, ,WA TI'I RGYUD CAN GYI THUGS RJE CHEN PO LA PHYAG 'TSAL LO, ,DKAR BSIL RO BRGYA BDUD RTZI'I RGYUN 'BAB NYID KYI PHYAG ,GLANG CHEN SNA PHUB LTA BRGYA'I COD PAN GYIS GTUGS PA, ,MA LUS SA STENGS ZHI BA BSGRUB MDZAD MCHOG GI BU, ,DPAL LDAN DPAL CHEN SPYAN RAS GZIGS DBANG NYID RTAG 'DUD, ,DGAR DANG MYA NGAN HA CANG SDIG MANG DGE BA SOGS, ,'GYUR BA'I LAS KYI DBANG PO GANG YIN DE GZHAN 'GYUR, ,DE TSE LHA MCHOG WA TI'I RGYUN 'BEBS DUS GSUM DU, ,NYIN DANG MTSAN MO RNAM PA
KUN DU MI G-YENG BSGOM, ,DE LA RGYUN 'BAB PA NI GNYIS TE, YID KYI LAS CAN DANG, DNGOS PO'I LAS CAN NO, ,YID KYI LAS CAN NI MTSAN MO LA'O, ,DNGOS PO'I LAS NI NYIN PAR RO, ,GANG NA 'JUG NGOGS BDE ZHING DRI NGAD LDANG BA ME TOG LJON SHING G-YUR ZA BAS MDZES PAR, NYID KYI PHYAG DPUNG PA TSUN CHAD YONGS SU RDZOGS PA'AM, ,MKHRIG MA'I BAR DU YANG RUNG STE, DE LTA BU'I GZUGS GDU BU DANG SOR GDUB LA SOGS PA RGYAN THAMS CAD KYIS BRGYAN PA DANG BCAS TE, MDOG BZANG POS BSGYUR LA, ZLA BA NYA BA DANG NYI MA SHAR BA'I DUS GANG RUNG LA RAB TU GNAS PAR BYA'O, ,ME TOG CHAR DANG BDUG PA'I SPRIN GTIBS ROL MO 'BRUG SGRA CHER BSGRAGS SHING, ,BA DAN RNGA YAB GLOG GI RGYUN 'KHRIGS RO BZANGS ZHAL ZAS KYIS MCHOD DE, ,BAR SNANG 'GRO BAS PHRIN LAS RJES BSTOD TSANGS DBYANGS NGA ROS DRIL BSGRAGS LA, ,RDO RJE DRIL SGROGS DGYES PA'I GAR BSKYOD RDO RJE DGA' BAS BRO GAR DBUL, ,DE NAS YI GE GSUM SNGAGS KYIS, ,BYIN GYIS BRLAB PA'I RGYUN PHAB PA'I, ,PADMO'I PHYAG GIS MING MED KYI, ,RTZE NAS LEGS BSTAR SNYING PO BTUNG, ,RDO RJE SEMS DPA'I DANG PO DANG, ,DAG BYED DRI MED BDE BA CHE, ,DE 'DIR PADMO SEMS DPA' CHE, ,RNAM DAG 'OD GSAL RMAD YIN NO, ,JI LTA JI LTAR SPYI GTZUG NAS, ,RGYUN 'BAB DE LA DE LTAR NI, ,SKAL PA BZANG PO'I LUS NGAG YID, ,DRI BRAL MI MNYAM MNYAM PAR 'GYUR, ,GZHAN DAG PHONGS PA SNA TSOGS DANG, ,PHUN SUM TSOGS MIN GANG GYUR PA, ,DE DAG KYANG NI SKAD CIG GIS, ,SPANG GYUR 'THUNGS PA TZAM GYIS SO, ,DPAL 'JIG RTEN DBANG PHYUG WA TI CAN GYI SGRUB THABS RDZOGS SO,,