, ,BCOM LDAN 'DAS THUGS RJE CHEN PO GZI BRJID KUN NAS 'BAR BA LA PHYAG 'TSAL LO, , DAL BA DON YOD DUS LAS 'DAS PA DANG, ,SDIG MANG NGAN 'GRO'I SGOR ZHUGS DE BZHIN DU, ,YANG BAR MA NYING MTSAMS SBYAR BA'I TSE, ,DE RTEN CHO GA RGYAL POS RNAM PAR SBYANG, ,SLOB DPON SHIN TU SNYING BRTZE CAN, ,RIG PA RGYA MTSO PHA ROL SON, ,BRTAN ZHING MI 'PHROGS MKHAS PA YIS, ,DBUGS BRAL SLOB MA MDUN DU GZHAG ,CHUS BKRUS DRIS BYUGS RGYAN BTAGS TE, ,BRDEG DANG BKRU SOGS CHO GA BZHIN, ,DE NAS SNGAGS BCAS BDUG PA YIS, ,BGEGS BSKRAD 'KHOR LO BCINGS NAS NI, ,SPYI GTZUG BLA MA YAB DANG YUM, ,SNYOMS ZHUGS THIG LE MA LHUNG BA, ,GOMS PA'I LHA RTEN MDUN GNAS KYI, ,SHANGS BUG NAS NI MYUR BSDUS ZHES, ,DE YI THUGS DKYIL PADMO BSGOM, ,RDO RJE'I RGYAS BTAB ZUM PA'I NANG, ,MI 'GYUR YONGS 'GYUR LHA GZUGS BSKYED, ,SLAR BYUNG ZHING MCHOG DE SRAS GYUR, ,DOGS SU MTHAR PHYIN GRU 'DRA YIS, ,PHUNG PO MA DAG DAG PA DANG, ,DAG
, ,PA DRI MED BSREG RDZAS SU, ,BYIN GYIS BRLABS LA RTOG BRAL MCHOD, ,SNGAGS CHU DRI LDAN YUNGS KAR DANG, ,RAL GRI LA SOGS MTSON BRDAR PHYE, ,MAR DANG TIL SBYAR BLUG CING BSREG ,ME LCE 'BAR BA'I LTAS RNAMS BRTAG ,GSON TSE GOMS PAR BYAS PA YIS, ,'BRAS BU DE RING DUS YIN GYI, ,BU KHYOD 'KHRUG PAR MA BYED PAR, ,BRTAN PAR RNAL 'BYOR DRAN PAR GYIS, ,KHYOD KYI LUS KYI GRONG KHYER NI, ,RTEN 'DI YIN TE DE YI THUGS, ,BU KHYOD SEMS DANG GNYIS MED NYID, ,KHYOD KYI RTAG GNAS 'DI YIN TE, ,YONGS DAG ZHING NI RTAG PA'I YUL, ,RJES 'DZIN BSHES GNYEN 'DI YIN TE, ,'DI DAG GNAS SKABS 'BREL PA'O, ,GANG YANG GNAS DANG LUS 'DI DANG, ,SPYOD YUL 'DI LA NYES DMIGS DANG, ,YONGS DAG ZHING DANG RTEN DANG NI, ,SPYOD YUL MCHOG BRJOD NGES PAR BYA, ,GZHAN YANG 'KHOR DANG MYA NGAN 'DAS, ,SDIG DANG DGE LEGS SKYON YON MANG, ,SNGAGS MTSAMS NGAL BUS RNYED NAS SU, ,SKYO DANG SPRO BAS DBUGS DBYUNG NGO, ,DE RJES GTOR MA BZANG BYIN LA, ,BZANG PO SPYOD PA'I SMON LAM BTAB, ,DAM TSIG 'DZIN PA'I SNGAGS BZLA ZHING, ,RUS PA BSDUS LA MCHOD RTEN BSGRUB, ,RO BSREG GI CHO GA RDZOGS SO,,