, ,RGYA GAR SKAD DU, LO KE SHVA RA S'A DHA NAm, BOD SKAD DU, 'JIG RTEN DBANG PHYUG GI SGRUB THABS, 'JIG RTEN DBANG PHYUG LA PHYAG 'TSAL LO, ,RJE BTZUN 'JIG RTEN DBANG PHYUG BSGOM PAR 'DOD PAS, DANG POR SKYABS 'GRO DANG SEMS BSKYED BYAS NAS RANG GI SNYING GAR YI GE AA DKAR PO YONGS SU GYUR PA LAS ZLA BA'I DKYIL 'KHOR DANG, DE'I STENG DU YI GE HR'I: DKAR PO GCIG BSGOM PAR BYA'O, ,DE LAS 'OD ZER 'PHROS PAS RI PO TA LA NA RJE BTZUN 'JIG RTEN DBANG PHYUG BZHUGS PA DE MDUN GYI NAM MKHAR SPYAN DRANGS TE DE LA RANG GI LUS DPAG TU MED PAR SPRUL NAS YID KYIS PHYAG BYAS PAR BSAM ZHING SNYING GA'I HR'I: 'I 'OD ZER GYIS MCHOD PA LNGAS MCHOD DE, SDIG PA THAMS CAD NI SO SOR BSHAGS SO, ,BSOD NAMS THAMS CAD LA RJES SU YI RANG NGO, ,SANGS RGYAS THAMS CAD LA GSOL BA 'DEBS SO, , BDAG GIS BLA NA MED PA'I YE SHES THOB PAR GYUR CIG CES BRJOD DO, ,DE NAS YE SHES PA DE'I THUGS KA'I YI GE HR'I: LAS 'OD ZER BYUNG STE, RANG GI SNYING GA'I YI GE HR'I: LA THIM DE LAS 'OD ZER 'PHROS PAS RANG GI SGRIB PA GNYIS DAG PAR BYAS TE RANG RJE BTZUN 'JIG RTEN DBANG PHYUG SKU MDOG DKAR PO ZHAL GCIG PHYAG BZHI PA, PHYAG DANG PO GNYIS THUGS KAR THAL MO SBYAR BA, G-YAS KYI GNYIS PA NA NOR BU'I BGRANG PHRENG, G-YON GYI GNYIS PA NI PADMA DKAR PO 'DZIN PA, RAL PA'I THOR TSUGS CAN SANGS RGYAS 'OD DPAG MED KYIS DBU BRGYAN PA, RIN PO CHE'I RGYAN KUN GYIS SPRAS SHING, LHA RDZAS KYI NA BZA' DANG LDAN PA CIG TU GYUR PAR BSAM, DE NAS YE SHES PA DE RANG DAM TSIG PA LA THIM PAS DBYER MED DU GYUR PAR BSGOM, YANG RANG GI SNYING GA'I YI GE HR'I: LAS 'OD ZER 'PHROS PAS SEMS CAN THAMS CAD LA PHOG STE DE RNAMS KYI SGRIB PA GNYIS DAG PAR BYAS NAS THAMS CAD RJE BTZUN 'JIG RTEN DBANG PHYUG TU GYUR PAR BSGOM ZHING, DE RNAMS KYI DAG TU SGRA CI GRAG PA THAMS CAD KYANG YI GE DRUG PA ZLOS PAR BSAM, RANG GIS ZLOS PA'I TSE DE THAMS CAD KYIS YI GE DRUG PA DI RI RI ZLOS PAR BSGOM ZHING DAG PAR BZLAS SO, ,MTHAR YONGS SU DAG PA'I
, ,BSNGO BA BYA'O, ,'JIG RTEN DBANG PHYUG ZHAL GCIG PHYAG BZHI PA'I SGRUB THABS RDZOGS SO,, ,,SLOB DPON KLU SGRUB KYIS MDZAD PA, CHAG LO TZ'A BA CHOS RJE DPAL GYIS NYUNG DUR BSDUS TE BSGYUR BA'O,,