284 · GMLW-001936

An Exalted Sutra of the Greater Way entitled 'The Three Heaps' (Ārya Triskandhaka Nāma Mahāyāna Sūtra)

'PHAGS PA PHUNG PO GSUM PA ZHES BYA BA THEG PA CHEN PO'I MDO

נושאי-מדףSubjects:

MDO MANGCollection of Sutras (Sūtra)$$

נושאיםTopics:Rituals for Renewal and PurificationKarmathe Buddhathe Greater WayVows

חיי היום-יוםDaily life:daily practice

נמצא בfound inCollection of Sutras (Sūtra)$$

מספר טוהוקוTohoku numberToh 284 · Sutra

מהדורהrecensionDerge

כותרת בסנסקריטSanskrit titleA'ARYA TRI SKA NDHA KA N'A MA MAH'A Y'A NA S'U TRA

כניעה לhomage toBYANG CHUB SEMS DPA' THAMS CAD

פוליוfolios133b–164a

צורהformprose

מצב תרגוםtranslationno English of the text

גשה מייקל לימד אותו בGeshe Michael taught it inDiamond Cutter Classics

כיסוי המילון לכותרתdictionary coverage of the title100%

ז'אנרgenreRoot Texta sutra — the word of the Buddha; the closing line says the assembly rejoiced at what MANJUSHRI explained

אנשים ומקומותpeople and places named'JAM DPAL GZHON NUR GYUR PAthe closing line names him as the one who expounded it; the colophon names no translator, only that the language was revised

רמת קושיlevelentry

לחיי היום־יוםfor daily lifedaily practice

הכותרת אומתה מול הטקסטtitle verified against the textyesthe opening gives the Sanskrit A'ARYA TRI SKA NDHA KA and the Tibetan 'PHAGS PA PHUNG PO GSUM PA, and the closing line repeats the Tibetan

הקבציםThe files

KL00284_'PHAGS PA PHUNG PO GSUM PA ZHES BYA BA THEG PA CHEN PO'I MDO_An Exalted Sutra of the Greater Way entitled 'The Three Heaps' (Ārya Triskandhaka Nāma Mahāyāna Sūtra).txt/10. MDO MANG_Collection of Sutras (Sūtra)$$/VOL 22 (ZA)

הטקסטThe text

טיבטיתTibetanKL00284_'PHAGS PA PHUNG PO GSUM PA ZHES BYA BA THEG PA CHEN PO'I MDO_An Exalted Sutra of the Greater Way entitled 'The Three Heaps' (Ārya Triskandhaka Nāma Mahāyāna Sūtra).txt71,452 תוויםcharacters

133b

,,RGYA GAR SKAD DU, A'ARYA TRI SKA NDHA KA N'A MA MAH'A Y'A NA S'U TRA, BOD SKAD DU, 'PHAGS PA PHUNG PO GSUM PA ZHES BYA BA THEG PA CHEN PO'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS CHOS KYI DBYE DGON PA NA BZHUGS TE, 'DAS PA DANG, MA BYON PA DANG, DA LTAR BYUNG BA'I SANGS RGYAS BCOM LDAN 'DAS YE SHES

134a

, ,CHEN POS LEGS PAR THUGS SU CHUD PA'I BLO MNGA' BA, SANGS RGYAS THAMS CAD DANG MNYAM PA NYID BRNYES PA, CHOS KYI SKU GNYIS SU MED PA LA BRTEN CING GNAS PA, NAM MKHA'I DKYIL YUL DU GYUR CING THUG PA MED PA'I YE SHES MNGA' BA, CHOS KYI DBYINGS THAMS CAD DU RAB TU ZHUGS PA'I SKU DANG LDAN PA, CHOS KYI COD PA NA CHAGS PA MED PA MCHOG DAM PA DRI MA MED PAS BCINGS PA, SO SO YANG DAG PAR RIG PA CHEN PO RJES SU BSGRAGS PAS SHIN TU RNAM PAR DBYE BA'I DBYANGS CAN, BSOD NAMS MI ZAD PA'I MDZOD KYIS YE SHES KYI DKYIL 'KHOR YANGS SHING 'OD GSAL BA, NYON MONGS PA MED PA'I CHOS THUGS SU CHUD PAS MI RTEN PAR GNAS PA, CHOS KYI DBYINGS THAMS CAD DU SHIN TU RNAM PAR GROL BA'I YE SHES KYI SKU DANG LDAN PA, BSKAL PA BYE BA DPAG TU MED PAR YON TAN GYI CHOS YONGS SU BRJOD KYANG MI ZAD CING THUG PA MED PA'I YON TAN GYI BSNGAGS PA BSTAN PA'I KHYAD PAR BRNYES PA DE DAG LA PHYAG 'TSAL LO, ,DE BZHIN GSHEGS PA SEMS CAN THAMS CAD SNYED KYIS SANGS RGYAS BCOM LDAN 'DAS GANG RNAMS LAS DE BZHIN GSHEGS PA RE RE'I TSUL KHRIMS KYI YON TAN GYI BSNGAGS PA PHUN SUM TSOGS PA LAS BRTZAMS TE, BSKAL PA MTHA' YAS PA BSNGAGS PA BRJOD KYANG DE BZHIN GSHEGS

134b

PA DE'I TSUL KHRIMS KYI YON TAN GYI BSNGAGS PA PHUN SUM TSOGS PA'ANG MI ZAD CING THUG PA MA MCHIS LA, DE BZHIN GSHEGS PA DE DAG GI SPOBS PA SO SO YANG DAG PAR RIG PA LA'ANG THUG PA MA MCHIS TE, DE LTAR SANGS RGYAS BCOM LDAN 'DAS TSUL KHRIMS DPAG TU MA MCHIS PA DE DAG LA MOS PA'I MCHOG GIS MOS SO, ,GTZO BO DANG, DAM PA DANG, KHYAD PAR DU 'PHAGS PA DANG, RAB DANG, PHUL DANG, GYA NEM PA DANG, BLA MA DANG, BLA NA MA MCHIS PA DANG, MNYAM PA MA MCHIS PA DANG, MI MNYAM PA DANG MNYAM PA DANG, MTSUNGS PA MA MCHIS PA DANG, SNANG BA MA MCHIS PA DANG, BDAG NYID CHEN PO DANG, ZIL GYIS MI NON PA DANG, YON TAN GYI CHOS THAMS CAD SDUD PA DANG, YANG DAG PAR RDZOGS PA'I SANGS RGYAS KYIS BKA' STZAL PA'I MOS PAS LHAG PAR MOS SO, ,TSUL KHRIMS LA JI LTA BA DE BZHIN DU TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES MTHONG BA DANG, DE BZHIN DU BYAMS PA CHEN PO DANG, SNYING RJE CHEN PO DANG, DGA' BA CHEN PO DANG, BTANG SNYOMS CHEN PO DANG, DE BZHIN DU STOBS DANG, MI 'JIGS PA DANG, DE BZHIN DU SANGS RGYAS KYI CHOS THAMS CAD YANG DAG PAR 'BYUNG BA'I BAR DAG LA LHAG PAR MOS SO, ,MOS NAS KYANG SANGS RGYAS BCOM LDAN 'DAS DE DAG LA PHYAG 'TSAL LO, ,BSTOD DO, ,BKUR RO, ,BSNGAGS SO, ,RAB TU

135a

, ,BSNGAGS SO, ,'DUD DO, ,RAB TU 'DUD DO, ,PHYAG BGYI'O, ,GZHOL LO, ,BLTA'O, ,BRTAG GO ,BYAMS PA'I LUS KYI LAS DANG, BYAMS PA'I NGAG GI LAS DANG, BYAMS PA'I YID KYI LAS YE SHES SNGON DU 'GRO BA DANG, KUN TU BZANG BA DANG, SANGS RGYAS KYI RGYAN GYI LUS KYI LAS DANG, NGAG GI LAS DANG, YID KYI LAS KYIS SANGS RGYAS BCOM LDAN 'DAS DE DAG LA PHYAG 'TSAL LO, ,BSTOD DO, ,BKUR RO, ,BSNGAGS SO, ,RAB TU BSNGAGS SO, ,'DUD DO, ,RAB TU 'DUD DO, ,PHYAG BGYI'O, ,GZHOL LO, ,BLTA'O, , BRTAG GO ,DMIGS PA DPAG TU MA MCHIS PA DANG LDAN PA'I ME TOG DANG, SPOS DANG, PHRENG BA DANG, BYUG PA DANG, PHYE MA DANG, CHOS GOS DANG, GDUGS DANG, RGYAL MTSAN DANG, BA DAN DANG, MAR ME DANG, BKOD PA DANG, LHAB LHUB DANG, MCHOD RTEN RTZIG PA DANG, SKU GZUGS BGYI BA DANG, RIN PO CHE DANG, RGYAN DANG, BZHON PA DANG, 'CHAGS DANG, GTZUG LAG KHANG DANG, YO BYAD THAMS CAD BKOD PA RNAM PAR DAG PA RGYA CHEN PO 'DI DAG GIS KYANG DE BZHIN GSHEGS PA DE DAG LA BSTI STANG DU BGYI'O, ,BTZUN PAR BGYI'O; ;RI MOR BGYI'O, ,MCHOD DO, ,GSOL LO, ,RIM GROR BGYI'O, ,MCHOD PA MOS PA'I STOBS LAS NGES PAR BYUNG BA, KHAMS GSUM PA LAS SHIN TU 'DAS PA, NYON

135b

MONGS PA MA MCHIS PA'I CHOS LAS BYUNG BA, MNGON PAR 'DU BGYID PA MA MCHIS PA'I PHYAG RGYAS BTAB PA, YE SHES SGYU MA LAS SHIN TU YONGS SU GRUB PA, LAS SGYU MA LAS SHIN TU RNAM PAR PHYE BA, GNAS THAMS CAD LAS SHIN TU SPANGS PA, 'JIG RTEN SGYU MA LAS BYUNG BA, NGO BO NYID KYI CHOS DANG 'BREL PA, YANG DAG PAR RDZOGS PA'I SANGS RGYAS KYIS BKA' STZAL PA'I MCHOD PAS DE BZHIN GSHEGS PA DE DAG LA BSTI STANG DU BGYI'O, ,BTZUN PAR BGYI'O, ,RI MOR BGYI'O, ,MCHOD DO, ,GSOL LO, ,RIM GROR BGYI'O, ,GONG DU'ANG BYANG CHUB SEMS DPA' DE BZHIN GSHEGS PA'I RGYUD BSAB PAR 'TSAL BA, SEMS CAN GYI RGYUD YONGS SU SMIN PAR BGYID PAR 'TSAL BA, ZHING GI RGYUD RNAM PAR SBYONG BAR 'TSAL BA, LAS KYI RGYUD DANG MI 'GAL BAR 'TSAL BA, CHOS KYI RGYUD RAB TU RNAM PAR 'BYED PAR 'TSAL BA, DUS GSUM GYI RGYUD YONGS SU RTOGS PAR 'TSAL BA, PHYOGS KYI RGYUD LA RAB TU 'JUG PAR 'TSAL BA, 'DOD CHAGS MA MCHIS PA'I RGYUD LA RAB TU 'GOD PAR 'TSAL BA, MOS PA'I RGYUD RNAM PAR SBYONG BAR 'TSAL BA, DBANG PO'I RGYUD LA LTA BAR 'TSAL BA, CHOS KYI DBYINGS KYI 'KHOR LO LA RNAM PAR 'PHRUL PAR 'TSAL BA, 'GRO BA'I 'KHOR LO THAMS CAD BSDU BAR 'TSAL BA'I BYANG CHUB SEMS DPA' RNAMS KYIS JI LTAR SANGS RGYAS BCOM LDAN 'DAS DAG GIS SANGS

136a

, ,RGYAS KYI MKHYEN PA CHAGS PA MI MNGA' ZHING SGRIB PA MI MNGA' BAS MKHYEN CING RAB TU MKHYEN PA DE LTA BUS DE BZHIN GSHEGS PA DE DAG LA MCHOD PAR BGYI BA DE BZHIN DU BDAG GIS KYANG YANG DAG PAR RDZOGS PA'I SANGS RGYAS KYIS BKA' STZAL BA'I MCHOD PA, BYANG CHUB SEMS DPA'I DKYIL 'KHOR THAMS CAD RAB TU DGA' BAR BGYID PA, BYANG CHUB SEMS DPA' KUN TU BZANG PO'I SPYOD PA RAB 'BYAMS LAS NGES PAR BYUNG BA, BYANG CHUB SEMS DPA' YE SHES BLA MA GNAS PA'I YUL GYI RJES SU ZHUGS PAS DE BZHIN GSHEGS PA LA MCHOD PAR BGYI'O, ,DE BZHIN GSHEGS PA LA MCHOD PA'I LAS KYI SLAD DU DE BZHIN GSHEGS PA LA MCHOD PA DANG, RIM GRO BGYI BA GTZUG GI BLA MA ZHES BGYI BAS 'JIG RTEN GYI KHAMS RAB 'BYAMS THAMS CAD DU 'DUG STE, DE BZHIN GSHEGS PA LA MCHOD PA, 'DI LTA STE, PHA ROL TU PHYIN PA LAS BYUNG BA, MA SKYES PA'I CHOS LAS BYUNG BA, BYANG CHUB SEMS DPA' RIGS BTZUN PAR SKYES PA'I YE SHES KYI MIG GIS RIG PA, SANGS RGYAS KYI YUL THAMS CAD RGYAS PAR 'GENGS PAS 'JIG RTEN GYI KHAMS CHOS KYI DBYINGS SU GTOGS PA MING GIS KHYAB PA MANG PO DAG NA CHOS KYI DBYINGS RGYAS PAR 'GENGS PA'I 'KHOR GYI DKYIL 'KHOR RNAMS DANG, NAM MKHA'I KHAMS KYI MTHAS GTUGS PA CHOS KYI DBYINGS SU GTOGS

136b

PA'I 'JIG RTEN GYI KHAMS RNAMS SU 'JUG GO ,DE BAS GONG DU'ANG MCHOD PA YON TAN DPAG TU MA MCHIS PA DANG LDAN PA, DGE BA'I RTZA BA CHEN PO'I SHUGS KYIS BSKYED PA, RDO RJE'I DBANG PO SNANG BAR BGYID PA, SANGS RGYAS KYI YUL THAMS CAD DU SNANG BA'I ME TOG GI RGYAL PO'I YE SHES LAS BYUNG BA'I MCHOD PAS DE BZHIN GSHEGS PA DE DAG LA BCI SNANG [?] DU BGYI'O, ,BTZUN PAR BGYI'O, ,RI MOR BGYI'O, ,MCHOD DO, ,GSOL LO, ,RIM GROR BGYI'O, ,JI LTAR BDAG GI DON DU MCHOD PA DE BZHIN DU 'JIG RTEN GYI KHAMS RAB 'BYAMS MA LUS PA THAMS CAD NA SEMS CAN JI TZAM SEMS CAN GYI RIS NA MCHIS PA, SEMS CAN GYI KHAMS DE DAG THAMS CAD KYI CHED DU'ANG DE BZHIN GSHEGS PA DE DAG LA MCHOD PAR BGYI'O, ,DE LTAR BDAG DE BZHIN GSHEGS PA LA MCHOD PA'I STOBS KYIS BRLAN PA'I SEMS BSKYED PA, BYAMS PA CHEN PO DANG, SNYING RJE CHEN POS NYE BAR BSTEN PA, 'GRO BA THAMS CAD YONGS SU BSKYAB PA'I SMON LAM DANG LDAN PAS DE BZHIN GSHEGS PA THAMS CAD KYI BYIN GYI RLABS KYI MDZOD KYI RJES SU ZHUGS PAR GYUR, SHES RAB DANG, THABS KYI STOBS CHEN POS YONGS SU BZUNG BAR GYUR, BDUD KYI LAM DANG, YUL THAMS CAD LAS YANG DAG PAR 'DAS PAR GYUR NAS SGRIB PAR 'GYUR BA'I LAS THAMS CAD BSHAGS PAR BGYI STE, GANG SANGS RGYAS BCOM LDAN 'DAS RNAMS KYIS BKA' MA

137a

, ,STZAL PA DANG, GANG SEMS CAN DAM PA RNAMS KYIS RNAM PAR SPANGS PA DANG, GANG DE BZHIN GSHEGS PA RNAMS KYIS SMAD PA DANG, GANG BYANG CHUB SEMS DPA' RNAMS KYIS YONGS SU SPANGS PA DANG, GANG 'PHAGS PA RNAMS KYIS BSHUNG BA DANG, GANG MKHAS PA RNAMS DANG ZHE 'GRAS PA DANG, GANG RIG PA RNAMS KYIS BOR BA 'DOD CHAGS DANG; ZHE SDANG DANG, GTI MUG GIS RAB TU GZIR BA'I DBANG GIS BYUNG BA'AM, NGA RGYAL DANG, 'CHAB PA DANG, 'KHON DU 'DZIN PA'I DBANG GIS BYUNG BA'AM, PHRAG DOG DANG, SER SNA DANG, MYA NGAN GYI DBANG GIS BYUNG BA'AM, SGYU DANG, G-YO'I DBANG GIS BYUNG BA'AM, MNGON PAR ZHEN PA'I STOBS KYIS BYUNG BA, 'DI LTA STE, LAS KYI SGRIB PA'AM, CHOS KYI SGRIB PA'AM, NYON MONGS PA'I SGRIB PA'AM, LTA BA'I SGRIB PA'AM, MI SHES PA'I SGRIB PA'AM, RNAM PAR SMIN PA'I SGRIB PA'AM, CHOS KYIS PHONGS PAR 'GYUR BA'I SGRIB PA'AM, NYAN THOS DANG, RANG SANGS RGYAS KYI THEG PA DANG LDAN PA'I SGRIB PA'AM, THEG PA CHEN PO'I BAR CHAD DU 'GYUR BA'I SGRIB PA'AM, DGE BA'I RTZA BA THAMS CAD PA GSOG PA LA GNOD PA'I SGRIB PA'AM, SDIG PA'I GROGS PO DANG 'DRE BA'I SGRIB PA'AM, BYANG CHUB SEMS DPA' KUN TU BZANG PO'I SPYOD PA'I SMON LAM YONGS SU RDZOGS PAR BGYI BA LA SGRIB PA DANG CHOD PA'ANG RUNG STE, SGRIB

137b

PA'I LAS BGYIS SHING BSAGS PA SGRIB PA'I KUN NAS LDANG BA GANG GIS SEMS CAN DMYAL BAR MCHI BAR 'GYUR BA DANG, DUD 'GRO'I SKYE GNAS SU MCHI BAR 'GYUR BA DANG, YI DVAGS KYI YUL DU MCHI BAR 'GYUR BA DANG, LHA DBUL POR SKYE BAR 'GYUR BA DANG, SANGS RGYAS LA LTA BA YONGS SU MI 'DZIN PA DANG, CHOS MNYAN PA YONGS SU MI LEN PA DANG, DE BZHIN GSHEGS PA DANG, CHOS DANG, DGE 'DUN DKON MCHOG MNGON PAR MI RIG PAR 'GYUR BA DANG, BYANG CHUB SEMS DPA' DANG 'GROGS PA MI 'THOB PAR 'GYUR BA DANG, DGE BA'I BSHES GNYEN YANG DAG PAS YONGS SU BZUNG BA MI RNYED PAR 'GYUR BA DANG, DGE BA'I RTZA BA CHAB 'TSAL BA YONGS SU 'DZIN PAR 'GYUR BA DANG, BYANG CHUB KYI SEMS BRJED PAR 'GYUR BA DANG, PHA ROL TU PHYIN PA'I LAM MI NYAN PAR 'GYUR BA DANG, BDUD SDIG CAN RNAMS KYIS 'JOMS PAR 'GYUR BA DANG, SANGS RGYAS KYI CHOS THAG RING DU BGYID PAR 'GYUR BA DANG, DGE BA'I RTZA BA THAMS CAD BRTZAM PA'I SBYOR BA LAS RNAM PAR LDOG PAR 'GYUR BA DANG, DGE BA'I BSHES GNYEN LA 'KHU BAR 'GYUR BA DANG, BSAM PA YONGS SU DAG PA MI THOB PA DANG; DRAN PA BRJED PA MA MCHIS PA MI 'THOB PA DANG, CHOS LA LTA BA MI 'THOB PA DANG, SANGS RGYAS KYI RNAM PAR SPRUL PA LA MI MOS PA DANG, SANGS RGYAS KYI CHOS RNAMS LA YID

138a

, ,GNYIS 'TSAL BAR 'GYUR BA DANG, TING NGE 'DZIN GYI SGO KHONG DU MI CHUD PA DANG, SA NAS SAR GNAS PA MI 'THOB PA DANG, BYANG CHUB SEMS DPA' DANG 'GROGS PA MI 'THOB PA DANG, PHA ROL TU PHYIN PA YONGS SU RDZOGS PAR BGYI BA'I LAS BYAS PA DANG LDAN PA KHONG DU MI CHUD PA DANG, SMON LAM CHEN PO LAS NUR BAR 'GYUR BA DANG, SPYOD PA YONGS SU DAG PA MI 'THOB PA DANG, GZUNGS KYI RGYAN GYI SNANG BA MI 'THOB PA DANG, SPOBS PA'I RGYAN GYI SNANG BA KHONG DU MI CHUD PA DANG, BYANG CHUB SEMS DPA' KUN TU BZANG PO'I SPYOD PA'I SMON LAM LA YONGS SU 'DRIS PAR BGYI BA KHONG DU MI CHUD PA DANG, CHOS MNYAM PA NYID MI RTOGS PA DANG, BSOD NAMS MNYAM PA NYID MI SKYED PA DANG, YE SHES MNYAM PA NYID KHONG DU MI CHUD PA DANG, 'KHOR BA'I CHOS RNAMS KYIS KUN TU GZHOM PAR 'GYUR BA'I SGRIB PA DE LTA BU LA SOGS PA DANG, BYANG CHUB SEMS DPA'I SPYOD PA DANG; YON TAN GYI CHOS THAMS CAD KUN TU SGRUB PA LA MI PHYOGS PAR 'GYUR BA'I SGRIB PA'I 'GEBS PA GRANGS MA MCHIS PA 'BUM PHRAG BCU PO DE DAG DUS GSUM DU GTOGS PA'I DE BZHIN GSHEGS PA THAMS CAD CHOS KYI DBYINGS SU 'DUS PA, YE SHES GZIGS PA SGRIB PA MI MNGA' BA, CHAGS PA MA MCHIS PA'I MIG GI YUL BRNYES PA, MNYAM PA

138b

NYID KYI RJES SU ZHUGS PA'I SKU DANG LDAN PA, CHOS KYI DBYINGS MUN PA MA MCHIS PAR ZHUGS PA'I YE SHES KYI SPYAN BRNYES PA'I DE BZHIN GSHEGS PA DE DAG THAMS CAD KYI SPYAN SNGAR BDAG MNGON SUM DU GYUR PAR MOS NAS DE BZHIN GSHEGS PA'I YUL TSAD MED PAR BRTAGS TE, SKRA'I RTZE MO'I CHA SHAS BZHAG PA'I KHYON TZAM RE RE LA DE BZHIN GSHEGS PA SEMS CAN THAMS CAD SNYED DU LHAG PAR MOS SO, ,SKRA'I RTZE MO'I CHA SHAS GCIG BZHAG PA'I KHYON LA JI LTA BA DE BZHIN DU CHOS KYI DBYINGS THAMS CAD DU'ANG DE BZHIN GSHEGS PA SEMS CAN THAMS CAD SNYED DU LHAG PAR MOS SO, ,DE BZHIN GSHEGS PA RE RE LA'ANG LUS THOB PA 'GRO BA THAMS CAD KYI SEMS SNYED KYIS ZHABS KYI 'OG TU GTUGS TE PHYAG 'TSAL LO, , LUS THOB PA RE RE LA'ANG MGO DAG GI LAM NGES PA'I TSIG SNYED DU LHAG PAR MOS SO, ,MGO RE RE LA'ANG KHA'I SGO ZHING THAMS CAD KYI RDUL PHRA RAB TU DBYE BA SNYED DU LHAG PAR MOS SO, ,KHA'I SGO RE RE LA'ANG LCE'I RTZE MO ZHING THAMS CAD KYI RDUL PHRA RAB TU DBYE BA SNYED DU LHAG PAR MOS SO, ,LCE'I RTZE MO'I DKYIL 'KHOR RE RE LA'ANG NGES PA'I TSIG GI SGRAR BRTAGS PA'I THA SNYAD YANG DAG PAR RDZOGS PA'I SANGS RGYAS KYIS BKA' STZAL PA, 'GRO BA THAMS CAD KYI TSIG GI SPYOD PA DANG MNYAM PAS SGRIB PA MA MCHIS PA'I DKYIL 'KHOR DANG MTHUN PAR GYUR NAS LHAG PA'I

139a

, ,BSAM PA NYON MONGS PA'I RI CHEN PO RNAM PAR 'THOR PA LAS BYUNG BA'I SGRIB PAR 'GYUR BA'I LAS DE DAG 'CHAGS SO, ,MI 'CHAB BO, ,'JIG RTEN GYIS KHAMS THAMS CAD DU 'TSAL BAR 'GYUR BA'I BSHAGS PAS 'CHAGS SO, ,BSAL LO, ,RNAM PAR GZHIG GO ,RAB TU GZHOM MO, ,SPANG NGO, ,GDON TO, ,LAS LA DBANG PAS DBANG BGYI'O, ,STOBS BSKYED PA BRNYES PA RNAMS KYI BDE BA NYE BAR BSTAN PA'I SLAD DU YONGS SU BSNGO'O, ,GONG DU'ANG BYANG CHUB SEMS DPA' DE BZHIN GSHEGS PA THAMS CAD MNYES PAR BGYID PAR 'TSAL BA, BYANG CHUB SEMS DPA'I SPYOD PA THAMS CAD YONGS SU SPYOD PAR 'TSAL BA, BYANG CHUB SEMS DPA' RNAM PAR BZHAG PA THAMS CAD LAS YANG DAG PAR 'DA' BAR 'TSAL BA, BYANG CHUB SEMS DPA'I SMON LAM THAMS CAD YONGS SU RDZOGS PAR BGYID PAR 'TSAL BA, BYANG CHUB SEMS DPA'I GTER THAMS CAD THOB PAR 'TSAL BA, DE BZHIN GSHEGS PA THAMS CAD KYI BSTAN PA YANG DAG PAR 'DZIN PAR 'TSAL BA, PHA ROL TU PHYIN PA THAMS CAD YONGS SU RDZOGS PAR BGYID PAR 'TSAL BA, SEMS CAN THAMS CAD YONGS SU SMIN PAR BGYID PAR 'TSAL BA, 'JIG RTEN GYI KHAMS YONGS SU DAG PA THAMS CAD RTOGS PAR 'TSAL BA, BYANG CHUB SEMS DPA' KUN TU BZANG

139b

PO'I SPYOD PA'I SMON LAM YONGS SU RDZOGS PAR BGYI BA RTOGS PAR 'TSAL BA RNAMS KYIS JI LTAR SANGS RGYAS BCOM LDAN 'DAS DAG GIS SANGS RGYAS KYI MKHYEN PA CHAGS PA MI MNGA' ZHING SGRIB PA MI MNGA' BAS MKHYEN CING RAB TU MKHYEN PA DE LTA BUS SGRIB PAR 'GYUR BA'I LAS BSHAGS PAR BGYI BA DE BZHIN DU CI NAS KYANG BDAG GIS BSHAGS PAS LEGS PAR BSHAGS PAR 'GYUR BA DANG, YONGS SU DAG PAR 'GYUR BA DANG, 'OD GSAL BAR 'GYUR BA DANG, KHA NA MA THO BA MA MCHIS PAR 'GYUR BA DANG, GSAL BAR 'GYUR BA DANG, DUG MA MCHIS PAR 'GYUR BA DANG, SGRIB PA MA MCHIS PAR 'GYUR BA DANG, BAR DU GCOD PA MA MCHIS PAR 'GYUR BA DANG, YON TAN GYI CHOS THAMS CAD SGRUB PAR 'GYUR BA DE LTA BUR SGRIB PAR 'GYUR BA'I LAS KYI NYES PA THAMS CAD 'CHAGS SO, ,JI LTAR BDAG GI DON DU BSHAGS PA DE BZHIN DU 'JIG RTEN GYI KHAMS RAB 'BYAMS MA LUS PA THAMS CAD NA SEMS CAN JI TZAM SEMS CAN GYI RIS NA MCHIS PA SEMS CAN GYI KHAMS DE DAG THAMS CAD KYI CHED DU'ANG SGRIB PAR 'GYUR BA'I LAS KYI NYES PA 'CHAGS SO, ,DE LTAR BDAG GI LAS KYI NYES PA SGRIB PAR 'GYUR BA THAMS CAD SO SOR BSHAGS NAS SGRIB PA MA MCHIS PA RNAM PAR DAG PA'I DKYIL 'KHOR LA GNAS TE, 'GRO BA THAMS CAD KYI DGE BA'I RTZA BA LA RJES SU YI

140a

, ,RANG NGO, ,DGE BA'I RTZA BA'I TSOGS KYI KHYAD PAR GANG GIS NGAN SONG DBUL PO YI DVAGS KYI MI KHOM PAR MCHI BA THAMS CAD RNAM PAR BZLOG PA DE LA'ANG RJES SU YI RANG NGO, ,SEMS LA GNOD PA MA MCHIS SHING 'OD GSAL BA, DGE BA'I RTZA BA'I TSOGS KYI KHYAD PAR GANG GIS NGAN SONG DUD 'GRO'I SKYE GNAS KYI MI KHOM PAR MCHI BA THAMS CAD RNAM PAR BZLOG PA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS SEMS CAN DMYAL BA'I MI KHOM PAR MCHI BA THAMS CAD RNAM PAR BZLOG PA DE LA'ANG RJES SU YI RANG NGO, ,BZANG PO'I GNAS DGE BA'I RTZA BA'I TSOGS KYI KHYAD PAR GANG GIS LHA DANG, MIR SKYE BA THAMS CAD YONGS SU 'DZIN PA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS BSAM GTAN GYI DGA' BA DANG, MGU BA DANG, BDE BA THAMS CAD MYONG BA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS 'KHOR BA LA YID 'BYUNG BA'I SEMS THOB PA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS DGE BA'I BSHES GNYEN YANG DAG PAS YONGS SU BZUNG BA THOB PA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS DGE BA'I BSHES GNYEN RNAMS LA GUS PA'I SEMS SNYED PA DE LA'ANG RJES SU YI RANG NGO, ,DGE

140b

BA'I RTZA BA'I TSOGS KYI KHYAD PAR GANG GIS SANGS RGYAS BCOM LDAN 'DAS RNAMS MNYES PAR BGYID DE, MNYES NAS MI MNYES PAR MI 'GYUR BA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS SANGS RGYAS BCOM LDAN 'DAS RNAMS LAS CHOS BSTAN PA MNGON SUM DU NYAN CING THOS NAS, SOM NYI DANG, YID GNYIS BZLOG PA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS 'JIG RTEN GSUM PO THAMS CAD NAS 'BYUNG BA RTOGS PA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS SEMS CAN THAMS CAD KYI STON PA'I SEMS BSKYED PA SNYED PA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS 'GRO BA THAMS CAD THOGS PA MA MCHIS PA'I MIG THOB PA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS NGOS MNYAM PA'I RJES SU MCHI BA SMON LAM CHEN PO YONGS SU DAG PAR BGYID PA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS LUS MTSAN DANG, DPE BYAD BZANG POS LEGS PAR BRGYAN PA THOB PA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS YON TAN THAMS CAD RNAM PAR DAG PA'I RGYAN DAG YONGS SU DAG PA THOB PA DE LA'ANG RJES SU YI RANG NGO, ,DGE

141a

, ,BA'I RTZA BA'I TSOGS KYI KHYAD PAR GANG GIS STOBS BCUS BRGYAN PA'I SEMS RIN PO CHE THOB PA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS THAMS CAD MKHYEN PA NYID KYI SHUGS LAS PHYIR MI LDOG PA THOB PA DE LA 'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS GZUNGS KYI RIGS KHONG DU CHUD PA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS CHOS KYI DBYINGS RNAM PAR DAG PA KHONG DU CHUD PA DE LA'ANG RJES SU YI RANG NGO, , DGE BA'I RTZA BA'I TSOGS KYI KHYAD PAR GANG GIS RNAM PAR SMIN PA MI ZAD PA LA GNAS TE, MNGON PAR SHES PA THOB PA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS SANGS RGYAS KYI ZHING GI RGYAN BSGRUB PA KHONG DU CHUD PA DE LA'ANG RJES SU YI RANG NGO, ,DGE BA'I RTZA BA'I TSOGS KYI KHYAD PAR GANG GIS BDUD KYI RTZOD PA'I DMAG TSOGS THAMS CAD RAB TU BCOM NAS KHYU MCHOG TU GYUR PA KHONG DU CHUD PA DE LA'ANG RJES SU YI RANG NGO, ,DGE BA'I RTZA BA NYAN THOS DANG, RANG SANGS RGYAS THAMS CAD KYI CHOS MNYAM PA NYID LAS SKYES PA'I RIG PA DANG, RNAM PAR GROL BA DANG, 'DOD CHAGS DANG BRAL BA DANG, ZAG PA MA MCHIS PA DANG LDAN PA GANG LAGS PA DE DAG LA'ANG RJES SU YI RANG

141b

NGO; ;BYANG CHUB SEMS DPA' THAMS CAD KYI DGE BA'I RTZA BA GANG DAG BYANG CHUB SEMS DPA'I SPYOD PA THAMS CAD DANG LDAN PA NAS, BLA NA MED PA YANG DAG PAR RDZOGS PA'I BYANG CHUB KHONG DU CHUD PA DANG LDAN PA'I BAR GYI DGE BA'I RTZA BA DE DAG LA'ANG RJES SU YI RANG NGO, ,DE BZHIN GSHEGS PA LA MCHOD PA'I LAS KYI SLAD DU, DE BZHIN GSHEGS PA LA MCHOD PA DANG; RIM GROR BGYI BA BYANG CHUB SEMS DPA' DBANG BSKUR BA RNAMS KYI KHYAD PAR DU 'GRO BA ZHES BGYI BAS 'JIG RTEN GYI KHAMS RAB 'BYAMS THAMS CAD DU 'JUG PA GANG LAGS PA DE LA'ANG RJES SU YI RANG NGO, ,DE BZHIN GSHEGS PA LA MCHOD PA'I LAS KYI SLAD DU, DE BZHIN GSHEGS PA LA MCHOD PA DANG, RIM GROR BGYI BA BYANG CHUB SEMS DPA' DGA' LDAN GYI GNAS MCHOG NA GNAS PA RNAMS KYI KHYAD PAR DU 'GRO BA ZHES BGYI BAS 'JIG RTEN GYI KHAMS RAB 'BYAMS THAMS CAD DU 'JUG PA GANG LAGS PA DE LA'ANG RJES SU YI RANG NGO, ,DE BZHIN GSHEGS PA LA MCHOD PA'I LAS KYI SLAD DU, DE BZHIN GSHEGS PA LA MCHOD PA DANG, RIM GRO BGYI BA BYANG CHUB SEMS DPA' MNGAL NA GNAS PA RNAMS KYI BSOD NAMS KYI ME TOG RGYAS PA'I SNYING PO SNANG BA ZHES BGYI BAS 'JIG RTEN GYI KHAMS RAB 'BYAMS THAMS CAD DU 'JUG PA GANG LAGS PA DE LA'ANG RJES SU YI RANG NGO, ,DE BZHIN

142a

, ,GSHEGS PA LA MCHOD PA'I LAS KYI SLAD DU, DE BZHIN GSHEGS PA LA MCHOD PA DANG, RIM GRO BGYI BA BYANG CHUB KYI SNYING PO MCHOG DAM PA NA GNAS PA BYANG CHUB SEMS DPA' KUN TU BZANG PO'I GTZUG GI BLA MA ZHES BGYI BAS 'JIG RTEN GYI KHAMS RAB 'BYAMS THAMS CAD DU 'JUG PA GANG LAGS PA DE LA'ANG RJES SU YI RANG NGO, , YANG DAG PAR RDZOGS PA'I SANGS RGYAS DUS GSUM DU GSHEGS PA RNAMS KYI DGE BA'I RTZA BA THABS MKHAS PA BSAM GYIS MI KHYAB PAS RNAM PAR 'PHRUL PA DANG LDAN PA GANG LAGS PA DE LA'ANG RJES SU YI RANG NGO, ,GANG DU'ANG BYANG CHUB SEMS DPA' BDUD KYIS RTZOD PA'I DMAG TSOGS THAMS CAD RAB TU GDUL BAR 'TSAL BA, PHAS KYI RGOL BA'I TSOGS THAMS CAD ZIL GYIS GNON PAR 'TSAL BA, MA RIG PA'I MUN PA MUN GNAG DANG, RAB RIB KYI LING TOG MANG PO SEL BAR 'TSAL BA NGAN SONG DANG, MI KHOM PA DANG, NGAN 'GRO'I LAM THAMS CAD GCOD PAR 'TSAL BA, YE SHES KYI DKYIL 'KHOR THAMS CAD RNAM PAR SBYONG BAR 'TSAL BA, CHOS THAMS CAD SNANG BA THOB PAR 'TSAL BA, KUN TU BZANG PO'I LUS KHYU MCHOG TU GYUR PA THOB PAR 'TSAL BA, 'GRO BA THAMS CAD KYI BSAM PA JI LTA BA BZHIN DU TSIM PAR BGYID PA'I DBYANGS KYI YAN LAG RNAM PAR DAG PA THOB PAR 'TSAL BA, CHOS

142b

THAMS CAD JI LTA BA BZHIN DU RTOGS PAR BGYI BA'I SLAD DU YE SHES KYI MIG RNAM PAR SBYONG BAR 'TSAL BA, 'KHOR BA'I 'KHOR LO BZLOG PAR 'TSAL BA, CHOS KYI 'KHOR LO CHEN PO RAB TU BSKOR BAR 'TSAL BA, STOBS BCU'I YE SHES KYIS GNON PAR 'TSAL BA RNAMS KYIS JI LTAR SANGS RGYAS BCOM LDAN 'DAS DAG GIS SANGS RGYAS KYI MKHYEN PA CHAGS PA MI MDA' ZHING SGRIB PA MI MNGA' BAS MKHYEN CING RAB TU MKHYEN PA DE LTA BUS DGE BA'I RTZA BA'I TSOGS THAMS CAD LA RJES SU YI RANG BAR BGYI BA DE BZHIN DU BDAG KYANG RJES SU YI RANG BA'I MCHOG GIS RJES SU YI RANG NGO, ,GTZO BO DANG, DAM PA DANG, KHYAD PAR DU 'PHAGS PA DANG, RAB DANG, PHUL DANG, GYA NOM PA DANG, BLA MA DANG, BLA NA MA MCHIS PA DANG, MNYAM PA MA MCHIS PA DANG, MI MNYAM PA DANG MNYAM PA DANG, MTSUNGS PA MA MCHIS PA DANG, SNANG BAS MA MCHIS PA DANG, BDAG NYID CHEN PO DANG, ZIL GYIS MI NON PA DANG, YON TAN GYI CHOS THAMS CAD SDUD PA DANG, YANG DAG PAR RDZOGS PA'I SANGS RGYAS KYIS BKA' STZAL PA'I RJES SU YI RANG BAS RJES SU YI RANG NGO, ,JI LTAR BDAG GI DON RJES SU YI RANG BA DE BZHIN DU 'JIG RTEN GYI KHAMS RAB 'BYAMS MA LUS PA THAMS CAD NA SEMS CAN JI TZAM PA SEMS CAN GYI RIS NA MCHIS PA SEMS CAN GYI KHAMS DE DAG THAMS CAD KYI CHED DU'ANG DGE BA'I RTZA BA DE

143a

, ,DAG THAMS CAD LA RJES SU YI RANG NGO, ,DA LTAR BDAG DGE BA'I RTZA BA THAMS CAD LA RJES SU YI RANG NAS SANGS RGYAS BCOM LDAN 'DAS THAMS CAD LA BSKUL LO; ;DE LTAR NA PHYOGS BCU'I 'JIG RTEN GYI KHAMS PHYOGS BCU'I MU THUG YONGS SU RJE BAR 'JUG PA, 'JIG RTEN GYI KHAMS THAMS CAD GZHI PHYAL BA'I RJES SU 'GRO ZHING 'JUG PA, STENG G-YOGS MED PA'I RGYUD KYI PHYOGS YONGS SU RJE BAR BSHAD PA, 'CHOL BA'I RGYUD KYI 'JIG RTEN GYI KHAMS MNGON DU SGRUB PA, RNAM PAR DBYE BA'I MIG 'PHRUL LTA BU CHOS KYI DBYINGS SU GTOGS PA'I 'JIG RTEN GYI KHAMS RAB 'BYAMS THAMS CAD NA SANGS RGYAS BCOM LDAN 'DAS GANG DAG KHA CIG BDUD KYI RTZOD PA'I DMAG TSOGS THAMS CAD MNGON PAR BTUL NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS TE, CHOS THAMS CAD LA SGRIB PA MED PA NYID BRNYES PA, BYANG CHUB KYI SNYING PO MCHOG DAM PAR GSHEGS PA, CHOS KYI TSUL G-YO BA MA MCHIS PA'I RANG BZHIN DU GYUR PA, CHOS KYI SKUR RAB TU ZHI BA DANG LDAN PA DAG ,'DI LTA STE, CHOS GZUNG BAR MDZAD PA'I SLAD DU 'JIG RTEN THAMS CAD BSDUL BA'I SA LA GZHES TE CHOS KYI 'KHOR LO MI SKOR BA'I SANGS RGYAS BCOM LDAN 'DAS DE DAG LA BDAG GIS BLA MA LA RI MO GUS PAR

143b

BGYI BA CHEN POS LUS BTUD PA BGYIS NAS CHOS KYI 'KHOR LO CHEN PO RAB TU BSKOR BAR BSKUL GYI, BYANG CHUB SEMS DPA' THAMS CAD YONGS SU GRUB PAR BGYI BA DANG, 'GRO BA THAMS CAD BSKYAB PA DANG, NYON MONGS PA THAMS CAD RNAM PAR BYANG BA BGYI BA DANG, SOM NYI THAMS CAD YANG DAG PAR GZHOM PA DANG, THE TSOM THAMS CAD KUN TU GCAD PA DANG, SANGS RGYAS DANG, CHOS DANG, DGE 'DUN THAMS CAD RAB TU BSGRAGS PA DANG, SANGS RGYAS KYI ZHING THAMS CAD DU SANGS RGYAS 'BYUNG BA RGYUN MI 'CHAD PAR BGYI BA'I SLAD DU SANGS RGYAS BCOM LDAN 'DAS RNAMS KYIS PHA ROL TU PHYIN PA'I YAN LAG THAMS CAD SHIN TU YONGS SU SBYANGS PA, PHYIR MI ZLOG PA, STOBS BCUS ZIL GYIS MI NON PA, 'KHOR BA'I 'KHOR LO RAB TU 'JOMS PA, LTA BAR GYUR PA DANG, NYON MONGS PA THAMS CAD RAB TU 'JIG PA, SO SO YANG DAG PAR REG PA BZHI RJES SU BSGRAGS PA, SHIN TU RNAM PAR PHYE BA'I SGRA DANG LDAN PA, 'PHAGS PA'I BDEN PA BZHI'I TSUL NGES PAR BRTAGS PA'I CHOS KYI 'KHOR LO CHEN PO BSKOR BAR GSOL LO, ,SNYING RJE CHEN PO'I STOBS LA LHAG PAR DMIGS PAR BGYI BA DANG, RANG GI BYANG CHUB SEMS DPA'I SPYOD PA RGYUN MI GCAD PAR BGYI BA DANG, BYANG CHUB SEMS DPA'I LAM THAMS CAD YONGS SU SBYANG BA'I SLAD DU BYANG CHUB SEMS DPA' THAMS CAD LA'ANG

144a

, ,BDAG SKUL LO, ,SNYING RJE CHEN PO'I STOBS LA LHAG PAR DMIGS PAR BGYI BA'I SLAD DU NYAN THOS DANG, RANG SANGS RGYAS THAMS CAD LA'ANG BDAG SKUL LO; ;MI DGE BA'I CHOS THAMS CAD RNAM PAR BZLOG PA DANG, DGE BA'I CHOS THAMS CAD YONGS SU RDZOGS PAR BGYI BA'I SLAD DU SEMS CAN THAMS CAD LA'ANG BDAG TU SKUL LO,, GONG DU'ANG BYANG CHUB SEMS DPA' BSKUL BA'I PHUNG PO DANG LDAN PA RNAMS KYIS JI LTAR SANGS RGYAS BCOM LDAN 'DAS BDAG GIS SANGS RGYAS KYI MKHYEN PA CHAGS PA MI MNGA' ZHING SGRIB PA MI MNGA' BAS MKHYEN CING RAB TU MKHYEN PA DE LTA BUS SANGS RGYAS THAMS CAD DANG, BYANG CHUB SEMS DPA' THAMS CAD DANG, NYAN THOS DANG, RANG SANGS RGYAS THAMS CAD DANG, SEMS CAN THAMS CAD LA BSKUL BAR BGYI BA DE BZHIN DU BDAG KYANG BSKUL BA'I MCHOG DANG, GTZO BO DANG, DAM PA DANG, KHYAD PAR DU 'PHAGS PA DANG, RAB DANG, PHUL DANG, GYA NOM PA DANG, BLA MA DANG, BLA NA MA MCHIS PA DANG, GONG NA MA MCHIS PA DANG, MNYAM PA MA MCHIS PA DANG, MI MNYAM PA DANG MNYAM PA DANG, MTSUNGS PA MA MCHIS PA DANG, SNANG BA MA MCHIS PA DANG, BDAG NYID CHEN PO DANG, ZIL GYIS MI NON PA DANG, YON TAN GYI CHOS THAMS CAD SDUD PA DANG, YANG

144b

DAG PAR RDZOGS PA'I SANGS RGYAS KYIS BKA' STZAL BA'I BSKUL BAS SKUL LO, ,JI LTAR BDAG GI DON DU BSKUL BA DE BZHIN DU 'JIG RTEN GYI KHAMS RAB 'BYAMS MA LUS PA THAMS CAD NA SEMS CAN JI TZAM SEMS CAN GYI RIS NA MCHIS PA SEMS CAN GYI KHAMS DE DAG THAMS CAD KYI CHED DU'ANG SKUL LO, ,GANG DU'ANG DE BZHIN GSHEGS PA THAMS CAD LA BDAG MNGON PAR GSOL BA, DA LTA NA PHYOGS BCU'I 'JIG RTEN GYI KHAMS PHYOGS BCU'I MU THUG YONGS SU RJE BAR 'JUG PA, 'JIG RTEN GYI KHAMS THAMS CAD GZHI PHYAL BA'I RJES SU 'GRO ZHING 'JUG PA, STENG G-YOGS MED PA'I RGYUD KYI PHYOGS YONGS SU RJE BAR BSHAD PA, 'CHOL BA'I RGYUD KYI 'JIG RTEN GYI KHAMS MNGON PAR SGRUB PA, RNAM PAR DBYE BA'I MIG 'PHRUL LTA BU CHOS KYI DBYINGS SU GTOGS PA'I 'JIG RTEN GYI KHAMS RAB 'BYAMS THAMS CAD NA SANGS RGYAS BCOM LDAN 'DAS GANG DAG KHA CIG CHOS KYI 'KHOR LO DAG SHIN TU BSKOR BA, GDUL BA DAG SHIN TU BTUL BA, ZAM PA DAG SHIN TU BTAGS PA, BSTAN PA DAG SHIN TU BYIN GYIS BRLABS PA, BYANG CHUB SEMS DPA' DAG SHIN TU LUNG BSTAN PA; SANGS RGYAS KYI MDZAD PA DAG SHIN TU MDZAD PA, PHAS KYI RGOL BA'I PHYOGS THAMS CAD SHIN TU TSAR BCAD PA, RJES SU BSTAN PA RNAMS SHIN TU 'PHAGS PA, ZHING THAMS CAD DU

145a

, ,BSGRAGS PA, 'GRO BA THAMS CAD KYI BSAM PA JI LTA BA BZHIN DU RNAM PAR DAG PA'I GNAS RNAMS ZHING DE DANG DE DAG DANG, 'JIG RTEN GYI KHAMS RAB 'BYAMS DE DANG DE DAG DANG, SEMS CAN GYI RIS DE DANG DE DAG NA SEMS CAN RAB 'BYAMS MA GUS PAR GYUR PA, DBANG PO YONGS SU SKYOB, SNOD DU MA GYUR PA, DE BZHIN GSHEGS PA LA LTA BA'I RGYUN BCAD PA, RTAG TU CHAGS PA, YUL LA MNGON PAR DGA' BA, 'DUS BYAS KYI SGRIB PAS ZIN PA, 'DOD PA'I YON TAN LNGA LA SRED PA'I DBANG DU MCHIS PA DE DANG, DE DAG LA YUL THAMS CAD LAS BDAG MED PAR YANG DAG PAR STON CING SEMS CAN 'KHOR BA LA MNGON PAR DGA' BA RNAMS YID 'BYUNG BA SKYED PA'I CHED DANG, 'DU BYED THAMS CAD MI RTAG PAR RAB TU BSTAN PA'I CHED DU 'BYOR PA THAMS CAD MTHAR RGUD PA'I SGOR YANG DAG PAR STON LA, SANGS RGYAS YONGS SU MYA NGAN LAS 'DAS PA CHEN PO ZHI BAR YANG DAG PAR BSTAN PA'I CHED DU SROG GI DBANG PO THAMS CAD MTHAR 'CHI BAR YANG DAG PAR STON CING DE BZHIN GSHEGS PA 'PHOS TE, SHIN TU BRAL NAS 'JIG RTEN DU MI DGA' BA CHEN PO STON LA, LHA DANG, MI DANG, LHA MA YIN DU BCAS PA'I 'JIG RTEN GYI MDUN DU YONGS SU MYA NGAN LAS 'DAS PA CHEN PO STON TE, LHA'I

145b

DBANG PO THAMS CAD DU BA DANG, KLU'I DBANG PO THAMS CAD MYA NGAN BGYID PA DANG, GNOD SBYIN GYI DBANG PO THAMS CAD SMRE SNGAGS 'DON PA DANG, 'GRO BA'I DBANG PO THAMS CAD RAB TU MI DGA' BA'I YONGS SU MYA NGAN LAS 'DAS PA CHEN PO LHA DANG, MI DANG, LHA MA YIN DU BCAS PA'I 'JIG RTEN GYI MDUN DU STON PA NA BDAG GIS BLA MA LA RIM GRO GUS PA CHEN POS LUS BTUD PA BGYIS NAS SANGS RGYAS BCOM LDAN 'DAS DE DAG LA SKU TSE BA SRING BA DANG, RING DU BZHUGS PAR GSOL GYI, SANGS RGYAS BCOM LDAN 'DAS RNAMS 'GRO BA THAMS CAD SDUG BSNGAL GYI PHUNG PO LAS BZLOG PA DANG, SEMS CAN THAMS CAD RAB TU BDE BA LA DGOD PA DANG, SEMS CAN THAMS CAD KYI DBUL PO'I LAM RNAM PAR GCAD PA DANG, SEMS CAN THAMS CAD 'KHOR BA'I 'BROG DGON PA CHEN PO LAS BSGRAL BA DANG, 'GRO BA THAMS CAD SANGS RGYAS KYI YUL SGRIB PA MA MCHIS PA LA GNAS PA LA DGOD PA DANG; DBUL BO'I LAM THAMS CAD GCAD PA DANG, 'GRO BA THAMS CAD CHOS DKON MCHOG GIS TSIM PAR BGYI BA DANG, 'JIG RTEN GYI KHAMS THAMS CAD YONGS SU SBYANG BA DANG, 'GRO BA THAMS CAD GDUL BA MTHAR THUG PA DANG, BYANG CHUB SEMS DPA' THAMS CAD YONGS SU GZUNG BA'I SLAD DU BSKAL PA CHOS KYI DBYINGS KYIS KLAS PA, NAM MKHA'I

146a

, ,KHAMS KYI MTHAS GTUGS PAR BZHUGS SU GSOL, SANGS RGYAS BCOM LDAN 'DAS DE DAG LA BDAG MNGON PAR GSOL BA'I MCHOG GIS MNGON PAR GSOL LO, ,GTZO BO DANG, DAM PA DANG, KHYAD PAR DU 'PHAGS PA DANG, RAB DANG, PHUL DANG, GYA NOM PA DANG, BLA MA DANG, BLA NA MA MCHIS PA DANG, GONG NA MA MCHIS PA DANG, MNYAM PA MA MCHIS PA DANG, MI MNYAM PA DANG MNYAM PA DANG, MTSUNGS PA MA MCHIS PA DANG, SNANG BA MA MCHIS PA DANG, BDAG NYID CHEN PO DANG, ZIL GYIS MI NON PA DANG, YON TAN GYI CHOS THAMS CAD SDUD PA DANG, YANG DAG PAR RDZOGS PA'I SANGS RGYAS KYIS BKA' STZAL PA'I MNGON PAR GSOL PAS GSOL LO, ,GONG DU'ANG SANGS RGYAS BCOM LDAN 'DAS DAG GIS JI LTAR SANGS RGYAS KYI MKHYEN PA CHAGS PA MI MNGA' ZHING SGRIB PA MI MNGA' BAS MKHYEN CING RAB TU MKHYEN PA DE LTA BUS BYANG CHUB SEMS DPA' RNAMS KYI GUS PA DE LTA BU DANG, LUS BTUD PA DE LTA BU DANG, NGAG GI LAS 'BYUNG BA DE LTA BU DANG, YID KYI LAS SGRUB PA DE LTA BUS SANGS RGYAS BCOM LDAN 'DAS MYA NGAN LAS 'DA' BAR PHYOGS PAR DGONGS PA LA PHYI MA'I MTHA'I MUR THUGS PA'I BSKAL PAR SKU TSE YONGS SU BSKYANG BAR MNGON PAR GSOL BAR BGYI BA DE BZHIN DU BDAG KYANG

146b

GSOL LO, ,JI LTAR BDAG GI DON DU GSOL BA DE BZHIN DU 'JIG RTEN GYI KHAMS RAB 'BYAMS MA LUS PA THAMS CAD NA SEMS CAN JI TZAM SEMS CAN GYI RIS NA MCHIS PA SEMS CAN GYI KHAMS DE DAG THAMS CAD KYI CHED DU'ANG MNGON PAR GSOL LO, ,BDAG DE LTAR DE BZHIN GSHEGS PA LA MNGON PAR GSOL BA'I DGE BA'I RTZA BA'I STOBS BSKYED PA THOB PAR GYUR; BSAM PA DANG, LHAG PA'I BSAM PA'I STOBS KYIS BRTAN PAR GYUR, DAD PA DANG, MOS PA'I STOBS LA SHIN TU GNAS PAR GYUR NAS LHAG PA'I BSAM PA'I SNOD YANGS PA YANG DAG PAR BSKYED DE, DGE BA'I RTZA BA RAB 'BYAMS THAMS CAD YANG DAG PAR BZUNG NGO, ,BYANG CHUB SEMS DPA'I DKYIL 'KHOR THAMS CAD NA 'DAS PA DANG, MA 'ONGS PA DANG, DA LTAR BYUNG BA'I BYANG CHUB SEMS DPA' THAMS CAD MKHYEN PA NYID SGRIB PA MA MCHIS PA LA BRTZON PA, CHOS KYI DBYINGS KYI DKYIL 'KHOR RNAM PAR DAG PA RJES SU DRAN PA, 'GRO BA THAMS CAD YONGS SU SKYOB PA'I SEMS DANG LDAN PA, DGE BA'I RTZA BA'I TSOGS CHEN PO BLANG BAR RAB TU BRTZON PA, BYANG CHUB SEMS DPA' SEMS DPA' CHEN PO'I RTZOL BAS RTZOL BA, GO CHA CHEN PO BGOS PA, SMON LAM CHEN PO MNGON PAR BSGRUB PA, DGE BA RTZOM PA RGYA CHEN PO LA RAB TU BRTZON PA, PHA ROL TU PHYIN PA CHEN PO'I DKYIL 'KHOR DU RAB TU SBYOR BA, YON TAN GYI

147a

, ,SA THAMS CAD RNAM PAR SBYONG BAR 'TSAL BA, MTHA' DANG, DBUS MA MCHIS PA'I SA LA GNAS PAR 'TSAL BA, 'GRO BA THAMS CAD KYIS YONGS SU RDZOGS PAR 'TSAL BA, SEMS KYI 'KHRI SHING RNAM PAR SBYONG BAR 'TSAL BA, CHOS KYI SGO NYE BAR STOBS PAR 'TSAL BA, DGE BA'I RTZA BA CHEN PO'I SHUGS RNAM PAR SPEL BAR 'TSAL BA'I BYANG CHUB SEMS DPA' THAMS CAD KYIS, 'DI LTA STE, SEMS CAN THAMS CAD STOBS BCU RNAM PAR DAG PA'I MTHAR GCUGS PA DANG, SANGS RGYAS THAMS CAD LA MCHOD PA DANG, RIM GRO BGYI BA'I SLAD DU THAMS CAD MKHYEN PA NYID LA DGE BA'I RTZA BA JI SNYED CIG BSKYED PA DANG, SKYED PAR 'GYUR BA DANG, SKYED PA DE DAG DANG, BYANG CHUB SEMS DPA' THAMS CAD KYI DGE BA'I RTZA BA GCIG PU LA BTANG BA RNAMS DANG, YANG DGE BA'I RTZA BA GANG DAG BYANG CHUB SEMS DPA'I SA NAS SAR 'PHAR BA'I MOD LAS SKYES PA RNAMS DANG; DGE BA'I RTZA BA BYANG CHUB SEMS DPA' KUN TU BZANG PO'I SPYOD PA'I SMON LAM YONGS SU RDZOGS PA LAS BYUNG BA RNAMS DANG, BYANG CHUB SEMS DPA'I SA 'PHRUL BA DANG LDAN PA LA ZHUGS PA DANG, CHOS THAMS CAD KYI DON MTHONG BA RJES SU THOB PA, CHAGS PA MA MCHIS PA'I YE SHES KYI SA'I SNYING PO RDO RJE LTAR SRA BA, MI SHIGS PA'I SEMS

147b

BSKYED PA RNAMS KYIS DGE BA'I RTZA BA'I TSOGS KUN NAS SGO, DE BZHIN GSHEGS PA THAMS CAD MNGON SUM DU GYUR PA, LAS KYI SHUGS KUN NAS NGOS YE SHES 'PHAGS PA ZHES BGYI BAS BSKYED PA, SEMS KYI SKAD CIG SEMS KYI SKAD CIG LA'ANG DE BZHIN GSHEGS PA LA MCHOD PA DANG, RIM GRO BGYID PAR 'JUG STE, DE DAG 'JUG PA DANG, DGE BA'I RTZA BA'I RGYU MTHUN PAS THAMS CAD MKHYEN PA NYID KYI TSAD MED PA'I RKYEN RNAMS KYIS SEMS KYI SKAD CIG SEMS KYI SKAD CIG LA SEMS CAN GYI KHAMS THAMS CAD LA MNGON PAR 'GEBS SHING JI TZAM DU THABS KYI TSUL BRJOD PA LA 'JUG PA DPAG TU MA MCHIS PA DAG GIS BYANG CHUB SEMS DPA' THAMS CAD DANG MNYAM PA NYID KYANG YANG DAG PAR 'GRUB STE, BYANG CHUB SEMS DPA' DE DAG THAMS CAD DGE BA'I RTZA BA'I SHUGS DE DAG THAMS CAD RGYUN MI 'CHAD PAR GTONG BA DE TZAM DU BDAG GIS LHAG PA'I BSAM PA'I SMOD LA MOS PA'I LAM SHIN TU RNAM PAR DAG PA YANG DAG PAR BSKYED NAS DGE BA'I RTZA BA'I SHUGS DE DAG THAMS CAD YANG DAG PAR MNOD DO, ,YANG DAG PAR GZUNG NGO, , BDAG GIR BGYI'O, ,BLANG NGO, ,LHAG PAR MOS SO, ,KUN GYI RJES SU ZHUGS PAR BGYI'O, ,BDAG GIR BGYI BA MCHOG DANG, GTZO BO DANG, DAM PA DANG, KHYAD PAR DU 'PHAGS

148a

, ,PA DANG, RAB DANG, PHUL DANG, GYA NOM PA DANG, BLA MA DANG, BLA NA MA MCHIS PA DANG, MNYAM PA MA MCHIS PA DANG, MI MNYAM PA DANG MNYAM PA DANG, MTSUNGS PA MA MCHIS PA DANG, SNANG BA MA MCHIS PA DANG, BDAG NYID CHEN PO DANG, ZIL GYIS MI NON PA DANG, YON TAN GYI CHOS THAMS CAD SDUD PA DANG, YANG DAG PAR RDZOGS PA'I SANGS RGYAS KYIS BKA' STZAL BA'I BDAG GIR BGYI BAS BDAG GIR BGYI'O, ,GONG DU'ANG BYANG CHUB SEMS DPA' BSOD NAMS KYI TSOGS YANG DAG PAR LEN PAR 'TSAL BA, YON TAN GYI TSOGS BSGRUB PAR 'TSAL BA, SGRIB PA MA MCHIS PA'I YUL LA 'JUG PAR 'TSAL BA, CHAGS PA MA MCHIS PA'I MTHA' LA GNAS PAR 'TSAL BA, DUS GSUM THAMS CAD DU 'JUG PAR 'TSAL BA RNAMS KYIS JI LTAR SANGS RGYAS BCOM LDAN 'DAS DAG GIS MKHYEN CING RAB TU MKHYEN PA DE LTA BUS DGE BA'I RTZA BA THAMS CAD BDAG GIR BGYI BA DE BZHIN DU BDAG GIS KYANG BDAG GIR BGYI'O, ,BDAG GIR BGYI BA'I MCHOG DANG, GTZO BO DANG, DAM PA DANG, KHYAD PAR DU 'PHAGS PA DANG, DPE MA MCHIS PA DANG, SNANG BA MA MCHIS PA DANG, MNYAM PA MA MCHIS PA DANG, 'DRA BA MA MCHIS PA DANG, MI 'DRA BA RNAM PAR DAG PA DANG, RTOG PA DANG, TSIG GI LAM DANG, BSNGAGS

148b

PA BSTAN PA MTHA' YAS PA THAMS CAD KYI BDAG GIR BGYI BAS BDAG GIR BGYI'O, ,JI LTAR BDAG GI DON DU BDAG GIR BGYI BA DE BZHIN DU 'JIG RTEN GYI KHAMS RAB 'BYAMS MA LUS PA THAMS CAD NA SEMS CAN JI TZAM SEMS CAN GYI RIS NA MCHIS PA, SEMS CAN GYI KHAMS DE DAG THAMS CAD KYI CHED DU'ANG BDAG GIR BGYI'O, ,BDAG GI MOS PA DANG LDAN PA'I DGE BA'I RTZA BA GANG LAGS PA DANG, SANGS RGYAS THAMS CAD LA PHYAG 'TSAL BA DANG LDAN PA'I DGE BA'I RTZA BA GANG LAGS PA DANG, DE BZHIN GSHEGS PA THAMS CAD LA LHAG PAR MCHOD PA DANG LDAN PA'I DGE BA'I RTZA BA GANG LAGS PA DANG, MOS PA'I STOBS LAS NGES PAR BYUNG BA'I MCHOD PA DANG LDAN PA'I DGE BA'I RTZA BA GANG LAGS PA DANG, SGRIB PAR 'GYUR BA THAMS CAD SEL BA'I DGE BA'I RTZA BA GANG LAGS PA DANG, RJES SU YI RANG BA DANG LDAN PA'I DGE BA'I RTZA BA GANG LAGS PA DANG, SANGS RGYAS THAMS CAD LA BSKUL BA DANG LDAN PA'I DGE BA'I RTZA BA GANG LAGS PA DANG, DE BZHIN GSHEGS PA THAMS CAD LA MNGON PAR GSOL BA DANG LDAN PA'I DGE BA'I RTZA BA GANG LAGS PA DANG, BDAG GIS DGE BA'I RTZA BA RAB 'BYAMS THAMS CAD SANGS RGYAS DANG, BYANG CHUB SEMS DPA' THAMS CAD LA SHIN TU PHUL NAS BDAG GIR BGYI BA DANG LDAN PA'I DGE BA'I RTZA BA GANG LAGS PA

149a

, ,DANG; BDAG GI DGE BA'I RTZA BA THOG MA DANG PO MA MCHIS PA'I TSE RABS NAS BGYIS PA THAMS CAD MKHYEN PAR YONGS SU MA BSNGOS PA GANG LAGS PA DANG; BDAG GI DGE BA'I RTZA BA 'DUS BYAS KYIS YO BYAD 'TSAL BAS MNGON PAR BSGRUBS PA GANG LAGS PA DANG, NYAN THOS DANG, RANG SANGS RGYAS KYIS MNGON PAR BSGRUBS PA'I DGE BA'I RTZA BA GANG LAGS PA DANG, BDAG GI DGE BA'I RTZA BA LAS KYIS MNGON PAR BSGRUBS PA, DUS THAMS CAD DU BSAGS PA, DE BZHIN GSHEGS PA'I YE SHES KYIS MKHYEN PA GANG LAGS PA DE DAG THAMS CAD YONGS SU BSDU'O, ,BZLUM MO, ,BSDU BAR BGYI'O, ,GONG DU'ANG BYANG CHUB SEMS DPA' SANGS RGYAS THAMS CAD LA MCHOD PAR 'TSAL BA, DE BZHIN GSHEGS PA THAMS CAD KYI BSTAN PA YANG DAG PAR 'DZIN PAR 'TSAL BA RNAMS KYIS JI LTAR SANGS RGYAS BCOM LDAN 'DAS BDAG GIS MKHYEN CING RAB TU MKHYEN PA DE LTA BUS DGE BA'I RTZA BA THAMS CAD YONGS SU BSDU BAR BGYI BA DE BZHIN DU BDAG GIS KYANG YONGS SU BSDU'O, ,BSDUS NAS, 'DI LTA STE, 'DAS PA'I SANGS RGYAS BCOM LDAN 'DAS RNAMS LA MCHOD PA'I LAS DANG, MTSAN RGYAS PAR BGYI BA DANG, MA BYON PA'I SANGS RGYAS BCOM LDAN 'DAS RNAMS KYI BYANG CHUB SEMS DPA'

149b

KUN TU BZANG PO'I SMON LAM YONGS SU RDZOGS PAR BGYI BA DANG, STOBS BCU DANG, BYANG CHUB KYI PHYOGS MYUR DU KHONG DU CHUD PAR BGYI BA'I SLAD DU SEMS CAN THAMS CAD LA STZAL TO, , GTANG NGO, ,YONGS SU GTANG NGO, ,RNAM PAR GTANG NGO, ,NGES PAR GTANG NGO, ,NYAN THOS DANG, RANG SANGS RGYAS THAMS CAD LA DBUL LO, ,GTANG NGO, ,YONGS SU GTANG NGO, ,RNAM PAR GTANG NGO, ,NGES PAR GTANG NGO, ,BYANG CHUB SEMS DPA' THAMS CAD LA DBUL LO, ,GTANG NGO, ,YONGS SU GTANG NGO, ,RNAM PAR GTANG NGO, ,NGES PAR GTANG NGO, ,SANGS RGYAS THAMS CAD LA DBUL LO, ,GTANG NGO, ,YONGS SU GTANG NGO, ,RNAM PAR GTANG NGO, ,NGES PAR GTANG NGO, ,DE BZHIN GSHEGS PA RE RE LA MCHOD PA'I LAS KYI SLAD DU DA LTAR BYUNG BA'I SANGS RGYAS BCOM LDAN 'DAS THAMS CAD MKHYEN PA BYANG CHUB KYI YAN LAG TU GYUR PA RNAMS KYI 'KHOR GYI DKYIL 'KHOR CHOS KYI DBYINGS KYI TSAD TZAM RNAMS SU MCHOD PA BKOD PA THAMS CAD KYI RGYAN GYIS CHOS KYI DBYINGS KUN TU GNAS PAR GYUR CIG ,RIN PO CHE THAMS CAD KYIS KHEBS PA'I RGYAN GYIS CHOS KYI DBYINGS KUN TU GNAS PAR GYUR CIG ,ME TOG THAMS CAD KYI BLA BRE BRES PA'I RGYAN GYIS CHOS KYI DBYINGS KUN TU GNAS PAR GYUR CIG ,RIN PO CHE THAMS CAD KYI RGYAL MTSAN BSGRENG BA'I RGYAN GYIS CHOS KYI DBYINGS KUN TU GNAS PAR

150a

, ,GYUR CIG ,RIN PO CHE THAMS CAD KYI DRA BA BRES PA'I RGYAN GYIS CHOS KYI DBYINGS KUN TU GNAS PAR GYUR CIG ,RIN PO CHE THAMS CAD KYI NA BZAS G-YOGS PA'I RGYAN GYIS CHOS KYI DBYINGS KUN TU GNAS PAR GYUR CIG ,GZHAL DU MA MCHIS PA'I GOS KYI SPRIN GYI CHAR DANG, RIN PO CHE THAMS CAD KYIS SANGS RGYAS LA MCHOD PA BKOD PA'I RGYAN GYIS CHOS KYI DBYINGS KUN TU GNAS PAR GYUR CIG ,SNYING PO'I SPOS THAMS CAD KYIS BDUGS PA'I RGYAN GYIS CHOS KYI DBYINGS KUN TU GNAS PAR GYUR CIG ,RGYAN GYI DMIGS PA THAMS CAD LA CHAGS PA LAS GROL BA'I SIL SNYAN 'KHROL BA DANG LDAN PA'I DBYINGS KYI RGYAN GYIS CHOS KYI DBYINGS KUN TU GNAS PAR GYUR CIG ,RIN PO CHE THAMS CAD KYI PADMA BKRAM PA'I RGYAN GYIS CHOS KYI DBYINGS KUN TU GNAS PAR GYUR CIG ,THAMS CAD KYI RJES SU SGROGS PA'I SPRIN GYI RGYAN GYIS CHOS KYI DBYINGS KUN TU GNAS PAR GYUR CIG , RIN PO CHE THAMS CAD KYI SPRIN SNANG BA RAB TU 'BYED PA'I RGYAN GYIS CHOS KYI DBYINGS KUN TU GNAS PAR GYUR CIG ,LHA'I THAMS CAD LAS SHIN TU 'DAS PA RIN PO CHE'I COD PAN SNA TSOGS KYI SPRIN GYI RGYAN GYIS CHOS KYI DBYINGS KUN TU GNAS PAR GYUR CIG ,DE LTAR DGE BA'I RTZA BA 'DIS JI LTAR BYANG CHUB SEMS DPA' KUN TU BZANG PO RNAMS DE BZHIN GSHEGS

150b

PA'I 'KHOR GYI DKYIL 'KHOR DU MCHOD PA THAMS CAD DANG LDAN PAS 'JUG PA DE BZHIN DU BDAG KYANG DGE BA'I RTZA BA 'DIS DE BZHIN GSHEGS PA THAMS CAD KYI 'KHOR GYI DKYIL 'KHOR DU DE LTAR DPAG TU MA MCHIS PA'I MCHOD PA PHYI MA'I MTHA'I MUR THUG PAR BYIN GYIS RLOB PA LA 'JUG PAR GYUR CIG ,GONG DU'ANG JI LTAR SANGS RGYAS BCOM LDAN 'DAS DAG GIS MKHYEN CING RAB TU MKHYEN PA DE LTA BUS BYANG CHUB SEMS DPA' RNAMS KYIS DGE BA'I RTZA BA THAMS CAD SEMS CAN THAMS CAD DANG, NYAN THOS DANG, RANG SANGS RGYAS THAMS CAD DANG, BYANG CHUB SEMS DPA' THAMS CAD DANG, DE BZHIN GSHEGS PA THAMS CAD LA MCHOD PAR BGYI BA DANG, GSOL BAR BGYI BA DANG, DBUL BAR BGYI BA DE BZHIN DU BDAG KYANG DGE BA'I RTZA BA THAMS CAD SEMS CAN THAMS CAD DANG, NYAN THOS DANG, RANG SANGS RGYAS THAMS CAD DANG, BYANG CHUB SEMS DPA' THAMS CAD DANG, DE BZHIN GSHEGS PA THAMS CAD LA GSOL LO, ,YONGS SU GTONG NGO, ,DON TO, ,DBUL LO, ,BDAG GIS SEMS CAN THAMS CAD DANG, NYAN THOS DANG, RANG SANGS RGYAS THAMS CAD DANG, BYANG CHUB SEMS DPA' THAMS CAD DANG, SANGS RGYAS BCOM LDAN 'DAS THAMS CAD LA DGE BA'I RTZA BA THAMS CAD PHUL NAS BSOD NAMS KYI PHUNG PO YONGS SU BSDUS PA BSOD NAMS

151a

, ,KYI PHUNG PO DPAG TU MA MCHIS SHING BSAM GYIS MI KHYAB PA DE BZHIN GSHEGS PA'I YE SHES KYIS MKHYEN PA GANG LAGS PA DES BDAG BRTAN PA 'GYUR NAS BDAG BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR BGYI'O, ,JI LTAR BCOM LDAN 'DAS DE BZHIN GSHEGS PA MAR ME MDZAD KYIS BCOM LDAN 'DAS DE BZHIN GSHEGS PA ZLA 'OD LA MCHOD PA DAM PAS MCHOD NAS, DANG PO BYANG CHUB TU THUGS BSKYED PA DE BZHIN DU BDAG KYANG BYANG CHUB TU SEMS BSKYED PAR BGYI'O, ,JI LTAR BCOM LDAN 'DAS DE BZHIN GSHEGS PA SH'AKYA THUB PA TSONG DPON GYI BU MNGON DGAR GYUR PA NA BCOM LDAN 'DAS DE BZHIN GSHEGS PA MDZES CHEN LA BRTEN TE, DANG PO BYANG CHUB TU THUGS BSKYED PA DE BZHIN DU BDAG KYANG BYANG CHUB TU SEMS BSKYED PAR BGYI'O, ,JI LTAR BCOM LDAN 'DAS DE BZHIN GSHEGS PA TSE DPAG MED DGE SLONG CHOS KYI 'BYUNG GNAS SU GYUR PA NA BCOM LDAN 'DAS DE BZHIN GSHEGS PA 'JIG RTEN DBANG PHYUG RGYAL PO LA TSIGS SU BCAD PA'I DBYANGS KYIS MNGON PAR BSTOD NAS BYANG CHUB TU THUGS BSKYED PA DE BZHIN DU BDAG KYANG BYANG CHUB TU SEMS BSKYED PAR BGYI'O, ,JI LTAR BCOM LDAN 'DAS DE BZHIN GSHEGS PA MI 'KHRUGS PAS SEMS THOGS PA MA MCHIS PA DANG, SEMS

151b

MI 'KHRUGS PA DANG, TSE RABS THAMS CAD DU RAB TU 'BYUNG BA DANG, MNGON PAR 'BYUNG BA'I SEMS KYIS SENG GE'I SGRA MNGON PAR BSGRAGS TE, DE BZHIN GSHEGS PA SPYAN RAB TU DANG BA LAS BYANG CHUB TU THUGS BSKYED PA DE BZHIN DU BDAG KYANG SEMS BSKYED PAR BGYI'O, ,JI LTAR BCOM LDAN 'DAS DE BZHIN GSHEGS PA DPAL BZANG POS BCOM LDAN 'DAS DE BZHIN GSHEGS PA RGYA MTSO'I DPAL LA DGE BA'I RTZA BA'I RNAM PA MANG PO BSKYED NAS BYANG CHUB TU THUGS BSKYED PA DE BZHIN DU BDAG KYANG SEMS BSKYED PAR BGYI'O, ,JI LTAR BYANG CHUB SEMS DPA' BYAMS PA RGYAL PO GSER MDOG LTA BUR GYUR PA NA BCOM LDAN 'DAS DE BZHIN GSHEGS PA GSER GYI MCHOD SDONG GI 'OD LA BKOD PA DU MAS MCHOD PA DANG, RIM GRO BGYIS NAS BYANG CHUB TU THUGS BSKYED PA DE BZHIN DU BDAG KYANG SEMS BSKYED PAR BGYI'O, ,JI LTAR BYANG CHUB SEMS DPA' BLO GROS RGYA MTSO YUL SHIN TU RNAM PAR DAG PA'I 'KHOR LOS BSGYUR BA'I RGYAL POR GYUR PA NA DE BZHIN GSHEGS PA YON TAN GYI 'OD ZER MTHA' YAS LA BKUR STIR BGYIS NAS BYANG CHUB TU THUGS BSKYED PA DE BZHIN DU BDAG KYANG SEMS BSKYED PAR BGYI'O, ,JI LTAR BYANG CHUB SEMS DPA' NAM MKHA' MDZOD LHAS DBANG BSKUR TE, STONG GSUM GYI 'KHOR LOS BSGYUR BA'I RGYAL POR GYUR

152a

, ,PA NA, DE BZHIN GSHEGS PA SMON LAM THAMS CAD LAS YANG DAG PAR BYUNG BA RIN PO CHE'I GZI BRJID MNGON PAR 'PHAGS PA'I RGYAL PO LA GDUGS GCIG BZHIN DU RIN PO CHE'I PHUNG PO RI RAB TZAM BAS PAR BGYIS TE, BAR GYIS BSKAL PA BZHI BCUR MCHOD PA DANG, RIM GRO BGYIS NAS BYANG CHUB TU SEMS BSKYED PA DE BZHIN DU BDAG KYANG SEMS BSKYED PAR BGYI'O, ,JI LTAR 'JAM DPAL GZHON NUR GYUR PA 'KHOR LOS BSGYUR BA'I RGYAL POR GYUR PA NA BCOM LDAN 'DAS DE BZHIN GSHEGS PA SGRA DBYANGS BSGRAGS PA'I RGYAL PO LA MCHOD PA DANG, RIM GRO RNAM PA DU MA BGYIS NAS BYANG CHUB TU SEMS BSKYED PA DE BZHIN DU BDAG KYANG SEMS BSKYED PAR BGYI'O, ,JI LTAR BYANG CHUB SEMS DPA' KUN TU BZANG POS BCOM LDAN 'DAS DE BZHIN GSHEGS PA YE SHES RDO RJE RGYA MTSO'I RGYAL PO LA BSTI STANG BGYIS NAS BYANG CHUB TU SEMS BSKYED PA DE BZHIN DU BDAG KYANG SEMS BSKYED PAR BGYI'O, ,MCHOG DAM PA NGA RGYAL ZHI BA SEMS MA LAGS PA'I SEMS DANG, 'GRO BA THAMS CAD YONGS SU BSKYAB PA'I SEMS DANG, BYANG CHUB KYI SEMS DES KHYAB PAR MA GYUR PA'I CHOS KYI DBYINGS DE GANG YANG MA MCHIS SO, ,BYANG CHUB TU SEMS BSKYED PA'I DGE BA'I RTZA BA'I TSOGS DES DUS GSUM DU MA KHYAB PA

152b

CUNG ZAD KYANG MA MCHIS SO, ,SANGS RGYAS THAMS CAD MNYES PAR BGYID PA'I SEMS DANG, BYANG CHUB SEMS DPA'I DKYIL 'KHOR THAMS CAD RAB TU DGA' BAR BGYID PA'I SEMS DANG; NYAN THOS DANG, RANG SANGS RGYAS THAMS CAD RJES SU YI RANG BA'I SEMS DANG, SEMS BSKYED PA DES YONGS SU ZIN PAR MA GYUR PA'I SEMS CAN DE GANG YANG MA MCHIS SO, , MCHOD PAR MA GYUR PA'I DE BZHIN GSHEGS PA DE GANG YANG MI BZHUGS SO, ,GONG DU SEMS BSKYED DE BSKYED MA THAG PA'I BSOD NAMS KYI PHUNG PO NI RAB TU MANG GI ,SEMS CAN THAMS CAD 'KHOR LOS BSGYUR BA DANG, 'JIG RTEN SKYONG BA DANG, BRGYA BYIN DANG, TSANGS PA DANG, NYAN THOS DANG, RANG SANGS RGYAS SU GYUR PA RNAMS KYI BSOD NAMS KYI PHUNG PO NI DE TZAM MA LAGS SO, ,BDAG GI BSOD NAMS KYI PHUNG PO BYANG CHUB TU SEMS BSKYED PA DANG LDAN PA GANG LAGS PA DANG, SEMS CAN THAMS CAD LA RTZAL BA GANG LAGS PA DANG, NYAN THOS DANG; RANG SANGS RGYAS THAMS CAD LA PHUL BA GANG LAGS PA DANG, BYANG CHUB SEMS DPA' THAMS CAD LA PHUL BA GANG LAGS PA DANG, SANGS RGYAS THAMS CAD LA DGE BA'I RTZA BA THAMS CAD PHUL BA'I BSOD NAMS KYI PHUNG PO YONGS SU BZUNG BA GANG LAGS PA DANG, GANG YE SHES DANG, MOS PA MNGON PAR BSGRUBS PA RNAMS KYI MOS PA DANG LDAN PA'I DGE BA'I RTZA

153a

, ,BA GANG LAGS PA DANG, SANGS RGYAS THAMS CAD LA PHYAG 'TSAL BA DANG LDAN PA'I DGE BA'I RTZA BA GANG LAGS PA DANG, DE BZHIN GSHEGS PA THAMS CAD LA LHAG PAR MCHOD PA DANG LDAN PA'I DGE BA'I RTZA BA GANG LAGS PA DANG, MOS PA'I STOBS LAS BYUNG BA'I MCHOD PA DANG LDAN PA'I DGE BA'I RTZA BA GANG LAGS PA DANG, SGRIB PAR 'GYUR BA THAMS CAD SEL BA'I DGE BA'I RTZA BA GANG LAGS PA DANG, RJES SU YI RANG BA DANG LDAN PA'I DGE BA'I RTZA BA GANG LAGS PA DANG, SANGS RGYAS THAMS CAD LA BSKUL BA DANG LDAN PA'I DGE BA'I RTZA BA GANG LAGS PA DANG, DE BZHIN GSHEGS PA THAMS CAD LA GSOL BA 'DEBS PA DANG LDAN PA'I DGE BA'I RTZA BA GANG LAGS PA DANG, BDAG GI DGE BA'I RTZA BA RAB 'BYAMS SANGS RGYAS DANG, BYANG CHUB SEMS DPA' THAMS CAD LA BOS TE, BDAG GIR BGYI BA DANG LDAN PA GANG LAGS PA DANG, BDAG GI DGE BA'I RTZA BA THOG MA DANG PO MA MCHIS PA'I TSE RABS NAS BGYIS PA THAMS CAD MKHYEN PAR YONGS SU MA BSNGOS PA GANG LAGS PA DANG, BDAG GI DGE BA'I RTZA BA 'DUS BYAS KYI YO BYAD 'TSAL BAS MNGON PAR BSGRUBS PA GANG LAGS PA DANG, BDAG GI DGE BA'I RTZA BA NYAN THOS DANG, RANG SANGS RGYAS THAMS CAD KYI SA'I SLAD DU MNGON PAR BSGRUBS PA GANG LAGS PA DANG, BDAG

153b

GI DGE BA'I RTZA BA LAS KYIS BSGRUBS PA SNGON GYI DUS NAS BSAGS PA DE BZHIN GSHEGS PA'I YE SHES KYIS MKHYEN PA GANG LAGS PA DE DAG THAMS CAD YONGS SU BSDU'O, ,YONGS SU BSDUS NAS BLA NA MED PA YANG DAG PAR RDZOGS PA'I BYANG CHUB TU YONGS SU BSNGO'O, ,BDAG GI DGE BA'I RTZA BA 'DI DAG GIS SANGS RGYAS THAMS CAD MNYES PAR BGYID CING DGYES PAR BGYID PAR GYUR CIG ,SANGS RGYAS KYI ZHING THAMS CAD YONGS SU SBYONG BAR GYUR CIG ,SEMS CAN THAMS CAD YONGS SU SMIN PAR BGYID PAR GYUR CIG ,DGE BA'I BSHES GNYEN THAMS CAD DANG, CHOS SMRA BA THAMS CAD MGU BAR BGYID CING DGA' BAR BGYID PAR GYUR CIG ,DE BZHIN GSHEGS PA THAMS CAD KYI BSTAN PAR YANG DAG PAR 'DZIN CING BSRUNG BA DANG, YONGS SU SKYONG BAR GYUR CIG ,SGRIB PA'I LING TOG THAMS CAD RNAM PAR SBYONG BAR GYUR CIG ,BDUD KYI RTZOD PA'I DMAG TSOGS THAMS CAD RAB TU 'DUL BAR GYUR CIG ,SANGS RGYAS KYI CHOS THAMS CAD MNGON PAR RDZOGS PAR BYANG CHUB PAR GYUR CIG ,TING NGE 'DZIN THAMS CAD DANG, DBANG THAMS CAD THOB PA DANG, MNGON PAR SHES PA THAMS CAD KYIS RNAM PAR RTZEN PA DANG, RNAM PAR THAR PA THAMS CAD KYIS RNAM PAR 'PHRUL BAR GYUR CIG ,CI NAS KYANG 'KHOR BA NA MI 'DRA LA ZHING TSE RABS GZHAN DU RJES BA NA CHAB 'TSAL BAR MI 'GYUR BA DANG, BYANG CHUB

154a

, ,SEMS DPA'I SPYOD PA PHA ROL TU PHYIN PA BSKYUD PAR MI 'GYUR BA DANG, BYIS PA SO SO'I SKYE BO DANG 'DRE BAS SGRIB PA'I CHA DANG MTHUN PAR MI 'GYUR BA DE LTA BUR BDAG GI DGE BA'I RTZA BA DE DAG YONGS SU BSNGO'O, ,CI NAS KYANG BYANG CHUB SEMS DPA' DE DAG SANGS RGYAS KYI ZHING 'DI NAS SANGS RGYAS MNGON SUM DU BZHUGS PA'I 'JIG RTEN GYI KHAMS GZHAN DU SANGS RGYAS DE DAG LA MCHOD PA BKOD PA'I RGYAN GYIS BRGYAN PAR BGYID DU MCHI BA DANG, SANGS RGYAS LA MCHOD PA BKOD PA'I RGYAN DE'I THA MA'I SEMS BSKYED PA THOB PA YONGS SU RDZOGS PAR DGE BA'I RTZA BA DE DAG YONGS SU BSNGO'O, ,'CHI BA'I DUS KYI TSE NA'ANG SANGS RGYAS BCOM LDAN 'DAS DE DAG GIS PHYAG G-YAS PA GSER GYI KHA DOG CAN BRKYANG STE BDAG GI SPYI BOR 'JOG PAR GYUR CIG ,CI NAS BDAG DNGOS PO THAMS CAD LA MI LTA BA BKOD PA RGYUN THOGS PA MA MCHIS PA SHES RAB KYI PHA ROL TU PHYIN PAS YONGS SU BSGOS PA'I SEMS DANG, TSOR BA THAMS CAD RGYUN CHAD PA'I SEMS KYIS 'CHI BA'I DUS BGYID PAR GYUR CIG ,DAD PA GRANGS MA MCHIS PA DANG, RI MO GUS PAR BGYI BA GRANGS MA MCHIS PA DANG, DGA' BA DANG, DAD PA GRANGS MA MCHIS PAS SANGS RGYAS BCOM LDAN 'DAS DE DAG LA LTA ZHING RTOG LA KUN TU SMRA ZHING YANG DAG PAR SMRA BZHIN

154b

DU 'CHI BA'I DUS BGYID PAR GYUR CIG ,MCHOD PA YID DU 'ONG BAS DE BZHIN GSHEGS PA DE DAG LA MCHOD CING ME TOG DANG, SPOS DANG, PHRENG BA DANG, BYUG PA DANG, PHYE MA DANG, NA BZA' DANG; GDUGS DANG, RGYAL MTSAN DANG, BA DAN DPAG TU MA MCHIS PA DAG GIS DE BZHIN GSHEGS PA DE DAG LA MCHOD CING BLTA LA RTOG BZHIN DU 'CHI BA'I DUS BYED PAR GYUR CIG ;BDAG GI DGE BA'I RTZA BA 'DIS 'JIG RTEN GYI KHAMS THAMS CAD NA SEMS CAN DMYAL BA THAMS CAD RGYUN CHAD PAR GYUR CIG ,DUD 'GRO'I SKYE GNAS DANG, GSHIN RJE'I 'JIG RTEN THAMS CAD RGYUN CHAD PAR GYUR CIG ,LHA DBUL PO THAMS CAD DANG, MI DBUL PO THAMS CAD DANG, SER SNA THAMS CAD DANG, 'CHAL BA'I TSUL KHRIMS THAMS CAD DANG, GNOD SEMS THAMS CAD DANG, LE LO THAMS CAD DANG, RNAM PAR G-YENG BA THAMS CAD DANG, 'CHAL BA'I SHES RAB THAMS CAD RGYUN CHAD PAR GYUR CIG ,BYANG CHUB TU SEMS BSKYED PA DANG; SANGS RGYAS LA BLTA BA DANG, DAM PA'I CHOS MNYAN PA DANG, DGE BA'I BSHES GNYEN DANG 'GROGS PA DANG MI 'BRAL BAR GYUR CIG ,DGE BA'I RTZA BA 'DIS BDAG SANGS RGYAS BCOM LDAN 'DAS THAMS CAD DANG LUS MNYAM PAR GYUR CIG ,NGAG MNYAM PA DANG, SEMS MNYAM PA DANG, YE SHES MNYAM PAR GYUR CIG ,JI LTAR GONG DU'ANG SANGS

155a

, ,RGYAS BCOM LDAN 'DAS DAG GIS JI LTAR SANGS RGYAS KYI MKHYEN PA CHAGS PA MI MNGA' ZHING SGRIB PA MI MNGA' BAS MKHYEN CING RAB TU MKHYEN PA DE LTA BUS BYANG CHUB SEMS DPA' RNAMS KYIS DGE BA'I RTZA BA THAMS CAD BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BGYI BA DE BZHIN DU BDAG GIS KYANG DGE BA'I RTZA BA THAMS CAD BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA'I MCHOG GIS YONGS SU BSNGO'O, ,GTZO BO DANG, DAM PA DANG, KHYAD PAR DU 'PHAGS PA DANG, RAB DANG, PHUL DANG, GYA NOM PA DANG, BLA NA MA MCHIS PA DANG, GONG NA MA MCHIS PA DANG, MNYAM PA MA MCHIS PA DANG, MI MNYAM PA DANG MNYAM PA DANG, MTSUNGS PA MA MCHIS PA DANG, SNANG BA MA MCHIS PA DANG, BDAG NYID CHEN PO DANG, BLA MA DANG, ZIL GYIS MI NON PA DANG, YON TAN GYI CHOS THAMS CAD SDUD PA DANG, YANG DAG PAR RDZOGS PA'I SANGS RGYAS KYIS BKA' STZAL PA'I YONGS SU BSNGO BAS YONGS SU BSNGO'O, ,JI LTAR BDAG GI DON DU YONGS SU BSNGO BA DE BZHIN DU 'JIG RTEN GYI KHAMS RAB 'BYAMS MA LUS PA THAMS CAD NA SEMS CAN JI TZAM SEMS CAN GYI RIS NA MCHIS PA SEMS CAN GYI KHAMS DE DAG THAMS CAD KYI CHED DU'ANG YONGS SU BSNGO'O, ,DGE BA'I RTZA BA 'DI LAS SU

155b

DAG SHAS KYIS 'DZIN PAR 'DOD PA DE DAG GIS KYANG RJES SU YI RANG NGO ZHES BRJOD PAR BYA'O, ,DE NAS BYANG CHUB SEMS DPA' SEMS DPA' CHEN PO CHOS THAMS CAD LA DAM 'CHA' BAR GNAS PAS 'JAM DPAL GZHON NUR GYUR PA LA 'DI SKAD CES SMRAS SO, ,'JAM DPAL, JI LTAR NA BYANG CHUB SEMS DPA'I 'CHAGS PA KHA NA MA THO BA MED PA YIN, RJES SU YI RANG BA KHA NA MA THO BA MED PA DANG, BSKUL BA KHA NA MA THO BA MED PA DANG, GSOL BA 'DEBS PA KHA NA MA THO BA MED PA DANG, YONGS SU BSNGO BA KHA NA MA THO BA MED PA YIN, DE SKAD CES SMRAS PA DANG, 'JAM DPAL GZHON NUR GYUR PAS, BYANG CHUB SEMS DPA' CHOS THAMS CAD LA DAM 'CHA' BAR GNAS PA LA 'DI SKAD CES SMRAS SO, ,RIGS KYI BU, 'DI LA BYANG CHUB SEMS DPA' SEMS DPA' CHEN PO DAG 'DAS PA DANG, MA BYON PA DANG, DA LTAR BYUNG BA'I SANGS RGYAS BCOM LDAN 'DAS RNAMS KYI CHOS MNYAM PA NYID LA 'JUG CING DES YAN LAG LNGA SA LA GTUGS PAR BYAS TE, DES PUS MO G-YAS PA'I LHA NGA SA LA 'DZUGS PA NA, TSIG 'DI SKAD CES, SEMS CAN THAMS CAD G-YAS PHYOGS KYI LAM LA GNAS PAR GYUR CIG CES BRJOD PAR BYA'O, ,DES PUS MO G-YON PA'I LHA NGA SA LA 'DZUGS PA NA, TSIG 'DI SKAD CES, SEMS CAN GANG SU DAG G-YON PHYOGS KYI LAM LA GNAS PA DE DAG

156a

, ,THAMS CAD 'PHAGS PA'I LAM LA GNAS SHING YANG DAG PA'I LAM LA GNAS PAR GYUR CIG CES BRJOD PAR BYA'O, ,DES LAG PA G-YAS PA SA LA 'JUGS PA NA, TSIG 'DI SKAD CES, JI LTAR DE BZHIN GSHEGS PA BYANG CHUB KYI SNYING PO MCHOG DAM PA LA BZHUGS PA DGE BA'I CHOS THAMS CAD DANG LDAN PAS DBU DANG, SKU DANG, SKYIL MO KRUNG LA YONGS SU BYUGS TE, PHYAG G-YAS PA SA LA BSNUN NAS, BDUD DPUNG DANG BCAS PA BTUL TE, BYANG CHUB BRNYES PA DE BZHIN DU SEMS CAN 'DI DAG GIS KYANG BDUD PHYIR RGOL BA CHOMS PAR GYUR CIG ,BYANG CHUB KYI SNYING PO LA 'DUG CING SA CHEN PO LA BSNUN NAS SANGS RGYAS KYI YE SHES THOB PAR GYUR CIG CES BRJOD PAR BYA'O, ,DES LAG PA G-YON PA SA LA 'DZUGS PA NA, TSIG 'DI SKAD CES, SEMS CAN GANG SU DAG BYIS PA'I CHOS LA GNAS TE, G-YON PHYOGS SU 'DZIN PA LA GDUL DKA' BA DE DAG THAMS CAD BSDU BA'I DNGOS PO BZHIS SHIN TU SDUD PAR GYUR CIG CES BRJOD PAR BYA'O, ,DES GDONG DANG, DPRAL BA SA LA GTUGS PA NA, TSIG 'DI SKAD CES, SEMS CAN THAMS CAD NGA RGYAL MA MCHIS PA 'DIS BLA MA RNAMS LA RIM GRO BGYID PA RNYED CING SPYI GTZUG BLTAR MI MTHONG BA DANG, DGE BA'I CHOS THAMS CAD 'PHAGS PAR GYUR CIG ,DA

156b

LTAR BDAG YAN LAG LNGAS PHYAG 'TSAL BA 'DIS SEMS CAN THAMS CAD KYI SGRIB PA LNGA RNAM PAR SEL BAR GYUR CIG ,DBANG PO LNGA YONGS SU RDZOGS PAR GYUR CIG ,'DOD PA'I YON TAN LNGA YONGS SU SHES PAR GYUR CIG ,MNGON PAR SHES PA NYAMS PA MED PA LNGA THOB PAR GYUR CIG ,MIG LNGA YONGS SU DAG PAR GYUR CIG ,SEMS CAN 'GRO BA LNGAR SKYES PA RNAMS 'GRO BA LNGA LAS KHYAD PAR DU 'PHAGS PAR GYUR CIG ,TSUL KHRIMS KHYAD PAR DU 'PHAGS PA DANG, TING NGE 'DZIN KHYAD PAR DU 'PHAGS PA DANG, SHES RAB KHYAD PAR DU 'PHAGS PA DANG, RNAM PAR GROL BA KHYAD PAR DU 'PHAGS PA DANG, RNAM PAR GROL BA'I YE SHES MTHONG BA KHYAD PAR DU 'PHAGS PAR GYUR CIG CES BRJOD PAR BYA'O, ,DES YAN LAG LNGA YONGS SU DAG PA DANG SGRIB PA LNGA DANG BRAL BA DANG, STOBS LNGA LA GNAS PA DANG, DE BZHIN GSHEGS PA YID LA BYED PA DANG MA BRAL BAS, TSIG 'DI SKAD CES, SANGS RGYAS BCOM LDAN 'DAS CHOS KYI SKU DANG LDAN PA, SKU MA LAGS PA, GSUNG DAG PA, GSUNG MI MNGA' BA, SEMS DANG BA, SEMS MI MNGA' BA, YE SHES CHAGS PA MI MNGA' BA DANG LDAN PA, MA BYON MA BZHUD PA THAMS CAD MKHYEN PA DANG LDAN PA, THAMS CAD GZIGS PA DANG LDAN PA RNAMS BDAG LA DGONGS SU GSOL, BDAG GIS 'KHOR BA THOG MA'I MTHA'I MU NAS BZUNG STE, YANG DAG

157a

, ,PA'I MTHA' DANG, BDAG GI MTHA' MA 'TSAL BAS CHOS MA LAGS PA LA CHOS SU 'DU SHES BSKYED PA DANG, 'DUL BA MA LAGS PA LA 'DUL BAR 'DU SHES BSKYED PA DANG, SBYIN GNAS MA LAGS PA LA SBYIN GNAS SU 'DU SHES BSKYED PA DANG, MI DGE BA LA DGE BAR 'DU SHES BSKYED PA DANG, PHYIN CI LOG GI SEMS KYIS BDAG GI LUS SU LTA BAS YONGS SU DKRIS PA DANG, DGE BA'I CHOS GANG SANGS RGYAS KYIS BKA' MA STZAL PA MNGON PAR 'DUS BGYIS PA DANG, BGYID PA DANG, BGYID DU STZAL BA DANG; BGYID PA LA RJES SU YI RANG BAR GYUR PA GANG CI MCHIS PA DE BDAG 'CHAGS SO, ,DMIGS PA LA GNAS TE, BDAG GIS SEMS CAN MA MCHIS PA LA SEMS CAN DU 'DU SHES PA DANG, SEMS SGYU MA LTA BUR MA 'TSAL NAS BLA NA MED PA YANG DAG PAR RDZOGS PA'I BYANG CHUB TU SEMS BSKYED PA GANG LAGS PA DE THAMS CAD 'CHAGS SO, , BDAG GIS MNGON PAR 'DU BGYID PA MA MCHIS PAR MA 'TSAL NAS LUS DANG, NGAG DANG, YID KYIS CHOS DGE BA DANG, MI DGE BA MNGON PAR 'DU BGYID PA DANG, MNGON PAR 'DUS BGYIS PA GANG LAGS PA DE 'CHAGS SO, ,BDAG GYIS SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB MNYAM

157b

PA NYID DU MA 'TSAL NAS DMIGS PAR LHUNG BAS SBYIN PA SBYIN PA DANG, TSUL KHRIMS MCHOG TU 'DZIN PAS TSUL KHRIMS BSRUNGS PA DANG, BDAG DANG, GZHAN DU 'DU SHES PAS BZOD PA BSGOMS PA DANG, LUS DANG, SEMS LA GNAS TE BRTZON 'GRUS BRTZAMS PA DANG, 'DU SHES DANG, DMIGS PA LA GNAS TE BSAM GTAN BSKYED PA DANG, KUN TU RTOG PA DANG, RNAM PAR RTOG PA RAB TU 'JUG PA LA MNGON PAR DGA' BAS SHES RAB RNAM PAR DPYAD PA GANG LAGS PA DE 'CHAGS SO, ,BDAG GIS DON DAM PA'I MCHOD PA MA 'TSAL NAS GZUGS DANG, RGYAN DANG, MTSAN LA MNGON PAR ZHEN PAS SANGS RGYAS LA MCHOD PA BGYIS PA GANG LAGS PA DE 'CHAGS SO, ,BDAG CHOS KYI DBYINGS THA MI DAD PA'I YE SHES LA MA ZHUGS KYI, CHOS THA DAD PA LA GNAS TE, CHOS MNYAN PA'AM, BSHAD PA'AM, RAB TU BSAMS PAR GYUR PA GANG LAGS PA DE 'CHAGS SO, ,BDAG GIS CHOS 'DUS MA BYAS SU MA 'TSAL TE, DGE 'DUN LA MANG POR 'DU SHES NAS DGE 'DUN LA BSNYEN BKUR BGYIS PA GANG LAGS PA DE 'CHAGS SO, ,BDAG GIS DGON PA MA 'TSAL NAS DGON PA'I GNAS BSNYEN TE, 'DOD PA NYUNG ZHING CHOG SHES PA LA MNGON PAR ZHEN PA GANG LAGS PA DE 'CHAGS SO, ,BDAG GIS CHOS NYID GNAS PAR MA 'TSAL NAS 'BYUNG BA

158a

, ,DANG; 'JIG PA LA GNAS TE, SANGS RGYAS KYI YON TAN BLANG BAR ZHUGS PA GANG LAGS PA DE 'CHAGS SO, ,BDAG GIS CHOS KYI DBYINGS YONGS SU GZUNG BA MA MCHIS PAR MA 'TSAL MA ZHUGS KYI, SEMS CAN BSDU BAR 'TSAL BA'I BSDU BAS SEMS CAN DAG BSDUS PA GANG LAGS PA DE 'CHAGS SO, ,BDAG GIS BYANG CHUB KYI MTSAN NYID KYI RANG BZHIN MA 'TSAL NAS LTA BA LA YONGS SU ZHEN PAS BYANG CHUB KYI PHYOGS KYI CHOS SUM CU RTZA BDUN BSGOMS PA GANG LAGS PA DE 'CHAGS SO, ,BDAG GIS DGE SBYONG GI LAM ZHI BA MA 'TSAL NAS RAB TU BYUNG BA BSNYEN PAR RDZOGS TE, DGE SLONG GI DNGOS PO BSKYED PA GANG LAGS PA DE 'CHAGS SO, ,KUN RDZOB LA 'JUG PA'I DGE BA'I RTZA BA GZHAN GANG DAG BSAGS PA DANG, DGE BA'I RTZA BA GANG DAG GIS 'DUS BYAS KYI BDE BAR GYUR TE, 'DUS MA BYAS LAS SHIN TU RING BAR GYUR PA GANG LAGS PA DE DAG 'CHAGS SO ZHES BRJOD PAR BYA'O, ,RIGS KYI BU, DE LTAR THOG MAR BYANG CHUB SEMS DPAS BAG LA NYAL DANG BCAS PA DANG, MNGON PAR 'DU BYED PA DANG BCAS PA DANG, MTSAN MA DANG BCAS PA DANG, 'BAD PA DANG BCAS PA DANG, SPROS PA DANG BCAS PA DANG, LEN PA DANG BCAS PA DANG, GNAS PA DANG BCAS PA DANG, RTEN PA DANG BCAS PA'I NYE BAR LEN PA'I CHOS THAMS CAD BSHAGS

158b

PAR BYA'O, ,'DI LA 'DI LTA BU'I BSDU BA DANG, SPROS PA DANG, BCOS PA KUN TU MI 'BYUNG BA GANG YIN PA DE NI SDIG PA BSHAGS PA YONGS SU DAG PA YIN TE, 'DI NI BSHAGS PA'I PHUNG PO'O, RIGS KYI BU, GZHAN YANG, BYANG CHUB SEMS DPA' DES DE BZHIN DU 'DUG STE, TSIG 'DI SKAD CES, 'DAS PA DANG, MA BYON PA DANG, DA LTAR BYUNG BA'I SANGS RGYAS BCOM LDAN 'DAS, RNAMS KYIS DANG PO THUGS BSKYED PA NAS BZUNG STE, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PA'I BAR DANG LDAN PA RNAMS KYI BAR DE'I DGE BA'I RTZA BA GANG CI'ANG RUNG, SANGS RGYAS KYIS BKA' STZAL PA, RTZA BA MA MCHIS SHING RTEN MA MCHIS PA, GTONG BA MA MCHIS PAS GTONG BA RNAM PAR DAG PA DANG, RANG BZHIN GYI TSUL KHRIMS MI ZAD MI SKYE BA DANG, SEMS CAN MA MCHIS PA'I BZOD PA DANG, DMIGS PA LAS DBEN PA'I BRTZON 'GRUS DANG, SEMS KYI NGO BO NYID LA NGES PAR SEMS PA'I BSAM GTAN DANG, TSU ROL DANG, PHA ROL GYI MTHAR LTA BA RNAM PAR SPANGS PA'I SHES RAB RTEN CING 'BREL PAR 'BYUNG BA ZAB MO LA 'JUG PA DANG, STONG PA NYID KYI RNAM PA'I BYAMS PA DANG, RNAM PA'I RNAM PA MA MCHIS PA'I SNYING RJE DANG, CHOS LA KUN TU MI 'BYUNG BA'I DGA' BA DANG, YAL BAR 'DOR BA MA LAGS PA'I BTANG SNYOMS GANG LAGS PA DE DAG LA RJES SU YI

159a

, ,RANG NGO, ,KHYIM GYI DNGOS PO THAMS CAD BZUNG BA MA MCHIS SHING GANG YONGS SU MA BZUNG BA, RTZA BA MA MCHIS SHING RTEN PA MA MCHIS PA'I DGE BA'I RTZA BA MA DRAN PA DRAN PAR GYUR PA'I DRAN PA NYE BAR BZHAG PAR RNAMS DANG, MA 'GAGS PA DANG, MA SKYES PA'I YANG DAG PAR SPONG BA RNAMS DANG, LUS DANG, SEMS DANG, BRTZON 'GRUS DANG, 'DUN PA DANG LDAN PA'I RDZU 'PHRUL GYI RKANG PA RNAMS DANG, DBANG PO LNGA MTSAN NYID MA MCHIS PA'I DBANG PO RNAMS DANG, NAM MKHA' LTAR MI THUL BA'I STOBS RNAMS DANG, DON DAM PA YANG DAG PAR RTOGS PA'I BYANG CHUB KYI YAN LAG RNAMS DANG, MI GNYIS PA'I LAM DANG LDAN PA'I LAM DANG, ZHI BA'I ZHI GNAS THOB PA DANG, RIG PA DANG, RNAM PAR GROL BA DANG MTHUN PA'I LHAG MTHONG DANG, MNGON PAR SHES PA'I YE SHES MNGON DU 'GRO BA DE DAG THAMS CAD LA RJES SU YI RANG NGO, ,THOG MA'I MTHA' NAS LUS KYI NGO BO NYID YONGS SU DAG PA DANG, BRJOD DU MA MCHIS PA'I NGAG RNAM PAR DAG PA DANG, SANGS RGYAS LA RIM GRO BGYI BA BSNYEN BKUR BGYIS PA MA MCHIS PA DANG, CHOS LA RIM GRO BGYI BA CHOS THAMS CAD YONGS SU GZUNG BA MA MCHIS PA DANG, DGE 'DUN LA RIM GRO BGYI BA TSOGS PA MA MCHIS SHING YON TAN MA MCHIS PA DANG, SPYOD LAM

159b

THAMS CAD RNAM PAR MA BRTAGS PA'I SDOM PA SPYOD PA DANG, 'DAS PA DANG, MA BYON PA DANG, DA LTAR BYUNG BA'I SANGS RGYAS BYANG CHUB SEMS DPAR GYUR PA DE DAG GI CHOS SPYOD PA, YANG DAG PA'I SDOM PA, BDUD THAMS CAD KYIS MI SHIGS PA, 'JIG RTEN THAMS CAD DANG MA 'DRES PA, NYAN THOS DANG, RANG SANGS RGYAS THAMS CAD KYI SAR MA DES PA, BYANG CHUB SEMS DPA'I LAM DANG MTHUN PA, DGE BA'I RTZA BA BZANG PO, LAS DKAR PO MA LAGS PA 'GAG PAR 'GYUR BA GZHAN GANG CI MCHIS PA DANG, DGE BA'I RTZA BA BZANG PO 'OD GSAL BA'I LAS GANG GIS BYANG CHUB SEMS DPA' DE DAG GIS SANGS RGYAS KYI YE SHES THOB PA DANG, 'THOB PA DANG, 'THOB PAR 'GYUR BA DE DAG THAMS CAD LA BDAG RJES SU YI RANG NGO, ,'DAS PA DANG, MA BYON PA DANG, DA LTAR BYUNG BA'I SANGS RGYAS BCOM LDAN 'DAS BYANG CHUB BRNYES PA DE DAG GI TSUL KHRIMS DANG, TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES MTHONG BA ZAG PA MA MCHIS PA DANG, STOBS MI THUL BA RNAMS DANG, MI 'JIGS PA PHYIR MI LDOG PA RNAMS DANG; SANGS RGYAS KYI CHOS CHAGS PA MA MCHIS PA RNAMS DANG, KUN TU MI 'BYUNG BA'I BYAMS PA CHEN PO DANG, SNYING RJE CHEN PO GZHAN GYI DRING LA MI 'JOG PA DANG, SPYI GTZUG BLTAR

160a

, ,MI MTHONG BA NAM MKHA' DANG MTSUNGS PA GANG LAGS PA DANG, GNYIS SU MA MCHIS PA'I BSOD NAMS RNAM PAR SMIN PA'I MTSAN NYID DANG, LUS DANG; NGAG DANG, SEMS KYI RGYUD BCOS MA MA LAGS PA NAM MKHA' LTAR YONGS SU DAG PA DANG, BRGYA BYIN PA DANG, TSANGS PA THAMS CAD KYIS BSKUL BA'I CHOS KYI 'KHOR LO DANG, BRJOD PA MA MCHIS PA DANG LDAN PA'I CHOS BSTAN PA DANG, SEMS CAN THAMS CAD LA SHES PA SNANG BA RNAM PAR SHES PA LAS GZHAN MA LAGS PA DE DAG THAMS CAD LA RJES SU YI RANG NGO, ,SEMS CAN THAMS CAD LA PHAN GDAGS PA'I SLAD DU THABS MKHAS PA'I GNAS LA GNAS PA DAG 'DAS PA DANG, MA BYON PA DANG, DA LTAR BYUNG BA'I SANGS RGYAS BCOM LDAN 'DAS BZHUGS PA'AM, YONGS SU MYA NGAN LAS 'DAS PA'ANG RUNG STE, DAM PA'I CHOS NUB KYI BAR DU DE DAG LA MCHOD PA BGYIS PA DANG, BGYID PA DANG; BGYID PAR 'GYUR BA GANG LAGS PA DE DAG THAMS CAD LA RJES SU YI RANG NGO, ,SANGS RGYAS BCOM LDAN 'DAS YONGS SU MYA NGAN LAS 'DAS PA DE DAG GI NYAN THOS 'DUS PA SEMS CAN THAMS CAD LAS YANG DAG PAR 'DAS PA RNAMS DANG, DAD PAS RJES SU 'BRANG BA RNAMS DANG, CHOS KYI DBYINGS LA ZHUGS PA RNAMS DANG, CHOS KYI

160b

RJES SU 'BRANG BA RNAMS DANG, LOG PA BRGYAD LAS YANG DAG PAR 'DAS PA'I BRGYAD PA RNAMS DANG, CHAGS PA MED PA'I RIGS LA GNAS PA'I RIGS KYIS PA RNAMS DANG, RGYUN DU ZHUGS PA RGYUN LAS BZLOG STE ZHUGS PA RNAMS DANG, LAN GCIG PHYIR 'ONG BA GANG DU'ANG MI 'GRO BA RNAMS DANG, PHYIR MI 'ONG BA 'DI NAS SHI 'PHOS NAS DER GNAS PAR 'GYUR BA RNAMS DANG, DGRA BCOM PA GRANGS MA MCHIS SHING SKYE BA MA MCHIS PAR RAB TU PHYE BA RNAMS DANG, RANG SANGS RGYAS RTEN CING 'BREL BAR 'BYUNG BA ZAB MO KHONG DU CHUD PA RNAMS DANG, BYANG CHUB SEMS DPA' YE SHES MNGON SUM DU RTOGS PA RNAMS DANG, BYANG CHUB SEMS DPA' SEMS SA DANG MTSUNGS PA'I SEMS DANG PO BSKYED PA RNAMS DANG, BYANG CHUB SEMS DPA' SPYOD PA THAMS CAD LAS YANG DAG PAR 'DAS PA'I SPYOD PA LA ZHUGS PA RNAMS DANG, BYANG CHUB SEMS DPA'I 'KHOR BA'I CHOS LAS 'DAS SHING SANGS RGYAS KYI CHOS THOB PA PHYIR MI LDOG PA RNAMS DANG, BYANG CHUB SEMS DPA' SKYE BA THAMS CAD LAS SHIN TU 'DAS PA RNAMS DANG, BYANG CHUB SEMS DPA' SKYE BA GCIG GIS THOGS PA RNAMS KYI DGE BA'I RTZA BA RTEN PA MA MCHIS PA GANG LAGS PA DE DAG DANG, 'DUS BYAS LAS YONGS SU BRGAL BA DE DAG THAMS CAD LAS RJES SU YI RANG NGO, ,'DAS PA DANG, MA 'ONGS PA

161a

, ,DANG; DA LTAR BYUNG BA'I DUS KYI SEMS CAN RNAMS KYI SBYIN PA'I BSOD NAMS BGYI BA'I DNGOS PO DANG, TSUL KHRIMS KYI BSOD NAMS BGYI BA'I DNGOS PO DANG, BSGOM PA DNGOS PO MA MCHIS PA'I DNGOS POR GYUR PA'I BSOD NAMS BGYI BA'I DNGOS PO SANGS RGYAS KYI SPYAN GYIS MKHYEN PA GANG LAGS PA DE DAG THAMS CAD LA RJES SU YI RANG NGO, ,RJES SU YI RANG BA'I MCHOG DANG, MA CHAD PA DANG, MA LHAG PA DANG, NAM MKHA' LTAR RNAM PAR DAG PA DANG, SHES RAB DANG, YE SHES KYIS RTOGS PA DANG, GZHAN YANG NGES PA'I DON GYI CHOS DANG LDAN PA DANG, BLA NA MA MCHIS PA DANG, NAM MKHA' DANG MNYAM PA DANG, MYA NGAN LAS 'DAS PA DANG MNYAM PA DANG, MI MNYAM PA DANG, MNYAM PA NYID KYI RJES SU YI RANG BAS RJES SU YI RANG NGO, ,JI LTAR 'DAS PA DANG, MA BYON PA DANG, DA LTAR BYUNG BA'I SANGS RGYAS BCOM LDAN 'DAS BYANG CHUB SEMS DPAR GYUR PA, SHES RAB KYI PHA ROL TU PHYIN PA THABS LA MKHAS PA ZUNG DU 'BREL BA, MCHAGS PAR SPYAD PA, SHIN TU SPYOD PA SPYAD PA RAB TU MKHYEN PAS MKHYEN PA DE DAG GIS SANGS RGYAS KYI YE SHES MNGON SUM DU MDZAD NAS DGE BA'I RTZA BA DE DAG LA RJES SU YI RANG BA DANG, RJES SU YI RANG BAR MDZAD PA DANG, RJES SU YI RANG BAR 'GYUR BA'I MNYAM PA NYID DE DANG, CHOS

161b

NYID DES RJES SU SLOB PA DE BZHIN DU BDAG KYANG RJES SU YI RANG NGO, ,RJES SU YI RANG BA MCHOG DANG, MCHOD PA DANG, MA LHAG PA DANG, NAM MKHA' LTAR RNAM PAR DAG PA DANG, SHES RAB DANG; YE SHES KYIS RTOGS PA DANG, GZHAN YANG NGES PA'I DON GYI CHOS DANG LDAN PA DANG, BLA NA MA MCHIS PA DANG, NAM MKHA' DANG MNYAM PA'I RJES SU YI RANG BAS RJES SU YI RANG NGO ZHES BRJOD PAR BYA'O, ,RIGS KYI BU, 'DI NI SANGS RGYAS BCOM LDAN 'DAS KYIS BKA' STZAL PA'I RJES SU YI RANG BA'I PHUNG PO KHA NA MA THO BA MED PA'O, ,RIGS KYI BU, GZHAN YANG; BYANG CHUB SEMS DPA' DES DE BZHIN DU 'DUG STE, TSIG 'DI SKAD CES, SANGS RGYAS BCOM LDAN 'DAS GANG DAG KHA CIG 'JIG RTEN GYI KHAMS DPAG TU MA MCHIS SHING GRANGS MA MCHIS PA RNAMS SU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS TE, CHOS THAMS CAD MA DMIGS NAS BDUD BZHI'I LAM LAS YANG DAG PAR 'DAS PA, BRJOD DU MED PA'I CHOS SKYON MA MCHIS PA BRNYES PA, YI GE DANG, BRJOD PA DANG, SKAD THAMS CAD DANG BRAL BA, CHOS JI LTA BA BZHIN DU BRNYES PA, THABS MKHAS PAS CHOS BZANG BA MDZAD PA'I SLAD DU JI TZAM DU BRTAGS PA, SEMS CAN YONGS SU SMIN PAR MDZAD PA'I SLAD DU THUGS RJE CHEN PO CHUD MA GZAN PA, BSKUL BA LA GZHES PA, CANG MI GSUNG BA LA

162a

, ,DGYES PA, BYANG CHUB KYI SHING LA GZIGS PA, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO THAMS CAD KYIS MNGON PAR BSTOD DE, DGYES SHING BZHUGS PA'I SANGS RGYAS BCOM LDAN 'DAS DE DAG LA CHOS KYI 'KHOR LO RAB TU BSKOR BAR BSKUL GYI, SANGS RGYAS BCOM LDAN 'DAS RNAMS KYIS CHOS KYI 'KHOR LO RAB TU BSKOR DU GSOL, 'DI LTA STE, CHOS KYIS 'KHOR LO MI 'JUG PA'I CHOS KYI 'KHOR LO DANG, MNGON PAR MI 'GRUB PA'I 'KHOR LO DANG; TSU ROL DANG, PHA ROL YONGS SU GCOD PA'I 'KHOR LO DANG, RTEN CING 'BREL BAR 'BYUNG BA ZAB MO'I 'KHOR LO DANG, BDUD PHYIR RGOL BA CHOMS PA'I 'KHOR LO BSKOR DU GSOL, BRJOD DU MA MCHIS PA'I RNGA BRDUNG DU GSOL, SGRA MA MCHIS PA'I DUNG BUD DU GSOL, CHOS SHES PA'I RGYAL MTSAN DANG, TOG BSGRENG DU GSOL, SHES RAB DANG, YE SHES DANG, RNAM PAR GROL BA'I SGRON MA 'BAR BAR MDZAD DU GSOL, THUGS RJE CHEN PO'I SPRIN BSDU BAR GSOL, CHOS CHEN PO'I CHU'I CHAR BA'I RGYUN GYIS SEMS CAN RNAMS KYI DGE BA'I RTZA BA'I LO TOG RNAM PAR SPEL DU GSOL, 'PHAGS PA'I YE SHES RAB DANG, YE SHES KYI NOR GYIS SEMS CAN THAMS CAD TSIM PAR MDZAD DU GSOL ZHES BRJOD PAR BYA'O, ,RIGS KYI BU, 'DI NI

162b

BYANG CHUB SEMS DPA' SEMS DPA' CHEN PO'I BSKUL BA'I PHUNG PO KHA NA MA THO BA MED PA'O, ,RIGS KYI BU, GZHAN YANG, BYANG CHUB SEMS DPA' DES DE BZHIN DU 'DUG STE, TSIG 'DI SKAD CES; SANGS RGYAS BCOM LDAN 'DAS GANG DAG PHYOGS BCU'I 'JIG RTEN GYI KHAMS RAB 'BYAMS DPAG TU MA MCHIS PA DAG NA SANGS RGYAS KYI MDZAD PA DAG SHIN TU MDZAD PA, LEGS PAR BGYIS PA'I CHOS KYI RGYUN MI GCOD PA, BYANG CHUB SEMS DPA' RNAMS SHIN TU LUNG BSTAN PA, DGE 'DUN 'PHAGS PA RAB TU GNAS PA, GDUL BA'I SEMS CAN DAG SHIN TU BTUL BA, MYA NGAN LAS 'DAS PA'I BDE BA TSOL BA, CHOS GZUNG BA 'DZIN PAR MDZAD PA'I SLAD DU YONGS SU MI SKYO BA, YONGS SU MYA NGAN LAS 'DA' BAR BZHED PA'I SANGS RGYAS BCOM LDAN 'DAS DE DAG LA BDAG CHOS KYI DBYINGS GNAS PA'I TSUL GYIS JI LTAR DE DAG MI SKYE BA, MA SKYES PA DE BZHIN DU MA 'GAGS, MI 'GAG ,'GAG PAR MI 'GYUR BAR BZHUGS SU GSOL LO ZHES BRJOD PAR BYA'O, ,RIGS KYI BU, 'DI NI BYANG CHUB SEMS DPA' RNAMS KYI GSOL BA 'DEBS PA YOD PA MA YIN PA LEN PA MED PA KHA NA MA THO BA MED PA'O, ,RIGS KYI BU, GZHAN YANG, BYANG CHUB SEMS DPA' DES DE BZHIN DU 'DUG STE, TSIG 'DI SKAD CES, MA MCHIS BZHIN DU BDAG GIS MGOS PHYAG BGYIS PA DANG, BSHAGS PA DANG, RJES SU YI RANG BA DANG,

163a

, ,BSKUL BA DANG, GSOL BA 'DEBS PA GANG LAGS PA DANG, PHYAG 'TSAL BA DANG, 'CHAGS PA DANG, RJES SU YI RANG BA DANG, BSKUL BA DANG, GSOL BA 'DEBS PA DE'ANG MA MCHIS PA, LEN PA MA MCHIS PA, 'DUS MA BGYIS PA'O, ,DE LTAR PHYAG 'TSAL BA DANG, 'CHAGS PA DANG, RJES SU YI RANG BA DANG, BSKUL BA DANG, GSOL BA 'DEBS PA GANG LAGS PA DE'ANG MA MCHIS PA, LEN PA MA MCHIS PA, 'DUS MA BGYIS PA STE, DE BZHIN DU BYANG CHUB KYANG LEN PA MA MCHIS PA, 'DUS MA BGYIS PA STE, CHOS NYID DE DANG, MA CHAD PA DANG, MA LHAG PA DANG, MA SMAD PA DANG, MNYAM PA MA MCHIS PA DANG, MI MTHO BA DANG, MI DMA' BA'I YONGS SU BSNGO BAS BLA NA MED PA YANG DAG PAR RDZOGS PA'I BYANG CHUB LA CHOS PHRA RAB TZAM YANG MI DMIGS PAR YONGS SU BSNGO'O ZHES BRJOD PAR BYA'O, ,MIG GZUGS RNAMS LA MI 'JUG STE, GZUGS KYANG MIG LA MA YIN MOD KYI, 'ON KYANG DMIGS PA'I RGYU RKYEN GYIS RNAM PAR SHES PA 'BYUNG STE, RNAM PAR SHES PA DE'ANG MIG LAS MA BYUNG, GZUGS LAS KYANG MA YIN TE, BYUNG NAS KYANG ZHIG CING MED DE MI GNAS SO, ,DE BZHIN DU RNA BA LA MA YIN, SGRA LA MA YIN, SNA LA MA YIN, DRI LA MA YIN, LCE LA MA YIN, RO LA MA YIN, LUS LA MA YIN, REG BYA LA

163b

MA YIN TE, YID CHOS RNAMS LA MI 'JUG ,CHOS RNAMS KYANG YID LA MI 'JUG MOD KYI, 'ON KYANG DMIGS PA'I RGYU RKYEN GYIS RNAM PAR SHES PA 'BYUNG STE, DE'ANG YID LAS KYANG MA BYUNG, CHOS LAS KYANG MA YIN TE, DE NI BYUNG NAS ZHIG CING MED DE MI GNAS SO, ,DE BZHIN DU DGE BA'I RTZA BA BYANG CHUB LA MI 'JUG ,BYANG CHUB KYANG DGE BA'I RTZA BA LA MI 'JUG MOD KYI, 'ON KYANG BYANG CHUB KYI RGYU RKYEN GYIS DGE BA'I RTZA BA LA DMIGS PA'I SEMS BSKYED PA RNAMS KYIS SKYE'O, ,DE'ANG MI GNAS PA STE, SKYES NAS ZHIG CING MED DO, ,DE LA SEMS GANG GIS DGE BA'I RTZA BA MNGON PAR 'DUS BYAS PA DANG, SEMS GANG GIS BYANG CHUB TU YONGS SU BSNGOS PA'I SEMS BSKYED PA DE DAG PHAN TSUN DU 'BREL BAR MI BYED DO, ,'DI LTA STE, DPER NA, ME NI GANG NAS KYANG MA 'ONGS TE, BYUNG NAS KYANG ZHIG CING MED DO, ,DE BZHIN DU BYANG CHUB SEMS DPA' RNAMS KYI SHES RAB KYI ME'ANG GANG NAS KYANG MA 'ONGS MOD KYI, 'ONGS NAS KYANG DGE BA'I RTZA BA LA BRTEN NAS 'BAR TE BYUNG NAS ZHIG CING MED DO, ,YE SHES SNANG BA RAB TU THOB PA CHOS RNAM PAR 'BYED PA DE LTA BU DAG LA BLO RNAM PAR MI SPYOD PA GANG YIN PA DE NI BYANG CHUB SEMS DPA'I YONGS SU BSNGO BA'O, ,SKYON MED PAR 'JUG PA DANG, LUNG BSTAN PA DANG, BZOD PA SNANG BA'I YE SHES THOB PA RNAMS PAR 'BYED PA RNAMS KYI BLO RNAMS PAR MI DPYOD

164a

, ,PA GANG YIN PA DES SANGS RGYAS BCOM LDAN 'DAS MNGON SUM DU BYAS TE YONGS SU BSNGO BAR BYA'O, ,JI LTAR DE BZHIN GSHEGS PA DE DAG GIS SHES RAB KYI PHA ROL TU PHYIN PA'I RGYU MTHUN PA'I THABS MKHAS PA'I YE SHES KYIS BYANG CHUB SEMS DPA' RNAMS KYI YONGS SU BSNGO BA BSHAD PA DE BZHIN DU THAMS CAD MKHAS PA'I YE SHES DES YONGS SU BSNGO'O, ,RIGS KYI BU, 'DI NI BYANG CHUB SEMS DPA' RNAMS KYI BSNGO BA KHA NA MA THO BA MED PA'O, ,'JAM DPAL GZHON NUR GYUR PAS PHUNG PO GSUM PA'I BSNGO BA 'DI BSHAD PA NA, BYANG CHUB SEMS DPA' LNGA BRGYA MI SKYE BA'I CHOS LA BZOD PA THOB PAR GYUR TO, ,BYANG CHUB SEMS DPA' CHOS THAMS CAD LA DAM 'CHA' BAR GNAS PA'ANG MGU'O, ,LHA DANG; MI DANG, LHA MA YIN DU BCAS PA'I 'JIG RTEN YANG 'JAM DPAL GZHON NUR GYUR PAS BSHAD PA LA MNGON PAR BSTOD DO, ,'PHAGS PA PHUNG PO GSUM PA ZHES BYA PA THEG PA CHEN PO'I MDO RDZOGS SO,, ,,SKAD GSAR BCAD KYIS KYANG BCOS NAS GTAN LA PHAB PA,,