, ,DPAL THUGS RJE CHEN PO DRI MA 'JIG PA LA PHYAG 'TSAL LO, ,YANG 'DIR BSHAD PAR BYA BA'I DUS, ,SNGA DRO 'DAB CHAGS SGRA SGROGS TSE, ,DPAL LDAN PO TA LA RGYAL BA, , DAD PA DRAG POS DMIGS NAS NI, ,ME TOG DMAR PO DRI NGAD BZANG PO GSUNGS PA JI SNYED TSOGS PA BTUS LA, GSER GYI SNOD DAM KHAM PA'I SNOD YOL MOR SPUNGS TE, ZANGS SAM MTSAL GYIS BYUGS PA'I BUM PA RGYAN DANG BCAS PA LNGA TSAN LNGAS GANG BA DKAR PO'I CHU DANG SBYAR BAS YOG PA LHAG MA'I RGYUN MCHU GTIGS NAS 'BAB PA STENG DU GZHAG PAR BYA'O, ,LDONG ROS DANG GAL RTZI DANG GA BUR LA SOGS PA DRI DAM PAS BYUGS PA'I SKU GTZUG TOR DU BZHUGS SO, ,SHAR DANG LHO DANG NUB BYANG RIM, ,ME LONG BYUG PA RNGA YAB RGYAN, ,BTAGS LA THUN MTSAMS PHRIN LAS DBUL, ,THAL SBYAR MI G-YENG GUS BSTOD
MCHOD, ,DE NAS GTOR MA DANG MCHOD PA'I KHYAD PAR RNAM PA THAMS CAD KYIS RGYA CHER PHU DUNG DU BYAS TE, SNYAN PA'I DBYANGS DANG LHAN CIG PA'I ROL MO PHUL LA BSTOD NAS, LAG PA RDO RJE'I KHU TSUR BCANGS PAS RDO RJE BYIN GYIS BRLAB CING, RDO RJE DANG PADMA MTSON PA'I PI WANG BSGRENG ZHING SNYAN PA'I NGA RO GSANGS BSTOD PAS SNGAGS NI BZLA'O, ,AOm AA AI AU AE AO AAm HR'I:BADZRA AA MRi TA DZA RA DZA RA PHEm PHEm PHEm PHAt SV'A H'A, 'OD ZER DMAR PO RGYUS PA YI, ,SNGAGS PHRENG DMAR PO 'KHOR LO CAN, ,CIG CAR RTAG TU BAR MA CHAD, ,RGYA MTSO LA NI CHAR RGYUN BZHIN, ,BDAG NYID DRI MA 'JIG PA YI, ,SPYAN RAS GZIGS KYI NGA RGYAL GYIS, ,YE SHES BSTIMS PA'I RJES LA BUM PA STENG GI LHA BDAG NYID JI BZHIN DU BSKYED DE, BDAG DANG DE'I SRIN LAG NAS 'BAB PAR RIG PAR BYA'O, ,DNGOS SAM NYAMS SAM RMI LAM NA, ,LHA MTHONG BA DANG LUS BKRUS DANG, ,BUM NANG PI WANG SGRA SGROGS PA, ,GRUB PA'I LTAS YIN DE NAS SPYAD, ,SPYAN RAS GZIGS DRI MA 'JIG PA'I BUM PA'I CHO GA RDZOGS SO,,