, ,RGYA GAR SKAD DU, SHR'I KHARSA PA nA LO KI SHVA RA S'ADHA NAm, BOD SKAD DU, DPAL KHARSA PAn 'JIG RTEN DBANG PHYUG GI SGRUB THABS, THUGS RJE CHEN PO 'PHAGS PA SPYAN RAS GZIGS DBANG PHYUG LA PHYAG 'TSAL LO, ,RNAL 'BYOR DBANG PHYUG BYAMS PA DANG, ,SNYING RJE DGA' BA BTANG SNYOMS LAS, ,BYUNG BA'I BYANG CHUB SEMS KYI BDAG ,'JIG RTEN MGON PO LA PHYAG 'TSAL, ,DE ZHABS PADMO LA REG PAS, ,'JIG RTEN SDUG BSNGAL BSGRAL BA'I PHYIR, ,JI BZHIN JI LTAR SGRUB PA'I THABS, ,MDOR BSDUS BDAG GIS BSTAN PAR BYA, , MKHA' LTAR DRI MED STONG NYID DBYINGS LAS DBANG PO GZHU LTAR GSAL BA'I DNGOS, ,PADMO ZLA RGYAS THUGS GSUNG 'OD 'PHRO SGYU MA'I RNAM THAR SPRUL PA'I SKU, ,RAB MDZES SKU NI GZI BRJID BRTAN MDZES 'BAR BA'I 'OD ZER DKAR 'KHRIGS PA, ,SKYIL KRUNG PHYED BRKYANG DUL BA'I PHYAG G-YAS MCHOD SBYIN GSAL PO G-YON GYI PHYAG ,PADMA'I SDONG MDZES DRI MED 'DAB RGYAS GZHON NU SGEG PO'I THUGS KAR 'DZIN, ,SHEL LTAR DRI MED AUTPAL SPYAN RING KUN NAS YID 'PHROG 'OD 'BAR ZHAL, ,BRTAN PO DKAR GSAL ZLA RGYAS STONG LHAG RAL PA'I COD PAN THUB PA'I GDAN, ,'BAR BA'I
RIN CHEN DRI MED SNA TSOGS SHIN TU 'OD SBYANGS LEGS SPRAS SHING, ,MKHA' LA NYI SHAR LHAM ME LHAN NE NAM MKHA'I MTHAR GTUGS 'OD 'GYED PA, ,DPE BYAD MTSAN RDZOGS GCIG PU SKYOB PA SKYABS KYI DAM PA SLU MED DE, ,SHIN TU RTOGS DKAR DE NYID GZHIR GYUR SNYING GI PAD 'DAB HR'I: YIG GIS, , GANG BA'I PHYOGS RNAMS DE BZHIN DE GZUGS AOm DANG A'A: DANG HR'I: DANG H'Um, ,DKAR SOGS KHA DOG DAG GI PHRENG BA YID NI YE SHES YIG 'BRU'I DNGOS, ,BRTZE PA'I RLUNG BSKYOD YE SHES ME 'BAR 'GRO BA'I SDIG TSOGS BUD SHING BSREGS, ,ZHI BA'I NGANG NI GNYIS MED MI G-YO MKHA' LTAR SPROS BRAL RO GCIG RO, ,BDE CHEN 'BYUNG GNAS YE SHES DRI MED MNYAM GZHAG CHEN PO BSGOM PAR BYA, ,DE RJES MCHOD SOGS DAG PA'I YAN LAG CHO GA JI BZHIN YE SHES SEMS DPA' LEGS BCUG STE, ,RNAM GSUM 'KHOR LO DKAR DMAR SNGO TSUL GO RIMS BZHIN DU SKU GSUNG THUGS, ,BRTAN PO'I MTSAN NYID DAM PA'I ZHAL BZHIN MKHAS PAS RAB TU SHES PAR BYA, ,THUGS RJE CHEN PO KHARSA PAn'I SGRUB THABS, GRUB PA BRNYES PA'I SKYES BU CHEN PO SHR'I SH'ANTA KA RAS MDZAD PA RDZOGS SO,, ,,BOD KYI LO TZ'A BA GNUBS BYAMS PA'I DPAL GYIS BSGYUR BA'O,,