, ,'PHAGS PA SPYAN RAS GZIGS DBANG PHYUG LA PHYAG 'TSAL LO, ,SGRUB PO GANG ZHIG 'CHI BA DANG, ,'CHI BA MA YIN LTAS GANG DAG ,GANG TSE MNGON DU GYUR PA NA, ,MGON PO'I SLU BA 'DIR BSHAD DO, ,'JIG RTEN G-YENG BA MA LUS LAS, ,RNAM DBEN DAL BA BSGRUBS NAS NI, ,MCHOG GSUM SKYABS 'GRO NAS BRTZAMS TE, ,CI RIGS CHOS SPYOD BRTZAM PAR BYA, ,LONGS SPYOD BSHES DANG LUS NYID DANG, ,BYANG CHUB PHYOGS KYI MNGON PAR ZHE NA, ,RNAM BCU RNAM GSUM SPANGS NAS NI, ,LTOS PA THAMS CAD RNAM PAR DOR, ,MI RTAG SDUG BSNGAL BDAG MED DANG, ,STONG PA NYID KYI RNAM THAR GYIS, ,'KHOR BA'I GNAS LA YID PHYUNG ZHING, ,MYA NGAN 'DAS LA MNGON PAR DGA', ,DE NAS BSKYED PA'I RIM PA'I RNAL 'BYOR LA BRTZON PAR BYA STE, KHA LHO PHYOGS SU BLTAS LA, 'PHAGS PA SPYAN RAS GZIGS DBANG PHYUG YID LA BYED PA DANG MA BRAL BAS MIG GI 'DZUMS PAR MDUN GYI NAM MKHA' LA RGYAL BA LHA NYI SHU RTZA LNGA'I DKYIL 'KHOR MNGON PAR GSAL BAR BYA'O, ,GAL TE SPROS PAR NUS NA NI SKU GSUNG THUGS YE SHES PHRIN LAS MDZAD PA DAM TSIG RNAM PA BDUN GYI DKYIL 'KHOR BDAG NYID KYI SNYING GA RLUNG SEMS KYI NGO BO HR'I: GSAL PO BSIL BA'I 'OD ZER CAN LA SHES PA GTAD NAS JI BZHIN DGUG BA'I SBYOR BAS GZHUG PAR BYA'O, ,DE'I 'OG TU RANG GI NYER BSDOGS KYI DNGOS PO GANG YIN PA 'DI DAG NYID LHA'I RNAM PAR DAG PAR DMIGS, ,MNGON PAR CHAGS DANG YONGS SU SDANG, ,RAB TU MI SHES GZHI GSUM GYI, ,DBANG GIS LAS GANG MNGON GYUR GANG, ,DE 'DIR MGON PO GSUM DU MOS, ,DBUS SU MTHING GA RDO RJE CAN, ,G-YAS SU DMAR MDZES RAL GRI 'DZIN, ,G-YON DU DKAR GSAL ZHAGS BSNAMS PA, ,THAMS CAD G-YON DU PADMO MTSAN, ,RGYA CHEN PHO BRANG LHAR BCAS PA, ,SKAD CIG GIS NI LHA GSUM 'DIR, ,BSDUS LA RIM PA JI BZHIN DU, ,'GRO BA'I 'CHI BDAG SNGAR BSLU BYA, ,GANG PHYIR 'CHI BAR BYED PA'I RGYU, ,NYON MONGS GSUM YIN DE YIN RKYEN, ,LAS PHYIR DE YI MI MA THAN PHYOGS, ,STOBS CHEN SPYAN RA
, ,GZIGS DBANG BRTEN, ,DE BAS 'CHI BA BZLOG 'DOD PAS, ,SKU DANG DE YI NYER BSTAN DANG, ,BSAM PA'I THUGS RJE CHE ZHES PA, ,RNAM GSUM RIM GYIS BSGOM PAR BYA, ,CHO GA 'DI YIS 'GRO RNAMS KYI, ,SNYING GI BUM PA CHAGS SDANG BCAS, ,BCAS SHING DE YI SBYOR BA DANG, ,YAN LAG RNAM PAR GZHIG PA'ANG 'BAD, ,'DI YI 'GRUB PA RNAM PA BZHI, ,MA LUS 'CHI BA BDAG LEN DANG, ,DE DAG 'CHI BA BZLOG NYID DANG, ,SMAN MCHOG SBYOR BA NYID DANG NI, ,'CHI BA MED DANG BRTZE CHEN GYI, ,LTOS 'DOR KHYAD PAR NGES PA'O, ,GAL TE 'BYOR LDAN SKYE BO 'GA', ,NUS NA DKYIL 'KHOR CHEN PO YI, ,SGRUB PA'I CHO GA JI BZHIN DU, ,MKHAS PAS 'BAD DE BSGRUB PAR BYA, ,JI SRID 'CHI BDAG SGRA GCAN LA, ,RNAL 'BYOR TSE YI ZLA BA NYA, ,GROL 'GYUR DE TSE RMI LAM DU, ,GSUNG GI DBUGS 'BYIN THOB PAR 'GYUR, ,DE NAS DGA' STON TSOGS BSAGS PHYIR, ,DPAG MED MCHOD PA'I RGYA MTSO YIS, ,PHYI NANG GSANG DANG YANG DAG GIS, ,SPYAN RAS GZIGS DBANG MCHOD PAR BYA, ,'CHI BA SLU BA'I GDAMS PA RDZOGS SO,,