, ,RGYA GAR SKAD DU, A'ARYA shA t'A KshA RA S'A DHA NAm, BOD SKAD DU, 'PHAGS PA YI GE DRUG PA'I SGRUB THABS, 'JIG RTEN MGON PO LA PHYAG 'TSAL LO, ,DANG POR RE ZHIG SNGAGS PAS GDONG BKRUS NAS STAN BDE BA LA 'DUG STE, SANGS RGYAS LA SOGS PAR BSAMS LA SKYABS SU 'GRO BA LA SOGS PA BYA'O, ,BDAG NI DKON MCHOG GSUM LA SKYABS SU SONG BA YIN NO ZHES MOS PAR BYAS NAS, SEMS CAN JI SNYED SEMS CAN DU BSDU BAS YANG DANG BAR BSDUS PA, SGO NGA LAS SKYES PA'AM, MNGAL LAS SKYES PA'AM, DROD GSHER LAS SKYES PA'AM, RDZUS TE SKYES PA'AM, GZUGS CAN NAM, GZUGS CAN MA YIN PA'AM, 'DU SHES CAN NAM, 'DU SHES MED PA'AM, 'DU SHES MED 'DU SHES MED MIN TE, JI SRID DU SEMS CAN NI KHAMS GSUM DU GDAGS PAS, BTAGS PA DE DAG THAMS CAD BDAG NYID KYIS PHUNG PO LHAG MA MED PA'I DBYINGS SU DGOD PAR BYA'O ZHES BSAM, DE NAS AOm SVA BH'A BA BI SHUDDHA:SARBBA DHARM'A:SVA BH'A BA BI SHUDDHONYA\HAm, DE NAS STONG BA NYID DU BSDU BAS BSDUS PA TZAM GYIS BSGOMS LA, DE'I 'OG TU RANG GI SNYING GAR ZLA BA'I DKYIL 'KHOR DE'I STENG DU YI GE HR'I: LAS 'OD ZER BRGYA STONG 'BYUNG BAR BSGOMS TE, YANG DE NYID KYIS THOG MA MED PA NAS BSAGS PA'I 'DOD CHAGS LA SOGS PA'I NYON MONGS PA MA LUS PA MTHA' DAG RNAM PAR DAG PAR BYAS NAS BDAG NYID KYI SNYING GAR ZHUGS PA LAS, BDAG NYID 'JIG RTEN DBANG PHYUG GI SKU RGYAN THAMS CAD KYIS BRGYAN PA, SKU MDOG DKAR PO PHYAG BZHI PA G-YAS NA BGRANG PHRENG G-YON NA PADMA BSNAMS PA, GZHAN GNYIS KYIS THUGS KAR THAL MO SBYAR BA'O, ,G-YAS SU NOR BU 'DZIN PA SKU MDOG DANG PHYAG LA SOGS PA YANG DE DANG 'DRA'O, ,G-YON DU 'BRU DRUG PA'I RIG PA CHEN MO PHYAG BZHI PA STON KA'I SPRIN LTA BU'O, ,DE NAS AOm MA H'A SU KHA BADZRA SA TVA, DZA:H'Um BAm HO:SU RA TA STVAm, AA LA LA LA LA HO, ,AA AA AA AA ZHES BYA BAS BYIN GYIS BRLABS PA'I SNGAGS KYI RGYAL PO BRJOD
PAR BYA'O, ,DE LTAR BSGOMS NAS DE'I 'OG TU 'JIG RTEN DBANG PHYUG GI THUGS KAR ZLA BA'I DKYIL 'KHOR LA PHRENG BA 'DRA BA DKAR PO ZHAL NAS BYUNG ZHING LTE BAR BYUGS TE 'KHOR LO 'KHOR BA'I TSUL GYIS SANGS RGYAS THAMS CAD KYI YID BZHIN GYI NOR BU'I RTOG PA'I SNGAGS KYI RGYAL PO 'DI MTSAN MA MED PA'I TSUL GYIS BZLAS PAR BYA'O, ,DE NAS LUS G-YO BA DANG BCAS PA LA SOGS PAR GYUR PA'I RNAL 'BYOR PA DAD PA DANG SNYING RJE DANG, BLA MA LA GUS PA DANG LDAN PAS NI RING PO MI THOGS PAR 'GRUB PAR 'GYUR RO, ,AOm MA nI PADME H'Um ZHES DE LTAR BZLA'O, ,DE NAS LDANG BA'I DUS SU SNGAGS 'DI BRJOD PAR BYA'O, ,AOm BADZRA SATVA SA MA YA, MA NU P'A LA YA, BADZRA SATVA TVE NO PA TIshthA, DRi BHO MEBHA BA, SU TO shYO ME BHA BA, AA NU RAKTO ME BHA BA, SU PO shYO ME BHA BA, SARBA SIDDHIMME PRA YA TZTSA, SARBA KARMA SU TZA ME, TZITTAm SHRE YA:KU RU H'Um, HA HA HA HA HO:, BHA GA W'AN SARBA TA TH'A GA TA BADZRA M'A ME MUNYTZA, BADZR'I BHA BA, MA H'A SA MA YA SATVA A'A: DE LTAR BZLAS NAS CI BDE BAR GNAS PAR BYA'O, ,YI GE DRUG PA'I SGRUB THABS RDZOGS SO,, ,,SLOB DPON CHEN PO P'U DZA BADZRAS MDZAD PA'O,, ,,RGYA GAR GYI MKHAN PO CHEN PO D'I PAm KA RA SHR'I DZNY'A NA DANG, LO TZ'A BA DGE SLONG SH'AKYA BLO GROS KYIS BSGYUR BA'O,,