, ,RGYA GAR SKAD DU, SIm HA N'A DA S'A DHA NAm, BOD SKAD DU, SENG GE SGRA'I SGRUB THABS, 'JIG RTEN DBANG PHYUG LA PHYAG 'TSAL LO, ,DANG POR RE ZHIG SNGAGS PAS KHA BSHAL PA LA SOGS PA BYAS TE, STAN PA DE BA LA 'DUG NAS, RANG GI SNYING GAR ZLA BA'I DKYIL 'KHOR DU YI GE HR'I: DKAR PO BLTAS TE, DE'I 'OD KYIS BLA MA DANG SANGS RGYAS DANG BYANG CHUB SEMS DPA'
RNAMS SPYAN DRANGS TE MDUN DU BSAMS LA, DE'I RJES LA MCHOD PA DANG SDIG PA BSHAGS PA LA SOGS BYAS TE, STONG PA NYID RNAM PAR BSGOM PAR BYA'O, ,AOm SH'U N+YA T'A DZNY'A NA BADZRA SVA BH'A BA A'ATMA KONYA\HAm, ZHES PA 'DIS BYIN GYIS BRLAB PO, ,DE NAS SKAD CIG GIS PAm GYUR PA LAS PADMA DKAR PO DE'I STENG DU YI GE SIm YONGS SU GYUR PA LAS SENG GE DKAR PO DE'I STENG DU ZLA BA LA GNAS PA'I YI GE HR'I: LAS YANG DAG PAR BYUNG BA'I 'JIG RTEN DBANG PHYUG SENG GE SGRAR BDAG NYID BSAM PAR BYA, DKAR PO 'OD DPAG TU MED PA'I DBU RGYAN DANG RAL PA'I THOR COG CAN SPYAN GSUM PA PHYAG GNYIS PA DKA' THUB PA'I CHA LUGS 'DZIN PA, RGYAL PO CHEN PO'I 'GYING BAG GIS BZHUGS PA, PHYAG GNYIS PA'I G-YON PA NA PADMA GYEN DU LANGS PA'I THOG NA RAL GRI 'BAR BA, G-YAS NA RTZE GSUM DKAR PO SPRUL GYIS BCINGS PA, YANG G-YON NGOS SU DRI BZANGS SNA TSOGS KYIS BKANG BA'I THOD PA DKAR PO, DE BZHIN GSHEGS PA LNGA 'PHRO BA SPRUL PA'I SKU CHEN POR BSAM PAR BYA'O, ,BZLAS PA'I SNGAGS NI, AOm A'A: HR'I:SIm HA N'A DA H'Um PHAt, DE'I RJES SA GZUNGS 'BYUNG BAR 'GYUR RO, ,NA MO RATNA TRA Y'A YA, NA MA:AA RY'A BA LO KI TE SHVA R'A YA, BODHIS TVA YA, MA H'A SATV'A YA, MAH'A K'A RU nI K'A YA, TADYA TH'A,AOm AA KA tE, BI KA tE, NI KA tE, KA tAm KA tE, KA RO tE, KARO tAm, B'IRYA SV'AH'A, 'DI NI BCOM LDAN 'DAS 'PHAGS PA 'JIG RTEN DBANG PHYUG GI SPYAN SNGAR SNGA DRO'I DUS SU BA'I LCI BA SA LAM LHUNG BAS MAndAL BRGYAD BYAS LA MAndAL RE RE LA YANG LAN BCU GSUM BRJOD PAR BYA'O, ,DE NAS LCI BA LHAG MA LA SNGAGS LAN BDUN BZLAS LA BYIN GYIS BRLABS TE, NANG GANG DU BYUNG BA'I SAR BSKUS NA NAD THAMS CAD ZHI BAR 'GYUR RO, ,NYI MA BDUN NAM BCU GSUM MAM NYI SHU RTZA GCIG BYAS NA MTSAMS MED PA LNGA BYAS PA YIN DU ZIN KYANG GRUB PAR MA GYUR NA NGAS MTSAMS MED PA LNGA BYAS PAR 'GYUR RO, ,RJE BTZUN SENG GE SGRA'I SGRUB THABS, SLOB DPON TZANDRA GO MIS MDZAD PA RDZOGS SO,, ,DPYAL CHOS KYI BZANG POS BSGYUR BA'O,,