, ,RGYA GAR SKAD DU, SIm HA N'A DA RAKshA TZAKRA N'A MA, BOD SKAD DU, SENG GE SGRA'I SRUNG BA'I 'KHOR LO ZHES BYA BA, 'PHAGS PA SENG GE SGRA LA PHYAG 'TSAL LO, ,THUGS RJE MCHOG DANG LDAN PA YI, ,SENG GE SGA LA PHYAG 'TSAL TE, ,SEMS CAN KUN GYI NAD DAD GDON, ,BSRUNG BA'I CHO GA BSHAD PAR BYA, ,DUS DANG TSES GRANGS BZANG PO LA, ,MCHOD RTEN MAndALA
, ,BSHAMS NAS NI, ,LHA YI NGA RGYAL LDAN PA YIS, ,RAS SAM SHING LO GRO GA LA, ,KHRAG GAM RGYA SKYEGS GUR GUM GYIS, ,RIM PA LTAR RU BSKOR BAR BYA, ,DANG PO PADMA'I LTE BA YIN, ,GNYIS PA MU KHYUD PHRA BAR BSKOR, ,GSUM PA CHUNG CHE PAD 'DAB BRGYAD, ,BZHI PA LNGA PA'I RIM PA NI, ,PADMA'I PHYIR LA PHRA BA BYA, ,YI GE DGOD PA'I SBYOR BA NI, ,DBUS SU AOm GYI SBYOR YIG DANG, ,DE MTHAR MING DANG BSRUNG TSIG BRI, ,DE YI PHYIR RI MA MU KHYUD LA, ,DBYANGS KYI YI GE BCU DRUG BRI, ,GSUM PA PAD 'DAB BRGYAD PA LA, ,AOm SPANGS YI GE BRGYAD PO BRI, ,RIM PA BZHI PA'I MU KHYUD LA, ,GZUNGS SNGAGS BSRUNG TSIG BCAS PA BRI, ,RIM PA LNGA PA'I MU KHYUD LA, ,GSAL BYED SUM CU BZHI PA LA, ,BSRUNG BYA LAS SNGAGS LDAN PA DGOD, ,DE LTAR BRI BA RDZOGS NAS NI, ,RAB TU GNAS PA'I CHO GA NI, ,MAndAL STENG DU 'KHOR LO BZHAG ,MCHOD DANG GTOR MA GCIG BTANG STE, ,'KHOR LO'I AOm YIG LAS SPROS TE, ,RJE BTZUN 'KHOR LO'I STENG DU DRANG, ,RANG GI THUGS KA'I SA BON LAS, ,LHA MO LNGA LA MCHOD PA DANG, ,RDZAS KYI MCHOD PA RNAM LTAS MCHOD, ,BSTOD CING BSRUNG BAR GSOL PA GDAB, ,DE GZHU YIG 'BRU'I RNAM PAR GYUR, ,DE LA BYIN RLABS BYA PHYIR SNGAGS BZLAS PA, ,AOm A'A:HR'I:SI HA N'A DA H'Um PHAt, CHE GE MO SARBA GA TE RAKshA KU RU SH'ANTIm PUshtIm KU RU SV'A H'A, AOm AA A'A, AI A'I, AU A'U, RI R'I, LI L'I, AE AOO, AAm AA: CHE GE MO LA RAKshA KU RU SH'I NTAm KU RU, PUshtIm KU RU SV'A H'A, NA MO RATNA TRA YA ZHES PA'I GZUNGS DANG, KA KHA GA GHA NGA, ZHES PA'I GSAL BYED LA YANG MING DANG LAS SNGAGS SBYAR TE SNGAGS DE RNAMS BRGYA RTZA BRGYAD DAM, NYI SHU RTZA GCIG GAM THIBS BDUN BZLAS LA GTOR MA BTANG BSRUNG BAR GSOL BA GDAB, DE NAS DRIL TE GDAGS PAR BYA'O, ,DE YI RJES LA BYA MI, ,RANG GI YE SHES BCUG GYUR NAS, ,MCHOD DE BZOD GSOL GSHEGS PAR BYA, ,RANG LA BYED DAM GZHAN LA'ANG, ,BSRUNG BA BTAGS PA'I PHAN YON NI, ,TSE RING BSOD NAMS CHE BA DANG, ,SDIG PA THAMS CAD BYANG BA
DANG, ,BGEGS DANG LOG 'DREN 'TSO SKYOB DANG, ,RJE BTZUN SRUNG 'KHOR BYAS PA YIS, ,DGE DES SEMS CAN BAR CHA DE ZHI, ,RJE BTZUN SENG GE SGRA'I SRUNG 'KHOR BLA MA'I ZHAL NAS 'ONGS PA RDZOGS SO, ,