, ,JO BO THUGS RJE CHEN PO NAD THAMS CAD LAS RNAM PAR RGYAL BA GZI BRJID KYI RGYAL PO LA PHYAG 'TSAL LO, ,'JIG RTEN GSUM DBANG RNAM PAR RGYAL, ,'GRO BA'I NAD NI SNA TSOGS DANG, ,DE RGYU NYE DANG RING BA BSTZAL, ,MA LUS PHA ROL PHYIN PHYAG 'TSAL, ,BLO LDAN BDAG GAM GZHAN GYI DON, ,RTZOL BA CHE LA ZHUGS PA NA, ,DGRA DANG GDON NYID DANG LAS DANG, ,DE BZHIN RKYEN GZHAN NAD SKYED BYED, ,DE LA DPAL LDAN SPYAN RAS GZIGS, ,SDUG BSNGAL CAN LA THUGS BRTZE BAS, ,SRUNG DANG SKYOB DANG SBENG RIM BZHIN, ,SNYING DBUS SPYI BO PHYAG MTSAN BSHAD, ,RLUNG MKHRIS BAD KAN 'DUS PA NYID, ,'OG MA'I RIMS DRAG SNA TSOGS RIGS, ,MDZE CAN DANG NI SKRAN DMU CHU, ,THIBS NON LA SOGS KUN NGES SKYOB, , SGRUB PO DAD LDAN BYAMS YID BRLAN, ,PHO BRANG MCHOG TU BLTAS PA DE, ,KHRUS BYAS GOS DKAR BZANG GYON LA, ,TSANGS PA'I GNAS PAS LEGS GNAS BYA, ,SNA TSOGS MCHOD MDZES DPAG MED DANG, ,'BYUNG PO RNAMS KYIS DON GRUB RDZAS, ,STOBS CAN DKAR DMAR MANG DANG LDAN, ,BDUG PA MCHOG GIS BDAG GUS MCHOD, ,AOm A'A: HR'I:SARBA BY'A DHI PRA TI PRA HA NA H'Um PHAt SB'A H'A, BDAG NYID 'DAB SKYES STONG DBUS SU, ,JI SKAD 'BYUNG BA'I RGYAL BA NYID, ,'OD DPAG MED KYI SNYING POR BCAS, ,DKAR GSAL RNAM PAR ME G-YENG BA'O, ,DA NAS DAD PA DRAG GDUNG BCAS, ,'GRO LA BRTZE DANG GZHAN LTOS MED, ,GCIG
, ,TU RNAM PAR NGES YID KYIS, ,SKYABS GSOL MGON PO SPYAN DRANG BYA, ,DPAG MED SPRIN TSOGS MCHOD PA'I LHAS, ,LHA MCHOG MDUN DU BDAR NAS NI, ,RING PAR THUB CHEN 'KHOR MANG BCAS, ,BRTZE PHYIR STENG GI MKHAR BZHUGS BLTA, ,ME TOG SPOS DANG MAR ME DRI BZANG RO BRGYA'I BZA' DANG LHAB LHUB GOS MANG RGYAN MCHOG DANG, ,PI WANG DUNG DANG RNGA CHEN GLING BU DBYANGS SNYAN 'TSER BA SNA TSOGS MCHOD PA'I LHA MOR BCAS, ,JI LTAR SANGS RGYAS KUN DU BZANG SOGS JI SNYED MCHOD MDZAD BDAG GI'ANG ZAB CING RGYA CHE SPRUL, ,DE RJES GZHAN YANG BSTOD DBYANGS KUN BRJOD MI BZAD YID KYI NONGS PA MA LUS YANG DAG BSHAGS, ,DE NAS DAD PA MANG LDAN DANG, ,SKYE DGU RNAMS LA SNYING BRTZE BAS, ,YID BZHIN NOR LA NYER MKHO BZHIN, ,SNA TSOGS NAD LAS BSRUNG GSOL BYA, ,BDAG GI LUS DANG LHAG BSAM NYID, ,DRANG SRONG GI NI THUGS RJE DANG, ,SMON LAM STOBS KYIS MDZAD PA YI, ,BYIN RLABS BDUD RTZI'I RGYUN 'BAB GYUR, , RNGA YAB DKAR BRGYA SER BU'I NGAD BSKYOD BRTAN PAR MI NUS G-YO BAR BYED, ,MTSO CHEN GTING ZAB DRAG PO RDZIS 'KHRUG LHA DBANG THUGS KYANG BTZUN MOS BZHU, ,TSA BSIL ZER CAN NYI ZLA 'BAR BA'ANG RTA BDUN RLUNG G-YOS GNAS GCIG MIN, ,DE BZHIN NYID THUGS RNYOG MED ZHI BA'ANG GDUL BYA'I DON MTHONG RNAM PA KUN DU MI BZAD 'GYUR, ,DE TSE DBANG PHYUG THUGS DKYIL DU, ,BDAG GI LHA MOS BDE BSNUN PAS, ,THUGS RJE'I THUGS BSKYOD BYIN RLABS RGYUN, ,BDUD RTZI'I RGYUN LTAR DKAR PHRENG DBAB, ,G-YAS PHYAG MING MED RTZE NAS SU, ,ZLA BA KHA BA KUNDA DUNG, ,PADMA DKAR MDOG LAS LHAG PA, ,YUL DUS RNAM KUN BAR MA CHAD, ,RGYUN BZANG SPYI GTZUG RTZA MCHOG NAS BRGYUD NAS, ,SNYING DKYIL LHA MCHOG NYID SKU GANG BYAS LA, ,CHES LHAG ZER KUN LUS KUN RGYAS GYUR DANG, ,DE LAS 'OD PHYUNG 'DOM GANG DKYIL 'KHOR BSKOR, ,GANG TSE GNYID LOG 'DU BYED G-YENGS GYUR NA, ,G-YON PHYAG NYID KYI PADMO BDAG 'BYIN LA, ,DE DBUS BDAG BZHUGS 'DAB STONG LDAN, ,SLAR ZUM SPYI BO'I PHRAG NAS BDUD RTZI BLANG, ,DPAL SPYAN RAS GZIGS KYIS NAD BSRUNG BA'I CHO GA RDZOGS SO,,