, ,'PHAGS PA THUGS RJE CHEN PO LONGS SPYOD MI ZAD PA LA PHYAG 'TSAL LO, ,RE ZHIG SGRUB PA PO 'BYOR PA DMAN PA DANG, PHUN SUM TSOGS PA RGUD PAS ZIL GYIS NON TE BAG ZHUM PA DANG, YOD KYANG MYUR DU 'DZAD PAS MA RUNGS PAR BYED PA DE DAG THAMS CAD, CHAGS PA DANG BRNAB SEMS KYIS RANG DANG GZHAN GYIS YONGS SU BZUNG BA LA MNGON PAR GDUNG BA SPANGS TE, 'PHAGS PA SPYAN RAS GZIGS RGYA MTSO'I GTER GYI BDAG PO LA SKYABS SU DONG BAR BYA'O, ,SHEL DANG BEEd'URYA DAG DANG, ,N'IL RIN CHEN LAS GRUB PA'I, ,GZHAL MED KHANG MCHOG DBUS SU NI, ,MGON PO LONGS SPYOD MI ZAD BSGOM, ,GSER GYI BUM PA BZAD BKANG PA, ,NOR BU TSOM TSOM SKYUG PA'I KHA, ,DPAG BSAM SHING CHEN RGYAS PA'I GSEB, ,SPRIN GRIB LA NI YONGS SU RTZEN, ,G-YAS DMAR G-YON SNGO DBUS DKAR ZHAL, ,SNANG MTHA' RDO RJE THIG LES BRGYAN, ,NOR SBYIN BYIN RLOB SKYABS MDZAD DANG, ,GTER DANG LCAGS KYU PADMO'I PHYAG ,SKYIL KRUNG PHYED BRTEN KUN DA'I MDOG ,'DOM GANG 'OD GSAL 'KHOR LO SOGS, ,RIN CHEN BDUN 'DZAG MU TIG 'BRU'I, ,CHAR 'BEBS G-YO BA MI MNGA' BA'O, ,DE YI PHYAG RGYA NOR SBYIN PAR MDZAD PA'I BDUD RTZI CAN GYI MTHONG THOS LAS, NOR BU DANG 'BRU DANG SMAN GYI CHAR DOD TSE BRTZEGS PA LTA BU RGYUN MA CHAD PAR 'ONGS PAS BDAG GI LONGS SPYOD THAMS CAD KYI SBUBS SU 'JUG PAR BYA'O, ,AOm A'A:HR'I:SHR'I A'ARY'A WA LO KI TE SHVA RA MA MA SARBA SI BHO GA RATNA RATNE, MA H'A TZINTA MA nI DHA RA DHA RA AA KshA YA AA KshMOO PA TISTHATI H'Um, BDAG NYID BTZUN MO PADMO CAN
GYI TING NGE 'DZIN GYIS ME TOG DMAR PO DANG DKAR PO SIL MA THOGS LA, POG PHOR BDUG CING THAL MO SBYAR BA'AM, 'DUD PA SNGON DU SONG BAS MCHOD PAR BYA'O, ,DE NAS JI TZAM LONGS SPYOD PAS ZAD PA DE TZAM 'PHAGS PA'I PHYAG NAS BLANG NGO, ,BLA MA DANG LHA MCHOD PA DANG PHAN PA'I GNAS DANG, MGON MED PA LA SBYIN PA'I RIM PA LHAG PA'I BSAM PA DANG MA DRAL BA NI DAM TSIG GO, ,GRUB PA'I 'BRAS BUS LUS CAN LA, BSNGO DANG NGA RGYAL MED NYID DANG, ,BYIN PAS DBUL DANG PHONGS 'GYUR ZHES, ,DOGS BRAL DE YIS SPYAD MI BYA, ,LONGS SPYOD MI ZAD PA'I SGRUB THABS RDZOGS SO,,