, ,THUGS RJE CHEN PO BUM PA BZANG PO CAN LA PHYAG 'TSAL LO, ,GTER CHEN BUM PA GSER GYI MCHOG ,DPAG BSAM SHING LTAR 'GRO BA YI, ,RE BZHIN YAL GA BZAD DGYED PA, ,DE YI DBUS BZHUGS NYID DPAL 'DUD, ,GANG YANG SGRUB PO BLO GROS CHE, ,DAD DANG LDAN YANG DBUL GYUR PA, ,DE DAG GIS NI 'BYOR PA DANG, ,DNGOS GRUB LHAN CIG 'PHAGS PA BSGRUB, ,RE ZHIG PHUN SUM TSOGS PA'I GNAS SAM BUM PA BZANG PO LTA BU'I DBYIBS KYI GZHIR DE DANG 'DRA BA'I BSAM GTAN GYI KHANG BU BCOS LA, GANG DU 'JUG PA'I MAL DU MTSAN NYID PHUN SUM TSOGS PA'I BUM PA BRIS TE, RAB TU GNAS PA'I BKRA SHIS GSOL BAR BYA'O, ,DE NAS ZLA BA NYA LA BAB PA NA SPYAN RAS GZIGS DBANG PHYUG SNYAN GSAN PHAB LA, ZLA BA GCIG GI BAR TSANGS PAR SPYOD PAS BTZUN PA DKA' THUB CHEN PO CAN MNYES PAR BYA'O, ,SLAD KYIS YANG ZLA BA RGYAS PA'I NYIN MOR GYUR PA NA, GOS BZANG PO GYON, SKRA DANG KHA SPU NI BCOS, RGYAN DU MAS NI BRGYAN, ROL MO MANG PO NI DKROL TE,
'PHAGS PA'I RTEN LA PHYAG DANG BSKOR BA LA SOGS PA BYA ZHING, SNYING GAR HR'I: BSAMS NAS DE'I 'OD KYIS 'PHAGS PA SPYAN RAS GZIGS BUM PA LA BSTIM MO, ,GZHAL MED KHANG MCHOG RIN CHEN BUM PA BZANG 'KHYIL LA, ,LHA RDZAS MGUL BCINGS YID BZHIN YAL GA 'BRAS BUS BRGYAN, ,DE DBUS SDONG BU ME TOG AU DUM B'A RA'I RTZER, ,'JIG RTEN GSUM SKYOB DMAR MDZES NOR GYI RGYUN CAN BSGOM, ,DPAG MED LO 'DAB ME TOG TSOGS 'KHRUNGS PADMA'I YANG, ,GE SAR RTZE LA RGYAL SRAS CHOS MANG STON PA DANG, ,RTZE DGA' MCHOD PA'I LHA TSOGS RNAM PAR 'PHRO BA YIS, ,SA 'DIR MA LUS CIG CAR CHO 'PHRUL RNAM PAR 'PHRUL, ,MIG GI RDZI BSKYOD RKANG PA YA GCIG BTEG PA DANG, LAG PA DKUR BRTEN 'DZUM PA'I MDANGS LEGS 'GYING BA SOGS, ,MI YI BU MO BZHIN BZANGS RNAMS KYANG BKA' BSGO LA, ,BU BZANGS MDUN BYAS 'PHAGS PA MCHOD LA BRTZON PAR BYA, ,AOm A'A:HR'I: SARBA BUDDHA NI MA RIDDHI RATNA DHA RA DHA RA DHI RI DHI RI DHU RU DHU RU BADZRA DZNY'A NA K'A RU nA YE, RATNA GHA tA BHA DRA SAm P'URBA, SU SAm P'URnA KU RU SV'A H'A, SRUNG SKUD DRI LDAN LAG TU THOGS, ,ME TOG PHRENG BAS MGO BCINGS LA, ,RNAL 'BYOR LDAN PAS SNGAGS BZLA ZHING, ,BUM BZANGS LAS NI DNGOS GRUB BLANG, ,DKAR NAG PHYED PHYED PHYOGS KUN LA, ,DBUL PO TSIM PAR BYA BA DANG, ,RNYED PA'I DANG POS BLA MA MCHOD, ,KUN LA CHAGS MED MCHOD SBYIN SPYAD, ,BUM PA BZANG PO CAN GYI SGRUB THABS RDZOGS SO,,