, ,RGYA GAR SKAD DU, PANYTZA DE WA TA TH'A GA TO LO KA SHVA RA S'ABTA NAm, BOD SKAD DU, DE BZHIN GSHEGS PA 'JIG RTEN DBANG PHYUG LHA LNGA'I SGRUB THABS, RGYAL BA LNGA LA PHYAG 'TSAL LO, ,SHIN TU RNAM DAG DANG BA'I MTSOR, ,RAB MDZES SDONG BU LNGA LDAN STENG, ,RNAM SNANG RDO RJE SEMS DPA' DANG, ,RIN 'BYUNG 'OD DPAG MED DON GRUB, ,SA RIGS RNAM DAG SNA TSOGS GZUGS, ,DNGOS GCIG RGYAL BA LNGA LA 'DUD, ,BYANG CHUB SEMS DPA'I SPYOD PA KHYAD PAR CAN LA GNAS PAS, SNYING RJE CHEN PO MDUN DU BYAS LA, THOG MA KHO NAR CHOS THAMS CAD STONG PA NYID DU RAB TU BSGOM PAR BYA'O, ,GDOD NAS MA SKYES 'OD GSAL BA, ,GANG SHAR NYID NA NGO BO MED, ,CHOS RNAMS KUN GYI MTSAN NYID DE, ,BLA MA'I DRIN GYIS RTOGS PAR 'GYUR, ,GANG 'DI LTAR NGO BO NYID MED PA'I CHOS 'DI DAG NI ZAB PA'I PHYIR RTOGS PAR DKA' BAS MI SHES PA'I 'GRO BA LNGA
, ,PO NI NGES PAR SDUG BSNGAL BA'O ZHES BRTAGS NAS, DMIGS PA MED PA'I THUGS RJE CHEN PO RLUNG GI DKYIL 'KHOR MNGON PAR BSKYOD GYUR PAS, ,SKYE BO NYON MONGS SGRIB TSOGS SPRIN GYI PHUNG PO SHIN TU MTHUG POS GTUMS GYUR PA, ,TSAM TSOM MED PAR DRAG PO'I SHUGS KYIS KUN DU DRAL ZHING YONGS SU GTOR, ,DE YI THABS GYUR THUGS RJE'I DBYINGS SKYES SNA TSOGS MDZAD PA DBYER MED CIG CAR BSGRUB PA YI, ,MGON PO DAM PA RIGS KYI LHA LNGA DRI MA LNGA SBYONG LAS LNGA BSGRUB CING STOBS LA SOGS, ,DE LA DBUS SDOGS SDONG 'DAB BCAS, ,ZLA BA'I 'KHOR LA GSAL BA LA, ,ME LONG GZUGS LTAR 'BRU LNGA BSAM, ,PHRIN LAS LA SBYAR SKUR BSKYED DO, ,RNAM PAR SNANG MDZAD NI KHA BA'I MDOG CAN JI SKAD 'BYUNG BA'I PHYAG RGYA CAN HR'I: 'I SNYING PO CAN 'KHOR LOS MTSAN PA'O, ,RDO RJE SEMS DPA' NI NAM MKHA'I MDOG CAN JI SKAD 'BYUNG BA'I PHYAG RGYA CAN, H'Um GI SNYING PO CAN RDO RJES MTSAN PA'O, ,RIN CHEN 'BYUNG LDAN NI GSER BTZO MA'I MDOG CAN JI SKAD 'BYUNG BA'I PHYAG RGYA CAN, TR'Am GI SNYING PO CAN RIN PO CHES MTSAN PA'O, ,'OD DPAG MED NI ME LCE 'BAR BA'I MDOG CAN JI SKAD 'BYUNG BA'I PHYAG RGYA CAN, ,HR'I: 'I SNYING PO CAN PADMAS MTSAN PA'O, ,DON YOD GRUB PA NI S'A LU LJANG BA'I MDOG CAN JI SKAD 'BYUNG BA'I PHYAG RGYA CAN, AA:'I SNYING PO CAN RAL GRIS MTSAN PA'O, ,'DI DAG DBUS BCAS PHYOGS RNAMS SU, ,RIM BZHIN LAS LA MDZAD PA LA, ,BRTZON PAS TING NGE 'DZIN BZHUGS PA, ,BDAG SBYANG BA DANG GZHAN SBYANG GNYIS, ,AOm AA SVA PA RA DZNY'A NA PI SHUDDHA KRA SA H'Um, 'KHOR LO LTA BU'I SNGAGS SO, ,THUGS RJE CHEN PO LHA LNGA'I SGRUB THABS, RNAL 'BYOR GYI DBANG PHYUG CHEN PO SHR'I MI TRA A'A NA NDA'I GDAMS PA RDZOGS SO,, ,,GNUBS LO TZ'A BAS BSGYUR BA'O,,