, ,'PHAGS PA SPYAN RAS GZIGS DBANG PHYUG SLOB MA LA PHAN PAR MDZAD PA LA PHYAG 'TSAL LO, ,MKHAS GANG DPA' BO RDO RJE 'DZIN, ,'DZIN PA'I RI BO BRTAN 'JIG BYED, ,BLA MA MCHOG GI DRIN THOB PAS, ,SLOB MA LA PHAN BYIN RLABS GYUR, ,PHYI DANG NANG DANG GSANG BA YI, , MCHOD RDZAS MA LUS KUN BSHAMS LA, ,ZHI BA'I YID KYIS SKYIL KRUNG BYA, ,BDE CHEN DKYIL 'KHOR BLOS BLTA'O, ,BDAG GI GTZUG TOR NAS BRGYUD PA'I, ,SKYOB BA RDO RJE 'DZIN PA'I PHRENG, ,YE SHES SA BON H'Um YIG GI, ,MTSAN MA RDO RJE SBU GU'I RGYUN, ,SMIN MTSAMS NAS 'PHROS SLOB MA YI, ,DH'U T'I'I RIN CHEN PHO BRANG DU, ,ZHUGS GYUR DE SNYING PADMO'I BAR, ,BAR CHAD MED 'BREL BRTAN PAS BSGOM, ,DE NAS BLA MA'I MAN NGAG GIS, ,YE SHES DBAB PA'I SBYOR BA BYA, ,BYANG CHUB SEMS KHENGS YE SHES KYI, ,ME LCE DAL BUS SPAR BAR BYA, ,BABS PAR GYUR NA LUS GCIG NGES, ,SNGON CHAD MA MYANG RO MYANG MED, ,SPU G-YO BA YIS 'DREN PA GSUNGS, ,BDUG PA MCHOG GIS BDUG BYA ZHING, ,SGRA CHEN GLU DBYANGS ROL MO YIS, ,DPA' BO'I GAR BYA BRTUL ZHUGS CAN, ,RTZE GCIG MNYAM PAR GZHAG PAS MCHOD, ,DE RJES RGYA MTSO DANG BA LA, ,RI RAB STON KA'I MKHA' 'DRA DANG, ,NYI SHAR ZLA TSES SKAR MDA' YI, ,RIM CAN NYAMS MYONG SKYE BAR BYED, ,TING 'DZIN MCHOG GIS BTUL BYAS PAS, ,GLANG CHEN LCAGS KYUS DUL BA LTAR, ,ZHI GYUR SEMS RAB DANG BA LA, ,SEMS KYI GZUGS BRNYAN MTHONG BAR 'GYUR, ,DE LA SNYING PO'I CHOS RNAM BZHI, ,STONG PA'I MTSAN NYID SEMS GNAS LUGS, ,DE YI SNANG BA GLO BUR BA, ,
, ,DBYER MED MTSAN MED RNAL 'BYOR RO, ,SOR BZHAG DE YI MTSAN NYID GSUM, ,RAB TU GSAL ZHING RNAM MI RTOG ,BDE CHEN BLO SGRA DBE BRAL BA, ,BSAM GTAN PHYAG RGYA BRTEN BSGOM, ,NGOS BZUNG BA NI BLTA BA DANG, ,BSRE DANG MNYAM PAR GZHAG PA'O, ,SGO GSUM RIM DANG RIM MIN PAS, ,DRAN RTOGS GLO BUR NYID RTOG 'GYUR, ,JI LTAR GANG ZHIG GANG DU GANG, ,DRAN RNAMS DGA' GDUNG DER SHAR BA, ,DE NYID DE LTAR DE DER MED, ,'DI NI GNYIS MED MTSAN NYID DO, ,'GRO 'ONG GNAS DANG MI GNAS DANG, ,SKYE DANG 'GAG DANG RTEN BRAL SOGS, ,RJES SU 'GROGS DANG GZHIG PA YI, ,GDAMS NGAG GIS NI MTSAN MED 'GYUR, ,AOm A'A:BADZRA GU RU SARBA DZNY'A NA d'A KI N'I MA MA K'A YA W'A KA TZITTA MA H'A SU KHA DZNY'A NA DZV'A LA DZV'A LA SPHA RA SPHA RA SA PHEm PHEm, YE SHES DBAB PA'I SNGAGS SO, ,RDO RJE DRIL BU ME LONG THOD, ,SBYIN PA RDO RJE MKHA' 'GRO YI, ,BRTUL ZHUGS SNGON DU SONG BA YI, ,TSIL CHEN MAR ME SNGAR BAR BYA, ,AOm A'A:BADZRA BADZRA MA H'A BADZRA BADZRA DZVA LA H'Um H'Um H'Um AOm AA GAndA GAndA MA H'A GAndA DZVA LA A'A:A'A:A'A:AOm AA DARBA NA MA H'A DARBA NA DZVA LA, HR'I:HR'I:HR'I:AOm AA KA P'A LA KA P'A LA MA H'A KA P'A LA DZVA LA HO HO HO, ,BYIN GYIS BRLABS NAS SBYIN PA'I SNGAGS SO, ,MTHAR NI SPYAN RAS GZIGS DBANG GI, ,BSRUNG BAS BSRUNG BA BYA BA NI, ,THUGS RJE KHROS PAS MARGAD KYI, ,BDE CHEN 'KHOR LO ZHES PAS BSHAD, ,SLOB MA BYIN GYIS BRLAB PA'I MAN NGAG RDZOGS SO,,