,GTOR MA NI, RANG NYID LHA'I RNAL 'BYOR DANG LDAN PAS, ,SNOD GTZANG MAR SHA KHRAG DANG BRAL BA'I GTOR MA LEGS PAR BSHAMS LA, STONG PA'I NGANG LAS YI GE PAm LA BYUNG BA'I RIN PO CHE PADMA'I SNOD DU, GTOR MA'I RDZAS RNAMS YI GE AA DKAR PO LAS LHA RDZAS KYI BDUD RTZIR GYUR PAR BSAMS LA, AOm A'A:
, ,H'Um ZHES BRJOD CING JI LTAR 'DOD PAR BYIN GYIS BRLAB PAR BYA'O, ,DE NAS RANG GI SNYING GA'I SA BON GYI 'OD ZER GYIS 'PHAGS PA DON YOD ZHAGS PA'I LHA RNAMS MDUN GYI NAM MKHA' LA SPYAN DRANGS LA, PHYAG BTZAL ZHING MCHOD PA SNGON DU 'GRO BAS, LHA RNAMS KYI STONG PA'I RANG BZHIN LAS NI YI GE H'Um LAS DE NYID KYIS MTSAN PA'I RDO RJE RTZE GCIG PA 'OD ZER GYI SBU GU DANG LDAN PAS BDUD RTZI'I GTOR MA 'DREN PAR BSAM ZHING, AOm AA MO GHA P'A SHA HR'I: AI MAm BA LIm GRiHnA MA MA SARBA P'A PAm SH'ANTIm KU RU SV'AH'A, ZHES LAN LNGA'I BAR DU BRJOD DE, SE GOL GYI SGRA BYA ZHING GTOR MA DBUL PAR BYA'O, ,DE NAS YANG DAG PAR MCHOD CING DRIL BU'I SGRA DANG LDAN PAS MTSAN BRGYA RTZA BRGYAD KYIS BSTOD DE, MNGON PAR 'DOD PA'I DON DU GSOL BA GDAB LA, YI GE BRGYA PA'I SNGAGS BRJOD CING DGE BA'I RTZA BA YONGS SU BSNGO STE, AOm KHYED KYIS ZHES BYA BA LA SOGS PA'I TSIGS SU BCAD PAS GSHEGS SU GSOL BAR BYA'O, ,DON YOD ZHAGS PA'I GTOR MA'I CHO GA ,KHA CHE'I PAndI TA CHEN PO SH'AKYA SHR'I BHA DRAS MDZAD BA RDZOGS SO,, ,,LO TZ'A BA DGE SLONG RAB MCHOG DPAL BZANG POS BSGYUR BA'O,,