,,BCOM LDAN 'DAS DPAL PHYAG NA RDO RJE LA PHYAG 'TSAL LO, ,DE YONGS SU BSNYEN PAR 'DOD PA'I RIG PA 'DZIN PAS, BSAM GTAN GYI KHANG PAR MAndAL SNGON PO BYA STE, MCHOD RTEN SNGON PO DANG, GTA' GTOR DANG, BUM PA DANG, MCHOD RDZAS DANG, RTEN KHYAD PAR CAN BZHAG LA, DANG PO KHRUS BYAS LA, DE NAS SKYABS SU 'GRO, RGYU BYANG CHUB MCHOG TU SEMS BSKYED, RKYEN BYAMS PA DANG SNYING RJE BSGOM, THABS PHA ROL TU PHYIN PA DRUG LA GNAS PA DE NI THABS KYI BSRUNG
BA'O, ,SHES RAB KYI BSRUNG BA NI STONG PA RANG GSAL BAR BSGOM PA'O, ,DE GNYIS SU MED PA'I BSRUNG BA NI RGYUD RKYANG LAM DU KHYER LA NYAMS SU BLANGS PA'I MAN DAG NI, YE SHES LNGA LDAN YIG 'BRU LAS, ,KHA DOG LNGA YI 'OD ZER 'PHRO, ,NYON MONGS LNGA DANG KLU DUG LNGA, ,RNAM SMIN LUS KYI NAD LNGA BSREG , DE YIS DE DAG BSREGS NAS KYANG, ,LHAG MA LUS PAR GYUR PA RNAMS, ,SPOGS PA YI NI SBYOR BAS BSREG ,BCOM LDAN 'DAS KYIS GSUNGS PA YI, ,GSANG SNGAGS SKYON SPANGS BZLAS PAR BYA, ,DE LA MAN NGAG RNAM GSUM STE, ,BSAM GTAN TING 'DZIN RTZE GCIG LA, ,GNYID KYI BAR CHAD RAB TU SPANG, ,GZHAN GYI GTAM GYIS BAR MI BCAD, ,BDUD DANG RDO RJE 'DZIN PA'I LAM, ,BLA MA'I ZHAL LAS SHES PAR BYA, ,RGYUN DU'AM THUN BZHI'I RNAL 'BYOR BYA, ,DE NAS SPYOD LAM DUS DAG TU, ,BSKYED BSDU MI DMIGS RGYAS BTAB LA, ,BRGYA PAS BSHAGS SHING DGE BA BSNGO, ,RTAGS RNAMS SGYU MA LTA BUR GZUNG, ,DAD LDAN BRTZON BYAS YID CHES NA, ,GDON MI ZA BAR 'GRUB 'GYUR TE, ,DE BAS THE TSOM MED PAR NI, ,SHIN TU DAD PAS 'BAD DE BSGRUB, ,ZLA DRUG BSNYEN PA DE LDAN NA, ,THUN MONG MCHOG GI DNGOS GRUB 'GRUB, ,DES NA BSGRUB BYA 'DREN PA'I LHA, ,DGE SLONG DPAL DANG LDAN PA YI, ,KLU ZHES BYA BAS DE SKAD GSUNGS, ,SKYABS 'GRO SEMS BSKYED BYAMS SNYING RJE, ,BSGOMS TE PHA ROL PHYIN DRUG LAM, ,DE DAG THABS KYI BSRUNG BA'O, ,SHES RAB ZUNG 'JUG LAM BSGOMS TE, ,SKYON SPANGS SNGAGS BZLAS DGE BA BSNGO, ,YAN LAG BDUN LDAN SGRUB THABS 'DI, ,'BAD PAS TSOGS GNYIS BSAGS NAS NI, ,DNGOS GRUB RNAM GNYIS THOB NAS KYANG, ,GDUG PA'I NAD LAS GROL BAR SHOG ,SLOB DPON 'PHAGS PA KLU SGRUB KYIS MDZAD PA RDZOGS SO,,