, ,'PHAGS PA THUGS RJE CHEN PO DANG LDAN PA LA PHYAG 'TSAL LO, ,GSUM LA SKYABS SONG SEMS BSKYED LDAN, ,'GRO LA PHAN 'DOD BDAG DUL BA'I, ,SKYES BU DAM PA BSAM GTAN GYI, ,KHANG BUR ZHUGS LA RMI LAM BSGOM, ,BTZUN PA SPYAN RAS GZIGS KYI SKU, ,BTZO MA GSER GYI MDOG LDAN PA, ,ZHAL GCIG PHYAG BZHI G-YAS DANG PO, ,'JIGS SKYOB DE BZHIN G-YON DU NI, ,PADMA DMAR PO GNYIS PA GNYIS, ,TING 'DZIN MCHOG GI PHYAG RGYA'O, ,THUGS KYI PADMO KHA ZUM PA'I, ,DBUS SU SEMS DNGOS HR'I: BSAM BYA, ,'DI 'DRA'I 'PHAGS PA NYID DU BDAG ,SKAD CIG TZAM GYIS BSGOMS NAS NI, ,DGE DANG BRTZE DANG DAD PA YIS, ,RNAL 'BYOR RGYAL PO GNYID LOG BYA, ,GANG TSE GNYID DU NYE BA NA, ,HR'I: YANG THIG LE GNYIS LA BSDU, ,RIM GYIS THIG LE 'OG MA YANG, ,DE BZHIN THIG LE GONG MA LA'O, ,DE NAS SNA TSOGS SNANG BA KUN, ,RANG GI
, ,LUS LA BSDUS NAS DE, ,PAD DBUS THIG LE NYAG GCIG LA, ,CHU LA CHU BZHAG DE BZHIN BZHAG ,SEMS NI DRI MED ZUNG 'JUG BDAG ,DNGOS MED DNGOS BRAL RNAM PAR DAG ,'OD GSAL CHEN PO NYID LA NYID, ,MNGON SUM MI G-YO BRTAN PAR BZUNG, ,TSUL 'DI RANG BZHIN MKHA' 'DRA STE, RNAM PA THIG LE BDE BA CHE, ,NGO BO KUN DU MA 'GAGS PA'O, ,SBYANGS SDOM CAN GYI CHOS GCIG BZHED, ,DE LTAR RGYU 'DRA CHOS KUN RANG BZHIN RANG BZHIN MED, ,GZHAN LA MI RAG BDAG NYID SNYING DKYIL BRTAN PAR GNAS, ,RGYAL BA RNAMS KYI GSHEGS SHUL GCIG YIN MA NOR BA, ,BSGOMS NA DE RJES RMI LAM NYID DU 'ANG DE MTHONG 'GYUR, ,GAL TE SGRIB TSOGS BUD SHING TSANG TSING GIS BSGRIBS PAS, ,YANG DAG JI BZHIN DE TSE MNGON DU MA GYUR NA 'ANG, ,RNAL 'BYOR RGYAL POS RE BA CHAD PAR MI BYA STE, ,GOMS PA MA ZAD GCIG TU BRTZON 'GRUS G-YEL MI BYA, ,MDUN GYI MKHA' LA SANGS RGYAS BYANG CHUB SEMS DBA' DANG, ,NYAN THOS RANG RGYAL LHA YI TSOGS KYIS YONGS BSKOR BA'I, ,RGYAL BA'I DKYIL 'KHOR SPRIN GYI PHUNG PO LTAR MTHONG 'GYUR, ,DE TSE DE NAS RING PO MI THOGS 'OD GSAL 'THOB, ,RNAM DAG 'KHOR LO PADMO 'DAM NAS SKYES PA BZHIN, ,GNYID KYIS MYOS 'GYUR MA RIG GIS BSLAD BLO GROS 'DI, ,RANG GIS RANG DBEN MKHA' LA NYI LTAR SPROS BRAL DU, ,RTZOL BRAL MED NYID RANG DBANG MNGON SUM 'CHAR BAR BYED, ,RMI LAM SKYES BUS RMI LAM GYI, ,GRONG DU DGA' DANG MYA NGAN LA, ,BZUNG BA RLOM SEMS TZAM YIN PA, ,DE TSE DE YIS SHES PAR 'GYUR, ,ME LONG GZUGS BRNYAN GSAL BA YIS, , YOD DANG MED DANG GNYIS KA DANG, ,GNYIS KA MA YIN BRJOD MIN PA, ,DE TSE YID CHES MTHONG BAR 'GYUR, ,NAM MKHA'I NGOS LA DBANG PO'I GZHU, ,DE BZHIN SER SPRIN 'BRUG SGRA CAN, ,THOG MTHAR SKYE DANG 'GAGS MI DMIGS, ,'OD GSAL LA GNAS SKYES BUS SHES, ,JI LTAR SMIG RGYU'I CHU 'BAB BA,, SHAR SOGS PHYOGS NI GANG ZHIG NAS, ,MA 'ONGS GAR YANG MI 'GRO BA, ,RMI LAM MTHONG BA DE YIS SHES, ,DRIL BU DANG NI PI WANG SGRA, ,BRAG CA LA SOGS 'DU BYED NI, ,RNAM PAR THAR PA GSUM GYIS BSGOS, ,ZAB MO RNAM PAR DBEN PA YANG, ,SNANG BA MUN PA THIBS PO DANG, ,'OD GSAL BYE BRAG
MED 'GYUR BA, ,SHIN TU SBYANGS PA'I GSER BZHIN DU, ,DRI BRAL RNAM PAR DAG PA RMAD, ,JI SRID 'DZIN PA MANG PO LA, ,ZAD DANG MI SKYE BSRE BA YIS, ,RO GCIG NYID DU SBYOR SHES PA, ,RMI LAM LAS GZHAN RNAL 'BYOR MIN, ,DE NI SAD PA NYID NA YANG, ,YID KYI DBANG PO TSIM PA DANG, ,'DOD PA'I SRED PA LAS BLO ZLOG ,CHOS 'DI BRJOD PA TZAM RTOGS SO, ,DE LTAR GZUNG DANG 'DZIN PA YI, ,DRI MA DRI MA BRAL BA DANG, ,BRAL BA RANG BZHIN MED PA YANG, ,YID KYIS MNGON PAR 'DU MI BYED, ,'PHAGS PA'I MIG CES BSHAD PA STE, ,SPYAN RAS GZIGS KYI MTHU YIS SO, ,RMI LAM DRI MA MED PA BSGOM PA RDZOGS SO,,