, ,BDE BAR GSHEGS PA PADMO CAN LA PHYAG 'TSAL LO, ,DE LA RDO RJE 'DZIN PA GANG ZHIG SLOB MA PHAN GDAGS 'DOD PAS BLO DANG LDAN PA'I GANG ZAG DON DU GNYER BA DANG BCAS PA GANG GLO BUR DU LHAGS PA'AM GNYUG MAR GNAS PA YIN KYANG RUNG STE, DUL BAS MDUN DU BDAR BAR GYUR PA DE DAG LA, 'PHAGS PA SPYAN RAS GZIGS PADMO DAM PA CAN GYI BYIN GYIS RLABS KYIS SNYING GI PADMO KHA PHYE BAS SHES RAB GSAL PO BSKYED PA'I CHO GA 'DI DRAN PAR BYA BA YIN NO, ,SKAL LDAN SKYE BO LHAGS PA NA, ,DER NI DE MA THAG TU DE, ,PAm BRJOD PAS NI PADMAR BSKYED, ,DE YI SNYING YANG DE BZHIN NO, ,DE LA SNYING GI PADMO NI, ,'DAB BRGYAD DKAR PO ZLUM POS TE, ,DBUS SU HR'I: YIG GIS MTSAN PA, ,SPYI BOR THIG LE SUM BRTZEGS PA'O, ,DKAR DMAR BDUD RTZI NAM MKHA'I MDOG ,RIM BZHIN RAB TU DANG BAR BSAM, ,SMIN MTSAMS NAS ZUG SNYING GI DKYIL, ,RTZA MCHOG SBU GU DKAR ZANGS SO, ,MKHAS PA RDO RJE 'DZIN RGYAL BA DAG ,BYAMS SOGS TSAD MED LAS SKYES PA'I, ,THUB DBANG SHES RAB 'OD ZER 'CHANG, ,SPYAN RAS GZIGS SU MYUR BAR BSKYED, ,SPYAN GSUM 'DZUM PA'I MDANGS DKAR LDAN, ,RNAM DAG 'OD BZANGS DKYIL 'KHOR CAN, ,BTZUN MO GNYIS KYIS SKU BRTEN CING, ,RNGA YAB DKAR G-YOB DGYES BZHUGS PA'O, ,DE RJES GZHAN LA PHAN BRTZON PA'I, ,YID KYIS DE YI DON BSGRUB PHYIR, ,RNAM GUS PA YI SBYOR BA YIS, ,BDAG GI DGOS PA LHA MCHOG REG ,DE BAS DE LA GSOL BTAB PAS, ,SPYAN DRANGS BDAG NYID LA BSTIM BYA, ,DE NAS PHYAG G-YAS CHOS 'CHAD KYI, ,MTHIL SKYES MA LAS YONGS GYUR PA, ,NYI MA RDO RJE SNYING PO CAN, ,DBYANGS DANG GSAL BYED KYIS BRGYAN BSAM, , HR'I: BCAS SNGAGS PHRENG GNYIS BRJOD PAS, ,NYI 'OD TSA ZHING RAB RNO YI, ,ZER 'PHROS PAS NI PADMO DBYE, ,HR'I:LAS DE BZHIN THIG LE'O, ,DE LAS THOG MAR DKAR THIG LE, ,PHA YI SA BON ZHU BAR BSHAD, ,DMAR PO MA YI SA BON TE, ,DE BZHIN MKHA' 'DRA KUN GZHIR BZHED, ,DE MTHAR ZHU BA'I THIG LE'I
, ,RGYUN, ,DBYER MED PHAN TSUN RNAM 'DREN PA, ,BDE CHEN 'OD GSAL RNAM MI RTOG ,BLO GROS PADMO RAB RGYAS GSUNGS, ,CHO GA'I RGYAL PO DAM PA 'DI, ,GANG GANG SKAL BAR LDAN PA'I MTHUS, ,BRTZE LDAN GUS PAS SNGON SONG BA, ,DE YI THOS SOGS RNAM DAG 'PHEL, ,SLOB MA LA SHES RAB BSKYED PA RDZOGS SO,,