, ,RGYA GAR SKAD DU, A'ARY'A BA LO KI TE SHVA RA KHARSA PA nA S'A DHA NAm, BOD SKAD DU, 'PHAGS PA SPYAN RAS GZIGS DBANG PHYUG KHARSA P'A nI'I SGRUB THABS, MGON PO 'PHAGS PA SPYAN RAS GZIGS DBANG PHYUG LA PHYAG 'TSAL LO, ,YID DANG MTHUN PA'I PHYOGS GANG YANG RUNG BAR JI LTAR BDE PA'I STAN LA 'DUG STE, RES RIS LA SOGS PA'I 'JIG RTEN DBANG PHYUG GI SKU MDUN DU BZHUGS PAR DMIGS LA, PHYI NANG GI MCHOD PAS LEGS PAR MCHOD DE, SDIG PA BSHAGS PA DANG, BSOD NAMS LA RJES SU YI RANG BA DANG, GSUM LA SKYABS SU 'GRO BA DANG, BDAG NYID DBUL BA DANG, BYANG CHUB TU SEMS BSKYED PA NI, DKON MCHOG GSUM LA SKYABS SU MCHI, ,SDIG PA MI DGE SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,ZHES BYA BA'I TSIGS SU BCAD PA 'DIS BYA'O, ,DE'I 'OG TU RANG GI SNYING GAR YI GE AA LAS BYUNG BA'I ZLA BA'I DKYIL 'KHOR 'OD ZER DANG BCAS PA DE'I STENG DU YI GE HR'I: 'OD ZER 'PHRO BA'I 'OD ZER GYI TSOGS DE DAG GIS CHOS THAMS CAD DRANGS NAS 'OD ZER GYI TSOGS RNAMS HR'I:DE NYID KYI NANG DU ZHUGS PA DANG, THAL MO LAN GSUM BRDABS LA TSIG 'DI LAN GSUM BRJOD DO, ,AOm SVA BH'A BA SHUDDH'A:SARBBA DHARM'A:SVA BH'A BA SHUDDHONYA\HAm, DE'I 'OG TU CHOS THAMS CAD BDAG MED PAR BSGOM PAR BYA'O, ,TSIG GI DON DANG BCAS PAR BSAMS NAS, ZLA BA BYE BA DANG MNYAM PA'I 'OD ZER YONGS SU GYUR PA LAS RAL BA'I COD PAN GYI DBUS NA GNAS PA'I RGYAL BA'I SKU 'DZIN PA, RIN PO CHE'I PHUG GI NANG NA PADMA CHEN PO DANG ZLA BA'I GDAN LA BZHUGS SHING ZLA BA'I 'OD DANG LDAN PA, RGYAN THAMS CAD KYIS BRGYAN PA, ZHABS G-YON PA SEMS DPA'I SKYIL MO KRUNG LA G-YAS PA CUNG ZAD BRKYANG BA, ,
PHYAG G-YON PA NA PADMA DKAR PO BSNAMS PA, G-YAS KYIS MCHOG SBYIN PA ZHI BA'O, ,BCOM LDAN 'DAS KYI G-YAS LOGS NA BCOM LDAN 'DAS MA SGROL MA RGYAN THAMS CAD KYIS BRGYAN PA AUTPA LA'I SNYING PO KHA 'BYED PAR BSAM MO, ,DE BZHIN DU BCOM LDAN 'DAS KYI G-YON LOGS SU KHRO GNYER CAN COD PAN 'CHANG BA, PHYAG BZHI PA, G-YON GNYIS NA DBYUG PA DANG, SPYI BLUGS BSNAMS PA G-YAS GNYIS KYIS PHYAG BYED PA DANG, MCHOG SBYIN PA'O, ,SPYI GTZUG LAS SKYES PA'I MCHOD RTEN GYIS BRGYAN PA DANG, BCOM LDAN 'DAS KYI G-YON NA KHRO BO CHEN PO RTA MGRIN PHYAG G-YAS PA PHYAG 'TSAL BA DANG, G-YON PAS DBYUG PA 'DZIN PA'O, ,BCOM LDAN 'DAS KYI G-YAS NA NOR BZANGS THAL MO SBYAR NAS BZHUGS PA DE LTAR BSAM MO, ,SANGS RGYAS SPRIN NI 'PHRO BA YIS, ,RNAL 'BYOR 'DI 'DRA BSGOMS NA NI, ,'JIG RTEN MGON PO 'OD CHEN PO, ,TSE 'DI NYID LA THOB PAR 'GYUR, ,BSGOMS PAS DUB PAR GYUR NA, RANG GI SNYING GA'I ZLA BA'I DKYIL 'KHOR GYI STENG DU SNGAGS MU TIG GI PHRENG BA DANG 'DRA BA BSAMS TE BZLAS PAR BYA'O, ,BZLAS PA'I SNGAGS NI 'DI YIN TE, AOm MA nI PADME H'Um, BRGYA 'AM STONG DU BZLAS PAR BYA STE, BCOM LDAN 'DAS LA BDAG NYID KYIS MCHOD PA LEGS PAR BYA'O, ,AOm KHYOD KYIS 'GRO BA'I DON KUN MDZOD, ,RJES SU MTHUN PA'I DNGOS GRUB STZOL, ,SANGS RGYAS YUL DU GSHEGS SU GSOL, ,SLAR YANG 'BYON PAR MDZAD DU GSOL, ,TSIGS SU BCAD PA 'DIS GSHEGS PA DANG SLAR BYON PAR BSKUL NAS BZOD PAR GSOL BAR BYA STE, GANG YANG BDAG BLO GTI MUG PAS, ,'DIR NI NYES PA GANG BYAS PA, ,GANG YANG LUS CAN SKYABS GYUR PAS, ,MGON PO KHYOD NI BZOD PA BZHES, ,GTZO BO NUS PA MA MCHIS PAS, ,MA TSANG BA DANG MA RNYED PA'I, ,'DIR NI BYA BA GANG BYES PA, ,MGON KHYED DE NI BZOD PAR MDZOD, ,BDAG GI DGE BA'I RTZA BA 'DIS, ,SANGS RGYAS NYID NI THOB NAS KYANG, ,SRID PA'I RGYA MTSO BRGAL DKA' LAS, ,'GRO BA MA LUS SGROL BAR SHOG ,'PHAGS PA SPYAN RAS GZIGS DBANG PHYUG KHARSA PA nA'I SGRUB THABS RDZOGS SO,, ,,RGYA GAR GYI MKHAN
, ,PO D'I PAm KA RA SHR'I DZNY'A NA DANG, LO TZ'A BA DGE SLONG SH'AKYA BLO GROS KYIS BSGYUR BA RDZOGS SO,,