, ,RGYA GAR SKAD DU, LO KI SHVA RA SIm HA N'A DA STO TRA N'A MA, BOD SKAD DU,
, ,'JIG RTEN DBANG PHYUG SENG GE SGRA ZHES BYA BA'I BSTOD PA, 'JIG RTEN DBANG PHYUG SENG GE SGRA LA PHYAG 'TSAL LO, ,GANG GIS 'JIG RTEN NYES PA MA LUS DBANG GYUR JI SRID LEGS PA'I LAM LA MA BKOD PA, ,DE SRID DE DAG YANG DAG GDON PHYIR BDAG NI BYANG CHUB MCHOG TU BGROD BAR BYED MA GYUR, ,GANG GIS KHAMS GSUM 'DI DAG SENG GE'I SGRA CHEN MCHOG GIS GSAL BAR GANG GYUR PAS, ,SDUG BSNGAL CAN DAG BSKYAB PHYIR THUGS RJE'I SPYAN DANG SENG GE SGRA LDAN KHYOD LA BSTOD, ,RAL PA RGYA CHE'I DBYIBS CAN DRI MED ZLA 'DRA SHIN TU DKAR BA'I ZHAL MNGA' BA, ,BSKAL PA DU MAR TSOGS BSAGS BRTUL ZHUGS CHEN PO SHIN TU DAG BYED DANG LDAN PA, ,'GRO BA MA LUS PHAN MDZAD LHA DANG LHA MIN GRUB PA RNAMS KYIS RAB BTUD PA, ,SHIN TU RGYA CHE BA YI SKU MNGA' KHYOD LA RTAG TU GUS PAS PHYAG 'TSAL LO, ,PADMA DMAR PO RGYAS PA ZLA BA'I GZUGS DANG LDAN PA'I GDAN, ,SENG GE'I GDAN GYI STENG NA RGYAL PO'I ROL PAS RNAM PAR MDZES, ,CHOS KYI MNGA' BDAG 'BYOR PAS DRI MED GSUNG NI BKA' STZAL PA, ,'JIG RTEN MGON PO 'OD DPAG MED PA'I DPAL GYIS DBUL MTSAN LA 'DUD, ,G-YAS KYI PHYAG NI PADMA GSAL BA LTA BUR 'JAM PA YIS, , KHAMS GSUM NYES PA GSUM PO ZHI BAR BYA PHYIR RTZE GSUM PA, ,'OD ZER 'BAR 'KHRIGS SPRUL DANG LDAN PAS RTAG TU GANG 'DZIN PA, ,BDAG GI THUB PA SENG GE SGRA DE LA NI RTAG TU PHYAG BGYI'O, ,KHAMS GSUM PO LA THUGS RJE CHEN POS GNAS KYANG SKYON GYIS NI, ,KHYOD LA GOS PA MED KYANG DE DAG SPANG PHYIR KHYED KYIS NI,,G-YON PA'I PHYAG GIS RAL GRI DAM RDZAS DANG BCAS PADMA BSNAMS, ,RGYAL BA'I SRAS PO KHYOD LA RTAG TU BDAG NYID SKYABS SU MCHI, ,NGA RGYAL LA SOGS TSOGS KYIS G-YENGS PA'I SEMS CAN RNAMS LA NI, ,DMIGS NAS RGYAL BA LNGA PO YANG DAG SPROS NAS DE RNAMS LA, ,JI LTA JI LTAR DAG PA'I THABS LA MKHAS PA DAG GIS MDZAD PA RNAMS, ,GANG LA DGONGS PA DE MNGA' PHYAG NA PADMA DE LA PHYAG 'TSAL LO, ,MKHAS PA RNAMS KYIS GANG LA TSIG GI GO SKABS MED PA NI, ,THOS PA LA SOGS BRAL BAS KHYOD LA MOS DANG GUS PA MED, ,DE
DAG RNAMS KYIS MKHAS PA'I MCHOG NYANG DAG NI THOB PA YI, ,MNYAM MED DPAL LDAN SENG GE SGRA LA BDAG NI SKYABS SU MCHI, ,SKYE BA GZHAN GYI MI DGE MDZE YI RNAM PAR GYUR PA RUS PA DANG, ,SNA NAS RKANG LAG SRIN BUS SKAD 'GAGS LDAN PA DAG ,KHYOD BSTOD PAS NI SKAD CIG GIS NI GSER MDOG LTA BU'I LUS SU GYUR, ,THUB PA SENG GE SGRA KHYOD LA NI DE NYID DE LA SKYABS SU MCHI, ,KLU YI MNGA' BDAG GYUR PA CHU LHA DBANG DU MDZAD NAS NI, ,DUS MIN CHAR DANG CHAR MED MDZE DANG SKYON DAG ZHI DON DANG, ,'GRO BA'I DON DANG DON MED TSOGS DAG RAB TU SEL BAR MDZAD PA YI, ,BRTZON 'GRUS BRTAN PAR RAB BRTZAMS KHYOD LA KUN NAS 'DUD, ,MANG DU BRJOD PAS CI ZHIG KHYOD KYI MTSAN DANG SKU GNAG DANG, ,GANG ZHIG LA LA GUS PAS 'DZIN PA DANG NI SEMS DGA' DAG ,SKYE BO DE NI LONGS SPYOD RGYA CHE BDAG THOB PAR GYUR NAS KYANG, ,SRID PA'I RGYA MTSO BRGAL DKAR BRGAL NAS MYA NGAN 'DAS PA THOB PAR 'GYUR, ,NGAG GI DBANG PHYUG LA SOGS GANG GIS KYANG NI RJE BTZUN GYI, ,YON TAN PHYOGS GCIG CHA TZAM BSKAL PA DU MA RU, ,'BAD PAS KYANG NI BRJOD PAR NUS PA MA YIN NA, ,JI LTAR BDAG 'DRAS 'KHRUL KYANG GUS BYAS 'DI DAG BZOD PAR GSOL, ,'JIG RTEN GSUM PO'I SDUG BSNGAL 'PHROG BYED MCHOG GI DGES BYED CAN, ,DPAL LDAN SENG GE SGRA YI BSTOD PA LAS THOB BSOD NAMS GANG, ,DPAG MED KUNDA DO SHAL DGOD PA DKAR PO DANG 'DRA BA, ,DE YIS SKYE BO BYANG CHUB 'GYUR MED GO 'PHANG MYUR THOB SHOG ,BCOM LDAN 'DAS 'JIG RTEN DBANG PHYUG SENG GE SGRA'I BSTOD PA, RGYA GAR GYI SLOB DPON CHEN PO TI LA KAS MDZAD PA RDZOGS SO,, ,,PAndI TA DE NYID DANG LO TZ'A BA MAL GYIS BSGYUR CING GTAN LA PHAB PA'O,,