, ,RGYA GAR SKAD DU, A'ARYA AA MO BHA P'A SHA PO shA TA BI DHI AAm N'A YA, BOD SKAD DU, 'PHAGS PA DON YOD ZHAGS PA'I GSO SBYONG GI CHO GA'I MAN NGAG ,'PHAGS PA DON YOD ZHAGS PA LA PHYAG 'TSAL LO, ,NA MA: A'A RYA BA LO KI TE SHVA R'A YA, BO DHI SA TV'AYA, MA H'A SATV'A YA, MA H'A K'A RU nI K'A YA, TADYA TH'A, AOm AA MO GHA SH'I LA MA H'A SHUDDHA SATVA, BHA RA BHA RA, SAm BHA RA SAm BHA RA, PADMA BI BH'U shI TA BHU DZA DHA RA, SA MANTA AA BA LO KI TE SHVA RA AOm A'A:H'Um PHAt SV'AH'A, GZUGS 'DI 'PHAGS PA DON YOD ZHAGS PA'I GSO SBYONG GI DUS SU NYI SHU RTZA GCIG BRJOD PAR BYA'O, ,DE'I CHO GA NI DKAR PO'I PHYOGS KYI TSES BRGYAD LA BRTUL ZHUGS KYIS BSDAMS PAR GYUR PAS KHYAD PAR DU BKLAG PAR BYA STE, BCOM LDAN 'DAS DON YOD ZHAGS PA LA YANG DAG PAR MCHOD CING GSOL BA GDAB PAR BYA'O, ,CHU TSOD LA SOGS KYI KHONGS SU 'O MA DANG, KA RA DANG DKAR GSUM GYI ZAS BZA' BAR BYA'O, NYAL BA'I DUS SU KU SHA BTING BA LA SENG GE'I NYAL THABS KYIS MGO LA BCOM LDAN 'DAS LHAG PAR MOS PAR BYA STE, PHYAG BYAS, MCHOD PAR BYA'O, ,TSES BRGYAD KYI THO RANGS KHA SHIN TU GTZANG MAR BKRUS SHING SNGAGS KYIS DAG PAR GYUR PA DANG, RANG GI SNYING GAR ZLA BA'I DKYIL 'KHOR LA GNAS PA'I HR'I: YIG DKAR PO'I 'OD ZER GYI DRA BAS RANG GI LUS LA SOGS PA SNA TSOGS GSAL BAR BYAS NAS, BCOM LDAN 'DAS 'KHOR DANG BCAS PA SPYAN DRANG PAR BYA'O, ,AOm A'A GATZTSA A'A GATZTSA BHA GA W'AN AA
, ,MO GHA B'A SHA LO KI SHVA RA A'A: SNGAGS 'DIS PHYI ROL DU BA LCI LA SOGS PAS BYUGS PA'I DKYIL 'KHOR BDUN PO RNAMS SU LHAG PAR MOS PAS BZHUGS PAR BYA STE, RE RE LA GZUNGS LAN RE BKLAG CING MCHOD PAR BYA'O, ,MDUN DU CHU'I BUM PA BDUN DANG, 'BRAS ZAN GYI KHAM PHOR BDUN GZHAG PAR BYA'O, ,DE'I RJES LA NGAG KUN BSDAMS PAR GYUR CING, DAD PA BRTAN PA'I SEMS KYIS RAN POR BKLAG PAR BYA'O, ,DE'I RJES LA GZUNGS TZAM PO LAN LNGA'O, ,BDUN PA LA SNGAR RANG BZHIN DU YONGS SU RDZOGS PA NYID DO, ,CHU TSOD BDUN GYI KHONGS SU DKAR GSUM GYI ZAS BZA' BAR BYA'O, ,DE LTAR GNYIS PA GUNG GI THUN LA YANG NGO, ,DE NAS DE BZHIN DU THUN GSUM PA LA'O, ,DE'I RJES LA MCHOD PAR BDUN PO RNAMS KYIS YANG DAG PAR MCHOD LA, BSKOR BAR BYA ZHING YAN LAG SMAD LNGAS PHYAG BYAS TE BLA NA MED PA YANG DAG PAR RDZOGS PA'I BYANG CHUB TU BSOD NAMS YONGS SU BSNGO BAR BYA'O, ,TSES DGU LA YANG TSES BDUN PA BZHIN DU THAMS CAD BYAS LA, GSO SBYONG GI BRTUL ZHUGS LA RJES SU YI RANG BA DANG BSOD NAMS YONGS SU BSNGO BAR BYA'O, ,TSIG 'DI YIN TE, 'DI BDAG GIS DON YOD ZHAGS PA'I GSO SPYONG GI BRTUL ZHUGS TSUL KHRIMS KYI SDOM PA'I YI DAM GYIS SEMS KYI RGYAN DANG, SEMS KYI YO BYAD DANG, RNAL 'BYOR GYI TSOGS DANG, SEMS CAN THAMS CAD KYI DON DU BLA NA MED PA'I SANGS RGYAS NYID THOB PAR GYUR CIG CES BYA BAS MCHOD PA GSHEGS SU GSOL TE, CHU TSOD BDUN GYI NANG KHONGS SU DKAR GSUM GYI ZAS BZA' BAR BYE'O, ,KHYAD PAR NI TSES BDUN PA BZHIN NO, ,'PHAGS PA DON YOD ZHAGS PA'I GSO SBYONG GI CHO GA'I MAN NGAG ,KHA CHE'I PAndI TA CHEN PO SH'AKYA SHR'I BHA DRAS MDZAD PA RDZOGS SO,, ,,BOD KYI LO TZ'A BA DGE SLONG RAB MCHOG DPAL BZANG POS BSGYUR BA'O,,