, ,THUGS RJE CHEN PO GTZUG TOR NAS BYUNG BA'I RGYAL PO LA PHYAG 'TSAL LO, ,MTSAN MAR 'DZIN PA'I SKYE BO LDONGS PA YANG, ,GANG GIS SHES RAB THUGS RJE 'BAR BA YIS, ,MI GTONG RTAG TU SPYI GTZUG RTZA MCHOG RTZER, ,BRTAN BZHUGS BDAG GIR MDZAD PA DGONGS GRUB SHOG , MI NI RING NAS DAD DANG MNGON 'DOD YOD, ,DE LA DRANG SRONG NAM YANG MI RING STE, ,THAG RING MTSO NANG PADMA SKYES PA YANG, ,BUNG BA NAGS NA GNAS PA NYIN RER BRTUL, ,'DI NA TSANGS SOGS GRAGS CHEN MTHU CAN YANG, ,NA RGAS SKYE 'CHI SRID PA'I DGRA TSOGS LAS, ,RGYAL BAR MA GYUR YANG MA SPANGS
, ,NA, ,NUS PA BDAG LA CI ZHIG BDE BA YIS, ,SA GSUM DBANG PHYUG 'JIG RTEN SKYOB NYID 'DIR, ,MCHOG DMAN BAR MA'I YID CAN SKAL RIM BZHIN, ,SNYING DBUS SPYI GTZUG RING NAS SKYOB DAM BCAS, ,DE BZHIN SKYABS 'DOD GTZUG TOR CHO GA BSAM, ,DKYIL 'KHOR BSTAN BCAS MIG PHAB STE, ,SMYUG MA LTA BU'I TSIGS RGYUN GYIS, ,SGO GNYIS NAS NI DBUGS BZLOG LA, ,RTZA MCHOG RTZER NI THUGS DBANG LHA, ,RTA MCHOG LAM NI SDONG BUS TE, ,DKYIL 'KHOR GANG YIN RGYA MTSO'O, ,SPYI GTZUG 'DAB MA BYE BAS TE, ,DE STENG MTHO GANG 'PHAGS PA LHA, ,LNGA LDAN YAL GA DBUS 'DAB LA, ,MI G-YO'I PHYAG RGYA PADMO 'DZIN, ,RTZA SKYOB RLUNG SKYOB THIG LE SKYOB, ,TING 'DZIN SKYOB RNAMS PHYOGS BZHI'O, ,HR'I: YIG SNYING GA LAS 'ONGS SA BON DANG, ,RI DBANG NAS BSKYOD YE SHES LHA, ,'DUS GYUR BDE GSHEGS BZHIR BCAS YUM, ,SGRUB PA POS NI RNAM PAR BSGOM, ,'OD DANG THIG LE MNYAM PAR GZHAG , RANG GNAS SNYOMS PAR 'JUG PA DANG, ,'DU 'BRAL 'DU BYED PA DANG DE, ,ZHI BA NYID DANG 'OD GSAL RTAG ,THOG MA BAR DANG MTHAR RIM BZHIN, ,SMIN MTSAMS TSANGS SGO NAM MKHA' YI, ,LAM NAS 'JUG CING 'BAB DANG GNAS, ,NYID KYI SNGON DU DAM BCAS PA'O, ,GANG DAG RNAM BAR MI G-YENG BAS, ,THUN GSUM DU NI RTAG TU DRAN, ,SNYING RJE CHEN POS KUN SPYOD PA, ,KHA NA MA THO MED 'GRUB RGYU, ,PADMO'I SDONG BU CAN GYI SGRUB THABS RDZOGS SO,,