAMS THAMS CAD KYIS GNOD PAR MI 'GYUR ZHING, RTAG PAR RGYUN MI 'CHAD PAR YANG DGE BA LA SEMS PAR 'GYUR RO, ,YID LA BYED PA RNAMS KYANG MNGON PAR 'PHEL BAR 'GYUR RO, ,'CHI BA RJES SU DRAN PA RTAG PAR RGYUN DU BSTEN CING BSGOMS LA LAN MANG DU BYED PAR GYUR PA DE LA NI, YID LA BYED PA'I DMIGS PA RTAG TU SKYE BAR 'GYUR RO, ,JI LTAR 'OG DANG THAD KA RNAMS NA'ANG GANG DAG MA ZHIG PA DANG MA LHUNG BA DANG BYE BAR MA GYUR PA DANG RNAM PAR 'GYUR BA'I CHOS SU MA GYUR PA NI, 'DI NA GNAS YOD PA MA YIN TE, RI'I KHROD DGA' BAR GYUR PA BRGYA STONG RNAMS LAS TE THOG MAR RI THAMS CAD KYI RGYAL PO RI RAB LHUN PO'ANG BSKAL PA'I MES NYE BAR BCOM PAS MED PAR 'GYUR NA, AE MA'O BDAG GI LUS GNAS PAR 'GYUR RAM CI ,MTHA'
YAS PA'I RGYA MTSO CHU KLUNG RNAMS THAMS CAD KYI BDAG POR GYUR PA KLU RNAMS THAMS CAD KYI GNAS DANG LHA MA YIN RNAMS YANG STE, NYI MA BDUN GYIS NGES PA KHO NAR NYE BAR SKAM PAR 'GYUR BA YIN NA, BDAG GI LUS LA LTA SMOS KYANG CI DGOS, MDOR BSDU NA 'DOD PA'I KHAMS DANG GZUGS KYI KHAMS DANG GZUGS MED PA'I KHAMS DANG KHAMS GSUM PO DE DAG RNAMS THAMS CAD KYANG MI RTAG PA DANG MI BRTAN PA DANG THER ZUG MA YIN PA DANG YONGS SU RNAM PAR 'GYUR BA'I CHOS CAN YIN NA, BDAG GI LUS DANG SROG NI, MI RTAG PA DANG MI BRTAN PA DANG THER ZUG MA YIN PA DANG RNAM PAR 'GYUR BA'I CHOS CAN DU 'BYUNG BAR 'GYUR BA LTA SMOS KYANG CI DGOS, DE GANG GI TSE DE LTAR RTAG PAR RGYUN DU SHIN TU MNYAM PAR BZHAG PA'I YID KYIS GCIG TU NGES PAR DGE BA YID LA BYED PAR GYUR PA'I BLOS DE DAG SGOM PAR BYED PA DE'I TSE 'DI 'GA' ZHIG LA'ANG MNGON PAR ZHEN PAR MI 'GYUR RO, ,KUN TU CHAGS PA MED PAR GYUR PA'I BLOS NI, 'DOD CHAGS RNAMS 'GA' ZHIG GAM, ZHE SDANG GIS KYANG 'CHING BAR MI 'GYUR RO; ;DE'I 'DOD CHAGS DANG ZHE SDANG DAG RTAG PAR RAB TU BCOM PAS GTI MUG KYANG MED PAR 'GYUR RO, ,DE RNAMS SKYON MA LUS PA LAS GROL BAR GYUR PAS MCHOG TU 'CHI BA MED
, ,PA DANG RGA BA MED PA DANG ZAD PA MED PA'I GO 'PHANG THOB PAR 'GYUR RO, ,DE'I PHYIR NA 'CHI BA RJES SU DRAN PA DE DAG LA DMIGS PAR BYA'O, ,DE'I PHYIR DRAN PA RNAMS THAMS CAD KYI MCHOG TU GYUR PA 'DI NI, 'DI LTA STE, 'CHI BA RJES SU DRAN PA'O, ,'CHI BA RJES SU DRAN PA SGOM PAR BYED PA RNAMS LA YON TAN GZHAN YANG YOD DO, ,DGE SBYONG NGAM BRAM ZE'ANG RUNG STE, GANG GI TSE DE NYID SGOM PAR BYED PA DE'I TSE LUS PO SDUG BSNGAL GYI SGROM BU LTA BUR GYUR PA LA SO SOR RTOG PAR BYED DO, ,JI LTAR SDUG BSNGAL RNAMS RIG PAR GYUR PA YIN NA, JI LTAR BDAG GI LUS 'DI DAG LA LUS NI, NAD RNAMS KYIS DANG 'CHI BDAG NYE BAR 'ONGS PAS KYANG YANG NYE BAR 'JOMS PAR 'GYUR RO, ,'CHI BDAG GI ZHAGS PA DES BDAG NYID KUN TU BCINGS PAR GYUR PAS NGAS CI ZHIG BYAR YOD, SBYIN PA DANG TSUL KHRIMS DANG SHES RAB KYANG BDAG GIS SGOM PAR NI, MI NUS SO, ,DE'I PHYIR NA JI SRID DU 'CHI BDAG DE YID LA 'ONGS PAR MA GYUR PA DE SRID DU SBYIN PA DANG TSUL KHRIMS DANG SHES RAB RNAMS BSGOM PAR BYA'O, ,SEMS CAN RNAMS THAMS CAD KYI SROG 'JOMS PAR BYED PA PO'I 'CHI BDAG RING PO MI THOGS PAR 'ONG BAR 'GYUR RO; ;DGE SBYONG DANG BRAM ZE DE DAG GANG KHO NA 'CHI BA RJES SU DRAN PA GCIG TU SEMS LA BYED PA RNAMS LA NI, DE LAS 'DI'I YID LA BYED PA RNAMS 'BRAS BU YOD PA DANG MYA NGAN LAS
'DA' BA'I MTHAR THUG PAR YANG 'GYUR RO, ,GZHAN YANG RNAM PA GZHAN GYI SGO NAS KYANG 'CHI BA DE NYID RJES SU DRAN PAR BYED DE, GANG ZHE NA, 'DI LTA STE, GZUGS KYI PHUNG PO 'DI NI, STONG PA NYID DO, , LUS 'DI NI, STONG PA MI RTAG PA'O, ,'DUS BYAS KYI CHOS 'DI DAG RNAMS THAMS CAD KYANG MI RTAG PA DANG SDUG BSNGAL BA DANG STONG PA DANG BDAG MED PA YIN TE, SKAD CIG MYUR BAR 'JUG PAS SHIN TU G-YO BA RAB TU NYAMS PAR 'GYUR BA'I CHOS CAN MED PA CHAD PA STONG PA SNYING PO MED PA ZO CHUN 'KHOR BA DANG DRI ZA'I GRONG KHYER DANG 'DRA BAR 'GYUR BA'O, ,KYE MA JI LTAR 'DUS BYAS KYI CHOS 'DI DAG RNAMS THAMS CAD PA DE DAG DANG, LUS 'DI DANG SROG KYANG DBU BA DANG CHU'I CHU BUR DANG 'DRA BAR SNYING PO MED PA DRI ZA'I GRONG KHYER DANG 'DRA BA YIN NO, ,GNAS SKABS RNAMS THAMS CAD KYI THAMS CAD DU'ANG BDAG 'CHI BAR 'GYUR BA'I 'JIGS PA'I GNAS CHEN POR DE DAG RNAMS 'BYUNG NGO, ,DE'I PHYIR NA SNYING PO BLANG BAR GYIS DANG DGE BA NI, RNAM PA GSUM MO; ;MI DGE BA'ANG RNAM PA GSUM NYID NI, YONGS SU SPANG BAR BYA'O, ,DE BZHIN DU'ANG 'CHI BA RJES SU DRAN PAR BYA'O, ,DE NI, DGE SBYONG NGAM BRAM ZE RNAMS LA GCES PAR GYUR PA YIN NO, , RANG GI SEMS LA BSGOMS PAS YID LA BYA'O, ,DE NAS DE'I DUS 'DIR RMA BYA'I MNGA' BDAG DES TSIGS SU BCAD PA BRJOD PA JI LTAR, GANG GIS 'JIG RTEN 'DIR 'JOMS PA'I, ,'JIGS
, ,PA CHEN PO'I DGRA BO DRUG ,RGA DANG NA DANG 'CHI BDAG DANG, ,'DOD CHAGS LA SOGS DRI MA GSUM, ,DGE BA'I RDZAS NI 'PHROG PA YI, ,RKUN MA YANG NI YUL LNGA YIN, ,DGRA RNAMS GROGS PO'I GZUGS KYIS NI, ,SRID PA'I NGAM GROG DAG NA RGYU, ,BAG MED PAS NI GANG BA'I SEMS, ,YUL RNAMS KYIS NI 'PHEL BAR BYED, ,SKYES BU MYUR DU GZHOM PA NI, ,DMYAL DANG YI DVAGS RIGS RNAMS LA, ,SDUG BSNGAL LA SOGS BDEN PA YANG, ,GANG TSE SHES PAS RTOGS PA YI, ,DE TSE SKYES BU BLA MED KYIS, ,BDE LEGS SHIS PA'I GNAS THOB 'GYUR, , SKYON RNAMS RTZAD NAS GDON PA DANG, ,YON TAN SPEL LA KUN TU SPYOD, ,SDIG PA'I GROGS PO MI BYA ZHING, ,LE LO CAN KHA PHYIR PHYOGS KYIS, ,BRTZON 'GRUS BRTZAMS SHING DRAN DANG LDAN, DGE SBYONG SHES RAB DPUNG GNYEN CAN, ,RGA DANG 'CHI BA SPANGS PA YI, ,BLA NA MED PA'I GNAS SU 'GRO, ,DBANG PO DANG NI DBANG DON YANG, ,GANG TSE DE NYID KHO NA RIG ,DE TSE SHES RAB LA BRTEN NAS, ,SRID PA'I RGYA MTSO LAS RGAL LO, ,NGA RGYAL CAN DANG LE LO CAN, ,THAMS CAD LA NI RTOGS DOGS CAN, ,KHENGS DANG SDIG BLO CAN RNAMS NI, ,MKHAS PAS GROGS PO BYA BA MIN, , SHIN TU BRTZON LDAN RANG BZHIN 'JAM, ,CHOS LA GNAS DANG SKYON SPANGS PA, ,YANG DAG LTA DANG TZAB HRAL MED, ,GROGS POR BSTEN GYIS MDZES PA YIN, ,SDIG CAN GROGS PO'I SNOD MA
YIN; ;SNOD NI BLA MED SKYES BU YIN, ,BLA MED SNOD DU BYAS PA NA, ,SKYON RNAMS KYIS NI 'JIGS PA MED, ,SKAD CIG THANG GCIG YUD TZAM DANG, ,NYIN DANG MTSAN MO DE BZHIN DUS, ,'CHI BA SEMS DANG BRTAN PA YIS, ,DE LAS ZLOG THABS MED PA YIN, ,GANG 'DI 'CHI BA 'BYUNG BA NI, ,DRAN PA'I MCHOG TU RAB TU BSNGAGS, ,DE BSTEN PA NI ZHI BA'I MCHOG ,RNYOG DANG BRAL BAR 'GRO BA YIN, ,'CHI BDAG 'JIGS PA DRAN NAS NI, ,SKYON LA JI LTAR YID RGYUG 'GYUR, ,SKYON MED PAS KYANG DRI MA RNAMS, ,THAMS CAD RTAG TU ZHI BAR 'GYUR, ,BAG YOD GO 'PHANG 'DI MCHOG TU, ,DE BZHIN GSHEGS PA RNAMS KYIS GSUNGS, ,GANG YANG 'CHI BDAG RTAG DRAN DANG, ,MI DGE RNAMS KYANG SPANG BAR GYIS, ,ZHES BYA'O, ,DE LTAR RMA BYA RNAMS KYI MNGA' BDAG DES DGA' LDAN GYI LHA DE DAG RNAMS DANG, ,'THAB BRAL BA DE DAG RNAMS DANG CHOS STON PAR BYED DO, ,CHOS GZHAN YANG THEG PA CHEN PO LA RAB TU GNAS PA'I DGE SBYONG DANG BRAM ZE RNAMS LA GCES PAR GYUR PA YOD DO, ,'DI'ANG GANG ZHE NA, 'DI LTA STE, GZUGS DANG RIGS DANG DBANG PHYUG GI RGYAGS PA DANG KUN TU BRAL BAR BYED PA'O, ,GZUGS DANG RIGS DANG BTZAN PHYUG GI RGYAGS PA LA CHAGS PAS KYANG BYIS PA RNAMS LUS KYIS NYES PAR SPYAD PA RNAMS SPYOD DO, ,LUS JI LTA BA DE BZHIN DU DAG DANG YID KYIS KYANG SPYOD PAR BYED DO, ,RGYU DE DANG RKYEN DES KYANG LUS
, ,ZHIG PAR GYUR NAS NGAN SONG LOG PAR LTUNG BA DMYAL BA RNAMS SU SKYE BAR 'GYUR RO, ,DUD 'GRO'I SKYE GNAS DANG, DE BZHIN DU YI DVAGS KYI YUL RNAMS LA'ANG STE, DE DANG DE DAG RNAMS LA DE'I SKYE BA BRJE BSOR BYED PAR GYUR PA NA, RNAM PAR RTOG PA DU MAR SDUG BSNGAL RNAM PA MANG PO RNAMS SKYE BAR 'GYUR BA DE DAG RNAMS GANG YIN PA'I MING TZAM YANG SHES PAR SLA BA MA YIN NO, ,DE'I PHYIR SKYON GYI 'JIGS PA 'DI DAG RNAMS SHES PAR GYIS LA GZUGS DANG RIGS DANG DBANG PHYUG GI RGYAGS PA DANG BRAL BAR 'GYUR ZHING GYUR PA GANG YIN PA DE NI, LUS DANG NGAG DANG YID KYI NYE BAR SPYOD PAR MI BYED DO, ,YANG DAG PA JI LTA BA BZHIN DU GYUR PAS LTA BAR BYED PA NI, MI RTAG PA DANG SDUG BSNGAL BA DANG STONG PA DANG BDAG MED PA'I RNAM PA RNAMS SU DANG, GSOG GSOB SNYING PO MED PA DANG MI GTZANG BA RNAMS KYI SNOD DU GYUR PA SKRA DANG SPU DANG SEN MO DANG KHRAG DANG PAGS PA'I TSOGS LA SOGS PAR GYUR PA RUS PA'I 'KHRUL 'KHOR DU MA DANG, RGYUS PA DANG ZHAG DANG GCIN DANG RTUG PA RNAMS KYIS KUN TU GANG BAR GYUR PA'I BDAG GI GZUGS 'DI DANG POR GTZANG BA MA YIN; BAR DU MA YIN, THA MAR MA YIN TE, LAS DANG NYON MONGS PA DU MA RNAMS KYIS KUN TU SKYES PA 'DI NI, SNYING POR GYUR PA NI, CUNG ZAD KYANG YOD PA MA YIN NO, ,RTAG PA YANG MA
YIN ZHING BDAG DANG BCAS PA'ANG MA YIN NO, ,BDAG 'CHI BAR GYUR PA'I YUL DANG DUS KUN TU BYUNG BA NA LUS 'DI GOM PA GANG YANG 'GRO BA DANG RJES SU 'GRO BAR 'GYUR BA'ANG MA YIN NO, ,DUR KHROD DU'ANG MES SREG PAR BYED PA 'BYUNG BAR 'GYUR ZHING, KUN TU DRANGS NAS BYA RGOD DANG 'UG PA DANG LCE SPYANG DANG KHVA TA LA SOGS PA RNAMS KYIS KYANG ZA BAR BYED PAR 'GYUR GYI ZHES DE LTAR SGOM PAR BYED PA'I SKYES BU DE'I GZUGS DANG BTZAN PHYUG GI RGYAGS PA GANG YIN PA 'DI DAG DES THAMS CAD NAS THAMS CAD DU BRAL BAR 'GYUR BA'AM MGO GNON PAR 'GYUR RO, ,GZHAN YANG GANG GI TSE JI LTA BA NI, BZANG PO'I RIGS SU SKYES PA YIN NO, ,ZHES DGE SBYONG DANG BRAM ZE 'DI DAG RNAMS LA RIGS KYI RGYAGS PA SKYES PAR GYUR NA, DE'I TSE GAL TE NA GANG KHO NA RIGS YIN PA YANG DAG PA JI LTA BA KHO NA BZHIN DU SO SOR RTOG PAR BYED DE, DON DAM PAR NA RIGS NI, YOD PA MA YIN GYI, KUN TU BRTAGS PA 'BA' ZHIG TZAM KHO NA LA BYIS PA RNAMS KYIS 'DI DAG TU GO BAR ZAD DO; ;JI LTAR RIGS 'DI DAG RNAMS NI, RIGS MED PA YIN TE, RGYU MED PA'I PHYIR RO, ,DE BZHIN DU RUS KYANG MED PA YIN NO, ,DGE BA'I RGYU RNAMS KYIS GZHAN NYID KHO NA RIGS YIN NO, ,GANG DAG ZHE NA, 'DI LTA STE, GANG LA BDEN PA DANG TSUL KHRIMS DANG SBYIN PA DANG SHES RAB DANG RAB TU ZHI BA DANG DUL BA'I YON TAN RNAMS YIN NO, ,GANG DAG RIGS NGAN PAR GYUR PA'ANG CHEN PO'I RIGS SU LEGS PAR
, ,SKYES PA YIN NO, ,RGYU GANG GI PHYIR YON TAN RIGS YIN PA'I PHYIR DANG, SKYE BA NI, RGYU MTSAN MA YIN PA'I PHYIR RO, ,DE LTA BAS NA DGE SBYONG NGAM BRAM ZE'AM DE'I RIGS CAN GZHAN DAG RNAMS KYIS KYANG DE LTAR SKYE BA DANG RIGS DANG BTZAN PHYUG GIS RGYAGS PAR MI BYA'O, ,GZHAN YANG DE'I TSE NA DGE SBYONG NGAM BRAM ZE'AM DE DAG GI RIGS CAN GZHAN RNAMS KYIS KYANG GZUGS GANG YIN PA DE KHO NA YANG DAG PA JI LTA BAR RNAM PA GZHAN GYI SGO NAS SO SOR RTOG PAR BYED DO, ,JI LTAR BDAG GI GZUGS 'DI NI, JI LTA BU'I RNAM PAR BDAG BYIS PA PHYIS RGAN NA NYAL BAR GYUR BA'I RNAM PA DE LTA BU NI, GOG 'GROS BYED PAR GYUR PA NA MA YIN LA, GOG 'GROS BYED PA'I RNAM PA DE LTA BU NI, JI SRID GTZUG PHUD BZHAG PA NA MA YIN TE, GTZUG PHUD KYI DE LTAR NI; JI SRID DU LANG TSO LA BAB PA'I BDAG GI GZUGS 'BYUNG BAR MI 'GYUR RO, ,BAR MA'I NA TSOD KYI RNAM PA JI LTA BU'I RNAM PA DE LTA BUR NI, BDAG GLO BUR DU 'CHI BA'I DUS MA YIN NO, ,RNAM PA DE LTA BU'I NI, YUN RING BA NA 'CHI BA NA'ANG MA YIN NO, ,BDAG GI GZUGS 'DI ROR GYUR NAS SBRANG MA LA SOGS PA DAG GIS ZA BAR BYED PA 'BYUNG BAR 'GYUR RO, ,DE LAS KUN TU BYUNG BA'I 'BU GZHAN DAG GIS KYANG ZA BAR BYED LA DE LTA BU RNAMS 'BYUNG BAR 'GYUR RO, ,RLUNG DANG NYI MA DANG CHAR BAS KYANG THAMS CAD NAS THAMS CAD DU NYAMS PAR 'GYUR BA 'BYUNG BA YIN NO, ,DE'ANG PHYOGS BCU
RNAMS SU CHA SHAS THA DAD PAR 'BYUNG BAR 'GYUR RO, ,GZHAN DAG RNAMS KYIS BDAG DUR KHROD DU KUN NAS DRANGS SHING LUS 'DI RNAM PA DU MAR CHA SHAS THA DAD PAR BYED PAR 'GYUR RO, ,GZHAN DAG GIS RUS PA RNAMS DRANGS NAS 'KHYER BAR BYED DO, ,GZHAN DAG GIS NI, MGO'I THOD PA'O, ,GZHAN DAG GIS NI, MJING BA'I RUS PA'O, ,GZHAN DAG GIS NI, SNA'I STE, GZHAN DAG GIS NI, LAG PA'I GRU MO, GZHAN DAG GIS LUS KYI DPUNG PA, GZHAN DAG RNAMS KYIS NI, SOR MO'I THUR MA, GZHAN DAG RNAMS KYIS NI, SEN MO'O, ,GZHAN DAG RNAMS KYIS NI, RTZIB LOGS, GZHAN DAG RNAMS KYIS NI, RGYAB KYI RUS PA, GZHAN GYIS NI, AEN TONG BA'I RUS PA'O, ,GZHAN DAG GIS NI, BRAL, GZHAN DAG GIS NI, RKANG PA'I RUS PA, GZHAN DAG GIS NI, RKANG PA'I SOR MO RNAMS KYI TSOGS SO, ,DE LTAR BDAG NYID KYI GZUGS DE YANG DAG PA JI LTA BAR SO SOR RTOG PAR BYED PA RNAMS NI, GZUGS KYIS RGYAGS PAR MI 'GYUR RO, ,JI LTAR NA DBANG PHYUG GI RGYAGS PA RNAMS LA YANG DAG PA JI LTA BA NYID DU LTA BAR BYED PA DANG, SHES PAR BYED NA MED PAR 'GYUR BA YIN ZHE NA, GANG GI TSE SKYE RGU DE DAG RNAMS THAMS CAD KYANG YANG DAG PA JI LTA BA BZHIN DU RTOGS TE, JI LTAR 'DI DAG RNAMS THAMS CAD NI; GZHAN GYI DBANG DU GYUR PA DANG RANG DBANG MED PA YIN NO, ,SKYE RGU RNAMS NI, RNAM PA DU MAR YANG GZHAN GYI DBANG DU GYUR PA YIN NA, DE LA JI LTAR NA 'DI RANG DBANG CAN DU 'GYUR BA YIN, GZHAN
, ,GYI DBANG DU GYUR PA'I 'DUS BYAS KYI CHOS 'DI DAG RNAMS NI, GZHAN GYI SKYE MCHED KYIS RAB TU 'JUG PA YIN TE, RGYU DANG RKYEN RNAMS LAS KUN TU BYUNG BA YIN NO, , JI LTAR KHANG PA LA'ANG RNAM PA DU MA RNAMS SU BSKOR BA LA SOGS PA TSOGS PA RNAMS PHAN TSUN GYI DBANG GIS DANG PHAN TSUN LA KUN TU BRTEN NAS KHANG PA ZHES BYA BA'I THA SNYAD DU 'GYUR LA, DE BZHIN DU LUS KYI THA SNYAD CAN GYI GZUGS PHUNG 'DI 'ANG PAGS PA DANG SHA DANG RUS PA DANG TSIL DAG GI TSOGS SU GYUR PA DBANG PHYUG MED PA BYED PA PO RNAMS DANG RNAM PAR BRAL BA'I GZUGS PHUNG LA GZUGS KYI THA SNYAD YIN NO, ,DE LA 'DI LTAR JI LTAR DGE SBYONG NGAM, BRAM ZE'AM, GZHAN YANG DE'I RIGS CAN DAG GIS DE LTAR RJES SU 'JAL BA LA BRTEN NAS GANG DAG GZUGS YANG DAG PA JI LTA BAR RNAM PAR PHYE BA 'DI DAG RNAMS NI, GZUGS DANG RIGS DANG DBANG PHYUG GI RGYAGS PA DE THAMS CAD DANG RAB TU BRAL BAR 'GYUR BA'AM MGO SMAD PAR 'GYUR RO,, GZHAN YANG JI LTAR BDAG NI, MNGON PAR MTHO BA'I RIGS SU SKYES SO ZHES DE LTAR GANG GI TSE 'DI RIGS KYIS RGYAGS PAR GYUR PA NI, YANG DAG PAR JI LTA BA BZHIN DU MTHONG BA MA YIN LA; PHYI NAS NI, YANG DAG PA KHO NAR MTHONG BA YIN TE, JI LTAR RIGS ZHES BYA BA NI, KUN TU BRTAGS PA 'BA' ZHIG TZAM KHO NA LA MIG MED PA RNAMS KYIS 'DI DAG YONGS SU RTOGS PAR BYED PA
YIN NO, ,SHES RAB DANG TSUL KHRIMS DANG SBYIN PA RNAMS NI, MTHONG BA YIN TE, DE LTA BU RNAMS NI, RNAM PAR DAG PA'I RIGS DANG LEGS PAR LDAN PA YIN NO, ,MED PA LA BYIS PA RNAMS KYIS NGA RGYAL DU BYAS PA 'BA' ZHIG LA 'DI DAG TU RTOGS PA KHO NA YIN NO, ,DPER NA, DGE SBYONG NGAM BRAM ZE'AM DE'I RIGS CAN GZHAN DAG RNAMS KYANG RUNG STE, YANG DAG PA JI LTA BA BZHIN DU DE LTAR RIGS RNAMS RTOGS PA NI, DE'I TSE 'DI'I RIGS KYI RGYAGS PA GANG YIN PA DE DAG RNAMS THAMS CAD KYI THAMS CAD DU RAB TU 'BRAL BAR 'GYUR RO, ,MGO SMAD PAR 'GYUR, DE NAS DE'I TSE RMA BYA'I RGYAL PO DES TSIGS SU BCAD PA'I DBYANGS KYIS BSNYAD PA JI LTAR, GZUGS DANG BTZAN PHYUG RIGS RGYAGS PA, ,LUS CAN GANG LA DMIGS PA NI, ,DE MYOS GLANG CHEN SMYON PA 'DRA, ,RAB TU LTUNG NYING MTHONG BA MIN; ;RGOD PA'I SKYES BU THAMS CAD NI, ,BAG MED PAS NI DBANG PO DKRUGS, ,YANG MOR 'JIG RTEN 'DIR SONG NAS, ,PHYI MAR NGAN SONG DAG TU 'TSED, ,GZUGS DANG DBANG PHYUG RGYAGS PA YIS; ;LONG BA'I MIG GANG SDIG BYED PA, ,DE DAG BDE BA LEGS RNYED MIN, ,PHYI MAR NGAN STONG RNAMS SU MTHONG, ,GZUGS DANG DBANG PHYUG RIGS KYIS DRIS, ,GANG DE DE NYID SKAL LDAN MIN, ,DE NYID RTOGS MIN BYIS PA RNAMS, ,SRID PA'I MTSO LAS RGAL MI 'GYUR, ,GANG YANG RIGS DANG PHUN TSOGS GANG, ,GZHAN YANG BDE BAR 'DOD PA GANG, ,DE DAG THAMS CAD MI RTAG PAS, ,DE PHYIR 'DI LA BLO
, ,MI GTAD, ,SHES RAB TSUL KHRIMS DES BRAL BA'I, ,RIGS NI MKHAS PAS BSNGAGS PA MIN, ,GANG DAG SHES RAB DANG TSUL KHRIMS, ,DE NI CHEN PO'I RIGS LA GNAS, ,SHES RAB DANG BRAL DBANG PHYUG MIN; ;RIGS MIN LEGS PA'I SROL YANG MIN, ,DE PHYIR SHES RAB 'DI RIGS YIN, ,SHES RAB DANG BRAL RIGS MED YIN, ,SPYOD LA DRI MED GANG DAG GI ,TSUL KHRIMS BSIL BA'I MTSE'U BZHIN NO; ;DE NI CHEN PO'I RIGS SU SKYE, ,DRI MA CAN GZHAN RIGS MIN NO, ,TSUL KHRIMS DKA' THUB BSAM GTAN SBYIN, ,BDEN DANG BRTAN DANG PHA ROL GNON, ,RIGS GANG YANG DAG LDAN PA DE'I, , CHOS GANG RNAM PAR SPANGS PA YI, ,SKRA BREGS DGE SBYONG MIN PAR MTHONG, ,SKYE RIGS NYID LAS BRAM ZE MIN, ,SHES RAB TSUL KHRIMS RANG BZHIN GANG, ,DGE SBYONG BRAM ZE YANG DE YIN, ,RGA BAS GZUGS NI 'JOMS PAR BYED, ,'CHI BDAG MI RNAMS SROG MTHAR BYED, ,RGUD PAS NOR NI 'JOMS BYED PAS, ,RTAG PA NYID DU RNAM PAR GNAS, ,NAD KYANG NAD MED 'JOMS PAR NI, ,LUS CAN RNAMS LA RAB TU 'JUG, ,MKHAS PA'I SKYES BUS THAMS CAD DU, ,DBANG PHYUG RGYAGS PAS 'DIR MA LTUNG, ,'KHOR BA'I NYER 'TSE GO GYIS LA, ,SKYES BU RGYAGS LDAN MA BYED CIG ,DE PHYIR 'DIR NI SGRIN PO YIS, , GZUGS RGYAGS DBANG PHYUG LA MA LTA, ,LEGS PAR SPYAD PAS CHOS LA SPYOD, ,DE LTAR SDUG BSNGAL GYIS MI 'JOMS, ,DE LTAR RMA BYA RNAMS KYI MNGA' BDAG 'DIS LHA DE DAG RNAMS LA CHOS STON
PAR BYED DO, ,CHOS GZHAN YANG DGE SBYONG DANG BRAM ZE THEG PA CHEN PO LA YANG DAG PAR RAB TU GNAS PA RNAMS KYIS BYA BAR BYA'O, ,'DI'ANG GANG ZHE NA, 'DI LTA STE, SEMS CAN THAMS CAD LA MNYAM PA NYID DO; ;SEMS CAN THAMS CAD LA MNYAM PA NYID CES BYA BA'I CHOS NI, SEMS CAN DU GYUR PA RNAMS THAMS CAD LA STE, DGE SBYONG DANG BRAM ZE DANG DE'I RIGS CAN GZHAN DAG RNAMS KYANG MCHOG TU BDE BA DANG LDAN PAR 'GYUR RO, ,SEMS CAN RNAMS THAMS CAD KYI MTHUN PAR BYED PAR YANG 'GYUR RO, ,LUS ZHIG PAR GYUR NAS KYANG SHI BA'I 'OG TU'ANG MTHO RIS KYI 'JIG RTEN DU SKYE'O, , DGE SBYONG DANG BRAM ZE DAG GIS JI LTAR NA SEMS CAN RNAMS THAMS CAD LA MNYAM PA NYID DU BSGOM PAR BYA NA, GANG YANG DGE SBYONG DANG BRAM ZE DAG KUN TU RTZOD PAR BYED PA RNAMS YONGS SU SPONG BAR BYED DO, ,GANG 'GA' ZHIG DANG YANG KUN TU RTZOD PAR MI BYED DO, ,KUN TU RTZOD PA RNAM PAR SPANGS PA DE NI, SEMS CAN RNAMS THAMS CAD LA'ANG YID MNYAM PA NYID DU 'GYUR RO, ,DE'I PHYIR RE ZHIG DANG PO KHO NAR THAMS CAD KYIS GNAS SKABS THAMS CAD DU THAMS CAD KYIS KYANG DGE SBYONG DANG BRAM ZE RNAMS KYIS KUN TU RTZOD PAR BYED PA RNAMS YONGS SU SPANG BAR BYA'O, ,DE LTAR NA SEMS CAN RNAMS THAMS CAD LA'ANG MNYAM PA NYID DU 'GYUR RO, ,YANG GNYAN PO GZHAN DAG GIS KYANG DGE SBYONG DANG BRAM ZE RNAMS SEMS CAN THAMS CAD LA MNYAM PA NYID KYI BLOR
, ,'GYUR RO, ,JI LTA BA BZHIN DU SEMS CAN RNAMS THAMS CAD KYI SDUG BSNGAL LA RTOG PAR BYED PA NI, GROGS PO RNAMS LA'ANG JI LTA BA DE KHO NA BZHIN DU GROGS PO MA YIN PA RNAMS LA YANG STE, 'KHOR BAR KUN TU CHUD PAR GYUR PA'I SROG CHAGS 'DI RNAMS THAMS CAD KYANG SKYE BA'I RIGS KYI CHOS RNAMS NI, RIGS KYI CHOS NYID KYIS BRAL BA YIN LA, DE DAG GI SKYE BA RNAMS BDEN PAS NI, RGA BA DANG NAD DANG 'CHI BA DANG MYA NGAN DANG SMRE SNGAGS 'DON PA DANG SDUG BSNGAL BA DANG YID MI BDE BA DANG NGAL DU BA TU 'GYUR BA YIN NO, ,GRANG BA DANG TSA BA DANG BKRES PA DANG SKOM PA DANG GSOD PA DANG 'CHING BA DAG GIS SKYE BA YIN NO, ,MI SDUG PA RNAMS DANG PHRAD PA DANG SDUG PA DANG BRAL BA'I SDUG BSNGAL GYI KHYAD PAR RNAMS 'BYUNG BAR 'GYUR RO, ,DE DE LTA BU NYID DU GROGS PO'I SDUG BSNGAL RNAMS KYANG LA 'UR LTA BAR BYED DO, ,DE KHO NA BZHIN DU GROGS PO MA YIN PA YANG NGO, ,DE DE LTAR SGOM PAR BYED PA NA DGE SBYONG NGAM BRAM ZE RNAMS KYANG SEMS CAN THAMS CAD LA MNYAM PA NYID KYI BLOR 'GYUR RO, ,GZHAN YANG DGE SBYONG NGAM BRAM ZE DAG GIS 'DI LTAR SEMS PAR BYED DE, KYE MA SEMS CAN 'DI DAG RNAMS NI, SDUG BSNGAL SHIN TU GNAMS PA'I SDUG BSNGAL MYONG BAR 'GYUR RO; ;DE GANG DAG ZHE NA, 'DI LTA STE, NAD CES BYA BA'O, ,SEMS CAN RNAMS THAMS CAD NI, NAD KYIS 'JOMS PAR 'GYUR RO, ,DE DAG GI LUS DANG YID KYANG NAD KYIS GZIR BAR GYUR PA RNAMS SHIN
TU SDUG BSNGAL BAR 'GYUR RO, ,DE JI LTA BA BZHIN DU GROGS PO LA SEMS PAR BYED PA KHO NA BZHIN DU DGRA BO RNAMS LA'ANG SEMS PAR BYED DO, ,DE DE LTAR MNYAM PA NYID DU GYUR PA'I BLOS SEMS RAB TU DANG BAR 'GYUR RO, ,DE'I SEMS RAB TU DANG BAR GYUR PA LAS BRJOD PA RNAMS KYANG RAB TU DANG BAR 'GYUR RO, ,KHRAG KYANG RAB TU DANG BAS BZHIN GYI MDOG KYANG RAB TU DANG NGO, ,DE'I DBANG PO RNAMS THAMS CAD KYANG RTAG PAR RGYUN DU KUN NAS RAB TU DANG BAR 'GYUR RO, ,'DI NI, DE'I MTHONG BA'I CHOS KYI 'BRAS BU YIN ZHING, SKYE BO RNAMS THAMS CAD KYI'ANG 'DOD PA SDUG PA YID DU 'ONG BAR 'GYUR RO, ,DE LTAR YANG SEMS CAN RNAMS THAMS CAD LA BYAMS PAR GYUR PA DE NI, LUS ZHIG PAR GYUR NAS SHI BA'I 'OG TU MTHO RIS BDE 'GRO'I 'JIG RTEN PA LHA RNAMS SU SKYE BAR 'GYUR RO, ,YANG RNAM PA GZHAN GYIS KYANG DGE SBYONG NGAM BRAM ZE RNAMS SEMS CAN THAMS CAD LA BLO MNYAM PA NYID DU 'GYUR BA NI, 'DI LTA STE, GROGS PO RNAMS KYI LA SEMS PAR BYED CING DE KHO NA BZHIN DU DGRA BO RNAMS KYI LA'ANG STE; JI LTAR SROG CHAGS 'DI DAG RNAMS THAMS CAD NI, 'CHI BA'I CHOS CAN, 'CHI BA'I CHOS NYID LAS RNAM PAR MA GROL BA YIN NO, ,SKYE BA DANG BCAS PAR GYUR PA 'DI DAG RNAMS THAMS CAD KYANG 'CHI BAR 'GYUR BA YIN NO, ,RANG RANG GI LAS RNAMS KYIS SEMS CAN 'DI DAG RNAMS DMYAL BA DANG YI DVAGS DANG DUD 'GROR SKYE BAS SEMS CAN 'DI DAG NI, KYE MA RING BAR 'GYUR RO, ,DE DE LTAR
, ,SGOM PAR BYED PA DANG SEMS CAN RNAMS THAMS CAD LA'ANG PHAN PAR 'DOD PA DE NI, MCHOG TU KHRAG RAB TU DANG BAR 'GYUR RO, ,KHRAG RAB TU DANG BAR GYUR PAS BZHIN GYI MDOG DANG NGO, ,DE'I BZHIN GYI MDOG RAB TU DANG BAS BLTA NA MDZES PAR 'GYUR RO, ,DES SEMS CAN RNAMS THAMS CAD DGA' BAR 'GYUR TE, MTHONG BA'I CHOS LA YIN NO, ,RNAM PAR SMIN PAS NI LUS ZHIG PAR GYUR NAS KYANG MTHO RIS BDE 'GRO'I 'JIG RTEN GYI LHA RNAMS SU SKYE BAR 'GYUR RO, ,DE LTAR YANG DGE SLONG RNAMS SEMS CAN THAMS CAD LA MNYAM PA NYID KYI DBANG DU BYAS NAS DGE BA'I LAS CHEN PO RNAMS BYED PAR 'GYUR RO, ,YANG RIM PA GZHAN GYIS KYANG DGE SBYONG NGAM BRAM ZE'AM GZHAN YANG DE'I RIGS CAN RNAMS KYIS SEMS CAN THAMS CAD LA MNYAM PA NYID SGOM PAR BYED DE, JI LTAR SEMS CAN 'DI DAG RNAMS THAMS CAD NI, LAS KYI BGO SKAL LA SPYOD PA, LAS KYI SKYE GNAS PA, LAS BDAG GIR BYED PAR GYUR PAS JI LTAR LAS BYAS PAR GYUR PA DGE BA'AM, SDIG PA CAN YANG RUNG STE, LAS DE DANG DE'I SKAL PA CAN DU 'GYUR BA YIN NO, ,LEGS PAR BYAS PA RNAMS KYIS NI, LHA DANG MI RNAMS KYI NANG DU'O, ,NYES PAR BYAS PA RNAMS KYIS NI, DMYAL BA DANG YI DVAGS DANG DUD 'GRO RNAMS SU SKYE BAR 'GYUR RO, ,DGE SBYONG DANG BRAM ZE'AM GZHAN YANG DE'I RIGS CAN DE DAG RNAMS KYIS DE LTAR SGOM PAR BYED PA NA, DE'I TSE 'DI'I SEMS CAN GYI DBANG
DU BYAS PA'I SEMS RAB TU DANG BAR 'GYUR BAS BZHIN GYI KHA DOG RAB TU DANG BAR 'GYUR RO, ,BZHIN GYI MDOG RAB TU DANG BAR GYUR PAS KYANG SEMS CAN RNAMS THAMS CAD KYI 'DOD PA SDUG PA YID DU 'ONG BAR 'GYUR RO, ,LUS ZHIG NAS KYANG MTHO RIS BDE 'GRO'I 'JIG RTEN PA LHA RNAMS SU SKYE BAR 'GYUR LA, THA MAR YANG YONGS SU MYA NGAN LAS 'DA' BA YIN NO, ,DE'I SEMS RAB TU DANG BAR GYUR PA DANG SEMS CAN RNAMS THAMS CAD LA MNYAM PA NYID DU GYUR PA'I DGE SBYONG DANG BRAM ZE DAG RNAMS KYI'ANG 'BRAS BU DE LTA BUR 'GYUR BA YIN NO, ,YANG RIM PA GZHAN GYIS DGE SBYONG NGAM BRAM ZE RNAMS KYANG SEMS CAN RNAMS THAMS CAD LA MNYAM PA NYID SGOM PAR BYED DO, ,GANG ZHE NA, 'DI LTA STE, SEMS CAN RNAMS THAMS CAD LA'ANG SEMS CAN RNAMS THAMS CAD NI; SDUG PA DANG YID DU 'ONG BA RNAMS DANG THA DAD DU 'BRAL BAR 'GYUR RO, ,MED PAR 'GYUR RO, ,RNAM PAR 'THOR BAR 'GYUR RO, ,RNAM PAR 'BRAL BAR 'GYUR RO, ,SO SOR 'BYUNG BAR 'GYUR RO, ,'KHOR BAR GTOGS PA'I SEMS CAN RNAMS THAMS CAD LA'ANG SDUG PA YID DU 'ONG BA 'DOD PA RNAMS THAMS CAD DANG YANG LHAN CIG TU BRAL BAR MA GYUR CING 'BRAL BAR MI 'GYUR BA RNAMS NI, 'DI NA 'GA' ZHIG KYANG YOD PA MA YIN NO, ,SDUG PA RNAMS DANG RAB TU RNAM PAR BRAL BA NI, SHIN TU SDUG BSNGAL BA YIN NO, ,DE DE LTAR SGOM PAR BYED PAS SEMS RAB TU DANG BAR 'GYUR
, ,ZHING SEMS KUN NAS RAB TU DANG BAS GDONG GI MDANGS GSAL BAR 'GYUR RO, ,DE'I BZHIN GYI MDANGS GSAL BAR GYUR PAS KYANG MNGON PAR DGA' BA'I GZUGS SU 'GYUR RO, ,DE'I GZUGS BZANG BA SKYE BO RNAMS THAMS CAD RAB TU DANG BAR 'GYUR RO, ,'DOD PA DANG SDUG PA YID DU 'ONG BAR YANG 'GYUR RO, ,DE SEMS CAN RNAMS THAMS CAD LA MNYAM PA NYID KYIS MTHU STOBS KYI MTHONG BA'I CHOS KYI 'BRAS BU NI, 'DI DAG YIN NO, ,LUS ZHIG PAR GYUR NAS KYANG MTHO RIS BDE 'GRO'I 'JIG RTEN DU LHA RNAMS SU SKYE BAR 'GYUR RO, ,LAS KYI LHAG MA RNAMS KYIS KYANG YONGS SU MYA NGAN LAS 'DA' BAR 'GYUR RO, ,YANG RNAM GRANGS GZHAN GYIS KYANG DGE SBYONG NGAM BRAM ZE RNAMS KYIS SEMS CAN THAMS CAD LA MNYAM PA NYID KYI SEMS BSGOM PAR BYA BA YIN NO, ,GANG DAG ZHE NA, 'DI LTA STE, GANG GI PHYIR YANG MOR MYUR DU 'JUG PA'I PHYIR NA SEMS NI, KUN TU GNAS PA MED PA YIN PAS DGE SBYONG DANG BRAM ZE DE DAG RNAMS YANG GAL TE 'DOD CHAGS DANG BCAS PAR GYUR PA'I SEMS SKYES PAR GYUR NA, DES MI SDUG PA SGOM PAR BYED DO, ,GAL TE ZHE SDANG DANG BCAS PAR GYUR NA, DES BYAMS PA SGOM PAR BYED DO, ,GAL TE GTI MUG DANG BCAS PA'I SEMS SKYES PAR GYUR NA, DES RTEN CING 'BREL PAR 'BYUNG BA RNAMS SGOM PAR BYED DO, ,DE DE LTAR SEMS KYI GNYEN POR GYUR PA'I GNYEN PO GSUM PO RNAMS
SEMS PAR BYED PAS SEMS CAN THAMS CAD LA MNYAM PA NYID DU 'GYUR RO, ,DE NI, GROGS PO DANG DGRA BO RNAMS RAB TU BRAL BA DANG MNYAM PA DANG YANG PA DANG RAB TU DANG PA'I BLO GROS CAN THAMS CAD DU DOGS PA MED PAR 'GRO ZHING RNAM PAR RGYU BA DANG, MCHOG TU RNAM PAR DAG PA BDE BAR GNAS PA YIN NO, ,BDE BAR MTSAN MO NYAL BAR 'GYUR BA DANG, BDE BAR YANG NYIN MO RAB TU SAD PAR 'GYUR LA, LHA RNAMS KYIS KYANG 'DI DAG LA MNGON PAR SRUNG BAR BYED DO, ,DE NI, DBANG CHE BAR YANG 'GYUR RO, ,MTHU STOBS CHE BAR YANG 'GYUR RO, ,DE DE LTAR RAB TU YID RAB TU DANG BAS KHRAG RAB TU DANG BAR 'GYUR RO, ,KHRAG RAB TU DANG BAS BZHIN GYI MDOG RAB TU DANG NGO, ,DE'I MDOG RAB TU DANG BAS BLTA NA MDZES PA'I GZUGS SU 'GYUR, RAB TU MDZES PA DANG SKYE BO RNAMS THAMS CAD LA 'DOD PA DANG SDUG PA DANG MTHUN PA DANG YID DU 'ONG BAR YANG 'GYUR RO, ,DE SEMS CAN THAMS CAD LA MNYAM PA NYID DU GYUR PA'I LAS KYI 'BRAS BU RNAM PAR SMIN PAS LUS ZHIG PAR GYUR NAS SHI BA'I 'OG TU'ANG BDE 'GRO MTHO RIS KYI 'JIG RTEN LHA RNAMS SU SKYE BAR 'GYUR RO, ,KUN TU LHAG PAR GYUR PA'I LAS KYIS KYANG JI LTAR MOS PA BZHIN DU YONGS SU MYA NGAN LAS 'DA' BAR 'GYUR RO, ,DE NAS DE'I TSE RMA BYA'I RGYAL PO DES TSIGS SU BCAD PA'I DBYANGS KYIS BSNYAD PA JI LTAR, GROGS DANG GROGS MIN THAMS CAD LA, ,GANG BLO KUN TU CHAGS MED PAR, ,PHYOGS 'DZIN
, ,MED PAR CHOS SHES PA'I, ,SHES LDAN THUB PAR BRJOD PA YIN, ,SKYON GYI 'DAM GYIS YID GANG LA, ,NAM YANG DGOS PA MED PA DANG, ,GCIG BUR RGYU BAR DGA' BA DANG, ,GANG DAG CHAGS BRAL THUB PAR BRJOD, ,NGA YIR MED DANG SPYOD DRI MED, ,RNYOG PA'I DRI MA KUN DANG BRAL, ,YUL RNAMS NYON MONGS THAMS CAD KYIS, ,KUN TU 'PHROG MED THUB PAR BRJOD, ,MI RTAG LA SOGS BDEN PA NI, ,JI LTA BZHIN DU RJES SU MTHONG, ,'JIG RTEN 'JIG RTEN MUN NYID KYANG, ,BRTAN PA DE NI THUB PAR BRJOD, ,'JIG RTEN CHOS KYIS NAM YANG NI, ,RJES SU SKYO BAR 'GYUR MA YIN,, BDE SDUG MTSUNGS PA'I SHES RAB NI, ,DRI MED THUB PAR BRJOD PA YIN, ,RTAG TU KUN DGA' MCHOG GIS NI, ,RTAG TU 'DOD PA RNAM PAR SPANGS, ,SRED PA MED DANG NYUNG DUS 'TSO, ,GTZANG BA 'DI NI THUB PAR BRJOD, ,GANG DAG DE DANG 'GROGS PA YIS, ,GANG LA DE LA RJES 'GRO MIN, ,GCIG PU RGYU ZHING BLO GROS BRTAN, ,SRUNG MTSAMS DANG LDAN THUB PAR BRJOD, ,'JIGS DANG RGA BA LAS RNAM GROL, , SRED PA'I SHUGS KYIS 'JOMS MIN GANG, ,RAB TU ZHI BA'I DBANG DAG SEMS, ,RO LA ZHEN MED THUB PAR BRJOD, ,SEMS CAN RNAMS LA MNYAM NYID GANG, ,MI MNYAM PA LA RTAG TU MNYAM, ,THAMS CAD LA NI MNYAM PA NYID, ,SHES RAB LDAN PA THUB PAR BRJOD, ,DAG MI DGE RNAMS THAMS CAD KYI, ,LAS DANG 'BRAS BU'I DE NYID
THUB PAR BRJOD, ,SHIN TU SKYON RNAMS 'JOMS LA BRTZON, ,RTAG TU LUS GTOGS PA YI DRAN, ,TSOR BA LA SOGS DE NYID SHES, ,SHES RAB LDAN PA THUB PAR BRJOD, ,YUL DUS BYAS PAR RTZOM PA DANG, ,RIGS PA SMRA ZHING DBANG PO DUL, ,'KHOR BA'I 'JIGS PAS 'JIGS PA YI, ,RAB ZHI GANG YIN THUB PAR BRJOD, ,DE LTAR RMA BYA'I MNGA' BDAG DES DGA' LDAN PA DE DAG RNAMS DANG 'THAB BRAL BA DE DAG RNAMS LA RNAM PA DU MAR CHOS STON PAR BYED DO, ,DE LA DE DAG RNAMS THAMS CAD KYANG YID SHIN TU MNYAM PAR BZHAG PA YIN TE, THAMS CAD DU YUL GYI BDE BA DE DAG RNAMS THOB KYANG GCIG TU DGE BA'I CHOS KYI BTUNG BAS YID NGOMS PAR GYUR PA YIN NO, ,DE NAS LHA DE DAG RNAMS KYI YID ZHU BAR GYUR PA NYE BAR RNYED PA DANG, GZHAN YANG RMA BYA'I RGYAL PO DE GTZUG LAG GI CHOS NYID STON PAR BYED PA LA JI LTAR CHOS GZHAN YANG THEG PA CHEN PO LA RAB TU GNAS PAR GYUR PA'I DGE SBYONG NGAM BRAM ZE'AM DE LTA BU'I RIGS CAN GZHAN RNAMS KYIS KYANG YID LA BYA'O, ,BYAS NAS KYANG KUN TU SPYOD PAR BYA'O, ,'DI DAG KYANG GANG ZHE NA, 'DI LTA STE, CHOG SHES PA'O, ,CHOG SHES PA ZHES BYA BA'I CHOS NI, MCHOG TU GCES PAR BYA BA YIN TE, BDE BAR BYED PA'ANG YIN NO, ,LUS DANG SEMS THAMS CAD TSIM PAR YANG 'GYUR RO, ,CHOG SHES PA'I GROGS PO DANG LDAN PA DANG, CHOG SHES PA'I DPUNG GNYEN DANG LDAN PA'I DGE SBYONG DANG BRAM ZE RNAMS NI, MCHOG TU GYUR PA'I BDE BA RNAMS LA
, ,LONGS SPYOD DO, ,THAMS CAD DU'ANG THAMS CAD KYIS CHOG SHES PA DE DAG RNAMS THAMS CAD NI, BDE BA'I MCHOG RNAMS LA NYE BAR LONGS SPYOD PAR BYED PA YIN NO, ,'DOD PA SDUG PA YID DU 'ONG BA'I GZUGS DU MA RNAMS LA MIG GIS MNGON PAR ZHEN PAR MI BYED DO, ,DON DU GNYER BAR YANG MI BYED CING KUN TU RTOG PAR YANG MI BYED DO, ,MIG GI YUL DU GYUR PA'I GZUGS DE DAG RNAMS LA KUN TU RTOG PAR MI BYED DO, ,SEMS KYIS BSAMS TE SMON BAR MI BYED DO, ,PHYIR ZHING DON DU GNYER BAR MI BYED DO, ,'DOD PA DANG SDUG PA DANG YID DU 'ONG BAR GYUR PA'I 'DAS PA'I GZUGS DE DAG RNAMS LA KUN TU RTOG PAR MI BYED DO, ,DES BYAS PA'I 'DUN PA'I 'DOD CHAGS SKYED PAR MI BYED DO, ,DE NYID LA DRAN PAR BYAS NAS SMON PAR MI BYED DO, ,RNAM PAR 'PHEL BAR 'TSAL BAR MI BYED DO, ,BDAG NYID RANG GIS BDAG NYID MCHOG TU DGA' BAR BYED PA'I DGE SBYONG NGAM BRAM ZE RNAMS NI, RTAG PA NYID DU'ANG SKYID PAR 'GYUR RO, ,DE BZHIN DU RNA BAS 'DOD PA SDUG PA YID DU 'ONG BA'I SGRA RNAMS THOS PAR GYUR PA NA KUN TU RTOG PAR MI BYED DO, ,YID KYIS RAB TU SMON PAR MI BYED DO, ,'DAS PA'I YUL DE DAG RNAMS LA 'DUN PA'I 'DOD CHAGS SKYED PAR MI 'GYUR RO, ,KUN TU RTOG PAR MI BYED DO, ,YANG DAG PA JI LTA BA BZHIN DU GYUR PAS SGRA RNAMS LA SO SOR RTOG PAR YANG BYED DO, ,SGRA 'DI DAG NI, RTAG PA MA YIN,
BDE BA MA YIN, BDAG DANG BCAS PA MA YIN GYI, KUN TU RTOG PA 'BA' ZHIG GIS BCOM PAR GYUR PA'I BYIS PA'I SROG CHAGS RNAMS KYIS JI LTAR BDE BAR KUN NAS SGYUR BAR BYED PA BOR DE LTAR YONGS SU BRTAGS SHING ZHEN PA RNAMS LA SGRA RNAMS RNA BA'I YUL DU 'GYUR BAS SEMS KUN NAS DKRUG PAR BYED PA YIN NO, ,DE LA JI LTA BA BZHIN DU RNAM PA DU MAR TSUL BZHIN DU YID LA BYED PAS YANG DAG PA JI LTA BA BZHIN DU MTHONG BAS 'DIS JI LTA BA BZHIN DU KUN DGA' BAR BYED PA NA SGRA DE DAG NYID YANG DAG PA JI LTA BA BZHIN DU SO SOR RTOG PAR BYED DE, JI LTAR SGRA 'DI NI, CHANG BA STONG BA DANG, RGYUN 'CHAD PA DANG, SNYING PO MED PA YIN TE, 'DI NI, SNYING PO CUNG ZAD CIG KYANG YOD PA NI MA YIN GYI, 'KHOR BAR RTOG PA 'BA' ZHIG GIS KUN TU 'PHROG PA'I BYIS PA SO SO'I SKYE BO RNAMS YIN NO, ,DE GANG GI TSE SGRA DE NYID LA KUN TU LTA BAR BYED PA NA, DE'I TSE THAMS CAD KYANG SNYAN PA 'DOD PA SDUG PA YID DU 'ONG BAR GYUR PA'I KHYAD PAR THAMS CAD DANG LDAN PA'I SGRA RNAMS THAMS CAD KYIS KYANG 'PHROG PAR MI 'GYUR RO, ,CHOG SHES PA DES NI, BDE BA'I MCHOG RNAMS THOB PAR 'GYUR RO, ,GZHAN YANG DGE SBYONG NGAM BRAM ZE RNAMS DANG DE'I RIGS CAN GZHAN RNAMS KYIS KYANG SNAS DRI RNAMS SNOM PAR MI BYED CING KUN TU RTOG PAR YANG MI BYED DO, ,YID KYIS KYANG TSUL BZHIN MA YIN PA YID LA BYED PAS SEMS PAR MI BYED DO, ,YANG DAG PA JI LTA BA
, ,BZHIN DU SNAS DRI 'DI DAG RNAMS SNOM PAR BYED PA RNAMS KYIS NI, YANG DAG PA JI LTA BAR MTHONG BAR BYED PA YIN TE, JI LTAR DRI 'DI DAG RNAMS NI, RTAG PA'AM, BRTAN PA'AM, THER ZUG GAM, RNAM PAR MI 'GYUR BA'I CHOS CAN NI, MA YIN GYI, DRI GANG LA KUN TU CHAGS PAR BYED PA DES RMONGS PAR BYED PA DANG TSUL BZHIN MA YIN PA'I YID LA BYED PAS SEMS KYI RGYUN DKRUGS PA DRI LA CHAGS PA GANG YIN PA RNAMS NI, MI RTAG PA DANG, 'DI DAG NI, SNYING PO MED PA GSOG DANG GSOB YIN NO, ,DE LTAR CHOG SHES PAR GYUR PA'I DGE SBYONG NGAM BRAM ZE'AM GZHAN YANG DE'I RIGS CAN RNAMS NI, SHIN TU CHOG SHES PAR GYUR PA YIN NO, ,DE NI, SNA'I SRED PA DE DAG GIS KUN TU MI 'PHROG GO ,DE JI LTA JI LTAR RJES SU LTA BAR BYED PA DE LTA DE LTAR CHES BDE BAR 'GYUR TE, CHOG SHES PA DE MCHOG TU RNAM PAR DAG PAR GYUR PA BSTEN CING BSGOMS LA LAN MANG DU BYAS PA'I PHYIR MCHOG TU BDE BAR 'GYUR RO, ,GZHAN YANG DGE SBYONG DE NYID DAM BRAM ZE'AM GZHAN YANG DE'I RIGS CAN RNAMS KYIS LCES RO MYANGS PAR GYUR NAS KUN TU CHAGS PAR MI 'GYUR RO, ,KUN TU RTOGS PAR YANG MI BYED DO, ,SNGON GYI DUS SU MYANGS PAR GYUR PA'I RO SNGA MA DAG RJES SU DRAN PAR MI BYED DO, ,TSUL BZHIN MA YIN PA YID LA BYED PAS KYANG SEMS
PAR MI BYED DO, ,PHYIR ZHING YANG DANG YANG DU RO DE NYID MYANG BA LA DON DU GNYER BAR MI BYED DO, ,CHOG SHES PA NYID KYIS KUN TU BDE BAR 'GYUR RO, ,CHOG MI SHES PA NYID KYIS KUN TU 'KHRID PAR MI 'GYUR RO, ,DE LA NANG DU MNGON PAR ZHEN PAR MI BYED DO, ,YANG DAG PA JI LTA BAR YANG RO DE YID KYIS RTOG PAR BYED DE, JI LTAR RO 'DI DAG RANG BZHIN GYIS SNYING PO'AM, BRTAN PA'AM, THER ZUG GAM, RNAM PAR MI 'GYUR BA'I CHOS CAN NI MA YIN GYI, 'DI NI, KUN TU RTOG PA'I 'DOD CHAGS KYIS 'PHROG PA 'BA' ZHIG GI SEMS CAN RNAMS KYIS JI LTAR RO NI, MDZES PA KHO NA'O; ;ZHES RTOG PAR ZAD DE, GANG GI TSE YANG DAG PA JI LTA BA BZHIN DU RO DE DAG LA SO SOR RTOG PAR BYED PA NI, DE'I TSE RO DE RNAMS LA CHAGS PAR MI 'GYUR RO, ,RNYOG PA CAN DU MI 'GYUR ZHING 'DI'I YID KYIS RO'I SRED PA LAS BYUNG BAS RO RNAMS LA MYANG BAR MI BYED DO, ,CHOG SHES PA NYID KYIS DGA' BAR 'GYUR RO, ,DE NI, ROS KUN TU 'KHRID PAR 'GYUR BA NYID KYANG MA YIN NO, ,GZHAN YANG DGE SBYONG NGAM BRAM ZE RNAMS KYIS KYANG REG BYA LA REG PAR GYUR PA NA KUN DGA' BAS CHOG SHES PA DRAN PA DANG LDAN PA RNAMS REG BYA LA REG PAR GYUR NAS YANG DAG PA JI LTA BA BZHIN DU KUN TU LTA BAR BYED PA NA, JI LTAR REG BYA 'DI DAG RNAMS RANG BZHIN NYID KYIS RTAG PA'AM, BRTAN PA'AM, THER ZUG GAM, YONGS SU MI 'GYUR BA'I CHOS
, ,CAN NI; MA YIN GYI, 'DI DAG RNAMS NI, GSOG GSOB SNYING PO MED PA YIN TE, REG BYA 'DI DAG NI, BYUNG NAS MED PAR 'GYUR BA DANG, BYUNG NAS KYANG PHYIR LDOG PAR 'GYUR BA YIN NO, ,DES YANG DAG PA JI LTA BA BZHIN DU REG BYA 'DI DAG RNAMS LA LTA BAR BYED DO, ,RNAM PAR RTOG PAR MI BYED DO, ,'DAS PA'I REG BYA RNAMS LA DRAN PAS RJES SU 'BREL BAR MI BYED DO, ,SRED PA RNAMS SKYED PAR MI BYED CING REG BYA DE DAG RNAMS LA CHAGS PAR YANG MI BYED DO, ,PHYIR ZHING YANG DANG YANG DU REG BYA GZHAN RNAMS DON DU GNYER BAR MI PHYED DO, ,CI'ANG RUNG BA'I REG BYA DE DAG GIS KYANG CHOG SHES PAR YANG 'GYUR RO, ,JI LTA BA BZHIN DU 'DUN PA'I 'DOD CHAGS DANG RNAM PAR BRAL BA'I REG BYA DAG GIS CHOG SHES PAR BYED DO, ,'DI NI, REG BYA CHOG SHES PA ZHES BYA BAR YANG BRJOD DO, ,GZHAN YANG DGE SBYONG NGAM BRAM ZE'AM DE DAG GI RIGS CAN GZHAN RNAMS KYIS KYANG YID KYIS CHOS 'DOD PA RNAMS DANG MI 'DOD PA RNAMS DPYAD PAR GYUR NAS YANG DAG PA JI LTA BA BZHIN DU RJES SU LTA'O, ,CHOS 'DI DAG NI, RTAG PA'AM BRTAN PA'AM THER ZUG GAM YONGS SU MI 'GYUR BA'I CHOS CAN NI, MA YIN GYI, 'DI DAG RNAMS NI, STONG PA DANG MED PA DANG SNYING PO MED PA YIN NO, ,'DI DAG NI, MI RTAG PA DANG SDUG BSNGAL BA DANG STONG PA DANG BDAG MED PA YIN TE, MED
PAR GYUR NAS KYANG 'BYUNG BAR 'GYUR LA, BYUNG NAS KYANG PHYIR LDOG PAR 'GYUR BA YIN NO, ,DE DAG RNAMS THAMS CAD KYANG RNAM PAR NYAMS PAR 'GYUR BA'I CHOS CAN GYI 'DOD PA DANG MI 'DOD PA'I CHOS DE DAG RNAMS PA SAMS NAS KUN TU DGA' BA'I MCHOG TU GYUR PAS MI 'DOD PA RNAMS KYIS RNAM PAR NYAMS PAR MI 'GYUR ZHING, 'DOD PA RNAMS LA CHAGS PAR MI 'GYUR RO, ,'DAS PA RNAMS LA'ANG DRAN PAR GYUR NAS RJES SU 'BREL PAR MI BYED DO, ,'DAS PA RNAMS KYI RO MYANG BAR YANG MI BYED DO, ,DE LTAR YID KYIS CHOS RNAMS LA TSUL BZHIN DU YID LA BYED PAS MNGON PAR ZHEN PAR MI BYED DO, ,CHOS RNAMS THAMS CAD KYANG YID KYIS RO MYANG BAR MI BYED DO, ,SRED PA RNAMS KYIS KYANG 'PHROG PAR MI 'GYUR RO, ,DE LTAR SRED PA DRUG GI TSOGS RNAMS LAS KUN NAS RNAM PAR GROL BA'I DGE SBYONG NGAM BRAM ZE'AM DE DAG DANG RIGS 'DRA BAR 'GYUR BA RNAMS KYANG CHOG SHES PA YIN NO, ,DE NAS DUS DE'I TSE RMA BYA'I MNGA' BDAG DES TSIGS SU BCAD PA'I DBYANGS KYIS BSNYAD PA JI LTAR, SRID PA DRUG GIS YUL GROL BA'I, ,CHOG SHES PA YANG SKYOB PA YIN, ,SPRO MED RO LA ZHEN MED PA'I, ,MTHAR THUG PA YI BDE BAR 'DOD, ,DE LTAR GYUR PA'I GZUGS LA NI, ,GANG GIS MNYAM PAR BZHAG LTA BA, ,GZUGS KYI RANG BZHIN SRED PA RNAMS, ,DE YI SEMS LA RAB 'JUG MIN, ,RNA BAS SGRA RNAMS LA
, ,REG NAS, ,YID NI RAB TU SBYOR MI BYED, ,DE YI RNA PA'I RANG BZHIN GYIS, ,'DOD CHAGS SNYING NYID LA RGYUG MIN, ,SNA NI YUL DANG YANG DAG LDAN, ,GANG PHYIR DE KHO NAR RIG PA; ;GANG PHYIR DE YI YID KYANG NI, ,SNA NAD SKYON GYIS 'CHING BA MIN, ,BRTAN PAR RO RNAMS MYANGS NAS KYANG, ,YANG DAG PAR DE RJES SU RTOGS, ,DE YI YID KYI KHYAD PAR NI, ,RO SKYES SKYON GYIS NYAMS MI BYED, ,RNAM PA SNA TSOGS REG BYA RNAMS, ,LUS KYIS REG NAS RMONGS MI 'GYUR, ,REG BYA'I THABS BLAG SHES PA DE'I, ,BDE BA MTHA' NI YAS PAR 'GYUR, ,MTHUN DANG MI MTHUN YID GANG LA, ,'GA' ZHIG CHOS RNAMS LA BZOD PA, ,RAB TU BRTAN PA BRAG 'DRA BAR, ,DE YI YID NI YONGS SU BSGRAGS, ,ZHES BYA BA'O, ,DE LTAR DGE SBYONG DANG BRAM ZE'ANG SRED PA DANG KUN NAS RNAM PAR GROL BA DE DAG RNAMS NI, CHOG SHES PAR YONGS SU BSGRAGS PA YIN NO, ,DE LTA DE LTAR RMA BYA'I MNGA' BDAG DE NYID KYIS 'THAB BRAL BA DE DAG DANG, DGA' LDAN PA DE RNAMS LA GTZUG LAG GI CHOS RNAMS STON PAR BYED DO, ,CHOS GZHAN YANG THEG PA CHEN PO LA RAB TU GNAS PA'I DGE SBYONG NGAM BRAM ZE RNAMS KYIS KYANG YID LA BYA'O, ,'DI DAG KYANG GANG ZHE NA, 'DI LTA STE, YUL RNAMS LA 'JIGS PAR LTA BA ZHES BYA'O, ,BDE BA'I MCHOG RNAMS 'BYUNG BAR BYED PA'O, ,DGE SBYONG NGAM BRAM ZE RNAMS YUL GANG YIN PA LAS KYANG BZHIN GZHAN DU LTA BAR
BYED DO; ;GANG GI TSE MIG GIS GZUGS RNAMS RJES SU MTHONG BAR 'GYUR NA, DE'I TSE MIG GI RNAM PAR SHES PA SKYES PA LA YID KYI RNAM PAR SHES PAS NYAMS SU MYONG BAR GYUR PA NA RNAM PAR 'BYED PAR BYED DO, ,JI LTAR 'DIR 'ONGS PA'I YUL 'DI LA NI, 'DUN PA'I 'DOD CHAGS KYANG SPANG BAR BYA'O, ,BDAG RAB TU 'CHING BAR BYED PA PO'I YUL 'DI LA 'DUN PA'I 'DOD CHAGS LAS KUN TU SKYES PA'I 'JIGS PA RNAMS 'BYUNG BAR 'GYUR BAS, 'DUN PA'I 'DOD CHAGS RAB TU GZHOM PAR BYA'O, ,SRED PA RNAMS NI, BSKAM PAR BYA'O, ,TSUL BZHIN MA YIN PA'I YID LA'ANG SPANG BAR BYA'O; ;YUL MTHONG BA DANG LHAN CIG NYID DU JI LTAR KUN TU RTOG PA SKYES PAR GYUR PAS DE LTAR YANG RNAM PAR SHES PA SKYE BA YIN NO, ,DE'ANG 'DOD CHAGS DANG LHAN CIG 'GROGS PAR GYUR PA'AM DE'ANG ZHE SDANG DANG LHAN CIG TU 'GROGS PA DE DAG 'DIS YANG DAG PA JI LTA BA BZHIN DU RAB TU SHES SO, ,NYON MONGS PA CAN GYI MTHAR THUG PA'I YID LA BYED PA 'DI DAG BDAG LA SKYES LA, DE DAG GIS KYANG BDAG LA PHAN PA MA YIN PA RNAMS 'BYUNG BAR 'GYUR RO, ,'JIG RTEN 'DI DANG PHA ROL TU'ANG BDE BAR MI 'GYUR LA, NYON MONGS PAS NI, BDAG GI DON DU MI 'GYUR ZHING BDE BAR YANG MI 'GYUR RO, ,'DI DAG RNAMS NI, SEMS CAN THAMS CAD KYI 'CHING BAR GYUR PA YIN TE, DE'ANG GANG GI TSE DGE SBYONG DANG BRAM ZE RNAMS KYIS YUL RNAMS DE LTAR YONGS SU RTOG PAR BYED
, ,PA DE'I TSE 'DI'I SNYING LA 'DUN PA'I 'DOD CHAGS KUN TU SKYES PAR GYUR PA GANG YIN PA DE DAG RNAMS THAMS CAD KYI THAMS CAD DU RAB TU BRAL BAR 'GYUR BA'AM BSKYUNGS PAR 'GYUR RO, ,DE JI LTA BA KHO NAR MIG GIS GZUGS RNAMS YANG DAG PA JI LTA BAR SO SOR RTOG PAR BYED PA DE KHO NA BZHIN DU RNA BA'I SGRA RNAMS SKYES PA'ANG SO SOR RTOG PAR BYED DO; ;RNA BA'I RNAM PAR SHES PA 'DI SKYES PA NI, RNA BA'I RKYEN DANG DE SKYES PA YID LA BYED PA'I RKYEN GYIS BDE BAR KUN TU TSOR BA'AM, SDUG BSNGAL GYI TSOR BA'AM, DE LAS SKYES PA'I RNAM PAR SHES PA'I DBANG DU BYAS PA RNAM PA DE LTA BU'I YID LA BYED PA RNAMS BDAG LAS SKYES SO, ,'DOD CHAGS LHAG PAR GYUR PA'AM, ZHE SDANG LHAG PAR GYUR PA'AM, GTI MUG LHAG PAR GYUR PA'ANG RUNG STE, RNAM PAR SHES PA DE MAR ME'I 'OD BZHIN DU 'DU BAR GYUR PA RGYUD DANG KUN TU 'BREL BA'I RNAM PAR SHES PA GZHAN GYIS DE RNAM PAR SHES PAR BYED PA NI; JI LTAR BDAG LA MI DGE BA'I YID LA BYED PA 'DI SKYES SO, ,ZHES DES YID LA BYED PA MI DGE BA DE DE NYID DU MNGON PAR SHES SO, ,DE JI LTA BA BZHIN DU SO SOR SHES SHING RKYEN GYIS BYUNG BA'I MI DGE BA RNAMS SPONG BAR BYED DO, ,DE GANG GI TSE MI DGE BA'I CHOS RNAMS YONGS SU SPONG BAR BYED PA DE'I TSE NA DGE BA'I CHOS GZHAN RNAMS KYIS KYANG YONGS SU
GANG BAR YANG 'GYUR RO, ,'DIR YANG DAG PA JI LTA BA BZHIN DU YUL RNAMS LTA BAR BYED PA NA'ANG TSUL BZHIN YID LA BYED PA RNAMS NI, RAB TU STOBS DANG LDAN PAR 'GYUR LA, TSUL BZHIN MA YIN PA YID LA BYED PA RNAMS NI, MI 'BYUNG BAR 'GYUR RO, ,DGA' BA'I 'DOD CHAGS DANG LHAN CIG 'GROGS PAR GYUR PA 'DI'I SRED PA'I YANG 'BYUNG BA CAN GYI SRED PA DANG LDAN PAR MI 'GYUR RO, ,DE DE ZAD PAR GYUR PAS RNAM PAR DAG PAR 'GYUR RO, ,NYON MONGS PA'I RNYOG PA RNAMS DANG BRAL BA DANG, DE MI DGE BA'I DRI MA RNAMS DANG BRAL BAR 'GYUR ZHING THAMS CAD DU'ANG BDE BAR 'GYUR RO, ,DE DAG GI PHYIR NA YANG DGE SBYONG NGAM BRAM ZE'AM GZHAN DAG RNAMS KYIS KYANG DANG PO KHO NAR YUL RNAMS LA 'DUN PA'I 'DOD CHAGS SKYES PAR GYUR PA'I MI DGE BA RNAMS RAB TU GZHOM PAR BYA'O, ,DGE BA RNAMS KYANG RTAG PAR oMANG DU SO SOR DPYAD PAR BYA'O, ,SDIG PA MI DGE BAR GYUR PA'I CHOS RNAMS THAMS CAD KYANG RAB TU GZHOM PAR BYA'O, ,DE BZHIN DU RNA BAS KYANG SGRA RNAMS THOS NAS YANG DAG PA JI LTA BA KHO NAR DGE BA'I RNAM PAR SHES PA RNAMS SO SOR BSKYED PAR BYA'O, ,GZHAN YANG DGE SBYONG NGAM BRAM ZE DANG DE DAG NYID DANG DE'I RIGS CAN RNAMS KYIS KYANG SNAS DRI RNAMS BSNAMS NAS JI LTAR SHES PAR BYED PA YIN NA, 'DI NA, SNA'I RKYEN DANG DRI'I RKYEN LAS KYANG SNA'I RNAM PAR SHES PAR SKYES BAR 'GYUR LA, DE SKYES PA'I YID
, ,LA BYED PA'I RKYEN GYIS KYANG GANG GI TSE MI DGE BA'I YID LA BYED PA SKYES PAR GYUR PA DE'I TSE DGE SBYONG NGAM BRAM ZE 'DI DAG GIS RNAM PAR SHES PA YIN TE, JI LTAR MI DGE BA'I CHOS SDIG PA CAN 'DI DAG SKYES PAR GYUR TO, ,DES KYANG BDAG LA DON MA YIN PA RNAMS 'BYUNG BAR 'GYUR RO, ,BDE BA MA YIN PA 'DI DAG BDAG GIS YONGS SU SPANG BAR BYA'O; ;DE GANG GI TSE MI DGE BA'I YID LA BYED PA DE DAG RNAMS YONGS SU SPONG BAR BYED PA DE'I TSE 'DI YANG DAG PA JI LTA BA BZHIN DU SO SOR RTOG PAR BYED DO, ,DE'I TSE 'DI LA TSUL BZHIN YID LA BYED PA RNAMS LEGS PAR SKYE BAR 'GYUR RO, ,DE TSUL DANG MTHUN PA'I YID LA BYED PA DE DANG YANG DAG PAR LDAN PAS DGA' BA'I 'DOD CHAGS DANG LDAN PA'I SRED PA RNAMS RAB TU 'JOMS PAR BYED DO, ,DE SLAR YANG DRI DE NYID LA SO SOR RTOG PAR BYED DE, DE LTAR SO SOR RTOGS PAR GYUR PA NA DE THAMS CAD DU DRI RNAMS THAMS CAD LA MNGON PAR CHAGS PAR MI 'GYUR RO, ,DE RAB TU BCOM PA LAS KYANG SKYID PAR 'GYUR RO, ,DE JI LTA JI LTAR YANG DAG PA JI LTA BAR YUL RNAMS MNGON PAR SHES PAR GYUR PA DE LTA DE LTAR SHIN TU MTHAR THUG PA MCHOG GI BDE LEGS RNAMS 'THOB PAR 'GYUR RO, ,DE LTAR SNAS KYANG DRI RNAMS BSNAMS NAS YANG DAG PA JI LTA BA BZHIN DU LTA BAS DRI DE DAG RNAMS KUN TU
CHAGS PAR MI 'GYUR, ,GZHAN YANG DGE SBYONG DANG BRAM ZE DE DAG RNAMS NYID KYI LCES RO RNAMS MYANGS PAR BYAS PA NA'ANG GANG DE LA MI DGE BA'I 'DUN PA'I 'DOD CHAGS SKYES PAR GYUR PA DE DAG RNAMS KYANG 'DIS YANG DAG PA JI LTA BA BZHIN DU RAB TU SHES TE, JI LTAR LCE'I RKYEN GYIS DANG RO'I RKYEN GYIS KYANG LCE'I RNAM PAR SHES PA SKYE BAR 'GYUR ZHING, DE SKYED PA'I YID LA BYED PA'I RKYEN LAS KYANG LCE'I RNAM PAR SHES PA SKYE BA YIN NO, ,RNAM PA DE LTA BU RNAMS KYI MTSAN NYID LAS SKYES PA'I LCE'I RNAM PAR SHES PA LA DE MNGON PAR ZHEN PAR MI BYED DO, ,DE LA KUN TU CHAGS PAR YANG MI BYED DO, ,YANG DAG PA JI LTA BA BZHIN DU YANG LCE'I RNAM PAR SHES PA DE SHES SO, ,DE GANG GI TSE YANG DAG PA SHES PA DE'I TSE RO LA DMIGS PA'I RNAM PAR SHES PA DGA' BA'I 'DOD CHAGS DANG KUN TU LDAN PA'I SRED PAS MI 'CHING NGO, ,DE DE LAS GROL BAS MCHOG TU BDE BA DANG LDAN PAR 'GYUR RO, ,JI LTA JI LTAR YUL RNAMS YANG DAG PA JI LTA BA BZHIN DU MNGON PAR SHES PAR GYUR PA NA'ANG DE LTA DE LTAR DRI MA'I RNYOG MA RNAMS DANG RNAM PAR BRAL BA'I MTHAR PHYIN PA'I BDE BA RNAMS 'THOB PA'O, ,DE LTAR DGA' BA'I 'DOD CHAGS DANG KUN TU LDAN PA'I SRED PA RNAMS KYIS MI 'CHING NGO, ,YANG DAG PA JI LTA BA BZHIN DU DES LCE'I RO RNAMS THAMS CAD DANG, GNAS SKABS THAMS CAD DU JI LTA BA BZHIN DU RTOGS NAS LUS KYI REG
, ,BYA'I YUL RNAMS LA KUN TU LTA BAR BYED DE, DE LA LUS KYI RKYEN DANG REG BYA'I RKYEN DANG DE SKYED PA'I YID LA BYED PA'I RKYEN LAS KYANG REG BYA'I RNAM PAR SHES PA SKYE BAR 'GYUR RO, ,GSUM PO RNAMS 'DUS PA LAS NI, REG BYA'O, ,REG BYA DANG LHAN CIG 'GROGS NAS TSOR BA DANG 'DU SHES DANG SEMS PA'O, ,DE'ANG DGE SBYONG DANG BRAM ZE 'DI DAG GIS YANG DAG PA JI LTA BAR REG BYA DE NYID LA KUN TU LTA BAR BYED DE, REG BYA 'DI DAG NI, RTAG PA DANG BRTAN PA DANG THER ZUG PA MA YIN NO, ,GANG 'DI LA BDAG GIS TSUL BZHIN MA YIN PA YID LA BSKYED PAR GYUR NA, TSUL BZHIN MA YIN PAR YID LA BYED PA DES BDAG LA DON MA YIN PA RNAMS 'BYUNG BAR 'GYUR RO, ,BDE BAR MI 'GYUR ZHING PHAN PAR YANG MI 'GYUR RO, ,DE GANG GI TSE REG BYA DE'ANG JI LTA BA BZHIN DU KUN NAS RTOGS PAR 'GYUR ZHING TSUL BZHIN DU YID LA BYED PAS SO SOR RTOG PAR BYED PA NA, DE'I TSE 'DI DGA' BA'I 'DOD CHAGS DANG LDAN PAR GYUR PA'I SRED PAS GNOD PAR MI 'GYUR RO, ,YUL GYI STOBS KYIS KYANG KUN TU SPYOD PAR MI BYED DO, ,THABS RNAMS THAMS CAD KYI LUS KYI REG BYA RNAMS JI LTA BA BZHIN DU KUN TU BRTAGS PAR GYUR NAS YID KYIS KYANG CHOS LA KUN TU LTA BAR BYED DO, ,JI LTAR YID KYI CHOS RNAMS YIN NA, 'DI NA YID KYI RKYEN DANG CHOS KYI RKYEN
LAS KYANG YID KYI RNAM PAR SHES PA DGE BA'AM MI DGE BA'AM LUNG DU MA BSTAN PA'ANG SKYE BAR 'GYUR RO, ,DE LA GANG GI TSE MI DGE BA LA DMIGS PAR GYUR PA'I YID KYI RNAM PAR SHES BA TSUL BZHIN MA YIN PA 'BYUNG BAR 'GYUR BA DE'I TSE RIG PAR 'GYUR TE, JI LTAR BDAG LAS SKYES PA 'DI NI, MI DGE BA'I CHOS KYI DBANG DU BYAS PA'I YID KYI RNAM PAR SHES PA SKYES PA YIN LA, DGA' BA'I 'DOD CHAGS DANG KUN TU LDAN PA'I SRED PA YID LA BYUNG BAS NI, BDAG DON MED PAR 'GYUR RO, ,PHAN PAR MI 'GYUR ZHING BDE BAR YANG MI 'GYUR RO, ,GANG DE KHO NA LTAR CHOS RNAMS KYI 'BYUNG BA DPYOD PAR BYED CING, DE LTAR CHOS RNAMS LA CHOS KYIS RJES SU LTA BAS GNAS PAR GYUR PA NI, CHOS RNAMS THAMS CAD THAMS CAD KYI YANG RANG GI MTSAN NYID DANG SPYI'I MTSAN NYID LA JI LTA BA BZHIN DU RJES SU LTA BAS DGA' BA'I 'DOD CHAGS DANG LHAN CIG MTSUNGS PAR LDAN PA'I SRID PA'ANG 'BYUNG BA CAN GYI SRED PA RNAMS KYIS 'CHING BAR MI 'GYUR RO, ,DE DGA' BA'I 'DOD CHAGS KYIS BYAS PA'I SRED PA DE DAG RNAMS LAS GOL BAS MCHOG TU BDE BA DANG LDAN PAR 'GYUR RO, ,CHOS RNAMS KYI'ANG 'PHEL BA DANG 'GRIB PA SHES PAR 'GYUR RO, ,DE LTAR GANG GI TSE JI LTA BA BZHIN DU YUL RNAMS THAMS CAD LA'ANG SO SOR RTOG PAR BYED PA DE'I TSE 'DI LA YANG DAG PA'I SHES PA SKYE BAR 'GYUR
, ,RO; ;DE'I YANG DAG PA'I SHES PA DES NYON MONGS PA RNAMS ZAD PAR BYED DO, ,DE NYON MONGS PA ZAD PAS KYANG ZAG PA MED PA'I YE SHES SKYE BAR 'GYUR RO; ;DE DE DANG YANG DAG PAR LDAN PAS GO 'PHANG GI MCHOG 'THOB PAR 'GYUR RO, ,DE LTAR DGE SBYONG NGAM BRAM ZE'AM GZHAN YANG DE'I RIGS CAN RNAMS KYIS RTAG PA NYID DU YUL RNAMS LA YID CHES PAR MI BYA'O, ,DGRA LTA BUR GYUR PA YIN PA GANG GI PHYIR YUL RNAMS NI, BTANG SNYOMS SU GZHAG PAR BYA STE, SROG CHAGS RNAMS THAMS CAD THUL 'OG TU 'JUG PAR BYED PA YIN NO, ,DE'I PHYIR JI SRID DU ZAG PA MED PA'I YE SHES SKYES PAR MA GYUR BDE SRID DU YUL RNAMS LA NAM YANG 'GA' ZHIG LA YANG YID CHES BAR MI BYA'O, ,RKO TROG CAN DE DAG NI, GROGS PO'I GZUGS SU 'CHOS PA'I DGRA RNAMS YIN ZHING, 'KHOR BA'I 'CHING BA RNAMS THAMS CAD KYANG DE DAG RNAMS YIN NO, ,DE NAS DE'I DUS DER RMA BYA'I MNGA' BDAG DES TSIGS SU BCAD PA BRJOD PA JI LTAR, YUL GYI DE NYID MTHONG BA YIS, ,YE SHES LCAGS KYUS 'DZIN PAR BYED, ,DES MA BZUNG BAS MI BZANG G-YO, ,DON MIN THAMS CAD BYED PAR 'DOD, ,YUL GYI BSAM PA RMONGS PA RNAMS, ,KUN TU RTOG PA SNYING LA SAMS, ,'TSO BA'I BSAM PA KUN SDOM PA'I, ,'CHI BDAG
ZHAGS PA 'DIR 'ONG 'GYUR, ,YANG MO'I SEMS KYI SROG CHAGS RNAMS, ,YUL RNAMS KYIS NI YONGS SU DRANGS, ,GTI MUG GIS NI YONGS BSLUS PAS, ,KUN RMONGS KYIS KYANG SHES PA YIN,, G-YO BAS YUL RNAMS THAMS CAD NI, ,DRI ZA'I GRONG KHYER 'DRA BA YIN, ,SDUG BSNGAL KUN TU SPEL BYED DO, ,DMYAL BA YI YANG RGYU RNAMS YIN, ,'DOD PAS RNAM RMONGS BYIS PA RNAMS, , YUL RNAMS ME YIS SREG PAR BYED, ,SREG BZHIN DU YANG MI GO BAR, ,DE NYID LA NI YONGS SU 'JUG ,KUN RTOG LAS NI 'DOD CHAGS SKYE, ,CHAGS LAS KHONG KHRO RAB TU 'JUG ,KHRO BAS GZIR BA'I SKYES BU NI, ,DMYAL BA'I RJES SU RGYUG PAR 'GYUR, ,DE PHYIR 'DOD PA YONGS SU SPONGS, ,MKHAS PAS KHRO BA ZHI BAR GYIS, ,GTI MUG MYUR DU YONGS SPANGS NAS, ,MYA NGAN 'DAS PA MNGON DU 'GYUR, ,DGRA BO BZHIN DU YUL SHES BYA, ,GROGS PO DANG 'DRA MYA NGAN 'DAS, ,MYANG 'DAS YUL CAN BRTAN PA NI, ,MYA NGAN 'DAS PA RTOGS PAR 'GYUR, ,DE LTAR RMA BYA RNAMS KYI BDAG PO DES LHA DE DAG RNAMS LA GTZUG LAG GI MDO DE DAG STON PAR BYED DO, ,CHOS GZHAN YANG LEGS PAR BSRUNG BAR BYA BA GCES PA YOD DO, ,'DI'ANG GANG ZHE NA, 'DI LTA STE, SEMS LA YID CHES PAR MI BYA'O, ,'DI NA DGE SBYONG NGAM BRAM ZE'AM GZHAN YANG DE'I RIGS CAN RNAMS KYIS KYANG JI SRID 'TSO'I BAR DU DE LTAR SEMS LA YID CHES PAS BGROD PAR MI BYA'O, ,DE
, ,DAG KYANG GANG GI PHYIR KUN TU G-YO BAR GYUR PA BZLOG TU MED PA'I RANG BZHIN GYI GYUS RNAM PAR GNAS PA MED PA YUL RNAMS LA BRKAM PAR GYUR PA YONGS SU SKYES PAR BYED PA 'DIS KYANG BYIS PA SO SO'I SKYE BO RNAMS THAMS CAD DMYAL BA DANG YI DVAGS DANG DUD 'GRO RNAMS KYI 'GRO BA LA RNAM PA DU MAR YONGS SU 'KHYAMS PAR BYED DO, , NAM ZHIG KYANG 'DI DAG DANG YONGS SU 'DRIS PAR 'GYUR BAR MI 'GYUR TE, YUL 'GYUR ZLOG CAN 'DI DAG RNAMS KYIS KUN TU RMONGS PAR GYUR PAS, BYIS PA SO SO'I SKYE BO RNAMS THAMS CAD KYANG DMYAL BA DANG YI DVAGS DANG DUD 'GRO RNAMS SU LAN GCIG DANG, PHYOGS GCIG MA YIN PAR YONGS SU 'KHOR BAR BYED DO, ,DE LTA NA'ANG SKYO BA SKYE BAR YANG MI 'GYUR RO, ,DE LTAR DE DAG NI; THAMS CAD 'JIG PAR BYED PA'I DRAG CING RTZUB PAR GYUR PA'I SDUG BSNGAL CAN NI, 'KHOR BA YIN, DE'I PHYIR SHIN TU MI BZAD CING MCHOG TU DRAG PAR GYUR PA'I SEMS 'DI LA JI SRID DANG JI SRID DU 'PHAGS PA'I RGYAS MA BTAB PA DE SRID DU YID CHES PAR MI BYA'O, ,JI SRID DU RGYUN DU ZHUGS PA'I 'BRAS BU THOB PAR MA GYUR GYI BAR DU STE, PHYI NAS NI, NGAN SONG GI SGO BCAD PAR 'GYUR RO, ,GZHAN DU NA NI, 'GRO BA RNAMS THAMS CAD DU RGYU BA DANG SDUG BSNGAL RNAMS THAMS CAD BCAS PAR 'GYUR RO, ,'CHING BA RNAMS THAMS CAD KYIS BCINGS PAR
GYUR PA RJES SU 'BREL BA RNAMS THAMS CAD DANG KUN NAS LDAN PA MCHOG TU SGRUB PAR DKA' BA MCHOG TU GDUL BAR DKA' BAR GYUR PA YIN NO, ,DE'I PHYIR THEG PA CHEN PO LA RAB TU GNAS PA'I DGE SBYONG NGAM BRAM ZE'AM GZHAN YANG DE'I RIGS CAN RNAMS KYIS KYANG RUNG STE, BRGYA LA NAM ZHIG KYANG YID CHES PAR MI BYA'O, ,DE NAS DE'I TSE RMA BYA RNAMS KYI MNGA' BDAG DES TSIGS SU BCAD PA'I DBYANGS KYIS BSNYAD PA JI LTAR, RGAL DKA' MYUR DU DRI BRAL DANG, ,SEMS CAN KUN LA 'GYUR BA CHE, ,SEMS NI SKYE RGU THAMS CAD LA, ,RGYAL PO BZHIN DU RAB TU 'JUG, MTHONG BA MED DANG 'JIGS BCAS PA'I, ,LAS KYIS DMYAL BA G-YO BA 'DI, ,GANG GI SEMS 'DZIN DE SHES RAB, ,DE NI 'GRO BA'I MCHOG TU 'GRO, ,DE BZHIN BDE BA'I GNAS SU GZHOL, ,DES NI NGAN 'GRO DAG TU 'BAB,, DE NYID BTUL BAS DRI MED PA'I, ,MYA NGAN 'DAS PA RTOGS PAR 'GYUR, ,BDE DANG SDUG BSNGAL BYED PA SEMS, ,DE BTUL BA LAS BDE BA 'BAB, ,LAS RNAMS RNAM PA SNA TSOGS PA, ,SEMS KYI 'PHEN PA'I RJES SU 'JUG ,DE PHYIR SEMS NI RTAG TU SRUNGS, ,DE BRTUL BAS KYANG BDE BA 'BYUNG, ,GANG GI YID NI RAB ZHI BA, ,DBANG PO SPYOD YUL LAS RAB ZHI, ,SKYE DANG MYA NGAN BRAL BA'I DE, ,GO 'PHANG NAD MED DAG TU SONG, ,DE LTAR RMA BYA RNAMS KYI MNGA' BDAG DES 'THAB BRAL GYI LHA DE DAG RNAMS DANG, DGA' LDAN PA RNAMS LA BCOM LDAN 'DAS 'KHOR PA 'JIG GIS GSUNGS PA'I GTZUG LAG GI
, ,MDO DE BSHAD DO, ,DE NAS LHA DE DAG NYID THAMS CAD KYIS KYANG DE YONGS SU BSKOR NAS KUN TU GNAS NAS CHES RAB TU RANGS PAR GYUR PA'I YID KYIS DE LA 'DI SKAD CES BRJOD DO, ,LEGS SO LEGS SO SKAL PA CHEN PO CHOS 'DI NI, MDZES PA LEGS SO, ,THOG MA DANG BAR DANG THA MAR MDZES PAR GYUR PA MYA NGAN LAS 'DAS PA'I MTHAR THUG PAR GYUR PA KHYOD NYID KYIS BDAG CAG LA BSHAD DO, ,DE NAS LHA DE DAG RNAMS LA SLAR YANG RMA BYA'I RGYAL PO DES BRJOD PA JI LTAR, GANG BDAG NYID KYIS LHAG PA'I CHOS NYI SHU'I CHOS KYI RNAM GRANGS BCOM LDAN 'DAS KYI SPYAN SNGA NAS THOS PA DE DAG BDAG GIS KHYED LA BSTAN PA YIN TE, DON DANG LDAN PA DANG PHAN PA'I DON DU DANG, BDE BA'I DON DU DANG, MYA NGAN LAS 'DAS PA'I MTHAR THUG PAR 'GYUR BAR BDAG GIS MCHOG TU PHAN PAR 'GYUR BA'I CHOS 'DUL BA 'DI KHYED RNAMS LA BSTAN PA YIN NO, ,DE NAS LHA DE DAG RNAMS THAMS CAD KYIS KYANG BSHAD PA DE LA MNGON PAR BSTOD NAS RMA BYA'I RGYAL PO DE MCHOD CING MNGON PAR PHYAG 'TSAL BAR GYUR NAS YANG GANG DAG 'THAB BRAL BA DE DAG RNAMS NI, NAGS DANG, NYE BA'I NAGS DANG, RDZING BU DANG, PADMA'I RDZING BU RNAMS SU RTZED MO'I DON DU RAB TU ZHUGS PAR GYUR TO, ,DGA' LDAN GYI LHA GANG YIN PA DE DAG RNAMS KYANG NAM MKHA'I DBYINGS NAS GANG NA DGA' LDAN GYI LHA RNAMS YOD PA DER DE DAG
RNAMS PHYIR SONG NGO, ,CHOS KYI RNAM GRANGS NYI SHU RTZA GNYIS PAR GYUR PA RDZOGS SO,, ,,DE NAS 'THAB BRAL GYI LHA DE DAG RNAMS NAGS DANG NYE BA'I NAGS DE DAG LA JI SRID DU 'DOD PA SDUG PA YID DU 'ONG BA NGES PAR MYONG BAR 'GYUR BA'I LAS RNAMS ZAD PAR MA GYUR GYI BAR DE SRID DU DGA' BAR BYED RTZE BAR BYED DO, ,DE NAS RANG GIS BYAS PA'I LAS LA LONGS SPYOD PAS DMYAL BA DANG YI DVAGS DANG DUD 'GRO RNAMS SU SKYE BAR 'GYUR RO, ,YANG GAL TE LAN GRANGS GZHAN LA MYONG BAR 'GYUR BA'I LAS KYIS MI RNAMS SU SKYES PAR GYUR NA, DE RTAG TU CHOS LA GNAS PAR 'GYUR ZHING CHEN PO'I RIGS DANG MDANGS DANG DBANG PHYUG GI YON TAN RNAMS PHUN SUM TSOGS PAR GYUR PA'I YUL BZANG PO RNAMS SU RGYAL PO'AM RGYAL PO'I BLON POR YANG LEGS PAR BYAS PA'I LAS DE'I RGYU MTHUN PAS 'GYUR RO, ,GZHAN YANG DGE SLONG LAS KYI 'BRAS BU RNAM PAR SMIN PA SHES PA DES 'THAB BRAL BA'I LHA RNAMS KYI SA LA KUN TU LTA BAR BYED DO, ,DES THOS PA LAS BYUNG BA'I SHES PAS SAM, LHA'I MIG GIS JI LTAR YOD PA'I 'THAB BRAL BA RNAMS KYIS MTHONG BAR GYUR PA NI, R'A DZA NI NA RGYU BA ZHES BYA BA'O, ,SA DE LA LAS GANG DAG GIS SEMS CAN RNAMS SKYE BAR 'GYUR BA'ANG DES MTHONG BA NI, SEMS CAN CHEN PO SKYES BU DAM PA DGE LEGS SU SPYOD PA DRANG PO DRANG PO'I RIGS CAN GANG DAG GIS RTAG TU 'ANG TSUL KHRIMS DANG LDAN PAR GYUR PAS SROG GCOD PA DANG MA
, ,BYIN PAR LEN PA YONGS SU SPANGS PAR GYUR BA NI, SNGA MA BZHIN TE, 'DOD PA LA LOG PAR G-YEM PA'ANG YONGS SU SPANGS PAR GYUR PA NI, BUD MED KYI YUL RNAMS LA RTZIG PA LAS GYUR PA'ANG RUNG STE, RNAM PA THAMS CAD DU BAG TZAM ZHIG KYANG TSUL BZHIN MA YIN PA'I YID LA BYED PAR GYUR PA 'DOD CHAGS DANG LHAN CIG 'GROGS PAS KUN TU LTA BAR MI BYED DO, ,GZHAN DAG BYED PAR GYUR PA RNAMS KYANG RAB TU 'GOD PAR BYED DO, ,TSUL KHRIMS LA RAB TU 'GOD PAR BYED DO, ,CHOS RNAMS KYANG LAN GCIG DANG LAN GCIG MA YIN PAR STON PAR BYED DO, ,DE DAG LA'ANG RAB TU 'GOD PAR BYED DO, ,SEMS CAN RNAMS THAMS CAD LA'ANG 'DOD PA'I LAS LOG PAR G-YEM PA'I SKYON RJOD PAR BYED DO, ,LAS KYI 'BRAS BU RNAM PAR SMIN PA STON PAR BYED DO, ,JI LTAR GANG 'GA' ZHIG 'DOD PA LA LOG PAR G-YEM PAR GYUR PA'I SEMS CAN DMAN PA DE DAG NI, LUS ZHIG NAS NGAN SONG LOG PAR LTUNG BA DMYAL BA RNAMS SU SKYE BAR 'GYUR RO, ,DE'I PHYIR NA DMYAL BA'I LAS KYI RNAM PAR SMIN PA MCHOG TU RTZUB PA SHIN TU SDUG BSNGAL PA RNAMS YID LA GYIS LA, 'DOD PA LOG PAR G-YEM PAR MA BYED CIG, PHYI NAS 'GYOD PAR MA BYED CIG ,SDUG BSNGAL RNAMS KYANG NI, DRAG PA DANG RTZUB PA DANG TSA BAR GYUR PA YIN NO, ,ZHES DE LTAR 'DOD PA LA LOG PAR G-YEM PA'I
RNAM PAR SMIN PA RNAMS GZHAN DAG LA'ANG STON PAR BYED DO, ,DE DAG LA'ANG SO SOR KUN TU 'JUG PAR BYED DE, NGAN 'GRO RNAMS SU 'GRO BAR 'GYUR BA'I 'JIGS PA RNAMS KYIS SKRAG PAR BYED DO; ;DGE LEGS SU GYUR PA'I SEMS CAN DE RANG DANG GZHAN LA PHAN PA LA RAB TU ZHUGS PA, TSUL KHRIMS DANG LDAN PA, TSUL KHRIMS LA RAB TU GNAS PA, TSUL KHRIMS DE NYID LA KUN TU BRTEN NAS JI SRID 'TSO'I BAR DU MA NYAMS PA DANG RGYUN MA CHAD PA DANG MA RDOL BAR 'DZIN PAR BYED PA DE NI, LUS ZHIG NAS SHI BA'I 'OG TU MTHO RIS BDE 'GRO'I 'JIG RTEN 'THAB BRAL GYI LHA RNAMS KYI NANG GI R'A DZA NI NA RGYU BA'I SAR SKYE BAR 'GYUR RO, ,DER NYE BAR SKYES PA NA'ANG 'DI'I BDE BA MNYAM PA MED PA RNAMS PHUN SUM TSOGS SHING MTSUNGS PA MED PA'I LONGS SPYOD RNAMS DANG YANG DAG PAR LDAN PA LA BDE BA 'DI DAG RNAMS YIN TE, R'A DZA NI NA ZHES BYA BA'I RDZING BU DPAG TSAD LNGA BRGYA BAR GYUR PA, BSIL BA'I CHU RAB TU DANG BA LTEM BAR GYUR PA'I CHU'I 'OD KYIS YUL 'GA' ZHIG TU'ANG GSAL BAR BYAS PA, NYE 'KHOR DAG NA'ANG GSER DANG BEEd'URYA'I RANG BZHIN LA GSER BTZO MA'I 'DAB MA DANG AINDRA N'I LA'I RANG BZHIN GYI YAL GAS YONGS SU GANG BA'I SHING LJON PA RNAMS KYIS NYE 'KHOR YONGS SU GANG BA, DPAG TSAD LNGA BRGYAR GYUR PA'I RDZING BU PADMA RNAMS KYIS KYANG NYE 'KHOR KUN TU GANG BA RNAMS LA BEEd'URYA'I YU BA CAN RNAMS LA NI, GSER GYI
, ,'DAB MA RNAMS SO, ,GSER GYI YU BA CAN RNAMS SO, ,GSER GYI YU BA CAN RNAMS LA NI, BEE d'URYA'I ZE BA RNAMS SO, ,PADMA GZHAN 'GA' ZHIG NI, RIN PO CHE BDUN GYI RANG BZHIN YIN TE, RNAM PA SNA TSOGS SHING RNAM PAR BKRA BA'I PADMA RNAMS KYIS KYANG THAMS CAD NAS YONGS SU KHYAB PAR GYUR PA'O, ,RDZING BU DE'I NYE 'KHOR RNAMS NAS YANG BYA KHA DOG RNAM PA SNA TSOGS PA DANG LDAN PAR GYUR PA, RIN PO CHE BDUN DANG CHA 'DRA BA'I KHA DOG GI LUS CAN GYI BYA RNAMS KYIS KUN NAS NYE BAR MDZES PA, MCHOG TU SNYAN BAR 'GYUR BA'I DBYANGS KYIS KUN TU GANG BA YIN TE, R'A DZA NI NA'I RDZING BU DE'ANG LHA BRGYA STONG GIS YONGS SU BSKOR BAR GYUR PA YIN TE, 'DI GANG YIN PA LA LHA NYID BRGYA PHRAG DU MA RNAMS KYIS KYANG YONGS SU MA BSKOR BA'I LHA RNAMS NI, MED DO, ,LHA MO DE DAG RNAMS DANG, LHA DE DAG RNAMS KYANG LHAN CIG TU RNGA SKAD YAN LAG LNGA DANG LEGS PAR LDAN PAS RDZING BU DE NA DGA' MGUR SPYOD CING RTZE BAR BYED PAS RANG GI LAS KYI 'BRAS BU RNAMS ZA BAR BYED DO, ,GZHAN YANG RDZING BU DE NYID KYI 'GRAM NA YONGS SU BSKOR BA'I NYE 'KHOR RNAMS NA MCHOG TU DGA' BAR GYUR PA'I RIN PO CHE BDUN GYI RANG BZHIN GYI LJON SHING RNAMS KYIS YONGS SU BSKOR NAS YID DGA' BA ZHES BYA BA'I NAGS KUN TU GNAS SO, ,DE NA'ANG DGA' BAR GYUR PA'I BYA'I TSOGS RNAMS KYIS
MNGON PAR DGA' BAR GYUR PA'I 'BAB CHU BRGYA STONG PHRAG DU MAS KUN TU BRGYAN PA, RIN PO CHE'I KHAMS RNAMS KYIS RNAM PAR BRGYAN PAR GZHAN DAG LHAN CIG SPYOD PA RNAMS KYIS YONGS SU BSKOR NAS DPE MED PA'I LHA RDZAS KYI DBANG PO LNGA MNGON PAR DGA' BA'I YUL RNAMS DANG YANG DAG PAR LDAN PAS YID DGA' PA'I NAGS DE NA LHA RNAMS DGA' BAR BYED DO, ,LHA DE DAG RNAMS KYANG R'A DZA NI NA'I RDZING BUR YANG RTZED MO SNA TSOGS PA RNAMS KYIS LHAN CIG TU RTZE BAR BYED DO, ,DE NAS LHA GANG DAG LEGS PAR BYAS PA'I LAS KYIS DER SKYES PA DE DAG RNAMS 'DI LTAR 'GYUR TE, SNGON MED PA'I GLU'I SGRA DE DAG THOS PA'I DPE MED PA DE DAG GIS DRANGS PAR GYUR PAS KLUNG DU SKYES PA'I SHING RIN PO CHE BDUN GYI RANG BZHIN GYI LJON SHING RNAMS KYI NAGS DE DAG GI NANG GANG NA YOD PA DER LEGS PAR NYE BAR 'GRO BAR BYED DO, ,DE NAS LHA GZHAN GANG DAG LHA'I RIGS DE NAS 'CHI 'PHOS PAR GYUR NAS RA DZ'A NI NA RGYU BA'I SA DER SKYES PAR GYUR PA'I LHA GSAR DU SKYES PA DE DAG LHA RDZAS KYI PHRENG BAS KUN TU BRGYAN PA'I LHA'I BU MO GANG YIN PA DE DAG RNAMS KYIS MNGON PAR MTHONG ZHING, RJE DPON DE MNGON PAR MTHONG PAR GYUR NAS KYANG MNGON PAR RGYUG GO, LHA'I RIGS DER LAS GYI 'BRAS BU RNAM PAR SMIN PA 'DI DAG NI, JI LTAR SROG GCOD PA DANG MA BYIN PAR LEN PA DANG 'DOD PA LOG PAR G-YEM PA RNAM PAR SPANGS PAS DE LA SKYE BAR 'GYUR BA YIN NO, ,'DOD PA LA LOG PAR G-YEM PA RNAM
, ,PAR SPANGS PAS DE DAG RNAMS KYI LHA MO NI, GZHAN LA MI 'PHO'O, ,MA SBANGS PA DE DAG RNAMS KYI NI LHA MO RNAMS NI, GZHAN LA KUN TU NYE BAR 'PHO BAR 'GYUR RO, , RGYAL CHEN BZHI'I RIS KYI LHA DANG SUM CU RTZA GSUM PA RNAMS NI, LHA GANG DAG GIS 'DOD PA LA LOG PAR G-YEM PA YONGS SU MA SPANGS PAR GYUR PA RNAMS NI, DE LAS 'CHI 'PHO BAR GYUR PA NA LHA GZHAN DE DAG LHA MO RNAMS KYI NANG DU SKYE'O, ,DE DAG RNAMS KYIS KYANG 'OD NYAMS PAR GYUR PA'I MAR ME DANG 'DRA PA'I TSE 'GAG PAR 'GYUR BA SPANGS NAS GSAR DU SKYES PA'I LHA DE DAG LA STEN PAR BYED DO, ,DE DANG LHAN CIG TU RTZE BAR BYED, DGA' BAR BYED, YONGS SU SPYOD PAR BYED DO, ,DE NAS 'CHI 'PHO BAR GYUR PA'I LHA GANG YIN PA 'DI LA 'CHI 'PHO BAR GYUR PAS BYAS PA'I PHRAG DOG GIS DE LA SDUG BSNGAL SKYE BAR 'GYUR RO, ,'DI NI, DMYAL BA'I YANG SDUG BSNGAL CHEN PO YIN TE, SEMS GYI SKYON PHUL DU PHYIN PA DES DMYAL BAR SKYE BAR 'GYUR RO, ,LHA DE 'CHI 'PHO BA DE'I 'BRAS BU RNAM PAR SMIN PA 'DI NI, 'THAB BRAL BA'I LHA RNAMS LA MED PA YIN TE, DE DAG NI, PHAL CHER 'DOD PA LA LOG PAR G-YEM PA RNAMS MA SPANGS PA RNAMS DE DAG TU SKYE BAR 'GYUR RO, ,RGYU MTSAN DES NA LHA GSAR DU SKYES PA DE SNGON GYI LHA MED PAR LHA MO DE DAG RNAMS KYIS LHA GSAR DU SKYAS PA DE LA NYE BAR SNYEN PAR BYED DO, ,NYE BAR 'DRES NAS KYANG KUN NAS
DE YONGS SU BSKOR CING GANG NI NAGS CHEN PO YOD PA DER NYE BAR 'GRO BAR BYED DO, ,RGYAGS PA LA DON GCIG PAS BDE BAR RGYU BAS DE DAG RNAMS THAMS CAD KYANG GANG NA LHA'I TSOGS DE DAG YOD PA DER LEGS PAR NYE BAR 'GRO'O, ,DE NAS LHA'I TSOGS DE DAG RNAMS KYIS LHA GSAR DU SKYES PA DES MNGON PAR MTHONG NAS CHES RAB TU DGA' BAR GYUR PA'I YID KYIS LHAN CIG SPYOD PA'I 'KHOR RNAMS DANG BCAS NAS RDZING BU DE NYID DU PHYIN PAR GYUR TO, ,BRGYA PHRAG DANG, DE NAS STONG PHRAG RNAMS SU YANG STE, NAGS DANG NYE BA'I NAGS RNAMS DANG LDAN PA DANG DPAG BSAM GYI SHING RNAMS DANG LDAN PA LA BYA'I TSOGS RNAM PA DU MAS YONGS SU GANG BA RNAMS DANG PADMA'I RDZING BU BRGYA STONG GIS RAB TU BRGYAN PA RNAMS DANG RGYAGS PA'I KA RAndA PA DANG NGANG DUR DAG GIS MDZES PA RNAMS DANG, YON TAN DU MA BRGYA STONG 'DI DAG RNAMS KYIS BRGYAN PAS DGA' BAR 'GYUR BA'I RDZING CHEN PO DER DE DAG RNAMS DUS RING DU STE, RNGA SKAD YAN LAG LNGA PA DANG, LHA RDZAS KYI 'DOD PA'I YON TAN LNGAS DUS SHIN TU RING BAR YUL RNAMS LA RJES SU LONGS SPYAD NAS SLAR YANG YUL DE DAG NYID KYIS NGOMS PAR MA GYUR PAS NAGS DE NYID DU RNAM PAR RGYU BAR BYED PA LAS GANG NA NYE 'KHOR KUN TU SNANG BAR BYED PA ZHES BYA BA'I RI BO YOD PA DER LEGS PAR NYE BAR 'GRO'O, ,BDE BAR RGYU BA'I DON GYIS GAR BYED PAR GYUR PA DANG, RGOD PAR GYUR PAS PADMA'I RDZING BU NAS PADMA'I RDZING BU RNAMS DANG, NAGS NAS NAGS RNAMS SU DANG,
, ,NYE BA'I NAGS NAS NYE BA'I NAGS RNAMS SU DANG, 'BAB CHU NAS 'BAB CHU RNAMS DANG, RI'I MTHO SA NAS RI'I MTHO SA RNAMS SU DANG, RI'I BANG RIM NAS RI'I BANG RIM RNAMS LA DANG, RI'I GSEB NAS RI'I GSEB RNAMS SU DANG, 'KHRI SHING GI TSANG TSING NAS 'KHRI SHING GI TSANG TSING RNAMS LA DANG, ME TOG GI NAGS NAS ME TOG GI NAGS RNAMS SU DANG, 'BAB CHU NAS 'BAB CHU RNAMS SU DANG, CHU KLUNG DANG TSANG TSING NAS CHU KLUNG DANG TSANG TSING RNAMS SU DANG, DPAG BSAM GYI SHING GI NAGS NAS DPAG BSAM GYI SHING GI NAGS RNAMS SU DANG, 'KHRI SHING GI KHANG PA NAS 'KHRI SHING GI KHANG PA RNAMS DANG, RIN PO CHE'I KHAMS SNA TSOGS PA RNAMS DANG LDAN PA'I RI'I GSEB NAS RI'I GSEB RNAMS SU RTZED MO RTZA BAR GYUR PAS THAMS CAD KYANG RNGA SKAD YAN LAG LNGA DANG LDAN ZHING DPE MED PAR GYUR PA'I 'DOD PA'I YON TAN LNGA PO RNAMS KYANG RANG GI LAS KYI 'BRAS BU RNAMS DANG 'DRA BAR YANG DAG PAR LDAN PAS THAMS CAD KYANG NYE 'KHOR KUN NAS SNANG BA ZHES BYA BA'I RI BO 'DI GANG NA YOD PA DER NYE BAR 'GRO BAR BYED DO, ,KLU'I SGRA DE DAG THOS NAS NGO MTSAR BA KUN TU SKYES PA'I YID KYIS LHA DE DAG RNAMS MYUR BAR RI BO DE GANG NA YOD PAR 'KHOD DO, DE KUN TU LTA BA LA CHED CHER GYUR PA'I PHYIR RO, ,DE NAS RI'I MCHOG DE LA 'KHOD PAR GYUR PA'I LHA DE DAG RNAMS GANG YIN PA RNAMS KYIS NYE 'KHOR RNAMS LAS KUN TU SNANG BAR BYED PA'I RI'I MCHOG DE LA
LEGS PAR GNAS NAS LHA DAG GIS MNGON PAR MTHONG BAR GYUR TO, ,MCHOG TU DGA' PAR GYUR PAS SLAR YANG BYA BZHIN DU NAM MKHA'I DKYIL DU 'PHAGS TE RGYAN DANG CHA BYAD DU MA RNAMS DANG RANG GI 'OD KYIS 'BAR BAR GYUR PAS PHAN TSUN DU LTA BA LA CHED CHER BYED PAR 'GYUR ZHING 'DRES PAR GYUR PAS DE DAG THAMS CAD KYANG RI BO'I MCHOG DE NA DGA' BAR GYUR PA'I CHU KLUNG DANG 'BAB CHU DANG RDZING BU DANG PADMA'I TSAL DANG 'KHRI SHING GI KHANG PA DANG DPAG BSAM GYI SHING RNAMS RIN PO CHE BDUN RAB TU 'BAR BA'I 'OD DANG LDAN PA DE DANG DE NA LHA RNAMS THAMS CAD R'A DZA NI NA RGYU BA NA DGA' BAR BYED PA DANG RTZE BAR BYED DE, KHA CIG NI, PADMA'I TSUL DU'O, ,KHA CIG NI, CHU KLUNG DANG TSANG TSING DU'O, ,KHA CIG NI, AUTPA LA'I TSUL DU'O, ,KHA CIG NI, DPAG BSAM GYI SHING GI NAGS SU'O, ,KHA CIG NI, RI'I KHONG BA NA'O, ,KHA CIG NI, NAM MKHA'I DKYIL DU KUN NAS 'PHAGS NAS GANG NA LHA GZHAN RNAMS YOD PA DER 'GRO BAR BYED DO, ,KHA CIG NI, GLU MKHAN DANG BCAS PAS RGYAGS PA LA DON GCIG PA'I BUD MED RNAMS KYIS YONGS SU BSKOR NAS MYOS BYED KYI BTUNG BA KUN TU STEN PAR BYED DE, MYOS PA'I SKYON RNAMS DANG BRAL BAR GYUR PA RAB TU DGA' BA'I LHA RNAMS PHYIR ZHING PHYIR ZHING DE NYID KYIS RAB TU DGA' BA KUN TU SKYED PAR BYED PA 'BA' ZHIG YIN NO, ,YON TAN DE LTA BU RNAMS DANG LDAN PA'I YUL GYIS RAB TU DGA' BA'I DU BA DANG MES SLAR YANG NYIS 'GYUR DU SREG PAR BYED DO, ,DE NAS DE LTAR KUN TU GNAS
, ,PA'I LHA DE DAG RNAMS LA DE KHO NA NYID RIG PA ZHES BYA BA'I BYAS TSIGS SU BCAD PA 'DON PAR BYED PA LA JI LTAR, 'BAR BA LNGA LA RAB CHAGS PA'I, ,SRED PA'I RLUNG GIS BANGS PA YI, ,BAG MED ME YIS LHA RNAMS NI, ,'DOD PAS RMONGS NAS SREG PAR BYED, ,SNGA MA'I LAS NI ZAD PAR 'GYUR, ,GSAR PA NYID KYANG NYER MI SPEL, ,DE ZAD NAS NI LTUNG BAR YANG, , LHA RNAMS THAMS CAD MTHONG PA YIN, ,'CHI BA'I DUS NI NYER BYUNG NA, ,SDUG BSNGAL GYIS NI SEMS NYER BCOM, ,GANG YANG DGE BA MA GTOGS PA, ,SKYABS GZHAN RNAMS NI NGAS MA MTHONG,, BUD MED CHED CHER LTA BA DANG, ,RNYED DANG LONGS SPYOD LA RAB CHAGS, ,RANG GI SEMS KYIS BSLUS PA YI, ,THA MA'I GNAS SU MYUR 'GRO 'GYUR, ,GSON PA 'CHI BA'I MTHA' YIN PA, ,DE DAG RNAMS KYIS GO 'AM CI, ,'DOD PA RNAMS NI RAB 'JIG CING, ,RTAG PA LA YANG 'THAD PA MED, ,YUL GYIS RNAM PAR BSHIG PA DANG, ,RANG LAS KYIS KYANG BSLUS PA YIN, ,SRED PAS NYE BAR BCOM PA'I SEMS, ,LHA RNAMS TSE NI 'GRO BA YIN, ,RTZIG PA ZHIG PA JI BZHIN DU, ,RI MO'I LAS KUN RAB TU 'JIG ,LAS RNAMS ZAD PAS DE BZHIN DU, ,LHA RNAMS 'JIG PAR 'GYUR BA YIN; ;DBANG PO RNAMS KYANG YUL RNAMS KYIS, ,NGOMS PA NAM YANG YOD MA YIN, ,MAR GSAR BLUGS PAR GYUR PA YI, ,'BAR BA'I RIM PA JI BZHIN NO, ,DE LTAR BYA DES LHA DE DAG RNAMS KYI
BAG MED PA'I YID 'JOMS PA CHOS DANG LDAN PAS KUN TU RTOGS PAR BYED PA'I TSIGS SU BCAD PA RNAMS BYAS PA YIN NO, ,DE NAS LHA DE DAG RNAMS KYIS DE DAG THAMS CAD RTZIS BTAB MA BYAS PAR BAG MED PAS RNAM PAR RMONGS PA'I PHYIR LHA MO DE DAG NYID KYIS YONGS SU BSKOR NAS RAB TU DGA' BA'I YID KYIS SDE TSAN DU GYUR PA'I TSOGS RNAMS KYIS NI, KHA CIG GO ,KHA CIG NI, RANG GI 'KHOR RNAMS DANG NGO, ,KHA CIG NI, NAM MKHA'I DKYIL DU 'PHAGS PAR GYUR NAS RI DE LA 'KHOD PAR BYED DO, ,DE DAG RNAMS 'KHOR BAR GYUR PA NI, NYI MA BRGYA STONG BAS CHES LHAG PAR GYUR PA'I GZI BRJID KYI 'OD DANG LDAN PA'I RI DE'I NYE 'KHOR RNAMS NA RIN PO CHE'I 'OD ZER GYIS KUN NAS SNANG BAR BYAS PA'I RTZE MO RNAMS NI, CHES MCHOG TU YANG 'OD KYIS KUN NAS RAB TU GSAL BAR BYED DO, ,RI DE LA NAGS DU MA RNAMS YOD PA'ANG RIN PO CHE SNA TSOGS PA'I RANG BZHIN GYIS SHING LJON PAS NYE BAR MDZES PAR GYUR PA DE DAG RNAMS KYIS KYANG SHIN TU CHES BLA LHAG PAR LHA DE DAG GI 'OD ZER RNAMS BCU 'GYUR DU SKYED PAR BYED DO, ,YANG LHA GZHAN GANG DAG NAGS RNAMS DANG, PADMA'I TSAL RNAMS DANG, 'KHRI SHING GI KHANG PA RNAMS DANG, RIN PO CHE SNA TSOGS PA'I 'OD ZER GYIS GSAL BAR GYUR PA DE DAG RNAMS LA RTZE BAR BYED CING DGA' MGUR KUN TU SPYOD PAR BYED PA NA, DES KYANG 'OD DE DAG MTHONG NAS MCHOG TU NGO MTSAR BA DANG LDAN PAR GYUR TE, DE NA RI BO'I MCHOG 'DI JI LTA BA BZHIN DU
, ,MDZES PAR GYUR PA'I PHYIR RO, ,DE NAS NAGS DANG NYE BA'I NAGS DE DAG RNAMS NA RTZE BAR BYED PA GANG YIN PA DE DAG RNAMS KYANG 'DI DAG RNAMS 'ONGS NAS R'A DZA NI NA'I RDZING CHEN PO DE'I RI'I MCHOG GI RI BO DE LA RTZE BAR 'DOD PA YIN TE, DE DAG THAMS CAD MNYAM DU 'GROGS NAS PHAN TSUN DU GROGS SU GYUR CING PHAN TSUN DU RDZI BA MED PAR SNYING LA BDE BA RNAMS LEGS PAR SKYES PAS PHAN TSUN DU BDE BA BSKYED PA NYE BAR 'BYIN PAS MTHUN PAR GYUR BAS RIN PO CHE BDUN GYI 'OD PHRENG BAS KUN TU SNANG BAR BYAS PA'I RI DE LA DAL BUS DAL PUS KUN TU 'KHOD PAR BYED DE, ROL MO SNA TSOGS PA RNAMS DANG GLU DANG GAR DANG RGOD PA DANG 'GYING BA DANG RTZE BA DANG BCAS PAR 'GYUR ZHING, NAD KYI 'JIGS PA DANG MYA NGAN GYI 'JIGS PA DANG LKOG TU GYUR PA'I SKYON RNAMS DANG BRAL BA DANG, RANG JI LTAR 'DOD PA BZHIN DU 'GRO BA DANG, RGYU BAR BYED PA MCHOG TU BDE BA DANG LDAN PAR GYUR PA RNAMS RNGA SKAD YAN LAG LNGA DANG LDAN PAS GAR BYED PAR GYUR PAS RI CHEN PO DE LA JI LTAR 'DOD PA'I KHA ZAS RTZI DAG 'THUNG BAR BYED DO, ,BDUD RTZI'ANG MID PAR GYUR PAS NI, MCHOG TU DGA' BA DANG LDAN PA SKYES PAR GYUR NAS DGE BAR BYED DE RANG GI LAS DANG 'DRA BA'I BDE BA RNAMS DANG YANG DAG PAR LDAN PAR GYUR PAS DE DE LTAR DGA' BAR GYUR NAS DE KHO NA BZHIN DU BDE BA LA LONGS SPYOD PAR GYUR PA LAS DUS NAM
ZHIG NA GANG NA MTHONG NA KUN DGA' BA ZHES BYA BA'I PADMA'I RDZING BU DER NYE BAR 'GRO BAR BYED DO, ,PADMA'I RDZING BU DE'ANG DPAG TSAD BCUR YANGS PA DPAG TSAD LNGAR RGYA CHE BAR 'GYUR BA MCHOG TU NYE 'KHOR KUN NAS DGA' BA RNAMS LA PADMA'I RDZING BU 'DI'I DGA' BA DE NYID NI, NGANG PA DANG KA RAndA PA DANG NGANG DUR RNAMS KYIS NYE BAR MDZES PA 'DI'I NYE 'KHOR RNAMS NA'ANG GSER BTZO MA'I MDOG GI PADMAS NYE BAR MDZES PAR GYUR PA, 'DI'I NYE 'KHOR RNAMS KUN NAS YANG DGA' BAR GYUR PA'I GSER RNAMS DANG BEE d'URYA'I SNGON PO DANG SNGON PO CHEN PO DANG PADMA R'A GA'I RANG BZHIN DU GYUR PA'I SDUG PA DAG GIS NYE BAR MDZES PAR SPRAS PAS SHIN TU'ANG MDZES PAR GYUR PA KLUNG DU SKYES PA'I SHING LJON PA RNAMS KYIS KYANG NYE 'KHOR KUN NAS MDZES PA RDZING BU DE YONGS SU BSKOR NAS KUN TU GNAS PA LA 'DI LTA STE, GSER GYI RANG BZHIN LA DNGUL GYI 'DAB MA DANG DNGUL GYI RANG BZHIN GYI YAL GA NI, GSER GYI 'DAB MA'O, ,AINDRA N'I LA'I YAL GA RNAMS LA NI, PADMA R'A GA'I 'DAB MA'O; ;SHEL GYI RANG BZHIN GYI YAL GA RNAMS LA NI, BEE d'URYA DANG GSER DANG AINDRA N'I LA'I RANG BZHIN GYI 'DAB MA RNAMS SO, ,BEEd'URYA'I SDONG BU CAN RNAMS LA NI, GSER DANG DNGUL DANG AINDRA N'I LA'I RANG BZHIN GYI 'DAG MA'O, ,SNGON PO CHEN PO'I RANG BZHIN GYI SDONG BU RNAMS LA NI, SHEL DANG AINDRA N'I LA'I YAL GA RNAMS LA GSER BTZO MA'I RANG BZHIN GYI LO MA'O, ,GSER GYI SDONG BU DANG SDONG BU
, ,PHYED BEE d'URYA RNAMS LA NI, SNGON PO CHEN PO'I YAL GA RNAMS LA'O, ,GSER BTZO MA DANG MU S'A RI'I 'DAB MA'O, ,KHA CIG NI, THAMS CAD DU GSER GYI SDONG BU DANG GSER GYI 'DAB MA DANG GSER GYI YAL GA DANG LDAN PA NYI MA BAS LHAG PAR GZI BRJID KUN TU SNANG BAR BYED DO, ,SHING LJON PA GZHAN KHA CIG LA NI, BEE d'URYA'I YAL GA DANG BEE d'URYA'I 'DAB MA DANG LDAN PA YIN TE, SPRIN GYI PHUNG PO DANG 'DRA BAR THAN KOR KUN NAS RNAM PAR MDZES PAR BYED DO, ,KHA CIG NI, GSER BTZO MA'I RANG BZHIN GYI SDONG BU DANG GSER BTZO MA'I RANG BZHIN GYI YAL GA DANG GSER BTZO MA'I RANG BZHIN GYI 'DAB MA SPEL BA'I ME'I PHUNG PO'I MDOG DANG MTSUNGS PAR KUN NAS SNANG BAR BYED DO, ,KHA CIG NI, DNGUL GYI 'DAB MA DANG DNGUL GYI YAL GA DANG DNGUL GYI SDONG BU RNAMS KYIS ZLA BA DANG 'DRA BAR KUN TU SNANG BAR BYED DO, ,KHA CIG NI, AINDRA N'I LA'I RANG BZHIN GYI SDONG BU DANG AINDRA N'I LA'I RANG BZHIN GYI 'DAB MA LA AA GA RU NAG PO'I DU BA'I MDOG TU KUN NAS SNANG BAR BYED DO, ,LJON SHING GZHAN KHA CIG NI, 'KHRI SHING SNA TSOGS PA RNAMS KYIS YONGS SU BSKOR BA YIN TE, GANG DAG GSER BTZO MA'I RANG BZHIN YIN PA DE DAG NI, SNGON PO MCHOG TU GSAL BA'I KHA DOG DANG LDAN PA'I AINDRA N'I LA'I RANG BZHIN GYI 'KHRI SHING GIS NYE BAR BTUD NAS LAM ME SNANG BAR BYED DO, ,LJON SHING GZHAN KHA CIG NI, GSER DANG DNGUL GYI RANG
BZHIN DU GYUR PA RNAMS SO, ,LJON SHING GZHAN KHA CIG NI, ME TOG PHUN SUM TSOGS PA RNAMS KYI KHA DOG SNA TSOGS PA'I ME TOG RNAMS KYIS NYE BAR MDZES PAR 'GYUR PA'O, ,LJON SHING GZHAN KHA CIG NI; MAND'A RA BA'I RANG BZHIN NO, ,GZHAN DAG RNAMS KHA CIG LA NI, PADMA KU SHES SHA YA'I 'DAB MA KUN TU SNANG BAR GYUR TO, ,LJON SHING GZHAN DAG RNAMS KHA CIG LA NI, DRIL BU G-YER KHA'I DRA BAS KUN NAS SBREL BA RNAMS KYI SGRA 'KHROL BAR GYUR PA GSER DANG DNGUL GYI RANG BZHIN GYI 'KHRI SHING GIS NYE BAR PHUB PAR GYUR PA'O, ,LJON SHING GZHAN DAG RNAMS KHA CIG LA NI, SHEL GYI RANG BZHIN DANG GSER DMAR PO'I RANG BZHIN GYI 'KHRI SHING GIS PHUB PAR GYUR PA'O, ,LJON SHING GZHAN DAG RNAMS KHA CIG LA NI, PADMA R'A GA'I RANG BZHIN DANG DNGUL GYI RANG BZHIN GYI 'KHRI SHING DAG GIS YONGS SU BSKOR NAS GNAS PA'O, ,LJON SHING GZHAN DAG RNAMS KHA CIG LA'ANG DRIL BU G-YER KHA'I DRA BA BRGYANGS PA'I SGRA 'KHROL PA'O, ,LJON SHING GZHAN DAG RNAMS KHA CIG LA NI, SHING THOG RNAMS SMIN PAR 'GYUR BA LA 'DI LTA STE, KHU BA'I 'BRAS BU RNAMS LAS NI, 'BRAS BU DE DAG RNAMS LAS RNAM PA DE LTA BU'I KHU BA DAG RAB TU 'BAB BAR 'GYUR BA GANG YIN PA'I KHYAD PAR GYIS LHA RDZAS KYI MYOS BYED DE DAG RNAMS KYI RO'ANG CUNG ZAD KYANG MA YIN NO, ,LJON SHING GZHAN DAG 'GA' ZHIG NI, ME TOG GI SHING YIN TE, GANG DAG GI DRI RNAMS JI SRID
, ,DU DPAG TSAD BRGYAR YANG RLUNG GIS RAB TU 'DEBS PAR BYED DO, ,LJON SHING GZHAN DAG RNAMS KHA CIG NI, SGRA'I SHING YIN TE, GANG DAG RLUNG 'JAM POS RAB TU BSKYOD PAR GYUR PA RNAMS RNAM PA DE LTA BU'I 'DAB MA KUN TU BSKYOD PA LAS SKYES PA'I MCHOG TU SNYAN PAR GYUR PA GLU MKHAN GYI LAS CHES LHAG PAR GYUR PA'I SGRAR 'GYUR RO, ,LJON SHING GZHAN 'GA' ZHIG NI, GCIG TU LTA BA MNGON PAR DGA' BA YIN NO, ,GANG DAG RNAM PA DE LTA BU'I GZUGS DAG YIN TE, GANG DAG GI KHYAD PAR GYIS KHA DOG SNA TSOGS PA RNAMS KYIS RNAM PAR BKRA BA'I NAGS KYI RGYAL PO DAG GIS KYANG BCU DRUG KHO NA'I CHA 'BA' ZHIG TU CHOG PA'ANG MA YIN NO, ,BDUG PA'I SHING LJON PA GZHAN KHA CIG NI, RNAM PA SNA TSOGS PA'I BDUG PA'I DRI RNAMS GANG DAG GIS 'THUL BAR BYED PA STE, MCHOG TU DRI ZHIM PAR GYUR PA'I DRI GANG GIS BSNAMS PA NA LHA RNAMS KYANG DGA' BAR BYED PA YIN NO, ,RNAM PA DE LTA BU'I SHING LJON PA YON TAN MTSUNGS PA MED PA GZHAN DAG RNAMS KYIS KYANG PADMA'I SRIB BU MTHONG NA KUN DGA' BA ZHES BYA BA YONGS SU KHYAB PAR GYUR PA YIN NO, ,DE NAS LHA DE DAG RNAMS KYIS RNAM PA DE SRID MNGON PAR MTHONG BAR GYUR TE, NGO MTSAR BA RNAMS MTHONG ZHING MTSUNGS PA MED PAR NYE BAR LONGS SPYAD PAR BYA BA RNAMS MNGON DU LEGS PAR MTHONG NAS R'A DZA NI NA RGYU BA'I LHA DE DAG RNAMS KHA
CIG NI; 'BRAS BU RNAMS ZA BA YIN NO, ,KHA CIG NI, 'BRAS BU'I KHU BA RNAMS 'THUNG NGO, ,KHA CIG NI, LHAN CIG SPYOD PA RNAMS DANG BCAS NAS ME TOG GI RTZED MO BYED DO, ,KHA CIG NI, NAGS KYI NANG GI SA DAG LA NYE BAR GNAS NAS RNAM PA SNA TSOGS PA'I MYOS BYED RNAMS 'THUNG ZHING GLU YANG LEN PAR BYED DO, ,KHA CIG NI, LHAN CIG SPYOD PA RNAMS DANG BCAS NAS GLU DBYANGS DAG LEN PAR BYED DO, ,KHA CIG NI, GAR BYED DO, ,KHA CIG NI, PADMA'I RDZING BU LA 'BOG PAR BYED DO, ,KHA CIG NI, BDUD RTZI MED PAR BYED DO, ,KHA CIG NI, LHAN CIG SPYOD PA RNAMS KYIS YONGS SU BSKOR NAS NAM MKHA'I DKYIL DU 'PHAGS SO, ,GZHAN DAG KHA CIG NI, RIN PO CHE BDUN GYI RANG BZHIN GYI KHANG BUR ZHUGS NAS LHA'I BU MO'I TSOGS RNAMS KYIS KUN NAS YONGS SU BSKOR NAS RNAM PA SNA TSOGS PA'I 'DOD PA'I LONGS SPYOD LA RJES SU SPYOD PAR BYED DO, ,DE LTAR LHA DE DAG RNAMS PADMA'I RDZING BU DE NA DGA' BAR BYED DO, ,'DOD PA'I YON TAN LNGA DANG YANG DAG PAR LDAN PAS DGA' BAR BYED PA DANG RTZE BAR BYED KYANG YUL RNAMS KYIS NYE BAR LONGS SPYOD PAS NGOMS PAR YANG MI 'GYUR RO, ,SRED PA DANG LDAN PA RNAMS NI, NGOMS PAR 'GYUR BA NAM YANG YOD PA MA YIN TE, DPER NA, MAR GYIS LEGS PAR BTAB PAR GYUR PA'I SHING RNAMS KYIS ME LA NGOMS PA'I MTHAR THUG PA MED DO, ,DE BZHIN DU SRED PA DANG LDAN PA'I MI
, ,RNAMS KYANG YUL RNAMS KYIS YIN NO, ,DE NAS RDZING BU DE'I PADMA'I NGOS KYI DBUS KYI PADMA'I NAGS MCHOG TU DGA' BA DANG MCHOG TU BDE BA DANG MCHOG TU RGYA CHE BAR GYUR PA SNA TSOGS PA'I BYA'I TSOGS RNAMS KYIS KUN TU GANG BAR GYUR PA NA, RANG GI SMON LAM GYIS SKYES PA'I BYANG CHUB SEMS DPA' DUS BZANG ZHES BYA BA'I NGANG PA'I RGYAL PO DANG PA BRGYA STONG GIS YONGS SU BSKOR BAR GYUR PA NI, JI LTAR DZAMBU'I GLING GI GZA' DANG SKAR MA RNAMS KYIS ZLA BA LA BZHIN NO, ,DE BZHIN DU'ANG NYE 'KHOR RNAMS KUN TU SNANG BAR BYED DO, , PADMA'I TSAL RNAMS KYANG BUNG BA'I TSOGS RNAMS KYIS KUN NAS NYE BAR MDZES PAR GYUR PA'O, ,NYE 'KHOR KUN NAS YONGS SU BSKOR BA'I LHA DE DAG RNAMS LA LEGS PAR MNGON PAR MTHONG NAS GZHAN LA PHAN PA LA RAB TU ZHUGS PAS TSIGS SU BCAD PA BRJOD PA JI LTAR, 'GRO BA DANG NI GNAS NYID DANG, ,RTZE BA DANG NI RGOD PA YANG, ,BZOD PAR MI NUS SHUGS PO CHE, , MI BZAD PA YI 'CHI BDAG 'BYUNG, ,GANG LA 'DI YIS MI SGRUB PA'I, ,'DI DANG PHYI MAR GNAS DE MED, ,DE LTA NA YANG KUN RMONGS PAS, ,'GRO BA 'DI DAG GIS MI RTOGS, ,DBUL PO DANG NI DBUL MIN DANG, ,GZHON PA DANG NI GNAS BRTAN DANG, ,KHYIM PA DANG NI KHYIM PA MIN, ,GANG YANG 'DI YIS MI 'JOMS MED, ,SKYID NGAN PA DANG SDUG PHONGS DANG, ,YON TAN CAN DANG
DE LAS GZHAN, ,SPONG LA GNAS DANG SPONG GNAS MIN, ,GANG YANG 'DI YIS MI 'KHRID MED, ,TSUL KHRIMS 'CHAL DANG TSUL KHRIMS LDAN, ,SHES RAB CAN DANG RMONGS PA DANG, ,RGYAL PO DANG NI DE LAS GZHAN, ,GANG DAG 'DIS NI MI 'KHRID MED, ,LHA RNAMS DANG NI DMYAL BA'AM, ,YI DVAGS DUD 'GRO SKYES DE BZHIN, ,BAG MED PA DANG BAG YOD DANG, ,GANG DAG 'DI YIS MI 'KHRID MED, , 'DOD PA'I KHAMS SU SKYES BA'AM, ,GZUGS KYI KHAMS KYANG DE BZHIN DE, ,GZUGS MED PAR YANG SKYES PA'AM, ,GANG DAG 'DI YIS MI 'KHYER MED, ,LAS KYI ZHAGS PAS RGA BA'I CHANG, , NAD KYI LUS SO STOBS PO CHE, ,SRIN PO LTA BU'I 'CHI BDAG 'DIS, ,SEMS CAN BLANGS NAS 'GRO BA'AM, ,DE LTAR 'JIGS SU RUNG BA YI, ,'CHI BDAG MCHOG TU MI BZAD PA, ,'DOD PAS RNAM PAR RMONGS PA'I LHA, ,DU BAR 'OS LA DGA' BAR BYED, ,JI LTA JI LTAR BSTEN BYAS PA, ,'DOD PA SDUG BSNGAL RGYU RNAMS NI, ,DE LTA DE LTAR RNAM 'PHEL BA, ,MAR BLUGS PA YI ME JI BZHIN, ,MI DGE DE DAG SLU BYED YIN, ,BYAS PA CHUD GZON SDUG BSNGAL RGYU, ,DANG POR MNGA' BAR 'DOD PA NI, ,YONGS SU SMIN NAS MI BZAD PA, ,'DOD PAS DANG POR BDE LEGS DANG, ,BAR DANG THA MAR BYED PA'ANG MIN; ;ZHI YID RJES SU THOB PAR MIN, ,NYAMS DANG ZHI BA'I RGYU RNAMS NI, ,DBANG PO DANG NI DBANG DON LA, ,RMONGS NAS RNAM PA THA DAD PAR, ,BYIS PA'I YID 'PHROG 'DOD PA 'DIS, ,DMYAL BAR
, ,'GRO BAR BYED PA YIN, ,GANG DANG LHAN CIG BYIS PA DGA', ,DE NYID 'DI NI MI BZAD MCHOG ,DGRA BO GROGS PO'I GZUGS KYIS NI, ,KHYAD PAR GYIS NI RAB TU RGYU, ,DE LTAR DUS BZANG DES BAG MED PA BAG MED PAR SPYOD PA RNAMS MNGON PAR MTHONG NAS TSIGS SU BCAD PA BRJOD DO, ,DE NAS LHA DE DAG 'DOD PA DE DAG GIS RNAM PAR RMONGS PA'I PHYIR PHAN PAR 'GYUR PA GANG YIN PA DE BRJOD PA NA KUN TU MI RTOGS SO, ,DE NAS SLAR NYID KYANG PADMA'I RDZING BU DE NYID KYI 'GRAM DU R'A DZA NI NA RGYU BA'I LHA DE DAG RNAMS NAGS DANG NYE BA'I NAGS RNAMS DANG PADMA'I RDZING BU DAG DANG 'KHRI SHING 'PHYAR BAR LEGS PAR KUN TU G-YOGS PA'I MCHOG TU DRI ZHIM PA'I 'KHRI SHING GI KHANG PA RNAMS LA BUNG BA BRGYA STONG DU MA SKAD SNYAN PA RNAMS 'DON PAR RNA BAR SNYAN PA RNAMS LA LHA DE DAG RNAMS LHA'I BU MO'I TSOGS RNAMS KYIS YONGS SU BSKOR NAS DGA' BAR BYED CING RTZE BAR BYED DE, RNGA SKAD YAN LAG LNGA DANG LDAN PAS SHIN TU SNYAN PA DANG BRGYUD MAR DMA' ZHING SNYAN PA DANG MTHON POR 'JAM ZHING SNYAN PA'I SGRA DANG YANG DAG PAR LDAN PAR DPE MED PA RNAMS KYIS DGA' BAR BYED DO, ,GZHAN DAG NI, KHANG BU'I STENG NA KUN TU GNAS TE MCHOG TU DGA' BA'I PADMA'I RDZING BU DE NYID LA KUN TU LTA BAR BYED DO, ,R'A DZA NI NA RGYU BA'I LHA DE DAG RANG GI LAS LA SPYOD PAS RJES SU 'BRANG BA RNAMS DANG BCAS PAS NYE 'KHOR
KUN TU LTA BAR BYED DO, ,DE NAS KUN TU LTA BAR BYED PA DE DAG RNAMS LA GZHAN YANG DUS BZANG DE 'DI SNYAM DU SEMS TE, LHA DE DAG RNAMS KYI YID LA CI ZHIG YOD PAR GYUR NA, NGES PAR NYAMS SU MYONG BAR 'GYUR BA'I SDUG BSNGAL 'BYUNG BAR 'GYUR BA RNAMS GANG YIN PA GANG DAG GIS GO BAR MI 'GYUR BA, LHA RNAMS 'CHI BA'I DUS NA 'JIGS PA NI, LNGA YOD DE, LNGA PO RNAMS GANG ZHE NA, 'DONG PA SDUG PA MTHUN PA YID DU 'ONG BA'I BUD MED RNAMS THAMS CAD DANG LHA'I RIGS KYI SKAL PA MTHUN PA DE NYID DU SLAR YANG KUN TU MI PHRAD PA STE, DE LA 'DI NI, RNAM PAR 'BRAL BAS BYAS PA'I SDUG BSNGAL CHEN PO DANG PO YIN NO, ,GZHAN YANG LHA RNAMS 'CHI 'PHO BAR GYUR PA'I DUS NA SDUG BSNGAL GNYIS PA 'DI LTA STE, 'DOD PA'I SDUG PA YID DU 'ONG BA'I LHA RDZAS KYI YUL RNAMS DANG PHYI NAS YANG MI PHRAD PA ZHES BYA BA 'DI NI, LHA RNAMS 'CHI 'PHO BA'I DUS NA SDUG BSNGAL CHEN PO GNYIS PA YIN NO, ,GZHAN YANG LHA RNAMS LA SDUG BSNGAL GSUM PA YOD DE, LHA GZHAN GANG DAG DANG RTZE BAR BYED PA NA DE DAG GIS 'DI'I MNGON SUM DU GYUR PA GANG GI TSE SNUM ZAD PA'I MAR ME 'CHI BA BZHIN DU MTHONG BAR 'GYUR RO, ,DE'I TSE DE LA SDUG BSNGAL GANG DAG SKYE BAR 'GYUR BA DE DAG 'DI LTAR 'GYUR BA YIN TE, DES PA'I LAS KYI RLUNG GIS BDAG NGES PAR BRLAG PAR 'GYUR BA YIN NO, ,ZHES DE LA RNAM PAR 'BRAL BAR BYAS PA'I SDUG BSNGAL SKYE BA GANG YIN PA DE DMYAL BA'I SDUG BSNGAL GYIS KYANG CHAR MI
, ,BZOD DO ,GZHAN YANG LHA RNAMS KYI SDUG BSNGAL BZHI PA YOD DE, GANG GI TSE 'CHI 'PHO BAR GYUR PA DANG NYE BAR GYUR PA NA 'GRO BA GANG NAS SKYE BAR 'GYUR BA DANG, GANG LA 'DI SKYE BA 'BYUNG BAR 'GYUR BA DMYAL BA DANG YI DVAGS DANG DUD 'GRO RNAMS KYI 'GRO BA DE DES JI LTA BA BZHIN DU MTHONG BAR GYUR PA NA DE'I TSE 'DI 'GYOD PAR GYUR PAS BYAS PA'I MER 'OS PA RNAM PA DU MA'I SDUG BSNGAL 'BYUNG BAR 'GYUR RO, ,GZHAN YANG LHA RNAMS LA SDUG BSNGAL CHEN PO LNGA PA YOD DE, GANG DAG DGE BA'I BSHES GNYEN DU GYUR PA RNAMS KYIS CHOS BSTAN PAR GYUR PA NA DE'ANG NYAN PAR MI BYED PA DANG, DAM PA'I CHOS RJES SU SGRUB PAR MI BYED PAR BAG MED PAS BAG MED PAR RGYU BA YUL GYIS KUN NAS 'PHROG PAR GYUR BA'I SEMS KYIS TE, 'CHI 'PHO BAR 'GYUR BA'I DUS DE'I TSE DE'ANG RJES SU DRAN NAS H'A MI BZAD PA'I SDUG BSNGAL NGAS CI ZHIG BYAS NA, CHOS GANG YIN PA NI, MA MNYAN NO, ,TSUL KHRIMS LA'ANG RJES SU MA BSGRUBS PAS SHES RAB KYANG GOMS PAR MA BYAS PA DE'I SEMS DANG PO KHO NAR RNAM PAR 'GYOD PAR 'GYUR BA'I MES SREG PAR BYED DO, ,RANG LAS KYI ZHAGS PA DES DBANG MED PAR NGES PAR BCINGS NAS BAG MED PA'I DGRAS BSLUS PA YIN TE, LHA RNAMS LA SDUG BSNGAL CHEN PO LNGA PO 'DI RNAMS YOD DO, ,SDUG BSNGAL DE DAG RNAMS LHA RNAMS KYIS MI SHES TE, BAG MED PA'I DGRA RNAMS KYIS CO DRIS PA'I
PHYIR DANG, BSDUS PA'I PHYIR DANG, RNAM PAR NYAMS PAR BYAS PA'I PHYIR RO, ,DE NAS DE LTAR RIG NAS NGANG PA RNAMS KYI MNGA' BDAG DE GCIG TU NGES PA'I BLO DANG LHAN CIG TU NGES PAR BLO BZHAG PAR GYUR NAS THABS RNAMS GANG YIN PA DPYOD PAR BYED DE, GANG GIS 'DI DAG LEGS PAR BYED PAR 'GYUR BA'I THABS GANG DAG GIS LHA 'DI DAG RNAMS LA BDAG GIS CHOS BSTAN PAR BYA, DE NAS DE LTAR DUS RING BA NI, RTOGS NAS NGANG PA RNAMS KYI BDAG PO DE GZHAN LA PHAN PA LA RAB TU ZHUGS PAS, SEMS CAN DE DAG RNAMS LA PHAN PAR BYA BA'I DON DU TSIGS SU BCAD PA BRJOD PA JI LTAR, RTAG TU SBYIN DANG TSUL KHRIMS LDAN, ,SEMS CAN THAMS CAD LA RJES BRTZE, ,KUN TU BSAM PA THAMS CAD 'GRUB, ,DE PHYIR TSUL KHRIMS MCHOG YIN NO, ,BYAMS DANG SNYING RJE DANG LDAN ZHING, ,'DOD PA ZAD PA'I LUS CAN RNAMS, ,GZHAN DAG RJES SU 'DZIN LDAN PA'I, ,LUS 'GRUB PA NI RTAG TU GNAS, ,CHOG SHES PA DANG BAG YOD PA'I, ,SEMS CAN KUN LA PHAN PAR 'DOD, ,'DOD CHAGS ZHE SDANG LAS RNAMS GROL, ,LUS 'GRUB PA NI RTAG TU GNAS, ,GROGS DANG DGRA DANG BRAL BA DANG, ,LUS CAN RNAMS LA SNYOMS PA'I SEMS, ,NGAN SONG 'GRO BAS 'JIGS PA YI, ,LUS 'GRUB PA NI RTAG TU GNAS, ,BSLU BA MED DANG BRTAN PA DANG, ,CHOS SBYIN PA LA DGA' BA DANG, ,SER SNA PHRAG DOG RNAM GROL BA'I, ,LUS 'GRUB PA NI RTAG TU GNAS, ,SDOM LA GNAS DANG ZHI BA DANG, ,BLA MA
, ,MCHOD LA DGA' BA DANG, ,DON DANG DON MIN THABS BLAG SHES, ,DON GRUB PA NI RTAG TU GNAS, ,G-YO MED SHIN TU MKHAS PA DANG, ,RTAG PAR YANG NI SNYAN PA'I DAG ,MGON MED RNAMS LA SDOM BRTZOM LDAN, ,DON GRUB PA NI RTAG TU GNAS, ,YUL DUS RNAM PAR SHES PA YI, ,SGRUB DANG SGRUB MIN RNAM PAR SHES, ,SDIG PA'I SPYAD THABS SHES NUS PA'I, ,LUS 'GRUB PA NI RTAG TU GNAS, ,DE LTAR NGANG PA RNAMS GYI MNGA' BDAG DES RIG PAR GYUR NAS JI LTAR 'DI DAG RNAMS CHOS BYED DU 'GYUR BA DANG CHOS STON PAR 'GYUR BAR YANG BYED DE, GZHAN DAG RJES SU 'DZIN PAR BYED PA LA SBYOR BA GANG YIN PA DE DAG RNAMS NI, KUN TU BSAM PA RNAMS THAMS CAD 'GRUB PAR DES RIG PA'I PHYIR RO, ,DE NAS LHA DE DAG RNAMS BAG MED PA BAG MED PAR RGYU BAS RNAM PAR RGYU BAR BYED PA YIN NA, DE LA GANG GIS 'DI DAG RNAMS KYI BAG MED PA DANG BRAL BAR 'GYUR BAR JI LTAR BDAG GIS DE DAG RNAMS LA CHOS BSTAN PAR BYA, DE NAS YE SHES STOBS PO CHES LEGS PAR SPYAD PA RNAMS RIG CING SKYE BA GZHAN DRAN PA DANG DRAN PAR GYUR NA, JI LTAR SNGON BDAG MIR GYUR NAS DZAMBU'I GLING DU SKYES PA NA BCOM LDAN 'DAS GSER THUB KYI SPYAN SNGAR CHOS THOS PAR GYUR PA DE'I DUS NI, CHUNG DU NA'ANG NGES PAR 'DI YIN LA, BCOM LDAN 'DAS DES NI, DUS 'DI DAG
MKHYEN NAS BDAG LA CHOS BSTAN PA YIN TE, JI LTAR TSONG DPON GTZO BO'I BU AUTPA LA SBYIN ZHES BYA BA 'DI SHI BAR GYUR NAS 'THAB BRAL BA'I LHA RNAMS KYI SA R'A DZA NI NA RGYU BAR NGANG PAR SKYE BA GZHAN LA SKYE BAR 'GYUR RO, ,DES BDAG GI CHOS 'DI DAG RNAMS BAG MED PAS BAG MED PAR RNAM PAR RGYU BAR BYED PA'I LHA DE DAG RNAMS LA STON PAR BYED DO, ,ZHES BYA BA CHOS DE'I DUS DE NI, DE RING 'DIR BYUNG BA YIN PAS, CI NAS KYANG BDAG GIS CHOS DE DAG BSTAN PAR BYA BA YIN NO, ,NGANG PA RNAMS KYI MNGA' BDAG DES DE LTAR RIG NAS GZHAN LA PHAN PA LA RAB TU ZHUGS PA SNYING RJE DANG LDAN PAR GYUR CING, BYAMS PA DANG SNYING RJE MANG POS BLA NA MED PA YANG DAG PAR RDZOGS PA'I BYANG CHUB YID LA BYAS NAS GANG NA RNGA SKAD YAN LAG LNGA DANG LDAN PAS LHA DE DAG RNAMS RTZE BAR BYED PA DER NYE BAR 'GRO'O; ;NGANG PA'I TSOGS CHEN PO RNAMS KYIS YONGS SU BSKOR NAS NYE BAR PHYIN PAR GYUR NAS MTHONG BA NI, LHA DE DAG RNAMS KHA CIG NI NAGS TSAL GYI GSEB LA RTZE BAR BYED DO, KHA CIG NI PADMA'I RDZING BU RNAMS LA'O, KHA CIG NI, 'KHRI SHING GI KHANG PA RNAMS SU'O, KHA CIG NI, NAM MKHA'I DKYIL NA KHANG BU LA LEGS PAR KUN TU GNAS NAS RTZE BAR BYED DO, KHA CIG NI LHAN CIG SPYOD PA RNAMS DANG BCAS NAS BDUD RTZI ZA BAR BYED DO, ,DE NAS DUS BZANG 'DI SNYAM DU SEMS TE, JI LTAR BAG MED PAS BAG MED PAR RGYU BA 'DI DAG RNAMS NYID LA CHOS BSTAN PA'I DBANG
, ,DU BYAS PA'I DUS NI, 'DI YIN TE, GANG THA MAR GYUR PA'ANG BDAG GIS RNAM PA JI LTA BU'I DBYANGS SNYAN PA'I DBYANGS RNAMS KYIS CHOS KYI TSIGS SU BCAD PA'I DBYANGS KYIS 'DI DAG LA BSNYAD PAR BYA STE, BDAG GIS DBYANGS KYI GDANGS SHIN TU SNYAN PA GANG YIN PAS LHA DE DAG RNAMS KYI DANG, LHA MO DE DAG RNAMS KYI SNYAN PA DANG LDAN PA'I GLU DBYANGS DE DAG THAMS CAD NYE BAR BCOM NAS NGA'I DBYANGS DE LA KUN TU GNAS PA KHO NAS LHA DE DAG RNAMS DBYANGS KYIS KUN TU 'PHROG PAS RNA BA'I RNAM PAR SHES PA GTAD NAS NYAN PAR 'GYUR RO, ,GZHAN DU NA 'DOD PA'I LONGS SPYOD RNAMS KYIS BAG MED PA SNYAN PAR MI 'GYUR RO, ,DE NAS DE DAG LA BLO KUN NAS GNAS PAR BYAS NAS NGANG PA'I RGYAL PO DES TSANGS PA'I DBYANGS DE YID LA BYAS SHING SANGS RGYAS KYI YON TAN DE DAG RNAMS KYANG RJES SU DRAN PAR BYAS TE BYAMS PA DANG SNYING RJE'I BLO MANG DU BSKYED PAR GYUR NAS RIN PO CHE BDUN GYIS RNAM PAR BRGYAN PA'I RI'I RTZE MO LA MNGON PAR GNAS TE NGANG PA DE DAG RNAMS NYID DANG LHAN CIG TU DPAG TSAD BRGYA STONG PHRAG BCUR KHYAB PAR GYUR PA DANG, MTSUNGS PA MED PA'I DBYANGS SNYAN PA RNAMS KYIS TSIGS SU BCAD PA BSHAD PA JI LTAR, GSON PA RE BA RNAMS 'JIG PA'I, ,'CHI BA JI SRID MA BYUNG BA, ,PHYI NAS 'GYOD PAR MI 'GYUR BAR, ,DE SRID DU NI BSOD NAMS KYIS, ,RTAG TU BAG MED STEN PA GANG,,
'DI NI 'CHI BDAG GO 'PHANG YIN, ,BAG YOD PA NI NGES BSTEN PAS, ,'CHI BA MED PA'I GO 'PHANG MCHOG ,GANG DAG BAG MED PAS RMONGS PA'I, ,LAM 'DI SHIS PAR RAB BRJOD MIN, ,BAG YOD PA LA MNYAM BRTEN NAS, ,MKHAS PA MYA NGAN 'DAS PAR 'GRO, ,GNAS DE DAG NI CHUD GZON PA'I, ,BAG MED PA LA DGA' MA BYED, ,ZHI MIN GO 'PHANG BLANGS NAS NI, ,DMYAL PAR RJES SU RGYUG LA RE; ;RAB ZHIG RAB TU CHUD ZOS GANG, ,LUS CAN RAB TU CHUD 'DZAR 'GYUR, ,DE DAG BAG MED SKYON YIN PAR, ,DE BZHIN GSHEGS PA GSUNG BAR MDZAD, ,DE PHYIR THAMS CAD KYIS THAMS CAD, ,BRTZON PA KUN GYIS THAMS CAD KYI, ,BAG MED YONGS SU SPONG BA YI, ,LHA RNAMS 'DIR NI ZHI BAR BRJOD, ,DE LTAR NGANG PA RNAMS KYI MNGA' BDAG DE RI'I RTZE MO DE LA LHAG PAR GNAS NAS RNAM PA DE LTA BU'I DBYANGS KYIS RJOD PAR BYED DO, ,DE LTA BUR SNYAN PA DANG, DE LTA BUR GSAL BA DANG, DE LTA BUR YID 'PHROG PA'I DBYANGS GANG GI KHYAD PAR GYIS NI, LHA DE RNAMS KYI GLU'I DBYANGS DE DAG GIS THAMS CAD DU SKYO BA SKYE BAR 'GYUR RO, ,DE NAS LHA ,DE NAS LHA HAMS CAD KYANG SGRA DES DRANGS PAR GYUR NAS GANG NA RI'I RTZE MO YOD PA DER NYE BAR 'GRO BAR BYED DE, MCHOG TU SNYAN PA SHIN TU RGYA CHE BAR GYUR PA'I RNAM PA JI LTA BU'I DBYANGS DE LHA RNAMS KYIS NAM YANG SNGAR MA THOS PA'I BLO LHA DE DAG RNAMS LA SKYE STE, JI LTAR GLU'I SGRA 'DI DAG RNAMS 'DOD PAR GYUR PAS DE DAG
, ,KUN TU DRANGS PA YIN GYI, CHOS LA GUS PA NI, MA YIN NO, ,DE NAS RI'I RTZE MO DE LA 'KHOR NAS MA THONG BAR GYUR PA NGANG PA'I RGYAL PO DUS BZANG DES TSIGS SU BCAD PA RJOD PAR BYED PA NI, JI LTAR SNGAR BZHIN NO, ,DE NAS LHA DE DAG DANG, LHA MO DE DAG RNAMS THAMS CAD KYANG SNYAN PA DANG RGYA CHER GYUR PA MCHOG GI DBYANGS DES BKUG PA'I PHYIR THAMS CAD KYIS KYANG DUS BZANG DE YONGS SU BSKOR NAS GNAS TE RAB TU DANG BA RTZE GCIG PA'I YID KYIS DBYANGS DE 'BA' ZHIG NYAN PAR BYED DO, ,TSIGS SU BCAD PA 'DI DAG RNAMS LAS SNYAN PAR GYUR PA'I TSIG RNAMS NYE BAR 'DZIN PAR BYED DO, ,DE NAS LHA DE DAG RNAMS KYI YID RTZE GCIG TU GYUR PA NGANG PA'I RGYAL PO DES RIG NAS DE MIR GYUR PA NI, JI LTAR GTZO BOR GYUR PA'I BU'I MING YANG AUTPA LA'I SPYAN DU GYUR CING, GYUR PA NA BCOM LDAN 'DAS GSER THUB KYI SPYAN SNGAR THOS PA'I CHOS DE GANG YIN PA 'DI LAS BRTZAMS NAS SNYAN ZHING MCHOG TU RGYA CHE BAR GYUR PA'I DBYANGS DE NYID KYIS YID RTZE GCIG TU GYUR PA RNAMS NYID LA RANG DANG 'DRA BAR STON PAR BYED PA YIN TE, DE LTAR LHA MO'I TSOGS RNAMS KYIS YONGS SU BSKOR BA'I LHA DE DAG RNAMS LA JI LTAR BAG MED PAS BAG MED PAR RNAM PAR MI RGYU BAR LHA DAG GIS GNAS PAR BYA BA DANG, CHOS KYANG BAG YOD PAS NYAN PAR BYA BA DANG, SKYES
BU DAM PA PHAN PAR BYED PA RNAMS KYI DRUNG DU DAM PA'I CHOS NYAN PAR GYUR PA NA, DAM PA'I CHOS SGROG PA LA GUS PA DANG LDAN PA'I SKYES BU DAM PA RNAMS NI, MYA NGAN LAS 'DAS PA'I MTHAR THUG PAR 'GYUR RO, ,DGA' BA DANG YID BDE BA MANG BAR 'GYUR RO, ,ZAG PA RNAMS ZAD PAR 'GYUR RO, ,'JIG RTEN GNYIS PO 'DI DAG TU SKYES BU DAM PAS TSANGS PA'I BSOD NAMS SKYED PAR 'GYUR RO; ;TSUL BZHIN DU GYUR PAS KYANG 'DZIN PAR BYED DO, ,ZAG PA DAG ZAD PAR BYED DO, ,DE LA GANG YANG DAM PAR BYAS TE CHOS STON PAR BYED PA DANG GANG YANG DAM PAR BYAS TE NYAN PAR BYED PA GANG GIS DE LA DE DAG MA DANG PHA GNYIS DANG MTSUNGS PAR 'GYUR BA YIN NA, GANG DAG 'KHOR BA NAS NGES PAR 'BYUNG BAR 'GYUR BAR CHOS STON PAR BYED PAS TE, MTHAR THUG PA DANG DGE BA'I CHOS RNAMS 'PHEL BAR 'GYUR PA'I CHOS STON PA PO DE NI, CHOS NYE BAR 'PHEL BA DES MA DANG PHA DANG MTSUNGS PAR 'GYUR RO, ,DE LA DAM PA'I CHOS STON PAR BYED PA NI, CHOS STON PA PO, SBYIN PA PO, CHOS KYI SBYIN BDAG TU GYUR PA, NYAN PA PO RNAMS LA CHOS SGROG PAS NYAN PAR BYED DU 'JUG PA STE, CHOS SGROG PAR BYED PA PO YIN NO, ,DE LA CHOS BSGRAGS PA NYAN PA RNAMS KYIS NI; RAB TU BRTZON PA DANG LDAN PA DANG SEMS DRANG PO'I RANG BZHIN DU GYUR PA DANG DAM PA'I CHOS LA GUS PA DANG LDAN PAS CHOS SGROG PA RNAMS LAS CHOS NYAN PAR 'DOD PA NI, YON TAN SUM
, ,CU THAM PA DANG YANG DAG PAR LDAN NO, ,SUM CU THAM PA PO GANG DAG RNAMS DANG LDAN ZHE NA, CHOS SGROG PA PO CHOS SMRA BA PO GCIG TU CHOS KYI SBYIN BDAG TU GYUR PA MA DANG PHA DANG MTSUNGS PA 'KHOR BA'I RGYU MA YIN PA'I DRUNG NAS NI, 'DI LTA STE, MA THOS PA'I CHOS RNAMS THOS PAR 'GYUR BA DANG, THOS PA RNAMS SO SOR RIG PAR BYED PA DANG, SO SOR RIG PAR BYAS PAS KYANG RNAM PAR DPYOD PAR BYED PA DANG, RNAM PAR DPYAD NAS KYANG RAB TU SGRUB PAR BYED PA DANG, RAB TU ZHUGS PAR GYUR NAS BDAG NYID RAB TU GNAS PAR BYED DO; ;RAB TU GNAS PAR GYUR NAS GZHAN DAG RNAMS KYANG RAB TU 'GOD PAR BYED DO, ,DE DANG LHAN CIG TU CHOS NYAN PAR GYUR PA LAS RNAM PAR DPYOD PAR BYED DO, ,RGUD PAR GYUR PAS KYANG KUN NAS RAB TU G-YO BAR MI 'GYUR RO, ,DGE BA'I RTZA BA MA BSKYED PA RNAMS LA SKYE BAR BYED PA DANG GONG DU RNAM PAR SMIN PAR BYED DO, ,YONGS SU SMIN PA RNAMS NI, THAR PAR BYED DO; ;LOG PAR LTA BA CAN RNAMS YANG DAG PA'I LTA BA CAN DU BYED DO, ,SKYES PAR GYUR PA'I MI DGE BA'I RNAM PAR RTOG PA RNAMS SO SOR 'JOMS PAR BYED DO, ,DGE BA'I SEMS KUN TU SKYES PA RNAMS LEGS PAR 'PHEL BAR BYED DO, ,RKYEN GYIS BYUNG BA'I MI DGE BA RNAMS YONGS SU SPONG BAR BYED DO, ,BAG DANG LDAN PAR 'GYUR RO, ,SKYES BU DAM PA RNAMS LA RJES SU STEN PAR
BYED DO; ;G-YO DANG SER SNA RNAMS DANG BRAL BAR BYED DO, ,MA DANG PHA LA GUS PA DANG LDAN PAR 'GYUR RO, ,LAS DANG 'BRAS BU RNAMS KUN TU SHES SO, ,'DIS NI, TSE RING BA 'PHEL BAR BYED PA'I LAS RNAMS YANG MNGON PAR 'PHEL BAR BYED DO, ,'JIG RTEN PA RNAMS KYIS KYANG BSNGAGS PAR 'GYUR RO, ,LHA RNAMS KYIS KYANG 'DI DAG MNGON PAR SRUNG BAR BYED DO, ,'DIS KUN TU BSAM PA RNAMS KYANG PHUN SUM TSOGS PAR 'GYUR RO, ,CHOS DANG LDAN PA'I LONGS SPYOD DAG THOB PAR 'GYUR RO, ,LE LO MED PAR YANG 'GYUR RO, ,BRTZON 'GRUS BRTZAMS PA DANG BYAS PA SHES PAR YANG 'GYUR RO, ,RTAG PAR RGYUN DU'ANG 'CHI BA RJES SU DRAN PA SGOM PAR BYED DO, ,'CHI BA'I DUS NA 'GYOD PA MED PAR YANG 'GYUR RO, ,MTHAR YANG YONGS SU MYA NGAN LAS 'DAS PAR 'GYUR RO, ,DE LTA BU'I YON TAN SUM CU THAM PA YIN TE; CHOS DANG LDAN PA'I 'CHAD PA PO MA DANG PHA DANG MTSUNGS PAR GYUR PA'I CHOS KYI SBYIN BDAG CHOS SGROG PA PO'I DRUNG NAS CHOS THOS PA LAS YIN NO, ,DE NI MTHAR THUG PA DANG MTHA' YAS PA'I PHAN PA BYED PA'I PHYIR PHA YIN TE, GANG GIS RNYOG BA MED PA DANG YID RAB TU RNAM PAR DRANG PAR GYUR PA DANG PHAN PAR BYED PA DANG NGES PAR RTOGS PAR BYED PAS KYANG CHOS STON PAR BYED PA DE NI, DON DE LAS SANGS RGYAS DANG CHOS DANG DGE 'DUN GYI BYA BA BYED PA YIN NO, ,'KHOR BA LAS SGROL BAR BYED DO, ,'DI NA CHOS SGROG PA PO CHOS BRJOD PA'I DRUNG NAS GANG GI TSE CHOS NYAN PAR BYED PA NA, DANG PO NYID
, ,DU DE 'KHOR BA THOG MA MED PA'I DUS NAS 'JUG PA LAS, GAL TE SHED NA 'GA' ZHIG LAS CHOS THOS PAR 'GYUR TE, DE CHOS SGROG PA DE'I DRUNG NAS MA THOS PA'I CHOS RNAMS THOS PAR GYUR NAS NGO MTSAR BA SKYE BAR 'GYUR RO, ,JI LTAR SKYOS PA NAS LONG BAR GYUR PA'I MIG GI NYES PA RNAMS SMAN PA CHEN POS GANG GI TSE KUN NAS BSAL BAR GYUR BA NA; DES DU MA SNA TSOGS PAR GYUR PA'I SA GZHI 'DI MTHONG NAS MCHOG TU DGA' ZHING RANGS PAR 'GYUR RO, ,SNGA NA MED PA DANG SNGAR MA THOS PA RNAM PA SNA TSOGS PA'I DGA' BAR GYUR PA GZUGS MNGON PAR MTHONG BAR 'GYUR RO, ,DE BZHIN DU 'DI'I THOG MA MED PA'I DUS NAS RAB TU ZHUGS PA RNAMS KYANG DAM PA'I CHOS SGROG PA RNAMS 'DZIN PA'I DON GYIS GANG GI TSE BYANG CHUB KYI YAN LAG GIS GZHI SNA TSOGS PA'I DGE BA'I SNYING PO DGA' BAR GYUR PA SNGAN MED PA'I MDO'I DON RNAMS RJOD PAR BYED PAS GSAL BAR GYUR PA MTHONG BAR 'GYUR RO, ,DE'I TSE SHIN TU BAG YANG RAB TU YANGS PAR 'GYUR TE, DMUS LONG BZHIN DU GZUGS RNAMS MNGON PAR MTHONG NAS RAB TU DGA' BAR 'GYUR RO, ,'DI NI, YON TAN DANG PO YIN NO, ,DAM PA'I CHOS SGROG PAR BYED PA RNAMS LAS DES THOS NAS CHOS DE DAG RNAMS RAB TU RIG PAR 'GYUR RO, ,DAM PA'I CHOS NYAN PAR BYED PAS CHOS DE DAG THOS PAR GYUR NAS YID KYIS RAB TU RTOGS
PAR BYED DO, ,BSHAD PA DE'I DON CI ZHIG YIN PA YANG GANG GI TSE BDAG NYID KYIS KUN NAS MA RIG PA NA DE GZHAN DAG RNAMS LA YONGS SU 'DRI BAR BYED DO, ,BSHAD PA DE DAG GI DON CI YIN ZHES BYA BAR DE DAG DANG, GZHAN DAG RNAMS KYI DRUNG NAS KYANG DE THOS NAS YID KYIS RAB TU RIG PAR BYED DO, ,SEMS PAR BYED DO, ,SGOM PAR BYED DO, ,LAN MANG DU BYED DO, ,SNGA MA DANG PHYI MA'I DON DAG DANG BSHAD PA DE DAG SBYOR BAR BYED DO, ,YID LA BYED DO, ,YID LA BYAS NAS KYANG YANG DANG YANG DU DON RNAMS LA KUN TU LTA BAR YANG BYED DO, ,KUN TU BLTAS PAS KYANG DGA' BA THOB PAR 'GYUR RO, ,JI LTA JI LTAR KUN TU LTA BAR BYOD PA NA'ANG DE LTA DE LTAR DON ZAB MO RNAMS KYANG YID KYIS SO SOR RNAM PAR BYED PAR 'GYUR RO, ,'DI NI, CHOS SGROG PA LA NYAN PA RNAMS KYIS MA THOS PA DAG LEGS PAR BSHAD PA YID LA BYAS PA'I YON TAN GNYIS PA YIN NO, ,GZHAN YANG YON TAN GSUM PA YOD PA NI, CHOS SGROG PA RNAMS KYANG SO SOR RIG PAR BYAS NAS RNAM PAR DPYOD PAR BYED DO, ,'DI'I DON NI; 'DI YIN NO, ,'DI'I DON NI, 'DI YIN TE, DGONGS PA 'DI DAG GIS BSHAD PA YIN NO, ,DE DAG GIS SPYI'I DON NI, 'DI DAG TU RIGS PA YIN TE, GDUL BYA RNAMS KYI DBANG GIS DON 'DI BCOM LDAN 'DAS KYIS GSUNGS PA YIN NO, ,DON DE DAG RNAMS THOS NAS DPYOD PAR BYED DO, ,'DI DAG DANG LHAN CIG TU BCAS NAS GANG DAG GIS SEMS PAR BYED PA YIN NO, ,SNGA PHYI DES RNAM
, ,PAR SPYOD PAR BYED PA NI, GCES PAR GYUR PA YIN NO, ,MYA NGAN LAS 'DAS PA'I MTHAR THUG PAR YANG BYED DO, ,'DI NI, DAM PA'I CHOS SGROG PAR BYED PA LA NYAN PA'I YON TAN GSUM PA YIN NO, ,GZHAN YANG YON TAN BZHI PA YOD PA NI, DAM PA'I CHOS BSGRAGS PA RNAMS RNAM PAR DPYOD PAR GYUR PA NA BSHAD PA DE'I SNGA MA DANG PHYI MA'I DON DE DAG RNAMS PHYI NAS RIG PAR GYUR NAS SGRUB PAR BYED DO, ,SGRUB PA ZHES BYA BA'ANG JI LTAR BSHAD PA DE'I DON YIN PA LAS, JI LTAR LUS DANG NGAG DANG YID KYI LAS KYIS RAB TU SGRUB PAR BYED PA YIN TE, DGE BA RNAM PA GSUM BYED PA YIN NO, ,SGOM PAR BYED DO, ,LAN MANG DU BYED DO, ,BSHAD PA DE LA RAB TU SGRUB PAR BYED DO, ,BLO RAB TU DANG BAR GYUR PAS TSIG NAS TSIG RNAMS DANG, DBANG SKAL NAS DBANG SKAL RNAMS DANG, 'BREL PA NAS 'BREL PA RNAMS SU RNAM PAR DPYOD PAR BYED DO, ,DES JI LTA JI LTAR RNAM PAR DPYAD PAR 'GYUR BA DE LTA DE LTAR DON LAS MI NYUNG BAR 'GYUR RO, ,DES SNGA NA MED PA'I DON RNAMS RNYED PAR 'GYUR BA'I PHYIR NYON MONGS PA RNAMS LA 'BAD PAR BYED DO, ,DE KUN TU SBYOR BA RNAMS DANG, RJES SU 'BREL PA RNAMS LA'ANG 'BAD PAR BYED PA DANG, YON TAN DU MA RNAMS DANG, TSUL KHRIMS DAG SHES RAB DANG, SBYIN PA LA DE LTA DE LTAR RJES SU SGRUB PAR YANG BYED DO, ,GAL TE NA BSAM PA'I KHYAD PAR GYIS DANG,
SBYIN PA DANG TSUL KHRIMS DANG SHES RAB RNAMS LA STE, 'DI NI, DAM PA'I CHOS SGROG PA BSTEN CING BSGOMS LA LAN MANG DU BYAS PA'I YON TAN BZHI PA YIN NO, ,GZHAN YANG DAM PA'I CHOS SGROG PA LA LEGS PAR NYAN CING LEGS PAR RAB TU ZHUGS PAR GYUR PA'I YON TAN LNGA PA YOD DE, LAS RNAM PA GSUM PO RNAMS KYI PHYI NAS BDAG NYID SHIN TU BRTAN PAR BYED PA YIN NO, ,CHOS 'DUL BA DE LA RAB TU 'GOD PAR BYED DO, ,JI LTAR YANG DGE SBYONG NGAM BRAM ZE'AM KHYIM PA RNAMS KYIS KYANG 'DI LTAR RJOD PAR BYED DE, JI LTAR RIGS KYI BU CHE GE MO ZHIG CHOS 'DUL BA LA LEGS PAR GNAS PAR GYUR TE, DE NI, JI SKAD BRJOD PA DE LTAR BYED PA YIN NO, ,BYA BA'O, ,DE LTAR BDAG NYID DANG, GZHAN DAG KYANG CHOS 'DUL BA DE LA RAB TU GNAS BAR BYED DO, ,DES JI LTA JI LTAR RAB TU 'GOD PAR BYED PA DE LTA DE LTAR 'KHOR BA'I SKYE BA BRGYA STONG PHRAG BYE BA KHRAG KHRIG DANG, BSKAL PA BRGYA STONG PHRAG BYE BA NAS BYE BA RNAMS 'JOMS PAR BYED DO, ,'JIGS PAR BYED DO, ,SKYE BA GZHAN GANG DAG BRGYA STONG RNAMS SU DMYAL BA DANG YI DVAGS RNAMS SU SKYE BAR 'GYUR BA RNAMS 'GOG PAR BYED DO, ,'DI'ANG DAM PA'I CHOS BSGRAGS PA NYAN CING BSTEN PA LA BSGOMS SHING RNAM PAR DPYAD PA RNAMS KYI YON TAN CHEN PO GZHAN YIN NO, ,CHOS NYAN PAR BYED PA RNAMS LA DAM PA'I CHOS SGROG PA RNAMS NI, SHIN TU GCES PAR GYUR PA YIN NO, ,MYA NGAN LAS 'DAS PA NYE BAR
, ,STON PAR BYED PA'I PHYIR NA DON GYIS NA SANGS RGYAS YIN NO, ,GANG GIS CHOS KYI DBANG DU BYAS NAS RAB TU 'GOD PAR BYED PA'I DAM PA'I CHOS SMRA BA PO DE LA BLA LHAG TU MTHUN PAR 'DZIN PA DANG GUS PA CHEN PO DANG RAB TU DANG BAR GYUR BA RNAMS G-YO MED PAS STON PA BZHIN DU BYA'O, ,'DI NI, DAM PA'I CHOS NYAN PA'I YON TAN LNGA PA YIN NO, ,GZHAN YANG DAM PA'I CHOS SGROG PA'I YON TAN DRUG PA 'DI DAG KYANG GANG ZHE NA, 'DI LTA STE RANG RAB TU GNAS PAR GYUR NAS GZHAN YANG RAB TU GNAS PAR BYED CING, GZHAN DAG RNAMS KYANG RAB TU DANG BAR BYED DO, ,GANG DAG GI SKYE BA GZHAN BRGYA STONG DU DMYAL BA DANG YI DVAGS SU SKYES PAR GYUR PA'I SDUG BSNGAL DU MA RNAMS BCOM NAS SNOD DU BYED DO, ,'KHOR BA LAS SKYO BA SKYED PAR BYED DO; ;BDE LEGS YANG DAG PAR STON PAR BYED DO, ,SDUG BSNGAL DANG KUN 'BYUNG BA DANG 'GOG PA DANG LAM GYI GTAM BYED DO, ,DE GNYIS KA'I RGYUD LAS BSOD NAMS RAB TU 'BYUNG BAR BYED DO; ;DE RANG GI RGYUD LA YANG STE, DE NI, BDAG GZHAN LA PHAN PAR BYED PA YIN PAS BSOD NAMS CHEN PO RAB TU 'BYUNG BAR 'GYUR RO, ,JI LTA JI LTAR DAM PA'I CHOS SGROG PA NYAN PAR BYED PA DE LTA DE LTAR SHES RAB MNGON PAR 'PHEL BAR 'GYUR RO, ,DE LTA DE LTAR NYON MONGS PA RNAMS ZAD PAR BYED DO, ,DE NYON MONGS PA RNAMS ZAD PAS YONGS SU MYA NGAN LAS 'DA' BAR 'GYUR RO,,
DAM PA'I CHOS SGROG PA'I YON TAN NI, DE DAG RNAMS YIN NO, ,GZHAN YANG DAM PA'I CHOS SGROG PA BSTEN CING BSGOMS LA LAN MANG DU BYAS PA'I YON TAN BDUN PA YOD DO, ,'DI'ANG GANG ZHE NA, 'DI LTA STE; RGUD PAS SEMS ZHUM PAR MI 'GYUR RO, ,LAS KYI 'BRAS BU RNAM PAR SMIN PA RNAMS THOS NAS RGUD PA ZHUM PAR MI 'GYUR RO, ,BYA BA MA YIN PA RNAMS MI BYED DO, ,BRJOD PAR BYA BA MA YIN PA RNAMS RJOD PAR YANG MI BYED DO, ,BSAM PAR BYA BA MA YIN PA'I BSAM KHRAL RNAMS SEMS PAR MI BYED DO, ,'DI'I SEMS KYI DBANG RAB TU NYAMS PAR YANG MI 'GYUR RO, ,'DI NI, DAM PA'I CHOS BSGRAGS PA'I YON TAN BDUN PA YIN NO, ,GZHAN YANG DAM PA'I CHOS BSGRAGS PA'I YON TAN BRGYAD PA NI, YANG GZHAN DAG LA SHES PA'AM THOS PA'AM TSUL KHRIMS SAM SHES RAB BAM LUNG GIS LHAG PA MTHONG BAR GYUR NAS NGA RGYAL DANG LDAN PAR MI BYED PAR DE DAG DANG LHAN CIG TU CHOS KYI MTSAN NYID LA RNAM PAR DPYOD PAR BYED DO, ,BSHAD PA DE DANG DE DAG GI DON RNAM PAR 'DRES PAR 'GYUR BA RNAMS KYANG GSAL BAR BYED DO, ,'DI NI, DAM PA'I CHOS BSGRAGS PA'I YON TAN BRGYAD PA YIN NO, ,DGE BA'I RTZA BA MA SKYES PA RNAMS SKYED PAR BYED DO, ,GANG GI PHYIR DAM PA'I CHOS BSGRAGS PA THOS PAR GYUR NAS DGE BA'I RTZA BA MA BSKRUN PA RNAMS SKRUN PAR BYED DE, DAM PA'I CHOS SGROG PA RNAMS 'DOD PAS DGE BA'I RTZA BA RNAMS SKYED PAR BYED PA NI, 'DI LTA STE, ZHING GI RNANG LA SA BON
, ,KUN NAS SO SOR BTAB PAR GYUR PAS MYU GU RNAMS RAB TU SKYE BAR NUS PAR 'GYUR RO, ,DE KHO NA BZHIN DU BRTZON 'GRUS DRAG PA RNAMS KYI DGE BA'I RTZA BA'ANG CHOS NYAN PA PO RNAMS KYIS CHOS SGROG PAR PHYIN CING CHOS SMRA BA'I DRUNG NAS DGE BA'I RTZA BA'I SA BON RNAMS RNA BA'I BU GA NAS ZHUGS NAS YID KYI ZHING RNANG LA LEGS PAR SKYE'O, ,CHOS KYI SA BON RNA BA'I ZHING RNANG LA RJES SU ZHUGS PA DE DUS GZHAN DU 'BRAS BU RNAM PAR RGYAS PAR GYUR PAS DMYAL BA DANG YI DVAGS DANG DUD 'GRO'I 'GRO BA'I SDUG BSNGAL GYI MU GE'I 'JIGS PA RNAMS LAS YONGS SU SKYO BA PAR BYED DO, ,DE'I PHYIR DE DAG RNAMS LAS YONGS SU BSKYABS PAR BYAS SHING SDUG BSNGAL DE DAG RNAMS THAMS CAD KYANG RAB TU GZHOM PAR BYAS LA, NGAM GROG RNAMS THAMS CAD KYANG BCAD CING 'JIGS PA RNAMS THAMS CAD LAS GROL BAR BYAS NAS ZHI BA'I GO 'PHANG BLA NA MED PAR GYUR PA'I BAR DU 'JUG PAR BYED DO, ,DE NAS NI, MYA NGAN LAS 'DAS PAR ZHUGS PAR 'GYUR BA YIN NO, ,DAM PA'I CHOS SGROG PAR BYED PA DE NI, DON DE DAG GI PHYIR NA SANGS RGYAS KYI MDZAD PA BYAS PA YIN NO, ,DE'I PHYIR DAM PA'I CHOS SGROG PAR BYED PA DE'I YON TAN GZHAN 'DI DAG YIN TE; GANG DAM PA'I CHOS RTAG TU SGROG PA LA 'GRO BA DANG BSNYEN BKUR BYED PA DANG SGRUB PAR BYED PA DE DAG RNAMS NI, SKYABS YIN ZHING 'KHOR BA LAS NGES PAR 'BYUNG BAR BYED PA'I SGO
YIN NO; ;DAM PA'I CHOS SGROG PAR BYED PA RNAMS LA NI, YON TAN GZHAN DAG KYANG YOD DO, ,'DI DAG KYANG GANG ZHE NA, 'DI LTA STE, GONG DU SKYONG BAR BYED PA'O, ,DGE BA'I RTZA BA RNAMS RGYA CHEN POR GONG DU YONGS SU SMIN PAR BYED DO, ,GANG 'GA' ZHIG CHOS SGROG PA LA RTAG TU NYAN DU 'GRO BAR BYED PA'I BRTZON 'GRUS DRAG PO DANG LDAN PA DE'I DGE BA'I RTZA BA RNAMS NI, PHYI NAS YONGS SU SMIN PAR 'GYUR RO, ,DPER NA ZHING GI RNANG LA SA BON RAB TU BTAB PAR GYUR PA LAS DUS PHYIS NYI MA'I 'OD ZER GYIS DANG, DUS KYI 'GYUR BA LAS YONGS SU SMIN PAR 'GRO'O, ,DE BZHIN DU PHYI NAS DGE BA'I RTZA BA RNAMS SHES RAB KYI NYI MAS YONGS SU SMIN PAR BYED DO, ,DE'I PHYIR RTAG PAR RGYUN MI 'CHAD PAR DAM PA'I CHOS BSGRAGS PAR 'GYUR RO, ,MNYAN PAR YANG BYA'O, ,DAM PA'I CHOS SGROG PA LA YON TAN GZHAN YANG YOD DO, ,'DI'ANG GANG DAG ZHE NA, 'DI LTA STE, YONGS SU SMIN PA NGES PAR GROL BAR BYED DO, ,GANG GI TSE SEMS LA DGE BA'I RTZA BA RNAMS YONGS SU SMIN PAR GYUR PA DE'I TSE 'DI KHO NA LA RTAG TU 'GRO BA DANG 'DZIN PA DANG RNAM PAR DPYOD PA DANG SGRUB PAR BYED PA'I RGYUS SEMS KYI RGYUD DE YONGS SU SPYAD PA BYAS PA'I PHYIR NYON MONGS PA RNAMS 'JOMS PAR BYED DO, ,NYON MONGS PA RNAMS ZAD PAS YONGS SU 'GROL BAR 'GYUR RO, ,NGES PAR RNAM PAR GROL BA RNAMS NI, CHAGS PA MED PAR 'GYUR BAS, DE 'DI SNYAM DU SEMS TE, BDAG GI
, ,SKYE BA RNAMS NI, ZAD DE, TSANGS PAR SPYOD PA NI, SPYAD DO, ,BYA BA RNAMS NI, BYAS SO, ,BDAG GI SGRIB PA GZHAN RNAMS NI, RAB TU MI SHES SO, ,DE LA YON TAN DE DAG RNAMS THAMS CAD KYANG DAM PA'I CHOS BSGRAGS PA LAS YIN NO, ,DE'I PHYIR NA RGYUN MI 'CHAD PAR CHOS MNYAN PAR BYA'O, ,YANG THABS GZHAN GYIS NGES PAR GROL BAR BYED PA'I RGYU'I YON TAN GZHAN YOD DO, ,'DI DAG KYANG GANG ZHE NA, 'DI LTA STE, LOG PA'I LTA BA CAN RNAMS YANG DAG PA'I LTA BA CAN DU BYED DO, ,GANG YANG THOG MA MED PA'I DUS NAS 'KHOR PA'I BYA BA NGAN PA RNAMS KYIS PHYIN CI LOG LA RAB TU ZHUGS PA'I 'GRO BA RNAMS THOS PA NGAN PA RNAMS LA KUN TU 'JUG PAR 'GYUR BA YIN NO, ,THOS PA NGAN PAS KYANG DMYAL BA DANG YI DVAGS DANG DUD 'GRO'I 'GRO BA RNAMS SU SKYE BAR 'GYUR BA YIN NO, ,GANG GI TSE DAM PA'I CHOS NYAN PAR BYED PA DANG DAM PA'I CHOS SGROG PA BSTEN CING BSGOMS LA LAN MANG DU BYAS PAR GYUR PA NA, DE'I TSE LOG PAR LTA BA DA DANG, STON CING SGOM LA LAN GRANGS MANG DU BYED PAR YANG MI 'GYUR RO, ,DE'I TSE 'DI LA BDE BA RNAMS KYI MCHOG TU GYUR PA DANG, SLU BA MED PA'I YANG DAG PA'I YE SHES 'CHAR BAR 'GYUR RO, ,DE'I PHYIR NA DAM PA'I CHOS BSTEN CING BSGOMS LA LAN MANG DU BYAS PAR GYUR PA'I YON TAN GZHAN YANG 'DI DAG YOD DO, ,'DI'ANG GZHAN GANG DAG
ZHE NA; 'DI LTA STE, SKYES PAR GYUR PA'I MI DGE BA'I RTZA BA'I RNAM PAR RTOG PA RNAMS SO SOR 'JOMS PAR BYED DO, ,YANG DAM PA'I CHOS BSGRAGS PA BSTEN CING BSGOMS LA LAN MANG DU BYAS PA'I YON TAN 'DI DAG NI, GZHAN YIN NO, ,'DI'ANG GANG ZHE NA, 'DI LTA STE, MI DGE BA'I RNAM PAR RTOG PA NYUNG DU TZAM ZHIG YID LA SKYES PAR GYUR KYANG DE'I TSE MI DGE BA GNYEN POS NGES PAR 'JOMS PAR BYED PA LA 'DI LTA STE, GANG GI 'DOD CHAGS KYI RNAM PAR RTOG PA SKYES PAR GYUR NA NI, DE'I TSE MI SDUG PA'I GNYEN POS NGES PAR 'JOMS PAR BYED DO, ,GANG GI TSE ZHE SDANG GI RNAM PAR RTOG PA SKYES PAR GYUR NA, DE'I TSE BYAMS PA'I RNAM PAR RTOG PAS 'JOMS PAR BYED DO, ,GAL TE GTI MUG GI RNAM PAR RTOG PA SKYES PAR GYUR PA NI, DE'I TSE RTEN CING 'BREL BAR 'BYUNG BA'I GNYEN POS 'JOMS PAR BYED DO, ,DE LA GNYEN PO DE DAG RNAMS NI, DAM PA'I CHOS SGROG PA LA NYAN PA LAS YIN NO, ,DE LA MA THOS PA RNAMS KYIS NI, RE ZHIG MI DGE BA'I RTZA BA GSUM PO RNAMS KYI RNAM PAR RTOG PA YANG RNAM PAR 'JOMS PAR BYED PA MA YIN NA, GANG DAG PHRA BAR GYUR PA NYE BA'I NYON MONGS PA GZHAN DE DAG RNAMS KYI SO SOR 'JOMS PAR 'BYUNG BAR MI 'GYUR BA LA LTA SMOS SU CI ZHIG YOD NAS DE'I PHYIR DAM PA'I CHOS SGROG PA'I YON TAN 'DI'ANG GZHAN YIN NO, ,DAM PA'I CHOS KYIS KYANG MI DGE BA'I RNAM PAR RTOG PA RNAMS SO SOR 'JOMS PAR BYED DO, ,GANG
, ,GI TSE NYI MAS MUN PA RNAMS 'JOMS PAR BYED PA YIN LA, DE BZHIN DU SHES RAB KYIS KYANG NYON MONGS PA'I MUN PA RNAMS THAMS CAD 'JOMS PAR BYED PA YIN TE; DAM PA'I CHOS KYI PHYOGS NI, STOBS DANG LDAN PA YIN LA, NYON MONGS PA'I PHYOGS NI, STOBS ZHAN PA YIN PA'I PHYIR RO, ,DE'ANG DAM PA'I CHOS SGROG PA MA GTOGS PA'I GZHAN RNAMS KYIS NI, GZHOM PAR MI NUS SO, ,'DI NI DAM PA'I CHOS SGROG PA'I YON TAN GZHAN YIN NO, ,DAM PA'I CHOS SGROG PA LA YON TAN GZHAN YANG YOD DO, ,'DI'ANG GANG ZHE NA; 'DI LTA STE, DGE BA'I SEMS SKYES PA RNAMS 'PHEL BAR BYED PA'O, ,'DI NI, DAM PA'I CHOS SGROG PA'I YON TAN GZHAN YIN TE, MI DGE BA RNAMS RAB TU 'JOMS PAR BYED PA 'BA' ZHIG NI, MA YIN GYI, DGE BA'I RNAM PAR RTOG PA SKYES PA RNAMS 'PHEL BAR BYED DO, ,GANG GI TSE 'DI LA DGE BA'I RNAM PAR RTOG PA RNAMS SKYES PAR GYUR PA DE'I TSE 'PHEL BAR BYED PA NI, 'DI LTAR SHES RAB KYIS YIN NO, ,DPER NA, ME CHUNG NGU TZAM ZHIG SKYES PAR GYUR PA LA, GANG GI TSE RTZVA DANG SHING LA SOGS PA RNAMS DANG RLUNG DANG BCAS PAR GYUR CING LHAN CIG TU 'DUS SHING TSOGS PAR GYUR PA DE'I TSE 'PHEL BAR 'GYUR RO, ,DE BZHIN DU DGE BA'I RTZA BA CHUNG NGU SKYES PAR GYUR PA'ANG SHES RAB KYIS KUN TU 'PHEL BAR BYED DE, DAM PA'I CHOS
BSGRAGS PA LAS GANG DAG THOS PA'I DON DANG LDAN PAR GYUR PA'I DGE BA'I SEMS BSKYED PA GCIG KYANG BSKAL PA BRGYA STONG DU MA RNAMS SU'ANG CHUD ZA BAR MI 'GYUR RO, ,MI SKYE BAR BYA BA'I DON YANG BYED DO, ,DE'I PHYIR YON TAN DE DAG GO BAR GYIS LA RAB TU BRTZON PAS KYANG CHOS NYAN PAR BYA'O, ,CHOS LAS SKYOB PAR BYED PA GZHAN NI, MED DO, ,CHOS THOS PA LAS SBYIN PA BTANG BAR GYUR PAS SBYIN BDAG TU 'GYUR BA YIN NO, ,CHOS RNAMS THOS NAS CHOS BSRUNGS PA LAS MKHAS PAR 'GYUR BA YIN NO, ,CHOS THOS NAS SHES RAB DANG LDAN PAR 'GYUR RO, ,DE'I PHYIR YON TAN DE DAG RNAMS THOS SHING LEGS PAR MTHONG BAR GYUR NAS 'KHOR BA THAMS CAD LAS NGES PAR 'BYUNG BA'I RGYUR GYUR PA'I CHOS LA RAB TU BRTZON PAS KYANG JI SRID 'TSO'I BAR DU RAB TU BRTZON PAS MNYAN PAR BYA'O, ,DE DAG NI, SKYOB PA RNAMS KYI MCHOG YIN ZHING, DAM PA'I CHOS SGROG PA GANG YIN PAS NI, SRID PA'I SDUG BSNGAL RNAMS LAS NGES PAR 'BYUNG BAR BYED PA'I PHYIR DE DAG NI, MCHOG TU GYUR PA YIN NO, ,YANG DAM PA'I CHOS SGRAG PA LA NI, YON TAN GZHAN YOD DO, ,'DI YANG GANG ZHE NA, 'DI LTA STE, MI DGE BA RNAMS YONGS SU SPONG BA'O, ,RKYEN GYI MI DGE BA RNAMS 'ONGS PAR GYUR NA YONGS SU SPONG BAR BYED DO, ,GANG GI TSE MI DGE BA'I RGYEN GYIS SKYES PAR GYUR PA NA, DE'I TSE NGAN SONG GI 'JIGS PA RNAMS KUN NAS MTHONG BAR GYUR NAS
, ,YONGS SU 'DOR BAR BYED DO, ,YONGS SU SBYONG BAR BYED PA PO 'KHOR BA'I 'JIGS PA RNAMS KYIS 'JIGS PAR GYUR PA DE KHO NA NYID YONGS SU RTOG PA BOS RKYEN KYIS MI DGE BA SKYES PA RNAMS KYANG YONGS SU SPONG BAR BYED DO, ,DE LA 'JUG PAR MI BYED DO, ,DE MI BSKYED PAR BYA BA'I DON DU DE DAG LA TSUL KHRIMS DANG LDAN PA DANG SHES RAB DANG LDAN PAR 'GYUR RO, ,GANG GI TSE RNYED PA DANG BKUR STI LA DAD PA CHE BAR GYUR PA NA, DE SBYIN PAS RAB TU 'JOMS PAR BYED DO, ,SER SNA'I DRI MA RNAMS NI, 'DOD PA MED PAS RAB TU 'JOMS SO; ;KUN TU MI SHES PA NI, SHES RAB KYIS SO, ,RNAM PAR RTOG PA RNAMS NI, YANG DAG PA JI LTA BA'I DON MTHONG BAS SO, ,MU STEGS PA'I NGAG RNAMS NI, RIGS PA DANG LDAN PA'I NGAG GIS SO; ;YANG DAG PA MA YIN PA'I RNAM PAR RTOG PA RNAMS NI, YANG DAG PA'I RNAM PAR RTOG PAS SO, ,BDE BA'I RNAM PAR RTOG PA RNAMS NI, SDUG BSNGAL GYI RNAM PAR RTOG PAS SO, , STONG PA MA YIN PA'I RNAM PAR RTOG PA RNAMS NI, STONG PA'I RNAM PAR RTOG PAS SO, ,BDAG GI RNAM PAR RTOG PA RNAMS NI, BDAG MED PA'I RNAM PAR RTOG PAS SO, ,DE LTAR YANG DAG PAR GYUR PA'I GNYEN POR GYUR PA RNAMS KYI GNYEN PO'I RNAM PAR RTOG PAR 'GYUR BA DE RNAMS KYIS YONGS SU SPONG BAR BYED DO, ,RKYEN LAS BYUNG BA'I YANG SHIN TU PHRA BA'AM, RAGS
PA'AM; BAR MA YANG YONGS SU SPONG BAR BYED DO, ,DE THAMS CAD LA GNAS SKABS THAMS CAD DU MI DGE BA'I RKYEN RNAMS DAM PA'I CHOS THOS NAS SPONG BAR BYED KYI, MA THOS PAR NI, MA YIN NO; ;DAM PA'I CHOS BSGRAGS PA NI, BDE LEGS RNAMS THAMS CAD KYI GZHIR GYUR PA LTA BU YIN NO, ,DAM PA'I CHOS BSGRAGS PA LA YON TAN GZHAN YOD DO, ,'DI'ANG GANG ZHE NA, 'DI LTA STE, BAG YOD PAR GYUR PA'O, ,GANG GI TSE RNAM PAR RTOG PA RNAMS YONGS SU SPONG BAR BYED PA DE'I TSE BAG YOD PAR 'GYUR RO, ,DES NI, BDE LEGS RNAMS THAMS CAD 'THOB PAR 'GYUR RO, ,BAG MED PA DE'ANG GANG GIS MED PAR 'GYUR BA YIN NA, DAM PA'I CHOS BSGRAGS PA 'BA' ZHIG GIS YIN TE, GANG GI PHYIR BAG MED PA'I SKYON RNAMS THOS NAS YONGS SU SPONG BAR BYED DO, ,DAM PA'I CHOS BSGRAGS PA LAS GYUR PAS BAG YOD PA DE'I DBANG PO LNGA PO RNAMS DBANG DU 'GYUR RO, ,DBANG PO LNGA KUN TU BSDUS PA DE'I BLO NI, TSUL BZHIN MA YIN PA YID LA BYED PAS GNOD PAR MI 'GYUR RO, ,RTAG PAR RGYUN DU'ANG TSUL BZHIN YID LA BYED PA STEN PAR BYED DO, ,DES TSUL BZHIN YID LA BYED PA DE MGU BAR BYAS PAR GYUR NA, MCHOG TU BDE BAR GYUR PA RNAMS 'THOB PAR 'GYUR RO, ,GANG GI PHYIR BAG MED PA'I RTZA BA LAS NYON MONGS PA'I TSOGS RNAMS THAMS CAD YIN NO, ,DE BZHIN DU BAG YOD PA'I GZHI LAS
, ,KYANG RNAM PAR BYANG BA'I PHYOGS RNAMS YOD DO, ,DE'I PHYIR BAG MED PA RNAMS KYI GNYEN POR GYUR PA YIN PAS DAM PA'I CHOS CI NAS KYANG BSGRAG PAR BYA BA KHO NA YIN NO, ,YANG DANG YANG DU BSGOM PAR BYA'O, ,LAN MANG DU BYA'O, ,GZHAN YANG DAM PA'I CHOS SGROG PA LA YON TAN YOD DO, ,'DI'ANG GANG DAG ZHE NA, 'DI LTA STE, SKYES BU DAM PA LA NYE BAR STEN PAR BYED PA'O, ,DAM PA'I CHOS THOS NAS KYANG SKYES BU DAM PA NYID LA STEN PAR BYED DO, ,DGA' BAR YANG SKYES BU DAM PA DANG BYED DO, ,SKYES BU DAM PA RNAMS DANG LHAN CIG TU'O, ,DGA' BAR GYUR PA RNAMS KYI NI, MCHOG 'DI LTA STE, SEMS MNYAM PA NYID DO, ,YON TAN GYI MCHOG RNAMS SKYES BU DAM PA DANG BSTEN PA LAS 'BYUNG BAR 'GYUR RO, ,SKYES BU DAM PA DANG STEN PA NI, YON TAN RNAMS KYI MCHOG YIN NO, ,DE BZHIN DU SKYON RNAMS KYI YANG RTZE MO NI, SKYES BU DAM PA MA YIN PA DANG 'GROGS PA YIN NO, ,SKYES BU DAM PA LA STEN PAR BYED PA DE'ANG DAM PA'I CHOS LA STEN PA MA GTOGS PA GZHAN DU NI, MA YIN NO, ,DE'I PHYIR 'DI NI, TSANGS PAR SPYOD PA'I MCHOG YIN TE, 'DI LTAR SKYES BU DAM PA LA STEN PAR BYED PA'O, ,GZHAN YANG DAM PA'I CHOS SGROG PA LA YON TAN YOD DO, ,'DI'ANG GANG ZHE NA, 'DI LTA STE, G-YO DANG SER SNA RAB TU 'JOMS PAR BYED PA'O, ,SKYES
BU DAM PA STEN PAR BYED PA RNAMS KYI YON TAN GANG DAG 'THOB PAR 'GYUR BA YIN NA, GAL TE YANG SKYES BU DAM PA LA BSTEN PAS YON TAN DU MA RNAMS YOD PA YIN GYIS KYANG YON TAN 'DI NI, RAB TU KHYAD PAR DU 'PHAGS PA YIN TE, 'DI LTA STE, CHOS RNAMS KYI 'BRAS BU RNAM PAR SMIN PA THOS PAR GYUR NAS G-YO DANG SER SNA RAB TU 'JOMS PAR BYED PA'O, ,'DI NI, G-YO DANG SER SNA DAG GIS JI LTAR 'GYUR BA YIN NO, ,DE'I LUS ZHIG PAR GYUR NAS SHI BA'I 'OG TU NGAN SONG LOG PAR LHUNG NAS YI DVAGS SAM DMYAL BA RNAMS SU SKYE BAR 'GYUR RO, ,DES GAL TE DAM PA'I CHOS BSGRAGS PA LAS LAS RNAMS KYI 'BRAS BU THOB PAR GYUR NAS G-YO DANG SER SNA MANG BAR GYUR PA YIN NA, DES RAB TU 'JOMS PAR BYED DO, ,SMRE BAR BYED DO, ,GAL TE THA MAL PA YIN PAR GYUR NA, SMOD PAR BYED CING SMRE BAR BLTA'O, ,BSHAGS PAR BYED DO, ,GZHAN DAG G-YO DANG SER SNA DANG LDAN PAR GYUR NA YANG RAB TU 'GOG PAR BYED DO, ,SMOD PAR BYED DO; ;BSHAGS SU 'JUG GO ,DGE ZHING LEGS PA'I LAM DAM PAR 'GOD PAR BYED DO, ,DE LA YON TAN DE DAG RNAMS NI, DAM PA'I CHOS BSGRAGS PA DANG NYAN PA LAS YIN NO, ,DE'I PHYIR NA MI RNAMS KYI SNYING PO NI, GANG DAM PA'I CHOS SGROG PAR BYED PA DE DAG YIN NO, ,GZHAN YANG DAM PA'I CHOS SGROG PA LA YON TAN YOD DO, ,'DI YANG GANG DAG ZHE NA, 'DI LTA STE, MA DANG PHA
, ,LA GUS PA DANG LDAN PAR GYUR PA'O, ,DAM PA'I CHOS THOS PAR GYUR PA GANG GI PHYIR LAS RNAMS KYI RNAM PAR SMIN PA DANG ZHING GI YON TAN RNAMS KUN TU RIG PAR 'GYUR TE; JI LTAR MCHOG TU GYUR PA'I ZHING DE DAG NI, 'DI LTA STE, MA DANG PHA DAG YIN NO, ,DE GANG GI TSE LAS KYI 'BRAS BU LA YID CHES PA MNGON PAR SKYES PAR GYUR NA, DE'I TSE SEMS LA BSGOMS NAS MA DANG PHA DAG LA MCHOD PAR BYED DO, ,RAB TU PHAL CHE BAR GYUR PA'I NAD KYI RKYEN SMAN DANG YO BYAD RNAMS KYI LEGS PAR SBYOR BAR BYED DO, ,DE JI LTA JI LTAR MA DANG PHA DAG LA MCHOD PAR BYED PAR GYUR PA DE LTA DE LTAR TSANGS PA'I BSOD NAMS 'BYUNG BAR 'GYUR RO, ,DE DAG GIS MYA NGAN LAS 'DAS PA THOB PAR 'GYUR RO, ,DAM PA'I CHOS BSGRAGS PA LAS MA DANG PHA LA MCHOD PA BYED PAR GYUR NA, YON TAN GZHAN 'DI YANG YOD DE, SKYE BO RNAMS THAMS CAD KYIS BSNGAGS PAR 'GYUR BA'O, ,MTHONG BA'I CHOS NYID LA MA DANG PHA LAS BSNGAGS PAR GYUR LA, LUS ZHIG PAR GYUR NAS SHI BA'I 'OG TU MTHO RIS BDE 'GRO LHA'I 'JIG RTEN DU SKYE BAR 'GYUR RO, ,RGYU DE NYID DANG RKYEN DE DAG GIS KYANG MTHAR YONGS SU MYA NGAN LAS 'DA' BAR 'GYUR RO, ,DE'I PHYIR YON TAN DE DAG MNGON PAR MTHONG BAR GYUR PA'I SKYES BU MKHAS PA RNAMS NI, ,JI SRID MTSO'I BAR DU MA DANG PHA
DAG LA GUS PAR 'GYUR RO, ,BLO GZHAN MA YIN PA DANG, SPYOD PA GZHAN MA YIN PA DANG BLO GROS MNYAM PAR BZHAG PAR GYUR PAS SPYOD PA RNAMS KYANG BSDAMS PAR 'GYUR RO, ,GZHAN YANG DAM PA'I CHOS SGROGS PA YON TAN GZHAN YANG YOD DO, ,'DI'ANG GANG ZHE NA, 'DI LTA STE, LAS KYI 'BRAS BU KUN TU RIG PA'O, ,LAS DANG 'BRAS BU'I DE KHO NA NYID GANG ZAG GIS MTHONG BAR 'GYUR PA NI, DAM PA'I CHOS SGROG PA MA GTOGS PA GZHAN GYIS MA YIN NO, ,DE LA GANG GI TSE MI DGE BA'I SEMS DANG LDAN PA'I MI DGE BA LA DMIGS PAR GYUR NA DE'I TSE MI DGE BA'O, ,ZHES SO SOR MNGON PAR SHES SO, ,GANG GI TSE DGE BA'I SEMS KUN TU SKYES PAR GYUR PA NA, DE'I TSE DGE BA'O, ,ZHES SO SOR RAB TU SHES PAR 'GYUR RO, ,DES JI LTA BA BZHIN DU LAS KYI 'BRAS BU RNAMS KUN TU SHES SO, ,JI LTA BA NYID DU MI DGE BA'I SEMS BDAG LA SKYES BA 'GYUR PA'I MI DGE BA'I SEMS DE DAG GIS NI, PHYI NAS MI 'DOD PA MI SDUG PA'I 'BRAS BU RNAM PAR SMIN PA DMYAL BA DANG YI DVAGS DANG DUD 'GRO RNAMS SU BDAG LA 'BYUNG BAR 'GYUR RO, ,GANG GI TSE NGAG GI NYES PAR SPYOD PA RNAMS BYAS PAR GYUR PA DE'I TSE 'DI SNYAM DU SEMS PAR 'GYUR TE, JI LTAR MI DGE BA'I LAS SKYES PA 'DI DAG RNAMS KYIS BDAG LA MI 'DOD PA DANG MI SDUG PA DANG YID DU MI 'ONG BA DANG DMYAL BA DANG YI
, ,DVAGS DANG DUD 'GRO RNAMS 'BYUNG BAR 'GYUR RO, ,GANG GI TSE LUS KYI NYES PAR SPYOD PAR BYED PA RNAMS BYED PAR GYUR PA DE'I TSE 'DI SNYAM DU SEMS TE, JI LTAR MI DGE BA'I LAS SKYES PA DANG BYAS PA 'DI DAG GIS NI, DMYAL BA DANG YI DVAGS DANG DUD 'GRO RNAMS SU BDAG LA RNAM PAR SMIN PA MI 'DOD PA RNAMS 'BYUNG BAR 'GYUR RO, ,DE LA LAS KYI RNAM PAR SMIN PA RNAM PA GSUM PO 'DI DAG RNAMS KYANG DAM PA'I CHOS SGROG PA MA GTOGS PA GZHAN GYIS NI SHES PAR 'GYUR BA MA YIN NO, ,DE'I PHYIR NA SKYES BU DAM PA RNAMS KYIS JI SRID 'TSO'I BAR DU DAM PA'I CHOS SGROG PA DANG MNYAM PAR YANG BYA'O, ,GANG GI TSE DAM PA'I CHOS SGROG PA RNAMS RJES SU NYAN PAR BYED PA DE NI, LEGS PAR SPYOD PAR BYED PA YIN NO, ,NYES PAR SPYOD PA RNAMS NI, YONGS SU SPONG BAR BYED DO, ,GZHAN YANG DAM PA'I CHOS SGROG PAR BYED PA LA YON TAN YOD DO, ,'DI'ANG GANG ZHE NA, 'DI LTA STE, TSE RING PO KUN TU 'PHEL BAR BYED BA'I LAS RNAMS KYANG 'DI LA MNGON PAR 'PHEL BAR 'GYUR TE, DE GANG GI TSE DAM PA'I CHOS SGROG PAR BYED PA LA CHED CHER GYUR PA NA, DE'I TSE LAS KYI 'BRAS BU'I DE KHO NA NYID MTHONG BAR GYUR NAS SROG GCOD PA LA SOGS PA'I MI DGE BA'I LAS RNAMS MI BYED DO, ,RGYUN DU YANG DGE BA'I LAS RNAMS BSTEN CING BSGOMS LA LAN MANG DU BYED PAR YANG 'GYUR RO, ,DE DGE BA'I
LAS DE DAG GI RNAM PAR SMIN PAS LHA DANG MI RNAMS SU TSE RING BAR 'GYUR TE, DES DE LTAR DAM PA'I CHOS BSTEN CING BSGOMS LA LAN MANG DU BYAS PA'I PHYIR RO, ,DE'I PHYIR DAM PA'I CHOS BSGRAGS PA'I YON TAN 'DI NI, GZHAN YIN TE, 'DI LTA STE, TSE RING POR 'GYUR BA'I LAS 'DIS KUN TU SPEL BAR BYED PA'O, ,DAM PA'I CHOS BSGRAGS PA'I YON TAN GYI RGYU 'DIS DE DAG THOS NAS KYANG LHA DANG MI RNAMS SU SKYE BAR 'GYUR RO, ,MI'I 'JIG RTEN DU SKYES PAR GYUR NAS KYANG DE GAL TE LHA RNAMS KYI NANG DU SKYE BAR 'GYUR NA, TSE RING BA'I LHA RNAMS KYI NANG DU SKYE BAR 'GYUR RO, ,KHYAD PAR DU YANG MDOG DANG GZUGS DANG 'OD DANG RTZED MOS RNAM PAR RGYU BA DANG LDAN PAR 'GYUR RO, ,DAM PA'I CHOS BSGRAGS PA DES GAL TE MI RNAMS SU SKYES PAR GYUR NA'ANG DE'I RIGS DANG GZUGS DANG PHUN SUM TSOGS PA DANG YON TAN DANG TSE'ANG RING BAR 'GYUR RO, ,YUL LJONGS BZANG POR YANG 'DI SKYE BAR 'GYUR RO, ,DE YANG DAG PA'I LTA BA CAN DU'ANG 'GYUR RO, ,DAM PA'I CHOS DE BSTEN CING BSGOMS LA LAN MANG DU BYAS PA 'DI NI, SDUG BSNGAL LAS NGES PAR 'BYUNG BA GZHAN YIN TE, 'DI LTA STE, RAB TU DANG BA'I YID KYIS DAM PA'I CHOS BSGRAGS PA LA GOM PA 'DOR BAS TSANGS PA'I BSOD NAMS RAB TU 'BYUNG NGO, ,DAM PA'I CHOS SGROG PA LAS GANG DAG GIS DAM PAR BYAS TE 'GRO BAR BYED PA NA, DE DAG NI, LUS KYI LEGS PAR SPYOD PA RNAMS LA YANG DAG PAR
, ,SBYOR BA YIN NO, ,GANG DAG GIS THOS PA'I BLO DES DE DAG GIS LEGS PAR SPYOD PA DANG YANG DAG PAR LDAN PAR 'GYUR RO, ,GANG THOS PAR GYUR NAS YID RAB TU DANG BA SKYES PAR GYUR PAS NI, DES YID KYIS LEGS PAR SPYOD PA RNAMS DANG YANG DAG PAR LDAN PAR 'GYUR RO, ,DE LTAR CHOS BSGRAGS PA RNAMS LEGS PAR SPYOD PA GSUM DANG YANG DAG PAR LDAN PAR GANG GI TSE GYUR PA NA DE'I TSE LHA DANG MI RNAMS KYI NANG DU SKYES PAR GYUR NAS MCHOG TU SKYID PAR 'GYUR RO, ,TSE RING BA DANG LDAN PAR YANG 'GYUR RO, ,DE YONGS SU MYA NGAN LAS 'DA' BAR YANG 'GYUR RO, ,YON TAN RNAMS THAMS CAD NI, CHOS BSGRAGS PAS 'THOB PAR 'GYUR GYI, GZHAN RNAMS KYIS NI, MA YIN NO, ,DE'I PHYIR BDE LEGS RNAMS KYI RTZE MO RNAMS SU 'GYUR BA NI, GANG DAM PA'I CHOS BSGRAGS PA LAS YIN NO, ,GZHAN YANG DAM PA'I CHOS BSGRAGS PA'I YON TAN YOD DO, ,'DI'ANG GANG ZHE NA, 'DI LTA STE, 'JIG RTEN PA RNAMS KYIS RAB TU BSNGAGS PAR 'GYUR BA YIN NO, ,THAMS CAD KYANG CHOS BSGRAGS PA LAS YIN TE, TSUL KHRIMS DANG LDAN PA DANG, YON TAN DANG LDAN PA DANG, MANG DU THOS PA DANG, RNAM PAR DUL BA DANG, BLO GROS RGYA CHEN POR GYUR PA DANG, SKYE BO RNAMS THAMS CAD KYIS KYANG MNGON PAR BRJOD PAR BYA BA DANG, PHYAG 'TSAL PA DANG, SNYAN PAR SMRA BA'I RANG BZHIN DU 'GYUR BA DANG,
DRANG PO DANG DRANG PO'I RANG BZHIN CAN DU 'GYUR BA DANG THAMS CAD KYANG CHOS SGROG PA LAS YIN NO, ,DE YON TAN DE LTA BU RNAMS DANG LDAN PA NI, KHA NA MA THO BA PHRA RAB TZAM LA YANG 'JIGS PAR LTA BA'I PHYIR SKYE BO RNAMS THAMS CAD KYANG GROGS POR 'GYUR RO, ,THAMS CAD KYIS KYANG 'DI RAB TU BSNGAGS PAR BYED DO, ,'DI LA 'JIGS PA'AM SDUG PA SNGAL BYUNG BA RNAMS THAMS CAD KYIS KYANG GROGS BYED PAR 'GYUR RO, ,DE LTAR DAM PA'I CHOS SGROG PAR BYED PA RNAMS 'JIG RTEN PAS RAB TU BSNGAGS PAR 'GYUR RO, ,DE LTAR DAM PA'I CHOS SGROG PAR BYED PA DE DAG RNAMS LA YON TAN GZHAN YANG YOD DO, ,'DI'ANG GANG ZHE NA, 'DI LTA STE, LHA RNAMS KYIS 'DI DAG LA MNGON PAR SRUNG BAR BYED PA YIN NO, ,DE LA YON TAN DE LTA BU DANG LDAN PAR GYUR PA'I CHOS SGROG PA PO NI; LUS KYIS LEGS PAR SPYOD PA RNAMS DANG YANG DAG PAR LDAN PA'I PHYIR NA LHA RNAMS KYIS MNGON PAR SRUNG BAR BYED DO, ,JI LTAR 'DI YON TAN DANG LDAN PAR GYUR PA DANG, 'DI DAG RNAMS KYI SA MNGON PAR BSRUNGS PAS SKYE BO'I TSOGS CHEN PO RNAMS KYIS KYANG YON TAN BYED PAR 'GYUR RO, ,SKYE BO'I TSOGS CHEN PO RNAMS KYIS 'DI'I BAR DU GCOD PA YANG NUB PAR 'GYUR LA; DE BDUD KYI PHYOGS RNAMS KYIS MI 'DZIN LA GZUNG DU MED PAR YANG 'GYUR RO, ,DAM PA'I CHOS KYI PHYOGS RNAMS NI, SHIN TU MTHONG BAR 'GYUR BA YIN NO, ,RGYU 'DI DANG YANG DAG PAR
, ,LDAN PA MNGON PAR MTHONG NAS KYANG 'DI DAG LHA RNAMS KYIS BSRUNG BAR 'GYUR TE, NYIN MO DANG MTSAN MO DANG SGROG PA NA'ANG PHYI BZHIN KUN TU RJES SU 'BRANG BAR 'GYUR RO, ,DGOS PA GANG 'GA' ZHIG RJES SU RTZOM PAR BYED PA NA NI, 'DI'I DE DANG DE DAG KYANG PHUN SUM TSOGS PAR 'GYUR TE, LHA DE DAG RNAMS RAB TU DANG BAR GYUR PAS DANG, LEGS PAR BYAS PA'I LAS RNAMS KYIS KYANG NGO, ,PHAN TSUN RGYUR GYUR PA'I PHYIR NA GANG GI TSE DE'I DON RNAMS GRUB PAR GYUR PA NA DE'I TSE SHIN TU PHYIR ZHING CHES DGE BAR BYED DO; ;DE LTA DE LTAR YANG 'DI'I LEGS PAR BYAS PA'I LAS RNAMS KYIS THAMS CAD DU 'GRUB PAR 'GYUR RO, ,JI LTA JI LTAR MNGON PAR 'GRUB PAR GYUR PA DE LTA DE LTAR RAB TU PHAL CHE BAR GYUR PA'I LEGS PAR SPYOD PA RNAMS BYED DO, ,DE LTAR 'DI BDE BA BRGYUD PAS 'JIG RTEN GNYIS SU PHAN PA RNAMS SU BYED PAR 'GYUR RO, ,SA GZHI LTA BUR GYUR PA'I DAM PA'I CHOS BSGRAGS PA 'DI'I YON TAN RNAMS NI, DE LTA BU YIN NO, ,DE'I PHYIR BDE LEGS KYI MCHOG TU GYUR PA'I GTER DE DAG NI, 'DI LTA STE, DAM PA'I CHOS SGROG PA YIN NO, ,DAM PA'I CHOS SGROG PA LA YON TAN GZHAN YANG YOD DO, ,'DI DAG KYANG GANG ZHE NA, 'DI LTA STE, 'DI'I KUN TU BSAM PA'ANG PHUN SUM TSOGS PAR 'GYUR RO, ,DE LTA DE LTA BUR GYUR PA'I CHOS DANG LDAN ZHING CHOS LA
RAB TU RJES SU ZHUGS PA SHES PA DANG LDAN PA DANG TSUL KHRIMS DANG LDAN PA DANG SBYIN PA DANG LDAN PAR GYUR PA NI, MTHONG BA'I CHOS KYI KUN TU BSAM PA RNAMS THAMS CAD PHUN SUM TSOGS PAR 'GYUR RO, ,'DI'I RTZOM PA RNAMS THAMS CAD PHUN SUM TSOGS PAR MI 'GYUR BA GANG DAG 'DI'I BRLAG PAR 'GYUR BA'I DON DE DAG RNAMS THAMS CAD KYANG DE'I RAB TU BRTZON PA NYID KYIS RAB TU 'GRUB PAR 'GYUR RO, ,NYON MONGS PAR MA YIN ZHING CHOS DANG LDAN PAR YANG 'GYUR LA, DON LA RJES SU CHAGS PA'I 'JIGS PA LNGA YONGS SU SPANGS PA DANG, YAN DAG PAR NYE BAR 'TSO BA DANG THUN MONG MA YIN PAR 'GYUR BA DANG, LUS ZHIG PAR GYUR NAS, SHI BA'I 'OG TU'ANG BDE 'GRO LHAR SKYE BAR 'GYUR RO, ,DAM PA'I CHOS BSGRAGS PA 'DI'I YON TAN GZHAN YIN TE, 'DI'ANG GANG DAG ZHE NA, 'DI LTA STE, 'DI'ANG CHOS DANG LDAN PA'I LONGS SPYOD CAN DU 'GYUR BA'O, ,DE LTA DE LTA BU'I YON TAN DANG LDAN PA'I CHOS SGROG PA SKYE BO GANG TSUL KHRIMS DANG BCAS PA DE LA NYE BAR STEN PAR BYED DO, ,DE TSUL KHRIMS KYIS PHAN TSUN DU CHA SKAL SBYIN PAR BYED DO, ,DE DAG KYANG GZHAN RJES SU BCOM PA MA YIN ZHING GZHAN RNAMS NGO MTSAR BAR BYAS PA MA YIN PAR CHOS PA RNAMS KYI DRUNG NAS RNYED PA'I SKAL PA DE CHOS PA DAG LA RAB TU SBYIN PAR BYED PAS DE DAG RNAMS GONG NAS GONG DU KHYAD PAR DU 'PHEL BAR 'GYUR RO, ,'JIG RTEN GNYIS LA PHAN PA DANG, 'JIG
, ,RTEN GNYIS SU BDE BAR YANG 'GYUR RO, ,'DI NI, DAM PA'I CHOS BSGRAGS PA'I YON TAN GZHAN YIN LA, DAM PA'I CHOS BSGRAGS PA'I YON TAN GZHAN YANG YOD DO, , 'DI'ANG GANG ZHE NA, 'DI LTA STE, LE LO MED PAR GYUR PA'O, ,MKHAS PA'I RANG BZHIN GYI SKYES BU DAG GANG GI TSE CHOS BSGRAGS PA NYEN PAR BYED PA DE'I TSE LE LO'I SKYON GYIS NYAN PAR BYED NA, GANG GI TSE GANG 'JIG RTEN PA DANG 'JIG RTEN LAS 'DAS PA'I DON MI 'GRUB PA'O, ,DE DAG THAMS CAD KYANG LE LO'I SKYON GYIS YIN LA, LE LO'I SKYON THOS PAR GYUR NAS YONGS SU SPONG BAR BYED DO, ,BRTZON 'GRUS BRTZAMS PA DANG DRAN PA DANG LDAN PAR 'GYUR BA DANG SHES BZHIN DANG LDAN PA DANG DON RNAMS THAMS CAD LA'ANG LE LO DANG RNAM PAR BRAL BAS MYUR BAR BYED PA DANG DUS SU BYED PAR 'GYUR BA DANG SDIG PA MED PAR BYED PA DANG 'DOR BA MED PAR BYED PA DE NI, DON RNAMS THAMS CAD PHUN SUM TSOGS PAR 'GYUR RO, ,'JIG RTEN GNYIS LA PHAN PAR BYED PA PO LE LO DANG BRAL BA PO RTAG TU GRIMS PAR GYUR PA, BRTZON 'GRUS BRTZAMS PA RNAMS NI, DON RNAMS THAMS CAD KYI PHA ROL TU PHYIN PAR 'GYUR RO, ,RTZOM PA THAMS CAD KYANG YANG DAG PAR 'DZIN PAR BYED DO, ,GAL TE YANG 'DI LA BRGYA ZHIG LA LE LOS SNYING LA ZHUGS PAR GYUR NA DAM PA'I CHOS BSGRAGS PA GANG YIN PA DE DES THOS NAS LE LO'I SKYON DE DAG
RNAMS DES DRAN PAS RTAG TU YON TAN 'DZIN PAR 'GYUR ZHING SKYON RNAMS LA RNAM PAR SDANG PAS LE LO ME BZHIN DU SPONG BAR BYED DO, ,MTSON CHA BZHIN DU YANG YONGS SU SPONG BAR BYED DO, ,YANG JI LTAR 'GA' ZHIG GI DON RNAMS NYAMS PA NYE BAR 'BYUNG NA'ANG THAMS CAD LE LO'I SKYON GYIS YIN NO, ,LE LO MED PA DE'I THOS PA'I DON DANG THOS PA'I DON RNAMS 'GRUB PA'O, ,'DI NI, DAM PA'I CHOS BSGRAGS PA'I YON TAN GZHAN YIN NO, ,DAM PA'I CHOS BSGRAGS PA'I YON TAN GZHAN YANG YOD DO, ,'DI'ANG GANG ZHE NA, 'DI LTA STE, BYAS PA SHES PAR GYUR PA'O, ,CHOS GZHAN YANG GZHAN RNAMS THOS PAR GYUR NAS BYAS PA RIG PA DANG DE KHO NA NYID SHES PA DANG BYAS PA SHES PA'I YANG YON TAN RNAMS THOS NAS CHOS SGROG PA LAS RTAG PA NYID DU BYAS PA SHES PAR 'GYUR RO, , BYAS PA SHES PA BYAS PA RIG PAR GYUR PA DE'I GROGS PO THAMS CAD SHIN TU BRTAN PAR 'GYUR RO, ,SKYES BU GANG DAG GIS 'DI LA YANG GROGS POR KHAS MA BLANGS PAR GYUR PA DE DAG RNAMS THAMS CAD KYANG GROGS PO NYID DU 'GYUR RO, ,YON TAN DANG LDAN PA 'DI ZHES BYAS NAS GANG DAG LA 'DI LA PHAN PA CHUNG DUS BYAS PAR GYUR PA DE'ANG DRAN PAR BYED DO, ,DE BYAS PA SHES PA DE DANG LDAN PAR GYUR PAS YON TAN CHEN PO RNAMS THOB PAR 'GYUR TE THAMS CAD MKHYEN PA NYID DO, ,DAM PA'I CHOS BSGRAGS PA LA YON TAN GZHAN YANG YOD DO, ,'DI'ANG GANG DAG ZHE NA, 'DI LTA STE, RTAG TU 'CHI
, ,BA RJES SU DRAN PAR BYED PA'O, ,RJES SU DRAN PA DE DAG RNAMS KYI MCHOG TU GYUR PA NI 'DI LTA STE, 'CHI BA RJES SU DRAN PA'O, ,'CHI BA DPYAD PAS ZIL GYIS MNAN PAS NI; SEMS CAN RNAMS THAMS CAD 'JIGS PA DANG BCAS PAR 'GYUR RO, ,'JIGS PA DANG BCAS PAR GYUR NAS NI, DON MA YIN PA RNAMS NI MI BYED DO, ,MIG GIS GZUGS RNAMS MTHONG NAS KUN TU CHAGS PAR MI BYED DO, ,KUN TU RTOG PAR YANG MI BYED DO, ,RNA BA SGRA RNAMS THOS PAR GYUR NAS KUN TU CHAGS PAR MI BYED DO, ,KUN TU RTOG PAR YANG MI BYED DO, , LCES RO RNAMS MYANGS PAR GYUR NAS KUN TU CHAGS PAR MI 'GYUR ZHING KUN TU RTOG PAR YANG MI BYED DO, ,LUS KYIS REG BYA RNAMS LA REG PAR GYUR NAS KUN TU CHAGS PAR MI 'GYUR ZHING KUN TU RTOG PAR YANG MI BYED DO, ,YID KYIS CHOS RNAMS RIG PAR GYUR NAS KUN TU CHAGS PAR MI BYED LA KUN TU RTOG PAR YANG MI BYED DO, ,DE LTAR SRID PA'I DRA BA 'DI DAG RNAMS THAMS CAD KYANG KUN TU GCOD PAR BYED DO, ,SKYES BU 'CHI BA'I 'JIGS PAS 'JIGS PAR 'GYUR BA DES 'JIGS NA 'DI DAG RNAMS THAMS CAD LA'ANG SNYING PO THAMS CAD MED PAR MTHONG NGO, ,THAMS CAD KYANG SDUG BSNGAL DU MTHONG NGO, ,THAMS CAD BDAG MED PAR MTHONG NGO, ,THAMS CAD STONG PAR MTHONG NGO, ,YANG DAG PA JI LTA BA BZHIN DU MTHONG BA DES 'GA' ZHIG LA'ANG CHAGS PA MED PAS LHA'I
'JIG RTEN RNAMS LA CHAGS PA DANG MI LDAN NO, ,MI'I 'JIG RTEN RNAMS LA'ANG CHAGS PAR MI 'GYUR RO, ,CI'I PHYIR DMYAL BA DANG YI DVAGS DANG DUD 'GRO RNAMS LA 'BYUNG, DE NI, 'GRO BA LNGA LAS CHAGS PA RNAMS LAS RNAM PAR GROL BA YIN NO, ,THAMS CAD LAS NGES PAR BYUNG BA THAMS CAD LA 'JIGS PA 'CHI 'PHO DANG SKYE BAS BYAS PA'I SDUG BSNGAL RNAMS KYIS YID 'BYUNG BAR 'GYUR RO, ,'DOD CHAGS DANG RNAM PAR BRAL BA DE RNAM PAR GROL BAR 'GYUR RO, ,RNAM PAR GROL BA LAS KYANG RNAM PAR GROL BA'I YE SHES NYID 'BYUNG BA YIN TE, JI LTAR NGA'I TSANGS PAR SPYOD PA NI; SPYAD DO, ,BYA BA NI, BYAS SO, ,BDAG GI SRID PA GZHAN NI, RAB TU MI SHES SO, ,DE LTAR BSTAN PA'I YON TAN DE DAG RNAMS JI LTAR NGA'I TSANGS PAR SPYOD PA NI, SPYAD, BYA BA RNAMS NI, DAM PA'I CHOS NYAN PA DANG DGE BA'I BSHES GNYEN BSTEN PAR BYED PA MA GTOGS PAR GZHAN GYIS NI, MA YIN NO, ,DE'I PHYIR THAMS CAD KYIS RAB TU BRTZON PA THAMS CAD GYIS GNAS SKABS THAMS CAD DU DAM PA'I CHOS SGROG PA MNYAN PAR BYA'O, ,'KHOR BA NA 'JIG RTEN GNYIS SU PHAN PA DE DAG RNAMS THAMS CAD NI, 'DI LTA STE, DAM PA'I CHOS SGROG PA RNAMS DANG, DGE BA'I BSHES GNYEN BSTEN PA YIN LA, 'DI DAG GNYIS SRID PA GNYIS SU BDE LEGS RNAMS 'THOB PAR 'GYUR RO, ,DAM PA'I CHOS SGROG PA LA YON TAN GZHAN YANG YOD DO, ,'DI'ANG GANG DAG ZHE NA, 'DI
, ,LTA STE; 'CHI BA'I DUS NA'ANG 'GYOD PA MED PAR 'GYUR BA'O, ,DAM PA'I CHOS SGROG PA THOS PA'I DON GYIS SKYES BU DAM PA RNAMS THAMS CAD KYANG 'CHI BA RJES SU DRAN PA SGOM PAR BYED DO, ,SKYON GANG DAG GIS SEMS CAN RNAMS SKYE BAR 'GYUR BA'I SKYON DE YONGS SU SPANG BAR BYA BA 'DOD CHAGS DANG ZHE SDANG DANG GTI MUG DANG DRI MA GSUM PO DE DAG KYANG 'KHOR BA'I RGYU RNAMS YIN NO, ,DE DAG RNAMS YONGS SU BCAD PAR GYUR NA NI, SLAR YANG MI SKYE'O, ,'CHI BAR MI BYED DO, ,'CHI 'PHO BAR MI 'GYUR RO, , NGES PAR SKYE BAR MI 'GYUR RO, ,DE LA YON TAN DE DAG RNAMS NI, DAM PA'I CHOS NYAN PA LAS MA GTOGS PAR GZHAN DAG LAS NI MA YIN NO, ,DE'I PHYIR YANG MCHOG TU BDE LEGS KYI RTZA BA KHO NAR GYUR PA DUS BZANG 'DI SA BCOM LDAN 'DAS GSER THUB KYIS GSUNGS PA'I MDO LHA DE DAG RNAMS LA BSHAD DO, ,DAM PA'I CHOS SGROG PA DANG LDAN PA LA DAM PA'I CHOS SGROG PA LA YON TAN GZHAN YANG YOD DO, ,'DI'ANG GANG ZHE NA, 'DI LTA STE, 'CHI BA'I DUS SU MI 'GYOD PA'O, ,GANG YANG DAM PA'I CHOS BSGRAGS PA THOG MA'I DON DANG LDAN PA DANG DE BYED PA DANG DE DAG KYANG 'CHI BA'I DUS NA 'GYOD PAR MI 'GYUR RO, ,YANG 'GA' ZHIG GIS LEGS PAR BYA BA BYAS PAR GYUR PA DE DAG NI, 'CHI BA'I DUS NA RAB TU RNAM PAR 'GYOD PAR MI
'GYUR RO, ,GANG DANG GANG GIS DAM PA'I CHOS BSGRAGS PA 'DI'I DON 'DI THOS PAR GYUR BA DE'ANG GANG GI TSE 'DI LA MNGON DU 'GYUR RO, ,DE'I TSE MNGON SUM DU MTHONG BAR GYUR PA DE DAG MNGON PAR MTHONG NAS SANGS RGYAS DANG CHOS DANG DGE 'DUN RNAMS LA PHYIR ZHING NYID KYANG SHIN TU LHAG PAR KUN NAS RAB TU DANG BAR 'GYUR RO, ,DE LA 'DI'I SEMS RAB TU DANG BAR GYUR PAS MCHOG TU KHRAG KUN NAS RAB TU DANG BAR 'GYUR RO, ,DE RAB TU DANG BAR GYUR PAS BZHIN GYI MDOG RAB TU DANG BAR 'GYUR RO, ,DE'I SEMS RAB TU DAG BAR GYUR PAS LUS KYANG RAB TU DANG BAR MTHONG NGO, ,GANG DAG SNANG BA KHO NAR MTHONG BA DE DAG NI, DKAR PO NAS DKAR PO SNANG BA DGA' BAR 'GYUR BA'I LHA'I 'JIG RTEN DU SKYE BAR 'GYUR RO, ,DES DE DAG RNAMS MNGON PAR MTHONG NAS PHYIR NYID KYANG SHIN TU LHAG PAR JI LTA BAR RAB TU DANG BAR 'GYUR TE, JI LTA JI LTAR SANGS RGYAS DANG CHOS DANG DGE 'DUN RNAMS LA RAB TU DANG BAR GYUR PA DE LTA DE LTAR CHES LHAG PA'I LHA'I RIGS RNAMS SU SKYE BAR 'GYUR RO, ,GAL TE RGYAL CHEN BZHIR SKYE BA KUN TU 'PHEN PAR 'GYUR BA'I LAS BYAS PAR GYUR NA, DE'I SEMS RAB TU DANG BAR GYUR PA NYID LAS SUM CU RTZA GSUM PA RNAMS SU SKYE BAR 'GYUR RO, ,SUM CU RTZA GSUM PA RNAMS SU SKYE BAR 'GYUR BA'I LAS BYAS PAR GYUR NA, DE 'THAB BRAL BA RNAMS SU SKYE BAR 'GYUR RO, ,DE BZHIN DU GAL TE DGA' LDAN DU
, ,SKYE BAR 'GYUR PA'I LAS BYAS PAR GYUR NA DE 'PHRUL DGA' BA'I LHA RNAMS KYI NANG DU SKYE BAR 'GYUR RO, ,DE BZHIN DU JI SRID DU GZHAN 'PHRUL DBANG BYED PA RNAMS KYI NANG DU SKYE BAR 'GYUR RO, ,DE LTAR SEMS KYI 'PHEN PA DANG RAB TU DANG BAR 'GYUR BA'I DBANG GIS JI SRID DU DES SHIS PA'I GNAS 'DI DAG RNAMS 'THOB PAR 'GYUR RO, ,DE DAG RNAMS THAMS CAD KYANG THOS PA LAS YIN GYI MA THOS PAS NI, MA YIN NO, ,THOS PA DE'ANG DAM PA'I CHOS BSGRAGS PA LAS YIN GYI, GZHAN RNAMS LAS NI, MA YIN NO, ,'DI NI, YON TAN GZHAN YIN TE; DAM PA'I CHOS SGROG PA NI, 'CHI BA'I DUS NA SKYOB PAR GYUR PA DANG SKYABS SU GYUR PA DANG NGES PAR 'BYUNG BAR 'GYUR PA RNAMS NI, DAM PA'I CHOS SGROG PA LAS YIN NO, ,DAM PA'I CHOS SGROG PA LA YON TAN GZHAN YANG YOD DE, 'DI'ANG GANG ZHE NA, 'DI LTA STE, MTHAR YANG YONGS SU MYA NGAN LAS 'DA' BAR BYED PA'O, ,YON TAN GZHAN RNAMS THAMS CAD KYI STENG DU 'PHAGS PA YIN NO, ,'DI'ANG GANG ZHE NA, 'DI LTA STE, YONGS SU MYA NGAN LAS 'DA' BA'O, ,CHOS THOS PA DE NYID BSTEN CING BSGOMS LA LAN MANG DU BYAS PAS JI SKAD BRJOD PA DE BZHIN DU BYED PAR 'GYUR BAS LEGS PAR RANG BZHIN DU GNAS PAR GYUR PA'I SKYES BU DAM PA RNAMS KYIS NGES PA KHO NAR NYON MONGS PA RNAMS ZAD PAR BYAS NAS MYA NGAN LAS 'DAS PA KUN TU THOB PAR 'GYUR
RO; ;DE LTAR DANG PA RNAMS KYIS MNGA' BDAG DUS BZANG 'DIS BAG MED PA RNAMS KYIS BAG MED PAR RGYU BA'I LHA DE DAG RNAMS KYANG NGO MTSAR BAR BYED PA'I DBYANGS MTSUNGS PA MED PAR GYUR PAS GTZUG LAG GI CHOS STON PAR BYED DO, ,DE NAS LHA DE DAG RNAMS KYIS GTZUG LAG GI CHOS DE THOS PAR GYUR NAS RAB TU RNAM PAR DAD PAR GYUR PA'I YID THAMS CAD LA SKYES NAS DE LA DE DAG RNAMS KYIS 'DI SKAD CES BRJOD DO, ,DE'ANG JI LTAR KHYOD KHO NA 'DI NA LHA YIN TE, GANG LA'ANG RNAM PA 'DI 'DRA BA'I BLO DANG SGRUB PA MED PA'I PHYIR RO, ,BDAG CAG RNAMS NI, DUD 'GRO YIN TE, BAG MED PAS RNAM PAR BCOM PA DANG YUL RNAMS LA DPUNG GNYEN DU BYED PAS RTAG TU YANG SRED PAS NYE BAR BCOM PA'I SEMS GANG LA'ANG RNAM PA DE LTA BU NYID NI, MED DE, BDAG CAG RNAMS THAMS CAD KYIS GUS PA THAMS CAD KYIS GLU BLANGS PAR GYUR KYANG RNAM PA JI SRID PAR GYUR PA'I DBYANG DE DAG RNAMS NI, MI 'BYUNG NGO, ,DE NAS DE'I DUS 'DIR NGANG PA RNAMS KYI MNGA' BDAG DES TSIGS SU BCAD PA'I DBYANGS KYIS BSNYAD PA JI LTAR, DAM CHOS BYIN BRLABS DANG LDAN PA, ,CHOS BSGRAGS GNAS PA'I DBANG JI BZHIN, ,DAM CHOS BSGRAGS PA THOS NAS NI; ;SDIG PA RNAMS SPONG SKYES BU DE, ,DGA' BAS LEGS PAR RAB TU SGRUB, ,RTAG PAR YANG NI SKYED PAR BYED, ,DAM CHOS BSGRAGS PA THOS NAS NI, ,YID NI TSIM PAR 'GYUR BA MIN, ,DGE
, ,PA'ANG SHIN TU CHEN PO NI, ,RGYUD LA KUN NAS RAB TU 'JOG ,THOS NAS CHOS NI 'DZIN PAR 'GYUR, ,THOS NAS SDIG PA MI BYED DO, ,THOS NAS LAS DANG 'BRAS BU SHES; ;DE NI MYA NGAN 'DAS PAR 'GRO ,THOS NAS CHOS LA RTOGS PA DANG, ,THOS NAS SANGS RGYAS LA RAB DANG, ,THOS NAS SDUG BSNGAL RNAM GROL BA'I, ,MI GANG DE NI MKHAS PA YIN, ,CHOS BSGRAGS DE NYID SHES PA NI, ,THOS PAS YID CAN RNAMS LA 'GYUR, ,DE PHYIR RAB 'BAD THOS PA'I BLO, ,RAB TU BRTZON PAS BYA BAR GYIS, ,THOS NAS 'KHOR BA LAS KHA PHYIR, ,GTAM NI BDE BAR GSHEGS PAS GSUNGS, ,SRID PA RNAM PA GSUM BCOM NAS, ,GO 'PHANG NYAMS PA MED PAR 'GRO, ,RAB TU BRTZON PA RNAM BZHI YIS, ,SKYE 'GAG MED PA'I CHOS RNAMS NI, ,THOS NAS SA BON THAMS CAD PA, ,DE THOS SKYES BUS RNAM PAR SGOM, ,PHUNG PO SKYE MCHED KHAMS RNAMS KYI, ,GANG PHYIR MTSAN NYID DE GNYIS DAG ,THOS NAS KYANG NI THAMS CAD SHES, ,DE PHYIR SHES RAB MCHOG YIN NO, ,GANG YANG 'KHOR BA KUN 'CHING BA'I, ,RAB KYI STOBS LDAN SKYON DE DAG ,DAM CHOS THOS PA RNAMS KYIS NI, ,DE NI LHAG MA MED PAR 'JOMS, ,SKAD CIG MA LUS PAR RAB 'DUG ,LHAG MA MA LUS PAR YANG LDOG, THOS DANG LDAN PAS RAB TU SHES, ,DE PHYIR THOS PA BLA NA MED, ,'CHI BA'I DUS SU PHYIN PA YI, ,TSOR
BAS GZIR BA'I LUS CAN RNAMS, ,JI LTAR THOS PA LA DMIGS TE, ,CUNG ZAD SNYING LA SKYES PA YIN, ,THOS PA'I ME YIS MA LUS KUN, ,NYON MONGS SHING NI GANG BSREGS PA'I, ,DE DAG SLAR YANG 'BYUNG BA NI, ,NAM YANG DMIGS PA MA YIN NO, ,BAG YOD PA YIS BSREGS PA'I YANG, ,BDE LAS BDE BA THAMS CAD 'BYUNG, ,THOS PA'I GZHI LAS BDE LEGS YIN, ,DE PHYIR THOS PA MCHOG YIN NO, ,DAM CHOS BSGRAGS PA NYAN NAS NI, ,SPEL LA NYER BRTEN MKHAS PA YANG, ,RGA DANG 'CHI BA SPANGS PA YI, ,BLA NA MED PA'I GNAS SU 'GRO, ,THOS PAS SDIG PA MI BYED CING, ,THOS PAS CHOS LA 'JUG PAR BYED, ,THOS NAS SDUG BSNGAL LAS RNAM GROL, ,DE PHYIR THOS PA GTZO BO YIN, ,LUS NGAG YID GSUM DAG PA NI, ,LUS CAN RNAMS KYIS THOS PAS YIN, ,DE PHYIR LEGS PAR DAG 'DOD GANG, ,DES NI GUS PAR MNYAN PAR BYA, ,THOS PA'I GRU LA LEGS BRTEN NAS, ,BRTZON 'GRUS BRTAN POS PHA ROL GNON, ,RNAM PA SNA TSOGS CHE RGYAS PAR, ,SKYES BU MYUR DU SGROL BAR 'GYUR, ,THOS PAS PHYUG PA'I SKYES BU NI, ,NOR RNAMS KUN TU LDAN PAR BRJOD, ,THOS MED DON GYI NOR LDAN PA, ,DE DBUL RAB TU SANGS RGYAS GSUNGS, ,DAM CHOS NOR NI NYAMS PA DANG, ,BLA MA YANG NI SPANGS PA YI, ,GSON PA'I 'BRAS BU MED PA DANG, ,SDIG PAS KYANG NI BCOM PAR 'DOD, ,BAG MED PA DANG LE LO CAN, ,SDIG
, ,PA'I GROGS KYI LUS CAN RNAMS, ,GSON PA 'BRAS MED MIG GI NI, ,'BRAS BU GZHAN GYIS BTON PA BZHIN, ,THOS PA'I MIG DANG RNAM BRAL BA, ,DMUS LONG ZHES NI MNGON PAR BRJOD, ,GANG YANG CHOS NI YONG BOR NAS, ,CHOS MIN PA LA RJES GNAS PA, ,DE NI SMAN RNAMS YONGS POR NAS, ,NANG NYID NYE BAR STEN PA YIN, ,BSTEN PA NYID DANG SKYES BU DES, ,CHOS NI RNAM PA DU MAR SPEL, ,CHAR RNAMS DANG NI TSOGS PA LAS, ,CHU KLUNG RAB TU 'JUG PA LTAR, ,CHOS LA SPYOD PAR BZHI'I BDAG ,DUS SU LDANG DANG MNYAM PAR BZHAG ,NGES PAR BDE BA'I SKAL LDAN 'GYUR, ,BAG MED PAS KYANG BSLUS PA MIN, ,DE PHYIR SHES RAB YON TAN DU, ,SHES KYI MKHAS PAS SHES RAB STEN, ,SHES MIN YANG DAG LEGS LDAN PA'I, ,BDE BA'I SKAL LDAN SKYE 'GAG MED, ,DE LTAR DUS BZANG DES LHA DE DAG RNAMS KYI DGE BA'I RTZA BA DE SNYING LA LEGS PAR 'JUG PAR BYED DO, ,RAB TU 'GOD PAR BYED DO, ,LAN GCIG DANG PHYOGS GCIG MA YIN PAR YANG PHAN PAR GYUR PA RNAMS NYE BAR SDUG PAR BYED LA, ,MI PHAN PA RNAMS DANG BRAL BAR BYED DO, ,RDZOGS PA'I SANGS RGYAS KYIS GSUNGS PA'I GTZUG LAG GI CHOS RNAMS STON PAR BYED DO, ,DE NAS LHA DE DAG GIS DE'I DRUNG NAS CHOS DE DAG THOS PAR GYUR NAS GUS PA LEGS PAR SKYES PAS
TSIM PAR GYUR PA'I YID KYIS SLAR NYID KYANG BAG MED PA ZHAN PAR GYUR PA'I LUS LHAN CIG PA'I SKYON GYIS RTZED MO RTZE 'DOD PA BAS GZHAN DU 'GRO BAR BYED DO, ,DUS BZANG YANG BCOM LDAN 'DAS GSER THUB KYIS GSUNGS PA'I DAM PA'I CHOS SGROG PA'I SNYING PO ZHES BYA BA'I MDO YON TAN DU MA DANG LDAN PA DE BSHAD NAS YUL GZHAN LA CHOS KHO NA SEMS PAR BYED PAS KUN TU GNAS SO, ,BCOM LDAN 'DAS GSER THUB KYIS GSUNGS PA'I MDO YON TAN SUM CU DANG YANG DAG PAR LDAN PA'I DAM PA'I CHOS SGROG PA'I SNYING PO ZHES BYA BA RDZOGS SO,, ,, 'THAB BRAL BA RNAMS KYI SA R'A DZA NI DE NA RGYU BAR BYED PA'I LHA DE DAG RNAMS KYANG JI SRID DU 'DOD PA SDUG PA YID DU 'ONG BA BYAS SHING BSAGS PAR GYUR PA'I LAS DE ZAD PAR MA GYUR GYI BAR DE SRID DU RNGA SKAD YAN LAG LNGA DANG LDAN PA DANG, LHA RDZAS KYI 'DOD PA'I YON TAN LNGAS DGA' BAR BYED DO, ,GANG GI TSE DE DAG ZAD PAR GYUR PA DE'I TSE NYES PAR BYAS PA'I LAS RNAMS KYIS SLAR NYID KYANG DMYAL BA DANG YI DVAGS DANG DUD 'GRO RNAMS SU SKYE BAR 'GYUR RO, ,GANG YANG MI RNAMS DANG SKAL PA MTHUN PAR GYUR PA LAN GRANGS GZHAN LA MYONG BAR 'GYUR BA'I LAS KYIS MIR SKYES PAR GYUR NA, DE PHUN SUM TSOGS PAR GYUR LA MCHOG TU SKYID PA'I SKAL BA CAN DANG, MCHOG TU BDE BAR GYUR PA DANG, RGYUN DU DAM PA'I CHOS
, ,RNAMS MNYAN PAR 'DOD PA DANG, CHOS PA'I MCHOG TU GYUR PA DANG, YID GZHUNGS PA DANG, YANG DAG PA'I LTA BA CAN DANG, RGYAL PO'AM RGYAL PO'I BLON POR YANG LAS DE'I RGYU MTHUN PAR 'GYUR RO, ,R'A DZA NI NA RGYU BA ZHES BYA BA'I SA RDZOGS SO,, ,,GZHAN YANG DGE SLONG LAS KYIS 'BRAS BU RNAM PAR SMIN PA SHES PA DE 'THAB BRAL BA'I LHA RNAMS KYI SA LA KUN TU LTA BAR BYED DE, DE THOS PA LAS BYUNG BA'I RANG BZHIN GYI SHES RAB KYIS 'THAB BRAL BA'I LHA RNAMS KYIS RNAM PA SNA TSOGS PAR RNAM PAR BKRA BA ZHES BYA BA JI LTAR YOD PA DE MTHONG NGO, ,SA DER YANG LAS GANG GIS SEMS CAN RNAMS SKYE BAR 'GYUR BA'ANG DES JI LTA BA BZHIN DU MTHONG BA SKYES BU DAM PA GANG GIS DGE LEGS BYED PAR GYUR PAS LUS DANG NGAG DANG YID KYI LAS RNAMS DGE BA LA RAB TU ZHUGS PA TSUL KHRIMS DANG LDAN PAR GYUR PA DANG GZHAN GYIS DKRI BAR MI 'GYUR BA DANG YANG DAG PA'I LTA BA DANG YANG DAG PA'I 'TSO BA DANG LDAN PAS NYE 'KHOR KUN NAS MCHOG TU DRI MA MED PAR SPYOD PAR GYUR CING DRANG PO DANG DRANG PO'I RANG BZHIN CAN DU GYUR PAS SEMS CAN RNAMS LA MNGON PAR ZHEN PAR GYUR PA'I BLOR GYUR PAS, SROG GCOD PA DANG MA BYIN PAR LEN PA RNAMS NI, SPANGS PAR GYUR CING, 'DOD PA LA LOG PAR G-YEM PA'ANG SPANGS PAR GYUR
PA LA 'DI LTA STE, RMI LAM NA'ANG BUD MED MTHONG BAR GYUR NAS MNGON PAR ZHEN PAR MI BYED DO, ,DE DANG LHAN CIG TU BGROD PAR YANG MI BYED DO, ,NYIN MO'ANG GZHAN RNAMS DANG YID KUN TU RNYOG PA DANG BCAS PAS YONGS SU RNAM PAR RTOG PAR MI BYED DO, ,JI LTAR BDAG GIS 'DOD PA RNAMS LA LOG PAR G-YEM PA DAG DE LTAR YONGS SU SPANGS PAR BYAS PAR GYUR NA, JI LTAR MCHOG TU RNAM PAR DAG PA'I 'BRAS BU RNAMS BDAG LA 'BYUNG BAR 'GYUR TE, NGA NYID KYIS 'DOD PA LA LOG PAR G-YEM PA 'DI RNAM PAR SPANGS PA'I RGYUS BDAG LHAR YANG 'GYUR LA LHA GZHAN DAG RNAMS SU'ANG RUNG STE, DES LHA'I BU MO'I TSOGS RNAMS KYIS YONGS SU BSKOR BAR BDAG 'BYUNG BAR 'GYUR ZHING, LHA'I YANG BUD MED KYI MCHOG RNAMS LA BDAG NYE BAR LONGS SPYAD PAR 'GYUR GYI, MI'I NI, MA YIN NO, ,DE LHA'I BU MO RNAMS GANG YIN PA KHO NA'I BSAM PAS DE NI, RNYOG PA DANG BCAS PA'I TSANGS PAR SPYOD PA SPYOD PAR 'GYUR RO, ,JI LTAR BDAG LA LHA DE NYID KYIS KYANG BYA BA MED KYI, GAL TE 'DIR BDAG GIS 'DOD PA LA LOG PAR G-YEM PA RNAM PAR SPANGS PAR MA GYUR PA NI, JI LTAR GANG DAG GIS BUD MED RNAMS DANG SNGON YANG LHAN CIG TU BGAD CING BSGYINGS LA RTZES PA DANG YONGS SU SPYOD PA DE DAG RNAMS NI, YANG DAG PA'I 'GRO BAR SKYE BAR 'GYUR BA'I LEGS PA MA YIN NO, ,DE GANG GI TSE SNGON BUD MED
, ,RNAMS DANG NYE BAR LONGS SPYAD PAR GYUR PA'I LHAN CIG TU BGAD PA DANG BSGYINGS PA DANG RTZES PA DE'ANG YID KYIS RO MYANG BAR MI BYED DO, ,KUN TU RTOG PAR YANG MI BYED DO; ;'DUN PA'I 'DOD CHAGS YID LA SKYES PAR GYUR NA'ANG 'GOG PA LA BRTZON PAR BYED DO, ,DE'I TSE 'BAD PAR BYED DE, BGAD PA DANG BSGYINGS PA DANG YONGS SU SPYOD PAR GYUR BA'I RNAM PAR RTOG PA RNYING PA GANG YIN PA BDAG LA SKYES PA RNAMS DANG, SO SOR NYE BAR LONGS SPYAD PA'I BUD MED RNYING PA RNAMS LA'ANG RNAM PAR RTOG PAS RTOG PAR MI BYED DO, ,SKYES PA RNAMS LA'ANG NGES PAR BRTZON PAR BYED DO, ,SKYES BU DAM PA DE LAS DE DAG GIS LUS ZHIG PAR GYUR NAS SHI BA'I 'OG TU MTHO RIS BDE 'GRO'I 'JIG RTEN 'THAB BRAL GYI LHA RNAMS KYI RNAM PA SNA TSOGS PA RNAM PAR BKRA BA'I SA LA SKYE BAR 'GYUR RO, ,DER SKYES PA 'DI'ANG LEGS PAR BYA BA'I LAS KYI MTHA' LA SPYOD PAR GYUR PA'I LEGS PAR SMIN PA'I DGE BA'I LAS RNAMS KYI 'BRAS BU LA NYE BAR LONGS SPYOD PAS, 'DOD PA'I YON TAN LNGA DANG YANG DAG PAR LDAN PA, JI LTAR GANG KHO NAR LHA DE SKYES PAR GYUR PA RNAMS LAS RE ZHIG DANG PO KHO NAR THAMS CAD NAS RIN PO CHE'I 'OD ZER GYIS THAMS CAD RNAM PAR BKRA BAR GYUR PA DE'I MTHO RIS KYI YUL DE DAG YIN NO, ,DE LA LHA DE'I LEGS PAR BYAS PA'I LAS KYIS
GSAR DU RIN PO CHE 'DI DAG RNAMS RAB TU 'BYUNG BA YIN NO, ,'DI LTA STE, NYE 'KHOR RNAMS NA RDO RJE RNAM PA DU MA DANG, RI'I RTZE MO LA RNAM PA SNA TSOGS PA'I 'OD ZER GYI PHRENG BA DANG LDAN PA RNAMS LA JI LTAR BEE d'URYA DANG SNGON PO DANG SNGON PO CHEN PO DANG SHEL DANG MU S'A RA GALPA DANG PADMA R'A GA DANG MA RA KA TA MCHU LTUNG BA RNAMS DANG, DE BZHIN DU GZHAN DAG KYANG LHA RDZAS KYI LAS KYI KHYAD PAR RNAMS KYIS KHYAD PAR DU SKYES PAR GYUR PA'I RIN PO CHE'I RNAM PA BRGYA STONG PHRAG RNAMS KYI 'OD KYIS GNAS DER SHIN TU'ANG KHYAB PAR GYUR TO, ,DE RE ZHIG DANG PO NYID KHO NAR KHA DOG SNA TSOGS PA'I 'OD RNAM PAR RGYAS PA RNAMS YANG DAG PAR MNGON PAR MTHONG NAS MIG GI RNAM PAR SHES PA KUN TU 'JUG PAR BYED DO, ,GANG DAG DES SNGON NAM YANG MA MTHONG BA DE LA DE'I MIG GI RNAM PAR SHES PA SHIN TU 'PHEN BAR BYED DO, ,DE'I RJES THOGS LA RNAM PA SNA TSOGS PAR GYUR PA MTSUNGS PA MED PA'I LHA RDZAS RNAMS KYI GLU DANG RNGA DANG ROL MO'I SGRA RNAMS KYI SGRA NYAN PAR BYED DO; ;DE'I RJES THOGS LA 'DI LHA RDZAS KYI DRI RNAM PA SNA TSOGS PA DPE MED PA'I RNAM PA RNAMS LA SNA KUN TU 'JUG PAR YANG BYED DO, ,DANG POR SKYES PA DE GSUM GYIS THOG MA KHO NAR KUN TU G-YENG BAR SHES PAR BYA STE, SNGA NA MA MTHONG BA DANG MTSUNGS PA MED PA RNAMS KYIS BAG MED PA'I SA LA KUN NAS 'JUG PAR BYED DO, ,DE DAG RNAMS MNGON PAR MTHONG NAS GANG
, ,DAG LHA NYID DU GYUR PA DE DAG NI, SKAL PA DANG LDAN PA YIN PAS LEGS PAR BYAS PA'I LAS KYIS RTZE MOR GYUR PA DE DAG NI, NAGS KYI NANG GI GSEB DAG NAS KUN TU 'ONG BAR BYED DO, ,NAGS DE'ANG 'OD SNANG BA ZHES BYA BA STE, NYE 'KHOR KUN NA 'OD ZER RNAM PA SNA TSOGS PA MTSUNGS PA MED PA RNAMS RAB TU SNANG BAR BYED DO, ,NAGS DE LA LHA DE DAG GIS KUN NAS BGROD NAS GANG NA LHA GSAR DU SKYES PA YOD PA DER NYE BAR RGYUG PAR BYED PA RNAMS NI, CHA BYAD SNA TSOGS PA 'CHANG BA GZUGS SNA TSOGS PA DANG LDAN PA RNAM PA SNA TSOGS PA'I GLU DANG RNGA SGRA DANG ROL MO'I SGRA SNYAN PA RNAMS DANG GLU KUN TU SGRAG PAR BYED PA DANG GLU DBYANGS SNYAN PA DPE MED PA DGA' BAR GYUR PA RNAMS NYE BAR BYUNG NAS SKAD RNAMS KUN TU 'DON NO, ,DE NAS LHA DE YANG DE DAG RNAMS MNGON PAR MTHONG BA DANG THOG MA MED PA'I DUS NAS GOMS PAR GYUR PA'I 'DOD CHAGS KYI BLOS KUN NAS 'PHANGS PAS; GANG NA LHA DE DAG YOD PA DER RAB TU DGA' BA'I YID KYIS 'DRE BAR BYED DO, ,DE DAG RNAMS KYANG GANG NA LHA 'DI YOD PA DER NYE BAR RGYU STE, KHA CIG NI, NAM MKHA'I DKYIL DU SHIN TU 'PHAGS PAR GYUR NAS PI WANG LAG NA THOGS PAR GLU LEN PAR GYUR PAS SO, ,GZHAN DAG KHA CIG NI, KHANG BU'I STENG NA CHES RAB TU RGOD PAR BYED PA'I MIG GIS ME
TOG KUN TU SBREL BAS MTSUNGS PA RNAMS KYI DRI SNOM PAR BYED DO, ,LHA GZHAN DAG RNAMS KHA CIG NI, ,SA GZHI NYID LA TSOGS PA 'DUS PA RNAMS KYIS SNA TSOGS PA'I ROL MO DANG LAG NA ME TOG THOGS PAR GYUR PAS GANG NA LHA 'DI YOD PA DER RGYUG PAR BYED DO, ,LHA GZHAN DAG KHA CIG NI, LAG NA ME TOG RNAMS THOGS PAS GANG NA LHA'I BU 'DI YOD PA DER NYE BAR RGYUG PAR BYED DO, ,LHA GZHAN DAG KHA CIG GIS NI, SNA TSOGS PA'I KHA DOG DANG RO DANG DRI PHUN SUM TSOGS PAR GYUR PA'I MYOS BYED MYOS PA'I SKYON DANG BRAL BA DAG THOGS NAS GANG NA LHA 'DI YID PA DER NYE BAR RGYUG PAR BYED DO, ,DE NAS LHA GANG DAG GIS MYOS BYED DE BZUNG NAS RGYUG PAR BYED DE, BZUNG NAS RGYUG PAR BYED PA DE DAG GI LAG PA DAG LA DES KUN TU 'JUS NAS LHA 'DI MYOS BYED DE DAG BLANGS NAS LHA'I KHA DOG DANG RO PHUN SUM TSOGS PAR GYUR PA RNAMS 'THUNG BAR BYED DO, ,DE NAS 'THUNGS PAR GYUR NAS DE BCU 'GYUR GYI BLA LHAG PAR RAB TU DGA' BA 'THOB PAR 'GYUR RO, ,DE YUL BZHI PAS KYANG RNAM PAR G-YENGS PA YIN TE, SNGAR NI, GZUGS DANG SGRA DANG DRI RNAMS KYIS YIN LA PHYI NAS NI, ROS KYANG KUN NAS G-YENGS PAR GYUR TO, ,LUS KYIS KYANG RNAM PA SNA TSOGS PAR GYUR PA'I MCHOG TU BDE BA DANG LDAN PA'I YID KYIS RJES SU MTHUN PAR BYED PA'I REG BYA RNAMS LA REG PAR BYED, YID KYIS KYANG GANG KHO NA KUN TU RTOG PAR BYED
, ,PA DE KHO NA 'BAD PA MED CING NGAL BA MED PA'I PHUN SUM TSOGS PAR LHAN CIG NYID DU 'BYUNG BAR 'GYUR RO, ,DE LTAR LHA GSAR DU SKYES PA DE SRED PA'I TSOGS DRUG GIS RNAM PAR 'BYED PAR BYED DO, ,DE NAS LHA GSAR DU SKYES PA LHA DE DAG RNAMS DANG LHAN CIG TU GANG NA LHA GZHAN DAG 'DOD PA'I YON TAN LNGA DANG BCAS SHING YANG DAG PAR LDAN PAR GYUR PAS DGA' BAR BYED PA 'DOD PA RNAMS THAMS CAD RJES SU MTHUN PA'I NAGS ZHES BYA BA'I NAGS DER LHA 'DI NYE BAR 'DRE BAR BYED DO, ,DE NAS LHA GSAR DU SKYES PAR GYUR PA DE LHA DE DAG GIS YONGS SU BSKOR BA NYID KYIS RNAM PA SNA TSOGS PA'I RTZED MO RNAMS KYIS RTZE BAR GYUR PA'I LHA DE DAG RNAMS NYID MTHONG BA LA, KHA CIG NI, PADMA'I RDZING BU RNAMS NA RTZE BAR BYED DO, KHA CIG NI, 'KHRI SHING GI GSEB TU SONG NAS RTZE BAR BYED DO, ,KHA CIG NI, RI'I RTZE MO RNAMS KYI GSEB TU SONG NAS RNGA SKAD YAN LAG RNGA DANG LDAN PA RNAMS KYIS RTZE BAR BYED DO; ;LHA GZHAN KHA CIG NI, SRED PA DRUG GI TSOGS RNAMS KYIS RNAM PAR 'BYED DO, ,DE NAS LHA GSAR DU SKYES PAR GYUR PA DE LHA DE DAG RNAMS DANG LHAN CIG TU GYUR PAS, GANG NA LHA GZHAN DAG LHA MO'I TSOGS RNAMS KYIS YONGS SU BSKOR CING NAM MKHA'I DKYIL NA KHANG BU'I RGYAB TU SONG NAS SNA TSOGS PA'I RIN PO CHE RNAMS KYIS RNAM PAR BRGYAN PA'I LUS CAN
RNAMS RTZE BAR BYED PA DANG, LHA GZHAN DAG KHA CIG NI, LJON SHING GI YAL GA LA KUN TU BABS NAS LHA MO'I TSOGS RNAMS KYIS YONGS SU BSKOR TE GAR DAG BYED PA DANG RGOD PAR YANG BYED PA DANG RNGA SKAD YAN LAG LNGA 'GYING BAR YANG BYED DO, ,DE NAS LHA GSAR DU SKYES PA DES LHA DE DAG RNAMS MNGON PAR MTHONG BAR GYUR NAS RAB TU CHES DGA' BAR GYUR PA'I YID KYIS LHA DE DAG RNAMS NYID KHO NAS YONGS SU BSKOR NAS RNAM PAR 'DRE BAR 'GYUR RO, ,LHA DE RNAMS DANG LHA DE DAG KYANG PHAN TSUN DU LHAN CIG TU GYUR CING LHA DE DAG RNAMS DANG LHAN CIG TU GYUR PA GANG YIN PA'I LHA DE DAG RNAMS DANG LHA GSAR DU SKYES PA DE DANG BCAS PA RNAMS NAGS DER RJES SU ZHUGS PAR GYUR TO, ,DE DE LA BDE BAR RNAM PAR RGYU BAR GYUR PAS RNGA SKAD YAN LAG LNGA DANG LDAN PA DANG 'DOD PA'I YON TAN LNGA PO RANG GI LAS DANG 'DRA BA RNAMS LA DUS RING DU RTZE BAR BYED CING DGA' BAR YANG BYED DO, ,DE NAS DUS SHIN TU RING DU NAGS DE LA BGROD PAR GYUR NAS 'BAB CHU RNAM PA SNA TSOGS PA DANG LDAN PA ZHES BYA BA'I RI RIN PO CHE BDUN GYIS RNAM PAR BKRA BAR BYAS PA LA RTZE BAR GYUR PAS LHAG PAR 'KHOD PAR BYED DO, ,DE LTAR PHAN TSUN DU MYOS PA LA GROGS SU GYUR PA RNAMS RANG GI LAS KYI 'BRAS BU RNAMS LA LONGS SPYOD PA RNAMS DE DANG DE LA'ANG RTZE BAR BYED PA YIN TE, LJON SHING RNAMS KYI BAR DAG TU GYUR PA'I 'BAB CHU RNAMS LA DANG, RNAM PA SNA TSOGS PA'I RDO RIN PO CHE RNAMS
, ,KYIS RNAM PAR BRGYAN PA RNAMS DANG, RAB TU DANG ZHING BSIL BAR GYUR PA RNAMS LA DANG, MCHOG TU BSIL BA'I DRI MA MED PAR GYUR PA'I RI'I 'BAB CHU SNA TSOGS PA DANG LDAN PA DE DAG RNAMS LA'ANG DGA' BAR BYED DO, ,DE NAS LHA BAG MED PA DE DAG RNAMS NI, MNGON PAR MTHONG BAR GYUR NAS 'BAB CHU LA RGYU BA ZHES BYA BA LHA RNAMS RTZA BAR BYED PA'I BYA DAG GIS TSIGS SU BCAD PA BRJOD PA JI LTAR, LAS RNAMS GANG PHYIR RNAM DAG GI ,'BRAS BU BDE BAR KUN NAS GNAS, ,DE ZAD NAS NI SLAR LTUNG BAR, ,LHA YI 'JIG RTEN LA 'BYUNG 'GYUR, ,BDE BA DE LTA BAS RMONGS NAS, ,MDUN GYI 'JIGS PA MTHONG BA MIN, ,LAS ZAD SDUG BSNGAL KUN THOB PA, ,PHYI NAS SHES PAR 'GYUR BA YIN, ,BDE MIN BDE BA'I GZUGS KYIS NI, ,BAG MED KUN NAS RAB TU 'JUG ,LAS ZAD NAS NI RNAM LTUNG BA, ,DE NI PHYI NAS YONGS GDUNG 'GYUR, LAS GANG CHUD ZA BAR 'JUG PA'I, ,BAG MED DUG BZHIN DU NI SPONGS, ,BAG MED PAS NI NYER BCOM LHA, ,PHYI NAS DMYAL BA'I SKAL LDAN YIN, ,'DU BA LA NI BLO DGA' ZHING, ,BRAL BA LA YANG RJES SU GDUNG, ,'DUS PA'I MTHA' NI 'BRAL 'GYUR BAR, ,CHOS NYID 'DI NI RNAM PAR GNAS, ,SHES GANG 'JIG PAR MI 'GYUR BA'I, ,GNAS DE DMIGS PA MA YIN NO, ,RNAM PAR 'JIG DANG 'BYUNG BA NYID, ,CHOS RNAMS BYUNG
ZHING 'JIG PA YIN, ,JI LTA JI LTAR LHA RNAMS KYANG, ,'DI BA RGYU BAR MTHONG BA YANG, ,DE LTA DE LTAR BAG MED PA'I, ,DUG GIS RMONGS NAS RAB CHUD 'DZA', ,BAG MED LHA RNAMS THAMS CAD KYIS SNGAR NI DGA' BA BZHIN DU MTHONG, ,PHYI NAS SDUG BSNGAL MTHONG NAS NI, ,MI RNAMS LA NI DGRA BZHIN SKYE, ,BUD MED DANG 'DRE BLO LDAN GYIS, ,BAG MED RNAMS LAS LHAG PAR BRJOD, ,DE DANG 'DRE LAS LHA RNAMS 'JIG ,LHA MIN LTO 'PHYE CHEN PO YANG, ,BUD MED DANG 'BREL CHANG 'THUNG DANG, ,RTZED MO YUL DANG LHAN CIG TU, ,TZAB HRAL DE NAS LE LO DANG, ,DE DAG BAG MED MYUR GU YIN,, DE DAG BYA DES LHA DE DAG RNAMS MNGON PAR MTHONG NAS RJES SU 'DOMS PAR BYED PA'I TSIGS SU BCAD PA RNAMS BRJOD DO, ,DE NAS DE DAG LA DE LTAR PHAN PA RNAMS BRJOD PAR GYUR PA NA'ANG RTOGS PAR MI 'GYUR BAR YUL RNAMS KYIS NYE BAR BCOM NAS DE KHO NA BZHIN DU GAR BYED PAR GYUR CING RGOD PAR GYUR PA DANG RTZE BAR YANG GYUR PAS, SLAR YANG 'KHRI SHING LJON SHING GIS KUN NAS KHYAB PA'I NAGS 'OD SNANG BA DE NYID DU RAB TU 'JUG PAR BYED DO, ,NAGS DE NA NI, MCHOG TU DGA' BAR GYUR PA RNAM PA SNA TSOGS PA'I SHING DANG 'KHRI SHING DANG LJON SHING DANG PADMA'I RDZING BU DANG KHRUS KYI RDZING BU DANG 'BAB CHU RNAMS LA DGA' BA RNAM PA SNA TSOGS PA'I BYA'I TSOGS BRGYA PHRAG GI SGRA 'BYIN PA RNAMS DANG, ME TOG BRGYA PHRAG KHA BYE BAS DGA' BAR
, ,GYUR PA MAND'A RA BA KUN NAS 'DUD PA'I LJON SHING DANG MYU GU LA LHA BRGYA PHRAG GIS GANG BAS DGA' BA, LHA RDZAS KYI RNGA SKAD YAN LAG LNGA PA'I SGRA SGROG PAR GYUR PA'I SGRAS LHA DE DAG LHA GSAR DU SKYES PAR DE DANG YANG DAG PAR LDAN PAS RTZE BAR LDAN PAS RTZE BAR BYED CING DGA' BAR YANG BYED DO, ,DE LA LHA GANG DAG SKYES NAS RING DU LON PA DE DAG RNAMS LAN GCIG DANG LDAN GCIG MA YIN PAR RNAM PA DU MAR NAGS DE DAG DANG NAGS KYI BKOD PA DAG RNAMS LA DANG 'JUG NGOS DE DAG DANG PADMA'I RDZING BU DE DAG DANG SA GZHI'I CHA DE DAG DANG 'KHRI SHING GI KHANG PA DE DAG DANG, NAGS KYI GSE BA DE DAG DANG DPAG BSAM GYI SHING DE DAG DANG NAGS KHROD KYI GSEB RIN PO CHE BDUN GYI 'OD KUN NAS 'BAR BA'I 'OD ZER DANG LDAN PA DANG KHANG BU SNGA NA MA MTHONG BA DE DAG RNAMS KYIS DE LTAR KUN TU 'KHRID PAR BYED DO, ,DE BZHIN DU LHA GSAR DU SKYES PA 'DI YANG THAMS CAD DU RNAM PAR LTA BAR GYUR PAS KUN TU 'GRO BAR BYED DO, ,NGO MTSAR BAS YID KUN TU G-YOS PAR GYUR PA'I BLOS LHA DE DAG NYID KYIS YONGS SU BSKOR NAS DE YUL GSAR BA RNAMS KYI SRED PAS GDUNGS PA'I 'DOD PA'I ME DANG BAG MED PA'I DUD PAS BSREGS PAR GYUR PAS GYUR CING YANG DANG YANG DU BSREGS PAR GYUR PAS LHA DE DAG RNAMS NYID KYIS YONGS SU BSKOR
NAS NAGS KYI NANG GI GSEB TU YUL RNAMS KYI SRED PA'I SHUGS DU MAS BSREGS PAR GYUR PAS RTAG PAR RGYUN DU 'GRO BAR BYED DO, ,DUS RING DU RGYU BAR GYUR PA LAS DE GAL TE SHED NA LHA DE DAG GIS YONGS SU BSKOR NAS GANG NA RNAM PA SNA TSOGS PAR BKRA PA ZHES BYA BA'I PADMA'I RDZING BU YOD PA DER KUN TU 'GRO BAR BYED DO, ,RNAM PA SNA TSOGS PAR BKRA BA'I PADMA'I RDZING BU DE'I YANG MTSUNGS PA MED PAR GYUR BA'I MDZES PA 'DI DAG YIN TE, DPER NA, PADMA DE LTA BU'I GZUGS RNAM PAR BKRA BAR GYUR PA RNAMS LA 'DI LTA STE, BEE d'URYA'I 'DAB MA DANG GSER GYI YU BA DANG PADMA R'A GA DANG GSER BZANG PO'I SNYING PO DANG, DNGUL GYI MDOG DANG MTSUNGS PA'I ZA 'BRU DANG LDAN PA RNAMS LA AINDRA N'I LA'I RANG BZHIN GYI PHUNG PO RNAMS KYIS NYE BAR MDZES PAR GYUR BA DANG, PADMA GZHAN KHA CIG NI, DNGUL GYI RANG BZHIN GYI YU BA DANG AINDRA N'I LA'I 'DAB MA DANG, GSER GYI ZE 'BRU LA MU S'A RA GALPA DANG SHEL DANG GSER GYI MDOG GI BUNG BA RNAMS KYIS NYE BAR MDZES PAR BYAS PA'O, ,PADMA GZHAN KHA CIG NI, GSER GYI YU BA LA AINDRA N'I LA'I 'DAB MA DANG PADMA'I ZE 'BRU DNGUL GYI SNYING PO LA PADMA RA'A GA DANG MDOG MTSUNGS PA'I BUNG BA RNAMS KYIS NYE BAR MDZES PA'O, ,PADMA GZHAN KHA CIG NI, YU BA DANG 'DAB MA DANG ZE 'BRU DANG SNYING PO RNAMS THAMS CAD DMAR PO YIN TE, DE BZHIN DU BUNG BA'ANG DMAR PO RNAMS KYIS NYE BAR MDZES PAR BYAS
, ,PA'O; ;GZHAN YANG PADMA GZHAN DAG NI, YU BA DANG 'DAB MA DANG ZE 'BRU DANG SNYING PO RNAMS THAMS CAD KYANG DNGUL DANG MTSUNGS PAR GYUR PA LA BUNG BA RNAMS KYANG KHA DOG GCIG PA'O, ,PADMA GZHAN KHA CIG NI, AUTPAL DANG CHA 'DRA BA DANG YU BA DANG 'DAB MA DANG ZE 'BRU DANG SNYING PO RNAMS THAMS CAD NAS SNGON POR GYUR PA LA PHUNG BA'I TSOGS RNAM PAR SGROG PA RNAMS KYIS NYE BAR MDZES PA'O, ,GZHAN YANG PADMA GZHAN RNAMS RNAM PAR MDZES PAR GYUR PA PADMA'I RDZING BU DE NYID NA KHA DOG RNAM PAR BKRA BA'I PADMA RNAMS LA 'DI LTA STE; PADMA GCIG KYANG RIN PO CHE BDUN GYI RANG BZHIN GYIS RNAM PAR BKRA BA DANG DBYINGS RNAM PA SNA TSOGS PA DANG RNAM PA SNA TSOGS PAR RAB TU SKYES PAR GYUR PA'I PADMA RNAMS YIN ZHING, RNAM PA SNA TSOGS PA'I DRI DANG LDAN PA DANG 'DAB MA KHA DOG SNA TSOGS PAS NYE BAR MDZES PAR GYUR PA RNAMS LA 'DI LTA STE, SNGON PO DANG SER PO DANG DKAR PO DANG DMAR PO DANG NAG PO DANG RNAM PAR 'DRES PA'I 'DAB MAS NYE BAR MDZES PAR BYAS PA'I PADMA'I RDZING BU LAS SKYES PA LAS BUNG BA'I TSOGS RNAMS KYIS MDZES PAR GYUR PA'O, ,RNAM PA DE SRID PA RNAMS NYID KYIS NYE BAR MDZES PAR GYUR PAS PADMA'I GSEB RNAMS RAB TU GSAL LO, ,RNAM PA DE LTA BUR RNAM PAR BKRA BAR GYUR BA'I PADMA'I RDZING BU DE NA MCHOG TU DGA' BAR GYUR BA RAB TU
DANG BA'I CHU BSIL ZHING MNGAR BA'I CHU LA MCHOG TU DGA' BA'I LHA RDZAS KYI MDOG DANG DRI DANG DBYIBS DANG LDAN PA'I PADMAS NYE BAR MDZES PAR GYUR PA 'DI NI, LHA GSAR DU SKYES PA DE LHA MO'I TSOGS RNAMS KYIS YONGS SU BSKOR CING LHAN CIG TU LHA RDZAS KYI 'DOD PA'I YON TAN LNGA DANG LDAN PAR GYUR NAS RNGA SKAD YAN LAG LNGA PAS RTZE BAR BYED CING RGOD PAR BYED DO, ,RNAM PA SNA TSOGS PAR RNAM PAR BKRA BA'I PADMA'I RDZING BU DA'I MTHA' MA NA'ANG LHA RDZAS KYI 'GRAM NAS SKYES PAR GYUR PA'I LJON SHING GI RIGS YOD PA RNAMS NI, GANG DAG GIS PADMA'I RDZING BU DE BRGYA 'GYUR DU'ANG RNAM PAR MDZES PAR BYED PA STE, NAM ZLA THAMS CAD DU RAB TU KHA BYE BAR GYUR PA'I ME TOG GI TSAN KA KUN NAS BUNG BA RNAMS KYIS YONGS SU BSKOR BA RNAMS LA 'DI LTA STE; SHING GI TSOGS SU GYUR PA RNAMS LA SHING GANG DAG GI MDZES PA 'DI DAG YIN TE, 'DI LTAR RTZA BA NAS BZUNG NAS SNGON PO DANG SER PO DANG DKAR PO DANG NAG PO DANG DMAR PO'I MDOG GI ME TOG RNAMS KYIS NYE BAR MDZES PA DANG LDAN PA'I LJON SHING RNAMS YIN NO, ,PADMA'I RDZING BU DE NA GANG DAG YON TAN BRGYA 'GYUR DU GYUR PA'I 'OD DANG LDAN PA'I BYA'I TSOGS RNAMS KYIS DPAG TSAD BCUR NYE BAR MDZES SHING SKAD SNYAN PA RNAMS KYIS NYE 'KHOR KUN NAS RNAM PAR MDZES PAR BYED DO, ,GZHAN YANG PADMA'I RDZING BU DE NYID NA SHING LJON PA 'GRAM
, ,NAS SKYES PA GZHAN DAG KHANG BU'I SHING LJON PA RNAMS YOD PA 'DI DAG NI, LHA RNAMS KYI LEGS PAR BYAS PA'I LAS KYI GZI BRJID YIN NO, ,GANG GI TSE LHA DE DAG PADMA'I RDZING BU DE NA RTZE BAR BYED PA DE'I TSE GAL TE NA SHING LA RNAM PAR 'DZEG PAR GYUR NAS 'DI LTAR SEMS PAR BYED DO, ,JI LTAR KHANG BU RNAMS KYANG BDAG CAG LA 'DIR BYUNG BAR GYUR NA RUNG SNYAM PA DE'I TSE KHANG BU'I SHING DE DAG RNAMS LA BUNG BA RNAMS TSIM PAR BYED PA'I ME TOG RNAMS DANG BRJOD PA DANG DE DAG RNAMS THAMS CAD KYANG LHA DE DAG GI LOGS PAR BYAS PA'I LAS KYIS TE, RIN PO CHE BDUN GYI 'OD RNAMS DANG LDAN PA DANG RAB TU PHAL CHE BAR GYUR PA'I CHU KLUNG DANG RDZING BU DANG NAGS DANG NYE BA'I NAGS DANG RI'I RTZE MO RNAMS DANG RIN PO CHE BDUN GYIS NYE BAR SPRAS PA DANG BCAS PA RNAMS GANG YIN PA DE DAG KHANG BU'I NANG DU PHUN SUM TSOGS PAR 'BYUNG NGO, ,DE DAG KHANG BUR ZHUGS PAR GYUR CING RNAM PA SNA TSOGS PA'I RGYAN DANG CHA BYAD CAN GYI LHA MO'I TSOGS RNAMS KYIS YONGS SU BSKOR NAS RTZE BAR GYUR CING RGOD PAR GYUR LA GLU'ANG LEN PAR GYUR PAS, NAM MKHA'I DKYIL DU 'PHAGS NAS 'THAB BRAL BA RNAMS KYIS GZHAN LA JI LTAR 'DOD PAR KUN TU LTA BAR BYED DO, ,YON TAN DE LTA BU RNAMS DANG LDAN PA'I 'GRAM SKYES KYI SHING ZHES BYA BA GANG DAG
KHANG BU'I LJON SHING 'DI DAG RNAMS KYI MTHU YIN NO, ,GZHAN YANG PADMA'I RDZING BU DE NYID KYI 'GRAM NA YOD PA'I SHING LJON PA RNAMS LA RNAM PA SNA TSOGS PAR RNAM PAR BKRA BA'I ME TOG DANG 'BRAS BU RNAM PA SNA TSOGS PAR RNAM PAR BKRA BA'I BYA RNAMS KYIS NYE BAR MDZES PAR GYUR PAS RNAM PAR GSAL BAR GYUR PA YIN NO, ,NOR BU'I SGRA ZHES BYA BA GANG DAG GI MTHU STOBS NI, 'DI YIN TE, GANG GI TSE LHA DE DAG RNAMS PADMA'I RDZING BU DE NYID NA RTZE BAR BYED PA NA DE'I TSE SHING DE DAG RLUNG 'JAM PO RNAMS KYIS RAB TU BSKYOD PAR GYUR PAS PHAN TSUN DU 'DRUD PAR BYED DO, ,KUN TU 'DRUD PAR GYUR PA DE DAG RNAMS KYI PHAN TSUN DU SNYAN PAR GYUR PA DANG PHAN TSUN DU YID DU 'ONG BA DANG SGRA RGYA CHEN PO RNAM PA SNA TSOGS PA RNAMS RAB TU 'BYUNG BAR 'GYUR RO, ,LHA RDZAS KYI NOR BU'I PHUNG PO'ANG MCHOG TU YANG BAR GYUR PA DAG ME TOG BZHIN DU RAB TU 'BAB PA'O, ,GANG DAG NOR BU RNAMS KYIS DE'I TSE NA NAM MKHA' MA LUS PAR KUN TU SNANG BAR BYED PA RNAMS LA, DPER NA, NYI MA DANG ZLA BA 'DI DAG GIS DZAMBU'I GLING RAB TU SNANG BAR BYED PA DE BZHIN DU NOR BU DE DAG RNAMS KYIS RAB TU GSAL BAR BYED DO, ,DE'I TSE NA NAM MKHA'I RANG BZHIN RAB TU GSAL BAR BYED PA'ANG YIN NO, ,LJON SHING GZHAN YANG PADMA'I RDZING BU DE NYID KYI NGOS NA YOD PA RNAMS LA, 'DI LTA STE, SKYE BO MI G-YO BA ZHES BYA BA'I
, ,SHING LJON PA'O, ,PADMA'I RDZING BU DE DAG NYID NA LHA DE DAG RNAMS RTZE BAR BYED PA NA, DE'I TSE LJON SHING DE DAG LAS LHA DE DAG RNAMS NYID KYIS LEGS PAR BYAS PA'I LAS RNAMS KYI 'BRAS BU KHA DOG DKAR BAR GYUR PA'I KHU BA'I RTZI LHA RDZAS KYI DRI DANG RO DANG KHA DOG DANG REG BYA CAN DE DAG RAB TU 'BYUNG NGO, ,DE'I TSE LHA DE DAG RNAMS 'THUNG BAR BYED DO, ,DES BCU 'GYUR GYIS KYANG LHAG PAR YID CHES RAB TU RANGS PAR 'GYUR RO, ,MYOS PA'I SKYON RNAMS DANG NI, BRAL BA YIN NO, ,LHAN CIG SPYOD PAR BYED PA DE DAG RNAMS KYIS YONGS SU BSKOR NAS GAR DANG RGOD PAR YANG BYED DO, ,BZA' BA'ANG BDUD RTZI'I RANG BZHIN RNAMS RAB TU ZA BAR BYED DO, ,DE LTAR SHING DE DAG RNAMS NYID LAS LHA DE DAG RNAMS KYI LAS JI LTA BU RNAMS DANG 'DRA BAR 'GYUR RO, ,GZHAN YANG PADMA'I RDZING BU DE NYID NA RNAM PA SNA TSOGS PAR RNAM PAR BKRA BA'I DRI DANG KHA DOG CES BYA BA 'GRAM NA SKYES PA'I SHING [?] LJON PA GZHAN DAG YOD DO, ,GANG GI TSE NA LHA DE DAG RNAMS PADMA'I RDZING BU DE NA RTZED MO RTZE BAR BYED PA NA, DE'I TSE LHA DE DAG RNAMS NYID KYI LEGS PAR BYAS PA'I LAS KYIS BDE BA'I REG PA'I RLUNG 'JAM PO RAB TU 'PHYUR RO, ,RLUNG DE DAG GIS KYANG LJON SHING DE DAG RNAMS KYI 'DAB MA DE DAG 'DRUD PAR BYED DO, ,PHAN TSUN KUN TU 'DRUD PAR GYUR PA DE DAG
RNAMS LAS MCHOG TU YID DU 'ONG BAR GYUR PA'I SGRA RAB TU 'BYUNG BA RNAMS LA, 'DI LTA STE, LHA DE DAG RNAMS NYID KYI ROL MOR GYUR PA MNYAM PA DANG CHAGS PAR GYUR PA DANG SNYAN PAR GYUR BA'I RNAM PA DE LTA BU RNAMS LAS RAB TU 'BYUNG BAR 'GYUR RO, ,DE BZHIN DU PADMA'I RDZING BU RNAM PA SNA TSOGS PAR RNAM PAR BKRA BA DE NYID NA 'GRAM NA SKYES PA'I SHING LJON PA GZHAN DAG YOD PA NI; BYAS DGA' BA ZHES BYA BA'O, ,DE DAG GI MTHU NI, 'DI LTA BU YIN TE, 'DI LTAR BYA GANG DAG YIN PA DE DAG LJON SHING DE DAG RNAMS LA SO SOR GNAS SO, ,JI LTAR LHA DE DAG RNAMS SONG BAR GYUR NAS PADMA'I RDZING BU DE NYID DU YUN RING DU RTZED MO RNAMS BYAS SHING RNGA SKAD YAN LAG LNGA PAS DGA' BAR BYAS NAS LJON SHING DE DAG RNAMS LA LHAG PAR 'KHOD PAR BYED PA DANG, DGA' BAR GYUR PA RNAMS LA LTA BAR 'DOD PA'I PHYIR BYA DE DAG RNAMS KYI YANG RGYAB TU ZHON PAR BYED DE, GANG GIS RNAM PA JI LTA BU DAG GIS NAM MKHA'I DKYIL DU 'PHAGS NAS SA RNAMS JI LTA BA BZHIN DU KUN TU BLTA BAR BYA 'DOD PA'I RNAM PA DE LTA BUR BYA DE DAG RNAMS KYI SEMS BSKYED PA TZAM GYIS 'GYUR RO, ,YANG NA DER KHANG BU DAG 'GYUR ZHING PHAL CHE BAR GYUR BA'I 'BAB CHU DANG RDZING BU DANG NAGS DANG NYE BA'I NAGS DANG 'KHRI SHING GI KHANG BU PHUN SUM TSOGS PA RNAM PA SNA TSOGS PAR BLTA NA MDZES PAR GYUR PA'I BZHON PA RNAMS LA ZHON NAS LHA
, ,RNAMS KYIS LA DE DAG KUN TU LTA BAR BYED DO, ,GZHAN YANG BYA GZHAN DAG GIS TSIGS SU BCAD PA'I DBYANGS BRJOD PA JI LTAR, TSUL KHRIMS BSRUNGS PA'I MI RNAMS 'CHI BA MCHOG YIN GYI, ,KHRIMS 'CHAL RNAMS NI YUN RING GSON PA'ANG 'DIR MCHOG MIN, ,MI YIS YONGS SU ZIL GYIS MNAN NAS GNAS PHYIR MIN, , 'CHI 'PHOS NA YANG MA YIN DMYAL BA RNAMS SU GNAS, ,SNGA PHYI MED PAR BLO LDAN RNAMS, ,SKAD CIG RE RE NYUNG DU NYUNG, ,MGAR BA DANG NI KHRUS MKHAN YANG, ,BYI DOR 'BRAS BU'I BDAG NYID YIN, ,DE NAS YANG BCOM LDAN 'DAS RGYAL PO'I KHAB KYI N'A LA TI'I BRAM ZE'I GRONG NA BZHUGS SO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA; DGE SLONG DAG, LUS DRAN PA NYE BAR GZHAG PA ZHES BYA BA NGAS BSHAD PAR BYA STE, DANG POR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO 'BA' ZHIG PA, YONGS SU RDZOGS PA, YONGS SU DAG PA, YONGS SU BYANG BA, TSANGS PAR SPYOD PA NGAS BSHAD PAR BYA'O, ,'DI LTA STE, LUS DRAN PA NYE BAR GZHAG PA ZHES BYA BA'I CHOS KYI RNAM GRANGS SO, ,DE LEGS PAR RAB TU YID LA BYAS TE NYON CIG BSHAD PAR BYA'O, ,DE SKAD CES BKA' STZAL PA DANG, DGE SLONG DE DAG BCOM LDAN 'DAS KYI LTAR NYAN TO, ,DE
DAG LA BCOM LDAN 'DAS KYIS 'DI SKAD CES BKA' STZAL TO, ,DGE SLONG DAG ,LUS DRAN PA NYE BAR GZHAG PA ZHES BYA BA'I CHOS KYI RNAM GRANGS 'DI'ANG GANG DAG YIN ZHE NA, 'DI LTA STE LUS LA LUS KYI RJES SU LTA ZHING GNAS PA'I DGE SLONG NI, BDUD KYI YUL LA MI GNAS SO, ,NYON MONGS PA RNAMS KYANG SPONG BAR BYED DO, ,YANG DAG PA JI LTA BA BZHIN DU LUS MTHONG NGO, , YE SHES MNGON SUM DU BYAS PAR GYUR NAS MYA NGAN LAS 'DAS PA YANG MTHAR BYED PAR NGA GSUNG NGO, ,'DI NA DGE SLONG LUS LA YANG DAG PAR LTA BAR BYED PA RNAMS NI, TSUL BZHIN MA YIN PA YID LA BYED PAS MI 'PHROG PA DANG, KUN NAS NYON MONGS PA RNAMS DANG YANG BRAL BAR 'GYUR RO, ,NANG GI BDAG NYID KYI MIG DANG RNA BA DANG SNA DANG LCE DANG LUS DANG YID DANG, PHYI ROL GYI GZUGS DANG RO DANG DRI DANG REG BYA DANG SGRA DANG CHOS RNAMS KYANG LUS YIN NO, ,NANG GI BDAG NYID KYIS LUS LA LUS KYI RJES SU LTA ZHING GNAS PAR GYUR NAS MTHAR MYA NGAN LAS 'DAS PAR 'GYUR RO, ,'DI NA DGE SLONG DAG MIG GIS GZUGS RNAMS MTHONG NA KUN TU RTOG PAR MI BYED CING, DGA' BA'I 'DOD CHAGS DANG MTSUNGS PAR LDAN PA'I SEMS KYIS YANG DAG PA NYID DU LTA BAR MI BYED KYI, LUS 'DI LA YOD PA RNAMS NI, SKRA DANG SPU DANG SEN MO DANG SO DANG RUS PA DANG PAGS PA DANG KHRAG DANG ZAS DANG SMIN P
, ,DANG BAD KAN DANG MKHRIS PA DANG RLUNG DANG RGYU MA DANG GNYE MA DANG BSHANG BA DANG GCI BA DANG GLO BA DANG MKHAL MA DANG GZHA NGA PA DANG TSIL DANG KHU CHU DANG CHU SER DANG SNABS DANG KLAD RGYAS DANG KLAD PA RNAMS SO, ,DE GANG GI TSE DE LTAR LUS LA LUS KYI RJES SU 'BREL BAR DRAN PAR 'GYUR NA, DE'I TSE GZUGS DANG RO DANG DRI DANG REG BYA DANG SGRA DANG CHOS DANG PHYI ROL GYI CHOS RNAMS KYIS KYANG 'PHROG PAR MI 'GYUR RO, ,MIG GIS KYANG GZUGS RNAMS DANG PO NYID NAS YANG DAG PA JI LTA BA BZHIN DU MTHONG NGO, ,RNAL 'BYOR SPYOD PA RNAMS KYIS YANG DAG PA JI LTA BA BZHIN DU NANG GI BDAG NYID KYI MIG SHA'I GONG BU 'BYUNG BA CHEN PO BZHI LAS GYUR PA JI LTAR MTHONG BA YIN NA, NANG GI BDAG NYID KYI SHA'I GONG BU'I MIG 'DI DAG LA GANG CUNG ZAD CIG SRA ZHING MKHRANG PAR GYUR PA ZIN PAR GYUR PA DE DAG NYE BAR LEN PA 'DI NI, NANG GI BDAG NYID KYI SHA'I GONG BU'I MIG GI SA'I KHAMS ZHES BRJOD DO, ,DE LA NANG GI BDAG NYID KYI SHA'I GONG BU'I MIG 'DI DAG NYID SO SO'I BDAG NYID LA CHU DANG CHU RNAMS NI, DE DAG RLAN ZHING RLAN PAR 'BAB PA DE LA BRTEN NAS GSHER BAR GYUR PA ZIN PAR GYUR PA NYE BAR LEN PA 'DI NI, NANG GI BDAG NYID KYI SHA'I GONG BU'I MIG GI CHU'I KHAMS ZHES BRJOD DO, ,DE LA NANG GI BDAG NYID KYI SHA'I GONG
BU'I MIG 'DI NYID SO SO'I BDAG NYID LA MER GYUR PA NI, DOR BA DANG DOR BAR GYUR PA ZIN PAR GYUR PA NYE BAR LEN PA 'DI NI, NANG GI BDAG NYID KYI SHA'I GONG BU'I MIG GI ME'I KHAMS ZHES BRJOD DO, ,DE LA NANG GI BDAG NYID KYI SHA'I GONG BU'I MIG 'DI NYID SO SO'I BDAG NYID LA RLUNG DANG RLUNG DU GYUR PA RNAMS NI, YANG ZHING KUN TU G-YO BA NYID DU GYUR PA 'DI NI, NANG GI BDAG NYID KYI SHA'I GONG BU'I MIG GI RLUNG GI KHAMS ZHES BRJOD DO, ,JI LTAR MIG LA YANG DAG PA JI LTA BZHIN DU SO SOR RTOGS PAR BYED PA DE LTAR NA RNA BA DANG SNA DANG LCE DANG LUS RNAMS LA YANG SO SOR RTOG PAR BYED CING, LUS LA LUS KYI RJES SU LTA BA'I DGE SLONG NI, DGA' BA'I 'DOD CHAGS DANG LHAN CIG GNAS PA'I SRED PAS 'CHING BAR MI 'GYUR RO, , GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, NGA'I LUS 'DI NI, SKAD CIG DANG SKAD CIG LA SKYE BA DANG RGAS PA DANG 'CHI BA DANG SHI 'PHO BA DANG SKYE BAR YANG 'GYUR BAS, 'DI NI, SGYU MA LTA BU DANG GSOG GSOB SNYING PO MED PA DBU BA DANG CHU BUR RDOS PA LTA BUR GYUR PA SDUG BSNGAL DANG, SDUG BSNGAL RNAMS SKYABS GNAS SU GYUR PA DANG, SDUG BSNGAL GYI SKYE GNAS KYI LUS YIN NO, ,SDUG BSNGAL MA YIN PAR 'GYUR BA'AM, MI RTAG PA MA YIN PA DANG, YONGS SU 'GYUR BA'I CHOS NYID MA YIN PA DANG 'JIG PA'I CHOS NYID
, ,MA YIN PA DANG, MI 'JIG PA'I CHOS NYID MA YIN PA GANG YIN PA GNAS SKABS NI, LUS 'DI LAS CUNG ZAD CIG KYANG YOD PA MA YIN NO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, SKYABS NI, GANG YIN, SKYOB PA NI, GANG YIN, 'DI NA NI JI LTAR ZHES DES YANG DAG PA JI LTA BA BZHIN DU LUS LA SO SOR RTOG PAR BYED DO, ,DE DAG NI, 'DI LTAR YIN TE, LUS 'DI NI, LAS KYI RTZA BA LAS YIN ZHING LAS KYI SKYABS GNAS PA LAS KYI SKYOB PA YIN PAS, DGE BA'I LAS RNAMS DANG LDAN NA LHA DANG MI RNAMS SU'O, ,MI DGE BA RNAMS DANG LDAN NA DMYAL BA YI DVAGS DUD 'GRO RNAMS SU'O, ,LUS 'DI LA NI, RDZAS SAM GTZANG BA'AM SNYING PO'AM RTAG PA'AM BRTAN PAR GYUR PA NI, MED DO, ,ZHES NGES 'DI YANG DAG PAR SO SOR RTOG PAR BYED PA GANG YIN PA LAS DGA' BA'I 'DOD CHAGS DANG LHAN CIG GNAS PA'I SRID PA'ANG 'BYUNG BA CAN GYI SRED PAR NAMS YONGS SU SPONG BAR 'GYUR RO, ,GZHAN YANG RNAL 'BYOR SPYOD PA MIG DE NYID YANG DAG PA JI LTA BA BZHIN DU SO SOR RTOG PAR BYED DE, JI LTAR DZAMBU GLING PA RNAMS KYI MI'I MIG GIS GZUGS RNAMS SNANG BA DANG NAM MKHA' DAG LAS RJES SU MTHUN PA MTHONG BAR 'GYUR BA DE KHO NA BZHIN DU GNAS GZHAN GNAS PA'I MI'I MIG
GIS GZUGS RNAMS MTHONG BA YIN NAM ZHES BYA BAR TE, DE NAS LEGS PAR BSAM ZHING THOS PA LAS BYUNG BA'I SHES RAB BAM LHA'I MIG GIS KYANG KUN TU LTA BAR BYED PA LA JI LTAR DZAMBU'I GLING PA RNAMS KYI MIG DANG GZUGS DANG SNANG BA DANG NAM MKHA' DANG YID LA BYED PA'I RKYEN DE DAG RNAMS LAS GZUGS RNAMS LEGS PAR MTHONG BA YIN NO, ,DE BZHIN DU BYANG PHYOGS SGRA MI SNYAN PA RNAMS KYI SKYES BU SONG ZHING NAM MKHA' LA GNAS NAS GZUGS RNAMS MTHONG BA YIN TE, DPER NA, CHU NA CHU LA SPYOD PA'I NYA LA SOGS PA RNAMS KYI GZUGS MTHONG BA DE BZHIN DU BYANG PHYOGS SGRA MI SNYAN PA'I SKYES BU RIS BSGRIBS PAR GYUR PA'I GZUGS RNAMS KYANG MTHONG NGO, ,GZHAN YANG RNAL 'BYOR SPYOD PA BDAG NYID DZAMBU'I GLING PA'I LUS KYIS BYANG GI SGRA MI SNYAN PA'I LUS LA SO SOR RTOG PAR BYED DE, JI LTA BU KHO NAR BDAG GI RNA BAS MI 'DOD PA'I SGRA DANG RAB TU GSAL BA RNAMS THOS LA BAR CHOD PA RNAMS NI, MA YIN ZHING DE BZHIN DU SGRA CHEN PO RNAMS NI BDAG CAG GIS THOS PA YIN NA, DE KHO NA BZHIN DU BYANG PHYOGS SGRA MI SNYAN PA RNAMS YIN NAM MI STE MA YIN ZHES DE YANG DAG PA JI LTA BZHIN DU RNA BAS SO SOR RTOG PAR BYED DE, THAG NYE BAR RNAMS DANG RGYANG RING BA RNAMS DANG DMAN PA RNAMS DANG SNYAN PA RNAMS DANG MI SNYAN PA'I SGRA RNAMS KYANG CHOS NYID KYI KHYAD PAR GYIS BYANG PHYOGS SGRA MI SNYAN PA'I SKYES BUS
, ,THOS PA YIN TE, JI LTAR NYI MAS THAG NYE BA DANG RGYANG RING BA DANG PHAL CHE BA DANG GZUGS DMAN PA DANG MI GTZANG BA RNAMS KYANG GSAL BAR BYED DO, ,DE BZHIN DU BYUNG PHYOGS SGRA MI SNYAN PA'I MI RNAMS KYIS KYANG SGRA THOS SO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR DZAMBU'I GLING PA'I MI RNAMS KYI SNA'I DBANG PO DE KHO NA BZHIN DU BYANG GI SGRA MI SNYAN PA RNAMS KYI'ANG YIN NAM CI STE MA YIN ZHES DES THOS PA LAS BYUNG BA'I SHES RAB BAM, LHA'I MIG GIS SO SOR RTOG PAR BYED DE, SNAS DRI ZHIM PO RNAMS NI, SNOM PAR BYED LA DRI ZHIM PO MA YIN PA RNAMS SNOM PAR MI BYED DE CHOS NYID KYI KHYAD PAR GYIS JI LTAR 'O MA DANG CHU DAG 'DRES PAR GYUR PA LA NGAG BAS CHU MI 'THUNG BAR 'O MA 'THUNG BAR BYED PA YIN NO, ,DE KHO NA BZHIN DU BYANG PHYOGS SGRA MI SNYAN PA'I MI RNAMS KYIS DRI ZHIM PO SNOM PAR BYED CING DRI MI ZHIM PA RNAMS NI, MI SNOM MO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR DZAMBU GLING PA'I MI RNAMS RO MYONG BAR BYED PA DE KHO NA BZHIN DU BYANG PHYOGS SGRA MI SNYAN PA RNAMS KYANG YIN NAM CI STE NA MA YIN ZHES DES THOS PA LAS BYUNG BA'I SHES RAB BAM, LHA'I MIG RNAM PAR DAG PAS MTHONG BAR GYUR PA, DZAMBU GLING PA RNAMS KYI LUS NI, RNAM PA DU MA RNAMS SU DMAN PA
DANG BAR MA DANG KHYAD PAR DU 'PHAGS PA'I ZAS CAN YIN LA, DE KHO NA BZHIN DU BYANG PHYOGS SGRA MI SNYAN PA'I MI RNAMS NI, MA YIN TE, DE DAG RNAMS NI, NGA YI BA MED PA DANG RTAG PA KHO NAR DGE BA'I LAS RNAMS SPYAD PAS KYANG DE DAG RNAMS NI, NGA YI BA MED PA DANG RO RNAMS KYANG GCIG PA YIN GYI ,JI LTAR DZAMBU'I GLING PA'I MI RNAMS KYI LTAR NI, MA YIN NO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR DZAMBU'I GLING PA'I MI RNAMS KYI LUS KYI GZUGS RNAMS PA DU MA YIN PA DE KHO NA BZHIN DU BYANG PHYOGS SGRA MI SNYAN PA RNAMS KYI YANG YIN NAM CI STE MA YIN ZHES DE THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, JI LTAR DZAMBU'I GLING PA RNAMS KYI LUS NI, RNAM PA DU MA YIN GYI, DE LTAR BYANG PHYOGS SGRA MI SNYAN PA RNAMS NI, MA YIN TE, DE DAG NI, GANG GI PHYIR LAS MTSUNGS PA RNAMS KYIS LHAN CIG TU 'ONGS BA RNAMS YIN PA'I PHYIR LUS MNYAM PA KHA DOG MNYAN PA DZAMBU CHU BO'I GSER 'DRA BA DE DAG RNAMS NI, RGYA CHE ZHING GYOD PA NI, MA YIN LA, 'JAM ZHING MDZES PA'I LUS CAN RNAMS YIN NO, ,DE LTAR DZAMBU GLING PA'I MI RNAMS NI, MA YIN TE, 'DI DAG RNAMS NI, LAS GCIG GIS NYE BAR 'GOR BA MA YIN ZHING LUS GCIG KYANG MA YIN LA GZUGS GCIG GIS 'GRO BA MA YIN NO, ,DE MI'I GNAS GNYIS KYI LUS LA LUS
, ,KYI RJES SU LTA BAR GYUR NAS MI'I GNAS GSUM PAR GYUR PA SHAR GYI LUS 'PHAGS PO ZHES BYA BA LA RNAM PAR LTA BAR BYED DO, ,DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, JI LTAR DZAMBU GLING GI MI RNAMS DANG BYANG GI SGRA MI SNYAN PA'I MI RNAMS KYI SKYE MCHED YIN PA DE BZHIN DU SHAR GYI LUS 'PHAGS PO RNAMS KYANG STE, DE DAG RNAMS KYI MIG GIS GZUGS MTHONG BA NI, JI LTAR DZAMBU GLING PA'I SNANG BA LA RGYU BA'I KHYI DANG STAG DANG SRIN BYA DANG BYI LA LA SOGS PA RNAMS 'JIGS PAS SNANG BA MED PAR MTHONG BA YIN LA, DE LTAR SHAR GYI LUS 'PHAGS PO'I SKYES BU RNAMS KYIS KYANG MUN PA LA GZUGS MTHONG BA YIN TE, PHRA BA DANG RAGS PA RNAMS DANG JI LTAR MIG GI YUL DU 'GRO BA RNAMS SO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR DZAMBU'I GLING PA'I MI RNAMS KYIS SGRA NYAN PAR BYED PA NI; SNGAR BZHIN TE, DE BZHIN DU SHAR GYI LUS 'PHAGS PO RNAMS KYIS YANG YIN NAM CI STE MA YIN ZHES DES THOS PA LAS BYUNG BA'I SHES RAB BAM LHA'I MIG GIS MTHONG NAS RNAM PAR LTA BAR BYED DE, JI LTAR DZAMBU GLING PA DANG BYANG GI SGRA MI SNYAN PA'I MI RNAMS SGRA NYAN PAR BYED PA DE LTAR SHAR GYI LUS 'PHAGS PO DE DAG RNAMS NI, MA YIN TE, SHAR GYI
LUS 'PHAGS PO DE DAG NI, MDA' LTUNG BA'I TSAD TZAM CIG TU RNA BA'I RNAM PAR SHES PA SGRA LA 'JUG GI ,CHOS NYID KYI KHYAD PAR GYIS LHAG PAR SGRA 'DZIN PA NI, MA YIN NO, ,GZHAN YANG RNAL 'BYOR SPYOD PA MI'I GNAS GSUM GYI LUS LA LUS KYI RJES SU LTA ZHING GNAS TE, JI LTAR DZAMBU GLING PA RNAMS DANG BYANG GI SGRA MI SNYAN PA'I MI RNAMS KYIS SNA'I RNAM PAR SHES PA DRI LA 'JUG PAR 'GYUR BA DE BZHIN DU SHAR GYI LUS 'PHAGS PO RNAMS KYI YANG YIN NAM CI STE MA YIN ZHES DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, SHAR GYI LUS 'PHAGS PO'I MI RNAMS NI, CHOS NYID KYI KHYAD PAR GYIS NYIN MA SNA'I RNAM PAR SHES PAS DRI RNAM SNOM PAR 'GYUR RO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR DZAMBU GLING PA RNAMS DANG BYANG GI SGRA MI SNYAN PA'I MI RNAMS KYI LCE'I RNAM PAR SHES PA KUN TU 'JUG PAR 'GYUR BA DE LTAR SHAR GYI LUS 'PHAGS PO'I MI RNAMS KYI LCE'I RNAM PAR SHES PA KUN NAS 'JUG PA YIN NAM CI, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, SHAR GYI LUS 'PHAGS PO'I MI RNAMS NI, SVA LU KA'I ZAS GCIG ZOS PAS 'DI DAG RNAMS ZHAG GSUM DU LUS 'TSO BAR 'GYUR RO, ,CHOS NYID KYI KHYAD PAR GYIS DE DAG RNAMS LA MI 'CHI BA'I BAR DU NAD KYANG MED PAR
, ,YIN LA; DUS GANG GI TSE NYI MA LNGA NA 'CHI BA 'BYUNG BAR 'GYUR BA'I DUS DE'I TSE NA NAD 'ONG BA YIN NO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR DZAMBU GLING PA RNAMS DANG BYANG GI SGRA MI SNYAN PA'I MI RNAMS KYIS LUS YIN PA DE KHO NA BZHIN DU SHAR GYI LUS 'PHAGS PO'I MI RNAMS KYI YANG YIN NAM CI, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, SHAR GYI LUS 'PHAGS PO'I MI RNAMS KYI LUS NI, N+YA GO DHA DANG CHA 'DRA BA'I NYE 'KHOR KUN NAS YONGS SU 'GRIB PA YIN NO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, MI'I GNAS GSUM PO RNAMS YANG DAG PAR SO SOR BRTAGS NAS SKYES BU'I GNAS BZHI PAR GYUR PA BA LANG SPYOD CES BYA BA LA SO SOR KUN NAS RTOG PAR BYED DO, ,JI LTAR BA LANG SPYOD PA RNAMS KYI MIG 'JUG PAR 'GYUR BA YIN NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, BA LANG SPYOD PA'I MI RNAMS NI, NAM MKHA' MED PAR YANG MIG GIS RNAM PAR SHES PA 'JUG PA YIN TE, RIGS KYANG SGRIB PAR MI 'GYUR TE, JI LTAR DZAMBU GLING PA'I MI RNAMS KYIS SHEL GYIS BSGRIBS PA'I GZUGS RNAMS MTHONG BAR 'GYUR BA DE BZHIN DU CHOS NYID KYI KHYAD PAR GYIS BA LANG SPYOD PA RNAMS
KYIS RIS BSGRIBS PA'I GZUGS RNAMS KYANG MTHONG BAR 'GYUR RO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR DZAMBU GLING PA RNAMS DANG BYANG GI SGRA MI SNYAN PA RNAMS DANG, SHAR GYI LUS 'PHAGS PO RNAMS KYI SO SOR RNA BA'I RNAM PAR SHES PA RAB TU 'JUG PA DE KHO NA BZHIN DU BA LANG SPYOD PA'I MI RNAMS KYI YANG YIN NAM CI, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA DE NI, MIG NYID KYIS THOS PA YIN TE, JI LTAR DZAMBU GLING PA RNAMS KYI MIG GIS THOS PA SPRUL PA YIN PA DE BZHIN DU BA LANG SPYOD PA'I MI RNAMS KYI MIG GNYID KYIS THOS PA YIN ZHIG, JI LTAR RIS BSGRIBS PA'I GZUGS RNAMS NYID MTHONG BA DE BZHIN DU SGRA RIS BSGRIBS PAR GYUR PA YANG THOS PA YIN TE, CHOS NYID KYI KHYAD PAR GYIS YIN NO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR DZAMBU GLING PA RNAMS DANG, BYANG GI SGRA MI SNYAN PA RNAMS DANG, SHAR GYI LUS 'PHAGS PO'I MI RNAMS KYI SNA'I RNAM PAR SHES PA 'JUG PAR 'GYUR BAS MI RNAMS KYI GNAS GSUM NA MIG LA SOGS PA RNAMS SO SOR THA DAD PAR 'JUG PA YIN PA DE KHO NA BZHIN DU BA LANG SPYOD PA RNAMS KYI SNA'I RNAM PAR SHES PA YANG 'JUG PA YIN NAM CI, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA,
, ,DES NA GANG DAG ME TOG RNAMS SAM GZHAN YANG RUNG STE, DNGOS PO MIG GIS MTHONG BA RNAMS DES DRI YANG 'DZIN PAR BYED DO, ,'DI LTA STE, CHOS NYID KYI KHYAD PAR GYIS MTHONG BA'I DNGOS PO RNAMS KYI DRI 'DZIN PAR BYED PA YIN NO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR BA LANG SPYOD PA RNAMS KYI LCE'I RNAM PAR SHES PA 'JUG PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA DE DAG NI, S'A MA KU'I ZAS ZA BA DANG BA LANG GI 'OM DANG ZHO DANG DAR BA RNAMS KYIS RTAG TU YANG SKOM GYI BYA BA BYED DE, JI LTAR DZAMBU GLING PA RNAMS BU RAM CHANG DANG RGUN CHANG DANG MNGAR CHANG DANG ZAN CHANG RNAMS YIN PA DE LTAR BA LANG SPYOD PA RNAMS KYI BA LANG GI 'O MA DANG ZHO DANG DAR BA RNAMS YIN NO, ,JI LTAR 'BRAS SHA LIS TSIM PAR GYUR PA DE LTAR BA LANG SPYOD PA RNAMS S'A MA K'A YIS TSIM PA YIN NO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR BA LANG SPYOD PA RNAMS KYIS LUS YIN NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA DE NI, TA LA TZAM DU MTHO BAR GYUR PA YIN TE, RANG GI LAS KYIS YIN PAS JI LTAR LAS RNAMS DANG 'DRA BA'I GZUGS YIN NO, ,GZHAN YANG RNAL 'BYOR SPYOD PAS
SKYES BU'I GNAS BZHIN MTSUNGS SHING 'DRA BAR GYUR PA'I YID DANG MTSUNGS SHING 'DRA BAR GYUR PA'I SKYE BA DANG MTSUNGS SHING 'DRA BAR GYUR PA'I RTEN RNAMS KYANG PHAN TSUN DU BLTAS PAR GYUR PA NA, DES THOS PA LAS BYUNG BA'I SHES RAB KYIS SAM, LHA'I MIG GIS SHES PAS KYANG SKYES BU GCIG KYANG YOD PAR MTHONG NGO, ,SKYES BU'I GNAS BZHI PA RNAMS NA GANG DAG PHAN TSUN DU MTSUNGS SHING 'DRA BAR GYUR PA'I YID DANG MTSUNGS SHING 'DRA BAR GYUR PA'I SKYE BA DANG MTSUNGS SHING 'DRA BAR GYUR PA'I RTEN RNAMS THAMS CAD 'DRA BAR GYUR PA MA YIN PA DE LTAR LUS LA LUS KYI RJES SU LTA ZHING GNAS SO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, CI SKYES BU'I GNAS BZHI PO 'DI DAG RNAMS NI, SKYES BU GANG DAG LAS KYI BGO SKAL LA SPYOD PA DANG LAS KYI SKYE GNAS PA DANG LAS KYI SKYE BAS GNAS PA'I CHOS SU GYUR PA MA YIN PA PHAN TSUN GYI GNAS DANG GRONG RDAL RNAMS NA 'GA' ZHIG YOD DAM; LAS KYI SKYE GNAS PA DANG, LAS KYI BGO SKAL LA SPYOD PA DANG, LAS BRTAN PAR BYAS PAR GYUR PA MA YIN PA GANG YIN PA'I SKYES BU DE NI, GCIG KYANG MA MTHONG NGO, ,DGE BA'AM SDIG PAR GYUR PA YANG RUNG STE LAS GANG DAG BYED PAR GYUR PA DE DANG DE DAG NYID KYI LAS RNAMS KYI BGO SKAL LA SPYOD PAR 'GYUR RO, ,GANG YANG MDZA' BO DANG MDZA' BO MA YIN PA DANG BAR MA'I PHUNG
, ,PO RNAMS SU MA GYUR PA NI, MED DO, ,DE LTAR LUS LA LUS KYI RJES SU LTA ZHING RNAL 'BYOR SPYOD PA GNAS PA YIN NO, ,LEGS PAR BYAS PA'I LAS KYI MTHA' RNAMS LA SPYAD PA'I LHA RNAMS KYI LUS NI, JI LTA BU YIN ZHING, JI LTAR NA LHA RDZAS KYI 'DOD PA'I YON TAN LNGA LA SPYOD PAR GYUR CING YANG DAG PAR LDAN PAS LHA RNAMS GNAS PA YIN NO, ,DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA RGYAL PO CHEN PO BZHI'I RIS KYI LHAR SKYES PA'I SEMS CAN RNAMS LHA RDZAS KYI LHA'I 'DOD PA'I YON TAN LNGA DANG BCAS SHING YANG DAG PAR LDAN PA RNAMS LA 'DI LTA STE, LHA RNAMS KYI MIG LHA RDZAS KYI GZUGS RNAMS KYIS TSIM PAR MI 'GYUR BA'I LHA RDZAS KYI GZUGS PHRA BA DANG RAGS PA RNAMS THAMS CAD KYANG LHAN CIG SKYES PA'I LHA'I MIG GIS DPAG TSAD STONG PHRAG BCUR MTHONG NGO, ,GAL TE RDZU 'PHRUL BYAS NAS MIG SPRUL PAR GYUR NA NI, DES DPAG TSAD STONG PHRAG RAB TU MTHONG BAR 'GYUR RO, ,DE LTAR DGE SLONG GIS LEGS PAR BYAS PA'I LAS KYI MTHA' RNAMS LA SPYAD PA'I MTHU STOBS DANG LDAN PA'I LHA RNAMS KYI NANG NAS RGYAL CHEN BZHI'I RIS KYI LHA RNAMS KYI GANG YIN PA MTHONG STE, DE DAG KYANG 'DOD PA DANG DGA' BA DANG YID DU 'ONG BAR MTHONG NGO, ,GZHAN YANG RNAL 'BYOR SPYOD PA LUS LA LUS KYI RJES SU LTA
ZHING GNAS TE, JI LTAR RGYAL CHEN RIS BZHI'I LHA RNAMS KYI RNA BAS SGRA THOS PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, LHA RNAMS KYIS SGRA GANG DANG GANG DAG KHO NA THOS PA DE DANG DE DAG RNAMS NI, 'DOD PA SDUG PA YID DU 'ONG BA RNAMS THOS PA YIN TE, LHAN CIG SKYES PAR GYUR PA'I RNA BAS NI, DPAG TSAD SUM STONG GI SGRA RNAMS THOS SO, ,GAL TE RDZU 'PHRUL BYAS NAS RNA BA SPRUL PAR GYUR NA NI, DES DPAG TSAD STONG PHRAG GNYI SHUR THOS PAR 'GYUR TE, GANG DAG THOS PAR 'GYUR BA DE DAG RNAMS KYANG 'DOD PA SDUG PA YID DU 'ONG BA RNAMS THOS PAR 'GYUR RO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR RGYAL CHEN RIS BZHI'I LHA RNAMS KYI SNAS DRI SNOM PAR BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RGYAL CHEN RIS BZHI'I LHA RNAMS KYI SNAS NI, DRI DPAG TSAD NYIS BRGYAR DRI RNAMS SNOM PAR BYED DO, ,GAL TE RDZU 'PHRUL BYAS TE SNA SPRUL PAR GYUR NA NI, DPAG TSAD STONG PHRAG BRGYA'I BAR DU DES DRI 'DZIN NO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR LHA RNAMS KYIS LCE'I DBANG PO ROS TSIM PAR BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA,
, ,RGYAL CHEN RIS BZHI'I LHA RNAMS KYI LCE'I DBANG POS NI, MI DMAN PA DANG YID DU 'ONG ZHING YID DU 'ONG BA'I RO RNAMS KYI BDE BA DANG LDAN PA YIN TE, RO RNAMS NI, JI LTAR LEGS PAR BYAS PA'I LAS BYAS PA RNAMS KYIS LHA RNAMS ROS TSIM PA MED PA YIN NO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, PHRA BA DANG RAGS PA DANG MYUR BA NYID DU YANG 'GYUR BA'I LHA RNAMS KYI BDAG NYID KYI DNGOS PO'I LHA RNAMS KYI LUS JI LTA BU YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA DE, PADMA GCIG NYID LA LHA LNGA BRGYA GNAS PAR GYUR NA YANG PHAN TSUN LUS KUN TU THUG PAR 'GYUR BA DANG, GZER ZUG KYANG 'BYUNG BAR MI 'GYUR BA DE SRID DU LUS RNAMS SHIN TU PHRA BAR GYUR PA YIN TE, GANG GI PHYIR LHA RNAMS KYI LHA RDZAS KYI GZI BRJID YIN PA'I PHYIR RO, ,DPER NA, KHANG PA GCIG GI NANG DU MAR ME LNGA BRGYA LEGS PAR SBAR BAR GYUR KYANG 'ON KYANG MAR ME'I 'OD RNAMS PHAN TSUN DU ZUG GZER DU GYUR PA NI, MED PA YIN LA, KUN TU REG PAR 'GYUR BA YANG MA YIN NO, ,DE LTAR LHA RNAMS KYI GZHAL YAS KHANG GI MCHOG NA GNAS PA RNAMS LA PHAN TSUN DU GNOD ZUG MED PA YIN ZHING THUG PA YANG MED PA YIN NO, ,GAL TE YANG LHA RNAMS RAGS PA'I LUS SPRUL PAR BYED NA, DES DPAG TSAD
BRGYA PHRAG MANG PO RNAMS SU GYUR PA'I GZUGS BYED PA DANG, BLTA NA SDUG BA'AM, BLTA NA MI SDUG PA'AM, 'JIGS PAR BYED PA'AM, 'JIGS PAR MI BYED PA RNAMS KYANG BYED PAR 'GYUR RO; ;GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, LHA RNAMS JI LTAR NA MGYOGS PAR 'GRO BA YIN NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA LHA RNAMS KYANG RE ZHIG MGYOGS PAR 'GRO BA YIN NO, ,RDZU 'PHRUL BYAS PAR GYUR NA GANG DAG MIG BTZUMS PA TZAM LA YANG PAG TSAD BRGYA STONG PHRAG MANG PO RNAMS SU 'GRO BAR BYED CING SLAR YANG 'ONG BAR 'GYUR BA YIN NO, ,GANG DAG GANG LA LHA RNAMS LA 'GRO BAR 'DOD PAR GYUR PA DE DANG DE DAG RNAMS NYID LA KUN TU THOGS PA MED PAR 'GRO BAR 'GYUR RO, ,LHA RNAMS 'DOD PA GANG DANG GANG DAG DON DU GNYER BAR GYUR PA DE DAG RNAMS NYID DE BZHIN DU 'DIR PHUN SUM TSOGS PAR 'GYUR TE, THOB PA RNAMS NI, GZHAN GYIS 'PHROG PAR MI NUS PA DANG, DBANG DU GYUR PA YANG YIN NO, ,THOB PAR GYUR PA'I RANG GI DON RNAMS LA PHYIS YANG 'DI DAG RNAMS GZHAN DAG 'GA' ZHIG LA 'JIGS PAR 'GYUR BA YANG MA YIN NO; ;MTHO 'TSAM PA'ANG MED DO, ,RANG GI YUL GYI LHA RDZAS RNAMS KYIS NYIN DANG MTSAN DU 'PHEL BAR BYED DO, ,LEGS PAR BYAS PA'I LAS BYAS PA RNAMS NI, 'DOD PA'I YON TAN LNGA 'BYOR
, ,ZHING RDZOGS PA RAB TU LDAN PAR GYUR PA YIN TE, DE DAG RNAMS NI, THAMS CAD DU 'GYUR BA YIN NO, ,DE LTAR RNAL 'BYOR SPYOD PA LUS LA LUS KYI RJES SU LTA ZHING GNAS SO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR SUM CU RTZA GSUM PA'I LHA RNAMS KYI LUS YIN ZHING YUL RNAMS LA YANG JI LTAR 'JUG PA YIN NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, JI LTAR RGYAL CHEN BZHI'I LHA RNAMS KYI YUL GYI BDE BA DE DAG RNAMS LAS SUM CU RTZA GSUM PA'I LHA RNAMS KYI 'DOD PAR GYUR PA'I SGRA DANG REG BYA DANG RO DANG GZUGS DANG DRI RNAMS NI, STONG 'GYUR DU GYUR PA YIN NO, ,DE CI'I PHYIR ZHE NA, RGYAL CHEN RIS BZHI'I LHA RNAMS KYI DRUNG NA SUM CUR TZAG SUM PA RNAMS KYIS NI, SHIN TU 'DOD PAR GYUR PA DANG SHIN TU PHAL CHE BA DANG RAB TU DGA' BAR GYUR PA DANG MCHOG TU YID DU 'ONG BA DANG KHYAD PAR DU 'PHAGS PA'I LAS RNAMS SUM CU RTZA GSUM PA'I LHAS BYAS PA'I PHYIR RO, ,DE CI'I PHYIR ZHE NA, SUM CU RTZA GSUM PA'I LHA RNAMS NI, LEGS PAR BYAS PA'I PHUL DU BYUNG BA YIN PA'I PHYIR RGYAL CHEN RIS BZHI PA RNAMS KYIS NI, SUM CU RTZA GSUM GYI LHA RNAMS KYI BDE BA'I DBANG DU BYAS NAS MNYAM PAR NUS PA YANG MA YIN NO, ,DE
LTAR RNAL 'BYOR SPYOD PA ZHIB MOR LUS LA LUS KYI RJES SU LTA ZHING GNAS PA YIN NO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR DMYAL BA PA'I SKYE BO RNAMS KYI LUS YIN NA, YANG SOS DANG THIG NAG DANG BSDUS 'JOMS DANG NGU 'BOD DANG DU 'BOD CHEN PO DANG TSA BA DANG RAB TU TSA BA DANG MNAR MED PA DANG DMYAL BA CHEN PO RNAMS DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, MI 'DOD PA DANG MI SDUG PA DANG YID DU MI 'OD BAR GYUR PA'I LAS RNAM PA GSUM PO LUS KYIS DANG NGAG GIS DANG YID KYIS BYAS SHING BSAGS PAS DMYAL BA RNAMS SU SKYE BAR 'GYUR RO, ,GANG GI PHYIR BYAS SHING BSAGS PA'I NYES PAR BYAS PA'I LAS RNAMS MA MYONG GI BAR DU 'GROL BAR 'GYUR BA NI, MED DO, ,DE LTAR RNAL 'BYOR SPYOD PA LUS LA LUS KYI RJES SU LTA ZHING GNAS PA NA, LAS GANG DAG GIS DMYAL BA 'DI DAG RNAMS GANG DU SKYE BAR 'GYUR BA YANG DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, SROG GCOD PA SHIN TU BSTEN CING BSGOMS LA LAN MANG DU BYAS PAR GYUR PAS NA DMYAL BA YANG SOS SU SKYE BAR 'GYUR RO, ,SROG GCOD PA DANG MA BYIN PAR LEN PA YANG SHIN TU BSTEN CING BSGOMS LA LAN MANG DU BYAS PAR GYUR PA'I NYIS 'GYUR GYI LAS KYIS THIG NAG TU SKYE BAR 'GYUR RO, ,SROG
, ,GCOD PA DANG MA BYIN PAR LEN PA DANG 'DOD PAS LOG PAR G-YEM PA RNAMS SHIN TU BSTEN CING BSGOMS LA LAN MANG DU BYAS PAR GYUR PAS NA, DMYAL BA CHEN PO BSDUS 'JOMS SU SKYE BAR 'GYUR RO, ,SROG GCOD PA DANG MA BYIN PAR LEN PA DANG 'DOD PA LA LOG PAR SPYOD PA DANG BRDZUN DU SMRA BA RNAMS SHIN TU BSTEN CING BSGOMS LA LAN MANG DU BYAS PAR GYUR PAS NI, NGU 'BOD DU SKYE BAR 'GYUR RO, ,SROG GCOD PA DANG MA BYIN PAR LEN PA DANG 'DOD PA LEG PAR SPYOD PA DANG BRDZUN DU SMRA BA DANG 'BRU DANG BCOS MA'I CHANG SDOM PA 'DZIN PA LA SKOM DU BYIN PAR GYUR NA NGU 'BOD CHEN POR SKYE BAR 'GYUR RO, ,SROG GCOD PA DANG MA BYIN PAR LEN PA DANG 'DOD PA LOG PAR G-YEM PA DANG BRDZUN DU SMRA BA DANG 'BRU DANG BCOS PA'I CHANG SDOM PA BZUNG BA LA SKOM DU BYIN PAR GYUR PA DANG LOG PAR LTA BA CAN DU GYUR NA TSA BA'I DMYAL BA CHEN POR SKYE BAR 'GYUR RO, ,SROG GCOD PA DANG MA BYIN PAR LEN PA DANG 'DOD PA LOG PAR SPYOD PA DANG BRDZUN DU SMRA BA DANG 'BRU DANG BCOS PA'I CHANG SDOM PA 'DZIN PA LA 'THUNG DU BCUG PA RNAMS DANG LOG PAR LTA BA DANG SDOM PA 'DZIN PA'I DGE SLONG DANG DGE SLONG MA YANG RUNG STE, SUN PHYUNG BAR GYUR PAS NI, RAB TU TSA BA'I DMYAL BA CHEN POR SKYE BAR 'GYUR RO, ,DMYAL BA CHEN PO KUN NAS
'GRUB PAR GYUR PA'I LAS LNGAS MNAR MED PAR SKYE BAR 'GYUR BA NI, 'DI LTA STE, PA DANG MA DANG DGRA BCOM PA RNAMS SROG GCOD PAR BYED PA DANG DGE 'DUN 'BYED PAR BYED PA DANG SANGS RGYAS BCOM LDAN 'DAS LA NGAN SEMS KYIS KHRAG 'BYIN PAR BYED PA DANG LAS DE RNAMS KYIS MNAR MED PA'I DMYAL BA CHEN POR SKYE BAR 'GYUR RO, ,DES DMYAL BA PA RNAMS KYI LAS KYI RNAM PAR SMIN PA RNAMS LA BSAM NAS SEMS CAN RNAMS LA RJES SU SNYING BRTZE BAR BYED DO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, DES YI DVAGS KYI 'GRO BAR GTOGS PA'I SEMS CAN RNAMS JI LTAR MTHONG BA YIN ZHE NA, GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, SER SNA RNAM PA DU MAS SKYES PA'I YI DVAGS RNAMS SAM DPAG TSAD LNGA BRGYA'I SA 'OG NYID DU SKYES PAR GYUR PA RNAMS LA RNAM PA DU MAR YANG ZAS MED PA SHIN TU SME BAR GYUR PA PHAN TSUN DU ZAS SU GYUR PA LTOGS PA DANG SKOM PAS NYAM THAG PA SHIN TU SDUG BSNGAL BAR GYUR PA RNAMS ME'I CHAR 'BAB PAS SREG PAR BYED PA RNAMS NI, LAS JI LTA BA DE BZHIN DU NYE BAR 'GRO BA DANG LAS KYI BGO SKAL LA SPYOD PA DANG LAS KYI SKYABS GNAS PA RNAMS YIN TE, SHIN TU YANG
, ,SDUG BSNGAL BAR GYUR PA'I YI DVAGS DE DAG RNAMS MTHONG NAS GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS PA NA, DES DUD 'GRO'I 'GRO BAR GTOGS PA RNAMS LA KUN TU LTA BAR BYED DO, ,DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA LA RNAM PA DU MAR GYUR PA RNAMS MTHONG BA YIN NO; ;MDOR BSDU NA GNAS GSUM NA RGYU BA RNAMS LA 'DI LTA STE, CHU LA RGYU BAR BYED PA RNAMS NI, NYA LA SOGS PA'O, ,THANG LA RGYU BAR BYED PA RNAMS NI, GLANG PO CHE DANG RTA DANG BA LANG DANG MA HI shA DANG RI DVAGS DANG PHAG PA LA SOGS PA RNAMS SO, ,NAM MKHA' LA RGYU BA RNAMS KYANG RNAM PA DU MA'O, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS PAR BYED PA RNA MTHONG BA DANG THOS PA LAS BYUNG BA'I SHES RAB KYIS SAM LHA'I MIG GIS JI LTAR SKYE GNAS LAS SKYE BA'I DUD 'GRO RNAMS MTHONG BA YIN ZHE NA, DES THOS PA LAS BYUNG BA'I SHES RAB BAM, LHA'I MIG GIS SKYE GNAS BZHI LAS SKYE BAR 'GYUR BA'I DUD 'GRO RNAMS MTHONG STE, MNGAL LAS SKYE BA NI, PHAG PA DANG BA LANG DANG MA HI shA DANG GLANG PO CHE DANG RTA LA SOGS PA RNAMS SO, ,SGONG NGA LAS SKYE BA NI, SBRUL DANG NGANG PA DANG BYA BA L'A K'A DANG KHYIM BYA DANG BYA ROG LA SOGS PA RNAMS SO, ,DROD GSHER LAS SKYES PA NI, SHIG DANG 'DRE SHIG PA LA SOGS PA
RNAMS SO, ,RDZUS TE SKYE BA NI, PHAL CHER GDONG RING GI KLU LA SOGS PA RNAMS SO, ,DES DUD 'GRO RNAMS GANG YIN PA YANG DAG PA JI LTA BA BZHIN DU MTHONG NGO, ,DE LAS GNAS SKABS GSUM PO THAMS CAD NA YANG 'DOD PA DANG YID DU 'ONG BA RNAMS THA DAD DU 'GYUR BA DANG MED PAR GYUR BA DANG 'BRAL BAR 'GYUR BA DANG 'GYES PAR 'GYUR BA RNAMS SU GANG DAG MI 'GYUR BA'AM, GANG LA SROG CHAGS RNAMS THAMS CAD KYIS KYANG LHAN CIG TU MDZA' BO DANG MI MDZA' BO DANG BAR MA'I PHUNG PO RNAMS THAMS CAD RNAM PAR GZHAG PA BYAS PAR MA GYUR PA'AM, GANG LA YANG 'CHI 'PHO BA DANG SKYE BAR 'GYUR BA RNAMS BYAS SHING BYAS PAR MA GYUR PA NI, DMYAL BA'I GNAS RNAMS DANG YI DVAGS KYI GNAS RNAMS DANG DUD 'GRO'I GNAS RNAMS DANG, GNAS KYIS BSDUS PA RNAMS NA CUNG ZAD KYANG MED DO, ,DGE SLONG DAG, 'KHOR BA 'DI NI, 'DOD PAR BYA BA MA YIN NO, ,JI SRID DU DGA' BA MA YIN PA DE LTAR YID DU 'ONG BA MA YIN TE, DE LTAR MI MTHUN PA DANG DE LTA DE LTAR SLU BA DANG DE LTAR RAB TU 'JIG PA'I CHOS CAN DANG DE LTAR SEMS CAN RNAMS THAMS CAD NI, THUN MONG MA YIN PAR SDUG BSNGAL PAR GYUR PA YIN NO, ,DE'I PHYIR DGE SLONG DAG, 'KHOR BA'I GNAS LA 'DOD CHAGS DANG BRAL BAR GYIS SHIG ,DON MED PA SLU BA RNAM PAR 'JIG PA'I CHOS CAN MI RTAG PA SDUG BSNGAL BA MUN NAG DU BYED PA MNOG CHUNG BA 'DI DAG
, ,LAS SHIN TU MYUR BAR RNAM PAR GROL BAR GYIS SHIG ,DE LTAR N'A LA TI'I GRONG GI BRAM ZE DANG KHYIM BDAG RNAMS DANG DGE SLONG RNAMS KYANG NANG GI BDAG NYID KYI LUS KYIS PHYI ROL GYI LUS KYANG BDAG PO NYID DU RNAL 'BYOR SPYOD PAS MTHONG NAS LUS LA LUS KYI RJES SU LTA ZHING GNAS SO, ,YANG JI LTAR NA N'A LA TI'I GRONG GI BRAM ZE DANG KHYIM BDAG DANG DGE SLONG RNAMS KYANG NANG GI BDAG NYID KYI LUS LA LUS KYI RJES SU LTA ZHING GNAS PA YIN NA, 'DI NA YANG DAG PA JI LTA BA BZHIN DU GYUR PA'I NANG GI BDAG NYID KYI LUS LAS YANG GANG DAG LUS KYI NANG DU ZHA BAR GYUR PA'I MIG GTZANG BA'I YAN LAG RNAMS LA YANG DAG PA JI LTA BA BZHIN DU MTHONG ZHING RNAM PAR DPYOD PA LA SO SOR RTOG PAR BYED PAS LAN GCIG MA YIN PAR MGO BO NAS JI SRID DU RKANG PA'I BAR DU LUS LA LUS KYI RJES SU LTA ZHING GNAS PAR BYED DO, ,RNAL 'BYOR SPYOD PA DE DANG PO KHO NAS SO SOR RTOG PAR BYED PA NA, DES THOS PA LAS BYUNG BA'I SHES RAB BAM LHA'I MIG GIS MTHONG BAR GYUR PA, THOD PA'I SRUB BZHIR GYUR PA'I RUS PA'I MGO BO'I GLAD PHOR GYI DUM BU BZHI YIN ZHING DE LA SRIN BU KUN TU RGYU BA YIN TE, DE'I RIGS CAN DU GYUR PA RNAMS ZAS KLAD PHOR LA RGYU BA YIN LA, GNYIS PA KLAD PHOR LA RGYU BA ZHES BYA BA'I SRIN NI, KLAD PA ZA BAR RGYU BAR BYED PA STE, DE LA YANG
SO SOR GNAS PA DANG DE'I RIGS CAN DANG KLAD PA ZA BAR BYED PA YIN NO, ,GANG KLANG PHOR GYI RUS PA'I GSEB NA 'GRO BO'I SRIN RNAMS NI, ,MGO'I KLAD PHOR GYI GSEB NA SO SOR GNAS SO, ,DE'I RIGS CAN DANG DE'I ZAS SU GYUR PA YANG YIN NO, ,SKRA ZA BA ZHES BYA BA'I SRIN NO, KLAD PHOR GYI PHYI ROL NA YOD DE, DE SKRA LO'I RTZA BA'I ZAS CAN DE ZAS PHAL CHE BAR GYUR NA NI, MGO BO SKRA RJEN DU 'GYUR RO, ,RNA BA LA SPYOD PA ZHES BYA BA'I SRIN NI, RNA BA GNYIS KYI NANG NA SO SOR GNAS TE, DE LAS SKYES SHING ZAS KYANG YIN LA DE KHROS PAR GYUR NA NI, RNA BA GZER BA DANG NAD DU 'GYUR RO, ,SNA BAS LA 'JUG PA ZHES BYA BA'I SRIN NI, SNA BUG NA GNAS TE, DE LAS SKYES PA DANG ZAS KYANG YIN LA DE KHROS NA NI, GANG DAG ZOS PA DANG 'THUNGS PA DANG 'CHOS PA DANG MYANGS PA RNAMS ZA BAR BYED DO, ,DE NGA'I SNA 'DI LAS KLAD RGYAS LA 'PHOS NAS ZA BAR BYED DE, DE'I SKYON GYIS BDAG GI DANG GA MI BDE BAR 'GYUR RO, ,TSIL GYI NANG NA SPYOD PA ZHES BYA BA'I SRIN NI, NGA'I MGO LA GNAS TE, DE LAS SKYES SHING DE ZA BAR BYED PA DE KHROS PAR GYUR NA NI, MGO LA LHANG KYOG 'ONG NGO, ,TSIGS KYI GSEB NA RGYU BA ZHES BYA BA'I SRIN NI, NGA'I LUS LA SO SOR GNAS TE, 'GRAM PA'I BAR NA DANG DE LAS SKYES PA DANG DE ZA BAR YANG BYED LA, DE RNA BA'I PHYI ROL GYI BAR RNAMS LA KUN TU 'GRO BAR BYED DE, DE KHROS NAS ZA BAR GYUR NA NI, KHAB
, ,KYIS BZHIN DU 'BIGS PAR BYED DO, ,LUD PA ZA BA ZHES BYA BA'I SRIN NI, ZAS KYI RO RNAMS 'BAB PA'I SPUBS DANG LCE'I RTZA BA NA GNAS TE, DE LAS SKYES PA DANG DE ZA BAR BYED PA DANG DE KHROS PAR GYUR NA NI, BDAG GI KHA SKAM PAR 'GYUR RO, ,SO RNAMS KYI RTZA BA NA SRIN SO SOR GNAS TE, SO'I RTZA BA ZA BAR BYED PA ZHES BYA BA GANG YIN PA KHROS PAR GYUR NA NI, SO GZER PAR 'GYUR RO, ,DE LTAR NANG GI BDAG NYID KYI LUS LA LUS KYI RJES SU LTA ZHING RNAL 'BYOR SPYOD PA GNAS PA YIN NO, ,BDAG GI MGO BO LA SRIN BU'I RIGS BCU GNAS SO, ,GZHAN YANG RNAL 'BYOR SPYOD PA MGO'I RUS PA DANG SHA DANG NANG GI BDAG NYID SO SO RNAMS KYI LUS LA LUS KYI RJES SU LTA ZHING GNAS TE, MGO BO'I RUS PA DAB SHA RNAMS KYANG JI TZAM ZHIG YOD PA YANG DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, MGO'I GLAD BOR NI, DUM BU BZHIG ,MKHUR TSOS KYI LDANG RUS PA NI, GSUM MO, ,AOG SKO'I RUS PA NI, GCIG GO ,SO'I RTZA BA'I RUS PA RNAMS NI, SUM CU RTZA GNYIS SO, ,DE LTAR NGA'I RKAN GYI RUS PA NI, GNYIS SO, ,MJING PA'I RUS PA RNAMS NI, BCO LNGA'O, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI MGO BO LA SHA YOD PA DANG MGO'I SHA ZAS RNAMS KYIS
'PHEL BA NI, JI TZAM ZHIG YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BDAG GI KLAD PHOR LA NI, SHA'I DUM BU BZHI'O, ,'GRAM PA LA NI, GNYIS SO, ,THOD PA DAG GI BAR NA NI, GCIG GO ,MGRIN PA DANG SNA DANG LCE RNAMS LA DUM BU RE RE'O, ,MCHU GNYIS LA NI, DUM BU GNYIS SO, ,RNA BA'I PAGS PA'I LEB MA'I DUM BU GNYIS TE, SHA'I GONG BU DE DAG RNAMS DANG NYE BAR LDAN ZHING BDAG GI ZAS KYI DBANG GIS NYE BAR 'PHEL BA DANG PHYIR ZHING RGYAS PA DANG SHIN TU RGYAS PAR YANG 'GYUR RO, ,GZHAN YANG SRIN GYI RIGS BCUS MGRIN PA RLUGS PAR BYED PA RNAMS NI, 'DI LTA STE, ZAS SU KHA'I LJAN LJIN RNAMS ZA BAR BYED PA DANG, MCHIL MA 'BYUNG BAR BYED PA DANG SKYUG PAR BYED PA NI, KHU BA MGRIN PA'I RTZA BA BCU'I NANG RNAMS LA RGYU BAR BYED PA YIN NO, ,MNGAR MYOS KYIS MYOS PA DANG RAB TU MYOS PA DANG RO DRUG LA SRED PA DANG GHU RA SNYUR RAB DANG RO LA RAB TU SDANG BA DANG NYAL BA LA SHIN TU DGA' BA DANG SBOM PO RNAMS SO, ,DE LA DGE SLONG DAG ,RNAL 'BYOR SPYOD PA LUS LA LUS KYI RJES SU LTA BAR BYED DE, NGA'I SRIN BU DAG GIS LUS 'DI'I YUL PHYOGS GANG DAG TU NAD DU GYUR PA'AM NAD MED PAR GYUR PA'I YANG LAS CI DAG BYED PA YIN NA, DES THOS PA LAS BYUNG BA'I SHES RAB DAG GIS SAM, LHA'I MIG GIS MTHONG BAR GYUR PA, KHA CHU ZA BAR BYED PA'I SRIN BU DANG,
, ,MGRIN PA'I YUL PHYOGS DANG PO NA RAB TU GNAS TE, DE BDAG GIS SO'I RANG THAG GIS PHYE MAR RNAL NAS 'OG TU GSUS PAR RAB TU LTUNG BAR GYUR NA SKAD CIG LA SKYUG PAR BYED PA DANG 'DRA BA'I LJAN LJIN RNAMS KYIS G-YOGS PA YIN PAS DE KLAD RGYAS LAS RAB TU 'BABS PAR 'GYUR RO, ,SNABS DE DANG DE DAG RNAMS KUN TU G-YOGS PAR GYUR PA'I LJAN LJIN DANG 'DRES PA MED PAR BYED DO, ,DES KYANG RGYAS PAR GYUR NAS GAL TE NA SHIN TU SBOM PAR SONG BAR GYUR NA NI, DES BDAG BAD KAN GYIS LU BAR BYED DO, , SNUM PA DANG MNGAR BA DANG SHIN TU MNGAR BAR GYUR PA DANG SHIN TU SKYUR BA MA YIN PA DANG SHIN TU BSIL BA'I ZAS RNAMS KYIS MGRIN PA'I YUL PHYOGS SU SKYE BAR 'GYUR RO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, MCHIL MA 'BYUNG BAR BYED PA'I SRIN GYIS BDAG GIS LUS SO GSOD PAR BYED PA'AM SO MI GSOD PAR BYED PA YIN NA; DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, MCHIL MA 'BYUNG BAR BYED PA'I SRIN NI, NGA'I MGRIN PA'I GSEB NA SO SOR GNAS TE, DE GAL TE RANG BZHIN DU GNAS PAR GYUR NA DE'I TSE SNGAR BSHAD PA'I NGA'I ZAS RNAMS SKYUG RLUG TU MI 'GYUR RO, ,YANG DAG PAR BDE BAR GYUR PAS KYANG KHU BA RGYU BA'I RGYUN
BCUR MNGON PAR 'BAB BO, ,DPER NA, 'DI NI, BAD KAN CHE BAR GYUR NA NAD MED PAR MI 'GYUR RO, ,SRIN GYIS BAD KAN CHU SKYAGS SAM SNYING LA LDOG PAR BYED DO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SKYUG BYED CES BYA BA'I SRIN BUS BDAG LA RANG BZHIN DU GNAS PA'AM RANG BZHIN DU MI GNAS PAR CI ZHIG BYED PA YIN ZHING, ZAS KYANG CI DAG GIS NGA'I LUS LA SO SOR GNAS PA YIN NO, RAB TU SKYUG BYED NI, KHU BA RGYU BA BCU'I RGYUN NANG DU ZHUGS PAR GYUR NAS MGRIN PA'I SBUBS KYI YUL PHYOGS SU RGYUN LAS SKAD CIG NYID LA STENG DU 'PHOS NAS 'BYUNG BAR BYED DO, ,ZOS PA NA YANG RUNG STE, DES BDAG LA SKYUG PAR BYED PA RNAM PA LNGA SKYED PAR BYED DO, ,RLUNG DANG MKHRIS PA DANG BAD KAN DANG 'DUS PA DANG SBRANG BUS BYAS PA RNAMS SO, ,CI STE RANG GI GNAS NA GNAS PAR GYUR NA, SNGAR BSHAD PA'I GSUS PA'I ZHABS SU BABS NAS BDAG GI ZAS RNAMS LEGS PAR 'GYUR BA DANG, DE NI, MCHIL MA'I ZAS CAN YANG YIN NO, ,RAB TU SKYUG PAR BYED PA'I SRIN GYIS JI LTAR RLUNG GIS SKYUG PAR BYED PA YIN NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, GAL TE YANG BA DANG BSIL BA DANG RTZUB PA DANG RGYUN
, ,CUNG ZAD BSDAMS PA DANG, GNYID MA LOG PA LAS BDAG LA 'BYUNG BAR 'GYUR RO, ,DE NGA'I MGUL PA'I SBU GU LA RAB TU ZHUGS PAS RLUNG 'BYUNG BA YIN TE, NGA'I SRAN RAB TU SKYUG BYED DE GNAS LAS 'PHO BAR 'GYUR BA'I SKYON GANG YIN BAS BDAG LA RLUNG GIS SKYUG PA 'BYUNG BAR 'GYUR RO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR NGA'I SRIN RAB TU SKYUG BYED KYIS MKHRIS PA LAS SKYUG PAR BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA TSA BA DANG DRO BA DANG LAN TSVA DANG 'GYUR BYED KYI TSVA DANG LDAN PA'I ZAS GANG GI TSE MANG BU ZOS PAR GYUR NA, BDAG GI DRO BA LA SOGS PA DE DAG GI SKYON DE DAG GIS SKYUG BYED KYI SRIN MTHO BTZAMS PAR GYUR NAS GNAS LAS STENG DU GYUR BAS, DES BDAG MKHRIS PA'I SKYUG PA SKYED PAR 'GYUR RO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR BAD KAN GYIS RAB TU SKYUG PAR BYED PA YIN NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA; MNGAR BAR GYUR PA DANG BSIL BA DANG LCI BA DANG SNUM PA DANG 'JAM PA DANG NYIN MTSAN DU NYAL BA RJES SU BSTEN PA LAS, BAD KAN RAB TU 'KHRUGS PAR GYUR LA DES NGA'I SKYUG BYED
KYI SRIN SHIN TU TSO BAR GYUR NAS DES NGA'I MGRIN PAR NAD BYED PAR 'GYUR BA DANG SKYUG PAR YANG BYED DO, ,DE LAS BDAG LA BAD KAN GYIS SKYUG PA SKYED PAR 'GYUR RO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR BDAG GI SRIN RAB TU SKYUG BYED KYIS 'DUS PA'I SKYUG PAR BYED PA YIN NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA YANG BA DANG BSIL BA DANG RTZUB PA DANG TSA BA DANG SKYUR BA DANG LAN TSVA DANG 'JAM PA DANG GRANG BA DANG MNGAR MO DANG SNUM PA RNAMS SHIN TU BSTEN PAR GYUR PAS BDAG GI SRIN RAB TU SKYUG BYED KYIS MGUL BA'I YUL DU RNAM PAR 'JOMS PAR BYED DO, ,DES SKYON GSUM GYIS BDAG SKYUG PAR BYED DO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, JI LTAR BDAG LA SBRANG BUS BYAS PA'I SKYUG PAR GYUR PA SKYUG BYED KYI SRIN GYIS BYED PA YIN NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, SBRANG BU'I RTUG PA'I SKYON GYIS RAB TU SKYUG BYED KYI SRIN MGUL BA'I YUL DU G-YO BAR 'GYUR RO, ,DE'I SKYON GYIS BDAG LA SKYUG PA SKYE BAR 'GYUR RO,, GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, THOS PA LAS BYUNG BA'I SHES RAB DAG GIS SAM, LHA'I MIG GIS DES MTHONG BAR GYUR PA, NGA'I SRIN MNGAR
, ,MYOS NI; LCE'I RTZE MO NAS BZUNG NAS KUN LA RGYU BAR BYED CING JI SRID DU SROG RGYU BA'I RTZA'I NANG NA KUN TU RGYU ZHING GNAS SO, ,SHIN TU PHRA BA DANG RKANG PA MED PA DANG SRE BAR GYUR PA YIN NO, ,GAL TE BDAG 'DOD PAR GYUR PA'I ZAS RNAMS ZA BAR GYUR NA, BDAG 'DOD PAR GYUR PA'I ZAS DES SRIN MNGAR MYOS DGA' BAR 'GYUR LA MI 'DOD PA RNAMS KYIS NI, RGUD PAR 'GYUR RO, ,DE'I ZAS RNAMS NI, JI LTAR ME TOG GI NANG NA RGYU BAR GYUR PA'I BUNG BA RNAMS SHIN TU PHRA BAR GYUR PA'I RTZI RNAMS 'THUNG BAR BYED PA YIN NO, ,DE BZHIN DU MNGAR MYOS KYI SRIN YANG ZAS RNAMS LAS SHIN TU PHRA BAR GYUR PA'I ZAS RNAMS KYIS RANGS PA YIN LA DE DAG GIS KYANG 'DI TSIM PAR 'GYUR RO, ,YANG ZAS GANG DAG LA MNGAR MYOS KYI SRIN KUN TU MYANG BAR BYED PA DE NYID KHO NA LA YANG MYANG BAR BYED PA YIN NO, ,YANG ZAS GANG DAG LA SRIN DANG BAR GYUR PA'I ZAS DE DANG DE DAG RNAMS LA BDAG KYANG DANG BAR 'GYUR BA YIN NO; ;GAL TE YANG BDAG ZAS ZA BAR MI BYED NA, NGA'I SRIN MNGAR MYOS DE NAD PAR 'GYUR RO, ,MI DGA' BAR GYUR PA'I RIGS CAN GI SRIN MNGAR MYOS DE LA SO SOR RTOG PAR BYED DO, , BDAG GI SRIN RAB MYOS KYIS KYANG RANG BZHIN DU GNAS PA'AM RANG BZHIN DU MI GNAS PA JI TZAM ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG
GIS MTHONG BAR GYUR PA, RAB MYOS KYI SRIN NI, MIG PHOR GNYIS KYI RTZE MO LA RAB TU GNAS SO, ,GAL TE YANG LTAG TSIGS PA LA 'GRO BAR BYED NA NI, DES BDAG KHRO BA SKYE BAR 'GYUR BA'AM MI DGA' BAR YANG BYED DO, ,MGUL PA LA SHA SKYE BA DANG MGUL PA LA YANG GROG MA BZHIN DU ZHUGS NAS DBANG PHYUG TU YANG BYED DO, ,GAL TE YANG RANG GI GNAS NA GNAS PAR GYUR NA NI, DES NAD DE DAG RNAMS 'BYUNG BAR MI 'GYUR RO, ,DES RAB MYOS KYI SRIN LA SO SOR BRTAGS PAR GYUR NAS RO DRUG LA SHIN TU SRED PAR GYUR PA'I SRIN LA SO SOR RTOG PAR BYED DO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS TE, SKYES BU ZHEN PAR BYED PA'I SRIN GYIS RANG BZHIN DU GNAS PA'AM RANG BZHIN DU MI GNAS PA CI ZHIG BYED PA YIN NA, DES THOS PA LAS BYUNG BA'I SHES RAB BAM LHA'I MIG GIS MTHONG BAR GYUR PA, RO DRUG LA ZHEN CING SRED PA ZHES BYA BA'I SRIN RNAMS GANG DAG KHO NA LA MNGON PAR SRID PAR GYUR PA'I RO DE DANG DE DAG RNAMS KHO NA LA BDAG KYANG DANG POR 'GYUR BA YIN NO, ,RO GANG DANG GANG GIS RANG BZHIN LA RO DRUG LA MNGON PAR SRED PA'I SRIN RNAMS 'DOD PAR MI 'GYUR BA'I RO DE DANG DE DAG RNAMS LA BDAG KYANG MNGON PAR SRED PAR MI 'GYUR RO, ,YANG GANG GI TSE BDAG TSAD RIMS KYIS BTAB PAR GYUR NA NI, DE'I TSE BDAG GI SRIN CHES SNGA BAR TSAD RIMS KYIS ZIL GYIS MNAN PAR 'GYUR
, ,RO; ;SKYON DE DAG GIS BDAG ZAS SNYING DU MI SDUG PA NYID DU 'GYUR RO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, GHU RA GHU RA KA ZHES PA'I SRIN NGA'I MIG PHOR GNYIS KYI 'OG TU GYUR PA NA RAB TU GNAS PA YIN ZHING, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA; GAL TE GHU RA GHU RA KA RAB TU KHROS PAR GYUR NA, DES BDAG GI MGO BO GANG DU GNAS PAR BYA BA BYED DO, ,MIG POR DANG MGUL PAR LHANG KYOG 'BYUNG BA DANG MGRIN PAR 'THOG PA DANG RLUNG GIS KYANG BDAG GI MGRIN PA'I YUL DU LHAGS PAR 'GYUR RO, ,DES BDAG LA 'CHI BA TZAM DU SDUG BSNGAL SKYED PAR BYED DO, ,GHU RA GHU RA KA'I SRIN DANG MGUL PA NA GNAS PA'I SRIN RNAMS THAMS CAD LHAN CIG TU 'GAL BAR 'GYUR RO, ,YANG GANG GI TSE 'GAL BAR GYUR PA DE'I TSE NA NAD DE DAG RNAMS 'BYUNG BAR 'GYUR RO, ,GHU RA GHU RA KA'I SRIN NI, RTAG TU MCHI LA MAS G-YOGS PAR 'GYUR BA DANG, SRIN 'DI DAG GI KHA DANG RKANG PA THUNG BAR GYUR PA YIN NO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS DES MTHONG BAR GYUR PA LA, RO LA RAB TU SDANG BA ZHES BYA BA'I SRIN MGO BO'I MGUL BA'I
GZHI DANG MIG PHOR GNYIS LA RAB TU GNAS SO, ,DES BDAG LA RANG BZHIN DU GNAS PA'AM RANG BZHIN DU MI GNAS PA CI ZHIG BYED PA YIN NA, RO LA RAB TU SDANG BA ZHES BYAS PA'I SRIN NI, RO GCIG 'DOD PA YIN GYI, RO LHAG MA RNAMS LA NI, RAB TU SDANG BA YIN NO, ,DE YANG NA MNGAR BA 'DOD PAR GYUR NA NI, RO LHAG MA RNAMS LA RAB TU SDANG BAR 'GYUR RO, ,DE YANG NA SKYUR BA 'DOD NA NI, RO LHAG MA RNAMS LA SDANG BAR 'GYUR BA YIN NO, ,DE YANG NA TSA BA 'DOD PAR GYUR NA NI, RO LHAG MA RNAMS LA RAB TU SDANG BAR 'GYUR RO, ,DE YANG NA LAN TSVA 'DOD PAR GYUR NA NI, RO LHAG MA RNAMS LA RAB TU SDANG BAR 'GYUR RO, ,DE YANG NA KHA BA 'DOD PAR GYUR NA NI, RO LHAG MA RNAMS LA RAB TU SDANG BAR 'GYUR RO, ,RAB TU SDANG BAR GYUR PA'I SRIN DE RO RNAMS GANG DANG GANG DAG MNGON PAR MI 'DOD PA DE DANG DE DAG RNAMS NYID NGA YANG MI 'DOD PA YIN NO, ,RO RGYU BA ZHES BYA BA'I BDAG GI LCE'I RTZE MO'I SBUBS LA RO SNANG BA'I RJES SU MTHUN PAS DE 'BYUNG STE, BDAG GI LCE'I RTZE MO SKAM PAR 'GYUR RO, ,BDAG GI LCE YANG DE KHROS PAR GYUR NA 'BRAB GZER DU BYED PA DANG LCI BAR 'GYUR, MGUL PA ZIL GYIS GNON PAR GYUR NA NI, MA KHROS PA YIN NO, ,KHROS PAR MA GYUR NA NI, JI SKAD DU BSHAD PA'I NAD MI 'BYUNG NGO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I
, ,SHES RAB BAM, LHA'I MIG GIS MTHONG BAR GYUR PA NI, NYAL BA LA DGA' BA ZHES BYA BA'I NGA'I SRIN NI, PHRA BAR GYUR PA NYI ZER GYI RDUL GYI TSAD TZAM YIN NO,, THAMS CAD KYIS MA ZHUGS PA GANG YIN PA'I RGYUN RNAMS SU DE MNGON PAR RGYUG PAR BYED PA YIN TE, GNAD DANG LHA BA'I GSEB RNAMS DANG SHA'I GONG BU'I GSEB RNAMS DANG MGO BO'I KLAD PHOR GYI GSEB RNAMS DANG 'GRAM PA'I RUS PA'I GSEB RNAMS DANG SO'I RTZI BA'I GSEB RNAMS DANG MGUL BA'I GSEB RNAMS DANG MGRIN PA'I SBU GU'I GSEB RNAMS DANG RNA BA'I GSEB RNAMS DANG MIG GI GSEB RNAMS DANG SNA'I GSEB RNAMS DANG SKRA DANG KHA SPU'I GSEB RNAMS SU RLUNG BZHIN RGYU BAR BYED DO, ,NYAL BA LA DGA' BA'I SRIN DE GANG GI TSE NYIN MO NANG PAR 'GYUR BA DANG NGAL BAR YANG 'GYUR RO, ,DE MTSAN MO SNYING GI RTZA BA LA KUN TU 'BYOR PAR 'GYUR RO, ,SNYING GI PADMA'I DBYIBS DE NI, NYIN MO 'BYUNG BA YIN NO, ,MTSAN MO NI, 'KHUM PAR 'GYUR TE, NYI MA'I 'OD ZER MED PA'I PHYIR RO, ,DE'I TSE NA SNYING LA KUN TU ZHUM PAR 'GYUR RO, ,DE LA SNYING GI PADMA'I DBYIBS 'KHUM PAR 'GYUR RO, ,DES KYANG BDAG SRED PA MED PAR 'GYUR RO, ,DUS GANG GI TSE NYAL BA LA DGA' BA'I SRIN MI BRTZON PAR GYUR PA NA DUS DE'I TSE RANG GI YUL RNAMS LA DBANG PO RNAMS DUB PAR GYUR NA NGAL BSO BAR BYED DO, ,
DES SROG CHAGS DE DAG RNAMS THAMS CAD GNYID DU 'GYUR RO, ,GAL TE YANG NYIN MO YANG CHAD PAR 'GYUR NA'O, ,NYAL BA LA DGA' BAR 'GYUR PA'I SRIN 'DI YANG DAG PA JI LTA BA BZHIN SO SOR RTOG CING GNAS SO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB DAG GIS SAM, LHA'I MIG GIS MTHONG BAR GYUR PA LA SRIN SBOM PO ZHES BYA BA NGA'I LUS LA RAB TU GNAS PA YIN TE, MGO BO DANG MGRIN PA'I YANG KHRAG GI NANG DU RGYU BAR BYED PA DANG TSIL RNAMS KYI GSEB TU RGYU BAR BYED PA YIN PAS, DE GANG DANG GANG LA PHRA BAR GYUR NAS NGA'I KHRAG RNAMS 'THUNG BAR BYED PA NA DE DANG DE DAG NYID RNAMS SU LUS SKRANG BAR 'GYUR BA DANG RKO RLOG TU YANG BYED DE, NGA'I KHA'I THO YUL LAM SKRA'I THO YUL LAM LTAG TSIGS KYI YUL LAM YUL GZHAN RNAMS LA YANG RUNG NGO, ,GAL TE YANG RGYU BAR MI BYED NA NI, RGYUS PA'I GSEB TU GNAS PAR GYUR CING, DES JI SKAD DU BSHAD PA'I NAD DE DANG DE DAG RNAMS 'BYUNG BAR MI 'GYUR RO, ,GANG YANG N'A LA TI'I GRONG GI BRAM ZE DANG KHYIM BDAG 'DI RNAMS NYID DANG RNAL 'BYOR SPYOD PA'I DGE SLONG RNAMS KYANG RUNG STE JI SRID DU LUS LA NYE BAR 'JUG PA'I SRIN BU'I RIGS SU GYUR BA RNAMS MGRIN PA LA 'JUG PA RNAMS DANG LCE LA ZHUGS PA RNAMS DANG LTAG TSIGS LA ZHUGS PA RNAMS DANG PA SPU'I KHUNG BU DANG
, ,BAD KAN LA ZHUGS PA RNAMS DANG RUS PA LA ZHUGS PA RNAMS DANG KHRAG GI GSEB TU ZHUGS PA RNAMS DANG RGYUS PA'I GSEB TU ZHUGS PA RNAMS KYANG YANG DAG PA JI LTA BA BZHIN DU MTHONG NGO, ,RNAM PAR SHES PAR 'GYUR RO, ,LCER GTOGS PA RNAMS ROR GYUR PA RNAMS LA 'DI 'DOD CHAGS DANG BRAL BAR 'GYUR RO, ,'DI'I RO LA SRED PA YANG 'BYUNG BA CAN GYI SRED PA RNAMS RAB TU 'JOMS PAR 'GYUR RO, ,KUN DGA' BO, 'DI NI, SRED PA'I KUN TU SBYOR BA BCINGS PAR GYUR PA'I SEMS CAN RNAMS KYI RO'I RGYA MTSO YIN PAS DE DAG RNAMS LAS 'DI 'DOD CHAGS DANG BRAL BAR 'GYUR RO, ,DE 'DOD CHAGS DANG BRAL BAR GYUR BAS, DE ZAS SU GYUR PA'I SRED PA DAG GIS MI 'CHING NGO, ,SBYIN PA PO DANG SBYIN BDAG RNAMS KYI KHYIM BDAG RNAMS KYI KHYIM DAG TU GYUR PAR MI BYED CING ZHABS 'BRING BAR MI 'GYUR RO, ,NOR DANG NYE BAR MKHO BA RNAMS RAB TU PHAL CHE BA MA YIN NO, ,NAS SRAN GYI THUG PA TZAM GYI ZAS KYIS KYANG CHOG SHES PAR 'GYUR RO, ,RNYED PA DANG BKUR STI'I RGYUS GZHAN DAG RNAMS LA RAB TU ZHE SDANG BAR MI BYED DO, ,TSOGS 'DUS PA 'DU BAR BYED PA LA MNGON PAR DGA' BA MA YIN NO, ,RGYAGS PA'I GTZUG LAG KHANG DANG KUN DGA' RA BA RNAMS MA YIN NO, ,LUS RGYAGS PAS RGYAGS PAR MI 'GYUR RO, ,GZUGS KYI RGYAGS PAS RGYAGS PA YIN NO, ,
GOS KYIS RGYAGS PA MA YIN NO, ,LHUNG BZED KYIS RGYAGS PA MA YIN NO, ,CHOS GOS KYIS RGYAGS PA MA YIN NO, ,PHYI BZHIN 'BRANG BA'I DGE SLONG YONGS SU 'DZIN PAS RGYAGS PA MA YIN NO, ,GRONG DU 'JUG PA'I RGYAGS PAS MA YIN NO, ,NYE 'BREL LA LTA BAS RGYAGS PA MA YIN NO, ,GCIG PUR GYUR PA DANG 'DOD PA LA MI BRKAM PA DANG RNYOG PA MED PA DANG SDIG PA RNAMS BCOM PAR GYUR PA NI; DGE SBYONG GI YUL LA RAB TU GNAS PA YIN NO, ,MYA NGAN LAS 'DAS PA'I MTHA' LA RAB TU GNAS SO, ,DE'I PHYIR NA RO'I RGYA MTSOS GANG DAG KHRID PAR GYUR PA DE DAG RNAMS DANG GANG DAG RO'I RGYA MTSO LA MNGON PAR SRED PAR GYUR PA RNAMS NI, BDUD KYI DRUNG NA RAB TU GNAS SO, ,MYA NGAN LAS 'DAS PA LAS RING BAR GYUR NAS GNAS PA YIN NO, ,DE'I PHYIR NA LUS LA GNAS PA'I SRIN RNAMS BSGOMS PAR GYUR NAS RO RNAMS LAS RNAL 'BYOR SPYOD PA 'DOD CHAGS DANG 'BRAL LO, ,'DOD CHAGS DANG BRAL BA DES ZAS KYIS KUN TU 'KHRID PA MA YIN NO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS NAS RGYAB LA SO SOR RTOG PAR BYED PA NA DES THOS PA LAS BYUNG BA'I SHES RAB BAM LHA'I MIG GIS YANG DAG PA'I LTA BA BZHIN DU MTHONG BAR GYUR PA, RGYAB TU GYUR PA'I RUS PA RNAMS NI, LNGA BCU RTZA BZHI'O, ,BRANG GI NI, BCU BZHI'O, ,'DUS PA'I BCU GNYIS SO, ,LOGS GCIG LA NI, BCU GNYIS SO, ,LOGS GCIG LA JI
, ,TZAM PA GNYIS PA YANG DE TZAM KHO NA'O, ,THANG BA'ANG JI TZAM PA DE TZAM STE, RUS PA'I GONG BU RNAMS SLAR YANG RUS PA'I PHUNG PO'I LUS SU BYAS NAS NANG GI BDAG NYID KYI LUS LA LUS KYI RJES SU LTA ZHING GNAS SO, ,MGRIN PA NAS BZUNG NAS JI SRID 'PHONGS KYI BAR DU SO SOR RTOG PAR BYED DE, SHA'I DUM BU JI TZAM ZHIG YOD PA YIN NA, NGOS GCIG LA JI TZAM PA GNYIS PA LA'ANG DE TZAM YIN NO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, DE DAG RNAMS RGYUS PA JI SNYED CIG SBREL BA YIN NA MGRIN PA NAS BZUNG NAS JI SRID MJUG MA'I BAR DU THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, BDAG GI RGYUS PAS SBREL BA RNAMS NI, MGRIN PA NAS MJUG MA'I BAR DU NGOS GCIG LA BRGYA, NGOS GZHAN LA YANG BRGYA NYID YIN TE, RGYUS PA PHRA MO RNAMS NI, MA GTOGS SO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GIS TSIL GYI TSAD JI TZAM ZHIG YIN ZHES MGRIN PA LA SOGS MJUG MA'I PAR DU DES THOS PA LAS BYUNG BA'I SHES RAB BAM LHA'I MIG GIS MTHONG BA NI, ZAS BSOD PA'I DBANG GIS TSIL RNAMS 'PHEL BAR 'GYUR RO, ,'GRIB PA YANG STE BDAG GI RNAM PA THAMS CAD BYAS PA LA YANG MA GA DHA'I SRANG
LNGA YIN NO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS PA NA, NGA'I LUS KYI CHU'I TSAD NI, JI TZAM YIN ZHES DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, RANG GI SNYIM PA'I TSAD KYI NGA'I CHU NI, SNYIM PA DAG BCU YIN NO, ,DE 'JIM PAR GYUR PA'I SGO NI, BA SPU'I KHUNG BU RNAMS SO, ,RDUL DU GRAGS PA RNAMS NI, LUS KYI PA SPU'I SGO NAS 'BYUNG NGO, ,CHU SER DU GRAGS PA RNAMS NI, RMA'I SGO NAS SO, ,MYA NGAN SKYES PA'I DUS NA NI, MIG NGAG NAS MCHI MA 'BYUNG BAR 'GYUR RO, ,SA GZHI LA RGYU BA'I SROG CHAGS RNAMS NYAMS PAR 'GYUR RO, ,DE NI, NGA'I RLAN GYIS ZAS RNAMS YONGS SU SMIN PAR GYUR PA'I KHU BA RNAMS 'PHEL BA'I RDUL PHRA RAB GANG DAG 'BYUNG BA YIN NO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, NGA'I BSHANG BA'I TSAD NI, JI TZAM YIN NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, BDAG NYID KYI SNYIM PA BDUN NI, BSHAD PA YIN LA, DRUG NI, BAD KAN YIN NO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, NGA'I MKHRIS PA DANG GCIN GYI TSAD KYANG JI TZAM YIN NA, DES THOS PA LAS BYUNG BA'I SHES RAB BAM LHA'I MIG GIS MTHONG BAR GYUR PA, MKHRIS PA NI, SNYIM PA LNGA YIN LA, BZHI NI, GCIN YIN TE, 'PHEL BA DANG
, ,'GRIB PAR 'GYUR BA NI, MA GTOGS SO, ,NAD MED PA DANG NAD KYIS BYAS PA YANG MA GTOGS PA YIN NO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, DROD DANG KHU CHU DANG STOBS KYI TSAD JI TZAM YIN NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, DROD NI, SNYIM PA GNYIS SO, ,KHU CHU NI, GCIG GO ,STOBS NI, SNYIM PA GCIG GO ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE; BDAG GI RLUNG GI TSAD NI, JI TZAM ZHIG YIN NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, CHUNG BA'I TSAD NI, SNYIM PA GSUM YIN NO, , GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, ZOS PA DANG 'THUNGS PA DANG 'CHOS PA DANG MYANGS PA RNAMS YANG DAG PAR BDE BAR SMIN PAR GYUR NAS 'TSO BAR BYED PA'I RTZA RGYUN BDAG GI LUS LA JI TZAM ZHIG YOD NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, RTZA'I RGYUN BCU GSUM MO, ,YUR BA'I CHU GANG GIS ZHING RGYAS PAR BYED PA JI LTA BA DE BZHIN DU LUS 'DI NYID DE DAG RNAMS NYID KYIS RGYAS PAR BYED DO, ,'DI LTA STE, SROG RGYU BA'I RGYUN DANG, MTHAR RGYU
BA'I RGYUN DANG, CHU RGYU BA'I RGYUN DANG, RDUL RGYU BA'I RGYUN DANG, GCIN RGYU BA'I RGYUN DANG, RTUG PA RGYU BA'I RGYUN DANG, DVANGS MA RGYU BA'I RGYUN DANG, KHRAG RGYU BA'I RGYUN DANG, SHA RGYU BA'I RGYUN DANG, TSIL RGYU BA'I RGYUN DANG, RUS PA RGYU BA'I RGYUN DANG, LHA BA RGYU BA'I RGYUN DANG, KHU CHU RGYU BA'I RGYUN NO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE; RTZA'I RGYUN DE DAG RNAMS KYIS GZHI CI LAS LUS KYI KHAMS GANG DAG RGYAS PAR BYED CING, SRIN RNAMS KYANG BDAG GI LUS KYI YUL PHYOGS DANG YUL PHYOGS RNAMS LA KUN TU RGYU BA RNAMS KYIS KYANG 'GAL BA'AM 'TSO BAR BYED PA YIN ZHE NA, DES THOS PA LAS BYUNG BA'I SHES RAB BAM LHA'I MIG GIS MTHONG BAR GYUR PA, SROG RGYU BA'I RGYUN RNAMS KYIS NI, SNYING GI GZHI LAS SO, ,MTHAR RGYU BA'I RGYUN RNAMS KYIS NI, RTZIB LOGS KYI GZHI LAS SO, ,CHU RGYU BA'I RGYUN RNAMS KYIS NI, LONG KA DANG GLO BA DANG BAD KAN RNAMS KYI GZHI LAS SO, ,RDUL RGYU BA'I RGYUN RNAMS KYIS NI, SPU'I KHUNG BU RNAMS DANG TSIL GYI GZHI LAS SO, ,GCIN RGYU BA'I RGYUN RNAMS KYIS NI, LGANG LPAGS DANG PHO MTSAN GYI GZHI LAS SO, ,RTUG PA RGYU BA'I RGYUN RNAMS KYIS NI; PHO BA DANG TSIL KHRA DANG GZHANG RNAMS KYI GZHI LAS SO, ,BDAG GI DVANGS MA RGYU BA'I RGYUN RNAMS KYIS NI, MJING BA'I RTZA BCU DANG MCHIN PA DANG SNYING RNAMS KYI GZHI LAS SO, ,KHRAG RGYU
, ,BA'I RGYUN RNAMS KYIS NI, BDAG GI MTSER BA DANG MCHIN PA'I GZHI LAS SO, ,SHA RGYU BA'I RGYUN RNAMS KYIS NI, PAGS PA DANG CHU RGYUS KYI GZHI LAS SO, , TSIL RGYU BA'I RGYUN RNAMS KYIS NI, MKHAL MA DANG ZHAG RNAMS KYI GZHI LAS TE, GZHUG RUS KYI GZHI LAS DANG, BDAG GI RUS PA RGYU BA'I RGYUN RNAMS KYI GZHI LAS NI, LOGS DANG ZAS KYI GNAS DANG PO DANG GLO BA RNAMS LAS YIN LA, LHA BA DANG KHU CHU RGYU BA'I RGYUN DAG GIS NI, MTSAMS THAMS CAD DANG RUS PA RNAMS KYI GZHI LAS SO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI SRIN GANG DAG GIS GZHUG MA'I YUL PHYOGS NAS BZUNG BA'I THAMS CAD DU'ANG RTZA'I RGYUN GANG DAG LA RANG BZHIN DU GNAS PA'AM RANG BZHIN DU MI GNAS PA CI DAG BYED PAR 'GYUR NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, MNGAL NAS SKYES PAR GYUR PA'I SRIN BCU DAG GIS BDAG GI MTSER BA DANG MCHIN PA DAG GI GNAS SU SONG BAR GYUR NAS NAD RNAMS SKYED PAR BYED DO, ,'DI LTA STE, SRIN SPU ZA BA DANG 'BIGS BYED DANG DZANTU M'ANDA RA: DANG AU DU MA WA RA: DANG KUN DU 'DZIM PA DANG SPU'I GLING DANG KHRAG LA RAB TU KHRO BA DANG KHRAG ZA BA DANG RAB RAB BYED PA AAm BYA KAS RNAMS SO, ,SRIN BU 'DI DAG RNAMS NI, RKANG PA MED PA DANG
RANG DGAR 'JUG PA DANG RDUL PHRA RAB TZAM GYI DBYIBS DANG SHIN TU PHRA BAR GYUR PA DANG MIG MED PA DANG ZA 'PHRUG GI MTSAN NYID DANG NAD KYI MTSAN NYID CAN YIN NO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PAS, NGA'I SRIN RE RES KYANG LAS RE RE BYED PAR 'GYUR BA RNAMS, DES THOS PA LAS BYUNG BA'I SHES RAB BAM LHA'I MIG GIS MTHONG BAR GYUR PA, SPU ZA BA ZHES BYA BA'I SRIN RAB TU KHROS PAR GYUR NA, SMIN MA DANG MIG GNYIS KYI'AM, KHA SPU DANG BA SPU LA SOGS PA RNAMS ZA BAR BYED DO, ,DE'I SKYON GYIS MDZER 'GYUR RO, ,DE LA 'DIR 'BIGS BYED CES BYA BA'I SRIN RAB TU KHROS PAR GYUR NA, DE KHRAG RGYU BA'I RGYUN DU SONG NAS LUS THAMS CAD 'KHRUG PAR BYED DO, ,DZANTU M'ANDA RA ZHES BYA BA'I SRIN DES NI, KHRAG RGYU BA'I RGYUN RNAMS DRI NGAN PAR SKYED PAR BYED, KHA DANG SNA BUG GNYIS SU AU DUM WA RA ZHES BYA BA'I SRIN GYIS TE, DE NI, KHRAG GI SRIN YIN PAS DE KHRAG LA RAB TU KHRO ZHING RNAM PAR SDANG BAS 'BRUM BU DANG 'BRUM BU PHRA MO DANG SKEL PHOL DU BYED DO, ,KUN TU 'DZIM BYED CES BYA BA'I SRIN DE NI, KHRAG GI RGYUN DU RAB TU KHROS PAR GYUR NA MCHIN PA DANG KHRAG DANG MKHRIS PA SKYED DO, ,SPU'I GLING ZHES BYA BA'I SRIN DE KHRAG GI RGYUN DU SONG BAR GYUR NAS SHIN TU KHROS PAS NAD 'DI DAG RNAMS PHUL DU BYED DO, ,'DI LTA STE, G-YAN PA DANG MIG SER DANG 'BRUM BU DANG MO BYA LANG RNAMS SO, ,KHRAG LA RAB TU KHRO BA ZHES BYA BA'I
, ,SRIN DE KHRAG GI RGYUN DU SONG BAR GYUR NAS NAD 'DI DAG RNAMS BYED DO, ,'DI LTA STE, MDZER GYUR BA DANG 'DOD CHAGS KYI NAD GZHAN YANG BUD MED LA'ANG KHRAG GIS G-YA' BAR GRAGS PA DANG KHYEM RNAMS SO, ,KHRAG ZA BA ZHES BYA BA'I SRIN DE KHRAG GI NAD 'DI DAG RNAMS BYED DO, ,'DI LTA STE, MGO 'KHOR BA DANG SKE 'GUL PA DANG GZHANG SMIN PAR BYED PA'O, ,RAB RIB BYED PA ZHES BYA BA'I SRIN DE KHRAG GI RGYUN GYI GSEB TU SONG BAR GYUR NAS NAD 'DI RNAMS BYED DO, ,'DI LTA STE, NGAL BA DANG RENGS PA DANG RGYUN DRAG TU 'BYUNG BA DANG DNGAG MI BDE BA RNAMS SO, ,GANG YANG DE DAG RNAMS NI, KHRAG LA RAB TU GNAS PA'I SRIN 'KHOR DANG BCAS PA RNAMS THAMS CAD KYIS YIN NO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, SRIN GYI RIGS BCU NI, SHA LA GNAS PA YIN NO, ,'DI LTA STE, RMAS KUN NAS SLONG BA DANG TZUN TZU RA KA: DANG RGYUS PA SGUL BA DANG RTZA SGUL BA DANG PAGS PA ZA BAR BYED PA DANG DROD SGUL BA DANG 'PHEL BYED DANG DRI NGAN PA DANG RDUL LA RGYU BA DANG RNAM PAR SREG BYED RNAMS SO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, NGA'I SHA LA GNAS PA'I SRIN GANG DAG GIS RANG BZHIN DU GNAS PA'AM RANG BZHIN DU MI GNAS PA CI BYED PA YIN NA, DES THOS PA LAS BYUNG
BA'I SHES RAB BAM LHA'I MIG GIS MTHONG BAR GYUR PA, NGA'I SRIN RMAS KUN NAS BSLANG BA ZHES BYA BA NI, YUL PHYOGS GANG DU RMA KUN TU 'BYUNG BAR 'GYUR BA DE'I YUL PHYOGS SU RMAS KUN NAS BSLANG BAR GYUR PA'I SRIN 'KHOR MANG POR GYUR NAS RMA RNAMS ZA BAR BYED PA DANG ZA 'PHRUG DANG RMA DAG KYANG BDAG LA SKYED DO, ,TZUN TZU RA KA: ZHES BYA BA'I NGA'I SRIN GYIS KYANG RANG BZHIN DU GNAS PA'AM RANG BZHIN DU MI GNAS PA CI BYED PA YIN NA, DES THOS PA LAS BYUNG BA'I SHES RAB DAG GIS SAM, LHA'I MIG GIS MTHONG BAR GYUR PA, TZUN TZU RA KA'I BDAG GI SRIN GAL TE LTOGS PAR GYUR NA, DES GNAD RNAMS DANG BSHANG BA DAG KYANG RAB TU 'BYED PAR BYED DO, ,DES MNYAM PAR SHIN TU 'KHRU BAR 'GYUR RO, ,NGA'I ME DROD NYAMS PAR BYED DO, ,DES BDAG GI KHA SKAM PAR 'GYUR RO, ,BDAG GI LUS RNYING BAR 'GYUR BA DANG GZER ZUG DAG 'BYUNG BAR BYED DO, ,BDAG GI BSHANG BA DANG CHU 'DRES PAR BYED DE, NYIN MO DANG MTSAN MOR YANG GNYID 'BYUNG BAR MI 'GYUR, SRIN TZUN TZU RA KAS NI, RTAG TU YANG BDAG GI SMIN MA'I GNAS SU BSHANG BA TSOL BAR BYED DO, ,DE BDAG GI RTUG PA'I GTER LA BRTEN NAS RLUNG DANG RDUL DANG GCIN DANG BAD KAN RNAMS DANG LHAN CIG 'GROGS PAR GYUR PA'I SHIN TU 'KHRU BAR BYED DO, ,DES BDAG GI DANG GA MI BDE BA SKYED PAR 'GYUR ZHING LKUG PAR YANG BYED DO, ,GAL TE MYA NGAN BYED PAR
, ,GYUR NA, DES NGA'I SRIN TZUN TZU RA KA: SHIN TU DGA' BAR 'GYUR RO, ,DE SHIN TU YANG BDAG LA STOBS DANG LDAN PAR 'GYUR ZHING, MNYAM ZHING SHIN TU RGYA CHE BAR KHRAG TU GYUR PA'I RTZA RNAMS SUN 'BYIN PAR BYED DO, ,DES NGA SHIN TU'ANG 'KHRU BAR 'GYUR RO, ,BAD KAN BE'U SNABS SHIN TU 'KHRUS PAS RLUNG LHAG PAR 'GYUR RO, ,TZUN TZU RA KA'I SRIN LA SO SOR BRTAGS PAS YANG DAG PA JI LTA BA BZHIN DU LUS RAB TU SHES SO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA; DES THOS PA LAS BYUNG BA'I SHES RAB DAG GIS SAM, LHA'I MIG GIS MTHONG BAR GYUR PA, NGA'I SRIN RGYUS PA SGUL BA ZHES BYA BA RTAG TU RGYUS PA SBOM PA'AM PHRA BA RNAMS KYI'ANG GSEB TU RGYU BAR BYED DO, ,DE BDAG LA KHROS PAR GYUR NA DES NGA'I RGYUS PA RNAMS NA BAR 'GYUR RO, ,GAL TE LTOGS PAR MA GYUR NA NI, DES NGA'I RGYUS PAR GYUR PA RNAMS NA BAR MI 'GYUR RO, ,BDAG GI RGYUS PAS SBREL BAR GYUR PA'I RUS PA'I SGAL TSIGS RNAMS THAMS CAD MA LUS PA NAS THUG TU MTHONG BAR GYUR PAS DES BDAG GI LUS LA RGYUS PA LAS GYUR PA'I TSOR BA RNAMS SKYED PAR BYED DO, ,NGAS ZAS DANG BRAL BAR GYUR PAS GAL TE NANG LTOGS PAR GYUR NA, DE BDAG GI RGYUS PA LA GNAS PA'I KHRAG RNAMS 'THUNG BAR BYED DO, ,
DES NGA'I RTZOL BA RAB TU NYAMS PAR 'GYUR RO, ,GAL TE SHA ZA BAR BYED NA DES BAD KAN SMUG PO NGA LA SKYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, RTZA SGUL BA ZHES BYA BA'I SRIN DE NGA'I RTZA KUN THAMS CAD KYI MTHAR RGYU ZHING GSEB TU RGYU BAR BYED PA PHRA BAR GYUR PAS SHIN TU THOGS PA MED PAR 'GRO BA YIN NO, ,DE GAL TE NGA'I ZAS RNAMS KYI STOBS KYIS RTZA RNAMS 'JOMS PAR BYED DO, ,DES BDAG GI LUS PO KUN TU SKAM PAR 'GYUR BA'AM YI GA MI BDE BAR 'BYUNG BAR 'GYUR RO, ,GAL TE YANG CHU RGYU BA'I RTZA RNAMS LA GNOD PA BYED PAR GYUR NA, DES NGA'I RKAN SKAM PAR 'GYUR RO, ,GAL TE YANG RDUL RGYU BA'I RTZA RNAMS LA GNOD PA BYED PAR GYUR NA, DES KYANG NGA'I BA SPU'I KHUNG BU RNAMS NAS RDUL KUN TU 'BYUNG BAR 'GYUR RO, ,YANG GAL TE CHU NGAN RGYU BA'I RTZA RNAMS KYI GSEB TU SONG BAR GYUR NAS SUN 'BYIN PAR BYED NA GCIN SDOM PAR 'GYUR RO, ,KHU CHU SUN 'DON PAR BYED NA'ANG SHIN TU SDUG BSNGAL MI ZAD PAR 'GYUR RO, ,GAL TE YANG RTUG PA RGYU BA'I RTZA RNAMS KYI NANG DAG TU RGYU BAR BYED CING KHROS PAR GYUR NA NI, DES BDAG GI RTUG PA'I GNAS RNAMS SDOM PAS 'CHI BA TZAM GYI SDUG BSNGAL BYED DO, ,RTZA SGUL BAR BYED PA'I SRIN DE LA SO SOR BRTAGS PAR GYUR NA
, ,YANG DAG PA JI LTA BA BZHIN DU SO SOR SHES SO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, PAGS PA SKYOD PAR BYED PA ZHES BYA BA'I SRIN PAGS PA DRUG GI GSEB NA GNAS PA RNAMS GAL TE NGA'I ZAS KYI SKYON GYIS KHROS PAR GYUR NA NI, DES BDAG GI PAGS PA RNAMS KHA DOG NGAN PAR 'GYUR RO, ,RTZUB PAR GYUR PA'AM G-YAN PA'AM PAGS PA RNAMS DMAR BA NYID DAM SKYA BA NYID DAM SNGO BA NYID DAM RDOL BAR 'GYUR BA'AM SEN MO DANG SKRA DANG KHA SPU DANG BA SPU RNAMS DANG SKYI RNAMS NYIL BAR 'GYUR RO, ,'BRUM BU THUG THUG PO'AM MDZER 'GYUR BA'AM PAGS PA DANG SHA DANG DROD BYE BRAL DU 'GYUR RO, ,DES PAGS PA SKYONG BAR BYED PA'I SRIN RNAMS LA SO SOR BRTAGS PAR GYUR PAS KYANG LUS LA YANG DAG PA JI LTA BA BZHIN DU SO SOR RTOG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PAR GYUR PA NA, DES THOS PA LAS BYUNG BA'I SHES RAB BAM, LHA'I MIG GIS MTHONG BA NI, TSIL RGYU BAR GYUR PA'I RGYUN RNAMS KYI GSEB NA GNAS PA'I TSIL SGUL BA ZHES BYA'I SRIN BDAG GI LUS LA GNAS PAR GYUR PA DES
MTHONG BAR GYUR TO, ,YANG DE GAL TE NA NYAL BA'I SKYON GYIS SAM ZAS KYI SKYON GYIS KYANG RUNG STE RAB TU 'KHRUGS PAR GYUR PA SKYES NA, DES NGA LA 'KHRU SKYUG GAM 'BRUM BU'AM SKYA BOR SNANG BA'AM THIG LE'I RIGS SU GYUR PA RNAMS SKYED PAR BYED DO, ,SKE LA LBA BAR GYUR PA'AM RGYUS PA'ANG RUL BA DANG STOBS ZAD PA DANG LUS RJUD PA DANG BDAG ZAS ZA BAR BYED PAR GYUR NA RTAG TU RDUL BA NYID DU'ANG BYED DO, ,TSIL SGUL BAR BYED PA'I SRIN DE LA SO SOR BRTAGS PAR GYUR PAS KYANG LUS YANG DAG PA JI LTA BA BZHIN DU RAB TU RIG GO ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, 'PHEL BYED CES BYA BA'I SRIN LUS LA RAB TU GNAS PA YIN LA, DES BDAG LA RANG BZHIN DU GNAS PA'AM RANG BZHIN DU MI GNAS PAR GYUR PA CIG BYED PA [?] YANG DES THOS PA LAS BYUNG BA'I SHES RAB KYIS SAM LHA'I MIG GIS MTHONG BA NI, NGA'I SRIN 'PHEL BYED RNAM PA GNYIS KYIS LUS LA NYE BAR LONGS SPYOD PAR BYED DE, ZIN PA DANG MA ZIN PA'O, ,DE LA ZIN PA YANG LUS PHYED DROD DANG KHRAG DANG SHA DANG RUS PA DANG LHA BA DANG MKHRIS PA DANG KHU CHU'O, ,MA ZIN PA'ANG JI LTAR LUS LA SKRA DANG BA SPU DANG SE MO DANG KHA SPU DANG SO RNAMS SO, ,NYE BAR 'PHEL BYED KYI SRIN DES KYANG BDAG GI LUS LA RNAM PA GNYIS SU 'PHEL
, ,BAR BYED PA YIN TE, GAL TE YANG NGA'I ZAS KYI SKYON GYIS 'PHEL BYED KYI SRIN RNAMS RAB TU RGYAS PAR MA GYUR NA NI, DES NGA SPRO BA DANG RNAM PAR BRAL BAR 'GYUR RO, ,'GRO BA DANG 'ONG BA LA'ANG BDAG BDE BAR GNAS PAR 'GYUR RO, ,MYUR ZHING BRTAD PAR GNYID KYIS RGYUN 'BYUNG BAR 'GYUR RO, ,DE LAS KYANG BDAG GI STOBS RAB TU 'PHEL BAR 'GYUR TE, BDAG GI PAGS PA DANG KHRAG DANG TSIL DANG LHA BA DANG RUS PA DANG KHU CHU DANG STOBS RNAMS SKYE BAR 'GYUR RO, ,DES 'PHEL BYED KYI SRIN LA SO SOR BRTAGS PAS KYANG YANG DAG PA JI LTA BA BZHIN DU RIG GO, GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB BAM LHA'I MIG GIS MTHONG BAR GYUR PA, NGA'I SRIN DRI NGAN PA ZHES BYA BA SHA DANG BSHANG BA DANG GCIN GYI GSEB NA GNAS PA YIN LA, GAL TE ZAS KYI SKYON GYIS KHROS PAR GYUR NA, NGA'I ZAS DE DAG GI SKYON GYIS DES PHYI SA DANG GCIN DANG MCHIL MA DANG SNABS RNAMS DRI MI ZHIM PAR 'GYUR RO, ,SNA'I RNAG DANG MIG GI RNAG DAG KYANG 'BYUNG NGO, ,SRIN RNAMS DANG LHAN CIG KUN TU TSOGS PAR 'GYUR BA DE DANG DE DAG RNAMS KYANG SRIN GYIS DRI NGAN PA RNAMS SKYED PAR BYED DO, ,GANG YANG GOS SAM MAL CHA DANG NAM ZAS KYI RIGS SU GYUR PA RNAMS
KYANG RUNG STE SO'I GSEB TU SONG BAR GYUR NA, DE DAG RNAMS SRIN DES DRI NGAN PA DANG CHES DRI NGAN PAR 'GYUR BAR BYED DO, ,MTSAN MO NYAL BAR GYUR PA'I SKYON GYIS KYANG LCE'I DRI MA DE SHIN TU DRI MI ZHIM PAR 'GYUR RO, ,LCE'I DRI MA RNAMS SHIN TU SKYA BAR 'GYUR BA DANG LUS DRI NGAN PA DANG DRI MA CAN DU YANG 'GYUR RO, ,DES YANG DAG PA JI LTA BA BZHIN DU DRI NGAN PA'I SRIN DE LA SO SOR BRTAGS PAR GYUR PAS KYANG LUS YANG DAG PA JI LTA BA BZHIN DU SO SOR RAB TU RIG PAR 'GYUR RO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RDUL LA RGYU BA ZHES BYA BA'I SRIN GSHUL SHA'I GSEB NA RGYU BA YIN TE, DE GAL TE NGA'I ZAS ZHU BAR GYUR NA, DES BDAG GI RUS SHING GI YUL PHYOGS KYI RUS PA GSUM GYI BU GU GANG YIN PAR NGA'I GSHANG BA DRANGS NAS 'PHONGS KYI MDOR 'JOG GO, RUS PA GZHAN GSUM GYI BU GU RLAN PAR BYAS SHING BDAG GI CHU NGAN GYIS BRLAN PAR BYAS NAS RTUG PA'I DBYIBS CHEN PO RNAMS AAN TONG RUS PA'I YUL PHYOGS SU BYAS NAS NGA'I GCIN 'BYUNG BAR 'GYUR RO, ,DES RDUL LA RGYU BA'I SRIN LA RAB TU BRTAGS PAR GYUR PAS KYANG YANG DAG PA JI LTA BA BZHIN DU LUS RAB TU RING PAR 'GYUR RO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU
, ,LTA ZHING GNAS PA NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, SRIN GYI RIGS BCU DAG GI MKHRIS PA LA GNAS PA DE LAS SKYES PAR GYUR PA, LUS THAMS CAD KYI RJES SU 'JUG PAR BYED PA RNAMS NI, 'DI LTA STE, TZU RU BA: DANG SGUL BYED DANG RDZAS KYIS RGYAS PA DANG CHEN PO'I RIGS DANG NAGS PA DANG ZAS CHEN PO DANG DRO BA LA RGYU BA DANG RNAM PAR SREG BYED DANG ME DROD NYAMS PAR BYED PA DANG ME CHEN PO DANG STE, SRIN GYI RIGS BCU PO DE DAG RNAMS NI, MKHRIS PA LA RGYU BA DANG DE LAS SKYES PAR GYUR PA LUS THAMS CAD KYI RJES SU 'JUG PA RNAMS YIN NO, ,BDAG GI SRIN GANG DAG GIS NGA'I LUS LA RANG BZHIN DU GNAS PA'AM RANG BZHIN DU MI GNAS PA CI BYED PAR 'GYUR NA, DES THOS PA LAS BYUNG BA'I SHES RAB BAM, LHA'I MIG GIS MTHONG BA LA, TZU RA BA ZHES BYA BA'I SRIN LUS LA RAB TU GNAS SO, ,DE GAL TE BDAG GI ZAS KYI SKYON GYIS KHRO BA KUN NAS SKYES PAR GYUR NA, DE NGA'I MIG GNYIS KYI RDZI MA DAG ZA BAR 'GYUR RO, ,DES NGA LA 'BRUM BU DANG G-YAN PA DAG SKYE BAR 'GYUR RO, ,GAL TE RDZI MA GZHAN RNAMS LA ZA BAR 'GRO NA MIG LAS GYUR PA'I MCHI MA RAB TU PHAL CHE BA YANG RAB TU 'BYUNG NGO, ,GAL TE MIG LA RGYU BAR GYUR NA DES BDAG GI MIG LA NAD DRAG PO RNAMS SKYAD PAR BYED DE, MTHONG BA RNAMS
PAR NYAMS PA'AM MIG NYE BAR SNGOM PAR YANG 'GYUR RO, ,DE BDAG GI MIG GI NANG DU RGYU ZHING SHA'I GONG BUR GYUR PA'I MIG GI THA SNYAD DU BYAS PA LA 'GAL BAR BYAS NAS MIG LA GNAS PA'I NUR NUR PO LA GNAS PAR BYED DO, ,DES NGA'I MIG 'BRAS SU GTOGS PA'I G-YOGS MA DANG DMAR POR SNANG BA'ANG SKYED PAR BYED DO, ,SRIN 'DIS NI, RTAG PAR RGYUN DU NANG CHEN PO RNAMS BYED DO; ;DES TZU RA BA'I SRIN YANG DAG PA JI LTA BA BZHIN SO SOR BRTAGS PAR GYUR PAS KYANG YANG DAG PA JI LTA BA BZHIN LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB DAG GIS SAM LHA'I MIG GIS MTHONG BAR GYUR PA, SGUL BYED CES BYA BA'I SRIN LUS LA GNAS TE, MKHRIS PA'I NANG NA RGYU BA DANG LUS THAMS CAD LA'ANG THOGS PA MED PAR 'GRO BAR BYED PA DANG, MKHRIS PA NYID KYIS LUS G-YOGS PA YIN NO, ,DES GANG GIS KHO BO'I RUS PA BSREGS PAR GYUR PA SHAR GTOGS PA'ANG SHIN TU TSA BAR 'GYUR BA'AM, BDAG GI YAN LAG RNAMS KYANG DRON MOR 'GYUR, BDAG GI LAG PA DANG RKANG PA GNYIS KYANG SHIN TU RNAM PAR BSREGS PAR GYUR PA NI, NYIN MO DANG MTSAN MO'ANG RAB TU ZHI BAR MI 'GYUR RO, ,GAL TE PAGS PA LA 'GRO BAR GYUR NA BDAG LA RDUL 'BYUNG BAR 'GYUR RO, ,DES SGUL BYED KYI SRIN LA SO SOR
, ,BRTAGS PAR GYUR PAS KYANG YANG DAG PA JI LTA BA BZHIN DU LUS RAB TU SHES SO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB BDAG GIS SAM, LHA'I MIG GIS MTHONG BAR GYUR PA, BDAG GI SRIN RDZAS KYIS RGYAS PA ZHES BYA BA MKHRIS PA'I NANG NA RGYU BAR GYUR PA MCHU SHIN TU RNO BA RKANG PA THUNG BA ME'I LTO DANG NAD CHEN POR GYUR PA'O, ,DE GAL TE SHED NA LUS KYI YUL PHYOGS GZHAN NA GNAS PAR GYUR NA, NGA'I ZAS KYI SKYON GYIS LTOGS PAR GYUR NAS YUL PHYOGS DE DANG DE DAG TU LUS SREG PAR 'GYUR RO, ,KHRAG 'GRIM PAR 'GYUR RO, ,KHRAG SKYUG PAR 'GYUR BA DANG, BDAG GI LUS THAMS CAD KYANG RANG BZHIN DU MI GNAS PAR ME BZHIN DU SREG PAR BYED DO, ,BDAG GI LUS KYI PAGS PA RNAMS THAMS CAD ME'I YUL DU 'GYUR ZHING RKANG PA DAG LA'ANG 'BRUM BU'I THIG LE DANG LUS RNAMS ME DANG MTSUNGS PAR SKYED DO, ,RDZAS KYIS RGYAS PA'I SRIN LAS SO SOR BRTAGS PAR GYUR PAS KYANG YANG DAG PA JI LTA BUR LUS SO SOR RIG PAR 'GYUR RO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DE'I THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, RIGS CHEN PO ZHES BYA BA'I
SRIN LUS KYI NANG NA RGYU BAR GYUR PA MKHRIS PA'I GSEB NA RGYU BA YIN NO, ,DE GAL TE NGA'I ZAS KYI SKYON GYIS KHRO BA SKYES PAR GYUR NA, DES RANG BZHIN DU GNAS PA'AM RANG BZHIN DU MI GNAS PA CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RIGS CHEN PO'I SRIN NI, NGA'I LUS KYI NANG NA RGYU BAR GYUR BAS MGO NAS BZUNG NAS JI SRID DU RKANG BA'I BAR DU THOS PA MED PAR 'GRO BA YIN TE, DE BDAG LA KHROS NAS LUS THAMS CAD LA KHRAG MKHRIS KYI 'BRUM THUG BYED PA DANG, 'DIS MKHRIS PA DANG KHRAG BDAG GIS RNA BA DANG SNA BUG GI NANG DAG NAS KHRAG MKHRIS 'DZAG PAR BYED PAS 'CHI BA'I GNAS SKABS DANG 'DRA BAR BYED DO, ,SNGON POR BYED CING MIG SER DU'ANG BYED DO, ,DES KHA KHA BAR YANG BYED DO; ;DES RIGS CHEN PO'I SRIN LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR 'GYUR RO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, NAG PA PA ZHES BYA BA'I SRIN MKHRIS PA SKYON CAN RNAMS DRANGS NAS LUS LA KUN TU RGYU BAR BYED DO, ,DE GAL TE BDAG GI ZES KYI SKYON GYIS KHRO BA SKYES PAR GYUR NAS LUS KUN LA SNYOMS PAR TIL 'DRA BA'I THIG LE NAG PO
, ,PO RNAMS BYED PA DANG, SHA 'BRUM PAR BYED PA'AM LUS LA YANG NAG PO DANG SER POR 'GYUR BA'AM DMAR PO'I DRI RLUNG DANG RLUNG DAG DANG MTSUNGS PAR 'JUG PAR BYED PA'AM BDAG GI MKHRIS PA'AM GZHANG 'JOMS PAR 'GYUR RO, ,DES NAG PO'I SRIN SO SOR BRTAGS PAR GYUR PAS KYANG YANG DAG PA JI LTA BA BZHIN LUS RAB TU SHES SO, , GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHIG NGAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA; ZAS CHEN PO ZHES BYA BA'I SRIN LUS LA GNAS TE DES LUS RANG BZHIN DU GNAS PA'AM RANG BZHIN DU MI GNAS PA CI BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BA NI, ZAS CHEN PO ZHES BYA BA'I SRIN ZAS KYI SKYON GYIS GAL TE KHROS PAR GYUR NA DE NGA'I MKHRIS PA'I NANG NA GNAS PAS ZAS ZOS PA DANG DE LTAR TSA BA SKYED PAR BYED DO, ,DE CHEN POR GYUR PAS BDAG GI LUS RLAN PAR 'GYUR ZHING ZHIM PAR GYUR NAS YAN LAG DANG NYING LAG RNAMS THAMS CAD DANG MIG DANG RNA BA DANG SNA DANG BDAG GI LCE'I DBANG PO RNAMS KYANG NYAMS PAR 'GYUR RO, ,RANG DANG RANG GI YUL RNAMS LA YANG LTA BAR MI NUS PAR 'GYUR BA DANG, ZAS KYI SKYON GYIS BDAG GI DBANG PO LNGA PO RNAMS LAM NGAN PA
LA RAB TU GNAS PAR YANG 'GYUR RO, ,DES ZAS CHEN PO'I SRIN LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR 'GYUR RO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB BDAG GIS SAM, LHA'I MIG GIS MTHONG BAR GYUR PA, DRO BA LAS RGYU BA ZHES BYA BA'I SRIN NI; RTAG TU ZAS DRO BA LA DGA' BAR GYUR PA, ZAS GRANG BA RNAMS LA RAB TU SDANG BA YIN NO, ,DES BDAG LA RANG BZHIN DU GNAS PA'AM RANG BZHIN DU MI GNAS PA CI BYED PA YIN NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, GAL TE BDAG ZAS SU GYUR PA DAG GAM BZA' BA DANG BTUNG BA DANG BCA' BA DANG MYANG BA'ANG RUNG STE, GRANG MO DAG ZA BAR GYUR NA, DE NGA LA KHROS PAR GYUR NAS NGA'I KHA LA LDAG PAR YANG BYED PA'AM, LUS RLAN PA'AM LCI BA'AM NYAMS CHUNG BA'AM 'GAG PA'AM SNYING LA YANG LDAG PA'AM LUS THAMS CAD KYI SKYON DU GYUR PA STE, DES LUD PA DMAR POR BYED PA'AM MGRIN PA LA LHAG PAR BYED DO, ,DES DRO BA LAS RGYU BA'I SRIN LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS LA SO SOR BRTAGS PA YIN NO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I
, ,SHES RAB KYIS SAM, LHA'I MIG GIS MTHONG BAR GYUR PA, RNAM PAR SREG BYED CES BYA BA'I SRIN LUS KYI MKHRIS PA'I GNAS LA RAB TU GNAS PA YIN LA, DES NGA LA RANG BZHIN DU GNAS PA'AM RANG BZHIN DU MI GNAS PA CI BYED PA YIN NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA SREG BYED KYI SRIN BDAG GI LUS LA GNAS PA LAS, GAL TE NGAS ZAS LCI MO GANG DAG ZOS PAR GYUR NA NGA'I ZAS DE DAG GI SKYON GYIS RNAM PAR SREG BYED KYI SRIN GYIS MES SREG PAR BYED DO, ,STOBS LHAG PA NYID DANG RTZE'U CHUNG LA GNOD PAR 'GYUR BA DANG ZAS KYI KHAMS SHIN TU CHE BAS MGRIN PAR THOGS PAR YANG 'GYUR RO, ,BDAG GI BSHANG BA'ANG SKYA BOR 'GYUR ZHING CHUNG NA YANG JI LTA BAR TE, BDAG GRANG BA LA DGA' BA NYID DU'ANG MI 'GYUR RO, ,ZAS MNGAR MO RNAMS LA 'DOR BA YANG MI 'GYUR RO, ,DES RNAM PAR SREG BYED KYI SRIN LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS RAB TU SHES SO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NI, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, ME DROD NYAMS PAR BYED PA ZHES BYA BA'I SRIN NGA'I LUS LA MKHRIS PA DANG LHAN CIG SKYES NAS GNAS TE, DE LA DGA' BA DANG DE GRANG BA'I DUS NA NI,
DGA' BAR 'GYUR RO, ,DRO BA'I DUS NA NI, RGUD PAR 'GYUR RO, ,GRANG BA'I DUS NA'ANG RAB TU DGA' BAR GYUR NAS BDAG ZAS 'DOD PAR BYED DO, ,DRO BA'I DUS NA NI, ME DROD NYAMS PAR BYED DO, , GRANG BA'I DUS NA YANG NGA'I MKHRIS PA LEGS PAR SGRUB PAR BYED CING DRO BA'I DUS NA NI, SUN 'DON PA YIN NO, ,DE'I SKYON GYIS NI, ME DROD NYAMS PAR BYED DO, ,DES ME DROD NYAMS PAR BYED PA'I SRIN LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA ME CHEN PO ZHES BYA BA'I SRIN LUS LA GNAS TE, DES NGA LA RANG BZHIN DU GNAS PA'AM RANG BZHIN DU MI GNAS PA CI BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, NGA'I SRIN ME CHEN PO ZHES BYA BA NI, ZAS 'GAL BA ZOS PA RNAMS THAMS CAD 'DOD PAR 'GYUR RO, ,GAL TE YANG RANG LTOGS PAR GYUR NA NI, DES NGA'I LUS KYI GSEB TU GYUR PA'I SRIN RNAMS ZA BAR BYED DO, ,SRIN DE'I SKYON GYIS BDAG LA 'DIR LHANG KYOG 'BYUNG BAR 'GYUR RO, ,RGYAB DU GZER BAR 'GYUR BA'AM LAG PA LA ZUG GZER YANG RUNG STE, YUL PHYOGS GANG DU SRIN RNAMS ZA BAR BYED PA'I YUL PHYOGS DE DANG DE DAG RNAMS
, ,SU GZER ZUG SKYE BAR 'GYUR RO, ,DES MKHRIS PA LA GNAS PA'I SRIN LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS RAB TU RID PAR 'GYUR RO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RUS PA LAS GYUR PA'I DANG, TSIL LA GNAS PA'I SRIN GYI RIGS 'DI LTA STE, RUS PA LA LDAG PA DANG SHIN TU 'DRUD BYED DANG TSIGS PA GCOD CING RGYU BA DANG DRI MI ZHIM PA DANG RUS PA'I RNAG GI RIGS DANG KHA DMAR BA DANG MYANG BAR BYED PA DANG PAGS PA ZA BA DANG GROG MA DANG SPU GRI'I KHA DANG RNAMS SO, ,DE LA NGA'I RUS PA LAS GYUR PA'I SRIN RNAMS KYIS RANG BZHIN DU GNAS PA'AM RANG BZHIN DU MI GNAS PA CI BYED PA YIN NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, RUS PA LA LDAG PAR BYED PA ZHES BYA BA'I SRIN NI, PHYI ROL GYI RUS PA'I RKANG RNAMS LA RAB TU GNAS SO, ,'DI LTA STE, DPUNG PA'I RKANG LA GNAS PA DANG, BRLA'I RKANG LA GNAS PA DANG, RGYAB KYI SGAL BA LA GNAS PA RNAMS YIN TE, RUS PA RNAMS THAMS CAD KYI YANG GNAD RNAMS KYI GSEB NA RGYU BA YIN NO, ,GAL TE YANG DE ZAS KYI SKYON RNAMS KYIS KHRO BA SKYES PAR GYUR NA, DES NGA'I RUS
PAR GYUR PA'I LHANG KYOG RNAMS DANG LUS KYI MDOG DANG REG PA YANG NGAN PAR BYED DO, ,RUS PA RNAMS SAM SHA RNAMS KYANG RUNG STE, RUS PAS BSDUS PA RNAMS BRA BAR BYED DO, ,DES NGA'I RUS PA LAS GYUR PA'I TSOR BA CHEN PO MCHOG TU MI BZAD PA RNAMS BSKYED DO, ,GAL TE YANG DE LTOGS PAR MA GYUR NA NI, DE JI SKAD DU BSHAD PA'I DA'I TSOR BA RNAMS DANG 'BRAL BAR 'GYUR RO, ,DES RUS PA LA LDAG PAR BYED PA ZHES BYA BA'I SRIN LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS RAB TU RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, SHIN TU 'DRUD BYED CES BYA BA'I SRIN RUS PA RNAMS THAMS CAD LA GNAS PA YIN NO, ,DES GAL TE SHIN TU RUS PA DRUD PAR BYED NA NI, DES BDAG GI KHAMS RNAMS THAMS CAD SKAM PO TROG TROG TU 'GYUR RO, ,TSANG PA DANG SKAD 'GAG PA DANG BSHANG BA 'KHRU BAR BYED DO, ,DE RNAMS BDAG LA MED NA RTZIB LOGS KYI NAD DANG SKYUG PA DANG YI GA MI BDE BAR 'GYUR RO, ,GAL TE RUS PA'I TSIGS SU GYUR PA RNAMS THAMS CAD KYI YANG RUS PA RNAMS MI 'DRUD NA NI, JI SKAD DU BSHAD PAR GYUR PA'I NAD RNAMS NGA LA 'BYUNG BAR 'GYUR BA MA YIN NO, ,GZHAN YANG RNAL 'BYOR SPYOD PA NANG GI BDAG
, ,NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR BA, TSIGS PA GCOD CING RGYU BA ZHES BYA BA'I SRIN LUS LA GNAS PA YIN NO, ,DES RANG BZHIN DU GNAS PA'AM RANG BZHIN DU MI GNAS PA CI BYED PA YIN PA'ANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, TSIGS GCOD CING RGYU BA ZHES BYA BA'I SRIN NI, GAL TE YANG ZAS KYI SKYON GYIS LTOGS PAR GYUR NA BDAG GI LAG PA 'KHRUM PAR BYED DO; ;LUS KYI YAN LAG RNAMS 'BRUL BAR GYUR PA'AM SNYING GI NANG DU GYUR PA'AM GRONG KHYER GNAS PA RNAMS KYANG STONG BAR MTHONG BAR 'GYUR RO, ,SNABS KYANG 'KHRUG PAR 'GYUR RO, ,RTAG TU YANG YI MUG PA DANG REG BYA DANG GZUGS RNAMS LA BLO KUN TU DGA' BAR MI 'GYUR RO, ,DE CI'I PHYIR ZHE NA, TSOR BA RAB TU STOBS DANG LDAN PA'I PHYIR RO, , DE TSIGS PA GCOD BYED KYI SRIN LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS RAB TU RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, DRI NGAN PA ZHES BYA BA'I SRIN LUS LA
GNAS PA YIN TE, DES RANG BZHIN DU GNAS PA'AM RANG BZHIN DU MI GNAS PA CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BA LAS DRI NGAN PA ZHES BYA BA'I SRIN GAL TE YANG ZAS KYI SKYON GYIS KHRO BA SKYES PAR GYUR NA, DES BDAG LA RNAM PAR SREG PA DANG LCI BA DANG LUS RMAR GYUR PA MYUR DU SOS PA RNAMS KYANG RING ZHIG 'GOR BA DANG SHA BKRA YANG BDAG GI LUS KYI DKYIL 'KHOR LA 'BYUNG BAR 'GYUR RO, ,SKYA BOR GYUR PA YANG LUS LA RGYA CHEN POR 'GYUR RO, ,THAMS CAD DU MA BYUNG BAR GYUR NA NYAL BA JI LTA BA BZHIN DU LUS 'GYUR RO, ,MDZE YANG BDAG LA 'BYUNG NGO, ,RNAG GI DNGOS POR GYUR PA BDAG GI LUS RNAMS THAMS CAD LA RGYAS PAR 'GYUR, ,DE'I NAD DE DAG RNAMS RAB TU ZHI BAR MI 'GYUR, DES DRI NGAN PA'I SRIN LA SO SOR BRTAGS PAR GYUR PAS KYANG LUS YANG DAG PA JI LTA BA BZHIN DU RAB TU RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DE THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RUS PA'I RNAG GI RIGS KYI SRIN RNAMS BDAG GI LUS LA GNAS PA YIN TE, DES BDAG LA RANG BZHIN DU GNAS PA'AM RANG BZHIN DU MI GNAS PA CI BYED PA YIN NA, DES THOS PA LAS BYUNG BA'I SHES RAB DAG GIS SAM LHA'I MIG GIS MTHONG BA NI, BDAG GI SRIN RUS
, ,PA'I RNAG GI RIGS RNAMS GAL TE ZAS KYI SKYON GYIS KHROS PA SKYES PAR GYUR NA, DE GAL TE LO'AM LO GNYIS SAM LO MANG PO NA'ANG RUNG, BDAG BYIS PAR GYUR PA TZAM NA'ANG RUNG STE, LUS LA GAL TE BRGYAB CING BSNUN PA RAB TU ZHI ZHING SNGON SOS PAR GYUR PA LAS DE DAG BDAG GIS SRIN DE KHROS NAS SLAR YANG RNYING PA LA RGYU BAR BYED DE, JI SRID DU RGAS PAR GYUR GYI BAR DU YANG KHROS PA SKYE BAR 'GYUR RO, ,RUS PA'I RNAG GI RIGS KYI SRIN 'DI NI, SHING PA LAKshO DANG DUM PA RA'I 'BRAS BU DANG 'DRA BA'I THIG LE DRI MI ZHIM PA SKYED PAR BYED DO, ,DE YANG G-YAN PA MANG BAR 'GYUR ZHING MANG DU 'DZAG PA RNAMS KYANG SKYE BAR 'GYUR RO, ,SMIN MA 'DRA BA YANG SKYE BAR 'GYUR ZHING TSANG SBRANG DANG SHA SBRANG RNAMS KYANG 'BAB PAR 'GYUR RO, ,DES RUS PA'I RNAG GI RIGS KYI SRIN LA SO SOR BRTAGS PAR GYUR PAS KYANG LUS YANG DAG PA JI LTA BA BZHIN DU LUS RAB TU RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR BA, KHA DMAR BA ZHES BYA BA'I SRIN RUS PA LA GNAS PA YIN TE, DES BDAG LA RANG BZHIN DU GNAS PA'AM RANG BZHIN DU MI GNAS PA CI BYED PA YIN NA, DE THOS PA LAS BYUNG BA'I
SHES RAB DAG GIS SAM, LHA'I MIG GIS MTHONG BA NI, BDAG GI KHA DMAR BA ZHES BYA BA'I SRIN GANG GI TSE ZAS DAG GI SKYON GYIS LTOGS PAR GYUR PA NA, DES BDAG LA ME DPAL 'DRA BA'I NANG CHEN PO ME DANG MNYAM PAR 'GYUR BA KHRAG GI MTHAR THUG PAR 'BYUNG BA CHU SER DANG RNAG MANG PO GYUR NAS NYIN MO DANG MTSAN MO MED PAR YANG RAB TU NYE BAR MI 'GYUR RO, ,KHONG RMA ZHES BYA BA'I NAD RAB TU BYED PAR 'GYUR RO, ,KHA DMAR BA'I SRIN LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS LA SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PAR BYED NA, DES THOS PA LAS BYUNG BA'I SHES RAB DAG GIS SAM, LHA'I MIG GIS MTHONG BAR GYUR PA, MYANG BAR BYED PA ZHES BYA BA'I SRIN BDAG GI RUS PA LA SPYOD PA YIN TE, DES NGA LA RANG BZHIN DU GNAS PA'AM RANG BZHIN DU MI GNAS PA CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BA NI, MYA NGAN BAR BYED PA ZHES BYA BA'I SRIN ZAS DAG GI SKYON GYIS GAL TE LTOGS PAR GYUR NA, DES NGAL 'BRUM BU RNAMS SU BYED DO, ,LUS THAMS CAD KYI YAN LAG DANG NYING LAG RNAMS LA KUN TU RGYU BAR BYED PA YIN TE, DE LUS GANG DAG NYID KHO NA LA KUN TU RGYU BAR BYED PA DE DAG NYID KHO NAR BDAG RENGS PAR 'GYUR RO, ,SNYING STONG BA DANG LUS LA TSOR BA
, ,MED PAR YANG 'GYUR RO, ,SDANG BA DANG BSHANG BA 'GAG PAR YANG 'GYUR RO, ,GNYID MED PAR YANG 'GYUR RO, ,GROG MA DANG 'DRA BAR YAN LAG DANG NYID LAG RNAMS LA RGYUG PAR YANG BYED DO, ,BDAG SHIN TU SKOM PAR YANG 'GYUR RO, ,BDAG LA MUN PA KUN TU 'BYUNG BAR 'GYUR BA DANG GRANG BA'I TSAD PA DANG SKRANGS PAR YANG 'GYUR RO; ;GAL TE YANG MYANG BAR BYED PA'I SRIN LTOGS PAR MA GYUR NA NI, JI SKAD DU BSHAD PA'I NAD DE DAG RNAMS RAB TU ZHI BAR 'GYUR RO, ,GZHAN YANG RNAL 'BYOR SPYOD PA NA NANG GI BDAG NYID KYI LUS LA LUS KYI RJES SU LTA ZHING GNAS PAR BYED PA NA, DES THOS PA LAS BYUNG BA'I SHES RAB DAG GIS SAM LHA'I MIG GIS MTHONG BAR GYUR PA, PAGS PA ZA BA ZHES BYA BA'I SRIN LUS LA GNAS PA YIN TE, DES RANG BZHIN DU GNAS PA'AM RANG BZHIN DU MI GNAS PA CI ZHIG BYED PA YIN PA YANG DES THOS PA'AM [?] BYUNG BA'I SHES RAB BAM LHA'I MIG GIS MTHONG BA NI, PAGS PA ZA BA ZHES BYA BA RUS PA LA GNAS PA YIN TE, DE GAL TE LTOGS PAR GYUR NA NI, DES NGA'I MCHU SKRANGS PAR BYED PA'AM KHA SKRANGS PAR BYED PA'AM MIG SKRANGS PAR BYED PA'AM RNAG GI THOR BA'AM RGYUS PA 'KHUM PAR GYUR PA'I TSOR BA DANG SKOM DAD CHE BA DANG MGRIN PA SKAM PA DANG RNA BA SKRANGS PA DANG, MJING BA RENGS PA'AM
THOD PA RKO RLOG TU GYUR PA'AM DUS MA YIN PAR SKRA DKAR PO RNAMS 'BYUNG BAR 'GYUR BA'AM GRE BA 'JOMS PA'AM DUS MA YIN PAR GNYID DANG MI MTHUN PA'I ZAS RNAMS LA DGA' BA'AM GNAS GCIG LA MI DGA' BAR 'GYUR BA DANG, GNAS DANG KUN DGA' RA BA STONG PA RNAMS LA DGA' BA'AM SEMS RNAM PAR G-YENGS PAR GYUR PA'AM GANG CUNG ZAD KYIS MANG DU SMRA BAR BYED PA'AM RTAG PAR RGYUN DU YAN LAG DANG NYING LAG RNAMS LA SEN MOS 'PHRUG PAS KYANG BDAG GI LUS THAL MTSUB DANG 'DRA BAR 'GYUR TE, PAGS PA ZA BAR BYED PA'I SRIN RNAMS KYI SKYON GYIS YIN NO, ,DE GAL TE LTOGS PAR MA GYUR NA NI, DE'I TSE JI SKAD DU BSHAD PA'I NANG RNAMS 'PHRUG PAR MI 'GYUR RO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PAR BYED PA NA DES THOS PA LAS BYUNG BA'I SHAS RAB BAM LHA'I MIG GIS MTHONG BAR GYUR PA NI, GROG MA PA ZHES BYA BA'I SRIN BDAG GI RUS PA'I GSEB NA RGYU BA YIN TE, YANG GAL TE BDAG NYID LTOGS PAR GYUR NA'ANG RANG BZHIN DU GNAS PA'AM RANG BZHIN DU MI GNAS PA CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, GROG MA PA ZHES BYA BA'I BDAG GI SRIN YANG GAL TE ZAS KYI SKYON GYIS KHROS PAR GYUR NA, DE'I NGA'I GNAD RNAMS LA SPRUL BZHIN DU
, ,KUN TU SKRAG PAR BYED PA'I YID KYIS TSOR BA 'BYUNG BAR BYED DO, ,'DI LTA STE, SPYI BO DANG 'GRAM PA DGRA DANG SNYING DANG RGYU ZHABS DANG GZHANG DANG LAG PA DANG RKANG PA'I MTHIL DANG SREN MO'I GSEB RNAMS SU SONG NAS KHAB BO ZHIN DU GTUNG BAR BYED DO, ,RGYUN RNAMS KYANG SGUL BAR BYED DO, ,SNA LA SNABS RNAMS CHUD ZA BAR BYED DO, ,MIG DANG KHA DANG LUS RNAMS KYANG SGUL BAR YANG BYED DO, ,BDAG ZAS RNAMS LA ZHE SDANG BAR GNAS PAR 'GYUR RO, ,DE YANG LTOGS PAR GYUR NA SRIN DU GYUR PA'I SRIN GZHAN GSEB NA RGYU BA RNAMS LA RTZIS MED PAR LUS LA MTHO 'TSAM PAR BYED PAS NYIN MTSAN KUN TU GNAS SO, ,DE'I TSOR BAS BDAG ZIL GYIS MNAN PAS GNYID 'BYUNG BAR MI 'GYUR RO, ,GAL TE DE LTOGS PAR MA GYUR NA NI, JI SKAD DU BSHAD PA'I NAD DE DAG RNAMS 'BYUNG BAR MI 'GYUR RO, ,GROG MA PA'I SRIN LA SO SOR BRTAGS PAS GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA SPU GRI'I KHA ZHES BYA BA'I SRIN LUS LA RAB TU GNAS PA YIN TE, DES RANG BZHIN DU GNAS PA'AM RANG BZHIN DU MI GNAS PA CI ZHIG
BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BA NI, NGA'I SRIN SPU GRI'I KHA NI, SKYE GNAS KYI SGO NAS 'BYUNG BAR 'GYUR BA'I DANG PO NYID DU 'BYUNG BAR 'GYUR TE, CHOS NYID KYI KHYAD PAR GYIS DE DANG LHAN CIG TU SKYE BAS SKYES PA YIN NO, ,MNGAL GYI NANG DU 'BYUNG BAR 'GYUR BA'I SRIN RNAMS NI, THAMS CAD NYID TSE'I 'DU BYED 'GOG PA YIN LA MA'I NU MA DANG ZAS KYI KHYAD PAR LAS BDAG SKYES PAR GYUR NAS JI SKAD DU BSHAD PA'I SRIN RNAMS 'BYUNG NGO, ,DES SPU GRI'I KHA'I SRIN LA SO SOR BRTAGS PAR GYUR PAS KYANG LUS YANG DAG PA JI LTA BA BZHIN RAB TU SHES SO, ,RUS PA'I GSEB NA RGYU BA'I SRIN GYIS RIGS RNAMS YANG DAG PA JI LTA BA BZHIN DU SO SOR BRTAGS NAS DES RUS PAR GYUR PA'I LUS LA DRAN PAS YANG DAG PA JI LTA BA BZHIN DU LUS MTHONG STE, RAB RIB MED PA'I MIG SO SO SKYE BO LAS SHIN TU 'DAS PAR GYUR PA NYON MONGS PA MED PA NGA'I BA MED PA SOM NYI MED PA MYA NGAN MED PA RNAM PAR DAG PAR GYUR PA, GZHAN MU STEGS CAN RNAMS KYI LTA BA'I LAM NAS MA YIN PAS LUS YANG DAG PA JI LTA BA BZHIN DU KHYAD PAR DU SHES PAR GYUR PA RNAMS NI, MYA NGAN LAS 'DAS PA'I MTHAR 'GYUR RO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PAR BYED PA NA, DES THOS PA LAS BYUNG BA'I SHES RAB KYIS SAM,
, ,LHA'I MIG GIS MTHONG BAR GYUR PA SRIN GYI RIGS BCU BDAG GI RTUG PA LA RGYU BAR BYED PA RNAMS NI, 'DI LTA STE, BE'U SNABS BA DANG KHAB KYI KHA DANG PHYI SPI SKYES PA DANG RKANG PA MED PA DANG BSHANG BA RNAM PAR 'THOR BYED DANG SKOM PAS GDUNG BA DANG RGYU MA 'BYED BYED DANG RNAM PA RINGS BYED DANG MDOG BZANG DANG GZHANG SMIN BYED DANG SRIN GYI RIGS BCU BDAG GI RTUG PA LA RGYU BA RNAMS LA SO SOR RTOG PAR BYED DE, BDAG GI SRIN GANG DAG GIS RANG BZHIN DU GNAS PA'AM RANG BZHIN DU MI GNAS BA CI ZHIG BYED PA YIN NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA NI, BE'U SNABS BA ZHES BYA BA'I SRIN BSHANG BA LA RGYU BAR BYED PA YIN TE, GAL TE LUS 'DI'I ME DROD NYAMS PAR GYUR NA NI, DES BDAG GIS LUS KYI ME DROD SHIN TU 'ANG NYAMS PAR BYED DO, ,DES SHA SKYES PAR BYED DE, BSHANG PA RNAMS 'JIG PAS MDOG SKYA BOR 'GYUR RO, ,BDAG 'DIR 'PHEL BAR 'GYUR BA'ANG MA YIN NO, ,NGA'I KHA GDONG SKYA BOR YANG 'GYUR RO, ,DES PE'U SNABS PA'I SRIN LA SO SOR BRTAGS PAR GYUR PAS KYANG LUS YANG DAG PA JI LTA BA BZHIN DU SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PAR BYED PA NA, DES THOS PA LAS BYUNG BA'I SHES RAB DAG GIS SAM,
LHA'I MIG GIS MTHONG BAR GYUR PA, KHAB KYI KHA ZHES BYA BA'I BDAG GI SRIN YIN TE, DE NI, NGA'I BSHANG BA'I NANG GI SPYOD PA DANG SBOM PA DANG RING BA DANG PHO BA DANG LONG KA DAG NA RGYU BA YIN TE, SRIN RNAMS THAMS CAD KYIS GZUNG BAR MI NUS PA YIN NO, ,DE'I NGA'I PHO BA DANG LONG KA DAG KYANG GYEN LA BZLOG NAS BAD KAN DANG LHAN CIG TU KHAR 'BYIN PAR BYED DO, ,BDAG GI SNYING LA YANG LDAG PAR BYED DO; ;LKUGS PA'AM ME DROD NYAMS PAR YANG BYED DO, ,YANG GANG DAG LUS KYI PHYI ROL DU 'GRO BAR 'GYUR BA RNAMS NI, ME TOG DANG LHAN CIG TU YUD TZAM ZHIG 'TSO BAR 'GYUR RO, ,DES KHAB KYI KHA'I SRIN LA SO SOR BRTAGS PAR GYUR PAS KYANG YAG DAG PA JI LTA BA BZHIN DU LUS LA SO SOR RTOG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PAR BYED PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, PHI SPI SKYES ZHES BYA BA'I SRIN YIN TE, BSHANG BA'I NANG NA RGYU BAR BYED PA DANG SKYA BO DANG LUS THUNG BA DANG 'KHOR MANG BAR GYUR PA DANG RTAGS PAR YANG LJANG LJON GYI KHU BA LA RGYU BA DANG DRI NGAN PA DANG RTAG TU'ANG BRO BAR GYUR PAS BSHANG BA DANG LHAN CIG TU 'BYUNG BAR 'GYUR RO, ,BDAG GI LUS LAS SBRANG BU DGA' BA'I BSHANG BA DANG MNYAM DU 'BYUNG BAR 'GYUR RO, ,BDAG GI BSHANG BA SHIN TU MANG BA RNAMS 'BYIN PAR BYED DO, ,BDAG
, ,ZAS YID DU MI 'ONG BAR 'GYUR RO, ,DES PHI SPI SKYES KYI SRIN LA SO SOR BRTAGS PAR GYUR NAS KYANG YANG DAG PA JI LTA BA BZHIN DU LUS SO SOR RIG PAR BYED DO; ;GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PAR BYED PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RKANG PA MED PA ZHES BYA BA'I SRIN NGA'I LUS LA GNAS PA YIN TE, DE RANG BZHIN DU GNAS PA'AM RANG BZHIN DU MI GNAS PA CI ZHIG BYED PA YIN NA, DES THOS PA LAS BYUNG BA'I SHES RAB DAG GIS SAM, LHA'I MIG GIS MTHONG BA NI, RKANG PA MED CES BYA BA'I NGA'I SRIN DE DAG GAL TE ZAS KYI SKYON GYIS LTOGS PAR GYUR NA, DE RLUNG GIS BTAB PAR GYUR PAS NGA'I RGYUN RLUG PAR BYED DO, ,'DI LTA STE, GCIN GYI RGYUN RLUG PA'AM BSHANG BA'I RGYUN RLUG PA'AM, GANG GI TSE YANG LONG KAR SONG BAR GYUR NA NGAS SGRA'I RGYUN RLUG PAR BYED DO; ;GLO LU BA'I RGYUN RLUG PA DANG LTOGS PA'I RGYUN 'BYUNG BAR BYED PA DANG NGAL BA'I DBUGS KYI RLUNG GI RGYUN 'BYUNG BA DANG SKOM PA'I RGYUN 'BYUNG BAR YANG BYED PA STE, RGYUN 'BYUNG BA DE DAG RNAMS KYIS BDAG LA RNAM PA SNA TSOGS PAR GYUR PA'I NAD RNAMS 'KHRUG PAR BYED PA RAB TU SKYED DO, ,DES RKANG MED KYI SRIN LA SO SOR BRTAGS PAR GYUR PAS KYANG YANG DAG PA JI
LTA BA BZHIN DU LUS SO SOR RIG PAR 'GYUR RO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BSHANG BA RNAM PAR 'THOR BYED CES BYA BA'I SRIN LUS LA GNAS PA YIN TE, DE DAG GI ZAS RNAMS LAS GANG DAG NYID KHO NA ZHU BAR GYUR PA'I BSHANG BA RGYU BA'I SPUBS RNAMS THAMS CAD DU DES YAN LAG DANG NYING LAG RNAMS BCUG PAR GYUR NAS BSHANG BA DANG LHAN CIG TU BDAG GI LUS THAMS CAD LA YANG RGYU BAR BYED PA YIN NO, ,JI SRID DU RKANG PA LA SOGS PA'I LUS KYI YUL THAMS CAD LA'ANG YIN TE, GANG DAG DE DAG RNAMS KYIS NI, BDAG GI LUS GSER GYI MDOG TU MTSON PAR BYED DO, ,DE DAG RNAMS NI BSHANG BAS BYAS PA YIN NO, ,DES BSHANG BA BYED PA PO'I SRIN LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SKOM PAS GDUNGS PA ZHES BYA BA'I SRIN BDAG GI LUS LA GNAS PA YIN TE, DE GANG GI TSE BDAG TSA BA SKYES PAR GYUR PA DES DRI MA SUN 'BYIN NO, ,BDAG GI PHO BA'ANG SUN 'DON
, ,PAR BYED DO, ,ME SHEN TU MYUR BAR SUN 'DON NO, ,DRI RNAMS KYANG KUN TU SUN 'DON NO, ,TSA BA DANG KUN TU TSA BAR GYUR PA DES BDAG GI LUS DANG YAN LAG RNAMS LA SRIN RNAMS KUN TU RGYUG PAR BYED DO, ,RDUL TSAD DANG TSAN MO DES KUN TU GDUNGS PAR GYUR PAS KHU BA RNAMS RGYU BA'I SPUBS SKAM PAR 'GYUR RO, ,DE BDAG LA KHROS PAR GYUR PAS KYANG SKOM PA DANG MGO BO'I NAD KYANG BYED DO, ,DES SKOM PAS GDUNGS PA'I SRIN LA SO SOR BRTAGS PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RGYU MA 'BYED PAR BYED PA ZHES BYA BA'I SRIN LUS LA GNAS PA YIN TE, DES RANG BZHIN DU GNAS PA'AM RANG BZHIN DU MI GNAS PA CI ZHIG BDAG LA BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA GANG DANG GANG DAG NGAS BZA' BAR BYA BA DANG BTUNG BAR BYA BA DANG, BCA' BA DANG MYANG BA RNAMS MID PAR GYUR PA NA DE NANG GI GSEB TU SONG BAR GYUR NAS KUN TU MNER BAR BYED DO, ,DES RGYU MA RNAMS 'BYED PAR BYED DO, ,BDAG GI GSUS
PA 'BYAD PAR BYED PA'AM RLUNG GI GSUS PAR 'GYUR BA'AM MKHRIS PA'I GSUS PAR 'GYUR BA'AM BAD KAN GYI GSUS PAR 'GYUR BAR SKYED PAR BYED DO, ,GZHI DE LAS DE RANG NGAM GZER ZUG GZHAN RNAMS KYANG BDAG LA 'BYUNG NGO, ,RGYU MA 'BYUNG BAR BYED PA'I SRIN DES NI, BSHANG BA RNAMS SUN 'DON PAR BYED DO, ,DES RGYU MA 'BYED PAR BYED PA'I SRIN LA SO SOR BRTAGS PAR GYUR PAS KYANG YANG DAG PA JI LTA BA BZHIN DU SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA; DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, NGA'I SRIN RNAM PAR RENGS BYED CES BYA BA LUS LA RAB TU GNAS PA YIN TE, DES RANG BZHIN DU GNAS PA'AM, RANG BZHIN DU MI GNAS PA BDAG LA CI ZHIG BYED PA YIN PA'ANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, BDAG GI RNAM PAR RENGS BYED CES BYA BA'I SRIN BSHANG BA'I NANG NA RGYU BAR BYED PA YIN TE, GANG DAG BDAG MID PAR BYED PA'I RO DE DANG DE DAG RNAMS MNYAM DU MID PAR GYUR NAS RNAM PAR RENGS PAR BYED DE, CHOS NYID KYI KHYAD PAR GYIS YIN NO, ,DES NGA'I SROG RGYU BA'I SBUBS 'BYIN PAR YANG BYED DO, ,ZAS DANG LHAN CIG PA'I MI DE'I SKYON GYIS BDAG RNAM PAR RINGS
, ,PA KUN TU SKYED PA DANG, RGYU MA RNAMS KUN TU 'KHUM PA'AM NA TSA BAR 'GYUR BA'AM SNYING GI GZER ZUG GAM PHO TSA'I GZER ZUG KYANG BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PAR BYED PA NA, DES THOS PA LAS BYUNG BA'I SHES RAB BAM LHA'I MIG GIS MTHONG BAR GYUR PA; MDOG BZANG ZHES BYA BA'I SRIN BDAG GI LUS LA GNAS PA YIN TE, DES RANG BZHIN DU GNAS PAR GYUR PA'AM RANG BZHIN DU MI GNAS PA BDAG LA CI ZHIG BYED PA YIN NA; DES THOS PA LAS BYUNG BA'I SHES RAB BAM LHA'I MIG GIS MTHONG BAR GYUR PA LA, MDOG BZANG GI SRIN NI, NAS THUG GAM MI BSOD PA RNAMS SAM LCI BA'I ZAS BDAG LA PHAN PA MA YIN PA RNAMS KYANG RUNG STE GANG DAG BDAG GIS ZA BAR BYED PA DE DAG RNAMS BDAG GI SRIN MDOG BZANG GIS YAN LAG DANG NYING LAG RNAMS KYI KHAMS LA'ANG PHAN PA'I ZAS SU BYAS NAS KHYAB PAR BYED CING BDE BAR BYAS NAS KYANG 'PHEN PAR BYED DO, ,NAD RAB TU ZHI BAR GYUR PA'ANG 'PHEN PAR BYED DO, ,STOBS RNAMS KYANG 'BYUNG BAR BYED DO, , SKYON RNAMS DANG YANG 'BRAL BAR BYED DO, ,SRIN 'DI NI, LUS KYI NANG NA RAB TU GNAS PA YIN NO, ,DE GAL TE RAB TU STOBS CHE BAR GYUR NA CHOS NYID KYI KHYAD PAR GYIS DES BDAG
MDOG BZANG BA DANG STOBS DANG LDAN PAR 'GYUR RO, ,GAL TE STOBS RAB TU CHE BAR MA GYUR NA NI, DES BDAG GI LUS RID PA NYID DU 'GYUR RO, ,DES MDOG BZANG GI SRIN LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PAR GYUR PA'AM PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GZHANG SMIN PAR BYED PA'I SRIN NGA'I LUS LA RAB TU GNAS PA YIN TE, DES RANG BZHIN DU GNAS PAR GYUR PA'AM RANG BZHIN DU MI GNAS PA CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BA NA, GZHANG SMIN PAR BYED PA ZHES BYA BA'I SRIN DE GAL TE LTOGS PAR GYUR NA, DES BDAG LA RNAM PA SNA TSOGS PAR GZHANG SMIN PAR BYED PA'I NAD RNAMS SKYED PAR BYED DO, ,'DI LTA STE, RLON PA DANG SKAM PA DANG LHAN CIG SKYES PA DANG SNGON GYI DUS NA SKYES PA DANG RLUNG LAS GYUR PA DANG MKHRIS PA LAS GYUR PA DANG BAD KAN LAS GYUR PA DANG GSUM GYI SKYON LAS SKYES PA'I 'DUS PA LAS GYUR PA'O, ,DE GAL TE LTOGS PAR GYUR NA, NGA'I BSHAD BA RGYU BAR GYUR PA'I SBUBS SUN 'DON PAR BYED DO, ,KHRAG RGYU BAR GYUR PA'AM KHU BA RGYU BAR GYUR PA'ANG RUNG STE, BDAG GI ME DROD KYANG NYAMS PAR BYED DO, ,BDAG GI ME DROD NYAMS PA DES GZHANG SMIN PAR
, ,BYED PA'I SRIN KHRO BA RAB TU SKYE BAR 'GYUR TE, DES NGA'I GZHANG RNAM PA SNA TSOGS PA RNAMS SU SMIN PAR BYED DO, ,DES GZHANG SMIN PAR BYAD PA'I SRIN LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS LA SO SOR RIG PAR BYED DO, ,GZHAN YANG RNAL 'BYOR SPYOD PA NANG GE BDAG NYID KYI LUS LA LUS KYI RJES SU LTA ZHING GNAS PAR BYED PA NA DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SRIN GYI RIGS BCU LHA BA LA RGYU BA RNAMS 'DI LTA STE, SPU LA YOD PA DANG KHA NAG PA DANG SPRO BA MED PA DANG LU BA'I GZER ZUG CHEN PO DANG RMONGS PAR BYED PA DANG ME MDOG CAN DANG 'OG TU 'GRO BA DANG AOO tHIDG'A: DANG KUN TU RTOG PA DANG DGA' BA PA DANG RNAMS SO; ;GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA; SPU LA YOD PA ZHES BYA BA'I SRIN LUS THAMS CAD KYI SPU LA GNAS PA YIN TE, DE GAL TE LHA BA NGAN PAR GYUR NA SNYOMS PAR LHA BA RNAMS SUN 'DON NO, ,LAM DU 'GRO BAR YANG GYUR NAS YAN LAG DANG NYING LAG RNAMS THAMS CAD KYI BDAG GI LHA BA RNAMS SUN PHYUNG NAS ZA BAR BYED DO, ,DE'I SKYON GYIS BDAG MDOG NGAN PA DANG MDZE DANG RUS PA'I GZER
BA DANG STOBS ZAD PAR YANG 'GYUR RO, ,DES SPU LA YOD PA'I SRIN LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, KHA NAG PA ZHES BYA BA'I SRIN BDAG GI LHA BA'I GSEB NA RGYU BAR BYED PA DANG YAN LAG DANG NYING LAG RNAMS THAMS CAD LA'ANG THOGS PA MED PAR 'GRO BA YIN NO, ,DE GAL TE LTOGS PAR GYUR NA DES NGA'I LHA BA BZHU BAR BYED DO; ;DES BDAG GI RUS PA 'BYED PA DANG MDOG NGAN PA DANG SGAL BA 'BYUNG BA DANG SPUNGS CHUNG BA DANG NYE SAR BGROD PA DANG SGUR NAS 'GRO BA DANG RNAM PAR NYAMS PAR 'GYUR RO, ,KHA NAG GI SRIN LA SO SOR BRTAGS PAR GYUR PAS KYANG LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SPRO BA MED PA ZHES BYA BA'I SRIN NGA'I LUS LA RAB TU GNAS PA YIN TA, DES NI LHA BA ZA BAR BYED PA YIN PAS GAL TE LHA BAS TSIM PAR GYUR NA, DES BDAG SPRO BA MED PA NYID DU SKYED PAR BYED PA DANG RANG YANG RUNG STE, DE GAL TE LHA BA LA RGYU BAR GYUR PA'I SRIN GZHAN RNAMS KYIS MTHO BRTZAMS PAR GYUR
, ,NA NI; DES NGA LA MCHOG TU MI BZAD PAR GYUR PA'I LHANG KYOG SKYED PAR BYED DO, ,DES SPRO BA MED PA'I SRIN LA RNAM PAR BLTAS PAR GYUR PAS KYANG YANG DAG PA JI LTA BA BZHIN DU LUS MTHONG BAR GYUR TO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB DAG GIS SAM, LHA'I MIG GIS MTHONG BAR GYUR PA, ZUG GZER CHEN PO BYED PA ZHES BYA BA'I SRIN NI, LHA BA'I NANG NA RGYU BAR GYUR PA RTAG TU YANG RGYU BAR GYUR PA, KHAMS GSUM PO RNAMS THAMS CAD ZAD PAR BYED PA NAD RNAMS THAMS CAD KYI RGYUR GYUR PA, MTHAR THUG PAR GYUR NA YANG NGA'I CHU SER DANG GNYID YAR BAR YANG BYED DO, ,DES ZUG GZER CHEN PO'I SRIN LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RMONGS PAR BYED PA ZHES BYA BA'I SRIN NGA'I LUS LA RAB TU GNAS PA YIN TE, DE NI, BDAG GI YID RGYU BAR GYUR PA'I SBUBS LA RNAM PAR RGYU BAR BYED PA DANG SHIN TU PHRA BAR YANG GYUR NAS NGA'I YID RANGS PA'I RGYUN GANG YIN
PA DE'ANG DKRUGS PAR BYED DO, ,DE DAG RNAMS BSKYOD PAR GYUR PAS KYANG BDAG LA SNYING GI NAD KUN TU SKYED PAR BYED DO, ,DES KYANG BDAG BRGYAL BAR 'GYUR RO, ,MDOG NGAN PA DANG SNYING STONGS PAR YANG 'GYUR RO, ,DANG GA MI BDE BA DANG TSAD PA SKYA BA DANG SNYING GZER BA DANG 'CHAD PAR 'GYUR BA DANG SNYING 'TSIR BA DANG PHYI ROL TU SRIN MTHONG BAR GYUR NAS KYANG BDAG YID 'BYUNG BAR 'GYUR RO, ,DE RMONGS BYED KYI SRIN MTHONG BAR GYUR PAS KYANG YANG DAG PA JI LTA BA BZHIN DU LUS RAB TU RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, 'OG TU 'GRO BA ZHES BYA BA'I SRIN KHU CHU LA RGYU BA'I RTZA RNAMS KYI NANG NA RGYU BA YIN TE, GAL TE PHAN PAR GYUR PA'I BZA' BA DANG BTUNG BA DANG BCA' BAS BDAG GI KHU CHU LHAG PAR 'GYUR RO, ,DE BDAG GI GCIN GYI SBUBS SU LHUNG BAR GYUR NAS GCIN DANG LHAN CIG TU 'BYUNG BAR 'GYUR RO, ,'OG TU 'GRO BA'I SRIN DE LA SO SOR BRTAGS PAR GYUR PAS KYANG YANG DAG PA JI LTA BAR LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA BA NA DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, AOO tHIDG'A: ZHES BYA BA'I SRIN LGANG
, ,LPAGS LA RAB TU GNAS SO, ,GANG GI TSE GCIN GYIS BDAG GI LGANG LPAGS GANG BAR GYUR NA DE'I TSE DGA' BAR 'GYUR RO, ,DGA' BAR GYUR PAS KYANG GCIN GYI STOBS KYIS KHU CHU RGYU BA'I GNAS GZHI'I SKYE MCHED RNAMS RTZUB MOR BYED DE, GANG LA BYIS PA SO SO'I SKYE BO RNAMS TSUL BZHIN MA YIN PA'I YID LA BYED PA'I SGO NAS SO, ,GZHAN YANG RNAL 'BYOR SPYOD PA LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB BAM LHA'I MIG GIS MTHONG BAR GYUR PA KUN TU RTOGS PAR DGA' BA ZHES BYA BA'I SRIN BDAG GI LUS LA GNAS PA YIN TE, DES RANG BZHIN DU GNAS PA'AM RANG BZHIN DU MI GNAS PA CI ZHIG BYED PA YIN NA, DES THOS PA LAS BYUNG BA'I SHES RAB BAM, LHA'I MIG GIS MTHONG BA NI, KUN TU RTOGS PA LA DGA' BA ZHES BYA BA'I BDAG GI SRIN DE GAL TE LTOGS PAR GYUR NA, DES NGA NYAL BAR GYUR PA NA DGE BA'AM MI DGE BA RAB TU PHAL CHE BA RNAMS BDAG GIS MTHONG BAR GYUR TE, DE NI, BDAG GI SRIN GYI SKYON GYIS YIN TE, BDAG GI YID RGYU BA'I SBUBS NAS RGYU BAR GYUR PA'I SRIN GYI STOBS KYIS BDAG NYAL BA NA YANG 'GYUR RO, ,DE LTAR N'A LA TI'I GRONG GI BRAM ZE DANG KHYIM BDAG RNAMS DANG RNAL 'BYOR SPYOD PA'I DGE SBYONG RNAMS KYIS KYANG LUS LAS GYUR PA'I DRAN PA NYE BAR BZHAG PAS, LUS
YANG DAG PA JI LTA BA BZHIN DU SO SOR RTOG PAR BYED DE, CI LUS 'DI LA RTAG PA'AM THER ZUG GAM YONGS SU MI 'GYUR BA'I CHOS KYI BDE BA'AM GTZANG BA'AM BDAG DANG BCAS PA'AM BYED PA POS BYIN GYIS BRLABS PAR GYUR PA YIN NAM, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, LUS 'DI LA YANG PHRA BA DANG RAGS PAR GYUR PA'I YANG LUS KYI RIGS SU GTOGS PA DMIGS PAR 'GYUR BA'AM GANG YANG RTAG PA DANG BRTAN PA DANG THER ZUG DANG YONGS SU MI 'GYUR BA'I CHOS KYI BDE BAR 'GYUR BA'AM BDAG DANG BCAS PAR SKYE BA'AM BYED PA PO RNAMS KYIS BYIN GYIS RLOB PAR BYED PA NI, MED DO, ,DPER NA, NYI MA MUN PA LA RAG LAS PA MA DMIGS SO, ,PHRA BA YANG MA DMIGS SO, ,DE BZHIN DU LUS LA'ANG RTAG PA DANG BDE BA DANG GTZANG BA DANG BYED PA PO DANG SHES PA PO'ANG MA DMIGS SO, ,DE LTAR RNAL 'BYOR SPYOD PA DES NANG GI BDAG NYID KYI LUS LA LUS KYI RJES SU LTA ZHING GNAS PA NI, BDUD KYI DRUNG NA GNAS PAR MI 'GYUR RO, ,MYA NGAN LAS 'DAS PA'I MTHAR 'GYUR RO, ,DGA' BA'I 'DOD CHAGS DANG LHAN CIG TU GYUR PA'I SRED PA RNAMS KYIS KYANG MI 'CHING NGO, ,SRID PA'ANG 'BYUNG PA CAN GYI NYON MONGS PAS GNOD PAR MI 'GYUR RO, ,DES DE LTAR LUS LA LUS KYI RJES SU LTA ZHING GNAS NAS, GZHAN YANG NANG GI BDAG NYID KYI LUS DE NYID LA RNAM PA GZHAN GYIS SO SOR RTOG
, ,PAR BYED DE, LUS SU GTOGS PA RNAMS KYI RLUNG DU GYUR PA RNAMS KYI BYA BA RNAMS LA YANG SO SOR RTOG PA BYED DE, JI LTAR BDAG GI LUS RLUNG GIS 'DZIN PAR BYED PA DANG BYA BA BYED PA DANG 'GRO BAR BYED PA DANG GNAS PAR BYED PA DANG BSKUM PAR BYED PA DANG RKYONG BAR BYED PA RNAMS KYI BYA BA THAMS CAD NUS PAR 'GYUR BA YIN ZHING, BRAL BAR YANG RLUNG GI DBANG GIS 'GYUR BA YIN ZHE NA, DES DE LTAR LUS LA LUS KYI RJES SU LTA ZHING GNAS PAR BYED PA NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, BDAG GI KHA LA BRTEN PAR GYUR PA'I RLUNG YIN LA DES BDAG LA LAS CI ZHIG BYED PAR GYUR PA YIN PA'ANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BA NI, BDAG GI KHA LA BRTEN PA'I RLUNG GI MTHU STOBS KYIS NI, RAB TU 'PHEL BAR BYED DE, LAG PA DANG RKANG PA DAG DANG SEN MO RNAMS KYANG 'PHEL BAR BYED PAR 'GYUR RO; ;RLUNG DE'I MTHU STOBS KYIS RNAL 'BYOR SPYOD PA PA RNAMS KYI SEMS DANG PO DMIGS PA NI, SEN MO'I RTZE MO RNAMS LA YIN NO, ,RLUNG 'DIS NI, LUS KYIS RNAM PAR THAR PA'I BSAM GTAN GYIS GNAS PA RNAMS SHIN TU BDE BAR YANG BYED PA YIN NO, ,DE LA LHAG PAR GYUR PAS KYANG PAGS PA DANG SEN MO DANG LAG PA DANG RKANG PA DAG LHAG PAR 'GYUR RO, ,SHIN TU MYUR
BAR SKYON PAR YANG 'GYUR RO, ,KHA LA BRTEN PA'I RLUNG YANG DAG PA JI LTA BA BZHIN DU SO SOR BRTAGS PAR GYUR PAS KYANG LUS YANG DAG PA JI LTA BA BZHIN RAB TU SHES SO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS LTA BAR BYED DE, BDAG GI RKANG PA'I LOGS LA BRTEN NAS GNAS PA'I RLUNG DES LAS CI ZHIG BYED PA YIN ZHING, BDAG GI RKANG PA'I LOGS LA'ANG JI LTAR GNAS PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BDAG GI RKANG PA'I LOGS LA BRTEN PA'I RLUNG DES CI BYED CING JI LTAR YANG BDAG GI RKANG PA LA GNAS NA G-YAN PA SKYED PAR BYED DO, ,G-YAN PAS BYAS PAR GYUR PA'I 'BRUM PA CAN DU BDAG GI RKANG PA GNYIS 'GYUR RO, ,BDAG LAM DU 'GRO BAR GYUR NA'ANG RLUNG RDOL BA'I SGRA 'BYUNG BAR 'GYUR RO, ,BDAG GI RKANG PA BRTAN PAR GYUR PA'ANG 'GRO BA NA RUS PA 'KHROL BAR 'GYUR RO, ,BDAG GI RKANG PA'I LOGS LA BRTEN PA'I RLUNG GIS MIG LA MIG GI RGYUS PAS KUN NAS SBREL BA'I LAM NAS GRANG BA DANG DRO BA RNAMS DANG LHAN CIG TU 'GYUR GYI, 'DI DAG BSKUS PAR GYUR PAS KYANG BDAG GI MIG DAG TSIM PAR YANG BYAS PAR YANG NI MI 'GYUR RO, ,DES RKANG PA'I LOGS LA GNAS PA'I RLUNG LA SO SOR BRTAGS PAR
, ,GYUR PAS KYANG YANG DAG PA JI LTA BA BZHIN DU LUS RAB TU RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SEMS MED PAR BYED PA ZHES BYA BA'I BDAG GI RLUNG NGA'I PUS MOR GTOGS PA'I PAGS PAR GYUR PA LA RAB RIB BYED PAR 'GYUR RO, ,DE DANG 'GAL BAR GYUR PAS NI, NGA'I PUS MO GNYIS LA GROG MA BZHIN DU MCHED PAR BYED DO, ,GANG GI TSE ZUG GZER DU MA GYUR PA DE'I TSE RTZA'I GSEB TU RGYU BAR BYED PAS RANG BZHIN DU GNAS PA YIN NO, ,BDAG LA GROG MA DANG 'DRA BAR 'PHEL BAR BYED DO, ,DES SEMS MED PAR GYUR PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR YANG DAG PAR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, BDAG GI RLUNG GANG GI LAS CI DAG BYED PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RUS PA GCOG PAR BYED PA ZHES BYA BA'I RLUNG YIN TE, DES LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BA NI, RUS
PA GCOG PAR BYED PA ZHES BYA BA'I RLUNG DES BDAG NYIN MO SPYOD PA'I SAR 'GRO BA NA'AM KUN DGA' RA BAR 'GRO BA NA'AM LAM DU ZHUGS PAR GYUR PA NA'AM MNGAL DUB TU ZHUGS PA NA'AM GNAS PAR GYUR PA NA'ANG RUS PA 'BIGS PAR BYED DO, ,LHANG KYOG SKYED PAR BYED DO, ,GNYID YAR BAR BYED DO, ,BDAG GIS BSKUM PA DANG BRKYANG BAR YANG BYED MI NUS PAR 'GYUR RO; ;JI SRID DU RANG BZHIN DU GNAS PAR MA GYUR PA DE SRID KYI BAR DU'O, ,DES RUS PA GCOG PA ZHES BYA BA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR 'GYUR RO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PAR BYED DE, BDAG GI RLUNG GANG DAG GIS LAS CI ZHIG BYED PA YIN NA, DES THOS PA LAS BYUNG BA'I SHES RAB BAM, LHA'I MIG GIS MTHONG BAR GYUR PA, 'GRO BA 'JOMS PAR BYED PA ZHES BYA BA'I RLUNG LAS CI ZHIG BYED PA YIN NA; DES BDAG GI LUS SU GTOGS PA'I NANG DU GYUR PA'I NAD PA'I LUS RNAMS RNAM PAR DKRUG PAR BYED DO, ,BDAG GIS 'GRO BA DANG 'ONG BAR BYED NUS PAR YANG MI 'GYUR RO,, 'ON KYANG BDAG GI 'GRO BA RNAMS 'JOMS PAR YANG MI 'GYUR RO, ,DES 'GRO BA 'JOMS PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS
, ,RAB TU RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, BDAG GI LUS LA RLUNG GZHAN GANG GIS LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BDAG GI LONG BU'I TSIGS PA 'BYED PA ZHES BYA BA'I RLUNG YOD DE, DES BDAG LA LAS CI ZHIG BYED PA YIN PA'ANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR 'GYUR TE, LONG BU'I TSIGS PA 'BYED PA ZHES BYA BA'I RLUNG GAL TE BAD KAN DANG BCAS PAR GYUR NA, DES BDAG GI RGYUS PA DANG RUS PA DANG SHA'I GSEB NA YANG SONG NAS RAL GRI'I LHANG KYOG JI LTA BA BZHIN DU 'BYUNG NGO, ,RANG GI GNAS SU SONG BAR GYUR NAS BRAL YANG YANG DU NA BAR BYED DO, ,BRLA MA GTOGS PA LUS THAMS CAD LAS KYANG NI, MA YIN NO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, BDAG GI RLUNG GZHAN RNAMS KYIS LUS KYI RJES SU GSEB TU SONG NAS LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA LJANG NGAR 'BYED PAR BYED PA ZHES BYA BA'I BDAG GI RLUNG YOD DE, DES LAS CI ZHIG BYED PA YIN NA,
DE BDAG GI LJANG NGAR LA BRTEN PAR GYUR NAS BSHANG BA RGYU BAR GYUR PA'I RTZA DE DAG RNAMS THAMS CAD SBOM POR BYED DO, ,'KHUM PAR BYED DO, ,PHAN TSUN RNAMS 'BYAR BAR YANG BYED DO, ,LCI BAR YANG BYED DO, ,LJANG NGAR LA RTEN PAR GYUR PA'I SHA LA YANG GZER ZUG CHEN POR BYED DO, ,LJANG NGAR GNYIS PO DAG PHAN TSUN DU MI 'DRA BAR BYED DO, ,RGYUS PA'I DRA BAS G-YOGS PAR YANG LJANG DAR GCIG GI YUL PHYOGS SU BYED DO, ,DES LJANG NGAR 'BYED PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS LA SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, BDAG GI RLUNG GZHAN DAG GIS BDAG GI LUS LA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, TSIGS PA 'BYED PAR BYED PA'I RLUNG YIN TE, DES NGA'I LUS LA LAS CI DAG BYED PA YIN NA YANG DES MTHONG BA'I SRIN RNAMS NI, TSIGS PA RNAMS KYI GSEB TU SONG BAR GYUR NAS TSIGS PA LA ZUG GZER BYED DO, ,'DI LTA STE, MGO BO'I BZHI DANG 'GRAM PA GNYIS KYI TSIGS PA GSUM DANG DPRAL BA'I TSIGS PA GNYIS NA BAR BYED DO, ,BDAG GI MGRIN PA'I TSIGS PA GCIG DANG AOG SKO'I TSIGS PA GCIG DANG SUM CU NI, SO GTUN KHUNG GI TSIGS PA DANG RKAN GYI TSIGS PA GCIG DANG MA RKAN GYI TSIGS PA
, ,GNYIS SO, ,SKE BA'I TSIGS PA BCO LNGA'O, ,TSIGS PA GCIG LA YANG TSIGS PA GNYIS SU GYUR PA NI, BRANG NGO, ,TSIGS TSIGS MA YIN PA LA 'BREL PAR GYUR PA TSIGS MA YIN PA'I TSIGS LA 'BREL PAR GYUR PA NI, DPUNG PA'I TSIGS GNYIS DANG GRU MO'I TSIGS PA DANG BCAS PA'I TSIGS PA GZHAN GNYIS SO, ,MIG RUS KYI TSIGS PA NI, BZHI BZHI'O, ,LAG MGUL GYI TSIGS PA GNYIS DANG, LAG MTHIL GYI TSIGS PA GNYIS DANG LNGA BCU RTZA LNGA NI, RGYAB TU GYUR PA'I TSIGS PA RNAMS SO, ,GZHOGS NGOS GCIG LA NI, TSIGS PA BCU GNYIS SO, ,DE BZHIN DU GNYIS PA LA YANG NGO, ,THANG BA'I TSIGS PA BCU GNYIS SO, ,SHA'I DUM BU'I TSIGS PA BCU GNYIS SO, ,CHU SO'I TSIGS PA GCIG GO ,'PHONGS TSOS KYI RUS 'BRAS TSIGS PA GNYIS SO, ,MO MTSAN GYI TSIGS PA GCIG GO ,BRLA'I TSIGS PA GNYIS SO, ,LJANG NGAR GYI MTHIL GYI TSIGS PA GNYIS SO, ,LONG BU NI, TSIGS PA GNYIS SO, ,RKANG MTHIL GYI TSIGS PA DRUG CU'O, ,RKANG PA DANG LAG PA'I SOR MO'I TSIGS PA DANG SEN MO'I TSIGS PA RNAMS NI, NYI SHU'O, ,'DI DAG RNAMS YIN TE, TSIGS PA 'BYED PAR BYED PA'I RLUNG DE DAG RNAMS LA BRTEN PA YIN NA, DE DAG LA GNAS PAR GYUR NAS GANG GI TSE BDAG LA 'KHRUG PA SKYED PAR GYUR NA DES 'CHI BAR YANG 'GYUR BA'AM, 'CHI BA TZAM GYI
SDUG BSNGAL YANG 'BYUNG BAR 'GYUR RO, ,DES TSIGS PA 'BYED PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GI LUS LA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BYIN PA LA NYAL BAR BYED PA'I BDAG GI RLUNG YOD DE, BDAG GI LUS LA LAS CI DAG BYED PA YIN PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, BYIN PA LA NYAL BA PO'I BDAG GI RLUNG 'KHRUGS PAR GYUR NA, DE'I TSE BDAG GI BYIN PA 'KHUMS PAR GYUR NAS BDAG GIS RKYONG BAR MI NUS SO, ,BRKYANGS PAR GYUR NAS KYANG BDAG GIS BSKUM PAR MI NUS SO, ,SHING LTA BUR BDAG GIS RIG PAR GYUR NAS KYANG PHAN TSUN KUN TU BDAG GI 'BREL BAR YANG MI 'GYUR RO, ,BDAG GIS 'GRO BA DANG 'ONG BA'ANG NUS PAR MI 'GYUR TE, RLUNG DE'I SKYON GYIS YIN NO, ,DES LJANG NGAR LA KUN TU NYAL BAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR 'GYUR RO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA
, ,NA; BDAG GI LUS LA GNAS PA'I RLUNG GZHAN GANG DAG GIS LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SPRO BAR BYED PA ZHES BYA BA'I RLUNG BDAG GI LUS LA GNAS PA YIN TE, DE BDAG LA GANG GI TSE BDAG LA 'KHRUGS PAR GYUR PA NA DE'I TSE LAS CI ZHIG BYED PA YIN ZHING, YANG GANG GI TSE 'KHRUGS PAR MA GYUR PA DE'I TSE NAD CI DAG BYED PA YIN PA YANG DES THOS PA LAS BYUNG BA'I SHES RAB KYIS SAM LHA'I MIG GIS MTHONG BA YIN TE, GANG DAG BDAG GI LUS KYI BYA BA'I KHAMS LA GNAS PAR GYUR PA RNAMS KYIS NI, 'DI DAG BYED PA YIN TE, LUS THAMS CAD LA'ANG 'GRO BA DANG BRAL BAR BYED PA DANG DBUGS GYEN DU 'BYUNG BA DANG ZOS PA DANG 'THUNGS PA DANG 'CHOS PA DANG MYANGS PA RNAMS KYIS BSKYED PA'I LUS MDOG BZANG POR BYED DO, ,BDAG GI MIG DANG RNA BA DANG SNA DANG LCE DANG LUS DANG YID RNAMS KYI RANG RANG GI YUL RNAMS LA RAB KYI STOBS DANG LDAN PAR 'GYUR RO, ,ZOS PA RNAMS KYANG LEGS PAR SMIN PAR BYED DO, ,GANG GI TSE 'KHRUG PAR 'GYUR BA DE'I TSE LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, LUS LA GNAS PAR GYUR PA'I ZOS PA DANG 'THUNGS PA DANG 'CHOS PA DANG MYANGS PA RNAMS
THAMS CAD KYANG BDAG GIS BDE BAR 'JU BAR MI 'GYUR RO, ,LUS KYI MDOG KYANG BZANG BAR MI 'GYUR RO, ,LTO RNAM PAR 'GYUR BAR BYED DO, ,SPRO BAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PAR BYED PA NA DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RGYUS PA BSKYOD PAR BYED PA ZHES BYA BA'I BDAG GI RLUNG DE 'KHRUGS PAR GYUR PA DANG MA 'KHRUGS PA NA'ANG LAS CI ZHIG BYED PA YIN NA, NYAL BA DANG SAD PA DANG DBANG PO YID GZHAN GANG DAG GI LUS LA GNAS PAR GYUR PA'I BYA BA DE DAG RNAMS THAMS CAD KYANG 'DIS BYED DO, ,RGYUS PA DANG LDAN PA'I RLUNG GIS BYIN GYIS RLOB PAR MI BYED NA NI, BDAG GI LUS 'KHRUG PAR MI 'GYUR RO, ,BDAG GI LUS LA TSOR BAS GZIR BAR YANG MI 'GYUR RO, ,ZHA BOR YANG MI 'GYUR TE, DE'I RLUNG 'KHRUGS PAR MA GYUR NA'O, ,GAL TE YANG RGYUS PA BSKYOD BYED KYI RLUNG 'KHRUGS PAR GYUR NA NI, NYAL BA DANG SAD PA DANG YID GZHAN DU GYUR CING DBANG PO GZHAN LA YENGS PAR GYUR PA'I BDAG GI LUS KYI BYA BA DE DAG RNAMS THAMS CAD NI, BDAG GIS BRJOD PAR MI NUS TE, RLUNG DE'I MTHU LAS GYUR PA YIN NO, ,DES RGYUS PA BSKYOD
, ,BYED KYI RLUNG LA SO SOR BRTAGS PAR GYUR PAS KYANG YANG DAG PA JI LTA BAR LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI LUS LA GNAS PAR GYUR PA'I RLUNG GZHAN GANG DAG GIS LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, 'GRO BA RNAM PAR ZLOG PAR BYED PA ZHES BYA BA'I RLUNG BDAG GI LUS LA GNAS PA YIN NA, 'KHRUGS PAR GYUR PA NA'ANG 'KHRUG PAR MA GYUR NA BDAG LA LAS CI ZHIG BYED PA YANG DES THOS PA LAS BYUNG BA'I SHES RAB BAM LHA'I MIG GIS MTHONG BAR GYUR PA NA, LUS SU GYUR PA THAMS CAD KYI LUS LAM GANG YIN PA DE DAG RNAMS LA 'DIS GEGS BYED DO, ,DE RAB TU 'KHRUG PAR GYUR NA BDAG GI GCIN SDOM PAR 'GYUR RO, ,BDAG LA LGANG LPAGS KYI NAD 'BYUNG BAR 'GYUR RO, ,BDAG LA RLIG PA'I NAD KYANG 'BYUNG NGO, ,ZAS MI 'DOD PAR YANG 'GYUR RO, ,MI GTZANG BAS GSUS PA KUN TU RGYAS PAR BYAS PAS BDAG SDUG BSNGAL BAR BYAS NAS CHU NGAN GYI LAM NAS 'BYIN TO, ,BDAG GI YAN LAG DANG NYING LAG RNAMS THAMS CAD LA SRIN BU RNAMS KYANG 'BYUNG BAR 'GYUR RO, ,KHONG PA'I NAD KYANG 'BYUNG BAR 'GYUR RO, ,
BDAG GI YAN LAG DANG NYING LAG RNAMS THAMS CAD RGYAS PAR YANG 'GYUR RO, ,BDAG GI RTZA SDOM PAR YANG 'GYUR RO, ,GAL TE 'KHRUGS PAR MA GYUR NA NI, DES JI SKAD DU BSHAD PA'I BDAG GI NAD RNAMS RAB TU ZHI BAR BYED PAR 'GYUR RO, ,DES 'GRO BA RNAM PAR ZLOG PAR BYED PA'I RLUNG LA SO SOR BRTAGS PAR GYUR PAS KYANG LUS YANG DAG PA JI LTA BA BZHIN DU SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GANG ZHIG 'KHRUGS PAR GYUR NA'ANG LAS CI DAG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, 'GRO BA'I 'BREL RNAM PAR G-YENG BA ZHES BYA BA'I RLUNG BDAG GI LUS LA RAB TU GNAS TE, DE GAL TE 'KHRUGS PAR GYUR PA'AM, 'KHRUGS PAR MA GYUR PAS BDAG LA NAD CI ZHIG BYED PA YANG DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA NI, GAL TE 'BREL PAR 'GRO BA DKRUGS PA'I RLUNG 'KHRUGS PAR GYUR NA, DES BDAG GIS GSUS PA LA GNAS PA'I RLUNG GI SKRAN BYED DO, ,RTUG PA 'BYUNG BAR 'GYUR BA'I GEGS BYAS PAS BDAG MTHO BRTZAMS PAR GYUR NAS LAG PA DAG GIS DRUD PAS RAB TU 'KHRUG PA SKYED DO, KHAMS 'KHRUGS PAR GYUR PA YANG BDAG LA 'BYUNG NGO, ,BDAG LA MI BZAD PA'I GEGS BYAS
, ,PAR GYUR PAS MGO'I NAD DU 'GYUR RO, ,BDAG GIS ZOS PA DANG, 'THUNGS PA DANG, 'CHOS PA DANG, MYANGS PA RNAMS YANG DAG PAR BDE BAR SMIN PAR YANG MI 'GYUR RO, ,BDAG GI LUS LA 'BRUM BU NYE BAR SKYE BAR YANG 'GYUR RO, ,BDAG LA TSAD PA YANG 'BYUNG NGO, ,GAL TE BDAG GI 'GRO BA'I 'BREL RNAM PAR DKRUG PAR BYED PA'I RLUNG 'KHRUGS PAR MA GYUR NA NI, DE JI SKAD DU BSHAD PA'I BDAG GI NAD RNAMS BDAG LA RAB TU 'BYUNG BAR MI 'GYUR RO, ,DES 'GRO BA'I 'BREL RNAM PAR DKRUG PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR 'GYUR RO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS LUS LA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG PAR GYUR PA, SPU DANG SEN MO DANG, RTUG PA RNAMS 'BYED PAR BYED PA ZHES BYA BA'I RLUNG BDAG GI LUS LA RAB TU GNAS PA YIN TE, DE GAL TE BDAG LA 'KHRUGS PAR GYUR PA DANG, 'KHRUGS PAR MA GYUR PA'ANG LAS CI ZHIG BYED PA YIN NA, GAL TE BDAG GI SPU DANG, SEN MO DANG, RTUG PA RNAMS 'BYED PAR BYED PA'I RLUNG BDAG GI LUS 'KHRUGS PAR GYUR NA, DES BDAG GI DBANG
PO RNAMS MNER BAR GYUR NAS RING BA NYID DU BYED PA YIN NO, ,BDAG GI KHA DANG, SNA BUG DANG, RNA BA RNAMS KYI PHYED ZUG GZER GYIS GZER BAR BYED DO, ,MIG LA'ANG RAB RIB TU 'GYUR RO; ;BDAG GI SNAS KYANG DRI 'DZIN PAR MI 'GYUR RO, ,BDAG GI KHA YANG SKYA BOR 'GYUR RO, ,BDAG RANG BZHIN DU GNAS PAR BSDAD KYANG SKYUG PAR 'GYUR RO, ,BDAG GI BSAM GTAN GYI BDE BA LA'ANG GNOD PAR 'GYUR RO, ,BDAG GI SEMS KYI RGYUN GCIG TU GNAS PAR YANG MI 'GYUR RO, ,LUS RANG BZHIN DU GYUR PA RNAMS NI, SEMS RANG BZHIN DU GNAS PAR 'GYUR BA YIN NO, ,LUS LA NI, PHUNG PO LNGAR BRTEN PA YIN TE, GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA DANG RNAMS SO, ,LUS KYI RJES SU 'GRO BA'I 'DU BYED RNAMS THAMS CAD RIG PAR GYUR NAS RNAL 'BYOR SPYOD PA DES 'PHEL BA DANG 'GRIB PA'I CHOS RNAMS SHES PAR 'GYUR RO, ,DES SPU DANG, SEN MO DANG, RTUG PA RNAMS 'BYED PAR BYED PA'I RLUNG RIG PAR GYUR NAS YANG DAG PA JI LTA BA BZHIN DU LUS RIG PAR GYUR NAS GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS LUS LAS GYUR BA'I LAS CI DAG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR
, ,GYUR PA; KHU CHU RNAM PAR RLUG BYED CES BYA BA'I RLUNG LUS LA RAB TU GNAS PA YIN TE, DES BDAG LA LAS CI ZHIG BYED PA YIN PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA LA, CHU'I CHU BUR 'DRA BAR KHU CHU RNAM PAR RLUG BYED CES BYA BA'I BDAG GI RLUNG YOD DO, ,DES BDAG GI GCIN GYI LAM NAS RNAM PAR RTOG PA MA BYAS PAR GYUR DU ZIN KYANG GCIN DANG LHAN CIG TU KHU BA RAB TU 'BYUNG BAR 'GYUR RO, ,'DI LTA STE, YUNGS KAR GYI TSANG TZAM DANG, NAS TZAM DU 'THAS PAR BYAS NAS BDAG GI LUS LA 'BAB PA'O, ,BSHANG BA'I GNAS KYANG DES ZUG GZER DU BYED PAR 'GYUR RO, ,DE NI, NAD DANG MTHO 'TSAM PA'I RIGS CAN YIN TE, BDAG GI SEMS KYI RGYUN GCIG TU GNAS PAR MI 'GYUR RO, ,DES KHU BA RNAM PAR RLUG BYED KYI RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS RAB TU RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI LUS LA GNAS PAR GYUR PA'I RLUNG GZHAN GANG DAG GIS 'KHRUGS PAR GYUR PA DANG MI 'KHRUG PA NA LAS CI DAG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA'I
RGAN GOG TU BYED PA ZHES BYA BA'I RLUNG BDAG GI LUS LA RAB TU GNAS PA YIN TE, DE GANG DANG GANG DU BDAG LA RGYAS PAR 'GYUR BA DE DANG DE DAG GIS BDAG GI 'DU BYED RNAMS RNYING PAR 'GYUR ZHING RGAN GOG TU 'GYUR RO, ,'GRO BA DANG 'ONG BA'I GNAS RNAMS LA'ANG STOBS DANG LDAN PAR MI 'GYUR RO, ,BDAG YUD TZAM ZHIG NYE BAR BSDAD PAS KYANG NAD PAR 'GYUR RO, ,BDAG MAL STAN GYI GNAS SU PHYIN NA YANG NAD PAR 'GYUR RO, ,YAN LAG DANG NYING LAG RNAMS LA YANG BDAG DBANG SGYUR NUS PAR YANG MI 'GYUR RO, ,BDAG NYID MANG BAR YANG 'GYUR RO, ,GAL TE YANG BDAG GI RGAN GOG TU BYED PA'I RLUNG 'KHRUGS PAR MA GYUR NA NI, JI SKAD DU BSHAD PAR GYUR PA'I NAD DE DAG RNAMS RAB TU 'BYUNG BAR MI 'GYUR RO; ;DES RGAS 'KHOGS PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI LUS LA GNAS PA'I RLUNG GANG DAG GIS 'KHRUGS PA DANG MA 'KHRUGS PA'I LAS CI DAG BYED PA YIN NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, LGANG LPAGS RENGS PAR BYED PA ZHES BYA BA'I RLUNG BDAG GI LUS LA RAB TU GNAS PA YIN TE, DE 'KHRUGS
, ,PA DANG MA 'KHRUGS PA NA BDAG LA LAS CI ZHIG BYED PAR GYUR PA YIN PA YANG DES MTHONG BA NI, LGANG LPAGS RENGS PA ZHES BYA BA'I RLUNG DE 'KHRUGS PAR GYUR NA; BDAG GI YAN LAG DANG NYING LAG RNAMS THAMS CAD LA'ANG 'PHRO BAR BYED DO, ,DBUGS RDUB PAR BYED PA DANG, SNYING GI NAD DANG, LGANG LPAGS SU GYUR PA YANG G-YENG BAR BYED PA DANG, BDAG GI RTUG PA DANG, GCIN RNAMS THAMS CAD KYANG RENGS PAR BYED PA'AM, RENGS PAR MI BYED PA'ANG RUNG STE, BDAG GI RTUG PA BDE BAR MI THON NO, ,CO 'DRI PAR BYED PA DANG ZUG GZER DU BYED DO, ,SEMS KYI RGYUN RNAM PAR G-YENG BAR BYED PAR 'GYUR RO, ,BDAG GI RNAM PAR SHES PA STOBS DANG LDAN PAR YANG MI 'GYUR RO, ,CHOS KYI DBANG DU BYAS NAS SEMS RAB TU DANG BAR 'GYUR BA DANG, LAS LA MNGON PAR 'DOD PA'ANG MA YIN TE, LUS SDUG BSNGAL BAR GYUR NA CHOS LA MNGON PAR 'DOD PAR MI 'GYUR RO; ;GAL TE LGANG LPAGS RENGS PAR BYED PA'I RLUNG MI 'KHRUGS NA NI, JI SKAD DU BSHAD PAR GYUR PA'I NAD DE DAG RNAMS RAB TU 'BYUNG BAR MI 'GYUR RO, ,DES LGANG LPAGS RENGS PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI
LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA DANG, 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BSHANG BA SKAM POR BYED PA ZHES BYA BA'I RLUNG BDAG GI LUS LA RAB TU GNAS TE, DE BDAG LA 'KHRUGS PA DANG, MA 'KHRUGS PA NA LAS CI ZHIG BYED PA YIN PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA LA BDAG GI BSHANG BA KUN TU SKAM PAR BYED PA ZHES BYA BA'I RLUNG GAL TE 'KHRUGS PAR GYUR NA, DES BDAG GAL TE RAB TU PHAL CHE BA'I BZA' BAR BYA BA DANG BCA' BAR BYA BA RNAMS BSOD PAR GYUR PA'I 'DU SHES SU BYAS NAS MANG DU ZAS SKOM RNAMS MID PAR GYUR PA NA, DE LUS KYI GSEB TU SONG BAR GYUR NAS DANG, 'GRAM SO'I GSEB TU SONG BAR GYUR NAS DANG, LUS KYI GSEB NA GNAS PA DANG, MNAN PA'I BAR DU GNAS PA DANG, LUS THAMS CAD KYI GSEB TU SONG BAR GYUR NAS KYANG BDAG LA LHANG KYOG TU BYED DO, ,NGA'I BSHANG BA'ANG SKAM PAR BYED DO, ,ZHAG GNYIS SAM, ZHAG GSUM MAM, ZHAG BZHIR YANG BDAG GI RTUG PA GTANG BAR MI NUS SO, ,GAL TE BDAG GIS NUS PAR GYUR NA YANG TSOR BA CHUNG DU BDAG LA 'BYUNG BAR 'GYUR RO,
, ,GAL TE YANG BDAG GI BSHANG BA SKAM PAR BYED PA'I RLUNG DE 'KHRUGS PAR MA GYUR NA NI, JI SKAD DU BSHANG BA'I NAD DE DAG RNAMS RAB TU 'BYUNG BAR MI 'GYUR RO, ,BSHANG BA KUN TU SKAM BYED KYI RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RTZIBS LOGS NA BAR BYED PA ZHES BYA BA'I RLUNG BDAG GI LUS LA RAB TU GNAS PA YIN TE, DES BDAG LA 'KHRUGS PAR GYUR PA DANG, 'KHRUGS PAR MA GYUR PA NA LAS CI ZHIG BYED PA YIN PA YANG DES MTHONG BA NI, RTZIB LOGS NA BAR BYED PA ZHES BYA BA'I BDAG GI RLUNG DE GAL TE 'KHRUGS PAR GYUR NA, DES BDAG GI LOGS KYI RUS PA LA GNAS NAS LOGS KYI GSEB TU RGYU BAR BYED PA LOGS KYI KHRAG RNAMS RAB TU SKAM PAR BYED PAS BDAG LA 'JIGS SU RUNG BA DANG, RTZUB PA DANG, MI BZAD CING DRAG POR GYUR PA'I TSOR BA RNAMS SKYED PAR BYED DO, ,GAL TE RLUNG DE BDAG LA 'KHRUGS PAR MA GYUR NA NI, JI SKAD DU BSHAD PA'I NAD
DE DAG RNAMS RAB TU 'BYUNG BAR MI 'GYUR RO, ,DES LOGS NA BAR BYED PA'I RLUNG RIG PAR GYUR NAS YANG DAG PA JI LTA BA BZHIN DU SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, BDAG GI RLUNG GZHAN GANG DAG GIS 'KHRUGS PAR GYUR PA DANG, 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BU GA DGU'I NAD CES BYA BA'I RLUNG BDAG GI LUS LA RAB TU GNAS PA YIN TE, DES BDAG LA 'KHRUGS PA DANG MA 'KHRUGS PA NA LAS CI ZHIG BYED PAR GYUR PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BA LAS BU GA DGU NA BAR BYED PA ZHES BYA BA'I BDAG GI RLUNG GAL TE 'KHRUGS PAR GYUR NA, DES BDAG GI BU GA DGU PO RNAMS MA LUS PAR 'CHUM PAR BYED DO, ,BU GA BDUN MGO BO LA GNAS PA DANG, GNYIS BSHANG BA DANG GCI BA'I YIN TE, SPYIR YO'AM GAL TE RE RE'ANG RLUNG BKAG PAR GYUR NA'ANG DES LUS MNYAM PAR NA BAR BYED DO, ,DBUGS RNGUB PA DANG 'BYUNG BA YANG 'DIS SHIN TU SDOM PAR BYED DO, ,SNA BUG NA YOD PA'I RLUNG GIS NI, LUS RNAMS THAMS CAD LEGS PAR 'DZIN PAR BYED PA DANG, BDAG GI LUS KYI GONG BU 'DI NI, RLUNG GI DBANG DU GYUR PA YIN
, ,ZHING RLUNG YANG 'KHRUL 'KHOR BZHIN TE, RLUNG NI, RLUNG NYID KYIS BSKYOD PAR BYED KYI, GZHAN DAG 'GA' ZHIG KYANG NI MA YIN NO, ,DES BU GA DGU NA PAR BYED BA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA; YAN LAG DANG NYING LAG THUNG BAR BYED PA ZHES BYA BA'I BDAG GI RLUNG YIN NA, DE 'KHRUGS PAR GYUR PA DANG, 'KHRUGS PAR MA GYUR PA NA BDAG LA LAS CI ZHIG BYED PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, GAL TE BDAG GI YAN LAG DANG NYING LAG RNAMS THUNG BAR BYED PA'I RLUNG 'KHRUGS PAR GYUR NA DES SOR MO RNAMS 'KHUM PAR BYED DO, ,GNAD RNAMS 'BIGS PAR BYED DO, ,DMAN ZHING THUNG BAR BYED DO, ,RKANG PA DANG LAG PA'ANG KUN TU 'KHUM PAR BYED DO, , STENG GI RUS PA RNAMS GZER ZUG BYED DO, ,BRLA'I RGYUS PA RNAMS 'KHUM PAR BYED DO, ,'ON KYANG RGYU MA LA GNAS PA RNAMS SBOM POR YANG MI BYED DO, ,RKANG PA DANG LUS RNAMS
NGAL DUB SKYED PAR BYED DO, ,NAD 'DI DAG RNAMS NI, YAN LAG DANG NYING LAG THUNG BAR BYED PA'I BDAG GI RLUNG GIS BYED DO, ,GAL TE 'KHRUGS PAR MA GYUR NA NI, JI SKAD DU BSHAD PA'I NAD DE DAG RNAMS 'BYUNG BAR MI 'GYUR RO, ,YAN LAG DANG NYING LAG THUNG BAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS LA SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GANG DAG GIS LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, ME DROD KUN TU SUN 'BYIN PA ZHES BYA BA'I RLUNG BDAG GI LUS LA RAB TU GNAS PA YIN TE, DES BDAG LA 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA'ANG DES MTHONG BAR GYUR PA, GAL TE ME DROD SUN 'BYIN PAR BYED PA'I RLUNG LUS LA 'KHRUGS PAR GYUR NA, DES BDAG GI LUS LA GNAS PAR GYUR PA'I ME DROD RNAMS RANG GI GNAS NAS 'PHO BAR BYAS NAS NYAMS PAR BYED DO, ,DES BDAG ME DROD NYAMS PAR GYUR NAS ZAS RNAMS SMIN PAR MI 'GYUR RO, ,SKOM YANG BDAG GIS 'JU BAR MI 'GYUR RO, ,DES PAGS PAR GYUR PA RNAMS KYANG MDOG NGAN PAR 'GYUR RO, KHRAG RNAMS KYANG SKAM ZHING SHA DAG
, ,KYANG YONGS SU NYAMS PAR BYED DO, ,RGYUS PA RNAMS 'KHUM PAR 'GYUR BA SKYED PAR BYED DO, ,TSIL RNAMS MED PAR 'GYUR RO, ,BDAG GI RUS PA RNAMS KYANG SKAM PAR 'GYUR RO, ,LHA BA KUN KYANG SRAB MOR 'GYUR RO, ,BDAG GI LUS THAMS CAD LAS GYUR PA'I KHU CHU DAG DANG STOBS RNAMS KYANG NYAMS PAR BYED DO, ,SNYING LA BRTEN PA'I RLUNG GIS NI; RTOGS PAR MI BYED DO, ,GAL TE YANG ME DROD KUN TU SUN 'BYIN PAR BYED PA'I RLUNG 'KHRUGS PAR MA GYUR NA, JI SKAD DU BSHAD PA'I NAD DE DAG RNAMS 'BYUNG BAR MI 'GYUR RO,, GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GANG DAG GI LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BDAG GI LUS KYI YAN LAG DANG NYING LAG RNAMS THAMS CAD GRANG BAR BYED PA ZHES BYA BA'I RLUNG YIN TE, DES 'KHRUGS PAR GYUR PA'AM 'KHRUGS PAR MA GYUR PA NA LAS CI ZHIG BYED PA YIN PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BA NI, BDAG GI LUS THAMS CAD GRANG MOR BYED PA'I RLUNG GAL TE 'KHRUGS PAR GYUR NA, LUS LA KHA CHU SKYES PA DANG RLAN PAR YANG 'GYUR RO, ,'DI LTA STE, NYAL BAR GYUR PA NA RTZUB PA DANG GYONG BA'I KHA DOG DANG
'KHUM PAR YANG BYED DO, ,SNYOMS PAR LUS KYI YAN LAG DANG NYING LAG RNAMS HRUD HRUD POR 'GYUR RO, ,BDAG GI LUS KYI BA SPU RNAMS LANGS PAR YANG LUS 'GYUR RO, ,LAB LEB MANG ZHING MI MNYAM PAR GYUR PAR LUS KYI YUL 'GA' ZHIG TU SKYED PAR 'GYUR RO, ,'DZAD PAR 'GYUR BA SKYED PA DANG G-YAN PA'I NGO BOR GYUR PA'I CHU SER KHRAG GI RGYAL PO YANG SKYED DO, ,SPU RNAMS KYANG SER POR 'GYUR RO, ,TSAD PAS GDUNGS PAR 'GYUR RO, ,SBOM PA NYID DU GYUR CING LUS KYI YUL RNAMS MI MNYAM PAR YANG 'GYUR RO, ,SKYA BO NYID DU YUL DE DAG RNAMS 'GYUR RO; ;BDAG GI LUS PO LA'ANG PAGS PA 'THUG PO KAB KOB MANG DU 'GYUR RO, ,GLANG PO'I PAGS PA DANG 'DRA BAR YANG 'GYUR RO, ,BDAG GI DKA' BLAS KYIS BDAG GIS LANGS NUS PAR 'GYUR RO; ;RNAG GI DRI RNAMS KYANG BDAG GI LUS LAS 'BYUNG BAR 'GYUR RO, ,JI SRID DU ZAS KYANG RTZUB PA'I RDAG RDOG CAN DU 'GYUR RO, ,BDAG GI LUS KYI PHYOGS GCIG NAS GLANG PO CHE'I PAGS PA DANG 'DRA BAR 'GYUR RO, ,'BRUM 'JUR DANG SNYE BA YANG BDAG GI NGOS GCIG TU 'GYUR RO, ,SKYES BU LAG PA DANG RKANG PA DAG LA RMA'ANG KUN TU SKYE BAR BYED DO, ,BDAG 'GRO BA DANG 'ONG BAR GYUR PA NA'ANG NGAL ZHING DUB PAR 'GYUR RO, ,G-YAN PA'ANG BDAG GI LUS KYI PHYOGS GCIG TU KUN NAS SKYE BAR BYED DO, ,RNAM PAR SREG PAR BYED PA'ANG RTAG TU SKYED DO, ,BDAG
, ,GI LUS REG BYA NGAN PAR YANG KUN TU SKYE BAR BYED DO, ,RANG GI THUM PO SKYES PA RNAMS RNAMS PAR 'PHEL BAR BYED DO, ,RNAM PAR RMAS PAR BYED DO, ,SO LA'ANG BDAG CHAGS PA DANG BRAL BAR 'GYUR RO, ,BDAG GI SNA YANG ZUG GZER CHEN POR 'GYUR RO, ,BDAG GI MIG GNYIS KYI RDZI MA PHRA MO RNAMS 'BRUL BAR 'GYUR RO, ,SOR MO DANG RKANG PA'I SOR MO RNAMS KYANG RNAM PAR 'BRUL BAR 'GYUR RO, ,SKAD RNAMS KYANG GRAG YAR MED PAR 'GYUR RO, ,SRIN BU'ANG PHYI ROL TU RGYU BAR GYUR PAR RAB TU 'BYUNG BAR 'GYUR RO; ;BDAG GI YAN LAG DANG NYING LAG RNAMS THAMS CAD KYI SPU RNAMS NYIL BAR 'GYUR RO, ,SKYE BO RNAMS THAMS CAD KYANG BDAG LA SKYUG LDOG PAR 'GYUR RO, ,SBYIN PA PO DANG SBYIN BDAG GI KHYIM DU YANG BDAG SMOD PAR BYA BA'I GNAS SU 'GYUR RO, ,SBRANG BU RNAMS KYANG BDAG GI LUS LA RTAG TU RGYUG PAR 'GYUR RO, ,CHOS GOS KYANG BDAG GI LUS LA MI BZOD DO,, BDAG GI SEN MO RNAMS KYANG RNAM PAR NYIL BAR 'GYUR RO, ,BDAG NYAL BAR GYUR PA NA'ANG NGAR NGAR PO'I DBUGS RNAMS KUN TU 'BYUNG NGO, ,BDAG SDUG BSNGAL BAR GYUR PAS KYANG ZAS LA SRED PAR 'GYUR RO, ,'ON KYANG 'JU BA MA YIN NO, ,BDAG GIS BTUNG BA RNAMS 'THUNGS PAS KYANG KHYAD PAR DU TSAD PA SKYED PAR BYED DO, ,BDAG GI LCE YANG RNAM
PAR 'GYUR BA SKYED DO, ,DE LTAR YAN LAG DANG NYING LAG RNAMS THAMS CAD LA GRANG BAR BYED PA'I RLUNG DAG GIS DMAN PAR GYUR PAS LUS RNAMS 'DZAG PAR 'GYUR RO, ,GAL TE YANG BDAG GIS YAN LAG DANG NYING LAG RNAMS THAMS CAD LA GRANG BAR BYED PA'I RLUNG RAB TU RGYAS PAR MA GYUR NA NI, GRANG BA MA YIN PA'I RLUNG DES LUS MDOG BZANG BA DANG, MKHREGS PA DANG, 'JAM ZHING SNUM BAG CAN DANG, DKAR BA DANG, MNYEN PA DANG, SKYE BO RNAMS THAMS CAD DGA' BAR 'GYUR RO, ,RDUL BA RNAMS THAMS CAD NA DRO BAR GYUR PA LA RIGS PAS YAN LAG DANG NYING LAG RNAMS THAMS CAD DANG, BA SPU'I KHUNG BU RNAMS NAS 'BYUNG BAR 'GYUR RO, ,JI SKAD DU BSHAD PAR GYUR PA'I NAD RNAMS KYANG RAB TU 'BYUNG BAR MI 'GYUR RO, ,DES YAN LAG DANG NYING LAG RNAMS THAMS CAD LA GRANG BAR BYED PA'I RLUNG LA SO SOR BRTAGS PAR GYUR PAS KYANG LUS YANG DAG PA JI LTA BA BZHIN DU SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS LUS LA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BRTAN PA 'JIG PAR BYED PA ZHES BYA BA'I RLUNG LUS LA 'KHRUGS PAR GYUR NA, DES BDAG 'JIGS PA CHUNG DU LA'ANG BDAG GI SNYING DNGAGS
, ,PAR 'GYUR RO, ,YAN LAG DANG NYING LAG RNAMS THAMS CAD LA'ANG LHANG KYOG 'BYUNG NGO, ,RENGS PAR 'GYUR BA DANG, DNGANGS PAR YANG 'GYUR RO, ,RMONGS PAR YANG 'GYUR RO, ,BDAG GI DBUGS KYANG STOBS SHIN TU PHUL DU PHYIN PAR 'GYUR RO, ,'ON KYANG DBUGS KYANG PHYIR RDUB PAR YANG MI NUS PAR 'GYUR RO, ,BDAG GIS CHOS GOS KYANG MI BZOD DO, ,BDAG LA MGO BO'I NAD RNAMS 'BYUNG BAR 'GYUR RO, ,BSAM GTAN LA GNAS PAR GYUR PA NA'ANG SEMS KYI DMIGS PA GCIG TU MI 'GYUR RO, ,BDAG GIS RMI LAM DU'ANG RNAM PAR 'GYUR BA RNAMS MTHONG BAR 'GYUR RO, ,BDAG LA SKYUG PA YANG 'BYUNG BAR 'GYUR RO, ,BDAG GIS ZHI BAR 'GYUR BA'I GZUGS RNAMS KYANG DRAG POR GYUR PA MTHONG NGO, , THAG NYE BAR GYUR PA'I GZUGS RNAMS KYANG BDAG GIS RGYANG RING BAR MTHONG BAR 'GYUR RO, ,BDAG GI SRED PA YANG RAB TU CHE BAR 'GYUR RO, ,GAL TE YANG BRTAN PA 'JIG PAR BYED PA'I RLUNG 'KHRUGS PAR MA GYUR NA NI, JI SKAD DU BSHAD PA'I NANG DE DAG RNAMS 'BYUNG BAR MI 'GYUR RO, ,DES BRTAN PA 'JIG PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS LAS CI
ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA LUS THAMS CAD LA 'PHAR BA ZHES BYA BA'I RLUNG LUS LA GNAS PA YIN TE, DES BDAG LA 'KHRUGS PAR GYUR PA DANG 'KHRUGS PAR MA GYUR PA NA LA CI ZHIG BYED PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, GAL TE BDAG GIS LUS THAMS CAD LA 'PHAR BA ZHES BYA BA'I RLUNG LUS LA 'KHRUGS PAR GYUR NA, DES BDAG 'PHAR BAR BYED DO, ,RNA BA 'UR 'UR BYED CING RNAM PAR 'PHAR BAR BYED DO, ,RLUNG GIS 'PHAR BAR YANG BYED DO, ,YAN LAG DANG NYING LAG RNAMS THAMS CAD LA'ANG 'PHAR BAR BYED DO, ,NANG DU RGYU BAR YANG 'GYUR RO, ,YUL DANG YUL RNAMS SU SDOM PAR YANG BYED DO, ,'ON KYANG NAD NI, MI SKYED DO, ,GAL TE LUS THAMS CAD LA RGYU BA'I RLUNG DE 'KHRUGS PAR MA GYUR NA JI SKAD DU BSHAD PA'I NAD DE DAG RNAMS 'BYUNG BAR MI 'GYUR RO, ,DES YAN LAG THAMS CAD 'PHAR PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RTOG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS LUS LA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA,
, ,SREG PAR BYED PA'I RLUNG BDAG GI LUS LA GNAS PA YIN TE, DES BDAG LA 'KHRUGS PAR GYUR PA DANG 'KHRUGS PAR MA GYUR PA NAD LAS CI ZHIG BYED PA YANG DES MTHONG BAR GYUR PA SREG BYED KYI RLUNG 'KHRUGS PAR GYUR NA NI, DES BDAG GIS MED PAR GYUR PA'I ZAS RNAMS MGUL BA'I SBU GU LA RAB TU BRTAN PAR BYAS NAS MYUR DU SREG PAR BYED DO, ,ZAS LA GNAS PAR GYUR PAS BDAG GI 'BYUNG BA CHEN PO RNAMS RGYAS PAR MI 'GYUR RO, ,BZA' BAR BYA BA DANG BCA' BAR BYA BA ZOS PAR GYUR PA RNAMS KYANG RNAM PA GNYIS SU 'GYUR BA YIN TE, RAB TU DANG BAR GYUR PA DANG, RNYOG PAR GYUR PA'O, ,DE LA RAB TU DANG BAR GYUR PA RNAMS KYIS NI, 'BYUNG BA CHEN PO RNAMS RGYAS PAR BYED DO, ,RNYOG PAR GYUR PAS NI, NAD RNAMS RAB TU 'BYUNG BAR 'GYUR RO, ,BDAG GI SREG BYED KYI RLUNG DE 'KHRUGS PAR GYUR NA PHAL CHER ZAS KYI RIGS RNAMS RNYOG PA CAN DU BYED DO, ,NYUNG DU NYUNG DU TZAM ZHIG RAB TU DANG BAR 'GYUR RO, ,DES BDAG GI NAD RNAMS RAB TU 'KHRUGS PAR BYED DO, ,GAL TE YANG SREG BYED KYI RLUNG 'KHRUGS PAR MA GYUR NA NI, DES BDAG GI ZAS RNAMS RNAM PA GNYIS SU BYED DO, ,RAB TU DANG BAR GYUR PA DANG RNYOG PA STE, DES KYANG NGA'I 'BYUNG BA CHEN PO RNAMS SNYOMS PAR 'GYUR RO, ,NAD RNAMS DKRUG PAR YANG MI 'GYUR RO, ,DES SREG BYED
KYI RLUNG LA SO SOR BRTAGS PAR GYUR PAS KYANG YANG DAG PA JI LTA BAR LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, RLUNG GZHAN GANG DAG BDAG GI LUS LA RAB TU GNAS PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SRIN LA KUN TU 'JUG PAR BYED PA'I RLUNG BDAG GI LUS LA RAB TU GNAS PA YIN TE, DES BDAG GI YAN LAG DANG NYING LAG RNAMS THAMS CAD LA GNAS PA'I SRIN RNAMS SO SOR 'DRE BAR BYED DO; ;RNAM PAR 'DRE BAR BYED DO, ,KUN TU 'GAL BAR BYED DO, ,RNAM PAR 'GAL BAR BYED DO, ,KUN TU SGUL BAR BYED DO, ,STENG 'OG TU BYED PAR 'GYUR RO, ,MGO BO RNAMS JI SRID DU RKANG PA'I BAR DU DANG, KLAD PA LA RGYU BAR BYED PA DE KLAD PA LA RGYUS NAS DE KLAD RGYAS LA RGYU BAR GYUR NAS THOD PA LA RGYU BAR BYED CING GSEB TU SONG NAS SKRA ZA BAR BYED PA DANG, RNA BA LA RGYU BA DANG SNABS SHIN TU 'PHEL BAR BYED PA DANG, TSIL LA RGYU BAR BYED PA DANG, TSIGS PA RNAMS DANG, 'GRAM PAR GYUR PA DANG, DPRAL BA ZA BA DANG, SO'I RTZA BA RNAMS ZA BA DANG, SKYUG BYED KYI SRIN GYI RIGS GZHAN BCU MGRIN PA DANG MGUL PA LA GNAS PA RNAMS LA 'DI LTA STE, ZAS SU NGAR SNABS ZA BA DANG, MCHIL MA RNAMS SHIN TU MGRIN PAR BYED PA DANG,
, ,RAB TU SKYUG BYED DANG RNAMS SO, KHU BA RGYU BA BCU'I RTZA RNAMS KYI NANG NA RGYU BA MNGAR MYOS DANG, RAB MYOS DANG, RO DRUG LA SRED PA DANG, GHUR GHUR RA BA DANG, RO LA RAB TU SDANG BA DANG, NYAL BA LA SHIN TU MNGON PAR DGA' BA DANG, SBOM PO DANG RNAMS SO, ,KHRAG LAS SKYES PAR GYUR PA'I SRIN GYI RIGS BCU SHA DANG LHAN CIG GNAS PA RNAMS 'DI LTA STE, SPU ZA BA DANG, SO SU RA DANG, DZANTU M'ANDA RA DANG, AU DUM WA RA DANG, KUN TU 'DZIM PA DANG, SPU'I GLING DANG, KHRAG LA RAB TU KHRO BA DANG, KHRAG ZA BA DANG, RAB RAB BYED PA DANG, SKYUR PO DANG RNAMS TE, RKANG PA MED PA DANG, THUNG DU DANG, 'PHEL BA'I DBYIBS CAN DANG, KHRAG LAS SKYES PA'I SRIN DU GYUR PA MIG MED PA DANG, G-YAN PA'I MTSAN NYID DANG, 'BIGS BYED KYI MTSAN NYID DANG LDAN PA RNAMS YIN NO, ,SHA LA GNAS PA'I SRIN GYI RIGS BCU PO RNAMS NI, 'DI LTA STE, RMA KUN NAS SLONG BA DANG, TZUN TZU KA BA DANG, RGYUS PA SGUL PA DANG, RTZA 'BIGS PA DANG, BAGS PA ZA BA DANG, TSIL SGUL BA DANG, 'PHEL BYED DANG, DRI NGAN DANG, RDUL LA RGYU BA DANG, SREG BYED DANG RNAMS SO, ,MKHRIS PA LA GNAS PAR GYUR PA'I SRIN GYI RIGS BCU PO RNAMS NI, 'DI LTA STE, TZU BA THA DANG, SGUL BYED DANG, RDZAS KYIS RGYAS PA DANG, CHEN PO'I RIGS DANG,
NAG PA PA DANG, ZAS CHEN PO DANG, DRO BA LA RGYU BA DANG, RNAM PAR SREG BYED DANG, ME DROD NYAMS BYED DANG, ME CHEN PO DANG RNAMS YIN NO, ,YAN LAG DANG NYING LAG RNAMS THAMS CAD LA GNAS PA'I SRIN RNAMS NI, 'DI LTA STE, RUS PA LA LDAG PA DANG, SHIN TU 'DRUD BYED DANG, TSIGS PA GCOD CING RGYU BA DRI MI ZHIM PA DANG, RUS PA'I RANG GI RIGS DANG, KHA DMAR BA DANG, MYUNG BAR BYED PA DANG, PAGS PA ZA BA DANG, GROG MA DANG, SPU GRI'I KHA DANG RNAMS SO, ,BSHANG BA LA RGYU BA'I SRIN GYI RIGS BCU PO RNAMS NI, 'DI LTA STE, DVANGS MA BA DANG, KHAB KYI KHA DANG PHI SPI SKYES PA DANG, RKANG PA MED PA DANG, BSHANG BA RNAM PAR 'THOR BYED DANG, SKOM PAS GDUNGS PA DANG, BSHANG BA 'BYED PA DANG, RNAM PAR RENGS BYED DANG, MDOG BZANG DANG, GZHAD SMIN BYED DANG RNAMS SO, ,LHA BA LA RGYU BAR BYED PA'I SRIN GYI RIGS BCU PO RNAMS NI, 'DI LTA STE, SPU LA GNAS PA DANG, SPRO BA MED PA DANG, KHA NAG DANG, GZER ZUG CHEN POR BYED PA DANG, RMONGS PAR BYED PA DANG, ME MDOG CAN DANG, 'OG TU 'GRO BA DANG, AOOtHINGG'A: DANG, KUN TU RTOG PA DANG, DGA' BA PA DANG RNAMS SO, ,'DI DAG RNAMS NI, JI LTAR 'DOD PA BZHIN DU LUS LA RGYU BAR BYED PA YIN NO, ,KHAMS THAMS CAD LA 'JUG PA DANG, SKYON RNAMS THAMS CAD LA 'JUG PAR BYED PA'I YAN LAG DANG NYING LAG RNAMS THAMS CAD LA GNAS
, ,PA'I SRIN DE DAG RNAMS LA SRIN RNAMS LA KUN TU 'JUG PAR BYED PA'I RLUNG GIS SRIN RNAMS THAMS CAD LUS KYI NANG NA RGYU BAS JI LTAR 'DOD PA BZHIN DU RLUNG GIS 'BIGS PAR BYED PA YIN TE, BDAG GI LUS DANG PO DANG SROG SRIN RNAMS THAMS CAD KYANG NGO, ,DES SRIN BU RNAMS LA KUN TU 'JUG PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, STENG 'OG TU BYED PA ZHES BYA BA'I RLUNG BDAG GI LUS LA RAB TU GNAS PA YIN TE, DES 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BA NI, STENG DANG 'OG GI RLUNG GAL TE BDAG LA 'KHRUGS PAR GYUR NA, DE RNAM PA LNGAR LAM LNGA LA RJES SU RTEN PAR 'GYUR RO, ,GNAS LNGA LA GNAS PA YIN NO, ,GNAS LNGA LA GNAS PAR GYUR NAS KYANG LAS GANG DAG BYED PA YIN NA, DBUGS 'BYUNG BA DANG RDUB PA RNAMS KUN TU RGYU BAR BYED DO, ,DE LA 'JIG RTEN 'DI NA SROG CES BRJOD DO, ,DE MGO BO DANG BRANG LA KUN
TU BRTEN NAS DE DAG GI NANG NA RGYU BAR BYED PA LUS THAMS CAD LA STOBS DANG LDAN PAR 'PHRO BAR BYED PA YIN NO, ,DE'ANG GANG GI TSE MI BZAD PAR GYUR PA NA DES LUS KYI 'KHRUL 'KHOR RNAM PAR 'JIG PAR BYED DO, ,DE'I LAS NI, LUNG PA DANG GLO LU BA 'OG TU SONG BAR GYUR NAS ZAS KHA'I LAM NAS STENG DU BYED DO, ,DE'I LAS KYIS DBUGS 'BYUNG BA DANG RDUB PA 'DI DAG GI CHA GNYIS PA BRANG SNYING LA LEGS PAR BRTEN NAS SHIN TU DGA' BAR BYED DO, ,GANG GI TSE YANG STENG DU RGYU BAR GYUR NA DGA' BA DANG BRAL BAR YANG 'GYUR TE, DE MGRIN PA'I SBU GU'I GSEB NAS STENG DU 'BYUNG BAR 'GYUR ZHING MGO BO RAB TU BRTOL BAR GYUR NAS LCE'I RTZA BAR 'GRO'O, ,DE LCE LA BRTEN PAR GYUR NA NI, DE MA THAG PA'I YID KYI LHAN CIG BYED PA'I RKYEN DANG PHRAD PAS YI GE'I BRJOD PA RNAM PA SNA TSOGS PA RTOGS PA DANG SPYOD PA DANG LDAN PA RNAMS RJOD PAR BYED DO, ,CHA GSUM PAS KYANG RTAG PAR RGYUN DU LUS KYI ME DROD 'PHEL BAR BYED DO, ,SKYON YANG DES 'DUG PAR BYED DO, ,BZHI PAS NI, RANG GI LUS LA KHYAB PAR GYUR NAS NGES PAR GNAS SO, ,RTAG TU MIG 'DZUM PA DANG 'BYED PAR BYED PA PO DE LA BRTEN NAS RKED PA DANG, RGYU ZHAGS DANG, BRLA DANG, RLIG PA DANG RNAMS LA RTEN CING BSHANG BA'I LAM LA RTEN PAR BYED DO, ,DES KYANG LTO RGYAS PAR BYED DE BUD MED RNAMS NI, 'GRIB PAR BYED DO, ,AAN TOD RUS PA LA BRTEN
, ,NAS GANG GI TSE BUD MED DAG KHU CHU DANG KHRAG RNAMS KUN TU SBYOR BAR GYUR PA NA, BUD MED KYI RGYU ZHABS KYI GNAS SU SHUGS DANG LDAN PAR KUN TU RGYUG PAR GYUR NAS DES KHU CHU DANG KHRAG KUN TU 'DRE BAR BYED DO, ,SLA MO RNAMS NI, YANG BAR BYED DO, ,GANG GI TSE ZAS RNAM PAR 'JU BAR BYED PA NA CHA GSUM PA 'DOD PA'I MA'I BYA BAS GSAL BAR BYAS NAS RNAM PAR 'BYED PAR BYED DO, ,RNAM PAR RTOG PAS LUS RING BA DANG, THUNG BA DANG, ZLUM PO DANG, GRU BZHI'ANG BYED DO, ,RLUNG DES JI LTA JI LTAR LUS MNGON PAR GSAL BA DANG, TSAD DANG, DBYIBS RNAMS MNGON PAR 'BREL BAR BYED PA DE BZHIN DU RNAM PAR SHES PA YANG RNAM PA SNA TSOGS PA'I MTSAN NYID DU 'BREL BAR 'GYUR RO, ,DPER NA, ZHO BSKA MO DANG CHU BUD MED KYIS BUM PAR SDUD PAR BYED DO, ,BSRUBS PAS BSKA MO DBU BA RDOS PAR 'GYUR RO, ,DBU BA RDOS NAS 'THAS PAR 'GYUR RO, ,'THAS PA LAS MAR GSAR DU 'GYUR RO, ,DE KHO NA BZHIN DU RLUNG YANG LUS LA NYON MONGS PA RNAMS THAMS CAD DANG BCAS NAS KUN TU MNGON PAR 'JUG GO ,CHA LNGA PAS NI, ZOS PA DANG, 'THUNGS PA DANG ,'CHOS PA DANG, MYANGS PAR GYUR PA RNAMS GANG GI TSE LCE'I RTZE MO DANG SPU GU LA RAB TU BRTEN PAR GYUR PA'I ZAS RNAMS NGAS SKRA RNAMS KYI MTHA' NAS BZUNG NAS JI SRID DU SEN MO RNAMS
LA BRTZON 'GRUS KYIS RNAM PAR 'BYED PAR BYED DO, ,RO DANG, KHA DOG DANG, DRI RNAMS KYANG LUS THAMS CAD LA BYED DO, ,GANG GI TSE YANG ZAS STENG DU BYED PAR GYUR PA'I RLUNG 'KHRUGS PAR GYUR NA NI, DES RNAM PAR LNGAR CHAGS PA DANG BRAL BAR 'GYUR BA'I LAS LNGA BYED PA YIN TE, STENG DU DBUGS 'BYUNG BAR 'GYUR BA'I DBUGS MI 'BYUNG BAR BYED DO, ,DES LUS KYI KHAMS RNAMS THAMS CAD LA LHA KYOG CHEN PO 'BYUNG BAR 'GYUR RO, ,LHANG KYOG GIS KYANG LUS YONGS SU BTAB NAS 'KHRUGS PAR GYUR PA'I LAS GSUM PA BYED DO, ,DBANG PO RNAMS THAMS CAD DANG, SHES PA RNAMS THAMS CAD KYANG RNAM PAR DKRUGS PAR BYAS NAS LUS KYANG 'DOR BAR BYED DO, ,LUS YONG SU DOR BAS KYANG GSUM 'JOMS PAR 'GYUR TE, SROG DANG, DROD DANG, DE NAS NI RNAM PAR SHES PA'O, ,'DI LA TSIGS SU BCAD PA, SROG DROD DE NAS RNAM PAR SHES, ,GANG TSE LUS 'DI BTANG BA NA, ,JI LTAR SHING BZHIN SA LA NI, ,'GYEL NAS DE TSE NYAL BA YIN, ,'KHRUGS PAR GYUR PA'I LAS GNYIS PA YANG BYED DO, ,DBUGS THUNG DU 'BYUNG BAR BYED KYI DBUGS RING PO 'BYUNG BAR NI, MI BYED DO, ,DE LAS KYANG LUS RNAMS THAMS CAD LA RGYUG PA'I ZUG GZER CHEN PO 'BYUNG BAR 'GYUR RO, ,ZUG GZER GYIS KYANG LUS YONGS SU BTANG BAR 'GYUR RO, ,'KHRUGS PAR 'GYUR BA'I LAS GSUM PA RNAMS BYED DE, DBANG PO RNAMS THAMS CAD DANG SHES PA RNAMS
, ,THAMS CAD KYANG RNAM PAR G-YENG BAR BYAS PAS 'DU SHES MED PAR YANG BYAS NAS LUS 'DOR BAR YANG BYED DO, ,'KHRUGS PAR 'GYUR BA'I LAS BZHI PA BYED PA YIN TE; BRGYA LAM NA DBUGS 'BYUNG BA STOBS DANG LDAN PAR GYUR PAS SAM, GAL TE SHED NA DMAN PAR GYUR PAS KYANG LUS 'DOR BAR BYED PA'AM, MA YIN PA'AM NYAL BA'I 'DU SHES KYI DBUGS DANG LDAN PAR GYUR PAS 'TSO BA 'DZIN PAR BYED DO, ,DES STENG 'OG GI RLUNG RNAMS RIG PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, , GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, KUN RDZOGS PAR BYED PA ZHES BYA BA'I RLUNG LUS LA RAB TU GNAS TE TSOR BAR GYUR PA DANG RDZUD PAR YANG BYED DO, ,SEMS KYI RGYUD BRTAN PAR YANG BYED DO, ,GAL TE 'KHRUGS PAR GYUR NA NI, DES KYANG SEMS KYI RGYUN TZAB HRAL CAN DU BYED DO, ,RNAM PAR SHES PA GOMS PAR BYAS PA'ANG NYAMS PAR BYED DO, ,THOS PA RNAMS KYANG GZHAN DU BYED DO, ,DES MTHONG BAR GYUR PA RNAMS KYANG MI MTHONG BAR BYED DO, ,DE BZHIN DU RNA BAS KYANG SGRA RNAMS MI THOS PAR BYED
DO; ;DE BZHIN DU DRI SNOM PAR MI BYED CING DE BZHIN DU RO MYANG BAR MI BYED LA DE BZHIN DU LUS KYI REG BYA RNAMS 'DZIN PAR MI BYED DO, ,DE BZHIN DU YID KYIS CHOS RNAMS MI SHES SO, ,BDAG NYID RANG DANG GZHAN RNAMS SHES PAR MI 'GYUR RO, ,DES KUN RDZOGS PAR BYED PA'I RLUNG RIG PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GANG DAG GIS LAS CI ZHIG BYAD PA YIN NA, DES THOS PA LAS BYUNG BA'I SHES RAB KYI SAM, LHA'I MIG GIS MTHONG BAR GYUR PA, SEMS KYI RGYUD KUN TU SUN 'BYIN PA'I RLUNG BDAG GI LUS LA RAB TU GNAS PA YIN TE, DES 'KHRUGS PAR GYUR PA'AM 'KHRUGS PAR MA GYUR NA, BDAG LA LAS CI ZHIG BYED PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BA NA, GAL TE BDAG LA SEMS KYI RGYUD KUN NAS SUN 'BYIN PA'I RLUNG 'KHRUGS PAR GYUR NA, DE BDAG GI SEMS RGYU BAR BYED PA'I LAM KUN TU SUN 'BYIN PAR BYED DO, ,BSKYOD PAR BYED DO, ,RENGS PAR BYED DO, ,SHIN TU SKAM PAR BYED DO, ,RNAM PAR G-YENG BAR YANG BYED DO; ;KUN TU RMONGS PAR YANG BYED DO, ,BDAG GIS ZOS PAR GYUR PA RNAMS KYANG LAM NAS YANG DAG PAR YONGS SU BZHU BAR MI 'GYUR RO, ,DES RANG GI SEMS RNAM PAR G-YENG BAR
, ,'GYUR RO, ,DES BDAG GI SEMS DGE BA'I CHOS RNAMS LA MNGON PAR DGA' BAR MI BYED DO, ,RTAG TU'ANG BDAG GI LUS LAS RDUL KUN TU 'BYUNG NGO, ,BDAG GI KHA NAS LBU BA'ANG 'BYUNG BAR 'GYUR RO, ,GRANG MOR GYUR PA'I REG BYA RNAMS KYANG BDAG GIS MI BZOD DO, ,GANG YANG BDAG GIS GZUGS RNAMS MTHONG BAR GYUR PA DE DAG RNAMS NI, MI GSAL BAR YONGS SU 'DZIN TO, ,BDAG GI LUS PO DAG LCI BAR YANG 'GYUR RO, ,'ON KYANG BDAG LA DE DAG LA MTHU STOBS YANG MED DO, ,BDAG GI LUS SHIN TU RGUD PAR 'GYUR RO, ,DES SEMS SUN 'BYIN PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, 'KHRUGS PAR BYED PA ZHES BYA BA'I RLUNG BDAG GI LUS LA RAB TU GNAS PA YIN TE, DE GAL TE 'KHRUGS PAR GYUR NA, BDAG GI RMI LAM NA RMI LAM GYI BYA BA RNAMS BYED PAR MTHONG NGO, ,BDAG NYAL BAR GYUR PA'ANG RNAM PAR
'KHRUL PAR BYED DO, ,BDAG GI DROD RNAMS THAMS CAD SHIN TU GRANG BA'I STOBS DANG LDAN PAR 'GYUR RO, ,GRONG KHYER DANG KHANG PA RNAMS KYANG BDAG GIS SHIN TU STONG PAR MTHONG NGO, ,BDAG GI MDOG SKYA BOR 'GYUR RO, ,BDAG GI LUS NGAG GI BYED PA RNAMS NYUNG BAR 'GYUR RO, ,MAL STAN LA BDAG GI BDE BA RNYED PAR MI 'GYUR RO, ,GANG YANG BDAG GIS CHOS RNAMS MNGON SUM DU BYAS PA DE DAG RNAMS KYANG BDAG SHIN TU MNGON PAR 'DOD PAR MI 'GYUR RO, ,BDAG GIS 'BYUNG BA CHEN PO RNAMS THAMS CAD KYANG KUN TU 'KHRUG PAR BYED DO, ,ZOS PAR GYUR PA'I BDAG GI 'BYUNG BA CHEN PO RNAMS THAMS CAD DANG, BZOD PA RNAMS KYANG BDAG GI SNYING GI PHYOGS NA KUN TU GNAS PAR 'GYUR BA DANG, BDAG GLO BUR DU TSOR BA MED PAR YANG 'GYUR RO, ,BDAG GIS THAL BA'I PHUNG PO YANG GLO BUR DU MTHONG BAR 'GYUR RO, ,GAL TE YANG 'KHRUGS PAR MA GYUR NA NI, JI SKAD DU BSHAD PA'I NAD DE DAG RNAMS 'BYUNG BAR MI 'GYUR RO, ,DES KUN TU 'KHRUG PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN DAG GIS 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA,
, ,DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, MIG 'BYED PA DANG 'DZUM PAR BYED PA ZHES BYA BA'I BDAG GI RLUNG LUS LA RAB TU GNAS PA YIN TE, DE GAL TE 'KHRUGS PAR GYUR NA DES BDAG GI MIG 'BYED PA DANG 'DZUM PAR YANG MI BYED DO, ,DE LTAR YAN LAG DANG NYING LAG RNAMS THAMS CAD LA RGYU BA DANG, RTZA RNAMS THAMS CAD LA RGYU BA DANG, DBANG PO RNAMS THAMS CAD RMONGS SHING ZHEN PAR BYED PA'I RLUNG MYUR BA NI, BDAG GIS GCIG KYANG MA MTHONG NGO, ,'BYED PA DANG 'DZUM PAR BYED PA'I RLUNG GAL TE 'KHRUGS PAR GYUR NA NI, JI SKAD DU BSHAD PA'I NAD DE DAG RNAMS RAB TU 'BYUNG BAR MI 'GYUR RO, ,'BYED PA DANG 'DZUM PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RTOGS PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE BDAG GI RLUNG GZHAN GANG DAG GIS 'KHRUGS PAR GYUR PA'AM 'KHRUGS PAR MA GYUR NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, PHAN TSUN KUN TU DKRUG PAR BYED PA'I RLUNG LNGA BDAG LA 'CHI BA'I DUS NA 'BYUNG BAR 'GYUR TE, DE 'KHRUGS PAR GYUR PA'AM 'KHRUGS PAR
MA GYUR PA NA, BDAG 'CHI BAR GYUR PA'I DUS NA LAS CI ZHIG BYED PAR 'GYUR BA YIN NA, MIG DANG, RNA BA DANG, SNA DANG, LCE DANG, LUS DANG, YID RNAMS KUN TU 'GAG PAR BYED DO, ,RANG RANG GI YUL GZUGS DANG, SGRA DANG, DRI DANG, RO DANG, REG BYA DANG, CHOS RNAMS KYANG STE, GAL TE 'KHRUGS PAR MI GYUR NA NI, DES BDAG MYUR BAR 'CHI BAR BYED PAR MI 'GYUR RO, ,DES PHAN TSUN 'KHRUG PAR BYED PAR LNGA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, MNGAL KUN TU CHAGS PAR BYED PA ZHES BYA BA'I RLUNG BDAG GI LUS LA RAB TU GNAS PA YIN TE, DES BDAG DANG PO MNGAL DU SKYES PAR GYUR PA NA; GAL TE THA MAL PA'I LAS KYI RKYEN GYIS BDAG NUR NUR PO'I NANG DU DES SROG DANG 'BREL BAR BYED DO, ,NUR NUR PO LA GNAS PAR GYUR PA NA, GAL TE YANG SROG DANG BRAL BAR MA GYUR NA MER MER PO LA GNAS PA NA 'BRAL BAR MI BYED DO, ,NAR NAR PO LA GNAS PAR GYUR NA YANG 'BRAL BAR MI BYED DO, ,DES LUS KYI CHA SHAS RNAMS THAMS CAD DOD PA NA 'BRAL BAR BYED DO, ,YAN LAG
, ,DANG NYING LAG RNAMS THAMS CAD 'GYUS PA LA NI, SROG 'PHROG PAR MI BYED DO, ,DES BDAG GI DBANG PO RNAMS DOD PAR BYAS NAS 'PHROG PAR BYED DO, ,SKYE BA GZHAN GANG YANG RUNG BA RNAMS LA JI LTA JI LTAR SROG GCOD PA SHIN TU LCI BA RNAMS BYAS PAR GYUR NA, DE LTA DE LTAR 'DI'I MNGAL NAS BZUNG NAS SHIN TU MYUR BAR SROG DANG BRAL BAR BYED DO, , GAL TE YANG 'DIS SKYE BA GZHAN GANG YANG RUNG BA RNAMS SU SROG GCOD PA MA BYAS PAR GYUR NA NI, 'CHI BAR 'GYUR PA JI SKAD DU BSHAD PA DE DAG RNAMS SHIN TU MYUR BAR 'BYUNG BAR MI 'GYUR RO, ,DES MNGAL 'PHEL BAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA DANG, 'KHRUGS PAR MA GYUR PA NA LAS CI ZHIG BYED PA YIN NA; DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, MNGAL 'JIG PAR BYED PA ZHES BYA BA'I RLUNG LUS LA GNAS PA YIN TE, DE 'KHRUGS PA'AM MA 'KHRUGS PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GAL TE BDAG GI MNGAL 'JIG PAR
BYED PA'I RLUNG 'KHRUGS PAR GYUR NA, 'DOD PAS LOG PAR G-YEM PA'I RKYEN DANG LDAN PAS RANG BZHIN SUN 'BYIN PAR BYED PA YIN TE, BDAG SKYES PAR GYUR NAS MNGAL NA GNAS PA LAS DES BUD MED DAM MA NING DU'ANG BYED DO, ,THAMS CAD DU'ANG MNGAL 'PHO BAR BYED PA YIN TE, NYES PAR BYAS PA'I LAS CAN RNAMS LA'O, ,GAL TE YANG MNGAL 'JIG PAR BYED PA'I RLUNG SNGON NYES PAR BYAS PA'I LAS RNAMS KYI RKYEN DANG LDAN PAR GYUR PAS 'KHRUGS PAR MA GYUR NA NI, JI SKAD DU BSHAD PA'I MNGAL GYI RNAM PAR 'GYUR BA'I NAD DE DAG RNAMS 'BYUNG BAR MI 'GYUR RO, ,DES MNGAL 'JIG PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS RAB TU RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA DANG, 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GAL TE BDAG 'GRO BA DANG, 'ONG BA DANG, RGYUG PA DANG, MCHOD PAR BYED PA'I RLUNG 'KHRUGS PA DANG, MA 'KHRUGS PAR GYUR PA STE; DES BDAG KYOG POR 'GYUR RO, ,LAG PA DAG KYANG 'KHUM PAR 'GYUR RO, ,SGUR POR YANG 'GYUR RO, ,GNAS DANG GNAS SU'ANG 'GRO BAR MI NUS SO, ,BDAG GI ZAS DANG GNAS DANG
, ,KUN DGA' RA BA RNAMS SU'ANG 'GRO BAR MI NUS SO, ,BDAG GI LUS KYI DBANG PO'I BLO RNAMS DANG YID KYANG RAB TU DANG BAR MI 'GYUR RO, ,GAL TE 'KHRUGS PAR MA GYUR NA NI, BDAG GI LUS 'GRO BA DANG 'ONG BA RNAMS NUS PAR 'GYUR RO, ,BDAG GIS RGYUG PA DANG, MCHONG BA DANG, 'JOG PA RNAMS KYANG NUS PAR 'GYUR RO, ,DES 'GRO BA DANG, 'ONG BA DANG, RGYUG PA DANG, MCHOD PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA'AM 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BDAG GI MIG DANG, RNA BA DANG, SNA DANG, LCE DANG, LUS RNAMS KYI SO SOR LAS BYED PA'I RLUNG LNGA PA RNAMS SO SOR RGYU BAR BYED DO, ,DE LA RLUNG GCIG NI, MIG DANG LHAN CIG TU GYUR PA'I 'BYUNG BA BZHI LAS SHIN TU G-YO BAR BYED PAS NA RLUNG YIN TE, DES NA 'DI LA NI, RLUNG ZHES BRJOD DO; ;DES GAL TE BDAG GI MIG RAB TU DANG BAR BYED PAR GYUR NA NI, GANG GIS BDAG GI 'BYUNG BA CHEN PO RNAMS RAB TU DANG BAR BYAS PAS GZUGS RNAMS LTA BAR BYED PA LA NUS PA DANG
LDAN PAR 'GYUR RO, ,RNA BA LA YANG BDAG GI RLUNG GZHAN NA RAB TU GNAS PA YIN TE, DES SGRA RNAMS 'DZIN PAR BYED PA LA BDAG NUS PA DANG LDAN PAR 'GYUR RO, ,DE BZHIN DU SNAS DRI RNAMS 'DZIN PAR BYED PA YIN TE, DE LTAR SNAS NUS PAR 'GYUR BA YIN NO, ,DE LTAR BDAG GI LCES KYANG RO RNAMS MYANG BAR BYED PA YIN NO, ,DE LTAR BDAG GI LUS KYIS KYANG REG BYA RNAMS 'DZIN PAR BYED PA YIN NO, ,DE LTAR YANG RLUNG LNGA PO RNAMS YANG DAG PA JI LTA BA BZHIN DU LUS SO SOR RIG PAR BYED DO, ,GAL TE YANG RLUNG DE DAG RNAMS KYANG 'KHRUGS PAR GYUR NA NI, JI SKAD DU BSHAD PAR GYUR PA'I YUL DE DAG RNAMS LA DBANG PO RNAMS NUS PA MED PAR 'GYUR RO, ,DES MIG DANG, RNA BA DANG, SNA DANG, LCE DANG, LUS RNAMS LA GNAS PAR GYUR PA'I RLUNG LNGA PO RNAMS SHES PAR GYUR PA DAG GIS YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG LUS LA RAB TU GNAS PA YIN LA, DE BDAG LA 'KHRUGS PAR GYUR PA'AM 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GROG MA PA ZHES BYA BA'I RLUNG BDAG GI LUS LA RAB TU GNAS TE, DES 'KHRUGS PA DANG, MA 'KHRUGS PA NA BDAG LA LAS CI ZHIG
, ,BYED PA YIN PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, GAL TE GROG MA PA'I RLUNG BDAG 'CHI BA'I DUS SU GYUR PA NA SHIN TU 'KHRUGS PA SKYES PAR GYUR NA NI, DES BDAG GIS PAGS PA DANG, KHRAG DANG, SHA DANG, TSIL DANG, RUS PA'I 'DU SHES DANG, KHU CHU YANG STE, KHAMS DE DAG RNAMS THAMS CAD KYANG SKAM PAR BYED DO, ,KUN TU SGUL BAR 'GYUR RO, ,'JUG PAR 'GYUR RO, ,KUN TU BSKAMS PAR GYUR NAS KYANG BDAG 'CHI BA'I DUS KYI TSE NA DE LTAR TSOR BA RNAMS BYED PAR 'GYUR RO, ,RAB TU 'BAR BAR GYUR PA'I LCAGS KYI RANG BZHIN GYI GROG MA STONG PHRAG RNAMS GAL TE LUS LA BCUG PAR GYUR NA YANG DE'I BCU DRUG GI CHAR YANG MI PHOD DO, ,GAL TE YANG BDAG 'CHI BAR GYUR PA'I DUS NA SHIN TU STOBS CHE BAR 'KHRUGS PAR MA GYUR NA LEGS PAR BYAS PA'I LAS RNAMS KYI RANG BZHIN GYIS DES BDAG LA SHIN TU MI BZAD PA'I TSOR BA RNAMS 'BYUNG BAR MI 'GYUR RO, ,DES GROG MA PAR GYUR PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA'AM 'KHRUGS PAR MA GYUR PA NA LAS CI ZHIG BYED PA YIN NA, DES
THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, KHA BA PA ZHES BYA BA'I RLUNG BDAG GI LUS LA RAB TU GNAS PA YIN TE, DES 'KHRUGS PA DANG MA 'KHRUGS PA NA BDAG LA LAS CI ZHIG BYED PA YIN PA YANG DES THOS PA LAS BYUNG BA'I SHES RAB BDAG GIS SAM, LHA'I MIG GIS MTHONG BAR GYUR PA NI, GAL TE BDAG 'CHI BAR GYUR PA'I DUS SU KHA BA LTA BU'I RLUNG DE 'KHRUGS PAR GYUR NA, DES BDAG GI LUS SU GYUR PA RNAMS THAMS CAD DANG, TSIGS SU GYUR PA RNAMS THAMS CAD DANG, GNAD DU GYUR PA RNAMS THAMS CAD DANG, RGYUS PAR GYUR PA RNAMS THAMS CAD DANG, RGYUS PA'I GSEB TU GYUR PA RNAMS THAMS CAD DANG, KHOG PAR GYUR PA RNAMS THAMS CAD DANG, SPU'I KHUNG BUR GYUR PA RNAMS THAMS CAD DANG, SHA'I DUM BUR GYUR PA RNAMS THAMS CAD DANG, LHA BAR GYUR PA RNAMS THAMS CAD DANG, RUS PAR GYUR PA RNAMS THAMS CAD LA YANG RAB TU 'BAR BAR 'GYUR ZHING KHAB DANG 'DRA BAR GYUR PA RNAMS KYIS LUS THAMS CAD LA KHYAB PAR BYED DO, ,DES DE BZHIN DU BDAG LA TSOR BA RNAMS BYED PAR 'GYUR RO, ,DPER NA, KHAB BRGYA STONG PHRAG MANG PO RAB TU 'BAR BAR GYUR PA RNAMS LUS THAMS CAD LA RAB TU BTZUGS PAR GYUR PAS KYANG BCU DRUG GI CHAR YANG CHOG PAR YANG MI 'GYUR RO, ,GAL TE YANG SNGON LEGS PAR BYAS PA'I LAS RNAMS KYI GZI
, ,BRJID KYIS BDAG 'CHI BA'I DUS KYI TSE NA KHAB LTA BU'I RLUNG SHIN TU STOBS CHE BAR MI 'GYUR LA, DES JI SKAD DU BSHAD PAR GYUR PA'I TSOR BA RNAMS MI BZAD PAR MI 'GYUR RO, ,DES KHAB LTA BU'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA DANG 'KHRUGS PAR MA GYUR PA NA LUS LA LAS CI ZHIG BYED PA YIN NA; DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, MKHRIS PA KUN NAS SUN 'BYIN PA ZHES BYA BA'I RLUNG LUS LA RAB TU GNAS TE, DES 'KHRUGS PAR GYUR NA YANG BDAG LA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR BA NI, GAL TE MKHRIS PA KUN NAS SUN 'BYIN PA ZHES BYA BA'I RLUNG 'KHRUGS PAR GYUR NA, DES BDAG GI GSUS PA NA GNAS PAR GYUR PA'I MKHRIS PA SUN BYUNG NAS KHA SKAM PAR BYED PA YIN NO, ,LUS THAMS CAD NI, SER SKYAR BYED PA DANG, SEN MO DANG, MIG DANG, KHA DANG RNAMS KYANG SER POR BYAS NAS GSUS PA THANG BAR BYED DO, ,SNGON PO DANG SER PO'I RTZA RNAMS BDAG GI GSUS PA'I STONG DU SKYE BAR BYED DO, ,
BDAG SPRO BA MED PAR YANG 'GYUR RO, ,ZOS PA RNAMS KYANG SHIN TU 'JU BAR MI 'GYUR BA DANG, BDAG GI KHA KHA BAR YANG 'GYUR RO, ,BDAG GI CHU NGAN YANG SER POR 'GYUR RO, ,LUS THAMS CAD SKAM POR SKYED PAR BYED DO, ,BDAG GIS GZUGS RNAMS THAMS CAD KYANG SNGON PO DANG SER PO DANG SNGO BSANGS SU MTHONG BAR 'GYUR RO, ,'ON KYANG BDAG GIS LANGS NUS PAR YANG MI 'GYUR RO; ;RTAG TU'ANG BDAG GI GSUS PA SGRA DANG BCAS PAR YANG 'GYUR RO, ,GAL TE YANG BDAG GI MKHRIS PA KUN TU SUN 'BYIN PAR BYED PA'I RLUNG 'KHRUGS PAR MA GYUR NA NI, JI SKAD DU BSHAD PA'I NAD DE DAG RNAMS RGYAS PAR MI 'GYUR RO, ,DES MKHRIS PA KUN TU SUN 'DON PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RTOGS PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR BA DANG 'KHRUGS PAR MA GYUR PA NA LAS GANG ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RGYU MA 'BYED PA ZHES BYA BA'I RLUNG BDAG GI LUS LA RAB TU GNAS PA YIN TE; DE 'KHRUGS PAR GYUR PA DANG 'KHRUGS PAR MA GYUR PA NA BDAG LA LAS CI ZHIG BYED PA YANG, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA
, ,NI; GAL TE RGYU MA 'BYED PA ZHES BYA BA'I RLUNG BDAG GI LUS LA RAB TU GNAS PA LAS, DE GAL TE 'KHRUGS PAR GYUR NA, DES KYANG BDAG GIS ZOS PAR GYUR NAS LCE'I MTHAR SONG BA NA'ANG RUNG STE, SHIN TU BAR YANG 'DAS SHING RUS PA'I KRENG TOR RAM LUS KYI GRE BA 'BIGS PAR BYED DO, ,DES ZAS KYI RO RNAMS LUS KYI GSEB TU NGES PAR 'GRO'O, ,NGES PAR ZAS KYI RO RGYU MA'I GSEB TU SONG BAR GYUR PAS KYANG BDAG GI GSUS PA 'PHEL BAR YANG 'GYUR RO, ,DES BDAG CHES SBOM POR BYED DO, ,BZA' BA DANG, 'THUNGS PA DANG, 'CHOS PA DANG, MYANGS PA RAB TU PHAL CHE BAR GYUR PA RNAMS BDAG GIS NYE BAR SPYAD PAR YANG MI NUS SO, ,BDAG ZAS DANG BRAL BAR GYUR PA DES SPRO BA YONGS SU NYAMS PAR 'GYUR RO, ,BDAG GI LAG PA DANG RKANG PA DAG KYANG SKRANGS PAR GYUR PA KUN TU SKYED PAR BYED DO, ,BDAG GI GSANG BA'I GNAS KYANG SREG PAR BYED DO, ,RNAM PAR SREG PA'ANG RGYUN GYIS 'JUG PAR 'GYUR RO, ,LUS THAMS CAD DANG KHA'ANG SKAM PAR 'GYUR RO, ,BDAG GIS DGA' BAR GYUR BA'I RMI LAM RNAMS KYANG MI MTHONG NGO, ,RLUNG GIS RGYU MA RNAMS YUD TZAM YANG GNAS PAR MI 'GYUR RO, ,GAL TE YANG RGYU MA 'BYED PAR BYED PA'I RLUNG 'KHRUGS PAR MA GYUR NA JI SKAD BSHAD PA'I NAD RNAMS DE DAG RNAMS KYIS RGYAS PAR MI 'GYUR RO, ,
DES RGYU MA 'BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR BA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BAD KAN KUN NAS SUN 'BYIN PA ZHES BYA BA'I RLUNG BDAG GI LUS LA RAB TU GNAS PA YIN TE, DE 'KHRUGS PA DANG MA 'KHRUGS PA NA BDAG LA LAS CI ZHIG BYED PA YIN PA'ANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, GAL TE BDAG GI BAD KAN SUN 'BYIN PA ZHES BYA BA'I RLUNG 'KHRUGS PAR GYUR NA NI DES BDAG GI KHA MNGAR POR BYED DO, ,SNYING 'PHAR BA DANG, DANG GA MI BDE BA DANG, BSAM GTAN LA 'GRO BAR GYUR PA NA'ANG GNYID DANG RMUGS PA SKYED PAR BYED DO; ;LCE YANG LCI MOR BYED PA DANG BDAG GI MGUL BA LA'ANG NA TSA SKYED PAR BYED DO, ,KHAR BLUG PAR GYUR PA RNAMS KYANG SKAD CIG LA MGRIN PA'I SPU'I YUL PHYOGS KYI STENG DU 'ONGS PAR GYUR NA; DRI MI ZHIM ZHING TSOR BA DANG BCAS PAS KHA NAS KUN TU 'BYUNG BAR 'GYUR RO, ,LTOGS PA DANG SKOM PA DAG KYANG STOBS DANG LDAN PAR 'GYUR RO, ,BDAG GI MGRIN PAR YANG 'KHYIG PAR BYED
, ,NGO; ;GAL TE YANG BDAG GI BAD KAN KUN TU SUN 'BYIN PAR BYED PA'I RLUNG 'KHRUGS PAR MA GYUR NA NI, JI SKAD DU BSHAD PAR GYUR PA'I NAD DE DAG RNAMS RAB TU RGYAS PAR MI 'GYUR RO, ,BAD KAN KUN TU SUN 'DON PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, GZHAN BDAG GI RLUNG GANG DAG 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, LHA BA KUN TU SUN 'BYIN PA ZHES BYA BA'I RLUNG BDAG GI LUS LA RAB TU GNAS PA YIN TE, DE GAL TE 'KHRUGS PAR GYUR NA, DES BDAG 'DAR BAR 'GYUR BA DANG, LAM CUNG ZAD TZAM GYIS KYANG NGAL BAR 'GYUR RO, ,RTAG TU BDAG NAD PAR 'GYUR RO, ,BDAG GI NGO BO BZHIN MDZES PAR YANG MI 'GYUR ZHING BDAG GI LUS LA KO RLOG BYED PA DANG, BDAG GIS MANG DU SMRA BAR YANG MI NUS SO, ,BDAG GI YID KYANG BRTAN PA MA YIN PAR 'GYUR RO, ,NYIN MTSAN MED PAR YANG RUS PA'I GSEB RNAMS LAS GYUR PA'I BDAG GI TSOR BA RNAMS 'JI BAR YANG 'GYUR RO, ,BDAG GI LUS PO RNAMS
LA RTAG TU BA SPU LANGS PAR YANG 'GYUR RO, ,DBANG PO RNAMS THAMS CAD KYANG NAD DANG BCAS PAR 'GYUR RO, ,BDAG GI MGO BO LA YANG TSOR BA RNAMS RGYUN GYIS 'JUG PAR YANG 'GYUR RO, , BDAG GI MGO BO LA KUN TU SPYOD PAR BYED PA'I SRIN RNAMS KYANG RTAG TU RLUNG GIS MGO BO'I NANG DU SONG BAR GYUR NAS RNAM PAR BSKYOD PAR BYED DO, ,DE RNAM PAR BSKYOD PAR GYUR PAS KYANG KHAB BZHIN DU BDAG GI MGO BO 'BIGS PAR BYED DO, ,GAL TE YANG 'KHRUGS PAR MA GYUR NA NI, JI SKAD DU BSHAD PA'I NAD DE DAG RNAMS RAB TU 'BYUNG BAR MI 'GYUR RO, ,DES LTA BA KUN TU SUN 'BYIN PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, GZHAN BDAG GI RLUNG 'KHRUGS PAR GYUR PA DANG 'KHRUGS PAR MA GYUR PA NA BDAG LA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, PAGS PA KUN TU SUN 'BYIN PA ZHES BYA BA'I RLUNG BDAG GI LUS LA RAB TU GNAS PA YIN TE, DE 'KHRUGS PA DANG MA 'KHRUGS PA NA BDAG LA LAS CI ZHIG BYED PA YIN PA YANG, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, GAL TE PAGS PA KUN NAS
, ,SUN 'BYIN PA'I RLUNG LUS LA RAB TU GNAS PA 'KHRUGS PAR GYUR NA'ANG DES BDAG GI PAGS PA'I MDOG RNAMS DANG BRAL BAR 'GYUR RO, ,LUS THAMS CAD KYANG RTZUB MO HRUD POR 'GYUR ZHING GLANG PO'I PAGS PA'I KAB KOB PO RNAMS DANG 'DRA BAR PAGS PA'I YUL KUN LA THIG LE DU MA NYE BAR SKYE BAR 'GYUR RO, ,YAN LAG RNAMS LAS THOGS PA MED CING MYUR BAR RDUL YANG 'BYUNG BAR 'GYUR RO, ,NYAL BAR GYUR PA NA BDAG GI LUS RNAMS RTZUB PAR 'GYUR RO, ,BDAG GI LUS RKYONG BAR YANG MI NUS LA BSKUMS PAR GYUR PA NA YANG BDAG GIS RKYONG BAR BYED MI NUS SO, ,DONG RNAMS DANG G-YANG SAR GYUR PA DANG RTZUB PA'I MDOG RNAMS RMI LAM DU YANG BDAG GIS MTHONG BAR 'GYUR RO, , BZA' BAR BYA BA RNAMS DANG BCA' BAR BYA BA RNAMS DRON MOR GYUR PA MID PA YANG THAMS CAD GRANG MOR YANG BDAG GIS RTOGS SO, ,BDAG GI LCE'ANG RDOL BAR 'GYUR ZHING, BDAG GI ZAS RNAMS MID PAR YANG MI NUS SO, ,GAL TE YANG PAGS PA KUN NAS SUN 'BYIN PAR BYED PA'I RLUNG 'KHRUGS PAR MA GYUR NA NI, JI SKAD DU BSHAD PAR GYUR PA'I NAD DE DAG RNAMS 'BYUNG BAR MI 'GYUR RO, ,DES PAGS PA KUN TU 'JOMS BYED KYI RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED
DO; ;GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PAR GYUR PA NA, GZHAN DAG GI RLUNG GANG DAG 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, KHRAG KUN NAS SUN 'DON PA ZHES BYA BA'I RLUNG BDAG GI LUS LA RAB TU GNAS PA YIN TE, DE GAL TE 'KHRUGS PAR GYUR NA DES BDAG GI MCHIN PA'I GNAS KYI NANG GI GSEB NA RGYU BAR GYUR PA'I KHRAG RNAMS GNYIS SU RNAM PAR 'BYED PAR BYED DE, MA 'GRUNGS PA STENG DU 'GRO BA DANG 'OG TU 'GRO'O, ,DE LA STENG DU 'GRO BA RNAMS NI, SNA BUG DANG, MIG DANG, RNA BA RNAMS SU RGYU BAR BYED CING KHRAG RGYU BA'I RGYUN RNAMS KUN TU SUN 'DON NO, , DE SUN BTON PAR GYUR PAS KYANG NANG GI KHAMS RNAMS THAMS CAD 'KHRUGS PAR BYED DO, ,DES BDAG GI YAN LAG DANG NYING LAG RNAMS THAMS CAD KYANG RTZOL BA MED PAR 'GYUR RO, , RNA BA LAS SU MI RUNG BA DANG 'GRO BA DANG 'ONG BA YANG BDAG GIS MI NUS PAR 'GYUR RO, ,RTAG TU YANG BDAG GI SNA BUG GNYIS DRI MI ZHIM PAR 'GYUR RO, ,TSANGS PAR SPYOD PAR 'GYUR BA BDAG NYIN MO SPYOD PA'I SAR 'GRO BA NA MNGON PAR SPRO BAR MI 'GYUR BA DANG KUN TU 'DRE BAR YANG MI BYED DO, ,GAL TE YANG 'OG TU 'GRO BAR 'GYUR BA'I KHRAG RNAM PAR 'BYED PAR BYED NA, DE GZHANG
, ,DANG PHO MTSAN DAG RNAM PAR 'JIG PAR BYED DE, DES KYANG BDAG GI KHRAG RNAMS MTSAN MA NAS SHIN TU RAB TU RGYU BAR BYED DO, ,BDAG GI GZHANG YANG KHRO GNYER GSUM DU SUN 'BYIN PAR BYED LA, BSHANG BA RGYU BAR GYUR PA'I SPUBS KUN TU SUN PHYUNG BAR YANG GYUR CING KHU BAS KYANG BDAG LA GZHANG 'BRUM BSKYED PAR GYUR NAS DES BDAG SHIN TU YANG NA TSA BAR BYED DO; ;DES YANG NA KHRAG GIS SHIN TU YANG 'KHRU BAR BYED DO, ,DES KHRAG KUN TU SUN 'DON PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NO, ,DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SHA KUN NAS SUN 'DON PA ZHES BYA BA'I RLUNG BDAG GI LUS LA RAB TU GNAS PA YIN TE, DE BDAG LA 'KHRUGS PA DANG MA 'KHRUGS PA NA LAS CI ZHIG BYED CE NA, GAL TE SHA KUN NAS SUN 'DON PAR BYED PA'I RLUNG BDAG LA RAB TU 'KHRUGS PAR GYUR NA, DES BDAG RTZUB PA DANG, SNUM BAG CAN MA YIN PA DANG, MDOG NGAN PA DANG, HRUD HRUD PO DANG, NAD CHEN POR GYUR PA DANG,
DRI MI ZHIM PA DANG, LUS SU GYUR PA RNAMS THAMS CAD LA YANG KAB KOB TU GYUR PA'I THIG LE RNAMS SKYED DO, ,KUN TU SKYES PAR GYUR PA RNAMS KYANG DRI MI ZHIM PAR 'GYUR RO, ,BDAG SHIN TU YANG CHU NGAN MANG BAR 'GYUR BA DANG, GRANG BA RNAMS BZOD PA DANG, DRO BA RNAMS DANG CHU DRON GYI GTAM TZAM YANG BZOD PAR MI 'GYUR BA DANG, RO TSA BAR GYUR PA RNAMS MI BZOD PA DANG, BSIL BA DANG, MNGAR BA DANG, YANG BA RNAMS BZOD PAR 'GYUR RO, ,BDAG GI LUS THAMS CAD KYI SHA YANG 'DRUL BA DANG, DRI MI ZHIM PA DANG, RNAG 'DZAG PAR YANG 'GYUR RO, ,DES SHA SUN 'DON PAR BYED PA'I RLUNG LA SO SOR BRTAGS PAS KYANG YANG DAG PA JI LTA BAR LUS RNAMS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PAR GYUR PA NA, RLUNG GZHAN GANG DAG BDAG GI LUS LA RAB TU GNAS PA YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, TSIL KUN NAS SUN 'DON PA ZHES BYA BA'I RLUNG BDAG GI LUS LA RAB TU GNAS TE, DE BDAG LA 'KHRUGS PAR GYUR NA NAD GANG DAG SKYED PAR BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, GAL TE BDAG GI TSIL KUN TU MA RUNGS PAR BYED PA'I RLUNG DES BDAG GI TSIL RNAMS SHIN TU PHUL DU
, ,BYUNG BA BSKYED PAR GYUR NAS BDAG GI LUS KYI GNAS RNAMS LAS KHA CIG NI, TSIL GYIS GNON PAR BYED DO, ,LA LA NI, SKYANGS PAR BYED PAR 'GYUR RO, , 'GA' ZHIG NI, MA RUNGS PA'I GNAS SU BYED DO, ,'GA' ZHIG NI, DMA' BAR BYED DO, ,BRGYA LA NI, SHIN TU SRA BAR YANG BYED DO, ,'GA' ZHIG SKYA BOR YANG 'GYUR RO, ,'GA' ZHIG NI; RNAM PA THAMS CAD DU SEMS MED PAR 'GYUR RO, ,GAL TE 'KHRUGS PAR MA GYUR NA NI, JI SKAD DU BSHAD PAR GYUR PA'I NAD DE DAG RNAMS 'BYUNG BAR MI 'GYUR RO, , DES TSIL KUN TU SUN 'DON PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG GO ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA; DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RUS PA KUN TU SUN 'DON PA ZHES BYA BA'I RLUNG LUS LA RAB TU GNAS PA YIN TE; DE 'KHRUGS PA DANG MA 'KHRUGS PA NA BDAG LA LAS CI ZHIG BYED PA YIN ZHE NA, DES RUS PA'I LHANG KYOG RNAMS KUN NAS SKYED PAR BYED DO, ,MUR 'GRAM 'BYED PAR YANG 'GYUR
BA DANG, GNYID MED PAR YANG BYED DO, ,NYIN MTSAN MED PAR GNYID MED PAR YANG 'GYUR RO, ,BDAG GI RKANG MAR YANG SHIN TU SDUG BSNGAL BAR BYED CING BDAG GI LUS THAMS CAD KYANG SLO SLO BOR KUN TU SKYED PAR BYED DO, ,RGYUS PA'ANG RAB TU RGYAS PAR MI 'GYUR BA DANG SRA BA'ANG MA YIN NO, ,SNGO BAR GYUR PA DANG, RTAG PAR NYE BAR DGA' BA MA YIN PA'I TSOR BA RNAMS KYIS KHYAB PAR BYED PAS NGAL BAR GYUR PA RNAMS BZHIN DU BDAG GI LUS KYANG RTAG TU 'GYUR RO, ,SKAD CIG TZAM YANG MIG BTZUM TZAM DU YANG BDAG GI BDE BA RNYED PAR MI 'GYUR RO, ,DES RUS PA SUN 'DON PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG 'KHRUGS PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, KHU CHU KUN TU SKAM PAR BYED PA ZHES BYA BA'I RLUNG BDAG GI LUS LA RAB TU GNAS PA YIN TE, DE 'KHRUGS PA DANG, MA 'KHRUGS PA NA BDAG LA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA NI, GAL TE KHU CHU SKAM BYED KYI
, ,RLUNG BDAG LA 'KHRUGS PAR GYUR NA, DES BDAG 'KHRUL BAR BYED DO, ,MTSAN MO'ANG MA LAN BU MO DAG GI RMI LAM GYI RNAM PAR 'GYUR BA KUN TU STON PAR BYED NGO; ;RNAM PAR 'GYUR BA NI, KUN TU RNAM PAR RTOG PA LAS GYUR PA'I SO SO SKYE BO RNAMS 'DOD PAR GYUR PAS RDZUN POS 'DOD PA LA SPYOD PAR BYED PA STE, RLUNG DES DMIGS PAR GYUR PA NI; SRIN PO RGYU BA'I BU MO RDZUN PAS BDEN PA DANG RNAM PAR BRAL BA ZHES BYA BA DES BDAG LA CO 'DRI BAR BYED 'DOD PA YIN NO, ,BDAG GI ZAS KYANG SMIN PAR MI 'GYUR RO, ,DES KHU CHU KUN NAS SUN 'DON PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BAR LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYIS LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, 'THUG KOB TU BYED PA ZHES BYA BA'I RLUNG BDAG GI LUS LA RAB TU GNAS PA YIN TE, DE 'KHRUGS PA DANG MA 'KHRUGS PA NA BDAG LA LAS CI ZHIG BYED PA YANG, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, GAL TE 'THUG KOB TU BYED PA ZHES BYA BA'I
RLUNG 'KHRUGS PAR GYUR NA DES BDAG GI RKANG PA'I GSEB TU GYUR PA DANG, RKANG PA'I MTHIL GYI GSEB TU GYUR PA DANG, PUS MO'I LHA NGA'I GSEB TU GYUR PA DANG, MJUG MA'I GSEB TU GYUR PA DANG, RGYAB KYI GSEB TU GYUR PA DANG, GLO BA'I GSEB TU GYUR PA DANG, NU MA'I GSEB TU GYUR PA DANG, SKE'I GSEB TU GYUR PA DANG, DPUNG PA'I GSEB TU GYUR PA DANG, MGO BO'I GSEB TU GYUR PA DANG, RNA BA'I GSEB TU GYUR PA DANG, SMIN MA'I GSEB TU GYUR PA DANG, YAN LAG DANG NYING LAG RNAMS THAMS CAD KYI GSEB TU GYUR PA'I BDAG GI LUS RNAMS LA 'THUG PO KAB KOB TU SKYED DO, ,KUN TU DKRIG PAR BYED CING RAB TU 'PHEL BAR BYED DO, ,KUN TU 'KHUM PAR BYED PA DANG 'KHUM PAR BYED DO, ,RKANG PA DAG RDOL BAR YANG BYED DO, ,GAL TE YANG BDAG GIS MAR GSAR DANG MAR NAG DAG GIS BYUG PA BYAS PAR GYUR NA DES BDAG GIS BSKUS PA RNAMS SKAM PAR BYED DO, ,RINGS PAR BYED DO, ,DES 'THUG KOB TU BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BAR LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS LAS CI ZHIG BYED PAR GYUR PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, SKRA DKAR POR BYED PA ZHES BYA BA'I RLUNG BDAG GI LUS LA RAB TU GNAS PA YIN LA, DE BDAG LA 'KHRUGS
, ,BAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, GAL TE SKRA DKAR POR BYED PA'I RLUNG BDAG GI LUS 'KHRUGS PA SKYES PAR GYUR NA, DES BDAG GZHON PA LANG TSO LA BAB PA YIN YANG SKRA DKAR KUN TU SKYED PAR BYED DO, ,GZHON PA LANG TSO LA BAB PAR GYUR PA YANG RDZUD PA NYID DU SKYED PAR BYED DE, DE NI, JI LTAR RGAN PO BZHIN NO, ,GAL TE YANG BYIS PA SO SO'I SKYE BO GZHAN DAG RNAMS LA YANG ZAS KYIS SKYED PAR BYED DO, ,DE DAG KYANG BU'I RIM PA JI LTA BAS RGAN PO RNAMS SU 'GYUR RO, ,GZHON PA LANG TSO LA BAB PAR GYUR PA DE DAG RNAMS KYANG NGES PAR YANG KUN TU 'BREL BAR BYED DO, ,DE DAG RNAMS KYANG GZHAN GANG DAG BYIS PA RNAMS LA YIN PA LAS DE DAG KYANG RGYUN GYI RIM PAS RGAS PA DANG SHIN TU 'BREL BAR BYED DO, ,GSAR PA LANG TSO LA BAB PA RNAMS KYANG SKRA DKAR POR BYED PA'I RLUNG GI MTHU STOBS KYIS GSAR PA LANG TSO LA BAB PA RNAMS KYANG RGAS PA RAB KYI STOBS DANG LDAN PAR 'GYUR RO, ,SKRA DKAR DU BYED PA'I RLUNG DE YANG BZANG LDAN GYI DUS NA MI 'BYUNG NGO, ,RTZOD LDAN GYI DUS NA YANG JI LTAR CHOS MA YIN PA LA PHAL CHER SKYE RGU RNAMS GNAS PAR GYUR PA DE LTA DE LTAR SKRA DKAR DU BYED PA'I RLUNG RAB TU 'PHEL BAR 'GYUR RO, ,DE LTAR YANG CHOS MA YIN PA LA GNAS PA'I SEMS CAN RNAMS PHAL CHE BAR 'GYUR RO, ,DES SKRA DKAR DU BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA
PA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, MTHUN PA SUN 'DON PA ZHES BYA BA'I RLUNG BDAG GI LUS LA RAB TU GNAS PA YIN TE, DE GAL TE BDAG LA 'KHRUGS PAR GYUR PA DANG 'KHRUGS PAR MA GYUR PA NA DES BDAG LA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR BA, BDAG LA 'KHRUGS PAR GYUR PAS NI, DANG GA MI BDE BAR BYED DO, ,SDUG PA DANG MTHUN PA RNAMS LA ZHE SDANG BAR 'GYUR RO, ,DE NYIN MO NYAL BA NA 'KHRUGS PAR 'GYUR TE, ZAS MNGAR MO RNAMS KYANG BDAG GIS MID PAR MI NUS SO, ,BDAG TSA BA DANG SKYUR BA'I ZAS RNAMS 'DOD PAR 'GYUR RO, ,RTZUB MO DE DAG RNAMS KYIS KYANG BDAG GI YID RAB TU KHRO BA SKYED PAR BYED DO; ;NYIN MO SPYOD PA'I SAR MA PHYIN NA YANG LUS NGAL BAR 'GYUR RO, ,DES MTHUN PA SUN 'DON PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, RLUNG GZHAN GANG DAG BDAG GI LUS LA RAB TU GNAS PA YIN
, ,NA; DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GCIN LHAG MA SUN 'DON PAR BYED PA ZHES BYA BA'I RLUNG BDAG GI LUS LA RAB TU GNAS PA YIN TE, DE 'KHRUGS PAR GYUR PA DANG 'KHRUGS PAR MA GYUR PA NA BDAG LA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, GAL TE BDAG GI GCIN KUN NAS SUN 'DON PAR BYED PA'I RLUNG RAB TU 'KHRUGS PAR GYUR NA, DES NYIN MO DANG MTSAN MO MED PAR YANG BDAG GI PHO MTSAN LA GNAS PA'I TSOR BA RNAMS RAB TU ZHI BAR MI 'GYUR RO, ,RTAG TU YANG BDAG CHU NGAN GTONG 'DOD PAR 'GYUR RO, ,BDAG GI CHU NGAN GTANG BAR YANG MI NUS SO, ,BDAG GI LUS KYANG RTAG PAR KUN TU SPRO BA MED PAR 'GYUR RO, ,BDAG GI DBUGS 'BYIN PA NA RDZOGS PAR YANG MI 'GYUR RO, ,DE RAB TU STOBS CHE BAR GYUR NA BDAG SHIN TU YANG SKYA BOR SKYED PA DANG, RDZUD PAR YANG BYED DO, ,DES GCIN LHAG MA KUN NAS KUN 'DON PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, , GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, RLUNG GZHAN GANG DAG BDAG GI LUS LA RAB TU GNAS PAR GYUR NA, DES THOS PA LAS BYUNG
PA'I SHES RAB KYIS SAM, LHA'I MIG GIS MTHONG BAR GYUR BA, ZAS DANG LDAN PA ZHES BYA BA'I RLUNG BDAG GI LUS LA RAB TU GNAS PA YIN TE, DE BDAG LA 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, GAL TE ZAS DANG LDAN PA'I RLUNG RAB TU 'KHRUGS PAR GYUR NA RANG BZHIN DU GNAS PAR GYUR PA'I ZAS LAS DE'ANG GANG GI TSE ZAS BZHI 'GYUR RAM LNGA 'GYUR DU'ANG ZA BAR BYED DO, ,DE BDAG LA RAB TU 'KHRUGS PAR GYUR NA ZAS DANG BCAS PAR GYUR DU ZIN KYANG SPRO BA 'JIG PAR BYED DO, ,BDAG GIS MIG 'BYED PA DANG 'DZUM PAR BYED KYANG MI NUS SO, ,RLUNG DE STOBS DANG LDAN PAR GYUR PAS BDAG GI YID LA CHOS RNAMS SRING BAR YANG MI 'GYUR RO, ,DES ZAS DANG LDAN PA'I RLUNG LA SO SOR BRTAGS PAR GYUR BAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG 'KHRUGS PAR GYUR PA DANG 'KHRUGS PAR MA GYUR PA NA LUS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, STENG DU 'GRO BAR BYED PA ZHES BYA BA'I RLUNG BDAG GI LUS LA RAB TU GNAS PA YIN TE, DES BDAG LA LAS CI ZHIG
, ,BYED PA YIN PA YANG, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, GAL TE SO 'BYED PAR BYED PA'I RLUNG 'KHRUGS PAR GYUR NA NI, DES BDAG GI SO LA LHANG KYOG DANG, SO 'JIG PA DANG, SO RNAMS RTZA BA NAS 'BRUL BA DANG, SO RNAMS RNYIL SKRANGS PA DANG, KHA SKRANGS PA DANG, MCHU SKRANGS PA DANG, RKAN YANG SNGON POR BYED DO; ;DES SO 'BYED PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI LUS LA RLUNG GZHAN GANG DAG RAB TU GNAS PA YIN NA, DES THOS PA LAS BYUNG BA'I SHES RAB KYI SAM, LHA'I MIG GIS MTHONG BAR GYUR PA, RTZE'U CHUNG DAG LA RAB TU SREG PAR BYED PA ZHES BYA BA'I RLUNG LUS LA RAB TU GNAS PA YIN TE, DE 'KHRUGS PAR GYUR PA DANG 'KHRUGS PAR MA GYUR PA NA BDAG LA LAS CI ZHIG BYED PA YANG DES MTHONG BAR GYUR PA NI, RTZE'U CHUNG LA RAB TU SREG PAR BYED PA ZHES BYA BA'I RLUNG BDAG LA RAB TU 'KHRUGS PAR GYUR NA, DES BDAG GI MGRIN PA LA ZUG GZER DANG, MGRIN PA LA SHA 'BRAS DANG, MGRIN PA SBOM POR YANG BYED DO, ,'UR 'UR ZHES KYANG BYED DO, ,DES RTZE'U CHUNG LA SREG PAR BYED PA'I RLUNG LA SO SOR BRTAGS PAR GYUR
BAS KYANG YANG DAG PA JI LTA BAR LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, 'OG TU 'GRO BA ZHES BYA BA'I RLUNG LUS LA RAB TU GNAS PA YIN TE, DE BDAG LA 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, 'OG TU 'GRO BAR BYED PA'I RLUNG DE 'KHRUGS PAR GYUR NA YANG DES BDAG GI ZAS RNAMS LAS MANG DU NI, SUN BTON PAR GYUR NAS SHIN TU NYUNG BA ZHIG DNGANGS PAR 'GYUR RO, ,DE LA ZAS RNAMS DNGANGS PAR GYUR PAS NI, PAGS PA DANG, KHRAG DANG, SHA DANG, TSIL DANG, RUS PA DANG, KHU CHU DANG, LHA RKANG RNAMS KYANG 'PHEL BAR BYED DO, ,RNYOG PAR GYUR PAS NI, RLUNG DANG, MKHRIS PA DANG, BAD KAN RNAMS RAB TU 'KHRUGS PAR 'GYUR RO, ,BDAG GI STENG DANG 'OG TU BYED PA'I RLUNG DE GAL TE 'KHRUGS PAR GYUR NA NI, DES CHES MANG DU ZAS DANG BRTZON 'GRUS RNAMS SUN 'BYIN PAR BYED DO, , SHIN TU NYUNG BA ZHIG DANG BAR BYED DO, ,DES 'OG TU 'GRO BA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL
, ,'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, STENG DU 'GRO BAR BYED PA ZHES BYA BA'I RLUNG BDAG GI LUS LA RAB TU GNAS PA YIN TE, DES 'KHRUGS PAR GYUR PA DANG, 'KHRUGS PAR MA GYUR PA NA BDAG LA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, STENG DU 'GRO BAR BYED PA'I RLUNG NI, BDAG GI SPYI BO LA BRTEN NAS SPYI BO'I THOD PA PHUG PAR GYUR NAS NGU BA LTA BU SPYI BO NAS BYUNG STE 'GRO BAR BYED DO, , BDAG TSA BAR GYUR PA'I NANG NA 'GRO BAR GYUR NA SPYI BO BRTOL NAS NGU BA NYID DU RGYU BAR BYED DO, ,DE NI, GTZUG PHUD NAS MTHONG BAR 'GYUR RO, ,NYIN MO DANG MTSAN MO MED PAR YANG RGYUN MI 'CHAD PAR 'GRO BA'O, ,SO SO'I SKYE BO RNAMS THAMS CAD KYIS MNGON SUM DU'ANG MTHONG NGO, ,GAL TE YANG RAB TU 'KHRUGS PAR GYUR NA, DE NI, SPYI BO BRTOL NAS KUN TU 'GRO BAR BYED DO; ;DE RGYUN MA CHAD PAS ZHAG GSUM NA NGES PAR 'CHI BAR 'GYUR RO, ,DES STENG DU 'GRO BAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN
DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, BDAG GI RLUNG GZHAN GANG DAG 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GAL TE BDAG GI GLO NA RGYU BAR BYED PA'I RLUNG 'KHRUGS PAR GYUR NA; DES BDAG GI DBUGS DBYUNG BA DANG RDUB PA RNAMS KYANG BSKYOD PAR BYED PA DANG, BDAG GI RTZA DANG RGYUS PA RNAMS THAMS CAD KYANG G-YO BAR BYED DO, ,RNAM PAR 'DRE BAR BYED CING 'PHYANG BAR YANG BYED DO, ,KUN NAS THUNG BAR BYED CING RING BAR YANG BYED LA, SNA SPUBS DAG GZHOM PAR BYED DO, ,SHU SHU'U BDAG KYANG SKYED PAR BYED DO, ,DES KYANG BDAG 'CHI BA LA THUG PA'I SDUG BSNGAL 'BYUNG BAR 'GYUR RO, ,DES RTZI BA LOGS LA RGYU BAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BAR LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GANG DAG 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, ZA MA TOG LA GNAS PA ZHES BYA BA'I RLUNG LUS LA RAB TU GNAS PA YIN TE, DE 'KHRUGS PA DANG MA 'KHRUGS
, ,PA NA BDAG LA LAS CI ZHIG BYED PA YIN PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, ZA MA TOG LA GNAS PA'I RLUNG GAL TE 'KHRUGS PAR GYUR PA NA, DES BDAG GI RGYUS PA MANG PO LAG PA'I GNAD LA GNAS PA RNAMS DANG, RKANG PA LA GNAS PA'I RGYUS PA MANG PO RNAMS DANG, RGYAB LA GNAS PA'I RGYUS PA MANG PO RNAMS DANG, GSANG BA LA GNAS PA'I RGYUS PA MANG PO RNAMS DANG, LUS THAMS CAD LA GNAS PA'I RGYUS PA MANG PO RNAMS KUN TU 'KHUM PAR BYED DO; ;KUN NAS 'BRAL BAR BYED DO, ,KUN TU SGO BAR BYED DO, ,SEMS DANG BRAL BAR YANG BYED DO, ,RGYUS PA'I TSOGS CHEN PO DE LA YANG LUS PO ZHES KYANG RJOD PAR BYED DO, ,DES ZA MA TOG LA GNAS PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, RLUNG GZHAN GANG DAG BDAG GI LUS LA RAB TU GNAS PA YIN NA, DES SPU 'BYED PAR BYED PA ZHES BYA BA'I RLUNG BDAG GI LUS LA RAB TU GNAS PAR 'GYUR PA MTHONG BAR GYUR TO, ,DE 'KHRUGS PAR GYUR PA DANG 'KHRUGS PAR MA GYUR PA NA BDAG LA LAS CI ZHIG BYED PA YIN PA YANG DES THOS PA LAS BYUNG BA'I
SHES RAB KYIS SAM, LHA'I MIG GIS MTHONG BAR GYUR PA NI, GAL TE SPU 'BYED PA ZHES BYA BA'I RLUNG BDAG GI LUS LA 'KHRUGS PAR GYUR NA NI, DES BDAG GI YAN LAG DANG NYING LAG RNAMS THAMS CAD LA GNAS PA'I SPU RNAMS 'JOMS PAR BYED DO, ,SER SKYAR YANG BYED PA DANG, YAN LAG DE'I YUL PHYOGS RNAMS MDOG NGAN PAR YANG BYED DO, ,BDAG GI SPU RNAMS NYAMS PAR 'GYUR RO, ,ZHES SHES PAR YANG 'GYUR BA DANG, CHUD 'DZA' BAR GYUR PA RNAMS NI, PHYIR ZHING LHAG PAR KHYAD PAR DU 'PHEL BAR YANG 'GYUR RO, ,DES SPU 'BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RTOG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RLUNG RJES SU MTHUN PA ZHES BYA BA STE, RLUNG 'KHRUGS PA'AM MA 'KHRUGS PA NA YANG LAS CI ZHIG BYED PA YANG, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BA NI, RJES SU MTHUN PAR G-YO BA'I RLUNG NI, SKABS DANG SKABS RNAMS SU JI LTA BAR RLUNG GIS RJES SU MTHUN PAR SPRO BAR BYED PA STE,
, ,THA MAL BA'I TSAD DU 'GRO BA DANG, 'ONG BA DANG, BSKUM PA DANG, RKYONG BA DANG RNAMS RJES SU MTHUN PAR RNAM PAR 'BYED PAR BYED PA'O, ,GAL TE YANG LUS THAMS CAD DU 'GRO BAR BYED PAS BSKYOD NAS NI, DES YID RGYU BAR BYED PA'I RGYUN YANG BSKYOD PAR BYED DO, ,DE'I RKYEN GYIS BDAG RLUNG GIS SMYON PAR 'GYUR RO, ,BDAG GI SEMS MNYAM PAR BZHAG PAR YANG MI 'GYUR RO, ,DES RLUNG RJES SU MTHUN PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, , GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, RLUNG GZHAN GANG DAG BDAG GI LUS LA RAB TU GNAS PA YIN LA, DE 'KHRUGS PAR GYUR PA DANG, 'KHRUGS PAR MA GYUR PA NA BDAG LA LAS CI ZHIG BYED PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA LAS, NYAL BA LAS RNAM PAR G-YENG BA STON PA ZHES BYA BA'I RLUNG LUS LA RAB TU GNAS PA YIN TE, DE GAL TE BDAG LA 'KHRUGS PAR GYUR NA, DES BDAG SANGS RGYAS KYI GSUNG NYAN PAR GYUR PA NA NI, GNYID SKYED PAR BYED DO, , KUN NAS NYON MONGS PA CAN MI DGE BAR GYUR PA RNAMS NYAN NA NI, GNYID MI SKYED DO, ,DE SEMS CAN GYI RGYUN RNAM PAR G-YENG BA NYID DU'ANG BYED DO, ,MTSAN MO YANG YID LA BYED PA YANG DAG
BAR MI 'GYUR RO, ,BDAG MANG DU MNGON PAR BRJOD PAR 'GYUR RO, ,PHYOGS SU GYUR PA RNAMS NA YANG BDAG GIS SKRA SHAD 'DZINGS PAR MTHONG BAR 'GYUR RO, ,DES NYAL BAS RNAM PAR G-YENGS PA RNAMS STON PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, RLUNG GZHAN GANG DAG BDAG GI LUS LA RAB TU GNAS PA YIN, DES LAS NI, CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, MI BZOD PA ZHES BYA BA'I RLUNG BDAG GI LUS LA RAB TU GNAS PA YIN TE, DE 'KHRUGS PAR GYUR PA DANG 'KHRUGS PAR MA GYUR PA NA BDAG LA LAS CI ZHIG BYED PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA LAS GAL TE BDAG GI MI BZOD PA'I RLUNG 'KHRUGS PAR GYUR NA , DES BDAG GLENG GZHI CHUNG DU TZAM GYIS KYANG RAB TU KHRO BAR BYED DO, ,DES KHRO BA'I DBANG DU GYUR PAR YANG LEGS PAR STON PAR BYED DO, ,SO SO'I SKYE BO RNAMS LA KHRO BA SKYED PAR 'GYUR BA YANG YIN NO; ;SPU RNAMS KYANG LANGS PAR BYED DO, ,SNYING LA GNAS PA'I RLAN RNAMS SKYED PAR YANG BYED DO, ,BDAG GIS NYE BA NA GNAS PA'I GZUGS RNAMS KYANG RING BA NA GNAS PA BZHIN DU MTHONG
, ,NGO, ,BDAG GIS NYI MA DANG ZLA BA DAG GI DKYIL 'KHOR YANG PHYIN CI LOG TU MTHONG BAR 'GYUR RO, ,ZLA BA YANG NYI MA LTAR BDAG GIS MTHONG BAR 'GYUR TE, RLUNG DE RAB TU 'KHRUGS PAR GYUR PA'I SKYON GYIS YIN NO, ,DES MI BZOD PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, LCE LA GSAL BYED DANG YI GE RNAMS BYED PA ZHES BYA BA'I RLUNG BDAG GI LUS LA RAB TU GNAS PA YIN TE, DE 'KHRUGS PA DANG MA 'KHRUGS PA NA LAS CI ZHIG BYED PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI; BDAG GI GSAL BYED DANG YI GE GANG YIN PA 'DI DAG RNAMS NI, BRJOD PAR BYA BAR YANG MI NUS KYI, DE DAG NI, SEMS DANG SEMS LAS BYUNG BA DAG GIS DMIGS PAS LCE LAS BRJOD PA DANG YI GE RNAMS DANG BCAS PAR RLUNG GI MNGON PAR BRJOD PA YIN TE, SEMS KYIS BYED PA'I RJES SU 'BRANG BAR BYED PA'I RLUNG GIS BSKYOD PAR GYUR PAS BRJOD PA DANG YI GE RNAMS
GCIG MA YIN PAR BYED PA YIN ZHING, DE LTAR LCES BRJOD PA DANG YI GE BYED PA'I RLUNG LA BRTEN PAR GYUR NAS GSAL BYED DANG YI GE'I KUN BRJOD PA DU MA RNAMS BYED PA YIN NO, ,GAL TE YANG 'KHRUGS PAR GYUR NA NI, LCE ZHAN PAR 'GYUR BA'AM, LCE MGYOGS PAR YANG BYED CING LKUGS PAR BYED DO, ,LCE LA GSAL BYED DANG YI GE BYED PA ZHES BYA BA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, RO SRED PAR BYED PA ZHES BYA BA'I RLUNG LUS LA RAB TU GNAS PA YIN TE, DE BDAG LA 'KHRUGS PA'AM MA 'KHRUGS PA NA LAS CI ZHIG BYED PA YANG, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, GAL TE BDAG GI RO SRE BAR BYED PA'I RLUNG 'KHRUGS PAR GYUR NA, DES BDAG GI LCE'I RTZE MO LA SRIN MNGAR MOS 'DOD PAR BYED DO, ,DES BDAG THAMS CAD DU 'DOD PAR GYUR PA DANG, THAMS CAD DU DGA' BAR GYUR PA DANG, THAMS CAD DU YID DU 'ONG BAR GYUR PA'I ZAS RNAMS LA BDAG DGA' BAR
, ,'GYUR RO, ,BDAG GIS MID PAR YANG BYED MI NUS SO, ,BDAG ZAS DE DANG BRAL BAR GYUR NA LUS BSAM GTAN LA MNYAM PAR 'JOG PAR BYED MI NUS PAR 'GYUR RO; ;DGE BA'I CHOS RNAMS LA YANG SHIN TU SPRO BAR YANG MI 'GYUR RO, ,BDAG GI LUS KYI SKYON GYIS YIN TE, GZUGS NI, PHAN TSUN GYI DBANG GIS KUN TU GNAS PA'I PHYIR NA, JI LTAR DBYUG GU GNYIS PHAN TSUN DU LTOS PA'I DBANG GIS 'DZIN PAR BYED PA NI, PHAN TSUN GYI STOBS KYIS YIN NO, ,DE BZHIN DU MING DANG GZUGS GNYIS PHAN TSUN GYI STOBS KYIS DANG, ZAS KYI DBANG GIS KYANG 'KHOR BA'I PHUNG PO 'DI YIN NO, ,JI LTAR PHYE DANG CHU GNYIS 'DRES PAR GYUR PA DAG GI PHAN TSUN GYI STOBS KYIS GONG BUR 'GYUR RO, ,DE BZHIN DU PHAN TSUN GYI STOBS KYIS MING DANG GZUGS DAG GNAS PA YIN NO, ,DES RO BSRE BAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GAL TE BDAG GI MCHIN PA KUN TU SUN
'BYIN PAR BYED PA'I RLUNG 'KHRUGS PAR GYUR NA, DES BDAG GI ZAS RNAMS MTSAN MO 'JU BAR BYED PA NA LHANG KYOG SKYED PAR BYED PA DANG, ZAS RNAMS KYANG SKYUR POR BYED DO, ,DE SRID DU LHANG KYOG YOD PAR GYUR PA JI SRID PA DE SRID DU ZAS RNAMS KYANG SNYOMS PAR MI 'GYUR RO, ,BDAG GI YAN LAG DANG NYING LAG RNAMS THAMS CAD KYANG SPRO BA MED PAR 'GYUR RO, ,'BREL BA RNAMS THAMS CAD KYANG RGYUS PA'I DRA BA THAMS CAD DU 'BREL BAR BYAS PAR 'GYUR RO, ,MCHIN PA KUN TU SUN 'DON PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR SHES PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA'AM 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BSHANG BA STENG DU BYED PA'I BDAG GIS RLUNG DE 'KHRUGS PA'AM MA 'KHRUGS PAR GYUR NA STE, DES BDAG GI KHA DANG SNA BUG DAG NAS DRI NGAN PA RNAMS SKYED PAR BYED DO, ,BDAG GI NANG NAS BYUNG NAS SPU'I KHUNG BU RNAMS THAMS CAD LAS KYANG PHYIR 'BYIN PAR BYED DO, ,ZAS KYI GNAS DANG PO'I STENG DU GYUR PAR BSHAD PA DANG ZAS KYI GNAS THA MA DAG 'DREN PAR BYED DO, ,DES KYANG BDAG SHIN TU DRAG PA DANG TSA BA DANG RTZUB PAR
, ,GYUR PA'I TSOR BA LUS SU GYUR PA THAMS CAD LA 'BYUNG BAR 'GYUR RO, ,ZAS KYANG YANG DAG PA DANG BDE BAR 'JU BAR YANG MI 'GYUR RO, ,BDAG BSAM GTAN GYI BDE BAS GNAS PAR YANG MI 'GYUR RO, ,BDAG GIS NYIN MO SPYOD PA'I SAR DGE BA'I PHYOGS LA SBYOR BAR YANG MI NUS SO, ,BSHANG BA GYEN DU ZLOG PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, GZHANG LA KUN TU RGYU BA ZHES BYA BA'I RLUNG LUS LA GNAS TE, BDAG GI RLUNG GZHAN GANG DAG 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GZHANG LA KUN TU RGYU BA ZHES BYA BA'I RLUNG LUS LA GNAS PA YIN TE, DE 'KHRUGS PA DANG MA 'KHRUGS PA NA BDAG LA LAS CI ZHIG BYED PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BA NI, GAL TE BDAG GI GZHANG LA KUN TU RGYU BA'I RLUNG 'KHRUGS PAR GYUR NA; DES BDAG GI GZHANG LA 'BRUM BU'I RIGS LNGA DANG 'THUG KOB TU GYUR PA GSUM KUN NAS SKYED PAR BYED DO, ,GZHANG LA KUN TU BRTEN NAS KYANG RLUNG GIS RNAG RNAMS 'BYIN PAR
BYED DO; ;RNAM PAR SREG PAR BYED PA DANG GNYID DU YANG 'GYUR RO, ,RGYUS PA DANG KLAD PHOR DAG 'KHRUG CING 'KHRUGS PAR YANG 'GYUR RO, ,ME DROD NYAMS PAR YANG 'GYUR BA DANG, BDAG GI LCE YANG RO LA SRED PA DANG BRAL BAR 'GYUR RO, ,DES BSHANG BA LA RGYU BA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI LUS LA RLUNG GZHAN GANG DAG RAB TU GNAS PA YIN LA, DE BDAG LA 'KHRUGS PAR GYUR PA'AM 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, DRAN PA KUN NAS 'JOMS PA ZHES BYA BA'I RLUNG BDAG GI LUS LA RAB TU GNAS PA YIN TE, DE 'KHRUGS PA DANG MA 'KHRUGS PA NA BDAG LA LAS CI ZHIG BYED PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA LA, GAL TE BDAG GI DRAN PA KUN NAS SUN 'DON PA'I RLUNG 'KHRUGS PAR GYUR NA, DES BDAG GI DRAN PA RNAMS 'JOMS PAR BYED DO, ,BDAG GIS SNGON BLAGS PA RNAMS NI, MI DRAN NO, ,BDAG GIS DMIGS PA MED PA BZHIN DU PHYOGS RNAMS MTHONG NGO, ,GLO LU BAR BYED PA DAG KYANG YANG DANG YANG DU 'GYUR RO, ,SPU RNAMS THAMS CAD KYANG RTZUB MOR 'GYUR RO, ,BDAG
, ,GI SEN MO RNAMS KYANG MDANGS KHRAG MED PAR 'GYUR RO, ,BDAG LA TSA GRANG DAG KYANG LHAN CIG TU 'GYUR RO, ,BDAG GIS ZOS PA RNAMS KYANG HA CANG DRAN PA'ANG MA YIN NO, ,DES DRAN PA SUN 'BYIN PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GAL TE SPRO BAR BYED PA'I RLUNG BDAG GI LUS LA RAB TU GNAS PA YIN TE, DE 'KHRUGS PA'AM MA 'KHRUGS PA NA BDAG LA LAS CI ZHIG BYED PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA LA GAL TE BDAG GI SPRO BAR BYED PA'I RLUNG 'KHRUGS PAR GYUR NA, DES RAB TU PHAL CHE BAR GYUR PA'I BZA' BAR BYA BA DANG, BCA' BAR BYA BA SHIN TU BSOD PA RNAMS LA BDAG GIS RAB TU BRTZON PA BSKYED NAS MID PAR GYUR KYANG LUS LA SPRO BA SKYE BAR 'GYUR BA NYID KYANG MA YIN NO, ,BDAG GI LUS PO DUG GIS BDUGS PA BZHIN DU 'GYUR TE RLUNG DE RAB TU 'KHRUGS PA'I RKYEN
GYIS SO; ;DES SPRO BAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, LUS DANG SEMS KYI STOBS BYED PA ZHES BYA BA'I RLUNG LUS LA RAB TU GNAS PA YIN TE, DE 'KHRUGS PA DANG MA 'KHRUGS PA NA BDAG LA LAS CI ZHIG BYED PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA LA JI LTA JI LTAR BDAG MNGAL LA SOGS PA RNAMS NAS DE LTA DE LTAR BDAG GI SEMS KYANG 'PHEL BAR BYED DO, ,RLUNG DE'I MTHUS BYA BA DANG BYA BA MA YIN PA DAG LA YANG BDAG GI SEMS GSAL POR YANG RLUNG DES BYED DO, ,BDAG GIS SHES PAR 'GYUR ZHING DANG PO DUS RING PO NAS BYAS PA'I BYA BA RNAMS LA YANG BDAG GIS YANG DAG PAR DRAN NO, ,BDAG GI 'GRO BA DANG 'ONG BA DAG KYANG 'JOMS PAR MI 'GYUR RO, , BDAG GRANG BA DANG, DRO BA DANG, LTOGS PA DANG, SKOM DANG BCAS PAR 'GYUR RO, ,BDAG GI LUS MKHRANG POR YANG 'GYUR ZHING SKRA DKAR RNAMS KYANG DUS MA YIN PAR MI SKYE'O, ,DES
, ,LUS DANG SEMS KYI STOBS BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI RLUNG GZHAN GANG DAG GIS 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, MGRIN PA DANG NGAG RNAM PAR 'JOMS PAR BYED PA ZHES BYA BA'I RLUNG LUS LA RAB TU GNAS PA YIN TE, DE 'KHRUGS PA DANG MA 'KHRUGS PA NA BDAG LA LAS CI ZHIG BYED PA YANG DES THOS PA LAS BYUNG BA'I SHES RAB KYIS SAM; LHA'I MIG GIS MTHONG BAR GYUR PA NI, GAL TE BDAG GI MGRIN PA DANG NGAG RNAM PAR 'JOMS PAR BYED PA ZHES BYA BA'I RLUNG 'KHRUGS PAR GYUR NA, DES BDAG GI LUS RANG BZHIN DU GNAS PAR NI RGYU GZHAN GYIS 'GYUR RO, ,RLUNG DE GZHI DES 'KHRUGS PAR GYUR PAS DE'I PHYIR LKUGS PAR BYED DO, ,DES YANG NA 'ON PAR BYED PA'AM, DES YANG NA LAG PA 'KHUMS PAR 'GYUR BA'AM, DES YANG NA SGUR PO NYID DU BYED PA'AM, DES YANG NA DMUS LONG DU BYED PAR 'GYUR TE RNAM PA DE LTA BU RNAMS KYI NAD RNAMS KUN
TU SKYED DO, ,GAL TE 'KHRUGS PAR MA GYUR NA NI, JI SKAD DU BSHAD PAR GYUR PA'I NAD DE DAG RNAMS 'BYUNG BAR MI 'GYUR RO, ,DES MGRIN PA DANG NGAG RNAM PAR 'JOMS PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, RLUNG GZHAN GANG DAG BDAG GI LUS LA RAB TU GNAS PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, NYAL BA NA LU BAR BYED PA ZHES BYA BA'I RLUNG LUS LA RAB TU GNAS PA YIN TE, DE 'KHRUGS PAR GYUR PA DANG 'KHRUGS PAR MA GYUR PA NA LAS CI ZHIG BYED PA YANG DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, GAL TE BDAG NYAL BAR GLO LU BAR BYED PA'I RLUNG 'KHRUGS PAR GYUR NA NI, DES BDAG GIS RNAM PAR 'GYUR BA DANG BCAS PA'I RMI LAM RNAMS MTHONG BAR GYUR RO, ,RNA BA NGAN PAR GNAS PAR GYUR PA'I 'KHRUL PA'I BYA BA RNAMS BYIS PA RNAMS THAMS CAD LA YANG 'BYUNG BA YIN TE, BDAG GI RUS PA'I TSIGS RNAMS KUN TU 'BIGS PAR BYED PA'I TSOR BA DAG KUN TU GSKYED DO, ,NYAL BA NA PHYIS LUS LA 'GYUR RO, ,DES NYAL BA NA LU BAR BYED PA'I RLUNG LA SO SOR BRTAGS PAR GYUR
, ,PAS KYANG LUS YANG DAG PA JI LTA BA BZHIN DU RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, RLUNG GZHAN GANG DAG BDAG GI LUS LA 'KHRUGS PAR GYUR PA DANG 'KHRUGS PAR MA GYUR PA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM; LHA'I MIG GIS MTHONG BAR GYUR PA, DROD 'DZIN PA ZHES BYA BA'I RLUNG BDAG GI LUS LA RAB TU GNAS PA YIN TE, SROG CHAGS RNAMS THAMS CAD 'GA' ZHIG GI LUS LA'ANG NYUNG BAR MI BYED DO, ,DE NI, SROG CHAGS 'DI DAG RNAMS THAMS CAD KYI SROG CES BYA PA STE, LHAN CIG TU LUS 'DZIN PAR BYED PA RNAM PAR SHES PA'I RTEN DU GYUR PA YIN NO, ,DE GAL TE 'KHRUGS PAR GYUR NA SROG CHAGS RNAMS THAMS CAD GSOD PAR BYED DO, ,DES DROD KUN TU 'DZIN PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, RLUNG GZHAN GANG DAG BDAG GI LUS LA RAB TU GNAS PA DANG, DE 'KHRUGS PAR GYUR PA DANG, 'KHRUGS PAR MA GYUR PA NA YANG BDAG LA LAS CI ZHIG BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS
MTHONG BAR GYUR PA, BDAG GI RLUNG LUS THAMS CAD 'KHYIL PA ZHES BYA BA GAL TE MNGAL NA GNAS PA RNAMS KYI YANG GANG LA LUS RAB TU RGYAS PAR GYUR PA YOD PA RNAMS KYANG DES DE'I LUS CHES MI 'PHEL BA DANG, SHIN TU NYAMS PA DANG, LHAG PAR YANG 'GYUR RO, ,THUNG BA'AM GOG PO'AM 'KHUMS PAR YANG 'GYUR RO, ,DES LUS THAMS CAD SDOM PAR BYED PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BAR LUS SO SOR RIG PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS PA NA, RLUNG GZHAN GANG DAG BDAG GI LUS LA RAB TU GNAS PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, PAGS PA 'DZIN PA ZHES BYA BA'I RLUNG LUS LA RAB TU GNAS PA YIN TE, DE PHYI ROL GYI RLUNG DANG MTSUNGS PAR 'GROGS PAS KUN TU REG PAR BYED DE, RLUNG DE NI, GRANG BA DANG, DRO BA DANG, DMAN PA DANG, GSOD PA DANG, RAB TU STOBS CHE BA DANG, DUS SU JI LTA BAR RIGS PA DANG, JI LTAR DUS SU RIGS PA RNAMS YIN NO, ,DES PAGS PA 'DZIN PA'I RLUNG LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO; ;GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, RLUNG GZHAN GANG DAG BDAG GI LUS LA RAB TU GNAS PA YIN ZHE NA, DES THOS PA LAS BYUNG BA'I
, ,SHES RAB KYIS SAM, LHA'I MIG GIS KYANG RUNG STE, NYON MONGS PA MED PA GZHAN GYI SKYON GYIS MI BKRI BA NGAM GROG RNAMS LAS RGAL BA JI LTA BA BZHIN DU DE KHO NA NYID MTHONG BAR GYUR PA'I LHA'I MIG GIS MTHONG BA 'DI NA RLUNG GZHAN NI, YOD PA MA YIN LA, LUS LA YANG DE TZAM ZHIG DANG LDAN PA YIN NO, ,RLUNG GI TSOGS RNAMS NI, 'DI DAG YIN ZHING RLUNG GI PHUNG PO DANG, SRIN GANG DAG GIS KHAMS LA DMIGS PAR BYED PA'I DBANG PO LAS DANG NYON MONGS PA DANG BCAS PA'I LUS 'DZIN PAR BYED PA DANG, MTHO 'TSAM PAR BYED PA RNAMS NI, DE DAG LAS MED DO, ,RNAL 'BYOR SPYOD PA DES THA MA'I RLUNG LA SO SOR BRTAGS SHING LUS KYI GONG BU 'DI MTHONG BAR GYUR NAS 'DOD PA RNAMS LAS 'DOD CHAGS DANG BRAL BAR 'GYUR RO, , DGA' BA'I 'DOD CHAGS DANG LHAN CIG TU GYUR PA'I SRED PA RNAMS KYIS MI 'CHING NGO, ,BDUD KYI YUL LA MI GNAS SO, ,MYA NGAN LAS 'DAS PA'I MTHA' LA GNAS PA YIN NO, ,THOG MA MED PA'I DUS NAS RAB TU ZHUGS PAR GYUR PA'I 'DOD CHAGS DANG, ZHE SDANG DANG, GTI MUG GI MUN PA RNAMS 'JOMS PAR BYED DO, ,YE SHES KYI NYI MA'I MTHAR YANG 'BYUNG BAR 'GYUR RO, ,SOM NYI MED PA DANG NGAM GROG RNAMS DANG RNAM PAR BRAL BAR YANG 'GYUR RO, ,KUN NAS NYON MONGS PA CAN DU GYUR PA'I SGRA DANG, REG BYA DANG, RO DANG, GZUGS DANG, DRI RNAMS KYIS 'KHRID PA YANG MA
YIN NO; ;YUL GYI DE KHO NA NYID MA MTHONG BA YIN PAR MI 'GYUR RO, ,KHAMS GSUM MA LUS PA RNAMS MI RTAG PA DANG, SDUG BSNGAL BA DANG, STONG PA DANG, BDAG MED PAR YANG JI LTA BA BZHIN DU MTHONG NGO, ,N'A LA TI'I GRONG GI BRAM ZE DANG, KHYIM BDAG RNAMS DANG, DGE SBYONG RNAL 'BYOR SPYOD PA RNAMS KYIS KYANG YANG DAG PA JI LTA BA BZHIN DU LUS SO SOR RIG PAR GYUR TO, ,LUS DRAN PA NYE BAR GZHAG PA LA MNGON PAR DGA' BAR 'GYUR RO, ,SKYE BA DANG 'JIG PAR 'GYUR BA'I CHOS RNAMS SHES PA DANG, GZHAN RNAMS KYIS 'KHRID PAR MI 'GYUR BA DANG, LUS THAMS CAD SO SOR RTOGS PAR GYUR PA NA BCING BA DANG THAR PA RNAMS THAMS CAD SHES PAR 'GYUR RO, ,GZHAN YANG RNAL 'BYOR SPYOD PA LUS DE NYID LA RNAM PAR 'JIG PA'I MTHAR DANG, ZAD PA DANG, 'GRIB PA DANG, RNAM PAR 'JIG PA'I RNAM PA GZHAN RNAMS KYIS SO SOR RTOG PAR BYED DE, JI LTAR NA LUS 'DI RNAM PAR 'JIG PA YIN, 'CHI BA'I DUS NA MED PAR 'GYUR PA YIN, JI LTAR NA SRIN RNAMS RLUNG RNAMS KYIS KUN TU BCOM NAS RLAG PAR BYED PA YIN, JI LTAR NA KHAMS RNAMS THAMS CAD 'KHRUGS PAR GYUR PA YIN, JI LTAR NA MTHA' MA'I DUS KYI BYA BAR 'GYUR BA YIN, SRIN RNAMS RLUNG GIS 'JOMS PAR GYUR PA NA JI LTAR NA STENG 'OG TU 'GYUR BA YIN, DE LTAR NA BYUNG BA'I SHES RAB KYIS SAM, LHA'I MIG GIS MTHONG BAR GYUR PA DU RNAM PAR LTA BAR BYED DO, ,'CHI BA'I DUS NA KHAMS RNAMS THAMS CAD
, ,KYI SRIN KUN TU 'KHRUGS PAR GYUR PA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, SNGON DU NA SRIN RNAMS RLUNG GIS 'JOMS PAR GYUR LA, PHYI NAS NI, BDAG 'CHI BAR 'GYUR BA YIN NO, ,BDAG GI 'DU BYED RNAMS THAMS CAD KYANG RNAM PAR 'JIG PAR 'BYUNG BAR 'GYUR ZHING BDAG 'CHI BAR 'GYUR BA'I MTHAR NI, MI BZAD CING RTZUB PA'I TSOR BA RNAMS 'BYUNG BAR 'GYUR RO, ,DES RNAM PAR LTA BAR BYED DO, ,KLAD PA LA GNAS NAS RGYU BA'I SRIN RNAMS NI, SEN MO LA BRTEN PA'I RLUNG GIS MGO LAS KUN TU BGROD NAS 'JOMS PAR BYED DO, ,'CHI BAR BYED DO, ,MGO BO DANG MGUL PA LA RGYU BA'I SRIN RNAMS NI, RKANG PA'I LOGS LA BRTEN PA'I RLUNG GIS 'JOMS PAR BYED DO, ,THOD PA LA RGYU BA'I SRIN RNAMS NI, SEMS MED PAR BYED PA'I RLUNG GIS 'JOMS PAR BYED DO, ,SKRA ZA BA'I SRIN RNAMS NI, RUS PA GCOD PAR BYED PA'I RLUNG GIS 'JOMS PAR BYED DO, ,RNA BA LA RGYU BA'I SRIN RNAMS NI, 'GRO BA 'JOMS PAR BYED PA'I RLUNG GIS 'JOMS PAR BYED DO, ,SNABS KYIS G-YOGS PA'I SRIN RNAMS NI; LONG BU'I TSIGS PA 'BYED PA'I RLUNG GIS 'JOMS PAR BYED DO, ,TSIL GYI MTHA' NA RGYU BA'I SRIN RNAMS NI, LJANG NGAR 'BYED PAR BYED PA'I RLUNG GIS 'JOMS PAR BYED DO, ,
TSIGS PA RNAMS DANG, 'GRAM PAR GYUR PA DANG, LUD PA ZA BA'I SRIN RNAMS NI, TSIGS PA 'BYED PA'I RLUNG GIS 'JOMS PAR BYED DO, ,SO'I RTZA BA NAS ZA BA'I SRIN RNAMS NI, BYIN PA RAB TU 'BYED CING NYAL BA'I RLUNG GIS 'JOMS PAR BYED DO, ,BDAG GI SRIN GYI RIGS GZHAN BCU MGRIN PA DANG, BRANG GI GSEB NA RGYU BA RNAMS RLUNG GI SNGA PHYI RIM PAS 'JOMS PAR BYED PA RNAMS NI, 'DI LTA STE, ZAS SU NGAR SNABS ZA BA'I SRIN RNAMS NI, SPRO BA 'PHEL BA'I RLUNG GIS 'JOMS PAR BYED DO, ,RAB TU SKYUG PAR BYED PA'I SRIN RNAMS NI, KHU BA RGYU BA BCU'I RTZA RNAMS KYI NANG NA RGYU BAR GYUR PA DE 'DRA BA'I 'GRO BA RNAM PAR ZLOG PAR BYED PA'I RLUNG GIS 'JOMS PAR BYED DO, ,MNGAR MYOS KYI SRIN RNAMS NI, TSIGS RNAM PAR DKRUG PA'I RLUNG GIS 'JOMS PAR BYED DO; ;RO DRUG LA DGA' BA'I SRIN RNAMS NI, SPU DANG SEN MO DANG BSHANG BA RNAMS 'BYED PAR BYED PA'I RLUNG GIS 'JOMS PAR BYED DO, ,GHU RA GHU RA BA'I SRIN RNAMS NI, KHU CHU RNAM PAR RLUG BYED KYI RLUNG GIS 'JOMS PAR BYED DO, ,RO LA RAB TU SDANG BA'I SRIN RNAMS NI, RGAN GOG TU BYED PA'I RLUNG GIS 'JOMS PAR BYED DO, ,NYAL BA LA SHIN TU MNGON PAR DGA' BA'I SRIN RNAMS NI, LGANG LPAGS RINGS PAR BYED PA'I RLUNG GIS 'JOMS PAR BYED DO, ,KHRAG LAS SKYES PAR GYUR PA'I SRIN GYI RIGS BCU 'DI LTA STE, LUS LA SPU ZA BA'I SRIN RNAMS NI, BSHANG
, ,BA KUN TU SKAM BYED KYI RLUNG GIS 'JOMS PAR BYED DO, ,SLUBS CAN GYI SRIN RNAMS NI, LOGS NA BAR BYED PA'I RLUNG GIS 'JOMS PAR BYED DO, ,DZAN TU M'A TA RA'I SRIN RNAMS NI, BU GA DGU LA GNAS PA'I NAD CES BYA BA'I RLUNG GIS 'JOMS PAR BYED DO, ,AU DUM WA RA'I SRIN RNAMS NI, YAN LAG DANG, NYING LAG DANG, NYING LAG THUNG BAR BYED PA'I RLUNG GIS 'JOMS PAR BYED DO, ,DZANTU M'ANDRA RA DANG, KUN TU 'DZAG PA'I SRIN RNAMS NI, ME DROD KUN TU SUN 'DON PA'I RLUNG GIS 'JOMS PAR BYED DO, ,SPU'I GLING GI SRIN RNAMS NI, YAN LAG DANG NYING LAG RNAMS THAMS CAD GRANG BAR BYED PA'I RLUNG GIS 'JOMS PAR BYED DO, ,KHRAG ZA BA'I SRIN RNAMS NI, BRTAN PA 'JIG PAR BYED PA'I RLUNG GIS 'JOMS PAR BYED DO, ,SKYUR PO PA'I SRIN RNAMS NI, SREG PAR BYED PA'I RLUNG GIS 'JOMS PAR BYED DO, ,RKANG PA MED PA DANG, DBYIBS THUNG BAR GYUR PA DANG, KHRAG LAS SKYES PA'I SRIN SHIN TU PHRA BA DANG, MIG MED PA DANG, G-YAN PA DANG, 'BIGS BYED KYI MTSAN NYID DO, ,DE LA DE DAG RNAMS NI, GANG GI TSE 'CHI BA'I YUL DANG DUS SU GYUR PA NA DE'I TSE RLUNG RNAMS KYIS SRIN DE DAG RNAMS BCOM PAR GYUR NAS KHRAG KYANG SKAM PAR BYED DO, ,DE LA DE DAG RNAMS NI, 'CHI BAR 'GYUR BA NA YIN TE, RTZUB PAR GYUR PA DANG MI
BZAD PAR GYUR PA'I TSOR BA RNAMS KYIS KYANG SHIN TU SKEM PAR BYED DO, ,'CHI BAR GYUR PA'I MTHA' NA SO SOR SKYE BO RNAMS RANG GI SKYE BO DANG, GROGS PO DANG, GNYEN 'BREL DANG, BU DANG, CHUNG MA DANG, PHUN SUM TSOGS PA DANG, YONGS SU SPYAD PAR BYA BA RNAMS YONGS SU GTONG BAR 'GYUR BA'I SRED PA DAG GIS BYAS PA'I 'CHI BA'I 'JIGS PA DRAG PO RNAMS BLO DMAN PA RMONGS PA'I KUN TU SBYOR BAS BCINGS PA RNAMS LAS 'BYUNG STE, SKYABS MED PAR GYUR PA CHOS DANG CHOS MA YIN PA DANG LHAN CIG TU GCIG PU NYID DU GYUR PA LUS DANG SEMS KYI SDUG BSNGAL GYI YAN LAG DANG NYING LAG RNAMS THAMS CAD NAS KHRAG KUN TU TSIM PAR 'GYUR RO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG GI SRIN GYI RIGS GZHAN DAG RNAMS NI, GANG YIN ZHING RLUNG GI TSOGS RNAMS KYANG GANG DAG GIS SRIN GANG BCOM PAS BDAG LA SDUG BSNGAL DU BYED PAR 'GYUR BA YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SRIN GYI RIGS BCU BDAG GI SHA LA GNAS PA RNAMS NI, 'DI LTA STE, RMA LA KUN TU 'BYUNG BA RNAMS TE, DE LA RMA LA KUN TU 'BYUNG BA'I SRIN RNAMS NI, SDUD PA'I RLUNG GIS 'JOMS PAR BYED DO, ,TZUN TZU KA'I SRIN RNAMS NI, STENG 'OG GI RLUNG GIS 'JOMS PAR BYED DO, ,RGYUS
, ,PA SGUL BA ZHES BYA BA'I SRIN RNAMS NI, SROG GI RLUNG GIS 'JOMS PAR BYED DO, ,GANG GI PHYIR SONG BAR GYUR PA'I SKYES BU 'CHI BAR 'GYUR RO, ,RTZA 'BIGS PAR BYED PA'I SRIN RNAMS NI, 'DZUM PAR BYED PA'I RLUNG GIS 'JOMS PAR BYED DO, ,PAGS PA GTUB PA'I SRIN RNAMS NI, SUN 'BYIN PAR BYED PA'I RLUNG GIS 'JOMS PAR BYED DO; ;TSIL SGUL BAR BYED PA ZHES BYA BA'I SRIN RNAMS NI, 'KHRUG PAR BYED PA'I RLUNG GIS 'JOMS PAR BYED DO, ,'PHEL BYED KYI SRIN RNAMS NI, MIG 'BYED PA DANG 'DZUM PAR BYED PA'I RLUNG GIS 'JOMS PAR BYED DO, ,DRI NGAN PA'I SRIN RNAMS NI, PHAN TSUN DU DKRUG PAR BYED PAS 'CHI BA'I MTHAR THUG PAR BYED PA'I RLUNG LNGAS 'JOMS PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, JI LTAR BDAG 'CHI BAR GYUR PA'I DUS NA RDUL LA RGYU BA'I SRIN RNAMS RLUNG GANG DAG GIS 'JOMS PAR BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PAS, DE BZHIN DU MKHRIS PA LAS RGYU BA'I SRIN RNAMS LA RNAL 'BYOR SPYOD PAS SO SOR RTOG PAR BYED PA NI, 'DI LTA STE, TZUR PA KA:'I SRIN RNAMS NI, MNGAL KUN TU 'PHEL BYED KYI RLUNG GIS 'JOMS PAR BYED DE, SKYES BU'I LAS RNAMS DANG KHYAD PAR DU 'PHEL BAR
BYED DO; ;SGUL BYED KYI SRIN RNAMS NI, MNGAL 'JIG PAR BYED PA'I RLUNG GIS 'JOMS PAR BYED DO, ,SKYES BU'I STOBS SKAM PAR BYED DO, ,GUR GUM GYI MDOG 'DRA BA'I SKYUR BO GCIG KHA'I SGO NAS KUN TU 'BYUNG BAR YANG BYED DO, ,GAL TE NA YANG BUD MED DU 'GYUR BAR YANG BYED DO, ,KU SHI ME TOG GI SRIN RNAMS NI, 'GRO BA DANG, 'ONG BA DANG, RGYUG PA DANG, MCHOD PAR BYED PA'I RLUNG GIS 'JOMS PAR BYED DO, ,CHEN PO'I RIGS KYI SRIN DANG, NAG PA PA DANG, ZAS CHEN PO DANG, DRO BA LA RGYU BA DANG RNAMS NI, MIG RNAM BA SNA LCE LUS RNAMS RNAM PAR 'JOMS PAR BYED PA'I RLUNG LNGAS 'JOMS PAR BYED DO, ,RIM PA JI LTA BA BZHIN DU RNAM PAR SREG BYED KYI SRIN RNAMS NI, GROG MA PA'I RLUNG GIS 'JOMS PAR BYED DO, ,ME DROD NYAMS BYED KYI SRIN RNAMS NI, KHAB PA'I RLUNG GIS 'JOMS PAR BYED DO, ,ME CHEN PO'I SRIN RNAMS NI, RGYU MA 'BYED PA'I RLUNG GIS 'JOMS PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, JI LTAR BDAG 'CHI BAR GYUR PA'I DUS NA RUS PA LA GNAS PA'I SRIN RNAMS RLUNG GANG DAG GIS 'JOMS PAR BYED PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, YAN LAG DANG NYING LAG RNAMS THAMS CAD LA GNAS PA'I SRIN RNAMS NI, 'DI LTA STE, RUS PA LA LDAG PA'I SRIN RNAMS NI, MKHRIS PA KUN TU SUN 'DON PAR
, ,BYED PA'I RLUNG GIS 'JOMS PAR BYED DO, ,DRO BA LA RGYU BA'I SRIN RNAMS NI, BAD KAN KUN TU SUN 'DON PA'I RLUNG GIS 'JOMS PAR BYED DO, ,TSIGS PA GCOD CING RGYU BA DANG DRI MI ZHIM PA'I SRIN RNAMS NI, PAGS PA KUN NAS SUN 'DON PA'I RLUNG GIS 'JOMS PAR BYED DO, ,RUS PA'I RANG GI RIGS KYI SRIN RNAMS NI, KHRAG KUN TU SUN 'DON PAR BYED PA'I RLUNG GIS 'JOMS PAR BYED DO, ,KHA DMAR BA'I SRIN RNAMS NI, SHA SUN 'DON PAR BYED PA'I RLUNG GIS 'JOMS PAR BYED DO, ,PAGS PA LA SPYOD CING ZA BA'I SRIN RNAMS NI, RUS PA KUN TU SUN 'DON PA'I RLUNG GIS 'JOMS PAR BYED DO, ,GROG MA PA'I SRIN RNAMS NI, KHU CHU KUN NAS SUN 'DON PA'I RLUNG GIS 'JOMS PAR BYED DO, ,SPU GRI'I KHA'I SRIN RNAMS NI; 'KHRUL PAR BYED PA'I RLUNG GIS 'JOMS PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG 'CHI BAR GYUR PA'I DUS NA BSHANG BA LA RGYU BA'I SRIN GANG DAG RLUNG GANG DAG GIS 'JOMS PAR BYED PA YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, DNGAS MA PA'I SRIN RNAMS NI, STOBS BYED PA'I RLUNG GIS 'JOMS PAR BYED DO, ,KHAB KYI KHA'I SRIN RNAMS NI, RDUL KUN NAS SUN 'DON PA'I RLUNG GIS 'JOMS PAR BYED DO, ,PHI SPI SKYES KYI SRIN RNAMS
NI; GCIN LHAG PAR SUN 'DON PAR BYED PA'I RLUNG GIS 'JOMS PAR BYED DO, ,RKANG MED KYI SRIN RNAMS NI, TSIL KUN TU SUN 'DON PA'I RLUNG GIS 'JOMS PAR BYED DO, ,MI SPYOD PA'I SRIN RNAMS NI, ZAS DANG LDAN PA'I RLUNG GIS 'JOMS PAR BYED DO, ,BSHANG BA RNAM PAR 'THOR BYED KYI SRIN RNAMS NI, SO RNAM PAR 'BYED PA'I RLUNG GIS 'JOMS PAR BYED DO, ,BSHANG BA 'BYED PA'I SRIN RNAMS NI, RTZE'U CHUNG SDUD PAR BYED PA'I RLUNG GIS 'JOMS PAR BYED DO, ,RGYU MA 'BYED PA'I SRIN RNAMS NI, 'OG TU 'GRO BA'I RLUNG GIS 'JOMS PAR BYED DO, ,ZAS SMIN PA RNAMS SO SOR RENGS PAR BYED PA'I SRIN RNAMS NI, STENG DU 'GRO BA'I RLUNG GIS SO SOR 'JOMS PAR BYED DO, ,MDOG BZANG GI SRIN RNAMS NI, LOGS LA RGYU BA'I RLUNG GIS 'JOMS PAR BYED DO, ,GZHANG SMIN PAR BYED PA'I SRIN RNAMS NI, ZA MA TOG LA GNAS PA'I RLUNG GIS 'JOMS PAR BYED DO, ,SRIN RNAMS DANG RLUNG DE DAG RNAMS KYIS KYANG BSHAD BA RNAMS THAMS CAD KYANG NGES PAR SKAM PAR 'GYUR ZHING KHAMS RNAMS THAMS CAD KYANG KHYAD PAR DU BSKAMS NAS PHAN TSUN GYIS G-YOMS SHING KUN TU DRUD BAR GYUR PAS STENG 'OG TU GYUR PAR BYAS NAS KHAMS RNAMS THAMS CAD KYANG DKRUGS PAR GYUR PAS GOG POR GYUR PA DANG, MYAGS PAR GYUR PA DANG, RNAM PAR G-YOGS PAR GYUR PAS KYANG BYE BRAG TU BYAS SHING DMAN PAR BYAS
, ,PAS NI, SKYES BU RNAMS SAM BDAG KYANG RLUNG STE, 'CHI BA'I MTHAR GYUR PA NA RTZUB PA GZHAN RNAMS DANG MI 'DRA BA'I TSOR BA RNAMS NGES PAR MYONG BAR 'GYUR BAR SKYE BO RNAMS THAMS CAD LA NGES PAR MYONG BAR 'GYUR BAR BYED DO, ,GZHAN YANG RNAL 'BYOR SPYOD PA NANG GI BDAG NYID GYI LUS LA LUS KYI RJES SU LTA ZHING GNAS TE, BDAG GI SRIN GANG DAG 'CHI BA'I MTHAR THUG PAR GYUR PA NA RLUNG GANG DAG GIS 'JOMS PAR BYED PA YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BDAG GI RKANG MAR LA RGYU BAR GYUR PA'I SRIN GYI RIGS BCU LA 'DI LTA STE, SPU LA GNAS PA'I SRIN RNAMS NI, SPU KUN NAS SUN 'DON PA'I RLUNG GIS 'JOMS PAR BYED DO, ,KHA NAG PA'I SRIN RNAMS NI, RJES SU MTHUN PAR BYED PA'I RLUNG GIS 'JOMS PAR BYED DO, ,SPRO BA MED PA'I SRIN RNAMS NI, NYAL BA NA RNAM PAR G-YENG BAR STON PA'I RLUNG GIS 'JOMS PAR BYED DO, ,GZER ZUG CHEN POR BYED PA'I SRIN RNAMS NI, MI BZOD PA'I RLUNG GIS 'JOMS PAR BYED DO, ,RMONGS PAR BYED PA'I SRIN RNAMS NI, LCE LA GSAL BYED DANG YI GE BYED PA'I RLUNG GIS 'JOMS PAR BYED DO, ,ME'I MDOG GI SRIN RNAMS NI, RO RNAMS 'DRE BAR BYED PA'I KLUNG GIS 'JOMS PAR
BYED DO; ;'GRENG PA'I SRIN RNAMS NI, MCHIN PA KUN NAS SUN 'DON PA'I RLUNG GIS 'JOMS PAR BYED DO, ,'OG TU RGYU BA'I SRIN RNAMS NI, BSHANG BA GYEN DU BYED PA'I RLUNG GIS 'JOMS PAR BYED DO, ,AOO tHIDH'A: 'I SRIN RNAMS NI, GZHANG LA RGYU BA'I RLUNG GIS 'JOMS PAR BYED DO, ,KUN TU RTOGS PAS DGA' BA'I SRIN RNAMS NI, DRAN PA KUN NAS SUN 'DON PA'I RLUNG GIS 'JOMS PAR BYED DO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE RTAG PAR KUN TU MTHONG BA MA YIN, GTZANG MAR MTHONG BA MA YIN, BDAG TU MTHONG BA MA YIN NO, ,SNGON GYI SRIN ZHIG NI, MKHAL MA SUN 'DON PAR BYED PA'I RLUNG GIS 'JOMS PAR BYED DO, ,SRIN 'DI DAG RNAMS NI, 'CHI BA'I DUS SU RLUNG RNAMS KYIS 'JOMS PAR BYED DO, ,DE DE LTAR NA NANG GI BDAG NYID KYI LUS LA LUS KYI RJES SU LTA ZHING GNAS PAR BYED PA YIN TE, DGE SLONG GIS THOG MA MED PA'I DUS NAS RAB TU ZHUGS PAR GYUR PA'I MUN PA RNAMS LHAG MA LUS PA MED PAR 'JOMS PAR 'GYUR RO, ,ZAG PA MED PA SHIN TU MTHAR THUG PAR GYUR PA GZHAN RNAMS DANG MI 'DRA BAR GYUR PA 'JIG RTEN LAS 'DAS PA'I SNANG BA RNAMS KYANG 'DI LA RAB TU 'BYUNG BAR 'GYUR RO, ,RJES SU DRAN PA RNAMS KYANG RNAM PA BDUN DU GYUR PA LAS 'CHI BA RJES SU DRAN PA NI MCHOG TU BSTAN PA YIN NO,,
, ,'DI LTA STE, SANGS RGYAS KYI RJES SU DRAN PA DANG, CHOS RJES SU DRAN PA DANG, DGE 'DUN RJES SU DRAN PA DANG, LHA RJES SU DRAN PA DANG, MI RTAG PA RJES SU DRAN PA'O; ;GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, CHOS RNAMS THAMS CAD LA RGUD PA 'BYUNG BAR BYED PA'I 'CHI BA RNAM PA DU ZHIG YOD CE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, 'CHI BA NI, RNAM PA BZHI YIN NO, ,'DI LTA STE, SA'I KHAMS MA SNYOMS PAS BSKYED PA DANG, CHU'I KHAMS MA SNYOMS PAS BSKYED PA DANG, ME'I KHAMS MA SNYOMS PAS BSKYED PA DANG, RLUNG GI KHAMS MA SNYOMS PAS BSKYED PA'O, ,DE LA JI LTAR NA SA'I KHAMS MA SNYOMS PAS BSKYED PA'I 'CHI BAS 'CHI BAR 'GYUR BA YIN ZHE NA, GANG GI TSE SA'I KHAMS RNAMS 'KHRUGS PAR GYUR PA NA PHYIR ZHING RLUNG GIS KYANG SA'I KHAMS RNAMS KYANG SRA ZHING MKHRANG BAR GYUR NAS YAN LAG DANG NYID LAG RNAM PA THAMS CAD KUN TU G-YOS SHING KUN TU MNAN PAR MYAGS PAR BYED DO, ,PHAN TSUN DU 'JOMS PAR BYED CING KUN TU 'TSIR BAR BYED DO, ,DPER NA, RDO RJE'I RANG BZHIN GYI RI GNYIS SU GYUR PA DE DAG GI BAR DU MAR GSAR PA'I GONG BU GCIG BCUG PAR GYUR LA DE DAG KYANG PHAN TSUN DU DUS KYI RLUNG
GI TSAD DU GYUR PA'I RLUNG GI SHUGS KYIS LEGS PAR DRUD PAR GYUR NA, DE LA JI LTAR NA MAR GSAR GYI GONG BU'I SNYING PO NYID DU THA SNYAD GDAGS PAR BYA, DE KHO NA BZHIN DU SA'I KHAMS 'KHRUGS PAR GYUR PAS BDAG GI YAN LAG DANG NYING LAG RNAMS THAMS CAD DANG, KHAMS RNAMS THAMS CAD DANG, RGYUS PA'I ZA MA TOG GI PAGS PA DANG, KHRAG DANG, SHA DANG, TSIL DANG, RUS PA DANG, RKANG MAR DANG, KHU CHU DANG RNAMS NI, THAMS CAD KYANG MAR GSAR DANG 'DRA BAR 'GYUR BA YIN NO, ,RTAG TU RGYUN MI 'CHAD PAR KUN NAS MNAN PAR GYUR PA'I NYE 'KHOR RNAMS NI, SHIN TU NYAMS PAR MI 'GYUR RO, ,DES BDAG GI KHAMS RNAMS DE LTAR MNAN PAR GYUR PAS SDUG BSNGAL RNAMS 'BYUNG BAR 'GYUR RO, ,SANGS RGYAS RJES SU DRAN PA'AM, CHOS RJES SU DRAN PA'AM, DGE 'DUN RJES SU DRAN PAR GYUR PA YANG RUNG STE, SRID PA THA MA PA RNAMS KYIS YANG DAG PA'I BLOS DMIGS PA RGYUN MA CHAD PAR GYUR NA SO SO'I SKYE BO 'DI DAG RNAMS THAMS CAD LA YANG RGYUD LA DMIGS PA DANG CHA 'DRA BA'I SKYE BA 'BYUNG BAR 'GYUR RO, ,RGYA'I CHA RNAMS CI 'DRA BAR GYUR PA YIN PA'I RGYAS BTAB PA RNAMS KYANG DE DANG 'DRA BAR 'GYUR RO, ,DE BZHIN DU 'CHI BA'I DUS KYI SRID PA THA MA PA RNAMS KYI SEMS KYI RGYUN RNAM PA JI SRID DANG 'DRA BAR GYUR PA'I SKYE BA DE DANG DE 'DRA BA'I RNAMS 'BYUNG BA YIN NO, ,
, ,SEMS SPRE'U'I DBANG GIS SKYE BA DANG 'CHI BA RNAMS 'BYUNG BA YIN NO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE; JI LTAR NA BDAG CAG GI CHU'I KHAMS RNAMS MA SNYOMS PAR GYUR PAS BYIS PA SO SO'I SKYE BO 'DI DAG RNAMS THAMS CAD 'CHI BA YIN ZHE NA, DES THOS PA LAS BYUNG BA'I SHES RAB KYIS SAM; LHA'I MIG GIS MTHONG BAR GYUR PA, GAL TE BDAG GI CHU'I KHAMS RNAMS 'KHRUGS PAR GYUR NA, DES BDAG GI YAN LAG DANG NYING LAG RNAMS THAMS CAD KYANG RGYUS PA'I SPUBS RNAMS THAMS CAD DANG, KHAMS RNAMS THAMS CAD DANG, PAGS PA DANG, KHRAG DANG, SHA DANG, TSIL DANG, RUS PA DANG, RKANG MAR DANG, KHU CHU DANG RNAMS KUN TU RKU BAR BYED CING KUN NAS BZHU BAR 'GYUR BA NI, 'CHI BA'I DUS NA BDAG DANG SO SO'I SKYE BO 'DI DAG RNAMS THAMS CAD LA'ANG NGES PAR 'BREL BAR 'GYUR RO, ,PHAN TSUN DU KUN NAS DBU BAR BYED CING BSKYOD PAR BYED DO; ;'DI LTA STE, RI GNYIS NI, SNGON BZHIN NO, ,DE LA MAR GSAR GYI GONG BU RGYA MTSOR BCUG PAR GYUR CING DUS KYI RLUNG GIS RNAM PAR BCOM PAR GYUR PA LA NI, GNAS PA MED DO, ,SKYOB PA MED DO; ;SNYING POR GYUR PA GANG YANG MED CING DE LA NI, BRTAN PA'ANG YOD PA MA YIN NO, ,BDAG CHU'I KHAMS KYIS MNAR BAR GYUR PA'I SDUG BSNGAL RNAMS NI, DE LTA BU YIN NO, ,SANGS RGYAS
RJES SU DRAN PA'AM, CHOS RJES SU DRAN PA'AM, DGE 'DUN RJES SU DRAN PA YANG RUNG STE, SRID PA THA MA PA RNAMS KYI YANG DAG PA'I BLOS DMIGS PA RGYUN MA CHAD PAR GYUR NA SO SO'I SKYE BO 'DI DAG RNAMS THAMS CAD LA YANG RGYUD LA DMIGS PA'I RGYA'I RJES DANG CHA 'DRA BA'I SKYE BA 'BYUNG BAR 'GYUR RO, ,RGYU'I CHA RNAMS CI 'DRA BAR GYUR PA YIN PA'I RNAM PA DE SRID KYI RGYAS BTAB PA'I SKYE BA 'BYUNG NGO, ,DPE DE BZHIN DU 'CHI BA'I DUS KYI TSE NA SRID PA THA MA PA RNAMS KYI SEMS KYI RGYAN RNAMS JI SRID DU GYUR PA DE BZHIN DU SKYE BA RNAMS 'BYUNG BAR 'GYUR RO, ,GANG GI PHYIR SEMS SPRE'U'I DBANG GIS RGA SHI'I DUS NA SKYE BA'I GNAS YIN NO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, JI LTAR BDAG 'CHI BAR GYUR PA'I DUS NA ME'I KHAMS 'KHRUGS PAS 'CHI BAR 'GYUR BA YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NI, GAL TE BDAG 'CHI BAR GYUR PA'I DUS NA ME'I KHAMS RNAMS 'KHRUGS PAR GYUR NA, DES BDAG GI YAN LAG DANG NYING LAG RNAMS THAMS CAD RTZA DANG RGYUS PA'I ZA MA TOG RNAMS THAMS CAD DANG, KHAMS RNAMS THAMS CAD DANG, PAGS PA DANG, KHRAG DANG, SHA DANG, TSIL DANG, RUS PA DANG, RKANG MAR DANG, KHU CHU RNAMS SREG GO ,'TSED DO, ,KUN TU TSA BAR BYED DO, ,KUN NAS RAB TU 'BAR BAR BYED DO, ,DPER NA, SENG LDENG
, ,GI ME MDAG GI PHUNG PO CHEN PO RI DANG MTSUNGS PAR GYUR PA DAG TU MAR GSAR GYI GONG BU BCUG PAR GYUR LA DE SREG PAR BYED, 'TSED PAR BYED, KUN NAS RAB TU 'BAR BAR BYED DO, ,KUN TU SKOL BAR YANG BYED PA DE BZHIN DU BDAG GI LUS PO RNAMS THAMS CAD KYANG MAR GSAR GYI GONG BU DANG 'DRA BAR GYUR PA YIN NO, ,DES BDAG 'CHI BAR GYUR PA'I THA MA'I LUS KUN TU TSA BAR SDUG BSNGAL BAR BYED DO, ,SANGS RGYAS RJES SU DRAN PA'AM, CHOS RJES SU DRAN PA'AM, DGE 'DUN RJES SU DRAN PAR GYUR PA'ANG RUNG STE, YANG DAG PA'I BLOS THA MA'I SEMS KYI DMIGS PA RGYUN MA CHAD PAR GYUR NA, SO SO'I SKYE BO 'DI DAG RNAMS THAMS CAD LA'ANG RGYUD LA DMIGS PAR GYUR PA'I SGRUB PA'I RGYA DANG CHA 'DRA BA'I SKYE BA RNAMS 'BYUNG BAR 'GYUR RO, ,JI LTAR RGYA GANG DAG DANG 'DRA BAR GYUR BA'I RNAM PA DE SRID KYI RGYA'I RJES KYI SKYE BA 'BYUNG BA YIN NO, ,DE LTAR RNAM PA JI SRID PAR GYUR PA'I 'CHI BA'I DUS NA SRID PA THA MA'I SEMS 'BYUNG BAR GYUR PA DE LTAR SKYE BA YANG 'BYUNG BAR 'GYUR RO, ,GANG GI TSE SEMS SPRE'U'I DBANG GIS RGA SHI'I DUS SU SKYE BA NYE BAR GNAS PA YIN NO, ,GZHAN YANG RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA ZHING GNAS TE, BDAG 'CHI BAR GYUR PA'I DUS NA JI LTAR NA RLUNG 'KHRUGS PAS 'CHI BAR 'GYUR BA YIN ZHE NA, DES THOS PA LAS BYUNG BA'I SHES
RAB KYIS SAM, LHA'I MIG GIS MTHONG BAR GYUR PA, GAL TE BDAG 'CHI BAR GYUR PA'I DUS SU RLUNG GI KHAMS RNAMS RAB TU 'KHRUGS PAR GYUR NA, DES BDAG GI YAN LAG DANG NYING LAG RNAMS THAMS CAD DANG, RGYUS PA'I ZA MA TOG RNAMS THAMS CAD DANG, KHAMS RNAMS THAMS CAD KYI YANG 'DI LTA STE, PAGS PA DANG, KHRAG DANG, SHA DANG, TSIL DANG, RUS PA DANG, RKANG MAR DANG; KHU CHU RNAM PAR NYAMS PAR BYED DO, ,KUN TU SKEM PAR BYED DO, ,KUN TU GYONG BA NYID DU BYED DO, ,PHAN TSUN DU GSHAG PAR BYED DO, ,RKANG PA'I SEN MO RNAMS NAS BZUNG NAS JI SRID DU MGO BO'I BAR DU BYE MA DANG 'DRA BAR PHYE MAR BYED DO, ,DPER NA, MAR GSAR GYI GONG BU DUS KYI RLUNG GIS PHAN TSUN DU BTAB PAR GYUR NA MAR GYI GONG BU RNAM PAR NYAMS PAR BYED DO, ,KUN TU SKAM PAR BYED DO,, KUN NAS GYONG PO NYID DU BYED DO, ,NAM MKHAR PHAN TSUN GYIS YAN LAG RNAMS BYE MA BZHIN DU PHYE MAR BYED DO, ,DE KHO NA BZHIN DU BDAG 'CHI BAR GYUR PA'I DUS NA RLUNG GI KHAMS RNAMS RAB TU 'KHRUGS PAR GYUR PAS, DE LAS BDAG 'CHI BAR GYUR PA'I THA MA'I LUS KUN NAS MNGON PAR SRED PA'I TSOR BA'I SDUG BSNGAL RNAMS 'BYUNG NGO, ,SANGS RGYAS RJES SU DRAN PAR GYUR PA'AM, CHOS RJES SU DRAN PAR GYUR PA'AM, DGE 'DUN RJES SU DRAN PAR GYUR PA'ANG RUNG STE, YANG DAG PA'I BLOS THA MA'I SEMS KYI DMIGS PA RGYUN MA CHAD PAR GYUR NA, SO SO'I SKYE BO 'DI DAG RNAMS
, ,THAMS CAD LA'ANG RGYUD LA DMIGS PA SO SO DANG SO SO'I RGYA RNAMS DANG CHA 'DRA BA'I SKYE BA RNAMS 'BYUNG BA YIN NO, ,JI LTAR RGYA RNAMS JI SRID KYI RNAM PA YIN PAR GYUR PA DE BZHIN DU RNAM PA JI SRID DU 'CHI BA'I DUS KYI SRID PA THA MA PA'I SEMS SU GYUR PA DE JI LTA BA BZHIN DU SKYE BAR 'GYUR TE, GANG GI PHYIR LUS SEMS SPRE'U'I DBANG YIN PA'I PHYIR 'CHI BA'I TSE NA SKYE BA'I GNAS YIN NO, ,DE LTAR NA 'BYUNG BA CHEN PO BZHI PO RNAMS RAB TU 'KHRUGS PA'I 'CHI BA RNAM PA BZHI YIN NO, ,RNAL 'BYOR SPYOD PA NANG GI BDAG NYID KYI LUS LA LUS KYI RJES SU LTA BA RNAMS KYI NI, MI RTAG PA DANG, SDUG BSNGAL BA DANG, STONG PA DANG, BDAG MED PAR SEMS CAN RNAMS MTSUNGS PAR MTHONG BA YIN NO, ,DE MTHONG BAR GYUR PAS KYANG BDUD KYI DRUNG NA MI GNAS SO, ,MYA NGAN LAS 'DAS PA'I MTHA' LA GNAS PA YIN NO, ,DE KUN NAS NYON MONGS PA CAN DU 'GYUR BA'I 'DOD PA'I SGRA DANG, REG BYA DANG, RO DANG, GZUGS DANG; DRI RNAMS KYIS 'KHRID PAR BYED PA NYID KYANG MA YIN NO, ,DGA' BA'I 'DOD CHAGS DANG LHAN CIG 'GROGS PAR GYUR PA'I SRID PA RNAMS KYIS 'CHING BAR MI BYED DO, ,NYON MONGS PA'I RDUL RNAMS DANG RNAMS BRAL BAR 'GYUR RO, ,NGAM GROG RNAMS DANG RNAM PAR BRAL BA DANG, GZUGS DANG DRIS KYANG 'PHROG PA MA YIN NO, ,GZUGS KYI RGYAGS PAS RGYAGS
PAR YANG MI 'GYUR RO, ,LANG TSO'I RGYAGS PAS RGYAGS PAR YANG MI 'GYUR RO, ,GSON PA'I RGYAGS PAS RGYAGS PAR YANG MI 'GYUR RO, ,TSOGS PA 'DUS PA LA DGA' BAR YANG MI 'GYUR RO, , RTAG TU GRONG KHYER RNAMS SU 'JUG PAR YANG MI 'GYUR RO, ,GANG LA DE LA MNGON PAR DGA' BAR YANG MI BYED DO, ,'CHI BAR 'GYUR BA'I 'JIGS PAS KYANG 'JIGS PAR 'GYUR RO, ,KHA NA MA THO BA PHRA RAB TZAM RNAMS LA YANG 'JIGS PAR LTA BAR 'GYUR RO, ,YANG DAG PA JI LTA BA BZHIN DU LUS SO SOR RIG PAR 'GYUR RO, ,SKYE BA DANG 'JIG PA'I CHOS RNAMS KYANG SHES PAR 'GYUR RO, ,DE NI, KUN NAS NYON MONGS PA CAN DU GYUR PA'I 'DOD PA RNAMS THAMS CAD LAS 'DOD CHAGS DANG BRAL BAR 'GYUR RO, ,SNYOM LAS CAN DU MI 'GYUR RO, ,DAM PA'I CHOS LA YANG RGYUN DU DGA' BAR 'GYUR RO, ,DE LTAR N'A LA TI'I GRONG GI BRAM ZE DANG, KHYIM BDAG RNAMS DANG, DGE SBYONG RNAMS KYANG NANG GI BDAG NYID KYI LUS LA LUS KYI RJES SU LTA ZHING GNAS SO; ;RNAL 'BYOR SPYOD PA RNAMS JI LTAR GNAS PA YIN ZHE NA, DGE SLONG DAG ,'DI NA PHYI ROL GYI CHOS KYIS RNAL 'BYOR SPYOD PA RNAMS NANG GI BDAG NYID KYI LUS LA SO SOR RTOG PAR BYED DO, ,'DI LTA STE; PHYI ROL GYI CHOS RNAMS MTHONG NAS NANG GI BDAG NYID KYI LUS LA LUS KYI RJES SU LTA ZHING GNAS PA LAS DANG PO SA BON GYI TSOGS RNAMS LA SO SOR RTOG PAR BYED DE, SA BON LAS NI, MYU
, ,GU 'BYUNG NGO, ,MYU GU LAS NI, SDONG BU 'BYUNG NGO, ,SDONG BU LAS NI, 'DAB MA 'BYUNG NGO, ,'DAB MA RNAMS LAS NI, ME TOG 'BYUNG NGO, ,ME TOG LAS NI, 'BRAS BU 'BYUNG BAR 'GYUR RO, ,DE KHO NA BZHIN DU RNAL 'BYOR SPYOD PA PA RNAMS KYIS NANG GI BDAG NYID RNAMS LA YANG MTHONG BA YIN TE, DANG PO SA BON DU GYUR PA'I RNAM PAR SHES PA LAS DANG NYON MONGS PA RNAMS DANG BCAS PA KHU CHUR LTUNG BA YIN NO, ,KHU CHU LAS NI, MER MER POR 'GYUR RO, ,MER MER PO LAS NI, NUR NUR POR 'GYUR RO, ,NUR NUR PO LAS NI, GOR GOR PHOR 'GYUR RO, ,GOR GOR PO LAS NI, NAR NAR POR 'GYUR RO, ,NAR NAR PO LAS NI, 'BUR 'BUR LNGA 'BYUNG BAR 'GYUR TE, RKANG PA'I 'BUR 'BUR GNYIS DANG, LAG PA'I 'BUR 'BUR GNYIS DANG, MGO'I 'BUR 'BUR GCIG GO ,DE LTAR 'BUR 'BUR LNGA PO RNAMS LAS NI, DBANG PO RNAMS GSAL BAR SKYE BAR 'GYUR RO, ,DE LTAR SNGA PHYI'I RIM PAS RGA SHI'I MTHAR THUG PAR 'GYUR RO, ,GZHAN YANG RNAL 'BYOR SPYOD PA PHYI ROL GYI LUS LA LUS KYI RJES SU LTA ZHING GNAS TE, JI LTAR SA BON GYI TSOGS RNAMS NI, DANG PO SNGON PO NYID DU 'GYUR RO, ,PHYI NAS NI; SKYA BOR 'GYUR ZHING RNYING PAR 'GYUR RO, ,THAMS CAD NYID DU MED PAR YANG 'GYUR RO, ,DE KHO NA BZHIN DU LUS 'DI'ANG DANG PO NI, BYIS PAR 'GYUR RO, ,BYIS PA LAS NI, DAR LA
BAB PAR 'GYUR RO, ,DAR LA BAB PA LAS NI, RGAS PAR 'GYUR RO, ,RGAS PAR GYUR NAS NI, RNAM PA THAMS CAD DU MED PAR 'GYUR RO, ,GZHAN YANG RNAL 'BYOR SPYOD PA PHYI ROL GYI LUS LA LUS KYI RJES SU LTA ZHING GNAS TE, JI LTAR NA PHYI ROL GYI SA BON GYI TSOGS RNAMS 'BYUNG BAR 'GYUR PA YIN ZHING JI LTAR YANG SA GZHI LAS SMAN DANG NAGS TSAL RNAMS MNGON PAR 'PHEL BAR 'GYUR BA YIN NA; DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, CHOS 'DI DAG RNAMS THAMS CAD NI, PHAN TSUN GYI RGYU CAN DANG PHAN TSUN GYI RKYEN CAN YIN ZHING, PHYI ROL TU GYUR PA DANG NANG GI BDAG NYID DU GYUR PA'I 'DUS BYAS THAMS CAD NI, PHAN TSUN GYI STOBS KYIS SKYE BAR 'GYUR BA YIN LA CHOS GSUM NI, MA GTOGS SO, ,'DI LTA STE, SO SOR BRTAGS PA'I 'GOG PA DANG, SO SOR MA BRTAGS PA'I 'GOG PA DANG, NAM MKHA' DANG RNAMS SO, ,JI LTAR NA PHAN TSUN GYI STOBS KYIS CHOS RNAMS RAB TU 'JUG PAR 'GYUR BA YIN ZHE NA, 'DI LTA STE, MA RIG PA'I RKYEN GYIS NI, 'DU BYED RNAMS SO, ,'DU BYED KYI RKYEN GYIS NI, RNAM PAR SHES PA'O, ,RNAM PAR SHES PA'I RKYEN GYIS NI, MING DANG GZUGS DAG GO ,MING DANG GZUGS KYI RKYEN GYIS NI, SKYE MCHED DRUG GO ,SKYE MCHED DRUG GI RKYEN GYIS NI, REG PA'O, ,REG PA'I RKYEN GYIS NI, TSOR BA'O, ,TSOR BA'I RKYEN GYIS NI, SRED PA'O, ,SRED PA'I RKYEN GYIS NI, LEN PA'O, ,LEN PA'I RKYEN GYIS NI,
, ,SRID PA'O, ,SRID PA'I RKYEN GYIS NI, SKYE BA'O, ,SKYE BA'I RKYEN GYIS NI, RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG; YONGS SU NGAL BA RNAMS 'BYUNG BAR 'GYUR RO, ,DE LTAR SDUG BSNGAL GYI PHUNG PO CHEN PO 'DI 'BA' ZHIG KUN TU 'BYUNG BAR 'GYUR BA YIN NO, ,YANG DGE SLONG DAG ,MA RIG PA 'GAGS PAR GYUR PAS KYANG 'DU BYED RNAMS 'GAG GO ,'DU BYED RNAMS 'GAGS PAR GYUR NA, RNAM PAR SHES PA 'GAG GO ,RNAM PAR SHES PA 'GAGS PAR GYUR NA MING DANG GZUGS 'GAG GO ;MING DANG GZUGS 'GAGS PAR GYUR NA SKYE MCHED DRUG 'GAG GO ,SKYE MCHED DRUG 'GAGS PAR GYUR NA REG PA 'GAG GO ,REG PA 'GAGS PAR GYUR NA TSOR BA 'GAG GO ,TSOR BA 'GAGS PAR GYUR NA SRED PA 'GAG GO, SRED PA 'GAGS PAR GYUR NA LEN PA 'GAG GO ,LEN PA 'GAGS PAR GYUR NA SRID PA 'GAG GO ,SRID PA 'GAGS PAR GYUR NA SKYE BA 'GAG GO ,SKYE BA 'GAGS PAR GYUR NA RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, NYAM THAG PA RNAMS KUN TU 'GAGS PAR 'GYUR RO, ,DE LTAR SDUG BSNGAL 'BA' ZHIG GI PHUNG PO CHEN PO 'DI 'GAG PAR 'GYUR BA YIN NO, ,DE LTAR NA, CHOS DE DAG NI, GCIG LA GCIG GI RKYEN GYI DBANG GIS YIN TE, PHYI ROL GYI CHOS RNAMS SAM
NANG GI BDAG NYID KYI CHOS RNAMS KYANG RUNG STE, PHAN TSUN GYI DBANG GIS YIN NO, ,DE LTAR RNAL 'BYOR SPYOD PA DES JI LTAR NANG GI BDAG NYID YIN PA DE LTAR PHYI ROL RNAMS YIN ZHING JI LTAR PHYI ROL YIN PA DE LTAR NANG GI BDAG NYID KYI CHOS RNAMS YIN NO, ,ZHES NANG GI BDAG NYID KYI LUS LA LUS KYI RJES SU LTA BAR BYED PA DANG, PHYI ROL GYI LUS RNAMS LA YANG DAG PA JI LTA BA BZHIN DU LUS KYI RJES SU LTA ZHING GNAS SO, ,DE LTAR RNAL 'BYOR SPYOD PA RNAMS KYI PHYI ROL DANG NANG GI BDAG NYID KYI CHOS RNAMS RAB TU SHES PAR BYED DO, ,DANG PO RE ZHIG DZAMBU'I GLING PA RNAMS KYI CHOS RNAMS 'PHEL BAR 'GYUR RO, ,DE NAS NI, NANG GI BDAG NYID RNAMS CHES GSAL BAR BYED PA'I CHOS GCIG SO SOR SHES PAR BYED PA DANG, SO SO BA RNAMS LEGS PAR RAB TU SHES PAR BYED PA DANG, KUN TU MDZES PA RNAMS DANG, TSOR BA RNAMS DANG, SO SOR BAR GYUR PA'I CHOS RNAMS KYANG RAB TU SHES PAR BYED DO, ,PHYI NANG GI DBANG GIS 'BYUNG PO'I GRONG RNAMS THAMS CAD DANG PHYI ROL GYI DBANG GIS KYANG NANG GI BDAG NYID KYI SEMS DANG SEMS LAS BYUNG BA'I TSOGS RNAMS SO, ,GAL TE YANG PHYI ROL TU GYUR PA'I CHOS RNAMS KYIS NANG GI BDAG NYID KYI CHOS RNAMS 'PHEL BAR 'GYUR ZHING DE LAS KYANG NANG GI BDAG NYID KYI CHOS RNAMS CHOS GSAL BAR 'GYUR BA DANG, GAL TE YANG NANG GI BDAG NYID KYI CHOS RNAMS KYIS PHYI ROL GYI CHOS RNAMS 'PHEL BAR
, ,'GYUR BA YIN ZHING, DES KYANG CHES GSAL BAR 'GYUR BA YIN ZHE NA, DE LA YANG PHYI ROL GYI CHOS RNAMS KYIS JI LTAR NANG GI BDAG NYID KYI CHOS RNAMS 'PHEL BAR 'GYUR BA NI, GAL TE GNAS MAL DANG, NAD KYI RKYEN SMAN RNAMS RAB TU PHAL CHE BA DANG LDAN PAR GYUR NA, DES DGE SLONG RNAMS DGE BA'I CHOS RNAMS LA MNGON PAR DGA' BAR 'GYUR RO; ;GAL TE GNAS MAL DANG, NAD KYI RKYEN SMAN DANG, YO BYAD RNAMS RAB TU PHAL CHE BA DANG LDAN PAR MA GYUR NA NI, DE THAMS CAD DU'ANG DGE BA'I CHOS RNAMS LA MNGON PAR DGA' BAR MI 'GYUR RO, ,DE LTAR CHOS RNAMS NI, GCIG GIS GCIG SKYED PAR BYED PA DANG, PHAN TSUN DU LTOS PA DANG, PHAN TSUN DU SKYED PAR BYED PA DANG, PHAN TSUN GYI RGYU CAN GYI DON GZHAN DU GYUR PA'I BYED PA PO DANG, RTAG PA DANG, BRTAN PA DANG, THER ZUG DANG, YONGS SU MI 'GYUR BA'I CHOS CAN RNAMS GANG YIN PA'AM, RGYU RNAMS KYI NANG DU 'DU BAR 'GYUR BA'I RGYU MED PA RNAMS KYIS KYANG KUN KYANG SKYED PAR 'GYUR BA LA SHIN TU 'BAD PAR BYED PA NI, 'DI NA MTHONG BA MA YIN NO, ,GZHAN YANG RNAL 'BYOR SPYOD PA PHYI ROL GYI LUS LA LUS KYI RJES SU LTA ZHING GNAS TE, JI LTAR KHAMS GSUM DU SKYES PAR GYUR PA'I SEMS CAN THAMS CAD KYANG PHYI ROL GYIS DON GCIG PAR GYUR PA'I PHYI ROL GYI LAS GANG GIS NANG GI BDAG NYID KYI
CHOS RNAMS 'PHEL BAR 'GYUR BA YIN NO, ,DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, 'DU BYED PAR SKYES PA'I SEMS CAN THAMS CAD KYI CHOS GCIG TU GYUR PA NI, ZAS GANG DAG YIN PA RNAM PA BZHI PO KHAM GYI ZAS DANG, YID LA SEMS PA DANG, REG PA DANG, DGA' BA DANG 'DI DAG RNAMS YIN NO, ,DE LA 'DOD PA'I KHAMS RNAMS NA NI; ZAS 'DI DAG RNAMS GANG YIN PAS SA BON GYI TSOGS BYAS NAS PHYI ROL GYI ZAS DE DAG GIS KYANG NANG GI BDAG NYID KYI BSAM GTAN LA BDE BAR GNAS PA RNAMS 'PHEL BAR BYED DO, ,DE LA DANG PO NYID DU RE ZHIG PHYI ROL GYI CHOS RNAMS KYIS SO SOR RTOG PAR BYED DE, JI LTAR NANG GI BDAG NYID KYI CHOS DE DAG RNAMS PHYI ROL GYI CHOS RNAMS KYIS 'DZIN PAR BYED PA YIN ZHE NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA RGYU GANG DANG RKYEN GANG DAG DANG, GZHI CI LAS GANG GI TSE BZANG LDAN GYI DUS KYI SROG CHAGS RNAMS THAMS CAD KYI ZAS YIN NA YAN LAG BRGYAD DANG LDAN PA RNAMS YIN NO, ,DE LA YAN LAG BRGYAD PO DE DAG RNAMS KYANG GANG DAG YIN NA, 'DI LTA STE, 'DOD PA'I SGRA DANG, REG BYA DANG, RO DANG, GZUGS DANG DRI DANG, 'DOD PA SDUG PA'I KHU BA 'THAS PA'I MDOG DANG, DBYIBS SO, ,DE LA GAL TE MAL STAN DANG NAD KYI RKYEN SMAN DANG YO BYAD RAB TU PHAL CHE BAR GYUR PA'I PHYI ROL GYI CHOS RNAMS KYIS LUS
, ,'PHEL BAR 'GYUR NA, DE'I TSE NA NANG GI BDAG NYID KYI DGE BA'I CHOS RNAMS LA YANG MNGON PAR DGA' BAR 'GYUR RO, ,DE LTAR RNAL 'BYOR SPYOD PA PHYI ROL GYI LUS LA LUS KYI RJES SU LTA ZHING GNAS SO, ,PHYI ROL GYI SBRANG BU MCHU RNON DANG, SHA SBRANG DANG, GROG MA PHRA MO LA SOGS PA RNAMS KYIS GAL TE LUS LA MTHO 'TSAM PAR MI BYED NA, DE LAS NANG GI BDAG NYID KYI CHOS RNAMS LA YANG MNGON PAR 'DOD PAR 'GYUR RO, ,GAL TE YANG GRANG BA DANG DRO BA DANG CHAR PA LA SOGS PA RNAMS KYIS LUS LA MTHO 'TSAM PAR MI BYED NA; DE'I TSE NANG GI BDAG NYID KYI CHOS RNAMS LA MNGON PAR SPRO BAR 'GYUR RO, ,GAL TE YANG 'DOD PA SDUG PA YID DU 'ONG BA RNAR SNYAN PAR GYUR PA'I SGRA RNAMS THOS PAR GYUR PA NA, DE'I TSE NANG GI BDAG NYID KYI CHOS RNAMS LA MNGON PAR DGA' BAR 'GYUR RO, ,GAL TE 'DOD PA SDUG PA YID DU 'ONG BA'I DRI RNAMS KYI DBANG DU GYUR PA NA, DE'I TSE NANG GI BDAG NYID KYI CHOS RNAMS LA MNGON PAR DGA' BAR 'GYUR RO, ,GAL TE GRANG BA DANG, TSA BA DANG, CHAR PA LA SOGS PA LUS LA CO MA DRIS NA, DE'I TSE NANG GI BDAG NYID KYI CHOS RNAMS LA MNGON PAR DGA' BAR 'GYUR RO, ,DBANG PO LNGA PO RNAMS GAL TE RGYAS PAR BYED PA'I PHYI ROL GYI SKYE MCHED LNGA PO RNAMS KYIS NANG GI BDAG NYID KYI SKYE MCHED LNGA 'PHEL BAR GYUR NA'O, ,DE LTAR
PHYI ROL GYI LUS LA LUS KYI RJES SU LTA ZHING GNAS TE, THEG PA CHEN PO LA YANG DAG PAR GNAS PA'I RIGS KYI BU'AM, 'PHAGS PA NYAN THOS RNAMS KYIS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL 'BYOR SPYOD PA PHYI ROL GYI LUS LA LUS KYI RJES SU LTA ZHING GNAS PA NA, JI LTAR BDAG GI RNAM PAR SHES PA'I TSOGS DRUG CHOS RNAMS LA DGA' BAR 'GYUR BA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GAL TE PHYI ROL GYI CHOS RNAMS KYIS MTHO BRTZAMS PAR MA GYUR NA, DE'I TSE NANG GI BDAG NYID KYI CHOS RNAMS RANG BZHIN DU GNAS PAS CHOS RNAMS LA MNGON PAR DGA' BAR 'GYUR RO, ,RNAM PAR SHES PA'I TSOGS DRUG PO DE DAG RNAMS KYANG GANG ZHE NA, MIG GI RNAM PAR SHES PA DANG, RNA BA'I RNAM PAR SHES PA DANG, SNA'I RNAM PAR SHES PA DANG, LCE'I RNAM PAR SHES PA DANG, LUS KYI RNAM PAR SHES PA DANG, YID KYI RNAM PAR SHES PA RNAMS SO; ;DE LTAR NANG GI BDAG NYID KYI CHOS RNAMS KYI PHYI ROL GYI DNGOS PO RNAMS DANG LHAN CIG PHAN TSUN GYI DBANG DU GYUR PA DANG, PHAN TSUN 'GROGS PA YIN TE, DPER NA, 'DI LTA STE, BYA NAM MKHA'I DKYIL DU SONG BAR GYUR NAS RAB TU RGYU BAR BYED PA DE GANG DANG GANG DU JI LTAR NAM MKHA' LA 'GRO BAR 'GYUR BA DE DANG DE DAG RNAMS SU 'DI'I GRIB MA DE KHO NA BZHIN DU DBANG DU GYUR NAS
, ,'GRO'O; ;DE KHO NA BZHIN DU PHYI ROL GYI DNGOS PO RNAMS KYI DBANG GIS NANG GI BDAG NYID KYI DNGOS PO RNAMS THAMS CAD YIN NO, ,GAL TE LUS THAMS CAD RGYAS PAR GYUR NA NI, ,DE LAS KYANG SEMS RNAM PAR NYAMS PAR MI 'GYUR RO, ,DES NA THAMS CAD KYANG PHAN TSUN DU LTOS NAS RKYEN GYI DBANG GIS THAMS CAD 'BYUNG BA YIN NO, ,DE NI, DE LTAR RNAL 'BYOR SPYOD PA RNAMS KYIS 'DIR MTHONG BA YIN LA MI RTAG PA DANG, MI BRTAN PA DANG, THER ZUG MA YIN PA DANG, YONGS SU 'GYUR BA'I CHOS CAN MA YIN PA ZHES BYA BA'I CHOS RNAMS NI, GCIG KYANG SKYE BA NA YOD PA MA YIN NO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, JI LTAR DZAMBU'I GLING PA'I MI RNAMS KYI TSE THUNG BA DANG 'PHEL BAR 'GYUR BA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GANG GI TSE BZANG LDAN GYI DUS KYI MI RNAMS THAMS CAD NI, 'OD GSAL GYI LHA'I RIS LAS BABS PAR GYUR PA RNAMS YIN PAS SA ZHAG ZAS YIN TE, DPER NA, SUM CU RTZA GSUM GYI LHA RNAMS KYI ZAS NI, BDUD RTZI YIN PA DE BZHIN DU DGE BA'I SEMS DANG LDAN PA'I BZANG LDAN GYI DUS KYI MI RNAMS KYIS NI, SA'I BCUD MDOG DANG, DRI DANG, GZUGS DANG, REG BYA BZANG BA, SKYON RNAMS THAMS CAD DANG BRAL BAR
GYUR PA'I MI RNAMS ZAS RNAMS KYI DBANG GIS 'TSO BA YIN NO, ,DE'I STOBS KYIS TSE'I TSAD NI, LO STONG PHRAG BRGYAD CU RTZA BZHIR 'GYUR RO, ,NAD KYANG GSUM 'BYUNG PAR 'GYUR RO, ,'DI LTA STE, LTAGS PA DANG, SKOM PA DANG, 'DOD PA LA LTOS NAS DE DAG RNAMS THAMS CAD KYANG 'TSO BA DANG NAD MED PAR 'GYUR RO, ,DE NAS GNYIS LDAN GYI DUS NA NI, SA'I BCUD DE DAG NYES PA DANG BCAS PAR 'GYUR ZHING MI RNAMS KYANG DE BZHIN DU SEMS DGE BA'I SEMS DANG LDAN PAR MI 'GYUR RO, ,NAD RNAMS THAMS CAD KYANG MI RNAMS LA 'BYUNG BAR 'GYUR RO, ,'DI LTA STE, LTOGS PA DANG, SKOM PA DANG, DUS MA YIN PAR 'CHI BA DANG, TSA BA SKYE BA'O, ,DE LTAR PHYI ROL GYI ZAS RNAMS KYI DBANG GIS DZAMBU'I GLING GI MI DE DAG RNAMS THAMS CAD KYANG 'TSO BA DANG NAD MED PAR YANG 'GYUR RO, ,GZHAN YANG RNAL 'BYOR SPYOD PA PHYI ROL GYI LUS LA LUS KYI RJES SU LTA ZHING GNAS TE, JI LTAR NA, DZAMBU'I GLING PA'I MI RNAMS THAMS CAD GSUM LDAN GYI DUS NA ZAS KYI DBANG GIS KHA DOG DANG TSE JI LTA BU YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GSUM LDAN GYI DUS NA NI SA'I BCUD DE DAG DE BZHIN DU NUB PAR 'GYUR RO, ,NAD DU MA RNAMS KYANG 'BYUNG BAR 'GYUR TE, ZAS KYI SKYON GYIS MI RNAMS LA RLUNG DANG MKHRIS PA DANG BAD KAN RNAMS RAB TU 'KHRUGS PAR 'GYUR RO, ,RNAL 'BYOR SPYOD PA DE PHYI ROL GYI
, ,ZAS RNAMS KYI NANG GI BDAG NYID KYI SKYE MCHED RNAMS 'PHEL BAR 'GYUR BA'I 'DU BYED KYI TSOGS RNAMS THAMS CAD MTHONG BAR GYUR NAS YANG DAG PA JI LTA BA BZHIN DU LUS LA PHYI ROL GYI CHOS RNAMS KYIS KUN TU LTA BAR BYED DO, ,GZHAN YANG RNAL 'BYOR SPYOD PA PHYI ROL GYI LUS LA LUS KYI RJES SU LTA ZHING GNAS TE, JI LTAR NA BZHI LDAN RTZOD PA'I DUS KYI DZAMBU'I GLING PA'I MI RNAMS KYI ZAS GANG YIN NA, DES THOS PA LAS BYUNG BA'I SHES PAS MTHONG BAR GYUR PA, RTZOD PA'I DUS KYI DZAMBU'I GLING GI MI RNAMS NI, KHRE RGOD KYI ZAS DANG, NAS THUGS GI ZAS DANG, NYA'I ZAS DANG, RDOG GU RTZA BA'I ZAS RNAMS YIN GYI, RO RNAMS THAMS CAD NI, NUB PAR 'GYUR RO, ,MI DE DAG RNAMS LA NI, RTAG TU NAD RNAMS 'BYUNG BAR 'GYUR RO, ,DUS MA YIN PAR RGAS PA'ANG 'BYUNG BAR 'GYUR RO, ,RTZOD LDAN GYI DUS KYI MI RNAMS NI, SPRO BA MED PAR YANG 'GYUR RO, ,GZHAN YANG RNAL 'BYOR SPYOD PA PHYI ROL GYI LUS LA LUS KYI RJES SU LTA ZHING GNAS TE, JI LTAR BZHI LDAN GYI MI RNAMS KYI TSE DANG TSAD RNAMS 'PHEL BA DANG 'GRIB PA YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BZANG LDAN GYI DUS SU DZAMBU'I GLING PA'I MI RNAMS KYI TSE RAB TU RING BA NI, LO STONG PHRAG BRGYAD CU RTZA BZHI YIN NO, ,BDAG NYID KYI DNGOS PO NI, GZHU
'DOM BRGYA PHRAG BCUR 'GYUR RO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, GNYIS LDAN GYI DUS NA DZAMBU'I GLING PA'I MI RNAMS KYI TSE RAB TU RIS PA JI LTA BU YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GNYIS LDAN GYI DUS KYI DZAMBU'I GLING PA'I MI RNAMS KYI TSE RING BA NI, LO STONG PHRAG BZHI BCUR 'GYUR RO, ,BDAG NYID KYI DNGOS POR GYUR PA'I TSAD NI, GZHU 'DOM NYIS BRGYA YIN NO, ,GZHAN YANG RNAL 'BYOR SPYOD PA PHYI ROL GYI LUS LA LUS KYI RJES SU LTA ZHING GNAS TE, GSUM LDAN GYI DUS NA DZAMBU'I GLING PA'I MI RNAMS KYI TSE RING BAR GYUR PA JI LTA BU YIN NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, GSUM LDAN GYI DUS KYI DZAMBU'I GLING PA'I MI RNAMS KYI TSE RING BAR GYUR PA NI, LO STONG PHRAG NYI SHU YIN NO, ,BDAG NYID KYI DNGOS PO NI, GZHU 'DOM BRGYA PHRAG GCIG TU 'GYUR RO, ,GZHAN YANG RNAL 'BYOR SPYOD PA PHYI ROL GYI LUS LA LUS KYI RJES SU LTA ZHING GNAS TE, RTZOD LDAN GYI DUS KYI DZAMBU'I GLING BA'I MI RNAMS KYI TSE RAB TU RING BAR GYUR PA DANG BDAG NYID KYI DNGOS PO'I TSAD KYANG JI LTA BU YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RTZOD LDAN GYI DUS NA DZAMBU'I GLING PA'I MI RNAMS KYI TSE SHIN TU RING BAR 'GYUR BA NI,
, ,LO BRGYA'O, ,BDAG NYID KYI DNGOS PO YANG GZHU 'DOM GCIG NI, YANG MTHA' YIN NO, ,RTZOD LDAN DANG RJES SU 'BREL PA 'JIG PA'I DUS DMAN PA DANG LDAN PA MI RNAMS DGE BA BCU DANG BRAL BAR GYUR PA'I SKYE BO'I TSOGS THAMS CAD BDAG NYID BZANG PO YIN PAR SHES PAR BYED PA RNAMS KYI TSE SHIN TU RING BAR GYUR PA NI, GANG DAG CE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, 'JIG PAR GYUR PA'I DUS DMAN PA DANG LDAN PAS RO'I GTZO BO RNAMS THAMS CAD NI, NUB PAR 'GYUR RO, ,'DI LTA STE, TSVA DANG, MAR DANG, ZHO DANG, SHA DANG, SBRANG RTZI DANG, RO MNGAR PO DANG, BU RAM SHING DANG RNAMS TE, 'BRAS S'A LU RNAMS THAMS CAD KYANG RNAM PAR 'GYUR BA DANG BCAS PAR GYUR NA DRUG CU PA LA SOGS PA RNAMS YIN GYI, JI LTAR GTZO BOR GYUR PA RNAMS NI, NUB PAR 'GYUR RO, ,SH'A LI GZHAN RNAMS KYANG DPER NA, 'DI LTA STE, 'BRAS SH'A LI DMAR PO DANG, ROS 'PHROG PA DANG, PA TANG GA DANG, SKYE BO DANG, LCAGS KYI STOBS DANG, RAB TU DGA' BAR BYED PA DANG, SH'A RI KA: DANG, DUNG GI MU TIG DANG, S'U RNA KA DANG, LO HA B'A L'A ZHES PA DANG, KUN TU BI NA TA: DANG, DMAR PO DZU LA KA: DANG, PHYE MA PA DANG, AARDZU NA: DANG, PAN DZA KA DANG, SKAM PO RU HA: DANG, RGYA MTSO KUN TU RU HA: DANG, GNYIS SU 'PHEL
BA DANG, SA MA HA SA: DANG, RAB TU TSA BA PA DANG, GRA MA MED PA DANG, RTZUB PA RAB TU TSA BA DANG, Y'A BA KA: DANG, THAMS CAD DU SKYE BA DANG, SIDHA tA: DANG, SDIG PA MED PA DANG, KHA DOG CHEN PO DANG, THAMS CAD DU LEGS PAR SKYE BA DANG, AA RDZU NA: DANG, RAB TU TAS BAR BYED PA DANG, DRI RU HA: DANG, SPRUL GYI GCOD PA DANG, KAS MAR YANG RU HA: DANG, RI LAS SKYE BA DANG, RTAG TU SKYE BA DANG, TSIGS PA MED PA DANG, THAMS CAD LA SKYE BA DANG, K'A LINGKA DANG, K'A LINGKA CHEN PO DANG, HE MA STON PA DANG, DUNG CHEN PO DANG, RNYED SLA BA DANG, B'A HI NI RO DANG, SHE KHRI n'I DANG, AANGGU SKYES DANG; SENDHA BA KA: DANG, K'A LA B'A HA DANG, PRA SI BU DANG, BI GHA SA DANG, RAB TU SBYIN BYED DANG, AINGGA LI KA: DANG, TSAD MA PA DANG, BYA BIDDHA DANG, MI 'DOD PA DANG, LHAN CIG TU RNAM PAR 'DRES PA DANG, BUDDHI LA DANG, NYI MA'I DBANG DANG, DRI MA MED PA DANG, M'A GA DHA'I DANG, RGYA MTSO'I LBU BA DANG, BE LA RU HA DANG, SNYOMS PAR PA NA TZA KA: DANG, SPUN PA MED PA DANG, RAB KYI MCHOG TU GYUR PA DANG, DRON PO DANG, RGYA NAG GI DANG, GUR GUM GYI MDOG DANG, DRI MA DANG BCAS PA DANG, RAB TU 'BRAL BA DANG, 'DZING KA'I SEMS DANG, STOBS CAN DANG, KHANGKA KA KHAndI KA: DANG, RNAM PAR 'DRES PA DANG, BDUD RTZI 'GRAM PA NA RGYU BA DANG, GRO'I MDOG RNAMS SO, ,NAS RNAMS NI, RNAM PA DRUG STE, SBUN PA DANG, BCAS PA DANG, SPUN PA MED PA DANG, RNAM PAR 'DRES PA
, ,PA DANG, MNGAR PO DANG, MDOG NAG PA DANG, MDOG SKYA BA'O, ,NAS CHUNG BA NI, RNAM PA GNYIS TE, 'DOD RGYAL BA DANG, SA BON LAS SKYES PA'O, ,SHIN TU DRI BZANG BAR GYUR PA'I ME TOG THAMS CAD KYANG SHIN TU SDUG BSNGAL BAR GYUR PA'I 'JIG PA'I DUS NA NUB PAR 'GYUR RO, ,TIL DANG, MON SRAN SDE'U DANG, RGYA SRAN LEB BU DANG, SKYES PA DANG, BTAB PA DANG, BYAS PA DANG, MA BYAS PA RNAMS KYANG NYE 'KHOR DU THAMS CAD NUB PAR 'GYUR RO, ,BA LANG DANG, MA HE sh'I'I KHU BA'I BCUD DANG, RGUN 'BRUM DANG, KHUR BA PA DANG, 'DOD PAR GYUR PA'I RO RAB TU PHAL CHE BA RNAMS DANG, MNGON PAR 'DOD PA'I RO RNAMS KYANG NUB PAR 'GYUR RO, ,DE DAG RNAMS RAB TU ZHIG PAR GYUR PAS KYANG DZAMBU'I GLING PA'I MI RNAMS PAGS PA DANG, DROD PA DANG, RUS PA DANG, RKANG MAR RNAMS KYI GRANGS TZAM DU THAMS CAD KYANG 'GYUR RO, ,RO'I ZAS RNAMS DANG RNAM PAR BRAL BAS 'DIR NI, THAMS CAD KYANG RUS PAS SBREL BA TZAM DU 'GYUR RO, ,GANG GI PHYIR PHYI ROL DANG NANG GI BDAG NYID RNAMS THAMS CAD GANG PHAN TSUN GYI LTOS PA'I DBANG GIS YIN PA'I PHYIR 'DU BYED RNAMS THAMS CAD KYANG 'JIG PAR 'GYUR BAR RNAL 'BYOR SPYOD PAS SO SO RIG PAR BYED DO, ,YANG DAG PA JI LTA BA BZHIN DU PHYI ROL RNAMS RAB TU RIG PAR BYED DO, ,RTAG PA MA YIN, BDE BA MA YIN, GTZANG BA MA YIN, BDAG
DANG BCAS PA MA YIN LA BYED PA POS BYIN GYIS BRLABS PA'ANG MA YIN NO, ,RGYU MED PA MA YIN ZHING 'DOD RGYAL BA'ANG MA YIN TE, BYED PA PO GCIG GIS BYAS PA MA YIN, GNYIS KYIS MA YIN, GSUM GYIS MA YIN, BZHIS MA YIN, LNGAS MA YIN, LAM LOG PA STON PAR BYED PA'I GZHAN MU STEGS CAN RNAMS KYI RGYU DRUG PAS KYANG MA YIN NO, ,DE LTAR PHYI ROL GYI DBANG DU BYAS NAS RNAL 'BYOR SPYOD PA LUS LA LUS KYI RJES SU LTA ZHING GNAS SO, ,GZHAN YANG RNAL 'BYOR SPYOD PA DES DE LTAR BZANG LDAN GYI DUS NAS 'JIG PA'I DUS KYI BAR DU THAMS CAD LA RGYAS PAR SNGAR BZHIN DU RIG PAR GYUR NAS YANG DAG PA JI LTA BA BZHIN DU PHYI ROL GYI LUS KYIS LUS LA RJES SU LTA ZHING GNAS SO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, JI LTAR MI'I GNAS BZHI PO RNAMS THAMS CAD NA RI DANG, CHU BO DANG, THANG DANG, RGYA MTSO RNAMS DANG, RI'I RGYAL PO RI RAB LHUN PO'I BAR DU YANG RE RE ZHING CHER 'PHEL PAR 'GYUR BA DANG, CHUNG DU 'GRIB PA RNAMS KYANG GANG DAG CE NA, SKYES BU'I GNAS BZHI PO RNAMS 'DI LTA STE, DZAMBU'I GLING DANG, NUB KYI BA LANG SPYOD DANG, BYANG GI SGRA MI SNYAN DANG, SHAR GYI LUS 'PHAGS PO DANG BCAS PA RNAMS SO, ,DMYAL BA YANG CHEN PO BRGYAD DO, ,YI DVAGS RNAMS DANG, DUD 'GRO RNAMS DANG, 'DOD PA NA SPYOD PA'I LHA'I RIS DRUG GO ,DE LTAR PHYI ROL GYI LUS KYIS
, ,LUS LA RJES SU LTA ZHING GNAS SO, ,GZHAN YANG RNAL 'BYOR SPYOD PA PA DZAMBU'I GLING GI SHAR PHYOGS KYI CHA DE'I RI DANG, CHU BO DANG, YUL DANG, MTSAMS LA KUN TU LTA BAR BYED DO, ,DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR BA, DZAMBU'I GLING GI SHAR PHYOGS NA YANG MID AA N'U NA ZHES BYA BA'I RI YOD DO, ,RI AA N'U NA DE NI, DPAG TSAD BCU PA YIN NO, ,GZHAN PHA ROL PO AA N'U NA'I RI NI, DPAG TSAD SUM CU PA YIN NO, ,RI DE DAG GNYIS KYI BAR GYI SA LA CHU BO MTHO RIS DGA' BA BYA BA 'BAB PA'O, ,CHU KLUNG KOO SHI KA DANG, CHU KLUNG GZHAN KOO SHA L'A DANG, YUL YANG GRA MA CAN ZHES BYA BA DANG, YUL GNYIS PA'I MING YANG RNAM PAR SREG BYED CES BYA BA'O, ,KOO SHI KA DANG, KO SHA L'A DANG LHAN CIG TU YONGS SU GANG BAR YUL LJONGS RNAMS DANG 'BREL BA YIN NO, ,DE BZHIN DU AANGGA ZHES BYA BA YUL LJONGS GNYIS PA'O, ,DE LA RNAM PAR SREG BYED NI, RGYAR DPAG TSAD BRGYA YIN NO, ,GRA MA CAN ZHES BYA BA'I RI DE YANG DPAG TSAD BRGYA PHRAG NYI SHU YIN NO, ,KOO SHI KA'I YUL LJONGS NI, GRONG STONG PHRAG BCU YIN NO, ,LJONGS GNYIS PA'I PHYED GO'U RA BA ZHES BYA BA'I LJONGS NI, KUN NAS GANG BAR GYUR PA, SHING PHUN SUM TSOGS PA STE, N'A GA DANG, N'A tI DANG, GO'U RAB PA DANG, DZA LA HI NA HA DANG, T'A LA DANG, TA LO
RNAMS KYIS NYE BAR BRGYAN PA DANG, KHA RDZU'U RA DANG, BA NA SA DANG, N'A dI KE KE RO'I 'BRAS BUS GANG BAR GYUR PA'I LJONGS KO SA L'A DE RNAL 'BYOR SPYOD PAS MTHONG BAR GYUR TO, ,RNA BA GON PA RNAMS DANG, SHA PA NA BA 'CHAR BA DANG, KAndI KA DANG, DGA' BA'I BZHIN DANG, RNGA MO'I BZHIN DANG RNAMS KYI YUL LJONGS DE DAG RNAMS MI DPAG TSAD BRGYA SUM CU YIN NO, ,YUL LJONGS DE DAG RNAMS KYANG BLTAS PAR GYUR NAS KYANG RNAL 'BYOR SPYOD PA PHYI ROL GYI LUS LA LUS KYI RJES SU LTA ZHING GNAS SO, ,YUL LJONGS DE DAG RNAMS KYI MTHAR THUG PA YIN NAM NI, 'ON TE DZAMBU'I GLING NA CHU KLUNG DU BYA BA DANG, GZHAN DAG KYANG YOD DO, ,DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, CHU BO CHEN PO shO nO ZHES BYA BA RGYAR DPAG TSAD PHYED PA ME GHA LA TI'I RI LAS 'BAB PA YIN TE, RING DU NI, DPAG TSAD LNGA BRGYAR GYUR PAS JI SRID DU RGYA MTSO'I SHAR DU 'BAB PAR 'GYUR RO, ,'DI'I GZHI YANG BRAG GI GCAL GYIS RNAM PAR BRGYAN PA YIN NO, ,GZHAN YANG RNAL 'BYOR SPYOD PA PHYI ROL GYI LUS LA LUS KYI RJES SU LTA ZHING GNAS TE, DZAMBU'I GLING 'DI NA RI'I RIGS SU GYUR PA'AM CHU KLUNG GI THA SNYAD DU BYA BA GZHAN DAG KYANG YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RI'I RIGS GZHAN DAG KYANG YOD PA YIN TE, GCIG PU PA ZHES BYA BA'I RI RING
, ,DU NI; DPAG TSAD BRGYAR GYUR PA, 'PHANG DU NI, DPAG TSAD LNGA BRGYA PA YIN NO, ,RI DE LAS DMAR PO ZHES BYA BA'I CHU BO 'BAB PA YIN TE, GZI BRJID CHE BA DANG LDAN PAR GYUR PA, RGYAR NI, DPAG TSAD PHYED PA YIN ZHING RING DU NI, DPAG TSAD LNGA BRGYA YIN TE, JI SRID DU RGYA MTSOR 'JUG GO ,GZHAN YANG RNAL 'BYOR SPYOD PA PHYI ROL GYI LUS KYI LUS LA RJES SU LTA ZHING GNAS TE, RNAM PA LTA BU'I CHU KLUNG GI RIGS GZHAN DZAMBU'I GLING NA YOD PA YIN NAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, DZAMBU'I GLING NA RAB TU 'BAB PAR GYUR PA'I CHU BO CHEN PO K'A BE R'I ZHES BYA BA ME TOG CHEN PO RNAMS KYIS NYE BAR MDZES PAR BYAS PA RNAMS LA 'DI LTA STE, KE T'A KA DANG, TZAMPA KA DANG, AARDZU N'A DANG, KA DAMPA DANG, M'A LI KA GSAR PA DANG, AA TI MUKTA KA DANG RNAMS KYIS NYE BAR MDZES PAR BYAS PA'O, ,GNYIS PA YANG BA LANG CAN ZHES BYA BA BA LANG GI GZHI RNAMS KUN TU GANG BA YIN NO, , CHU BO DE DAG GNYIS KA'ANG ZHENG DU NI, DPAG TSAD PHYED YIN LA, RING DU NI, DPAG TSAD SUM BRGYA YIN NO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, DZAMBU'I GLING NA RI'I RIGS SU GYUR PA'AM, CHU KLUNG GI RIGS SU GYUR PA GZHAN DAG KYANG YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS
MTHONG BAR GYUR PA, DZAMBU'I GLING NA RI'I RIGS DANG CHU BO'I RIGS GZHAN DAG KYANG YOD DO, ,DE DAG KYANG 'DI LTA STE, tA KA SHO BHO CHEN PO ZHES BYA BA'I RI YOD PA NI, MI THAMS CAD KYIS BGROD DU RUNG BRGYA MTSOS BSKOR BA YIN NO, ,RI DE'I TSAD NI, DPAG TSAD SUM CU YIN NO, ,'DI LA MI RNAMS GNAS PA YANG CUNG ZAD KINKI KI R'A T'A ZHES BYA BA'I MI BRTZE BA MED PA DANG, KLA KLO DANG, RNA BA GON PA DANG RNAMS SO, ,GZHAN RNAMS KYANG RAB TU GNAS PAR GYUR PA NI, LO MGYON PA RNAMS TE, DE DAG KYANG RGYA MTSO'I CHU'I NANG GI GLANG PO CHE'I SHA RNAMS ZA BAR BYED DO, ,GOMS PAR GYUR PA'I DBANG GIS ZAS RNAMS ZA BA YIN PAS MI'I SHA RNAMS KYANG ZA BAR BYED DO, ,GZHAN YANG RNAL 'BYOR SPYOD PA PHYI ROL GYI LUS KYI LUS LA RJES SU LTA ZHING GNAS TE, DZAMBU'I GLING LAS SHIN TU 'DAS PAR GYUR PA'I RGYA MTSO NI, RI'I RIGS SAM GLING GI RIGS GZHAN YANG GANG DAG CE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RIN PO CHE DANG LDAN PA ZHES BYA BA'I RGYA MTSO'I NANG NA DPAG TSAD STONG DU GYUR PA RIN PO CHE RNAM PA SNA TSOGS PA RNAMS KYIS NYE BAR MDZES PAR GYUR PA RNAMS LA 'DI LTA STE, AINDRA N'I LA DANG, N'I LA CHEN PO DANG; RDO RJE DANG, BEEd'URYA DANG, MU S'A RA GAL BA DANG, AARKA DANG, PADMA R'A GA DANG, SU KU MA RI K'A LA SOGS PA RNAMS KYIS RI DE NYE BAR MDZES PAR BYAS PA YIN NO, ,DE LA BZANG LDAN GYI DUS
, ,NA NI; LAS KYI RJES SU 'JUG PAR 'GYUR PA'I TSONG PA RNAMS RGYA MTSO'I RLUNG GIS BDAS NAS RAB TU 'JUG PAR BYED DO, ,RI DE LAS SHIN TU 'DAS PA'I RGYA MTSOR STONG PHRAG BCUR NYA CHEN PO DANG, CHU SRIN BYIS PA GSOD DANG, GRIB MA'I RTZE BYA BA'I SRIN PO RNAMS KYIS KUN TU GANG BA YIN NO, ,RGYA MTSO DE LAS KYANG SHIN TU RGAL BAR GYUR NAS GSER GYI RTZIG PA ZHES BYA BA'I GLING YOD PA YIN TE, GSER GYI SA GZHIS YONGS SU KHEBS PAR GYUR PA DE NA MTHONG NA SHIN TU 'JIGS PAR 'GYUR BA BRTUL ZHUGS CHE BA'I SRIN PO RNAMS RAB TU GNAS PA YIN NO, ,YUL DE LAS SHIN TU 'DAS NAS RGYA MTSO DPAG TSAD NYIS STONG GI PHA ROL NA DHI RE KO ZHES BYA BA'I RI YOD PA'ANG RTZE MO GSUM PA STE, 'PHANG DU DPAG TSAD BDUN, RGYAR NI, DPAG TSAD SUM BRGYA PA LA RIN PO CHE BDUN GYIS MDZES PAR BYAS PA RNAMS NI, 'DI LTA STE, AINDRA N'I LA DANG, RDO RJE DANG, BEE d'URYA DANG, PADMA R'A GA DANG, SU KU MA RI DANG, N'I LA CHEN PO DANG, MU S'A RA DANG RNAMS KYIS NYE BAR MDZES PAR BYAS PA'O, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, RI DE LAS 'DAS PAR GYUR NAS RI'I RIGS SAM RGYA MTSO'I RIGS GZHAN DAG YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, CHU NAG PO ZHES BYA BA'I RGYA MTSO CHEN PO DPAG TSAD
STONG PHRAG BCUR GYUR PA, GANG LA LHA MA YIN RNAMS KLU'I BU MO DANG LHAN CIG TU RTZE BAR BYED PA YIN NO, ,RGYA MTSO 'DI'I KLU RNAMS KYANG MTHONG NA 'JIGS SU RUNG BA YIN NO, ,DE LA YANG GRIB MA'I RTZE LA 'BYUNG BA ZHES BYA BA'I SRIN MOS LHA MA YIN STOBS DMAN PAR RGYU BAR BYED PA GANG DAG BZUNG NAS RGYA MTSOR 'PHEN PAR BYED DO, ,CHU NAG PO CHEN PO DE'I CHU'I NANG RNAMS NI, RIS GANG PAR GYUR PA SPRIN NAG PO CHEN PO DANG MTSUNGS PAR GYUR PA, LTO 'PHYE CHEN PO RNAMS KYIS CHES GANG BAR GYUR PA RNAMS KUN TU MTHONG BAR GYUR NAS RNAL 'BYOR SPYOD PAS YANG DAG PA JI LTA BA BZHIN PHYI ROL RNAMS LA RNAM PAR LTA BAR BYED DO, ,RNAL 'BYOR SPYOD PA PAS CHU NAG PO DE LAS YANG DAG PAR 'DAS NAS 'DI DAG LAS PHA ROL NA RI'I RIGS SU GYUR PA'AM, RGYA MTSO'I RIGS SU GYUR PA YOD DAM ZHES LTA BAR BYED DO, ,DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RIN PO CHE RNAMS KYIS KUN TU GANG BA ZHES BYA BA DANG, GZHAN NI; DMAR PO ZHES BYA BA STE, RGYA MTSO DE DAG NA NI, DZAMBU ZHES BYA BA 'DI'I SHING RNAMS LAS LHAG PA DPAG TSAD DGU BCU'I TSAD DU GYUR PA'O, ,DE LA NI, RDO RJE'I MCHU DANG LAN PA'I BYA'I RGYAL PO NAM MKHA' LDING 'DI GNAS PA YIN NO, ,LJON SHING DE LAS NYUNG BAR GYUR NA NI, DPAG TSAD BRGYA NA CHU SNGON PO ZHES BYA BA'I RGYA MTSO YOD DO, ,DE LA RGYANG GRAGS KYI TSAD TZAM GYI SRIN MO MAN DE HA
, ,ZHES BYA BA YOD DO, ,DE NI, CHU'I NANG GI RI'I MCHOG RNAMS LA RGYU BAR BYED PA YIN TE, RGYA MTSO'I CHU'I NANG GANG DAG NA RI BO RNAMS YOD PAR GYUR PA DE DAG RNAMS LA RNAM PAR RGYU BAR BYED DO, ,DE DAG LAS 'DAS PAR GYUR NAS RI'I RIGS SU GYUR PA'AM CHU KLUNG GI RIGS SU GYUR PA GZHAN DAG RGYA MTSO NA YOD DAM ZHES RNAL 'BYOR SPYOD PA PA YUL RNAMS LA LTA BAR BYED DO, ,DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, CHU RAB TU DANG BA ZHES BYA BA'I RGYA MTSO DPAG TSAD LNGA BRGYA PA YOD DO, ,RGYA MTSO DE'I NANG NA 'OD ZER GYI PHRENG BA ZHES BYA BA'I RI 'PHANG DU DPAG TSAD BRGYA PA, RGYAR NI, DPAG TSAD SUM BRGYAR GYUR PA YIN NO, ,RI 'DI NI, DNGUL GYI RANG BZHIN DU GYUR PA LA RIN PO CHE RNAMS THAMS CAD KYIS KYANG MDZES PAR BYAS PA DANG, GSER GYI PADMA RNAMS KYIS NYE BAR MDZES PAR BYAS PA RNAMS NI, 'DI LTA STE, STONG DU MTHONG BA ZHES BYA BA'I PADMA'I RDZING BU ZABS SU NI, DPAG TSAD BRGYA YOD PA, RING DU DPAG TSAD SUM CUR GYUR PA'O, ,DE LA SONG NAS PHRENG BA THOGS PA'I LHA DANG, YOL GO THOGS PA RNAMS KYANG DGA' BAR BYED DO, ,LHA'I NGANG PA DANG, KA RAndA PA DAG GIS KYANG MDZES PAR BYAS PAR GYUR PA YIN NO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, RAB TU DANG BAR GYUR PA'I RGYA MTSO LAS KYANG GZHAN DU
GYUR PA'I RI DANG RGYA MTSO'I RGYAL PO'I RIGS SU GTOGS PA RNAMS SAM GLING DU GYUR PA DAG YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA; RLABS CHEN PO ZHES BYA BA'I RGYA MTSO YOD DE DPAG TSAD NI, LNGA BRGYAR GYUR PA YIN NO, ,DE LA SA'I 'OG GI CHU'I NANG DU SONG BAR GYUR PA'I RLUNG RNAMS STENG DU GYUR PA GANG YIN PAS RGYA MTSO DANG GLING DE DAG RNAMS THAMS CAD KYANG 'KHRUGS PAR BYED DE, SEMS CAN RNAMS KYI LAS KYI DBANG GI PHYOGS KYIS YIN NO, ,RLABS RNAMS NI, DPAG TSAD NYIS BRGYAR 'BYUNG NGO, , LHAG MA RNAMS NI, DZAMBU'I GLING GI RGYA MTSO'I RLABS ZHES GANG DAG RJOD PAR BYED DO, ,DE LA NI, NYA THAMS CAD RTA'I GDONG CAN DU GYUR PA RNAMS RAB TU GNAS SO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, RLABS CHEN PO'I RGYA MTSO'I RI LAS RI'I RIGS SAM RGYA MTSO'I RIGS YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RLABS CHEN PO'I RI'I PHA ROL BYANG PHYOGS NGOS NA RI NGOS GCIG PA ZHES BYA BA DPAG TSAD BRGYA PHRAG BCU BZHIR GYUR PA'I RI GSER 'BAR BA DAG GIS RNAM PAR BRGYAN PA, NYI MA GNYIS PA DANG 'DRA BAR GYUR PA YIN NO, ,DE LA LHA'I ME TOG TU GYUR PA MAND'A RA BA DANG, PADMA KU SHA SHA Y'A DANG, BEE d'URYA'I RANG BZHIN GYI PADMA RNAMS SKYE BA YIN
, ,NO; ;LHA'I NAGS DANG NYE BA'I NAGS RNAMS KYANG RI 'DI LA YOD PA YIN NO, ,NGOS GCIG PA'I RI DE LAS 'DAS PAR GYUR NAS GZHAN RI'I RIGS SU GYUR PA DANG; YOD DAM ZHES RNAL 'BYOR SPYOD PA KUN TU LTA BAR BYED PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SHAR GYI PHYOGS SU RGYA MTSO DPAG TSAD SUM STONG DU NGES PAR BYUNG NAS SONG BAR GYUR PA NA GSER 'BAR BA ZHES BYA RI RAB LAS HA CANG MI RING BA NA YOD DO, ,DE NAS LHUN PO'I LOGS LA 'CHAR BA ZHES BYA BA'I RI YOD DO, ,GANG GIS DZAMBU'I GLING 'DI NI, DES BEE d'URYA'I RANG BZHIN GYI MDOG TU BYED PA DANG, GANG GIS SHAR GYI LUS 'PHAGS PO NI, DES GSER GYI MDOG TU BYED PA YIN NO, ,RI DE'I NGOS SNGON POR SNANG BA YIN PAS RIS DZAMBU'I GLING GI NAM MKHA' YANG SNGON POR MTHONG NGO, ,GZHAN YANG RNAL 'BYOR SPYOD PHYI ROL GYI LUS KYIS LUS LA RJES SU LTA ZHING GNAS TE RI SHAR PA DE DANG THAG NYE BAR GYUR PA NA GZHAN DAG YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RI SHAR PA DE LAS RING DU 'DAS PAR GYUR NAS SHAR GYI LUS 'PHAGS SU RI RAB LHUN PO DE'I RVA GNYIS PAR GYUR PA YID BDE BA ZHES BYA BA LHA'I DZAMBU'I CHU BO'I GSER GYI RANG BZHIN DU GYUR PA YANGS PA GSER
GYI PADMAS LEGS PAR KUN TU BRGYAN PA STE, RGYAR NI, DPAG TSAD BCU PA'O, ,'PHANG DU NI, DPAG TSAD LNGA BRGYA YIN NO, ,DE LA NI, GSER GYI RANG BZHIN GYI LJON SHING DANG, RI DVAGS DANG, BYA RNAMS DANG, GSER SA LE SBRAM GYI RANG BZHIN GYI LJON SHING LO MA RNAMS DANG, LHA'I GLU MKHAN RNAMS KYIS KYANG BSTEN PA YIN NO, ,DE LA YANG PHRENG BA THOGS PAR GYUR PA'I LHA RNAMS DANG, PI WANG GSUM PA CAN RNAMS KYANG RTZE DGA' BAR BYED DO, ,JI LTAR LAS RNAMS KYIS BSKYED PAR GYUR PA RNAMS DMAN PA DANG, BAR MA DANG, KHYAD PAR DU 'PHAGS PA'I LAS RNAMS KYIS MNGON PAR SPRUL PA STE, RANG GI LAS KYI BGO SKAL LA SPYOD PAR BYED PA'I LHA DE DAG RNAMS YID BDE BA'I RI DE DANG JI SRID DU RI NYI MA DANG MTSUNGS PAR GYUR PA'I SHAR BA LA YANG STEN PAR BYED DO; ;DZAMBU'I GLING GI RTZE MOR GYUR PA SHIN TU MTHO BA YIN TE, DE TZAM ZHIG DZAMBU'I GLING GI SHAR PHYOGS NA YOD PA YIN NO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, JI LTAR DZAMBU'I GLING GI PHYOGS NA CHU BO'I RIGS SU GYUR PA'AM, RI'I RIGS SU GYUR PA'AM, RGYA MTSO YONGS SU 'KHRUGS PAR GYUR PA'AM, JI TZAM ZHIG GIS MTHAR THUG PAR GYUR PA YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, DE LA 'BIGS BYED CES BYA BA'I RI'I NYE 'KHOR DU DPAG TSAD BRGYAD YOD
, ,PA LAS; CHU KLUNG NAR MA D'A ZHES BYA BA ZHENG DU DPAG TSAD PHYED DU GYUR PA, RING DU DPAG TSAD BRGYA PHRAG GNYIS YOD PA STE, DE LA'ANG DUG CHEN PO DANG LDAN PA'I KLU RNAMS RAB TU GNAS SHING CHU SRIN BYIS PA GSOD DANG, CHU SRIN 'DZIN KHRIS KYANG GANG BAR GYUR PA YIN NO, ,CHU KLUNG DE LAS GNYIS PAR GYUR PA CHU KLUNG RLABS LDAN ZHES BYA BA'ANG 'BIGS BYED LAS KUN TU 'BAB PA'O, ,CHU KLUNG GSUM PA SHUGS DANG LDAN PA ZHES BYA BA STE, DGA' BAR 'GYUR BA SHING RNAMS KYIS YONGS SU BSKOR BAR GYUR PA YIN NO, ,CHU KLUNG GZHAN YANG NAG PO 'KHYIL PA ZHES BYA BA ZABS SU NI, DPAG TSAD GSUM DU GYUR PA, RING DU GYUR PA'I DNGOS POR NI, DPAG TSAD SUM BRGYA PA YIN TE, JI SRID DU RGYA MTSOR 'BAB PA YIN NO, ,CHU KLUNG YANG RO DHA CHEN PO ZHES BYA BA LA DUG CHEN PO DANG LDAN PA'I KLUS GANG BAR GYUR PA YIN NO, ,RI MA LA YA ZHES BYA BA NI, TZANDAN GYI RANG BZHIN DU GYUR PA MCHOG TU DGA' BA RING BAR GYUR PA'I NGO BOR NI, DPAG TSAD LNGA BRGYA YIN LA 'PHANG DU GYUR PA NI, DPAG TSAD SUM BRGYA YIN NO, ,RLABS CHEN ZHES BYA BA'I CHU KLUNG RAB TU 'BAB PA YIN TE, ZHENG DU DPAG TSAD GCIG YIN LA RING BA'I NGO BOR NI, DPAG TSAD BRGYAR GYUR BA JI SRID DU RGYA MTSOR 'BAB PA YIN NO, ,BE TRA CAN ZHES BYA BA'I CHU KLUNG NI, LJON SHING SNA TSOGS PA RNAMS
KYIS GANG BAR GYUR PA LA BYA RNAMS KYIS KHYAB PAR GYUR PA STE, RGYAR NI, DPAG TSAD GCIG YIN LA, RING DU NI, DPAG TSAD LNGA BRGYAR GYUR PAS JI SRID DU RGYA MTSOR 'BAB PA YIN NO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, DZAMBU'I GLING NA GZHAN DAG CI YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, YUL RNAMS LA 'DI LTA STE, ME LA KO'I LJONGS KYI YUL PHYOGS NI, RNAM PA DU MA RNAMS YIN TE, YUL DE DAG NI, DPAG TSAD BZHI BCU YIN NO, ,TZO KA LA ZHES BYA BA'I YUL LJONGS GNYIS PA NI, DPAG TSAD LNGA BCU PA YIN TE, LJON SHING DANG, KA TA K'A DANG, NA dI KE RA DANG, PA NA SA DANG, CHU SHING DANG, PI LA DANG, KA PATTHI DANG, KA RU SHA KA DANG, BA DA RA DANG; AA RDZU NA DANG, TZAMPA KA DANG RNAMS KYIS NYE BAR MDZES PAR GYUR PA'O, ,LJON SHING GZHAN NI, TSA BI KA LINGKA ZHES BYA BA DPAG TSAD BRGYA PA STE, SHING GSAR PA RNAMS THAMS CAD DANG, SH'A LI DAG GIS NYE BAR MDZES PAR BYAS PA'O, ,DE NAS CHU LDAN ZHES BYA BA'I YUL GZHAN NI, ZHED DU DPAG TSAD BRGYA YIN TE, LJON SHING DANG SH'A LI DAG GIS NYE BAR MDZES PAR BYAS PA YIN NO; ;NAGS NA RI DVAGS DANG, STAG DANG, MI 'GRUNGS PAR GYUR PA DAndA K'A RA n+YA DA ZHES BYA BA NI, DPAG TSAD NYI SHU YIN NO, ,GZHAN YANG RNAL 'BYOR SPYOD PA PHYI ROL GYI LUS KYI LUS LA RJES SU
, ,LTA ZHING GNAS TE, DZAMBU'I GLING GI LHO PHYOGS NA CHU KLUNG GI RIGS SAM, RI'I RIGS GZHAN DAG YOD DAM ZHE NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA CHU KLUNG GO D'A BA R'I ZHES PA RAB TU DANG BAR GYUR PA'I CHU YOD DE, ZHENG DU NI, RGYANG GRAGS YIN LA, RING DU GYUR PA'I NGO BOR NI, DPAG TSAD NYIS BRGYA PA'O,, LJONGS KYANG TZON T'A ZHES BYA BA STE, DPAG TSAD NYI SHU YIN NO, ,MA DR'A ZHES BYA BA'I LJONGS NI, DPAG TSAD BRGYA PHRAG BZHI BCU YIN NO, ,KE TA KO ZHES BYA BA'I YUL NI, DPAG TSAD LNGA BCU PA YIN TE; BA LANG DANG MA HE shA RNAMS KYIS KUN NAS GANG BAR GYUR PA, LJON SHING DANG SH'A LI THAMS CAD PHUN SUM TSOGS PA YIN NO, ,GZHAN YANG RGYA MTSO'I NANG NA KAR KO LA'I RANG BZHIN GYI SHING THAMS CAD PHUN SUM TSOGS PAR GYUR PA STE, RING DU GYUR PA'I DNGOS POR NI, DPAG TSAD SUM BRGYA'O, ,ZHENG DU NI, DPAG TSAD SUM BRGYA YIN, K'A BE RI ZHES BYA BA'I CHU KLUNG NI, SHING RNAMS THAMS CAD KYIS NYE BAR MDZES PAR GYUR PA STE, RAB TU DANG BA'I CHU ZHENG DU NI DPAG TSAD DO, ,RING DU GYUR PA'I NGO BOR NI, DPAG TSAD LNGA BRGYA PA YIN NO, ,DE LA NI, DGA' BAR GYUR BKAR KO LA K'A DANG, NA RA KA DANG, KE TA KA DANG RNAMS KYIS SHIN TU DGA' BAR GYUR PA'I NAGS YOD DO, ,CHU KLUNG YANG B'A SA'I CHU ZHES BYA BA YIN NO, ,GZHAN YANG RNAL 'BYOR SPYOD PA PHYI
ROL GYI LUS KYIS LUS LA RJES SU LTA ZHING GNAS TE, DZAMBU'I GLING LAS RGAL BAR GYUR NAS RGYA MTSO DANG, RI'I RIGS DANG, GLING GI RIGS SU GYUR PA GZHAN DAG KYANG YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RGYA MTSO PU dIS G-YOGS PA ZHES BYA BA DPAG TSAD STONG PHRAG BCU PA STE, DE NA RLUNG GIS RLABS RNAMS NI, MI BYED DO, ,PADMA'I 'DAB MA'I TSOGS RNAMS LDAN PA YIN NO, ,RGYA MTSO CHEN PO 'DI LAS 'DAS PAR GYUR NAS RGYA MTSO'I GLING DPAG TSAD LNGA BRGYA PA YOD DO, ,DE LA NI, SRIN MO RNAMS RAB TU GNAS PA YIN TE, ZAS SU NYA ZA BAR BYED PA 'JIGS PA'I GZUGS CAN RNAMS YIN NO, ,DE LAS RGAL BAR GYUR NAS DBANG CHEN GYI RI YIN TE, RGYAR NI, DPAG TSAD BZHI BCU PAR GYUR PA 'PHANG DU DPAG TSAD BCU PA LA H'A LA DANG, SH'A LI'I PHRENG BA DANG LDAN PAR GYUR PA'O, ,DE LA LHA MA YIN RNAMS KLU'I BU MO DANG RTZE BAR BYED DE, KLU DANG LHAN CIG TU 'JUG NGOGS DANG NYE BA'I NAGS SU YANG NGO, ,RI DE LA GNAS PAR GYUR NAS RGYAL PO BZHIS DZAMBU'I GLING RNAMS THAMS CAD BRGYAD DANG BCU BZHI LA SO SOR RTOG PAR BYED DO, ,SKYES BU SU DAG NI, MA LA GUS PA YIN, CHOS LA SPYOD PAR BYED PA SU DAG YIN, CHOS KYI RJES SU PHYOGS PAR 'JUG PA NI, SU DAG YIN, BSNYEN GNAS LA NYE BAR GNAS PA NI, GANG DAG YIN, SANGS RGYAS LA DAD PA NI, GANG DAG YIN, CHOS LA
, ,DAD PAR GYUR PA NI, GANG DAG YIN, DGE 'DUN LA DAD PAR GYUR PA NI, GANG DAG YIN, BDUD DANG LHAN CIG YUL 'GYED PAR BYED PA NI, SU DAG YIN, SU NI, DRANG PO'I RANG BZHIN CAN YIN, SU NI, SBYIN BDAG TU GYUR PA YIN, SU NI, SER SNA MED PA YIN, SU NI, GZHAN DAG LA GNOD PA MI BYED PA YIN, SU NI, BYAS PA KHYAD DU MI GSOD PA YIN, SU NI; MED PAR SMRA BA MA YIN, DGE BA BCU'I LAS KYI LAM RNAMS LA SPYOD PAR BYED PA NI, GANG DAG YIN, GANG DAG NI, THEG PA CHEN PO PA RNAMS YIN, SU NI, NYAN THOS KYI THEG PA PA YIN; SU NI, RANG SANGS RGYAS KYI THEG PA PA YIN, SU NI, GROGS PO'I DGRAR MA GYUR PA YIN, GZHAN MU STEGS CAN RNAMS KYI LOG PAR LTA BA MA YIN PA SU YIN ZHES DE LTAR RGYAL PO CHEN PO BZHI PO DE DAG GIS DBANG CHEN GYI RI LA DZAMBU'I GLING RNAMS THAMS CAD LA SO SOR RTOG PAR BYED DO, ,GAL TE DZAMBU'I GLING GI MI RNAMS CHOS DANG LDAN PAR GYUR NA NI, RGYAL PO CHEN PO BZHI MGU BAR GYUR NAS BRGYA BYIN LA KUN TU RIG PAR BYED CING DBANG PO DANG BCAS PA'I LHA RNAMS DGA' BAR 'GYUR RO, ,BDUD KYI PHYOGS RNAMS NI, NYAMS PAR GYUR TO, ,LHA'I PHYOGS RNAMS NI, 'PHEL BAR GYUR TO, ,DZAMBU'I GLING GI MI RNAMS NI, THAMS CAD KYANG DGE BA'I CHOS LA SPYOD PAR BYED PA DANG, CHOS KYI RJES SU PHYOGS PAR GYUR PA DE THOS NAS DBANG PO
DANG BCAS PA'I LHA RNAMS DGA' BAR 'GYUR RO, ,GAL TE CHOS DANG MI LDAN ZHING CHOS KYI RJES SU MI PHYOGS PAR DZAMBU'I GLING GI MI RNAMS GYUR NA DES RGYAL PO CHEN PO BZHI SDUG BSNGAL BAR GYUR NAS SUM CU RTZA GSUM GYI LHA RNAMS LA RJOD PAR BYED DE, DZAMBU'I GLING GI MI RNAMS THAMS CAD KYANG CHOS DANG LDAN PA MA YIN ZHING CHOS KYI RJES SU 'JUG PAR BYED PA'ANG MA YIN NO, , BDUD KYI PHYOGS RNAMS NI, 'PHEL BAR GYUR TO, ,LHA'I PHYOGS RNAMS NI, NYAMS PAR GYUR TO, ,ZHES DES THOS NAS DBANG PO DANG BCAS PA'I LHA RNAMS SDUG BSNGAL BAR 'GYUR RO, , GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, DBANG CHEN GYI RI'I PHA ROL NA RI'I RIGS SU GYUR PA'AM GLING GI RIGS SU GYUR PA DAG YOD PA YIN NAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, DBANG CHEN GYI RI DE LAS RING DU 'DAS PAR GYUR PA NA YANG RGYAR DPAG TSAD BRGYA PAR GYUR PA'I GLING YOD DO, ,DE LA RKANG PA GCIG PA'I MI RNAMS RAB TU GNAS PA YIN TE, RTZA BA DANG 'BRAS BU DAG GI ZAS DANG, TSE LO LNGA BCU PAR GYUR PA DANG, SHING LO GOS SU GYON PA DANG, SHING DRUNG NA KUN TU GNAS PA RNAMS YIN TE, YUL 'DI THAMS CAD NA'ANG MI SHA ZA BAR BYED PA'I GCAN GZAN DANG SENGGES KUN TU GANG BAR GYUR PA, GSHOG PA CAN RNAMS KYANG SHIN TU
, ,RTZUB PA RNAMS YUL DE NA SO SOR GNAS PA YIN NO, ,DRO BA DANG BSIL BA DANG BCAS PAS YUL 'DI YANG DGA' BA YIN ZHING DE LA YANG BUD MED RNAMS KHYI'I GDONG CAN YIN ZHING SKAD SNYAN PA YIN NO, ,DE LAS RGAL BAR GYUR NAS RGYA MTSOR DPAG TSAD STONG PHRAG NYI SHU PA YOD DO, ,RGYA MTSO DE BRDOL BAR GYUR NAS T'A LA'I PHRENG BA ZHES BYA BA'I RI SHEL DANG, BEE d'URYA DANG, DNGUL GYI RANG BZHIN DU GYUR PHA LA GSER GYI BYA RNAMS KYIS STEN PAR BYED PA ME TOG MAND'A RA BA DANG, PADMA KU SHE SHA YA RNAMS PHUN SUM TSOGS PAR GYUR PAS DUS DRUG TU RNAM PAR BRGYAN PA YIN NO, ,DE LA LHA MA YIN RDZU 'PHRUL DANG LDAN PA RNAMS 'DOD PAR GYUR BA'I SGRA DANG, REG BYA DANG, RO DANG, DRI RNAMS KYIS DGA' ZHING RTZE BAR BYED LA YONGS SU SPYOD PAR YANG BYED DO, ,RI DE'I RING BAR GYUR PA'I NGO BOR NI, DPAG TSAD STONG PHRAG LNGAR GYUR PA YIN LA, 'PHANG DU NI, DPAG TSAD BRGYA PA YIN TE, RI 'DI LA DNGUL GYI RANG BZHIN GYI RVA 'ANG BCO LNGA YOD DO, ,DE LA NI, LHA'I BU MO RNAMS RTZE DGA' BAR BYED DO, ,LHA'I BU MO DE DAG RNAMS THAMS CAD LHA MA YIN GYIS KUN TU MTHO 'TSAM PAR BYED DO, , GZHI DE LAS DANG PO LHA DANG LHA MA YIN GYI 'KHRUG PAR 'GYUR, LHA DANG MI RNAMS SO SO'I SKYE BO RNAMS THAMS CAD KYANG BUD MED KYI DBANG DU 'GYUR BA YIN NO, ,GZHAN YANG RNAL
'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, T'A LA'I PHRENG BA'I RI DE LAS 'DAS PAR GYUR NAS RI DANG RGYA MTSO'I RIGS SAM, GLING GI RIGS RNAMS GZHAN GANG DAG CE NA DES THOS PA BAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, DE LAS RING DU 'DAS NAS DPAG TSAD LNGA STONG DU RGYA MTSO YIN NO, ,DE LA DPAG CHAD STONG DU NYA RNAMS YOD DE, DPAG TSAD LNGA'I TSAD DU GYUR PA YIN ZHING GLANG PO CHE DANG, MA HE shA DANG, PHAG PA DANG, RNGA MO DANG, SENGGE DANG, STAG DANG, SBYANG GI DANG, GUNG DANG, SPRE'U DANG, MI'I GDONG CAN RNAMS DANG, SEMS CAN RNAMS THAMS CAD KYI BZHIN GYI RJES 'DRA BAR GYUR PA RNAM PA DU MA CAN RNAMS YIN NO, ,RGYA MTSO DE LAS 'DAS PAR GYUR NAS NYI MA LDAN ZHES BYA BA'I RI YOD DO, ,DE LA NI, 'DOD PA RNAMS THAMS CAD DANG, LHA RDZAS KYI PADMA DANG, ZHAS BDUN DU RGYAGS PA SKYED PAR BYED PA'I 'BRAS BU RNAMS KYANG PHUN SUM TSOGS PA YIN NO, ,DE LA'ANG MI'AM CI DAG RAB TU GNAS PA YIN TE, GLU DANG GAR GYIS RTAG TU GNAS PAR BYED PA, RTAG TU YID DGA' BAR GYUR PA RNAMS RANG GI LAS KYI 'BRAS BU'I BGO SKAL LA SPYOD PAR BYED PAS DMAN PA DANG, BAR MA DANG, MCHOG TU GYUR PA RNAMS PHAN TSUN DU GROGS SU GYUR PAS RTZE DGA' BAR BYED DO, ,NYI MA LDAN GYI RI DE LAS SHIN TU 'DAS PAR GYUR NAS DPAG TSAD NYIS STONG GI RGYA MTSO YIN NO, ,DE LAS SHIN TU 'DAS PA NA NI, KUNYDZA RO ZHES BYA
, ,BA'I RI THAMS CAD DU'ANG DNGUL GYI RANG BZHIN DANG, LHA RDZAS KYI BEE d'URYA'I RDO BA DANG, DNGUL GYI GLEGS BU DANG, RDO BA YID DU 'ONG BA RNAMS KYIS YID NYE BAR MDZES PAR BYAS PA'O, ,DE LA BU MO'I SHING LJON PA ZHES BYA BA'I LJON SHING RI DE'I NYE 'KHOR NA YOD DO, ,SHING DE LAS SKYA RENGS SHAR BAR GYUR PA NA BYIS PA'I SKYES BU LEGS PAR SKYE'O, ,NYI MA SHAR BA NA SGUR 'GROS BYED PAR 'GYUR RO, ,SNGA DRO'I DUS SU NI, GTZUG PHUD DANG LDAN PA'I GZHON NUR 'GYUR RO, ,NYI MA PHYED DU PHYIN PA NA LANG TSO LA BAB PAR 'GYUR RO, ,NYI MA'I CHA GSUM PA LA TSOD PAR MAR 'GYUR RO, ,NYI MA 'BAB PA'I DUS NA NI, RGAS PAS NON PAR 'GYUR TE, LUS 'BYUG PA LA BRTEN PAR 'GYUR BA DANG, MGO KHA BA'I PHUNG PO LTAR 'GYUR RO, ,NYI MA NUB PAR GYUR PA'I DUS NA NI, THAMS CAD DUS BYED PAR 'GYUR RO, ,LAS DANG BCAS PAR GYUR PA DANG, LAS KYI SEMS CAN DANG, LAS KYI BGO SKAL LA SPYOD PAR BYED PA DANG, LAS BRTAN PAR BYED PA RNAMS YIN TE, JI LTA JI LTAR LAS RNAMS BYAS PAR GYUR PA DE NI, LAS DE DAG RNAMS NYID KYI SHIN TU'ANG SKAL PA CAN DU 'BYUNG BAR 'GYUR RO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, KUNYDZA RA'I RI LAS 'DAS PAR GYUR NAS RI'I RIGS SU GYUR PA'AM, RGYA MTSO'I RIGS SU GYUR PA'AM, GLING GI RIGS SU GYUR PA GZHAN DAG
GANG ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, DPAG TSAD LNGA BRGYAR GYUR PA'I RGYA MTSO'I CHU'I NANG NA RIN PO CHE SNA TSOGS PA'I RANG BZHIN RNAMS KYIS GANG BAR GYUR PA BEE d'URYA DANG, AINDRA N'I LA DANG, SHEL DANG, NOR BU'I STAGS BU RNAMS DANG, RIN PO CHE BDUN GYIS NYE BAR MDZES PAR BYAS PA, RANG BZHIN GYI 'OD DANG LDAN PAR GYUR PA'I NOR BU RNAMS KYIS KUN TU GANG BAR GYUR PA, GSER DANG NOR BU'I STEGS BU RNAMS DANG, KHANG BZANG DANG, GZHAL MED KHANG DANG, KHANG PA BRTZEGS PA DANG, KHANG BU'I PHRENG BA RNAM PA SNA TSOGS PA RNAMS DANG, NYI MA GNYIS PA DANG 'DRA BAR KUN TU GSAL PAR BYED PA'I GNAS YIN NO, ,DE LA NI, TAKshA KO ZHES BYA BA'I KLU'I RGYAL PO LEGS PAR GNAS PA YIN TE, RANG GI LAS RNAMS KYI BGO SKAL LA SPYOD PAR GYUR PA DANG, SANGS RGYAS RJES SU DRAN PA, CHOS RJES SU DRAN PA, DGE 'DUN RJES SU DRAN PAR BYED PA YIN NO, ,TAKshA KO'I SRED PA DE LAS RING DU 'DAS NAS RGYA MTSO DPAG TSAD LNGA BRGYAR MTHONG NA 'JIGS PAR 'GYUR BA SEMS CAN THAMS CAD 'JIGS PAR BYED PA, MCHOG TU GO BAR GYUR PA'I KLU RNAMS KYIS KUN TU GANG BAR GYUR PA YIN NO, ,RGYA MTSO DE LAS KYANG 'DAS PAR GYUR NAS SEMS CAN RNAMS THAMS CAD KYIS MTSUNGS PAR GANG LA 'BRI BHO ZHES BYA BA'I RI YOD DO, ,DE LAS NI, GO SH'I shA ZHES BYA BA'I TZANDAN DE DANG, HA RO SHY'A MAR ZHES
, ,BYA BA'I TZANDAN GNYIS PA'ANG SKYE BA YIN TE, DE DAG KYANG NYI MA DANG MTSUNGS PA'I GZI BRJID CAN YIN PAS DE DAG NI, THA MAL PA RNAMS KYIS BLTA BAR MI NUS PA YIN NO; ;GANG DAG CHOS PAR GYUR CING CHOS KYI RJES SU 'JUG PAR BYED PA'I 'KHOR LOS BSGYUR BA'I RGYAL POR GYUR PA RNAMS DANG, RNAM PA DE LTA BU'I RGYAL PO GZHAN DAG RNAMS KYI'ANG TZANDAN DE DAG YIN NO, ,DE LA'ANG DRI ZA'I RJES DPON RNAMS TZANDAN DE'I DRI DE DAG GIS MYOS PAR GYUR NAS RTAG TU GAR DANG, GLU DANG, ROL MO'I SGRA RNAMS KYIS KYANG YID BDE BAR 'GYUR RO, ,YUL DE LAS KYANG SHIN TU 'DAS NAS RGYA MTSO'I DPAG TSAD LNGA BRGYA RNAMS SU DBU BA PHRENG BAR GYUR PA RNAMS RLUNG GI 'UR SGRA DANG 'DEBS PA MIN NO, ,RGYA MTSO DE LAS RING DU 'DAS PA NA RVA GSUM PA ZHES BYA BA'I RI YOD DO, ,DE'I RVA GCIG NI, GSER GYI RANG BZHIN YIN NO, ,GNYIS PA NI, DNGUL GYI RANG BZHIN YIN NO, ,GSUM PA NI, SHEL GYI RANG BZHIN YIN NO, ,DE DAG NA'ANG DBU BA'I PHRENG BA ZHES BYA BA RAB TU DANG BA'I CHU LA GSER GYI BYE MA DANG, GRAM PA DANG, LHA RDZAS KYI PADMAS NYE BAR MDZES PAR BYAS PA, NGANG PA DANG, K'A RAndA P'A RNAMS KYIS GANG PAR GYUR PAS NYE 'KHOR RNAMS NA SHIN TU SGRA 'DON PAR BYED DO, ,RVA GSUM PA'I RI DE LA RLUNG GIS BRDABS PAR GYUR PAS RGYA MTSO'I RLABS RNAMS NGES PAR RDEB PAR BYED DO, ,DE DAG
LA RAB TU BRDABS PAR GYUR PAS NI, NYA NYAM CHUNG BA RNAMS DUS KYI CHOS DANG KUN TU LDAN PAR 'GYUR RO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, RGYA MTSO NA RI'I RIGS SU GYUR PA'AM, CHU KLUNG GI RIGS SU GYUR PA'AM, GLING GI RIGS SU GYUR PA GZHAN DAG YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, YUL DE LAS RING DU 'DAS PAR GYUR NAS LEGS PAR BYAS PA DGE BA RNAMS DANG, MI DGE BAR GYUR PA MYONG BAR NGES PA RNAMS TE, SEMS CAN RNAMS THAMS CAD KYI LAS KYI 'BRAS BU'I DBANG POR GYUR PA GSHIN RJE'I 'JIG RTEN YOD DO, ,DE LA GSHIN RJE ZHES BYA BA NI, CHOS KYI RGYAL PO STE, CHOS KYIS SEMS CAN RJES SU STON PAR BYED PA YIN NO, GSHIN RJE'I 'JIG RTEN 'DI NI, RANG GI SEMS RNAM PAR 'KHRUL PA DANG MUN PAS KYANG BSGRIBS PA YIN NO, ,GSHIN RJE'I 'JIG RTEN DE LAS 'DAS PAR GYUR NAS DPAG TSAD BRGYAR NAM MKHAS BSGRIBS PA MED PA YIN NO, ,DE LAS 'DAS PAR GYUR NAS NI, DGA' BAR GYUR PA'I GSHIN RJE'I SRID PA YIN TE, LHA RDZAS KYI DZAMBU'I CHU BO'I GSER DRI MA MED PA KHANG PA DANG RTA BABS THAMS CAD KYANG RIN PO CHE RNAMS KYIS MDZES PAR BYAS PA DANG, CHU BO DANG, 'BAB CHU DANG, RDZING BU PADMA'I RDZING BU RNAMS YONGS SU KHYAB CING NYE BAR MDZES PAR GYUR PA STE, RGYAR NI,
, ,DPAG TSAD BRGYA PA YOD PA NYI MA GNYIS PA DANG MTSUNGS PA YIN NO, ,GSHIN RJE'I SRID PA DE LAS 'DAS PAR GYUR NAS NI, NYI MA DANG ZLA BA'I 'OD ZER YANG NYAMS PAR GYUR NAS THAMS CAD KYANG MUN PAS KUN NA BSGRIBS PA YIN TE, RGYA MTSO LA'ANG NYI MA DANG ZLA BA 'DI DAG GI 'OD MED PA YIN NO, ,SRID PA RGYA CHEN POR GYUR PA'I DMYAL BA PA'I SKYE BO RNAMS KYI NYES PAR BYAS PA'I LAS RNAMS KYI RANG BZHIN GYIS RGYA MTSOR YANG MUN PAS KUN TU BSGRIBS PAR GYUR TE, RGYA MTSOR GYUR PA'AM YUL PHYOGS KYANG THAMS CAD DU GSAL POR MI DMIGS SO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, SHI SA PA'I YUL 'DI NA NI, GRONG KHYER DU GYUR PA'AM, LJON SHING DU GYUR PA'AM, CHU BOR GYUR PA'AM, RIR GYUR PA RNAMS KYANG RUNG, RGYA MTSOR GYUR PA'AM, LHA'I 'JIG RTEN DU GYUR PA'AM, DUD 'GRO'I 'JIG RTEN DU GYUR PA'AM, YI DVAGS KYI 'JIG RTEN DU GYUR PA RNAMS SAM, STENG DU GYUR PA'AM, 'OG GAM, PHYOGS RNAMS SAM, PHYOGS MTSAMS RNAMS NA GANG LA'ANG SEMS CAN RNAMS MA SKYES PA'AM, MA SHI BA'AM, 'CHI MA 'PHOS PA'AM; SKYES PAR MA GYUR PA'AM, MTHUN PA DANG YID DU 'ONG BA RNAMS THAMS CAD KYANG MED PAR MA GYUR PA'AM, 'BRAL BAR MA GYUR PA'AM, BSLUS PAR MA GYUR PA'AM, BRTAN
PA MA YIN PA DANG, THER ZUG MA YIN PA DANG, YONGS SU 'GYUR BA'I CHOS CAN DANG, RNAM PAR 'BRAL BA DANG, PHAN TSUN DU RNAM PAR 'BRAL BA DANG MI LDAN PAR GYUR PA DE NI, GCIG KYANG GO SKABS MA MTHONG NGO, ,GANG LA MTHUN PA DANG YID DU 'ONG BA RNAMS DANG MED CING BRAL BAR BYAS PAR MA GYUR PA'AM, THA DAD DU GYUR PA'AM, RNAM PAR GYES PA DANG, RNAM PAR BRAL BA DANG, KUN NAS 'BRAL BAR MA BYAS PAR GYUR PA NI, 'GRO BA LNGA NA SEN MO'I CHA TZAM MA DMIGS TE, SA PHYOGS KYI CHA GANG LA'ANG SEMS CAN RNAMS MA SKYES PA'AM, SHI BA DANG, 'CHI 'PHOS PA DANG, SKYES PAR MA GYUR PA NI, MA MTHONG NGO, ,DE'I PHYIR NA SHIN TU MYUR BAR 'DU BYED RNAMS LA 'DOD CHAGS DANG BRAL BAR GYIS SHIG ,SLU BAR 'GYUR BA YIN PA DANG, GNAS 'DI DAG NI, G-YO BA DANG, NYE BAR 'TSE BA DANG BCAS PA DANG, MYA NGAN DANG YID MI BDE BA MANG BAR GYUR PA DANG, MYUR BA DANG BCAS PA DANG, KUN TU 'BYED PAR 'GYUR BA DANG, YONGS SU THOB PA LA KUN TU NYAMS PAR 'GYUR PA DANG, SGYU MA DANG 'DRA BA DANG, RMI LAM DANG MTSUNGS PA DANG, RNYED PA RNAMS CHUD 'DZA' BA DANG, SRED PA'I GNAS DE DAG RNAMS KYIS NI, BYIS PA SO SO'I SKYE BO RNAMS SLU BAR BYED PA YIN TE, THOG MA MED PA'I DUS NAS RAB TU 'JUG PA'I 'DOD CHAGS ZHE SDANG GTI MUG RNAMS RTEN DU GYUR PA YIN NO, ,MDZA' BA MA YIN PA'I DGA' BA'I
, ,'DOD CHAGS KYI GZHI LTA BUR GYUR PA YIN PAS, DE'I PHYIR NA SHIN TU SGYUR BAR 'DU BYED RNAMS LAS 'DOD CHAGS DANG BRAL BAR GYIS SHIG, SKYO BA MED PAR GYUR TA RE, RNAM PAR G-YENG BAR GYUR TA RE, KUN NAS 'BRAL BAR 'GYUR BA'I YUL RNAMS KYIS KHRID PAR GYUR TA RE, BYIS PA RNAMS DANG LHAN CIG TU RTZE BAR MA BYED CIG ,DE LTAR RNAL 'BYOR SPYOD PA DES LUS GZHAN DU 'JIG PAR 'GYUR BA'I PHYI ROL GYI LUS KYI LUS LA YANG DAG PA JI LTA BA BZHIN DU RJES SU LTA ZHING GNAS SO, ,GNAS BZHI BCU THAM PA'I NAD RNAMS LA GANG LAS KYI SKYABS GNAS PA DANG, LAS KYIS RAB TU SPREL BAR GYUR PA DANG, LAS KYI BGO SKAL LA SPYOD PAR GYUR PA MA YIN PA'I SEMS CAN DU GYUR PA GCIG TZAM YOD DAM, DGE BAR GYUR PA'AM, SDIG PA'ANG RUNG STE, JI LTAR LAS BYAS PAR GYUR PA DE NI, DE NYID KYI SKAL PA CAN DU 'GYUR ZHE NA, GANG LAS KYI BGO SKAL LA SPYOD PA MA YIN PA DANG, LAS KYI SKYE GNAS PA MA YIN PA DANG, LAS BRTEN PAR BYA BA MA YIN PA'I SKYES BU DE NI, GCIG KYANG MA MTHONG GI ,DGE BAR GYUR PA'AM SDIG PA'ANG RUNG STE, JI LTAR LAS RNAMS BYAS PA DE NI, DE NYID KYI SKAL PA CAN DU 'GYUR BA YIN NO, ,RANG NYID KYIS LAS BDAG GIR BYA BA LA KUN TU BLTAS NAS YANG DAG PA JI LTA BA BZHIN DU LUS LA LUS KYI RJES SU
LTA ZHING GNAS SO, ,DZAMBU'I GLING GI NUB KYI PHYOGS NA RI'I RIGS SAM, CHU BO'I RIGS SAM, GLING GI RIGS SAM, YUL GYI RIGS SU GYUR PA RNAMS KYANG JI LTA BU YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BUNN'A GA DAG GIS KUN TU GANG BA DANG, BA tA'I SHING MANG BA DANG, KHA RDZU RA RNAMS KYIS KHYAB PA DANG, KE TA KA'I ME TOG GIS NYE BAR MDZES PA DANG, N'A dI KER MANG BAR GYUR PA DANG, TA MA LA'I LJON SHING GIS GANG BAR GYUR PA DANG, RAB TU BSIL BAR GYUR PA'I CHU KLUNG RAB TU PHAL CHE BA DANG, RI'I PHUG RNAMS DANG LDAN PA STE, YUL DE'ANG KE K'A PI NO, ,ZHES BYA BA'I YUL YIN LA, SINDHU ZHES BYA BA'I CHU BO SU B'I RO ZHES BYA BA'I YUL SHIN TU DGA' BAR GYUR PA, SH'A LU DMAR PO'I ZAS DANG LDAN PA'I MI RNAMS NI, BLTA BAR MDZES PA, SA PHYOGS RNAMS RI DANG 'BAB CHUS GANG BAR GYUR PA YIN NO, ,P'A RA T'A ZHES BYA BA'I YUL DPAG TSAD NYI SHU PA STE, BAL PO SE'U'I CHANG MANG BA YIN NO; ;GROGS PO'I LONGS SPYOD CES BYA BA'I GNAS TE, DE NYID KYI NUB PHYOGS KYI YUL NA CHU KLUNG LNGA YOD DO, ,DE LAS 'DAS PAR GYUR NAS NI, CHU SRIN 'DZIN KHRI RNAM PA SNA TSOGS PAS GANG BAR GYUR PA; 'JIGS PA CHEN PO BYED PA'I RGYA MTSO YOD PA RNAL 'BYOR SPYOD PAS MTHONG NGO, ,RGYA MTSO DE'I NUB PHYOGS NA DPAG TSAD BRGYA PAR GYUR PA'I GLING K'A LA KO ZHES BYA BA YOD DO, ,DE LA RNAM PA SNA
, ,TSOGS PA'I BYA RNAMS DANG, NAGS DANG, NYE BA'I NAGS RNAMS KYANG YOD DE, SHIN TU DGA' BA YIN NO, ,GLING DE NA'ANG RIG PA 'DZIN PA RNAMS KUN TU DGA' BAR BYED DE, BA RI TA BAttA NANG ZHES BYA BA'I RIG PA 'DZIN PA GNAS PA YIN NO, ,RAL PA CAN GYI DBYIBS ZHES BYA BA'I GNAS GNYIS PA SHIN TU DGA' DANG DGA' BAR GYUR PA'I YUL PHYOGS YIN TE, K'A LA KO'I GLING DE NA NI, KHANG BZANG DANG, KHYIM DANG, 'BAB CHU RAB TU PHAL CHE BA YIN NO, ,GLING DE'I PHA ROL NA NI, SINDHU DANG RGYA MTSO GNYIS 'DRE BA ZHES BYA BA'I YUL PHYOGS YOD DE, SINDHU DANG RGYA MTSO GNYIS KYI BAR NA SU GA NA ZHES BYA BA'I RI CHU'I NANG NA GNAS PA YIN NO, ,DE LA BRA B'A dA SKYE BA YIN TE, BYU RU'I LJON PA BSDOMS PAS TSONG PA DAG RGYAGS PAR 'GYUR RO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, DES NUB PHYOGS KYI RGYA MTSO LA RAB TU ZHUGS PAR GYUR PA NA RI DANG, GLING DANG, SRIN MO'ANG MING JI SKAD BYA BA YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RGYA MTSO DANG RI'ANG DPAG TSAD LNGA STONG DU DUNG DANG, CHU SRIN DANG, NYA DANG, NYA CHEN POS KUN TU GANG BAR GYUR PA STE, THAMS CAD DU'ANG RLUNG GIS RNAM PAR G-YENG BAR BYED DO, ,RLUNG DE'I MTHUS KYANG NYA RNAMS STENG DANG 'OG TU BYED PAR 'GYUR,
RO; ;RGYA MTSO DE LAS 'DAS PAR GYUR NAS KYANG RNAL 'BYOR SPYOD PAS MTHONG BAR GYUR PA NI, GLING NYE 'KHOR KUN TU DGA' BAR GYUR PA, SENGGES KUN NAS GANG BA ZHES BYA BA STE, DE LA NI, GCAN GZAN NAM MKHA' LA RGYU BA RNAMS YOD DO, ,LUS NI, NYE 'KHOR DU RGYANG GRAGS KYI TSAD TZAM YIN TE, DE DAG RNAMS NI, CHU DANG SA LA THOGS RDUGS MED PA'I 'GROS DANG LDAN PA YIN NO, ,DE DAG RNAMS KYI TSE'I TSAD NI, LO STONG YIN NO, ,PHAN TSUN DU RTAG TU MI MTHUN PAR GYUR PA DANG, RTAG TU MNGON PAR RTZOD PAR BYED PA DE DAG LAS 'DAS PAR GYUR NAS RNAL 'BYOR SPYOD PAS MTHONG BAR GYUR PA NI, RA MA YO ZHES BYA BA'I RGYA MTSO DPAG TSAD LNGA BRGYA PAR GYUR PA'O, ,RGYA MTSO DE NA PADMA RNAMS RTAG TU KHA BYE BAR GYUR PA'I SNYING PO RGYA CHEN PO RNAMS LA BUNG BA DAG GIS NYE BAR MDZES PAR BYAS PA YIN NO; ;PADMA DE DAG GI NANG NA KU LA K'A ZHES BYA BA'I SIN MO RAB TU GNAS PA YIN TE, PADMA'I SNYING PO GANG YIN PA'I ZAS DE DAG GIS BDAG NYID KYI DNGOS PO KUN TU TSIM PAR BYED DO, ,DGA' BAR GYUR PA'I RGYA MTSO LAS RING DU 'DAS NAS RNAL 'BYOR SPYOD PAS MTHONG BAR GYUR PA NI, AARDHA MA RU ZHES BYA BA'I RI NYE 'KHOR DU DPAG TSAD BRGYA PA YOD DO, ,RI DE LA NI, GLANG PO CHE RNAMS DANG, KA LA PINGKA RNAMS LEGS PAR GNAS SO, ,BYA DE RNAMS NI, SHIN TU SKAD SNYAN PA YIN TE, GANG DAG GI RNAM PA DE SRID DU SNYAN BAR GYUR PA RNAMS NI, DE BZHIN GSHEGS PA DANG, DBANG
, ,BSKUR BA THOB PA'I BYANG CHUB SEMS DPA' RNAMS MA GTOGS PA JI LTAR LHA RNAMS LA YANG MED PA DANG, MI RNAMS LA YANG MED CING MI'AM CI RNAMS LA YANG MED LA LHA MA YIN RNAMS LA YANG MED DO, ,AARDHA MA RU ZHES BYA BA'I RI DE LAS 'DAS PAR GYUR NAS RI'I RIGS SU GYUR PA'AM, CHU BO'I RIGS SU GYUR PA'AM, RGYA MTSO'I RIGS SU GYUR PA'AM, GZHAN CI DAG YOD PA YIN NAM ZHES RNAL 'BYOR SPYOD PA LTA BAR BYED DO, ,DES MTHONG STE, THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, AARDHA MA RU ZHES BYA BA'I RI DPAG TSAD LNGA BCUR RGYA MTSO LAS 'DAS PA YIN TE, DE NYID LA NI, BEE d'URYA RAB TU PHAL CHE BA YANG PA YIN NO, ,GSHOG PA DANG BCAS PA'I SENGGE RNAMS RAB TU GNAS PA YIN NO, ,BEE d'URYA'I RANG BZHIN GYI NAGS DE LA M'ANDE H'A ZHES BYA BA DANG, R'A MA ZHES BYA BA'I SRIN MOS SRUNG BAR BYED DO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, DZAMBU'I GLING LAS RING DU GNAS PA NA RI'I RIGS SU GYUR PA'AM, RGYA MTSO'I RIGS SU GYUR PA GZHAN DAG KYANG YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS LTA BAR GYUR PA NA, DE NAS NUB PHYOGS SU GYUR PA NA DPAG TSAD STONG PHRAG BCU GNYIS PA'I RGYA MTSO MTHONG BAR 'GYUR TE, DE NA RI'ANG MED LA
'DU 'TSOG GIS SAR GYUR PA'ANG YOD PA MA YIN GYI, GLANG PO CHE DANG PHAG GI GDONG CAN GYI NYA RNAMS NI, MA GTOGS SO, ,RGYA MTSO DE LAS 'DAS PAR GYUR NAS RNAL 'BYOR SPYOD PA BSAD RI GSER GYI RANG BZHIN DU GYUR PA'I RI SNA RA ZHES BYA BA MTHONG BAR 'GYUR TE, RI DE'I 'OD ZER RNAMS KYIS RGYA MTSO DANG BCAS PA GSER GYI CHUR MDZES PAR BYED DO, ,S'A RA'I RI DE'ANG NI, RGYAR DPAG TSAD LNGA BCU PA LA, MTHO BAR NI, DPAG TSAD SUM BRGYA YOD DO, ,DE LA DRI ZA RNAMS RAB TU GNAS PA YIN TE, RAB TU DGA' BA'I DZAMBU'I PHRENG BA ZHES BYA BA'O, ,DE DAG NI, LO STONG PHRAG GNYIS SU 'TSO BA YIN TE, BAR DU 'CHI BA'I DUS BYED PA'ANG YOD DO, ,DE DAG GI DRI ZA RNAMS NI, BRGYA STONG PHRAG DU MA RNAMS DE NA RAB TU GNAS PA YIN NO, ,LUS GSER LEGS PAR SBYANGS PA DANG 'DRA BA DANG, DRI ZA RNAMS THAMS CAD LHA RNAMS DANG 'DRA BA YIN NO, ,DE LA YOD PA'I DRI ZA RNAMS KYI NAGS KYI RTZA BA DANG 'BRAS BU RNAMS THAMS CAD KYANG DBROG PAR DKA' BA YIN TE, SA 'OG NA GNAS PAR GYUR PA'I LHA MA YIN RNAMS THAMS CAD KYIS KYANG DE DAG RNAMS KYI 'BRAS BU NYUNG BAR BYA BA DANG, 'GA' ZHIG GIS DBROG PAR BYA BA DANG, LONGS SPYAD PAR YANG MI NUS SO, , GZHAN YANG RNAL 'BYOR SPYOD PA PHYI ROL GYI LUS KYI LUS LA RJES SU LTA ZHING GNAS TE, GZHAN RGYA MTSO NA RI'I RIGS DAG YOD DAM ZHE NA, DES THOS PA LAS BYUNG BA'I SHES RAB KYIS SAM,
, ,LHA'I MIG GIS MTHONG BAR 'GYUR RO, ,RGYA MTSO'I BZHI CHA LAS 'DAS PAR GYUR PA NA TZAKRA B'A dO ZHES BYA BA'I RI YOD DE, RGYAR NI, DPAG TSAD LNGA BRGYA YIN LA, 'PHANG DU NI, DPAG TSAD STONG DU GYUR PA'I RI 'DI NI, RDO RJE'I LTE BA DANG GSER GYI RI YIN NO, ,GSER DE DAG LA NI, RES 'GA' LHA MA YIN RNAMS RAB TU GNAS PAR BYED DO, ,RES 'GA' NI, MI'AM CI RNAMS SO, ,RI DE NI, MI'AM CI RNAMS KYI GLUS DGA' BAR GYUR PA DANG, 'BRAS BU RNAM PA SNA TSOGS PA RNAMS KYIS GANG BAR GYUR PA STE, YUL 'DI NA NI, SPRE'U MANG BA YIN NO, ,GSER GYI MDOG GI CHU ZHES BYA BA'I CHU KLUNG YANG 'BAB PA YIN TE, GSER GYI MDOG GI NYA RNAMS KYIS GANG BAR GYUR PA RGYAR NI, DPAG TSAD PHYED PA'O, ,'KHOR LO DANG LDAN PA'I RI DE LAS 'DAS PAR GYUR NAS RNAL 'BYOR SPYOD PAS RGYA MTSO DPAG TSAD STONG PHRAG BCU YOD PAR MTHONG BAR 'GYUR RO, ,RGYA MTSO DE'I DBUS NA NI, RIN PO CHE'I GLING ZHES BYA BA'I GLING DE NA RIN PO CHE RNAM PA SNA TSOGS PA RNAMS MTHONG BAR 'GYUR GYI, DE NAS LAS BYAS PAR GYUR PA'AM, RDO LAS BYAS PAR GYUR PA'I THA MAL PA RNAMS NI, CUNG ZAD KYANG MA MTHONG NGO, , GLING 'DI DAG THAMS CAD NI, RIN PO CHE'I RANG BZHIN YIN NO, ,YANG RI DE DANG MTSO DE LAS KYANG 'DAS PAR GYUR NAS RNAL 'BYOR SPYOD PAS GZHAN RGYA MTSO'I RIGS SU GYUR PA'AM, RI'I
RIGS SU GYUR PA'AM, CHU BO'I RIGS SU GYUR PA GZHAN YOD DAM ZHES LTA BAR BYED DO, ,DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BRAG SKYA BO RNAMS LA LJON SHING SKYA BO RNAMS KYIS KHYAB PAR GYUR PA DBU BA KUN NAS GANG BAR GYUR PA'I RGYA MTSOS YONGS SU BSKOR BA STE, RI DE'I TSAD NI, RGYAR DPAG TSAD LNGA BRGYA YIN LA, 'PHANG DU NI, DPAG TSAD STONG YIN NO, ,DE LAS 'DAS PAR GYUR NAS RNAL 'BYOR SPYOD PA PA YUL RNAMS LA LTA BAR BYED DE, SU GE GHO ZHES BYA BA'I RI NI, RGYAR DPAG TSAD DRUG CU RTZA BZHI BA LA, 'PHANG DU NI, DPAG TSAD BRGYA PA YIN TE, LHA MA YIN GYI 'JIGS PAS STONG PAR GYUR PA, GSANG BA PA'I LHA RNAMS DE LA RAB TU GNAS PA YIN GYI, MI'AM CI'ANG MED LA GNOD SBYIN YANG MED DO, ,RI DE LAS 'DAS PAR GYUR NAS MI CHEN PO SU SHR'I MO ZHES BYA BA RGYAR NI, DPAG TSAD STONG YOD PA LA, RING DU DPAG TSAD SUM STONG YOD PAR GYUR PA STE, SHEL GYI RANG BZHIN DU GYUR PA'I LHA RDZAS MDZES PA YIN ZHING CHU BO DANG, LJON SHING DANG, 'BRAS BU RNAMS KYIS KYANG DGA' BAR GYUR PA YIN NO, ,DE LAS 'DAS PAR GYUR NAS DPAG TSAD BRGYAR CHU SNGON PO'I RGYA MTSO YIN TE, DUNG MA DU GNAS PA DANG, DUNG MO RNAMS KYIS BGROD DGA' BAR GYUR PA YIN NO, ,DE LAS 'DAS PAR GYUR NAS PR'A GA DZYO TI shE ZHES BYA BA'I RI YOD DO, DE LA NI, LHA MA YIN RNAMS PHAL CHER GNAS SO, ,DOGS PA DANG BCAS PAS
, ,LHA RNAMS KYANG LHA MA YIN GYI BU MO LHA RDZAS KYI RGYAN GYIS BRGYAN PA RNAMS KYIS YONGS SU BSKOR BA DANG, BTUNG BA'I CHU KLUNG RNAMS KYANG 'BAB PA YIN NO, ,PR'A GA DZYE TI KHRA'I RI DE LA KIMPA KA ZHES BYA BA'I 'BRAS BU RNAMS KYANG SKYE BA YIN TE, MYANG BAR BYA BA ZHIM PA YIN LA ZHU BAR GYUR NAS NI, GSOD PAR BYED DO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, RGYA MTSO NI RI'I RIGS SU GYUR PA'AM, GLING GI RIGS SU GYUR PA'AM, CHU BO'I RIGS SU GYUR PA YANG RUNG STE, GZHAN YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GSER GYI RI BO STONG PHRAG DRUG CU PA RNAMS LA GSER SA LE SBRAM GYI RANG BZHIN GYI LJON SHING GIS NYE 'KHOR RNAMS YONGS SU KHYAB PAR GYUR PA DANG, RI DVAGS DANG BYA RNAMS KYIS KYANG KUN TU GANG BAR GYUR PA'I LHA'I ME TOG RNAMS KYIS KYANG KUN TU RGYAS PAR GYUR PA, GSER GYI PADMA RNAMS DANG PADMA'I RDZING BU RNAMS KYIS KYANG RTAG PAR YONGS SU RDZOGS PAR GANG BA'I CHU STE, RANG NYID KYI 'OD KYI GZI BRJID KYIS DE DAG RNAMS KYI DBUS NA GNAS PAR GYUR PA'I RI DE NI, RI RAB LHUN PO ZHES BYA BA PHRENG BA THOGS PA RNAMS DANG, LAG NA GZHONG BA THOGS PA RNAMS DANG, PI WANG GSUM PA RNAMS DANG, RGYAL CHEN RIS BZHI PA RNAMS DANG BCAS PA'I LHA RNAMS KUN GYI GNAS YIN NO, ,DE
LA DPAG BSAM GYI SHING YOD PA RNAMS LAS NI, LHA'I 'JIG RTEN PA RNAMS KYI GANG KHO NA YID KYIS BRTAGS PAR GYUR PA DE DAG RNAMS SHING DE LAS 'THOB PAR 'GYUR RO, ,BYA DANG RI DVAGS RNAMS THAMS CAD DANG, GSER GYI ME TOG RNAMS DANG, MAND'A RA PA DANG, PADMA KU SHE SH'A DANG RNAMS KYANG STE, NGOS BZHI LA TSAL BZHI PO RNAMS 'DI LTA STE, DGA' BA'I TSAL DANG, SHING RTA SNA TSOGS KYI TSAL DANG, RTZUB 'GYUR DANG, YONGS SU 'DRES PA DANG RNAMS SO, ,NAGS DE NA NI, YONGS 'DU ZHES BYA BA SHING GI RGYAL PO YOD PA GANG GI RTZA BAR LHA RNAMS DBYAR ZLA BA BZHIR LHA'I 'DOD PA'I YON TAN LNGAS KUN TU TSIM ZHING YANG DAG PAR LDAN PAR GYUR PAS RTZA DGA' BAR BYED DO, ,DE NA RGYAL CHEN RIS BZHI'I LHA DE DAG RNAMS KYIS DGA' BA RNAM PA SNA TSOGS PA'I RANG BZHIN GYI PHUN SUM TSOGS PA RNAMS THOB NAS LHA RNAMS SKYED MOS TSAL GYI LTAD MO NYAMS SU MYONG BAR BYED DO, ,RTZUB 'GYUR GYI TSAL DU NI, RNAM PA SNA TSOGS KYIS LAS BYAS PA'I RANG BZHIN GYI PHUN SUM TSOGS PA RNAMS THOB NAS SHING RTA RNAM PA SNA TSOGS PA RNAMS KYIS SKYED MOS TSAL GYI LTAD MO BYED DO,, SHING RTA SNA TSOGS SU NI, YONGS SU DGA' MGU BAR GYUR NAS SDUG PA'I SGRA DANG, RO DANG, GZUGS DANG DRI RNAMS KUN TU TSIM PAR GYUR PAS DGA' BAR BYED DO, ,DE LA DGA' BA'I TSAL GYI LOGS DE NA NI, LHA RNAMS RTZE DGA' BAR BYED DE, DZAMBU'I GLING
, ,YOD PA'I RI RAB LHUN PO'I LOGS DE NI BEE d'URYA'I RANG BZHIN NO, ,DES KUN TU SNANG BAR BYAS PAS DZAMBU'I GLING GI NAM MKHA' YANG SNGON PO BZHIN DU SNANG NGO, ,LOGS GNYIS PA LA NI RTZUB 'GYUR ZHES BYA BA'I TSAL LO, ,DE NA NI LHA DANG LHA MA YIN GYI 'THAB MO'I GROS RNAMS BGRO BAR BYED DO, ,BA LANG SPYOD YOD PA'I GLING GI LOGS DE NI GSER GYI RANG BZHIN YIN TE, DES KUN TU SNANG BAR BYAS PAS BA LANG SPYOD PA RNAMS KYI NAM MKHA'I MDOG SER POR SNANG BA YIN NO, ,NGOS GSUM PA LA NI SHING RTA SNA TSOGS ZHES BYA BA'I TSAL LO, ,TSAL DE NA NI LHA RNAMS MTSON CHAR BYA BA RNAMS YOD PA YIN NO, ,SHAR GYI LUS 'PHAGS PO ZHES BYA BA YOD PA'I LOGS DE NA NI DNGUL GYI RANG BZHIN YIN TE, DNGUL GYIS KUN TU SNANG BAR BYAS PA DES SHAR GYI LUS 'PHAGS PO'I MI RNAMS KYI NAM MKHA' YANG SKYA BOR KUN NAS SNANG BA YIN NO, ,LOGS BZHI PA LA NI YONGS SU 'DRES PA ZHES BYA BA'I TSAL LO, ,LOGS DE NAS NI BYANG PHYOGS SGRA MI SNYAN GYI GLING YOD, LOGS DE NI SHEL GYI RANG BZHIN YIN NO, ,DES KUN TU SNANG BAR BYAS PAS BYANG GI SGRA MI SNYAN PA'I MI RNAMS KYI NAM MKHA' SKYA BO GTZANG MAR GYUR PAR KUN NAS SNANG BA YIN NO, ,MI RNAMS KYI GRANGS SU BYAS PA'I LO LNGA BCU LA NYIN ZHAG PHRUGS GCIG TU BRTZIS PA'I RGYAL CHEN RIS BZHI RNAMS NI LO
LNGA BRGYAR 'TSO BA YIN TE, BAR DU 'CHI BAR GYUR PA'ANG YOD DO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, RI RNAMS KYI RGYAL PO RI RAB LHUN PO LA PA'I 'JIG RTEN DANG BCAS PAR GYUR PA'AM, LHA RDZAS RNAMS DANG BCAS PAR GYUR PA GZHAN DAG YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SUM CU RTZA GSUM PA ZHES BYA BA'I LHA RNAMS RI RAB LHUN PO'I STENG NA LEGS PAR GNAS SO, ,DE DAG NI DPE MED PA'I LHA RDZAS DANG LDAN PA YIN TE, LHA RDZAS KYI BDE BA RNAMS KYIS RNAM PAR GNAS PA YIN NO, ,DE NA GRONG KHYER BLTA NA SDUG CES BYA BA YOD DE, GRONG KHYER DE LA NI, DPAG TSAD STONG PHRAG BCU YOD PA YIN ZHING RIN PO CHE BDUN GYIS KYANG RNAM PAR BRGYAN PA NI RDO RJE DANG, AINDRA N'I LA DANG, BEE d'URYA DANG, MU S'A RA GAL PA DANG, PADMA R'A GA DANG, SU KU MA RI KshI DANG RNAMS KYIS RNAM PAR BRGYAN PA YIN NO, ,CHOS BZANG ZHES BYA BA'I LHA'I MDUN SA NA'ANG DPAG TSAD LNGA BRGYA PAR GYUR PA LA BEE d'URYA DANG NOR BU'I STEGS BU RNAMS DANG, GSER GYI RA BA DANG, RTA BABS DANG, RIN PO CHE RNAMS THAMS CAD KYIS NYE BAR MDZES PAR BYAS PA YIN NO, ,LHA RNAMS KYI MDUN SA CHOS BZANG DE NA YANG LHA'I DBANG PO BRGYA BYIN RANG GI LAS DANG 'DRA BAR GYUR PA'I LHA RDZAS KYI BDE BA RNAMS KYI RAB TU GNAS
, ,PA YIN NO, ,MI RNAMS KYI LO BRGYA LA DE DAG GI NYIN ZHAG GCIG GO ,DES BSGRES PAS LHA'I LO STONG 'TSO BAR 'GYUR TE, BAR DU DUS BYED PA YANG YOD DO; ;DE LA RI'I RGYAL PO RI RAB LHUN PO DE'I RTZE MO ZHES BYA BA'I NUB PHYOGS KYI CHA DER NUB PA GANG GI TSE NYI MA 'GRO BAR GYUR PA NA DE'I TSE DZAMBU'I GLING DU NUB BO, ,ZHES DZAMBU'I GLING GI MI RNAMS LA THA SNYAD 'BYUNG NGO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, RI RAB LHUN PO'I TSAD JI TZAM YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, STENG DU NI, DPAG TSAD STONG PHRAG BRGYAD CU RTZA BZHI YIN LA 'OG TU'ANG DPAG TSAD STONG PHRAG BRGYAD CU RTZA BZHI YIN NO, ,DE LA CHU'I NANG LA GNAS PA LA NI, LHA MA YIN RNAMS GNAS SO, ,STENG NA NI, LHA RNAMS SO, ,RI RNAMS KYI RGYAL PO RI RAB LHUN PO DE LA NI, RAB TU TSA BAR GYUR PA'I NYI MA DANG LDAN ZHING SEMS CAN RNAMS KYI DBANG GIS DANG, LAS KYI BYIN GYIS BRLABS PA'I PHYIR NA, GANG ZHIG NYI MA'I SHING RTA MCHOG DANG LDAN PAR GYUR PA RTA'I RGYAL PO CHER SGROG PA NYAN PA ZHES BYA BA STOBS CHE BA PHA ROL DAG GNON PAR BYED PAS YONGS SU BSKOR BAR BYED DO, ,GANG ZHING RTA MCHOG DANG LDAN PA DE NI, GANG SHING RTA MCHOG DANG LDAN
PA DES 'DREN PAR BYED PA YIN NO, ,RTA'I MCHOG GCIG PO DE NYID KYIS KYANG BDAG NYID RTA BDUN DU STONG PAR BYED DO, ,SHING RTA'I MCHOG DE'ANG 'KHOR LO GCIG PA YIN TE, DE'ANG CHER SGROG PA NYAN PA'I RTA'I RGYAL POS MIG BTZUM PA TZAM LA'ANG DPAG TSAD STONG PHRAG BCUR 'DREN PAR BYED DO, ,GANG GIS SEMS CAN RNAMS KYI TSE 'PHEL BA SHES PAR 'GYUR BA'I NYIN MO BYED PA'I NYI MA'I DKYIL 'KHOR YANG DPAG TSAD BRGYA YIN NO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, MI'I GNAS BZHI PO RNAMS KYI GLING BZHI'I TSAD JI TZAM YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, DZAMBU'I GLING NI, DPAG TSAD STONG PHRAG BDUN YIN NO, ,BA LANG SPYOD NI, DPAG TSAD STONG PHRAG BRGYAD YIN NO, ,SHAR GYI LUS 'PHAGS PO NI, DPAG TSAD STONG PHRAG DGU YIN NO, ,BYANG GI SGRA MI SNYAN NI, DPAG TSAD STONG PHRAG BCU YIN NO, ,GLING RNAMS GANG DANG GANG GI DBYIBS RNAMS JI LTA JI LTAR GYUR PA DE DANG DE LA GNAS PA'I MI RNAMS KYI KHA GDONG GI DBYIBS KYANG DE LTA DE LTAR YIN NO, ,DE LA SHING RTA SHA KA t'A DANG MTSUNGS PA NI, DZAMBU'I GLING STE; DE DANG 'DRA BAR DZAMBU'I GLING BA'I MI RNAMS KYI BZHIN NO, ,GRU GSUM GYI RNAM PA YIN NO, ,SHAR GYI LUS 'PHAGS PO'I GLING NI, ZLA GA MA YIN TE, MI RNAMS KYI BZHIN YANG DE DANG CHA
, ,'DRA BA YIN NO, ,BA GLANG SPYOD KYI GLING NI, YONGS SU ZLUM PA YIN TE, MI RNAMS KYI BZHIN YANG DE DANG 'DRA BA YIN NO, ,BYANG PHYOGS SGRA MI SNYAN GYI GLENG NI, GRU BZHI PA YIN TE, BYANG PHYOGS SGRA MI SNYAN PA'I MI RNAMS KYI BZHIN YANG DE DANG 'DRA BA YIN NO, ,DE LTAR RNAL 'BYOR SPYOD PA DES MI'I GNAS BZHI RNAMS KYI DBYIBS RNAMS MTHONG BAR GYUR NAS KYANG YANG DAG PA JI LTA BA BZHIN DU PHYI ROL LA KUN TU LTA BAR BYED DO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, DZAMBU'I GLING LAS RING DU 'DAS NAS BYANG PHYOGS KYI CHAR GYUR PA LA RI'I RIGS SAM, CHU BO'I RIGS SAM, YUL GYI RIGS SAM, GLING GI RIGS RNAMS JI LTA BU ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BYANG GI PHYOGS NA NYA ZHES BYA BA'I YUL DPAG TSAD BCU PA YIN NO, ,YUL GNYIS PA PU LIN DO ZHES BYA BA DPAG TSAD NYI SHU BA YIN NO, ,YUL GSUM PA DPA' BO'I SDE ZHES BYA BA DPAG TSAD BRGYA PA YIN NO, ,YUL BZHI PA SUS THA LI ZHES BYA BA DPAG TSAD BRGYA PA YIN NO, ,YUL LNGA PA DAR DO ZHES BYA BA BZANG POR SPYOD PA DPAG TSAD BRGYA PA YIN NO, ,YUL DRUG PA SGRA MI SNYAN ZHES BYA BA DPAG TSAD BRGYA PA RNAMS YIN NO, ,YUL BDUN PA BZANG PO PA ZHES BYA BA DPAG TSAD LNGA BCU PA YIN
NO; ;GANDHA RA ZHES BYA BA'I YUL MTHA' SKOR DANG BCAS PA RNAMS LA DPAG TSAD BRGYA YIN NO, ,SH'A K'A ZHES BYA BA'I YUL DPAG TSAD BRGYA YIN NO, ,BZANG PO PA NI, DPAG TSAD NYIS BRGYA YIN NO; ;DAR DO ZHES BYA BA'I YUL NI, RI MANG BAR GYUR PA STE, DPAG TSAD BRGYA YIN TE, ;B'A HI LI KO NI, DPAG TSAD STONG YIN NO, ,PRI shI K'A ZHES BYA BA DPAG TSAD NYIS BRGYA YIN NO, ,MA HI sh'I K'A DPAG TSAD NYIS BRGYA YIN NO, ,RGYAN GCES BYA BA 'KHOR DANG BCAS PA RNAMS LA DPAG TSAD STONG YIN NO, ,RGYA NAG GZHAN ZHES BYA BA LA NI, DPAG TSAD NYIS BRGYA YIN NO, ,KH'A R'A RNAMS NI; DPAG TSAD LNGA BRGYA YIN NO, ,PA RA BA RA ZHES BYA BA RNAMS NI, DPAG TSAD NYIS BRGYA YIN NO, ,KU tA'I 'BRAS BU PA RNAMS NI, DPAG TSAD LNGA BRGYA YIN NO, ,KA tU KA ZHES BYA BA'I YUL DPAG TSAD LNGA BCU PA YIN NO, ,KAMPO DZ'I ZHES BYA BA'I YUL NI, DPAG TSAD BRGYA PA YIN TE, YUL PHRAN TSEGS RNAMS NI, MA GTOGS PA YIN NO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, BYANG PHYOGS KYI CHA NA RI'I RIGS GANG DAG YOD CE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA; GANGS CAN ZHES BYA BA'I RI RTZE MO RNAM PA SNA TSOGS PA DANG LDAN PA DANG DPAG TSAD STONG YIN TE, SHING LO BRAN DANG LDAN PA DANG, SHING SHUG PAS GANG BAR GYUR PA DANG, PADMAS
, ,KUN TU GANG BA DANG, SPA MAS GANG BA DANG, S'A LA DANG, T'A LA DANG, TA MA L'A DANG RNAMS KYIS GANG BAR GYUR PA DANG, MI'AM CI DANG GNOD SBYIN RNAMS RGYU BAR GYUR PA DANG, SHA ZA DANG GNOD SBYIN DANG LDAN PA YIN ZHING RI DE NI, SHIN TU NYAMS DGA' BAR GYUR PA YIN TE, DKA' THUB CAN RNAMS RGYU BA DANG, GRUB PA THOB PA RNAMS KYIS KYANG GANG BA YIN NO, ,'BAB CHU DANG CHU KLUNG MNGAR BA DANG MCHOG TU MNGAR BA RNAMS LA KLU STOBS CHEN PO RNAMS KYIS GANG BA DANG, RIGS DMA' BA'I MI MANG BA YIN NO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, DZAMBU'I GLING GI BYANG PHYOGS NA RI'AM, CHU KLUNG GI RIGS SAM, RGYA MTSO'I RIGS SAM CI DAG YOD PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GANGS CAN GYI RI NAS DPAG TSAD LNGA BRGYA NA SHING RNAM PA SNA TSOGS KYIS GANG BAR GYUR PA DGA' BAR GYUR PA'I RI DVAGS DANG, BYA'I TSOGS KYIS LEGS PAR GANG BA SHUG PA DANG, LHA SHING DANG, TA MA RU DANG, KU LU MA KA DANG, RIR shA KA RNAMS KYIS DGA' BAR GYUR PA'I RI BZHIN ZANGS KYI MDOG CES BYA BA DPAG TSAD NYI SHU PA STE, PHUG STONG DANG YANG DAG PAR LDAN PA YIN NO, ,DE LAS RING DU 'DAS PAR GYUR PA NAS
BAR SNANG DPAG TSAD BRGYA THAM PAR YANG CHU KLUNG GIS YONGS SU BSKOR BA YIN GYI, DE NA RTZVA DANG, GEL BA DANG, 'KHRI SHING YANG MED LA, SMAN DANG, NAGS TSAL RNAMS NI, GCIG KYANG MI 'PHEL LO, ,DE LAS RING DU 'DAS PA'I BAR NA TI SE ZHES BYA BA'I RI DPAG TSAD LNGA BRGYA PAR GYUR PA MDOG DKAR BA DNGUL GYI RANG BZHIN LA GSER GYI RA BAS YONGS SU GANG BA YIN TE, DE LA 'PHAGS SKYES PO ZHES BYA BA'I RGYAL PO CHEN PO RAB TU GNAS SO, ,DE LA PADMA'I MTSE'U YOD DE, MTSE'U RNAMS LAS NI, CHU SHIN TU BSIL BA 'BAB BO, ,AUTPAL SNGON PO YANG RAB TU PHAL CHE BA YIN TE, PADMA'I RDZING BU RNAMS NA YANG NGANG PA DANG, KA RAndA PA DANG, TZAKRA P'A KA DANG RNAMS KYIS GANG BA YIN NO, ,DE LAS 'DAS PAR GYUR NAS TI RTZU'I RVA ZHES BYA BA'I RI DPAG TSAD LNGA BRGYA PA YOD DO, ,DE'I SHING LJON PA RNAMS LA MI'AM CI RTZE DGA' BAR BYED DE, MCHOG TU GLU LA MNGON PAR DGA' BAS RAB TU DGA' BA YIN NO, ,DE'I RVA LNGA YOD PA LAS GSER DANG, SHEL DANG, GSUM NI, DNGUL GYI RANG BZHIN YIN NO, ,PHYOGS BCUR LHA'I ME TOG RNAMS KYIS NYE BAR MDZES PAR GYUR PA STE, RI DE'I NYE 'KHOR RNAMS SU PADMAS KHYAB PAS DE NI, MCHOG TU DRI ZHIM ZHING DGA' BA YIN NO, ,RI DE'I KHROD LAS NI, 'BAB CHU RAB TU 'BAB PA YIN TE, RAB TU DANG BAR GYUR PA'I CHU LA NGANG PA DANG, K'A RAndA PA DANG, NGANG NGUR GYI TSOGS
, ,GYIS GANG BAR GYUR PA MCHOG TU DGA' BA YIN NO, ,CHU KLUNG DE LAS 'DAS PAR GYUR NAS ME NA KO ZHES BYA BA'I RI YOD DO, ,DPAG TSAD LNGA BRGYA PA YIN NO, , DE LA LHA MA YIN DANG PO NYID NAS RAB TU GNAS PA YIN ZHING RTA'I GDONG PA DANG 'DRA BAR GYUR PA'I BUD MED RNAMS KYANG GNAS PA YIN TE, RTAG TU GLU DBYANGS KYIS MNGON PAR DGA' BA NYID DO; ;GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, DZAMBU'I GLING LAS RING DU 'DAS NAS RI'I RIGS SU GYUR PA'AM CHU BO'I RIGS SU GYUR PA GZHAN YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, DPAG TSAD STONG PHRAG BCU'I RGYA MTSO RNAMS KLU DANG, NYA CHEN PO DANG, NA KRA DANG, CHU SRIN DANG, DUNG RNAMS KYIS CHU'I NANG KUN TU GANG BA YIN NO, ,DE LAS RING DU 'DAS NAS MCHOG TU BZANG PO'I BLO GROS BZANG PO ZHES BYA BA'I RI YOD DO, ,RI DE LA NI, MAR GSAR GYI GONG BU ZHES BYA BA'I MTSO SHIN TU NYAMS DGA' BAR GYUR PA DANG, K'A RAndA PA DANG, BYA KA LINGKA RNAMS KYIS YONGS SU GANG BA YIN NO, ,DE LA RI'I BLO GROS BZANG PO NI, DPAG TSAD LNGA BCU YIN NO, ,MTSO DE NI, DPAG TSAD GCIG YIN NO, ,CHU KLUNG YANG KOO SHI KA MA ZHES BYA BA 'BAB PA'O, ,RI DE NI, SHIN TU DGA' BAR GYUR PA'I CHU LA RGYU BA RNAMS
THAMS CAD KYIS KYANG YONGS SU GANG BA YIN NO, ,RI DE LAS RING DU 'DAS PAR GYUR NAS DPAG TSAD STONG PHRAG NYI SHU'I RGYA MTSO RNAMS MCHOG TU 'JIGS PAR GYUR PA'I CUG COM BYED PA'I KLU'I SGRA RNAMS KYIS SPRIN RNAMS 'DU BAR BYED DO, ,DE NYID DU ZHE SDANG GIS GZIR BAR GYUR PA'I KLU RNAMS PHAN TSUN 'THAB MO BYAS NAS CHAR 'BAB PAR BYED DO, ,'BAB PAR BYED CING GLOG 'KHYUG PAS LHA MA YIN LA CO 'DRI BAR BYED DO, ,DUG KUN NAS SPRO BAR BYED DE, KHRO BAS 'KHRUGS PAR GYUR PAS PHAN TSUN DU SROG GCOD PAR BYED DO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, DZAMBU'I GLING LAS RING DU 'DAS PA GZHAN NA RI'I RIGS SAM CHU KLUNG GI RIGS YOD DAM ZHE NA, DES THOS PA LAS BYUNG BA'I SHES RAB KYIS SAM; LHA'I MIG GIS MTHONG BAR GYUR PA, KLU RNAMS KYIS KUN NAS GANG BAR GYUR PA'I RGYA MTSO'I NYE 'KHOR LAS RING DU 'DAS NAS ZANGS CAN ZHES BYA BA'I GLING DPAG TSAD BRGYA PA YOD DO, ,DE LA ZANGS MA CAN ZHES BYA BA'I SRIN MO RAB TU GNAS PA YIN TE, NYA'I ZAS DANG LDAN PA SHIN TU 'JIGS PAR GYUR PA YIN NO, ,DE LAS RING DU 'DAS NAS NYI TSE BA'I DMYAL BA DMAR PO ZHES BYA BA YOD DE; GANG LA NYI TSE BA'I SEMS CAN DMYAL BA PA RNAMS 'TSOD PAR BYED PA'O, ,DE LA GZHAN KOO SHI KA ZHES BYA BA'I CHU BO DANG, DMAR PO RNAM PAR ZHU ZHES BYA BA'I CHU DANG, RDO BA'I NYI TSE BA'I SEMS
, ,CAN DMYAL BA RNAMS KYANG GANG DPAG TSAD LNGA BRGYAR DRAG PA DANG, TSA BA DANG, RTZUB PA'I TSOR BA RNAMS NYAMS SU MYONG BAR BYED PA YIN NO, ,NYI TSE BA'I SEMS CAN DMYAL BAR SKYES PA DE LAS 'DAS PAR GYUR NAS DPAG TSAD STONG PHRAG BCUR NAM MKHA' MTHING GA DANG 'DRA BA'I SMAG TU GYUR PA YIN TE, DE LA NI, KLU'ANG MED LA, GNOD SBYIN YANG MED, DRI ZA'ANG MED PA YIN NO, ,DE LAS 'DAS PAR GYUR NAS RIN PO CHE RNAMS KYIS GANG BAR GYUR PA'I RGYA MTSO DGA' BA'I RI RNAMS KYIS RAB TU DGA' BAR GYUR PA CHU KLUNG DANG, LJON SHING DANG, LHA SHING DANG, TZANDAN DANG, SHUG PA RNAMS KYIS KUN TU KHYAB PAR GYUR CING 'DOD PA RNAMS THAMS CAD KYANG LJON SHING GI DRUNG NAS PHUN SUM TSOGS PA YIN NO, ,RGYA MTSO DE LAS 'DAS PAR GYUR NAS AUTTA RA ZHES BYA BA MAND'A RA BA'I RI DPAG TSAD LNGA STONG PA KE TA KA DANG, N'I TZU LA DANG, NA LI KE RA'I NAGS KYIS NYE BAR MDZES PAR GYUR PA 'BRAS BU DANG, LJON SHING DANG, 'DOD PA RNAM PA THAMS CAD PHUN SUM TSOGS PA, CHU KLUNG RAB TU MANG PO RNAMS KYANG PHUN SUM TSOGS PA LA NGANG PA DANG, TZAKRA B'A KA DANG, BYA KHYUNG DANG, KA DAM PA RNAMS KYIS NYE BAR MDZES PA, GRUB PA THOB PA RNAMS RGYU BAR BYED PA'I TSOGS KYIS GANG BAR GYUR PA STE, RI 'DI NI, MGO BO STONG LA RIN PO CHE RNAM PA SNA TSOGS KYIS MDZES PAR GYUR PA, RNAM PA SNA TSOGS PA SPA BA'I NAGS
GSER GYIS NYE BAR MDZES PAR GYUR PA YIN NO, ,DRI SNA TSOGS DANG LDAN PA'I AUTTA RA MAND'A RA'I RI DE LAS RGAL BAR GYUR NAS RDO SBYIN PAR BYED PA ZHES BYA BA'I CHU BO YOD DO, ,CHU DER NI, RTZVA'I RIGS SU GYUR PA'AM, SHING GI RIGS SU GYUR PA'AM, SEMS CAN GYI RIGS SU GYUR PA'AM, RI DVAGS DANG BYA'I RIGS SU GYUR PA RNAMS KYANG RUNG STE, GANG CUNG ZAD LHUNG BAR GYUR PA DE DAG RNAMS THAMS CAD KYANG RDO RJE'I RANG BZHIN DU 'GYUR RO, ,CHU BO DE'I NGOS GNYIS DAG NA K'I TZA K'A ZHES BYA BA'I 'OD MA DE DAG RNAMS RLUNG GIS BTAB PAR GYUR NAS PHAN TSUN DRUD PA LAS ME SKYED PAR BYED DO, ,ME DES SEMS CAN BRGYA STONG PHRAG DU MA CHU BO DER MCHONG BAR 'GYUR RO, ,GZHAN YANG RNAL 'BYOR SPYOD PA'I DGE SLONG PHYI ROL GYI LUS KYIS LUS LA RJES SU LTA ZHING GNAS TE, DZAMBU'I GLING LAS RING DU 'DAS PAR GYUR NAS RI'I RIGS SAM, CHU KLUNG GI RIGS GZHAN DAG CI ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA S'I T'A ZHES BYA BA'I CHU BO YOD PA RGYAR NI, DPAG TSAD BCU YIN LA, RING BAR GYUR PA'I DNGOS POR NI, DPAG TSAD SUM BRGYA PA YIN NO, ,DE LA SEMS CAN GYI RIGS GANG DAG LHUNG BAR GYUR PA RNAMS NI, RTZUB PAR GYUR PA'I CHU YIN PAS DE DAG RNAMS THAMS CAD KYANG GRANG BA'I DNGOS POS RNAM PAR NYIGS PAR 'GYUR RO, ,DE LA NI, 'GA' ZHIG KYANG BYA BAR MI NUS SO, ,CHU KLUNG DE
, ,LAS 'DAS PAR GYUR NAS DZAMBU'I GLING GI PHRENG BA ZHES BYA BA'I GLING YOD DE, DE LA RTAG TU RGYAGS PA ZHES BYA BA'I DRI ZA RAB TU GNAS PA YIN TE, SBYIN PA DANG TSUL KHRIMS KYIS BSGRUBS PAR GYUR PA, TSUL KHRIMS DANG YANG DAG PAR LDAN PAS RTAG TU DGA' BAR MYUR DU SONG BA 'DOD PA'I 'BRAS BU RNAMS THAMS CAD PHUN SUM TSOGS PA YIN NO, , GLING THAMS CAD KYANG LJON SHING THAMS CAD KYIS NYE BAR MDZES PAR BYAS PA STE, GSER GYI RANG BZHIN GYI LJON SHING RNAMS SO, ,PADMA RNAMS KYANG BEE d'URYA'I SDONG BU CAN GYI PADMA'I RDZING BU RNAMS KYIS NYE BAR MDZES PAR BYAS PA'O, ,GLING 'DI NAS NI, RI RAB LHUN PO YANG HA CANG RING BA MA YIN NO, ,DE'I DBANG GIS RI DANG BYA DANG CHU'I TSOGS PA RNAMS THAMS CAD NYID KYANG GSER DU MTHONG BAR 'GYUR RO, ,AUTPA LA DANG KU MU DA RNAMS KYANG PHUN SUM TSOGS PA YIN NO, ,GLING 'DI NA NI, BTUNG BA'I CHU KLUNG RNAMS KYANG THAMS CAD LAS RAB TU 'BAB PA'O; ;'BRAS SH'A LI RNAMS KYANG MA BYAS PAR RNYED PAR 'GYUR RO, ,GLING DE YANG DPAG TSAD NYIS STONG PA YIN NO, ,DE LAS 'DAS PAR GYUR NAS RI DANG, CHU KLUNG DANG, SHING RNAMS NI, NAM MKHA' BZHIN TE, RGYA MTSO DPAG TSAD SUM BRGYAR DBU PAS KUN TU GANG BA YIN NO, ,RGYA MTSO DE NI, GLOG GI PHRENG BA ZHES BYA BA DANG, RAB TU 'BAR BAR GYUR PA'I KLU MANG PO RNAMS
SO SOR GNAS SO, ,DE LAS RING DU 'DAS NAS MIG BTZUM ZHES BYA BA'I RI YOD DE, ,RI DE LA MCHOG TU MDZES PAR GYUR PA'I MIG BTZUM PA'I PHUG CES BYA BA YOD DO, ,PHUG DE LA YANG NYI MA'I CHA LA NI, DE NAS RDZUS TE SKYE BA'I BUD MED RNAMS LEGS PAR SKYE STE, MCHOG TU LANG TSO PHUN SUM TSOGS PAR GYUR PA RGYAN RNAMS THAMS CAD KYIS MDZES PAR BYAS PA'O, ,DE NI, NYIN ZHAG GCIG 'TSO BA YIN TE, GANG GI TSE NYI MA 'CHAR BAR GYUR PA DE'I TSE DE RNAMS RGAS 'KHOGS PAR GYUR NAS 'CHI BAR 'GYUR TE, SROG GCOD PA'I RGYU MTHUN PA LAS YIN NO, , MIG BTZUM PA'I PHUG GI RI DE LAS RING DU 'DAS PA NA'ANG ZLA BA'I RI BO ZHES BYA BA'I GSER GYI RI MDOG TU GYUR PA DPAG TSAD LNGA BRGYA PA YIN NO, ,RI BO RI RAB LHUN PO LA 'GRAN PA ZHES BYA BA'I RI DPAG TSAD LNGA BRGYA PA YOD PA YIN TE, DE'I BYANG PHYOGS KYI LOGS LA KE TA KA'I NAGS YOD PA DE LA NI, RMI LAM MTHONG BA'I BGEGS ZHES BYA BA'I SRIN MO RAB TU GNAS PA YIN TE, BANG SHIN TU MGYOGS PAR GYUR PAS MIG BTZUM TZAM LA'ANG DPAG TSAD BRGYA STONG PHRAG MANG PO RNAMS SU 'GRO BAR BYAD DE, DES NI, SKYES BU DAG LA DON MED PA DANG, MI BDE BA DANG, MI PHAN PA RNAMS BYED DO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, GZHAN CI BYANG PHYOGS SGRA MI SNYAN PA DANG, DZAMBU'I GLING PA'I BAR NA RI'I
, ,RIGS SU GYUR PA'AM, CHU KLUNG GI RIGS SU GYUR PA'AM, RGYA MTSO'I RIGS SU GYUR PA NI, GZHAN GANG DAG YOD CING, GANG LA YANG BDAG CAG SKYES PAR MA GYUR PA'AM, SHI BAR MA GYUR PA'AM, 'CHI 'PHOS PAR MA GYUR PA'AM, SKYES PAR MA GYUR PA'AM, LAS KYIS NYE BAR 'GRO BA MA YIN PAR GYUR PA RNAMS SAM, SDUG PA DANG YID DU 'ONG BA RNAMS THAMS CAD DANG YANG THA DAD DU GYUR PA DANG, BYE BA DANG, BRAL BA DANG, RNAM PAR BRAL BA DANG LDAN PAR MA GYUR PA YOD DAM ZHE NA, DE NI, SEN MO'I TSAD TZAM GYI YUL GCIG KYANG MA MTHONG NGO, ,GANG LA MTHUN PA DANG YID DU 'ONG BAR GYUR PA RNAMS THAMS CAD DANG THA DAD DU GYUR PA DANG, RNAM PAR ZHIG PA DANG, RNAM PAR GYIS PA DANG, RNAM PAR BRAL BA DANG LDAN PAR MA GYUR PA NI, MED DO, ,DE'I PHYIR NA RINGS PA RINGS PAR 'DU BYED THAMS CAD LAS 'DOD CHAGS DANG BRAL BAR GYIS, RNAM PAR GROL BAR GYIS, SKYO BA MED PAR GYUR TA RE, 'KHOR BA LA KUN TU CHAGS PAR GYUR PA SKYES PAR GYUR TA RE, SRED PA'I ZHAGS PA'I DBANG DU KUN NAS 'GRO BAR MA BYED CIG ,'KHOR BA LA MNGON PAR DGA' BAR MA BYED CING, 'KHOR BA 'DI NI, RAB TU 'BAR BA DANG, SDUG BSNGAL BA DANG, YID MI BDE BA DANG, YONGS SU NGAL BA YIN NO, ,MI MTHUN PAR GYUR PA RNAMS DANG PHRAD PA DANG, MTHUN PA RNAMS DANG BRAL BAR 'GYUR BA'I
ME DAG GIS DMYAL BA DANG, YI DVAGS DANG, DUD 'GRO RNAMS SU'O, ,MI DANG LHA'I GNAS RNAMS SU BDE BA NYAMS SU MYONG BAR GYUR PA RNAMS NI, G-YO YIN LA, BDE BA MA YIN YANG GTI MUG GIS KUN NAS G-YOGS PA YIN NO, ,DE'I PHYIR NA THAMS CAD LA'ANG SKYO BA SKYE BAR GYIS SHIG ,DE 'KHOR BAR 'KHOR BAR MA BYED DANG, BDUD KYI YUL DE LA GNAS PAR GYUR TA RE, NYON MONGS PA RNAMS DANG LHAN CIG TU RTZE BAR MA BYED DANG, PHYIS 'GYOD PA SKYE BAR 'GYUR BAR MA BYED CIG ,CES DE LTAR RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS PA RNAMS NI, BDUD KYI DBANG DU 'GRO BAR MI 'GYUR RO, ,DE KHO NA NYID JI LTA BA BZHIN DU MTHONG BAR 'GYUR BA DANG, 'DU BYED RNAMS THAMS CAD LA'ANG CHAGS PA DANG BRAL BA DANG, NYON MONGS PA RNAMS RNAM PAR SPONG BA DANG, LAS KYI MTHA' RNAMS BRAL BA DANG, THE TSOM DANG YANG RNAM PAR BRAL BAR 'GYUR RO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, SGRA MI SNYAN PA DANG DZAMBU'I GLING BA'I BYANG GI PHYOGS NA RI'I RIGS SU GYUR PA'AM CHU BO'I RIGS SU GYUR PA GZHAN DAG YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, KHU BYUG GIS GANG BA'I SGRA DBYANGS DANG LDAN PA ZHES BYA BA'I RI 'PHANG DU NI, DPAG TSAD SUM CU PA STE, RGYAR NI, DPAG TSAD BCU PA YIN NO, ,RI DE LA NI KHYU BYUG BRGYA PHRAG MANG POS KUN TU GANG BAR
, ,GYUR PA; SHING MYA NGAN MED SNGON PO DANG, MYA NGAN MED DMAR PO DANG, 'DAB MA BDUN PA DANG, KOO D'A LA DANG, KA DAM PA DANG, AA SHO KA LE BRGAN DANG, ME TOG PHRENG BA GSAR BA DANG, SOO BARnA YU TH'I KA DANG, SU MA N'A DANG, SH'ALMA LI DANG, T'A LA BRI YAm DANG, GLUm KU tA SKYES DANG, TZAM PA KA DANG, KUNDA DANG, BANDU DZ'I BA KA DANG, DBYAR GYI DUS PA DANG RNAMS TE, JI LTAR NAM ZLA DANG DUS TSOD KYI RJES SU 'JUG PAR BYED PA'I ME TOG RNAMS KYIS RI LA KUN TU GANG BA YIN NO, ,PHRENG BA THOGS PA ZHES BYA BA'I LHA RES 'GA' RANG GI GNAS RI RAB LHUN PO BTANG NAS DE LA RTZE DGA' BAR BYED DO, ,RI DE NI, DGA' BA YIN PA'I PHYIR YANG GLU DANG, GAR DANG, ROL MO'I SGRA RNAMS KYIS KYANG RI DE LA YID DGA' BAR BYED DE, 'ON KYANG LHA DE DAG RNAMS KYI SEMS KUN NAS G-YENG BAS RNAM PAR G-YENGS PAR YANG MI 'GYUR RO, KHU BYUG GIS GANG BAR GYUR PA'I RI DE LAS 'DAS PAR GYUR NAS NGANG PA'I NAGS ZHES BYA BA RGYA MTSO'I YUL PHYOGS NA YOD DE; NGANG PA BRGYA STONG PHRAG RNAMS KHYUS RGYU BAR BYED DO, ,DE NYE 'KHOR RNAMS NYID NA PADMA RNAMS KYIS KYANG GANG BA YIN ZHING RGYA MTSO 'DI'I SA PHYOGS RNAMS LA K'A RAndA PA DANG, TZAKRA B'A KA DANG, KA DAMPA DANG RNAMS NOR BU'I MCHU DANG YU BA 'JAM PO'I MGU BA CAN LA SOGS PA RNAMS KYIS GANG BAR GYUR PA DANG, GSER 'BAR BA'I MDOG LTA BU'I PADMA RNAMS KYIS KYANG GANG BAR GYUR
PA'I DPAG TSAD STONG PHRAG BCU'I SA PHYOGS KHYAB PAR GYUR TO, ,NYE 'KHOR GZHAN DE LAS 'DAS PAR GYUR NAS RI RAB LHUN PO'I BYANG GI CHA'I RGYA MTSO'I KHOR YUG DPAG TSAD BRGYA PHRAG BCUR NYA DANG NYA CHEN PO DANG, CHU SRIN NA KRA DANG, CHU SRIN MA KA RA DANG, CHU SRIN BYIS PA GSOD DANG, RUS SBAL RNAMS KYIS YONGS SU GANG BAR GYUR PA YIN NO, ,NYE 'KHOR KUN YANG KHA DOG NAM MKHA' DANG MTSUNGS PAR GYUR PA'I CHU SNGON PO YIN TE, ZABS SU NI, DPAG TSAD STONG PHRAG BCU YIN NO, ,DE NA YANG MO DUD RNAMS GNAS TE, BDAG NYID KYI DNGOS PO'I TSAD NI, RGYANG GRAGS TZAM YIN NO, ,STOBS CHEN PO DANG LDAN PA RNAMS YIN TE, CHU'I NANG NAS GANG DAG GNAS PA'I RI'I RTZE MO DE DAG RNAMS SHUGS KYIS BSGUL NAS LHUNG BAR BYED DO, ,GLANG PO CHE STONG GI STOBS RE RES 'DZIN PA YIN NO, ,DE LAS RING DU 'DAS NAS 'O MA'I CHU ZHES BYA BA'I RGYA MTSO NYE 'KHOR DU DPAG TSAD STONG PHRAG LNGA YOD PA STE, RTAG TU RLABS RNAMS KYIS DKRUG PAR BYED PA, RTAG TU SPRIN DANG SGRA SGROG PAR BYED PA'I SHIN TU KHRO BAR GYUR PA'I KLU DUG CAN RNAMS KYIS GANG BAR GYUR PA YIN NO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, DZAMBU'I GLING GI BYANG PHYOGS NGOS NA RI'I RIGS SAM, CHU BO'I RIGS SAM, RGYA MTSO'I RIGS GZHAN GANG DAG YIN NA, DES THOS PA LAS BYUNG BA'I SHES RAB KYIS SAM, LHA'I
, ,RIG GIS MTHONG BAR GYUR PA, GSER DANG, GSER DMAR PO DANG, SHEL GYI RANG BZHIN GYI RI BRGYA PHRAG LNGA YOD PAS BYANG PHYOGS SGRA MI SNYAN GYI GLING DE NANG BAR GYI NYI MA'I MDOG DANG 'DRA BA DANG, PADMA DANG, PADMA'I RDZING BU DAG GIS KYANG GANG BAR GYUR PA STE, YUL DE NI, DPAG TSAD SUM STONG PA YIN NO, ,YUL DE LAS 'DAS PAR GYUR NAS SGRA MI SNYAN DANG DZAMBU'I GLING DAG GI BYANG PHYOGS NGOS LA 'O MA DANG MTSUNGS PAR 'JUG PA ZHES BYA BA'I YUL RNAM PAR BKRA BAR GYUR PA RI DANG, NAGS DANG, NYE BA'I NAGS DANG, RI DVAGS DANG, BYA'ANG RNAM PA SNA TSOGS PA RNAMS KYIS KUN TU GANG BAR GYUR PA DANG, RTAG TU DGA' BAR GYUR PA'I LHA GSANG BA PA RNAMS KYIS GANG BAR GYUR PA, RNAM PA SNA TSOGS PA'I LJON SHING DANG ME TOG GI TSOGS KYIS KUN NAS DUD PAR GYUR PA RNAMS KYIS GANG BAR GYUR PAS NYE 'KHOR NYAMS DGA' BA YIN, GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, BYANG GI SGRA MI SNYAN DANG DZAMBU'I GLING GI BYANG NGOS NA RI'I RIGS SU GYUR PA'AM, CHU BO'I RIGS SU GYUR PA GZHAN CI DAG YOD NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GLING GNYIS PO 'DI DAG GNYIS KYI BAR NA YUL PHYOGS 'GA' ZHIG KYANG YOD PA MA YIN NO, ,BYANG PHYOGS
SGRA MI SNYAN GYI GLING CHEN PO NI, MA GTOGS TE, RGYA KHYON DU NI, DPAG TSANG STONG PHRAG BCU YIN NO, ,GRONG BYE BA PHRAG SUM CU RTZA DRUG GI RNAM PA RNAMS KYIS NYE 'KHOR RNAMS KUN TU GANG BAR GYUR PA STE; MCHOG TU DGA' BA DANG SKAL BA GZHAN RNAMS LA YANG DGA' BA YIN NO, ,SHA DANG, RUS PA DANG, CHU SER RNAMS DANG BRAL BAR GYUR PA MA GTOGS PA RGYAL CHEN BZHI'I RIS KYI LHA RNAMS KYI DRUNG NA NI, 'JIGS PA MED PA'ANG YIN NO, ,LHA RNAMS NI, MIG MI 'DZUM PA YIN LA, BYANG PHYOGS SGRA MI SNYAN PA RNAMS NI, PAGS PA DANG, SHA DANG, RUS PA DANG, CHU SER DANG, MIG 'DZUM PAR BYED PA DANG BCAS PA YIN ZHING BDAG GI BA MED PA DANG, NGA RGYAL CAN MED PA YIN TE, SHI NAS KYANG NGES PAR LHA RNAMS SU SKYE BAR 'GYUR BA YIN NO, ,SGYU DANG, G-YO DANG, PHRAG DOG DANG, KHENGS PA RNAMS DANG BRAL BAR GYUR PA DANG, RTAG PAR RAB TU DGA' BAR GYUR BA YIN NO, ,SRIN MO DANG, SHA ZA DANG, GRUL BUM DANG, SENGGE DANG, STAG DANG, GUNG DANG, SPYANG GI DANG, KLU DANG, LTO 'PHYE DANG, SBRUL GDENGS KA CAN DANG, MU GE DANG, TSA BA DANG, GRANG BA DANG, LTOGS PA DANG, SKOM PA DANG, NAD DANG, LHAS CHAR MI 'BEBS PAR GYUR PA RNAMS DANG BRAL BA DANG, PHAN TSUN DU KUN DGA' BAR BYED PA RNAMS YIN NO, ,DE DAG RNAMS LA 'JIGS PAR GYUR PA RGYAL PO DANG, CHOM RKUN DANG, CHU DANG, ME DANG, MTSON CHA 'BEBS PAS 'JIGS
, ,PAR BYED PA RNAMS KYANG MED PA YIN NO, ,NYIN MO DANG MTSAN MO'I KHYAD PAR YANG RNYED PA MA YIN TE, GSER GYI RANG BZHIN GYI LJON SHING RNAMS KYI 'OD ZER KUN TU 'PHRO BA'I PHYIR RO, ,DE LA LJON SHING RNAMS NI, LHA RI n'A'I RANG BZHIN DANG, GSER DMAR PO DANG, BYU RU DANG, DNGUL GYI RANG BZHIN RNAMS YIN NO, ,BYA RNAMS KYANG LUS RNAM PAR 'GYUR BA RNAM PA SNA TSOGS PA RNAMS BYED PA DANG, RTAG PAR KUN NAS RANGS PAR GYUR PA NI, RAB TU DGA' BA'I SKYES BU RNAMS BZHIN NO, ,SHING DE DAG RNAMS KYANG SEMS DANG LDAN PA BZHIN NO, , GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, BYANG PHYOGS SGRA MI SNYAN GYI GLING NA DGA' BA YOD PA DANG, DGA' BA LAS KYANG SHIN TU DGA' BA YOD PA GZHAN GANG YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, BYANG PHYOGS SGRA MI SNYAN GYI GLING NA NI, RI CHEN PO BCU YOD DE, 'DI LTA STE; SAm K'A SHE KA ZHES BYA BA'I RI DANG, RA MNYAM PA ZHES BYA BA'I RI DANG, RI DVAGS KYI DGRA DUL BA ZHES BYA BA'I RI DANG, SPRIN DKAR PO 'DZIN PA ZHES BYA BA'I RI DANG, MTHO BAR BRTZEGS PA ZHES BYA BA'I RI DANG, PHRENG BA'I NYE 'KHOR ZHES BYA BA'I RI DANG, DUS NA DGA' BA ZHES BYA BA'I RI DANG, KUN DGA' BA 'DZIN PA ZHES BYA BA'I RI DANG, YID KYI RJES SU
MTHUN PA ZHES BYA BA'I RI DANG, PADMA KU SHE SHA YA DANG LDAN PA ZHES BYA BA'I RI DANG STE, RI CHEN PO BCU PO DE DAG GIS BYANG PHYOGS SGRA MI SNYAN GYI GLING RGYA MTSO'I MTHAR THUG PAS YONGS SU BSKOR BA YIN NO; ;DPER NA, DZAMBU'I GLING RI BZHIS YONGS SU BSKOR BA YIN TE, GANGS CAN DANG, 'BIGS BYED DANG, MA LA YA DANG, TE SE'O, ,DE KHO NA BZHIN DU RI BCUS BYANG PHYOGS SGRA MI SNYAN GYI GLING YONGS SU BSKOR BA YIN NO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, RI DE DAG RNAMS LA ME TOG DANG 'KHRI SHING GI TSOGS 'KHRIL BA DANG, MTSO DANG, CHU KLUNG DANG, BYA DANG, 'BRAS BU DANG, RI DVAGS KYI RIGS CI YOD PA RNAMS DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA; SAm K'A SHE'I RI LA SAm K'A SH'A ZHES BYA BA'I LJON SHING DUS DRUG TU ME TOG 'BYUNG BAR 'GYUR RO, ,LJON SHING DE DAG RNAMS LA NYIN MTSAN DU 'OD 'BYUNG BAR 'GYUR TE, DZAMBU'I GLING GI MTSAN MO'I MAR ME RNAMS BZHIN NO, ,DRI'ANG DPAG TSAD DU RAB TU 'PHYUR BA YIN TE, JI LTAR CUNG ZAD CIG KYANG DZAMBU'I GLING NA CHA 'DRA BA NI, MED DO, ,SAm K'A SHE'I RI DE LA NAGS LNGA YOD PA RNAMS NI, 'DI LTA STE, GRIB MA SNGON PO ZHES BYA BA'I NAGS DANG, BYA NGES PAR GNAS PA ZHES BYA BA'I NAGS DANG, ZAB MO ZHES BYA BA'I NAGS DANG, SPRIN DKAR PO ZHES BYA BA'I NAGS DANG,
, ,RNAM PAR 'BAB PA ZHES BYA BA'I NAGS RNAMS SO, ,DE LA SAm K'A SHE'I RI DE LAS SPRIN DANG 'DRA BA GYUR PA'I ME TOG RNAMS RGYAS PA'I PHYIR NA 'DI NI, NAM MKHA' DANG MTSUNGS PA YIN NO, ,DES NA 'DI NI, SAm K'A SHE'I RI ZHES BYA'O, ,DE LA PHYOGS GCIG NA GRIB MA SNGON PO ZHES BYA BA'I NAGS YOD DO, ,DE LA GANG CUNG ZAD DKAR POR GYUR PA'I GZUGS SONG ZHING 'GRO LA SO SOR 'GRO BAR 'GYUR BA RNAMS KYANG NAGS DE'I 'OD KYIS KUN TU SNANG BAR BYAS PA'I STOBS KYIS BEE d'URYA SNGON PO'I MDOG TU 'GYUR RO, ,BYA RNAMS KYANG SNGON PO DE DANG, NYID NA GNAS PA YIN NO, ,'DI LTA STE, YID KYI RJES SU MTHUN PA ZHES BYA BA'I BYA NI, BYANG PHYOGS SGRA MI SNYAN PA'I MI RNAMS GRIB MA SNGON PO'I NAGS SU ZHUGS PAR GYUR NAS YID KYI RJES SU MTHUN PA GANG DAG SPYOD PAR BYED NA DE DAG BYED DANG RNAMS KYIS RTZE BAR BYED DO, ,RTAG PAR RAB TU DGA' BA ZHES BYA BA'I BYA LEGS PAR GNAS PAS NI, DE MTHONG BAR GYUR PAS KYANG BYANG PHYOGS SGRA MA SNYIN GYI SKYES BU RNAMS PHYIR ZHING CHER RAB TU DGA' BAR 'GYUR RO, ,GRANG BA DANG DRO BA ZHES BYA BA'I BYA DE DAG MTHONG BAR GYUR PAS KYANG SKYES BU GRANG BAS NYEN PA RNAMS GRANG BAR MI 'GYUR RO, , DRO BAS NYEN PAR GYUR PA RNAMS KYANG SHIN TU TSA BAR MI 'GYUR TE, BYA DE DAG RNAMS KYI MTHUS YIN NO, ,RLUNG GI BANG YOD PA ZHES BYA BA'I BYA RNAMS KYIS NI, YUD TZAM GCIG LA YANG
DBAG TSAD STONG DU 'GRO BA YIN TE, DE MTHONG BAR GYUR PAS KYANG SKYES BU RNAMS GNAS GANG DANG GANG DU 'GRO 'DOD PA DE DANG DER BYA DE DAG RNAMS KYI STOBS KYIS YUD TZAM LA DPAG TSAD STONG DU PHYIN PAR 'GYUR RO, ,SHANG SHANG TE'U ZHES BYA BA'I BYA RNAMS KYIS NI, GLING THAMS CAD KYI SKYES PA RNAMS KYIS RJOD PAR BYED PA'I BRJOD PA RNAMS DANG CHA 'DRA BA'I SKAD 'BYIN NO, , MI'I BDE BA'I 'KHRIG PAS RTAG TU DGA' BAR BYED PA RNAMS YIN NO, ,KHA DOG RNAM PA SNA TSOGS PA'I SGRO RNAMS KYIS NYE BAR MDZES PAR GYUR CING RIN PO CHE BDUN GYI RANG BZHIN RNAMS LA 'DI LTA STE, AINDRA N'I LA DANG, MRGAD DANG, RDO RJE DANG, MU S'A RA GALPA DANG, SHEL DANG, PADMA R'A GA DANG 'DRA BAR GYUR PA'I BYI RU DANG RNAMS SO, ,BYA DE DANG DE DAG RNAMS MTHONG BAR GYUR NAS RAB TU DGA' BAR MI 'GYUR BA NI, 'GA' YANG MED DO, ,DES SAm K'A SHE'I RI'I GRI BA MA SNGON PO'I NAGS LA SO SOR BRTAGS NAS YANG DAG PA JI LTA BA BZHIN DU LUS SO SOR RIG PAR BYED DO; ;GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, BYANG PHYOGS SGRA MI SNYAN PA'I SAm K'A SHE'I RI DE LA GRIB MA SNGON PO'I NAGS RGAL BAR GYUR NAS GZHAN NAGS DAG YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SAm K'A SHE'I RI LA BYA NGES PAR GNAS PA ZHES BYA BA'I NAGS
, ,GNYIS PA YOD DO, ,DE NA GNAS PAR GYUR PA'I BYA DAG NI, RTAG TU RAB TU MGU RANGS PA DANG PADMA'I RDZING BU RNAMS KYANG RTAG TU GANGS BSIL MO'I 'KHYAG PAS LEGS PAR BSNGAMS PA YIN NO, ,DZAMBU'I GLING NA GNAS PA GANG YIN PA CHOS KYI DUS NA 'CHI 'PHOS PAR GYUR PA DE LA NGANG PA'I RGYAL POR 'GYUR TE, DE DE LA RAB TU GNAS PAR BYED PA YIN NO,, DE BZHIN DU MTSO MA DROS PA'I NGANG PA'I RGYAL PO DANG, RNAM PA SNA TSOGS PA'I BYA GZHAN RNAMS THAMS CAD RAB TU GNAS PA YIN NO, ,'DI LTA STE, K'A RAndA P'A: DANG, H'A R'I H'A: DANG, G-YU GU M'A NA B'A DANG, P'A R'A BA H'A DANG, LA tU shA K'A DANG, AI LA LI K'A DANG, RNGA SGRA PA DANG, SI HRA D'A: DANG, DRIS DGA' BA DANG, SAm MR'A DZY'A: DANG, LUS PO PA DANG, SGRAS KUN TU DGA' BA DANG, DUS DRUG TU RGYU BA DANG, ZLA BA SHAR BAS DGA' BA ZLA BA SHAR BAS DGA' LA MA SHAR BA NA NYI MA DANG MTSUNGS PA'I MDOG GO ,RTAG TU PHYI ROL TU SGRAS KUN NAS RANGS PA DANG, TZAKRA B'A K'A DANG, GSER DANG MTSUNGS PAR GYUR PA'I MDOG DANG, KU RA nA GNAS PA DANG, NYI MAS MI REG PA DANG, NI TZU NA LUND'A: DANG, GCIG PU NYON MONGS PAS DGA' BA DANG, BUNG BA 'DU BA RNAMS NI, GANG DAG SGRA RNAMS DPAG TSAD DU SNYAN PAR THOS PA RNAMS YIN TE, JI LTAR DZAMBU'I GLING GI BUNG BA RNAMS KYIS BA LANG GEGS MED PAR LJON SHING GI RTZA BA NA GNAS PA BZHIN NO, ,
KAm K'A DANG, RI LA 'JUG PAR BYED PA DANG, KHOR YUG RGYU BA DANG, S'A R'A DANG, KHYIM BYA DANG, BA RASDU R'A DANG, PA RA d'ARB'A DANG, ZE'U 'BRU LUS LA GYON NAS PADMA'I NANG NA GNAS PA DANG, AUTPAL SNGON PO GROL BAR GYUR PA'I MGRIN PA DANG, KO YAshtI K'A DANG, BYE'U NAG MO DANG, BHRiDGA'I SKE DANG, PANYDZU LA K'A: DANG, CHU LA DGA' DANG, RTAG TU DGA' BA'I SGRA SGROG PA DANG, PI WANG DANG 'DRA BA'I SGRA DANG, SPRIN LA DGA' BA DANG, DPUNG 'GYED PA LA DGA' BA DANG, ZIL PA'I THIGS PA DANG, 'DAB MA'I MTHA' NA GNAS PA RNAMS TE, DE DAG DANG, GZHAN DAG RNAMS KYANG RNAM PA SNA TSOGS PA RNAMS TE, MTHONG NA YID KYI RJES SU MTHUN PA'I SGRA 'DON PAR BYED PA, DGA' BAR GYUR PA'I BYA KHRO BA DANG RNAM PAR BRAL BA RNAMS BYA NGES PAR GNAS PA'I NAGS LA BYANG PHYOGS SGRA MI SNYAN PA'I SKYAS BU RNAMS DANG RTAG PAR LHAN CIG TU RAB TU DGA' BAR GYUR PAS RTZE DGA' BAR BYED DO, ,BYA NGES PAR GNAS PA'I NAGS LA SO SOR BRTAGS PAR GYUR PAS KYANG YANG DAG PA JI LTA BA BZHIN DU PHYI ROL GYI LUS RIG PAR BYED DO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, SAm K'A SHE'I RI BO LA NAGS GZHAN GSUM PA GANG YOD NA; DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, GSUM PA NI, ZAB MO ZHES BYA BA'I NAGS YOD DE, LJON SHING PHAN TSUN GYI NYE 'KHOR RNAMS
, ,NA LJON SHING 'THUG PO'I GRIB MA RNAMS KYIS MNGON PAR KHYAB PAR GYUR PA YIN NO, ,DE LA YANG DRO BA DANG BSIL BA'I GRIB MA RNAMS YIN PAS BYANG PHYOGS SGRA MI SNYAN PA'I SKYED BU SKYES MOS TSAL DU DGA' BA RNAMS NYID SHING GI GSEB NA RTZE DGA' BAR BYED DO, ,DE LA SHING GI TSOGS 'DI DAG RNAMS YOD PA YIN TE, 'DI LTA STE, TI LA K'A DANG, KLU'I ME TOG DANG, AEDH'A SH'A M'A L'A DANG, KO BA D'I R'A DANG, S'A LM'A LA DANG, 'DOD PAR DGA' BA RNAMS DANG, BYA NGAL BSO BA DANG, S'A L'A: DANG, T'A L'A DANG, SH'A M'A DANG, NI shKA'I RNAM PA DANG, AA MRA DANG, K'A RA B'I RA K'A: DANG, SHI LINDH'A: DANG, BA KU L'A: DANG, DRIS RANGS PA DANG, MA DHO DH'A M'A DANG, HINH'A L'A DANG, TA M'A L'A: DANG, KO LA K'A: DANG, SINDHU TZ'A R'A DANG, NA KU M'A L'A DANG, MTSUNGS PA DANG, ZLA BA 'KHOR BA DANG, GZA' RGYU BA DANG, RTAG TU ME TOG RGYAS PA DANG, NI TZU LUNDH'A: DANG, MU KU LUNDH'A: DANG, AA SHVATTHA: DANG, KEDSHU K'A: DANG, SNGO BSANGS KYI SEMS DANG, KA BITTH'A: DANG, PI L'A DANG, N'A tA KE R'A: DANG, PA NA S'A: DANG, MO TZ'A DANG, SRING SGRUB DANG, KA DAm P'A: DANG, SNGON PO DANG, LHA SHING DANG, RU DZ'A Y'A NA'I 'DAB MA DANG, CHU SKYES DANG, MANDHA R'A: DANG, PADMA KU SHE SHA YA DANG, NI L'A L'A DANG, GANGS KYI MDOG DANG, DNGUL GYI MDOG DANG, BEE d'URYA'I 'DAB MA DANG, RTZE MO NGAL BSO DANG, YUL DU 'PHO BA DANG, SNYOMS PAR GNAS PA KLUNG DU SKYES PA DANG,
K'A SH'A BA K'A SHI R'A DANG, PHAN TSUN DU 'THUG PA DANG, SNUM PA DANG, PHRAG PAR SKYES PA DANG, AITPRA nA'I ME TOG DANG, AUNYDZU LI NA DANG, SAm SH'A tA K'A: DANG, BYU RU'I SHING DANG, GUR GUM GYI SNYING PO DANG, NYE BAR BSLAD PA DANG, RJES SU BTZUGS PA'I SKYES PA DANG, DU BA'I MDOG DANG, MAR ME'I 'OD DANG, RLUNG GIS SHIN TU BSGUL BA DANG, CHU SHING DANG, KE KI L'A: MYOS PA DANG, ME TOG GI RDUL MA GYON PA DANG, MIG DANG BCAS PA BTZUM PA DANG, CHA SHAS SU PHYE BA'I CHA DANG, 'BRAS CHAN DANG 'DRA BA DANG, AU DRU MA 'KHRUL PA DANG, BUNG BA 'KHOR BA DANG, RTZE MO 'GUL BA DANG, RLUNG GIS NGAL BA DANG, MYA NGAN MED PA DANG, MIG DGA' PA DANG DE DAG RNAMS YIN NO, ,DE DAG NI, JI LTAR SHING GI RIGS KYI GTZO BOR GYUR PA DRUG CU YIN TE, GANG MA BGRANGS PA'I SHING GI RIGS SU GYUR PA BAR MA DANG, THA MA RNAMS NI, MA GTOGS PA YIN NO, ,DE KHO NA BZHIN DU ZAB MO NA RAB TU PHAL CHE BAR GYUR PA'I 'BAB CHU DANG, ME TOG DANG, 'BRAS BU DANG BCAS PAS DGA' BA YIN TE, BYANG PHYOGS SGRA MI SNYAN PA'I MI RNAMS 'JIGS PA DANG NAD DANG GZHAN GYI DBANG DU GYUR PA RNAMS RNAM PAR BRAL BA DANG, RIMS NAD MED PA DANG, PHAN TSUN DU PHRAG DOG DANG 'THAB RTZOD KYI 'JIGS PA RNAMS MED PAR GYUR NAS RTZE DGA' BAR BYED DO, ,DE LTAR SAm K'A SHE'I RI ZAB MO'I NAGS LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, ,GZHAN YANG RNAL
, ,'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, BYANG PHYOGS SGRA MI SNYAN GYI GLING GI RI DANG PO SAm K'A SHE'I NAGS BZHI PA LA GZHAN BSIL BA'I CHU CI YOD, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR BA, BSIL BA'I CHU'I CHU KLUNG CHU RNAMS NI, RAB TU PHAL CHE BA YOD LA, JI SKAD DU BRJOD PA'I LJON SHING DANG, ME TOG DANG, 'BRAS BU RNAMS KYANG PHUN SUM TSOGS PA YIN NO, ,CHU KLUNG YOD PA RNAMS NI, 'DI LTA STE, BSIL BA'I CHU NI, RGYAR DPAG TSAD DU GYUR PA'O, ,CHU KLUNG ZAB MO'I CHU DANG, RAB TU DANG BA'I CHU DANG, GTZANG BA'I CHU DANG, 'O MA'I CHU DANG, RGUN 'BRU'I CHU DANG, ZLA BA RGYU BA DANG, 'O THUG GI 'DAM DANG, GRAM SAG GI CHU DANG, NGANG NGUR GYIS GANG BA DANG, NGANG PA KUN TU SGRA 'BYIN PA DANG, DBYANGS SNYAN PA DANG, ME TOG RGYU BA DANG, SEMS 'GRO BA DANG, 'U RU RU'I SGRAS 'BAB PA DANG, RLABS 'BYUNG BA DANG, BDE BA'I CHU DANG, KA DAMPA 'KHOD PA NYID DANG, NOR BU'I MCHU CAN RNAMS KYIS 'DZIN PA DANG, CHU SRIN KU RMA MANG BA NYID DANG, NYA RO HI 'KHOR BA DANG, RUS SBAL GYIS GAB PA DANG CHU SRIN NA KRAS BSKOR BA DANG, YID BDE BAR 'BAB PA DANG, DBU BA'I PHRENG BA DANG, RAB TU DGA' BAR GYUR PA'I CHU DANG, RLUNG MTSUNGS PA DANG, CHAR DANG CHAR GYI RJES SU 'GYUR BA'I CHU
KLUNG DANG, DBYANGS CAN GYI MDOG TU 'BAB BA DANG, DUS SU 'BAB PA DANG, RING PA DANG, RTZE MO'I DANG, GSER GYI CHU DANG, DNGUL GYI MDOG DANG, MU TIG GI BYE MA DANG LDAN PA DANG, RI BO LA RGYU BA DANG, SPRIN 'KHOR BA DANG, MU S'A RA GALPA RGYAN DU BYAS PA DANG, BI DRU MA'I SHING DANG LDAN PA DANG, DPYID DGA' BA DANG, DBYAR SPRIN RAB TU DANG BA'I CHU 'BAB PA DANG, RTZE MO LA 'JUG PAR DGA' BA DANG, GANGS YOD PA DANG, NYI MA SHAR BAR GYUR PAS MI REG PA DANG, MYUR BA'I CHU DANG, RLABS RAB TU 'JUG PA DANG, AA dU P'A DANG, TZU LUNDA 'BAB PA DANG, DRI'I CHU DANG KE TA KA'I DRIS BSGOS PA DANG, DBYAR DGA' BA DANG, DHU NA DHU M'A R'A DANG, NYE 'KHOR NA KHYAB PA DANG, DPAG TU MED PA 'BAB PA DANG, RGYAB NAS KLUNG KUN TU GANG BAR RAB TU 'BAB PA DANG, DMA' BA'I CHU DANG, DGA' BAS 'JUG PA DANG, SNGON GYI DU BA'I STOBS DANG, SPRIN GYI 'GROS DANG, DRI ZA'I DBYANGS CAN DANG, RDA'I SGRA'I DBYANGS CAN DANG, SKAD KYI DBYANGS CAN DANG, KLU'I BU MO MNGON PAR DGA' BA DANG, RIG PA 'DZIN PA RTZE DGA' BAS GNAS PA DANG RNAMS YIN NO, ,DE DAG NI, RI SAm K'A SHE'I NAGS BZHI PA SPRIN DKAR PO LA JI LTAR 'BAB CHU'I GTZO BOR GYUR PA BDUN CU YIN PAR RAB TU BRJOD PA YIN NO, ,BAR MA THA MA'I CHU KLUNG RNAMS NI, MA GTOGS PA YIN NO, ,GZHAL DU MED PA DGA' BAR GYUR PA'I SHING DANG, ME TOG DANG
, ,BYA RNAMS KYI YON TAN GYIS BLA NA MED PAR GYUR PA'I BSIL BA'I CHU'I NAGS LA SO SOR BRTAGS PAR GYUR PAS KYANG YANG DAG PA JI LTA BA BZHIN DU PHYI ROL RIG PAR BYED DO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SAm K'A SHE'I RI LA BI SH'A MAm ZHES BYA BA'I NAGS LNGA PA YOD PA YIN TE, GANG LA KLU MI BZAD PA 'DI DAG RTZE DGA' BAR BYED PA'O, ,'DI LTA STE, KHRO BA BRAL BA DANG, P'A SU KI DANG, STAshKA KO DANG, MCHE BA'I DUG DANG, GLOG GI PHRENG BA DANG, SPRIN GYI NYE 'KHOR CHOS LA DBANG BA DANG, RNAM PA DE LTA BU'I KLU STONG PHRAG BDUN RTZE DGA' BYED DO; ;BYANG PHYOGS SGRA MI SNYAN GYI NYE 'KHOR RNAMS SU CHOS KYI CHAR PA 'BEBS PAR BYED DO, ,JI LTAR SA GZHI DANG NAM MKHA'I NYE 'KHOR RNAMS KYANG SHIN TU BYANG PHYOGS SGRA MI SNYAN PA'I 'JIG RTEN PA RNAMS DANG 'DRA BA YIN NO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, CI SAm K'A SHE'I RI'I NAGS RNAMS NI, JI SKAD DU SNGAR BSTAN PA BZHIN DU GYUR PA YIN LA LJON SHING RE RE LO MAR GYUR PA RNAMS DANG, ME TOG TU GYUR PA RNAMS DANG, 'BRAS BUR GYUR PA RNAMS DANG, CHU KLUNG DU GYUR PA
RNAMS DANG, RDO'I GSEB TU GYUR PA RNAMS DANG, SA PHYOGS KYI CHAR GYUR PA DANG, RTZVA'I GSEB TU GYUR PA RNAMS DANG, RI'I KHROD KHROD DANG KHOD GSENG DU GYUR PA RNAMS DANG, 'BAB CHUR GYUR PA LA'ANG RUNG STE, KHAB KYIS PHUG PA'I BAR TZAM GANG DAG LA YANG SEMS CAN THAMS CAD LAN BRGYA DANG, GAL TE LAN BRGYA STONG DU YANG MA SKYES PA DANG, MA SHI BA DANG, 'CHI MA 'PHOS PA DANG, MA SKYES PAR MA GYUR PA'AM, YID DU 'ONG BA RNAMS THAMS CAD DANG THA DAD DU MA GYUR PA DANG, RNAM PAR GYES PAR MA GYUR PA DANG, RNAM PAR BRAL BAR MA GYUR PA DANG, GZHAN DU MA GYUR PA'AM; DGRAR GYUR PA'I LUS 'DI LAN BRGYA DANG, DE NAS LAN STONG DU DANG, LAN BRGYA STONG DU'ANG SKYES PAR MA GYUR PA NI, MED DO, ,GANG LA SEMS CAN RNAMS THAMS CAD KYANG SHI BA DANG SKYES PAR MA GYUR PA DE NI, KHAB KYI BUG PA TZAM YANG GO SKABS MA MTHONG NGO, ,DES SAm K'A SHE'I RI LA SO SOR BRTAGS PAR GYUR PAS KYANG YANG DAG PA JI LTA BA BZHIN DU LUS SO SOR RIG PAR BYED DO, , GZHAN YANG RNAL 'BYOR SPYOD PA PHYI ROL GYI LUS LA LUS KYIS RJES SU LTA ZHING GNAS TE, BYANG PHYOGS SGRA MI SNYAN NA DGA' BAR GYUR PA'I RI'I RIGS GZHAN YOD DAM ZHE NA, GZHAN YANG RNAL 'BYOR SPYOD PA PAS THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, MCHOD TU DGA' BAR GYUR PA'I LHA RNAMS KYI DGA' BA'I TSAL DANG 'DRA BAR MNYAM PA
, ,ZHES BYA BA'I RI GZHAN YOD DO, ,DE'I LJON SHING DANG, 'BRAS BU DANG, CHU KLUNG DANG, RI'I PHUG RNAMS KYI DGA' BA NI, RGYAS PAR SNGAR SAm K'A SHE LA JI SKAD BSHAD PA BZHIN NO, ,DGA' BAR GYUR PA'I DUS KYI KHYAD PAR RNAMS SO SOR BYE BRAG TU BYA STE, RVA MNYAM PAR GYUR PA'I RI GANG LA RVA BRGYA PHRAG GSUM NI, GSER GYI YIN TE; MTSUNGS PA MED PA YIN NO, ,'OD ZER RNAMS NYI MA GNYIS PA BZHIN DU GSAL LO, ,RVA BRGYA PHRAG LNGA NI, DNGUL GYI RANG BZHIN YIN TE, GANG LA DNGUL GYI RANG BZHIN DU GYUR PA NI, GANG SNGAR BSHAD PA RNAMS BZHIN NO, ,YON TAN RNAMS THAMS CAD LA'ANG KHYAB PAR YOD DE, RVA MNYAM PA'I RI DE'I NYE 'KHOR RNAMS NA'ANG BYANG PHYOGS SGRA MI SNYAN PA'I SKYES BU RNAMS ZLA BA RGYAS PA'I 'OD DANG 'DRA BA YIN NO, ,DE DAG RNAMS NI, 'JIGS PA DANG BRAL BA ZHES BYA BA'I MING DANG LDAN PA YIN NO, ,'JIGS PA DANG BRAL BA'I SKYES BU RNAMS RVA MNYAM PA'I RI LA NI, JI LTAR RGYAL CHEN RIS BZHI'I LHA RNAMS DGA' BA'I TSAL NA DBYAR ZLA BA BZHIR LHA RDZAS KYI 'DOD PA'I YON TAN LNGAS YONGS SU TSIM PA YANG DAG PAR LDAN PAR GYUR PA LA RTZE DGA' BAR BYED PA DE BZHIN DU MNGON PAR DGA' BAR BYED DO, ,DE LTA NA'ANG 'JIGS PA DANG BRAL BA'I SKYES BU
RNAMS DANG RGYAL CHEN BZHI'I RIS KYI LHA RNAMS KYI SO SO'I KHYAD PAR GANG DAG YIN ZHE NA, LHA RNAMS NI, SHA DANG, RUS PA DANG, CHU SER DANG BRAL BA YIN LA, 'JIGS PA DANG MA BRAL BA'I SKYES BU RNAMS NI, SHA DANG RUS PA DANG CHU SER DANG MA BRAL BAR YOD PA YIN NO, ,LHA RNAMS DANG 'JIGS PA DANG BRAL BA'I SKYES BU RNAMS KYI KHYAD PAR NI; DE LTAR YIN NO, ,SKYES BU 'JIGS PA DANG BRAL BA RNAMS NI, BDAG 'DZIN MED PA DANG, NGA RGYAL MED PA DANG, NGES PAR GONG DU 'GRO BAR 'GYUR BA YIN NO, ,LHA RNAMS NI, DE LTAR YANG MA YIN NO, ,YANG 'JIGS PA DANG BRAL BA'I SKYES BU RNAMS DANG RGYAL CHEN RIS BZHI'I LHA RNAMS KYI SO SO'I KHYAD PAR GANG DAG YIN NA, RVA MNYAM PA'I RI'I NYE 'KHOR RNAMS NA DPAG BSAM GYI SHING NYI MA GNYIS PA LTAR RAB TU GSAL BAR BYED DO, ,GANG DANG GANG DAG 'JIGS PA DANG BRAL BA'I SKYES BU RNAMS KYI SEMS KYIS BSAM PAR GYUR PA DE DAG RNAMS LJON SHING DE RNAMS LAS 'BYUNG BAR 'GYUR RO, ,THAG PAS BTAGS PA'AM, NOR BU'I RIGS RNAMS SAM, RGYAN GYI RIGS RNAMS DANG, ZAS DANG SKOM GYI CHU BO'ANG BRGYA PHRAG DANG, STONG PHRAG KYANG 'BAB BO, ,JI SKAD DU BSHAD PAR GYUR PA'I
, ,BYA RGYAGS PA RNAMS KYANG RTZE DGA' BAR BYED DO, ,GSER GYI LO MA RNAMS KYIS BRGYAN PAR GYUR PA DANG, BEE d'URYA SNGON PO RNAMS KYI PADMA'I RDZING BU MANG PO BRGYA PHRAG DANG, CI STEN STONG PHRAG RNAMS LA NGANG PA RNAMS LA NGANG PA DANG K'A RAndA PA RNAMS KYIS GANG BA, TZAKRA B'A KA RJES SU RGYU BA DANG, RI DVAGS KYI TSOGS RNAMS RJES SU BRTEN PAR GYUR PA NI, GSER GYI RI DVAGS RNAMS NI, BYU RU'I RANG BZHIN GYI RVA DANG, MU S'A RA'I MIG DANG, R'A DZA BAttA'I RMIG PA STE, RI DVAGS KYI RIGS GZHAN RNAMS KYIS KYANG RJES SU RGYU BAR BYED PA YIN NO, ,RI DE'I NYE 'KHOR RNAMS NA MU TIG GI DRA BAS SPEL BAR GYUR PA'I 'KHRI SHING GI TSOGS PHAN TSUN DU 'KHRIL BAS G-YOGS PA DANG, RVA MNYAM PA'I RI DE LA KO KI LA DANG, RMA BYA DANG, NGANG BA DANG RNAMS SGRA 'BYIN PAR BYED PA DANG, RI 'DI LA 'BAB CHU STONG PHRAG BRGYAS KYANG KUN TU GANG BA DANG, 'DI LA CHU KLUNG DU MA RNAMS DANG, SHING KLUNG DU SKYES PA RNAMS KYIS GANG BAR GYUR PA YIN TE, NYE 'KHOR RNAMS NA YON TAN MTHA' YAS PA DANG LDAN PA YIN NO, ,DES BYANG PHYOGS SGRA MI SNYAN PA'I RI BO GNYIS PA RVA MNYAM PA LA KUN TU BLTAS PAR GYUR PAS KYANG YANG DAG PA JI LTA BA BZHIN DU LUS SO SOR RTOGS SO, ,CHU KLUNG GANG DANG GANG DAG 'BAB PAR GYUR PA DE DAG RNAMS NI, MTSUNGS
PAR YON TAN BRGYAD DANG LDAN PA'I CHU YIN NO, ,'DI LTA STE, RO PHUN SUM TSOGS PA DANG, RAB TU DANG BA DANG, DRI ZHIM PA DANG, SKOM PA SEL BAR BYED PA DANG, BSIL BAR GYUR PA DANG 'THUNGS PAR GYUR PA NA LUS NA BAR MI BYED PA DANG, CHU BAL GYI MI GTZANG BAR BYAS PA DANG, CHU SRIN MA KA RAS MA REG PA DANG, 'THUNGS PAS LUS TSIM PAR BYED PA DANG RNAMS SO, ,NAD KYANG SKYED PAR MI BYED DO, ,MTSO RNAMS KYANG RNAM PA DU MA YOD DO, ,'DI LTA STE, RGYA MTSO CHEN PO'I S'A NU DANG, BYE MAS MA BCOM PA DANG, SHING LNGA PA DANG, K'A RAndA PA'I KLUNG DANG, NGANG PA'I CHU DANG, K'A DAMPA'I BYA RNAMS KYIS BCOM PA DANG, BYA BRGYA PHRAG GIS KUN TU GANG BA DANG, CHEN PO RAB TU 'BAB PA DANG, PADMAS BKAB PAR GYUR PA DANG, 'OD MA SKYES PA DANG, SHING GIS G-YOGS PA DANG, ZAB MO DANG, ZLA BA DGA' BA DANG, RTAG TU ZLA BA DANG 'DRES PA'I CHU DANG, RLABS 'KHOR BAR GYUR PA DANG, 'OD MAS KHYAB PAR GYUR PA DANG, RIG PA 'DZIN PA DGA' BA DANG, SHEL 'KHOR BAR BYED PA DANG, RLABS G-YO BA DANG, CHU BSTAN PA DANG, NYA 'KHOR BA DANG, NYA DANG KUN TU 'BREL PA DANG, RTZE MO'I GSEB DANG, KHRUS KYI RDZING BU'I PHRENG BA DANG, RLABS RAB TU 'JUG PA DANG, GTZANG BA'I CHU DANG, ZLA BA'I LUS DANG, DKYIL 'KHOR DANG, DRI MA MED PA DANG, 'OD MA'I CHU DANG, RDZING BU'I PHRENG BA DANG, RDUL BA NGAL BSO
, ,BA DANG, ZLA BA DGA' BA DANG, SHI LA 'JUG PA DANG, RLABS G-YO BA DANG, CHU BRTAN PA DANG, RTAG PA'I CHU DANG, LHA DGA' BA DANG, DGA' BA'I CHU DANG, RO BZANG PO DANG, JI LTAR 'DOD PA'I RO DANG, LONGS SPYOD DU GYUR PA DANG, KEE tU BHA: DANG, BDUD RTZI 'BAB PA DANG, MTSO'I MCHOG DANG, KLU'I BE RU: DANG, MDZES PA DANG, AARDZU NA: DANG ZHES BYA STE, DE DAG RNAMS NI, MTSO BZHI BCU RTZA BDUN NO, ,RI'I MCHOG TU GYUR PA RVA MNYAM PA 'DI DAG THAMS CAD KYANG YON TAN BRGYAD PA'I CHU SNGAR JI SKAD BSHAD PA BZHIN NO, ,RVA MNYAM PA'I RI YANG MTHO BAR GYUR PA NI, NAM MKHA' 'BIGS PA BZHIN DU GNAS PA YIN NO, ,NAGS RNAMS KYANG YON TAN DE DAG RNAMS THAMS CAD DANG LDAN PAR GYUR PA YIN TE, 'DI LTAR RDUL BAS REG PA'I NAGS DANG ZLA BA'I MDOG DANG DNGUL GYI LJON SHING NI, DNGUL GYI RANG BZHIN GYI LJON SHING RNAMS KYIS BSKOR BA DPAG TSAD BRGYA YIN NO; ;NOR BU'I 'OD KYI MDOG DANG NAGS DE'I NYE 'KHOR NA MTHO BAR GYUR PA RNAMS NI, NAGS DE LA'ANG PADMA'I RDZING BU 'DI DAG RNAMS YIN NO, ,'DI LTA STE, CHU BAL DANG RNAM PAR BRAL BA DANG, BUNG BAS KHYAB PA DANG, DUNG GI MDOG DANG, RTAG PA'I CHU DANG, RNAM PAR MTHONG BAS DGA' BA DANG, K'A DAM PA'I CHU DANG, NGANG PA'I GSHOG PAS BCOM PA
DANG, RAB TU RTZE BAR BYED PA DANG, SKYE BO RNAMS MNGON PAR DGA' BA DANG, MGO BO MTHONG BA DANG, BAG MED PA RNAMS RTZE BA DANG, RTAG TU MNGON PAR DGA' BA DANG, RTAG TU PADMA RAB TU DGA' BA DANG, CHU LA SPYOD PA'I SA GZHI DANG DE DAG RNAMS NI, JI LTAR PADMA'I RDZING BU'I GTZO BOR GYUR PA BCU DRUG YIN TE, GANG DAG GI MING RNAMS KYANG SHES PAR MI 'GYUR PA'I BAR MA DANG THA MAR GYUR PA BRGYA PHRAG RNAMS DANG, DE NAS STONG PHRAG RNAMS NI, MA GTOGS SO, ,THAMS CAD KYANG 'DAM BAG MED PA DANG, CHU BAL GYIS NYE BAR MA BCOM PA DANG, NGANG PA DANG, K'A RAndA PA DANG, NGANG NGUR RNAMS SGRA 'DON PAR BYED PA YIN NO, ,RTAG TU DGA' STON GYI NYI MAR GYUR PA BYANG PHYOGS SGRA MI SNYAN PA'I SKYES BU RNAMS BYA RTAG TU MYOS PA DANG, SHANG SHANG TE'U DANG, BYA BHRINGGA R'A DZA DANG, RMA BYA RNAMS NAGS DANG NYE BA'I NAGS RNAMS NA SGRA 'DON PAR BYED PA NI, RVA MNYAM PA'I RI YIN NO, ,RVA MNYAM PA'I RI LA SO SOR BRTAGS PAR GYUR PAS KYANG YANG DAG PA JI LTA BA BZHIN DU PHYI ROL GYI LUS SO SOR RIG PAR BYED DO, ,GZHAN YANG 'PHAGS PA'I BDEN PA BZHI LA LHAG PAR MOS PAR GYUR PA'I RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, RVA MNYAM PA'I RI LA RTAG PA'AM, BRTAN PA'AM, BDE BA'AM, BDAG DANG BCAS PA'AM, STONG PA MA YIN
, ,PA'I GNAS DAG YOD DAM ZHE NA, SNGAR BZHIN NO, ,GANG LA YANG 'KHOR BAR RTOGS PAR GYUR PA'I SEMS CAN RNAMS THAMS CAD KYANG MA SKYES PA DANG MA SHI BA DANG RGAS PAR MA GYUR PA'AM, MTHUN PA DANG YID DU'ONG BA RNAMS THAMS CAD KYANG THA DAD DU GYUR PA DANG, RNAM PAR GYES PA DANG, RNAM PAR BRAL BA DANG, SLU BA DANG, KUN TU LDAN PAR MA GYUR PA RNAMS NI, RNAL 'BYOR SPYOD PA DES RVA MNYAM PA'I RI DE LA GNAS GCIG KYANG MA MTHONG NGO, ,GANG DAG RTAG PA'AM, BRTAN PA'AM, BDE BA'AM, BDAG DANG BCAS PAR GYUR PA'AM, STONG PA MA YIN PA DANG, GANG LA SEMS CAN RNAMS THAMS CAD KYANG MA SKYES PA DANG, MA RGAS PA DANG, MA SHI BA'ANG MED DE, MTHUN PAR YID DU 'ONG BAR GYUR PA RNAMS NI, THAMS CAD KYANG MED PAR 'GYUR BA DANG, THA DAD DU 'GYUR BA DANG, 'BRAL BAR 'GYUR BA DANG, SLU BAR 'GYUR BA DANG, KUN TU LDAN PAR 'GYUR BA YIN NO; ;RAB TU LDAN PAR GYUR PA YIN PA NYID KYI PHYIR 'KHOR BA 'DI THAMS CAD NI, MI RTAG PA YIN NO, ,DE LTAR MI RTAG PAR GYUR PA'I GNAS RNAMS THAMS CAD GANG LA YANG SEMS CAN RNAMS THAMS CAD KYANG MA SKYES PA DANG, MA SHI BA DANG, SKYES PAR MA GYUR PA NI, KHAB KYIS PHUG PA TZAM GYI YUL PHYOGS KYANG MED DO, ,'PHAGS PA'I BDEN
PA BZHIR GYUR PA'I DRAN PA DANG LDAN PAS BYANG PHYOGS SGRA MI SNYAN PA RNAMS KYI RI BO GNYIS PAR GYUR PA RVA MNYAM PAR GYUR PA THAMS CAD LA KUN TU BLTAS PAR GYUR PAS KYANG PHYI ROL GYI LUS LTA BAR BYED DO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, BYANG PHYOGS SGRA MI SNYAN NA NAGS DGA' BAR GYUR PA GZHAN DAG DMIGS SAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA RI GSUM PA'ANG YOD PA YIN TE, RI DVAGS KYI DGRA DUL BA ZHES BYA BA'I RI'O; ;DE LA DGA' BAR GYUR PA KHYAD PAR MED PA GANG DAG YIN PA DE DAG RNAMS NI, SAm K'A SHE'I RI DANG RVA MNYAM PAR GYUR PA'I RI LA YONGS SU BSGRAGS PAR ZAD DO, ,RI DVAGS KYI DGRA DUL BA'I RI BO DE LA NI, 'BAB CHU DANG CHU BO RNAMS PHUN SUM TSOGS PA DANG, CHANG GI CHU KLUNG PHUN SUM TSOGS PA DANG, GOS KYI LJON SHING PHUN SUM TSOGS PAR GYUR PA RNAMS DANG, 'DI DAG KYANG KHYAD PAR YIN TE, 'DI LTAR GSER DANG DNGUL GYI LJON SHING RNAMS LA RTAG PAR DUS DRUG TU ME TOG GI PHRENG BA RNAMS KYIS PHYUG PAR GYUR NAS KUN DGA' BA DANG LDAN PA BZHIN DU RGYAS PA YIN NO, ,SHING RNAMS NI, RANG GI 'OD DANG LDAN PAR NYI MA BZHIN DU RAB TU GSAL BAR YANG BYED DO, ,PHAN TSUN DU 'OD 'PHRO BAR GYUR PAS
, ,KYANG RI DVAGS KYI DGRA DUL BA'I RI BO 'DI RAB TU GSAL BAR BYED DO, ,DE LA NAGS 'DI DAG RNAMS YOD DO, ,'DI LTA STE, GSER DANG LDAN PA DANG, DNGUL MTHON POR BRTZEGS PA DANG, MYOS PA SGO NGA LAS SKYES PA'I NGOS DANG, MNAN NA NEM LA BTEG NA 'PHAR BA DANG RNAMS SO, ,DE LA GSER DANG LDAN PA ZHES BYA BA'I NAGS NI; DPAG TSAD BRGYA PA STE, GSER GYI LJON SHING RNAMS LA BUNG BAS LEGS PAR KHYAB PAR GYUR PA YIN NO, ,DNGUL MTHON POR BRTZEGS PA'I NAGS DPAG TSAD SUM BRGYA PA STE, DNGUL GYI RANG BZHIN GYI LJON SHING RNAMS KYIS KUN TU GANG BAR GYUR NAS ZLA BA BRGYA STONG BZHIN DU RNAM PAR GSAL BAR BYED DO, ,SENGGE RNAMS KYIS KYANG KUN TU GANG BA YIN NO; ;NAGS DE'ANG THAMS CAD NAS DKAR POR KUN TU SNANG BA YIN TE, RTAG PAR RAB TU DGA' BAR GYUR PA'I BYA RNAMS KYIS KYANG KUN TU GANG BA RNAMS NI, JI LTAR SNGAR BSHAD PA BZHIN NO, ,RI DVAGS KYI DGRA DUL BA'I RI BO'I NAGS GSUM PA NI, MYOS PA'I SGO NGA LAS SKYES PA'I NGOS ZHES BYA BA STE, DE LA NAGS DE NA NI, BAG MED PAS RAB TU DGA' BA'I BYA RNAMS YOD DO, ,NAGS DE'I NYE 'KHOR RNAMS NA'ANG SKYES BU GANG DANG GANG DAG RAB TU GNAS PAR GYUR PA DE DAG RNAMS KYANG RTAG TU DUL BA ZHES BYA BA'I MING DU
'GYUR RO, ,SKYES BU DAG RTAG TU MYOS PA SGO NGA LAS SKYES PA'I NAGS NA RAB TU DGA' BAR GYUR PA YIN TE, RANG 'DOD PA BZHIN DU GYUR BA'I GZI BRJID KYIS LHA'I TSOGS RNAMS DANG 'DRA BA YIN NO, ,RI DVAGS KYI DGRA DUL BA'I RI LA NAGS BZHI PA NI, MNAN NA NEM LA BTEG NA 'PHAR BA ZHES BYA BA STE, NEM PA DANG 'PHAR BA'I NAGS DE NA LJON SHING GANG DAG GSER DANG GSER RAB TU 'BAR BA DANG, BI DRU MA'I RANG BZHIN YIN PA RNAMS LA NI, MA BCINGS PA'I BYA RNAMS KYIS RTAG TU GANG BA YIN NO, ,NEM LA 'PHAR BA'I NAGS NI, DPAG TSAD LNGA YIN NO, ,NAGS DE'I NYE 'KHOR RNAMS NA SKYES BU GANG DAG RAB TU GNAS PAR GYUR PA DE DAG RNAMS KYI THA SNYAD NA RAB TU PHAL CHE BAR MYOS PA ZHES BYA BA'I YIN NO, ,RAB TU PHAL CHE BAR MYOS PA'I SKYES BU RNAMS GAL TE NEM ZHING 'PHAR BAR GYUR PA'I NAGS SU RTZE DGA' BAR BYED NA, SA DE DAG NI, K'A SH'I LTAR DKAR ZHING 'JAM PA DANG SHING BAL 'DRA BAR GZHI MNAN NA NEM LA BTEG NA 'PHAR BA YIN NO, ,JI SKAD DU BRJOD PA'I ME TOG DANG, 'BRAS BU DANG, LJON SHING DANG, PADMA DANG, PADMA'I RDZING BU DANG, SGRA SGROG PA'I BUNG BA'I TSOGS KYIS GANG BAR GYUR PA RNAMS NI, NEM ZHING 'PHAR BA'I NAGS DE LA'ANG SNGAR GYI BZHIN NO, ,DES BYANG PHYOGS SGRA MI SNYAN GYI RI GSUM PA NA RI DVAGS KYI DGRA DUL BA LEGS PA
, ,MTHONG BAR GYUR PAS KYANG YANG DAG PA JI LTA BAR LUS SO SOR RIG PAR BYED DE, SNGAR BZHIN NO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, GZHAN YANG BYANG PHYOGS SGRA MI SNYAN NA DGA' BAR GYUR PA GZHAN CI DMIGS NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SPRIN DKAR PO RGYU BA ZHES BYA BA'I RI BO NYE 'KHOR DU DPAG TSAD STONG YIN NO, ,SHIN TU DKAR BAR GYUR PA'I DNGUL GYI RANG BZHIN YIN TE, RI GANG GI 'OD ZER GYIS ZLA BA'I 'OD KYANG GSAL BAR MI 'GYUR RO, ,DPER NA, DZAMBU'I GLING DU ZLA BA SHAR BAR GYUR PA NA GZA' DANG, RGYU SKAR DANG, SKAR PHRAN GYI 'OD KYANG MED PAR 'GYUR BA DE BZHIN DU SPRIN DKAR PO RGYU BA'I RIS KYANG ZLA BA'I 'OD MI GSAL BAR BYED DO, ,SPRIN DKAR PO RGYU BA'I RI BO'I DRUNG DU YANG SKYES BU GANG DAG RAB TU GNAS PAR BYED PA DE DAG RNAMS NI, ME TOG GI PHRENG BA GYON PA ZHES BYA BA'I MING DU 'GYUR RO, ,SKYES NAS SPRIN DKAR PO RGYU BA'I RI PO LA RTAG TU RTZE BA LA CHED CHER BYED PA RNAMS ME TOG GI ZE 'BRU GYON PAR GYUR NAS RTAG TU GLUS DGA' BAR GYUR BA DANG, RGYUN DU YANG PADMA'I TSAL RNAMS NA MNGON PAR DGA' BAR BYED DO, ,SDUG GU DANG BCAS PAR GYUR PA DANG, RAB TU G-YO BAR BYED PA DANG, RNAM PAR
'KHRUL PA DANG, RNAM PAR 'KHOR BA DANG, RTAG TU KUN NAS 'CHING BA MED PA RGYAGS PA DANG, RTAG TU MYA NGAN DANG RNAM PAR BRAL BA RNAMS YIN NO, ,GZHAN YANG SPRIN DKAR PO RGYU BA'I RI DE LA NAGS 'DI DAG RNAMS YOD DO, ,'DI LTA STE, RNGA SGRA 'BYIN PA'I SGRA DANG, NGANG NGUR RNAMS KYIS RJES SU BSGRAGS PAR BYED PA DANG, YID KYI RJES SU MTHUN PA DANG, CHU SGRA KUN NAS SGROG PA DANG RNAMS SO, ,RNGA SGRA KUN NAS SGROG PA'I NANG DU PHRENG BA THOGS PA'I LHA RNAMS KYIS RNGA SGRA DAG SGROG PAR BYED DO, ,SGRA SNYAN PAR GYUR PA NI, DPER NA, DZAMBU'I GLING GI PI WANG DANG, GLING BU DANG, RNGA PAn BA DANG, DUNG GI SGRA LA CHAGS PAR 'GYUR BA YIN LA, DE BZHIN DU RNGA SGRA KUN NAS SGROG PA'I NAGS NA LHA RNAMS RNGA SGRA SGROG PAR BYED PA YIN NO, ,DE DAG RNAMS LA NI; DZAMBU'I GLING GI GLU MKHAN RNAMS KYIS BCU DRUG GI CHAR YANG MI CHOG GO ,JI SKAD DU BSHAD PAR GYUR PA'I RI DVAGS DANG, BYA DANG, PADMA DANG, LJON SHING DANG, NAGS DANG, NYE BA'I NAGS DANG, KHRUS KYI RDZING BU DANG, MTSE'U DANG, GSER DANG DNGUL GYI SA GZHI'I CHA RNAMS DANG, 'BAB CHU DANG RNAMS KYI YON TAN RNAMS NI, DE LTA DE LTAR GYI RNGA SGRA SGROG PA'I NAGS NA YON TAN RNAMS THAMS CAD KYANG YOD PA NI, SNGAR BZHIN NO, ,PHRENG BA GYON PAR GYUR PA'I SKYES BU RNAMS NI, RNGA SGRA KUN NAS SGROG PAR BYED PA'I GDANGS KYIS RTAG TU 'DOD PA RNAMS
, ,LA RNAM PAR CHAGS PA YIN TE, DPER NA, GZHONG PA THOGS PA'I LHA RNAMS KYI DGA' BA'I TSAL GYI NYE BA'I NAGS BZHIN DU RTAG TU 'DOD PA'I SGRA DANG RO DANG GZUGS DANG DRI RNAMS SPYOD PAR BYED DO, ,NAGS GNYIS PA DANG NGUR RNAMS KYIS YONGS SU SGROG PAR BYED PA ZHES BYA BA STE, NAGS DE LA NI, NGANG NGUR RNAMS KYIS YONGS SU SGROG PAR BYED PA DANG, PADMA'I RDZING BU RNAMS KYANG BRGYA PHRAG RNAMS DE NAS STONG PHRAG RNAMS YOD DO, ,DE DAG RNAMS KYI NI, MING YANG BRJOD CING GZUNG BAR MI NUS SO,, NGANG NGUR RNAMS KYIS RJES SU SGROG PA'I NAGS LA RI DVAGS KYI RIGS 'DI DAG RNAMS YOD PA NI, 'DI LTA STE, RNAM PAR BKRA BA'I BEE N'A: DANG, RIN PO CHE SNA BDUN GYIS BRGYAN PA'I LUS 'DUL BA ZHES BYA BA'I RI DVAGS DANG, KU RANGG'A DANG, MA RA K'A DANG, MA RA K'A 'DOD PA DANG, SHIN TU DGA' BA DANG, SAm P'A BI NA: DANG, RTZE MO G-YO BA RNAMS 'DZIN PAR BYED PA DANG, KHOR YUG GI MIG DANG, KAR KE TA'I LTE BA DANG, GSER GYI RVA DANG, LOGS DNGUL GYI LOGS DANG, RLUNG GI SHUGS DANG, SHING GI RTZA BA NA RGYU BA DANG, CHU'I SGRA 'BAB PAR 'GRO BAR BYED PA DANG, NAGS KYI PHRENG BAR BGRANG BA DANG, BI DRU MA'I LUS DANG, LA NGA'I LOGS DANG, LTO LTIR BA DANG, BA RA P'O T'A: DANG, SHAm SH'A R'A n'A: DANG, PAGS
PA NAGS PO DANG, RTZA BA'I 'OD DANG, LANG TSO LA BAB PA DANG, SHIN TU 'JAM PA DANG, DKAR PO'I TSOGS DANG RNAMS YIN TE, DE DAG RNAMS NI, RI DVAGS KYI RIGS NYI SHU RTZA LNGA YIN NO; ;PHRENG BA GYON PA'I SKYES BU RNAMS DANG LHAN CIG TU RTZE DGA' BAR BYED DE, RANG GI LAS DANG 'DRA BAR GYUR PA RNAM PA SNA TSOGS PA RNAMS NYAMS SU MYONG BAR BYED DO, ,SPRIN DKAR PO RGYU BA'I RI LA YID KYI RJES SU MTHUN PA ZHES BYA BA'I NAGS YOD DO, ,NAGS DE NAS NI, PHRENG BA GYON PA'I MI RNAMS YID KYI RJES SU MTHUN PAR GYUR PA GANG DAG YIN PA DE DAG RNAMS NYID LJON SHING RNAMS LAS THOB PAR 'GYUR, NAGS DANG NYE BA'I NAGS RNAMS GANG DAG YIN PA THAMS CAD KYANG DGA' BA RNAMS YIN TE, SNGAR BZHIN NO, ,SPRIN DKAR PO RGYU BA'I RI PO LA NAGS BZHI PA CHU'I SGRA KUN NAS SGROG PA ZHES BYA BA YOD DO, ,DE LA NI, RNAM PA SNA TSOGS PA'I GZUGS 'DZIN PAR GYUR PA'I RIG PA 'DZIN PA RNAMS RTZE BAR BYED DO, ,YANG GANG GI TSE RDUL GYIS GNOD PAR GYUR PA NA DE'I TSE RANG 'DOD PA'I CHA BYAD KYIS CHUR 'JUG STE, CHU LA KUN TU 'PHYO BAR BYED DO, ,DE LA RIG PA 'DZIN PA'I RIGS 'DI DAG RNAMS YOD DE, 'DI LTA STE, BDE BA LA CHAGS PA'I SHUGS DANG, 'GOR BA MED PAR 'GRO BA DANG, NAM MKHA'I STOBS DANG, SPRIN RAB TU 'BYED PAR BYED PA DANG, NYI MA'I LAM DU LEGS PAR RGYU BA
, ,DANG, RI DVAGS KYI 'GROS DANG, BOO RVA: DANG, SHIN TU DUD PA DANG, KU SHI K'A: DANG, RI RNAMS LA KUN TU CHAGS PA DANG, RTAG TU MYOS PA'I DRI DANG, NAM MKHA' LA RGYU BAR BYED PA DANG, M'A sh'A dA'I NANG NA GNAS PA DANG, TZI MI SHA'I PHUG NA RGYU BA DANG, RTAG PA'I SHUGS DANG, NGANG PA'I SHING RTA DANG, GLANG PO'I SHING RTA DANG, GLOG 'KHYUG PAR BYED PA DANG, MA LA YAN GNAS PA DANG, KE TA KA'I PHRENG BA MCHOG DANG LDAN PA DANG, BUD MED LA SRED PA DANG, CHAD PA RNAMS KYIS BTUNG BA DANG, RI RAB LHUN PO LA GNAS PA DANG, KUN TU KHYAB PA'I ZHEN PA DANG, RTAG TU DGA' BA DANG, ME TOG GI PHRENG BA 'PHYANG BA DANG, SA GZHI LA RGYU BA DANG, SNGAGS GSANG BA PA DANG RNAMS TE, DE DAG NI, RIG PA 'DZIN PA'I RIGS SUM CU RTZA GNYIS YIN LA, SPRIN DKAR PO RGYU BA'I RI'I CHU SGRA NAS SGROG PA'I NAGS DE NYID LA GNAS DE NYID LA GNAS NAS DGA' BAR BYED DO, ,RNAM PA SNA TSOGS PA'I RGYAN RNAMS KYIS RAB TU BRGYAN CING RNAM PA SNA TSOGS PA'I RGOD PA DANG 'GYING PA DANG RTZE BA DANG KUN TU SPYOD PAR YANG BYED DE, DE'I LAS KYI MTHUS YIN NO, ,DE 'DRA BAR GYUR PA'I BUD MED DANG LHAN CIG TU ZHEN PAR BYED DO, ,DE LTAR SPRIN DKAR PO 'DZIN PA'I NAGS DANG NYE BA'I NAGS DANG BCAS PA RNAMS THAMS CAD KYANG YANG DAG PA JI LTA BA BZHIN DU
SO SOR RIG PAR BYED DE, SPRIN DKAR PO 'DZIN PA'I RI BO 'DI LA GCIG TU NGES PAR GYUR PA DANG, RTAG PA DANG, BRTAN PA DANG, THER ZUG DANG, MYA NGAN LAS 'DAS PAR 'GRO BA THOB PA'I BDE BA YOD DAM ZHE NA, DES RTAG PA DANG, BRTAN PA DANG, THER ZUG DANG, YONGS SU MI 'GYUR BA'I CHOS CAN DU GYUR PA'I BDE BA NI, GCIG KYANG MA MTHONG STE, JI LTAR NYI MA LA MUN PA BZHIN NO, ,DE LTAR 'JIG RTEN PA'I BDE BA RNAMS KYANG MYANG BAR MNGAR BA DANG, RNAM PAR SMIN PA RTZUB PA DANG, KUN NAS NYON MONGS PA CAN DU GYUR PA DANG, SRED PA LAS NGES PAR 'BYUNG BA MA YIN PA DANG, 'BRAS BU RTZUB PA YIN TE, KIMPA KA'I 'BRAS BU 'DRA BA DUG DANG MTSON DANG ME DANG MTSUNGS PAR GYUR PA DANG, DUS DE TZAM DU DGA' BAR GYUR PA YIN NO, , GAR MKHAN GYI TSON RTZI BZHIN DU YUD TZAM GCIG DGA' BA YIN NO, ,GLOG DANG MTSUNGS PAR SHIN TU G-YO BA YIN NO, ,RI'I 'BAB CHU'I SHUGS DANG 'DRA BA DANG, NYE BAR 'TSE BA DANG BCAS PA DANG, DRI ZA'I GRONG KHYER DANG MTSUNGS PAR SLU BAR BYED PA DANG, SKYE BO RNAMS THAMS CAD KYANG RNAM PAR 'JOMS PAR BYED PA DANG, SHING TOG RNAMS THAMS CAD BZHIN DU CI NAS KYANG LHUNG BAR 'GYUR BAR MTSUNGS PA DANG, DUG GI ZAS DANG 'DRA BAR YONGS SU SMIN PAR 'GYUR BA DANG, SPU GRI'I SO'I MYANG BA BZHIN DU SHIN TU RNO BA DANG, LAN BRGYA STONG DU MA
, ,RNAMS SU'ANG SLU BAR BYED PA YIN PA DANG, CHU KLUNG GI 'GRAM GYI SHING BZHIN DU NGES PA KHO NAR LTUNG BAR 'GYUR BAR MTSUNGS PA YIN NO, ,RNAM PA DE LTA BU'I 'DOD PA RNAMS LA KUN TU BLTAS PAR GYUR NAS RNAL 'BYOR SPYOD PA NGES PAR SKYO BA SKYE BAR 'GYUR RO, ,YANG JI LTA BA BZHIN DU MTHONG BAR GYUR PA DANG, TSUL BZHIN YID LA BYED PA MTHONG BA DANG LDAN ZHING RNAM PAR BYANG BAR GYUR PA'I MTHONG BA DANG YANG DAG PAR LDAN PAR 'GYUR RO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, BYANG PHYOGS SGRA MI SNYAN NA DGA' BAR GYUR PA'I RI DVAGS KYI RIGS YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA; MTHO BAR BRTZEGS PA ZHES BYA BA'I RI DPAG TSAD STONG YOD PA YIN TE, NYE 'KHOR RNAMS DGA' BAR GYUR PA DANG 'OD KYI PHRENG BA DANG LDAN PA YIN NO, ,DE LA SHING GI RIGS NI; 'DI DAG RNAMS YOD DE, 'DI LTA STE, BEE d'URYA'I 'DAB MA DANG, GSER 'BAR BA'I SDONG BU DANG, BYU RU'I 'DAB MA CAN RNAMS DANG, DNGUL GYI SDONG BU DANG, GSER GYI 'DAB MA DANG LDAN PA MAR ME'I GONG BU RTZA BRGYAD 'DRA BA RNAMS YIN NO, ,RI RNAM PA DU MA DANG SHING GI RIGS GZHAN DAG RNAMS DANG, PADMA'I RIGS RNAMS DANG, SKYED MOS TSAL GYI RIGS
RNAMS DANG, RI'I RTZE MO'I RIGS RNAM PA DU MA RNAMS KYANG SNGAR BZHIN NO, ,MTHO BAR BRTZEGS PA'I YAN LAG GI BRTZEGS PA'I RGYAR NI, DPAG TSAD NYIS BRGYA'O, ,DE'I BRTZEGS PA GCIG LA RI RAB LHUN PO LA GNAS PA'I PHRENG BA THOGS PA ZHES BYA BA'I LHA DANG PI WANG GSUM PA ZHES BYA BA'I LHA RNAMS RTZE DGA' BAR BYED DE, ,PI WANG GSUM PA'I LHA NI, LHUN PO'I BANG RIM BTANG BAR GYUR NAS MTHO BAR BRTZEGS PA'I RI LA RTZE DGA' BAR BYED DE, RI BO DE DGA' BAR GYUR PA'I PHYIR RO, ,MTHON PO DE'I YAN LAG GI BRTZEGS PA'I NYE 'KHOR RNAMS NI; RIN PO CHE'I RANG BZHIN YIN TE, 'PHANG DU NI, DPAG TSAD LNGA BCU YIN NO, ,BRTZEGS MA LNGA YOD PA'I YAN LAG GI BRTZEGS PA'I RGYAR NI, DPAG TSAD NYIS BRGYA YIN NO, ,DE LA BRTZEGS MA GCIG NI, GSER LA NOR BU'I KHROD YIN TE, RIN PO CHE RNAMS THAMS CAD KYANG KHROD DE LAS SKYE BAR 'GYUR RO, ,'DI LTA STE, BI DRU MA DANG, BYU RU DANG, BEE d'URYA DANG, MU S'A RA GALPA DANG, SHEL DANG, PADMA R'A GA DANG, SU KU M'A RI K'A DANG, AINDRA N'I LA DANG, N'I LA CHEN PO DANG, MA BTAGS PA'I GOS KYANG 'BYUNG NGO, ,GNYIS PA NI, DNGUL GYI RANG BZHIN YIN TE; DNGUL GYI LJON SHING RNAMS PHUN SUM TSOGS PA GO SH'IRshA ZHES BYA BA'I TZANDAN SKYE BA YIN NO, ,LHA DANG LHA MA YIN GYI 'KHRUG PA GANG YIN PA LHA RNAMS DANG LHA MA YIN RNAMS
, ,LHAN CIG TU G-YUL BKYE BAR GYUR PAS MTSON GYIS RMAS PA RNAMS DANG LHAN CIG TU 'GYEL BAR GYUR PA RNAMS NYID KYI LHA RNAMS KYI LUS NAD MED PAR BYED PA YIN NO, ,GO SH'IRshA PA ZHES BYA BA NI, RI DE'I LHAN CIG SKYES PA'I MING YIN NO, ,DE'I TZANDAN YANG GO SH'IRshA PA'I MING YIN NO, ,RI'I RTZE MO GSUM PA NI, LHA'I BU MO DGA' BA ZHES BYA BA YIN TE, GANG LA LHA'I BU MO RNAMS RTZE DGA' BAR BYED PA, NAGS DANG, NYE BA'I NAGS RNAMS DANG, GSER DANG, DNGUL DANG, BEE d'URYA RNAMS KYIS ZE 'BRU DANG GZHI 'JAM PO RNAMS LA RTAG TU RTEN PAR BYED PA DANG, RAB TU DGA' BAR GYUR PAS DGA' BA DANG, ROL PA DANG, RTZE BAR BYED PAS RNAM PAR GYUR PA'I DGA' BA RNAMS LA SRED PAS RNAM PAR BSLAD PAR GYUR PA'I BYIS PA SO SO'I SKYE BO RNAMS DAM PA'I CHOS NYAN PA LA KHA PHYIR PHYOGS PAR 'GYUR ZHING RTAG TU 'DOD PA LA RNAM PAR CHAGS PAR GYUR PAS RVA DE'I RTZE LA RTAG TU 'KHOD PAR BYED DO, ,RVA BZHI PA NI, GANG LA RGYAL PO CHEN PO BZHI RGUN 'BRU'I NAGS DANG, NYE BA'I NAGS LA RTZE DGA' BAR BYED PA YIN NO, ,DE LA'ANG RTAG TU MYOS PA'I RI DVAGS DANG, BYA DANG, GSANG BA PA'I LHA DANG RIG PA 'DZIN PA DANG MI RNAMS DANG NYE 'KHOR RNAMS NA'ANG RGUN 'BRU'I CHU KLUNG RNAMS RAB TU 'BAB PA YIN NO, ,KHA CIG NI, SBRANG RTZI'I RO
YIN NO; ;KHA CIG NI, BDUG PA MA YIN PA DANG LDAN PA'I RO YIN NO, ,KHA CIG NI, 'DRES PAR GYUR PA'I RO STE, RVA DE LA NI, CHU KLUNG GI 'GRAM RNAMS LAS GSER SA LE SBRAM SKYE'O, ,BA LANG DANG, MA HI shA DANG, PHAG PA DANG, GLANG PO CHE DANG, CE SPYANG DANG, RNGA MO DANG, PHYUGS DANG, SPYANG KI DANG, KLU DANG, GUNG DANG, SENGGE DANG, DRED DANG, WA DANG, BYA DANG, DE DANG DE DAG RNAMS DANG 'DRA BAR GYUR PA'I GZUGS RNAMS DANG, KHA DOG DU MAR GYUR PA'I RIN PO CHE'I RANG BZHIN PHAL CHE BA RNAMS MTHONG NGO, ,GANG GI PHYIR GANG LA GSER SA LE SBRAM RNAMS SKYE BAR 'GYUR BA NI, RI'I RTZE MO DE'I KLAS GSER SA LE SBRAM 'DI DAG RNAMS YIN NO, ,BRTZEGS MA LNGA PA GANG LA GSER GYI 'DAB MA DANG, BEE d'URYA'I YU BA CAN SHIN TU 'JAM PAR GYUR PA'I PADMA RNAMS SKYE'O, ,NYE 'KHOR KUN NA'ANG BEE d'URYA'I LJON SHING RNAMS KYIS GANG BA YIN NO, ,DE LA PADMA'I RDZING BU 'DI DAG RNAMS YOD DO, ,'DI LTA STE, KUN DGA' RA BA'I RGYAS PA DANG, PADMAS KHYAB PAR GYUR PA DANG, PADMA DUS SU RGYU BA DANG, PADMA DMAR POS KUN TU KHYAB PA DANG, NYI MA STEN PA DANG, GZHI 'JAM PA DANG, MI G-YO BA DANG, LJON SHING DANG, ZAB PA DANG, ME TOG DRI ZHIM PA 'BYUNG BA DANG, BRTAN PA'I CHU DANG STE, DE DAG RNAMS NA PADMA'I RDZING BU BCU GCIG YIN NO, ,RA DE'I MING YANG PADMAS KUN TU KHYAB PA ZHES BYA BA YIN NO, ,CHU KLUNG RNAMS
, ,KYANG RNAM PA SNA TSOGS PA'I DRI DANG ROS LEGS PAR GANG BAR GYUR PA RNAMS NYE 'KHOR RNAMS NA 'BAB STE, RO DRUG DANG LDAN PA YIN NO, ,'DOD PA'I LJON SHING RNAMS THAMS CAD DANG, NYE BAR SKYES PA DANG, LJON SHING DANG, ME TOG DANG, CHU BO DANG, KHRUS KYI RDZING BU DANG LDAN PA RNAMS NI, SNGA MA BZHIN NO, ,DES RVA LNGA PA LA KUN TU BLTAS PAR GYUR PAS KYANG YANG DAG PA JI LTA BA BZHIN DU PHYI ROL GYI LUS LA KUN NAS LTA BAR BYED DO, ,DES BYANG PHYOGS SGRA MI SNYAN PA RNAMS KYI RI LNGA PA MTHO BAR BRTZEGS PA ZHES BYA BA LA MNGON PAR BLTAS PAR GYUR PAS KYANG YANG DAG PA JI LTA BA BZHIN DU PHYI ROL GYI LUS SO SOR RIG PAR BYED DO, ,GZHAN YANG RNAL 'BYOR SPYOD PA LAS DANG CHOS DAG GI RNAM PAR SMIN PA'I DBANG DU BYAS NAS MTHONG POR BRTZEGS PA'I RIL KUN TU LTA STE, SEMS CAN 'DI DAG RNAMS NI, LAS KYI CHOS KYI RNAM PAR SMIN PA CAN YIN TE, RANG GI LAS KYI BGO SKAL LA SPYOD PAR BYED PA DANG, RANG GI LAS RNAMS BRTAN PAR BYAS PA DANG, RANG GIS LEGS PAR BYAS PA RNAMS KYIS NI, 'DIR SKYES PA YIN LA, RANG GI LAS DE DAG ZAD PAR GYUR NAS NGES PAR LTUNG BAR 'GYUR TE, MI DGE BA'I LAS RNAMS KYIS NI, DMYAL BA DANG, YI DVAGS DANG, DUD 'GRO RNAMS SU 'GYUR RO, ,LEGS PAR BYAS PA RNAMS KYIS
NI; LHA DANG MI RNAMS KYI NANG DU'O, ,MTHO BAR BRTZEGS PA'I RI'I NYE 'KHOR NA GANG DAG GNAS PA DE DAG RNAMS NI, BDE BA LA DGA' BA ZHES BYA BA YIN NO, ,BDE BA LA DGA' BA'I SKYES BU RNAMS NI, RTAG TU 'DOD PA LA MNGON PAR DGA' BA RNAMS YIN TE, RTAG TU 'DOD PA RNAMS KYIS NGOMS PA MED PA RNAMS YIN NO, ,'DI LTAR TSIGS SU BCAD PA, ME LA BUD SHING RNAMS DANG NI, ,RGYA MTSO LA NI CHU BO LTAR, ,SRED LDAN 'DOD PAS NGOMS PA MED, ,DE PHYIR 'DOD PA ZHI BA MIN, ,ZHES BYA BA YIN TE, 'DI NA SEMS CAN 'DI DAG RNAMS NI, NGES PA KHO NAR DU BAR BYA BA LA DGA' BA LA BYED PA YIN PAR RNAL 'BYOR BA DES DRI MA DANG RNAM PAR BRAL BA'I MIG GIS MTHONG NGO, ,DE DAG RNAMS KYIS NI, SHES PA'ANG MA YIN TE, 'DUS BYAS 'DI DAG RNAMS THAMS CAD NI, SDUG BSNGAL GYI BDAG NYID YIN NO, ,THAMS CAD KYANG 'DZAD CING 'GOG PA'I CHOS CAN YIN NO, ,SNYING PO MED PA DANG, SGRON MA MED PA YIN NO, ,'DI DAG RNAMS LA NI; MTHAR THUG PA'I BDE BA YOD PA YIN NO, ,SHIS PA MA YIN ZHING ZHI BA'ANG MA YIN NO, ,SEMS CAN 'DI DAG RNAMS THAMS CAD KYI SROG DANG, LANG TSO DANG, NAD MED PA DANG, BUN SUM TSOGS PA DANG, 'DI DAG RNAMS THAMS CAD KYANG BDE BA MA YIN ZHING GTZANG BA MA YIN LA MI RTAG PA BDAG MED PA SNYING PO MED PA DBU BA RDOS PA DANG CHU'I CHU BUR LTA BU YIN TE, GSON PA
, ,RNAMS NI, THAMS CAD KYANG 'CHI BA'I MTHAR THUG PAR 'GYUR BA YIN LA PHUN SUM TSOGS PA RNAMS THAMS CAD KYANG RGUD PA'I MTHAR THUG PAR 'GYUR BA YIN NO, , GNAS DE DAG RNAMS NI, DMYAL BA DANG, YI DVAGS DANG, DUD 'GRO DANG, MI RNAMS MI SLU BA'I YIN TE, DPER NA, JI LTAR NYI MA SHAR BAR GYUR PA DE NI, NGES PAR NUB PAR 'GYUR RO, , DE KHO NA BZHIN DU SKYES PA RNAMS NI, NGES PAR 'CHI BAR BYA BA YIN NO, ,YANG JI LTA JI LTAR SA GZHI GZHON ZHING LANG TSO LA BAB PAR GYUR NA, LJON SHING DANG, NAGS DANG, NYE BA'I NAGS DANG, NE'U GSING DANG BCAS PAR 'GYUR RO, ,SA GZHI DE RNYING PAR GYUR NA LJON SHING DANG, NAGS DANG, NYE BA'I NAGS DANG, MTSE'U DANG, PADMA DANG BCAS PA RNAMS KYANG DE LTAR 'GYUR RO, ,DE KHO NA BZHIN DU SOS KA'I DUS SU LANG TSO LA BAB PA RNAMS STON KA'I DUS SU RNYING PAR 'GYUR BA DANG, GZHON PA RNAMS THAMS CAD KYANG RGAS PA'I MTHAR THUG PAR 'GYUR BA 'DI BYANG PHYOGS SGRA MI SNYAN PA'I MI RNAMS KYI GO BA'ANG MA YIN NO, ,YANG JI LTA JI LTAR MTSAN MO CHAR BAB PAR GYUR NA CHU KLUNG RNAMS PHUN SUM TSOGS PAR 'GYUR TE CHAR BAB PA'I DBANG GIS NGOS GNYIS KAR YANG MANG DU 'BAB PAR 'GYUR RO, ,PHUN SUM TSOGS PAR GYUR PA RNAMS KYANG STON KA ZAD PA DANG 'GRIB PA'I SGO NAS CHU CHUNG BAR
'GYUR RO, ,DE KHO NA BZHIN DU DBYAR GYI MTSAN MO CHAR 'BAB PAR GYUR PA DANG MTSUNGS PA NI, PHUN SUM TSOGS PA RNAMS YIN NO, ,DBYAR GYI CHAR 'GAGS PAR GYUR NAS STON GYI DUS NA CHU KLUNG RNAMS ZAD CING 'GRIB PA'I SGO DANG MTSUNGS PA NI, RGUD PA RNAMS YIN NO, ,'DI LTA STE, PHYI ROL GYI DNGOS PO PADMA RNAMS KYANG SOS KA'I DUS SU RGYAS PAR 'GYUR ZHING NAD MED PA DANG BUNG BA RNAMS KYIS KYANG STEN PAR BYED DO, ,DGUN GYI DUS NA NI, KHA BA DANG BAD DAG GIS BUNG BA RNAMS KYANG NA BAS MI STEN NO, ,SOS KA'I DUS KYI PADMA DE KHO NA BZHIN DU NAD MED PA YIN NO, ,DGUN GYI DUS DANG MTSUNGS PAR GYUR PA NI, NAD MED PA MA YIN PA'O, ,DGUN GYI DUS NA NAD MED PA MA YIN PAS BUNG BA RNAMS DANG MTSUNGS PA NI, PHUN SUM TSOGS PA RNAMS YIN NO, ,DE BZHIN DU SEMS CAN 'DI DAG RNAMS KYANG SRED PAS SHIN TU RNAM PAR NYAMS PAR GYUR NAS BDAG NYID KYI RGUD PA RNAMS NI, GTAN RIG PAR MI 'GYUR RO; ;DES MTHO BAR BRTZEGS PA'I RI'I NAGS DANG, NYE BA'I NAGS DANG, LJON SHING DANG, 'BAB CHU DANG, KHRUS KYI RDZING BU DANG, NE'U GSING DANG, RIG PA 'DZIN PA DANG, RI DVAGS DANG BYA DANG, RI KHROD DANG, CHU BSHAL DANG BCAS PA RNAMS LA LEGS PAR BLTAS PAR GYUR PAS KYANG YANG DAG PAR JI LTA BA BZHIN DU PHYI ROL LA YANG DAG PAR LTA BAR BYED DO, ,GZHAN YANG
, ,RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS PA NA, DES THOS PA LAS BYUNG BA'I SHES RAB KYIS SAM, LHA'I MIG GIS BYANG PHYOGS SGRA MI SNYAN NA DGA' BA DANG, DGA' BA'I RIGS SU GYUR PA DANG, DGA' BAR GYUR PA'I RI'I PHRENG BA 'DZIN PA ZHES BYA BA GZHAN YOD PA MTHONG NGO, ,RI BO DE'I RNAM PAR BKRA BA'I PHRENG BA RNAMS 'DZIN PA YIN PAS DMAR PO DANG, SNGON PO DANG, DKAR PO DANG, MTHING GA DANG, SER PO DANG, RNAM PA SNA TSOGS RNAMS 'DRES PA'I MDOG GI KHA DOG DANG YANG LDAN PA'I LJON SHING GI RIGS RNAMS YOD DO, ,'DI LTA STE, STA BA KA'I SHING DANG, MYA NGAN MED PA DANG, GSER GYI LO MA DANG LDAN PA DANG, 'KHRI SHING DANG, SHING GEL BAS G-YOGS PAR GYUR PA RNAMS SO, ,'DI LTA STE, SHIN TU GROL BAR GYUR PA'I 'KHRI SHING RNAMS DANG, DGA' BA'I LO MA DANG, RLUNG GI SHUGS KYIS RAB TU G-YO BA'I LO MA RNAMS SO, ,'DI LTA STE, SHING NI TZU LA DANG, BEE d'URYA'I 'DAB MA DANG, CHU LA SKYES PA DANG RNAMS SO, ,'DI LTA STE, BRGYA LA CUNG ZAD DANG BI DRU MA'I 'DAB MA DANG NYI MA MTHONG BAS DGA' BAR 'GYUR BA RNAMS SO, ,'DI LTA STE, TI LA K'A SA DANG ZLA BA'I 'OD KYIS DGA' BA DANG RNAMS SO, ,'DI LTA STE, KU MU DA'I TSOGS DANG NYI MA 'PHO BA DANG RNAMS SO, ,'DI LTA STE,
DUS SU 'DOD PA DANG ZLA BA PHYED PA DANG BCAS PA NA DGA' BA RNAMS SO, ,'DI LTA STE, AUTPA LA MTSAN MO DGA' BA'O, ,'DI LTA STE, BANDHU DZ'I BI K'A DANG, DE'I RJES THOGS LA 'BRAS BU 'BYUNG BA DAG GO ,'DI LTA STE, AA MRA DANG DU BA'I DRIS LHAG PAS BSGOS PA DAG GO ,'DI LTA STE, MYA NGAN MED SNGON PO DANG REG PAR BZOD PA DAG GO ,'DI LTA STE, KUND'A DANG SHIN TU 'JAM PA DANG RNAMS SO, ,'DI LTA STE, SHI R'I sh'A: DANG GOM PA BOR BAR BZOD PA DAG GO ,'DI LTA STE, SEMS PA DANG DRO BAS DGA' BAR 'GYUR BA'I DRI'O, ,'DI LTA STE, KUDKU: MA DANG, KU SU M'A DANG, YUL GZHAN DU RNAM PAR RGYU BA RNAMS SO, ,'DI LTA STE, KO BO D'A R'A DANG BZANG PO MTHONG BA DAG GO ,'DI LTA STE, YID BDE BA DANG LHA'I SKYE BO RNAMS DGA' BA'O, ,'DI LTA STE; N'I LA AUTPA LA DANG, PADMA DANG, PADMA MTSO SKYES DANG, DUS THAMS CAD KYI ME TOG CAN RNAMS SO, ,'DI LTA STE, SENGGE SVA BR'A: DANG K'A DAMPA DGA' BA DAG GO ,'DI LTA STE, CHUS DGA' BAR 'GYUR BA DANG RKANG PA'I MTHIL GYIS BRGYAB PAS ME TOG 'BYUNG BA'O, ,'DI LTA STE, MYA NGAN MED DANG RANG BZHIN GYIS DRI DANG KHA DOG RNAMS DGA' BAR GYUR PA'O, ,'DI LTA STE; AA dA KA DANG STE, DE LTAR DE DAG RNAMS NI, JI LTAR GTZO BOR GYUR PA'I LJON SHING ME TOG GIS PHYUG PA RNAMS YONGS SU BSGRAGS PA YIN TE, ME TOG GI LJON SHING GI RIGS
, ,NYI SHU RTZA GNYIS YIN NO, ,PHRENG BA 'DZIN PA'I RI BO'I NYE 'KHOR RNAMS NA PHAN TSUN DU BSKYOD PAS LO 'DAB RNAMS 'KHRIL BAR 'GYUR BA'I LJON SHING RNAMS YIN NO; ;BUNG BA'I RIGS KYI TSOGS RNAMS KYIS NYE BAR GANG BA YIN TE, BUNG BA DE DAG RNAMS KYANG LA LA BEE d'URYA'I MDOG YIN NO, ,LA LA NI, GSER GYI MDOG YIN NO, KHA CIG NI; DNGUL GYI MDOG TU RNAM PAR SNANG NGO, KHA CIG NI, GUR GUM GYI MDOG GO KHA CIG NI, SNGON PO'O, KHA CIG NI, RNAM PAR 'DRES PAR GYUR PA'O, KHA CIG NI, MTSO LA RGYU BA'O; KHA CIG NI, LJON SHING LA RGYU BA'O, KHA CIG NI, SHING GEL PA LA RGYU BA'O, KHA CIG NI, THAMS CAD LA RGYU BA'O, ,BYA RNAMS KYANG KHA CIG NI, GSER 'BAR BA'I LUS LA DNGUL GYI MDOG GI SGRO'O, KHA CIG NI, DNGUL GYI LUS LA [?] GSER GYI SGRO'O, KHA CIG NI, BI DRU MA'I LUS LA BEE d'URYA'I SGRO'O, KHA CIG NI, BEE d'URYA DANG 'DRA BAR GYUR PA'I LUS LA AINDRA N'I LA'I SGRO RNAMS SO, KHA CIG NI, SHEL GYI MDOG GI LUS LA SGRO RNAMS GSER GYI SGRO'I RANG BZHIN NO, KHA CIG NI, RIN PO CHE GSUM GYI LUS SU GYUR PA 'DI LTA STE; LUS NI, GSER GYI MDOG GO ,SGRO RNAMS NI, DNGUL GYI MDOG GO ,RGYAB NI, BEE d'URYA'I MDOG GO KHA CIG NI, RIN PO CHE BDUN GYI MDOG GI BYA RNAMS LA 'DI LTA STE, AINDRA
N'I LA DANG, MA RA KA TA DANG, SHEL DANG, MU S'A RA GALPA DANG, BI DRU MA DANG, SU KU M'A RI K'A DANG, PADMA R'A GA'I MDOG RNAMS SO, ,DE LTAR RANG GI LAS KYIS RNAM PAR BKRA BA'I LUS CAN RNAMS YIN TE, GZUGS RNAM PA DU MAR GYUR PA'I BUNG BA RNAMS DANG BYA RNAMS KYANG RNAM PA SNA TSOGS PA'I SGRO DANG LDAN PA DANG, RJES SU MTHUN PA RNAM PA SNA TSOGS PA'I SKAD RJOD PAR BYED PA YIN NO, ,LAS SNA TSOGS PA RNAMS KYI LUS RNAM PAR BKRA BAR GYUR PA YIN NO, ,KHA DOG DANG DRI DANG PHRENG BA DANG LDAN PA'I ME TOG DU MA RNAMS 'BYUNG BA'ANG 'DI LTA STE, GZUGS DU MA RNAMS YIN NO, ,SKYES BU RNAMS KYIS RANG GI LAS BYAS PAR GYUR PA'I RANG BZHIN JI LTA BA BZHIN NO, ,LJON SHING RNAMS KYANG GZUGS DANG DRI SNA TSOGS PA YIN ZHING, BYANG PHYOGS SGRA MI SNYAN PA RNAMS KYI DBANG GIS SHING RGYAN RGYU DANG RDO BA DANG CHU KLUNG DANG KHRUS KYI RDZING BU RNAMS KYANG RNAM PA DU MAR DGA' BAR GYUR PA DANG, YID LA SMON PA BZHIN DU RNAM PAR BKRA BA YIN TE, SNGON LEGS PAR BYAS PA'I LAS RNAMS KYI RGYU MTSAN GYIS RIN PO CHE RNAMS DANG YANG LDAN PA DANG, ZAS SKOM GYI CHU BO RNAMS KYIS RNAM PAR BRGYAN PA DANG, LJON SHING DGA' BAR GYUR PA DANG, SA'I NYE 'KHOR GYI CHA DANG DE DAG RNAMS LA BYANG PHYOGS SGRA MI SNYAN PA'I SKYAS BU RNAMS RTZE DGA' BAR BYED DO, ,PHRENG BA 'DZIN PA'I
, ,RI'I NYE 'KHOR RNAMS NA RAB TU GNAS PA'I SKYES BU GANG YIN PA DE DAG RNAMS LA RTAG TU 'GYING BAG CAN ZHES BYA BA'I MING 'BYUNG BAR 'GYUR RO, , PHRENG BA 'DZIN PA'I NYE 'KHOR RNAMS LA SKYES BU GANG DAG 'GYING BAG CAN YIN TE, JI LTAR YONGS 'DUS BRTOL GYI RTZA BA NA LHA RNAMS KYI DBYAR ZLA BA BZHI PO RNAMS MA GTOGS PA DANG, LHA RNAMS LA MIG 'DZUM PA MED PA DANG, SHA DANG RUS PA DANG CHU SER DANG PAGS PA MED PA RNAMS DANG 'DI DAG RNAMS MA GTOGS PA LHA RNAMS DANG BYANG PHYOGS SGRA MI SNYAN GYI SKYES BU RTAG TU 'GYING BAG CAN RNAMS NI, THAMS CAD KYANG MTSUNGS PA YIN NO, ,GZHAN YANG RNAL 'BYOR SPYOD PA PA LAS DANG CHOS LA YANG DAG PAR KUN TU LTA BAR BYED DE, SEMS CAN DE DAG RNAMS NI, RGYAGS PA RNAM PA GSUM GYIS RGYAGS PAR GYUR NAS LEGS PAR SPYOD PA RNAMS SPYOD PAR MI BYED DO, ,'DI LTA STE, GZUGS KYIS RGYAGS PA DANG LANG TSO'I RGYAGS PA DANG GSON PA'I RGYAGS PA RNAMS KYIS RGYAGS PAR GYUR PA'I PHYIR NA, LUS KYIS LEGS PAR SPYAD PA RNAMS MI SPYOD DO, ,NGAG GIS LEGS PAR SPYAD PA RNAMS MI SPYOD DO, ,YID KYIS LEGS PAR SPYAD PA RNAMS MI SPYOD DO, ,LEGS PAR BYAS PA'I LAS KYI LHAG MA RNAMS KYIS LHA RNAMS SU SKYE'O, ,LHA'I
'JIG RTEN DE LAS SHI 'PHOS PAR GYUR NAS DMYAL BA DANG, YI DVAGS DANG, DUD 'GRO DANG, MI RNAMS SU SKYE BAR 'GYUR TE, GANG GI PHYIR SRED PA NI, DUG GI MCHOG ZAS DANG 'DRES PA YIN PA'I PHYIR SEMS CAN RNAMS LA MCHOG TU RTZUB PA DANG, MCHOG TU 'CHING BA DANG, MCHOG TU NYAM NGA BA YIN NO, ,DES BCINGS PA'I PHYIR NA SEMS CAN 'DI DAG RNAMS KYIS NI; NGES PA KHO NAR SNGON GYI MTHA' DANG, PHYI MA'I MTHA' DAG KUN TU MI SHES PA YIN NO, ,MNGAR BA'I MCHOG TU GYUR PA LA 'BRAS BU RTZUB PA'I 'DOD PA RNAMS THAMS CAD NI, KIMPA KA SMIN PA DANG 'DRA PA DANG, SA 'OG GI ZHAGS PA DANG 'DRA BA YIN PA DE DAG SEMS CAN GYIS MA RIG GO ,G-YANG SA DANG 'DRA BA DANG, THAMS CAD KYANG RNAM PAR BRAL BA DANG, 'CHI BA'I SDUG BSNGAL DANG, SDUG BSNGAL RNAMS LA DPE MED PA YIN NO, ,RIN CHEN PO'I 'BAB CHU'I SHUGS LTAR G-YO BA YIN PAS LANG TSO YANG 'DI NA RTAG PA MA YIN TE, BRTAN PA DANG YONGS SU MI 'GYUR BA'I CHOS CAN GYI GNAS SKABS GCIG KYANG 'GRO BA LNGA NA YOD PA MA YIN NO, ,'DI LTAR NYES PA BYAS PA LAS KYI 'KHOR LO'I RLUNG GIS YANG DANG YANG 'KHOR BAR GYUR TU ZIN KYANG SROG CHAGS 'DI DAG RNAMS NI, SKYO BA'ANG SKYE BAR MI 'GYUR RO, ,PHRENG BA 'DZIN PA'I RI DANG NYE 'KHOR GYI SKYES BU RTAG TU 'GYING BAG CAN RNAMS LA'ANG YANG DAG PAR
, ,BLTAS PAR GYUR PAS KYANG YANG DAG PA JI LTA BA BZHIN DU PHYI ROL GYI LUS LA LTA BAR BYED DO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, BYANG PHYOGS SGRA MI SNYAN NA RI'I RIGS SU GYUR PA'AM, CHU KLUNG GI RIGS SU GYUR PA'AM, KHRUS KYI RDZING BU'I RIGS SU GYUR PA GANG YIN PA DE DAG DGA' BA DANG, SHIN TU DGA' BA DANG, MCHOG TU DGA' BAR GYUR PA GZHAN GANG DAG CE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA; BYANG PHYOGS SGRA MI SNYAN NA SHIN TU DGA' BAR GYUR PA'I RI'I RIGS GZHAN NGAG KYANG YOD DO, ,'DI LTA STE, DUS NA DGA' BA ZHES BYA BA'I RI BO RGYAR DPAG TSAD STONG YOD PA, MTHOR DPAG TSAD SUM CU PAR GYUR PA'O, ,DE LA YANG DUS DRUG PO 'DI DAG RNAMS NYID RTAG TU NYE BAR GNAS PA YIN TE, 'DI LTA STE, DGUN STOD DANG, DGUN SMAD DANG, SOS KA DANG, DPYID KA DANG, DBYAR DANG, STON LA SOGS PA'O, ,RI DE LA YUL PHYOGS 'DI DAG DANG, DGUN STOD NI, GANG DAG YIN ZHING, DE LA'ANG DGUN STOD SKYE BA'I LJON SHING GI ME TOG RAB TU RGYAS PA RNAMS YIN NA, DE LA DGUN STOD SKYE BA'I LJON SHING GI RIGS RNAMS NI, 'DI LTA STE, SVA RI SH'ANGGA NA DANG, KHRO BA DANG, BAD KYIS RGAS PA DANG, BUNG BA BGROD
PAR BYED PA DANG, DE NGES PAR DRI ZHIM PA DANG, MYU GU MED PA DANG, TZAKRA P'A K'AS RJES SU SGRA SGROG PA DANG, MCHOG TU DGA' BAR 'GYUR BA'I ME TOG DANG, GLU PHUN SUM TSOGS PA DANG, ZAB MOR SKYES PA DANG, NI T'ANTAm DANG, MCHOG TU KHRO BA DANG, NYI MA DANG BCAS PA DANG, ME TOG BCO LNGA PO DE DAG RNAMS NI, DGUN STOD KYI DUS SU STE, DGUN STOD SKYE BA RNAMS YIN NO, ,DUS NA DGA' BA'I RI BO'I YUL PHYOGS GNYIS PA LA NI, DGUN SMAD KYI DUS SU 'BYUNG BA RNAMS YIN NO, ,DE LA ME TOG GI RIGS 'DI DAG RNAMS DUS SU DGA' BA'I RI LA DGUN SMAD KHA 'BYE BA YIN TE, BYANG PHYOGS SGRA MI SNYAN PA'I RI LA BYANG PHYOGS SGRA MI SNYAN PA RNAMS KYI DBANG GI 'BRAS BU YIN NO, ,DUS NA DGA' BA'I RI BO'I YUL PHYOGS GZHAN LA NI, SO SA KA'I DUS SU 'BYUNG BAR 'GYUR TE, DE LA ME TOG GI RIGS NI, 'DI DAG RNAMS YIN NO, ,'DI LTA STE, SHIN TU KHA BYE BA DANG, PADMA DANG, KU RA BA KAm DANG, DRI MANG BA DANG, BUNG PA 'KHOR BA DANG, SA MA MA TA DANG, MYA NGAN MED DANG, KIm SHU KA DANG, MYA NGAN MED SNGON PO DANG, 'GRIB PA MED PA'I DRI DANG, KU MU dA DANG, AA MRA dA KAm DANG, KLUNG DU SKYE BA DANG LDAN PA DANG, NI TZI TA DANG, LA MRA DANG, B'ANTI KA DANG, ME TOG LA BYA DGA' BA DANG, RTAG TU ME TOG KHA 'BYE BA DANG, 'DAB MA STONG PA DANG RNAMS YIN NO, ,NYI SHU PO 'DI DAG RNAMS NI, SOS KA'I DUS
, ,SU YIN TE, YU TI KA DANG DUS SU RGYU BA'I ME TOG GI RIGS RNAMS KYANG YIN NO, ,DUS SU DGA' BA'I RI'I YUL PHYOGS GZHAN LA NI, DPYID KYI ME TOG GI RIGS 'DI DAG RNAMS 'BYUNG NGO, ,'DI LTA STE, TZAM PA KA DANG, SU MA NA SA: DANG, GSER GYI YU TI KA DANG, DUS NA RGYU BA DANG, DU BAS GROL BA'I DRI DANG, PADMA DANG, BUNG BA GNAS PA DANG, PA SA SAm DANG, SHI TA TI DANG, AA MRA DANG, DRI MNYAM PA DANG, DRI RTAG PA DANG, ZANGS KYI RO DANG, RLUNG GIS 'DEBS PA DANG, 'DAB MA BGYA PA DANG, TA MA'I RO DANG, NYI MA PHYED PA DANG, TZU L'A LAN DANG, TI LA'I DNGOS PO'I MDOG DANG, BYIS PA'I ME TOG DANG, DZA TI LVA DANG RNAMS TE, ME TOG GI RIGS NYI SHU PO DE DAG RNAMS NI, DPYID KYI DUS NA 'BYUNG STE, BYANG PHYOGS SGRA MI SNYAN PA RNAMS KYI LEGS PAR BYAS PA'I LAS KYI DBANG GIS DUS NA DGA' BA'I RI BO LA DPYID KYI DUS NA YIN NO, ,DUS NA DGA' BA'I RI'I SA PHYOGS GZHAN DAG RNAMS LA NI, DBYAR GYI ME TOG 'DI DAG RNAMS 'BYUNG STE, 'DI LTAR YANG KE TA KA DANG, KU tA DZANG DANG, BRGYA 'GRO BA DANG, SA LA 'GYING ZHING DGA' BAR GYUR PA DANG, DE RI'I PHRENG BA DANG, RDO LAS SKYES PA DANG, KA DAM PA LA DGA' BA DANG, NGANG PA 'KHOR BA DANG, ME TOG DRI ZHIM POS DGA' BA DANG, ZANGS KYI RO DANG, SA LI LA DANG,
TZANDR'A DI K'A DANG, KLUNG DU SKYES PA DANG, RTZE MO MTHONG BA DANG RNAMS TE, STON YANG ME TOG GI RIGS NYI SHU PO DE DAG RNAMS 'BYUNG BA YIN NO, ,DE LA DUS NA DGA' BA'I RI BO LA DE LTAR DE DAG RNAMS DUS DRUG TU YIN ZHING NYE 'KHOR RNAMS NA'ANG DUS KYI 'KHOR LO STE, DE DUS DE DAG RNAMS KYIS DE SRID DU BYANG PHYOGS SGRA MI SNYAN RTAG PA KHO NAR DGA' BAR GYUR PA'I ME TOG DANG, 'BRAS BU DANG, DRU MA'I 'BRAS BU DANG, LJON SHING DANG, KHRUS KYI RDZING BU DANG, CHU KLUNG GI NGOS RNAMS KYIS KYANG DUS SU DGA' BA'I RI BO DE LTAR DGA' BAR GYUR PA YIN NO; ;DE BZHIN DU GZHAN DAG RNAMS KYANG DUS RNAMS LA DE LTAR YIN PA NI, SNGAR BZHIN NO, ,DUS NA DGA' BA'I RI'I NYE 'KHOR NA GNAS PAR 'GYUR BA'I SKYES BU DE DAG RNAMS NI, DE RI RING BA ZHES BYA BA'I MING DU 'GYUR RO, ,GZHAN YANG RNAL 'BYOR SPYOD PA LAS KYI CHOS LA KUN TU LTA BAR BYED DE, JI LTAR SEMS CAN 'DI DAG RNAMS SNGON LEGS PAR BYAS PA RNAMS ZAD PAR BYED PA YIN PA DANG, GSAR PA RNAMS KYANG MI BYED PA YIN LA, DE DAG RNAMS NI, SO SOR MNGON PAR SHES PA YANG MA YIN NO, ,JI LTAR DUS TSOD KYI 'KHOR LO RNAMS 'KHOR BAR GYUR PA'I DUS NA SKYES BU 'DI DAG RNAMS KYI TSE KUN NAS GCOD PAR BYED PA YIN NO, ,DUS KYI MES TSE'I SHING RNAMS SREG PAR BYED DO, ,DUS KYI RDO RJES TSE'I LO TOG RNAMS
, ,'JOMS PAR BYED DO, ,DUS KYI SENGGES SKYES BU RI DVAGS RNAMS RAB TU BCOM NAS ZA BAR BYED DO, ,'CHI BDAG GI DUS NI, CHU BO DANG MTSUNGS PAS SKYES BU'I LJON SHING RNAMS MNGON PAR BSDUS SHING BSKYED NAS 'JOMS PAR BYED DO, ,DUS NI, SPYANG KI DANG MTSUNGS PA DANG SBRUL DANG MTSUNGS PA'I PHYIR NA SKYES BU RNAMS GSOD PAR BYED DO; ;'CHI BDAG NI, GLANG PO CHE DANG 'DRA BAS RTZVA KA TA PA TA DANG MTSUNGS PA'I KHAM GYIS MID PAR BYED DO, ,'CHI BDAG NI, RLUNG DANG MTSUNGS PAS SKYES BU'I LJON SHING RNAMS RTZA BA NAS SKYEL BAR BYED DO, ,SKYE BO RNAMS THAMS CAD KYIS KYANG SPANG BAR MI NUS PA'I 'CHI BDAG GI 'JIGS PA DE DAG RNAMS SKYES BU RNAMS CI'I PHYIR KUN TU MA RTOGS PA YIN NO; ;GANG GIS LANG TSO LA BAB PA RNAMS THAMS CAD LA YANG CO 'DRI BAR BYED PA DANG, STOBS RNAMS THAMS CAD 'JIG PAR BYED PA DANG, SKYE BO RNAMS THAMS CAD KYIS BZHAD GAD DU BYED PA'I RGAS PA'ANG MTHONG BA MA YIN NA, RTEN NYAMS CHUNG BAR BYED PA DANG, MIG DANG, RNA BA DANG, SNA DANG, LCE DANG, LUS DANG, YID RNAMS DANG NYE BAR 'GAL BAR BYED PA DANG, KHA CHU RNAM PAR 'DZAG PAR BYED PA DANG, SGUR POR BYED PA DANG, 'GRAM PA DANG, SO DANG, THOD PA DANG, TSIGS PA DANG, GNAD DANG, RGYUS PA RNAMS NYAMS PAR BYED PA DANG,
'GRO BA DANG 'ONG BA'I GNAS RNAMS LA GEGS BYED PA POR GYUR PA, LANG TSO LA BAB PA RNAMS THAMS CAD LA 'GRAN ZLAR GYUR PA, LANG TSO LA BAB PA RNAMS KYANG KHA NYEN PA'I SAR GYUR PA, 'CHI BDAG RGYAL PO'I GRONG KHYER DU 'JUG PAR BYED PA PO DGA' BA DANG, STOBS DANG, SPRO BA RNAMS 'JIG PAR BYED PA PO, SGYU SNYOM PA LA DGA' BAR GYUR PA'I SA LA SNABS DANG, GCIN DANG, RTUG PA RNAMS MANG BAR GYUR PA, RTAG TU'ANG MA LA STAN LA LHAG PAR SNYOM LAS SU BYED PA POR GYUR PA, SEMS CAN BAG MED PA 'DI DAG RNAMS KYIS CI'I PHYIR MA MTHONG, GANG GI TSE 'JIGS PAR 'GYUR BA'I NAD KYI 'JIGS PA'ANG NGES PAR 'JIGS PAR GYUR PAS SHIN TU NYE BAR GNAS PA YIN TE, DES NI, KHAMS RNAMS 'KHRUG PAR BYED PA DANG, DBANG PO RNAMS THAMS CAD KYANG LONGS SPYOD PAR BYED PA DANG, RGYUS PA DANG RKANG MAR DANG BCUD DANG PAGS PA DANG KHRAG DANG SHA DANG TSIL DANG RUS PA DANG KHU CHU DANG RNAMS THAMS CAD KYANG KUN TU SKAM PAR BYED PA DANG, KHU BA RNAMS THAMS CAD KYI 'GRAN DO BA'I DGRAR GYUR PA DANG, LANGS PAR BYA BA DANG LEGS PAR 'DUG PAR YANG MI BZOD PA SMAN DANG SMAN PA LA LTOS NAS BZLOG PAR BYA BA BZA' BA DANG, BTUNG BA DANG, BLDAG PA DANG, MYANG BAR BYA BA LA SOGS PA RNAMS THAMS CAD KYANG MI GTZANG BA LTA BUR GYUR PA, RID PA DANG NYAM CHUNG BA DANG GNYID
, ,PHAL CHE BAR 'GYUR TE, PAGS PA DANG, RUS PA TZAM DANG, SKYE BO THAMS CAD RANG GI SKYE BO DANG, GROGS PO DANG, NYE 'BREL DANG, BU DANG CHUNG MA DANG BCAS PA'I 'CHI BDAG DANG 'DRA BA'I SDUG BSNGAL GANG YIN PA'I NAD KYI 'JIGS PAS BDAG NYID BYING PAR 'GYUR BAR RTOGS PA YIN NO, ,RNAL 'BYOR SPYOD PA DE SKYES BU BAG MED PAR GYUR PA DE DAG RNAMS LA RJES SU BRTZE BAR 'GYUR RO, ,BRTZE BAR GYUR PAS KYANG 'DI'I TSANGS PA'I GNAS KYI SPYOD YUL DU GYUR PA RNAMS LA 'DI LTA STE, BYAMS PA DANG, SNYING RJE DANG, DGA' BA'O; ;DE LTAR RNAL 'BYOR SPYOD PA DES BYANG PHYOGS SGRA MI SNYAN PA'I SKYES BU BAG MED PAS GNAS PAR GYUR PA'I SEMS CAN RNAMS LA RJES SU BRTZE BAR BYED DO, ,'KHOR BA'I BDAG NYID NI, SHIN TU DMAN PA YIN PAR MTHONG NGO, ,DBU BA DANG CHU'I CHU BUR LTA BUR GYUR PA'I LUS LA KUN TU LTA BAR BYED DO, ,SGYU MA LTA BUR GYUR PA'I RNAM PAR SHES PA LA YE SHES KYIS KUN TU LTA BAR BYED DO, ,RMI LAM GYI NAD DANG 'DRA BAR GYUR PA'I PHUN SUM TSOGS PA RNAMS LA KUN TU LTA BAR BYED DO, ,DES PA KHO NAR YANG YID 'BYUNG BAR 'GYUR RO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, BYANG PHYOGS SGRA MI SNYAN NA RI'I RIGS SAM, CHU KLUNG GI RIGS SAM, LJON SHING GI RIGS SU
GYUR BA DGA' BA DANG, SHIN TU DGA' BA DANG, MCHOG TU DGA' BAR GYUR PA GZHAN CI ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR BA, BYANG GI SGRA MI SNYAN NA RI GZHAN KUN DGA' BA 'DZIN PA ZHES BYA BA DPAG TSAD STONG PA YOD DO, ,RI KUN DGA' BA 'DZIN PA'I NYE 'KHOR NA NI, RGYU MTHUN PA ZHES BYA BA'I NAGS DPAG TSAD LNGA BRGYA PA YOD DO, ,NAGS DE NA NI, 'BYUNG KHUNGS RNAMS THAMS CAD DANG LDAN NO, ,DE LA 'BYUNG KHUNGS 'DI DAG RNAMS YOD DE, 'DI LTA STE, GSER GYI 'BYUNG KHUNGS DANG, DNGUL GYI 'BYUNG KHUNGS DANG, ZANGS MA'I 'BYUNG KHUNGS DANG, CHANG GI 'BYUNG KHUNGS DANG, SBRANG RTZI'I 'BYUNG KHUNGS DANG, RO DRUG GI 'BYUNG KHUNGS RNAMS TE, 'BYUNG KHUNGS DE DAG DANG, GZHAN DAG RNAMS KYANG DE DAG LA YOD PA YIN NO, ,RGYU MTHUN PA'I NYE 'KHOR RNAMS NI, DGA' BAR GYUR PA YIN TE, GANG LA BEE d'URYA DANG MTSUNGS PAR GYUR PA'I LJON SHING RNAMS LA NI, ME TOG GI 'KHRI SHING RNAMS KYIS YONGS SU BSKOR BA DANG, GSER GYI 'DAB MA'I PADMA'I RDZING BU RNAMS KYI NI, DNGUL GYI YU BA CAN YIN NO, ,DNGUL GYI 'DAB MA LA NI, GSER GYI YU BA CAN YIN NO, ,GSER DANG DNGUL GYI 'DAB MA RNAMS LA NI, BEE d'URYA'I YU BA CAN RNAMS TE, NYI MA SHAR MA THAG THOG LTAR DMAR BA'I PADMA RNAMS KYIS KHYAB PAR
, ,GYUR PA'I PADMA'I RDZING BU DE DAG RNAMS LA BYA SNA TSOGS PA RNAMS KYIS NYE BAR MDZES PA'O, ,'DI LTA STE, DANG PA DANG, KHRUNG KHRUNG DANG, BE KEE: DANG, MTSO'I KHRUNG KHRUNG DANG, KA RAM PA DANG, RI DVAGS KYI MGRIN PA PA DANG, CHU BYA DANG, MADBHA BA DANG, BLA B'A: DANG, TZA P'A KA DANG, P'A LU K'A DANG, A'A DY'A: DANG, S'A RA SI DANG, PI LVA L'A: DANG, DUS SU RJOD PAR BYED PA DANG, AUshnA B'I RA BA: DANG, MTSAN MO RGYU BA DANG, PADMA'I RDUL LA DGA' BA DANG, SINDHU'I RLABS DANG, RLABS LAS SKYES PA STE, BYA'I RIGS NYI SHU PO DE DAG RNAMS PADMA'I RDZING BU DE NA YOD DO, ,RGYU MTHUN PA ZHES BYA BA'I NAGS KYI NYE 'KHOR DE LAS SHIN TU 'DAS NAS KUN DGA' BA 'DZIN PA'I RI'I PHYED DU GYUR PA NA DPAG TSANG BRGYA YIN TE, DE LA 'OD MA'I KLUNG NA NGES PAR GNAS PA ZHES BYA BA'I SKYES BU RNAMS YOD DO, ,GANG DAG GSER GYI RANG BZHIN DU GYUR PA'I LJON SHING GI TSOGS NA DE DAG GLU LEN PAR BYED PA NA'ANG NAM MKHA' LA GNAS NAS LHA'I BU MO RNAMS KYANG NYAN PAR BYED DO, ,CHU KLUNG DANG MTSE'U DANG NYE BA'I NAGS DANG BYA RNAMS KYANG PHUN SUM TSOGS PAR GYUR PA NI, YUL 'DI LA'ANG SNGAR BZHIN NO, ,GZHAN YANG RNAL 'BYOR SPYOD PA BAS SEMS CAN RNAMS KYI LAS KYI RNAM PAR SMIN PA RNAMS YANG DAG PAR RJES SU
MTHONG STE, SEMS CAN 'DI DAG RNAMS NI, DU BAR BYAR YOD PA LA GLU LEN PAR BYED DO, ,CI'I PHYIR 'DI DAG RNAMS MA MTHONG BA YIN, BAG MED PAS BAG MED PAR RNAM PAR RGYU BA'I PHYIR NA DMYAL BA PA RNAMS SU NI, DU BAR 'GYUR BA YIN NA, KUN TU GO BAR YANG MA YIN NO, ,SRED PA'I ZHAGS PA'I 'CHING BAS BCINGS PAR GYUR PA'I SEMS CAN RNAMS KYIS LUS DANG NGAG DANG YID KYIS NYES PAR SPYOD PA GANG YIN PA DE RNAMS BYED DO, ,DE'I RNAM PAR SMIN PA RNAMS NI, RTZUB PA YIN PAS DMYAL BA DANG, YI DVAGS DANG, DUD 'GRO RNAMS SU SKYE BAR 'GYUR RO, ,LAS RNAMS JI LTA BA BZHIN DU NYE BAR 'GRO BA YIN PAS YANG SOS DANG, THIG NAG DANG, BSDUS 'JOMS DANG, DU 'BOD DANG, DU 'BOD CHEN PO DANG, TSA BA DANG, RAB TU TSA BA'I DMYAL BA RNAMS SU NGU BA DANG LHANG KYOG RNAM PA SNA TSOGS PA RNAMS KYIS MNGON PAR 'JOMS PAR BYED DO, ,'DOD PA'I SGRA DANG, REG BYA DANG, RO DANG, GZUGS DANG, DRI'I SRED PA RNAM PA LNGAS KUN NAS NYE BAR BCINGS NAS SNGON GYI MTHA' DANG PHYI MA'I MTHA' LA SEMS CAN GYI RGYA MTSO 'KHOR BA YIN NO, ,DE LTAR RNAL 'BYOR SPYOD PA PAS 'OD MA'I KLUNG LA NGES PAR GNAS PA'I SKYES BU RNAMS LA KUN TU BLTAS PAR GYUR PAS KYANG YANG DAG PA JI LTA BA BZHIN DU PHYI ROL GYI LUS LA LTA BAR BYED DO, ,GZHAN YANG
, ,RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, BYANG PHYOGS SGRA MI SNYAN NA DGA' BA'AM CHES DGA' BAR GYUR PA GZHAN CI ZHE NA; DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PAR BYANG PHYOGS SGRA MI SNYAN NA RI GZHAN YANG YOD DE, YID KYI RJES SU MTHUN PA ZHES BYA BA'I RI DPAG CHED NI, STONG DU GYUR PA YIN NO, ,RI DE'I DGA' BAR GYUR PA RNAMS NI, MI'AM CI MO RNAMS KYIS RTAG PA KHO NAR GLU LEN PAR BYED PA YIN TE, RI'I RTZE MO RNAMS DANG NAGS RNAMS DANG, NYE BA'I NAGS RNAMS DANG, RI DOS RNAMS DANG, RI'I PHUG RNAMS DANG, RDZING BU RNAMS DANG, SHING KE TA KA'I NANG RNAMS DANG, KLU'I NAGS KYI NANG RNAMS DANG, N'A RI KE LA'I NANG RNAMS DANG, SHING PA NA SA'I NANG RNAMS DANG, AA RU RA'I NAGS RNAMS DANG, AA MRA'I NAGS RNAMS DANG, CHU SHING GI NAGS RNAMS DANG, GSER GYI DPAL 'BRAS KYI SHING GI NAGS RNAMS DANG, KA PITTHA'I NAGS RNAMS DANG, RMA BYA'I NAGS RNAMS DANG, KHU BYUG GI NAGS RNAMS DANG, NE TZO'I NAGS KYI NANG RNAMS DANG, CHU KLUNG DANG KHRUS KYI RDZING BU DANG, NYE BA'I NAGS RNAMS DANG, PADMA'I TSAL RNAMS DANG, AUTPA LA'I TSAL RNAMS DANG, SINDHU B'A RA'I NAGS RNAMS DANG, GRUB PA'I NAGS RNAMS DANG, TZU TA'I
NAGS RNAMS DANG, KUR RA'I NAGS RNAMS DANG, GSON PA GSON PA'I NAGS RNAMS DANG, TAndA'I NAGS RNAMS DANG, RDZING BU DGA' BAR GYUR PA RNAMS LA THAMS CAD KYANG RIN PO CHE'I SGRA SNYAN PA YANG DAG PAR LDAN PA SKYE BO RNAMS THAMS CAD KYI RNA BAR YANG SNYAN PAR GYUR PA, SRED PA'I ZIL GYIS MNAN PAR GYUR PA'I BYIS PA'I BLO CAN RNAMS LA SLAR YANG BRGYA 'GYUR DU SRED PA'I ME KUN TU 'BAR BAR 'GYUR BAR MI'AM CI MO RNAMS KYIS GLU LEN PAR BYED DO, ,DE DAG GI SGRA DBYANGS KYI RI DVAGS RNAMS KYANG SGRA 'BYIN PAR BYED DO, ,LHAN CIG SPYOD PAR BYED DO, ,LHAN CIG SPYOD PAR GYUR PA'I BYA'I TSOGS RNAMS KYANG LHAN CIG TU RTZE DGA' BAR BYED DO, ,BDUD RTZIR RTAG TU RUNG BA'I 'BRAS BU RNAMS KYANG LEGS PAR MED PAR BYED DO, ,BUNG BA RNAMS KYANG RTZI DAG LA 'THUNG BAR BYED DO, ,RIG PA 'DZIN PA RNAMS DANG LHA'I BU MO RNAMS KYANG NAM MKHA' LA 'DUS NAS NYAN PAR BYED DO, ,DE LTAR YID KYI RJES SU MTHUN PA'I RI LA MI'AM CI MO DE DAG RNAMS KYI KLU DGA' ZHING SNYAN PA YIN NO, ,RI DE'I NYE 'KHOR RNAMS NA YANG BEE d'URYA'I RANG BZHIN DANG, GSER GYI BRAG DANG, DNGUL GYI RDO BA DANG, BI DRU MA'I LJON SHING DANG, MU TIG GI PHYE MA DANG, BYI RU'I KONG BU RNAMS DANG, SHEL GYI RDO BA DANG, DUNG GI KONG BU 'JAM PO RNAMS DANG, GSER GYI PADMA'I RDZING BU RNAMS LA DAD PA RNAMS
, ,KYIS NYE BAR MDZES PAR BYAS PA DANG, LUS RIN PO CHE RNAM PA SNA TSOGS PA LAS GRUB PA'I RI DVAGS RNAMS DANG, KO KA LI'I SGRA DANG BCAS PA'I NAGS DANG, RMA BYA DANG SHANG SHANG TE'U'I SGRA SNYAN PA RNAMS DANG, KHRUS KYI RDZING BU NA BUNG BA'I SGRA SNYAN PAR GYUR PA RNAMS TE, DE LTAR YID KYI RJES SU MTHUN PA'I RI'I DGA' BA YIN NO, ,SKYE BO RNAMS THAMS CAD KYI MIG DANG RNA BAR SDUG CING SNYAN PA YIN NO, ,THAMS CAD TU'ANG RAB TU DGA' BA DANG, RGOD PA DANG, ROL PA DANG, RTZE BAR BYED PA DANG, YONGS SU SPYOD PA DANG, MI PHO MO DANG, BYA'I TSOGS RNAMS KYIS KYANG YID BDE BAR BYED PA YIN NO, ,RI RAB LHUN PO GNYIS PA LTA BUR GYUR PA DPAG TSAD NYIS STONG 'PHANG DU'O, ,MTHO BA'I YID KYI RJES SU MTHUN PA'I RI DE'I 'OD KYIS DPAG TSAD NYIS STONG DU MDOG SKYA BOR BYED DO, ,BEE d'URYA'I 'OD KYI GZI BRJID KYIS GSER GYI MDOG DANG LJON SHING SNGON PO RNAMS KYANG NYE BAR BCOM NAS RI SKYA BOR BYED DO, ,DPER NA, RI RAB LHUN PO'I GSER MDOG BZANG PO'I GZI BRJID KYIS RTZVA RNAMS THAMS CAD KYANG GSER BZHIN DU 'GYUR RO, ,'DI LTA STE, YID KYI RJES SU MTHUN PA'I RI'I GZI BRJID KYIS KYANG THAMS CAD SKYA BOR 'GYUR RO, ,RI DVAGS DANG, BYA DANG, CHU DANG, MTSE'U DANG, CHU KLUNG DANG, LJON SHING DANG, PADMA RNAMS KYANG PHUN SUM
TSOGS PA NI, RI 'DI LA YANG SNGAR GYI BZHIN NO, ,RI BO YID KYI RJES SU MTHUN PA'I NYE 'KHOR NA SKYES BU GANG DAG RAB TU GNAS PA DE DAG RNAMS NI, SKYA BOR SNANG BA ZHES BYA BA'I MING DU 'GYUR RO, ,SKYA BOR SNANG BA'I SKYE BO RNAMS NI, GZI BRJID CHE BA DANG, GZUGS CHEN PO DANG LDAN PA DANG, MCHOG TU DGA' BA DANG, MCHOG TU MDZES PA DANG, ME TOG GI PHRENG BA DANG, PHYE MA DANG, DRI DANG, BYUG PA DANG, RGOD PA DANG, 'GYING BAG DANG, GAR DANG, GLU DANG, ROL MO'I SGRA RNAMS LA DGA' BAR GYUR PA DANG, PHAN TSUN PHRAG DOG DANG SER SNA'I DRI MA RNAMS NYE BAR BCOM PA DANG, BDAG GI BA MED CING NGA RGYAL MED PA DANG, SKYA BOR SNANG BA'I SKYES BU RNAMS THAMS CAD NYID KYANG PHRENG BA DANG, PHYE MA DANG, DRI DANG, BYUG PA RNAMS KYIS LUS BRGYAN PA YIN, RNAM PA SNA TSOGS PA'I ROL MO'I SGRA DANG GLU DANG DRI ZA'I SGRA RNAMS KUN NAS RJOD PAR BYED PA'I CHOS DGA' BAR 'GYUR BA RNAMS KYIS THAMS CAD NYID DGA' BAR BYED DO; ;YID LA SMON PA'I KUN TU BSAM PA RNAMS KYANG GANG DANG GANG DAG YID LA SEMS PAR BYED PA DE RNAMS DE DAG LAS 'BYUNG BAR 'GYUR TE, 'DI LTA STE, MA BTAGS PA'I GOS DANG RNAM PA SNA TSOGS PA RNAMS DANG, RNAM PA SNA TSOGS PA'I DO SHAL RNAMS DANG, DE LA 'OS PAR GYUR PA'I RNAM PA SNA TSOGS PA'I RGYAN RNAMS DANG, NYAL BA'AM RAB TU SAD
, ,PAR GYUR PA NA YANG THOS NA DGA' BAR 'GYUR BA YID DU 'ONG BA LAS KYANG YID DU 'ONG BAR GYUR PA'I SGRA MA 'DRES PA RNAMS RNAM PA SNA TSOGS PA'I BYA BRGYA STONG DU MA RNAMS KYIS SGROG PAR BYED DO, ,RIGS BRGYA PHRAG DU MA'I PADMA'I RDZING BU RNAMS KYI DRI ZHIM PO RNAMS KYANG RTAG TU SNOM PAR BYED DO, ,SKYA BOR SNANG BA'I SKYES BU RNAMS KYIS DE LTAR BZANG PO'I LAS KYI 'BRAS BU SPRUL PA'I BDE BA RNAMS NYAMS SU MYONG BAR BYED DO, ,DE BZHIN DU DMAN PA DANG, BAR MA DANG, MCHOG TU LEGS PAR BYAS PA RNAMS KYANG YIN NO, ,GZHAN YANG RNAL 'BYOR SPYOD PA PA LAS KYI CHOS KYI RNAM PAR SMIN PA LA RJES SU LTA BAR BYED DO, ,KYE MA JI LTAR NA SEMS CAN 'DI DAG RNAMS KYIS LEGS PAR BYAS PA'I LAS ZAD PA RJES SU MA MTHONG BA YIN, 'DI DAG RNAMS KYI MNGON SUM DU MA GYUR BA YIN NAM ZHE NA, JI LTAR SKYE BA'I SDUG BSNGAL NI, DANG PO NYID DU PA MA GNYIS KYI KHU CHU DANG KHRAG DE DAG GNYIS KYIS MI STONG PAR GYUR PA'I GCIN GYI NANG DU GSUS PA'I SMAD KYI RUS PA'I RANG BZHIN GYI RNAM PA ZHING GI GDUB KOR LTA BU'I MNGAL DU RNAM PAR SHES PA'I SA BON SKYE'O, ,DE'ANG LAS KYI RLUNG GIS BU SNOD BSKOR BAR GYUR PAS NYI MA BDUN PA LA MER MER POR 'GYUR RO, ,SROG GCOD PA SPANGS PAS MER MER
POR GYUR PA DE LA GNAS PA NA YANG RNAM PAR SHES PA MI 'PHO'O, ,NYI MA BDUN PA GZHAN LA NI, GOR GOR POR 'GYUR RO, ,RNAM PAR SHES PA YANG LAS DANG NYON MONGS PA DANG BCAS PA'I DBANG GIS DE NYID LA RMONGS NAS GNAS SO, ,DE LA GNAS PA NYID KYANG NYI MA BDUN PA YIN TE, NYI MA BDUN NA SHA'I GONG BUR 'GYUR RO, ,GCIN DANG RTUG PA'I TSOGS RNAMS KYANG MA'I GSUS PA'I SMAD DU YIN ZHING, GANG DANG GANG DAG MA'I BYA BAR GYUR PA'I LUS RNAM PAR BSKYOD PA DANG ZAS KYI BYAS PA RNAMS KYANG RUNG STE, DE DANG DE DAG RNAMS NYID KYIS 'DI'I GZIR BAR 'GYUR, JI LTAR GTUN SHING GIS BU RAM SHING 'TSIR BAR BYED PA DE LTAR MNGAL NA GNAS PA 'TSIR BAR BYED DO, ,GZHAN YANG LAS KYI RLUNG GIS SHA'I GONG BU DRANGS PAR GYUR PAS SBOM PAR 'GYUR RO, ,DE LAS NI, RDOG RDOG LNGA 'BYUNG BAR 'GYUR TE, RKANG PA GNYIS KYI DANG, LAG PA GNYIS KYI DANG, MGO'I'O, ,GZHAN YANG LAS KYI RLUNG GIS BSKOR BAR GYUR PAS MNGAL NA SKYE BA NI, MA'I GSUS PAR 'BYUNG BAR 'GYUR LA, DE LAS KYANG LTE BA'I SPU GU 'BYUNG BAR 'GYUR RO, ,SPU GU DE NI, MA'I MKHAL MA'I NANG NAS 'BYUNG BAR 'GYUR RO; ;GANG YANG GRANG BA DANG, DRO BA DANG, RO BZANG BA DANG, RO NGAN PA RNAMS KYANG RUNG STE, MAS ZAS ZOS PA'I RO DE YANG DE LA SPU GU DE NAS 'JUG GO ,LTE BA NAS ZAS KYI RO GANG YIN
, ,PA DES MNGAL NA GNAS PA 'DI KUN TU 'TSO BAR BYED DO, ,DE LTAR MNGAL GYIS BYAS PA'I SHIN TU SDUG BSNGAL BA DANG, KHYAD PAR DU BTZEG PA RNAMS NYAMS SU MYONG BAR 'GYUR RO, ,DE GAL TE MNGAL NA GNAS PA NA DUS BYED PAR MA GYUR NA NI, DE GCIN DANG KHRAG GI GNAS SKABS NA GNAS PA'I DE LA THAMS CAD RDZOGS PAR GYUR NAS ZLA BA BCU NA ZUR MA MIG GI NANG NAS 'DREN PAS BUR SHING LTAR YAN LAG DANG NYING LAG THAMS CAD 'TSIR BAR GYUR PAS MA'I SKYE GNAS NAS 'BYUNG BA YIN NO, ,SKYES NAS KYANG RLUNG TSA BAS REG PAR GYUR PAS SDUG BSNGAL GYI MCHOG RNAMS NYAMS SU MYONG BAR 'GYUR RO, ,SKYES PAR GYUR NAS KYANG MAS 'DI BOR NAS GAR 'DOD PA KUN TU RGYU BAR 'GYUR RO, ,DE YANG BDAG NYID KYI 'THEB MO NU BAR BYED DO, ,DE LAS 'O MA 'BYUNG BAR 'GYUR RO, ,DES KYANG BDAG NYID 'TSO BAR 'GYUR RO, ,DE LTAR DUS DE NYID KYI TSE NA BYIS PA YIN TE; LHAG PAS NI, LANG TSO LA REG PAR 'GYUR RO, ,DE DAG RNAMS NI, DUS KYI RLUNG GIS NGES PAR BTAB PA YIN NO, ,DES NA SEMS CAN DE DAG RNAMS LAS KYI BGO SKAL LA SPYOD PAR BYED PA DANG, LAS KYI SKYE GNAS PAR GYUR PA DANG, LAS BRTAN PAR BYAS PA RNAMS YIN TE, DGE BA'AM MI DGE BAR GYUR PA RNAMS KYANG RUNG STE, JI LTAR LAS BYAS PAR
GYUR PA'I LAS DE DANG DE DAG RNAMS KYI SKAL BA CAN DU 'GYUR BA YIN NO, ,'ON KYANG SKYES BU DE DAG RNAMS KYIS NI, LAS DANG RNAM PAR SMIN PA RNAMS MNGON SUM DU MTHONG BA'ANG MA YIN NO, ,KYE MA KYI HUD BAG MED PAR RNAM PAR RGYU BA'I SEMS CAN 'DI DAG NI, SHIN TU SDUG BSNGAL BA YIN TE, GANG GI PHYIR SDUG BSNGAL GYI MCHOG TU GYUR PA'I LJON SHING RNAMS KYI RTZA BA'ANG SKYA BA YIN NO, ,SKYE BA YOD PAR GYUR NAS TSA BA DANG, GRANG BA DANG, LTOGS PA DANG, SKOM PA DANG, NGAL BA DANG, NYAM CHUNG BA DANG, MI MTHUN PA DANG, PHRAD PA DANG, MTHUN PA DANG BRAL BA DANG, RGA BA DANG, 'CHI BA RNAMS KYANG 'BYUNG BAR 'GYUR RO, ,'KHOR BA NA SDUG BSNGAL PHUL DU BYUNG BAR 'GYUR BA NI, SKYE BA YIN NO, ,'KHOR BA 'DI NI, PHUN SUM TSOGS PA DANG RGUD PA'I 'PHYANG MO NYUG PA LA ZHON PA YIN NO, ,'KHOR BA 'DI NI, MI RTAG PA DANG, SDUG BSNGAL BA DANG, STONG PA DANG, BDAG MED PA YIN NO, ,JI LTAR RI RNAMS DANG, NAGS DANG, SHANG SHONG DANG BCAS PA RNAMS DANG, NAGS DANG, NYE BA'I NAGS DANG, CHU KLUNG DANG, LJON SHING DANG, BYA DANG, ME TOG DANG, 'BRAS BU DANG, RI'I KHROD DANG, G-YANG KHA DANG, RIN PO CHE DANG, 'DI DAG RNAMS KYANG MED PAR 'GYUR BA YIN NO, BYANG PHYOGS SGRA MI SNYAN PA'I SKYES BU 'DI DAG RNAMS KYIS CI'I PHYIR NA MA GO, MYA NGAN DANG BRAL
, ,BAR 'GYUR BA DANG, DUS KYI MTHA' LA NI THAMS CAD KYANG THAL BAR 'GYUR RO, ,BYANG PHYOGS SGRA MI SNYAN GYI GLING 'DI'ANG STONGS PAR 'GYUR RO, ,SKYES BU 'DI DAG RNAMS THAMS CAD KYANG DUS BYAS PAR GYUR NAS LHA'I 'JIG RTEN DU MNGON PAR 'BYUNG BAR 'GYUR LA, DE NAS NI DMYAL BA DANG, YI DVAGS DANG, DUD 'GRO RNAMS SU SKYE BAR 'GYUR TE, RANG GI LAS KYI BGO SKAL LA SPYOD PA YIN PA'I PHYIR RO, ,DE LTAR RNAL 'BYOR SPYOD PA PA DES LAS KYI 'BRAS BU RNAM PAR SMIN PA RNAMS RJES SU MTHONG BAR GYUR PA NA SKYA BOR SNANG BA'I SKYES BU RNAMS LA RJES SU BRTZE BA SKYE BAR 'GYUR RO, ,'KHOR BA'I BDAG NYID NI NGAN PA YIN PAR MTHONG NGO, ,GZHAN YANG RNAL 'BYOR SPYOD PA PHYI ROL GYI LUS KYI LUS LA RJES SU LTA ZHING GNAS TE, GZHAN BYANG PHYOGS SGRA MI SNYAN NA DGA' BA'AM CHES DGA' BAR GYUR PA YOD DAM ZHE NA, DES THOS PA LAS BYUNG BA'I SHES RAB KYIS SAM; LHA'I MIG GIS MTHONG BAR GYUR PA PADMA KU SHE SHA YA DANG LDAN PA'I ZHES BYA BA'I RI PO PADMA KU SHE SHA YA DANG LDAN PA ZHES BYA BA'I RI DPAG TSAD STONG DU GYUR PA LA, CHU BSIL BA DANG LDAN PA ZHES BYA BA'I PADMA'I RDZING BU DPAG TSAD LNGA BRGYA PA YOD DE, GSER GYI KHA DOG DANG LDAN PA'I PADMAS KHYAB PAR GYUR PA 'DAB MED PA BUNG BA DANG, NGANG PA DANG, K'A RAndA
PA DANG, TZAKRA P'A K'A RNAMS KYIS NYE BAR MDZES PAR BYAS PA YIN NO, ,PADMA'I RDZING BU DE NA YANG LHA'I ME TOG PADMA KU SHI SHA YA DANG, LHA'I MAND'A RA BA DANG, KU SU MA DANG, LJON SHING DANG, ME TOG DANG, 'BRAS BU DANG, CHU KLUNG DANG, RI KHROD DANG, BYA DANG, NAGS DANG, NYE BA'I NAGS DANG, RDZING BU DGA' BAR GYUR PA RNAMS DANG, BSIL BA'I CHU RNAMS NI SNGAR GYI BZHIN NO, ,PADMA KU SHE YA DANG LDAN PA'I RI'I PHYED DU GYUR PA DPAG TSAD LNGA BRGYA LA MCHOG TU DGA' BAR GYUR PA'I GZHAL YAS KHANG STONG PHRAG BRGYAD CU RTZA BZHI YOD DO, ,'DI LTA STE, GSER DANG DNGUL GYI RANG BZHIN RNAMS LA NI, GSER GYI STEGS BU DANG LDAN NO, ,SHEL GYI RANG BZHIN RNAMS LA NI BEE d'URYA'I STEGS BU DANG LDAN NO, ,BEE d'URYA'I RANG BZHIN RNAMS NI SHEL GYI STEGS BU DANG LDAN NO, ,AINDRA NI LA'I RANG BZHIN RNAMS LA NI MU S'A RA GALPA'I STEGS BU DANG LDAN NO, ,MU S'A RA GAL PA'I RANG BZHIN RNAMS LA NI AINDRA N'I LA'I STEGS BU DANG LDAN NO, ,DE BZHIN DU PHAN TSUN DU RNAM PA SNA TSOGS PA'I SKYES BU RNAMS KYIS LEGS PAR BRGYAN PA DANG, DRIL BU G-YER KHA'I DRA BAS KUN TU G-YOGS PA DANG, GLU DANG, GAR DANG, RGOD PA DANG, RNGA SGRA RAB TU SGROG PAR BYED PA DANG, RTAG TU RAB TU DGA' BAR GYUR PA DANG, RGUN 'BRU'I CHU KLUNG RNAMS KYIS YONGS SU BSKOR BA DANG, NAGS DANG NYE BA'I NAGS RNAMS KYIS LEGS PAR KHYAB PAR GYUR PA YIN TE; DPER BYA NA, LHA RNAMS KYI GRONG
, ,KHYER BLTA NA SDUG DANG, LHA RNAMS KYI MDUN SA CHOS BZANG GI GZHAL YAS KHANG RNAMS YIN TE, DE KHO NA BZHIN DU PADMA KU SHE SHA YA DANG LDAN PA'I RI'I GZHAL YAS KHANG STONG PHRAG BRGYAD CU RTZA BZHI YIN NO, ,NAGS DANG, NYE BA'I NAGS DANG, RDZING BU DANG, LJON SHING DANG, 'BRAS BU PHUN SUM TSOGS PA RNAMS NI, SNGAR GYI BZHIN NO, ,PADMA KU SHE SHA YA DANG LDAN PA'I RI'I NYE 'KHOR NA SKYES BU GANG DAG GNAS PA DE DAG RNAMS NI, RNAM PAR BKRA BA ZHES BYA BA'I MING DU 'GYUR RO, ,DE DAG RNAMS NI, RTAG TU RGOD PA DANG, 'GYING BA DANG, RTZE BA DANG, GAR DANG, ROL MO'I SGRA DANG, ZAS DANG, SKOM DANG, 'KHRIG PA LA DGA' BA RNAMS YIN NO, ,GZHAN YANG RNAL 'BYOR SPYOD PA PA LAS KYI CHOS KYI RNAM PAR SMIN PA RNAMS LA RJES SU LTA BAR BYED DE, PHAN TSUN RNAM PAR 'BREL BA LAS BYUNG BA'I SDUG BSNGAL SEMS CAN 'DI DAG RNAMS KYIS CI'I PHYIR MA MTHONG NA; SEMS CAN 'DI DAG RNAMS THAMS CAD KYI SDUG PA DANG, YID DU 'ONG BA RNAMS THAMS CAD KYANG THA DAD DU 'GYUR BA DANG, MED PAR 'GYUR BA DANG, RNAM PAR 'GYES PA DANG, RNAM PAR 'BRAL BA DANG, GZHAN DU 'GYUR BA YIN NO, ,SEMS CAN 'DI DAG RNAMS THAMS CAD NI, MTHUN PA DANG, YID DU 'ONG BA RNAMS THAMS CAD DANG YANG THA DAD DANG, MED PA
DANG; RNAM PAR 'THOR PA DANG, GZHAN DU 'GYUR BA RNAMS 'BYUNG BAR 'GYUR RO, ,LAS KYIS JI LTA BA BZHIN DU NYE BAR 'GRO BA YIN TE, DGE BA'I LAS RNAMS KYIS NI, LHA DANG MI'I NANG DU'O, ,MI DGE BA'I LAS RNAMS KYIS DMYAL BA DANG, YI DVAGS DANG, DUD 'GRO RNAMS SU'O, ,DE LA RNAM PAR BKRA BA'I GZUGS DANG LDAN PA'I DE DAG RNAMS NI, BAG MED PAR GNAS PA YIN PAS 'DOD PA'I SGRA DANG, REG BYA DANG, RO DANG, GZUGS DANG, DRI RNAMS KYIS KYANG NGOMS PA MED PA DANG, SRED PAS RNAM PAR CHAGS PA DANG, SRID PA'I DBANG DU GYUR PA DANG, SRED PA'I CHU BOS KHYER PAR GYUR PA DANG, 'DOD CHAGS KYI MES SREG PAR BYED PA, GTI MUG GI MUN PAR NUB PAR BYING BA'I PHYIR NA ZANG PA DANG, 'GRIB PA'I BDAG NYID RNAMS MI SHES SO, ,LANG TSO LA BAB PA RNAMS GOG POR BYED PA'I PHYIR NA RGA BA NI, SHIN TU 'JIGS PA YIN NO, ,RANG GI SKYE BO DANG GROGS PO DANG GNYEN 'BREL RNAMS THAMS CAD DANG 'BRAL BAR BYED PA'I PHYIR RGOL BA'I 'JIGS PAR GYUR PA GSON BA'I LJON SHING SREG PAR 'GYUR ZHING SEMS CAN RNAMS THAMS CAD KYI NAGS LHAG MA LA LUS PAR SREG PAR 'GYUR BAS 'CHI BA'I MI NGES PAR 'ONG BAR 'GYUR RO, ,DE DAG NI, MTHONG BA'ANG MA YIN NO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, RI BCUS
, ,YONGS SU BSKOR BAR GYUR PA'I BYANG PHYOGS SGRA MI SNYAN 'DI LTA STE, SAm K'A SHE DANG, RVA MNYAM PA DANG, RI DVAGS KYI DGRA DUL BA DANG, SPRIN DKAR PO 'DZIN PA DANG, MTHO BAR BRTZEGS PA DANG, NYE 'KHOR PHRENG BA DANG LDAN PA DANG, DUS NA DGA' BA DANG, KUN DGA' BA 'DZIN PA DANG, YID KYI RJES SU MTHUN PA DANG, PADMA KU SHE SHA YA DANG LDAN PA 'DI DAG RNAMS LA NGES PAR SEMS CAN 'DI DAG RNAMS LAS GANG GIS SKYES PA YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SNGAR BZHIN DU SEMS CAN DE DAG RNAMS NI, DGE BA'I LAS RNAMS LAS KUN TU 'BYUNG BA YIN NO, ,DGE BA'I LAS RNAMS KYI MTHA' LA SPYAD PAR GYUR PA YANG, SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA RNAMS RAB TU SPANGS PAR GYUR CING, CHANG DANG BCOS PA'I CHANG MYOS PAR 'GYUR BA BAG MED PA'I GNAS RNAMS KYANG RAB TU SPANGS PA DANG, 'DIR DGE BA RNAM PA BCU'I LAS KYI MTHA' LA SPYAD PA YIN NO, ,DE DAG RNAMS NI, DGE BA DE'I LAS RNAMS KYI RKYEN GYIS SKYES PA YIN NO, ,GZHAN YANG RNAL 'BYOR SPYOD PA PA LAS DANG CHOS DANG RNAM PAR SMIN PA RNAMS LA RJES SU LTA BAR BYED DE, LAS GANG DAG GIS SKYES BU DE DAG RNAMS KYI DRUNG DANG SKYES BU GZHAN DAG RNAMS KYI DRUNG NA YANG
GZUGS KYI TSAD DANG STOBS DANG BRTZON 'GRUS DANG DBYIBS RNAMS CHES KHYAD PAR DU 'PHAGS PA'I SKYES BU GZHAN YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SEMS CAN DE DAG RNAMS NI, YANG DAG PA'I LTA BA MNGON DU BYAS PA, G-YO BA MED PA DANG, GZHAN LA GNOD PAR MI BYED PA DANG, DRANG PO DRANG PO'I RANG BZHIN CAN DANG, NGES PAR GYUR PA DANG, NGES PA'I RANG BZHIN CAN DANG, CHOS PA DANG CHOS KYI RJES SU 'JUG PA DANG, CHOS DANG LDAN PA'I SKYES BU RNAMS LHAN CIG 'GROGS PAR BYED PA RNAMS NI, RGYU DE DANG RKYEN DE LAS LUS ZHIG PAR GYUR NAS BDE 'GRO MTHO RIS KYI 'JIG RTEN PA LHA RNAMS KYI NANG DU SKYE BAR 'GYUR TE, RGYAL CHEN RIS BZHI DANG, SUM CU RTZA GSUM PA RNAMS SU'O, ,DE LAS SHI 'PHOS PAR GYUR NAS KYANG 'DIR SKYE BAR 'GYUR RO, ,'DI LAS SHI 'PHOS PAR GYUR NAS KYANG DER SKYE BAR 'GYUR RO, ,GZHAN YANG RNAL 'BYOR SPYOD PA PA LAS KYI CHOS KYI RNAM PAR SMIN PA RNAMS LA LTA BAR BYED DE, LAS GANG DAG GIS SEMS CAN DE DAG RNAMS CHES KHYAD PAR DU 'PHAGS PA YIN NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA DE RNAMS NI, THAMS CAD KYIS KYANG SNGON MI 'JIGS PA'I SBYIN PA RAB TU BYIN PAR GYUR PA YIN TE, GRONG KHYER GYI LHO
, ,PHYOGS KYI SGOR KHRID PAR GYUR PA'I SEMS CAN SHIN TU SKRAG PA RNAMS LA SROG GI SBYIN PA BYIN PA YIN LA, RGYAB TU LAG PA DAM POR BCINGS SHING DUR KHROD DU KHA PHYOGS PAR GYUR NAS GSOD PA'I RNGA PA tA HA BRDUNGS PAR GYUR CING GSHED MA'I MI GTUM PO PHYI BZHIN RJES SU 'BRANG BAR GYUR PA RNAMS LA SROG GI SBYIN PA BYIN PA YIN NO, ,RGYU DE DANG RKYEN DE LAS KYANG LUS ZHIG PAR GYUR PA NA BDE 'GRO MTHO RIS KYI 'JIG RTEN PA LHA RNAMS KYI NANG DU SKYE BAR 'GYUR TE, RGYAL CHEN RIS BZHI DANG, SUM CU RTZA GSUM PA DANG, 'THAB BRAL BA RNAMS SU'O, ,GZHAN YANG RNAL 'BYOR SPYOD PA PA PHYI ROL GYI LUS KYIS LUS LA RJES SU LTA ZHING GNAS TE, SEMS CAN DE DAG RNAMS KYIS LEGS PAR BYAS PA'I LAS GANG GIS SEMS CAN DE DAG RNAMS CHES KHYAD PAR DU 'PHAGS PA DANG, MCHOG TU KHYAD PAR DU GYUR PA'I DGA' BA DANG GZUGS BZANG BA DANG, RDZU 'PHRUL CHE BA'I MCHOG TU GYUR PA DANG, SKYE BO RNAMS THAMS CAD KYIS MCHOD PAR BYED PA YIN ZHE NA, DES THOS PA LAS BYUNG BA'I SHES RAB KYIS SAM LHA'I MIG GIS MTHONG BAR GYUR PA, SEMS CAN DE DAG RNAMS NI, SNGON THEG PA CHEN PO LA DAD PA'I NOR DANG LDAN PA'I DANG TSUL CAN DANG, THEG PA CHEN PO SGROG PA LA DGA' BAR GYUR PAS YIN NO, ,
GZHAN YANG SANGS RGYAS KYIS GSUNGS PA'I NYAN THOS KYI CHOS 'DUL BA DAG NYAN PAR BYED CING, SANGS RGYAS KYIS GSUNGS PA'I GTAM RGYUD RNAMS KYANG 'DZIN PAR BYED DO, ,RJOD PAR BYED DO, ,SANGS RGYAS KYIS GSUNGS PA'I CHOS KYI TSIG GCIG THOS PAR GYUR PA'I RGYU DE DANG RKYEN DE LAS KYANG RGYAL POR 'GYUR BA YIN TE, GLING BZHI LA LONGS SPYOD PAR BYED PA'I 'KHOR LOS BSGYUR BAR BYED DO, ,DE LA SHI BAR GYUR NAS KYANG LHA RNAMS SU SKYE BAR 'GYUR TE, GCIG GNYIS GSUM BZHI LNGA DRUG BDUN BLDABS SHING GLING BZHI LA LONGS SPYOD PAR YANG 'GYUR RO, ,DE LAS SHI 'PHOS NAS KYANG LHA RNAMS SU SKYE BAR 'GYUR TE, 'DOD PA NA SPYOD PA'I LHA RNAMS KYI NANG DU SKYE BAR 'GYUR RO, ,'DI LTA STE, RGYAL CHEN RIS BZHI DANG, SUM CU RTZA GSUM PA DANG, MTSE MA DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED DO, ,LHA'I RIS DE DAG RNAMS LAS SHI 'PHOS PAR GYUR PA NAS 'DIR SKYE BA YIN TE, 'DI NA'ANG BYED PA DANG LDAN PA YID KYI SGRA DANG, REG BYA DANG, RO DANG, GZUGS DANG, DRI RNAMS NYAMS SU MYONG BAR BYAS NAS SLAR YANG DE DAG TU SKYE BAR 'GYUR RO, ,PHYIS YANG DE NAS SHI 'PHOS PAR GYUR PA NA THEG PA CHEN PO NYAN PA'I SA BON DE NYID KYIS BSAM GTAN DANG PO THOB PAR 'GYUR TE, DE TSANGS RIS DANG, TSANGS PA'I MDUN NA 'DOD DANG, TSANGS
, ,PA CHEN PO RNAMS SU SKYE BAR 'GYUR RO, ,GZHAN YANG THEG PA CHEN PO THOS PAR GYUR PA DE NYID DANG THOS NAS KYANG RJES SU SPYAD PAR GYUR PA DES BSAM GTAN GNYIS PA 'THOB PAR 'GYUR TE, 'OD CHUNG DANG, TSAD MED 'OD DANG, 'OD GSAL RNAMS SU SKYE BAR 'GYUR RO, ,GZHAN YANG THEG PA CHEN PO THOS PAR GYUR PA'I SA BON DE NYID DANG, THOS PAR GYUR NAS KYANG RJES SU SPYOD CING SPYOD PA LA ZHUGS PAS NI, BSAM GTAN GSUM PA 'THOB PAR 'GYUR TE, DGE CHUNG DANG, DGE RGYAS DANG, TSAD MED DGE DANG RNAMS SU SKYE BAR 'GYUR RO, ,GZHAN YANG THEG PA CHEN PO THOS PAR GYUR PA'I SA BON DE NYID DANG BYAS SHING RJES SU SPYAD LA RNAM GRANGS KUN CHUB PAR BYAS SHING YONGS SU DRI BA BYAS PAS KYANG BSAM GTAN BZHI PA 'THOB PAR 'GYUR TE, SPRIN MED PA DANG, BSOD NAMS SKYES PA DANG, 'BRAS BU CHE BA RNAMS DANG, CHAGS PA MED PA'I YE SHES KYI MES KUN NAS NYON MONGS PA'I LJON SHING GI NAGS RNAMS SREG PAR BYED PA'I MI CHE BA DANG, MI GDUNG BA DANG, GYA NOM SNANG DANG, SHIN TU MTHONG DANG, 'OG MIN RNAMS SU'O, ,GZHAN YANG THEG PA CHEN PO THOS PAR GYUR PA'I SA BON DE NYID DANG THOS PAR GYUR NAS KYANG RJES SU SPYAD CING SPYOD PA LA ZHUGS PA DANG, YONGS SU DRI BA BYAS TE, SEMS CAN LTA BA LOG PA RNAMS YANG DAG PA'I
LTA BA LA BKOD LA THEG PA CHEN PO THOS PA'I SA BON DE NYID KYIS KYANG SRID PA'I BTZON RA RNAMS THAMS CAD ZAD PA'I RANG SANGS RGYAS SU 'GYUR BA'AM, GZHAN YANG GAL TE BLA NA MED PA YANG DAG PAR RDZOGS PA'I BYANG CHUB KYI SEMS SU YONGS SU SMIN PAR 'GYUR RO, ,YANG NA GAL TE SEMS CAN RNAMS THAMS CAD KYI BDE PA 'BYUNG BAR 'GYUR BA'I BLA NA MED PA'I THUGS RJE CHEN PO'I SEMS SU YONGS SU GOMS PA'I BYANG CHUB SEMS DPAR 'GYUR RO, ,THEG PA CHEN PO THOS PA'I SA BON DE NYID KYIS DE'I TSE BYANG CHUB SEMS DPA' SEMS DPA' CHEN PO SANGS RGYAS SU 'GYUR TE, RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, BLA NA MED PA SKYES BU 'DUL BA'I KHA LO SGYUR BA, LHA DANG MI RNAMS KYI STON PA, SANGS RGYAS BCOM LDAN 'DAS SU 'GYUR RO, ,GANG GI PHYIR THEG PA CHEN PO THOS PA'I SA BON GYI RTZA BA'ANG SBYIN PA DANG, TSUL KHRIMS DANG, THOS PA RNAMS YIN NO, ,DE CI'I PHYIR ZHE NA, THOS PAS KYANG THEG PA CHEN PO LA RAB TU GNAS PAR 'GYUR TE, RANG BYANG CHUB TU YONGS SU BSNGO BAR BYED DAM, NYAN THOS KYI BYANG CHUB TU YONGS SU BSNGO BAR BYED NA YANG NYAN THOS KYI BYANG CHUB TU YANG 'GYUR RO, ,DGE SLONG DAM KHYIM PA RNAMS SBYIN PA'I 'BRAS BU THOS PAR GYUR NAS SBYIN PA GTONG BAR BYED DO, ,TSUL KHRIMS KYI 'BRAS BU THOS PAR GYUR NAS TSUL KHRIMS SPYOD
, ,PAR BYED DO, ,YE SHES KYI 'BRAS BU THOS PAR GYUR NAS YE SHES GOMS PAR BYED DO, ,DE'I PHYIR NA MTHO RIS DANG THAR PA GNYIS KA'I SA BON YANG THEG PA CHEN PO THOS PA YIN NO, ,DE'I PHYIR 'DI NI, SBYIN PA RNAMS THAMS CAD KYI YANG MCHOG YIN TE, MI 'JIGS PA DANG, ZANG ZING DANG, TSUL KHRIMS KYI SBYIN PA RNAMS LA NI, 'DI LTA STE, THEG PA CHEN PO SGROG PA'I SBYIN PA'O, ,TSUL KHRIMS RNAMS KYI YANG 'DI LTA STE, THEG PA CHEN PO NYAN PA'I TSUL KHRIMS SO, ,THEG PA CHEN PO NI, NYAN THOS DANG RANG SANGS RGYAS RNAMS THAMS CAD DANG, DE BZHIN GSHEGS PA RNAMS KYI YANG SKYED PAR BYED PA PO YIN NO, ,DE'I PHYIR NA THEG PA CHEN PO RTAG TU MNYAN PAR BYA'O, ,GZHAN YANG RNAL 'BYOR SPYOD PA PHYI ROL GYI LUS LA RJES SU LTA ZHING GNAS TE, BYANG PHYOGS GRA MI SNYAN GYI GLING NA MING CIR BTAGS PA'I YUL LJONGS GZHAN YANG GNAS PA YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, DPAG TSAD GNYIS STONG PA NYE 'KHOR GYI MIG 'JIG RTEN LAS 'DAS PA ZHES BYA BA STE, DE LA YUL LJONGS 'DI DAG RNAMS YOD DO, ,'DI LTA STE, NAM MKHA' RING BA ZHES BYA BA DPAG TSAD SUM BRGYA PA YOD DO, ,DE'I NYE 'KHOR RNAMS NA SKYES BU GANG DAG RTAG TU GNAS
PAR GYUR PA DE DAG RNAMS NI, GOS KYIS GNAS PA ZHES BYA BA YIN NO, ,LJON SHING DANG, KHRUS KYI RDZING BU DANG, ME TOG DANG, 'BRAS BU DANG, NYE BA'I NAGS DANG, SHING GEL PA DANG, 'KHRI SHING DANG, CHU KLUNG RNAMS KYANG PHUN SUM TSOGS PA NI, 'DI LA'ANG SNGA MA BZHIN NO, ,NAM MKHA' RING PA LAS 'DAS PAR GYUR NAS GZHAL DU MED PA ZHES BYA BA'I CHU BO DPAG TSAD BDUN BRGYA PAR GYUR PA YOD DE, CHU KLUNG DANG, LJON SHING DANG, NAGS DANG, NYE BA'I NAGS DANG, RDZING BU PHUN SUM TSOGS PA RNAMS NI, SNGAR GYI BZHIN NO, ,GZHAL DU MED PA'I CHU BO'I NYE 'KHOR NA YUL LJONGS LNGA GNAS SO, ,'DI LTA STE, DBU RGYAN 'DZIN PA DANG, PA LA SHAS KUN TU KHYAB PA DANG, PHRENG BA GNAS PA DANG, RMA BYA'I SGRA DANG, KA RA NA'I MTHA' NA GNAS PA'O, ,DBU RGYAN 'DZIN NI, DPAG TSAD PHYED DANG NYIS BRGYA YIN NO, ,PA LA SHAS KUN TU KHYAB PA DANG PHRENG BA GNAS PA GNYIS NI, DPAG TSAD PHYED DANG NYIS BRGYA YIN NO; ;RMA BYA'I SGRA NI, DPAG TSAD BRGYA YIN NO, ,KA RA NA'I MTHA' NA GNAS PA NI, DPAG TSAD BRGYA YIN NO, ,GNYIS PA YANG DE LA DPAG TSAD BRGYA PHRAG BCU GNAS TE, DPAG TSAD BRGYA PA DANG, DPAG TSAD BRGYA PHRAG BCUR GNAS PA YIN NO, ,'DI LTA STE, KU dd'Am GA HI NA GNAS PA DANG, DRI RGYU BA DANG, NAG PO GSUS PA DANG, MIG LA KUN TU RGYU BA DANG,
, ,RI'I KLUNG NA KUN TU SPYOD PA DANG, GRU GSUM PA DANG, KUN NAS ZLUM PAR SKYES PA DANG, GSUS PA NYID DANG, G-YOGS PA DANG, TSOGS PA'O, ,GZHAN YANG YUL LJONGS DE DAG RNAMS NYID LTA BAR BYED DE, CHU KLUNG DANG, LJON SHING DANG, RDZING BU DANG, NYE BA'I NAGS RNAMS KYANG PHUN SUM TSOGS PA NI, SNGA MA BZHIN NO, ,GLING 'DI NI, GRU BZHI PA YIN TE, SKYES BU RNAMS KYI BZHIN YANG DE DANG 'DRA BA YIN NO, ,DPER NA, GRU GSUM DU GYUR PA'I RNAM PA NI, DZAMBU'I GLING NGO, ,DZAMBU'I GLING GI SKYES BU RNAMS KYI BZHIN YANG DE DANG 'DRA BA YIN NO, ,DE BZHIN DU BYANG PHYOGS SGRA MI SNYAN PA RNAMS YIN NO, ,GZHAN YANG RNAL 'BYOR SPYOD PA'I PHYI ROL GYI LUS KYIS LUS LA RJES SU LTA ZHING GNAS TE, DES BRAG DANG, NAGS DANG, RDZING BU DANG, ME TOG GI NYE BAR LEN PA RNO BA'I ME TOG RNAMS DANG, 'BRAS BU PHUN SUM TSOGS PA RNAMS LA BLTAS PAR GYUR PAS KYANG YANG DAG PA JI LTA BA BZHIN DU PHYI ROL LA KUN TU LTA BAR BYED DO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, BYANG PHYOGS SGRA MI SNYAN DANG BA LANG SPYOD GNYIS KYI BAR NA GZHAN RGYA MTSO'I RIGS SU GYUR PA'AM, RI'I RIGS SU GYUR PA YOD DAM ZHE NA, DES THOS PA LAS BYUNG BA'I SHES RAB KYIS SAM,
LHA'I MIG GIS MTHONG BAR GYUR PA, BYANG PHYOGS SGRA MI SNYAN DANG BA LANG SPYOD DAG GI BYANG PHYOGS NA NYE 'KHOR GYI MIG CES BYA BA RGYA MTSO DPAG TSAD STONG PHRAG BCU PA YOD DO, ,NYE 'KHOR DU DPAG TSAD GCIG DANG, GZHAN YANG DPAG TSAD GNYIS PA'O, ,GZHAN YANG SA 'OG GI KLU MNGA' BYED PA'I DBANG GIS CHU MIG YOD DO, ,NYE 'KHOR GYI MIG GI RGYA MTSO DE LAS 'DAS PAR GYUR NAS RTZED MO'I PHRENG BA ZHES BYA BA'I RI GZHAN DPAG TSAD STONG PHRAG BCU PA YOD DE, KLU RNAMS KYI DBUGS KYIS BSREGS PAS RTZE MO MIG RTZE LTAR NAG PA YIN NO, ,RTZE MO'I PHRENG BA'I RI DE LAS 'DAS PAR GYUR NAS DUNG GI SGRA SI MI SI MI ZHES BYA BA'I RGYA MTSO DPAG TSAD STONG PHRAG BCU THAMS CAD KYANG GANG BAR NYA DANG, NYA CHEN PO DANG, RUS SBAL DANG, CHU SRIN NA KRA DANG, CHU SRIN MA KA RA DANG, NYA PHYIS DANG RNAMS KYIS KUN TU GANG BAR GYUR PAS MCHOG TU BGROD DKA' BA BLTA BAR 'JIGS PA GANG LA LONGS SPYOD DANG LDAN PA'I KLU NGES PAR GNAS PA YIN TE; KHRO BAS GZIR BA KHRO BA 'BYIN PAR BYED DO, ,DUNG GI SGRA SI MI SI MI'I RGYA MTSO DE LAS RING DU 'DAS NAS CHUS KHYAB PA ZHES BYA BA'I RGYA MTSO DPAG TSAD STONG PHRAG BCU PA YOD DE ,GANG GI SA RNAMS RLUNG GIS DPAG TSAD BCU'AM, DPAG TSAD NYI SHU'AM, DPAG TSAD SUM CU YANG LHAG PAR BYED DO, ,CHUS KHYAB PAR BYED PA'I RGYA MTSO DE LAS RING DU 'DAS NAS MU TIG GI SHU
, ,KA TI ZHES BYA BA'I GLING MU TIG GIS KUN TU GANG BAR GYUR PA YOD DE, KLU DANG NYA RNAMS SHI BAR GYUR PA DE LA RLUNG GIS CHUS GYEN DU BTAB PAS MU TIG 'DREN NO, ,DE NI, DPAG TSAD STONG PA YIN NO, ,MU TIG GI SHU KA TI'I GLING DE LAS 'DAS PAR GYUR NAS RIN PO CHE'I GROGS PO ZHES BYA BA'I RI DPAG TSAD STONG PHRAG LNGA PA YIN TE, RIN PO CHE SNA BDUN GYI RTZE MO DANG LDAN ZHING, BEEd'URYA DANG, NOR BU MANG BAR GYUR PA RI RAB LHUN PO GNYIS PA JI LTA BA YIN NO, ,RIN PO CHE'I GROGS PO'I RI DE LAS 'DAS PAR GYUR NAS DPAG TSAD NYIS STONG DU DE LA ME TOG GI NAGS DANG RNAM PA SNA TSOGS PAR DGA' BAR GYUR PA RNAMS YOD DO, ,DE LAS 'DAS PAR GYUR NAS LEGS PAR ZOS PA ZHES BYA BA'I RI DPAG TSAD LNGA STONG NGO, ,DE LA GSER GYI PADMA'I RDZING BU NA TZAKRA B'A K'A SGRA SNYAN PA 'BYIN PAR BYED DO, ,KIDSHU KA'I NAGS DE LAS 'DAS PAR GYUR NAS RI DANG, CHU KLUNG DANG, LJON SHING DANG, RGYA MTSO DPAG TSAD STONG PHRAG BCUR GSER DANG 'DRA BA'I CHUS GANG BAR GYUR PA YIN TE, RI RAB LHUN PO'I 'OD KYIS GSER GYI MDOG GI CHU ZHES BYA BA YIN NO, , 'PHANG DU DPAG TSAD LNGA BRGYA'O, ,BA LANG SPYOD CES BYA BA'I GLING DPAG TSAD DGU STONG PA YIN TE, GRONG 'BUM PHRAG BCU DANG GRONG KHYER STONG GIS GANG BAR GYUR PA'O, ,GRONG GI MGO
BOR GYUR PA NI, BCU GNYIS PA YIN NO, ,GRONG KHYER GYI GTZO BOR GYUR PA YANG LNGA BRGYA YIN NO, ,DE LA JI LTAR DZAMBU'I GLING NA P'A t'A LI PU TRAS MGO DRANGS PAR GYUR PA'I GRONG KHYER GSUM GYIS LHAG PA'I BRGYA YIN NO, ,DE BZHIN DU BA LANG SPYOD NA YANG AA BHRA K'U t'A CHEN POS MGO DRANGS PAR GYUR PA'I GRONG KHYER LNGA BRGYA YIN NO, ,AA BHRA K'U T'A'I GRONG KHYER YANG DPAG TSAD BCU GNYIS PA STE, LAM SRANG DANG KHANG BZANG GI BAD KYI RIM PA DANG, SGO MDO'I KHYAMS DANG, RTA BABS KYIS LEGS PAR GANG BA YIN NO, ,BA LANG SPYOD KYI GLING GI DBUS KYI GRONG KHYER GYI GTZO BO RNAMS KYANG 'DI LTA STE, RTA BABS BRGYA PA DANG, SA GZHI BLTA BAR DGA' BA DANG, DRI MA MED PAR GSAL BA DANG, GANG KA RA DANG, DE LTA BU LA SOGS PA'I GRONG RNAMS YIN NO, , DBUS KYI GRONG KHYER GYI GTZO BO RNAMS KYANG 'DI LTA STE, BYA BA MED PA DANG, SEMS SONG BA DANG, KUN TU NYAMS PA'I STOBS KYI MTHA' DANG AA nI RA'O, ,YUL LJONGS KYI GTZO BO RNAMS LA 'DI LTA STE, DZAMBU'I GLING NA K'A SHI DANG, KO SHA LA DANG, MA GA DH'A'O, ,DE BZHIN DU JI LTAR NUB KYI BA LANG SPYOD KYI GLING GI GTZO BOR GYUR PA'I YUL LJONGS RNAMS 'DI LTA STE, MI THI LO ZHES BYA BA'I YUL LJONGS DANG, TAndI ZHES BYA BA'I YUL LJONGS DANG, TZU TU RO ZHES BYA BA'I YUL LJONGS DANG, KO RAndO ZHES BYA BA'I YUL LJONGS DANG, SEMS KYI DRI MA ZHES BYA BA'I
, ,YUL LJONGS DANG, RI RAB TU RGYU BA ZHES BYA BA'I YUL LJONGS DANG, DE DAG RNAMS NI, JI LTAR YUL LJONGS KYI GTZO BOR GYUR PA RNAMS YIN NO, ,BA LANG SPYOD KYI YUL LJONGS RNAMS THAMS CAD BSDUS PAR GYUR NA NI, YUL NYI SHU RTZA LNGA YIN NO, ,JI LTAR DZAMBU'I GLING GI YUL LJONGS BCO BRGYAD BZHIN NO, ,BA LANG SPYOD KYI GLING NA CHU BO CHEN PO LNGA YIN NO, ,'DI LTA STE, YANGS PA CAN DANG, TZUN TZUMPA T'I DANG, ZLA BA'I SHUGS DANG, CHU BZANG PO DANG, KUN TU 'DRES PA'O, ,DPER NA, DZAMBU'I GLING GI CHU BO CHEN PO BZHI BZHIN TE, 'DI LTA STE, GANGG'A DANG, YA MU N'A DANG, PAKshU DANG, S'I T'A'O, ,NUB KYI BA LANG SPYOD KYI GLING GI RI CHEN PO LNGA LA 'DI LTA STE, N'A dO d'I NA DANG, RVA GSUM PA DANG, NOR BU'I RTA BABS DANG, PARBA BRGYA PA DANG, RTZUB PA DANG RNAMS SO, ,JI LTAR DZAMBU'I GLING NA RI CHEN PO RNAMS LA 'DI LTA STE, GANGS CAN DANG, 'BIGS BYED DANG, MA LA YA DANG, KEE LA SA RA DANG RNAMS BZHIN NO, ,BA LANG SPYOD KYI GLING GI MTSO CHEN PO NI, GSUM YIN NO, ,'DI LTA STE, GAMBHI RA DZA LANG DANG, BAR MED PA DANG, GAMBHI RO DKAR RNAMS TE, JI LTAR DZAMBU'I GLING GI MA DROS PA DANG, MA PHAM DANG MTSO CHEN PO GNYIS BZHIN NO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, NUB KYI BA
LANG SPYOD PA'I MI RNAMS CI LA NYO TSONG DU BYED NA DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA DE DAG RNAMS BA LANG LA NYO TSONG DU BYED PA DANG, GLING 'DI'I NYE 'KHOR RNAMS NI, BA LANG GIS YONGS SU GANG BA YIN TE, MI RNAMS THAMS CAD KYANG NU MA GSUM PA YIN NO, ,JI LTAR DZAMBU'I GLING GI BUD MED RNAMS ZLA BA BCUN BU SKYE BA DE BZHIN DU BA LANG SPYOD KYI GLING NA'ANG 'O MA RAB TU 'BAB PA YIN LA, CHU KLUNG DANG, NAGS DANG, NYE BA'I NAGS DANG, KHRUS KYI RDZING BU DANG, ME TOG GIS KUN TU KHYAB PA DANG, 'BRAS BU RNAMS NI, DZAMBU'I GLING NA JI TZAM PA DE TZAM KHO NA YIN NO, ,'ON KYANG 'DI DAG GI 'BRAS BU RNAMS NI, DZAMBU'I GLING GI RO'I PHYED YIN NO, ,ME TOG GI DRI RNAMS KYANG DZAMBU'I GLING GI PHYED DO, , GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, LAS KYI RNAM PAR SMIN PA GANG GIS BA LANG SPYOD KYI GLING GI MI DE DAG RNAMS SKYES PA YIN ZHING, DMAN PA DANG, BAR MA DANG, CHES DMAN PA'I CHA YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA SKYE BA GZHAN DAG TU TSUL KHRIMS ZHAN PAR GYUR CING, SBYIN PA ZHAN PA ZHAN PA DANG, LAS DANG CHOS ZHAN PA RNAMS KUN TU SPYAD PAR GYUR PA RNAMS YIN NO, ,JI LTAR TSUL KHRIMS ZHAN PA YIN ZHE NA, 'DIR SKYES BU DE DAG
, ,RNAMS NI, SKYE BA GZHAN DU DBUL POR GYUR PAS DE DAG RIN THANG BYAS PAS BSNYEN GNAS LA NYE BAR GNAS PA DANG SANGS RGYAS DANG, CHOS DANG, DGE 'DUN LA'ANG RGYAL PO'I CHAD PAS SPYI BOS PHYAG 'TSAL BAR BYED KYI, RAB TU DANG BAR GYUR PAS NI, MA YIN NO, ,SBYIN PA'ANG MA GTANG NGO, ,RGYAL PO'I ZHABS 'BRING BYED PA'I PHYIR SEMS BSGOMS PA'ANG MA YIN NO, ,SANGS RGYAS KYI BKA' YANG MA BTON TO, ,RGYAL PO'I ZHABS TOG BYED PA'I DON GYIS SAM, 'DOD PA CHE BA'AM, LOG PAR LTA BA CAN DANG ZHING NGAN PA CAN LA BYIN PA'AM, DGE BA BCU'I LAS KYI LAM RNAMS RNYOG PA MED PA DANG, DUS RING DU MA SPYAD PA DE DAG RNAMS DZAMBU'I GLING NAS SHI 'PHOS PAR GYUR NAS LAS KYI RKYEN GYIS 'DIR SKYES PA YIN TE, RO PHYED DU GYUR PA'I ZAS DANG LDAN ZHING DGE BA DANG MI DGE BA'I LAS KYI 'BRAS BU RNAMS MNGON PAR MI SHES PA DANG, BLO DMAN PAR GYUR PA DANG, RNAM PAR SHES PA NYAM CHUNG BA DANG BUD MED LA BRKAM ZHING CHAGS PA YIN TE, SNGON GYI LAS DE DAG RNAMS KYI SA BON GYI RKYEN GYIS YIN NO, ,SEMS CAN 'DI DAG RNAMS NI, RANG GI LAS NYID KYIS 'GRO BA YIN ZHING LAS KYI BGO SKAL LA SPYOD PA DANG, LAS BRTAN PAR BYAS PA DANG, LAS KYI SKYE GNAS PA RNAMS YIN NO, ,JI LTAR LAS BYED PAR 'GYUR BA DGE
BA'AM SDIG PA'ANG RUNG STE, DE DANG DE DAG NYID KYI LAS RNAMS KYI SKAL BA CAN DU 'BYUNG BAR 'GYUR TE, MI DGE BA'I LAS KYI MTHA' RNAMS LA SPYAD PAR GYUR NA NI, DMYAL BA DANG, YI DVAGS DANG, DUD 'GRO RNAMS SU SKYE BAR 'GYUR RO, ,SA BON DANG 'DRA BA'I LAS RNAMS DANG, 'DRA BA'I 'BRAS BU RNAMS YIN TE, DPER NA, KO TRA PA'I SA BON LAS NI, KO TRA PA'I 'BRAS BU SKYE'I, KHRE RGOD KYI 'BRAS BU NI, MA YIN NO, ,NAS KYI SA BON RNAMS LAS NI, NAS KYI 'BRAS BU'O, ,DE BZHIN DU YON TAN DMAN PA DANG, ZHING DMAN PA RNAMS LAS KYANG 'BRAS BU DMAN PA RNAMS SKYE'O, ,DE BZHIN DU SA BON BZANG PO RNAMS LAS NI, 'BRAS BU BZANG PO RNAMS SKYE'O, ,DPER NA, 'BRAS SH'A LI DMAR PO RNAMS LAS NI, 'BRAS SHA LI DMAR PO RNAMS SO, ,MON SRAN SDE'U RNAMS LAS NI, MON SRAN SDE'U RNAMS SO, ,BUR SHING RNAMS LAS NI, BUR SHING RNAMS SO, ,ZHING DANG YON TAN GYI KHYAD PAR RNAMS LAS KYANG 'BRAS BU RNAMS KHYAD PAR DU 'BYUNG NGO, ,'DI LTA STE, YON TAN YOD PA DANG, SDUG BSNGAL YOD PA DANG, GNYIS KA YOD PA RNAMS SO, ,DE LA YON TAN YOD PA NYID NI, BAR MA YIN NO, , YON TAN DANG SDUG BSNGAL YOD PA NI, KHYAD PAR CAN NO, ,SDUG BSNGAL 'BA' ZHIG YOD PA NI, CHUNG DU YIN TE, SEMS KYI YON TAN RNAMS MA GTOGS PA YIN NO, ,'DI LTAR PHYI ROL
, ,GYI RNAMS LA ZHING RNAM PA GSUM YIN TE, CHU BAL GYIS MA BCOM PA NI, BAR MA YIN NO, ,RTZVA DANG CHU BAL RAB TU PHAL CHE BAR GYUR PA DANG, CHU DANG, CHOM RKUN PA'I 'JIGS PA DANG RNAM PAR BRAL BA'I NI, KHYAD PAR DU 'PHAGS PA YIN NO, ,RTZVA LDUM DANG CHU BAL GYIS NYAMS PAR BYAS PA DANG, CHU'I SKYON DANG, 'JIGS PA DANG, CHOM RKUN GYI 'JIGS PA DANG LDAN PAR BRJOD PA RNAMS NI, CHUNG DU YIN TE, ZHING LAS PA RNAMS KYIS YONGS SU SBYANG BA BYAS PA'I LAS RNAMS NI, MA GTOGS SO, ,DE LA NANG GI BDAG NYID DANG PHYI ROL GYI DNGOS PO DE DAG RNAMS KYANG LAS KYI BGO SKAL LA SPYOD PA DANG, LAS BRTAN PAR BYAS PA DANG, LAS KYI SKYE GNAS PA YIN TE, GZHAN GYI STOBS DANG BCAS PA YIN ZHING PHAN TSUN GYI RKYEN CAN DU GYUR PA DANG, PHAN TSUN DU SKYED PAR BYED PA YIN NO, ,DE LA NUB KYI BA LANG SPYOD PA'I SKYES BU DE DAG RNAMS NI, RNYOG PA DANG BCAS PA'I LAS KYI 'BRAS BU RNAMS LA SPYOD PA YIN TE, RNYOG PA DANG BCAS PA'I LAS RNAMS KYIS 'DIR SKYES PA YIN NO, ,GZHAN YANG SHI 'PHOS PAR GYUR NAS RANG GI LAS KYI RLUNG GIS 'KHOR BAR YONGS SU 'KHOR BAR 'GYUR RO, ,RNAL 'BYOR SPYOD PA PA DES PHYI ROL GYI LAS DANG CHOS RNAMS YANG DAG PA JI LTA BA BZHIN DU MNGON PAR RTOGS NAS GZHAN
YANG PHYI ROL GYI LUS KYIS LUS LA RJES SU LTA ZHING GNAS TE, NUB KYI BA LANG SPYOD KYI GLING LAS 'DAS PAR GYUR NAS RI'I RIGS SAM, CHU BO'I RIGS SAM, RGYA MTSO'I RIGS SU GYUR PA GZHAN CI YOD PA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA NUB KYI BA LANG SPYOD DANG, SHAR GYI LUS 'PHAGS PO GNYIS KYI GLING DAG GI PAR NA YOD DE, NUB KYI BA LANG SPYOD KYI GLING LAS NI, 'DAS PAR GYUR NAS SKYO MA BA ZHES BYA BA'I RGYA MTSO DPAG TSAD STONG PHRAG BCU GNYIS PA'O, ,SKYO MA DANG 'DRA BA'I CHU GANG YIN PAS GANG BAR GYUR PA STE, DUNG DANG, NYA DANG, NYA CHEN PO DANG, CHU SRIN NA KRA DANG, CHU SRIN MA KA RA DANG, RUS SBAL DANG, CHU SRIN BYIS PA GSOD KYI YANG PHUNG POR GYUR PA YIN NO, ,SKYO MA'I CHU'I RGYA MTSO DE LAS 'DAS PAR GYUR NAS BI DRU MA 'DRA BA ZHES BYA BA'I RI'I NYE 'KHOR DU DPAG TSAD LNGA BRGYA PA YOD DO, ,DE LA DUG CHEN PO'I SPRUL RNAMS RAB TU GNAS SO, ,DE LAS 'DAS PAR GYUR NAS CHU DRON MO ZHES BYA BA'I RGYA MTSO YOD DE, SPRUL DE DAG RNAMS KYI KHA RLANGS DRON MO'I DUG GIS DRON MOR 'GYUR RO, ,DE LA NI, SEMS CAN GYI RIGS CUNG ZAD KYANG YOD PA MA YIN TE, SBRUL DUG CAN DE DAG GIS DBUGS 'BYUNG BAS DUS BYED PAR 'GYUR RO, ,DUG GI RANG BZHIN YIN PAS CHU'ANG DRON MOR 'GYUR RO, ,DE LAS 'DAS PAR GYUR NAS
, ,CHU DMAR PO ZHES BYA BA'I RGYA MTSO DPAG TSAD LNGA STONG YOD DO, ,DE LA KLU DANG SA 'OG NA GNAS PAR GYUR BA'I LHA MA YIN RNAMS PHAN TSUN DU ZHE SDANG BAR GYUR PAS ZIL GYIS MNAN NAS ZAS ZOS PAR GYUR PA DANG 'KHRUG PAR BYED DO, ,KLUNG NA GNAS PA'I KLU STOBS CAN DE DAG GIS KYANG LHA MA YIN DE DAG RNAMS KYI STOBS MI 'PHROG GO ,DE LAS 'DAS PAR GYUR NAS SRIN MO'I GLING DPAG TSAD NYIS STONG PA YOD DE, RAL PA CAN ZHES BYA BA'I SRIN MO DE DE LA RAB TU GNAS PA YIN NO; ;DRI DANG ME TOG GI PHRENG BA KHAR 'JUG CING ZA BA'I ZAS DANG LDAN PA, MIG BTZUM TZAM GYI BAR LA DPAG TSAD STONG DU PHYIN PAR MGYOGS PA, MI RNAMS LA GLAGS LTA BAR BYED PA DANG, YID KYANG RTAG TU DE LA SONG BAR GYUR PA YIN TE, SHA DANG KHRAG DANG RUS PA RNAMS KYIS NI, GLING 'DI NI, DRI MI ZHIM PA YIN NO, ,RAL PA CAN GYI GLING DE LAS 'ANGS PAR GYUR NAS SHA ZA'I GLING DPAG TSAD LNGA STONG PA YOD DO, ,DE LA SKRAS KHYAB PA ZHES BYA BA'I SHA ZA RAB TU GNAS PA YIN NO, ,DE LAS 'DAS PAR GYUR NAS GLING GIS LEGS PAR GANG BA ZHES BYA BA'I RI DPAG TSAD LNGA STONG PA YOD DO, ,LEGS PAR GANG PA'I RI LA LJON SHING RNAMS KYIS LEGS PAR GANG BA LA 'DI LTA STE, SHING NA
LI KE RA DANG, PA NA SA DANG, MO TZA DANG, HI NA T'A LA DANG, TA M'A LA DANG, RA KA TA M'A LA DANG, SER PO DANG, SENG LDENG DANG, TI LA K'A DANG, AARDZU NA DANG, KA DAM PA DANG, N'I PA DANG, NI TZU LA DANG, TZAMPA KA DANG, KHARDZU RA DANG, AA MRA DANG, PI TZU MA RDA DANG, BA DA RI DANG, BA t'A DA DANG, KINGSHU KA DANG, KLU'I ME TOG DANG, KA DAMPA DANG, MYA NGAN MED DANG, SI LINDHA DANG, KE TA KA DANG, KARNI KA RA SHIN TU LHUG PA DANG, M'A LI K'A GSAR PA DANG, B'A t'A L'A DANG, KA BID THA DANG, DPAL SHING DANG, LHA SHING DANG, SHUG PA DANG, K'A RA B'I RA DANG, MYA NGAN MED SNGON PO DANG, KU RA BA KA DANG, KUN DA DANG RNAMS TE, PHUNG POR SKYES PA'I LJON SHING RNAMS KYIS LEGS PAR GANG BA DANG, 'BAB CHU BRGYA PHRAG GIS DGA' BAR GYUR PA YIN NO, ,NAGS KYI KHAMS RNAMS DANG LDAN PA'I NANG DE LA NI, DRI ZA RNAMS RTZE DGA' BAR BYED DO, ,LEGS PAR GANG BA'I RI DE LAS 'DAS PAR GYUR NAS RGYA MTSO DPAG TSAD LNGA STONG DU 'O MA'I CHU ZHES BYA BA YIN NO, ,DE LA NI, CHU 'O MA DANG 'DRA BAR YOD DO, ,RO 'O MA DANG MNYAM PA YIN NO, ,BDAG NYID KYI DNGOS PO DPAG TSAD LNGA PAR GYUR PA'I NYA 'GA' ZHIG RGYU BAR BYED PA YIN NO, ,'O MA'I CHU'I
, ,RGYA MTSO DE LAS 'DAS PAR GYUR NAS BYE MA'I GNAS SKABS ZHES BYA BA DPAG TSAD STONG DU LJON SHING GI NGAM GROG TU GYUR PA YIN NO; ;DE LAS 'DAS PAR GYUR NAS KLU'I DUG BCOM ZHES BYA BA'I RGYA MTSO DPAG TSAD DRUG STONG PAR GYUR PA, GANG LA STOBS ZHES BYA BA'I KLU RAB TU GNAS PA YIN NO; ;PHAN TSUN MI MTHUN PAR GYUR PA RTAG TU MA ZHI BA LA DGA' BA YIN NO, ,PHAN TSUN GYI KLU'I DUG BCOM ZHES BYA BA'I RGYA MTSO DE LAS RING DU 'DAS NAS CHU MNYAM PAR GYUR PA ZHES BYA BA'I RGYA MTSO YOD DE, DPAG TSAD NYIS STONG DU CHU BRTAN ZHING GNAS PA DANG CHU RAB TU DANG BA DANG ZAB MO YIN TE, NYA DANG, CHU SRIN MA KA RA DANG, DUNG DANG, CHU SRIN NA KRA DANG, CHU SRIN BYIS PA GSOD RNAMS KYIS KUN TU GANG BAR GYUR PA YIN NO, ,GZHAN YANG LAS KYI CHOS KYI RNAM PAR SMIN PA RNAMS SHES PA'I RNAL 'BYOR SPYOD PA PA DES LTA BAR BYED DE, JI SKAD DU BSHAD PA'I RGYA MTSO DANG, CHU BO DANG, GLING DANG, NAGS DANG, RI DANG, LJON SHING RNAMS DANG, GNAS DE DAG RNAMS GANG LA YANG BDAG CAG MA SKYES PA DANG, MA SHI BA DANG, 'CHI 'PHOS PAR MA GYUR PA DANG, SKYES PAR MA GYUR PA DANG, MTHUN PA DANG
YID DU 'ONG BA RNAMS THAMS CAD DANG YANG THA DAD DU GYUR PA DANG, MED PAR GYUR PA DANG, BYE BAR GYUR PA DANG, BRAL BAR GYUR PA DANG, GZHAN DU GYUR PA DANG LDAN PAR MA GYUR PA DANG, GANG YANG LAS KYI BGO SKAL LA SPYOD PA, LAS KYI SKYE GNAS PA, LAS BRTAN PAR BYAS PA RANG GI LAS KYI 'BRAS BU MYONG BAR GYUR PAS 'CHI 'PHO BA DANG SKYE BAR MA GYUR PA DE NI, RGYA MTSO'I YUL PHYOGS SAM, RI'I YUL PHYOGS SAM, LJON SHING GI PHYOGS RNAMS LA YANG GCIG KYANG MA MTHONG NGO, ,LAN BRGYA PHRAG DANG, DE NAS STONG PHRAG DANG, LAN STONG PHRAG BRGYA DANG, LAN BYE BA PHRAG 'BUM DU'ANG GANG LA BDAG CAG RNAMS SKYES PA DANG, SHI BA DANG, SKYES PAR GYUR PA MA YIN PA NI, KHAB KYI BUG PA TZAM YANG MED DO, ,MTHUN PA DANG YID DU 'ONG BAR GYUR PA RNAMS THAMS CAD KYANG THA DAD DU GYUR PA DANG, MED PAR GYUR PA DANG, GYES PAR GYUR PA DANG, RNAM PAR BRAL BAR GYUR PA DANG, GZHAN DU GYUR PAR NI LAN BRGYA PHRAG DANG, LAN STONG PHRAG DANG, LAN BRGYA STONG PHRAG BYE BAR GYUR PA BRGYA STONG PHRAG TU GYUR CING, 'KHOR PA THOG MA MED PA NAS 'DOD CHAGS DANG, ZHE SDANG DANG, GTI MUG GI ZHAGS PAS KUN NAS BCINGS NAS 'KHOR BA NA YANG DMYAL BA DANG, YI DVAGS DANG, DUD
, ,'GRO'I GNAS RNAMS SU SKYE BA DANG, 'CHI BA DANG, SKYE BAR 'GYUR BA YIN NO, ,DE'I PHYIR NA MYUR BA MYUR BAR 'KHOR BA LAS YID 'BYUNG BAR GYIS SHIG ,'KHOR BA LA BRKAM ZHING CHAGS PAR 'GYUR BAR MA BYED DANG, 'KHOR BA 'DI NI, SDUG BSNGAL BA YIN NO, ,TSA BAR GYUR PA'I TSOR BA DANG LDAN PA YIN ZHING, RTZUB PAR GYUR PA'I TSOR BA DANG LDAN PA YIN TE, SDUG BSNGAL DANG LHAN CIG TU GYUR PA'I TSOR BA YIN NO, ,RGA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA MANG BA YIN NO, ,LTUNG BA'I MTHA' DANG ZAD PAR GYUR PA'I SGO YIN NO, ,'DI NA NI, SHIN TU PHRA BAR GYUR PA'I RTAG PA DANG BDE BA'ANG YOD PA MA YIN NO, ,DPER NA, NYI MA LA MUN PA SHIN TU PHRA BA'ANG MED DO, ,DE LTAR RNAL 'BYOR SPYOD PA DE PHYI ROL GYI LUS LA LUS KYIS RJES SU LTA ZHING GNAS SO, ,GZHAN YANG RNAL 'BYOR SPYOD PA YANG DAG PA JI LTA BA BZHIN DU PHYI ROL GYI LUS RNAMS RIG PAR BYED DE, CHU MNYAM PA'I RGYA MTSO DE LAS RING DU 'DAS NAS CHU KLUNG GI RIGS SU GYUR PA'AM, RGYA MTSO'I RIGS SU GYUR PA GZHAN YOD DAM ZHE NA, DES THOS PA LAS BYUNG BA'I SHES RAB KYIS
SAM; LHA'I MIG GIS MTHONG BAR GYUR PA, SHAR GYI LUS 'PHAGS PO ZHES BYA BA'I GLING YOD DE, DPAG TSAD STONG PHRAG BRGYAD PA NYE 'KHOR YONGS SU ZLUM PAR GYUR PA GRONG DANG, GRONG KHYER DANG, TSONG 'DUS RNAMS PHUN SUM TSOGS PA DANG, CHU KLUNG DANG, LJON SHING DANG, NAGS DANG, NYE BA'I NAGS DANG, KHRUS KYI RDZING BU DANG, GLING DANG, RI DANG, 'BAB CHU DANG, SHING TSANG TSING RNAMS DKRIGS PA DANG LDAN PA'I NAGS DANG BCAS PA DANG, ME TOG DANG, 'BRAS BU DANG, RI DVAGS DANG, BYA RNAMS KYANG PHUN SUM TSOGS PA YIN NO, ,DE LA RI DRUG PO 'DI DAG RNAMS NI, THAMS CAD LA CHE BAR GYUR PA YIN TE, 'DI LTA STE, LOGS CHEN PO DANG, NAGS KYI PHRENG BA DANG, RMA BYA'I TSOGS DANG, YI DVAGS KYI KHROD DANG, RGYA MTSO GYEN DU 'GRO BA DANG, MIG GI PHRENG BA DANG RNAMS SO, ,RI DE DAG RNAMS KYIS SHAR PHYOGS LUS 'PHAGS PO'I GLING YONGS SU BSKOR BA YIN TE, DZAMBU'I GLING RI BZHIS JI LTA BUR TE, SNGAR BZHIN NO, ,DE LA LOGS CHEN PO'I RI RGYAR NI, DPAG TSAD SUM STONG YIN TE, RI DE LA DPAG TSAD STONG STONG GI NAGS GSUM YOD DO, ,'DI LTA STE, SU BE LANG GI NAGS DANG, 'BAB CHU'I SGRA DANG LDAN PA'I NAGS DANG, MA LI KA GANGKA RA'I NAGS SO,
, ,NAGS NA LJON SHING RNAMS PHUN SUM TSOGS PAR GYUR PA LA 'DI LTA STE, LVI LI KA'I LJON SHING DANG, RI'I KHROD NAS SKYES PA'I LJON SHING DANG, YAL GA MNYAM PA'I LJON SHING DANG, BGROD DKA' BAR GYUR NAS SKYES PAR GYUR PA'I LJON SHING DANG, KLUNG NA SKYES PA'I LJON SHING DANG, AUTPA LA SKYES PA'I LJON SHING DANG, RI BRAG NA SKYES PA'I LJON SHING DANG, DZAMBU'I GLING GI LJON SHING RNAMS NI, SNGAR BZHIN NO, ,RI CHEN PO'I NYE 'KHOR NA SKYES BU GANG DAG GNAS PA DE DAG RNAMS NI, ME'I GTZUG CAN ZHES BYA BA'I MING DU 'GYUR RO, ,CHU KLUNG YANG 'DI DAG RNAMS YOD DO, ,'DI LTA STE, BYE MA 'BRIM PA DANG, S'A ME d'A DANG, CHU G-YO BA DANG, KLU'I CHU DANG, NAGS NAS 'BYUNG BA DANG, TZA RA TZA DANG RNAMS SO, ,NAGS KYI PHRENG BA'I RI DE'I TSAD NI, DPAG TSAD STONG YIN NO, ,DE LA NAGS 'DI DAG RNAMS YOD DO; ;'DI LTA STE, KUKKU t'A TZ'I RI DANG, LHA SHING GI NAGS DANG, TZI LI KA'I NAGS DANG, DU BA PA DANG, SHIN TU MA SKYES PA DANG RNAMS YIN NO, ,CHU KLUNG YANG 'DI DAG RNAMS YOD DO, ,'DI LTA STE, 'KHRI SHING GIS G-YOGS PA DANG, RTZE MO LA 'KHOR BA DANG, CHU NAG PO DANG, LO MA SHIN TU 'PHYANG BA DANG, DU BA DGA' BA DANG RNAMS
SO; ;RI'I NAGS KYI PHRENG BA'I NYE 'KHOR NA SKYES BU GANG DAG GNAS PA DE DAG RNAMS NI, GYA GYU CAN ZHES BYA BA'I MING DU 'GYUR RO, ,RIGS GSUM PA RMA BYA'I TSOGS LA RNAL 'BYOR SPYOD PA PA DES MTHONG BAR GYUR PA DPAG TSAD STONG YIN NO, ,DE LA NAGS 'DI DAG RNAMS YOD DO, ,'DI LTA STE, SPRIN GYI NAGS DANG, RTAG TU GLOG 'KHYUG PA DANG, SGRA 'PHANG MTHON PO DANG, LHAG PA THUNG BA DANG, MAndA LAm DANG RNAMS SO, ,CHU KLUNG YANG 'DI DAG RNAMS YOD DO, ,'DI LTA STE, NI TZU LUNDA 'BAB PA DANG, DRANG SRONG DGA' BA DANG, SNGON 'BAB PA DANG, BZANG PO DANG RNAMS YIN NO, ,RMA BYA'I TSOGS KYI NAGS KYI NYE 'KHOR NA SKYES BU GANG DAG GNAS PA DE DAG RNAMS LA MGUL PA SNGON PO ZHES BYA BA'I MING DU 'GYUR RO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, SHAR PHYOGS KYI LUS 'PHAGS PO'I GLING NA RI'I RIGS SAM, CHU KLUNG GI RIGS GZHAN DAG YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RI GZHAN BZHI PA RI DVAGS KYI KHROD CES BYA BA YOD DO, ,DE LA NAGS 'DI DAG RNAMS YOD DO, ,'DI LTA STE, RAL PA CAN GYI NAGS DANG, KUN DGA' BA'I NAGS DANG, RTA'I SPRIN GYI NAGS
, ,DANG RNAMS SO, ,LJON SHING DANG, ME TOG DANG, 'BRAS BU PHUN SUM TSOGS PA RNAMS NI, SNGAR GYI BZHIN NO, ,DE LA CHU KLUNG 'DI DAG RNAMS YOD DO; ;'DI LTA STE, SHIN TU GROL BAR GYUR PA'I CHU DANG, NYE 'KHOR NA DGA' BA DANG, TSOGS PA RNAMS YIN NO, ,RI DVAGS KYI RIGS KYANG 'DI DAG RNAMS YIN NO, , 'DI LTA STE, BEE NE Y'A DANG, NYE 'KHOR GYI GRIB MA LA DGA' BA DANG, BLTAS PAS 'BROS PA DANG, KU RANG: G'A DANG, LAM BZANG PO DANG, PHRAG DOG KLU SKYES DANG, BA LANG GI RNA BA DANG, GLANG PO 'THUNG BA DANG, BYIS PA MCHOG DANG, GRIB MA LA DGA' BA DANG, RI BONG LUGS DANG, RNGA MO'I LUS DANG, MJUG MA NAG PO DANG, MGO DKAR PO DANG, RMA DANG BCAS PA DANG, SBRUL GYI LCE DANG, RANG GI SO BRGYA PA DANG, SDOM PA DANG, SBUBS KYI MKHREN PA STE, RI DVAGS KYI TSOGS DE DAG RNAMS KHA CIG NI, DZAMBU'I GLING NA'ANG YOD PA MA YIN NO, ,RI KHROD KYI RI LA NAGS DANG, NYE BA'I NAGS DANG, RDZING BU DANG, LJON SHING DANG, BYA DANG, ME TOG DANG, PHUN SUM TSOGS PA RNAMS NI, SNGON GYI BZHIN TE, RI DVAGS KYI KHROD KYI RI LA DZAMBU'I GLING GI ME TOG RNAMS NI, THAMS CAD KYANG YOD DO, ,RI DVAGS KYI KHROD KYI RI'I NYE 'KHOR NA GANG DAG GNAS PA'I SKYES
BU DE DAG RNAMS LA NI, SHUGS SNGOM PA ZHES BYA BA'I MING DU 'GYUR RO, ,SHAR GYI LUS 'PHAGS GLING GI RI LNGA PA DE'I NAGS NYE BA'I NAGS DANG RDZING BU RNAMS LA LTA BAR BYED DO; ;RGYA MTSO GYEN DU 'GRO BA ZHES BYA BA'I RI DPAG TSAD STONG DANG LDAN PA'I NAGS DANG NYE BA'I NAGS DANG RDZING BU RNAMS KYIS KUN NAS GANG BA NI, SNGON GYI BZHIN NO, ,DE LA YANG NAGS 'DI DAG RNAMS YOD DO, ,'DI LTA STE, THIG LE GSUM PA ZHES BYA BA'I NAGS DANG, MGRIN PA 'GAG PA DANG, DGA' BA'I RI'I NAGS DANG RNAMS SO, ,CHU KLUNG YANG 'DI DAG YOD DO, ,'DI LTA STE, RVA GSUM PA DANG, CA CO PA DANG, RDO BA 'GRIM PA DANG RNAMS SO, ,RGYA MTSO GYEN DU 'GRO BA'I RI'I NYE 'KHOR NA SKYES BU GANG DAG GNAS PA DE DAG RNAMS LA NI; SGRIN PO ZHES BYA BA'I MING DU 'GYUR RO, ,RGYA MTSO GYEN DU 'GRO BA'I RI LA BLTA SA PAR GYUR PAS KYANG YANG DAG PA JI LTA BA BZHIN DU PHYI ROL LA LTA BAR BYED DO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, SHAR GYI LUS 'PHAGS PA'I GLING DE'I RIGS SU GYUR PA GZHAN DAG YOD DAM ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, MIG GI PHRENG BA ZHES BYA BA'I RI DPAG TSAD STONG DANG LDAN PA YOD DE, NYE 'KHOR NA NAGS
, ,DANG, NYE BA'I NAGS DANG, RDZING BU DANG, 'BAB CHU PHUN SUM TSOGS PAR GYUR PA, RNAM PA SNA TSOGS PA'I RI DVAGS DANG, BYA DANG, ME TOG DAG 'BRAS BU PHUN SUM TSOGS PA NI, SNGAR GYI BZHIN NO, ,MIG GI PHRENG BA ZHES BYA BA'I RI DE LAS MI MTHONG BA'I KLUNG ZHES BYA BA'I CHU KLUNG 'BAB PA YIN TE, DPAG TSAD DU ZAB PA YIN NO, ,MIG GI PHRENG BA'I NYE 'KHOR NA SKYES BU GANG DAG GNAS PA DE DAG RNAMS LA NI, NYE 'KHOR GYI MIG CES BYA BA'I MING DU 'GYUR RO, ,DE LTAR SHAR PHYOGS LUS 'PHAGS PO'I GLING NI, RI DRUG GIS YONGS SU BSKOR BA YIN NO, ,DE'I NANG NA GRONG KHYER CHEN PO GSUM LA 'DI LTA STE, DGA' BA BZANG PO ZHES BYA BA DANG, NAGS MNGON PAR DGA' BA ZHES BYA BA DANG, NYE 'KHOR NA RTZE DGA' BA ZHES BYA BA'O, ,GRONG KHYER GYI RGYAR NI, DPAG TSAD GSUM YIN NO, ,LHAG MAR GYUR PA BAR MA DANG, THA CHUNG GI GRONG KHYER RNAMS NI, DRUG CU RTZA GSUM YIN NO, ,BAR MA'I GRONG KHYER LA PHUNG PO'I GRONG KHYER ZHES BYA BA DANG, NYE 'KHOR GYI SGRA ZHES BYA BA DANG NGO, ,GRONG KHYER CHUNG DU LA THAMS CAD 'GRO BA ZHES BYA BA'I GRONG KHYER DANG, 'BROG TU RNAM PAR CHAD PA ZHES BYA BA'I GRONG KHYER CHEN PO DANG STE, DE DAG NI, BAR MA DANG THA CHUNG GI GRONG KHYER RNAMS JI LTAR
GTZO BOR GYUR PA RNAMS YIN NO, ,GRONG BYE BA PHRAG GSUM DANG, GRONG STONG PHRAG BRGYA LNGA PA DANG, GRONG STONG PHRAG GSUM DANG, GRONG LNGA BRGYA DANG, DRUG GIS LHAG PA'I LNGA BCU DANG RNAMS SHAR GYI LUS 'PHAGS GLING NA YOD DO, ,DE LA 'DI DAG RNAMS NI, GRONG GI GTZO BO YIN TE, 'DI LTAR NAM MKHA'I DRI MA DANG, DBU BA'I TSOGS DANG, BRIKshI RANG DANG, SKYE BO THAMS CAD PA DANG, LO 'DAB MANG BA DANG, BH'I D'U RI DANG, SMIN PA'I SNOD DANG, MDOR BSDUS PA DANG, BIshKA t'A DANG, GNOD PA'I NAGS DANG, PHAN PAR 'JUG PA'I MIG DANG, B'A D'U TAm DANG, ZE'U 'BRU'I LUS KYI SHING DANG, DUS KYI CHU DANG RNAMS TE, DE LTA BU LA SOGS PA'I GRONG RNAMS YIN NO, ,GLING GI NYE 'KHOR YONGS SU ZLUM PA JI LTA BA KHO NAR MI RNAMS KYI BZHIN GYI NYE 'KHOR YANG YONGS SU ZLUM PA YIN NO, ,DE LA DZAMBU'I GLING PA RNAMS NI, RNA BA DANG, SKRA LA RGYAN 'DOGS SO, ,BYANG PHYOGS SGRA MI SNYAN PA RNAMS NI, MIG DANG DPUNG PA LA RGYAN 'DOGS SO, ,BA LANG SPYOD PA RNAMS NI, GSUS PA DANG MGRIN PA LA RGYAN 'DOGS SO, ,SHAR PHYOGS LUS 'PHAGS PO RNAMS NI, BRLA DANG PHRAG PA LA RGYAN 'DOGS SO, ,DE LA DE DAG RNAMS KYANG SKYES BU'I GNAS BZHI PO RNAMS KYI RANG RANG GI LUS LA YIN NO, ,GZHAN YANG RNAL 'BYOR SPYOD PA LAS KYI RNAM PAR
, ,SMIN PA RNAMS LA RJES SU LTA STE, LAS GANG GIS NGES PAR SEMS CAN DE DAG RNAMS 'DIR SKYES PA YIN ZHING KHYAD PAR DU 'PHAGS PA DANG, BAR MA DANG, THA MA RNAMS KYANG KHYAD PAR DU 'PHAGS PA DANG, BAR MA DANG, THA MA'I LAS RNAMS KYIS BYAS PA YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, SNGON SEMS CAN 'DI DAG RNAMS LAS DANG CHOS DANG RNAM PAR SMIN PA RNAMS MNGON PAR MI SHES PAR GYUR TO, ,DE MI SHES PAR GYUR PA'I PHYIR NA ZHING NGAN PA LA SBYIN PA NGAN PA BYIN PA YIN TE, DPER NA, PHAN 'DOGS PA'I NGOR RAM, SEMS GZHAN DU GYUR PAS SAM, ZHABS 'BRING GI PHYIR YANG SDE SNGAR BZHIN NO, , LAS DES SEMS CAN THA MA RNAMS 'DIR SKYES PAR GYUR TO, ,BAR MA RNAMS KYANG TSUL KHRIMS DMAN PA RNAMS YIN NO, ,'DI LTA STE, RGYAL PO'I ZHABS 'BRING DU SROG GCOD PA SPONG BAR BYED PA SPANGS PAR GYUR KYANG RAB TU DANG BA'I SEMS KYIS NI, MA YIN NO, ,GANG DE DAG RNAMS NI, RGYUD DANG RKYEN DES LUS ZHIG PAR GYUR NAS BDE 'GRO MTHO RIS KYI LHA RNAMS SU SKYE BAR 'GYUR BA NI, BAR MA YIN NO, ,KHYAD PAR DU 'PHAGS PA RNAMS NI, KHYAD PAR DU 'PHAGS PA'I LAS RNAMS KUN TU BGROD PAR 'GYUR BA YIN TE,
THEG PA CHEN PO NYAN PAR BYED PA DANG, YONGS SU RDZOGS PAR BYED PA DANG, RJES SU YI RANG BAR BYED PA DAG GIS YIN NO, ,THEG PA CHEN PO NYAN PAR BYED PA DANG, STON PAR BYED PA DANG, RJES SU YI RANG BAR BYED PA DANG, YONGS SU RDZOGS PAR BYED PA MI GTOGS PA'I 'KHOR BA'I DGON PA NAS NGES PAR 'BYUNG BAR BYED PA GCIG KYANG NGAS MA MTHONG NGO, ,SBYIN PA RNAMS KYI MCHOG NI, 'DI YIN NO, ,'DI LTA STE, THEG PA CHEN PO SGROG PAR BYED PA'I SBYIN PA'O, ,SHES RAB RNAMS KYI MCHOG KYANG 'DI YIN TE, 'DI LTAR THEG PA CHEN PO NYAN PAR BYED PA'I SHES RAB BO, ,THEG PA CHEN PO SGROG PA'I YON TAN BRJOD PA RNAMS NI, SNGAR GYI BZHIN NO, ,DES SHAR GYI LUS 'PHAGS PO'I GLING GI SEMS CAN RNAMS KYI LAS DANG CHOS DANG RNAM PAR SMIN PA RNAMS MTHONG BAR GYUR NAS YANG DAG PAR JI LTA BA BZHIN DU PHYI ROL GYI LUS KYIS LUS LA RJES SU LTA STE, SHAR GYI LUS 'PHAGS PO'I GLING GI BAR RNAMS NA RI'I RIGS SAM, CHU KLUNG GI RIGS GZHAN CI YOD CE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA SHAR PHYOGS LUS 'PHAGS PO'I GLING DPAG TSAD STONG PHRAG BRGYAD PA'I BAR LAS RING DU 'DAS NAS LCAGS KYI PHUNG PO ZHES BYA BA'I RI DPAG TSAD SUM STONG PA YOD PA GANG LAS SHIN TU PHRA BAR GYUR PA'I LCAGS KYI PHYE MA
, ,RNAMS NI, DPAG TSAD STONG PHRAG BCUR THUL BA YIN NO, ,LCAGS KYI PHUNG PO'I RI DE LAS 'DAS PAR GYUR NAS KHOR YUG GI RNAM PA ZHES BYA BA'I RGYA MTSO DPAG TSAD BDUN STONG PA YOD DE, KHOR YUG GI RNAM PAR BYAS PA NYID KYI RI LNGAS YONGS SU BSKOR BA YIN NO, ,'DI LTA STE, KHAB KYI KHA DANG, LTO CHEN PO DANG, BH'And'A N'A DANG, SBRUL DANG, BLA LHAG PA RNAMS SO, ,KHOR YUG GI RNAM PA'I RGYA MTSO DE LAS 'DAS PAR GYUR NAS KHAMS RNAMS DANG LDAN PA ZHES BYA BA'I GLING DPAG TSAD SUM STONG PA YOD DO, ,DE LA RIG PA 'DZIN PA DANG, GSANG BA PA DANG, MI'AM CI RNAMS RAB TU GNAS SO, ,GLING 'DI NI, SHIN TU DGA' BAR GYUR PA YIN NO, ,CHU KLUNG DANG RDZING BU DANG LJON SHING RNAMS KYANG PHUN SUM TSOGS PA YIN NO, ,DZAMBU'I GLING DANG SHAR GYI LUS 'PHAGS PO'I RI DVAGS DANG BYA DANG LJON SHING RNAMS KYANG STE, GLING DE LAS RING DU 'DAS PAR GYUR NAS RGYU SKAR MANG PO ZHES BYA BA'I RI'I RTZE MO RI RAB LHUN PO LAS BYUNG NAS HA CANG MI RING BA NA YOD DO, ,DE LA GNAS NAS KYANG MNYAM PA DANG MI MNYAM PA'I LAS RNAMS KYI DBANG GIS YIN TE, DZAMBU'I GLING GI MI RNAMS KYI DGE BA DANG MI DGE BA'I LAS KYI RLUNG GIS DE LA 'CHAR BAR BYED PAS 'CHAR BA YIN NO, ,DE DAG RNAMS DZAMBU'I GLING DU MTHONG
BAR GYUR NAS LAS DANG 'BRAS BU'I DE KHO NA NYID MI SHES PA'I BRAM ZE RTOG GE PA RNAMS KYIS GZAS BYAS SO, ,SKAR MAS BYAS SO, ,ZHES RGYAL PO DANG RGYAL PO'I BLON PO LA'ANG KUN TU RIG PAR BYED DO, ,DE LA DE DAG RNAMS NI, LTA BA PHYIN CI LOG TU GYUR PA'I BRAM ZE RTOG GE PA RNAMS KYIS MTHONG BA YIN NO, ,DGE BA DANG MI DGE BA'I LAS RNAMS JI LTA BAR GAL TE GZAS DGE BA BYAS PA YIN NA NYI MA DANG ZLA BA 'DI DAG KYANG GZA' KHYAD PAR CAN YIN NA, DES BYAS PAS KYANG DGE BA DANG MI DGE BA'I DUS DAG RAB TU 'JUG PA YIN LA; DE'I TSE DUS THAMS CAD ME TOG DANG 'BRAS BU RNAMS YOD PAR 'GYUR RO, ,GANG GI TSE NYI MA DANG ZLA BA DE DAG GNYIS GZA' GZHAN GYIS BZUNG BAR GYUR PA 'DI LTA STE, R'A HUS NYI MA DANG ZLA BA 'DI DAG DANG RGYU SKAR RNAMS THAMS CAD KYANG PHAN TSUN DU YANG GZAS GNOD PAR BYED PA YIN NO, ,DE'I PHYIR NA DGE BA DANG MI DGE BA DAG GZA' DANG RGYU SKAR GYIS MA BYAS SO, ,GZHAN YANG RNAL 'BYOR SPYOD PA PA GZA' DANG RGYU SKAR GYIS BYAS PA DANG, LTA BAS BYAS PA DANG, LAS KYI 'BRAS BU RNAMS KYI PHYI ROL GYI LUS KYIS LUS LA RJES SU LTA ZHING GNAS SO, ,DE LA GZAS BYAS PA DANG, RGYU SKAR MANG BO'I RGYA MTSO'I CHAR PA DANG, RI RAB LHUN PO DANG, 'CHAR BA'I RTZE MO RNAMS LA KUN TU BLTAS PAR GYUR PAS KYANG
, ,YANG DAG PA JI LTA BA BZHIN DU PHYI ROL LA LTA BAR BYED DO, ,GZHAN YANG RNAL 'BYOR SPYOD PA PHYI ROL GYI LUS KYIS LUS LA RJES SU LTA ZHING GNAS TE, RGYU SKAR MANG PO'I RGYA MTSO DPAG TSAD BDUN STONG PA DE LAS 'DAS PAR GYUR NAS BHA RA TA LHAG PAR GNAS PA ZHES BYA BA'I GLING YOD DE, BRAG DANG CHU KLUNG DANG LJON SHING RNAMS PHUN SUM TSOGS PA YIN NO, ,DZAMBU'I GLING GI LJON SHING DANG ME TOG DANG 'BRAS BU THAMS CAD KYANG STE, DPAG TSAD NI, SUM STONG YIN NO, ,RIG PA 'DZIN PA DANG GSANG BA BA LHAG PAR GNAS PA YIN TE, DE NI, 'DOD PA'I RANG BZHIN GYI LJON SHING DANG ME TOG DANG 'BRAS BU RNAMS PHUN SUM TSOGS PA YIN NO, ,DE LAS RING DU 'DAS NAS MTSAMS KYI MTHA'I RI ZHES BYA BA STE; SHAR GYI LUS 'PHAGS PO DANG DZAMBU'I GLING PA RNAMS THAMS CAD KYI YANG MTSAMS SU GYUR PA YIN NO, ,RGYA MTSO 'DI'ANG CHU BSIL BA YIN NO, ,SHAR GYI LUS 'PHAGS PO DANG, DZAMBU'I GLING GI BAR DPAG TSAD SUM STONG DU DUNG DANG, NYA CHEN PO DANG, CHU SRIN NA KRA DANG, CHU SRIN MA KA RA DANG, RUS SBAL DANG, CHU SRIN BYIS PA GSOD DANG, CHU SRIN KURMMA DANG, NYA RNAMS RAB TU GNAS SO, ,MTSAMS KYI RI DE LAS 'DAS PAR GYUR NAS DMAR PO ZHES BYA BA'I RGYA MTSO YOD DE, DZAMBU'I GLING GI NGOS GZHAN ZHIG NA DPAG TSAD LNGA
STONG DU DMAR PO'I MDOG GIS KUN TU GANG BAR SNANG BA DZAMBU'I GLING LAS HA CANG MI RING BA NA YOD DO, ,DE LA YANG NYA SHIN TU MANG BA YIN NO, ,KHRAG RAB TU PHAL CHE BA YIN NO, ,PHAN TSUN DU'ANG 'TSO BAR GYUR PA'I SROG GCOD PAR BYED DO, ,BDAG NYID KYANG ZA BAR BYED DO, ,KHRAG RAB TU PHAL CHE BA DE'I PHYIR NA CHU DE YANG DMAR PO YIN NO, ,DMAR POR KUN TU SNANG BA'I PHYIR YANG RGYA MTSO DMAR PO'I THA SNYAD DU 'BYUNG BA YIN NO, ,DE LAS RING DU 'DAS NAS SNGON PO ZHES BYA BA'I RGYA MTSO DPAG TSAD BDUN STONG DANG LDAN PA STE, CHU KLUNG DE THAMS CAD KYANG NYAS GANG BA DANG MCHOG TU ZAB PA YIN NO, ,DE LAS 'DAS PAR GYUR NAS RIN PO CHE'I GLING ZHES BYA BA'I RGYA MTSO DPAG TSAD SUM STONG PA YOD DE, RI DANG RIN PO CHE DANG LDAN PA GSER GYI BYE MA DANG, RDO DANG, shA SHY'A KA DANG, MU S'A RA GALBA'I RDO DANG, MU TIG GI PHYE MA DANG, BI DRU MA'I LJON SHING DANG, SU KU M'A RI K'A MANG BA DANG, RIN PO CHE DU MA LDAN PA YIN NO, ,DE LA MNGAR BA'I DUG SEMS 'PHEN PAR BYED PA ZHES BYA BA LJON SHING LAS SKYES PA'I 'BRAS BU DE DAG BYA'AM MI'ANG RUNG STE, DZAMBU'I GLING PAR GTOGS PA RNAMS KYIS GANG GI TSE ZOS PAR GYUR PA'I NYI MA BDUN PA LA 'CHI BAR BYED DO, ,BYA GANG DAG GIS ZA BAR BYED PA DE DAG RNAMS KYANG DUS BYED DO, ,RIN PO CHE'I GLING DE LAS 'DAS PAR GYUR NAS LAN TSVA ZHES BYA
, ,BA'I RGYA MTSO DPAG TSAD STONG PHRAG BDUN DU NYA CHEN PO DANG, SHU GA TI DANG, RUS SBAL DANG, NA KRA DANG, CHU SRIN DANG, KLU DANG, BYA RNAMS KYIS GANG BAR GYUR PA'I SRIN PO DANG SHA ZA RNAMS KYIS BREL DOG TU GYUR PA, CHU'I NANG NA SKYES PA'I BI DRU MA DKAR PO DANG, CHU'I NANG NA NUB PAR GYUR PA'I RI YIN NO, ,DZAMBU'I GLING GI 'KHOR DU GYUR PA'I GLING LNGA BRGYAS YONGS SU BSKOR BA YIN NO, ,DZAMBU'I GLING NA YOD PA'I GTZO BOR GYUR PA RNAMS DPER BYA NA, 'DI LTA STE, GSER GYI SA GZHI DANG LDAN PA DANG, RIN PO CHE'I RDO BA DANG LDAN PA DANG, KE TA KA DANG, M'A LI K'A GLING DANG, DUNG DANG, MU TIG DANG, ME KA LA 'BYUNG BA DANG, GSHOL MDA' BA DANG, DKA' THUB DANG 'BREL PA DANG, KUN TU BZANG PO'I NAGS RNAMS DANG, RMA BYA'I NAGS DANG, DRI'I PHRENG BA DANG, RVA GSUM PA DANG, SDE DPUNG BZANG PO DANG, SPH'A N'A SHE TU DANG, LANGKA'I GRONG KHYER NA NGES PAR GNAS PA'I SRIN PO DANG, RI BCU GNYIS LA NGES PAR GNAS PA DANG, LHUN PO'I BI LVA KA: DANG, RI LA NGES PAR GNAS PA DANG, DUNG DANG, MU TIG DMAR PO DANG, KHA BA 'KHOR BA DANG, DNGUL DANG BCAS PA'I BYE MAS YONGS SU BSKOR BA DANG, LAM MED PA DANG, GSER LA SOGS PA'I LCAGS RI LNGAS BSKOR BA DANG, SHUKTI'I GNAS DANG, BU MO'I SHING
GIS BSKOR BA DANG, DE DAG RNAMS NI, SKYES BU RKANG PA DANG LDAN PA RNAMS KYI STE, JI LTAR KHYAD PAR DU GYUR PA'I GLING DE DAG RNAMS KYIS DZAMBU'I GLING YONGS SU BSKOR BA YIN ZHING, DPAG TSAD BDUN STONG DU DGA' BAR GYUR PA DANG, RI RNAMS NI, SNGAR GYI BZHIN NO, ,GZHAN YANG RNAL 'BYOR SPYOD PA PHYI ROL GYI LUS KYI LUS LA RJES SU LTA ZHING GNAS TE; NYI MA DANG ZLA BA 'DI DAG GI 'OD KYI TSAD JI TZAM ZHIG YIN ZHE NA, DES THOS PA LAS BYUNG BA'I SHES RAB KYIS SAM, LHA'I MIG GIS MTHONG BAR GYUR PA, RI RAB LHUN PO DANG SKYES BU'I GNAS BZHI'I LOGS BZHI DANG, SKYES BU'I GNAS BZHI PO DANG, DE DAG RNAMS NYI MA DANG ZLA BA 'DI DAG GIS RAB TU GSAL BAR BYED DO, ,RGYA MTSO'ANG RI DE'I LOGS DE NAS DPAG TSAD STONG PHRAG BRGYAD CU RTZA BZHI YIN PA LAS DE'I PHYIR NI, RAB TU GSAL BAR BYED DO, ,PHYED NI, MCHOG TU 'JIGS PAR GYUR PA'I MUN PAS KUN TU KHYAB PAR GYUR TO, ,PHA ROL NA NI, 'KHOR YUG TU BYE BA PHRAG SUM CU RTZA DRUG TU GYUR PA'I SHIN TU BZOD PAR DKA' BA'I LAS KYI ME'I RDO RJE'I RANG BZHIN RAB TU 'BAR BAR GYUR PA 'KHOR LO KHYUD MO ZHES BYA BA'I RI YOD PA GANG LA RGYA MTSO'I CHU RING PAR GYUR NA NI, 'O MAR 'GYUR RO, ,DE JI SRID DU NYE BAR GYUR PAS NI, DE DAG ZHOR 'GYUR RO, ,ZHO YANG MAR
, ,GSAR NYID DU 'GYUR RO, ,JI SRID DU KUN NAS REG PAR GYUR PAS NI, MAR 'DI'ANG ZHU BA'I MAR DU 'GYUR RO, ,MAR ZHU BA DE DAG DMYAL BA'I ME DE DAG RNAMS KYIS 'TSIG PAR BYED DE, DE BZHIN DU CHUS KYANG SA GZHI 'DI NUB PAR BYED DO, ,DE KHO NA BZHIN DU 'DOD PA'I KHAMS 'DI YANG YIN TE, RNAL 'BYOR SPYOD PA PA 'DIS YANG DAG PA JI LTA BA BZHIN DU RIG PAR 'GYUR RO, ,RNAL 'BYOR SPYOD PA PA DES YANG DAG PA JI LTA BA BZHIN DU SHES SHING MTHONG LA, YONGS SU CHUB PAR BYED PA'I BLOS KYANG GANG ZHIG RTAG PA'AM, BRTAN PA'AM, THER ZUG TU GYUR PA'AM, YONGS SU MI 'GYUR BA'I CHOS CAN DU GYUR PA'AM, GANG LA'ANG BDAG CAG RNAMS THOG MA DANG THA MA MED PA'I 'KHOR BA RNAMS SU LAS KYI 'BRAS BU'I BGO SKAL LA SPYOD PA DANG, RANG GI LAS KYI 'BRAS BUS MNAR BA DANG, LAN BRGYA PHRAG DANG, DE NAS STONG PHRAG RNAMS SU'ANG SHI 'PHOS PA DANG, SKYES PAR MA GYUR PA'I GNAS GCIG DANG YANG LDAN PAS NI, DES GCIG KYANG MA MTHONG NGO, ,YANG DAG PA JI LTA BA BZHIN DU RTAG PAR RGYUN DU NANG DANG, GZHAN DANG, NANG DANG PHYI'I LUS RNAMS LA YANG LTA BAR BYED PAS NI, LUS LA KUN TU CHAGS PAR MI 'GYUR RO, ,SDUG PAR GYUR PA'I SGRA DANG, RO DANG, GZUGS DANG,
DRI DANG, REG BYA RNAMS KYIS KYANG 'PHROG PAR MI 'GYUR RO, ,DE LTAR N'A LA TI'I GRONG GI BRAM ZE DANG KHYIM BDAG RNAMS DANG, LUS DRAN PA NYE BAR GZHAG PA LA MNGON PAR BRTZON PA'I DGE SLONG RNAMS KYANG BDUD KYI DRUNG NA RAB TU MI GNAS SO, ,DE LTAR LUS DRAN PA NYE BAR GZHAG PA THOS PAR GYUR PAS KYANG RAB TU MANG PO RNAMS KYIS 'JIGS TSOGS LA LTA BA'I MIG SPRIN PHUG NAS BLA NA MED PA'I CHOS RNAMS LA CHOS KYI MIG SKYES PAR GYUR TO, ,DGE SLONG DAG ,NGAS JI SKAD DU LUS DRAN PA NYE BAR GZHAG PA BSTAN PAR BYA'O; ;ZHES BRJOD PA LA BSHAD PA NI, DE DAG RNAMS YIN NO, ,DGE SLONG DAG ,DE DAG RNAMS RI DANG, RI'I KHROD DANG, RI'I PHUG DANG, DUR KHROD DANG, BLA GAB MED PA DANG RNAMS SU RTZVA SOG GI PHUNG PO LA BSAM GTAN DU GYIS SHIG ,BAG MED PAS GNAS PAR MA BYED CIG ,PHYI NAS 'CHI BA'I DUS NA 'GYOD PAR 'GYUR BA MA BYED DANG, 'DI NI, KHYED RNAMS LA RJES SU GDAMS PA YIN NO, ,BCOM LDAN 'DAS KYIS DE SKAD CES BKA' STZAL PA LA DGE SLONG DE DAG RNAMS KYANG YI RANG STE BCOM LDAN 'DAS KYIS GSUNGS PA LA MNGON PAR BSTOD DO; ;LUS DRAN PA NYE BAR GZHAG PA'O, ,STONG PHRAG SUM CU RTZA DRUG PA 'PHAGS PA DAM PA'I CHOS DRAN PA NYE BAR GZHAG PA ZHES BYA BA THEG PA CHEN PO'I MDO RDZOGS SO,, ,,
, ,CHOS RNAMS THAMS CAD RGYU LAS BYUNG, ,RGYU DE DE BZHIN GSHEGS PAS GSUNGS, ,DE YI 'GOG PA GANG YIN PA, ,DGE SBYONG CHEN POS DE SKAD GSUNGS, ,NYE BAR MKHO BA THAMS CAD LEGS PAR SKRUN PA LA SOGS PA PHUN SUM TSOGS PA'I DNGOS PO MTHA' DAG DANG LDAN PAS GZHI'I YON TAN DANG RIG PA'I GNAS MTHA' DAG GI 'BYUNG GNAS SU GYUR PA SBYANG ZHING SGRIN LA SKYE BO THAMS CAD BLO DANG LDAN PAS DZAMBU'I GLING GI YUL RNAMS KYI MIG TU DGONGS NAS STON PA YANG DAG PAR RDZOGS PA'I SANGS RGYAS MNGON PAR RDZOGS PAR SANGS RGYAS PA NI, KLUNG CHEN PO 'BAB PA CHU BO GANGG'A'I 'GRAM GYIS BSDUS PA CHES YANGS PAR GYUR PA RGYA GAR GYI YUL LO, ,DE'I YANG DBUS SU GTOGS PA LAS SHAR GYI CHA YUL CHEN PO SHAR PHYOGS BA LENDRA ZHES BYA BA'I GTZUG LAG KHANG CHEN PO STON PA'I BSTAN PA'I MIG DANG, RTZA BA DANG, GZHIR GYUR PA, DPAL DANG LDAN PA'I RGYAL PO'I SRAS PHUN SUM TSOGS PA'I DPAL GYIS GZHAN LAS MTHO BAS MNGA' CHER SGYUR PA'I SA'I BDAG PO NA BEE P'A LA ZHES BYA BAS MTHO RIS DANG THAR PA'I THEM SKAS MKHAS SHING BTZUN LA DUL BA'I SKYES BU DAM PA RNAMS KYI BZHUGS GNAS SU MDZAD PA'I GTZUG LAG KHANG DZA GANGG'A LA NA MKHAS PA'I SKYE RGU PAndI TA RNAMS MANG DU BYUNG ZHING MANG GIS KYANG CHEN PO LAS CHEN
POR GYUR PA, LNGA BRGYA PA'I THAMS CAD MKHYEN PAR 'JIG RTEN LAS SGROG PA, SNGON GYI SLOB DPON CHEN PO RNAMS DANG MTSUNGS PA YIN ZHES BYA BA'I BSNGAGS PAS PAndI TA RNAMS KYIS BSNGAGS, PAR MDZAD PA, 'JIG RTEN GYI PHUN SUM TSOGS PAS NGA RGYAL BA'I RGYAL PO DANG BLON PO RNAMS KYIS LUS KYI MGO LTAR GNYA' BAR KHUR BA, MKHAS PA'I NGA RGYAL CAN PAndI TA DANG, 'JIG RTEN PA RNAMS KYIS GTZUG GI NOR BU LTAR 'DZIN PA, TSE 'DI RING DU SPANGS PA'I SKYE BO THAR PA SGRUB PA LA BRTZON PA RNAMS KYIS SKYON LEGS PAR MTHONG BAS LAM 'DREN PA'I MIG DANG 'DRA BAR 'DREN PAR LTA BA, YUL GYI MI THAMS CAD KYIS BU GCIG PA LTAR SNYING DU SDUG CING MTHUN PAR GYUR PAS DMU RGOD LTA BUR LOG PAR SGRUB PA RNAMS LA CHES MTHUN PAR 'DZIN PAS YID 'PHROG PAR MDZAD PA, 'GRO BA NYAM THAG PA RNAMS GZIGS NAS BRTZE BA'I ZUG RDUS SEMS GDUNGS KYANG THUGS RJE'I PHYAG BRKYANG PAS SKAL BA DANG MTHUN PAR RJES SU 'DZIN PAR MDZAD PA, SPYIR LUNG BSTAN PA'I MDO SDE STAG RNA'I RGYU SKAR LAS YON TAN DU MA DANG LDAN PA'I RTZOM PA PO CHEN PO NYID DANG, LUS BRJES NAS MTHO RIS SU SKYE BA BZHES PAR LUNG BSTAN PA, 'PHAGS PA BYAMS PA DANG MJAL BAR BZHED PA'I SRED PA DANG, CHOS KYI SRED PA DANG, CHOS KYI SRED PA BLA LHAG PA MNGA' BA, CHAGS SDANG LA SOGS PA THAMS CAD NI, SHAS CHUNG BAR GYUR PA'I SKYES BU
, ,DE'I BSNGAGS PA SPRO BAR NI, SUS NUS, MDOR BSDU NA 'JIG RTEN MI CHOS KYI MKHYEN PA CHE ZHING BZANG BA GSER GYI SA GZHI DANG 'DRA BA LA DAM PA'I CHOS PHUN SUM TSOGS PA, MKHAS PA DANG, BTZUN PA DANG, ZHI BA DANG, DUL BA DANG, MNYEN PA DANG, DES PA DANG, BDEN PAR SMRA BA, G-YO MED PA, DRANG PO'I RANG BZHIN CAN, SGRUB PA LA SNYING POR MDZAD PA'I DPAG BSAM GYI LJON SHING LO 'DAB RGYAS PA, G-YU'I MAndAL DANG MTSUNGS PAR 'KHRUNGS PA LAS TSE 'DI DANG, GZHAN DANG, GNAS SKABS DANG, MTHAR THUG PA'I DGE BA'I LO TOG PHUN SUM TSOGS PA'I ME TOG DANG 'BRAS BU YONGS SU RGYAS SHING RNAM PAR SMIN PAS BDAG DANG GZHAN LA PHAN PA'I PHA ROL TU BYON PAS CUNG ZAD KYANG DON MED PA MA YIN PA, RIG PA'I GNAS LNGA LA THOGS PA MED PA'I MKHYEN PA DANG LDAN PA'I DPAL GYIS MDZES PA'I PAndI TA CHEN PO SH'ANTA A'A KAR GUPTA'I ZHAL SNGA NAS DANG, MKHAS PA CHEN PO SKYES BU DAM PA 'DUL BA 'DZIN PA'I YANG MCHOG TU GYUR PA PAndI TA CHEN PO AA BHA Y'A KAR GUPTA DANG, THOS PA 'DZIN PAS 'JAM DPAL DANG 'DRA BAR GRAGS PA SPOBS PA'I SHES RAB CAN RNAMS KYI MCHOG PAndI TA CHEN PO SH'AKYA RAKshI TA DANG, PAndI TA CHEN PO B'IRYA A'A KA RA SH'ANTI LA SOGS PA RNAMS LA RGYA DPE LNGA DANG, GZHAN YANG YUL DBUS MA GA DHA ZHES BYA BA DE BZHIN GSHEGS PA'I RTEN
MANG DU BZHUGS SHING SANGS RGYAS PA'I SKYE BO DKON MCHOG GSUM LA DAD PAS YUL GANG BA'I MA GA DHA'I YUL SMAD NA RGYAL PO BYANG CHUB SEMS DPA' DE BA P'A LAS MDZAD PA'I GTZUG LAG KHANG CHEN PO BSTAN PA'I MIG TU GYUR PA BI KRA MA SH'I LA NA YANG MKHAS PA'I SKYE BO MANG DU ZIN KYANG SH'AKYA RAKshI TA DE NYID DANG, SGRA DANG, SNYAN DNGAGS DANG, LEGS PAR DPYAD PA'I SKAD KYI LUGS LA MKHAS PA'I PAndI TA CHEN PO SU BH'U TI TZANDRA DANG, MNGON PA LA MKHAS PA AA dI TA TZANDRA LA SOGS PA RNAMS LA RGYA DPE GNYIS LA LEGS PAR MNYAN CING GUS PAS THAD DU BSTEN NAS DON DANG TSIG MA LUS PAR RTOGS PA'I BSHAD PA ZHUS NAS SHIN TU DKA' BA'I GNAS RNAMS LA NI, PHYIR ZHING LEGS PAR DPYAD PAS DON DGROL BA'I THABS ZHUS TE, 'GYUR GYI YAN LAG RGYA GAR GYIS SKRi TA DANG, 'PHRAL SKAD GNYIS, BOD KYI CHOS SKAD DANG, 'PHRAL SKAD GNYIS TE BZHI LA DBANG 'BYOR PA'I SHES RAB KYI SNANG BA THOB MOD KYIS KYANG, SPYIR MDO SDE LA DON GYI GNAS MANG BAS TSIG DON PHAL CHER BRLING ZHING LHAG PAR YANG MDO 'DI DON DU MA TSIG ZUR RNAMS KYIS NGAG GCIG TU 'BREL PAR STON PA NI, TSIG MDZES PA'I RGYAN GYIS DON GSAL BAR MDZAD PA SNYAN DNGAGS KYI DBANG PHYUG 'GRAN GYI DO ZLA MED PA RNAMS KYI MDZAD PA'I RIM PA YIN PA'I PHYIR NA SBYANGS PA ZHAN PA RNAMS LA SLA BA MA YIN LA, KHYAD PAR DU YANG GZHUNG NYUNG BAS DON DU MA
, ,STON PA'I MDO DUM BU RNAMS NI, SPYI SOR BSGYUR BAR MNGON YANG BLO'I NOR CAN RNAMS KYIS NI, DE NYID LA DON DU MA NGES NUS LA, BYE BRAG TU GSAL BTAB NA NI, DON GCIG STON PAR 'KHRUL PA'I PHYIR DANG, TSIG JI TZAM PAS BRJOD PA DE TZAM DU BSGYUR BAR RIGS PA'I YANG PHYIR TE, MDOR NA RGYA BOD KYI DON THUN MONG BA BRDA THA DAD PA'I BYED PA MA NYAMS PAR BYAS NAS SNGON GYI BSGYUR BA LA MKHAS PA RNAMS KYIS BKAS BCAD LA SOGS PA'I LUGS DANG YANG MI 'GAL BAR BYANG PHYOGS PA TSAB KYI RGYUD DU SKYES PA'I DGE SLONG TSUL KHRIMS RGYAL MTSAN GYIS DAM PA'I CHOS LA GUS PAS RGYA GAR GYI RGYAL PO PHUN SUM TSOGS PA'I DPAL GYI RGYAL MTSAN GYI DBANG PHYUG GZHAN PAS CHES MTHO BA DANG LDAN PA RA MA P'A LA'I RING LA THEG PA CHEN PO'I MDO SDE DAM PA'I CHOS DRAN PA NYE BAR GZHAG PA ZHES BYA BA'I SHAS SHIG 'GYUR BA'I 'PHRO YONGS SU RDZOGS PAR BYAS NAS BSGYUR BA'O,, ,, SLAD KYIS ZHUS THUG LA NI, DGE BA'I BSHES GNYEN ZHANG BU GCIG PA ZHES RAB TU GRAGS SHING SKYE RGU RNAMS SGROG PA YANG 'JIG RTEN PA NI, RANG LA PHAN PA'I RGYU MTSAN GYIS RJOD PA DE DAG RNAMS KYI GSHIS YIN PA'I PHYIR TE, SKYES BU DES NI, SEMS CAN LA BU GCIG PA BZHIN DU DGONGS PAS SRAS GCIG PA'O, ,DES NI, THUGS RJE CHEN PO DANG LDAN PA MTSON NO, ,CHOS
LA GNAS PA RNAMS LA SHES RAB 'OD CES GRAGS PA YANG THEG PA'I RIM PA DANG MTHUN PAR MKHYEN CING BDEN PA GNYIS LA SOGS PA'I SGOR BSDU BAS MOS PA DANG, NGES PA DANG, MNGON DU RTOGS SHING SHES NAS RANG DANG GZHAN GYI NYON MONGS PA DANG SHES BYA'I SGRIB PA'I MUN PA 'JOMS PA'I 'OD MDZAD PA'I PHYIR TE, DES NI, SHES RAB CHEN PO'I NGAD LDAN PA DANG, BDAG DANG GZHAN GYI DON PHUN SUM TSOGS PA BSTAN TO, ,DAM PA'I SKYE BO DES GROGS MDZAD NAS DGE SLONG TSUL KHRIMS RGYAL MTSAN NYID KYIS DAG PAR BYAS SO, ,DE LTAR NA DANG PO'I GZHI 'GYUR DANG, ZHU CHEN DANG, TSIG DON GYI 'BREL DPYAD PA DANG, ZHU CHUNG DANG, YANG 'BREL DPYAD PA DANG LNGAR ZHUS SHING GTUGS TE GTAN LA PHAB PA'O, ,DAM CHOS MDO SDE RIN CHEN THEG PA KUN GYI GZHI DANG RTZA BA BCUD DU GYUR PA'I THEG CHEN DRAN GZHAG 'DI, ,LEGS BSGYUR DNGOS DANG DE YI GROGS BYED THAMS CAD DANG NI NAM MKHA'I MTHAS GTUGS 'GRO KUN DGE BA DRI MED KYIS, ,SRID NA BDE SBYIN SKYABS GNAS RDZOGS PA'I BYANG CHUB 'BRAS LDAN SA YI GNAS SKABS LJON SHING LO 'DAB PHUN TSOGS SHOG ,DANG POR TSE 'DI BRJES NAS SANGS RGYAS ZHING DAG SKYE ZHING 'KHOR TSE GZHAN LA PHAN PA 'BA' ZHIG BYED PAR SHOG ,BAM PO'I GRANGS NI, MA BCAD DO, ,GZHUNG TSAD NI, STONG PHRAG SUM CU RTZA DRUG TU RGYA DPE RANG LA BZHUGS SO, ,SHLOO KA SUM BRGYA LA BAM POR BYAS NA BRGYA NYI SHU'O,, ,,