,,'PHAGS PA 'GRO BA THAMS CAD YONGS SU SKYOB PAR BYED PA ZHES BYA BA'I YONGS SU BSNGO BA, SANGS RGYAS DANG, CHOS DANG, DGE 'DUN THAMS CAD LA PHYAG 'TSAL LO, ,SANGS RGYAS BCOM LDAN 'DAS DANG, BYANG
CHUB SEMS DPA' SEMS DPA' CHEN PO THAMS CAD BDAG LA DGONGS SU GSOL, BDAG SDIG PA THAMS CAD SO SOR BSHAGS SO, ,BSOD NAMS THAMS CAD LA RJES SU YI RANG NGO, ,SANGS RGYAS THAMS CAD LA GSOL BA 'DEBS SO, ,BSOD NAMS THAMS CAD SEMS CAN THAMS CAD KYIS BLA NA MED PA THAMS CAD MKHYEN PA'I YE SHES THOB PAR BGYI BA'I SLAD DU YONGS SU BSNGO BAR BGYI'O, ,BDEN PA DANG, BDEN PA'I TSIG GANG GIS BDEN PA GSUNG BA SANGS RGYAS BCOM LDAN 'DAS KYIS DGE BA RTZA BA YANG DAG PA JI LTA BA YONGS SU BSNGO BAR MDZAD PA DE LTAR YONGS SU BSNGO BAR BGYI'O, ,BDEN PA DANG, BDEN PA'I TSIG DES GANG SEMS CAN THAMS CAD KYI SDIG PA MI DGE BA NYES PA BYAS PA DANG, LOG PAR SMRA BA DANG, NGAN DU BSAMS PA DANG, NYON MONGS PA'I SGRIB PA DANG, LAS KYI SGRIB PA DANG, RNAM PAR SMIN PA'I SGRIB PA DANG, SHES BYA'I SGRIB PA DANG, SGRIB PA GANG GIS BSGRIBS SHING G-YOGS TE, KUN NAS DKRIS PA, BDAG NYID DANG, GZHAN DAG GI BSAM PA DANG, BAG LA NYAL DANG, KHAMS DANG, RANG BZHIN YANG DAG PA JI LTA BA BZHIN MA 'TSAL BA DANG, DBANG PO DANG, BRTZON 'GRUS KYI RIM PA DANG, DGE BA DANG, MI DGE BA'I CHOS YANG DAG PA JI LTA BA BZHIN MA 'TSAL BA DANG, KHA NA MA THO BA DANG BCAS PA DANG, KHA NA MA THO BA MED PA DANG, BSTEN PAR BYA BA DANG, BSTEN PAR BYA BA MA YIN PA'I CHOS YANG DAG PA JI LTA BA
, ,BZHIN MA 'TSAL BA DANG, SKYES BU DAM PA DANG PHRAD PA DANG, DAM PA'I CHOS NYAN PA DANG, TSUL BZHIN YID LA BGYID PA DANG, CHOS DANG MTHUN PA'I CHOS SGRUB PA MI SGRUB PAR 'GYUR BA DANG, SGRIB PA GANG GIS BSGRIBS SHING G-YOGS TE, KUN NAS DKRIS PA RNAMS SEMS CAN 'DUL BA DANG, BDAG 'DUL BA DANG, GZHAN 'DUL BA DANG, GNYI GA 'DUL BA DANG, 'JAM POS 'DUL BA DANG, KHRO BAS 'DUL BA DANG, BTANG SNYOMS KYIS 'DUL BA DANG, BSDIGS PAS 'DUL BA DANG, BSKRAD PAS 'DUL BA DANG, SMAD PAS 'DUL BA DANG, BSTEN PA DANG, BSNYON PA DANG, BSNYEN BKUR BYA BAS 'DUL BA DANG, CHOS BSHAD PAS 'DUL BA DANG, 'DZUM PA BSTAN PAS 'DUL BA DANG, NANG DU YANG DAG 'JOG GIS 'DUL BA DANG, SBYANGS PA'I YON TAN DANG, YO BYAD BSNYUNGS PAS 'DUL BA DANG, SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI PHA ROL TU PHYIN PA SPYOD PAS 'DUL BA DANG, DAD PA DANG, TSUL KHRIMS DANG, THOS PA DANG, GTONG BA DANG, SHES RAB DANG, SGOMS PAS 'DUL BA DANG, DUL BA GANG DANG, GANG GIS SEMS CAN GYI SEMS 'DUL BAR 'GYUR BA DE YANG DAG PA JI LTA BA BZHIN MA 'TSAL BA DANG, TSUL KHRIMS KYI RGYU MI 'BYUNG BA DANG, TING NGE 'DZIN GYI RGYU DANG, DMIGS PA'I RGYU DANG, BSAM GTAN GYI RGYU DANG, ZHI
GNAS KYI RGYU DANG, LHAG MTHONG GI RGYU DANG, MNGON PAR SHES PA'I RGYU DANG, ZAG PA ZAD PA'I RGYU DANG, SO SO YANG DAG PAR RIG PA'I RGYU RNAM PAR DAG PAR MI 'GYUR BA DANG, BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA DAG MNGON DU MI 'GYUR BA DANG, SNANG BA SKYES SHING SKYES PA DAG NUB PAR 'GYUR BA DANG, RNYED PA 'DOD PA DANG, BSNYEN BKUR 'DOD PA DANG; GRAGS PA 'DOD PA DANG, 'KHOR 'DOD PA'I SEMS 'BYUNG BA DANG, 'DOD PA'I RNAM PAR RTOG PA DANG, GNOD SEMS KYI RNAM PAR RTOG PA DANG, 'TSE BA'I RNAM PAR RTOG PA DANG, MI 'CHI BAR RNAM PAR RTOG PA DANG, SKYE MO LA RNAM PAR RTOG PA DANG, GNYEN LA RNAM PAR RTOG PA DANG, GOS DANG, ZAS DANG, MAL STAN DANG, NA BA'I GSOS SMAN GYI RKYEN GYI YO BYAD LA RNAM PAR RTOG PA'I SEMS LA KUN NAS GNAS PA DANG, TSE THUNG BA DANG, GNOD PA MANG BA DANG, MDOG NGAN PA DANG, GZUGS NGAN PA DANG, DBANG CHUNG BA DANG, RIGS DMA' BA DANG, LONGS SPYOD CHUNG BA DANG, SHES RAB 'CHAL PA DANG, SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DANG, NGAN SONG NGAN 'GROR 'GRO BA DANG, LUS LAS BYUNG BA'I SDUG BSNGAL RNAM PA DU MA DANG, SEMS LAS BYUNG BA YID MI BDE BA NYAMS SU MYONG BA DANG, SMON LAM LOG PA LA DGA' BA DANG, YANG DAG PA'I SMON LAM MA RTOGS PA DANG, GZHAN YANG SGRIB PA GANG DANG, GANG GIS BSGRIBS
, ,SHING KUN NAS DKRIS PA'I SEMS CAN RNAMS KYI RNAM PAR SMIN PAR 'GYUR BA DE DAG THAMS CAD BDAG LA SMIN NAS, SEMS CAN THAMS CAD RNAM PAR GROL ZHING RNAM PAR DAG PAR GYUR CIG ,SANGS RGYAS KYI KHAMS JI TZAM PA DANG, CHOS KYI KHAMS JI TZAM PA DANG, DGE 'DUN GYI KHAMS JI TZAM PA DANG, YANG DAG PA'I MTHA' JI TZAM PA DANG, GNYIS SU MED PAR JI TZAM PA DANG, DE BZHIN NYID JI TZAM PA DANG, MNYAM PA NYID JI TZAM PA DANG, 'DOD CHAGS DANG, ZHE SDANG DANG, GTI MUG GI KHAMS JI TZAM PA DANG, 'KHOR BAR GDAGS PA DANG, 'DOGS PAR 'GYUR BA JI TZAM PA DE TZAM DU SEMS CAN THAMS CAD KYI NYON MONGS PA DANG, NYE BA'I NYON MONGS PA THAMS CAD DANG, KUN NAS NYON MONGS PA'I KHAMS GANG YIN BA DE BDAG LA SMIN NAS SEMS CAN THAMS CAD RNAM PAR GROL ZHING RNAM PAR DAG PAR GYUR CIG ,BDAG GIS JI TZAM DU SNGON GYI MTHA' MA 'TSAL BAR DGE BA'I RTZA BA BGYIS SHING BSAGS PA GANG LAGS PA DE SEMS CAN THAMS CAD LA YONGS SU BSNGO BAR BGYI'O, ,BDAG NI 'DOD CHAGS LA CHAGS, ZHE SDANG GIS GDUGS, GTI MUG GIS RMONGS TE, NYON MONGS PA DANG, NYE BA'I NYON MONGS PA DANG, KUN NAS NYON MONGS PA DANG LDAN NAS JI LTAR DGE BA'I RTZA BA YONGS SU BSNGO BAR BGYI BA YANG DAG PA JI LTA BA BZHIN MA 'TSAL, MA MTHONG
MA RIG STE, SANGS RGYAS BCOM LDAN 'DAS DE DAG MKHYEN CING GZIGS LA THUGS SU CHUD PAS JI LTAR DGE BA'I RTZA BA YONGS SU BSNGO BAR MDZAD PA DE LTAR BDAG GIS YONGS SU BSNGO BAR BGYI'O, ,DE BZHIN GSHEGS PA'I THUGS DANG MTHUN PAS YONGS SU BSNGO BAR BGYI'O, ,JI LTAR SEMS CAN 'DUL BA DANG, JI LTAR DGE BA'I RTZA BA SMIN PA DANG, JI LTAR DGE BA'I RTZA BA RNAM PAR 'PHEL BA DANG, JI LTAR SDUG BSNGAL SHES PA DANG, KUN 'BYUNG BA SPANGS PA DANG, 'GOG PA MNGON SUM DU BYA BA DANG, LAM BSGOM PA DANG, BLA NA MED PA THAMS CAD MKHYEN PA'I YE SHES 'THOB PA DANG, MI DGE BA'I RTZA BA THAMS CAD SPANG BA DANG, DGE BA'I RTZA BA THAMS CAD DANG LDAN PA DANG, BAG CHAGS 'JOMS PA DANG, BSNYEL BA MI MNGA' BA'I CHOS NYID DANG, RNAM PA THAMS CAD MKHYEN PA NYID JI LTAR 'DAS PA DANG, MA 'ONGS PA DANG, DA LTAR BYUNG BA'I SANGS RGYAS SNGON BYANG CHUB SEMS DPAR GYUR PA THAMS CAD KYIS DGE BA'I RTZA BA YONGS SU BSNGOS PA DE BZHIN DU BDAG GIS YONGS SU BSNGO BAR BGYI'O, ,MNYAM PA NYID KYIS YONGS SU BSNGO BA DANG, GNYIS SU MED PAS YONGS SU BSNGO BA DANG, 'GRO BA THAMS CAD YONGS SU BSKYAB PA'I YONGS SU BSNGO BAS YONGS SU BSNGO BAR BGYI STE, DE LTAR LAN GNYIS DE LTAR LAN GSUM DU'O, ,SEMS CAN GANG ZHIG GANG DANG, GANG GIS 'DUL BAR 'GYUR BA DE DANG, DE'I SEMS RNAM PAR RTOG PA MED PAS
, ,BDAG MTHONG BAR 'GYUR ZHING, JI LTA JI LTAR SEMS CAN NGAG PAR 'GYUR BA DE LTA DE LTAR BDAG GI LUS KYI LAS DANG, NGAG GI LAS DANG, YID KYI LAS RTAG TU 'JUG PAR GYUR CIG ,DUS JI LTA BA DANG, YUL JI LTA BA DANG, SEMS CAN RNAMS KYI 'DUL BA JI LTA BA DE LTA DE LTAR CHOS KYI DBYINGS 'KHRUG PA MED PAR STON PAR GYUR CIG ,'PHAGS PA 'GRO BA THAMS CAD YONGS SU SKYOB PAR BYED PA ZHES BYA BA'I YONGS SU BSNGO BA ZHES BYA BA RDZOGS SO,, ,,RGYA GAR GYI MKHAN PO BIDY'A KA RA PRA BHA DANG, LO TZ'A BA BANDE YE SHES SNYING POS BSGYUR ZHUS CHEN GYI LO TZ'A BANDE DPAL BRTZEGS KYIS ZHUS TE GTAN LA PHAB PA,,