, ,RGYA GAR SKAD DU, N'I L'AMBA RA DHA RA AU PA SIDDHI N'A MA, BOD SKAD DU, GOS SNGON PO CAN GYI DNGOS GRUB NYE BA ZHES BYA BA, BCOM LDAN 'DAS GOS SNGON PO CAN LA PHYAG 'TSAL LO, ,BLA MA DANG NI RDO RJE 'DZIN, ,THUGS RJE'I CHU RGYUN BDAG PO LA, ,RTAG TU BRJED MED YID KYIS MOS, ,MCHOD RTEN SNGON PO'I GDAMS NGAG BSHAD, ,RNAL 'BYOR BRTZON 'GRUS DRAG PO YIS, ,DBANG DANG GDAMS NGAG THOB NAS KYANG, ,MYUR DU NUS PA 'BYUNG BA DANG, , DNGOS GRUB RNAM GNYIS NYE BA'I PHYIR, ,NYE BYED SKU GDUNG MCHOD RTEN BSGRUB, ,RNAL 'BYOR DAM TSIG LA GNAS PA, ,BLA MA'I MAN NGAG BYIN RLABS KYIS, ,'GRUB STE THE TSOM MI BYA'O, ,RGYU DANG BYIN GYIS BRLAB PA DANG, ,DBANG BSKUR BA DANG MCHOD PA DANG, ,BSKOR BA BYA DANG YON TAN NO, , GSER DNGUL ZANGS LCAGS DUNG YANG RUNG, ,RVA SHING 'DAG PA LA SOGS PA, ,H'Um GI BSKYED RIM LDAN PA YIS, ,DRAG PO'I GTOR TSOGS MDUN DU NI, ,DBANG BSKUR CHAS BSGYUR BZO BO YIS, ,BEEd'URYA 'DRA LEGS PAR BYUG ,BUM PA'I NANG DU RGYA SHOG LA, ,SKU GSUNG THUGS DANG YON TAN LA, ,SNYING PO THAMS CAD BRIS TE GZHUG ,BLA MA GRUB THOB BRGYUD PA DANG, ,RTZA BA'I LHA YI MTSAN DAG DANG, ,MING DANG GSANG MTSAN GZHUG PA NI, ,SKU GDUNG BYIN RLABS SNYING PO GZHUG ,SROG SHING LA SOGS ME TOG PHRENG, ,MDZES PA'I RGYAN GYIS SPRAS PAR BYA, ,DBANG BSKUR DU MA GZHUNG BZHIN BYA, ,MCHOD PA PHYI NANG RTAG TU DBUL, ,GSAL ZHING MA 'DRES THIG LE STE, ,DE LAS SA BON K'A YA LNGA, ,DE NYID MCHOD RTEN DAG TU BSTIM, ,BRGYUD PA'I BLA MA'ANG DE BZHIN NO, ,GTZO BO 'KHOR GYIS BSKOR BA STE, ,SHIN TU GSAL BAR DE BZHIN BSGOM, ,BRGYA STONG NUS TSAD BZLAS SHING BSKOR, ,LHA TSOGS BLA MA'I THUGS KA NAS, ,'OD ZER BYUNG PA KUN DU 'PHROS, ,MTHA' YAS SGRIB BSREGS DAG PAR SPRUL, ,SLAR 'DUS RANG GI LUS LA THIM, ,RTOG SGRIB RAGS PA JI SNYED PA, ,SKAD CIG GIS BSREGS SBYANGS NAS NI, ,RANG LUS SHEL GYI NOR BU
BZHIN, ,GSANG BA NYI SHAR RDO RJE BGO, ,PHYAG DANG GSOL BSTOD ME TOG MCHOD, ,THOG MED SGRIB BSREG DNGOS GRUB NYE, ,KHYAD PAR DU NI YI DAM MYUR, ,SGRIB PA SBYANGS PAS MI 'DOD YAL, ,RTAG TU BZLAS PA BSKOR LDAN PAS, ,BSKOR BAS LUS KYI SDIG PA 'DAG ,BZLAS PAS DAG GI SDIG PA 'DAG ,BLA MA LHAR BSAM YID SDIG DAG ,DAG PAS 'DOD PA PHYOGS MED 'PHEL, ,MDOR BSDUS PHRIN LAS RNAM BZHI 'GRUB, ,RANG SEMS CHOS SKU LHAR LDAN NA, ,MCHOG DANG THUN MONG 'DI LA SBYOR, ,SNOD KYI BYE BRAG LDAN PAR SBYIN, ,LEGS NYES RIN CHEN DUG DANG MTSUNGS, ,DE BAS GSANG SNGAGS LEGS PAR SBA, ,SNOD LDAN RNAMS KYIS 'GRUB PAR SHOG ,SLOB DPON KLU SGRUB KYIS MDZAD PA'I DNGOS GRUB NYE BAR BYED PA'I MCHOD RTEN GYI MAN NGAG RDZOGS SO,, ,,RGYA GAR GYI PAndI TA D'I PAm KA RA SHR'I DZNY'A NA DANG, BOD KYI LO TZ'A BA RGYA BRTZON 'GRUS SENG GES BSGYUR CING ZHUS TE GTAN LA PHAB PA'O,,