, ,BCOM LDAN 'DAS RDO RJE 'BAR BA LA PHYAG 'TSAL LO, ,GNYIS MED RNAM PAR MI RTOG DAG ,ZHI BA'I DBYINGS SU BSRUNG RDZOGS NAS, ,THUGS RJE'I STOBS KYIS GZHAN SKYOB DPAL, , 'JIG RTEN MGON PO LA BTUD BRJOD, ,YANG NGA MYA NGAN PHONGS PA YI, ,GNAS SU BDAG NYID DE NYID TSE, ,PADMO CAN GYI LCAGS KYU YIS, ,RDO RJE CHEN PO'I BSRUNG BA BRTZAM, ,BDE GSHEGS MDZAD PA'I LHAG MA CAN, ,LTE BA RVA RTZE PADMA LHAS, ,MTSAN PA LHAG PAR GNAS LEGS BYAS, ,SOR BZHI SOR GCIG TSON GANG TSAD, ,RIN CHEN MAndAL BKOD DBUS SU, ,SGRON CHEN BZHIS BSKOR PADMO'I STENG, ,GRAGS CHEN PHYAG RTZE NAS 'BAB PA'I, ,'O MAS KHRUS GSOL MCHOD PAS MCHOD, ,PADMA RDO RJE DAM TSIG CHE, ,GSANG SNGAGS RGYAL PO RJES DRAN PAS, ,BDUN PHRAG GCIG TU BZLAS BSNYEN TE, ,YE SHES RGYAL PO MNGON BZHUGS BSTOD, ,AOm A'A:A'A:A'A:HR'I:HR'I:HR'I:H'Um H'Um H'Um PHAt, THA MAL LUS DBUL RDO RJE BRTUL, ,RDO RJE'I YI GES RNAM BRGYAN PA, ,RANG MING BZLAS PAS SPEL BA DANG, ,LUS BZHU RDO RJE'I GZUGS SU 'GYUR, ,RTZE GNYIS RVA DGU GO RIMS BZHIN, ,AOm PHAt 'BRU DGUS DBUS BRGYAN PA, ,DE NYID SNGAGS PAS
ME DPUNG 'KHRUG ,THUGS RJE KHROS PAS RNGAM PAR BYED, ,LTA STANGS BSREG DANG BSKRAD PA DANG, ,GZHIG DANG BSNUN DANG GSOD PA'I LAS, ,BRTAN PA RNAMS KYIS KUN SPYOD LA, ,NAM YANG 'JIGS PAR MI BYA'O, ,GNYID DANG MYOS DANG RNAM PAR G-YENG, ,NAD DANG MYA NGAN GLO BUR DGRA, ,DRUG PO LAS NI RDO RJE YI, ,THOD PAR LUS BCUG RDO RJES BCING, ,ZHU LUB BA SPU GLANG CHEN GOS, ,MGAL DUM GA'U GZHAL MED KHANG, ,RNAL 'BYOR CHEN PO BDAG DANG GNAS, ,BCING BAS BCINGS PAR SHES PAR BYA, ,RA BA BSRUNG BA'I CHO GA RDZOGS SO,,